14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 15^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സി.ആന്റ്എ.ജി. റിപ്പോര്‍ട്ടിലെ പരാമർശങ്ങൾ

5875.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സി.ആന്റ്എ.ജി.യുടെ 2017-18 ലെ റിപ്പോര്‍ട്ടിലെ പൊതുമരാമത്ത് വകുപ്പിനെ സംബന്ധിച്ച പ്രസക്തമായ പരാമര്‍ശങ്ങൾ പരിശോധിച്ചിട്ടുണ്ടോ;

(ബി)	സി.ആന്റ്എ.ജി. റിപ്പോര്‍ട്ട് പുറത്തുവരുന്നതിനുമുന്‍പ് പ്രസ്തുത പരാമർശങ്ങൾ സംബന്ധിച്ച് എ.ജി.(കേരള) പൊതുമരാമത്ത് വകുപ്പിനെ അറിയിച്ചിരുന്നോ; വ്യക്തമാക്കുമോ;

(സി)	ഇതിന്റെ അടിസ്ഥാനത്തില്‍ പൊതുമരാമത്ത് വകുപ്പ് എ.ജി. (കേരള)-യ്ക്ക് മറുപടി നല്‍കിയിരുന്നോ; വ്യക്തമാക്കുമോ;

(ഡി)	സി.ആൻഡ്എ.ജി. റിപ്പോർട്ടിലെ പരാമർശങ്ങളുടെ അടിസ്ഥാനത്തിൽ പ്രസ്തുത വിഷയത്തിൽ വകുപ്പ് സ്വീകരിക്കുവാന്‍ ഉദ്ദേശിക്കുന്ന നടപടികള്‍ വ്യക്തമാക്കുമോ?

പി.ഡബ്ല്യു.ഡി. ഭൂമിയിലെ കയ്യേറ്റം ഒഴിപ്പിക്കുന്നതിന് നടപടി

5876.

ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പി.ഡബ്ല്യു.ഡി. ഭൂമിയിലെ കയ്യേറ്റം ഒഴിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കുമോ;

(ബി)	പൊതുമരാമത്ത് റോഡുകളുടെ ഇരുപുറവും കയ്യേറിയിട്ടുള്ളതായി ബോധ്യപ്പെട്ടാല്‍ ഒഴിപ്പിക്കുന്നതിന് വകുപ്പുതലത്തില്‍ അതത് പ്രദേശത്തെ ബന്ധപ്പെട്ട പൊതുമരാമത്ത് എന്‍ജിനീയര്‍ക്കോ മറ്റേതെങ്കിലും ഉദ്യേഗസ്ഥര്‍ക്കോ അധികാരമുണ്ടോ;

(സി)	കയ്യേറ്റങ്ങള്‍ ഒഴിപ്പിച്ച് റോഡുനിര്‍മ്മാണവും ഗതാഗതവും സുഗമമാക്കുന്നതിന് പി.ഡബ്ല്യു.ഡി. നടത്തിവരുന്ന നടപടികള്‍ വിജയകരമാണോ; പി.ഡബ്ല്യു.ഡി. യ്ക്ക് ഒഴിപ്പിക്കാന്‍ കഴിയാതെ വരികയാണെങ്കില്‍ എന്തെല്ലാം അനന്തര നടപടികളാണ് സ്വീകരിക്കുന്നത്;

(ഡി)	കയ്യേറ്റം ഒഴിഞ്ഞുപോകാന്‍ നോട്ടീസ് നല്‍കിയിട്ടും ഒഴിയാതിരിക്കുകയും ഒരിക്കല്‍ ഒഴിവാക്കിയ സ്ഥലം വീണ്ടും കയ്യേറുകയും ചെയ്തതായ സംഭവങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന് ഉത്തരവാദികളായവര്‍ക്കെതിരെ നിയമ നടപടി സ്വീകരിക്കുമോ എന്ന് വ്യക്തമാക്കാമോ?

റോഡ് കയ്യേറ്റങ്ങള്‍ ഒഴിപ്പിക്കുന്നതിന് നടപടി

5877.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ അധീനതയിലുളള സ്ഥലങ്ങളിലെയും റോഡിന്റെ ഇരുഭാഗങ്ങളിലെയും കയ്യേറ്റങ്ങള്‍ ഒഴിപ്പിക്കുന്നതിന് നിലവില്‍ എന്തെല്ലാം നടപടികളാണ് സ്വീകരിച്ചുവരുന്നതെന്നും ഈ നടപടികള്‍കൊണ്ട് ഉണ്ടായ പുരോഗതിയും വ്യക്തമാക്കാമോ;

(ബി)	റോഡിന്റെ ഇരുപുറങ്ങളിലുമുളള സ്ഥലം കയ്യേറി കച്ചവടസ്ഥാപനങ്ങള്‍ നടത്തുകയോ മതില്‍ കെട്ടിമറയ്ക്കുകയോ ചെയ്തവര്‍ സ്വയം ഒഴിഞ്ഞുപോകുന്നതിന് അതത് പ്രദേശത്തെ ബന്ധപ്പെട്ട പൊതുമരാമത്ത് ഓഫീസില്‍ ചുമതലപ്പെട്ട ഉദ്യോഗസ്ഥര്‍ നോട്ടീസ് നല്‍കാറുണ്ടോ;

(സി)	പ്രസ്തുത നടപടികള്‍ക്ക് ശേഷവും ഒഴിഞ്ഞുപോകാത്തവരെ ഒഴിപ്പിക്കുന്നതിന് നടപടി സ്വീകരിക്കാറുണ്ടോ; വിശദമാക്കുമോ;

(ഡി)	റോഡിന്റെയും കാനയുടെയും നിര്‍മ്മാണത്തിന് തടസ്സമായി നില്‍ക്കുന്ന കയ്യേറ്റങ്ങള്‍ ഒഴിപ്പിക്കുന്നതിനായി ഒരു പ്രത്യേക സംഘത്തെ നിയോഗിക്കുന്നതിനും നിയമവിരുദ്ധ പ്രവര്‍ത്തനം നടത്തുന്നവര്‍ക്കെതിരെ പിഴ ചുമത്തുന്നതിനും കേസെടുക്കുന്നതിനും നടപടി സ്വീകരിക്കുമോ?

റോഡുകളുടെ പാര്‍ശ്വങ്ങളിലെ അപകടകരമായ വൃക്ഷങ്ങള്‍

5878.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ കീഴിലുള്ള റോഡുകളുടെ പാര്‍ശ്വങ്ങളില്‍ അപകടകരമായ രീതിയിലുള്ള വന്‍വൃക്ഷങ്ങള്‍ മുറിച്ചുമാറ്റുന്നതിനായി എന്തെല്ലാം നടപടിക്രമങ്ങളാണ് പാലിക്കേണ്ടത്; വിശദമാക്കാമോ;

(ബി)	ഇത്തരത്തില്‍ അപകടകരമായ രീതിയില്‍ സ്ഥിതി ചെയ്യുന്ന വൃക്ഷങ്ങളെ മുറിച്ചുമാറ്റണമെന്ന് ആവശ്യപ്പെട്ടുള്ള പരാതികള്‍ ലഭിച്ചിട്ടുണ്ടോ; വിശദമാക്കാമോ; ഉണ്ടെങ്കില്‍ അതിന്മേല്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	പ്രസ്തുത മരങ്ങള്‍ മുറിച്ചുമാറ്റുന്നതിനായി തദ്ദേശസ്വയംഭരണ വകുപ്പിന്റെയോ വനം വകുപ്പിന്റെയോ അനുമതി ആവശ്യമുണ്ടോ; വിശദമാക്കാമോ?

മുൻ സര്‍ക്കാരിന്റെ കാലത്ത് ആരംഭിച്ച് പൂര്‍ത്തിയാകാത്ത പ്രവൃത്തികള്‍

5879.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കഴി‍ഞ്ഞ സര്‍ക്കാരിന്റെ കാലത്ത് നിര്‍മ്മാണം ആരംഭിച്ചതും നാളിതുവരെ പണി പൂര്‍ത്തീകരിക്കാത്തതുമായ എത്ര പ്രവൃത്തികളുണ്ടെന്നും (റോഡുകളും പാലങ്ങളും) അവ ഏതെല്ലാമാണെന്നും വ്യക്തമാക്കുമോ;

(ബി)	ഇവയില്‍ ഏതെല്ലാം പ്രവൃത്തികളുടെ നിര്‍മ്മാണം നിര്‍ത്തിവച്ചിട്ടുണ്ടെന്നും നിര്‍ത്തിവയ്ക്കാനുണ്ടായ കാരണങ്ങള്‍ എന്തെല്ലാമാണെന്നും വ്യക്തമാക്കുമോ;

(സി)	നിര്‍ത്തിവയ്ക്കപ്പെട്ട പ്രവൃത്തികള്‍ക്കായി നാളിതുവരെ എത്ര തുക ചെലവഴിച്ചിട്ടുണ്ടെന്ന് വ്യക്തമാക്കുമോ?

അഴിമതി ആരോപണങ്ങൾ സംബന്ധിച്ച അന്വേഷണം

5880.

ശ്രീ.പി.ടി.എ. റഹീം
,, കെ.സുരേഷ് കുറുപ്പ്
,, റ്റി.വി.രാജേഷ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ അധീനതയിലുള്ള പാലങ്ങളുടെയും റോഡുകളുടെയും കെട്ടിടങ്ങളുടെയും സുരക്ഷ സംബന്ധിച്ച് വകുപ്പുതല എക്സ്പെര്‍ട്ട് കമ്മിറ്റി പരിശോധനകള്‍ നടത്തിയിട്ടുണ്ടോ; എങ്കില്‍ വിശദമാക്കുമോ;

(ബി)	2011-2016 കാലഘട്ടത്തില്‍ സംസ്ഥാനത്ത് ഉയര്‍ന്നുവന്നിട്ടുള്ള ക്രമക്കേടുകളും ആരോപണങ്ങളും സംബന്ധിച്ച് ഈ സര്‍ക്കാര്‍ പ്രാഥമികമായ അന്വേഷണം നടത്തിയിട്ടുണ്ടോ; എങ്കില്‍ അതിലെ വസ്തുതകള്‍ വെളിപ്പെടുത്തുമോ;

(സി)	പ്രസ്തുത കാലയളവില്‍, അടിസ്ഥാനസൗകര്യ വികസനത്തിന്റെ മറവില്‍ രാഷ്ട്രീയ നേതൃത്വവും ഉദ്യോഗസ്ഥരും കരാറുകാരും കൈകോര്‍ത്ത് നടത്തിയ ഇടപാടുകള്‍ അഴിമതിയില്‍ കലാശിക്കുകയും ഗുരുതരമായ സ്ഥിതിവിശേഷം ക്ഷണിച്ചുവരുത്തുകയും ചെയ്തതായി വിലയിരുത്തിയിട്ടുണ്ടോ;

(ഡി)	ഇരുന്നൂറ് മീറ്റര്‍ നീളവും മുന്ന് മീറ്റര്‍ വീതിയും രണ്ടുതൂണുകളും മാത്രമുള്ള ആലുവയിലെ നടപ്പാലത്തിന്റെ ടെന്‍ഡര്‍ ആറ് കോടി രൂപ ആയിരുന്നത് പണി പൂര്‍ത്തിയാക്കിയപ്പോള്‍ പതിനേഴ് കോടി രൂപയാവാന്‍ ഇടയായ സാഹചര്യം എന്തായിരുന്നു;

(ഇ)	ആരോപണവിധേയമായ പ്രവൃത്തികളെക്കുറിച്ച് അന്വേഷണം നടത്തി കുറ്റക്കാര്‍ക്കെതിരെ നടപടി സ്വീകരിക്കുമോ എന്നറിയിക്കാമോ?

പൊതുമരാമത്ത് വകുപ്പിലെ നിര്‍മ്മാണ പ്രവര്‍ത്തനങ്ങള്‍

5881.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഇൗ സര്‍ക്കാര്‍ അധികാരത്തില്‍ വന്നശേഷം പൊതുമരാമത്ത് വകുപ്പുമായി ബന്ധപ്പെട്ട നിര്‍മ്മാണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കുന്നുവെന്ന് ഉറപ്പുവരുത്തുന്നുണ്ടോ; വിശദമാക്കുമോ?

സീബ്ര ലൈനുകള്‍ സംബന്ധിച്ച ചുമതല

5882.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളില്‍ സീബ്ര ലൈനുകള്‍ സ്ഥാപിക്കാനുള്ള ചുമതല ആര്‍ക്കാണെന്ന കാര്യം വിശദമാക്കാമോ;

(ബി)	നിലവിലുള്ള ഒരു സീബ്ര ലൈന്‍ പുതുക്കി വരയ്ക്കന്നതിനുള്ള കാലപരിധി നിശ്ചയിച്ചിട്ടുണ്ടോ; വിശദാംശങ്ങള്‍ അറിയിക്കുമോ;

(സി)	അദ്ധ്യയന വര്‍ഷം ആരംഭിക്കുന്നതിന് മുന്നോടിയായി വിദ്യാഭ്യാസ സ്ഥാപനങ്ങളുടെ മുന്‍വശത്തെ റോഡുകളില്‍ സീബ്ര ലൈന്‍ തെളിഞ്ഞ് കാണുന്ന രീതിയില്‍ വരച്ചിട്ടുണ്ടെന്ന കാര്യം ഉറപ്പ് വരുത്തിയിട്ടുണ്ടോ; ഇതിനുവേണ്ടി ചെയ്ത പ്രവര്‍ത്തനങ്ങള്‍ അറിയിക്കുമോ?

വൈറ്റ് ടോപ്പിംഗ് റോഡ് നിര്‍മ്മാണം

5883.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുപ്പത് വര്‍ഷത്തിലധികം കാലം നീണ്ടുനില്‍ക്കുന്ന തരത്തില്‍ വൈറ്റ് ടോപ്പിംഗ് റോഡ് ദക്ഷിണേന്ത്യന്‍ സംസ്ഥാനങ്ങളില്‍ നിര്‍മ്മിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ബി)	ഇപ്രകാരം റോഡ് നിര്‍മ്മിക്കുന്നതിന് ഒരു കിലോമീറ്ററിന് എത്ര കോടി രൂപയാണ് നിര്‍മ്മാണച്ചെലവ് വരുന്നത്; വിശദമാക്കുമോ;

(സി)	സംസ്ഥാനത്ത് പ്രസ്തുത രീതിയിലുള്ള നിര്‍മ്മാണ പ്രക്രിയ പ്രാവര്‍ത്തികമാക്കി റോഡ് നിര്‍മ്മിക്കുന്ന കാര്യം ഗൗരവമായി പരിഗണിക്കുമോ; വ്യക്തമാക്കുമോ?

മൊബൈല്‍ റോഡ് റിപ്പയര്‍ യൂണിറ്റ്

5884.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പൊതുമരാമത്ത് വകുപ്പിന്റെ മൊബൈല്‍ റോഡ് റിപ്പയര്‍ യൂണിറ്റ് ആരംഭിച്ച് റോഡിലുണ്ടാകുന്ന കുഴികള്‍ കാലതാമസം കൂടാതെ അറ്റകുറ്റപ്പണി ചെയ്യുന്നതിന് ഉദ്ദേശിക്കുന്നുണ്ടോ; വിശദമാക്കാമോ?

ഗ്രാമീണ റോഡുകള്‍ പരിഷ്കരിക്കുന്നതിന് പദ്ധതികള്‍

5885.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ കീഴില്‍ വരുന്ന ആറ് മീറ്ററില്‍ കൂടുതല്‍ വീതിയുള്ള ഗ്രാമീണ റോഡുകള്‍ പരിഷ്കരിക്കുന്നതിന് പദ്ധതികള്‍ ആവിഷ്കരിക്കുന്ന കാര്യം പരിഗണനയില്‍ ഉണ്ടോ;

(ബി)	ഇല്ലെങ്കില്‍ ഇക്കാര്യത്തില്‍ ആവശ്യമായ നടപടികള്‍ സ്വീകരിക്കുമോ എന്നറിയിക്കാമോ?

ഗ്രാമീണ റോ‍ഡുകളുടെ നിര്‍മ്മാണം

5886.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമീണ റോ‍ഡുകളുടെ നിര്‍മ്മാണത്തിനായി പൊതുമരാമത്ത് വകുപ്പ് നിഷ്കര്‍ഷിച്ചിട്ടുള്ള മാനദണ്ഡം എന്താണെന്ന് വ്യക്തമാക്കുമോ;

(ബി)	പുതിയ റോഡുകള്‍ക്ക് 20 എം.എം. ചിപ്പിംഗ് കാര്‍പ്പറ്റ് ഉപയോഗിക്കണമെന്ന് നിഷ്ക്കര്‍ഷിക്കാറുണ്ടോ; അത് ഗ്രാമീണ റോഡുകളുടെ നിര്‍മ്മിതിയില്‍ പാലിക്കാറുണ്ടോ;

(സി)	സര്‍ക്കാര്‍ നിഷ്ക്കര്‍ഷിച്ച വിധത്തില്‍ ഗ്യാരന്റി റോഡ‍ുകള്‍ ഗുണമേന്മയോടെ ഒരു കിലോമീറ്റര്‍ നിര്‍മ്മിക്കുവാന്‍ നിലവില്‍ എന്തു തുക വേണ്ടിവരും എന്ന് വെളിപ്പെടുത്താമോ?

റോഡുകളിൽ പാര്‍ക്കിംഗിനായി ഫീസ് പിരിക്കുന്നതിന് അനുമതി

5887.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന് കീഴിലുളള റോഡരികില്‍ പാര്‍ക്കിംഗിനായി തിരുവനന്തപുരം നഗരസഭ ഫീസ് പിരിക്കുന്നത് വകുപ്പിന്റെ അനുമതിയോടുകൂടിയാണോ എന്ന് വ്യക്തമാക്കാമോ;

(ബി)	ഇങ്ങനെ പാര്‍ക്കിംഗ് ഫീസ് പിരിക്കുന്നതിന് വകുപ്പിന്റെ അനുമതി ആവശ്യമുണ്ടോ; എങ്കില്‍ ഇതിന്റെ വിശദാംശം ലഭ്യമാക്കുമോ;

(സി)	നിയമപ്രകാരമല്ല പാര്‍ക്കിംഗ് ഫീസ് പിരിക്കുന്നത് എങ്കില്‍ ഇത് അവസാനിപ്പിക്കുവാന്‍ നടപടി സ്വീകരിക്കുമോ എന്നറിയിക്കാമോ?

റോഡുകളുടെ വീതി

5888.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ നാഷണല്‍ ഹൈവേ, സ്റ്റേറ്റ് ഹൈവേ എന്നിവയുടെ വീതിയുടെ കാര്യത്തില്‍ എന്തെല്ലാം നിബന്ധനകളാണുള്ളത്; വിശദമാക്കാമോ?

റോഡുകളുടെ സമഗ്ര വികസനത്തിനായുള്ള പദ്ധതികള്‍

5889.

ശ്രീ.പി.വി. അന്‍വര്‍
പ്രൊഫ.കെ.യു. അരുണന്‍
ശ്രീ.കാരാട്ട് റസാഖ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെ സമഗ്ര വികസനത്തിനായി തയ്യാറാക്കിയിട്ടുള്ള വിവിധ പദ്ധതികളുടെ അവലോകനം നടത്തിയിട്ടുണ്ടോ;

(ബി)	പ്രസ്തുത പദ്ധതികളുടെ കീഴിലുള്ള പ്രവൃത്തികള്‍ക്കായി ഡി.പി.ആര്‍. തയ്യാറാക്കുന്നത് ത്വരിതപ്പെടുത്താന്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

(സി)	ഇവയില്‍ റോഡ് ഇന്‍ഫ്രാസ്ട്രക്ചര്‍ കമ്പനി കേരള ലിമിറ്റഡ് നെ ഏല്‍പ്പിച്ച പദ്ധതികളുടെ കാര്യക്ഷമമായ നടത്തിപ്പിനായി സ്വീകരിച്ചിട്ടുള്ള നടപടികള്‍ വിശദമാക്കാമോ?

കരുനാഗപ്പള്ളിയിലെ റോഡുപ്രവൃത്തികൾ

5890.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി നിയോജകമണ്ഡലത്തില്‍ 2016 ഏപ്രില്‍ ഒന്നിനുശേഷം ബി.എം.&ബി.സി. നിലവാരത്തില്‍ പുനര്‍നിര്‍മ്മിക്കുന്ന റോഡുകളുടെ വിശദാംശം ലഭ്യമാക്കുമോ;

(ബി)	ഈ കാലയളവില്‍ അടിയന്തര അറ്റകുറ്റപ്പണികള്‍ക്കായി അനുവദിച്ച തുകയുടെയും ചെയ്ത പ്രവൃത്തികളുടെയും വിശദാംശം ലഭ്യമാക്കുമോ;

(സി)	മേല്‍ സൂചിപ്പിച്ച പ്രവൃത്തികളുടെ പുരോഗതി വിശദമാക്കുന്ന സ്റ്റേറ്റ്മെന്റ് ലഭ്യമാക്കുമോ?

കാസര്‍ഗോഡ്-തിരുവനന്തപുരം ദേശീയപാത വികസനം

T 5891.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ്-തിരുവനന്തപുരം ദേശീയപാത വികസനം അട്ടിമറിക്കുവാന്‍ കേന്ദ്ര സര്‍ക്കാര്‍ ആസൂത്രിതമായ നീക്കം നടത്തുന്നതായ ആക്ഷേപം വസ്തുതാപരമാണോ; വ്യക്തമാക്കുമോ;

(ബി)	ദേശീയപാത വികസനവുമായി ബന്ധപ്പെട്ട് സംസ്ഥാന സര്‍ക്കാരിന്റെ പരിധിയില്‍ വരുന്ന എല്ലാ കാര്യങ്ങളും സമയബന്ധിതമായി പൂര്‍ത്തീകരിച്ചിട്ടുണ്ടോ;

(സി)	സ്ഥലമെടുപ്പ് പൂര്‍ത്തിയാക്കിയ ഏതൊക്കെ റീച്ചുകളിലാണ് ഇതിനകം ടെണ്ടര്‍ നടപടി പൂര്‍ത്തിയാക്കിയിട്ടുളളത്; വിശദമാക്കുമോ;

(ഡി)	ഈ സര്‍ക്കാരിന്റെ കാലത്ത് ദേശീയ പാത വികസനം പൂര്‍ത്തിയാക്കാതിരിക്കുവാന്‍ എന്തെങ്കിലും ഗൂഢനീക്കം നടക്കുന്നതായി കണ്ടെത്തിയിട്ടുണ്ടോ;

(ഇ)	സംസ്ഥാനത്തെ ദേശീയപാത വികസനം ഒന്നാം മുന്‍ഗണന പട്ടികയിലേക്ക് മാറ്റണമെന്ന സംസ്ഥാന സര്‍ക്കാരിന്റെ ആവശ്യത്തിന്മേൽ കേന്ദ്ര സർക്കാരിന്റെ പ്രതികരണം എന്താണ്; വ്യക്തമാക്കാമോ?

ദേശീയപാതവികസനത്തിലെ പുതിയ കേന്ദ്ര നിര്‍ദ്ദേശം

5892.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതയ്ക്കായി ഭൂമി ഏറ്റെടുക്കുന്നതിലെ മുന്‍ഗണനാ പദവി മാറ്റുകയും പിന്നീട് പുനസ്ഥാപിക്കുകയും ചെയ്തെങ്കിലും നിര്‍മ്മാണച്ചെലവിന്റെ വിഹിതം സംസ്ഥാനം വഹിക്കണമെന്ന നിര്‍ദ്ദേശത്തില്‍ കേന്ദ്രം ഇപ്പോള്‍ എന്തെങ്കിലും ഇളവ് നല്‍കിയിട്ടുണ്ടോ എന്ന് വ്യക്തമാക്കാമോ;

(ബി)	ഇല്ലെങ്കില്‍ ഇതിനായി ജി.എസ്.ടി. വരുമാനത്തിലെ സംസ്ഥാന വിഹിതം ഒഴിവാക്കണമെന്ന കേന്ദ്ര നിര്‍ദ്ദേശം സര്‍ക്കാര്‍ അംഗീകരിക്കുമോ;

(സി)	നിര്‍മ്മാണവസ്തുക്കളായി കേരളത്തിലെ പാറയും മണലുമൊക്കെ ഉപയോഗിക്കുന്നത് സംസ്ഥാനവിഹിതമായി കേന്ദ്രം പരിഗണിക്കുമോ; എങ്കില്‍ ഇതിനായി കേന്ദ്രാനുമതി ആവശ്യമാണോ എന്നറിയിക്കാമോ;

(ഡി)	ചില ഘട്ടങ്ങളില്‍, സംസ്ഥാനവുമായി കൂടിയാലോചിക്കാതെ കേന്ദ്രം ഒറ്റയ്ക്കെടുക്കുന്ന തീരുമാനങ്ങള്‍ ദേശീയപാത നിര്‍മ്മാണത്തിന് പ്രതിസന്ധി സൃഷ്ടിക്കുമെന്ന ആശങ്ക സര്‍ക്കാരിനുണ്ടോ; എങ്കില്‍ ഇത് മറികടക്കാന്‍ എന്ത് നടപടികള്‍ കൈക്കൊള്ളുമെന്നറിയിക്കാമോ; വിശദാംശങ്ങള്‍ നല്‍കുമോ?

പൊതുമരാമത്ത് കെട്ടിട വിഭാഗം നടപ്പിലാക്കുന്ന പ്രവൃത്തികള്‍

5893.

(എ)	ഈ സര്‍ക്കാര്‍ അധികാരത്തില്‍ വന്നശേഷം പൊതുമരാമത്ത് കെട്ടിട വിഭാഗം മുഖാന്തിരം നടപ്പിലാക്കുന്നതിനായി ഏതെല്ലാം പ്രവൃത്തികള്‍ക്കാണ് ഭരണാനുമതി ലഭ്യമാക്കിയതെന്ന് വ്യക്തമാക്കുമോ;

(ബി)	ഭരണാനുമതി ലഭ്യമായ പ്രവൃത്തികളില്‍ ഇനിയും ആരംഭിച്ചിട്ടില്ലാത്ത പ്രവൃത്തികള്‍ ഏതെല്ലാം എന്ന് വ്യക്തമാക്കുമോ; കാലതാമസം ഉണ്ടാകാനുള്ള കാരണം വ്യക്തമാക്കുമോ;

(സി)	കാലതാമസം ഒഴിവാക്കി പ്രവൃത്തികള്‍ അടിയന്തരമായി പൂര്‍ത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് അറിയിക്കുമോ?

മാതൃകാ റെസ്റ്റ് ഹൗസുകള്‍

5894.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ജില്ലാ കേന്ദ്രങ്ങളില്‍ പൊതുമരാമത്ത് വകുപ്പിന്റെ കീഴിലുള്ള റെസ്റ്റ് ഹൗസുകള്‍ നവീകരിച്ച് മാതൃകാ റെസ്റ്റ് ഹൗസുകള്‍ ആക്കുന്നതിന് പദ്ധതി ആവിഷ്ക്കരിച്ചിട്ടുണ്ടോ എന്നറിയിക്കാമോ;

(ബി)	എന്തൊക്കെ സൗകര്യങ്ങളാണ് പ്രസ്തുത മാതൃകാ റെസ്റ്റ് ഹൗസുകളില്‍ ഒരുക്കുവാന്‍ ഉദ്ദേശിക്കുന്നത്;

(സി)	ഇതിനായി അധിക തസ്തിക സൃഷ്ടിക്കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

തമിഴ്‌നാട്ടിലെ കുറ്റാലത്തുള്ള ഭൂമിയും കെട്ടിടസമുച്ചയങ്ങളും

5895.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തമിഴ്‌നാട്ടിലെ കുറ്റാലത്തുള്ള തിരുവിതാംകൂര്‍ രാജവംശത്തിന്റെ ഉടമസ്ഥതയില്‍ ഉണ്ടായിരുന്ന എത്ര ഏക്കര്‍ ഭൂമിയും കെട്ടിട സമുച്ചയങ്ങളുമാണ് പിന്നീട് കേരള സര്‍ക്കാര്‍ ഏറ്റെടുത്തത്; വിശദമാക്കാമോ;

(ബി)	ഈ ഭൂമിയുടെയും കെട്ടിടത്തിന്റെയും ഇപ്പോഴത്തെ അവസ്ഥ എന്താണ്; ഇതില്‍ കയ്യേറ്റമുണ്ടായിട്ടുണ്ടോ; വിശദാംശം നല്‍കുമോ;

(സി)	ഭൂമിയില്‍ ഉണ്ടായ കയ്യേറ്റം ഒഴിപ്പിക്കാന്‍ കഴിഞ്ഞിട്ടുണ്ടോ; ഇപ്പോള്‍ സര്‍ക്കാരിന്റെ പക്കല്‍ എത്ര ഏക്കര്‍ ഭൂമിയും കെട്ടിടവുമാണ് ഉള്ളതെന്ന് വ്യക്തമാക്കാമോ?

ഉദുമ മണ്ഡലത്തിലെ തീരദേശ ഹൈവേ നിർമ്മാണം

5896.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശ ഹൈവേ പ്രോജക്ടില്‍ കാസര്‍ഗോഡ് ജില്ലയിലെ എത്ര കിലോമീറ്റര്‍ റോഡാണ് ഉള്‍പ്പെടുത്തിയിട്ടുള്ളത്;

(ബി)	ഉദുമ നിയോജകമണ്ഡലത്തില്‍ ഏതൊക്കെ റോഡുകള്‍ കണക്ട് ചെയ്താണ് പ്രസ്തുത ഹൈവേ നിര്‍മ്മിക്കുന്നത്; എവിടെയൊക്കെ പാലങ്ങള്‍ വേണം; വിശദാംശം അറിയിക്കാമോ;

(സി)	ഹൈവേ നിര്‍മ്മാണത്തിന് ഉദുമ മണ്ഡലത്തില്‍ എവിടെയൊക്കെ സ്ഥലം ആവശ്യമുണ്ട്; വിശദാംശം അറിയിക്കാമോ?

കൊച്ചി മണ്ഡലത്തിലെ റോഡുകളുടെ നിര്‍മ്മാണ പ്രവൃത്തി

5897.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് കൊച്ചി നിയോജകമണ്ഡലത്തിലുള്‍പ്പെടുന്ന റോഡുകള്‍ മെച്ചപ്പെടുത്തുന്നതിന് എത്ര തുക നാളിതുവരെ അനുവദിച്ചിട്ടുണ്ടെന്ന് വ്യക്തമാക്കാമോ;

(ബി)	പ്രസ്തുത റോഡുകള്‍ ഏതെല്ലാമാണെന്നും ഓരോ റോഡിനും എത്ര തുക എപ്പോഴാണ് അനുവദിച്ചതെന്നും വ്യക്തമാക്കുമോ;

(സി)	ഭരണാനുമതി നല്‍കിയ റോഡുകളുടെ പ്രവൃത്തി പൂര്‍ത്തിയായിട്ടുണ്ടോ; ഇല്ലെങ്കില്‍ ഏതെല്ലാം റോഡുകളുടെ ടെണ്ടര്‍ നടപടികള്‍ പൂര്‍ത്തിയായിട്ടുണ്ട്; ഇനി ടെണ്ടര്‍ ചെയ്യാനുളള റോഡുകള്‍ ഏതെല്ലാമാണെന്ന് വ്യക്തമാക്കാമോ?

കൊല്ലം-തേനി റോഡിന്റെ പുനര്‍നിര്‍മ്മാണം

5898.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം-തേനി റോഡിന്റെ പുനര്‍നിര്‍മ്മാണം വൈകുന്നതിന്റെ കാരണം വ്യക്തമാക്കാമോ;

(ബി)	ചെങ്ങന്നൂര്‍ കോട്ടുകുളഞ്ഞി മുതല്‍ ആഞ്ഞിലി ചുവട് വരെയുള്ള റോഡിലെ അപകടകരമായ ഗര്‍ത്തങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(സി)	ഇത് പരിഹരിക്കുന്നതിനുള്ള നടപടികള്‍ അടിയന്തരമായി സ്വീകരിക്കുമോ എന്നറിയിക്കാമോ?

അമരവിള-ശുരവക്കാണി, കീഴാറൂര്‍-പശുവണ്ണറ-തെള്ളുകുഴി റിംഗ് റോഡ് പ്രവൃത്തികള്‍

5899.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18 സാമ്പത്തിക വര്‍ഷത്തെ ബജറ്റില്‍ പ്രഖ്യാപിച്ച അമരവിള-ശുരവക്കാണി, കീഴാറൂര്‍-പശുവണ്ണറ-തെള്ളുകുഴി റിംഗ് റോഡ് എന്നീ പ്രവൃത്തികളുടെ നിലവിലെ സ്ഥിതി എന്താണെന്ന് അറിയിക്കാമോ; വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത പ്രവൃത്തികള്‍ക്കായുള്ള ഡി. പി. ആര്‍. തയ്യാറാക്കുന്നതില്‍ ഉദ്യോഗസ്ഥരുടെ ഭാഗത്തുനിന്നുള്ള കാലതാമസം ഒഴിവാക്കുന്നതിനുള്ള നടപടി സ്വീകരിക്കാമോ;

(സി)	പ്രസ്തുത പ്രവൃത്തികള്‍ എന്നത്തേക്ക് ആരംഭിക്കാനാകും; വിശദാംശങ്ങള്‍ ലഭ്യമാക്കാമോ?

കൊല്ലം ജില്ലയിലെ സി.ആര്‍.എഫ്.റോഡുകൾ

5900.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലയളവില്‍ സി.ആര്‍.എഫ്. പദ്ധതിയില്‍ ഉള്‍പ്പെടുത്തി കൊല്ലം ജില്ലയില്‍ അനുവദിച്ച റോഡുകള്‍ ഏതെല്ലാമാണെന്നും അവയുടെ അടങ്കല്‍ തുക എത്രയാണെന്നും വെളിപ്പെടുത്തുമോ;

(ബി)	പ്രസ്തുത റോഡുകളുടെ നിര്‍മ്മാണം നിലവിൽ ഏത് ഘട്ടത്തിലാണെന്ന് വിശദമാക്കുമോ?

‍ ചേലക്കര നിയോജകമണ്ഡലത്തില്റോഡ് പുനരുദ്ധാരണം

5901.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുൻസര്‍ക്കാരിന്റെ കാലത്ത് 2011-2012 മുതല്‍ 2015-2016 വരെയുള്ള സാമ്പത്തിക വര്‍ഷങ്ങളില്‍ ചേലക്കര നിയോജകമണ്ഡലത്തിലെ പൊതുമരാമത്ത് റോഡുകള്‍ പുനരുദ്ധാരണം ചെയ്യുന്നതിന് എത്ര കോടി രൂപ അനുവദിച്ചിട്ടുണ്ട്; ഓരോ റോഡിനും അനുവദിച്ച തുക പ്രത്യേകം വ്യക്തമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെ പൊതുമരാമത്ത് റോഡുകള്‍ പുനരുദ്ധാരണം ചെയ്യുന്നതിന് എത്ര കോടി രൂപ അനുവദിച്ചിട്ടുണ്ട്; സി.ആര്‍.എഫ്.ല്‍ നിന്നും അനുവദിച്ചതടക്കമുള്ള വിശദാംശം വ്യക്തമാക്കുമോ?

തൃശൂര്‍-കാഞ്ഞാണി-വാടാനപ്പളളി സംസ്ഥാന പാത

5902.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃശൂര്‍-കാഞ്ഞാണി-വാടാനപ്പളളി സംസ്ഥാന പാതയുടെ ഒന്നാംഘട്ടത്തിലുളള ഒന്‍പത് കിലോമീറ്റര്‍ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വിശദീകരിക്കുമോ;

(ബി)	പ്രസ്തത പാതയുടെ വികസനത്തിന് ഭൂമി ഏറ്റെടുക്കുന്നതുമായി ബന്ധപ്പെട്ട് ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

(സി)	എറവ് മുതല്‍ വാടാനപ്പളളി വരെയുളള രണ്ടാംഘട്ട പ്രവൃത്തികള്‍ക്കായി സ്വീകരിച്ച നടപടികള്‍ എന്തെല്ലാമാണെന്ന് അറിയിക്കാമോ?

മലപ്പുറം മണ്ഡലത്തിലെ പൊതുമരാമത്ത് പ്രവൃത്തികൾ

5903.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം നിയോജകമണ്ഡലത്തില്‍ 2018-19 - ല്‍ പൊതുമരാമത്ത് വകുപ്പ് ഭരണാനുമതി നല്‍കിയ റോഡുകളുടെയും കെട്ടിടങ്ങളുടെയും നിര്‍മ്മാണ പുരോഗതി വ്യക്തമാക്കുമോ;

(ബി)	മലപ്പുറം നിയോജകമണ്ഡലത്തിനായി 2018-19 -ലെ ബജറ്റിൽ പ്രഖ്യാപിച്ച പൊതുമരാമത്ത് പ്രവൃത്തികൾ ഏതെല്ലാമാണെന്നും അവയുടെ നിര്‍മ്മാണ പുരോഗതിയും വിശദമാക്കുമോ?

കോങ്ങാട് മണ്ഡലത്തിലെ പൊതുമരാമത്ത്‌ പ്രവൃത്തികൾ

5904.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2019-20 ലെ ബജറ്റിൽ കോങ്ങാട് മണ്ഡലത്തിനായി ഭരണാനുമതിയുള്ള വിഭാഗത്തിൽ അനുവദിച്ചിട്ടുള്ള പൊതുമരാമത്ത്‌ പ്രവൃത്തികളുടെ എണ്ണം വ്യക്തമാക്കുമോ; പ്രസ്തുത പ്രവൃത്തികളുടെ തുക സഹിതമുള്ള വിശദാംശം നല്‍കുമോ;

(ബി)	ഇതില്‍ എത്ര പ്രവൃത്തികളുടെ ഡി.പി.ആര്‍. സമര്‍പ്പിച്ചിട്ടുണ്ടെന്ന് വ്യക്തമാക്കുമോ;

(സി)	കാലവര്‍ഷം കഴിയുന്നമുറയ്ക്ക് പ്രസ്തുത പ്രവൃത്തികൾ ആരംഭിക്കുന്നതിന് അനുമതി ലഭ്യമാക്കുമോ എന്നറിയിക്കാമോ?

നാടുകാണി-പരപ്പനങ്ങാടി പാത നവീകരണം

5905.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നാടുകാണി-പരപ്പനങ്ങാടി പാത നവീകരണത്തിന്റെ റിവൈസ്ഡ് എസ്റ്റിമേറ്റ് അംഗീകരിച്ചിട്ടുണ്ടോ;

(ബി)	നാടുകാണി ചുരം മുതല്‍ നിലമ്പൂര്‍ വരെ റബ്ബറൈസ്ഡ് ടാറിംഗ് നടത്തുന്നതിന് റിവൈസ്ഡ് എസ്റ്റിമേറ്റില്‍ വകയിരുത്തിയ തുക എത്രയെന്ന് അറിയിക്കുമോ;

(സി)	ഈ പാതയുടെ ഭാഗമായി വീതി കൂട്ടുന്നതില്‍ നിന്നും നിലമ്പൂര്‍ ടൗണിനെ ഒഴിവാക്കിയിട്ടുണ്ടോ; വ്യക്തമാക്കുമോ;

(ഡി)	നാടുകാണി-പരപ്പനങ്ങാടി പാത എപ്പോള്‍ കമ്മീഷന്‍ ചെയ്യാനാണ് ഉദ്ദേശിക്കുന്നത്; വിശദാംശം ലഭ്യമാക്കുമോ?

മൂപ്പള്ളം അണ്ടര്‍ പാസ്സേജ്

5906.

(എ)	കോങ്ങാട് മണ്ഡലത്തിലെ പറളി ഗ്രാമപഞ്ചായത്തിലുള്ള മൂപ്പള്ളം അണ്ടര്‍ പാസ്സേജിന്റെ നിലവിലെ അവസ്ഥ അറിയിക്കാമോ;

(ബി)	ഈ പ്രവൃത്തിയ്ക്ക് റെയില്‍വേയുടെ പെര്‍മിസീവ് സാംഗ്ഷന്‍/സാംഗ്ഷന്‍ ലഭിച്ചിട്ടുണ്ടോ; ഉത്തരവിന്റെ പകര്‍പ്പുകള്‍ സഹിതം വിശദവിവരം നല്‍കുമോ;

(സി)	ഈ പ്രദേശത്തെ ജനങ്ങള്‍ക്ക് ഏറെ പ്രയോജനപ്രദമായിത്തീരുന്ന പ്രസ്തുത പദ്ധതി പൊതുമരാമത്ത് വകുപ്പ് മുഖേന അടിയന്തരമായി നടത്തുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

വേങ്ങരയിൽ പ്രളയത്തില്‍ തകര്‍ന്ന റോഡുകളുടെ പുനരുദ്ധാരണം

5907.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വേങ്ങര നിയോജകമണ്ഡലത്തിൽ പ്രളയത്തില്‍ തകര്‍ന്ന റോഡുകളുടെ പുനരുദ്ധാരണം പൂര്‍ത്തിയാക്കിയിട്ടുണ്ടോ; വിശദമാക്കുമോ;

(ബി)	ഈ ആവശ്യത്തിനായി ലഭ്യമാക്കിയ ഫണ്ടിന്റെ വിശദാംശങ്ങള്‍ അറിയിക്കാമോ;

(സി)	പ്രസ്തുത പ്രവൃത്തികളിൽ ഏതെല്ലാം നിലവില്‍ പൂര്‍ത്തീകരിച്ചുവെന്നും പൂര്‍ത്തിയാക്കുവാൻ ശേഷിക്കുന്നവ ഏതെല്ലാമാണെന്നും വ്യക്തമാക്കുമോ; അവ എന്നത്തേയ്ക്ക് പൂര്‍ത്തീകരിക്കാനാകുമെന്ന് വെളിപ്പെടുത്തുമോ?

ആലത്തൂര്‍ നിയോജകമണ്ഡലത്തിലെ പ്രവൃത്തികള്‍

5908.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ നിയോജകമണ്ഡലത്തില്‍ പൊതുമരാമത്ത് പ്രവൃത്തികള്‍ക്കായി അനുവദിച്ച തുക എത്രയാണെന്ന് വ്യക്തമാക്കാമോ;

(ബി)	ആയത് സംബന്ധിച്ച സെക്ഷന്‍ തിരിച്ചുള്ള വിവരങ്ങള്‍ ലഭ്യമാക്കാമോ?

താമരശ്ശേരി ചുരത്തിന്റെ വികസനം

5909.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വയനാട് ജില്ലയിലെ പ്രധാന പ്രവേശന മാര്‍ഗ്ഗമായ താമരശ്ശേരി ചുരത്തിലെ യാത്ര സുഗമമാക്കുന്നതിനുള്ള പ്രവൃത്തികള്‍ ഏത് ഘട്ടത്തിലാണ് എന്നറിയിക്കാമോ;

(ബി)	ചുരത്തിന്റെ മൂന്ന്,അഞ്ച് വളവുകള്‍ വീതി കൂട്ടുന്ന പണി പൂര്‍ത്തിയാക്കിയിട്ടുണ്ടാേ;

(സി)	ചുരം വികസിപ്പിക്കുവാന്‍ ആവശ്യമായ വനഭൂമി ലഭ്യമാക്കുവാന്‍ കേന്ദ്ര വനം മന്ത്രാലയത്തിന്റെ അനുമതി ലഭിച്ചിട്ടുണ്ടാേ എന്ന് വെളിപ്പെടുത്താമോ?

കാട്ടാക്കട മണ്ഡലത്തിലെ റാേഡുകള്‍

5910.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുൻ സര്‍ക്കാരിന്റെ ഭരണകാലത്ത് (2011-2016) പാെതുമരാമത്ത് വകുപ്പിന് കീഴില്‍ കാട്ടാക്കട നിയാേജകമണ്ഡലത്തില്‍ നടന്ന പ്രവൃത്തികളുടെ (റാേഡിന്റെ പേരും തുകയും ഉള്‍പ്പെടെ) വിശദമായ വിവരം ലഭ്യമാക്കാമാേ;

(ബി)	കാട്ടാക്കട നിയാേജകമണ്ഡലത്തിലെ പാെതുമരാമത്ത് വകുപ്പിന് കീഴിലെ ആകെ റാേഡുകളുടെ ദെെര്‍ഘ്യം എത്രയെന്ന് വ്യക്തമാക്കാമാേ; റാേഡുകളുടെ പേരും അവയുടെ ദെെര്‍ഘ്യവും പ്രത്യേകം ലഭ്യമാക്കാമാേ?

ഒറ്റപ്പാലം ബൈപ്പാസിനുള്ള ഭൂമിയുടെ വിശദാംശം

5911.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം ബൈപ്പാസിനുവേണ്ടി അക്വിസിഷന്‍ നടത്തേണ്ട ഭൂമിയുടെ വിശദാംശം ലഭ്യമാക്കാമോ;

(ബി)	ഒറ്റപ്പാലം ബൈപ്പാസിനായി സ്ഥലം ഏറ്റെടുക്കുന്നതിനുള്ള പ്രൊപ്പോസല്‍ എന്നാണ് ആര്‍.ബി.ഡി.സി.കെ. റവന്യൂ വകുപ്പിന് നല്കിയത്; വിശദാംശം നല്‍കാമോ?

കഴക്കൂട്ടം-അടൂര്‍ റോ‍ഡ്

5912.

(എ)	കെ.എസ്.ടി.പി. സേഫ് കോറി‍ഡോര്‍ പദ്ധതിയില്‍ ഉള്‍പ്പെടുത്തി നടപ്പിലാക്കുന്ന കഴക്കൂട്ടം-അടൂര്‍ റോ‍ഡിന്റെ നിര്‍മ്മാണത്തിന് എന്നാണ് ഭരണാനുമതി ലഭ്യമാക്കിയതെന്ന് വ്യക്തമാക്കുമോ; ഉത്തരവിന്റെ പകര്‍പ്പ് ലഭ‍്യമാക്കുമോ;

(ബി)	ഇതുമായി ബന്ധപ്പെട്ട് നാളിതുവരെ എന്തെല്ലാം വര്‍ക്കുകള്‍ പൂര്‍ത്തീകരിച്ചു എന്നറിയിക്കാമോ?

ആറ്റിങ്ങല്‍ നിയോജക മണ്ഡലത്തില്‍ അനുവദിച്ച പ്രവൃത്തികള്‍

5913.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റ ശേഷം പൊതുമരാമത്ത് വകുപ്പ് ആറ്റിങ്ങല്‍ നിയോജകമണ്ഡലത്തില്‍ അനുവദിച്ച പ്രവൃത്തികള്‍ വിശദമാക്കുമോ;

(ബി)	ഏതെല്ലാം കേന്ദ്രാവിഷ്‍കൃത പദ്ധതികളാണ് വകുപ്പ് ശിപാര്‍ശ ചെയ്ത് മണ്ഡലത്തില്‍ ലഭ്യമാക്കിയതെന്ന് വ്യക്തമാക്കുമോ?

മഞ്ചേരിയിലെ പൊതുമരാമത്ത് പ്രവൃത്തികൾ

5914.

(എ)	മഞ്ചേരി നിയോജകമണ്ഡലത്തിലെ പൊതുമരാമത്ത് റോഡുകള്‍ അറ്റകുറ്റപ്പണികൾ നടത്തി ഗതാഗതയോഗ്യമാക്കുന്നതിനായി ഈ സര്‍ക്കാര്‍ എത്ര തുക അനുവദിച്ചുവെന്ന് വ്യക്തമാക്കുമോ;

(ബി)	ഓരോ പ്രവൃത്തിയുടെയും വിശദാംശവും അതിനനുവദിച്ച തുകയും പ്രത്യേകം വ്യക്തമാക്കാമോ;

(സി)	നിയോജകമണ്ഡലത്തിൽ ഈ സാമ്പത്തിക വര്‍ഷം ഏതെല്ലാം പൊതുമരാമത്ത്‌ പ്രവൃത്തികള്‍ക്കാണ് ഭരണാനുമതി നല്‍കിയത്; വിശദമാക്കാമോ;

(ഡി)	പ്രസ്തുത നിയോജകമണ്ഡലത്തിനായി സര്‍ക്കാരിന്റെ പരിഗണനയിലുള്ള പുതിയ പൊതുമരാമത്ത്‌പ്രവൃത്തികൾ സംബന്ധിച്ച് വിശദമാക്കാമോ?

കാസര്‍ഗാേഡ് ബെെപ്പാസിനുപകരം മറ്റ് പ്രവൃത്തികള്‍

5915.

(എ)

കിഫ്ബിയില്‍ ഉള്‍പ്പെടുത്തിയ കാസര്‍ഗാേഡ് ബെെപ്പാസിനുപകരം മറ്റ് പ്രവൃത്തികള്‍ അനുവദിക്കണമെന്നാവശ്യപ്പെട്ട് സ്ഥലം എം.എൽ.എ. നല്‍കിയ നിവേദനത്തിന്റെ അടിസ്ഥാനത്തില്‍ പൊതുമരാമത്ത് വകുപ്പ് സെക്രട്ടറിയുടെ 6/4/19 ലെ പിഎസ്2/30/2019/പിഡബ്ള്യുഡി കത്ത് പ്രകാരം ചീഫ് എഞ്ചിനീയറാേട് റിപ്പാേര്‍ട്ട് ആവശ്യപ്പെട്ടിട്ടുണ്ടാേ;

(ബി)	പൊതുമരാമത്ത് വകുപ്പ് ചീഫ് എഞ്ചിനീയര്‍ ഇതിൻപ്രകാരം റിപ്പാേര്‍ട്ട് നല്‍കിയിട്ടുണ്ടാേ എന്നറിയിക്കാമോ;

(സി)	എങ്കില്‍ ആയതിന്റെ പകര്‍പ്പ് ലഭ്യമാക്കാമാേ?

കല്ല്യാശ്ശേരി മണ്ഡലത്തിലെ കിഫ്ബി റോഡുകള്‍

5916.

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ ഭരണാനുമതി ലഭിച്ച കിഫ്ബി റോഡുകളുടെ നിര്‍മ്മാണ പുരോഗതി അറിയിക്കാമോ; ഇതു സംബന്ധിച്ച വിശദാംശം ലഭ്യമാക്കാമോ?

തിരുവനന്തപുരം-കാട്ടാക്കട-മണ്ഡപത്തിന്‍കടവ് സംസ്ഥാന പാത വികസനം

5917.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം-കാട്ടാക്കട-മണ്ഡപത്തിന്‍കടവ് സംസ്ഥാന പാത വീതി കൂട്ടി വികസിപ്പിക്കുന്നതിന് നിലവില്‍ പദ്ധതികള്‍ ഉണ്ടോ;

(ബി)	ഉണ്ടെങ്കില്‍ പ്രസ്തുത സംസ്ഥാന പാത കടന്നുപോകുന്ന പ്രധാന ജംഗ്ഷനുകളിലെ വികസനം എപ്രകാരമാണ് ആസൂത്രണം ചെയ്യുവാൻ ഉദ്ദേശിക്കുന്നതെന്ന് വ്യക്തമാക്കുമോ;

(സി)	തിരുമല-തൃക്കണ്ണാപുരം പാത വീതി കൂട്ടി വികസിപ്പിച്ച് റോഡ് പുനരുദ്ധാരണം നടത്തുന്നതിലെ കാലതാമസം സംബന്ധിച്ച് വിശദീകരിക്കാമോ?

അങ്ങാടിപ്പുറം-മാനത്തുമംഗലം ബൈപ്പാസ്

5918.

(എ)	മങ്കട മണ്ഡലത്തിലെ അങ്ങാടിപ്പുറം-മാനത്തുമംഗലം ബൈപ്പാസ് നിര്‍മ്മാണവുമായി ബന്ധപ്പെട്ട് നിയമസഭാ സ്പീക്കറുടെ ഓഫീസില്‍ കൂടിയ യോഗത്തിന്റെ മിനിട്ട്സിന്റെ പകര്‍പ്പ് ലഭ്യമാക്കാമോ;

(ബി)	പ്രസ്തുത യോഗത്തിന്റെ അടിസ്ഥാനത്തില്‍ പൊതുമരാമത്ത് വകുപ്പ് നാളിതുവരെ സ്വീകരിച്ചിട്ടുള്ള നടപടികള്‍ എന്തെല്ലാമാണ്; വ്യക്തമാക്കാമോ;

(സി)	ബൈപ്പാസ് നിര്‍മ്മാണവുമായി ബന്ധപ്പെട്ട് സ്ഥലം ഏറ്റെടുപ്പ് നടപടികള്‍ ആരംഭിച്ചിട്ടുണ്ടോ; വിശദമാക്കാമോ?

മങ്കട മണ്ഡലത്തിലെ ഒരോടം പാലം വീതികൂട്ടല്‍

5919.

(എ)	മങ്കട മണ്ഡലത്തിലെ ഒരോടം പാലം വീതികൂട്ടി പുനരുദ്ധാരണം നടത്തുന്നതിലേയ്ക്കായി 2017-18-ലെ കേന്ദ്ര വാര്‍ഷിക പദ്ധതിയില്‍ ഉള്‍പ്പെടുത്തി അനുമതിയ്ക്കായി സമര്‍പ്പിച്ചതിന്മേൽ അനുമതി ലഭ്യമായിട്ടുണ്ടോ;

(ബി)	അനുമതിക്കായി കേന്ദ്ര ഉപരിതല ഗതാഗത മന്ത്രാലയത്തിന്റെ പരിഗണനയ്ക്ക് സമര്‍പ്പിച്ചശേഷം ഇക്കാര്യത്തിലുണ്ടായ പുരോഗതി എന്തെല്ലാമാണ്; വ്യക്തമാക്കുമോ;

(സി)	പ്രസ്തുത പ്രവൃത്തിയുടെ ഡി.പി. ആര്‍. തയ്യാറാക്കുന്ന ജോലി പൂര്‍ത്തികരിച്ചോ എന്നറിയിക്കാമോ;

(ഡി)	ഇന്‍വെസ്റ്റിഗേഷന്‍ ചാര്‍ജ് ഇനത്തില്‍ ദേശീയ പാത വിഭാഗത്തിന് നല്‍കിയ തുകയുടെ വിനിയോഗം സംബന്ധിച്ച വിവരങ്ങള്‍ ലഭ്യമാക്കാമോ?

പെരുമ്പ പുതിയ പാലത്തിന് ഭരണാനുമതി

5920.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പയ്യന്നൂര്‍ മണ്ഡലത്തിലെ നാഷണല്‍ ഹൈവേയെയും പയ്യന്നൂര്‍ നഗരത്തെയും ബന്ധിപ്പിക്കുന്ന പെരുമ്പ പുതിയപാലത്തിന് ഭരണാനുമതി നല്‍കുന്ന നടപടി ഏതുഘട്ടത്തിലാണെന്ന് വിശദീകരിക്കാമോ ?

ചുളളിമട പാലത്തിന്റെ നിര്‍മ്മാണ പുരോഗതി

5921.

(എ)	ആലത്തൂര്‍ നിയോജകമണ്ഡലത്തിലെ പൊതുമരാമത്ത് വകുപ്പിന്റെ കീഴിലുളള ചുളളിമട പാലത്തിന്റെ നിര്‍മ്മാണ പുരോഗതി വിവരിക്കുമോ;

(ബി)	പ്രസ്തുത പ്രവൃത്തി ടെണ്ടര്‍ ചെയ്തിട്ടുണ്ടോ; വിശദവിവരം നല്‍കാമോ?

ചേലക്കര മണ്ഡലത്തില്‍ പുതുക്കിപ്പണിയേണ്ട പാലങ്ങള്‍

5922.

(എ)	പൊതുമരാമത്ത് വകുപ്പിന്റെ കീഴിലുള്ള എത്ര പാലങ്ങള്‍ ചേലക്കര നിയോജകമണ്ഡലത്തില്‍ ഉണ്ട്; ഇവയുടെ പേരുവിവരം വ്യക്തമാക്കാമോ;

(ബി)	ഇതില്‍ എത്ര പാലങ്ങളാണ് പുതുക്കിപ്പണിയേണ്ട അവസ്ഥയിലുള്ളത്; പേരുവിവരം വ്യക്തമാക്കാമോ;

(സി)	ഇവ പുതുക്കിപ്പണിയുന്നതിനാവശ്യമായ തുക അനുവദിക്കുന്നതിന് നടപടി സ്വീകരിക്കുമോ; എങ്കില്‍ വിശദാംശം വ്യക്തമാക്കാമോ?

പട്ടാമ്പി പാലത്തില്‍ വിളക്കുകള്‍ സ്ഥാപിക്കുന്നതിനുള്ള പദ്ധതി

5923.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഭാരതപ്പുഴയ്ക്ക് കുറുകെയുള്ള പട്ടാമ്പി പാലത്തിന്റെ കൈവരികളില്‍ മണ്ഡലം ആസ്തി വികസന ഫണ്ടില്‍ ഉള്‍പ്പെടുത്തി വിളക്കുകള്‍ സ്ഥാപിക്കുന്നതിനായി നല്‍കിയ പ്രൊപ്പോസലില്‍ എന്തെല്ലാം തുടര്‍നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ബി)	ഈ പദ്ധതി എത്രയും പെട്ടെന്ന് നടപ്പിലാക്കുന്നതിനുള്ള നടപടി സ്വീകരിക്കുമോ എന്നറിയിക്കാമോ?

കോഴിക്കോട് ബ്രിഡ്ജസ് ഡിവിഷന് കീഴിലെ പ്രവൃത്തികൾ

5924.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ബ്രിഡ്ജസ് ഡിവിഷന് കീഴില്‍ കാക്കേരി, ചെട്ടിക്കടവ് പാലങ്ങള്‍ക്ക് ഇന്‍വെസ്റ്റിഗേഷന്‍ നടത്തുന്നതിന് ഭരണാനുമതി ലഭ്യമാക്കിയത് എന്നാണ്; വ്യക്തമാക്കാമോ;

(ബി)	പ്രസ്തുത പ്രവൃത്തികള്‍ എന്നാണ് ടെണ്ടര്‍ ചെയ്തത്; ആരെല്ലാമാണ് കരാര്‍ എടുത്തിട്ടുള്ളത്; കരാര്‍ എടുത്തവര്‍ക്ക് സെലക്ഷന്‍ നോട്ടീസ് നല്‍കിയിട്ടുണ്ടോ;

(സി)	ഉണ്ടെങ്കില്‍ എന്നാണ് സെലക്ഷന്‍ നോട്ടീസ് നല്‍കിയിട്ടുള്ളതെന്ന് വ്യക്തമാക്കാമോ; സെലക്ഷന്‍ നോട്ടീസ് നല്‍കിയിട്ടില്ലെങ്കില്‍ ആയതിനുള്ള കാരണം വിശദമാക്കാമോ;

(ഡി)	കോഴിക്കോട് പാലങ്ങള്‍ വിഭാഗത്തില്‍ പുതിയ എക്സിക്യൂട്ടീവ് എഞ്ചിനീയറെ നിയമിച്ചശേഷം പ്രസ്തുത ഡിവിഷന് കീഴിലുള്ള പാലം പ്രവൃത്തികളില്‍ എന്തെങ്കിലും പുരോഗതിയുണ്ടായിട്ടുണ്ടോ;

(ഇ)	പാലങ്ങള്‍ വിഭാഗം എക്സിക്യൂട്ടീവ് എഞ്ചിനീയറുടെ കീഴില്‍ പ്രത്യേക സ്റ്റാഫിനെ നിശ്ചയിച്ചിട്ടുണ്ടോ; ഇല്ലെങ്കില്‍ ആയതിന്റെ കാരണം വിശദമാക്കാമോ?

കാട്ടാക്കട മണ്ഡലത്തിലെ കുടുവീട്ടുകടവ് പാലം

5925.

(എ)	കാട്ടാക്കട മണ്ഡലത്തിലെ കുടുവീട്ടുകടവ് പാലം നിര്‍മ്മിക്കുന്നത് സംബന്ധിച്ച നിലവിലെ സ്ഥിതി വിശദമാക്കാമോ;

(ബി)	പാലം നിര്‍മ്മാണത്തിലെ സ്ഥലം ഏറ്റെടുക്കുന്നത് സംബന്ധിച്ച നടപടി എന്തായെന്ന് വിശദമാക്കാമോ?

പാലാരിവട്ടം പാലം നിര്‍മ്മാണത്തിലെ പാകപ്പിഴകൾ

5926.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലാരിവട്ടം പാലത്തില്‍ ഇ.ശ്രീധരന്റെ നേതൃത്വത്തിലുള്ള വിദഗ്ദ്ധ സമിതി പരിശോധന നടത്തിയിട്ടുണ്ടോ ;

(ബി)	പ്രസ്തുത പരിശോധനയില്‍ കണ്ടെത്തിയ പാകപ്പിഴകള്‍ എന്തെല്ലാമാണെന്ന് വ്യക്തമാക്കുമോ;

(സി)	പാലാരിവട്ടം പാലം നിര്‍മ്മാണത്തിലുണ്ടായ പാകപ്പിഴകളുടെ അടിസ്ഥാനത്തില്‍ സംസ്ഥാനത്ത് നിര്‍മ്മാണത്തിലിരിക്കുന്ന മറ്റ് പാലങ്ങളുടെ നിര്‍മ്മാണത്തില്‍ കൂടുതല്‍ ജാഗ്രത പാലിക്കുന്നതിന് നടപടി സ്വീകരിക്കുമോ എന്ന് അറിയിക്കാമോ?

പാലാരിവട്ടം ഫ്ലൈഓവര്‍

5927.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ കാലത്ത് പണി ആരംഭിച്ച പാലാരിവട്ടം ഫ്ലൈഓവര്‍ ഉദ്ഘാടനം ചെയ്തത് എന്നാണ് എന്നറിയിക്കാമോ;

(ബി)	പ്രസ്തുത പാലം ഉദ്ഘാടനം ചെയ്യുന്നതിന് മുമ്പ് പി.ഡബ്ല്യു.ഡി. മാനുവല്‍ പ്രകാരം നിര്‍മ്മാണ കരാര്‍ ഒപ്പിട്ട എഗ്രിമെന്റ് അതോറിറ്റി അത് പരിശോധിച്ച് പാലം ഗതാഗത യോഗ്യമാണെന്ന് സാക്ഷ്യപ്പെടുത്തിയിട്ടുണ്ടോ; ഇല്ലെങ്കില്‍ എന്തുകൊണ്ടാണ് എന്ന് വെളിപ്പെടുത്താമോ;

(സി)	പാലത്തിന്റെ നിര്‍മ്മാണത്തില്‍ കണ്ടെത്തിയ അപാകതകളുടെ പേരില്‍ ഏതെല്ലാം ഉദ്യോഗസ്ഥര്‍ക്കെതിരെ നടപടി സ്വീകരിച്ചിട്ടുണ്ടെന്ന് വ്യക്തമാക്കുമോ ?

കുട്ടിലങ്ങാടി പാലം

5928.

(എ)	മങ്കട മണ്ഡലത്തിലെ കുട്ടിലങ്ങാടി പാലം പുനരുദ്ധാരണവുമായി ബന്ധപ്പെട്ട് പൊതുമരാമത്ത് നാഷണല്‍ ഹൈവേ വിഭാഗം നടത്തിവരുന്ന പ്രവര്‍ത്തനങ്ങളുടെ പുരോഗതി വിശദമാക്കാമോ;

(ബി)	2017-18 ലെ കേന്ദ്ര വാര്‍ഷിക പദ്ധതിയില്‍ ഉള്‍പ്പെടുത്തി അനുമതി ലഭിക്കുന്നതിനുവേണ്ടി സമര്‍പ്പിച്ച പട്ടിക പ്രകാരം കേന്ദ്ര ഉപരിതല ഗതാഗത മന്ത്രാലയത്തില്‍ നിന്നും അനുമതി ലഭിച്ചിട്ടുണ്ടോ;

(സി)	പ്രസ്തുത പദ്ധതിയുടെ ഡി.പി.ആര്‍. തയ്യാറാക്കിയിട്ടുണ്ടോ; ഡി.പി.ആര്‍. പ്രകാരം എത്ര രൂപയുടെ പ്രൊപ്പോസല്‍ ആണ് സമര്‍പ്പിച്ചിട്ടുള്ളത് എന്നറിയിക്കാമോ?

തൃപ്പൂണിത്തുറ മണ്ഡലത്തിലെ ഇരുമ്പു പാലത്തിന്റെ പുനര്‍ നിര്‍മ്മാണം

5929.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ നിയോജക മണ്ഡലത്തില്‍പ്പെടുന്ന ഇരുമ്പു പാലത്തിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ഇത് പരിഹരിക്കുന്നതിനായി സ്വീകരിച്ച നടപടികള്‍ അറിയിക്കുമോ;

(സി)	ഇവിടെ പുതിയ പാലം നിര്‍മ്മിക്കുന്നതിനുള്ള നടപടികളുടെ വിശദാംശം അറിയിക്കുമോ;

(ഡി)	സമയബന്ധിതമായി പ്രസ്തുത പാലം നിര്‍മ്മാണം പൂര്‍ത്തീകരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

കോഴിപ്പിള്ളി-പാലിയത്ത് കടവ് പാലം

5930.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

കോതമംഗലം മണ്ഡലത്തിലെ കോഴിപ്പിള്ളി-പാലിയത്ത് കടവ് പാലം നിര്‍മ്മിക്കുന്നത് സംബന്ധിച്ച് കോതമംഗലം മുനിസിപ്പല്‍ പ്രദേശത്തെ നിവാസികള്‍ സമര്‍പ്പിച്ച നിവേദനത്തിന്റെ അടിസ്ഥാനത്തില്‍ റവന്യൂ വകുപ്പിലുള്ള 32846/പി 3/16/റവന്യൂ നമ്പര്‍ ഫയല്‍, പൊതുമരാമത്ത് വകുപ്പിന്റെ ഫണ്ട് ഉപയോഗിച്ച് പാലം നിര്‍മ്മിക്കുന്ന കാര്യം പരിഗണിക്കണം എന്നാവശ്യപ്പെട്ട് പൊതുമരാമത്ത് വകുപ്പിലേക്ക് അയച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)	ആയത് സംബന്ധിച്ച് പൊതുമരാമത്ത് വകുപ്പില്‍ കമ്പ്യൂട്ടർ നമ്പർ 1776319, ഫയൽ നമ്പർ ഡി1/350/17 പ്രകാരം സ്വീകരിച്ചിട്ടുള്ള തുടര്‍നടപടികൾ വ്യക്തമാക്കാമോ;

(സി)	കോഴിപ്പിള്ളി-പാലിയത്ത് കടവ് പാലം നിര്‍മ്മിക്കണമെന്ന ആവശ്യം ന്യായവും പരിഗണനാര്‍ഹവുമാണെന്ന ജില്ലാ കളക്ടറുടെ റിപ്പോര്‍ട്ടിന്റെ അടിസ്ഥാനത്തില്‍, ആവശ്യകത മുന്‍നിര്‍ത്തി പ്രസ്തുത പാലം നിര്‍മ്മിക്കുന്ന കാര്യം പരിശോധിക്കുമോ; വിശദമാക്കാമോ?

കഞ്ഞിക്കുഴിയില്‍ മേല്‍പ്പാലം

5931.

(എ)	കോട്ടയം മണ്ഡലത്തിലെ കഞ്ഞിക്കുഴിയില്‍ അസാധാരണമായ ഗതാഗതക്കുരുക്ക് ഒഴിവാക്കുന്നതിനുവേണ്ടി മേല്‍പ്പാലം നിര്‍മ്മിക്കാന്‍ നിര്‍ദ്ദേശമുണ്ടോ; പ്രസ്തുത നിര്‍ദ്ദേശത്തിന്റെ അടിസ്ഥാനത്തില്‍ ഈ പ്രവൃത്തിക്കായി നല്‍കിയ ഭരണാനുമതി ഉത്തരവിന്റെ വിവരങ്ങള്‍ (നമ്പര്‍, തീയതി) വ്യക്തമാക്കുമോ;

(ബി)	മേല്‍പ്പാലം നിര്‍മ്മാണത്തിന് കരാര്‍ ക്ഷണിച്ചിരുന്നോ; കരാറിലേര്‍പ്പെട്ട തീയതി, കരാര്‍ തുക, കരാറിലേര്‍പ്പെട്ട വ്യക്തി എന്നീ വിവരങ്ങള്‍ അറിയിക്കുമോ;

(സി)	പ്രസ്തുത പ്രവൃത്തിയുടെ എസ്റ്റിമേറ്റ് തുക എത്രയാണ്; വിശദമാക്കുമോ?

നന്തി ടോള്‍ ബൂത്തുമായി ബന്ധപ്പെട്ട വിവരങ്ങൾ

5932.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ ദേശീയപാതയിലെ നന്തി ടോള്‍ ബൂത്തില്‍ നിന്നും പണം പിരിയ്ക്കുവാൻ എത്ര വര്‍ഷത്തേക്കാണ് അനുമതി നല്‍കിയതെന്ന് വ്യക്തമാക്കുമോ;

(ബി)	ഏതെല്ലാം മേല്‍പ്പാലങ്ങളുടെ ടോളാണ് നന്തി ടോള്‍ ബൂത്തില്‍ നിന്നും പിരിച്ചെടുക്കുന്നത്;

(സി)	ഏത് തീയതി മുതല്‍ ഏത് തീയതി വരെയുള്ള ടോള്‍ പിരിക്കുവാനാണ് നിലവിൽ അനുമതി നല്‍കിയിരിക്കുന്നതെന്ന് വ്യക്തമാക്കുമോ;

(ഡി)	ടോള്‍ പിരിയ്ക്കുവാൻ എത്ര തുകയ്ക്കാണ് കരാര്‍ ഉറപ്പിച്ചിരിക്കുന്നതെന്നും ഓരോ വര്‍ഷമാണോ കരാര്‍ പുതുക്കുന്നതെന്നും വ്യക്തമാക്കുമോ; പ്രസ്തുത കരാര്‍ ഉറപ്പിക്കുന്നതുമായി ബന്ധപ്പെട്ട നടപടിക്രമങ്ങൾ വിശദമാക്കാമോ?

കോഴിക്കോട് ജില്ലയിലെ ദേശീയപാത വികസനം

T 5933.

(എ)	ദേശീയപാത വികസനവുമായി ബന്ധപ്പെട്ട് കോഴിക്കോട് ജില്ലയില്‍ നടക്കുന്ന പ്രവര്‍ത്തനങ്ങളുടെ പുരോഗതി വിശദമാക്കാമോ;

(ബി)	ഭൂമി ഏറ്റെടുക്കലിന്റെ ഭാഗമായി ഇനി എന്തെല്ലാം നടപടികളാണ് പൂര്‍ത്തീകരിക്കാന്‍ ബാക്കിയുളളത് എന്ന് വിശദമാക്കാമോ?

കച്ചേരിക്കടവ് പാലവും രാജാ റോഡ് വികസനവും

5934.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃക്കരിപ്പൂര്‍ മണ്ഡലത്തില്‍, നാഷണല്‍ ഹൈവേയില്‍ കച്ചേരിക്കടവ് പാലവും രാജാ റോഡ് വികസനവും സംബന്ധിച്ച പ്രവൃത്തി എന്നാരംഭിക്കാന്‍ കഴിയുമെന്ന് വ്യക്തമാക്കാമോ;

(ബി)	ഡി.ആര്‍.ഐ.ക്യു. ബോര്‍ഡ്, പാലം നിര്‍മ്മാണത്തിന്റെ ഡിസൈന്‍ തയ്യാറാക്കിയിട്ടുള്ളതിനാല്‍ ഈ പ്രവൃത്തിയുടെ ഡി. പി. ആര്‍. എപ്പോള്‍ പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ?

നാഷണല്‍ ഹൈവേ 66 ല്‍ അരൂര്‍-ഓച്ചിറ നാലുവരിപ്പാത

5935.

(എ)	നാഷണല്‍ ഹൈവേ 66 (പഴയ NH47)-ല്‍ നാലുവരിപ്പാതയ്ക്കായി മുപ്പതരമീറ്റര്‍ വീതിയില്‍ അരൂര്‍ മുതല്‍ ഓച്ചിറ വരെ സ്ഥലം ഏറ്റെടുത്തിട്ട് നാല് പതിറ്റാണ്ട് പിന്നിടുന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി)	ഇതിന്റെ അരൂര്‍ മുതല്‍ ചേര്‍ത്തല വരെയുള്ള നാലുവരിപ്പാത പ്രാരംഭഘട്ടത്തില്‍ത്തന്നെ പൂര്‍ത്തീകരിച്ചതും തുടര്‍ന്ന് കേന്ദ്ര സര്‍ക്കാരിന്റെ നയവ്യതിയാനം മൂലം നിര്‍മ്മാണ പ്രവര്‍ത്തനം നടക്കാതെ പോകുകയും ചെയ്തതിനെത്തുടര്‍ന്ന് റോഡിന്റെ ഇരുവശവുമുള്ള സ്ഥലങ്ങളില്‍ കയ്യേറ്റം നടന്നതായ വസ്തുത പരിശോധിച്ചിട്ടുണ്ടോ;

(സി)	കയ്യേറ്റം ഒഴിപ്പിക്കുന്നതിന് സ്വീകരിച്ചുവരുന്ന നടപടിയുടെ പുരോഗതി വ്യക്തമാക്കാമോ?

പൊഴിയൂര്‍ യു.പി. സ്കൂള്‍ കെട്ടിട നിര്‍മ്മാണം

5936.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര നിയോജകമണ്ഡലത്തിലെ പൊഴിയൂര്‍ യു.പി. സ്കൂളില്‍ നിര്‍മ്മിക്കുന്ന സ്കൂള്‍ കെട്ടിടത്തിന്റെ ടെണ്ടര്‍ നടപടി പൂര്‍ത്തീകരിച്ചിട്ടുണ്ടോ; എങ്കില്‍ കരാറുകാരനുമായി എഗ്രിമെന്റ് നടപടി പൂര്‍ത്തിയാക്കിയിട്ടുണ്ടോ;

(ബി)	പൊഴിയൂര്‍ യു.പി. സ്കൂള്‍ കെട്ടിട നിര്‍മ്മാണവുമായി ബന്ധപ്പെട്ട് ഭരണാനുമതി ലഭിച്ചിട്ടും ടെണ്ടര്‍ നടപടി വൈകിയതിന്റെ കാരണം എന്താണെന്ന് വ്യക്തമാക്കാമോ;

(സി)	ഭരണാനുമതി ലഭിച്ചിട്ടും നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിന് കാലതാമസം വരുന്നതിന്റെ കാരണം വ്യക്തമാക്കാമോ?

മുണ്ടക്കയം ടൗണില്‍ വെയിറ്റിംഗ് ഷെഡ് നിര്‍മ്മാണം

5937.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എം.എല്‍.എ.യുടെ നിയോജകമണ്ഡല ആസ്തി വികസന പദ്ധതിയില്‍ 2015-16 ല്‍ ഉള്‍പ്പെടുത്തിയ മുണ്ടക്കയം ടൗണില്‍ വെയിറ്റിംഗ് ഷെഡ് നിര്‍മ്മാണം എന്ന പ്രവൃത്തിയുടെ പുരോഗതി വിശദമാക്കാമോ;

(ബി)	പ്രസ്തുത പ്രവൃത്തി ആരംഭിക്കുന്നതിനുള്ള തടസ്സങ്ങള്‍ വിശദീകരിക്കാമോ?

ശബരിമലയിലെ പൊതുമരാമത്ത് വകുപ്പിന്റെ കെട്ടിടം

5938.

(എ)	പൊതുമരാമത്ത് വകുപ്പിന്റെ ഉടമസ്ഥതയില്‍ ശബരിമലയില്‍ ഉള്ള കെട്ടിടത്തിന്റെ ഉടമസ്ഥത സംബന്ധിച്ച് എന്തെങ്കിലും തര്‍ക്കങ്ങളോ കോടതി വ്യവഹാരങ്ങളോ ഉണ്ടായിട്ടുണ്ടോ; നിലവില്‍ ഇതിന്റെ അവസ്ഥ എന്താണ്; വിശദാംശങ്ങള്‍ സഹിതം വ്യക്തമാക്കാമോ;

(ബി)	ഹൈക്കോടതിയില്‍ മുന്‍ പൊതുമരാമത്ത് ഉദ്യോഗസ്ഥര്‍ നല്‍കിയ ഹര്‍ജിയില്‍ പൊതുമരാമത്ത് വകുപ്പിനുവേണ്ടി ഹാജരായത് ഏത് വക്കീലാണ്;

(സി)	ഏത് സാഹചര്യത്തിലാണ് പി.ഡബ്ല്യു.ഡി.യുടെ ഒഴിപ്പിക്കല്‍ നടപടിക്ക് ഹൈക്കോടതി സ്റ്റേ ഓര്‍ഡര്‍ നല്‍കിയത്; സ്റ്റേ വെക്കേറ്റ് ചെയ്യാന്‍ സ്വീകരിച്ച നടപടി എന്തൊക്കെ എന്ന് വ്യക്തമാക്കാമോ;

(ഡി)	ഈ കേസ് കോടതി പിന്നീട് എത്ര പ്രാവശ്യം പരിഗണിച്ചു; എന്ത് വിധിയാണ് നല്‍കിയത്; അന്തിമ വിധി ആയിട്ടില്ലെങ്കില്‍ എന്ത് തുടര്‍നടപടി സ്വീകരിക്കാനാണ് ഉദ്ദേശിക്കുന്നത്;

(ഇ)	സര്‍ക്കാര്‍ ഭാഗം വ്യക്തമായി കോടതിയില്‍ അവതരിപ്പിക്കാന്‍ വക്കീലിന് കഴിഞ്ഞില്ല എന്ന് വിലയിരുത്തിയിട്ടുണ്ടോ; എങ്കില്‍ ഈ ഉദ്യോഗസ്ഥനെതിരെ എന്തെങ്കിലും നടപടി സ്വീകരിച്ചോ; വിശദാംശങ്ങള്‍ ലഭ്യമാക്കുമോ?

ചെങ്ങന്നൂര്‍ ആയൂര്‍വ്വേദ ആശുപത്രി കെട്ടിട നിര്‍മ്മാണം

5939.

(എ)	ചെങ്ങന്നൂര്‍ ആയൂര്‍വ്വേദ ആശുപത്രി കെട്ടിടത്തിന്റെ നിര്‍മ്മാണോദ്ഘാടനം കഴിഞ്ഞിട്ടും പ്രവൃത്തി ആരംഭിക്കാന്‍ താമസിക്കുന്നതിന്റെ കാരണം വിശദമാക്കാമോ;

(ബി)	നിര്‍മ്മാണ പ്രവൃത്തികള്‍ എത്രയും വേഗം ആരംഭിക്കുന്നതിനുള്ള നടപടി സ്വീകരിക്കുമോ എന്നറിയിക്കാമോ?

നെയ്യാറ്റിന്‍കരയിലെ പൊതുമരാമത്ത്‌ കെട്ടിട വിഭാഗ പ്രവൃത്തികൾ

5940.

(എ)	നെയ്യാറ്റിന്‍കര നിയോജകമണ്ഡലത്തില്‍ 2019-20 സാമ്പത്തിക വര്‍ഷത്തില്‍ ഭരണാനുമതി ലഭിക്കുന്നതിനായി പി.ഡബ്ള്യൂ.ഡി.(ബില്‍ഡിംഗ്സ്)വിഭാഗം എത്ര എസ്റ്റിമേറ്റുകള്‍ ആണ് സമര്‍പ്പിച്ചതെന്ന് വ്യക്തമാക്കാമോ; എസ്റ്റിമേറ്റുകളുടെ പേരുവിവരവും അടങ്കല്‍ തുകയുടെ വിശദാംശങ്ങളും ലഭ്യമാക്കുമോ;

(ബി)	പി.ഡബ്ള്യൂ.ഡി.(ബില്‍ഡിംഗ്സ്)വിഭാഗം നല്‍കിയ പ്രസ്തുത എസ്റ്റിമേറ്റുകളിൽ ഏതെല്ലാം നിർമ്മാണ പ്രവൃത്തികള്‍ക്കാണ് ഭരണാനുമതി നല്‍കിയിട്ടുള്ളത് എന്ന് വ്യക്തമാക്കാമോ?

ഓഫീസ് അറ്റന്‍ഡന്റുമാർക്ക് വകുപ്പുതല സ്ഥാനക്കയറ്റം

5941.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ ഓഫീസ് അറ്റന്‍ഡന്റായി ജോലി ചെയ്യുന്ന ജീവനക്കാര്‍ക്ക് ക്ലറിക്കല്‍ അസിസ്റ്റന്റ് തസ്തികയിലേക്ക് പത്ത് ശതമാനം വകുപ്പുതല സ്ഥാനക്കയറ്റം നല്‍കുന്ന നടപടി നിലവിലുണ്ടോ;

(ബി)	കഴിഞ്ഞ സര്‍ക്കാരിന്റെ കാലത്ത് കൊണ്ടുവന്ന പ്രസ്തുത തീരുമാനം റദ്ദാക്കിയിട്ടുണ്ടോ; എങ്കില്‍ എന്തുകൊണ്ട് എന്ന് വിശദമാക്കുമോ?

പാലക്കാട് മെഡിക്കല്‍ കോളേജില്‍ ഇലക്ട്രിക്കല്‍ സെക്ഷന്‍

5942.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് സര്‍ക്കാര്‍ മെഡിക്കല്‍ കോളേജില്‍ പൊതുമരാമത്ത് ഇലക്ട്രിക്കല്‍ സെക്ഷന്‍ രൂപീകരിക്കുന്ന കാര്യം പരിഗണനയിലുണ്ടോ;

(ബി)	ഇത് സംബന്ധിച്ച് ധനകാര്യ വകുപ്പില്‍ നിന്നും അംഗീകാരം ലഭിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

ടോള്‍ പിരിവ്

5943.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സർക്കാർ ഏർപ്പെടുത്തിയ ടോള്‍ പിരിവ് നിലനില്‍ക്കുന്ന റോഡുകള്‍, പാലങ്ങള്‍ എന്നിവയുടെ പ്രവൃത്തി പൂര്‍ത്തിയാക്കിയ ഇനത്തില്‍ ചെലവായ തുക, നാളിതുവരെയായി കരാറുകാര്‍ ടോള്‍ ഇനത്തില്‍ നേടിയ തുക എന്നീ ക്രമത്തില്‍ വിശദാംശം വെളിപ്പെടുത്തുമോ;

(ബി)	ടോള്‍ പിരിവിലൂടെ നിര്‍മ്മാണച്ചെലവും ലാഭവും നേടിയ റോഡ്, പാലം ഇവ ഏതെല്ലാമെന്ന് പരിശോധിച്ച് ജനങ്ങള്‍ക്ക് പ്രയാസമാകുന്ന ടോള്‍ പിരിവ് പ്രസ്തുത സ്ഥലങ്ങളില്‍ ഒഴിവാക്കുന്ന കാര്യം അടിയന്തരമായി പരിഗണിക്കുമോ?

നെന്മാറ നിയോജകമണ്ഡലത്തിലെ പ്രവൃത്തികള്‍

5944.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെന്മാറ നിയോജകമണ്ഡലത്തില്‍ 2018-19, 2019-20 കാലയളവില്‍ ഏതെല്ലാം പുതിയ പ്രവൃത്തികള്‍ക്കാണ് ഭരണാനുമതി ലഭിച്ചിട്ടുള്ളത് എന്ന് വിശദമാക്കുമോ;

(ബി)	ഭരണാനുമതി ലഭിച്ചിട്ടുള്ള എത്ര പദ്ധതികളിലാണ് ടെണ്ടര്‍ നടപടി പൂര്‍ത്തീകരിച്ചതെന്ന് വിശദമാക്കുമോ;

(സി)	നിലവില്‍ നടന്നുകൊണ്ടിരിക്കുന്ന പദ്ധതികളുടെ പുരോഗതി സംബന്ധിച്ച് വിശദമാക്കുമോ?

അഴിമതിയ്ക്കെതിരെ സ്വീകരിച്ച നടപടികള്‍

5945.

ശ്രീ.രാജു എബ്രഹാം
,, റ്റി.വി.രാജേഷ്
,, പി. ഉണ്ണി
,, എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വരുമ്പോള്‍ കെടുകാര്യസ്ഥതയും അഴിമതിയും വ്യപാകമായിരുന്ന അവസ്ഥയില്‍ നിന്നും അഴിമതിരഹിതവും സുതാര്യവുമായ ഭരണസംവിധാനത്തിലേയ്ക്ക് വകുപ്പിനെ എത്തിക്കുന്നതിനായി സ്വീകരിച്ചുവരുന്ന നടപടികള്‍ എന്തെല്ലാമാണെന്ന് വിവരിക്കുമോ ;

(ബി)	അഴിമതി നടത്തുന്നതിന് അവസരമുണ്ടാക്കുകയെന്ന ലക്ഷ്യത്തോടെ, പൊതുമരാമത്ത് വകുപ്പില്‍ വിവിധ വിഭാഗങ്ങളിലെ ജീവനക്കാരെ വര്‍ഷത്തില്‍ പലതവണ സ്ഥലം മാറ്റിയിരുന്ന തെറ്റായ രീതി തിരുത്തുന്നതിനായി കൊണ്ടുവന്ന മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കുമോ ;

(സി)	പൊതുമരാമത്ത് വകുപ്പിലെ വിജിലന്‍സ് വിഭാഗം ശക്തിപ്പെടുത്തുന്നതിനായി നടപ്പാക്കിയ പരിഷ്ക്കാരങ്ങളുടെ ഫലമായുണ്ടായ ഗുണപരമായ മാറ്റം എന്തെല്ലാമാണെന്ന് അറിയിക്കാമോ?

ആധാരം എഴുത്തുകാര്‍ക്ക് തൊഴില്‍ ഉറപ്പുവരുത്തുന്നതിന് നടപടി

5946.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ നൂറ്റിയന്‍പതില്‍പരം വര്‍ഷത്തിലധികം പഴക്കമുള്ള തൊഴിലാളി വിഭാഗമായ ആധാരം എഴുത്തുകാര്‍ സാങ്കേതിക വിദ്യയുടെ കടന്നുകയറ്റവും നോട്ടുനിരോധനം ഉള്‍പ്പെടെയുള്ള പുത്തന്‍ സാമ്പത്തിക നയങ്ങളും കാരണം ഒട്ടേറെ വിഷമതകള്‍ അനുഭവിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പരമ്പരാഗത ആധാരം എഴുത്ത് തൊഴിലാളികളുടെ തൊഴില്‍ ഉറപ്പുവരുത്തുന്നതിന് എന്തൊക്കെ നടപടികളാണ് ഈ സര്‍ക്കാര്‍ സ്വീകരിച്ചിട്ടുള്ളത് എന്ന് വ്യക്തമാക്കുമോ;

(സി)	ചികിത്സാസഹായം ഉള്‍പ്പെടെയുള്ള ക്ഷേമനിധി ആനുകൂല്യങ്ങള്‍ കാലാനുസൃതമായി വര്‍ദ്ധിപ്പിക്കുന്നതിന് നടപടി സ്വീകരിക്കുമോ;

(ഡി)	അറുപത്തിയഞ്ച് വയസ്സ് കഴിഞ്ഞ അംഗത്തിന് ക്ഷേമനിധി മുഖേന കൂടുതല്‍ ചികിത്സാസഹായം ഉറപ്പിക്കുന്നതിനുള്ള നടപടി സ്വീകരിക്കുമോ എന്നും അംഗത്വം മുടങ്ങിയവര്‍ക്ക് അത് പുന:സ്ഥാപിക്കുന്നതിനുള്ള അവസരം ലഭ്യമാക്കുമോ എന്നും അറിയിക്കാമോ?

ഭൂമിയുടെ ന്യായവില ഉത്തരവ് വൈകിയതുമൂലം ഉണ്ടായ നഷ്ടം

5947.

ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഭൂമിയുടെ ന്യായവില വർദ്ധിപ്പിച്ച ഉത്തരവ് ലഭ്യമാകാന്‍ വൈകിയതുമൂലം പ്രസ്തുത ഇനത്തില്‍ സര്‍ക്കാരിലേക്ക് ലഭിക്കേണ്ട തുക നഷ്ടപ്പെട്ടിട്ടുള്ളതായി ശ്രദ്ധയിൽപ്പെട്ടിട്ടുണ്ടോ; ആയതിന്റെ പരിഹാര നടപടികള്‍ വ്യക്തമാക്കാമോ;

(ബി)	സര്‍ക്കാര്‍ ഉത്തരവ് ലഭിച്ചിട്ടും രജിസ്ട്രേഷന്‍ വകുപ്പിന്റെ കീഴിലുള്ള ഓഫീസുകളില്‍ പ്രസ്തുത ഉത്തരവ് സംബന്ധിച്ച അറിയിപ്പ് നല്‍കാന്‍ വൈകിയതിന്റെ കാരണം വ്യക്തമാക്കാമോ?

ഭവനനിര്‍മ്മാണ സഹകരണസംഘങ്ങള്‍ക്ക് സ്റ്റാമ്പ് ഡ്യൂട്ടിയില്‍ ഇളവ്

5948.

(എ)	കേരളത്തില്‍ ഏതെല്ലാം ഭവനനിര്‍മ്മാണ സഹകരണസംഘങ്ങള്‍ക്ക് സ്റ്റാമ്പ് ഡ്യൂട്ടിയില്‍ ഇളവ് നല്‍കിയിട്ടുണ്ട്; വിശദവിവരങ്ങള്‍ നല്‍കുമോ;

(ബി)	സഹകരണനിയമത്തില്‍ സ്റ്റാമ്പ് ഡ്യൂട്ടി ഒഴിവ് ഭവനനിര്‍മ്മാണ സഹകരണസംഘങ്ങള്‍ക്ക് നല്‍കിയിട്ടുണ്ടെങ്കിലും രജിസ്ട്രേഷന്‍ വകുപ്പ് അനുകൂല തീരുമാനം എടുക്കാത്തത് ശ്രദ്ധയില്‍പ്പെട്ടിട്ടുണ്ടോ; വിശദവിവരം നല്‍‌കുമോ;

(സി)	ഒരേ പ്രവര്‍ത്തനം നടത്തുന്ന ഹൗസിംഗ് സംഘങ്ങള്‍ക്ക് രണ്ട് തരത്തിലുള്ള നിയമവും നീതിയും നടപ്പിലാക്കുന്ന നടപടി പുന:പരിശോധിക്കുന്നതിന് നടപടി സ്വീകരിക്കുമോ; എങ്കില്‍ വിശദവിവരം നല്‍കുമോ?

കുഴല്‍മന്ദം സബ് രജിസ്ട്രാര്‍ ഓഫീസിന് കെട്ടിടം

5949.

(എ)	കുഴല്‍മന്ദം സബ് രജിസ്ട്രാര്‍ ഓഫീസിന്റെ പുതിയ കെട്ടിടത്തിന്റെ നിര്‍മ്മാണവുമായി ബന്ധപ്പെട്ട് എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ;

(ബി)	നിര്‍മ്മാണ പ്രവര്‍ത്തനം എന്നുമുതല്‍ ആരംഭിക്കാന്‍ കഴിയുമെന്ന് വിശദീകരിക്കാമോ?

കൊച്ചുവേളി ടെര്‍മിനലിന്റെ വികസനം

5950.

(എ)	കൊച്ചുവേളി ടെര്‍മിനലിന്റെ വികസനം അനന്തമായി നീളുന്നത് മൂലം ഉണ്ടാകുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ:

(ബി)	പ്രസ്തുത ടെര്‍മിനല്‍ വികസനത്തിനായി തിരുവനന്തപുരം ഡിവിഷന്‍ പ്രൊപ്പോസല്‍ സമര്‍പ്പിച്ചിട്ട് എട്ടുമാസം പിന്നിട്ടിട്ടും ഈ പ്രൊപ്പോസലിന് അനുമതി ലഭിക്കാത്ത സാഹചര്യത്തില്‍ സംസ്ഥാനത്തെ എം.പി.മാരുടെ സഹായത്തോടുകൂടി റെയില്‍വേ ബോര്‍ഡില്‍ സമ്മര്‍ദ്ദം ചെലുത്തുന്നതിന് നടപടി സ്വീകരിക്കുമോ?

കൊച്ചുവേളി-കാസര്‍ഗോഡ് സെമി ഹൈസ്പീഡ് റെയില്‍ കോറിഡോര്‍

T 5951.

(എ)	കൊച്ചുവേളി-കാസര്‍ഗോഡ് സെമി ഹൈസ്പീഡ് റെയില്‍ കോറിഡോര്‍ പ്രായോഗികമാക്കുന്നതിനായി സാധ്യതാപഠനം നടത്തിയിട്ടുണ്ടോ; വിശദാംശം നൽകുമോ;

(ബി)	പ്രസ്തുത പദ്ധതി നടപ്പിലാക്കുന്നതിനായി രൂപീകരിച്ച കേരള റെയില്‍വേ ഡെവലപ്മെന്റ് കോര്‍പ്പറേഷന്‍ ലിമിറ്റഡിന്റെ പ്രവര്‍ത്തനങ്ങള്‍ വിശദീകരിക്കുമോ;

(സി)	പദ്ധതിക്ക് വരുന്ന ചെലവ് എത്രയാണെന്നും പദ്ധതി എന്നത്തേക്ക് പ്രാവര്‍ത്തികമാകുമെന്നും അറിയിക്കാമോ; ഇതു നടപ്പിൽ വരുന്നതുമൂലമുളള പ്രയോജനങ്ങള്‍ വിശദീകരിക്കുമോ?

നിലമ്പൂര്‍ യാര്‍ഡ് റെയില്‍വേ ഓവര്‍ ബ്രിഡ്‌ജ്‌ നിര്‍മ്മാണം

5952.

(എ)	സംസ്ഥാനത്ത് പുതുതായി നിര്‍മ്മിക്കാനുദ്ദേശിക്കുന്ന റെയില്‍വേ ഓവര്‍ ബ്രിഡ്ജുകളില്‍ നിലമ്പൂര്‍ യാര്‍ഡ് ഉള്‍പ്പെട്ടിട്ടുണ്ടോ; എങ്കില്‍ പ്രതീക്ഷിക്കുന്ന നിര്‍മ്മാണച്ചെലവ് ഉള്‍പ്പെടെയുള്ള വിശദാംശങ്ങള്‍ ലഭ്യമാക്കുമോ;

(ബി)	നിലവില്‍ സ്ഥലം ലഭ്യമായതിനാല്‍ ടെണ്ടര്‍ നടപടികളിലേക്ക് കടക്കുന്ന റെയില്‍വേ ഓവര്‍ ബ്രിഡ്ജുകളില്‍ നിലമ്പൂര്‍ യാര്‍ഡും ഉള്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

(സി)	നിലമ്പൂര്‍ യാര്‍ഡ് നിര്‍മ്മാണം എപ്പോള്‍ ആരംഭിക്കാനാകുമെന്നും എന്നത്തേക്ക് പൂര്‍ത്തിയാക്കാനാകുമെന്നും വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.