ഈ സര്‍ക്കാരിന്റെ കാലത്ത് സംസ്ഥാന, മലയോര, തീരദേശ റോഡുകളുടെ എത്ര കിലോമീറ്റര്‍ പൂര്‍ത്തിയാക്കിയിട്ടുണ്ടെന്ന് അറിയിക്കാമോ;

പ്രസ്തുത റോഡുകളുടെ പരിപാലനരംഗത്ത് ശാസ്ത്രീയമായ പദ്ധതികള്‍ രൂപപ്പെടുത്താന്‍ കഴിഞ്ഞിട്ടുണ്ടോ; ഇപ്രകാരം വിജയകരമായി പ്രയോഗത്തില്‍ വരുത്തിയ പദ്ധതികള്‍ ഏതെല്ലാമെന്ന് വിശദമാക്കാമോ;

റോഡ് പ്രവൃത്തികള്‍ സമയബന്ധിതമായി പൂര്‍ത്തിയാക്കുന്നതിന് ഭരണാനുമതിയും സാങ്കേതികാനുമതിയും കാലതാമസം കൂടാതെ ലഭ്യമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

റണ്ണിംഗ് കോണ്‍ട്രാക്ട് നടപ്പാക്കി കൃത്യമായ നിരീക്ഷണ സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കാമോ?

കഴിഞ്ഞ വർഷത്തെ എസ്.എസ്.എല്‍.സി., പ്ലസ് ടു പരീക്ഷകള്‍ പരാതികള്‍ക്കിടയില്ലാതെ നടപ്പാക്കിയതിന് എന്തെല്ലാം നിര്‍ദ്ദേശങ്ങളും മുന്‍കരുതലുകളുമാണ് നല്‍കിയിരുന്നതെന്ന് വിശദമാക്കാമോ;

മൂല്യനിര്‍ണ്ണയവും ഫലപ്രഖ്യാപനവും നിശ്ചയിച്ച പ്രകാരം തന്നെ നടത്തുന്നതിന് സ്വീകരിച്ചിരുന്ന നടപടികള്‍ എന്തെല്ലാമാണെന്ന് വെളിപ്പെടുത്താമോ;

കഴിഞ്ഞ വർഷത്തെ എസ്.എസ്.എല്‍.സി., പ്ലസ് ടു പരീക്ഷകള്‍ വിജയകരമായി നടത്തുന്നതിന് അദ്ധ്യാപകരും അനദ്ധ്യാപകരും ജീവനക്കാരും നടത്തിയ പ്രവര്‍ത്തനങ്ങള്‍ അഭിനന്ദനാര്‍ഹമാണെന്ന് വിലയിരുത്തിയിട്ടുണ്ടോ;

എസ്.എസ്.എല്‍.സി., പ്ലസ് ടു സര്‍ട്ടിഫിക്കറ്റുകള്‍ വേഗത്തില്‍ വിതരണം ചെയ്യുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദീകരിക്കാമോ?

പ്രധാന പാതകളില്‍ ലെവല്‍ ക്രോസില്ലാത്ത കേരളം എന്ന ലക്ഷ്യം പൂര്‍ത്തീകരിക്കുന്നതിനായി തയ്യാറാക്കിയ പദ്ധതികളുടെ വിശദാംശം ലഭ്യമാക്കാമോ;

പ്രസ്തുത ലക്ഷ്യം പൂര്‍ത്തീകരിക്കാനായി എത്രത്തോളം മേല്‍പ്പാലങ്ങള്‍ നിര്‍മ്മിക്കേണ്ടി വരുമെന്നാണ് കണക്കാക്കിയിട്ടുള്ളത്; അറിയിക്കുമോ;

കിഫ്ബി വഴി നിര്‍മ്മിക്കാനുദ്ദേശിക്കുന്ന മേല്‍പ്പാലങ്ങളുടെ വിശദാംശം നല്‍കാമോ;

കെ.ആര്‍.ഡി.സി.എല്‍. വഴി നിര്‍മ്മിക്കാനുദ്ദേശിക്കുന്ന മേല്‍പ്പാലങ്ങള്‍ ഏതൊക്കെയാണെന്ന് വ്യക്തമാക്കാമോ;

ഇതില്‍ എത്ര മേല്‍പ്പാലങ്ങള്‍ക്ക് ഭരണാനുമതി നല്‍കിയിട്ടുണ്ട് എന്ന് വ്യക്തമാക്കാമോ?

സംസ്ഥാനത്തെ ഡിജിറ്റല്‍ റീ-സര്‍വ്വേ നടപടികളുടെ പുരോഗതി വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

റീസര്‍വ്വേ നടപടികളുമായി ബന്ധപ്പെട്ട തര്‍ക്കങ്ങളും ആശങ്കകളും പരിഹരിക്കുന്നതിനായി നടത്തുന്ന പ്രവര്‍ത്തനങ്ങള്‍ വിശദീകരിക്കാമോ; ഈ ലക്ഷ്യം നേടുന്നതിനായി നിയമനിര്‍മ്മാണം നടത്തുന്നത് പരിഗണനയിലുണ്ടോ; വിശദമാക്കുമോ;

ഭൂരേഖ തയ്യാറാക്കുന്നതിനായി നടത്തുന്ന സര്‍വ്വേയുടെ ഭാഗമായി കൈവശമുള്ള ഭൂമി നഷ്ടപ്പെടുന്നു എന്ന തരത്തിലുള്ള വ്യാജ പ്രചാരണം നടക്കുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ: ഉണ്ടെങ്കിൽ ശരിയായ വസ്തുതയെന്തെന്ന് വെളിപ്പെടുത്താമോ;

ഡിജിറ്റല്‍ സര്‍വ്വേ ഉപകരണങ്ങളുടെ ഗുണനിലവാരവും വാങ്ങല്‍ നടപടികളില്‍ സുതാര്യതയും ഉറപ്പു വരുത്തുന്നതിനും സ്വീകരിച്ച നടപടികള്‍ വിശദമാക്കാമോ?

എല്ലാവർക്കും ഭൂമി എല്ലാ ഭൂമിക്കും രേഖ, എല്ലാ സേവനങ്ങളും സ്മാര്‍ട്ട് എന്ന പദ്ധതിയുടെ ഭാഗമായി സംസ്ഥാനത്ത് നടപ്പിലാക്കുന്ന ഡിജിറ്റൽ റീ-സർവ്വെ നടപടികളുടെ പുരോഗതി വിശദമാക്കുമോ;

ഡിജിറ്റൽ റീ-സർവ്വെ പ്രവർത്തനങ്ങള്‍ ആരംഭിച്ച വില്ലേജുകളില്‍ സർവ്വെ അതിരടയാള നിയമം സെക്ഷൻ 9(2) പ്രകാരമുള്ള വിജ്ഞാപനം പുറപ്പെടുവിച്ചിട്ടുണ്ടോ; വിശദമാക്കുമോ;

സർവ്വെ, റവന്യൂ, രജിസ്ട്രേഷൻ വകുപ്പുകളുടെ ഭൂമി സംബന്ധമായ സേവനങ്ങൾ ഏകജാലക സംവിധാനത്തിൽ ലഭ്യമാകുന്നതിനുള്ള ഏകീകൃത പോർട്ടൽ സജ്ജമായിട്ടുണ്ടോയെന്ന് വ്യക്തമാക്കുമോ;

ഡിജിറ്റൽ റീ-സർവ്വെ ജോലികൾ പൂർത്തീകരിച്ച വില്ലേജുകളിലെ ഭൂമി സംബന്ധമായ വിവരങ്ങൾ അറിയുന്നതിനുള്ള നൂതന സംവിധാനങ്ങൾ എന്തെല്ലാമെന്ന് വിശദമാക്കുമോ;

ഡിജിറ്റൽ റീ-സർവ്വെ സംബന്ധിച്ച പരാതികൾ പരിഹരിക്കുന്നതിന് നിലവിൽ എന്തെല്ലാം സംവിധാനങ്ങളാണ് ഏർപ്പെടുത്തിയിട്ടുള്ളത്; വിശദമാക്കുമോ?

റവന്യൂ വകുപ്പിൽ സേവനാവകാശ നിയമപ്രകാരമുള്ള സേവനങ്ങൾ നിശ്ചിത സമയപരിധിക്കുളളിൽ ലഭ്യമാക്കാൻ എന്തെല്ലാം നടപടികളാണ് സ്വീകരിച്ചു വരുന്നത്;

പൊതുജനങ്ങൾക്ക് ലഭിക്കേണ്ട സേവനങ്ങൾ ബോധപൂര്‍വ്വം വൈകിക്കുന്നതായും കൈക്കൂലി ആവശ്യപ്പെടുന്നതായുമുള്ള പരാതികൾ ശ്രദ്ധയില്‍പ്പെട്ടിട്ടുണ്ടോ;

പാലക്കാട് ജില്ലയിലെ പാലക്കയം വില്ലേജിലെ ഫീൽഡ് അസിസ്റ്റന്റ് കൈക്കൂലി വാങ്ങിയ സംഭവത്തിൽ എന്തെല്ലാം നടപടികൾ സ്വീകരിച്ചിട്ടുണ്ട്;

റവന്യൂ വകുപ്പിൽ അഴിമതി പൂര്‍ണ്ണമായും തടയുന്നതിന് സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ?

മലബാർ മേഖലയിൽ പ്ലസ് വൺ പ്രവേശനത്തിന് പര്യാപ്തമായ സീറ്റുകൾ ഇല്ലെന്നത് ശ്രദ്ധയില്‍പ്പെട്ടിട്ടുണ്ടോ;

മലബാർ മേഖലയിലെ പ്ലസ് വൺ പ്രവേശനത്തിലെ പ്രതിസന്ധി സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; വിശദമാക്കുമോ;

തെക്കൻ ജില്ലകളിൽ മതിയായ കുട്ടികളില്ലാതെ ഹയർസെക്കണ്ടറി ബാച്ചുകൾ ഒഴിഞ്ഞു കിടക്കുന്നതായി കണ്ടെത്തിയിട്ടുണ്ടോ; എങ്കിൽ അവ മലബാർ മേഖലയിലേക്ക് മാറ്റുന്നതിന് നടപടി സ്വീകരിക്കുമോ;

മലബാർ മേഖലയിലെ പ്ലസ് വൺ സീറ്റ് ക്ഷാമത്തിന് സ്ഥിരമായ പരിഹാരമുണ്ടാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

തീരദേശ ഹൈവേയുടെ എല്ലാ സോണുകളിലെയും ഡി.പി.ആർ. പൂർണ്ണമായും തയ്യാറാക്കിയിട്ടുണ്ടോ; എങ്കിൽ ആയത് പൊതുജനങ്ങളുടെ അറിവിലേക്കായി പ്രസിദ്ധീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത ഹൈവേയുടെ അംഗീകൃത ഡി.പി.ആർ. പ്രസിദ്ധീകരിക്കാതെ ഭൂമി ഏറ്റെടുക്കൽ നടപടികളുമായി മുന്നോട്ട് പോകുന്നത് പദ്ധതി പ്രദേശത്തെ ജനങ്ങളെ വിശ്വാസത്തിൽ എടുക്കാത്ത നടപടി ആണെന്ന ആക്ഷേപത്തിന്റെ നിജസ്ഥിതി വ്യക്തമാക്കുമോ;

അംഗീകൃത ഡി.പി.ആർ. പൊതുജനങ്ങൾക്ക് ലഭ്യമാക്കി സുതാര്യമായ രീതിയിൽ പദ്ധതി നിർവ്വഹണം നടത്തുന്നതിന് നടപടി സ്വീകരിക്കുമോ; വിശദാംശം നൽകുമോ ?

സംസ്ഥാനത്ത് റവന്യു വകുപ്പിന്റെ സേവനങ്ങള്‍ കമ്പ്യൂട്ടര്‍വല്‍ക്കരിക്കുന്നതിനും ആയതിലൂടെ ത്വരിതഗതിയില്‍ സേവനങ്ങള്‍ പ്രദാനം ചെയ്യുന്നതിനും ലക്ഷ്യമിട്ട് നടപ്പാക്കുന്ന സ്മാര്‍ട്ട് വില്ലേജ് ഓഫീസ് പദ്ധതിയുടെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശം നല്‍കുമോ;

പ്രസ്തുത പദ്ധതി പ്രകാരം കമ്പ്യൂട്ടറൈസേഷന്‍ കൂടാതെ മറ്റെന്തെല്ലാം സൗകര്യങ്ങള്‍ വില്ലേജ് ഓഫീസുകളില്‍ ലഭ്യമാക്കുന്നുണ്ട്; വിശദമാക്കുമോ;

സര്‍ക്കാര്‍ സേവനങ്ങള്‍ക്ക് ഓണ്‍ലൈനായി അപേക്ഷിക്കുന്നതിന് ഒരു കുടുംബത്തില്‍ ഒരാളെയെങ്കിലും പ്രാപ്തരാക്കുന്നതിനായി റവന്യു സാക്ഷരത പദ്ധതി വിഭാവനം ചെയ്തിട്ടുണ്ടോ; വിശദമാക്കുമോ?

എല്ലാവര്‍ക്കും ഭൂമി, എല്ലാ ഭൂമിക്കും രേഖ, എല്ലാ സേവനങ്ങളും സ്മാര്‍ട്ട് എന്ന സര്‍ക്കാര്‍ നയം നടപ്പിലാക്കുന്നതിന്റെ ഭാഗമായി ഡിജിറ്റല്‍ റീ-സർവ്വേ നടപടികള്‍ക്ക് തുടക്കം കുറിച്ചിട്ടുണ്ടോ; വ്യക്തമാക്കാമോ;

നിലവില്‍ ഡിജിറ്റല്‍ റീ-സർവ്വേ നടപടികള്‍ ഏത് ഘട്ടത്തിലാണെന്ന് അറിയിക്കാമോ;

റീ-സർവ്വേ സമയബന്ധിതമായി പൂര്‍ത്തിയാക്കുന്നതിന് ആവശ്യമായ ജീവനക്കാരെ നിയോഗിക്കുന്നതിനും അത്യാധുനിക സർവ്വേ ഉപകരണങ്ങൾ ലഭ്യമാക്കുന്നതിനും സ്വീകരിച്ച നടപടി അറിയിക്കുമോ;

ഡിജിറ്റല്‍ റീ-സർവ്വേയുടെ ആരംഭം മുതലുള്ള എല്ലാ നടപടികളും സുതാര്യമാക്കുന്നതിനായി പദ്ധതിയുമായി ബന്ധപ്പെട്ട എല്ലാ വിവരങ്ങളും പൊതുജനങ്ങളില്‍ എത്തിക്കുന്നതിന് ആവശ്യമായ സംവിധാനങ്ങള്‍ ആസൂത്രണം ചെയ്തിട്ടുണ്ടോ; വിശദമാക്കാമോ;

റീ- സർവ്വേ സംബന്ധിച്ച് പൊതുജനങ്ങളുടെ പരാതികള്‍ സ്വീകരിക്കുന്നതിനും ആയത് പരിഹരിക്കുന്നതിനും നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?

തീരദേശ ഹൈവേ പദ്ധതിയുടെ ഡീറ്റെയ്ൽഡ് പ്രോജക്റ്റ് റിപ്പോർട്ട് (ഡി.പി.ആർ.) പ്രസിദ്ധീകരിച്ചിട്ടുണ്ടോ; ഇല്ലെങ്കിൽ അതിന്റെ കാരണം വിശദമാക്കാമോ;

കാലാവസ്ഥ വ്യതിയാനം മൂലം തീരശോഷണവും കടൽക്ഷോഭവും നേരിടുന്ന തീരദേശത്ത് പ്രസ്തുത പദ്ധതിമൂലം ഉണ്ടാകാൻ പോകുന്ന മാറ്റങ്ങളെക്കുറിച്ചും സാമൂഹികവും പാരിസ്ഥിതികവുമായ ആഘാതങ്ങളെ സംബന്ധിച്ചും പഠനം നടത്തിയിട്ടുണ്ടോ; എങ്കില്‍ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പുതുതായി ഉപജില്ലാ വിദ്യാഭ്യാസ ഓഫീസുകള്‍ അനുവദിച്ചിട്ടുണ്ടോയെന്നും ഉണ്ടെങ്കില്‍ ഏതൊക്കെയെന്നും അറിയിക്കുമോ;

ഖാദര്‍ കമ്മിറ്റി ശിപാര്‍ശ പ്രകാരം ബ്ലോക്ക് തലത്തില്‍ സ്ക്കൂള്‍ എഡ്യൂക്കേഷന്‍ ഓഫീസുകള്‍ ആരംഭിക്കുന്നതിന് സ്വീകരിച്ചിട്ടുള്ള നടപടികളും പുരോഗതിയും വിശദീകരിക്കുമോ;

വിദ്യാഭ്യാസ പദ്ധതികളുടെ നടത്തിപ്പിനും ഏകോപനത്തിനുമായി പുതുതായി കൈക്കൊണ്ടുവരുന്ന മറ്റ് പരിഷ്കാരങ്ങള്‍ വ്യക്തമാക്കുമോ;

തസ്തികകളുടെ ശ്രേണി ക്രമീകരണം, ചുമതലകളുടെ ക്രോഡീകരണം എന്നിവയ്ക്കായി സ്വീകരിച്ചിട്ടുള്ള നടപടികള്‍ അറിയിക്കുമോ?

സംസ്ഥാനത്തെ മലയോര പാതകളുടെ വികസനത്തിന്റെ വിശദാംശം അറിയിക്കാമോ;

മലയോര പാതയുടെ അലൈന്‍മെന്റില്‍ ഉള്‍പ്പെടുത്തിയിട്ടുള്ള ഭാഗങ്ങള്‍ ഏതൊക്കെയാണെന്ന് വിശദീകരിക്കാമോ;

പ്രസ്തുത പ്രവൃത്തികള്‍ക്കായുള്ള സ്ഥലമേറ്റെടുക്കല്‍ നടപടികള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കാമോ?

വിഴിഞ്ഞം പദ്ധതി, ഐ.ടി. വികസനം, വ്യവസായ ഇടനാഴികൾ തുടങ്ങിയ സർക്കാർ നടപ്പാക്കി വരുന്ന വൻകിട പദ്ധതികൾക്ക് അനുയോജ്യമായ വിധം റോഡുകളുടെ ശൃംഖല വർദ്ധിപ്പിക്കേണ്ടതിന്റെയും നവീകരിക്കേണ്ടതിന്റെയും ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

സംസ്ഥാനത്തെ ദേശീയപാതകളുടെ നിർമ്മാണ പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

ദേശീയ, സംസ്ഥാന, ജില്ലാ റോഡുകളിലെ വാഹനങ്ങളുടെ വേഗപരിധി വർദ്ധിപ്പിച്ച സാഹചര്യത്തിൽ അതിന് അനുസൃതമായി പ്രസ്തുത റോഡുകളുടെ നിലവാരം ഉയർത്തുകയും സുരക്ഷാക്രമീകരണം ഏർപ്പെടുത്തുകയും ചെയ്തിട്ടുണ്ടോ; വിശദമാക്കുമോ;

സംസ്ഥാനത്തെ എല്ലാ റോഡുകളിലും കണ്ടെത്തിയിട്ടുള്ള ആക്സിഡൻറ് ബ്ലാക്ക് സ്പോട്ടുകൾ അപകടരഹിതമാക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കുമോ?

കേരളത്തിലേക്ക് ആഭ്യന്തര വിനോദ സഞ്ചാരികളുടെ വരവിൽ 2023-ല്‍ വര്‍ദ്ധനവ് ഉണ്ടായിട്ടുണ്ടോ;

കോവിഡ് കാലത്തെ അപേക്ഷിച്ച് വിദേശ വിനോദസഞ്ചാരികളുടെ എണ്ണത്തിൽ വര്‍ദ്ധനവ് ഉണ്ടായിട്ടുണ്ടോ;

കഴിഞ്ഞ സാമ്പത്തിക വര്‍ഷം വിനോദസഞ്ചാര മേഖലയില്‍ നിന്നുള്ള വരുമാനം എത്രയായിരുന്നുവെന്ന് വ്യക്തമാക്കാമോ;

കോവിഡ് കാലത്തെ അപേക്ഷിച്ച് വിനോദസഞ്ചാര മേഖലയില്‍ നിന്നുള്ള വരുമാനത്തിൽ വര്‍ദ്ധനവ് ഉണ്ടായിട്ടുണ്ടോ; വിശദമാക്കാമോ?

സ്ക്കൂള്‍ പാഠ്യപദ്ധതിയില്‍ കാലോചിതവും നൂതനവുമായ പരിഷ്കാരങ്ങള്‍ നടപ്പിലാക്കുവാന്‍ ആവിഷ്കരിച്ചിട്ടുള്ള പ്രവര്‍ത്തനങ്ങള്‍ വിശദമാക്കാമോ;

കുട്ടികളുടെ മാനസിക-ശാരീരിക വികാസത്തിന് കൂടുതല്‍ ഊന്നല്‍ നല്‍കുന്ന രീതിയില്‍ പ്രാഥമിക തലത്തിലുള്ള വിദ്യാഭ്യാസം പരിഷ്കരിക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ?

പ്രവാസികള്‍ക്കായി വെര്‍ച്ച്വല്‍ എംപ്ലോയ‍്മെന്റ് എക‍്സ്ചേഞ്ച് ആരംഭിക്കുന്നതിന് തീരുമാനിച്ചിട്ടുണ്ടോ; എങ്കില്‍ ഇതിനായി പ്രത്യേക ഓണ്‍ലൈന്‍ പോര്‍ട്ടല്‍ വികസിപ്പിച്ചിട്ടുണ്ടോ; പ്രസ്തുത പദ്ധതിയിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദാംശം വ്യക്തമാക്കാമോ;

പ്രസ്തുത പദ്ധതി വിദേശത്തും കേരളത്തിന് പുറത്ത് ഇന്ത്യയിലും ജോലി ചെയ്യുന്നതും ജോലി നഷ്ടപ്പെട്ടതുമായ മലയാളികള്‍ക്ക് സേവനം ലഭ്യമാക്കുന്നതിന് എത്രത്തോളം പ്രയോജനകരമാണ്; വിശദമാക്കാമോ?

സംസ്ഥാനത്ത് ഏതൊക്കെ ദേശീയപാതകളിലാണ് നവീകരണ പ്രവർത്തനങ്ങൾ നടക്കുന്നത്; അവയുടെ പുരോഗതി വിശദമാക്കുമോ;

പ്രസ്തുത പ്രവൃത്തികള്‍ക്കായുള്ള സ്ഥലമേറ്റെടുക്കല്‍ സംബന്ധിച്ച് നേരിട്ട പ്രശ്നങ്ങളും അവ പരിഹരിക്കുവാൻ സ്വീകരിച്ച നടപടികളും സംബന്ധിച്ച വിശദാംശം ലഭ്യമാക്കുമോ;

കൊല്ലം ഡിണ്ടിഗല്‍ ദേശീയപാത (183) യുടെ വികസനത്തിനായി തയാറാക്കിയിരിക്കുന്ന പദ്ധതിയുടെ വിശദാംശം അറിയിക്കാമോ; പ്രസ്തുത പാത വീതി കൂട്ടി നാലുവരി അഥവാ ആറുവരിപാത ആക്കുന്നതിന് ഉദ്ദേശിക്കുന്നുണ്ടോ;

എങ്കിൽ ആയതിനായി ഏറ്റെടുക്കേണ്ടുന്ന സ്ഥലം സംബന്ധിച്ച് ധാരണയായിട്ടുണ്ടോ; അറിയിക്കാമോ;

അത്തരമൊരു പദ്ധതി നിലവില്‍ ആലോചിക്കുന്നില്ലെങ്കില്‍ പ്രസ്തുത റോഡരികിലെ നിർമ്മാണ പ്രവൃത്തികള്‍ക്ക് ദേശീയപാത വിഭാഗം തടസ്സവാദം ഉന്നയിക്കുന്നത് എന്തുകൊണ്ടാണെന്ന് വ്യക്തമാക്കാമോ;

ഇപ്രകാരം തടസ്സവാദം ഉന്നയിക്കുന്നതിനാല്‍ വിവിധ സർക്കാർ പദ്ധതിക‍ള്‍ക്ക് മുടക്കം വന്നിരിക്കുന്നു എന്ന ആരോപണം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് നടപടി സ്വീകരിക്കുമോ?

പൊതുവിദ്യാഭ്യാസ മേഖലയിൽ നടപ്പിലാക്കിയ പരിപാടികളുടെ ഭാഗമായി സെക്കണ്ടറി വിദ്യാഭ്യാസ വിജയശതമാനം മെച്ചപ്പെട്ടിട്ടുണ്ടോ; വ്യക്തമാക്കുമോ;

വിജയശതമാനത്തിനനുസൃതമായി സീറ്റ് ഇല്ലാത്തതിനാല്‍ ചിലയിടങ്ങളിൽ ഹയർ സെക്കണ്ടറി പ്രവേശനത്തിന് പ്രയാസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത വിഷയത്തിൽ അടിയന്തര പരിഹാരം കണ്ടെത്തുന്നതിന് ഹയർസെക്കണ്ടറി ബാച്ചുകളുടെ പുനർവിന്യാസം, അധികബാച്ചുകളും സീറ്റുകളും അനുവദിക്കൽ തുടങ്ങിയ ആവശ്യങ്ങളിന്മേൽ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പത്താം ക്ലാസ് പാസാകുന്ന ആദിവാസി വിഭാഗത്തിൽപ്പെടുന്ന വിദ്യാർഥികൾക്കെല്ലാം ഹയർ സെക്കണ്ടറി പഠനം ഉറപ്പാക്കുന്നതിന് വകുപ്പ് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

മലയോരപാത നിര്‍മ്മാണത്തിലെ പുരോഗതി വിലയിരുത്തിയിട്ടുണ്ടോ; പദ്ധതിയില്‍ ഉള്‍പ്പെട്ട മുഴുവന്‍ റീച്ചുകള്‍ക്കും അനുമതി നേടുന്നതിനുള്ള നടപടിക്രമങ്ങളുടെ പുരോഗതി അറിയിക്കാമോ;

നിര്‍മ്മാണം പുരോഗമിക്കുന്ന ഏതൊക്കെ റീച്ചുകളിലാണ് വനഭൂമി ലഭ്യമാകേണ്ടതെന്ന് അറിയിക്കുമോ; പദ്ധതിയുടെ വിവിധ റീച്ചുകളുടെ സാമ്പത്തികാനുമതിയും സാങ്കേതികാനുമതിയും ലഭ്യമായതിന്റെ വിശദാംശം അറിയിക്കുമോ;

മലയോര പാതയോരത്ത് പബ്ലിക്ക് അമിനിറ്റീസ് സെന്ററുകള്‍ സ്ഥാപിക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ;

പ്രസ്തുത പദ്ധതി പരിസ്ഥിതിക്ക് കോട്ടം തട്ടാത്ത വിധം നടപ്പിലാക്കുന്നതിന് നടപടി സ്വീകരിക്കുമോ?

പ്രീ-പ്രെെമറി രംഗത്ത് അന്താരാഷ്ട്ര നിലവാരമുള്ള പഠനസൗകര്യം ഒരുക്കുന്നതിനായി വര്‍ണ്ണകൂടാരം എന്ന പദ്ധതിക്ക് രൂപം നൽകിയിട്ടുണ്ടോയെന്നും ഇതിന്റെ ഉദ്ദേശ്യലക്ഷ്യങ്ങളെന്താണെന്നും വ്യക്തമാക്കുമോ; സംസ്ഥാനത്തെ മുഴുവന്‍ പ്രീ-പ്രെെമറി സ്കൂളുകളിലും പ്രസ്തുത പദ്ധതി നടപ്പിലാക്കുന്ന കാര്യം പരിഗണനയിലുണ്ടോ; വിശദാംശം ലഭ്യമാക്കുമോ;

കുട്ടികളുടെ ശാരീരിക-മാനസിക ശേഷികള്‍ ബലപ്പെടുത്തുക എന്ന ഉദ്ദേശ്യത്തോടെ പ്രീ-പ്രെെമറി മേഖലയില്‍ എന്തെല്ലാം വികസന പ്രവര്‍ത്തനങ്ങളാണ് നടത്തി വരുന്നതെന്ന് വിശദമാക്കാമോ; പ്രീ-പ്രെെമറി സ്കൂളുകളെ മാതൃകാ സ്കൂളുകളാക്കി മാറ്റിയിട്ടുണ്ടോ; എങ്കിൽ വിശദാംശം ലഭ്യമാക്കുമോ?

സംസ്ഥാനത്ത് നടപ്പാക്കിവരുന്ന എല്ലാവര്‍ക്കും ഭൂമി, എല്ലാ ഭൂമിക്കും രേഖ പദ്ധതി പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

ഇതിന്റെ ഭാഗമായി സാമൂഹ്യ വനാവകാശരേഖ വിതരണം ചെയ്യുന്നതിനായി റവന്യു വകുപ്പ് നടത്തിയ ഇടപെടലുകള്‍ സംബന്ധിച്ച വിശദാംശം ലഭ്യമാക്കുമോ;

പട്ടയവുമായി ബന്ധപ്പെട്ട പ്രശ്നങ്ങള്‍ സമയബന്ധിതമായി തീര്‍പ്പാക്കുന്നതിനായി സംവിധാനം ഒരുക്കിയിട്ടുണ്ടോ; വിശദമാക്കുമോ?

സംസ്ഥാനത്ത് കെട്ടിട നിർമ്മാണ തൊഴിലാളി സെസ് പിരിക്കുന്നതിൽ വീഴ്ച സംഭവിച്ചിട്ടുണ്ടോ; എങ്കിൽ വ്യക്തമാക്കാമോ;

ക്ഷേമനിധി അംഗങ്ങൾക്കുള്ള പെൻഷൻ വിതരണം എട്ടു മാസത്തിലേറെയായി മുടങ്ങിയിട്ടുണ്ടോ; വിശദമാക്കാമോ;

കെട്ടിട നിർമ്മാണ തൊഴിലാളി ക്ഷേമനിധി പെൻഷൻ കുടിശ്ശിക അടിയന്തരമായി നൽകാൻ നടപടി സ്വീകരിക്കുമോയെന്ന് വ്യക്തമാക്കാമോ?

അർഹരായ എല്ലാവർക്കും പട്ടയം നൽകുക, ഭൂരഹിതരായവർക്ക് ഭൂമി നൽകുക എന്നീ ലക്ഷ്യങ്ങളോടെ ആരംഭിച്ച പട്ടയ മിഷന്റെ ഭാഗമായി എല്ലാ മണ്ഡലങ്ങളിലും പട്ടയ അസംബ്ലി ആരംഭിക്കാന്‍ ഉദ്ദേശിക്കുന്നുണ്ടോ; വിശദീകരിക്കാമോ;

പട്ടയ അസംബ്ലിയുടെ ഘടനയും പ്രവർത്തനങ്ങളും എന്തെല്ലാമെന്ന് വിശദമാക്കാമോ;

പട്ടയം അനുവദിക്കുന്നതുമായി ബന്ധപ്പെട്ട നിയമപ്രശ്നങ്ങള്‍, ചട്ടങ്ങളിലെ നിബന്ധനകൾ എന്നിവ മൂലം തീരുമാനമെടുക്കാൻ കഴിയാത്ത വിഷയങ്ങളിൽ പ്രത്യേക അധികാരം വിനിയോഗിച്ചു പട്ടയം നൽകാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

പട്ടയ മിഷനുമായി ബന്ധപ്പെട്ട ഏറ്റവും അടിസ്ഥാനതലത്തിലുള്ള വില്ലേജ് തല വിവരശേഖരണ സമിതിയുടെ പ്രധാന ഉത്തരവാദിത്തങ്ങൾ എന്തെല്ലാമെന്ന് അറിയിക്കുമോ?

ആധുനികയന്ത്രങ്ങളും സാങ്കേതികവിദ്യകളും ഉപയോഗിച്ച് നിര്‍മ്മിക്കുന്ന റോഡുകള്‍ കുറഞ്ഞ കാലയളവിനുള്ളിൽതന്നെ ഗതാഗതയോഗ്യമല്ലാതായിതീരുന്നത് ശ്രദ്ധയില്‍പ്പെട്ടിട്ടുണ്ടോ;

ആവശ്യത്തിന് ഓടകളോ ജലനിര്‍ഗ്ഗമന മാര്‍ഗ്ഗങ്ങളോ ഇല്ലാത്തതാണ് റോഡുകള്‍ തകരുന്നതിന്റെ പ്രധാന കാരണമെന്ന് കണ്ടെത്തിയിട്ടുണ്ടോ; എങ്കില്‍ അവ പരിഹരിക്കാൻ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

റോഡുനിര്‍മ്മാണത്തില്‍ ഗുണമേന്മ ഉറപ്പാക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കുമോ?

മലബാർ മേഖലകളിൽ അനുവദിച്ച അധിക ബാച്ചുകൾ പ്ലസ് വൺ ക്ലാസ്സുകളിലേക്കുള്ള സീറ്റ് ക്ഷാമം പരിഹരിക്കുന്നതിന് അപര്യാപ്തമാണെന്നത് ശ്രദ്ധയില്‍പ്പെട്ടിട്ടുണ്ടോ;

പ്ലസ് വൺ അധിക ബാച്ചുകൾ അനുവദിക്കുന്നതിന് സ്കൂളുകളെ തെരഞ്ഞെടുത്തതിന്റെ മാനദണ്ഡം വെളിപ്പെടുത്തുമോ;

താരതമ്യേന കൂടുതൽ കുട്ടികൾ പരീക്ഷ എഴുതി മികച്ച വിജയം നേടിയ ആദ്യ 25 സ്കൂളുകളിൽ എത്രയിടത്ത് ഹയർസെക്കൻഡറി അധിക ബാച്ച് അനുവദിച്ചുവെന്ന് വിശദമാക്കാമോ;

എസ്.എസ്.എൽ.സി. പരീക്ഷ വിജയിച്ച കുട്ടികളുടെ എണ്ണവും ആ സ്കൂളിലേക്ക് പ്ലസ് വൺ അഡ്മിഷൻ ലഭിക്കുന്നതിന് വേണ്ടിയുള്ള അപേക്ഷകളുടെ എണ്ണവും പരിഗണിച്ചാണോ സ്കൂളുകളിൽ അധിക ബാച്ചുകൾ അനുവദിച്ചിട്ടുള്ളതെന്ന് വിശദമാക്കാമോ?

സംസ്ഥാനത്ത് സേവനങ്ങളും ആനുകൂല്യങ്ങളും തൊഴിലാളികളിലേയ്ക്ക് എത്തിക്കാനും പരാതികളും തര്‍ക്കങ്ങളും പരിഹരിച്ച് തൊഴിലിടങ്ങളില്‍ സൗഹാര്‍ദ്ദപരമായ അന്തരീക്ഷം നിലനിര്‍ത്തുന്നതിനും ആധുനിക വിവരസാങ്കേതിക വിദ്യയുടെ സഹായത്താല്‍ വികസിപ്പിച്ചെടുത്ത സംവിധാനങ്ങള്‍ ഉപയോഗപ്പെടുത്തിക്കൊണ്ടുള്ള പദ്ധതികള്‍ ആവിഷ്കരിച്ച് നടപ്പാക്കിയിട്ടുണ്ടോ; വിശദമാക്കാമോ;

എങ്കില്‍ എന്തൊക്കെ കാര്യങ്ങള്‍ ചെയ്തിട്ടുണ്ടെന്നും ഇതിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നതെന്നുമുള്ള വിശദാംശം നല്‍കാമോ;

തൊഴില്‍ സംബന്ധമായ പരാതികള്‍ നല്‍കുന്നതിനും പരിഹാരം കാണുന്നതിനുമായി ആവിഷ്കരിച്ച കംപ്ലെയിന്റ് മാനേജ്മെന്റ് മൊഡ്യൂള്‍ ഇതിനായി എത്രത്തോളം സഹായകരമായിട്ടുണ്ട്; വിശദാംശം നല്‍കാമോ;

അസംഘടിത മേഖലയിലെ തൊഴിലാളികളുടെയും കുടിയേറ്റ തൊഴിലാളികളുടെയും രജിസ്ട്രേഷന്‍ ത്വരിതപ്പെടുത്തുന്നതിനായി നടപടികള്‍ സ്വീകരിച്ചിട്ടുണ്ടോ; എത്ര പേര്‍ രജിസ്റ്റര്‍ ചെയ്തിട്ടുണ്ട്; വിശദാംശം നല്‍കാമോ?

വയനാട് മുട്ടിൽ മരം മുറിച്ച് മാറ്റിയ സംഭവത്തിൽ നടപടി സ്വീകരിക്കുന്നതിൽ റവന്യൂ വകുപ്പ് അനാസ്ഥ കാട്ടിയതായി ശ്രദ്ധയിൽപ്പെട്ടിട്ടുണ്ടോ; എങ്കിൽ അത് സംബന്ധിച്ച് വകുപ്പ് അന്വേഷിച്ചിട്ടുണ്ടോയെന്ന് വ്യക്തമാക്കാമോ;

മരം മുറിയിൽ സർക്കാരിനുണ്ടായ നഷ്ടം കണക്കാക്കിയിട്ടുണ്ടോ; വിശദമാക്കുമോ;

ഈ നഷ്ടം ഈടാക്കുന്നതിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

സമൂഹവും വിദ്യാലയവും തമ്മിലുള്ള പാരസ്പര്യം ഊട്ടിയുറപ്പിക്കുന്നത് വഴി സുസ്ഥിരമായ സാമൂഹിക നിര്‍മിതി ലക്ഷ്യമിട്ടുകൊണ്ടുള്ള പ്രത്യേക പദ്ധതി സ‍്കൂളുകളില്‍ ആരംഭിച്ചിട്ടുണ്ടോ; പ്രസ്തുത പദ്ധതിയുടെ പ്രവര്‍ത്തനലക്ഷ്യം എന്തൊക്കെയാണെന്ന് വിശദമാക്കുമോ;

സംസ്ഥാനത്ത് എത്ര സ്കൂളുകളില്‍ പ്രസ്തുത പദ്ധതി നടപ്പാക്കി വരുന്നുണ്ട്; പദ്ധതി പ്രവര്‍ത്തനത്തിനായി മാര്‍ഗ്ഗരേഖ തയ്യാറാക്കിയിട്ടുണ്ടോ; ഇതിനായി ബന്ധപ്പെട്ടവര്‍ക്ക് ആവശ്യമായ പരിശീലനം നൽകയിട്ടുണ്ടോ; വിശദാംശം ലഭ്യമാക്കുമോ?

സംസ്ഥാനത്ത് എല്ലാവര്‍ക്കും ഭൂമി, എല്ലാ ഭൂമിക്കും രേഖ എന്ന ലക്ഷ്യത്തോടെ ആവിഷ്കരിച്ച പട്ടയ വിതരണ പദ്ധതികള്‍ ഉദ്ദേശ്യലക്ഷ്യം കൈവരിച്ചിട്ടുണ്ടോ; വിശദമാക്കാമോ;

ഓരോ നൂറുദിന കര്‍മ്മപദ്ധതികളിലും ലക്ഷ്യമിട്ടതും സാക്ഷാത്കരിച്ചതുമായ പട്ടയ വിതരണ വിശദാംശം അറിയിക്കുമോ;

പട്ടയ വിതരണത്തിന് നിയമ തടസ്സമുള്‍പ്പെടെയുളള പ്രശ്നങ്ങള്‍ പരിഹരിക്കുന്നതിന് പ്രത്യേക സംവിധാനങ്ങള്‍ ആവിഷ്കരിച്ചിരുന്നോ; വിശദമാക്കുമോ;

പട്ടയ അപേക്ഷകള്‍ തീര്‍പ്പാക്കുന്നതിന് ഒരു സ്റ്റാന്റേര്‍ഡ് ഓപ്പറേഷന്‍ പ്രൊസീജിയര്‍ വികസിപ്പിക്കുന്നതിന് പദ്ധതി തയ്യാറാക്കിയിരുന്നോ; വിശദവിവരങ്ങള്‍ നല്‍കുമോ;

വ്യാജരേഖകളും വ്യാജപട്ടയങ്ങളും തടയാന്‍ കഴിയുംവിധം ഇ-പട്ടയങ്ങള്‍ വിതരണം ചെയ്യുന്നതിന് നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കാമോ;

സംസ്ഥാനത്തെ എല്ലാ ഭൂരഹിതരെയും ഭൂഉടമകളാക്കുക എന്ന ലക്ഷ്യത്തോടെ ഒരു പട്ടയ മിഷന്‍ രൂപീകരിച്ചിട്ടുണ്ടോ; അതിന്റെ പ്രവര്‍ത്തനരീതി വിശദമാക്കാമോ?