14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 10^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കെ.എസ്.ടി.പി. രണ്ടാം ഘട്ട പദ്ധതിയില്‍ ഉള്‍പ്പെട്ട റോഡുകള്‍

860.

ശ്രീ.ഹൈബി ഈഡന്‍
,, ഐ.സി.ബാലകൃഷ്ണന്‍
,, വി.ഡി.സതീശന്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ടി.പി. രണ്ടാം ഘട്ടത്തില്‍ ഉള്‍പ്പെട്ട റോഡുകളുടെ നിര്‍മ്മാണ പ്രവൃത്തികളുടെ നിലവിലെ സ്ഥിതി വിശദമാക്കാമോ;

(ബി)	കെ.എസ്.ടി.പി. പദ്ധതിയില്‍ ഉള്‍പ്പെടുത്തി പണിത പൊന്‍കുന്നം - തൊടുപുഴ റോഡ്, തിരുവല്ല ബൈപാസ് തുടങ്ങിയവയില്‍ ഉണ്ടായതായി പറയപ്പെടുന്ന ക്രമക്കേടുകള്‍ സംബന്ധിച്ച് അന്വേഷിക്കണമെന്ന് ലോകബാങ്കിനോട് ആവശ്യപ്പെട്ടിട്ടുണ്ടോ; എങ്കില്‍ ഇതു സംബന്ധിച്ച് അന്വേഷണം നടത്തിയോയെന്ന് വ്യക്തമാക്കാമോ;

(സി)	രണ്ടാം ഘട്ട പദ്ധതിയില്‍പ്പെട്ട പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ;?

കെ.എസ്.ടി.പി. പദ്ധതികള്‍

861.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാരിന്റെ കാലത്ത് കെ.എസ്.ടി.പി. വഴി നടപ്പിലാക്കിയ പദ്ധതികളില്‍ ഇനി പൂര്‍ത്തിയാക്കാനുള്ളത് ഏതൊക്കെയാണെന്ന് വ്യക്തമാക്കുമോ;

(ബി)	2016-2017 -ല്‍ ആരംഭിച്ച പദ്ധതികളുടെ നിലവിലെ സ്ഥിതി എന്താണെന്ന് അറിയിക്കുമോ;

(സി)	കെ.എസ്.ടി.പി. പദ്ധതികളുടെ ടെന്‍ഡര്‍ നടപടികള്‍ എപ്രകാരമാണെന്ന് വ്യക്തമാക്കുമോ; പ്രസ്തുത ടെന്‍ഡറില്‍ പങ്കെടുക്കുന്ന കോണ്‍ട്രാക്ടര്‍മാര്‍ക്ക് എന്തൊക്കെ യോഗ്യതകളാണ് ഉണ്ടായിരിക്കേണ്ടതെന്ന് അറിയിക്കുമോ?

മലയോര ഹൈവേ

862.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയോര ഹൈവേയുടെ അലൈന്‍മെന്റ് നിശ്ചയിച്ചിട്ടുണ്ടോ; എങ്കില്‍ പത്തനംതിട്ട, കോട്ടയം ജില്ലകളില്‍ ഈ റോഡ് കടന്നു പോകുന്ന റൂട്ടിന്റെ വിശദാംശങ്ങള്‍ ലഭ്യമാക്കാമോ;

(ബി)	മലയോര ഹൈവേക്കായി എത്ര കോടി രൂപയാണ് നീക്കിവച്ചിരിക്കുന്നത്; ഇതിന്റെ ഓരോ ജില്ലയിലേയും നിര്‍മ്മാണ പ്രവൃത്തികള്‍ എങ്ങനെ നടപ്പാക്കാനാണ് ഉദ്ദേശിക്കുന്നത്;

(സി)	റോഡ് നിര്‍മ്മിക്കുമ്പോള്‍ നിലവിലുള്ള റോഡിന്റെ വീതി വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; എന്തൊക്കെ പ്രവൃത്തികളാണ് റോഡ് നിര്‍മ്മാണത്തില്‍ ഉള്‍പ്പെടുത്താന്‍ ഉദ്ദേശിക്കുന്നത്;

(ഡി)	എന്നത്തേക്ക് നിര്‍മ്മാണം ആരംഭിക്കാനാകും എന്ന് വ്യക്തമാക്കുമോ ?

മരാമത്ത് പ്രവൃത്തികള്‍ പരിസ്ഥിതി സൗഹൃദമാക്കുന്നതിന് നടപടി

863.

ശ്രീ.തിരുവഞ്ചൂര്‍ രാധാകൃഷ്ണന്‍
,, വി.പി.സജീന്ദ്രന്‍
,, ഷാഫി പറമ്പില്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിലെ പ്രവൃത്തികള്‍ പരിസ്ഥിതി സൗഹൃദമാക്കുന്നതിന് തീരുമാനിച്ചിട്ടുണ്ടോ; വിശദാംശം നല്കുമോ;

(ബി)	ദേശീയപാത വിഭാഗത്തിലെ നിര്‍മ്മാണ പ്രവര്‍ത്തനങ്ങള്‍ പരിസ്ഥിതി സൗഹൃദമാക്കുന്നതിന് കേന്ദ്ര ഉപരിതല ഗതാഗത മന്ത്രാലയം എന്തെങ്കിലും നിര്‍ദ്ദേശം നല്‍കിയിട്ടുണ്ടോ; എങ്കിൽ വിശദാംശം നല്കുമോ ;പ്രസ്തുത നിര്‍ദ്ദേശം പ്രാവര്‍ത്തികമാക്കിയിട്ടുണ്ടോ;

(സി)	പൊതുമരാമത്ത് വകുപ്പിലെ പ്രവൃത്തികള്‍ സുതാര്യവും അഴിമതി മുക്തവുമാക്കുന്നതിന് ജനകീയ പങ്കാളിത്തത്തോടെ സോഷ്യല്‍ ആഡിറ്റിംഗ് നടപ്പിലാക്കിയിട്ടുണ്ടോ.;ഉണ്ടെങ്കില്‍ ഏതൊക്കെ പദ്ധതികളിലാണ് അത് നടപ്പിലാക്കിയത് എന്ന് വ്യക്തമാക്കുമോ ?

സമ്പൂര്‍ണ്ണ മലയോര ഹൈവേ

864.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

2017-18-ല്‍ 1267 km ദൈര്‍ഘ്യം വരുന്ന സമ്പൂര്‍ണ്ണ മലയോര ഹൈവേയുടെ നിര്‍മ്മാണ പ്രവര്‍ത്തനം ആരംഭിക്കുമെന്നും 9 ജില്ലകളിലെ നിര്‍മ്മാണ പ്രവൃത്തികള്‍ക്ക് വേണ്ടിവരുന്ന 350 കോടി രൂപ കിഫ്ബി നിക്ഷേപിക്കുമെന്നും പ്രസ്തുത വര്‍ഷ ബജറ്റ് പ്രസംഗത്തില്‍ പറഞ്ഞിരുന്നതിനാൽ പുരോഗതി വിവരം ഉള്‍പ്പെടെ വിശദവിവരം നല്‍കുമോ?

നിര്‍മ്മാണവസ്തുക്കളുടെയും ടാറിന്റെയും ദൗര്‍ലഭ്യം

865.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണവസ്തുക്കളുടെയും ടാറിന്റെയും ദൗര്‍ലഭ്യം നിര്‍മ്മാണപ്രവര്‍ത്തനങ്ങളെ ബാധിച്ചിട്ടുണ്ടോ; വിശദീകരിക്കുമോ;

(ബി)	പൊതുമരാമത്ത് വകുപ്പിന്റെ നിര്‍മ്മാണകരാറുകള്‍ ഏറ്റെടുക്കുന്നതിന് കരാറുകാര്‍ തയ്യാറാകാത്ത സാഹചര്യം നിലവിലുണ്ടോ; വിശദീകരിക്കുമോ;

(സി)	റോഡ് നിര്‍മ്മാണത്തിന് ആധുനിക സാങ്കേതികവിദ്യ ഉപയോഗപ്പെടുത്തുമ്പോള്‍ മുമ്പ് ഉപയോഗിച്ച നിര്‍മ്മാണ വസ്തുക്കള്‍ പുനരുപയോഗിക്കുന്ന സാങ്കേതിക വിദ്യ എല്ലാ ജില്ലകളിലും നടപ്പിലാക്കിയിട്ടുണ്ടോ; വിശദീകരിക്കുമോ?

ഒറ്റത്തവണ തീര്‍പ്പാക്കല്‍ (നോണ്‍ പ്ലാന്‍ ) ഫണ്ട്

866.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കഴിഞ്ഞ സര്‍ക്കാരിന്റെ കാലത്ത് ഗ്രാമീണ റോഡ‍ുകളുടെ പുനരുദ്ധാരണ പ്രവൃത്തികള്‍ക്ക് നല്‍കിയിരുന്ന ഒറ്റത്തവണ തീര്‍പ്പാക്കല്‍ (നോണ്‍ പ്ലാന്‍ ) ഫണ്ട് ഈ സര്‍ക്കാര്‍ തുടര്‍ന്ന് വരുന്നുണ്ടോ; വിശദാംശങ്ങള്‍ ലഭ്യമാക്കാമോ?

പി.ഡബ്ല്യു.ഡി.ഏറ്റെടുത്ത റോഡുകള്‍

867.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം എത്ര റോഡുകള്‍ പി.ഡബ്ല്യു.ഡി. ഏറ്റെടുത്തിട്ടുണ്ട്; വിശദാംശം നല്‍കുമോ;

(ബി)	തദ്ദേശസ്വയംഭരണ സ്ഥാപനങ്ങളിലെ റോഡുകള്‍ പൊതുമരാമത്ത് വകുപ്പ് ഏറ്റെടുക്കുന്നത് സംബന്ധിച്ച് പുതിയ മാര്‍ഗ്ഗരേഖ തയ്യാറാക്കിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

റോഡ് നിര്‍മ്മാണ സാധനങ്ങളുടെ ക്ഷാമം

868.

ശ്രീ.സി. ദിവാകരന്‍
,, ജി.എസ്.ജയലാല്‍
ശ്രീമതി ഗീതാ ഗോപി
ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡ് നിര്‍മ്മാണത്തിന് ടാര്‍ ലഭ്യമാകാത്തതും പാറയും മെറ്റലും മണലും കിട്ടാതായതും പ്രതിസന്ധി സൃഷ്ടിക്കുന്നുണ്ടോ എന്ന് വ്യക്തമാക്കുമോ?

(ബി)	മരാമത്ത് പണികള്‍ക്ക് ടാര്‍ വാങ്ങി നല്‍കുന്നതിന്റെ വിശദവിവരങ്ങള്‍ ലഭ്യമാക്കുമോ;

(സി)	പാറ, മെറ്റല്‍, മണല്‍ എന്നിവയുടെ ക്ഷാമം പരിഹരിച്ച് റോ‍ഡ് നിര്‍മ്മാണവും, അറ്റകുറ്റപ്പണികളും ത്വരിതപ്പെടുത്തുന്നതിന് നടപടി സ്വീകരിക്കുമോ?

റോഡ് തകർച്ചയുടെ കാരണങ്ങൾ

869.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ എല്ലായിടങ്ങളിലും എല്ലാ വര്‍ഷവും റോഡ് തകരുന്നതിന്റെ കാരണങ്ങള്‍ കണ്ടുപിടിക്കുന്നതിന് പഠനം നടത്തിയിട്ടുണ്ടോ;എങ്കില്‍ പ്രസ്തുത പഠനത്തിന്റെ വിശദാംശം വ്യക്തമാക്കാമോ;

(ബി)	ഇല്ലെങ്കില്‍ ഇത്തരത്തില്‍ പഠനം നടത്താന്‍ തയ്യാറാകുമോ:

(സി)	കേരളത്തിലെ അതിവൃഷ്ടിയും വാഹന സാന്ദ്രതയുമാണോ റോഡ് തകര്‍ച്ചയ്ക്ക് കാരണമെന്ന് വ്യക്തമാക്കാമോ;

(ഡി)	ടാറിനും സിമന്റിനും പകരം കേരളത്തിലെ കാലാവസ്ഥയ്ക്കും വാഹന സാന്ദ്രതയ്ക്കും അനുയോജ്യമായ മറ്റെന്തെങ്കിലും നിര്‍മ്മാണവസ്തുക്കള്‍ റോഡ് നിര്‍മ്മാണത്തിനായി ഉപയോഗിക്കാമോ എന്നതിനെക്കുറിച്ചുളള ആലോചന തുടങ്ങിയിട്ടുണ്ടോ; വ്യക്തമാക്കുമോ?

റോഡ് വെട്ടിപ്പൊളിക്കൽ ഒഴിവാക്കാൻ നടപടി

870.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളില്‍ കുടിവെള്ള പൈപ്പുകള്‍ ,മറ്റ് യൂട്ടിലിറ്റീസ് എന്നിവ സ്ഥാപിക്കുന്നതിനും അറ്റകുറ്റപ്പണികള്‍ക്കുമായി നിരന്തരമായി ടാര്‍ റോഡ് വെട്ടിപ്പൊളിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇതിലൂടെ സര്‍ക്കാരിന് ഒട്ടേറെ ധനനഷ്ടവും യാത്രക്കാര്‍ക്ക് പ്രയാസങ്ങളും ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

(സി)	ഇതു പരിഹരിക്കുന്നതിലേയ്ക്കായി സംസ്ഥാനത്ത് പുതുതായി വികസിപ്പിക്കുന്ന പ്രധാന റോഡുകളിലെങ്കിലും ജലവിതരണ പൈപ്പുകള്‍, കേബിളുകള്‍‍, മറ്റു പൈപ്പുകള്‍ തുടങ്ങിയവ പ്രത്യേക ഡക്ടുകളിലൂടെ സ്ഥാപിക്കുന്നതിന് നടപടി സ്വീകരിക്കുമോ?

പിറവം നിയോജകമണ്ഡലത്തിലെ റോഡുകളുടെ അറ്റകുറ്റപ്പണി

871.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

2017-2018 സാമ്പത്തിക വര്‍ഷത്തില്‍ പിറവം നിയോജകമണ്ഡലത്തിലെ ഏതെല്ലാം റോഡുകളുടെ അറ്റകുറ്റപ്പണി ചെയ്യാനാണ് ലക്ഷ്യമിട്ടിരുന്നത് എന്നും അറ്റകുറ്റപ്പണി ആരംഭിച്ച റോഡുകളില്‍ ഏതൊക്കെ റോഡുകളുടെ അറ്റകുറ്റപ്പണിയാണ് പൂര്‍ത്തീകരിച്ചതെന്നും ഏതൊക്കെ റോഡുകളുടെ അറ്റകുറ്റപ്പണിയാണ് പൂര്‍ത്തീകരിക്കാനുളളതെന്നും വ്യക്തമാക്കുമോ;

(ബി)	ഏതൊക്കെ റോഡുകളുടെ അറ്റകുറ്റപ്പണിയാണ് ആരംഭിക്കാനുളളതെന്നും ആരംഭിക്കാത്തതിന്റെ കാരണമെന്താണെന്നും അറിയിക്കുമോ;

(സി)	റോഡുകളുടെ അറ്റകുറ്റപ്പണി ആരംഭിക്കാത്തതിന്/പൂര്‍ത്തീകരിക്കാത്തതിന് ഉത്തരവാദികളായവര്‍ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ?

കൊല്ലം ജില്ലയിലെ ടാര്‍ ദൗർലഭ്യം

T 872.

(എ)	കൊല്ലം ജില്ലയില്‍ ടാര്‍ ലഭിക്കുന്നതിനുള്ള ബുദ്ധിമുട്ട് നിര്‍മ്മാണപ്രവര്‍ത്തനങ്ങളെ ബാധിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ടാറിനാവശ്യമായ തുക ഡെപ്പോസിറ്റ് ചെയ്ത് മാസങ്ങള്‍ കഴിഞ്ഞിട്ടും ടാര്‍ ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; വിശദീകരിക്കുമോ;

(സി)	ടാര്‍ ലഭ്യത ഉറപ്പുവരുത്തി നിര്‍മ്മാണ പ്രവര്‍ത്തനങ്ങളെ ത്വരിതപ്പെടുത്തുന്നതിന് നടപടി സ്വീകരിക്കുമോ; വിശദീകരിക്കുമോ?

പുനലൂര്‍ -മുവാറ്റുപുഴ സംസ്ഥാന പാത

873.

(എ)	പുനലൂര്‍ -മുവാറ്റുപുഴ സംസ്ഥാന പാത കെ.എസ്.റ്റി.പി ഏറ്റെടുത്തിട്ടുണ്ടോ;എങ്കില്‍ എന്നാണെന്ന് വെളിപ്പെടൂത്തുമോ; ഈ റോഡിന്റെ ഏതൊക്കെ ഭാഗമാണ് ഇപ്പോള്‍ പുനരുദ്ധരിച്ചിട്ടള്ളത് എന്ന അറിയിയ്ക്കുമോ;

(ബി)	ഈ റോഡിന്റെ പുനലൂര്‍ മുതല്‍ പൊന്‍കുന്നം വരെയുള്ള ഭാഗം പുനരുദ്ധരിക്കാൻ നടപടിയായിട്ടുണ്ടോ; ഇനി എന്തൊക്കെ നടപടികളാണ് പൂര്‍ത്തീകരിക്കാനുള്ളത്; നടപടികള്‍ പൂര്‍ത്തീകരിച്ച് റോഡിന്റെ നിര്‍മ്മാണം എന്ന് ആരംഭിക്കാനാകും;

(സി)

ഈ റോഡിന്റെ പുനരുദ്ധാരണത്തിനായി സ്ഥലം ഏറ്റെടുക്കല്‍ നടപടികള്‍ പൂര്‍ത്തീകരിച്ചോ; ഇല്ലെങ്കില്‍ ഏതൊക്കെ വില്ലേജുകളില്‍ എത്ര സ്ഥലം വീതമാണ് ഏറ്റെടുക്കാനുള്ളത് എന്ന് വില്ലേജ് തിരിച്ച് അറിയിക്കുമോ; സ്ഥലം ഏറ്റെടുക്കാന്‍ കാലതാമസം നേരിട്ടതിന്റെ കാരണം വ്യക്തമാക്കാമോ; സ്ഥലമേറ്റെടുക്കല്‍ നടപടികള്‍ എന്ന് പൂര്‍ത്തിയാക്കാനാകും;

(ഡി)	പുനലൂര്‍ മുതല്‍ പൊന്‍കുന്നം വരെയുള്ള പുനരുദ്ധാരണത്തിന് എത്ര രൂപയാണ് വകയിരുത്തിയിരിക്കുന്നത്: ഈ ഭാഗം നിര്‍മ്മിക്കുന്നതിന് ലോക ബാങ്ക് സഹായം ലഭ്യമാക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ; അതോ കിഫ്ബി മുഖേന പണം ലഭ്യമാക്കാനാണോ ഉദ്ദേശിക്കുന്നത്; വിശദാംശം ലഭ്യമാക്കാമോ?

റോഡുകളിലെ അപകട സാധ്യത കുറയ്ക്കാൻ നടപടി

874.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദേശീയ പാതകളിലും മറ്റ് റോഡുകളിലും അപകട സാധ്യത കൂടിയ മേഖലകള്‍ സംബന്ധിച്ച വിവരശേഖരണം നടത്തിയിട്ടുണ്ടോ; വിശദാംശം വെളിപ്പെടുത്തുമോ ;

(ബി)	ഇത്തരം അപകട മേഖലകളിലെ റോഡ് അലൈന്‍മെന്റുകള്‍ പരിഷ്കരിക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം വെളിപ്പെടുത്തുമോ ;

(സി)	റോഡ് അലൈന്‍മെന്റുകള്‍ പരിഷ്ക്കരിക്കാന്‍ പ്രായോഗിക ബുദ്ധിമുട്ടുള്ള അപകട മേഖലകളില്‍ അപകടം കുറയ്ക്കുന്നതിന് മറ്റെന്തെങ്കിലും പ്രായോഗിക മാര്‍ഗ്ഗങ്ങള്‍ ഏര്‍പ്പെടുത്തിയിട്ടുണ്ടോ; വിശദാംശം ലഭ്യമാക്കുമോ ;

(ഡി)	സംസ്ഥാനത്തെ റോഡ് വികസനത്തില്‍ സുരക്ഷയ്ക്ക് മുന്‍ഗണന നല്‍കിക്കോണ്ടുള്ള വികസന രീതി നടപ്പിലാക്കുന്നതിന് നടപടി സ്വീകരിക്കുമോ?

റോഡുകളിലെ ഡ്രെയിനേജ് സംവിധാനം

875.

(എ)	സംസ്ഥാനത്തെ പല റോഡുകളും ശരിയായ ഡ്രെയിനേജ് സംവിധാനം ഇല്ലാത്തത് കാരണം നിരന്തരമായി തകരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചുവരുന്നുവെന്ന് അറിയിക്കുമോ;

(സി)	വെള്ളം ഒഴുകുന്നതുകാരണം നിരന്തരമായി തകരുന്ന റോഡുകളില്‍ ടാറിനു പകരം കോണ്‍ക്രീറ്റ് ടൈലുകള്‍ വിരിയ്ക്കുന്നതിന് നടപടി സ്വീകരിക്കുമോ;എങ്കില്‍ വിശദാംശം അറിയിക്കുമോ?

റോഡുകളുടെ അറ്റകുറ്റപ്പണിക്ക് പുതിയ സംവിധാനം

876.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെ അറ്റകുറ്റപ്പണിക്ക് വേണ്ടി മാത്രം പുതിയ ചീഫ് എഞ്ചിനീയറെ നിയമിച്ചിട്ടുണ്ടോ; പ്രസ്തുത സംവിധാനത്തിന്റെ ഘടന എന്താണെന്ന് വ്യക്തമാക്കുമോ;

(ബി)	റോഡുകളുടെ അറ്റകുറ്റപ്പണിക്ക് കൂടുതല്‍ പ്രാധാന്യം നല്‍കി, സമയബന്ധിതമായി അത് പൂര്‍ത്തിയാക്കുന്നതിന് പുതിയ സംവിധാനം കൊണ്ട് സാധ്യമായിട്ടുണ്ടോ; നിലവിലുണ്ടായിരുന്ന സംവിധാനത്തെക്കാള്‍ പുതിയ സംവിധാനത്തിനുള്ള മെച്ചമെന്താണെന്ന് വെളിപ്പെടുത്തുമോ;

(സി)	മെയിന്റനന്‍സ് വിഭാഗത്തിന് 2017-2018 -ല്‍ എന്ത് തുക അനുവദിച്ചുവെന്നും അതിലെത്ര ഇതിനകം ചെലവഴിച്ചുവെന്നും വെളിപ്പെടുത്തുമോ; 2018-2019 -ലെ ബഡ്ജറ്റില്‍ ഇൗ വിഭാഗത്തിന് എന്ത് തുകയാണ് നീക്കിവച്ചിട്ടുള്ളതെന്ന് അറിയിക്കുമോ?

പാലങ്ങളുടെ പുനര്‍നിര്‍മ്മാണം

877.

ശ്രീ.ബി.ഡി. ദേവസ്സി
,, വി. കെ. സി. മമ്മത് കോയ
,, പി. ഉണ്ണി
,, പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ 165 പാലങ്ങള്‍ പുനര്‍നിര്‍മ്മാണം ആവശ്യമായവയാണെന്ന കണ്ടെത്തലിന്റെ അടിസ്ഥാനത്തില്‍, അപായങ്ങള്‍ക്കിട നല്‍കാതെ ഇവ പുനര്‍നിര്‍മ്മിക്കാന്‍ കൈക്കൊണ്ടിട്ടുള്ള നടപടികള്‍ എന്തെല്ലാമാണെന്ന് അറിയിക്കാമോ;

(ബി)	പാലങ്ങളുടെ സുരക്ഷിതത്വം ഉറപ്പുവരുത്തുന്നതിനായി നിശ്ചിത ഇടവേളകളില്‍ എല്ലാ പാലങ്ങളുടെയും പരിശോധന നടത്താന്‍ സാധിക്കുമോ എന്നറിയിക്കാമോ;

(സി)	ഇത്തരം പാലങ്ങള്‍ നിലവാരമില്ലാതെ നിര്‍മ്മിക്കാനിടയാക്കിയ ഉദ്യോഗസ്ഥര്‍ക്കെതിരെയും ഇവ നിര്‍മ്മിച്ച കരാറുകാര്‍ക്കെതിരെയും നടപടി സ്വീകരിക്കാന്‍ ഉദ്ദേശിക്കുന്നുണ്ടോ;

(ഡി)	പൊതുമരാമത്ത് വകുപ്പ് നടത്തുന്ന നിര്‍മ്മാണ പ്രവൃത്തികള്‍ ഗുണനിലവാരം പുലര്‍ത്തുന്നവയായിരിക്കുമെന്ന് ഉറപ്പുവരുത്താന്‍ സര്‍ക്കാര്‍ പുതുതായി സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ?

പാലങ്ങളുടെ ഈടും സുരക്ഷയും

878.

(എ)	കേരളത്തിലെ പാലങ്ങളുടെ ഈടും സുരക്ഷയും കാലാകാലങ്ങളില്‍ പരിശോധിക്കാറുണ്ടോ;വിശദാംശം വെളിപ്പെടുത്തുമോ;

(ബി)	അപകടനിലയിലായ എത്ര പാലങ്ങളാണ് സംസ്ഥാനത്തുള്ളതെന്ന് വെളിപ്പെടുത്തുമോ;

(സി)	അപകട നിലയിലുള്ള പാലങ്ങളെക്കുറിച്ച് പൊതുജനങ്ങള്‍ക്ക് മുന്നറിയിപ്പ് നല്‍കിയിട്ടുണ്ടോ;

(ഡി)	അപകടാവസ്ഥയിലുള്ള പാലങ്ങള്‍ പുനര്‍നിര്‍മ്മിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കുമോ?

പാലങ്ങളുടെ സുരക്ഷ

879.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഏനാത്ത് പാലത്തിന്റെ അനുഭവ പശ്ചാത്തലത്തില്‍ കേരളത്തിലെ മറ്റ് പാലങ്ങളുടെ സുരക്ഷ സംബന്ധിച്ച് അവലോകനം നടത്തുമെന്ന 2017 -18 ലെ ബജറ്റ് പ്രസംഗത്തിന്റെ അടിസ്ഥാനത്തിൽ സ്വീകരിച്ച നടപടികളുടെ പുരോഗതി സംബന്ധിച്ച വിവരം ലഭ്യമാക്കുമോ?

(ബി)	സുരക്ഷിതമല്ലാത്ത മറ്റ് പാലങ്ങളുടെ വിശദവിവരം നല്‍കുമോ ;

(സി)	പാലങ്ങളുടെ സുരക്ഷ വര്‍ദ്ധിപ്പിക്കുന്നതിന് സ്വീകരിച്ചിട്ടുള്ള നടപടികളുടെ വിശദവിവരം നല്‍കുമോ?

പാലങ്ങളുടെ ബലക്ഷയം പരിശോധിക്കുവാന്‍ സംവിധാനം

880.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ബലക്ഷയം സംഭവിച്ചതുമൂലം ഗതാഗതത്തിന് ഉപയോഗിക്കാത്തതും ബലക്ഷയമുണ്ടായിട്ടും ഗതാഗതത്തിന് ഉപയോഗിക്കുന്നതുമായ എത്ര പാലങ്ങള്‍ വീതം സംസ്ഥാനത്തുണ്ടെന്നും അവ എവിടെയെല്ലാമാണെന്നും വ്യക്തമാക്കുമോ;

(ബി)	പാലങ്ങളുടെ ബലക്ഷയം പരിശോധിക്കുവാന്‍ എന്തെല്ലാം സംവിധാനങ്ങളാണ് സംസ്ഥാനത്ത് നിലവിലുള്ളതെന്ന് വ്യക്തമാക്കുമോ?

പാലങ്ങളുടെ അപ്രോച്ച് റോഡ് നിര്‍മ്മാണം

881.

(എ)	സംസ്ഥാനത്ത് പൊതുമരാമത്ത് വകുപ്പ് നിര്‍മ്മിച്ച പാലങ്ങള്‍ അപ്രോച്ച് റോഡ് നിര്‍മ്മിക്കാത്തത് മൂലം ഗതാഗതയോഗ്യമല്ലാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ എവിടെയെല്ലാമെന്ന് വ്യക്തമാക്കുമോ;

(സി)	ഇവ ഗതാഗതയോഗ്യമാക്കുന്നതിന് എന്തെല്ലാം നടപടികളാണ് സ്വീകരിച്ചതെന്ന് വ്യക്തമാക്കുമോ?

നാലുവരി ദേശീയപാത

882.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതെല്ലാം ദേശീയപാതകളെയാണ് നാലുവരി പാതയാക്കുവാന്‍ ഉദ്ദേശിക്കുന്നത്;

(ബി)	ഇത് നാലുവരി പാതയായി വികസിപ്പിക്കുന്നത് എത്ര മീറ്റര്‍ വീതിയിലാണ് എന്ന് വ്യക്തമാക്കുമോ;

(സി)	ഇതിനുവേണ്ടി ഏറ്റെടുക്കുന്ന സ്ഥലത്തിന്റെ ഉടമകളുടെയും മറ്റും പരാതികള്‍ പരിഹരിക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഡി)	ഇങ്ങനെ വികസിപ്പിക്കുന്ന പാതകളില്‍ ടോള്‍ പിരിവിനെ സംബന്ധിച്ചുള്ള സര്‍ക്കാര്‍ നിലപാട് എന്താണ് എന്ന് വിശദീകരിക്കുമോ?

പൊതുമരാമത്ത് കെട്ടിട വിഭാഗത്തിന്റെ ആര്‍ക്കിടെക്ചര്‍ വിഭാഗം

883.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് കെട്ടിട വിഭാഗത്തില്‍ ആര്‍ക്കിടെക്ചര്‍ വിഭാഗത്തില്‍ എത്ര തസ്തികകളാണ് നിലവിലുള്ളത് എന്ന് വ്യക്തമാക്കാമോ;

(ബി)	നിലവില്‍ ഭരണാനുമതി ലഭിച്ച എത്ര കെട്ടിടങ്ങളുടെ സ്ട്രക്ചറല്‍ ഡിസൈന്‍ പൂര്‍ത്തിയാകുവാനുണ്ട് എന്ന് വ്യക്തമാക്കാമോ;

(സി)	ഡിസൈൻ വിംഗില്‍ ജീവനക്കാരുടെ അഭാവം നിലവിലുള്ളതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിന് ആവശ്യമായ നടപടികള്‍ സ്വീകരിക്കുമോ;

(ഡി)	ഭരണാനുമതി ലഭിക്കുന്ന കെട്ടിടങ്ങളുടെ നിര്‍മ്മാണം പൂര്‍ത്തിയാക്കുന്നതിന് കാലയളവ് നിശ്ചയിക്കപ്പെട്ടുള്ള വ്യവസ്ഥകള്‍ എന്തെങ്കിലും നിലവിലുണ്ടോയെന്ന് വ്യക്തമാക്കാമോ?

കായംകുളം റസ്റ്റ്ഹൗസ്

884.

ശ്രീമതി യു. പ്രതിഭ ഹരി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കായംകുളം നഗരത്തിൽ സ്ഥിതി ചെയ്യുന്ന പൊതുമരാമത്ത് വകുപ്പ് വക റസ്റ്റ്ഹൗസിന്റെ മുന്‍ഭാഗം ലാന്‍ഡ്സ്കേപ്പിങ്ങ്, അലങ്കാര ദീപങ്ങള്‍ എന്നിവ സ്ഥാപിച്ച് സൗന്ദര്യവത്കരിക്കുന്നതിനാവശ്യമായ നടപടികള്‍ സ്വീകരിക്കുമോ?

പൊതുമരാമത്ത് കരാറുകാരുടെ കുടിശ്ശിക

885.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വരുമ്പോള്‍ പൊതുമരാമത്ത് വകുപ്പ് കരാറുകാര്‍ക്ക് കുടിശ്ശികയായി എത്ര കോടി രൂപ കൊടുത്തു തീര്‍ക്കാനുണ്ടായിരുന്നു എന്ന് വ്യക്തമാക്കാമോ;

(ബി)	നിലവില്‍ കരാറുകാര്‍ക്ക് എത്ര കോടി രൂപ കൊടുത്തു തീര്‍ക്കാനുണ്ട്;

(സി)	കരാറുകാരുടെ കുടിശ്ശിക സമയബന്ധിതമായി കൊടുത്തു തീര്‍ക്കുന്നതിന് സ്വീകരിച്ച നടപടികള്‍ എന്തൊക്കെയാണ്; വിശദമാക്കാമോ?

നൂറനാട് മുക്കാട് പാലം

886.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര നിയോജക മണ്ഡലത്തില്‍ എം.എല്‍.എ. ആസ്തി വികസന പദ്ധതിയില്‍ ഉള്‍പ്പെടുത്തി തുക അനുവദിച്ച നൂറനാട് മുക്കാട് പാലം പ്രവൃത്തിയ്ക്ക് ഭരണാനുമതി നല്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	പൊതുമരാമത്ത് വകുപ്പിന്റെ പി.ഡബ്ല്യു.ഡി. ഡി- സെക്ഷനില്‍‌ നിന്നും (ഫയല്‍ നമ്പര്‍ 454/17) പ്രസ്തുത പ്രവൃത്തിയുമായി ബന്ധപ്പെട്ട് 26.12.2017 ല്‍ ചീഫ് എ‍ഞ്ചിനീയര്‍ക്ക് നല്കിയ കത്തിന്മേല്‍ സ്വീകരിച്ച നടപടികള്‍ വിശദമാക്കുമോ?

ഒറ്റത്തവണ പുനരുദ്ധാരണ പദ്ധതിയുടെ ഭാഗമായ ഹരിപ്പാട് നിയോജകമണ്ഡലത്തിലെ റോഡുകള്‍

887.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമീണ റോഡുകളുടെ ഒറ്റത്തവണ പുനരുദ്ധാരണ പദ്ധതിയുടെ ഭാഗമായി 03.07.2015-ലെ സര്‍ക്കാര്‍ ഉത്തരവ് (എം.എസ്) നമ്പര്‍ 59/2017 പ്രകാരം ഹരിപ്പാട് നിയോജകമണ്ഡലത്തില്‍ അനുവദിച്ചിരുന്ന റോഡുകളുടെ വിശദാംശങ്ങള്‍ നല്‍കുമോ;

(ബി)	പ്രസ്തുത റോഡുകളില്‍ എത്ര റോഡുകളുടെ പുനരുദ്ധാരണം പൂര്‍ത്തിയായി; ഇനി എത്ര റോഡുകള്‍ പൂര്‍ത്തീകരിക്കുവാനുണ്ട്; ഇതിന്റെ നിര്‍വ്വഹണം തടസ്സപ്പെടുവാനുള്ള കാരണമെന്താണെന്ന് വ്യക്തമാക്കുമോ;

(സി)	പ്രസ്തുത പദ്ധതി പ്രകാരം നിര്‍വ്വഹണതടസ്സം നേരിടുന്ന റോഡുകള്‍ക്ക് പകരമായി, അതേ പഞ്ചായത്തിലെ മറ്റ് റോഡുകളുടെ പ്രവൃത്തികള്‍ നിര്‍വ്വഹിക്കുന്നത് സംബന്ധിച്ച് പൊതുമരാമത്ത് വകുപ്പ് സെക്രട്ടറി എന്തെങ്കിലും മാര്‍ഗ്ഗ നിര്‍ദ്ദേശം പുറപ്പെടുവിച്ചിട്ടുണ്ടോ;

(ഡി)

ഉണ്ടെങ്കില്‍ പ്രസ്തുത മാര്‍ഗ്ഗ നിര്‍ദ്ദേശങ്ങള്‍ക്ക് അനുസൃതമായി, ഹരിപ്പാട് മണ്ഡലത്തില്‍ നിര്‍ദ്ദേശിച്ചിരുന്ന ആറാട്ടുപുഴ പഞ്ചായത്തിലെ നല്ലാണിക്കല്‍ കാവില്‍ ഒടുപ്പത്ത് കായല്‍വാരം റോഡ് (വാര്‍ഡ് നം. 12), ചിങ്ങോലി പഞ്ചായത്തിലെ വായനശാല -ചൂരവിള റോഡ് എന്നിവയ്ക്ക് ഭരണാനുമതി നല്‍കുവാന്‍ വൈകുന്നതിന്റെ കാരണം വ്യക്തമാക്കുമോ; ഇക്കാര്യത്തില്‍ അടിയന്തരമായി നടപടി സ്വീകരിക്കുമോ?

കല്ലടിമുഖം പാലത്തിന്റെ നിര്‍മ്മാണം

888.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2009 ല്‍ ഭരണാനുമതി ലഭിച്ച കല്ലടിമുഖം പാലത്തിന്റെ പ്രവൃത്തി ഏതു വരെയായി എന്ന് വിശദമാക്കാമോ;

(ബി)	കല്ലടിമുഖം പാലത്തിന്റെ നിര്‍മ്മാണ പ്രവൃത്തി ആരംഭിക്കുന്നതിനുള്ള നടപടികള്‍ സ്വീകരിക്കുമോ ; പ്രസ്തുത പ്രവൃത്തി നടപ്പിലാക്കുന്നതിന് എന്തെങ്കിലും തടസ്സങ്ങള്‍ നിലവിലുണ്ടോയെന്നും, ആയത് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കേണ്ടതെന്നും വ്യക്തമാക്കാമോ ?

കരമന - വെള്ളറട റോഡ് വികസനം

889.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം ജില്ലയിലെ കരമന-വെള്ളറട റോഡ് വികസനം സംബന്ധിച്ച പ്രവര്‍ത്തനങ്ങള്‍ വിശദമാക്കാമോ ;

(ബി)	പ്രസ്തുത പദ്ധതി കടന്നു പോകുന്ന പ്രധാന ജംഗ്ഷനുകള്‍ വികസിപ്പിക്കുവാന്‍ നടപടികള്‍ സ്വീകരിക്കുമോ ;

(സി)	പദ്ധതി നടത്തിപ്പിന്റെ ഭാഗമായി ഡി.പി.ആര്‍ തയ്യാറാക്കിയിട്ടുണ്ടോ;

(ഡി)	പദ്ധതിയുടെ മാസ്റ്റര്‍ പ്ളാന്‍ സംബന്ധിച്ച വിശദാംശങ്ങള്‍ ലഭ്യമാക്കാമോ ?

നേമം നിയോജക മണ്ഡലത്തിലെ പൊതുമരാമത്ത് പണികള്‍

890.

ശ്രീ.ഒ. രാജഗോപാല്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

നേമം നിയോജക മണ്ഡലത്തിലെ ഏതെല്ലാം പൊതു മരാമത്ത് റോഡുകളുടെ പ്രവൃത്തികളാണ് നടന്നു കൊണ്ടിരിക്കുന്നതെന്ന് വിശദമാക്കാമോ ?

നേമം നിയോജക മണ്ഡലത്തില്‍ പാലങ്ങളുടെ നിര്‍മ്മാണം

891.

(എ)	നേമം നിയോജക മണ്ഡലത്തില്‍ 2007 -2008 മുതൽ പൊതു മരാമത്ത് വകുപ്പ് മുഖേന നിര്‍മ്മാണ പ്രവര്‍ത്തനങ്ങള്‍ നടത്താന്‍ നിര്‍ദ്ദേശിച്ചിരിക്കുന്ന പാലങ്ങള്‍ ഏതൊക്കെയാണെന്ന് വിശദമാക്കാമോ ;

(ബി)	പ്രസ്തുത പാലങ്ങളുടെ നിലവിലെ സ്ഥിതി എന്താണെന്ന് വിശദമാക്കാമോ ?

മുക്കം - അരീക്കോട് റോഡിലെ കയ്യേറ്റം

892.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി -താമരശ്ശേരി-മുക്കം-അരീക്കോട്-എടവണ്ണ സംസ്ഥാന പാതയില്‍ മുക്കം മുതല്‍ അരീക്കോട് വരെയുള്ള ഭാഗത്ത് സ്വകാര്യ വ്യക്തികള്‍ പൊതുസ്ഥലം കയ്യേറുന്ന അവസ്ഥയുണ്ടായിട്ടുണ്ടോയെന്ന് വിശദമാക്കാമോ;

(ബി)	പ്രസ്തുത കയ്യേറ്റമൊഴിപ്പിക്കുന്നതിന് സര്‍വ്വെ നടത്തുന്നതിന് നടപടികള്‍ സ്വീകരിക്കുമോ?

വേങ്ങര ബൈപ്പാസ്

893.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വേങ്ങര ബൈപ്പാസ് നിര്‍മ്മാണപ്രവൃത്തികളുമായി ബന്ധപ്പെട്ട ഇന്‍വെസ്റ്റിഗേഷന്‍ നടപടിക്രമങ്ങള്‍ പൂര്‍ത്തീകരിച്ചിട്ടുണ്ടോ; ഉണ്ടെങ്കില്‍ ഇതിനായി സ്വീകരിച്ചിട്ടുള്ള നടപടികള്‍ എന്തൊക്കെയാണ്; വിശദമാക്കുമോ;

(ബി)	ഇന്‍വെസ്റ്റിഗേഷന്‍ എത്രയും പെട്ടെന്ന് പൂര്‍ത്തീകരിച്ച് നിര്‍മ്മാണ പ്രവൃത്തികള്‍ ഉടന്‍ ആരംഭിക്കാന്‍ അടിയന്തര നടപടികള്‍ സ്വീകരിക്കുമോ എന്ന് വ്യക്തമാക്കാമോ?

തീരദേശ ഹെെവേയുടെ കൊല്ലം ജില്ലയിലെ നിർമ്മാണം

894.

ശ്രീ.എം. മുകേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

നിര്‍ദ്ദിഷ്ട തീരദേശ ഹെെവേയുടെ ഭാഗമായി കൊല്ലം ജില്ലയില്‍ എത്ര കിലോമീറ്റര്‍ റോഡാണ് നിര്‍മ്മിക്കാന്‍ ഉദ്ദേശിക്കുന്നത്; ഇതിനായുളള അലെെന്‍മെന്റ് നിര്‍ണ്ണയം പൂര്‍ത്തിയായിട്ടുണ്ടോ; എത്ര മീറ്റര്‍ വീതിയിലാണ് നിര്‍മ്മാണം നടത്തുവാന്‍ ഉദ്ദേശിക്കുന്നത്; വിശദാംശം ലഭ്യമാക്കുമോ?

തിരുമല-തൃക്കണ്ണാപുരം റോഡ് വീതികൂട്ടല്‍

895.

(എ)	നേമം നിയോജക മണ്ഡലത്തിലെ തിരുമല-തൃക്കണ്ണാപുരം റോഡ് വീതി കൂട്ടുന്നതിന് സ്വീകരിച്ചുവരുന്ന നടപടികള്‍ എന്തൊക്കെയാണെന്ന് വിശദമാക്കുമോ;

(ബി)	പ്രസ്തുത പ്രവൃത്തി സമയബന്ധിതമായി പൂര്‍ത്തീകരിക്കുന്നതിന് എന്ത് തടസ്സമാണ് നിലവിലുള്ളത്; ഇത് അടിയന്തിരമായി പരിഹരിക്കുന്നതിന് വേണ്ട നടപടികള്‍ സ്വീകരിക്കുമോയെന്ന് വ്യക്തമാക്കുമോ?

എകരൂല്‍ കക്കയം ഡാം സൈറ്റ് റോഡ്

896.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലബാറിലെ പ്രധാന ടൂറിസ്റ്റ് കേന്ദ്രമായ കക്കയം പവര്‍ സ്റ്റേഷനിലേക്കുള്ള എകരൂല്‍-കക്കയം-ഡാം സൈറ്റ് റോഡിന്റെ നവീകരണ പ്രവൃത്തികള്‍ ആരംഭിക്കുന്നതിന് കാലതാമസം നേരിട്ടിട്ടുണ്ടോ;

(ബി)	ഈ റോഡ് പരിഷ്ക്കരിക്കുന്നതിനുള്ള എസ്റ്റിമേറ്റ് ലഭ്യമാക്കിയിട്ടുണ്ടോ; ഉണ്ടെങ്കില്‍ ഇപ്പോള്‍ അത് ഏത് ഘട്ടത്തിലാണെന്ന് അറിയിക്കാമോ;

(സി)	എകരൂല്‍-കക്കയം-ഡാം സൈറ്റ് റോഡിന്റെ പ്രാധാന്യം കണക്കിലെടുത്ത് റോഡ് പരിഷ്ക്കരണ പ്രവൃത്തി വേഗത്തിലാക്കാനുള്ള നടപടി സ്വീകരിക്കാമോ?

രാമപുരം-നാലമ്പലം ദര്‍ശനം റോ‍ഡ്

897.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സ്പീ‍ഡ് കേരള പദ്ധതിയില്‍ ഉള്‍പ്പെടുത്തി മുന്‍ സര്‍ക്കാരിന്റെ കാലത്ത് ആരംഭിച്ച രാമപുരം-നാലമ്പലം ദര്‍ശനം റോ‍ഡ് പുനരുദ്ധാരണ പ്രവര്‍ത്തനങ്ങള്‍ ഏത് ഘട്ടത്തിലാണ്;

(ബി)	എത്ര കോടി രൂപയാണ് പ്രസ്തുത പദ്ധതിക്കായി നീക്കിവച്ചിട്ടുള്ളത്;

(സി)	ഏത് ഏജന്‍സിയാണ് പ്രസ്തുത പ്രവൃത്തി ഏറ്റെടുത്തിട്ടുള്ളത് എന്ന് വ്യക്തമാക്കാമോ?

കായിക്കര കടവിലെ പാലം നിര്‍മ്മാണം

898.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വക്കം-അഞ്ചുതെങ്ങ് പഞ്ചായത്തുകളെ തമ്മില്‍ ബന്ധിപ്പിക്കുന്ന കായിക്കര കടവിലെ പാലം നിര്‍മ്മാണം ഏതു ഘട്ടത്തിലാണെന്ന് വിശദമാക്കുമോ;

(ബി)	പാലം നിര്‍മ്മാണ ചുമതല ഹാര്‍ബര്‍ എഞ്ചിനീയറിംഗ് വകുപ്പ് പൊതുമരാമത്ത് വകുപ്പിന് എന്നാണ് കൈമാറിയത്;

(സി)	ഇതോടൊപ്പം എന്തെല്ലാം രേഖകളാണ് കൈമാറിയത്; പാലം നിര്‍മ്മാണത്തിന്‍െറ ഏതു ഘട്ടം മുതലാണ് പൊതുമരാമത്ത് വകുപ്പ് ചുമതല ഏറ്റെടുത്തത്;

(ഡി)	ഏതെല്ലാം പ്രവര്‍ത്തനങ്ങളാണ് ഹാര്‍ബര്‍ എഞ്ചിനീയറിംഗ് വകുപ്പ് പൂര്‍ത്തീകരിച്ച് നല്‍കിയതെന്ന് വ്യക്തമാക്കുമോ?

കോങ്ങാട് മണ്ഡലത്തിലെ പൊതുമരാമത്ത് പദ്ധതികള്‍

899.

(എ)	കോങ്ങാട് മണ്ഡലത്തിലേയ്ക്കായി 2017-2018-ല്‍ വകയിരുത്തിയിട്ടുള്ള പി.ഡബ്ള്യൂ.ഡി പദ്ധതികളുടെ തുക ഉള്‍പ്പെടെയുള്ള വിശദവിവരം ലഭ്യമാക്കുമോ;

(ബി)	ആയതില്‍ എത്ര തുക ചെലവഴിച്ചിട്ടുണ്ട്; വിശദവിവരം നല്‍കുമോ?

ചടയമംഗലം മണ്ഡലത്തിലെ പി.ഡബ്ല്യൂ.ഡി. പ്രവൃത്തികള്‍

900.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പി.ഡബ്ല്യൂ.ഡി. മുഖേന 2016 മേയ് മാസം മുതല്‍ ചടയമംഗലം നിയോജക മണ്ഡലത്തില്‍ അനുവദിച്ചിട്ടുള്ള നിര്‍മ്മാണ പ്രവൃത്തികളുടെ വിശദാംശം വെളിപ്പെടുത്താമോ?

കോതമംഗലം മണ്ഡലത്തില്‍ പി.ഡബ്ള്യു.ഡി റോഡുകളുടെ നവീകരണം

901.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തില്‍ പി.ഡബ്ള്യു.ഡി മൂവാറ്റുപുഴ ഡിവിഷനു കീഴില്‍ കോതമംഗലം സബ് ഡിവിഷനില്‍ കോതമംഗലം, പോത്താനിക്കാട് സെക്ഷനുകളിലായി റോഡുകളുടെ നവീകരണത്തിനായി ഈ സര്‍ക്കാര്‍ എത്ര തുക നീക്കി വച്ചിട്ടുണ്ടെന്നും അത് ഏതെല്ലാം പ്രവ്യത്തികള്‍ക്കുവേണ്ടിയാണെന്നും വ്യക്തമാക്കാമോ;

(ബി)	പ്രസ്തുത പ്രവൃത്തികള്‍ എല്ലാം പൂര്‍ത്തീകരിച്ചിട്ടുണ്ടോ; വിശദമാക്കാമോ;

(സി)	എല്ലാ പ്രവൃത്തികളും എന്നത്തേക്ക് പൂര്‍ത്തിയാക്കുവാന്‍ സാധിക്കും എന്ന് വ്യക്തമാക്കാമോ?

വാമനപുരം നിയോജകമണ്ഡലത്തില്‍ നബാര്‍ഡ് ഫണ്ടുപയോഗിച്ച് റോഡുകളുടെ പൂനരുദ്ധാരണം

902.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജകമണ്ഡലത്തില്‍ 2015-2016, 2016-2017, 2017-2018 വര്‍ഷങ്ങളില്‍ നബാര്‍ഡ് ഫണ്ടുപയോഗിച്ച് പൂനരുദ്ധാരണം നടത്തുന്നതിനായി അനുമതി ലഭിച്ച റോഡുകള്‍ ഏതൊക്കെയെന്ന് വിശദമാക്കാമോ;

(ബി)	പ്രസ്തുത റോഡുകളുടെ പണി ഏതുവരെയായെന്ന് വിശദമാക്കാമോ?

പുനലൂര്‍-പൊന്‍കുന്നം റോഡിന്റെ നിര്‍മ്മാണം

903.

(എ)	കെ.എസ്.ടി.പി. രണ്ടാം ഘട്ടത്തില്‍ ഉള്‍പ്പെടുത്തിയിട്ടുള്ള പുനലൂര്‍-പൊന്‍കുന്നം റോഡിന്റെ നിര്‍മ്മാണം ഏത് ഘട്ടത്തിലാണ്;

(ബി)	പ്രസ്തുത പ്രവൃത്തിയുടെ അടങ്കല്‍ എത്രയാണെന്നും പ്രവൃത്തി എന്നത്തേക്ക് പൂര്‍ത്തിയാക്കാന്‍ കഴിയുമെന്നും വ്യക്തമാക്കുമോ?

തൃശ്ശൂര്‍-കുറ്റിപ്പുറം റോഡ് വികസനം

904.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മണലൂര്‍ മണ്ഡലത്തിലെ തൃശ്ശൂര്‍-കുറ്റിപ്പുറം റോഡ് നാലുവരിപ്പാതയാക്കുന്നതിനായി ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് അറിയിക്കാമോ;

(ബി)	പ്രസ്തുത റോഡിന്റെ വികസനത്തിന്റെ ഭാഗമായി ചൂണ്ടല്‍ പഞ്ചായത്തിലെ ചൂണ്ടല്‍പ്പാറ പാലം നിര്‍മ്മാണത്തിനായി കൈക്കൊണ്ട നടപടികള്‍ വിശദമാക്കാമോ;

(സി)	പ്രസ്തുത പാലം നിര്‍മ്മാണം സംബന്ധിച്ച പ്രൊപ്പോസല്‍ ഇപ്പോള്‍ ഏത് ഓഫീസിലാണ് പരിഗണനയിലുള്ളത്; പ്രസ്തുത പ്രൊപ്പോസലിന് അംഗീകാരം നല്‍കിയിട്ടുണ്ടോ; വിശദാംശങ്ങള്‍ നല്‍കാമോ?

നെട്ടൂര്‍-കുണ്ടന്നൂര്‍ സമാന്തരപാലത്തിന്റെ നിര്‍മ്മാണം

905.

(എ)	തൃപ്പൂണിത്തുറ മണ്ഡലത്തിലെ നെട്ടൂര്‍-കുണ്ടന്നൂര്‍ സമാന്തരപാലത്തിന്റെ അലൈന്‍മെന്റും ഡിസൈനും എന്നാണ് അംഗീകരിച്ചതെന്ന് അറിയിക്കുമോ;

(ബി)	പ്രസ്തുത പാലത്തിന്റെ നിര്‍മ്മാണം എന്നാണ് ആരംഭിച്ചതെന്ന് അറിയിക്കുമോ;

(സി)	പ്രസ്തുത നിര്‍മ്മാണം എത്ര കാലയളവിനുള്ളില്‍ പൂര്‍ത്തീകരിക്കാനാണ് കരാറില്‍ വ്യവസ്ഥ ചെയ്തിരുന്നതെന്ന് അറിയിക്കുമോ;

(ഡി)	പ്രസ്തുത പാലത്തിന്റെ നിര്‍മ്മാണം നീണ്ടുപോകുന്നതിന്റെ കാരണമെന്തെന്ന് അറിയിക്കുമോ;

(ഇ)	പ്രസ്തുത പാലത്തിന്റെ നിര്‍മ്മാണം എന്നത്തേക്ക് പൂര്‍ത്തീകരിക്കാനുകുമെന്ന് അറിയിക്കുമോ?

കുറ്റ്യാടി ബൈപാസ് നിര്‍മ്മാണം

906.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കുറ്റ്യാടി നിയോജക മണ്ഡലത്തിലെ കുറ്റ്യാടി ബൈപാസ് നിര്‍മ്മാണം സംബന്ധിച്ച കാര്യങ്ങള്‍ ഇപ്പോള്‍ ഏതു ഘട്ടത്തിലാണെന്ന് വിശദമാക്കാമോ;

(ബി)	ഈ പദ്ധതിയുടെ ഭരണാനുമതി, ബജറ്റ് വിഹിതം എന്നിവ സംബന്ധിച്ച കാര്യങ്ങള്‍ വ്യക്തമാക്കുമോ;

(സി)	നിര്‍മ്മാണ പ്രവൃത്തിക്ക് ഏത് ഏജന്‍സിയെയാണ് ചുമതലപ്പെടുത്തിയിട്ടുള്ളത്എന്നറിയിക്കാമോ;;

(ഡി)	നിര്‍മ്മാണ പ്രവൃത്തി എന്നത്തേയ്ക്ക് ആരംഭിക്കാനാകുമെന്നും അതിനുമുമ്പ് ചെയ്തു തീര്‍ക്കേണ്ട കാര്യങ്ങള്‍ എന്തൊക്കെയെന്നുമുളള വിശദാംശങ്ങള്‍ വ്യക്തമാക്കുമോ?

ഒറ്റപ്പാലം നിയോജക മണ്ഡലത്തിലെ പൊതുമരാമത്ത് നിര്‍മ്മാണ പ്രവര്‍ത്തനങ്ങള്‍

907.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം നിയോജക മണ്ഡലത്തില്‍ നിലവില്‍ പൊതുമരാമത്ത് വകുപ്പ് മുഖേന നടപ്പിലാക്കിവരുന്ന നിര്‍മ്മാണ പ്രവര്‍ത്തനങ്ങള്‍ ഏതെല്ലാമെന്ന് വിശദമാക്കാമോ;

(ബി)	ഓരോ പ്രവൃത്തിയുടെയും വിശദാംശവും നിലവിലെ പുരോഗതിയും പ്രത്യേകം വ്യക്തമാക്കാമോ?

കോഴിക്കോട് ജില്ലയിൽ മുടങ്ങിക്കിടക്കുന്ന പദ്ധതികള്‍

908.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ വിവിധ സര്‍ക്കാരുകളുടെ കാലയളവില്‍ ഭരണാനുമതി ലഭിച്ചിട്ടും സ്ഥലമെടുപ്പ് നടപടികളിലെ കാലതാമസം കാരണത്താലും മറ്റു സാങ്കേതിക കാരണങ്ങളാലും മുടങ്ങിക്കിടക്കുന്ന എത്ര പദ്ധതികള്‍ കോഴിക്കോട് ജില്ലയിലുണ്ട് എന്ന് വ്യക്തമാക്കാമോ;

(ബി)	കൊയിലാണ്ടി, ബാലുശ്ശേരി മണ്ഡലങ്ങളുമായി ബന്ധപ്പെട്ട ഉള്ളൂര്‍ക്കടവ് പാലം നിര്‍മ്മാണ പദ്ധതി ഇത്തരത്തില്‍ വര്‍ഷങ്ങളായി മുടങ്ങിയിരിയ്ക്കുന്നത് ശ്രദ്ധയില്‍പെട്ടിട്ടുണ്ടോ;

(സി)	സ്ഥലമെടുപ്പു നടപടികളിലെ കാലതാമസം ഒഴിവാക്കുന്നതിന് പൊതുമരാമത്ത് - റവന്യു വകുപ്പുകളിലെ ഏകോപനമുണ്ടാക്കി കോഴിക്കോട് ജില്ലയിലെ പദ്ധതികള്‍ സമയബന്ധിതമായി നടപ്പിലാക്കുന്നതിന് ഒരു ആക്ഷന്‍ പ്ലാനിന് രൂപം നല്‍കുാന്‍ വേണ്ട നടപടികൾ സ്വീകരിക്കുമോ?

ഒറ്റപ്പാലം ബൈപ്പാസ് റോഡ്

909.

(എ)	ഒറ്റപ്പാലം ബൈപ്പാസ് റോഡ് നിര്‍മ്മിക്കുന്നതിനായി ഈ സര്‍ക്കാര്‍ എത്ര തുക അനുവദിച്ചു എന്ന് വ്യക്തമാക്കാമോ;

(ബി)	നിര്‍ദ്ദിഷ്ട ഒറ്റപ്പാലം ബൈപ്പാസ് റോഡ് എവിടെ നിന്ന് ആരംഭിച്ച് എവിടെയാണ് അവസാനിക്കുന്നത്; വിശദാംശം ലഭ്യമാക്കാമോ;

(സി)	നിര്‍ദ്ദിഷ്ട ഒറ്റപ്പാലം ബൈപ്പാസ് റോഡിലുള്ള കാക്കാത്തോട് പാലം നിര്‍മ്മിക്കുന്നതിനായി ഇന്‍വെസ്റ്റിഗേഷന്‍ നടത്തിയിട്ടുണ്ടോ; ഉണ്ടെങ്കില്‍ ഏത് ഏജന്‍സിയാണ് ഇന്‍വെസ്റ്റിഗേഷന്‍ നടത്തിയത്; ഡി.പി.ആര്‍. തയ്യാറാക്കിയിട്ടുണ്ടോ;

(ഡി)	നിര്‍ദ്ദിഷ്ട ഒറ്റപ്പാലം ബൈപ്പാസ് റോഡ് യാഥാര്‍ത്ഥ്യമാക്കുന്നതിനായി ഈ സര്‍ക്കാര്‍ അടിയന്തരമായി എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കാമോ?

ബാലുശ്ശേരി മണ്ഡലത്തിലെ കോവിലകം താഴെ പാലത്തിന്റെ അപ്രോച്ച് റോഡ്

910.

(എ)	ബാലുശ്ശേരി മണ്ഡലത്തിലെ കോവിലകം താഴെ പാലത്തിന്റെ അപ്രോച്ച് റോഡ് നിര്‍മ്മിക്കുന്നതിനായി സ്ഥലം സര്‍ക്കാറില്‍ ലഭ്യമായിട്ടുണ്ടോ; ഉണ്ടെങ്കില്‍ അപ്രോച്ച് റോഡ് നിര്‍മ്മാണ പ്രവൃത്തി ആരംഭിക്കുാനുള്ള നടപടി വേഗത്തിലാക്കാമോ;

(ബി)	അപ്രോച്ച് റോഡ് നിര്‍മ്മാണത്തിനായി വിശദമായ എസ്റ്റിമേറ്റ് തയ്യാറാക്കിയിട്ടുണ്ടോ; ഉണ്ടെങ്കില്‍ നിലവില്‍ എത്ര രൂപയാണ് അപ്രോച്ച് റോഡിന്റെ എസ്റ്റിമേറ്റ് തുക എന്നറിയിക്കാമോ?

മാനന്തവാടി മണ്ഡലത്തിലെ റോഡുകളുടെ അറ്റകുറ്റപ്പണികള്‍

911.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തില്‍ എത്ര കിലോമീറ്റര്‍ റോഡാണ് പൊതുമരാമത്ത് വകുപ്പിന്റെ കീഴിലുളളത്;

(ബി)	പൊതുമരാമത്ത് വകുപ്പിന്റെ കീഴിലുളള റോഡുകളുടെ അറ്റകുറ്റപ്പണികള്‍ക്കായി ഈ വര്‍ഷം മാനന്തവാടി മണ്ഡലത്തില്‍ അനുവദിച്ച തുക എത്രയാണ്;

(സി)	ഈ മണ്ഡലത്തില്‍ പൊതുമരാമത്ത് വകുപ്പിന്റെ റോഡുകളുടെ അറ്റകുറ്റപ്പണികള്‍ പൂര്‍ത്തിയാകാത്തത് ശ്രദ്ധയില്‍പെട്ടിട്ടുണ്ടോ;

(ഡി)	റോഡുകളുടെ അറ്റകുറ്റപ്പണികള്‍ക്കായി കൂടുതല്‍ തുക അനുവദിക്കുന്ന കാര്യം പരിഗണനയിലുണ്ടോ?

നിലമ്പൂര്‍ മണ്ഡലത്തിലെ പാലങ്ങള്‍

912.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ മണ്ഡലത്തിലെ ബലക്ഷയം സംഭവിച്ച പാലങ്ങളായ കരിയന്‍തോട് പാലം, തണ്ണിക്കടവ് പാലം, കുരുടിതോട് പാലം എന്നിവ അടിയന്തരമായി പുനര്‍ നിര്‍മ്മിക്കുന്നതിന് ആവശ്യമായ നടപടികള്‍ സ്വീകരിക്കുമോ; ഇവ ഓരോന്നും സംബന്ധിച്ച ഫയൽ നടപടികളുടെ നിലവിലെ അവസ്ഥ വിശദമാക്കാമോ;

(ബി)	നിലമ്പൂര്‍ മണ്ഡലത്തിലെ മൂട്ടിക്കടവ് പാലം, വഴിക്കടവ് പഞ്ചായത്തിലെ മുക്രാംപൊട്ടി പാലം എന്നീ പ്രൊപ്പോസലുകള്‍ക്ക് അംഗീകാരം നല്‍കി പ്രവ്യത്തികള്‍ എത്രയും വേഗം നടപ്പാക്കുവാന്‍ നടപടി സ്വീകരിക്കുമോ?

കാട്ടാക്കട മണ്ഡലത്തിലെ പുന്നാവൂര്‍ പാലം

913.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

കാട്ടാക്കട മണ്ഡലത്തിലെ പുന്നാവൂര്‍ പാലത്തിന്റെ നിര്‍മ്മാണ പ്രവര്‍ത്തനങ്ങള്‍ക്കായുള്ള നടപടിക്രമങ്ങള്‍ എന്തായെന്ന് വിശദമാക്കാമോ; ഇതിനായുള്ള തുടര്‍ നടപടികള്‍ വേഗത്തിലാക്കാനും അപകടാവസ്ഥയിലുള്ള പ്രസ്തുത പാലത്തിന്റെ നിര്‍മ്മാണ പ്രവര്‍ത്തനങ്ങള്‍ അടിയന്തിര പ്രാധാന്യത്തോടെ പൂര്‍ത്തിയാക്കുന്നതിനും നടപടി സ്വീകരിക്കാമോ?

വളന്തുകാട് ദ്വീപിലേക്ക് പാലം

914.

(എ)	തൃപ്പൂണിത്തുറ മണ്ഡലത്തില്‍പ്പെടുന്ന വളന്തുകാട് ദ്വീപിലേക്ക് പാലം ഇല്ല എന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഒട്ടേറെ വിനോദസഞ്ചാര വികസന സാധ്യതകള്‍ നിലവിലുള്ള ഈ ദ്വീപിലേക്ക് ഒരു പാലം പണിയുന്നതിന് നടപടി സ്വീകരിക്കുമോ;എങ്കില്‍ ഇതിന്റെ വിശദാംശം അറിയിക്കുമോ?

മാനന്തവാടി നിയോജമണ്ഡലത്തിലെ മലയോര ഹൈവേ നിര്‍മ്മാണം

915.

(എ)	നിര്‍ദ്ദിഷ്ട മലയോര ഹൈവേ മാനന്തവാടി നിയോജകമണ്ഡലത്തില്‍ എത്ര കിലോമീറ്റര്‍ ദൂരത്തിലാണ് നിര്‍മ്മിക്കാന്‍ ഉദ്ദേശിക്കുന്നത് എന്ന് അറിയിക്കുമോ;

(ബി)	മലയോര ഹൈവേയുമായി ബന്ധപ്പെട്ട് മാനന്തവാടി മണ്ഡലത്തില്‍ എന്തെങ്കിലും നടപടി ആരംഭിച്ചിട്ടുണ്ടോ;

(സി)	പ്രസ്തുത ഹൈവേ പദ്ധതി വേഗത്തില്‍ നടപ്പിലാക്കുന്നതിന് നടപടി സ്വീകരിക്കുമോ?

സെന്‍ട്രല്‍ റോഡ് ഫണ്ട് ഉപയോഗിച്ചുള്ള പ്രവൃത്തികള്‍

916.

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം സെന്‍ട്രല്‍ റോഡ് ഫണ്ട് ഉപയോഗിച്ച് നിര്‍മ്മിക്കാന്‍ ഭരണാനുമതി ലഭിച്ച കോഴിക്കോട് ജില്ലയിലെ പ്രവൃത്തികളുടെ വിശദാംശങ്ങള്‍ ലഭ്യമാക്കുമോ;

(ബി)	കഴിഞ്ഞ വര്‍ഷവും ഈ വര്‍ഷവും സെന്‍ട്രല്‍ റോഡ് ഫണ്ടിനായി ശിപാര്‍ശ ചെയ്ത കോഴിക്കോട് ജില്ലയിലെ പ്രവൃത്തികളുടെ വിശദാംശം ലഭ്യമാക്കുമോ;

(സി)	നോര്‍ത്ത് കാരശ്ശേരി - തേക്കുംകുറ്റി- മര‍ഞ്ചാട്ടി- പീടികപ്പാറ-കക്കാടംപൊയില്‍ റോഡിന് സെന്‍ട്രല്‍ റോഡ് ഫണ്ട് ലഭ്യമാക്കുന്നതിന് നടപടികള്‍ സ്വീകരിക്കുമോ;വ്യക്തമാക്കാമോ?

കണ്ണിയംപുറം പാലത്തിന്‍െറ പുനര്‍നിര്‍മ്മാണം

917.

(എ)	ഒറ്റപ്പാലം നിയോജകമണ്ഡലത്തിലെ കണ്ണിയംപുറം പാലം കാലപ്പഴക്കത്താല്‍ ഗതാഗത യോഗ്യമല്ലാതായിത്തീര്‍ന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പാലം പുനര്‍നിര്‍മ്മിക്കുന്നതിനായി എത്ര രൂപയുടെ എസ്റ്റിമേറ്റാണ് സമര്‍പ്പിച്ചിട്ടുള്ളത്; വിശദാംശം നല്‍കുമോ;

(സി)	പ്രസ്തുത പാലം പുനര്‍നിര്‍മ്മിക്കുന്നതിനായി ഭരണാനുമതിയും പ്രത്യേകാനുമതിയും നല്‍കിയിട്ടുണ്ടോ; ഇല്ലെങ്കില്‍ എന്ന് നല്കുവാന്‍ കഴിയും; വിശദാംശം ലഭ്യമാക്കാമോ;

(ഡി)	പ്രസ്തുത പാലത്തിന്റെ പുനര്‍നിര്‍മ്മാണ പ്രവൃത്തി എന്ന് ആരംഭിക്കുവാന്‍ കഴിയുമെന്ന് വ്യക്തമാക്കാമോ?

മട്ടന്നൂര്‍-ശിവപുരം-തോലമ്പ്ര-പേരാവൂര്‍ റോഡ് നിര്‍മ്മാണം

918.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

പൊതുമരാമത്ത് വകുപ്പിന്റെ 28.11.2017-ലെ സര്‍ക്കാര്‍ ഉത്തരവ് നമ്പര്‍ 1785 /2017/പിഡബ്ല്യൂഡി ഉത്തരവ് പ്രകാരം നബാര്‍ഡ് സഹായം ലഭിച്ച പൊതുമരാമത്ത് പ്രവൃത്തികളുടെ ഭരണാനുമതി ലഭിച്ച മട്ടന്നൂര്‍ നിയോജകമണ്ഡലത്തിലെ മട്ടന്നൂര്‍-ശിവപുരം-തോലമ്പ്ര-പേരാവൂര്‍ റോഡ് നിര്‍മ്മാണ പ്രവൃത്തിയുടെ ടെണ്ടര്‍ നടപടികള്‍ പൂര്‍ത്തീകരിക്കുകയുണ്ടായോ; വിശദാംശങ്ങള്‍ ലഭ്യമാക്കുമോ ;

(ബി)	നിര്‍മ്മാണ പ്രവൃത്തി എപ്പോള്‍ പൂര്‍ത്തീകരിക്കത്തക്കവിധമാണ് നടപടികള്‍ മുന്നോട്ടു പോകുന്നതെന്ന് വ്യക്തമാക്കുമോ ?

കോഴിക്കോട് ജില്ലയിലെ അപകടാവസ്ഥയിലായ പാലങ്ങള്‍

919.

(എ)	കോഴിക്കോട് ജില്ലയില്‍ പൊതുമരാമത്ത് വകുപ്പിനു കീഴിലുള്ള അപകടാവസ്ഥയിലായ പാലങ്ങളുടെ വിശദാംശം ലഭ്യമാക്കുമോ;

(ബി)	പാലങ്ങള്‍ പുനര്‍നിര്‍മ്മിക്കുന്നതിന് മുന്‍ഗണനാക്രമം നിശ്ചയിച്ചിട്ടുണ്ടോ;എങ്കിൽ ആയത് വ്യക്തമാക്കുമോ;

(സി)	പ്രസ്തുത പ്രവൃത്തികള്‍ എന്ന് ആരംഭിക്കാന്‍ കഴിയുമെന്ന് വ്യക്തമാക്കുമോ?

തൃപ്പൂണിത്തുറ മണ്ഡലത്തിലെ ഇരുമ്പുപാലം

920.

(എ)	തൃപ്പൂണിത്തുറ മണ്ഡലത്തില്‍ സ്ഥിതി ചെയ്യുന്നതും ഒരു നൂറ്റാണ്ടിലേറെ പഴക്കമുള്ളതുമായ ഇരുമ്പുപാലത്തിന്റെ നിലവിലെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	ഈ പാലത്തിന് പകരമായി പുതിയ പാലം നിര്‍മ്മിക്കുന്നതിന് നടപടി സ്വീകരിച്ചുവരുന്നുണ്ടോയെന്ന് വ്യക്തമാക്കുമോ;

(സി)	വളരെയേറെ പൈതൃക മൂല്യമുള്ള ഈ പാലം പൊളിച്ച് തൃപ്പൂണിത്തുറ ഹില്‍ പാലസ് മ്യൂസിയത്തില്‍ സ്ഥാപിച്ച് സംരക്ഷിക്കുന്നതിന് നടപടി സ്വീകരിക്കുമോ;

(ഡി)	സമയബന്ധിതമായി പുതിയ പാലം നിര്‍മ്മിക്കുന്നതിന് നടപടി സ്വീകരിക്കുമോഎന്ന് വ്യക്തമാക്കാമോ?

വെള്ളപ്പറമ്പ്-നിരമ്മേല്‍-മരുതായി പാലം റോഡ് നിര്‍മ്മാണം

921.

(എ)	പൊതുമരാമത്ത് വകുപ്പിന്റെ 15.9.2017-ലെ സര്‍ക്കാര്‍ ഉത്തരവ് നമ്പര്‍ 1386/2017/pwd പ്രകാരം ഭരണാനുമതി ലഭിച്ച മട്ടന്നൂര്‍ നിയോജക മണ്ഡലത്തിലെ വെള്ളപ്പറമ്പ്-നിരമ്മേല്‍-മരുതായി പാലം റോഡ് നിര്‍മ്മാണ പ്രവൃത്തികളുടെ ടെണ്ടര്‍ നടപടികള്‍ പൂര്‍ത്തീകരിക്കുകയുണ്ടായോ; വിശദാംശങ്ങള്‍ ലഭ്യമാക്കുമോ ;

(ബി)	പ്രസ്തുത നിര്‍മ്മാണ പ്രവൃത്തികള്‍ ആരംഭിച്ചു കഴിഞ്ഞോ എന്നും ഇല്ലെങ്കില്‍ എപ്പോള്‍ നിര്‍മ്മാണ പ്രവൃത്തി ആരംഭിക്കുമെന്നും എപ്പോള്‍ പൂര്‍ത്തീകരിക്കുവാനാണ് ഉദ്ദേശിക്കുന്നതെന്നും വ്യക്തമാക്കുമോ?

നെയ്യാറ്റിന്‍കര നിയോജക മണ്ഡലത്തിലെ പാലങ്ങള്‍

922.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര നിയോജക മണ്ഡലത്തിലെ ആയയില്‍-മുള്ളറവിള, കന്നിപ്പുറം എന്നീ പാലങ്ങളുടെ പുതിയ ഡീറ്റയില്‍ഡ് പ്രോജക്ട് റിപ്പോര്‍ട്ട് തയ്യാറാക്കിയിട്ടുണ്ടോ;

(ബി)	ആയയില്‍-മുള്ളറവിള പാലത്തിന്റെ ഡി.പി.ആര്‍ തയ്യാറാക്കുവാൻ കാലതാമസം എടുക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ആയയില്‍-മുള്ളറവിള, കന്നിപ്പുറം എന്നീ പാലങ്ങളുടെ സ്ഥലം ഏറ്റെടുക്കുന്ന നടപടിക്രമങ്ങള്‍ എന്തായി എന്ന് വ്യക്തമാക്കാമോ;

(ഡി)	പ്രസ്തുത പാലങ്ങളുടെ ടെണ്ടര്‍ നടപടികള്‍ 2018-2019 സാമ്പത്തിക വര്‍ഷത്തില്‍ പൂര്‍ത്തീകരിക്കാന്‍ കഴിയുമോ;

(ഇ)	ആയയില്‍-മുള്ളറവിള,കന്നിപ്പുറം എന്നീ പാലങ്ങളുടെ ഇന്‍വെസ്റ്റിഗേഷന്‍ നടപടികള്‍ പൂര്‍ത്തീകരിച്ചിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ?

നേമം നിയോജക മണ്ഡലത്തിലെ‍ 2016 -2017 വർഷത്തെ പൊതുമരാമത്ത് പ്രവൃത്തികള്‍

923.

(എ)	2016-2017 സംസ്ഥാന ബജറ്റില്‍ നേമം നിയോജക മണ്ഡലത്തില്‍ ഏതൊക്കെ പൊതുമരാമത്ത് പ്രവൃത്തികളാണ് ഉണ്ടായിരുന്നത്;

(ബി)	അതില്‍ എത്ര പ്രവൃത്തികളുടെ പണി ആരംഭിച്ചിട്ടുണ്ട്; അവ ഏതൊക്കെ;

(സി)	ഇനിയും പ്രവൃത്തി ആരംഭിച്ചിട്ടില്ലാത്തവയുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കാമോ?

കരമന-കളിയിക്കാവിള നാഷണല്‍ ഹൈവേ വികസനം

924.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന-കളിയിക്കാവിള നാഷണല്‍ ഹൈവേ വീതികൂട്ടുന്നതിന്റെ ഭാഗമായി ബാലരാമപുരം മുതല്‍ വഴിമുക്ക് വരെയുളള ഭാഗത്തെ നിര്‍മ്മാണ പ്രവര്‍ത്തനങ്ങളുടെ സോഷ്യല്‍ ഇംപാക്ട് അസസ്സ്മെന്റ് പൂര്‍ത്തിയായിട്ടുണ്ടോ;

(ബി)	പ്രസ്തുത ഭാഗത്ത് സ്ഥലം ഏറ്റെടുക്കുന്നതിന് എത്ര കോടി രൂപ ആവശ്യമുണ്ട്;

(സി)	വഴിമുക്ക് മുതല്‍ കളിയിക്കാവിള വരെയുളള ഭാഗത്തിന്റെ അലൈന്‍മെന്റ് പൂര്‍ത്തിയായിട്ടുണ്ടോ; ഇല്ലെങ്കില്‍ അതിനുളള നടപടികള്‍ ഏത് ഘട്ടത്തിലാണ്; വിശദമാക്കാമോ?

നാഷണല്‍ ഹൈവേയുടെ പ്രാവച്ചമ്പലം-ബാലരാമപുരം ഭാഗത്തെ നിര്‍മ്മാണ പ്രവര്‍ത്തനങ്ങള്‍

925.

ശ്രീ.കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന - കളിയിക്കാവിള നാഷണല്‍ ഹൈവേയുടെ രണ്ടാം റീച്ചായ പ്രാവച്ചമ്പലം-ബാലരാമപുരം ഭാഗത്തെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണ്;

(ബി)	പ്രസ്തുത ഭാഗത്ത് എത്ര കിലോമീറ്റര്‍ റോഡാണ് വീതി കൂട്ടുന്നത്; ഇതിനായുള്ള ഭൂമി ഏറ്റെടുക്കുന്ന നടപടി പൂര്‍ത്തിയായിട്ടുണ്ടോ;

(സി)	റോഡിന്റെ നിര്‍മ്മാണ പ്രവര്‍ത്തനങ്ങള്‍ക്കുള്ള ടെണ്ടര്‍ നടപടികള്‍ ഏത് ഘട്ടത്തിലാണ്;

(ഡി)	കിഫ്ബിയില്‍ നിന്നും ഇതിനായി എന്തു തുക അനുവദിച്ചിട്ടുണ്ട്;

(ഇ)	പ്രാവച്ചമ്പലം ഭാഗത്ത് നിന്നും റോഡ് വീതി കൂട്ടുന്നതിന്റെ ഭാഗമായി കുടിയൊഴിപ്പിക്കേണ്ടി വന്ന കുടുംബങ്ങളെ പുനരധിവസിപ്പിക്കുന്നതിന് എന്ത് നടപടി സ്വീകരിച്ചുവെന്ന് വെളിപ്പെടുത്തുമോ?

കോഴിക്കോട് ബൈപാസ്

926.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് മുതൽ തിരുവനന്തപുരംവരെയുള്ള ദേശീയപാത നാലുവരിയായി വികസിപ്പിക്കുന്നതിന്റെ ഭാഗമായി നിര്‍മ്മിക്കുന്ന കോഴിക്കോട് ബൈപാസിന് കേന്ദ്ര ഉപരിതല ഗതാഗത മന്ത്രാലയത്തിന്റെ അനുമതി ലഭിച്ചിട്ടുണ്ടോ എന്ന് അറിയിക്കാമോ ;

(ബി)	എത്ര കോടി രൂപയാണ് പ്രസ്തുത പദ്ധതിക്ക് വേണ്ടിവരുന്നത്; എന്നത്തേക്ക് പണി ആരംഭിക്കുവാന്‍ കഴിയുമെന്ന് വ്യക്തമാക്കുമോ?

നേമം നിയോജക മണ്ഡലത്തില്‍ കിഫ്ബി വഴിയുള്ള പദ്ധതികള്‍

927.

(എ)	നേമം നിയോജക മണ്ഡലത്തില്‍ പൊതു മരാമത്ത് വകുപ്പിന്റെ ഏതൊക്കെ പ്രവൃത്തികളാണ് കിഫ്ബി യില്‍ ഉള്‍പ്പെടുത്തി അംഗീകരിച്ചിട്ടുള്ളത്; വിശദാംശങ്ങള്‍ ലഭ്യമാക്കുമോ ; ഓരോ പ്രവൃത്തിക്കും എത്ര രൂപയാണ് അനുവദിച്ചിട്ടുള്ളത് എന്ന് വിശദമാക്കാമോ;

(ബി)	പ്രസ്തുത പ്രവൃത്തികള്‍ സംബന്ധിച്ച തുടര്‍ നടപടികള്‍ ഏതു ഘട്ടത്തിലാണെന്ന് വിശദമാക്കാമോ; ഇതു സംബന്ധിച്ച ഫയലുകള്‍ ആരുടെ പക്കലാണ് ഉള്ളതെന്ന് വിശദമാക്കാമോ?

കോങ്ങാട് മണ്ഡലത്തില്‍ കിഫ്ബി മുഖേനയുള്ള പദ്ധതികള്‍

928.

(എ)	കോങ്ങാട് മണ്ഡലത്തിലേക്കായി കിഫ്ബി മുഖേന 2017-2018 ല്‍ പ്രഖ്യാപിച്ച പി.ഡബ്ല്യു.ഡി. വര്‍ക്കുകള്‍ക്ക് ഭരണാനുമതി ലഭിച്ചിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	പ്രസ്തുത വര്‍ക്കുകള്‍ കിഫ്ബിക്ക്സമര്‍പ്പിക്കുന്നതില്‍ ഉദ്യോഗസ്ഥരുടെ ഭാഗത്തുനിന്നും സംഭവിച്ചിട്ടുള്ള വീഴ്ച പരിശോധിച്ച് ഉചിതമായ നടപടി സ്വീകരിക്കുമോ; വിശദമാക്കുമോ;

(സി)	2017-2018 ലെ ബജറ്റില്‍ പ്രഖ്യാപിച്ചതും ഇനിയും കിഫ്ബിക്ക് സമര്‍പ്പിയ്ക്കാത്തതുമായ കോങ്ങാട് മണ്ഡലത്തിലെ പദ്ധതികളുടെ വിശദാംശം നല്‍കുമോ;

(ഡി)	ഈ പദ്ധതികള്‍ കിഫ്ബിയുടെ അംഗീകാരത്തിനായി എപ്പോള്‍ സമര്‍പ്പിക്കാനാവുമെന്ന് വ്യക്തമാക്കുമോ?

കോതമംഗലം മണ്ഡലത്തില്‍ കിഫ്ബിയില്‍ ഉള്‍പ്പെടുത്തിയ പൊതുമരാമത്ത് പ്രവൃത്തികള്‍

929.

(എ)	കോതമംഗലം മണ്ഡലത്തില്‍ നിന്നും കിഫ്ബി പദ്ധതിയില്‍ ഉള്‍പ്പെടുത്തിയിരിക്കുന്ന പൊതുമരാമത്ത് പ്രവൃത്തികള്‍ ഏതെല്ലാമാണെന്ന് വ്യക്തമാക്കാമോ;

(ബി)	പ്രസ്തുത പ്രവൃത്തികളുടെ നിലവിലെ സ്ഥിതി വെളിപ്പെടുത്തുമോ;

(സി)	പ്രസ്തുത പ്രവൃത്തികള്‍ എന്നത്തേക്ക് ആരംഭിച്ച് പൂര്‍ത്തിയാക്കുവാന്‍ കഴിയും എന്ന് വ്യക്തമാക്കാമോ?

പാലക്കാട് ജില്ലയില്‍ കിഫ്ബി മുഖാന്തിരം നടപ്പിലാക്കുന്ന പദ്ധതികള്‍

930.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2018-2019 ല്‍ പാലക്കാട് ജില്ലയില്‍ കിഫ്ബി മുഖാന്തിരം നടപ്പിലാക്കുന്ന പൊതുമരാമത്ത് വകുപ്പിന്റെ പദ്ധതികള്‍ എന്തൊക്കെയാണെന്ന് വ്യക്തമാക്കുമോ;

(ബി)	2017-2018 ല്‍ കിഫ്ബി മുഖേന പ്രസ്തുത ജില്ലയില്‍ നടപ്പിലാക്കുമെന്ന് പ്രഖ്യാപിച്ച ഏതൊക്കെ പദ്ധതികള്‍ പൂര്‍ത്തീകരിച്ചുവെന്ന് അറിയിക്കുമോ; പൂര്‍ത്തിയാക്കാത്ത പദ്ധതികളുടെ നിലവിലെ സ്ഥിതി വ്യക്തമാക്കുമോ?

തെള്ളുക്കുഴി-അരുവിക്കര-കീഴാറൂര്‍ റിംഗ് റോഡ്

931.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-2018 വര്‍ഷത്തെ കിഫ്ബി പ്രോജക്ടില്‍ ഉള്‍പ്പെടുത്തിയ പാറശ്ശാല മണ്ഡലത്തിലെ തെള്ളുക്കുഴി- അരുവിക്കര- കീഴാറൂര്‍ റിംഗ് റോഡിന്റെ നിലവിലെ അവസ്ഥ എന്താണെന്ന് വ്യക്തമാക്കാമോ;പ്രസ്തുത റോഡിന്റെ പൂര്‍ത്തീകരണത്തിന് ഇനി എന്തെല്ലാം നടപടികളാണ് ബാക്കിയുള്ളതെന്ന് അറിയിക്കാമോ;

(ബി)	പ്രസ്തുത പ്രവൃത്തിക്ക് കിഫ്ബിയുടെ ഭരണാനുമതി ലഭിച്ചോ; ഇല്ലെങ്കില്‍ ആയതിനുള്ള നടപടികള്‍ സ്വീകരിക്കുമോ?

വട്ടോളിപ്പാലം നിര്‍മ്മാണം

932.

(എ)	മട്ടന്നൂര്‍ നിയോജകമണ്ഡലത്തിലെ വട്ടോളിപ്പാലം നിര്‍മ്മാണത്തിന് കിഫ്ബിയില്‍ നിന്നും ഭരണാനുമതിയും സാങ്കേതികാനുമതിയും ലഭിക്കുന്നതിനുള്ള നടപടികള്‍ ഇപ്പോള്‍ ഏതു ഘട്ടത്തിലാണെന്ന് വ്യക്തമാക്കുമോ ;

(ബി)	വട്ടോളിപ്പാലം, ചേക്കുപാലം എന്നിവ ചേര്‍ത്ത് ഒരു ക്ലസ്റ്ററായി ഭരണാനുമതിക്കായി ഡി.പി.ആര്‍ സമര്‍പ്പിക്കുവാന്‍ കേരളാസ്റ്റേറ്റ് റോഡ് ഫണ്ട് ബോര്‍ഡ് നിര്‍ദ്ദേശിച്ചതനുസരിച്ച് ഡി.പി.ആര്‍ സമര്‍പ്പിക്കുകയുണ്ടായോ; പ്രസ്തുത ഡി പി ആര്‍ എപ്പോഴാണ് സമര്‍പ്പിച്ചത്;

(സി)	കിഫ്ബി ബോര്‍ഡിന്റെ അടുത്ത യോഗത്തില്‍ വട്ടോളിപ്പാലം നിര്‍മ്മാണത്തിന് ഭരണാനുമതി ലഭ്യമാക്കുവാന്‍ ആവശ്യമായ നടപടി സ്വീകരിക്കുമോ?

കാവിന്‍മുനമ്പ് പാലം

933.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ കിഫ്ബിയില്‍ ഉള്‍പ്പെടുത്തിയ കാവിന്‍മുനമ്പ് പാലത്തിന്റെ നിര്‍മ്മാണത്തിന് ഇതുവരെ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

(ബി)	പ്രസ്തുത പാലത്തിന്റെ വിശദമായ പ്രോജക്ട് റിപ്പോര്‍ട്ട് തയ്യാറാക്കി കിഫ്ബിയുടെ അംഗീകാരത്തിനായി എപ്പോൾ സമര്‍പ്പിക്കാന്‍ കഴിയുമെന്ന് വിശദമാക്കാമോ?

കായംകുളം മണ്ഡലത്തിലെ പദ്ധതികള്‍

934.

കായംകുളം മണ്ഡലത്തിൽ സ്ത്രീസൗഹൃദ ടോയ്‍ലെറ്റ്, ലേഡീസ് റെസ്റ്റ് റൂം എന്നിവ സ്ഥാപിക്കുന്നതിന് പൊതുമരാമത്ത് വകുപ്പില്‍ നിന്നും 2017 -2018 വർഷം ഭരണാനുമതി ലഭിച്ച പദ്ധതികള്‍ ഏതൊക്കെയാണെന്നും നിലവില്‍ ഇതിന്റെ ഓരോ പ്രവൃത്തികളുടെയും പുരോഗതി എന്താണെന്നും വിശദമാക്കാമോ?

കൊയിലാണ്ടി മണ്ഡലത്തിലെ പ്രവൃത്തികള്‍

935.

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം പൊതുമരാമത്ത് വകുപ്പ് മുഖേന ഭരണാനുമതി ലഭിച്ചിട്ടുള്ള കൊയിലാണ്ടി മണ്ഡലത്തിലെ പ്രവൃത്തികള്‍ ഏതെല്ലാമെന്ന് വിശദമാക്കാമോ;

(ബി)	ഈ പ്രവൃത്തികളുടെ ഓരോന്നിന്റെയും പുരോഗതി വിശദമാക്കാമോ?

കൊയിലാണ്ടിയിലെ ആസ്തി വികസന പദ്ധതി പ്രകാരമുള്ള നിര്‍മ്മാണം

936.

(എ)

കൊയിലാണ്ടി നിയോജക മണ്ഡലത്തില്‍ ആസ്തി വികസന പദ്ധതി പ്രകാരം നിര്‍ദ്ദേശിക്കപ്പെട്ട കൊയിലാണ്ടി താലൂക്ക് ആശുപത്രി ചുറ്റുമതില്‍, ഗേറ്റ് എന്നിവയുടെ നിര്‍മ്മാണം, പ്രധാനസ്ഥലങ്ങളില്‍ ബസ് കാത്തിരിപ്പു കേന്ദ്രങ്ങളുടെ നിര്‍മ്മാണം എന്നിവ പൊതുമരാമത്തു വകുപ്പില്‍ നടപടി നീങ്ങാത്തതു കാരണം ഇതുവരെയും ഭരണാനുമതി ആകാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	ഈ പദ്ധതികള്‍ക്ക് കാലതാമസം വരുന്നത് എന്തുകൊണ്ട് എന്നും എവിടെയാണ് തടസമെന്നും വ്യക്തമാക്കാമോ?

തൃക്കരിപ്പൂര്‍ വൊക്കേഷണല്‍ ഹയര്‍ സെക്കന്ററി സ്കൂള്‍ കെട്ടിട നിർമാണം

937.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ തൃക്കരിപ്പൂര്‍ വൊക്കേഷണല്‍ ഹയര്‍ സെക്കന്ററി സ്കൂളിന് മലബാര്‍ പാക്കേജ് വഴി അനുവദിച്ചതും ടെണ്ടര്‍ നടപടി പൂര്‍ത്തീകരിച്ചതുമായ കെട്ടിടത്തിന്റെ പണി തടസ്സപ്പെട്ട വിവരം ശ്രദ്ധയില്‍പെട്ടിട്ടുണ്ടോ ;

(ബി)	ഈ പ്രവൃത്തിയുടെ ഭരണാനുമതി പുതുക്കി നൽകി സമയബന്ധിതമായി നടപ്പിലാക്കാന്‍ ഉത്തരവുണ്ടാകുമോ; വ്യക്തമാക്കാമോ?

അനധികൃത അവധിയില്‍ കഴിയുന്ന എഞ്ചിനീയര്‍മാര്‍

938.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പില്‍ എന്‍ജിനീയര്‍ വിഭാഗത്തിലെ വിവിധ തസ്തികകളില്‍ അനധികൃത അവധിയില്‍ കഴിയുന്നവരുടെ എണ്ണം തസ്തിക തിരിച്ച് വെളിപ്പെടുത്തുമോ;

(ബി)	അനധികൃത അവധിയില്‍ കഴിയുന്ന എന്‍ജിനീയര്‍മാര്‍ക്കെതിരെ സ്വീകരിക്കുന്ന തുടര്‍ നടപടികള്‍ വിശദമാക്കുമോ;

(സി)	പൊതുമരാമത്ത് വകുപ്പില്‍ അസിസ്റ്റന്റ് എന്‍ജിനീയര്‍ തസ്തികയില്‍ നിലവില്‍ എത്ര ഒഴിവുകള്‍ ഉണ്ട് എന്ന് വ്യക്തമാക്കുമോ?

അസിസ്റ്റന്റ് എന്‍ജിനീയര്‍മാരുടെ തസ്തികകള്‍

939.

(എ)	പൊതുമരാമത്ത് വകുപ്പില്‍ എത്ര അസിസ്റ്റന്റ് എന്‍ജിനീയര്‍മാരുടെ തസ്തിക ഒഴിഞ്ഞ് കിടക്കുന്നുണ്ട്; വിശദമാക്കാമോ;

(ബി)	ഒഴിഞ്ഞുകിടക്കുന്ന തസ്തികകൾ സമയബന്ധിതമായി നികത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശം നല്‍ക്കുമോ?

തലശ്ശേരി നിയോജക മണ്ഡലത്തിലെ പൊതുമരാമത്ത് പ്രവൃത്തികള്‍

940.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

2018-2019 വര്‍ഷത്തെ ബജറ്റില്‍ പൊതുമരാമത്ത് വകുപ്പിന്റെ കീഴിൽ തലശ്ശേരി നിയോജക മണ്ഡലത്തിലെ ഏതൊക്കെ പ്രവൃത്തികളാണ് ഉള്‍പ്പെട്ടിട്ടുള്ളത് എന്ന് വ്യക്തമാക്കാമോ?

കോങ്ങാട് മണ്ഡലത്തിലെ ആസ്തി വികസന ഫണ്ട്- പ്രവൃത്തികളുടെ പുരോഗതി

941.

(എ)	2016-17 കാലയളവില്‍ കോങ്ങാട് മണ്ഡലത്തില്‍ പി.ഡബ്ള്യൂ.ഡി യില്‍ നിന്നും ഭരണാനുമതി ലഭിച്ച ആസ്തി വികസന ഫണ്ടിലെ പ്രവൃത്തികളുടെ പുരോഗതി സംബന്ധിച്ച വിവരം ലഭ്യമാക്കുമോ;

(ബി)	ഇതുവരെ ആരംഭിച്ചിട്ടില്ലാത്ത എത്ര പദ്ധതികളാണുളളത്; വിശദവിവരം ലഭ്യമാക്കുമോ;

പൊതുമരാമത്ത് ഭൂമി കയ്യേറ്റം

942.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ റോഡുകളുടെ നവീകരണത്തിന്റെ ഭാഗമായി ഉപേക്ഷിക്കപ്പെട്ട മുന്‍ പി. ഡബ്ല്യൂ.ഡി റോഡുകളുടെ ഭാഗങ്ങള്‍, നിലവിലെ പി.ഡബ്ല്യൂ.ഡി റോഡുകള്‍ എന്നിവിടങ്ങളില്‍ സ്വകാര്യ വ്യക്തികള്‍, സ്ഥാപനങ്ങള്‍, കച്ചവടക്കാര്‍ എന്നിവര്‍ കയ്യേറുകയോ അല്ലെങ്കില്‍ സ്വന്തം ഭൂമിയോട് ചേര്‍ക്കുകയോ ചെയ്ത സംഭവങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരത്തില്‍ സംസ്ഥാനത്ത് പി.ഡബ്ല്യൂ.ഡി റോഡുകളുടെ എത്ര കയ്യേറ്റങ്ങള്‍ കണ്ടെത്തിയിട്ടുണ്ട്;എത്ര ഏക്കര്‍ ഭൂമി ഇത് വഴി അന്യാധീനപ്പെട്ടിട്ടുണ്ട്; ഓരോ റോഡുകളുടെയും അന്യാധീനപ്പെട്ട ഭൂമിയുടെയും വിശദാംശങ്ങള്‍ ലഭ്യമാക്കുമോ;

(സി)	കയ്യേറിയ പി.ഡബ്ല്യൂ.ഡി ഭൂമി തിരിച്ചു പിടിക്കാന്‍ എന്തൊക്കെ നടപടികള്‍ സ്വീകരിക്കുവാനാണ് ഉദ്ദേശിക്കുന്നത്;വിശദാംശങ്ങള്‍ വ്യക്തമാക്കുമോ?

പാഞ്ചിക്കാട് കടവ് പാലത്തിന്റെ സ്ഥലം ഏറ്റെടുത്തതിനുള്ള നഷ്ടപരിഹാരം

943.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര താലൂക്കിലെ തിരുപുറം ഗ്രാമപ‍ഞ്ചായത്തിലെ പാഞ്ചിക്കാട് കടവ് പാലം നിര്‍മ്മാണവുമായി ബന്ധപ്പെട്ട് സ്ഥലം ഏറ്റെടുത്തതിനുള്ള നഷ്ടപരിഹാരം നൽകുന്നതിനായി 21/02/2017 ല്‍ അവാര്‍ഡ് പാസ്സാക്കിയെങ്കിലും ബന്ധപ്പെട്ട എല്ലാവര്‍ക്കും തുക നാളിതുവരെ നല്‍കിയിട്ടില്ല എന്നത് ശ്രദ്ധയില്‍പെട്ടിട്ടുണ്ടോ;

(ബി)	19/4/2017 ല്‍ ജില്ലാ കളക്ടര്‍ വിളിച്ച യോഗത്തില്‍ പി.ഡബ്ല്യു.ഡി റോഡ്സ് ആന്‍റ് ബ്രിഡ്ജസ് വിഭാഗത്തില്‍ നിന്നും ബന്ധപ്പെട്ട ഉദ്യോഗസ്ഥര്‍ ആരും തന്നെ പങ്കെടുക്കാതിരുന്നത് ശ്രദ്ധയില്‍പെട്ടിട്ടുണ്ടോ; പ്രസ്തുത ഉദ്യോഗസ്ഥര്‍ക്കെതിരെ ഉചിതമായ അച്ചടക്ക നടപടി സ്വീകരിക്കുമോ;

(സി)	പി.ഡബ്ല്യു.ഡി റോഡ്സ്ആന്‍റ് ബ്രിഡ്ജസ് വിഭാഗത്തിലെ ബന്ധപ്പെട്ട ജീവനക്കാരുടെ അനാസ്ഥമൂലം പൊന്നുംവില നടപടികള്‍ ഡിനോവ(ലാപ്സ്) ആയ വിവരം സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ; വീഴ്ച വരുത്തിയ ഉദ്യോഗസ്ഥര്‍ക്കെതിരെ വകുപ്പുതല നടപടി സ്വീകരിക്കുമോ?

ആധാര രജിസ്ട്രേഷന്‍

944.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-2018 സാമ്പത്തിക വര്‍ഷം എത്ര ആധാരങ്ങള്‍ രജിസ്റ്റര്‍ ചെയ്തു; ജില്ല തിരിച്ചുള്ള കണക്ക് ലഭ്യമാക്കാമോ;

(ബി)	ആധാര രജിസ്ട്രേഷനുമായി ബന്ധപ്പെട്ട വരുമാനം മുന്‍വര്‍ഷത്തേതുമായി താരതമ്യം ചെയ്യാമോ; ആയതിന്റെ വരുമാന നഷ്ടം വ്യക്തമാക്കാമോ;

(സി)	നോട്ട് നിരോധനം സംസ്ഥാനത്തെ ആധാര രജിസ്ട്രേഷന്‍ മേഖലയെ എങ്ങനെ ബാധിച്ചു എന്നറിയിക്കാമോ; ഇപ്പോള്‍ സ്റ്റാമ്പ് ഡ്യൂട്ടി എത്ര ശതമാനമായാണ് നിശ്ചയിച്ചിരിക്കുന്നത്; ആയത് കുറയ്ക്കുന്ന കാര്യം പരിശോധിക്കുമോ?

സ്റ്റാമ്പ്പേപ്പറുകളുടെ ക്ഷാമം

945.

(എ)	സംസ്ഥാനത്ത് സ്റ്റാമ്പ്പേപ്പറുകള്‍ക്ക് ക്ഷാമം നേരിടുന്നുണ്ടോ;വിശദാംശം വെളിപ്പെടുത്തുമോ;

(ബി)	എങ്കില്‍ ഏതൊക്കെ നിരക്കിലുള്ള സ്റ്റാമ്പ്പേപ്പറുകള്‍ക്കാണ് ക്ഷാമമെന്ന് വെളിപ്പെടുത്താമോ;

(സി)	സ്റ്റാമ്പ്പേപ്പറുകളുടെ ക്ഷാമം പരിഹരിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ ?

തൃശൂര്‍ ജില്ലയിലെ രജിസ്ട്രാര്‍ ഓഫീസുകള്‍ക്ക് സ്വന്തമായി കെട്ടിടം

946.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃശൂര്‍ ജില്ലയില്‍ എത്ര രജിസ്ട്രാര്‍ ഓഫീസുകള്‍ വാടകക്കെട്ടിടത്തില്‍ പ്രവര്‍ത്തിക്കുന്നു എന്ന് വ്യക്തമാക്കാമോ; വിശദാംശം ലഭ്യമാക്കാമോ;

(ബി)	പ്രസ്തുത ഓഫീസുകള്‍ക്ക് സ്വന്തമായി കെട്ടിടം നിര്‍മ്മിക്കുന്നതിനുള്ള നടപടി സ്വീകരിക്കുമോ എന്ന് അറിയിക്കാമോ?

മട്ടാഞ്ചേരി സബ് രജിസ്ട്രാര്‍ ഓഫീസ് വിഭജനം

947.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മട്ടാഞ്ചേരി സബ് രജിസ്ട്രാര്‍ ഓഫീസ് വിഭജിച്ച് പള്ളുരുത്തിയില്‍ പുതിയ സബ് രജിസ്ട്രാര്‍ ഓഫീസ് ആരംഭിക്കണമെന്നാവശ്യപ്പെട്ട് സമര്‍പ്പിച്ച നിവേദനത്തിന്മേൽ സ്വീകരിച്ചിട്ടുള്ള നടപടി വിശദമാക്കാമോ;

(ബി)	ഇതു സംബന്ധിച്ച് രജിസ്ട്രേഷന്‍ ഇന്‍സ്പെക്ടര്‍ ജനറല്‍ റിപ്പോര്‍ട്ട് സമര്‍പ്പിച്ചിട്ടുണ്ടോ; പ്രസ്തുത റിപ്പോര്‍ട്ടിന്മേല്‍ സ്വീകരിച്ചിട്ടുള്ള നടപടി വ്യക്തമാക്കാമോ; പ്രസ്തുത റിപ്പോർട്ടിന്റെ പകര്‍പ്പ് ലഭ്യമാക്കാമോ?

ഭൂമിയുടെ ആധാരങ്ങള്‍ കമ്പ്യൂട്ടറൈസേഷന്‍ നടത്തുന്ന നടപടികള്‍

948.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഭൂമിയുടെ ആധാരങ്ങള്‍ കമ്പ്യൂട്ടറൈസേഷന്‍ നടത്തുന്ന നടപടികളുടെ പുരോഗതികള്‍ വിലയിരുത്തിയിട്ടുണ്ടോ;എങ്കില്‍ വിശദാംശം നല്‍കുമോ;

(ബി)	ഏതെല്ലാം തരത്തിലുള്ള ആധാരങ്ങളാണ് കമ്പ്യൂട്ടറില്‍ പകര്‍ത്തുന്നത്;ഇതിന് നിശ്ചിത കാലാവധി നിശ്ചയിച്ചിട്ടുണ്ടോ;

(സി)	രജിസ്ട്രേഷന്‍-റവന്യൂ വകുപ്പുകളുടെ ആഭിമുഖ്യത്തില്‍ ഇതിനായി പ്രത്യേക അദാലത്തുകള്‍ സംഘടിപ്പിക്കുന്ന കാര്യം പരിഗണിക്കുമോ;

(ഡി)	ജന്‍മമല്ലാത്തതും പട്ടയം ലഭിക്കാത്തതുമായ ആധാരങ്ങളുടെ കമ്പ്യൂട്ടറൈസേഷന്‍ ഇപ്പോള്‍ നടത്തുന്നുണ്ടോ; വിശദാംശം നല്‍കുമോ?

ആമ്പല്ലൂര്‍ ഇലക്ട്രോണിക് പാര്‍ക്ക് - സ്ഥലമേറ്റെടുക്കുന്നതിന് സ്റ്റാംപ് ഡ്യൂട്ടി ഇളവ്

949.

(എ)	പിറവം നിയോജകമണ്ഡലത്തിലെ ആമ്പല്ലൂര്‍ ഇലക്ട്രോണിക് പാര്‍ക്കിന്റെ നിര്‍മ്മാണത്തിനായി സ്ഥലമേറ്റെടുക്കുന്നതിന് സ്റ്റാംപ് ഡ്യൂട്ടി ഇളവ് ലഭ്യമാക്കുന്നത് സംബന്ധിച്ച കെ.എസ്.എെ.ഡി.സി യുടെ അപേക്ഷയിന്മേല്‍ തീരുമാനം കൈക്കൊണ്ടിട്ടുണ്ടോ എന്ന് വ്യക്തമാക്കുമോ; ഉണ്ടെങ്കില്‍ വിശദാംശം ലഭ്യമാക്കുമോ;

(ബി)	പ്രസ്തുത വിഷയം സംബന്ധിച്ച് നിയമവകുപ്പിനോട് അഭിപ്രായം ആരാഞ്ഞിട്ടുണ്ടോ; ഉണ്ടെങ്കില്‍ നിയമ വകുപ്പില്‍ നിന്നും ലഭിച്ച അഭിപ്രായം എന്തായിരുന്നുവെന്ന് അറിയിക്കുമോ?

റെയില്‍വേ വികസനം

950.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റെയില്‍വേയുടെ പാതയിരട്ടിപ്പിക്കല്‍, വെെദ്യുതീകരണ പദ്ധതികള്‍ എന്നിവയുടെ നിലവിലെ അവസ്ഥയെന്താണെന്നും പ്രസ്തുത പ്രവൃത്തികള്‍ ഏതുവര്‍ഷം മുതലാണ് ആരംഭിച്ചതെന്നും വ്യക്തമാക്കുമോ ;

(ബി)	സംസ്ഥാനത്തെ റെയില്‍വേ ലെെന്‍ ശേഷിയുടെ എത്ര ശതമാനമാണ് ഇപ്പോഴത്തെ ഗതാഗതനിരക്കെന്ന് വെളിപ്പെടുത്തുമോ;

(സി)	സുഗമമായ ഗതാഗതത്തിന് പുതിയ തീവണ്ടികള്‍ അനുവദിക്കപ്പെട്ടിട്ടുണ്ടോ; അനുവദിച്ചാല്‍ ഇന്നത്തെ അവസ്ഥയില്‍ സുഗമമായി സര്‍വ്വീസ് നടത്താന്‍ സാധ്യമാകുമോ; വിശദാംശം വ്യക്തമാക്കാമോ?

റെയില്‍വേ വികസനം

951.

ശ്രീ.പി.കെ. ശശി
,, ജോര്‍ജ് എം. തോമസ്
,, കെ.സുരേഷ് കുറുപ്പ്
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാതയിരട്ടിപ്പ്, പുതിയ പാതകള്‍ ,പാതകളുടെ വൈദ്യുതീകരണം തുടങ്ങി റെയില്‍വേ വികസനത്തിന് അനിവാര്യമായ പദ്ധതികളില്‍ ഇത്തവണയും സംസ്ഥാനത്തിന് പരിഗണന നല്‍കാതിരുന്ന കേന്ദ്രസര്‍ക്കാര്‍ നടപടി പുനപരിശോധിക്കാന്‍ ആവശ്യപ്പെടുമോ;

(ബി)	കഞ്ചിക്കോട് കോച്ചു ഫാക്ടറിക്ക് സംസ്ഥാന സര്‍ക്കാര്‍ നാനൂറ്റി മുപ്പത്തൊമ്പത്‌ ഏക്കർ സ്ഥലം ഏറ്റെടുത്ത് നല്‍കിയെങ്കിലും പദ്ധതി ആരംഭിക്കാന്‍ തുക വകയിരുത്താത്ത വിവേചനപരമായ നിലപാട് തിരുത്താന്‍ വേണ്ട സമ്മര്‍ദ്ദം ചെലുത്തുമോ;

(സി)	സംസ്ഥാന സര്‍ക്കാര്‍ -റെയില്‍വേ സംയുക്ത സംരംഭമായ കേരള റെയില്‍ ഡെവലപ്പ്മെന്റ് കോര്‍പ്പറേഷന്‍ ഏതൊക്കെ പദ്ധതികളാണ് നിര്‍ദ്ദേശിച്ചിരുന്നതെന്നും അവയില്‍ ഏതെങ്കിലും പദ്ധതിക്ക് ബജറ്റില്‍ തുക വകയിരുത്തിയിട്ടുണ്ടോ എന്നും അറിയിക്കാമോ?

പാലക്കാട് ജില്ലയുടെ റെയില്‍വേ വികസനം

952.

ശ്രീ.കെ. കൃഷ്ണന്‍കുട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് നിന്ന് തിരുവനന്തപുരം വരെ ഉച്ചക്ക് 12 മണി മുതല്‍ രാത്രി പത്ത് മണി വരെ ട്രെയിനുകള്‍ ഒന്നും തന്നെയില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പൊള്ളാച്ചി വഴി രാമേശ്വരം, ഗുരുവായൂര്‍-മധുര, മധുര-മംഗലാപുരം, പഴനി-എറണാകുളം എന്നീ റൂട്ടുകളില്‍ കൂടുതല്‍ ട്രെയിനുകൾ അനുവദിക്കുന്ന കാര്യത്തില്‍ റെയില്‍വേ മന്ത്രാലയത്തിന്റെ ശ്രദ്ധ ക്ഷണിക്കാന്‍ നടപടി സ്വീകരിക്കുമോ;

(സി)	ഷൊര്‍ണൂരില്‍ യാത്ര അവസാനിപ്പിക്കുന്ന വേണാട് എക്സപ്രസ് ട്രെയിന്‍ പാലക്കാട് വരെ നീട്ടുന്ന വിഷയം റെയില്‍വേ അധികാരികളുടെ ശ്രദ്ധയില്‍ കൊണ്ടുവരുമോ;

(ഡി)	പുതിയതായി പൂര്‍ത്തീകരിക്കപ്പെട്ട പാലക്കാട് പൊള്ളാച്ചി റൂട്ടിൽ അധിക ട്രെയിന്‍ അനുവദിക്കുന്ന കാര്യം റെയില്‍വേ അധികാരികളുടെ ശ്രദ്ധയില്‍ കൊണ്ടുവരാന്‍ സ്വീകരിച്ച നടപടികള്‍ വ്യക്തമാക്കാമോ?

തിരുവനന്തപുരം- കന്യാകുമാരി പാത ഇരട്ടിപ്പിക്കല്‍ പദ്ധതി

953.

(എ)	തിരുവനന്തപുരം- കന്യാകുമാരി പാത ഇരട്ടിപ്പിക്കല്‍ പദ്ധതിയുടെ ഭാഗമായി നെയ്യാറ്റിന്‍കര നിയോജകമണ്ഡലത്തിലെ പുന്നകാട് മുതല്‍ അമരവിള വരെയുള്ള റെയില്‍ പാതയുടെ ഏതുവശത്താണ് പുതിയ പാത വരുന്നത് എന്ന് വിശദമാക്കാമോ;

(ബി)	റെയില്‍ പാത ഇരട്ടിപ്പിക്കലുമായി ബന്ധപ്പെട്ട് നെയ്യാറ്റിന്‍കര - കാട്ടാക്കട റോഡിൽ പാലം പണിയുമ്പോള്‍ ഗതാഗതം ഏതു വഴിയാണ് തിരിച്ചു വിടാന്‍ ഉദ്ദേശിക്കുന്നത് ;

(സി)	തിരുവനന്തപുരം- കന്യാകുമാരി പാത ഇരട്ടിപ്പിക്കലുമായി ബന്ധപ്പെട്ട് നെയ്യാറ്റിന്‍കര നിയോജക മണ്ഡലത്തിലെ പുന്നകാട് മുതല്‍ അമരവിള വരെ എത്ര ഏക്കര്‍ സ്ഥലം ആണ് റെയില്‍വേ ഏറ്റെടുക്കുന്നത്; അതില്‍ എത്ര വീടുകള്‍ ഉണ്ട് എന്ന് വിശദമാക്കാമോ?

മങ്കട നിയോജക മണ്ഡലത്തിലെ റെയിൽവേ ഓവര്‍ ബ്രിഡ്ജ്

954.

(എ)	മങ്കട നിയോജക മണ്ഡലത്തിലെ അങ്ങാടിപ്പുറം മാനത്ത് മണ്ഡലം ബെെപാസില്‍ റയില്‍ ഓവര്‍ ബ്രിഡ്ജ് നിര്‍മ്മിക്കുന്നതിന് 10 കോടി രൂപ അനുവദിച്ച ഉത്തരവിന്മേല്‍ സ്വീകരിച്ച് വരുന്ന നടപടികള്‍ വിശദമാക്കാമോ;

(ബി)	പ്രസ്തുത റയില്‍ ഓവര്‍ ബ്രിഡ്ജുമായി ബന്ധപ്പെട്ട ഭൂമി ഏറ്റെടുക്കല്‍ നടപടികളില്‍ കാലതാമസം ഉണ്ടാകാനുളള കാരണം വ്യക്തമാക്കാമോ;ഇത് പരിഹരിക്കുവാന്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ?

റെയില്‍വേ പരീക്ഷയില്‍ മലയാളത്തെ ഒഴിവാക്കിയ നടപടി

955.

(എ)	ദക്ഷിണ റെയില്‍വെ നടത്തുന്ന ഗ്രൂപ്പ് ഡി. തസ്തികയിലേക്കുള്ള എഴുത്തുപരീക്ഷയില്‍നിന്നും മലയാളത്തെ ഒഴിവാക്കിയത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)

കേരളത്തില്‍ നിന്ന് കൂടുതല്‍ ഉദ്യോഗാര്‍ത്ഥികള്‍ക്ക് നിയമനം കിട്ടുന്ന പ്രസ്തുത തസ്തികയില്‍ പ്രാദേശിക ഭാഷയായ മലയാളത്തെ മാത്രം ഒഴിവാക്കിയത് മലയാളികള്‍ക്ക് അവസരം നഷ്ടപ്പെടുത്തുന്ന ഒരു തീരുമാനമാകയാല്‍ പ്രസ്തുത തീരുമാനം പിന്‍വലിക്കുന്ന കാര്യം കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തി ആവശ്യമായ നടപടി സ്വീകരിക്കുമോ; വിശദാംശം നല്‍കാമോ?

Website maintained by Information System Section, Kerala Legislative Assembly, Thiruvananthapuram.