2023, 2024 വർഷങ്ങളിൽ മദ്യ നിര്‍മ്മാണ യൂണിറ്റ് തുടങ്ങുന്നതുമായി ബന്ധപ്പെട്ട് ഏതൊക്കെ സ്ഥാപനങ്ങൾ സർക്കാരിനെ സമീപിച്ചിരുന്നുവെന്ന് വ്യക്തമാക്കാമോ; ഈ സ്ഥാപനങ്ങളുടെ ലിസ്റ്റും അപേക്ഷകളുടെ പകർപ്പും ലഭ്യമാക്കാമോ;

ഇത്തരത്തിൽ അപേക്ഷ നൽകിയ സ്ഥാപനങ്ങളിൽ അനുമതി നിരസിച്ച സ്ഥാപനങ്ങളുടെ വിവരവും അവയ്ക്ക് അനുമതി നല്കാതിരിക്കാനുള്ള കാരണവും വിശദമാക്കാമോ?

ലഹരി മരുന്ന് വില്‍പ്പനയും ഉപയോഗവുമായി ബന്ധപ്പെട്ട് രാജ്യത്താകെയുള്ള കേസുകളില്‍, നിലവിലെ സര്‍ക്കാര്‍ അധികാരത്തില്‍ വന്നശേഷം സംസ്ഥാനം മുന്നിലാണെന്ന വാര്‍ത്തകള്‍ ശ്രദ്ധയിൽപ്പെട്ടിട്ടുണ്ടോ;

എക്സൈസ് വകുപ്പ് കാര്യക്ഷമമായി പ്രവര്‍ത്തിക്കുന്നില്ലായെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത്തരം സാഹചര്യം സംജാതമാകാനുള്ള കാരണം വ്യക്തമാക്കാമോ; ഈ വിഷയം സംബന്ധിച്ച് വകുപ്പുതല അന്വേഷണം നടത്തുമോയെന്ന് അറിയിക്കാമോ;

സംസ്ഥാനത്താകെയുള്ള ലഹരി മാഫിയകളെ തടയുന്നതിന് ആഭ്യന്തര-എക്സൈസ് വകുപ്പിന്റെ ഏകോപനം സംബന്ധിച്ച് ഉയര്‍ന്നുവരുന്ന ആക്ഷേപങ്ങള്‍ ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കാമോ?

പാലക്കാട് ജില്ലയിലെ കഞ്ചിക്കോട് ആസ്ഥാനമായി മദ്യ നിര്‍മാണ യൂണിറ്റ് തുടങ്ങുന്നതുമായി ബന്ധപ്പെട്ട് ഒയാസിസ് കമ്പനി സർക്കാരിനും സർക്കാർ തിരിച്ചും അയച്ച ഇ-മെയിലുകളുടെ പകർപ്പ് ലഭ്യമാക്കാമോ;

പ്രസ്തുത യൂണിറ്റ് തുടങ്ങുന്നതുമായി ബന്ധപ്പെട്ട് സർക്കാരിലെ നോട്ട് ഫയലിന്റെയും കറന്റ് ഫയലിന്റെയും പകർപ്പ് ലഭ്യമാക്കാമോ?

കഴിഞ്ഞ സർക്കാർ കാലാവധി പൂർത്തിയാക്കുമ്പോൾ സംസ്ഥാനത്ത് എത്ര ബാറുകൾക്കാണ് എഫ്.എൽ 3 ലൈസൻസ് ഉണ്ടായിരുന്നത്; വിശദാംശം ലഭ്യമാക്കാമോ;

ഈ സർക്കാർ അധികാരത്തിൽ വന്നതിനുശേഷം നാളിതുവരെ പുതുതായി എത്ര ബാറുകൾക്ക് എഫ്.എൽ 3 ലൈസൻസ് അനുവദിച്ചിട്ടുണ്ടെന്നും ഇത് ആർക്കെല്ലാം ആണെന്നതിന്റെയും വിശദാംശം നൽകുമോ?

ബിവറേജസ് കോർപ്പറേഷൻ പുതുതായി ആരംഭിച്ച ഔട്ട് ലെറ്റുകളിലും വെയര്‍ ഹൗസുകളിലും നിലവിലുള്ള ഓഫീസ് അറ്റൻഡർ/ഷോപ്പ് അറ്റൻഡർ തസ്തികയിലെ സ്റ്റാഫ് സ്ട്രെങ്ത് വർദ്ധിപ്പിക്കുന്നതിന് പ്രത്യേക പ്രൊപ്പോസൽ സമർപ്പിച്ചിട്ടുണ്ടോ; വിശദമാക്കാമോ;

പ്രസ്തുത ഫയലിന്റെ നിലവിലെ അവസ്ഥയും ആയതിന്മേല്‍ സ്വീകരിക്കാൻ ഉദ്ദേശിക്കുന്ന തുടർനടപടികളും അറിയിക്കുമോ;

ധനകാര്യ വകുപ്പുമായി ബന്ധപ്പെട്ട് പ്രസ്തുത ഫയലിൽ അടിയന്തരമായി തീർപ്പ് കൽപ്പിക്കുന്നതിനും പുതുതായി സൃഷ്ടിക്കപ്പെടുന്ന ഒഴിവുകളിലേക്ക് നിലവിലുള്ള റാങ്ക് ലിസ്റ്റിൽ (കാറ്റഗറി നമ്പർ 609/2021) നിന്നും നിയമനം നടത്തുന്നതിനുമുള്ള അടിയന്തര നടപടികൾ സ്വീകരിക്കുമോ; വിശദമാക്കാമോ?

വനിത സിവിൽ എക്സൈസ് ഓഫീസർ തസ്തികയിൽ എത്ര ഒഴിവുകളാണ് നിലവിൽ പി.എസ്.സി.ക്ക് റിപ്പോർട്ട് ചെയ്തിട്ടുളളതെന്നും അതിലെത്ര നിയമനങ്ങൾ നടന്നിട്ടുണ്ടെന്നുമുളള വിവരം ജില്ല തിരിച്ച് ലഭ്യമാക്കാമോ;

സംസ്ഥാനത്ത് വനിത സിവിൽ എക്സൈസ് ഓഫീസർമാരുടെ കുറവ് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അധിക തസ്തിക സൃഷ്ടിക്കുന്നതിനുളള നടപടികൾ സ്വീകരിക്കുമോ;

എക്സൈസ് സർക്കിൾ ഓഫീസുകളിൽ വനിത എക്സൈസ് ഓഫീസർ തസ്തിക നിലവിലുണ്ടോ; ഇല്ലെങ്കിൽ പ്രസ്‍തുത ഓഫീസുകളിൽ വനിത എക്സൈസ് ഓഫീസർ തസ്തികകൾ സൃഷ്ടിക്കുന്നതിനുളള നടപടി സ്വീകരിക്കുമോ;

പുതിയ റേഞ്ച് ഓഫീസുകളുടെ പ്രവർത്തനം ആരംഭിക്കുന്നതുമായി ബന്ധപ്പെട്ട് എന്തൊക്കെ നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ;

നിലവിലുളള റേഞ്ച് ഓഫീസുകളിൽ വനിതാ പ്രാതിനിധ്യം കൂട്ടുന്നതിനുളള നടപടി സ്വീകരിക്കാമോ?

സർക്കാരിന്റെ പുതിയ മദ്യനയപ്രകാരം ടൂറിസം കേന്ദ്രങ്ങളിൽ ബിയർ - വൈൻ പാർലറുകൾ ആരംഭിക്കുന്നതിന് എക്സൈസ് വകുപ്പ് അനുമതി നൽകിയിട്ടുണ്ടോ; വിശദാംശം നൽകുമോ;

ഇപ്രകാരം അനുമതി നൽകിയതുവഴി പ്രതീക്ഷിക്കുന്ന വരുമാനം എത്രയാണെന്ന് കണക്കാക്കിയിട്ടുണ്ടോ;

പ്രസ്തുത നയത്തിന്റെ ഭാഗമായി കെ.റ്റി.ഡി.സി.-യുടെ ബിയർ പാർലറുകൾ ഘട്ടംഘട്ടമായി ബാറുകളായി മാറ്റാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

2018-ൽ ബ്രൂവറി-ഡിസ്റ്റിലറി അനുവദിച്ച തീരുമാനം റദ്ദാക്കിയതിനെ തുടർന്ന് സംസ്ഥാനത്ത് ബ്രൂവറി-ഡിസ്റ്റിലറി അനുവദിക്കുന്നത് സംബന്ധിച്ച് നികുതി വകുപ്പ് പ്രിൻസിപ്പൽ സെക്രട്ടറി അടങ്ങുന്ന കമ്മിറ്റി പഠനം നടത്തിയിരുന്നോ; എങ്കിൽ കമ്മിറ്റി റിപ്പോർട്ടിന്റെ പകർപ്പ് ലഭ്യമാക്കാമോ?

പാലക്കാട് ജില്ലയിലെ കഞ്ചിക്കോട് ആസ്ഥാനമാക്കി മദ്യ നിര്‍മാണ യൂണിറ്റ് ആരംഭിക്കാൻ ഒയാസിസ് കമ്പനി അപേക്ഷ നൽകിയിരുന്നോ; വിശദാംശങ്ങൾ നൽകാമോ;

പ്രസ്തുത യൂണിറ്റിന് ആവശ്യമായ വെള്ളം എപ്രകാരം ലഭ്യമാക്കുമെന്നാണ് കമ്പനി അപേക്ഷയിൽ പറയുന്നത്; പ്രസ്തുത അവകാശവാദം പരിശോധിച്ചിട്ടുണ്ടോ; വ്യക്തമാക്കാമോ;

മദ്യനിര്‍മാണ യൂണിറ്റ് ആരംഭിക്കുന്നതിനായി ഒയാസിസ് കമ്പനിയെ തെരെഞ്ഞെടുത്ത പ്രക്രിയ വ്യക്തമാക്കാമോ?

സംസ്ഥാനത്തെ എക്സൈസ് വകുപ്പിലെ ഉദ്യോഗസ്ഥരില്‍ നിശ്ചിത വകുപ്പുതല പരീക്ഷകൾ പാസ്സാകാതെ പ്രിവന്റീവ് ഓഫീസർ തസ്തികയിൽ തുടരുന്നവരുണ്ടോ; ഉണ്ടെങ്കിൽ അവരുടെ പേരുവിവരം വെളിപ്പെടുത്താമോ;

ഇത്തരത്തില്‍ തുടരുന്നതിന് കോടതിയിൽ നിന്നോ വകുപ്പിൽ നിന്നോ എതെങ്കിലും ഉത്തരവുകൾ ലഭ്യമാക്കിയിട്ടുണ്ടോ; എങ്കിൽ പ്രസ്തുത ഉത്തരവിന്റെ നമ്പരും തീയതിയും നല്കാമോ;

നിശ്ചിത വകുപ്പുതല പരീക്ഷകൾ പാസ്സാകാതെ പ്രിവന്റീവ് ഓഫീസർ തസ്തികയിൽ തുടര്‍ന്നുകൊണ്ട് വകുപ്പിന് വേണ്ടി കേസുകള്‍ കൈകാര്യം ചെയ്യുന്നത് നിയമപരമായി നിലനിൽക്കുമോയെന്ന് അറിയിക്കാമോ?

പാലക്കാട് ജില്ലയിലെ കഞ്ചിക്കോട് ആസ്ഥാനമായി മദ്യ നിര്‍മാണ യൂണിറ്റ് തുടങ്ങാന്‍ ഒയാസിസ് കമ്പനി എക്‌സൈസ് കമ്മീഷണര്‍ക്ക് നൽകിയ അപേക്ഷയുടെ പകർപ്പ് ലഭ്യമാക്കാമോ;

പ്രസ്തുത കമ്പനിയുടെ മദ്യ നിര്‍മാണ യൂണിറ്റ് തുടങ്ങുന്നതുമായി ബന്ധപ്പെട്ട എക്‌സൈസ് കമ്മീഷണറുടെ 06.02.2024-ലെ EXC/6389/2023-XC3 നമ്പർ കത്തിന്റെ പകർപ്പ് ലഭ്യമാക്കാമോ;

പ്രസ്തുത കത്തിൽ ഒയാസിസ് കമ്പനിക്ക് മദ്യ നിര്‍മാണ യൂണിറ്റ് തുടങ്ങുന്നതിനായി ആവശ്യമായ ജലം എങ്ങനെ കണ്ടെത്തുമെന്നാണ് സൂചിപ്പിച്ചിരിക്കുന്നത്; ആയതിന്റെ വിശദാംശങ്ങൾ ലഭ്യമാക്കാമോ?

2016 മാർച്ച് 31-ന് സംസ്ഥാനത്ത് പ്രവർത്തിച്ചിരുന്ന ബാറുകളുടെയും ബിയർ-വൈൻ പാർലറുകളുടെയും കള്ള് ഷാപ്പുകളുടെയും എണ്ണം ജില്ല തിരിച്ച് ലഭ്യമാക്കാമോ;

2016 ഏപ്രിൽ 1 മുതൽ നാളിതുവരെ സംസ്ഥാനത്ത് പുതിയതായി അനുവദിച്ചിട്ടുള്ള ബാറുകൾ, ബിയർ-വൈൻ പാർലറുകൾ, കള്ള് ഷാപ്പുകൾ എന്നിവയുടെ എണ്ണം വർഷവും ജില്ലയും തിരിച്ച് ലഭ്യമാക്കാമോ;

2016 ഏപ്രിൽ 1 മുതൽ നാളിതുവരെ സംസ്ഥാനത്ത് ബിവറേജസ് കോർപ്പറേഷനിലൂടെ വിറ്റ മദ്യത്തിന്റെ അളവും ലഭിച്ച തുകയും വർഷം തിരിച്ച് ലഭ്യമാക്കാമോ;

2016 മാർച്ച് 31-ന് സംസ്ഥാനത്ത് എത്ര ബിവറേജസ് കോർപ്പറേഷൻ വിൽപ്പനകേന്ദ്രങ്ങൾ ഉണ്ടായിരുന്നു എന്നുള്ള വിവരം ജില്ല തിരിച്ച് ലഭ്യമാക്കാമോ;

2016 ഏപ്രിൽ 1 മുതൽ നാളിതുവരെ സംസ്ഥാനത്ത് പുതിയതായി അനുവദിച്ചിട്ടുള്ള ബിവറേജസ് കോർപ്പറേഷൻ വിൽപ്പനകേന്ദ്രങ്ങളുടെ എണ്ണം വർഷവും ജില്ലയും തിരിച്ച് ലഭ്യമാക്കാമോ;

പുതുതായി ബാറുകൾ, ബിയർ-വൈൻ പാർലറുകൾ, കള്ള് ഷാപ്പുകൾ എന്നിവ ആരംഭിക്കുന്നതിന് സർക്കാരിന്റെ മുന്നിലുള്ള അപേക്ഷകളുടെ എണ്ണം എത്രയാണെന്ന് ജില്ല തിരിച്ച് വ്യക്തമാക്കാമോ;

സംസ്ഥാനത്ത് മദ്യ ഉപഭോഗം കുറയ്ക്കുന്നതിന് 2016 മുതൽ സ്വീകരിച്ചിട്ടുള്ള നടപടികൾ വിശദമാക്കാമോ?

കാട്ടാക്കടയില്‍ എക്സൈസ് സർക്കിൾ ഓഫീസ് ആരംഭിക്കുന്നതിനുള്ള ഭൂമി കൈമാറി കിട്ടുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ; പ്രസ്തുത സ്ഥലത്ത് കെട്ടിടം നിര്‍മ്മിക്കുന്നതിനുള്ള എസ്റ്റിമേറ്റ് തയ്യാറാക്കിയിട്ടുണ്ടോ; ആയതിന്റെ തുടര്‍നടപടികള്‍ വിശദമാക്കാമോ?

പാലക്കാട് എലപ്പുള്ളിയിലെ മദ്യനിർമ്മാണ പ്ലാന്റിന് എന്തൊക്കെ നിബന്ധനകളുടെ അടിസ്ഥാനത്തിലാണ് അനുമതി നൽകിയിട്ടുള്ളതെന്ന് വ്യക്തമാക്കുമോ;

കമ്പനിക്ക് എത്ര വർഷത്തേക്കാണ് സർക്കാർ ഭൂമി കൈമാറിയിട്ടുള്ളതെന്നും ആകെ എത്ര ഭൂമിയാണ് കൈമാറിയിട്ടുള്ളതെന്നും ഈ ഭൂമി കൈവശം വയ്ക്കുന്നതിന് എന്തൊക്കെ നിബന്ധനകളാണ് മുന്നോട്ടു വച്ചിട്ടുള്ളതെന്നും വ്യക്തമാക്കുമോ;

ഇതിനായി എത്ര ഏക്കർ തണ്ണീർത്തടം തരം മാറ്റേണ്ടി വരുമെന്നാണ് കണക്കാക്കുന്നതെന്ന് വിശദമാക്കുമോ;

കമ്പനി പ്രവർത്തിപ്പിക്കുന്നതിന് ആവശ്യമായ ജലം ഏതെല്ലാം വിധത്തിൽ ലഭ്യമാക്കാനാണ് ഉദ്ദേശിക്കുന്നതെന്നും എത്ര അളവ് ജലമാണ് കമ്പനി പ്രതിവർഷം ഉപയോഗിക്കുമെന്ന് കണക്കാക്കിയിട്ടുള്ളതെന്നും വ്യക്തമാക്കുമോ;

കമ്പനി പൂർണ്ണ തോതിൽ പ്രവർത്തനക്ഷമമാകുന്നതോടുകൂടി സംസ്ഥാനത്ത് എത്ര തൊഴിൽ അവസരങ്ങൾ സൃഷ്ടിക്കാൻ കഴിയും എന്നാണ് കരുതുന്നത്; പ്രസ്തുത പ്ലാൻറ് സ്ഥാപിക്കുന്നതിലൂടെ സർക്കാരിലേക്ക് പ്രതിവർഷം എത്ര വരുമാനം ലഭിക്കുമെന്നാണ് കണക്കാക്കുന്നത്;

കമ്പനിയിൽ ഉൽപ്പാദനത്തിനുള്ള അസംസ്കൃത വസ്തുക്കൾ എന്തൊക്കെയാണെന്നും ഇതിൽ ഏതൊക്കെ ഇനങ്ങളാണ് സംസ്ഥാനത്തു നിന്നും കമ്പനിക്ക് ലഭ്യമാക്കാൻ കഴിയുകയെന്നുമുള്ള വിശദാംശങ്ങൾ ലഭ്യമാക്കുമോ;

ചിറ്റൂരിൽ സർക്കാർ ഉടമസ്ഥതയിലുള്ള മലബാർ ഡിസ്റ്റിലറീസിൽ വിദേശ മദ്യവും നിർമ്മിക്കാൻ കഴിയുമെന്നിരിക്കെ പുതിയൊരു സ്ഥലത്ത് പുതിയൊരു കമ്പനിയെ കണ്ടെത്താന്‍ ഇടയായ സാഹചര്യങ്ങൾ എന്തെല്ലാമാണെന്ന് അറിയിക്കുമോ?

വാമനപുരം മണ്ഡലത്തിലെ പാലോട് കുടുംബാരോഗ്യ കേന്ദ്രത്തില്‍ വിമുക്തി ഡി-അഡിക്ഷന്‍ സെന്റര്‍ ആരംഭിച്ചിട്ടുണ്ടോ; ഇല്ലെങ്കില്‍ അത് ആരംഭിക്കുന്നതിനുള്ള കാലതാമസത്തിന്റെ കാരണം വിശദമാക്കുമോ;

പാലോട് കുടുംബാരോഗ്യ കേന്ദ്രത്തില്‍ പ്രസ്തുത പദ്ധതിയ്ക്കായി എന്തെല്ലാം സംവിധാനങ്ങളാണ് സജ്ജീകരിച്ചിട്ടുള്ളതെന്നും ഇതിനായി നാളിതുവരെ എത്ര തുക ചെലവാക്കിയിട്ടുണ്ടെന്നും വിശദമാക്കാമോ;

പ്രസ്തുത പദ്ധതി എന്നത്തേക്ക് ആരംഭിക്കാനാകുമെന്ന് അറിയിക്കുമോ?

സംസ്ഥാനത്ത് സ്വന്തമായി കെട്ടിടങ്ങൾ ഇല്ലാത്ത എത്ര എക്സൈസ് റേഞ്ച് ഓഫീസുകളാണ് നിലവിലുള്ളതെന്ന് വിശദമാക്കാമോ;

പീരുമേട് മണ്ഡലത്തിലെ വണ്ടിപ്പെരിയാർ എക്സൈസ് റേഞ്ച് ഓഫീസിന് പുതിയ കെട്ടിടം നിർമ്മിക്കുവാൻ സ്ഥലം ലഭ്യമായിട്ടുണ്ടോ; വിശദമാക്കാമോ;

പ്രസ്തുത റേഞ്ച് ഓഫീസ് നിലവിൽ പ്രവർത്തിക്കുന്ന കെട്ടിടത്തിന് വാടക ഇനത്തിൽ ഇതുവരെ എത്ര രൂപയാണ് നൽകിയിട്ടുള്ളത്; വിശദമാക്കാമോ;

പ്രസ്തുത ഓഫീസിന് പുതിയ കെട്ടിടം നിർമ്മിക്കുവാൻ ഈ വർഷം തുക അനുവദിക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

പാലക്കാട് ജില്ലയിലെ കഞ്ചിക്കോട് ആസ്ഥാനമായി ഒയാസിസ് കമ്പനിക്ക് മദ്യ നിര്‍മ്മാണ യൂണിറ്റ് തുടങ്ങാന്‍ പ്രാരംഭാനുമതി നല്‍കിയ 2025 ജനുവരി 16-ലെ ഉത്തരവിന്റെ പകർപ്പ് ലഭ്യമാക്കാമോ;

ഈ പ്രോജക്ടിന് ആവശ്യമായ ജലം നല്‍കുന്നതിന് കേരള വാട്ടര്‍ അതോറിറ്റി അനുമതി നല്‍കിയിട്ടുണ്ടെന്നും നിലവിലെ നിയമപ്രകാരം റെയിന്‍ വാട്ടര്‍ ഹാര്‍വെസ്റ്റിംഗ് നടത്തി മഴവെള്ളം സംഭരിക്കാനുള്ള പദ്ധതി കമ്പനി പ്രൊജക്ടില്‍ ഉള്‍പ്പെടുത്തിയിട്ടുള്ളതിനാല്‍ ജലത്തിന്റെ ചൂഷണം പൂര്‍ണ്ണമായി ഒഴിവാക്കാന്‍ സാധിക്കുമെന്നും എക്‌സൈസ് കമ്മീഷണര്‍ റിപ്പോര്‍ട്ട് ചെയ്തിട്ടുണ്ടെന്ന് പ്രസ്തുത ഉത്തരവിൽ പ്രതിപാദിച്ചിട്ടുണ്ടോ;

എങ്കിൽ പ്രസ്തുത കമ്പനിക്ക് വെള്ളം നൽകാൻ ജല അതോറിറ്റി തയ്യാറാണെന്ന് എക്‌സൈസ് കമ്മീഷണര്‍ റിപ്പോർട്ട് ചെയ്തത് ഏതു രേഖകളുടെ അടിസ്ഥാനത്തിലാണെന്ന് വ്യക്തമാക്കാമോ; പ്രസ്തുത രേഖകളുടെ പകർപ്പ് ലഭ്യമാക്കാമോ?

കൊച്ചി നഗരത്തിനായി മെട്രോപൊളിറ്റൻ ഡെവലപ്പ്മെന്റ് അതോറിറ്റി എന്ന പദ്ധതി നടപ്പിലാക്കാൻ തീരുമാനിച്ചിട്ടുണ്ടോ;

കൊച്ചി കോർപറേഷന് പുറമെ സമീപത്തുള്ള ഏതെല്ലാം തദ്ദേശ സ്ഥാപനങ്ങളാണ് പ്രസ്തുത പദ്ധതിയുടെ ഭാഗമാകുന്നതെന്നും പദ്ധതി സംബന്ധിച്ച് പഠനം നടത്താനും തീരുമാനം എടുക്കാനും ഏത് ഏജൻസിയെയാണ് ഏൽപ്പിച്ചിരിക്കുന്നതെന്നും അറിയിക്കുമോ; പദ്ധതിയുടെ പുരോഗതി സംബന്ധിച്ച വിവരം വ്യക്തമാക്കാമോ;

കൊച്ചി കോർപറേഷന്റെ പരിധി വർധിപ്പിക്കാൻ പദ്ധതിയുണ്ടോ; വ്യക്തമാക്കുമോ?

കോഴിക്കോട് ബീച്ചില്‍ വളരെ വര്‍ഷങ്ങളായി പ്രവര്‍ത്തിച്ചു വന്നിരുന്ന കുട്ടികളുടെ പാര്‍ക്ക് പ്രവര്‍ത്തനരഹിതമായി കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത പാര്‍ക്കിന്റെ പ്രവര്‍ത്തനങ്ങള്‍ പുനരാരംഭിക്കുന്നതിന് സ്വീകരിച്ച നടപടികള്‍ വിശദമാക്കുമോ?

കോഴിക്കോട് ബീച്ചില്‍ പ്രവര്‍ത്തിക്കുന്ന അനധികൃത തട്ടുകടകളുടെ പ്രവര്‍ത്തനം അവസാനിപ്പിക്കുന്നതിനോ ക്രമവല്‍ക്കരിക്കുന്നതിനോ സ്വീകരിച്ച നടപടികള്‍ വിശദമാക്കുമോ;

അനധികൃത കച്ചവടങ്ങള്‍ വര്‍ദ്ധിച്ചുവരുന്നത് തടയുന്നതിന് നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ?

പ്രദേശവാസികള്‍ക്കും വിനോദസഞ്ചാരികള്‍ക്കും പ്രിയപ്പെട്ട സ്ഥലമായ കോഴിക്കോട് മാനാഞ്ചിറ സ്ക്വയര്‍ പരിപാലനത്തിന് സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ;

മാനാഞ്ചിറ സ്ക്വയറിലെ പുല്‍ത്തകിടുകളും മറ്റിടങ്ങളും മാലിന്യ രഹിതമായും ഭംഗിയായും സംരക്ഷിക്കുന്നതിന് പുതിയ ക്രമീകരണങ്ങള്‍ നടപ്പിലാക്കിയിട്ടുണ്ടോ; വിശദമാക്കാമോ;

സന്ദര്‍ശകര്‍ക്ക് ബുദ്ധിമുട്ടാവുന്ന പൊടിശല്യം പരിഹരിക്കുന്നതിന് നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ?

കോഴിക്കോട് സൗത്ത് ബീച്ചിലെ ലോറി പാര്‍ക്കിംഗ് മാറ്റുന്നതിന് ഇതുവരെ സ്വീകരിച്ച നടപടികള്‍ വിശദമാക്കുമോ;

പുതിയ ലോറി പാര്‍ക്കിംഗ് സ്ഥാപിക്കുന്നതിന് തുറമുഖ വകുപ്പില്‍ നിന്നും സ്ഥലം ലഭ്യമായിട്ടുണ്ടോ; ഇല്ലെങ്കില്‍ ആയത് ലഭ്യമാക്കുന്നതിന് സ്വീകരിച്ച നടപടികള്‍ വിശദമാക്കുമോ?

24.02.2010-ലെ 24-ാമത് ജനറല്‍ കൗണ്‍സില്‍ അംഗീകാരം നല്‍കിയ ചെറായി ജംഗ്ഷന്‍ ബൈപ്പാസ് ഉള്‍പ്പെടെയുള്ള ചെറായി ദേവസ്വംനട ജംഗ്ഷന്‍ വികസന പദ്ധതി നാളിതുവരെ നടപ്പാക്കാത്തതിന്റെ കാരണം വിശദമാക്കുമോ;

ജിഡയുടെ ജനറല്‍ കൗണ്‍സില്‍ തീരുമാന പ്രകാരം കിറ്റ്കോ തയ്യാറാക്കി പള്ളിപ്പുറം ഗ്രാമപഞ്ചായത്ത് കമ്മിറ്റി അംഗീകാരം നല്‍കിയ ഫീസിബിലിറ്റി റിപ്പോര്‍ട്ടിന്റെ അടിസ്ഥാനത്തില്‍ കിറ്റ്കോ തയ്യാറാക്കി സമര്‍പ്പിച്ച എസ്റ്റിമേറ്റില്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ;

പ്രസ്തുത പദ്ധതിക്ക് സര്‍ക്കാരിന്റെ ഭരണാനുമതി ലഭ്യമായിട്ടുണ്ടെങ്കില്‍ ആയതിന്റെ പകര്‍പ്പ് ലഭ്യമാക്കാമോ; ഇല്ലെങ്കില്‍ ഭരണാനുമതി ലഭ്യമാകാത്തതിന്റെ കാരണം വ്യക്തമാക്കാമോ;

പ്രസ്തുത പദ്ധതി എന്നത്തേക്ക് ആരംഭിക്കാന്‍ സാധിക്കുമെന്നും എന്തൊക്കെ നടപടിക്രമങ്ങളാണ് പൂര്‍ത്തീകരിക്കേണ്ടതെന്നും വിശദമാക്കാമോ;

പ്രസ്തുത പദ്ധതി സംബന്ധിച്ച ജിഡ ജനറല്‍ കൗണ്‍സിലിന്റെയും പഞ്ചായത്ത് കമ്മിറ്റിയുടെയും തീരുമാനങ്ങളുടെയും കിറ്റ്കോ സമര്‍പ്പിച്ച എസ്റ്റിമേറ്റിന്റെയും പകര്‍പ്പുകള്‍ ലഭ്യമാക്കുമോ?

2024-25 സാമ്പത്തിക വർഷത്തിലെ ബജറ്റിൽ ഉറവിട മാലിന്യ സംസ്കരണ പദ്ധതിക്ക് വേണ്ടി തുക വകയിരുത്തിയിട്ടുണ്ടോ; എങ്കിൽ ഇതിനായി വകയിരുത്തിയ തുകയും 2025 ജനുവരി 31 വരെ ചെലവാക്കിയ തുകയും സംബന്ധിച്ചുള്ള വിശദാംശം നൽകുമോ;

ഗാർഹിക ബയോമെഡിക്കൽ മാലിന്യങ്ങൾ ശേഖരിച്ച് ശാസ്ത്രീയമായി സംസ്കരിക്കുന്നതിനായി സ്ഥാപിച്ചിട്ടുള്ള കേരള എൻവിറോ ഇൻഫ്രാസ്‌ട്രക്ച്ചർ ലിമിറ്റഡ്-ന്റെ പ്രവർത്തനം സംബന്ധിച്ച വിവരം ലഭ്യമാക്കാമോ; പ്രസ്തുത സ്ഥാപനം മുഖേന നാളിതുവരെ എത്ര ടൺ മാലിന്യം സംസ്കരിച്ചിട്ടുണ്ട്; വിശദാംശം ലഭ്യമാക്കുമോ?

നാദാപുരം മണ്ഡലത്തിലെ വിലങ്ങാട് ഉണ്ടായ ഉരുള്‍പൊട്ടലില്‍ തദ്ദേശ സ്വയംഭരണ വകുപ്പിന്റെ കീഴില്‍ വരുന്ന വീടുകള്‍, റോഡുകള്‍, പാലങ്ങള്‍, മറ്റ് സ്ഥാപനങ്ങള്‍ എന്നിവ തകര്‍ന്നതുമായി ബന്ധപ്പെട്ട് എത്ര രൂപയുടെ നഷ്ടം കണക്കാക്കിയിട്ടുണ്ടെന്നുള്ള വിവരം ഇനം തിരിച്ച് ലഭ്യമാക്കാമോ;

അവ പൂര്‍വ്വസ്ഥിതിയില്‍ എത്തിക്കുവാന്‍ സ്വീകരിച്ചു വരുന്ന നടപടികള്‍ വിശദമാക്കുമോ ?

ഈ സർക്കാർ അധികാരത്തിൽ വന്ന ശേഷം അവതരിപ്പിച്ച സംസ്ഥാന ബജറ്റുകളില്‍ കാഞ്ഞങ്ങാട് മണ്ഡലത്തിലെ തദ്ദേശ സ്വയംഭരണ വകുപ്പിന്റെ നിർവ്വഹണ ചുമതലയിൽപ്പെട്ട ഏതെല്ലാം പ്രവൃത്തികളാണുള്ളതെന്ന് വർഷം, എസ്റ്റിമേറ്റ്, നീക്കിയിരിപ്പ് തുക എന്നിവ തിരിച്ച് വിശദമാക്കാമോ;

പ്രസ്തുത പ്രവൃത്തികളില്‍ ഏതിനെല്ലാമാണ് ഭരണാനുമതി ലഭിച്ചതെന്ന് വ്യക്തമാക്കാമോ; അവയുടെ പ്രവർത്തന പുരോഗതി വിശദമാക്കുമോ;

മറ്റ് പ്രവൃത്തികളുടെ നിലവിലെ സ്ഥിതി എന്തെന്ന് വിശദമാക്കുമോ?

പാലാ മണ്ഡലത്തിലെ നരിക്കുഴി-അരിക്കുന്നു് കുടിവെള്ള പദ്ധതി (കരാർ നമ്പർ.102/ഇഇ/എൽ.എസ്.ജി.ഡി./2021-22 തീയതി. 02/03/2022) പൂര്‍ത്തീകരിച്ചിട്ടും വര്‍ഷങ്ങളായി കരാറുകാരന് തുക ലഭ്യമാക്കാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത തുക സമയബന്ധിതമായി ലഭ്യമാക്കുവാന്‍ നടപടി സ്വീകരിക്കുമോ?

സംസ്ഥാനത്തെ വിവിധ തദ്ദേശ സ്വയംഭരണ സ്ഥാപനങ്ങള്‍ വഴി നല്‍കിവരുന്ന എല്ലാ സേവനങ്ങള്‍ക്കും ഓണ്‍ലൈന്‍ സംവിധാനം ഏര്‍പ്പെടുത്തിയിട്ടുണ്ടോ; ഇല്ലെങ്കില്‍ ആയതിന് നടപടി സ്വീകരിക്കുമോ; വിശദമാക്കുമോ;

ഓണ്‍ലൈന്‍ സംവിധാനത്തിലൂടെ നല്‍കിവരുന്ന വിവിധ അപേക്ഷകള്‍ക്ക് മുന്‍ഗണനാക്രമ പ്രകാരമാണോ തീര്‍പ്പ് കല്പിക്കുന്നത്; ഇല്ലെങ്കില്‍ ആയതിന് നടപടി സ്വീകരിക്കുമോ; വിശദമാക്കുമോ;

തദ്ദേശ സ്വയംഭരണ സ്ഥാപനങ്ങള്‍ നല്‍കിവരുന്ന ഓണ്‍ലൈന്‍ സേവനങ്ങള്‍ക്കുള്ള അപേക്ഷകള്‍ക്ക് കൂടുതല്‍ സങ്കീര്‍ണ്ണത നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് ലഘൂകരിച്ച് സേവനങ്ങള്‍ എളുപ്പത്തില്‍ ലഭ്യമാക്കുവാന്‍ നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് 2016-ന് ശേഷം ഓരോ സാമ്പത്തിക വര്‍ഷവും തദ്ദേശ സ്വയംഭരണ വകുപ്പ് വഴി അധിക വിഭവ സമാഹരണമായി ലക്ഷ്യമിട്ട തുക എത്രയാണെന്നും ഏതെല്ലാം ഇനത്തിലാണ് ഓരോ വര്‍ഷവും വര്‍ദ്ധനവ് വരുത്തിയതെന്നും ഓരോ വര്‍ഷത്തെയും വര്‍ദ്ധനവിന്റെ ശതമാനമെത്രയെന്നും അധിക വിഭവ സമാഹരണമായി ലക്ഷ്യമിട്ട തുകയില്‍ വകുപ്പിന് പിരിക്കാന്‍ കഴിഞ്ഞിട്ടുള്ള തുക എത്രയെന്നുമുള്ള കണക്കുകൾ വര്‍ഷം തിരിച്ച് ലഭ്യമാക്കുമോ;

2016 മെയ് മാസത്തില്‍ സംസ്ഥാനത്ത് നിലവിലുണ്ടായിരുന്ന കെട്ടിട നികുതി, പെര്‍മിറ്റ് ഫീസ്, തദ്ദേശ സ്ഥാപനങ്ങള്‍ വഴി ഈടാക്കുന്ന മറ്റ് നികുതികള്‍, ഫീസുകള്‍ എന്നിവ ഓരോന്നിന്റെയും നിരക്ക് എത്രയാണെന്ന് വ്യക്തമാക്കാമോ; ഇവ ഓരോന്നിനുമുള്ള നിലവിലെ നിരക്ക് എത്രയാണെന്നുള്ള വിശദാംശം ലഭ്യമാക്കുമോ;

2016-ന് ശേഷം തദ്ദേശ സ്ഥാപനങ്ങള്‍ വഴി ഏതെങ്കിലും പുതിയ നികുതികളോ ഫീസുകളോ ഈടാക്കി തുടങ്ങിയിട്ടുണ്ടോയെന്നുള്ള വിശദാംശം ലഭ്യമാക്കുമോ?

'മാലിന്യമുക്തം നവകേരളം' പ്രവര്‍ത്തനങ്ങള്‍ക്ക് മുഖ്യ പങ്ക് വഹിക്കുന്ന ഹരിതകര്‍മ്മ സേനാംഗങ്ങള്‍ക്ക് ആരോഗ്യ സുരക്ഷിതത്വം ഉറപ്പുവരുത്തുന്നതിനും രോഗപ്രതിരോധത്തിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

ഹരിത കര്‍മ്മ സേനാംഗങ്ങള്‍ക്ക് ചികിത്സാസഹായം, രോഗപ്രതിരോധ മാര്‍ഗ്ഗങ്ങള്‍, മെച്ചപ്പെട്ട തൊഴില്‍ സാഹചര്യം എന്നിവ കൂടുതലായി ലഭ്യമാക്കുന്നതിന് നടപടി സ്വീകരിക്കുമോ?

സംസ്ഥാനത്ത് നഗരമേഖലകളിലെ ട്രെെബല്‍ വിഭാഗങ്ങള്‍ താമസിക്കുന്ന പ്രദേശങ്ങളെ പാർപ്പിടം, വൈദ്യുതി എന്നീ ആനുകൂല്യങ്ങള്‍ക്കായി തിരഞ്ഞെടുക്കുമ്പോള്‍ എന്താെക്കെ മാനദണ്ഡങ്ങളാണ് വകുപ്പ് പാലിക്കുന്നതെന്ന് വിശദമാക്കാമോ;

പ്രസ്തുത മാനദണ്ഡങ്ങള്‍ കാരണം ട്രെെബല്‍ വിഭാഗത്തിലെ ആളുകള്‍ക്ക് ആനുകൂല്യങ്ങള്‍ ലഭ്യമാകുന്നതിന് തടസ്സം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത തടസ്സങ്ങള്‍ ഒഴിവാക്കുന്നതിന് വകുപ്പ് നടപടി സ്വീകരിക്കുമോയെന്ന് വ്യക്തമാക്കുമോ?

ഈ സര്‍ക്കാര്‍ തദ്ദേശസ്വയംഭരണ സ്ഥാപനങ്ങളുടെ പദ്ധതി നടത്തിപ്പില്‍ വരുത്തിയിട്ടുള്ള മാറ്റങ്ങൾ എന്തെല്ലാമാണെന്ന് വിശദമാക്കുമോ;

പ്രസ്തുത മാറ്റങ്ങള്‍ വരുത്തുന്നതിനിടയായ സാഹചര്യവും മാറ്റങ്ങള്‍ കൊണ്ടുള്ള ലക്ഷ്യവും മാര്‍ഗ്ഗനിര്‍ദ്ദേശങ്ങളില്‍ വരുത്തിയ മാറ്റങ്ങള്‍ പൂര്‍ണ്ണമായും പ്രവൃത്തിപഥത്തിലെത്തിക്കാന്‍ സാധിച്ചിട്ടുണ്ടോയെന്നും വ്യക്തമാക്കുമോ;

ഇതുമൂലം പദ്ധതി വിഹിതം വിനിയോഗിക്കുവാനും പ്രസ്തുത വിനിയോഗത്തിലൂടെ ഗുണപരമായതും സ്ഥായിയായതുമായ വികസനം താഴെത്തട്ടില്‍ നേടിയെടുക്കാനും കഴിഞ്ഞിട്ടുണ്ടോ; വിശദമാക്കുമോ?

'മനസ്സോടിത്തിരിമണ്ണ്' ക്യാമ്പയിനിലൂടെ നാളിതുവരെ ലൈഫ് മിഷന് എത്ര ഭൂമി ലഭിച്ചുവെന്നും ഇപ്രകാരം ലഭിച്ച ഭൂമി എത്ര പേര്‍ക്ക് നല്‍കാന്‍ കഴിഞ്ഞുവെന്നും വിശദമാക്കാമോ;

തൃശ്ശൂര്‍ ജില്ലയിൽ പ്രസ്തുത ക്യാമ്പയിനിന്റെ പ്രവര്‍ത്തനം വിശദമാക്കുമോ?

ജലസംരക്ഷണം, ജലസുരക്ഷ എന്നീ മേഖലകളില്‍ നേട്ടം കൈവരിച്ച ജനകീയ ക്യാമ്പയിനായ "ഇനി ഞാനൊഴുകട്ടെ" പദ്ധതിയുടെ മൂന്നാം ഘട്ട പ്രവര്‍ത്തനം വിശദമാക്കാമോ; പ്രസ്തുത പദ്ധതി നടപ്പിലാക്കുന്നതിന് ഏത് ഏജന്‍സിക്കാണ് ചുമതല നല്‍കിയിരിക്കുന്നതെന്ന് വിശദമാക്കുമോ?

2023-24 ബജറ്റില്‍ മാവേലിക്കര മണ്ഡലത്തിലെ അങ്കണവാടികള്‍ക്ക് കെട്ടിട നിര്‍മ്മാണത്തിന് തുക വകയിരുത്തിയത് ശ്രദ്ധയില്‍പ്പെട്ടിട്ടുണ്ടാേ;

നിര്‍മ്മാണ പ്രവൃത്തിയുമായി ബന്ധപ്പെട്ട് തദ്ദേശ സ്വയംഭരണ എഞ്ചിനീയറിംഗ് വിങ് സ്വീകരിച്ച നടപടികള്‍ വിശദമാക്കുമാേ;

പ്രസ്തുത പദ്ധതിക്ക് ഭരണാനുമതി ലഭിക്കുന്നതിന് തദ്ദേശ സ്വയംഭരണ വകുപ്പ് സ്വീകരിച്ച നടപടികളും പദ്ധതിയുടെ നിലവിലെ സ്ഥിതിയും വിശദമാക്കുമാേ?

ഈ സര്‍ക്കാര്‍ അധികാരത്തില്‍ വന്നപ്പോൾ ആദ്യംതന്നെ സംസ്ഥാനത്ത് അതിദാരിദ്ര്യം അവസാനിപ്പിക്കാനുള്ള നടപടികൾ സ്വീകരിക്കുവാന്‍ തീരുമാനിച്ചിരുന്നോയെന്ന് വിശദമാക്കുമോ;

സർക്കാരിന്റെയും തദ്ദേശ ഭരണ സ്ഥാപനങ്ങളുടെയും സംയോജിത പ്രവര്‍ത്തനത്തിന്റെ ഫലമായി അതിദരിദ്രർക്ക്‌ പുതുജീവിതം കൈവരിക്കാനായിട്ടുണ്ടോ; അറിയിക്കുമോ;

എല്ലാത്തരം ചർച്ചകളിൽനിന്നും സംവാദങ്ങളിൽനിന്നും ഒഴിച്ചുനിർത്തിയിരുന്നവരെ ജനാധിപത്യപ്രക്രിയയിൽ പങ്കാളികളാക്കുവാനും ഉൾക്കൊള്ളിക്കുവാനും കേരളം അവലംബിച്ച അതിദാരിദ്ര്യ നിര്‍ണയ പ്രക്രിയ സഹായകമായിട്ടുണ്ടോ; വ്യക്തമാക്കുമോ;

അഗതികുടുംബാംഗങ്ങളെ ഘട്ടംഘട്ടമായി സ്വയം പര്യാപ്തതയിലേക്ക്‌ നയിക്കുന്നതിന്‌ തൊഴില്‍ പരിശീലനവും, സ്വയംതൊഴില്‍ പദ്ധതികള്‍ ആരംഭിക്കുന്നതിന്‌ കേന്ദ്ര-സംസ്ഥാന പദ്ധതികളിലൂടെ ധനസഹായവും സാധ്യമാക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

മാലിന്യം വലിച്ചെറിയുന്നതിനെതിരെ നടത്തുന്ന വിപുലമായ പ്രചാരണ പരിപാടികൾ ഉദ്ദേശിച്ച ഫലം നല്‍കുന്നുണ്ടോയെന്ന് പരിശോധിച്ചിട്ടുണ്ടോ; വിശദമാക്കുമോ;

എല്ലാത്തരം മാലിന്യവും ഉറവിടത്തിൽ നിർമ്മാർജ്ജനം ചെയ്യാനാവില്ലെന്ന കാര്യം പരിഗണിച്ചിട്ടുണ്ടോ; എങ്കിൽ മതിയായ ബിന്നുകൾ സ്ഥാപിച്ച് അവയില്‍ നിക്ഷേപിക്കുന്ന മാലിന്യം ശാസ്ത്രീയമായി പുനരുപയോഗിക്കുന്നതിനും, നിർമ്മാർജ്ജനം ചെയ്യുന്നതിനും ആവശ്യമായ പ്ലാന്റുകൾ സംസ്ഥാനത്തൊട്ടാകെ സ്ഥാപിക്കുന്ന കാര്യം പരിഗണനയിലുണ്ടോയെന്ന് വ്യക്തമാക്കുമോ;

അത്തരം എത്ര പ്ലാന്റുകൾ നിലവിൽ പ്രവർത്തനക്ഷമമായി ഉണ്ടെന്നും അവ എവിടെയെല്ലാമാണെന്നും വെളിപ്പെടുത്തുമോ?

കരുതലും കെെത്താങ്ങും അദാലത്തില്‍ കൊയിലാണ്ടി താലൂക്കില്‍നിന്നും തദ്ദേശ സ്വയംഭരണ വകുപ്പുമായി ബന്ധപ്പെട്ട എത്ര പരാതികള്‍ ലഭിച്ചുവെന്നും എത്രയെണ്ണം തീര്‍പ്പാക്കിയെന്നും വ്യക്തമാക്കാമോ;

പ്രസ്തുത അദാലത്തില്‍ അഷറഫ്, 'താഴത്ത് പട്ടാറമ്പത്ത്', കീഴരിയൂര്‍ എന്ന വ്യക്തിയില്‍ നിന്നും പരാതി ലഭിച്ചിരുന്നോ; എങ്കില്‍ പരാതി എന്തായിരുന്നുവെന്നും പരാതിയിന്മേല്‍ സ്വീകരിച്ച നടപടി എന്താണെന്നും വിശദമാക്കാമോ;

ഗ്രാമപഞ്ചായത്തുകളില്‍ കെട്ടിടനിര്‍മ്മാണ ചട്ടങ്ങള്‍ നിലവില്‍ വരുന്നതിനു മുമ്പ് നടന്ന നിര്‍മ്മാണങ്ങളില്‍ നിസ്സാര സാങ്കേതിക കാരണങ്ങളാല്‍ ഇപ്പോഴും കെട്ടിട നമ്പര്‍ ലഭിക്കാത്ത ഇത്തരം പരാതികള്‍ പരിഹരിക്കുന്നതിന് പ്രത്യേക നടപടി സ്വീകരിക്കുമോ; വ്യക്തമാക്കുമോ?

മലപ്പുറം ജില്ലയിലെ മുനിസിപ്പാലിറ്റികളിലും പഞ്ചായത്തുകളിലും സെക്രട്ടറി, അസിസ്റ്റന്റ് സെക്രട്ടറി, അക്കൗണ്ടന്റ്, അസിസ്റ്റന്റ് എഞ്ചിനീയർ, ഓവര്‍സിയര്‍ തസ്തികകളില്‍ സ്ഥിരം ജീവനക്കാരുടെ എത്ര ഒഴിവുകളുണ്ടെന്ന വിശദാംശം മുനിസിപ്പാലിറ്റി, പഞ്ചായത്ത് എന്നിവ തിരിച്ച് ലഭ്യമാക്കുമോ;

പ്രസ്തുത ഒഴിവുകളില്‍ സ്ഥിരം ജീവനക്കാരെ എന്നത്തേക്ക് നിയമിക്കാൻ കഴിയുമെന്ന് വ്യക്തമാക്കുമോ?

2024-25 സാമ്പത്തിക വർഷം ലൈഫ് പദ്ധതിയ്ക്കായി ബജറ്റിൽ എത്ര തുക വകയിരുത്തിയിട്ടുണ്ട്; ഇതിൽ എത്ര തുക നാളിതുവരെ ചെലവഴിച്ചിട്ടുണ്ട്; വ്യക്തമാക്കുമോ?

തദ്ദേശ സ്വയംഭരണ വകുപ്പ് സംയോജനത്തിന്റെ ഭാഗമായി ഗ്രാമപഞ്ചായത്തുകളിൽ നിന്നും ബ്ലോക്ക് പഞ്ചായത്തുകളിലേക്ക് സെക്രട്ടറിയായി വന്നവർക്കും ജോയിൻ്റ് ഡയറക്ടർ, ഡയറക്ടർ ഓഫീസുകളിലേക്ക് സീനിയർ സൂപ്രണ്ടായി വന്നവർക്കും മാസങ്ങളായി ട്രഷറിയിൽ നിന്നും ശമ്പളം ലഭിക്കാത്ത കാര്യം ശ്രദ്ധയിൽപെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് എന്ത് നടപടിയാണ് സ്വീകരിച്ചിട്ടുള്ളതെന്നും പ്രശ്നം എന്ന് പരിഹരിക്കുമെന്നും അറിയിക്കുമോ;

വകുപ്പ് സംയോജനവുമായി ബന്ധപ്പെട്ട് സ്പാർക്കിലെ പ്രശ്നങ്ങൾ പരിഹരിക്കാത്തത് ശ്രദ്ധയില്‍പ്പെട്ടിട്ടുണ്ടോ;

ഇപ്രകാരമുള്ള തടസ്സങ്ങൾ ആത്യന്തികമായി വകുപ്പ് സംയോജനത്തെ ദോഷകരമായി ബാധിക്കുമെന്ന് കരുതുന്നുണ്ടോ; വിശദമാക്കുമോ?

കാസർഗോഡ് ജില്ലയിലെ ബഡ്സ് സ്കൂളുകളുടെ പ്രവര്‍ത്തനം മെച്ചപ്പെടുത്തുന്നതിന് എന്തൊക്കെ നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ;

ജില്ലയിലെ ബഡ്സ് സ്കൂളുകളില്‍ ജീവനക്കാരുടെ അഭാവം ഉണ്ടെങ്കില്‍ നിയമനം നടത്തുന്നതിന് നടപടി സ്വീകരിക്കുമോ;

ബഡ്സ് സ്കൂളുകളില്‍ ഡോക്ടര്‍മാരടക്കമുള്ള ആരോഗ്യ സേവനങ്ങള്‍ ലഭ്യമാക്കുന്നതിന് എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കുമോ?

ചിറ്റൂർ അണിക്കോട് ജംഗ്ഷൻ നവീകരണത്തിന് റീ ബിൽഡ് കേരള ഇനിഷ്യേറ്റീവിൽ എത്ര തുക വകയിരുത്തിയിട്ടുണ്ടെന്നും പ്രസ്തുത പ്രവൃത്തിയുടെ നിലവിലെ സ്ഥിതി എന്താണെന്നും വ്യക്തമാക്കുമോ;

പ്രസ്തുത നിർമ്മാണ പ്രവൃത്തി ആരംഭിക്കുന്നതിന്റെ നടപടിക്രമങ്ങൾ ഏതുവരെയായിട്ടുണ്ടെന്നും ആയത് എന്നത്തേക്ക് ആരംഭിക്കാൻ കഴിയുമെന്നും വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പട്ടാമ്പി മണ്ഡലത്തിലെ വിവിധ തദ്ദേശ സ്ഥാപനങ്ങളുമായി ബന്ധപ്പെട്ട എത്ര റോഡുകള്‍ക്കാണ് നവീകരിക്കുന്നതിനും യാത്രാ സൗകര്യം മെച്ചപ്പെടുത്തുന്നതിനുമായി ഫണ്ട് അനുവദിച്ചിട്ടുള്ളതെന്ന് വ്യക്തമാക്കുമോ;

പഞ്ചായത്ത് അടിസ്ഥാനത്തില്‍ മണ്ഡലത്തിലെ റോഡുകളുടെ പേര്, അനുവദിച്ച തുക എന്നിവ ലഭ്യമാക്കുമോ;

2016 മുതല്‍ 2024 വരെ പട്ടാമ്പി മണ്ഡലത്തില്‍ എം.എല്‍.എ.യുടെ ആസ്തി, പ്രദേശിക വികസന ഫണ്ടുകളില്‍നിന്നും വിവിധ തദ്ദേശ സ്വയംഭരണ സ്ഥാപനങ്ങള്‍ക്ക് അനുവദിച്ച റോഡുകളുടെയും മറ്റ് പ്രവൃത്തികളുടെയും പേര് വിവരം, ഭരണാനുമതി നല്‍കിയ തുക എന്നിവ ഉള്‍പ്പെടെയുള്ള വിവരങ്ങള്‍ പഞ്ചായത്ത് അടിസ്ഥാനത്തില്‍ നല്‍കുമോ;

പ്രസ്തുത പ്രവൃത്തികളില്‍ പൂര്‍ത്തീകരിച്ചതും പൂര്‍ത്തീകരിക്കാനുള്ളതുമായവയുടെ വിവരങ്ങള്‍ പഞ്ചായത്ത് അടിസ്ഥാനത്തില്‍ നല്‍കുമോ?

തൊഴിലുറപ്പ് പദ്ധതിയിലെ തൊഴിലാളികള്‍ക്കായി നിശ്ചയിച്ച ജോലികളില്‍ കാലാനുസൃതമായ മാറ്റങ്ങള്‍ വരുത്താത്തതുമൂലം പ്രസ്തുത തൊഴിലാളികള്‍ നേരിടുന്ന പ്രതിസന്ധി പരിശോധിച്ചിട്ടുണ്ടോ; വിശദമാക്കാമോ;

രാവിലെയും വൈകുന്നേരവും മസ്റ്ററിങ് നടത്തുന്നതിന് ജോലി ആരംഭിച്ച സ്ഥലത്തുതന്നെ ഫോട്ടോ എടുക്കാന്‍ തൊഴിലാളികള്‍ വീണ്ടും വരേണ്ടി വരുന്നതുമൂലം നേരിടുന്ന പ്രശ്നങ്ങള്‍ പരിഹരിക്കാന്‍ നടപടികള്‍ സ്വീകരിക്കുമോ;

തൊഴിലുറപ്പ് പദ്ധതിയിലേക്ക് പുതിയ തൊഴിലാളികള്‍ കടന്നുവരുന്നില്ലെന്ന വസ്തുത പരിശോധിച്ചിട്ടുണ്ടോ; വ്യക്തമാക്കാമോ;

പ്രസ്തുത പദ്ധതിയിലേക്ക് കൂടുതല്‍ തൊഴിലാളികളെ ആകര്‍ഷിക്കുന്ന തരത്തില്‍ പുതിയ മാറ്റങ്ങള്‍ കൊണ്ടുവരുന്നതിന് നടപടികള്‍ സ്വീകരിക്കുമോയെന്ന് അറിയിക്കുമോ?

2024-25-ലെ ബജറ്റിൽ 1000 കോടി രൂപ വകയിരുത്തിയിരുന്ന ഗ്രാമീണ റോഡുകളുടെ പുനരുദ്ധാരണ പദ്ധതി പ്രകാരം തിരുവല്ല മണ്ഡലത്തിലെ ഗ്രാമീണ റോഡുകളുടെ പുനരുദ്ധാരണത്തിനായി തുക അനുവദിച്ചിട്ടുണ്ടോ; എങ്കിൽ ഏതൊക്കെ റോഡുകളുടെ പുനരുദ്ധാരണത്തിനാണ് തുക അനുവദിച്ചിട്ടുള്ളതെന്ന് വിശദമാക്കുമോ?

സംസ്ഥാനത്ത് ആകെ എത്ര കുടുംബശ്രീ അയല്‍ക്കൂട്ടങ്ങളാണ് നിലവിലുള്ളതെന്ന് വിശദമാക്കാമോ; 2020 ജനുവരി മുതല്‍ ഓരോ ജില്ലയിലും രജിസ്റ്റര്‍ ചെയ്തിട്ടുള്ള പുതിയ അയല്‍ക്കൂട്ടങ്ങളുടെ എണ്ണം ജില്ലയും വര്‍ഷവും തിരിച്ച് വിശദമാക്കാമോ; നിലവില്‍ കുടുംബശ്രീ വഴി നടപ്പാക്കുന്ന പദ്ധതികളുടെ വിശദാംശങ്ങള്‍ ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം വ്യവസായ സംരംഭങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി സംരംഭങ്ങള്‍ക്ക് ലൈസന്‍സ് നല്‍കുന്നതിനും വ്യവസായ യൂണിറ്റുകള്‍ക്കുള്ള കെട്ടിട നിര്‍മ്മാണത്തിന് അനുമതി നല്‍കുന്നതിനുമായി എന്തൊക്കെ പുതിയ ഉത്തരവുകള്‍ തദ്ദേശസ്വയംഭരണ വകുപ്പ് ഇറക്കിയിട്ടുണ്ടെന്ന് വ്യക്തമാക്കുമോ;

കമേഴ്സ്യല്‍ ബില്‍ഡിംഗുകളില്‍ ചെറിയ ഫ്ലോര്‍ മില്ലുകള്‍, സോഡ നിര്‍മ്മാണ യൂണിറ്റുകള്‍ പോലുള്ള സംരംഭങ്ങള്‍ തുടങ്ങുന്നതിന് അനുമതിയുണ്ടോ; ഇല്ലെങ്കില്‍ ഇതിനായി കെട്ടിട നിര്‍മ്മാണ ചട്ടങ്ങളില്‍ ഇളവ് അനുവദിക്കുമോ; വ്യക്തമാക്കുമോ;

ചെറിയ വ്യവസായ യൂണിറ്റുകളില്‍ ഉപയോഗിക്കുന്ന മെഷീനറികളുടെ കപ്പാസിറ്റിയും വലിപ്പവും കണക്കിലെടുത്ത് അതിന് അനുയോജ്യമായ വിധത്തില്‍ കെട്ടിട നിര്‍മ്മാണത്തിന് അനുമതി നല്‍കുന്നതിന് നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് കഴിഞ്ഞ നാല് വര്‍ഷത്തിനുള്ളിൽ തെരുവ് നായകളുടെ ആക്രമണത്തെ തുടര്‍ന്ന് മരിച്ചവരുടേയും പരിക്കേറ്റവരുടേയും വിശദാംശങ്ങള്‍ ജില്ല തിരിച്ച് അറിയിക്കാമോ;

തെരുവ് നായ ശല്യം പരിഹരിക്കുന്നതിനായി സര്‍ക്കാര്‍ മുന്‍പ് നിശ്ചയിച്ചിരുന്ന പ്രതിരോധ കുത്തിവയ്പ്പ് യജ്ഞം, പഞ്ചായത്ത് തലത്തിലുള്ള ഷെല്‍ട്ടര്‍ ഹോം, ആക്രമണകാരികളും പേവിഷബാധയുള്ളതുമായ നായകളെ കൊല്ലുക എന്നീ കാര്യങ്ങളിൽ എന്തെല്ലാം പുരോഗതി കൈവരിക്കാൻ സാധിച്ചിട്ടുണ്ടെന്ന് അറിയിക്കാമോ; പ്രസ്തുത പ്രവര്‍ത്തനങ്ങള്‍ക്ക് ശേഷവും സംസ്ഥാനത്ത് തെരുവ് നായ ശല്യം കൂടുന്നതിന്റെ കാരണം എന്താണെന്ന് അറിയിക്കാമോ;

തെരുവ് നായുടെ കടിയേറ്റ് മരിക്കുന്നവരുടെ ആശ്രിതകർക്കും ഗുരുതരമായി പരിക്കേല്‍ക്കുന്നവര്‍ക്കും നിലവില്‍ ധനസഹായം അനുവദിക്കുന്നുണ്ടോ; ഇല്ലെങ്കില്‍ ആയതിനുളള നടപടി സ്വീകരിക്കുമോ;

ഹരിപ്പാട് മണ്ഡലത്തിലെ വിവിധ പ്രദേശങ്ങളില്‍ തെരുവ് നായകളുടെ ആക്രമണം മൂലം നാട്ടുകാര്‍ നേരിടുന്ന പ്രതിസന്ധി ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്ത് അടിയന്തര നടപടിയാണ് സ്വീകരിക്കാന്‍ ഉദ്ദേശിക്കുന്നതെന്ന് അറിയിക്കുമോ;

സംസ്ഥാനത്തെ വര്‍ദ്ധിച്ചുവരുന്ന തെരുവ് നായ ശല്യം പരിഹരിക്കുന്നതിനായി തദ്ദേശ ഭരണ സ്ഥാപനങ്ങള്‍ക്ക് പ്രത്യേക ഫണ്ട് അനുവദിച്ച് പ്രത്യേക ദൗത്യ സംഘത്തിന് രൂപം നല്‍കി അടിയന്തര നടപടി സ്വീകരിക്കുമോ?

വെെപ്പിന്‍ മണ്ഡലത്തിലെ ലെെഫ് മിഷന്റെ ഭൂരഹിത ഭവന രഹിത പദ്ധതിയുടെ നിലവിലെ സ്ഥിതി വിശദമാക്കാമോ;

പ്രസ്തുത പദ്ധതി പ്രകാരം മണ്ഡലത്തില്‍ എത്ര പേര്‍ക്ക് ഭൂമിയും വീടും ലഭ്യമാക്കിയെന്ന് വ്യക്തമാക്കാമോ;

നാളിതുവരെ പ്രസ്തുത പദ്ധതിയില്‍ ഉള്‍പ്പെട്ടിട്ടില്ലാത്ത അര്‍ഹരായവരെ ലിസ്റ്റില്‍ ഉള്‍പ്പെടുത്തുവാന്‍ നടപടി സ്വീകരിച്ചിട്ടുണ്ടോ; വ്യക്തമാക്കാമോ?

വയോജനങ്ങൾക്ക് കൂടുതൽ ബുദ്ധിമുട്ടും അപകടവും സംഭവിക്കുന്നത് ശുചിമുറി ഉപയോഗിക്കുമ്പോഴാണെന്ന് പഠനങ്ങൾ തെളിയിച്ചിട്ടുള്ള സാഹചര്യത്തിൽ, ഗ്രാമപഞ്ചായത്തുകളിൽ വയോജന ശാക്തീകരണവുമായി ബന്ധപ്പെട്ട് കട്ടിലുകളും മറ്റ് വസ്തുക്കളും സഹായ ഉപകരണങ്ങളായി നൽകുന്ന പദ്ധതികളുടെ ഭാഗമായി ഇവരുടെ പ്രാഥമിക കാര്യങ്ങൾ നിറവേറ്റുന്നതിന് യൂറോപ്യൻ ക്ലോസറ്റും കൈവരിയും സജ്ജമാക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് അറിയിക്കുമോ;

വയോജനങ്ങൾ കൂട്ടമായിരുന്ന് സംസാരിക്കുന്നത് വഴി അവരുടെ ഒറ്റപ്പെടലുകൾ നികത്തുന്നതിനായി ഗവൺമെൻറ് നടപ്പിലാക്കിയ പകൽവീട് പദ്ധതി കയ്പമംഗലം മണ്ഡലത്തിലെ എല്ലാ ഗ്രാമപഞ്ചായത്തുകളിലും നടപ്പിലാക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കുമോ?

പെരുമാട്ടി അഗ്രി ഹൈടെക്ക് മാർക്കറ്റ് നിർമ്മാണത്തിനായി 2020-21, 2021-22 സാമ്പത്തിക വർഷങ്ങളിലെ ബജറ്റുകളിൽ എത്ര തുക അനുവദിച്ചിട്ടുണ്ടെന്ന് അറിയിക്കാമോ;

പ്രസ്തുത പ്രവൃത്തിയുടെ നിലവിലെ സ്ഥിതി എന്താണെന്നും പ്രവൃത്തിയുടെ നിർവ്വഹണത്തിന് ഏതെങ്കിലും ഏജൻസിയെ ചുമതലപ്പെടുത്തിയിട്ടുണ്ടോയെന്നും വിശദമാക്കുമോ;

പ്രവൃത്തി അടിയന്തര പ്രാധാന്യത്തോടെ പൂർത്തീകരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

തദ്ദേശസ്വയംഭരണ വകുപ്പ് പൊതു സർവീസാക്കിയത് മൂലം മുനിസിപ്പൽ കോമൺ സർവീസിലെ ജീവനക്കാർക്ക് ഉണ്ടായ നേട്ടങ്ങൾ എന്തെല്ലാമെന്ന് വിശദമാക്കുമോ;

പ്രസ്തുത ജീവനക്കാരെ സർക്കാർ ജീവനക്കാരായി പ്രഖ്യാപിച്ചിട്ടുണ്ടോ; ഇവര്‍ക്ക് സ്പാർക്ക് വഴി ശമ്പളം നൽകുന്നതിനും PEN നമ്പ‍ര്‍ അനുവദിക്കുന്നതിനും നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

മുനിസിപ്പൽ കോമൺ സർവീസ് ജീവനക്കാരുടെ പി.എഫ്. ജി.പി.എഫ്. ആക്കുന്നതിന് തീരുമാനമായിട്ടുണ്ടോ; പി.എഫ്.-ൽ നിന്ന് തിരിച്ചടക്കേണ്ടതില്ലാത്ത വായ്പ എടുക്കുന്നതിന് എത്ര വർഷം സർവീസ് ആവശ്യമാണ്; മറ്റ് സർക്കാർ വകുപ്പുകളിലെ പി.എഫ്. വ്യവസ്ഥകൾക്ക് തുല്യമായ നിബന്ധനകളാണോ ഇവ‍ര്‍ക്കും ബാധകമെന്ന് പരിശോധിച്ചിട്ടുണ്ടോ; അല്ലെങ്കിൽ സമാനമായ വ്യവസ്ഥകൾ ഏ‍പ്പെടുത്തുന്നതിന് നടപടി സ്വീകരിക്കുമോ; വിശദമാക്കുമോ;

തദ്ദേശ സ്വയംഭരണ വകുപ്പില്‍ പൊതുസർവീസ് രൂപീകരിച്ചത് മൂലം മുനിസിപ്പൽ കോമൺ സർവീസിലുള്ള ജീവനക്കാർക്ക് വേണ്ടത്ര പ്രയോജനം ലഭിക്കാത്ത കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് മൂലമുള്ള അപാകതകൾ പരിഹരിക്കാൻ നടപടി സ്വീകരിക്കുമോ; വ്യക്തമാക്കുമോ?

വയനാട് ജില്ലയിൽ തദ്ദേശ സ്വയംഭരണ വകുപ്പിന്റെ കീഴില്‍ ക്ലര്‍ക്കിന്റെ (ക്ലർക്ക്/സീനിയർ ക്ലർക്ക്) എത്ര സ്ഥിരം തസ്തികകളുണ്ട്; ഇതിൽ എത്ര തസ്തികകള്‍ ഒഴിഞ്ഞു കിടക്കുന്നുണ്ട്; വിശദവിവരം ലഭ്യമാക്കുമോ;

01.09.2021-ന് ശേഷം ക്ലർക്ക് തസ്തികയിൽ എത്ര ഒഴിവുകൾ വന്നിട്ടുണ്ടെന്നും ഇതിൽ എത്രയെണ്ണം പി.എസ്.സി. മുഖേനയും എത്രയെണ്ണം ആശ്രിത നിയമനം മുഖേനയും നികത്തപെട്ടുവെന്നും അറിയിക്കുമോ; ആശ്രിത നിയമനം മുഖേന നിയമിതരായവരുടെ വിവരങ്ങൾ ലഭ്യമാക്കുമോ;

പ്രസ്തുത തസ്തികയിൽ അന്തർ ജില്ലാ സ്ഥലംമാറ്റം, അന്തർ വകുപ്പ് തസ്തിക മാറ്റം, പ്രമോഷൻ എന്നിവ മുഖേന നിയമനങ്ങൾ നടന്നിട്ടുണ്ടോ; എങ്കിൽ അപ്രകാരം നിയമനം ലഭിച്ചവരുടെ വിശദവിവരങ്ങള്‍ നിയമനം ലഭിച്ച രീതി അനുസരിച്ച് വേർതിരിച്ച് ലഭ്യമാക്കുമോ;

31.07.2025 വരെ ക്ലർക്ക്, സീനിയർ ക്ലർക്ക് തസ്തികകളിൽ നിന്നും വിരമിക്കുന്നവരുടെ വിവരങ്ങൾ വിരമിക്കുന്ന തീയതി സഹിതം അറിയിക്കാമോ; വിരമിക്കൽ മുഖേനയുണ്ടാകുന്ന ഒഴിവുകളിലേക്ക് 31.07.2025-ൽ അവസാനിക്കുന്ന എല്‍.ഡി.സി. ലിസ്റ്റിൽ നിന്നുമുള്ള ഉദ്യോഗാർഥികൾക്ക് നിയമനം ലഭ്യമാക്കുവാൻ നടപടി സ്വീകരിച്ചിട്ടുണ്ടോ; വ്യക്തമാക്കുമോ;

ഉദ്യോഗസ്ഥ ഭരണ പരിഷ്കാര വകുപ്പിന്റെ 09.12.2024-ലെ ഉ.പ.സി3/200/2024 പി. ആന്‍ഡ് എ.ആർ.ഡി. നമ്പര്‍ ഉത്തരവ് പ്രകാരം, വയനാട് ജില്ലയില്‍ തദ്ദേശ സ്വയംഭരണ വകുപ്പില്‍ 31.12.2025 വരെയുള്ള ക്ലർക്ക് തസ്തികയിലെ പ്രതീക്ഷിത ഒഴിവുകൾ പി.എസ്.സി.യ്ക്ക് റിപ്പോർട്ട് ചെയ്തിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ?

തദ്ദേശ സ്വയംഭരണ സ്ഥാപനങ്ങളില്‍ നികുതി വര്‍ദ്ധിപ്പിക്കുമ്പോള്‍ ആയത് നിലവിലുള്ള നികുതി നിരക്കിന്റെ നിശ്ചിത ശതമാനത്തില്‍ അധികരിക്കാന്‍ പാടില്ലായെന്ന് വ്യവസ്ഥ ചെയ്തിട്ടുണ്ടോ;

ചതുരശ്ര മീറ്ററിന് ആറ് രൂപ നിരക്കില്‍ നികുതി നല്‍കി വരുന്ന ഫ്ലാറ്റ്/ക്വാര്‍ട്ടേഴ്സ് ഉടമകള്‍ പുതുതായി നികുതി പരിഷ്കരിച്ചപ്പോള്‍ ചതുരശ്ര മീറ്ററിന് 50 രൂപ നിരക്കില്‍ നല്‍കണമെന്ന് വ്യവസ്ഥ ചെയ്തിട്ടുണ്ടോ; വ്യക്തമാക്കാമോ;

കൊടുവള്ളി നഗരസഭയില്‍ പ്രസ്തുത നികുതി നിരക്ക് വര്‍ദ്ധനവിലൂടെ കൂടുതല്‍ തുക ഈടാക്കുന്നത് കെട്ടിട ഉടമകളെ പ്രയാസപ്പെടുത്തുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കാന്‍ എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

തദ്ദേശസ്വയംഭരണ വകുപ്പിന്റെ ഇന്റഗ്രേഷന്‍ നടപടികള്‍ പൂര്‍ത്തിയായിട്ടുണ്ടോ; വിശദമാക്കാമോ;

വകുപ്പ് ഇന്റഗ്രേഷന്റെ ലക്ഷ്യത്തില്‍ സൂചിപ്പിച്ചിട്ടുള്ള എല്ലാ കാര്യങ്ങളും പൂര്‍ത്തീകരിച്ചിട്ടുണ്ടോ; ഇല്ലെങ്കിൽ എന്തെല്ലാം നടപടിക്രമങ്ങളാണ് പൂര്‍ത്തിയാകാനുള്ളതെന്ന് വിശദമാക്കുമോ;

എല്ലാ ജീവനക്കാര്‍ക്കും സ്പാർക്ക് സംവിധാനം ഏര്‍പ്പെടുത്താനായിട്ടുണ്ടോ; നിലവില്‍ സ്പാർക്കില്‍ ഇല്ലാത്തവരെയും കൂടി ഉള്‍പ്പെടുത്താന്‍ തീരുമാനിച്ചിട്ടുണ്ടെങ്കില്‍ നടപടിക്രമങ്ങള്‍ എപ്പോള്‍ പൂര്‍ത്തിയാകുമെന്ന് അറിയിക്കുമോ; പ്രയാസങ്ങള്‍ ഉണ്ടെങ്കില്‍ എന്തൊക്കയാണെന്ന് വിശദമാക്കുമോ?

2023-24 ബജറ്റില്‍ ഉള്‍പ്പെടുത്തിയ തച്ചനടി-അഞ്ചുമുറി-തോട്ടുപാലം റോഡിന്റെ നിർമ്മാണ പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

മാവേലിക്കര മണ്ഡലത്തിലെ തഴക്കര, തെക്കേക്കര, ചുനക്കര, നൂറനാട്, പാലമേൽ, താമരക്കുളം, വള്ളിക്കുന്നം ഗ്രാമപഞ്ചായത്തുകളിലും മാവേലിക്കര മുനിസിപ്പാലിറ്റിയിലും വിവിധ സാമൂഹ്യക്ഷേമ പെൻഷനുകള്‍ വാങ്ങുന്നവരുടെ വിശദവിവരം ക്ഷേമ പെൻഷനുകളുടെ അടിസ്ഥാനത്തില്‍ തരംതിരിച്ച് ലഭ്യമാക്കുമോ?

കേരള റിയൽ എസ്റ്റേറ്റ് റെഗുലേറ്ററി അതോറിറ്റിയിൽ അംഗത്തിന്റെ ഒഴിവിലേക്കുള്ള നിയമന പ്രക്രിയയുടെ നിലവിലെ സ്ഥിതിയെക്കുറിച്ച് വിശദമാക്കാമോ; നിയമനത്തിനായി സെലക്ഷൻ കമ്മിറ്റി ശിപാർശ ചെയ്ത പേരുവിവരങ്ങൾ ലഭ്യമാക്കാമോ;

സെലക്ഷൻ കമ്മിറ്റി ശിപാർശ എന്നാണ് സർക്കാരിന്റെ പരിഗണനക്ക് എത്തിയതെന്ന് അറിയിക്കുമോ; പുതിയ അംഗത്തിന്റെ നിയമനം നടത്താത്തതിനുള്ള കാരണം വ്യക്തമാക്കാമോ?

മുനിസിപ്പൽ കോമൺ സർവീസിൽ ജോലിയിൽ പ്രവേശിക്കുകയും എല്‍.എസ്.ജി.ഡി. പൊതു സർവീസിന്റെ ഭാഗമായി എല്‍.എസ്.ജി.ഡി. ജോയിന്റ് ഡയറക്ടർ ഓഫീസിലേക്ക് സ്ഥലംമാറ്റം ലഭിച്ച് അവിടെ നിന്നും റിട്ടയർ ചെയ്തതുമായ എത്ര ജീവനക്കാരുണ്ടെന്നും അവര്‍ ആരെല്ലാമാണെന്നും അറിയിക്കുമോ;

എല്‍.എസ്.ജി.ഡി പൊതു സർവീസിന്റെ ഭാഗമായി തനതു ഫണ്ട്‌ ഇല്ലാത്ത സ്ഥാപനങ്ങളിൽ (പഞ്ചായത്ത്‌, മുനിസിപ്പാലിറ്റി, കോർപറേഷൻ ഒഴികെയുള്ള) സ്ഥലംമാറ്റം ലഭിച്ച് അവിടെ നിന്നും വിരമിച്ചവർ, ജോലിയിൽ തുടരുന്നവർ എന്നിവരുടെ പെൻഷൻ കോണ്‍ട്രിബ്യൂഷന്‍ ഒടുക്കുന്നതിനായി ക്രോസ്സ് മാപ്പിങ് വഴി ശീർഷകം അനുവദിക്കുന്നതിന് നടപ്പുവർഷം എത്ര തുക വേണ്ടി വരുമെന്ന് ആരാഞ്ഞുകൊണ്ട് എല്‍.എസ്.ജി.ഡി. പ്രിൻസിപ്പൽ ഡയറക്ടർക്ക് നൽകിയ 07/01/2025-ലെ ഇ.യു.3/314/2023 നമ്പർ കത്തിന്റെ അടിസ്ഥാനത്തിൽ 14 ജില്ലകളിൽ നിന്നും ആവശ്യമായ തുക കണക്കാക്കി സർക്കാരിനെ അറിയിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

മൂന്നു വർഷത്തിൽ കൂടുതൽ എല്‍.എസ്.ജി.ഡി. പ്രിൻസിപ്പൽ ഡയറക്ടർ ഓഫീസിലും എല്‍.എസ്.ജി.ഡി. തിരുവനന്തപുരം ജില്ലാ ഓഫീസ്, തിരുവനന്തപുരം നഗരസഭ എന്നിവിടങ്ങളിലും ജോലി ചെയ്തു വരുന്നവരെ അങ്ങോട്ടും ഇങ്ങോട്ടും സ്ഥലംമാറ്റം നടത്തുന്നത് വഴി മറ്റ്‌ ജില്ലകളിൽ വര്‍ഷങ്ങളോളം ജോലി ചെയ്യുന്നവർക്ക് സ്ഥലംമാറ്റത്തിനുള്ള അവസരം നഷ്ടപ്പെടുന്നതിനാല്‍ ഇത് അവസാനിപ്പിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

പൊതുസ്ഥലംമാറ്റത്തിനായി അപേക്ഷ നല്‍കിയിരുന്ന തൃശൂര്‍ കോര്‍പ്പറേഷന്‍ റവന്യൂ ഇന്‍സ്പെക്ടറുടെ തിരുവനന്തപുരത്തേക്കുള്ള സ്ഥലംമാറ്റ അപേക്ഷയില്‍ സ്വീകരിച്ച നടപടികള്‍ വിശദമാക്കുമോ; ഇദ്ദേഹത്തിന്റെ സീനിയോറിറ്റിക്ക് ശേഷം എത്ര റവന്യൂ ഇന്‍സ്പെക്ടര്‍മാർക്ക് തിരുവനന്തപുരത്തേക്ക് സ്ഥലംമാറ്റം നല്കിയെന്നും ഇദ്ദേഹത്തിന്റെ സീനിയോറിറ്റി നമ്പരും അറിയിക്കാമോ;

പ്രസ്തുത ജീവനക്കാരന്റെ സൈന്യത്തിലെ സേവനകാലം സ്ഥലംമാറ്റ മാനദണ്ഡത്തില്‍ പരിഗണിച്ചിട്ടുണ്ടോ; സ്ഥലംമാറ്റ മാനദണ്ഡത്തില്‍ ഇദ്ദേഹത്തിന്റെ ഡിസബിലിറ്റിയും മെഡിക്കല്‍ ഗ്രൗണ്ടും പരിഗണിക്കാത്തതിന്റെ കാരണം വിശദമാക്കുമോ?

തദ്ദേശ സ്വയംഭരണ വകുപ്പ് അവസാനമായി നടത്തിയ അദാലത്ത് പ്രകാരം കോട്ടയം ജില്ലയില്‍ നിന്നും എത്ര അപേക്ഷകളാണ് ലഭിച്ചിട്ടുള്ളതെന്നും എത്രയെണ്ണത്തില്‍ തീര്‍പ്പ് കല്‍പ്പിച്ചിട്ടുണ്ടെന്നും വിശദമാക്കാമോ;

പ്രസ്തുത അദാലത്തില്‍ ചങ്ങനാശ്ശേരി മണ്ഡലത്തില്‍ നിന്ന് ലഭിച്ച പരാതികളില്‍ എത്രയെണ്ണം തീര്‍പ്പാക്കിയെന്നും എത്രയെണ്ണം തീര്‍പ്പാക്കാനുണ്ടെന്നും തീര്‍പ്പാക്കാനുള്ള അപേക്ഷകളിന്മേൽ സ്വീകരിച്ചിട്ടുള്ള തുടര്‍നടപടികൾ എന്തെല്ലാമെന്നും വിശദമാക്കുമോ?

തദ്ദേശ സ്വയംഭരണ വകുപ്പില്‍ പഞ്ചായത്ത് സെക്രട്ടറി/സീനിയര്‍ സൂപ്രണ്ട് തസ്തികയിലെ ഉദ്യോഗസ്ഥര്‍ക്ക് റേഷ്യോ അടിസ്ഥാനമാക്കി ഹയര്‍ഗ്രേഡ് നല്‍കാറുണ്ടോ; എങ്കില്‍ ആയത് എത്ര ശതമാനമാണെന്ന് വ്യക്തമാക്കുമോ;

വകുപ്പില്‍ ആകെ അനുവദിച്ച സെക്രട്ടറി/സീനിയര്‍ സൂപ്രണ്ട് തസ്തികകളെത്രയെന്ന് വ്യക്തമാക്കുമോ; റേഷ്യോ പ്രകാരം എത്രപേര്‍ക്ക് നിലവില്‍ ഹയര്‍ഗ്രേഡ് നല്‍കാനുണ്ടെന്ന് വ്യക്തമാക്കുമോ;

വകുപ്പില്‍ സെക്രട്ടറി/സീനിയര്‍ സൂപ്രണ്ടുമാര്‍ക്ക് ഹയര്‍ ഗ്രേഡ് അനുവദിച്ച് അവസാനം ഇറക്കിയ ഉത്തരവ് എന്നാണെന്നും പ്രസ്തുത ഉത്തരവില്‍ എത്രപേര്‍ക്കാണ് ഹയര്‍ ഗ്രേഡ് നല്‍കിയതെന്നും സീനിയോറിറ്റി ക്രമനമ്പര്‍ എത്രയെന്നും വ്യക്തമാക്കുമോ;

റേഷ്യോ അടിസ്ഥാനമാക്കി സെക്രട്ടറിമാര്‍ക്ക് ഹയര്‍ ഗ്രേഡ് അനുവദിച്ച് കിട്ടാന്‍ നിലവില്‍ എത്ര പേര്‍ക്കാണ് അര്‍ഹത ഉള്ളതെന്ന് വ്യക്തമാക്കാമോ; ഇവര്‍ക്ക് ഗ്രേഡ് അനുവദിച്ചുള്ള ഉത്തരവ് പുറപ്പെടുവിക്കുന്നതിലെ കാലതാമസത്തിന് കാരണം എന്താണെന്നും എന്നത്തേക്ക് ഇവർക്ക് ഹയർ ഗ്രേഡ് അനുവദിച്ചു നൽകുവാൻ സാധിക്കുമെന്നും വ്യക്തമാക്കാമോ?

പൂഞ്ഞാർ മണ്ഡലത്തിലെ ഈരാറ്റുപേട്ട മുന്‍സിപ്പാലിറ്റിയിലെയും തിടനാട്, തീക്കോയി, പൂഞ്ഞാർ, പൂഞ്ഞാർ തെക്കേക്കര, എരുമേലി, പാറത്തോട്, മുണ്ടക്കയം, കോരുത്തോട്, കൂട്ടിക്കൽ എന്നീ പഞ്ചായത്തുകളിലെയും തദ്ദേശ സ്വയംഭരണ സ്ഥാപനങ്ങള്‍ക്ക് കീഴിലുള്ള ആകെ റോഡുകള്‍, അവയുടെ ദൈർഘ്യം എന്നിവ തദ്ദേശ സ്ഥാപനങ്ങളുടെ അടിസ്ഥാനത്തില്‍ വിശദമാക്കുമോ;

പ്രസ്തുത റോഡുകളുടെ ആസ്തി രജിസ്റ്ററിലെ പേരുകള്‍ വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം പൂഞ്ഞാർ മണ്ഡലത്തിലെ തദ്ദേശ സ്വയംഭരണ സ്ഥാപനങ്ങളിൽ നവീകരിച്ചതും നവീകരിക്കുന്നതിനായി തിരഞ്ഞെടുത്തതുമായ റോഡുകള്‍ ഏതെല്ലാമെന്നും ഏത് പദ്ധതിയുടെ കീഴിലാണ് ഇവ ഉൾപ്പെടുത്തിയിട്ടുള്ളതെന്നും അനുവദിച്ച തുക എത്രയെന്നും ഇനം തിരിച്ച് വിശദമാക്കുമോ?

ചാത്തന്നൂർ മണ്ഡലത്തിൽ എൽ.എസ്.ജി.ഡി. എഞ്ചിനീയറിംഗ് വിഭാഗം കൊല്ലം എക്സിക്യൂട്ടീവ് എഞ്ചിനീയർക്ക് നിർവ്വഹണ ചുമതലയുള്ള ചാത്തന്നൂർ ഗവ.എൽ.പി.എസ്. കെട്ടിടത്തിന്റെ ഗ്രൗണ്ട് ഫ്ലോർ, പൂതക്കുളം ഗവ.സൗത്ത് എൽ.പി.എസ്സിലെ ചിൽഡ്രൻസ് പാർക്ക് (എം.എൽ.എ - എ.ഡി.എസ്. 2018 -19) എന്നിവയുടെ നിർമ്മാണവുമായി ബന്ധപ്പെട്ട പ്രവൃത്തികളുടെ നിലവിലെ സ്ഥിതി വിശദമാക്കാമോ;

പൂതക്കുളം ഗവ. സൗത്ത് എൽ.പി.എസ്സിലെ ചിൽഡ്രൻസ് പാർക്ക് നിർമ്മാണവുമായി ബന്ധപ്പെട്ട പർച്ചേയ്സ് കാര്യങ്ങൾ പ്രഥമാദ്ധ്യാപിക നിർവഹിക്കുമെന്ന് രേഖാമൂലം അറിയിച്ച ശേഷവും നിർമ്മാണ പ്രവൃത്തികൾ ആരംഭിക്കുന്നതിന് നേരിടുന്ന തടസ്സങ്ങൾ എന്തെല്ലാമാണെന്ന് വ്യക്തമാക്കാമോ;

പൂതക്കുളം ഗവ. സൗത്ത് എൽ.പി.എസ്സിലെ ചിൽഡ്രൻസ് പാർക്ക് നിർമ്മാണത്തിന്റെ സിവിൽ പ്രവൃത്തികൾക്ക് പുതിയ ടെൻഡർ നടപടികൾ സ്വീകരിക്കേണ്ടതുണ്ടോ; ആറു വർഷത്തിലധികമായ പ്രസ്തുത പ്രവൃത്തി എത്രയും വേഗം ആരംഭിച്ച് പൂർത്തീകരിക്കുന്നതിന് ഇതിനകം നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ എന്തെല്ലാമെന്ന് അറിയിക്കാമോ?

2024-25 വർഷത്തെ ബജറ്റിൽ ഉൾപ്പെട്ടിട്ടുള്ളതും തദ്ദേശസ്വയംഭരണവകുപ്പ് മുഖേന നടപ്പിലാക്കാനുള്ളതുമായ കോങ്ങാട് മണ്ഡലത്തിലെ പൂതംകോട്, കമ്പ, പോറശ്ശേരി, പുല്ലുവായക്കുന്ന്, കല്ലൂർ എന്നിവിടങ്ങളിലെ എൽ.പി.സ്കൂളുകളുടെ കെട്ടിട നിർമ്മാണ പ്രവൃത്തികൾ ആരംഭിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പ്രസ്തുത പ്രവൃത്തികൾ എന്ന് ആരംഭിക്കാൻ കഴിയുമെന്ന് വ്യക്തമാക്കുമോ?

ഇൻഫർമേഷൻ കേരള മിഷനിൽ നിന്നും സർക്കാരിലേക്ക് സമർപ്പിച്ച 19/05/2008 ലെ ഐ.കെ.എം./ഇ.സി.ഡി./22/2008 നമ്പർ പ്രൊപ്പോസലിൽ സൂചിപ്പിച്ചിട്ടുള്ള 440 ജീവനക്കാരുടെ പേര് വിവരങ്ങൾ വെളിപ്പെടുത്തുമോ; പ്രസ്തുത പ്രോപ്പോസലിൽ സൂചിപ്പിച്ചിരിക്കുന്ന നിയമന നടപടിക്രമങ്ങൾ പാലിച്ച് തന്നെയാണോ ഇവരെ നിയമിച്ചതെന്ന് വ്യക്തമാക്കുന്ന രേഖകൾ ലഭ്യമാക്കുമോ;

പ്രസ്തുത പ്രൊപ്പോസലിൽ പറഞ്ഞിരിക്കുന്ന 440 ജീവനക്കാർ തന്നെയാണോ ഇൻഫർമേഷൻ കേരളമിഷൻ എക്സിക്യൂട്ടീവ് ചെയർമാൻ ആൻഡ് ഡയറക്ടറുടെ 28/01/2009-ലെ ഉത്തരവ് നമ്പർ ഐ.കെ.എം./എസ്റ്റ്./റീ-സ്ട്രക്ച്ചറിംഗ്-03/2009 എന്ന നടപടിക്രമം പ്രകാരം അനുബന്ധം-ബി-യിൽ ഉൾപ്പെട്ടിരിക്കുന്നത് എന്നറിയിക്കാമോ; ആയത് വ്യക്തമാക്കുന്ന രേഖകൾ ലഭ്യമാക്കാമോ;

ഇൻഫർമേഷൻ കേരള മിഷനിലെ ജീവനക്കാരനായ ശ്രീ.റോഷി കെ.കെ.യുടെ നിയമനവുമായി ബന്ധപ്പെട്ട ഫയലിലെ രേഖകൾ ലഭ്യമാക്കാമോ; പ്രസ്തുത സ്ഥാപനത്തിലെ അനധികൃത നിയമനം സംബന്ധിച്ച് ലഭിച്ച പരാതിയിൽ പരമാർശിക്കപ്പെട്ട ശ്രീ.റോഷി.കെ.കെ.യ്ക്കെതിരെ കൈക്കൊണ്ട നടപടി സംബന്ധിച്ച രേഖകളും അനധികൃത നിയമനം സംബന്ധിച്ച പരാതിയിൽ ഇൻഫർമേഷൻ കേരള മിഷന്‍ സര്‍ക്കാരില്‍ സമർപ്പിച്ച 15/10/2014-ലെ നമ്പർ 3444/ഇ-4/2014/ഐ.കെ.എം. എന്ന റിപ്പോർട്ടും ലഭ്യമാക്കാമോ;

പ്രസ്തുത സ്ഥാപനത്തില്‍ 2008ൽ-നടപ്പിലാക്കിയ റീസ്ട്രക്ച്ചറിങ് അടിസ്ഥാനമാക്കി പുറത്തിറങ്ങിയ 03/11/2008-ലെ സ.ഉ.(സാധാ)3865/08/എല്‍.എസ്.ജി.ഡി. പ്രകാരം 2005-ൽ മാനേജർ തസ്തികയിലെ രണ്ട് ജീവനക്കാരുടെ സേവനം അവസാനിപ്പിക്കുന്നതിനുള്ള നിർദ്ദേശത്തിന് ആധാരമായി ആരോപിക്കപ്പെട്ട കുറ്റം എന്താണെന്നും സേവനം അവസാനിപ്പിക്കാന്‍ കാരണം എന്താണെന്നും വ്യക്തമാക്കാമോ; പ്രസ്തുത ജീവനക്കാർ നിലവിൽ ഈ സ്ഥാപനത്തിൽ തുടരുന്നതെങ്ങനെയെന്നും 03/11/2008-ന് ശേഷം പ്രസ്തുത സ്ഥാപനത്തില്‍ തുടരുന്ന ബാക്കി ജീവനക്കാരുടെ തെരഞ്ഞെടുക്കൽ പ്രക്രിയ, നിയമന നടപടിക്രമം എന്നിവ എങ്ങനെയാണെന്നും വ്യക്തമാക്കുന്ന രേഖകൾ ലഭ്യമാക്കാമോ;

ധനകാര്യ പരിശോധന വിഭാഗം ഇൻഫർമേഷൻ കേരള മിഷനില്‍ നടത്തിയ ആകസ്മിക പരിശോധന റിപ്പോർട്ടിലെ പിരിവ് 3, 4, 5 എന്നിവയ്ക്ക് 09/12/2024-ൽ സർക്കാരിലേക്ക് സമർപ്പിച്ച മറുപടി രേഖയിൽ സൂചിപ്പിച്ചിരിക്കുന്ന അംഗീകരിച്ച തസ്തികകളിലെ ജീവനക്കാർ ആരെല്ലാമെന്നും പ്രസ്തുത ജീവനക്കാരെ ഏത് വർഷം ആര് നിയമിച്ചുവെന്നും അറിയിക്കാമോ; അംഗീകരിച്ച തസ്തികയിൽ അല്ലാതെ മറ്റൊരു തസ്തികയിലും ജീവനക്കാരെ നിയമിച്ചിട്ടില്ലായെന്നും താത്കാലിക നിയമനങ്ങൾ സുതാര്യവും നീതിയുക്തവുമായ നടപടിക്രമങ്ങൾ പാലിച്ചാണ് നടത്തിയിട്ടുള്ളതെന്നും വ്യക്തമാക്കുന്ന രേഖകൾ ലഭ്യമാക്കാമോ;

ധനകാര്യ പരിശോധന വിഭാഗത്തിന്റെ പരിശോധന റിപ്പോര്‍ട്ടിന് 09/12/2024-ൽ സർക്കാരിലേക്ക് സമർപ്പിച്ച മറുപടിയിൽ സൂചിപ്പിച്ചിരിക്കുന്ന മൂന്ന് രീതിയിലെ തെരഞ്ഞെടുക്കൽ നടപടികള്‍ പൂർത്തിയാക്കി നിയമിതരായ താത്കാലിക ജീവനക്കാർ ആരെല്ലാമെന്ന് അവരുടെ തെരഞ്ഞെടുക്കൽ നടപടി വ്യക്തമാക്കുന്ന നിയമന രേഖകൾ സഹിതം അറിയിക്കാമോ?

ബഹുമാനപ്പെട്ട മന്ത്രി നടത്തിയ ജില്ലാ അദാലത്തിൽ ഏതെങ്കിലും നഗരസഭയിലെയോ പഞ്ചായത്തിലെയോ ഫയലുകളോ ബന്ധപ്പെട്ട പ്രമാണങ്ങളോ നഷ്ടപ്പെട്ടതായോ കാണാതായതായോ ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത ഫയലുകൾ ഏത് ജില്ലയിലെ ഏത് തദ്ദേശസ്വയംഭരണ സ്ഥാപനത്തിന്റെയാണെന്നും ഏത് വിഷയവുമായി ബന്ധപ്പെട്ടതാണെന്നും വ്യക്തമാക്കാമോ;

ഫയലുകൾ നഷ്ടപ്പെടുകയോ കാണാതാവുകയോ ചെയ്തിട്ടുണ്ടെങ്കിൽ അതിനിടയാക്കിയ സാഹചര്യങ്ങളെക്കുറിച്ച് അന്വേഷിച്ചിട്ടുണ്ടോയെന്ന് വ്യക്തമാക്കുമോ;

ഇത്തരം ഫയലുകൾ കണ്ടെത്താൻ കഴിയാത്ത വിധത്തിൽ നഷ്ടപ്പെടുകയോ കാണാതാവുകയോ ചെയ്തിട്ടുണ്ടെങ്കിൽ ബന്ധപ്പെട്ട കക്ഷികൾക്ക് ഉണ്ടാകാവുന്ന കഷ്ടനഷ്ടങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇക്കാര്യത്തിൽ സ്വീകരിക്കാനുദ്ദേശിക്കുന്ന പരിഹാരമാർഗങ്ങൾ എന്തൊക്കെയാണെന്ന് വിശദമാക്കുമോ?

മാലിന്യമുക്ത നവകേരളം സാക്ഷാല്‍ക്കരിക്കുന്നതിനുവേണ്ടി നടത്തിവരുന്ന പ്രവര്‍ത്തനങ്ങളുടെ പുരോഗതി വ്യക്തമാക്കാമോ;

പാരിസ്ഥിതിക പ്രശ്നങ്ങളാല്‍ വിവാദമായിരുന്ന ബ്രഹ്മപുരത്ത് നിര്‍മ്മാണം നടന്നുവരുന്ന കംപ്രസ്ഡ് ബയോഗ്യാസ് പ്ലാന്റിന്റെ നിര്‍മ്മാണ പുരോഗതി വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

പ്രസ്തുത പ്ലാന്റില്‍ പ്രതിദിനം എത്ര ടണ്‍ മാലിന്യം സംസ്കരിക്കാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കുമോ;

പ്ലാന്റിന്റെ നിര്‍മ്മാണച്ചുമതല ഏത് ഏജന്‍സിയെയാണ് ഏല്‍പ്പിച്ചിട്ടുള്ളതെന്നും പ്രതീക്ഷിക്കുന്ന ചെലവ് എത്രയാണെന്നും അറിയിക്കുമോ;

പ്രസ്തുത പ്ലാന്റില്‍ ഉല്‍പാദിപ്പിക്കുന്ന ഗ്യാസ് സംഭരിക്കുന്നതിനും വിതരണം ചെയ്യുന്നതിനും പദ്ധതി ആസൂത്രണം ചെയ്തിട്ടുണ്ടോ; വിശദമാക്കുമോ?

മാലിന്യ നിര്‍മ്മാര്‍ജ്ജനത്തിനായി കാേതമംഗലം നഗരസഭയെ ഉള്‍പ്പെടുത്തി നടപ്പിലാക്കാന്‍ ഉദ്ദേശിക്കുന്ന പുതിയ പദ്ധതിയുടെ വിശദാംശം ലഭ്യമാക്കുമാേ;

പ്രസ്തുത പദ്ധതി ത്വരിതഗതിയില്‍ ആരംഭിക്കുന്നതിനായുള്ള നടപടികള്‍ സ്വീകരിക്കുമാേ; വിശദമാക്കുമാേ?

2020-21 വർഷത്തെ സംസ്ഥാന ബജറ്റിൽ 2 കോടി രൂപ വകയിരുത്തിയിട്ടുള്ള പുതുപ്പരിയാരം സി.ബി.കെ.എം. ജി.എച്ച്.എസ്.എസ്.-ലെ ബ്ലോക്ക് നിർമ്മാണ പ്രവൃത്തിയുടെ സോയിൽ ഇൻവെസ്റ്റിഗേഷൻ, ഡിസൈൻ എന്നിവ പൂർത്തീകരിച്ചിട്ടുണ്ടോ; വിശദമാക്കാമോ;

പ്രസ്തുത പ്രവൃത്തിക്ക് സാങ്കേതികാനുമതി ലഭ്യമാക്കുന്നതിന് എന്തെല്ലാം നടപടിക്രമങ്ങൾ പൂർത്തായാക്കാനുണ്ടെന്ന് അറിയിക്കാമോ;

പ്രസ്തുത പ്രവൃത്തി എന്നത്തേക്ക് ടെണ്ടർ ചെയ്യാൻ കഴിയുമെന്ന് അറിയിക്കുമോ?

ഹരിപ്പാട് മണ്ഡലത്തില്‍ പി.എം.ജി.എസ്.വൈ, മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി, റീബിള്‍ഡ് കേരള പദ്ധതി എന്നിവ പ്രകാരം അനുവദിച്ചിട്ടള്ള റോഡുകളുടെ നിര്‍വ്വഹണ പുരോഗതി അറിയിക്കാമോ?

മണലൂര്‍ മണ്ഡലത്തില്‍ എത്ര ബഡ്സ് സ്കൂളുകള്‍ നിലവിലുണ്ടെന്നും അവ ഏതെല്ലാമാണെന്നും അറിയിക്കുമോ;

ബഡ്സ് സ്കൂളുകള്‍ക്കും ബഡ്സ് സ്കൂളുകളിലെ കുട്ടികളെ പരിചരിക്കുന്ന ആയമാര്‍ക്കും അദ്ധ്യാപകര്‍ക്കും വിദ്യാര്‍ത്ഥികള്‍ക്കും സര്‍ക്കാര്‍ നല്‍കുന്ന ആനുകൂല്യങ്ങള്‍ എന്തെല്ലാമാണെന്ന് വിശദമാക്കുമോ?

സംസ്ഥാനത്ത് ലെെഫ് മിഷന്‍ നിലവില്‍ വന്നതിനുശേഷം ലെെഫ് ഭവന പദ്ധതിയില്‍ ഉള്‍പ്പെടുത്തി നാളിതുവരെ എത്ര വീടുകള്‍, ഫ്ലാറ്റുകള്‍, വില്ലകള്‍ എന്നിവ നിര്‍മ്മിച്ച് നല്‍കിയിട്ടുണ്ടെന്നും നിര്‍മ്മാണത്തിലിരിക്കുന്ന എത്ര ഭവനങ്ങള്‍ ഉണ്ടെന്നും വിശദമാക്കുമോ;

പ്രസ്തുത പദ്ധതി പ്രകാരം വാമനപുരം മണ്ഡലത്തില്‍ എത്ര വീടുകള്‍ നാളിതുവരെ നിര്‍മ്മിച്ച് നല്‍കിയിട്ടുണ്ടെന്നും നിര്‍മ്മാണത്തിലിരിക്കുന്ന എത്ര വീടുകളുണ്ടെന്നുമുള്ള വിവരം ഗ്രാമ പഞ്ചായത്ത് തിരിച്ച് നല്‍കുമോ;

ലെെഫ് ഭവന പദ്ധതി പ്രകാരം വാമനപുരം മണ്ഡലത്തില്‍ പട്ടിക ജാതി, പട്ടിക വര്‍ഗ്ഗ വിഭാഗത്തിന് എത്ര വീടുകള്‍ നാളിതുവരെ നിര്‍മ്മിച്ച് നല്‍കിയിട്ടുണ്ടെന്നുള്ള വിവരം ഗ്രാമ പഞ്ചായത്ത് അടിസ്ഥാനത്തില്‍ നല്‍കുമോ?

2016 മുതല്‍ 2024 വരെ ആലത്തൂര്‍ മണ്ഡലത്തില്‍ തദ്ദേശ സ്വയംഭരണ വകുപ്പ് മുഖേന നടപ്പിലാക്കേണ്ട ബജറ്റ് പ്രവൃത്തികളുടെ നിലവിലെ സ്ഥിതി വ്യക്തമാക്കുമോ;

പ്രസ്തുത ബജറ്റ് പ്രവൃത്തികള്‍ എത്രയും പെട്ടെന്ന് പൂര്‍ത്തീകരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

നഗരസഭ ശുചീകരണതൊഴിലാളി വിഭാഗത്തിനായി സ്പെഷ്യല്‍ റൂള്‍ നടപ്പിലാക്കുന്നതിനുളള നടപടികളെ സംബന്ധിച്ച വിശദവിവരം ലഭ്യമാക്കാമോ;

പ്രസ്തുത സ്പെഷ്യല്‍ റൂള്‍ തയ്യാറാക്കുന്നത് സംബന്ധിച്ച നടപടികള്‍ ഏതു ഘട്ടത്തിലാണെന്ന വിവരം ലഭ്യമാക്കാമോ;

ശുചീകരണ തൊഴിലാളി വിഭാഗത്തിന്റെ സേവനവേതന വ്യവസ്ഥകള്‍ പരിഷ്കരിക്കുന്നതിന് വകുപ്പ് എന്താെക്കെ നടപടികളാണ് സ്വീകരിച്ചുവരുന്നതെന്ന വിശദവിവരം ലഭ്യമാക്കുമോ?

'ഇനി ഞാനൊഴുകട്ടെ' എന്ന ജനകീയ ക്യാമ്പെയിനിലൂടെ സംസ്ഥാനത്ത് എത്ര നീര്‍ച്ചാലുകള്‍ ശുചീകരിച്ച് സുഗമമായ നീരൊഴുക്ക് സാധ്യമാക്കാന്‍ കഴിഞ്ഞുവെന്ന് വിശദമാക്കാമോ;

തൃശ്ശൂര്‍ ജില്ലയില്‍ എത്ര നീര്‍ച്ചാലുകള്‍ ശുചീകരിച്ച് സുഗമമായ നീരൊഴുക്ക് സാധ്യമാക്കിയെന്ന് വിശദമാക്കുമോ?

കെട്ടിടനിർമ്മാണ പെർമിറ്റ് ഫീസ്, അപേക്ഷ ഫീസ്, സ്ക്രൂട്ടിനി ഫീസ് തുടങ്ങിയവ വർദ്ധിപ്പിച്ച് സർക്കാർ ഉത്തരവിറക്കിയതും ഇതിൽ ഇളവ് നൽകി ഉത്തരവ് ഇറക്കിയതും ഏത് തീയതി മുതല്‍ പ്രാബല്യം നല്‍കിക്കൊണ്ടാണെന്ന് അറിയിക്കുമോ; പ്രസ്തുത ഇളവുകൾ പ്രാബല്യത്തിൽ വന്നിട്ടുണ്ടോ; വ്യക്തമാക്കുമോ;

ഫീസ് വര്‍ദ്ധിപ്പിച്ചുകൊണ്ടുള്ള ഉത്തരവ് പ്രകാരം പ്രസ്തുത ഇനങ്ങളില്‍ ഫീസ് അടച്ചവർക്ക് അധികമായി അടച്ച തുക തിരികെ നൽകാൻ ഉത്തരവ് ആയിട്ടുണ്ടോ; എത്ര പേരാണ് ഇങ്ങനെ അധികമായി തുക അടച്ചതെന്ന് വ്യക്തമാക്കാമോ;

അധികമായി അടച്ച തുക തിരിച്ച് കിട്ടാൻ ബാക്കിയുള്ള എത്ര അപേക്ഷകരുണ്ടെന്ന് വ്യക്തമാക്കാമോ; ഇവർക്കു തുക തിരിച്ച് നല്‍കാന്‍ എന്ത് നടപടിയാണ് സ്വീകരിച്ചതെന്ന് അറിയിക്കുമോ?

പൂവച്ചല്‍ ഗ്രാമപഞ്ചായത്തിലെ ലൈഫ് മിഷന്‍ പദ്ധതി പ്രകാരമുള്ള ഫ്ലാറ്റ് സമുച്ചയ നിര്‍മ്മാണവുമായി ബന്ധപ്പെട്ട് നാളിതുവരെ സ്വീകരിച്ചിട്ടുള്ള നടപടികള്‍ അറിയിക്കുമോ;

കാലതാമസം കൂടാതെ ടെന്‍ഡര്‍ അംഗീകരിച്ച് പ്രസ്തുത നിര്‍മ്മാണ പ്രവര്‍ത്തനം ആരംഭിക്കുവാന്‍ നടപടി സ്വീകരിക്കുമോ; വ്യക്തമാക്കുമോ?

കായലുകളിലേക്ക് വ്യാപകമായി ശുചിമുറി മാലിന്യവും അഴുക്കുജലവും ഒഴുക്കി വിട്ട് കായലുകൾ മലിനമാക്കുന്നതായി കണ്ടെത്തിയിട്ടുണ്ടോ; വ്യക്തമാക്കുമോ;

ഇത്തരത്തില്‍ കായലുകള്‍ മലിനമാകുന്നത് ലക്ഷക്കണക്കിന് ആളുകളുടെ ഉപജീവന മാർഗ്ഗത്തെ പ്രതികൂലമായി ബാധിക്കുന്ന കാര്യം പരിശോധിച്ചിട്ടുണ്ടോ;

കായലുകളുടെ ആവാസവ്യവസ്ഥ നിലനിർത്തുന്നതിനും കയ്യേറ്റവും മലിനീകരണവും തടയുന്നതിനും എന്തെല്ലാം നടപടികൾ സ്വീകരിക്കാനാണുദ്ദേശിക്കുന്നത്; വിശദമാക്കുമോ?

സംസ്ഥാനത്ത് ലെെഫ് ഭവന പദ്ധതിയിലൂടെ നാളിതുവരെ എത്ര വിടുകളാണ് പൂര്‍ത്തിയായിട്ടുള്ളത് എന്നതിന്റെ ജില്ല തിരിച്ചുള്ള വിവരം ലഭ്യമാക്കാമാേ;

മലമ്പുഴ മണ്ഡലത്തില്‍ ലെെഫ് ഭവന പദ്ധതിയിലൂടെ എത്ര വീടുകളാണ് പൂര്‍ത്തിയായിട്ടുള്ളതെന്നും എത്ര വീടുകളാണ് നിര്‍മ്മാണ ഘട്ടത്തിലുള്ളതെന്നുമുള്ള വിവരങ്ങള്‍ പഞ്ചായത്ത് തിരിച്ച് ലഭ്യമാക്കാമാേ?

അരൂര്‍ മണ്ഡലത്തില്‍ എം.പി./എം.എല്‍.എ. ഫണ്ട് ഉപയോഗിച്ച് ഹെെമാസ്റ്റ്, മിനിമാസ്റ്റ് ലെെറ്റുകള്‍ അനുവദിച്ചത് എവിടെയെല്ലാമാണെന്നും ഏത് വര്‍ഷമാണ് അനുവദിച്ചതെന്നും വിശദമാക്കുമോ;

പ്രസ്തുത ലെെറ്റുകളില്‍ നിലവില്‍ പ്രവര്‍ത്തിക്കുന്നവയുടെയും പ്രവര്‍ത്തന രഹിതമായവയുടെയും വിവരം പഞ്ചായത്തടിസ്ഥാനത്തില്‍ വിശദമാക്കുമോ;

അനുവദിച്ച ലെെറ്റുകളില്‍ എത്ര ലെെറ്റുകള്‍ പഞ്ചായത്ത് ഫണ്ട് ഉപയോഗിച്ച് മെയിന്റനന്‍സ് ചെയ്തിട്ടുണ്ടെന്ന് വിശദമാക്കുമോ?

മാലിന്യമുക്ത നവകേരളം പദ്ധതി സമഗ്രമായി നടപ്പാക്കാന്‍വേണ്ടി ഇ-വേസ്റ്റ് നീക്കം ചെയ്യാനും പോലീസ് സ്റ്റേഷനുകള്‍, സര്‍ക്കാര്‍ ആഫീസ് സമുച്ചയങ്ങള്‍, പൊതുസ്ഥലങ്ങള്‍ എന്നിവിടങ്ങളില്‍ ഉപയോഗക്ഷമമല്ലാതെ കുന്നുകൂടി കിടക്കുന്ന വാഹനങ്ങള്‍ നീക്കം ചെയ്യാനും നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

സംസ്ഥാനത്തെ ജൈവ മാലിന്യ സംസ്കരണ ഉപാധികള്‍ സംബന്ധിച്ചുള്ള സമഗ്രമായ വിവരശേഖരണം നടത്താന്‍ തീരുമാനിച്ചിട്ടുണ്ടോ; എങ്കില്‍ ആയതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

തദ്ദേശ സ്വയംഭരണ സ്ഥാപനങ്ങളുടെ വാർഡ് വിഭജനവുമായി ബന്ധപ്പെട്ട ഡീലിമിറ്റേഷൻ കമ്മീഷന്റെ പ്രവർത്തനങ്ങളിൽ ഉദ്യോഗസ്ഥരുടെ ഇടപെടൽ ഉണ്ടായതായി വ്യാപകമായ പരാതികൾ ഉയർന്നു വന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ഡീലിമിറ്റേഷൻ കമ്മീഷന്റെ പ്രവർത്തനവുമായി ബന്ധപ്പെട്ട പരാതികൾ സമർപ്പിക്കുന്നതിന് എന്തൊക്കെ സംവിധാനങ്ങളാണ് നിലവിലുള്ളതെന്നും നിലവിൽ എത്ര പരാതികൾ ഈ രീതിയിൽ ലഭിച്ചിട്ടുണ്ടെന്നുമുള്ള വിശദാംശങ്ങൾ ജില്ല തിരിച്ച് തദ്ദേശസ്ഥാപനം അടിസ്ഥാനത്തിൽ വ്യക്തമാക്കുമോ;

കരട് വിജഞാപനത്തിലെ പിഴവുകൾ സംബന്ധിച്ച മുഴുവൻ പരാതികളും മെറിറ്റ് അനുസരിച്ച് പരിഹരിച്ചുകൊണ്ട് വാർഡ് വിഭജന പ്രക്രിയ ഫലപ്രദമാക്കുവാൻ നടപടി സ്വീകരിക്കുമോയെന്ന് വ്യക്തമാക്കുമോ?

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന് മുന്നോടിയായി വാർഡുകൾ വിഭജിക്കുന്നതിനുള്ള നടപടികൾ ഏത് ഘട്ടത്തിലാണെന്ന് വ്യക്തമാക്കുമോ;

നഗരസഭകളിലെ വാർഡ് വിഭജനം കോടതി സ്റ്റേ ചെയ്തിട്ടുണ്ടോ; എങ്കിൽ സ്റ്റേ ചെയ്യുന്നതിന് അടിസ്ഥാനമായി കോടതി വ്യക്തമാക്കിയിട്ടുള്ള കാരണം എന്താണെന്ന് അറിയിക്കുമോ;

സ്റ്റേ നീക്കുന്നതിനും വാർഡ് വിഭജനം പൂർത്തിയാക്കാനും സ്വീകരിച്ചു വരുന്ന നടപടികൾ വിശദമാക്കുമോ?

തദ്ദേശ റോഡ് പുനരുദ്ധാരണ പദ്ധതി പ്രകാരം ഗ്രാമീണ റോഡുകളുടെ പുനരുദ്ധാരണത്തിനായി അരൂര്‍ മണ്ഡലത്തില്‍ അനുവദിച്ച പ്രവൃത്തികള്‍ ഏതെല്ലാമെന്ന് വിശദമാക്കാമോ;

പ്രസ്തുത പ്രവൃത്തികള്‍ നിലവില്‍ ഏത് ഘട്ടത്തിലാണെന്ന് വിശദമാക്കുമോ?

2023-24 ബജറ്റില്‍ ഉള്‍പ്പെടുത്തി 2 കോടി രൂപ വകയിരുത്തിയ കാവശ്ശേരി ഗ്രാമ പഞ്ചായത്തിലെ തെക്ക്മണ്ണ്, കോങ്ങാട്ടുമുറി, പത്തനാപുരം അംഗന്‍വാടികളുടെ പ്രവൃത്തികള്‍, ചുണ്ടക്കാട്-കുംഭാരതറ-പുഴയ്ക്കല്‍ റോഡ് പ്രവൃത്തി എന്നിവ നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

തദ്ദേശസ്വയംഭരണ വകുപ്പിൽ മുൻ പഞ്ചായത്ത്‌ വകുപ്പിലെ എത്ര ജീവനക്കാരുണ്ടെന്ന് കാറ്റഗറി തിരിച്ചു വിശദമാക്കുമോ; ഇതിൽ സെക്രട്ടറി തസ്തികയിൽ നേരിട്ട് നിയമനം ലഭിച്ചവരും ഇവരില്‍ ഉയർന്ന തസ്തികകളിലേക്ക് പ്രൊമോഷൻ ലഭിച്ചവരും എത്ര പേരുണ്ടെന്നുള്ള കണക്ക് പേര് സഹിതം വിശദീകരിക്കുമോ;

പ്രിൻസിപ്പൽ ഡയറക്ടർ ഓഫീസിൽ മുൻ പഞ്ചായത്ത്‌ വകുപ്പിൽ നേരിട്ട് നിയമനം ലഭിച്ച എത്ര പേർ സീനിയർ സൂപ്രണ്ട് മുതൽ മുകളിലേക്കുള്ള തസ്തികകളിൽ ജോലി ചെയ്യുന്നുണ്ടെന്നും അവരിൽ പ്രൊമോഷൻ വഴി വന്നവർ ആരൊക്കെയാണെന്നുമുള്ള വിവരം പേരും തസ്തികയും സഹിതം വിശദീകരിക്കുമോ;

മുൻ പഞ്ചായത്ത്‌ വകുപ്പിൽ നേരിട്ടുള്ള നിയമനം വഴി പ്രവേശിച്ച എത്രപേർ സീനിയർ സൂപ്രണ്ട് മുതൽ മുകളിലേക്കുള്ള തസ്തികകളിൽ ജോലിനോക്കുന്നുണ്ടെന്ന് ജില്ല തിരിച്ച്, പേര്, തസ്തിക എന്നിവ സഹിതം വിശദീകരിക്കുമോ;

പഞ്ചായത്ത്‌ വകുപ്പിൽ പ്രൊമോഷൻ വഴി സീനിയർ സൂപ്രണ്ട് മുതൽ മുകളിലേക്കുള്ള തസ്തികകളിൽ പ്രവേശിച്ച എത്ര പേർ പ്രിൻസിപ്പൽ ഡയറക്ടർ ഓഫീസിലും ജില്ലകളിലെ വിവിധ ഓഫീസുകളിലും അനുബന്ധ ഓഫീസുകളിലും ഡെപ്യൂട്ടേഷൻ/വർക്കിംഗ് അറേഞ്ച്മെൻറ് നിയമനങ്ങൾ ഉൾപ്പെടെ ജോലി ചെയ്യുന്നുണ്ടെന്ന് ജില്ല തിരിച്ച് പേര് വിവരം സഹിതം വിശദീകരിക്കുമോ;

സെക്രട്ടറി തസ്തികയിലേക്ക് നേരിട്ടുള്ള നിയമനം 20 ശതമാനത്തിൽ നിന്നും 40 ശതമാനമായി ഉയർത്തുവാനുള്ള സാഹചര്യം എന്തായിരുന്നുവെന്നും നിലവിൽ സീനിയർ സൂപ്രണ്ട് തസ്തികയുടെ മുകളിലേക്കുള്ള തസ്തികകളിൽ പ്രൊമോഷൻ വഴി വന്നവർ ഇല്ലാതായത് പരിശോധിച്ചിട്ടുണ്ടോയെന്നും ആയത് പരിഹരിക്കുവാൻ എന്ത് മാർഗ്ഗമാണ് സ്വീകരിക്കുവാൻ ഉദ്ദേശിക്കുന്നതെന്നും വിശദീകരിക്കുമോ;

ഗ്രാമ പഞ്ചായത്ത്‌ സെക്രട്ടറി തസ്തികയിലേക്ക് നേരിട്ടുള്ള നിയമനം 20% ആയി കുറയ്ക്കുവാൻ നടപടി സ്വീകരിക്കുമോ; വിശദമാക്കുമോ?

ഒളവണ്ണ ഗ്രാമപ്പഞ്ചായത്തിൽ ശാസ്ത്ര സാങ്കേതിക വകുപ്പിന് കീഴില്‍ പ്രവര്‍ത്തിക്കുന്ന മലബാര്‍ ബോട്ടാണിക്കല്‍ ഗാര്‍ഡനിലേക്കുള്ള റോഡ് വീതി കുറഞ്ഞതും ഇടുങ്ങിയതുമാണ് എന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ സ്ഥലമേറ്റെടുത്ത് പ്രസ്തുത റോഡ് വീതി കൂട്ടാന്‍ നടപടി സ്വീകരിക്കുമോയെന്ന് അറിയിക്കുമോ?

ലൈഫ് പദ്ധതിയില്‍ ഉള്‍പ്പെടുത്തി നാളിതുവരെ ബാലുശ്ശേരി മണ്ഡലത്തില്‍ എത്ര വീടുകള്‍ പൂര്‍ത്തീകരിച്ചിട്ടുണ്ട്; ഗ്രാമപ്പഞ്ചായത്തുകള്‍ തിരിച്ച് വിശദാംശങ്ങള്‍ ലഭ്യമാക്കാമോ;

ലൈഫ് പദ്ധതിയില്‍ ഉള്‍പ്പെടുത്തി ഫണ്ട് അനുവദിച്ച എത്ര വീടുകളാണ് ഇനി മണ്ഡലത്തില്‍ പൂര്‍ത്തീകരിക്കാനുള്ളത്; ഗ്രാമപ്പഞ്ചായത്തടിസ്ഥാനത്തില്‍ വിശദാംശങ്ങള്‍ ലഭ്യമാക്കാമോ;

സ്വന്തമായി ഭൂമിയില്ലാത്ത എത്ര പേര്‍ക്കാണ് മണ്ഡലത്തില്‍ ലൈഫ് പദ്ധതിയില്‍ ഉള്‍പ്പെടുത്തി ഇനിയും വീട് നല്‍കാനുള്ളത്; വിശദമാക്കുമോ?

വടക്കാഞ്ചേരി മണ്ഡലത്തിലെ പഞ്ചായത്തുകള്‍ക്ക് 2023-24 വര്‍ഷം പ്ലാന്‍, നോണ്‍ പ്ലാന്‍ ഇനത്തില്‍ വിവിധ ഹെഡുകളില്‍ ലഭിച്ച തുക എത്രയെന്ന് വ്യക്തമാക്കുമോ;

പ്രസ്തുത തുകയില്‍ നിന്നും നാളിതുവരെ ചെലവഴിച്ച തുകയുടെ വിവരം പട്ടിക തിരിച്ച് ലഭ്യമാക്കാമോ?

2023-24 വര്‍ഷത്തെ ബജറ്റില്‍ ഉള്‍പ്പെടുത്തിയ മേരിഗിരി-രക്കാണ്ടി-പോത്തുചാടി റോഡ് പ്രവൃത്തി എന്ന് ആരംഭിക്കുവാന്‍ കഴിയുമെന്ന് വ്യക്തമാക്കാമോ?

ബാലുശ്ശേരി മണ്ഡലത്തിലെ കൂരാച്ചുണ്ട് ഗ്രാമപ്പഞ്ചായത്തില്‍ കിഫ്ബിയുടെ ധനസഹായത്തോടെ നിര്‍മ്മിക്കാനുദ്ദേശിക്കുന്ന വാതക ശ്‍മശാനത്തിന്റെ പ്രവൃത്തി ആരംഭിക്കുന്നതിന് കാലതാമസം നേരിട്ടത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത ശ്‍മശാനത്തിന്റെ പ്രവൃത്തി ആരംഭിക്കുന്നതിനായി കൂരാച്ചുണ്ട് ഗ്രാമപ്പഞ്ചായത്ത് എന്തെങ്കിലും രേഖകള്‍ ഏജന്‍സിയായ ഇംപാക്ട് കേരളയ്ക്ക് സമര്‍പ്പിക്കേണ്ടതുണ്ടോ; വിശദമാക്കുമോ?

എളങ്കുന്നപ്പുഴ ഗ്രാമപഞ്ചായത്ത് വാര്‍ഡ്-8 മാലിപ്പുറം ജംഗ്ഷനില്‍ കര്‍ത്തേടം സെന്റ് ജോര്‍ജ്ജ് പളളിയുടെ പേരില്‍ എത്ര സെന്റ് വസ്തുവാണുളളതെന്ന് വ്യക്തമാക്കാമോ;

പ്രസ്തുത സ്ഥലത്താണോ കെട്ടിടം നിര്‍മ്മിച്ചിട്ടുളളതെന്നും നിര്‍മ്മാണത്തിന് പഞ്ചായത്ത് അനുമതി ലഭ്യമായിരുന്നോയെന്നും വ്യക്തമാക്കാമോ;

പഞ്ചായത്ത് നിർമ്മാണത്തിന് അനുമതി നല്‍കിയിട്ടുളള കെട്ടിടത്തിന്റെ സ്വഭാവം എന്തെന്ന് വ്യക്തമാക്കുമോ;

പ്രസ്തുത കെട്ടിടത്തിന്റെ പ്രവര്‍ത്തനവും സ്വഭാവവും ആരാധനാലയത്തിന്റേതാണോ കൊമേഴ്സ്യല്‍ കെട്ടിടത്തിന്റേതാണോയെന്ന് വ്യക്തമാക്കാമോ;

പ്രസ്തുത വിഷയം സംബന്ധിച്ച് എറണാകുളം തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ക്ക് പരാതി സമര്‍പ്പിക്കപ്പെട്ടിട്ടുണ്ടോ; എങ്കില്‍ ആയതിന്മേല്‍ സ്വീകരിച്ചിട്ടുളള നടപടി വിശദമാക്കുമോ?

അഴീക്കോട് പഞ്ചായത്തിന് കീഴില്‍ ശ്മശാനം നിര്‍മ്മിക്കുന്നതിനായി സ്ഥലം പതിച്ച് നല്‍കുവാന്‍ പഞ്ചായത്ത് സമര്‍പ്പിച്ച അപേക്ഷയുടെ നിലവിലെ സ്ഥിതി വിശദമാക്കാമോ;

പ്രസ്തുത അപേക്ഷയില്‍ എന്തൊക്കെ നടപടികള്‍ പൂര്‍ത്തിയായിട്ടുണ്ടെന്ന് അറിയിക്കാമോ;

പ്രസ്തുത ആവശ്യത്തിനായി റവന്യൂ വകുപ്പ് ഭൂമി അനുവദിച്ചിട്ടുണ്ടോ; വിശദമാക്കാമോ;

ആർ.ഇ3/92/2024 എന്ന അപേക്ഷയില്‍ തദ്ദേശ സ്വയംഭരണ വകുപ്പ് എന്തൊക്കെ നടപടികള്‍ സ്വീകരിച്ചെന്ന് അറിയിക്കാമോ;

പ്രസ്തുത പദ്ധതിക്ക് സി.ഇസ‍ഡ്.എം.എ. യുടെ അനുമതി ആവശ്യമാണോ; വിശദവിവരം നല്‍കാമോ;

ഭൂമി പതിച്ച് നല്‍കുന്നതിനുള്ള അപേക്ഷയില്‍ തീര്‍പ്പ് കല്‍പ്പിക്കാൻ വൈകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് വേഗത്തില്‍ പൂര്‍ത്തീകരിക്കുന്നതിനുള്ള നടപടി സ്വീകരിക്കുമോ?

ചവറ മണ്ഡലത്തില്‍ തെരുവ് നായ്ക്കളുടെ ആക്രമണം വര്‍ദ്ധിച്ച് വരുന്നത് ശ്രദ്ധയില്‍പ്പെട്ടിട്ടുണ്ടോ;

തെരുവ് നായ്ക്കളുടെ നിയന്ത്രണത്തിനായി എ.ബി.സി. പദ്ധതി പ്രകാരം മണ്ഡലത്തില്‍ നടത്തിയ പ്രവര്‍ത്തനങ്ങള്‍ പഞ്ചായത്ത് തിരിച്ച് അറിയിക്കാമോ?

ഗ്രാമപഞ്ചായത്തുകളില്‍ അനുവദിച്ച ഹെല്‍ത്ത്‌ ഇന്‍സ്പെക്ടര്‍ ഗ്രേഡ്-2 താല്‍ക്കാലിക തസ്തിക ഇനിയും അനുവദിക്കാനുള്ള ഗ്രാമപഞ്ചായത്തുകളില്‍ പ്രസ്തുത തസ്തിക സൃഷ്ടിക്കുന്ന നടപടികളുടെ പുരോഗതി വ്യക്തമാക്കാമോ;

മലപ്പുറം ജില്ലയില്‍ ഇത്തരത്തില്‍ നിയമനം നടത്തുവാനുള്ള പഞ്ചായത്തുകളുടെ വിശദാംശം നല്‍കാമോ; നിയമനം വേഗത്തില്‍ നടത്തുവാന്‍ നടപടികള്‍ സ്വീകരിക്കുമോ?

തദ്ദേശ സ്വയംഭരണ വകുപ്പിന് കീഴിൽ അഴീക്കോട് മണ്ഡലത്തിൽ നടന്നു കൊണ്ടിരിക്കുന്ന പ്രവൃത്തികൾ എന്തൊക്കെയാണെന്നുള്ള വിശദാംശം നൽകാമോ;

പ്രസ്തുത പ്രവൃത്തികളുടെ നിലവിലെ സ്ഥിതി വിശദമാക്കാമോ?

കേരളോത്സവത്തിൽ പങ്കെടുക്കുന്നതിനുള്ള ഉയർന്ന പ്രായപരിധി 40 വയസ്സ് ആയതുമൂലം ഒരുപാട് ആളുകൾക്ക് പങ്കെടുക്കാൻ സാധിക്കാത്ത അവസ്ഥ ശ്രദ്ധയിൽപ്പെട്ടിട്ടുണ്ടോ; നിയമാവലിയിൽ മാറ്റം വരുത്തി ഉയർന്ന പ്രായപരിധിയിൽ ഇളവ് വരുത്തുന്നതിനുവേണ്ട നടപടികൾ സ്വീകരിക്കാമോ;

കേരളോത്സവുമായി ബന്ധപ്പെട്ട് പഞ്ചായത്തുകളിലെ ക്ലബ് അംഗങ്ങൾക്ക് ജേഴ്സിയും മറ്റ് സംവിധാനങ്ങളും നൽകുന്നതിന് വേണ്ട എന്തെല്ലാം നടപടികളാണ് കൈകൊണ്ടിട്ടുള്ളത്; വ്യക്തമാക്കുമോ?

2023-24 വര്‍ഷത്തെ ബജറ്റില്‍ ഉള്‍പ്പെടുത്തിയ ചക്കുംപുറം-മണിമല-അത്താണിമൊക്ക് റോഡ് പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തിലുള്ള പൊതുകടത്തുകളുടെ(ഫെറി സർവീസ്) നടത്തിപ്പുമായി ബന്ധപ്പെട്ട് നിലവിലുള്ള മാര്‍ഗ്ഗനിര്‍ദ്ദേശങ്ങളും നടപടിക്രമങ്ങളും വിശദമാക്കാമോ; നിലവില്‍ വിവിധ പഞ്ചായത്തുകള്‍ മുഖേന എത്ര പൊതുകടത്തുകള്‍ നടത്തുന്നുണ്ടെന്നും ഇതിനായുള്ള ഫണ്ടിന്റെ വിനിയോഗം എങ്ങനെയാണെന്നും അറിയിക്കാമോ;

ഹരിപ്പാട് മണ്ഡലത്തിലെ ചെറുതന പഞ്ചായത്തിലെ ചെറുതുരുത്ത് കടവില്‍ ഒരു കടത്ത് അനുവദിക്കന്നതുമായി ബന്ധപ്പെട്ട് തദ്ദേശ സ്വയംഭരണ വകുപ്പിന്റെ 16.01.2025-ലെ ആര്‍സി3/791/2024/തസ്വഭവ നമ്പർ കത്തിന് അനുസൃതമായി എല്‍.എസ്‌.ജി.ഡി. പ്രിന്‍സിപ്പല്‍ ഡയറക്ടറുടെ റിപ്പോര്‍ട്ട് കിട്ടിയിട്ടുണ്ടോ; ഇല്ലെങ്കില്‍ പ്രസ്തുത റിപ്പോര്‍ട്ട് അടിയന്തരമായി ലഭ്യമാക്കുന്നതിനുള്ള നടപടി സ്വീകരിക്കുമോ; പ്രസ്തുത വിഷയവുമായി ബന്ധപ്പെട്ട എല്‍.എസ്‌.ജി.ഡി. പ്രിന്‍സിപ്പല്‍ ഡയറക്ടറുടെ ഓഫീസിലെ ഫയല്‍ നമ്പര്‍ അറിയിക്കുമോ?

2022-23 വർഷത്തെ എം.എൽ.എ. ആസ്തി വികസന ഫണ്ടിൽ നിന്നും 37 ലക്ഷം രൂപ വിനിയോഗിച്ച് നടപ്പിലാക്കുവാൻ ശിപാർശ ചെയ്തിട്ടുള്ള മലമ്പുഴ മണ്ഡലത്തില്‍ കൊടുമ്പ് ഗ്രാമപ്പഞ്ചായത്തിലെ എ.കെ.ജി. നഗർ റോഡ് പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തി എപ്പോൾ പൂർത്തീകരിക്കാൻ കഴിയുമെന്ന് അറിയിക്കാമോ?

തൃശ്ശൂർ ജില്ലയിൽ അളഗപ്പ നഗർ ഗ്രാമപഞ്ചായത്ത് വാർഡ് 11-ൽ കാളക്കല്ല് ദേശത്ത്( വീട് നമ്പർ 522/11) ജോൺ പി.കെ. തന്റെ കെട്ടിട നികുതിയുടെ ആദ്യ ഗഡുവായ 323/- രൂപ 22.08.2022-ൽ ഓൺലൈനായി അടച്ചെങ്കിലും ആയത് ശരിയായി അക്കൗണ്ട് ചെയ്യാത്തതിനാൽ 2023 മാർച്ച് മാസത്തിൽ ടിയാന് രണ്ട് ഗഡുക്കളും കൂടി 646/- രൂപ അടയ്ക്കാനായി പഞ്ചായത്ത് നോട്ടീസ് നൽകിയ വിഷയത്തിൽ ജോൺ പി.കെ. നൽകിയ പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

ഓൺലൈൻ ടാക്സ് റെമിറ്റൻസ് കൃത്യമായി അക്കൗണ്ട് ചെയ്യുന്നുണ്ടോ എന്ന് പരിശോധിക്കുന്നതിനും ആയത് ഉറപ്പ് വരുത്തുന്നതിനും ആവശ്യമായ ക്രമീകരണങ്ങൾ ഏർപ്പെടുത്തുമോ; വിശദമാക്കുമോ?

സംസ്ഥാനത്ത് എത്ര ഗ്രാമപഞ്ചായത്തുകളിലാണ് ഹെല്‍ത്ത് ഇന്‍സ്പെക്ടര്‍ ഗ്രേഡ് II/പബ്ലിക് ഹെല്‍ത്ത് ഇന്‍സ്പെക്ടര്‍ തസ്തിക ഉള്ളതെന്നും അവ ഏതൊക്കെയാണെന്നും ജില്ല തിരിച്ച് വിവരം ലഭ്യമാക്കാമോ;

ഗ്രാമപഞ്ചായത്തുകളിലെ ഹെല്‍ത്ത് ഇന്‍സ്പെക്ടര്‍ ഗ്രേഡ് II/പബ്ലിക് ഹെല്‍ത്ത് ഇന്‍സ്പെക്ടര്‍ തസ്തികയില്‍ നിലവിലുള്ള ഒഴിവുകള്‍ സംബന്ധിച്ച വിവരം ജില്ല തിരിച്ച് ലഭ്യമാക്കാമോ;

തദ്ദേശ സ്വയംഭരണ പൊതു സര്‍വ്വീസ് നിലവില്‍ വന്ന സാഹചര്യത്തില്‍, ഗ്രാമപഞ്ചായത്തുകളിലെ ഹെല്‍ത്ത് ഇന്‍സ്പെക്ടര്‍ ഗ്രേഡ്- II തസ്തികയിലേക്കുള്ള നിയമനത്തിന് പി.എസ്.സി. പുറപ്പെടുവിച്ച വിജ്ഞാപന പ്രകാരം തയ്യാറാക്കി പ്രസിദ്ധീകരിച്ചിട്ടുള്ള റാങ്ക് ലിസ്റ്റുകളില്‍ നിന്നും നഗരസഭകളിലെ സമാന തസ്തികകളിലേയ്ക്ക് നിയമനം നടത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ; എങ്കില്‍ ജില്ല തിരിച്ചുള്ള വിവരങ്ങൾ ലഭ്യമാക്കാമോ;

എല്ലാ ഗ്രാമ പഞ്ചായത്തുകളിലും ഹെല്‍ത്ത് ഇന്‍സ്പെക്ടര്‍ ഗ്രേഡ്- II/പബ്ലിക് ഹെല്‍ത്ത് ഇന്‍സ്പെക്ടര്‍ തസ്തിക സൃഷ്ടിക്കുന്ന കാര്യം പരിഗണനയിലുണ്ടോയെന്ന് വ്യക്തമാക്കുമോ?

പാറശ്ശാല മണ്ഡലത്തിലെ പെരുങ്കടവിള, പാറശ്ശാല ബ്ലോക്ക് പഞ്ചായത്തുകളിലായി 2022 മുതൽ നാളിതുവരെ അനുവദിച്ചിട്ടുള്ള പി.എം.ജി.എസ്.വൈ പദ്ധതികളുടെ പഞ്ചായത്ത് തിരിച്ചുള്ള വിശദവിവരങ്ങളും പ്രസ്തുത പദ്ധതികളുടെ പുരോഗതി സംബന്ധിച്ച വിവരവും അറിയിക്കുമോ;

പ്രസ്തുത പദ്ധതിക്കായി പെരുങ്കടവിള, പാറശ്ശാല ബ്ലോക്ക് മേഖലകളില്‍നിന്നും പുതുതായി പദ്ധതി നിർദ്ദേശങ്ങൾ തയ്യാറാക്കിയിട്ടുണ്ടോ; എങ്കില്‍ പഞ്ചായത്ത് തിരിച്ചുള്ള വിശദവിവരം ലഭ്യമാക്കുമോ;

പ്രസ്തുത പദ്ധതിക്കുവേണ്ടി റോഡുകൾ തെരഞ്ഞെടുക്കുന്നതിന് നിശ്ചയിച്ചിട്ടുള്ള നിബന്ധനകൾ എന്തൊക്കെയാണെന്ന് അറിയിക്കുമോ?

ഗ്രാമ പഞ്ചായത്തുകളെ സമ്പൂർണ്ണ ഡിജിറ്റൽ സാക്ഷരത പഞ്ചായത്തുകളാക്കി മാറ്റാൻ നിലവിലെ സർക്കാർ സ്വീകരിച്ച് വരുന്ന പ്രധാന പ്രവർത്തനങ്ങൾ വിശദമാക്കുമോ;

നാളിതുവരെ ഏതെല്ലാം പഞ്ചായത്തുകൾക്ക് പ്രസ്തുത സാക്ഷരത കൈവരിക്കാൻ കഴിഞ്ഞുവെന്നും എത്ര പഞ്ചായത്തുകളിൽ ഇതിനായുള്ള പ്രവർത്തനങ്ങൾ നടത്തി വരുന്നുവെന്നും ഇനിയും ആരംഭിക്കാനുള്ളവ എത്രയെന്നുമുള്ള വിവരം ലഭ്യമാക്കുമോ?

മുനിസിപ്പല്‍ കാേമണ്‍ സര്‍വ്വീസില്‍ ജൂനിയര്‍ ഹെല്‍ത്ത് ഇന്‍സ്പെക്ടര്‍ തസ്തികയില്‍ നിയമനം നടത്തുന്നതിന് നടപടികള്‍ സ്വീകരിച്ചിട്ടുണ്ടാേ;

2020-ല്‍ തയ്യാറാക്കിയ റാങ്ക് പട്ടിക വിപുലീകരിക്കുന്നത് സംബന്ധിച്ച ബഹു. സുപ്രീം കാേടതിയുടെ ഉത്തരവിന്റെ അടിസ്ഥാനത്തില്‍ റാങ്ക് പട്ടിക വിപുലീകരിക്കുന്നതിനും നിയമനം നല്‍കുന്നതിനും ആവശ്യമായ നടപടികള്‍ സ്വീകരിക്കുമാേ; വ്യക്തമാക്കുമോ?

സുരക്ഷാ മാനദണ്ഡങ്ങൾ പാലിക്കാതെയാണ് ആറ്റിങ്ങൽ മാർക്കറ്റിലെ അറവുശാലയിലേക്ക് മൃഗങ്ങളെ കൊണ്ടുവരുന്നതെന്ന വിവരം ശ്രദ്ധയിൽപ്പെട്ടിട്ടുണ്ടോ;

അറവുശാലയിൽ നിന്നും ഇരുനൂറ് മീറ്റർ ദൂരത്തിൽ യു.പി.സ്കൂളും ഹയർ സെക്കൻഡറി സ്കൂളുമുള്ളതിനാൽ സുരക്ഷാ മാനദണ്ഡങ്ങൾ പാലിക്കാതെ അറവുശാലകൾ പ്രവർത്തിക്കുന്നത് കുട്ടികളുടെ ജീവന് ഭീഷണിയാണെന്ന വസ്തുത ഗൗരവത്തോടെ കാണുന്നുണ്ടോ; വ്യക്തമാക്കുമോ;

ഇത്തരത്തിൽ സുരക്ഷാ മാനദണ്ഡങ്ങൾ പാലിക്കാത്ത കാരണത്താൽ ബിന്ദുകുമാരി എന്ന സ്ത്രീയുടെ ജീവൻ നഷ്ടപ്പെട്ട സംഭവം ശ്രദ്ധയിൽപ്പെട്ടിട്ടുണ്ടോ; എങ്കില്‍ ആറ്റിങ്ങൽ നഗരസഭയുടെ വീഴ്ച മൂലം ജീവൻ നഷ്ടപെട്ട ഈ സംഭവത്തിൽ ഇവരുടെ കുടുംബത്തിന് സഹായം നല്കാൻ നടപടി സ്വീകരിക്കുമോ;

അറവുശാലകളിൽ കശാപ്പിനായി കൊണ്ടുവരുന്ന അറവുമാടുകൾ അറവുശാലകൾ വിട്ടോടുന്ന സംഭവങ്ങൾ തടയാനും സുരക്ഷിതമായി കശാപ്പ് നടത്തുന്നതിനും സ്വീകരിക്കാനുദ്ദേശിക്കുന്ന നടപടികൾ എന്തൊക്കെയാണെന്ന് വിശദമാക്കാമോ;

ആറ്റിങ്ങൽ മാർക്കറ്റിലെ അറവുശാലയിലേക്ക് സുരക്ഷിതമായി മൃഗങ്ങളെ കൊണ്ടുവരുന്നതിന് നഗരസഭ സ്വീകരിച്ച നടപടികൾ എന്തൊക്കെയാണെന്ന് വിശദമാക്കാമോ?

മുനിസിപ്പാലിറ്റി, കോർപ്പറേഷൻ ഒഴിച്ചുള്ള മറ്റ് ഓഫീസുകളിൽ നിന്നും വിരമിക്കുന്ന എം.സി.എസ്. ജീവനക്കാർക്ക് എന്തുകൊണ്ട് പെൻഷൻ യഥാസമയം ലഭിക്കുന്നില്ലെന്ന് അറിയിക്കാമോ;

ഏകീകൃത ശമ്പള വിതരണ സംവിധാനം ഒരുക്കത്തത് മൂലം പൊതു സർവീസ് രൂപീകരണത്തിന് ശേഷവും ഒരേ അഡ്വൈസിൽ ഉൾപ്പെട്ട് വിവിധ ഓഫീസുകളിൽ നിയമിക്കപ്പെടുന്ന ജീവനക്കാർക്ക് ആദ്യം നിയമിക്കപ്പെടുന്ന ഓഫീസിൽ നിലവിലുള്ളതായ പി.എഫ് അഡ്മിഷൻ രീതി തുടരുന്നത് വിവേചനപരമായതിനാല്‍ ഇക്കാര്യം പരിശോധിച്ച് ആവശ്യമായ നടപടി സ്വീകരിക്കുമോ; വിശദമാക്കാമോ;

സെന്‍ട്രല്‍ പെന്‍ഷന്‍ ഫണ്ടില്‍നിന്നും നഗരസഭകള്‍ക്ക് നല്‍കാനുള്ള ഏകദേശം 800 കോടി രൂപ നല്‍കാത്തതിനാല്‍ പഴയ മുനിസിപ്പല്‍ കോമണ്‍ സര്‍വ്വീസില്‍നിന്നും വിരമിച്ച ജീവനക്കാര്‍ക്ക് പെന്‍ഷനും പെന്‍ഷന്‍ പരിഷ്കരണവുമുള്‍പ്പെടെയുള്ള ആനുകൂല്യങ്ങളും ലഭിക്കാത്ത സാഹചര്യത്തില്‍ പ്രസ്തുത തുക എന്നേക്ക് നല്‍കുമെന്ന് അറിയിക്കുമോ;

വിവിധ വകുപ്പുകൾ ഏകോപിപ്പിച്ചെങ്കിലും ഒരു തസ്തികയിലും പൊതു സീനിയോറിറ്റി ലിസ്റ്റ് മുഖേന പ്രമോഷൻ നൽകാത്തതിനാൽ മറ്റ് വകുപ്പുകളിലെ ജീവനക്കാര്‍ക്ക് വേഗം പ്രമോഷൻ ലഭിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇതു മൂലം ഓരോ തസ്തികയിലും സർവീസ് സീനിയോറിറ്റിയും അനുഭവ പരിചയവും ഉണ്ടെങ്കിലും പ്രമോഷൻ ലഭിക്കുന്ന മറ്റ് വകുപ്പുകളിലെ സർവീസ് ജൂനിയർ ആയ ഉദ്യോഗസ്ഥന് കീഴിൽ എം.സി.എസ്. ജീവനക്കാർക്ക് ജോലി ചെയ്യേണ്ടിവരുന്നത് ശ്രദ്ധയില്‍പ്പെട്ടിട്ടുണ്ടോ; ഇതിന്മേല്‍ സ്വീകരിച്ച നടപടികള്‍ വിശദമാക്കാമോ;

പൊതു സർവീസിൽ ഉൾപ്പെട്ട മറ്റ് വകുപ്പുകളിലെ ജീവനക്കാരുടെ പ്രമോഷനുകൾ, സ്ഥലം മാറ്റം മുതലായവ ആദ്യം തന്നെ കാലതാമസം കൂടാതെ നടപ്പാക്കുകയും എം.സി.എസ്. ജീവനക്കാരുടെ വൈകിപ്പിക്കുകയും ചെയ്യുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ; ഈ കാരണത്താല്‍ പഞ്ചായത്തുകളിൽ ഹെഡ് ക്ലാർക്ക്/ റവന്യൂ ഇൻസ്‌പെക്ടർ/ അക്കൗണ്ടന്റ് തസ്തികയിൽ നിയമിതരാകുന്ന എം.സി.എസ്. ജീവനക്കാർ സ്റ്റേഷൻ ജൂനിയർ ആകുന്നത് മൂലം പരിശീലനം പോലും ലഭിക്കാതെ അക്കൗണ്ടന്റായി തുടരുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ; ജീവനക്കാർക്ക് പുതിയ തസ്തികയിലേക്ക് സ്ഥാനകയറ്റം ലഭിക്കുമ്പോൾ കാര്യക്ഷമത വർദ്ധിപ്പിക്കുവാൻ പരിശീലനം നൽകുന്നതിൽ വകുപ്പുകൾക്കിടയിൽ വിവേചനം നിലനിൽക്കുന്നത് പരിഹരിക്കുമോ; ഇത് സംബന്ധിച്ച നയം വ്യക്തമാക്കാമോ;

നിലവില്‍ തിരുവനന്തപുരം, കൊച്ചി, കണ്ണൂർ, തൃശ്ശൂർ എന്നീ ജില്ലകളില്‍ ജോയിന്റ് കോര്‍പ്പറേഷന്‍ സെക്രട്ടറിയുടെ ഒഴിവുകൾ നികത്തുന്നതിനുള്ള കാലതാമസത്തിന്റെ കാരണം വിശദമാക്കാമോ; ഈ ഒഴിവുകള്‍ എന്നത്തേയ്ക്ക് നികത്തുമെന്ന് അറിയിക്കാമോ?

തിരുവനന്തപുരം കോർപ്പറേഷൻ പരിധിയിൽ സ്മാർട്ട് സിറ്റിയുടെ ഭാഗമായി സർക്കാർ കെട്ടിടങ്ങളിൽ സ്ഥാപിച്ച സൗരോർജ്ജ പ്ലാന്റുകൾക്ക് സ്മാർട്ട് സിറ്റി ഫണ്ടിൽ നിന്ന് നാളിതുവരെ എത്ര തുക ചെലവഴിച്ചുവെന്നും ഇവ സ്ഥാപിക്കുന്നതിന് എത്ര രൂപയുടെ എസ്റ്റിമേറ്റാണ് തയ്യാറാക്കിയതെന്നും അറിയിക്കുമോ; ഇവ സ്ഥാപിച്ച കമ്പനികളുമായി കോർപ്പറേഷൻ ഒപ്പിട്ട കരാറിന്റെ പകർപ്പ് ലഭ്യമാക്കാമോ;

പ്രസ്തുത കമ്പനികൾക്ക് തുക അനുവദിക്കുന്നതിന് മുൻപ് സ്മാർട്ട് സിറ്റി അധികൃതർ പ്ലാന്റുകളുടെ പരിശോധന നടത്തിയിട്ടുണ്ടോ; എങ്കിൽ ഓരോ പ്ലാന്റിലും പരിശോധന നടത്തിയ തീയതിയും പരിശോധനയിൽ പങ്കെടുത്ത ഉദ്യോഗസ്ഥരുടെ വിവരവും നിയമന ഉത്തരവിന്റെയും പരിശോധന റിപ്പോർട്ടിന്റെയും പകർപ്പ് സഹിതം ലഭ്യമാക്കാമോ;

പ്രസ്തുത പദ്ധതിയുടെ ഭാഗമായുള്ള വിവിധ പ്രവർത്തനങ്ങൾ നിർവഹിക്കുന്നതിന് ചുമതലപ്പെടുത്തിയ ഏജൻസി, സ്ഥാപനങ്ങൾ എന്നിവയുടെ ലിസ്റ്റ് ലഭ്യമാക്കാമോ; ഇവർ മുഖേന നിർവഹിച്ച പ്രവർത്തനങ്ങളും അതിനായി ഓരോ ഇനത്തിലും നൽകിയ തുകയും വ്യക്തമാക്കുമോ; തുക അനുവദിച്ച ഉത്തരവിന്റെ പകർപ്പ് ലഭ്യമാക്കുമോ;

ഊർജ്ജ മേഖലയുമായി ബന്ധപ്പെട്ട് സ്‍മാർട്ട് സിറ്റി ഫണ്ട് വിനിയോഗിച്ച് നടത്തുന്ന പ്രവർത്തനങ്ങൾ എന്തെല്ലാമെന്ന് അറിയിക്കുമോ; ഇവയുടെ പ്രവർത്തന പുരോഗതിയുടെ വിവരം ലഭ്യമാക്കാമോ;

പവർ പ്ലാന്റ് സ്ഥാപിച്ചതുമായി ബന്ധപ്പെട്ട് ആക്ഷേപം ഉള്ളതായി കോർപ്പറേഷന്റെ ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇതിന്മേൽ എന്ത് നടപടി സ്വീകരിച്ചു എന്നറിയിക്കുമോ?

കാേതമംഗലം നഗരസഭയില്‍ കിഫ്ബി ഫണ്ട് ഉപയാേഗിച്ച് നിര്‍മ്മിക്കാന്‍ ഉദ്ദേശിച്ചിട്ടുള്ള മാേഡേണ്‍ ക്രിമറ്റാേറിയം പ്രവൃത്തിയുടെ നിലവിലെ സ്ഥിതി വ്യക്തമാക്കാമാേ;

പ്രസ്തുത നിര്‍മ്മാണം ത്വരിതഗതിയില്‍ ആരംഭിക്കുന്നതിനായുള്ള നടപടികള്‍ സ്വീകരിക്കുമോ; വ്യക്തമാക്കുമാേ?

മുനിസിപ്പല്‍ കാേര്‍പ്പറേഷനുകളിലെ ജാേയിന്റ് കാേര്‍പ്പറേഷന്‍ സെക്രട്ടറി തസ്തികയില്‍ എത്ര ഒഴിവുകള്‍ ഉണ്ടെന്നും എന്ന് മുതലാണ് ഒഴിവുകള്‍ നിലവില്‍വന്നതെന്നുമുള്ള വിവരങ്ങള്‍ ലഭ്യമാക്കുമാേ;

പ്രസ്തുത ഒഴിവുകള്‍ നികത്തുന്നതിന് കാലതാമസം ഉണ്ടാകുന്നതിനുള്ള കാരണം വ്യക്തമാക്കുമാേ;

ഒഴിവുകള്‍ അടിയന്തിരമായി നികത്തുന്നതിന് നടപടി സ്വീകരിക്കുമാേയെന്ന് അറിയിക്കുമോ?

മുഖ്യമന്ത്രിയുടെ പരാതി പരിഹാര സെല്ലില്‍ സമര്‍പ്പിച്ച അപേക്ഷ പ്രകാരം തിരുവനനന്തപുരം കോര്‍പ്പറേഷനിലെ ചെല്ലമംഗലം വാര്‍ഡില്‍ ഉള്‍പ്പെടുന്ന ശ്രീനാരായണ നഗര്‍ കാട്ടില്‍ക്കുളം റോഡ് സഞ്ചാരയോഗ്യമല്ലാത്തവിധം അപകടാവസ്ഥയിലായതിനാല്‍ പ്രസ്തുത റോഡിന്റെ പണി അടിയന്തരമായി പൂര്‍ത്തീകരിക്കുന്നതിനുവേണ്ടി കൗണ്‍സിലിന്റെ ശ്രദ്ധയില്‍പ്പെടുത്തുന്നതിനുള്ള നടപടി സ്വീകരിച്ചിട്ടുണ്ടെന്ന് ശ്രീകാര്യം സോണല്‍ ഓഫീസില്‍ നിന്നും 21-12-2024-ല്‍ (എസ്.ഇസെഡ്.ഒ./റ്റി.പി./ജി.2241200256/24) മറുപടി ലഭിച്ച് മൂന്നുമാസം പിന്നിട്ടിട്ടും റോഡിന്റെ പണി ആരംഭിക്കാത്തതിന്റെ കാരണം വ്യക്തമാക്കാമോ;

പ്രസ്തുത പ്രവൃത്തിയുടെ വിവരം കൗണ്‍സിലിന്റെ ശ്രദ്ധയില്‍പ്പെടുത്തിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

പ്രവൃത്തിയുടെ നാളിതുവരെയുള്ള പുരോഗതി (കെ-സ്മാർട്ട് ഫയല്‍ നം. 2743038-2024) വ്യക്തമാക്കാമോ;

പ്രവൃത്തി എന്നത്തേയ്ക്ക് പൂര്‍ത്തിയാക്കാന്‍ സാധിക്കുമെന്ന് അറിയിക്കുമോ?

തിരുവനന്തപുരം നഗരസഭയിലെ 11 വാര്‍ഡുകളിലെ ജനങ്ങള്‍ക്ക് ആരോഗ്യപരിരക്ഷ ഉറപ്പുവരുത്തുന്ന പാങ്ങപ്പാറ ഐ.എഫ്.എച്ച്.സി.യുടെ പ്രവര്‍ത്തനങ്ങളില്‍ തിരുവനന്തപുരം നഗരസഭ നല്‍കിവരുന്ന സഹായങ്ങള്‍ വിശദമാക്കുമോ;

പാങ്ങപ്പാറ ഐ.എഫ്.എച്ച്.സി.യുടെ സമീപ വാര്‍ഡുകളായ കാട്ടായിക്കോണം, ചന്തവിള, കഴക്കൂട്ടം എന്നിവ പാങ്ങപ്പാറ ഐ.എഫ്.എച്ച്.സി.യുടെ പരിധിയിലാക്കണമെന്ന ആവശ്യത്തിന്മേല്‍ സ്വീകരിച്ച നടപടികള്‍ വിശദമാക്കുമോ;

പാങ്ങപ്പാറ ഐ.എഫ്.എച്ച്.സി.യുടെ പ്രവര്‍ത്തനങ്ങള്‍ വിപുലീകരിക്കുന്നതിന് തിരുവനന്തപുരം നഗരസഭ സ്വീകരിക്കുന്ന നടപടികള്‍ വിശദമാക്കുമോ?