14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >14^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കെ.എസ്.ടി.പി. പദ്ധതി

1071.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ടി.പി. പദ്ധതികളുടെ നിലവിലെ അവസ്ഥ വ്യക്തമാക്കുമോ;

(ബി)	ഇതില്‍ ഏതൊക്കെ റോഡുകളുടെ നിര്‍മ്മാണ പ്രവര്‍ത്തനമാണ് ഈ സര്‍ക്കാര്‍ നിലവില്‍ വന്നതിനുശേഷം പൂര്‍ത്തിയാക്കിയത്;

(സി)	കെ.എസ്.ടി.പി.പദ്ധതികളുടെ നിര്‍മ്മാണത്തിലുണ്ടായിട്ടുള്ള അപാകതകള്‍ സംബന്ധിച്ച് എന്തെങ്കിലും പരാതി ലഭിച്ചിട്ടുണ്ടോ; എങ്കില്‍ അതിന്മേല്‍ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കുമോ;

(ഡി)	മുടങ്ങിക്കിടന്ന തിരുവല്ല ബൈപാസിന്റെ നിര്‍മ്മാണ പ്രവര്‍ത്തനങ്ങള്‍ റീ ടെന്‍ഡര്‍ ചെയ്തിട്ടുണ്ടോ; എങ്കില്‍ എത്ര തുകക്കാണ് കരാര്‍ നല്‍കിയിട്ടുള്ളതെന്ന് വ്യക്തമാക്കുമോ?

കെ.എസ്.ടി.പി. രണ്ടാം ഘട്ട പ്രവര്‍ത്തനങ്ങളുടെ പുരോഗതി

1072.

ശ്രീമതി.വീണാ ജോര്‍ജ്ജ്
ശ്രീ.എ. എന്‍. ഷംസീര്‍
,, എം. രാജഗോപാലന്‍
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ടി.പി.യുടെ രണ്ടാം ഘട്ട പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദാംശങ്ങള്‍ നല്‍കാമോ;

(ബി)	പ്രസ്തുത പദ്ധതി പ്രകാരം നിലവില്‍ ഏതെല്ലാം പ്രവൃത്തികളാണ് നടന്നുവരുന്നതെന്ന് വ്യക്തമാക്കാമോ;

(സി)	രണ്ടാം ഘട്ട പദ്ധതിയുടെ പൂര്‍ത്തീകരണത്തിനായി സമയപരിധി നിശ്ചയിച്ചിട്ടുണ്ടോയെന്നും പ്രസ്തുത സമയപരിധി ദീര്‍ഘിപ്പിച്ചിട്ടുണ്ടോയെന്നും വ്യക്തമാക്കാമോ ;

(ഡി)	കെ.എസ്.ടി.പി. രണ്ടാം ഘട്ട പദ്ധതിയ്ക്കായി എത്ര തുകയാണ് വിനിയോഗിക്കുന്നതെന്നും ലോകബാങ്ക് വായ്പയായി ലഭിക്കുന്ന തുക എത്രയാണെന്നും അറിയിക്കാമോ?

മലയോര ഹൈവേ

1073.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയോര ഹൈവേയുടെ ഏതെല്ലാം ഘട്ടങ്ങള്‍ക്ക് കിഫ്ബിയില്‍ നിന്ന് സാമ്പത്തിക സഹായം ലഭ്യമാക്കാന്‍ അനുമതി നല്‍കിയെന്ന് വ്യക്തമാക്കുമോ;

(ബി)	ഇതില്‍ ഏതെല്ലാം പ്രവൃത്തികള്‍ ഇതിനോടകം ടെന്‍ഡര്‍ ചെയ്തെന്ന് അറിയിക്കുമോ;

(സി)	ഇരിക്കൂര്‍ നിയോജക മണ്ഡലത്തിലെ മലയോര ഹൈവേയുടെ രണ്ടാം ഘട്ടമായ ആലക്കോട് പാലം, കരുവഞ്ചാല്‍ പാലം, താവുകുന്ന്-പോത്തുകുണ്ട്- നടുവില്‍ റോഡ് ഉള്‍പ്പെടെയുള്ള ഭാഗങ്ങളുടെ ഡി.പി.ആര്‍. തയ്യാറായിട്ടുണ്ടോ;

(ഡി)	ഒന്നാം ഘട്ടമായി ഊരാളുങ്കല്‍ സൊസൈറ്റി മുഖേന ചെയ്യുന്ന ചെറുപുഴ മുതല്‍ ഉളിക്കല്‍ വരെയുള്ള പ്രവ‍ൃത്തി എന്നത്തേയ്ക്ക് പൂര്‍ത്തിയാക്കുമെന്ന് വ്യക്തമാക്കാമോ;

(ഇ)	ഊരാളുങ്കല്‍ സൊസൈറ്റി ചെയ്തുവരുന്ന നുച്ചിയാട് പാലത്തിന്റെ പ്രവൃത്തി ഏത് ഘട്ടത്തിലാണെന്ന് വ്യക്തമാക്കുമോ?

ടോള്‍ ബൂത്തുകള്‍

1074.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിലവില്‍ എത്ര ടോള്‍ ബൂത്തുകള്‍ ഉണ്ട്; ഏതൊക്കെ സ്ഥലത്താണ് ഇവ സ്ഥാപിച്ചിരിക്കുന്നത്; വിശദമാക്കാമോ;

(ബി)	പ്രസ്തുത ടോള്‍ ബൂത്തുകള്‍ നിര്‍ത്തലാക്കുവാന്‍ എന്തെങ്കിലും തീരുമാനമെടുത്തിട്ടുണ്ടോ; എങ്കില്‍ വ്യക്തമാക്കാമോ?

പ്രളയം മൂലം പൊതുമരാമത്ത് വകുപ്പിനുണ്ടായ നഷ്ടം

1075.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയം മൂലം പൊതുമരാമത്ത് വകുപ്പിനുണ്ടായ നഷ്ടങ്ങള്‍ സംബന്ധിച്ച കണക്കെടുപ്പ് നടത്തിയിട്ടുണ്ടോ; എങ്കില്‍ എത്ര കോടി രൂപയുടെ നഷ്ടമാണ് ഉണ്ടായിട്ടുള്ളതെന്നതിന്റെ ജില്ലതിരിച്ചുള്ള വിശദാംശങ്ങള്‍ നല്‍കുമോ;

(ബി)	പ്രളയം മൂലം തകര്‍ന്ന റോഡുകളും മറ്റും പുനര്‍നിര്‍മ്മിക്കുന്നതിന് പൊതുമരാമത്ത് വകുപ്പ് ആവിഷ്ക്കരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ; ഇതിനായി എത്ര തുക വകയിരുത്തിട്ടുണ്ട് എന്നതിന്റെ വിശദാംശം നല്‍കുമോ?

ടാറിംഗ് രീതികളില്‍ പുതിയ സാങ്കേതിക വിദ്യകള്‍

1076.

ശ്രീ.ഡി.കെ. മുരളി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നശേഷം പരമ്പരാഗത ടാറിംഗ് രീതികളില്‍ നിന്നും വ്യത്യസ്തമായി പുതിയ സാങ്കേതിക വിദ്യകള്‍ പ്രാവര്‍ത്തികമാക്കിയിട്ടുണ്ടോ; എങ്കില്‍ വിശദവിവരങ്ങള്‍ നല്‍കാമോ?

ഫയലുകള്‍ സെക്രട്ടേറിയറ്റിലേക്ക് ഓണ്‍ലെെനായി സമര്‍പ്പിക്കുന്നതിനുള്ള നടപടി

1077.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

പൊതുമരാമത്ത് വകുപ്പില്‍ എസ്റ്റിമേറ്റ് തയ്യാറാക്കുന്ന പ്രൈസ് (PRICE) സോഫ്റ്റ് വെയര്‍ മുഖേന ഫയലുകള്‍ സെക്രട്ടേറിയറ്റിലേക്ക് അയയ്ക്കുന്ന അവസരത്തില്‍ ഇ-ഓഫീസ് സംവിധാനവുമായി ചേരാത്തതിനാല്‍ നിരവധി പേജുകള്‍ ഉള്ള എസ്റ്റിമേറ്റ് ഉള്‍പ്പെടെ പ്രിന്റ് ചെയ്ത് അയക്കേണ്ടി വരുന്നതിന്റെ ബുദ്ധിമുട്ടും അമിതചെലവും കാലതാമസവും പരിഹരിക്കാന്‍ ഫയല്‍ ഓണ്‍ലെെനായി സമര്‍പ്പിക്കുന്നതിനുള്ള അടിയന്തര നടപടി കെെക്കൊള്ളുമോ;

(ബി)	പ്രൈസില്‍ തയ്യാറാക്കപ്പെട്ട വിവിധ പ്രവൃത്തികളുടെ നിലവിലെ സ്ഥിതി അറിയുന്നതിനായി ഇ-ഒാഫീസ് സംവിധാനത്തിലേതുപോലെ ഒരു തിരച്ചില്‍ സംവിധാനം ഏര്‍പ്പെടുത്താന്‍ നടപടി സ്വീകരിക്കുമോ എന്ന് വ്യക്തമാക്കാമോ?

പൊതുമരാമത്ത് വകുപ്പ് കരിമ്പട്ടികയില്‍പ്പെടുത്തിയ കരാറുകാര്‍

1078.

ശ്രീ.കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് റോഡ്,പാലം പ്രവൃത്തികളുടെ കരാര്‍ ഒപ്പുവച്ചശേഷം കരാര്‍ പ്രകാരമുള്ള കാലാവധി കഴിഞ്ഞാലും വര്‍ഷങ്ങളോളം പ്രവൃത്തി പൂര്‍ത്തിയാക്കാതിരിക്കുന്നത് പതിവാക്കിയിട്ടുള്ള ചില കരാറുകാരുടെ നടപടി സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	കരാര്‍ വ്യവസ്ഥകള്‍ പാലിക്കാത്തതിന് ഏതെങ്കിലും കരാറുകാരെ പൊതുമരാമത്ത് വകുപ്പ് കരിമ്പട്ടികയില്‍പ്പെടുത്തിയിട്ടുണ്ടോ; ഉണ്ടെങ്കില്‍ 2016 ജൂണ്‍ മുതല്‍ 2018 ഡിസംബര്‍ വരെയുള്ള കാലയളവില്‍ കരിമ്പട്ടികയില്‍ ഉള്‍പ്പെട്ടവരുടെ പേരുവിവരം വ്യക്തമാക്കുമോ;

(സി)

2001 ജനുവരി മുതല്‍ 2018 ഡിസംബര്‍ വരെയുള്ള കാലയളവില്‍ കൊല്ലം, തിരുവനന്തപുരം, പത്തനംതിട്ട, ആലപ്പുഴ, കോട്ടയം ജില്ലകളില്‍ കരാര്‍ ഒപ്പിട്ട് പ്രവൃത്തി ആരംഭിക്കുകയും എന്നാല്‍ കാലാവധിക്കുള്ളില്‍ നിശ്ചിത പ്രവൃത്തി പൂര്‍ത്തീകരിക്കാതെ കരാര്‍ പ്രകാരം തന്നെയുള്ള ജോലിക്ക് അധികരിച്ച തുക ആവശ്യപ്പെടുകയും ചെയ്ത പൊതുമരാമത്ത് റോഡ്, പാലം കരാറുകാര്‍ ആരൊക്കെയെന്നും ഏത് പ്രവൃത്തികള്‍ക്ക് എന്നും ഇതില്‍ ഏതൊക്കെ പ്രവൃത്തികള്‍ക്ക് അധികരിച്ച തുക നല്‍കിയെന്നും വ്യക്തമാക്കുമോ;

(ഡി)

പ്രസ്തുത കാലയളവില്‍ മേല്‍പ്പറഞ്ഞ ജില്ലകളില്‍ പ്രവ‍ൃത്തി പൂര്‍ത്തിയാക്കുന്നതിന് അധികരിച്ച തുക ആവശ്യപ്പെട്ട് പൊതുമരാമത്ത് വകുപ്പിനെതിരെ കോടതിയില്‍ കേസ് നല്‍കിയിട്ടുള്ള റോഡ്, പാലം കരാറുകാര്‍ ആരൊക്കെയെന്നും ഏതെല്ലാം കോടതികളിലാണെന്നും ഏത് പ്രവൃത്തിയുടെ പേരിലാണെന്നും കേസ് നമ്പറുകള്‍ ഏതെല്ലാമാണെന്നും പ്രസ്തുത കേസുകളുടെ ഇപ്പോഴത്തെ സ്ഥിതിയും വ്യക്തമാക്കുമോ;

(ഇ)

കരിമ്പട്ടികയില്‍പ്പെടുത്തുകയോ ടെര്‍മിനേറ്റ് ചെയ്യപ്പെടുകയോ ചെയ്തവരും പ്രവൃത്തി പൂര്‍ത്തീകരിക്കാതെ വര്‍ഷങ്ങളോളം ഇഴച്ചു നീക്കുകയും ചെയ്യുന്നവരായ ചില കരാറുകാരും സ്വന്തം പേരിലല്ലാതെ ബന്ധുക്കളുടെയോ മറ്റാരുടെയെങ്കിലുമോ പേരില്‍ കരാര്‍ ലൈസന്‍സ് കരസ്ഥമാക്കി പൊതുമരാമത്ത് പ്രവൃത്തികളെ മന്ദഗതിയിലാക്കാന്‍ ശ്രമിക്കുന്നത് ശ്രദ്ധയില്‍പ്പെട്ടിട്ടുണ്ടോയെന്നും ഇതിനെതിരെ നടപടി സ്വീകരിക്കുമോയെന്നും വ്യക്തമാക്കുമോ?

പൊതുമരാമത്ത് വകുപ്പിലെ അഴിമതി സംബന്ധിച്ച റിപ്പോര്‍ട്ട്

1079.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2011-16 ഭരണകാലത്തെ പൊതുമരാമത്ത് വകുപ്പിലെ അഴിമതി സംബന്ധിച്ച് ശ്രീ. വിന്‍സൻ എം. പോള്‍ എെ.പി.എസ്. നല്‍കിയ റിപ്പോര്‍ട്ടിന്റെ വിശദാംശങ്ങള്‍ നല്‍കാമോ;

(ബി)	പ്രസ്തുത റിപ്പോര്‍ട്ടിന്മേല്‍ സ്വീകരിച്ച നടപടികളുടെ വിശദാംശങ്ങള്‍ നല്‍കാമോ;

(സി)	റിപ്പോര്‍ട്ടിന്റെ അടിസ്ഥാനത്തില്‍ അഴിമതി കേസ് രജിസ്റ്റര്‍ ചെയ്തിട്ടുണ്ടോ; എങ്കില്‍ വിശദവിവരം നല്‍കാമോ?

റോഡ് വികസനം കാര്യക്ഷമമാക്കുന്നതിന് നടപടി

1080.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുനര്‍നിര്‍മ്മിക്കുന്ന റോഡുകള്‍ക്ക് മതിയായ വീതിയില്ലാത്തതിനാല്‍ ഗതാഗതക്കുരുക്ക് പരിഹരിക്കപ്പെടുകയോ റോഡ് സൗകര്യം കൂടുകയോ ചെയ്യുന്നില്ല എന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ബി)	റോഡ് പുനര്‍നിര്‍മ്മിക്കുമ്പോള്‍ കാലഘട്ടത്തിനനുസരിച്ച് വീതി കൂട്ടുന്നതിനും ആധുനിക സൗകര്യങ്ങളോടു കൂടി വിപുലപ്പെടുത്തുന്നതിനും നടപടി സ്വീകരിക്കുമോ;

(സി)	കയ്യേറ്റങ്ങള്‍ ഒഴിപ്പിച്ചും ആവശ്യമുള്ള ഘട്ടത്തില്‍ മതിയായ നഷ്ടപരിഹാരം നല്‍കി ഭൂമി ഏറ്റെടുത്തും റോഡുവികസനം കാര്യക്ഷമമാക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

റോഡ് പുനര്‍നിര്‍മ്മാണം

1081.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയക്കെടുതിയില്‍ സംസ്ഥാനത്തെ മിക്ക റോഡുകളും പാലങ്ങളും തകര്‍ന്നത് ശ്രദ്ധയില്‍പ്പെട്ടിട്ടുണ്ടോ; ഇവ ഗതാഗത യോഗ്യമാക്കുന്നതിന് സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കാമോ;

(ബി)	എത്ര റോഡുകളും പാലങ്ങളുമാണ് മഴവെള്ളപ്പാച്ചിലില്‍ ഒലിച്ചു പോയത്; ജില്ല തിരിച്ച് വിശദാംശം വ്യക്തമാക്കുമോ;

(സി)	റോഡ് പുനര്‍നിര്‍മ്മാണത്തിന് വായ്പ അനുവദിക്കുവാന്‍ ലോക ബാങ്ക് സന്നദ്ധത പ്രകടിപ്പിച്ചിട്ടുണ്ടോ; വിശദാംശം നല്‍കുമോ;

(ഡി)	സംസ്ഥാനത്ത് റോഡുകളും പാലങ്ങളും തകര്‍ന്നതുമൂലം എത്ര കോടി രൂപയുടെ നഷ്ടമാണ് പൊതുമരാമത്ത് വകുപ്പിന് ഉണ്ടായിട്ടുളളത്;

(ഇ)	ഇവയുടെ പുനര്‍നിര്‍മ്മിതിയ്ക്കായി വേണ്ടിവരുന്ന കാലതാമസം എത്രയെന്നും ഇതിലേയ്ക്കായി വരുന്ന ചെലവ് എത്രയെന്നും അതിനായി എത്ര തുക അനുവദിച്ചെന്നും ജില്ല, നിയോജകമണ്ഡലം എന്നിവ തിരിച്ച് വ്യക്തമാക്കുമോ?

കരമന-കളിയിക്കാവിള റോഡ് വികസനം

1082.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന-കളിയിക്കാവിള റോഡ് വികസനത്തിന്റെ ഒന്നാം ഘട്ടം മുന്‍ സര്‍ക്കാരിന്റെ കാലത്ത് റിക്കോര്‍ഡ് വേഗത്തില്‍ പൂര്‍ത്തിയാക്കുവാന്‍ സാധിച്ചിരുന്നോയെന്ന് അറിയിക്കാമോ;

(ബി)	പ്രസ്തുത റോഡിന്റെ പ്രാവച്ചമ്പലം മുതല്‍ കൊടിനട വരെയുളള രണ്ടാം ഘട്ടത്തിന്റെ നിര്‍മ്മാണത്തില്‍ ഈ സര്‍ക്കാര്‍ വന്ന ശേഷം ഉണ്ടായ അനിശ്ചിതത്വത്തിന് കാരണം വ്യക്തമാക്കാമോ;

(സി)	പ്രസ്തുത റോഡിന്റെ നിര്‍മ്മാണ കരാര്‍ ഏത് കമ്പനിയാണ് ഏറ്റെടുത്തിട്ടുളളത്; സര്‍ക്കാര്‍ നിശ്ചയിച്ച തുകയേക്കാള്‍ എത്ര ശതമാനം തുകയാണ് അധികമായി പ്രസ്തുത കമ്പനിക്ക് നല്‍കേണ്ടതെന്ന് അറിയിക്കുമോ;

(ഡി)	കൊടിനട മുതല്‍ വഴിമുക്ക് വരെയുളള മൂന്നാം ഘട്ട പാത വികസനത്തിന്റെ സ്ഥലമെടുപ്പ് നടപടി ഏത് ഘട്ടത്തിലാണ്; അതിനായി എത്ര തുകയാണ് അനുവദിച്ചിട്ടുളളതെന്ന് വ്യക്തമാക്കാമോ?

റോഡ്‌ നിര്‍മ്മാണ രംഗത്തെ മാറ്റങ്ങള്‍

1083.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പൊതുമരാമത്ത് വകുപ്പിന് കീഴിലുള്ള റോഡുകളുടെ പുനര്‍നിര്‍മ്മാണവും അറ്റകുറ്റപ്പണികളും നടത്തുന്നതിനായി സ്വീകരിക്കുന്ന മാനദണ്ഡങ്ങളില്‍ മാറ്റം വരുത്തുന്നതിന് സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

തീരദേശ ഹെെവേയുടെ ഡി.പി.ആര്‍

1084.

(എ)	തീരദേശ ഹെെവേയുടെ ഡി.പി.ആര്‍ തയ്യാറാക്കിയിട്ടുണ്ടോ; എങ്കില്‍ എന്നുമുതല്‍ പ്രവ്യത്തി ആരംഭിക്കുവാനാണ് ഉദ്ദേശിച്ചിട്ടുളളതെന്ന് അറിയിക്കുമോ;

(ബി)	പ്രസ്തുത ഡി.പി.ആര്‍-ന്റെ തുക ഉള്‍പ്പെടെയുളള വിശദവിവരങ്ങള്‍ നല്‍കുമോ?

മലയോര,തീരദേശ റോഡുകള്‍ക്ക് അനുവദിച്ച തുക

1085.

(എ)	മലയോര,തീരദേശ റോഡുകളുടെ പ്രവൃത്തി ഏത് ഘട്ടത്തിലാണെന്ന് വെളിപ്പെടുത്തുമോ;

(ബി)	പ്രസ്തുത പദ്ധതികള്‍ക്കായി കിഫ്ബിയില്‍ നിന്ന് എത്ര തുകയുടെ അനുമതി നല്‍കിയിട്ടുണ്ടെന്നും അവ ഏതെല്ലാം പ്രവൃത്തികള്‍ക്കാണെന്നും വ്യക്തമാക്കുമോ;

(സി)	തീരദേശമേഖലയില്‍ സ്ഥലം ലഭ്യമാക്കാനുളള ബുദ്ധിമുട്ട് കണക്കിലെടുത്ത് റോഡിന്റെ വീതി പുനര്‍ നിര്‍ണയിക്കാന്‍ ഉദ്ദേശിക്കുന്നുണ്ടോ എന്നറിയിക്കാമോ?

ഗ്രാമീണ റോഡുകളുടെ ഏറ്റെടുക്കൽ

1086.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ വന്നതിനുശേഷം പൊതുമരാമത്ത് വകുപ്പ് ഗ്രാമീണ റോഡുകളുടെ നിര്‍മ്മാണ/പുനരുദ്ധാരണ പ്രവൃത്തികള്‍ക്ക് വേണ്ടി ചെയ്ത കാര്യങ്ങള്‍ എന്തെല്ലാമെന്ന് വിശദമാക്കാമോ;

(ബി)	ഈ കാലഘട്ടത്തിൽ പൊതുമരാമത്ത് വകുപ്പ് ഏറ്റെടുത്ത പുതിയ റോഡുകളുടെ പേര്, നീളം തുടങ്ങിയ വിവരങ്ങള്‍ ജില്ല തിരിച്ച് അറിയിക്കാമോ;

(സി)	പൊതുമരാമത്ത് വകുപ്പ് പുതിയ റോഡുകള്‍ ഏറ്റെടുക്കാന്‍ ഉദ്ദേശിക്കുന്നുണ്ടോ; എങ്കില്‍ അതിന്റെ വിശദാംശങ്ങളും നടപടിക്രമങ്ങളും അറിയിക്കാമോ?

പട്ടാമ്പി മണ്ഡലത്തിലെ റോഡ്‌ പദ്ധതികള്‍

1087.

ഈ സര്‍ക്കാര്‍ അധികാരത്തില്‍ വന്നതിനുശേഷം പട്ടാമ്പി മണ്ഡലത്തില്‍ പൊതുമരാമത്ത് വകുപ്പ് റോഡ്‌ വിഭാഗം അനുവദിച്ച പദ്ധതികളില്‍ പൂര്‍ണമായും നടപ്പിലാക്കിയതും നടപ്പിലാക്കികൊണ്ടിരിക്കുന്നതും നടപ്പിലാക്കാന്‍ ഉദ്ദേശിക്കുന്നതുമായ പദ്ധതികളുടെ വിശദാംശങ്ങള്‍ ലഭ്യമാക്കാമോ?

പൊതുമരാമത്ത് വകുപ്പ് ഏറ്റെടുത്ത ഗ്രാമീണ റോഡുകള്‍

1088.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്‍െറ കാലയളവില്‍ എത്ര ഗ്രാമീണ റോഡുകള്‍ പൊതുമരാമത്ത് വകുപ്പ് ഏറ്റെടുത്തിട്ടുണ്ടെന്ന വിവരം റോഡുകളുടെ പേരും നീളവും ഉള്‍പ്പെടെ ജില്ല തിരിച്ച് ലഭ്യമാക്കാമോ;

(ബി)	ഏതൊക്കെ മാനദണ്ഡങ്ങളുടെ അടിസ്ഥാനത്തിലാണ് പൊതുമരാമത്ത് വകുപ്പ് റോഡുകള്‍ ഏറ്റെടുക്കുന്നത്;

(സി)	ഇതുവരെ ഏറ്റെടുക്കാത്ത റോഡുകള്‍ ഏറ്റെടുക്കുന്നത് സംബന്ധിച്ച് എന്തെങ്കിലും ആലോചനകള്‍ നടത്തിയിട്ടുണ്ടോ; വിശദാംശങ്ങള്‍ ലഭ്യമാക്കാമോ?

കുണ്ടന്നൂര്‍ മേല്‍പ്പാലത്തിന്റെ നിര്‍മ്മാണം

1089.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ മണ്ഡലത്തിലെ കുണ്ടന്നൂരിലെ മേല്‍പ്പാലം നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ;

(ബി)	പ്രസ്തുത നിര്‍മ്മാണവുമായി ബന്ധപ്പെട്ട് ഉണ്ടായിട്ടുള്ള അതിരൂക്ഷമായ ഗതാഗതക്കുരുക്ക് പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ ;

(സി)	എന്നത്തേക്ക് ഈ മേല്‍പ്പാലത്തിന്റെ നിര്‍മ്മാണം പൂര്‍ത്തീകരിക്കാനാകുമെന്ന് അറിയിക്കുമോ?

ബൈപാസ്സുകളുടെ നിര്‍മ്മാണം

1090.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഏതൊക്കെ ബൈപാസ്സുകളുടെ നിര്‍മ്മാണ പ്രവര്‍ത്തനങ്ങളാണ് പുതുതായി ഏറ്റെടുത്തിട്ടുള്ളത്; വിശദാംശം നല്‍കുമോ;

(ബി)	ഇതില്‍ പൊതുമരാമത്ത് ബഡ്ജറ്റ് പ്രകാരവും കിഫ്ബിയുടെ ധനസഹായത്തോടെയും നടത്തുന്ന പ്രവൃത്തികള്‍ ഏതൊക്കെയാണെന്ന് അറിയിക്കുമോ?

മലയോരഹെെവേയുടെ ഡി.പി.ആര്‍

1091.

(എ)	മലയോരഹെെവേയുടെ ഡി.പി.ആര്‍-തയ്യാറായിട്ടുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കുമോ;

(ബി)	ഇതിലേയ്ക്കായി എത്ര കോടി രൂപയുടെ ചെലവാണ് പ്രതീക്ഷിക്കുന്നത്;

(സി)	പ്രസ്തുത ഹെെവേയുടെ നിര്‍മ്മാണം എന്ന് ആരംഭിക്കുവാനാണ് ഉദ്ദേശിക്കുന്നത്;

(ഡി)	ഇതിന്‍െറ നിര്‍മ്മാണം എന്നത്തേക്ക് പൂര്‍ത്തീകരിക്കുവാനാണ് ഉദ്ദേശിക്കുന്നത്; ഇതിലേയ്ക്കായി സ്വീകരിച്ചിട്ടുളള നടപടികളുടെ വിശദാംശങ്ങള്‍ നല്‍കുമോ?

വിനോദസഞ്ചാരമേഖലകളിലെ റോഡുകൾ

1092.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിവിധ വിനോദസഞ്ചാരകേന്ദ്രങ്ങളിലേക്കും വിനോദസഞ്ചാരമേഖലകളിലും നിലവിലുള്ള റോഡുകള്‍ വീതികൂട്ടുന്നതിനും പുതിയവ നിര്‍മ്മിക്കുന്നതിനും ആലോചിക്കുന്നുണ്ടോ; വിശദമാക്കാമോ;

(ബി)	എങ്കില്‍ പുതിയവ നിര്‍മ്മിക്കുന്നതിനേക്കാള്‍ ആവശ്യകത നിലവിലുള്ള റോഡുകളുടെ വളവുകള്‍ മാറ്റി വീതി ഗണ്യമായി വര്‍ദ്ധിപ്പിക്കുന്നതാണെന്ന് ബോധ്യപ്പെട്ടിട്ടുണ്ടോ;

(സി)	വിവിധ വിനോദസഞ്ചാര കേന്ദ്രങ്ങളെയും പ്രധാന ആരാധനാലയങ്ങളെയും തമ്മില്‍ ബന്ധിപ്പിക്കുന്ന റോഡുകളും ഇതേ രീതിയില്‍ വികസിപ്പിക്കുന്നതിന് തയ്യാറാകുമോ എന്ന് വ്യക്തമാക്കാമോ?

കാലവര്‍ഷക്കെടുതിയില്‍ തകര്‍ന്ന റോഡുകള്‍

1093.

ശ്രീ.പാറക്കല്‍ അബ്ദുല്ല
,, ടി. വി. ഇബ്രാഹിം
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷക്കെടുതിയില്‍ തകര്‍ന്ന റോഡുകളുടെ കണക്ക് എടുത്തിട്ടുണ്ടോ എന്നറിയിക്കാമോ;

(ബി)	തകര്‍ന്ന റോഡുകള്‍ ഗതാഗതയോഗ്യമാക്കുന്നതിന് എത്ര തുക വേണ്ടി വരുമെന്നാണ് കണക്കാക്കിയിരിക്കുന്നത്;

(സി)	കനത്ത മഴയെ അതിജീവിക്കാനുതകുന്ന തരത്തിലുള്ള റോഡ് നിര്‍മ്മിക്കുന്നതിനുള്ള സാങ്കേതികവിദ്യ ലഭ്യമാക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ;

(ഡി)	തകര്‍ന്ന റോഡുകളുടെ പണി എന്നത്തേക്ക് പൂര്‍ത്തിയാക്കാമെന്നാണ് കരുതുന്നത് എന്ന് വ്യക്തമാക്കാമോ?

ദേശീയപാത വികസനം ലക്ഷ്യം കാണുന്നതിന് സ്വീകരിച്ചിട്ടുള്ള നടപടികള്‍

1094.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയപാത നാലുവരിപ്പാതയായി വികസിപ്പിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)	ഇതിനായുള്ള സ്ഥലമെടുപ്പ് നടപടികള്‍ ഏതൊക്കെ ജില്ലകളില്‍ പൂര്‍ത്തിയാക്കിയെന്ന് അറിയിക്കുമോ;

(സി)	കാസര്‍ഗോഡ് ജില്ലയിലെ തലപ്പാടി-ചെങ്കള, ചെങ്കള-കാലിക്കടവ് റീച്ചുകളുടെ അനുമതിക്കായി കേന്ദ്ര ഉപരിതല ഗതാഗത മന്ത്രാലയത്തെ സമീപിച്ചിട്ടുണ്ടോ; എങ്കില്‍ അതിന് അനുമതി ലഭിച്ചിട്ടുണ്ടോ;

(ഡി)	ദേശീയപാത വികസനത്തില്‍ കേന്ദ്രം സംസ്ഥാനത്തോട് അനുഭാവപൂര്‍വ്വമായ നിലപാടാണോ സ്വീകരിച്ചിട്ടുള്ളതെന്ന് വ്യക്തമാക്കുമോ;

(ഇ)	2020 ല്‍ പൂര്‍ത്തിയാക്കുവാന്‍ ലക്ഷ്യമിട്ട ദേശീയപാത വികസനം ലക്ഷ്യം കാണുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കുമോ?

കേരളത്തിലെ ദേശീയപാത വികസനം

1095.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ദേശീയപാത വികസനവുമായി ബന്ധപ്പെട്ട നടപടികള്‍ ഏതുവരെയായെന്ന് വിശദമാക്കാമോ;

(ബി)	കാസര്‍ഗോഡ് ജില്ലയില്‍ തലപ്പാടി മുതലുളള സ്ഥലം ഏറ്റെടുക്കല്‍ നടപടികള്‍ ഏതുവരെയായെന്ന് വിശദമാക്കാമോ;

(സി)	സ്ഥലം ഏറ്റെടുക്കല്‍ നടപടി പൂര്‍ത്തിയാക്കിയ സ്ഥലങ്ങളിലെ റോ‍ഡിന്റെ ടെണ്ടര്‍ നടപടിക്രമങ്ങൾ എന്ന് ആരംഭിക്കാനാവും എന്ന് അറിയിക്കാമോ?

തിരുവനന്തപുരം കാസര്‍ഗോഡ് നാലുവരിപ്പാത

1096.

(എ)	2020 നകം തിരുവനന്തപുരം മുതല്‍ കാസര്‍ഗോഡ് വരെ നാലുവരിപ്പാതയാക്കുക എന്ന ലക്ഷ്യം പ്രാവര്‍ത്തികമാക്കുന്നതിന് ഇതിനോടകം സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ;

(ബി)	ദേശീയ പാതാ വികസനത്തിന് മറ്റ് സംസ്ഥാനങ്ങളെക്കാള്‍ കേരളത്തില്‍ ചെലവ് കൂടുതലാണെന്ന് കേന്ദ്ര റോഡ് ഉപരിതല ഗതാഗത മന്ത്രാലയം അറിയിച്ചിട്ടുണ്ടോ;

(സി)	കാസര്‍ഗോഡ് ജില്ലയിലെ തലപ്പാടി-ചെങ്കള, ചെങ്കള-കാലിക്കടവ് പാതകളുടെ വികസനത്തിനായി ദേശീയ പാതാ വിഭാഗം ഒരു കിലോമീറ്റര്‍ റോഡിന് എത്ര കോടി രൂപയുടെ ബജറ്റാണ് തയ്യാറാക്കിയിട്ടുള്ളത് എന്നറിയിക്കാമോ;

(ഡി)	ഈ സാമ്പത്തിക വര്‍ഷം എത്ര കിലോമീറ്റര്‍ നാലുവരിപ്പാതയാക്കുന്നതിനാണ് ലക്ഷ്യമിട്ടിരുന്നത്;

(ഇ)	പ്രസ്തുുത ലക്ഷ്യം സാക്ഷാത്കരിക്കുവാന്‍ സാധിക്കുമോയെന്ന് വ്യക്തമാക്കുമോ?

ബൈപ്പാസുകളുടെ നിര്‍മ്മാണം

1097.

ശ്രീ.ചിറ്റയം ഗോപകുമാര്‍
,, ഇ.കെ.വിജയന്‍
,, ഇ.ടി. ടൈസണ്‍ മാസ്റ്റര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളില്‍ നിലവിലുള്ള വാഹനത്തിരക്കിന്റെ പശ്ചാത്തലത്തില്‍ വാഹനഗതാഗതത്തില്‍ ഭാവിയിലുണ്ടാകാവുന്ന വര്‍ദ്ധന മുന്നില്‍ക്കണ്ട് റോഡുകള്‍ വികസിപ്പിക്കുന്നതിനും ബൈപ്പാസുകള്‍ നിര്‍മ്മിക്കുന്നതിനും വിപുലമായ പദ്ധതി തയ്യാറാക്കിയിട്ടുണ്ടോ; ഇല്ലെങ്കില്‍ അത് ആലോചിക്കുമോ;

(ബി)	സംസ്ഥാനത്തെ ദേശീയപാതകളില്‍ ഇപ്പോള്‍ നടക്കുന്ന ബൈപ്പാസ് നിര്‍മ്മാണങ്ങള്‍ ഏതൊക്കെയെന്ന് വ്യക്തമാക്കുമോ;

(സി)	ദേശീയ-സംസ്ഥാന പാതകളിലെ ബൈപ്പാസ് നിര്‍മ്മാണത്തിലുണ്ടാകുന്ന കാലതാമസം പരിഹരിക്കുന്നതിന് സ്വീകരിക്കുന്ന നടപടികള്‍ വിശദമാക്കുമോ;

(ഡി)	ദേശീയ പാതയിലെ ബൈപ്പാസ് നിര്‍മ്മാണങ്ങള്‍ ദ്രുതഗതിയിലാക്കുന്നതില്‍ നാഷണല്‍ ഹൈവേ അതോറിറ്റി പിന്നാക്കം പോകാതിരിക്കാന്‍ കേന്ദ്ര സര്‍ക്കാരിന്റെ ഇടപെടല്‍ ആവശ്യപ്പെട്ടിട്ടുണ്ടോ; വ്യക്തമാക്കുമോ;

(ഇ)	കൊല്ലം ബൈപ്പാസ് പൂര്‍ത്തിയാക്കാന്‍ 47 വര്‍ഷമെടുത്തത് മൂലമുണ്ടായ സാമ്പത്തിക നഷ്ടം കണക്കാക്കിയിട്ടുണ്ടോ; ഇത്തരം ദുരവസ്ഥ ഭാവിയില്‍ ഉണ്ടാകാതിരിക്കുന്നതിന് സ്വീകരിക്കാനുദ്ദേശിക്കുന്ന നടപടികള്‍ വ്യക്തമാക്കുമോ?

കെട്ടിട നിര്‍മ്മാണ മേഖലയിൽ പുതിയ രീതികൾ

1098.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുതിയ കാലം പുതിയ നിര്‍മ്മാണം എന്ന നയത്തിന്റെ അടിസ്ഥാനത്തില്‍ പൊതുമരാമത്ത് വകുപ്പ് നിര്‍മ്മിക്കുന്ന കെട്ടിടങ്ങളില്‍ പ്രീ ഫാബ്രിക്കേഷന്‍, കോമ്പോസിറ്റ് സ്ട്രക്ചര്‍, ഹരിതനിര്‍മ്മാണ ചട്ടങ്ങള്‍ തുടങ്ങിയവ പ്രാവര്‍ത്തികമാക്കിയിട്ടുണ്ടോ എന്നറിയിക്കാമോ;

(ബി)	ഇത് നിര്‍മ്മാണ പ്രവര്‍ത്തനങ്ങളുടെ ചെലവ് കുറയ്ക്കുന്നതിനും കാലവിളംബം ഇല്ലാതാക്കുന്നതിനും ഇടയാക്കിയിട്ടുണ്ടോ;

(സി)	പൊതുമരാമത്ത് വകുപ്പിന്റെ കീഴിലുള്ള ഡിസൈന്‍ വിംഗിനെ ശക്തിപ്പെടുത്തിയിട്ടുണ്ടോ; എങ്കില്‍ അതിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ?

നിര്‍മ്മാണം നിലച്ചുപോയ കെട്ടിടങ്ങള്‍

1099.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

പൊതുമരാമത്ത് വകുപ്പ് മുഖേന വിവിധ വകുപ്പുകള്‍ക്ക് കീഴില്‍ നിര്‍മ്മാണം ആരംഭിച്ച് പൂര്‍ത്തിയാക്കാനാകാതെ നിര്‍മ്മാണം നിലച്ചുപോയ എത്ര കെട്ടിടങ്ങള്‍ നിലവിലുണ്ടെന്നത് സംബന്ധിച്ച് എന്തെങ്കിലും കണക്കെടുപ്പ് നടത്തിയിട്ടുണ്ടോ; എങ്കില്‍ വകുപ്പ് തിരിച്ചുള്ള കണക്ക് ലഭ്യമാക്കുമോ; ഇത്തരത്തില്‍ കണക്ക് സൂക്ഷിച്ചിട്ടില്ലെങ്കില്‍ ആയത് തയ്യാറാക്കുമോ;

(ബി)	ഇത്തരത്തില്‍ നിര്‍മ്മാണം നിലച്ചുപോയ കെട്ടിടങ്ങള്‍ പൂര്‍ത്തിയാക്കുന്നതിനോ പൂര്‍ത്തിയാക്കാനാവാത്ത വിധം ബലക്ഷയം സംഭവിച്ച കെട്ടിടങ്ങള്‍ പുനര്‍നിര്‍മ്മിക്കുന്നതിനോ എന്തെങ്കിലും നടപടികള്‍ ആലോചിക്കുന്നുണ്ടോ; എങ്കില്‍ വിശദാംശം ലഭ്യമാക്കുമോ?

ചാലക്കുടി പി.ഡബ്ല്യൂ.ഡി. റെസ്റ്റ് ഹൗസ്

1100.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചാലക്കുടി പി.ഡബ്ല്യൂ.ഡി. റെസ്റ്റ്ഹൗസിന്റെ അഡീഷണല്‍ ബ്ലോക്കിന്റെ നിര്‍മ്മാണം പൂര്‍ത്തിയായ സാഹചര്യത്തില്‍ ആവശ്യമായ സ്റ്റാഫിനെ നിയമിക്കുന്നതിനും ഫര്‍ണിച്ചറുകളും മറ്റ് സംവിധാനങ്ങളും ഏര്‍പ്പെടുത്തുന്നതിനും നടപടി സ്വീകരിക്കുമോ;

(ബി)	ചാലക്കുടി പി.ഡബ്ല്യൂ.ഡി. റെസ്റ്റ് ഹൗസിന്റെ ഗ്രേഡ് ഉയര്‍ത്തുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

പൊതുമരാമത്ത് വിശ്രമ കേന്ദ്രങ്ങള്‍

1101.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുമരാമത്ത് വിശ്രമ കേന്ദ്രങ്ങളുടെ നവീകരണത്തിനായി സര്‍ക്കാര്‍ സ്വീകരിച്ചുവരുന്ന നടപടികള്‍ വിശദമാക്കുമോ;

(ബി)	പ്രസ്തുത വിശ്രമ കേന്ദ്രങ്ങളില്‍ കുറഞ്ഞ വാടകനിരക്കില്‍ കാന്റീനിന്‍െറ നടത്തിപ്പ് ചുമതല ഏല്‍പ്പിക്കുന്നതിന് നടപടികള്‍ സ്വീകരിക്കുമോയെന്ന് അറിയിക്കുമോ?

കാട്ടാക്കടയില്‍ റസ്റ്റ് ഹൗസ്

1102.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കാട്ടാക്കടയില്‍ റസ്റ്റ് ഹൗസ് സ്ഥാപിക്കുന്നതിനുവേണ്ടിയുള്ള നടപടികളുടെ നിലവിലെ സ്ഥിതി എന്താണെന്ന് വിശദമാക്കാമോ; തുടര്‍നടപടികളുടെ വിശദാംശങ്ങള്‍ ലഭ്യമാക്കാമോ?

പി.ഡബ്ല്യ.ഡി. ഇലക്ട്രിക്കല്‍ വിഭാഗത്തിലെ പദ്ധതി ഫയലുകളിലെ കാലതാമസം

1103.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പി.ഡബ്യൂ.ഡി. ഇലക്ട്രിക്കല്‍ വിഭാഗത്തില്‍ ജീവനക്കാരുടെ കുറവും ഓഫീസ് അധികാരഘടനയിലെ ന്യൂനതയും മൂലം നിരവധി പദ്ധതികളുടെ ഫയലുകളില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	കോഴിക്കോട് ജില്ലയിലെ 2 ലക്ഷം രൂപക്ക് മുകളില്‍ വരുന്ന ഇലക്ട്രിക്കല്‍ പ്രവൃത്തികളുടെ അംഗീകാരം നല്‍കുന്നതിനുള്ള അധികാരം നിരവധി ജില്ലകളുടെ ചാര്‍ജുള്ള എക്സിക്യൂട്ടീവ് എഞ്ചിനീയര്‍ക്ക് നല്കിയത് മൂലമുണ്ടാകുന്ന പ്രവൃത്തി ബാഹുല്യവും കാലതാമസവും ശ്രദ്ധയില്‍പ്പെട്ടിട്ടുണ്ടോ;

(സി)	പിഡബ്യൂഡി സെക്ഷന്‍ ഓഫീസിനും ഡിവിഷന്‍ ഓഫീസിനും ഇടയില്‍ മറ്റ് സബ് ഓഫീസുകള്‍ ഇല്ലാത്തതാണ് ഇത്തരം കാലതാമസത്തിന് കാരണം എന്ന് വിലയിരുത്തിയിട്ടുണ്ടോ; ഇത് മറികടക്കാന്‍ സര്‍വ്വീസ് ഘടനയിലെ പരിഷ്കരണം ആലോചിക്കുന്നുണ്ടോ; വ്യക്തമാക്കാമോ?

ആലുവ-മൂന്നാര്‍ റോഡ്

1104.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18 വര്‍ഷത്തെ ബജറ്റില്‍ കിഫ്ബിയില്‍ ഉള്‍പ്പെടുത്തിയ ആലുവ-മൂന്നാര്‍ റോഡ് നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ;

(ബി)	പ്രസ്തുത റോഡ് നിര്‍മ്മാണവുമായി ബന്ധപ്പെട്ട ഇന്‍വെസ്റ്റിഗേഷന്‍ നടപടി പൂര്‍ത്തീകരിച്ച് ഡി. പി. ആർ. തയ്യാറാക്കി കിഫ്ബിയില്‍ സമര്‍പ്പിച്ചിട്ടുണ്ടോ; വിശദമാക്കാമോ;

(സി)	ടെണ്ടര്‍ നടപടികള്‍ പൂര്‍ത്തീകരിച്ച് പ്രസ്തുത റോഡിന്റെ നിര്‍മ്മാണ പ്രവ്യത്തികള്‍ എന്നത്തേക്ക് ആരംഭിക്കുവാന്‍ കഴിയുമെന്ന് വ്യക്തമാക്കാമോ;

(ഡി)	വളരെയധികം പ്രാധാന്യമുള്ളതും ആയിരക്കണക്കിന് ടൂറിസ്റ്റുകള്‍ നിത്യേന ഉപയോഗിക്കുന്നതുമായ പ്രസ്തുത റോഡിന്റെ നിര്‍മ്മാണ പ്രവര്‍ത്തനങ്ങള്‍ വേഗത്തില്‍ ആരംഭിക്കുന്നതിനു വേണ്ട നടപടി സ്വീകരിക്കുമോ; വിശദമാക്കാമോ?

മൂവാറ്റുപുഴ നഗര വികസനം

1105.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എം.സി.റാേഡിൽ മൂവാറ്റുപുഴ നഗരഭാഗത്തിന്റെ വികസനത്തിനായി എന്താെക്കെ നടപടികളാണ് സ്വീകരിച്ചിട്ടുള്ളതെന്നും അവയുടെ നിലവിലെ സ്ഥിതി എന്താണെന്നും അറിയിക്കാമാേ;

(ബി)	പ്രസ്തുത നഗര വികസനം എപ്പാേള്‍ പൂര്‍ത്തിയാക്കാന്‍ കഴിയും എന്ന് അറിയിക്കാമാേ?

കരമന - വെള്ളറട റോഡിന്റെ നവീകരണം

1106.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന റോഡ് വികസന പദ്ധതിയില്‍ ഉള്‍പ്പെടുത്തി നവീകരിക്കുന്ന കരമന - വെള്ളറട റോഡിന്റെ ഭൂമി ഏറ്റെടുക്കുന്നതിനുള്ള എല്‍.എ. പ്രോപ്പോസലും റിക്വസിഷന്‍ ഫോറവും പൂര്‍ണ്ണമായും ജില്ലാ കളക്ടര്‍ക്ക് സമര്‍പ്പിച്ചിട്ടുണ്ടോ; ഇല്ലെങ്കില്‍ എന്ന് പൂര്‍ണ്ണമായും സമര്‍പ്പിക്കാനാകുമെന്ന് അറിയിക്കുമോ;

(ബി)	പ്രസ്തുത റോഡിന്റെ ഡീറ്റയില്‍ഡ് പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോ; ഇല്ലെങ്കില്‍ എന്ന് തയ്യാറാക്കാനാകുമെന്ന് വിശദമാക്കാമോ;

(സി)	റവന്യൂ വകുപ്പിന് കണ്ടിജന്‍സി ചാര്‍ജ് നല്‍കിയിട്ടുണ്ടോ; അതിന് സ്വീകരിച്ച നടപടികള്‍ വിശദമാക്കാമോ?

വഴയില - നെടുമങ്ങാട് റോഡ്

1107.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വഴയില - നെടുമങ്ങാട് റോഡ് നാലുവരി പാതയാക്കുന്നതിന് 2016 നവംബറില്‍ അമ്പതുലക്ഷം രൂപ ടോക്കണായി ബജറ്റില്‍ വകയിരുത്തിയിരുന്നോ എന്ന് വ്യക്തമാക്കാമോ;

(ബി)	പ്രസ്തുത റോഡ് നാലുവരിപ്പാതയാക്കുന്നതിനുള്ള സ്ഥലമെടുപ്പ് ഏത് ഘട്ടത്തിലാണ്;

(സി)	പ്രസ്തുത പാതക്ക് കിഫ്ബിയില്‍ നിന്നും തുക അനുവദിച്ചിട്ടുണ്ടോ;

(ഡി)	പ്രസ്തുത പാതയുടെ നിര്‍മ്മാണം നിര്‍ത്തിവെയ്ക്കുവാന്‍ കിഫ്ബിയുടെ ചീഫ് എക്സിക്യൂട്ടീവ് ഓഫീസര്‍ നിര്‍ദ്ദേശം നല്‍കിയിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിനുള്ള കാരണം വ്യക്തമാക്കുമോ?

കക്കറ- കൂരാറ - മാക്കൂല്‍ പീടിക റോഡ്

1108.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2018-19 വര്‍ഷത്തെ ബജറ്റില്‍ ഉള്‍പ്പെട്ട തലശ്ശേരി നിയോജക മണ്ഡലത്തിലെ പ്രവൃത്തിയായ കക്കറ -കൂരാറ - മാക്കൂല്‍ പീടിക റോഡിന് (ഭരണാനുമതിയില്ലാത്ത മരാമത്ത് പണികള്‍, ക്രമനമ്പര്‍ 1479) ഭരണാനുമതി ലഭ്യമായോ;

(ബി)	ഇല്ലെങ്കില്‍ ഭരണാനുമതി ലഭ്യമാക്കുന്നതിനുള്ള നടപടികള്‍ സ്വീകരിക്കുമോ എന്ന് വ്യക്തമാക്കാമോ?

കോന്നി ബൈപാസ് നിര്‍മ്മാണം

1109.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോന്നി ബൈപാസ് നിര്‍മ്മാണവുമായി ബന്ധപ്പെട്ട് തണ്ണീര്‍ത്തടം നികത്തുന്നതിന് അനുമതി ആവശ്യപ്പെട്ട് പ്രാദേശിക നിരീക്ഷണ സമിതിയ്ക്ക് അപേക്ഷ നല്‍കിയതെന്നാണ്; ആയതിന്‍മേല്‍ നടപടി പൂര്‍ത്തീകരിച്ച് ലഭ്യമായിട്ടുണ്ടോ എന്ന് അറിയിക്കുമോ;

(ബി)	ഇക്കാര്യത്തില്‍ പൊതുമരാമത്ത് വകുപ്പ് എന്തെങ്കിലും തുടര്‍ നടപടി കൈക്കൊണ്ടിട്ടുണ്ടോ; വിശദീകരിക്കുമോ;

(സി)	പ്രസ്തുത അപേക്ഷ നടപടികള്‍‌ പൂര്‍ത്തീകരിച്ച് പ്രാദേശിക നിരീക്ഷണ സമിതിയില്‍ നിന്നും തിരികെ ലഭ്യമാക്കുന്നതിനും തുടര്‍നടപടികള്‍ പൂര്‍ത്തീകരിക്കുവാനും അടിയന്തര നിര്‍ദ്ദേശം നല്‍കുമോ?

ഏറനാട് മണ്ഡലത്തിലെ പ്രവൃത്തികള്‍

1110.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഏറനാട് നിയോജകമണ്ഡലത്തില്‍ പൊതുമരാമത്ത് വകുപ്പ് അനുവദിച്ച പ്രവൃത്തികളും തുകയും പ്രവൃത്തികളുടെ നിലവിലെ അവസ്ഥയും വിശദമാക്കാമോ;

(ബി)	ഭരണാനുമതി ലഭിച്ചതും പണിപൂര്‍ത്തീകരിച്ചതുമായ പാലം,റോഡ്, കെട്ടിടങ്ങള്‍ മുതലായവയുടെ വിവരം നല്‍കാമോ;

(സി)	പ്രളയവും മണ്ണിടിച്ചിലും ഉരുള്‍ പൊട്ടലും ഏറ്റവും അധികം ബാധിച്ച മണ്ഡലം എന്ന നിലയില്‍ ഏറനാട് മണ്ഡലത്തിലെ ഏതെല്ലാം പ്രവൃത്തികള്‍ക്കാണ് പുതുതായി ഭരണാനുമതി നല്കിയത്;

(ഡി)	ഏതെല്ലാം പദ്ധതികളാണ് ഭരണാനുമതിക്കായി പരിഗണനയിലുളളത്; വ്യക്തമാക്കുമോ?

വകയാര്‍ - വള്ളിക്കോട് - കൈപ്പട്ടൂര്‍ റോഡ് പുനരുദ്ധാരണം

1111.

(എ)	കോന്നി നിയോജക മണ്ഡലത്തിലെ വകയാര്‍ - വള്ളിക്കോട് - കൈപ്പട്ടൂര്‍ റോഡ് പുനരുദ്ധാരണത്തിന് സാങ്കേതിക അനുമതി നല്‍കിയിട്ടുണ്ടോ; എങ്കില്‍ എന്നാണെന്ന് വെളിപ്പെടുത്തുമോ;

(ബി)	നാളിതുവരെ അനുമതി നല്‍കിയിട്ടില്ലെങ്കില്‍ എന്തുകൊണ്ടെന്ന് വ്യക്തമാക്കുമോ;

(സി)	സാങ്കേതികാനുമതി അടിയന്തരമായി നല്‍കുന്നതിനുള്ള നടപടി സ്വീകരിക്കുമോ എന്നറിയിക്കാമോ?

ഇടുക്കി ജില്ലയിലെ പ്രളയത്തില്‍ തകര്‍ന്ന റോഡുകൾ

1112.

ശ്രീ.പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ തകര്‍ന്ന ഇടുക്കി ജില്ലയിലെ റോഡുകള്‍ പുനരുദ്ധരിക്കാന്‍ എത്ര തുകയാണ് അനുവദിച്ചിട്ടുളളത്;

(ബി)	തൊടുപുഴ നിയോജക മണ്ഡലത്തിലെ റോഡുകള്‍ പുനരുദ്ധരിക്കാന്‍ അനുവദിച്ച തുകയെത്ര; പ്രസ്തുത പ്രവൃത്തികള്‍ക്ക് ഭരണാനുമതിയും സാങ്കേതികാനുമതിയും ലഭ്യമായിട്ടുണ്ടോ എന്ന് വ്യക്തമാക്കാമോ?

എക്കല്‍-കക്കയം ‍ഡാം സൈറ്റ് റോഡ്

1113.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എക്കല്‍-കക്കയം ‍ഡാം സൈറ്റ് റോഡിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	ഇ.കെ.ഡി റോഡ് നവീകരിക്കുന്നതിനായി സ്വീകരിച്ചു വരുന്ന നടപടികള്‍ എന്തൊക്കെയാണെന്നറിയിക്കാമോ?

തൃശൂര്‍-കുറ്റിപ്പുറം റോഡിന്റെ വികസനം

1114.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃശൂര്‍-കുറ്റിപ്പുറം പാതയില്‍ മഴുവഞ്ചേരി മുതല്‍ ചൂണ്ടല്‍ വരെയുളള റോഡിന്റെ വികസനത്തിനായി എത്ര തുകയാണ് വകയിരുത്തിയിട്ടുളളതെന്നും പ്രസ്തുത റോഡിന്റെ നിര്‍മ്മാണത്തിനായി ഇതുവരെ സ്വീകരിച്ച നടപടികള്‍ എന്തൊക്കെയാണെന്നും അറിയിക്കാമോ;

(ബി)	പ്രസ്തുത റോഡിന്റെ നിര്‍മ്മാണവുമായി ബന്ധപ്പെട്ട് സാമൂഹ്യാഘാത പഠനം നടത്തുന്നതിന് നടപടി സ്വീകരിച്ചിട്ടുണ്ടോ; എങ്കില്‍ പഠനം സംബന്ധിച്ച റിപ്പോര്‍ട്ട് ലഭിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

(സി)	പ്രസ്തുത റോഡില്‍ കേച്ചേരി, ചൂണ്ടല്‍ എന്നിവിടങ്ങളില്‍ പുതിയതായി നിര്‍മ്മിക്കുന്ന പാലങ്ങളുടെ നിര്‍മ്മാണ പുരോഗതി വിശദമാക്കാമോ?

തിരുവല്ല ബെെപ്പാസ് നിര്‍മ്മാണം

1115.

ശ്രീ.മാത്യു റ്റി.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ടി.പി.യുടെ മേല്‍നോട്ടത്തില്‍ നടന്നുവരികയായിരുന്ന തിരുവല്ല ബെെപ്പാസിന്റെ പണികള്‍ നിറുത്തി വയ്ക്കാനുണ്ടായ സാഹചര്യം എന്തായിരുന്നു; വ്യക്തമാക്കാമോ;

(ബി)	പ്രസ്തുത പണി പുനരാരംഭിക്കുന്നതിന് മുമ്പ് എന്തെല്ലാം നടപടിക്രമങ്ങള്‍ പൂര്‍ത്തീകരിച്ചുവെന്ന് വിശദമാക്കുമോ;

(സി)	തിരുവല്ല ബെെപ്പാസിന്റെ പണികള്‍ എന്ന് പൂര്‍ത്തിയാക്കുവാനാണ് ലക്ഷ്യമിടുന്നതെന്ന് അറിയിക്കുമോ?

കണ്ണൂര്‍ ജില്ലയില്‍ സി.ആര്‍.എഫില്‍ ഉള്‍പ്പെടുത്തിയ റോഡുകള്‍

1116.

(എ)	സെന്‍ട്രല്‍ റോഡ് ഫണ്ട് സ്കീമില്‍ 2016-17, 2017-18, 2018-19 വര്‍ഷങ്ങളില്‍ കണ്ണൂര്‍ ജില്ലയില്‍ പൊതുമരാമത്ത് വകുപ്പിന്റെ ഏതെല്ലാം റോഡുകള്‍ക്കാണ് അനുമതി ലഭിച്ചിട്ടുള്ളതെന്ന് വെളിപ്പെടുത്തുമോ;

(ബി)	ഒടുവള്ളിത്തട്ട്- നടുവില്‍ - കുടിയാന്‍മല റോഡിന് കേന്ദ്രഗവണ്‍മെന്റ് അനുമതി നല്‍കിയ ഉത്തരവിന്റെ പകര്‍പ്പ് ലഭ്യമാക്കുമോ; ഇതിന്റെ പ്രവൃത്തി ഏത് ഘട്ടത്തിലാണെന്ന് അറിയിക്കുമോ;

(സി)	തളിപ്പറമ്പ്- ഇരിക്കൂര്‍ - ഇരിട്ടി റോഡ് സി.ആര്‍.എഫില്‍ ഉള്‍പ്പെടുത്തിയിട്ടുണ്ടോ; ഉണ്ടെങ്കില്‍ എത്ര തുകയാണ് ഇതിനായി അനുവദിച്ചിട്ടുള്ളതെന്ന് വ്യക്തമാക്കുമോ?

കോങ്ങാട് മണ്ഡലത്തിലെ പൊതുമരാമത്ത് പ്രവൃത്തികള്‍

1117.

(എ)	2018-19 ല്‍ കോങ്ങാട് മണ്ഡലത്തില്‍ ഭരണാനുമതി നല്‍കിയ പൊതുമരാമത്ത് പ്രവൃത്തികളുടെ തുക ഉള്‍പ്പെടെയുളള വിശദവിവരം നല്‍കുമോ;

(ബി)	പ്രസ്തുത പ്രവൃത്തികളില്‍ എത്ര എണ്ണത്തിന്റെ ടെന്‍ഡര്‍ നടപടികള്‍ പൂര്‍ത്തീകരിച്ചിട്ടുണ്ട്; വിശദവിവരം നല്‍കുമോ;

(സി)	ഇവയില്‍ എത്ര പ്രവൃത്തികളുടെ പണി ആരംഭിച്ചിട്ടുണ്ടെന്ന് അറിയിക്കാമോ?

മലപ്പുറം മണ്ഡലത്തിലെ പ്രവൃത്തികള്‍

1118.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2018-19 വര്‍ഷത്തെ ബജറ്റില്‍ ഉള്‍പ്പെടുത്തിയിട്ടുളള മലപ്പുറം മണ്ഡലത്തിലെ ഏതെല്ലാം പ്രവൃത്തികള്‍ക്കാണ് പൊതുമരാമത്ത് വകുപ്പ് ഭരണാനുമതി നല്‍കിയിട്ടുളളത്; വിശദാംശം നല്‍കുമോ;

(ബി)	അവ ഓരോന്നും ഇപ്പോള്‍ ഏതു ഘട്ടത്തിലാണെന്ന് അറിയിക്കുമോ; സാങ്കേതിക നടപടിക്രമങ്ങള്‍ പൂര്‍ത്തിയാക്കി നിര്‍മ്മാണം ആരംഭിച്ചിട്ടുണ്ടോ;

(സി)	സെന്‍ട്രല്‍ റോഡ് ഫണ്ടില്‍ ഉള്‍പ്പെടുത്തി മണ്ഡലത്തില്‍ ഏതെല്ലാം പ്രവൃത്തികള്‍ക്കാണ് നടപ്പു വര്‍ഷം ഭരണാനുമതി ലഭിച്ചിട്ടുളളതെന്നും അവ ഓരോന്നും ഇപ്പോള്‍ ഏതു ഘട്ടത്തിലാണെന്നും അറിയിക്കുമോ?

വാമനപുരം നിയോജകമണ്ഡലത്തിലെ റോഡ് നവീകരണം

1119.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം വാമനപുരം നിയോജകമണ്ഡലത്തിന്റെ പരിധിയില്‍ വരുന്ന ഇരുനൂറ്റി അമ്പതു കിലോമീറ്റര്‍ പി.ഡബ്ല്യു.ഡി റോഡില്‍ എത്ര കിലോമീറ്റര്‍ നവീകരിച്ചുവെന്ന് വ്യക്തമാക്കാമോ;

(ബി)	ബാക്കിയുള്ളതിൽ എത്ര കിലോമീറ്റര്‍ നവീകരിക്കുന്നതിനായി ഭരണാനുമതി ലഭിച്ചുവെന്ന് വ്യക്തമാക്കാമോ;

(സി)	നവീകരിച്ചതിനു ശേഷമുള്ള റോഡില്‍ ഇനിയും എത്ര കിലോമീറ്റര്‍ അത്യാവശ്യമായി നവീകരിക്കേണ്ടതുണ്ടെന്നും അതിന് എന്ത് തുക വേണ്ടിവരുമെന്നും വ്യക്തമാക്കാമോ?

നടക്കാവ്-പിറവം-ഓലിയപ്പുറം-കൂത്താട്ടുകുളം റോഡ് പുനർനിർമ്മാണം

1120.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയം മൂലം പിറവം നിയോജകമണ്ഡലത്തിലെ നടക്കാവ്-പിറവം-ഓലിയപ്പുറം-കൂത്താട്ടുകുളം റോഡിനുണ്ടായ നാശനഷ്ടവും തകര്‍ച്ചയും കണക്കാക്കുകയോ പരിശോധിക്കുകയോ ചെയ്തിട്ടുണ്ടോ; എങ്കില്‍ ഈ റോഡിന്റെ ഏതൊക്കെ ഭാഗങ്ങളില്‍ /റീച്ചുകളില്‍ ആണ് ഏറ്റവും കൂടുതല്‍ തകര്‍ച്ച ഉണ്ടായത് എന്നറിയിക്കുമോ;

(ബി)	പ്രസ്തുത റോഡിന്റെ പേപ്പതി മുതല്‍ ഓലിയപ്പുറം വരെയുള്ള ഭാഗം പ്രളയത്തിന് മുമ്പെടുത്ത എസ്റ്റിമേറ്റ് അനുസരിച്ച് ബിറ്റുമിന്‍ കോണ്‍ക്രീറ്റ് ചെയ്യുന്നതിന് അനുവദിച്ച തുക എത്രയാണെന്ന് അറിയിക്കുമോ;

(സി)

പ്രളയത്തില്‍ പ്രസ്തുത റോഡ് ഭാഗം പൂര്‍ണ്ണമായും തകര്‍ന്ന സാഹചര്യത്തില്‍ ബി.എം. ചെയ്യാതെ പുനരുദ്ധരിച്ചാല്‍ അടുത്ത മഴക്കാലത്ത് റോഡ് വീണ്ടും തകരുന്നത് ഒഴിവാക്കാന്‍ കഴിയുമോ; ഇല്ലെങ്കില്‍ പ്രസ്തുത ഭാഗത്ത് കാനകള്‍ നിര്‍മ്മിച്ച് ബി.എം.ബി.സി. ചെയ്ത് പൂര്‍ണ്ണമായും പുനരുദ്ധരിക്കുന്നതിന് കൂടുതല്‍ തുക അനുവദിക്കുമോയെന്ന് വ്യക്തമാക്കുമോ?

വെങ്ങാട്-ചെമ്മലശ്ശേരി റോഡ്

1121.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	28-03-2018-ലെ 9/18/പൊ.മ.വ. നമ്പര്‍ സര്‍ക്കാര്‍ ഉത്തരവിലെ 27-ാം ഇനപ്രകാരം തുക അനുവദിച്ചിട്ടുള്ള മങ്കട നിയോജക മണ്ഡലത്തിലെ വെങ്ങാട്-ചെമ്മലശ്ശേരി റോഡ് നിര്‍മ്മാണം നാളിതുവരെ ആരംഭിക്കാത്തത് ശ്രദ്ധയില്‍പെട്ടിട്ടുണ്ടോ;

(ബി)	പ്രസ്തുത പ്രവൃത്തിയ്ക്ക് ടെക്നിക്കല്‍ സാങ്ഷന്‍ നല്‍കിയിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

(സി)	പ്രസ്തുത പ്രവൃത്തി അടിയന്തരമായി ആരംഭിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

പാലക്കാട് ജില്ലയില്‍ മലയോര ഹൈവേ

1122.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ മലയോര ഹൈവേയുടെ നീളം എത്രയാണെന്നും എവിടെ മുതല്‍ എവിടെ വരെയാണെന്നും വ്യക്തമാക്കാമോ;

(ബി)	അതില്‍ എത്ര കിലോമീറ്റര്‍ ദൂരം ആലത്തൂര്‍ നിയോജകമണ്ഡലത്തിന്റെ പരിധിയില്‍ വരുമെന്നും എവിടെ തുടങ്ങി എവിടെ അവസാനിക്കുമെന്നും അറിയിക്കാമോ;

(സി)	പ്രസ്തുത പ്രവൃത്തികളുടെ നിലവിലെ സ്ഥിതി വിശദമാക്കാമോ?

ആലത്തൂര്‍ നിയോജകമണ്ഡല പരിധിയിലെ എസ്.എല്‍.റ്റി.എഫ്. പദ്ധതികള്‍

1123.

(എ)	2017-18, 2018-19 സാമ്പത്തിക വര്‍ഷങ്ങളില്‍ ആലത്തൂര്‍ നിയോജകമണ്ഡല പരിധിയില്‍ എസ്.എല്‍.റ്റി.എഫ്. പദ്ധതിയിന്‍കീഴില്‍ അനുവദിച്ചിട്ടുള്ള പ്രവൃത്തികള്‍ ഏതെല്ലാമാണെന്ന് വിശദമാക്കാമോ;

(ബി)	പ്രസ്തുത പ്രവൃത്തികളുടെ നിലവിലെ സ്ഥിതി വിശദീകരിക്കാമോ?

വൈപ്പിന്‍-മുനമ്പം സംസ്ഥാന പാതയുടെ അറ്റകുറ്റപ്പണി

1124.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍-മുനമ്പം സംസ്ഥാന പാതയുടെ അറ്റകുറ്റപ്പണിക്ക് തുക അനുവദിച്ചിട്ടുണ്ടോ; എങ്കില്‍ വിശദവിവരം ലഭ്യമാക്കാമോ;

(ബി)	ഈ പ്രവൃത്തി എന്നത്തേക്ക് ആരംഭിക്കുവാന്‍ കഴിയുമെന്ന് വ്യക്തമാക്കാമോ?

കാസര്‍ഗോഡ് ജില്ലയിലെ മലയോര ഹൈവേ

1125.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മലയോര ഹൈവേകളുടെ വികസനത്തില്‍ എത്ര ശതമാനം പുരോഗതി ഈ സര്‍ക്കാര്‍ അധികാരത്തില്‍ വന്ന ശേഷം കൈവരിച്ചിട്ടുണ്ടെന്ന് വ്യക്തമാക്കാമോ;

(ബി)	കാസര്‍ഗോഡ് ജില്ലയില്‍ ഏതൊക്കെ റീച്ചുകളിലാണ് ഇനിയും പ്രവൃത്തികള്‍ ആരംഭിക്കാന്‍ അവശേഷിക്കുന്നതെന്ന് വ്യക്തമാക്കാമോ?

മാനന്തവാടി മണ്ഡലത്തില്‍ ഭരണാനുമതി ലഭിച്ച റോഡ് പ്രവൃത്തികള്‍

1126.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തില്‍ ഭരണാനുമതി ലഭിച്ചതും നിലവില്‍ സാങ്കേതികാനുമതി ലഭിക്കാനുള്ളതുമായ പൊതുമരാമത്ത് റോഡ് പ്രവൃത്തികളുടെ പേരുവിവരം ലഭ്യമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം ബി.എം. & ബി.സി. നിലവാരത്തിലേക്ക് റോഡുകള്‍ ഉയര്‍ത്തുന്നതിനായി മണ്ഡലത്തിലെ എത്ര പദ്ധതികള്‍ക്കാണ് ഭരണാനുമതി നല്‍കിയിട്ടുള്ളത്;

(സി)	മണ്ഡലത്തില്‍ എത്ര കിലോമീറ്റര്‍ റോഡാണ് ബി.എം. & ബി.സി. നിലവാരത്തിലേയ്ക്ക് മാറ്റുന്നതിന് നിലവില്‍ ഭരണാനുമതി നല്‍കിയിട്ടുള്ളത് എന്ന് വ്യക്തമാക്കാമോ?

നിലമ്പൂര്‍ മണ്ഡലത്തിലൂടെ കടന്ന് പോകുന്ന മലയോര ഹൈവേ

1127.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയിലെ നിലമ്പൂര്‍ മണ്ഡലത്തിലൂടെ കടന്ന് പോകുന്ന മലയോര ഹൈവേയുമായി ബന്ധപ്പെട്ട നടപടി ഏതുവരെയായി; ഇതുമായി ബന്ധപ്പെട്ട ഫയല്‍ ഏത് ഓഫീസിലാണുളളതെന്ന് അറിയിക്കാമോ;

(ബി)	ഫയല്‍ ചീഫ് എഞ്ചിനീയറുടെ ഓഫീസില്‍ എത്തിയത് ഏത് ദിവസമാണ്; ഫയല്‍ എന്നാണ് സമര്‍പ്പിച്ചത്;

(സി)	പ്രസ്തുത പ്രവൃത്തിക്ക് സാങ്കേതിക അനുമതി ലഭിക്കുന്നതിനായി അടിയന്തര നടപടി സ്വീകരിക്കുമോ; വിശദമാക്കാമോ?

മലപ്പുറത്തെ മലയോര ഹൈവേ നിര്‍മ്മാണം

1128.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറത്തെ നിര്‍ദ്ദിഷ്ട മലയോര ഹൈവേ നിര്‍മ്മാണത്തിന്റെ നിലവിലെ സ്ഥിതി എന്തെന്ന് അറിയിക്കുമോ;

(ബി)	ഇതിന്റെ നിര്‍മ്മാണ ചുമതല ആര്‍ക്കാണെന്നും പണി ആരംഭിച്ചിട്ടുണ്ടോയെന്നും അറിയിക്കുമോ; ഇല്ലെങ്കില്‍ എന്നേക്ക് പണി ആരംഭിക്കുന്നതിനും പൂര്‍ത്തീകരിക്കുന്നതിനുമാണ് ഉദ്ദേശിക്കുന്നതെന്ന് അറിയിക്കുമോ;

(സി)	നിര്‍മ്മാണത്തിനാവശ്യമായ തുക എത്രയെന്ന് വ്യക്തമാക്കാമോ; ഇതിനുള്ള തുക അനുവദിച്ച് ഉത്തരവായിട്ടുണ്ടോ; വിശദീകരിക്കുമോ?

മൂവാറ്റുപുഴ ബൈപാസ്

1129.

(എ)	മൂവാറ്റുപുഴ ബൈപാസ് നിര്‍മ്മാണത്തിനായി എന്തൊക്കെ നടപടികള്‍ സ്വീകരിച്ചിട്ടുണ്ടെന്നും അവയുടെ നിലവിലെ സ്ഥിതി എന്താണെന്നും അറിയിക്കാമോ;

(ബി)	പ്രസ്തുത ബൈപാസ് എപ്പോള്‍ പൂര്‍ത്തിയാക്കാന്‍ കഴിയുമെന്ന് അറിയിക്കാമോ?

ആറ്റിങ്ങല്‍ ബൈപ്പാസ്

1130.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ പട്ടണത്തിലെ ഗതാഗതക്കുരുക്ക് പരിഹരിക്കാനായി ആറ്റിങ്ങല്‍ ബൈപ്പാസ് അടിയന്തര പ്രാധാന്യത്തോടെ നിര്‍മ്മിക്കുവാന്‍ സാധിക്കുമോ;

(ബി)	കഴക്കൂട്ടം-ചേര്‍ത്തല പാതയുടെ പൂര്‍ത്തീകരണത്തിന് മുന്‍പായി, അതിരൂക്ഷ ഗതാഗതക്കുരുക്ക് അനുഭവപ്പെടുന്ന ആറ്റിങ്ങല്‍ പോലുള്ള പ്രദേശത്ത് പ്രവൃത്തി പൂര്‍ത്തീകരിക്കാന്‍ പ്രത്യേക പദ്ധതി തയ്യാറാക്കിയിട്ടുണ്ടോയെന്ന് വ്യക്തമാക്കുമോ?

തിരുവമ്പാടി മണ്ഡലത്തിലെ റോഡ് പ്രവൃത്തികള്‍

1131.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

കിഫ്ബിയിലുള്‍പ്പെടുത്തി പൊതുമരാമത്ത് വകുപ്പ് തിരുവമ്പാടി മണ്ഡലത്തില്‍ നടപ്പിലാക്കുന്ന ആനക്കാംപൊയില്‍ - കള്ളാടി - മേപ്പാടി തുരങ്കപാത, കെെതപ്പൊയില്‍ - കോടഞ്ചേരി - അഗസ്ത്യാര്‍മൂഴി റോഡ് നിര്‍മ്മാണം, അടിവാരം - കേളന്‍മൂല റോഡ് നിര്‍മ്മാണം, തിരുവമ്പാടി - ആനക്കാംപൊയില്‍ - മറിപ്പുഴ റോഡ് നിര്‍മ്മാണം, മണാശ്ശേരി - ചുള്ളിക്കാപറമ്പ് - കവിലട റോഡ് നിര്‍മ്മാണം, മലയോര ഹെെവേ - കോഴഞ്ചേരി മുതല്‍ കക്കാടംപാെയില്‍ വരെ എന്നീ പദ്ധതികളുടെ നിലവിലുള്ള സ്ഥിതിയും വിശദാംശങ്ങളും ലഭ്യമാക്കുമോ;

(ബി)	ഇവയില്‍ ഭരണാനുമതി ലഭിക്കാത്ത പ്രവൃത്തികള്‍ക്ക് എന്ന് ഭരണാനുമതി നല്‍കാന്‍ കഴിയുമെന്ന് വ്യക്തമാക്കുമോ?

പ്രളയത്തില്‍ തകര്‍ന്ന എറണാകുളം ജില്ലയിലെ പി.ഡബ്ല്യു.ഡി. റോഡുകൾ

1132.

(എ)	2018 ആഗസ്റ്റ് മാസമുണ്ടായ പ്രളയത്തില്‍ തകര്‍ന്ന മൂവാറ്റുപുഴ, കോതമംഗലം, തൃപ്പൂണിത്തുറ, പിറവം, പെരുമ്പാവൂര്‍, കുന്നത്തുനാട് എന്നീ നിയോജകമണ്ഡലങ്ങളിലെ പി.ഡബ്ല്യു.ഡി. റോഡുകള്‍ നന്നാക്കുന്നതിന് എത്ര രൂപ ആകെ അനുവദിച്ചുവെന്ന് നിയോജകമണ്ഡലാടിസ്ഥാനത്തില്‍ അറിയിക്കുമോ;

(ബി)	മേല്‍പ്പറഞ്ഞ മണ്ഡലങ്ങളിലെ പ്രളയത്തില്‍ തകര്‍ന്ന പി.ഡബ്ല്യു.ഡി. റോഡുകളുടെ അറ്റകുറ്റപ്പണി പൂര്‍ത്തിയാക്കാന്‍ എത്ര തുക ആവശ്യപ്പെട്ടിരുന്നു എന്ന് നിയോജകമണ്ഡലാടിസ്ഥാനത്തില്‍ അറിയിക്കുമോ?

ഈരാറ്റുപേട്ട-വാഗമണ്‍ റോഡിന്റെ നിർമ്മാണ പ്രവൃത്തി

1133.

(എ)	66 കോടി രൂപയുടെ ഭരണാനുമതി ലഭിച്ചിട്ടുണ്ടെങ്കിലും സ്ഥലം ഏറ്റെടുപ്പ് നടപടികള്‍ നീളുന്ന, ഈരാറ്റുപേട്ട-വാഗമണ്‍ റോഡിന്റെ പ്രവൃത്തിയുടെ നിജസ്ഥിതി വ്യക്തമാക്കാമോ;

(ബി)	പ്രസ്തുത പ്രവൃത്തിയുടെ നടത്തിപ്പിലുള്ള കാലതാമസം ഒഴിവാക്കുവാന്‍ പൊതുമരാമത്ത് വകുപ്പ് മന്ത്രിയുടെ അദ്ധ്യക്ഷതയില്‍ മീറ്റിംഗ് നടത്തുവാന്‍ തീരുമാനിച്ചിട്ടുണ്ടോ; എങ്കില്‍ വിശദമാക്കുമോ?

അങ്ങാടിപ്പുറം റെയില്‍വേ ഓവര്‍ബ്രിഡ്ജ് ടാറിംഗ്

1134.

(എ)

പാലക്കാട് - കോഴിക്കോട് ദേശീയപാതയില്‍ അങ്ങാടിപ്പുറം റെയില്‍വേ ഓവര്‍ബ്രിഡ്ജിന്റെ ഉപരിതലവും അപ്രോച്ച് റോഡും ഗതാഗതയോഗ്യമല്ലാതായതിനെ തുടര്‍ന്ന് നിലവിലെ ടാറിംഗ് നീക്കം ചെയ്ത് കരാറുകാരന്റെ സ്വന്തം ചെലവില്‍ പുതിയ ടാറിംഗ് ചെയ്യുന്നതിന് ആര്‍. ബി. ഡി. സി. കെ. നല്‍കിയ നിര്‍ദ്ദേശപ്രകാരം പ്രവൃത്തി പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ അടിയന്തരമായി പ്രവൃത്തി പൂര്‍ത്തീകരിക്കുമോ;

(ബി)	പ്രസ്തുത പ്രവൃത്തിയുമായി ബന്ധപ്പെട്ട് ഏതെല്ലാം തരത്തിലുള്ള പരിശോധനകളാണ് ആര്‍.ബി.ഡി.സി.കെ. നടത്തിയിട്ടുള്ളത്; വിശദാംശം ലഭ്യമാക്കുമോ?

ഒറ്റപ്പാലത്തെ റോഡുകളുടെയും പാലങ്ങളുടെയും പുനര്‍ നിര്‍മ്മിതി

1135.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയക്കെടുതിയില്‍ തകര്‍ന്ന റോഡുകളും, പാലങ്ങളും പുനര്‍ നിര്‍മ്മിക്കുന്നതിനായി എന്തെല്ലാം നടപടികള്‍ സ്വീകരിച്ചു എന്ന് വിശദമാക്കാമോ;

(ബി)	ഒറ്റപ്പാലം നിയോജകമണ്ഡലത്തിലെ പ്രളയക്കെടുതിയില്‍ തകര്‍ന്ന റോഡുകളും,പാലങ്ങളും പുനര്‍ നിര്‍മ്മിക്കുന്നതിനായി എന്തെല്ലാം നടപടികള്‍ സ്വീകരിച്ചു;

(സി)	എത്ര തുക ഇതിനായി അനുവദിച്ചു; ഓരോ പ്രവൃത്തിക്കും അനുവദിച്ച തുകയുടെ വിശദാംശം ലഭ്യമാക്കാമോ?

കടുത്തുരുത്തി വലിയപാലത്തോട് ചേര്‍ന്ന് ബസ് ബേ നിര്‍മ്മാണം

1136.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കടുത്തുരുത്തി വലിയപാലത്തോട് ചേര്‍ന്ന് ബസ് ബേ നിര്‍മ്മിക്കുന്നതിന് 2018-2019 സാമ്പത്തിക വര്‍ഷത്തെ ബജററില്‍ ഉള്‍പ്പെടുത്തിയിരുന്ന 2 കോടി 20 ലക്ഷം രൂപയുടെ പൊതുമരാമത്ത് പ്രവൃത്തിക്ക് ഭരണാനുമതി ലഭ്യമാക്കിയിട്ടുണ്ടോ എന്നറിയിക്കാമോ; ഇല്ലെങ്കില്‍ ആയത് എന്നത്തേയ്ക്ക് ലഭ്യമാക്കും എന്ന് വ്യക്തമാക്കാമോ;

(ബി)	ഇതേ ആവശ്യമുന്നയിച്ച് 20.1.2018 ല്‍ സര്‍ക്കാരിന് നല്‍കിയ കത്തിന്റെ അടിസ്ഥാനത്തില്‍ ഫയല്‍ നമ്പര്‍ ജ1/67/2018 പൊ.മ.വ. പ്രകാരം പൊതുമരാമത്ത് വകുപ്പ് നിരത്തുകളും പാലങ്ങളും വിഭാഗം ചീഫ് എഞ്ചിനീയര്‍ റിപ്പോര്‍ട്ട് നല്‍കിയിട്ടുണ്ടോ; എങ്കില്‍ ആയതിന്റെ കോപ്പി ലഭ്യമാക്കാമോ;

(സി)	പ്രസ്തുത പദ്ധതിക്ക് ഡി.പി.ആര്‍ തയ്യാറായിട്ടുണ്ടോ; ഈ ഡി.പി.ആര്‍ തയ്യാറാക്കുന്നതിന് മുമ്പായി ജനപ്രതിനിധികളുമായി ചര്‍ച്ച നടത്തിയിട്ടുണ്ടോ;

(ഡി)	പദ്ധതിക്ക് അന്തിമ രൂപം നല്‍കിയിട്ടുണ്ടോ എന്നും വിശദമായ മാസ്റ്റര്‍ പ്ലാന്‍ തയ്യാറാക്കിയിട്ടുണ്ടോ എന്നും വ്യക്തമാക്കാമോ?

തിരുവനന്തപുരം നിയോജകമണ്ഡലത്തിലെ പൊതുമരാമത്ത് പ്രവൃത്തികള്‍

1137.

(എ)	തിരുവനന്തപുരം നിയോജകമണ്ഡലത്തില്‍ പൊതുമരാമത്ത് വകുപ്പിനുകീഴില്‍ നടന്നു വരുന്ന പ്രവൃത്തികളുടെ വിശദാംശങ്ങള്‍ നല്‍കാമോ; ഈ പ്രവൃത്തികളുടെ നിലവിലെ സ്ഥിതി വിശദീകരിക്കാമോ;

(ബി)	പ്രസ്തുത പ്രവൃത്തികള്‍ അടിയന്തരമായി പൂര്‍ത്തീകരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

തീയിട്ടതിനാല്‍ കോഴിക്കോട് ജില്ലയില്‍ റോഡുകള്‍ക്കുണ്ടായ കേടുപാടുകള്‍

1138.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ അടുത്തിടെയുണ്ടായ ഹര്‍ത്താലുകളുമായി ബന്ധപ്പെട്ട് പൊതുമരാമത്ത് വകുപ്പിന്റെ കീഴിലുള്ള റോഡുകളില്‍ തീയിട്ടത് കാരണം റോഡുകള്‍ക്ക് കേടുപാടുകള്‍ വന്നത് ശ്രദ്ധയില്‍പ്പെട്ടിട്ടുണ്ടോ ;

(ബി)	ഇതുമായി ബന്ധപ്പെട്ട് എത്ര രൂപയുടെ നഷ്ടമാണ് സംഭവിച്ചതെന്ന് വിശദമാക്കുമോ;

(സി)	നഷ്ടപരിഹാരം ഈടാക്കുന്നതിനാവശ്യമായ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ?

നെയ്യാറ്റിന്‍കര മണ്ഡലത്തിലെ പൊതുമരാമത്ത് പ്രവൃത്തികള്‍

1139.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര നിയോജക മണ്ഡലത്തില്‍ 2011-12, 2012-13, 2013-14, 2014-15, 2015-16 എന്നീ വര്‍ഷങ്ങളില്‍ നടത്തിയ പൊതുമരാമത്ത് പ്രവൃത്തികള്‍ (റോഡ്, പാലം, ബില്‍ഡിംഗ്) ഏതൊക്കെയെന്ന് വ്യക്തമാക്കാമോ;

(ബി)	ഓരോ പ്രവൃത്തിക്കും ഭരണാനുമതി നല്‍കിയ തുക എത്രയെന്ന് വ്യക്തമാക്കാമോ;

(സി)	2012 മുതല്‍ 2016 മാര്‍ച്ച് വരെ ഭരണാനുമതി നല്‍കിയ പ്രവൃത്തികളില്‍ പൂര്‍ത്തിയാക്കേണ്ട പ്രവൃത്തികള്‍ ഏതൊക്കെയെന്ന് വ്യക്തമാക്കാമോ?

ചെര്‍പ്പുളശ്ശേരി ഓവര്‍ ബ്രിഡ്ജ് പ്രവൃത്തിയുടെ പുനര്‍നാമകരണം

1140.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

2017-18 വര്‍ഷത്തെ കിഫ്ബി പ്രവൃത്തിയായ ഷൊര്‍ണൂര്‍ മണ്ഡലത്തിലെ 'ചെര്‍പ്പുളശ്ശേരി ഓവര്‍ ബ്രിഡ്ജ്' എന്ന പ്രവൃത്തി 'ചെര്‍പ്പുളശ്ശേരി ബൈപ്പാസ് നിര്‍മ്മാണവും നഗരവികസനവും' എന്നാക്കി പുനര്‍നാമകരണം ചെയ്യുവാന്‍ പ്രൊപ്പോസല്‍ സമര്‍പ്പിച്ചതില്‍ നാളിതുവരെ പൊതുമരാമത്ത് വകുപ്പ് സ്വീകരിച്ചിട്ടുളള നടപടികളുടെ വിശദവിവരം ലഭ്യമാക്കാമോ;

(ബി)	പുനര്‍നാമകരണം നടത്തി ഈ പ്രവൃത്തിക്ക് എപ്പോള്‍ ഭരണാനുമതി ലഭ്യമാക്കാന്‍ കഴിയും എന്ന് വ്യക്തമാക്കാമോ?

തിരുവനന്തപുരത്തെ മേല്‍പ്പാലങ്ങളുടെ നിര്‍മ്മാണം

1141.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരത്ത് ഉള്ളൂരിലും ശ്രീകാര്യത്തും പട്ടത്തും നിര്‍മ്മിക്കുമെന്ന് പ്രഖ്യാപിച്ചിട്ടുള്ള മേല്‍പ്പാലങ്ങളുടെ നിര്‍മ്മാണ പ്രവര്‍ത്തനം ഏത് ഘട്ടത്തിലാണ് എന്ന് വെളിപ്പെടുത്താമോ;

(ബി)	ഇവയുടെ സാമൂഹികാഘാത പഠനം പൂര്‍ത്തിയാക്കിയിട്ടുണ്ടോ എന്നറിയിക്കാമോ;

(സി)	പ്രസ്തുത ആവശ്യത്തിനായി എത്ര ഏക്കര്‍ സ്ഥലമാണ് ഓരോ സ്ഥലത്തും ഏറ്റെടുക്കേണ്ടതെന്നും എത്ര കുടുംബങ്ങളെ കുടിയൊഴിപ്പിക്കണമെന്നും കണ്ടെത്തിയിട്ടുണ്ടോ;

(ഡി)	മേല്‍പ്പാലത്തിന് സ്ഥലമേറ്റെടുക്കുമ്പോള്‍ റോഡിന്റെ രണ്ട് വശത്ത് നിന്നും തുല്യമായി സ്ഥലമേറ്റെടുക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

കെ. സി. പാലത്തിന്റെ പുനര്‍നിര്‍മ്മാണം

1142.

ശ്രീ.സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴ-ചങ്ങനാശ്ശേരി ദേശീയ ജലപാതയില്‍ കിടങ്ങറ ഭാഗത്തുള്ള കെ. സി. പാലത്തിന്റെ ഉയരക്കുറവ് മൂലം യാത്രാബോട്ടുകളും ടൂറിസ്റ്റ് ബോട്ടുകളും കടന്നുപോകാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	കഴിഞ്ഞ പ്രളയകാലത്ത് കുട്ടനാട്ടിലുള്ള ജനങ്ങള്‍ക്ക് ഇതുവഴി ചങ്ങനാശ്ശേരിയില്‍ എത്താന്‍ കഴിഞ്ഞില്ലെന്നുള്ളത് ശ്രദ്ധയില്‍പ്പെട്ടിട്ടുണ്ടോ;

(സി)	ഈ തോട് ദേശീയ ജലപാതയാക്കിയതിനാല്‍ പാലത്തിന്റെ ഡിസൈനും നിര്‍മ്മാണവും സംബന്ധിച്ച് എന്തെങ്കിലും നിര്‍ദ്ദേശങ്ങള്‍ കേന്ദ്രസര്‍ക്കാര്‍ നല്കിയിട്ടുണ്ടോയെന്ന് അറിയിക്കാമോ;

(ഡി)	എങ്കില്‍ അതുസംബന്ധിച്ച വിശദാംശങ്ങള്‍ നല്‍കുമോ;

(ഇ)	ഈ പാലത്തിന്റെ പുനര്‍നിര്‍മ്മാണം സമയബന്ധിതമായി പൂര്‍ത്തീകരിക്കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ?

വക്കം-കായിക്കര കടവ് പാലം നിര്‍മ്മാണം

1143.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

വക്കം-കായിക്കര കടവ് പാലം നിര്‍മ്മാണവുമായി ബന്ധപ്പെട്ട നടപടിക്രമങ്ങള്‍ ഏത് ഘട്ടത്തിലാണെന്ന് വിശദമാക്കുമാേ?

മുനമ്പം - അഴിക്കോട് പാലം

1144.

(എ)	മുനമ്പം-അഴിക്കോട് പാലം സംബന്ധിച്ച് നിലവില്‍ പൂര്‍ത്തീകരിച്ചിട്ടുള്ള പ്രവൃത്തികള്‍ എന്തെല്ലാമാണെന്ന് വിശദമാക്കാമോ;

(ബി)	പ്രസ്തുത പദ്ധതി വൈകുന്നത് ശ്രദ്ധയില്‍പ്പെട്ടിട്ടുണ്ടോ എന്നറിയിക്കാമോ?

എരഞ്ഞോളി പാലം നിര്‍മ്മാണം

1145.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

തലശ്ശേരി നിയോജക മണ്ഡലത്തിലെ എരഞ്ഞോളി പാലം നിര്‍മ്മാണപ്രവൃത്തിയുടെ നിലവിലുള്ള അവസ്ഥ എന്താണെന്ന് അറിയിക്കാമോ; ആയത് പൂര്‍ത്തീകരിക്കുന്നതിന് ഇനി എന്തെല്ലാം നടപടിക്രമങ്ങളാണ് ഉള്ളതെന്ന് വ്യക്തമാക്കാമോ?

ഒള്ളൂര്‍ കടവ് പാലത്തിന്റെ നിര്‍മ്മാണം

1146.

(എ)	ബാലുശ്ശേരി മണ്ഡലത്തെയും കൊയിലാണ്ടി മണ്ഡലത്തെയും ബന്ധിപ്പിക്കുന്ന ഒള്ളൂര്‍ കടവ് പാലത്തിന്റെ നിര്‍മ്മാണം അനിശ്ചിതമായി നീണ്ടുപോകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത നിര്‍മ്മാണത്തിനായുള്ള ഭൂമി ഏറ്റെടുക്കല്‍ നടപടി ഏത് ഘട്ടത്തിലാണെന്നറിയിക്കാമോ;

(സി)	പ്രസ്തുത പാലത്തിന്റെ നിര്‍മ്മാണം വേഗത്തിലാക്കാനുള്ള നടപടി സ്വീകരിക്കാമോ?

കരുവാറ്റ പാലത്തിന് ഭരണാനുമതി

1147.

(എ)	പൂന്നൂര്‍ പുഴയ്ക്ക് കുറുകെ നിര്‍മ്മിക്കുന്ന കരുവാറ്റ പാലത്തിന് ഭരണാനുമതി നല്‍കുന്നതില്‍ കാലതാമസം നേരിട്ടത് ശ്രദ്ധയില്‍പ്പെട്ടിട്ടുണ്ടോ;

(ബി)	കരുവാറ്റ പാലത്തിന്റെ ഭരണാനുമതിക്കായി സ്വീകരിച്ച നടപടികള്‍ എന്തെല്ലാമാണെന്നറിയിക്കാമോ;

(സി)	കരുവാറ്റ പാലത്തിന്റെ പ്രവൃത്തി ആരംഭിക്കുന്നതിനായി പുതുക്കിയ ഭരണാനുമതി നല്‍കുന്നതിന് എന്താണ് തടസ്സമെന്നറിയിക്കാമോ?

കായംകുളം മണ്ഡലത്തിലെ പാലങ്ങളുടെ നിര്‍മ്മാണം

1148.

ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം മണ്ഡലത്തില്‍ ഉള്‍പ്പെട്ട കോയിക്കല്‍പടിക്കല്‍ പാലം, കല്ലുകടവ് പാലം എന്നിവയുടെ നിര്‍മ്മാണവുമായി ബന്ധപ്പെട്ട നടപടികളുടെ പുരോഗതി വിശദമാക്കാമോ;

(ബി)	മണ്ഡലത്തില്‍ നിലവില്‍ ഭരണാനുമതി ലഭിച്ച പാലങ്ങളുടെ നിര്‍മ്മാണവുമായി ബന്ധപ്പെട്ട നടപടികളുടെ പുരോഗതി വ്യക്തമാക്കാമോ?

ഓട്ടാഫീസ് കടവ് പാലത്തിന്റെ നിര്‍മ്മാണം

1149.

(എ)	ഓട്ടാഫീസ് കടവ് പാലത്തിന്റെ നിര്‍മ്മാണം എന്നാണ് തുടങ്ങിയതെന്ന് വ്യക്തമാക്കാമോ;

(ബി)	പാലത്തിന്റെ പണികള്‍ കരാറുകാരന്‍ അനന്തമായി നീട്ടികൊണ്ടുപോകുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത പാലത്തിന്റെ നിര്‍മ്മാണം എന്നത്തേയ്ക്ക് പൂര്‍ത്തിയാക്കുവാന്‍ കഴിയുമെന്ന് വ്യക്തമാക്കാമോ?

കന്നിപുറം-നെയ്യാറ്റിന്‍കര പാലം നിര്‍മ്മാണം

1150.

(എ)	കന്നിപുറം-നെയ്യാറ്റിന്‍കര പാലം നിര്‍മ്മാണത്തിന് ഇനി പൂര്‍ത്തീകരിക്കേണ്ട നടപടിക്രമങ്ങള്‍ എന്തൊക്കെയാണെന്ന് വെളിപ്പെടുത്തുമോ;

(ബി)	പ്രസ്തുത നിര്‍മ്മാണത്തിനായുളള ഭൂമി ഏറ്റെടുക്കല്‍ നടപടിയുടെ നിലവിലെ സ്ഥിതി എന്തെന്ന് വ്യക്തമാക്കാമോ;

(സി)	2019 മാര്‍ച്ചിന് മുന്‍പ് പാലത്തിന്റെ നിര്‍മ്മാണപ്രവൃത്തി ആരംഭിക്കാന്‍ കഴിയുമോ എന്ന് അറിയിക്കാമോ?

കോഴിക്കോട് ജില്ലയിലെ നടമ്മല്‍കടവ് പാലം പണി

1151.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ നടമ്മല്‍കടവ് പാലത്തിന് ഭരണാനുമതി നല്‍കിയത് എന്നാണെന്ന് വ്യക്തമാക്കാമോ;

(ബി)	ഇതിനായി ഇതുവരെ എത്ര ഭൂമിയാണ് ഏറ്റെടുത്തിട്ടുള്ളതെന്നും പ്രവൃത്തി ടെണ്ടര്‍ ചെയ്തിട്ടും പാലത്തിന്റെ പണി ആരംഭിക്കാന്‍ സാധിക്കാത്ത സാഹചര്യം ഉണ്ടായതെങ്ങനെയെന്നും അറിയിക്കുമോ;

(സി)	ഭൂമി ഏറ്റെടുക്കുന്നതില്‍ വരുന്ന കാലതാമസം അധിക സാമ്പത്തിക ബാധ്യത വരുത്തുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	പൊന്നും വിലയ്ക്കെടുക്കേണ്ട ഭൂമിയില്‍ പ്രവേശിക്കാന്‍ തടസ്സം നില്‍ക്കുന്നവര്‍ക്കെതിരെ എന്ത് നടപടിയാണ് സ്വീകരിക്കുന്നതെന്ന് വിശദമാക്കാമോ?

കോഴിക്കോട് ജില്ലയില്‍ ഭരണാനുമതി നല്‍കിയ പാലങ്ങളുടെ അവസ്ഥ

1152.

(എ)	കോഴിക്കോട് ജില്ലയില്‍ ഭരണാനുമതി നല്‍കിയ നടമ്മല്‍കടവ്, തൊണ്ടിലക്കടവ്, അന്നാരുകണ്ടം, മുക്കത്ത് കടവ്, മുനമണ്ണില്‍, കരുവാറ്റ ജീപബിള്‍ ബ്രിഡ്ജ് എന്നീ പാലങ്ങളുടെ നിലവിലുള്ള അവസ്ഥ എന്താണെന്ന് വ്യക്തമാക്കാമോ;

(ബി)	ഭരണാനുമതി ലഭിച്ച് എട്ട് വര്‍ഷം കഴിഞ്ഞ സാഹചര്യത്തില്‍ ഇവയുടെ എസ്റ്റിമേറ്റ് പുതുക്കിയിട്ടുണ്ടോയെന്ന് അറിയിക്കാമോ;

(സി)	എങ്കില്‍ പുതിയ അടങ്കല്‍ തുക എത്രയെന്ന് കണക്കായിട്ടുണ്ടോ; വിശദാംശങ്ങള്‍ ലഭ്യമാക്കാമോ?

മാനന്തവാടി മണ്ഡലത്തിലെ പാലം പ്രവൃത്തികള്‍

1153.

(എ)	മാനന്തവാടി മണ്ഡലത്തില്‍ ഭരണാനുമതി ലഭിച്ചിട്ടുള്ള പാലം പ്രവൃത്തികളുടെ പട്ടിക ലഭ്യമാക്കാമോ;

(ബി)	ഓരോ പ്രവൃത്തിയുടെയും നിലവിലെ സ്ഥിതി എന്താണെന്ന് അറിയിക്കാമോ;

(സി)	മാനന്തവാടി മണ്ഡലത്തില്‍ ഉടന്‍ പുതുക്കിപ്പണിയേണ്ട പാലങ്ങളുടെ പട്ടിക തയ്യാറാക്കിയിട്ടുണ്ടെങ്കില്‍ ആയത് ലഭ്യമാക്കാമോ;

(ഡി)	പനമരം-ചെറുപുഴ പാലം പുതുക്കിപ്പണിയുന്ന കാര്യം പരിഗണനയിലുണ്ടോ എന്ന് വെളിപ്പെടുത്താമോ?

ഓര്‍ക്കുളം-തൈക്കടപ്പുറം പാലത്തിന്റെ നിര്‍മ്മാണം

1154.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

തൃക്കരിപ്പൂര്‍ മണ്ഡലത്തിലെ ഓര്‍ക്കുളം-തൈക്കടപ്പുറം റോഡുപാലത്തിന് 2018-19 ലെ ബജറ്റില്‍ ആവശ്യമായ തുക ഭരണാനുമതിക്കായി വകയിരുത്തിയിട്ടും ഡി.പി.ആര്‍. തയ്യാറാക്കാന്‍ വൈകുന്നതിന്റെ കാരണം വെളിപ്പെടുത്തുമോ; ഈ പ്രവൃത്തി എന്നാരംഭിക്കാന്‍ കഴിയുമെന്ന് വ്യക്തമാക്കാമോ?

ചെങ്ങന്നൂരിലെ പാലങ്ങളുടെ നിര്‍മ്മാണം

1155.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചെങ്ങന്നൂര്‍ വരട്ടാര്‍ നദിക്ക് കുറുകെയുള്ള കെെപ്പാല കടവ് പാലം,അച്ചന്‍ കാേവിലാറിനു കുറുകെയുളള വഴുവാടി കടവ് പാലം, ചെങ്ങന്നൂര്‍ കുട്ടംപേരൂര്‍ നദിക്ക് കുറുകെയുള്ള മഠത്തില്‍ കടവ് പാലം എന്നിവയുടെ നിര്‍മ്മാണ പുരാേഗതി അറിയിക്കാമാേ ;

(ബി)	പ്രസ്തുത പാലങ്ങളുടെ നിര്‍മ്മാണത്തിന് ആവശ്യമായ സ്ഥലം നെഗാേഷ്യേറ്റ്/ഡയറക്ട് പര്‍ച്ചേസ് മുഖേന ഏറ്റെടുക്കുന്നതിനുള്ള ഉത്തരവ് പുറപ്പെടുവിക്കുന്നതിലെ കാലതാമസം ഒഴിവാക്കുവാന്‍ പ്രത്യേക പരിഗണന നല്‍കുമാേ എന്ന് വ്യക്തമാക്കുമോ?

വള്ളിക്കുന്ന് മണ്ഡലത്തിലെ പാലങ്ങൾ

1156.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റെയില്‍വേ ഓവര്‍ബ്രിഡ്ജ് നിര്‍മ്മിക്കുന്നതിന് അനുമതി ലഭിക്കുന്നതിന്റെ വിവിധ ഘട്ടങ്ങള്‍ വിശദമാക്കാമോ;

(ബി)	വള്ളിക്കുന്ന് മണ്ഡലത്തിലെ ആനങ്ങാടിയില്‍ റെയില്‍വേ മേല്‍പ്പാലം നിര്‍മ്മിക്കുന്നതിന് ലഭിച്ച പ്രൊപ്പോസലിന്മേല്‍ സ്വീകരിച്ച നടപടികള്‍ വിശദമാക്കാമോ;

(സി)	കഴിഞ്ഞ വെള്ളപ്പൊക്കത്തില്‍ അപകട ഭീഷണിയിലായ ഇരുമ്പോത്തിങ്ങല്‍ പാലം പുനരുദ്ധരിക്കുന്നതിന് സ്വീകരിച്ച നടപടികള്‍ വ്യക്തമാക്കാമോ?

പള്ളിക്കമണ്ണടി പാലം

1157.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചാത്തന്നൂര്‍ നിയോജകമണ്ഡലത്തിലെ പള്ളിക്കമണ്ണടി പാലവും അപ്രോച്ച് റോഡും നിര്‍മ്മിക്കുന്നതിനാവശ്യമായ നടപടികളിലെ നാളിതുവരെയുള്ള പുരോഗതി വിശദമാക്കാമോ;

(ബി)	സ്ഥലമേറ്റെടുക്കുന്നതിലേക്കായി പുതിയ അര്‍ത്ഥനാപത്രം, ലാന്റ് ഷെഡ്യൂള്‍, അലൈന്‍മെന്റ് സ്കെച്ച്, ഡീമാര്‍ക്കേഷന്‍ സ്കെച്ച് എന്നിവ തയ്യാറാക്കി സമര്‍പ്പിച്ചിട്ടുണ്ടോ; എങ്കില്‍ പ്രസ്തുത നടപടികളുടെ തുടര്‍ച്ചയായി നാളിതുവരെയുള്ള പുരോഗതി എന്തെന്ന് വ്യക്തമാക്കാമോ;

(സി)	സ്ഥലമേറ്റെടുക്കുന്നതിനും പാലം പണി ആരംഭിക്കുന്നതിനും എന്തെല്ലാം നടപടികളാണ് ഇനി പൂര്‍ത്തിയാക്കാനുള്ളതെന്ന് വിശദമാക്കാമോ?

കരമന -കളിയിക്കാവിള ദേശീയപാത വികസനം

1158.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന -കളിയിക്കാവിള ദേശീയപാത വികസനത്തിന്റെ രണ്ടാം ഘട്ടത്തില്‍ ഉള്‍ക്കാെള്ളിച്ചിട്ടുള്ള പ്രാവച്ചമ്പലം മുതല്‍ കാെടിനട വരെയുള്ള ആറുവരി പാതയുടെ നിര്‍മ്മാണ പ്രവര്‍ത്തനം ഈ സര്‍ക്കാര്‍ വന്നതിനുശേഷം ഇത്രകാലം നീണ്ടുപാേയത് ഏത് സാഹചര്യത്തിലാണെന്ന് വ്യക്തമാക്കുമോ ;

(ബി)	ഇതിനായി എത്ര പ്രാവശ്യം ടെന്‍ഡര്‍ വിളിക്കുകയുണ്ടായി; ഓരാേ പ്രാവശ്യവും ആരാെക്കെയാണ് ടെന്‍ഡറില്‍ പങ്കെടുത്തത്; അവര്‍ രേഖപ്പെടുത്തിയ കുറഞ്ഞ തുക എത്രയായിരുന്നു;

(സി)	നിലവില്‍ ഏത് സ്ഥാപനത്തിന്, എത്ര തുകക്കാണ് ടെന്‍ഡര്‍ നല്‍കിയതെന്ന് അറിയിക്കുമോ;

(ഡി)	നിശ്ചയിച്ച തുകയില്‍ നിന്നും എത്ര തുക അധികമായിട്ടാണ് നിലവിലത്തെ കരാറുകാര്‍ക്ക് ടെന്‍ഡര്‍ ഉറപ്പിച്ചതെന്ന് വ്യക്തമാക്കുമോ?

റോഡ് സുരക്ഷ

1159.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയ്ക്കല്‍ നിയോജക മണ്ഡലത്തിലെ വളാഞ്ചേരി ജംഗ്ഷന്‍ നവീകരണവുമായി ബന്ധപ്പെട്ട് ദേശീയപാത വിഭാഗം ചീഫ് എന്‍ജിനീയര്‍ സ്വീകരിച്ച നടപടികള്‍ അറിയിക്കുമോ;

(ബി)	റോഡ് സുരക്ഷയുമായി ബന്ധപ്പെട്ട് കേന്ദ്രസര്‍ക്കാരിന് പ്രൊപ്പോസല്‍ അയച്ചിട്ടുണ്ടോ; വ്യക്തമാക്കുമോ;

(സി)	റോഡ് സുരക്ഷയുമായി ബന്ധപ്പെട്ട പ്രൊപ്പോസല്‍ അടിയന്തിരമായി നടപ്പിലാക്കുവാന്‍ നടപടി സ്വീകരിക്കുമോ എന്നറിയിക്കാമോ?

ദേശീയ പാത മുത്തകുന്നം-ഇടപ്പള്ളി റീച്ചിലെ വികസനം

1160.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം ജില്ലയില്‍ നിലവില്‍ വിജ്ഞാപനം ചെയ്തിട്ടുള്ള എന്‍ എച്ച് 66 മുത്തകുന്നം-ഇടപ്പള്ളി റീച്ചില്‍ കഴിഞ്ഞ ആഗസ്ത് മാസത്തിലെ പ്രളയത്തില്‍ വ്യാപകമായി വെള്ളം കയറി വാഹനങ്ങളും യാത്രക്കാരും അപകടത്തില്‍പ്പെട്ടത് ശ്രദ്ധയില്‍പ്പെട്ടിട്ടുണ്ടോ;

(ബി)	ഈ പ്രദേശത്ത് വരുന്ന ഏകദേശം 24 കിലോമീറ്റര്‍ റോഡിന്റെ നിര്‍മ്മാണത്തിന് ആവശ്യമായ എന്‍വയേണ്‍മെന്റ് ഇംപാക്ട് അസസ്സ്മെന്റ്,സോഷ്യല്‍ ഇംപാക്ട് അസസ്സ്മെന്റ്, ഫീസിബിലിറ്റി സ്റ്റഡി, പബ്ലിക് ഹിയറിങ് ഇവ നടത്തിയിട്ടുണ്ടോ;

(സി)	ഉണ്ടെങ്കില്‍ ഈ പഠനങ്ങളില്‍ പ്രസ്തുത പ്രളയവും ആയത് ദേശീയപാത ഗതാഗത യോഗ്യമല്ലാതാക്കിയതും പഠന വിഷയം ആയിരുന്നോ;

(ഡി)	അങ്ങനയെങ്കില്‍ ഭാവിയില്‍ ഇത്തരം സാഹചര്യം നേരിടാന്‍ എന്തൊക്കെ നിര്‍ദ്ദേശങ്ങളാണ് ഈ പഠനങ്ങള്‍ മുന്നോട്ട് വച്ചിട്ടുള്ളത് എന്ന് വ്യക്തമാക്കുമോ;

(ഇ)

മേല്‍ സൂചിപ്പിച്ച പഠനങ്ങളില്‍, ദേശീയപാത വികസനത്തിന് വേണ്ടിയും എന്‍ എച്ച് 966A പാതയ്ക്കുവേണ്ടിയും 10-12 വര്‍ഷം മുന്‍പ് കുടിയിറക്കപ്പെട്ട ജനങ്ങള്‍ വീണ്ടും കുടിയിറക്കപ്പെടുന്നു എന്നത് പഠനവിഷയം ആയിരുന്നോ; ആയിരുന്നുവെങ്കില്‍ ആയത് പരിഹരിക്കാന്‍ എന്ത് നിര്‍ദ്ദേശമാണ് മുന്നോട്ട് വച്ചിട്ടുള്ളത് എന്നറിയിക്കാമോ?

കൊല്ലം ബൈപാസ്

1161.

(എ)	കൊല്ലം ബൈപാസിന്റെ കല്ലുംതാഴം മുതല്‍ കാവനാട് വരെയുള്ള മൂന്നും നാലും ഘട്ട പണികളുടെ കരാര്‍ ഉറപ്പിച്ചതും പണി ആരംഭിച്ചതും എന്നാണെന്ന് വ്യക്തമാക്കുമോ;

(ബി)	പ്രസ്തുത പണി എന്നത്തേക്ക് പൂര്‍ത്തിയാക്കുന്നതിനാണ് കരാറില്‍ വ്യവസ്ഥ ചെയ്തിരുന്നതെന്ന് അറിയിക്കുമോ;

(സി)	ഈ സര്‍ക്കാരിന്റെ കാലത്ത് പ്രസ്തുത കരാര്‍ കാലാവധി വര്‍ദ്ധിപ്പിച്ച് നല്‍കുകയുണ്ടായോ; എങ്കില്‍ അതിനുള്ള കാരണം വ്യക്തമാക്കുമോ;

(ഡി)	കേന്ദ്ര ദേശീയ പാത മന്ത്രാലയം 2019 ജനുവരിയില്‍ ബൈപാസ് ഉദ്ഘാടനത്തിനുള്ള സൗകര്യം ആരാഞ്ഞ് സംസ്ഥാന സര്‍ക്കാരിന് കത്ത് നല്‍കിയിരുന്നോ;

(ഇ)	എങ്കില്‍ പ്രസ്തുത കത്ത് ലഭിച്ചതിനു ശേഷം 2019 ഫെബ്രുവരി 2-ന് ബൈപാസ് ഉദ്ഘാടനം നടത്തുമെന്ന് സംസ്ഥാന സര്‍ക്കാര്‍ പ്രഖ്യാപിച്ചത് ഏത് സാഹചര്യത്തിലായിരുന്നുവെന്ന് വ്യക്തമാക്കുമോ?

ചാലക്കുടി മണ്ഡലത്തിലെ ദേശീയപാത നിര്‍മ്മാണ പ്രവൃത്തികള്‍

1162.

(എ)	നാലുവരിപ്പാത നിര്‍മ്മാണവുമായി ബന്ധപ്പെട്ട് ദേശീയ പാത 66 ല്‍ ചാലക്കുടി മണ്ഡലത്തിലെ വിവിധ ഭാഗങ്ങളില്‍ നടപ്പാക്കേണ്ട പ്രവൃത്തികള്‍ ഇനിയും പൂര്‍ത്തീകരിക്കാത്തത് ശ്രദ്ധയില്‍പെട്ടിട്ടുണ്ടോ;

(ബി)	ചാലക്കുടി കോടതി ജംഗ്ഷനില്‍ അണ്ടര്‍ പാസ്സേജ് നിര്‍മ്മാണം ആരംഭിച്ച് മാസങ്ങള്‍ പിന്നിട്ടിട്ടും ആയതിന്റെ നിര്‍മ്മാണം എങ്ങുമെത്തിയിട്ടില്ല എന്നത് ശ്രദ്ധയില്‍പെട്ടിട്ടുണ്ടോ;

(സി)	പ്രസ്തുത നിര്‍മ്മാണം അടിയന്തരമായി പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ എന്നറിയിക്കാമോ?

ഇടപ്പള്ളി, കുണ്ടന്നൂര്‍ ജംഗ്ഷനുകളിലെ വികസന പദ്ധതി

1163.

(എ)

എറണാകുളം ജില്ലയിലെ ട്രാഫിക് ഡെന്‍സിറ്റി പഠന വിധേയമാക്കിയപ്പോള്‍ കണ്ടെയ്നര്‍ റോഡില്‍ മൂലമ്പിള്ളി ഭാഗത്ത് നിന്ന് ആരംഭിച്ച് ചാത്തനാട് വഴി പറവൂര്‍ പട്ടണം കടന്ന് പോകുന്ന പുതിയ ഒരു സംസ്ഥാന പാത നിര്‍മ്മാണത്തിലിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; ആയത് വടക്കന്‍ കേരളത്തിലേക്കുള്ള കണ്ടെയ്നര്‍ ഗതാഗതം ഗണ്യമായി കുറയ്ക്കും എന്നത് പഠനത്തിന്റെ ഭാഗമായിരുന്നോ;

(ബി)	വിഴിഞ്ഞം തുറമുഖ നിര്‍മ്മാണം പൂര്‍ത്തിയാകുന്നതോടുകൂടി വല്ലാര്‍പാടം ടെര്‍മിനലില്‍ നിന്ന് തെക്കന്‍ കേരളത്തിലേക്കുള്ള കണ്ടെയ്നര്‍ ഗതാഗതം ഗണ്യമായി കുറയും എന്ന വസ്തുത പ്രസ്തുത പഠനത്തിന്റെ ഭാഗമായിരുന്നോ;

(സി)	ദേശീയ പാതകള്‍ സംഗമിക്കുന്ന ഈ പാതയിലെ തന്നെ ഇടപ്പള്ളി, കുണ്ടന്നൂര്‍ ജംഗ്ഷനുകളില്‍ ഏത് തരത്തിലുള്ള വികസന പദ്ധതിയാണ് വിഭാവനം ചെയ്തിട്ടുള്ളത് എന്ന് വെളിപ്പെടുത്തുമോ?

ചേരാനല്ലൂർ ജംഗ്ഷന്‍ വികസനം

1164.

(എ)	45 മീറ്റര്‍ വീതിയില്‍ നിര്‍മ്മിക്കുവാന്‍ ഉദ്ദേശിക്കുന്ന ദേശീയ പാതകളായ ദേശീയപാത-66, ദേശീയപാത-966A എന്നിവ സംഗമിക്കുന്ന എറണാകുളം ജില്ലയിലെ ചേരാനല്ലൂരിലെ ജംഗ്ഷന്‍, 40 ഏക്കറില്‍പരം സ്ഥലം ഏറ്റെടുത്ത് ക്ലോവര്‍ ലീഫ്/റൗണ്ട് എബൗട്ട് രൂപത്തില്‍ വികസിപ്പിക്കുവാന്‍ പദ്ധതി രൂപീകരിച്ചിട്ടുണ്ടോ;

(ബി)

60 മീറ്റര്‍ വീതിയില്‍ റോഡ് വികസിപ്പിക്കാന്‍ ലക്ഷ്യമിട്ട സമയത്ത് രൂപപ്പെടുത്തിയ പ്രസ്തുത ക്ലോവര്‍ ലീഫ് രൂപരേഖയില്‍ റോഡ് വീതി 45 മീറ്റര്‍ ആയി ചുരുക്കിയിട്ടും ക്ലോവര്‍ ലീഫിന് കുറവ് വരുത്താത്തത് എന്തുകൊണ്ട്; ക്ലോവര്‍ ലീഫ്/ബട്ടര്‍ഫ്ലൈ റൗണ്ട് എബൗട്ട് നിര്‍മ്മിക്കുന്നത് ഏത് പഠനത്തിന്റെ അടിസ്ഥാനത്തിലാണ്; വിവരിക്കാമോ;

(സി)	പ്രസ്തുത പഠനം അനുസരിച്ച് ചേരാനല്ലൂര്‍ ജംഗ്ഷനിലെ ട്രാഫിക് ഡെന്‍സിറ്റി പഠന വിധേയമാക്കിയിട്ടുണ്ടോ; ഇത്തരം റൗണ്ട് എബൗട്ട് ഇന്ത്യയില്‍ മറ്റെവിടെയെങ്കിലും നിർമ്മാണ ഘട്ടത്തിലെങ്കിലും ഉളളതായി അറിവുണ്ടോ;

(ഡി)	നിലവിലെ ബട്ടര്‍ഫ്ലൈ ഫ്ലൈഓവര്‍ രൂപരേഖയ്ക്ക് മറ്റേതെങ്കിലും ബദല്‍, പദ്ധതിയില്‍ നിര്‍ദ്ദേശിക്കപ്പെട്ടിട്ടുണ്ടോ; എങ്കില്‍ വിശദാംശങ്ങള്‍ അറിയിക്കുമോ?

കാസര്‍ഗോഡ് ജില്ലയില്‍ എന്‍.എച്ച് വികസനം

1165.

(എ)	എന്‍.എച്ച്-66 ന്റെ വികസനവുമായി ബന്ധപ്പെട്ട് കാസര്‍ഗോഡ് ജില്ലയില്‍ ഭൂമി ഏറ്റെടുക്കല്‍ നടപടി ഏതുവരെയായെന്ന് വിശദമാക്കാമോ;

(ബി)	ജില്ലയില്‍ നിലവില്‍ എത്ര കിലോമീറ്റർ റോഡിന്റെ ടെന്‍ഡര്‍ നടപടികള്‍ പൂര്‍ത്തിയാക്കിയിട്ടുണ്ടെന്നും ഇതിന്റെ അടങ്കല്‍ തുക എത്രയാണെന്നും വിശദമാക്കാമോ;

(സി)	ജില്ലയില്‍ എന്‍.എച്ച് ന്റെ വികസനം എന്ന് ആരംഭിക്കാനാവുമെന്ന് വിശദമാക്കാമോ?

കാസര്‍ഗോഡ് താലൂക്കിലെ നാലുവരിപ്പാത നിര്‍മ്മാണം

1166.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നാലുവരിപ്പാത നിര്‍മ്മാണത്തിനായി കാസര്‍ഗോഡ് താലൂക്കിലെ കുഡ്‍ലു, അടക്കത്ത്ബയല്‍, കാസര്‍ഗോഡ്, ചെങ്കള വില്ലേജുകളില്‍ എത്ര പേരുടെ എത്ര സ്ഥലം വീതം നഷ്ടപ്പെടുമെന്ന് സ്ഥലമുടമകളുടെ പേരു സഹിതം വ്യക്തമാക്കാമോ;

(ബി)	ഈ സ്ഥലമുടമകള്‍ ഓരോരുത്തര്‍ക്കും നല്‍കിയിട്ടുളളതോ നല്‍കാന്‍ ബാക്കിയുളളതോ ആയ നഷ്ടപരിഹാരതുക സംബന്ധിച്ച വിശദാംശങ്ങള്‍ ഉടമകളുടെ പേര് തിരിച്ചു വ്യക്തമാക്കാമോ;

(സി)	നാലുവരിപ്പാത നിര്‍മ്മാണത്തിന് പ്രസ്തുത നാലു വില്ലേജുകളില്‍ എത്ര കെട്ടിടങ്ങളാണ് പൊളിച്ചു നീക്കേണ്ടതെന്നും ഈ കെട്ടിടങ്ങളുടെ ഉടമകള്‍ ആരെല്ലാമാണെന്നും ഓരോ കെട്ടിടത്തിനും ഇതിനകം നല്‍കിയതും ഇനി നല്‍കാനുളളതുമായ നഷ്ടപരിഹാര തുക എത്രയാണെന്നും വ്യക്തമാക്കാമോ?

നളന്ദ വനിതാ ഹോസ്റ്റലിന്റെ സ്ഥലം

1167.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരത്ത് നളന്ദയില്‍ വിമണ്‍ ഹോസ്റ്റലിനോടനുബന്ധിച്ചുള്ള സ്ഥലം വൈലോപ്പിള്ളി സംസ്കൃതി ഭവന്‍ അതിഥി മന്ദിരം നിര്‍മ്മിക്കുന്നതിനായി ആവശ്യപ്പെട്ടിട്ടുണ്ടോ എന്ന് അറിയിക്കാമോ;

(ബി)	ഇത് സംബന്ധിച്ച് രേഖാമൂലം വകുപ്പുതലത്തില്‍ കത്തിടപാടുകള്‍ നടത്തിയിട്ടുണ്ടോ; എങ്കില്‍ ഈ വിഷയത്തിൽ എന്ത് നടപടിയാണ് കൈക്കൊണ്ടിട്ടുള്ളതെന്ന് വ്യക്തമാക്കുമോ?

കോന്നി ഫയര്‍ സ്റ്റേഷന്‍ കെട്ടിട നിര്‍മ്മാണം

1168.

(എ)

കോന്നി ഫയര്‍ ആന്റ് റെസ്ക്യു സ്റ്റേഷന്‍ കെട്ടിട നിര്‍മ്മാണത്തിന് ആവശ്യമായ സ്ഥലം വനം വകുപ്പില്‍ നിന്നും വിട്ടുകിട്ടുന്നതിന് ഓണ്‍ലൈന്‍ ആയി അപേക്ഷ സമര്‍പ്പിക്കുന്നതിന് ആവശ്യമായ പ്രോജക്ട് റിപ്പോര്‍ട്ട്, എസ്റ്റിമേറ്റ്, പ്ലാന്‍ എന്നിവ തയ്യാറാക്കി നല്‍കുന്നതിന് ഫയര്‍ ആന്റ് റെസ്ക്യു വകുപ്പ് പൊതുമരാമത്ത് വകുപ്പ് അധികൃതര്‍ക്ക് കത്ത് നല്‍കിയിട്ടുണ്ടോ; എങ്കില്‍ എന്നാണ് നല്‍കിയതെന്നും ആയതിന്മേല്‍ നാളിതുവരെ കൈക്കൊണ്ട നടപടികളും വ്യക്തമാക്കുമോ;

(ബി)	ഫയര്‍ ആന്റ് റെസ്ക്യു വകുപ്പ് ആവശ്യപ്പെട്ടവ അടിയന്തരമായി കൈമാറുവാന്‍ നിര്‍ദ്ദേശം നല്‍കുമോ;

(സി)	ഇതിനോടകം നല്‍കിയിട്ടുണ്ടെങ്കില്‍ ആയത് എന്നാണെന്ന് വ്യക്തമാക്കുമോ;

(ഡി)	നാളിതുവരെ കൈമാറിയിട്ടില്ലെങ്കില്‍ എന്തുകൊണ്ടെന്ന് വ്യക്തമാക്കുമോ?

മഞ്ചേരി പോളിടെക്നിക്ക് കെട്ടിട നിർമ്മാണം

1169.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മഞ്ചേരി പോളിടെക്നിക്കിന്റെ അഡ്മിനിസ്ട്രേറ്റീവ് ബ്ലോക്കും അക്കാഡമിക് ബ്ലോക്കും നിര്‍മ്മിക്കുന്നതിനായി പൊതുമരാമത്ത് വകുപ്പില്‍ സമര്‍പ്പിച്ച ഡി.പി.ആര്‍. പരിഗണിച്ചിട്ടുണ്ടോ; വിശദമാക്കാമോ;

(ബി)	എ.ഐ.സി.ടി.ഇ. യുടെ അംഗീകാരം ലഭ്യമാക്കുന്നതിനായി ഫേസ്-1 ല്‍ ഉള്‍പ്പെട്ട പ്രസ്തുത പ്രവൃത്തികള്‍‌ അടിയന്തരമായി പൂര്‍ത്തീകരിക്കുന്നതിന് നടപടി സ്വീകരിക്കുമോ എന്നറിയിക്കാമോ?

ചിറ്റാര്‍ ആശുപത്രി കെട്ടിട നിര്‍മ്മാണം

1170.

(എ)	കോന്നി നിയോജക മണ്ഡലത്തിലെ ചിറ്റാര്‍ സാമൂഹികാരോഗ്യ കേന്ദ്രത്തിന് കെട്ടിടം പണിയുന്നതിനായി മരങ്ങള്‍ മുറിച്ചുമാറ്റി സൈറ്റ് പി.ഡബ്ല്യു.ഡി. ക്ക് കൈമാറിയിട്ടുണ്ടോ; എങ്കില്‍ എന്നാണ് കൈമാറിയതെന്ന് അറിയിക്കുമോ;

(ബി)	ആയതിന്മേല്‍ നാളിതുവരെ പി.ഡബ്ല്യു.ഡി. കൈക്കൊണ്ട നടപടിക്രമങ്ങള്‍ ഇനം തിരിച്ച് വെളിപ്പെടുത്തുമോ;

(സി)	നിലവിലുള്ള എസ്റ്റിമേറ്റ് റിവൈസ് ചെയ്ത് തിരികെ ലഭിച്ചിട്ടുണ്ടോ; എങ്കില്‍ എന്നാണെന്ന് അറിയിക്കുമോ;

(ഡി)	ഇല്ലെങ്കില്‍ ആയത് തിരികെ നല്‍കാന്‍ താമസിക്കുന്നതിന്റെ കാരണം വ്യക്തമാക്കുമോ;

(ഇ)	പ്രസ്തുത കെട്ടിട നിര്‍മ്മാണം എന്നത്തേയ്ക്ക് ആരംഭിക്കുമെന്ന് വെളിപ്പെടുത്തുമോ?

പരിസ്ഥിതി സൗഹാര്‍ദ്ദ ബസ്സ് കാത്തിരിപ്പു കേന്ദ്രങ്ങള്‍

1171.

(എ)

തിരുവനന്തപുരം നിയോജക മണ്ഡലത്തിലെ 16 പ്രദേശങ്ങളില്‍ ആസ്തി വികസന സ്കീമില്‍ നിന്നും തുക ചെലവഴിച്ച് പരിസ്ഥിതി സൗഹാര്‍ദ്ദ ബസ്സ് കാത്തിരിപ്പു കേന്ദ്രങ്ങള്‍ നിര്‍മ്മിക്കുന്നതിന് പ്രതീക്ഷാ ബസ് ഷെല്‍റ്റേഴ്സ് ലിമിറ്റഡിനെ ചുമതലപ്പെടുത്തി 27.02.2016 ന് ഭരണാനുമതി നല്‍കിയിരുന്ന പ്രവ്യത്തിയിന്‍മേല്‍ എന്തെല്ലാം തുടര്‍നടപടികള്‍ സ്വീകരിച്ചുവെന്ന് വ്യക്തമാക്കുമോ; കാലതാമസം നേരിട്ടതിനുള്ള കാരണങ്ങള്‍ വിശദീകരിക്കാമോ;

(ബി)	ഭരണാനുമതി പുറപ്പെടുവിച്ച് രണ്ടു വര്‍ഷം പിന്നിടുന്ന സാഹചര്യത്തില്‍ ഇനിയെങ്കിലും പ്രവൃത്തി പൂര്‍ത്തീകരിക്കാന്‍ നടപടി സ്വീകരിക്കുമോ?

റാന്നിയിലെ ശബരിമല പില്‍ഗ്രിം സെന്ററിന്റെ നിർമ്മാണം

1172.

ശ്രീ.രാജു എബ്രഹാം : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

റാന്നി ശബരിമല പില്‍ഗ്രിം സെന്റര്‍ നിര്‍മ്മാണം പൂര്‍ത്തീകരിക്കേണ്ട കാലാവധി കഴിഞ്ഞ് 2 വര്‍ഷക്കാലമായിട്ടും 50 ശതമാനം പോലും പണികള്‍ പൂര്‍ത്തീകരിക്കാത്ത കരാറുകാരനെ ഒഴിവാക്കി നിര്‍മ്മാണം പൂര്‍ത്തീകരിക്കുന്നതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കാമോ?

കുമ്പളങ്ങി ഫെറിയില്‍ ബസ് കാത്തിരിപ്പ് കേന്ദ്രം

1173.

(എ)	തൃപ്പൂണിത്തുറ മണ്ഡലത്തിലെ കുമ്പളങ്ങി ഫെറിയില്‍ എം.എല്‍.എയുടെ പ്രാദേശിക വികസന ഫണ്ട് ഉപയോഗിച്ച് ബസ് കാത്തിരിപ്പ് കേന്ദ്രം നിര്‍മ്മിക്കുന്നതിന് പൊതുമരാമത്ത് വകുപ്പിന് എന്നാണ് ഭരണാനുമതി ലഭിച്ചതെന്ന് അറിയിക്കുമോ;

(ബി)	പ്രസ്തുത നിര്‍മ്മാണത്തിന്റെ നാളിതുവരെയുള്ള നടപടികള്‍ തീയതി സഹിതം വ്യക്തമാക്കാമോ;

(സി)	ഈ നിര്‍മ്മാണം എന്നത്തേക്ക് പൂര്‍ത്തീകരിക്കുമെന്ന് അറിയിക്കുമോ;

(ഡി)	ഇതിന്റെ നിര്‍മ്മാണത്തില്‍ വന്നിട്ടുള്ള കാലതാമസത്തിന്റെ കാരണങ്ങള്‍ വെളിപ്പെടുത്താമോ?

കൊയിലാണ്ടി മണ്ഡലത്തിലെ കെട്ടിട നിർമ്മാണ പ്രവൃത്തികള്‍

1174.

(എ)	ഈ സര്‍ക്കാരിന്റെ കാലത്ത് കൊയിലാണ്ടി നിയോജകമണ്ഡലം പരിധിയില്‍ വിവിധഫണ്ടുകള്‍ വഴി പൊതുമരാമത്ത് വകുപ്പ് കെട്ടിടവിഭാഗം, സ്പെഷ്യല്‍ ബില്‍ഡിംഗ് വിഭാഗം എന്നിവ നടപ്പിലാക്കിയ മൂന്ന് ലക്ഷത്തില്‍ കൂടുതല്‍ തുക ചെലവഴിച്ച പ്രവൃത്തികള്‍ സാമ്പത്തിക വര്‍ഷം അടിസ്ഥാനത്തില്‍ പട്ടികയായി വ്യക്തമാക്കാമോ;

(ബി)	ഭരണാനുമതി ലഭ്യമായതും എന്നാല്‍ പ്രവൃത്തി ആരംഭിക്കാത്തതുമായ പ്രവൃത്തികളുടെ പട്ടിക കൂടി ലഭ്യമാക്കാമോ?

കല്ല്യാശ്ശേരി മണ്ഡലത്തിലെ കെട്ടിട നിർമ്മാണ പ്രവൃത്തികള്‍

1175.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനുശേഷം കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തില്‍ പൊതുമരാമത്ത് കെട്ടിട വിഭാഗം മുഖേന ഭരണാനുമതി ലഭിച്ച പ്രവൃത്തികളുടെയും അവയുടെ നിര്‍മ്മാണ പുരോഗതിയുടെയും വിശദാംശം ലഭ്യമാക്കാമോ?

വാമനപുരം നിയോജകമണ്ഡലത്തിലെ കിഫ്ബി പ്രവൃത്തികള്‍

1176.

(എ)	നിലവിലെ സര്‍ക്കാര്‍ അധികാരത്തില്‍ വന്നതിനുശേഷം വാമനപുരം നിയോജകമണ്ഡലത്തില്‍ കിഫ്ബി പദ്ധതി പ്രകാരം പുരനരുദ്ധരിക്കുന്നതിനായി അനുമതി ലഭിച്ച റോഡ് പ്രവൃത്തികള്‍ ഏതൊക്കെ;വിശദമാക്കാമോ;

(ബി)	ഓരോ പ്രവൃത്തിയുടെയും നിലവിലെ പുരോഗതി അറിയിക്കാമോ;

(സി)	കിഫ്ബിയുടെ നിബന്ധനകളില്‍ നിശ്ചിത സമയക്രമത്തിനുള്ളില്‍ നിശ്ചിത ശതമാനം പ്രവൃത്തി പൂര്‍ത്തിയാക്കണമെന്ന് നിഷ്കര്‍ഷിച്ചിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ;

(ഡി)

വാമനപുരം നിയോജകമണ്ഡലത്തില്‍ കിഫ്ബി പ്രവൃത്തികള്‍ കരാറെടുത്തിട്ടുള്ളവര്‍ പ്രസ്തുത നിബന്ധനകളില്‍ വീഴ്ച വരുത്തിയിട്ടുണ്ടോ; ഏതൊക്കെ കരാറുകാര്‍ ആണ് വീഴ്ച വരുത്തിയിട്ടുള്ളത് എന്ന് വെളിപ്പെടുത്താമോ; പ്രസ്തുത കരാറുകാര്‍ ഓരോ പ്രവൃത്തിയിലും എന്തുമാത്രം വീഴ്ച വരുത്തിയെന്ന് വിശദമാക്കാമോ; വീഴ്ച വരുത്തിയ കരാറുകാര്‍ക്കെതിരെ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ;

(ഇ)

കിഫ്ബി പ്രവൃത്തികളുടെ പുരോഗതി വിലയിരുത്താന്‍ പൊതുമരാമത്തു വകുപ്പ് എന്തെല്ലാം സംവിധാനങ്ങളാണ് ഏര്‍പ്പെടുത്തിയി‍ട്ടുള്ളതെന്ന് അറിയിക്കാമോ ; കെ.ഡബ്ല്യൂ.എ., കെ.എസ്.ഇ.ബി., ബി.എസ്.എന്‍.എല്‍. തുടങ്ങിയ യുട്ടിലിറ്റി സര്‍വ്വീസ്സുകള്‍ മാറ്റി സ്ഥാപിക്കുന്നതിനുണ്ടാകുന്ന കാലതാമസം കിഫ്ബി പ്രവൃത്തിയുടെ പുരോഗതിയെ സാരമായി ബാധിക്കുന്നതായി ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രവൃത്തികള്‍ ഏകോപിപ്പിക്കുന്നതിന് എന്തു നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കാമോ ;

(എഫ്)

ആധുനിക രീതിയില്‍ ആധുനിക യന്ത്രസാമഗ്രികള്‍ ഉപയോഗിച്ച് നിര്‍മ്മാണം നടത്തുന്ന കിഫ്ബി പ്രവൃത്തികള്‍ക്ക് വളരെ നീണ്ട കരാര്‍ കാലാവധി നല്‍കുന്നത് പ്രവൃത്തി വേഗത്തില്‍ പൂര്‍ത്തിയാക്കുന്നതിന് തടസ്സമാകുന്നുവെന്നത് ശ്രദ്ധയില്‍പ്പെട്ടിട്ടുണ്ടോ; കരാറിന്റെ കാലാവധി കുറയ്ക്കുന്നതിന് നടപടി സ്വീകരിക്കുമോ;

(ജി)	കിഫ്ബി പ്രവൃത്തികളില്‍ കരാര്‍ ഏറ്റെടുത്ത് ആരംഭിച്ച റോഡ് പ്രവൃത്തികളില്‍ യഥാസമയം പണി ചെയ്യാത്തതിനാല്‍ കുണ്ടും കുഴിയും മൂലം ഗതാഗതയോഗ്യമല്ലാതായിരിക്കുന്നവ അടിയന്തരമായി അറ്റകുറ്റപ്പണി നടത്തി ഗതാഗതയോഗ്യമാക്കുന്നതിന് നിര്‍ദ്ദേശം നല്‍കുമോ?

വൈപ്പിന്‍ മണ്ഡലത്തിലെ കിഫ്ബി പദ്ധതികള്‍

1177.

(എ)	പൊതുമരാമത്ത് വകുപ്പ് കിഫ്ബി വഴി വൈപ്പിന്‍ നിയോജക മണ്ഡലത്തില്‍ നടപ്പിലാക്കുന്ന പദ്ധതികള്‍ ഏതൊക്കെയെന്ന് വ്യക്തമാക്കാമോ;

(ബി)	ഈ പദ്ധതികളുടെ നിലവിലെ പുരോഗതി വ്യക്തമാക്കാമോ?

ഷൊര്‍ണ്ണൂര്‍ മണ്ഡലത്തിലെ കിഫ്ബി പ്രവൃത്തികള്‍

1178.

(എ)	ഷൊര്‍ണ്ണൂര്‍ മണ്ഡലത്തില്‍ പൊതുമരാമത്ത് വകുപ്പ് നടപ്പിലാക്കുന്ന കിഫ്ബി പ്രവൃത്തികള്‍ ഏതെല്ലാമാണെന്നും ഓരോ പ്രവൃത്തിയുടെയും നിലവിലെ സ്ഥിതിയും വ്യക്തമാക്കാമോ;

(ബി)	ഓരോ പ്രവൃത്തിക്കും ഭരണാനുമതി ലഭിച്ച തുകയുടെ വിശദവിവരം ലഭ്യമാക്കാമോ?

പൊതുമരാമത്ത് വൈദ്യുത വിഭാഗത്തിലെ ഓവര്‍സിയര്‍/ ജനറേറ്റര്‍ മെക്കാനിക്ക് തസ്തിക

1179.

ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

18.04.83 ലെ ജി.ഒ.(പി) )നം. 104/83/PWD സ്പെഷ്യല്‍ റൂള്‍ നോട്ട് 4 അനുസരിച്ച്പൊതുമരാമത്ത് വൈദ്യുത വിഭാഗത്തിലെ (ii എ) കാറ്റഗറിക്കാരായ ഗ്രേഡ്-1 ഓവര്‍സിയര്‍/ ജനറേറ്റര്‍ മെക്കാനിക്ക് തസ്തിക, ഗ്രേഡ്-II ഓവര്‍സിയറുടെ പ്രൊമോഷന്‍ തസ്തികയാണെന്നിരിക്കെ ഈ തസ്തികയിലേക്ക് ഇതുവരെ ഗ്രേഡ്-II ഓവര്‍സിയറില്‍ നിന്നും എത്ര ജീവനക്കാരെ പ്രൊമോഷന്‍ വഴി നിയമിച്ചിട്ടുണ്ട്;

(ബി)	പി.എസ്.സി. യുടെ 01.01.2002 ലെയും 15.03.2003ലെയും അഡ്വ.നം.RIA(3)23736/02/GW പ്രകാരവും 29.08.2005 ലെ അഡ്വ.നം. RIA(3)22701/04/GW 29.08.2005 പ്രകാരവും ജനറേറ്റര്‍ മെക്കാനിക്കായി നിയമിച്ച 3 പേര്‍ക്ക് അസിസ്റ്റന്റ് എന്‍ജിനീയറായി പ്രമോഷന്‍ നല്‍കിയ ഒഴിവിലേക്ക് ആരെയെങ്കിലും നിയമിച്ചിട്ടുണ്ടോ;

(സി)

രാജ്ഭവന്‍, സെക്രട്ടറിയേറ്റ്, കോഴിക്കോട് മെഡിക്കല്‍ കോളേജ്, നിയമസഭ മെക്കാനിക്കല്‍ സബ്-ഡിവിഷന്‍, തൃശ്ശൂര്‍ മെഡിക്കല്‍ കോളേജ് എന്നീ പൊതുമരാമത്ത് വൈദ്യുത വിഭാഗം സെക്ഷനുകളിലായുള്ള 10 ഗ്രേഡ്-I ഓവര്‍സിയര്‍ / ജനറേറ്റര്‍ മെക്കാനിക് തസ്തികയിലേക്കുള്ള പ്രമോഷനുവേണ്ടി പരിഗണിയ്ക്കുന്ന ഗ്രേഡ്-II ഓവര്‍സിയര്‍മാരുടെ ലിസ്റ്റ് പ്രസിദ്ധീകരിച്ചിട്ടുണ്ടോ എന്നറിയിക്കാമോ?

സാങ്കേതിക യോഗ്യതയുള്ള താഴ്ന്ന വിഭാഗം ജീവനക്കാര്‍ക്ക് ബൈട്രാന്‍സ്ഫര്‍ വഴി നിയമനം

1180.

(എ)	പൊതുമരാമത്ത് വകുപ്പിലെ സബോര്‍ഡിനേറ്റ് തസ്തികയില്‍പ്പെട്ട സാങ്കേതിക യോഗ്യതയുള്ള താഴ്ന്ന വിഭാഗം ജീവനക്കാര്‍ക്ക് ബൈട്രാന്‍സ്ഫര്‍ വഴി അസിസ്റ്റന്റ് എഞ്ചീനിയര്‍, ഓവര്‍സീയര്‍ അടക്കമുള്ള ടെക്നിക്കല്‍ തസ്തികകളിലേയ്ക്ക് നിയമനം ലഭിക്കുന്നതിനുവേണ്ടിയുള്ള മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ;

(ബി)

ഇത്തരത്തില്‍ പൊതുമരാമത്ത് വകുപ്പിലെ ടെക്നിക്കല്‍ തസ്തികകളിലേയ്ക്കുള്ള ബൈട്രാന്‍സ്ഫര്‍ നിയമനങ്ങളിലേയ്ക്ക് അപേക്ഷിക്കുന്നതിന് ടെക്നിക്കല്‍ യോഗ്യതയും ഫീല്‍ഡ് പരിചയവും ഉള്ളതും ബൈട്രാന്‍സ്ഫര്‍ നിയമനത്തിനുള്ള മാനദണ്ഡങ്ങളില്‍ ഉള്‍പ്പെട്ടിട്ടുള്ളതുമായ ഡ്രൈവര്‍ തസ്തികയില്‍ ജോലി ചെയ്യുന്നവര്‍ക്ക് അപേക്ഷിക്കുവാന്‍ അര്‍ഹതയുണ്ടോ; വിശദമാക്കാമോ;

(സി)

മറ്റ് പല വകുപ്പുകളിലും ഉയര്‍ന്ന തസ്തികയിലേയ്ക്കുള്ള ബൈട്രാന്‍സ്ഫര്‍ നിയമനങ്ങള്‍ക്ക് ക്ലാസ്സ് III ജീവനക്കാരായ ഡ്രൈവര്‍മാര്‍ക്ക് അവസരമുള്ളതുപോലെ പൊതുമരാമത്ത് വകുപ്പിലെ ഡ്രൈവര്‍മാരെകൂടി യോഗ്യതയുടെ അടിസ്ഥാനത്തില്‍ അസിസ്റ്റന്റ് എഞ്ചീനിയര്‍, ഓവര്‍സീയര്‍ പോലുള്ള ഉയര്‍ന്ന തസ്തികകളിലേയ്ക്ക് ബൈട്രാന്‍സ്ഫര്‍ നിയമനത്തിന് ഉള്‍പ്പെടുത്തുവാന്‍ നടപടി സ്വീകരിക്കുമോ; വിശദമാക്കാമോ?

കായംകുളം മണ്ഡലത്തിലെ പൊതുമരാമത്ത് പദ്ധതികള്‍

1181.

ശ്രീമതി യു. പ്രതിഭ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് റോഡ്സ് & ബ്രിഡ്ജസ്, കെട്ടിട വിഭാഗങ്ങള്‍ വഴി കായംകുളം മണ്ഡലത്തില്‍ ചെറുതും വലുതുമായ പദ്ധതികള്‍ക്ക് അനുവദിച്ചിട്ടുള്ള തുക എത്രയെന്നും പദ്ധതികള്‍ ഏതൊക്കെയെന്നും ഓരോ പദ്ധതികളുടെയും നിലവിലെ പുരോഗതി എന്തെന്നും വിശദമാക്കാമോ?

ചടയമംഗലം മണ്ഡലത്തിലെ പൊതുമരാമത്ത് പ്രവൃത്തികള്‍

1182.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

2016 മേയ് മാസം മുതല്‍ 2018 ഡിസംബര്‍ 31വരെ ചടയമംഗലം മണ്ഡലത്തില്‍ കിഫ്ബി മുഖേന ഭരണാനുമതി ലഭ്യമാക്കിയിട്ടുള്ള പൊതുമരാമത്ത് പ്രവൃത്തികളുടെ വിശദാംശങ്ങള്‍ വെളിപ്പെടുത്താമോ?

പീരുമേട് നിയോജകമണ്ഡലത്തിലെ പൊതുമരാമത്ത് പ്രവൃത്തികള്‍

1183.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പീരുമേട് നിയോജകമണ്ഡലത്തില്‍ അനുവദിച്ചിട്ടുള്ള പൊതുമരാമത്ത് പ്രവൃത്തികളുടെ വിശദാംശങ്ങള്‍ ലഭ്യമാക്കുമോ;

(ബി)	നിര്‍മ്മാണ പ്രവൃത്തികള്‍ പൂര്‍ത്തീകരിച്ചതും നിര്‍മ്മാണ പ്രവൃത്തികള്‍ പൂര്‍ത്തീകരിക്കേണ്ടതുമായ പ്രവൃത്തികള്‍ ഏതൊക്കെയെന്ന് ഇനം തിരിച്ച് വിശദമാക്കുമോ?

പട്ടാമ്പി മണ്ഡലത്തില്‍ കിഫ്ബി വഴി നടപ്പിലാക്കുന്ന പദ്ധതികള്‍

1184.

പൊതുമരാമത്ത് വകുപ്പിന് കീഴില്‍ പട്ടാമ്പി മണ്ഡലത്തില്‍ കിഫ്ബി വഴി നടപ്പിലാക്കുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ; ഓരോ പദ്ധതിയുടെയും നിലവിലെ സ്ഥിതി വിശദമാക്കാമോ?

ഇരിക്കൂര്‍ നിയോജമണ്ഡലത്തിലെ കിഫ്ബി പ്രവൃത്തികള്‍

1185.

(എ)	ഇരിക്കൂര്‍ നിയോജമണ്ഡലത്തില്‍ കിഫ്ബി മുഖേന നടപ്പാക്കുന്ന പ്രവൃത്തികള്‍ ഏതെല്ലാമാണെന്നും ഓരോ പ്രവൃത്തിക്കും എത്ര തുകയാണ് വകയിരുത്തിയിട്ടുള്ളതെന്നും വ്യക്തമാക്കാമോ;

(ബി)	ഈ പ്രവൃത്തികളില്‍ ഏതെല്ലാമാണ് ടെണ്ടര്‍ ചെയ്തിട്ടുള്ളതെന്നും ബാക്കിയുള്ളവ ഏത് ഘട്ടത്തിലാണെന്നും വ്യക്തമാക്കാമോ;

(സി)	ശ്രീകണ്ഠപുരം-ചെമ്പന്തൊട്ടി-നടുവില്‍ റോഡിന്റെ ഡി.പി.ആര്‍. തയ്യാറായിട്ടുണ്ടോ; എങ്കില്‍ ഈ പ്രവൃത്തിയുടെ ചെലവെത്രയാണെന്ന് വെളിപ്പെടുത്താമോ?

ഒറ്റപ്പാലം നിയോജകമണ്ഡലത്തിലെ നിര്‍മ്മാണ പ്രവര്‍ത്തനങ്ങള്‍

1186.

(എ)	ഒറ്റപ്പാലം നിയോജകമണ്ഡലത്തിലെ ഏതെല്ലാം നിര്‍മ്മാണ പ്രവര്‍ത്തനങ്ങള്‍ക്കാണ് ഈ സര്‍ക്കാര്‍ അധികാരത്തില്‍ വന്നതിനുശേഷം ഭരണാനുമതി നല്‍കിയത്; വിശദാംശം നല്‍കാമോ; ഓരോ പ്രവൃത്തിക്കും എത്ര തുക വീതമാണ് അനുവദിച്ചതെന്നും ഓരോ പ്രവൃത്തിയുടെയും കാലിക സ്ഥിതിയും വിശദമാക്കാമോ;

(ബി)

2018-19 വര്‍ഷത്തെ ബജറ്റില്‍ ഉള്‍പ്പെട്ടിട്ടുള്ള ഒറ്റപ്പാലം നിയോജകമണ്ഡലത്തിലെ ശ്രീകൃഷ്ണപുരത്ത് ഗ്രാമന്യായാലയ കോടതി സമുച്ചയനിര്‍മ്മാണം, ഒറ്റപ്പാലം ബൈപ്പാസ് നിര്‍മ്മാണം, കല്ലടിക്കോട്-ശ്രീകൃഷ്ണപുരം റോഡ്, അമ്പലപ്പാറ മണ്ണൂര്‍ റോഡ്, ലക്കിടി റെയില്‍വേസ്റ്റേഷന്‍ റോഡ്, ഒറ്റപ്പാലം കിഴക്കേതോട്ടില്‍ പാലം നിര്‍മ്മാണം, മംഗലം മുരുക്കുംപറ്റ റോ‍ഡ് നിര്‍മ്മാണം, വരോട് ചുനങ്ങാട് റോഡ്, അമ്പലപ്പാറ-മേലൂര്‍ കീഴൂര്‍ റോഡ്, ഒറ്റപ്പാലം റെയില്‍വേസ്റ്റേഷന്‍ റോഡ് എന്നീ പ്രവൃത്തികളുടെ കാലികസ്ഥിതി വിശദമാക്കാമോ?

കരുനാഗപ്പള്ളി മണ്ഡലത്തിലെ പൊതുമരാമത്ത് പ്രവൃത്തികള്‍

1187.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2016 ജൂണ്‍ മാസത്തിനുശേഷം കരുനാഗപ്പള്ളി നിയോജക മണ്ഡലത്തില്‍ പൊതുമരാമത്ത് വകുപ്പ് ഭരണാനുമതി നല്‍കിയിട്ടുള്ള റോഡുകള്‍, പാലങ്ങള്‍, കെട്ടിടങ്ങള്‍ എന്നിവയുടെ നിര്‍മ്മാണ പുരോഗതി വ്യക്തമാക്കുന്ന പട്ടിക ലഭ്യമാക്കുമോ;

(ബി)	2016-17സാമ്പത്തിക വര്‍ഷത്തില്‍ ഭരണാനുമതി ലഭിച്ച ആലുംകടവ്-പദ്മനാഭന്‍കുട്ടി റോഡ്, ചിറ്റുമൂല-മാലുമേല്‍ റോഡ് 2017-18 ലെ വവ്വാക്കാവ്-തഴവ റോഡ് എന്നിവയുടെ നിര്‍മ്മാണം പൂര്‍ത്തീകരിച്ചിട്ടുണ്ടോ; വിശദീകരിക്കുമോ;

(സി)	ഇല്ലെങ്കില്‍ പ്രസ്തുത പ്രവൃത്തികള്‍ പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ;

(ഡി)	കരുനാഗപ്പള്ളി മുതല്‍ ഓച്ചിറ വരെ ദേശീയ പാതയുടെ ഇരുവശങ്ങളിലും താഴ്ന്ന പ്രദേശങ്ങളില്‍ സംരക്ഷണഭിത്തി നിര്‍മ്മിക്കുന്നതിന് നടപടി സ്വീകരിക്കുമോ; വിശദീകരിക്കുമോ?

സബ് രജിസ്ട്രാര്‍ ഓഫീസുകള്‍ അഴിമതി രഹിതമാക്കുന്നതിന് നടപടി

1188.

ശ്രീ.ബി.സത്യന്‍
,, രാജു എബ്രഹാം
,, എം. സ്വരാജ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്ട്രേഷന്‍ വകുപ്പിന്റെ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിന്ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	ആധാരം ഓണ്‍ലൈനായി രജിസ്റ്റര്‍ ചെയ്യുന്നതിനുള്ള സൗകര്യം എല്ലാ രജിസ്ട്രേഷന്‍ ഓഫീസുകളിലും ഏര്‍പ്പെടുത്തിയിട്ടുണ്ടോയെന്ന് അറിയിക്കാമോ;

(സി)	സബ് രജിസ്ട്രാര്‍ ഓഫീസുകളിലെ രജിസ്റ്ററുകള്‍ കൈകാര്യം ചെയ്യുന്നതും സൂക്ഷിക്കുന്നതും കൂടുതല്‍ സൗകര്യപ്രദമാക്കുന്നതിനുവേണ്ടി സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ;

(ഡി)	സബ് രജിസ്ട്രാര്‍ ഓഫീസുകള്‍ അഴിമതി രഹിതമാക്കുന്നതിന്റെ ഭാഗമായി വിവിധ സേവനങ്ങളുടെ ഫീസുകള്‍ ഇ-പേയ്മെന്റായി സ്വീകരിക്കുന്നതിനുള്ള സംവിധാനം ഏര്‍പ്പെടുത്തിയിട്ടുണ്ടോയെന്ന് അറിയിക്കാമോ;

(ഇ)	വ്യജ മുദ്രപത്രങ്ങള്‍ തടയുന്നതിന്റെ ഭാഗമായി ഏര്‍പ്പെടുത്തിയിട്ടുള്ള ഇ-സ്റ്റാമ്പിംഗ് പദ്ധതിയുടെ വിശദാംശങ്ങള്‍ നല്‍കാമോ?

മാനന്തവാടി സബ് രജിസ്ട്രാര്‍ ഓഫീസിന്റെ പുതിയ കെട്ടിടം

1189.

(എ)	മാനന്തവാടി സബ് രജിസ്ട്രാര്‍ ഓഫീസിനായുള്ള പുതിയ കെട്ടിടം നിര്‍മ്മാണത്തിന്റെ നിലവിലെ സ്ഥിതി അറിയിക്കാമോ;

(ബി)	പ്രസ്തുത നിര്‍മ്മാണം എപ്പോള്‍ പൂര്‍ത്തിയാക്കാന്‍ കഴിയുമെന്നാണ് പ്രതീക്ഷിക്കുന്നത്;

(സി)	പ്രസ്തുത നിര്‍മ്മാണത്തിനായി എത്ര തുകയാണ് അനുവദിച്ചിട്ടുള്ളതെന്നും നിര്‍മ്മാണ കരാര്‍ എടുത്തിരിക്കുന്നത് ഏത് ഏജന്‍സിയാണെന്നും അറിയിക്കുമോ?

രജിസ്ട്രാര്‍ ഓഫീസുകളുടെ കെട്ടിട നിര്‍മ്മാണം

1190.

(എ)	സംസ്ഥാനത്ത് എത്ര രജിസ്ട്രാര്‍ ഓഫീസുകള്‍ വാടക കെട്ടിടത്തില്‍ പ്രവര്‍ത്തിക്കുന്നു എന്ന് ജില്ല/താലൂക്ക്/സ്ഥലം എന്നിവ തിരിച്ച് അറിയിക്കാമോ;

(ബി)	വാടക കെട്ടിടങ്ങളില്‍ പ്രവര്‍ത്തിക്കുന്ന എല്ലാ രജിസ്ട്രാര്‍ ഓഫീസുകള്‍ക്കും സ്വന്തം കെട്ടിടം നിര്‍മ്മിക്കുന്നതിന് നടപടി സ്വീകരിക്കുമോ;

(സി)	പുതുതായി നിര്‍മ്മിക്കുന്ന രജിസ്ട്രാര്‍ ഓഫീസുകള്‍, രേഖകളുടെ ആധുനിക രീതിയിലുള്ള സംരക്ഷണം ഉള്‍പ്പെടെ, ഒരു എകീകൃത പ്ലാന്‍ പ്രകാരം നിര്‍മ്മിക്കുമോ; എങ്കില്‍ വിശദാംശം അറിയിക്കാമോ?

കല്ല്യാശ്ശേരി സബ് രജിസ്ട്രാര്‍ ഓഫീസിന് കെട്ടിടം

1191.

കണ്ണൂര്‍ ജില്ലയിലെ കല്ല്യാശ്ശേരി സബ് രജിസ്ട്രാര്‍ ഓഫീസിന് പുതിയ കെട്ടിടം നിര്‍മ്മിക്കുന്നതിനായി സ്ഥലം ലഭ്യമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

സെമി ഹൈസ്പീഡ് ട്രെയിനുകള്‍

1192.

(എ)	തിരുവനന്തപുരം മുതല്‍ കാസര്‍കോഡ് വരെ സെമി ഹൈസ്പീഡ് ട്രെയിനുകള്‍ക്കായി നിലവിലുള്ള പാതക്ക് പുറമെ രണ്ട് പാതകള്‍ കൂടി പണിയുന്നതിനുള്ള പദ്ധതി ആവിഷ്ക്കരിച്ചിരുന്നോ;

(ബി)	പ്രസ്തുത പദ്ധതിയുടെ ഫീസിബിലിറ്റി റിപ്പോര്‍ട്ട് കേരള റെയില്‍ ഡെവലപ്മെന്റ് കോര്‍പ്പറേഷന്‍ റെയില്‍വേ ബോര്‍ഡിന്റെ അംഗീകാരത്തിനായി സമര്‍പ്പിച്ചിട്ടുണ്ടോ;

(സി)	പ്രസ്തുത പദ്ധതിയുടെ ചെലവ് വളരെ ഉയര്‍ന്നതാകയാല്‍ വിശദമായ പഠനം നടത്തുവാന്‍ റെയില്‍വേ ബോര്‍ഡ് ആവശ്യപ്പെട്ടിട്ടുണ്ടോ; എങ്കില്‍ അതിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കാമോ;

(ഡി)	പ്രസ്തുത പദ്ധതി എന്നത്തേക്ക് പ്രാവര്‍ത്തികമാക്കുവാന്‍ സാധിക്കുമെന്ന് വ്യക്തമാക്കാമോ?

കൊല്ലം-ചെങ്കോട്ട പാതയില്‍ ട്രെയിന്‍ സര്‍വ്വീസുകള്‍

1193.

(എ)	കോടികള്‍ ചെലവിട്ട് ഗേജ് മാറ്റം വരുത്തിയ കൊല്ലം-ചെങ്കോട്ട പാതയില്‍ ആവശ്യത്തിന് ട്രെയിന്‍ സര്‍വ്വീസുകള്‍ ആരംഭിക്കാത്തതിനാൽ യാത്രക്കാര്‍ അനുഭവിക്കുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	ഗുരുവായൂർ-പുനലൂര്‍ പാസഞ്ചര്‍ മധുരയിലേക്ക് നീട്ടണമെന്ന ആവശ്യം ഉന്നയിച്ചിട്ടുണ്ടോ; എങ്കില്‍ അതിന്മേൽ റെയില്‍വെ ബോര്‍ഡിന്റെ പ്രതികരണം അറിയിക്കാമോ;

(സി)	കൊല്ലം- ചെങ്കോട്ട ലൈനില്‍ കൂടുതല്‍ സര്‍വ്വീസുകള്‍ ആരംഭിക്കുന്നതിനുള്ള നിര്‍ദ്ദേശം റെയില്‍വെ ബോര്‍ഡിന് സമര്‍പ്പിക്കുമോ എന്ന് വ്യക്തമാക്കാമോ?

തിരുവനന്തപുരം മുതൽ കാസര്‍ഗോഡ് വരെ പുതിയ റെയില്‍ പാത

1194.

ശ്രീ. എന്‍ .എ.നെല്ലിക്കുന്ന്
,, സി.മമ്മൂട്ടി
,, പി.കെ.ബഷീര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിലവിലുള്ള തിരുവനന്തപുരം- കാസര്‍ഗോഡ് രണ്ടുവരി റെയില്‍ പാതയ്ക്ക് സമാന്തരമായി രണ്ടുവരിപാത നിര്‍മ്മിക്കുന്നതിന് കേരള റെയില്‍ ഡെവലപ്മെന്റ് കോര്‍പ്പറേഷന് കേന്ദ്ര ആസൂത്രണ ബോര്‍ഡിന്റെ അനുമതി ലഭിച്ചിട്ടുണ്ടോ;

(ബി)	ഈ പാത യാഥാര്‍ത്ഥ്യമാകുമ്പോള്‍ തിരുവനന്തപുരത്തു നിന്നും എത്ര സമയം കൊണ്ട് കാസര്‍ഗോഡ് എത്തിച്ചേരാമെന്നാണ് കരുതുന്നത്; വ്യക്തമാക്കാമോ;

(സി)	പ്രസ്തുത പദ്ധതിയ്ക്കാവശ്യമായ തുക എപ്രകാരം കണ്ടെത്താനാണ് ഉദ്ദേശിക്കുന്നതെന്ന് അറിയിക്കാമോ;

(ഡി)	പ്രസ്തുത രണ്ടുവരിപാതയുടെ നിര്‍മ്മാണ പ്രവര്‍ത്തനം സംബന്ധിച്ച വിശദാംശം ലഭ്യമാക്കാമോ?

ഇടപ്പള്ളി റെയില്‍വേ സ്റ്റേഷനില്‍ മേല്‍പ്പാലം

1195.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം ജില്ലയിലെ ഇടപ്പള്ളി റെയില്‍വേ സ്റ്റേഷനില്‍ നിന്ന് അമൃത ഹാേസ്പിറ്റലിലേക്ക് പാേകുന്ന യാത്രക്കാരുടെ എണ്ണം വര്‍ദ്ധിച്ചതുമൂലം റാേഡ് ക്രാേസിംഗിന് ബുദ്ധിമുട്ട്നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടാേ;

(ബി)	പ്രസ്തുത പ്രശ്നം പരിഹരിക്കുന്നതിന് ഒരു മേല്‍പ്പാലം പണിയുന്നതിന് നടപടി സ്വീകരിക്കുമാേ എന്ന് വ്യക്തമാക്കാമാേ?

മാമ്പ്രകന്നേല്‍ റെയില്‍വേ മേല്‍പ്പാലം

1196.

കിഫ്ബിയുടെ അംഗീകാരം ലഭിച്ച കൃഷ്ണപുരം മാമ്പ്രകന്നേല്‍ റെയില്‍വേ മേല്‍പ്പാലത്തിന്റെ സ്ഥലമെടുപ്പുമായി ബന്ധപ്പെട്ട നടപടിക്രമങ്ങളുടെ പുരോഗതി വിശദമാക്കാമോ?

മാവേലിക്കരയില്‍ റെയില്‍വേ മേല്‍പ്പാലം

1197.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കരയില്‍ റെയില്‍വേ മേല്‍പ്പാലം നിര്‍മ്മിക്കുന്നതിനായി സ്വീകരിച്ച നടപടികള്‍ വിശദമാക്കുമാേ;

(ബി)	പ്രസ്തുത പ്രവൃത്തിക്കാവശ്യമായ കേന്ദ്രവിഹിതം ലഭ്യമായിട്ടുണ്ടാേയെന്ന് വ്യക്തമാക്കുമോ;

(സി)	പ്രസ്തുത പ്രവൃത്തി നടപ്പിലാക്കുന്നതിനാവശ്യമായ ഭൂമി കണ്ടെത്തുന്നതിനുള്ള നടപടികള്‍ സ്വീകരിച്ചിട്ടുണ്ടാേ; വിശദാംശങ്ങള്‍ ലഭ്യമാക്കുമാേ;

(ഡി)	പ്രസ്തുത പ്രവൃത്തിക്കായി സംസ്ഥാനം വകയിരുത്തിയ തുകയുടെ കണക്ക് ലഭ്യമാക്കുമാേ?

കേരള റെയില്‍ ഡെവലപ്മെന്റ് കോര്‍പ്പറേഷനിലെ നിയമനം

1198.

(എ)	കേരള റെയില്‍ ഡെവലപ്മെന്റ് കോര്‍പ്പറേഷന്‍ എന്ന പൊതുമേഖല സ്ഥാപനത്തില്‍ സെക്ഷന്‍ എഞ്ചിനീയര്‍ (സിവില്‍) തസ്തികയില്‍ നടത്തിയ നിയമനത്തില്‍ കേരള സ്റ്റേറ്റ് & സബോര്‍ഡിനേറ്റ് സര്‍വ്വീസ് റൂൾസ് പ്രകാരമുള്ള സാമുദായിക സംവരണ വ്യവസ്ഥകള്‍ പാലിച്ചിട്ടില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(ബി)	പ്രസ്തുത തസ്തികയിലേക്കുളള ഇന്റര്‍വ്യൂ ബോര്‍ഡിൽ സിവില്‍ എഞ്ചിനീയറിംഗില്‍ പ്രാവീണ്യം നേടിയവർ എത്ര പേരുണ്ടായിരുന്നു;

(സി)	പ്രസ്തുത തസ്തികയുടെ റാങ്ക് ലിസ്റ്റ് വെബ് സൈറ്റില്‍ പ്രസിദ്ധീകരിക്കാത്തതിന്റെ കാരണം വ്യക്തമാക്കാമോ; പ്രസ്തുത തസ്തികയില്‍ നടത്തിയ നിയമനങ്ങളില്‍ സംവരണ വിഭാഗങ്ങള്‍ക്ക് മതിയായ പ്രാതിനിധ്യം ലഭിച്ചിട്ടില്ലായെന്നുള്ള പരാതി ലഭിച്ചിട്ടുണ്ടോ;

(ഡി)	നിയമനം ലഭിച്ചവര്‍ക്ക് ജോലിയില്‍ പ്രവേശിക്കുന്നതിന് മുമ്പ് ചട്ടവിരുദ്ധമായി അവധി അനുവദിച്ചിട്ടുണ്ടോ;

(ഇ)	സര്‍ക്കാരിന്റെയും ചീഫ് സെക്രട്ടറി അദ്ധ്യക്ഷനായ ബോര്‍‍ഡിന്റെയും മാര്‍ഗ്ഗനിര്‍ദ്ദേശങ്ങള്‍ക്കനുസൃതമായാണോ നിയമനം നടത്തിയതെന്ന് വ്യക്തമാക്കാമോ;

(എഫ്)

തികച്ചും സുതാര്യമല്ലാതെ നടത്തിയ പ്രസ്തുത നിയമനം റദ്ദുചെയ്ത് വീണ്ടും നിയമനം നടത്തുവാന്‍ നടപടി സ്വീകരിക്കുമോ എന്നറിയിക്കാമോ?

Website maintained by Information System Section, Kerala Legislative Assembly, Thiruvananthapuram.