ഈ സർക്കാർ അധികാരത്തിൽ വന്നതിനു ശേഷം കൈപ്പമംഗലം മണ്ഡലത്തിൽ ആരോഗ്യവകുപ്പ് മുഖേന നടപ്പിലാക്കുന്ന പ്രവൃത്തികളുടെ പേര്, തുക എന്നിവ തരം തിരിച്ച് വിശദമാക്കാമോ; പ്രസ്തുത പ്രവൃത്തികളുടെ പ്രവർത്തന പുരോഗതി വ്യക്തമാക്കാമോ?

ആലത്തൂര്‍ മണ്ഡലത്തില്‍ നിലവിൽ ആരോഗ്യ വകുപ്പ് നടപ്പിലാക്കുന്ന വിവിധ പദ്ധതികളുടെ വിശദവിവരങ്ങള്‍ ലഭ്യമാക്കാമോ;

പ്രസ്തുത പദ്ധതികള്‍ നിര്‍വ്വഹണത്തിന്റെ ഏത് ഘട്ടത്തിലാണെന്ന് വ്യക്തമാക്കാമോ?

കാരുണ്യ ആരോഗ്യ ഇൻഷുറൻസ് പദ്ധതിയുടെ തുടക്കം മുതൽ കേന്ദ്ര സർക്കാർ ഓരോ വർഷവും നൽകിയ തുകയും സംസ്ഥാന സർക്കാർ ഇതിൽ നിന്നും ചെലവഴിച്ച തുകയും അറിയിക്കാമോ;

കാരുണ്യ ആരോഗ്യ ഇൻഷുറൻസ് പദ്ധതിയുടെ തുടക്കം മുതൽ സംസ്ഥാന സർക്കാർ ഓരോ വർഷവും നൽകിയ തുകയും സംസ്ഥാന സർക്കാർ ഇതിൽ നിന്നും ചെലവഴിച്ച തുകയും അറിയിക്കാമോ?

സംസ്ഥാനത്ത് ആരോഗ്യവകുപ്പ് മുഖേന നടപ്പിലാക്കുന്ന വിവിധ സൗജന്യ ചികിത്സാ പദ്ധതികൾ ഏതൊക്കെയാണ്; വിശദാംശം നൽകുമോ;

ഓരോ ചികിത്സാ പദ്ധതിയിലും നാളിതുവരെ എത്ര തുകയുടെ ആനുകൂല്യം കുടിശികയായി വിതരണം ചെയ്യാനുണ്ട്; വിശദാംശം ഇനം തിരിച്ചു വ്യക്തമാക്കുമോ?

സംസ്ഥാനത്ത് കാരുണ്യ ആരോഗ്യ സുരക്ഷാ പദ്ധതിയുടെ ഭാഗമായി സർക്കാർ, സ്വകാര്യ ആശുപത്രികൾക്ക് നൽകാനുള്ള കുടിശിക അടിയന്തരമായി നൽകി പ്രതിസന്ധിക്ക് പരിഹാരം കാണാൻ നടപടി സ്വീകരിക്കുമോ; വിശദമാക്കുമോ;

സർക്കാർ ആശുപത്രികളിൽ അടക്കം കാരുണ്യ ചികിത്സാ പദ്ധതി വഴി രോഗികൾക്ക് നൽകിവരുന്ന തുക നിജപ്പെടുത്തുന്ന സാഹചര്യം നിലവിലുണ്ടോ; വിശദമാക്കുമോ?

ഈ സർക്കാർ അധികാരമേറ്റത് മുതൽ നാളിതുവരെ എൻ.എച്ച്.എം. പദ്ധതിക്കായി കേന്ദ്രത്തിൽ നിന്നും ലഭിച്ച തുക എത്രയാണ്; വർഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത കാലയളവിൽ കേന്ദ്രം നൽകാൻ കുടിശികയാക്കിയിട്ടുള്ള തുക എത്രയാണ്; വർഷം തിരിച്ചുള്ള കണക്ക് ലഭ്യമാക്കുമോ;

കുടിശിക നൽകാത്തതിനുള്ള കാരണമായി കേന്ദ്രം അറിയിച്ചിട്ടുള്ളത് എന്തൊക്കെയാണെന്ന് വ്യക്തമാക്കാമോ;

യൂട്ടിലിറ്റി സർട്ടിഫിക്കറ്റ് നൽകാത്തത് കുടിശിക ലഭിക്കുന്നതിന് തടസ്സമായിട്ടുണ്ടോ; വിശദമാക്കാമോ;

2021 മുതൽ ഓരോ വർഷവും സംസ്ഥാനം യൂട്ടിലിറ്റി സർട്ടിഫിക്കറ്റുകൾ നൽകിയ തപാലിന്റെ നമ്പരും, തീയതിയും വ്യക്തമാക്കുമോ;

സംസ്ഥാനം സമർപ്പിച്ച സർട്ടിഫിക്കറ്റുകൾക്ക് അപാകതകൾ എന്തെങ്കിലും കേന്ദ്രം ചൂണ്ടിക്കാണിക്കുകയുണ്ടായോ; എങ്കിൽ അപാകതകൾ പരിഹരിച്ച് സർട്ടിഫിക്കറ്റ് സമർപ്പിച്ച തപാലിന്റെ വിശദാംശങ്ങൾ ലഭ്യമാക്കുമോ?

കാൻസർ ചികിത്സയ്ക്കും പ്രതിരോധത്തിനും മുന്തിയ പരിഗണന നൽകിവരുന്നുണ്ടോ; വ്യക്തമാക്കുമോ;

'കാരുണ്യ സ്പര്‍ശം - സീറോ പ്രോഫിറ്റ് ആന്റി കാന്‍സര്‍ ഡ്രഗ്സ്'പദ്ധതി കൂടുതൽ സ്ഥലങ്ങളിലേക്ക് വ്യാപിപ്പിക്കാൻ നടപടി സ്വീകരിച്ചിട്ടുണ്ടോ; വ്യക്തമാക്കുമോ;

വിദേശ രാജ്യങ്ങളുടെ മാതൃകയിൽ കാൻസറിനെതിരെ വാക്സിനേഷൻ നൽകി പ്രതിരോധമാർജിക്കുന്നതിനുള്ള പ്രവർത്തനങ്ങൾ ആരംഭിക്കാൻ തീരുമാനിച്ചിട്ടുണ്ടോ; വിശദമാക്കുമോ?

സംസ്ഥാനത്ത് ആരോഗ്യമേഖലയെ അന്താരാഷ്ട്ര നിലവാരത്തിലേയ്ക്ക് ഉയര്‍ത്താന്‍ ലക്ഷ്യമിട്ട് കേരള ഹെല്‍ത്ത് സിസ്റ്റം ഇംപ്രൂവ്മെന്റ് പ്രോഗ്രാം നടപ്പാക്കാന്‍ ഉദ്ദേശിക്കുന്നുണ്ടോ; ഇതിന്റെ പ്രധാന ലക്ഷ്യങ്ങള്‍ എന്തൊക്കെയാണ്;

'ആര്‍ദ്രം ആരോഗ്യം' ജീവിതശൈലീ രോഗ നിര്‍ണ്ണയ സ്ക്രീനിംഗിന്റെ അടിസ്ഥാനത്തില്‍ സംസ്ഥാനത്ത് ജീവിതശൈലി രോഗസാധ്യത കൂടിവരുന്നതായി റിപ്പോര്‍ട്ട് ചെയ്തിട്ടുണ്ടോ; വിശദാംശം ലഭ്യമാക്കാമോ?

കേന്ദ്രസർക്കാരിന്റെ ആയുഷ്‍മാൻ ഭാരത് പദ്ധതി പ്രകാരം എഴുപത് വയസ്സ് കഴിഞ്ഞവര്‍ക്ക് പുതുതായി ഏർപ്പെടുത്തിയ സൗജന്യചികിത്സ സംസ്ഥാനത്ത് നടപ്പിലാക്കേണ്ടതില്ലെന്ന രീതിയിലുള്ള നിർദ്ദേശം ആശുപത്രികൾക്ക് നൽകിയിട്ടുണ്ടോ;

കേന്ദ്രപോര്‍ട്ടലിലൂടെ നേരിട്ട് പദ്ധതിയുടെ ഭാഗമായി വയോവന്ദന കാര്‍ഡ് കിട്ടിയവര്‍ക്ക് സൗജന്യചികിത്സ നൽകുന്നതിന് എന്ത് സംവിധാനമാണ് കേരളത്തിലുള്ളതെന്ന് വ്യക്തമാക്കുമോ;

വയോജനങ്ങൾക്ക് വളരെയധികം ഉപകാരപ്രദമാകുന്ന ഈ ചികിത്സാ പദ്ധതി നടപ്പാക്കുന്നതിലെ വൈഷമ്യങ്ങൾ നീക്കി ഇവർക്ക് പദ്ധതി പ്രകാരമുള്ള സൗജന്യചികിത്സ നൽകുന്നതിന് സത്വര നടപടി സ്വീകരിക്കുമോ; വിശദമാക്കുമോ?

പൂഞ്ഞാർ മണ്ഡലത്തിൽ ആരോഗ്യ വകുപ്പ് നടപ്പിലാക്കുന്ന വിവിധ പദ്ധതികളുടെ വിശദ വിവരം ലഭ്യമാക്കുമോ;

പ്രസ്തുത പദ്ധതികളുടെ നിലവിലെ സ്ഥിതി വ്യക്തമാക്കുമോ?

ആര്‍ദ്രം ആരോഗ്യ പദ്ധതിയുടെ ആദ്യ ഘട്ടത്തില്‍ ഏതെല്ലാം രോഗങ്ങളുടെ പരിശോധനകള്‍ക്കാണ് പ്രാധാന്യം നല്‍കിയിരുന്നത്; വ്യക്തമാക്കാമോ?

കായംകുളം മണ്ഡലത്തില്‍ വിവിധ ആരോഗ്യ കേന്ദ്രങ്ങളില്‍ 'ആര്‍ദ്രം' പദ്ധതി വഴി നടപ്പിലാക്കിയിട്ടുള്ള പദ്ധതികള്‍ ഏതൊക്കെയെന്നും അതിനു വേണ്ടി എത്ര രൂപ ചെലവഴിച്ചിട്ടുണ്ടെന്നും താലൂക്ക് ആശുപത്രി, കുടുംബാരോഗ്യ കേന്ദ്രങ്ങള്‍, സബ് സെന്ററുകള്‍ എന്നിങ്ങനെ തിരിച്ച് വിശദാംശങ്ങള്‍ ലഭ്യമാക്കാമോ?

ആര്‍ദ്രം മിഷന്‍ ലക്ഷ്യം നിറവേറ്റുന്നില്ലെന്നും പൊതുജനാരോഗ്യമേഖലയില്‍ ഗുണനിലവാരം കുറവാണെന്നുമുള്ള തരത്തിലുള്ള സി.എ.ജി. റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആരോഗ്യരംഗത്ത് സംസ്ഥാനം അവകാശപ്പെടുന്ന നേട്ടങ്ങളെ പിന്നോട്ടടിക്കുന്നതാണ് ഈ കണ്ടെത്തലുകള്‍ എന്ന് കരുതുന്നുണ്ടോ; പ്രസ്തുത കണ്ടെത്തലുകള്‍ക്ക് എന്തെല്ലാം പരിഹാര മാര്‍ഗ്ഗങ്ങളാണ് നടപ്പിലാക്കാന്‍ തീരുമാനിച്ചിട്ടുള്ളതെന്ന് വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് പുതിയതായി എത്ര ഡോക്ടര്‍മാരുടെയും മറ്റ് ആരോഗ്യ പ്രവര്‍ത്തകരുടെയും തസ്തികകള്‍ സൃഷ്ടിച്ചിട്ടുണ്ട്; തസ്തിക തിരിച്ചുള്ള വിവരം ലഭ്യമാക്കുമോ?

ആര്‍ദ്രം ജീവിതശൈലി രോഗനിര്‍ണ്ണയ സ്ക്രീനിംഗിന്റെ രണ്ടാം ഘട്ടത്തില്‍ എത്ര ലക്ഷം പേര്‍ പങ്കാളികളായി എന്ന് വ്യകതമാക്കാമോ?

'ആര്‍ദ്രം ആരോഗ്യം' ജനകീയ ക്യാമ്പയിന്റെ ഭാഗമായി സംസ്ഥാനത്ത് നടന്നു വരുന്ന പ്രവര്‍ത്തനങ്ങളുടെ വിശദവിവരം ലഭ്യമാക്കാമോ;

പ്രസ്തുത പ്രവര്‍ത്തനങ്ങളുടെ ഭാഗമായി 'ശൈലി' ആപ്പ് വഴി നടത്തിയ ആദ്യഘട്ട സ്ക്രീനിംഗില്‍ ആലപ്പുഴ നിയോജകമണ്ഡലത്തില്‍ നിന്നും എത്ര ആളുകളെയാണ് കണ്ടെത്തിയിട്ടുള്ളത്; ഇവരെ ചികിത്സിക്കുന്നതിനുള്ള പ്രാരംഭ നടപടികള്‍ ആരംഭിക്കുവാന്‍ കഴിഞ്ഞിട്ടുണ്ടോ; തുടര്‍നടപടികള്‍ എന്തൊക്കെയെന്ന് വിശദമാക്കാമോ?

കായംകുളം താലൂക്ക് ആശുപത്രിയില്‍ പോസ്റ്റ്മോര്‍ട്ടത്തിനായി എത്തുന്ന പല കേസ്സുകളും ഫോറന്‍സിക് സര്‍ജന്‍ ഇല്ലാത്തതിനാല്‍ ആലപ്പുഴ മെഡിക്കല്‍ കോളേജിലേയ്ക്കാണ് കൊണ്ടു പോകുന്നതെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ കായംകുളം താലൂക്ക് ആശുപത്രിയില്‍ ഒരു ഫോറന്‍സിക് സര്‍ജനെ നിയമിക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

ആരോഗ്യ വകുപ്പ് മന്ത്രിയുടെ ചേംബറില്‍ നടന്ന യോഗത്തിൽ തിരുവനന്തപുരം ജനറല്‍ ആശുപത്രിയിലെ നെഫ്രോളജിസ്റ്റിന്റെ സേവനം നെയ്യാറ്റിന്‍കര ജനറല്‍ ആശുപത്രിയില്‍ ആഴ്ചയില്‍ ഒരു ദിവസം നല്‍കാം എന്ന തീരുമാനത്തിന്റെ അടിസ്ഥാനത്തില്‍ എന്ത് തുടർനടപടി സ്വീകരിച്ചെന്ന് വിശദമാക്കാമോ?

സർക്കാർ മാനസികാരോഗ്യ ​കേന്ദ്രങ്ങളുടെ ​ശോച്യാവസ്ഥ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

പ്രസ്തുത കേന്ദ്രങ്ങളിലെ പരിമിതികൾ മൂലം അന്തേവാസികൾ ചാടിപ്പോകുന്നതായും ആത്മഹത്യ ചെയ്യുന്നതായും കൊലപാതകങ്ങൾ നടക്കുന്നതായും റിപ്പോർട്ട് ചെയ്തിട്ടുണ്ടോ; വ്യക്തമാക്കുമോ;

ഈ സ്ഥാപനങ്ങളിലെ ജീവനക്കാരുടെ കുറവ് പരിഹരിക്കുന്നതിനും പ്രവർത്തനം മെച്ചപ്പെടുത്തുന്നതിനും സ്വീകരിക്കാനുദ്ദേശിക്കുന്ന നടപടികൾ വിശദമാക്കാമോ?

സംസ്ഥാനത്ത് താലൂക്ക് ആശുപത്രികളിൽ കാർഡിയോളജി സംവിധാനം അനുവദിക്കാൻ കഴിയുന്നില്ലെങ്കിൽ അതിനുള്ള കാരണം വ്യക്തമാക്കുമോ?

2024-25 സാമ്പത്തിക വര്‍ഷം ഷൊര്‍ണ്ണൂര്‍ മണ്ഡലത്തിലെ എത്ര കുടുംബാരോഗ്യ കേന്ദ്രങ്ങള്‍ക്കാണ് ഫണ്ട് അനുവദിച്ചതെന്നും എത്ര തുക വീതമാണ് അനുവദിച്ചതെന്നും വ്യക്തമാക്കാമോ?

കാസര്‍ഗോഡ് ജില്ലയില്‍ ആരോഗ്യവകുപ്പിന് കീഴില്‍ എത്ര ഡയാലിസിസ് കേന്ദ്രങ്ങളാണ് നിലവിലുളളത്; പേരുവിവരങ്ങള്‍ ലഭ്യമാക്കാമോ;

ജില്ലയില്‍ ആരോഗ്യവകുപ്പിന് കീഴിലുളള ഡയാലിസിസ് കേന്ദ്രങ്ങളില്‍ പ്രത്യേക പരിചരണം ആവശ്യമുളള രോഗികള്‍ക്കായി സ്പെഷ്യല്‍ ബെഡ് ക്രമീകരിച്ചിട്ടുണ്ടോയെന്ന് വ്യക്തമാക്കാമോ; എങ്കിൽ ഏതൊക്കെ സ്ഥാപനങ്ങളിൽ ഇത്തരത്തില്‍ സ്പെഷ്യല്‍ ബെഡ് ക്രമീകരിച്ചിട്ടുണ്ടെന്ന് വ്യക്തമാക്കാമോ;

ജില്ലയില്‍ സ്വകാര്യ ഡയാലിസിസ് കേന്ദ്രങ്ങള്‍ പ്രവര്‍ത്തിക്കുന്നുണ്ടോ; വ്യക്തമാക്കാമോ;

സംസ്ഥാനത്തെ സ്വകാര്യ ഡയാലിസിസ് കേന്ദ്രങ്ങളിലെ ഫീസ് നിര്‍ണ്ണയം നടത്തുന്നതിനുളള മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ?

വൈക്കം താലൂക്ക് ഹെഡ് ക്വാർട്ടേഴ്‌സ് ആശുപത്രിയുടെ നിർമ്മാണ പ്രവൃത്തികൾ എത്ര ശതമാനം പൂർത്തീകരിച്ചിട്ടുണ്ട്; വിശദമാക്കാമോ;

പ്രസ്തുത ആശുപത്രിയുടെ സിവിൽ ജോലികളുമായി ബന്ധപ്പെട്ട് എന്തെങ്കിലും തടസ്സങ്ങൾ നിലവിൽ ഉണ്ടോ; എങ്കിൽ എന്തെന്ന് വ്യക്തമാക്കാമോ;

ആശുപത്രി നിർമ്മാണവുമായി ബന്ധപ്പെട്ട മറ്റേതെങ്കിലും പ്രവൃത്തികളുടെ കരാറുകൾ ഇനിയും നടപ്പിലാക്കാതെ ഉണ്ടോ; ഉണ്ടെങ്കിൽ കാരണം വിശദമാക്കാമോ;

പ്രസ്തുത ആശുപത്രി നിർമ്മാണം എന്നത്തേക്ക് പൂർത്തീകരിക്കുവാൻ കഴിയുമെന്ന് വ്യക്തമാക്കാമോ?

കുട്ടനാട്ടിലെ പുളിങ്കുന്ന് താലൂക്ക് ആശുപത്രി കെട്ടിട നിർമ്മാണത്തിന്റെ പുരോഗതി സംബന്ധിച്ച വിവരം ലഭ്യമാക്കുമോ;

ഈ പദ്ധതി കാലതാമസം കൂടാതെ പൂർത്തീകരിക്കാൻ എന്തൊക്കെ നടപടികളാണ് സ്വീകരിച്ചു വരുന്നതെന്ന് വിശദമാക്കാമോ;

നിലവിലെ പ്ലാൻ അതേപോലെ നടപ്പാക്കുന്നതിനും ഈ ആശുപത്രിയിൽ കൂടുതൽ ജീവനക്കാരെ നിയമിക്കുന്നതിനും സത്വര നടപടികൾ ഉണ്ടാകുമോ; എങ്കിൽ വിശദാംശം ലഭ്യമാക്കുമോ?

കാസര്‍ഗോഡ് ജന​റൽ ആശുപത്രിയിൽ നിലവിലുളള തസ്തികകൾ (ഡോക്ടർമാരും മറ്റ് ജീവനക്കാരുമടക്കം) ഏതൊക്കെയാണെന്ന് വ്യക്തമാക്കാമോ;

പ്രസ്തുത തസ്തികകളിൽ ഏതെങ്കിലും ഒഴിഞ്ഞു കിടക്കുന്നുണ്ടൊ; ഉണ്ടെങ്കിൽ എത്ര കാലമായി തസ്തികകൾ ഒഴിഞ്ഞു കിടക്കുന്നുണ്ടെന്നും ഇതുവരെ നികത്തപ്പെടാത്തത് എന്തുകൊണ്ടാണെന്നും വ്യക്തമാക്കാമോ;

തസ്തികകൾ നികത്തപ്പെടാത്തതുകൊണ്ട് രോഗികൾക്കുണ്ടാകുന്ന ബുദ്ധിമുട്ടുകൾ സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ വ്യക്തമാക്കാമോ;

ജനറൽ ആശുപത്രിയിൽ ആവശ്യം വേണ്ട ഡോക്ടർമാർ ഇല്ലാത്തത് ഏതു വകുപ്പിലാണെന്നും അത്തരം ഡോക്ടർമാർ ഇല്ലാത്ത സ്ഥിതി കാസർകോട് ജനറൽ ആശുപത്രിയിൽ ഉണ്ടോ എന്നും വ്യക്തമാക്കാമോ?

ക്യാൻസർ രോഗികൾ ഏറെയുളള മലപ്പുറം ജില്ലയിൽ ക്യാൻസർ ചികിത്സയ്ക്കായി എന്തെല്ലാം സംവിധാനങ്ങളാണ് നിലവിലുളളത്; വ്യക്തമാക്കുമോ;

നിലവിലുളള സംവിധാനങ്ങൾ ക്യാൻസർ ചികിത്സയ്ക്ക് പര്യാപ്തമല്ല എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ജില്ലയുടെ പിന്നോക്കാവസ്ഥ കണക്കിലെടുത്ത് ഒരു ക്യാൻസർ ആശുപത്രി അടിയന്തരമായി തുടങ്ങുന്നതിന് നടപടി സ്വീകരിക്കുമോ; വിശദമാക്കാമോ?

അപ്ഗ്രേഡ് ചെയ്തു മലപ്പുറം താലൂക്ക് ഹെഡ് ക്വാർട്ടേഴ്സ് ആശുപത്രി, പൂക്കോട്ടൂര്‍ ബ്ലോക്ക് പ്രാഥമിക ആരോഗ്യ കേന്ദ്രം എന്നിവിടങ്ങളിൽ നാളിതുവരെ സ്റ്റാഫ് പാറ്റേൺ പുതുക്കി നിശ്ചയിച്ചിട്ടില്ലെന്നത് ശ്രദ്ധയിൽപ്പെട്ടിട്ടുണ്ടോ; ജീവനക്കാരുടെ കുറവ് പരിഹരിക്കുന്നതിന് സ്റ്റാഫ് പാറ്റേൺ പുതുക്കി നിശ്ചയിച്ച് നിയമനങ്ങൾ നടത്തുവാന്‍ നടപടി സ്വീകരിക്കുമോ;

പൂക്കോട്ടൂര്‍ പി.എച്ച്.സി.യെ ബ്ലോക്കുതല കുടുംബാരോഗ്യ കേന്ദ്രമാക്കി ഉയര്‍ത്തിയ 01.08.2021-ലെ സ.ഉ(സാധാ) നം. 1633/2020/ആ.കു.വ. ഉത്തരവിന്റെ പകർപ്പ് ലഭ്യമാക്കുമോ; പ്രസ്തുത പി.എച്ച്.സി.യിലുള്ള ഒഴിവുകളുടെ വിശദാംശം ലഭ്യമാക്കുമോ; ഈ ഒഴിവുകള്‍ നികത്തുവാൻ സ്വീകരിച്ച നടപടികൾ വിശദീകരിക്കുമോ;

മലപ്പുറം താലൂക്ക് ആശുപത്രി, പൂക്കോട്ടൂര്‍ ബ്ലോക്ക് പി.എച്ച്.സി., പഞ്ചായത്ത്‌ പി.എച്ച്.സി.കള്‍, മറ്റു ആരോഗ്യ കേന്ദ്രങ്ങള്‍ എന്നിവിടങ്ങളിലെ ഒഴിവുകളുടെ ഗ്യാപ് അനാലിസിസ് നടത്തി തസ്തികകള്‍ സംബന്ധിച്ച റിപ്പോര്‍ട്ട് തയ്യാറാക്കാന്‍ നടപടികള്‍ സ്വീകരിച്ചിട്ടുണ്ടോ?

ഈ സര്‍ക്കാര്‍ അധികാരത്തിൽ വന്നശേഷം ചങ്ങനാശ്ശേരി മണ്ഡലത്തില്‍ എന്‍.എച്ച്.എം. ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍ വിശദമാക്കാമോ;

പ്രസ്തുത പദ്ധതികള്‍ക്ക് അനുവദിച്ച തുകയും അവയുടെ നിലവിലെ സ്ഥിതിയും പദ്ധതി തിരിച്ച് വ്യക്തമാക്കാമോ; പദ്ധതികള്‍ അനുവദിച്ചത് സംബന്ധിച്ച ഉത്തരവുകളുടെ പകര്‍പ്പ് ലഭ്യമാക്കുമോ?

മണലൂര്‍ മണ്ഡലത്തിലെ മുല്ലശ്ശേരി സി.എച്ച്.സി.-യ്ക്ക് എം.എല്‍.എ.-യുടെ ആസ്തി വികസന പദ്ധതിയില്‍ ഉള്‍പ്പെടുത്തി വാങ്ങിയിട്ടുള്ള ആംബുലന്‍സിന് മതിയായ ഡ്രെെവര്‍മാരെ അനുവദിച്ചിട്ടില്ലാത്തതിനാല്‍ രാത്രികാലങ്ങളില്‍ അടിയന്തര ആവശ്യങ്ങള്‍ക്ക് ആംബുലന്‍സിന്റെ സേവനം ലഭ്യമല്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത ആംബുലന്‍സിന്റെ സേവനം പൂര്‍ണ്ണമായും ലഭ്യമാക്കുന്നതിന് നിലവിലുള്ള ഡ്രെെവര്‍മാരെ കൂടാതെ ഒരു ഡ്രെെവറെ കൂടി അനുവദിക്കുന്നതിന് നടപടി സ്വീകരിക്കാമോ; വ്യക്തമാക്കാമോ;

അടിയന്തര ആവശ്യങ്ങള്‍ക്ക് പ്രസ്തുത ആംബുലന്‍സിന് തൃശ്ശൂര്‍ ജില്ലയ്ക്ക് പുറത്തേയ്ക്ക് പോകുന്നതിനുള്ള അനുമതി നല്‍കിയിട്ടുണ്ടോ; ഇല്ലെങ്കില്‍ അതിനുള്ള നടപടി സ്വീകരിക്കുമോ; വിശദാംശങ്ങള്‍ നല്‍കാമോ?

ആലത്തൂര്‍ മണ്ഡലത്തില്‍ കുടുംബാരോഗ്യ കേന്ദ്രങ്ങളില്‍ എത്ര സബ് സെന്ററുകള്‍ക്ക് സ്വന്തമായി സ്ഥലവും കെട്ടിടവും ഉണ്ടെന്ന് വിശദമാക്കാമോ;

ഇതിൽ സ്വന്തമായി കെട്ടിടം ഇല്ലാത്ത സബ്സെന്ററുകള്‍ക്ക് പുതിയ കെട്ടിടം നിര്‍മ്മിക്കുന്നതിന് ഫണ്ട് അനുവദിച്ചിട്ടുണ്ടോ; ഉണ്ടെങ്കില്‍ ആയതിന്റെ വിശദാംശം നല്‍കാമോ?

കാേഴിക്കാേട് ഡെര്‍മെറ്റാേളജി ആശുപത്രിയുടെ സമഗ്ര വികസനത്തിനു പദ്ധതി തയ്യാറാക്കിയിട്ടുണ്ടാേ; ഉണ്ടെങ്കില്‍ വിശദാംശങ്ങള്‍ ലഭ്യമാക്കുമാേ;

ഡെര്‍മെറ്റാേളജി ആശുപത്രിയില്‍ കൂടുതല്‍ ഡാേക്ടർമാരുടെ സേവനം ലഭ്യമാക്കുവാന്‍ നടപടി സ്വീകരിക്കുമാേ?

മാവൂര്‍ തെങ്ങിലക്കടവ് ക്യാന്‍സര്‍ സെന്റര്‍ നിലവില്‍ ആരുടെ നിയന്ത്രണത്തിലാണെന്ന് വ്യക്തമാക്കാമോ;

പ്രസ്തുത സെന്റർ ഉപയോഗപ്പെടുത്താന്‍ എന്ത് നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ;

പ്രസ്തുത സെന്റർ ജില്ലാ പഞ്ചായത്തിനെ ഏല്‍പ്പിക്കാന്‍ തത്ത്വത്തില്‍ തീരുമാനിച്ചിട്ടുണ്ടോ; എങ്കില്‍ നടപടിക്രമങ്ങളിലെ കാലതാമസം ഒഴിവാക്കാന്‍ ബന്ധപ്പെട്ട ഉദ്യോഗസ്ഥരുടെ സംയുക്തയോഗം വിളിച്ചു ചേര്‍ക്കുമോ; വിശദീകരിക്കുമോ?

ചേലക്കര മണ്ഡലത്തിലെ ഏതൊക്കെ പ്രാഥമികാരോഗ്യ കേന്ദ്രങ്ങളെയാണ് കുടുംബാരോഗ്യ കേന്ദ്രമാക്കി ഉയര്‍ത്തിയിട്ടുള്ളത്; വിശദാംശം നൽകാമോ;

ആര്‍ദ്രം മിഷന്‍ പദ്ധതിയിലൂടെ നേഴ്സുമാരുടെയും ഡോക്ടര്‍മാരുടെയും അധിക തസ്തിക സൃഷ്ടിച്ച ശേഷവും ഒ.പി. സമയം വൈകുന്നേരം 6 മണി വരെയാക്കി കൊണ്ടുള്ള നടപടിക്ക് ശേഷവും മണ്ഡലത്തിലെ കുടുംബാരോഗ്യ കേന്ദ്രങ്ങളില്‍ ചികിത്സ തേടിയെത്തുന്ന രോഗികളുടെ എണ്ണത്തില്‍ വര്‍ദ്ധനവ് ഉണ്ടായിട്ടുണ്ടോ; ഇപ്രകാരം ഓരോ കുടുംബാരോഗ്യ കേന്ദ്രങ്ങളിലും ഒരു ദിവസം എത്തുന്ന ശരാശരി രോഗികളുടെ എണ്ണം വ്യക്തമാക്കുമോ?

വൈപ്പിൻ മണ്ഡലത്തിലെ ഞാറയ്ക്കൽ താലൂക്ക് ആശുപത്രിയുടെ ഐസൊലേഷൻ വാർഡിന്റെ നിർമ്മാണ പ്രവർത്തനങ്ങൾ പാതി വഴിയിൽ നിർത്തിവച്ചിരിക്കുന്നതിന്റെ കാരണം വിശദമാക്കാമോ;

പ്രസ്തുത പ്രവൃത്തിയുടെ കാലാവധി എന്നുവരെയാണെന്ന് വ്യക്തമാക്കാമോ; കരാറിന്റെ കാലാവധി ദീർഘിപ്പിച്ച് നൽകിയിട്ടുണ്ടോ; ഉണ്ടെങ്കില്‍ എത്ര തവണ ദീർഘിപ്പിച്ച് നൽകിയിട്ടുണ്ടെന്ന് വ്യക്തമാക്കാമോ;

പ്രസ്തുത പ്രവൃത്തി എന്നത്തേക്ക് പൂർത്തീകരിക്കുവാൻ സാധിക്കുമെന്ന് വ്യക്തമാക്കാമോ?

കാസര്‍ഗാേഡ് ജില്ലയിലെ വിവിധ സര്‍ക്കാര്‍ ആയൂര്‍വേദ, അലാേപ്പതി, ഹാേമിയോ, യുനാനി ഡിസ്പെന്‍സറികളിലും ആശുപത്രികളിലുമായി ദിവസേന ശരാശരി എത്ര ഒ.പി. രോഗികൾ ഉണ്ടെന്ന് വകുപ്പ് തിരിച്ചും സ്ഥാപനം തിരിച്ചും അറിയിക്കാമാേ;

ജില്ലയിലെ താലൂക്ക്, ജില്ലാ ആശുപത്രി, ജനറല്‍ ആശുപത്രികളിലായി എത്ര ഐ.പി രോഗികൾ നിലവിലുണ്ടെന്നും, ഇവിടങ്ങളിലെ ബെഡ് സ്ട്രെങ്ങ്തിന്റെ എത്ര ശതമാനമാണ് ഇതെന്നും അറിയിക്കാമാേ?

2020-21 വര്‍ഷത്തെ എം.എല്‍.എ ആസ്തി വികസന ഫണ്ടില്‍ നിന്നും 23,51,500/- രൂപ അനുവദിച്ചിട്ടുള്ള ഒറ്റപ്പാലം താലൂക്ക് ആശുപത്രിയിലെ ബ്ലഡ് ബാങ്ക് നിര്‍മ്മാണ പ്രവൃത്തിക്ക് ലെെസന്‍സ് ലഭിക്കുന്നതുമായി ബന്ധപ്പെട്ട് ഇന്‍സ്പെക്ഷന്‍ നടപടികള്‍ പൂര്‍ത്തീകരിച്ചിട്ടുണ്ടാേ; എങ്കിൽ വ്യക്തമാക്കുമോ?

കൊണ്ടോട്ടി നഗരസഭയിൽ ആയുഷ്മാൻ ആരോഗ്യ മന്ദിർ (നഗര ജനകീയ ആരോഗ്യ കേന്ദ്രം) എവിടെയെല്ലാം പ്രവർത്തിക്കുന്നുണ്ടെന്ന് വിശദമാക്കുമോ; ഇതിന് സംസ്ഥാന സർക്കാർ എന്തെങ്കിലും ധനസഹായം നൽകുന്നുണ്ടോയെന്ന് വ്യക്തമാക്കുമോ;

പ്രസ്തുത നഗരസഭയിൽ ഏതെല്ലാം നഗര പ്രാഥമിക ആരോഗ്യ കേന്ദ്രങ്ങൾ പ്രവർത്തിക്കുന്നുണ്ടെന്ന് വ്യക്തമാക്കുമോ;

ഈ കേന്ദ്രങ്ങളില്‍ ഏതെല്ലാം തസ്തികകളാണ് നിലവിലുള്ളതെന്നും ഇവിടെ നാഷണൽ ഹെൽത്ത് മിഷൻ മുഖേന ഏതെല്ലാം തസ്തികകളിൽ ജീവനക്കാരെ നിയമിച്ചിട്ടുണ്ടെന്നും വ്യക്തമാക്കുമോ ?

എറണാകുളം ജനറല്‍ ആശുപത്രിയിലെ ക്യാന്‍സര്‍ സെന്ററില്‍ കൊച്ചി സ്മാര്‍ട് സിറ്റി മിഷന്റെ സാമ്പത്തിക സഹായത്തോടെ എല്ലാ ആധുനിക സൗകര്യങ്ങളോടു കൂടിയ ഐ.സി.യു.വും, ന്യൂട്രോപീനിയ ഐ.സി.യു.വും ഉള്‍പ്പടെയുള്ള സംവിധാനങ്ങളോട് കൂടി 104 രോഗികളെ കിടത്താനുള്ള സംവിധാനം ഏര്‍പ്പെടുത്തിയിട്ടുണ്ടെങ്കിലും നേരത്തേ 45 ബെഡ് ഉണ്ടായിരുന്നപ്പോഴുള്ള ഡോക്ടര്‍മാരും പാരാമെഡിക്കല്‍ സ്റ്റാഫും മാത്രമാണ് നിലവിലുള്ളത് എന്നതിനാല്‍ സ്റ്റാഫുകളുടെ എണ്ണം വര്‍ദ്ധിപ്പിക്കാന്‍ നടപടി സ്വീകരിക്കുമോ; വിശദാംശം നല്‍കുമോ;

പെറ്റ് സ്കാന്‍ എടുക്കണമെങ്കില്‍ വന്‍തുക മുടക്കി സ്വകാര്യ സ്ഥാപനങ്ങളെ ആശ്രയിക്കേണ്ട സാഹചര്യമാണ് നിലവിലുള്ളത് എന്നതിനാല്‍ എറണാകുളം ജനറല്‍ ആശുപത്രിയില്‍ ഒരു പെറ്റ് സ്കാന്‍ യൂണിറ്റ് ആരംഭിക്കാന്‍ നടപടി സ്വീകരിക്കുമോ; വിശദാംശം നല്‍കുമോ?

അങ്കമാലി താലൂക്കാശുപത്രിയുടെ നിലവിലെ സ്റ്റാഫ് പാറ്റേണ്‍ നിശ്ചയിച്ചിരിക്കുന്നത് താലൂക്കാശുപത്രിയില്‍ ചികിത്സ തേടുന്ന രോഗികളുടെ എണ്ണം മാനദണ്ഡമാക്കിയാണോയെന്ന് വ്യക്തമാക്കുമോ;

ടി ആശുപത്രിയിൽ താലൂക്കാശുപത്രിക്ക് വേണ്ട ജീവനക്കാരുടെ എണ്ണം നിലവില്‍ ഉണ്ടോ; ഇവിടെ നിലവില്‍ ഏതെല്ലാം തസ്തികകളാണ് ഒഴിഞ്ഞ് കിടക്കുന്നതെന്ന് വ്യക്തമാക്കാമോ;

ടി ആശുപത്രിയുടെ നിലവിലെ സ്റ്റാഫ് പാറ്റേണ്‍ മാറ്റി താലൂക്കാശുപത്രിക്ക് വേണ്ട ജീവനക്കാരെ നിയമിക്കാത്തതിന്‍റെ കാരണം വിശദമാക്കാമോ;

ടി ആശുപത്രിയെ താലൂക്കാശുപത്രിയായി ഉയര്‍ത്തിയത് എന്നാണ്; താലൂക്കാശുപത്രിയായി ഉയര്‍ത്തിയ ശേഷം വിവിധ വിഭാഗങ്ങൾക്ക് എത്ര തസ്തികകളാണ് പുതിയതായി അനുവദിച്ചതെന്ന് വിശദമാക്കാമോ;

ടി ആശുപത്രിയില്‍ ഒ.പി. വിഭാഗത്തിലും ഐ.പി. വിഭാഗത്തിലും ഒരു മാസം എത്ര പേരാണ് ചികിത്സയ്ക്കായി എത്തുന്നതെന്ന് വ്യക്തമാക്കാമോ; നിലവിലെ ജീവനക്കാരുടെ എണ്ണം വെച്ച് ഇത്രയും രോഗികളെ പരിചരിക്കുവാൻ കഴിയുന്ന സാഹചര്യമാണ് ഇവിടെ ഉള്ളതെന്ന് സര്‍ക്കാര്‍ കരുതുന്നുണ്ടോ; വിശദാംശം ലഭ്യമാക്കുമോ;

അങ്കമാലി താലൂക്കാശുപത്രിക്ക് ആവശ്യമായ തസ്തികകൾ അനുവദിക്കുന്നതിന് നടപടി സ്വീകരിക്കുമോ?

മുൻ സർക്കാരിന്റെ കാലം മുതൽ നാളിതുവരെ ഓരോ വർഷവും ഭക്ഷ്യസുരക്ഷാ വകുപ്പ് എത്ര സ്ഥാപനങ്ങളിൽ പരിശോധന നടത്തിയിട്ടുണ്ട്; എത്ര സ്ഥാപനങ്ങളിൽ ഭക്ഷ്യസുരക്ഷാ മാനദണ്ഡങ്ങൾ പാലിക്കപ്പെടുന്നില്ല എന്ന് കണ്ടെത്തിയിട്ടുണ്ട്; എത്ര സ്ഥാപനങ്ങൾക്കെതിരെ നടപടി സ്വീകരിച്ചിട്ടുണ്ട്; ഏതൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം ലഭ്യമാക്കുമോ;

ഭക്ഷ്യസുരക്ഷാ വിഭാഗത്തിന്റെ പ്രവർത്തനം ശക്തവും സജീവവുമാക്കുന്നതിന് നടപടികൾ സ്വീകരിക്കുമോ; വ്യക്തമാക്കുമോ?

ചെറുപ്രായത്തില്‍ തന്നെ ഹൃദയാഘാതം സംഭവിച്ച് ധാരാളം ആളുകള്‍ മരണപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; 2021 മുതല്‍ ഇതുവരെ സംസ്ഥാനത്ത് ഇത്തരത്തില്‍ മരണം സംഭവിച്ചവരുടെ കണക്കുകള്‍ ലഭ്യമാണോ; ഉണ്ടെങ്കില്‍ അറിയിക്കാമോ;

ഇത്തരത്തില്‍ ഹൃദയാഘാതം സംഭവിക്കുന്നതിനുള്ള കാരണങ്ങള്‍ തിരിച്ചറിഞ്ഞിട്ടുണ്ടോ; പരിശോധനയിലൂടെ ഹൃദയ സംബന്ധമായ പ്രശ്നങ്ങള്‍ മുന്‍കൂട്ടി അറിയുന്നതിന് നിലവിലുള്ള ഫലപ്രദമായ സംവിധാനങ്ങള്‍ എന്തൊക്കെയെന്ന് അറിയിക്കാമോ?

2016 മുതൽ നാളിതുവരെ ഓരോ വർഷവും സംസ്ഥാനത്ത് അപകടമരണങ്ങൾ അല്ലാതെ, പെട്ടെന്നുണ്ടായ അസുഖങ്ങൾ നിമിത്തം മരണപ്പെട്ട 20 വയസ്സിനും 30 വയസ്സിനും ഇടയിൽ പ്രായമുള്ളവരുടെയും, 30 വയസ്സിനും 40 വയസ്സിനും ഇടയിൽ പ്രായമുള്ളവരുടെയും, 40 വയസ്സിനും 50 വയസ്സിനും ഇടയിൽ പ്രായമുള്ളവരുടെയും വിശദാംശങ്ങൾ വർഷം തിരിച്ചു വ്യക്തമാക്കുമോ?

കുട്ടികളിലെ ഓട്ടിസം, പഠന വെെകല്യങ്ങള്‍, ബുദ്ധിപരമായ വെല്ലുവിളികള്‍ എന്നീ ന്യൂറോ ഡവലപ്മെന്റല്‍ ഡിസോര്‍ഡറുകള്‍ കണ്ടെത്തുന്നതിനും ചികിത്സിക്കുന്നതിനും എന്തെല്ലാം സംവിധാനങ്ങളാണ് നിലവിലുളളത്; പുതിയ എന്തെല്ലാം പദ്ധതികളാണ് വികസിപ്പിക്കാന്‍ ഉദ്ദേശിക്കുന്നത്; വ്യക്തമാക്കുമോ;

ഈ രംഗത്തെ വിദഗ്ദ്ധരെ പരിശീലിപ്പിക്കുന്നതിനും കൂടുതല്‍ ഗവേഷണം നടത്താനും പദ്ധതികളുണ്ടോയെന്ന് വെളിപ്പെടുത്തുമോ;

കുട്ടികളിലെ ജനിതക രോഗങ്ങള്‍ നേരത്തെ കണ്ടെത്തുന്നതിനും ചികിത്സിക്കുന്നതിനും വികസിപ്പിച്ച സംവിധാനങ്ങള്‍ വിശദമാക്കുമോ; പുതിയ പദ്ധതികള്‍ രൂപീകരിക്കുന്നതിലെ പുരോഗതി അറിയിക്കുമോ;

പ്രത്യേക സംരക്ഷണം വേണ്ട കുട്ടികള്‍ക്ക് പീഡിയാട്രിക് പാലിയേറ്റീവ് കെയര്‍ പദ്ധതി ആലോചനയിലുണ്ടോ; വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്ത് ഓരോ വർഷവും റിപ്പോർട്ട് ചെയ്യപ്പെട്ട മറവി രോഗബാധിതരുടെ എണ്ണം എത്രയാണെന്ന് വ്യക്തമാക്കുമോ; പ്രത്യേക പരിചരണം ആവശ്യമുള്ള ഇത്തരം രോഗികളുടെ ചികിത്സയ്ക്കായി സംസ്ഥാനത്തെ സർക്കാർ ആശുപത്രികളിൽ നിലവിൽ എന്തൊക്കെ സംവിധാനങ്ങളാണ് ഏർപ്പെടുത്തിയിട്ടുള്ളത്; വിശദാംശം വ്യക്തമാക്കുമോ?

കാന്‍സര്‍ രോഗ നിര്‍ണ്ണയ ക്യാമ്പുകള്‍ സംഘടിപ്പിക്കുന്നതിന് ഏതെല്ലാം ഏജന്‍സികളെയാണ് ചുമതലപ്പെടുത്തിയിട്ടുളളതെന്ന് വിശദമാക്കാമോ;

സംസ്ഥാനത്തെ മുഴുവന്‍ ജനങ്ങളിലും കാന്‍സര്‍ രോഗനിര്‍ണ്ണയം നടത്തുന്നതിന് നടപടി സ്വീകരിക്കുന്നുണ്ടോ; വ്യക്തമാക്കാമോ?

കേരളത്തില്‍ വര്‍ദ്ധിച്ചുവരുന്ന മാനസികാരോഗ്യ പ്രശ്നങ്ങള്‍ ഏതൊക്കെയാണെന്നും അവയ്ക്ക് കാരണമാവുന്ന ഘടകങ്ങള്‍ ഏതൊക്കെയാണെന്നും വിലയിരുത്തിയിട്ടുണ്ടോ; വിശദമാക്കാമോ;

മാനസികാരോഗ്യ പ്രശ്നങ്ങള്‍ പരിഹരിക്കുന്നതിനായി എന്തെല്ലാം പദ്ധതികളാണ് നടപ്പാക്കി വരുന്നത്; വര്‍ദ്ധിച്ചുവരുന്ന ഇത്തരം പ്രശ്നങ്ങള്‍ പരിഹരിക്കുന്നതിന് കൂടുതല്‍ പദ്ധതികള്‍ നടപ്പാക്കാന്‍ ഉദ്ദേശിക്കുന്നുണ്ടോ; അറിയിക്കുമോ;

ടെലി മെന്റല്‍ ഹെല്‍ത്ത് പദ്ധതിയുടെ പ്രധാന സേവനങ്ങള്‍ എന്തൊക്കെയാണ്; ഈ പദ്ധതിയുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

കുടുംബാരോഗ്യ കേന്ദ്രങ്ങളുടെ പ്രവര്‍ത്തനത്തില്‍ മാനസികാരോഗ്യ സേവനങ്ങള്‍ മെച്ചപ്പെടുത്താനും കൂടുതല്‍ ഉള്‍പ്പെടുത്താനും ഉദ്ദേശിക്കുന്നുണ്ടോ; വ്യക്തമാക്കുമോ?

കേരളത്തെ ആരോഗ്യമേഖലയുടെ ഹബ്ബ് ആക്കുവാൻ എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കുമോ?

സംസ്ഥാനത്തെ സര്‍ക്കാര്‍ ആശുപത്രികളില്‍ യഥാസമയം മരുന്നുകള്‍ ലഭിക്കാത്തതുമൂലം രോഗികള്‍ ബുദ്ധിമുട്ടുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

സര്‍ക്കാര്‍ ആശുപത്രികളില്‍ മരുന്ന് യഥാസമയം ലഭിക്കാത്തുതുമൂലം രോഗികള്‍ മരണപ്പെട്ടത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

മുണ്ടിനീര് വ്യാപനം തടയുന്നതിന് എല്ലാ കുട്ടികൾക്കും എം.എം.ആർ. വാക്സിൻ നൽകുന്നതിനാവശ്യമായ മരുന്ന് സൗജന്യമായി ലഭ്യമാക്കണമെന്ന ആവശ്യത്തിന്മേൽ കേന്ദ്ര നിലപാട് അറിയിച്ചിട്ടുണ്ടോയെന്ന് വ്യക്തമാക്കുമോ?

സംസ്ഥാനത്തെ ജനങ്ങളുടെ മാനസികാരോഗ്യം സംബന്ധിച്ച് സാമ്പത്തികസർവേയിലെ നിരീക്ഷണം എന്താണെന്ന് വ്യക്തമാക്കുമോ;

സംസ്ഥാനത്ത് ജനങ്ങൾക്കിടയിൽ ആത്മഹത്യാ പ്രവണത ഉൾപ്പെടെ മാനസികാരോഗ്യ പ്രശ്നങ്ങൾ വർദ്ധിച്ചു വരുന്ന സാഹചര്യത്തിൽ, മാനസികാരോഗ്യ പരിചരണത്തിന് മുൻഗണന നൽകി കർമ്മപദ്ധതികൾ ആവിഷ്കരിക്കുമോ; വിശദാംശം വ്യക്തമാക്കുമോ?

സ്വകാര്യ/സര്‍ക്കാര്‍ ആശുപത്രികളില്‍ നിന്നും പുറന്തള്ളപ്പെടുന്ന ബയോമെഡിക്കല്‍ വേസ്റ്റ് സുരക്ഷിതമായല്ല സംസ്ക്കരിക്കുന്നത് എന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

സംസ്ഥാനത്തെ പി.എച്ച്.സി./സി.എച്ച്.സി.കളില്‍ വേസ്റ്റ് സംസ്കരിക്കുന്ന സംവിധാനങ്ങള്‍ നിലവിലില്ല എന്ന കാര്യം ശ്രയില്‍പ്പെട്ടിട്ടുണ്ടോ; വ്യക്തമാക്കാമോ;

ബയോമെഡിക്കല്‍ വേസ്റ്റുകള്‍ സുരക്ഷിതമായി സംസ്കരിക്കാത്തത് മൂലമുണ്ടായേക്കാവുന്ന ആരോഗ്യപ്രശ്നങ്ങളെയും മാരകവ്യാധികളെയും സംബന്ധിച്ച് പഠനം നടത്തിയിട്ടുണ്ടോ; ഇല്ലെങ്കില്‍ അപ്രകാരം പഠനം നടത്തുവാനും മുന്‍കരുതലുകള്‍ എടുക്കുവാനും നടപടി സ്വീകരിക്കുമോ; വ്യക്തമാക്കാമോ?

സ്വകാര്യ ആശുപത്രികള്‍ ഈടാക്കുന്ന ഫീസ് സംബന്ധിച്ച വിവരം ആശുപത്രികള്‍ പരസ്യപ്പെടുത്താത്തത് ശ്രദ്ധയില്‍പ്പെട്ടിട്ടുണ്ടോ; ഫീസ് വിവരം പരസ്യപ്പെടുത്താത്ത ആശുപത്രികള്‍ക്കെതിരെ എന്ത് നടപടി സ്വീകരിയ്ക്കാന്‍ കഴിയുമെന്ന്‌ വിശദമാക്കാമോ;

അമിത ഫീസ് ഈടാക്കുന്നത് സംബന്ധിച്ച ആക്ഷേപം പൊതുജനങ്ങള്‍ ആര്‍ക്കാണ് സമര്‍പ്പിക്കേണ്ടതെന്നും എത്ര പരാതികൾ നാളിതുവരെ ലഭിച്ചിട്ടുണ്ടെന്നും ഏതൊക്കെ ആശുപത്രികൾക്കെതിരെ എന്തൊക്കെ നടപടികൾ സ്വീകരിച്ചിട്ടുണ്ടെന്നും വ്യക്തമാക്കാമോ?

30.11.2013-ന് തറക്കല്ലിട്ട കാസർഗോഡ് സർക്കാർ മെഡിക്കൽ കോളേജിന്റെ നിലവിലെ അവസ്ഥ അറിയിക്കുമോ; പതിനൊന്ന് വർഷം കഴിഞ്ഞിട്ടും മെഡിക്കൽ കോളേജ് യാഥാർത്ഥ്യമാകാത്തതിന്റെ കാരണങ്ങള്‍ എന്തെല്ലാമാണെന്ന് അറിയിക്കാമോ;

ഇപ്പോൾ അവിടെ നടക്കുന്ന പ്രവൃത്തികൾ എന്തെല്ലാമാണ്; ഏതെല്ലാം ഫണ്ട് ഉപയോഗിച്ച് ഏതെല്ലാം നിർമ്മാണ പ്രവൃത്തികൾ ഇതുവരെ നടന്നിട്ടുണ്ട്; ഇനി ഏതെല്ലാം നിർമ്മാണ പ്രവൃത്തികൾ ബാക്കിയുണ്ട്; ഏതെങ്കിലും നിർമ്മാണ പ്രവൃത്തികൾക്ക് കരാറുകാർക്ക് പണം നൽകാൻ ബാക്കിയുണ്ടോ; വ്യക്തമാക്കാമോ;

നിർമ്മാണം പൂർത്തീകരിക്കാൻ ഇനി എത്ര ഫണ്ട് വേണമെന്നും ആ ഫണ്ട് എങ്ങനെ ലഭ്യമാക്കാനാകുമെന്നും എല്ലാ കടമ്പകളും കടന്ന് മെഡിക്കൽ കോളേജ് എപ്പോൾ യാഥാർത്ഥ്യമാകുമെന്നുമുള്ള വിശദാംശം നൽകുമോ?

നെയ്യാറ്റിന്‍കര ജനറല്‍ ആശുപത്രിയില്‍ വിവിധ വിഭാഗങ്ങളില്‍ അധിക ഡോക്ടര്‍മാരെ നിയമിക്കുന്നതിനു നടപടി സ്വീകരിച്ചിട്ടുണ്ടോ എന്ന് വിശദമാക്കാമോ;

ഏതൊക്കെ വിഭാഗത്തില്‍ ആണ് അധിക ഡോക്ടര്‍മാരെ നിയമിക്കാന്‍ ശിപാര്‍ശ ചെയ്തത് എന്ന് വ്യക്തമാക്കാമോ?

ഉടുമ്പന്‍ചോല മണ്ഡലത്തിലെ വിവിധ ആരോഗ്യ കേന്ദ്രങ്ങളില്‍ അനുവദിക്കപ്പെട്ടിട്ടുള്ള തസ്തികകള്‍; പ്രസ്തുത തസ്തികകളില്‍ ജോലി ചെയ്യുന്നവരുടെ എണ്ണം; തസ്തികകളില്‍ വന്നിരിക്കുന്ന ഒഴിവുകളുടെ എണ്ണം; എന്നിവ സംബന്ധിച്ച വിശദാംശങ്ങൾ സ്ഥാപനങ്ങളുടെ പേര് തിരിച്ച് നല്‍കാമോ?

ആരോഗ്യവകുപ്പിലെ ഡോക്ടർമാരുടെയും ഇതര ജീവനക്കാരുടെയും പെൻഷൻ പ്രായം എത്രയെന്ന് വ്യക്തമാക്കുമോ; ഡോക്ടർമാരുടെയും, ഇതര ജീവനക്കാരുടെയും പെൻഷൻ പ്രായത്തിലെ വ്യത്യാസം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

മെഡിക്കൽ വിദ്യാഭ്യാസ വകുപ്പിലെ ഡോക്ടർമാരുടെയും ഇതര ജീവനക്കാരുടെയും പെൻഷൻ പ്രായം എത്രയാണെന്ന് അറിയിക്കുമോ;

മെഡിക്കൽ വിദ്യാഭ്യാസ വകുപ്പിലെ ഡോക്ടർമാരുടെയും നഴ്സിംഗ് കോളേജ് ഫാർമസി കോളേജ് അടക്കമുള്ള സ്ഥാപനങ്ങളിലെ ട്യൂട്ടർമാരുടെയും പെൻഷൻ പ്രായമുയർത്തിയ ഉത്തരവുകളുടെ പകർപ്പുകൾ ലഭ്യമാക്കുമോ;

ആരോഗ്യവകുപ്പിലെ ഡോക്ടർമാരുടെ പെൻഷൻ പ്രായം ഉയർത്തിയ ഉത്തരവിന്റെ പകർപ്പ് ലഭ്യമാക്കുമോ?

കോട്ടയം മെഡിക്കൽ കോളേജ് ആശുപത്രിയിൽ നഴ്സിംഗ് അസിസ്റ്റന്റ് തസ്തികയിൽ ജോലി ചെയ്തിരുന്ന 43 ജീവനക്കാർക്ക് അഡ്‍മിനിസ്ട്രേറ്റീവ് ട്രൈബ്യൂണലിന്റെ വിധിന്യായത്തിന്റെ അടിസ്ഥാനത്തിൽ സ്റ്റാറ്റ്യുട്ടറി പെൻഷൻ പുന:സ്ഥാപിച്ചു നൽകിയതു വഴി 56 വയസ്സ് പൂർത്തിയാക്കിയ ജീവനക്കാരെ മുൻകാല പ്രാബല്യത്തിൽ ജോലിയിൽ നിന്ന് പിരിച്ചു വിടേണ്ട സാഹചര്യം ഉണ്ടായിട്ടുണ്ടോ; വിശദമാക്കുമോ;

എങ്കിൽ ഇവരുടെ റിട്ടയർമെന്റ് ആനുകൂല്യങ്ങൾ നിർണ്ണയിച്ച് വിതരണം ചെയ്തിട്ടുണ്ടോ; ഇല്ലെങ്കിൽ അതിനുള്ള നടപടികൾ ഏത് ഘട്ടത്തിലാണെന്ന് വ്യക്തമാക്കുമോ;

ഇപ്രകാരമുള്ള ജിവനക്കാരുടെ ജി.പി.എഫ്. ക്ലോസ് ചെയ്യുന്നതിന്, സ്പാർക്കിൽ ഇവരുടെ രേഖകളില്ലെന്ന തരത്തിലുള്ള സാങ്കേതിക തടസ്സങ്ങൾ നേരിടുന്നുണ്ടോ; എങ്കിൽ ഇങ്ങനെ സംഭവിക്കാനുണ്ടായ സാഹചര്യം വ്യക്തമാക്കുമോ; ഇതു പരിഹരിക്കുന്നതിന് ധനകാര്യ വകുപ്പിനെ സമീപിച്ചിട്ടുണ്ടോ; അതിന്റെ രേഖകൾ നൽകാമോ; ഇത് പരിഹരിച്ച് എന്നത്തേക്ക് ഇവരുടെ ജി.പി.എഫ്. ആനുകൂല്യങ്ങൾ നൽകുമെന്ന് അറിയിക്കുമോ; വ്യക്തമാക്കാമോ?

സംസ്ഥാനത്തെ മെഡിക്കൽ കോളേജ് ആശുപത്രികളിലും ജില്ല, താലൂക്ക് ഉൾപ്പെടെയുളള സർക്കാർ ആശുപത്രികളിലും പര്യാപ്തമായത്ര ഡോക്ടർമാർ, നേഴ്സുമാർ തുടങ്ങിയ ജീവനക്കാർ ഇല്ലെന്ന ആക്ഷേപം പരിശോധിച്ചുണ്ടോ; വിശദമാക്കുമോ;

ജീവനക്കാരുടെ അപര്യാപ്തത ആരോഗ്യരംഗത്ത് പ്രതിസന്ധി ഉണ്ടാക്കുന്നുണ്ടോയെന്ന് പരിശോധിച്ചിട്ടുണ്ടോ; വിശദമാക്കുമോ;

രോഗികളുടെ വർദ്ധനവിന് അനുസൃതമായി ആരോഗ്യ പ്രവർത്തകരെ നിയമിക്കുന്നതിന് അടിയന്തര നിർദ്ദേശം നൽകുമോയെന്ന് വ്യക്തമാക്കാമോ?

തിരുവനന്തപുരം ആർ.സി.സി. യില്‍ പത്ത് വര്‍ഷത്തിലധികമായി കരാര്‍ വ്യവസ്ഥയില്‍ ജോലി ചെയ്യുന്ന സ്റ്റാഫ് നേഴ്സ്മാരെ സ്ഥിരപ്പെടുത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ;

യോഗ്യതയുള്ള ഇത്തരം നഴ്‌സുമാരെ അവര്‍ ചെയ്യുന്ന സേവനത്തിന്റെ മൂല്യം ഉള്‍കൊണ്ട് സ്ഥിരപ്പെടുത്തുന്നതിന് നടപടികള്‍ സ്വീകരിക്കുമോ;

ഈ വിഷയം സംബന്ധിച്ച് നിലവില്‍ ഫയല്‍ തുടങ്ങിയിട്ടുണ്ടോ; പ്രസ്തുത ഫയലില്‍മേല്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

ആരോഗ്യ മേഖലയിൽ തസ്തിക സൃഷ്ടിക്കുമെന്നും പുതിയ മെഡിക്കല്‍ കോളജുകളുടെയും പുതിയ ബ്ലോക്കുകളുടെയും പ്രവര്‍ത്തനം സുഗമമാക്കൂന്നതിന് വേഗത്തിലുളള നിയമനം നടത്തുമെന്നുമുള്ള മന്ത്രിയുടെ പ്രസ്താവനയുമായി ബന്ധപ്പെട്ട് ഏതൊക്കെ പുതിയ തസ്തികള്‍ സൃഷ്ടിക്കുന്നതിനാണ് തീരുമാനിച്ചിട്ടുള്ളതെന്ന് വ്യക്തമാക്കാമോ;

പി.എസ്.സി റാങ്ക് ലിസ്റ്റ് നിലനിൽക്കേ മെഡിക്കൽ കോളേജുകളിൽ നടത്തുന്ന താല്‍കാലിക നിയമനങ്ങൾ സ്ഥിര നിയമനങ്ങൾക്ക് തടസ്സമാകുമെന്നതിനാല്‍ അത് പരിഹരിക്കുന്നതിന് നടപടി സ്വീകരിക്കുമോ;

കാസർഗോഡ് മെഡിക്കൽ കോളേജ് പ്രവർത്തനം ആരംഭിച്ച പുതിയ കെട്ടിടത്തിൽ എം.ബി.ബി.എസ്. പഠനം ആരംഭിക്കുന്നതുമായി ബന്ധപ്പെട്ട നിലപാട് വ്യക്തമാക്കാമോ;

ആരോഗ്യ രംഗത്ത് ഏതെങ്കിലും മേഖലയിൽ പുതിയ തസ്തിക സൃഷ്ടിക്കാൻ സാധ്യതയുണ്ടോ; ഉണ്ടെങ്കിൽ ഏതൊക്കെ മേഖലയിലാണെന്ന് വ്യക്തമാക്കാമോ;

കളമശ്ശേരി മെഡിക്കൽ കോളേജിൽ പുതിയ ബ്ലോക്കിന്റെ ഉൽഘാടനത്തോടനുബന്ധിച്ച് ഏതെല്ലാം തസ്തികയിലേക്കാണ് പുതിയ തസ്തിക സൃഷ്ടിക്കൽ ആവശ്യമായിട്ടുള്ളത്; എത്ര പുതിയ തസ്തിക വേണ്ടിവരുമെന്ന് വ്യക്തമാക്കാമോ;

ആലപ്പുഴ, കോഴിക്കോട് മെഡിക്കൽ കോളേജിൽ സൂപ്പർ സ്പെഷ്യലിറ്റി ബ്ലോക്കിലേയ്ക്ക് അനുവദിച്ച തസ്തികകളിൽ നിലവിലെ റാങ്ക് ലിസ്റ്റില്‍ നിന്നും നിയമനം നടത്തുന്നതിന് എന്തെങ്കിലും തടസം ഉണ്ടോയെന്ന് വ്യക്തമാക്കാമോ;

ആരോഗ്യ വകുപ്പില്‍ എല്ലാ തസ്തികകളിലും താല്‍ക്കാലിക നിയമനങ്ങള്‍ നടത്തുന്നതിന് പകരം പി.എസ്.സി. നിയമനം നടത്തുന്നതിന് നടപടി സ്വീകരിക്കുമോ. വ്യക്തമാക്കാമോ?

കാേഴിക്കാേട് ജില്ലയിലെ ആരാേഗ്യ വകുപ്പില്‍ പാര്‍ട്ട് ടെെം സ്വീപ്പര്‍, ഹാേസ്പിറ്റല്‍ അറ്റന്‍ഡര്‍ ഗ്രേഡ് II എന്നീ തസ്തികയില്‍ എത്ര ഒഴിവുകളുണ്ടെന്നുള്ള വിശദാംശം ലഭ്യമാക്കുമാേ;

പ്രസ്തുത ഒഴിവുകളിലേയ്ക്ക് നിയമനം നടത്തുന്നതിന് 2024 മാര്‍ച്ച്, മെയ് മാസങ്ങളില്‍ എംപ്ലാേയ്മെന്റ് എക്സ്ചേഞ്ചിൽ നിന്നും ലിസ്റ്റ് ലഭിച്ചിരുന്നാേയെന്നും, പ്രസ്തുത ലിസ്റ്റില്‍ നിന്നും നിയമനം നടത്തിയിരുന്നാേയെന്നും ഇല്ലെങ്കില്‍ എന്തുകാെണ്ട് നിയമനം നടത്താതിരുന്നെന്നും വ്യക്തമാക്കാമാേ;

പ്രസ്തുത ഒഴിവുകള്‍ നികത്താത്തതുകാരണം നിലവിലെ ജീവനക്കാരുടെ ജാേലി ഭാരം കൂടുമെന്നുള്ളത് ശ്രദ്ധയില്‍പ്പെട്ടിട്ടുണ്ടാേ; നിലവിലുള്ള ഒഴിവുകള്‍ നികത്തുന്നതിന് ആവശ്യമായ നടപടി സ്വീകരിക്കുമാേ?

ആശുപത്രി വികസന സമിതികള്‍ക്ക് കീഴില്‍ ജോലി ചെയ്യുന്നവരുടെ പ്രായപരിധി എത്രയാണ്; ഇത് സംബന്ധിച്ച് സർക്കാർ പുറപ്പെടുവിച്ച ഉത്തരവിന്റെ പകർപ്പ് ലഭ്യമാക്കാമോ;

തിരുവനന്തപുരം എസ്.എ.റ്റി. ആശുപത്രിയിൽ എച്ച്.ഡി.എസിനു കീഴിൽ അറുപത്തിയഞ്ച് വയസ്സ് കഴിഞ്ഞവർ ജോലി ചെയ്യുന്നുണ്ടോ; ഉണ്ടെങ്കിൽ എന്തടിസ്ഥാനത്തിലാണ് ജോലി ചെയ്യുന്നതെന്ന് വ്യക്തമാക്കാമോ;

പ്രസ്തുത ആശുപത്രിയിൽ എച്ച്.ഡി.എസിനു കീഴിൽ ജോലി ചെയ്യുന്നവരുടെ പേര്, ജനനത്തീയതി, തസ്തിക, ജോലിയിൽ പ്രവേശിച്ച തീയതി, ശമ്പളം എന്നിവ തരംതിരിച്ച് ലഭ്യമാക്കാമോ?

സംസ്ഥാനത്തെ ഹെല്‍ത്ത് ഇന്‍സ്പെക്ടര്‍മാരുടെ സ്ഥാനക്കയറ്റം കൃത്യസമയത്ത് നടക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ഹെല്‍ത്ത് ഇന്‍സ്പെക്ടര്‍മാരുടെ പ്രമോഷന്‍ കൃത്യസമയത്ത് നടപ്പിലാക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കാമോ?

ആരോഗ്യവകുപ്പിൽ അസിസ്റ്റന്റ് ഡയറക്ടർ (എന്റമോളജി/ഫൈലേറിയ) തസ്തികയിൽ 01/06/2025 ന് വരുന്ന ഒഴിവിൽ നിയമനം നൽകുന്നതിന് ജില്ലാ മലേറിയ ഓഫീസർ, ബയോളജിസ്റ്റ് എന്നിവയിൽ ഏത് വിഭാഗത്തിൽ നിന്നുള്ളവർക്കാണ് നിയമനം ലഭിക്കേണ്ടത് എന്നത് വിശദമാക്കുമോ;

4/02/2025 ന് ചേർന്ന ഹയർ ഡി.പി.സി. യോഗത്തിൽ ഈ വർഷം ഉണ്ടാകുന്ന ഒഴിവുകളിലേക്ക് ആവശ്യമായ അത്രയും ജീവനക്കാരെ ഉൾപ്പെടുത്തി സെലക്ട് ലിസ്റ്റ് പ്രസിദ്ധീകരിക്കാത്തത് എന്തുകൊണ്ടെന്ന് വിശദമാക്കുമോ;

04/02/2025ന് ചേർന്ന ഹയർ ഡി.പി.സി. യോഗത്തിൽ ഏതൊക്കെ വിഭാഗത്തിൽ നിന്ന് ആരുടെയൊക്കെ കോൺഫിഡൻഷ്യൽ റിപ്പോർട്ട് പരിഗണിച്ചിരുന്നു എന്നത് ഇനം തിരിച്ചു വിശദമാക്കുമോ;

അസിസ്റ്റന്റ് ഡയറക്ടർ എന്റമോളജി/ഫൈലേറിയ നിയമനത്തിനായി നിലവിലുള്ള എക്സിക്യൂട്ടീവ് ഓർഡർ പരിഷ്കരിക്കുന്നതിനോ സ്പെഷ്യൽ റൂൾസ് കൊണ്ടുവരുന്നതിനോ സർക്കാർതലത്തിൽ എന്തെങ്കിലും നടപടി സ്വീകരിച്ചിട്ടുണ്ടോ; ഉണ്ടെങ്കിൽ ഇത് സംബന്ധിച്ചുള്ള ഭേദഗതികൾ എന്തെല്ലാമാണെന്നും ആയതിന്റെ ഇപ്പോഴത്തെ സ്ഥിതി എന്തെന്നും വിശദീകരിക്കുമോ?

സംസ്ഥാനത്ത് വെക്ടര്‍ ഡിസീസ് കണ്‍ട്രോള്‍ യൂണിറ്റുകള്‍ക്ക് കീഴില്‍ പ്രാണിജന്യ രോഗങ്ങള്‍ (വെക്ടര്‍ ഡിസീസസ്) നിയന്ത്രിക്കുന്നതിന് ഫീൽഡ് തല ഉദ്യോഗസ്ഥരെ നിയോഗിക്കാറുണ്ടോയെന്ന് അറിയിക്കുമോ;

ഇത്തരത്തില്‍ ഫീൽഡ് തല ഉദ്യോഗസ്ഥരെ നിയമിക്കുന്നതിനുള്ള മാനദണ്ഡങ്ങള്‍, യോഗ്യത, പ്രായപരിധി എന്നിവ നിശ്ചയിച്ചിട്ടുണ്ടോ; വ്യക്തമാക്കുമോ;

ഓരോ ജില്ലയിലും ഫീൽഡ് തല ഉദ്യോഗസ്ഥരുടെ തിരഞ്ഞെടുപ്പിന് വ്യത്യസ്ത മാനദണ്ഡങ്ങള്‍ ആണോ പാലിക്കുന്നതെന്നു വെളിപ്പെടുത്തുമോ; വ്യക്തമാക്കുമോ; മലപ്പുറം ജില്ലയിലെയും മറ്റ് ജില്ലകളിലെയും നിയമനരീതി എങ്ങനെയാണെന്ന് അറിയിക്കുമോ;

മറ്റ് ജില്ലകളിലെ പോലെ പ്രായപരിധി വര്‍ദ്ധിപ്പിക്കണമെന്ന് ആവശ്യപ്പെട്ടു കൊണ്ട് ശ്രീമതി ഷൈനി മോള്‍ മുതല്‍ പേര്‍ സമര്‍പ്പിച്ച അപേക്ഷ ലഭിച്ചിരുന്നോ; എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ വ്യക്തമാക്കുമോ?

മുന്‍ സര്‍ക്കാരിന്റെ കാലയളവിലും (2016-21) ഈ സര്‍ക്കാരിന്റെ കാലയളവിലും വര്‍ക്കല മണ്ഡലത്തിലെ ആരോഗ്യ കേന്ദ്രങ്ങളുടെ ഭൗതിക സാഹചര്യം വര്‍ദ്ധിപ്പിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ; ആയതിന് ഓരോ ആരോഗ്യ കേന്ദ്രങ്ങളിലും എത്ര രൂപ വീതം അനുവദിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത മണ്ഡലത്തിൽ പുതുതായി നടപ്പിലാക്കാനുള്ള പദ്ധതികള്‍ ഏതെല്ലാമെന്ന് വിശദമാക്കാമോ;

നടപ്പിലാക്കി വരുന്ന പദ്ധതികള്‍ക്ക് അധികമായി ആവശ്യമുള്ള ഫണ്ട് എത്രയെന്ന് വിലയിരുത്തിയിട്ടുണ്ടോ; വിശദമാക്കാമോ?

സംസ്ഥാനത്തെ ക്യാന്‍സര്‍ രാേഗ ബാേധവല്‍ക്കരണവും രോഗനിർണ്ണയവും വ്യാപിപ്പിച്ചതിന്റെ പശ്ചാത്തലത്തില്‍ രാേഗം തുടക്കത്തിലെ കണ്ടെത്തുന്നവരുടെ എണ്ണം വര്‍ദ്ധിച്ചുവരുന്നത് ശ്രദ്ധയില്‍പ്പെട്ടിട്ടുണ്ടാേ; വിശദമാക്കാമോ;

ആരംഭത്തില്‍ തന്നെ രാേഗനിര്‍ണ്ണയം നടത്തുന്നതിനാലും നൂതനമായ ചികിത്സാ സംവിധാനങ്ങള്‍ ഏര്‍പ്പെടുത്തുന്നതിനാലും ക്യാന്‍സര്‍ രാേഗമുക്തരാകുന്നവരുടെ എണ്ണം വർദ്ധിച്ചുവരുന്നതായ വസ്തുത പരിശാേധിച്ചിട്ടുണ്ടാേ; വ്യക്തമാക്കുമോ;

രാേഗമുക്തരുടെ സംഗമവും കലാ-കായിക മത്സര പരിപാടികളും സംഘടിപ്പിക്കുന്നതിനും വ്യത്യസ്ത മേഖലയില്‍ കഴിവു തെളിയിച്ചവര്‍ക്ക് പ്രത്യേക പുരസ്കാരങ്ങള്‍ നല്‍കുന്നതിനും പദ്ധതികൾ ആവിഷ്കരിക്കുമാേ; വ്യക്തമാക്കുമോ;

രാേഗമുക്തര്‍ക്ക് മത്രമല്ല, രാേഗികള്‍ക്കും കുടുംബാംഗങ്ങള്‍ക്കും പാെതുജനങ്ങള്‍ക്കും ആത്മ വിശ്വാസം പകരുന്നതിനും ക്യാന്‍സര്‍ പ്രതിരാേധ പ്രവര്‍ത്തനങ്ങള്‍ക്ക് പ്രചാരം നൽകുന്നതിനുമായി മേൽപ്പറഞ്ഞ പദ്ധതികൾ നടപ്പാക്കുന്നതിന് നടപടികള്‍ സ്വീകരിക്കുമാേ; വിശദമാക്കുമോ?

മുൻസർക്കാരിന്റെ കാലം മുതൽ നാളിതുവരെ ആരോഗ്യ കുടുംബക്ഷേമ വകുപ്പിൽ നടപ്പാക്കിയ വിവിധ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണ്; വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

പ്രസ്തുത ക്രമക്കേടുകളില്‍ ഓരോന്നിനെയും സംബന്ധിച്ച് വകുപ്പുതലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശം വ്യക്തമാക്കുമോ?

മാവേലിക്കരയിലെ ജില്ലാ ആശുപത്രിയില്‍ ക്യാന്‍സര്‍ കെയര്‍ സെന്റര്‍ ആരംഭിക്കുന്ന കാര്യം പരിഗണനയിലുണ്ടോ; ഇതിനാവശ്യമായ നടപടികള്‍ സ്വീകരിക്കുമോ;

വിവിധ സര്‍ക്കാര്‍ ഫണ്ടുകള്‍ ഉപയോഗിച്ച് മാവേലിക്കര മണ്ഡലത്തിലെ ആരോഗ്യ സ്ഥാപനങ്ങളില്‍ നടത്തി വരുന്ന നിര്‍മ്മാണ പ്രവര്‍ത്തനങ്ങളുടെ പുരോഗതിയും അനുവദിക്കപ്പെട്ട തുകയും വിശദമാക്കുമോ?

സംസ്ഥാനത്തെ പൊതു വിദ്യാലയങ്ങളില്‍ കുട്ടികളുടെ മാനസികാരോഗ്യം സംരക്ഷിക്കുന്നതിന് സേവനം ചെയ്യുന്ന സ്കൂള്‍ കൗണ്‍സലര്‍മാരുടെ കരാര്‍ പുതുക്കല്‍ സമയബന്ധിതമായി നടപ്പിലാക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നത്; വ്യക്തമാക്കാമോ;

സാങ്കേതിക കാരണങ്ങളാല്‍ കരാര്‍ പുതുക്കാന്‍ കഴിയാതെ വരികയും ദിവസ വേതനത്തില്‍ തുടരുകയും ചെയ്യുന്ന കൗണ്‍സലര്‍മാര്‍ക്ക് കരാര്‍ പുതുക്കി നല്‍കുന്ന വിഷയം പരിഗണനയിലുണ്ടോ; വിശദമാക്കാമോ;

പ്രസ്തുത തസ്തികയില്‍ ജോലി ചെയ്യുന്ന ആളുകള്‍ക്ക് സേവന വേതന വ്യവസ്ഥകള്‍ പുതുക്കി നിശ്ചയിക്കുന്നതിന് എന്തൊക്കെ നടപടികളാണ് സ്വീകരിക്കുന്നത് എന്ന് വ്യക്തമാക്കാമോ;

സോഷ്യോ-സെെക്കോ കൗണ്‍സലര്‍മാരുടെ സേവനം കൂടുതല്‍ സ്ഥാപനങ്ങളിലേയ്ക്ക് വ്യാപിപ്പിക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നത് എന്ന് വ്യക്തമാക്കാമോ;

പ്രസ്തുത കൗണ്‍സലര്‍മാര്‍ ജോലി സ്ഥലത്തുണ്ടാകുന്ന അപകടങ്ങളെ തുടര്‍ന്ന് അവധിയില്‍ പ്രവേശിക്കുമ്പോള്‍ അവരുടെ കരാര്‍ പുതുക്കി നല്‍കുന്നതിനുള്ള മാനദണ്ഡങ്ങളില്‍ ഇളവ് വരുത്താൻ വകുപ്പ് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് 2021 മുതൽ നാളിതുവരെ മദ്യം, മയക്കുമരുന്ന്, മറ്റ് ലഹരി വസ്തുക്കൾ എന്നിവയുടെ ഉപഭോഗം മൂലം രോഗാവസ്ഥയിൽ ചികിത്സ തേടിയവരുടെ എണ്ണവും ചികിത്സ തേടിയവരിൽ മരണപ്പെട്ടവരുടെ എണ്ണവും എത്രയാണ് എന്ന വിവരം വര്‍ഷം, ജില്ല എന്നിങ്ങനെ തരം തിരിച്ചു ലഭ്യമാക്കാമോ;

മേൽപ്പറഞ്ഞവയുടെ ഉപഭോഗം മൂലം സംസ്ഥാനത്ത് സർക്കാർ/സ്വകാര്യ ആശുപത്രികളിൽ ആരെങ്കിലും ചികിത്സക്ക് എത്തുകയാണെങ്കിൽ പ്രസ്തുത വിവരം പോലീസിനെയോ എക്സൈസിനെയോ അറിയിക്കുന്ന സംവിധാനം നിലവിലുണ്ടോ; വ്യക്തമാക്കാമോ;

പ്രസ്തുത ലഹരി വസ്തുക്കൾക്ക് അടിമപ്പെട്ടവരെ അതിൽ നിന്നും മോചിപ്പിക്കുന്നതിനു വേണ്ടി ആരോഗ്യ വകുപ്പ് സ്വീകരിച്ചുവരുന്ന നടപടികൾ എന്തൊക്കെയാണ് എന്ന് വ്യക്തമാക്കാമോ;

സംസ്ഥാനത്ത് ആരോഗ്യ വകുപ്പിനു കീഴിൽ ലഹരി വിമുക്ത കേന്ദ്രങ്ങൾ പ്രവർത്തിക്കുന്നുണ്ടോ; ഉണ്ടെങ്കിൽ എവിടെയെല്ലാമാണ്; വ്യക്തമാക്കാമോ?

ആയൂര്‍ ദെെര്‍ഘ്യവും അണുകുടുംബ വ്യവസ്ഥയും മൂലം സംജാതമായിരിക്കുന്ന സാമൂഹിക വ്യവസ്ഥയും ക്രമാതീതമായി വര്‍ദ്ധിച്ച് വരുന്ന ജീവിത ശെെലി രാേഗങ്ങളും ഒറ്റപ്പെടുന്ന വാര്‍ദ്ധക്യവുമെല്ലാം സംസ്ഥാനത്ത് പാലിയേറ്റീവ് പ്രവര്‍ത്തനങ്ങള്‍ ശക്തിപ്പെടുത്തേണ്ടതിന്റെ ആവശ്യകത വ്യക്തമാക്കുന്നതായി വിലയിരുത്തിയിട്ടുണ്ടാേ;

സംസ്ഥാനത്ത് സര്‍ക്കാര്‍, സ്വകാര്യ മേഖലകളിലായി എത്ര അംഗീകൃത പാലിയേറ്റീവ് സെന്ററുകള്‍ പ്രര്‍ത്തിക്കുന്നുണ്ടെന്ന് അറിയിക്കാമാേ; വ്യക്തമാക്കുമോ;

സര്‍ക്കാര്‍, സ്വകാര്യ മേഖലകളില്‍ പ്രവര്‍ത്തിക്കുന്ന പാലിയേറ്റീവ് സെന്ററുകളെ ഏകാേപിപ്പിക്കാന്‍ എന്തെല്ലാം പദ്ധതികളാണ് ആസൂത്രണം ചെയ്യുന്നതെന്ന് അറിയിക്കാമാേ;

നിലവിലെ പാലിയേറ്റീവ് പ്രവര്‍ത്തകര്‍ക്കും സംഘടനകള്‍ക്കും രജിസ്ട്രേഷന്‍ നല്‍കുന്നതിനുള്ള സൗകര്യങ്ങള്‍ ഒരുക്കുന്നതിനായി പദ്ധതി ആവിഷ്കരിച്ചിട്ടുണ്ടാേ; ഉണ്ടെങ്കില്‍ വിശദമാക്കുമാേ?

ഒരു സംസ്ഥാനത്ത് നിയമിക്കേണ്ട ആശാവർക്കർമാരുടെ എണ്ണം സംബന്ധിച്ച് നിലവിലുള്ള മാനദണ്ഡങ്ങൾ എന്തെല്ലാമാണെന്ന് അറിയിക്കുമോ;

കേന്ദ്രസർക്കാർ ആണോ സംസ്ഥാന സർക്കാരാണോ ആശാവർക്കർമാരെ നിയമിക്കുന്നത്;

ആശാവർക്കർമാരുടെ ഓണറേറിയത്തിന്റെയും ഇൻസെന്റീവുകളുടെയും മറ്റാനുകൂല്യങ്ങളുടെയും നിരക്ക് സംബന്ധിച്ച് തീരുമാനമെടുക്കുന്നത് കേന്ദ്രസർക്കാർ ആണോ സംസ്ഥാന സർക്കാർ ആണോ എന്ന് വ്യക്തമാക്കുമോ;

ആശാവർക്കർമാർക്ക് ഓണറേറിയവും ഇൻസെന്റീവുകളും മറ്റ് ആനുല്യങ്ങളും നൽകുന്നതിനുള്ള തുക എൻ.എച്ച്.എമ്മിനായി അനുവദിക്കുന്ന തുകയിൽ നിന്നും സംസ്ഥാനത്തിന്റെ ഹിതപ്രകാരം അനുവദിക്കുകയാണോ കേന്ദ്രത്തിൽനിന്ന് ഇതിനായി പ്രത്യേകം തുക അനുവദിക്കുകയാണോ ചെയ്യുന്നതെന്ന് വ്യക്തമാക്കുമോ;

ഇക്കാര്യത്തിൽ സംസ്ഥാനത്തിന് തീരുമാനം എടുക്കാൻ കഴിയുമെങ്കിൽ ആശാവർക്കർമാരുടെ ആനുകൂല്യങ്ങൾ വർദ്ധിപ്പിക്കുന്ന കാര്യം സർക്കാർ പരിഗണിക്കുമോയെന്ന് വ്യക്തമാക്കാമോ?

2024 ഡിസംബറിൽ നാഷണൽ മെഡിക്കൽ കമ്മീഷൻ (എൻ.എം.സി.) നടത്തിയ ഫോറിൻ മെഡിക്കൽ ഗ്രാജ്വേറ്റ്സ് എക്സാമിനേഷൻ (എഫ്.എം.ജി.ഇ.) വിജയിച്ച വിദ്യാര്‍ത്ഥികള്‍ക്ക് കേരളത്തിൽ ഇന്റേൺഷിപ്പ് ചെയ്യാൻ അവസരം നല്‍കുമോ; വ്യക്തമാക്കാമോ;

നാഷണൽ ബോർഡ് ഓഫ് എക്സാമിനേഷൻസ് (എൻ.ബി.ഇ.), എഫ്.എം.ജി.ഇ. എന്നിവ പാസ് ആയ ഡോക്ടർമാർക്ക് സ്കോർ കാർഡും പാസ് സർട്ടിഫിക്കറ്റും നൽകാറുണ്ട് എന്നിരിക്കെ സ്കോർ കാർഡ് ലഭിച്ചു കഴിഞ്ഞിട്ടും പാസ് സർട്ടിഫിക്കറ്റ് നല്‍കുന്നതിന് ഉണ്ടായിരിക്കുന്ന കാലതാമസം എന്തുകൊണ്ടാണെന്ന് വിശദീകരിക്കാമോ;

പാസ് സർട്ടിഫിക്കറ്റുകൾ ലഭിക്കുന്നതിനായി നാല് മുതൽ അഞ്ച് മാസം വരെ കാലതാമസം ഉണ്ടാകുന്നത് മൂലം, ഉദ്യോഗാർഥികൾ പല തട്ടിൽ ആകുകയും അവരുടെ ഇന്റേൺഷിപ്പും പല സമയങ്ങളിൽ ആയി മാറുന്ന ഈ പ്രശ്നത്തിന് പരിഹാരം കണ്ടെത്തുമോയെന്ന് വ്യക്തമാക്കുമോ;

നിലവിൽ, എല്ലാവരുടെയും കയ്യിലുള്ള സ്കോർ കാർഡ്  ഉപയോഗിച്ച്  പ്രൊവിഷണൽ രജിസ്ട്രേഷന് അപേക്ഷിക്കാൻ നടപടി സ്വീകരിക്കുമോ; വിശദമാക്കുമോ?

ആരോഗ്യ വകുപ്പിന്റെ കീഴില്‍ അഴീക്കോട് മണ്ഡലത്തില്‍ നടപ്പിലാക്കുന്ന പദ്ധതികളുടെ നിലവിലെ സ്ഥിതി അറിയിക്കുമോ; വിശദമാക്കുമോ;

പ്രസ്തുത പ്രവൃത്തികളുടെ തുക ഉള്‍പ്പെടെയുള്ള വിശദവിവരം അറിയിക്കാമോ?

ലാബ് ടെക്നീഷ്യന്‍ കോഴ്സ് (എം.എല്‍.റ്റി.) പൂര്‍ത്തിയാക്കുന്നവര്‍ക്ക് പാരാമെഡിക്കല്‍ രജിസ്ട്രേഷന്‍ നടത്തുന്നതുമായി ബന്ധപ്പെട്ട നടപടിക്രമങ്ങള്‍ വിശദമാക്കാമോ;

പാരാമെഡിക്കല്‍ രജിസ്ട്രേഷന്‍ സര്‍ട്ടിഫിക്കറ്റ് ലഭിക്കാനായി നല്‍കുന്ന അപേക്ഷകളിന്മേല്‍ നടപടി വൈകുന്നത് ശ്രദ്ധയില്‍പ്പെട്ടിട്ടുണ്ടോ;

യഥാസമയം രജിസ്ട്രേഷന്‍ നടപടികള്‍ പൂര്‍ത്തിയാക്കി സര്‍ട്ടിഫിക്കറ്റുകള്‍ നല്‍കാത്തതിനാല്‍ പല ഉദ്യോഗാര്‍ത്ഥികള്‍ക്കും അവസരം നഷ്ടപ്പെടുന്ന സാഹചര്യമുള്ളതിനാല്‍ രജിസ്ട്രേഷന്‍ നടപടികള്‍ വേഗത്തിലാക്കുന്നതിന് നിര്‍ദ്ദേശം നല്‍കുമോ;

രജിസ്ട്രേഷന്‍ നടപടികള്‍ പൂര്‍ത്തിയാക്കി സര്‍ട്ടിഫിക്കറ്റ് അനുവദിക്കുന്നതിന് 2024 വർഷത്തില്‍ എത്ര അപേക്ഷകള്‍ ലഭിച്ചിട്ടുണ്ടെന്നും ഇതില്‍ എത്ര പേര്‍ക്ക് സര്‍ട്ടിഫിക്കറ്റ് നല്‍കിയെന്നും വിശദമാക്കാമോ;

സര്‍ട്ടിഫിക്കറ്റ് അനുവദിക്കുന്നതിന് ആറ് മാസത്തില്‍ കൂടുതല്‍ കാലതാമസം എടുക്കുന്നതിന് ഇടയാകുന്ന സാഹചര്യം വിശദമാക്കാമോ?

സംസ്ഥാനത്ത് ഇപ്പോള്‍ എത്ര കുടുംബാരോഗ്യ കേന്ദ്രങ്ങളാണ് നിലവിലുള്ളത്; പ്രസ്തുത കേന്ദ്രങ്ങളിൽ എത്ര പുതിയ തസ്തികകള്‍ സൃഷ്ടിച്ചിട്ടുണ്ട്; വിശദമാക്കാമോ;

ഒരു കുടുബാരോഗ്യ കേന്ദ്രത്തില്‍ എത്ര തസ്തികകളാണ് നിലവിലുള്ളത്; എന്തൊക്കെ സഹായങ്ങളും പരിശോധനകളുമാണ് അവിടെ നിന്നും ലഭിക്കുന്നതെന്ന് വിശദമാക്കാമോ;

ഒരു കുടുംബാരോഗ്യ കേന്ദ്രത്തില്‍ നിലവില്‍ എത്ര മണിക്കൂര്‍ സേവനമാണ് ‍ഡോക്ടര്‍മാരില്‍ നിന്നും ലഭിക്കുന്നത്; വ്യക്തമാക്കാമോ?

വാമനപുരം മണ്ഡലത്തില്‍ ഒരു വര്‍ഷത്തിന് മുന്‍പ് ഉദ്ഘാടനം ചെയ്യപ്പെട്ട വാമനപുരം കുടുംബാരോഗ്യ കേന്ദ്രത്തിന്റെ ആധുനിക രീതിയിലുളള പുതിയ ഒ.പി., ഐ.പി. ബ്ലോക്ക് കെട്ടിടത്തില്‍ ആശുപത്രി സേവനം ഇതുവരെയും ആരംഭിക്കാന്‍ കഴിയാത്തതിന്റെ കാരണം വിശദമാക്കാമോ;

എന്തെല്ലാം സംവിധാനങ്ങളാണ് പുതിയ കെട്ടിടത്തില്‍ സജ്ജമാക്കിയിട്ടുളളതെന്നും ഓരോന്നിനും ചെലവഴിച്ച തുക എത്രയെന്നും വിശദമാക്കാമോ;

സംസ്ഥാന പാത ഒന്നിന്റെ പാതയോരത്ത് സ്ഥിതി ചെയ്യുന്നതിന്റെ പ്രാധാന്യം കണക്കിലെടുത്ത് വാഹനാപകടത്തില്‍പ്പെടുന്നവര്‍ക്ക് അത്യാവശ്യ ചികിത്സ ലഭ്യമാക്കുന്ന ആക്സിഡന്റ് & ട്രോമാകെയര്‍ സംവിധാനം പ്രസ്തുത ആരോഗ്യകേന്ദ്രത്തിന് ഏര്‍പ്പെടുത്താന്‍ കഴിയുമോ ; വിശദമാക്കാമോ?

കാേതമംഗലം മണ്ഡലത്തിലെ കുടുംബാരാേഗ്യ കേന്ദ്രങ്ങളുടെ പ്രവര്‍ത്തനം കാര്യക്ഷമമാക്കുന്നതിനായി കൂടുതല്‍ ജീവനക്കാരുടെ തസ്തിക സൃഷ്ടിക്കുന്നതിന് നടപടി സ്വീകരിക്കുമാേയെന്ന് അറിയിക്കാമോ;

ഏതെല്ലാം കുടുംബാരാേഗ്യ കേന്ദ്രങ്ങളിലാണ് പുതിയ തസ്തികള്‍ സൃഷ്ടിച്ചിട്ടുള്ളതെന്ന് വ്യക്തമാക്കാമോ;

പ്രസ്തുത കേന്ദ്രങ്ങളില്‍ ജീവനക്കാരുടെ സമയബന്ധിതമായ സേവനം ഉറപ്പുവരുത്തുമാേ; വ്യക്തമാക്കുമാേ?

കണ്ണൂര്‍ സര്‍ക്കാര്‍ മെഡിക്കല്‍ കോളേജില്‍ ഫാര്‍മസി ബിരുദാനന്തര കോഴ്സുകളായ എം.ഫാം. ഫാര്‍മസി പ്രാക്ടീസ്, എം.ഫാം. ഫാര്‍മസ്യൂട്ടിക്കല്‍ കെമിസ്ട്രി എന്നീ കോഴ്സുകള്‍ ആരംഭിക്കുന്നതിനായി സമര്‍പ്പിച്ച പ്രൊപ്പോസലില്‍ എന്തൊക്കെ നടപടികളാണ് സ്വീകരിച്ചിട്ടുള്ളത്;

പ്രസ്തുത കോഴ്സുകള്‍ ആരംഭിക്കാനുള്ള ഫാക്കല്‍റ്റികള്‍ നിലവിലുണ്ടെന്നിരിക്കെ, സര്‍ക്കാരിന് അധികബാധ്യത ഇല്ലാതെ തന്നെ കൂടുതല്‍ വിദ്യാര്‍ത്ഥികള്‍ക്ക് ഗുണകരമാകുമെന്ന കോഴ്സുകള്‍ ആരംഭിക്കുന്നതിനു സത്വര നടപടി സ്വീകരിക്കുമോ; വിശദാംശം ലഭ്യമാക്കാമോ?

മഞ്ചേശ്വരം മണ്ഡലത്തിലെ മൊഗ്രാൽ ഗവ. യുനാനി ആശുപത്രിക്ക് കെട്ടിടം നിർമ്മിക്കുന്നതിന് റവന്യൂ വകുപ്പിന്റെ ഭൂമി ലഭ്യമാക്കുന്ന നടപടി നിലവിൽ ഏത് ഘട്ടത്തിലാണെന്ന് വ്യക്തമാക്കുമോ; വിശദമാക്കുമോ?

2022-23 ബജറ്റില്‍ അനുവദിച്ച ചെറിയകൊണ്ണി ആയുര്‍വേദാശുപത്രി കെട്ടിടത്തിന്റെ നിര്‍മ്മാണത്തിനുള്ള ഭരണാനുമതി കാലതാമസം കൂടാതെ നല്‍കുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ?

മഞ്ചേശ്വരം താലൂക്കിൽ താലൂക്ക് ആയുർവേദ ആശുപത്രി ആരംഭിക്കുന്നത് സർക്കാരിന്റെ പരിഗണനയിലുണ്ടോ; വിശദ വിവരങ്ങൾ ലഭ്യമാക്കുമോ?

കുളത്തൂര്‍ ഗ്രാമപഞ്ചായത്തിലെ മാവിളകടവില്‍ പ്രവര്‍ത്തിക്കുന്ന ഗവ. ആയുര്‍വേദ ആശുപത്രിയില്‍ രോഗികളെ കിടത്തി ചികിത്സിക്കുന്നതിനുവേണ്ടിയുളള നടപടി സ്വീകരിച്ചിട്ടുണ്ടോയെന്ന് വിശദമാക്കാമോ?

കരിയർ അഡ്വാൻസ്‍മെന്റ് സ്കീമിന്റെ പ്രയോജനം ആയുർവേദ മെഡിക്കൽ ഓഫീസർമാർക്ക് ലഭിക്കുന്നില്ല എന്നത് സംബന്ധിച്ച പരാതി ശ്രദ്ധയിൽപ്പെട്ടിട്ടുണ്ടോ;വ്യക്തമാക്കാമോ;

ആരോഗ്യ മെഡിക്കൽ ഓഫീസർമാർക്ക് കരിയർ അഡ്വാൻസ്‍മെൻറ് സ്കീമിന്റേയും ടൈം ബൗണ്ട് ഹയർ ഗ്രേഡി(TBHG)ന്റെയും പ്രയോജനം ലഭിക്കുമ്പോൾ, ആയുർവേദ മെഡിക്കൽ ഓഫീസർമാർക്ക് നിലവിലെ രീതിയിൽ കരിയർ അഡ്വാൻസ്‍മെൻറ് സ്കീം നടപ്പാക്കുന്നത് കൊണ്ട് പ്രത്യേകിച്ച് പ്രയോജനം ലഭിക്കുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദാംശം നല്‍കുമോ;

എന്‍ട്രിലെവല്‍ പാരിറ്റി നിലനിന്നിരുന്ന എന്‍ജിനീയര്‍ പോലുള്ള സമാന പ്രൊഫഷണല്‍ തസ്തികകളില്‍ ഉള്ളവര്‍ക്ക് പോലും ടൈം ബൗണ്ട് ഹയർ ഗ്രേഡി(TBHG)ന്റെയും കരിയർ അഡ്വാൻസ്‍മെൻറ് സ്കീമിന്റേയും പ്രയോജനത്താല്‍ ആയുര്‍വേദ മെഡിക്കല്‍ ഓഫീസര്‍മാരേക്കാള്‍ ഉയര്‍ന്ന വേതനം ലഭിക്കുന്ന സാഹചര്യം വിലയിരുത്തിയിട്ടുണ്ടോ; ഇത് സംബന്ധിച്ച് ഈ വിഭാഗത്തിനുണ്ടായ നഷ്ടം നികത്തുന്നതിന് നിലവിലുള്ള കരിയർ അഡ്വാൻസ്‍മെൻറ് സ്കീം കണക്കാക്കുന്ന രീതിയില്‍ ആവശ്യമായ പരിഷ്കരണം വരുത്തുവാന്‍ തയ്യാറാകുമോ; വിശദാംശം നല്‍കുമോ?

ഈ സര്‍ക്കാര്‍ ആയുഷ് മേഖലയില്‍ നടത്തിവരുന്ന പ്രവര്‍ത്തനങ്ങള്‍ അവലോകനം ചെയ്തിട്ടുണ്ടോ; എങ്കില്‍ വിശദമാക്കുമോ;

ആയുഷ് മേഖലയിലെ കേരളത്തിന്റെ മുന്നേറ്റം നീതി ആയോഗിന്റെ അഭിനന്ദനത്തിന് അര്‍ഹമായിട്ടുണ്ടോ; വ്യക്തമാക്കുമോ;

പ്രസ്തുത മേഖലയുടെ വികസനത്തിനായി ഈ സര്‍ക്കാര്‍ എത്ര തുക ഇതിനകം അനുവദിച്ചിട്ടുണ്ടെന്ന് അറിയിക്കുമോ;

ഇതിന്റെ ഭാഗമായി ആയുര്‍വേദ-ഹോമിയോ ചികിത്സാ സംവിധാനം ശക്തിപ്പെടുത്തുന്നതിനായി സൃഷ്ടിക്കപ്പെട്ട തസ്തികകള്‍ എത്രയാണെന്ന് വ്യക്തമാക്കുമോ;

സഹകരണ-ടൂറിസം മേഖലകളിലേയ്ക്ക് ആയുഷ് ചികിത്സാലയങ്ങള്‍ ആരംഭിക്കാൻ നടപടി സ്വീകരിക്കുമോ; വ്യക്തമാക്കുമോ;

വര്‍ക്കലയിലെ ഗവണ്‍മെന്റ് പ്രകൃതി ചികിത്സാ ആശുപത്രിയെ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിനായി ആസൂത്രണം ചെയ്തുവരുന്ന പദ്ധതികൾ എന്തെല്ലാമാണെന്ന് വിവരിക്കുമോ?

സംസ്ഥാനത്ത് നാഷണല്‍ ആയുഷ് മിഷന്റെ കീഴില്‍ പ്രവര്‍ത്തിക്കുന്ന എത്ര സിദ്ധ ക്ലിനിക്കുകളുണ്ട്;വ്യക്തമാക്കാമോ;

ആലപ്പുഴ ജില്ലയില്‍ എത്ര സിദ്ധ ക്ലിനിക്കുകള്‍ പ്രവര്‍ത്തിക്കുന്നുണ്ടെന്നും ഏതെല്ലാം സ്ഥലങ്ങളിലാണെന്നും വ്യക്തമാക്കുമോ;

തദ്ദേശ സ്വയംഭരണ സ്ഥാപനങ്ങള്‍ സ്ഥലം ലഭ്യമാക്കുന്ന പക്ഷം പുതിയ സിദ്ധ ക്ലിനിക്കുകള്‍ ആരംഭിക്കാന്‍ നടപടി സ്വീകരിക്കുമോ; വിശദാംശം ലഭ്യമാക്കുമോ?

ജിമ്മുകളിലെ അനധികൃത മരുന്നുകൾ കണ്ടെത്തുന്നതിനും അവയുടെ ദുരുപയോഗം തടയുന്നതിനുമായി ഡ്രഗ്സ് കൺട്രോൾ വകുപ്പ് പരിശോധന നടത്തിയിട്ടുണ്ടോ; വിശദമാക്കാമോ;

ജിമ്മുകൾ കേന്ദ്രീകരിച്ച് ഉത്തേജക മരുന്നുകൾ അനധികൃതമായി ഉപഭോക്താക്കൾക്ക് നൽകി വരുന്നതായി ശ്രദ്ധയില്‍പെട്ടിട്ടുണ്ടോ; ഉണ്ടെങ്കിൽ ആയത് തടയുവാന്‍ സ്വീകരിച്ച നടപടികള്‍ വ്യക്തമാക്കാമോ;

യുവജനങ്ങളിൽ ഇത്തരത്തിലുള്ള മരുന്നുകളുടെ ദൂഷ്യഫലങ്ങളെപ്പറ്റി ബോധവത്ക്കരണം നൽകുന്നതിനായി ക്ലാസുകൾ നടത്താൻ വകുപ്പ് തീരുമാനമെടുത്തിട്ടുണ്ടോ ;വിശദമാക്കാമോ?

സംസ്ഥാനത്ത് ആശുപത്രികളില്‍ ഉപയോഗിക്കുന്ന മരുന്നുകളുടെ ഗുണനിലവാരം പരിശോധിക്കുന്നതിന് സ്വീകരിച്ചിരിക്കുന്ന നടപടികള്‍ വ്യക്തമാക്കാമോ;

മുൻ സർക്കാരിന്റെ കാലം മുതൽ നാളിതുവരെ ഓരോ വർഷവും ഡ്രഗ്സ് കൺട്രോൾ വകുപ്പ് റാൻഡം സാംപ്ലിങ്ങ് മുഖേന എത്ര മരുന്നുകൾ ടെസ്റ്റ് ചെയ്തിട്ടുണ്ട്; എത്ര മരുന്നുകൾ ഗുണനിലവാരം പാലിക്കുന്നില്ല എന്നു കണ്ടെത്തിയിട്ടുണ്ട്; ഏതൊക്കെ കമ്പനികളുടെ ഏതൊക്കെ മരുന്നുകളാണ് ഗുണനിലവാരം പാലിക്കാത്തതായി കണ്ടെത്തിയത്; ഇതിൽ സർക്കാർ കമ്പനികൾ ഉൾപ്പെടുന്നുണ്ടോ; പ്രസ്തുത മരുന്ന് നിർമ്മാതാക്കൾക്കെതിരെ നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശം വർഷം തിരിച്ചു ലഭ്യമാക്കുമോ?

ഈ സർക്കാർ വന്നശേഷം വനിതാ വികസന കോർപ്പറേഷൻ പുതുതായി നടപ്പിലാക്കിയ പദ്ധതികൾ എന്തെല്ലാമാണെന്ന് വിശദമാക്കാമോ;

2025 ഫെബ്രുവരി മാസം തിരുവനന്തപുരത്ത് നടത്തിയ വനിതാ സംരംഭക പ്രദർശന വിപണന മേളയ്‌ക്കായി എത്ര തുക ചെലവഴിച്ചു എന്നത് സംബന്ധിച്ച വിവരം ലഭ്യമാക്കാമോ;

പ്രസ്തുത മേളയിൽ വനിതകൾ പുതുതായി എത്ര പദ്ധതികൾ അവതരിപ്പിച്ചുവെന്ന് വിശദമാക്കാമോ;

വനിതാ വികസന കോർപ്പറേഷനിലെ സ്ഥിരം ജീവനക്കാരുടെയും താൽക്കാലിക ജീവനക്കാരുടെയും എണ്ണം എത്ര വീതമാണെന്ന് ജില്ല തിരിച്ച് അറിയിക്കാമോ?

മുൻ സർക്കാരിന്റെ കാലം മുതൽ നാളിതുവരെ വനിത-ശിശു വികസന വകുപ്പിൽ നടപ്പാക്കിയ വിവിധ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണ്; വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

മേൽപ്പറഞ്ഞ ഓരോ ക്രമക്കേട് സംബന്ധിച്ചും വകുപ്പ് തലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശങ്ങൾ വ്യക്തമാക്കുമോ?

മാവേലിക്കര മണ്ഡലത്തില്‍ എത്ര അങ്കണവാടികളാണ് നിലവിലുള്ളത്; അവയില്‍ സ്വന്തമായി സ്ഥലവും കെട്ടിടവും ഇല്ലാത്ത അങ്കണവാടികള്‍ ഏതൊക്കെയെന്ന് വിശദമാക്കാമോ?

മണലൂർ മണ്ഡലത്തിൽ സ്വന്തമായി കെട്ടിടമില്ലാത്ത എത്ര അങ്കണവാടികൾ പ്രവർത്തിക്കുന്നുണ്ടെന്ന് അറിയിക്കാമോ; വിശദമാക്കാമോ;

അവയ്ക്ക് സ്വന്തമായി കെട്ടിടം നിർമ്മിക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കാമോ;

ഈ സർക്കാരിന്റെ കാലത്ത് മണലൂർ മണ്ഡലത്തിൽ ഏതെല്ലാം അങ്കണവാടികൾ നവീകരിച്ചിട്ടുണ്ടെന്ന് അറിയിക്കാമോ; വിശദാംശം നൽകാമോ?

ഐ.സി.ഡി.എസ്. സൂപ്പർവൈസർമാരുടെയും, വകുപ്പിലെ മറ്റ് ഫീൽഡ് വിഭാഗം ഉദ്യോഗസ്ഥരുടെയും ജോലി ഭാരം ഉൾപ്പെടെയുള്ള വിഷയങ്ങൾ പഠിക്കുന്നതിനും, സമഗ്രമായ റിപ്പോർട്ടിനും പ്രശ്ന പരിഹാരങ്ങൾക്കുമായി വിരമിച്ച വനിതാ ജഡ്ജി ചെയർപേഴ്സൺ ആയ ഒരു കമ്മീഷനെ നിയമിക്കാൻ നടപടി സ്വീകരിക്കുമോയെന്ന് വ്യക്തമാക്കാമോ;

തദ്ദേശ സ്വയംഭരണ വകുപ്പ്, സാമൂഹ്യനീതി വകുപ്പ്, വനിതാ ശിശു വികസന വകുപ്പ് എന്നീ മൂന്ന് വകുപ്പുകളുടെ പദ്ധതി നിർവഹണ ഉദ്യോഗസ്ഥരായി ഐ.സി.ഡി.എസ്. സൂപ്പർവൈസർമാർ ജോലി ചെയ്യുന്നുണ്ട് എന്ന കാര്യം ഗൗരവത്തോടെ കാണുന്നുണ്ടോ;

പ്രസ്തുത അധിക ജോലിഭാരം മേൽ ജീവനക്കാരിൽ നിന്ന് ഒഴിവാക്കുന്നതിനും ത്രിതല പഞ്ചായത്ത് തല നിർവഹണ ഉദ്യോഗസ്ഥരായി സാമ്പത്തിക സ്ഥിതിവിവര കണക്ക് വകുപ്പിലെ സ്റ്റാറ്റിസ്റ്റിക്കൽ അസിസ്റ്റന്റ് ഗ്രേഡ് I/ഗ്രേഡ് II ജീവനക്കാരെ പകരം നിയമിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ;

അങ്കണവാടികളിലെ പ്രീസ്കൂൾ കുട്ടികൾ, ശിശുക്കൾ, കൗമാരക്കാർ എന്നിവരുടെ മാനസിക-ശാരീരിക-ആരോഗ്യ -വിദ്യാഭ്യാസ കാര്യങ്ങളിലും, ഗർഭിണികൾ, മുലയൂട്ടുന്ന അമ്മമാർ, സ്ത്രീകൾ എന്നിവർക്ക് നൽകുന്ന സേവനങ്ങളിലേക്കും ശ്രദ്ധകേന്ദ്രീകരിക്കുന്ന വിധം ഐ.സി.ഡി.എസ്. സൂപ്പർവൈസർമാരുടെ ചുമതലകളും ഉത്തരവാദിത്വങ്ങളും 'വനിതാ സൗഹൃദം' ആക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

ബാലുശ്ശേരി നിയോജകമണ്ഡലത്തില്‍ സ്വന്തമായി കെട്ടിടമില്ലാത്തതോ കെട്ടിടം അണ്‍ഫിറ്റായി ഉപയോഗപ്രദമല്ലാത്തതോ ആയ എത്ര അങ്കണവാടികളുണ്ട്; ഗ്രാമപഞ്ചായത്ത് തിരിച്ച് വിശദാംശങ്ങള്‍ ലഭ്യമാക്കാമോ;

ബാലുശ്ശേരി മണ്ഡലത്തില്‍ സ്വന്തമായി കെട്ടിടങ്ങള്‍ ഇല്ലാത്ത അങ്കണവാടികള്‍ക്ക് കെട്ടിടം നിര്‍മ്മിക്കുന്നതിനായി എന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കാമോ;

ബാലുശ്ശേരി മണ്ഡലത്തിലെ അങ്കണവാടികളിലെ നിലവിലെ കുട്ടികളുടെ എണ്ണം എത്രയാണെന്ന് ഗ്രാമപഞ്ചായത്തടിസ്ഥാനത്തില്‍ അങ്കണവാടി തിരിച്ച് ലഭ്യമാക്കാമോ?

ഐ.സി.ഡി.എസ്. സൂപ്പർവൈസർമാരുടെ ജോലി ഭാരം സംബന്ധിച്ച് 21.02.2025 , 22.02.2025, 23.02.2025 തീയതികളിലെ ഒരു പത്ര വാർത്താപരമ്പര സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിഷയങ്ങൾ പഠിച്ച് സമഗ്രമായ റിപ്പോർട്ട് സമർപ്പിക്കുന്നതിനും പ്രശ്നപരിഹാരങ്ങൾക്കുമായി വിരമിച്ച വനിതാ ജഡ്ജി ചെയർപേഴ്സൺ ആയ ഒരു കമ്മീഷനെ നിയമിക്കാൻ സർക്കാർ നടപടി സ്വീകരിക്കുമോയെന്ന് വ്യക്തമാക്കാമോ?

വനിത-ശിശുവികസന വകുപ്പിലുള്ള സ്ഥിരം ജീവനക്കാരുടെയും താൽക്കാലിക ജീവനക്കാരുടെയും എണ്ണം ജില്ലാടിസ്ഥാനത്തിൽ വിശദമാക്കാമോ;

ഈ സർക്കാർ അധികാരത്തിൽ വന്ന ശേഷം വകുപ്പ് നടപ്പിലാക്കിയ പുതിയ പദ്ധതികൾ ഏതൊക്കെയാണെന്ന് വിശദമാക്കാമോ;

ഈ സാമ്പത്തിക വർഷം വകുപ്പിന് കേന്ദ്രസർക്കാരിൽ നിന്ന് ലഭിച്ച ധനസഹായം എത്രയാണെന്ന് കണക്കുകൾ സഹിതം വ്യക്തമാക്കാമോ;

കേന്ദ്രസർക്കാരിൽ നിന്നും ലഭിച്ച ധനസഹായം ഉപയോഗിച്ച് നടപ്പിലാക്കിയ പദ്ധതികൾ ഏതൊക്കെയാണെന്ന് വിശദമാക്കാമോ?

പോഷൻ അഭിയാൻ പദ്ധതിയുടെ ഭാഗമായി 2019 മുതൽ 2025 വരെ കേന്ദ്ര വിഹിതമായി എത്ര തുക ലഭിച്ചുവെന്നും അതിൽ എത്ര തുക ചെലവഴിച്ചുവെന്നും സാമ്പത്തിക വർഷം തിരിച്ചു വ്യക്തമാക്കാമോ;

പ്രസ്തുത പദ്ധതിയുടെ ഭാഗമായി സംസ്ഥാനത്ത് ജോലി ചെയ്തു വരുന്ന 150 ൽ അധികം കരാർ ജീവനക്കാരുടെ ശമ്പളം എല്ലാ മാസവും വൈകുന്നതായി വ്യാപകമായ പരാതി നിലനിൽക്കുന്ന സാഹചര്യത്തിൽ എല്ലാ മാസവും അഞ്ചാം തീയതിക്ക് മുൻപായി പ്രസ്തുത ജീവനക്കാരുടെ ശമ്പളം മാറി നൽകുന്നതിന് നടപടി സ്വീകരിക്കുമോ; വ്യക്തമാക്കാമോ;

പ്രസ്തുത പദ്ധതിയുടെ സുഗമമായ നടത്തിപ്പിനായി 2025-2026 സാമ്പത്തിക വർഷത്തെ കേന്ദ്ര വിഹിതം ലഭിക്കുന്നതിനുള്ള പ്രൊപ്പോസൽ കേന്ദ്ര വനിതാ ശിശു വികസന മന്ത്രാലയത്തിന് സമർപ്പിച്ചിട്ടുണ്ടോ; വ്യക്തമാക്കാമോ;

പ്രസ്തുത പദ്ധതിയുടെ ഭാഗമായ പോഷൻ ട്രാക്കർ ആപ്ലിക്കേഷൻ സോഫ്റ്റ്‌വെയറിലെ മൊഡ്യൂളുകൾ സംസ്ഥാനത്തെ സാഹചര്യങ്ങൾക്കനുസരിച്ച് പരിഷ്കരിക്കുന്നതിന് കേന്ദ്രസർക്കാരിൽ പ്രൊപ്പോസൽ നൽകുമോ; വ്യക്തമാക്കാമോ?

ഈ സര്‍ക്കാരിന്റെ കാലത്ത് വനിത-ശിശുവികസന വകുപ്പ് മുഖേന പയ്യന്നൂര്‍ മണ്ഡലത്തില്‍ അനുവദിച്ച പദ്ധതികള്‍ ഏതാെക്കെയാണെന്നും ഓരോന്നിന്റെ തുകയും നിലവിലെ സ്ഥിതിയും വിശദമാക്കാമാേ?

അങ്കണവാടി ജീവനക്കാർക്ക് നൽകാനുള്ള പെൻഷൻ അതതു മാസം നൽകാൻ നടപടികൾ സ്വീകരിക്കുമോ; വിശദമാക്കുമോ?

കുട്ടികളെ ദത്തെടുക്കുന്നതിനായി നിലവിലുള്ള മാര്‍ഗ്ഗ നിര്‍ദ്ദേശങ്ങളും നിബന്ധനകളും നടപടിക്രമങ്ങളും എന്തെല്ലാമെന്ന് വിശദമാക്കാമാേ;

ഇതിനായി രജിസ്റ്റര്‍ ചെയ്യേണ്ട അതാേറിറ്റികള്‍ ഏതെല്ലാമെന്ന് വ്യക്തമാക്കാമാേ;

കുട്ടികളെ ദത്തെടുക്കുന്നതിനായി രജിസ്റ്റര്‍ ചെയ്യുന്ന ദമ്പതികള്‍ക്ക് പ്രായപരിധി നിശ്ചയിച്ചിട്ടുണ്ടാേ; വിശദമാക്കാമോ;

23.06.2014 -ൽ സെന്‍ട്രല്‍ അഡാേപ്ഷന്‍ റിസാേഴ്സ് അതാേറിറ്റിയില്‍ രജിസ്റ്റര്‍ ചെയ്തിട്ടുള്ള വെെപ്പിൻ മണ്ഡലത്തിലെ എളങ്കുന്നപ്പുഴ, വാര്‍ഡ് 7, സ്കന്ദ നിവാസിലെ പി.ജി വേണുഗാേപാല്‍, പി.ഗീതാകുമാരി ദമ്പതികള്‍ക്ക് നാളിതുവരെ കുട്ടികളെ ദത്ത് ലഭിക്കാത്തതിന്റെ കാരണം വിശദമാക്കാമാേ?

ഭക്ഷണത്തിന്റെയും മറ്റ് സൗകര്യങ്ങളുടെയും നിലവാരം വിലയിരുത്തി ഹോട്ടലുകൾക്ക് സ്റ്റാർ റേറ്റിംഗ് നൽകാൻ ആലോചനയുണ്ടോ; വ്യക്തമാക്കുമോ;

എങ്കില്‍ പ്രസ്തുത ചുമതല ആരെ ഏൽപ്പിക്കാനാണ് ഉദ്ദേശിക്കുന്നത്; വിശദാംശം ലഭ്യമാക്കുമോ?

കയ്പമംഗലം മണ്ഡലത്തിലെ ഹോട്ടലുകളിൽ നിന്നും ഭക്ഷ്യവിഷബാധ ഉണ്ടാകാതിരിക്കാന്‍ എന്തെല്ലാം നടപടികളാണ് സ്വീകരിച്ചിരിക്കുന്നത്; വിശദമാക്കുമോ;

ഹോട്ടലുകളിൽ ആഹാരം പാർസൽ ചെയ്യുന്നതിനായി പ്ലാസ്റ്റിക് കവറുകള്‍ക്ക് പകരം അലുമിനിയം ഫോയിൽ ഉപയോഗിക്കുന്നത് നടപ്പിലാക്കാന്‍ എന്തെല്ലാം നടപടികളാണ് വകുപ്പ് സ്വീകരിച്ചിരിക്കുന്നത്?

ഭക്ഷ്യസുരക്ഷയുമായി ബന്ധപ്പെട്ട് വകുപ്പ് സംസ്ഥാനത്ത് നടത്തുന്ന പരിശോധനകളിൽ ഉദ്യോഗസ്ഥക്ഷാമം മൂലം കുറവ് വന്നിട്ടുണ്ടോ; മതിയായ ഉദ്യോഗസ്ഥരുടെ സേവനം ലഭ്യമാണോ; വിശദമാക്കുമോ;

മെഡിക്കൽ പരിശോധന നടത്തി ഹെൽത്ത് സർട്ടിഫിക്കറ്റ് ലഭിച്ച ജീവനക്കാരെയാണ് ഹോട്ടൽ ജോലിക്ക് നിയോഗിക്കുന്നതെന്ന് ഉറപ്പാക്കാൻ നിലവിൽ വകുപ്പ് എന്തൊക്കെ നടപടികളാണ് സ്വീകരിക്കുന്നത്; വിശദമാക്കുമോ;

വിനോദസഞ്ചാരമേഖലയിലും മറ്റും വൈകുന്നേരം മാത്രം പ്രവർത്തിക്കുന്ന ആഹാരവിൽപ്പന കേന്ദ്രങ്ങളിൽ മതിയായ പരിശോധനകൾ നടത്തുന്നുണ്ടോ; വിശദമാക്കുമോ?