14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 10^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ആശ്വാസ് പബ്ലിക് അമിനിറ്റീസ് കേരള ലിമിറ്റഡ്

5152.

ശ്രീ.മുരളി പെരുനെല്ലി
,, എസ്.രാജേന്ദ്രന്‍
,, പി. ഉണ്ണി
,, കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദീര്‍ഘദൂര യാത്രക്കാര്‍ക്ക് പ്രത്യേകിച്ചും സ്ത്രീകള്‍ക്കും വിനോദസഞ്ചാരികള്‍ക്കും ഉപകാരപ്രദമായ രീതിയില്‍ ശുചിമുറി സൗകര്യം, ലഘുഭക്ഷണ ശാല തുടങ്ങിയവ ഉള്‍ക്കൊള്ളുന്ന പബ്ലിക് അമിനിറ്റി സെന്ററുകള്‍ സ്ഥാപിക്കുവാന്‍ ഉദ്ദേശിക്കുന്നുണ്ടോ;

(ബി)	എങ്കില്‍ ഇതിനായി ആശ്വാസ് പബ്ലിക് അമിനിറ്റീസ് കേരള ലിമിറ്റഡ് എന്ന പേരില്‍ കമ്പനി രൂപീകരിച്ചിട്ടുണ്ടോ;

(സി)	മറ്റ് എന്തെല്ലാം സൗകര്യങ്ങളാണ് ഇത്തരം അമിനിറ്റി സെന്ററുകളില്‍ ഏര്‍പ്പെടുത്താന്‍ ഉദ്ദേശിക്കുന്നത്;

(ഡി)	ഇപ്രകാരമുള്ള അമിനിറ്റി സെന്ററുകള്‍ സ്ഥാപിക്കുന്നതിനുള്ള സ്ഥലം കണ്ടെത്തിയിട്ടുണ്ടോ വിശദാംശം നല്‍കുമോ?

പ്രതീക്ഷ ബസ്സ് ഷെല്‍ട്ടര്‍

5153.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ കാലത്ത് സംസ്ഥാനത്തെ അംഗീകൃത ബസ് സ്റ്റോപ്പുകളില്‍ ആധുനിക രീതിയിലുള്ള ബസ്സ് ഷെല്‍ട്ടര്‍ നിര്‍മ്മിക്കുന്നതിനും പരിപാലിക്കുന്നതിനുമായി പ്രതീക്ഷ ബസ്സ് ഷെല്‍ട്ടര്‍ എന്ന പേരില്‍ ഒരു കമ്പനി രൂപീകരിച്ചിരുന്നോ എന്ന് വ്യക്തമാക്കാമോ;

(ബി)	പ്രസ്തുത കമ്പനി നിലവില്‍ പ്രവര്‍ത്തിക്കുന്നുണ്ടോ; എങ്കില്‍ ഇതിന്റെ പ്രവര്‍ത്തനം വിശദീകരിക്കുമോ?

ഭരണാനുമതി നൽകുന്നതിന്റെ നടപടിക്രമം

5154.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

പൊതുമരാമത്ത് വകുപ്പിലെ പ്രവൃത്തികള്‍ക്ക് ഭരണാനുമതി നല്‍കുന്ന സെക്രട്ടേറിയറ്റുതല എ. എസ്. കമ്മിറ്റിയില്‍ എത്ര അംഗങ്ങളാണ് ഉള്ളത്; അവർ ആരെല്ലാമാണ്; എത്ര തുക വരെയുള്ള പ്രവൃത്തികള്‍ക്ക് ഭരണാനുമതി നല്‍കാനാണ് ഇൗ കമ്മിറ്റിക്ക് അധികാരം ഉള്ളത്; ഇതില്‍ കൂടുതല്‍ തുകയുടെ പ്രവൃത്തികള്‍ക്ക് ഭരണാനുമതി നല്‍കുന്നത് ഏതു കമ്മിറ്റിയാണ്; ആരെല്ലാമാണ് അതിലെ അംഗങ്ങള്‍; എത്ര തുക വരെയുള്ള പ്രവൃത്തികള്‍ക്കാണ് ഭരണാനുമതി നല്‍കാന്‍ ഇൗ കമ്മിറ്റിക്ക് അധികാരമുള്ളത്;

(ബി)	പൊതുമരാമത്ത് വകുപ്പിന്റെ പ്രവൃത്തികള്‍ക്ക് നിലവിലുള്ള മാനദണ്ഡ പ്രകാരം ധനകാര്യ വകുപ്പിന്റെ കണ്‍കറന്‍സ് ഇല്ലാതെ എത്ര രൂപ വരെയുള്ള പ്രവൃത്തികള്‍ക്ക് ഭരണാനുമതി നല്‍കാന്‍ കഴിയും എന്ന് വ്യക്തമാക്കുമോ ;

(സി)	അതാതു വര്‍ഷം ബജറ്റില്‍ പൊതുമരാമത്ത് വകുപ്പിന് അനുവദിച്ചിട്ടുള്ള തുകയില്‍ അധികരിക്കാതെ വരുന്ന പ്രവൃത്തികള്‍ക്ക് ഭരണാനുമതി നല്‍കുന്നതിന് ധനകാര്യ വകുപ്പിന്റെ കണ്‍കറന്‍സ് ആവശ്യമുണ്ടോ; ഇല്ലെങ്കില്‍ പ്രവൃത്തികള്‍ക്ക് ഭരണാനുമതി നല്‍കുന്നതിന് എ. എസ്. കമ്മിറ്റി കൂടേണ്ട ആവശ്യകത എന്തെന്ന് വ്യക്തമാക്കാമോ;

(ഡി)

ബജറ്റില്‍ പ്രൊവിഷനോ, ടോക്കണ്‍ പ്രൊവിഷനോ ഇല്ലാത്ത പ്രവൃത്തികള്‍ക്ക് പൊതുമരാമത്ത് വകുപ്പിന് തനതു വര്‍ഷം അനുവദിച്ചിട്ടുള്ള ബജറ്റ് വിഹിതത്തിനുള്ളില്‍ നിന്നുകൊണ്ട് ഭരണാനുമതിയും പ്രത്യേക അനുമതിയും നല്‍കി വരുന്നുണ്ടെന്നിരിക്കെ ധനകാര്യ/ആസൂത്രണ വകുപ്പുകളുടെ സമ്മതം പൊതുമരാമത്ത് വകുപ്പ് പ്രവൃത്തികള്‍ക്ക് ലഭ്യമാക്കി മാത്രമേ ഭരണാനുമതി നല്‍കാന്‍ കഴിയൂ എന്ന് സര്‍ക്കാര്‍ നിലപാടെടുത്തിട്ടുണ്ടോ; ഉണ്ടെങ്കില്‍ ഇതിന് ആധാരമായ സര്‍ക്കാര്‍ ഉത്തരവ് ലഭ്യമാക്കാമോ;

(ഇ)	റാന്നി മിനി സിവില്‍ സ്റ്റേഷന്‍ കെട്ടിട നിര്‍മ്മാണത്തിന് ബജറ്റ് പ്രൊവിഷന്‍ ഉണ്ടായിട്ടും ഭരണാനുമതി ലഭ്യമാക്കാതിരുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എന്തുകൊണ്ടാണ് ഭരണാനുമതി നല്‍കാതിരുന്നത് എന്ന് വ്യക്തമാക്കാമോ?

കെട്ടിടനിര്‍മ്മാണ പരിശോധന

5155.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന പൊതുമരാമത്ത് വകുപ്പ് നിര്‍മ്മിച്ചിട്ടുള്ള കെട്ടിടങ്ങളുടെ ഇൗടും ബലവും പരിശോധിക്കുന്നതിന് നിലവില്‍ സംവിധാനമുണ്ടോ; വിശദീകരിക്കുമോ;

(ബി)	നിര്‍മ്മാണ വസ്തുക്കളുടെ കടുത്ത ക്ഷാമം നേരിടുന്ന സാഹചര്യത്തില്‍ കെട്ടിടങ്ങളുടെ ബലവും ഇൗടും പരിശോധിക്കാതെ ഇവ നീക്കം ചെയ്യുന്ന നടപടിയ്ക്ക്പകരം അടിയന്തര അറ്റകുറ്റപണികള്‍ നടത്തി നിലനിര്‍ത്താന്‍ കഴിയുന്ന കെട്ടിടങ്ങളുടെ വിവരശേഖരണം നടത്തുമോ; വിശദീകരിക്കുമോ;

(സി)	സര്‍ക്കാര്‍ മന്ദിരങ്ങളോടനുബന്ധിച്ചുള്ള നിര്‍മ്മാണ പ്രവൃത്തികളുടെ വസ്തുതാപരിശോധന നടത്താറുണ്ടോയെന്ന് വിശദീകരിക്കുമോ?

ജില്ലാ സാമൂഹ്യ ഓഡിറ്റ് സമിതികള്‍

5156.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പൊതുമരാമത്ത് പണികളുടെ ഗുണനിലവാരം വിലയിരുത്തുന്നതിനുള്ള ജില്ലാ സാമൂഹ്യ ഓഡിറ്റ് സമിതികള്‍ എല്ലാ ജില്ലകളിലും രൂപീകരിച്ചിട്ടുണ്ടോ; എങ്കില്‍ സമിതികള്‍ പ്രവര്‍ത്തനമാരംഭിച്ചിട്ടുണ്ടോയെന്നറിയിക്കാമോ;

(ബി)	ജില്ലാ സമിതിയ്ക്ക് നിലവില്‍ നല്‍കിയിട്ടുള്ള കടമകളും ചുമതലകളും വിപുലമാക്കുന്നതിന് ഏതെങ്കിലും തരത്തിലുള്ള നിര്‍ദ്ദേശങ്ങള്‍ സര്‍ക്കാരിന്റെ പരിഗണനയിലുണ്ടോ; എങ്കില്‍ എന്തെല്ലാമെന്ന് വിശദമാക്കാമോ;

(സി)	സമിതിയുടെ മുന്‍പാകെ വരുന്ന വ്യാജ പരാതികളുടെ അടിസ്ഥാനത്തില്‍ പ്രവൃത്തികള്‍ തടസ്സപ്പെടാതിരിക്കുന്നതിന് സമിതി എന്തെല്ലാം മുന്‍കരുതല്‍ സ്വീകരിക്കണമെന്നാണ് നിര്‍ദ്ദേശിച്ചിട്ടുള്ളത്; വിശദാംശം ലഭ്യമാക്കുമോ?

റോഡ് ഫണ്ട് ബോർഡിന് കൈമാറിയ തുക

5157.

ശ്രീ.സണ്ണി ജോസഫ്
,, ഹൈബി ഈഡന്‍
,, കെ.എസ്.ശബരീനാഥന്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2015-16 വര്‍ഷത്തെ ബജറ്റ് പ്രസംഗത്തില്‍ പെട്രോള്‍, ഡീസല്‍ എന്നിവയിന്മേല്‍ അധികവില്‍പന നികുതിയായി ലിറ്ററിന് ഒരു രൂപയായി നിശ്ചയിച്ച തീരുവയുടെ 50 ശതമാനം തുക റോഡ് ഫണ്ട് ബോര്‍ഡിന് അടിസ്ഥാന സൗകര്യവികസനത്തിന് കൈമാറുന്നതിന് 20.05.2015-ല്‍ ചേര്‍ന്ന മന്ത്രിസഭാ യോഗം തീരുമാനിച്ചിരുന്നോ;

(ബി)	നിലവില്‍ ഈ തുക റോഡ് ഫണ്ട് ബോര്‍ഡിന് ലഭിക്കുന്നുണ്ടോ; എങ്കില്‍ 2016-17ലും 2017-18ലും എത്ര കോടി രൂപ ഈയിനത്തില്‍ റോഡ് ഫണ്ട് ബോര്‍ഡിന് ലഭിച്ചുവെന്ന് അറിയിയ്ക്കുമോ?

റോഡ് വെട്ടിപ്പൊളിക്കുന്നവര്‍ക്കെതിരെ നടപടി

5158.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്ന ശേഷം അനുവാദമില്ലാതെ റോഡ് വെട്ടിപ്പൊളിക്കുന്നവര്‍ക്കെതിരെ എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കാമോ?

മലയോര ഹൈവേ

5159.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയോര ഹൈവേയുടെ നിര്‍മ്മാണ പദ്ധതിക്ക് എത്ര കോടി രൂപയുടെ ചെലവാണ് കണക്കാക്കിയിരിക്കുന്നത്;

(ബി)	മലയോര ഹൈവേ എത്ര റീച്ചുകളായാണ് നിര്‍മ്മിക്കുന്നതെന്നും ഇതില്‍ എത്ര റീച്ചുകളുടെ ഡി.പി.ആർ.കിഫ്ബിക്ക് കൈമാറിയിട്ടുണ്ടെന്നും വ്യക്തമാക്കുമോ;

(സി)	ഡി.പി.ആർ.തയ്യാറാക്കി നല്‍കിയ റീച്ചുകള്‍ക്ക് കിഫ്ബി അംഗീകാരം നല്‍കിയിട്ടുണ്ടോ; അംഗീകാരം നല്‍കിയിട്ടില്ലെങ്കില്‍ ഇതിന്റെ കാരണം എന്താണെന്ന് വിശദീകരിയ്ക്കുമോ?

ടോള്‍ പിരിവ്

5160.

(എ)	സംസ്ഥാനത്തെ ഏതെല്ലാം പാതകളിലാണ് ഇപ്പോള്‍ ടോള്‍ പിരിവ് നടന്നുവരുന്നത്; ടോള്‍ പിരിവ് നടത്തുന്ന കമ്പനികള്‍ ഏതെല്ലാമാണെന്നും ടോള്‍ പിരിവിന്റെ കാലാവധി എന്ന് അവസാനിക്കും എന്നുമുള്ള വിശദവിവരം നല്‍കുമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം ഏതെല്ലാം പാതകള്‍ക്ക് കാലാവധി കഴിഞ്ഞിട്ടും ടോള്‍പിരിവ് നീട്ടി നല്‍കിയിട്ടുണ്ട്;

(സി)	കാലാവധി കഴിഞ്ഞ ടോള്‍ പിരിവുകള്‍ അവസാനിപ്പിക്കുവാന്‍ ശക്തമായ നടപടി സ്വീകരിക്കുമോ;വിശദീകരിക്കുമോ?

സംസ്ഥാന റോഡ് പുനരുദ്ധാരണ പദ്ധതി

5161.

ശ്രീ.ചിറ്റയം ഗോപകുമാര്‍
ശ്രീമതി ഇ.എസ്.ബിജിമോള്‍
ശ്രീ.വി.ആര്‍. സുനില്‍ കുമാര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന റോഡ് പുനരുദ്ധാരണ പദ്ധതി (എസ്.ആര്‍.ഐ.പി) വിലയിരുത്തിയിട്ടുണ്ടോ; വിശദമാക്കുമോ;

(ബി)	ഈ പദ്ധതിയിലെ റീഹാബിലിറ്റേഷന്‍ പാക്കേജ് വ്യക്തമാക്കുമോ; റീഹാബിലിറ്റേഷന്‍ പാക്കേജ് മുഖേന നടപ്പിലാക്കുന്ന പദ്ധതിയുടെ വിശദാംശങ്ങള്‍ ലഭ്യമാക്കുമോ;

(സി)	ഈ പദ്ധതിയിലെ അപ്ഗ്രഡേഷന്‍ പാക്കേജ് വ്യക്തമാക്കുമോ; അപ്ഗ്രഡേഷന്‍ പാക്കേജില്‍ ഉള്‍പ്പെടുത്തിയ പദ്ധതിയുടെ വിശദാംശങ്ങള്‍ ലഭ്യമാക്കുമോ;

(ഡി)	ഈ പദ്ധതിക്കാവശ്യമായ പ്രോജക്ട് റിപ്പോര്‍ട്ട് തയ്യാറാക്കുന്നത് ഏത് ഏജന്‍സിയാണെന്ന് വ്യക്തമാക്കുമോ?

ഫുട്പാത്തുകള്‍

5162.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പല റോഡുകള്‍ക്കും ഫുട്പാത്ത് ഇല്ല എന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	ഫുട്പാത്തുകള്‍ നിര്‍ബന്ധമായും റോഡ് നിര്‍മ്മാണത്തിന്റെ ഭാഗമാക്കാമോ;വിശദമാക്കുമോ?

പൊട്ടിപ്പൊളിഞ്ഞ റോഡുകളുടെ അറ്റകുറ്റപ്പണി

5163.

ശ്രീ.എ.പി. അനില്‍ കുമാര്‍
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊട്ടിപ്പൊളിഞ്ഞ റോഡുകളുടെ അറ്റകുറ്റപ്പണി മഴക്കാലത്തിന് മുമ്പ് പൂര്‍ത്തിയാക്കണമെന്ന് നിര്‍ദ്ദേശം നല്കിയിരുന്നോ; അതിന് എന്ത് തുകയാണ് അനുവദിച്ചിട്ടുള്ളത്;

(ബി)	റോ‍ഡ് പണിയുവാനുള്ള മെറ്റലിന്റെയും പാറയുടെയും ക്ഷാമം ഇതിന് തടസ്സമാകുന്നുണ്ടോ; ഇത് അറ്റകുറ്റപ്പണികള്‍ സമയബന്ധിതമായി നടപ്പിലാക്കുവാന്‍ സാധിക്കാത്ത സാഹചര്യമുണ്ടാക്കിയിട്ടുണ്ടോ;

(സി)	ഇക്കാര്യത്തില്‍ മുഖ്യമന്ത്രി ഇടപെട്ട് നടത്തിയ യോഗത്തിലെ തീരുമാനം മൂലം ഫലപ്രാപ്തിയുണ്ടായിട്ടുണ്ടോ;

(ഡി)	നിലവിലെ പ്രതിസന്ധി എങ്ങനെ മറികടക്കുവാനാണ് തീരുമാനിച്ചിട്ടുള്ളത്എന്നറിയിക്കാമോ ?

പൊതു മരാമത്ത് വകുപ്പിന്റെ നിയന്ത്രണത്തിലുള്ള പാലങ്ങള്‍

5164.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പൊതുമരാമത്ത് വകുപ്പിന്റെ നിയന്ത്രണത്തിലുള്ള എത്ര പാലങ്ങളുണ്ടെന്ന് വ്യക്തമാക്കാമോ;

(ബി)	പ്രസ്തുത പാലങ്ങളില്‍ ഇൗ സര്‍ക്കാര്‍ കാലയളവില്‍ നടത്തിയ പരിശോധനകളില്‍ ബലമുള്ളവ /അറ്റകുറ്റപ്പണി അനിവാര്യമായവ /ബലപ്പെടുത്തേണ്ടവ /വീതി കൂട്ടല്‍ ഉള്‍പ്പെടെ പുനര്‍നിര്‍മ്മാണം വേണ്ടവ /ഒഴിവാക്കേണ്ടവ എന്നിവ സംബന്ധിച്ച് ജില്ലാടിസ്ഥാനത്തിലുള്ള വിശദാംശം ലഭ്യമാക്കുമോ;

(സി)	പ്രസ്തുത പാലങ്ങള്‍ സംബന്ധിച്ച് പൊതുമരാമത്ത് വകുപ്പ് എന്തെല്ലാം സാങ്കേതികോപദേശങ്ങള്‍ തേടിയെന്ന് വിശദമാക്കാമോ;

(ഡി)	ഇവയില്‍ ബലപ്പെടുത്തിയാല്‍ നിലനില്‍ക്കുന്ന പഴയ പാലങ്ങള്‍ ഉണ്ടോയെന്ന് പരിശോധിച്ചിട്ടുണ്ടോ; വ്യക്തമാക്കുമോ;

(ഇ)	നിലവില്‍ ഉപയോഗശൂന്യമായ പഴയ പാലങ്ങള്‍ ഒഴിവാക്കുവാനുള്ള എന്തെല്ലാം നടപടികള്‍ സര്‍ക്കാര്‍ സ്വീകരിക്കുമെന്ന് വ്യക്തമാക്കുമോ?

ദേശീയ പാത വികസനം

5165.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ പാത വികസനവുമായി ബന്ധപ്പെട്ട് ഭൂമി ഏറ്റെടുക്കുന്നതിന് അന്തിമ വിജ്ഞാപനം വന്നതിന് ശേഷവും വികസനത്തില്‍ ഉൾപ്പെടാത്ത സ്ഥലങ്ങളിലും നിര്‍മ്മാണ പ്രവര്‍ത്തനങ്ങള്‍ നടത്തുന്നതിന് തദ്ദേശസ്വയംഭരണ സ്ഥാപനങ്ങള്‍ അനുമതി നല്‍കാത്ത കാര്യം ശ്രദ്ധയില്‍പെട്ടിട്ടുണ്ടോ;

(ബി)	പ്രസ്തുത പ്രശ്നത്തിന് പരിഹാരം കാണുന്നതിന് പൊതുമരാമത്ത്, തദ്ദേശസ്വയംഭരണം, റവന്യൂ എന്നീ വകുപ്പുകള്‍ സംയുക്തമായി നടപടി സ്വീകരിക്കുമോ എന്നറിയിക്കാമോ?

ദേശീയ പാതകള്‍ക്കായി സ്ഥലം ഏറ്റെടുക്കുന്നതിന്റെ നഷ്ടപരിഹാരം

5166.

(എ)	സംസ്ഥാനത്തെ ദേശീയ പാതകള്‍ക്കായി സ്ഥലം ഏറ്റെടുക്കുമ്പോള്‍ 2013-ല്‍ കേന്ദ്രത്തില്‍ നിലവില്‍ വന്ന എല്‍.എ ആക്ട് പ്രകാരം നഷ്ടപരിഹാരം നല്‍കുവാനുള്ള മാനദണ്ഡം എന്തെല്ലാമാണെന്ന് വിശദീകരിക്കുമോ;

(ബി)	ദേശീയ പാതക്കായി ഏറ്റെടുത്ത സ്ഥലങ്ങളുടെ അന്‍പത് മീറ്റര്‍ പരിധിയില്‍ മറ്റ് നിര്‍മ്മാണ പ്രവര്‍ത്തനങ്ങള്‍ അനുവദിക്കുകയില്ല എന്ന രീതിയില്‍ വ്യാപകമായി നടക്കുന്ന പ്രചരണം സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ; ഇത് സംബന്ധിച്ച് വ്യക്തമായ ഒരു വിശദീകരണം നല്‍കുമോ;

(സി)	ദേശീയപാതകള്‍ക്കിരുവശവും വര്‍ഷങ്ങളായി കെട്ടിടം വാടകക്കെടുത്ത് വ്യാപാരം നടത്തുന്നവരെ സ്ഥലം ഏറ്റെടുക്കലിന്റെ ഭാഗമായി ഒഴിപ്പിക്കുമ്പോള്‍ അവര്‍ക്ക് എങ്ങനെയാണ് നഷ്ടപരിഹാരം ലഭിക്കുക എന്നതിന്റെ വിശദീകരണം നല്‍കുമോ?

ദേശീയപാത വികസന പദ്ധതികൾ

5167.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്ത് ദേശീയപാത വികസനവുമായി ബന്ധപ്പെട്ട് കേന്ദ്ര സര്‍ക്കാര്‍ അനുവദിച്ചിട്ടുള്ള വിവിധ പദ്ധതികളുടെ വിശദാംശങ്ങള്‍ വെളിപ്പെടുത്താമോ?

വേങ്ങര നിയോജകമണ്ഡലത്തില്‍ റസ്റ്റ് ഹൗസ്

5168.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വേങ്ങര നിയോജകമണ്ഡലത്തില്‍ ഒരു സര്‍ക്കാര്‍ ഗസ്റ്റ്ഹൗസോ റസ്റ്റ് ഹൗസോ ഇല്ലാത്തതിനാല്‍ ജനപ്രതിനിധികളും ഉദ്യോഗസ്ഥരും യാത്രികരും അനുഭവിക്കുന്ന പ്രയാസങ്ങള്‍ പരിഗണിച്ച് പുതിയ റസ്റ്റ് ഹൗസ് നിര്‍മ്മിക്കുന്നതിനായി എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദമാക്കാമോ.

(ബി)	ഇല്ലെങ്കില്‍ അടിയന്തരമായി ഒരു റസ്റ്റ് ഹൗസ് സ്ഥാപിക്കുന്നതിന് വേണ്ട നടപടികള്‍ സ്വീകരിക്കാമോ?

റസ്റ്റ് ഹൗസുകളുടെ പ്രവര്‍ത്തനം മെച്ചപ്പെടുത്തുന്നതിന് നടപടി

5169.

(എ)	റസ്റ്റ് ഹൗസുകളിലെത്തുന്ന അതിഥികളോടുള്ള ജീവനക്കാരുടെ സമീപനം കൂടുതല്‍ മെച്ചപ്പെടുത്തുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(ബി)	റസ്റ്റ് ഹൗസുകളുടെ പ്രവര്‍ത്തനം കൂടുതല്‍ അതിഥികളെ ആകര്‍ഷിക്കുന്ന തരത്തില്‍ മെച്ചപ്പെടുത്തുന്നതിന് നടപടികള്‍ സ്വീകരിക്കുമോ?

ഹരിപ്പാട് മണ്ഡലത്തിലെ റസ്റ്റ് ഹൗസിന്റെ നവീകരണം

5170.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഹരിപ്പാട് നിയോജക മണ്ഡലത്തിലെ പി.ഡബ്ല്യു.ഡി. റെസ്റ്റ് ഹൗസിന്റെ നവീകരണത്തിന് ആവശ്യമായ നടപടി സ്വീകരിക്കുമോ;

(ബി)	ഇതിനായി പ്രത്യേക ഫണ്ട് അനുവദിക്കുമോ എന്നറിയിക്കാമോ?

പൊതുമരാമത്ത് വകുപ്പിന് കീഴിലുള്ള വിശ്രമ മന്ദിരങ്ങള്‍

5171.

ശ്രീ.എസ്.ശർമ്മ
,, എസ്.രാജേന്ദ്രന്‍
,, എം. നൗഷാദ്
ശ്രീമതി യു. പ്രതിഭ ഹരി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുമരാമത്ത് വകുപ്പിന് കീഴിലുള്ള വിശ്രമ മന്ദിരങ്ങളുടെ സ്ഥിതി പരിശോധനാവിധേയമാക്കിയിട്ടുണ്ടോ; മികച്ച വാസ സ്ഥലങ്ങള്‍ എന്ന നിലയിലേക്ക് ഇവയെ ഉയര്‍ത്താന്‍ പദ്ധതിയുണ്ടോ;

(ബി)	ഒൗദ്യോഗിക കൃത്യനിര്‍വ്വഹണത്തിനായി എത്തുന്ന ഉദ്യോഗസ്ഥര്‍ ഇല്ലാത്തപ്പോള്‍ പൊതുജനങ്ങള്‍ക്കും ഇവ ഉപയോഗിക്കാമെങ്കിലും ഒഴിവുളളപ്പോള്‍പ്പോലും പൊതുജനങ്ങള്‍ക്ക് മുറി അനുവദിക്കാന്‍ ഉദ്യോഗസ്ഥര്‍ വെെമുഖ്യം കാണിക്കുന്നുവെന്നത് ശ്രദ്ധയില്‍പ്പെട്ടിട്ടുണ്ടോ;

(സി)	പൊതുമരാമത്ത് വകുപ്പ് പാട്ടത്തിന് നല്‍കിയ മൂന്നാര്‍, ആലുവ വിശ്രമമന്ദിരങ്ങള്‍ സ്വകാര്യ വ്യക്തികള്‍ ദുരുപയോഗം ചെയ്യുന്നത് പരിഗണിച്ച് തിരികെയെടുക്കാന്‍ സ്വീകരിച്ച നടപടികള്‍ അറിയിക്കാമോ; പാട്ട വ്യവസ്ഥകള്‍ എന്തൊക്കെയായിരുന്നു;വിശദമാക്കാമോ;

(ഡി)	കുറ്റാലം വിശ്രമ മന്ദിരം സ്വകാര്യ വ്യക്തികള്‍ കെെക്കലാക്കാന്‍ നടത്തിയ നീക്കം തടയാന്‍ കെെക്കൊണ്ട നടപടികള്‍ വ്യക്തമാക്കാമോ; നിലവിലെ സ്ഥിതി അറിയിക്കാമോ?

ഡിസൈന്‍, ഇന്‍വെസ്റ്റിഗേഷന്‍ & ക്വാളിറ്റി കണ്‍ട്രോള്‍ യൂണിറ്റുകള്‍

5172.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ കൂടുതല്‍ ഡിസൈന്‍ യൂണിറ്റുകള്‍ ആരംഭിക്കാന്‍ ഉത്തരവായിട്ടുണ്ടോ; ഉണ്ടെങ്കില്‍ എവിടെയൊക്കെയാണ് അനുവദിക്കുന്നതെന്ന് വ്യക്തമാക്കാമോ;

(ബി)	പൊതുമരാമത്ത് വകുപ്പില്‍ ഇന്‍വെസ്റ്റിഗേഷന്‍ & ക്വാളിറ്റി കണ്‍ട്രോള്‍ യൂണിറ്റുകള്‍ ശക്തിപ്പെടുത്താന്‍ നടപടികള്‍ ഉണ്ടോ; വ്യക്തമാക്കാമോ?

പൊതുമരാമത്ത് വകുപ്പില്‍ അധിക തസ്തിക

5173.

(എ)	പൊതുമരാമത്ത് വകുപ്പില്‍ ജീവനക്കാരുടെ കുറവ് നിര്‍മ്മാണ പ്രവര്‍ത്തനങ്ങളെ ബാധിച്ചിട്ടുണ്ടോ; എങ്കില്‍ അധിക തസ്തിക അനുവദിക്കുന്നതിന് ധനവകുപ്പിനോട് ആവശ്യപ്പെട്ടിട്ടുണ്ടോ; എങ്കില്‍ ഏതെല്ലാം തസ്തികകള്‍ അനുവദിക്കാനാണ് ആവശ്യപ്പെട്ടിട്ടുള്ളത്; വിശദാംശം ലഭ്യമാക്കുമോ;

(ബി)	ഉദ്യോഗസ്ഥരുടെ കുറവ് പരിഹരിക്കുന്നതിന് ഏതെങ്കിലും തരത്തിലുള്ള കരാര്‍ നിയമനങ്ങളോ / താല്‍ക്കാലിക നിയമനങ്ങളോ നടത്തിയിട്ടുണ്ടോ; എങ്കില്‍ ഇത്തരത്തില്‍ എത്ര നിയമനങ്ങള്‍ നടത്തിയിട്ടുണ്ട്; വിശദാംശം ലഭ്യമാക്കുമോ?

റ്റി.ആര്‍.ഡി.സി.എല്‍- ന്റെ അനുമതി തേടാതെ റോഡ് വെട്ടിക്കുഴിച്ചുവെന്ന പരാതി

5174.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വെളളയമ്പലം കവടിയാര്‍ റോഡില്‍ ക്യാമറകള്‍ സ്ഥാപിക്കുന്നതിനായി മോട്ടോര്‍ വെഹിക്കിള്‍ വിഭാഗം, റ്റി.ആര്‍.ഡി.സി.എല്‍-ന്റെ അനുമതി തേടാതെ റോഡ് വെട്ടിക്കുഴിച്ചുവെന്ന പരാതി ശ്രദ്ധയില്‍പെട്ടിട്ടുണ്ടോ;

(ബി)	ക്യാമറ സ്ഥാപിക്കുന്നതിനായി സ്ഥാപിച്ച സ്പെയിസ് ഫ്രെയിമിന് പൊക്കം കുറവാണെന്നും, തുമ്പയില്‍ നിന്നും വലിയമലയ്ക്ക് വലിയ കണ്ടെയിനറുകള്‍ പോകുന്നതിന് അത് തടസ്സമാകുമെന്നും കണ്ടെത്തിയിട്ടുണ്ടോ;

(സി)	റ്റി.ആര്‍.ഡി.സി.എല്‍ നിര്‍മ്മിച്ച റോഡുകളില്‍ കമ്പനിയുടെ അനുമതിയില്ലാതെ നിര്‍മ്മാണ പ്രവര്‍ത്തനങ്ങള്‍ നടത്തുന്നത് തടയുമോയെന്ന് വ്യക്തമാക്കാമോ?

മലയോര ഹൈവേയുടെ ചെറുപുഴ മുതല്‍ പള്ളിത്തോട് വരെയുള്ള പ്രവൃത്തി

5175.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഡി.എഫ്.ഐ.പി. പദ്ധതിയില്‍ ഊരാളുങ്കല്‍ സൊസൈറ്റി പ്രവൃത്തി ചെയ്യുന്ന മലയോര ഹൈവേയുടെ ചെറുപുഴ മുതല്‍ പള്ളിത്തോട് വരെയുള്ള ഭാഗത്തിന്റെ പ്രവൃത്തി ഏതു ഘട്ടത്തിലാണെന്ന് അറിയിക്കുമോ;

(ബി)	ഈ റോഡിലെ ചെറുപുഴ - ആലങ്കോട് - പുറ‍ഞ്ഞാണ്‍ ഭാഗത്തെ പ്രവൃത്തി എന്നത്തേക്ക് പൂര്‍ത്തിയാക്കാന്‍ കഴിയുമെന്ന് അറിയിക്കുമോ;

(സി)	ഇതിന്റെ എസ്റ്റിമേറ്റില്‍ ഉള്‍പ്പെടുത്തിയ ട്രാഫിക് സുരക്ഷാ പ്രവൃത്തികള്‍, ജംഗ്ഷനുകളിലെ ട്രാഫിക് സിഗ്നല്‍, ഫുട്പാത്ത് നിര്‍മ്മാണം തുടങ്ങിയവയുടെ നടപടി സ്വീകരിച്ചിട്ടുണ്ടോ;

(ഡി)	ഈ റോഡിലെ നുച്ചാട് പാലത്തിന്റെ പ്രവൃത്തി ഏതു ഘട്ടത്തിലാണ്;

(ഇ)	നടുവില്‍ ഭാഗത്ത് ഗ്രാമീണ കുടിവെള്ള പദ്ധതിക്കായി പൈപ്പ് മാറ്റിയിടാന്‍ വേണ്ടി വാട്ടര്‍സപ്ലൈ യൂട്ടിലിറ്റി ഷിഫ്റ്റിങ്ങിന് മാറ്റിവെച്ച 40 ലക്ഷം രൂപയില്‍ നിന്നും ആവശ്യമായ തുക വാട്ടര്‍ അതോറിറ്റിക്ക് നല്‍കാന്‍ നടപടി സ്വീകരിക്കുമോ?

കൊല്ലം ബൈപ്പാസ്

5176.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ബൈപ്പാസ് നിര്‍മ്മാണം നിലവില്‍ ഏതു ഘട്ടത്തിലാണ്;

(ബി)	ബൈപ്പാസ് നിര്‍മ്മാണം വേഗത്തിലാക്കാന്‍ ഈ സര്‍ക്കാര്‍ അധികാരത്തില്‍ വന്ന ശേഷം നടത്തിയ പ്രവര്‍ത്തനങ്ങള്‍ എന്തെല്ലാമാണ്;

(സി)	ബൈപ്പാസ് എന്നത്തേയ്ക്ക് പൂര്‍ണമായും ഗതാഗത സജ്ജമാക്കാനാണ് നിലവില്‍ ആലോചിക്കുന്നതെന്ന് വെളിപ്പെടുത്തുമോ?

കണ്ണൂർ ജില്ലയിലെ റോഡുകൾ

5177.

(എ)	പുതിയതായി ത്രിതല പഞ്ചായത്തുകളുടെയും നഗരസഭയുടെയും ഉടമസ്ഥതയില്‍ ഉള്ള റോഡുകള്‍ പൊതുമരാമത്ത് വകുപ്പ് ഏറ്റെടുക്കുവാന്‍ ഉദ്ദേശിക്കുന്നുണ്ടോ;

(ബി)	ഉണ്ടെങ്കില്‍ അതിനുള്ള നടപടിക്രമങ്ങള്‍ എന്തെല്ലാമാണ്;

(സി)	കണ്ണൂര്‍ ജില്ലയില്‍ 2016 മെയ് ഒന്നിനു ശേഷം ഏതെല്ലാം റോഡുകള്‍ക്ക് ഭരണാനുമതി നല്‍കിയെന്നും ഏതെല്ലാം റോഡുകള്‍ക്ക് ടെന്‍ഡര്‍ വിളിച്ചുവെന്നും വെളിപ്പെടുത്തുമോ?

കേണല്‍ നിരഞ്ജന്‍ സ്മാരക റോഡ് നിര്‍മ്മാണം

5178.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18 വര്‍ഷത്തെ ബജറ്റില്‍ ഉള്‍പ്പെട്ടിരുന്ന ഒറ്റപ്പാലം നിയോജകമണ്ഡലത്തില്‍പ്പെടുന്ന എടായിക്കല്‍-കൂട്ടിലക്കടവ് കേണല്‍ നിരഞ്ജന്‍ സ്മാരക റോഡ് നിര്‍മ്മാണത്തിന്റെ ഭരണാനുമതിയ്ക്കുള്ള ഫയല്‍ സര്‍ക്കാരിന് ലഭിച്ചിട്ടുണ്ടോ; എങ്കില്‍ എന്നാണ് ലഭിച്ചത്; വിശദാംശം ലഭ്യമാക്കാമോ;

(ബി)	എത്ര തുകയ്ക്കുളള എസ്റ്റിമേറ്റാണ് ഭരണാനുമതിക്കായി സര്‍ക്കാരിന് ലഭിച്ചിരിക്കുന്നത്;

(സി)	ഭരണാനുമതി നല്‍കുന്നതിലെ കാലതാമസം ഒഴിവാക്കുന്നതിന് എന്തെല്ലാം നടപടികള്‍ സ്വീകരിക്കും എന്ന് വ്യക്തമാക്കാമോ;

(ഡി)	പ്രസ്തുത റോഡ് നിര്‍മ്മിക്കുന്നതിന് എന്ന് ഭരണാനുമതി നൽകും എന്ന് അറിയിക്കാമോ?

ചേലക്കര മണ്ഡലത്തിലെ പൊതുമരാമത്ത് റോഡുകളുടെ അറ്റകുറ്റപ്പണി

5179.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര നിയോജക മണ്ഡലത്തില്‍ പൊതുമരാമത്ത് വകുപ്പിന്റെ എത്ര റോഡുകളുണ്ട്; ഇവ ഓരോന്നിന്റെയും പേരുവിവരവും നീളവും വ്യക്തമാക്കാമോ;

(ബി)	മണ്ഡലത്തില്‍ പൊതുമരാമത്ത് റോഡുകളുടെ അറ്റകുറ്റപ്പണിക്കായി 2017-18-ല്‍ എത്ര കോടി രൂപ അനുവദിച്ചിരുന്നു;

(സി)	ഏതെല്ലാം റോഡുകളിലാണ് അറ്റകുറ്റപ്പണി നടത്തിയിട്ടുള്ളത്; ഓരോ റോഡിനും അനുവദിച്ച തുക എത്രയാണ്;

(ഡി)	ഏതെല്ലാം റോഡുകളിലാണ് അറ്റകുറ്റപ്പണി ഇനിയും പൂര്‍ത്തീകരിക്കാനുള്ളത്; വിശദാംശം വ്യക്തമാക്കുമോ?

കണ്ണൂര്‍ ജില്ലയിൽ സി.ആർ.എഫ്.ൽ പെടുത്തിയ റോഡുകള്‍

5180.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കണ്ണൂര്‍ ജില്ലയില്‍ സെന്‍ട്രല്‍ റോഡ് ഫണ്ടില്‍ ഉള്‍പ്പെടുത്തി പ്രവൃത്തി നടന്നുവരുന്ന റോഡുകള്‍ ഏതൊക്കെയാണ്; പ്രസ്തുത റോഡുകളുടെ നിര്‍മ്മാണ പുരോഗതി അറിയിക്കാമോ?

വാമനപുരം നിയോജകമണ്ഡലത്തിലെ പി.ഡബ്ള്യൂ.ഡി റോഡുകള്‍

5181.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജകമണ്ഡലത്തില്‍ പി.ഡബ്ള്യൂ.ഡി യ്ക്ക് കീഴിലുള്ള റോഡുകള്‍ ഏതെല്ലാമെന്നും ഓരോ റോഡും എത്ര കിലോമീറ്റര്‍ വീതമാണെന്നും വ്യക്തമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം പ്രസ്തുത റോഡുകളുടെ അറ്റകുറ്റപ്പണികള്‍ക്കായി എസ്.എൽ.ടി.എഫ്. (സ്റ്റേറ്റ് ലെവല്‍ ടാസ്ക് ഫോഴ്സ്) -ല്‍ നിന്നും എത്ര തുക ചെലവഴിച്ചുവെന്ന് വ്യക്തമാക്കാമോ;

(സി)	പ്രസ്തുത മണ്ഡലത്തിലെ പി.ഡബ്ള്യൂ.ഡി റോഡുകളുടെ മാപ് (map) ലഭ്യമാക്കാമോ?

ചാലക്കുടി മണ്ഡലത്തിലെ റോഡ് നവീകരണം

5182.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

കഴിഞ്ഞ ബജറ്റുകളില്‍ അനുവദിച്ചിട്ടുള്ളതും കിഫ്ബി വഴി ഫണ്ട് അനുവദിച്ച് നടപ്പാക്കുന്നതുമായ ചാലക്കുടി മണ്ഡലത്തിലെ മുരിങ്ങൂര്‍ -ഏഴാറ്റുമുഖം റോഡ്, പൂവ്വത്തിങ്കല്‍-കുറ്റിക്കാട്-മോതിരക്കണ്ണി റോഡ്, ചാലക്കുടി-വെള്ളിക്കുളങ്ങര-കുറ്റിച്ചിറ-മോതിരക്കണ്ണി റോഡ് എന്നീ റോഡുകളുടെ നവീകരണത്തിനായുള്ള നടപടികള്‍ ഏത് ഘട്ടത്തിലാണെന്ന് അറിയിക്കുമോ ;

(ബി)	പ്രസ്തുത റോഡുകളുടെ നിര്‍മ്മാണം ആരംഭിക്കുന്നതിനാവശ്യമായ അടിയന്തര നടപടികള്‍ സ്വീകരിക്കുമോ?

ചാവക്കാട്-കാഞ്ഞാണി റോഡ് വികസനം

5183.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃശുര്‍ ജില്ലയില്‍ ചാവക്കാട് കാഞ്ഞാണി റോഡില്‍ പൂവത്തുര്‍ മുതല്‍ കാഞ്ഞാണി വരെയുള്ള റോഡുവികസനവുമായി ബന്ധപ്പെട്ട് സ്വീകരിച്ച നടപടികള്‍ എന്തെല്ലാമാണ്;

(ബി)	പ്രസ്തുത പ്രവൃത്തിയുടെ എസ്റ്റിമേറ്റ് തുക എത്രയാണ് ; ഈ പ്രവൃത്തിയുടെ ടെണ്ടര്‍ നടപടികള്‍ പൂര്‍ത്തീകരിച്ചിട്ടുണ്ടോ; എസ്റ്റിമേറ്റ് പ്രകാരം എന്തെല്ലാം പ്രവൃത്തികളാണ് ഉള്‍പ്പെടുത്തിയിരിക്കുന്നത്;

(സി)	ഈ പ്രവൃത്തി എന്നത്തേക്ക് പൂര്‍ത്തീകരിക്കാനാകുമെന്നാണ് പ്രതീക്ഷിക്കുന്നത്; വിശദാംശം വെളിപ്പെടുത്താമോ?

കോഴിക്കോട് നഗര റോഡ് വികസന പദ്ധതി

5184.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് നഗര റോഡ് വികസന പദ്ധതി ഏത് ഘട്ടത്തിലാണ്;

(ബി)	നഗര റോഡ് വികസന പദ്ധതി ഏതെങ്കിലും പുതിയ നഗരങ്ങളിലേക്ക് കൂടി വ്യാപിപ്പിക്കുവാന്‍ പദ്ധതിയുണ്ടോ; വിശദാംശം നല്‍കുമോ; ഇതിന്റെ പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോ;

(സി)	പ്രസ്തുത നവീകരണ പ്രവര്‍ത്തനങ്ങള്‍ എപ്രകാരമാണ് നടപ്പിലാക്കുവാന്‍ ഉദ്ദേശിക്കുന്നത്;വിശദമാക്കാമോ?

ബാലുശ്ശേരി മുക്കിലെ ഗതാഗത കുരുക്ക്

5185.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട്- ബാലുശ്ശേരി റോഡ്, കൊയിലാണ്ടി -താമരശ്ശേരി റോഡ് എന്നീ റോഡുകള്‍ ചേരുന്ന ബാലുശ്ശേരി മുക്കിലെ ഗതാഗത കുരുക്ക് ശ്രദ്ധയില്‍പ്പെട്ടിട്ടുണ്ടോ;

(ബി)	ബാലുശ്ശേരി മുക്ക് വീതി കൂട്ടി നവീകരിക്കുന്നതിന് സര്‍ക്കാര്‍ സ്വീകരിച്ച് വരുന്ന നടപടികള്‍ എന്തൊക്കെയാണെന്നറിയിക്കാമോ;

(സി)	ബാലുശ്ശേരി മുക്ക് നവീകരണവുമായി ബന്ധപ്പെട്ട ലാന്റ് അക്വിസിഷന്‍ നടപടികള്‍ക്ക് എന്തെങ്കിലും കേസുകള്‍ നിലവിലുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ?

ബാലുശ്ശേരി മണ്ഡലത്തിലെ പി.ഡബ്ള്യു.ഡി. റോഡുകള്‍

5186.

(എ)	ബാലുശ്ശേരി മണ്ഡലത്തില്‍ എത്ര കിലോ മീറ്റര്‍ പി.ഡബ്ള്യു.ഡി. റോഡുകള്‍ ഉണ്ടെന്നറിയിക്കാമോ; ഇതില്‍ എത്ര കിലോ മീറ്റര്‍ ആധുനിക രീതിയില്‍ ബി.എം.& ബി.സി. ചെയ്ത് പരിഷ്കരിച്ചിട്ടുണ്ട്;

(ബി)	മണ്ഡലത്തിലെ റോഡുകളുടെ ശോച്യാവസ്ഥ പരിഹരിക്കുന്നതിനായി പൊതുമരാമത്ത് വകുപ്പ് സ്വീകരിച്ചുവരുന്ന നടപടികള്‍ എന്തൊക്കെയാണെന്ന് അറിയിക്കാമോ;

(സി)	സി.ആര്‍.എഫ്.ഫണ്ട് വിനിയോഗിച്ച് റോഡ് പരിഷ്കരിക്കുന്നതിന് എന്തെങ്കിലും മാനദണ്ഡങ്ങള്‍ നിശ്ചയിച്ചിട്ടുണ്ടോ;

(ഡി)	ബാലുശ്ശേരി മണ്ഡലത്തില്‍ സി.ആര്‍.എഫ് ഫണ്ട് വിനിയോഗിച്ച് പരിഷ്കരിക്കാന്‍ കഴിയുന്ന റോഡുകളുടെ ലിസ്റ്റ് ലഭ്യമാക്കാമോ?

മാവേലിക്കര മണ്ഡലത്തിലെ റോഡുകളും പാലങ്ങളും

5187.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയമസഭാമണ്ഡലത്തിലെ കല്ലുമല - കോട്ടമുക്ക് റോഡ്, കരയംവട്ടം -പൊറ്റമേല്‍കടവ് റോഡ്, കോട്ടപ്പുഴക്കല്‍ -തഴവ റോഡ്, കല്‍കുളത്താല്‍ പാലം, ചത്തിയറ പാലം, ദേവപ്പുരക്കല്‍ പാലം എന്നിവയുടെ എസ്റ്റിമേറ്റ് തയ്യാറാക്കി സമര്‍പ്പിച്ചത് ശ്രദ്ധയില്‍പെട്ടിട്ടുണ്ടോ;

(ബി)	പ്രസ്തുത പ്രവൃത്തികളുടെ ഭരണാനുമതിക്ക് പൊതുമരാമത്ത് റോഡ്സ് & ബ്രിഡ്ജസ് വിഭാഗങ്ങള്‍ സ്വീകരിച്ച നടപടികള്‍ വിശദമാക്കുമോ;

(സി)	ഈ പ്രവൃത്തികള്‍ക്ക് ഭരണാനുമതി ലഭ്യമാക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കുമോ?

ശ്രീകണ്ഠപുരം ടൗണ്‍ നവീകരണം

5188.

(എ)	ശ്രീകണ്ഠപുരം ടൗണ്‍ നവീകരണം, ശ്രീകണ്ഠപുരം-ചെമ്പന്തൊട്ടി-നടുവില്‍ റോഡിന്റെ നവീകരണ പ്രവൃത്തി എന്നിവ ഓരോന്നും ഏത് ഘട്ടത്തിലാണെന്ന് വ്യക്തമാക്കാമോ;

(ബി)	ഇൗ പ്രവൃത്തികള്‍ക്ക് ഭരണാനുമതി നല്‍കി ടെണ്ടര്‍ ചെയ്യാന്‍ നടപടി സ്വീകരിക്കുമോ എന്നറിയിക്കാമോ?

കരുനാഗപ്പള്ളി - പത്തനാപുരം സംസ്ഥാന പാത

5189.

(എ)	കരുനാഗപ്പളളി മണ്ഡലത്തിലെ കാട്ടില്‍കടവില്‍ നിന്നാരംഭിച്ച് ചക്കുവളളി- മലനട-കടമ്പനാട്-ഏനാത്ത്-പത്തനാപുരം വരെ നിലവിലുളള റോഡുകളെ ബന്ധിപ്പിച്ച് സംസ്ഥാന പാത നിര്‍മ്മിക്കുന്നതിനുളള സാദ്ധ്യതകള്‍ പരിശോധിച്ചിട്ടുണ്ടോ; വിശദീകരിക്കുമോ;

(ബി)	ഇത് സംബന്ധിച്ച് നിവേദനം ലഭിച്ചിട്ടുണ്ടോ; ആയതിന്മേല്‍ എന്ത് നടപടി സ്വീകരിച്ചുവെന്ന് വിശദീകരിക്കുമോ;

(സി)	പ്രസ്തുത റോഡുകളെ ബന്ധിപ്പിച്ചുകൊണ്ട് സംസ്ഥാന പാതയായി പ്രഖ്യാപിക്കുന്നതിന് നടപടി സ്വീകരിക്കുമോ; വിശദീകരിക്കുമോ?

ഒറ്റപ്പാലത്തെ ഗ്രാമീണ റോഡുകൾ

5190.

(എ)	ഈ സര്‍ക്കാര്‍ അധികാരത്തില്‍ വന്നശേഷം ഒറ്റപ്പാലം അസംബ്ലി മണ്ഡലത്തിലെ ഏതെല്ലാം ഗ്രാമീണ റോഡുകള്‍ പൊതുമരാമത്ത് വകുപ്പ് ഏറ്റെടുത്തിട്ടുണ്ട്; വിശദാംശം ലഭ്യമാക്കാമോ;

(ബി)	പൊതുമരാമത്ത് വകുപ്പ് ഏറ്റെടുക്കണം എന്ന് ആവശ്യപ്പെട്ട് സര്‍ക്കാരിലേയ്ക്ക് സമര്‍പ്പിക്കപ്പെട്ട ഒറ്റപ്പാലം അസംബ്ലി മണ്ഡലത്തിലെ ഗ്രാമീണ റോഡുകള്‍ ഏതെല്ലാമെന്ന് വ്യക്തമാക്കാമോ; പ്രസ്തുത റോഡുകള്‍ ഏറ്റെടുക്കുന്നതിലെ പുരോഗതി വിശദീകരിക്കാമോ?

നെയ്യാറ്റിന്‍കര മണ്ഡലത്തിലെ സി. ആ൪. എഫ് പ്രവൃത്തികൾ

5191.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

നെയ്യാറ്റിന്‍കര നിയോജകമണ്ഡലത്തിലെ സംസ്ഥാന സര്‍ക്കാര്‍ ഭരണാനുമതി നല്‍കിയ സി. ആർ. എഫ് ഫണ്ട് ഉപയോഗിച്ച് നിര്‍മ്മാണ പ്രവര്‍ത്തനം നടത്തുന്ന നെയ്യാറ്റിന്‍കര - പൂവ്വാര്‍ പട്ടിക കാല - പരണിയം റോഡിന്റെ ടെണ്ടര്‍ നടപടി പൂര്‍ത്തിയായിട്ടുണ്ടോ എന്ന് അറിയിക്കുമോ ; എത്ര കോടി രൂപയ്ക്കാണ് പ്രസ്തുത പണികള്‍ ടെണ്ടര്‍ നല്‍കിയതെന്ന് അറിയിക്കുമോ;

(ബി)	സി. ആർ. എഫ്. ഫണ്ട് ഉപയോഗിച്ച് നിര്‍മ്മിക്കുന്ന റോഡുകളുടെ ഭരണാനുമതിയ്ക്കായി ശിപാര്‍ശ ചെയ്യുന്നത് സംസ്ഥാനത്തിലെ എം. എല്‍. എ. മാരാണോ എം പി മാരാണോ എന്ന് വ്യക്തമാക്കാമോ;

(സി)	സി. ആർ.എഫ് ഫണ്ട് കേന്ദ്ര ഗവണ്‍മെന്റ് സംസ്ഥാനത്തിന് നല്‍കുന്നത് സംസ്ഥാനത്തിന് ലഭിക്കേണ്ട ഏത് ഫണ്ടില്‍ നിന്നെന്ന് വ്യക്തമാക്കുമോ;

(ഡി)	സി .ആർ. എഫ് ഫണ്ട് 2017 -18 ല്‍ ഭരണാനുമതി നല്‍കുന്നതിനുള്ള നടപടിക്രമങ്ങള്‍ പൂര്‍ത്തീകരിച്ചിട്ടുണ്ടോ എന്ന് വ്യക്തമാക്കാമോ?

കെ.സി. പാലത്തിന്റെ പുനര്‍നിര്‍മ്മാണം

5192.

ശ്രീ.സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചങ്ങനാശ്ശേരി-ആലപ്പുഴ ബോട്ട് റൂട്ട് കനാലില്‍ കിടങ്ങറയിലുള്ള കെ.സി. പാലത്തിന്റെ ഉയരം കുറവായതുകൊണ്ട് എല്ലാ ബോട്ടുകളും കടന്നുപോകത്തക്ക രീതിയില്‍ പ്രസ്തുത പാലം ഉയര്‍ത്തിപ്പണിയാന്‍ നടപടി സ്വീകരിച്ചിട്ടുണ്ടോ;

(ബി)	എങ്കില്‍ ഇപ്പോള്‍ നിര്‍മ്മാണ നടപടികള്‍ ഏതുഘട്ടത്തിലാണെന്ന് വ്യക്തമാക്കുമോ;

(സി)	ചങ്ങനാശ്ശേരിയില്‍ ടൂറിസം വികസനത്തിനും എല്ലായിനം ടൂറിസ്റ്റ് ബോട്ടുകളും യാത്രാബോട്ടുകളും എത്തുന്നതിനും സാഹചര്യം സൃഷ്ടിയ്ക്കുന്ന പ്രസ്തുത നിര്‍മ്മാണ പ്രവര്‍ത്തനം ത്വരിതപ്പെടുത്തുന്നതിനുള്ള നടപടി സ്വീകരിക്കുമോ?

മങ്കട മണ്ഡലത്തിലെ അപകടനിലയിലുള്ള പാലങ്ങള്‍

5193.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മങ്കട നിയോജകമണ്ഡലത്തിലെ അപകടനിലയിലുള്ള പാലങ്ങളുടെ നവീകരണം സംബന്ധിച്ച പദ്ധതികള്‍ ഏതെങ്കിലും നിലവിലുണ്ടോ;

(ബി)	അപകട നിലയിലായ പാലങ്ങള്‍ പുനര്‍നിര്‍മ്മിക്കുന്നതിന് ഡി.പി.ആര്‍. തയ്യാറാക്കുവാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കുമോ എന്ന് അറിയിക്കാമോ?

കോരപ്പുഴ, മൂരാട് പാലങ്ങളുടെ പുനര്‍നിര്‍മ്മാണം

5194.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി നിയോജക മണ്ഡലത്തിലെ കോരപ്പുഴ, മൂരാട് എന്നീ പാലങ്ങളുടെ പുനര്‍നിര്‍മ്മാണത്തിന് ബജറ്റില്‍ എത്ര രൂപയാണ് നീക്കിവച്ചത് ;

(ബി)	ഈ പാലങ്ങളുടെ പുനര്‍നിര്‍മ്മാണവുമായി ബന്ധപ്പെട്ട് തടസ്സങ്ങള്‍ എന്തെങ്കിലും നിലവിലുണ്ടോ; വ്യക്തമാക്കാമോ;

(സി)	ഇതുമായി ബന്ധപ്പെട്ട് എന്തെല്ലാം നടപടിക്രമങ്ങള്‍ നാളിതുവരെ പൂര്‍ത്തീകരിച്ചിട്ടുണ്ടെന്ന് വ്യക്തമാക്കാമോ?

ഓടങ്കല്ല് പാലത്തിന് ഭരണാനുമതി

5195.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് നിയോജകമണ്ഡലത്തിലെ ഓടങ്കല്ല് പാലത്തിന് ഭരണാനുമതി ലഭിച്ചിട്ടുണ്ടോ എന്ന് വ്യക്തമാക്കാമോ;

(ബി)	എങ്കില്‍ എപ്പോഴാണ് ഭരണാനുമതി ലഭിച്ചതെന്നും തുക എത്രയാണെന്നും വ്യക്തമാക്കാമോ;

(സി)	ഇല്ലെങ്കില്‍ ഇതിന്റെ എസ്റ്റിമേറ്റ് തയ്യാറായിട്ടുണ്ടോ എന്നും ഭരണാനുമതി എപ്പോള്‍ ലഭ്യമാകുമെന്നും വ്യക്തമാക്കാമോ;

(ഡി)	എസ്റ്റിമേറ്റ് തയ്യാറായിട്ടില്ലെങ്കില്‍ കാലവിളംബത്തിനുള്ള കാരണമെന്താണെന്ന് വ്യക്തമാക്കാമോ;

(ഇ)	ഈ പാലം കിഫ്ബിയില്‍ ഉള്‍പ്പെടുത്തിയിട്ടുണ്ടോ എന്നും ഏത് വര്‍ഷത്തെ ബജറ്റ് പ്രസംഗത്തിലാണ് ഇതുസംബന്ധിച്ച പ്രഖ്യാപനം ഉണ്ടായതെന്നും വ്യക്തമാക്കാമോ;

(എഫ്)

കിഫ്ബിയില്‍ ഉള്‍പ്പെടുത്തി നേരത്തെ പ്രഖ്യാപിച്ചതാണെങ്കില്‍ ഈ പാലം എപ്പോള്‍ യാഥാര്‍ത്ഥ്യമാകുമെന്ന് വ്യക്തമാക്കാമോ?

മണക്കായികടവ് പാലം നിര്‍മ്മാണം

5196.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മട്ടന്നൂര്‍ നിയോജകമണ്ഡലത്തിലെ മണക്കായികടവ് പാലം നിര്‍മ്മാണം ഇപ്പോള്‍ ഏതുഘട്ടത്തിലാണെന്ന് വ്യക്തമാക്കുമോ;

(ബി)	പ്രസ്തുത പാലം നിര്‍മ്മാണം എപ്പോള്‍ പൂര്‍ത്തീകരിച്ച് ഗതാഗതത്തിന് തുറന്നുകൊടുക്കുവാന്‍ കഴിയുമെന്ന് വ്യക്തമാക്കുമോ?

തൃക്കുറ്റിശ്ശേരി വയല്‍ പീടിക പാലം പുനർനിർമ്മാണം

5197.

(എ)	ബാലുശ്ശേരി കൂരാച്ചുണ്ട് പ്രധാന പാതയിലെ തൃക്കുറ്റിശ്ശേരി വയല്‍ പീടിക പാലം തകര്‍ന്നത് ശ്രദ്ധയില്‍പ്പെട്ടിട്ടിണ്ടോ;

(ബി)	പാലം പുതുക്കി പണിയുന്നതിന് ഭരണാനുമതി നല്‍കിയിട്ടുണ്ടോ;പാലം പുതുക്കി പണിയാന്‍ അടിയന്തര നടപടി സ്വീകരിക്കുമോ;വ്യക്തമാക്കാമോ?

കുടുവീട്ടിക്കടവ് പാലത്തിന്റെ നിര്‍മ്മാണം

5198.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കാട്ടാക്കട മണ്ഡലത്തെ പാറശാല മണ്ഡലവുമായി ബന്ധിപ്പിക്കുന്ന കുടുവീട്ടിക്കടവ് പാലത്തിന്റെ നിര്‍മ്മാണ പ്രവര്‍ത്തനങ്ങള്‍ എന്തായെന്ന് വിശദമാക്കാമോ; തുടര്‍നടപടികള്‍ എന്താണെന്ന് വെളിപ്പെടുത്താമോ?

ദേശീയ പാത വികസനത്തിന്റെ ഭാഗമായുള്ള പുനരധിവാസം

5199.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ പാത നാലുവരിപ്പാതയാക്കുന്നതിന്റെ ഭാഗമായി മലപ്പുറം ജില്ലയിലെ ചേലേമ്പ്ര പഞ്ചായത്തില്‍ നിലവിലെ റോഡില്‍ നിന്ന് മാറി അലെെൻമെന്റ് പോകുമ്പോള്‍ എത്ര കുടുംബങ്ങളെ പുനരധിവസിപ്പിക്കേണ്ടി വരും; പുനരധിവസിപ്പിക്കേണ്ട കുടുംബങ്ങളുടെ വിശദ വിവരങ്ങള്‍ വ്യക്തമാക്കാമോ;

(ബി)	ഏ.ആര്‍. നഗറില്‍ കൊളപ്പുറത്ത് ദേശീയപാത നാലുവരിപ്പാതയാക്കുമ്പോള്‍ കുടുംബങ്ങളെ പുനരധിവസിപ്പിക്കേണ്ടി വരുമോ ; ഉണ്ടെങ്കില്‍ കുടുംബങ്ങളുടെ വിശദാംശം വ്യക്തമാക്കുമോ;

(സി)	ഇത്തരത്തില്‍ കുടിയൊഴിപ്പിക്കേണ്ടിവരുന്ന കുടുംബങ്ങളെ പുനരധിവസിപ്പിക്കുവാൻ എന്തെങ്കിലും പദ്ധതി സര്‍ക്കാര്‍ ആവിഷ്കരിക്കുന്നുണ്ടോ;

(ഡി)	നാലുവരിപാത വികസനത്തില്‍ മലപ്പുറം ജില്ലയില്‍ ഏതെല്ലാം പൊതുസ്ഥാപനങ്ങള്‍, ആരാധനാലയങ്ങള്‍ എന്നിവ പൊളിക്കേണ്ടി വരും ; വിശദാംശം ലഭ്യമാക്കാമോ?

ആലപ്പുഴ-ചങ്ങനാശ്ശേരി-വാഴൂര്‍ ദേശീയപാതയുടെ നിര്‍മ്മാണം

5200.

(എ)	ആലപ്പുഴയില്‍ നിന്ന് ചങ്ങനാശ്ശേരി വഴി വാഴൂര്‍ റോഡില്‍ എത്തുന്ന വിധം കേന്ദ്ര സർക്കാർ പ്രഖ്യാപിച്ചിരിക്കുന്ന പുതിയ ദേശീയ പാതയുടെ നിര്‍മ്മാണനടപടികള്‍ ആരംഭിച്ചിട്ടുണ്ടോ;

(ബി)	എങ്കിൽ ആയത് ഏത് ഘട്ടത്തിലാണെന്ന് വ്യക്തമാക്കാമോ?

ചേര്‍ത്തല - കഴക്കൂട്ടം ദേശീയപാത വികസനം

5201.

(എ)	ചേര്‍ത്തല - കഴക്കൂട്ടം ദേശീയപാത വികസനത്തിനായി ഈ സര്‍ക്കാര്‍ അധികാരത്തില്‍ എത്തിയ ശേഷം നടത്തിയ പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കുമോ;

(ബി)	പ്രസ്തുത ദേശീയപാത വികസനത്തിനായി സ്ഥലമേറ്റെടുക്കുന്നത് സംബന്ധിച്ച് അവശേഷിക്കുന്ന പ്രവര്‍ത്തനങ്ങള്‍ എന്തെല്ലാമാണ്;

(സി)	നടപടിക്രമങ്ങള്‍ പൂര്‍ത്തീകരിച്ച് നിര്‍മ്മാണം എന്നേയ്ക്ക് ആരംഭിക്കാന്‍ കഴിയും എന്നാണ് പ്രതീക്ഷിക്കുന്നത്?

ദേശീയപാതയ്ക്ക് സമീപമുള്ള പെട്രോള്‍ പമ്പുകളില്‍ പൊതുശൗചാലയങ്ങള്‍

5202.

(എ)	ദേശീയപാതയ്ക്ക് സമീപമുള്ള പെട്രോള്‍ പമ്പുകളില്‍ വൃത്തിയും സൗകര്യവുമുള്ള പൊതുശൗചാലയങ്ങള്‍ നിര്‍ബന്ധമാക്കിയിട്ടുണ്ടോ എന്ന് വ്യക്തമാക്കുമോ;

(ബി)	ഇത് സംബന്ധിച്ച സര്‍ക്കുലര്‍ കേന്ദ്രത്തില്‍ നിന്ന് കിട്ടിയിട്ടുണ്ടെങ്കില്‍ പ്രസ്തുത സര്‍ക്കുലറിന്റെ പകര്‍പ്പ് ലഭ്യമാക്കുമോ;

(സി)	കേരളത്തില്‍ ദേശീയപാതയ്ക്കു സമീപം എത്ര പെട്രോള്‍ പമ്പുകളുണ്ടെന്നും കേന്ദ്ര റോഡ് ഗതാഗത മന്ത്രാലയം നിഷ്‍ കര്‍ഷിക്കുന്നത് പോലെയുള്ള ശൗചാലയങ്ങള്‍ നിര്‍മ്മിക്കാന്‍ എത്ര ചെലവ് വരുമെന്നും ഈ ചെലവ് ആര് വഹിക്കുമെന്നും വ്യക്തമാക്കുമോ?

നേമം യു.പി. എസ്.ന് പുതിയ കെട്ടിടം

5203.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന- കളിയിക്കാവിള ഹൈവേ വികസനത്തിന്റെ ഭാഗമായി പൊളിച്ചു മാറ്റിയ നേമം യു.പി. എസ്. ന് പകരമായി പുതിയ കെട്ടിടം നിര്‍മ്മിക്കുന്നതിന്റെ പണി നിര്‍ത്തി വച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; ആയതിന്റെ കാരണം വിശദമാക്കാമോ;

(ബി)	പ്രസ്തുത സ്കൂള്‍ കെട്ടിടം അടിയന്തര പ്രാധാന്യത്തോടെ പൂര്‍ത്തിയാക്കുന്നതിന് നടപടി സ്വീകരിക്കുമോ?

പള്ളുരുത്തി മിനി സിവില്‍ സ്റ്റേഷന്‍

5204.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിയോജകമണ്ഡലം ആസ്തി വികസന പദ്ധതിയില്‍ നിന്നും തുക അനുവദിച്ചിട്ടുള്ള എറണാകുളം ജില്ലയിലെ പള്ളുരുത്തി മിനി സിവില്‍ സ്റ്റേഷന്റെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിലെ കാലതാമസത്തിന് കാരണം വ്യക്തമാക്കാമോ;

(ബി)	പ്രസ്തുത പ്രവൃത്തിക്ക് എന്നാണ് ഭരണാനുമതി നല്കിയതെന്നും ഭരണാനുമതിയുടെ കാലാവധി എന്നാണ് അവസാനിക്കുന്നതെന്നും വ്യക്തമാക്കാമോ;

(സി)	ഭരണാനുമതിയുടെ പകര്‍പ്പ് ലഭ്യമാക്കാമോ?

ചങ്ങനാശ്ശേരി ജനറല്‍ ആശുപത്രിയിലെ കെട്ടിടത്തിന്റെ നിര്‍മ്മാണം

5205.

(എ)	ചങ്ങനാശ്ശേരി ജനറല്‍ ആശുപത്രിയില്‍ മൂന്ന് നിലകളിലായി പണിതുകൊണ്ടിരിക്കുന്ന സ്ത്രീകള്‍ക്ക് വേണ്ടിയുള്ള പുതിയ വാര്‍ഡിന്റെ നിര്‍മ്മാണ നടപടികള്‍ സ്തംഭിച്ചിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ കെട്ടിടത്തിന്റെ നിര്‍മ്മാണം പൂര്‍ത്തീകരിക്കാന്‍ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

കാട്ടാക്കടയില്‍ പൊതുമരാമത്ത് ഡിവിഷന്‍ ഓഫീസ്

5206.

താലൂക്ക് കേന്ദ്രമായ കാട്ടാക്കടയില്‍ പൊതുമരാമത്ത് വകുപ്പിന്റെ ഡിവിഷന്‍ ഓഫീസ് ആരംഭിയ്ക്കുന്നതിനുള്ള നിര്‍ദ്ദേശം പരിഗണനയിലുണ്ടോ; ഇല്ലെങ്കില്‍ ഇതിനായുള്ള നടപടി സ്വീകരിയ്ക്കാമോ?

എഞ്ചിനീയര്‍മാരുടേയും, ഓവര്‍സിയര്‍മാരുടേയും ഒഴിവുകള്‍

5207.

(എ)	പൊതുമരാമത്ത് വകുപ്പില്‍ നിലവില്‍ എത്ര എഞ്ചിനീയര്‍മാരുടേയും, ഓവര്‍സിയര്‍മാരുടേയും ഒഴിവുകളാണ് നിലവിലുള്ളതെന്നറിയിക്കാമോ;

(ബി)	ജീവനക്കാരുടെ കുറവും ജോലിഭാരവും മൂലം നിശ്ചിത സമയപരിധിക്കുള്ളില്‍ പ്രവൃത്തികള്‍ പൂര്‍ത്തീകരിക്കുവാനുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ ഇത് പരിഹരിക്കുവാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദീകരിക്കുമോ?

പാറശ്ശാല നിയോജക മണ്ഡലത്തിലെ പദ്ധതികള്‍

5208.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തിയ ശേഷം പാറശ്ശാല നിയോജക മണ്ഡലത്തില്‍ വിവിധ പദ്ധതികള്‍ക്കായി പൊതുമരാമത്ത് വകുപ്പില്‍ നിന്നും അനുവദിക്കപ്പെട്ട ഫണ്ടുകളുടെ ഇനം തിരിച്ചുള്ള വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത പ്രവ‍ൃത്തികളില്‍ പൂര്‍ത്തീകരിച്ചവ ഏതെല്ലാമെന്നും, മറ്റുള്ളവയുടെ നിലവിലെ സ്ഥിതി എന്താണെന്നുമുള്ള വിശദാംശങ്ങള്‍ ലഭ്യമാക്കാമോ;

(സി)	നിലവില്‍ പാറശ്ശാല മണ്ഡലത്തില്‍ പുതുതായി നടപ്പാക്കാന്‍ പോകുന്ന പദ്ധതികള്‍ ഏതെല്ലാമെന്ന് വിശദമാക്കാമോ?

റോഡ് നിർമ്മാണം മൂലം വാസസ്ഥലം നഷ്ടപ്പെട്ട യൂസഫിന് നഷ്ടപരിഹാരം

5209.

(എ)	മലയോര ഹെെവേയ്ക്ക് വേണ്ടി ചെറുപുഴ മുതല്‍ വള്ളിത്തോട് വരെയുള്ള 52 കിലോമീറ്റര്‍ ഭാഗത്ത് റോഡ് വീതികൂട്ടാന്‍ ആവശ്യമായ സ്ഥലം നാട്ടുകാര്‍ സൗജന്യമായി നല്‍കിയതാണെന്ന കാര്യം ഗവണ്‍മെന്റിന്റെ ശ്രദ്ധയില്‍പെട്ടിട്ടുണ്ടോ;

(ബി)	വീട് പൂര്‍ണ്ണമായോ ഭാഗികമായോ നഷ്ടപ്പെട്ട 5 സെന്റില്‍ താഴെമാത്രം സ്ഥലമുള്ള പാവപ്പെട്ടവര്‍ക്ക് നഷ്ടപരിഹാരം നല്‍കാന്‍ (മുന്‍കൂട്ടി കാണാന്‍ കഴിയാത്ത കാര്യങ്ങള്‍ക്ക് എന്ന ഹെഡില്‍) 35 ലക്ഷം രൂപ മാറ്റിവെച്ചിട്ടുണ്ടെന്ന കാര്യം ശ്രദ്ധയിൽ പെട്ടിട്ടുണ്ടോ എന്ന് വ്യക്തമാക്കുമോ;

(സി)	ഈ റോഡില്‍, നടുവില്‍ ഭാഗത്ത് സ്വന്തമായ വാസസ്ഥലം നഷ്ടപ്പെട്ട കാളീരകത്ത് യൂസഫ് എന്നയാള്‍ വീട് വയ്ക്കാനാവശ്യമായ നഷ്ടപരിഹാരം ആവശ്യപ്പെട്ട് നല്‍കിയ അപേക്ഷ ഗവണ്‍മെന്റിന് ലഭിച്ചിട്ടുണ്ടോ;

(ഡി)	ഈ അപേക്ഷയില്‍ എന്തുനടപടി സ്വീകരിച്ചുവെന്ന് അറിയിക്കുമോ?

വൈക്കം മണ്ഡലത്തിലെ പ്രവൃത്തികൾ

5210.

ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വൈക്കം - വെച്ചൂര്‍ റോഡ് വികസനം ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)	ടെന്‍ഡര്‍ നടപടിക്ക് മുന്‍പ് ഇനി അവശേഷിക്കുന്ന നടപടിക്രമങ്ങള്‍ എന്തെല്ലാമാണെന്ന് വിശദീകരിക്കുമോ;

(സി)	ബജറ്റില്‍ പ്രഖ്യാപിച്ച വാക്കേത്തറ-കല്ലുപുര-കപിക്കാട് റോഡിന്റെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ഡി)	വൈക്കം മണ്ഡലത്തിലെ ചെമ്പ് വാലയില്‍ പാലത്തിന്റെ നിര്‍മ്മാണത്തിനായുള്ള ടെന്‍ഡര്‍ നടപടി എന്ന് ആരംഭിക്കുമെന്ന് വ്യക്തമാക്കാമോ?

ആലത്തൂര്‍ മണ്ഡലത്തില്‍ പ്രവൃത്തികള്‍

5211.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഇൗ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ മണ്ഡലത്തില്‍ വിവിധ പൊതുമരാമത്ത് പ്രവൃത്തികള്‍ക്കായി എത്ര കോടി രൂപ അനുവദിച്ചിട്ടുണ്ടെന്നും ഏതൊക്കെ പ്രവൃത്തികളാണെന്നും പ്രവൃത്തികളുടെ നിലവിലുളള പുരോഗതി എന്താണെന്നും വിശദമാക്കാമോ?

ഒറ്റപ്പാലം മണ്ഡലത്തില്‍ മുടങ്ങിക്കിടക്കുന്ന പൊതുമരാമത്ത് പദ്ധതികള്‍

5212.

(എ)	ഭരണാനുമതി ഉണ്ടായിട്ടും സ്ഥലമെടുപ്പ് നടപടികളുടെ കാലതാമസം കാരണത്താലും മറ്റ് സാങ്കേതിക കാരണങ്ങളാലും മുടങ്ങിക്കിടക്കുന്ന എത്ര പൊതുമരാമത്ത് പദ്ധതികള്‍ ഒറ്റപ്പാലം നിയോജകമണ്ഡലത്തിലുണ്ട് എന്ന് വ്യക്തമാക്കാമോ;

(ബി)	ഓരോ പദ്ധതിയുടേയും വിശദാംശവും നിലവിലെ തടസ്സങ്ങള്‍ നീക്കി നിര്‍മ്മാണ പ്രവൃത്തി ആരംഭിക്കുന്നതിനായി സ്വീകരിക്കാന്‍ ഉദ്ദേശിക്കുന്ന നടപടികളുടെ വിശദാംശവും ലഭ്യമാക്കാമോ?

ഭൂമിയുടെ ന്യായവില വര്‍ദ്ധനവ്

5213.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന ശേഷം ഭൂമിയുടെ ന്യായവില എത്ര തവണ എത്ര ശതമാനം വീതം വര്‍ദ്ധിപ്പിച്ചുവെന്ന് വ്യക്തമാക്കുമോ;

(ബി)	ഈ വര്‍ദ്ധനവ് മൂലം സംസ്ഥാനത്തിന് എത്ര കോടി രൂപ അധിക വരുമാനം പ്രതീക്ഷിക്കുന്നു; വിശദമാക്കുമോ?

കുടിക്കട സര്‍ട്ടിഫിക്കറ്റ്

5214.

(എ)	സബ് രജിസ്ട്രാര്‍ ആഫീസുകളില്‍ നിന്നും ലഭിക്കുന്ന കുടിക്കട സര്‍ട്ടിഫിക്കറ്റ് അപേക്ഷ നല്‍കി എത്ര ദിവസത്തിനുള്ളിലാണ് അപേക്ഷകന് ലഭ്യമാകുകയെന്ന് അറിയിക്കാമോ ;

(ബി)	കൂടുതല്‍ വേഗത്തിലും സുതാര്യമായും കുടിക്കട സര്‍ട്ടിഫിക്കറ്റുകള്‍ അപേക്ഷകന് ലഭ്യമാക്കുന്നതിന് നടപടി സ്വീകരിക്കുവാന്‍ ഉദ്ദേശ്യമുണ്ടോ; ഉണ്ടെങ്കില്‍ അതിന്റെ വിശദാംശം ലഭ്യമാക്കുമോ ?

സ്റ്റാമ്പ് ഡ്യൂട്ടി ഇളവ് സംബന്ധിച്ച അപേക്ഷ

5215.

ആലത്തൂര്‍ നിയോജകമണ്ഡലത്തിലെ കുഴല്‍മന്ദത്ത് മോഡല്‍ റസിഡന്‍ഷ്യല്‍ പോളിടെക്നിക് കോളേജിന് വേണ്ടി കെെമാറ്റം ചെയ്യപ്പെടുന്ന സ്ഥലത്തിന്റെ സ്റ്റാമ്പ് ഡ്യൂട്ടി ഇളവ് ലഭ്യമാക്കുന്നത് സംബന്ധിച്ച് പ്രിന്‍സിപ്പാളിന്റെ അപേക്ഷയിന്മേല്‍ തീരുമാനം കെെക്കൊണ്ടിട്ടുണ്ടോ എന്ന് വ്യക്തമാക്കാമോ;എങ്കില്‍ വിശദാംശം ലഭ്യമാക്കുമോ?

തീരദേശ റെയില്‍ പാതയുടെ വികസനം

5216.

ശ്രീ.എസ്.ശർമ്മ
,, എ.എം. ആരിഫ്
ശ്രീമതി യു. പ്രതിഭ ഹരി
ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തീരദേശ റെയില്‍വികസനത്തിനായി എന്തെല്ലാം നിര്‍ദ്ദേശങ്ങളാണ് കേന്ദ്രസര്‍ക്കാരിന് സമര്‍പ്പിച്ചിട്ടുള്ളതെന്ന് വ്യക്തമാക്കുമോ;

(ബി)	പാത ഇരട്ടിപ്പിക്കലിനായി സ്ഥലം ഏറ്റെടുക്കുന്ന പ്രവൃത്തിയുടെ നിലവിലെ അവസ്ഥ വെളിപ്പെടുത്തുമോ;

(സി)	എറണാകുളം മുതല്‍ ചേര്‍ത്തല വരെയും കായംകുളം മുതല്‍ അമ്പലപ്പുഴവരെയും ഇപ്പോള്‍ ഏതെല്ലാം പ്രവൃത്തികളാണ് നടന്നുവരുന്നത്;

(ഡി)	തീരദേശ റെയില്‍ പാത രണ്ടുവരിയാക്കി ഗതാഗതം സുഗമമാക്കുന്നതിന് പ്രത്യേക ധനസഹായത്തിനായി കേന്ദ്രത്തെ സമീപിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കേന്ദ്ര-സംസ്ഥാന സംയുക്ത റെയില്‍വേ കമ്പനി

5217.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുതിയ റെയില്‍വേ നയത്തിന്റെ ഭാഗമായി കേന്ദ്ര-സംസ്ഥാന സംയുക്ത കമ്പനി നിലവില്‍ വന്നശേഷം പ്രസ്തുത കമ്പനി ആവിഷ്ക്കരിച്ച പദ്ധതികള്‍ ഏതൊക്കെയാണെന്ന് വ്യക്തമാക്കാമോ;

(ബി)	പ്രസ്തുത പദ്ധതികളില്‍ ഇതിനകം പണി പൂര്‍ത്തിയാക്കിയവ ഏവ എന്നും പണി ആരംഭിച്ച പദ്ധതികള്‍ ഏതൊക്കെ എന്നും വിശദമാക്കാമോ?

അങ്കമാലി- എരുമേലി ശബരി റെയില്‍പാത പദ്ധതി

5218.

(എ)	ശബരിമല തീര്‍ത്ഥാടകര്‍ക്കും നാട്ടുകാര്‍ക്കും ഒരേ പോലെ പ്രയോജനം ചെയ്യുന്ന അങ്കമാലി- എരുമേലി ശബരി റെയില്‍പാത പദ്ധതി സര്‍ക്കാര്‍ ഉപേക്ഷിച്ചിട്ടുണ്ടോ;

(ബി)	ഇതിനായി സ്ഥലമേറ്റെടുക്കല്‍ നടപടി എത്രത്തോളമായി എന്ന് വ്യക്തമാക്കാമോ;

(സി)	സംസ്ഥാന സര്‍ക്കാര്‍ റെയില്‍വേ വികസനവുമായി ബന്ധപ്പെട്ട് രൂപീകരിച്ച സംയുക്ത സംരംഭത്തിന്റെ പരിഗണനയ്ക്ക് സമര്‍പ്പിക്കുന്ന പദ്ധതികളില്‍ ഇത് ഉള്‍പ്പെടുത്തിയിട്ടുണ്ടോ;

(ഡി)	ഈ പാത യാഥാര്‍ത്ഥ്യമാക്കുന്നതിനായി സര്‍ക്കാര്‍ എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

(ഇ)	അങ്കമാലി - എരുമേലി പാത നീട്ടി പുനലൂര്‍ - കൊല്ലം പാതയുമായി ബന്ധിപ്പിക്കാന്‍ എന്തെങ്കിലും നടപടി സര്‍ക്കാര്‍ സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കുമോ?

നിലമ്പൂര്‍-ബത്തേരി-നഞ്ചന്‍കോട് റെയില്‍വേ പാതയുടെ സര്‍വ്വേ

5219.

ശ്രീ.പാറക്കല്‍ അബ്ദുല്ല
ഡോ.എം. കെ. മുനീര്‍
ശ്രീ.പി.കെ.അബ്ദു റബ്ബ്
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍-ബത്തേരി-നഞ്ചന്‍കോട് റെയില്‍വേ പാതയുടെ സര്‍വ്വേ നടത്താന്‍ സര്‍ക്കാര്‍ തീരുമാനിച്ചിരുന്നുവോ;

(ബി)	എങ്കില്‍ ആരെയാണ് സര്‍വ്വേ നടത്തുന്നതിനായി നിയോഗിച്ചിരുന്നത്;

(സി)	ഇതു സംബന്ധിച്ച് ഡി.എം.ആര്‍.സി. സര്‍വ്വേ നടത്തിയിട്ടുണ്ടോ;

(ഡി)	ഈ റെയില്‍പാത നിര്‍മ്മാണവുമായി ബന്ധപ്പെട്ട കാര്യങ്ങളില്‍ നിന്നും ഡി.എം.ആര്‍.സി.യെ സര്‍ക്കാര്‍ ഒഴിവാക്കിയിട്ടുണ്ടോ; വിശദാംശം നല്‍കുമോ?

സംസ്ഥാനത്തെ റെയില്‍വേ വികസനത്തിനുള്ള ബജറ്റ് വിഹിതം

5220.

(എ)

സംസ്ഥാനത്തെ റെയില്‍പ്പാതയിരട്ടിപ്പിക്കലിനും പുതിയ റെയില്‍വേമേല്‍പാലങ്ങൾക്കും റെയില്‍വേസ്റ്റേഷനുകളുടെ വികസനത്തിനുമായി ഇക്കഴിഞ്ഞ കേന്ദ്രബജറ്റില്‍ നീക്കി വെച്ചിട്ടുളള തുകയുടെ വിശദാംശങ്ങള്‍ ലഭ്യമാക്കാമോ; കഴിഞ്ഞ മൂന്ന് ബജറ്റുകളില്‍ ഇതിനുളള വിഹിതം എത്ര വീതമായിരുന്നു എന്ന് വര്‍ഷം തിരിച്ച് വ്യക്തമാക്കാമോ;

(ബി)	സംസ്ഥാനത്തെ റെയില്‍വേ വികസനത്തിനായി കാര്യമായ ബജറ്റ് പ്രഖ്യാപനങ്ങള്‍ ഉണ്ടായിട്ടില്ല എന്നത് ശ്രദ്ധയില്‍പെട്ടിട്ടുണ്ടോ;ഇതിന് പരിഹാരം കാണാന്‍ എന്തൊക്കെ നടപടികളാണ് സ്വീകരിച്ചത്;വ്യക്തമാക്കാമോ;

(സി)

സംസ്ഥാനത്തിലൂടെ സര്‍വ്വീസ് നടത്തിവരുന്ന ദീര്‍ഘദൂര ട്രെയിനുകളുടെ ബോഗികളും കോച്ചുകളും പഴകി ദ്രവിച്ചതും ഏതാണ്ട് ഉപയോഗശൂന്യവുമാണെന്നിരിക്കേ, ഇതു മാറ്റി ഇവയ്ക്കു പകരം പുതിയ കോച്ചുകള്‍ ലഭ്യമാക്കുന്നതില്‍ വരുത്തുന്ന കാലവിളംബം ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കാന്‍ സ്വീകരിച്ച നടപടികള്‍ എന്തൊക്കെയെന്ന് വ്യക്തമാക്കാമോ?

റെയില്‍പ്പാത ഇരട്ടിപ്പിക്കല്‍

5221.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റെയില്‍പ്പാത ഇരട്ടിപ്പിക്കല്‍ പ്രവര്‍ത്തനം എന്ന് പൂര്‍ത്തീകരിക്കാനാകുമെന്നാണ് സര്‍ക്കാര്‍ പ്രതീക്ഷിക്കുന്നത്; വിശദവിവരം നല്‍കുമോ;

(ബി)	കേരളത്തിലുടനീളം പാത ഇരട്ടിപ്പിക്കലിന് പദ്ധതി തയ്യാറായിട്ടുണ്ടോ; ഇപ്പോള്‍ നടന്നു കൊണ്ടിരിക്കുന്ന പാത ഇരട്ടിപ്പിക്കല്‍ നിര്‍മ്മാണ പ്രവര്‍ത്തനം പൂര്‍ത്തിയാകുന്നതോടുകൂടി കാസര്‍ഗോഡ് മുതല്‍ തിരുവനന്തപുരം വരെയുള്ള സംസ്ഥാനത്തെ പാതയിരട്ടിപ്പിക്കല്‍ പൂര്‍ണ്ണമാകുമോ; ഇല്ലെങ്കില്‍ വിശദവിവരം നല്‍കുമോ?

തലശ്ശേരി നിയോജകമണ്ഡലത്തിലെ കൊടുവള്ളി റെയില്‍വേ ഓവര്‍ ബ്രിഡ്ജ്

5222.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2016-17 വര്‍ഷത്തെ കിഫ്ബിയില്‍ ഉള്‍പ്പെടുത്തിയ തലശ്ശേരി നിയോജക മണ്ഡലത്തിലെ പ്രവൃത്തിയായ കൊടുവള്ളി റെയില്‍വേ ഓവര്‍ ബ്രിഡ്ജിന്റെ നിലവിലുള്ള അവസ്ഥ എന്താണെന്ന് വ്യക്തമാക്കാമോ;

(ബി)	ആയതിന്റെ പ്രവൃത്തി പൂര്‍ത്തീകരണത്തിന് ഇനി എന്തെല്ലാം നടപടിക്രമങ്ങളാണ് ഉള്ളതെന്ന് വ്യക്തമാക്കാമോ?

അങ്കമാലി-മാഞ്ഞാലി റെയില്‍ ഒാവര്‍ ബ്രിഡ്ജ്

5223.

(എ)	റെയില്‍വേയുടെ അനുമതി ലഭിച്ചിട്ടുള്ള റെയില്‍ ഓവര്‍ ബ്രിഡ്ജുകള്‍ ഏതെല്ലാമെന്ന് വ്യക്തമാക്കാമോ;

(ബി)	ഇവയുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കാനായി ആവിഷ്കരിച്ചിട്ടുള്ള പദ്ധതി വിശദമാക്കാമോ;

(സി)	അങ്കമാലി-മാഞ്ഞാലി റെയില്‍ ഒാവര്‍ ബ്രിഡ്ജിന്റെ നിര്‍മ്മാണത്തിന് അനുമതി ലഭിച്ചിട്ടുണ്ടോ; ഇതിന്റെ നിര്‍മ്മാണ പ്രവര്‍ത്തനം ആരംഭിക്കാന്‍ എന്തെല്ലാം നടപടിക്രമങ്ങളാണ് പൂര്‍ത്തികരിക്കാനുള്ളതെന്ന് വ്യക്തമാക്കാമോ?

റെയില്‍വേ ലെവല്‍ ക്രോസ്സുകള്‍ക്ക് മേല്‍പ്പാലം

5224.

(എ)	കേരളത്തിലെ എല്ലാ റെയില്‍വേ ലെവല്‍ ക്രോസ്സുകള്‍ക്കും മേല്‍പ്പാലം നിര്‍മ്മിക്കുന്നതിന് പദ്ധതിയുണ്ടോ; ഇല്ലെങ്കില്‍ ആയതിന് നടപടി സ്വീകരിക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്നശേഷം ലെവല്‍ക്രോസ്സുകളില്‍ ട്രെയിന്‍ തട്ടി അപകടം സംഭവിച്ചിട്ടുണ്ടോ; വിശദവിവരം നല്‍കുമോ?

വളളത്തോള്‍ നഗര്‍-ഷൊര്‍ണ്ണൂര്‍ റെയില്‍വേ മേല്‍പ്പാലം നിര്‍മ്മാണം

5225.

(എ)	ചേലക്കര നിയോജകമണ്ഡലത്തിലെ വളളത്തോള്‍ നഗര്‍-ഷൊര്‍ണ്ണൂര്‍ റെയില്‍വേ മേല്‍പ്പാലം (പെെങ്കുളം മേല്‍പ്പാലം) നിര്‍മ്മാണത്തിന് റെയില്‍വേയുടെ അനുമതി ലഭ്യമാക്കുന്നതുമായി ബന്ധപ്പെട്ട് സ്വീകരിച്ച നടപടികള്‍ എന്തൊക്കെയാണെന്ന് അറിയിക്കാമോ;

(ബി)	ഇതിനായി എത്രകോടി രൂപയുടെ എസ്റ്റിമേറ്റാണ് തയ്യാറാക്കിയിട്ടുളളത്; ഇതുസംബന്ധിച്ച വിശദാംശം വ്യക്തമാക്കുമോ?

മുളളൂര്‍ക്കര റെയില്‍വേ മേല്‍പ്പാലം നിര്‍മ്മിക്കാന്‍ നടപടി

5226.

(എ)	വലിയ ഗതാഗതത്തിരക്കുളള മുളളൂര്‍ക്കര-വരവൂര്‍ പി.ഡബ്ള്യു.ഡി. റോഡില്‍ മുളളുര്‍ക്കരയില്‍ റെയില്‍വെ മേല്‍പ്പാലം നിര്‍മ്മിയ്ക്കണമെന്ന് ജനങ്ങളുടെ ഭാഗത്തുനിന്നും വലിയ തോതില്‍ ആവശ്യം ഉയര്‍ന്നുവരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത മേല്‍പ്പാലം നിര്‍മ്മാണത്തിന് റെയില്‍വേയുമായി ബന്ധപ്പെട്ട് എന്തെല്ലാം നടപടി സ്വീകരിച്ചിട്ടുണ്ട്; വിശദാംശം വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.