കടുത്തുരുത്തി പോളിടെക്നിക് വിട്ടുനൽകിയിരുന്ന വസ്തുവിന്റെ സർവ്വേ നമ്പരും നിലവിൽ ലഭ്യമാക്കിയിട്ടുള്ള സർവ്വേ നമ്പരും വ്യത്യസ്തമായതിനാൽ ഈ വിഷയത്തിൽ റിപ്പോർട്ട് ആവശ്യപ്പെട്ടുകൊണ്ട് വില്ലേജ് ഓഫീസർക്ക് പഞ്ചായത്ത് കത്ത് നൽകിയെങ്കിലും നാളിതുവരെ മറുപടി ലഭിക്കാത്ത കാരണം വ്യക്തമാക്കാമോ; ആയത് എന്നേക്ക് സമര്‍പ്പിക്കും എന്നറിയിക്കാമോ; മറുപടി നല്‍കിയിട്ടുണ്ടെങ്കില്‍ ആയതിന്റെ കോപ്പി ലഭ്യമാക്കാമോ;

റവന്യൂ വകുപ്പിൽ നിന്നും നിര്‍ദ്ദിഷ്ട ഭൂമിയുടെ ബി.ടി.ആറിന്റെ പകർപ്പ്, പ്രസ്തുത ഭൂമി ആവശ്യപ്പെട്ടുകൊണ്ടുള്ള ബന്ധപ്പെട്ട ഉദ്യോഗസ്ഥന്റെ അർഥനാപത്രം, നിർദ്ദിഷ്ടഭൂമി പ്രസ്തുത ആവശ്യത്തിന് യോഗ്യമാണെന്നുള്ള അനുയോജ്യതാ സാക്ഷ്യപത്രം എന്നിവ ഉള്ളടക്കം ചെയ്തിട്ടില്ലായിരുന്നതിനാല്‍ ആയതു നല്‍കുവാന്‍ നടപടി സ്വീകരിക്കുമോ; പ്രസ്തുത വിഷയത്തില്‍ കഴി‍ഞ്ഞ 9 വര്‍ഷമായുള്ള കാലതാമസം ഒഴിവാക്കാന്‍ നടപടി സ്വീകരിക്കുമോ; വ്യക്തമാക്കുമോ?

കടുത്തുരുത്തി ഗവ.പോളിടെക്നിക് വിട്ടുനൽകിയിരുന്ന വസ്തുവിന്റെ സർവ്വേ നമ്പരും നിലവിൽ ലഭ്യമാക്കിയിട്ടുള്ള സർവ്വേ നമ്പരും വ്യത്യസ്തമായതിനാൽ ഈ വിഷയത്തിൽ റിപ്പോർട്ട് ആവശ്യപ്പെട്ടുകൊണ്ട് വില്ലേജ് ഓഫീസർക്ക് കത്ത് നൽകിയെങ്കിലും നാളിതുവരെ മറുപടി ലഭിക്കാത്തതിന്റെ കാരണം വ്യക്തമാക്കാമോ; ആയത് എന്നേക്ക് ലഭ്യമാകുമെന്നറിയിക്കാമോ;

നിര്‍ദ്ദിഷ്ട ഭൂമിയുടെ ബി.ടി.ആർ-ന്റെ പകർപ്പ്, പ്രസ്തുത ഭൂമി ആവശ്യപ്പെട്ടുകൊണ്ടുള്ള ബന്ധപ്പെട്ട ഉദ്യോഗസ്ഥന്റെ അർഥനാപത്രം, നിർദ്ദിഷ്ട ഭൂമി പ്രസ്തുത ആവശ്യത്തിന് യോഗ്യമാണെന്ന അനുയോജ്യതാ സാക്ഷ്യപത്രം എന്നിവ റവന്യൂ വകുപ്പിന്റെ റിപ്പോര്‍ട്ടില്‍ ഉള്ളടക്കം ചെയ്തിട്ടില്ലാതി രുന്നതിനാല്‍ ആയതു നല്‍കുവാന്‍ വകുപ്പ് നടപടി സ്വീകരിക്കുമോ; പ്രസ്തുത പദ്ധതിക്ക് കഴി‍ഞ്ഞ 9 വര്‍ഷത്തെ കാലതാമസം ഒഴിവാക്കാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

ഭൂമി തരം മാറ്റാനുള്ള നടപടികളില്‍ വകുപ്പ് മാറ്റം വരുത്തിയിട്ടുണ്ടോ; വിശദമാക്കാമോ;

പ്രസ്തുത നടപടികളുടെ ഭാഗമായി വ്യക്തികള്‍ക്ക് ഇളവ് നല്‍കിയ സാഹചര്യങ്ങള്‍ ഏതൊക്കെയാണെന്ന് വിശദമാക്കാമോ?

കുന്ദമംഗലം മണ്ഡലത്തിലെ പൊതുമരാമത്ത് പ്രവൃത്തികള്‍ക്ക് വേണ്ടി ഏതൊക്കെ ഇടങ്ങളില്‍ ഭൂമി ഏറ്റെടുക്കുന്നതിനുളള റിക്വസിഷനാണ് കോഴിക്കോട് ജില്ലാ കളക്ടര്‍ക്ക് ലഭിച്ചിട്ടുളളതെന്ന് വ്യക്തമാക്കാമോ; ഇവ ഓരോന്നിന്റെയും ചുമതല വഹിക്കുന്ന ഉദ്യോഗസ്ഥരുടെ വിശദാംശങ്ങള്‍ ലഭ്യമാക്കാമോ;

ഓരോ പ്രവൃത്തിക്കുമുളള റിക്വസിഷന്‍ ലഭിച്ചത് എന്നാണെന്ന് വ്യക്തമാക്കുമോ;

ഓരോ ഭൂമി ഏറ്റെടുക്കല്‍ പദ്ധതിയുടെയും നിലവിലുളള സ്ഥിതി എന്താണെന്ന് വിശദമാക്കാമോ;

ഓരോ പദ്ധതിയിലും എന്തൊക്കെ നടപടികളാണ് ഇനി അവശേഷിക്കുന്നത്; ഇവ ഓരോന്നും പൂര്‍ത്തീകരിക്കാന്‍ എത്ര സമയം വീതമാണ് ആവശ്യമായി വരുന്നതെന്ന് വിശദമാക്കാമോ?

റവന്യൂ വകുപ്പിന്റെ ഉടമസ്ഥതയിലുള്ള പുറമ്പോക്ക് ഭൂമിയിലെ കയ്യേറ്റം 1957-ലെ കേരള ഭൂസംരക്ഷണ നിയമ പ്രകാരം ഒഴിപ്പിക്കുന്നതിലെ നടപടിക്രമങ്ങൾ എന്തെല്ലാമാണ്; ഇതിന്റെ വിശദാംശം നൽകുമോ;

ഈ സർക്കാർ അധികാരത്തിൽ വന്നതിനുശേഷം നാളിതുവരെ പ്രസ്തുത നിയമപ്രകാരം എത്ര ഹെക്ടർ ഭൂമി ഒഴിപ്പിച്ചിട്ടുണ്ട്; ഇതിന്റെ ജില്ല തിരിച്ചുള്ള കണക്ക് വിശദമാക്കാമോ?

ഭൂമി സംബന്ധമായ സേവനങ്ങള്‍ ഡിജിറ്റലായി ലഭ്യമാക്കുന്നതിന് എന്തെല്ലാം പദ്ധതികളാണ് ആവിഷ്കരിച്ചിരിക്കുന്നതെന്ന് അറിയിക്കുമോ;

ഡിജിറ്റല്‍ സര്‍വ്വെ പൂര്‍ത്തിയാക്കിയ വില്ലേജുകളില്‍ വിജ്ഞാപനം പ്രസിദ്ധീകരിച്ചതിന് ശേഷം ലഭിച്ച പരാതികളില്‍ തീര്‍പ്പുണ്ടാക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത്; വ്യക്തമാക്കുമോ;

ഏതെല്ലാം വില്ലേജുകളിലാണ് ഡിജിറ്റല്‍ സര്‍വ്വെ പൂര്‍ത്തീകരിച്ചിട്ടുള്ളത്; നിലവില്‍ ഡിജിറ്റല്‍ സര്‍വ്വെ നടന്നുവരുന്ന വില്ലേജുകളുടെ വിവരങ്ങള്‍ ലഭ്യമാക്കുമോ?

ഈ സർക്കാർ അധികാരത്തിൽ വന്നതിനുശേഷം കാഞ്ഞങ്ങാട് സബ് കലക്‌ടർ ഓഫീസിൽ ലഭിച്ച ഭൂമി തരംമാറ്റൽ അപേക്ഷകളെത്രയെന്നും അതിലെത്ര അപേക്ഷകൾ തീർപ്പാക്കിയെന്നും ഇനിയും തീർപ്പാക്കാനുള്ള അപേക്ഷകളെത്രയെന്നും അവ എപ്പോൾ തീർപ്പാക്കാൻ സാധിക്കുമെന്നും വിശദമാക്കാമോ?

2024 ഡിസംബറില്‍ സംഘടിപ്പിച്ച കരുതലും കൈത്താങ്ങും അദാലത്തില്‍ തിരുവനന്തപുരം താലൂക്കില്‍ ലഭിച്ച അപേക്ഷകളുടെ വിവരങ്ങള്‍, എണ്ണം, വിഷയം, വകുപ്പ് എന്നിവ തിരിച്ച് ലഭ്യമാക്കാമോ;

അദാലത്തില്‍ ലഭിച്ച അപേക്ഷകളിന്മേല്‍ ബഹു. മന്ത്രിമാര്‍ നിര്‍ദ്ദേശിച്ച നടപടികള്‍ പാലിച്ചത് സംബന്ധിച്ച വിശദമായ റിപ്പോര്‍ട്ട് ലഭ്യമാക്കാമോ;

അദാലത്തില്‍ ലഭിച്ച അപേക്ഷകളില്‍ തീര്‍പ്പാക്കാത്ത അപേക്ഷകള്‍ ഉണ്ടെങ്കില്‍ ആയത് സംബന്ധിച്ച വിശദാംശങ്ങള്‍ ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം തിരുവനന്തപുരം ജില്ലയില്‍ റിവര്‍ മാനേജ്മെന്റ് ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍ ഏതൊക്കെയെന്ന് അറിയിക്കുമോ;

ഇതുമായി ബന്ധപ്പെട്ട് തിരുവനന്തപുരം ജില്ലയില്‍ പുതുതായി നടപ്പിലാക്കാന്‍ ഉദ്ദേശിക്കുന്ന പദ്ധതികള്‍ ഏതെല്ലാമെന്ന് അറിയിക്കുമോ?

സര്‍ഫാസി ആക്ട് പ്രകാരം നേരിട്ട് ഏറ്റെടുക്കുന്ന വീടില്ലാത്ത ഭൂമിയുടെ തണ്ടപ്പേരില്‍ തങ്ങളുടെ പേര് ചേര്‍ക്കേണ്ടതില്ല എന്ന് ദേശസാത്കൃത ബാങ്കുകള്‍ നിലപാട് സ്വീകരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

മേല്‍ പ്രകാരം ബാങ്കില്‍ നിന്നും രജിസ്റ്റര്‍ നടപടികള്‍ പൂര്‍ത്തിയാക്കി വാങ്ങിയ ഭൂമിയുടെ പോക്കുവരവ് വില്ലേജ് ഓഫീസുകളില്‍ തടസ്സവാദങ്ങളില്ലാതെ (തണ്ടപ്പേര് ബാങ്കിന്റെ പേരിലേയ്ക്ക് മാറ്റാതെ തന്നെ) നടത്തിക്കൊടുക്കുകയും നികുതി സ്വീകരിക്കുകയും ചെയ്തുവരുന്നുണ്ടോ; വ്യക്തമാക്കുമോ?

ഉദ്യോഗസ്ഥ ഭരണപരിഷ്കാര വകുപ്പിന്റെ 28.04.2018ലെ സര്‍ക്കാര്‍ ഉത്തരവ് (പി) നമ്പർ 7/2018/പി.&എ.ആർ.ഡി. പ്രകാരം കൊല്ലം ജില്ലയിലെ കരുനാഗപ്പള്ളി താലൂക്കിൽ 01.01.2019 മുതൽ 01.01.2025 വരെയുള്ള കാലയളവിൽ നൽകിയ ആശ്രിത സർട്ടിഫിക്കറ്റുകളുടെ പേരും വിലാസവും വില്ലേജ് തിരിച്ച് ലഭ്യമാക്കുമോ ?

വാമനപുരം മണ്ഡലത്തിലെ പെരിങ്ങമല സ്മാര്‍ട്ട് വില്ലേജ് ഓഫീസ് കെട്ടിട നിര്‍മ്മാണത്തിന്റെ തല്‍സ്ഥിതി അറിയിക്കാമോ;

ഒരു വര്‍ഷത്തിനുമുമ്പ് നിര്‍മ്മാണോദ്ഘാടനം കഴിഞ്ഞ പ്രസ്തുത കെട്ടിടത്തിന്റെ നിര്‍മ്മാണ പ്രവൃത്തിയില്‍ കാര്യമായ പുരോഗതി ഇല്ലാത്തതിന്റെ കാരണം വിശദമാക്കാമോ; പ്രവൃത്തി എന്ന് പൂര്‍ത്തിയാക്കാനാകുമെന്ന് അറിയിക്കുമോ?

മുൻ സർക്കാർ അധികാരത്തിൽ വരുമ്പോൾ സംസ്ഥാനത്ത് ഒരു ഹെക്ടറിനുള്ള ഭൂനികുതി എത്രയായിരുന്നു; മുൻ സർക്കാരിന്റെ കാലം മുതൽ നാളിതുവരെ ഭൂനികുതി എത്ര തവണ വർദ്ധിപ്പിച്ചിട്ടുണ്ട്; ഓരോ തവണയും എത്ര തുകയാണ് വർദ്ധിപ്പിച്ചത്; ഈ ഇനത്തിൽ ഓരോ സാമ്പത്തിക വർഷവും എന്ത് തുക അധികം വരുമാനമായി ലഭിച്ചിട്ടുണ്ട്; വിശദാംശം ലഭ്യമാക്കുമോ;

നിലവിൽ ഒരു ഹെക്ടറിന്റെ ഭൂനികുതി എത്രയാണ്; അടുത്ത സാമ്പത്തിക വർഷത്തെ ബജറ്റിൽ പ്രഖ്യാപിച്ച ഭൂനികുതി വർദ്ധനവ് കണക്കാക്കുമ്പോൾ ഒരു ഹെക്ടറിന്റെ ഭൂനികുതി എത്രയായിരിക്കുമെന്ന വിശദാംശം പഞ്ചായത്ത്, മുൻസിപ്പാലിറ്റി, കോർപ്പറേഷൻ അടിസ്ഥാനത്തിൽ വ്യക്തമാക്കുമോ; ഭൂനികുതി ഉയർത്തിയ തീരുമാനം പിൻവലിക്കുവാൻ തയ്യാറാകുമോ; വ്യക്തമാക്കുമോ?

പട്ടാമ്പി മണ്ഡലത്തില്‍ ആകെയുള്ള റവന്യൂ പുറമ്പോക്ക് ഭൂമിയുടെ വില്ലേജ് അടിസ്ഥാനത്തിലുള്ള വിവരം വിസ്തീർണം ഉൾപ്പെടുത്തി ലഭ്യമാക്കുമോ;

പട്ടാമ്പി മണ്ഡലത്തില്‍ സ്വന്തമായി ഭൂമിയില്ലാത്ത സര്‍ക്കാര്‍ ഓഫീസുകള്‍ക്കും മറ്റാവശ്യങ്ങള്‍ക്കുമായി ഭൂമി ലഭ്യമാക്കണമെന്നാവശ്യപ്പെട്ട് മുന്‍ സര്‍ക്കാരുകളുടെ കാലത്തും നിലവിലെ സര്‍ക്കാറിന്റെ കാലത്തും ഇതുവരെ എത്ര അപേക്ഷകള്‍ ലഭിച്ചിട്ടുണ്ടെന്നും ഇക്കാര്യത്തില്‍ സ്വീകരിച്ച നടപടികളും വിശദമാക്കാമോ?

പാലക്കാട് എലപ്പുള്ളിയിൽ മദ്യനിർമ്മാണ യൂണിറ്റ് സ്ഥാപിക്കുന്നതിന് ഒയാസിസ്‌ കമ്പനി വാങ്ങിയിട്ടുള്ള ഭൂമിയിൽ കരഭൂമി എത്ര, നിലം എത്ര എന്നുള്ള വിവരം ലഭ്യമാക്കുമോ;

പ്രസ്തുത ഭൂമി തരംമാറ്റുന്നതിന് അപേക്ഷ ലഭിച്ചിട്ടുണ്ടോയെന്നും അപേക്ഷയിൽ എന്ത് തീരുമാനമാണ് എടുത്തിട്ടുള്ളതെന്നും വിശദമാക്കാമോ; ഇത് സംബന്ധിച്ച ഫയലിന്റെ പകർപ്പ് ലഭ്യമാക്കുമോ?

പുതുക്കാട് മണ്ഡലത്തിലെ വിവിധ വികസന പ്രവർത്തനങ്ങൾക്കായി ഭൂമി തരം മാറ്റുന്നതിന് പഞ്ചായത്തുകൾ സമർപ്പിച്ചിട്ടുള്ള അപേക്ഷകളിന്മേൽ നടപടി സ്വീകരിച്ചിട്ടുണ്ടോ;

പുതുക്കാട്, അളഗപ്പനഗർ ഗ്രാമ പഞ്ചായത്തുകൾ സമർപ്പിച്ച ഭൂമി തരം മാറ്റൽ അപേക്ഷകളിന്മേൽ അനുമതി ലഭ്യമാക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

റവന്യു ഡിവിഷണല്‍ ഓഫിസുകളിൽ എംപ്ലോയ്‍മെന്റ് എക്സ്ചേഞ്ച് മുഖേന താല്‍കാലികാടിസ്ഥാനത്തില്‍ നിയമിച്ചവരെ പിരിച്ചു വിട്ടത് ഭൂമി തരംമാറ്റല്‍ നടപടികളുടെ വേഗതയെ ബാധിച്ചിട്ടുണ്ടോയെന്ന് വ്യക്തമാക്കാമോ;

ഫോറം നം.6 മുഖേന ഭൂമി തരംമാറ്റലിനായി ബന്ധപ്പെട്ട വില്ലേജ് ഓഫീസര്‍മാരുടെ റിപ്പോര്‍ട്ട് സഹിതം സമര്‍പ്പിച്ച എത്ര അപേക്ഷകള്‍ പരിശോധിക്കാന്‍ ബാക്കിയുണ്ടെന്ന് ജില്ല/ആര്‍.ഡി.ഒ. അടിസ്ഥാനത്തില്‍ വിവരം ലഭ്യമാക്കാമോ;

ഈ സര്‍ക്കാര്‍ വന്നതിനുശേഷം ഭൂമി തരംമാറ്റലുമായി ബന്ധപ്പെട്ട് ഫീസിനത്തിൽ എന്ത് തുക ലഭിച്ചിട്ടുണ്ടെന്ന് ജില്ലാടിസ്ഥാനത്തിലുള്ള കണക്കുകള്‍ ലഭ്യമാക്കുമോ;

ഭൂമി തരംമാറ്റലിനായി ശ്രീ.ചക്കാല സൈതലവി കോഴിക്കോട് ആര്‍.ഡി.ഒ.യ്ക്ക് റവന്യൂ വകുപ്പ് മന്ത്രി മുഖേന സമർപ്പിച്ച 16.01.2023-തീയതിയിലെ 5/2023/1593 നമ്പർ അപേക്ഷയിന്മേല്‍ സ്വീകരിച്ച നടപടികള്‍ വിശദമാക്കാമോ; പ്രസ്തുത അപേക്ഷ പരിശോധിക്കാൻ അകാരണമായ കാലതാമസം നേരിട്ടിട്ടുണ്ടോ; വ്യക്തമാക്കാമോ;

2023 ജനുവരി 01 മുതല്‍ ജൂലായ്‌ 31 വരെ ഭൂമി തരംമാറ്റലിനായി കോഴിക്കോട് റവന്യു ഡിവിഷണല്‍ ഓഫിസില്‍ ലഭിച്ച മുഴുവന്‍ അപേക്ഷകളുടെയും വിശദാംശങ്ങള്‍ രജിസ്റ്റര്‍ ബുക്കിന്റെ പകര്‍പ്പ് സഹിതം ലഭ്യമാക്കുമോ?

റവന്യൂ വകുപ്പിൽ ഓരോ ജില്ലയിലും ഉള്ള ഉദ്യോഗസ്ഥരുടെ ആകെ എണ്ണം തസ്തിക തിരിച്ചു നൽകാമോ;

റവന്യൂ വകുപ്പില്‍ ആശ്രിത നിയമനം വഴി ജോലി ലഭിച്ചവരുടെ പേര്, തസ്തിക, ഓഫീസ് എന്നിവ ജില്ലതിരിച്ച് ലഭ്യമാക്കുമോ?

റവന്യൂ, രജിസ്ട്രേഷന്‍, സര്‍വ്വേ വകുപ്പുകളിലെ സേവനങ്ങള്‍ ഒറ്റ പോര്‍ട്ടല്‍ വഴി ലഭ്യമാക്കുന്ന എന്റെ ഭൂമി സംയോജിത പോര്‍ട്ടലില്‍ ഏതെല്ലാം സേവനങ്ങളാണ് ലഭ്യമായിട്ടുള്ളത് വ്യക്തമാക്കാമോ?

സംസ്ഥാനത്ത് പരിസ്ഥിതിലാേല മേഖലകളെ കണ്ടെത്തുന്നതിനുള്ള മാച്ചിംഗ് പ്രവര്‍ത്തനം ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ;

ജനങ്ങളുടെ ജീവനാേപാധികളെയും പാര്‍പ്പിട അവകാശങ്ങളെയും കുറിച്ചുള്ള ആവശ്യങ്ങളും പരാതികളും ഇതില്‍ പരിഗണിച്ചിട്ടുണ്ടാേ; വ്യക്തമാക്കുമാേ;

ഇടുക്കി, വയനാട് പാക്കേജുകളിലെ നിര്‍ദ്ദേശങ്ങളിന്മേല്‍ തുടര്‍നടപടി സ്വീകരിച്ചിട്ടുണ്ടോ; വിശദാമാക്കുമാേ?

കഴക്കൂട്ടം ബ്ലാേക്ക് ഓഫീസ് കാേമ്പൗണ്ടില്‍ കഴക്കൂട്ടം മിനി സിവില്‍ സ്റ്റേഷന്‍ നിര്‍മ്മാണത്തിനെതിരെ ബഹു. ഹെെക്കാേടതി പുറപ്പെടുവിച്ച സ്റ്റേ ഉത്തരവ് നീക്കുന്നതിനുള്ള നടപടി സ്വീകരിക്കുമാേയെന്ന് വ്യക്തമാക്കാമോ;

മുപ്പത്തിയാറ് വര്‍ഷങ്ങള്‍ക്ക് മുമ്പ് തിരുവനന്തപുരം സി.ഇ.ടി-യില്‍ നിന്നും പോസ്റ്റ്സ് ആൻഡ് ടെലികമ്മ്യുണിക്കേഷൻസ് വകുപ്പിന് പോസ്റ്റ് ഓഫീസ് നിര്‍മ്മാണത്തിനായി നല്‍കിയ ഇരുപത് സെന്റ് വസ്തു നാളിതുവരെ ഉപയാേഗിക്കാത്തതിനാല്‍, നിയമാനുസൃത നടപടികള്‍ പൂര്‍ത്തിയാക്കി ശ്രീകാര്യം പാേലീസ് സ്റ്റേഷന്‍ നിര്‍മ്മാണത്തിനായി പാേലീസ് വകുപ്പിന് നല്‍കിയ നടപടിക്കെതിരെ ബഹു. ഹെെക്കാേടതി പുറപ്പെടുവിച്ച സ്റ്റേ ഉത്തരവ് നീക്കുന്നതിനുള്ള നടപടികള്‍ സ്വീകരിക്കുമാേ; വിശദമാക്കാമാേ?

നെൽവയൽ തണ്ണീർത്തട നിയമ ഭേദഗതി 2018 ൽ നിലവിൽ വന്നതിനുശേഷം സംസ്ഥാനത്ത് ഓരോ റവന്യൂ ജില്ലയിലും ഭൂമി തരം മാറ്റത്തിനായി ലഭിച്ച അപേക്ഷകളുടെ എണ്ണവും തീർപ്പ് കൽപ്പിച്ച അപേക്ഷകളുടെ എണ്ണവും തരം മാറ്റി നൽകിയ ഭൂമിയുടെ വിസ്തീർണവും ഭൂമി തരം മാറ്റിയ ഇനത്തിൽ ലഭിച്ച വരുമാനവും ഇനം തിരിച്ചു വ്യക്തമാക്കുമോ?

ഓരോ പൗരനും വ്യക്തിസംബന്ധമായും ഭൂമി സംബന്ധമായുമുള്ള വിവരങ്ങൾ സംബന്ധിച്ച സർട്ടിഫിക്കറ്റുകൾക്കായി നിരവധി തവണ റവന്യൂ ഓഫീസുകള്‍ സന്ദര്‍ശിക്കേണ്ടിവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

നിശ്ചിത കാലപരിധിയിലുള്ള ഭൂമി സംബന്ധമായ വിരങ്ങള്‍ ഒറ്റചിപ്പിൽ രേഖപ്പെടുത്തി ഡിജിറ്റൽ കാർഡുകള്‍ നിർമ്മിച്ച് വിതരണം ചെയ്യുന്നതിന് വകുപ്പ് ഉദ്ദേശിക്കുന്നുണ്ടോ; വ്യക്തമാക്കുമോ;

ഇത്തരം ഡിജിറ്റല്‍ പ്രോപ്പര്‍ട്ടി കാർഡുകളിൽ ഓരോ പൗരന്റെയും വ്യക്തിഗതവും ഭൂമി സംബന്ധവുമായ ഏതെല്ലാം വിവരങ്ങൾ ഉൾപ്പെടുത്താനാണ് ഉദ്ദേശിക്കുന്നത്; വിശദീകരിക്കുമോ;

പ്രസ്തുത വിവരങ്ങള്‍ അടങ്ങിയ ഡിജിറ്റൽ പ്രോപ്പർട്ടി കാർഡുകൾ പ്രവാസികൾക്ക് ലഭിക്കുന്നതിന് സംവിധാനം ഏർപ്പെടുത്തുവാന്‍ ഉദ്ദേശിക്കുന്നുണ്ടോ; വിശദമാക്കുമോ?

മുൻ സർക്കാരിന്റെ കാലം മുതൽ നാളിതുവരെ എത്ര റവന്യൂ ഉദ്യോഗസ്ഥർ കൈക്കൂലി കേസിൽ പിടിക്കപ്പെട്ടിട്ടുണ്ട്; തസ്തിക തിരിച്ച് വിശദാംശം വ്യക്തമാക്കുമോ;

എത്രപേർക്കെതിരെ വകുപ്പ് തല നടപടികൾ സ്വീകരിച്ചിട്ടുണ്ട്; എത്ര പേരെ സർവീസിൽ നിന്ന് പിരിച്ചു വിട്ടിട്ടുണ്ട്; എത്ര പേരെ സസ്പെൻഡ് ചെയ്തിട്ടുണ്ട്; എത്രപേർക്കെതിരെ പോലീസ് കുറ്റപത്രം സമർപ്പിച്ചിട്ടുണ്ട്; എത്ര പേരെ ശിക്ഷിച്ചിട്ടുണ്ട്; എത്രപേർ കുറ്റവിമുക്തരായിട്ടുണ്ട്; വിശദാംശം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പയ്യന്നൂര്‍ മണ്ഡലത്തില്‍ റവന്യൂ വകുപ്പിന് കീഴില്‍ അനുവദിച്ച പദ്ധതികള്‍ ഏതൊക്കെയാണെന്നും ഓരോന്നിന്റെയും നിലവിലെ സ്ഥിതിയും വിശദമാക്കുമോ;

ഈ കാലഘട്ടത്തില്‍ മണ്ഡലത്തില്‍ എത്ര പട്ടയങ്ങള്‍ വിതരണം ചെയ്തു എന്ന് അറിയിക്കാമോ?

2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറവ് വരുത്താനുള്ള സർക്കാർ തീരുമാനത്തെ തുടർന്ന് റവന്യൂ വകുപ്പിലെ പദ്ധതികൾ മുൻഗണനാടിസ്ഥാനത്തിൽ പുനക്രമീകരിച്ചത് പ്രകാരം ചെലവഴിക്കേണ്ട പദ്ധതി വിഹിതം എത്രയാണ്; നാളിതുവരെ എത്ര തുക ചെലവഴിച്ചു; ഇത് ബജറ്റിൽ വകുപ്പിനായി വകയിരുത്തിയ ആകെ പദ്ധതി വിഹിതത്തിന്റെ എത്ര ശതമാനമാണ്; വ്യക്തമാക്കുമോ?

റവന്യൂ വകുപ്പിൽ ഡിജിറ്റൽ സർവ്വേ, ഡിജിറ്റലൈസേഷൻ തുടങ്ങിയ പ്രവൃത്തികൾ ഉള്‍പ്പെടെ ഓഫീസ് നവീകരണത്തിനായി 2023-24 സാമ്പത്തിക വർഷം ബജറ്റില്‍ അനുവദിച്ച 23 കോടി രൂപ മുഴുവനും വിനിയോഗിക്കപ്പെടാതെ തിരിച്ചടക്കേണ്ട സാഹചര്യം ഉണ്ടായിട്ടുണ്ടോ; വ്യക്തമാക്കാമോ;

വില്ലേജ്, താലൂക്ക് ഓഫീസുകളിൽ ആവശ്യമായ കമ്പ്യൂട്ടറുകളും പ്രിന്ററുകളും ഉൾപ്പെടെയുള്ള പുതിയ ഐ.ടി. ഉപകരണങ്ങളുടെ അഭാവം മൂലം ജീവനക്കാരും പൊതുജനങ്ങളും പ്രയാസപ്പെടുന്ന സാഹചര്യത്തിൽ അനുവദിച്ച തുക പൂർണ്ണമായും വിനിയോഗിക്കാതെ തിരിച്ചടക്കേണ്ടി വരുന്നതിന്റെ കാരണം വ്യക്തമാക്കാമോ;

അടിസ്ഥാന സൗകര്യ വികസനത്തിനും ഓഫീസ് നവീകരണത്തിനും ബജറ്റിൽ അനുവദിക്കുന്ന തുക പോലും വിനിയോഗിക്കാത്തതിന്റെ കാരണം പരിശോധിക്കുവാനും ഇത് തുടർന്നും ആവർത്തിക്കാതിരിക്കുവാനും വകുപ്പ് തലത്തിൽ കർശന നിർദ്ദേശം നൽകുമോ; വ്യക്തമാക്കുമോ?

ഇടുക്കി ബൈസന്‍വാലി ചൊക്രമുടിയിലെ അതീവ പരിസ്ഥിതി ദുര്‍ബല പ്രദേശത്തെ റവന്യൂ ഭൂമി കയ്യേറ്റം നടത്തിയവര്‍ക്കെതിരെ എന്ത് നിയമനടപടിയാണ് സ്വീകരിച്ചതെന്ന് അറിയിക്കാമോ;

എന്തെല്ലാം നിര്‍മ്മാണ പ്രവര്‍ത്തനങ്ങളും ഭൂമിയുടെ പരിവര്‍ത്തനങ്ങളുമാണ് ചൊക്രമുടിയില്‍ ഭൂമാഫിയ നടത്തിയിട്ടുള്ളതെന്ന് അറിയിക്കാമോ; റെഡ് സോണില്‍ ഉള്‍പ്പെട്ട പ്രസ്തുത പ്രദേശത്തെ അനധികൃത നിര്‍മ്മാണ പ്രവര്‍ത്തനങ്ങള്‍ തടയാന്‍ വകുപ്പിന് സാധിക്കാതിരുന്നത് എന്തുകൊണ്ടെന്ന് അറിയിക്കാമോ;

ഇവിടത്തെ കയ്യേറ്റം ഒഴിപ്പിക്കുന്നതിനും കയ്യേറ്റ ഭൂമി തിരിച്ചുപിടിക്കുന്നതിനും സ്വീകരിച്ച നടപടികള്‍ അറിയിക്കാമോ; കയ്യേറിയ റവന്യൂ ഭൂമി തിരിച്ച് പിടിക്കാന്‍ സാധിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത വിഷയവുമായി ബന്ധപ്പെട്ട് ദേവികുളും സബ്കളക്ടര്‍ നടത്തിയ ഹിയറിംഗ് റിപ്പോര്‍ട്ടിന്മേല്‍ എന്ത് തുടര്‍ നടപടിയാണ് സ്വീകരിച്ചതെന്ന് അറിയിക്കാമോ;

ചൊക്രമുടിയിലെ റവന്യൂ ഭൂമിയില്‍ 23.01.2025 ന് കൈയ്യേറ്റക്കാരുടെ നേതൃത്ത്വത്തിലുള്ള സംഘം കടന്നുകയറി നീലക്കുറിഞ്ഞികളും മരത്തൈകളും നശിപ്പിച്ച സംഭവത്തില്‍ എന്ത് നടപടിയാണ് സ്വീകരിച്ചതെന്ന് അറിയിക്കാമോ;

ചൊക്രമുടിയിലെ ഭൂമി കയ്യേറ്റം നടത്തിയവര്‍, ബന്ധപ്പെട്ട ഉദ്യോഗസ്ഥര്‍, മറ്റുള്ളവര്‍ എന്നിവര്‍ക്കെതിരെ സ്വീകരിച്ച നിയമ നടപടികള്‍ എന്തെല്ലാമാണെന്ന് അറിയിക്കാമോ; പ്രസ്തുത കയ്യേറ്റം അടിയന്തരമായി ഒഴിപ്പിക്കുന്നതിനും റവന്യൂ ഭൂമി തിരിച്ചു പിടിക്കുന്നതിനും പ്രത്യേക ദൗത്യ സംഘത്തെ നിയോഗിക്കുമോ; വ്യക്തമാക്കുമോ?

എറണാകുളം മണ്ഡലത്തിലെ എറണാകുളം വില്ലേജിൽ 24 മുറി നഗർ (പാരഡൈസ് നഗർ)-ല്‍ പട്ടയം അനുവദിക്കുന്നതിനുള്ള നടപടിക്രമങ്ങൾ ഏത് ഘട്ടത്തിലാണെന്ന് അറിയിക്കുമോ; വിശദാംശം നൽകുമോ?

പാറശാല മണ്ഡലത്തിലെ വിവിധ വില്ലേജുകളില്‍ പട്ടയം ലഭിക്കുന്നതിനായി കിട്ടിയ അപേക്ഷകളില്‍ നിലവില്‍ തീര്‍പ്പാക്കാന്‍ അവശേഷിക്കുന്നവ എത്രയെന്ന് വ്യക്തമാക്കാമാേ; തീര്‍പ്പാക്കാനുള്ള അപേക്ഷകളിന്മേല്‍ നിലവില്‍ കെെക്കാെണ്ടിട്ടുള്ള തീരുമാനം എന്താണെന്നും പ്രസ്തുത അപേക്ഷകള്‍ തീര്‍പ്പാക്കാന്‍ ഇനി എന്തെല്ലാം നടപടിക്രമങ്ങളുണ്ടെന്നും അറിയിക്കാമാേ;

ഈ സര്‍ക്കാര്‍ അധികാരത്തില്‍ വന്നശേഷം പാറശാല മണ്ഡലത്തില്‍ പട്ടയങ്ങള്‍ വിതരണം ചെയ്തിട്ടുണ്ടാേ; എങ്കില്‍ വിവിധ വിഭാഗങ്ങളിലായി എത്ര പേര്‍ക്കാണ് പട്ടയം നല്കിയതെന്ന് പഞ്ചായത്ത് തിരിച്ച് വ്യക്തമാക്കുമാേ;

കെെവശഭൂമിക്ക് നിയമപരമായി പട്ടയം ലഭിക്കാന്‍ അര്‍ഹതയുള്ളവര്‍ക്ക് ആയത് എത്രയും വേഗത്തില്‍ ലഭ്യമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കാമാേ?

2016 മുതൽ 2024 വരെ സർക്കാർ വിതരണം ചെയ്ത പട്ടയങ്ങളുടെ വിശദവിവരങ്ങൾ ജില്ലാ അടിസ്ഥാനത്തിൽ അറിയിക്കാമോ;

പട്ടയ വിതരണത്തിന് തടസ്സമായി നിൽക്കുന്ന പ്രശ്നങ്ങൾ കണ്ടെത്തുന്നതിനും പരിഹരിക്കുന്നതിനും എന്തെല്ലാം നടപടികളാണ് കൈകൊണ്ടത്; വിശദീകരിക്കാമോ;

പട്ടയം വിതരണം ചെയ്യുന്നതിന് സ്വീകരിച്ച നടപടികളുടെ പുരോഗതി വിശദമാക്കാമോ;

പതിറ്റാണ്ടുകൾ പഴക്കമുള്ള മലബാർ ഭാഗത്തുള്ള പട്ടയ പ്രശ്നങ്ങളിൽ പരിഹാരമുണ്ടാക്കുന്നതിന് സർക്കാർ സ്വീകരിച്ച നടപടികളുടെ പുരോഗതി വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം, കഴക്കൂട്ടം മണ്ഡലത്തില്‍ വിതരണം ചെയ്തതും ഇനി വിതരണം ചെയ്യാനുളളതുമായ പട്ടയങ്ങൾ സംബന്ധിച്ച വിവരം വിശദമാക്കാമോ;

മുഴുവന്‍ അപേക്ഷകര്‍ക്കും സമയബന്ധിതമായി പട്ടയം വിതരണം ചെയ്യുമോ എന്ന് വിശദമാക്കാമോ;

ഉളളൂര്‍ വില്ലേജ് പോങ്ങുംമൂട് പമ്പ് ഹൗസിന് സമീപം പട്ടയത്തിന് അപേക്ഷിച്ചിട്ടുളള കുടുംബങ്ങള്‍ക്ക് എപ്പോള്‍ പട്ടയം നല്‍കാന്‍ കഴിയുമെന്ന് വ്യക്തമാക്കാമോ;

ആറ്റിപ്ര വില്ലേജില്‍ വി.എസ്.എസ്.സി-ക്ക് സമീപം പട്ടയത്തിന് അപേക്ഷിച്ചിരിക്കുന്നവര്‍ക്ക് എപ്പോള്‍ പട്ടയം നല്‍കുവാന്‍ കഴിയും എന്ന് വ്യക്തമാക്കാമോ?

ഇടുക്കി ജില്ലയിലെ ദേവികുളം താലൂക്കിലെ കുട്ടിയാര്‍വാലിയില്‍ തോട്ടം തൊഴിലാളികള്‍ക്ക് പട്ടയം നല്‍കി ഭൂമി അനുവദിക്കുന്നതിന് എത്ര അപേക്ഷകളാണ് ലഭിച്ചിരുന്നത്; ഇതില്‍ എത്ര അപേക്ഷകള്‍ക്ക് പട്ടയം നല്‍കി ഭൂമി അനുവദിച്ചിട്ടുണ്ട്; പട്ടയം ലഭിച്ച ഗുണഭോക്താക്കളുടെ വിശദാംശങ്ങള്‍ ലഭ്യമാക്കാമോ;

ബാക്കിയുള്ള അപേക്ഷകള്‍ക്ക് പട്ടയം നല്‍കുന്നതില്‍ കാലതാമസം നേരിടുന്നതിന്റെ കാരണം വിശദമാക്കാമോ;

പട്ടയം ലഭിച്ചിട്ടും വീട് വയ്ക്കാന്‍ സാധിക്കാത്ത രീതിയിലുള്ള ഭൂമി ലഭിച്ച അപേക്ഷകരുടെ പരാതിയില്‍ എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

പട്ടയ വിതരണം പൂര്‍ത്തിയാക്കുന്നതിന് എന്തൊക്കെ തുടര്‍ നടപടികള്‍ സ്വീകരിച്ചിട്ടുണ്ട്; വിശദമാക്കാമോ?

സര്‍ക്കാര്‍ റദ്ദ് ചെയ്ത രവീന്ദ്രന്‍ പട്ടയങ്ങള്‍ക്ക് പകരം പുതിയ പട്ടയങ്ങള്‍ നല്‍കുന്നതിന് സമയം നിശ്ചയിച്ചിട്ടും ആയതിന് കാലതാമസം നേരിടുന്നതിന്റെ കാരണം വിശദമാക്കാമോ;

റദ്ദ് ചെയ്ത പട്ടയങ്ങൾക്ക് പകരമായി പുതിയ പട്ടയങ്ങള്‍ ലഭിക്കുന്നതിന് എത്ര അപേക്ഷകള്‍ ലഭിച്ചിട്ടുണ്ടെന്നും വിതരണം ചെയ്തത് എത്രയെന്നും വില്ലേജ് തിരിച്ച് അറിയിക്കാമോ;

ഇതുമായി ബന്ധപ്പെട്ട് ബഹു. കോടതിയില്‍ നിന്നും അനുകൂല ഉത്തരവ് ലഭിക്കുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

പ്രസ്തുത പട്ടയങ്ങള്‍ വിതരണം ചെയ്യുന്നതിനും പട്ടയ നടപടികള്‍ പൂര്‍ത്തിയാക്കുന്നതിനും ആവശ്യത്തിന് സര്‍വ്വേയര്‍മാരെ നിയോഗിച്ചിട്ടുണ്ടോ; വ്യക്തമാക്കുമോ;

നടപടികള്‍ പൂര്‍ത്തീകരിച്ച് പുതിയ പട്ടയ വിതരണം എന്ന് നടപ്പിലാക്കാന്‍ സാധിക്കുമെന്ന് അറിയിക്കുമോ?

സ്വന്തമായി വീടും സ്ഥലവും ഇല്ലാത്ത വൈപ്പിന്‍ മണ്ഡലത്തിലെ എളങ്കുന്നപ്പുഴ ഗ്രാമപഞ്ചായത്തിലെ അഴീക്കല്‍ തെക്കന്‍മാലിപ്പുറം ദേശം പിലാക്കല്‍ വീട്ടില്‍ നഫീസ സുബൈറിന് ഭര്‍തൃപിതാവില്‍ നിന്നും ലഭിച്ച കൈവശ ഭൂമിക്ക് പട്ടയം ലഭിക്കുന്നതില്‍ നേരിടുന്ന കാലതാമസത്തിന്റെ കാരണം വ്യക്തമാക്കാമോ;

നവകേരള സദസിലും കരുതലും കൈത്താങ്ങിലുമെല്ലാം സമര്‍പ്പിക്കപ്പെട്ട പരാതിക്ക് നീതീകരിക്കാനാവാത്ത മറുപടി വകുപ്പുകളില്‍ നിന്നും ലഭിച്ചതിനെ തുടര്‍ന്ന് എം.എല്‍.എ. മുഖാന്തരം സമര്‍പ്പിച്ച പരാതിയില്‍ സത്വര നടപടി സ്വീകരിക്കുന്നതിനായി എറണാകുളം ജില്ലാ കളക്ടര്‍ക്ക് നല്‍കിയ നിര്‍ദ്ദേശത്തില്‍ സ്വീകരിച്ചിട്ടുള്ള നടപടി എന്തെല്ലാമെന്ന് വ്യക്തമാക്കാമോ;

വിധവയായ നഫീസ സുബൈറിന്റെ ബുദ്ധിമുട്ടുകള്‍ കണക്കിലെടുത്ത് ടിയാളുടെ കൈവശമുള്ള ഭൂമിക്ക് പട്ടയം ലഭ്യമാക്കാന്‍ സത്വര നടപടി സ്വീകരിക്കുമോ; വ്യക്തമാക്കുമോ?

എല്ലാ ഭൂരഹിതരെയും ഭൂമിയുടെ ഉടമകളാക്കുക എന്ന ലക്ഷ്യസാക്ഷാത്കാരത്തിനായി സംസ്ഥാനത്ത് ഒരു പട്ടയ മിഷന് രൂപം കൊടുത്തിട്ടുണ്ടോ; വിശദാംശം നല്‍കുമോ;

മലയോര ആദിവാസി മേഖലകളിലെ പട്ടയ വിതരണത്തിന് പ്രസ്തുത മിഷന്‍ രൂപീകരണം എത്രത്തോളം സഹായകമായിട്ടുണ്ട്; വിശദമാക്കുമോ;

പട്ടയ പ്രശ്നങ്ങള്‍ കണ്ടെത്തി പരിഹാരം കാണുന്നതിനായി പ്രത്യേകമായ പട്ടയ അസംബ്ലികള്‍ സംഘടിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

പട്ടയ പ്രശ്നങ്ങള്‍ക്ക് പരിഹാരം കാണുന്നതിനായി പ്രത്യേക അദാലത്തുകള്‍ സംഘടിപ്പിച്ചിട്ടുണ്ടോ; വിശദമാക്കുമോ?

എറണാകുളം മണ്ഡലത്തിലെ കണയന്നൂര്‍ താലൂക്ക് ചേരാനെല്ലൂര്‍ വില്ലേജ് വടുതല ജനകീയ റോഡില്‍ താമസിക്കുന്ന പതിനൊന്ന് കുടുംബങ്ങള്‍ക്ക് പട്ടയം നല്‍കുന്നതിനുള്ള നടപടിക്രമങ്ങള്‍ ഏത് ഘട്ടം വരെയായെന്ന് അറിയിക്കാമോ; വിശാദാംശം നല്‍കുമോ?

ഇടുക്കി ജില്ലയിലെ കാര്‍ഡമം ഹില്‍ റിസര്‍വ് ഭൂമി റവന്യൂ ഭൂമിയാണോ വന ഭൂമിയാണോ എന്നത് സംബന്ധിച്ച സര്‍ക്കാര്‍ നിലപാട് വ്യക്തമാക്കാമോ;

സി.എച്ച്.ആര്‍. ഭൂമിയില്‍ പട്ടയങ്ങള്‍ നല്‍കുന്നത് ഇടക്കാല ഉത്തരവിലൂടെ സുപ്രീം കോടതി സ്റ്റേ ചെയ്തിട്ടുണ്ടോ; എങ്കിൽ സ്റ്റേ നീക്കാൻ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

പൂഞ്ഞാർ മണ്ഡലത്തില്‍ എരുമേലി വടക്ക് വില്ലേജിലെ കീച്ചൻപാറയില്‍ ബ്ലോക്ക് നമ്പർ 26 ൽ റീസർവേ നമ്പർ 400 ൽ പെട്ട 01.6500 ഹെക്ടർ തോട് പുറമ്പോക്കിൽ ഉൾപ്പെട്ട ഭൂമിയിൽ വർഷങ്ങളായി താമസിച്ചുവരുന്ന അമ്പതോളം കുടുംബങ്ങൾക്ക് പട്ടയം നൽകുന്നതിനായി സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ?

മഞ്ചേശ്വരം താലൂക്കിൽ കൈവശ ഭൂമിക്ക് പട്ടയം ലഭിക്കുന്നതിനായി 1-06-2016 മുതൽ 28-02-2025 വരെയായി എത്ര അപേക്ഷകളാണ് ലഭിച്ചിട്ടുള്ളതെന്ന് വില്ലേജ് തിരിച്ച് കണക്ക് ലഭ്യമാക്കുമോ;

പ്രസ്തുത അപേക്ഷകളിൽ എത്ര പട്ടയങ്ങൾ അനുവദിച്ചിട്ടുണ്ടെന്ന് വില്ലേജ് തിരിച്ച് കണക്കുകൾ വ്യക്തമാക്കുമോ;

ഈ കാലയളവിൽ തുടർ നടപടി സ്വീകരിക്കാനുള്ളതും നിരസിക്കപ്പെട്ടതുമായ അപേക്ഷകളുടെ പേരുവിവരങ്ങൾ ആയതിന്റെ കാരണങ്ങള്‍ സഹിതം തരംതിരിച്ച് വില്ലേജ് അടിസ്ഥാനത്തില്‍ ലഭ്യമാക്കുമോ;

താലൂക്ക് തല ലാന്റ് അസൈൻമെന്റ് കമ്മിറ്റി തീരുമാനമായിട്ടും മഞ്ചേശ്വരം താലൂക്കിൽ പട്ടയം ലഭിക്കാത്ത അപേക്ഷകരുടെ വിശദവിവരം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം എത്ര പേര്‍ക്ക് പട്ടയം നല്‍കാന്‍ കഴി‍ഞ്ഞിട്ടുണ്ടെന്നും ഏറ്റവും കൂടുതല്‍ പട്ടയം ഏത് ജില്ലയിലാണ് നല്‍കിയിട്ടുള്ളതെന്നും അറിയിക്കാമോ;

വനാതിര്‍ത്തികളില്‍ താമസിക്കുന്നവരുടെ പട്ടയം സംബന്ധിച്ച പ്രശ്നങ്ങളില്‍ എത്ര ശതമാനം പരിഹരിച്ചിട്ടുണ്ടെന്ന് അറിയിക്കാമോ?

ഒരങ്കോകുന്ന്, തലയാട്, മണ്ടോപ്പാറ നഗറുകളിലെ പാവപ്പെട്ട താമസക്കാര്‍ക്ക് പട്ടയം അനുവദിക്കുന്നതിനായി 06.10.2021-ല്‍ സര്‍ക്കാരില്‍ പ്രൊപ്പോസല്‍ സമര്‍പ്പിച്ചിട്ടും ഇതുവരെ പട്ടയം നല്‍കാന്‍ കഴിഞ്ഞിട്ടില്ല എന്ന ആരോപണം ഗൗരവമായി പരിശോധിക്കുമോ;

പ്രസ്തുത നഗറുകളില്‍ ജന്മിയുള്ള ഭൂമിക്ക് എല്‍.ടി. പട്ടയം നല്‍കാന്‍ നിര്‍ദ്ദേശം നല്‍കിയിട്ടുണ്ടോ; വിശദമാക്കാമോ;

പ്രസ്തുത നഗറുകളില്‍ എത്ര പേരാണ് പട്ടയത്തിന് അപേക്ഷിച്ചത്; ഇവരില്‍ എത്ര പേര്‍ക്കാണ് എല്‍.ടി. പട്ടയം നല്‍കാന്‍ നിര്‍ദ്ദേശം നല്‍കിയിട്ടുള്ളത്; വിശദാംശം ലഭ്യമാക്കാമോ?

പൂഞ്ഞാർ മണ്ഡലത്തില്‍ തീക്കോയി വില്ലേജിലെ മാവടിയില്‍ പ്രദേശവാസികൾക്ക് അപകടകരമായി സ്ഥിതി ചെയ്യുന്ന വലിയ പാറക്കല്ല് പൊട്ടിച്ച് നീക്കണമെന്ന ആവശ്യത്തിന്മേൽ സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ;

പാറക്കല്ല് പൊട്ടിച്ച് നീക്കി പ്രദേശവാസികളുടെ സുരക്ഷ ഉറപ്പാക്കാൻ അടിയന്തിര നടപടി സ്വീകരിക്കുമോ; വ്യക്തമാക്കുമോ?

ഗുരുവായൂര്‍ മണ്ഡലത്തില്‍ 2021-25 കാലഘട്ടത്തില്‍ കാലവര്‍ഷക്കെടുതിയില്‍ ഉള്‍പ്പെടുത്തി അനുവദിക്കപ്പെട്ടിട്ടുള്ള എല്ലാ റോഡ് പ്രവൃത്തികളുടെയും നിര്‍വ്വഹണ പുരോഗതി ഉള്‍പ്പെടെയുള്ള വിശദാംശം ലഭ്യമാക്കുമോ;

ഏതെല്ലാം പ്രവൃത്തികള്‍ക്കാണ് നിര്‍വ്വഹണ ഉത്തരവ് നല്‍കാത്തതെന്നും നിര്‍വ്വഹണം ആരംഭിക്കാത്ത പ്രവൃത്തികള്‍ ഏതൊക്കെയെന്നും ആയതിന്റെ കാരണം എന്താണെന്നും അറിയിക്കാമോ?

ഈ സർക്കാര്‍ വന്നശേഷം നാളിതുവരെയായി റിവര്‍ മാനേജ്മെന്റ് ഫണ്ട് വിനിയോഗിച്ച് നടപ്പിലാക്കി വരുന്ന പദ്ധതികള്‍ എന്തെല്ലാമാണെന്ന് ജില്ല തിരിച്ച് വിശദമാക്കുമോ;

ഏറനാട് മണ്ഡലത്തിലെ മൊടവണ്ണ കടവില്‍ റിവര്‍ മാനേജ്മെന്റ് ഫണ്ട് വിനിയോഗിച്ച് നടപ്പാലം നിര്‍മ്മിക്കുന്നതിന് പുതുക്കിയ ഭരണാനുമതി നല്‍കിയിട്ടുണ്ടോ; ഇല്ലെങ്കില്‍ ഇതിൽ നേരിടുന്ന തടസ്സം എന്താണെന്നും പദ്ധതിയുടെ പ്രാധാന്യം പരിഗണിച്ച് പുതുക്കിയ ഭരണാനുമതി നല്‍കുന്നതിന് നടപടി സ്വീകരിക്കുമോയെന്നും വ്യക്തമാക്കാമോ?

മറ്റൊരിടത്തും വീടില്ത്താത്തവർക്ക് വീട് വയ്ക്കുന്നതിനായി പഞ്ചായത്തിൽ 10 സെന്റും നഗരസഭയിൽ 5 സെന്റും ഡാറ്റാബാങ്കിൽ ഉൾപ്പെട്ട ഭൂമി നല്‍കാമെന്ന 10-02-2025 -ലെ മുഖ്യമന്ത്രിയുടെ നിയമസഭയിലെ പ്രസ്താവനയിന്‍മേല്‍ ഉത്തരവുകള്‍ പുറപ്പെടുവിച്ചിട്ടുണ്ടോ; എങ്കിൽ ഈ വിഷയത്തിൽ എത്ര ഉത്തരവുകൾ പുറപ്പെടുവിച്ചിട്ടുണ്ട്; ഇല്ലെങ്കിൽ ആയത് നടപ്പിലാക്കാത്തതിന്റെ കാരണങ്ങൾ എന്തെല്ലാമാണ്; വിശദമാക്കാമോ;

2008 -ന് ശേഷം ഡാറ്റാബാങ്കിൽ ഉൾപ്പെട്ട ഭൂമി വാങ്ങിയ ഒരാൾക്ക്‌ ഭൂമി തരം മാറ്റാനും വീട് വയ്ക്കാനും നിയമപ്രകാരം സാധിക്കുമോ; വിശദമാക്കാമോ;

2008 -ലെ നെൽവയൽ തണ്ണീർത്തട സംരക്ഷണ നിയമത്തിൽ ഇങ്ങനെയൊരു വ്യവസ്ഥ ഉണ്ടോ; വിശദമാക്കാമോ;

തദ്ദേശസ്വയംഭരണ വകുപ്പിന്റെ 11-02-25 ലെ ആര്‍എ1/57/2025 നമ്പർ സർക്കുലർ പ്രകാരം 2008- ന് ശേഷം ഡാറ്റാബാങ്കിൽ ഉൾപ്പെട്ട ഭൂമി വാങ്ങിയവര്‍ക്ക് വീട് വയ്ക്കുന്നതിന് അനുമതി നൽകുമോ; വിശദമാക്കാമോ?

2008-ലെ നെല്‍വയല്‍ തണ്ണീര്‍ത്തട സംരക്ഷണ നിയമത്തിന്റെ പരിധിയില്‍പ്പെട്ട പാലക്കാട് എലപ്പുള്ളിയിലെ ഡാറ്റാബാങ്കില്‍ ഉള്‍പ്പെട്ട ഭൂമിയെ തരംമാറ്റാൻ ഒയാസിസ് കമ്പനി സർക്കാരിന് അപേക്ഷ നൽകിയിരുന്നോ; എങ്കില്‍ പ്രസ്തുത അപേക്ഷയിന്മേൽ സ്വീകരിച്ച നടപടികൾ എന്തൊക്കെയെന്ന് വ്യക്തമാക്കുമോ;

പ്രസ്തുത ഭൂമിയില്‍ നിര്‍മ്മാണം അനുവദിക്കില്ലെന്നും കൃഷി ചെയ്യണമെന്നും ആര്‍.ഡി.ഒ. അറിയിച്ചിട്ടുണ്ടോ; വിശദമാക്കുമോ?

1977-ന് മുന്‍പ് വനഭൂമിയില്‍ കുടിയേറിയ കെെവശക്കാരുടെ വിവര ശേഖരണം റവന്യൂ വകുപ്പ് നടത്തിയിരുന്നാേ; എങ്കില്‍ അതിന്മേല്‍ നാളിതുവരെ സ്വീകരിച്ച നടപടികള്‍ വിശദമാക്കാമാേ?

കേരള നെൽവയൽ തണ്ണീർത്തട സംരക്ഷണ നിയമ പ്രകാരം കണ്ണൂർ ജില്ലയിൽ ഭൂമി തരം മാറ്റം ചെയ്യുന്നതിന് ലഭിച്ച അപേക്ഷകളിൽ ഏത് തീയതി വരെ ലഭിച്ച അപേക്ഷകളാണ് നാളിതുവരെ തീർപ്പാക്കാൻ സാധിച്ചിട്ടുള്ളതെന്ന് വിശദമാക്കാമോ?

1977-ന് മുന്‍പ് വനഭൂമിയില്‍ കുടിയേറിയ കെെവശക്കാരുടെ വിവരശേഖരണം റവന്യു വകുപ്പ് നടത്തിയിട്ടുണ്ടോ; എങ്കില്‍ അതിന്മേല്‍ എന്ത് നടപടികളാണ് നാളിതുവരെ സ്വീകരിച്ചിട്ടുളളത്; വിശദവിവരം ലഭ്യമാക്കുമോ?

പുതുക്കാട് മണ്ഡലത്തിലെ വിവിധ പഞ്ചായത്തുകളുടെയും ആരോഗ്യ കേന്ദ്രങ്ങളുടെയും ഉടമസ്ഥതയിലുള്ള സ്ഥലങ്ങള്‍ തരം മാറ്റി കിട്ടുന്നതിനായി സമര്‍പ്പിച്ച അപേക്ഷകളിന്മേൽ നടപടി സ്വീകരിച്ചിട്ടുണ്ടോ; വ്യക്തമാക്കാമോ;

പുതുക്കാട് ഗ്രാമ പഞ്ചായത്ത്, അളഗപ്പ നഗര്‍ ഗ്രാമ പഞ്ചായത്ത് എന്നിവയുൾപ്പെടെയുള്ള പഞ്ചായത്തുകളുടെ ഭൂമി തരം മാറ്റല്‍ അപേക്ഷകളിലെ നടപടികൾ ഏത് ഘട്ടത്തിലാണെന്നും പ്രസ്തുത അപേക്ഷകളിന്മേൽ നടപടി സ്വീകരിക്കുമോയെന്നും വ്യക്തമാക്കാമോ?

കോഴിക്കോട് താലൂക്കില്‍ ഭൂമി തരംമാറ്റത്തിനായി ഫോറം 5, ഫോറം 6 എന്നിവയില്‍ സമർപ്പിച്ച എത്ര അപേക്ഷകള്‍ തീര്‍പ്പുകല്‍പ്പിക്കാന്‍ ബാക്കിയുണ്ടെന്ന് വ്യക്തമാക്കാമോ;

ഫോറം 5-ല്‍ അപേക്ഷിച്ചവര്‍ വീണ്ടും ഫോറം 6-ല്‍ അപേക്ഷിക്കേണ്ടതുവഴി ഉണ്ടാകുന്ന കാലതാമസം ഒഴിവാക്കാന്‍ നടപടി സ്വീകരിക്കുമോ;

അധികൃതമായി നിര്‍മ്മിച്ച കെട്ടിടങ്ങള്‍ വര്‍ഷങ്ങളായി നിലവിലുള്ള സ്ഥലങ്ങളെ തദ്ദേശ സ്വയംഭരണ സ്ഥാപനങ്ങളുടെ സഹായത്തോടെ കണ്ടെത്തി ഡാറ്റാബാങ്കില്‍ നിന്നും ഒഴിവാക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

ബജറ്റില്‍ 15 കോടി രൂപ വകയിരുത്തിയ കോവൂര്‍-ചൊന്നാംതൊടിത്താഴം റോഡിന്റെ സ്ഥലം ഏറ്റെടുക്കുന്നതിന് സ്വീകരിച്ച നടപടികള്‍ വ്യക്തമാക്കാമോ;

സ്ഥലം ഏറ്റെടുപ്പ് ആരംഭിക്കുന്നതിനുള്ള സാഹചര്യം നിലവിലുണ്ടോ; ഉണ്ടെങ്കിൽ എപ്പോള്‍ തുടങ്ങുമെന്ന് വ്യക്തമാക്കുമോ?

പൂഞ്ഞാർ മണ്ഡലത്തിലെ ഈരാറ്റുപേട്ട - വാഗമൺ റോഡ് പുനരുദ്ധാരണം, മാർമല ചെറുകിട ജലവൈദ്യുതപദ്ധതി, ഇടക്കുന്നം മിനി ഇൻഡസ്ട്രിയൽ എസ്റ്റേറ്റിലേക്കുള്ള റോഡ് വികസനം, പിണ്ണാക്കനാട് 33 കെ.വി. സബ്‍‍‍സ്റ്റേഷൻ എന്നീ പദ്ധതികള്‍ക്കായുള്ള ഭൂമിയേറ്റെടുക്കല്‍ നടപടികളുടെ പുരോഗതി സംബന്ധിച്ച വിശദാംശം പദ്ധതി തിരിച്ച് ലഭ്യമാക്കുമോ?

2013-ലെ ഭൂമി ഏറ്റെടുക്കല്‍ നിയമ പ്രകാരം ഭരണ വകുപ്പില്‍ നിന്ന് റിക്വസിഷന്‍ ലഭിച്ചുകഴിഞ്ഞാല്‍ സ്ഥലം ഏറ്റെടുക്കുന്നതിന് ആവശ്യമായി വരുന്ന നടപടിക്രമങ്ങള്‍ എന്തൊക്കെയാണെന്ന് വിശദമാക്കാമോ;

പ്രസ്തുത നടപടിക്രമങ്ങള്‍ ഓരോന്നും പൂര്‍ത്തീകരിക്കുന്നതിന് സമയപരിധി നിശ്ചയിച്ചിട്ടുണ്ടോ; വിശദമാക്കാമോ;

ഭൂമി ഏറ്റെടുക്കുന്നതിനുള്ള നടപടികള്‍ വൈകുന്നത് വികസന പ്രവര്‍ത്തനങ്ങള്‍ തടസ്സപ്പെടുന്നതിന് ഇടയാകുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ?

തിരുവനന്തപുരം ജില്ലയിലെ എന്‍.എച്ച്. 66-ന്റെ വികസനത്തിനായി സ്ഥലവും കച്ചവട സ്ഥാപനങ്ങളും ഏറ്റെടുത്ത് കട ഉടമകള്‍ക്ക് നഷ്ടപരിഹാരം കൊടുത്തുവെങ്കിലും പ്രസ്തുത കടകളില്‍ പ്രവര്‍ത്തിച്ചുകൊണ്ടിരുന്ന വാണിജ്യ സ്ഥാപനങ്ങളുടെ (ചെറുകിട കച്ചവട സ്ഥാപനങ്ങള്‍) ഉടമകള്‍ക്ക് നഷ്ടപരിഹാരം ലഭിച്ചിട്ടില്ല എന്നത് സംബന്ധിച്ച പരാതികള്‍ നിലവിലുണ്ടോ; എങ്കില്‍ അവ പരിഹരിക്കുന്നതിന് നടപടി സ്വീകരിക്കുമോ;

ഇത്തരത്തില്‍ വര്‍ക്കല, ചിറയിന്‍കീഴ് താലൂക്കുകളിലെ കച്ചവട സ്ഥാപന ഉടമകളില്‍ നിന്നും ലഭിച്ച എത്ര പരാതികള്‍ നിലവിലുണ്ടെന്ന് വിശദമാക്കാമോ?

ബാലരാമപുരം-വഴിമുക്ക് ദേശീയപാത വികസനത്തിന് എത്ര പേരുടെ ഭൂമി ഏറ്റെടുത്തുവെന്ന് വിശദമാക്കാമോ;

ഭൂമി ഏറ്റെടുക്കല്‍ വിഷയത്തിൽ എത്രപേര്‍ക്ക് നഷ്ടപരിഹാരം അനുവദിച്ചുവെന്നും ഇനിയും എത്ര പേര്‍ക്ക് കൂടി അനുവദിക്കാനുണ്ടെന്നും അറിയിക്കുമോ?

പേരാമ്പ്ര നിയോജകമണ്ഡലത്തിലെ കൊല്ലം-നെല്ല്യാടി-മേപ്പച്ചൂര്‍ റോഡ്, അകലാപ്പുഴ പാലം, നടേരികടവ് പാലം എന്നീ പദ്ധതികളുടെ ഭൂമി ഏറ്റെടുക്കല്‍ നടപടി നിലവിൽ ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത വിഷയം സംബന്ധിച്ച് ഏതൊക്കെ നോട്ടിഫിക്കേഷനുകള്‍ പുറപ്പെടുവിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത ഭൂമി ഏറ്റെടുക്കല്‍ നടപടികൾ എപ്പോൾ പൂര്‍ത്തീകരിക്കാനാകുമെന്ന് വ്യക്തമാക്കാമോ?

പാലാ മണ്ഡലത്തിലെ മുത്തോലി കൃഷിഭവന് റവന്യു വകുപ്പിന്റെ ഉടമസ്ഥതയിലുള്ള സ്ഥലം ലഭ്യമാക്കുന്നത് സര്‍ക്കാരിന്റെ പരിഗണനയിലുണ്ടോ; എങ്കില്‍ വിശദാംശം ലഭ്യമാക്കുമോ?

വിളപ്പില്‍ പഞ്ചായത്തില്‍ കടുമ്പുപാറയില്‍ ഡെസ്റ്റിനേഷന്‍ ടൂറിസം ചലഞ്ച് പദ്ധതിക്കായി പഞ്ചായത്തിന് ഭൂമി കൈമാറിയിട്ടുണ്ടോ; വിശദാംശങ്ങള്‍ ലഭ്യമാക്കുമോ; ഇതു സംബന്ധിച്ച് ഉത്തരവ് നല്‍കിയിട്ടുണ്ടെങ്കില്‍ ആയതിന്റെ പകര്‍പ്പ് ലഭ്യമാക്കാമോ?

വർക്കല മണ്ഡലത്തിലെ പള്ളിക്കൽ യു.ഐ.റ്റി. ക്ക് കെട്ടിടം നിർമ്മിക്കുന്നതിനാവശ്യമായ ഭൂമി വിട്ടുനല്‍കുന്നതിനുള്ള നടപടി ത്വരിതപ്പെടുത്താന്‍ നടപടി ന്വീകരിക്കുമോ; വിശദമാക്കുമോ?

വര്‍ക്കല തൊടുവെെ പാലത്തിന്റെ അപ്രോച്ച് റോഡ് നിര്‍മ്മാണത്തിനാവശ്യമായ ഭൂമി പൊതുമരാമത്ത് വകുപ്പിന് കെെമാറുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

പ്രസ്തുത ഭൂമി ഏതെങ്കിലും സര്‍ക്കാര്‍ വകുപ്പിന്റെ കെെവശമുള്ളതാണോ; എങ്കില്‍ ഏത് വകുപ്പിന്റേതെന്ന് വ്യക്തമാക്കുമോ?

തിരുവനന്തപുരം ജില്ലയില്‍ ഭൂമി തരം മാറ്റുന്നതിനുള്ള എത്ര അപേക്ഷകള്‍ നിലവിലുണ്ടെന്ന് വിശദമാക്കാമോ;

ആയവയില്‍ ഓഫ്‌ലൈനായും ഓണ്‍ലൈനായും സമർപ്പിച്ച അപേക്ഷകളുടെ എണ്ണം വേർതിരിച്ച് ലഭ്യമാക്കുമോ?

2023 ലെ കേരള ഭൂമി പതിച്ചുകൊടുക്കല്‍ (ഭേദഗതി) ബില്ലിന്റെ ഉദ്ദേശ്യലക്ഷ്യങ്ങള്‍ വിശദീകരിക്കുമോ;

2023 ലെ കേരള ഭൂമി പതിച്ചുകൊടുക്കല്‍ (ഭേദഗതി) ആക്ട് നിലവില്‍ വന്നിട്ടുണ്ടോ; ഉണ്ടെങ്കില്‍ എന്നാണെന്ന് അറിയിക്കുമോ;

പ്രസ്തുത ആക്ടിനെ അടിസ്ഥാനപ്പെടുത്തി ചട്ടങ്ങള്‍ രൂപീകരിച്ചിട്ടുണ്ടോ; ഇല്ലെങ്കില്‍ ഇതിനായുള്ള നടപടികള്‍ ഏത് ഘട്ടത്തിലാണെന്ന് അറിയിക്കുമോ?

സംസ്ഥാനത്ത് കമ്പനികൾക്ക് നിയമാനുസരണം എത്ര ഏക്കർ ഭൂമി വരെ കൈവശം വയ്ക്കാമെന്ന് വ്യക്തമാക്കുമോ;

കമ്പനികൾക്ക് നിയമാനുസരണം കൈവശം വയ്ക്കാവുന്ന ഭൂമിയുടെ പരിധിയിൽ ഈ സർക്കാർ മാറ്റം വരുത്തിയിട്ടുണ്ടോ; എങ്കിൽ എന്താണ് മാറ്റമെന്നും എന്നാണിത് നിലവിൽ വന്നതെന്നും വ്യക്തമാക്കുമോ;

പാലക്കാട് എലപ്പുള്ളിയിൽ മദ്യ നിർമ്മാണ യുണിറ്റ് ആരംഭിക്കാൻ ഒയാസിസ് കമ്പനി 24.59 ഏക്കർ ഭൂമി വാങ്ങിയത് നിയമാനുസൃതമാണോയെന്ന് വ്യക്തമാക്കുമോ?

പൊതുആവശ്യങ്ങൾക്കായി പഞ്ചായത്തുകൾക്കോ മറ്റ് വകുപ്പുകൾക്കോ വിട്ടുനല്‍കിയ ഭൂമി, ഉദ്ദേശ്യലക്ഷ്യം നിറവേറ്റാത്ത സാഹചര്യത്തില്‍ തിരിച്ച് വാങ്ങുന്നതിന് ഭൂമി വിട്ടുനല്‍കിയ വ്യക്തിക്ക് സാധിക്കുമോ; വിശദമാക്കാമോ;

ഇതിനായി എന്തൊക്കെ നടപടികളാണ് സ്വീകരിക്കേണ്ടതെന്ന് വിശദമാക്കാമോ?

ഭൂമി തരം മാറ്റത്തിന് അപേക്ഷിക്കുന്നവർക്ക് ഇരുപത്തിയഞ്ച് സെന്റിൽ അധികം ഭൂമിയുണ്ടെങ്കിൽ കൈവശമുള്ള മുഴുവൻ ഭൂമിക്കും ന്യായവിലയുടെ പത്ത് ശതമാനം വരുന്ന തുക അടയ്ക്കണം എന്ന നിബന്ധന സാധാരണക്കാരായ ഭൂവുടമകൾക്ക് വലിയ ബാധ്യത സൃഷ്ടിക്കുന്നു എന്ന കാര്യം സർക്കാർ ഗൗരവത്തോടെ കാണുന്നുണ്ടോ; വിശദമാക്കുമോ;

ഇപ്രകാരം ഇരുപത്തിയഞ്ച് സെന്റിൽ അധികമുള്ള ഭൂമി തരം മാറ്റം നടത്തിയതിനുള്ള ഫീസിനത്തിൽ നാളിതുവരെ എത്ര രൂപയുടെ വരുമാനം ലഭിച്ചിട്ടുണ്ട്; വിശദാംശം ലഭ്യമാക്കുമോ;

ഇരുപത്തിയഞ്ച് സെന്റിൽ അധികമുള്ള ഭൂമിക്ക് മാത്രം ന്യായവിലയുടെ പത്ത് ശതമാനം ഈടാക്കുന്ന രീതിയിൽ പ്രസ്തുത വ്യവസ്ഥ ഭേദഗതി ചെയ്യുന്നതിന് നടപടി സ്വീകരിക്കുമോ; വ്യക്തമാക്കുമോ?

കൈപ്പമംഗലം മണ്ഡലത്തില്‍ നിന്ന് ഭൂമി തരം മാറ്റം നടത്തുന്നതിനായി കഴിഞ്ഞ ഒരു വർഷത്തിനുള്ളിൽ എത്ര അപേക്ഷകൾ ലഭിച്ചിട്ടുണ്ടെന്നും അവയിൽ എത്ര അപേക്ഷകൾ തീർപ്പാക്കിയിട്ടുണ്ടെന്നും എത്രയെണ്ണം ബാക്കിയുണ്ടെന്നും വ്യക്തമാക്കാമോ?

നിലവിലെ സർക്കാർ അധികാരത്തിൽ വന്നതിനുശേഷം പാട്ടക്കുടിശ്ശിക ഇനത്തിൽ എന്ത് തുകയാണ് ലഭിക്കാനുള്ളതെന്ന് കണക്കാക്കിയിട്ടുണ്ടോ; വ്യക്തമാക്കാമോ;

പാട്ടക്കുടിശ്ശിക ഈടാക്കുന്നതുമായി ബന്ധപ്പെട്ട് എത്ര കേസുകളാണ് കോടതിയിൽ നിലവിലുള്ളതെന്ന് ജില്ല അടിസ്ഥാനത്തിൽ ലഭ്യമാക്കുമോ;

പാട്ടക്കുടിശ്ശിക പിരിച്ചെടുക്കുന്ന കാര്യത്തിൽ കാലാതാമസം ഉണ്ടാകുന്നതിന്റെ കാരണങ്ങൾ വിശദമാക്കാമോ;

നടപ്പ് സാമ്പത്തിക വർഷത്തിൽ എത്ര കോടി രൂപയാണ് പാട്ടക്കുടിശ്ശിക ഇനത്തിൽ സമാഹരിക്കാൻ ഉദ്ദേശിക്കുന്നത്; വ്യക്തമാക്കാമോ;

നിലവിലെ സർക്കാർ അധികാരത്തിൽ വന്നതിനുശേഷം പ്രസ്തുത കുടിശ്ശിക ഏതെങ്കിലും വ്യക്തികൾക്കോ സ്ഥാപനങ്ങൾക്കോ ഏജൻസികൾക്കോ ഒഴിവാക്കി നൽകിയിട്ടുണ്ടോ; എങ്കിൽ വിശദാംശം ലഭ്യമാക്കുമോ?

സോഫ്റ്റ് വെയർ തകരാർ മൂലം വില്ലേജ് ഓഫീസ് ഉൾപ്പെടെയുളള റവന്യൂ ഓഫീസുകളുടെ പ്രവർത്തനം തടസ്സപ്പെടുന്നതായി കണ്ടെത്തിയിട്ടുണ്ടോ; വിശദമാക്കാമോ;

ഇതുമൂലം സർക്കാരിന് ലഭിക്കാനുളള റവന്യൂ പിരിവിൽ നഷ്ടം ഉണ്ടായിട്ടുണ്ടോ; വ്യക്തമാക്കാമോ;

സോഫ്റ്റ് വെയർ തകരാർ മൂലം പൊതുജനങ്ങൾക്കുണ്ടാകുന്ന ബുദ്ധിമുട്ടുകൾ പരിഹരിക്കുന്നതിന് എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

കുറ്റ്യാടി മണ്ഡലത്തിലെ വില്ലേജ് ഓഫീസുകള്‍ സ്മാര്‍ട്ട് ആക്കി മാറ്റുന്നതിന് നടത്തിയ പ്രവര്‍ത്തനങ്ങള്‍ എന്തൊക്കെയെന്ന് പദ്ധതിക്ക് വകയിരുത്തിയ തുക സഹിതം വിശദമാക്കാമോ;

വില്ലേജ് ഓഫീസുകള്‍ സ്മാര്‍ട്ട് വില്ലേജുകള്‍ ആക്കി മാറ്റുന്നതിലൂടെ എന്തൊക്കെ പ്രയോജനങ്ങളാണ് പൊതുജനങ്ങള്‍ക്ക് ലഭ്യമാകുന്നതെന്ന് അറിയിക്കുമോ?

മണലൂര്‍ വില്ലേജ് ഓഫീസിനെ സ്മാര്‍ട്ട് വില്ലേജ് ഓഫീസാക്കുന്നതിന് ഭരണാനുമതി ലഭിച്ചതിന്റെ അടിസ്ഥാനത്തില്‍ സ്വീകരിച്ച തുടര്‍നടപടികള്‍ വിശദമാക്കാമോ;

പ്രസ്തുത വില്ലേജ് ഓഫീസ് സ്മാര്‍ട്ട് വില്ലേജ് ഓഫീസാക്കുന്നതിന് എത്ര തുകയാണ് വകയിരുത്തിയിട്ടുള്ളതെന്നും ഇതിന്റെ ഭാഗമായി എന്തെല്ലാം പ്രവൃത്തികളാണ് നടപ്പാക്കുന്നതെന്നും പ്രവൃത്തികള്‍ എന്നത്തേക്ക് ആരംഭിക്കാനാകുമെന്നും വിശദമാക്കാമോ?

മങ്കട മണ്ഡലത്തിലെ ഏതെല്ലാം വില്ലേജ് ഓഫീസുകളെയാണ് സ്മാർട്ട് വില്ലേജ് ഓഫീസുകളായി ഉയർത്തുന്നതിന് തീരുമാനിച്ചിട്ടുള്ളത്; ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ;

മണ്ഡലത്തിലെ ഏതെല്ലാം വില്ലേജ് ഓഫീസുകൾക്കാണ് അടിസ്ഥാന സൗകര്യങ്ങളുടെ അപര്യാപ്തതയുള്ളത്; ഓരോ ഓഫീസിനും എന്തെല്ലാം തരത്തിലുള്ള പരിമിതികളാണുള്ളതെന്ന് വ്യക്തമാക്കുമോ;

മണ്ഡലത്തിൽ സ്മാർട്ട് വില്ലേജ് ഓഫീസായി ഉയർത്തുന്നതിന് നിലവിൽ അനുമതി നൽകിയിട്ടില്ലാത്തതും എന്നാൽ സർക്കാർ മാനദണ്ഡപ്രകാരം പരിഗണിക്കാൻ കഴിയുന്നതുമായ വില്ലേജ് ഓഫീസുകൾ ഏതെല്ലാമാണ്; അവയെ സ്മാർട്ട് വില്ലേജ് ഓഫീസുകളാക്കി മാറ്റുന്നതിന് നടപടി സ്വീകരിക്കുമോ; വ്യക്തമാക്കാമോ?

കോങ്ങാട് മണ്ഡലത്തിലെ ഏതെല്ലാം വില്ലേജ് ഓഫീസുകളെയാണ് സ്മാര്‍ട്ട് വില്ലേജ് ഓഫീസുകളാക്കുന്നതിന് നടപടി സ്വീകരിച്ചിട്ടുള്ളതെന്ന് വ്യക്തമാക്കാമോ;

മണ്ഡലത്തില്‍ ഇനിയും സ്മാര്‍ട്ട് വില്ലേജ് ഓഫീസുകള്‍ ആക്കിയിട്ടില്ലാത്ത വില്ലേജ് ഓഫീസുകള്‍ ഏതെല്ലാമെന്ന് വ്യക്തമാക്കാമോ; പ്രസ്തുത വില്ലേജ് ഓഫീസുകളെ കൂടി സ്മാര്‍ട്ട് ആക്കുന്നതിന് നടപടി സ്വീകരിക്കാമോ; വ്യക്തമാക്കുമോ?

കോട്ടക്കല്‍ മണ്ഡലത്തിലെ എടയൂര്‍ വില്ലേജ് ഓഫീസിനെ സ്മാർട്ട് വില്ലേജ് ഓഫീസാക്കി മാറ്റുന്നതിന്റെ നിർമ്മാണപ്രവൃത്തിക്ക് ഭരണാനുമതി ലഭിച്ചതിന്റെ അടിസ്ഥാനത്തില്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

എടയൂര്‍ സ്മാർട്ട് വില്ലേജ് ഓഫീസ് കെട്ടിട നിർമ്മാണ പ്രവൃത്തി നിലവിൽ ഏത് ഘട്ടത്തിലാണെന്നും പ്രവൃത്തി എന്ന് പൂർത്തീകരിക്കാൻ കഴിയുമെന്നും വ്യക്തമാക്കാമോ?

പൂഞ്ഞാർ മണ്ഡലത്തിൽ കെട്ടിടനിർമ്മാണം പൂർത്തീകരിച്ച എരുമേലി തെക്ക് സ്മാർട്ട് വില്ലേജ് ഓഫീസ് തുറന്ന് പ്രവർത്തിപ്പിക്കുന്നതിനായി സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ?

കോട്ടക്കല്‍ മണ്ഡലത്തിലെ നടുവട്ടം വില്ലേജ് ഓഫീസിന്റെ കെട്ടിട നിർമ്മാണത്തിനായി 2024-25 സാമ്പത്തിക വര്‍ഷത്തെ ബജറ്റിൽ അനുവദിച്ച തുകയില്‍ മാറാക്കര വില്ലേജ് ഓഫീസ് കെട്ടിടനിർമ്മാണം കൂടി ഉള്‍പ്പെടുത്തി ഭരണാനുമതി ലഭ്യമാക്കുന്നത് സംബന്ധിച്ച വിഷയത്തിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത വിഷയത്തിന്മേല്‍ മലപ്പുറം ജില്ലാ കലക്ടറേറ്റും ലാന്‍ഡ് റവന്യൂ കമ്മീഷണറേറ്റും സ്വീകരിച്ച നടപടികളുടെ വിശദാംശവും ആയത് സംബന്ധിച്ച നോട്ട് ഫയലിന്റെ പകര്‍പ്പും ലഭ്യമാക്കുമോ;

നടുവട്ടം, മാറാക്കര വില്ലേജ് ഓഫീസുകളുടെ കെട്ടിട നിര്‍മ്മാണ പ്രവൃത്തികള്‍ക്ക് ഭരണാനുമതി ലഭ്യമാക്കുന്നതിനുള്ള സത്വര നടപടി സ്വീകരിക്കുമോ; വ്യക്തമാക്കുമോ?

മാവേലിക്കര താലൂക്ക് ഓഫീസ് നിര്‍മ്മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ; പുതിയ ഓഫീസ് കെട്ടിടത്തിന് ആവശ്യമായ ഫര്‍ണീച്ചറുകള്‍ ലഭ്യമാക്കുന്നതിന് നടപടി സ്വീകരിക്കുമോയെന്ന് അറിയിക്കാമോ?

സംസ്ഥാനത്തെ വില്ലേജ് ഓഫീസുകളുടെ നവീകരണം ലക്ഷ്യമിട്ടുള്ള സ്മാർട്ട് വില്ലേജ് ഓഫീസ് പദ്ധതിയുടെ പുരോഗതി വിശദമാക്കുമോ;

വില്ലേജ് ഓഫീസുകളെ സ്മാർട്ട് വില്ലേജ് ഓഫീസ് എന്ന രീതിയിൽ പരിവർത്തനം ചെയ്യുന്നതിന് എന്തെല്ലാം പദ്ധതികളാണ് ആവിഷ്കരിച്ചിരിക്കുന്നതെന്ന് വ്യക്തമാക്കുമോ;

എം.എൽ.എ.മാരുടെ ആസ്തി വികസന ഫണ്ട് വില്ലേജ് ഓഫീസുകളുടെ നിർമ്മാണത്തിന് പ്രയോജനപ്പെടുത്തുന്നുണ്ടോ; എങ്കിൽ ഇപ്രകാരം നിർമ്മിക്കപ്പെട്ട സ്മാർട്ട് വില്ലേജ് ഓഫീസുകളുടെ വിശദാംശം അറിയിക്കുമോ?

കോഴിക്കോട് വെസ്റ്റ്ഹില്‍ ബീച്ചില്‍ ഹെല്‍ത്ത് വെല്‍നെസ്സ് സെന്റര്‍ ആരംഭിക്കാൻ സ്ഥലം അനുവദിക്കുന്ന വിഷയം വകുപ്പിന്റെ പരിഗണനയില്‍ ഉണ്ടോ; എങ്കില്‍ എന്തെല്ലാം നടപടികളാണ് ഇതുവരെ സ്വീകരിച്ചത്; വിശദമാക്കാമോ;

നടപടിക്രമങ്ങള്‍ പൂര്‍ത്തീകരിച്ച് സ്ഥലം അനുവദിക്കുന്നതിന് അടിയന്തര നടപടി സ്വീകരിക്കുമോ; വിശദമാക്കാമോ?

വെെപ്പിന്‍ മണ്ഡലത്തിൽ പള്ളിപ്പുറം ഗ്രാമപഞ്ചായത്തിലെ മുനമ്പം ഭാഗത്ത് ഡിസാലിനേഷന്‍ പ്ലാന്റ് സ്ഥാപിക്കുന്നതിനുള്ള 24.08 ആര്‍. ഭൂമി നിലവിലെ കടാസ്ട്രല്‍ സര്‍വ്വേയ്ക്ക് പുറത്തായതിനാല്‍ കുഴുപ്പിള്ളി വില്ലേജിലേക്ക് കൂട്ടിചേര്‍ക്കുന്നതിനായി സര്‍ക്കാര്‍ ഉത്തരവ് ലഭ്യമാക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമാേ;

ഇത് സംബന്ധിച്ച് എറണാകുളം ജില്ലാ കളക്ടര്‍ 28.11.2024- ന് ലാന്റ് റവന്യൂ കമ്മീഷണര്‍ക്ക് നല്‍കിയ കത്തില്‍ സ്വീകരിച്ചിട്ടുള്ള നടപടി വിശദമാക്കാമാേ?

മൂന്നാര്‍ മേഖലയിലെ എട്ട് വില്ലേജുകളില്‍ കെട്ടിട നിര്‍മ്മാണത്തിന് റവന്യൂ വകുപ്പിന്റെ എന്‍.ഒ.സി. ആവശ്യമാണെന്ന കേരള ഹൈക്കോടതി ഉത്തരവിനുശേഷം ആയതിലേക്കായി എത്ര അപേക്ഷകള്‍ ലഭിച്ചുവെന്നും എത്ര അപേക്ഷകര്‍ക്ക് എന്‍.ഒ.സി. നല്‍കിയിട്ടുണ്ടെന്നും വില്ലേജ് തിരിച്ച് അറിയിക്കാമോ;

എന്‍.ഒ.സി. അനുവദിക്കുന്നതിനുള്ള മാനദണ്ഡങ്ങള്‍ എന്തൊക്കെയെന്ന് വിശദമാക്കാമോ;

പ്രസ്തുത വില്ലേജുകളില്‍ വെെദ്യുതി കണക്ഷന്‍ ലഭിക്കുന്നതിന് റവന്യൂ വകുപ്പിന്റെ എന്‍.ഒ.സി. ആവശ്യമാണെന്ന് കോടതി നിര്‍ദ്ദേശമുണ്ടോ;

ഇല്ലെങ്കില്‍ പ്രസ്തുത വില്ലേജുകളില്‍ വെെദ്യുതി കണക്ഷന്‍ ലഭിക്കുന്നതിന് റവന്യൂ വകുപ്പിന്റെ എന്‍.ഒ.സി. ആവശ്യമുണ്ടോയെന്ന് അറിയിക്കുമോ?

തരം മാറ്റിയ ഭൂമി പോക്ക് വരവ് ചെയ്ത് നൽകുന്നതിന് ആധാരത്തിൽ എല്ലായിടത്തും സ്വഭാവ വ്യതിയാനം നടത്തിയ പുരയിടം എന്ന് ഉൾപ്പെടുത്തണമെന്ന് നിബന്ധനയുണ്ടോയെന്ന് വ്യക്തമാക്കുമോ;

തരം മാറ്റിയ ഭൂമി പോക്ക് വരവ് ചെയ്യുന്നതിന് ഓൺലൈൻ സംവിധാനത്തിലൂടെ നടപടി സ്വീകരിക്കാമെന്നിരിക്കെ ഭൂവുടമയോ ചുമതലപ്പെടുത്തുന്ന വ്യക്തിയോ നേരിട്ട് എത്തുന്നതുവരെ പല വില്ലേജ്/താലൂക്ക് ഓഫീസുകളിൽ നിന്നും നടപടികൾ സ്വീകരിക്കുന്നില്ല എന്ന കാര്യം ഗൗരവത്തോടെ കാണുന്നുണ്ടോ; വ്യക്തമാക്കുമോ;

ഉദ്യോഗസ്ഥരുടെ അനാസ്ഥമൂലം താലൂക്ക് ഓഫീസുകളിലും വില്ലേജ് ഓഫീസുകളിലും ഇപ്രകാരം പോക്ക് വരവ് പൂർത്തിയാക്കാനായി നിരവധി ആധാരങ്ങൾ കെട്ടിക്കിടക്കുന്ന പ്രതിസന്ധി പരിഹരിക്കുന്നതിന് അടിയന്തര നടപടികൾ സ്വീകരിക്കുമോ?

27.11.2024-ലെ മന്ത്രിസഭായോഗ തീരുമാനപ്രകാരം സബോർഡിനേറ്റ് സര്‍വ്വീസിലും സ്റ്റേറ്റ് സര്‍വ്വീസിലും നിരീക്ഷണ കാലയളവ് ഒരു തവണ മാത്രമാക്കുന്നതിന് വിശേഷാല്‍ ചട്ടങ്ങള്‍ രൂപീകരിക്കണമെന്ന നിര്‍ദ്ദേശം റവന്യൂ വകുപ്പിന് ലഭിച്ചിട്ടുണ്ടോ; എങ്കിൽ പ്രസ്തുത ചട്ടങ്ങള്‍ രൂപീകരിക്കുന്നതിന് സ്വീകരിച്ചിട്ടുള്ള നടപടികൾ വ്യക്തമാക്കുമോ?

ഗൺ ലൈസൻസിന് അപേക്ഷിക്കാനുള്ള മാനദണ്ഡങ്ങളും തുടർന്നുള്ള നടപടിക്രമങ്ങളും എന്തൊക്കെയാണെന്ന് വ്യക്തമാക്കാമോ;

ഗൺ ലൈസൻസിനായുള്ള പുതിയ അപേക്ഷ നിരസിക്കപ്പെടുകയാണെങ്കിൽ പ്രസ്തുത വിവരം അപേക്ഷകരെ അറിയിക്കാറുണ്ടോ; എങ്കില്‍ എത്ര ദിവസത്തിനകമാണറിയിക്കാറുള്ളത്;

സ്വീകരിക്കപ്പെടുന്ന അപേക്ഷകളിന്മേൽ എത്ര ദിവസങ്ങൾക്കുള്ളിലാണ് നടപടികൾ പൂർത്തീകരിച്ച് ലൈസൻസ് നൽകേണ്ടതെന്ന് വ്യക്തമാക്കാമോ;

കഴിഞ്ഞ രണ്ട് വർഷത്തിനിടയിൽ കാസർഗോഡ് കളക്ടറേറ്റിൽ ലൈസൻസിനായുള്ള പുതിയ എത്ര അപേക്ഷകൾ ലഭിച്ചിട്ടുണ്ടെന്ന് വ്യക്തമാക്കാമോ; ഇവയിൽ നിരസിക്കപ്പെട്ട അപേക്ഷകൾ എത്രയാണെന്നും നിരസിക്കാനുള്ള കാരണമെന്താണെന്നും അപേക്ഷ തിരിച്ച് വ്യക്തമാക്കാമോ;

എല്ലാ മാനദണ്ഡങ്ങളും പാലിച്ച അപേക്ഷകൾ എത്രയാണെന്നും എപ്പോഴാണ് ഇവർ അപേക്ഷ സമർപ്പിച്ചതെന്നും അപേക്ഷ തിരിച്ചു വ്യക്തമാക്കാമോ; ഇവരിൽ എത്രപേർക്ക് ലൈസൻസ് അനുവദിച്ചുവെന്നും എത്രദിവസം കഴിഞ്ഞാണ് ലൈസൻസ് നൽകിയതെന്നും അപേക്ഷ തിരിച്ച് വ്യക്തമാക്കാമോ; കാല വിളമ്പം ഉണ്ടായിട്ടുണ്ടെങ്കിൽ ആയതിനുള്ള കാരണം എന്താണെന്ന് വ്യക്തമാക്കാമോ;

എല്ലാ നടപടിക്രമങ്ങളും മാനദണ്ഡങ്ങളും പാലിച്ച എത്ര അപേക്ഷകർക്ക് ലൈസൻസ് അനുവദിക്കുവാൻ ബാക്കിയുണ്ടെന്ന് വ്യക്തമാക്കാമോ?

പള്ളിച്ചല്‍ വില്ലേജില്‍ ഖാദി ബോര്‍ഡിന്റെ ഉടമസ്ഥതയിലുള്ള 17.20 ആര്‍. സ്ഥലം (റീസര്‍വ്വെ നമ്പര്‍ 151/2) വീണ്ടെടുക്കുന്നതിനായി റവന്യു വകുപ്പ് സ്വീകരിച്ച നടപടികൾ വിശദമാക്കാമോ;

ഈ വിഷയത്തിന്മേൽ സിവില്‍ കോടതിയെ സമീപിക്കുന്നതിനായി ആവശ്യമായ രേഖകള്‍ വ്യവസായ വകുപ്പിന് കൈമാറിയിട്ടുണ്ടോ; ഇല്ലെങ്കില്‍ ആയതിന്റെ കാരണം വ്യക്തമാക്കാമോ; ഉണ്ടെങ്കില്‍ പ്രസ്തുത രേഖകളുടെ പകര്‍പ്പുകൾ ലഭ്യമാക്കാമോ?

സർഫാസി ആക്ട് പ്രകാരം ബാങ്കുകൾ കോടതി വ്യവഹാരങ്ങളിലൂടെയല്ലാതെ നേരിട്ട് ഏറ്റെടുക്കുന്ന വീടില്ലാത്ത ഭൂമി പിന്നീട് ലേലം ചെയ്ത് വിൽപ്പന നടത്തുന്നതിന് മുമ്പായി പ്രസ്തുത ഭൂമിയുടെ തണ്ടപ്പേര് ബാങ്കിന്റെ പേരിലേക്ക് നിർബന്ധമായും മാറ്റേണ്ടതുണ്ടോ; ഉണ്ടെങ്കിൽ ആയത് വ്യക്തമാക്കുന്ന ഏതെങ്കിലും ഉത്തരവ്/സർക്കുലറുകൾ റവന്യൂ വകുപ്പ് പുറപ്പെടുവിച്ചിട്ടുണ്ടോ; എങ്കിൽ അതിന്റെ പകർപ്പ് ലഭ്യമാക്കാമോ;

ഇല്ലെങ്കിൽ ഇക്കാര്യത്തിൽ വ്യക്തത വരുത്തുന്ന ഒരു പൊതു ഉത്തരവ് പ്രസ്തുത ആക്ട് ബാധകമായ ബാങ്കുകൾക്ക് വകുപ്പ് നൽകുമോയെന്ന് വ്യക്തമാക്കാമോ?

സര്‍ഫാസി നിയമ പ്രകാരം ബാങ്കുകള്‍ നേരിട്ട് ഏറ്റെടുക്കുകയും പിന്നീട് വില്‍പ്പന നടത്തുകയും ചെയ്യുന്ന ഭൂമികളുടെ തണ്ടപ്പേര് ബാങ്കുളുടെ പേരിലേക്ക് മാറ്റാതെ തന്നെ പോക്കുവരവ് അനുവദിക്കാമോ; അനുവദിക്കാമെങ്കില്‍ അതുമായി ബന്ധപ്പെട്ട അവ്യക്തതകള്‍ ദൂരീകരിക്കാന്‍ ഒരു പൊതു ഉത്തരവ് റവന്യൂ വകുപ്പ് പുറത്തിറക്കുമോ; വ്യക്തമാക്കുമോ?

പുതുക്കാട് മണ്ഡലത്തിലെ വിവിധ റാേഡുകളുടെ നവീകരണ-നിര്‍മ്മാണ പ്രവൃത്തികള്‍, നിര്‍ദ്ദിഷ്ട മലയാേര ഹെെവേ നിര്‍മ്മാണം എന്നിവയ്ക്കാവശ്യമായ വനഭൂമി ലഭ്യമാക്കുമ്പോൾ അതിനുപകരമായി റവന്യൂ ഭൂമി വനം വകുപ്പിന് കെെമാറുന്നതിനുള്ള നടപടികളില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടാേ;

എങ്കിൽ പ്രസ്തുത കാലതാമസം ഒഴിവാക്കി വികസന പ്രവൃത്തികള്‍ക്കായി വനഭൂമി ലഭ്യമാക്കുമ്പോൾ പകരമായി റവന്യൂ ഭൂമി വനം വകുപ്പിന് കെെമാറുന്നതിന് നടപടി സ്വീകരിക്കുമാേയെന്ന് വ്യക്തമാക്കാമോ?

കാസർഗോഡ് ജില്ലയിലെ തീരപ്രദേശങ്ങളിലെ അൺ സർവ്വേയ്‌ഡ്‌ ഭൂമി ടൂറിസം വികസനത്തിന് ഉപയോഗിക്കുന്നതിന് അനുമതി ലഭ്യമാക്കുന്നതിനുള്ള നടപടിക്രമങ്ങൾ എന്തൊക്കെയാണെന്ന് വിശദമാക്കുമോ;

മഞ്ചേശ്വരം മണ്ഡലത്തിലെ ഹൊസബെട്ടു ടൂറിസം പദ്ധതിക്കായി പ്രസ്തുത വിഭാഗത്തിൽ ഉൾപ്പെടുന്ന ഭൂമി ലഭ്യമാക്കുന്നതിന് നടപടി സ്വീകരിക്കുമോ;

പ്രസ്തുത അൺ സർവ്വേയ്ഡ് ഭൂമി സ്വകാര്യ വ്യക്തികൾ കയ്യേറിയാൽ അത് ഒഴിപ്പിക്കുന്നതിനുള്ള നടപടിക്രമങ്ങൾ എന്തൊക്കെയാണെന്ന് വിശദമാക്കുമോ?

സർവ്വേ ആൻഡ് ലാൻഡ് റെക്കോർഡ്സ് വകുപ്പിൽ 2024-25 വർഷത്തെ സെക്കൻഡ് ഗ്രേഡ് സര്‍വേയര്‍, ഫസ്റ്റ് ഗ്രേഡ് സര്‍വേയര്‍മാരുടെ ഓൺലൈൻ ട്രാൻസ്ഫർ ഓർഡർ എന്ന് നിലവിൽ വരാനാണ് സാധ്യത എന്നറിയിക്കാമോ;

പ്രസ്തുത വകുപ്പില്‍ 2023-24 ൽ സർവേയര്‍ തസ്തികളിൽ നിന്നും എത്ര പേർ വിരമിച്ചു; വിരമിക്കലിലൂടെ സംജാതമായ ഒഴിവുകളെ സംബന്ധിച്ച വിവരം ജില്ലാടിസ്ഥാനത്തിൽ വ്യക്തമാക്കാമോ; പ്രസ്തുത ഒഴിവുകളില്‍ എത്ര സര്‍വേയര്‍ ഗ്രേ‍ഡ് II ഉദ്യോഗസ്ഥര്‍ക്ക് പ്രേമോഷൻ ലഭിച്ചു; 2023-24 ലെ വിരമിക്കലിലൂടെ സംജാതമായ ഒഴിവുകളില്‍ പകരം നിയമനം നൽകിയോ; എങ്കിൽ ഓർഡർ നമ്പർ, തീയതി എന്നിവ അറിയിക്കാമോ;

പ്രസ്തുത വകുപ്പിൽ സര്‍വേയര്‍ ഗ്രേ‍ഡ്-I, സര്‍വേയര്‍ ഗ്രേ‍ഡ്-II തസ്തികകളില്‍ ഓൺലൈൻ ട്രാൻസ്ഫർ പ്രകാരം തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ എന്നീ ജില്ലകളിൽ എത്ര ഉദ്യോഗസ്ഥര്‍ക്ക് സ്ഥലംമാറ്റം ലഭിക്കും എന്ന് വ്യക്തമാക്കാമോ?

റവന്യൂ ജീവനക്കാരുടെ ഹയര്‍ സര്‍വ്വെ, ചെയിന്‍ സര്‍വ്വെ പരീക്ഷകളുടെ മൂല്യനിര്‍ണ്ണയം നടത്തുന്നതിലും ഫലം പ്രസിദ്ധീകരിക്കുന്നതിലും കാലതാമസമുണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ നിലവില്‍ എത്ര ഹയര്‍ സര്‍വ്വെ, ചെയിന്‍ സര്‍വ്വെ ബാച്ചുകളുടെ ഫലം പ്രസിദ്ധീകരിക്കാനുണ്ടെന്ന് വ്യക്തമാക്കാമോ;

അവസാനമായി നടന്ന ഹയര്‍ സര്‍വ്വെ, ചെയിന്‍ സര്‍വ്വെ പരീക്ഷകളുടെ മൂല്യനിര്‍ണ്ണയം നടത്തിയ തീയതിയും ഫലം പ്രസിദ്ധീകരിച്ച തീയതിയും അറിയിക്കുമോ;

പ്രസ്തുത പരീക്ഷകളുടെ മൂല്യനിര്‍ണ്ണയം നടത്തുന്നതിലും അവയുടെ ഫലം പ്രസിദ്ധീകരിക്കുന്നതിലും കാലതാമസമുണ്ടാകുന്നതിന്റെ കാരണം വിശദമാക്കുമോ;

ഡിജിറ്റല്‍ സര്‍വ്വെ പദ്ധതിയുമായി ബന്ധപ്പെട്ട് സര്‍വ്വെ ഉദ്യോഗസ്ഥർ അഭിമുഖീകരിക്കുന്ന ജോലിഭാരം ഹയര്‍ സര്‍വ്വെ, ചെയിന്‍ സര്‍വ്വെ പരീക്ഷകളുടെ മൂല്യനിര്‍ണ്ണയത്തെയും അവയുടെ ഫലം പ്രസിദ്ധീകരിക്കുന്നതിനെയും ബാധിക്കുന്നുണ്ടോ; എങ്കില്‍‍ പകരം സംവിധാനം ഏര്‍പ്പെടുത്തുന്ന കാര്യം പരിഗണിക്കുമോയെന്ന് വ്യക്തമാക്കുമോ;

നിരീക്ഷണകാലം പൂര്‍ത്തിയാക്കിയതായി പ്രഖ്യാപിക്കുന്നതിനും സ്ഥാനക്കയറ്റത്തിനും ഹയര്‍ സര്‍വ്വെയും ചെയിന്‍ സര്‍വ്വെയും നിര്‍ബന്ധിത യോഗ്യതയായതിനാല്‍ അവയുടെ പരീക്ഷാ ഫലം അനിശ്ചിതമായി വൈകുന്നത് ഗൗരവമായി പരിഗണിച്ച് എത്രയും വേഗം ഫലം പ്രസിദ്ധീകരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ;

പരീക്ഷാ മൂല്യനിര്‍ണ്ണയം നടത്തുന്നതിനുള്ള തീയതി നിശ്ചയിക്കുന്നതിനും പരീക്ഷാഫലം പ്രസിദ്ധീകരിക്കുന്നതിനും നിയോഗിക്കപ്പെട്ട/ചുമതലപ്പെട്ട ഉദ്യോഗസ്ഥരുടെ പേര്, തസ്തിക ഉള്‍പ്പെടെയുള്ള വിവരം ലഭ്യമാക്കാമോ?

കാസര്‍ഗോഡ് ജില്ലയില്‍ ഉള്‍പ്പെടെ സംസ്ഥാനത്ത് ഡിജിറ്റല്‍ സര്‍വ്വെ ഇപ്പോള്‍ ഏതു ഘട്ടത്തിലാണെന്നും ആയത് എപ്പോള്‍ പൂര്‍ത്തീകരിക്കാന്‍ സാധിക്കുമെന്നും വിശദമാക്കാമോ?

കുറ്റ്യാടി മണ്ഡലത്തില്‍ ഡിജിറ്റല്‍ സര്‍വ്വേ ഏതൊക്കെ വില്ലേജുകളിലാണ് നടപ്പിലാക്കുന്നതെന്നും ഈ പദ്ധതി ഏത് ഘട്ടത്തിലാണെന്നും വിശദമാക്കാമോ; മണ്ഡലത്തിലെ എല്ലാ വില്ലേജുകളിലും ഈ പദ്ധതി നടപ്പിലാക്കുമോ; വിശദമാക്കാമോ;

പ്രസ്തുത പദ്ധതി നടപ്പിലാക്കുന്നത് വഴി എന്തൊക്കെ പ്രയോജനങ്ങളാണ് ജനങ്ങള്‍ക്ക് ലഭ്യമാവുകയെന്ന് അറിയിക്കാമോ?

സംസ്ഥാനത്ത് സ്വകാര്യമായി ഡിജിറ്റല്‍ സര്‍വ്വേ നടത്തുന്നതിന് ഫീസ്/റേറ്റ് നിശ്ചയിച്ചിട്ടുണ്ടോയെന്ന് വ്യക്തമാക്കാമോ; പ്രസ്തുത ഫീസ്/റേറ്റ് എത്രയാണെന്ന് വ്യക്തമാക്കാമോ;

ഇല്ലെങ്കില്‍ സ്വകാര്യ ഡിജിറ്റല്‍ സര്‍വേ നടത്തുന്നതിന് നിശ്ചിത ഫീസ്/റേറ്റ് ഏര്‍പ്പെടുത്തുമോയെന്ന് വ്യക്തമാക്കാമോ?

അരൂര്‍ മണ്ഡലത്തില്‍ ഏതൊക്കെ വില്ലേജുകളില്‍ റീസര്‍വ്വേ നടപടികള്‍ പൂര്‍ത്തീകരിച്ചിട്ടുണ്ട് എന്ന് വിശദമാക്കാമോ;

പാണാവള്ളി വില്ലേജില്‍ സര്‍വ്വേ സംബന്ധമായി ഒട്ടനവധി പ്രശ്നങ്ങള്‍ നിലനില്‍ക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിനായി പാണാവള്ളി വില്ലേജില്‍ അടിയന്തരമായി റീസര്‍വ്വേ പൂര്‍ത്തീകരിക്കുന്നതിനുള്ള നടപടി സ്വീകരിക്കുമോ?

അരുവിക്കര മണ്ഡലത്തില്‍ ഉള്‍പ്പെടുന്ന വിവിധ വില്ലേജുകളില്‍ നടന്നുവരുന്ന ഡിജിറ്റല്‍ റീസര്‍വ്വെയുടെ നിലവിലെ പ്രവര്‍ത്തന പുരോഗതി വിശദമാക്കുമോ?

സംസ്ഥാനത്തെ ഡിജിറ്റൽ റീസർവ്വേ പദ്ധതികള്‍ക്കായി നാളിതുവരെ എന്തു തുക ചെലവഴിച്ചുവെന്നും ഇനി എന്തു തുക വേണ്ടി വരുമെന്നും വ്യക്തമാക്കുമാേ;

ഡിജിറ്റല്‍ റീസര്‍വ്വേ പൂര്‍ത്തീകരിക്കുന്നതാേടെ ആധുനിക സാങ്കേതിക വിദ്യയുടെ സഹായത്താേടെ ഡിജിറ്റല്‍വേലി തയ്യാറാക്കാന്‍ ഉദ്ദേശിക്കുന്നുണ്ടാേ; വിശദാംശം ലഭ്യമാക്കുമാേ?

കൊല്ലം അഞ്ചൽ റീ സർവേ സൂപ്രണ്ട് ഓഫീസിൽ സെക്കന്റ് ഗ്രേഡ് സർവേയർ തസ്തികയിൽ സേവനമനുഷ്ഠിച്ചുവരുന്ന ശ്രീ. ഹരികൃഷ്ണൻ കെ.എം.ന്റെ മകന്റെ ക്യാൻസർ ചികിത്സയ്ക്കായി ചെലവായ തുകയുടെ മെഡിക്കൽ റീ ഇമ്പേഴ്സ്മെന്റിനായി സമർപ്പിച്ച അപേക്ഷയുടെ (എം.ആർ.എ. ഫയൽ നമ്പർ.എ1.338/2023) നിലവിലെ അവസ്ഥ വ്യക്തമാക്കാമോ?

കോന്നി മെഡിക്കല്‍ കോളേജില്‍ ഹൗസിംഗ് ബോര്‍ഡ് നിര്‍മ്മിക്കുന്ന ആശ്വാസ് വാടക വീടിന്റെ നിര്‍മ്മാണം എന്നത്തേയ്ക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

2024 നവംബറില്‍ വീട് പൂര്‍ണ്ണമായും തകര്‍ന്ന, പുതുക്കാട് മണ്ഡലത്തിലെ മുകുന്ദപുരം താലൂക്ക്, കല്ലൂര്‍ വില്ലേജ്, പച്ചളിപ്പുറം-കല്ലൂര്‍ ദേശത്ത്, കൊട്ടേക്കാട്ടില്‍ വീട്ടില്‍ മരിച്ച ദാസന്റെ ഭാര്യ ശ്രീമതി ഉഷ സി. വി.യുടെ അപേക്ഷ പരിഗണിച്ച് അര്‍ഹമായ പരമാവധി നഷ്ടപരിഹാരം അനുവദിക്കുന്നതിന് സര്‍ക്കാര്‍ നടപടി സ്വീകരിച്ചിട്ടുണ്ടോ;

സ്വന്തമായുണ്ടായിരുന്ന വീട് തകര്‍ന്ന ശ്രീമതി ഉഷയ്ക്ക് പുതുതായി വീട് അനുവദിയ്ക്കുന്നതിന് ആവശ്യമായ നടപടികള്‍ സ്വീകരിക്കുമോ എന്ന് വ്യക്തമാക്കാമോ?

2016-ന് ശേഷം കാസർഗോഡ് ജില്ലയിൽ ഹൗസിങ് ബോർഡ് ഏറ്റെടുത്ത പദ്ധതികൾ ഏതെല്ലാമെന്നും അവയില്‍ ഏതെല്ലാം പദ്ധതികൾ പൂർത്തീകരിച്ചു എന്നും അറിയിക്കുമോ;

പൂർത്തീകരിക്കാത്ത പദ്ധതികൾ ഏതെല്ലാമാണെന്നും അവ പൂർത്തീകരിക്കാത്തത് എന്തുകൊണ്ടെന്നും അറിയിക്കുമോ?

ഭവന നിര്‍മ്മാണ ബോര്‍ഡിന്റെ കീഴിലുള്ള 25 വര്‍ഷം കഴിഞ്ഞ കെട്ടിടങ്ങള്‍ ഏതൊക്കെയാണെന്ന് വിശദമാക്കാമോ;

ഭവന നിര്‍മ്മാണ ബോര്‍ഡിന്റെ നിരവധി കെട്ടിടങ്ങള്‍ക്ക് ബലക്ഷയം സംഭവിച്ചത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കുന്നത് എന്ന് വിശദമാക്കാമോ?

കീഴരിയൂര്‍ ഗ്രാമപഞ്ചായത്തിലെ നമ്പ്രത്തുകര രാജീവ് ദശലക്ഷം കോളനിയില്‍ ഹൗസിംഗ് ബോര്‍ഡ് വീടുകള്‍ നിര്‍മ്മിച്ചു നല്‍കിയിട്ടുണ്ടോ;

ഉണ്ടെങ്കില്‍ എത്ര വീടുകള്‍ നിര്‍മ്മിച്ചിട്ടുണ്ടെന്നും ആര്‍ക്കൊക്കെ നല്‍കിയെന്നും വ്യക്തമാക്കാമോ;

ഇതില്‍ എത്ര പേര്‍ക്ക് പട്ടയം നല്‍കിയിട്ടുണ്ടെന്നും ആര്‍ക്കൊക്കെയാണെന്നും നിലവില്‍ എത്ര പേര്‍ താമസിക്കുന്നുണ്ടെന്നും വിശദമാക്കാമോ;

ഈ വീടുകള്‍ എപ്പോഴാണ് നിര്‍മ്മിച്ചതെന്നും നിലവില്‍ വീടുകളുടെ അവസ്ഥ എന്താണെന്നും വ്യക്തമാക്കുമോ?

നിർധനരായ ക്ഷയരോഗികൾക്ക് റവന്യൂ വകുപ്പ് വഴി പ്രതിമാസം നൽകിവരുന്ന 1000 രൂപയുടെ പെൻഷൻ വിതരണത്തിൽ കുടിശ്ശികയുണ്ടോയെന്ന് അറിയിക്കാമോ; ഉണ്ടെങ്കിൽ എത്ര കാലയളവിലെ പെൻഷൻ കുടിശ്ശികയുണ്ടെന്നും കുടിശ്ശിക എന്ന് കൊടുത്ത് തീർക്കുവാൻ കഴിയുമെന്നും വ്യക്തമാക്കാമോ?

ആലത്തൂർ മണ്ഡലത്തിൽ 2016-2025 കാലഘട്ടത്തിൽ ഫ്ലഡ് റിലീഫ് സ്കീമിൽ ഉൾപ്പെടുത്തി അനുവദിക്കപ്പെട്ടിട്ടുള്ള എല്ലാ റോഡ് പ്രവൃത്തികളുടെയും വിശദാംശങ്ങളും ഇവയുടെ നിർവ്വഹണ പുരോഗതിയും വിശദമാക്കാമോ;

ഇവയിൽ ഏതെല്ലാം പ്രവൃത്തികളാണ് ആരംഭിക്കാത്തതെന്നും ആയതിന്റെ കാരണമെന്താണെന്നും വ്യക്തമാക്കാമോ?

വയനാട് ഉരുൾപൊട്ടൽ ദുരന്തമുണ്ടായി മാസങ്ങൾ പിന്നിട്ടിട്ടും പുനരധിവാസ പ്രവർത്തനങ്ങൾ മന്ദഗതിയിലാണെന്നും ഭൂമി ഏറ്റെടുക്കുന്ന നടപടികൾ പോലും ഇതുവരെ തുടങ്ങാൻ സാധിച്ചിട്ടില്ല എന്നുമുള്ള ആക്ഷേപം ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ;

ഓരോ ദുരന്തബാധിതർക്കും കുറഞ്ഞത് 10 സെന്റ് സ്ഥലം എങ്കിലും നൽകാൻ തയ്യാറാകുമോ; ഇല്ലെങ്കിൽ കാരണം വിശദമാക്കാമോ;

ദുരന്തം നടന്ന് ഏഴ് മാസമായിട്ടും ദുരന്തബാധിതരുടെ അന്തിമ ലിസ്റ്റ് തയ്യാറാക്കാൻ കഴിയാത്തതിന്റെ കാരണം അറിയിക്കുമോ?