14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >5th Session>Unstarred questions Answers

Answer Provided

Answer Not Yet Provided

FOURTEENTH KLA - 5th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ചിറ്റൂര്‍ നിയോജകമണ്ഡലത്തില്‍ ഭരണാനുമതി നല്‍കിയ പ്രവൃത്തികള്‍

3608.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പൊതുമരാമത്ത് വകുപ്പ് 2016-2017 സാമ്പത്തിക വര്‍ഷം ചിറ്റൂര്‍ നിയോജകമണ്ഡലത്തില്‍ ഭരണാനുമതി നല്‍കിയ റോഡ്‌ , കെട്ടിട നിര്‍മാണ പ്രവൃത്തികള്‍ ഏതെല്ലാമെന്ന് വ്യക്തമാക്കാമോ; ഇതില്‍ പ്ലാന്‍ ഫണ്ടിലുള്ള പ്രവൃത്തികള്‍, കിഫ്ബി മുഖേനയുളള പ്രവൃത്തികള്‍ , എം എല്‍ എ യുടെ ആസ്തി വികസന ഫണ്ട്‌ മുഖേനയുള്ള പ്രവൃത്തികള്‍ എന്നിവ തരംതിരിച്ച് വ്യക്തമാക്കാമോ?

റോഡുകളുടെ അറ്റകുറ്റപ്പണിയ്ക്ക്എസ്.എല്‍.ടി.എഫി ല്‍ നിന്ന് അനുവദിച്ച തുക

3609.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മഴക്കാലം ആരംഭിക്കുന്നതിനു മുമ്പ് പൊതുമരാമത്ത് വകുപ്പ് റോഡുകളുടെ അറ്റകുറ്റപ്പണി ചെയ്യുന്നതിന് എസ്.എല്‍.ടി.എഫില്‍ നിന്ന് അനുവദിച്ച തുകയും റോഡിന്റെ പേരുകളും ജില്ല തിരിച്ചു വ്യക്തമാക്കാമോ;

(ബി)	ഈ റോഡുകളുടെ പ്രവൃത്തിക്ക് ടെണ്ടർ ആയോയെന്നും പണി ആരംഭിച്ചോ എന്നും വ്യക്തമാക്കാമോ;

(സി)	അറ്റകുറ്റപ്പണിക്ക് എസ്.എല്‍.ടി.എഫില്‍ നിന്ന് പണം അനുവദിക്കാത്ത, ശോചനീയാവസ്ഥയിലുള്ള റോഡുകളുണ്ടോ എന്ന് ജില്ല തിരിച്ചു വ്യക്തമാക്കാമോ?

പൊതുമരാമത്ത് വകുപ്പിലെ ബ്ലൂപ്രിന്റര്‍ തസ്തിക

3610.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ അനുവദനീയമായ ബ്ലൂപ്രിന്റര്‍ തസ്തിക എത്ര; നിലവില്‍ എത്രപേര്‍ ജോലി ചെയ്യുന്നു; എത്ര ഒഴിവുകള്‍ ഉണ്ട്;

(ബി)	പൊതുമരാമത്ത് വകുപ്പില്‍ പ്രവര്‍ത്തനക്ഷമമായ എത്ര ബ്ലൂപ്രിന്റ് മെഷീനുകള്‍ ഉണ്ട്; ഏതെല്ലാം ഓഫീസുകളിലാണ് ഇവ പ്രവര്‍ത്തിപ്പിക്കുന്നത്; പ്രവര്‍ത്തനക്ഷമമായ ബ്ലൂപ്രിന്റര്‍ ഉള്ള ഓഫീസുകളില്‍ ബ്ലൂപ്രിന്റര്‍ തസ്തികയില്‍ ജീവനക്കാരെ നിയമിച്ചിട്ടുണ്ടോ; ഇല്ലെങ്കിൽ ഏതെല്ലാം ഓഫീസുകളില്‍; വ്യക്തമാക്കാമോ;

(സി)	നിലവിലെ സാഹചര്യത്തില്‍ ബ്ലൂപ്രിന്റര്‍ തസ്തികയുടെ ആവശ്യകത എന്താണെന്നു വിശദമാക്കാമോ; ഇതിനായി ഉപയോഗിക്കുന്ന ആധുനിക സംവിധാനം എന്താണെന്നു വ്യക്തമാക്കാമോ;

(ഡി)	യാതൊരു ജോലിയും ചെയ്യാതെ ബ്ലൂപ്രിന്റര്‍ തസ്തികയില്‍ ശമ്പളം പറ്റുന്ന എത്ര ജീവനക്കാരുണ്ടന്ന് വ്യക്തമാക്കാമോ;

(ഇ)	ബ്ലൂപ്രിന്റര്‍ തസ്തികയില്‍ നിയമനം നല്‍കുന്നതിനുള്ള മാനദണ്ഡം, യോഗ്യത എന്നിവ വ്യക്തമാക്കാമോ?

ഡോ: കെ.എസ്.സിന്ധുവിന് സര്‍ക്കാര്‍ ക്വാര്‍ട്ടേഴ്സ് അനുവദിക്കാന്‍ നടപടി

3611.

ശ്രീ.കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം മഹാരാജാസ് കോളേജ് അസ്സിസ്റ്റന്റ് പ്രൊഫസറും വിധവയുമായ ഡോ: കെ.എസ്. സിന്ധുവിന് 30.12.16-ലെ സര്‍ക്കാര്‍ ഉത്തരവ് 1774/2016/PWD പ്രകാരം അനുവദിച്ച ക്വാര്‍ട്ടേഴ്സ് നല്‍കാത്തതിന്റെ കാരണം വ്യക്തമാക്കുമോ;

(ബി)	ഒഴിവുള്ള ക്വാര്‍ട്ടേഴ്സ് ഉണ്ടായിട്ടും വിധവയായ ഡോ: കെ.എസ്.സിന്ധുവിന് ക്വാര്‍ട്ടേഴ്സ് നല്‍കാത്തതിന്റെ കാരണം വ്യക്തമാക്കുമോ;

(സി)	ഇനി എപ്പോള്‍ ഡോ: കെ.എസ്.സിന്ധുവിന് സര്‍ക്കാര്‍ ക്വാര്‍ട്ടേഴ്സ് ലഭ്യമാക്കുമെന്ന് വിശദീകരിക്കുമോ?

പി.ഡബ്ല്യൂ.ഡി അതിഥി മന്ദിരങ്ങളുടെ നവീകരണം

3612.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്തെ പൊതുമരാമത്തുവക അതിഥി മന്ദിരങ്ങള്‍ നവീകരിക്കുന്നതിനുള്ള പദ്ധതി പരിഗണനയിലുണ്ടോ; ഉണ്ടെങ്കില്‍ പദ്ധതിയുടെ വിശദാംശങ്ങള്‍ വെളിപ്പെടുത്താമോ?

പി.ഡബ്ല്യൂ.ഡി ഏറ്റെടുക്കുന്ന ഗ്രാമീണ റോഡുകള്‍

3613.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശ സ്ഥാപനങ്ങള്‍ക്ക്പ്രവൃത്തി ഏറ്റെടുക്കാന്‍ കഴിയാത്തതും വിവിധ പഞ്ചായത്തുകളെ ബന്ധിപ്പിക്കുന്നതും ബസ് സര്‍വ്വീസ് നടത്തുന്നതുമായ പ്രധാനപ്പെട്ട ഗ്രാമീണ റോഡുകള്‍ പി.ഡബ്ല്യൂ.ഡി ഏറ്റെടുക്കാന്‍ ഉദ്ദേശിക്കുന്നുണ്ടോ;

(ബി)	ഗ്രാമീണ റോഡുകള്‍ ഏറ്റെടുക്കുന്നതുമായി ബന്ധപ്പെട്ട് എന്തെങ്കിലും മാനദണ്ഡങ്ങള്‍ നിലവിലുണ്ടോ;

(സി)	അടിയന്തര പ്രാധാന്യവും റോഡുകളുടെ വ്യാപ്തിയും പരിഗണിച്ച് ഗ്രാമീണ റോഡുകളുടെ നവീകരണത്തിന് പ്രത്യേക ഫണ്ട് ലഭ്യമാക്കാന്‍ സന്നദ്ധമാകുമോയെന്ന് വിശദമാക്കുമോ?

പി.ഡബ്ല്യു.ഡി. റെസ്റ്റ് ഹൗസുകള്‍ സ്ഥാപിക്കുന്നതിന് ഭരണാനുമതി

3614.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പി.ഡബ്ല്യു.ഡി. റെസ്റ്റ് ഹൗസുകളില്ലാത്ത നിയോജക മണ്ഡലങ്ങളില്‍ സ്ഥലം ലഭ്യമാക്കുന്ന മുറയ്ക്ക് റെസ്റ്റ് ഹൗസുകള്‍ സ്ഥാപിക്കുന്നതിന് ഭരണാനുമതി നല്‍കുമോ;

(ബി)	ഏതെല്ലാം നിയോജകമണ്ഡലങ്ങളിലാണ് പി.ഡബ്ല്യു.ഡി. റെസ്റ്റ് ഹൗസുകള്‍ ഇല്ലാത്തത്; വിശദവിവരം ലഭ്യമാക്കുമോ?

റോഡ് പ്ലാസ്റ്റിക് ഉപയോഗിച്ച് ടാര്‍ ചെയ്യുന്ന സംവിധാനം

3615.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡ് ടാര്‍ ചെയ്യുമ്പോള്‍ പ്ലാസ്റ്റിക് ഉപയോഗിക്കുന്ന സംവിധാനം നിലവിലുണ്ടോ; ഇല്ലെങ്കില്‍ നടപ്പിലാക്കുമോ;

(ബി)	ഏതു രീതിയിലാണ് പ്രസ്തുത പദ്ധതി നടപ്പിലാക്കുന്നത്; വിശദാംശങ്ങള്‍ ലഭ്യമാക്കുമോ?

നേമം നിയോജക മണ്ഡലത്തിലെ പൂജപ്പുര ഭാഗത്തെ ഗതാഗതക്കുരുക്ക്

3616.

ശ്രീ.ഒ. രാജഗോപാല്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

നേമം നിയോജക മണ്ഡലത്തിലെ പൂജപ്പുര വാര്‍ഡില്‍ അനുഭവപ്പെടുന്ന ഗതാഗതക്കുരുക്ക് പരിഹരിക്കുന്നതിന് ഫ്ലൈ ഓവറുകളും അടിപ്പാതകളും നിര്‍മ്മിക്കുന്നതിനുള്ള നടപടികള്‍ സ്വീകരിക്കുമോ;വിശദമാക്കാമോ ?

നേമം നിയോജക മണ്ഡലത്തിലെ കല്ലടിമുഖം പാലം നിര്‍മ്മാണം

3617.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജക മണ്ഡലത്തിലെ കാലടി വാര്‍ഡിനെയും ആറ്റുകാല്‍ വാര്‍ഡിനെയും ബന്ധിപ്പിക്കുന്ന കല്ലടിമുഖം പാലം നിര്‍മ്മിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	പാലം നിര്‍മ്മിക്കുന്നതുമായി ബന്ധപ്പെട്ട പ്രവൃത്തികളുടെ ഇപ്പോഴത്തെ സ്ഥിതി എന്താണെന്ന് വിശദമാക്കാമോ ;

(സി)	കല്ലടിമുഖം പാലം നിര്‍മ്മിക്കുന്നതിന് ബജറ്റില്‍ എത്ര തുകയാണ് വകയിരുത്തിയിട്ടുള്ളത് ;

(ഡി)	ഇതിനായി അപ്രോച്ച് റോ‍ഡ് നിര്‍മ്മിക്കുന്നതിന് സ്ഥലം ഏറ്റെടുക്കാനുള്ള നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കുമോ?

നേമം നിയോജക മണ്ഡലത്തിലെ പൊതുമരാമത്തു പ്രവൃത്തികള്‍

3618.

നേമം നിയോജക മണ്ഡലത്തില്‍ ഭരണാനുമതി ലഭിച്ച നിലവിലുള്ള പൊതുമരാമത്ത് പ്രവൃത്തികള്‍ ഏതൊക്കെയാണ്; ഇവയുടെ ഇപ്പോഴത്തെ സ്ഥിതി എന്താണ് ?

കരമന കളിയിക്കാവിള രണ്ടാം ഘട്ട റോഡ് വികസനം

3619.

ശ്രീ.വി.എസ്.ശിവകുമാര്‍
,, കെ.മുരളീധരന്‍
,, കെ.എസ്.ശബരീനാഥന്‍
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന കളിയിക്കാവിള രണ്ടാം ഘട്ട റോഡ് വികസനം ഏത് ഘട്ടത്തിലാണ്;

(ബി)	രണ്ടാം ഘട്ടം റോഡ് നിര്‍മ്മാണത്തിനുള്ള സ്ഥലം വിട്ടു കൊടുത്ത ഭൂവുടമകള്‍ക്കുള്ള നഷ്ട പരിഹാര തുക കുടിശ്ശിക മാര്‍ച്ച് 31 ന് മുമ്പ് നല്‍കാമെന്ന് കളക്ടര്‍ വിളിച്ചു കൂട്ടിയ ഭൂവുടമകളുടെ യോഗത്തില്‍ ഉറപ്പു നല്‍കിയിരുന്നോ;

(സി)	എങ്കില്‍ പ്രസ്തുത ഉറപ്പ് പാലിക്കപ്പെടാത്തതിന്റെ കാരണമെന്താണ്;

(ഡി)	നഷ്ട പരിഹാരം അടിയന്തരമായി നല്‍കി ഏറ്റെടുത്ത സ്ഥലത്തെ കെട്ടിടങ്ങള്‍ പൊളിച്ചു മാറ്റി റോഡ് വികസനം ഉൗര്‍ജ്ജിതപ്പെടുത്തുമോ?

റോഡ് നിര്‍മ്മാണത്തില്‍ ആധുനികവല്‍ക്കരണം

3620.

ശ്രീ.ഇ.പി.ജയരാജന്‍
,, കെ. ദാസന്‍
,, കെ.വി.അബ്ദുള്‍ ഖാദര്‍
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുനിര്‍മ്മാണത്തിന് നിലവില്‍ ഏതെല്ലാം സാങ്കേതിക വിദ്യകളാണ് ഉപയോഗിക്കുന്നതെന്ന് വ്യക്തമാക്കാമോ;

(ബി)	റോഡിന്റെ ഗുണനിലവാരം ദീര്‍ഘകാലം നിലനില്‍ക്കുന്നതിന് സഹായിക്കുന്ന ഏതെല്ലാം നിര്‍മ്മാണ രീതികളാണ് അവലംബിച്ചു വരുന്നതെന്ന് വ്യക്തമാക്കാമോ;

(സി)	പൊതുമരാമത്ത് റോഡുകള്‍ക്കായി പ്ലാസ്റ്റിക്, റബ്ബര്‍, കയര്‍ ഭൂവസ്ത്രം തുടങ്ങിയവ ഉപയോഗിക്കണമെന്ന് നിര്‍ദ്ദേശം നല്‍കിയിട്ടുണ്ടോ;

(ഡി)	റോഡ് നിര്‍മ്മാണത്തില്‍ ആധുനികവല്‍ക്കരണ പ്രവര്‍ത്തനങ്ങള്‍ നടത്തുമ്പോള്‍ ഉണ്ടാകാവുന്ന സാങ്കേതിക പ്രശ്നങ്ങള്‍ നേരിടുന്നതിനും ആവശ്യമായ പരിഹാരമാര്‍ഗ്ഗങ്ങള്‍ കണ്ടെത്തുന്നതിനും നിലവില്‍ പ്രവര്‍ത്തിച്ച് വരുന്ന ഗവേഷണ വികസന സ്ഥാപനങ്ങള്‍ ഏതൊക്കെയാണെന്ന് വ്യക്തമാക്കാമോ?

മങ്കട നിയോജക മണ്ഡലത്തിലെ മക്കരപ്പറമ്പ് ബൈപ്പാസ് നിര്‍മ്മാണം

3621.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മങ്കട നിയോജക മണ്ഡലത്തിലെ നിര്‍ദ്ദിഷ്ട മക്കരപ്പറമ്പ് ബൈപ്പാസ് നിര്‍മ്മിക്കുന്നതുമായി ബന്ധപ്പെട്ട് കേന്ദ്ര ഉപരിഗതാഗത മന്ത്രാലയം ഡി.പി.ആര്‍. തയ്യാറാക്കിയിട്ടുണ്ടോ;

(ബി)	പ്രസ്തുത ബൈപ്പാസ് രൂപീകരണത്തിന് ടെണ്ടര്‍ ക്ഷണിച്ചിട്ടുണ്ടോ;

(സി)	ഇല്ലെങ്കില്‍ ടെണ്ടര്‍ നടപടി പൂര്‍ത്തീകരിക്കുവാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ;

(ഡി)	2016-17-ലെ ബജറ്റില്‍ കിഫ്ബിയില്‍ നിന്നും ഒഴിവാക്കപ്പെട്ട പ്രസ്തുത പ്രവൃത്തി നാളിതുവരെ ആരംഭിക്കുവാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ?

സ്പീഡ് കേരള പദ്ധതിയുടെ ഉദ്ദേശ്യലക്ഷ്യങ്ങള്‍

3622.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

സ്പീഡ് കേരള പദ്ധതിയുടെ ഉദ്ദേശ്യലക്ഷ്യങ്ങള്‍ എന്തെല്ലാമെന്ന് വ്യക്തമാക്കുമോ?

ശബരിമല റോഡ് പാക്കേജില്‍ ഉള്‍പ്പെട്ട റോഡുകള്‍

3623.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സാമ്പത്തിക വര്‍ഷത്തില്‍ ശബരിമല റോഡ് പാക്കേജില്‍ ഉള്‍പ്പെടുത്തി വിവിധ ജില്ലകളിലെ എത്ര റോഡുകള്‍ക്കാണ് തുക അനുവദിച്ചിട്ടുള്ളത്; വിശദാംശങ്ങള്‍ അറിയിക്കാമോ;

(ബി)	കര്‍ണ്ണാടകത്തില്‍ നിന്നും വരുന്ന തീര്‍ത്ഥാടകരുടെ പ്രവേശന ജില്ല എന്ന നിലയില്‍ മേല്‍ പാക്കേജില്‍ ഉള്‍പ്പെടുത്തി കാസര്‍ഗോഡ് ജില്ലകളിലെ റോഡുകള്‍ റിപ്പയര്‍ ചെയ്യുന്നതിന് തുക അനുവദിക്കുന്ന വിഷയം വരും വര്‍ഷങ്ങളില്‍ പരിഗണിക്കുമോ; വിശദാംശങ്ങള്‍ ലഭ്യമാക്കാമോ?

തീരദേശ ഹൈവേ നടപ്പാക്കുമ്പോള്‍ കുടിയൊഴിപ്പിക്കേണ്ടി വരുന്ന മത്സ്യത്തൊഴിലാളികള്‍

T 3624.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശ ഹൈവേ നടപ്പാക്കുമ്പോള്‍ മത്സ്യത്തൊഴിലാളി കുടുംബങ്ങളെ കുടിയൊഴിപ്പിക്കേണ്ടി വരുമോ; വിശദാംശം ലഭ്യമാക്കുമോ;

(ബി)	കുടിയൊഴിപ്പിക്കേണ്ടി വരുന്ന കുടുംബങ്ങളുടെ എണ്ണം കുറയ്ക്കു ന്നതിന് മുന്‍കരുതല്‍ നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വ്യക്തമാക്കുമോ;

(സി)	കുടിയൊഴിപ്പിക്കപ്പെടുന്ന മത്സ്യത്തൊഴിലാളികളെ എങ്ങനെ പുനരധിവസിപ്പിക്കാനാണ് ഉദ്ദേശിക്കുന്നത്; വ്യക്തമാക്കുമോ;

(ഡി)	കുടിയൊഴിപ്പിക്കപ്പെടുന്ന മത്സ്യത്തൊഴിലാളികള്‍ക്കുള്ള നഷ്ടപരിഹാരത്തിന് പദ്ധതി തയ്യാറാക്കിയിട്ടുണ്ടോ; ഉണ്ടെങ്കില്‍ വിശദാംശം വെളിപ്പെടുത്തുമോ?

തിരുമല ജംഗ്ഷനിലെ ഗതാഗതക്കുരുക്ക് പരിഹരിക്കുന്നതിനുളള നടപടി

3625.

(എ)	നേമം നിയോജക മണ്ഡലത്തിലെ തിരുമല ജംഗ്ഷനിലെ ഗതാഗതക്കുരുക്ക് പരിഹരിക്കുന്നതിന് ഫ്ലൈ ഓവര്‍ നിര്‍മ്മിക്കുന്നതിനായി പ്രോജക്ട് തയ്യാറാക്കിയിട്ടുണ്ടോ; ഉണ്ടെങ്കില്‍ പ്രസ്തുത പ്രോജക്ടിന്റെ പകര്‍പ്പ് ലഭ്യമാക്കുമോ ;

(ബി)	തിരുമല ജംഗ്ഷനിലെ ഗതാഗതക്കുരുക്ക് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ആറന്മുള മണ്ഡലത്തിലെ പൊതുമരാമത്ത് പ്രവൃത്തികള്‍

3626.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ആറന്മുള നിയോജക മണ്ഡലത്തില്‍ പൊതുമരാമത്ത് റോ ഡുകളുംപാലങ്ങളും വിഭാഗം, കെട്ടിട വിഭാഗം, എന്നിവ ഏറ്റെടുത്ത് നടത്തുന്ന പ്രവൃത്തികളില്‍ മുടങ്ങിക്കിടക്കുന്ന പ്രവൃത്തികള്‍ ഏതൊക്കെയാണ്; മുടങ്ങിക്കിടക്കുന്നതിന് കാരണം വ്യക്തമാക്കാമോ?

മഞ്ചേരി ജസീല ജംഗ്ഷനില്‍ ഫ്ലൈ ഓവര്‍

3627.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മഞ്ചേരി ജസീല ജംഗ്ഷനില്‍ ഫ്ലൈ ഓവര്‍ നിര്‍മ്മിക്കുന്നതുമായി ബന്ധപ്പെട്ട നടപടിക്രമങ്ങള്‍ നിലവില്‍ ഏതുഘട്ടത്തിലാണ്; വിശദമാക്കാമോ;

(ബി)	പ്രസ്തുത പ്രവൃത്തിക്കായി എത്ര ഭൂമിയാണ് ഏറ്റെടുക്കേണ്ടത്; ആയതിന്റെ നടപടിക്രമങ്ങള്‍ വ്യക്തമാക്കാമോ;

(സി)	ബജറ്റില്‍ പ്രഖ്യാപിച്ചതിന്റെ അടിസ്ഥാനത്തിലുള്ള ഉത്തരവിലൂടെ അനുവദിച്ച തുക നാളിതുവരെയും ചെലവഴിക്കാന്‍ കഴിയാത്തതിന്റെ കാരണം വിശദമാക്കാമോ;

(ഡി)	പ്രസ്തുത പ്രവൃത്തിക്ക് ഭരണാനുമതി ലഭിച്ചിട്ടും നാളിതുവരെയും സാങ്കേതിക അനുമതി നല്‍കാത്തതിന്റെ കാരണം വിശദമാക്കുമോ;

(ഇ)	നടപടിക്രമങ്ങള്‍ പൂര്‍ത്തീകരിച്ച് പ്രസ്തുത ഫ്ലൈഓവറിന്റെ നിർമ്മാണം എന്നത്തേക്ക് ആരംഭിക്കാന്‍ കഴിയും എന്ന് അറിയിക്കാമോ?

കാലാവധി കഴിഞ്ഞ ടോള്‍ ബൂത്തുകള്‍

3628.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിരവധി സ്ഥലങ്ങളില്‍ കാലാവധി കഴിഞ്ഞും ടോള്‍ ബൂത്തുകള്‍ പ്രവര്‍ത്തിച്ചുവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	നിലവില്‍ ടോള്‍ പിരിക്കുന്നത് സംബന്ധിച്ച വിശദാംശം ലഭ്യമാക്കാമോ;

(സി)	ഈ സര്‍ക്കാര്‍ അധികാരത്തില്‍ വന്ന ശേഷം നിര്‍ത്തലാക്കിയ ടോള്‍ ബൂത്തുകളുടെ വിശദാംശം നല്‍കാമോ?

ഡിസൈന്‍ വിംഗിനേയും ഇന്‍വെസ്റ്റിഗേഷന്‍ ആന്റ് ക്വാളിറ്റി കണ്‍ട്രോള്‍ വിംഗിനേയും ശക്തിപ്പെടുത്തുവാന്‍ നടപടി

3629.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിലെ ഡിസൈന്‍ വിംഗിനേയും ഇന്‍വെസ്റ്റിഗേഷന്‍ ആന്റ് ക്വാളിറ്റി കണ്‍ട്രോള്‍ വിംഗിനേയും ശക്തിപ്പെടുത്തുവാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വെളിപ്പെടുത്തുമോ;

(ബി)	ഇതിന് വേണ്ടി പുതുതായി ഏതൊക്കെ ഓഫീസുകളുടെ യൂണിറ്റാണ് രൂപീകരിക്കുന്നത്;

(സി)	ജീവനക്കാരെ കണ്ടെത്തുന്നതിന് ഏതൊക്കെ ഓഫീസുകളാണ് നിര്‍ത്തലാക്കാനുദ്ദേശിക്കുന്നതെന്ന് വെളിപ്പെടുത്തുമോ;

(ഡി)	ഏതൊക്കെ തസ്തികകള്‍ ഷിഫ്റ്റ് ചെയ്ത് മാറ്റുവാനാണുദ്ദേശിക്കുന്നത്;

(ഇ)	ഇതുമൂലം ഏതൊക്കെ തസ്തികകള്‍ ഇല്ലാതാകുമെന്ന് വെളിപ്പെടുത്തുമോ;

(എഫ്)

വകുപ്പിനുള്ളിലെ മാറ്റങ്ങള്‍ എന്നത് കണക്കിലെടുത്ത്ഡിപ്ലോയ്മെന്റ് (പുനര്‍വിന്യാസം) എന്നതിനു പകരം പോസ്റ്റ് ഷിഫ്റ്റിംഗ് എന്ന് ആക്കുന്നതിന് നടപടി സ്വീകരിക്കുമോ; വകുപ്പില്‍ ഇത്രയും വലിയ മാറ്റങ്ങള്‍ നടത്തുമ്പോള്‍ അക്കാര്യം സര്‍വ്വീസ് സംഘടനകളുമായി ചര്‍ച്ച നടത്തുകയുണ്ടായോ; ഇല്ലെങ്കില്‍ അതിനുള്ള കാരണം വ്യക്തമാക്കാമോ; ചര്‍ച്ചയ്ക്കുള്ള അവസരം ഉണ്ടാക്കുമോ?

ഡിസൈന്‍ വിംഗിനേയും ഇന്‍വെസ്റ്റിഗേഷന്‍ ആന്റ് ക്വാളിറ്റി കണ്‍ട്രോള്‍ വിംഗിനേയും ശക്തിപ്പെടുത്തുന്നതിന് നടപടി

3630.

ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിലെ ഡിസൈന്‍ വിംഗിനേയും ഇന്‍വെസ്റ്റിഗേഷന്‍ ആന്റ് ക്വാളിറ്റി കണ്‍ട്രോള്‍ വിംഗിനേയും ശക്തിപ്പെടുത്തുന്നതിന് ഉത്തരവിറക്കിയോ;

(ബി)	ഈ ശക്തിപ്പെടുത്തലിന് മുന്നോടിയായി എന്തെങ്കിലും പഠനമോ വര്‍ക്ക് സ്റ്റഡിയോ നടത്തുകയുണ്ടായോ;വ്യക്തമാക്കുമോ;റിപ്പോർട്ടിന്റെ പകര്‍പ്പ് ലഭ്യമാക്കാമോ;

(സി)	ഇത് സംബന്ധിച്ച് സര്‍വ്വീസ് സംഘടനകളുമായി ചര്‍ച്ചകള്‍ നടത്തുകയുണ്ടോയോ; വിശദാംശങ്ങള്‍ വെളിപ്പെടുത്തുമോ;

(ഡി)	ധാരാളം പരാതികള്‍ ഉയര്‍ന്ന സാഹചര്യത്തില്‍ ചര്‍ച്ചക്ക് അവസരമൊരുക്കുമോ;

(ഇ)	പുതുതായി ആരംഭിക്കുന്ന ഓഫീസുകളിലേക്ക് ഏതൊക്കെ തസ്തികകള്‍ സൃഷ്ടിക്കുകയുണ്ടായി; വിശദാംശങ്ങള്‍ വെളിപ്പെടുത്തുമോ?

തങ്കുളം-കോഴിപ്പിള്ളി ന്യൂ ബൈപ്പാസ് റോഡ് നിര്‍മ്മാണം

3631.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തില്‍ തങ്കുളം-കോഴിപ്പിള്ളി ന്യൂ ബൈപ്പാസ് റോഡ് നിര്‍മ്മാണത്തിന് ഇതുവരെ എത്ര തുകയ്ക്കുള്ള ഭരണാനുമതി ലഭ്യമായിട്ടുണ്ട്;

(ബി)	ഭരണാനുമതി ലഭ്യമായ തുകയ്ക്കുള്ള പ്രവര്‍ത്തനങ്ങള്‍ പൂര്‍ത്തീകരിച്ചിട്ടുണ്ടോ;

(സി)	നിലവില്‍ ഈ റോഡിന്റെ നിര്‍മ്മാണം ഏത് ഘട്ടത്തിലാണെന്ന് വ്യക്തമാക്കാമോ;

(ഡി)	എന്തുകൊണ്ടാണ് തുടര്‍നിര്‍മ്മാണ പ്രവൃത്തികള്‍ തടസ്സപ്പെട്ടത് എന്ന് വ്യക്തമാക്കാമോ;

(ഇ)	തുടര്‍നിര്‍മ്മാണ പ്രവര്‍ത്തനങ്ങള്‍ക്ക് എന്ത് നടപടിയാണ് നാളിതുവരെ സ്വീകരിച്ചിരിക്കുന്നത് എന്ന് വ്യക്തമാക്കാമോ;

(എഫ്)

റോഡിന്റെ നിര്‍മ്മാണ പ്രവര്‍ത്തനങ്ങള്‍ പുനരാരംഭിക്കുന്നതിന് വേണ്ട നടപടി സ്വീകരിക്കുമോ?

പണിയൂര്‍ കടവ് പാലത്തിന്റെ ബലക്ഷയം

3632.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി-പണിയൂര്‍ കടവ് റോഡില്‍ പണിയൂര്‍ കടവ് പാലത്തിന് അടുത്ത കാലത്തായി ബലക്ഷയം സംഭവിച്ചിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; വിശദീകരിക്കുമോ;

(ബി)	പ്രസ്തുത പാലത്തിലൂടെ അമിതഭാരം കയറ്റിയ ലോറികള്‍ കടന്നുപോകുന്നത് ശ്രദ്ധയില്‍പ്പെട്ടിട്ടുണ്ടോ; വിശദീകരിക്കുമോ;

(സി)	നിശ്ചിത അളവില്‍ കൂടുതല്‍ ഭാരംകയറ്റിയ ലോറികള്‍ ഈ പാലത്തിലൂടെ കടന്നുപോകുന്നത് നിയന്ത്രിക്കുന്നതിന് നടപടി സ്വീകരിക്കുമോ;

(ഡി)	ഈ പാലം അടിയന്തരമായി പരിശോധനകള്‍ നടത്തി അത്യാവശ്യ അറ്റകുറ്റപണികള്‍ നടത്തുന്നതിന് നടപടി സ്വീകരിക്കുമോ?

വൈലോങ്ങര ഒരോടം പാലം ബൈപ്പാസ് നിര്‍മ്മാണം

3633.

(എ)

2016-17 സാമ്പത്തിക വര്‍ഷത്തില്‍ ബജറ്റ് പ്രസംഗത്തില്‍ ഉള്‍പ്പെട്ട വൈലോങ്ങര ഒരോടം പാലം ബൈപ്പാസ് നിര്‍മ്മാണം റോഡ്സ് & ബ്രിഡ്ജസ് ഡെവലപ്പ്മെന്റ് കോർപറേഷനെ ഏല്‍പ്പിക്കുകയും ആർ.ബി .ഡി.സി.കെ പ്രസ്തുത പ്രവൃത്തി ചെയ്യുന്നതിലേയ്ക്കായി കിറ്റ്കോയെ (കേരളാ ഇൻഡസ്ട്രിയൽ ആൻഡ് ടെക്നിക്കൽ കൺസൾട്ടൻസി ഓർഗനൈസേഷൻ ) ഏല്‍പ്പിച്ചിട്ടുമുള്ള സാഹചര്യത്തില്‍, പ്രസ്തുത ബൈപ്പാസ് നിർമ്മാണത്തിനായി കിറ്റ്കോ സ്വീകരിച്ച നടപടികളെ സംബന്ധിച്ച വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത ബൈപ്പാസ് നിര്‍മ്മാണവുമായി ബന്ധപ്പെട്ട് കിറ്റ്കോ, ആക്ടിവിറ്റി കലണ്ടർ ഉള്‍പ്പെടെയുള്ള പ്രാഥമിക കാര്യങ്ങള്‍ നടത്തിയിട്ടുണ്ടോ; വിശദീകരിക്കാമോ?

കായംകുളം മണ്ഡലത്തിലെ എസ്.എൽ.ടി.എഫ് പ്രവൃത്തികളുടെ പുരോഗതി

3634.

ശ്രീമതി യു. പ്രതിഭ ഹരി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കായംകുളം മണ്ഡലത്തിലെ എസ്.എൽ.ടി.എഫ് പ്രവൃത്തികളുടെ പുരോഗതി വിശദമാക്കാമോ ?

വൈപ്പിന്‍ - പള്ളിപ്പുറം തീരദേശപാതയുടെ നിര്‍മ്മാണം

3635.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍ - പള്ളിപ്പുറം തീരദേശപാതയുടെ നിര്‍മ്മാണത്തിനായുള്ള ഇന്‍വെസ്റ്റിഗേഷന്‍ നടപടിക്രമങ്ങള്‍ പൂര്‍ത്തിയാക്കി എന്നാണ് സമര്‍പ്പിച്ചതെന്ന് വ്യക്തമാക്കാമോ;

(ബി)	ഇതിന്മേല്‍ നാളിതുവരെ സ്വീകരിച്ച തുടര്‍നടപടി വിശദമാക്കാമോ ?

ബജറ്റില്‍ നേമം മണ്ഡലത്തിലേക്ക് അനുവദിച്ചിട്ടുള്ള മരാമത്ത് പണികള്‍

3636.

2016-17, 2017-18 വര്‍ഷങ്ങളിലെ ബജറ്റില്‍ നേമം നിയോജക മണ്ഡലത്തിലേക്ക് അനുവദിച്ചിട്ടുള്ള പൊതു മരാമത്ത് വകുപ്പിന്റെ പദ്ധതികള്‍ ഏതൊക്കെയാണ്; അവയുടെ നിലവിലെ സ്ഥിതി എന്താണ്എന്നറിയിക്കാമോ?

പേരാമ്പ്ര നിയോജക മണ്ഡലത്തിലെ പാറക്കടവ് - തോട്ടത്താങ്കണ്ടി റോഡ് ഏറ്റെടുക്കല്‍ നടപടി

3637.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പേരാമ്പ്ര നിയോജക മണ്ഡലത്തിലെ പാറക്കടവ് - തോട്ടത്താങ്കണ്ടി റോഡ് പി.ഡബ്ല്യു.ഡി. ഏറ്റെടുത്തിട്ടുണ്ടോ; ഇൗ വര്‍ഷം എത്ര രൂപ ബജറ്റില്‍ ഇൗ റോഡിന് വേണ്ടി നീക്കി വച്ചിട്ടുണ്ട്;

(ബി)	തോട്ടത്താങ്കണ്ടി പാലം നിര്‍മ്മിക്കാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ നടപടികൾ ഏത് ഘട്ടത്തിലാണെന്നറിയിക്കാമോ?

പരിസ്ഥിതി സൗഹാര്‍ദ്ദത്തോടെയുള്ള റോഡ് വികസനത്തിനായി നടപടി

3638.

(എ)	റോഡ് വിപുലീകരണത്തിനും മറ്റ് നിര്‍മ്മാണ പ്രവൃത്തികള്‍ക്കുമായി ധാരാളം തണല്‍ മരങ്ങള്‍ മുറിച്ചു മാറ്റേണ്ടതായ സാഹചര്യം ഉളവാകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരം സാഹചര്യങ്ങളില്‍ മരം മുറിച്ചു മാറ്റാതെ വേരോടെ പിഴുത് പുനസ്ഥാപിക്കുന്ന സാങ്കേതിക വിദ്യ പരീക്ഷിക്കുവാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ;

(സി)	പരിസ്ഥിതി സൗഹാര്‍ദ്ദത്തോടെയുള്ള റോഡ് വികസനത്തിനായി നടപടി സ്വീകരിക്കുമോയെന്ന് വ്യക്തമാക്കുമോ ?

ബജറ്റില്‍ നിര്‍ദ്ദേശിച്ചിട്ടുള്ള പദ്ധതികള്‍ക്ക് സമയബന്ധിതമായി ഭരണാനുമതി

3639.

(എ)	2017-18 വര്‍ഷത്തെ ബജറ്റില്‍ നിര്‍ദ്ദേശിച്ചിട്ടുള്ള പദ്ധതികള്‍ക്ക് സമയബന്ധിതമായി ഭരണാനുമതി ലഭ്യമാക്കുന്നതിനുള്ള നടപടി ആരംഭിച്ചു കഴിഞ്ഞിട്ടുണ്ടോ; ഇല്ലെങ്കില്‍ എന്തുകൊണ്ടെന്ന് വ്യക്തമാക്കുമോ;

(ബി)	കോങ്ങാട് മണ്ഡലത്തിലെ പ്രസ്തുത നിര്‍ദ്ദേശങ്ങളില്‍പ്പെട്ട ഏതെല്ലാം പദ്ധതികള്‍ക്ക് ഭരണാനുമതി ലഭ്യമാക്കുന്നതിനുള്ള നടപടികള്‍ സ്വീകരിച്ചിട്ടുണ്ട്; വിശദവിവരം നല്‍കുമോ?

മംഗലാപുരം-വിഴിഞ്ഞം ആറ് വരിപാത

3640.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

നിര്‍ദ്ദിഷ്ട മംഗലാപുരം-വിഴിഞ്ഞം ആറ് വരിപാതയുടെ ( ക്യാപിറ്റൽ റീജിയൻ ഡെവലപ്മെന്റ് പ്രോഗ്രാം II) നിര്‍മ്മാണ പ്രവര്‍ത്തനങ്ങള്‍ ഏതു വരെയായെന്ന് വിശദമാക്കാമോ; ടി പ്രവൃത്തി സമയബന്ധിതമായി പൂര്‍ത്തിയാക്കുന്നതു സംബന്ധിച്ചും തുടര്‍ പ്രവര്‍ത്തനങ്ങള്‍ എന്തൊക്കയാണെന്നുമുള്ള വിശദാംശങ്ങള്‍ ലഭ്യമാക്കാമോ?

തൃശ്ശൂര്‍-കാഞ്ഞാണി-വാടാനപ്പള്ളി പാതയുടെ അറ്റകുറ്റപണികള്‍

3641.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃശ്ശൂര്‍-കാഞ്ഞാണി-വാടാനപ്പള്ളി സംസ്ഥാന പാതയുടെ അറ്റകുറ്റപണികള്‍ക്കായി എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	വരുന്ന കാലവര്‍ഷത്തിനുമുമ്പായി അറ്റകുറ്റപണികള്‍ നടത്തുവാന്‍ തയ്യാറാകുമോ; വിശദാംശങ്ങള്‍ ലഭ്യമാക്കുമോ?

മാവേലിക്കര .ഐ.എച്ച്.ആര്‍.‍‍ഡി ക്ക് പുതിയ കെട്ടിടം

3642.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര .ഐ.എച്ച്.ആര്‍.‍‍ഡി ക്ക് പുതിയ കെട്ടിടം നിര്‍മ്മിക്കുന്നതിന് തുക അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തിക്കാവശ്യമായ ഭരണസാങ്കേതികാനുമതികള്‍ അടിയന്തരമായി ലഭ്യമാക്കുന്നതിന് നടപടികള്‍ സ്വീകരിക്കുമോ;

(സി)	പ്രസ്തുത പ്രവൃത്തിയുടെ പൂര്‍ത്തീകരണത്തിന് നാളിതുവരെ സ്വീകരിച്ച നടപടികള്‍ വിശദമാക്കുമോ?

കടാന്തോട് പാലം പുനർനിര്‍മ്മാണം

3643.

(എ)	തൃശ്ശൂര്‍ ജില്ലയിലെ മുല്ലശ്ശേരി പഞ്ചായത്തിലെ കടാന്തോട് പാലം അപകടകരമായ അവസ്ഥയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പാലത്തിന്റ പുനർനിര്‍മ്മാണം അടിയന്തരമായി ആരംഭിക്കുന്നതിനാവശ്യമായി നടപടികള്‍ സ്വീകരിക്കുമോ; വിശദാംശങ്ങള്‍ അറിയിക്കാമോ?

കുറ്റ്യാടി നിയോജക മണ്ഡലത്തില്‍ ഭരണാനുമതി നല്‍കിയ പദ്ധതികള്‍

3644.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സ൪ക്കാ൪ അധികാരമേററ ശേഷം പൊതുമരാമത്ത് വകുപ്പ് റോഡ് വിഭാഗത്തില്‍ കുറ്റ്യാടി നിയോജക മണ്ഡലത്തില്‍ നിന്ന് ഭരണാനുമതി നല്‍കിയ പദ്ധതികള്‍ ഏതൊക്കെ;

(ബി)	പ്രവൃത്തിയുടെ പേര്,എസ്റ്റിമേറ്റ് തുക,ഭരണാനുമതി ഉത്തരവിന്റെ പകര്‍പ്പ് എന്നിവ ലഭ്യമാക്കുമോ;

(സി)	ഈ സര്‍ക്കാര്‍ അധികാരമേറ്റ ശേഷം നേരത്തെ ഭരണാനുമതി ലഭിച്ചതിന്റെ അടിസ്ഥാനത്തില്‍ ഇപ്പോള്‍ മണ്ഡലത്തില്‍ നടന്നുവരുന്ന പ്രവൃത്തികള്‍ ഏതൊക്കെ;

(ഡി)	നേരത്തെ ഭരണാനുമതി ലഭിച്ചെങ്കിലും ഇനിയും ടെണ്ടര്‍ ചെയ്യാത്ത പ്രവൃത്തികള്‍ കുറ്റ്യാടി മണ്ഡലത്തില്‍ ഉണ്ടോ; എങ്കില്‍ അവ ഏതൊക്കെ;

(ഇ)	എങ്കില്‍ ഈ പ്രവൃത്തികള്‍ എന്നത്തേക്ക് ടെണ്ടര്‍ ചെയ്യാനാകും; ടെണ്ടര്‍ നടപടിക്ക് തടസ്സമായ ഘടകം എന്താണ്;

(എഫ്)

കിഫ്ബിയില്‍ ഉള്‍പ്പെടുത്തി മണ്ഡലത്തില്‍ അനുവദിച്ച റോഡ് പ്രവൃത്തികള്‍ ഏതൊക്കെ;

(ജി)	പ്രസ്തുത റോഡിന്റെ പേര്,എസ്റ്റിമേറ്റ് തുക തുടങ്ങിയ വിശദാംശങ്ങള്‍ നല്‍കുമോ; പ്രസ്തുത പ്രവൃത്തികള്‍ക്ക് ഇനി ഭരണാനുമതി ലഭിക്കേണ്ടതുണ്ടോ; എങ്കില്‍ അതുമായി ബന്ധപ്പെട്ട കാര്യങ്ങള്‍ ഇപ്പോള്‍ ഏതു ഘട്ടത്തിലാണ്; വിശദാംശങ്ങള്‍ നല്‍കുമോ?

കുറ്റ്യാടി നിയോജക മണ്ഡലത്തിലെ പാലങ്ങളുടെ പണി

3645.

(എ)	പൊതുമരാമത്ത് പാലം വിഭാഗത്തിന് കീഴില്‍ കുറ്റ്യാടി നിയോജക മണ്ഡലത്തില്‍ ഇതിനകം ഭരണാനുമതി ലഭിച്ചിട്ടുള്ള പദ്ധതികള്‍ ഏതൊക്കെ; ഭരണാനുമതി ഉത്തരവിന്റെ പകര്‍പ്പ് ലഭ്യമാക്കുമോ;

(ബി)	പ്രസ്തുത പ്രവൃത്തികള്‍ ഇതിനകം ആരംഭിച്ചിട്ടുണ്ടോ; എങ്കില്‍ ഇപ്പോള്‍ ഏതു ഘട്ടത്തിലാണ്;

(സി)	കുറ്റ്യാടി നിയോജക മണ്ഡലത്തില്‍ അടിയന്തരമായി ആരംഭിക്കേണ്ടതും എന്നാല്‍ ഇതിനകം ഭരണാനുമതി ലഭിച്ചിട്ടില്ലാത്തതുമായ പാലം പ്രവൃത്തികള്‍ ഏതൊക്കെയെന്ന് അറിയിക്കാമോ;

(ഡി)	ഇവയുടെ ഭരണാനുമതിക്കായി ഇതിനകം കെെക്കൊണ്ട നടപടികള്‍ എന്തൊക്കെ; വിശദാംശങ്ങള്‍ നല്‍കുമോ?

പാലങ്ങളുടെ രൂപകല്പന ആകര്‍ഷകമാക്കുന്നതിന് നടപടി

3646.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ടൂറിസം സാധ്യതകള്‍ കൂടി കണക്കിലെടുത്ത്, പൊതുമരാമത്ത് വകുപ്പ് നിര്‍മ്മിക്കുന്ന പാലങ്ങള്‍ കൂടുതല്‍ ആകര്‍ഷകമാക്കുന്നതിനുവേണ്ട നടപടികള്‍ സ്വീകരിക്കുമോ;

(ബി)	കോടികള്‍ മുടക്കി നിര്‍മ്മിക്കുന്ന ഇത്തരം പാലങ്ങള്‍, സുഗമമായ യാത്രക്കൊപ്പം വിദേശ രാജ്യങ്ങളിലേതുപോലെ ടൂറിസ്റ്റുകളെ കൂടി ആകര്‍ഷിക്കുന്ന തരത്തില്‍ രൂപകല്പന ചെയ്യാന്‍ എഞ്ചിനീയറിംഗ് വിഭാഗത്തിന് നിര്‍ദ്ദേശം നല്‍കുമോ;

(സി)	പൊതുമരാമത്ത് വകുപ്പിന്റെ എല്ലാ നിര്‍മ്മാണ പ്രവര്‍ത്തനങ്ങളിലും ഏറ്റവും ആധുനികവും ശാസ്ത്രീയവുമായ മാര്‍ഗ്ഗങ്ങള്‍ അവലംബിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

കാസര്‍ഗോഡ് ബൈപ്പാസ് റോഡ്

3647.

(എ)	കാസര്‍ഗോഡ് ബൈപ്പാസ് റോഡ് നിര്‍മ്മാണത്തിന് കിഫ്ബിയില്‍ ഉള്‍പ്പെടുത്തി ഭരണാനുമതി നല്‍കിയിട്ടുണ്ടോ;വിശദമായ പദ്ധതി രേഖ തയ്യാറാക്കുന്നതിന് ആർ.ബി.ഡി.സി.കെ. ടെണ്ടര്‍ നടപടി സ്വീകരിച്ചിട്ടുണ്ടോ;

(ബി)	എങ്കില്‍ ടെണ്ടര്‍ സംബന്ധിച്ച അന്തിമ നടപടി ആയിട്ടുണ്ടോ;വിശദാംശങ്ങള്‍ അറിയിക്കാമോ?

പെരുമ്പട്ട പാലത്തിന്റെ ടെണ്ടര്‍ നടപടി

3648.

ശ്രീ.എം. രാജഗോപാലന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പ്രഭാകരന്‍ കമ്മീഷന്‍ റിപ്പോര്‍ട്ട് (കാസര്‍ഗോഡ് സ്പെഷ്യല്‍ പാക്കേജ്) പ്രകാരം തൃക്കരിപ്പൂര്‍ പെരുമ്പട്ടയില്‍ നിര്‍മ്മിക്കുന്ന പെരുമ്പട്ട പാലത്തിന്റെ ടെണ്ടര്‍ നടപടി എന്നാരംഭിക്കാന്‍ കഴിയുമെന്ന് വ്യക്തമാക്കാമോ?

ബാലുശ്ശേരി മണ്ഡലത്തിലെ പാലങ്ങളുടെ പുനർനിർമ്മാണം

3649.

(എ)	കാലപ്പഴക്കം കൊണ്ട് ഗതാഗത യോഗ്യമല്ലാതായി തീര്‍ന്ന പാലങ്ങള്‍ പരിശോധിക്കാനായി നടപടി സ്വീകരിച്ചിട്ടുണ്ടോ; എങ്കില്‍ ആയത് എന്തെല്ലാമെന്നറിയിക്കാമോ;

(ബി)	ബാലുശ്ശേരി മണ്ഡലത്തില്‍ ഏതൊക്കെ പാലങ്ങളാണ് പുതുക്കി പണിയാനുള്ളത്; ഇതിനായി സ്വീകരിച്ച നടപടികള്‍ അറിയിക്കാമോ;

(സി)	അപകടകരമായ അവസ്ഥയില്‍ തുടരുന്ന തൃക്കുറ്റിശ്ശേരി പാലം പുതുക്കി പണിയുന്നതില്‍ കാലതാമസം നേരിട്ടത് ശ്രദ്ധയില്‍പ്പെട്ടിട്ടുണ്ടോ; പാലം നിര്‍മ്മാണം ഇപ്പോള്‍ ഏത് ഘട്ടത്തിലാണെന്നറിയിക്കാമോ?

ഒറ്റപ്പാലം മണ്ഡലത്തിലെ പൊതുമരാമത്ത് പ്രവൃത്തികള്‍

3650.

(എ)	ഒറ്റപ്പാലം മണ്ഡലത്തില്‍ നിലവില്‍ നടന്നുകൊണ്ടിരിക്കുന്ന വിവിധ പൊതുമരാമത്ത് പ്രവൃത്തികള്‍ (റോഡുകള്‍, പാലങ്ങള്‍, കെട്ടിടങ്ങള്‍) ഏതെല്ലാമെന്ന് വ്യക്തമാക്കാമോ;

(ബി)	ഓരോ പ്രവൃത്തിയുടേയും നിലവിലെ സ്ഥിതിയും പ്രവൃത്തിയുടെ പുരോഗതിയും വ്യക്തമാക്കാമോ;

(സി)	ഭരണാനുമതി ലഭ്യമായ പൊതുമരാമത്ത് പ്രവൃത്തികളുടെ വിശദാംശം നല്‍കാമോ;

(ഡി)	സാങ്കേതികാനുമതി ലഭിക്കുകയും ടെണ്ടര്‍ ഉള്‍പ്പെടെയുള്ള നടപടികള്‍ പൂര്‍ത്തീകരിച്ചിട്ടും പ്രവൃത്തി ആരംഭിക്കാതെയിരിക്കുന്ന നിര്‍മ്മാണ പ്രവൃത്തികളുടെ ലിസ്റ്റ് വെളിപ്പെടുത്താമോ?

ഒറ്റപ്പാലം ബൈപ്പാസിന്റെ നിർമ്മാണം

3651.

(എ)	2016-17 സാമ്പത്തിക വര്‍ഷത്തെ പുതുക്കിയ ബഡ്ജറ്റില്‍ പ്രഖ്യാപിച്ച ഒറ്റപ്പാലം ബൈപ്പാസിന്റെ നിര്‍മ്മാണ നടപടി ക്രമങ്ങള്‍ ഏതു ഘട്ടത്തിലാണ്;ഇനി എന്തെല്ലാം നടപടി ക്രമങ്ങള്‍ പൂര്‍ത്തീകരിക്കുവാനുണ്ട്;

(ബി)	ഒറ്റപ്പാലം ബൈപ്പാസിനായി നാളിതുവരെ എന്തെല്ലാം നടപടികള്‍ സ്വീകരിച്ചു എന്ന് വ്യക്തമാക്കാമോ;

(സി)	നടപടിക്രമങ്ങള്‍ പൂര്‍ത്തീകരിച്ച് ഒറ്റപ്പാലം ബൈപ്പാസ് നിര്‍മ്മാണം എന്നത്തേക്ക് ആരംഭിക്കുവാന്‍ കഴിയും; വ്യക്തമാക്കാമോ?

മാനന്തവാടി മണ്ഡലത്തില്‍ ഭരണാനുമതി നല്‍കിയ റോഡ് പ്രവൃത്തികള്‍

3652.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് മാനന്തവാടി മണ്ഡലത്തില്‍ ഭരണാനുമതി നല്‍കിയ റോഡ് പ്രവൃത്തികള്‍ ഏതെല്ലാം;

(ബി)	പ്രസ്തുത പ്രവൃത്തികളുടെ നിലവിലെ സ്ഥിതി വ്യക്തമാക്കുമോ;

(സി)	പ്രസ്തുത കാലയളവില്‍ മാനന്തവാടി മണ്ഡലത്തിലെ റോഡുകളുടെ അറ്റകുറ്റപണികള്‍ക്കായി എത്ര രൂപയുടെ ഭരണാനുമതിയാണ് നല്‍കിയിട്ടുള്ളത്;

(ഡി)	മാനന്തവാടി മണ്ഡലത്തിലെ പൊതുമരാമത്ത് റോഡുകളുടെ അറ്റകുറ്റപണികള്‍ക്കായി അനുവദിച്ച തുക കൃത്യമായി വിനിയോഗിച്ചിട്ടുണ്ടോയെന്ന് വ്യക്തമാക്കുമോ?

മാവേലിക്കര നിയോജകമണ്ഡലത്തിലെ കിഫ്ബി പ്രവൃത്തികള്‍

3653.

(എ)	മാവേലിക്കര നിയോജകമണ്ഡലത്തില്‍ കിഫ്ബിയില്‍ ഉള്‍പ്പെടുത്തി അനുവദിച്ച പ്രവൃത്തികള്‍ ആരംഭിക്കുന്നതിനായി പൊതുമരാമത്ത് വകുപ്പിലെ നിരത്ത് - കെട്ടിട വിഭാഗങ്ങള്‍ സ്വീകരിച്ച നടപടികള്‍ വിശദമാക്കാമോ ;

(ബി)	പ്രസ്തുത പ്രവൃത്തികള്‍ അടിയന്തരമായി ആരംഭിക്കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കുറ്റ്യാടി നിയോജകമണ്ഡലത്തില്‍ വണ്‍ടൈം മെയിന്റനന്‍സ് പദ്ധതിയില്‍ അനുവദിച്ച റോഡുകള്‍

3654.

(എ)	മുന്‍സര്‍ക്കാറിന്റെ കാലത്ത് കുറ്റ്യാടി നിയോജകമണ്ഡലത്തില്‍ അവസാനമായി വണ്‍ടൈം മെയിന്റനന്‍സ് പദ്ധതിയില്‍ അനുവദിച്ച റോഡുകള്‍ ഏതൊക്കെ എന്നറിയിക്കാമോ;

(ബി)	റോഡുകളുടെ പേരും അനുവദിച്ച തുകയും വ്യക്തമാക്കുമോ;

(സി)	ഇതില്‍ ഏതൊക്കെ റോഡ് പ്രവൃത്തികള്‍ ഇതിനകം പൂര്‍ത്തീകരിച്ചു;പദ്ധതിയില്‍ ഏതൊക്കെ റോഡുകളാണ് ഇനിയും പൂര്‍ത്തീകരിക്കാനുള്ളതു;ഈ പ്രവൃത്തികൾ എന്നത്തേക്ക് പൂര്‍ത്തിയാക്കാനാകും; വിശദാംശങ്ങള്‍ നൽകുമോ?

കഴക്കൂട്ടം- തമ്പാനൂര്‍- കളിയിക്കാവിള പാതയെ ജില്ലാ പാതയാക്കി വിജ്ഞാപനം ചെയ്യാന്‍ നിവേദനം

3655.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കഴക്കൂട്ടം- തമ്പാനൂര്‍- കളിയിക്കാവിള പാതയെ ജില്ലാ പാതയാക്കി വിജ്ഞാപനം ചെയ്യണമെന്ന് ആവശ്യപ്പെട്ട് നിവേദനം ലഭിച്ചിട്ടുണ്ടോ;

(ബി)	ആരില്‍നിന്നാണ് പ്രസ്തുത നിവേദനം ലഭിച്ചതെന്നും അതിന്മേല്‍ എന്ത് തീരുമാനം എടുത്തെന്നും വിശദമാക്കുമോ?

ചെര്‍ക്കുള-കല്ലടക്ക റോഡ് പുനർനിർമ്മാണം

3656.

(എ)	കാസര്‍ഗോഡ് മണ്ഡലത്തിലെ ചെര്‍ക്കള-കല്ലടക്ക റോഡ് പുനര്‍നിര്‍മ്മിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ പ്രസ്തുത നടപടികള്‍ എന്തെല്ലാമാണെന്നും ഈ റോഡിന്റെ പുനര്‍നിര്‍മ്മാണ പ്രവൃത്തി എപ്പോള്‍ ആരംഭിക്കുമെന്നും വ്യക്തമാക്കാമോ;

(ബി)	പ്രസ്തുത റോഡ് നാഷണല്‍ ഹൈവേ അതോറിറ്റി ഏറ്റെടുക്കാന്‍ ഉദ്ദേശിക്കുന്നുണ്ടോ;

(സി)	എങ്കില്‍ കിഫ്ബിയില്‍ ഉള്‍പ്പെടുത്തിയ ഈ റോഡിന്റെ നിര്‍മ്മാണവുമായി ബന്ധപ്പെട്ട അനന്തര നടപടികള്‍ എന്തായിരിക്കുമെന്ന് വ്യക്തമാക്കാമോ?

കണ്ണനാട്ട്-വെല്ലിംഗ്ടണ്‍ ഐലന്റ് പാലം

3657.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

എറണാകുളം ജില്ലയിലെ കണ്ണനാട്ട്-വെല്ലിംഗ്ടണ്‍ ഐലന്റ് പാലത്തിന്റെ നിര്‍മ്മാണ പ്രവര്‍ത്തനങ്ങളെക്കുറിച്ച് ചര്‍ച്ച ചെയ്യുന്നതിനായി 5-10-2016 തീയതിയിൽ വിളിച്ചു ചേര്‍ത്ത യോഗത്തില്‍ പാലത്തിന്റെ അലൈന്‍മെന്റ് മാറ്റിയതു സംബന്ധിച്ച് വിശദീകരണം നല്‍കുവാന്‍ ചീഫ് എഞ്ചിനീയറോട് ആവശ്യപ്പെട്ടിട്ടും പ്രസ്തുത വിശദീകരണം സമര്‍പ്പിക്കാത്തതിന്റെ കാരണം വിശദമാക്കാമോ;

(ബി)	വിശദീകരണം എന്നത്തേക്ക് ലഭ്യമാക്കുവാന്‍ സാധിക്കുമെന്ന് വ്യക്തമാക്കാമോ?

ഫ്ലൈഓവറുകൾ, സിഗ്നലിംഗ് സംവിധാനം എന്നിവയിലൂടെ റോഡ്‌ സുരക്ഷ

3658.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ധിച്ചുവരുന്ന വാഹനങ്ങള്‍ മൂലമുള്ള ഗതാഗതക്കുരുക്ക് പരിഹരിക്കാനും വാഹനാപകടങ്ങളില്‍ കുറവ് വരുത്താനുമായി തമിഴ്നാട്ടിലെ പോലെ കോര്‍പറേഷന്‍,നഗരസഭാ പ്രദേശങ്ങളില്‍ ഫ്ലൈ ഓവറുകള്‍ നിർമ്മിക്കാൻ എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത് ;

(ബി)	വരുന്ന 20 വര്‍ഷത്തെ വാഹന വര്‍ധനവ് കണക്കിലെടുത്ത് ഇതുസംബന്ധിച്ച് എന്തെങ്കിലും സാധ്യതാപഠനം നടത്തിയിട്ടുണ്ടോ; ഇല്ലെങ്കില്‍ ആയതിന് ഉദ്ദേശിക്കുന്നുണ്ടോ; എല്ലാ തിരക്കുള്ള ജംഗ്ഷനുകളിലും സിഗ്നലിംഗ് സംവിധാനം കാര്യക്ഷമമായി പ്രവര്‍ത്തിപ്പിക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)

ദേശീയ ,സംസ്ഥാന ,ജില്ലാ പാതകളും തദേശ സ്വയംഭരണ സ്ഥാപനങ്ങളുടെ നിയന്ത്രണത്തിലുള്ള പാതകളും കാല്‍നടക്കാര്‍ക്കും സൈക്കിള്‍ യാത്രികരായ സാധാരണക്കാര്‍ക്കും സൗഹൃദപരമാക്കാനായി കര്‍മപദ്ധതി രൂപീകരിച്ച്‌ സമയബന്ധിതമായി റോഡ്‌ സുരക്ഷ ഉറപ്പുവരുത്താന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

കന്നിപ്പുറം , മുളളറവിള - ആയയില്‍ എന്നീ പാലങ്ങളുടെ നിര്‍മ്മാണ പ്രവര്‍ത്തനം

3659.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര നിയോജക മണ്ഡലത്തിലെ കന്നിപ്പുറം പാലത്തിന്റെ നിര്‍മ്മാണ പ്രവര്‍ത്തനം കിഫ്ബി വഴി ആരംഭിക്കുന്നതിന് ആവശ്യമായ നടപടിക്രമങ്ങള്‍ പൂര്‍ത്തി യായിട്ടുണ്ടോ; ഏതെല്ലാം നടപടികള്‍ ആണ് ഇനി പൂര്‍ത്തീകരിക്കാനുളളത് എന്ന് വിശദീകരിക്കാമോ;

(ബി)	നിര്‍മ്മാണ പ്രവര്‍ത്തനങ്ങള്‍ ആര‍ംഭിക്കുന്നതിന് എത്ര മാസം വേണ്ടി വരുമെന്ന് വിശദീകരിക്കാമോ;

(സി)	നെയ്യാറ്റിന്‍കര നിയോജക മണ്ഡലത്തിലെ മുളളറവിള - ആയയില്‍പാലം നിര്‍മ്മിക്കുന്നതിന് കിഫ്ബിയുടെ തടസ്സം എന്താണ്; വിശദീകരിക്കാമോ;

(ഡി)	പ്രസ്തുത പാലത്തിന്റെ പുതിയ പ്ലാന്‍ സമർപ്പിക്കാൻ കിഫ്ബി ആവശ്യപ്പെടാന്‍ കാരണം എന്താണ്;

(ഇ)	മുളളറവിള - ആയയില്‍ പാലത്തിന്റെ നടപടി ക്രമങ്ങള്‍ സെപ്റ്റംബര്‍ 30 നു മുന്‍പ് പൂര്‍ത്തീകരിക്കാന്‍ സാധിക്കുമോയെന്ന് വിശദമാക്കുമോ?

പയ്യന്നൂര്‍ നിയോജക മണ്ഡലത്തിലെ റോഡ് പ്രവൃത്തികള്‍

3660.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2016-17 വര്‍ഷം നബാര്‍ഡ് ഫണ്ടില്‍ ഉൾപ്പെടുത്തിയിട്ടുള്ള പയ്യന്നൂര്‍ മണ്ഡലത്തിലെ റോഡ് പ്രവൃത്തികള്‍ ഏതെല്ലാമാണ്;

(ബി)	ഇങ്ങനെ ഉള്‍പ്പെടുത്തിയ പ്രവൃത്തികളുടെ ഭരണാനുമതി ലഭ്യമായിട്ടുണ്ടോ;ഇല്ലെങ്കില്‍ എന്ന് ഭരണാനുമതി നല്‍കാന്‍ കഴിയുമെന്ന് പറയാമോ;

(സി)	ഈ പ്രവൃത്തികള്‍ക്ക് ഭരണാനുമതി നല്‍കുന്ന നടപടി ഏത് വരെ ആയെന്ന് വ്യക്തമാക്കാമോ?

കാസര്‍ഗോഡ് നിയോജക മണ്ഡലത്തിലെ റോഡ്-പാലം പ്രവൃത്തികൾ

3661.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം കാസര്‍ഗോഡ് നിയോജക മണ്ഡലത്തില്‍ ഏതെല്ലാം റോഡുകളുടെ നിര്‍മ്മാണത്തിനാണ് ഭരണാനുമതി നല്‍കിയതെന്ന് വ്യക്തമാക്കാമോ;

(ബി)	പ്രസ്തുത റോഡുകളുടെ ‍ടെണ്ടര്‍ നടപടികള്‍ പൂര്‍ത്തിയായിട്ടുണ്ടോ എന്നും നിര്‍മ്മാണം എപ്പോള്‍ തുടങ്ങി എപ്പോള്‍ തീരുമെന്നും വ്യക്തമാക്കാമോ;

(സി)	കാസര്‍ഗോഡ് അസംബ്ലി നിയോജക മണ്ഡലത്തില്‍ ഇനി പുനര്‍നിര്‍മ്മാണം അനിവാര്യമായിട്ടുളള റോഡുകള്‍ ഏതൊക്കെയാണെന്നും ഈ റോഡുകള്‍ക്ക് എപ്പോള്‍ ഭരണാനുമതി ലഭ്യമാക്കുമെന്നും വ്യക്തമാക്കാമോ;

(ഡി)	മുന്‍സര്‍ക്കാരിന്റെയും ഈ സര്‍ക്കാരിന്റെയും കാലത്ത് കാസര്‍ഗോ‍ഡ് അസംബ്ലി നിയോജക മണ്ഡലത്തില്‍ നിര്‍മ്മിച്ചതും നിര്‍മ്മാണം നടന്നുകൊണ്ടിരിക്കുന്നതും ഭരണാനുമതി ലഭിച്ചിട്ടും പ്രവൃത്തി ആരംഭിക്കാത്തതും ഭരണാനുമതി ലഭ്യമാകാനിരിക്കുന്നതുമായ പാലങ്ങള്‍ എതൊക്കെയാണെന്ന് വ്യക്തമാക്കാമോ?

പയ്യന്നൂര്‍ മണ്ഡലത്തിലെ കോടതി സമുച്ചയം

3662.

(എ)	2016-17 ബഡ്ജറ്റില്‍ ഉള്‍പ്പെട്ടിട്ടുള്ള പയ്യന്നൂര്‍ മണ്ഡലത്തിലെ കോടതി സമുച്ചയത്തിന് (price No. 1354/17) ഭരണാനുമതി ലഭിച്ചിട്ടുണ്ടോ;

(ബി)	ഇല്ലെങ്കില്‍ ഭരണാനുമതി നല്‍കുന്ന പ്രവര്‍ത്തനം ഏത് വരെയെന്ന് വ്യക്തമാക്കാമോ?

സര്‍ക്കാര്‍ കെട്ടിടങ്ങളുടെ പരിപാലനം

3663.

(എ)	കേരളത്തിലെ സര്‍ക്കാര്‍ കെട്ടിടങ്ങള്‍ പലതും കൃത്യമായി പരിപാലിക്കപ്പെടുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	സര്‍ക്കാര്‍ കെട്ടിടങ്ങളുടെ മെയിന്റനന്‍സിനും റിപ്പയറിനുമായി നിലവിലുള്ള സംവിധാനങ്ങള്‍ എന്തെല്ലാമാണ്;

(സി)	എത്ര വര്‍ഷം കൂടുമ്പോഴാണ് സര്‍ക്കാര്‍ കെട്ടിടങ്ങള്‍ പെയിന്റ് ചെയ്യാന്‍ അനുമതിയുള്ളതെന്ന് വ്യക്തമാക്കുമോ?

പള്ളിപ്പുറം ഇന്‍ഫോപാര്‍ക്കിലേക്ക് റോഡും പാലവും നിര്‍മ്മാണം

3664.

ശ്രീ.എ.എം. ആരിഫ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

2017-18 ബജറ്റില്‍ അനുവദിച്ച പള്ളിപ്പുറം ഇന്‍ഫോപാര്‍ക്കിലേക്ക് ദേശീയപാതയിലെ വയലാര്‍ ജംഗ്ഷനില്‍ നിന്നുള്ള റോഡും പാലവും നിര്‍മ്മാണം എന്ന പ്രവ‍ൃത്തി ആരംഭിക്കുന്നതുമായി ബന്ധപ്പെട്ട് എന്തൊക്കെ പ്രവര്‍ത്തനങ്ങള്‍ നടത്തി എന്ന് വിശദമാക്കാമോ?

റോഡിനുവേണ്ടി വിട്ടുകൊടുത്ത സ്ഥലത്തിന്റെ വില ലഭിച്ചില്ലെന്ന പരാതി

3665.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടക്കല്‍ നിയോജകമണ്ഡലത്തിലെ കുറ്റിപ്പുറം, വൈത്തല ശ്രീ.വി.അബ്ദുറഹ്മാന്‍ റോഡിനുവേണ്ടി സ്ഥലം വിട്ടുകൊടുത്തിട്ട് വില ലഭിച്ചില്ലെന്ന പരാതി ലഭിച്ചിട്ടുണ്ടോ;

(ബി)	ഉണ്ടെങ്കില്‍ എടുത്ത നടപടികളുടെ വിശദമായ വിവരം ലഭ്യമാക്കുമോ;

(സി)	E1271356/M(PWD&R)/2017 നമ്പര്‍ പ്രകാരമുള്ള പരാതിയുടെ അടിസ്ഥാനത്തില്‍ പൊതുമരാമത്ത് ചീഫ് എഞ്ചിനീയറും, എക്സിക്യൂട്ടീവ് എഞ്ചിനീയറും (മലപ്പുറം) സ്വീകരിച്ച നടപടികളുടെ വിശദവിവരം ലഭ്യമാക്കുമോ?

പ്ലാസ്റ്റിക് മിശ്രണം ചെയ്ത ബിറ്റുമിന്‍ ഉപയോഗിച്ചുള്ള റോഡ് ടാറിംഗ്

3666.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ശുദ്ധീകരിച്ച പ്ലാസ്റ്റിക് വേസ്റ്റ് ഉപയോഗിച്ച് ഉപരിതലം നിര്‍മ്മിച്ചിട്ടുള്ള റോഡുകള്‍ ഉയര്‍ന്ന നിലവാരം പുലര്‍ത്തുന്നതായി കണ്ടെത്തിയിട്ടുണ്ടോ; വിശദാംശങ്ങള്‍ നല്കുമോ;

(ബി)	ഈ ഗവണ്‍മെന്‍റ് അധികാരത്തില്‍ വന്നതിനുശേഷം പ്ലാസ്റ്റിക് മിശ്രണം ചെയ്ത ബിറ്റുമിന്‍ ഉപയോഗിച്ച് എത്ര ദൈര്‍ഘ്യം റോഡുകള്‍ നിര്‍മ്മിച്ചിട്ടുണ്ടെന്നു വ്യക്തമാക്കുമോ;

(സി)	ഇന്ത്യന്‍ റോ‍ഡ് കോണ്‍ഗ്രസ് 8P 98-2013 പ്രകാരം പ്ലാസ്റ്റിക് ഉപയോഗിച്ച് റോഡുകള്‍ നിര്‍മ്മിക്കുന്നതിനുള്ള നിര്‍ദ്ദേശങ്ങള്‍ അംഗീകരിച്ച സാഹചര്യത്തില്‍, നടപ്പുസാമ്പത്തിക വര്‍ഷത്തില്‍ ഇത്തരം റോഡുകള്‍ കൂടുതല്‍ നിര്‍മ്മിയ്ക്കാന്‍ അടിയന്തര നടപടി സ്വീകരിക്കുമോ?

പൊതുമരാമത്ത് വകുപ്പിലെ ഡിസൈന്‍ വിംഗിനെ ശക്തിപ്പെടുത്തുവാന്‍ നടപടി

3667.

(എ)	പൊതുമരാമത്ത് വകുപ്പിലെ ഡിസൈന്‍ വിംഗിനെ ശക്തിപ്പെടുത്തുവാന്‍ പുതുതായി ഏതൊക്കെ യൂണിറ്റുകളാണ് രൂപീകരിച്ചിട്ടുള്ളത്;

(ബി)	ഒരു വിംഗിന്റെ കീഴിലുള്ള വിവിധ യൂണിറ്റുകളിലെ ഒരേ കേഡര്‍ തസ്തികകള്‍ക്ക് വിവിധ തസ്തികാ നാമങ്ങള്‍ നല്‍കിയിട്ടുണ്ടോ; എങ്കില്‍ അതിനുള്ള കാരണമെന്താണ്; ഇതുകൊണ്ടുള്ള നേട്ടങ്ങള്‍ വ്യക്തമാക്കാമോ;

(സി)	വിവിധ യൂണിറ്റുകളിലേക്കാവശ്യമായ ടെക്നിക്കല്‍ ഉദ്യോഗസ്ഥര്‍ ഏതൊക്കെ തസ്തികയില്‍പ്പെട്ടവരായിരിക്കണമെന്നും എത്ര എണ്ണം വീതം ആയിരിക്കണമെന്നും നിശ്ചയിക്കുകയുണ്ടായോ; അതിന്റെ വിശദവിവരം ലഭ്യമാക്കാമോ;

(ഡി)	വിവിധ യൂണിറ്റുകള്‍ രൂപീകരിച്ചപ്പോള്‍ ആവശ്യമായ മിനിസ്റ്റീരിയല്‍ ജീവനക്കാരെ ലഭ്യമാക്കിയിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നതെന്നും ഏതൊക്കെ തസ്തികകള്‍ ഷിഫ്റ്റ് ചെയ്തോ അല്ലാതെയോ ലഭ്യമാക്കണമെന്നും പറയാമോ?

പൊതുമരാമത്ത് വകുപ്പിലെ വിശ്രമകേന്ദ്രങ്ങള്‍/ടൂറിസ്റ്റ് ബംഗ്ലാവുകള്‍

3668.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന് കീഴിലുളള വിശ്രമകേന്ദ്രങ്ങള്‍/ടൂറിസ്റ്റ് ബംഗ്ലാവുകള്‍ എവിടെയെല്ലാമാണ് സ്ഥിതി ചെയ്യുന്നത്; വിശദമാക്കുമോ;

(ബി)	പ്രസ്തുത കേന്ദ്രങ്ങളില്‍ പലതിലെയും മുറികള്‍ വൃത്തിഹീനമായതും ഉപയോഗശൂന്യമായതുമാണെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ സംസ്ഥാനത്തെ എല്ലാ പൊതുമരാമത്ത് വിശ്രമകേന്ദ്രങ്ങളെയും ടൂറിസം ഗസ്റ്റ് ഹൗസുകളുടെ നിലവാരത്തിലേക്ക് ഉയര്‍ത്തുന്നതിനായി എന്തെങ്കിലും പദ്ധതികള്‍ പരിഗണനയിലുണ്ടോ;

(ഡി)	ഇല്ലെങ്കില്‍ ആയതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ;

(ഇ)	2017-18 ബഡ്ജറ്റില്‍ റസ്റ്റ്ഹൗസുകളുടെ നവീകരണത്തിന് എത്രരൂപയാണ് വകയിരുത്തിയിട്ടുള്ളതെന്ന് വ്യക്തമാക്കുമോ?

പൊതുമരാമത്ത് വകുപ്പില്‍ പരിഷ്കരിച്ച മാന്വല്‍

3669.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ അടുത്തിടെ പരിഷ്കരിച്ച മാന്വല്‍ അംഗീകരിച്ച് ഉത്തരവിറക്കുകയുണ്ടായോ; എങ്കില്‍ അതിന്റെ പകര്‍പ്പ് ലഭ്യമാക്കാമോ;

(ബി)	പരിഷ്കരിച്ച മാന്വല്‍ സംബന്ധിച്ച് സര്‍വ്വീസ് സംഘടനകളുമായി ചര്‍ച്ച നടത്തുകയുണ്ടായോ; ഇല്ലെങ്കില്‍ ആയതിന് നടപടി സ്വീകരിക്കുമോ;

(സി)	മാന്വലില്‍ പോരായ്മകളുണ്ടെന്ന പരാതി ശ്രദ്ധയില്‍ പെട്ടിട്ടുണ്ടോ; ഉണ്ടെങ്കില്‍ പരിഹരിക്കാന്‍ നടപടി സ്വീകരിക്കുമോ;

(ഡി)	പൊതുമരാമത്ത് പ്രവൃത്തികളുടെ ഗുണനിലവാരം ഉയര്‍ത്തുന്നതിനും ഗ്യാരണ്ടി ഉറപ്പാക്കുന്നതിനും പ്രത്യേക നിബന്ധനകള്‍ വ്യവസ്ഥ ചെയ്യുമോ;

(ഇ)	ജീവനക്കാരുടെ നിയമനവും സ്ഥലംമാറ്റം ഉള്‍പ്പടെയുള്ള എസ്റ്റാബ്ലിഷ്മെന്റ് കാര്യങ്ങളും മാന്വലില്‍ ഉള്‍പ്പെടുത്തുവാനുള്ള നീക്കം ശ്രദ്ധയില്‍പ്പെട്ടിട്ടുണ്ടോ;

(എഫ്)

പൊതുമരാമത്തു് വകുപ്പില്‍ ശക്തവും വ്യവസ്ഥാപിതവുമായ എസ്റ്റാബ്ലിഷ്മെന്റ് സംവിധാനവും കുറ്റമറ്റ സ്പെഷ്യല്‍ റൂള്‍സും നിലനില്‍ക്കുന്നത് കണക്കിലെടുത്ത് ഇക്കാര്യങ്ങള്‍ മാന്വലില്‍ ഉള്‍പ്പെടുത്തുന്നത് ഒഴിവാക്കാന്‍ നിര്‍ദ്ദേശം നല്‍കുമോ?

പൊതുമരാമത്ത് വകുപ്പില്‍ അസിസ്റ്റന്റ് എഞ്ചിനീയര്‍ (സിവില്‍) തസ്തികയിലെ ഒഴിവുകൾ

3670.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ അസിസ്റ്റന്റ് എഞ്ചിനീയര്‍ (സിവില്‍)തസ്തികയിലേക്കുള്ള പി.എസ്.സി റാങ്ക് ലിസ്റ്റ് നിലവില്‍ വന്നതെപ്പോഴാണ് ; എത്ര ഒഴിവുകള്‍ നിലവിലുണ്ട്; കണ്ണൂര്‍ ജില്ലയില്‍ ഏതൊക്കെ സെക്ഷനുകളിലാണ് ഒഴിവുകള്‍ നിലവിലുള്ളത്; വിശദാംശം നല്‍കുമോ;

(ബി)	ഒഴിവുകള്‍ എത്രയും വേഗം പി.എസ്.സി ക്ക് റിപ്പോര്‍ട്ട് ചെയ്യുന്നതിനും പരമാവധി ഒഴിവുകള്‍ നികത്തുന്നതിനും നടപടി സ്വീകരിക്കുമോ;

(സി)	എത്ര ഒഴിവുകള്‍ പി.എസ്.സി. ക്ക് റിപ്പോര്‍ട്ട് ചെയ്തിട്ടുണ്ട് എന്നറിയിക്കാമോ ?

പൊതുമരാമത്ത് വകുപ്പില്‍ അറ്റകുറ്റപ്പണികള്‍ നിര്‍വ്വഹിക്കുന്ന വിഭാഗം

3671.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ അറ്റകുറ്റപ്പണികള്‍ നിര്‍വ്വഹിക്കുന്നതിനായി പ്രത്യേക വിഭാഗം രൂപീകരിച്ചിട്ടുണ്ടോ;

(ബി)	പ്രസ്തുത വിഭാഗത്തിന്റെ ഘടന വ്യക്തമാക്കുമോ;

(സി)	പ്രസ്തുത വിഭാഗത്തിന്റെ ചുമതലകള്‍ എന്തെല്ലാമാണ്;

(ഡി)	എത്ര തുക വരെയുള്ള പ്രവൃത്തികളാണ് പ്രസ്തുത വിഭാഗം വഴി നടത്തുന്നതെന്ന് വിശദമാക്കുമോ?

പൊതുമരാമത്ത് വകുപ്പിന്റെ ആധുനികവത്ക്കരണം

3672.

ശ്രീ.വി.ടി.ബല്‍റാം
,, അനൂപ് ജേക്കബ്
,, തിരുവഞ്ചൂര്‍ രാധാകൃഷ്ണന്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ ആധുനികവത്ക്കരണത്തിന് എന്തെല്ലാം നടപടികള്‍ കെെക്കൊണ്ടിട്ടുണ്ടെന്ന് വ്യക്തമാക്കുമോ;

(ബി)	മുന്‍സര്‍ക്കാര്‍ നടപ്പാക്കിയ ഇ ടെണ്ടറിംഗും, ഇ പേയ്മെന്റും കാര്യക്ഷമമാക്കാന്‍ എന്തെല്ലാം നടപടികള്‍ കെെക്കൊണ്ടിട്ടുണ്ട്;

(സി)	ആധുനികവത്ക്കരണം വഴി ഭരണതലത്തില്‍ എന്തെല്ലാം മാറ്റങ്ങളാണ് വന്നതെന്ന് വ്യക്തമാക്കുമോ?

ഏറ്റുമാനൂര്‍ പട്ടണത്തിലെ ഫ്ലൈ ഓവര്‍ നിര്‍മ്മാണം

3673.

ശ്രീ.കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2016-17 ലെ ബഡ്ജറ്റില്‍ പ്രഖ്യാപിച്ച 30 കോടി രൂപയുടെ പ്രവൃത്തിയായ ഏറ്റുമാനൂര്‍ പട്ടണത്തിലെ ഫ്ലൈ ഓവര്‍ നിര്‍മ്മാണത്തിനുളള ഡീറ്റയില്‍ഡ് പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോ;

(ബി)	പ്രസ്തുത ഫ്ലൈ ഓവര്‍ നിര്‍മ്മാണം കാലതാമസം കൂടാതെ പൂര്‍ത്തിയാക്കാന്‍ എന്തെല്ലാം നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

പൊതുമരാമത്ത് വകുപ്പിന്റെ ഓഫീസുകളില്‍ പഞ്ചിംഗ് സമ്പ്രദായം

3674.

(എ)	പൊതുമരാമത്ത് വകുപ്പിന്റെ ഓഫീസുകളില്‍ പഞ്ചിംഗ് സമ്പ്രദായം ഏര്‍പ്പെടുത്തുന്നതിനുള്ള നടപടികള്‍ ജീവനക്കാരുടെ എതിര്‍പ്പിനെ തുടര്‍ന്ന് നിര്‍ത്തിവച്ചത് ശ്രദ്ധയില്‍പ്പെട്ടിട്ടുണ്ടോ; പഞ്ചിംഗ് സമ്പ്രദായം ഏര്‍പ്പെടുത്തുവാനുള്ള നടപടിക്രമങ്ങള്‍ ഏതുവരെയായി ;വ്യക്തമാക്കാമോ;

(ബി)

മിക്ക പൊതുമരാമത്ത് ഓഫീസുകളിലും ജനപ്രതിനിധികളും എം. എല്‍.എ മാരുടെ പി. എ. മാരും വിവരങ്ങള്‍ അന്വേഷിച്ചെത്തുമ്പോള്‍ ബന്ധപ്പെട്ട ഉദ്യോഗസ്ഥരെ കാണാന്‍ കഴിയാത്ത അവസ്ഥയ്ക്ക് പരിഹാരമുണ്ടാക്കാന്‍ പ‍ഞ്ചിംഗ് സമ്പ്രദായത്തിന് കഴിയുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ പൊതുമരാമത്ത് വകുപ്പിന്റെ എല്ലാ ഓഫീസുകളിലും അടിയന്തരമായി പഞ്ചിംഗ് സമ്പ്രദായം ഏര്‍പ്പെടുത്താന്‍ നടപടി സ്വീകരിക്കുമോ;

(സി)	പൊതുമരാമത്ത് വകുപ്പിലെ എഞ്ചിനീയര്‍മാരും മറ്റ് ജീവനക്കാരും ഫീല്‍ഡില്‍/ സൈറ്റില്‍ പോകുമ്പോള്‍ ബന്ധപ്പെട്ട ഓഫീസിലെ മൂവ്മെന്റ് രജിസ്റ്ററില്‍ രേഖപ്പെടുത്താന്‍ നിര്‍ദ്ദേശം നല്‍കുമോയെന്ന് വ്യക്തമാക്കുമോ ?

പൊതുമരാമത്ത് പ്രവൃത്തികളുടെ ഇന്‍വെസ്റ്റിഗേഷന്‍ നടപടിയിലെ കാലതാമസം

3675.

(എ)	പല പൊതുമരാമത്ത് പ്രവൃത്തികളുടെയും ഇന്‍വെസ്റ്റിഗേഷന്‍ നടപടിയില്‍ കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇന്‍വെസ്റ്റിഗേഷന്‍ നടപടി സമയ ബന്ധിതമായി പൂര്‍ത്തിയാക്കി റിപ്പോര്‍ട്ട് സമര്‍പ്പിക്കുന്നത് വേഗത്തിലാക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; ഇതിനായി നിശ്ചയിക്കപ്പെട്ട ഏജന്‍സികളുടെ അപര്യാപ്തത ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ ?

കോട്ടക്കലിലെ കഞ്ഞിപ്പുരം -മുടാല്‍ ബൈപ്പാസിലെ പൈപ്പ് ലൈന്‍ മാറ്റാന്‍ നടപടി

3676.

(എ)	കോട്ടക്കല്‍ നിയോജകമണ്ഡലത്തിലെ കഞ്ഞിപ്പുര- മൂടാല്‍ ബൈപ്പാസിലെ പൈപ്പ് ലൈന്‍ മാറ്റുന്നതിനുള്ള പ്രൊപ്പോസല്‍ ലഭിച്ചിട്ടുണ്ടോ;

(ബി)	ഇതിനാവശ്യമായ ഫണ്ട് അനുവദിച്ചിട്ടുണ്ടോ;

(സി)	സ്ഥലമേറ്റെടുക്കുന്നതിനും പ്രവ‍ൃത്തി നടത്തുന്നതിനും ആവശ്യമായ ബാക്കി തുക ലഭ്യമാക്കണമെന്നാവശ്യപ്പെട്ട് ചീഫ് എഞ്ചിനിയറുടെ കത്ത് ലഭിച്ചിട്ടുണ്ടോ ; ആയതിന്‍മേല്‍ സ്വീകരിച്ച നടപടികള്‍ എന്തെല്ലാം;

(ഡി)	കഞ്ഞിപ്പുര- മൂടാല്‍ റോ‍ഡിന്റെ പ്രവൃത്തിക്ക് ആരംഭത്തില്‍ എത്ര തുകയാണ് കണക്കാക്കിയിരിന്നത്; എത്ര തുക അനുവദിച്ചു ;ഇനി എത്ര തുക അനുവദിക്കാനുണ്ട്; ബാക്കി തുക എന്നത്തേക്ക് അനുവദിക്കുമെന്ന് വ്യക്തമാക്കുമോ?

മന്ത്രിമാരുടെ പേഴ്സണല്‍ സ്റ്റാഫിന് സര്‍ക്കാര്‍ ക്വാര്‍ട്ടേഴ്സുകള്‍

3677.

(എ)	മന്ത്രിമാരുടെ പേഴ്സണല്‍ സ്റ്റാഫ് എന്ന നിലയില്‍ സര്‍ക്കാര്‍ ക്വാര്‍ട്ടേഴ്സുകള്‍ ലഭിച്ചവര്‍ പ്രസ്തുത ക്വാര്‍ട്ടേഴ്സുകള്‍ ഒഴിയണമെന്നാവശ്യപ്പെട്ട് ഉത്തരവ് ഇറക്കിയിട്ടുണ്ടോ; എങ്കില്‍ പ്രസ്തുത ഉത്തരവിന്റെ പകര്‍പ്പ് ലഭ്യമാക്കുമോ;

(ബി)	പ്രസ്തുത ഉത്തരവ് പ്രകാരം ഏതു തീയതി മുതല്‍ ക്വാര്‍ട്ടേഴ്സുകള്‍ ലഭിച്ചവരാണ് ഒഴിയണമെന്ന് ആവശ്യപ്പെട്ടിട്ടുള്ളത്;

(സി)	2016 മെയ് 21 ന് ശേഷം എത്ര പേര്‍ക്ക് സര്‍ക്കാര്‍ ക്വാര്‍ട്ടേഴ്സുകള്‍ അനുവദിച്ചു; ഇതില്‍ മന്ത്രിമാരുടെ പേഴ്സണല്‍ സ്റ്റാഫില്‍പെട്ടവര്‍ എത്ര ; സര്‍ക്കാര്‍ ജീവനക്കാര്‍ എത്ര;വിശദമാക്കുമോ;

(ഡി)	പ്രസ്തുത ഉത്തരവുകളുടെ പകര്‍പ്പ് ലഭ്യമാക്കുമോ?

മക്കരപ്പറമ്പ് വെെലോങ്ങര ബെെപ്പാസുകൾ

3678.

(എ)	2016-17 ലെ സംസ്ഥാന ബജറ്റില്‍ ഉള്‍പ്പെടുത്തിയ മക്കരപ്പറമ്പ് ബെെപ്പാസ് നിര്‍മ്മാണത്തിന്റെ പ്രവര്‍ത്തനം ആരംഭിച്ചിട്ടുണ്ടോ; കേന്ദ്ര ഉപരിതല ഗതാഗത മന്ത്രാലയം ഇൗ പ്രവൃത്തി ഏറ്റെടുത്തിട്ടുണ്ടെങ്കിലും ദര്‍ഘാസ് നടപടികള്‍ പൂര്‍ത്തീകരിക്കാന്‍ കഴിയാതെ പോയത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തി അടിയന്തരമായി നടപ്പിലാക്കുവാന്‍ കേന്ദ്ര ഉപരിതല ഗതാഗത മന്ത്രാലയവുമായി ബന്ധപ്പെട്ട് നടപടികള്‍ സ്വീകരിക്കുമോ;

(സി)	വെെലോങ്ങര ബെെപ്പാസ് നിര്‍മ്മാണത്തിന്റെ പ്രവര്‍ത്തന പുരോഗതി വിശദീകരിക്കാമോ; ആര്‍.ബി.ഡി.സി.കെ. (റോഡ്സ് ആന്റ് ബ്രിഡ്ജസ് ഡെവലപ്മെന്റ് കോര്‍പ്പറേഷന്‍ ഓഫ് കേരള) ഇത് സംബന്ധിച്ച നടത്തിയ പ്രവര്‍ത്തനങ്ങള്‍ വിശദീകരിക്കാമോ?

പൊതുമരാമത്ത് വകുപ്പില്‍ എച്ച്.ആർ.ഡി സെല്ലിന്റെ പ്രവര്‍ത്തനം

3679.

ശ്രീ.കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ ഹ്യൂമന്‍ റിസോഴ്സസ് ഡെവലപ്പമെന്റ് (HRD) സെല്‍ പ്രവര്‍ത്തിക്കുന്നുണ്ടോ;ആയതിന്റെ ഘടന വ്യക്തമാക്കാമോ;

(ബി)	എന്തൊക്കെ പ്രവര്‍ത്തനങ്ങളാണ് അവിടെ നടക്കുന്നതെന്ന് വിശദമാക്കാമോ;

(സി)	ഈ സെല്ലില്‍ ടെക്നിക്കല്‍ വിഭാഗം ജീവനക്കാര്‍ മാത്രമാണ് ജോലി ചെയ്യുന്നതെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	എച്ച്.ആർ.ഡി സെല്ലിന്റെ പ്രവര്‍ത്തനത്തിനും ജീവനക്കാരെ നിയമിക്കുന്നതിനും അനുമതി നല്‍കിയിട്ടുണ്ടോ;ഉണ്ടെങ്കില്‍ ആയതിന്റെ ഉത്തരവ് ലഭ്യമാക്കുമോ;

(ഇ)	പൊതുമരാമത്ത് പ്രവൃത്തികളുടെ ഗുണനിലവാരം ഉറപ്പാക്കുന്നതിന് മേല്‍നോട്ടം വഹിക്കേണ്ട ടെക്നിക്കല്‍ വിഭാഗം ജീവനക്കാരെ ഭരണപരമായ കാര്യങ്ങള്‍ക്ക് നിയോഗിക്കുന്നത് ശരിയാണെന്ന് കരുതുന്നുണ്ടോ;

(എഫ്)

പൊതുമരാമത്ത് വകുപ്പില്‍ ശക്തമായ ഒരു അഡ്മിനിസ്ട്രേറ്റീവ് കേഡര്‍ നിലനില്‍ക്കുമ്പോള്‍ ഇങ്ങനെയൊരു സെല്ലിന്റെ പ്രവര്‍ത്തനം ഒരു ദുര്‍വ്യയം ആണെന്ന് കണക്കാക്കി ഇത് നിര്‍ത്തലാക്കുന്ന കാര്യം പരിഗണിക്കുമോ?

കാക്കത്തുരുത്ത് പാലത്തിന്റെ നിര്‍മ്മാണം

3680.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	അരൂര്‍ മണ്ഡലത്തിലെ കാക്കത്തുരുത്ത് പാലത്തിന്റെ നിര്‍മ്മാണത്തിന് എത്ര രൂപയാണ് ബഡ്ജറ്റില്‍ അനുവദിച്ചിട്ടുള്ളത് എന്ന് വ്യക്തമാക്കുമോ;

(ബി)	പ്രസ്തുത പാലത്തിന്റെ നിര്‍മ്മാണത്തിനായി പുതുക്കിയ നിരക്കിലുള്ള എസ്റ്റിമേറ്റ് തയ്യാറാക്കിയിട്ടുണ്ടോ; ആയതിന്റെ വിശദാംശങ്ങള്‍ ലഭ്യമാക്കാമോ;

(സി)	പ്രസ്തുത പ്രവൃത്തിക്ക് ഭരണാനുമതി ലഭിക്കുന്നതിനുള്ള പ്രവര്‍ത്തനങ്ങള്‍ ഏതു ഘട്ടത്തിലാണ് എന്ന് വിശദമാക്കാമോ ?

നെടുമ്പ്രക്കാട്ട-വിളക്കുമരം പാലത്തിന്റെ നിര്‍മ്മാണം

3681.

(എ)	നെടുമ്പ്രക്കാട്ട-വിളക്കുമരം പാലത്തിന്റെ നിര്‍മ്മാണം ഏത് ഘട്ടത്തിലാണ്;

(ബി)	പ്രസ്തുത പ്രവൃത്തിയുടെ ഭരണാനുമതി കിഫ്ബി മുഖേന ലഭിച്ചിട്ടുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കുമോ;

(സി)	പ്രസ്തുത പ്രവൃത്തിയുടെ ടെണ്ടര്‍ നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ?

2016-17ബജറ്റിലെ പയ്യന്നൂര്‍ മണ്ഡലത്തിലെ റോഡ് പ്രവൃത്തികള്‍

3682.

(എ)	2016-17വ൪ഷത്തെ ബജറ്റില്‍ ഉള്‍പ്പെട്ടിട്ടുളള പയ്യന്നൂര്‍ മണ്ഡലത്തിലെ ഏതെല്ലാംറോഡ് പ്രവൃത്തികള്‍ക്കാണ് സാങ്കേതികാനുമതി ലഭ്യമായിട്ടുള്ളത്;

(ബി)	സാങ്കേതികാനുമതി ലഭ്യമാകാത്ത പ്രവൃത്തികള്‍ ഏതെല്ലാം;

(സി)	സാങ്കേതികാനുമതി ലഭ്യമാകാന്‍ വൈകുന്ന വിവരം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ എന്തുകൊണ്ടാണെന്ന് വ്യക്തമാക്കാമോ;

(ഡി)	2016-17വര്‍ഷ ബഡ്ജറ്റില്‍ ഉള്‍പ്പെട്ട പ്രവൃത്തികള്‍ക്ക്എന്ന് സാങ്കേതികാനുമതി ലഭ്യമാകും എന്ന് വിശദമാക്കുമോ?

ഇ-പെയ്മെന്റ് സംവിധാനം മൂലം രജിസ്ട്രേഷന്‍ നടപടികളില്‍ ഉണ്ടായിട്ടുള്ള സങ്കീര്‍ണ്ണത

3683.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വസ്തു കൈമാറ്റത്തിനുള്ള ഇ-പെയ്മെന്റ് സംവിധാനം സംസ്ഥാനത്ത് നിലച്ച കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത സംവിധാനം മൂലം വസ്തു കൈമാറ്റ രജിസ്ട്രേഷന്‍ നടപടികളില്‍ ഉണ്ടായിട്ടുള്ള സങ്കീര്‍ണ്ണത ലഘൂകരിക്കാന്‍ നടപടികള്‍ സ്വീകരിക്കുമോ;

(സി)	ഇ-പെയ്മെന്റ് സംവിധാനം നിലവില്‍ വന്നതിന് ശേഷം എത്ര ആധാരങ്ങള്‍ രജിസ്റ്റര്‍ ചെയ്തു; രജിസ്ട്രേഷന്‍ ഫീസിനത്തില്‍ എന്ത് തുക സംസ്ഥാന ഖജനാവിലെത്തി;

(ഡി)	രജിസ്ട്രേഷന്‍ വകുപ്പിന് ഇതു വഴി നഷ്ടമുണ്ടായിട്ടുണ്ടോ; എങ്കില്‍ അതിന്റെ കണക്കുകള്‍ വെളിപ്പെടുത്തുമോ?

സബ് രജിസ്ട്രാര്‍ ഓഫീസുകളിലെ ഫയലിംഗ് ഷീറ്റ് സമ്പ്രദായം

3684.

ശ്രീ.ഹൈബി ഈഡന്‍
,, റോജി എം. ജോണ്‍
,, എല്‍ദോസ് കുന്നപ്പിള്ളി
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സബ് രജിസ്ട്രാര്‍ ഓഫീസുകളില്‍ നിലവിലുള്ള ഫയലിംഗ് ഷീറ്റ് സമ്പ്രദായം പിന്‍വലിക്കുവാന്‍ ഉദ്ദേശിക്കുന്നുണ്ടോ;

(ബി)	ഉണ്ടെങ്കില്‍, ഇതുമൂലം തൊഴില്‍ രഹിതരാകുന്ന യുവതീ-യുവാക്കളെ എപ്രകാരം സംരക്ഷിക്കുവാനാണ് ഉദ്ദേശിക്കുന്നതെന്ന് വെളിപ്പെടുത്തുമോ?

ഭൂമി രജിസ്ട്രേഷന് കുറ്റമറ്റരീതിയിലുള്ള ഓൺലൈന്‍ സംവിധാനം

3685.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭൂമി രജിസ്ട്രേഷന് ഓണ്‍ലൈനായി ഫീസ് അടയ്ക്കുന്നതിന് സംവിധാനം ഏര്‍പ്പെടുത്തിയിട്ടുണ്ടോ;എങ്കില്‍ ഇത്തരത്തില്‍ നെറ്റ് ബാങ്കിങ് വഴിയോ മറ്റ് ഓണ്‍ലൈന്‍ സംവിധാനം വഴിയോ ഫീസ് അടച്ച് എന്തെങ്കിലും തുക നഷ്ടപ്പെട്ടിട്ടുണ്ടോ;എങ്കില്‍ എത്ര തുക നഷ്ടപ്പെട്ടിട്ടുണ്ട്;

(ബി)	ഇത്തരത്തില്‍ തുക നഷ്ടപ്പെടുന്ന സാഹചര്യമുണ്ടായത് എങ്ങനെയാണെന്ന് കണ്ടെത്തിയിട്ടുണ്ടോ; എന്തു കൊണ്ടാണ് കുറ്റമറ്റരീതിയിലുള്ള ഓണ്‍ലൈന്‍ സംവിധാനം ഏര്‍പ്പെടുത്താന്‍ കഴിയാത്തത്;

(സി)	ഈ സംവിധാനത്തിന്റെ തകരാര്‍മൂലം സബ് രജിസ്ട്രാര്‍മാര്‍ ഭൂമി രജിസ്ട്രേഷന്‍ നടത്തുന്നതിന് വിമുഖത കാണിക്കുന്ന സാഹചര്യം ഉണ്ടായിട്ടുണ്ടോ; എങ്കില്‍ ഓണ്‍ലൈന്‍ സംവിധാനത്തിന്റെ അപാകത അടിയന്തരമായി പരിഹരിക്കുന്നതിന് നടപടി സ്വീകരിക്കുമോ?

ഓണ്‍ലൈന്‍ പോക്കുവരവ് നടപ്പിലാക്കാൻ രജിസ്ട്രേഷന്‍ വകുപ്പിന്റെ സഹായം

3686.

(എ)	ഓണ്‍ലൈന്‍ പോക്കുവരവ് നടപ്പിലാക്കുന്നതുമായി ബന്ധപ്പെട്ട് രജിസ്ട്രേഷന്‍ വകുപ്പിന്റെ സഹായം, റവന്യൂവകുപ്പിന് ലഭ്യമാക്കുന്നതിന് നടപടികള്‍ സ്വീകരിച്ചിട്ടുണ്ടോ;

(ബി)	യഥാര്‍ത്ഥ ആധാരത്തിന്റെ പകര്‍പ്പ് ഓണ്‍ലൈനായി റവന്യൂ വകുപ്പിന് ലഭ്യമാക്കുന്നതിന് രജിസ്ട്രേഷന്‍ വകുപ്പ് നടപടി സ്വീകരിക്കാത്തതിനാലാണ് ഓണ്‍ലൈന്‍ പോക്കുവരവ് സംവിധാനം നടപ്പിലാക്കാന്‍ കഴിയാത്തതെന്ന റിപ്പോര്‍ട്ടുകള്‍ രജിസ്ട്രേഷന്‍ വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത പദ്ധതി കുറ്റമറ്റ രീതിയില്‍ നടപ്പിലാക്കുന്നതിന് ആവശ്യമായ സഹായങ്ങള്‍ റവന്യൂ വകുപ്പിന് നല്‍കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കോട്ടക്കല്‍ സബ് രജിസ്ട്രാര്‍ ഓഫീസിന്റെ ഗ്രേഡ് ഉയര്‍ത്തുവാന്‍ നടപടി

3687.

(എ)	കോട്ടക്കല്‍ സബ് രജിസ്ട്രാര്‍ ഓഫീസിലെ ജീവനക്കാരുടെ ജോലിഭാരം പരിഗണിച്ച് അധിക തസ്തികകള്‍ അനുവദിക്കുവാന്‍ നടപടി സ്വീകരിക്കുമോ;

(ബി)	ആധാരങ്ങളുടെ രജിസ്ട്രേഷന്‍ കൂടാതെ മറ്റ് രജിസ്ട്രേഷന്‍ സംബന്ധിച്ച ജോലികൾക്കും നിരവധിപേര്‍ ആശ്രയിക്കുന്ന കോട്ടക്കല്‍ സബ് രജിസ്ട്രാര്‍ ഓഫീസിന്റെ ഗ്രേഡ് ഉയര്‍ത്തുവാന്‍ നടപടി സ്വീകരിക്കുമോ;

(സി)	മലപ്പുറം ജില്ലയില്‍ രജിസ്ട്രേഷന്‍ വകുപ്പില്‍ നിലവിലുള്ള ഒഴിവുകള്‍ എത്ര; ഇത് നികത്തുവാന്‍ നടപടി സ്വീകരിക്കുമോ?

രജിസ്ട്രേഷന്‍ വകുപ്പിലെ അഴിമതി തടയുന്നതിന് നടപടി

3688.

ശ്രീ.കെ. ബാബു : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

രജിസ്ട്രേഷന്‍ വകുപ്പിലെ അഴിമതി തടയുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് വിശദമാക്കുമോ?

നേമം റെയില്‍വേ സ്റ്റേഷന്‍ വികസനം

3689.

(എ)	നേമം റെയില്‍വേ സ്റ്റേഷന്‍ വികസിപ്പിക്കുന്നതിന് സ്ഥലം ഏറ്റെടുക്കുന്നതുമായി ബന്ധപ്പെട്ട പ്രവര്‍ത്തനങ്ങളുടെ ഇപ്പോഴത്തെ സ്ഥിതി അറിയിക്കുമോ;

(ബി)	കേന്ദ്ര സര്‍ക്കാരുമായി കൂടിയാലോചിച്ച് നേമം റെയില്‍വേ സ്റ്റേഷന്റെ വികസനത്തിന് വേണ്ട നടപടികള്‍ എത്രയും വേഗം കൈക്കൊള്ളുന്നതിന് സംസ്ഥാന സര്‍ക്കാര്‍ തയ്യാറാകുമോ?

(സി)	നേമം റയില്‍വേ സ്റ്റേഷന്‍ വികസനവുമായി ബന്ധപ്പെട്ട് സ്ഥലം കൈമാറുന്നതിന് സംസ്ഥാന സര്‍ക്കാര്‍ നടപടികള്‍ സ്വീകരിക്കുമോ ?

റെയില്‍വേ യാത്രക്കാരുടെ സംരക്ഷണത്തിനുള്ള നടപടി

3690.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ റെയില്‍വേ യാത്രക്കാരുടെ ജീവനും സ്വത്തിനുമുളള സംരക്ഷണത്തിനായും സുരക്ഷയ്ക്കായും സംസ്ഥാനത്തിലൂടെ ഓടുന്ന ട്രെയിനുകളില്‍, റെയില്‍വേയും കേരള പോലീസും സംയുക്തമായി, ഓരോ ബോഗിയിലും കേരള പോലീസിലെ ഒരാളെ വീതമെങ്കിലും സ്ഥിരമായി നിയമിയ്ക്കാന്‍ ആവശ്യമായ നടപടി സ്വീകരിയ്ക്കുമോ;

(ബി)	ഇതിലൂടെ വനിതായാത്രക്കാര്‍ക്ക് നേരെയുളള ആക്രമണങ്ങളും ബോഗികളിലെ മോഷണങ്ങളും മറ്റും തടയുവാന്‍ സാധിയ്ക്കുമെന്ന് വിലയിരുത്തിയിട്ടുണ്ടോ;വിശദാംശങ്ങള്‍ വെളിപ്പെടുത്തുമോ;

നിലമ്പൂര്‍ - നഞ്ചന്‍കോട് റെയില്‍പാതയുടെ സര്‍വ്വെ നടപടികൾ

T 3691.

(എ)	നിലമ്പൂര്‍ - നഞ്ചന്‍കോട് റയിൽപാതയുടെ സര്‍വ്വെ നടപടികള്‍ നിര്‍ത്തിവെച്ചിട്ടുണ്ടോ; എങ്കില്‍ അതിന്റെ കാരണം വ്യക്തമാക്കാമോ;

(ബി)	സര്‍വ്വെ നടപടികള്‍ക്കായി സംസ്ഥാന സര്‍ക്കാര്‍ നാളിതുവരെ എത്ര തുക ചെലവഴിച്ചിട്ടുണ്ട്;

(സി)	സര്‍വ്വെ നടപടികള്‍ പുനരാരംഭിക്കുന്നതിന് സത്വര നടപടികള്‍ സ്വീകരിക്കുമോ?

ട്രെയിനുകള്‍ക്ക് തിരൂരില്‍ സ്റ്റോപ്പ് അനുവദിക്കണമെന്ന ആവശ്യം

3692.

(എ)	മലപ്പുറം ജില്ലയിലെ ആസ്ഥാന റെയില്‍വേ സ്റ്റേഷനായ തിരൂരില്‍ രാജധാനി (ട്രയിന്‍ നമ്പര്‍ 12431) ഉള്‍പ്പെടെ നിരവധി ട്രെയിനുകള്‍ക്ക് സ്റ്റോപ്പ് ഇല്ലാത്തതുകാരണം യാത്രക്കാര്‍ അനുഭവിക്കുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	രാജധാനി എക്സ്പ്രസ് (നം. 12431) ട്രെയിനിനെങ്കിലും തിരൂരില്‍ സ്റ്റോപ്പ് അനുവദിക്കുന്നതിനായി കേന്ദ്ര റെയില്‍വേ മന്ത്രാലയത്തിൽ സമ്മര്‍ദ്ദം ചെലുത്തുന്നതിന് നടപടി സ്വീകരിക്കുമോ?

Website maintained by Information System Section, Kerala Legislative Assembly, Thiruvananthapuram.