14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >11^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 11^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

അങ്കമാലിയില്‍ കോടതി സ്ഥാപിക്കുന്നതിനായി ഭൂമി

2883.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	അങ്കമാലി നിയോജക മണ്ഡലത്തില്‍ കോടതി സ്ഥാപിക്കുന്നതിനായി ഇറിഗേഷന്‍ വകുപ്പിന്റെ ഭൂമി നീതിന്യായ വകുപ്പിന് നല്‍കുന്നത് സംബന്ധിച്ച് സ്ഥലം നിയമസഭാംഗം 15.03.2017 ല്‍ നല്‍കിയ നിവേദന പ്രകാരം A3/255/2017/Rev നമ്പര്‍ ഫയലില്‍ റവന്യു വകുപ്പ് നാളിതുവരെയായി സ്വീകരിച്ച നടപടികള്‍ വ്യക്തമാക്കാമോ;

(ബി)	പ്രസ്തുത ഫയല്‍ റവന്യു വകുപ്പിന്റെ പരിഗണനയ്ക്ക് എന്നാണ് വന്നതെന്നും ഫയലില്‍ റവന്യു വകുപ്പ് കഴിഞ്ഞ 6 മാസമായി കെെക്കൊണ്ട നടപടികള്‍ എന്തെന്നും വ്യക്തമാക്കാമോ;

(സി)	ഒരു റിപ്പോര്‍ട്ട് ആവശ്യപ്പെട്ട ഫയലില്‍ ഇത്രയും കാലതാമസം ഉണ്ടായിട്ടും നടപടി സ്വീകരിക്കാത്തതിന്റെ കാരണം എന്താണെന്നോ, തടസ്സം എന്താണെന്നോ വകുപ്പ് സെക്രട്ടറിയോ, വകുപ്പിലെ ഉത്തരവാദപ്പെട്ട ഉദ്യോഗസ്ഥരോ അന്വേഷിക്കാത്തതിന്റെ കാരണം വ്യക്തമാക്കാമോ;

(ഡി)	സര്‍ക്കാര്‍ ഭൂമി സര്‍ക്കാരിന്റെ തന്നെ മറ്റൊരു വകുപ്പിന് കെെമാറുന്നതിന് കഴിഞ്ഞ 6 മാസമായി ഫയലിന്റെ പിന്നാലെ ഒരു നിയമസഭാംഗം നടന്നിട്ടും ഒന്നും ചെയ്യാന്‍ കഴിയാത്ത അവസ്ഥയാണെങ്കില്‍ മറ്റൊരു സാധാരണ പൗരന്റെ അവസ്ഥ എന്തായിരിക്കുമെന്ന് പരിശോധിച്ചിട്ടുണ്ടോ; വിശദാംശം ലഭ്യമാക്കാമോ?

പുതിയ താലൂക്ക് രൂപീകരണം

2884.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം പുതുതായി എത്ര താലൂക്കുകള്‍ രൂപീകരിച്ചിട്ടുണ്ട്; ജില്ല തിരിച്ച് വ്യക്തമാക്കാമോ;

(ബി)	ഇനി പുതുതായി എത്ര താലൂക്കുകള്‍ കൂടി രൂപീകരിക്കുവാന്‍ തീരുമാനം എടുത്തിട്ടുണ്ട്; വ്യക്തമാക്കാമോ;

(സി)	കോട്ടയം ജില്ലയിലെ പൂഞ്ഞാര്‍ താലൂക്ക് രൂപീകരണം സംബന്ധിച്ച് തീരുമാനം എടുത്തിട്ടുണ്ടോ; പ്രസ്തുത താലൂക്ക് രൂപീകരിക്കുന്നതിനാവശ്യമായ നടപടി ക്രമങ്ങള്‍ എത്രയും പെട്ടെന്ന് സ്വീകരിക്കുമോ, വ്യക്തമാക്കാമോ?

റവന്യു വകുപ്പ് ഈടാക്കുന്ന ഒറ്റത്തവണ കെട്ടിട നികുതി

2885.

ശ്രീ.ചിറ്റയം ഗോപകുമാര്‍
,, ജി.എസ്.ജയലാല്‍
,, കെ. രാജന്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ നിലവില്‍ വന്നശേഷം റവന്യു വകുപ്പ് ഈടാക്കുന്ന ഒറ്റത്തവണ കെട്ടിട നികുതിയില്‍ വരുത്തിയതോ വരുത്താനുദ്ദേശിക്കുന്നതോ ആയ പരിഷ്ക്കാരങ്ങള്‍ വ്യക്തമാക്കുമോ;

(ബി)	വീട്, ഫ്ലാറ്റ്/അപ്പാര്‍ട്ട്മെന്റ് എന്നിവയുടെ കെട്ടിട നികുതി നിര്‍ണ്ണയിക്കുന്നതിനുള്ള മാനദണ്ഡങ്ങള്‍ വ്യക്തമാക്കുമോ;

(സി)	ആഡംബര നികുതി സ്ലാബ് അടിസ്ഥാനത്തില്‍ പുതുക്കി നിര്‍ണ്ണയിക്കുന്നതിന് ഉദ്ദേശിക്കുന്നുണ്ടോ;

(ഡി)	നികുതി നിര്‍ണ്ണയം നടത്താത്ത കെട്ടിടങ്ങള്‍ കണ്ടെത്തി നികുതി ഈടാക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

ഹാരിസണ്‍സ് ഭൂമി കൈമാറ്റം

2886.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഹാരിസണ്‍സ് ഭൂമി ഏറ്റെടുക്കല്‍ തടഞ്ഞ ഹൈക്കോടതി വിധിയ്ക്കെതിരെ അപ്പീല്‍ നല്‍കുവാന്‍ തീരുമാനം എടുത്തിട്ടുണ്ടോ; എങ്കില്‍ ഇതിന്റെ വിശദാംശം വ്യക്തമാക്കുമോ;

(ബി)	ഹാരിസണ്‍സ് ഭൂമി കൈമാറ്റം ചെയ്ത താലൂക്ക് ലാന്‍ഡ് ബോര്‍ഡിന്റെ തീരുമാനം പുന:പരിശോധിച്ച് ഭൂമി ഏറ്റെടുക്കാന്‍ സാധിക്കുമോ എന്ന കാര്യം പരിശോധിച്ചിട്ടുണ്ടോ; എങ്കില്‍ ഇതിന്റെ വിശദവിവരം നല്‍കുമോ?

ഒറ്റപ്പാലത്ത് റവന്യൂ ടവര്‍ നിര്‍മ്മിക്കുന്നതിനായുളള പ്രൊപ്പോസല്‍

2887.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം താലൂക്ക് ഓഫീസിനോട് ചേര്‍ന്നുകിടക്കുന്ന റവന്യൂ ഭൂമിയില്‍ റവന്യൂ ടവര്‍ നിര്‍മ്മിക്കുന്നതിനായുളള പ്രൊപ്പോസല്‍ എന്നാണ് സര്‍ക്കാരിന് ലഭിച്ചത്? വിശദാംശം ലഭ്യമാക്കാമോ?

(ബി)	നിര്‍ദ്ദിഷ്ട റവന്യൂ ടവറില്‍ എന്തെല്ലാം സൗകര്യങ്ങള്‍ ഒരുക്കുന്നതിനാണ് ഉദ്ദേശിക്കുന്നതെന്ന് വ്യക്തമാക്കാമോ?

കൈയേറ്റ ഭൂമി ഒഴിവാക്കല്‍

2888.

ശ്രീ.തിരുവഞ്ചൂര്‍ രാധാകൃഷ്ണന്‍
,, ഹൈബി ഈഡന്‍
,, അന്‍വര്‍ സാദത്ത്
,, പി.ടി. തോമസ് : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

മൂന്നാര്‍ കുറിഞ്ഞി സങ്കേതത്തില്‍ നിന്നും കൈയേറ്റ ഭൂമി ഒഴിവാക്കുവാന്‍ തീരുമാനിച്ചിട്ടുണ്ടോ;വിശദമാക്കാമോ;

കുറിഞ്ഞി സാങ്ച്വറി

2889.

ശ്രീ.പി.ടി. തോമസ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്രാനുമതിയോടു കൂടിയ പുതിയ വിജ്ഞാപനം ഇല്ലാതെ കുറിഞ്ഞി സാങ്ച്വറിയുടെ അതിര്‍ത്തി പുനര്‍നിര്‍ണയം സാദ്ധ്യമാണോ;അതിര്‍ത്തി പുനര്‍നിര്‍ണയിക്കാന്‍ കേന്ദ്രാനുമതി വാങ്ങിയിട്ടുണ്ടോയെന്ന് വ്യക്തമാക്കുമോ;

(ബി)	2006 ലെ വിജ്ഞാപന പ്രകാരം നിയമിച്ച കുറിഞ്ഞി ഉദ്യാനത്തിന്റെ സെറ്റില്‍മെന്റ് ഓഫീസര്‍ക്ക് ഈ വിജ്ഞാപനത്തില്‍ ഉള്‍പ്പെടാത്ത പ്രദേശത്ത് സെറ്റില്‍മെന്റ് നടപടികള്‍ നടത്താന്‍ കഴിയുമോ എന്ന് വ്യക്തമാക്കാമോ;

(സി)

കുറിഞ്ഞി ഉദ്യാനത്തിന്റെ ഭാഗമായി പുതുതായി കൂട്ടിച്ചേർക്കുമെന്ന് ചീഫ് സെക്രട്ടറിയുടെ 10.5.18-ലെ 178/18 നമ്പർ ഉത്തരവില്‍ പറഞ്ഞിരിക്കുന്ന 59, 60, 61,63 എന്നീ ബ്ലോക്കുകളില്‍ ഉള്‍പ്പെടുന്ന ഭൂമിയുടെ നിലവിലുള്ള സ്റ്റാറ്റസ് എന്താണെന്ന് വ്യക്തമാക്കാമോ;അതില്‍ ഓരോ ബ്ലോക്കിലെയും ഭൂമി വനഭൂമി ആണോ,റവന്യു ഭൂമിയാണോ,പട്ടയഭൂമിയാണോ എന്നും ഓരോ ഇനത്തിലുംപെട്ട ഭൂമിയുടെ വിസ്തീര്‍ണ്ണം എത്രയെന്നും ഈ ബ്ലോക്കുകളില്‍ കുറിഞ്ഞിയുടെ സാന്നിദ്ധ്യം ഉണ്ടോ എന്നും വ്യക്തമാക്കമോ;

(ഡി)

വൈല്‍ഡ് ലൈഫ് പ്രൊട്ടക്ഷന്‍ ആക്ട് പ്രകാരം ഒരു പ്രദേശത്തെ സാങ്ച്വറി ആക്കാന്‍ വേണ്ടി ഇന്റന്‍ഷന്‍ നോട്ടിഫിക്കേഷന്‍ പുറപ്പെടുവിച്ച് കഴിഞ്ഞാല്‍,നോട്ടിഫൈഡ് അതിര്‍ത്തിക്കുള്ളിലെ നിയമപരമായ പട്ടയങ്ങള്‍ ഉള്ളവരുടെ അവകാശം മാത്രമേ നിലനിര്‍ത്താനാവൂ എന്നിരിക്കേ കൈവശക്കാര്‍ക്ക് പട്ടയം നല്‍കണം എന്ന 10/5/2018 തീയതിയിലെ 178/2018 നമ്പര്‍ ഉത്തരവിലെ നിര്‍ദ്ദേശം നിയമപരമാണോ; ആണെങ്കില്‍ ഏത് നിയമ പ്രകാരം എന്ന് വിശദമാക്കാമോ?

നിവേദിത പി.ഹരന്‍ റിപ്പോര്‍ട്ട്

2890.

(എ)	നിവേദിത പി.ഹരന്‍ റിപ്പോര്‍ട്ടിന്റെ അടിസ്ഥാനത്തില്‍ അഞ്ചുനാട് (മറയൂര്‍, കാന്തല്ലൂര്‍, വട്ടവട, കീഴാന്തൂര്‍, കോട്ടക്കാമ്പൂര്‍) വില്ലേജുകളില്‍ സര്‍ക്കാര്‍ ഭൂമി കൈയേറിയത് പരിശോധിക്കാനും കൈയേറ്റമൊഴിപ്പിക്കാനും സ്വീകരിച്ച നടപടികള്‍ വിശദീകരിക്കുമോ;

(ബി)	നിവേദിത പി.ഹരന്‍ റിപ്പോര്‍ട്ടും ഇതിന്റെ അടിസ്ഥാനത്തില്‍ കൈയേറ്റമൊഴിപ്പിക്കാന്‍ മുന്‍ സര്‍ക്കാര്‍ സ്വീകരിച്ച നടപടികളും ഈ സര്‍ക്കാര്‍ റദ്ദ് ചെയ്തിട്ടുണ്ടോ; വ്യക്തമാക്കാമോ?

കൊട്ടയങ്കാട് - അടിപ്പാറ - നെല്ലിക്കോട് റോഡ് കെെയേറ്റം

2891.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയിലെ ചിറ്റൂര്‍ താലൂക്കിലുള്ള എലവഞ്ചേരി വില്ലേജിലെ കൊട്ടയങ്കാട് ശിവക്ഷേത്രം മുതല്‍ അടിപ്പാറ നെല്ലിക്കോട് വരെയുള്ള റോഡിന്റെ നീളവും വീതിയും വില്ലേജ് രേഖ പ്രകാരം എത്രയാണെന്ന് വിശദമാക്കുമോ;

(ബി)	ഇൗ റോഡ് ഏതെങ്കിലും സ്വകാര്യ വ്യക്തികള്‍ കെെയേറിയതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ കെെയേറ്റം ഒഴിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വിശദമാക്കുമോ;

(സി)	വില്ലേജ് രേഖ പ്രകാരമുള്ള റോഡുകള്‍ അതിര്‍ത്തി നിര്‍ണ്ണയിച്ച് കെെയേറ്റക്കാരെ ഒഴിവാക്കി റോഡ് പുനഃസ്ഥാപിച്ചെടുക്കാന്‍ നിലവില്‍ എന്തെല്ലാം നിയമങ്ങളാണുള്ളത് എന്ന് വിശദമാക്കുമോ?

പട്ടയ വിതരണം

2892.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്ന ശേഷം പട്ടയ വിതരണവുമായി ബന്ധപ്പെട്ട് എത്ര ഫയലുകള്‍ തീര്‍പ്പാക്കിയെന്ന് ജില്ല തിരിച്ച് വ്യക്തമാക്കുമോ?

പട്ടയ വിതരണം

2893.

ശ്രീ.കെ. ബാബു : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

നിലവില്‍ പട്ടയം നല്‍കുന്നതു സംബന്ധിച്ച എത്ര അപേക്ഷകള്‍ തീര്‍പ്പാക്കാനുണ്ടെന്ന് വിശദമാക്കുമോ?

മംഗലം ഡാമിലെ കടപ്പാറ പട്ടികവര്‍ഗ്ഗ കോളനിയിലെ കുടുംബങ്ങള്‍ക്ക് പട്ടയം

2894.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആലത്തൂര്‍ നിയോജകമണ്ഡലത്തിലെ മംഗലം ഡാമിലെ കടപ്പാറ പട്ടികവര്‍ഗ്ഗ കോളനിയിലെ കുടുംബങ്ങള്‍ക്ക് പട്ടയം നല്‍കുന്നതിന്റെ ഭാഗമായി ഇന്നേവരെ റവന്യൂ വകുപ്പ് നടത്തിയ പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കാമോ;

(ബി)	പട്ടികവര്‍ഗ്ഗ കോളനിയിലെ കുടുംബങ്ങള്‍ക്ക് വനഭൂമി നല്‍കുന്നതിന് പകരമായി ഫോറസ്റ്റ് ആക്റ്റ് പ്രകാരം ആവശ്യപ്പെടുന്ന പകരം ഭൂമി നല്‍കാന്‍ തീരുമാനമായിട്ടുണ്ടോ;

(സി)	ഈ കുടുംബങ്ങള്‍ക്ക് എന്ന് പട്ടയം നല്‍കാന്‍ കഴിയുമെന്ന് വ്യക്തമാക്കാമോ?

റവന്യൂ ഭൂമിയില്‍ കുടില്‍കെട്ടി താമസിച്ചുവരുന്ന കുടുംബങ്ങള്‍ക്ക് പട്ടയം നല്‍കാന്‍ നടപടി

2895.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ പുല്ലൂര്‍ വില്ലേജില്‍ ആര്‍.എസ്. നം. 61 -ല്‍ പ്പെട്ട റവന്യൂ ഭൂമിയില്‍ കുടില്‍കെട്ടി വര്‍ഷങ്ങളായി താമസിച്ചുവരുന്ന 17 കുടുംബങ്ങള്‍ക്ക് പട്ടയം നല്‍കാത്ത വിഷയം ശ്രദ്ധയില്‍പ്പെട്ടിട്ടുണ്ടോ;

(ബി)	വര്‍ഷങ്ങളായി കുടില്‍കെട്ടി താമസിച്ചുവരുന്ന ഇവര്‍ക്ക് പട്ടയം ലഭിക്കാത്തതിനാല്‍ വാസയോഗ്യമായ വീടു നിര്‍മ്മിക്കാന്‍ സര്‍ക്കാര്‍ പദ്ധതിയില്‍ അനുമതി ലഭിച്ചിട്ടും വീട് നിര്‍മ്മിക്കാന്‍ കഴിയാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ പ്രസ്തുത ആളുകള്‍ക്ക് അടിയന്തരമായി പട്ടയം നല്‍കുന്നതിനുള്ള നടപടി സ്വീകരിക്കുമോ;വിശദാംശങ്ങള്‍ അറിയിക്കാമോ?

ഗൃഹശ്രീ ഭവന പദ്ധതിപട്ടയം കൊടുക്കുന്നതിന്റെ ഭാഗമായുള്ള സര്‍വ്വെ നടപടികളുടെ സ്ഥിതി

2896.

(എ)	ആലത്തൂര്‍ മണ്ഡലത്തിലെ കിഴക്കഞ്ചേരി-II വില്ലേജിലെ മിച്ചഭൂമി പുറമ്പോക്കിൽ താമസിക്കുന്നവർക്ക് പട്ടയം കൊടുക്കുന്നതിന്റെ ഭാഗമായുള്ള സര്‍വ്വെ നടപടികളുടെ നിലവിലെ സ്ഥിതി എന്താണെന്ന് വ്യക്തമാക്കാമോ;

(ബി)	റവന്യൂ വകുപ്പിന്റെ സര്‍വ്വെയുമായി സഹകരിക്കുന്ന കുടുംബങ്ങള്‍ക്ക് ഉടൻ പട്ടയം നൽകാൻ തയ്യാറാകുമോ എന്ന് അറിയിക്കാമോ?

താനൂര്‍ നിയോജക മണ്ഡലത്തിലെ പട്ടയ വിതരണം

2897.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	താനൂര്‍ നിയോജക മണ്ഡലത്തിലെ ചെറിയമുണ്ടം പഞ്ചായത്തില്‍ ഇനിയും പട്ടയം കാത്തിരിക്കുന്നവര്‍ക്ക് പട്ടയവിതരണത്തിനായി എന്തെല്ലാം നടപടി സ്വീകരിച്ചിട്ടുണ്ട്; വ്യക്തമാക്കാമോ;

(ബി)	പ്രശ്നപരിഹാരത്തിന് അടിയന്തര നടപടി സ്വീകരിക്കുമോ?

അനധികൃത പട്ടയങ്ങള്‍

2898.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാര്‍ എത്ര കുടുംബങ്ങള്‍ക്ക് പട്ടയങ്ങള്‍ നല്‍കി ; ജില്ലതിരിച്ച് വ്യക്തമാക്കുമോ;

(ബി)	മുന്‍സര്‍ക്കാര്‍ നല്‍കിയ പട്ടയങ്ങളില്‍ അനധികൃതമെന്ന് ഈ സര്‍ക്കാര്‍ കണ്ടെത്തിയ പട്ടയങ്ങള്‍ എത്ര; ഇതിനായി കൂട്ടുനിന്ന ഉദ്യോഗസ്ഥര്‍ ആരെല്ലാം; ഇവര്‍ക്കെതിരെ എന്തൊക്കെ നടപടികള്‍ സ്വീകരിച്ചു; വ്യക്തമാക്കുമോ;

(സി)	ഇത്തരത്തിലുള്ള അനധികൃത പട്ടയങ്ങള്‍ തിരിച്ചു പിടിക്കുവാനും കുറ്റക്കാര്‍ക്കെതിരെ കര്‍ശന നടപടി സ്വീകരിക്കുവാനും എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

മലപ്പുറം ജില്ലയിൽ വിതരണം ചെയ്ത പട്ടയങ്ങൾ

2899.

(എ)	സര്‍ക്കാരിന്റെ രണ്ടാം വാര്‍ഷികം പ്രമാണിച്ച് മലപ്പുറം ജില്ലയിൽ പുതുതായി എത്രപേര്‍ക്കാണ് പട്ടയം വിതരണം ചെയ്തിട്ടുള്ളതെന്ന് വെളിപ്പെടുത്തുമോ;

(ബി)	എത്രപേര്‍ക്ക് ഉടനെ പട്ടയ വിതരണത്തിനുളള നടപടി പൂര്‍ത്തിയായി എന്നറിയിക്കുമോ;

(സി)	നിസ്സാര തടസ്സങ്ങളുടെ പേരിൽ പട്ടയം നല്‍കുന്നതിന് കാലതാമസം നേരിടുന്നത് പരിഹരിക്കുന്നതിനായി എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ?

അത്തിക്കയം വില്ലേജിലെ കൈവശ ഭൂമിക്ക് പട്ടയം

2900.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റാന്നി താലൂക്കിലെ അത്തിക്കയം വില്ലേജിലെ മടന്തമണ്‍ തെക്കേത്തൊടി നിവാസികള്‍ക്ക് കൈവശ ഭൂമിക്ക് പട്ടയം അനുവദിച്ചത് എന്നാണ്; ആകെ എത്ര ഭൂമിക്കാണ് പട്ടയം അനുവദിച്ചത്; എത്ര കൈവശ കര്‍ഷകര്‍ക്കാണ് ഇതിന്റെ പ്രയോജനം ലഭിക്കുക; ഇത് സംബന്ധിച്ച സര്‍ക്കാര്‍ ഉത്തരവ് എന്നാണ് പുറത്തിറക്കിയത്;

(ബി)	തെക്കേത്തൊടിയില്‍ കര്‍ഷകര്‍ക്ക് അനുവദിച്ച പട്ടയം വിതരണം ചെയ്യാന്‍ കാലതാമസം നേരിടുന്നതിന്റെ കാരണം വിശദമാക്കാമോ; ഇത് പരിഹരിക്കുവാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് പറയാമോ; ഇവര്‍ക്ക് എന്നത്തേക്ക് പട്ടയം വിതരണം ചെയ്യാന്‍ കഴിയുമെന്ന് പ്രഖ്യാപിക്കാമോ?

കൈവശഭൂമിക്ക് പട്ടയം

2901.

(എ)	പെരുമ്പെട്ടി വില്ലേജിലെ പന്നയ്ക്കപ്പതാല്‍ അടക്കമുള്ള പ്രദേശങ്ങളിലെ എത്ര താമസക്കാര്‍ക്കാണ് ഇനിയും പട്ടയം ലഭിക്കുവാനായി ഉള്ളത്; ഇവരുടെ കൈവശഭൂമിക്ക് പട്ടയം നല്‍കുന്നതിനുള്ള തടസ്സം എന്താണ്; ഇത് പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	തടസ്സങ്ങള്‍ പരിഹരിച്ച് എന്നത്തേയ്ക്ക് ഈ ഭൂമി കൈവശ കര്‍ഷകര്‍ക്ക് നല്‍കാനാവും എന്ന് പറയാമോ?

വനഭൂമിയ്ക്ക് പട്ടയം

2902.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പട്ടയം നല്‍കുന്നതിന് കേന്ദ്രാനുമതി ആവശ്യമുളള എത്ര ഏക്കര്‍ ഭൂമി ഉളളതായാണ് തിട്ടപ്പെടുത്തിയിട്ടുളളത്;

(ബി)	വനഭൂമിയ്ക്ക് പട്ടയം നല്‍കുന്നതുമായി ബന്ധപ്പെട്ട് കേന്ദ്രസര്‍ക്കാര്‍ എന്തെങ്കിലും തടസ്സങ്ങളോ താക്കീതോ സംസ്ഥാന സര്‍ക്കാരിന് നല്‍കിയിട്ടുണ്ടോ; എങ്കില്‍ ഇത് മറികടക്കുന്നതിനും കേന്ദ്രസര്‍ക്കാരില്‍ നിന്നും അനുമതി നേടിയെടുക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

സുല്‍ത്താന്‍ ബത്തേരി നഗരസഭ നിലവില്‍ വരുന്നതിന് മുമ്പുള്ള പട്ടയ അപേക്ഷകൾ

2903.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സുല്‍ത്താന്‍ ബത്തേരി നഗരസഭ നിലവില്‍ വരുന്നതിന് മുമ്പ് വിവിധ റവന്യൂ ഓഫീസുകളില്‍ നിലവിലുണ്ടായിരുന്ന പട്ടയ അപേക്ഷകളിന്‍മേല്‍ പട്ടയം അനുവദിക്കുന്നതിന് അനുമതി നല്‍കുമോ;

(ബി)	അല്ലെങ്കില്‍ ഇത്തരം കേസുകളില്‍ 1995 ലെ മുനിസിപ്പല്‍ ഭൂപതിപ്പ് ചട്ടങ്ങള്‍ പ്രകാരമുള്ള വ്യവസ്ഥകളില്‍ ഇളവ് നല്‍കുന്ന കാര്യം പരിഗണിക്കുമോ;

(സി)

സുല്‍ത്താന്‍ ബത്തേരി താലൂക്കില്‍ സ്ഥിരമായി വെള്ളപ്പൊക്ക ഭീഷണി നേരിടുന്ന ആദിവാസി കുടുംബങ്ങളെ മാറ്റി പാർപ്പിക്കുന്നതിലേക്കായി വിലയ്ക്ക് വാങ്ങുന്നതിന് കണ്ടെത്തിയ ഭൂമിക്ക് റവന്യൂ അധികാരികള്‍ നിശ്ചയിച്ചിട്ടുള്ള വില തീരെ കുറവായതിനാല്‍ ഉടമകള്‍ ഭൂമി വില്‍ക്കാന്‍ തയ്യാറല്ലാത്ത സാഹചര്യത്തില്‍ പുതിയ പ്രോജക്ട് തയ്യാറാക്കി അനുമതി നല്‍കുമോ?

അര്‍ഹരായവര്‍ക്ക് പട്ടയം അനുവദിക്കുന്നതിലുള്ള കാലതാമസം

2904.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍ നിയോജക മണ്ഡലത്തിലെ വിവിധ വില്ലേജുകളില്‍ നിന്നും പട്ടയം അനുവദിച്ചു കിട്ടുന്നതിനായി 2016 -നു ശേഷം നാളിതുവരെ എത്ര അപേക്ഷകള്‍ ലഭിച്ചുവെന്നും ആയതിന്മേല്‍ സ്വീകരിച്ച തുടര്‍ നടപടികള്‍ എന്തൊക്കെയെന്നും വിശദമാക്കാമോ;

(ബി)	എത്ര കേസുകളില്‍ പട്ടയം അനുവദിച്ചുവെന്ന് വിശദമാക്കാമോ;

(സി)	പട്ടയം അനുവദിച്ചു കിട്ടുന്നതിന് അര്‍ഹതയുള്ള അപേക്ഷകരുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ എത്ര അപേക്ഷകരുണ്ടെന്ന് വിശദമാക്കാമോ;

(ഡി)	അര്‍ഹരായവര്‍ക്ക് പട്ടയം അനുവദിക്കുന്നതില്‍ കാലതാമസം നേരിടുന്നത് എന്തുകൊണ്ടെന്ന് വ്യക്തമാക്കാമോ;

(ഇ)	അര്‍ഹരായവര്‍ക്ക് എന്നത്തേക്ക് പട്ടയം അനുവദിക്കാനാകുമെന്ന് വ്യക്തമാക്കാമോ?

പ്രകൃതിക്ഷോഭ നാശത്തിന് നഷ്ടപരിഹാരം

2905.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

നെടുമങ്ങാട്-കാട്ടാക്കട താലൂക്ക് പരിധിയില്‍ പ്രകൃതിക്ഷോഭം മൂലം നാശനഷ്ടങ്ങള്‍ സംഭവിച്ചിട്ടുള്ളതിന് നഷ്ടപരിഹാരം നല്‍കുന്നതിനായി എത്ര കേസ്സുകള്‍ നിലവിലുണ്ട്; ഇതില്‍ അരുവിക്കര നിയോജകമണ്ഡലത്തിലെ എത്ര കേസ്സുകളുണ്ട്; ഇവയുടെ പഞ്ചായത്ത് തിരിച്ചുള്ള കണക്ക് ലഭ്യമാക്കാമോ; ഇതിനായി ശിപാര്‍ശ ചെയ്തിട്ടുള്ള തുക എത്രയാണ്;

(ബി)	ഈ സര്‍ക്കാര്‍ അധികാരത്തില്‍ വന്നതിന് ശേഷം ഇത്തരം എത്ര കേസുകളാണ് ഉണ്ടായിട്ടുള്ളത്; ഇതില്‍ എത്ര പേര്‍ക്ക് നഷ്ടപരിഹാരം നല്‍കിയിട്ടുണ്ട്; ഇതിനായി എത്ര രൂപയാണ് അനുവദിച്ചിട്ടുള്ളത്; വിശദാംശം നല്‍കാമോ?

ഓഖി ദുരിത ബാധിതര്‍ക്കുള്ള നഷ്ടപരിഹാരം

2906.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി കാറ്റിൽ ഭാഗീകമായും പൂര്‍ണ്ണമായും വീടുകള്‍ നഷ്ടപ്പെട്ടവര്‍ക്ക് നഷ്ടപരിഹാരം നൽകിയിട്ടുണ്ടോ; എത്ര പേര്‍ക്ക് നൽകി; ഇനിയും എത്ര പേര്‍ക്ക് നൽകുവാനുണ്ട്;

(ബി)	കോവളം നിയോജകമണ്ഡലത്തിൽ വിവിധ പ്രകൃതിക്ഷോഭങ്ങളില്‍ ഭാഗീകമായും പൂര്‍ണ്ണമായും വീട് നഷ്ടപ്പട്ടവര്‍ക്കുള്ള ധനസഹായം ഏത് വര്‍ഷം വരെ വിതരണം ചെയ്തു; ഇനി എത്ര പേര്‍ക്ക് നഷ്ടപരിഹാരം നൽകുവാനുണ്ട്; വിശദമാക്കാമോ?

വീട് നഷ്ടപ്പെട്ടവര്‍ക്ക് സാമ്പത്തിക സഹായം

2907.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം പ്രകൃതി ക്ഷോഭത്തില്‍ വീട് നഷ്ടപ്പെട്ടവര്‍ക്ക് സാമ്പത്തിക സഹായം അനുവദിച്ചിട്ടുണ്ടോ; ഉണ്ടെങ്കില്‍ എത്ര തുക അനുവദിച്ചു എന്ന് ജില്ല തിരിച്ച് വ്യക്തമാക്കുമോ;

(ബി)	തിരുവനന്തപുരം ജില്ലയില്‍ നിന്ന് ഇതുമായി ബന്ധപ്പെട്ട് എത്ര അപേക്ഷകള്‍ ലഭിച്ചു എന്നും എത്രയെണ്ണം തീര്‍പ്പാക്കിയെന്നും എത്ര തുക അനുവദിച്ചു എന്നും നിയോജകമണ്ഡലം തിരിച്ച് വ്യക്തമാക്കുമോ;

രൂക്ഷമായ കടലാക്രമണത്തില്‍ സംഭവിച്ച നാശനഷ്ടങ്ങള്‍

T 2908.

ശ്രീ.ടി.എ.അഹമ്മദ് കബീര്‍
,, സി.മമ്മൂട്ടി
,, എന്‍ .എ.നെല്ലിക്കുന്ന്
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷാരംഭത്തിനു മുമ്പായി സംസ്ഥാനത്തിന്റെ പല ഭാഗങ്ങളിലായി ഉണ്ടായ രൂക്ഷമായ കടലാക്രമണത്തില്‍ സംഭവിച്ച നാശനഷ്ടങ്ങള്‍ സര്‍ക്കാര്‍ വിലയിരുത്തിയിട്ടുണ്ടോ; വിശദമാക്കാമോ;

(ബി)	ഇപ്രകാരം ഉണ്ടായ കടല്‍ക്ഷോഭത്തിന്റെ കാരണങ്ങളെക്കുറിച്ച് വിശകലനം നടത്തിയിട്ടുണ്ടോ; വെളിപ്പെടുത്തുമോ;

(സി)	തീരത്തിന്റെ സുരക്ഷ ഉറപ്പാക്കുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

പ്രകൃതിക്ഷോഭ നഷ്ടപരിഹാരത്തിന് പഞ്ചായത്ത് ഓവര്‍സിയര്‍മാരുടെ സര്‍ട്ടിഫിക്കറ്റ്

2909.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിക്ഷോഭം മൂലം ഉണ്ടാകുന്ന നാശനഷ്ടങ്ങള്‍ക്ക്നഷ്ടപരിഹാരത്തിനായി അപേക്ഷ സമര്‍പ്പിക്കുമ്പോള്‍ പഞ്ചായത്ത് ഓവര്‍സിയര്‍മാരുടെ സര്‍ട്ടിഫിക്കറ്റ് ഹാജരാക്കുന്നതിന് പുതുതായി നിര്‍ദ്ദേശം നല്‍കിയിട്ടുണ്ടോ;

(ബി)	ഇതുവരെ വില്ലേജ് ഓഫീസര്‍മാരുടെ മാത്രം സര്‍ട്ടിഫിക്കറ്റിന്റെ അടിസ്ഥാനത്തില്‍ പ്രകൃതിക്ഷോഭ ദുരന്തസഹായം ലഭ്യമാക്കിയിരുന്നതുപോലെ നടപടികള്‍ ലഘൂകരിച്ച് ധനസഹായം അനുവദിക്കുന്നതിന് നടപടി സ്വീകരിക്കുമോ?

ദുരന്തങ്ങള്‍ നേരിടുന്നതിനുള്ള മാര്‍ഗ്ഗങ്ങള്‍

2910.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ദുരന്തങ്ങള്‍ നേരിടുന്നതിനുള്ള മാര്‍ഗ്ഗങ്ങള്‍ പഠിച്ച് റിപ്പാേര്‍ട്ട് സമര്‍പ്പിക്കുവാന്‍ നിയാേഗിച്ച കമ്മിറ്റിയുടെ ശിപാര്‍ശകള്‍ ലഭിച്ചിട്ടുണ്ടാേ; എങ്കില്‍ എന്താെക്കെയാണ് ശിപാര്‍ശകള്‍;

(ബി)	പ്രസ്തുത ശിപാര്‍ശകളുടെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കുമോ;

(സി)	ഈ മഴക്കാലത്ത് ഹെെറേഞ്ച്പോലുള്ള പ്രദേശങ്ങളില്‍ മണ്ണിടിച്ചിലും, ഉരുള്‍പാെട്ടലും ഉണ്ടാകാനുള്ള സാദ്ധ്യത കണക്കിലെടുത്ത് ദുരന്ത നിവാരണ അതാേറിറ്റി എന്താെക്കെ മുന്‍കരുതലുകളാണ് സ്വീകരിച്ചിട്ടുള്ളത് ; വിശദമാക്കുമാേ ?

പ്രകൃതിക്ഷോഭ ദുരിതാശ്വാസ ഫണ്ടില്‍ നിന്നുള്ള പ്രവൃത്തികള്‍

2911.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിക്ഷോഭ ദുരിതാശ്വാസ ഫണ്ടില്‍ നിന്നും സിവില്‍ പ്രവൃത്തികള്‍ അനുവദിക്കുന്നതിനുളള പുതുക്കിയ മാനദണ്ഡങ്ങള്‍ എന്തൊക്കെയാണെന്ന് വിശദമാക്കുമോ;

(ബി)	പുതിയ നിര്‍മ്മാണ പ്രവര്‍ത്തനങ്ങള്‍ക്ക് അനുമതി നല്‍കുന്നതിന് നിബന്ധനകള്‍ ഏര്‍പ്പെടുത്തിയിട്ടുണ്ടോ; വിശദമാക്കുമോ?

കാലവര്‍ഷക്കെടുതികള്‍ മൂലമുള്ള പുനരുദ്ധാരണ പ്രവൃത്തികള്‍

2912.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

2016-17-ലെ പ്രകൃതിക്ഷോഭം,കാലവര്‍ഷക്കെടുതി എന്നിവ മൂലമുള്ള പുനരുദ്ധാരണ പണികള്‍ക്ക് ഉത്തരവ് നമ്പര്‍ 5591/2016/ഡി.എം.ഡി. തീയതി 21-12 -2016 പ്രകാരവും, ഉത്തരവ് നമ്പര്‍ 83/2017/DMD-11/12/2017 പ്രകാരവും കോതമംഗലം മണ്ഡലത്തിലെ വാരപ്പെട്ടി, കുട്ടമ്പുഴ, കോട്ടപ്പടി, പിണ്ടിമന, പല്ലാരിമംഗലം, കരീരംപാറ, നെല്ലിക്കുഴി, കോതമംഗലം മുനിസിപ്പാലിറ്റി തുടങ്ങിയ പഞ്ചായത്ത്,മുനിസിപ്പാലിറ്റി പ്രദേശങ്ങളില്‍ എത്ര തുകയുടെ പ്രവൃത്തികള്‍ അനുവദിച്ചിട്ടുണ്ടെന്നും അവ ഏതെല്ലാമെന്നും ഓരോ പ്രവൃത്തിക്കും അനുവദിച്ച തുക എത്രയെന്നും വ്യക്തമാക്കാമോ;

(ബി)	ഇതില്‍ എത്ര പ്രവൃത്തികൾ ആരംഭിച്ചിട്ടുണ്ടെന്നും പൂര്‍ത്തീകരിച്ചിട്ടുണ്ടെന്നും വ്യക്തമാക്കാമോ;

(സി)	ഇനിയും ഏതെങ്കിലും പ്രവൃത്തികൾ ആരംഭിക്കാനുണ്ടോ ; എങ്കില്‍ കാരണം വ്യക്തമാക്കാമോ;

(ഡി)	മുഴുവന്‍ പ്രവൃത്തികളും എന്നത്തേക്ക് പൂര്‍ത്തീകരിക്കുവാന്‍ കഴിയും എന്ന് വ്യക്തമാക്കാമോ?

കാലവര്‍ഷക്കെടുതികള്‍ നേരിടാന്‍ സ്വീകരിച്ച നടപടികള്‍

2913.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ വര്‍ഷത്തെ കാലവര്‍ഷക്കെടുതികള്‍ നേരിടാന്‍ സ്വീകരിച്ച നടപടികള്‍ വ്യക്തമാക്കാമോ;

(ബി)	കഴിഞ്ഞ വര്‍ഷം കാലവര്‍ഷക്കെടുതി പരിഹരിക്കാന്‍ എത്ര രൂപ, ഏതെല്ലാം കാര്യങ്ങള്‍ക്ക് ചെലവഴിച്ചു എന്നറിയിക്കാമോ;

(സി)	കഴിഞ്ഞ വര്‍ഷം കാലവര്‍ഷക്കെടുതിക്ക് കേന്ദ്രസഹായം ലഭിച്ചിരുന്നോ; എങ്കില്‍ എത്ര; അതില്‍ നിന്ന് എത്ര രൂപ ചെലവഴിച്ചു എന്ന് അറിയിക്കാമോ?

കാലാവസ്ഥാക്കെടുതിമൂലമുണ്ടായ നാശനഷ്ടം

T 2914.

(എ)	സംസ്ഥാനത്ത് കഴിഞ്ഞ 2 വര്‍ഷം കാലാവസ്ഥാക്കെടുതി മൂലം എത്ര രൂപയുടെ നാശനഷ്ടം ഉണ്ടായി; ജില്ല തിരിച്ചുള്ള കണക്ക് വ്യക്തമാക്കുമാേ;

(ബി)	കഴിഞ്ഞ 2 വര്‍ഷത്തെ കാലാവസ്ഥാക്കെടുതിക്ക് കേന്ദ്രസര്‍ക്കാരില്‍ നിന്ന് എത്ര രൂപ ധനസഹായം ലഭിച്ചിട്ടുണ്ട്; വ്യക്തമാക്കുമാേ;

(സി)	പ്രസ്തുത വിഷയവുമായി ബന്ധപ്പെട്ട് കേന്ദ്ര സര്‍ക്കാരിന് എത്ര കത്തുകള്‍ അയച്ചിട്ടുണ്ട്; അവയുടെ പകര്‍പ്പുകള്‍ ലഭ്യമാക്കുമാേ?

നെല്‍വയല്‍-തണ്ണീര്‍ത്തടങ്ങള്‍ മണ്ണിട്ടു നികത്തുന്നതായ പരാതി

2915.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ആര്‍.ഡി.ഒ. ഓഫീസില്‍ നെല്‍വയല്‍-തണ്ണീര്‍ത്തടങ്ങള്‍ മണ്ണിട്ടു നികത്തുന്നതുമായി ബന്ധപ്പെട്ട് ലഭിച്ച പരാതികളിന്മേല്‍ കഴിഞ്ഞ പത്ത് വര്‍ഷമായിട്ടും ഉദ്യോഗസ്ഥര്‍ സമയബന്ധിതമായി നടപടികള്‍ സ്വീകരിക്കാത്തത് ശ്രദ്ധയില്‍പെട്ടിട്ടുണ്ടോ;

(ബി)	ഉണ്ടെങ്കില്‍ ഇതിന്മേല്‍ സ്വീകരിച്ച നടപടികള്‍ വിശദമാക്കുമോ;

(സി)	ഈ വിഷയവുമായി ബന്ധപ്പെട്ട് ഏതെങ്കിലും ഉദ്യോഗസ്ഥര്‍ക്കെതിരെ വിജിലന്‍സ് കേസ് എടുത്തിട്ടുണ്ടെങ്കില്‍ അവരുടെ പേരുവിവരം വിശദമാക്കുമോ;

(ഡി)	ഇതുമായി ബന്ധപ്പെട്ട എന്തെങ്കിലും അന്വേഷണ റിപ്പോര്‍ട്ട് സര്‍ക്കാരിന് ലഭിച്ചിട്ടുണ്ടോ;ഉണ്ടെങ്കില്‍ അന്വേഷണ റിപ്പോര്‍ട്ടിന്റെ പകര്‍പ്പ് ഹാജരാക്കുമോ?

ഐ.എസ്.ആര്‍.ഒ. യ്ക്ക് വേണ്ടി ഏറ്റെടുക്കുന്ന ഭൂമി

2916.

ശ്രീ.കെ.എം.മാണി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

നെടുമങ്ങാട് താലൂക്കിലെ കുരിപ്പൂര്‍ വില്ലേജിലുള്‍പ്പെടുന്ന 2739.04 ആര്‍ ഭൂമി ഡയറക്ട്/നെഗോഷ്യേറ്റഡ് പര്‍ച്ചേസ് പ്രകാരം ഐ.എസ്.ആര്‍.ഒ യ്ക്ക് വേണ്ടി ഏറ്റെടുക്കുന്നതിന് 01.06.2017ലെ സര്‍ക്കാര്‍ ഉത്തരവ് (ആര്‍.റ്റി )നമ്പർ 2505/17/റവ. പ്രകാരം നല്‍കിയ ഭരണാനുമതി അനുസരിച്ച് നാളിതുവരെ എന്തെല്ലാം നടപടികള്‍ സ്വീകരിച്ചു;വിശദമാക്കുമോ;

(ബി)	ഇത് സംബന്ധിച്ച് ഉടമസ്ഥരുമായി എന്തെങ്കിലും ചര്‍ച്ച നടത്തിയോ;വ്യക്തമാക്കുമോ;

(സി)	ഭൂമിയുടെ വില റവന്യൂ വകുപ്പ് നിശ്ചയിച്ചിട്ടുണ്ടോ; വിശദമാക്കുമോ;

(ഡി)	കേന്ദ്ര നിയമമനുസരിച്ച് ഭൂമിയുടെ വില നിശ്ചയിക്കുന്നതില്‍ ഈ സര്‍ക്കാര്‍ പല മാനദണ്ഡങ്ങളും സ്വീകരിച്ചതു പോലെ ഐ.എസ്.ആര്‍.ഒയ്ക്ക് വേണ്ടി എടുക്കുന്ന ഭൂമിയില്‍ പ്രത്യേകം മാനദണ്ഡം നിശ്ചയിച്ചിട്ടുണ്ടോ?

കല്ലട ജലസേചന പദ്ധതിക്കു വേണ്ടി ഏറ്റെടുത്ത വസ്തു

2917.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

കല്ലട ജലസേചന പദ്ധതിക്കു വേണ്ടി ആലപ്പുഴ ജില്ലയില്‍ മാവേലിക്കര താലൂക്കില്‍ പാലമേല്‍ വില്ലേജില്‍ മുന്‍ സര്‍വ്വേ നമ്പര്‍ 220/2-15 ലും മുന്‍ തണ്ടപ്പേര്‍ നമ്പര്‍ 7694 ലും പെട്ട 45.50 സെന്റ് വസ്തുവില്‍ നിന്നും 152/78-79-ാം നമ്പര്‍ അവാര്‍ഡ് പ്രകാരം എത്ര സെന്റ് വസ്തു സര്‍ക്കാര്‍ ഏറ്റെടുത്തിട്ടുണ്ട്?

മൂലത്തറ ആര്‍.ബി.സി യുടെ സ്ഥലമെടുപ്പ് നടപടികള്‍

2918.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട്‌ ജില്ലയിലെ മൂലത്തറ ആര്‍.ബി.സി യുടെ സ്ഥലമെടുപ്പ് നടപടികള്‍ സംബന്ധിച്ച് പാലക്കാട്‌ ജില്ലാ കളക്ടര്‍ ഇന്നേവരെ സ്വീകരിച്ച നടപടികള്‍ വ്യക്തമാക്കാമോ;

(ബി)	ഒരു പദ്ധതിയുടെ സ്ഥലമെടുപ്പില്‍ എന്തൊക്കെ നടപടികളാണ് സ്വീകരിക്കേണ്ടതെന്ന് വിശദമാക്കാമോ; മൂലത്തറ ആര്‍.ബി.സി യുടെ സ്ഥലമെടുപ്പില്‍ എന്തൊക്കെ നടപടികള്‍ സ്വീകരിച്ചു എന്ന ഒരു റിപ്പോര്‍ട്ട്‌ സഭയ്ക് നല്‍കാമോ;

(സി)	സ്ഥലമെടുപ്പ് തഹസീല്‍ദാര്‍ ഓഫീസ് കൂടുതല്‍ കാര്യക്ഷമമാക്കാനും ജീവനക്കാര്‍ സമയബന്ധിതമായി സര്‍വേ,സ്ഥലമെടുപ്പ് സംബന്ധിച്ച ജോലികള്‍ ചെയ്ത് ഭൂമി ജലസേചന വകുപ്പിന് കൈമാറാനും എന്തൊക്കെ നടപടികളാണ് ജില്ലാ ഭരണകൂടം ചെയ്യാനുദ്ദേശിക്കുന്നതെന്ന് വ്യക്തമാക്കാമോ;

(ഡി)	ഇതു സംബന്ധിച്ച സമയ ബന്ധിതമായ ഒരു ആക്ഷന്‍ പ്ലാന്‍ ലഭ്യമാക്കാമോ;

മണലൂര്‍ മണ്ഡലത്തിലെ റോഡിന് വീതികൂട്ടല്‍

2919.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

മണലൂര്‍ മണ്ഡലത്തിലെ ചാവക്കാട്-കാഞ്ഞാണി പാതയില്‍ എനാമാവ് ക്രിസ്ത്യന്‍ പളളിക്ക് സമീപമുളള റോഡിന്റെ ഇടുങ്ങിയ ഭാഗം വീതികൂട്ടുന്നതിനായി പൊതുമരാമത്ത് വകുപ്പില്‍ നിന്നും 2015 -ല്‍ 130 ലക്ഷം രൂപയുടെ ഭരണാനുമതി ലഭിച്ചിരുന്നെങ്കിലും റവന്യു വകുപ്പ് ഭൂമി ഏറ്റെടുത്ത് നല്‍കാത്തതിനാല്‍ പ്രസ്തുത പ്രവൃത്തി ഇതുവരെ പൂര്‍ത്തിയാക്കാനായിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;വിശദാംശങ്ങള്‍ നല്‍കുമോ;

(ബി)	കാലതാമസം ഒഴിവാക്കുന്നതിനായി ഡയറക്ട് പര്‍ച്ചേസ് പ്രകാരം ഭൂമി ഏറ്റെടുത്ത് റോഡ് വീതികൂട്ടുന്നതിനായി നടപടി സ്വീകരിച്ചിട്ടുണ്ടോ; ഉണ്ടെങ്കില്‍ അതിന്റ വിശദാംശങ്ങള്‍ നല്‍കാമോ;

(സി)	വളരെയേറെ ഗതാഗതക്കുരുക്ക് അനുഭവപ്പെടുന്നതിനാല്‍ പ്രസ്തുത പ്രവൃത്തി അടിയന്തരമായി പൂര്‍ത്തീകരിക്കുന്നതിനായി ഭൂമി ഏറ്റെടുത്ത് നല്‍കുന്നതിനുള്ള നിര്‍ദ്ദേശം നല്‍കുമോ; വിശദാംശങ്ങള്‍ എന്തെല്ലാം?

സ്പൈസസ് പാര്‍ക്കിനുള്ള ഭൂമി ഏറ്റെടുക്കുന്ന നടപടി

2920.

ശ്രീ.പി.ജെ.ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	തൊടുപുഴ താലൂക്കിൽ മുട്ടം വില്ലേജിൽ സ്പൈസസ് പാര്‍ക്കിനായി ഭൂമി ഏറ്റെടുക്കുന്ന നടപടി ഏത് ഘട്ടം വരെയായി എന്ന് വ്യക്തമാക്കാമോ;

(ബി)	കിൻഫ്രയ്ക്കുവേണ്ടി എത്ര ഹെക്ടര്‍ സ്ഥലമാണ് ഏറ്റെടുക്കുന്നത്;

(സി)	പ്രസ്തുത സ്ഥലം രജിസ്റ്റര്‍ ചെയ്ത് വാങ്ങുന്നതിനുള്ള നടപടി ഏത് ഘട്ടത്തിലാണ്?

കുളിമാട് പാലം അനുബന്ധ റോഡ് നിര്‍മ്മാണത്തിന് ഭൂമി

2921.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഡയറക്ട്/നെഗോഷ്യബിള്‍ പര്‍ച്ചേസ് വഴി ഭൂമി ഏറ്റെടുക്കുന്നതിനുള്ള നടപടിക്രമങ്ങള്‍ വിശദമാക്കാമോ;

(ബി)	മലപ്പുറം ജില്ലയിലെ കുളിമാട് പാലം അനുബന്ധ റോഡ് നിര്‍മ്മാണത്തിന് വാഴക്കാട് വില്ലേജിലെ ഭൂമി ഏറ്റെടുക്കുന്നതിന് അനുമതി നല്‍കിയിട്ടുണ്ടോയെന്ന് വെളിപ്പെടുത്തുമോ;

(സി)	എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ?

അടിസ്ഥാന സൗകര്യ വികസനങ്ങള്‍ക്കായി ഭൂമി

2922.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

റൈറ്റ് ടു ഫെയര്‍ കോമ്പന്‍സേഷന്‍ ആൻഡ് ട്രാൻസ്പെരൻസി ഇന്‍ ലാന്റ് അക്യുസിഷന്‍ , റിഹാബിലിറ്റേഷന്‍, റീസെറ്റില്‍മെന്റ് ആക്ട് 2013 പ്രകാരം പാലം, റോഡ് മുതലായ അടിസ്ഥാന സൗകര്യ വികസന പ്രവർത്തനങ്ങൾക്കായി ഭൂമി ഏറ്റെടുക്കുന്നതിന് ചുരുങ്ങിയത് രണ്ട് വര്‍ഷമെങ്കിലും കാലതാമസം സംഭവിക്കുന്നതായി ശ്രദ്ധയിൽപ്പെട്ടിട്ടുണ്ടോ;

(ബി)	ഇങ്ങനെയുളള കാലതാമസം സംസ്ഥാനത്തിന്റെ വികസനപ്രവര്‍ത്തനങ്ങളെ പുറകോട്ടടിപ്പിക്കുന്നു എന്നതിനാല്‍ ഭൂമി ഏറ്റെടുക്കല്‍ പ്രക്രിയ ലഘൂകരിക്കുന്നതിന് നിലവിലുളള നിയമവ്യവസ്ഥയില്‍ അനിവാര്യമായ മാറ്റങ്ങള്‍ വരുത്തുവാന്‍ ആലോചിക്കുന്നുണ്ടോ; വ്യക്തമാക്കാമോ;

(സി)	വികസനപ്രവര്‍ത്തനങ്ങള്‍ക്കായി നിര്‍ബന്ധമായും ഭൂമി ഏറ്റെടുക്കേണ്ട സാഹചര്യത്തില്‍ ഏറ്റെടുക്കല്‍ പ്രക്രിയ ലഘൂകരിക്കുന്നതിനോടൊപ്പം ഭൂമി വിട്ടു നൽകുന്നവർക്ക് എന്തെല്ലാം തരത്തിലുളള ആനുകൂല്യങ്ങളാണ് നല്‍കുന്നതെന്ന് വ്യക്തമാക്കാമോ?

ഗ്ലോബല്‍ ആയുര്‍വേദ വില്ലേജിന് ഭൂമി

2923.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ക്കല അയിരൂര്‍ ഗ്ലോബല്‍ ആയുര്‍വേദ വില്ലേജിന് ഭൂമി വിട്ടുനല്‍കുന്നതിനായി എത്ര ഭൂവുടമകള്‍ സമ്മതപത്രം നല്‍കിയിട്ടുണ്ടെന്ന് വ്യക്തമാക്കാമോ;

(ബി)	ഭൂമി വിട്ടു നല്‍കുന്നതിന് സമ്മതപത്രം നല്‍കിയവര്‍ക്ക്, വില നല്‍കി ഭൂമി ഏറ്റെടുക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)	പദ്ധതി ആരംഭിക്കുന്നതിനുള്ള നടപടികള്‍ക്കായി ഭൂമി ഏറ്റെടുക്കല്‍ ത്വരിതപ്പെടുത്തുമോ?

കഴക്കൂട്ടം - കാരോട് ബൈപ്പാസ് റോഡ്

2924.

(എ)	കഴക്കൂട്ടം - കാരോട് ബൈപ്പാസ് റോഡ് നിര്‍മ്മാണത്തിന് സ്ഥലം ഏറ്റെടുത്ത തീയതികള്‍ ഏതൊക്കെയെന്ന് വ്യക്തമാക്കാമോ; സ്ഥലം വിട്ടുനല്‍കിയ ഭൂവുടമകള്‍ക്ക് നഷ്ടപരിഹാരതുക പൂര്‍ണ്ണമായും നല്‍കിയോ; ഇല്ലെങ്കില്‍ അതിനുള്ള കാരണം വ്യക്തമാക്കാമോ;

(ബി)	നഷ്ടപരിഹാരതുക നിശ്ചയിച്ചത് സുതാര്യവും നിയമാനുസൃതവുമായാണോ എന്ന് പരിശോധിക്കുമോ; നഷ്ടപരിഹാരതുക നിശ്ചയിച്ചതില്‍ അപാകതകള്‍ ഉള്ളത് ശ്രദ്ധയില്‍പെട്ടിട്ടുണ്ടോ;

(സി)

നഷ്ടപരിഹാര തുക നല്‍കിയപ്പോള്‍ കുറച്ച് പേര്‍ക്ക് 15% ഉയര്‍ത്തിയും മറ്റുള്ളവര്‍ക്ക് 50% ഉയര്‍ത്തിയും നല്‍കിയത് ശ്രദ്ധയില്‍പെട്ടിട്ടുണ്ടോ; ഒരേ ആവശ്യത്തിന് സ്ഥലമേറ്റെടുത്തപ്പോള്‍ ഒരേ തരത്തിലുള്ള നഷ്ടപരിഹാര തുക നല്‍കേണ്ടതായതിനാല്‍ അപാകതകള്‍ പരിഹരിയ്ക്കുവാന്‍ നടപടി സ്വീകരിയ്ക്കുമോ; എന്നേയ്ക്ക് ഇതിന്റെ നടപടി പൂര്‍ത്തിയാക്കും;വ്യക്തമാക്കാമോ;

(ഡി)	പ്രശ്നത്തിന് പരിഹാരം കാണാന്‍ തിരുവനന്തപുരം കളക്ടറേറ്റുമായി ബന്ധപ്പെട്ട് ഏജന്റുമാര്‍ പണപ്പിരിവ് നടത്തുന്നത് ശ്രദ്ധയില്‍പെട്ടിട്ടുണ്ടോ; ഇതേക്കുറിച്ച് അന്വേഷിക്കുവാന്‍ നടപടി സ്വീകരിക്കുമോ?

സര്‍ക്കാര്‍ ഏറ്റെടുത്ത അവകാശികള്‍ ഇല്ലാത്ത ഭൂമി

2925.

(എ)	ഈ സര്‍ക്കാര്‍ അധികാരമേറ്റ ശേഷം അവകാശികള്‍ ഇല്ലാത്ത എത്ര ഹെക്ടര്‍ ഭൂമി സര്‍ക്കാര്‍ ഏറ്റെടുത്തിട്ടുണ്ട്;വ്യക്തമാക്കുമോ;

(ബി)	അങ്ങിനെയുള്ള ഭൂമി സര്‍ക്കാര്‍ ഏറ്റെടുക്കുന്നതിനുള്ള നടപടിക്രമങ്ങള്‍ വ്യക്തമാക്കുമോ?

കുമാരനെല്ലൂര്‍-കൽപൂരു വയലിലെ മിച്ചഭൂമി

2926.

(എ)	സര്‍ക്കാര്‍ മിച്ചഭൂമിയായി ഏറ്റെടുത്ത കോഴിക്കോട് താലൂക്ക് കുമാരനെല്ലുര്‍ വില്ലേജ് കൽപൂരു വയലിൽ അര്‍ഹരായ ആളുകള്‍ക്ക് ഇനിയും പതിച്ചു കൊടുക്കാത്ത ഭൂമി അവശേഷിക്കുന്നുണ്ടോ;

(ബി)	എങ്കില്‍ പതിച്ചു കൊടുക്കാത്തത് എന്തുകൊണ്ടാണെന്ന് വിശദമാക്കുമോ;

(സി)	അവശേഷിക്കുന്ന ഭൂമി സര്‍വ്വേ നടത്തി അതിരുകള്‍ നിശ്ചയിക്കുന്നതിനും അനധികൃത കൈയേറ്റം ഒഴിപ്പിക്കുന്നതിനും നടപടികള്‍ സ്വീകരിക്കുമോ;

(ഡി)	പഴയ പട്ടിക റദ്ദ് ചെയ്ത്,പുതിയ അപേക്ഷ സ്വീകരിച്ച് ഭൂമി വിതരണം ചെയ്യുന്നതിന് നടപടികള്‍ സ്വീകരിക്കുമോ?

ഹാരിസണ്‍ മലയാളം ലിമിറ്റഡിന്റെ കെെവശമുളള ഭൂമി തിരിച്ചുപിടിക്കാനുളള ഉത്തരവ്

2927.

ശ്രീ.പി.കെ.അബ്ദു റബ്ബ്
,, മഞ്ഞളാംകുഴി അലി
,, എന്‍ .എ.നെല്ലിക്കുന്ന്
ഡോ.എം. കെ. മുനീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഹാരിസണ്‍ മലയാളം ലിമിറ്റഡിന്റെ കെെവശമുളള മുപ്പത് ഏക്കറോളം വരുന്ന ഭൂമി തിരിച്ചുപിടിക്കാനുളള സര്‍ക്കാര്‍ ഉത്തരവ് ഹെെക്കോടതി റദ്ദാക്കിയിട്ടുണ്ടോ;

(ബി)	ഇൗ കേസില്‍ ഹെെക്കോടതിയുടെ നിരീക്ഷണങ്ങള്‍ എന്തെല്ലാമാണ്;

(സി)	സര്‍ക്കാര്‍ ഭൂമി നഷ്ടപ്പെടാതിരിക്കാന്‍ എന്തെല്ലാം മേല്‍ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

പാട്ടക്കുടിശ്ശികയിനത്തില്‍ പിരിച്ചെടുക്കാനുള്ള തുക

2928.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

പാട്ടത്തിനു നല്‍കിയിട്ടുള്ള തോട്ടങ്ങളില്‍ നിന്നും എന്തു തുക പാട്ടക്കുടിശ്ശികയിനത്തില്‍ പിരിച്ചെടുക്കാനുണ്ട് എന്ന് കണക്കാക്കിയിട്ടുണ്ടോ; ഇത് പിരിച്ചെടുക്കുന്നതിന് എന്തെങ്കിലും നടപടി സ്വീകരിക്കുന്നുണ്ടോ; വിശദാംശം വെളിപ്പെടുത്തുമോ?

ഇന്റഗ്രേറ്റഡ് റവന്യൂ ഇ-പേയ്മെന്റ് സംവിധാനം

2929.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഇന്റഗ്രേറ്റഡ് റവന്യൂ ഇ-പേയ്മെന്റ് സംവിധാനത്തിന്റെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പദ്ധതി ഏതു ഘട്ടത്തിലാണെന്ന് വിശദമാക്കുമോ;

(സി)	ഏതൊക്കെ സേവനങ്ങളാണ് പ്രസ്തുത സംവിധാനത്തിലൂടെ ലഭിക്കുന്നത് എന്ന് വിശദമാക്കുമോ?

പരശുവയ്ക്കല്‍ വില്ലേജ് ഓഫീസ് കെട്ടിടം

2930.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാറശ്ശാല നിയോജകമണ്ഡലത്തിലെ പരശുവയ്ക്കല്‍ വില്ലേജ് ഓഫീസ് കെട്ടിടം ഏതു നിമിഷവും നിലംപൊത്താവുന്ന അപകടകരമായ സ്ഥിതിയിലാണ് എന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	ഈ വില്ലേജ് ഓഫീസിനെ മാതൃകാ വില്ലേജ് ഓഫീസായി ഉയര്‍ത്തി പുതിയ കെട്ടിടം നിര്‍മ്മിക്കുന്നതിനുള്ള നടപടി സ്വീകരിക്കാമോ;

(സി)	ഈ സര്‍ക്കാര്‍ അധികാരത്തിലെത്തിയ ശേഷം റവന്യൂ വകുപ്പില്‍ നിന്നും പാറശ്ശാല നിയോജക മണ്ഡലത്തില്‍ അനുവദിച്ചിട്ടുള്ള പദ്ധതികള്‍ എതൊക്കെയാണെന്ന് വിശദമാക്കാമോ ?

ഇ-വില്ലേജ്

2931.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വില്ലേജ് ഓഫീസുകള്‍ കമ്പ്യൂട്ടര്‍വല്‍ക്കരണത്തിലൂടെ ഇ-വില്ലേജ് ആക്കുന്ന പദ്ധതി നിലവില്‍ ഉണ്ടോ; ഇതിലൂടെ ജനങ്ങള്‍ക്ക് ലഭിക്കുന്ന സേവനങ്ങള്‍ എന്തെല്ലാമാണ്;

(ബി)	ഇത്തരത്തില്‍ പരിഷ്കരിച്ച വില്ലേജുകള്‍ ഏതെല്ലാമാണ്; പരിഷ്ക്കരണത്തിനു ശേഷം ഉദ്ദേശിച്ച രീതിയിലുളള സേവനം നല്‍കുന്നതിന് സാധിച്ചിട്ടുണ്ടോ;

തഴക്കര വില്ലേജ് ഓഫീസ്, വളളിക്കുന്നം മാതൃക വില്ലേജ് ആഫീസ്

2932.

(എ)	മാവേലിക്കര താലൂക്കിലെ തഴക്കര വില്ലേജ് ഓഫീസ് കെട്ടിടം ശോചനീയാവസ്ഥയില്‍ ആണെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത വില്ലേജ് ഓഫീസിന് പുതിയ കെട്ടിടം നിര്‍മ്മിക്കുന്നതിനാവശ്യമായ തുക അനുവദിക്കുന്നതിനുളള നടപടികള്‍ സ്വീകരിക്കുമോ; വിശദമാക്കുമോ;

(സി)	വളളിക്കുന്നം മാതൃകാ വില്ലേജ് ഓഫീസ് നിര്‍മ്മാണം ആരംഭിക്കുന്നതിലേയ്ക്കായി സ്വീകരിച്ചിട്ടുളള നടപടികളുടെ വിശദാംശങ്ങള്‍ ലഭ്യമാക്കാമോ; ഇതിനായി വകയിരുത്തിയിട്ടുളള തുകയുടെ വിശദാംശങ്ങള്‍ വ്യക്തമാക്കുമോ?

വയനാട് ജില്ലയിലെ വില്ലേജാഫീസുകളില്‍ ജീവനക്കാരുടെ എണ്ണം

2933.

(എ)	സുല്‍ത്താന്‍ബത്തേരി മിനി സിവില്‍ സ്റ്റേഷനില്‍ കുഴല്‍ കിണറും മാലിന്യ നിര്‍മ്മാര്‍ജ്ജനത്തിനായി ഇന്‍സിനറേറ്ററും അനുവദിക്കുമോ;

(ബി)	അപകടാവസ്ഥയിലുളള ചീരാല്‍ വില്ലേജ് ആഫീസിന് പുതിയ കെട്ടിടം നിര്‍മ്മിക്കുന്നതിന് നടപടി സ്വീകരിക്കുമോ;

(സി)	വയനാട് ജില്ലയിലെ വില്ലേജ് ആഫീസുകളില്‍ വര്‍ദ്ധിച്ച ജനസംഖ്യയ്ക്ക് അനുപാതികമായി ജീവനക്കാരുടെ എണ്ണം വര്‍ദ്ധിപ്പിച്ച് ജോലി ഭാരം കുറയ്ക്കുന്നതിന് നടപടി സ്വീകരിയ്ക്കുമോ?

മഞ്ചേരി ഫയര്‍ സ്റ്റേഷന്‍ കെട്ടിടം നിര്‍മ്മിക്കുന്നതിനായി ഭൂമി

2934.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മഞ്ചേരി ഫയര്‍ സ്റ്റേഷന് കെട്ടിടം നിര്‍മ്മിക്കുന്നതിനായി സാങ്കേതിക വിദ്യാഭ്യാസ വകുപ്പ് ലഭ്യമാക്കിയ ഭൂമി റവന്യൂ വകുപ്പ് റദ്ദാക്കാനിടയാക്കിയ സാഹചര്യം വിശദമാക്കാമോ;

(ബി)	പ്രസ്തുത തീരുമാനം കെെക്കൊള്ളുന്നതിന് ഉദ്യോഗസ്ഥ തലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	ഇതു സംബന്ധിച്ച് ഭൂമി തിരികെ ലഭ്യമാക്കുന്നതിനായി പരാതികള്‍ ലഭിച്ചിരുന്നോ; ഉണ്ടെങ്കില്‍ അതിന്മേല്‍ സ്വീകരിച്ച നടപടികള്‍ വിശദമാക്കാമോ?

വില്ലേജ് ഓഫീസുകളുടെ പശ്ചാത്തല സൗകര്യവികസനം

2935.

ശ്രീ.സി. ദിവാകരന്‍
,, ചിറ്റയം ഗോപകുമാര്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ് ഓഫീസുകളുടെ പശ്ചാത്തല സൗകര്യ വികസനത്തിനും,സുരക്ഷ ശാക്തീകരിക്കുന്നതിനും സ്വീകരിച്ച നടപടികള്‍ വിശദമാക്കുമാേ ;

(ബി)	വില്ലേജ് ഓഫീസര്‍മാരുടെ ജാേലിഭാരം ലഘൂകരിക്കുന്നതിനും,ആവശ്യമായ അടിസ്ഥാന സൗകര്യങ്ങള്‍ പ്രദാനം ചെയ്യുന്നതിനും നടപടി സ്വീകരിക്കുമാേ; വ്യക്തമാക്കാമോ?

കോഴിക്കോട് ജില്ലയിലെ വില്ലേജ് ഓഫീസുകളുടെ നവീകരണം

2936.

(എ)	കേരളത്തിലെ വില്ലേജ് ഓഫീസുകള്‍ നവീകരിച്ച് ഇ-ഓഫീസ് സൗകര്യത്തോടെ സജ്ജമാക്കുന്ന പദ്ധതിയിന്‍മേല്‍ നാളിതുവരെ നടന്നിട്ടുള്ള പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കാമോ;

(ബി)	ഈ പദ്ധതിയിൽ ഉള്‍പ്പെടുത്തി കോഴിക്കോട് ജില്ലയിലെ ഏതെല്ലാം വില്ലേജ് ഓഫീസുകളാണ് ഇപ്പോള്‍ നവീകരിക്കുന്നത്;ജില്ലയിലെ നിയോജകമണ്ഡലം തിരിച്ച് വ്യക്തമാക്കാമോ;

(സി)	ഈ പദ്ധതിയിലേക്ക് വില്ലേജ് ഓഫീസുകളെ തെരഞ്ഞെടുക്കുന്നതിന് ഏതെങ്കിലും തരത്തിലുള്ള മാനദണ്ഡങ്ങള്‍ നിലവിലുണ്ടോ; ഉണ്ടെങ്കില്‍ വ്യക്തമാക്കാമോ;

(ഡി)	ജില്ലയില്‍ അടുത്ത ഘട്ടത്തില്‍ നവീകരിക്കാനുള്ള വില്ലേജ് ഓഫീസുകള്‍ കണ്ടെത്തിയിട്ടുണ്ടോ; ഉണ്ടെങ്കില്‍ ഏതൊക്കെയെന്ന് വ്യക്തമാക്കാമോ?

സ്മാര്‍ട്ട് വില്ലേജ് ഓഫീസുകളിലെ നൂതന സംവിധാനങ്ങള്‍

2937.

ശ്രീ.കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സ്മാര്‍ട്ട് വില്ലേജ് ഓഫീസുകളിലെ നൂതന സംവിധാനങ്ങളിലൂടെ പൊതുജനങ്ങള്‍ക്ക് ലഭ്യമാകുന്ന മെച്ചപ്പെട്ട സേവനങ്ങള്‍ ഏതൊക്കെയെന്ന് വ്യക്തമാക്കുമോ;

(ബി)	വിവര സാങ്കേതിക വിനിമയ വിദ്യയുടെ സൗകര്യങ്ങള്‍ കേരളത്തിലെ എല്ലാ വില്ലേജ് ഓഫീസുകളെയും ആധുനികവത്കരിക്കാൻ ഉപയുക്തമാക്കിയിട്ടുണ്ടോ; ഇത്തരം സേവനങ്ങള്‍ ഏര്‍പ്പെടുത്തപ്പെട്ടിട്ടില്ലാത്ത വില്ലേജ് ഓഫീസുകള്‍ ഏതൊക്കെയെന്ന് ജില്ല തിരിച്ച് വ്യക്തമാക്കാമോ?

സര്‍ക്കാര്‍ വകുപ്പുകള്‍ തമ്മിലുളള ഭൂമി കെെമാറ്റം

2938.

ശ്രീ.എം. മുകേഷ് : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

രണ്ട് സര്‍ക്കാര്‍ സേവന വകുപ്പുകള്‍ തമ്മില്‍ പൊതു ആവശ്യത്തിലേയ്ക്കായി ഭൂമി കെെമാറ്റം നടത്തുമ്പോള്‍ ഭൂമി നല്‍കുന്ന വകുപ്പിന് ഭൂമി കിട്ടുന്ന വകുപ്പ് നഷ്ടപരിഹാരം നല്‍കുന്നതിന് വ്യവസ്ഥയുണ്ടോ; വിശദാംശം ലഭ്യമാക്കുമോ?

ഒതുക്കുങ്ങല്‍ വില്ലേജ് ഓഫീസ് സ്മാര്‍ട്ട് വില്ലേജ് ഓഫീസ് ആക്കി മാറ്റുന്നതിനുളള നടപടികള്‍

2939.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഒതുക്കുങ്ങല്‍ വില്ലേജ് ഓഫീസ് സ്മാര്‍ട്ട് വില്ലേജ് ഓഫീസ് ആക്കി മാറ്റുന്നതിനുളള നടപടികള്‍ ഏതുഘട്ടത്തിലാണ്;വിശദമാക്കാമോ;

(ബി)	സ്മാര്‍ട്ട് വില്ലേജ് ഓഫീസാക്കുന്നതുവഴി കൂടുതലായി ലഭ്യമാകുന്ന സൗകര്യങ്ങള്‍ എന്തൊക്കെയെന്ന് അറിയിക്കുമോ;

(സി)	ഒതുക്കുങ്ങല്‍ വില്ലേജ് ഓഫീസിനെ സ്മാര്‍ട്ട് വില്ലേജാക്കി ഉയര്‍ത്താന്‍ ആവശ്യമായ ഫണ്ട് അനുവദിച്ചിട്ടുണ്ടോ; എങ്കില്‍ എത്രയാണ്; ഇത് എന്നത്തേക്ക് പൂര്‍ത്തിയാക്കാനാകുമെന്ന് വ്യക്തമാക്കാമോ?

നെയ്യാറ്റിന്‍കര താലൂക്കിനെ നെടുമങ്ങാട് ആർ.ഡി.ഒ.പരിധിയില്‍ കൊണ്ടുവന്ന നടപടി

2940.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര താലൂക്കിനെ നെടുമങ്ങാട് റവന്യൂ ഡിവിഷണല്‍ ഓഫീസിന്റെ പരിധിയില്‍ കൊണ്ടുവന്നതിനെത്തുടര്‍ന്നുളള പരാതികള്‍ പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ;

(ബി)	ജനങ്ങളുടെ ബുദ്ധിമുട്ട് പരിഹരിക്കുന്നതിനായി നെയ്യാറ്റിന്‍കര താലൂക്കിനെ തിരുവനന്തപുരം റവന്യൂ ഡിവിഷണല്‍ ഓഫീസിന്റെ പരിധിയില്‍ കൊണ്ടുവരുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

ഇരിങ്ങാപ്പുറത്തെ വില്ലേജ് ഓഫീസിന് പുതിയ കെട്ടിടം

2941.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഗുരുവായൂര്‍ മണ്ഡലത്തിലെ ഇരിങ്ങാപ്പുറത്ത് റവന്യു വകുപ്പിന്റെ അധീനതയിലുള്ള ഭൂമിയില്‍ പുതിയ വില്ലേജ് ഓഫീസ് കെട്ടിടം നിര്‍മ്മിക്കുന്നതിനുള്ള ബഡ്ജറ്റ് പരാമര്‍ശം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ഓഫീസ് കെട്ടിട നിര്‍മ്മാണം വേഗത്തില്‍ പൂര്‍ത്തീകരിക്കുന്നതിന് നടപടി സ്വീകരിക്കുമോ?

ഭൂമിയുടെ താരിഫ് വില

2942.

(എ)	കോതമംഗലം താലൂക്കിലെ ഇരമല്ലൂര്‍ വില്ലേജിലെ ഭൂമിയുടെ താരിഫ് വില തൊട്ടടുത്ത വില്ലേജുകളിലെയും മുനിസിപ്പല്‍ ടൗണിലെയും താരിഫ് വിലയുടെ അഞ്ചിരട്ടിയായി നിശ്ചയിച്ചിരിക്കുന്നത് സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ;

(ബി)	ഇതു സംബന്ധിച്ച് സര്‍ക്കാരില്‍ ലഭിച്ചതും 2381387/2018/M/Revenue എന്ന നമ്പറില്‍ രജിസ്റ്റര്‍ ചെയ്തതുമായ അപേക്ഷയില്‍ എന്ത് നടപടി സ്വീകരിച്ചു എന്ന് വ്യക്തമാക്കാമോ;

(സി)	ഇരമല്ലൂര്‍ വില്ലേജിലെ ഇൗ താരിഫ് വില മാറ്റം പുനര്‍നിശ്ചയിക്കുന്നതിനു വേണ്ട നടപടി സ്വീകരിക്കുമോ; വിശദമാക്കാമോ?

പുറമ്പോക്ക് ഭൂമിയിലെ മരങ്ങള്‍

2943.

ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാരാവശ്യത്തിന് കെട്ടിടം പണിയുന്നതിനും പുറമ്പോക്കുകളില്‍ ജനങ്ങള്‍ക്ക് ഭീഷണിയായും നില്‍ക്കുന്ന മരങ്ങള്‍ മുറിച്ച് മാറ്റുന്നതിന് അനുമതി നല്‍കുന്നതിനുള്ള റവന്യൂ വകുപ്പിന്റെ നടപടി എന്തൊക്കെയാണ്; വിശദമാക്കാമോ;

(ബി)	ഇതുമായി ബന്ധപ്പെട്ട എത്ര പരാതികള്‍ കാഞ്ഞിരപ്പള്ളി, ചങ്ങനാശേരി താലൂക്ക് ഓഫീസുകളില്‍ 2014 മുതല്‍ ലഭിച്ചിട്ടുണ്ട്; അതില്‍ എത്രയെണ്ണം തീര്‍പ്പുകല്‍പ്പിക്കാതെയുണ്ട്, വ്യക്തമാക്കാമോ;

(സി)	സമയബന്ധിതമായി ഈ പരാതികള്‍ തീര്‍പ്പുകല്‍പ്പിക്കാന്‍ നടപടിയെടുക്കാത്തതുമൂലം എത്ര തുക സര്‍ക്കാര്‍ ഖജനാവിന് നഷ്ടപ്പെട്ടിട്ടുണ്ടെന്ന് കണക്കാക്കിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

(ഡി)	പ്രസ്തുത പരാതികള്‍ തീര്‍പ്പുകല്‍പ്പിക്കുന്നതിന് ഒരു അദാലത്ത് നടത്തുന്നതിന് നടപടി സ്വീകരിക്കുമോ?

കാസര്‍ഗോഡ് ജില്ലയിലെ സബ് ഡിവിഷന്‍ ഓഫീസുകള്‍

2944.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

കാസര്‍ഗോഡ് ജില്ലയിലെ മഞ്ചേശ്വരം, വെളളരിക്കുണ്ട് താലൂക്കുകളില്‍ ഇനിയും അനുവദിക്കാന്‍ ബാക്കിയുളള സബ് ഡിവിഷന്‍ (താലൂക്ക്തലം)ഓഫീസുകള്‍ ഏതൊക്കെയെന്നും ഇവ എപ്പോള്‍ ആരംഭിക്കാന്‍ കഴിയുമെന്നും വ്യക്തമാക്കാമോ?

ചാത്തന്നൂര്‍ താലൂക്ക് രൂപീകരണം

2945.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയ താലൂക്കുകള്‍ രൂപീകരിക്കേണ്ടതിന്റെ ആവശ്യകത പരിശോധിച്ചിട്ടുണ്ടോ; ഉണ്ടെങ്കില്‍ ആയതിന്റെ വിശദാംശങ്ങള്‍ അറിയിക്കാമോ;

(ബി)	സംസ്ഥാനത്തെ ജനസാന്ദ്രതയേറിയ വലിയ താലൂക്കുകളിലൊന്നായ കൊല്ലം താലൂക്ക് വിഭജിച്ച് ചാത്തന്നൂര്‍ ആസ്ഥാനമായി പുതിയ താലൂക്ക് രൂപീകരിക്കണമെന്ന ജനങ്ങളുടെ ദശാബ്ദങ്ങളായുള്ള ആവശ്യം പരിഗണനയിലുണ്ടോ എന്നും ആയത് സംബന്ധിച്ച് ഇതിനകം കൈക്കൊണ്ടിട്ടുള്ള നടപടികള്‍ എന്തെല്ലാമെന്നും വ്യക്തമാക്കാമോ;

(സി)	ചാത്തന്നൂര്‍ താലൂക്ക് രൂപീകരിക്കുന്നത് സംബന്ധിച്ച് നിലവില്‍ എന്തെല്ലാം തടസ്സങ്ങളാണുള്ളതെന്ന് വിശദമാക്കാമോ?

പുല്ലൂരാംപാറയിലെ ഹൗസിംഗ് ബോര്‍ഡ് വക സ്ഥലം

2946.

(എ)	തിരുവമ്പാടി മണ്ഡലത്തിലെ പുല്ലൂരാംപാറയിലെ ഹൗസിംഗ് ബോര്‍ഡ് വക സ്ഥലത്തിലൂടെ പ്രദേശവാസികള്‍ക്ക് വഴി വിട്ടുകിട്ടുന്നതിന് നടപടി സ്വീകരിക്കണമെന്ന ആവശ്യത്തിന്മേലുളള നിലവിലുളള അവസ്ഥ വ്യക്തമാക്കുമോ;

(ബി)	വഴി വിട്ടു നല്‍കുന്നതിന് അടിയന്തര നടപടികള്‍ സ്വീകരിക്കുമോയെന്ന് വ്യക്തമാക്കാമോ?

ആര്‍. ഡി. ഒ. ഓഫീസുകളില്‍ കെ. എല്‍.യു. ലഭിക്കുന്നതുമായി ബന്ധപ്പെട്ട് തീര്‍പ്പാക്കാനുള്ള അപേക്ഷകള്‍

2947.

(എ)	സംസ്ഥാനത്തെ ആര്‍.ഡി.ഒ. ഓഫീസുകളില്‍ കെ.എല്‍.യു. ലഭിക്കുന്നതുമായി ബന്ധപ്പെട്ട് എത്ര അപേക്ഷകളാണ് തീര്‍പ്പാക്കാനുള്ളത് എന്ന് വിശദമാക്കുമോ;ജില്ലതിരിച്ചുള്ള കണക്ക് ലഭ്യമാക്കുമോ;

(ബി)	ഏത് വര്‍ഷം മുതലുള്ള അപേക്ഷകളാണ് തീര്‍പ്പാക്കാനുള്ളത് എന്ന് വിശദമാക്കുമോ;

(സി)	ഇത്തരത്തില്‍ കെട്ടിക്കിടക്കുന്ന അപേക്ഷകള്‍ അടിയന്തരമായി തീര്‍പ്പാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വിശദമാക്കുമോ?

ആലത്തൂര്‍ നിയോജക മണ്ഡലത്തിലെ സ്മാര്‍ട്ട് വില്ലേജ് ഓഫീസുകള്‍

2948.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

ആലത്തൂര്‍ നിയോജക മണ്ഡലത്തിലെ ഏതെല്ലാം വില്ലേജ് ഓഫീസുകളെയാണ് സ്മാര്‍ട്ട് വില്ലേജ് ഓഫീസുകളായി പ്രഖ്യാപിച്ചിട്ടുള്ളതെന്ന് വ്യക്തമാക്കുമോ?

പാലക്കാട്‌ ജില്ലയിലെ മോഡല്‍ വില്ലേജ് ഓഫീസുകള്‍

2949.

(എ)	പാലക്കാട്‌ ജില്ലയില്‍ മോഡല്‍ വില്ലേജ് ഓഫീസുകള്‍ ആയി തീരുമാനിച്ചിട്ടുള്ളവ ഏതെല്ലാമാണ്;

(ബി)	ഇവയുടെ പ്രവര്‍ത്തന പുരോഗതി വ്യക്തമാക്കാമോ?

വില്ലേജുകളിലെ സര്‍വ്വേ നമ്പരുകള്‍ പരസ്പരം മാറിയ സംഭവം

2950.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജക മണ്ഡലത്തിലെ കല്ലറ വില്ലേജിന്റെ പരിധിയില്‍ വരേണ്ട സര്‍വ്വേ നമ്പരില്‍പ്പെട്ട ഭൂമി പുല്ലമ്പാറ വില്ലേജിന്റെ പരിധിയിലും തിരിച്ചും ഉള്‍പ്പെട്ടിരിയ്ക്കുന്നതായ വിവരം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ വിശദവിവരങ്ങള്‍ നല്‍കാമോ;

(ബി)	പ്രസ്തുത പ്രശ്നം പരിഹരിക്കാന്‍ നടപടികള്‍ സ്വീകരിച്ചിട്ടുണ്ടോ; വിശദവിവരങ്ങള്‍ നല്‍കാമോ?

സര്‍വ്വേ-റീസര്‍വ്വേ പ്രവര്‍ത്തനങ്ങള്‍

2951.

(എ)	സംസ്ഥാനത്ത് സര്‍വ്വേ-റീസര്‍വ്വേ നടത്താത്ത എത്ര ഭൂമിയുണ്ട്; വിശദ വിവരം ലഭ്യമാക്കുമോ;

(ബി)	ആധുനിക സാങ്കേതിക വിദ്യകള്‍ ഉപയോഗിച്ച് സര്‍വ്വേ-റീസര്‍വ്വേ പ്രവര്‍ത്തനങ്ങള്‍ നടത്തുന്നതിന്റെ വിശദാംശങ്ങള്‍ ലഭ്യമാക്കുമോ;

(സി)	സര്‍വ്വേ പ്രവര്‍ത്തനങ്ങള്‍ പൂര്‍ത്തിയാക്കുന്നതിന്റെ സമയക്രമം വ്യക്തമാക്കുമോ?

കന്നേറ്റി മുതൽ പുതിയകാവ് വരെയുള്ള ഭാഗത്തെ ദേശീയ പാത

2952.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി കന്നേറ്റി മുതൽ പുതിയകാവ് വരെയുള്ള ഭാഗത്തെ ദേശീയ പാത നം.66ന്റെ സര്‍വ്വേ സ്കെച്ചിന്റെ പകര്‍പ്പ് ലഭ്യമാക്കുമോ;

(ബി)	ദേശീയ പാത വികസനത്തിന്റെ അലൈൻമെന്റ് നിശ്ചയിക്കുന്നതിന് സര്‍വ്വേയും ഭൂരേഖയും വകുപ്പ് സ്ഥലത്തിന്റെ സര്‍വ്വേ സ്കെച്ച് ദേശീയപാത അതോറിറ്റിക്ക് കൈമാറിയിട്ടുണ്ടോ; വിശദീകരിക്കുമോ;

(സി)	ഈ ഭാഗത്ത് നിലവിലെ ദേശീയ പാതയുടെ ഭൂവിസ്തൃതി ആകെ എത്ര ഹെക്ടറെന്നും എത്ര ഹെക്ടര്‍ ഇനിയും ആവശ്യമാണെന്നും വ്യക്തമാക്കുമോ;

(ഡി)	ദേശീയപാത അതോറിറ്റിക്ക് ലഭിച്ച നിലവിലെ ദേശീയപാത സംബന്ധിച്ച സര്‍വ്വേ രേഖകളിൽ പിഴവ് വന്നിട്ടുണ്ടോ; എങ്കില്‍ ആയത് പരിശോധിച്ച് അടിയന്തര നടപടി സ്വീകരിക്കുമോ?

ഇടക്കൊച്ചി സര്‍ക്കാര്‍ ഹൈസ്കൂള്‍ വികസനത്തിനായി ഭൂമി

2953.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

എറണാകുളം ജില്ലയിലെ ഇടക്കൊച്ചി വില്ലേജില്‍ സര്‍വ്വേ നമ്പര്‍ 349/12, 350/1,2,4,5 എന്നിവയില്‍പ്പെട്ട 1 ഏക്കര്‍ 23 സെന്റ് ഭൂമിയും, സര്‍വ്വെ നമ്പര്‍ 287/2, 289/1,2,3,4,8 ല്‍പ്പെട്ട 1.69.420 ഏക്കര്‍ ഭൂമിയും സംബന്ധിച്ച ബോട്ട്-ഇന്‍-ലാന്‍ഡ് കേസുകള്‍ സുപ്രീം കോടതി തളളിയ സാഹചര്യത്തില്‍ പ്രസ്തുത ഭൂമി ഇടക്കൊച്ചി സര്‍ക്കാര്‍ ഹൈസ്കൂളിന്റെ വികസനത്തിനായും മറ്റ് ജനോപകാരപ്രദമായ പദ്ധതികള്‍ക്കായും വിനിയോഗിക്കുന്ന കാര്യം പരിഗണിക്കുമോ;

(ബി)	ഇതു സംബന്ധിച്ച് 6.4.2018 ല്‍ നല്‍കിയ കത്തിന്‍മേല്‍ സ്വീകരിച്ചിട്ടുള നടപടി എന്തെന്ന് വിശദമാക്കാമോ?

സര്‍വ്വേയും ഭൂരേഖയും വകുപ്പിന്റെ റവന്യൂ വകുപ്പുമായുള്ള ലയനം

2954.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വേയും ഭൂരേഖയും വകുപ്പ് റവന്യൂ വകുപ്പിൽ ലയിപ്പിക്കാൻ തത്വത്തിൽ തീരുമാനിച്ചിട്ടുണ്ടോ; ഉണ്ടെങ്കിൽ അതിന്റെ തുടര്‍ നടപടികള്‍ വിശദമാക്കാമോ;

(ബി)	വില്ലേജ് ഓഫീസിൽ സെക്കന്റ് ഗ്രേഡ് സര്‍വ്വേയര്‍ തസ്തികയിൽ സര്‍വ്വേയര്‍മാരെ നിയമിക്കാൻ സാദ്ധ്യത ഉണ്ടോ; ഉണ്ടെങ്കിൽ നിലവിലുള്ള സര്‍വ്വേയര്‍ റാങ്ക് ലിസ്റ്റിൽ നിന്നാണോ നിയമനം നല്‍കുകയെന്ന് വ്യക്തമാക്കുമോ;

(സി)	റീസര്‍വ്വേ കഴിഞ്ഞ വില്ലേജ് ഓഫീസുകളിലെ പരാതികള്‍ തീര്‍പ്പാക്കാൻ എന്തെങ്കിലും നടപടി സ്വീകരിക്കാന്‍ തീരുമാനിച്ചിട്ടുണ്ടോ; വ്യക്തമാക്കുമോ?

കാഞ്ഞിരപ്പള്ളി, ചങ്ങനാശ്ശേരി താലൂക്കുകളിലെ പുറമ്പോക്ക് ഭൂമി

2955.

(എ)	കാഞ്ഞിരപ്പള്ളി താലൂക്കിന്റെ പരിധിയില്‍ വരുന്ന കാഞ്ഞിരപ്പള്ളി, ചിറക്കടവ്, മണിമല പഞ്ചായത്തുകളിലും ചങ്ങനാശേരി താലൂക്കിലെ നെടുങ്കുന്നം, കങ്ങഴ, കറുകച്ചാല്‍, വാഴൂര്‍ പഞ്ചായത്തുകളിലും റോഡിന്റെ വശങ്ങളിലായും അല്ലാതെയുമുള്ള പുറമ്പോക്ക് ഭൂമി അളന്നു തിട്ടപ്പെടുത്തുന്നതിന് നടപടി സ്വീകരിക്കുമോ;

(ബി)	റോഡ് കൈയേറി കെട്ടിടങ്ങളും വ്യാപാരസ്ഥാപനങ്ങളും നിര്‍മ്മിച്ചിരിക്കുന്നത് ഒഴിപ്പിച്ചെടുക്കുന്നതിന് ഇത്തരമൊരു തിട്ടപ്പെടുത്തല്‍ അനിവാര്യമായിരിക്കെ ഇതിന് അടിയന്തര നടപടി സ്വീകരിക്കുമോ;

(സി)	ഈ സര്‍വ്വേ ജോലികള്‍ സമയബന്ധിതമായി പൂര്‍ത്തിയാക്കാന്‍ പ്രത്യേക സംഘത്തിന് ഹ്രസ്വകാല ചുമതല നല്‍കാന്‍ നടപടി സ്വീകരിക്കുമോ;

(ഡി)	കാഞ്ഞിരപ്പള്ളിയില്‍ വാടക കെട്ടിടത്തില്‍ പ്രവര്‍ത്തിക്കുന്ന പല ഓഫീസുകള്‍ക്കും സ്വന്തം കെട്ടിടം പണിയുന്നതിന് സ്ഥലം ലഭ്യമല്ലാത്ത സാഹചര്യത്തില്‍ കാഞ്ഞിരപ്പള്ളി പഞ്ചായത്തിലെ സര്‍വ്വേ നടപടികള്‍ വേഗത്തിലാക്കാന്‍ നടപടി സ്വീകരിക്കുമോ;

(ഇ)	പ്രസ്തുത ഓഫീസുകളുടെ വാടകയിനത്തില്‍ ലക്ഷക്കണക്കിനു രൂപ സര്‍ക്കാര്‍ ഖജനാവിന് നഷ്ടം വരുന്നത് ഒഴിവാക്കാന്‍ നടപടി സ്വീകരിക്കുമോ, വിശദമാക്കാമോ?

റീസര്‍വ്വേ നടപടികള്‍

2956.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടത്തിയ റീ സര്‍വ്വേ നടപടികളുടെ വിശദമായ റിപ്പോര്‍ട്ട് ലഭ്യമാക്കുമോ;

(ബി)	ഓരോ ജില്ലയിലെയും വിവിധ താലൂക്കുകളിൽ റീ സര്‍വ്വേയുമായി ബന്ധപ്പെട്ട് ലഭിച്ച പരാതികളുടെ വിവരം ലഭ്യമാക്കുമോ; ഇതില്‍ എത്ര പരാതികള്‍ പരിഹരിച്ചിട്ടുണ്ടെന്നുള്ള വിവരം ലഭ്യമാക്കാമോ?

സംസ്ഥാനത്തെ റീ-സര്‍വ്വേ പ്രവര്‍ത്തനം

2957.

(എ)	1961ലെ സര്‍വ്വേ ബൗണ്ടറീസ് ആക്ടിന്റെയും,1964-ൽ പുറപ്പെടുവിച്ച റീസര്‍വ്വേ ചട്ടങ്ങളുടെയും അടിസ്ഥാനത്തിൽ സംസ്ഥാന റീ-സര്‍വ്വേ എന്നാണ് ആരംഭിച്ചത്; എത്ര വര്‍ഷം കൊണ്ട് തീര്‍ക്കാനാണ് ലക്ഷ്യമിട്ടത്; നാളിതുവരെ എന്തൊക്കെ പ്രവര്‍ത്തനം റീ-സര്‍വ്വേയുമായി ബന്ധപ്പെട്ടു നടന്നു; വ്യക്തമാക്കുമോ;

(ബി)	സംസ്ഥാനത്ത് ആകെയുള്ള വില്ലേജുകള്‍ എത്ര; ഇതിൽ കുറ്റമറ്റ രീതിയിൽ നാളിതുവരെ എത്ര വില്ലേജുകളുടെ റീ-സര്‍വ്വേ പൂര്‍ത്തീകരിച്ചു; വ്യക്തമാക്കുമോ;

(സി)	സര്‍വ്വേ/റവന്യൂ വകുപ്പ് നാളിതുവരെയായി ഓരോവര്‍ഷവും റീ-സര്‍വ്വേ നടത്താനായി ക്വാട്ട നിശ്ചയിച്ചുവോ; എങ്കിൽ അതുപ്രകാരം നടപടികള്‍ നടന്നുവോ; വിശദാംശം വ്യക്തമാക്കുമോ;

(ഡി)	ഇതിനായി വകുപ്പ് ഉപഗ്രഹ സര്‍വ്വേ നടപടികള്‍ സ്വീകരിച്ചുവോ; എങ്കിൽ ഇത് മുഖാന്തിരം എത്ര വില്ലേജുകളിൽ റീ-സര്‍വ്വേ പൂര്‍ത്തീകരിച്ചു; വിശദാംശം ലഭ്യമാക്കുമോ;

(ഇ)	കേരള സംസ്ഥാനത്തെക്കാള്‍ ഇരട്ടി വലിപ്പമുള്ള അയൽ സംസ്ഥാനങ്ങളിൽ റീ-സര്‍വ്വേ നടപടികള്‍ വളരെ വേഗം പൂര്‍ത്തീകരിച്ചത് ശ്രദ്ധയിൽപെട്ടുവോ; എങ്കിൽ ആയത് സംബന്ധിച്ച് പഠനം നടത്തി ഇവിടെയും റീസര്‍വ്വേ പൂര്‍ത്തീകരിക്കുവാൻ നടപടികള്‍ സ്വീകരിക്കുമോ; വ്യക്തമാക്കുമോ?

പുറമ്പോക്കു ഭൂമി അളന്ന് തിട്ടപ്പെടുത്തുന്നതിന് നടപടി

2958.

ശ്രീ.വി. ജോയി : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

മടവൂര്‍ ഗ്രാമ പഞ്ചായത്തിലെ 8-ാം വാര്‍ഡിലെ വേമൂട് ആലപ്പുറം മഹാദേവ ക്ഷേത്രം തോട്ടുവരമ്പിലെ പുറമ്പോക്കു ഭൂമി അളന്ന് തിട്ടപ്പെടുത്തുന്നതിന് വര്‍ക്കല താലൂക്ക് ആഫീസില്‍ അപേക്ഷ ലഭിച്ചിട്ടുണ്ടോ; എങ്കില്‍ ആയതിന്‍മേല്‍ സ്വീകരിച്ച നടപടി വിശദമാക്കുമോ?

സര്‍ക്കാര്‍ ഭൂമിയുടെ സംരക്ഷണം

2959.

(എ)	സ്വകാര്യ ഏജന്‍സിയെ റീസര്‍വ്വേ ഏല്‍പ്പിക്കുന്നത് മൂലം സര്‍ക്കാര്‍ ഭൂമി നഷ്ടപ്പെടാൻ സാദ്ധ്യതയുള്ളതിനാൽ,സര്‍ക്കാര്‍ ഭൂമിയുടെ സംരക്ഷണം ഉറപ്പ് വരുത്തുന്നതിന് ഓരോ വില്ലേജിലും ഒരു സ്ഥിരം സര്‍വ്വേയറെ വീതം നിയമിക്കുന്നതിന് നടപടി സ്വീകരിക്കുമോ;

(ബി)	ജന്മം ഭൂമി കൈവശം വെച്ച് കൃഷി ചെയ്തും വീടുവെച്ചും ജീവിക്കുന്ന കര്‍ഷകര്‍ക്കും കര്‍ഷക തൊഴിലാളികള്‍ക്കും പട്ടയം അനുവദിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

സര്‍വ്വേയര്‍ തസ്തികയിലെ ഒഴിവുകള്‍

2960.

(എ)	സര്‍വ്വേ ഡിപ്പാര്‍ട്ട്മെന്റില്‍ സര്‍വ്വേയര്‍മാരായി 1.1.2017 മുതല്‍ 31.05.2018 വരെ എത്ര പേരാണ് റിട്ടയര്‍ ചെയ്തിട്ടുളളത്;

(ബി)	ഈ കാലയളവിലെ ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ; ഉണ്ടെങ്കില്‍ എത്ര ഒഴിവുകള്‍ ആണ്;ഇല്ലെങ്കില്‍ എപ്പോള്‍ റിപ്പോര്‍ട്ട് ചെയ്യാനാണ് സാദ്ധ്യതയെന്ന് വ്യക്തമാക്കുമോ ?

കൈവശഭൂമിക്ക് പട്ടയം നല്‍കുന്നതിനുള്ള മാനദണ്ഡങ്ങള്‍

2961.

(എ)	1964ലെ ഭൂമി പതിവ് ചട്ടങ്ങള്‍ പ്രകാരം കൈവശഭൂമിക്ക് പട്ടയം നല്‍കണമെങ്കില്‍ 01.08.71ന് മുമ്പ് അപേക്ഷകനോ അയാളുടെ മുന്‍കൈവശക്കാരനോ ഭൂമി കൈവശം ഉണ്ടായിരിക്കണമെന്ന് വ്യവസ്ഥയുണ്ടോ; വ്യക്തമാക്കാമോ;

(ബി)

ഈ സാഹചര്യത്തില്‍ 1972ലും അതിന് ശേഷവും റീ-സര്‍വ്വേ നടത്തിയിട്ടുള്ളതും സര്‍വ്വേ കാലയളവില്‍ ആരാലും കൈവശമില്ലാതെയിരുന്നതും, സര്‍ക്കാര്‍ തരിശ്, പുറമ്പോക്ക്, പാറ തരിശ്, പാറ എന്നിങ്ങനെ റീ-സര്‍വ്വേ ഫീല്‍ഡ് രജിസ്റ്ററില്‍ രേഖപ്പെടുത്തിയിരുന്നതുമായ ഭൂമിക്ക് പട്ടയം ലഭിയ്ക്കുവാനായി ഒരാള്‍ അപേക്ഷ സമര്‍പ്പിച്ചാല്‍ പ്രസ്തുത വ്യക്തി ഭൂമി കൈവശം വെച്ചതിന്റെ കാലപ്പഴക്കം നിര്‍ണ്ണയിക്കുന്നതിന് റവന്യു വകുപ്പ് അവലംബിക്കുന്ന മാനദണ്ഡങ്ങള്‍ എന്തെല്ലാമെന്ന് വ്യക്തമാക്കാമോ?

നീലക്കുറിഞ്ഞി ഉദ്യാന സംരക്ഷണം

2962.

ശ്രീ.ടി.എ.അഹമ്മദ് കബീര്‍
,, പി.ഉബൈദുള്ള
,, സി.മമ്മൂട്ടി
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നീലക്കുറിഞ്ഞി ഉദ്യാനത്തിന്റെ സംരക്ഷണത്തിനായി മുന്‍ അഡീഷണല്‍ ചീഫ് സെക്രട്ടറിയായിരുന്ന നിവേദിത പി. ഹരന്‍ തയ്യാറാക്കിയ റിപ്പോര്‍ട്ടിലെ ശിപാര്‍ശകള്‍ എന്തെല്ലാമായിരുന്നുവെന്ന് അറിയിക്കുമോ;

(ബി)	ഈ റിപ്പോര്‍ട്ട് പ്രകാരം വട്ടവട, കൊട്ടക്കാമ്പൂര്‍, കാന്തളൂര്‍, കീഴാനൂര്‍, മറയൂര്‍ എന്നീ വില്ലേജുകളിലെ മുഴുവന്‍ യൂക്കാലി തോട്ടങ്ങളും സര്‍ക്കാര്‍ ഏറ്റെടുക്കണമെന്ന ശിപാര്‍ശ നടപ്പിലാക്കിയിട്ടുണ്ടോ;

(സി)	ഈ ഉദ്യാനത്തിലെ വ്യാജ പട്ടയക്കാരെയും കൈയേറ്റക്കാരെയും ഒഴിപ്പിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സര്‍വ്വേയര്‍ ഗ്രേഡ് 2 നിയമനം

2963.

(എ)	സര്‍വ്വേയര്‍ ഗ്രേഡ് 2 തസ്തികയില്‍ സംസ്ഥാനത്താകെ എത്ര ഒഴിവുകളുണ്ടെന്നും അവയില്‍ റിപ്പോര്‍ട്ട് ചെയ്ത ഒഴിവുകള്‍ എത്രയെന്നും ജില്ല തിരിച്ച് വ്യക്തമാക്കാമോ;

(ബി)	ഇതിലേയ്ക്ക് നിലവില്‍ റാങ്ക് ലിസ്റ്റ് ഉണ്ടോ; സര്‍വ്വേയര്‍മാരുടെ ഒഴിവ് നികത്താത്തത് ലാന്‍ഡ്‌ സര്‍വ്വേ പ്രവര്‍ത്തനങ്ങളെ ബാധിച്ചിട്ടുണ്ടോ എന്ന് അറിയിക്കുമോ;

(സി)	ഓരോ വില്ലേജിലും സര്‍വ്വേയര്‍മാരെ നിയമിക്കുന്നതിലൂടെ സര്‍വ്വേ പ്രവര്‍ത്തനങ്ങള്‍ കാര്യക്ഷമമാക്കാനും ഏകോപിപ്പിക്കാനും കഴിയും എന്ന് കരുതുന്നുണ്ടോ; ഇത് സംബന്ധിച്ച് എന്ത് നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ?

നിര്‍മ്മാണ മേഖലയിലെ അസംസ്കൃത വസ്തുക്കള്‍

2964.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കരിങ്കല്ല്,എം.സാന്‍‍‍ഡ്,മെറ്റല്‍,മണല്‍ ഉള്‍പ്പെടെയുള്ള അസംസ്കൃത വസ്തുക്കളുടെ ലഭ്യതക്കുറവ് നിര്‍മ്മാണ മേഖലയെ പ്രതികൂലമായി ബാധിക്കുന്ന സാഹചര്യം നിലനില്‍ക്കുന്നുവെന്നത് ശ്രദ്ധയിൽപ്പെട്ടിട്ടുണ്ടോ;വ്യക്തമാക്കുമോ;

(ബി)	ഭവന നിര്‍മ്മാണം ഉള്‍പ്പെടെയുള്ള സര്‍ക്കാര്‍, സർക്കാരിതര നിര്‍മ്മാണ പദ്ധതികള്‍ പ്രതിസന്ധിയിലായിരിക്കുന്ന സാഹചര്യം കണക്കിലെടുത്ത് അസംസ്കൃത വസ്തുക്കളുടെ ലഭ്യത ഉറപ്പു വരുത്തുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ;

(സി)	നിര്‍മ്മാണ മേഖലയിലെ അസംസ്കൃത വസ്തുക്കളുടെ വിലസ്ഥിരത ഉറപ്പുവരുത്തുന്നതിന് സ്വീകരിച്ചിട്ടുള്ള നടപടികളെന്തെല്ലാമെന്ന് വ്യക്തമാക്കുമോ?

ഇന്നവേറ്റീവ് ഭവനപദ്ധതി

2965.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദാരിദ്ര്യ രേഖയ്ക്ക് താഴെയുള്ള തൊഴിലാളികള്‍ക്ക് നഗരത്തില്‍ താമസ സൗകര്യം ഒരുക്കുന്നതിനായി ഇന്നവേറ്റീവ് ഭവന പദ്ധതി എന്ന പേരില്‍ ഒരു പദ്ധതി നിലവിലുണ്ടോ;

(ബി)	എങ്കില്‍ ആയതിന്റെ വിശദാംശം ലഭ്യമാക്കുമോ; പ്രസ്തുത പദ്ധതിയിന്‍ കീഴില്‍ നാളിതുവരെയായി എത്ര ഫ്ലാറ്റ് സമുച്ചയങ്ങളുടെ പണി പൂര്‍ത്തിയായിട്ടുണ്ട്; ജില്ല തിരിച്ച് വ്യക്തമാക്കുമോ;

(സി)	ഇന്നവേറ്റീവ് ഭവനപദ്ധതിയിന്‍ കീഴില്‍ ഗുണഭോക്താക്കളെ തെരഞ്ഞെടുക്കുന്നത് ആരാണ്; ആയതിന്റെ മാനദണ്ഡങ്ങള്‍ എന്തെല്ലാമാണ്; വ്യക്തമാക്കുമോ?

ഭവനനിര്‍മ്മാണ വകുപ്പിനു കീഴിലുള്ള പദ്ധതികള്‍

2966.

(എ)	ഭവന നിര്‍മ്മാണ വകുപ്പിന്റെ കീഴിലുള്ള പ്രധാനപ്പെട്ട ഭവനനിർമ്മാണ പദ്ധതികൾ എന്തൊക്കെയാണ്; വിശദമാക്കാമോ;

(ബി)	ഭവന നിര്‍മ്മാണ പദ്ധതികള്‍ക്ക് കേന്ദ്ര സര്‍ക്കാരില്‍ നിന്നും കഴിഞ്ഞ രണ്ടു വര്‍ഷം എത്ര തുക ധനസഹായമായി ലഭിച്ചിട്ടുണ്ട്; വ്യക്തമാക്കാമോ;

(സി)	ഇൗ സര്‍ക്കാര്‍ അധികാരത്തില്‍ വന്ന ശേഷം എത്ര വീടുകള്‍ നിര്‍മ്മിച്ചു നല്‍കി; ജില്ല തിരിച്ച് വ്യക്തമാക്കാമോ;

(ഡി)	ഇൗ സര്‍ക്കാര്‍ അധികാരത്തില്‍ വന്ന ശേഷം എത്ര പേര്‍ക്ക് ഭവന വായ്പ നല്‍കി; വിശദമാക്കാമോ?

എല്‍.എെ.ജി/എച്ച്.എെ.ജി ഗുണഭാേക്താക്കള്‍ക്ക് കുടിശ്ശിക ആനുകൂല്യങ്ങള്‍

2967.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഭവനവായ്പ എടുത്ത എല്‍.എെ.ജി/എച്ച്.എെ.ജി വിഭാഗത്തില്‍പ്പെട്ട ഗുണഭാേക്താക്കളില്‍ കുടിശ്ശികയുള്ളവര്‍ക്ക് എന്തെല്ലാം ആനുകൂല്യങ്ങളാണ് ഒറ്റത്തവണ തീര്‍പ്പാക്കലില്‍ നല്‍കുന്നതെന്ന് വ്യക്തമാക്കാമാേ ;

(ബി)	എങ്കില്‍ ഇത്തരത്തില്‍ കുടിശ്ശികയുള്ളവര്‍ക്ക് പലിശ ഇളവും അടവിനുള്ള കാലദെെര്‍ഘ്യവും കൂട്ടി നല്‍കാനും നടപടികള്‍ ഉണ്ടാകുമാേ; വ്യക്തമാക്കുമോ?

ഗൃഹനിര്‍മ്മാണത്തിന് സബ് കളക്ടറുടെ അനുമതി വേണമെന്ന ഉത്തരവ് ഭേദഗതി ചെയ്യല്‍

2968.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാര്‍ ട്രെെബ്യൂണലിന്റെ പരിധിയില്‍ ഉള്‍പ്പെടുത്തിയിരുന്ന എട്ട് വില്ലേജുകളില്‍ ഗൃഹനിര്‍മ്മാണത്തിന് സബ് കളക്ടറുടെ അനുമതി വേണമെന്ന ഉത്തരവ് ഭേദഗതി ചെയ്യുവാന്‍ തീരുമാനിച്ചിട്ടുണ്ടോ;

(ബി)	എങ്കില്‍ അതിനുളള സാഹചര്യമെന്താണെന്ന് വ്യക്തമാക്കുമോ;

(സി)	ഗൃഹനിര്‍മ്മാണത്തിന് സബ് കളക്ടര്‍ക്ക് പകരം ആരുടെ അനുമതി നിര്‍ബന്ധമാക്കുവാനാണ് തീരുമാനിച്ചിട്ടുളളതെന്ന് വിശദമാക്കുമോ?

ഗൃഹശ്രീ ഭവന പദ്ധതി

2969.

ശ്രീ.ഇ.പി.ജയരാജന്‍
,, രാജു എബ്രഹാം
,, പി.കെ. ശശി
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം ആവിഷ്ക്കരിച്ച പ്രധാന ഭവനനിര്‍മ്മാണ പദ്ധതികള്‍ ഏതൊക്കെയാണെന്ന് വ്യക്തമാക്കാമോ;

(ബി)	സ്വന്തമായി രണ്ടോ മൂന്നോ സെന്റ് ഭൂമിയുളള പാവപ്പെട്ടവര്‍ക്ക് സന്നദ്ധ സംഘടകളുടെയോ വ്യക്തികളുടെയോ സഹകരണത്തോടെ വീട് നിര്‍മ്മിക്കുന്നതിന് ഗൃഹശ്രീ ഭവന പദ്ധതി നടപ്പാക്കിയിട്ടുണ്ടോ;

(സി)	പ്രസ്തുത പദ്ധതിയ്ക്കായി എത്ര തുക വകയിരുത്തിയിട്ടുണ്ടെന്നും ഇതില്‍ എത്ര തുക വിതരണം ചെയ്തിട്ടുണ്ടെന്നും വ്യക്തമാക്കാമോ;

(ഡി)	ദാരിദ്ര്യ രേഖയ്ക്കു താഴെയുളള തൊഴിലാളികള്‍ക്ക് നഗരത്തില്‍ താമസസൗകര്യം ലഭ്യമാക്കുന്നതിനായി ഫ്ലാറ്റുകള്‍ നിര്‍മ്മിച്ച് കുറഞ്ഞ നിരക്കില്‍ വാടകയ്ക്ക് നല്‍കുന്ന പദ്ധതി നടപ്പാക്കിയിട്ടുണ്ടോ;വിശദാംശം നല്‍കുമോ?

Website maintained by Information System Section, Kerala Legislative Assembly, Thiruvananthapuram.