മുൻ വർഷങ്ങളെ അപേക്ഷിച്ച് സർക്കാർ സ്കൂളുകളിൽ വിവിധ ക്ലാസുകളിൽ ചേരുന്ന കുട്ടികളുടെ എണ്ണം കുറഞ്ഞുവരുന്നത് പരിശോധിച്ചിട്ടുണ്ടോ; എങ്കിൽ ഇതിന്റെ കാരണം വിശദമാക്കാമോ?

സംസ്ഥാനത്തെ സ്കൂളുകളുടെ കളിസ്ഥലങ്ങളും ഓഡിറ്റോറിയങ്ങളും സ്കൂള്‍ പ്രവര്‍ത്തനങ്ങളെ ബാധിക്കാത്ത വിധത്തില്‍ പൊതുപരിപാടികള്‍ക്ക് വിട്ടുകൊടുക്കുന്നതിന് അനുവാദം നല്‍കുമോയെന്ന് വ്യക്തമാക്കാമോ;

ഇത്തരത്തില്‍ വിട്ടുനല്‍കുന്നതിന് എന്തൊക്കെ തടസ്സങ്ങളുണ്ടെന്ന് വിശദമാക്കുമോ?

2023-24, 2024-25 അധ്യയന വർഷങ്ങളിൽ ആധാറിൽ ഉണ്ടായ തെറ്റുകളും മറ്റ് കാരണങ്ങളാലും യു.ഐ.ഡി ഇൻവാലിഡ് ആയിട്ടുള്ള എത്ര വിദ്യാർത്ഥികൾ സംസ്ഥാനത്തെ പൊതുവിദ്യാലയങ്ങളിൽ ഉണ്ടായിരുന്നു എന്ന വിവരം ജില്ല, വിദ്യാലയം, ക്ലാസ് എന്നിവ തിരിച്ച് ലഭ്യമാക്കാമോ;

പ്രസ്തുത അധ്യയന വർഷങ്ങളിൽ യു.ഐ.ഡി ഇൻവാലിഡ് ആയിട്ടുള്ള വിദ്യാർത്ഥികൾക്ക് ലഭ്യമാകേണ്ടിയിരുന്ന ആനുകൂല്യങ്ങൾ ലഭ്യമാക്കിയിരുന്നോ എന്ന് അറിയിക്കാമോ;

യു.ഐ.ഡി ഇൻവാലിഡ് ആയിട്ടുള്ള വിദ്യാർത്ഥികൾക്ക് മറ്റ് കുട്ടികൾക്കുള്ള എല്ലാ ആനുകൂല്യങ്ങളും നൽകിയിട്ടുണ്ടെങ്കിൽ ഡിവിഷൻ നിര്‍ണയിക്കുന്നതിനും നിയമനാംഗീകാരത്തിനും പ്രസ്തുത കുട്ടികളുടെ എണ്ണം കണക്കാക്കിയിരുന്നോ എന്ന് വ്യക്തമാക്കാമോ;

ഡിവിഷൻ നിര്‍ണയിക്കുന്നതിലും നിയമനാംഗീകാരത്തിനും യു.ഐ.ഡി ഇൻവാലിഡ് ആയിട്ടുള്ള കുട്ടികളുടെ എണ്ണം പരിഗണിച്ചിട്ടില്ലെങ്കിൽ അക്കാരണത്താൽ ഡിവിഷൻ നഷ്ടവും തസ്തിക നഷ്ടവും സംഭവിച്ച വിദ്യാലയങ്ങളുടെയും നഷ്ടപ്പെട്ട ഡിവിഷനുകളുടെയും തസ്തികകളുടെയും വിശദവിവരങ്ങൾ ജില്ല തിരിച്ച് ലഭ്യമാക്കാമോ;

സമ്പൂർണ സോഫ്റ്റ്‌വെയറിൽ ആധാർ നമ്പറും പേരും നൽകുമ്പോൾ ഉണ്ടായിട്ടുള്ള തെറ്റുകൾ തിരുത്താനുള്ള അവസരം മേൽപ്പറഞ്ഞ അധ്യയന വർഷങ്ങളിൽ നൽകിയിരുന്നുവോ എന്ന് വ്യക്തമാക്കാമോ;

പ്രസ്തുത അധ്യയന വർഷങ്ങളിലെ യു.ഐ.ഡി ഇൻവാലിഡ് ആയിട്ടുള്ള വിദ്യാർത്ഥികളുടെ വിവരം സമ്പൂർണ്ണ സോഫ്റ്റ്‌വെയറിൽ നൽകിയപ്പോൾ സംഭവിച്ച അപാകത തിരുത്തുന്നതിനുള്ള അവസരം നൽകി പ്രസ്തുത കുട്ടികളുടെ എണ്ണം കൂടി കണക്കാക്കി റീ-ഫിക്സേഷൻ നടത്തി അധ്യാപകരുടെ തസ്തിക നഷ്ടം നികത്തുകയും നിയമനാംഗീകാരം നൽകുകയും ചെയ്യുമോയെന്ന് അറിയിക്കാമോ?

സംസ്ഥാനത്തെ വിവിധ സ്കൂളുകളില്‍ വിവിധ പദ്ധതികളില്‍ ഉള്‍പ്പെടുത്തി ലഭ്യമാക്കിയ കംപ്യൂട്ടര്‍ ഉപകരണങ്ങള്‍ ഉപയോഗശൂന്യമായത് ശ്രദ്ധയില്‍പ്പെട്ടിട്ടുണ്ടോ;

കംപ്യൂട്ടര്‍ ഇല്ലാതെ കുട്ടികളുടെ പഠനം മുടങ്ങുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

സര്‍ക്കാര്‍, എയ്ഡഡ് സ്കൂളുകളില്‍ കഴിഞ്ഞ 5 വര്‍ഷത്തിനിടയില്‍ സര്‍ക്കാരിന്റെ വിവിധ പദ്ധതികള്‍, എം.എല്‍.എ. ഫണ്ട്, എം.പി. ഫണ്ട്, സന്നദ്ധ സംഘടനകള്‍, പി.ടി.എ. എന്നിവ വഴി ഓരോ സ്കൂളിലും എത്ര കംപ്യൂട്ടറുകള്‍, ലാപ്ടോപുകള്‍ ലഭിച്ചിട്ടുണ്ടെന്നും അതില്‍ എത്രയെണ്ണം പ്രവര്‍ത്തിക്കുന്നുണ്ടെന്നും വിശദമാക്കാമോ; വിശദമായ കണക്ക് പട്ടിക തിരിച്ച് നല്‍കാമോ;

ഇത്തരത്തില്‍ ലഭിച്ച കംപ്യൂട്ടറുകളുടെയും ലാപ്ടോപ്പുകളുടെയും വാര്‍ഷിക പരിപാലനം ഏതെങ്കിലും ഏജന്‍സിയെ ഏല്‍പ്പിച്ചിട്ടുണ്ടോ; ഉണ്ടെങ്കില്‍ ആരെയാണ് ഏല്‍പ്പിച്ചിരിക്കുന്നതെന്നും അവരുടെ പ്രവര്‍ത്തനം എങ്ങനെയാണെന്നും വിശദമാക്കാമോ?

സാമ്പത്തിക പ്രതിസന്ധിയെ തുടർന്ന് 2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറവ് വരുത്താനുള്ള സർക്കാർ തീരുമാനത്തെ തുടർന്ന് പൊതുവിദ്യാഭ്യാസ വകുപ്പിലെ പദ്ധതികൾ മുൻഗണന അടിസ്ഥാനത്തിൽ പുനർ ക്രമീകരിച്ചത് പ്രകാരം ചെലവഴിക്കേണ്ട പദ്ധതി വിഹിതം എത്രയാണ്; നാളിതുവരെ എത്ര ചെലവഴിച്ചു ;ഇത് ബജറ്റിൽ വകുപ്പിനായി വകയിരുത്തിയ ആകെ പദ്ധതി വിഹിതത്തിന്റെ എത്ര ശതമാനമാണ് വ്യക്തമാക്കുമോ?

കഴിഞ്ഞ സർക്കാർ അധികാരത്തിൽ വരുമ്പോൾ സംസ്ഥാനത്ത് ബൗദ്ധിക വെല്ലുവിളി നേരിടുന്നവർക്കായി വിദ്യാഭ്യാസ വകുപ്പിന്റെ കീഴിൽ എത്ര സ്പെഷ്യൽ സ്കൂളുകൾ പ്രവർത്തിക്കുന്നുണ്ടായിരുന്നു എന്നത് സംബന്ധിച്ച വിശദാംശം ജില്ല തിരിച്ച് വ്യക്തമാക്കുമോ;

കഴിഞ്ഞ സർക്കാരിന്റെ കാലം മുതൽ നാളിതുവരെ എത്ര സ്പെഷ്യൽ സ്കൂളുകൾ അടച്ചുപൂട്ടിയെന്നും ആയവയുടെ പേരുവിവരം ഉൾപ്പെടെയുള്ള വിശദാംശവും ജില്ലതിരിച്ച് വ്യക്തമാക്കുമോ?

പ്ലസ് വൺ, പ്ലസ് ടു വിദ്യാർത്ഥികളെ ഒരുമിച്ച് ഇരുത്തി ഹയർസെക്കൻഡറി മാതൃക പരീക്ഷ നടത്തിയതിനെതിരെ ഉയർന്നിട്ടുള്ള ആക്ഷേപങ്ങൾ ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ;

മുൻ വർഷത്തേതിൽ നിന്ന് വ്യത്യസ്തമായി ഇപ്രകാരം ടൈംടേബിൾ ക്രമീകരിച്ചത് എന്ത് അടിസ്ഥാനത്തിലാണ്; ഇക്കാര്യത്തിൽ വീഴ്ച വരുത്തിയവർക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ; പൊതുപരീക്ഷയ്ക്ക് കുട്ടികളെ തയ്യാറാക്കുന്ന മാതൃകാ പരീക്ഷകൾ ഗൗരവത്തോടെ നടത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

ഈ സർക്കാരിന്റെ കാലത്ത് മലമ്പുഴ മണ്ഡലത്തിലെ ഏതെല്ലാം സ്കൂളുകളുടെ ഭൗതിക സാഹചര്യം മെച്ചപ്പെടുത്തുന്നതിനാണ് വിദ്യാഭ്യാസ വകുപ്പ് പ്ലാന്‍ ഫണ്ട് അനുവദിച്ചിട്ടുള്ളതെന്ന് തുക സഹിതം അറിയിക്കാമാേ?

ഹാജര്‍ കുറവ് മാപ്പാക്കി ഹയര്‍ സെക്കന്ററി ഒന്നാം വര്‍ഷ / രണ്ടാം വര്‍ഷ പരീക്ഷ എഴുതുവാനുള്ള പ്രത്യേക അനുമതി നല്‍കാറുണ്ടോ; ഉണ്ടെങ്കില്‍ ഏതൊക്കെ സാഹചര്യങ്ങളിലാണ് പ്രത്യേക അനുമതി നല്‍കുന്നതെന്ന് വെളിപ്പെടുത്തുമോ;

ഒന്നാം വര്‍ഷ പരീക്ഷ എഴുതുവാന്‍ പ്രത്യേക അനുമതി ലഭിച്ചവര്‍ക്ക് രണ്ടാം വര്‍ഷം‍ പ്രത്യേക അനുമതി നല്‍കുന്നതിന് ‍ എന്തെങ്കിലും തടസ്സമുണ്ടോ എന്ന് അറിയിക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം എത്ര വിദ്യാര്‍ത്ഥികള്‍ക്ക് ഒന്നാം വര്‍ഷ / രണ്ടാം വര്‍ഷ പരീക്ഷ എഴുതുന്നതിന് പ്രത്യേക അനുമതി നല്‍കിയിട്ടുണ്ട്; വിദ്യാര്‍ത്ഥികളുടെ പേരും സ്കൂളും ഉള്‍പ്പെടെയുള്ള വിശദാംശങ്ങള്‍ നല്‍കുമോ;

സര്‍ക്കാരില്‍ നിന്ന് പ്രത്യേക അനുമതി ലഭിച്ചിട്ടുള്ള ഏതെങ്കിലും വിദ്യാര്‍ത്ഥികള്‍ക്ക് അര്‍ഹതയില്ല എന്ന് പൊതുവിദ്യാഭ്യാസ ഡയറക്ടര്‍ (ഹയര്‍ സെക്കണ്ടറി വിഭാഗം) കണ്ടെത്തിയതിന്റെ അടിസ്ഥാനത്തില്‍ പരീക്ഷ എഴുതുവാന്‍ കഴിയാത്ത സാഹചര്യമുണ്ടായിട്ടുണ്ടോ; വിശദമാക്കുമോ;

മെഡിക്കല്‍ സര്‍ട്ടിഫിക്കറ്റിന്റെ അടിസ്ഥാനത്തില്‍ ഹാജര്‍ കുറവില്‍ ഇളവ് വരുത്തി പരീക്ഷ എഴുതുന്നതിന് പ്രത്യേക അനുമതി നല്‍കി സര്‍ക്കാര്‍ ഉത്തരവിറക്കിയിട്ടും പ്രസ്തുത ഉത്തരവില്‍ വ്യക്തത വരുത്തണമെന്ന് പൊതുവിദ്യാഭ്യാസ ഡയറക്ടര്‍ (ഹയര്‍ സെക്കണ്ടറി വിഭാഗം) ആവശ്യപ്പെടുന്ന പ്രവണത ശ്രദ്ധയില്‍പ്പെട്ടിട്ടുണ്ടോ;

ഈ അധ്യയന വര്‍ഷം എത്ര വിദ്യാര്‍ത്ഥികളുടെ പ്രത്യേക അനുമതി ഉത്തരവുകളിലാണ് പൊതുവിദ്യാഭ്യാസ ഡയറക്ടര്‍ (ഹയര്‍ സെക്കണ്ടറി വിഭാഗം) വ്യക്തത വരുത്തണമെന്ന് ആവശ്യപ്പെട്ടിട്ടുള്ളത്; വിശദമാക്കാമോ;

സര്‍ക്കാര്‍ ഉത്തരവില്‍ വ്യക്തത ആവശ്യപ്പെട്ട് അനാവശ്യമായ കാലതാമസം വരുത്തി വിദ്യാര്‍ത്ഥികള്‍ക്ക് പരീക്ഷ എഴുതുവാനുള്ള അവസരം നിഷേധിക്കുവാന്‍‍ ശ്രമിക്കുന്നവര്‍ക്കെതിരെ നടപടി സ്വീകരിക്കുമോയെന്ന് അറിയിക്കുമോ?

സംസ്ഥാനത്ത് വിദ്യാർത്ഥികളിൽ ലഹരി ഉപയോഗം കൂടിവരുന്ന സാഹചര്യത്തിൽ വിദ്യാർത്ഥികളുടെ മാനസികാരോഗ്യം മെച്ചപ്പെടുത്താനും തെറ്റായ സൗഹൃദങ്ങളിൽ പെടുന്നത് തടയാനും വിദ്യാഭ്യാസ വകുപ്പ് ആവിഷ്കരിച്ചു നടപ്പിലാക്കുന്ന പദ്ധതികൾ വ്യക്തമാക്കാമോ;

വിദ്യാർത്ഥികളിൽ കല, കായിക, സാംസ്‌കാരിക മേഖലകളിൽ അഭിരുചി വളർത്തിയെടുക്കുന്നതിലൂടെ അവരുടെ മാനസികാരോഗ്യം മെച്ചപ്പെടുത്താനും ലഹരി അടക്കമുള്ള കാര്യങ്ങളിലേക്ക് വഴിമാറിപോകുന്നത് തടയാനും സാധിക്കുമെന്നത് വസ്തുതയല്ലേ; വിശദമാക്കാമോ;

എങ്കിൽ വിദ്യാർത്ഥികളിൽ കലാകായിക-സാംസ്‌കാരിക മേഖലകളിൽ അഭിരുചി വളർത്തിയെടുക്കാൻ വകുപ്പ് സ്വീകരിക്കുന്ന നടപടികൾ വിശദമാക്കാമോ?

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി 100 വർഷത്തിലധികം പഴക്കമുള്ള സ്കൂൾ കെട്ടിടങ്ങളുടെ പുനരുദ്ധാരണത്തിന് ഫണ്ട് അനുവദിക്കുന്നുണ്ടോ; ഇതുമായി ബന്ധപ്പെട്ട സർക്കാർ ഉത്തരവിന്റെ പകർപ്പ് നൽകുമോ;

ഈ സർക്കാരിന്റെ കാലത്ത് ഇപ്രകാരം എത്ര സ്കൂൾ കെട്ടിടങ്ങൾ നിർമ്മിക്കുന്നതിന് ഫണ്ട് അനുവദിച്ചിട്ടുണ്ടെന്ന് നിയോജകമണ്ഡല അടിസ്ഥാനത്തിൽ വിവരങ്ങൾ നൽകുമോ;

പുതുപ്പള്ളി നിയോജക മണ്ഡലത്തിൽ ഇപ്രകാരം എത്ര സ്കൂളുകൾ ഉണ്ടെന്നും അവ ഏതൊക്കെയെന്നും ഇവയ്ക്ക് ഫണ്ട് അനുവദിച്ചിട്ടുണ്ടെങ്കിൽ ആയതിന്റെ വിവരങ്ങളും നൽകുമോ;

പുതുപ്പള്ളി സെന്റ് ആദായീസ് ഗവൺമെന്റ് എൽ.പി. സ്കൂളിലെ നിലവിലെ കെട്ടിടം ഉപയോഗശൂന്യമായെന്ന പൊതുമരാമത്ത് കെട്ടിട വിഭാഗത്തിന്റെ റിപ്പോര്‍ട്ട് ലഭിച്ചിട്ടുണ്ടോ; എങ്കിൽ പുതിയ കെട്ടിടം നിർമ്മിക്കുന്നതിന് ഫണ്ട് അനുവദിച്ചിട്ടുണ്ടോ; ഇത് സംബന്ധിച്ച അപേക്ഷയുടെ നിലവിലെ സ്ഥിതി അറിയിക്കുമോ?

കട്ടിപ്പാറയില്‍ എയ്ഡഡ് സ്‌കൂള്‍ അധ്യാപിക ശമ്പളം കിട്ടാത്തതിന്റെ മനോവിഷമത്തില്‍ ജീവനൊടുക്കിയത് ഗൗരവത്തോടെ കാണുന്നുണ്ടോ;

പ്രസ്തുത വിഷയത്തിൽ വിദ്യാഭ്യാസ വകുപ്പ് അന്വേഷണം നടത്തിയിട്ടുണ്ടോ; ഉണ്ടെങ്കിൽ അന്വേഷണത്തിന്റെ വിശദശാംശങ്ങൾ നൽകാമോ;

സംസ്ഥാനത്ത് സമാനമായ സംഭവങ്ങൾ ആവർത്തിക്കാതിരിക്കാൻ നടപടികൾ സ്വീകരിക്കുമോ എന്ന് വ്യക്തമാക്കുമോ?

പുതിയ പാഠ്യപദ്ധതി അനുസരിച്ച് പാഠപുസ്തകങ്ങൾ പരിഷ്ക്കരിച്ച വകയിൽ പാഠപുസ്തക രചനയിൽ പങ്കെടുത്ത എസ്.സി.ഇ.ആർ.ടി-യിലെ റിസർച്ച് ഓഫീസർ, അദ്ധ്യാപകർ, മറ്റു ജീവനക്കാർ എന്നിവർക്ക് ദിവസബത്ത, ട്രാവൽ അലവൻസ് എന്നിവ നല്‍കാനുണ്ടോ; എങ്കില്‍ ഈ ഇനങ്ങളില്‍ എത്ര രൂപയാണ് നൽകാനുള്ളതെന്ന് തസ്തിക തിരിച്ചുള്ള വിവരം ലഭ്യമാക്കാമോ;

2024-25 അക്കാദമിക വർഷം വരെ പൊതുവിദ്യാഭ്യാസ മേഖലയിലെ എൽ.പി, യു.പി. വിഭാഗം വിദ്യാർത്ഥികൾക്ക് എൽ.എസ്.എസ്, യു.എസ്.എസ്. തുടങ്ങിയ വിവിധ മത്സര പരീക്ഷകൾ വിജയിച്ച വകയിൽ എത്ര രൂപയാണ് സ്കോളർഷിപ്പ് തുകയായി വിതരണം ചെയ്യാൻ കുടിശ്ശികയായിരിക്കുന്നതെന്ന് അക്കാദമിക വർഷവും സ്കോളർഷിപ്പുകളും തിരിച്ച് വ്യക്തമാക്കുമോ;

2016-17 അക്കാദമിക വർഷം മുതൽ 2024-25 അക്കാദമിക വർഷം വരെ, പൊതുവിദ്യാഭ്യാസ മേഖലയിലെ ഹൈസ്കൂൾ, ഹയർസെക്കൻഡറി വിഭാഗം വിദ്യാർത്ഥികൾക്ക് സംസ്ഥാന സ്കൂൾ കലോത്സവം, സംസ്ഥാന സ്‌കൂൾ കായികമേള എന്നിവയിൽ പങ്കെടുത്ത് എ ഗ്രേഡും ആദ്യ സ്ഥാനങ്ങളും ലഭിച്ച വകയിൽ വിതരണം ചെയ്യാനുള്ള എത്ര രൂപയാണ് കുടിശ്ശികയായിരിക്കുന്നതെന്ന വിവരം കലോത്സവം, കായികമേള എന്നിവ തിരിച്ച് അക്കാദമിക വർഷ അടിസ്ഥാനത്തിൽ ലഭ്യമാക്കാമോ?

സംസ്ഥാനത്ത് പുതിയ വൊക്കേഷണല്‍ ഹയര്‍സെക്കണ്ടറി സ്കൂളുകള്‍ അനുവദിക്കുന്നത് പരിഗണനയിലുണ്ടോ;

എത്ര സ്കൂളുകളാണ് ഈ നിലയില്‍ ഉയര്‍ത്താന്‍ ഉദ്ദേശിക്കുന്നതെന്ന് ജില്ല തിരിച്ച് വിശദമാക്കുമോ?

സംസ്ഥാനത്ത് കാഴ്ചപരിമിതിയുള്ള കുട്ടികൾക്കായി എത്ര സ്കൂളുകളുണ്ടെന്ന് ജില്ല തിരിച്ച് വ്യക്തമാക്കാമോ;

ഈ സ്കൂളുകളിൽ പഠിക്കുന്ന കുട്ടികളുടെ എണ്ണം സ്കൂൾ തിരിച്ച് വ്യക്തമാക്കാമോ;

ഈ കുട്ടികൾക്ക് ഒരു ദിവസം ആഹാരത്തിന് അനുവദിച്ചിട്ടുള്ള തുക എത്രയാണെന്ന് വ്യക്തമാക്കാമോ;

കാസർഗോഡ് പ്രവർത്തിക്കുന്ന സ്കൂൾ ഫോർ ബ്ലൈൻഡിൽ ഈ വകയിൽ കുടിശിക ഉണ്ടോയെന്നും എങ്കിൽ എത്ര മാസത്തെ കുടിശികയാണുള്ളതെന്നും മറ്റു സ്കൂളുകളിലും ഇതേ അവസ്ഥയാണോയെന്നും വ്യക്തമാക്കാമോ?

മാനസിക വെല്ലുവിളി നേരിടുന്നവർക്ക് സവിശേഷ വിദ്യാഭ്യാസവും പരിശീലനവും നൽകുന്ന സ്പെഷ്യൽ സ്കൂളുകളുടെ ഉന്നമനത്തിന് സ്വീകരിച്ച നടപടികൾ വിശദമാക്കുമോ;

സ്പെഷ്യൽ സ്കൂളുകൾക്ക് 2023- 24 സാമ്പത്തിക വർഷത്തെ പാക്കേജ് വിതരണം ചെയ്യുന്നതിനായുളള ഉത്തരവിലെ അപാകതകൾ പരിഹരിക്കുന്നതിന് സ്വീകരിച്ച നടപടികള്‍ അറിയിക്കുമോ;

പ്രസ്തുത ഉത്തരവിലെ അപാകതകൾ പരിഹരിക്കുന്നതിന് 09.10.2023-ന് വിദ്യാഭ്യാസ മന്ത്രിയുടെ അധ്യക്ഷതയിൽ യോഗം ചേർന്ന് തീരുമാനിച്ച പ്രകാരം കോൺക്ലേവ് നടത്തുന്നതിന് നടപടി സ്വീകരിക്കാത്തതിന്റെ കാരണം വ്യക്തമാക്കാമോ;

2024- 25 വർഷത്തെ പാക്കേജിനുള്ള അപേക്ഷകൾ ക്ഷണിക്കാത്തതിന്റെ കാരണം വ്യക്തമാക്കാമോ;

സ്പെഷ്യല്‍ സ്കൂളിൽ റൈറ്റ് ഓഫ് പേഴ്സണ്‍സ് വിത്ത് ഡിസ്‍എബിലിറ്റീസ് രജിസ്ട്രേഷൻ ലഭിക്കണമെങ്കിൽ 18 വയസ്സിന് താഴെയുള്ള 20 കുട്ടികൾ വേണമെന്നുള്ള നിബന്ധന ഒഴിവാക്കാന്‍ നടപടി സ്വീകരിക്കുമോ; ഇക്കാരണത്താല്‍ കഴിഞ്ഞ വർഷം എത്ര സ്പെഷ്യല്‍ സ്കൂളുകള്‍ പ്രവർത്തനം അവസാനിപ്പിച്ചുവെന്ന് അറിയിക്കുമോ?

ഹയർ സെക്കണ്ടറി ഡയറക്ടറേറ്റിലും അനുബന്ധ ഓഫീസുകളിലും ഫയലുകൾ കൈകാര്യം ചെയ്യുന്നതിൽ വ്യാപകമായ ക്രമക്കേടുകളും കെടുകാര്യസ്ഥതയും നടക്കുന്നതായുളള ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

എയ്ഡഡ് ഹയർസെക്കണ്ടറി സ്കൂളുകളിലെ അധ്യാപക നിയമനം, അധ്യാപകരുടെ ആനുകൂല്യങ്ങൾ പാസ്സാക്കി നൽകൽ, മാനേജുമെന്റുകൾക്കുളള ഗ്രാന്റ് അനുവദിച്ചു നൽകൽ എന്നിവയ്ക്ക് വൻതോതിൽ കൈക്കൂലി ചോദിച്ചു വാങ്ങുന്നുവെന്ന ആക്ഷേപത്തിന്മേല്‍ അന്വേഷണം നടത്തിയിട്ടുണ്ടോയെന്ന് അറിയിക്കുമോ;

ഫയലുകൾ കൈകാര്യം ചെയ്യുന്നതിൽ വീഴ്ച വരുത്തിയ ഉദ്യോഗസ്ഥര്‍ക്കെതിരെ സ്വീകരിക്കുവാൻ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കുമോ?

വിദ്യാഭ്യാസ വകുപ്പില്‍ കാറ്റഗറി സംഘടനകള്‍ക്ക് അംഗീകാരം നല്‍കേണ്ടതില്ലെന്ന ഉത്തരവ് നിലവിലുണ്ടോ; നിലവിലുള്ള കാറ്റഗറി സംഘടനകളുടെ അംഗീകാരം റദ്ദാക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

കെ.ഇ.ആര്‍. അധ്യായം XIV C ചട്ടം 51 (a) നോട്ട് (2) ല്‍ വ്യക്തമാക്കുന്ന സംഘടനകളുടെ കാറ്റഗറി സംബന്ധമായ ചട്ടം ഭേദഗതി ചെയ്യുന്നതിന് നടപടികള്‍ ആരംഭിച്ചിട്ടുണ്ടോ എന്ന് വ്യക്തമാക്കുമോ, വിശദവിവരം നല്‍കുമോ;

11/11/2021-ലെ സ.ഉ.(പി) നം.20/2021/ജി.ഇ.ഡി.എന്‍ ഉത്തരവിന് ശേഷം സംഘടനകളുടെ റഫറണ്ടം സംബന്ധിച്ച പുതിയ ഉത്തരവുകള്‍ ഇറങ്ങിയിട്ടുണ്ടോ എന്ന് വ്യക്തമാക്കുമോ; എങ്കിൽ ഉത്തരവുകളുടെ പകര്‍പ്പ് ലഭ്യമാക്കുമോ?

ഫിക്സേഷൻ നടത്തിയപ്പോൾ ഇല്ലാതായ സംസ്ഥാനത്തെ ഹയർസെക്കൻഡറി ബാച്ചുകളുടെ എണ്ണം ജില്ല, സ്കൂൾ, കോഴ്‌സ് കോമ്പിനേഷൻ തിരിച്ച് ലഭ്യമാക്കാമോ;

25 കുട്ടികളിൽ കുറവുള്ള ഹയർസെക്കൻഡറി ബാച്ചുകളുടെ എണ്ണം ജില്ല, സ്കൂൾ, കോഴ്‌സ് കോമ്പിനേഷൻ തിരിച്ച് ലഭ്യമാക്കാമോ;

60-ലധികം വിദ്യാർഥികൾ പഠിക്കുന്ന ഹയർസെക്കൻഡറി ബാച്ചുകളുടെ വിവരം ഓരോ ബാച്ചിലും പഠിക്കുന്ന കുട്ടികളുടെ എണ്ണം ഉൾപ്പെടുത്തി ജില്ല, സ്കൂൾ തിരിച്ച് ലഭ്യമാക്കാമോ;

ഫിക്സേഷൻ നടത്തിയപ്പോൾ കുട്ടികളുടെ കുറവ് മൂലം ഇല്ലാതായ ബാച്ചുകൾ അപേക്ഷകരുടെ എണ്ണം കൂടുതലുണ്ടായിരുന്ന പ്രദേശങ്ങളിലെ വിദ്യാലയങ്ങളിലേക്ക് മാറ്റി അനുവദിക്കുമോയെന്ന് വ്യക്തമാക്കാമോ;

ഒരു ഹയർസെക്കൻഡറി ബാച്ചിൽ 60-ലധികം വിദ്യാർത്ഥികൾ പഠിക്കുന്ന സ്കൂളുകളിലേക്ക് കുട്ടികളുടെ കുറവ് മൂലം നിർത്തലാക്കുന്ന ബാച്ചുകൾ മാറ്റി അനുവദിച്ചുകൊണ്ട് ഓരോ ബാച്ചിലും കുട്ടികളുടെ എണ്ണം 50 ആക്കി നിജപ്പെടുത്താൻ കഴിയുമോ എന്ന് വ്യക്തമാക്കാമോ;

കുട്ടികളുടെ കുറവ് മൂലം ഹയർസെക്കൻഡറി ബാച്ചുകൾ ഇല്ലാതാകുമ്പോൾ ത്രോൺ ഔട്ട് ആകുന്ന അധ്യാപകരെ പുനർവിന്യസിക്കുന്നത് എങ്ങനെയാണെന്ന് വിശദമാക്കാമോ;

കുട്ടികളുടെ കുറവ് മൂലം ഹയർസെക്കൻഡറി ബാച്ച് നിർത്തലാക്കുമ്പോൾ തൊഴിൽ നഷ്ടം സംഭവിക്കുന്ന എയ്ഡഡ് ഹയർസെക്കൻഡറി സ്കൂൾ അധ്യാപകർക്ക് ജോലി സംരക്ഷണം നൽകുമോ?

ഈ സർക്കാരിന്റെ കാലത്ത് സംസ്ഥാനത്തെ സ്കൂളുകളിൽ എത്ര റാഗിംഗ് കേസുകൾ റിപ്പോർട്ട് ചെയ്യപ്പെട്ടിട്ടുണ്ട്; കണക്കുകള്‍ ലഭ്യമാക്കുമോ;

പൊതുവിദ്യാഭ്യാസ സംരക്ഷണ യജ്ഞം ആരംഭിച്ചിട്ടും റാഗിംഗ് മുക്തമാക്കാൻ കഴിയാത്തതിന്റെ കാരണം; റാഗിംഗ് ഇല്ലാതാക്കുവാൻ പൊതുവിദ്യാഭ്യാസ സംരക്ഷണ യജ്ഞത്തിൽ നാളിതുവരെ എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കുമോ;

സംസ്ഥാനത്തെ സ്കൂളുകളിൽ റാഗിംഗ് വിരുദ്ധ സെൽ ആരംഭിക്കുന്നത് പരിഗണനയിലുണ്ടോ; വിശദാംശം ലഭ്യമാക്കുമോ?

സംസ്ഥാനത്തെ പൊതു വിദ്യാഭ്യാസം ശക്തിപ്പെടുത്താൻ സ്വീകരിച്ച് വരുന്ന നടപടികൾ എന്തെല്ലാമെന്ന് വ്യക്തമാക്കുമോ;

പൊതു വിദ്യാഭ്യാസത്തിന്റെ മേന്മ വർദ്ധിപ്പിക്കുാൻ കരിക്കുലം യഥാസമയങ്ങളിൽ പരിഷ്കരിക്കുന്നതിന് സ്വീകരിക്കുന്ന നടപടികൾ എന്തെല്ലാമാണെന്ന് വ്യക്തമാക്കുമോ;

പൊതു വിദ്യാഭ്യാസമേഖലയുടെ സമഗ്ര വളർച്ചയ്ക്ക് പുതിയ ഒരു പഠന കമ്മീഷനെ നിയമിക്കുന്ന കാര്യം പരിഗണിക്കുമോ; എങ്കിൽ വിശദമാക്കുമോ?

നിയമസഭാ സാമാജികര്‍ വിദ്യാഭ്യാസ വകുപ്പ് മന്ത്രിയ്ക്ക് നല്‍കുന്ന അപേക്ഷകളില്‍ വകുപ്പ് പ്രിന്‍സിപ്പല്‍ സെക്രട്ടറി റിപ്പോര്‍ട്ടിനായി ഡയറക്ടര്‍ ജനറല്‍ ഓഫ് എഡ്യൂക്കേഷന് നല്‍കുന്ന ഫയലുകള്‍ക്ക് ഡയറക്ടര്‍ സമയബന്ധിതമായി മറുപടി നല്‍കുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

സെക്രട്ടേറിയറ്റ് പൊതുവിദ്യാഭ്യാസം (എന്‍) വിഭാഗത്തിലെ എന്‍2/144/2024-ാം നമ്പര്‍ ഫയല്‍ തീര്‍പ്പാക്കുന്നതിലെ കാലതാമസം ഒഴിവാക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ?

സ്കൂള്‍ ഉച്ച ഭക്ഷണത്തോടൊപ്പമുളള പോഷകാഹാര പദ്ധതിയിൽ വിതരണം ചെയ്ത മുട്ട, പാൽ എന്നിവയുടെ തുക നൽകാൻ കുടിശികയുണ്ടോ;

ഈ പദ്ധതിക്ക് കേന്ദ്രസഹായം ലഭിക്കുന്നുണ്ടോ; ഇല്ലെങ്കിൽ ലഭിക്കാത്തതിന്റെ കാരണം പരിശോധിച്ചിട്ടുണ്ടോ;

സ്കൂൾ ഉച്ചഭക്ഷണ പദ്ധതി നടത്തിപ്പിൽ നിന്നും പ്രധാന അധ്യാപകരെ ഒഴിവാക്കണമെന്ന ആവശ്യത്തിൽ നിലപാട് വ്യക്തമാക്കുമോ?

2024-25 അധ്യയന വർഷത്തിൽ പാഠ്യപദ്ധതി പരിഷ്കരണത്തിന്റെ ഭാഗമായി 8-ാം ക്ലാസിലെ പൊതുപരീക്ഷയിൽ എഴുത്തു പരീക്ഷയുടെ പേപ്പറുകൾക്ക് സബ്ജക്റ്റ് മിനിമവും മൊത്തത്തിൽ പാസാകുവാൻ മിനിമം മാർക്കും ഏർപ്പെടുത്തി മൂല്യ നിർണ്ണയ രീതി പരിഷ്കരിക്കാൻ തീരുമാനിച്ചിട്ടുണ്ടോ; ഉണ്ടെങ്കിൽ വിശദമാക്കാമോ?

സംസ്ഥാനത്ത് എത്ര പൊതു വിദ്യാലയങ്ങളും എയ്ഡഡ് സ്കൂളുകളുമാണ് നിലവിലുള്ളത്; ഇവയിൽ എത്ര സ്കൂളുകളിൽ നിലവിൽ സ്മാർട്ട് ക്ലാസ് റൂം സജ്ജീകരിച്ചിട്ടുണ്ടെന്ന വിവരം ജില്ല, സർക്കാർ, എയ്ഡഡ് സ്കൂളുകൾ തിരിച്ച് വ്യക്തമാക്കുമോ;

സംസ്ഥാനത്ത് ട്രൈബൽ മേഖലയിൽ പ്രവർത്തിക്കുന്ന എത്ര പൊതുവിദ്യാലയങ്ങളും എയ്ഡഡ് സ്കൂളുകളും ഉണ്ട്; പ്രസ്തുത വിദ്യാലയങ്ങളിൽ എത്ര ഇടത്ത് സ്മാർട്ട് ക്ലാസ്സ് റൂമുകൾ സജ്ജീകരിച്ചിട്ടുണ്ടെന്ന വിവരം ജില്ല, സർക്കാർ, എയ്ഡഡ് സ്കൂളുകൾ തിരിച്ച് വിശദാംശം ലഭ്യമാക്കുമോ?

കഴക്കൂട്ടം മണ്ഡലത്തിലെ ശ്രീകാര്യം ഗവ. ഹൈസ്കൂളിനെ ഹയര്‍ സെക്കണ്ടറി സ്കൂളായി ഉയര്‍ത്തുന്നതിന് നടപടികള്‍ സ്വീകരിക്കുമോ; വിശദമാക്കാമോ;

കാട്ടായിക്കോണം ഗവ. യുപി.എസ്. നെ ഹൈസ്കൂളാക്കി ഉയര്‍ത്തുന്നതിന് നടപടികള്‍ സ്വീകരിക്കുമോ എന്ന് വിശദമാക്കാമോ;

ആനയറ വലിയഉദേശ്വരം എല്‍.പി. സ്കൂളിനെ യു.പി. സ്കൂളായി ഉയര്‍ത്തുന്നതിന് നടപടികള്‍ സ്വീകരിക്കുമോഎന്ന് വിശദമാക്കാമോ?

പൊതു വിദ്യാഭ്യാസ വകുപ്പിന് 2021-22 മുതല്‍ 2024-25 വരെ പദ്ധതി ഇനത്തില്‍ വകയിരുത്തിയ തുകയുടെയും ചെലവഴിച്ച തുകയുടെയും വിശദാംശങ്ങള്‍ ലഭ്യമാക്കാമോ?

വിദ്യാഭ്യാസ വകുപ്പിന്റെ ഫണ്ട് ഉപയോഗിച്ച് കില-യുടെ നിര്‍വ്വഹണച്ചുമതലയില്‍ അളഗപ്പനഗര്‍ എ.പി.എച്ച്.എസ്. ന് കെട്ടിടനിര്‍മ്മാണത്തിനായി ലഭിച്ച അനുമതിയുടെ റീവാലിഡേറ്റഡ് എ.എസ്. ലഭിക്കുന്നതിനുളള നടപടികള്‍ ഏതുഘട്ടത്തിലാണെന്ന് അറിയിക്കാമോ;

അളഗപ്പനഗര്‍ എ.പി.എച്ച്.എസ്. കെട്ടിടനിര്‍മ്മാണ പ്രവൃത്തിയ്ക്ക് റീവാലിഡേറ്റഡ് ഭരണാനുമതി അടിയന്തരമായി ലഭ്യമാക്കുന്നതിനാവശ്യമായ നടപടികള്‍ സ്വീകരിക്കുമോ?

2024-25 അക്കാദമിക വർഷത്തിൽ എസ്.എസ്.കെ. പദ്ധതി വഴി എത്ര പ്രോജക്ടുകൾ നടപ്പിലാക്കിയിട്ടുണ്ട്; വിശദമാക്കാമോ;

പ്രസ്തുത പ്രോജക്ടുകൾ നടപ്പാക്കുന്നതിന് സംസ്ഥാന സര്‍ക്കാര്‍ അനുവദിച്ച തുക എത്രയാണെന്ന് വ്യക്തമാക്കുമോ;

പ്രസ്തുത പ്രോജക്ടുകൾ നടപ്പിലാക്കുന്നതിന് എത്ര രൂപയാണ് കേന്ദ്ര വിഹിതമായി ലഭിച്ചതെന്ന് വ്യക്തമാക്കുമോ;

നിലവില്‍ എസ്.എസ്.കെ. യില്‍ എത്ര ജീവനക്കാര്‍ അന്യത്ര സേവന വ്യവസ്ഥയിലും കരാര്‍ അടിസ്ഥാനത്തിലും ജോലി ചെയ്യുന്നുണ്ട്; വ്യക്തമാക്കാമോ;

2024-25 അക്കാദമിക വർഷത്തിൽ എസ്.എസ്.കെ. സംവിധാനം പ്രവര്‍ത്തിക്കുന്നതിന് ഓരോ മാസവും സംസ്ഥാന സർക്കാരിന് വരുന്ന ചെലവ് എത്രയാണെന്ന് വ്യക്തമാക്കാമോ?

ഈ സര്‍ക്കാരിന്റെ കാലത്ത് മാവേലിക്കര മണ്ഡലത്തില്‍ സമഗ്ര ശിക്ഷാ കേരള നടപ്പാക്കിയ പദ്ധതികള്‍ ഏതെല്ലാമെന്നും ആയതിന്റെ തുകയുടെ വിനിയോഗവും വിശദമാക്കുമോ;

മാവേലിക്കര മണ്ഡലത്തില്‍ വര്‍ണ്ണക്കൂടാരം പദ്ധതി ഏതൊക്കെ വിദ്യാഭ്യാസ സ്ഥാപനങ്ങളിലാണ് നടന്നുവരുന്നതെന്നും ഇതിനായി എത്ര രൂപ ചെലവഴിച്ചുവെന്നും വിശദമാക്കുമോ?

ഒറ്റപ്പാലം നിയാേജക മണ്ഡലത്തിലെ ഏതാെക്കെ സ്കൂളുകളിലാണ് വര്‍ണ്ണകൂടാരം പദ്ധതി പ്രവര്‍ത്തിച്ച് വരുന്നതെന്നും ഇതിനായി എത്ര രൂപയാണ് ചെലവഴിക്കുന്നതെന്നും വിശദമാക്കാമാേ;

പ്രസ്തുത പദ്ധതിയുടെ ഉദ്ദേശ്യ ലക്ഷ്യങ്ങള്‍ എന്തെല്ലാമാണെന്ന് വിശദമാക്കാമാേ?

ആര്‍ട്ടിഫിഷ്യല്‍ ഇന്റലിജന്‍സിന്റെ സാധ്യതകൾ സ്കൂള്‍ വിദ്യാഭ്യാസവുമായി സംയോജിപ്പിക്കാനുളള എന്തെല്ലാം പദ്ധതികളാണ് നടപ്പാക്കിവരുന്നതെന്നും ഏത് ഏജന്‍സിയാണ് ഈ പ്രവര്‍ത്തനങ്ങള്‍ സംയോജിപ്പിക്കുന്നതെന്നും വിശദമാക്കാമോ;

ഇതുമായി ബന്ധപ്പെട്ട് അധ്യാപകര്‍ക്കും വിദ്യാര്‍ഥികള്‍ക്കുമുള്ള പരിശീലന പദ്ധതികളുടെ വിശദാംശം ലഭ്യമാക്കാമോ;

എ.ഐ. ടൂളുകള്‍ ഉപയോഗിക്കുമ്പോള്‍ ഡാറ്റാ സ്വകാര്യത ഉറപ്പുവരുത്താന്‍ പ്രത്യേകമായ നടപടികള്‍ സ്വീകരിച്ചുവരുന്നുണ്ടോ; വിശദമാക്കാമോ;

സ്കൂള്‍ വിദ്യാഭ്യാസത്തിനായി സംസ്ഥാനത്തിന് സ്വന്തമായി എ.ഐ. എഞ്ചിന്‍ വികസിപ്പിക്കുന്നതിന് ഉദ്ദേശിക്കുന്നുണ്ടോ; പ്രസ്തുത ഉദ്യമങ്ങളുടെ പുരോഗതി അറിയിക്കാമോ?

സംസ്ഥാനത്തെ പാഠ്യപദ്ധതി അനുസരിച്ച് വിദ്യാർത്ഥികൾ ആർജ്ജിക്കേണ്ട പഠനനേട്ടം ശാസ്ത്രീയമായി വിലയിരുത്തി അക്കാദമിക മികവ് ഉറപ്പാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

സ്കൂൾ ക്ലാസ് മുറികൾ സമ്പൂർണ്ണമായി ഡിജിറ്റലാക്കുന്നതിനായി ഗുണമേന്മ വിദ്യാഭ്യാസ പദ്ധതി പരിഗണനയിലുണ്ടോ; വിശദീകരിക്കുമോ;

പഠനം മുതൽ മൂല്യനിർണയം വരെയുള്ള വിദ്യാഭ്യാസ പ്രവർത്തനങ്ങൾ സാങ്കേതികവിദ്യയുമായി സമഗ്രമായി സംയോജിപ്പിക്കുന്നതിനുദ്ദേശിക്കുന്നുണ്ടോ; വ്യക്തമാക്കുമോ;

ഈ പദ്ധതിയുടെ നടത്തിപ്പിനായി എന്തെല്ലാം മുന്നൊരുക്കങ്ങളും സാങ്കേതിക സൗകര്യങ്ങളുമാണ് ഏർപ്പെടുത്താനുദ്ദേശിക്കുന്നതെന്ന് വിശദമാക്കാമോ?

പാഠ്യപദ്ധതി പരിഷ്കരണം സംബന്ധിച്ച മുന്നൊരുക്കങ്ങള്‍ വിശദമാക്കാമോ;

ഹയര്‍ സെക്കണ്ടറി പാഠപുസ്തകങ്ങള്‍ പരിഷ്കരിക്കുവാന്‍ തീരുമാനിച്ചിട്ടുണ്ടോ; എങ്കില്‍ പ്രസ്തുത പ്രവര്‍ത്തനങ്ങളുടെ പുരോഗതി വിശദമാക്കാമോ;

മുന്‍ മാതൃകയുടെ അടിസ്ഥാനത്തില്‍ രണ്ട്, നാല്, ആറ്, എട്ട് ക്ലാസുകളിലെ പാഠപുസ്തകങ്ങള്‍ പരിഷ്കരിക്കുന്നതിന് സമൂഹത്തിന്റെ വിവിധ മേഖലയിലുളള ജനവിഭാഗങ്ങളുടെ അഭിപ്രായങ്ങളും നിര്‍ദ്ദേശങ്ങളും സമാഹരിച്ചിട്ടുണ്ടോ; എങ്കില്‍ ആയവ ക്രോഡീകരിക്കുന്ന പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കുമോ?

ആറ്റിങ്ങൽ നിയോജക മണ്ഡലത്തിലെ ചെറുന്നിയൂർ പാലച്ചിറ എം.എൽ.പി.എസ്-ന് മന്ദിരം നിർമ്മിക്കുന്നതിന് സംസ്ഥാന ബജറ്റിൽ 75 ലക്ഷം രൂപ അനുവദിച്ചതിന്മേൽ നാളിതുവരെ സ്വീകരിച്ച നടപടികൾ വിശദമാക്കാമോ?

ഇടുക്കി ജില്ലയിലെ മറയൂര്‍ ഗവ. എല്‍.പി. സ്കൂളിലെ 2024-25 വര്‍ഷത്തെ അധിക തസ്തികയും ഡിവിഷന്‍ നിര്‍ണ്ണയവുമായി ബന്ധപ്പെട്ട് സമര്‍പ്പിച്ച അപ്പീലിന്മേല്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ?

തിരൂരങ്ങാടി മണ്ഡലത്തിലെ നന്നമ്പ്ര എം.ജി.എൽ.സി. സ്കൂൾ തുറന്നു പ്രവർത്തിക്കുന്നതിനുള്ള അനുമതി സംബന്ധിച്ച ഫയലിന്റെ നിലവിലെ സ്ഥിതി വിശദമാക്കാമോ;

ഈ വിദ്യാലയത്തിൽ ആവശ്യത്തിന് കുട്ടികളുണ്ടെന്നതും സ്വന്തമായി ഭൂമിയും കെട്ടിടവും ഉണ്ടെന്നതും സ്കൂളിന് ചുറ്റുമതിൽ നിർമ്മിച്ചിട്ടുണ്ടെന്നതും ശ്രദ്ധയിൽപെട്ടിട്ടുണ്ടോ; വിശദമാക്കാമോ;

ഈ വിദ്യാലയത്തിന് എത്ര കിലോമീറ്റർ ദൂരത്താണ് മറ്റേതെങ്കിലും എൽ.പി. സ്കൂൾ ഉള്ളതെന്ന് വിശദമാക്കാമോ;

ഈ പ്രദേശത്തു നിന്നും തൊട്ടടുത്ത സർക്കാർ സ്കൂളിലേക്ക് കുട്ടികൾക്ക് പോകുന്നതിന് പൊതുഗതാഗത സംവിധാനം നിലവിലുണ്ടോയെന്ന് വിശദമാക്കാമോ;

പ്രദേശത്ത് പൊതുഗതാഗത സംവിധാനം നിലവിലില്ലാത്തതിനാൽ ഈ വിദ്യാലയം വീണ്ടും തുറന്നു പ്രവർത്തിക്കുന്നതിനുള്ള അനുമതി ലഭ്യമാക്കുന്നത് വരെ ഈ ദ്വീപ് പ്രദേശത്തെ കുട്ടികൾക്ക് തൊട്ടടുത്ത സർക്കാർ സ്കൂളിലേക്ക് എത്തിച്ചേരുന്നതിനുള്ള എന്ത് സൗകര്യം ഒരുക്കുന്നതിനാണ് തീരുമാനിച്ചിട്ടുള്ളതെന്ന് വിശദമാക്കാമോ?

ലോവര്‍ പ്രൈമറി, ഹൈസ്കൂള്‍ വിഭാഗങ്ങളുള്ള ഉടുമ്പന്‍ചോല തമിഴ് മീഡിയം ഗവണ്‍മെന്റ് സ്കൂളില്‍ അപ്പര്‍ പ്രൈമറി വിഭാഗം അനുവദിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; എങ്കില്‍ നാളിതുവരെ ഇതുമായി ബന്ധപ്പെട്ട് സ്വീകരിച്ച നടപടികള്‍ വിശദീകരിക്കാമോ;

ഈ സ്കൂളില്‍ അടിയന്തരമായി അപ്പര്‍ പ്രൈമറി വിഭാഗം ആരംഭിക്കണമെന്ന സംസ്ഥാന ബാലാവകാശ കമ്മീഷന്റെ നിര്‍ദ്ദേശം ശ്രദ്ധയില്‍പെട്ടിട്ടുണ്ടോ; എങ്കില്‍ ഇതിന്റെ പകര്‍പ്പ് ലഭ്യമാക്കാമോ;

ഈ സ്കൂളില്‍ അടുത്ത അദ്ധ്യയന വര്‍ഷം മുതല്‍ അപ്പര്‍ പ്രൈമറി വിഭാഗം പ്രവര്‍ത്തിച്ചു തുടങ്ങുന്നതിനാവശ്യമായ നടപടികള്‍ സ്വീകരിക്കുമോ?

സർക്കാർ ജീവനക്കാരുടെ പൊതു സ്ഥലംമാറ്റം ഓൺലൈൻ സമ്പ്രദായത്തിലൂടെ മാത്രമേ നടപ്പിലാക്കാവൂ എന്ന ഉത്തരവിന്റെ അടിസ്ഥാനത്തിൽ ഹയർ സെക്കണ്ടറി അധ്യാപകരുടെ പൊതു സ്ഥലംമാറ്റം ഓൺലൈൻ സമ്പ്രദായത്തിലൂടെ തന്നെയാണോ നടപ്പിലാക്കുന്നതെന്ന് വ്യക്തമാക്കാമോ; ഇല്ലെങ്കിൽ കാരണം വ്യക്തമാക്കാമോ;

2016-17 അധ്യയന വർഷം മുതലുള്ള ഏതൊക്കെ വർഷങ്ങളില്‍ ഹയർ സെക്കണ്ടറി അധ്യാപകരുടെ പൊതു സ്ഥലംമാറ്റം നടത്തുന്നതിന് നോട്ടിഫിക്കേഷൻ പുറപ്പെടുവിച്ചിട്ടുണ്ടെന്നും അത് പ്രകാരം പൊതു സ്ഥലംമാറ്റം നടത്തിയിട്ടുണ്ടോയെന്നും വ്യക്തമാക്കാമോ;

അതത് വർഷങ്ങളില്‍ പൊതു സ്ഥലംമാറ്റം നടപ്പിലാക്കാത്തതിനാൽ തെക്കൻ ജില്ലകളിലുള്ള അധ്യാപകർ ദീർഘകാലമായി വടക്കൻ ജില്ലകളിൽ തന്നെ ജോലി ചെയ്യേണ്ടി വരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ;

ഈ അധ്യയന വർഷത്തേക്കുള്ള പൊതു സ്ഥലംമാറ്റത്തിനുള്ള നോട്ടിഫിക്കേഷൻ വകുപ്പ് പ്രസിദ്ധീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ;

ഹയർ സെക്കണ്ടറി അധ്യാപകരുടെ സ്ഥലംമാറ്റം സംബന്ധിച്ചുള്ള പുതുക്കിയ സർക്കാർ ഉത്തരവിന്റെയും മാർഗ്ഗനിർദ്ദേശങ്ങളുടെയും പകർപ്പ് ലഭ്യമാക്കാമോ?

സംസ്ഥാനത്ത് 2016 മുതൽ നാളിതുവരെ ഹയർസെക്കണ്ടറി അധ്യാപകരുടെ പൊതു സ്ഥലംമാറ്റം ഏതൊക്കെ വർഷങ്ങളിൽ നടന്നിട്ടുണ്ടെന്ന് അറിയിക്കാമോ;

ഹയർസെക്കണ്ടറി അധ്യാപകരുടെ പൊതു സ്ഥലംമാറ്റം വർഷംതോറും നടത്തുന്നതിൽ എന്തെങ്കിലും തടസ്സമുണ്ടോയെന്ന് വിശദമാക്കാമോ;

അഞ്ചു വർഷത്തിലധികമായി അന്യ ജില്ലകളിൽ ജോലിചെയ്യുന്ന ഹയർസെക്കണ്ടറി അധ്യാപകരുടെ വിവരവും അവരുടെ മാതൃ ജില്ലയും അവർ എത്ര വർഷമായി അന്യ ജില്ലയിൽ സേവനമനുഷ്ഠിക്കുന്നുവെന്ന വിവരവും ലഭ്യമാക്കാമോ;

നിലവിൽ അഞ്ച് വർഷത്തിലധികമായി മാതൃ ജില്ലയിൽ ജോലിചെയ്യുന്ന ഹയർസെക്കണ്ടറി അധ്യാപകരുടെ വിവരവും അവർ എത്ര വർഷമായി മാതൃ ജില്ലയിൽ സേവനമനുഷ്ഠിക്കുന്നുവെന്ന വിവരവും ലഭ്യമാക്കാമോ;

ഹയർസെക്കണ്ടറി അധ്യാപകരുടെ അടുത്ത പൊതു സ്ഥലംമാറ്റം എന്നത്തേക്ക് നടത്തുന്നതിനാണ് ഉദ്ദേശിക്കുന്നതെന്ന് അറിയിക്കാമോ;

ഹയർസെക്കണ്ടറി അധ്യാപകരുടെ പൊതു സ്ഥലംമാറ്റത്തിന് മൂന്നുവർഷം സർവീസ് പൂർത്തിയാക്കാത്തവർക്ക് അപേക്ഷിക്കാൻ അവസരം നൽകാത്തതിന് കാരണമെന്തെന്ന് വിശദമാക്കാമോ?

വിവിധ സ്കൂളുകളില്‍ നിന്നും ഷിഫ്റ്റ് ചെയ്ത ഹയര്‍സെക്കണ്ടറി ബാച്ചുകള്‍ എത്രയെന്നും ഏതൊക്കെ സ്കൂളുകളില്‍ ഏതെല്ലാം ബാച്ചുകള്‍ ഷിഫ്റ്റ് ചെയ്തുവെന്നും വിശദമാക്കുമോ;

അപ്രകാരം ഷിഫ്റ്റ് ചെയ്ത ഹയര്‍സെക്കന്‍ഡറി ബാച്ചുകള്‍ക്ക് തസ്തിക അനുവദിച്ചിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ;

മതിയായ കുട്ടികള്‍ ഉണ്ടായിട്ടും ഷിഫ്റ്റഡ് അഡീഷണല്‍ ബാച്ചുകള്‍ തസ്തിക നിര്‍ണ്ണയ പരിധിയില്‍ ഉള്‍പ്പെടുത്താത്തതിന്റെ കാരണം വ്യക്തമാക്കുമോ;

അടുത്ത അദ്ധ്യയന വര്‍ഷം മുതല്‍ ഇത്തരം ബാച്ചുകള്‍ക്ക് തസ്തികകള്‍ അനുവദിക്കാന്‍ നടപടി സ്വീകരിക്കുമോ; വിശദമാക്കുമോ?

ഈ സർക്കാരിന്റെ കാലത്ത് സംസ്ഥാനത്തെ ഹയർസെക്കൻഡറി സ്കൂളുകളിലെ തസ്തിക നിർണയത്തിൽ മതിയായ കുട്ടികൾ ഇല്ലെന്ന് കണ്ട് നിര്‍ത്തലാക്കാൻ നിർദ്ദേശിച്ച അധ്യാപക തസ്തികകളുടെ വിശദാംശങ്ങൾ വിഷയം തിരിച്ചു വ്യക്തമാക്കുമോ;

ഹയർസെക്കൻഡറി ബാച്ചുകളിൽ കുട്ടികൾ ഇല്ലാത്ത സാഹചര്യം എങ്ങനെ ഉണ്ടായെന്ന് പഠനവിധേയമാക്കിയിട്ടുണ്ടോ; വിശദാംശം ലഭ്യമാക്കുമോ;

തസ്തിക നിർണയത്തെ തുടർന്ന് അധ്യാപക തസ്തികകൾ ഇല്ലാതാക്കുന്നതിനും തരംതാഴ്ത്തുന്നതിനുമുള്ള നിർദ്ദേശം നിയമനത്തിനായി വിവിധ റാങ്ക് ലിസ്റ്റുകളിൽ ഉൾപ്പെട്ട ഉദ്യോഗാർത്ഥികളെ ബാധിക്കുമെന്നതിനാൽ സർക്കാർ എന്തെങ്കിലും ബദൽ ക്രമീകരണം ഏർപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കുമോ?

സംസ്ഥാനത്തെ സ്കൂളുകളിലും സ്കൂളുകളുടെ പരിസരങ്ങളിലും വിദ്യാർത്ഥികളെ ലക്ഷ്യമാക്കി ലഹരി പദാർത്ഥങ്ങളുടെയും നിരോധിത പുകയില ഉല്പന്നങ്ങളുടെയും വിപണനം നടക്കുന്നത് ഗൗരവമായി കാണുന്നുണ്ടോ; വിശദമാക്കാമോ;

സ്കൂളുകളുടെ സമീപത്തെ മെഡിക്കൽ ഷോപ്പുകളിലടക്കം നിരോധിത ലഹരി പദാർത്ഥങ്ങളുടെയും സിന്തറ്റിക് മരുന്നുകളുടെയും വിൽപ്പന നടത്തുന്നത് വകുപ്പിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ അത് തടയാൻ അധ്യാപകരുടെയും പി.ടി.എ. യുടെയും സഹായത്തോടെ നടപടികൾ സ്വീകരിക്കുമോ; വിശദമാക്കാമോ;

സംസ്ഥാനത്തെ സ്കൂളുകളുടെ പരിസരങ്ങളിൽ ലഹരി പദാർത്ഥങ്ങളുടെയും നിരോധിത പുകയില ഉല്പന്നങ്ങളുടെയും വിൽപന തടയാൻ വിദ്യാഭ്യാസ വകുപ്പ് മറ്റു വകുപ്പുകളുമായി ചേർന്ന് എന്തൊക്കെ പ്രവർത്തനങ്ങളാണ് നടത്തുന്നത്; വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ ഓരോ അക്കാദമിക വർഷവും സ്കൂൾ കുട്ടികൾ ലഹരി ഉപയോഗിച്ചതും കുട്ടികളിൽ നിന്ന് ലഹരി വസ്തുക്കൾ കണ്ടെത്തിയതുമായ എത്ര സംഭവങ്ങൾ സ്‌കൂളുകൾ റിപ്പോർട്ട് ചെയ്തിട്ടുണ്ട്; വിശദാംശങ്ങൾ ജില്ലതിരിച്ച് അക്കാദമിക വർഷാടിസ്ഥാനത്തിൽ വ്യക്തമാക്കുമോ;

മുൻ സർക്കാരിന്റെ കാലം മുതൽ നാളിതുവരെ ഓരോ അക്കാദമിക വർഷവും അധ്യാപകരും അനധ്യാപക സ്റ്റാഫുകളും സ്കൂൾ പരിസരത്ത് ലഹരി ഉപയോഗിച്ചതും മേൽപ്പറഞ്ഞവരിൽ നിന്ന് ലഹരി വസ്തുക്കൾ കണ്ടെത്തിയതുമായ എത്ര സംഭവങ്ങൾ സ്‌കൂളുകൾ റിപ്പോർട്ട് ചെയ്തിട്ടുണ്ട്; വിശദാംശങ്ങൾ ജില്ലതിരിച്ച് അക്കാദമിക വർഷാടിസ്ഥാനത്തിൽ വ്യക്തമാക്കുമോ; ഈ കാര്യത്തിൽ എന്തൊക്കെ വകുപ്പ് തല ശിക്ഷാ നടപടികൾ സ്വീകരിച്ചിട്ടുണ്ട്; വിശദാംശം വ്യക്തമാക്കുമോ?

2025 മാർച്ച് നാലിന് തുടങ്ങുന്ന എസ്.എസ്.എല്‍.സി., വി.എച്ച്.എസ്.ഇ. പരീക്ഷകൾ എഴുതുന്ന കുട്ടികളുടെ എണ്ണം (സർക്കാർ, എയ്ഡഡ്, അൺ എയ്ഡഡ്) എത്രയാണെന്ന് ജില്ല തിരിച്ച് വ്യക്തമാക്കാമോ;

ഈ പരീക്ഷകളിൽ വിജയിക്കുന്ന കുട്ടികൾക്ക് ഉപരിപഠനത്തിനുവേണ്ടി ഏർപ്പെടുത്തിയിട്ടുള്ള സംവിധാനങ്ങൾ എന്തെല്ലാമാണെന്ന് ജില്ല തിരിച്ച് വ്യക്തമാക്കാമോ;

ഈ പരീക്ഷകൾ വിജയിക്കുന്ന എല്ലാ കുട്ടികൾക്കും ഉപരിപഠനത്തിന് സീറ്റുകൾ ലഭ്യമാകുമോ എന്ന് ജില്ല തിരിച്ച് വ്യക്തമാക്കാമോ?

സംസ്ഥാനത്തെ 1197 സ്കൂളുകളിൽ ശരാശരി ഇരുപത്തിയഞ്ച് കുട്ടികളോ അതിൽ കുറവോ മാത്രമേയുള്ളൂവെന്ന സാമ്പത്തിക സർവേയിലെ പരാമർശം ശ്രദ്ധയിൽപ്പെട്ടിട്ടുണ്ടോ; ഇതിൽ സർക്കാർ സ്കൂളുകൾ എത്രയെന്നും സ്വകാര്യ സ്കൂളുകൾ എത്രയെന്നും അറിയിക്കുമോ; വിശദമാക്കാമോ;

കഴിഞ്ഞ അധ്യയനവർഷം സംസ്ഥാനത്തെ പൊതുവിദ്യാലയങ്ങളിൽ എത്ര കുട്ടികളാണ് പുതിയതായി അഡ്മിഷൻ എടുത്തത്; ഈ അധ്യയന വർഷം എത്ര കുട്ടികളാണ് അഡ്മിഷൻ എടുത്തത്; വിദ്യാർത്ഥി പ്രവേശത്തിൽ കുറവ് ഉണ്ടാകുന്നതിന് കാരണമെന്താണെന്ന് പരിശോധിച്ചിട്ടുണ്ടോ; വിദ്യാർത്ഥി പ്രവേശം സംബന്ധിച്ച് സാമ്പത്തിക സർവേയിലെ പ്രധാന കണ്ടെത്തലുകൾ എന്തൊക്കെയാണെന്ന് വ്യക്തമാക്കുമോ;

സംസ്ഥാനത്തെ പൊതുവിദ്യാലയങ്ങളിൽ നിന്നും സ്വകാര്യ സ്കൂളുകളിലേക്കും കേന്ദ്ര സിലബസിലേക്കും കുട്ടികൾ തിരികെ പോകുന്ന പ്രവണത വർദ്ധിക്കുന്നുണ്ടോ; ഇക്കാര്യം പഠനവിധേയമാക്കിയിട്ടുണ്ടോ; വിശദാംശം ലഭ്യമാക്കുമോ?

2023-24 വർഷത്തെ സംസ്ഥാന സ്‌കൂൾ കലോത്സവത്തിൽ ഒഫീഷ്യല്‍സ് ആയി പ്രവർത്തിച്ച അധ്യാപകർക്കും സബ് കമ്മിറ്റി കൺവീനർമാർക്കും സബ് കമ്മിറ്റി അംഗങ്ങളായി പ്രവർത്തിച്ച ആധ്യാപകർക്കും ടി.എ./ഡി.എ./വേതനം നല്കിയിട്ടുണ്ടോ; ഉണ്ടെങ്കിൽ ആകെ എത്ര രൂപ നല്‍കിയെന്ന് വ്യക്തമാക്കാമോ; അക്വിറ്റൻസിന്റെ പകർപ്പ് ലഭ്യമാക്കാമോ;

കലോത്സവത്തില്‍ ഒഫീഷ്യലായി ഡ്യൂട്ടി ചെയ്ത പൊതുവിദ്യാഭ്യാസ വകുപ്പിലെ ജീവനക്കാർക്ക് ടി.എ./ഡി.എ./വേതനം നല്‌കിയിട്ടുണ്ടോ; ഉണ്ടെങ്കിൽ ആകെ എത്ര രൂപ നല്‍കിയെന്ന് വ്യക്തമാക്കാമോ; അക്വിറ്റൻസിന്റെ പകർപ്പ് ലഭ്യമാക്കാമോ?

പൊതുവിദ്യാലയങ്ങള്‍ ഡിജിറ്റലൈസ് ചെയ്യുന്നതിനായി നടത്തിയിട്ടുള്ള പ്രവര്‍ത്തനങ്ങൾ വിശദമാക്കാമോ;

പൊതുവിദ്യാലയങ്ങളില്‍ സര്‍ക്കാര്‍ അനുവദിച്ചിട്ടുള്ള ലാപ്‍ടോപ്പുകള്‍, പ്രൊജക്ടറുകള്‍ ഉള്‍പ്പെടെയുള്ള ഉപകരണങ്ങള്‍ എല്ലാം പ്രവര്‍ത്തനക്ഷമമാണോ എന്ന് പരിശോധിക്കാന്‍ നടപടി സ്വീകരിച്ചിട്ടുണ്ടോ; ഉണ്ടെങ്കിൽ വിശദമാക്കാമോ;

വാറന്റി കഴിഞ്ഞിട്ടുള്ള പ്രസ്തുത ഉപകരണങ്ങള്‍ മാറ്റി നല്‍കുന്ന കാര്യം പരിഗണനയിലുണ്ടോ; വിശദമാക്കാമോ?

പേരാമ്പ്ര ശ്രീവാസുദേവാശ്രമം ഹയര്‍ സെക്കണ്ടറി സ്കൂള്‍ ഏറ്റെടുത്തതുമായി ബന്ധപ്പെട്ട നടപടികള്‍ പൂര്‍ത്തിയാക്കാത്തതുകാരണം സ്കൂളില്‍ ഉണ്ടായ പ്രതിസന്ധികള്‍ ശ്രദ്ധയില്‍പെട്ടിട്ടുണ്ടോ;

മേല്പറഞ്ഞ സ്കൂളുമായി ബന്ധപ്പെട്ട വിഷയങ്ങള്‍ ചര്‍ച്ച ചെയ്യുന്നതിന് 25.11.2024-ന് സ്കൂളില്‍ യോഗം ചേര്‍ന്നിരുന്നോയെന്നും പ്രസ്തുത യോഗത്തില്‍ ആരൊക്കെ പങ്കെടുത്തു, എന്തെല്ലാം തീരുമാനങ്ങള്‍ എടുത്തു എന്നിവ സംബന്ധിച്ച വിശദാംശങ്ങൾ ലഭ്യമാക്കാമോ;

പ്രസ്തുത തീരുമാനമനുസരിച്ച് സ്കൂള്‍ അധികൃതരുടെ ഭാഗത്തുനിന്നും എന്തൊക്കെ നടപടികളുണ്ടായെന്ന് വ്യക്തമാക്കാമോ;

ഇതു സംബന്ധിച്ച് പൊതുവിദ്യാഭ്യാസ സെക്രട്ടറിക്ക് 23.12.2025-ന് 240/24 നമ്പർ കത്ത് ലഭിച്ചിരുന്നോയെന്നും ഇതില്‍ എന്ത് നടപടി സ്വീകരിച്ചുവെന്നും വ്യക്തമാക്കാമോ;

ഈ സ്കൂളിലെ ഹെെസ്കൂള്‍ വിഭാഗത്തിലെ അധ്യാപകര്‍ക്കും മറ്റ് ജീവനക്കാര്‍ക്കും കഴിഞ്ഞ 5 മാസമായി ശമ്പളം ലഭിക്കാത്തതും എന്നാൽ ഹയര്‍ സെക്കണ്ടറി വിഭാഗത്തിലെ ജീവനക്കാർക്ക് ശമ്പളം ലഭിക്കുന്നതും ശ്രദ്ധയില്‍പ്പെട്ടിട്ടുണ്ടോ; ഇതിന്റെ കാരണം വ്യക്തമാക്കുമോ; ഹെെസ്കൂള്‍ വിഭാഗങ്ങൾക്കു കൂടി ശമ്പളം ലഭിക്കാൻ എന്തെങ്കിലും നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

ഇരിക്കൂർ നിയോജക മണ്ഡലത്തിലെ കാലാങ്കി എകാധ്യാപക വിദ്യാലയത്തിന്റെ പ്രവർത്തനം വിശദമാക്കാമോ;

സംസ്ഥാനത്ത് പ്രവർത്തിക്കുന്ന മറ്റ് എകാധ്യാപക വിദ്യാലയങ്ങളുടെ നിലവിലെ സ്ഥിതി അറിയിക്കാമോ?

ചവറ നിയോജക മണ്ഡലത്തിലെ ചവറ ഗവ. ഗേള്‍സ് എച്ച്.എസ്സ്-ല്‍ 2023-24, 2024-25 വര്‍ഷങ്ങളില്‍ ലഭ്യമായിട്ടുള്ള സംഭാവനകളുടെ വിവരങ്ങള്‍ അറിയിക്കുമോ;

സംഭാവനകള്‍ നല്‍കിയ വ്യക്തി/സ്ഥാപനം, ലഭിച്ച തുക, ആരുടെ പേരിലുള്ള അക്കൗണ്ടിലാണ് നിക്ഷേപിച്ചത്, ചെലവ് എന്നിവ സംബന്ധിച്ച വിവരങ്ങള്‍ വ്യക്തമാക്കുമോ;

അവധി സമയങ്ങളില്‍ സ്കൂളില്‍ നടത്തിയിട്ടുള്ള പരിപാടികള്‍ (പരിശീലന പരിപാടികള്‍ ഉള്‍പ്പെടെ) ഏതൊക്കെയാണെന്ന് അറിയിക്കുമോ; സ്കൂള്‍ വിട്ടുനല്‍കിയതിന് സംഭാവനകള്‍ വാങ്ങിയിട്ടുണ്ടോ; ഉണ്ടെങ്കില്‍ എത്ര രൂപ, ഏത് അക്കൗണ്ടിലാണ് വരവ് ചെയ്തിട്ടുള്ളത്; ടി പരിപാടികളിൽ അനുമതി ആവശ്യമുള്ളവയ്ക്ക് ബന്ധപ്പെട്ട സര്‍ക്കാര്‍ വകുപ്പുകളിൽ നിന്നും അനുമതി വാങ്ങിയിട്ടുണ്ടോ; ഉണ്ടെങ്കില്‍ അനുമതിയുടെ പകര്‍പ്പ് ലഭ്യമാക്കാമോ;

സ്കൂള്‍ പി.ടി.എ. ഫണ്ട് ഏത് വര്‍ഷം വരെ ഓഡിറ്റ് നടന്നിട്ടുണ്ട്; ഓഡിറ്റ് റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ?

ആലത്തൂര്‍ ഗവഃ ഗേള്‍സ് ഹയര്‍ സെക്കണ്ടറി സ്കൂളിന് എം.എല്‍.എ. ഫണ്ട് ഉപയാേഗിച്ച് വാഹനം വാങ്ങുന്ന പദ്ധതി നിലവില്‍ ഏത് ഘട്ടത്തിലാണെന്ന് വ്യക്തമാക്കാമാേ;

പ്രസ്തുത വിദ്യാലയത്തിന് വാഹനം ലഭ്യമാക്കുാൻ വെെകുന്നതിന്റെ കാരണം വ്യക്തമാക്കുമാേ; വാഹനം എപ്പാേള്‍ ലഭ്യമാക്കാന്‍ കഴിയുമെന്ന് വ്യക്തമാക്കുമാേ?

2024-25 വര്‍ഷത്തെ തസ്തികനിര്‍ണ്ണയ റിപ്പോര്‍ട്ടിന്റെ അടിസ്ഥാനത്തില്‍ കോങ്ങാട് നിയോജക മണ്ഡലത്തിലെ ജി.എച്ച്.എസ്.എസ്. പൊറ്റശ്ശേരിയിലെ ഒന്നാം ക്ലാസില്‍ നിന്നും എത്ര ഡിവിഷനുകള്‍ നഷ്ടമായെന്ന് വ്യക്തമാക്കാമോ;

പ്രസ്തുത സ്കൂളിലെ ഒന്നാം ക്ലാസില്‍ നിലവില്‍ എത്ര കുട്ടികള്‍ പഠിക്കുന്നുണ്ടെന്നും അതില്‍ എത്ര കുട്ടികള്‍ക്ക് വാലിഡ് യു.ഐ.ഡി. ഉണ്ടെന്നും വ്യക്തമാക്കാമോ;

ഡിവിഷന്‍ നഷ്ടപ്പെട്ടത് പുനഃപരിശോധിക്കുന്നതിന് പ്രസ്തുത സ്കൂളില്‍ നിന്നും ലഭിച്ച റിപ്പോര്‍ട്ടിന്മേല്‍ സ്വീകരിച്ചിട്ടുള്ള നടപടികൾ വ്യക്തമാക്കാമോ?

കോന്നി നിയോജക മണ്ഡലത്തിൽ ഏനാദിമംഗലം പഞ്ചായത്തിൽ പുതിയ സ്കൂൾ കെട്ടിടം നിർമ്മിക്കുന്നതിനായി തുക അനുവദിച്ച കുന്നട ഗവണ്‍മെന്റ് യു.പി. സ്ക്കൂളിന്റെ നിർമ്മാണം എന്നത്തേക്ക് ആരംഭിക്കാൻ സാധിക്കുമെന്ന് അറിയിക്കുമോ; പ്രസ്തുത നിർമ്മാണത്തിന്റെ ഭരണാനുമതി സംബന്ധിച്ച വിശദവിവരം ലഭ്യമാക്കാമോ;

കോന്നി നിയോജക മണ്ഡലത്തിലെ കലഞ്ഞൂർ ഗവണ്‍മെന്റ് എൽ.പി. സ്ക്കൂളിന്റെ നിർമ്മാണ പ്രവൃത്തി എന്നത്തേക്ക് പൂർത്തീകരിക്കാൻ സാധിക്കുമെന്ന് വ്യക്തമാക്കാമോ?

മലപ്പുറം ചെമ്മാൻകടവ് പി.എം.എസ്.എ.എം.എ. എച്ച്.എസ്.എസ്.-ൽ എച്ച്.എസ്.എസ്.റ്റി. (ജൂനിയർ- ഉറുദ്ദു) അദ്ധ്യാപകനായി ജോലി ചെയ്തിരുന്ന ഹഫ്സൽ റഹ്മാൻ എൻ.കെ.- യെ സർവ്വീസിൽ നിന്ന് സസ്പെന്റ് ചെയ്ത് ഉത്തരവ് പുറപ്പെടുവിക്കാൻ കാരണമെന്തെന്നും പ്രസ്തുത കാരണം ഇപ്പോഴും നിലനിൽക്കുന്നുണ്ടോയെന്നും ഇല്ലങ്കിൽ സസ്പെൻഷൻ പിൻവലിച്ചിട്ടുണ്ടോയെന്നും സസ്പെൻഷൻ പിൻവലിച്ചിട്ടില്ലെങ്കിൽ കാരണമെന്താണെന്നും വിശദമാക്കുമോ;

സസ്പെൻഷന് ആധാരമായ കേസിൽ വിചാരണ കോടതി അദ്ധ്യാപകനെ കുറ്റവിമുക്തനാക്കിയ ഉത്തരവ് വിദ്യാഭ്യാസ വകുപ്പിന് ലഭിച്ചിരുന്നോ; എങ്കിൽ നിലവിൽ ഒരു ക്രിമിനൽ കേസിലും പ്രതിയല്ലാത്ത ഈ അദ്ധ്യാപകനെ ജോലിയിൽ തിരികെ പ്രവേശിപ്പിക്കാൻ ഉത്തരവ് നൽകാത്തതിന്റെ കാരണം അറിയിക്കുമോ;

സസ്പെൻഷന് ആധാരമായ ക്രിമിനൽ കേസിൽ വിചാരണ കോടതി കുറ്റവിമുക്തനാക്കിയാലും ആർ.ഡി.ഡി. റിപ്പോർട്ടിൽ അദ്ധ്യാപകൻ കുറ്റക്കാരനാണെന്ന് കണ്ടത്തിയിട്ടുണ്ടെന്ന കാരണത്താൽ സ്കൂൾ മാനേജർ ടിയാനെ സർവ്വീസിൽ നിന്ന് പിരിച്ച് വിട്ട് നൽകിയ നോട്ടീസിന്റെ പകർപ്പ് വകുപ്പിന് ലഭിച്ചിട്ടുണ്ടോ;

ആർ.ഡി.ഡി റിപ്പോർട്ട് തയ്യാറാക്കുന്നതിന്റെ ഭാഗമായി അദ്ധ്യാപകന്റെ ഹിയറിംഗ് നടത്തിയിരുന്നോയെന്നും നടത്തിയിരുന്നെങ്കിൽ എന്നായിരുന്നുവെന്നും പ്രസ്തുത സമയത്ത് അദ്ധ്യാപകനെതിരെ കോടതി നടപടികളുണ്ടായിരുന്നോയെന്നും ആർ.ഡി.ഡി അന്വേഷണത്തിന്റെ അടിസ്ഥാനത്തിലുള്ള റിപ്പോർട്ട് അദ്ധ്യാപകന് കൈമാറിയിരുന്നോയെന്നും ഇല്ലങ്കിൽ എന്തുകൊണ്ടെന്നും വിശദമാക്കുമോ;

അദ്ധ്യാപകനെതിരെ അച്ചടക്ക നടപടിയെടുക്കാൻ ആർ.ഡി.ഡി. സ്കൂൾ മാനേജരോട് ആവശ്യപ്പെട്ടിരുന്നോ; എങ്കിൽ ആയത് എന്തിന്റെ അടിസ്ഥാനത്തിലാണെന്ന് അറിയിക്കുമോ;

സസ്പെൻഷൻ കാലയളവിലുള്ള ഉപജീവന ബത്ത ഈ അദ്ധ്യാപകന് പൂർണ്ണമായും നൽകിയിട്ടുണ്ടോയെന്നും ഇല്ലങ്കിൽ എന്തുകൊണ്ടെന്നും വ്യക്തമാക്കുമോ;

അദ്ധ്യാപകൻ ഹൈക്കോടതിയിൽ ഫയൽ ചെയ്ത WP(C) 2074/2024 കേസിലെ വിധിന്യായം നടപ്പിലാക്കുന്നത് സംബന്ധിച്ച് പൊതുവിദ്യാഭ്യാസ (ഡി.എ) വകുപ്പ് അണ്ടർ സെക്രട്ടറി 16.4.2024 -ന് നടത്തിയ ഹിയറിംഗിന്റെ സ്ഥിതി എന്താണെന്നും കോടതി ഉത്തരവ് നടപ്പിലാക്കിയോ എന്നും ഇല്ലങ്കിൽ എന്താണ് കാരണമെന്നും വിശദമാക്കുമോ?

സംസ്ഥാനത്ത് 2016-17 അക്കാദമിക വർഷം മുതൽ 2024- 25 വരെ അംഗീകാരം ലഭിച്ച എത്ര ഗവ. ഹയർ സെക്കണ്ടറി അധ്യാപക തസ്തികൾ നിലവിലുണ്ടെന്നും അവയിൽ എത്ര സ്ഥിരം അധ്യാപകർ ജോലി ചെയ്യുന്നുണ്ടെന്നും വിഷയങ്ങൾ തിരിച്ച് വിവരം ലഭ്യമാക്കാമോ;

സംസ്ഥാനത്ത് അംഗീകാരം ലഭിച്ച എത്ര ഗവ.ഹയർ സെക്കണ്ടറി അധ്യാപക തസ്തികൾ നിലവിലുണ്ടെന്നും അവയിൽ എത്ര തസ്തികകളിൽ സ്ഥിരം അധ്യാപകരില്ലാതെ ഗസ്റ്റ്, കരാർ അധ്യാപകർ ജോലി ചെയ്യുന്നുണ്ടെന്നും വ്യക്തമാക്കാമോ;

ഒരു ബാച്ച് പ്രവർത്തിക്കുന്നതിന് കെ.ഇ.ആർ. അനുസരിച്ചുള്ള കുട്ടികൾ പ്രവേശനം നേടാത്തതിന്റെ പേരിൽ 2024-25 അക്കാദമിക വർഷം വരെ ഗവ.ഹയർ സെക്കണ്ടറി സ്കൂളുകളിൽ പ്രവർത്തിക്കാതായിരിക്കുന്ന ബാച്ചുകൾ എത്രയുണ്ടെന്നും അത്തരം ബാച്ചുകളിലെ അധ്യാപകരെ പുനർവിന്യസിക്കുന്നതിനും ബാച്ചുകൾ പുന:ക്രമീകരിക്കുന്നതിനും നിലനിർത്തുന്നതിനും പൊതുവിദ്യാഭ്യാസ വകുപ്പ് സ്വീകരിച്ചിരിക്കുന്ന നടപടികൾ എന്തെല്ലാമാണെന്നും വ്യക്തമാക്കാമോ;

ഗവൺമെന്റ്, ഗവ. എയ്ഡഡ് ഹയർസെക്കണ്ടറി സ്കൂളുകളിൽ പ്രിൻസിപ്പൽമാർ കൈകാര്യം ചെയ്യേണ്ട പരമാവധി പീരിയഡുകളായ എട്ട് പീരിയഡിന് ശേഷം വരുന്ന എട്ട് മുതൽ പതിനേഴ് വരെയുള്ള പീരിയഡുകളിലും സ്ഥിരം അധ്യാപകർ കൈകാര്യം ചെയ്യുന്ന പീരിയഡുകൾക്ക് ശേഷമുള്ള ആറോ അതിൽ താഴെയോ വരുന്ന പീരിയഡുകളിലും ഏതുതരം നിയമനം നടത്താനാണ് നിർദ്ദേശം നൽകിയിരിക്കുന്നതെന്നും അത്തരം നിർദ്ദേശം നൽകിയിരിക്കുന്നത് ഏത് വർഷമാണെന്നും വ്യക്തമാക്കാമോ?

സംസ്ഥാനത്തെ സ്കൂളുകളിൽ നിയമന അംഗീകാരം ലഭിക്കാത്ത എത്ര അധ്യാപകർ നിലവിൽ ജോലി ചെയ്യുന്നുണ്ടെന്ന വിശദാംശം ഹൈസ്കൂൾ/ ഹയർസെക്കൻഡറി/വൊക്കേഷണല്‍ ഹയർ സെക്കൻഡറി അടിസ്ഥാനത്തിൽ ജില്ല തിരിച്ച് വിഷയം തിരിച്ചു വ്യക്തമാക്കുമോ;

ഇതിൽ അഞ്ചു വർഷത്തിലും പത്തു വർഷത്തിലും അധികമായി ജോലി ചെയ്യുന്ന എത്രപേരുണ്ടെന്ന് വ്യക്തമാക്കുമോ;

പ്രസ്തുത അധ്യാപകർക്ക് ശമ്പളം നൽകാനുള്ള വ്യവസ്ഥ എന്താണ്; നിയമന അംഗീകാരം ലഭിക്കാത്തതിനാൽ ശമ്പളം ലഭിക്കാത്ത എത്ര അധ്യാപകരുണ്ട് ഹൈസ്കൂൾ/ഹയർസെക്കൻഡറി/വൊക്കേഷൻ ഹയർ സെക്കൻഡറി അടിസ്ഥാനത്തിൽ വിശദാംശം ജില്ല തിരിച്ച് വിഷയം തിരിച്ചു വ്യക്തമാക്കുമോ ;

ശമ്പളം ലഭിക്കാത്തതിനാൽ ഏതെങ്കിലും അധ്യാപകർ ആത്മഹത്യ ചെയ്യുന്ന സാഹചര്യം ഉണ്ടായിട്ടുണ്ടോ; എങ്കിൽ വിശദാംശം വ്യക്തമാക്കുമോ; അർഹതപ്പെട്ട അധ്യാപക നിയമനങ്ങൾക്ക്‌ പരമാവധി വേഗത്തിൽ അംഗീകാരം നൽകിക്കൊണ്ട് മേൽപ്പറഞ്ഞ പ്രതിസന്ധി മറികടക്കുവാൻ അടിയന്തര നടപടി സ്വീകരിക്കുമോ; വ്യക്തമാക്കുമോ?

പത്തനംതിട്ട ജില്ലയിലെ നിലവിലുളള യു.പി.എസ്.റ്റി. റാങ്ക് ലിസ്റ്റില്‍ നിന്നും എത്ര പേര്‍ക്കാണ് നിയമനം നല്‍കിയിട്ടുളളതെന്നും റിപ്പോര്‍ട്ട് ചെയ്ത എല്ലാ ഒഴിവുകളിലേയ്ക്കും നിയമനം നടന്നിട്ടുണ്ടോയെന്നും ഇനി റിപ്പോര്‍ട്ട് ചെയ്യാനുളള ഒഴിവുകള്‍ എത്രയെന്നും വിശദമാക്കാമോ;

സംസ്ഥാനത്ത് വിവിധ വിഷയങ്ങള്‍ക്കുളള എച്ച്.എസ്.എ. പ്രൊമോഷന്‍ നടത്തുന്നതിനുളള നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

കാലങ്ങളായി നിയമന പ്രതിസന്ധി നേരിടുന്ന ഹൈസ്കൂള്‍ ഇംഗ്ലീഷ് തസ്തികയിലേയ്ക്ക് പ്രൈമറി തലത്തിലുളള യോഗ്യരായ അധ്യാപകരുടെ നിയമനം, അന്തര്‍ ജില്ലാ സ്ഥലം മാറ്റം എന്നീ നടപടികള്‍ വേഗത്തിലാക്കുന്ന കാര്യം പരിഗണിക്കുമോ;

പത്തനംതിട്ട ജില്ലയില്‍ യു.പി.എസ്.റ്റി. തസ്തിക സൃഷ്ടിക്കുന്നതുമായി ബന്ധപ്പെട്ട് എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

സംസ്ഥാനത്തെ എയ്ഡഡ് സ്കൂളുകളിലെ അധ്യാപക-അനധ്യാപക ജീവനക്കാര്‍ക്ക് അന്യത്ര സേവനവ്യവസ്ഥയിലാേ റെന്റഡ് എംപ്ലാേയ്മെന്റ് സര്‍വ്വീസ് വ്യവസ്ഥയിലാേ മറ്റു വകുപ്പുകളിലേയ്ക്കാേ, മന്ത്രിമാര്‍, എം.എല്‍.എ.-മാര്‍ എന്നിവരുടെ പേഴ്സണല്‍ സ്റ്റാഫിലോ സേവനം അനുഷ്ഠിക്കുന്നതിന് നിയമ തടസ്സം എന്തെങ്കിലുമുണ്ടാേയെന്ന് വ്യക്തമാക്കാമാേ;

പ്രാെബേഷന്‍ കാലാവധി പൂര്‍ത്തിയാക്കുന്നതിനു മുന്‍പായി ഇത്തരത്തില്‍ മേൽപ്പറഞ്ഞ സേവനങ്ങളില്‍ പ്രവേശിക്കുന്ന ജീവനക്കാര്‍ക്ക് പ്രസ്തുത സര്‍വീസ് കാലയളവില്‍ പ്രാെബേഷന്‍ ഡിക്ലറേഷന്‍ നടത്തുവാന്‍ കഴിയുമാേയെന്ന് വ്യക്തമാക്കാമാേ;

ആയതുമായി ബന്ധപ്പെട്ട സര്‍ക്കാര്‍ ഉത്തരവുകള്‍ നിലവിലുണ്ടാേ; വിശദ വിവരം നൽകാമാേ;

പ്രസ്തുത ജീവനക്കാര്‍ അന്യത്ര സേവന വ്യവസ്ഥയില്‍ ജാേലിയില്‍ പ്രവേശിക്കുമ്പാേള്‍ ഉണ്ടാകുന്ന ഒഴിവിലേക്ക് ദിവസവേതന അടിസ്ഥാനത്തില്‍ നിയമനം നടത്തുവാന്‍ കഴിയുമാേ; വിശദമാക്കാമാേ?

02.12.2021-ന് എച്ച്.എസ്.എസ്.ടി. ജൂനിയർ ഫിസിക്സ് അധ്യാപികയായി പ്രമോഷൻ ലഭിക്കുകയും കൊല്ലം ജില്ലയിലെ എൻ.എസ്.എസ്. പ്രാക്കുളം സ്ക്കൂളിൽ നിയമനം ലഭിക്കുകയും ചെയ്ത അധ്യാപിക ശാലിനി എസ്. -ന്റെ പ്രമോഷൻ അപ്രൂവലിനായി സമർപ്പിച്ച ഫയലിന്റെ (ടി.ആർ3.5/7614/2021/എച്ച്.എസ്.ഇ) നിലവിലെ സ്ഥിതി വ്യക്തമാക്കാമോ;

പ്രസ്തുത ഫയലിന്റെ അപ്രൂവലിന് നിലവില്‍ എന്തെങ്കിലും തടസ്സങ്ങളുണ്ടോ; എങ്കിൽ കാരണം സഹിതം വിശദമാക്കാമോ;

പ്രസ്തുത ഫയലിന്മേലുള്ള തീരുമാനം ത്വരിതഗതിയിലാക്കാനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

തൃശ്ശൂര്‍ ജില്ലയില്‍ വിവിധ കാരണങ്ങളാല്‍ നിയമന അംഗീകാരം ലഭിക്കാത്ത എയ്ഡഡ് സ്കൂളുകളിലെ അദ്ധ്യാപകരുടെ വിവരങ്ങള്‍ സ്കൂളുകള്‍ തിരിച്ച് വ്യക്തമാക്കാമോ;

നിയമന അംഗീകാരം ലഭിക്കാത്തതിന്റെ കാരണം, നിയമന അംഗീകാരം നല്‍കുന്നതിന് സ്വീകരിച്ച നടപടികള്‍ എന്നിവ വ്യക്തമാക്കാമോ?

കാട്ടാക്കട മണ്ഡലത്തില്‍ കണ്ടംകുളങ്ങര എല്‍.പി. സ്കൂളിന് പുതിയ കെട്ടിടം നിര്‍മ്മിക്കുന്നത് സംബന്ധിച്ച നിര്‍ദേശം പരിഗണനയിലുണ്ടോ; ഇല്ലെങ്കില്‍ ഇതിനായുള്ള നടപടി സ്വീകരിക്കുമോ;

ചെറുകോട് ട്രെെബല്‍ സ്കൂളിന്റെ കെട്ടിട നിര്‍മ്മാണത്തിന്റെ നിലവിലെ സ്ഥിതിയും തുടര്‍ നടപടികളും വ്യക്തമാക്കാമോ?

സംസ്ഥാനത്ത് പുതിയ അണ്‍ എയ്ഡഡ് സ്കൂളുകള്‍ ആരംഭിക്കുന്നതിന് ലഭിച്ച അപേക്ഷകളിൽ അനുമതി നൽകുന്ന കാര്യം പരിഗണനയിലുണ്ടോ;

നിലവില്‍ അംഗീകാരമില്ലാതെ പ്രവര്‍ത്തിക്കുന്ന അണ്‍ എയ്ഡഡ് സ്കൂളുകളെ നിയന്ത്രിക്കുന്നതിന് വ്യവസ്ഥയുണ്ടോ; ഇക്കാര്യത്തില്‍ സ്വീകരിച്ചുവരുന്ന നടപടികള്‍ വിശദമാക്കാമോ?

സംസ്ഥാനത്തെ എയ്ഡഡ് സ്കൂളുകളിലെ ഭിന്നശേഷി സംവരണം നിലനിർത്തണമെന്ന ഹൈക്കോടതി വിധിയുടെ അടിസ്ഥാനത്തിൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

ഭിന്നശേഷി സംവരണവുമായി ബന്ധപ്പെട്ട് സർക്കാർ സ്കൂളുകളിലെ ഒഴിവുകളുടെ വിവരശേഖരണം നടത്തിയിട്ടുണ്ടോ; വിശദമാക്കാമോ;

ഹൈക്കോടതി വിധി നടപ്പിലാക്കുമ്പോൾ പ്രസ്തുത തസ്തികയിൽ നിലവിൽ ജോലി ചെയ്യുന്നവരുടെ സംരക്ഷണം ഉറപ്പാക്കാൻ എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കാമോ;

ഇതുമായി ബന്ധപ്പെട്ട് സ്കൂൾ മാനേജ്മെന്റുകളുമായി ചർച്ചകൾ നടത്തിയിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ;

ഭിന്നശേഷി തസ്തികയിൽ ഉദ്യോഗസ്ഥരെ ലഭിക്കാത്ത സാഹചര്യത്തിൽ നിലവിൽ സേവനമനുഷ്ഠിച്ചു വരുന്നവർക്ക് ആനുകൂല്യങ്ങൾ ലഭ്യമാക്കാൻ കഴിയാത്ത സാഹചര്യം വിശദമാക്കാമോ;

എറണാകുളം ജില്ലയിൽ രണ്ടായിരത്തോളം അധ്യാപകർക്ക് ഭിന്നശേഷി സംവരണ തസ്തിക നികത്താത്തത് മൂലം ആനുകൂല്യങ്ങൾ തടഞ്ഞു വച്ചിരിക്കുന്നത് പരിശോധിച്ചിട്ടുണ്ടോ; എങ്കിൽ ഹൈക്കോടതി വിധിയുടെ അടിസ്ഥാനത്തിൽ ഭിന്നശേഷി ഉദ്യോഗസ്ഥർക്കുള്ള തസ്തികകൾ ഒഴിച്ചിട്ട ശേഷം മാനേജ്മെന്റ് നിയമിച്ച അധ്യാപകർക്ക് ശമ്പളവും മറ്റ് ആനുകൂല്യങ്ങളും അടിയന്തരമായി നൽകുന്നതിന് നടപടികൾ സ്വീകരിക്കുമോ; വിശദമാക്കാമോ?

പട്ടാമ്പി നിയോജക മണ്ഡലത്തില്‍ 2016-17 മുതല്‍ 2024-25 വരെ കിഫ്ബി സഹായത്തോടെയുള്ള കെട്ടിട നിര്‍മ്മാണത്തിന് ഏതെല്ലാം സ്കൂളുകളെയാണ് തിരഞ്ഞെടുത്തിട്ടുള്ളതെന്നും ഓരോ സ്കൂളിനും എത്ര രൂപയുടെ ഭരണാനുമതി നല്‍കിയിട്ടുണ്ടെന്നും വ്യക്തമാക്കുമോ;

പ്രസ്തുത മണ്ഡലത്തില്‍ 2016-17 മുതല്‍ 2024-25 വരെ എം.എല്‍.എ.യുടെ ആസ്തി വികസന ഫണ്ട്, സ്പെഷ്യല്‍ ഡെവലപ്മെന്റ് ഫണ്ട് എന്നിവ ഉപയോോഗിച്ച് കെട്ടിടം നിര്‍മ്മിക്കുന്നതിന് ഏതെല്ലാം സ്കൂളുകളെയാണ് തിരഞ്ഞെടുത്തിട്ടുള്ളതെന്നും ഓരോ സ്കൂളിനും എത്ര രൂപയുടെ ഭരണാനുമതി നല്‍കിയിട്ടുണ്ടെന്നും വ്യക്തമാക്കുമോ;

പ്രസ്തുത മണ്ഡലത്തില്‍ 2016-17 മുതല്‍ 2024-25 വരെ പ്ലാന്‍ ഫണ്ട് ഉപയോഗിച്ച് കെട്ടിടം നിര്‍മ്മിക്കുന്നതിന് ഏതെല്ലാം സ്കൂളുകളെയാണ് തിരഞ്ഞെടുത്തിട്ടുള്ളതെന്നും ഓരോ സ്കൂളിനും എത്ര രൂപയുടെ ഭരണാനുമതി നല്‍കിയിട്ടുണ്ടെന്നും വ്യക്തമാക്കുമോ;

മേല്‍ പരാമര്‍ശിച്ച പ്രവര്‍ത്തികളുടെ നാളിതുവരെയുള്ള പുരോഗതി അറിയിക്കാമോ?

സ്കൂൾ വിദ്യാഭ്യാസ പരിഷ്കരണത്തിനായുള്ള ഖാദർ കമ്മീഷൻ റിപ്പോർട്ട് നടപ്പാക്കാൻ തീരുമാനിച്ചിട്ടുണ്ടോ; ഉണ്ടെങ്കിൽ വിശദമാക്കാമോ;

പ്രസ്തുത റിപ്പോര്‍ട്ടിലെ ഏതെല്ലാം ശിപാര്‍ശകളാണ് നടപ്പിലാക്കാന്‍ തീരുമാനിച്ചിട്ടുള്ളത്; വ്യക്തമാക്കാമോ;

റിപ്പോർട്ടിലെ നടപ്പാക്കാനുദ്ദേശിക്കുന്ന നിർദ്ദേശങ്ങൾ സംബന്ധിച്ച് അധ്യാപക സംഘടനകളുമായും മറ്റ് ബന്ധപ്പെട്ടവരുമായും ചർച്ച ചെയ്തിട്ടുണ്ടോ; ഉണ്ടെങ്കിൽ വിശദമാക്കാമോ;

ഹൈസ്കൂൾ-ഹയർസെക്കണ്ടറി ലയന നടപടികൾ നിലവിൽ ഏത് ഘട്ടത്തിലാണെന്ന് വ്യക്തമാക്കുമോ; ഏത് രീതിയിലാണ് ലയിപ്പിക്കുന്നതെന്നും അധ്യാപക പുനര്‍വിന്യാസം എങ്ങനെ നടത്താനാണ് ഉദ്ദേശിക്കുന്നതെന്നും വിശദമാക്കാമോ;

പ്രസ്തുത റിപ്പോർട്ടിലെ ശിപാർശകൾ നടപ്പാക്കുന്നത് സംബന്ധിച്ച് കൂടുതൽ പഠനങ്ങൾ ആവശ്യമാണെന്ന് വിലയിരുത്തുന്നുണ്ടോ; വിശദമാക്കാമോ?

സാങ്കേതിക പരിജ്ഞാനവും പ്രൊഫഷണല്‍ മികവും പ്രകടിപ്പിക്കുന്ന വിദ്യാര്‍ത്ഥികളെ സ്കൂള്‍ വിദ്യാഭ്യാസ കാലത്ത് തന്നെ അവരുടെ മികവിന് അനുസൃതമായി ആവശ്യമായ പ്രോത്സാഹനം നല്‍കി പരിപോഷിപ്പിക്കുന്നതിനുള്ള പദ്ധതി എല്ലാ സ്കൂളുകളിലും നടപ്പിലാക്കിയിട്ടുണ്ടോ; ഉണ്ടെങ്കിൽ പ്രസ്തുത പദ്ധതിയുടെ വിശദാംശം ലഭ്യമാക്കുമോ;

പ്രസ്തുത വിദ്യാര്‍ത്ഥികളെ പരിശീലിപ്പിക്കുന്നതിനും മാര്‍ഗ്ഗനിര്‍ദ്ദേശം നല്‍കുന്നതിനും എന്തെങ്കിലും സ്ഥിരം സംവിധാനം വിദ്യാഭ്യാസ വകുപ്പിന് കീഴിലുണ്ടോ; എങ്കിൽ വിശദമാക്കാമോ?

സംസ്ഥാനത്തെ പൊതുവിദ്യാഭ്യാസ മേഖലയുടെ ഗുണമേന്മ മെച്ചപ്പെടുത്തുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കുമോ;

2024-25 വർഷത്തെ ബഡ്ജറ്റിൽ പൊതുവിദ്യാഭ്യാസ മേഖലയ്ക്ക് അടങ്കൽ തുകയായി എത്ര രൂപ വകയിരുത്തിയിരുന്നുവെന്നും സാമ്പത്തിക പ്രതിസന്ധിയുടെ പേരിൽ വിദ്യാഭ്യാസ വകുപ്പിന് വകയിരുത്തിയ തുകയുടെയും പദ്ധതികളുടെയും പുനക്രമീകരണത്തിന്റെ ഭാഗമായി എത്ര തുക വെട്ടിക്കുറച്ചുവെന്നും വ്യക്തമാക്കുമോ; പദ്ധതികള്‍ വെട്ടിക്കുറച്ചതും വിവിധ പദ്ധതികൾ നടപ്പിലാക്കാന്‍ സാധിക്കാത്തതും പൊതുവിദ്യാഭ്യാസ മേഖലയുടെ ഗുണമേന്മയെ പ്രതികൂലമായി ബാധിക്കുമോയെന്ന് വ്യക്തമാക്കുമോ;

2016-17 മുതൽ 2024-25 വരെയുള്ള അക്കാദമിക വർഷത്തില്‍ ഒന്നുമുതൽ പന്ത്രണ്ട് വരെയുള്ള ക്ലാസുകളിൽ പഠനം നടത്തിയ വിദ്യാർത്ഥികളുടെ എണ്ണം എൽ.പി., യു.പി. വിഭാഗം, ഹൈസ്കൂൾ, ഹയർ സെക്കണ്ടറി, സർക്കാർ സ്കൂൾ, സർക്കാർ എയ്ഡഡ് സ്കൂൾ, അൺ എയ്ഡഡ് സ്കൂൾ എന്നിങ്ങനെ അക്കാദമിക വർഷം തിരിച്ചുള്ള കണക്കുകൾ ലഭ്യമാക്കുമോ;

സംസ്ഥാനത്ത് നിയമന അംഗീകാരം ലഭിക്കാത്ത എത്ര അധ്യാപകരുണ്ടെന്ന് എൽ.പി., യു.പി., ഹൈസ്കൂൾ, ഹയർ സെക്കണ്ടറി എന്നിങ്ങനെ ജില്ല തിരിച്ചുള്ള കണക്കുകൾ ലഭ്യമാക്കുമോ;

ഇവയിൽ ഭിന്ന ശേഷി സംവരണം പൂർണ്ണമായി പാലിച്ചിട്ടുള്ള എയ്ഡഡ് സ്കൂളുകളിൽ എത്ര അധ്യാപക നിയമനം സ്ഥിരപ്പെടുത്താനുണ്ടെന്ന് ജില്ല തിരിച്ചുള്ള കണക്കുകൾ ലഭ്യമാക്കുമോ;

സംസ്ഥാനത്ത് ഗവണ്‍മെന്റ് ഹയർ സെക്കണ്ടറി സ്കൂളുകളിൽ അനുവദിച്ചിരിക്കുന്ന സ്ഥിരം ബാച്ചുകളിൽ അംഗീകാരം ലഭിക്കാത്ത അധ്യാപക തസ്തികകൾ ഉണ്ടോ; എങ്കില്‍ എത്ര തസ്തികകളുണ്ടെന്ന് വിഷയം തിരിച്ച് വിശദാംശം ലഭ്യമാക്കാമോ;

സംസ്ഥാനത്തെ ഗവണ്‍മെന്റ് ഹയർ സെക്കണ്ടറി സ്കൂളുകളിൽ വിദ്യാർത്ഥികൾ കുറവായതിന്റെയോ ഇല്ലാതായതിന്റെയോ അടിസ്ഥാനത്തിൽ മലബാർ മേഖലയിലേക്ക് ട്രാൻസ്ഫർ ചെയ്ത ഹയർ സെക്കണ്ടറി ബാച്ചുകളുടെ അധ്യാപക തസ്തികകളും അവിടേക്ക് ട്രാൻസ്ഫർ ചെയ്തിട്ടുണ്ടോ; ഇല്ലെങ്കിൽ ട്രാന്‍സ്ഫര്‍ ചെയ്ത ബാച്ചുകളിലെ അധ്യാപക തസ്തികകൾ ഇപ്പോൾ പരിഗണിക്കുന്നത് എപ്രകാരമാണെന്ന് വ്യക്തമാക്കാമോ?

കിഫ്ബി പദ്ധതിയിലുള്‍പ്പെടുത്തി കില എസ്.പി.വി. ആയി നടപ്പിലാക്കുന്ന മലമ്പുഴ മണ്ഡലത്തിലെ പുതുപ്പരിയാരം സി.ബി.കെ.എം.ജി.എച്ച്.എസ്.എസ്. -ന്റെ നിര്‍മ്മാണ പ്രവൃത്തി ഏത് ഘട്ടത്തിലാണെന്ന് വിശദമാക്കാമാേ;

പ്രസ്തുത പദ്ധതിയിലുള്‍പ്പെടുത്തി എത്ര ക്ലാസ് മുറികളും മറ്റ് സൗകര്യങ്ങളുമാണ് ഈ സ്കൂളില്‍ അധികമായി ലഭ്യമാക്കുക എന്നതിന്റെ വിശദാംശം അറിയിക്കാമാേ;

പ്രസ്തുത നിര്‍മ്മാണ പ്രവൃത്തി എന്നത്തേക്ക് പൂര്‍ത്തിയാക്കാന്‍ സാധിക്കുമെന്ന് അറിയിക്കാമാേ?

വായനാശീലം പ്രോത്സാഹിപ്പിക്കുന്നതിന്റെ ഭാഗമായി സംസ്ഥാനത്തെ സ്കൂള്‍ കുട്ടികളുടെ വായനാശീലത്തിന് ഗ്രേസ് മാര്‍ക്ക് നല്‍കുന്നത് പരിഗണനയിലുണ്ടോ; ഉണ്ടെങ്കിൽ വിശദമാക്കുമോ;

പുസ്തക വായനയും പത്ര വായനയുമടക്കം വിലയിരുത്തിയിട്ടാണോ ഗ്രേസ് മാര്‍ക്ക് നിശ്ചയിക്കുക; വിശദമാക്കുമോ;

ഇപ്രകാരം ഗ്രേസ് മാര്‍ക്ക് ലഭിക്കുന്നതിനുള്ള മറ്റ് ഘടകങ്ങള്‍ ഏതൊക്കെയാണെന്നാണ് വിലയിരുത്തിയിട്ടുള്ളത്; വ്യക്തമാക്കുമോ;

ഏതൊക്കെ ക്ലാസ്സുകളിലാണ് ഇത് നടപ്പിലാക്കുന്നതെന്നും ഏത് അധ്യയന വര്‍ഷം മുതലാണ് ഇതിന് തുടക്കം കുറിക്കുവാന്‍ ഉദ്ദേശിക്കുന്നതെന്നും വ്യക്തമാക്കുമോ?

സംസ്ഥാനത്ത് സ്കൂൾ പാഠ്യപദ്ധതിയിൽ മാറ്റം കൊണ്ടുവരുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

സംസ്ഥാനത്തെ പൊതുവിദ്യാഭ്യാസ മേഖലയില്‍ പിന്തുടരുന്ന നിരന്തര മൂല്യനിര്‍ണ്ണയ സമ്പ്രദായം കൂടുതല്‍ ശാസ്ത്രീയവും വസ്തുനിഷ്ഠവുമാക്കുന്നതിന് സ്വീകരിച്ചിട്ടുളള നടപടികളുടെ വിശദാംശം ലഭ്യമാക്കുമോ;

പൊതുവിദ്യാഭ്യാസ രംഗത്തെ അക്കാദമിക നിലവാരം അന്താരാഷ്ട്രതലത്തിലേയ്ക്ക് ഉയര്‍ത്തുന്നതോടൊപ്പം മാതൃഭാഷയായ മലയാളം ഉള്‍പ്പെടെയുളള ഭാഷകളിലെ പരിജ്ഞാനം മെച്ചപ്പെടുത്തുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ?

പട്ടാമ്പി മണ്ഡലത്തിൽ സർക്കാർ ധനസഹായത്തോടെ നിർമ്മാണം നടന്നുവരുന്ന സ്കൂളുകളുടെ വിവരങ്ങൾ ലഭ്യമാക്കാമോ;

തുക അനുവദിച്ചിട്ടും നിർമ്മാണ പ്രവർത്തനങ്ങൾ ആരംഭിക്കാത്ത സ്കൂളുകളുണ്ടോ; എങ്കിൽ ആയതിന്റെ കാരണം വ്യക്തമാക്കുമോ;

പ്രസ്തുത മണ്ഡലത്തില്‍ തുക അനുവദിച്ച സ്കൂളുകളുടെ നിര്‍മ്മാണം നാളിതുവരെ ആരംഭിക്കാത്ത സാഹചര്യത്തില്‍ മണ്ഡലത്തില്‍ തന്നെയുള്ള പകരം സ്കുളിനെ തെരഞ്ഞെടുക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

ഈ സർക്കാരിന്റെ കാലത്ത് ഏറനാട് മണ്ഡലത്തില്‍ പൊതു വിദ്യാഭ്യാസ സംരക്ഷണ യഞ്ജം പദ്ധതി മുഖേനയും , പ്ലാന്‍ ഫണ്ട് ഉപയോഗിച്ചും കെട്ടിട നിര്‍മാണം, നവീകരണം എന്നിവയ്ക്കായി ഏതെല്ലാം സ്കൂളുകൾക്ക് തുക അനുവദിച്ചുവെന്നും അവയില്‍ ഏതെല്ലാം പൂര്‍ത്തിയാക്കിയെന്നും ഇനിയും പൂര്‍ത്തിയാക്കുവാനുള്ളവ ഏതെല്ലാമെന്നുമുള്ള വിശദാംശം നല്‍കുമോ;

ഇവയില്‍ ഓരോന്നിനും എത്ര തുകയാണ് അനുവദിച്ചതെന്നും എപ്പോള്‍ പ്രവൃത്തി പൂര്‍ത്തീകരിക്കാന്‍ കഴിയുമെന്നും അറിയിക്കുമോ?

പൊതുവിദ്യാഭ്യാസ വകുപ്പിൽ ഹയർസെക്കൻഡറി വിഭാഗത്തിൽ മതിയായ യോഗ്യത നിർണയിച്ചു സ്പെഷ്യൽ റൂൾസ് രൂപീകരിക്കാതെ എക്സിക്യൂട്ടീവ് ഉത്തരവിലൂടെ എത്ര തവണ അക്കൗണ്ട്സ് ഓഫീസർ തസ്തികയിലേക്ക് പ്രമോഷൻ നടത്തിയിട്ടുണ്ട്; വിശദാംശം ലഭ്യമാക്കാമോ;

പ്രസ്തുത പ്രമോഷനുകൾ നൽകിയപ്പോൾ മൂന്നു മാസത്തിനകം സ്പെഷ്യൽ റൂൾസ് രൂപീകരിക്കണമെന്നും എക്സിക്യൂട്ടീവ് ഉത്തരവിലൂടെ ഇത്തരം പ്രമോഷനുകള്‍ ആവർത്തിക്കേണ്ടതില്ലെന്നും ബന്ധപ്പെട്ട ഫയലിൽ ഉത്തരവായിട്ടുണ്ടോ; എങ്കിൽ പ്രസ്തുത പ്രമോഷനുകൾ നടത്തുന്നതിനുള്ള യോഗ്യതകൾ സംബന്ധിച്ചും പ്രമോഷനുകൾ നടത്തിയിട്ടുള്ള എക്സിക്യൂട്ടീവ് ഉത്തരവുകളുടെയും ബന്ധപ്പെട്ട ഫയലുകളുടെയും പകർപ്പുകൾ ലഭ്യമാക്കാമോ;

ഡി.പി.ഐ., ഡി.ഇ.ഒ., എ.ഇ.ഒ., എ.ഡി., ആര്‍.ഡി.ഡി. എന്നീ ഓഫീസുകളെ ലയിപ്പിക്കുന്നതിനുള്ള ചട്ട ഭേദഗതി വകുപ്പിലെ റീകണ്‍സ്ട്രക്ഷന്‍ സെല്‍ സെക്ഷനിൽ നടന്നുകൊണ്ടിരിക്കെ ആയത് മറികടന്ന് അത്യാവശ്യ യോഗ്യതയായ കെ.ഇ.ആര്‍. ഒഴിവാക്കി വീണ്ടും എക്സിക്യൂട്ടീവ് ഉത്തരവിലൂടെ മതിയായ യോഗ്യത ഇല്ലാത്തവർക്ക് പ്രമോഷൻ നൽകി (കൈ)നമ്പർ.3/2025/ജി.ഡി.ഇ.എന്‍. നമ്പര്‍ സർക്കാർ ഉത്തരവിറക്കിയത് ഉദ്യോഗസ്ഥ ഭരണ പരിഷ്കാര വകുപ്പിന്റെ വിശേഷാൽ ചട്ട ഭേദഗതി സംബന്ധിച്ചുള്ള നിർദ്ദേശങ്ങൾക്ക് വിരുദ്ധമാണെന്നത് ശ്രദ്ധയിൽപ്പെട്ടിട്ടുണ്ടോ; വിശദാംശം നൽകാമോ;

പ്രസ്തുത ഉത്തരവ് ഇറക്കുന്നതിനായി ചട്ടവും ഫയലിലെ മുൻ ഉത്തരവുകളും മറികടന്ന് പൊതുവിദ്യാഭ്യാസ (സി) സെക്ഷന്‍ അണ്ടർ സെക്രട്ടറിയുടെ ഭാഗത്തുനിന്നുണ്ടായിട്ടുള്ള ഇടപെടലുകളും അമിത താല്പര്യവും പരിശോധിക്കുമോ?

സ്കൂൾ വിദ്യാഭ്യാസത്തിൽ സ്വകാര്യ പങ്കാളിത്തം ഉറപ്പാക്കുന്ന രീതിയിൽ വിദ്യാ സമീക്ഷാ കേന്ദ്രങ്ങൾ സ്ഥാപിക്കാൻ ഉദ്ദേശിക്കുന്നുണ്ടോ; ഉണ്ടെങ്കിൽ വിശദാംശങ്ങൾ നൽകുമോ;

എന്തൊക്കെ കാര്യങ്ങളാണ് പ്രസ്തുത പദ്ധതിയിലൂടെ വിഭാവനം ചെയ്യുന്നത്; പദ്ധതി നടപ്പാക്കുന്നതിനായി ഏത് കമ്പനിയെയാണ് ചുമതലപ്പെടുത്തിയിട്ടുള്ളത്; ഇവരുമായി കരാർ ഒപ്പിട്ടിട്ടുണ്ടോ; ഉണ്ടെങ്കിൽ അതിന്റെ പകർപ്പ് ലഭ്യമാക്കുമോ;

ഡിജിറ്റൽ സർവകലാശാല, എൻ.ഐ.സി. തുടങ്ങിയ പൊതുമേഖലാ സ്ഥാപനങ്ങളെ പരിഗണിക്കാതെ പദ്ധതിക്കായി സ്വകാര്യ കമ്പനിയെ പരിഗണിച്ചത് ഏതു മാനദണ്ഡത്തിന്റെ അടിസ്ഥാനത്തിലാണെന്ന് വ്യക്തമാക്കുമോ;

വി.എസ്.കെ. പദ്ധതി നടപ്പാക്കുന്നതിനായി 2023 ഒക്ടോബറിൽ പൊതു വിദ്യാഭ്യാസ വകുപ്പ് മന്ത്രിയുടെ സാന്നിധ്യത്തിൽ നടന്ന ഉന്നതതല യോഗത്തിന്റെ മിനിട്ട്സിന്റെ പകർപ്പ് ലഭ്യമാക്കുമോ?

കാട്ടാക്കട നിയോജക മണ്ഡലത്തിലെ കുളത്തുമ്മല്‍ എച്ച്.എസ്.എസ്. ന് കളിസ്ഥലം വാങ്ങുന്നതിനുള്ള നടപടികളുടെ നിലവിലെ സ്ഥിതിയും തുടര്‍ നടപടിയും വിശദമാക്കാമോ;

പൂവ്വാര്‍ സ്‍കൂളിന് കളിസ്ഥലം വാങ്ങുന്നതിനുള്ള നടപടികളുടെ നിലവിലെ സ്ഥിതിയും തുടര്‍ നടപടികളും വിശദമാക്കാമോ?

ഹയര്‍ സെക്കണ്ടറി വിഭാഗത്തില്‍ ജോയിന്റ് ഡയറക്ടര്‍ തസ്തികയിലെ നിയമനം എപ്രകാരമാണെന്ന് വെളിപ്പെടുത്തുമോ; ഇതിനായി എന്തെങ്കിലും യോഗ്യത നിഷ്കര്‍ഷിച്ചിട്ടുണ്ടോ; ഉണ്ടെങ്കില്‍ വിശദീകരിക്കുമോ;

നിലവില്‍ ജോയിന്റ് ഡയറക്ടര്‍ തസ്തികയില്‍ ജോലി ചെയ്തു വരുന്നവരുടെ പേരും അവരുടെ അക്കാദമിക്/വിദ്യാഭ്യാസ യോഗ്യതയും അവര്‍ എന്നു മുതല്‍ പ്രസ്തുത തസ്തികയില്‍ ജോലി ചെയ്തുവരുന്നുവെന്നും അറിയിക്കാമോ;

ഈ സർക്കാരിന്റെ കാലത്ത് ജോയിന്റ് ഡയറക്ടര്‍ തസ്തികയില്‍ നിയമനത്തിനായി അപേക്ഷിച്ചിട്ടുള്ളവരുടെ പേര് വിവരവും യോഗ്യതയും ലഭ്യമാക്കാമോ?

അരുവിക്കര നിയോജക മണ്ഡലത്തില്‍ എന്‍.സി.സി., സ്കൗട്ട്സ് & ഗെെഡ്സ്, എസ്.പി.സി., റെഡ്ക്രോസ് തുടങ്ങിയവയുളള സ്കൂളുകളുടെ പേര് വിവരങ്ങള്‍ തരം തിരിച്ച് നല്‍കുമോ?

സംസ്ഥാനത്ത് സ്വകാര്യ ട്യൂഷന്‍ സ്ഥാപനങ്ങള്‍ അമിത ഫീസ് ഈടാക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെതിരെ നടപടി സ്വീകരിക്കുമോ; വിശദമാക്കാമോ;

സ്വകാര്യ സ്ഥാപനങ്ങള്‍ ഈടാക്കിവരുന്ന ഫീസ് ഏകീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

പൊതുവിദ്യാഭ്യാസ വകുപ്പിൽ ഹയർസെക്കൻഡറി വിഭാഗത്തിൽ മതിയായ യോഗ്യത നിർണയിച്ച് സ്പെഷ്യൽ റൂൾസ് രൂപീകരിക്കാതെ എത്ര തവണ എക്സിക്യൂട്ടീവ് ഉത്തരവിലൂടെ അക്കൗണ്ട് ഓഫീസർ തസ്തികയിലേക്ക് പ്രമോഷൻ നൽകിയിട്ടുണ്ട്;

പ്രസ്തുത പ്രമോഷനുകൾ നൽകുമ്പോൾ മൂന്ന് മാസത്തിനകം സ്പെഷ്യൽ റൂൾ രൂപീകരിക്കണമെന്നതും മേലിൽ എക്സിക്യൂട്ടീവ് ഉത്തരവിലൂടെ ഈ നടപടി ആവർത്തിക്കരുതെന്നതും ബന്ധപ്പെട്ട ഫയലിൽ ഉത്തരവായിരുന്നോ;

ബന്ധപ്പെട്ട ഫയലുകളുടെയും, പ്രസ്തുത പ്രമോഷനുകൾ നടത്തുന്നതിനുള്ള യോഗ്യതകൾ സംബന്ധിച്ചും, പ്രമോഷനുകൾ നടത്തിയിട്ടു ഉള്ള എക്സിക്യൂട്ടീവ് ഉത്തരവുകൾ,എന്നിവയുടെ പകർപ്പുകൾ ലഭ്യമാക്കാമോ;

ഡി.പി.ഐ., ഡി.ഇ.ഒ., എ.ഇ.ഒ., എ.ഡി., ആർ.ഡി.ഡി. ഓഫീസുകളെ ലയിപ്പിക്കുന്നതിനുള്ള ചട്ട ഭേദഗതി പൊതുവിദ്യാഭ്യാസ വകുപ്പിലെ ആർ.സി. സെക്ഷനിൽ നടന്നുകൊണ്ടിരിക്കെ അത് മറികടന്ന് പൊതുവിദ്യാഭ്യാസ (സി) സെക്ഷൻ അത്യാവശ്യ യോഗ്യതയായ കെ.ഇ.ആർ. ഒഴിവാക്കി മതിയായ യോഗ്യത ഇല്ലാത്തവർക്ക് പ്രമോഷൻ നൽകാൻ സ.ഉ. (കൈ) നമ്പർ 3/2025/ജി.ഇ.ഡി.എൻ. ഇറക്കിയത് ഉദ്യോഗസ്ഥ ഭരണ പരിഷ്കാര വകുപ്പിന്റെ വിശേഷാൽ ചട്ട ഭേദഗതി സംബന്ധിച്ച നിർദ്ദേശങ്ങൾക്ക് വിരുദ്ധമാണെന്നത് ശ്രദ്ധയിൽപ്പെട്ടിട്ടുണ്ടോ;

ഫയലിലെ മുൻ നിർദ്ദേശങ്ങൾ മറികടന്ന് കെ.ഇ.ആർ. യോഗ്യതയില്ലാത്ത ഉദ്യോഗസ്ഥരെ ഉൾപ്പെടുത്തിക്കൊണ്ട് എക്സിക്യൂട്ടീവ് ഉത്തരവിലൂടെ സ്ഥാനക്കയറ്റം നൽകേണ്ട അടിയന്തര സാഹചര്യം ഉണ്ടോയെന്ന് പരിശോധിക്കുമോ;

സ.ഉ. (കൈ) നമ്പർ 3/2025/ജി.ഇ.ഡി.എൻ സർക്കാർ ഉത്തരവ് ഇറക്കുന്നതിന് പൊതുവിദ്യാഭ്യാസ (സി) വകുപ്പിലെ അണ്ടർ സെക്രട്ടറിയുടെ ഭാഗത്ത് നിന്ന് ചട്ടങ്ങളും ഫയലിലെ മുൻ ഉത്തരവുകളും മറികടന്ന് അനാവശ്യമായ ഇടപെടലുകൾ ഉണ്ടായിട്ടുണ്ടോ; ഇത് സംബന്ധിച്ച് അന്വേഷണം നടത്തുമോ?

കൊല്ലം ജില്ലയില്‍ 2018 മുതല്‍ 2024 വരെയുള്ള വര്‍ഷങ്ങളില്‍ എച്ച്.എസ്.ടി. പാര്‍ട്ട് ടൈം അറബിക് തസ്തികയില്‍ നിന്നും എച്ച്.എസ്.ടി. ഫുള്‍ടൈം തസ്തികയിലേക്ക് ആകെ എത്ര പേര്‍ക്ക് പ്രമോഷന്‍ നല്‍കിയിട്ടുണ്ടെന്ന് വിശദമാക്കുമോ;

ഇത്തരത്തില്‍ പ്രമോഷന്‍ നല്‍കിയിട്ടുണ്ടെങ്കില്‍ അതിനായി സ്വീകരിച്ച മാനദണ്ഡം വിശദമാക്കുമോ;

ഇത്തരത്തില്‍ പ്രമോഷന്‍ നല്‍കുന്നതിനായി ഉത്തരവ് ഇറക്കിയിട്ടുണ്ടോ; എങ്കില്‍ ഉത്തരവിന്റെ പകര്‍പ്പ് ലഭ്യമാക്കുമോ;

കൊല്ലം ജില്ലാ വിദ്യാഭ്യാസ ഉപഡയറക്ടറുടെ 29.05.2018 -ലെ എ3/2919/2014, 08.02.2019-ലെ എ3/2913/2014, 12.02.2024 -ലെ എ3/4000/2023 എന്നീ നമ്പര്‍ ഉത്തരവുകളുടെ പകര്‍പ്പ് ലഭ്യമാക്കുമോ;

05.05.2018 -ലെ എ6/76182/17 നമ്പറായി പൊതു വിദ്യാഭ്യാസ ഡയറക്ടര്‍ കൊല്ലം ജില്ലാ വിദ്യാഭ്യാസ ഉപഡയറക്ടര്‍ക്ക് നല്‍കിയ കത്തിന്റെ പകര്‍പ്പ് ലഭ്യമാക്കുമോ; ഇത്തരത്തില്‍ കത്ത് നല്‍കാന്‍ ഉണ്ടായ സാഹചര്യം എന്താണെന്നും ഇങ്ങനെ ഒരു കത്ത് എന്തടിസ്ഥാനത്തിലാണ് നല്‍കിയതെന്നും വിശദമാക്കുമോ;

സംസ്ഥാനത്താകെ എച്ച്.എസ്.ടി, യു.പി.എസ്.ടി, എല്‍.പി.എസ്.ടി വിഭാഗങ്ങളിലായി എത്ര ഭാഷാ അധ്യാപകര്‍ (അറബിക്, ഉർദു, സംസ്‌കൃതം) പാര്‍ട്ട് ടൈം തസ്തികയില്‍ ജോലി ചെയ്യുന്നുണ്ടെന്ന് ജില്ലയും വിഭാഗവും തിരിച്ചുള്ള കണക്ക് ലഭ്യമാക്കുമോ?

ബൗദ്ധിക വെല്ലുവിളി നേരിടുന്നവർക്കായി വിദ്യാഭ്യാസ വകുപ്പിന് കീഴിൽ എത്ര സ്പെഷ്യൽ സ്കൂളുകളാണ് നിലവിൽ പ്രവർത്തിക്കുന്നത് ; ജില്ലതിരിച്ച് വിശദാംശം നൽകുമോ;

സ്പെഷ്യൽ സ്കൂളുകളിൽ സർക്കാർ സഹായം ലഭിക്കുന്നതിന് കുട്ടികളുടെ എണ്ണം സംബന്ധിച്ച നിബന്ധന വ്യക്തമാക്കുമോ;

വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന 93 സ്പെഷ്യൽ സ്കൂളുകൾ പൂട്ടുവാൻ തീരുമാനിച്ചിട്ടുണ്ടോ; എങ്കിൽ ഏത് സാഹചര്യത്തിലാണ് ഇപ്രകാരം തീരുമാനമെടുത്തത്; പ്രസ്തുത തീരുമാനം പിൻവലിക്കുന്നതിന് അടിയന്തര നടപടി സ്വീകരിക്കുമോ?

വയനാട് ജില്ലയിലെ 2024-25 വർഷത്തെ എൽ.പി.എസ്.ടി. തസ്തിക നിർണ്ണയം പൂർത്തിയായിട്ടുണ്ടോ; ഇല്ലെങ്കിൽ ആയതിന്റെ പുരോഗതി വിശദമാക്കുമോ;

ഡിവിഷൻ ഫോൾ കൃത്യമായ കണക്കെടുത്ത് പുനർവിന്യാസം നടത്തിയിട്ടുണ്ടോ; പുനർവിന്യാസ പ്രകാരം വന്ന പ്രസ്തുത കാലയളവിലെ ഒഴിവുകൾ പി.എസ്.സി. റാങ്ക് ലിസ്റ്റിൽ നിന്നും നികത്തിയിട്ടുണ്ടോ; വിശദമാക്കുമോ;

പ്രസ്തുത നടപടികൾ പ്രകാരം അധിക തസ്തികകൾ അനുവദിച്ചിട്ടുണ്ടോ; ഇല്ലെങ്കിൽ അധിക തസ്തികകൾ അനുവദിക്കുന്നതിന് നടപടികൾ സ്വീകരിക്കുമോ; വിശദമാക്കുമോ;

വയനാട് ജില്ലയിൽ പുതിയതായി വിദ്യാർത്ഥികൾ കൂടിയ വിദ്യാലയങ്ങളിൽ അധ്യാപകരെ നിയമിച്ചത് നിലവിലുള്ള എൽ.പി.എസ്.ടി. റാങ്ക് ലിസ്റ്റിൽ നിന്നാണോ; അല്ലെങ്കിൽ നിലവിലുളള മുഴുവൻ എൽ.പി. സ്കൂൾ അധ്യാപക ഒഴിവുകളിലേക്കും 2025 മേയ് 30-ന് കാലാവധി അവസാനിക്കുന്ന പ്രസ്തുത റാങ്ക് ലിസ്റ്റിൽ നിന്നും നിയമനം നടത്തുന്നതിന് നടപടികൾ സ്വീകരിക്കുമോ; വിശദമാക്കുമോ;

പൊതുവിദ്യാഭ്യാസ ഡയറക്ടറുടെ സർക്കുലർ പ്രകാരം 150-ൽ അധികം കുട്ടികളുള്ള സ്‌കൂളുകളിലെ പ്രധാനാധ്യാപകനെ അധ്യാപന ചുമതലകളിൽ നിന്നും ഒഴിവാക്കാനും അധിക തസ്തിക അനുവദിക്കാനും വ്യവസ്ഥയുണ്ടോ; എങ്കിൽ അപ്രകാരം വയനാട് ജില്ലയിൽ എത്ര ഒഴിവുകൾ ഉണ്ടായിട്ടുണ്ടെന്നും അതിൽ എത്ര എൽ.പി. സ്കൂൾ അധ്യാപക അധിക തസ്തികകൾ അനുവദിച്ചിട്ടുണ്ടെന്നും വിശദമാക്കുമോ?

പൊതുവിദ്യാഭ്യാസ വകുപ്പിൽ ഹയർസെക്കൻഡറി വിഭാഗത്തിൽ മതിയായ യോഗ്യത നിർണയിച്ച് സ്പെഷ്യൽ റൂൾസ് രൂപീകരിക്കാതെ എക്സിക്യൂട്ടീവ് ഉത്തരവിലൂടെ എത്ര തവണ അക്കൗണ്ട്സ് ഓഫീസർ തസ്തികയിലേക്ക് പ്രമോഷൻ നടത്തിയിട്ടുണ്ട്;

പ്രസ്തുത പ്രമോഷനുകൾ നൽകിയപ്പോൾ മൂന്നു മാസത്തിനകം സ്പെഷ്യൽ റൂൾ രൂപീകരിക്കണമെന്നും മേലിൽ എക്സിക്യൂട്ടീവ് ഉത്തരവിലൂടെ ഈ നടപടി ആവർത്തിക്കേണ്ടതില്ലെന്നും ബന്ധപ്പെട്ട ഫയലിൽ ഉത്തരവായിരുന്നോയെന്ന് വ്യക്തമാക്കാമോ;

ബന്ധപ്പെട്ട ഫയലുകളുടെ പകര്‍പ്പ്, പ്രസ്തുത പ്രമോഷനുകൾ നടത്തുന്നതിനുള്ള യോഗ്യതകൾ സംബന്ധിച്ച ഉത്തരവിന്റെ പകര്‍പ്പ്, പ്രമോഷന്‍ നടത്തിയ എക്സിക്യൂട്ടീവ് ഉത്തരവുകളുടെ പകർപ്പുകള്‍ എന്നിവ ലഭ്യമാക്കാമോ;

ഡി.പി.ഐ., ഡി.ഇ.ഒ., എ.ഇ.ഒ., എ.ഡി., ആര്‍.ഡി.ഡി ഓഫീസുകളില്‍ നിയമനം ലഭിക്കുന്നതിനുള്ള ചട്ട ഭേദഗതി നടപടികൾ പൊതുവിദ്യാഭ്യാസ വകുപ്പിലെ ആര്‍.സി. വിഭാഗത്തില്‍ നടന്നുകൊണ്ടിരിക്കെ അത്യാവശ്യ യോഗ്യതയായ കെ.ഇ.ആര്‍. ഒഴിവാക്കി മതിയായ യോഗ്യത ഇല്ലാത്തവര്‍ക്ക് പ്രമോഷൻ നൽകാൻ പൊതു വിദ്യാഭ്യാസ വകുപ്പ് (സി ) വിഭാഗത്തില്‍ നിന്ന് സ. ഉ. (കൈ) നമ്പർ 3/2025/G EDN ഉത്തരവിറക്കിയത് ഉദ്യോഗസ്ഥ ഭരണ പരിഷ്കാര വകുപ്പിന്റെ വിശേഷാൽ ചട്ട ഭേദഗതി സംബന്ധിച്ചുള്ള നിർദ്ദേശങ്ങൾക്ക് വിരുദ്ധമാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കാമോ;

എങ്കിൽ ഇത്തരത്തിൽ ബന്ധപ്പെട്ട ഫയലിലെ മുൻ നിർദ്ദേശങ്ങൾ മറികടന്ന് അത്യാവശ്യം ഉണ്ടായിരിക്കേണ്ട കെ.ഇ.ആര്‍. യോഗ്യത ഒഴിവാക്കി എക്സിക്യൂട്ടീവ് ഉത്തരവിറക്കി സ്ഥാനക്കയറ്റം നൽകാനുള്ള അടിയന്തര സാഹചര്യമുണ്ടോയെന്ന് പരിശോധിക്കുമോ;

പ്രസ്തുത സ. ഉ. (കൈ) നമ്പർ 3/2025/G EDN ഉത്തരവ് ഇറക്കുന്നതിന് ചട്ടവും ഫയലിലെ മുൻ ഉത്തരവുകളും മറികടന്ന് പൊതുവിദ്യാഭ്യാസ (സി) വകുപ്പ് അണ്ടർ സെക്രട്ടറി അനാവശ്യ ഇടപെടലുകളും അമിത താല്പര്യവും കാണിച്ചുവെന്ന ആക്ഷേപം പരിശോധിക്കുമോ;

പൊതുവിദ്യാഭ്യാസ വകുപ്പിലെ ഹയർ സെക്കൻഡറി വിഭാഗം അക്കൗണ്ട്സ് ഓഫീസർമാരുടെ സ്ഥാനക്കയറ്റം, സ്പെഷ്യൽ റൂൾസ് രൂപീകരണം എന്നിവ സംബന്ധിച്ച് നാളിതുവരെ നടപടി എടുത്തതും സ. ഉ. (കൈ) നമ്പർ 3/2025/G EDN ഉത്തരവ് പുറപ്പെടുവിച്ചതുമായ ഫയലിന്റെയും മറ്റ് അനുബന്ധ ഫയലുകളുടെയും പകർപ്പ് ലഭ്യമാക്കാമോ?

യു.പി.എസ്.ടി, എല്‍.പി.എസ്.ടി വിഭാഗങ്ങളില്‍ ജോലി ചെയ്യുന്ന എത്ര പാര്‍ട്ട് ടൈം ഭാഷാ അധ്യാപകര്‍ (അറബിക്, ഉര്‍ദു, സംസ്‌കൃതം) -ക്ക് പ്രൊബേഷന്‍ കാലാവധിക്ക് ശേഷം ഫുള്‍ടൈം തസ്തികയിലേക്ക് പ്രമോഷന്‍ നല്‍കിയിട്ടുണ്ടെന്ന് വര്‍ഷം, ജില്ല, ഭാഷ എന്നിവ തിരിച്ചുള്ള കണക്ക് ലഭ്യമാക്കുമോ;

എച്ച്.എസ്.ടി വിഭാഗത്തില്‍ പാര്‍ട് ടൈം തസ്തികയില്‍ ജോലി ചെയ്യുന്ന എത്ര ഭാഷാ അധ്യാപകര്‍ (അറബിക്, ഉര്‍ദു, സംസ്‌കൃതം) പ്രൊബേഷന്‍ കാലാവധി കഴിഞ്ഞ് പ്രമോഷന് വേണ്ടി കാത്തിരിക്കുന്നുണ്ടെന്ന് ജില്ലയും വിഭാഗവും തിരിച്ചുള്ള കണക്ക് ലഭ്യമാക്കുമോ;

പ്രൊബേഷന്‍ കാലാവധി കഴിഞ്ഞ എച്ച്.എസ്.ടി. വിഭാഗത്തിലെ പാര്‍ട് ടൈം അറബിക് അധ്യാപകര്‍ക്ക് എന്തുകൊണ്ടാണ് പ്രമോഷന്‍ നല്‍കാത്തതെന്ന് വിശദമാക്കുമോ;

ഇത്തരം അധ്യാപകര്‍ക്ക് പ്രമോഷന്‍ നല്‍കുന്നതിന് നടപടി സ്വീകരിക്കുമോ എന്ന് വിശദമാക്കുമോ?

കോവിഡ് പശ്ചാത്തലത്തിൽ അധ്യാപകരും കുട്ടികളും സ്കൂളിൽ ഹാജരാകാതിരുന്ന കാലയളവിൽ ഹയർസെക്കൻഡറി സ്കൂളുകളിൽ ഗസ്റ്റ് അധ്യാപകരായി ജോലി ചെയ്തിരുന്നവർക്ക് വേതനം അനുവദിച്ചിട്ടുണ്ടോ; എങ്കിൽ ബന്ധപ്പെട്ട സർക്കാർ ഉത്തരവ് ലഭ്യമാക്കാമോ;

പ്രസ്തുത കാലയളവിൽ സംസ്ഥാനത്തെ വൊക്കേഷണൽ ഹയർ സെക്കൻഡറി സ്കൂളുകളിൽ താൽക്കാലിക അധ്യാപകരായി ജോലി ചെയ്തിരുന്നവർക്ക് വേതനം നൽകിയിരുന്നോ; ഇല്ലെങ്കിൽ കാരണം വ്യക്തമാക്കാമോ;

ഹയർസെക്കൻഡറി സ്കൂളുകളിലെ ഗസ്റ്റ് അധ്യാപകർക്ക് വേതനം നൽകിയ ഉത്തരവ് വി.എച്ച്. എസ്.ഇ. ക്കും ബാധകമാക്കി താൽക്കാലിക അധ്യാപകർക്ക് വേതനം നൽകുന്നതിന് വേണ്ട നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് ഹയർസെക്കണ്ടറി വിദ്യാഭ്യാസ മേഖലയിൽ എത്ര അധ്യാപക തസ്തികകൾ ഒഴിവുണ്ടെന്ന് വിശദമാക്കുമോ; ഏതെല്ലാം വിഷയത്തിലാണ് ഒഴിവുകളുള്ളതെന്ന് ജില്ല തിരിച്ചുള്ള വിശദാംശങ്ങൾ ലഭ്യമാക്കുമോ;

ടി തസ്തികകളിൽ പി.എസ്‌.സി. നിയമനത്തിന് നിലവിൽ ഏതെല്ലാം റാങ്ക് ലിസ്റ്റുകൾ നിലവിലുണ്ടെന്നും ഈ റാങ്ക് ലിസ്റ്റുകൾ എന്ന് നിലവിൽ വന്നതാണെന്നും അതിന്റെ കാലാവധി എത്രയാണെന്നും ഈ റാങ്ക് ലിസ്റ്റിൽ നിന്നും നാളിതുവരെ എത്ര നിയമനം നടത്തിയെന്നും വിഷയം തിരിച്ച് വിശദാംശങ്ങൾ ലഭ്യമാക്കുമോ;

ഹയർ സെക്കണ്ടറി പ്രിൻസിപ്പൽ തസ്തികയിലേക്ക് 2:1 എന്ന അനുപാതത്തിൽ ഹൈസ്കൂൾ എച്ച്.എം / വൈസ് പ്രിൻസിപ്പൽ പ്രമോഷൻ നിയമനം പുന:പരിശോധിക്കുന്നതിന് കേരള ഹൈക്കോടതി, കേരള അഡ്മിനിസ്ട്രേറ്റീവ് ട്രൈബ്യൂണൽ എന്നിവിടങ്ങളിൽ നിന്നും ഏതെങ്കിലും നിർദ്ദേശങ്ങളോ ഉത്തരവുകളോ ലഭിച്ചിട്ടുണ്ടോ; എങ്കിൽ ആയതിന്റെ പകർപ്പും അതിൻമേൽ സ്വീകരിച്ചിരിക്കുന്ന നടപടികളുടെ വിശദവിവരങ്ങളും ലഭ്യമാക്കാമോ;

ഹയർ സെക്കണ്ടറിയിൽ 2024-25 അക്കാദമിക വർഷം തസ്തിക നിർണ്ണയം പൂർത്തീകരിച്ചിട്ടുണ്ടോ; എങ്കിൽ എത്ര അധിക തസ്തികകൾ നിലവിലുണ്ട് എന്ന് വ്യക്തമാക്കുമോ;

ഹയർ സെക്കണ്ടറി അധ്യാപക നിയമനം എന്നത്തേക്ക് പൂർത്തീകരിക്കാൻ സാധിക്കുമെന്ന് വ്യക്തമാക്കുമോ?

എയ്ഡഡ് ഹയർസെക്കൻഡറി, വൊക്കേഷണൽ ഹയർ സെക്കൻഡറി സ്കൂളുകളിലെ അധ്യാപക നിയമനങ്ങളിൽ ഭിന്നശേഷി സംവരണവുമായി ബന്ധപ്പെട്ട് സ്വീകരിക്കേണ്ട നടപടിക്രമങ്ങൾ എന്തൊക്കെയാണെന്ന് വ്യക്തമാക്കാമോ;

ഭിന്നശേഷി സംവരണത്തിന് യോഗ്യതയുള്ള ഉദ്യോഗാർത്ഥി തുടർച്ചയായി എത്ര അധ്യയന വർഷങ്ങളിൽ അപേക്ഷ നൽകാതെ വരുന്ന സാഹചര്യത്തിലാണ് പ്രസ്തുത തസ്തികയിലേക്ക് ജനറൽ കാറ്റഗറിയിൽ നിന്നും നിയമനം നടത്തുവാൻ കഴിയുന്നത്; ഇത് സംബന്ധിച്ച കൃത്യമായ നടപടിക്രമം വ്യക്തമാക്കുമോ;

ഭിന്നശേഷി സംവരണവുമായി ബന്ധപ്പെട്ട് നാളിതുവരെ പുറപ്പെടുവിച്ചിട്ടുള്ള ഉത്തരവുകളുടെയും മാർഗ്ഗനിർദ്ദേശങ്ങളുടെയും പകർപ്പുകൾ ലഭ്യമാകുമോ?

കോട്ടയം ജില്ലയിലെ സർക്കാർ യു.പി.എസ്.എ. തസ്തികയിൽ നേരിട്ടുള്ള നിയമനത്തിനു വേണ്ടി നിലവിലെ ഒഴിവുകൾ പി.എസ്.സി.യ്ക്ക് റിപ്പോർട്ട് ചെയ്യുന്നതിനുള്ള നടപടികൾ ആരംഭിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത ജില്ലയിലെ പ്രൈമറി പ്രഥമാധ്യാപക തസ്തികയിലേക്ക് 2025 ൽ നിയമനം ലഭിക്കേണ്ട അധ്യാപകരുടെ സീനിയോരിറ്റി ലിസ്റ്റ് നിലവില്‍ ജോലി നോക്കുന്ന സ്കൂൾ ഉൾപ്പെടെ ലഭ്യമാക്കാമോ?

വൊക്കേഷണൽ ഹയർ സെക്കൻഡറി സ്കൂളിൽ നോണ്‍ വൊക്കേഷണല്‍ ടീച്ചര്‍ (ബയോളജി-സീനിയർ) തസ്തികയിലേക്ക് ഹൈസ്കൂൾ ബയോളജി അധ്യാപകരിൽ നിന്നും ബൈ ട്രാൻസ്ഫർ നിയമത്തിനായി പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ നിന്നും എത്ര അധ്യാപികമാർക്ക് നിയമനം നൽകിയിട്ടുണ്ട്; വ്യക്തമാക്കാമോ;

വൊക്കേഷണൽ ഹയർ സെക്കൻഡറി വിദ്യാലയങ്ങളിൽ നിലവില്‍ എത്ര നോൺ വൊക്കേഷണൽ ടീച്ചര്‍ (ബയോളജി-സീനിയർ) ഒഴിവുകൾ നിലവിലുണ്ട്;

എച്ച്.എസ്.എ. ബയോളജി ബൈ ട്രാൻസ്ഫർ തസ്തികയിൽ വൊക്കേഷണൽ ഹയർസെക്കൻഡറി നോൺ വൊക്കേഷണൽ ടീച്ചര്‍ (ബയോളജി-സീനിയർ) തസ്തികയിൽ എത്ര ഒഴിവുകൾ കേഡര്‍ സ്ട്രെങ്ത് അനുപാതത്തിലുണ്ട്; നിലവിൽ എത്ര ഒഴിവുകള്‍ റിപ്പോർട്ട് ചെയ്തിട്ടുണ്ട്;

പുതിയ അക്കാദമിക് വർഷം ആരംഭിക്കുവാൻ മാസങ്ങൾ മാത്രമേയുള്ളു എന്നതിനാൽ നിലവിലുള്ള ബൈട്രാന്‍സ്ഫര്‍ റാങ്ക് ലിസ്റ്റിൽ നിന്ന് ബൈ ട്രാൻസ്ഫർ ഒഴിവുകൾ പൂർണ്ണമായും നികത്തുവാൻ നടപടി സ്വീകരിച്ചിട്ടുണ്ടോ; ഈ മേഖലയിൽ സൂപ്പർന്യൂമറി തസ്തിക സൃഷ്ടിച്ച് നിയമനം നടത്തുവാൻ നടപടി കൈക്കൊണ്ടിട്ടുണ്ടോ; വ്യക്തമാക്കാമോ?

എല്‍.പി.എസ്.ടി./യു.പി.എസ്.ടി. (മലയാളം മീഡിയം) തസ്തികയിൽ ഓരോ വര്‍ഷവും ഉണ്ടാവുന്ന ഒഴിവുകളുടെ 5% മാത്രം തസ്തിക മാറ്റത്തിന്‌ മാറ്റിവയ്ക്കണമെന്ന വിദ്യാഭ്യാസ വകുപ്പിന്റെ ഉത്തരവ്‌ നിലനിൽക്കെ 02/02/2024-ല്‍ എറണാകുളം ജില്ലയില്‍ യു.പി.എസ്.ടി. തസ്തികയില്‍ 12 ഒഴിവുകള്‍ തസ്തിക മാറ്റത്തിന്‌ എപ്രകാരം മാറ്റിവച്ചുവെന്ന് അറിയിക്കാമോ; ഇത്‌ ഏത് ഉത്തരവിന്റെ അടിസ്ഥാനത്തിലാണെന്ന് വ്യക്തമാക്കാമോ;

സര്‍ക്കാര്‍ ഉത്തരവിന്‌ വിരുദ്ധമായി തസ്തിക മാറ്റത്തിന്‌ മാറ്റിവെച്ച ഈ ഒഴിവുകള്‍ നേരിട്ടുള്ള നിയമനത്തിനായി മാറ്റി നൽകുന്നതിനുള്ള നടപടികൾ സ്വീകരിക്കുമോ;

എറണാകുളം ജില്ലയില്‍ 2024-ൽ ഗവൺമെന്റ്‌ പ്രൈമറി സ്കൂളുകളില്‍ നിന്നും സ്ഥാനക്കയറ്റം ലഭിച്ചതും വിരമിച്ചതും സ്ഥാനക്കയറ്റം പരിത്യാഗം ചെയ്തുതുമായ പി.ഡി. ടീച്ചര്‍മാര്‍രുടെ പേരും ജോലി ചെയ്യുന്ന സ്കൂളും സംബന്ധിച്ച വിവരങ്ങള്‍ അറിയിക്കാമോ; ഇത്‌ പ്രകാരം എല്‍.പി.എസ്.ടി./യു.പി.എസ്.ടി. തസ്തികകളില്‍ ഉണ്ടായിട്ടുള്ള ഒഴിവുകൾ സ്കൂളുകൾ തിരിച്ച് നല്‍കാമോ;

നിലവിൽ എറണാകുളം ജില്ലയില്‍ ഗവൺമെന്റ്‌ പ്രൈമറി സ്കൂളുകളില്‍ ജോലിചെയ്യുന്ന പി.ഡി. ടീച്ചര്‍മാര്‍ ഏത്‌ വിഷയത്തിലെ തസ്തികകളിൽ ആണെന്ന്‌ സ്കൂളുകള്‍ തിരിച്ച്‌ പേര്‌ സഹിതം അറിയിക്കാമോ?

ഈ സർക്കാരിന്റെ കാലത്ത് പൊതുവിദ്യാഭ്യാസ വകുപ്പിൽ പുതുതായി എത്ര തസ്തികകൾ സൃഷ്ടിച്ചുവെന്ന് വ്യക്തമാക്കാമോ;

ഖാദർ കമ്മിറ്റി റിപ്പോർട്ട് പ്രകാരം ശിപാർശ ചെയ്തിരുന്ന വിവിധ വിഭാഗങ്ങളിലുള്ള സ്കൂൾ ഏകീകരണം പൂർത്തിയായോ; ഇല്ലെങ്കിൽ എന്ന് പൂർത്തീകരിക്കാനാണ് ലക്ഷ്യമിടുന്നതെന്ന് വ്യക്തമാക്കാമോ?

പാറശാല മണ്ഡലത്തിൽ സർക്കാർ, എയ്ഡഡ് വിഭാഗങ്ങളില്‍ പ്രവർത്തിച്ചു വരുന്ന പൊതുവിദ്യാലയങ്ങളുടെ പട്ടിക പഞ്ചായത്ത് തിരിച്ച് ലഭ്യമാക്കാമോ;

പാറശാല മണ്ഡലത്തിൽ അൺഎയ്ഡഡ് വിഭാഗത്തിൽ പ്രവർത്തിച്ചുവരുന്ന വിദ്യാലയങ്ങളുടെ പട്ടിക പഞ്ചായത്തു തിരിച്ച് ലഭ്യമാക്കാമോ; ഇതിൽ ഏതൊക്കെ സ്ക്കൂളുകൾ അംഗീകാരത്തിനായി സർക്കാരിൽ അപേക്ഷ സമർപ്പിച്ചിട്ടുണ്ട്; ആയതിന്മേൽ സ്വീകരിച്ച നടപടികൾ എന്തൊക്കെയാണ്;

പാറശാല മണ്ഡലത്തിലെ വിവിധ എയ്ഡഡ് സ്ക്കൂളുകളിൽ നിയമനാംഗീകാരം ലഭിക്കാത്ത എത്ര അധ്യാപക, അനധ്യാപക ജീവനക്കാർ ജോലി നോക്കി വരുന്നു; ഇവർക്ക് നിയമനാംഗീകാരം നൽകുന്ന നടപടികളുടെ പുരോഗതി സ്ക്കൂൾ, തസ്തിക എന്നിവ തിരിച്ചു ലഭ്യമാക്കാമോ;

പാറശാല മണ്ഡലത്തിലെ വിവിധ എയ്ഡഡ് സ്ക്കൂളുകളിൽ ഭിന്നശേഷി നിയമനവുമായി ബന്ധപ്പെട്ട് സ്വീകരിച്ചിട്ടുള്ള നടപടികളുടെ പുരോഗതി, നിയമനം ലഭിച്ച ജീവനക്കാരുടെ എണ്ണം, ആയതിലേക്കായി മാറ്റി വച്ച തസ്തികകൾ എന്നിവ സ്ക്കൂൾ, തസ്തിക തിരിച്ചു ലഭ്യമാക്കാമോ?

സംസ്ഥാന പൊതുവിദ്യാഭ്യാസ വകുപ്പിന് കീഴിലെ ജില്ലാ അധ്യാപക കേന്ദ്രങ്ങളില്‍ (ഡയറ്റ്) ലക്ചറര്‍ തസ്തികയില്‍ അന്യത്ര സേവന വ്യവസ്ഥയില്‍ എത്ര സ്കൂള്‍ അധ്യാപകര്‍ ജോലി ചെയ്യുന്നുണ്ട്; ജില്ല തിരിച്ചുള്ള വിവരം ലഭ്യമാക്കുമോ;

അന്യത്ര സേവന വ്യവസ്ഥയില്‍ പ്രസ്തുത തസ്തികയില്‍ ജോലി ചെയ്തുവരുന്ന സ്കൂള്‍ അധ്യാപകരെ മാതൃ വകുപ്പിലേയ്ക്ക് തിരിച്ചയക്കാന്‍ എന്തെങ്കിലും ഉത്തരവുകള്‍ പുറപ്പെടുവിച്ചിട്ടുണ്ടോ; എങ്കിൽ പകര്‍പ്പ് ലഭ്യമാക്കുമോ;

മേല്‍ ഉത്തരവ് നടപ്പിലാക്കുന്നതുമായി ബന്ധപ്പെട്ട് കോടതി സ്റ്റേ ഉത്തരവ് നിലവിലുണ്ടോ; ഉണ്ടെങ്കില്‍ ഏത് തീയതിയിലാണ് സ്റ്റേ ഉത്തരവ് വന്നതെന്ന് വ്യക്തമാക്കാമോ;

കോടതി സ്റ്റേ ഉത്തരവ് മറികടക്കാന്‍ വകുപ്പിന്റെ ഭാഗത്ത് നിന്ന് എന്തെല്ലാം അപ്പീല്‍ നടപടികളാണ് ഉണ്ടായതെന്ന് വ്യക്തമാക്കാമോ?

2016 ജൂലായ് 15 നും 2016 ഡിസംബർ 3 നും ഇടയിൽ സംസ്ഥാനത്തെ എയ്ഡഡ് വിദ്യാലയങ്ങളിലെ ദീർഘകാല അവധി ഒഴിവുകളിൽ നിയമിതരാവുകയും പൊതുവിദ്യാഭ്യാസ വകുപ്പിന്റെ 06/02/2021 ലെ സ.ഉ.(പി) 04/2021 നമ്പർ ഉത്തരവ് പ്രകാരം നോഷണൽ ആയി അപ്രൂവൽ ലഭിക്കുകയും ചെയ്ത അധ്യാപകരുടെ കാറ്റഗറി തിരിച്ചുള്ള എണ്ണം ജില്ലാടിസ്ഥാനത്തില്‍ ലഭ്യമാക്കാമോ;

03.12.2016ലെ സ.ഉ.(പി)നം. 199/2016/പൊ.വി.വ. പ്രകാരം കേരള വിദ്യാഭ്യാസ (ഭേദഗതി) ചട്ടങ്ങൾക്ക് (എസ്.ആര്‍.ഒ. നം.752/2016) മുൻകാല പ്രാബല്യം നല്‍കിയത് വഴി സാമ്പത്തിക ആനുകൂല്യം നഷ്ടപ്പെട്ടത് പരിഹരിക്കുന്നത് സംബന്ധിച്ച് നിവേദനം ലഭ്യമായിട്ടുണ്ടോ; ഉണ്ടെങ്കില്‍ ഇതിന്‍മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ?

2025-ൽ തിരുവനന്തപുരം ജില്ലയിലെ സർക്കാർ സ്‌കൂളുകളിൽ യു.പി.എസ്.ടി. (മലയാളം മീഡിയം) (ലാംഗ്വേജ് ടീച്ചർ ഒഴികെ) തസ്തികയില്‍ നിന്നം വിരമിക്കുന്ന അധ്യാപകരുടെ എണ്ണം, സ്കൂള്‍, വിരമിക്കൽ തീയതി എന്നിവ മാസം തിരിച്ച് വിശദമാക്കാമോ;

2025-ൽ തിരുവനന്തപുരം ജില്ലയിലെ സർക്കാർ സ്കൂ‌ളുകളിൽ നിന്നും വിരമിക്കുന്ന പ്രൈമറി പ്രഥമ അധ്യാപകരുടെ എണ്ണം, സ്‌കൂൾ, വിരമിക്കൽ തീയതി, എന്നിവ മാസം തിരിച്ച് വിശദമാക്കാമോ;

തിരുവനന്തപുരം ജില്ലയിലെ പി. ഡി. ടീച്ചർമാരിൽ നിന്നും ഹൈസ്‌കൂളിലേക്കുള്ള പ്രമോഷനായി നീക്കി വച്ചിരിക്കുന്ന ഒഴിവുകളുടെ കൃത്യമായ എണ്ണം വിഷയം തിരിച്ചു വിശദമാക്കാമോ;

ഈ അധ്യയന വർഷത്തെ ആന്റിസിപ്പേറ്ററി വേക്കൻസികൾ റിപ്പോര്‍ട്ട് ചെയ്യുന്നതിനുളള സർക്കുലർ ഇറങ്ങുകയോ, ഒഴിവുകൾ റിപ്പോർട്ട് ചെയ്യുകയോ ചെയ്തിട്ടുണ്ടോ; ഇല്ലെങ്കില്‍ ആയതിന്റെ കാരണം വിശദമാക്കാമോ;

നിലവിലെ എൽ. പി./യു. പി. ലിസ്റ്റിന്റെ കാലാവധി എട്ടുമാസം മാത്രം നിലനിൽക്കെ നിലവിലെ ലിസ്റ്റിനെ ബാധിക്കാത്ത രീതിയിൽ ഇന്റർ ഡിപ്പാർട്ട്മെന്റ് ട്രാൻസ്ഫർ വഴി നിയമനങ്ങള്‍ നടത്തുന്നതിനുളള നടപടി സ്വീകരിക്കുമോ?

തിരുവനന്തപുരം ജില്ലയിലെ യു.പി. മലയാളം മീഡിയം അദ്ധ്യാപക തസ്തികയിലെ 2024-25 വർഷത്തെ തസ്‌തിക നിർണയം 2024 ഡിസംബർ 31-ന് മുൻപ് പൂര്‍ത്തിയാക്കിയിട്ടുണ്ടോ; വിശദമാക്കാമോ;

2024-25 ലെ അധിക തസ്‌തിക നിർണയ പ്രകാരം തിരുവനന്തപുരം ജില്ലയിലെ സർക്കാർ സ്‌കൂളുകളിൽ യു.പി. അദ്ധ്യാപകർക്കായി പ്രൊപ്പോസൽ നല്കിയിട്ടുള്ള ഒഴിവുകളുടെ എണ്ണം, സ്‌കൂളിന്റെ പേര് എന്നിവ വിശദമാക്കാമോ;

2024-25 അധ്യയന വർഷത്തിൽ തിരുവനന്തപുരം ജില്ലയിലെ സർക്കാർ സ്‌കൂളുകളിൽ നഷ്ടമായ പി.ഡി.റ്റി./യു.പി.എസ്.റ്റി. തസ്‌തികകള്‍ എത്രയെന്ന് വിശദമാക്കാമോ;

1.1.2016 മുതൽ 2024 നവംബർ വരെ എച്ച്.എസ്.എസ്.റ്റി ജൂനിയർ തസ്തികയിൽ ആകെ എത്ര ഒഴിവുകളുണ്ടെന്ന് അറിയിക്കാമോ; ഇതില്‍ എത്രയെണ്ണമാണ് കേഡർ സ്ട്രെങ്ത് അനുസരിച്ച് ബെെട്രാൻസ്ഫർ നിയമനത്തിന് വേണ്ടി മാറ്റി വച്ചിട്ടുള്ളതെന്ന് വിശദമാക്കാമോ; ഓരോ വിഷയത്തിനും കേഡർ സ്ട്രെങ്ത് അനുസരിച്ച് എത്ര ബെെട്രാൻസ്ഫർ ഒഴിവുകളാണ് മാറ്റി വച്ചിട്ടുള്ളതെന്ന് വിശദമാക്കാമോ;

എച്ച്.എസ്.എസ്.റ്റി ജൂനിയർ തസ്തികയിലേക്ക് കേഡർ സ്ട്രെങ്ത് അനുസരിച്ചുള്ള ബെെട്രാൻസ്ഫർ നിയമനം സീനിയോറിറ്റി ലിസ്റ്റ് പ്രസിദ്ധീകരിച്ച് എന്നത്തേക്ക് പൂർത്തിയാകുമെന്ന് വ്യക്തമാക്കമോ; പ്രസ്തുത ബെെട്രാൻസ്ഫർ ഒഴിവുകളുടെ വിഷയം തിരിച്ചുള്ള ആകെ എണ്ണത്തിൽ എച്ച്.എസ്.എ, പി.ഡി ടീച്ചർ, ലാബ് അസിസ്റ്റന്റ്, മിനിസ്റ്റീരീയൽ സ്റ്റാഫ് എന്നിവയ്ക്ക് എത്ര വീതമാണുള്ളതെന്ന വിവരം തരംതിരിച്ച് വ്യക്തമാക്കാമോ?

എയ്ഡഡ് സ്കൂള്‍ ഭിന്നശേഷി സംവരണ വിഷയത്തിൽ ഹൈക്കോടതി വിധിപ്രകാരം പ്രൊഫഷണലി അപ്രൂവ്ഡ് ടീച്ചേഴ്സിന് നിലവിൽ ജി.ഐ.എസ്., മെഡിസെപ്, പി.എഫ്., ജൂനിയര്‍ സീനിയര്‍ പ്രൊമോഷന്‍ എന്നിവ അനുവദിച്ചിട്ടുണ്ടെങ്കിലും എസ്.എല്‍.ഐ., എന്‍.പി.എസ്., വാർഷിക ഇൻക്രിമെന്റ്, ലീവ് അനുകൂല്യങ്ങൾ എന്നിവ അനുവദിക്കാത്തതിന്റെ കാരണം വ്യക്തമാക്കാമോ;

പ്രൊഫഷണലി അപ്പോയിന്റഡ് അധ്യാപകരുടെ നിയമനങ്ങൾ തടസപ്പെടുത്താതെ അതിനുശേഷം വന്ന ഒഴിവുകളില്‍ ഭിന്നശേഷി നിയമനം നടത്തുന്നതിനുള്ള സുപ്രീം കോടതി ഇടക്കാല വിധി വ്യക്തമാക്കി പൊതു വിദ്യാഭ്യാസ വകുപ്പ് ഉത്തരവ് ഇറക്കിയിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ;

നിലവിൽ ഒഴിഞ്ഞുകിടക്കുന്ന ഏതു വേക്കൻസികളും ഭിന്നശേഷി സംവരണത്തിൽ ഉൾപ്പെടുത്തുന്നതിൽ തടസ്സങ്ങൾ ഉണ്ടോയെന്ന് വ്യക്തമാക്കാമോ;

എയ്ഡഡ് സ്കൂള്‍ ഭിന്നശേഷി നിയമനം നടത്തുവാൻ നാളിതുവരെ എത്ര മാനേജ്മെന്റുകളാണ് റിക്വസിഷൻ സമർപ്പിച്ചിട്ടുള്ളതെന്ന് വ്യക്തമാക്കാമോ;

വിവിധ എംപ്ലോയ്മെൻറ് എക്സ്ചേഞ്ചുകളിൽ റിക്വസിഷൻ പ്രകാരം ഭിന്നശേഷി നിയമനം നടത്താൻ എത്ര വേക്കൻസികൾ റിപ്പോർട്ട് ചെയ്തിട്ടുണ്ടെന്ന് വ്യക്തമാക്കാമോ?

സംസ്ഥാനത്ത് എത്ര ഹയർസെക്കൻഡറി സ്കൂളുകളിൽ പ്രിൻസിപ്പൽ തസ്തികൾ ഒഴിഞ്ഞു കിടക്കുന്നു എന്നുള്ളതിന്റെ വിശദവിവരം ജില്ല തിരിച്ച് ലഭ്യമാക്കുമോ;

ഹയർസെക്കൻഡറി സ്കൂളുകളിൽ പ്രിൻസിപ്പൽ തസ്തിക ഒഴിഞ്ഞു കിടക്കുന്നത് എന്തുകൊണ്ടാണെന്ന് വിശദമാക്കുമോ;

സ്ഥിരം പ്രിൻസിപ്പൽമാരുടെ അഭാവം സംസ്ഥാനത്തെ ഹയർ സെക്കൻഡറി സ്കൂളുകളുടെ പൊതു അച്ചടക്കത്തെയും സ്കൂളുകളുടെ പ്രവർത്തനങ്ങളെയും സാരമായി ബാധിച്ചിട്ടുള്ളത് ശ്രദ്ധയിൽപ്പെട്ടിട്ടുണ്ടോ;

ഒഴിഞ്ഞുകിടക്കുന്ന പ്രസ്തുത തസ്തികയിൽ നിയമനം നടത്താൻ സ്വീകരിച്ച നടപടികൾ വിശദമാക്കുമോ?

2015-16 അധ്യയന വർഷം മുതൽ എയ്ഡഡ് വിദ്യാലയങ്ങളിൽ സ്ഥിര നിയമനം നേടിയ അധ്യാപകർക്ക് ജോലി സംരക്ഷണം നൽകി അധ്യാപക ബാങ്കിൽ ഉൾപ്പെടുത്തിയിട്ടില്ലാത്ത സാഹചര്യത്തിൽ അദ്ധ്യാപക ബാങ്കിൽ ആവശ്യമായ അധ്യാപകർ ഇല്ലാത്തതിനാൽ സംരക്ഷിത അധ്യാപകരെ നിയമിക്കേണ്ട പല ഒഴിവുകളിലും ദിവസ വേതനാടിസ്ഥാനത്തിൽ നിയമനം നടത്തുന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

മതിയായ സംരക്ഷിത അധ്യാപകർ ഇല്ലാത്തതിനാൽ താൽക്കാലിക നിയമനം നടത്തേണ്ടി വരികയും എന്നാൽ ജോലി സംരക്ഷണം ലഭിക്കാതെ 2015-16 മുതൽ നിയമിതരായ അധ്യാപകർക്ക് ജോലി നഷ്ടപ്പെടുകയും ചെയ്യുന്ന സാഹചര്യം ഒഴിവാക്കുന്നതിനായി മേൽപ്പറഞ്ഞ അധ്യാപകർക്ക് കൂടി സംരക്ഷണം നൽകി അധ്യാപക ബാങ്ക് നവീകരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

2023-24 അധ്യയന വർഷം സര്‍ക്കാര്‍ സ്കൂളുകളിൽ അനുവദിച്ച അധിക തസ്തികകൾ (ഫയല്‍ നമ്പര്‍ ജെആര്‍1/317/2023 ജിഇഎന്‍ ഇഡിഎന്‍) ജില്ല തിരിച്ചും എല്‍.പി., യു.പി., എച്ച്.എസ്. എന്നീ സ്കൂള്‍ തലങ്ങള്‍ വേർതിരിച്ചും നൽകാമോ;

2023-24 അധ്യയന വർഷം എറണാകുളം ജില്ലയിലെ സർക്കാർ സ്കൂളുകളിൽ എല്‍.പി., യു.പി., എച്ച്.എസ്. എന്നിവയ്ക്ക് അനുവദിച്ച അധിക തസ്തികകൾ എത്ര എണ്ണമാണെന്നും ഏതൊക്കെ സ്കൂളുകളിലാണെന്നും വേർതിരിച്ച് നൽകാമോ; 2024-25 അധ്യയന വർഷം തസ്തിക നിര്‍ണ്ണയപ്രകാരം ടി അധിക തസ്തികകൾ എല്‍.പി., യു.പി., എച്ച്.എസ്. -ന് എത്ര എണ്ണം, ഏതൊക്കെ സ്കൂളുകളില്‍ നിലനില്‍ക്കുന്നുണ്ടെന്ന് വേർതിരിച്ച് നൽകാമോ;

2024-25 അധ്യയന വർഷം എറണാകുളം ജില്ലയിലെ എ.ഇ.ഒ., ഡി.ഇ.ഒ, ഡി.ഡി. ഓഫീസുകളില്‍ നിന്നും ഡി.ജി.ഇ. ഓഫീസിലേക്ക് എത്ര അധിക തസ്തികകൾക്കുള്ള ശിപാര്‍ശകള്‍ ലഭിച്ചുവെന്ന് അറിയിക്കാമോ; എല്‍.പി., യു.പി., എച്ച്.എസ്. വേർതിരിച്ച് ഏതൊക്കെ സ്കൂളുകളിലാണ് ടി തസ്തികകൾ എന്ന് അറിയിക്കാമോ;

2025 മാര്‍ച്ച്‌, ഏപ്രില്‍, മേയ്‌, ജൂണ്‍ മാസങ്ങളില്‍ എറണാകുളം ജില്ലയില്‍ നിന്നും എത്ര ഗവ. എല്‍.പി., യു.പി പ്രഥമ അധ്യാപകർ വിരമിക്കുന്നുണ്ടെന്ന് അറിയിക്കാമോ; വിരമിക്കുന്ന അധ്യാപകരുടെ പേര്, നിലവില്‍ ജോലി ചെയ്യുന്ന സ്കൂള്‍, വിരമിക്കുന്ന തീയതി എന്നിവ അറിയിക്കാമോ;

പ്രസ്തുത മാസങ്ങളില്‍ എറണാകുളം ജില്ലയില്‍ എത്ര ഗവ. എല്‍.പി.എസ്.ടി. (മലയാളം) അധ്യാപകർ വിരമിക്കുന്നുണ്ടെന്ന് അറിയിക്കാമോ; വിരമിക്കുന്ന അധ്യാപകരുടെ പേര്, നിലവില്‍ ജോലി ചെയ്യുന്ന സ്കൂള്‍, വിരമിക്കുന്ന തീയതി, ഔദ്യോഗിക പദവി എന്നിവ വേർതിരിച്ചു നൽകാമോ;

ഇതേ കാലയളവിൽ എറണാകുളം ജില്ലയില്‍ എത്ര ഗവ. യു.പി.എസ്.ടി (മലയാളം) അധ്യാപകർ വിരമിക്കുന്നുണ്ടെന്ന് അറിയിക്കാമോ; വിരമിക്കുന്ന അധ്യാപകരുടെ പേര്, നിലവില്‍ ജോലി ചെയ്യുന്ന സ്കൂള്‍, വിരമിക്കുന്ന തീയതി, ഔദ്യോഗിക പദവി എന്നിവ വേർതിരിച്ചു നൽകാമോ?

സര്‍ക്കാര്‍ സ്കൂളുകളിലെ എത്ര അദ്ധ്യാപകര്‍ ഡെപ്യൂട്ടേഷന്‍ വ്യവസ്ഥയില്‍ സമഗ്ര ശിക്ഷാ കേരള-യില്‍ ജാേലി ചെയ്യുന്നുണ്ട്; വ്യക്തമാക്കാമോ;

പ്രസ്തുത അദ്ധ്യാപകര്‍ ഡെപ്യൂട്ടേഷന്‍ കാലാവധി അവസാനിപ്പിച്ച് തിരികെ മാതൃ വകുപ്പിലേക്ക് സ്ഥലം മാറ്റത്തിന് അപേക്ഷിക്കുമ്പാേള്‍ ഡെപ്യൂട്ടേഷന്‍ കാലം സര്‍വീസായി പരിഗണിക്കാറുണ്ടാേ;

സ്കൂള്‍ അദ്ധ്യാപകരുടെ സ്ഥലം മാറ്റത്തിനുള്ള അപേക്ഷ ക്ഷണിക്കുമ്പാേള്‍ ഡെപ്യൂട്ടേഷന്‍ കാലം കൂടി സര്‍വീസായി പരിഗണിക്കാന്‍ ഉദ്ദേശിക്കുന്നുണ്ടാേ; എങ്കിൽ വിശദാംശം ലഭ്യമാക്കാമാേ?

എല്‍.പി.എസ്.ടി./യു.പി.എസ്.ടി. തസ്തികയിൽ ഓരോ വർഷവും ഉണ്ടാവുന്ന ഒഴിവുകളുടെ 5% മാത്രം തസ്തിക മാറ്റത്തിന് നീക്കിവയ്ക്കണമെന്ന് വിദ്യാഭ്യാസ വകുപ്പിന്റെ ഉത്തരവ് നിലനിൽക്കെ 02/02/2024-ൽ എറണാകുളം ജില്ലയിൽ യു.പി.എസ്.ടി. തസ്തികയിൽ എപ്രകാരം 12 ഒഴിവുകൾ തസ്തിക മാറ്റത്തിന് മാറ്റിവച്ചുവെന്നും ഇത് ഏതു ഉത്തരവിന്റെ അടിസ്ഥാനത്തിലാണെന്നും വ്യക്തമാക്കാമോ;

സർക്കാർ ഉത്തരവിന് വിരുദ്ധമായി അധികമായി തസ്തിക മാറ്റത്തിന് നീക്കിവച്ച ഒഴിവുകൾ നേരിട്ടുള്ള നിയമനത്തിനായി മാറ്റി നൽകുന്നതിനുള്ള നടപടികൾ സ്വീകരിക്കുമോ;

സർക്കാർ പ്രൈമറി സ്കൂളിലെ പി.ഡി. ടീച്ചർമാർക്ക് സ്ഥാനക്കയറ്റം ലഭിക്കുമ്പോഴും വിരമിക്കുമ്പോഴും ഉണ്ടാകുന്ന ഒഴിവുകൾ എല്‍.പി.എസ്.ടി./യു.പി.എസ്.ടി. തസ്തികയ്ക്ക് നല്‍കുന്നത് എങ്ങനെയാണെന്ന് വ്യക്തമാക്കാമോ;

എറണാകുളം ജില്ലയിൽ 2024 -ൽ ഗവൺമെന്റ് പ്രൈമറി സ്കൂളുകളിൽ നിന്ന് എത്ര പി.ഡി. ടീച്ചർമാർക്ക് സ്ഥാനക്കയറ്റം ലഭിച്ചു, വിരമിച്ചു, സ്ഥാന കയറ്റം പരിത്യാഗം ചെയ്തു എന്നീ വിവരങ്ങള്‍ അധ്യാപകരുടെ പേരും ജോലി ചെയ്യുന്ന സ്കൂളും തിരിച്ചു നല്‍കാമോ; ഇത് പ്രകാരം എല്‍.പി.എസ്.ടി./യു.പി.എസ്.ടി.(മലയാളം മീഡിയം) തസ്തികയിൽ ഉണ്ടായിട്ടുള്ള ഒഴിവുകൾ സ്കൂളുകൾ തിരിച്ച് നൽകാമോ;

നിലവിൽ എറണാകുളം ജില്ലയിൽ ഗവൺമെന്റ് പ്രൈമറി സ്കൂളുകളിൽ ജോലിചെയ്യുന്ന പി.ഡി. ടീച്ചർമാർ ഏത് തസ്തികകളിലാണ് ജോലി ചെയ്യുന്നതെന്ന വിവരം സ്കൂളുകൾ തിരിച്ച് പേര് സഹിതം നൽകാമോ?

2024-ൽ എറണാകുളം ജില്ലയിലെ ഗവ. എല്‍.പി.എസ്.ടി., യു.പി.എസ്.ടി. (മലയാളം മീഡിയം) തസ്തികകളില്‍ എത്ര ഒഴിവുകൾ ഉണ്ടായിരുന്നുവെന്നും അതില്‍ എത്ര ഒഴിവുകൾ പി.എസ്.സി. നേരിട്ട് നിയമനം, ബൈ ട്രാന്‍സ്ഫര്‍, അന്തര്‍ ജില്ല സ്ഥലമാറ്റം രീതികളിലേക്ക് നിയമനത്തിന് നൽകിയെന്നും വേര്‍തിരിച്ച് നൽകാമോ;

അന്തർ ജില്ലാ സ്ഥലമാറ്റം വഴി എറണാകുളം ജില്ലയിൽ ഗവ. എല്‍.പി.എസ്.റ്റി., യു.പി.എസ്.റ്റി. മലയാളം തസ്തികയിൽ ജോലി ചെയ്യുന്ന അധ്യാപകരുടെ എണ്ണം എത്രയെന്നും അവർ നിലവില്‍ ജോലി ചെയ്യുന്ന സ്കൂളും ജോയിന്‍ ചെയ്ത തീയതിയും വേർതിരിച്ച് നൽകാമോ;

ബൈ ട്രാന്‍സ്ഫര്‍ നിയമനം വഴി എറണാകുളം ജില്ലയിൽ ഗവ. എല്‍.പി.എസ്.റ്റി., യു.പി.എസ്.റ്റി. മലയാളം തസ്തികയിൽ ജോലി ചെയ്യുന്ന അധ്യാപകരുടെ എണ്ണം എത്രയെന്നും അവർ നിലവില്‍ ജോലി ചെയ്യുന്ന സ്കൂളും ജോയിന്‍ ചെയ്ത തീയതിയും വേർതിരിച്ച് നൽകാമോ;

ആശ്രിത നിയമനം വഴി എറണാകുളം ജില്ല യിൽ ഗവ. എല്‍.പി.എസ്.റ്റി., യു.പി.എസ്.റ്റി. മലയാളം തസ്തികയിൽ ജോലി ചെയ്യുന്ന അധ്യാപകരുടെ എണ്ണം എത്രയെന്നും അവർ നിലവില്‍ ജോലി ചെയ്യുന്ന സ്കൂളും ജോയിന്‍ ചെയ്ത തീയതിയും വേർതിരിച്ച് നൽകാമോ;

യു.പി.എസ്.റ്റി ഉദ്യോഗാര്‍ത്ഥികളുടെ G2241201015, G2241201178 ഡോക്കറ്റ് നമ്പറുകൾ പ്രകാരമുള്ള പരാതിയിന്മേല്‍ എറണാകുളം വിദ്യാഭ്യാസ ഡെപ്യൂട്ടി ഡയറക്ടർ ഓഫീസില്‍ നിന്നുള്ള മറുപടി വൈകുന്നതിനുള്ള കാരണം, പരാതിയിന്മേല്‍ സ്വീകരിച്ച നടപടി എന്നിവ അറിയിക്കാമോ; നടപടി രേഖകളുടെ പകര്‍പ്പ് ലഭ്യമാക്കാമോ;

13-12-2024-ല്‍ യു.പി.എസ്.റ്റി ഉദ്യോഗാര്‍ത്ഥികള്‍ എറണാകുളം വിദ്യാഭ്യാസ ഡെപ്യൂട്ടി ഡയറക്ടർ (എ3 സെക്ഷന്‍) മുന്‍പാകെ സമര്‍പ്പിച്ച പരാതിയിന്മേല്‍ സ്വീകരിച്ച നടപടി അറിയിക്കാമോ; നടപടി രേഖകളുടെ പകര്‍പ്പ് ലഭ്യമാക്കാമോ;

കാറ്റഗറി നം 227/2016 എച്ച്.എസ്.എ. ഫിസിക്കല്‍ സയന്‍സ് റാങ്ക് ലിസ്റ്റില്‍ നിന്നും നിയമനം നടത്താന്‍ നിലവിലെ ഫിസിക്കല്‍ സയന്‍സ് തസ്തിക ഒഴിവുകള്‍ മാറ്റിയിട്ടിട്ടുണ്ടോ എന്നറിയിക്കാമോ; ഉണ്ടെങ്കില്‍ എത്ര ഒഴിവുകള്‍ പി.എസ്.സി. യിലേക്ക് റിപ്പോര്‍ട്ട്‌ ചെയ്തു എന്നറിയിക്കാമോ?

2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറവ് വരുത്താനുള്ള സർക്കാർ തീരുമാനത്തെ തുടർന്ന് തൊഴിൽ വകുപ്പിലെ പദ്ധതികൾ മുൻഗണന അടിസ്ഥാനത്തിൽ പുനർ ക്രമീകരിച്ചത് പ്രകാരം ചെലവഴിക്കേണ്ട പദ്ധതി വിഹിതം എത്രയാണ്; നാളിതുവരെ എത്ര ചെലവഴിച്ചു; ഇത് ബജറ്റിൽ വകുപ്പിനായി വകയിരുത്തിയ ആകെ പദ്ധതി വിഹിതത്തിന്റെ എത്ര ശതമാനമാണ്; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം പയ്യന്നൂര്‍ നിയോജക മണ്ഡലത്തില്‍ തൊഴില്‍ വകുപ്പിന് കീഴില്‍ അനുവദിച്ച പദ്ധതികള്‍ ഏതൊക്കെയാണെന്നും ഓരോന്നിന്റെയും നിലവിലെ അവസ്ഥയും വിശദമാക്കാമോ?

ഈ സര്‍ക്കാര്‍ അധികാരമേറ്റശേഷം പുതുതായി പ്രഖ്യാപിച്ച തൊഴില്‍ദാന സ്കീമുകള്‍ ഏതൊക്കെയാണെന്നും അവയില്‍ പൂര്‍ണമായും നടപ്പിലാക്കിയവ ഏതൊക്കെയാണെന്നും വെളിപ്പെടുത്തുമോ;

പുതിയ തൊഴില്‍ദാന സ്കീമുകള്‍ ഓരോന്നും നടപ്പിലാക്കുക വഴി പുതുതായി എത്രപേര്‍ക്ക് ജോലി ലഭിക്കുകയുണ്ടായെന്ന് സ്കീം തിരിച്ച് വെളിപ്പെടുത്തുമോ;

പ്രസ്തുത സ്കീമുകള്‍ ഓരോന്നും നടപ്പിലാക്കുന്നതിന് ഖജനാവില്‍ നിന്നും ഇതിനകം എന്ത് തുകവീതം ചെലവായിട്ടുണ്ട്; വ്യക്തമാക്കുമോ?

കർഷക തൊഴിലാളി ക്ഷേമനിധി ബോർഡിലെ അംഗങ്ങൾക്ക് അധിവർഷാനുകൂല്യം, വിവാഹ ധനസഹായം, പ്രസവ ധനസഹായം അടക്കമുള്ള ആനുകൂല്യങ്ങള്‍ അപേക്ഷ നൽകിയ ലക്ഷത്തോളം പേർക്ക് നൽകാൻ സാധിക്കാത്തതിന്റെ കാരണം വിശദമാക്കുമോ;

പ്രസ്തുത ബോർഡിലെ അംഗങ്ങൾക്ക് അധിവർഷാനുകൂല്യം, വിവാഹ ധനസഹായം, പ്രസവ ധനസഹായം അടക്കമുള്ള ആനുകൂല്യങ്ങള്‍ യുദ്ധകാല അടിസ്ഥാനത്തിൽ നൽകാൻ നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് തൊഴില്‍ വകുപ്പിന്റെ നിയന്ത്രണത്തിലുള്ള ക്ഷേമനിധി ബോര്‍ഡുകളിൽ ഓരോന്നിലും 2022, 2023, 2024 കാലയളവില്‍ എത്ര തൊഴിലാളികള്‍ പേര് രജിസ്റ്റര്‍ ചെയ്തിട്ടുണ്ട് എന്ന വ്യക്തമാക്കാമോ ?

കേരള തയ്യൽ തൊഴിലാളി ക്ഷേമനിധി അംഗങ്ങൾക്ക് നൽകിവരുന്ന പെൻഷനും, പ്രസവ ആനുകൂല്യങ്ങളും സമയബന്ധിതമായി നൽകാൻ സാധിക്കാത്തതിന്റെ കാരണം വിശദമാക്കുമോ;

കേരള തയ്യൽ തൊഴിലാളി ക്ഷേമനിധി അംഗങ്ങൾക്ക് നൽകിവരുന്ന പെൻഷനും പ്രസവ ആനുകൂല്യങ്ങളുമടക്കം സമയബന്ധിതമായി കുടിശിക തീർപ്പാക്കി നൽകാൻ നടപടികൾ സ്വീകരിക്കുമോ?

സംസ്ഥാനത്തെ വിവിധ ക്ഷേമനിധി ബോര്‍ഡ്/ കോര്‍പ്പറേഷനുകളില്‍ നിന്നും വിതരണം ചെയ്യാനുള്ള പെന്‍ഷന്‍ കുടിശ്ശികയുടെ വിശദാംശങ്ങള്‍ ലഭ്യമാക്കാമോ;

ഏതെല്ലാം ക്ഷേമനിധി ബോര്‍ഡ്/കോര്‍പ്പറേഷനുകളുടെ ഫണ്ടുകളാണ് സര്‍ക്കാരിലേക്ക് ട്രാന്‍സ്ഫർ ചെയ്തിട്ടുള്ളതെന്ന് അറിയിക്കാമോ; വിശദാംശം ലഭ്യമാക്കാമോ;

ഇപ്രകാരം ഫണ്ടുകള്‍ ട്രാന്‍സ്ഫര്‍ ചെയ്തത് മൂലം ക്ഷേമനിധി ബോര്‍ഡ്, കോര്‍പ്പറേഷനുകളുടെ പ്രവര്‍ത്തനത്തിലും, ആനുകൂല്യങ്ങളുടെ വിതരണത്തിലും എന്തെങ്കിലും പ്രതിസന്ധി നേരിടുന്നകാര്യം സര്‍ക്കാരിന്റെ ശ്രദ്ധിയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് എന്ത് നടപടിയാണ് സ്വീകരിച്ചതെന്ന് അറിയിക്കാമോ?

തൊഴിൽ വകുപ്പിന് കീഴിലുളള ക്ഷേമനിധി ബോർഡുകളിൽ അനുകൂല്യങ്ങൾക്കായുള്ള അപേക്ഷകളിൽ ഏതു വർഷം വരെയുള്ളവ തീർപ്പാക്കി; ക്ഷേമനിധി തിരിച്ചുള്ള കണക്ക് നൽകാമോ;

വകുപ്പിന് കീഴിലുള്ള ക്ഷേമനിധികളിൽ നിന്നും സംസ്ഥാന സർക്കാർ വായ്പ എടുത്തിട്ടുണ്ടോ; ക്ഷേമനിധികൾ ഏതെങ്കിലും സർക്കാർ പദ്ധതികളിലോ ധനകാര്യ സ്ഥാപനങ്ങളിലോ നിക്ഷേപങ്ങൾ നടത്തിയിട്ടുണ്ടോ; വിശദ വിവരങ്ങൾ നൽകാമോ.;

ക്ഷേമനിധികളിൽ രജിസ്റ്റർ ചെയ്തിട്ടുള്ള തൊഴിലാളിയുടെ അംശദായം എത്രയാണെന്ന് ക്ഷേമനിധി തിരിച്ചുള്ള കണക്ക് നൽകാമോ;

ഒരോ ക്ഷേമനിധിയുടെയും നടത്തിപ്പിനായി എത്ര ഉദ്യോഗസ്ഥർ നിലവിലുണ്ട്; ഇതിൽ എത്ര പേർ അന്യത്ര സേവന വ്യവസ്ഥയിൽ ജോലി നോക്കുന്നുണ്ട്; ഒരോ ക്ഷേമനിധിയുടെയും വാർഷിക നടത്തിപ്പ് ചെലവ് എത്രയാണെന്ന് വ്യക്തമാക്കാമോ?

തൊഴില്‍ വകുപ്പിന്റെ വിവിധ ക്ഷേമനിധി ബോര്‍ഡുകളില്‍ നിന്നായി വാമനപുരം മണ്ഡലത്തില്‍ എത്ര പേര്‍ക്ക് ക്ഷേമനിധി പെന്‍ഷന്‍ ലഭിക്കുന്നുണ്ടെന്നും അതിന് ചെലവാക്കുന്ന തുക എത്രയെന്നും ഗ്രാമപഞ്ചായത്തടിസ്ഥാനത്തില്‍ ഇനം തിരിച്ച് നല്‍കാമോ?

ഈ സർക്കാർ അധികാരത്തിൽ വന്നതിനുശേഷം തോട്ടം തൊഴിലാളികളുടെ ക്ഷേമത്തിനായി എന്തൊക്കെ പദ്ധതികളാണ് ആവിഷ്ക്കരിച്ചിട്ടുള്ളത്; വിശദമാക്കാമോ;

തോട്ടം തൊഴിലാളികളുടെ ലയങ്ങൾ പുനർനിർമ്മിക്കുന്നതിന് ബഡ്ജറ്റിൽ ഇരുപത് കോടി രൂപ അനുവദിച്ചിരുന്നതിൽ തുടർപ്രവർത്തനങ്ങൾ വിശദമാക്കാമോ;

പീരുമേട് മണ്ഡലത്തിൽ പൂട്ടിക്കിടക്കുന്ന തോട്ടങ്ങളിലെ തൊഴിലാളികളുടെ ക്ഷേമത്തിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ?

അസംഘടിത മേഖലയിലെ തൊഴിലാളികള്‍ക്ക് വേതനം ഉറപ്പ് വരുത്തുന്നതിനായി എന്തൊക്കെ പദ്ധതികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

ഈ മേഖലയില്‍ സംസ്ഥാനത്തെ മിനിമം കൂലി എത്രയെന്ന് അറിയിക്കാമോ?

പീലിംഗ് തൊഴിലാളികളുടെ കൂലിയും തൊഴില്‍ സാഹചര്യങ്ങളും സംബന്ധിച്ച് നിയമസഭയില്‍ നല്‍കിയ ഉറപ്പിന്റെ അടിസ്ഥാനത്തില്‍ നിശ്ചയിച്ച പ്രത്യേക സമിതിയുടെ രൂപീകരണവും തുടര്‍പ്രവര്‍ത്തനവും ഏത് ഘട്ടം വരെ ആയി എന്ന് വിശദമാക്കുമോ?

വിവിധ താെഴില്‍ രംഗത്ത് പണിയെടുക്കുന്ന താെഴിലാളികളുടെ ക്ഷേമവും താെഴില്‍ അവസരങ്ങളും മെച്ചപ്പെടുത്തുന്നതിനായി എന്തെല്ലാം നടപടികളാണ് താെഴില്‍ വകുപ്പ് സ്വീകരിച്ചുവരുന്നത്;

ചുരുക്കം ചില താെഴിലിടങ്ങളില്‍ സ്ത്രീ താെഴിലാളികള്‍ അഭിമുഖീകരിക്കുന്ന വിവിധ പ്രശ്നങ്ങള്‍ക്ക് സമയബന്ധിതമായി പരിഹാരം കാണുന്നതിന് എന്തെല്ലാം നടപടികളാണ് സ്വീകരിച്ചു വരുന്നത്; വിശദാംശം ലഭ്യമാക്കാമാേ?

ഓവർസീസ് ഡെവലപ്മെന്റ് ആന്റ് എംപ്ലോയ്‍മെന്റ് പ്രമോഷൻ കൺസൾട്ടന്റ്സ്-ന്റെ സേവനങ്ങൾ വിലയിരുത്തിയിട്ടുണ്ടോേ;

ഒ.ഡി.ഇ.പി.സി. 2016 മുതൽ 2024 വരെ വിവിധ രാജ്യങ്ങളിലേക്ക് നടത്തിയ റിക്രൂട്ട്മെന്റിന്റെ വിശദാംശം ലഭ്യമാക്കുമോ;

തൊഴിലന്വേഷകർക്ക് പരിശീലനം നൽകുന്നതിന് ഒ.ഡി.ഇ.പി.സി. പ്രത്യേക പദ്ധതി രൂപീകരിച്ചിട്ടുണ്ടോ; ഈ രംഗത്തെ ഇടപെടലുകൾ വിശദമാക്കുമോ;

ഒ.ഡി.ഇ.പി.സി.യുടെ കീഴിലുള്ള ട്രാവൽ ഡിവിഷന്റെ പ്രവർത്തനങ്ങൾ വെളിപ്പെടുത്തുമോ; ടൂർ പാക്കേജുകൾ നടപ്പാക്കുന്നതിന്റെ പുരോഗതി വിലയിരുത്തിയിട്ടുണ്ടേോ; വിശദാംശം നൽകാമോ;

വിദേശപഠന രംഗത്ത് ഒ.ഡി.ഇ.പി.സി. നൽകിവരുന്ന സേവനങ്ങൾ വ്യക്തമാക്കാമോ?

വാമനപുരം മണ്ഡലത്തില്‍ പുതുതായി നിര്‍മ്മാണം നടന്നുകൊണ്ടിരിക്കുന്ന കളമച്ചല്‍ ഗവ. ഐ.ടി.ഐ. കെട്ടിടത്തിന്റെ എന്തെല്ലാം നിര്‍മ്മാണ പ്രവൃത്തികളാണ് ഇനി പൂർത്തിയാക്കാൻ ഉള്ളത് എന്ന് വിശദമാക്കാമോ;

എത്ര തുകയാണ് നിര്‍മ്മാണ പ്രവര്‍ത്തനങ്ങള്‍ക്ക് ഇതേവരെ അനുവദിച്ചിട്ടുള്ളതെന്നും ബാക്കി പ്രവൃത്തിക്ക് തുക അനുവദിച്ചിട്ടുണ്ടോ എന്നും വിശദമാക്കാമോ;

പൊതുമരാമത്ത് വകുപ്പ് മുഖാന്തിരമുള്ള പ്രസ്തുത കെട്ടിടനിര്‍മ്മാണം എന്ന് പൂര്‍ത്തിയാക്കാനാകും എന്ന് വിശദമാക്കാമോ?

വ്യാവസായിക പരിശീലന വകുപ്പിലെ ജൂനിയർ/സീനിയർ ഇൻസ്ട്രക്ടർ (എ.സി.ഡി.) പുനഃക്രമീകരണവുമായി ബന്ധപ്പെട്ട് ട്രെയിനിങ് ഡയറക്ടറുടെ 05-07-2023 തീയതിയിലെ ഡിറ്റി/2064/2022-എ2 ഉത്തരവ് പ്രകാരം രൂപീകരിച്ച കമ്മിറ്റി യോഗം ചേർന്ന തീയതികൾ, സ്ഥലം എന്നിവ അറിയിക്കാമോ; പ്രസ്തുത യോഗങ്ങളുടെ മിനിറ്റ്സിന്റെ പകർപ്പ് നൽകാമോ;

കമ്മിറ്റി നൽകിയ ശിപാർശകൾ സാധൂകരിക്കുന്ന രേഖകൾ റിപ്പോർട്ടിനോടൊപ്പം സമർപ്പിച്ചിട്ടുണ്ടെങ്കിൽ പകർപ്പ് നൽകാമോ; ഈ വിഷയത്തിൽ കമ്മിറ്റി ആരോടെങ്കിലും ഔദ്യോഗികമായി ചർച്ചകൾ നടത്തിയിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ;

ജൂനിയർ/സീനിയർ ഇൻസ്ട്രക്ടർ (എ.സി.ഡി.) തസ്തികകളുടെ പുനഃക്രമീകരണവുമായി ബന്ധപ്പെട്ട് ഉദ്യോഗസ്ഥ ഭരണപരിഷ്കാര വകുപ്പ് പഠനം നടത്തിയിട്ടുണ്ടോ; ഉണ്ടെങ്കിൽ പഠന റിപ്പോർട്ട് നൽകാമോ;

എംപ്ലോയബിലിറ്റി സ്കിൽ എന്ന വിഷയത്തിലെ ക്ലാസുകൾക്ക് മൂന്നു യൂണിറ്റുകൾ അഥവാ 72 ട്രെയിനികളെ വരെ യോജിപ്പിച്ച് ക്ലാസുകൾ കൈകാര്യം ചെയ്യണമെന്ന നിർദ്ദേശം നൽകിയിട്ടുണ്ടോ; ഇല്ലെങ്കിൽ പ്രായോഗിക ബുദ്ധിമുട്ടുകൾ പരിഗണിച്ച് രണ്ട് യൂണിറ്റുകൾ അഥവാ 48 ട്രെയിനികൾ എന്ന അനുപാതത്തിൽ ക്ലാസുകൾ ക്രമീകരിക്കുന്നതിന് നിർദ്ദേശം നൽകുമോ;

വിശദമായ പഠനം നടത്താതെയാണ് ജൂനിയർ/സീനിയർ ഇൻസ്ട്രക്ടർ (എ.സി.ഡി.), ജൂനിയർ ഇൻസ്ട്രക്ടർ (എംപ്ലോയബിലിറ്റി സ്കിൽ) തസ്തിക പുനക്രമീകരണ റിപ്പോർട്ട് കമ്മിറ്റി സമർപ്പിച്ചതെന്നും റിപ്പോർട്ടിൽ ശിപാർശ ചെയ്തത് പോലെ തസ്തിക പുനഃക്രമീകരിക്കുന്നത് പരിശീലന നിലവാരത്തെ ബാധിക്കുമെന്ന് സൂചിപ്പിച്ച് കൊണ്ട് സ്ഥാപന മേധാവികൾ, പി.ടി.എ., ട്രെയിനീസ് കൗൺസിൽ, സർവീസ് സംഘടനകൾ എന്നിവരിൽ നിന്നും രേഖാമൂലം കത്ത് ലഭിച്ചിട്ടുണ്ടോ; ഉണ്ടെങ്കിൽ ഏതെല്ലാം സ്ഥാപനങ്ങൾ, സംഘടനകളിൽ നിന്നും ലഭിച്ചിട്ടുണ്ട്; ആയതിന്മേൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

പുനക്രമീകരണത്തിന് ആധാരമായ വകുപ്പിന്റെ പഠന റിപ്പോർട്ടിൽ എംപ്ലോയബിലിറ്റി സ്കിൽ എന്ന വിഷയം കൂടി എ.സി.ഡി ഇൻസ്ട്രക്ടർ കൈകാര്യം ചെയ്യേണ്ടതുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; കൂടാതെ ആഴ്ചയിൽ 24 മണിക്കൂർ പഠന സമയം ലഭിച്ചിരുന്നത് 20 മണിക്കൂറായി പരിമിതപ്പെട്ടതും ഈ അധ്യയനവർഷം മുതൽ ആർട്ടിഫിഷ്യൽ ഇന്റലിജന്‍സ് എന്ന വിഷയം കൂടി ഉൾപ്പെടുത്തി എംപ്ലോയബിലിറ്റി സ്കിൽ സിലബസ് വിപുലീകരിച്ചതിന്റെയും പശ്ചാത്തലത്തിൽ 212 തസ്തികകൾ ആവശ്യമാണെന്നിരിക്കെ നിലവിലുണ്ടായിരുന്ന 197 എ.സി.ഡി. ഇൻസ്ട്രക്ടർ തസ്തികകൾ 161 ആയി വെട്ടിച്ചുരുക്കിയ നടപടി പുന:പരിശോധിക്കുമോ; വിശദമാക്കാമോ;

എ.സി.ഡി. ഇൻസ്ട്രക്ടർമാരുടെ പുനർവിന്യാസവുമായി ബന്ധപ്പെട്ട പഠനറിപ്പോർട്ട് സസൂക്ഷ്‌മം പരിശോധിച്ച് പിഴവുകൾ പരിഹരിക്കുന്നതിനുള്ള നടപടികൾ സ്വീകരിക്കുമോ; വിശദമാക്കുമോ?

ആലത്തൂർ മണ്ഡലത്തിലെ കുഴൽമന്ദം ഗവ. ഐ.ടി.ഐ. യിൽ പുതിയ ട്രേഡുകൾ അനുവദിക്കുന്നത് പരിഗണനയിലുണ്ടോ; ഉണ്ടെങ്കിൽ ആയതിനായി സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ?

കൊടുങ്ങല്ലൂർ നിയോജക മണ്ഡലത്തിലെ മാള ഐ.ടി.ഐ.- ൽ നിലവിലുള്ള ട്രേഡുകൾ ഏതൊക്കെയാണെന്നും, അവ ഓരോന്നിലും എത്ര പേർക്ക് പരിശീലനം നൽകാൻ കഴിയുമെന്നും അറിയിക്കാമോ ;

പ്രസ്തുത ഐ.ടി.ഐ.-ൽ ആധുനിക തൊഴിൽ സാധ്യതകൾ ഉള്ള പുതിയ ട്രേഡുകൾ ആരംഭിക്കുന്ന കാര്യം സർക്കാരിന്റെ പരിഗണനയിൽ ഉണ്ടോ, എങ്കിൽ വിശദ വിവരങ്ങൾ അറിയിക്കാമോ ?

ഡി.ജി.ടി. മാനദണ്ഡപ്രകാരം ഐ.ടി.ഐ. പ്രവര്‍ത്തിക്കുന്നതിന് ആവശ്യമായ ഭൂമി എത്രയാണെന്ന് വ്യക്തമാക്കുമോ;

കൂത്തുപറമ്പ് ഗവണ്‍മെന്റ് ഐ.ടി.ഐ.യെ നോഡല്‍ ഐ.ടി.ഐ. ആയി ഉയര്‍ത്താന്‍ തടസ്സങ്ങള്‍ നിലവിലുണ്ടോ; വിശദമാക്കുമോ;

കൂത്തുപറമ്പ് ഗവണ്‍മെന്റ് ഐ.ടി.ഐ.യുടെ അഫിലിയേഷന്‍ നിലനിര്‍ത്തുന്നതിനും വികസനത്തിനും ക്യാമ്പസിനോട് ചേര്‍ന്ന് സ്ഥലം ആവശ്യമായതിനാല്‍ കൂത്തുപറമ്പ് ഗവണ്‍മെന്റ് ഐ.ടി.ഐ.ക്ക് വേണ്ടി കൂടുതല്‍ സ്ഥലം ഏറ്റെടുക്കുന്നതിന് നടപടികള്‍ സ്വീകരിക്കുമോ; വിശദമാക്കുമോ?

മഞ്ചേശ്വരം മണ്ഡലത്തിലെ പൈവളിഗെയിൽ പുതിയ ഐ.ടി.ഐ. തുടങ്ങുന്ന നടപടി ഏത് ഘട്ടത്തിലാണെന്ന് വ്യക്തമാക്കുമോ;

2025-26 വർഷം പ്രസ്തുത ഐ.ടി.ഐ. തുടങ്ങുന്നതിന് നടപടി സ്വീകരിക്കുമോ?

ചാത്തമംഗലം ഗവ. ഐ.ടി.ഐ. ക്ക് സ്വന്തമായി നിര്‍മ്മിക്കുന്ന കെട്ടിടം ഉള്‍പ്പെടുന്ന സ്ഥലത്ത് ഐ.ടി.ഐ. യുടെ മാസ്റ്റര്‍ പ്ലാന്‍ തയ്യാറാക്കിയിട്ടുണ്ടോ; എങ്കില്‍ ആയതിന് എത്ര രൂപയുടെ എസ്റ്റിമേറ്റാണ് തയ്യാറാക്കിയിട്ടുള്ളത്; ആയതിന് ഭരണാനുമതി നല്‍കാന്‍ നടപടി സ്വീകരിക്കുമോ?

പേരാമ്പ്ര ഐ.ടി.ഐ. (മുതുകാട്) യുടെ കെട്ടിട നിര്‍മ്മാണം ഏതു ഘട്ടത്തിലാണ് വ്യക്തമാക്കാമോ;

നിലവില്‍ പണിതുകൊണ്ടിരിക്കുന്ന കെട്ടിടത്തില്‍ എന്താെക്കെ സൗകര്യങ്ങളാണ് ഉളളതെന്ന് വ്യക്തമാക്കാമോ;

ഇതിന്റെ പുതിയ എസ്റ്റിമേറ്റ് ലഭിച്ചിട്ടുണ്ടോ എന്നും ഇക്കാര്യത്തില്‍ എന്തു നടപടി സ്വീകരിച്ചെന്നും വ്യക്തമാക്കാമോ;

പ്രസ്‌തുത ഐ. ടി .ഐ.- യിൽ എത്ര കോഴ്സുകളുണ്ടെന്നും അധ്യാപകരും മറ്റ് ജീവനക്കാരും ഉള്‍പ്പെടെ എത്ര പേരുണ്ടെന്നും വ്യക്തമാക്കാമോ;

നിലവില്‍ അധ്യാപകരുടെയും മറ്റ് ജീവനക്കാരുടെയും എത്ര ഒഴിവുകളുണ്ടെന്നും ഈ ഒഴിവുകള്‍ നികത്താന്‍ എന്തു നടപടി സ്വീകരിച്ചെന്നും വ്യക്തമാക്കുമോ?

വ്യാവസായിക പരിശീലന വകുപ്പിലെ ഇൻസ്ട്രക്ടർമാർക്ക് നൽകിവരുന്ന ഒരുവർഷം നീണ്ടുനിൽക്കുന്ന നാഷണൽ ക്രാഫ്റ്റ് ഇൻസ്ട്രക്ടർ സർട്ടിഫിക്കറ്റ് കരസ്ഥമാക്കുന്നതിനുള്ള സി.ഐ.ടി.എസ്. പ്രകാരമുള്ള സി.ടി.ഐ ട്രെയിനിംഗ് 2014 മുതൽ നാളിതുവരെയായി ഓഫ് ലൈനായി പൂർത്തീകരിച്ചവരുടെ എണ്ണം അറിയിക്കാമോ;

2014 മുതൽ സി.ഐ.ടി.എസ്. പരിശീലന കാലയളവിലെ യാത്ര ബത്ത, ദിന ബത്ത ആനുകൂല്യങ്ങൾ എന്നിവ പൂർണ്ണമായും ലഭിച്ച ഉദ്യോഗസ്ഥരുടെ പേര്, നിലവിൽ ജോലി ചെയ്യുന്ന സ്ഥാപനം, ലഭിച്ച തുക, അനുവദിച്ച തീയതി എന്നിവ പട്ടിക തിരിച്ചുനൽകാമോ;

2014 മുതൽ സി.ഐ.ടി.എസ്. പരിശീലന പരിപാടികളിൽ പങ്കെടുത്തവരിൽ ദിനബത്ത ലഭിക്കാത്ത ഉദ്യോഗസ്ഥരുടെ എണ്ണം അറിയിക്കാമോ; ടി ഉദ്യോഗസ്ഥരുടെ പേരും നിലവിൽ ജോലി ചെയ്യുന്ന സ്ഥാപനവും ലഭിക്കുവാനുള്ള തുകയും പട്ടിക തിരിച്ച് നൽകാമോ;

സി.ഐ.ടി.എസ്. പരിശീലന പരിപാടികളിൽ പങ്കെടുത്ത ജീവനക്കാർക്ക് വകുപ്പിലെ മേലുദ്യോഗസ്ഥരുടെ പിഴവുമൂലം ലഭിക്കാതെ വന്ന ആനുകൂല്യങ്ങൾ അനുവദിക്കണമെന്ന കേരള അഡ്മിനിസ്‌ട്രേറ്റീവ് ട്രിബുണൽ വിധിക്കെതിരെ സർക്കാർ ഹൈക്കോടതിയെ സമീപിക്കാൻ ഉണ്ടായ സാഹചര്യം വിശദീകരിക്കാമോ;

വ്യാവസായിക പരിശീലനവകുപ്പ് ഡയറക്ടർക്ക് വേണ്ടി പുറപ്പെടുവിച്ച എഫ്3/31059/2015 തീയതി 9/11/2015, എഫ്/37066/15 തീയതി 15/6/2017 എന്നീ സര്‍ക്കുലറുകളില്‍ ഒപ്പു ചാർത്തിയ ഉദ്യോഗസ്ഥരുടെ പേരും പദവിയും വ്യക്തമാക്കാമോ?

വ്യാവസായിക പരിശീലന വകുപ്പിലെ ജൂനിയർ/സീനിയർ ഇൻസ്ട്രക്ടർ (എ.സി.ഡി.) തസ്തിക പുനഃക്രമീകരണവുമായി ബന്ധപ്പെട്ട് ട്രെയിനിങ് ഡയറക്ടറുടെ 05.07.2023 തീയതിയിലെ ഡി.ടി/2064/2022-എ2 ഉത്തരവ് പ്രകാരം രൂപീകരിച്ച കമ്മിറ്റി യോഗം ചേർന്ന തീയതികളും സ്ഥലവും വ്യക്തമാക്കാമോ;

പ്രസ്തുത യോഗങ്ങളുടെ മിനിറ്റ്സിന്റെ പകർപ്പ് ലഭ്യമാക്കാമോ;

പ്രസ്തുത കമ്മിറ്റി നൽകിയ ശിപാർശകൾ സാധൂകരിക്കുന്ന രേഖകൾ റിപ്പോർട്ടിനോടൊപ്പം സമർപ്പിച്ചിട്ടുണ്ടോ; ഉണ്ടെങ്കിൽ ആയതിന്റെ പകർപ്പ് ലഭ്യമാക്കാമോ;

ജൂനിയർ/സീനിയർ ഇൻസ്ട്രക്ടർ (എ.സി.ഡി.) തസ്തികകളുടെ പുനഃക്രമീകരണവുമായി ബന്ധപ്പെട്ട് ഉദ്യോഗസ്ഥ ഭരണ പരിഷ്കാര വകുപ്പ് പഠനം നടത്തി റിപ്പോർട്ട് നൽകിയിട്ടുണ്ടോ; ഉണ്ടെങ്കിൽ റിപ്പോർട്ടന്റെ പകർപ്പ് ലഭ്യമാക്കാമോ;

തസ്തിക പുനഃക്രമീകരിക്കുന്നത് പരിശീലന നിലവാരത്തെ ബാധിക്കുമെന്ന് സൂചിപ്പിച്ചുകൊണ്ട് സ്ഥാപന മേധാവികൾ, പി.ടി.എ., ട്രെയിനീസ് കൗൺസിൽ, സർവീസ് സംഘടനകൾ എന്നിവരിൽ നിന്നും രേഖാമൂലം കത്ത് ലഭിച്ചിട്ടുണ്ടോ; ഉണ്ടെങ്കിൽ ആയതിന്മേൽ സ്വീകരിച്ച നടപടികൾ വിശദമാക്കാമോ;

പ്രസ്തുത ജൂനിയർ/സീനിയർ ഇൻസ്ട്രക്ടർ (എ.സി.ഡി.) പുനക്രമീകരണത്തിന്റെ ഭാഗമായി നിലവിലുണ്ടായിരുന്ന 197 എ.സി.ഡി. ഇൻസ്ട്രക്ടർ തസ്തികകൾ 161 ആയി വെട്ടിച്ചുരുക്കിയ നടപടി പുന:പരിശോധിക്കുമോ; എ.സി.ഡി. ഇൻസ്ട്രക്ടർമാരുടെ പുനർവിന്യാസവുമായി ബന്ധപ്പെട്ട പഠനറിപ്പോർട്ട് സസൂഷ്മം പരിശോധിച്ച് പിഴവുകൾ പരിഹരിക്കുന്നതിനുള്ള നടപടികൾ സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം സംസ്ഥാനത്ത് പുതുതായി എത്ര ഐ.ടി.ഐ.കള്‍ ആരംഭിച്ചിട്ടുണ്ടെന്ന് വ്യക്തമാക്കാമോ; ഐ.ടി.ഐ.കളുടെ പശ്ചാത്തല സൗകര്യ വികസനത്തിനായി എത്ര കോടി രൂപ ഈ കാലയളവില്‍ ചെലവഴിച്ചിട്ടുണ്ടെന്നും അറിയിക്കാമോ?

പബ്ലിക് സർവ്വീസ് കമ്മീഷന്റെ നിയമന പരിധിയിൽ ഉൾപ്പെടാത്ത ​പൊതുമേഖലാ സ്ഥാപനങ്ങളിലേക്കും മറ്റ് സർക്കാർ നിയന്ത്രിത സ്ഥാപനങ്ങളിലേക്കുമുള്ള നിയമനങ്ങള്‍ക്ക് യോഗ്യരായവർ ഇല്ലെങ്കിൽ യോഗ്യരായവർ ഇല്ലെന്ന സർട്ടിഫിക്കറ്റ് എംപ്ലോയ്‍മെന്റ് എക്സ്ചേഞ്ചിൽ നിന്നും ലഭിച്ചശേഷം മാത്രമേ നേരിട്ടുളള നിയമനം നടത്താൻ പാടുളളൂ എന്ന വ്യവസ്ഥയുണ്ടോ; വ്യക്തമാക്കുമോ;

എങ്കില്‍ ഈ വ്യവസ്ഥകൾ ലംഘിച്ച് നിയമനങ്ങൾ നടത്തുന്ന നിയമനാധികാരികൾക്കെതിരെ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?

എംപ്ലോയ്‌മെന്റ് എക്സ്ചേഞ്ചുകളില്‍ രജിസ്റ്റര്‍ ചെയ്തിട്ടുള്ള തൊഴില്‍ രഹിതരുടെ എണ്ണം ജില്ല തിരിച്ച് ലഭ്യമാക്കുമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം നാളിതുവരെ എംപ്ലോയ്‌മെന്റ് എക്സ്ചേഞ്ചുകള്‍ മുഖേന ജോലി ലഭിച്ചവരുടെ എണ്ണം ജില്ല തിരിച്ച് ലഭ്യമാക്കുമോ;

നിശ്ചിതകാലാവധി കഴിയുമ്പോൾ ഏകീകൃത സീനിയോറിറ്റി ലിസ്റ്റ് പുതുക്കി ഓണ്‍ലൈനായി എല്ലാവര്‍ക്കും പരിശോധിക്കാന്‍ കഴിയുന്ന വിധത്തില്‍ ലഭ്യമാക്കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

വിവിധ വകുപ്പുകളില്‍ നടക്കുന്ന താത്കാലിക,കരാര്‍ നിയമനങ്ങള്‍ എംപ്ലോയ്‌മെന്റ് എക്സ്ചേഞ്ചുകള്‍ മുഖേനയാണെന്ന് ഉറപ്പുവരുത്തുന്നതിന് നടപടി സ്വീകരിച്ചിട്ടുണ്ടോ; അത് ലംഘിക്കുന്ന സ്ഥാപനങ്ങള്‍ക്കെതിരെ എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കുമോ;

എംപ്ലായ്മെന്‍റ് എക്സ്ചേഞ്ച് ലിസ്റ്റുകള്‍ നിലവിലുള്ളപ്പോള്‍ ആയത് മറികടന്ന് ഏതെല്ലാം വകുപ്പുകളില്‍ താല്‍ക്കാലിക ജീവനക്കാരെ നിയമിച്ചിട്ടുണ്ടെന്ന വിവരം ജില്ല തിരിച്ചും വകുപ്പ് തിരിച്ചും നല്‍കുമോ;

എംപ്ലോയ്‌മെന്റ് എക്സ്ചേഞ്ച് ലിസ്റ്റുകള്‍ നിലവിലുള്ളപ്പോൾ പ്രസ്തുത ലിസ്റ്റുകൾ മറികടന്ന് താല്‍ക്കാലിക, കരാര്‍ നിയമനങ്ങള്‍ പാടില്ലെന്ന നിര്‍ദ്ദേശം നല്‍കിയിട്ടുണ്ടെങ്കിൽ പ്രസ്തുത ഉത്തരവിന്റെ /സര്‍ക്കുലറിന്റെ പകര്‍പ്പ് നല്‍കുമോ; പ്രസ്തുത നിര്‍ദ്ദേശം പാലിക്കാതെ താല്‍ക്കാലിക, കരാര്‍ നിയമനങ്ങള്‍ നടത്തിയ വകുപ്പ് മേധാവിമാര്‍ ആരെല്ലാമാണെന്നും അവര്‍ക്കെതിരെ സ്വീകരിച്ച നടപടി എന്തെന്നും അറിയിക്കുമോ?

കേരളത്തിലെ സർക്കാർ ഹയർസെക്കന്‍ഡറി സ്കൂളുകളിൽ ഗസ്റ്റ് അധ്യാപക നിയമനത്തിനുള്ള ഉയർന്ന പ്രായപരിധി 56 വയസ്സ് എന്നുള്ളത് എംപ്ലോയ്മെന്റ് എക്സ്ചേഞ്ച് വഴിയുള്ള ഗസ്റ്റ് അധ്യാപക നിയമനങ്ങൾക്കും ബാധകമാണോയെന്ന് വ്യക്തമാക്കാമോ; പ്രായപരിധി 56 വയസ്സ് ആക്കിയിട്ടുള്ള ഗവൺമെന്റ് ഉത്തരവിന്റെ പകർപ്പ് ലഭ്യമാക്കാമോ;

നിലവിൽ ഗവൺമെന്റ് ഉത്തരവ് ഇല്ലെങ്കിൽ എംപ്ലോയ്മെന്റ് എക്സ്ചേഞ്ച് വഴിയുള്ള ഗസ്റ്റ് അധ്യാപക നിയമനങ്ങളുടെ ഉയർന്ന പ്രായപരിധി 56 വയസ്സ് ആക്കുന്നതിനുള്ള നടപടികൾ സ്വീകരിക്കുമോ; വ്യക്തമാക്കാമോ?

സമൂഹത്തില്‍ പാര്‍ശ്വവത്കരിക്കപ്പെട്ടവര്‍ക്ക് തൊഴില്‍ ലഭ്യത ഉറപ്പ് വരുത്താന്‍ എന്തൊക്കെ നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കുമോ;

ആദിവാസി, തീരദേശ മേഖലകളിൽ തൊഴിലില്ലായ്മ രൂക്ഷമാണെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കാൻ സ്വീകരിച്ച നടപടികൾ അറിയിക്കുമോ;

പ്രസ്തുത മേഖലകളിലെ പാര്‍ശ്വവത്കരിക്കപ്പെട്ടവര്‍ക്ക് സ്വയംതൊഴില്‍ സംരംഭങ്ങള്‍ ആരംഭിക്കുന്നതിന് എന്തൊക്കെ സഹായങ്ങളാണ് നിലവിൽ നൽകിവരുന്നത്; പുതുതായി എന്തൊക്കെ സഹായങ്ങൾ നൽകാനാണ് ലക്ഷ്യമിടുന്നത്; വിശദമാക്കുമോ?

അഭ്യസ്തവിദ്യർക്ക് പരിശീലനം നൽകുന്നതിനുള്ള സ്കിൽ മിഷൻ പദ്ധതി ഏതെല്ലാം സ്ഥാപനങ്ങൾ മുഖേനയാണ് നടപ്പിലാക്കുന്നത് എന്ന് വ്യക്തമാക്കാമോ ;

നാളിതുവരെ എത്ര പേര്‍ക്കാണ് പ്രസ്തുത പദ്ധതി വഴി പരിശീലനം നല്‍കിയിട്ടുളളതെന്നും ഏതെല്ലാം ഏജന്‍സികള്‍ മുഖേനയാണെന്നും വിശദമാക്കാമോ;

തൊഴിൽ വകുപ്പുമായി ചേർന്ന് ഇതിനായി നിയമനിര്‍മ്മാണം നടത്തുവാന്‍ ഉദ്ദേശിക്കുന്നുണ്ടോ?

സംസ്ഥാനത്ത് ഫാക്ടറികൾക്ക് ലൈസൻസ് നൽകുന്നത് സംബന്ധിച്ച് തൊഴിൽ നിയമങ്ങളിൽ / ഫാക്ടറീസ് ആക്ടിൽ എന്തെങ്കിലും ഇളവുകൾ വരുത്തിയിട്ടുണ്ടോ; എങ്കിൽ വിശദമാക്കാമോ;

പ്രസ്തുത നിയമങ്ങളിൽ ഇളവുകൾ വരുത്തുവാൻ കേന്ദ്ര സർക്കാർ എന്തെങ്കിലും നിർദ്ദേശം നൽകിയിരുന്നോ; എങ്കിൽ പ്രസ്തുത ഉത്തരവിന്റെ പകർപ്പ് ലഭ്യമാക്കാമോ;

തൊഴിൽ നിയമങ്ങൾ ലഘൂകരിക്കാൻ വേൾഡ് ബാങ്ക് എന്തെങ്കിലും നിർദ്ദേശങ്ങൾ നൽകിയിട്ടുണ്ടോ; എങ്കിൽ പ്രസ്തുത കത്തിന്റെ പകർപ്പ് ലഭ്യമാക്കാമോ?