പൊതു വിദ്യാഭ്യാസ മേഖലയുടെ അക്കാദമിക മികവിനായി ആവിഷ്കരിച്ച പദ്ധതികള്‍ ഏതൊക്കെയാണ്; പ്രസ്തുത പദ്ധതികളുടെ നടത്തിപ്പ് സംബന്ധിച്ച വിശദാംശം ലഭ്യമാക്കാമോ;

ഹെെടെക് സ്കൂള്‍, ഹൈടെക് ലാബ് പദ്ധതികളിലൂടെ വിദ്യാര്‍ത്ഥികളുടെ പഠന നിലവാരം ഉയര്‍ത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

പ്രത്യേക അവശതയുള്ള വിദ്യാര്‍ത്ഥികള്‍ക്ക് വിദ്യാകിരണം പദ്ധതി വഴി നല്‍കുന്ന പഠന സഹായങ്ങളും ബാരിയര്‍ ഫ്രീ സ്കൂള്‍ വികസനത്തിലൂടെ പൊതു വിദ്യാഭ്യാസ രംഗത്ത് നടപ്പാക്കിയ കാര്യങ്ങളും എന്തെല്ലാമെന്ന് വിശദമാക്കാമോ;

അക്കാദമിക മികവിനായി നടപ്പാക്കുന്ന കരിയര്‍ ഗെെഡന്‍സ് പദ്ധതികള്‍ എന്തൊക്കെയെന്നും അവയുടെ ലക്ഷ്യങ്ങളും പ്രയോജനങ്ങളും എന്തെല്ലാമെന്നും വിശദമാക്കാമോ;

2025-ല്‍ പൊതു വിദ്യാഭ്യാസ മേഖലയിലെ അക്കാദമിക മികവിനായി തുടര്‍ പദ്ധതികള്‍ ആസൂത്രണം ചെയ്തതിന്റെ വിശദാംശങ്ങള്‍ നല്‍കാമോ?

അർദ്ധ വാർഷിക പരീക്ഷയുടെ ചോദ്യപേപ്പർ ചോർച്ചയിൽ വിദ്യാഭ്യാസ വകുപ്പിലെ ഏതെങ്കിലും ഉന്നത ഉദ്യോഗസ്ഥർ ഉൾപ്പെട്ടിട്ടുണ്ടോയെന്ന് അന്വേഷിച്ചിട്ടുണ്ടോ; വിശദമാക്കാമോ;

അർദ്ധവാർഷിക പരീക്ഷയു‌ടെ ചോദ്യപേപ്പർ മലപ്പുറത്തെ ഒരു ഹയർ സെക്കൻഡറി സ്കൂളിലെ പ്യൂണിന്റെ സഹായത്തോടെയാണ് ചോർത്തിയതെന്ന് കണ്ടെത്തിയിട്ടുണ്ടോ;

ഒരു പ്യൂണിന്റെ മാത്രം സഹായത്തോടെ അർദ്ധ വാർഷിക പരീക്ഷയുടെ ചോദ്യപേപ്പർ ചോർത്താൻ സാധിക്കുമോ; വ്യക്തമാക്കാമോ?

സ്കൂളുകളിലും പരിസരങ്ങളിലും ലഹരിവിരുദ്ധ സന്ദേശം പ്രചരിപ്പിക്കുന്നതിന് വിദ്യാഭ്യാസ വകുപ്പ് സ്വീകരിക്കുന്ന നടപടികൾ എന്തൊക്കെയെന്ന് വിശദമാക്കാമോ; ഇതിന്റെ ഭാഗമായി വിദ്യാര്‍ത്ഥികള്‍ക്കും രക്ഷിതാക്കള്‍ക്കും പ്രത്യേകം കൗണ്‍സിലിംഗിനുള്ള സൗകര്യങ്ങള്‍ ഏര്‍പ്പെടുത്തുന്നത് പരിഗണിക്കുമോ; വിശദമാക്കാമോ;

ലഹരിവിരുദ്ധ സന്ദേശം പ്രചരിപ്പിക്കുന്നതിന്റെ ഭാഗമായി ലഹരിവിരുദ്ധ ആശയങ്ങള്‍ ഉള്‍ക്കൊള്ളിച്ചിട്ടുള്ള സിനിമകളും നാടകങ്ങളും മറ്റ് കലാപരിപാടികളും സ്കൂളുകളിലും പരിസരങ്ങളിലും സംഘടിപ്പിക്കുമോ; വിശദമാക്കാമോ?

പരീക്ഷാ ഭവനിൽ 28.02.2025 വരെ എത്ര ഫയലുകൾ തീർപ്പാക്കാൻ ബാക്കിയുണ്ട്;

പരീക്ഷാ ഭവനിൽ സർട്ടിഫിക്കറ്റുകൾക്ക് അപേക്ഷിക്കുമ്പോൾ ഓൺലൈനായി അപേക്ഷ സമർപ്പിക്കുന്നതിനും അപേക്ഷാ ഫീസ് ഓൺലൈനായി തന്നെ സ്വീകരിക്കുന്നതിനും നടപടി സ്വീകരിച്ചിട്ടുണ്ടോ;

ഇല്ലെങ്കിൽ ഈ മാറിയ കാലഘട്ടത്തിൽ അതിനനുസൃതമായ മാറ്റം പരീക്ഷാഭവനിലും കൊണ്ടുവരുന്നതിന് നടപടി സ്വീകരിക്കുമോ;

പരീക്ഷാഭവനിലെ ഫയലുകൾ സമയബന്ധിതമായി തീർപ്പാക്കുന്നതിന് ജില്ലാ തലത്തിൽ ഫയൽ അദാലത്ത് സംഘടിപ്പിക്കുന്നതിന് ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

പരീക്ഷാ ഭവനിലെ ഏത് സെക്ഷനിലാണ് ഏറ്റവും കൂടുതൽ ഫയലുകൾ തീർപ്പാക്കാനുള്ളത്; എത്ര ഫയലുകൾ തീർപ്പാക്കാനുണ്ട്; അതിനു കാരണമെന്താണെന്ന് വിശദമാക്കാമോ?

വനിതാ-ശിശു വികസന വകുപ്പിന്റെ കീഴിലുള്ള എത്ര കൗൺസിലർമാരാണ് സംസ്ഥാനത്തെ സർക്കാർ, എയ്ഡഡ് സ്ക്കൂളുകളിൽ ജോലി ചെയ്തുവരുന്നതെന്ന് സ്ക്കൂൾ തിരിച്ച് വിശദവിവരം ലഭ്യമാക്കാമോ;

ലഹരിക്കെതിരെയുള്ള ബോധവൽക്കരണ പരിപാടികൾ സർക്കാർ സ്ക്കൂളുകളിൽ നടത്തുന്നതിന് വകുപ്പ് എന്തൊക്കെ നടപടികളാണ് സ്വീകരിച്ചു വരുന്നത് എന്ന് വിശദമാക്കാമോ;

സംസ്ഥാനത്തെ ഏതൊക്കെ സർക്കാർ സ്ക്കൂളുകളിലാണ് ആരോഗ്യ ക്ലിനിക്കുകൾ പ്രവർത്തിക്കുന്നത്; സ്ക്കൂളുകളിൽ പ്രഖ്യാപിച്ചിട്ടുള്ള ക്ലിനിക്കുകളിൽ ഇതുവരെ പ്രവർത്തനം തുടങ്ങാത്തത് ഏതൊക്കെയാണ്; വിശദാശം സ്കൂൾ അടിസ്ഥാനത്തിൽ ലഭ്യമാക്കുമോ?

വിദ്യാർത്ഥികളിൽ വർധിച്ചുവരുന്ന ലഹരി ഉപയോഗവും അക്രമവാസനയും പ്രതിരോധിക്കുന്നതിനും മാനവികത ഊട്ടിയുറപ്പിക്കുന്നതിനുമായി സ്‌കൂളുകളിൽ ഗാന്ധി ജയന്തിവാരം ആഘോഷിക്കുന്നത് പുനരാരംഭിക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ;

പ്രൈമറിതലം മുതൽ ലഹരിക്കെതിരെയുള്ളതും മനുഷ്യസ്നേഹത്തിന്റേതുമായ ബാലപാഠങ്ങൾ പഠിപ്പിക്കുന്നതിന് കരിക്കുലത്തിൽ ആവശ്യമായ മാറ്റങ്ങൾ വരുത്തുവാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

പത്താം ക്ലാസ് പരീക്ഷയുടെ ചോദ്യപേപ്പർ യൂട്യൂബ് ചാനൽ വഴി പ്രചരിപ്പിച്ച സംഭവത്തെക്കുറിച്ച് അന്വേഷണത്തിലെ കണ്ടെത്തലുകൾ എന്തൊക്കെയാണ്; പ്രസ്തുത അന്വേഷണ റിപ്പോർട്ടിന്റെ പകർപ്പ് ലഭ്യമാക്കുമോ;

പ്രസ്തുത അന്വേഷണ റിപ്പോർട്ടിന്റെ അടിസ്ഥാനത്തിൽ എന്തൊക്കെ തുടർ നടപടികള്‍ സ്വീകരിച്ചിട്ടുണ്ടെന്നും എത്രപേർക്കെതിരെ വകുപ്പുതല നടപടി സ്വീകരിച്ചിട്ടുണ്ടെന്നും അറിയിക്കുമോ;

ഇതിൽ എത്ര പേരെ സർവീസിൽ നിന്നും സസ്പെൻഡ് ചെയ്തിട്ടുണ്ടെന്നും ആരെയെങ്കിലും സർവീസിൽ നിന്നും പിരിച്ചുവിടാൻ തീരുമാനിച്ചിട്ടുണ്ടോയെന്നുമുള്ള വിശദാംശങ്ങൾ പേരും തസ്തികയും സഹിതം വ്യക്തമാക്കുമോ?

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി ആലത്തൂര്‍ മണ്ഡലത്തില്‍ അനുവദിച്ച സ്കൂളുകള്‍ ഏതെല്ലാമെന്ന് വിശദമാക്കാമോ;

പ്രസ്തുത സ്കൂളുകളുടെ നിര്‍മ്മാണ പുരോഗതി വിശദമാക്കാമോ?

വിദ്യാകിരണം പദ്ധതിയിലൂടെ പാലക്കാട് ജില്ലയില്‍ എത്ര സ്കൂളുകളാണ് സ്മാര്‍ട്ട് സ്കൂളുകളായതെന്ന് വ്യക്തമാക്കാമോ?

കാട്ടാക്കട മണ്ഡലത്തിലെ ഏതൊക്കെ സ്കൂളുകളിലാണ് വര്‍ണ്ണക്കൂടാരം പദ്ധതി നടപ്പിലാക്കിയിട്ടുള്ളത്; പദ്ധതി പ്രകാരം പ്രസ്തുത സ്കൂളുകള്‍ക്ക് അനുവദിച്ച തുകയും പദ്ധതിയുടെ നിലവിലെ സ്ഥിതിയും വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം വൊക്കേഷണല്‍ ഹയര്‍സെക്കണ്ടറി സ്കൂളുകളില്‍ വകുപ്പിന്റെ പ്ലാന്‍ഫണ്ടില്‍ ഉള്‍പ്പെടുത്തി കെട്ടിട നിര്‍മ്മാണത്തിന് ഫണ്ട് അനുവദിച്ചിട്ടുണ്ടോ; വിശദമാക്കാമോ;

ഗുരുവായൂര്‍ നിയോജകമണ്ഡലത്തിലെ കടപ്പുറം വൊക്കേഷണല്‍ ഹയര്‍സെക്കണ്ടറി സ്കൂളില്‍ വകുപ്പിന്റെ പ്ലാന്‍ഫണ്ടില്‍ ഉള്‍പ്പെടുത്തി കെട്ടിടം നിര്‍മ്മിക്കുന്നതിന് നടപടി സ്വീകരിക്കുമോ; വിശദമാക്കാമോ?

പൊതുവിദ്യാഭ്യാസ സംരക്ഷണയജ്ഞം പദ്ധതിയുടെ ഭാഗമായി മണലൂര്‍ മണ്ഡലത്തില്‍ ഏതെല്ലാം സ്കൂളുകള്‍ക്കാണ് പുതിയ കെട്ടിടം നിര്‍മ്മിക്കുന്നതിന് നടപടി സ്വീകരിച്ചത്;

പ്രസ്തുത പ്രവൃത്തികളില്‍ ഏതെല്ലാം പൂര്‍ത്തീകരിച്ചുവെന്ന് അറിയിക്കാമോ;

മണ്ഡലത്തിലെ ഏതെല്ലാം സ്കൂളുകളുടെ കെട്ടിട നിര്‍മ്മാണ പ്രവൃത്തികള്‍ നിലവില്‍ പുരോഗമിക്കുന്നുണ്ടെന്നും അവയുടെ എത്ര ശതമാനം പ്രവൃത്തികള്‍ പൂര്‍ത്തീകരിക്കാനുണ്ടെന്നും വ്യക്തമാക്കാമോ;

കെട്ടിടം നിര്‍മ്മിക്കുന്നതിനായി മണ്ഡലത്തിലെ ഓരോ സ്കൂളിനും എത്ര തുകയാണ് അനുവദിച്ചിട്ടുള്ളതെന്ന് അറിയിക്കാമോ?

ഈ സര്‍ക്കാരിന്റെ കാലത്ത് ഒറ്റപ്പാലം മണ്ഡലത്തിലെ ഏതെല്ലാം സ്കൂളുകളുടെ ഭൗതിക സാഹചര്യം മെച്ചപ്പെടുത്തുന്നതിനാണ് വിദ്യാഭ്യാസ വകുപ്പിന്റെ പ്ലാന്‍ ഫണ്ട് അനുവദിച്ചിട്ടുള്ളതെന്ന് തുക സഹിതം അറിയിക്കാമോ?

ഈ സര്‍ക്കാരിന്റെ കാലത്ത് സമഗ്രശിക്ഷാ കേരള പദ്ധതി പ്രകാരം വാമനപുരം മണ്ഡലത്തില്‍ നടപ്പാക്കിയ പദ്ധതികള്‍ എന്തെല്ലാമാണെന്നും ഓരോ പദ്ധതിയ്ക്ക് വേണ്ടി ചെലവാക്കിയ തുക എത്രയാണെന്നും വിശദമാക്കാമോ;

പ്രസ്തുത പദ്ധതി പ്രകാരം മണ്ഡലത്തില്‍ പുതുതായി നടപ്പാക്കാനുദ്ദേശിക്കുന്ന പദ്ധതികള്‍ എന്തെല്ലാമാണെന്ന് വിശദമാക്കാമോ?

സംസ്ഥാനത്ത് ഹയര്‍ സെക്കണ്ടറി തലത്തില്‍ വിദ്യാഭ്യാസ നിലവാരം ഉയര്‍ത്തുന്നതിനായി ബി.പി.എല്‍. വിഭാഗത്തിലെ വിദ്യാര്‍ത്ഥിക‍ള്‍ക്ക് സ്കോളര്‍ഷിപ്പ് നല്‍കുന്ന പദ്ധതി നിലവിലുണ്ടോ; എങ്കില്‍ എത്ര പേര്‍ക്ക് ഇതിന്റെ പ്രയോജനം ലഭിച്ചിട്ടുണ്ടെന്ന് വിശദമാക്കാമോ;

ഇതിനായി എത്ര തുക വകയിരുത്തിയിട്ടുണ്ടെന്ന് വിശദമാക്കാമോ?

സംസ്ഥാനത്തെ സ്ക്കൂളുകളില്‍ നടത്തിവരുന്ന ഉച്ചഭക്ഷണ പദ്ധതിക്ക് കേന്ദ്ര വിഹിതമായും സംസ്ഥാന വിഹിതമായും ലഭിക്കുന്ന തുക എത്രയാണെന്ന് വ്യക്തമാക്കുമോ?

കേന്ദ്ര സർക്കാരിന്റെ പി.എം. ശ്രീ സ്കൂൾ പദ്ധതി വിഭാവനം ചെയ്തിരിക്കുന്നത് എപ്രകാരമാണെന്ന് അറിയിക്കുമോ; വിശദാംശം നൽകുമോ;

പ്രസ്തുത പദ്ധതിയുടെ മാനദണ്ഡങ്ങൾ എന്തെല്ലാമാണെന്ന് വ്യക്തമാക്കുമോ;

പദ്ധതി സംസ്ഥാനത്ത് നടപ്പാക്കുന്നത് സംബന്ധിച്ച് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

സമഗ്ര ശിക്ഷാ അഭിയാൻ കേരള-യ്ക്ക് 2022-23, 2023-24, 2024-25 വർഷങ്ങളിൽ കേന്ദ്ര സർക്കാർ വിഹിതമായി അനുവദിച്ച തുകയും സംസ്ഥാന സർക്കാർ അനുവദിച്ച തുകയും എത്രയെന്ന് വ്യക്തമാക്കാമോ;

പ്രസ്തുത പദ്ധതിയ്ക്ക് അനുവദിക്കുന്ന തുകയുടെ കേന്ദ്ര-സംസ്ഥാന അനുപാതം എത്രയെന്ന് വ്യക്തമാക്കാമോ; മേൽ വർഷങ്ങളിൽ പ്രസ്തുത അനുപാതത്തിൽ തുക ലഭ്യമായിട്ടുണ്ടോയെന്ന് വ്യക്തമാക്കാമോ;

സമഗ്ര ശിക്ഷാ അഭിയാൻ കേരളയുടെ ഫണ്ട് ഉപയോഗിച്ച് ശമ്പളം അനുവദിക്കുന്ന അന്യത്ര സേവനവ്യവസ്ഥയിൽ ജോലിചെയ്യുന്നവർ, കരാർ അടിസ്ഥാനത്തിൽ ജോലി ചെയ്യുന്നവർ, ദിവസവേതന അടിസ്ഥാനത്തിൽ ജോലി ചെയ്യുന്നവർ എന്നിവരുടെ എണ്ണവും, മേൽ പ്രസ്താവിച്ച വിഭാഗത്തിലെ ജീവനക്കാർ ശമ്പളമായി പറ്റിയ തുക 2021-2022, 2022-23, 2023-24, 2024 ഏപ്രിൽ മുതൽ 2025 ഫെബ്രുവരി വരെ എത്രയെന്ന് വിശദമാക്കാമോ;

മേൽ വിഭാഗത്തിലെ ഏതെങ്കിലും ജീവനക്കാർക്ക് ശമ്പളം നിലവിൽ കുടിശ്ശികയായിട്ടുണ്ടോ; ഉണ്ടെങ്കിൽ കാരണം വ്യക്തമാക്കാമോ;

സമഗ്ര ശിക്ഷാ അഭിയാൻ കേരളയിലെ ജീവനക്കാരുടെ ശമ്പളത്തിന് പുറമെ കുട്ടികളുടെ അക്കാദമിക പ്രവർത്തനങ്ങൾക്ക് 2020-21, 2021-22, 2022-23, 202-24, 2024-25 എന്നീ വർഷങ്ങളിൽ നീക്കിവെച്ച തുക എത്രയെന്നും പ്രസ്തുത തുക ഏതല്ലാം അക്കാദമിക പ്രവർത്തനങ്ങൾക്കാണ് വിനിയോഗിച്ചതെന്നും വിശദമാക്കാമോ?

സംസ്ഥാനത്ത് എത്ര സർക്കാർ സ്‌കൂളുകളിൽ ഒന്ന് മുതൽ പന്ത്രണ്ട് വരെ ക്ലാസ്സുകൾ പ്രവർത്തിക്കുന്നുണ്ടെന്നും പ്രസ്തുത സ്‌കൂളുകളിൽ എത്ര വിദ്യാർത്ഥികൾ നിലവിൽ ഉണ്ടെന്നുമുള്ള വിശദാംശം ജില്ലാ അടിസ്ഥാനത്തില്‍ ലഭ്യമാക്കുമോ;

സംസ്ഥാനത്ത് എത്ര എയ്ഡഡ് സ്‌കൂളുകളിൽ ഒന്ന് മുതൽ പന്ത്രണ്ട് വരെ ക്ലാസ്സുകൾ പ്രവർത്തിക്കുന്നുണ്ടെന്നും പ്രസ്തുത സ്‌കൂളുകളിൽ നിലവിൽ എത്ര വിദ്യാർത്ഥികൾ ഉണ്ടെന്നുമുള്ള വിശദാംശം ജില്ലാ അടിസ്ഥാനത്തില്‍ ലഭ്യമാക്കുമോ;

സംസ്ഥാനത്തെ സർക്കാർ/എയ്ഡഡ് സ്കൂളുകളിലെ ഒന്ന് മുതൽ പന്ത്രണ്ട് വരെയുള്ള ക്ലാസ്സുകളിലെ വിദ്യാർത്ഥികൾക്കായുള്ള സ്റ്റുഡന്റ്സ് സേവിങ്ങ്സ് സ്കീം നാളിതുവരെ എത്ര സ്‌കൂളുകളിൽ നടപ്പിലാക്കിയിട്ടുണ്ട്; പ്രസ്തുത സ്‌കൂളുകളിലെ എത്ര വിദ്യാർത്ഥികൾ ഇതിനോടകം സ്കീമിൽ ചേർന്നിട്ടുണ്ട്; ജില്ല തിരിച്ചുള്ള വിശദാംശങ്ങള്‍ ലഭ്യമാക്കാമോ;

പ്രസ്തുത സ്കീമിൽ മികച്ച നേട്ടം കൈവരിച്ച സ്‌കൂളുകളെ ആദരിക്കുവാൻ ഉദ്ദേശിക്കുന്നുണ്ടോ; വിശദമാക്കുമോ?

പത്താം ക്ലാസുകാർക്ക് വർഷത്തിൽ രണ്ട് ബോർഡ് പരീക്ഷ നടത്തുന്ന രീതിയിലുള്ള സി.ബി.എസ്.ഇ. കരട് രേഖയിൽ പ്രാദേശിക ഭാഷകളുടെ ലിസ്റ്റിൽ നിന്നും മലയാളത്തെ ഒഴിവാക്കിയത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

പ്രസ്തുത വിഷയത്തില്‍ സംസ്ഥാനത്തിന്റെ പ്രതിഷേധം സി.ബി.എസ്.ഇ.യേയും കേന്ദ്രസർക്കാരിനെയും അറിയിച്ചിട്ടുണ്ടോ; എങ്കിൽ ഇത് സംബന്ധിച്ചുള്ള രേഖയുടെ പകർപ്പ് ലഭ്യമാക്കുമോ;

കേരളത്തിലെ വിദ്യാർത്ഥികൾക്ക് മലയാള ഭാഷാ പഠനം ഉറപ്പാക്കുന്നതിനായി എന്ത് തുടർനടപടി സ്വീകരിക്കുമെന്ന് വ്യക്തമാക്കുമോ?

സംസ്ഥാനത്ത് എല്ലാ ​​​പ്രൈമറി സ്കുളുകളി​ലും പ്രീ പ്രൈമറി ​​ക്ലാസുകൾ പ്രവർത്തിക്കുന്നുണ്ടോ; ഇല്ലെങ്കിൽ എല്ലാ സ്കുളുകളിലും ആയത് തുടങ്ങുന്നതിന് നടപടി സ്വീകരിക്കുമോ; വ്യക്തമാക്കുമോ;

കുട്ടികളുടെ ശാരീരിക, മാനസികവളർച്ചയ്ക്ക് സഹായകമായ എന്തെല്ലാം ക്രമീകരണങ്ങളാണ് പ്രസ്തുത സ്ക്കൂളുകളിൽ ഏർപ്പെടുത്തിയിരിക്കുന്നത്; വ്യക്തമാക്കുമോ;

പ്രീ പ്രൈമറി വിദ്യാഭ്യാസം മെച്ചപ്പെടുത്താൻ സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ?

കിലയെ സ്പെഷ്യൽ പർപ്പസ് വെഹിക്കിൾ ആയി ചുമതലപ്പെടുത്തി കിഫ്ബി പദ്ധതിയിലൂടെ നടപ്പിലാക്കുന്ന മലമ്പുഴ മണ്ഡലത്തിലെ കഞ്ചിക്കോട് ഗവ. വൊക്കേഷണൽ ഹയർ സെക്കണ്ടറി സ്കൂളിന്റെ പുതിയ ബ്ലോക്ക് നിര്‍മ്മാണ പ്രവൃത്തി ഇപ്പോള്‍ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതിയിലൂടെ എത്ര ക്ലാസ് റൂമുകളും മറ്റ് സൗകര്യങ്ങളുമാണ് ഈ സ്കൂളില്‍ അധികമായി ലഭ്യമാക്കുക എന്നതിന്റെ വിശദവിവരം ലഭ്യമാക്കാമോ?

സംസ്ഥാനത്ത് നിലവിൽ എത്ര സർക്കാർ ഹയർ സെക്കൻഡറി സ്കൂളുകൾ പ്രിൻസിപ്പൽ ഇല്ലാതെ പ്രവർത്തിക്കുന്നുണ്ടെന്ന് ജില്ല തിരിച്ച് വ്യക്തമാക്കാമോ;

പ്രസ്തുത സ്കൂളുകൾ എന്ന് മുതൽക്കാണ് അപ്രകാരം പ്രവർത്തിക്കുന്നതെന്ന് സ്കൂൾ തിരിച്ച് അറിയിക്കാമോ;

സംസ്ഥാനത്ത് ഏറ്റവും ഒടുവിൽ ഹയർ സെക്കൻഡറി പ്രിൻസിപ്പല്‍ തസ്തികയിലേക്ക് സ്ഥാനക്കയറ്റം നടന്നത് എന്നാണെന്ന് അറിയിക്കാമോ;

പ്രസ്തുത തസ്തികയില്‍ നിലവിലുള്ള ഒഴിവുകൾ എന്നത്തേക്ക് നികത്തുമെന്ന് അറിയിക്കാമോ?

മാവേലിക്കര മണ്ഡലത്തില്‍ കുടശ്ശനാട് ഗവ. എസ്.വി.എച്ച്.എസ്.എസ്. -ന് പ്ലാന്‍ ഫണ്ടില്‍ ഉള്‍പ്പെടുത്തി അനുവദിച്ച തുകയുടെ വിശദാംശം ലഭ്യമാക്കുമോ;

പ്രസ്തുത പദ്ധതി ആരംഭിക്കുന്നതിന് പൊതുമരാമത്ത് കെട്ടിടവിഭാഗത്തിന് നിര്‍ദ്ദേശം നല്‍കിയിട്ടുണ്ടോയെന്ന് അറിയിക്കുമോ;

പ്രസ്തുത പദ്ധതി ആരംഭിക്കുന്നതിനുളള നടപടി സ്വീകരിക്കുമോ?

19/10/2017-ലെ സർക്കാർ ഉത്തരവിലൂടെ പൊതുവിദ്യാഭ്യാസ വകുപ്പ് രൂപീകരിച്ച ഖാദർ കമ്മിറ്റി വിദഗ്ദ്ധസമിതിക്കും അതിന്റെ തുടർപ്രവർത്തനങ്ങൾക്കുമായി നാളിതുവരെ ചെലവായ തുക എത്രയാണെന്ന് ഇനം തിരിച്ച് ലഭ്യമാക്കാമോ;

ഖാദർ കമ്മിറ്റി സമർപ്പിച്ച പ്രധാന നിർദ്ദേശങ്ങൾ എന്തൊക്കെയാണെന്നും അവയുടെമേൽ എന്തൊക്കെ നടപടികളാണ് സ്വീകരിച്ചിരിക്കുന്നതെന്നും വ്യക്തമാക്കാമോ?

സംസ്ഥാനത്ത് ഹയർസെക്കൻഡറി പ്രവേശനത്തിൽ പത്താം ക്ലാസ് പാസ്സായ ഭൂരിഭാഗം കുട്ടികൾക്കും പ്രവേശനം ലഭിക്കുന്നില്ല എന്ന വസ്തുത സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം നൽകാമോ;

വരുന്ന അധ്യയന വർഷത്തിൽ പ്ലസ് വണ്ണിന് അപേക്ഷിക്കുന്ന അർഹരായ എല്ലാ വിദ്യാർത്ഥികൾക്കും സീറ്റ് ലഭ്യമാക്കുവാൻ സാധിക്കുമെന്ന് കരുതുന്നുണ്ടോ; വിശദമാക്കാമോ;

അർഹരായ എല്ലാവർക്കും ഹയർസെക്കൻഡറി പ്രവേശനം ഉറപ്പാക്കുന്നതിനായി സ്വീകരിക്കാൻ ഉദ്ദേശിക്കുന്ന നടപടികൾ വ്യക്തമാക്കാമോ?

തൃശൂര്‍, കോട്ടയം, പത്തനംതിട്ട, ആലപ്പുഴ ജില്ലകളിലെ സര്‍ക്കാര്‍, എയ്ഡഡ് മേഖലകളില്‍ 25-ല്‍ താഴെ കുട്ടികള്‍ പഠിക്കുന്ന ബാച്ചുകളുള്ള ഹയര്‍ സെക്കൻഡറി വിദ്യാലയങ്ങളുടെ പട്ടിക ജില്ല തിരിച്ച് ലഭ്യമാക്കാമോ;

സര്‍ക്കാര്‍ ഹയര്‍ സെക്കൻഡറി സ്കൂളുകളില്‍ ഗസ്റ്റ് അധ്യാപകരായി നിയമിക്കപ്പെടുന്നവര്‍ക്ക് ഓരോ വര്‍ഷവും നടത്തപ്പെടുന്ന ഇന്റര്‍വ്യൂവിന് ശേഷം ഒരേ സ്കൂളില്‍ തന്നെ തുടര്‍ച്ചയായി എത്ര അധ്യയന വര്‍ഷം വരെ ജോലി ചെയ്യുവാന്‍ കഴിയുമെന്ന് വ്യക്തമാക്കാമോ?

കോവിഡിനെ തുടർന്ന് സ്കൂൾ അടഞ്ഞുകിടന്ന കാലയളവിൽ ഹയർ സെക്കണ്ടറി വിദ്യാർത്ഥികളിൽ നിന്നും സ്പെഷ്യൽ ഫീസ് ഈടാക്കിയിരുന്നോയെന്ന് വ്യക്തമാക്കാമോ; എങ്കിൽ ഈടാക്കിയ തുക എത്രയെന്ന് വിശദമാക്കാമോ;

ഹയർ സെക്കണ്ടറി റഗുലർ ക്ലാസുകൾ നടന്നിട്ടില്ലാത്ത സാഹചര്യത്തിൽ ഇടാക്കിയ സ്പെഷൽ ഫീസ് തിരികെ നൽകാൻ സർക്കാർ ഉത്തരവായിരുന്നോ;

എങ്കിൽ എത്ര കുട്ടികൾക്ക് എത്ര തുകയാണ് തിരിച്ചു നൽകിയെതെന്നും എത്ര തുകയാണ് ഇനിയും തിരിച്ചു നൽകുവാനുള്ളെതെന്നും വർഷാടിസ്ഥാനത്തിൽ നൽകാമോ;

ഇനിയും തിരിച്ച് നൽകാനുള്ള തുക തിരിച്ചു നൽകുന്നതിന് സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ?

സ്കൂള്‍ കുട്ടികള്‍ക്കിടയില്‍ സിന്തറ്റിക് ലഹരി ഉള്‍പ്പെടെയുള്ള ലഹരി പദാര്‍ത്ഥങ്ങളുടെ ഉപയാേഗം വര്‍ദ്ധിച്ചുവരുന്ന വിവരം സര്‍ക്കരിന്റെ ശ്രദ്ധയില്‍ പെട്ടിട്ടുണ്ടാേ;

ലഹരി ഉപയാേഗം തടയുന്നതിനും സ്കൂള്‍ പരിസരങ്ങളില്‍ ലഹരി വില്‍പ്പന തടയുന്നതിനുമായി ബന്ധപ്പെട്ട് നാളിതുവരെ സ്വീകരിച്ച നടപടികള്‍ വിശദമാക്കാമാേ;

നാളിതുവരെ സ്വീകരിച്ചു വന്ന നടപടികള്‍ കൊണ്ട് മാത്രം ലഹരി ഉപയാേഗത്തിന് പൂര്‍ണ്ണമായും തടയിടാന്‍ കഴിയും എന്ന് കരുതുന്നുണ്ടാേ;

കൂടുതല്‍ ഫലപ്രദമായ രീതിയില്‍ കുട്ടികളിലെ ലഹരി ഉപയാേഗം അവസാനിപ്പിക്കുന്നതിന് നടപടികള്‍ സ്വീകരിക്കുമാേ;വിശദമാക്കാമാേ?

കഴിഞ്ഞ നവംബര്‍ മാസത്തില്‍ കൊച്ചിയില്‍ സംഘടിപ്പിച്ച സംസ്ഥാന സ്കൂള്‍ കായികമേളയുമായി ബന്ധപ്പെട്ട് കോതമംഗലം മാര്‍ ബേസില്‍, തിരുനാവായ നാവാമുകുന്ദ എന്നീ സ്കൂളുകള്‍ക്കെതിരെ സ്വീകരിച്ച നടപടികള്‍ പിന്‍വലിച്ച് ഉത്തരവായിട്ടുണ്ടോ;

പ്രസ്തുത വിഷയവുമായി ബന്ധപ്പെട്ട് വിദ്യാഭ്യാസ വകുപ്പ് ഇതുവരെ സ്വീകരിച്ച നടപടികള്‍ വിശദമാക്കാമോ?

വിദ്യാര്‍ത്ഥികളില്‍ കായിക അഭിരുചി വര്‍ദ്ധിപ്പിക്കുന്നതിനായി കായിക അധ്യാപകരെ നിയമിക്കുന്നതിന് എന്തൊക്കെ നടപടികളാണ് ഇതുവരെ സ്വീകരിച്ചതെന്ന് വ്യക്തമാക്കാമോ;

ദേശീയതലത്തില്‍ മികവ് തെളിയിക്കുന്ന കായിക താരങ്ങള്‍ക്ക് ജോലി നല്‍കുന്ന പദ്ധതിയില്‍ ഉള്‍പ്പെടുത്തി പ്രസ്തുത കായിക താരങ്ങളെ എല്‍.പി. തലം മുതല്‍ അധ്യാപകരായി നിയമിക്കുന്നതിന് വകുപ്പ് മുന്‍കൈ എടുക്കുമോ; വിശദമാക്കാമോ?

മുന്‍സര്‍ക്കാരിന്റെയും ഈ സര്‍ക്കാരിന്റെയും കാലയളവില്‍ തിരുവനന്തപുരം ജില്ലയിലെ എത്ര സ്കൂളുകളിലെ കളിസ്ഥലങ്ങള്‍ നവീകരിക്കുന്നതിന് നടപടി സ്വീകരിച്ചിട്ടുണ്ടെന്ന് വിശദമാക്കാമോ;

പ്രസ്തുത സ്കൂളുകള്‍ ഏതെല്ലാമാണെന്ന വിശദാംശം ലഭ്യമാക്കാമോ?

സാങ്കേതിക രംഗത്തെ മാറ്റങ്ങള്‍ കൂടുതല്‍ പ്രയോജനപ്പെടുത്തുകയെന്ന ലക്ഷ്യത്തോടെ എത്ര റോബോട്ടിക് കിറ്റുകളാണ് സ്കൂളുകളില്‍ നല്‍കുന്നതെന്ന് വ്യക്തമാക്കാമോ?

തിരുവനന്തപുരം കണ്‍കോഡിയ യു.പി.എസ്. -ൽ ദിവസവേതന അടിസ്ഥാനത്തില്‍ ജോലി നോക്കുന്ന രാജി എസ്. - ന്റെ 2023-24, 2024-25 വര്‍ഷത്തെ വേതനം ലഭ്യമാക്കാത്തത് സംബന്ധിച്ച് സമർപ്പിച്ച പരാതിയില്‍ സ്വീകരിച്ച നടപടികള്‍ വിശദീകരിക്കാമോ;

ഈ കാലയളവില്‍ പ്രസ്തുത സ്കൂളില്‍ ജോലിക്ക് കയറിയ മറ്റ് ആര്‍ക്കെങ്കിലും ശമ്പളം നല്‍കിയിട്ടുണ്ടോ; വിശദമാക്കാമോ;

ഡി.ഇ.ഒ.- യില്‍ ടിയാൾ നല്‍കിയ അപേക്ഷയില്‍ (ഫയല്‍ നമ്പര്‍ സി/51406/23) സ്വീകരിച്ച നടപടികള്‍ വിശദമാക്കാമോ; ഇതു സംബന്ധിച്ച് ഡി.പി.ഐ. ഓഫീസില്‍ ഫയല്‍ ഉണ്ടോയെന്നും ആയതില്‍ സ്വീകരിച്ചുവരുന്ന നടപടികളും വിശദീകരിക്കാമോ?

സ്വന്തമായി സ്ഥലമില്ലാത്ത സര്‍ക്കാര്‍ സ്കൂളുകള്‍ക്ക് സ്ഥലം വാങ്ങുന്നതിനായി നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദമാക്കാമോ;

സ്വന്തമായി സ്ഥലമില്ലാത്ത വൈപ്പിന്‍ മണ്ഡലത്തിലെ പനമ്പുകാട് ഗവ. ഫിഷറീസ് എല്‍.പി. സ്കൂളിന് സ്ഥലം വാങ്ങുന്നതിനായി 15.10.2023-ന് എറണാകുളം വിദ്യാഭ്യാസ ഉപ‍ഡയറക്ടര്‍ പൊതുവിദ്യാഭ്യാസ ഡയറക്ടര്‍ക്ക് സമര്‍പ്പിച്ച റിപ്പോര്‍ട്ടില്‍ നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കാമോ;

മേൽപ്പറഞ്ഞ വിഷയം സംബന്ധിച്ച് സ്കൂള്‍ പി.റ്റി.എ. മുഖാന്തരം വകുപ്പ് മന്ത്രിക്ക് സമര്‍പ്പിച്ചതും ഇ/7725970/എം.ഐ.എന്‍/ഇ.ഡി.എന്‍. നമ്പര്‍ കത്ത് പ്രകാരം പൊതുവിദ്യാഭ്യാസ ഡയറക്ടര്‍ക്ക് കൈമാറുകയും ചെയ്ത നിവേദനത്തില്‍ നടപടി സ്വീകരിച്ചിട്ടുണ്ടോ; ഉണ്ടെങ്കിൽ വിശദമാക്കാമോ?

നെയ്യാറ്റിന്‍കര ഗവ. ഗേള്‍സ് ഹയര്‍സെക്കണ്ടറി സ്കൂളില്‍ കിഫ്ബി ഫണ്ട് വിനിയോഗിച്ച് നിര്‍മ്മിക്കുന്ന മന്ദിരത്തിന്റെ പ്രവൃത്തി ആരംഭിക്കാത്തതിന്റെ കാരണം വ്യക്തമാക്കാമോ;

പ്രവൃത്തി ആരംഭിക്കുന്നതിന് ഏന്തൊക്കെ നടപടിക്രമങ്ങളാണ് പൂര്‍ത്തീകരിക്കേണ്ടതെന്ന് വിശദമാക്കാമോ?

ഈ സർക്കാരിന്റെ കാലത്ത് നാദാപുരം നിയോജക മണ്ഡലത്തില്‍ പൊതു വിദ്യാഭ്യാസ സംരക്ഷണ യഞ്ജം പദ്ധതി മുഖേനയും പ്ലാന്‍ ഫണ്ട് ഉപയോഗിച്ചും കെട്ടിട നിര്‍മ്മാണം, നവീകരണം എന്നിവയ്ക്കായി ഏതെല്ലാം സ്കൂളുകൾക്ക് തുക അനുവദിച്ചിട്ടുണ്ടെന്നും അവയില്‍ ഏതെല്ലാം പൂര്‍ത്തിയാക്കിയെന്നും ഇനി പൂര്‍ത്തിയാക്കാനുള്ളവ ഏതെല്ലാമാണെന്നും വിശദമാക്കാമോ?

വാമനപുരം മണ്ഡലത്തിലെ ജവഹര്‍ കോളനി ഗവ. ഹെെസ്കൂളിന് നബാര്‍ഡ് മുഖാന്തിരം രണ്ട് കോടി രൂപ ചെലവാക്കി നിര്‍മ്മിക്കുന്ന കെട്ടിടത്തിന്റെ നിര്‍മ്മാണ പ്രവൃത്തി നിര്‍ത്തിവച്ചതിന്റെ കാരണം വിശദമാക്കാമോ;

പ്രസ്തുത കെട്ടിടപൂര്‍ത്തീകരണത്തിന് ഇനി എന്തെല്ലാം പ്രവൃത്തികള്‍ അവശേഷിക്കുന്നുണ്ടെന്നും എന്ന് പ്രവൃത്തി പൂര്‍ത്തിയാക്കാന്‍ കഴിയുമെന്നും വിശദമാക്കാമോ?

മുന്‍ സര്‍ക്കാരിന്റെയും ഈ സര്‍ക്കാരിന്റെയും കാലത്ത് വര്‍ക്കല മണ്ഡലത്തിലെ എത്ര സ്കൂളുകള്‍ നവീകരിക്കുന്നതിന് ഫണ്ട് അനുവദിച്ചിട്ടുണ്ടെന്ന് വിശദമാക്കാമോ; അനുവദിച്ചിട്ടുള്ള ഫണ്ടിന്റെ വിവരവും ഓരോ പ്രവൃത്തിയുടെയും പുരോഗതിയും വിശദമാക്കാമോ?

സംസ്ഥാനത്ത് ദീർഘകാല അവധിയിൽ തുടരുന്ന അധ്യാപകർ വിദ്യാഭ്യാസ വർഷം അവസാനിക്കുന്നതിന് ദിവസങ്ങൾക്ക് മുമ്പ് തിരികെ ജോലിയിൽ പ്രവേശിച്ചാൽ അവർക്കു അവധിക്കാലത്തെ ശമ്പളം നൽകുന്നതിനുള്ള അനുമതി നിലവിലുണ്ടോ; ഉണ്ടെങ്കിൽ വിശദമാക്കാമോ;

31-05-2025 ന് സർവീസിൽ നിന്നും വിരമിക്കുന്ന അധ്യാപകർ അർഹതപ്പെട്ട അവധിയിൽ തുടരുകയും അക്കാദമിക് വർഷം അവസാനിക്കുന്നതിന് തൊട്ടുമുമ്പ് ജോലിയിൽ തിരികെ പ്രവേശിക്കുകയും ചെയ്താൽ പൊതുവിദ്യാഭ്യാസ വകുപ്പിന്റെ 28-09-2020-ലെ ജെ.1-289/2019 നമ്പർ സർക്കുലർ നിർദ്ദേശങ്ങൾ ബാധകമാകുമോ; വിരമിക്കുന്നവർക്കായി പ്രത്യേക ഇളവ് നൽകിയിട്ടുണ്ടോ; ഉണ്ടെങ്കിൽ വിശദമാക്കാമോ; ഇതുമായി ബന്ധപ്പെട്ട ഉത്തരവുകളുടെ പകർപ്പ് ലഭ്യമാക്കാമോ?

കോട്ടയം കാരിക്കോട് കെ.എ.എം.യു.പി.എസ്സിലെ അറ്റന്റര്‍ ജോർഡി ജോയി-യുടെ 13/07/2020 മുതല്‍ 19/09/2020 വരെയുള്ള കൊച്ചി അമൃതാ ആശുപത്രിയിലെ ചികിത്സ സംബന്ധിച്ച രണ്ട് ലക്ഷത്തി തൊണ്ണൂറ്റിരണ്ടായിരത്തി നാന്നൂറ്റി എണ്‍പത്തിയെട്ട് രൂപയുടെ ബില്ലിന് സര്‍ക്കാര്‍ അനുമതി ലഭിച്ചെങ്കിലും നാളിതുവരെ പ്രസ്തുത തുക ലഭ്യമാക്കാത്തതിന്റെ കാരണം വ്യക്തമാക്കാമോ;

സര്‍ക്കാര്‍ ഉത്തരവ് നമ്പര്‍ 5052/2022 പൊ.വി.വ തീയതി 23/08/2022 പ്രകാരം അനുവദിച്ച ചികില്‍സാ തുക എന്നേക്ക് ലഭ്യമാക്കാന്‍ കഴിയുമെന്ന് വ്യക്തമാക്കാമോ; ഇതിലെ സാങ്കേതിക തടസ്സം വിശദീകരിക്കാമോ?

പാലക്കാട് ജില്ലയില്‍ നിലവില്‍ എല്‍.പി. സ്കൂള്‍ ടീച്ചര്‍ തസ്തികയില്‍ എത്ര ഒഴിവുകളുണ്ടെന്ന് വ്യക്തമാക്കാമോ;

2025 മേയ് 31-ന് എല്‍.പി. സ്കൂള്‍ ടീച്ചര്‍ തസ്തികയില്‍ എത്ര വിരമിക്കല്‍ ഒഴിവുകള്‍ ഉണ്ടാകുമെന്ന് വ്യക്തമാക്കാമോ;

2024 ഡിസംബര്‍ 1 മുതല്‍ 2025 ജനുവരി 31 വരെ എത്ര എല്‍.പി. സ്കൂള്‍ ടീച്ചര്‍ തസ്തികകള്‍ പാലക്കാട് ജില്ലയില്‍ നഷ്ടമായി എന്ന് വ്യക്തമാക്കാമോ?

സംസ്ഥാനത്തെ എല്‍.പി., യു.പി., ഹൈസ്കൂള്‍ തലങ്ങളിലെ അധ്യാപകരുടെ സ്ഥലം മാറ്റം സംബന്ധിച്ച് എന്തൊക്കെ മാനദണ്ഡങ്ങളാണ് നിലവിലുള്ളതെന്ന് വ്യക്തമാക്കാമോ;

ഒരേ സ്കൂളില്‍ തന്നെ കൂടുതല്‍ കാലം ജോലി ചെയ്യുന്ന അധ്യാപകര്‍ക്ക് മറ്റ് സ്കൂളുകളിലേക്ക് സ്ഥലം മാറ്റം നല്‍കുന്നതിന് എത്ര വര്‍ഷത്തെ കാലയളവാണ് നിശ്ചയിച്ചിട്ടുള്ളതെന്ന് വ്യക്തമാക്കാമോ;

ഒരേ സ്കൂളില്‍ തന്നെ ജോലി ചെയ്യുന്ന അധ്യാപകര്‍ക്ക് മൂന്ന് വര്‍ഷം കൂടുമ്പോള്‍ സ്ഥലംമാറ്റം നല്‍കുന്നതിന് വകുപ്പ് നടപടി സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ?

സ്‌കൂളുകളിൽ ഓഡിറ്റ് നടത്താത്തതിനാല്‍, 2023-24 അധ്യയന വര്‍ഷം വിരമിച്ച പ്രഥമാധ്യാപകരിൽ എൻ.എൽ.സി. ലഭിച്ചിട്ടില്ലാത്തവരുടെ എണ്ണം വിദ്യാഭ്യാസ ഉപജില്ല തിരിച്ച് വ്യക്തമാക്കുമോ;

സ്കൂളുകളില്‍ എല്ലാ വര്‍ഷവും ഓഡിറ്റ് നടത്തുന്നതിനും ക്ലിയറന്‍സ് സര്‍ട്ടിഫിക്കറ്റ് നല്‍കുന്നതിനും നടപടി സ്വീകരിക്കുമോ;

യഥാസമയം ഇത്തരം ഓഡിറ്റ് നടത്താത്തതുമൂലം വരുന്ന കാലതാമസം ഒഴിവാക്കാന്‍ അവസാന മൂന്ന് വര്‍ഷത്തെ മാത്രം ഓഡിറ്റ് നടത്തി എൻ.എൽ.സി. നല്‍കുന്ന കാര്യം പരിഗണനയിലുണ്ടോയെന്ന് വ്യക്തമാക്കുമോ?

ഹൈസ്കൂള്‍ ടീച്ചര്‍ (മ്യൂസിക്) തസ്തികയില്‍ എത്ര ഒഴിവുകള്‍ നിലവിലുണ്ടെന്നുള്ള വിവരം ജില്ല തിരിച്ച് ലഭ്യമാക്കുമോ;

പ്രസ്തുത ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടോയെന്ന് അറിയിക്കുമോ; ഇല്ലെങ്കില്‍ ഒഴിവുകള്‍ റിപ്പോര്‍ട്ട് ചെയ്യാത്ത ഉദ്യോഗസ്ഥര്‍ക്കെതിരേ അച്ചടക്ക നടപടി കൈക്കോള്ളുമോയെന്ന് വിശദമാക്കുമോ;

കുട്ടികളുടെ എണ്ണം നോക്കാതെ ഹൈസ്ക്കൂള്‍ ടീച്ചര്‍ (മ്യൂസിക്) തസ്തികയില്‍ നിയമനം നടത്തുന്നത് സംബന്ധിച്ച സര്‍ക്കാര്‍ ഉത്തരവുകളോ, നിര്‍ദ്ദേശങ്ങളോ, കോടതി വിധികളോ, നിരീക്ഷണങ്ങളോ നിലവിലുണ്ടോയെന്ന് അറിയിക്കുമോ;

അഞ്ചാം ക്ലാസ് മുതല്‍ പത്താം ക്ലാസ് വരെയുള്ള കലാപഠനം എന്ന വിഷയം, മ്യൂസിക് ടീച്ചർ അല്ലാതെ മറ്റു വിഷയങ്ങള്‍ കൈകാര്യം ചെയ്യുന്ന അദ്ധ്യാപകര്‍ പഠിപ്പിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

പുതിയതായി നിയമിക്കപ്പെടുന്ന ഡ്രോയിംഗ് ടീച്ചേഴ്സ്, മ്യൂസിക് ടീച്ചേഴ്സ് എന്നിവരെ സ്ക്കൂളുകളില്‍ നിയമിക്കുന്നതിനുള്ള അനുപാതം നിശ്ചയിച്ചിട്ടുണ്ടോ; എങ്കില്‍ അനുപാതം എത്രയാണ്; ഈ അനുപാതത്തിലല്ലാതെ പുതിയ നിയമനങ്ങള്‍ നടത്തിയിട്ടുണ്ടോയെന്ന് അറിയിക്കുമോ; വിശദാംശം ലഭ്യമാക്കുമോ?

എറണാകുളം കൂവപ്പടി ഗണപതി വിലാസം എച്ച്.എസ്.-ലെ യു.പി.എസ്.ടി. ആന്‍ ട്രീസ ടോം-ന്റെ നിയമനാംഗീകാരവുമായി ബന്ധപ്പെട്ട് നല്‍കിയിട്ടുള്ള അപേക്ഷ (ഫയല്‍ നം.GEDN E1/166/2024-GEDN) ശ്രദ്ധയില്‍പ്പെട്ടിട്ടുണ്ടോ;

പ്രസ്തുത അപേക്ഷ അടിയന്തരമായി തീര്‍പ്പുകല്‍പ്പിച്ച് നിയമനാംഗീകാരം നല്‍കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

ആലപ്പുഴ ജില്ലയിലെ തത്തംപള്ളി സെന്റ് മൈക്കിള്‍സ് എച്ച്.എസ്., ആലപ്പുഴ സെന്റ് ആന്റണീസ് എച്ച്.എസ്. എന്നീ സ്കൂളുകളിലെ ഏതൊക്കെ അധ്യാപകർക്ക് നിലവില്‍ വിദ്യാഭ്യാസവകുപ്പില്‍ നിന്നും നിയമനത്തിന് അംഗീകാരം ലഭിക്കാതെയുണ്ടെന്ന് അറിയിക്കാമോ;

പ്രസ്തുത അധ്യാപകരുടെ നിയമനാംഗീകാരത്തിന് എന്താണ് തടസമെന്ന് വിശദമാക്കാമോ;

2017-മുതല്‍ നിയമനം ലഭിച്ച അധ്യാപകർ പ്രസ്തുത പട്ടികയിലുണ്ടെന്നത് കണക്കിലെടുത്ത് പ്രത്യേക പരിഗണന നല്കി പ്രസ്തുത അധ്യാപകർക്ക് നിയമനാംഗീകാരം നല്കുന്നതിന് നടപടികള്‍ ത്വരിതപ്പെടുത്താമോ?

സ.ഉ.(കൈ) നം.167/2011 പ്രകാരം ഹയർ സെക്കണ്ടറി പഠനത്തിന് സൃഷ്ടിച്ച അധിക ബാച്ചുകളില്‍ നിയമനം ലഭിച്ച ഗസ്റ്റ് അധ്യാപകർക്ക് എന്തൊക്കെ ആനുകൂല്യങ്ങള്‍ ഇതുവരെ നല്കിയിട്ടുണ്ടെന്ന് വിശദമാക്കാമോ;

ഇപ്രകാരം നിയമനം ലഭിച്ച തീയതി മുതല്‍ സ്ഥിര അധ്യാപകർക്ക് തുല്യമായ ആനുകൂല്യങ്ങള്‍ ലഭ്യമാക്കുന്നതിന് കോടതി ഉത്തരവ് ലഭ്യമായിട്ടുണ്ടോ; പ്രസ്തുത ഉത്തരവിന്റെ അടിസ്ഥാനത്തില്‍ സ്വീകരിച്ച നടപടികള്‍ അറിയിക്കാമോ;

അത്തരം നിയമനം ലഭിച്ച ഗസ്റ്റ് അധ്യാപകരില്‍ കോടതിയില്‍ കേസ് കൊടുത്ത് ഉത്തരവ് നേടിയവർക്ക് മാത്രമായി ആനുകൂല്യങ്ങള്‍ അനുവദിച്ചിട്ടുണ്ടോ;

ഒരേ തരത്തില്‍ നിയമനം ലഭിച്ചവരില്‍ സാമ്പത്തിക ബുദ്ധിമുട്ടും മറ്റ് പലവിധ കാരണങ്ങളാലും കേസിന് പോകാന്‍ സാധിക്കാത്തവർക്ക് പ്രസ്തുത ആനുകൂല്യം അനുവദിക്കാതെയും കോടതി ഉത്തരവ് സമ്പാദിച്ചവർക്ക് മാത്രമായി ആനുകൂല്യങ്ങള്‍ അനുവദിക്കുകയും ചെയ്ത സന്തുലിതമല്ലാത്ത നടപടി മാനുഷിക പരിഗണന നല്കി പുന:പരിശോധിക്കാന്‍ നടപടി സ്വീകരിക്കാമോ?

അടൂർ വയല എൻ.ഡി.എം. യു.പി. സ്‌കൂളിലെ 43 ക്ലെയ്‌മെന്റ് ആയ രാജി രാജു എന്ന അധ്യാപികയുടെ നിയമനം നിയമപ്രകാരം സ്ഥിരപ്പെടുത്താതെ താൽക്കാലികമായി നിയമിച്ചത് സംബന്ധിച്ചുള്ള അപ്പീലിന്മേൽ സ്വീകരിച്ച നടപടികൾ എന്തൊക്കെയാണെന്ന് തീയതി സഹിതം വ്യക്തമാക്കുമോ;

പുതുതായി നിയമിച്ച അധ്യാപർക്കു പോലും സ്ഥിര നിയമനവും ശമ്പള കുടിശികയും അനുവദിച്ചിട്ടും എന്ത് കൊണ്ടാണ് ഈ അധ്യാപികയുടെ നിയമനം മാത്രം ദിവസ വേതനക്കാരിയുടേതാക്കിയതെന്ന് വ്യക്തമാക്കുമോ;

ഈ അധ്യാപികയുടെ നിയമനം അംഗീകരിച്ച് സർക്കാർ ഉത്തരവ് ഇറക്കിയിട്ടും തുടർ നടപടികൾ സ്വീകരിക്കാത്തതിന്റെ കാരണം വിശദീകരിക്കുമോ;

ഇത്തരത്തിൽ എയ്ഡഡ് സ്‌കൂൾ ജീവനക്കാരുടെ ആനുകൂല്യങ്ങൾ തടയുന്നത് അവസാനിപ്പിക്കാൻ നടപടികൾ സ്വീകരിക്കുമോ; വ്യക്തമാക്കുമോ;

എയ്ഡഡ് സ്‌കൂൾ ജീവനക്കാരുടെ നിയമനം അംഗീകരിക്കുന്നതിന് ഒരു ഓൺലൈൻ ആപ്പ്-ന്റെ സഹായത്തോടെ മൂന്ന് മാസ കാലയളവിനുള്ളിൽ നിയമനം അംഗീകരിച്ചു നൽകുന്നതിന് നടപടി സ്വീകരിക്കുമോ;

ശ്രീമതി രാജി രാജു- ന്റെ നിയമനം സ്ഥിരപ്പെടുത്തി ശമ്പള കുടിശിക ഉൾപ്പെടെ നൽകുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്തെ എയ്ഡഡ് സ്കൂളുകളിൽ ശമ്പളമോ മറ്റ് ആനുകൂല്യങ്ങളോ ലഭിക്കാതെ നിയമന അംഗീകാരം കാത്തുനിൽക്കുന്ന അധ്യാപകരുടെ വിശദാംശം ജില്ല തിരിച്ച് ലഭ്യമാക്കാമോ;

പ്രസ്തുത അധ്യാപകർക്ക് നിയമനാംഗീകാരം നൽകുന്നതിന് എന്തെല്ലാം ത്വരിത നടപടികള്‍ സ്വീകരിക്കുമെന്ന് വ്യക്തമാക്കാമോ?

സുപ്രീം കോടതി വിധിയുടെ പശ്ചാത്തലത്തിൽ സംസ്ഥാനത്തെ എല്ലാ എയ്ഡഡ് സ്കൂളുകളിലെയും ഭിന്നശേഷിക്കാർക്കായി സംവരണം ചെയ്തിട്ടുള്ളവ ഒഴികെയുള്ള തസ്തികകളിലെ നിയമനങ്ങൾക്ക് അംഗീകാരം നൽകണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ;

വിവിധ എയ്ഡഡ് സ്കൂൾ മാനേജ്‌മെന്റുകൾക്ക് കീഴിൽ നിയമനാംഗീകാരം ലഭിക്കാതെ പ്രയാസപ്പെടുന്ന ആയിരക്കണക്കിന് അധ്യാപകരുടെയും ജീവനക്കാരുടെയും പ്രയാസങ്ങൾ കണക്കിലെടുത്ത് അംഗീകാരം നൽകുവാൻ സർക്കാർ ഒരു പൊതു ഉത്തരവ് ഇറക്കുമോ; ഇതു സംബന്ധിച്ച സർക്കാർ നയം വ്യക്തമാക്കാമോ;

നാലു വർഷത്തിലധികമായി നിയമനം മുടങ്ങിക്കിടക്കുന്ന സാഹചര്യത്തിൽ ഭിന്നശേഷി നിയമനം നടക്കാത്ത വിദ്യാലയങ്ങളിൽ ഒഴിവുള്ള തസ്തികകളിൽ നടത്തിയ എല്ലാ നിയമനങ്ങൾക്കും റെഗുലർ വ്യവസ്ഥയിലെ ശമ്പള സ്കെയിലിൽ അംഗീകാരം നൽകുമോയെന്ന് വ്യക്തമാക്കുമോ?

2024-25 അധ്യയന വർഷം ഗവൺമെന്റ്, എയ്ഡഡ് വൊക്കേഷണൽ ഹയർ സെക്കൻഡറി സ്കൂളുകളിൽ പ്രവേശനം നേടിയ കുട്ടികളുടെ എണ്ണം എത്രയെന്ന് അറിയിക്കുമോ;

ഒരു കോഴ്സിൽ മിനിമം വേണ്ട കുട്ടികളുടെ എണ്ണത്തിൽ കുറവുള്ള സ്കൂളുകൾ ഉണ്ടോ; ഉണ്ടെങ്കിൽ സർക്കാർ, എയ്ഡഡ് എന്നിവ എത്രയെന്ന് ഇനം തിരിച്ച് വിശദമാക്കുമോ;

വൊക്കേഷണല്‍ ഹയർ സെക്കൻഡറി സ്കൂളുകളിൽ സയൻസ് വിഷയങ്ങൾക്ക് ഹയർ സെക്കൻഡറി സ്കൂളുകൾക്ക് സമാനമായ ലാബ് സൗകര്യങ്ങൾ ഉണ്ടോ; വിശദമാക്കുമോ;

ലാബ് സൗകര്യങ്ങളുടെ കാര്യത്തിൽ കൃത്യമായ പരിശോധന വകുപ്പ് തലത്തിൽ നടത്താറുണ്ടോ; വിശദമാക്കുമോ;

ഹയർസെക്കൻഡറി, വൊക്കേഷണൽ ഹയർ സെക്കൻഡറി മേഖലകളുടെ ഏകീകരണം അടുത്ത അധ്യയന വർഷം നടപ്പിലാക്കാൻ ഗവൺമെന്റ് ഉദ്ദേശിക്കുന്നുണ്ടോ; വ്യക്തമാക്കുമോ?

എസ്.എസ്.എൽ.സി., പ്ലസ് ടു പൊതുപരീക്ഷകളുടെ നടത്തിപ്പിന്റെ വിവിധ ഘട്ടങ്ങളിൽ ചോദ്യ പേപ്പർ സൂക്ഷിക്കുന്ന രീതി വിശദമാക്കാമോ;

അർദ്ധവാർഷിക പരീക്ഷയു‌ടെ ചോദ്യ പേപ്പർ ഹയർ സെക്കൻഡറി സ്കൂളിലെ പ്യൂണിന്റെ സഹായത്തോടെയാണ് ചോർന്നതെന്ന് കണ്ടെത്തിയിട്ടുണ്ടോ;

എങ്കിൽ ഇത് പരീക്ഷാ സംവിധാനങ്ങളുടെ കാര്യക്ഷമതയെ ചോദ്യം ചെയ്യുന്നതാണെന്ന ആക്ഷേപം പരിശോധിച്ചിട്ടുണ്ടോ; വിശദമാക്കാമോ;

പരീക്ഷ നടത്തിപ്പ് കാര്യക്ഷമവും കുറ്റമറ്റതുമാക്കാൻ നടപടി സ്വീകരിക്കുമോ; വ്യക്തമാക്കാമോ?

സര്‍ക്കാര്‍/എയ്ഡഡ് സ്കൂളുകളില്‍ പി.ടി.എ/എസ്.എസ്.ജി കമ്മിറ്റികള്‍ രൂപീകരിക്കുന്നത് സംബന്ധിച്ച് നിലവിലുള്ള വ്യവസ്ഥകള്‍ എന്താെക്കെയാണ്; ഇവ ഓരാേന്നിനും നല്‍കിയ അധികാരങ്ങള്‍ സംബന്ധിച്ച വിശദാംശങ്ങള്‍ ലഭ്യമാക്കാമാേ;

സ്കൂള്‍ തലത്തിലുള്ള ഇത്തരം കമ്മിറ്റികളില്‍ പ്രതിനിധികളായി തെരഞ്ഞെടുക്കപ്പെടുന്നതിന് കാലപരിധി നിശ്ചയിച്ചിട്ടുണ്ടാേ; വിശദമാക്കാമാേ?

കോതമംഗലം മണ്ഡലത്തിലെ മാതിരപ്പിളളി ഗവ. ഹെെസ്കൂള്‍ കോമ്പൗണ്ടില്‍ ഒഴിഞ്ഞുകിടക്കുന്ന ഇരുപത്താറ് സെന്റ് സ്ഥലം പ്രീമെട്രിക് ഹോസ്റ്റല്‍ നിര്‍മ്മാണത്തിനായി പട്ടികവര്‍ഗ്ഗ വികസന വകുപ്പിന് കെെമാറുന്നതുമായി ബന്ധപ്പെട്ട് വിദ്യാഭ്യാസ വകുപ്പ് നാളിതുവരെ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കാമോ;

നടപടിക്രമങ്ങള്‍ വേഗത്തില്‍ പൂര്‍ത്തീകരിച്ച് പ്രസ്തുത ഭൂമി ഹോസ്റ്റല്‍ നിര്‍മ്മാണത്തിനായി പട്ടികവര്‍ഗ്ഗ വികസന വകുപ്പിന് കെെമാറുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ?

ഖാദർ കമ്മിറ്റി റിപ്പോർട്ടിലെ ശിപാർശകളിൽ ഏതൊക്കെ ശിപാർശകളാണ് ഇതുവരെ നടപ്പിലാക്കിയിട്ടുള്ളത്?

വൈപ്പിന്‍ എ.ഇ.ഒ. -യുടെ കീഴില്‍ എത്ര പ്രീ പ്രൈമറി സ്കൂളുകള്‍ ഉണ്ടെന്നും അവ ഏതൊക്കെയെന്നും വ്യക്തമാക്കാമോ;

പ്രസ്തുത സ്കൂളുകളിലെ സ്റ്റാഫുകള്‍ എത്രയാണെന്നും ഏതൊക്കെ കാറ്റഗറിയെന്നും വ്യക്തമാക്കാമോ;

വൈപ്പിന്‍ എ.ഇ.ഒ. -യുടെ കീഴില്‍ പ്രവര്‍ത്തിക്കുന്ന അദ്ധ്യാപകരുടെയും ആയമാരുടെയും ഓണറേറിയം കൃത്യമായി നല്‍കുന്നുണ്ടോയെന്ന് വിശദമാക്കാമോ; പ്രസ്തുത ഓണറേറിയം ഇനിയും നല്‍കുവാനുണ്ടോയെന്നും എങ്കിൽ ആയതിന്റെ കാരണവും വ്യക്തമാക്കാമോ;

വൈപ്പിന്‍ മണ്ഡലത്തിലെ ചെറായി ഗവ.എല്‍.പി. സ്കൂളിന്റെ പ്രീ പ്രൈമറി വിഭാഗത്തില്‍ 31.10.2012 -ന് ഒഴിവുണ്ടായപ്പോൾ പി.ടി.എ. തീരുമാനമനുസരിച്ച് നിയമിതയായ പ്രിയ വി.എസ്. ന് നാളിതുവരെ നിയമന അംഗീകാരവും ഓണറേറിയവും നല്‍കാത്തതിന്റെ കാരണം വിശദമാക്കാമോ;

ഈ വിഷയത്തിൽ നിരവധി കത്തുകളും പരാതികളും സമര്‍പ്പിച്ചിട്ടും 12 വര്‍ഷമായി സേവനമനുഷ്ഠിക്കുന്ന പ്രിയ വി.എസ്. ന്റെ നിയമനവും ഓണറേറിയവും നല്‍കുന്നതുമായി ബന്ധപ്പെട്ട ഫയലിൽ നാളിതുവരെ ഉത്തരവ് പുറപ്പെടുവിക്കാത്തതിന്റെ കാരണം വിശദമാക്കാമോ;

22.08.2024-ന് പ്രിയ വി.എസ്. തുടര്‍നടപടികള്‍ക്കായി എം.എല്‍.എ. മുഖാന്തരം പൊതുവിദ്യാഭ്യാസ വകുപ്പ് പ്രിന്‍സിപ്പല്‍ സെക്രട്ടറിക്ക് (ഇ /8759174/2024/എം.ഐ.എൻ./ഇ.ഡി.യു.) സമർപ്പിച്ച ഫയലില്‍ എന്തെങ്കിലും നടപടി സ്വീകരിച്ചിട്ടുണ്ടോ; ഉണ്ടെങ്കിൽ വിശദ വിവരം ലഭ്യമാക്കാമോ?

ഈ സർക്കാരിന്റെ കാലത്ത് പൊതുവിദ്യാഭ്യാസ വകുപ്പിന്റെ സ്കീമുകളിലായി പയ്യന്നൂര്‍ നിയോജക മണ്ഡലത്തില്‍ അനുവദിച്ച പദ്ധതികളും ഓരോന്നിന്റെയും തുകയും നിലവിലെ പുരോഗതിയും വിശദമാക്കാമോ?

ഇതര സംസ്ഥാനങ്ങളിലെ വിദ്യാഭ്യാസ ഏജൻസികൾ നടത്തുന്ന പത്താം തരം, പന്ത്രണ്ടാം തരം പരീക്ഷകൾ വിജയിക്കുന്ന കുട്ടികൾക്ക് സംസ്ഥാനത്ത് തുല്യതാ സർട്ടിഫിക്കറ്റ് ലഭിക്കാൻ എന്തൊക്കെ മാനദണ്ഡങ്ങളാണ് നിശ്ചയിച്ചിട്ടുള്ളതെന്ന് വിശദമാക്കാമോ;

എൻ.ഐ.ഒ.എസ്. പരീക്ഷ പാസ്സായ കുട്ടികൾക്ക് തുല്യത നൽകുന്നതിന് എന്തെങ്കിലും നിയന്ത്രണമുണ്ടോ; വിശദാംശം ലഭ്യമാക്കുമോ?

കാേഴിക്കാേട് വിദ്യാഭ്യാസ കാേംപ്ലക്സ് സ്ഥാപിക്കുന്നതുമായി ബന്ധപ്പെട്ട പാെതു വിദ്യാഭ്യാസ ഡയറക്ടര്‍ക്ക് നല്‍കിയ E 8920492/2024/MIN/Edn നമ്പര്‍ കത്ത് പ്രകാരം സ്വീകരിച്ച നടപടികള്‍ വിശദമാക്കുമാേ;

വിദ്യാഭ്യാസ കാേപ്ലക്സ് നിര്‍മ്മാണവുമായി ബന്ധപ്പെട്ട് പാെതുമരാമത്ത് വകുപ്പ് രൂപരേഖ തയ്യാറാക്കി നല്‍കിയിട്ടുണ്ടാേ;

ഈ വിഷയത്തില്‍ എന്തെല്ലാം തുടര്‍നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ?

മുൻ സർക്കാരിന്റെ കാലം മുതൽ നാളിതുവരെ എസ്.എസ്.എൽ.സി., പ്ലസ് ടു, വൊക്കേഷണൽ ഹയർ സെക്കൻഡറി പരീക്ഷകളുടെ ചോദ്യപേപ്പറുകൾ എത്ര തവണ ചോർന്നിട്ടുണ്ട്; ഓരോന്നിന്റെയും വിശദാംശം വ്യക്തമാക്കുമോ;

ഓരോ സംഭവത്തിലും എന്തൊക്കെ തുടർനടപടികൾ സ്വീകരിച്ചിട്ടുണ്ടെന്നും കുറ്റക്കാരായി കണ്ടെത്തിയവർക്കെതിരെ എന്തൊക്കെ നടപടികൾ സ്വീകരിച്ചിട്ടുണ്ടെന്നും ഇതുമായി ബന്ധപ്പെട്ട് എത്ര പേരെ സസ്പെൻഡ് ചെയ്തിട്ടുണ്ടെന്നുമുള്ള വിവരം ലഭ്യമാക്കാമോ;

എത്ര പേരെ സർവീസിൽ നിന്ന് പിരിച്ചു വിട്ടിട്ടുണ്ടെന്നും എത്ര പേരെ അന്വേഷണത്തിൽ കുറ്റവിമുക്തരാക്കിയിട്ടുണ്ടെന്നും എത്ര പേരെ സർവീസിൽ തിരിച്ചെടുത്തിട്ടുണ്ടെന്നുമുള്ള വിശദാംശം പേരും തസ്തികയും സഹിതം വ്യക്തമാക്കുമോ?

എച്ച്.എസ്.എ. (നാച്ചുറൽ സയൻസ്) തസ്തികയിൽ നിന്നും എച്ച്.എസ്.എസ്.റ്റി. (സുവോളജി & ബോട്ടണി) -യിലേക്കുള്ള തസ്തികമാറ്റ നിയമനം അവസാനം നടന്നത് എന്നാണെന്ന് വ്യക്തമാക്കാമോ; കഴിഞ്ഞ 5 വർഷം ഇപ്രകാരം നടന്ന നിയമനങ്ങളുടെ എണ്ണം എത്രയാണെന്ന് തസ്തിക/വിഷയം തിരിച്ചു ലഭ്യമാക്കാമോ;

ചട്ടപ്രകാരം ഒഴിവുകൾ ഉണ്ടായിട്ടും ഓരോ അധ്യയനവർഷവും പ്രസ്തുത തസ്തികമാറ്റം കൃത്യമായി നടക്കാത്തത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ആയതിന്റെ കാരണം വ്യക്തമാക്കാമോ;

നടപ്പ് അധ്യയനവർഷം പൂർത്തിയാകുന്നതിനു മുൻപ് പ്രസ്തുത തസ്തിക മാറ്റ നിയമനം നടത്തുന്നതിനുള്ള നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദമാക്കാമോ?

സ്കൂളുകളിൽ പാഠഭാഗങ്ങൾ പൂർണമായും പഠിപ്പിച്ചു തീരുന്നതിനു മുൻപ് എൽ.എസ്.എസ്., യു.എസ്.എസ്. സ്കോളർഷിപ്പ് പരീക്ഷകൾ നടത്തിയതായുള്ള ആക്ഷേപം ഗൗരവത്തോടെ കാണുന്നുണ്ടോ; വിശദമാക്കുമോ;

നാലാം ക്ലാസിലെയും ഏഴാം ക്ലാസിലെയും സിലബസ് അടിസ്ഥാനമാക്കി നടത്തുന്ന പ്രസ്തുത സ്കോളർഷിപ്പ് പരീക്ഷകൾ പാഠഭാഗങ്ങൾ പൂർണ്ണമായും പഠിപ്പിച്ചതിനു ശേഷം നടത്തുവാൻ സാധിക്കാത്തതിന്റെ കാരണം വ്യക്തമാക്കുമോ;

വിദ്യാർഥികളിൽ അനാവശ്യ സമ്മർദ്ദം ഉണ്ടാക്കുന്ന ഈ രീതിയിലുള്ള പരീക്ഷ ടൈംടേബിൾ ഒഴിവാക്കുന്നതിന് വരും വർഷങ്ങളിൽ ജാഗ്രത പുലർത്തുമോ; വിശദമാക്കുമോ?

ഹയർ സെക്കണ്ടറി സ്കൂളുകളിലുൾപ്പെടെ സംസ്ഥാന സർക്കാർ/എയ്ഡഡ് സ്കൂളുകളില്‍ നിലവിൽ കേരളീയരല്ലാത്ത എത്ര വിദ്യാർത്ഥികൾ പഠനം നടത്തുന്നുണ്ടെന്ന് ജില്ല തിരിച്ചുള്ള കണക്ക് നല്‍കാമോ;

പ്രസ്തുത വിദ്യാർത്ഥികൾ ഏതെല്ലാം സംസ്ഥാനങ്ങളില്‍ നിന്നുമുള്ള കുട്ടികളാണെന്ന് ജില്ല തിരിച്ച് വിശദാംശം നല്‍കാമോ?

സംസ്ഥാന സാക്ഷരതാ മിഷന്റെ പ്രവർത്തന ചെലവുകൾക്ക് ആവശ്യമായ തുക ബജറ്റിൽ വകയിരുത്തിയിട്ടുണ്ടോ; കഴിഞ്ഞ മൂന്ന് സാമ്പത്തിക വർഷങ്ങളിൽ വകയിരുത്തിയ തുകയും ചെലവിട്ട തുകയും വ്യക്തമാക്കുമോ;

സാക്ഷരതാ പ്രവർത്തനങ്ങൾക്കായി തദ്ദേശ സ്വയംഭരണ സ്ഥാപനങ്ങളിൽ നിന്ന് എന്തെല്ലാം സഹായങ്ങളാണ് ലഭ്യമാകുന്നതെന്ന് അറിയിക്കുമോ?

സംസ്ഥാനത്തെ പതിനെട്ട് വയസ്സിന് മുകളില്‍ പ്രായമുള്ള ശാരീരിക-മാനസിക വെല്ലുവിളി നേരിടുന്നവര്‍ക്ക് വിദ്യാഭ്യാസവും പരിശീലനവും നല്‍കി വരുന്ന സ്പെഷ്യല്‍ സ്കൂളുകള്‍ നേരിടുന്ന പ്രയാസങ്ങള്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഇത്തരം സ്കൂളുകളില്‍ പതിനെട്ട് വയസ്സില്‍ താഴെയുള്ളവർക്ക് മാത്രം നല്‍കി വരുന്ന ഗ്രാന്റ് ചുരുങ്ങിയത് ഇരുപത്തിമൂന്ന് വയസ്സുവരെയെങ്കിലും ഉള്ളവർക്ക് ലഭ്യമാക്കണമെന്ന ആവശ്യം സര്‍ക്കാര്‍ പരിഗണിക്കുന്നുണ്ടോ;

ഏറെ സാമൂഹ്യപരിഗണന അര്‍ഹിക്കുന്ന ഇത്തരം ആളുകള്‍ക്ക് തുടര്‍ന്നും പഠനവും പരിശീലനവും ജീവിതമാര്‍ഗ്ഗവും ഉറപ്പുവരുത്തുന്നതിന് സാമൂഹ്യനീതി വകുപ്പുമായി ചേര്‍ന്ന് അവശ്യനടപടികള്‍ സ്വീകരിക്കുമോ;

ഇത്തരം വിദ്യാര്‍ത്ഥികളുടെ പ്രായപരിധി ഉയര്‍ത്തുന്നതിനും അവരുടെ എണ്ണം കൂടി കണക്കിലെടുത്ത് ഗ്രാന്റും സഹായങ്ങളും തുടര്‍ന്നും അനുവദിക്കുന്നതിനും നടപടി സ്വീകരിക്കുമോ?

പൊതുവിദ്യാഭ്യാസ വകുപ്പ് നടത്തുന്ന അധ്യാപക പരിശീലന കോഴ്സ് ആയ ഡിപ്ലോമ ഇൻ എലിമെന്ററി എഡ്യൂക്കേഷൻ (D.El.Ed.) കോഴ്സിന്റെ പരീക്ഷകൾ ആരാണ് നടത്തുന്നത് എന്ന് വ്യക്തമാക്കുമോ; 2020-22, 2021-23 എന്നീ ദ്വിവർഷ കോഴ്സുകളുടെ ജനറൽ വിഭാഗത്തിലും ഭാഷാ വിഭാഗത്തിലും എത്ര കുട്ടികൾ 3, 4 സെമസ്റ്റർ പരീക്ഷ എഴുതിയിട്ടുണ്ടെന്ന് വ്യക്തമാക്കുമോ;

ഈ കാലയളവിൽ ജനറൽ വിഭാഗങ്ങളുടെയും ഭാഷാ വിഭാഗങ്ങളുടെയും മൂന്ന്, നാല് സെമസ്റ്ററുകളുടെയും സപ്ലിമെന്ററി പരീക്ഷകളുടെയും തീയതികൾ എന്നായിരുന്നുവെന്നും ഇവയുടെ റിസൾട്ട് പ്രഖ്യാപിച്ചത് എന്നാണെന്നും വർഷം, വിഭാഗം എന്നിവ തിരിച്ച് വിശദമാക്കുമോ;

പ്രസ്തുത കാലയളവിൽ ഈ വിഭാഗങ്ങളുടെ സർട്ടിഫിക്കറ്റ് വിതരണം എന്നാണ് നടത്തിയതെന്ന് വ്യക്തമാക്കുമോ;

D.El.Ed കോഴ്സിൽ ഭാഷാ വിഭാഗങ്ങളുടെ മാത്രം സർട്ടിഫിക്കറ്റുകൾ വിതരണം ചെയ്യുന്നതിന് കാലതാമസം നേരിടുന്നതിന്റെ കാരണം അന്വേഷിച്ച് വേണ്ട നടപടികൾ സ്വീകരിക്കുമോ?

സംസ്ഥാനത്ത്‌ എത്ര ഹയർ സെക്കണ്ടറി വിദ്യാലയങ്ങളിൽ അൺഎയ്ഡഡ് (സ്വാശ്രയ) എൻ.എസ്.എസ്. യൂണിറ്റുകൾ പ്രവർത്തിക്കുന്നുണ്ട്; 2016-17 മുതൽ 2023-24 വരെ അനുവദിച്ച സ്വാശ്രയ എൻ.എസ്.എസ്. യൂണിറ്റുകൾ എത്രയാണെന്ന് അക്കാദമിക വർഷ അടിസ്ഥാനത്തിൽ അറിയിക്കാമോ;

പ്രസ്തുത കാലയളവില്‍ സ്വാശ്രയ എൻ.എസ്.എസ്. യൂണിറ്റുകളിൽ നിന്നും എത്ര രൂപയാണ് ഹയർ സെക്കണ്ടറി എൻ.എസ്.എസ്. സെൽ പിരിച്ചെടുത്തത്; അക്കാദമിക വർഷ അടിസ്ഥാനത്തിൽ ലഭ്യമാക്കാമോ;

പ്രസ്തുത വര്‍ഷങ്ങളില്‍ ഇപ്രകാരം പിരിച്ചെടുത്ത തുക എന്തൊക്കെ ആവശ്യങ്ങൾക്കാണ് ചെലവഴിച്ചതെന്ന് അക്കാദമിക വർഷ അടിസ്ഥാനത്തിൽ ലഭ്യമാക്കാമോ?

കേന്ദ്ര വിദ്യാഭ്യാസ അവകാശ നിയമം നടപ്പിലാക്കിയിട്ടുള്ള സർക്കാർ പ്രൈമറി വിദ്യാലയങ്ങളിൽ സ്കൂൾ മാനേജ്മെന്റ് കമ്മിറ്റിയും പി.ടി.എ.യും പ്രവർത്തിക്കേണ്ടതുണ്ടോയെന്ന് അറിയിക്കാമോ;

രണ്ടു കമ്മിറ്റികളും പ്രവർത്തിക്കേണ്ടതുണ്ടെങ്കില്‍ യോഗങ്ങൾ പ്രത്യേകമായാണോ സംയുക്തമായിട്ടാണോ ചേരേണ്ടതെന്ന് വ്യക്തമാക്കാമോ;

സ്കൂളിലേക്ക് സർക്കാരും ഏജൻസികളും ലഭ്യമാക്കുന്ന ഫണ്ട് ചെലവഴിക്കേണ്ടത് എസ്.എം.സി യുടെ അക്കൗണ്ടിലൂടെയാണോ പി.ടി.എ. യുടെ അക്കൗണ്ടിലൂടെയാണോ എന്ന് വ്യക്തമാക്കാമോ;

രണ്ട് കമ്മിറ്റികളുടെയും അധ്യക്ഷന്മാർ സ്കൂളിലെ സംയുക്ത യോഗത്തിലും മറ്റു പരിപാടികളിലും പങ്കെടുക്കുമ്പോൾ പ്രോട്ടോകോൾ എപ്രകാരമാണെന്ന് വിശദമാക്കാമോ;

ഒരു സ്കൂളിലെ പി.ടി.എ കമ്മിറ്റിയുടെയും എസ്.എം.സി. യുടെയും അധ്യക്ഷനായി ഒരാൾ തന്നെ സേവനമനുഷ്ഠിക്കുന്നതിൽ എന്തെങ്കിലും സാങ്കേതിക തടസ്സം ഉണ്ടോയെന്ന് അറിയിക്കാമോ?

പോക്സോ നിയമമനുസരിച്ച് കുട്ടികളുടെ സുരക്ഷ ഉറപ്പാക്കുന്നതിന് സ്കൂള്‍ അധ്യാപകര്‍ക്കുള്ള ഉത്തരവാദിത്വങ്ങള്‍ എന്തൊക്കെയാണെന്ന് വിശദമാക്കുമോ;

പ്രസ്തുത നിയമ ലംഘനങ്ങളുമായി ബന്ധപ്പെട്ട പരാതികള്‍ കൈകാര്യം ചെയ്യുന്നതിനായി സ്കൂള്‍ തലത്തിലുള്ള നിയന്ത്രണങ്ങളും റിപ്പോര്‍ട്ടിംഗ് സംവിധാനങ്ങളും എന്തൊക്കെയാണ്; വിശദമാക്കാമോ;

കുട്ടികള്‍ക്ക് ലൈംഗിക അതിക്രമങ്ങള്‍ തിരിച്ചറിയാനും അവയില്‍ നിന്ന് രക്ഷപ്പെടാനും സഹായിക്കുന്നതിന് ഹയര്‍ സെക്കണ്ടറി അധ്യാപകര്‍ക്ക് എന്തൊക്കെ ബോധവല്‍ക്കരണ പരിശീലനങ്ങളാണ് നല്‍കുന്നത്; വിശദീകരിക്കാമോ;

പോക്സോ ബോധവല്‍ക്കരണ പരിപാടിയുടെ ഭാഗമായി കുട്ടികള്‍, രക്ഷിതാക്കള്‍, അധ്യാപകര്‍, സമൂഹം എന്നിവരുമായി സഹകരിച്ച് നടത്തുന്ന പ്രധാന നടപടികൾ എന്തൊക്കെയാണ്; വിശദീകരിക്കാമോ?

സംസ്ഥാനത്തെ യൂ.പി. സ്കൂളുകളില്‍ ഭാഷാ അദ്ധ്യാപകരുടെ കുറവ് പരിശോധിച്ചിട്ടുണ്ടോ; വ്യക്തമാക്കാമോ;

പ്രസ്തുത തസ്തികകളിൽ റാങ്ക് ലിസ്റ്റ് നിലവിലുണ്ടായിട്ടും സമയബന്ധിതമായി നിയമനം നടത്താന്‍ കഴിയാത്തതിന്റെ കാരണങ്ങള്‍ വിശദമാക്കാമോ;

ഒഴിവുകള്‍ റിപ്പോര്‍ട്ട് ചെയ്യാന്‍ കഴിയാത്തതിന്റെ കാരണങ്ങള്‍ എന്തെല്ലാമാണ്; നിലവില്‍ പി‌.എസ്‌.സി-യ്ക്ക് റിപ്പോര്‍ട്ട് ചെയ്യാനുള്ള ഒഴിവുകള്‍ എത്രയാണെന്ന് ഓരോ ജില്ലാ ഓഫീസിലെയും ബന്ധപ്പെട്ട വിഭാഗത്തിലെ സീറ്റ് അടിസ്ഥാനത്തില്‍ കണക്കുകള്‍ ലഭ്യമാക്കാമോ; ഒഴിവുകള്‍ പി‌.എസ്‌.സി-യ്ക്ക് റിപ്പോര്‍ട്ട് ചെയ്യാന്‍ കാലതാമസം വരുത്തിയ ഉദ്യോഗസ്ഥനെതിരെ വകുപ്പ് തലത്തില്‍ നടപടികള്‍ സ്വീകരിച്ചിട്ടുണ്ടോ;

ഓരോ സീറ്റിലും ഒഴിവുകള്‍ ലഭിച്ച തീയതികള്‍, ലഭിച്ച ഒഴിവുകള്‍ പി‌.എസ്‌.സി-യ്ക്ക് റിപ്പോര്‍ട്ട് ചെയ്ത തീയതികള്‍ എന്നിവ അറിയിക്കാമോ;

ഹിന്ദി ജൂനിയര്‍ ലാംഗ്വേജ് ടീച്ചര്‍ തസ്തികയില്‍ നിലവില്‍ എത്ര ഒഴിവ് (ആന്‍റിസിപ്പേറ്ററി) പി‌.എസ്‌.സി-യ്ക്ക് റിപ്പോര്‍ട്ട് ചെയ്തിട്ടുണ്ട്; ഓരോ ജില്ലയിലെയും കണക്കുകള്‍ അറിയിക്കാമോ;

പ്രസ്തുത തസ്തികയിലെ നിയമനം വേഗത്തിലാക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കാമോ?

അധ്യയന വർഷം ആരംഭിച്ച് ആറാം പ്രവൃത്തി ദിനത്തിലെ വിദ്യാർത്ഥികളുടെ എണ്ണം കണക്കാക്കി ജൂലൈ 15-ന് മുമ്പ് അധ്യാപക തസ്തികാനിർണ്ണയം പൂർത്തിയാക്കണമെന്ന വ്യവസ്ഥ ഉണ്ടോ; എങ്കിൽ ഇപ്രകാരം തസ്തികാനിർണ്ണയം പൂർത്തിയാക്കുന്നതിനായി വിദ്യാഭ്യാസ വകുപ്പിന് കഴിയാത്തതിന്റെ കാരണം പരിശോധിച്ചിട്ടുണ്ടോ; വ്യക്തമാക്കുമോ;

ഇപ്രകാരമുള്ള അധ്യാപക തസ്തിക നിർണ്ണയത്തെ അടിസ്ഥാനമാക്കിയാണ് അധ്യാപക പുനർവിന്യാസവും അധ്യാപക നിയമനവും നടക്കുന്നതെന്നതിനാൽ ഇതിന്റെ പൂർത്തീകരണത്തിലെ കാലതാമസം പി.എസ്.സി നിയമനങ്ങളെ സാരമായി ബാധിക്കുന്നത് ശ്രദ്ധയിൽപ്പെട്ടിട്ടുണ്ടോ; മുൻ റാങ്ക് ലിസ്റ്റിൽ നിന്നും നിലവിലെ റാങ്ക് ലിസ്റ്റിൽ നിന്നും എത്ര വീതം അധ്യാപക നിയമനങ്ങൾ നടന്നിട്ടുണ്ടെന്ന കണക്കുകൾ ലഭ്യമാക്കാമോ;

അധിക തസ്തിക നിർദ്ദേശിച്ച സ്കൂളുകളിൽ അതിവേഗം പരിശോധന പൂർത്തിയാക്കി അടിയന്തര നടപടികൾ സ്വീകരിക്കുന്നതിനും അതുവഴി റാങ്ക് ലിസ്റ്റിൽ ഉൾപ്പെട്ട പരമാവധി ആളുകൾക്ക് നിയമനം നൽകുന്നതിനും നടപടികൾ സ്വീകരിക്കുമോ; വിശദമാക്കാമോ?

സർക്കാർ, എയ്ഡഡ് മേഖലകളിലായി 2021 മേയ് മാസത്തിന് ശേഷം നടത്തിയ അദ്ധ്യാപക നിയമനങ്ങളുടെ വിശദാംശം ഇനം തിരിച്ചു ലഭ്യമാക്കുമോ;

എയ്ഡഡ് മേഖലയിൽ നിയമന അംഗീകാരം ലഭിക്കാതെ വർഷങ്ങളായി ജോലി ചെയ്യുന്ന അധ്യാപകർക്ക് അംഗീകാരം നൽകുന്നതിന് തടസ്സമെന്താണെന്നും എപ്പോൾ നിയമനാംഗീകാരം നൽകാൻ കഴിയുമെന്നും വ്യക്തമാക്കാമോ;

സര്‍ക്കാര്‍ സ്കൂളുകളില്‍ എൽ.പി.എസ്.ടി. (മലയാളം മീഡിയം) തസ്തികയിൽ എത്ര ഒഴിവുകള്‍ നിലവിലുണ്ടെന്നും ആയതില്‍ എത്ര ഒഴിവുകള്‍ പി.എസ്.സി.യ്ക് റിപ്പോര്‍ട്ട് ചെയ്തിട്ടുണ്ടെന്നും പ്രസ്തുത തസ്തികയില്‍ 2025 മേയ് 31 വരെ പ്രതീക്ഷിക്കുന്ന ഒഴിവുകള്‍ എത്രയാണ് എന്നും ജില്ല തിരിച്ചുളള കണക്ക് ലഭ്യമാക്കുമോ ?

സംസ്ഥാനത്തെ എയ്ഡഡ് സ്‌കൂളുകളിലെ അധ്യാപക നിയമനം അംഗീകരിക്കുന്നതിൽ കാലതാമസം ഒഴിവാക്കാൻ സ്വീകരിച്ചുവരുന്ന നടപടികൾ എന്തെല്ലാമാണെന്ന് വ്യക്തമാക്കുമോ;

ജീവനക്കാരുടെ നിയമനം അംഗീകരിക്കാതെ മൂന്നും നാലും കൊല്ലം ശമ്പളം ലഭിക്കാത്ത സാഹചര്യം ഒഴിവാക്കുന്നതിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വ്യക്തമാക്കുമോ;

ബോധപൂർവ്വം നിയമനം അംഗീകരിക്കാതെ നീട്ടിക്കൊണ്ടുപോകുന്ന ഉദ്യോഗസ്ഥർക്കെതിരെ ശക്തമായ ശിക്ഷാ നടപടി സ്വീകരിക്കുമോ; എങ്കിൽ വിശദമാക്കാമോ?

1997-ന് ശേഷം ഡിവിഷൻ നഷ്ടപ്പെട്ട് സർവ്വീസിൽ നിന്നും പുറത്തായ അധ്യാപകരെ 2012-ൽ ക്ലസ്റ്റർ കോർഡിനേറ്ററായി സമഗ്ര ശിക്ഷ കേരള-യില്‍ നിയമിച്ചിരുന്നോ; പ്രസ്തുത ജീവനക്കാരുടെ സർവ്വീസ് 2012 മുതല്‍ റഗുലറൈസ് ചെയ്തിരുന്നോ; റഗുലറൈസ് ചെയ്തിട്ടില്ലെങ്കില്‍ ആയതിന്റെ കാരണം എന്തെന്ന് വിശദമാക്കാമോ;

2012-ന് ശേഷം ഡിവിഷൻ ഫാളിൽ പുറത്തായി പുനര്‍വിന്യസിക്കപ്പെട്ട ജീവനക്കാരെ സര്‍വ്വീസില്‍ റഗുലറൈസ് ചെയ്തിട്ടുണ്ടോയെന്ന് വ്യക്തമാക്കാമോ;

2012-2016 കാലയളവില്‍ നോണ്‍ ഡ്യൂട്ടിയായി പരിഗണിക്കപ്പെടുകയും 2016 ന് ശേഷം സര്‍വ്വീസില്‍ തുടരുകയും ചെയ്ത ജീവനക്കാരുടെ നോണ്‍ ഡ്യൂട്ടി കാലയളവ് റഗുലറൈസ് ചെയ്യുന്നതിനുളള നടപടി സ്വീകരിക്കുമോ; വ്യക്തമാക്കാമോ?

ആലത്തൂര്‍ മണ്ഡലത്തിലെ സര്‍ക്കാര്‍/എയ്ഡഡ് സ്കൂളുകളില്‍ പ്രെെമറി തലം മുതല്‍ ഹയര്‍ സെക്കൻഡറി തലം വരെയുള്ള അധ്യാപക തസ്തികകളില്‍ നിലവിലുള്ള ഒഴിവുകള്‍ എത്രയെന്ന് സ്കൂള്‍ തിരിച്ച് അറിയിക്കാമോ;

പ്രസ്തുത ഒഴിവുകളില്‍ ദിവസ വേതനാടിസ്ഥാനത്തില്‍ നിയമനം നടത്തിയിട്ടുണ്ടോ എന്ന് സ്കൂള്‍ തിരിച്ച് വിശദമാക്കാമോ;

നിയമനം നടത്താത്ത ഒഴിവുകളുടെ എണ്ണം സ്കൂള്‍ തിരിച്ച് വ്യക്തമാക്കുമോ?

പൊതുവിദ്യാഭ്യാസ ഡയറക്ട്രേറ്റിലെ ജീവനക്കാരുടെ സെക്ഷന്‍ മാറ്റത്തിന് മാനദണ്ഡങ്ങള്‍ നിശ്ചയിട്ടുണ്ടോ; ഉണ്ടെങ്കില്‍ അവ എന്തൊക്കെയാണെന്ന് വിശദമാക്കുമോ;

വിവിധ സെക്ഷനുകളില്‍ ജോലി ചെയ്തുവരുന്ന ജീവനക്കാരെ ഇടയ്ക്കിടെ സെക്ഷന്‍ മാറ്റി നിയമിക്കുന്നത് കാരണം അധ്യാപകര്‍ക്കും മറ്റ് ജീവനക്കാര്‍ക്കും പ്രസ്തുത സെക്ഷനുകളില്‍ നിന്നും ലഭിക്കേണ്ട സേവനങ്ങള്‍ക്കും ഫയല്‍ തീര്‍പ്പാക്കുന്നതിനും കാലതാമസം നേരിടുന്നത് പരിഹരിക്കാന്‍ നടപടികള്‍ സ്വീകരിക്കുമോ; വിശദമാക്കുമോ;

കോഴിക്കോട്, കണ്ണൂര്‍ ഉള്‍പ്പെടെ അഞ്ച് ജില്ലകളിലെ എയ്ഡഡ് സ്കൂളുകളുടെ മാനേജ്മെന്റ് ട്രാന്‍സ്ഫര്‍, നിയമനാംഗീകാരം ഉള്‍പ്പെടെ ഗൗരവതരമായ വിഷയങ്ങള്‍ കൈകാര്യം ചെയ്യുന്ന ജി സെക്ഷനില്‍ തുടര്‍ച്ചയായി ജീവനക്കാരെ മാറ്റുന്നത് ഓഫീസ് പ്രവര്‍ത്തനങ്ങളെ ബാധിക്കുകയും പ്രസ്തുത സെക്ഷനില്‍ നിന്നും ലഭിക്കേണ്ട സേവനങ്ങള്‍ക്കും ഫയല്‍ നീക്കങ്ങള്‍ക്കും തടസ്സം നേരിടുകയും ചെയ്യുന്നത് പരിഹരിക്കാന്‍ എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ;

പ്രസ്തുത സെക്ഷനില്‍ മാനേജ്മെന്റ് ട്രാന്‍സ്ഫര്‍ ഉള്‍പ്പെടെയുള്ള സങ്കീര്‍ണ്ണമായ ഫിസിക്കല്‍ ഫയലുകളിലെ വിഷയങ്ങള്‍ പരിശോധിച്ച് തീരുമാനങ്ങളെടുക്കേണ്ടതിനാലും ജീവനക്കാര്‍ സെക്ഷന്‍ ജോലികളും ഫയലുകളും പഠിച്ചു വരുമ്പോഴേക്കും സെക്ഷന്‍ മാറ്റുന്നതിനാലും ഫയല്‍ തീര്‍പ്പാക്കലിനെ ബാധിക്കുന്നുണ്ടെന്ന കാര്യം പരിശോധിക്കുമോ;

ജോലിഭാരം കൂടുതലുള്ളതും ഗൗരവതരവും സങ്കീര്‍ണ്ണവുമായ വിഷയങ്ങള്‍ കൈകാര്യം ചെയ്യുന്നതുമായ ഇത്തരം സെക്ഷനുകളില്‍ കൂടുതൽ പരിചയസമ്പന്നരായ ജീവനക്കാരെ നിയമിക്കുന്നതിന് നടപടികള്‍ സ്വീകരിക്കുമോ; വിശദമാക്കുമോ;

ഇത്തരം പ്രശ്നങ്ങള്‍ പരിഹരിക്കുന്നതിന് ഒരു സെക്ഷനില്‍ ചുരുങ്ങിയത് മൂന്ന് വര്‍ഷമെങ്കിലും ജീവനക്കാരെ നിലനിര്‍ത്തുന്നതിന് നടപടികള്‍ സ്വീകരിക്കുമോ; വിശദമാക്കുമോ?

എച്ച്‌.എസ്‌.എസ്‌.ടി (ജൂനിയര്‍ അറബിക്) തസ്തികയിലേക്ക് ബൈ ട്രാൻസ്ഫർ നിയമനത്തിനായി കൊല്ലം ജില്ലയിലെ പോരുവഴി ഗവ: ഹൈസ്കൂള്‍ അറബിക് അദ്ധ്യാപിക ഹഫ്‍സത്ത് സി.പി. സമര്‍പ്പിച്ച അപേക്ഷയിന്‍മേല്‍ സ്വീകരിച്ച നടപടികളുടെ വിശദാംശം അറിയിക്കുമോ;

01.01.2016 മുതല്‍ 28.12.2020 വരെ എച്ച്‌.എസ്‌.എസ്‌.ടി (ജൂനിയര്‍ അറബിക്) തസ്തികയിൽ ഉണ്ടായ ഒഴിവുകളില്‍ തസ്തികമാറ്റ നിയമനത്തിനായി നീക്കിവെച്ചിട്ടുള്ള മുഴുവന്‍ ഒഴിവുകളും 10.08.2022-ല്‍ തസ്തികമാറ്റ നിയമനത്തിനായി തയ്യാറാക്കിയിട്ടുള്ള സീനിയോറിറ്റി ലിസ്റ്റില്‍ നിന്നും നടത്തുന്നതിന് നടപടി സ്വീകരിക്കുമോ;

എച്ച്‌.എസ്‌.എസ്‌.ടി (ജൂനിയര്‍) തസ്തികയിലെ തസ്തികമാറ്റ നിയമനം പി‌.എസ്‌.സി മുഖേന നടത്തുന്നത് സംബന്ധിച്ച ചട്ട ഭേദഗതി നിലവില്‍ വന്നിട്ടുണ്ടോ; വിശദമാക്കാമോ;

എച്ച്‌.എസ്‌.എസ്‌.ടി. (ജൂനിയര്‍) തസ്തികയിലെ തസ്തികമാറ്റ നിയമനം പി‌.എസ്‌.സി. മുഖേന നടത്തുന്നത് പുന: പരിശോധിക്കുവാന്‍ തീരുമാനിച്ചിട്ടുണ്ടോ; ഹയര്‍ സെക്കണ്ടറി ജൂനിയര്‍ തസ്തികയിലേക്കുള്ള നിയമനത്തിനായി നീക്കിവെച്ചിട്ടുള്ള ഒഴിവുകള്‍ ഫീഡര്‍ കാറ്റഗറിയിലെ അവരുടെ സീനിയോറിറ്റി അടിസ്ഥാനപ്പെടുത്തി നികത്തുന്ന തരത്തില്‍ നടപ്പിലാക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ?

സംസ്ഥാനത്തെ തൊഴിലില്ലായ്മയുടെ നിരക്ക് ദേശീയ ശരാശരിയുമായി താരതമ്യം ചെയ്തിട്ടുണ്ടോ; വ്യക്തമാക്കാമോ;

സംസ്ഥാനത്ത് അഭ്യസ്തവിദ്യരായ യുവതികളും യുവാക്കളും തൊഴിൽ ലഭിക്കാത്തതിനാൽ വിദേശത്തേക്കും അന്യ സംസ്ഥാനങ്ങളിലേക്കും ചേക്കേറുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;?

അസിസ്റ്റന്റ് ലേബർ ഓഫീസർ ഗ്രേഡ് II തസ്തികയിൽ നിലവിൽ സ്ഥാനക്കയറ്റം മുഖേനയും, പ്രമോഷൻ മുഖേനയും ജോലി ചെയ്യുന്ന ജീവനക്കാരുടെ എണ്ണവും കേഡർ സ്ട്രെങ്തും എത്രയാണെന്ന് അറിയിക്കാമോ;

പ്രസ്തുത തസ്തികയിൽ പി.എസ്.സി. മുഖേനയുള്ള നിയമനത്തിന് കേഡർ സ്ട്രെങ്ത് അനുസരിച്ചുള്ള ഒഴിവുകൾ പൂർണ്ണമായും നികത്തിട്ടുണ്ടോയെന്ന് അറിയിക്കാമോ;

പ്രസ്തുത തസ്തികയിൽ സ്ഥാനക്കയറ്റം മുഖേന നികത്തേണ്ട ഒഴിവുകളുടെ കേഡർ സ്‌ട്രെങ്തിൽ അധിക ജീവനക്കാർ ജോലി ചെയ്യുന്നുണ്ടോയെന്ന് അറിയിക്കാമോ;

ഈ തസ്തികയിൽ സ്ഥാനക്കയറ്റം മുഖേന നികത്തേണ്ട ഒഴിവുകളുടെ കേഡർ സ്‌ട്രെങ്തിൽ ഡെപ്യൂട്ടേഷന്‍ മുഖേന അധിക ജീവനക്കാർ ജോലി ചെയ്യുന്നുണ്ടോയെന്ന് അറിയിക്കാമോ;

അസിസ്റ്റന്റ് ലേബർ ഓഫീസർ ഗ്രേഡ് II തസ്തികയിലെ നിയമനവുമായി ബന്ധപ്പെട്ട് 05.08.2024-ലെ ഡി3/134/2024/തൊഴിൽ എന്ന നമ്പർ കത്തിന് വകുപ്പ് കമ്മീഷണർ ഓഫീസിൽ നിന്നും മറുപടി ലഭ്യമായിട്ടുണ്ടോയെന്ന് അറിയിക്കാമോ?

സംസ്ഥാനത്തെ ഏതെല്ലാം മേഖലകളിലെ മിനിമം കൂലിയാണ് ഇനി നിശ്ചയിക്കാനുള്ളതെന്നും അതിനായി വകുപ്പ് സ്വീകരിച്ചുവരുന്ന നടപടികള്‍ എന്തെല്ലാമെന്നും വ്യക്തമാക്കാമോ?

ഇ.എസ്.ഐ. പദ്ധതിയുടെ പ്രയോജനം ലഭിക്കാത്ത തൊഴിലാളികളെ കണ്ടെത്തി ഈ പദ്ധതിയിൽ ഉൾപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന്‌ വിശദമാക്കുമോ;

ഇ.എസ്.ഐ. ആശുപത്രികളുടെയും ഡിസ്‌പെൻസറികളുടെയും പ്രവർത്തനം മെച്ചപ്പെടുത്താൻ സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വ്യക്തമാക്കുമോ;

എല്ലാ ആശുപത്രികളിലും ഡിസ്‌പെൻസറികളിലും വിദഗ്ദ്ധ ഡോക്ടർമാരുടെ സേവനം ലഭ്യമാക്കാൻ നടപടി സ്വീകരിക്കുമോ; വിശദമാക്കാമോ?

കേരള ഇന്‍സ്റ്റിറ്റ്യൂട്ട് ഫോര്‍ ലേബര്‍ എംപ്ലോയ്‌മെന്റിന്റെ (കിലെ) ഉദ്ദേശ്യലക്ഷ്യങ്ങൾ എന്തൊക്കെയെന്ന് വിശദമാക്കുമോ;

തൊഴില്‍ നയ നിര്‍മ്മാണത്തിന്റെയും ഗവേഷണത്തിന്റെയും രംഗത്ത് കിലെയുടെ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;

തൊഴില്‍ പരിശീലന പരിപാടികളില്‍ എന്തെല്ലാം സംഭാവനകളാണ് സമീപകാലത്ത് കിലെ നല്‍കിയിട്ടുള്ളതെന്ന് വിശദമാക്കാമോ;

തൊഴില്‍ വകുപ്പിന്റെ വിവിധ ക്ഷേമ പദ്ധതികള്‍ ആവിഷ്കരിക്കുന്നതിനും ഏകോപിപ്പിക്കുന്നതിലും കിലെയുടെ പങ്ക് വ്യക്തമാക്കാമോ;

സംഘടിത-അസംഘടിത മേഖലകളിലെ തൊഴില്‍ സുരക്ഷയുമായി ബന്ധപ്പെട്ട് എന്തെല്ലാം കാര്യങ്ങളിലാണ് കിലെ മാര്‍ഗ്ഗനിര്‍ദ്ദേശം നല്‍കുന്നതെന്ന് വിശദമാക്കാമോ?

സംസ്ഥാനത്ത് 2016 മുതൽ നാളിതുവരെ തൊഴിലിടങ്ങളിൽ സ്ത്രീകൾക്കെതിരെയുള്ള അതിക്രമങ്ങൾ സംബന്ധിച്ച് തൊഴിൽ വകുപ്പിൽ എത്ര പരാതികൾ ലഭിച്ചിട്ടുണ്ടെന്ന വിവരം വർഷം തിരിച്ച്‌ ലഭ്യമാക്കാമോ; എത്ര പരാതികളിന്മേല്‍ കുറ്റക്കാർക്കെതിരെ നടപടി സ്വീകരിച്ചിട്ടുണ്ട്; വിശദാംശം ലഭ്യമാക്കുമോ?

തൊഴിലാളി ക്ഷേമനിധികളിൽ അംശദായ തുകയ്ക്ക് ആനുപാതികമായ സർക്കാർ വിഹിതം കൃത്യമായി അടയ്ക്കാത്ത എത്ര ക്ഷേമനിധികൾ നിലവിലുണ്ട്; ഏതൊക്കെയാണെന്നും എത്ര തുക കുടിശികയുണ്ടെന്നുമുള്ള വിശദാംശം ക്ഷേമനിധി തിരിച്ച് ലഭ്യമാക്കുമോ?

മോട്ടോർ തൊഴിലാളി ക്ഷേമനിധിയിൽ ഉടമ വിഹിതം അടയ്ക്കുന്ന തൊഴിലാളികൾക്ക് മാത്രമേ നിലവിൽ ആനുകൂല്യങ്ങൾ ലഭിക്കുന്നുള്ളൂ എങ്കിലും ഭൂരിഭാഗം തൊഴിലാളികളും ക്ഷേമനിധിയിൽ അംഗത്വം എടുക്കാത്തവരാണെന്ന കാര്യം സർക്കാർ പരിശോധിച്ചിട്ടുണ്ടോ; വിശദമാക്കാമോ;

ഡ്രൈവിംഗ് ലൈസൻസ് ഉള്ളവരും ക്ഷേമനിധിയിൽ അംഗത്വം എടുത്ത് കുടിശിക വരുത്താതിരിക്കുന്നതുമായ മുഴുവൻ മോട്ടോർ തൊഴിലാളികൾക്കും ക്ഷേമനിധിയിൽ ആനുകൂല്യങ്ങൾ ലഭ്യമാകുന്നതിന് മോട്ടോർ തൊഴിലാളി ക്ഷേമനിധി ചട്ടങ്ങളിൽ ഭേദഗതി വരുത്താൻ നടപടി സ്വീകരിക്കുമോ?

ഓൺലൈൻ സർവീസ് ഡെലിവറി/ഇ-കോമേഴ്സ് സർവീസ് ഡെലിവറി മേഖലയിൽ പ്രവർത്തിക്കുന്ന ഗിഗ്ഗ് തൊഴിലാളികളുടെ വേതനവും സംരക്ഷണവും ഉറപ്പുവരുത്തുന്നതിനായി എന്തെല്ലാം നടപടികൾ കൈക്കൊണ്ടിട്ടുണ്ട് എന്ന് അറിയിക്കാമോ;

ഇതര തൊഴിലാളി ക്ഷേമനിധി ബോർഡ് മാതൃകയിൽ, ഈ വിഭാഗം തൊഴിലാളികളുടെ ക്ഷേമത്തിനായി ക്ഷേമനിധി ബോർഡ് രൂപീകരിക്കുന്ന കാര്യം പരിഗണിക്കാമോ;

ഗിഗ്ഗ് തൊഴിലാളികളുടെ തൊഴിൽ സംരക്ഷണവും വേതനവുമായി ബന്ധപ്പെട്ട് അനുയോജ്യമായ നിയമനിർമ്മാണം നടത്തുന്നതിനുള്ള നടപടികൾ സ്വീകരിക്കുമോയെന്ന് വ്യക്തമാക്കുമോ?

കള്ള് വ്യവസായ ക്ഷേമ നിധിയില്‍ തൊഴിലാളികളുടെ പ്രോവിഡന്റ് ഫണ്ടിന്റെ പലിശ വെട്ടിക്കുറച്ചിട്ടുണ്ടോ എന്ന് വിശദമാക്കുമോ;

പ്രസ്തുത ക്ഷേമ നിധിയില്‍ തൊഴിലാളികള്‍ക്ക് പ്രൊവിഡന്റ് ഫണ്ടിന്റെ എത്ര ശതമാനമായിരുന്നു നല്‍കിയിരുന്നതെന്ന് വിശദമാക്കുമോ;

ഇതില്‍ എത്ര ശതമാനം പലിശ വെട്ടിക്കുറച്ചിട്ടുണ്ടെന്നും എന്നു മുതലാണ് വെട്ടിക്കുറച്ചതെന്നും ആയതിന്റെ കാരണവും വ്യക്തമാക്കുമോ?

സംസ്ഥാനത്ത് എത്ര തൊഴിൽരഹിതർ ഉണ്ടെന്ന് കണ്ടെത്തുന്നതിന് മുൻ സർക്കാരിന്റെ കാലം മുതൽ നാളിതുവരെ എന്തെങ്കിലും സർവ്വേ നടത്തിയിട്ടുണ്ടോ; എങ്കിൽ വിശദാംശം ലഭ്യമാക്കുമോ;

പ്രസ്തുത സർവ്വേ നടത്തിയിട്ടില്ലെങ്കിൽ സംസ്ഥാനത്തെ തൊഴിൽരഹിതരുടെ എണ്ണം സംബന്ധിച്ച് ഏത് ആധികാരിക രേഖയാണ് സർക്കാരിന്റെ കൈവശമുള്ളത്; ആയത് വ്യക്തമാക്കുമോ?

ഗിഗ് തൊഴിലാളികൾക്ക് മെച്ചപ്പെട്ട തൊഴിൽ അന്തരീക്ഷം സൃഷ്ടിക്കുന്നതിനും തൊഴിൽ അവകാശങ്ങൾ ഉറപ്പാക്കുന്നതിനും സംസ്ഥാന സർക്കാർ എന്തെങ്കിലും നടപടികൾ സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ?

ഈ സർക്കാരിന്റെ കാലത്ത് കെട്ടിട നിര്‍മ്മാണത്തിനായുളള സെസ് ഇനത്തില്‍ എത്ര തുകയാണ് ലഭ്യമായിട്ടുളളത് എന്ന് വ്യക്തമാക്കാമോ;

കെട്ടിട നിര്‍മ്മാണ സെസ് കണക്കാക്കുന്ന സമ്പ്രദായത്തെക്കുറിച്ച് കൂടുതല്‍ വിവരങ്ങള്‍ ലഭ്യമാക്കാമോ;

പ്രസ്തുത സെസ് മുഖേന കെട്ടിടനിര്‍മ്മാണ തൊഴിലാളി മേഖലയില്‍ എത്ര തുകയാണ് നാളിതുവരെ ചെലവഴിച്ചിട്ടുളളത് എന്ന വിശദവിവരം ലഭ്യമാക്കാമോ?

രജിസ്റ്റർ ചെയ്തതിനേക്കാൾ അധികം അതിഥി തൊഴിലാളികൾ സംസ്ഥാനത്ത് ജോലി ചെയ്യുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം പരിശോധിച്ചിട്ടുണ്ടോ; വിശദാംശം നൽകുമോ;

അതിഥി തൊഴിലാളികളുടെ രജിസ്ട്രേഷൻ കൃത്യമായി നടത്തണമെന്ന നിർദ്ദേശം പാലിക്കപ്പെടുന്നുണ്ടോ എന്നു പരിശോധിക്കുന്നതിന് നിലവിലുളള സംവിധാനം എന്താണെന്ന് വ്യക്തമാക്കാമോ;

അതിഥി തൊഴിലാളികളുമായി ബന്ധപ്പെട്ട വ്യവസ്ഥകൾ പാലിക്കാത്ത കരാറുകാർ​ക്കെതിരെ സ്വീകരിച്ചുവരുന്ന നടപടികള്‍ എന്തെല്ലാമാണെന്ന് അറിയിക്കുമോ?

ആവാസ് പദ്ധതിയുടെ രണ്ടാം ഘട്ടത്തില്‍ പുതുതായി എത്ര അതിഥി തൊഴിലാളികളുടെ വിവരം കണ്ടെത്തി രജിസ്റ്റര്‍ ചെയ്തിട്ടുണ്ട്; അതിഥി തൊഴിലാളികളുടെ സംസ്ഥാനം തിരിച്ചുള്ള കണക്ക് ലഭ്യമാക്കാമോ;

അതിഥി തൊഴിലാളി രജിസ്ട്രേഷനുമായി ബന്ധപ്പെട്ട് എന്തെല്ലാം സംവിധാനങ്ങളാണ് ക്രമീകരിച്ചിട്ടുള്ളതെന്നും എന്തെല്ലാം വിവരങ്ങളാണ് ശേഖരിക്കുന്നതെന്നും വ്യക്തമാക്കാമോ?

സംസ്ഥാനത്ത് തൊഴിലെടുക്കുന്ന അതിഥി തൊഴിലാളികളുടെ രജിസ്ട്രേഷനും വിവരശേഖരണത്തിനുമായി വ്യവസ്ഥാപിത സംവിധാനം ഏർപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

ഇതര സംസ്ഥാനങ്ങളിൽ നിന്നെത്തുന്ന തൊഴിലാളികളെ റിക്രൂട്ട് ചെയ്യുവാനോ ജോലിക്ക് നിയോഗിക്കുവാനോ ഉദ്ദേശിക്കുന്ന കരാറുകാർക്ക് രജിസ്ട്രേഷൻ സംവിധാനം ഏർപ്പെടുത്തിയിട്ടുണ്ടോ; വിശദീകരിക്കുമോ;

അതിഥി തൊഴിലാളികൾ ഹാജരാക്കുന്ന തിരിച്ചറിയൽ രേഖകളുടെ ആധികാരികത പരിശോധിക്കുന്നതിനും അവരുടെ ക്രിമിനൽ പശ്ചാത്തലം മനസ്സിലാക്കുന്നതിനും നിലവിലുള്ള സംവിധാനം എന്തെല്ലാമെന്ന് വിശദീകരിക്കുമോ;

അതിഥി തൊഴിലാളികളെ വേഗം തിരിച്ചറിയുന്നതിന് ആധാര്‍ ലിങ്ക്ഡ് ബയോമെട്രിക് തിരിച്ചറിയൽ രേഖ നല്‍കുന്നതിന് സംവിധാനം ഏര്‍പ്പെടുത്തിയിട്ടുണ്ടോ; ഉണ്ടെങ്കില്‍ എത്ര പേര്‍ക്ക് പ്രസ്തുത തിരിച്ചറിയൽ രേഖ നല്‍കിയിട്ടുണ്ട്; ഇല്ലെങ്കില്‍ 2025 -2026 വര്‍ഷം മുതല്‍ നടപ്പിലാക്കുന്നതിന് നടപടി സ്വീകരിക്കുമോ; വിശദീകരിക്കുമോ?

ആലപ്പുഴ ജില്ലയിലെ മുനിസിപ്പൽ ഏരിയയിൽ എത്ര അതിഥി തൊഴിലാളികൾ ജോലി ചെയ്യുന്നുണ്ട്; കണക്കുകൾ ലഭ്യമാക്കാമോ;

പ്രസ്തുത ജില്ലയിലെ മുൻസിപ്പൽ ഏരിയയിൽ ഉള്ള ഹൗസ് ബോട്ട് വിഭാഗത്തിൽ മാത്രം എത്ര അതിഥി തൊഴിലാളികൾ ജോലി ചെയ്യുന്നുണ്ട്; കണക്കുകൾ ലഭ്യമാക്കാമോ;

ആലപ്പുഴ മുൻസിപ്പൽ ഏരിയയിൽ ഉള്ള തൊഴിൽ വകുപ്പിന്റെ എൻഫോഴ്സ്മെന്റ് വിഭാഗത്തിൽ ആരൊക്കെയാണ് ജോലി ചെയ്യുന്നത്; പ്രസ്തുത ഉദ്യോഗസ്ഥരുടെ പേരും ഔദ്യോഗിക മേൽവിലാസം ലഭ്യമാക്കാമോ;

ആലപ്പുഴ ജില്ലയിലെ മുൻസിപ്പൽ ഏരിയയിൽ ഉള്ള തൊഴിൽ വകുപ്പിന്റെ എസ്റ്റാബ്ലിഷ്മെന്റ്/അക്കൗണ്ട്സ് വിഭാഗത്തിൽ മൂന്നു വർഷത്തിൽ കൂടുതലായി ജോലി ചെയ്യുന്ന ഉദ്യോഗസ്ഥരുടെ പേരും ഔദ്യോഗിക മേൽവിലാസവും ലഭ്യമാക്കാമോ;

ആലപ്പുഴ ജില്ലയിലെ മുനിസിപ്പൽ ഏരിയയിൽ ഉള്ള സർക്കിളുകളിൽ മൂന്നു വർഷത്തിൽ കൂടുതൽ ആയി ജോലി ചെയ്യുന്ന ലേബർ ഓഫീസർമാർ, അസിസ്റ്റന്റ് ലേബർ ഓഫീസർമാർ എന്നിവരുടെ പേരും ഔദ്യോഗിക മേൽവിലാസവും ലഭ്യമാക്കാമോ?

ഈ സർക്കാർ നിലവിൽ വന്ന ശേഷം ഏതെല്ലാം മേഖലകളിലാണ് കുറഞ്ഞ കൂലി നടപ്പിലാക്കി വിജ്ഞാപനം പുറപ്പെടുവിച്ചിട്ടുള്ളതെന്ന് വ്യക്തമാക്കാമോ;

പുതുതായി ഏതെല്ലാം മേഖലകളിലാണ് കുറഞ്ഞ കൂലി നിരക്ക് നടപ്പിലാക്കാൻ ലക്ഷ്യമിടുന്നത് എന്ന് അറിയിക്കാമോ?

കേരള ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്സ് വെല്‍ഫെയര്‍ ബോര്‍ഡില്‍ ഇ.എം.-48530 നമ്പര്‍ അംഗമായിരുന്ന വെെപ്പിന്‍ മണ്ഡലത്തിലെ എടവനക്കാട് ഗ്രാമപഞ്ചായത്തില്‍ വാര്‍ഡ് 7, അറക്കത്തറ വീട്ടില്‍ എ.സി. സുരേഷിന്റെ അംഗത്വം പുനഃസ്ഥാപിച്ചുകിട്ടുന്നതിനും പെന്‍ഷന്‍ ലഭിക്കുന്നതിനുമായി 08.08.2023 ന് എം.എല്‍.എ. മുഖാന്തരം സമര്‍പ്പിച്ച അപേക്ഷയില്‍ നടപടി സ്വീകരിച്ചിട്ടുണ്ടോ; എങ്കിൽ വിശദമാക്കാമോ;

മേൽപ്പറഞ്ഞ വിഷയം സംബന്ധിച്ച് തൊഴില്‍ വകുപ്പിലെ ജെ1/347/2023 നമ്പര്‍ ഫയലില്‍ സ്വീകരിച്ച നടപടി വ്യക്തമാക്കാമോ;

പ്രസ്തുത വ്യക്തിക്ക് എന്നത്തേയ്ക്ക് അംഗത്വവും പെന്‍ഷനും ലഭ്യമാകുമെന്ന് വ്യക്തമാക്കാമോ?

അസിസ്റ്റന്റ് ലേബർ ഓഫീസർ ​ഗ്രേഡ്-II തസ്തികയിലേക്ക്, സീനിയർ ക്ലാർക്കുമാരിൽ നിന്നും താൽക്കാലിക പ്രമോഷൻ ലഭിച്ചവർക്ക് ഡെപ്യൂട്ടേഷൻ അനുവദിക്കാറുണ്ടോ; ഉണ്ടെങ്കിൽ ഇങ്ങനെ ഡെപ്യൂട്ടേഷൻ അനുവദിക്കുന്നത് ചട്ടവിരുദ്ധമാണെന്ന കാര്യം പരിശോധിച്ചിട്ടുണ്ടോ; വിശദമാക്കാമോ;

ഡെപ്യൂട്ടേഷൻ അനുവദിച്ച തസ്തികകളിലെയും മറ്റ് വിധത്തിൽ ഒഴിവുകൾ ഉണ്ടായ അസിസ്റ്റന്റ് ലേബർ ഓഫീസർ തസ്തികകളിലെയും ഒഴിവുകൾ പി.എസ്.സി. ക്ക് റിപ്പോർട്ട് ചെയ്തിട്ടുണ്ടോ;

10.10.2018 ലെ ലേബർ സബോർഡിനേറ്റ് സർവ്വീസ് സ്പെഷ്യൽ റൂൾ ഭേദഗതി പ്രകാരം 3:1 ​ക്വാട്ടയിൽ നിന്നും 2:1 ക്വാട്ട ആയപ്പോൾ ഉണ്ടായ ഒൻപത് ഒഴിവുകൾ പി.എസ്.സി. ക്ക് റിപ്പോർട്ട് ചെയ്തിരുന്നോ; എങ്കിൽ പ്രസ്തുത ഒഴിവുകൾ റിപ്പോർട്ട് ചെയ്ത തീയതികൾ വ്യക്തമാക്കാമോ?

സംസ്ഥാനത്തെ തോട്ടം തൊഴിലാളികളുടെ മിനിമം വേതനം എന്നാണ് നിശ്ചയിച്ചതെന്ന് വ്യക്തമാക്കുമോ; ആയത് പുതുക്കി നിശ്ചയിക്കാൻ അടിയന്തര നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് നിലവിൽ എത്രപേർക്ക് തൊഴിലില്ലായ്മ വേതനം നൽകുന്നുണ്ട്; പ്രസ്തുത ആനുകൂല്യം അനുവദിക്കുന്നത് ഏത് മാനദണ്ഡത്തിന്റെ അടിസ്ഥാനത്തിലാണ്; നിലവിൽ എത്ര മാസത്തെ കുടിശ്ശികയുണ്ട്; കുടിശ്ശിക തീർത്ത് വിതരണം ചെയ്യുന്നതിന് അടിയന്തര നടപടി സ്വീകരിക്കുമോ?

കോഴിക്കോട് മണാശ്ശേരി കെ.എം.സി.റ്റി. മെഡിക്കല്‍ കോളേജിന് സ്പെഷ്യാലിറ്റി ക്ലെയിം ഇനത്തില്‍ 2021, 2022 വര്‍ഷങ്ങളില്‍ ഇ.എസ്.ഐ. കോര്‍പ്പറേഷന്‍ എത്ര തുക നല്‍കാനുണ്ട്; വിശദമാക്കാമോ;

പ്രസ്തുത തുക യഥാസമയം അനുവദിക്കാത്തതിന്റെ കാരണം വിശദമാക്കുമോ;

മേൽപ്പറഞ്ഞ തുക അനുവദിക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

തൊഴിലാളികളുടെ പ്രൊവിഡന്റ് ഫണ്ട് ഇനത്തിൽ തൊഴിലുടമകൾ നൽകേണ്ട വിഹിതം കൃത്യമായി അടയ്ക്കാത്തത് സർക്കാർ ഗൗരവമായി കാണുന്നുണ്ടോ; എങ്കിൽ ഇക്കാര്യത്തിൽ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കുമോ?

സര്‍ക്കാര്‍ സ്ഥാപനങ്ങളില്‍ സേവനമനുഷ്ഠിക്കുന്ന ദിവസവേതന/കരാര്‍ ജീവനക്കാരുടെ ശമ്പളം വര്‍ദ്ധിപ്പിക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

മലമ്പുഴ മണ്ഡലത്തിലെ മലമ്പുഴ ഐ.ടി.ഐ. അന്താരാഷ്ട്ര നിലവാരത്തിലേയ്ക്ക് ഉയര്‍ത്തുന്നതിന് സ്വീകരിച്ചുവരുന്ന പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിയ്ക്കായി ആകെ ചെലവാക്കിയ തുകയുടെ വിവരങ്ങള്‍ ലഭ്യമാക്കാമോ;

പ്രസ്തുത പദ്ധതിയുടെ ഭാഗമായി മലമ്പുഴ ഐ.ടി.ഐ.യിൽ എന്തെല്ലാം അധിക സൗകര്യങ്ങളാണ് ഒരുക്കാന്‍ കഴിഞ്ഞിട്ടുള്ളതെന്ന് വിശദമാക്കാമോ; എത്ര പുതിയ ക്ലാസ് മുറികളും മറ്റ് അനുബന്ധ സൗകര്യങ്ങളും ഈ പദ്ധതിയുടെ ഭാഗമായി നിര്‍മ്മിച്ചിട്ടുണ്ടെന്ന് വിശദമാക്കാമോ?

നരിപ്പറ്റ ഐ.ടി.ഐ. കെട്ടിട നിര്‍മ്മാണത്തിന് പഞ്ചായത്ത് വില കൊടുത്ത് വാങ്ങിയ ഭൂമി തൊഴില്‍ വകുപ്പിന് കൈമാറ്റം ചെയ്യുന്നതിന് സ്വീകരിച്ച നടപടികളുടെ നിലവിലെ അവസ്ഥ വിശദമാക്കാമോ;

കെട്ടിട നിര്‍മ്മാണത്തിനു പ്ലാന്‍ ഫണ്ട് അനുവദിക്കാന്‍ നടപടി സ്വീകരിക്കുമോ; വ്യക്തമാക്കുമോ?

മടിക്കൈ ഐ.ടി.ഐയിൽ നിലവിൽ ഏതൊക്കെ കോഴ്സുകളാണ് ഉള്ളതെന്ന് വിശദമാക്കാമോ;

പുതിയ കോഴ്സുകൾ ആരംഭിക്കാൻ നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ?

വ്യാവസായിക പരിശീലന വകുപ്പ് ഡയറക്ടർക്ക് 1958518/25 തപാൽ നമ്പറായി നൽകിയിട്ടുള്ള കത്തിന്റെ ഫയൽ നമ്പർ വ്യക്തമാക്കാമോ; പ്രസ്തുത കത്തിന്മേല്‍ സ്വീകരിച്ചിച്ച തുടര്‍ നടപടികള്‍ വ്യക്തമാക്കുമോ;

ഐ.ടി.ഐ. അധ്യാപക സംഘടനയായ ഇൻഡസ്ട്രിയൽ ട്രെയിനിംഗ് ഡിപ്പാർട്ട്മെന്റ് ഇൻസ്ട്രക്റ്റേഴ്സ് ഓർഗനൈസേഷന്റെ (ഐ.ടി.ഡി.ഐ.ഒ) രജിസ്ട്രേഷനുമായി ബന്ധപ്പെട്ട് സ്വീകരിച്ച നടപടികള്‍ വ്യക്തമാക്കാമോ; ടി ഫയലിന്റെ നാളിതുവരെയുള്ള നോട്ട് ഫയലിന്റെ പകർപ്പ് ലഭ്യമാക്കാമോ?

ഗുരുവായൂര്‍ മണ്ഡലത്തില്‍ പുതിയ ഐ.ടി.ഐ. തുടങ്ങുന്നതിന് ഇതുവരെ സ്വീകരിച്ച നടപടികള്‍ വിശദമാക്കാമോ;

പ്രസ്തുത ഐ.ടി.ഐ. ആരംഭിക്കുന്നതിന് അടിസ്ഥാന സൗകര്യങ്ങള്‍ ചാവക്കാട് നഗരസഭ ഒരുക്കിയിട്ടുണ്ടോ; എങ്കിൽ വിശദമാക്കാമോ?

പയ്യന്നൂര്‍ മണ്ഡലത്തിലെ പെരിങ്ങോം ഗവ. ഐ.ടി.ഐ.യില്‍ പുതിയ കോഴ്സുകള്‍ തുടങ്ങുന്ന കാര്യം പരിഗണനയില്‍ ഉണ്ടോ; എങ്കിൽ അറിയിക്കാമോ;

അടുത്ത അക്കാദമികവര്‍ഷം തന്നെ പുതിയ കോഴ്സുകള്‍ തുടങ്ങാന്‍ ആവശ്യമായ നടപടികള്‍ സ്വീകരിക്കുമോ; വിശദമാക്കാമോ?

വളയം ഐ.ടി.ഐ. കെട്ടിട നിര്‍മ്മാണ പുരോഗതി വ്യക്തമാക്കുമോ.;

അവശേഷിക്കുന്ന പ്രവൃത്തികളുടെ വിശദാംശങ്ങള്‍ ലഭ്യമാക്കാമോ;

പ്രസ്തുത കെട്ടിടം എന്ന് ഉദ്ഘാടനം ചെയ്യാന്‍ കഴിയുമെന്ന് വ്യക്തമാക്കുമോ?

വ്യാവസായിക പരിശീലന വകുപ്പിന് കീഴിലുള്ള ഐ.എസ്.ടി.ഇ.പി. എന്ന നെെപുണ്യ വികസന പദ്ധതിയുടെ ലക്ഷ്യവും പ്രവര്‍ത്തനവും വിശദമാക്കാമോ;

ഐ.എസ്.ടി.ഇ.പി.ക്കു കീഴില്‍ ഏതെല്ലാം കോഴ്സുകളാണ് പരിശീലിപ്പിക്കുന്നതെന്നും പ്രസ്തുത കോഴ്സുകളുടെ ഗുണഭോക്താക്കള്‍ ആരൊക്കെയാണെന്നും വിശദമാക്കുമോ;

മറ്റ് സ്ഥാപനങ്ങള്‍ക്ക് അവരുടെ തൊഴില്‍ ആവശ്യങ്ങള്‍ക്കനുസരിച്ച് ഐ.എസ്.ടി.ഇ.പി.യുമായി സഹകരിക്കാനും നെെപുണ്യമുള്ള തൊഴിലാളികളെ ലഭ്യമാക്കാനുമുള്ള അവസരങ്ങളുണ്ടോ?

സർക്കാർ ഉത്തരവ് പ്രകാരം, നോൺ വെക്കേഷൻ വിഭാഗമായ വ്യാവസായിക പരിശീലന വകുപ്പിൽ പൊതു സ്ഥലംമാറ്റം ഓൺലൈനായി നടത്തേണ്ടത് ഏത് മാസമാണ്; വിശദമാക്കാമോ;

2024-ലെ ഓൺലൈൻ പൊതു സ്ഥലംമാറ്റവുമായി ബന്ധപ്പെട്ട വിജ്ഞാപനം പുറപ്പെടുവിച്ച ഉത്തരവിന്റെ പകര്‍പ്പ് നല്‍കാമോ;

2024-ൽ വകുപ്പിൽ ഓൺലൈൻ പൊതു സ്ഥലംമാറ്റത്തിനായി അപേക്ഷ ക്ഷണിച്ച തസ്തികകളുടെ എണ്ണം എത്ര; ഇവയിൽ എത്ര തസ്തികകളിൽ സ്പാർക്ക് ജനറേറ്റഡ് അന്തിമ സ്ഥലംമാറ്റ പട്ടിക പ്രസിദ്ധീകരിച്ചിട്ടുണ്ട്; പൊതു സ്ഥലംമാറ്റ ഉത്തരവുകൾ വകുപ്പിന്റെ ഔദ്യോഗിക വെബ്സൈറ്റിൽ ലഭ്യമാണോ; വിശദമാക്കാമോ;

ഓൺലൈൻ പൊതു സ്ഥലംമാറ്റ ഉത്തരവിനൊപ്പം പ്രമോഷൻ ഉത്തരവും കൂടി ഉൾപ്പെടുത്തുന്നതിന് വ്യവസ്ഥയുണ്ടോ; മാനദണ്ഡങ്ങൾ പാലിക്കാതെയുള്ള ഇത്തരം ഉത്തരവുകൾ ഇറക്കുന്നത് സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ ഇത് നിയന്ത്രിക്കുന്നതിന് സര്‍ക്കാര്‍ എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കാമോ?

എംപ്ലോയീസ് സ്റ്റേറ്റ് ഇന്‍ഷുറന്‍സ് സേവനങ്ങള്‍ ലഭ്യമാവുന്ന മേഖലകള്‍ ഏതാെക്കെയാണെന്ന് വിശദമാക്കാമോ;

കേരളത്തിലെ ഇ.എസ്.ഐ. ഡിസ്പെന്‍സറികളുടെയും ഇ.എസ്.ഐ. ആശുപത്രികളുടെയും ജില്ല തിരിച്ചുളള വിശദാംശങ്ങള്‍ അറിയിക്കാമോ;

പ്രസ്തുത മേഖലയിലെ സേവന വ്യാപ്തിയും കാര്യക്ഷമതയും ഉറപ്പുവരുത്താന്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

ഓണ്‍ലെെന്‍ സേവനങ്ങള്‍, മെഡിക്കല്‍ ഉപകരണങ്ങള്‍, ലാബ് സൗകര്യങ്ങള്‍ എന്നിവയുടെ വിപുലീകരണ മേഖലയിലുളള പുരോഗതി വിശദമാക്കാമോ?

കാേഴിക്കാേട് ജില്ലയിലെ ഇ.എസ്.ഐ. ഡിസ്പെന്‍സറികളിലും ഫറൂഖ് ഇ.എസ്.ഐ ആശുപത്രിയിലും ട്രാന്‍സ്ഫര്‍ ആവാതെ തുടര്‍ച്ചയായി ആറില്‍ കൂടുതല്‍ വര്‍ഷം ജാേലി ചെയ്യുന്ന എത്ര നഴ്സിംഗ് ഓഫീസര്‍മാര്‍ ഉണ്ട്; ഡിസ്പെന്‍സറികള്‍/ആശുപത്രി തിരിച്ച് പേര് വ്യക്തമാക്കാമാേ;

ഓണ്‍ലെെന്‍ ട്രാന്‍സ്ഫറിലെ അപാകതകള്‍ കാെണ്ട് കാേഴിക്കാേട് ജില്ലയിലെ ഫറൂക്ക് ഇ.എസ്.ഐ ആശുപത്രിയില്‍ ജാേലി ചെയ്യുന്ന നഴ്സിംഗ് ഓഫീസര്‍മാര്‍ക്ക് ചാലപ്പുറം, കുന്നത്ത്പാലം, ചെറുവണ്ണൂര്‍, ഫറാേക്ക്, ചുങ്കം, എന്നിവിടങ്ങളിലേക്ക് ട്രാന്‍സ്ഫറിന് അപേക്ഷിക്കാന്‍ കഴിയാതെ വന്നിരിക്കുന്നതിനാല്‍ ഈ അപാകതകള്‍ പരിഹരിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടാേ; വ്യക്തമാക്കുമോ;

കാേഴിക്കാേട് ജില്ലയിലെ ഇ.എസ്.ഐ. ഡിസ്പെന്‍സറികളിലെ ഡാേക്ടര്‍മാരുടെ ട്രാന്‍സ്ഫര്‍ ഓണ്‍ലെെന്‍ സമ്പ്രദായത്തില്‍ ആണാേ നടപ്പിലാക്കിയത്; അല്ലെങ്കില്‍ കാരണം വ്യക്തമാക്കാമാേ;

കാേഴിക്കാേട് ജില്ലയിൽ എത്ര ഇ.എസ്.ഐ ഡിസ്പന്‍സറികളും ആശുപത്രികളും ഉണ്ടെന്ന് വ്യക്തമാക്കാമാേ; എല്ലാ സ്ഥലങ്ങളിലും നഴ്സിംഗ് ഓഫീസര്‍മാരുടെ സേവനം ലഭ്യമാണാേ; വിശദാംശങ്ങള്‍ ലഭ്യമാക്കാമാേ?