14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >13^th Session>starred Questions and Answers

Answer Provided

Answer Not Yet Provided

FOURTEENTH KLA - 13^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ദുരന്ത നിവാരണ അതോറിറ്റി

*91.

ശ്രീ.കെ.ബി.ഗണേഷ് കുമാര്‍
,, സി.കെ.നാണു
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയ ദുരന്തത്തിന്റെ പശ്ചാത്തലത്തിൽ സംസ്ഥാന ദുരന്ത നിവാരണ അതോറിറ്റിയുടെ പ്രവർത്തന രീതികളിൽ സമഗ്രമായ മാറ്റങ്ങൾ വരുത്തുവാൻ ഉദ്ദേശിക്കുന്നുണ്ടോ;

(ബി)	ദുരന്ത നിവാരണത്തിനും പ്രതിരോധത്തിനുമായി എന്തെല്ലാം പുതിയ മാറ്റങ്ങൾ കൊണ്ടു വരുവാനാണ് ഉദ്ദേശിക്കുന്നത്;

(സി)	ഇതിനായി ദേശീയ ദുരന്ത നിവാരണ ഏജൻസി എന്തെങ്കിലും നിർദ്ദേശങ്ങൾ നല്കിയിട്ടുണ്ടോ; വ്യക്തമാക്കാമോ?

സംസ്ഥാനത്തോട് റെയില്‍വെയുടെ അവഗണന

*92.

ശ്രീ.യു. ആര്‍. പ്രദീപ്
,, വി. ജോയി
,, പി.കെ. ശശി
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഏറെക്കാലമായി സംസ്ഥാനത്തെ ട്രെയിനുകള്‍ സമയക്ലിപ്തത പാലിക്കാത്തത് മൂലം യാത്രക്കാര്‍ക്കുണ്ടാക്കുന്ന ദുരിതം കണക്കിലെടുത്ത് അടിയന്തരമായി ഇടപെടാന്‍ റെയില്‍വെയോട് ആവശ്യപ്പെട്ടിട്ടുണ്ടോ ;

(ബി)	ഭൂമിയുടെ ലഭ്യത ഉറപ്പാക്കിയ പദ്ധതികള്‍ പോലും നടപ്പാക്കാതെ സംസ്ഥാനത്തോട് റെയില്‍വെ കാട്ടുന്ന അവഗണനയ്ക്ക് അറുതി വരുത്താന്‍ സംസ്ഥാനത്തിന് പ്രത്യേകമായി റെയില്‍വെ സോണ്‍ അനുവദിക്കാന്‍ വേണ്ട സമ്മര്‍ദ്ദം ചെലുത്തുന്നുണ്ടോ;

(സി)	ദശാബ്ദങ്ങള്‍ക്കു മുമ്പ് വാഗ്ദാനം ചെയ്യപ്പെട്ട പാലക്കാട് കോച്ച് ഫാക്ടറിയ്ക്ക് വേണ്ടി സ്ഥലം ഏറ്റെടുത്ത് നല്‍കിയിട്ട് വര്‍ഷങ്ങളായിട്ടും പ്രസ്തുത പദ്ധതി ഉപേക്ഷിക്കാനുളള നീക്കത്തില്‍ നിന്ന് പിന്‍മാറാന്‍ കേന്ദ്ര സര്‍ക്കാരിനോട് ആവശ്യപ്പെട്ടിരുന്നോ എന്നറിയിക്കാമോ?

മത്സ്യത്തൊഴിലാളി മേഖലയുടെ സമഗ്ര വികസനം

*93.

ശ്രീ.വി.എസ്.ശിവകുമാര്‍
,, എം. വിന്‍സെന്റ്
,, ഹൈബി ഈഡന്‍
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളി മേഖലയുടെ സമഗ്ര വികസനത്തിനായി പ്രഖ്യാപിച്ച രണ്ടായിരം കോടി രൂപയുടെ പാക്കേജ് പ്രകാരം ഏതെല്ലാം പദ്ധതികളാണ് ഇതുവരെ ആവിഷ്കരിച്ചിട്ടുള്ളത്;

(ബി)	എല്ലാ മത്സ്യത്തൊഴിലാളികള്‍ക്കും വീട് നിര്‍മ്മിച്ച് നല്‍കുവാനുള്ള പദ്ധതി ഏത് ഘട്ടത്തിലാണ് എന്ന് അറിയിക്കാമോ;

(സി)	പ്രളയത്തില്‍ തകര്‍ന്ന തീരപ്രദേശത്തെ റോഡുകളും മത്സ്യലേല കേന്ദ്രങ്ങളും വിപണന കേന്ദ്രങ്ങളും നന്നാക്കുന്നതിന് സത്വര നടപടി സ്വീകരിച്ചിട്ടുണ്ടോ;

(ഡി)	പ്രളയത്തില്‍ വീടുകള്‍ നഷ്ടപ്പെട്ട മത്സ്യത്തൊഴിലാളികളെ മാറ്റിപ്പാര്‍പ്പിക്കാനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

പ്രളയ ദുരിതാശ്വാസ പ്രവര്‍ത്തനങ്ങള്‍

*94.

ശ്രീ.ജി.എസ്.ജയലാല്‍
,, മുല്ലക്കര രത്നാകരന്‍
ശ്രീമതി സി.കെ. ആശ
ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2018-ലെ പ്രളയത്തിന് ശേഷം നടന്ന ദുരിതാശ്വാസ പ്രവര്‍ത്തനങ്ങളുടെ വിശദാംശങ്ങള്‍ ലഭ്യമാക്കുമോ;

(ബി)	പ്രളയത്തിനുശേഷം വീട് വാസയോഗ്യമല്ലാതായ കുടുംബങ്ങള്‍ക്ക് ആശ്വാസധനസഹായമായി തുക നല്കിയിരുന്നോ; വിശദവിവരങ്ങള്‍ ലഭ്യമാക്കുമോ;

(സി)	പ്രളയത്തില്‍ രേഖകള്‍ നഷ്ടപ്പെട്ട പൊതുജനങ്ങള്‍ക്ക് അവ വീണ്ടെടുത്ത് നല്കുന്നതിന് നല്കിയ സേവനങ്ങൾ വ്യക്തമാക്കുമോ;

(ഡി)	ദുരന്തത്തിനിരയായവര്‍ക്കുള്ള നഷ്ടപരിഹാര വിതരണത്തിന്റെയും പുനരധിവാസ പ്രവര്‍ത്തനങ്ങളുടെയും പുരോഗതി വ്യക്തമാക്കുമോ?

വീടുകളുടെ പുനര്‍നിര്‍മ്മാണത്തിന് നേരിടുന്ന തടസ്സങ്ങള്‍

*95.

ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, മോന്‍സ്‌ ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ നശിച്ച വീടുകളുടെ പുനര്‍നിര്‍മ്മാണം ഏതെങ്കിലും പ്രദേശത്ത് തടഞ്ഞിട്ടുണ്ടോ; വ്യക്തമാക്കുമോ;

(ബി)	ഉണ്ടെങ്കില്‍ ഇതിന്റെ കാരണമെന്തെന്ന് വെളിപ്പെടുത്തുമോ;

(സി)	ഭവന രഹിതരായവരുടെ ബുദ്ധിമുട്ടുകള്‍ കണക്കിലെടുത്ത് അടിയന്തരമായി ഇതിന് പരിഹാരം കാണാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

ഭവന നിര്‍മ്മാണ നയം

*96.

ശ്രീ.തിരുവഞ്ചൂര്‍ രാധാകൃഷ്ണന്‍
,, എല്‍ദോസ് പി. കുന്നപ്പിള്ളില്‍
,, അനില്‍ അക്കര
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഒരു ഭവന നിര്‍മ്മാണ നയം കൊണ്ടുവരാന്‍ ഉദ്ദേശിച്ചിട്ടുണ്ടോ;

(ബി)	പ്രളയ ബാധിത പ്രദേശങ്ങളില്‍ പുതിയ നിര്‍മ്മാണങ്ങള്‍ക്ക് എന്തെങ്കിലും നിബന്ധനകള്‍ ഏര്‍പ്പെടുത്താന്‍ ഉദ്ദേശിക്കുന്നുണ്ടോ;

(സി)	പ്രളയത്തിന്റെ പശ്ചാത്തലത്തില്‍ പരിസ്ഥിതി ലോല പ്രദേശങ്ങളില്‍ റിസോര്‍ട്ട്, ഹോം സ്റ്റേ, ബഹുനില ഭവനങ്ങള്‍ എന്നിവ പണിയുന്നതില്‍ നിയന്ത്രണങ്ങള്‍ കൊണ്ടുവരാന്‍ ഉദ്ദേശിക്കുന്നുണ്ടോ;

(ഡി)	പ്രളയ ബാധിത പ്രദേശങ്ങളില്‍ പുതുതായി നിര്‍മ്മിക്കുന്ന വീടുകള്‍ക്ക് പ്രളയത്തെ പ്രതിരോധിക്കാനുള്ള പ്രത്യേക നിര്‍മ്മാണ രീതിയും മാനദണ്ഡങ്ങളും കൊണ്ടുവരാന്‍ ഉദ്ദേശിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ വ്യക്തമാക്കാമോ?

പൊതുമരാമത്ത് നയം

*97.

ശ്രീ.സി. കെ. ശശീന്ദ്രന്‍
,, ജെയിംസ് മാത്യു
,, പി. ഉണ്ണി
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡുകളുടെ നിര്‍മ്മാണം അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന് പുതുതായി പ്രഖ്യാപിച്ച പൊതുമരാമത്ത് നയം വിഭാവനം ചെയ്യുന്ന പ്രധാന കാര്യങ്ങള്‍ എന്തെല്ലാമാണ്;

(ബി)	പ്രളയം തുറന്നു കാട്ടിയ പാരിസ്ഥിതിക പ്രശ്നങ്ങള്‍ കണക്കിലെടുത്ത് നിര്‍മ്മാണ രീതികളിലും ഉപയോഗിക്കുന്ന സാങ്കേതിക വിദ്യയിലും വരുത്താന്‍ ഉദ്ദേശിക്കുന്ന ഗുണപരമായ മാറ്റങ്ങള്‍ എന്തെല്ലാമാണ്;

(സി)	വകുപ്പിന്റെ കാര്യക്ഷമതയും പ്രവൃത്തികളുടെ ഗുണനിലവാരവും ഉയര്‍ത്തുന്നതിനും അഴിമതി വിമുക്തമാക്കുന്നതിനും സ്വീകരിക്കാനുദ്ദേശിക്കുന്ന നടപടികള്‍ വെളിപ്പെടുത്തുമോ;

(ഡി)	നിലവിലുള്ള പൊതുജന പരാതി പരിഹാര സംവിധാനവും സോഷ്യല്‍ ഓഡിറ്റും കാര്യക്ഷമമാക്കാന്‍ നടപടിയുണ്ടാകുമോ എന്ന് അറിയിക്കാമോ?

രാസവസ‍്തുക്കള്‍ ചേര്‍ത്ത മത്സ്യങ്ങളുടെ പരിശോധന

*98.

ശ്രീ.മഞ്ഞളാംകുഴി അലി
,, സി.മമ്മൂട്ടി
,, എന്‍ .എ.നെല്ലിക്കുന്ന്
,, പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത്‌ വിതരണം ചെയ്യുന്ന മത്സ്യങ്ങളിൽ രാസവസ‍്തുക്കള്‍ ചേര്‍ത്തിട്ടുണ്ടോ എന്ന് പരിശോധിക്കുവാൻ സാധാരണക്കാര്‍ക്ക് എന്തെങ്കിലും സംവിധാനം നിലവിലുണ്ടോ എന്ന് വ്യക്തമാക്കാമോ;

(ബി)	രാസവസ‍്തു കലര്‍ന്ന മത്സ്യം തിരിച്ചറിയുവാൻ സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ഫിഷറീസ് ടെക‍്നോളജി കുറഞ്ഞ ചെലവിലുള്ള സ‍്ട്രിപ്പ് സാങ്കേതികവിദ്യ വികസിപ്പിച്ചെടുത്ത കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഇത്തരം സ‍്ട്രിപ്പുകള്‍ സാധാരണക്കാര്‍ക്ക് ലഭ്യമാക്കുവാന്‍ നടപടി സ്വീകരിക്കുമോ എന്നറിയിക്കാമോ?

പൊതുവിദ്യാഭ്യാസ രംഗത്തെ പ്രവര്‍ത്തനങ്ങള്‍

*99.

ശ്രീ.പുരുഷന്‍ കടലുണ്ടി
,, റ്റി.വി.രാജേഷ്
പ്രൊഫ.കെ.യു. അരുണന്‍
ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രാഥമികതലം മുതല്‍ ഹയര്‍സെക്കന്ററിതലം വരെയുള്ള ക്ലാസുകളിലെ അക്കാദമിക പ്രവര്‍ത്തനങ്ങള്‍ ഏകീകരിക്കാനായി ക്ലാസുകള്‍ ഒറ്റ യൂണിറ്റാക്കുന്നത് സംബന്ധിച്ച് പഠിക്കാന്‍ നിയോഗിച്ച കമ്മിറ്റി റിപ്പോര്‍ട്ട് നല്‍കിയിട്ടുണ്ടോ; എങ്കില്‍ റിപ്പോര്‍ട്ടിലെ പ്രധാന നിര്‍ദ്ദേശങ്ങള്‍ അറിയിക്കാമോ;

(ബി)	വിദ്യാഭ്യാസം എന്നത് കേവലം സാക്ഷരതയ്ക്ക് അതീതമായി പുരോഗമന-ശാസ്ത്രീയ ചിന്തയുള്ള ഭാവിതലമുറയെ വാര്‍ത്തെടുക്കുന്നതിന് ഉപയുക്തമായ തരത്തില്‍ വികസിപ്പിക്കാന്‍ നടത്തുന്ന പ്രവര്‍ത്തനങ്ങള്‍ എന്തെല്ലാമാണ്;

(സി)	വിദ്യാഭ്യാസ അവകാശ നിയമം ഭേദഗതി ചെയ്ത് വിദ്യാര്‍ത്ഥികള്‍ തോല്‍ക്കാതെ പഠിക്കേണ്ടതില്ലെന്ന് കേന്ദ്ര സര്‍ക്കാര്‍ നിലപാട് സ്വീകരിച്ചിരിക്കുന്ന സാഹചര്യത്തില്‍ ആരും പിറകിലാകരുതെന്ന ലക്ഷ്യം നിറവേറ്റാനായി സംസ്ഥാനത്ത് പൊതുവിദ്യാലയങ്ങള്‍ നടത്തിവരുന്ന പ്രവ‍ര്‍ത്തനങ്ങള്‍ അറിയിക്കാമോ?

റീസര്‍വേ നടപടികള്‍

*100.

ശ്രീ.കെ.വി.വിജയദാസ്
,, ബി.ഡി. ദേവസ്സി
,, ഒ. ആര്‍. കേളു
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റീസര്‍വേ പുര്‍ത്തിയാകാത്തതിനാല്‍ ഭൂമി സംബന്ധമായ തര്‍ക്കം വ്യാപകമായുള്ളത് കണക്കിലെടുത്ത് റീസര്‍വേ സമയബന്ധിതമായി പൂര്‍ത്തിയാക്കാന്‍ നടത്തുന്ന പ്രവര്‍ത്തനത്തിന്റെ പുരോഗതി അറിയിക്കാമോ;

(ബി)	ഇതിനായി ഉപയോഗിക്കുന്ന സാങ്കേതിക വിദ്യകള്‍ ഏതെന്നും റീസര്‍വേ നടത്തുന്ന ഏജന്‍സി ഏതെന്നും അറിയിക്കാമോ;

(സി)	ഇതുവരെ റീസര്‍വേ പൂര്‍ത്തിയായ വില്ലേജുകള്‍ എത്രയെന്നും അവയില്‍ ഡിജിറ്റല്‍ ഇന്ത്യ ലാന്റ് റിക്കോര്‍ഡ്സ് മോഡണെെസേഷന്‍ പ്രോഗ്രാമനുസരിച്ച് ഭൂരേഖകള്‍ ഡിജിറ്റലാക്കി സൂക്ഷിക്കുന്നത് എത്ര വില്ലേജുകളില്‍ എന്നും അറിയിക്കാമോ ?

മത്സ്യ ഗുണനിലവാരം ഉറപ്പുവരുത്താനും തൊഴിലാളി ചൂഷണം ഒഴിവാക്കാനും നടപടി

*101.

ശ്രീ.കെ. ദാസന്‍
,, എ.എം. ആരിഫ്
,, വി. കെ. സി. മമ്മത് കോയ
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ നയം കാരണമുളള ഇന്ധനവില വര്‍ദ്ധനവ് മത്സ്യബന്ധനത്തില്‍ ഏര്‍പ്പെട്ടിരിക്കുന്നവരെ, വിശേഷിച്ച് പരമ്പരാഗത മത്സ്യത്തൊഴിലാളികളെ പ്രതിസന്ധിയിലാക്കിയിരിക്കുന്നത് കണക്കിലെടുത്ത് അവര്‍ക്ക് എന്ത് സഹായം നല്‍കാന്‍ സാധിക്കുമെന്ന് പരിശോധിക്കുമോ;

(ബി)	ഇടനിലക്കാരെ ഒഴിവാക്കി മത്സ്യത്തൊഴിലാളികള്‍ക്ക് ന്യായവില ലഭ്യമാക്കാനും ആരോഗ്യത്തിന് ഹാനികരമായ രാസവസ്തുക്കള്‍ ചേര്‍ക്കാത്ത ഗുണനിലവാരമുള്ള മത്സ്യം ഉപഭോക്താക്കള്‍ക്ക് ലഭ്യമാക്കുന്നതിനും ചെയ്തു വരുന്ന പ്രവര്‍ത്തനങ്ങള്‍ അറിയിക്കാമോ; ഇതിനായി നിയമനിര്‍മ്മാണം ഉദ്ദേശിക്കുന്നുണ്ടോ;

(സി)	മത്സ്യഫെഡിന്റെ സഹായത്തോടെയും പൊതുമേഖലയിലും വില്‍പന കേന്ദ്രങ്ങള്‍ ആരംഭിച്ച് ഇടത്തട്ടുകാരുടെ ചൂഷണം ഒഴിവാക്കാന്‍ നടപടി ആരംഭിച്ചിട്ടുണ്ടോ; വിശദമാക്കുമോ?

മികവിന്റെ കേന്ദ്രങ്ങളായി മാറിയ പൊതുവിദ്യാലയങ്ങള്‍

*102.

ശ്രീ.റ്റി.വി.രാജേഷ്
,, എസ്.ശർമ്മ
,, ജോര്‍ജ് എം. തോമസ്
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ സംരക്ഷണ യജ്ഞത്തിന്റെ ഫലമായി മികവിന്റെ കേന്ദ്രങ്ങളായി മാറിയ പൊതുവിദ്യാലയങ്ങളില്‍ പുതിയ അദ്ധ്യയന വര്‍ഷത്തില്‍ പ്രവേശനം നേടിയ കുട്ടികളുടെ എണ്ണത്തില്‍ ഉണ്ടായ വര്‍ദ്ധനവ് വിശദമാക്കുമോ;

(ബി)	എട്ട് മുതല്‍ പന്ത്രണ്ട് വരെയുള്ള ക്ലാസ്സുകള്‍ ഹൈടെക് ആക്കിയതുപോലെ സംസ്ഥാനത്തെ പ്രൈമറി വിദ്യാലയങ്ങളും ഹൈടെക് ആക്കുന്നതിനുള്ള പദ്ധതി ആവിഷ്ക്കരിക്കാന്‍ ഉദ്ദേശിക്കുന്നുണ്ടോ;

(സി)	പ്രസ്തുത പദ്ധതിയ്ക്കായുള്ള ഡി.പി.ആര്‍. തയ്യാറാക്കിയിട്ടുണ്ടോ; എത്ര സ്കൂളുകളെയാണ് ഇതില്‍ ഉള്‍പ്പെടുത്താന്‍ ഉദ്ദേശിക്കുന്നതെന്നും അറിയിക്കാമോ;

(ഡി)	'കൈറ്റ്' ഇത് സംബന്ധിച്ച റിപ്പോര്‍ട്ട് സര്‍ക്കാരിന് സമര്‍പ്പിച്ചിട്ടുണ്ടോ; വിശദാംശം നല്‍കുമോ?

മത്സ്യബന്ധന മേഖലയെ പ്രതിസന്ധിയിലാക്കുന്ന ഇന്ധനവില വര്‍ദ്ധനവ്

*103.

ശ്രീ.ആര്‍. രാമചന്ദ്രന്‍
,, ജി.എസ്.ജയലാല്‍
,, കെ. രാജന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	അടിക്കടിയുണ്ടാകുന്ന ഇന്ധനവില വര്‍ദ്ധന മത്സ്യബന്ധനമേഖലയെ പ്രതികൂലമായി ബാധിച്ചിട്ടുണ്ടോ; വിശദമാക്കുമോ;

(ബി)	ഇന്ധനവില കൂടിയത് മൂലമുളള അധികച്ചെലവ് കാരണം പെട്രോളും മണ്ണെണ്ണയും ഉപയോഗിച്ച് മത്സ്യബന്ധനം നടത്തുന്ന പരമ്പരാഗത മത്സ്യത്തൊഴിലാളികളുടെ ജീവിതം പ്രതിസന്ധിയില്‍ ആയിട്ടുണ്ടോ;

(സി)	ഇക്കാരണത്താല്‍ ബോട്ടുകളുടെ പ്രവര്‍ത്തനം നിര്‍ത്തിവയ്ക്കുന്ന സാഹചര്യമുണ്ടായിട്ടുണ്ടോ; എങ്കില്‍ ആയത് മത്സ്യസംസ്ക്കരണ മേഖലയേയും കയറ്റുമതിയേയും സമ്പദ്ഘടനയേയും തന്നെ ബാധിക്കുന്ന പ്രശ്നമായി മാറുന്ന ഒന്നായതിനാല്‍ ഇക്കാര്യത്തില്‍ സ്വീകരിക്കുന്ന നടപടികള്‍ വ്യക്തമാക്കുമോ?

വികസന പദ്ധതികള്‍ക്ക് ഭൂമി ഏറ്റെടുക്കല്‍

*104.

ശ്രീ.വി.ആര്‍. സുനില്‍ കുമാര്‍
,, ചിറ്റയം ഗോപകുമാര്‍
,, ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വന്‍കിട വികസന പദ്ധതികള്‍ക്കായുള്ള ഭൂമി ഏറ്റെടുക്കല്‍ പ്രവൃത്തികളുടെ വിശദാംശങ്ങള്‍ അറിയിക്കുമോ;

(ബി)	വികസന പദ്ധതികള്‍ക്ക് ഭൂമി ഏറ്റെടുക്കുന്നതില്‍ ഏതൊക്കെ തരത്തിലുള്ള തടസ്സങ്ങളാണ് നേരിടുന്നതെന്ന് വ്യക്തമാക്കുമോ;

(സി)	ഭൂമി ഏറ്റെടുക്കല്‍ ജോലികള്‍ അവസാനിക്കുന്നതിന് മുന്‍പുതന്നെ അതിനായി രൂപീകരിക്കപ്പെട്ട ഓഫീസുകള്‍ നിര്‍ത്തലാക്കുന്ന നടപടി ശ്രദ്ധയില്‍പ്പെട്ടിട്ടുണ്ടോ; ആയതിന്റെ കാരണമെന്തെന്ന് വ്യക്തമാക്കാമോ;

(ഡി)	നാഷണല്‍ ഹൈവേ അതോറിറ്റി, റെയില്‍വേ തുടങ്ങിയ ഫണ്ടിംഗ് നടത്തുന്ന റിക്വിസിഷനിംഗ് അതോറിറ്റികള്‍ ഭൂമി ഏറ്റെടുക്കല്‍ ഓഫീസുകള്‍ തുടരണമെന്ന് ആവശ്യപ്പെട്ടിട്ടും ആയവ നിര്‍ത്തലാക്കുന്ന തീരുമാനം സംസ്ഥാന വികസനത്തെ സാരമായി ബാധിക്കില്ലേ; വ്യക്തമാക്കാമോ?

പ്രളയത്തില്‍ ജീവനോപാധിയും തൊഴിലും നഷ്ടപ്പെട്ടവരുടെ പുനരധിവാസം

*105.

ശ്രീ.പി.ടി. തോമസ്
,, റോജി എം. ജോണ്‍
,, ഐ.സി.ബാലകൃഷ്ണന്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2018-ലെ പ്രളയത്തില്‍ ജീവനോപാധിയും തൊഴിലും നഷ്ടപ്പെട്ടവരുടെയും അവര്‍ക്കുണ്ടായ നാശനഷ്ടങ്ങളുടെയും കണക്ക് റവന്യൂ വകുപ്പ് ശേഖരിച്ചിട്ടുണ്ടോ;

(ബി)	ഇപ്രകാരമുളളവര്‍ക്ക് എന്തൊക്കെ ആശ്വാസമാണ് നല്‍കുവാന്‍ ഉദ്ദേശിക്കുന്നത്;

(സി)	ജീവനോപാധിയും തൊഴിലും നഷ്ടപ്പെട്ടവരെ സര്‍ക്കാന്‍ പൂര്‍ണമായും അവഗണിച്ചു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി)	ഇവരുടെ പുനരധിവാസത്തിനായി ഇതുവരെ എന്തൊക്കെ നടപടികളാണ് സ്വീകരിച്ചിട്ടുളളത്; വിശദമാക്കാമോ?

കശുവണ്ടി സംസ്കരണം

*106.

ശ്രീ.എല്‍ദോ എബ്രഹാം
,, ചിറ്റയം ഗോപകുമാര്‍
,, ഇ.കെ.വിജയന്‍
ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കശുവണ്ടി സംസ്കരണ രംഗത്തെ പുനരുജ്ജീവിപ്പിക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	സ്വകാര്യ കശുവണ്ടി ഫാക്ടറി ഉടമകള്‍ക്ക് ഗുണനിലവാരമുള്ള തോട്ടണ്ടി അളവിലും തൂക്കത്തിലും കുറവുണ്ടാകാതെ ലഭ്യമാക്കുന്നതിന് നടപടി സ്വീകരിക്കുമോ;

(സി)	കാഷ്യൂബോര്‍ഡ് മുഖേന ലഭ്യമാകുന്ന തോട്ടണ്ടി ഏതൊക്കെ വിധത്തില്‍ വിതരണം ചെയ്യുമെന്ന് വ്യക്തമാക്കുമോ;

(ഡി)	അടഞ്ഞു കിടക്കുന്ന കശുവണ്ടി ഫാക്ടറികള്‍ തുറന്ന് പ്രവര്‍ത്തിപ്പിക്കുന്നതിനും തൊഴില്‍ ഉറപ്പുവരുത്തുന്നതിനും സ്വീകരിക്കുന്ന നടപടികള്‍ വിശദമാക്കുമോ?

വിദ്യാഭ്യാസ രംഗത്തെ നവീകരണ പ്രവര്‍ത്തനങ്ങള്‍

*107.

ശ്രീ.എസ്.രാജേന്ദ്രന്‍
,, എ. എന്‍. ഷംസീര്‍
,, പി.ടി.എ. റഹീം
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അദ്ധ്യയന വര്‍ഷാവസാനം മാത്രം പാഠപുസ്തകം ലഭിച്ചിരുന്നതില്‍ നിന്ന് വ്യത്യസ്തമായി സ്കൂള്‍ തുറക്കുന്നതിനു ഏറെ മുമ്പേ തന്നെ പാഠപുസ്തകങ്ങള്‍ വിതരണം ചെയ്യാനും സൗജന്യമായി യൂണിഫോം നല്‍കാനും ഈ സര്‍ക്കാര്‍ നടത്തിയ പ്രവര്‍ത്തനങ്ങള്‍ അറിയിക്കാമോ;

(ബി)	ഈ സര്‍ക്കാര്‍ അധികാരത്തിലെത്തിയതിനുശേഷം സര്‍ക്കാര്‍ സ്കൂളുകളിലെ വിദ്യാര്‍ത്ഥികളുടെ എണ്ണത്തിലുണ്ടായ വര്‍ദ്ധനവ് എത്രയെന്ന് അറിയിക്കാമോ;

(സി)	അമ്പതു വിദ്യാര്‍ത്ഥികള്‍ പോലുമില്ലാത്ത എത്ര പൊതു വിദ്യാലയങ്ങള്‍ ഉണ്ടെന്ന് അറിയിക്കാമോ; വിദ്യാഭ്യാസ രംഗത്തെ നവീകരണ പ്രവര്‍ത്തനങ്ങള്‍ സമ്പൂര്‍ണ്ണ വിജയമാക്കിത്തീര്‍ക്കുന്നതിന്, ഇത്തരം വിദ്യാലയങ്ങള്‍ നേരിടുന്ന പ്രശ്നങ്ങള്‍ അപഗ്രഥിച്ച് അവ പരിഹരിക്കാനുളള ശ്രമം നടത്തുന്നുണ്ടോ; വിശദമാക്കാമോ?

ഭവന പുനര്‍നിര്‍മ്മാണ മാര്‍ഗ്ഗങ്ങള്‍

*108.

ശ്രീ.ഒ. ആര്‍. കേളു
,, പുരുഷന്‍ കടലുണ്ടി
,, കെ.ഡി. പ്രസേനന്‍
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രളയംമൂലം പൂര്‍ണ്ണമായും ഭാഗികമായും തകര്‍ന്ന വീടുകളുടെ കണക്കെടുപ്പ് നടത്തിയിട്ടുണ്ടോ; എങ്കില്‍ വിശദമാക്കുമോ;

(ബി)	വീടുകളുടെ പുനര്‍നിര്‍മ്മാണത്തിനും അറ്റകുറ്റ പണികള്‍ക്കുമായി ഭവനനിര്‍മ്മാണ സാമഗ്രികള്‍ വന്‍തോതില്‍ ആവശ്യമായി വരുന്നതിനാല്‍ അവയുടെ ലഭ്യത ഉറപ്പുവരുത്താനായി എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

(സി)	നിലവിലുണ്ടായിട്ടുളള പ്രതിസന്ധികള്‍ നേരിടുന്നതിന് ബദല്‍ നിര്‍മ്മാണ മാര്‍ഗ്ഗങ്ങള്‍ ഉള്‍പ്പെടെയുളള നടപടികളെക്കുറിച്ച് ആലോചിച്ചിട്ടിട്ടുണ്ടോ;

(ഡി)	ചെലവ് കുറഞ്ഞതും പരിസ്ഥിതിസൗഹൃദവും ദുരന്ത പ്രതിരോധശേഷിയുളളതുമായ വീടുകള്‍ നിര്‍മ്മിക്കേണ്ടതിന്റെ ആവശ്യകത സംബന്ധിച്ച് പൊതുജനങ്ങള്‍ക്കിടയില്‍ അവബോധം സൃഷ്ടിക്കുന്നതിന് എന്തെല്ലാം നടപടികള്‍ സ്വീകരിക്കാന്‍ സാധിക്കുമെന്ന് വ്യക്തമാക്കാമോ?

അര്‍ദ്ധ അതിവേഗ റെയില്‍പാതാ പദ്ധതി

*109.

ശ്രീ. എന്‍ .എ.നെല്ലിക്കുന്ന്
പ്രൊഫ.ആബിദ് ഹുസൈന്‍ തങ്ങള്‍
ശ്രീ.സി.മമ്മൂട്ടി
,, ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നാലോ അഞ്ചോ മണിക്കൂറുകള്‍ കൊണ്ട് തിരുവനന്തപുരത്തു നിന്നും കാസര്‍ഗോഡ് വരെ സഞ്ചരിക്കാന്‍ കഴിയുന്ന അര്‍ദ്ധ അതിവേഗ റെയില്‍പാതാ പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ;

(ബി)	ഈ പദ്ധതി കേന്ദ്രാനുമതിക്കായി സമര്‍പ്പിച്ചിട്ടുണ്ടോ; കേന്ദ്രാനുമതി എന്നത്തേക്ക് ലഭിക്കുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ;

(സി)	ഇതിന് പ്രതീക്ഷിക്കുന്ന ചെലവ് എത്രയെന്നും ഇത് എപ്രകാരം കണ്ടെത്താനാണ് ഉദ്ദേശിക്കുന്നതെന്നും വ്യക്തമാക്കുമോ?

സമഗ്ര ശിക്ഷാ അഭിയാന്‍

*110.

ശ്രീമതി.വീണാ ജോര്‍ജ്ജ്
ശ്രീ.എം. സ്വരാജ്
,, ആന്റണി ജോണ്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വശിക്ഷാ അഭിയാന്‍, രാഷ്ട്രീയ മാധ്യമിക് ശിക്ഷാ അഭിയാന്‍ എന്നീ പദ്ധതികള്‍ക്ക് പകരം ആവിഷ്കരിച്ച സമഗ്ര ശിക്ഷാ അഭിയാന്‍ പ്രകാരം കേന്ദ്ര സര്‍ക്കാര്‍ സംസ്ഥാനത്തിന് അനുവദിച്ച വിഹിതം എത്രയെന്ന് അറിയിക്കാമോ;

(ബി)	കേന്ദ്ര വിഹിതത്തിലുണ്ടായ ഭീമമായ കുറവ് എല്ലാ കുട്ടികള്‍ക്കും ഗുണമേന്മയുള്ള വിദ്യാഭ്യാസം അവകാശമാക്കാന്‍ ശ്രമിക്കുന്ന സംസ്ഥാന സര്‍ക്കാരിന്റെ പ്രവര്‍ത്തനങ്ങള്‍ ഫലപ്രാപ്തിയിലെത്തിക്കുന്നതിന് പ്രതിബന്ധം സൃഷ്ടിക്കാതിരിക്കാന്‍ നടത്തുന്ന ഇടപെടലുകള്‍ അറിയിക്കാമോ;

(സി)	അക്കാദമിക മാസ്റ്റര്‍ പ്ലാനിന്റെ ലക്ഷ്യമെന്തെന്നും തദനുസൃതമായ പ്രവര്‍ത്തന പുരോഗതിയുണ്ടാകുന്നുണ്ടോ എന്ന് വിലയിരുത്താറുണ്ടോയെന്നും അറിയിക്കാമോ;

(ഡി)	വിദ്യാര്‍ത്ഥികള്‍ ട്യൂഷനേയും പഠന സഹായികളേയും ആശ്രയിക്കേണ്ടി വരുന്ന സ്ഥിതി വിലയിരുത്തിയിട്ടുണ്ടോ; ഇതു പരിഹരിക്കാനായി ഉദ്ദേശിക്കുന്ന നടപടികള്‍ അറിയിക്കാമോ?

പ്രളയക്കെടുതിയില്‍ തകര്‍ന്ന റോഡുകളുടെ പുനര്‍നിര്‍മ്മാണം

*111.

ശ്രീ.സി.എഫ്.തോമസ്
ഡോ.എന്‍. ജയരാജ്
ശ്രീ.പി.ജെ.ജോസഫ്
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയക്കെടുതിയില്‍ തകര്‍ന്ന പൊതുമരാമത്ത് റോഡുകളുടെ ദൈര്‍ഘ്യം കണക്കാക്കിയിട്ടുണ്ടോ; വ്യക്തമാക്കുമോ;

(ബി)	ഇപ്രകാരം തകര്‍ന്ന റോഡുകളുടെ പുനര്‍നിര്‍മ്മാണം ഏത് ഘട്ടംവരെയായി എന്ന് വ്യക്തമാക്കാമോ;

(സി)	തകര്‍ന്ന റോഡുകളുടെ നിര്‍മ്മാണ പ്രവൃത്തികള്‍ സമയബന്ധിതമായി പൂര്‍ത്തീകരിക്കാന്‍ നടപടി സ്വീകരിക്കുമോ എന്നറിയിക്കാമോ?

ദുരിതാശ്വാസ പ്രവര്‍ത്തനങ്ങള്‍ സുതാര്യമാക്കുവാന്‍ നടപടി

*112.

ശ്രീ.അടൂര്‍ പ്രകാശ്
,, കെ.മുരളീധരന്‍
,, വി.ഡി.സതീശന്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന സര്‍ക്കാരിന്റെ ദുരിതാശ്വാസ നടപടികള്‍ രണ്ട് ഘട്ടമായിരിക്കണമെന്നും അതില്‍ ആദ്യഘട്ടത്തില്‍ പ്രാഥമിക തുക നല്‍കണമെന്നും പിന്നീട് ഓരോ വ്യക്തിക്കും ഉണ്ടായ നാശനഷ്ടം നികത്താനായി പദ്ധതി തയ്യാറാക്കണമെന്നുമുള്ള കേരള ഹൈക്കോടതിയുടെ നിര്‍ദ്ദേശം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത നിര്‍ദ്ദേശങ്ങള്‍ നടപ്പിലാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)	പ്രളയ ദുരിതാശ്വാസ പ്രവര്‍ത്തനങ്ങള്‍ സുതാര്യമാക്കുവാന്‍ എന്തൊക്കെ നടപടികളാണ് സ്വീകരിച്ചിരിക്കുന്നത്; വിശദമാക്കുമോ?

നിര്‍മ്മാണ പ്രവര്‍ത്തനങ്ങള്‍ക്കായുള്ള നൂതന സാങ്കേതികവിദ്യകള്‍

*113.

ശ്രീ.എ. എന്‍. ഷംസീര്‍
,, മുരളി പെരുനെല്ലി
,, പി.ടി.എ. റഹീം
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ കീഴിലുള്ള നിര്‍മ്മാണ പ്രവര്‍ത്തനങ്ങള്‍ക്കായി ഏതെല്ലാം നൂതന സാങ്കേതികവിദ്യകളാണ് പ്രയോജനപ്പെടുത്തുന്നതെന്ന് വ്യക്തമാക്കാമോ;

(ബി)	നിര്‍മ്മാണ പ്രവര്‍ത്തനങ്ങളില്‍ സ്വാഭാവിക റബ്ബര്‍, കയര്‍ ഭ‍ൂവസ‍്ത്രം തുടങ്ങിയവയുടെ ഉപയോഗം വ്യാപകമാക്കിയിട്ടുണ്ടോ;

(സി)	കേരള ഹൈവേ റിസര്‍ച്ച് ഇന്‍സ്റ്റിറ്റ്യൂട്ട് ഈ മേഖലയില്‍ നടത്തുന്ന പ്രവര്‍ത്തനങ്ങള്‍ എന്തെല്ലാമാണ്;

(ഡി)	മഴക്കാലത്ത് റോഡുകളില്‍ രൂപപ്പെടുന്ന കുഴികള്‍ മൂടുന്നതിന് പുതിയ തരത്തിലുള്ള മിശ്രിതം ഹൈവേ റിസര്‍ച്ച് ഇന്‍സ്റ്റിറ്റ്യൂട്ട് തയ്യാറാക്കിയിട്ടുണ്ടോ; വിശദാംശം നല്‍കുമോ;

(ഇ)	പുനരുപയോഗിക്കാന്‍ കഴിയാത്ത പ്ലാസ്റ്റിക് ഉപയോഗിച്ചുള്ള റോഡ് ടാറിംഗ് പ്രോത്സാഹിപ്പിക്കാന്‍ നടപടി സ്വീകരിച്ചിട്ടുണ്ടോ; വിശദാംശം നല്‍കുമോ?

പ്രളയത്തില്‍ റോഡുകള്‍ക്കുണ്ടായ നാശനഷ്ടം

*114.

ശ്രീ.കെ.വി.അബ്ദുള്‍ ഖാദര്‍
,, ഡി.കെ. മുരളി
,, പി.വി. അന്‍വര്‍
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2018-ലെ പ്രളയത്തില്‍ റോഡുകള്‍ക്കുണ്ടായ നാശനഷ്ടം എത്രയെന്ന് കണക്കാക്കിയിട്ടുണ്ടോ; പുനര്‍നിര്‍മ്മാണത്തിന് കേന്ദ്ര സഹായം ആവശ്യപ്പെട്ടിട്ടുണ്ടോ;

(ബി)	വന്‍തോതിലുളള പുനര്‍നിര്‍മ്മാണം ആവശ്യമായ സാഹചര്യത്തില്‍ അതിനുവേണ്ട നിര്‍മ്മാണ വസ്തുക്കളുടെ ലഭ്യത ഉറപ്പാക്കാനുദ്ദേശിക്കുന്ന മാര്‍ഗ്ഗം എന്താണെന്ന് വെളിപ്പെടുത്താമോ;

(സി)	പ്രളയത്തില്‍ തകര്‍ന്ന ദേശീയ പാതകള്‍ ഗതാഗതയോഗ്യമാക്കാനും പുനരുദ്ധരിക്കാനും ദേശീയപാത അതോറിറ്റി വേണ്ടത്ര കാര്യക്ഷമമായി പ്രവര്‍ത്തിക്കുന്നില്ലെന്ന പരാതി പരിഹരിക്കാന്‍ കേന്ദ്ര സര്‍ക്കാരിനോട് ആവശ്യപ്പെടുമോ; വ്യക്തമാക്കാമോ?

തകര്‍ന്ന റോഡുകളുടെ പുനര്‍നിര്‍മ്മാണം

*115.

ശ്രീ.ടി. വി. ഇബ്രാഹിം
,, കെ.എം.ഷാജി
,, അബ്ദുല്‍ ഹമീദ് പി.
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകള്‍ സഞ്ചാര യോഗ്യമല്ലാത്ത അവസ്ഥയിലാണ് എന്ന വസ്തുത ശ്രദ്ധയില്‍പെട്ടിട്ടുണ്ടോ;

(ബി)	കാലവര്‍ഷത്തോടെ തകര്‍ന്ന റോഡുകൾ നന്നാക്കുന്നതിന് എന്തു തുക വേണ്ടിവരുമെന്നാണ് കണക്കാക്കിയിരിക്കുന്നത്;

(സി)	സംസ്ഥാനത്തിന്റെ പ്രത്യേക കാലാവസ്ഥ കണക്കിലെടുത്ത് ഉറപ്പുള്ള റോഡുകള്‍ നിര്‍മ്മിക്കുന്നതിനുള്ള പദ്ധതി ആവിഷ്ക്കരിക്കാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശം വ്യക്തമാക്കുമോ?

മത്സ്യത്തൊഴിലാളികളുടെ സുരക്ഷ

*116.

ശ്രീ.എസ്.ശർമ്മ
,, കെ. ആന്‍സലന്‍
,, സി.കൃഷ്ണന്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിക്ഷോഭങ്ങള്‍ ഏറ്റവും രൂക്ഷമായി ബാധിക്കാനിടയുള്ളത് കടലില്‍ പോകുന്ന മത്സ്യത്തൊഴിലാളികളെയാണെന്നതിനാല്‍ അവരുടെ സുരക്ഷയ്ക്കായി പുതിയതായി ഏര്‍പ്പെടുത്തിയിട്ടുള്ള മുന്നറിയിപ്പ് സംവിധാനങ്ങളും രക്ഷാ ഉപകരണങ്ങളും എന്തെല്ലാമാണ് അറിയിക്കുമോ;

(ബി)	മത്സ്യത്തൊഴിലാളികള്‍ ദിവസവും കടലില്‍ മത്സ്യബന്ധനത്തിനു പോകുമ്പോഴും തിരികെയെത്തുമ്പോഴും വിവരശേഖരണത്തിനായി സംവിധാനം ഏര്‍പ്പെടുത്തിയിട്ടുണ്ടോ;

(സി)	കടലിലെ രക്ഷാപ്രവര്‍ത്തനത്തിനായി മത്സ്യത്തൊഴിലാളികളെ ഉള്‍പ്പെടുത്തിക്കൊണ്ട് റെസ്ക്യൂ സ്ക്വാഡ് ആരംഭിച്ചിട്ടുണ്ടോ; സ്ക്വാഡിന്റെ പ്രവര്‍ത്തനം എങ്ങനെ നടപ്പാക്കാനാണ് ഉദ്ദേശിക്കുന്നതെന്നും എന്തെല്ലാം ആധുനിക ഉപകരണങ്ങളാണുള്ളതെന്നും വ്യക്തമാക്കുമോ?

പുതിയ കാലം പുതിയ നിര്‍മ്മാണം

*117.

ശ്രീ.പി.കെ. ശശി
,, എം. സ്വരാജ്
,, ആര്‍. രാജേഷ്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുതിയ കാലം പുതിയ നിര്‍മ്മാണം എന്ന ആശയം നടപ്പാക്കുന്നതിനായി എന്തെല്ലാം പദ്ധതികളാണ് ആവിഷ്കരിച്ച് വരുന്നതെന്ന് വ്യക്തമാക്കുമോ;

(ബി)	വിവിധ സര്‍ക്കാര്‍ ഒാഫീസ് കെട്ടിടങ്ങള്‍ സ്ത്രീസൗഹൃദമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)	ഇതു സംബന്ധിച്ച് എഞ്ചിനീയര്‍മാര്‍ക്കും മറ്റ് ഉദ്യോഗസ്ഥര്‍ക്കും പ്രത്യേക പരിശീലനം നല്‍കിയിട്ടുണ്ടോ;

(ഡി)	പ്രസ്തുത പദ്ധതി പ്രകാരം സ്ത്രീകള്‍ക്കായി എന്തെല്ലാം അടിസ്ഥാന സൗകര്യങ്ങളാണ് സര്‍ക്കാര്‍ ഒാഫീസുകളില്‍ ഏര്‍പ്പെടുത്തുന്നതെന്ന് വ്യക്തമാക്കാമോ?

മത്സ്യത്തൊഴിലാളികള്‍ക്ക് അപകട ഇന്‍ഷ്വറന്‍സ് പരിരക്ഷ

*118.

ശ്രീ.കെ.ജെ. മാക്സി
,, ബി.സത്യന്‍
,, സജി ചെറിയാന്‍
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുണ്ടായ പ്രളയക്കെടുതിയില്‍ മത്സ്യത്തൊഴിലാളികള്‍ ജീവന്‍ പണയംവെച്ച് നടത്തിയ രക്ഷാപ്രവര്‍ത്തനങ്ങളാണ് ദുരന്തത്തിന്റെ വ്യാപ്തി കുറച്ചതെന്ന് വിലയിരുത്തിയിട്ടുണ്ടോ;

(ബി)	പ്രളയ രക്ഷാപ്രവര്‍ത്തനത്തിനിടെ കേടുപാടുകള്‍ സംഭവിച്ച മത്സ്യബന്ധന വള്ളങ്ങളുടെ അറ്റകുറ്റപ്പണി നടത്തുന്നതിനും അവര്‍ക്ക് അര്‍ഹമായ നഷ്ടപരിഹാരം നല്‍കുന്നതിനും എന്തെല്ലാം നടപടികളാണ് സ്വീകരിച്ചത്; വിശദമാക്കുമോ;

(സി)	മത്സ്യത്തൊഴിലാളികള്‍ക്ക് പൂര്‍ണ അപകട ഇന്‍ഷ്വറന്‍സ് പരിരക്ഷ ഉറപ്പാക്കുന്നതിനുള്ള പദ്ധതി ആവിഷ്ക്കരിച്ചിട്ടുണ്ടോ; വിശദവിവരം വെളിപ്പെടുത്താമോ;

(ഡി)	മത്സ്യത്തൊഴിലാളികളുടെ അപകട ഇന്‍ഷ്വറന്‍സ് സംബന്ധിച്ച പരാതികള്‍ പരിഹരിക്കുന്നതിന് പ്രത്യേക അദാലത്തുകള്‍ വിളിച്ചു ചേര്‍ക്കാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

പൊതുമരാമത്ത് പ്രവൃത്തികളുടെ ഗുണമേന്മ ഉറപ്പുവരുത്തൽ

*119.

ശ്രീ.പാറക്കല്‍ അബ്ദുല്ല
,, എന്‍. ഷംസുദ്ദീന്‍
ഡോ.എം. കെ. മുനീര്‍
ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് പ്രവൃത്തികളുടെ ഗുണമേന്മയും നിലവാരവും ഉറപ്പു വരുത്തുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ;

(ബി)	വന്‍ തുക മുടക്കി നിര്‍മ്മാണം പൂര്‍ത്തിയാക്കിയ പൊതുമരാമത്ത് പ്രവൃത്തികള്‍ പലതും നിശ്ചിത കാലാവധിക്കു മുന്‍പ് തന്നെ തകരാറിലാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പരിഹരിക്കുവാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ?

കശുവണ്ടി വ്യവസായം നേരിടുന്ന പ്രതിസന്ധി പരിഹരിക്കാന്‍ നടപടി

*120.

ശ്രീ.സജി ചെറിയാന്‍
,, ആര്‍. രാജേഷ്
,, എം. മുകേഷ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

തോട്ടണ്ടി ലഭ്യതക്കുറവുകൊണ്ടും ഇറക്കുമതി ചെയ്യുന്ന കശുവണ്ടിക്ക് തീരുവ ഏര്‍പ്പെടുത്തിയതുകൊണ്ടും കേന്ദ്രസര്‍ക്കാരിന്റെ പൊതുനയങ്ങള്‍ കാരണവും കടുത്ത പ്രതിസന്ധി നേരിടുന്ന കശുവണ്ടി വ്യവസായത്തിന് ബാങ്കുകള്‍ വായ്പ നിഷേധിക്കുന്ന സാഹചര്യം കൂടിയുണ്ടായത് പ്രതിസന്ധി ഗുരുതരമാക്കിയിരിക്കുന്നതിനാല്‍ നിലപാട് തിരുത്താന്‍ കേന്ദ്രസര്‍ക്കാരിനോട് ആവശ്യപ്പെടുമോ;

(ബി)	തോട്ടണ്ടി ഉല്‍പാദക രാജ്യങ്ങളില്‍ നിന്ന് ന്യായവിലയ്ക്ക് കശുവണ്ടി സംഭരിക്കുകയെന്ന ഉദ്ദേശ്യത്തോടെ രൂപീകരിച്ച കാഷ്യൂബോര്‍ഡിന്റെ പ്രവര്‍ത്തന പുരോഗതി അറിയിക്കാമോ;

(സി)	തോട്ടണ്ടിയുടെ ആഭ്യന്തര ഉത്പാദനം വര്‍ദ്ധിപ്പിക്കാനായി കശുമാവ് കൃഷി വികസന ഏജന്‍സി നടത്തിവരുന്ന പ്രവര്‍ത്തനങ്ങള്‍ എന്തൊക്കെയാണെന്ന് അറിയിക്കാമോ?

Website maintained by Information System Section, Kerala Legislative Assembly, Thiruvananthapuram.