പൊതുമരാമത്ത് വകുപ്പ് നിര്‍വഹിക്കുന്ന പ്രവൃത്തികള്‍ കൃത്യസമയത്ത് പൂര്‍ത്തിയാക്കാതെ നീണ്ടുപോകുന്നതു മുലമുണ്ടാകുന്ന നഷ്ടം പരിഹരിക്കാൻ എന്തെല്ലാം നടപടികളാണ് സ്വീകരിക്കുന്നതെന്നറിയിക്കുമോ; വിശദമാക്കുമോ; പ്രസ്തുത ഇനത്തിലുള്ള നഷ്ടപരിഹാരമായി ഈ സർക്കാരിന്റെ കാലത്ത്‌ ഈടാക്കിയ തുകയുടെ വിശദാംശം ലഭ്യമാക്കുമോ?

ഏറനാട് മണ്ഡലത്തില്‍ വകുപ്പ് മുഖേന ചെയ്യുന്ന പ്രവൃത്തികള്‍ ഏതെല്ലാമാണെന്നും അവയുടെ നിലവിലെ സ്ഥിതിയും വിശദമാക്കുമോ;

പ്രസ്തുത പ്രവൃത്തികളുടെ നിലവിലെ സ്ഥിതിയും അവയുടെ പുരോഗതിയും സംബന്ധിച്ചുള്ള വിവരങ്ങളും ലഭ്യമാക്കാമോ?

മട്ടന്നൂര്‍ മണ്ഡലത്തില്‍ പൊതുമരാമത്ത് വകുപ്പ് ഏറ്റെടുത്ത് നടത്തുന്ന പ്രവൃത്തികളുടെ പുരോഗതി വ്യക്തമാക്കാമോ;

കണ്ണൂര്‍ വിമാനത്താവള റോഡുകളുടെ നിര്‍മ്മാണ പുരോഗതി വ്യക്തമാക്കാമോ?

കോഴിക്കോട് ജില്ലയിലെ പൊതുമരാമത്ത് ഡിസൈന്‍ വിഭാഗത്തിൽ എത്ര പ്രൊജക്ടുകൾ നിലവിലുണ്ട്; പ്രസ്തുത പ്രൊജക്ടുകൾ പലതും പൂര്‍ത്തീകരിക്കാത്തത് കാരണം നിർമ്മാണ പ്രവൃത്തികൾ ആരംഭിക്കാൻ കഴിയുന്നില്ലെന്ന കാര്യം ശ്രദ്ധയിൽപെട്ടിട്ടുണ്ടോ; വ്യക്തമാക്കാമോ;

പൊതുമരാമത്ത് ഡിസൈൻ വിഭാഗത്തിലെ നിലവിലുള്ള പ്രൊജക്ടുകൾ അടിയന്തരമായി പൂർത്തീകരിക്കുന്നതിന് താൽക്കാലികമായി അധിക ജീവനക്കാരെ നിയമിക്കാൻ തയ്യാറാകുമോ; വിശദമാക്കാമോ?

മഞ്ചേരി മണ്ഡലത്തിൽ 2021-25 കാലയളവിൽ ബഡ്ജറ്റിൽ ഉൾപ്പെടുത്തിയിട്ടുള്ളതും ഇരുപത് ശതമാനം തുക വകയിരുത്തിയതുമായ പ്രവൃത്തികളുടെ വിശദാംശങ്ങൾ നൽകാമോ;

പ്രസ്തുത പ്രവൃത്തികളുടെ നിലവിലുള്ള പുരോഗതി അറിയിക്കാമോ;

പ്രസ്തുത പ്രവൃത്തികളിൽ ഇതുവരെ പണി ആരംഭിക്കാത്തവ എത്രയും വേഗം തുടങ്ങുന്നതിനാവശ്യമായ നടപടികൾ സ്വീകരിക്കുമോ;

മഞ്ചേരി മണ്ഡലത്തിലെ ബഡ്ജറ്റ് പ്രവൃത്തികളിൽ ഇരുപത് ശതമാനം തുക വകയിരുത്തിയിട്ടുള്ള പ്രവൃത്തികൾ എത്രയും വേഗം പൂർത്തിയാക്കാൻ ആവശ്യമായ നിർദ്ദേശം ബന്ധപ്പെട്ട ഉദ്യോഗസ്ഥർക്ക് നൽകുമോ; വ്യക്തമാക്കാമോ?

സംസ്ഥാന ബഡ്ജറ്റിൽ 20% തുക വകയിരുത്തിയതും പൊതുമരാമത്ത് വകുപ്പിന് നിര്‍വ്വഹണ ചുമതലയുമുള്ള ഒറ്റപ്പാലം മണ്ഡലത്തിലെ എത്ര പ്രവൃത്തികൾക്കാണ് ഭരണാനുമതി ലഭിക്കാത്തതെന്നും അവ ഏതെല്ലാമെന്നും വിശദമാക്കാമോ;

പ്രസ്തുത പ്രവൃത്തികള്‍ക്ക് ഭരണാനുമതി ലഭിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന വിവരം ലഭ്യമാക്കാമോ?

സംസ്ഥാനത്തെ പൊതുമരാമത്ത് കരാർ ജോലികളുടെ അടങ്കൽ തുക നിലവിൽ ഏത് വർഷത്തെ ഡി.എസ്.ആര്‍ പ്രകാരമാണ് കണക്കാക്കുന്നത്; എല്ലാ വർഷവും ഇത് പുതുക്കാറുണ്ടോ; വ്യക്തമാക്കുമോ;

നിർമ്മാണ സാമഗ്രികളുടെ വില കൂടിയിട്ടും ആനുപാതികമായി ഡി.എസ്.ആര്‍ പുതുക്കാത്തത് പ്രവൃത്തികളുടെ ഗുണനിലവാരത്തെ ബാധിക്കാതിരിക്കുന്നതിന് എന്തൊക്കെ മുൻകരുതലാണ് സ്വീകരിച്ചിട്ടുള്ളതെന്ന് അറിയിക്കുമോ;

വിപണി വില അടിസ്ഥാനമാക്കി കെ.എസ്.ആർ നിരക്കിലേക്ക് മാറുന്നതിന് നിലവിൽ നേരിടുന്ന തടസ്സങ്ങൾ വ്യക്തമാക്കുമോ; ഈ രീതിയിലേക്ക് മാറുന്നതിന് പൊതുമരാമത്ത് വകുപ്പ് നടപടികൾ സ്വീകരിക്കുന്നുണ്ടോ?

ആലപ്പുഴ മണ്ഡലത്തില്‍ 2021-22 വര്‍ഷത്തെ ബഡ്ജറ്റില്‍ 20% തുക അനുവദിച്ച പ്രവൃത്തികളില്‍ 1344 നമ്പറില്‍പ്പെട്ട വിളക്ക് മരം, ജെട്ടിപാലം എന്നിവയുടെ നിലവിലെ സ്ഥിതി വിശദമാക്കാമോ;

2019 മുതല്‍ നാളിതുവരെ ബഡ്ജറ്റില്‍ പ്രഖ്യാപിക്കുകയും 20% തുക വകയിരുത്തുകയും ചെയ്ത എല്ലാ പ്രവൃത്തികളുടെയും വിശദവിവരം ലഭ്യമാക്കാമോ?

ഈ സാമ്പത്തിക വർഷം പൊതുമരാമത്ത് വകുപ്പിന് ഏതൊക്കെ ശീർഷകങ്ങളിൽ എത്ര തുക അനുവദിച്ചിരുന്നു എന്ന് വ്യക്തമാക്കാമോ;

ധനകാര്യ വകുപ്പിന്റെ നിർദ്ദേശപ്രകാരം പ്രസ്തുത പ്ലാൻ ഫണ്ടിൽ നിന്നും എത്ര തുക കുറവ് വരുത്തിയിട്ടുണ്ടെന്ന് വിശദമാക്കാമോ;

നാളിതുവരെ എത്ര തുക പ്ലാൻ ഫണ്ടിൽ നിന്നും പൊതുമരാമത്ത് വകുപ്പ് പൂർണമായി ചെലവഴിച്ചിട്ടുണ്ട്; കണക്കുകൾ ലഭ്യമാക്കാമോ;

ഈ സാമ്പത്തിക വർഷം പൊതുമരാമത്ത് വകുപ്പ് ഏതൊക്കെ ശീർഷകങ്ങളിൽ അധികമായി സാമ്പത്തികസഹായം ലഭ്യമാക്കിയിട്ടുണ്ട്; കണക്കുകൾ ലഭ്യമാക്കാമോ?

ഈ സർക്കാർ അധികാരത്തിൽ വന്ന ശേഷം കുന്നത്തുനാട് മണ്ഡലത്തിൽ പൊതുമരാമത്ത് വകുപ്പ് റോഡ്സ്, ബ്രിഡ്ജസ്, ബിൽഡിംഗ്സ്, കെ.ആർ.എഫ്.ബി., മെയിന്റനൻസ് എന്നീ വിഭാഗങ്ങൾ മുഖേന നടത്തുന്ന പ്രവൃത്തികൾ ഏതെല്ലാമാണെന്നും ഓരോ പ്രവൃത്തിക്കും അനുവദിച്ചിട്ടുള്ള തുകകൾ എത്രയാണെന്നും വ്യക്തമാക്കാമോ;

പ്രസ്തുത പ്രവൃത്തികളിൽ ഏതെല്ലാം പൂർത്തീകരിച്ചെന്നും, പൂർത്തീകരിക്കാത്തവയുടെ പുരോഗതിയും ഇവ എന്നത്തേക്ക് പൂർത്തീകരിക്കാനാണ് ലക്ഷ്യമിടുന്നതെന്നും ഓരോ പ്രവൃത്തിയും തരംതിരിച്ച് വ്യക്തമാക്കാമോ;

കുന്നത്തുനാട് മണ്ഡലത്തിലെ മുഴുവൻ പൊതുമരാമത്ത് പ്രവൃത്തികളും വേഗത്തിൽ പൂർത്തീകരിക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ?

നെന്മാറ മണ്ഡലത്തില്‍ ടെണ്ടര്‍ നടപടി പൂര്‍ത്തീകരിച്ച് നിലവിൽ നടന്നുകൊണ്ടിരിക്കുന്ന പൊതുമരാമത്ത് പ്രവൃത്തികള്‍ ഏതെല്ലാമെന്ന് വിശദമാക്കുമോ;

ഇതില്‍ ഓരോ പ്രവൃത്തിയും എന്നു പൂര്‍ത്തീകരിക്കുമെന്ന് വിശദമാക്കുമോ; പ്രസ്തുത പ്രവൃത്തികളുടെ പുരോഗതി സംബന്ധിച്ചുള്ള വിശദാംശങ്ങൾ നല്‍കുമോ?

കേരളത്തിലെ പൊതുനിരത്തുകള്‍, പ്രധാന ജംഗ്ഷനുകള്‍, ടൗണുകള്‍ എന്നിവയുടെ സൗന്ദര്യവല്‍ക്കരണ പ്രവൃത്തികള്‍ പുരോഗമിക്കുന്നുണ്ടോ; വിശദമാക്കുമോ;

പ്രസ്തുത പ്രവൃത്തികള്‍ ഏതൊക്കെയാണെന്ന് ജില്ല തിരിച്ച് വ്യക്തമാക്കാമോ;

മേല്‍ പ്രവൃത്തികളിലേക്ക് പുതിയ ലിസ്റ്റുകള്‍ തയ്യാറാക്കുന്നുണ്ടോ; വിശദമാക്കാമോ?

പൊതുമരാമത്ത് വകുപ്പിൽ നിലവിലെ എസ്റ്റിമേറ്റുകൾ തയ്യാറാക്കുന്നതിനുള്ള ഡി.എസ്.ആര്‍. (ഡൽഹി ഷെഡ്യൂൾ ഓഫ് റേറ്റ്സ്) പ്രാബല്യത്തിൽ വന്നത് എന്നാണ് എന്നറിയിക്കുമോ; വിശദാംശം നൽകുമോ;

നിലവിലുള്ള ഡി.എസ്.ആര്‍. പരിഷ്കരിക്കാത്തത് കൊണ്ട് കരാറുകാർക്ക് ഉണ്ടാകുന്ന നഷ്ടം മൂലം അവർ പ്രവൃത്തികളിൽ നിന്നും പിന്മാറുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ അടിയന്തരമായി പുതിയ ഡി.എസ്.ആര്‍. നടപ്പിലാക്കാൻ നടപടി സ്വീകരിക്കുമോ?

മലയോര ഹൈവേ കാര്‍ഷിക മേഖലയിലുണ്ടാക്കുന്ന മാറ്റം പഠന വിധേയമാക്കിയിട്ടുണ്ടോ; മലയോര ജനതയുടെ ജീവിതത്തില്‍ പ്രസ്തുത ഹൈവേ എന്തെല്ലാം മാറ്റങ്ങളുണ്ടാക്കുമെന്നാണ് വിലയിരുത്തിയിട്ടുള്ളത്;

വിനോദ സഞ്ചാര മേഖലയില്‍ മലയോര ഹൈവേ എന്തെങ്കിലും ചലനമുണ്ടാക്കിയതായി പഠനങ്ങളുണ്ടോ; കൃഷിയിടങ്ങള്‍, കൃഷിരീതികള്‍ എന്നിവ പൂര്‍ണ്ണമായ അര്‍ത്ഥത്തില്‍ വിനോദ സഞ്ചാര കേന്ദ്രങ്ങളാക്കി മാറ്റുന്നതിന് പദ്ധതികളുണ്ടോ;

കാര്‍ഷികോത്പാദനത്തെയും വാണിജ്യത്തെയും നിക്ഷേപത്തെയും മലയോര ഹൈവേ സ്വാധീനിക്കുന്നതിന് നിലവില്‍ എന്തെല്ലാം സാധ്യതകളാണുള്ളതെന്ന് വിശദമാക്കാമോ;

മലയോര ഹൈവേയുടെ നിര്‍മ്മാണം എപ്പോള്‍ പൂര്‍ത്തിയാക്കാന്‍ കഴിയുമെന്ന് അറിയിക്കാമോ?

പൊതുമരാമത്ത് റോഡ് കടന്നുപോകുന്ന പ്രദേശങ്ങളിൽ പ്രസ്തുത റോഡിന്റെ അതിർത്തികളിലുള്ള കൈവശഭൂമിയ്ക്ക് പൊതുമരാമത്ത് വകുപ്പിൽ നിന്നും എൻ.ഒ.സി. നല്കാത്തതുമൂലം പട്ടയം ലഭിക്കാത്ത സാഹചര്യത്തിൽ ഈ വിഷയവുമായി ബന്ധപ്പെട്ട 30.09.2009 ലെ 20541/സി3/2009/പൊ.മ.വ. നമ്പര്‍ സര്‍ക്കുലര്‍ പുനഃപരിശോധിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ;

റോഡ് വികസനത്തിനാവശ്യമായ സ്ഥലം അളന്ന് രേഖപ്പെടുത്തി ബാക്കി ഭൂമിക്ക് പട്ടയം ലഭ്യമാകുന്ന തരത്തിൽ പട്ടയത്തിന് അപേക്ഷിച്ചവർക്ക് പൊതുമരാമത്ത് വകുപ്പിന്റെ എൻ.ഒ.സി. ലഭ്യമാക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

ഗുരുവായൂര്‍ നിയോജകമണ്ഡലത്തിലെ സ്റ്റേറ്റ് ഹെെവേ ആയ ഗുരുവായൂര്‍-ആല്‍ത്തറ-പൊന്നാനി റോഡ് നവീകരണത്തിന് സ്വീകരിച്ച നടപടികള്‍ വിശദമാക്കാമോ;

പ്രസ്തുത റോഡിൽ അവസാനമായി ബി.എം & ബി.സി പ്രവൃത്തികള്‍ പൂര്‍ത്തീകരിച്ചത് എന്നാണെന്ന് വിശദമാക്കാമോ;

നബാര്‍ഡ് പദ്ധതിയില്‍ ഉള്‍പ്പെടുത്തി പ്രസ്തുത റോഡ് നവീകരിക്കുന്നതിന് നടപടി സ്വീകരിച്ചിരുന്നുവോ; വിശദമാക്കാമോ?

കഴിഞ്ഞ സര്‍ക്കാരിന്റെ കാലയളവിലും ഈ സര്‍ക്കാര്‍ അധികാരമേറ്റതിനു ശേഷം നാളിതുവരെയും എത്ര കിലോമീറ്റര്‍ റോഡ് പുതുതായി നിര്‍മ്മിച്ചുവെന്ന വിവരം ലഭ്യമാക്കാമോ?

കായംകുളം മണ്ഡലത്തില്‍ പൊതുമരാമത്ത് വകുപ്പിന്റെ അധീനതയില്‍ എത്ര റോഡുകള്‍ ഉണ്ടെന്നും അവ ഏതൊക്കെയെന്നും, ഓരോ റോഡിന്റെയും നീളം എത്ര കിലോമീറ്ററെന്നും വിശദമാക്കാമോ;

ഇവയില്‍ ബി.എം & ബി.സി രീതിയില്‍ പുനരുദ്ധരിച്ച റോഡുകള്‍ ഏതൊക്കെയെന്നു വിശദമാക്കാമോ; ഇനിയും ബി.എം & ബി.സി രീതിയില്‍ പുനരുദ്ധാരണത്തിനുളള റോഡുകള്‍ ഏതൊക്കെയെന്നും അവയുടെ നീളം എത്ര കിലോമീറ്ററെന്നും വ്യക്തമാക്കുമോ?

പൊതുമരാമത്ത് (റോഡ്സ്) മൂന്നാര്‍ സബ് ഡിവിഷനു കീഴിലുള്ള റോഡുകളുടെ വിശദാംശം സെക്ഷന്‍ ഓഫീസ് തിരിച്ച് ലഭ്യമാക്കാമോ;

ഇതില്‍ ബി.എം. ആന്‍ഡ് ബി.സി. നിലവാരത്തില്‍ പണി പൂര്‍ത്തീകരിച്ച റോഡുകളുടെ വിശദാംശങ്ങള്‍ സെക്ഷന്‍ ഓഫീസുകള്‍ തിരിച്ച് വ്യക്തമാക്കാമോ?

വയനാട് മാനന്തവാടിയിൽ കുഞ്ഞോം-കുങ്കിച്ചിറ-വിലങ്ങാട് റോഡ് നിർമ്മാണത്തിന് നടപടി സ്വീകരിച്ചിട്ടുണ്ടോ; വിശദാംശം വ്യക്തമാക്കുമോ;

ചുരവും ഹെയർപിൻ വളവുകളും ഇല്ലാത്തതിനാൽ ഗതാഗതക്കുരുക്ക് ഒഴിവാക്കുന്നതിന് പ്രയോജനപ്പെടുന്നതും ഉരുൾപൊട്ടലിൽ നാശനഷ്ടം ഉണ്ടായ വിലങ്ങാട് മേഖലയ്ക്ക് ഗുണകരവുമായ ഈ റോഡ് നിർമ്മാണത്തിന് അടിയന്തര നടപടികൾ സ്വീകരിക്കുമോയെന്ന് വ്യക്തമാക്കുമോ?

പൊതുമരാമത്ത് റോഡുകളുടെ ഗുണനിലവാരം ഉറപ്പാക്കുന്നതിന് നിലവിൽ എന്തെല്ലാം സംവിധാനങ്ങളാണുളളതെന്ന് അറിയിക്കുമോ;

പൊതു മാരാമത്ത് വകുപ്പ് മാന്വലിലെ വ്യവസ്ഥകൾ പാലിച്ചുകൊണ്ട് ഗുണനിലവാര നിയന്ത്രണ സംവിധാനം ശക്തിപ്പെടുത്തുന്നതിന് സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ;

ഗുണനിലവാര നിയന്ത്രണങ്ങളുടെ വിശദാംശം ദർഘാസ് രേഖകളിൽ ഉൾപ്പെടുത്താൻ നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

ആലത്തൂര്‍ മണ്ഡലത്തില്‍ ഈ സര്‍ക്കാരിന്റെ കാലത്ത് റണ്ണിംഗ് കോണ്‍ട്രാക്ട് പദ്ധതിയില്‍ ഉള്‍പ്പെടുത്തി അനുവദിച്ച റോഡ് മെയിന്റനന്‍സ് പ്രവൃത്തികള്‍ ഏതൊക്കെയാണെന്ന് വ്യക്തമാക്കാമോ;

എത്ര തുകയാണ് പ്രസ്തുത പദ്ധതികള്‍ക്കായി അനുവദിച്ചതെന്ന് അറിയിക്കാമോ; പ്രസ്തുത പ്രവൃത്തികളുടെ പുരോഗതി വിശദമാക്കാമോ?

കിഫ്ബി പ്രൊജക്ടിൽ ഉൾപ്പെടുത്തിയിരുന്ന തൂക്കുപാലം- കട്ടപ്പന, പൂപ്പാറ- കല്ലാർകുട്ടി എന്നീ റോഡുകളുടെ റൂട്ട് വ്യതിയാനം വരുത്തി നാമകരണം ചെയ്യുന്നതിന് കെ.ആര്‍.എഫ്.ബി. പ്രൊജക്ട് ഡയറക്ടറിൽ നിന്നും പൊതുമരാമത്ത് സെക്രട്ടറിക്ക് കത്ത് ലഭിച്ചിട്ടുണ്ടോ; വ്യക്തമാക്കാമോ; പ്രസ്തുത വിഷയത്തിൽ നാളിതുവരെ സ്വീകരിച്ചിട്ടുള്ള നടപടികൾ വിശദീകരിക്കാമോ;

കെ.ആര്‍.എഫ്.ബി. പ്രൊജക്ട് ഡയറക്ടർ ഇതുമായി ബന്ധപ്പെട്ട് പൊതുമരാമത്ത് സെക്ര‍ട്ടറിക്ക് നൽകിയ കത്തുകളുടെ പകർപ്പ് ലഭ്യമാക്കാമോ;

പ്രസ്തുത വിഷയത്തിന്മേൽ തീരുമാനം ആകാത്തതിനാൽ കിഫ്ബി ഏറ്റെടുത്ത മേല്‍ സൂചിപ്പിച്ച രണ്ട് പ്രവൃത്തികളും വൈകുന്ന വിവരം ശ്രദ്ധയിൽപെട്ടിട്ടുണ്ടോ; ഈ വിഷയം അടിയന്തരമായി പരിഹരിക്കുന്നതിന് നടപടി സ്വീകരിക്കുമോ?

2021-22, 2022-23, 2023-24, 2024-25 എന്നീ സാമ്പത്തിക വര്‍ഷങ്ങളില്‍ തിരുവനന്തപുരം ജില്ലയിലെ ഓരോ നിയമസഭാ മണ്ഡലങ്ങളിലും ബി.എം &ബി.സി നിലവാരത്തില്‍ റോഡു നിര്‍മ്മാണത്തിനു അനുവദിച്ച തുക എത്രയെന്ന് വിശദമാക്കാമോ?

മാനാഞ്ചിറ - വെളളിമാടുകുന്ന് റോഡിന്റെ നിര്‍മ്മാണപ്രവൃത്തികള്‍ നടത്തുന്നതിനായി നിലവില്‍ സ്വീകരിച്ച നടപടികള്‍ വ്യക്തമാക്കുമോ;

ആദ്യഘട്ടത്തില്‍ ഏതെല്ലാം പ്രവൃത്തികളാണ് നടപ്പിലാക്കുന്നതിനു തീരുമാനിച്ചിട്ടുളളത്; വ്യക്തമാക്കാമോ;

പ്രസ്തുത പ്രവൃത്തി അടിയന്തരമായി ആരംഭിക്കുന്നതിനു നടപടികള്‍ സ്വീകരിക്കുമോ; വ്യക്തമാക്കാമോ?

പടന്നക്കാട് മേൽപ്പാലം-വെള്ളരിക്കുണ്ട് റോഡ് നിർമ്മാണം ഏത് ഘട്ടത്തിലാണെന്ന് വിശദമാക്കാമോ?

കുന്നത്തുനാട് മണ്ഡലത്തിലെ പാേഞ്ഞാശ്ശേരി-ചിത്രപ്പുഴ റാേഡില്‍ ചെയിനേജ് 3.80 മുതൽ 8 വരെ വരുന്ന ഭാഗത്തെ ബി.എം.ബി.സി. നിലവാരത്തിലുള്ള റാേഡ് നവീകരണത്തിന്റെ നിലവിലെ സ്ഥിതി വ്യക്തമാക്കാമാേ;

ഇത് സംബന്ധിച്ച് ജി2/70/2025, കമ്പ്യൂട്ടർ നം.9194859 എന്ന ഗവ.സെക്രട്ടേറിയറ്റിലെ പാെതുമരാമത്ത് വകുപ്പിലെ ഫയലില്‍ എന്ത് നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമാേ;

എന്തുകാെണ്ടാണ് പ്രസ്തുത പ്രവൃത്തി നാളിതുവരെയായി ആരംഭിക്കുവാന്‍ കഴിയാത്തതെന്ന് വ്യക്തമാക്കാമാേ;

പ്രസ്തുത പ്രവൃത്തി ആരംഭിക്കുന്നതുമായി ബന്ധപ്പെട്ട് പാെതുമരാമത്ത് വകുപ്പ് നാളിതുവരെ എന്തെല്ലാം നടപടികള്‍ സ്വീകരിച്ചുവെന്നും അതിന്റെ പുരോഗതിവിശദമാക്കാമാേ;

സാങ്കേതിക തടസ്സങ്ങള്‍ വേഗത്തില്‍ പരിഹരിച്ച് പ്രസ്തുത പ്രവൃത്തി വേഗത്തില്‍ ആരംഭിക്കുന്നതിനു വേണ്ട നടപടി സ്വീകരിക്കുമാേയെന്ന് വിശദമാക്കാമാേ?

മഞ്ചേരി ഒലിപ്പുഴ റോഡിന്റെ നിര്‍മ്മാണപ്രവൃത്തി അഞ്ച് വര്‍ഷത്തോളമായിട്ടും ആരംഭിക്കാത്തതു കൊണ്ട് പൊതുജനങ്ങൾ ഏറെ ബുദ്ധിമുട്ടുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; നാളിതുവരെ നിര്‍മ്മാണ പ്രവര്‍ത്തി ആരംഭിക്കാത്തതിന് കാരണമെന്തെന്ന് വ്യക്തമാക്കാമോ; റോഡിന്റെ പ്രവർത്തി ആരംഭിക്കുവാൻ ആവശ്യമായ സത്വര നടപടികൾ സ്വീകരിക്കുമോ;

മഞ്ചേരി ഒലിപ്പുഴ റോഡ് നിർമ്മാണത്തിന് വേണ്ടിയുള്ള സ്ഥലം ഏറ്റെടുക്കൽ നടപടികൾക്ക് ആവശ്യമായ ഫണ്ട് ലഭ്യമായിട്ടുണ്ടോ; വ്യക്തമാക്കാമോ;

റോഡ് നിർമ്മാണത്തിനു വേണ്ടി സ്വകാര്യ വ്യക്തികളുടെ കെട്ടിടങ്ങള്‍ പൊളിക്കേണ്ടതുണ്ടോ; വിശദമാക്കാമോ; ഇതിനുവേണ്ടി നീക്കിവെച്ച തുക എത്രയെന്ന് വ്യക്തമാക്കുമോ;

റോഡ് നിർമ്മാണത്തിന് വേണ്ടി ഏറ്റെടുക്കേണ്ട സ്വകാര്യ വ്യക്തികളുടെ ഭൂമി എത്ര വരുമെന്ന് കണക്കാക്കിയിട്ടുണ്ടോ; ഇതിനുവേണ്ടി നഷ്ടപരിഹാരമായി നൽകേണ്ട തുക എത്രയാണെന്ന് വ്യക്തമാക്കാമോ?

മലയോര മേഖലയുടെയും വിനോദസഞ്ചാര മേഖലയുടെയും വികസനത്തിൽ നിർണായക പ്രാധാന്യമുള്ള മലയോര പാതയുടെ നിർമ്മാണം പൂർത്തീകരിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കുമോ;

സംസ്ഥാനത്തെ ഇതര റോഡുകളിൽ നിന്ന് വ്യത്യസ്തമായ രീതിയിലുള്ള രൂപകൽപ്പന മലയോര പാതയുടെ നിർമ്മാണത്തിനായി നിർദ്ദേശിക്കപ്പെട്ടിട്ടുണ്ടോ; വിശദമാക്കുമോ;

മലയോര പാതയുടെ നിർമ്മാണം പൂർത്തീകരിക്കുന്നത്തിന് പ്രത്യേകം ആക്ഷൻ പ്ലാൻ തയ്യാറാക്കിയിട്ടുണ്ടോ; വിശദമാക്കുമോ;

മലയോരപാത സംസ്ഥാനത്തിന്റെ വ്യാവസായിക സാമ്പത്തിക മേഖലകളിൽ ചെലുത്തുന്ന സ്വാധീനത്തെപ്പറ്റി വിശദമാക്കുമോ?

സ്റ്റേറ്റ് ഹെെവേ ആയ ചാവക്കാട്-വടക്കാഞ്ചേരി റാേഡില്‍ ഗുരുവായൂര്‍ മണ്ഡലത്തില്‍ ഉള്‍പ്പെട്ട ചാട്ടുകുളം മുതല്‍ ചാവക്കാട് വരെയുള്ള ഭാഗം വീതി കുറവാണെന്നത് ശ്രദ്ധയില്‍പ്പെട്ടിട്ടുണ്ടാേ;

പ്രസ്തുത റാേഡ് വീതി കൂട്ടുന്നതിന് സ്വീകരിച്ച നടപടികള്‍ വിശദമാക്കാമാേ;

ഈ റാേഡ് നാഷണല്‍ ഹെെവേ 66-ലേക്ക് ബന്ധപ്പെടുന്ന പ്രധാന സ്റ്റേറ്റ് ഹെെവേ ആയതിനാല്‍ കേന്ദ്ര-സംസ്ഥാന ഫണ്ടുകള്‍ പ്രയാേജനപ്പെടുത്തി പ്രസ്തുത റാേഡ് വീതി കൂട്ടി നവീകരിക്കുന്നതിന് നടപടികള്‍ സ്വീകരിക്കുമാേ; വിശദമാക്കാമാേ?

തിരുവമ്പാടി, കൊടുവള്ളി മണ്ഡലത്തെ തമ്മിൽ ബന്ധിപ്പിക്കുന്ന അമ്പായത്തോട് -ഈരൂട്-കോടഞ്ചേരി റോഡും ഈരൂട് പാലവും നബാർഡ് പദ്ധതിയിൽ ഉൾപ്പെടുത്തി ഭരണാനുമതി ലഭ്യമാക്കുന്നതിന് നിർദ്ദേശം സമർപ്പിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത പ്രവൃത്തി നബാർഡ് സ്കീമിൽ ഉൾപ്പെടുത്തി ഭരണാനുമതി ലഭ്യമാക്കുന്നതിന് നടപടികൾ സ്വീകരിക്കുമോയെന്ന് വ്യക്തമാക്കുമോ?

2021-22-ലെ ബഡ്ജറ്റില്‍ എസ്റ്റിമേറ്റ് തുകയുടെ 20% തുക അനുവദിച്ചിട്ടുള്ള മണലൂര്‍ മണ്ഡലത്തിലെ അന്നക്കര-കൊക്കൂര്‍ റോഡിന്റെ നവീകരണ പ്രവൃത്തിയില്‍ മറ്റം-വാക എന്നീ ഭാഗത്തിനുശേഷമുള്ള എളവള്ളി, മുല്ലശ്ശേരി പഞ്ചായത്തുകളുടെ പരിധിയിലുള്ള റോഡിന്റെ നവീകരണത്തിനാവശ്യമായ ഭരണാനുമതിക്കായി പൊതുമരാമത്ത് വകുപ്പ് ചീഫ് എഞ്ചിനീയര്‍ക്ക് സമര്‍പ്പിച്ച എസ്റ്റിമേറ്റിന്മേല്‍ സ്വീകരിച്ച നടപടികള്‍ എന്തെല്ലാമെന്ന് അറിയിക്കാമോ; പ്രസ്തുത പ്രവൃത്തി സംബന്ധിച്ച സി.ഇ. ഓഫീസിലെ ഫയല്‍ നമ്പര്‍ നല്‍കാമോ;

പ്രസ്തുത പ്രവൃത്തിക്കുള്ള ഭരണാനുമതിക്കായി റിപ്പോര്‍ട്ട് ലഭ്യമായിട്ടുണ്ടോ; ഭരണാനുമതി ലഭ്യമാക്കുന്നതിന് അടിയന്തര നടപടി സ്വീകരിക്കുമോ; വിശദമാക്കുമോ?

ഷൊര്‍ണൂര്‍ മണ്ഡലത്തില്‍ കെ.എസ്.ഡി.പി. പദ്ധതിയില്‍ ഉള്‍പ്പെടുത്തി നിര്‍മ്മാണം നടന്നുകൊണ്ടിരിക്കുന്ന മുണ്ടൂര്‍ - നൂന പാതയുടെ നിര്‍മ്മാണം ഏത് ഘട്ടത്തിലാണെന്ന് വിശദമാക്കാമോ; പ്രസ്തുത പദ്ധതി എന്ന് പൂര്‍ത്തീകരിക്കാന്‍ കഴിയുമെന്ന് വിശദമാക്കാമോ?

മണ്ണാർക്കാട് മണ്ഡലത്തിൽ പണിപൂർത്തിയായ തോരാപുരം പാലത്തിന്റെ അപ്പ്രോച്ച് റോഡിന് ഫണ്ടില്ല എന്ന കാരണത്താൽ പ്രവൃത്തി മുടങ്ങിക്കിടക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദാംശം നൽകുമോ;

നിലവിലുള്ള അപ്പ്രോച്ച് റോഡ് ബി.എം & ബി.സി ചെയ്താൽ മാത്രമേ പൂർണ്ണമായും ഗതാഗതയോഗ്യമാക്കി മാറ്റുവാൻ സാധിക്കുകയുള്ളൂ എന്ന വിഷയം പരിശോധിച്ചിട്ടുണ്ടോ; വിശദമാക്കുമോ;

തോരാപുരം പാലത്തിന്റെ അപ്പ്രോച്ച് റോഡ് നിർമ്മാണപ്രവൃത്തിക്ക് ഫണ്ട് ലഭ്യമാക്കുവാൻ നടപടി സ്വീകരിക്കുമോ;വ്യക്തമാക്കാമോ?

പൂഞ്ഞാര്‍ മണ്ഡലത്തിലെ മലയോര ഹൈവേയുടെ നിര്‍മ്മാണവുമായി ബന്ധപ്പെട്ട നിലവിലെ തടസ്സങ്ങൾ പരിഹരിക്കുന്നതിന് സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കാമോ?

മഞ്ചേശ്വരം മണ്ഡലത്തിലെ മാസ്കുമാരി-കുരുഡപടവ് റോഡിന്റെ എസ്റ്റിമേറ്റ് ഭേദഗതി ചെയ്യുന്നതിന് സർക്കാറിൽ സമർപ്പിച്ച ഫയലിൽ സ്വീകരിച്ച നടപടികൾ ഫയൽ നമ്പർ സഹിതം വിശദമാക്കുമോ;

പ്രസ്തുത റോഡ് പ്രവൃത്തി എന്നത്തേക്ക് തുടങ്ങാൻ കഴിയുമെന്ന് വിശദമാക്കാമോ?

മാവേലിക്കര മണ്ഡലത്തിലെ പൊതുമരാമത്ത് വകുപ്പിന്റെ പരിധിയില്‍ വരുന്ന റോഡുകളില്‍ ഇനിയും ബി.എം.&ബി.സി. നിലവാരത്തിലേക്ക് ഉയര്‍ത്താനായി അവശേഷിക്കുന്ന റോഡുകളുടെ വിശദാംശം ലഭ്യമാക്കുമോ;

മാവേലിക്കര മണ്ഡലത്തില്‍ 2021-22 മുതല്‍ അനുവദിച്ച റണ്ണിംഗ് കോണ്‍ട്രാക്ട് പ്രകാരമുള്ള റോഡ് മെയിന്റനന്‍സ് പ്രവൃത്തികള്‍ ഏതൊക്കെയാണെന്ന് വ്യക്തമാക്കുമോ;

പ്രസ്തുത പദ്ധതികള്‍ക്ക് അനുവദിച്ച തുകയും അവയുടെ തല്‍സ്ഥിതിയും വിശദമാക്കുമോ?

കാസർഗോഡ് കാഞ്ഞങ്ങാട് സംസ്ഥാനപാത അത്യാധുനിക രീതിയിൽ നവീകരിച്ചിട്ട് എത്ര വർഷമായി എന്ന് അറിയിക്കാമോ; വ്യക്തമാക്കാമോ;

കെ.എസ്.ടി.പി. ഏറ്റെടുത്ത ഈ റോഡ് പൊതുമരാമത്ത് വകുപ്പിന് കൈമാറിയിട്ടുണ്ടോ എന്ന് വ്യക്തമാക്കാമോ; എങ്കിൽ എപ്പോൾ മുതലാണ് പൊതുമരാമത്ത് വകുപ്പ് ഏറ്റെടുത്തതെന്ന് വിശദമാക്കാമോ;

പ്രസ്തുത റോഡ് നിർമ്മാണത്തിന് വേണ്ടി വെട്ടി മാറ്റിയ മരങ്ങൾക്ക് പകരം തണൽ മരങ്ങൾ വച്ചുപിടിപ്പിച്ചും വഴിവിളക്കുകൾ സ്ഥാപിച്ചും മനോഹരമാക്കുമെന്ന് കെ.എസ്. ടി.പി. അധികാരികൾ വാഗ്ദാനം നൽകിയിരുന്നോ എന്നും എങ്കിൽ പ്രസ്തുത വാഗ്ദാനങ്ങൾ പാലിച്ചിട്ടുണ്ടോ എന്നും വ്യക്തമാക്കാമോ;

കാഞ്ഞങ്ങാട് നിന്ന് കാസർഗോഡേക്ക് സഞ്ചരിച്ച് ഈ സംസ്ഥാന പാതയിൽ ചെറുതും വലുതുമായ 339 കുഴികൾ ഉണ്ടെന്ന് ജില്ലാ ലീഗൽ സർവീസസ് അതോറിറ്റി ചെയർമാൻ കൂടിയായ ജില്ലാ ജഡ്ജിക്ക് ഹോസ്ദുർഗ് ബാറിലെ ഒരു അഭിഭാഷകൻ പരാതി നൽകിയ കാര്യം ശ്രദ്ധയിൽപ്പെട്ടിട്ടുണ്ടോ; പരാതിയിൽ പറയുന്ന 339 കുഴികൾ വാസ്തവം ആണോ എന്ന് വ്യക്തമാക്കുമോ?

മാവേലിക്കര മണ്ഡലത്തില്‍ ആദിക്കാട്ടുകുളങ്ങര -കുടശ്ശനാട് റോഡിന്റെ പുനരുദ്ധാരണ പ്രവര്‍ത്തനങ്ങള്‍ക്ക് തുക അനുവദിക്കപ്പെട്ടുവെങ്കിലും നിര്‍മ്മാണം ആരംഭിക്കുവാന്‍ കഴിഞ്ഞിട്ടില്ലെന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രവൃത്തി ആരംഭിക്കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

സംസ്ഥാനത്ത് വ്യാപകമായി റോഡ് പുറമ്പോക്കുകൾ കയ്യേറുന്നത് ഗൗരവത്തോടെ ണുന്നുണ്ടോ;വ്യക്തമാക്കാമോ; എങ്കില്‍ ഇത്തരം കയ്യേറ്റങ്ങൾ ഒഴിവാക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കുമോ?

ആലപ്പുഴ മണ്ഡലത്തില്‍ കാലവര്‍ഷക്കെടുതിമൂലം തകര്‍ന്ന പി.ഡബ്ല്യു.ഡി റോഡുകള്‍ അടിയന്തരമായി അറ്റകുറ്റപണി നടത്തുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കാമോ;

ഏതെല്ലാം റോഡുകളാണ് ഇത്തരത്തില്‍ അറ്റകുറ്റപണി നടത്തേണ്ടതെന്നും അതിനാവശ്യമായ തുക എത്രയാണെന്നും അറിയിക്കാമോ?

മാവേലിക്കര മണ്ഡലത്തില്‍ മിച്ചല്‍ ജംഗ്ഷന്‍ നവീകരണ പദ്ധതി നടപ്പിലാക്കുന്നതിനായി പൊതുമരാമത്ത് നിരത്ത് വിഭാഗം സ്വീകരിച്ച നടപടികള്‍ വിശദമാക്കുമോ?

വടകര വില്ല്യാപ്പള്ളി - ചേലക്കാട് റോഡില്‍ വില്യാപ്പള്ളി, ആയഞ്ചേരി, പുറമേരി, നാദാപുരം ഗ്രാമപഞ്ചായത്തുകൾക്ക് കീഴിലുള്ള പ്രദേശങ്ങളിൽ റോഡ് കൈയേറ്റങ്ങൾ കണ്ടെത്തി അടയാളപ്പെടുത്തുന്ന ജോലി നിലവിൽ ഏത് ഘട്ടത്തില്‍ ആണെന്ന് വിശദമാക്കാമോ;

ഈ പ്രവൃത്തി പൂര്‍ത്തിയാക്കിയ ശേഷം അതിരുകളില്‍ കല്ലുകൾ സ്ഥാപിക്കുമോ എന്ന് വ്യക്തമാക്കാമോ;

വടകര വില്ല്യാപ്പള്ളി - ചേലക്കാട് റോഡില്‍ 12 മീറ്ററും അതിലധികവും വീതിയുള്ള റോഡിന്റെ ആകെ നീളം വില്യാപ്പള്ളി, ആയഞ്ചേരി, പുറമേരി, നാദാപുരം പഞ്ചായത്തുകൾ വേർതിരിച്ച് വ്യക്തമാക്കാമോ?

വള്ളിക്കുന്ന് നിയോജകമണ്ഡലത്തില്‍ ഉള്‍പ്പെട്ട കാലിക്കറ്റ് എയര്‍പോര്‍ട്ടിലേക്കുള്ള പ്രധാന റോഡുകളായ പള്ളിക്കല്‍ ആല്‍പ്പറമ്പ് എയര്‍പോര്‍ട്ട്‌ റോഡും പള്ളിക്കല്‍ ബസാര്‍ കുനൂള്‍മാട് എയര്‍പോര്‍ട്ട്‌ റോഡും പൊതുമരാമത്ത് വകുപ്പ് ഏറ്റെടുത്ത് നവീകരിക്കുന്നതിനാവശ്യമായ നടപടികള്‍ സ്വീകരിക്കുമോ; വിശദമാക്കുമോ;

പ്രസ്തുത വിഷയവുമായി ബന്ധപ്പെട്ട് വകുപ്പ് തല ശിപാര്‍ശ ലഭിച്ചിട്ടും തുടര്‍ നടപടികള്‍ സ്വീകരിക്കാത്തതിന്റെ കാരണം വ്യക്തമാക്കാമോ?

നഗരപാത വികസന പദ്ധതിയുടെ ഭാഗമായി പനാത്ത് താഴം- സരോവരം ഫ്ലൈഓവര്‍, മാനാഞ്ചിറ പാവങ്ങാട് റോഡ് എന്നിവയുടെ ഭൂമി ഏറ്റെടുക്കല്‍ നടപടിയുടെ നിലവിലെ സ്ഥിതി വ്യക്തമാക്കാമോ;

റവന്യൂ വകുപ്പില്‍ നിന്നും കണ്ടിജന്റ് ചാര്‍ജ്ജ് അടവാക്കുന്നതിനുള്ള നിര്‍ദ്ദേശങ്ങളില്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

പദ്ധതിയുടെ നടത്തിപ്പ് വേഗത്തിലാക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

മലമ്പുഴ മണ്ഡലത്തില്‍ പൊതുമരാമത്ത് വകുപ്പിന്റെ കീഴില്‍ എത്ര റോഡുകളുണ്ടെന്നും ഓരോ റോഡിന്റെയും പേര്, നീളം, ചെയിനേജ് എന്നീ വിശദാംശങ്ങളും തരം തിരിച്ച് അറിയിക്കാമോ;

പ്രസ്തുത റോഡുകളില്‍ ഏതെല്ലാം റോഡുകളാണ് ബി.എം & ബി.സി നിലവാരത്തില്‍ ഉളളതെന്നും അറിയിക്കാമോ;

മലമ്പുഴ മണ്ഡലത്തില്‍ ആകെയുളള പൊതുമരാമത്ത് റോഡുകളുടെ നീളവും അതില്‍ ബി.എം & ബി.സി നിലവാരത്തില്‍ ഉളള റോഡുകളുടെ നീളവും തരം തിരിച്ച് അറിയിക്കാമോ?

സ്ഥിരമായി അപകടമുണ്ടാകുന്ന റോഡ് വളവുകളില്‍ ബാങ്കിങ് അടക്കമുള്ള മാനദണ്ഡങ്ങൾ പാലിച്ചിട്ടുണ്ടോ എന്ന് പരിശോധിക്കാറുണ്ടോ; വിശദമാക്കാമോ;

റോഡ് വളവുകളുടെ നിർമ്മാണത്തിലെ അപാകതകൾ പരിഹരിക്കാനും റോഡുകളുടെ വീതി കൂട്ടുന്നതിനും ആവശ്യമായ നടപടി സ്വീകരിക്കുമോ; വിശദമാക്കുമോ?

പാെതുമരാമത്ത് വകുപ്പിന്റെ അധീനതയിലുള്ള റാേഡുകള്‍ ബി.എം. ആന്റ് ബി.സി. നിലവാരത്തില്‍ പുനര്‍നിര്‍മ്മാണം നടത്തുമ്പാേള്‍ ടാര്‍ ചെയ്ത റാേഡിന്റെ സെെഡ് മണ്ണിട്ട് നിറയ്ക്കുകയാേ കാേണ്‍ക്രീറ്റ് നടത്തുകയോ ചെയ്യാതെ പണി അവസാനിപ്പിക്കുന്നത് ശ്രദ്ധയില്‍പ്പെട്ടിട്ടുണ്ടാേ; വ്യക്തമാക്കാമോ;

സെെഡ് ഫില്ലിംഗ് വര്‍ക്ക് ഉള്‍പ്പെടുത്താതെ റാേഡ് പുനര്‍നിര്‍മ്മാണത്തിനുള്ള എസ്റ്റിമേറ്റ് തയ്യാറാക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

ഇതുമൂലം റാേഡ് അപകടങ്ങള്‍ വര്‍ദ്ധിക്കുകയും വേഗത്തില്‍ റാേഡ് നശിക്കുകയും ചെയ്യുന്നത് ശ്രദ്ധയില്‍പ്പെട്ടിട്ടുണ്ടാേ; ആയത് പരിഹരിക്കുവാന്‍ നടപടി സ്വീകരിക്കുമാേ; വ്യക്തമാക്കുമോ;

പുതുതായി ടാര്‍ ചെയ്ത റോഡുകള്‍ കുഴിക്കുന്നതിന് സർക്കാർ മാനദണ്ഡങ്ങള്‍ നിശ്ചയിച്ചിട്ടുണ്ടോ; ഉണ്ടെങ്കിൽ അതിന്റെ വിശദാംശങ്ങള്‍ നല്‍കാമോ;

കേബിളുകളും പൈപ്പ്‌ലൈനുകളും സ്ഥാപിക്കുന്നതിനായി റോഡുകൾ കുഴിക്കുകയും എന്നാൽ അവ മൂടാതിരിക്കുകയോ ഭാഗികമായി മാത്രം മൂടുകയോ ചെയ്യുന്നത് നിരീക്ഷിക്കാനും ഉത്തരവാദികൾക്കെതിരെ കർശന നടപടി സ്വീകരിക്കാനും തയ്യാറാകുമോ; വ്യക്തമാക്കാമോ;

പൈപ്പ് ലൈനും കേബിളും സ്ഥാപിച്ച ശേഷം ഈ ആവശ്യത്തിലേയ്ക്കായി പൊളിച്ച റോഡിന്റെ ഭാഗം റീ ടാറിംഗ് നടത്തുന്നതിന് എത്ര സമയമാണ് അനുവദിച്ചിരിക്കുന്നതെന്ന് അറിയിക്കുമോ; റോഡിലൂടെ പൈപ്പ് ലൈനും കേബിളും സ്ഥാപിക്കുന്നതിനായി കുഴി എടുക്കുമ്പോൾ പൊതുമരാമത്ത് ഉദ്യോഗസ്ഥരുടെ നിരീക്ഷണം ഉറപ്പുവരുത്തുന്നതിന് നടപടി സ്വീകരിക്കുമോ; വിശദാംശങ്ങള്‍ നല്‍കാമോ?

പയ്യന്നൂര്‍ മണ്ഡലത്തിലെ പാലക്കോട്- എട്ടിക്കുളം ഹൈസ്കൂള്‍ റോഡ് കിഫ്ബി ധനസഹായത്തോടെ നവീകരിക്കുന്നതിന് തീരുമാനിച്ചിട്ടുണ്ടോ; വ്യക്തമാക്കാമോ;

പ്രസ്തുത പ്രവൃത്തി ഡെപ്പോസിറ്റ് വര്‍ക്കായി ചെയ്യുന്നതിന് പൊതുമരാമത്ത് റോഡ് വിഭാഗത്തെ നിര്‍വ്വഹണത്തിന് ചുമതലപ്പെടുത്തിയിട്ടുണ്ടോ; ഉണ്ടെങ്കില്‍ അതിന്റെ തുടര്‍നടപടികള്‍ ഏത് ഘട്ടത്തിലാണ് എന്ന് അറിയിക്കാമോ;

പ്രവൃത്തിയുടെ ടെണ്ടര്‍ പൂര്‍ത്തീകരിച്ച് എപ്പോള്‍ പദ്ധതി തുടങ്ങാന്‍ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കാമോ?

സ്ഥിരമായി റോഡപകടങ്ങള്‍ ഉണ്ടാകുന്ന സ്ഥലങ്ങൾ കണ്ടെത്തിയിട്ടുണ്ടോ; ഈ സ്ഥലങ്ങളിൽ അപകട മുന്നറിയിപ്പുകൾ നൽകുന്നതിന് ഏർപ്പെടുത്തിയിരിക്കുന്ന സംവിധാനം എന്തെല്ലാമാണെന്ന് വിശദമാക്കുമോ;

കൊടുംവളവുകൾ നേരെയാക്കുന്നതിനും റോഡുകളുടെ വീതി കൂട്ടുന്നതിനും ആവശ്യമായ നടപടികള്‍ സ്വീകരിക്കുമോ; വിശദമാക്കുമോ?

കുറ്റ്യാടി മണ്ഡലത്തിലെ ഏതൊക്കെ റോഡുകളാണ് ബി.എം.ബി.സി., 40 എം.എം., എം.എസ്.എസ്. എന്നീ നിലവാരങ്ങളിലേക്ക് ഉയരാന്‍ ബാക്കിയുള്ളതെന്ന് റോഡുകളുടെ പേരും നീളവും സഹിതം വിശദമാക്കാമോ;

നിലവില്‍ ബി.എം.ബി.സി., 40 എം.എം., എം.എസ്.എസ്. പ്രവൃത്തികള്‍ നടപ്പിലാക്കാന്‍ അനുമതി ലഭിച്ചിട്ടുള്ളതും എന്നാല്‍ പ്രവൃത്തികള്‍ ആരംഭിക്കാന്‍ സാധിച്ചിട്ടില്ലാത്തതുമായ റോഡ് പ്രവൃത്തികള്‍ ഏതൊക്കെയെന്നും പ്രത്യേകം അറിയിക്കാമോ; പ്രസ്തുത പ്രവൃത്തികള്‍ എന്ന് പൂര്‍ത്തിയാകുമെന്നും അറിയിക്കാമോ?

വിഴിഞ്ഞം-നാവായിക്കുളം ഔട്ടർ റിംഗ് റോഡ് പദ്ധതിയുമായി ബന്ധപ്പെട്ട് കാട്ടാക്കട നിയോജകമണ്ഡലത്തിൽ നിന്നും ഭൂമി വിട്ടു നൽകുന്നവരുടെ എണ്ണം എത്രയെന്ന് വ്യക്തമാക്കാമോ; ഈ പദ്ധതിയുമായി ബന്ധപ്പെട്ട് ആകെ ഭൂമി വിട്ടു നൽകുന്നവരുടെ എണ്ണം എത്രയെന്നും അറിയിക്കാമോ;

ഭൂമി വിട്ടു നൽകുന്നവർക്കുള്ള നഷ്ടപരിഹാരം എന്നു മുതൽ കൊടുക്കാനാകുമെന്നും എത്ര നാൾ കൊണ്ട് കൊടുത്തുതീർക്കാനാകുമെന്നും വ്യക്തമാക്കാമോ?

കോട്ടക്കല്‍ മണ്ഡലത്തിലെ വെട്ടിച്ചിറ-ചേലക്കുത്ത്-രണ്ടത്താണി റോഡ്, കഞ്ഞിപ്പുര-കാടാമ്പുഴ-വട്ടപ്പറമ്പ് റോഡ്, കഞ്ഞിപ്പുര-കൂട്ടാര്‍മഠം -പള്ളിക്കണ്ടം റോഡ് എന്നിവയുടെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ; പ്രസ്തുത റോഡുകള്‍ നവീകരിക്കുന്നത് സംബന്ധിച്ചു നല്‍കിയ നിവേദനത്തിന്‍മേല്‍ (സി. എം. ഒ. പോര്‍ട്ടല്‍-ജി3241000694) പൊതുമരാമത്ത് വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത റോഡുകള്‍ നവീകരിക്കുന്നത് സംബന്ധിച്ച പ്രവൃത്തികളുടെ എസ്റ്റിമേറ്റും പ്രൊപ്പോസലും ലഭ്യമായിട്ടുണ്ടോ; ആയതിന്‍മേല്‍ ചീഫ് എഞ്ചിനീയര്‍ (പൊതുമരാമത്ത് വകുപ്പ്) ഓഫീസിലും സര്‍ക്കാര്‍ തലത്തിലും സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത റോഡുകളുടെ ശോചനീയാവസ്ഥ പരിഹരിച്ച് അവ ഗതാഗതയോഗ്യമാക്കുന്നതിന് അടിയന്തിര നടപടി സ്വീകരിക്കുമോ; വ്യക്തമാക്കാമോ?

തിരൂരങ്ങാടി നിയോജകമണ്ഡലത്തിലെ തെന്നല പഞ്ചായത്തിലെ 10, 11 വാർഡുകളിലൂടെ (കോഴിച്ചെന, കണ്ടംചിറ) കടന്നുപോകുന്ന ദേശീയ പാത ഗതാഗത യോഗ്യമാക്കുന്നതിനുള്ള പ്രൊപ്പോസലിന്മേല്‍ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

സർക്കാർ ഭൂമിയായതിനാൽ ദേശീയപാത കരാറുകാരന് സൗജന്യമായി ഈ റോഡ് നിർമ്മിക്കുന്നതിന് അനുമതി നൽകണമെന്ന് ആവശ്യപ്പെട്ട് പൊതുമരാമത്ത് ദേശീയപാത വകുപ്പ് ചീഫ് എഞ്ചിനീയർ മുഖേന ജില്ലാ കളക്ടർ സമർപ്പിച്ച കത്ത് ശ്രദ്ധയിൽപ്പെട്ടിട്ടുണ്ടോ; വിശദാംശം നൽകാമോ;

ഇതേ ആവശ്യം ഉന്നയിച്ചുകൊണ്ട് തെന്നല പഞ്ചായത്ത് ഭരണസമിതിയുടെ ഐക്യകണ്ഠേനയുള്ള ബോർഡ് തീരുമാനം ഉള്ളടക്കം ചെയ്ത് മണ്ഡലം എം.എൽ.എ. നൽകിയ അപേക്ഷയിൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

റോഡ് സൗജന്യമായി നിർമ്മിക്കുന്നതിന് ദേശീയപാത നിർമ്മാണത്തിന്റെ കരാറുകാരൻ തയ്യാറായതിനാലും സർക്കാരിന് സാമ്പത്തിക ബാധ്യത ഇല്ലാത്തതിനാലും ഈ റോഡിന്റെ നിർമ്മാണത്തിന് ആവശ്യമായ അനുമതി സമയബന്ധിതമായി നല്‍കുമോ; വിശദമാക്കാമോ?

കാട്ടാക്കട മണ്ഡലത്തിലെ പൊതുമരാമത്ത് റോഡുകളുടെ ആകെ ദൈര്‍ഘ്യം എത്രയെന്ന് വ്യക്തമാക്കാമോ;

പൊതുമരാമത്ത് റോഡുകളുടെ പേരുകളും അവയുടെ ദൈര്‍ഘ്യവും പ്രത്യേകം തരംതിരിച്ച് ലഭ്യമാക്കാമോ?

സംസ്ഥാനത്ത് പൊതുമരാമത്ത് വകുപ്പ് നിര്‍മ്മാണം ആരംഭിച്ച് വര്‍ഷങ്ങള്‍ കഴിഞ്ഞിട്ടും പൂര്‍ത്തിയാക്കാന്‍ കഴിയാത്തതോ നിര്‍മ്മാണം പകുതി വഴിയില്‍ ഉപേക്ഷിച്ചതോ ആയ കെട്ടിടങ്ങള്‍ ഏതെല്ലാമാണെന്നുള്ള വിവരം ജില്ല തിരിച്ച് പട്ടിക രൂപത്തില്‍ ലഭ്യമാക്കുമോ;

സംസ്ഥാനത്ത് നിര്‍മ്മാണം നിലച്ചുപോയതോ നിര്‍മ്മാണം പകുതിവഴിയില്‍ ഉപേക്ഷിച്ചതോ ആയ സര്‍ക്കാര്‍ വക കെട്ടിടങ്ങളുടെ നിര്‍മ്മാണം പൂര്‍ത്തിയാക്കുന്നതിന് പ്രത്യേകം നടപടി സ്വീകരിക്കുമോ; വ്യക്തമാക്കാമോ?

കാഞ്ഞിരപ്പള്ളി റ്റി. ബി.യുടെ പുതിയ കെട്ടിടത്തിനുള്ള പ്ലാനും എസ്റ്റിമേറ്റും ലഭ്യമായിട്ടുണ്ടോ; ഉണ്ടെങ്കിൽ ആയതിന് ഭരണാനുമതി നല്‍കുന്നതിന് സ്വീകരിച്ച നടപടികള്‍ അറിയിക്കാമോ;

പുതിയ കെട്ടിടത്തിന് തുക അനുവദിക്കുന്നതിനുള്ള നടപടികള്‍ ത്വരിതപ്പെടുത്തുമോ?

തിരൂരങ്ങാടി നിയോജകമണ്ഡലത്തിലെ, തിരൂരങ്ങാടി മിനി സിവിൽ സ്റ്റേഷനിൽ ഒരു നില കൂടി നിർമ്മിക്കുന്നതിനുള്ള നടപടി സ്വീകരിക്കുമോ; വിശദവിവരം നല്‍കാമോ;

ഒരു മീറ്റിംഗ് ചേരുന്നതിന് ആവശ്യമായ ഹാൾ ഇല്ലാത്തത് മൂലം ഈ കെട്ടിട സമുച്ചയത്തിൽ പ്രവർത്തിക്കുന്ന വിവിധ വകുപ്പുകളുമായി ബന്ധപ്പെട്ട ഔദ്യോഗിക യോഗങ്ങൾ പോലും മറ്റു സ്ഥലങ്ങളിൽ വെച്ച് നടത്തേണ്ട അവസ്ഥ ശ്രദ്ധയിൽ വന്നിട്ടുണ്ടോ; വിശദമാക്കാമോ; എങ്കിൽ ഇത് പരിഹരിക്കുന്നതിനുള്ള നടപടികൾ സ്വീകരിക്കുമോ; വ്യക്തമാക്കാമോ?

കോട്ടക്കല്‍ മണ്ഡലത്തിലെ സര്‍ക്കാര്‍ എല്‍‌.പി‌.എസ്. കോട്ടക്കല്‍, കുറ്റിപ്പുറം പഞ്ചായത്തിലെ ജി.എല്‍.പി.എസ്. കുളക്കാട് എന്നീ സ്കൂളുകള്‍ക്ക് പുതിയ കെട്ടിടം നിര്‍മ്മിക്കുന്നതുമായി ബന്ധപ്പെട്ട് എസ്റ്റിമേറ്റും പ്രൊപ്പോസലും ലഭ്യമായിട്ടുണ്ടോ; എങ്കില്‍ അതിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

നടപ്പ് സാമ്പത്തിക വര്‍ഷത്തെ പ്ലാന്‍ ഫണ്ടില്‍ ഉള്‍പ്പെടുത്തി പ്രസ്തുത സ്കൂളുകളുടെ കെട്ടിട നിര്‍മ്മാണത്തിന് എസ്റ്റിമേറ്റ് പ്രകാരമുള്ള തുക വകയിരുത്തി ഭരണാനുമതി ലഭ്യമാക്കുന്നതിന് നടപടി സ്വീകരിക്കുമോ?

നെയ്യാറ്റിന്‍കര ജനറല്‍ ആശുപത്രിയില്‍ സംസ്ഥാന ബഡ്ജറ്റില്‍ അനുവദിച്ച ആറു കാേടി രൂപ വിനിയാേഗിച്ച് നിര്‍മ്മിക്കുന്ന പുതിയ മന്ദിരനിര്‍മ്മാണത്തിന്റെ ഭരണാനുമതിക്കുള്ള നടപടിക്രമങ്ങള്‍ പൂര്‍ത്തിയാക്കാത്തതിന്റെ കാരണം വിശദമാക്കാമാേ;

ഭരണാനുമതി ലഭ്യമാക്കാന്‍ ഇനിയും പൂര്‍ത്തീകരിക്കാന്‍ ഉള്ള നടപടിക്രമങ്ങൾ വിശദമാക്കാമാേ?

2021 നവംബര്‍ 1-ന് ശേഷം 2025 മാര്‍ച്ച് വരെ റസ്റ്റ് ഹൗസ് ബുക്കിംഗ് വഴി ലഭ്യമായ വരുമാനത്തിന്റെ വിശദാംശം ലഭ്യമാക്കാമോ;

പുതുതായി നിര്‍മ്മാണം പൂര്‍ത്തിയാക്കിയ റസ്റ്റ് ഹൗസുകള്‍ ഏതൊക്കെയാണ്; നിലവില്‍ നിര്‍മ്മാണം നടന്നുകൊണ്ടിരിക്കുന്ന റസ്റ്റ് ഹൗസുകളുണ്ടോ; എങ്കില്‍ അവയുടെ നിര്‍മ്മാണ പുരോഗതി അറിയിക്കാമോ?

തിരൂരങ്ങാടി നിയോജക മണ്ഡലത്തിലെ തിരൂരങ്ങാടി റസ്റ്റ് ഹൗസ് നവീകരിച്ച് സൗകര്യങ്ങള്‍ വർദ്ധിപ്പിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

ഈ ആവശ്യം ഉന്നയിച്ച് നൽകിയ പ്രൊപ്പോസലുകളിൽ എന്തെല്ലാം നടപടികൾ സ്വീകരിച്ചു; വിശദമാക്കാമോ ?

വര്‍ക്കല റസ്റ്റ് ഹൗസിന് പുതിയ കെട്ടിടം നിര്‍മ്മിക്കുന്നതിനുള്ള നടപടി ത്വരിതപ്പെടുത്തുമോ; ആയതിലേക്ക് ആവശ്യമായ ഫണ്ട് അനുവദിച്ച് ഭരണാനുമതി നല്‍കുന്നതിന് നടപടി സ്വീകരിക്കുമോ;

പ്രസ്തുത റസ്റ്റ് ഹൗസ് ഏതു തീയതിയില്‍ പ്രവര്‍ത്തന സജ്ജമാക്കാമെന്നാണ് തീരുമാനിച്ചിട്ടുള്ളതെന്ന് വ്യക്തമാക്കാമോ?

സർക്കാർ വിദ്യാലയങ്ങളുടെ അടിസ്ഥാന സൗകര്യങ്ങൾ നിലനിർത്തുന്നതിനുള്ള അടിയന്തര സഹായം വിനിയോഗിച്ച് നിർമ്മാണ പ്രവർത്തനങ്ങൾ നടത്തുന്നതിന് 23.02.2024 ലെ സ.ഉ.(സാധാ) 1492/ജി ഇ ഡി എൻ. ഉത്തരവ് പ്രകാരം ഭരണാനുമതി നൽകുകയും പ്രവൃത്തി ഏറ്റെടുത്ത് നടത്തുന്നതിന്ന് പൊതുമരാമത്ത് വകുപ്പിനെ ഏൽപ്പിക്കുകയും ചെയ്തിരുന്നുവോ; എങ്കിൽ ഇവയുടെ സാങ്കേതിക അനുമതിയുടെയും, ടെൻഡറുകളുടെയും നടപടികൾ ഇപ്പോൾ ഏത് ഘട്ടത്തിലാണ്; വിശദമാക്കുമോ;

ടി ഉത്തരവിൽ ഉൾപ്പെട്ട മലപ്പുറം ജില്ലയിലെ 8 സ്കൂളുകൾക്ക് നിർമ്മാണ പ്രവർത്തനങ്ങൾ നടപ്പിലാക്കുന്നതിന് 4202-01-202-79 (P) എന്ന ശീർഷകത്തിൽ ഭരണാനുമതി അനുവദിച്ച് ഉത്തരവായിട്ടും ശീർഷകം മാപ് ചെയ്യാത്തതിനാൽ പ്രവൃത്തി തുടങ്ങാൻ കഴിയാത്ത സാഹചര്യം നിലവിലുണ്ടോ; വ്യക്തമാക്കുമോ;

ഈ കാര്യത്തിൽ പൊതുമരാമത്ത് വകുപ്പ് കെട്ടിട വിഭാഗം എക്സിക്യൂട്ടീവ് എൻജിനീയർ മലപ്പുറം കാര്യാലയത്തിൽ നിന്നും ചീഫ് എൻജിനീയർ ഓഫീസിലേക്ക് അറിയിപ്പ് നൽകിയിരുന്നോ; വ്യക്തമാക്കുമോ;

ഭരണാനുമതി ലഭിച്ച് ഒരു വർഷം കഴിഞ്ഞിട്ടും അടിയന്തരമായി ചെയ്യേണ്ട നിർമ്മാണ പ്രവർത്തനങ്ങൾ വൈകുന്നതിന്റെ കാരണം വ്യക്തമാക്കുമോ; ഇവയുടെ നിർമ്മാണ പ്രവർത്തനങ്ങൾക്ക് ആവശ്യമായ സാങ്കേതിക അനുമതിയും ടെണ്ടർ നടപടികളും വേഗത്തിൽ പൂർത്തിയാക്കുമോ?

കാട്ടാക്കട ഗ്രാമപ്പഞ്ചായത്തിലെ പൊന്നറ ശ്രീധർ സ്മാരക ടൗണ്‍ഹാള്‍ നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ; പ്രസ്തുത പ്രവൃത്തി എന്നു പൂര്‍ത്തിയാക്കാനാകുമെന്ന് വ്യക്തമാക്കാമോ?

കായംകുളം-തിരുവല്ല റോഡിലെ കാക്കനാട് റെയില്‍വേ മേല്‍പ്പാലം, മാമ്പറകുന്നേല്‍ റെയില്‍വേ മേല്‍പ്പാലം എന്നിവയുടെ നിര്‍മ്മാണവുമായി ബന്ധപ്പെട്ട നടപടികളുടെ പുരോഗതി വിശദമാക്കാമോ?

കിഫ്ബിയിൽ ഉൾപ്പെടുത്തിയിട്ടുള്ളതും കണ്ണൂർ ജില്ലയിലെ കല്യാശ്ശേരി- പയ്യന്നൂർ മണ്ഡലങ്ങളെ തമ്മിൽ ബന്ധിപ്പിക്കുന്നതും കേരള റോഡ്സ് ഫണ്ട് ബോര്‍ഡ് മുഖേന പ്രവൃത്തി നിർവ്വഹിക്കുന്നതുമായ മൂലക്കീൽ കടവ് പാലത്തിന്റെ എസ്റ്റിമേറ്റ് തയ്യാറാക്കി കിഫ്ബിയുടെ ധനകാര്യാനുമതി ലഭ്യമാക്കാനാവശ്യമായ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

കോതമംഗലം മണ്ഡലത്തില്‍ പല്ലാരിമംഗലം പഞ്ചായത്തിലെ മണിക്കിണര്‍ പാലത്തിന്റെ നിര്‍മ്മാണവുമായി ബന്ധപ്പെട്ട് പൊതുമരാമത്ത് വകുപ്പ് ഇതുവരെ സ്വീകരിച്ച നടപടികള്‍ വ്യക്തമാക്കാമോ;

അപ്രോച്ച് റോഡിനായുള്ള ഭൂമി ഏറ്റെടുക്കല്‍ നടപടികൾ അതിന്റെ അവസാന ഘട്ടത്തില്‍ ആണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

പ്രസ്തുത പാലത്തിന്റെ രൂപരേഖ ഇതിനോടകം തയ്യാറാക്കിയിട്ടുണ്ടോ; വിശദമാക്കാമോ;

ഭൂമി ഏറ്റെടുക്കല്‍ നടപടികള്‍ അവസാന ഘട്ടത്തില്‍ ആയ സാഹചര്യത്തില്‍ പാലം നിര്‍മ്മാണ പ്രവർത്തനങ്ങൾ വേഗത്തില്‍ തുടങ്ങുന്നതിനാവശ്യമായ നടപടികള്‍ സ്വീകരിക്കുമോ; വിശദമാക്കാമോ?

പയ്യന്നൂര്‍ നഗരസഭയെയും കുഞ്ഞിമംഗലം ഗ്രാമപഞ്ചായത്തിനെയും ബന്ധിപ്പിക്കുന്ന പെരുമ്പ പുതിയ പാലം നിര്‍മ്മാണം എന്ന പദ്ധതി പരിഗണനയില്‍ ഉണ്ടോ; വിശദമാക്കാമോ;

പ്രസ്തുത പാലത്തിന്റെ എസ്റ്റിമേറ്റ് തയ്യാറാക്കി ഭരണാനുമതിക്കായി സമര്‍പ്പിച്ചിട്ടുണ്ടോ; എങ്കില്‍ അതിന്റെ നിലവിലെ സ്ഥിതി അറിയിക്കാമോ;

ഏതെങ്കിലും സ്കീമില്‍ ഉള്‍പ്പെടുത്തി പ്രസ്തുത പദ്ധതിക്ക് ഭരണാനുമതി നല്‍കാന്‍ ആവശ്യമായ നടപടികള്‍ സ്വീകരിക്കുമോ; വിശദമാക്കാമോ?

കോട്ടയം ജില്ലയിലെ കടുത്തുരുത്തി മണ്ഡലത്തിൽ 2018-ലെ പ്രളയത്തിൽ തകർന്ന വെമ്പള്ളി-കല്ലാലി പാലം, വയലാ-കോടികുളം പാലം എന്നിവ പുനര്‍നിര്‍മ്മിക്കുന്നതിനായി കോട്ടയം ബ്രിഡ്ജസ് ഡിവിഷന്‍ തയ്യാറാക്കി സമര്‍പ്പിച്ചിരിക്കുന്ന ഡീറ്റെയ്ൽഡ് പ്രോജക്റ്റ് റിപ്പോർട്ടിന്മേല്‍ എന്ത് നടപടി സ്വീകരിച്ചുവെന്ന് വ്യക്തമാക്കാമോ;

പ്രസ്തുത പ്രവൃത്തികളുടെ എസ്റ്റിമേറ്റ് തയ്യാറാക്കുന്നതിനുള്ള നടപടികൾ പാലങ്ങൾ വിഭാഗം ചീഫ് എഞ്ചിനീയറുടെ കാര്യാലയത്തിൽ ആരംഭിച്ചിട്ടുണ്ടോ; വിശദമാക്കുമോ;

പ്രസ്തുത വിഷയത്തിന്മേല്‍ വകുപ്പ് നാളിതുവരെ സ്വീകരിച്ച നടപടികള്‍ വിശദമാക്കാമോ?

സംസ്ഥാനത്ത് എത്ര റെയില്‍വേ മേല്‍പ്പാലങ്ങള്‍ നിര്‍മ്മിക്കുന്നതിനാണ് പദ്ധതിയുള്ളതെന്ന് വിശദമാക്കാമോ;

ഓരോ പദ്ധതിക്കും അനുവദിച്ചിട്ടുള്ള ഫണ്ട് എത്രയെന്ന് വിശദമാക്കാമോ;

നിര്‍മ്മാണ പ്രവൃത്തി നടത്തുന്നതിന് കോടതികളില്‍ കേസുകള്‍ നിലവിലുള്ളവ എത്രയെന്നും അവ ഏതെല്ലാമെന്നും വിശദമാക്കാമോ?

അരൂര്‍ മണ്ഡലത്തിലെ അഞ്ചുതുരുത്ത് പാലം നിര്‍മ്മാണത്തിന്റെ പുരോഗതി വിശദമാക്കാമോ;

പാലം നിര്‍മ്മാണത്തിന്റെ എസ്റ്റിമേറ്റ് റിവൈസ് ചെയ്യുന്നതിന് വേണ്ടി സ്വീകരിച്ച നടപടികള്‍ വിശദമാക്കാമോ?

ബാലുശ്ശേരി മണ്ഡലത്തിലെ മോതിരക്കടവ് പാലത്തിന് ഭരണാനുമതി നൽകിയിട്ടുണ്ടോ; എങ്കിൽ വിശദമാക്കാമോ;

പാലം നിർമ്മാണത്തിനായി നബാർഡ് ഫണ്ട് അനുവദിക്കുന്നുണ്ടോ; വ്യക്തമാക്കാമോ; ഉണ്ടെങ്കിൽ പ്രസ്തുത പാലം നിർമ്മാണത്തിന് നബാർഡ് ഫണ്ട് ലഭ്യമാക്കുന്നതിന് ആവശ്യമായ നടപടി സ്വീകരിക്കുമോ?

പാലാ മണ്ഡലത്തിലുള്ള വര്‍ഷങ്ങളുടെ കാലതാമസം നേരിടുന്ന കുറ്റില്ലം പാലം നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ; പ്രസ്തുത നിര്‍മ്മാണം സമയബന്ധിതമായി പൂര്‍ത്തീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് നിലവിൽ എത്ര റസ്റ്റ് ഹൗസുകൾ ഉണ്ട്; ജില്ലതിരിച്ചുള്ള കണക്കുകൾ ലഭ്യമാക്കാമോ;

ഓരോ ജില്ലയിലും പി.ഡബ്ല്യു.ഡി. റസ്റ്റ് ഹൗസുകൾ കൈകാര്യം ചെയ്യുന്ന പി.ഡബ്ല്യു.ഡി ഉദ്യോഗസ്ഥരുടെയും കെയർടേക്കർമാരുടെയും പേരും ഔദ്യോഗിക മേൽവിലാസവും ഫോൺ നമ്പറും ഇ-മെയിൽ ഐഡിയും ലഭ്യമാക്കാമോ;

പൊതുമരാമത്ത് വകുപ്പിന് കീഴില്‍ 14 ജില്ലകളിലുള്ള ബിൽഡിംഗ്സ് വിഭാഗത്തിന്റെ എക്സിക്യൂട്ടീവ് എഞ്ചിനീയർമാരുടെയും അസിസ്റ്റന്റ് എക്സിക്യൂട്ടീവ് എൻജിനീയർമാരുടെയും അസിസ്റ്റന്റ് എൻജിനീയർമാരുടെയും പേരും ഔദ്യോഗിക മേൽവിലാസവും ഫോൺ നമ്പറും ഇ-മെയിൽ ഐഡിയും ലഭ്യമാക്കാമോ?

പൊതുമരാമത്ത് ടെക്നിക്കൽ വിഭാഗം ഉദ്യോഗസ്ഥരുടെ ഗ്രേഡ് പ്രമോഷനുകൾ സമയബന്ധിതമായി നൽകുന്നുണ്ടോയെന്ന് അറിയിക്കുമോ; അസിസ്റ്റന്റ് എഞ്ചിനീയര്‍ മുതൽ സൂപ്രണ്ട് എഞ്ചിനീയര്‍ വരെയുള്ളവരുടെ ഗ്രേഡ് പ്രമോഷനുകൾ എത്രകാലങ്ങളായി പെന്‍ഡിംഗിലാണെന്ന് വ്യക്തമാക്കുമോ;

ഗ്രേഡ് പ്രമോഷൻ നൽകാത്തവർക്ക് കരിയർ അഡ്വാൻസ്, റേഷ്യോ പ്രമോഷനുകൾ എന്നിവ നൽകുന്നുണ്ടോ; എങ്കിൽ അസിസ്റ്റന്റ് എഞ്ചിനീയര്‍ മുതൽ സൂപ്രണ്ടിങ് എഞ്ചിനീയര്‍ വരെയുള്ള ഓരോ തസ്തികയിലും എത്ര വർഷം സർവീസ് ഉള്ളവർക്ക് പ്രസ്തുത പ്രമോഷൻ നൽകിയിട്ടുണ്ട്; വിശദാംശം ലഭ്യമാക്കുമോ?

കോങ്ങാട് മണ്ഡലത്തില്‍ കെ.ആര്‍.എഫ്.ബി. മുഖേന നടത്തുന്ന പ്രവ‍ൃത്തികള്‍ ഏതെല്ലാമെന്നും ഓരോ പ്രവൃത്തിക്കും അനുവദിച്ചിട്ടുള്ള തുകയും അവയുടെ പുരോഗതിയും തരം തിരിച്ച് വിശദമാക്കാമോ?

തിരുവനന്തപുരം ജില്ലയിലെ പൂവാറില്‍ നിന്നും കാസര്‍ഗോഡ് ജില്ലയിലെ തലപ്പാടി വരെ തീരദേശ ഹൈവേ കടന്നു പോകുന്ന ഭാഗങ്ങളില്‍ വികസിപ്പിക്കാന്‍ കഴിയാവുന്ന സ്ഥാപനങ്ങളേയും മേഖലകളെയും പഠന വിധേയമാക്കിയിട്ടുണ്ടോ; വിശദമാക്കാമോ;

ടൂറിസം ആന്‍ഡ് ഹോസ്പിറ്റാലിറ്റി മേഖലയില്‍ തീരദേശ ഹൈവേയുടെ പൂര്‍ത്തീകരണം എന്തെല്ലാം സാധ്യതകളാണ് മുന്നോട്ടു വയ്ക്കുന്നതെന്ന് വിലയിരുത്തിയിട്ടുണ്ടോ; വിശദീകരിക്കാമോ;

വ്യവസായ മേഖലയിലെ കൊമേഴ്സ്യല്‍ ക്ലബുകള്‍ക്കുള്ള സാധ്യതകള്‍ പഠന വിധേയമാക്കിയിട്ടുണ്ടോ; അറിയിക്കുമോ;

മറൈന്‍ ട്രേഡ് സോണുകള്‍ വികസിപ്പിക്കുന്നതിനുള്ള സാധ്യതകള്‍ ആരാഞ്ഞിട്ടുണ്ടോ; വിശദമാക്കാമോ?

സംസ്ഥാനത്ത് നിര്‍മ്മാണത്തിലിരിക്കുന്ന മലയോര ഹൈവേയുടെ തിരുവനന്തപുരം ജില്ലയിലെ നിര്‍മ്മാണ പുരോഗതി അറിയിക്കുമോ; ഇനി എത്ര കിലോമീറ്റര്‍ ദൂരമാണ് ജില്ലയില്‍ പൂര്‍ത്തീകരിക്കാനുള്ളതെന്ന വിവരം അറിയിക്കുമോ?

സംസ്ഥാനത്ത് തീരദേശ ഹൈവേയുടെ നിർമാണവുമായി ബന്ധപ്പെട്ട് ഭൂമി ഏറ്റെടുക്കുന്ന സ്ഥലത്ത് പ്രസ്തുത ഭൂമിയുടെ ഉടമസ്ഥാവകാശം സംബന്ധിച്ച രേഖകൾ ഇല്ലാത്തതും എന്നാൽ വർഷങ്ങളായി അതേ സ്ഥലത്ത് താമസിക്കുന്നവരുമായ ആളുകൾക്ക് സ്ഥലം ഏറ്റെടുക്കുമ്പോൾ നഷ്ടപരിഹാരം നൽകുമോ; വ്യക്തമാക്കുമോ;

പ്രസ്തുത പ്രവൃത്തിക്കുവേണ്ടി ഏറ്റെടുക്കുന്ന ഭൂമിയുടെ വിശദാംശവും ഉടമകൾക്ക് ലഭ്യമാക്കുന്ന നഷ്ടപരിഹാരം സംബന്ധിച്ച വിശദാംശവും ജില്ല തിരിച്ചു വ്യക്തമാക്കുമോ?

സംസ്ഥാനത്തെ നിർമ്മാണ മേഖലയിൽ എന്തെല്ലാം ഗുണകരമായ മാറ്റങ്ങളാണ് ഡിസൈൻ പോളിസി കൊണ്ടുവന്നതെന്ന് വിലയിരുത്തിയിട്ടുണ്ടോ;

ഇതിലൂടെ നിർമ്മാണ പ്രവർത്തനത്തിൽ ചെലവ് ചുരുക്കാനും ഗുണമേന്മ വർദ്ധിപ്പിക്കാനും കഴിഞ്ഞത് വിശകലനം ചെയ്തിട്ടുണ്ടോ; വിശദമാക്കാമോ;

കെട്ടിട നിർമ്മാണ മേഖലയിൽ ഡിസൈൻ പോളിസി നടപ്പാക്കിയതിന് ശേഷമുണ്ടായിട്ടുള്ള പ്രധാനപ്പെട്ട മാറ്റങ്ങൾ വ്യക്തമാക്കാമോ;

പാലങ്ങളുടെ കാര്യത്തിൽ വിലയിരുത്തിയ മാറ്റങ്ങൾ എന്തൊക്കെയാണ്;

റോഡുകൾ സ്മാർട്ട് റോഡുകളാക്കുന്നതിനും ഗുണനിലവാരം വർദ്ധിപ്പിക്കുന്നതിനും ഡിസൈൻ പോളിസി എങ്ങനെയാണ് സഹായകമായത്; വിശദമാക്കാമോ?

സംസ്ഥാനത്തെ വിവിധ മരാമത്ത് പണികൾ നിശ്ചിത ഗുണനിലവാരം പുലർത്തുന്നില്ലെന്ന പരാതി പരിശോധിച്ചിട്ടുണ്ടോ; വിശദമാക്കുമോ;

മരാമത്ത് പണികളുടെ ഗുണനിലവാര പരിശോധന കർശനമാക്കുവാൻ തീരുമാനിച്ചിട്ടുണ്ടോ; എങ്കിൽ വിശദാംശം നൽകുമോ;

ഗുണനിലവാരം പുലർത്താൻ കഴിയാത്ത കരാറുകാർക്കെതിരെ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

നാഷണല്‍ ഹെെവേ 185-ന്റെ (അടിമാലി - കുമളി) വികസനത്തിന് നടപടി സ്വീകരിച്ചിട്ടുണ്ടോ; ഉണ്ടെങ്കില്‍ ഏത് തരത്തിലുള്ള വികസന പ്രവര്‍ത്തനമാണ് നടത്തുന്നതിനായി തീരുമാനിച്ചിരിക്കുന്നതെന്ന് അറിയിക്കാമോ;

പ്രസ്തുത റോഡിന്റെ അലെെന്‍മെന്റ് എങ്ങനെയെന്ന് വ്യക്തമാക്കാമോ?

ദേശീയ പാതയായി പ്രഖ്യാപിക്കുന്നതിനുള്ള റോഡുകൾ തിരഞ്ഞെടുക്കുന്നതിനുള്ള മാനദണ്ഡങ്ങൾ എന്തൊക്കെയാണെന്ന് അറിയിക്കാമോ;

ഈ സർക്കാർ അധികാരത്തിൽ വന്നതിനു ശേഷം സംസ്ഥാനത്തു ദേശീയ പാതയായി പ്രഖ്യാപിച്ച റോഡുകൾ ഏതൊക്കെയാണെന്നും അതിനായി നൽകിയ ശിപാർശയിൽ ഉൾപ്പെട്ട റോഡുകൾ ഏതൊക്കെയാണെന്നും അറിയിക്കാമോ;

സംസ്ഥാനത്തു നിന്നുള്ള പാർലമെന്റ് അംഗങ്ങളുടെ 26.10.2010-ലെ യോഗത്തിൽ ദേശീയ പാതയായി പ്രഖ്യാപിക്കുന്നതിന് ശിപാർശ തയാറാക്കി നൽകിയ കൊടുങ്ങല്ലൂർ-ഗൂഡല്ലൂർ റോഡ് (181 കി.മീ.)ന്റെ നിലവിലെ സ്ഥിതി എന്താണെന്ന് അറിയിക്കാമോ?

ദേശീയപാത തലപ്പാടി-ചെങ്കള ആറുവരി പാതയിൽ വിവിധ ഇടങ്ങളിലെ അശാസ്ത്രീയ നിർമ്മാണം നിരവധി അപകടമരണങ്ങൾക്ക് കാരണമാകുന്നു എന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രവൃത്തി തുടങ്ങിയത് മുതൽ നാളിതുവരെ എത്ര മനുഷ്യ ജീവനുകൾ പൊലിഞ്ഞിട്ടുണ്ടെന്ന് വ്യക്തമാക്കാമോ; അധികൃതരുടെ അനാസ്ഥയും നിർമ്മാണത്തിലെ അശാസ്ത്രീയതയും ആണോ പ്രസ്തുത മരണങ്ങൾക്ക് കാരണമെന്ന് വ്യക്തമാക്കാമോ;

സർവീസ് റോഡുകളുടെ പണി പൂർത്തിയാക്കാതെ ദേശീയപാതയിലെ നിർമ്മാണം പൂർത്തീകരിക്കാൻ വർദ്ധിത ശ്രമം നടക്കുന്നത് എന്തിനാണെന്ന് വ്യക്തമാക്കാമോ;

സർവീസ് റോഡുകളുടെ നിർമ്മാണം ആദ്യം പൂർത്തീകരിച്ചിരുന്നുവെങ്കിൽ ജനങ്ങളുടെ ദുരിതം ഗണ്യമായി കുറയ്ക്കാൻ പറ്റുമായിരുന്നോ; വ്യക്തമാക്കാമോ?

കൊച്ചി-ധനുഷ്‍കോടി (ദേശീയ പാത-85) ദേശീയ പാതയുടെ നിര്‍മ്മാണ പുരോഗതി വിശദമാക്കാമോ;

ഈ പാതയുടെ നേര്യമംഗലം മുതല്‍ വാളറ വരെയുള്ള ഭാഗത്ത് ഏത് തരത്തിലുള്ള നിര്‍മ്മാണം നടത്തുന്നതിനാണ് നടപടി സ്വീകരിച്ചിരിക്കുന്നതെന്ന് അറിയിക്കുമോ;

നേര്യമംഗലം മുതല്‍ വാളറ വരെയുള്ള ഭാഗത്തെ എത്ര മരങ്ങള്‍ മുറിക്കുന്നതിനാണ് തീരുമാനിച്ചിരിക്കുന്നതെന്നും ഈ മരങ്ങള്‍ മുറിച്ച് മാറ്റുന്നതിനുള്ള നടപടിക്രമങ്ങള്‍ പൂര്‍ത്തീകരിച്ചിട്ടുണ്ടോയെന്നും വിശദമാക്കാമോ?

2025-26 സാമ്പത്തിക വര്‍ഷം ബജറ്റില്‍ ഉള്‍പ്പെടുത്തി വിവിധ പദ്ധതികള്‍ക്കായി എസ്റ്റിമേറ്റ് തയ്യാറാക്കുമ്പോള്‍ ഡി.എസ്.ആര്‍. നിരക്ക് വര്‍ദ്ധനവ് പരിഗണിക്കേണ്ടതുണ്ടോ; വിശദമാക്കാമോ?

ഈ സർക്കാര്‍ അധികാരത്തില്‍ വന്നതിനു ശേഷം പി‌.ഡബ്ല്യു‌.ഡി. പുറമ്പോക്ക് ഭൂമി തദ്ദേശസ്വയംഭരണ സ്ഥാപനങ്ങള്‍ക്ക് വിവിധ പദ്ധതികള്‍ക്കായി വിട്ടു നല്‍കിയിട്ടുണ്ടോ; എങ്കില്‍ ജില്ല തിരിച്ച് വിശദാംശം നല്‍കുമോ;

ഏറനാട് മണ്ഡലത്തില്‍ കീഴുപറമ്പ് ഗ്രാമ പഞ്ചായത്തില്‍ വയോജന പാര്‍ക്ക് സ്ഥാപിക്കുന്നതിനും ടേക് എ ബ്രേക് പദ്ധതിക്കുമായി പി‌.ഡബ്ല്യു‌.ഡി പുറമ്പോക്ക് ഭൂമി നിബന്ധനകള്‍ക്ക് വിധേയമായി ലഭ്യമാക്കണമെന്നാവശ്യപ്പെട്ടുകൊണ്ട് അപേക്ഷ ലഭിച്ചിരുന്നോ; എങ്കില്‍ പ്രസ്തുത അപേക്ഷയില്‍ പി‌.ഡബ്ല്യു‌.ഡി. പുറമ്പോക്ക് ഭൂമി അനുവദിച്ച് നല്‍കിയിട്ടുണ്ടോ; ഇല്ലെങ്കില്‍ എന്താണു തടസ്സമെന്ന് അറിയിക്കുമോ;

സംസ്ഥാനത്ത് കാട് പിടിച്ച് നശിക്കുന്നതും കയ്യേറ്റങ്ങളില്‍പെട്ട് കിടക്കുന്നതുമായ ഇത്തരം പുറമ്പോക്ക് ഭൂമികള്‍ പ്രാദേശിക ഭരണകൂടങ്ങള്‍ക്ക് വിവിധ പദ്ധതികള്‍ക്കുവേണ്ടി നിബന്ധനകള്‍ക്ക് വിധേയമായി വിട്ടു നല്‍കുന്ന കാര്യം പരിഗണിക്കുമോ; വ്യക്തമാക്കാമോ;

സംസ്ഥാനത്ത് പൊതു വ്യായാമ കേന്ദ്രത്തിനും വയോജന സിറ്റിങ് ഏരിയ പോലുള്ള ടൂറിസവുമായി ബന്ധപ്പെട്ട പദ്ധതികളും നടപ്പിലാക്കുന്നതിന് ഏതെല്ലാം നിയോജക മണ്ഡലങ്ങളില്‍ പി‌.ഡബ്ല്യു‌.ഡി. പുറമ്പോക്ക് ഭൂമികള്‍ അനുവദിച്ച് നല്കിയിട്ടുണ്ട്; വിശദാംശം നല്‍കുമോ; ഇങ്ങനെ അനുവദിക്കുന്നതിനുള്ള അധികാരം എക്സിക്യൂട്ടീവ് എഞ്ചിനീയര്‍മാര്‍ക്ക് നല്‍കിയിട്ടുണ്ടോ; വ്യക്തമാക്കാമോ; ഇല്ലെങ്കില്‍ കാലതാമസം ഒഴിവാക്കുന്നതിന് നിബന്ധനകള്‍ക്ക് വിധേയമായി അനുമതി നല്‍കുന്നതിനുള്ള അധികാരം ജില്ലകളിലെ എക്സിക്യൂട്ടീവ് എഞ്ചിനീയര്‍മാര്‍ക്ക് നല്‍കുമോ?

വടകര റസ്റ്റ് ഹൗസിൽ ആകെ എത്ര മുറികളാണ് നിലവിലുള്ളതെന്ന് എ.സി, നോൺ എ.സി., വി.ഐ. പി, സ്യൂട്ട് എന്നിങ്ങനെ തരംതിരിച്ച് വിവരം ലഭ്യമാക്കുമോ;

എത്ര മുറികളാണ് ഇപ്പോൾ ഉപയോഗയോഗ്യമായിട്ടുള്ളതെന്നും ഇതിൽ എത്ര എണ്ണമാണ് പൊതു ബുക്കിങ്ങിനായി ലഭ്യമാക്കിയിട്ടുള്ളതെന്നും അറിയിക്കുമോ;

വടകര റസ്റ്റ് ഹൗസിൽ കിച്ചണ്‍/ക്യാന്റീന്‍ പ്രവര്‍ത്തിക്കാത്തത് മൂലം സന്ദര്‍ശകര്‍ക്ക് ഉണ്ടാകുന്ന ബുദ്ധിമുട്ട് ശ്രദ്ധയില്‍പെട്ടിട്ടുണ്ടോ; എങ്കില്‍ ക്യാന്റീന്‍ അടിയന്തരമായി പ്രവര്‍ത്തനക്ഷമമാക്കുന്നതിന് നടപടി സ്വീകരിക്കുമോ;

കോഴിക്കോട് ജില്ലയിലെ മലയോരമേഖലയിലെ ഏറ്റവും പ്രധാനപ്പെട്ട ടൗൺ എന്ന നിലയിൽ വടകര ടൗണിലെ റസ്റ്റ് ഹൗസ് കെട്ടിടത്തിലെ അറ്റകുറ്റപ്പണികൾ നടത്തി പരമാവധി റൂമുകൾ ഉപയോഗത്തിനായി തുറന്നു നൽകുന്നതിനാവശ്യമായ നടപടികൾ സ്വീകരിക്കുമോ; വ്യക്തമാക്കാമോ?

ഈ സര്‍ക്കാരിന്റെ കാലത്ത് പൊതുമരാമത്ത് വകുപ്പിന്റെ കീഴിലുള്ള റസ്റ്റ് ഹൗസുകളില്‍ നിന്നും നാളിതുവരെ ലഭിച്ച വരുമാനം എത്രയാണെന്ന് വര്‍ഷം തിരിച്ച് വിശദമാക്കാമോ;

പൊതുമരാമത്ത് വകുപ്പിന്റെ കീഴില്‍ 5 കോടി രൂപ ചെലവില്‍ പൊന്‍മുടിയില്‍ നിര്‍മ്മിക്കാനുദ്ദേശിക്കുന്ന പുതിയ റസ്റ്റ് ഹൗസിന്റെ പുരോഗതി അറിയിക്കാമോ;

എന്തെല്ലാം സംവിധാനങ്ങളാണ് പ്രസ്തുത റസ്റ്റ് ഹൗസില്‍ വിഭാവനം ചെയ്യുന്നതെന്ന് വിശദമാക്കാമോ?

പരമ്പരാഗത വൈജ്ഞാനിക മേഖലകള്‍ ടൂറിസം മേഖലയില്‍ ഉപയോഗപ്പെടുത്താന്‍ കഴിയും വിധം കേരളത്തില്‍ ടൂറിസം പദ്ധതികള്‍ വികസിപ്പിച്ചിട്ടുണ്ടോ; വ്യക്തമാക്കുമോ;

പ്രസ്തുത പദ്ധതിയുമായി ബന്ധപ്പെടുത്തി നിലവില്‍ വികസിപ്പിച്ചിട്ടുള്ള മേഖലകളും കേന്ദ്രങ്ങളും ഏതൊക്കെയെന്ന് വിശദമാക്കാമോ;

ആയോധനകലകളെ ടൂറിസവുമായി ബന്ധപ്പെടുത്തുന്നതിന് പ്രത്യേക പദ്ധതികളുണ്ടോ;

ഡിജിറ്റല്‍/ഓണ്‍ലൈന്‍ മാര്‍ക്കറ്റുകള്‍ വികസിപ്പിക്കുന്നതിനായി എന്തെല്ലാം നടപടികള്‍ ടൂറിസം വകുപ്പ് സ്വീകരിച്ചിട്ടുണ്ട്; വിശദമാക്കാമോ;

വൈജ്ഞാനിക മേഖലയില്‍ പുതിയ ടൂറിസം സംരംഭങ്ങള്‍ തുടങ്ങാന്‍ എന്തെല്ലാം സഹായങ്ങള്‍ സര്‍ക്കാര്‍ നല്‍കിവരുന്നുണ്ടെന്ന് വിശദമാക്കാമോ?

വടക്കാഞ്ചേരി മണ്ഡലത്തില്‍ ഉത്തരവാദിത്ത ടൂറിസം പദ്ധതി നടപ്പിലാക്കുന്നതിന് വേണ്ട നടപടി സ്വീകരിക്കുമോയെന്ന് വ്യക്തമാക്കാമോ?

ഡെസ്റ്റിനേഷന്‍ ചലഞ്ച് പദ്ധതി പ്രകാരം പാലക്കാട് ജില്ലയില്‍ അനുമതി നല്‍കിയ പ്രവൃത്തികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതി വിശദമാക്കാമോ?

തിരുവമ്പാടി മണ്ഡലത്തിൽ സ്വദേശി ദർശൻ പദ്ധതിയിൽ ഉൾപ്പെടുത്തി കക്കാടംപൊയിൽ ടൂറിസം വില്ലേജ് പ്രൊജക്ട് നടപ്പിലാക്കുന്നതിന് അപേക്ഷ സമർപ്പിട്ടിട്ടുണ്ടോ എന്ന് വ്യക്തമാക്കാമോ;

ഉണ്ടെങ്കിൽ പ്രസ്തുത അപേക്ഷയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രോജക്ടിന് ഭരണാനുമതി നൽകുന്നതിന് നടപടികൾ സ്വീകരിക്കുമോ?

വാമനപുരം മണ്ഡലത്തിലെ കല്ലറ അരുവിപ്പുറം ടൂറിസം പദ്ധതിയുടെ തൽസ്ഥിതി അറിയിക്കാമോ;

എന്തെല്ലാം സംവിധാനങ്ങളാണ് പ്രസ്തുത ടൂറിസം പദ്ധതിയിൽ വിഭാവനം ചെയ്യുന്നതെന്ന് വിശദമാക്കാമോ?

അഡ്വഞ്ചര്‍ ടൂറിസവുമായി ബന്ധപ്പെട്ട് സംസ്ഥാനത്ത് എന്തെല്ലാം പദ്ധതികളാണ് നടപ്പിലാക്കാ൯ നടപടി സ്വീകരിച്ചിട്ടുളളതെന്ന് വ്യക്തമാക്കാമോ?

കേരളത്തിലെ വിനോദസഞ്ചാര കേന്ദ്രങ്ങള്‍ ഏതാെക്കെയാണെന്ന് ജില്ല തിരിച്ച് വിശദമാക്കാമോ;

കഴിഞ്ഞ നാല് വര്‍ഷമായി പുതിയ സ്പാേട്ടുകള്‍ ടൂറിസ്റ്റ് കേന്ദ്രങ്ങളായി മാറിയിട്ടുണ്ടോ; വിശദമാക്കാമോ;

ടൂറിസ്റ്റ് സ്പോട്ടുകളെ ബന്ധിപ്പിച്ചുകൊണ്ട് പുതിയ പദ്ധതികള്‍ നിലവിലുണ്ടോ; അറിയിക്കാമോ?

സംസ്ഥാനത്തെ വിനോദസഞ്ചാര വകുപ്പിന്റെ ഗസ്റ്റ് ഹൗസുകളെല്ലാം പൂര്‍ണ്ണമായും അതിഥികള്‍ക്ക് താമസിക്കുന്നതിന് സജ്ജമാണോ; ശോചനീയാവസ്ഥയിലുള്ള ഗസ്റ്റ് ഹൗസുകള്‍/യാത്രീ നിവാസുകള്‍/മറ്റ് അതിഥി മന്ദിരങ്ങള്‍ ഉണ്ടോ; എങ്കില്‍ അവ ഏതെല്ലാം; ആയവ നവീകരിക്കുന്നതിന് നടപടി സ്വീകരിക്കുമോ; വിശദമാക്കുമോ;

സംസ്ഥാനത്തിന് പുറത്തുള്ളതും സംസഥാന സര്‍ക്കാരിന് കീഴിലുള്ളതുമായ ഗസ്റ്റ് ഹൗസുകള്‍ പരിപാലിക്കുന്നതില്‍ ഏതെങ്കിലും തരത്തിലുള്ള അലംഭാവം ശ്രദ്ധയില്‍പ്പെട്ടിട്ടുണ്ടോ; കന്യാകുമാരി പോലെ ഏറ്റവും പ്രധാനപ്പെട്ട വിനോദസഞ്ചാര കേന്ദ്രത്തില്‍ സ്ഥിതി ചെയ്യുന്ന ഗസ്റ്റ് ഹൗസ് വളരെ ശോചനീയാവസ്ഥയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോയെന്നും എങ്കില്‍ ഇത് പരിഹരിക്കുന്നതിന് സ്വീകരിച്ചിട്ടുള്ള നടപടികള്‍ അറിയിക്കുമോ;

കന്യാകുമാരി ഗസ്റ്റ് ഹൗസില്‍ എന്തെല്ലാം തരത്തിലുള്ള വികസന പ്രവര്‍ത്തനങ്ങളാണ് പരിഗണനയിലുള്ളതെന്ന് വ്യക്തമാക്കുമോ;

സംസ്ഥാനത്തെ ഗസ്റ്റ് ഹൗസുകളെ അവയുടെ നിലവാരത്തിന്റെയും സൗകര്യങ്ങളുടെയും അടിസ്ഥാനത്തില്‍ ക്ലാസിഫൈ ചെയ്തിട്ടുണ്ടോ, ഇല്ലെങ്കില്‍ ആയതിന് നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം പൂഞ്ഞാര്‍ മണ്ഡലത്തില്‍ ടൂറിസം വകുപ്പിന് കീഴില്‍ അനുവദിച്ചിട്ടുള്ള പദ്ധതികളും അവയ്ക്ക് ഓരോന്നിനും അനുവദിച്ച തുകയും എത്രയാണെന്ന് അറിയിക്കുമോ; പ്രസ്തുത പവൃത്തികളുടെ നിലവിലെ സ്ഥിതി വിശദാമാക്കാമോ;

വാഗമൺ മലനിരകളോട് ചേർന്ന് കിടക്കുന്നതും ചെറുതും വലുതുമായ നിരവധി വെള്ളച്ചാട്ടങ്ങളുള്ളതുമായ പൂഞ്ഞാർ മണ്ഡലത്തിലെ ടൂറിസം സാധ്യതകൾ പ്രയോജനപ്പെടുത്തുന്നതിനുള്ള പദ്ധതികൾ ആസൂത്രണം ചെയ്തിട്ടുണ്ടോ; വിശദാംശം ലഭ്യമാക്കാമോ?

തീർത്ഥാടന ടൂറിസം പദ്ധതിപ്രകാരം കാസർഗോഡ് ജില്ലയിൽ നടപ്പിലാക്കുന്ന പ്രവൃത്തികളുടെ വിശദവിവരം ലഭ്യമാക്കുമോ;

പ്രസ്തുത പ്രവൃത്തികൾ പൂർത്തീകരിക്കുമ്പോൾ ടൂറിസം മേഖലയിൽ ഉണ്ടാകുന്ന നേട്ടങ്ങൾ എന്തൊക്കെയാണെന്ന് വ്യക്തമാക്കുമോ;

ഈ പദ്ധതികൾ എപ്പോൾ പൂർത്തീകരിക്കുമെന്ന് വിശദമാക്കുമോ?

കോഴിക്കോട് നോര്‍ത്ത് നിയോജകമണ്ഡലത്തിലെ കോട്ടൂളി ചെമ്പ്ര പാലം കേന്ദ്രീകരിച്ച് പദ്ധതി നടത്തുവാന്‍ ടൂറിസം വകുപ്പ് നടപടി സ്വീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

നെന്മാറ മണ്ഡലത്തിലെ ടൂറിസം വികസനത്തിന്റെ സാധ്യതകള്‍ സംബന്ധിച്ച പഠനം സര്‍ക്കാര്‍ നടത്തിയിട്ടുണ്ടോ; ആതിനായി സര്‍ക്കാര്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

ഈ സർക്കാർ തിരൂരങ്ങാടി മണ്ഡലത്തിൽ പൂർത്തീകരിക്കുന്നതിന് വേണ്ടി നിര്‍ദ്ദേശിക്കപ്പെട്ട ടൂറിസം പ്രവൃത്തികൾ ഏതെല്ലാമാണെന്ന് വിശദമാക്കാമോ;

പ്രസ്തുത പദ്ധതികൾക്ക് ആവശ്യമായ അനുമതി ലഭ്യമാക്കുന്നതിന് നൽകിയ കത്തുകളിന്‍മേല്‍ സ്വീകരിച്ച നടപടികൾ എന്തെല്ലാമാണെന്നും ഇവ ഏതു രൂപത്തിൽ പൂർത്തീകരിക്കാനാണ് ഉദ്ദേശിക്കുന്നതെന്നും വിശദമാക്കാമോ?

തിരുവനന്തപുരം ജില്ലയിലെ കായല്‍ പ്രദേശങ്ങളിലെ അനുയോജ്യമായ സ്ഥലങ്ങളില്‍ ടൂറിസം പദ്ധതികള്‍ നടപ്പിലാക്കണമെന്നാവശ്യപ്പെട്ട് അപേക്ഷകള്‍ ലഭിച്ചിട്ടുണ്ടോ; ഉണ്ടെങ്കില്‍ ആയതിന്മേല്‍ സ്വീകരിച്ചിട്ടുള്ള നടപടികള്‍ വിശദമാക്കാമോ?

ആക്കുളം ലെഷർ ആൻഡ് അഡ്വെഞ്ചർ പദ്ധതിയുടെ നടത്തിപ്പിനായി വട്ടിയൂർക്കാവ് യൂത്ത് ബ്രിഗേഡ് എന്ന സ്ഥാപനം സ്റ്റാർട്ട് അപ്പ് എന്ന ഗണത്തിലാണോ ടെൻഡറിൽ പങ്കെടുത്തതെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ചങ്ങനാശ്ശേരി മണ്ഡലത്തില്‍ വകുപ്പ് മുഖേന എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വിശദമാക്കുമോ?

തിരുവമ്പാടി മണ്ഡലത്തിൽ അനുവദിച്ച ഡെസ്റ്റിനേഷൻ ചലഞ്ച് പദ്ധതികളുടെ വിശദാംശം ലഭ്യമാക്കാമോ;

അനുവദിച്ച പദ്ധതികളുടെ നിലവിലെ അവസ്ഥ അറിയിക്കാമോ?

ആക്കുളം ലെഷർ ആൻഡ് അഡ്വെഞ്ചർ പദ്ധതിയുടെ നടത്തിപ്പിനായി വട്ടിയൂർക്കാവ് യൂത്ത് ബ്രിഗേഡ് എന്ന സ്ഥാപനം 2019, 2020, 2021 വർഷങ്ങളിലെ നികുതി രേഖകൾ ഹാജരാക്കിയിട്ടുണ്ടോ; എങ്കിൽ രേഖകളുടെ പകർപ്പ് ലഭ്യമാക്കാമോ ?

ഈ സര്‍ക്കാര്‍ അധികാരത്തില്‍ വന്നശേഷം കോഴിക്കോട് ജില്ലയില്‍ വിനോദസഞ്ചാര വകുപ്പിന്റെ നേതൃത്വത്തില്‍ ഏതൊക്കെ ഇടങ്ങളില്‍ എത്ര പദ്ധതികള്‍ക്കാണ് അംഗീകാരം നല്‍കിയിട്ടുള്ളതെന്ന് വിശദമാക്കാമോ;

അംഗീകാരത്തിനായി എത്ര പദ്ധതികളാണ് പരിഗണനയിലുള്ളതെന്നും അവ ഏതൊക്കെയാണെന്നും വ്യക്തമാക്കാമോ;

പാലങ്ങളുടെ അടിയില്‍ വയോജന പാര്‍ക്കുകള്‍ സ്ഥാപിക്കുന്ന പദ്ധതി നിലവിലുണ്ടോ; ഇതുവരെയായി ഏതൊക്കെ പദ്ധതികള്‍ക്കാണ് ഈ ഇനത്തില്‍ അനുമതി നല്‍കിയിട്ടുള്ളതെന്ന് വിശദമാക്കാമോ?

മഞ്ഞംപൊതികുന്ന് ടൂറിസം പദ്ധതി ഏതു ഘട്ടത്തിലാണെന്ന് അറിയിക്കുമോ;

പ്രസ്തുത പദ്ധതി എപ്പോൾ പൂർത്തീകരിക്കാനാകുമെന്ന് വ്യക്തമാക്കുമോ?

കുട്ടനാടിന്റെ ടൂറിസം സാദ്ധ്യതകൾ പരമാവധി പ്രയോജനപ്പെടുത്താൻ എന്തൊക്കെ പുതിയ പദ്ധതികൾ നടപ്പാക്കുമെന്ന് വ്യക്തമാക്കുമോ;

കുട്ടനാട്ടിലെ ഹൗസ് ബോട്ട് മേഖലയിലെ പ്രശ്നങ്ങൾ പരിഹരിക്കാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ;

കുട്ടനാട്ടിലെ സി ബ്ലോക്ക്, ആർ ബ്ലോക്ക് എന്നിവിടങ്ങളിൽ പുതിയ ടൂറിസം പദ്ധതികൾ ആരംഭിക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

നെയ്യാറ്റിന്‍കര മണ്ഡലത്തിലെ തീര്‍ത്ഥാടന ടൂറിസം പദ്ധതി പ്രകാരം ഭരണാനുമതി ലഭിച്ച ചെങ്കല്‍ ക്ഷേത്രം, വ്ലാത്താങ്കര ഫെറാേന ചര്‍ച്ച് എന്നിവയ്ക്കായി അനുവദിച്ച ഫണ്ട് വിനിയാേഗിച്ച് ആരംഭിച്ച പ്രവൃത്തികള്‍ പൂര്‍ത്തീകരിക്കാത്തതിനുള്ള കാരണം വിശദമാക്കാമാേ;

പ്രസ്തുത പ്രവൃത്തികള്‍ എന്നേക്ക് പൂര്‍ത്തീകരിക്കുമെന്ന് വ്യക്തമാക്കാമാേ?

2011-16 സർക്കാരിന്റെ കാലയളവിൽ ആരംഭിച്ച സീ പ്ലെയിൻ ടൂറിസം പദ്ധതി ആവിഷ്കരിച്ചപ്പോൾ ഉണ്ടായ തടസ്സങ്ങൾ നീക്കം ചെയ്യാൻ സർക്കാർ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കാമോ;

പ്രസ്തുത പദ്ധതിയുടെ നിലവിലുള്ള പുരോഗതി വ്യക്തമാക്കാമോ;

ഈ പദ്ധതി വേഗത്തിൽ നടപ്പിലാക്കുന്നതിന് തടസ്സം നേരിടുന്നതിനുള്ള കാരണങ്ങൾ എന്തെല്ലാമെന്ന് വ്യക്തമാക്കാമോ?

ആക്കുളം ടൂറിസ്റ്റ് കേന്ദ്രം ആകര്‍ഷകമാക്കുന്നതിന് സ്വീകരിക്കുന്ന നടപടികള്‍ വിശദമാക്കാമോ;

ഡി.ടി.പി.സി. പ്രോജക്ടായ കഴക്കൂട്ടം കിന്‍ഫ്ര പാര്‍ക്ക് മാജിക് ഷെല്‍ നിര്‍മ്മാണ പുരോഗതി വിശദീകരിക്കാമോ;

സമയബന്ധിതമായി പ്രസ്തുത പ്രവൃത്തി പൂര്‍ത്തിയാക്കുന്നതിന് സ്വീകരിക്കുന്ന നടപടികള്‍ വ്യക്തമാക്കാമോ;

പ്രസ്തുത പ്രവൃത്തി എപ്പോള്‍ പൂര്‍ത്തീകരിക്കുമെന്ന് വിശദമാക്കാമോ;

ടൂറിസം കേന്ദ്രമായ മടവൂര്‍പ്പാറയുടെ നടത്തിപ്പ് പുരാവസ്തു വകുപ്പില്‍ നിന്നും ഡി.ടി.പി.സി. ഏറ്റെടുക്കുന്ന നടപടികളുടെ നിലവിലെ സ്ഥിതി വിശദമാക്കാമോ?

അരുവിക്കര ശിവാപാര്‍ക്ക് നവീകരിക്കുന്ന പദ്ധതിയുടെ നിലവിലെ തടസ്സങ്ങള്‍ നീക്കി പ്രവൃത്തി ആരംഭിക്കുന്നതിന് ടൂറിസം വകുപ്പ് സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കുമോ?

ടൂറിസത്തിന്റെ കുതിപ്പിന് സ്വീകരിക്കുന്ന പുതിയ പദ്ധതികൾ എന്തെല്ലാമെന്ന് വ്യക്തമാക്കുമോ;

കേരളത്തെ ഇന്ത്യയുടെ ടൂറിസം ഹബ്ബ് ആക്കുന്നതിന് യുദ്ധകാലാടിസ്ഥാനത്തിൽ എന്തെല്ലാം നടപടികൾ സ്വീകരിക്കുമെന്ന് വ്യക്തമാക്കുമോ;

ടൂറിസം കേന്ദ്രങ്ങളില്‍ അന്തർദേശീയ നിലവാരത്തിലുള്ള അടിസ്ഥാന സൗകര്യങ്ങൾ ലഭ്യമാക്കുന്നതിന് സ്വീകരിച്ചു വരുന്ന നടപടികൾ എന്തെല്ലാമെന്ന് വ്യക്തമാക്കുമോ?

സംസ്ഥാനത്തെ ടൂറിസം മേഖലയിൽ ചൂഷണം വർദ്ധിച്ചു വരുന്നതായുളള വസ്തുത പരിശോധിച്ചിട്ടുണ്ടോ; എങ്കിൽ അത് തടയുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കുമോ;

ടൂറിസം മേഖലയുടെ വികസനത്തിനായി ടൂറിസം റെഗുലേറ്ററി അതോറിറ്റി രൂപീകരിക്കാൻ ഉദ്ദേശിക്കുന്നുണ്ടോ; എങ്കിൽ അതിന്റെ മറ്റ് ലക്ഷ്യങ്ങൾ എന്തെല്ലാമാണെന്ന് വിശദമാക്കുമോ;

ടൂറിസം മേഖലയിൽ പ്രവർത്തിക്കുന്ന സേവനദാതാക്കൾക്ക് എന്തെല്ലാം നിയന്ത്രണങ്ങളാണ് പ്രസ്തുത അതോറിറ്റി മുഖേന ഏർപ്പെടുത്താൻ ഉദ്ദേശിക്കുന്നതെന്ന് വിശദാംശം നൽകുമോ?

ആക്കുളം കായല്‍ പുനരുജ്ജീവന പദ്ധതിയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തി സമയബന്ധിതമായി പൂര്‍ത്തിയാക്കുന്നതിന് സ്വീകരിക്കുന്ന നടപടികള്‍ വിശദമാക്കാമോ;

ആക്കുളം ടൂറിസ്റ്റ് വില്ലേജിനെ നവീകരിക്കുന്നതിന് നടപടികള്‍ സ്വീകരിക്കുമോയെന്ന് വിശദമാക്കാമോ?

ഈ സര്‍ക്കാരിന്റെ കാലത്ത് ടൂറിസം വകുപ്പിന്റെ നേതൃത്വത്തില്‍ മികവാര്‍ന്ന പ്രവര്‍ത്തനം നടത്തിയതിന് ദേശീയ-അന്തര്‍ദേശീയ തലത്തിലുള്ള എതെല്ലാം അവാര്‍ഡുകളും പുരസ്കാരങ്ങളും സംസ്ഥാനത്തിന് ലഭിച്ചിട്ടുണ്ട്; വിശദമാക്കുമോ?

2024-25 വര്‍ഷത്തെ ബജറ്റില്‍ ഉള്‍പ്പെടുത്തിയ വാവുമല ടൂറിസം പദ്ധതി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?