നാഷണൽ ഹെൽത്ത് മിഷന്റെ ഭാഗമായി 2016 മുതൽ നാളിതുവരെ കേന്ദ്ര സർക്കാർ അനുവദിച്ച തുകയും സംസ്ഥാനം ചെലവഴിച്ച തുകയും വർഷം തിരിച്ച് വ്യക്തമാക്കാമോ;

ഇതിന്റെ ഭാഗമായി 2016 മുതൽ നാളിതുവരെ ആശാവർക്കർമാരുടെ ആനുകൂല്യങ്ങൾ നൽകാനായി കേന്ദ്ര സർക്കാർ അനുവദിച്ച തുകയും സംസ്ഥാനം ചെലവഴിച്ച തുകയും വർഷം തിരിച്ച് വ്യക്തമാക്കാമോ?

മാരകമായ രോഗങ്ങള്‍ ബാധിച്ചു ചികിത്സയിലുളള നിര്‍ധനരായ രോഗികള്‍ക്ക് ധനസഹായം ലഭ്യമാക്കുന്നതിനായി ആരോഗ്യ വകുപ്പിന് കീഴില്‍ എന്താെക്കെ പദ്ധതികളാണുളളത് എന്നറിയിക്കുമോ; വിശദമാക്കുമോ;

പ്രസ്തുത പദ്ധതികളിലേയ്ക്ക് ധനസഹായത്തിനായി അപേക്ഷിക്കുന്നതിന് നിശ്ചയിച്ചിട്ടുളള നിയമാവലികള്‍ എന്താെക്കെയാണ് എന്നറിയിക്കുമോ; വിശദമാക്കുമോ;

പ്രസ്തുത പദ്ധതികള്‍ക്കായി പ്രത്യേക അപേക്ഷാഫോറം നല്‍കിയിട്ടുണ്ടോ; എങ്കിൽ ആയതിന്റെ പകര്‍പ്പുകള്‍ ലഭ്യമാക്കാമോ?

പയ്യന്നൂർ നിയോജക മണ്ഡലത്തിൽ ഏതൊക്കെ ആശുപത്രികൾക്കും, കുടുംബാരോഗ്യ കേന്ദ്രങ്ങൾക്കുമാണ് കേന്ദ്ര ധനകാര്യ കമ്മീഷൻ ഗ്രാന്റ് മുഖേന നിർമ്മാണ പ്രവൃത്തികൾ നടത്തുന്നതിന് ഫണ്ട് അനുവദിച്ചിട്ടുള്ളത് എന്ന് വ്യക്തമാക്കാമോ;

2025-26 സാമ്പത്തിക വർഷത്ത ഫണ്ട് ലഭ്യമാക്കുന്നതിന് സ്ഥാപനങ്ങളുടെ പട്ടിക തയ്യാറാക്കിയിട്ടുണ്ടോ; അതിൽ പയ്യന്നൂർ മണ്ഡലത്തിലെ സ്ഥാപനങ്ങൾ ഉൾപ്പെട്ടിട്ടുണ്ടോ; വിശദമാക്കാമോ?

നാഷണൽ ഹെൽത്ത് മിഷന്റെ ഭാഗമായി 2016 മുതൽ നാളിതുവരെ വകയിരുത്തിയ തുകയും ചെലവഴിച്ച തുകയും വർഷം തിരിച്ച് വ്യക്തമാക്കാമോ;

നാഷണൽ ഹെൽത്ത് മിഷന്റെ ഭാഗമായി 2016 മുതൽ നാളിതുവരെ ആശാവർക്കർമാരുടെ ആനുകൂല്യങ്ങൾ നൽകാനായി വകയിരുത്തിയ തുകയും ചെലവഴിച്ച തുകയും വർഷം തിരിച്ച് വ്യക്തമാക്കാമോ?

സംസ്ഥാനത്ത് ആശാപ്രവർത്തകർക്ക് ഓണറേറിയം നൽകുന്നതിന് കേന്ദ്രസർക്കാർ തുക അനുവദിക്കുന്നുണ്ടോയെന്ന് വ്യക്തമാക്കുമോ;

ആശാ പ്രവർത്തകർക്ക് ഓണറേറിയം നൽകുന്നതിനുള്ള കേന്ദ്രസർക്കാരിന്റെ തുക കുടിശിക ആയിട്ടുണ്ടോ; വിശദാംശം നൽകുമോ;

സംസ്ഥാനത്തെ ആശാപ്രവർത്തകർക്ക് മിനിമം വേതനം നൽകാനും, ബംഗാൾ മാതൃകയിൽ 5 ലക്ഷം രൂപ വിരമിക്കൽ ആനുകൂല്യം അനുവദിക്കാനും നടപടികൾ സ്വീകരിക്കുമോയെന്ന് വ്യക്തമാക്കുമോ?

ആരോഗ്യകിരണം, ശ്രുതി തരംഗം, താലോലം, ക്യാൻസർ സുരക്ഷ എന്നീ പദ്ധതികൾ കാരുണ്യ ആരോഗ്യ സുരക്ഷാ പദ്ധതിയിൽ ലയിപ്പിച്ചിട്ടുണ്ടോ; ഇത് സംബന്ധിച്ച ഉത്തരവുകളുടെ പകർപ്പുകൾ ലഭ്യമാക്കുമോ;

കാരുണ്യ ആരോഗ്യ സുരക്ഷാ പദ്ധതിയിൽ പരമാവധി നൽകുന്ന സഹായം 5 ലക്ഷം രൂപ വരെയാണെന്നിരിക്കെ മേൽപ്പറഞ്ഞ പ്രത്യേക ചികിത്സാസഹായ പദ്ധതികൾ കാരുണ്യ ആരോഗ്യ സുരക്ഷാ പദ്ധതിയിൽ ലയിപ്പിക്കുന്നത് വഴി പദ്ധതിയിലൂടെ അനുവദിക്കുന്ന പരമാവധി ആനുകൂല്യം ഉയർത്തുവാൻ തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ;

ഇല്ലെങ്കിൽ അർഹതപ്പെട്ട കുടുംബങ്ങൾക്ക് ചികിത്സാസഹായത്തിന്റെ പരമാവധി പരിധിയുടെ പേരിൽ സഹായം നിഷേധിക്കാതിരിക്കാൻ എന്തെങ്കിലും ക്രമീകരണം ഏർപ്പെടുത്തിയിട്ടുണ്ടോ; വ്യക്തമാക്കുമോ;

മേൽപ്പറഞ്ഞ സാഹചര്യത്തിൽ കാരുണ്യ ആരോഗ്യ സുരക്ഷാ പദ്ധതിയിൽ പരമാവധി നൽകുന്ന സഹായത്തിന്റെ തുക വർദ്ധിപ്പിക്കുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

പൊതുജനങ്ങള്‍ക്ക് സൗജന്യ ചികിത്സ ഉറപ്പാക്കുന്നതിനും ആരോഗ്യ പരിരക്ഷയ്ക്കുമായി ഈ സര്‍ക്കാര്‍ നാളിതുവരെ എത്ര തുക ചെലവഴിച്ചിട്ടുണ്ട്; വിശദമാക്കുമോ;

കാരുണ്യ ആരോഗ്യ സുരക്ഷാപദ്ധതിയുടെ ഭാഗമായി ആരോഗ്യ പരിരക്ഷയുളള എത്ര കുടുംബങ്ങളാണ് നിലവിലുളളത്; ഇതിനായി ചെലവഴിച്ച തുക എത്രയാണ്; വിശദാംശം നല്‍കുമോ;

കാരുണ്യ സുരക്ഷാപദ്ധതി കേന്ദ്ര സര്‍ക്കാരിന്റെ പദ്ധതിയാണെന്ന വ്യാജപ്രചരണം നടത്തി ചില കേന്ദ്രങ്ങള്‍ പണപ്പിരിവ് നടത്തുന്നതായും വ്യാജ ഇന്‍ഷുറന്‍സ് കാര്‍ഡുകള്‍ നല്‍കുന്നതായുമുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

സംസ്ഥാനത്തെ ജനങ്ങളുടെ ആരോഗ്യ പരിരക്ഷയുമായി ബന്ധപ്പെട്ട് കേന്ദ്ര സര്‍ക്കാര്‍ തുക ചെലവഴിക്കുന്നുണ്ടോ; വിശദമാക്കുമോ?

കാരുണ്യ ആരോഗ്യ സുരക്ഷാ പദ്ധതിക്ക് 2024-25 സാമ്പത്തിക വർഷത്തിൽ ബജറ്റിൽ വകയിരുത്തിയ തുക എത്രയാണ്; നാളിതുവരെ അനുവദിച്ചു നൽകിയത് എത്രയാണ്; വ്യക്തമാക്കാമോ;

പദ്ധതിയിൽ നടപ്പ് സാമ്പത്തിക വർഷം ആകെ എത്ര രൂപയുടെ ക്ലെയിമുകൾ സമർപ്പിച്ചിട്ടുണ്ട്; എത്ര രൂപയുടെ ക്ലെയിമുകൾ അനുവദിച്ചു നൽകിയിട്ടുണ്ട്; നിലവിൽ എത്ര രൂപയുടെ ക്ലെയിമുകൾ അനുവദിക്കാൻ കുടിശ്ശികയുണ്ട്; വിശദാംശം ഇനം തിരിച്ചു വ്യക്തമാക്കുമോ;

കുടിശ്ശിക തുക അനുവദിക്കുന്നതിനായി അഡീഷണൽ ഓതറൈസേഷൻ ലഭിച്ചിട്ടുണ്ടോ; വിശദാംശം നല്‍കുമോ?

എഴുപത് വയസ്സ് കഴിഞ്ഞവർക്ക് സൗജന്യ ചികിത്സ നൽകുന്നതിനുള്ള പദ്ധതിക്ക് കേന്ദ്രസർക്കാർ സഹായം നൽകുന്നുണ്ടോ; എങ്കിൽ വിശദാംശം നല്‍കാമോ;

പദ്ധതി നടപ്പിലാക്കുമ്പോൾ സംസ്ഥാനത്തിനുണ്ടാകുന്ന സാമ്പത്തിക ബാധ്യത എത്രയാണെന്ന് കണക്കാക്കിയിട്ടുണ്ടോ; വിശദമാക്കുമോ?

നിലവിലെ സര്‍ക്കാര്‍ അധികാരമേറ്റശേഷം ആലത്തൂര്‍ മണ്ഡലത്തില്‍ എന്‍.എച്ച്.എം. ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍ ഏതൊക്കെയാണെന്ന് വിശദമാക്കാമോ;

പദ്ധതികളുടെ പേരും, അനുവദിച്ച തുകയും, പദ്ധതികളുടെ നിലവിലെ സ്ഥിതിയും വ്യക്തമാക്കാമോ?

വടകര താലൂക്കിലെ ചില ആശുപത്രികളില്‍ കാരുണ്യ ഇന്‍ഷുറന്‍സ് പദ്ധതി താല്‍ക്കാലികമായി അനുവദിക്കുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

സാമ്പത്തികമായി പിന്നാക്കം നിൽക്കുന്നവർക്കുളള സൗജന്യ ചികിത്സാ പദ്ധതിയായ കാസ്പിൽ പുതിയ അംഗങ്ങളെ ചേർക്കുന്നതിനായി കേന്ദ്രസർക്കാരിന്റെ സഹായം തേടിയിട്ടുണ്ടോ; വിശദമാക്കുമോ;

കാസ്പിൽ എംപാനൽ ചെയ്തിട്ടുളള സ്വകാര്യ ആശുപത്രികൾക്ക് നൽകാനുളള തുക എന്നത്തേക്ക് നൽകാൻ കഴിയുമെന്ന് വ്യക്തമാക്കാമോ?

കാരുണ്യ ആരോഗ്യ സുരക്ഷാ പദ്ധതിയിൽ ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും അനുവദിച്ച ബജറ്റ് വിഹിതം എത്രയാണ്; ചെലവഴിച്ച തുക എത്രയാണ്; വിശദാംശം സാമ്പത്തിക വർഷാടിസ്ഥാനത്തിൽ വ്യക്തമാക്കുമോ;

കാരുണ്യ ആരോഗ്യ സുരക്ഷാ പദ്ധതിയിൽ ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും എത്ര രൂപയുടെ ക്ലെയിമുകള്‍ ഉണ്ടായിട്ടുണ്ട്; എത്ര രൂപയുടെ ക്ലെയിമുകള്‍ അനുവദിച്ചു നൽകിയിട്ടുണ്ട്; എത്ര രൂപയുടെ ക്ലെയിമുകള്‍ നിലവിൽ കുടിശ്ശികയുണ്ട്; ഓരോ സാമ്പത്തിക വർഷവും എത്ര തുക ഈ ഇനത്തിൽ ബജറ്റിൽ അനുവദിച്ചിട്ടുണ്ട്; വിശദാംശം സാമ്പത്തിക വർഷാടിസ്ഥാനത്തിൽ വ്യക്തമാക്കുമോ?

മഞ്ചേശ്വരം മണ്ഡലത്തിൽ ആരോഗ്യ വകുപ്പ് നടപ്പിലാക്കുന്ന വിവിധ പദ്ധതികളുടെ വിശദ വിവരങ്ങൾ ലഭ്യമാക്കുമോ;

പ്രസ്തുത പദ്ധതികൾ നിർവ്വഹണത്തിന്റെ ഏത് ഘട്ടത്തിലാണെന്ന് വ്യക്തമാക്കുമോ?

സംസ്ഥാനത്ത് മൃതസഞ്ജീവനി എന്ന മരണാനന്തര അവയവകൈമാറ്റ പദ്ധതി ആരംഭിച്ചത് എന്നാണ്; പ്രസ്തുത പദ്ധതിയിലൂടെ നാളിതുവരെ ആകെ എത്ര അവയവമാറ്റ ശസ്ത്രക്രിയകള്‍ നടത്തിയിട്ടുണ്ടെന്നുള്ള വിവരം സര്‍ക്കാര്‍, പൊതുമേഖലാ, സ്വകാര്യ ആശുപത്രികൾ എന്നിങ്ങനെ ഇനം തിരിച്ച് ലഭ്യമാക്കാമോ;

മൃതസഞ്ജീവനി പദ്ധതി മുഖേന അവയവമാറ്റ ശസ്ത്രക്രിയയ്ക്കു സ്വീകര്‍ത്താവിനെ കണ്ടെത്തുന്നതിനും മറ്റും സ്വീകരിച്ചിട്ടുള്ള മാനദണ്ഡങ്ങള്‍ എന്തെല്ലാമാണെന്ന് വെളിപ്പെടുത്തുമോ;

ഏറ്റവും കൂടുതല്‍ അവയവമാറ്റ ശസ്ത്രക്രിയകള്‍ നടത്തിയ സര്‍ക്കാര്‍ ആശുപത്രിയും സ്വകാര്യ ആശുപത്രിയും ഏതാണെന്ന് വ്യക്തമാക്കാമോ;

നിയമവിധേയമായ അവയവദാനം പ്രോത്സാഹിപ്പിക്കുന്നതിനും ഈ മേഖലയിലെ ചൂഷണങ്ങള്‍ ഒഴിവാക്കുന്നതിനും സ്വീകരിച്ച നടപടികള്‍ വ്യക്തമാക്കാമോ;

സര്‍ക്കാര്‍ ആശുപത്രികളില്‍ അവയവദാന ശസ്ത്രക്രിയകള്‍ നടത്തുന്നതിന് പുതുതായി ഏര്‍പ്പെടുത്തിയ സൗകര്യങ്ങൾ എന്തെല്ലാമാണ്; ഏതെല്ലാം മെഡിക്കല്‍ കോളേജുകളില്‍ അതിനുള്ള സൗകര്യം ഉണ്ടെന്നും അതുവഴി കൈവരിച്ച നേട്ടങ്ങള്‍ എന്തൊക്കെയാണെന്നും വിശദമാക്കാമോ?

കോഴിക്കോട് മെഡിക്കൽ കോളേജിൽ 2021 മുതൽ ഓരോ വർഷവും കാരുണ്യ ആരോഗ്യ സുരക്ഷാ പദ്ധതി മുഖേന എത്ര പേർ സൗജന്യ ചികിത്സയ്ക്ക് എത്തുന്നുണ്ടെന്ന് അറിയിക്കുമോ;

ഓരേോ വർഷവും ഇതിനായി എത്ര രൂപ ചെലവ് വരുന്നുണ്ടെന്ന് വ്യക്തമാക്കുമോ;

ഈ പദ്ധതിക്ക് കേന്ദ്രസഹായം ലഭിക്കുന്നുണ്ടോ; എങ്കിൽ ഓരോ വർഷവും എത്ര രൂപ ലഭിച്ചുവെന്ന് അറിയിക്കുമോ;

കേന്ദ്രസഹായം ലഭിക്കുന്നതിൽ കുടിശികയുണ്ടോ; എങ്കിൽ എത്ര വർഷത്തെ തുക ലഭിക്കാനുണ്ടെന്ന് വിശദമാക്കുമോ?

സംസ്ഥാനത്ത് ആർദ്രം മിഷൻ പദ്ധതിയിലൂടെ നവീകരിച്ചു വരുന്ന ആരോഗ്യകേന്ദ്രങ്ങളുടെ ശുചിത്വവും വൃത്തിയും ഉറപ്പുവരുത്താന്‍ തദ്ദേശ സ്വയംഭരണ സ്ഥാപനങ്ങളുടെ സാമ്പത്തിക സഹായത്തോടെയോ ആശുപത്രി വികസന സമിതി ഫണ്ട് വിനിയോഗിച്ചോ കുടുംബശ്രീ/എംപ്ലോയ്‍മെന്റ് എന്നിവിടങ്ങളിൽ നിന്ന് താല്ക്കാലിക ജീവനക്കാരെ നിയമിക്കാൻ നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് ആരോഗ്യ സബ് സെന്ററുകൾ നവീകരിക്കുന്നതിന് കേന്ദ്ര സഹായത്തോടെ ഫണ്ട് അനുവദിച്ചിട്ടുണ്ടോ; എങ്കിൽ ഏതെല്ലാം സബ് സെന്ററുകളെയാണ് ഫണ്ട് അനുവദിക്കുന്നതിന് തെരഞ്ഞെടുത്തിടുള്ളത് എന്ന് വ്യക്തമാക്കുമോ;

ഇതിൽ ഏതെല്ലാം സെന്ററുകൾക്ക് ഒന്നാം ഘട്ടം പണം അനുവദിച്ചു എന്നും ഏതെല്ലം സബ് സെന്ററുകളുടെ പ്രവൃത്തി ആരംഭിച്ചു എന്നും വ്യക്തമാക്കുമോ;

ആരോഗ്യ സബ് സെന്ററുകളുടെ പ്രവൃത്തി നടത്തുന്നത് ആരാണെന്ന് വ്യക്തമാക്കുമോ;

സബ് സെന്ററുകളിലെ പ്രവൃത്തികളുടെ പുരോഗതി വിലയിരുത്തിയിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കുമോ;

സബ് സെന്ററുകളുടെ പ്രവൃത്തി നടക്കാത്ത കാരണം അടുത്ത ഗഡു ലഭിക്കാത്ത പ്രശ്നമുണ്ടോയെന്ന് വ്യക്തമാക്കുമോ; ഈ പ്രവൃത്തി വേഗത്തിൽ പൂർത്തിയാക്കുന്നതിന് നടപടി സ്വീകരിക്കുമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം വടക്കാഞ്ചേരി മണ്ഡലത്തില്‍ എന്‍.എച്ച്.എം. ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍ ഏതൊക്കെയാണെന്ന് വിശദമാക്കാമോ;

പദ്ധതികളുടെ പേരും അനുവദിച്ച തുകയും പദ്ധതികളുടെ നിലവിലെ സ്ഥിതിയും വ്യക്തമാക്കാമോ?

കാസര്‍ഗോഡ് ജില്ലയിലെ പ്രസവ സംബന്ധമായ ചികിത്സയ്ക്കുള്ള സൗകര്യങ്ങള്‍ ഇല്ലാത്ത ഏതൊക്കെ പി.എച്ച്.സി., സി.എച്ച്.സി., താലൂക്ക് ആശുപത്രികളിലുമാണ് ഗൈനക്കോളജിസ്റ്റുകള്‍ ജോലി ചെയ്യുന്നതെന്നുള്ള വിവരം അവരുടെ പേരു വിവരം സഹിതം ലഭ്യമാക്കാമോ ?

തിരൂരങ്ങാടി മണ്ഡലത്തിലെ പരപ്പനങ്ങാടി ഫിഷറീസ് ആശുപത്രിയിൽ കിടത്തി ചികിത്സ ആരംഭിക്കുന്നതിനുള്ള കെട്ടിട സൗകര്യങ്ങൾ ഒരുക്കിയിട്ടും കിടത്തി ചികിത്സ ആരംഭിക്കാത്തത് ശ്രദ്ധയിൽ വന്നിട്ടുണ്ടോ; വിശദമാക്കാമോ;

പ്രസ്തുത ആശുപത്രിയിൽ കിടത്തി ചികിത്സ ആരംഭിക്കുന്നതിനുള്ള നടപടികൾ സമയബന്ധിതമായി സ്വീകരിക്കുമോ; വിശദമാക്കാമോ;

ഈ പ്രദേശത്ത് കിടത്തി ചികിത്സയുള്ള ആശുപത്രികൾ ഇല്ലാത്തത് ശ്രദ്ധയിൽ വന്നിട്ടുണ്ടോ; വിശദമാക്കാമോ?

ആരോഗ്യ കുടുംബക്ഷേമ ഉപകേന്ദ്രങ്ങളുടെ ക്വാര്‍ട്ടേഴ്സുകള്‍ ആരോഗ്യ വകുപ്പിന് കീഴിലാണോ പൊതുമരാമത്ത് വകുപ്പിന് കീഴിലാണോ സംരക്ഷിച്ച് വരുന്നതെന്ന് വ്യക്തമാക്കുമോ;

ആരോഗ്യ കുടുംബക്ഷേമ കേന്ദ്രങ്ങളുടെ പ്രവര്‍ത്തനങ്ങള്‍ക്കായി പ്രസ്തുത ക്വാര്‍ട്ടേഴ്സുകള്‍ ഏറ്റെടുക്കണമെന്ന് ആരോഗ്യ വകുപ്പ് തീരുമാനിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത ക്വാര്‍ട്ടേഴ്സുകള്‍ അനുവദിക്കപ്പെട്ടിട്ടുള്ള ജീവനക്കാരുടെ ശമ്പളത്തില്‍ നിന്ന് എച്ച്.ആര്‍.എ. കുറവ് ചെയ്യുന്നുണ്ടോയെന്ന് അറിയിക്കാമോ;

ക്വാര്‍ട്ടേഴ്സുകള്‍ ഏറ്റെടുക്കുകയാണെങ്കില്‍ അവ അനുവദിച്ചിട്ടുള്ള ജീവനക്കാരുടെ എച്ച്.ആര്‍.എ. മുന്‍കാല പ്രാബല്യത്തോടെ പുനസ്ഥാപിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ;

ക്വാര്‍ട്ടേഴ്സുകള്‍ ഏറ്റെടുക്കുന്ന കാര്യത്തിലും അവ അനുവദിച്ച് കിട്ടിയിരുന്ന ജീവനക്കാരുടെ എച്ച്.ആര്‍.എ. പുനസ്ഥാപിച്ച് നല്‍കുന്ന കാര്യത്തിലും വ്യക്തമായ ഉത്തരവ് പുറപ്പെടുവിക്കുന്നതിന് നടപടി സ്വീകരിക്കുമോ; വിശദമാക്കാമോ?

തിരുവനന്തപുരം ജനറൽ ആശുപത്രിയിലെ അത്യാഹിത വിഭാഗത്തിൽ എത്തിച്ചേരുന്ന രോഗികൾക്ക് രജിസ്ട്രേഷൻ ടിക്കറ്റ് എടുക്കുന്നതിന് നിലവിൽ ഏ‍ര്‍പ്പെടുത്തിയിട്ടുള്ള സംവിധാനങ്ങൾ എന്തൊക്കയാണെന്ന് വ്യക്തമാക്കുമോ;

പകൽ സമയങ്ങളിൽ ഒ.പി. വിഭാഗങ്ങളിൽ എത്തിച്ചേരുന്ന രോഗികൾക്ക് ഒ.പി. ടിക്കറ്റ് നൽകുന്ന അതേ കൗണ്ടറുകളിൽ നിന്നാണോ അത്യാഹിത വിഭാഗത്തിലും പേവിഷ പ്രതിരോധ ക്ലിനിക്കിലും എത്തിച്ചേരുന്ന രോഗികൾ രജിസ്ടേഷൻ നടത്തേണ്ടത്; എങ്കിൽ ഇത്തരം രോഗികൾക്ക് മുൻഗണന നൽകുന്നതിന് എന്ത് സംവിധാനമാണുള്ളത്; അത്യാഹിത വിഭാഗത്തിൽ എത്തുന്ന രോഗികൾക്ക് ഒ.പി. ടിക്കറ്റ് ലഭിക്കുന്നതിന് ക്യൂ നിൽക്കേണ്ടതില്ലെന്ന തരത്തിൽ നോട്ടീസ് ബോര്‍ഡോ അറിയിപ്പോ അവിടെ പ്രദ‍ര്‍ശിപ്പിച്ചിട്ടുണ്ടോ; വ്യക്തമാക്കുമോ;

അത്യാഹിത വിഭാഗത്തിൽ എത്തുന്ന രോഗികളുടെ രജിസ്ട്രേഷൻ നടത്തുന്നതിന് അവരുടെ കൂടെ എത്തുന്ന വ്യക്തി ഒ.പി. വിഭാഗങ്ങളിൽ എത്തിച്ചേരുന്നവര്‍ക്കൊപ്പം വളരെയധികം സമയം ക്യൂവിൽ ചെലവഴിക്കേണ്ട നിലവിലെ സാഹചര്യം ഒഴിവാക്കുന്നതിന് അടിയന്തര നടപടി സ്വീകരിക്കുമോ; ഇവര്‍ക്ക് ക്യൂവിൽ മുൻഗണനയുണ്ടെന്ന തരത്തിൽ വ്യക്തമായ അറിയിപ്പ് പ്രദ‍ര്‍ശിപ്പിക്കാമോ?

കക്കയം കുടുംബാരോഗ്യ കേന്ദ്രത്തിന്റെ പുതിയ കെട്ടിട നിര്‍മ്മാണം എപ്പോള്‍ പൂര്‍ത്തിയാക്കാനാണ് ഉദ്ദേശിക്കുന്നതെന്നും എന്തൊക്കെ സൗകര്യങ്ങളാണ് പുതിയ കെട്ടിടത്തില്‍ ഉണ്ടാവുകയെന്നും അറിയിക്കുമോ; വിശദമാക്കാമോ?

2021 വര്‍ഷം അനുമതി ലഭിച്ച പാലോട് കുടുംബാരോഗ്യ കേന്ദ്രത്തിലെ ഐസൊലേഷന്‍ വാര്‍ഡ് കെട്ടിടത്തിന്റെ നിര്‍മ്മാണ പുരോഗതി വിശദമാക്കാമോ;

പ്രസ്തുത പ്രവൃത്തി എന്നേക്ക് പൂര്‍ത്തീകരിക്കാനാകുമെന്ന് വിശദമാക്കാമോ;

പ്രസ്തുത പ്രവൃത്തിയുടെ നിര്‍വഹണ ഏജന്‍സി ഏതാണെന്നും എത്ര തുകയുടെ പ്രവൃത്തി ഇതുവരെ പൂര്‍ത്തിയായിട്ടുണ്ടെന്നും വിശദമാക്കാമോ?

കാസർകോട് വികസന പാക്കേജിൽ മഞ്ചേശ്വരം കമ്മ്യൂണിറ്റി ഹെൽത്ത് സെന്ററിന് അനുവദിച്ച കെട്ടിടത്തിന്റെ നിർമ്മാണം വൈകുന്നത് എന്തുകൊണ്ടാണെന്ന് വിശദമാക്കുമോ;

പ്രസ്തുത കെട്ടിട നിര്‍മ്മാണം എപ്പോൾ തുടങ്ങാൻ കഴിയുമെന്ന് വ്യക്തമാക്കുമോ?

കൊല്ലം ജില്ലയിലെ ഇടമുളയ്ക്കൽ പഞ്ചായത്തില്‍ പന്ത്രണ്ടാം വാർഡ് മാക്കുളം പ്രദേശത്ത് താമസിക്കുന്നവർക്ക് പത്ത് കിലോമീറ്ററിൽ അധികം ദൂരെയുള്ള പഞ്ചായത്ത് പി.എച്ച്.സി-യിൽ യാത്രാ ബുദ്ധിമുട്ടുകൾ കാരണം എത്തിച്ചേരാൻ കഴിയാത്തതിനാൽ ഇവിടെ പി.എച്ച്.സി-യുടെ സബ് സെന്റർ അനുവദിക്കണമെന്ന നിലയിൽ നിവേദനം ലഭിച്ചിട്ടുണ്ടോ; ആയതിന്മേൽ സ്വീകരിച്ചിട്ടുള്ള തുടർനടപടികൾ അറിയിക്കാമോ; മേൽ വിഷയത്തിൽ ആരോഗ്യ വകുപ്പ് പ്രൊപ്പോസൽ തയ്യാറാക്കി സമർപ്പിച്ചിട്ടുണ്ടോ; വിശദമാക്കാമോ; എങ്കിൽ പകർപ്പ് ലഭ്യമാക്കാമോ;

കൊല്ലം ജില്ലയിൽ തന്നെ ഏറ്റവും കൂടുതല്‍ പട്ടികജാതി-പട്ടികവര്‍ഗ്ഗക്കാർ തിങ്ങി പാര്‍ക്കുന്ന മാമ്പഴത്തറ ഇരുട്ടുതറ ചതുപ്പ് ഗിരിജന്‍ കോളനിയിലെ ആളുകള്‍ക്ക് ആശുപത്രി സൗകര്യങ്ങള്‍ക്കായി പുനലൂര്‍, തെന്മല, കുളത്തുപ്പുഴ എന്നിവിടങ്ങളിലേയ്ക്ക് വാഹനങ്ങള്‍ വാടകയ്ക്കെടുത്ത് എത്തിപ്പെടേണ്ട സാഹചര്യമാണ് നിലവിലുള്ളത് എന്നതിനാല്‍ ആദിവാസികളും തോട്ടം തൊഴിലാളികളുമുൾപ്പെടെയുള്ളവർ അധിവസിക്കുന്ന തമിഴ്നാട് അതിർത്തിയോട് ചേർന്ന ഈ മേഖലയില്‍ തെന്മല പി‌.എച്ച്‌.സി-യുടെ ഒരു സബ് സെന്റര്‍ അനുവദിക്കുന്ന വിഷയം പരിഗണനയിലുണ്ടോ; മേൽ വിഷയത്തിൽ ആരോഗ്യ വകുപ്പ് പ്രൊപ്പോസൽ തയ്യാറാക്കി സമർപ്പിച്ചിട്ടുണ്ടോ; ഉണ്ടെങ്കിൽ പകർപ്പ് ലഭ്യമാക്കാമോ; വിശദമാക്കാമോ;

കൊല്ലം ജില്ലയിലെ പുനലൂരിൽ കരവാളൂര്‍ പഞ്ചായത്തിലെ മൂന്നു വാര്‍ഡുകള്‍ക്ക് പ്രയോജനപ്പെടത്തക്ക രീതിയില്‍ കരവാളൂര്‍ ചേറ്റുകുഴി കേന്ദ്രമാക്കി കുടുംബക്ഷേമ കേന്ദ്രം അനുവദിക്കുന്നതിന് വേണ്ടി ജില്ലാ മെഡിക്കല്‍ ഓഫീസര്‍ നല്കിയ പ്രൊപ്പോസല്‍, പഞ്ചായത്ത് ഭരണസമിതി തീരുമാനം എന്നിവ ലഭിച്ചിട്ടുണ്ടോയെന്ന് വിശദമാക്കാമോ; എങ്കിൽ പകർപ്പ് ലഭ്യമാക്കാമോ; മേൽ വിഷയത്തിൽ സ്വീകരിച്ചിട്ടുള്ള തുടർനടപടികൾ അറിയിക്കുമോ?

പാലാ ഗവണ്‍മെന്റ് ആശുപത്രിയില്‍ അടിസ്ഥാന സൗകര്യം ഇല്ലാതെ ജനങ്ങള്‍ ബുദ്ധിമുട്ടുന്നതായി ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുവാന്‍ നടപടി സ്വീകരിക്കുമോ; വിശദമാക്കാമോ;

പ്രസ്തുത ആശുപത്രിയില്‍ ഹൈടെക് ലാബ്, ഡിജിറ്റല്‍ എക്സ്റേ യൂണിറ്റ്, അള്‍ട്രാസൗണ്ട് സ്കാനിംഗ് മെഷീന്‍, സി.റ്റി. സ്കാനിംഗ് മെഷീന്‍ തുടങ്ങിയ ഉപകരണങ്ങള്‍ നിലവില്‍ ഉണ്ടോ; ഇല്ലെങ്കില്‍ ഈ സംവിധാനങ്ങള്‍ ഉള്‍പ്പെടുത്തി ജനങ്ങള്‍ക്ക് മതിയായ ചികിത്സാ സൗകര്യം ലഭ്യമാക്കുന്നതിന് നടപടി സ്വീകരിക്കുമോ; വിശദമാക്കാമോ?

മാവേലിക്കര മണ്ഡലത്തിലെ വിവിധ കുടുംബാരോഗ്യ കേന്ദ്രങ്ങളുടെ പരിധിയില്‍ എത്ര സബ് സെന്ററുകള്‍ ഉണ്ടെന്നും അവ ഏതൊക്കെയാണെന്നും സ്വന്തമായി സ്ഥലവും കെട്ടിടവും ഉള്ളവ, ഇല്ലാത്തവ എന്നിങ്ങനെ തരംതിരിച്ച് വിശദമാക്കുമോ;

പ്രസ്തുത സബ് സെന്ററുകള്‍ക്ക് സ്ഥലവും കെട്ടിടവും ലഭ്യമാക്കുവാന്‍ 2016-17 മുതല്‍ സ്വീകരിച്ച നടപടികളും അനുവദിക്കപ്പെട്ട തുകയും വിശദമാക്കുമോ;

അനുവദിക്കപ്പെട്ട തുകയില്‍ കേന്ദ്ര - സംസ്ഥാന വിഹിതം എത്രയെന്ന് അറിയിക്കുമോ;

സ്വന്തമായി സ്ഥലവും കെട്ടിടവും ഇല്ലാത്ത സബ് സെന്ററുകള്‍ക്ക് അവ ലഭ്യമാക്കുവാന്‍ സ്വീകരിച്ച നടപടികള്‍ വിശദമാക്കുമോ?

കുമ്പള സി.എച്ച്.സി. ആശുപത്രിയ്ക്ക് പുതിയ കെട്ടിടം നിർമ്മിക്കുന്നതിനുള്ള നടപടി ഏത് ഘട്ടത്തിലാണെന്ന് വിശദമാക്കുമോ?

സംസ്ഥാന ബഡ്ജറ്റില്‍ 20% പ്രൊവിഷന്‍ വകയിരുത്തിയ ഹരിപ്പാട് മണ്ഡലത്തിലെ മുതുകുളം, ചെറുതന സി.എച്ച്.സി.കളുടെ പുതിയ കെട്ടിട നിര്‍മ്മാണ പ്രവൃത്തികളുടെ പുരോഗതി അറിയിക്കാമോ;

മുതുകുളം സി.എച്ച്.സി.യുടെ പരിഷ്കരിച്ച എസ്റ്റിമേറ്റ് പി.ഡബ്ല്യു.ഡി. ചീഫ് എഞ്ചിനീയര്‍ ആരോഗ്യവകുപ്പ് ഡയറക്ടര്‍ക്ക് നല്‍കിയത് എന്നാണെന്ന് അറിയിക്കാമോ; പ്രസ്തുത എസ്റ്റിമേറ്റ് സര്‍ക്കാരിലേക്ക് ഫോര്‍വേര്‍ഡ് ചെയ്യാത്തതിന്റെ കാരണം അറിയിക്കാമോ;

പ്രസ്തുത പ്രവൃത്തികള്‍ സമയബന്ധിതമായി പൂര്‍ത്തീകരിക്കുമെന്ന് ഉറപ്പാക്കുന്നതിന് വകുപ്പില്‍ എന്തെങ്കിലും ക്രമീകരണമോ, സംവിധാനമോ ഏര്‍പ്പെടുത്തിയിട്ടുണ്ടോ; എങ്കില്‍ വിശദമാക്കാമോ;

മുതുകുളം, ചെറുതന സി.എച്ച്.സി.കളുടെ പുതിയ കെട്ടിട നിര്‍മ്മാണത്തിനായി സത്വര നടപടി സ്വീകരിക്കുമോ?

ഹരിപ്പാട് താലൂക്ക് ആശുപത്രിയില്‍ പുതിയ ഡയാലിസിസ് യൂണിറ്റും ബ്ലോക്കും സ്ഥാപിക്കുന്നതിന് എത്ര രൂപയുടെ ഭരണാനുമതിയാണ് ലഭിച്ചിട്ടുള്ളത്;

ഇതില്‍ എത്ര രൂപയാണ് പി.ബ്ല്യു.ഡി. വകുപ്പിന് കൈമാറിയിട്ടുള്ളതെന്നും ശേഷിക്കുന്ന തുക എന്നത്തേക്ക് കൈമാറുമെന്നും അറിയിക്കാമോ;

ഭരണാനുമതി ഉത്തരവിലെ തുകയ്ക്ക് അനുസൃതമായിട്ടാണോ നിര്‍ദ്ദിഷ്ട പ്രവൃത്തിയുടെ നിര്‍വ്വഹണത്തിനായി നിലവില്‍ എസ്റ്റിമേറ്റ് തയ്യാറാക്കിയിട്ടുള്ളതെന്ന് അറിയിക്കാമോ;

ഡയാലിസിസ് ബ്ലോക്കില്‍ ഉപയോഗിക്കേണ്ട മെഡിക്കല്‍ ഉപകരണങ്ങള്‍ എപ്രകാരം ലഭ്യമാക്കാനാണ് ഉദ്ദേശിച്ചിട്ടുള്ളതെന്ന് അറിയിക്കാമോ?

തളിപ്പറമ്പ് താലൂക്ക് ആശുപത്രിയിലെ കാഷ്വാലിറ്റി ബ്ലോക്ക് നിര്‍മ്മാണത്തിന് കിഫ്ബിയില്‍ നിന്നും അനുമതി ലഭിക്കുന്നതില്‍ കാലതാമസം ഉണ്ടാകുന്നതായി ശ്രദ്ധയില്‍പ്പെട്ടിട്ടുണ്ടോ; ആയതിന്റെ കാരണങ്ങള്‍ വ്യക്തമാക്കുമോ;

പ്രസ്തുത പ്രവൃത്തികള്‍ക്കായി കിഫ്ബിയില്‍ നിന്നും അനുമതി ലഭ്യമാകുന്നതിനുളള നടപടികള്‍ ത്വരിതപ്പെടുത്തുമോ?

ചാവക്കാട് താലൂക്കാശുപത്രിയില്‍ ഡോക്ടര്‍ ഉള്‍പ്പെടെയുള്ള തസ്തികകളില്‍ എത്ര ഒഴിവുകളുണ്ട്; പ്രസ്തുത ഒഴിവുകള്‍ നികത്തുന്നതിനായി സ്വീകരിച്ച നടപടികള്‍ വിശദമാക്കാമോ;

ചാവക്കാട് താലൂക്കാശുപത്രിയില്‍ രാത്രികാലങ്ങളില്‍ ഒരു ഡോക്ടറുടെ സേവനം മാത്രം ലഭ്യമായ സാഹചര്യത്തില്‍ അധികമായി ഒരു ഡോക്ടറെ കൂടി നഗരസഭ മുഖേന ദിവസവേതനാടിസ്ഥാനത്തില്‍ നിയമിക്കുന്നതിന് അനുമതി ആവശ്യപ്പെട്ടിരുന്നോ; എങ്കില്‍ ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ?

കോവിഡ് വ്യാപനത്തിന് ശേഷം 2021-22 വര്‍ഷത്തെ എം.എല്‍.എ. ആസ്തി വികസന ഫണ്ടില്‍ നിന്നും നാല് കോടി രൂപ വിനിയോഗിച്ച് ഓരോ മണ്ഡലത്തിലും ഐസൊലേഷന്‍ വാര്‍ഡുകള്‍ നിര്‍മ്മിക്കാന്‍ തീരുമാനിച്ചതിന്റെ ഭാഗമായി പയ്യന്നൂര്‍ മണ്ഡലത്തില്‍ നിന്ന് ഇതിനായി ഏത് ആശുപത്രിയെയാണ് തെരഞ്ഞെടുത്തിരിക്കുന്നത്; വ്യക്തമാക്കാമോ;

പ്രസ്തുത ഐസൊലേഷന്‍ വാര്‍ഡ് നിര്‍മ്മാണ പദ്ധതിയുടെ നിലവിലെ സ്ഥിതി വ്യക്തമാക്കാമോ?

കോതമംഗലം മണ്ഡലത്തില്‍ വാരപ്പെട്ടി പഞ്ചായത്തിലെ ഐസൊലേഷന്‍ സെന്ററിന്റെ നിര്‍മ്മാണവുമായി ബന്ധപ്പെട്ട നിലവിലെ സാഹചര്യം വ്യക്തമാക്കാമോ;

എന്തെല്ലാം സേവനങ്ങളും സൗകര്യങ്ങളുമാണ് ഐസൊലേഷന്‍ സെന്ററില്‍ ഒരുക്കുന്നത് എന്നറിയിക്കുമോ;

എത്ര തുകയാണ് ഐസൊലേഷന്‍ സെന്ററിന്റെ നിര്‍മ്മാണത്തിനായി ചെലവഴിക്കുന്നത് എന്നറിയിക്കുമോ;

ഐസൊലേഷന്‍ സെന്ററിന്റെ നിര്‍മ്മാണ പ്രവര്‍ത്തനങ്ങള്‍ വേഗത്തില്‍ പൂര്‍ത്തീകരിച്ച് സെന്റര്‍ പ്രവര്‍ത്തനം ആരംഭിക്കുന്നതിനു വേണ്ടിയുള്ള നടപടി സ്വീകരിക്കുമോ; വ്യക്തമാക്കാമോ ?

സംസ്ഥാനത്ത് ഏതെങ്കിലും താലൂക്ക് ആശുപത്രികളിൽ കാർഡിയോളജി വിഭാഗം പ്രവർത്തിച്ചുവരുന്നുണ്ടോ; എങ്കിൽ ഏതൊക്കെ ആശുപത്രികളിലാണെന്ന് വ്യക്തമാക്കാമോ; പ്രസ്തുത ആശുപത്രികളിൽ കാർഡിയോളജി വിഭാഗം ആരംഭിക്കുന്നതിനുണ്ടായ പ്രത്യേക സാഹചര്യം വ്യക്തമാക്കാമോ;

ഏതെങ്കിലും താലൂക്ക് ആശുപത്രികളിലെ അത്യാഹിത വിഭാഗത്തില്‍ കാത് ലാബ് പ്രവർത്തിക്കുന്നുണ്ടോ; എങ്കിൽ ഏതൊക്കെ ആശുപത്രികളിലാണെന്ന് വ്യക്തമാക്കാമോ; പ്രസ്തുത ആശുപത്രികളിൽ കാത് ലാബ് ആരംഭിക്കുന്നതിനുണ്ടായ പ്രത്യേക സാഹചര്യം വ്യക്തമാക്കാമോ;

വൈക്കം താലൂക്ക് ഹെഡ് ക്വാർട്ടേഴ്‌സ് ആശുപത്രിയിൽ കാർഡിയോളജി വിഭാഗവും കാത് ലാബും അനുവദിക്കുന്ന വിഷയം പരിഗണയിലുണ്ടോ; ഇല്ലെങ്കിൽ കാരണം വ്യക്തമാക്കാമോ?

ഇടുക്കി പാക്കേജില്‍ ഉള്‍പ്പെടുത്തി അടിമാലി താലൂക്ക് ആശുപത്രിയില്‍ വികസന പ്രവര്‍ത്തനങ്ങള്‍ നടത്തുന്നതിന് പ്രൊപ്പോസല്‍ നല്‍കിയിട്ടുണ്ടോ; എങ്കിൽ വിശദമാക്കുമോ;

എത്ര തുകയുടെ വികസന പ്രവര്‍ത്തനങ്ങള്‍ നടത്തുന്നതിനാണ് പ്രൊപ്പോസല്‍ സമര്‍പ്പിച്ചിരിക്കുന്നത്; എന്തൊക്കെ പ്രവൃത്തികള്‍ നടപ്പിലാക്കുന്നതിനാണ് നിര്‍ദേശിച്ചിരിക്കുന്നത്; വിശദമാക്കാമോ?

മലപ്പുറം ജില്ലയിൽ വള്ളിക്കുന്ന് മണ്ഡലത്തിലെ ആരോഗ്യ സ്ഥാപനങ്ങള്‍ക്ക് കീഴില്‍ പുളിയം പറമ്പ് സബ് സെന്റര്‍ ആരംഭിക്കുന്നതിനായി സ്ഥാപന മേധാവികള്‍ സമര്‍പ്പിച്ച അപേക്ഷകളുടെ അടിസ്ഥാനത്തില്‍ തയ്യാറാക്കിയ റിപ്പോര്‍ട്ടിന്മേൽ ആരോഗ്യ വകുപ്പ് ഡയറക്ടര്‍ സ്വീകരിച്ച നടപടികള്‍ വിശദമാക്കാമോ;

പ്രസ്തുത റിപ്പോര്‍ട്ടിന്മേല്‍ നാളിതുവരെ അന്തിമ നടപടി സ്വീകരിക്കാത്തതിന്റെ കാരണം വ്യക്തമാക്കാമോ?

തിരൂരങ്ങാടി താലൂക്ക് ആശുപത്രിയിലെ ഡോക്ടര്‍മാരെ കുറിച്ച് എന്തെങ്കിലും പരാതികൾ ലഭിച്ചിട്ടുണ്ടോ; എങ്കില്‍ പ്രസ്തുത പരാതിയിൽ പറയുന്ന വിഷയം എന്താണ്; ആരാണ് പരാതി നൽകിയത്; ഏത് ഡോക്ടറെ കുറിച്ചാണ് പരാതിയിൽ പരാമർശിച്ചിരിക്കുന്നത്; വിശദമാക്കാമോ;

പ്രസ്തുത പരാതിയിന്മേൽ സ്വീകരിച്ച നടപടികൾ എന്തെല്ലാമാണ്; വിശദമാക്കുമോ?

എറണാകുളം ജില്ലയിലെ സര്‍ക്കാര്‍ ആശുപത്രികളില്‍ ഹെപ്പറ്റൈറ്റിസ് ബി വാക്സിന്‍ ലഭ്യമല്ലാത്തത് പ്രതിരോധ പ്രവര്‍ത്തനങ്ങളെ സാരമായി ബാധിച്ചിട്ടുണ്ടെന്നത് ശ്രദ്ധയില്‍പ്പെട്ടിട്ടുണ്ടോ, വ്യക്തമാക്കാമോ;

പ്രതിരോധ പ്രവര്‍ത്തനങ്ങള്‍ കാര്യക്ഷമമായി നടപ്പിലാക്കുന്നതിന് എറണാകുളം ജില്ലയിലെ സര്‍ക്കാര്‍ ആശുപത്രികളില്‍ ഹെപ്പറ്റൈറ്റിസ് ബി വാക്സിന്‍ അടിയന്തരമായി ലഭ്യമാക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

2025-ല്‍ നാളിതുവരെ എറണാകുളം ജില്ലയില്‍ എത്രപേര്‍ക്ക് ഹെപ്പറ്റൈറ്റിസ് ബി വാക്സിന്‍ നല്‍കിയിട്ടുണ്ട് എന്നത് ആശുപത്രിയുടെ പേരും നല്‍കിയ വാക്സിന്റെ എണ്ണവും തിരിച്ച് ലഭ്യമാക്കുമോ?

ഇരിക്കൂര്‍ താലൂക്ക് ആശുപത്രിയ്ക്ക് പുതിയ കെട്ടിടം നിർമ്മിക്കുന്ന പ്രവൃത്തി ഏത് ഘട്ടത്തിലാണെന്ന് വ്യക്തമാക്കാമോ;

കെട്ടിട നിര്‍മ്മാണം വൈകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് നടപടി സ്വീകരിക്കുമോ?

ചങ്ങനാശ്ശേരി ജനറല്‍ ആശുപത്രിയില്‍ കിഫ്ബി ധനസഹായത്തോടെ നിര്‍മ്മിക്കുന്ന ബഹുനില കെട്ടിടത്തിന്റെ നിര്‍മ്മാണ പ്രവൃത്തി ആരംഭിക്കാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ചങ്ങനാശ്ശേരി ജനറല്‍ ആശുപത്രിയില്‍ പുതിയ കെട്ടിടം നിര്‍മ്മിക്കുന്നതിന് 80.41 കോടി രൂപയുടെ ഭരണാനുമതി ലഭ്യമാക്കി ടെണ്ടര്‍ നടപടികള്‍ പൂര്‍ത്തീകരിച്ചിട്ടും നിര്‍മ്മാണ പ്രവര്‍ത്തനങ്ങള്‍ ആരംഭിക്കാന്‍ കാലതാമസം നേരിടുന്നതിനുള്ള കാരണം വ്യക്തമാക്കുമോ;

ടി കെട്ടിടം നിര്‍മ്മിക്കുന്നതിന് നിലവിലുള്ള ഏതെല്ലാം കെട്ടിടങ്ങളാണ് പൊളിച്ചു നീക്കേണ്ടതെന്ന് വ്യക്തമാക്കുമോ; അവയില്‍ ഏതെല്ലാം കെട്ടിടങ്ങള്‍ പൊളിച്ചു നീക്കുന്നതിനാണ് അനുമതി ലഭിക്കാനുള്ളതെന്നും അനുമതി ലഭ്യമാകുന്നതിന് കാലതാമസം നേരിടുന്നതിനുള്ള കാരണവും വ്യക്തമാക്കുമോ?

2016-ന് ശേഷം കാഞ്ഞങ്ങാട് നിയോജകമണ്ഡലത്തിൽ എത്ര പ്രാഥമിക ആരോഗ്യകേന്ദ്രങ്ങളാണ് കുടുംബ ആരോഗ്യകേന്ദ്രങ്ങളായി ഉയർത്തിയതെന്ന് പഞ്ചായത്ത് തിരിച്ച് അറിയിക്കാമോ?

ജീവിതശൈലി രോഗ നിയന്ത്രണത്തിന്റെ ഭാഗമായി വിദ്യാഭ്യാസ സ്ഥാപനങ്ങള്‍ക്കടുത്തുള്ള കടകളില്‍ ജങ്ക് ഫുഡുകള്‍ നിയന്ത്രിക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കാമോ;

ജങ്ക് ഫുഡുകള്‍ മൂലമുണ്ടാകുന്ന ആരോഗ്യ പ്രശ്നങ്ങള്‍ സംബന്ധിച്ച മുന്നറിയിപ്പുകള്‍ എല്ലാ വിദ്യാഭ്യാസ സ്ഥാപനങ്ങളു‍ം പ്രദര്‍ശിപ്പിക്കുന്നുണ്ടോ; വിശദമാക്കാമോ?

ആശാ പ്രവർത്തകർക്ക് ഏറ്റവും കൂടുതൽ ഓണറേറിയം നൽകുന്ന ഇന്ത്യൻ സംസ്ഥാനം കേരളമാണെന്ന വാദം ഉയർത്തി ആശാ പ്രവർത്തകരുടെ ഓണറേറിയം വർദ്ധനവെന്ന ആവശ്യത്തെ പ്രതിരോധിക്കുന്നത് വസ്തുതാപരമാണോ എന്ന് പരിശോധിച്ചിട്ടുണ്ടോ;

സിക്കിം സർക്കാർ നിലവിൽ ആശാ പ്രവർത്തകർക്ക് ഓണറേറിയം ആയി പതിനായിരം രൂപ നൽകുന്നുവെന്ന വസ്തുത സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

കർണാടക ഉൾപ്പെടെയുള്ള സംസ്ഥാനങ്ങൾ ഓണറേറിയം പതിനായിരം രൂപയാക്കി വർധിപ്പിച്ച സാഹചര്യത്തിൽ ആശാ പ്രവർത്തകരെ സ്ഥിരം തൊഴിലാളികൾ ആക്കി ഓണറേറിയത്തിനു പകരം മിനിമം വേതനം നൽകാൻ നടപടി സ്വീകരിക്കുമോയെന്ന് വ്യക്തമാക്കുമോ?

ആരോഗ്യവകുപ്പിന്റെ നേതൃത്വത്തില്‍ തദ്ദേശസ്വയംഭരണ വകുപ്പിന്റെ സഹകരണത്തോടെ നടന്നുവരുന്ന പാലിയേറ്റീവ് പരിചരണ പ്രവര്‍ത്തനങ്ങളുടെ പുരോഗതി വ്യക്തമാക്കുമോ;

പാലിയേറ്റീവ് പ്രവര്‍ത്തനങ്ങള്‍ ഏകോപിപ്പിക്കുന്നതിന്റെ ഭാഗമായി "പാലിയേറ്റീവ് കെയര്‍ ഗ്രിഡ്" രൂപീകരിച്ചിട്ടുണ്ടോ; പ്രസ്തുത ഗ്രിഡ് രൂപകല്പന നടത്തിയത് ഏത് ഏജന്‍സിയാണ് എന്നറിയിക്കുമോ; വിശദാംശം ലഭ്യമാക്കുമോ;

പാലിയേറ്റീവ് പരിചരണ പ്രവര്‍ത്തനങ്ങള്‍ കാര്യക്ഷമമാക്കുന്നതിന്റെ ഭാഗമായി ബഹു. മുഖ്യമന്ത്രി വിളിച്ചു ചേര്‍ത്ത അവലോകനയോഗത്തിലെ തീരുമാനങ്ങള്‍ എന്തെല്ലാമാണെന്ന് അറിയിക്കുമോ?

സംസ്ഥാനത്ത് സൗജന്യ ചികിത്സ നല്‍കുന്നതിന് പ്രതിവര്‍ഷം എത്ര കോടി രൂപയാണ് ചെലവഴിക്കുന്നതെന്ന് വ്യക്തമാക്കാമോ?

കാൻസർ മരുന്നുകളുടെ അമിത വിലയിൽ നിന്ന് ജനങ്ങൾക്ക് ആശ്വാസം നൽകുന്നതിന് സ്വീകരിച്ചിട്ടുള്ള നടപടികൾ വിശദീകരിക്കുമോ;

കാരുണ്യ സ്പർശം പദ്ധതി വഴി എത്ര കോടി രൂപയുടെ മരുന്ന് വിൽപ്പനയാണ് ഈ സർക്കാരിന്റെ കാലത്ത് നടത്തിയിട്ടുള്ളതെന്ന് അറിയിക്കുമോ;

കാരുണ്യ സ്പർശം കൗണ്ടറുകൾ നിലവിൽ ഏതെല്ലാം സ്ഥലങ്ങളിലാണ് ഉള്ളത്; ഇതിന്റെ പ്രവർത്തനം വ്യാപിപ്പിക്കാൻ ഉദ്ദേശിക്കുന്നുണ്ടോ?

ഗർഭാശയമുഖ കാൻസർ പ്രതിരോധിക്കുന്നതിനായി സംസ്ഥാനത്തെ സ്കൂൾ വിദ്യാർത്ഥിനികൾക്ക് വാക്സിനേഷൻ നൽകുന്നതിന് കർമ്മപദ്ധതി നടപ്പിലാക്കാൻ ഉദ്ദേശിക്കുന്നുണ്ടോ; വിശദമാക്കാമോ;

സൗജന്യ എച്ച്.പി.വി. വാക്സിനേഷനുമായി ബന്ധപ്പെട്ട് കേന്ദ്രസഹായം തേടിയിട്ടുണ്ടോ; വിശദമാക്കാമോ;

ഇതിനായുള്ള മുന്നൊരുക്കങ്ങൾ ഏതെല്ലാം ജില്ലകളിൽ പൂർത്തീകരിച്ചിട്ടുണ്ട്; വിശദമാക്കാമോ;

പ്രസ്തുത സൗജന്യ വാക്സിനേഷൻ സംസ്ഥാനത്ത് നടപ്പിലാക്കുന്നതിൽ കാലതാമസം ഉണ്ടാകുന്നതിന്റെ കാരണം കേന്ദ്രസഹായം ലഭ്യമാകാത്തതിനാലാണോ; വ്യക്തമാക്കാമോ;

പ്രസ്തുത സൗജന്യ വാക്സിനേഷൻ നടപ്പിലാക്കുന്നതിനായി കേന്ദ്രവുമായി ധാരണയിൽ എത്തിയിട്ടുണ്ടോ; വിശദമാക്കാമോ;

പ്രസ്തുത വാക്സിനേഷൻ സംബന്ധിച്ച് പൊതുസമൂഹത്തിന് അവബോധം നൽകാൻ നടപടികൾ സ്വീകരിച്ചിട്ടുണ്ടോ; വിശദമാക്കാമോ?

സർക്കാർ ആശുപത്രികളിൽ ഡോക്ടർമാരുടെ കുറവും ഉപകരണങ്ങളുടെ അഭാവവുമുണ്ടോ; ഉണ്ടെങ്കിൽ ആശുപത്രികൾ തിരിച്ചുള്ള കണക്ക് ലഭ്യമാക്കാമോ; വ്യക്തമാക്കുമോ;

ഡോക്ടര്‍മാരുടെ ക്ഷാമത്തിന് കാരണമെന്തെന്ന് വിശകലനം നടത്തിയിട്ടുണ്ടോ; വിശദമാക്കുമോ;

ഏതു വർഷത്തെ സ്റ്റാഫ് പാറ്റേൺ ആണ് ഇപ്പോൾ തുടരുന്നതെന്നും ആയത് മാറ്റാത്തതിന് കാരണമെന്തെന്നും വ്യക്തമാക്കാമോ;

സ്പെഷ്യാലിറ്റി കേഡറുകൾ വന്നത് എപ്പോഴാണെന്നും ഇത് സംബന്ധിച്ച് അവലോകനം എത്ര പ്രാവശ്യം നടന്നുവെന്നും വ്യക്തമാക്കാമോ;

ദിനംപ്രതി എത്ര രോഗികളാണ് താലൂക്ക് ആശുപത്രികളിലെ ഒ.പി.യിൽ ചികിത്സയ്ക്കായി എത്തുന്നതെന്നും താലൂക്ക് ആശുപത്രികളില്‍ എത്ര ഡോക്ടർമാരാണുള്ളതെന്നും വ്യക്തമാക്കാമോ?

ആദിവാസി മേഖലകളിലെ പ്രത്യേക ആരോഗ്യപ്രശ്നങ്ങൾ പരിഗണിച്ച് ആരോഗ്യപ്രവര്‍ത്തനങ്ങള്‍ കൂടുതല്‍ ശക്തിപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ ആദിവാസി മേഖലകളിലെ ആരോഗ്യ ഇടപെടലുകള്‍ക്ക് ലോകാരോഗ്യ സംഘടന പിന്തുണ അറിയിച്ചിട്ടുണ്ടോ; വിശദമാക്കാമോ;

രക്തസമ്മർദം, അനീമിയ, സിക്കിൾസെല്‍ അനീമിയ തുടങ്ങിയ രോഗങ്ങളുള്ള ആദിവാസികള്‍ക്ക് വ്യക്തിപരമായി ആരോഗ്യപരിചരണം ഉറപ്പാക്കുവാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

ആദിവാസി നഗറുകളിലെ ആരോഗ്യപ്രശ്നങ്ങള്‍ കാലതാമസം കൂടാതെ ആരോഗ്യവകുപ്പ് ജീവനക്കാരെ അറിയിക്കാനും ആവശ്യമായ നടപടികള്‍ സ്വീകരിക്കാനും പദ്ധതി ആവിഷ്കരിച്ചിട്ടുണ്ടോ; വിശദമാക്കുമോ?

ശ്രവണവെെകല്യം നേരിടുന്ന 5 വയസില്‍ താഴെ പ്രായമുള്ള കുട്ടികള്‍ക്ക് സൗജന്യ ചികിത്സ ഉറപ്പാക്കാനായി നടപ്പിലാക്കുന്ന ശ്രുതിതരംഗം പദ്ധതിയില്‍ രജിസ്ട്രേഷന്‍ നടപടികള്‍ പൂര്‍ത്തീകരിക്കുന്നതിനു മുൻപായി അടിയന്തര സാഹചര്യങ്ങളില്‍ കോക്ലിയര്‍ ഇംപ്ലാന്റേഷന്‍ ശസ്ത്രക്രിയ നടത്തേണ്ടിവരുന്ന കുട്ടികളെ രജിസ്ട്രേഷന്‍ നടപടികള്‍ പൂര്‍ത്തീകരിക്കാതെ തന്നെ പദ്ധതിയില്‍ ഉള്‍പ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കാമോ?

ആശാ പദ്ധതിക്ക് ഇന്ത്യയിൽ തുടക്കം കുറിച്ചത് എപ്പോഴാണ്; കേരളമടക്കം മറ്റു സംസ്ഥാനങ്ങളിൽ ഈ പദ്ധതിക്ക് തുടക്കം കുറിച്ചത് എപ്പോഴാണെന്നത് സംസ്ഥാനവും വർഷവും തിരിച്ച് വ്യക്തമാക്കാമോ;

കേരളത്തിൽ തുടക്കത്തിൽ എത്ര ആശാവർക്കർമാരുണ്ടായിരുന്നെന്നും നിലവില്‍ എത്രപേരുണ്ടെന്നും ജില്ല തിരിച്ച് വ്യക്തമാക്കാമോ; ഇവരെ നിയമിക്കുന്നതിനുള്ള മാനദണ്ഡങ്ങൾ എന്തൊക്കെയാണെന്ന് വ്യക്തമാക്കാമോ;

ഇവർക്ക് ശമ്പളമാണോ ഓണറേറിയമാണോ നൽകുന്നതെന്നും ഓണറേറിയം ആണെങ്കിൽ ശമ്പള വ്യവസ്ഥിതിയിൽ ഉൾപ്പെടുത്താത്തതെന്തുകൊണ്ടാണന്നും വ്യക്തമാക്കാമോ;

കേരളത്തിൽ ആശാവർക്കർമാർക്ക് നിലവില്‍ ലഭിക്കുന്ന ആനുകൂല്യങ്ങൾ എന്തൊക്കെയാണെന്ന് കേന്ദ്രസംസ്ഥാന വിഹിതം തിരിച്ചു വ്യക്തമാക്കാമോ;

സർക്കാർ നിർദ്ദേശിച്ച ചില മാനദണ്ഡങ്ങൾ പൂർത്തിയാക്കിയാൽ മാത്രമേ പ്രതിമാസ ഓണറേറിയം ആശാ വർക്കർമാർക്ക് ലഭിക്കുകയുള്ളൂ എന്ന് നിയമം ഉണ്ടോ; എങ്കിൽ പ്രസ്തുത മാനദണ്ഡങ്ങൾ എന്തൊക്കെയാണെന്ന് വ്യക്തമാക്കാമോ;

ആശാവർക്കർമാർക്ക് നൽകാനുള്ള കേന്ദ്ര വിഹിതത്തിൽ കുടിശികയുണ്ടോ; എങ്കിൽ അതിന്റെ വർഷം തിരിച്ചുള്ള കണക്ക് ലഭ്യമാക്കാമോ; ബജറ്റിൽ അനുവദിച്ച തുകയ്ക്ക് പുറമേ അധിക തുക കേന്ദ്രം നൽകിയിട്ടുണ്ടോ; എങ്കിൽ അതിന്റെ വർഷം തിരിച്ചുള്ള കണക്ക് ലഭ്യമാക്കാമോ ;

ആശാവർക്കർമാർക്ക് ഇന്ത്യയിലെ മറ്റു സംസ്ഥാനങ്ങളിൽ നൽകുന്ന ഓണറേറിയം എത്രയാണെന്ന കണക്ക് സർക്കാരിന്റെ പക്കൽ ഉണ്ടെങ്കിൽ വിശദാംശം നൽകാമോ?

ഡി. എം. ഇ ./ഡി. എച്ച്. എസ്. എന്നിവ ആവശ്യപ്പെട്ട പ്രകാരം ഉള്ള അവശ്യമരുന്നുകളുടെ സംഭരണത്തിനായി 2024-25 സാമ്പത്തിക വർഷത്തിൽ എത്ര തുക ആവശ്യമായി വരുമെന്നാണ് കണക്കാക്കിയിട്ടുള്ളത്; നടപ്പു സാമ്പത്തിക വർഷത്തെ ബജറ്റിൽ ഇതിനായി എത്ര തുകയാണ് വകയിരുത്തിയത്; നാളിതുവരെ എത്ര തുക അനുവദിച്ചു നൽകി; എത്ര തുക ചെലവഴിച്ചു; വിശദാംശം ഇനം തിരിച്ചു വ്യക്തമാക്കുമോ;

ഡി. എം. ഇ. /ഡി. എച്ച്. എസ്. എന്നിവ ആവശ്യപ്പെട്ട പ്രകാരം ഉള്ള അവശ്യമരുന്നുകളുടെ സംഭരണത്തിനായി 2025-26 സാമ്പത്തിക വർഷത്തിൽ എത്ര തുക ആവശ്യമായി വരുമെന്നാണ് കണക്കാക്കിയത്; 2025-26 സാമ്പത്തിക വർഷത്തെ ബജറ്റിൽ ഇതിനായി എത്ര തുകയാണ് വകയിരുത്തിയത്; വിശദാംശം വ്യക്തമാക്കുമോ?

സംസ്ഥാന സർക്കാർ, സിക്കിം സർക്കാരിനോട് സിക്കിമിലെ ആശാപ്രവർത്തകർക്ക് നൽകിവരുന്ന ഓണറേറിയം സംബന്ധിച്ച രേഖകൾ ആവശ്യപ്പെട്ടിരുന്നോയെന്ന് വ്യക്തമാക്കാമോ; എങ്കിൽ ഇത് സംബന്ധിച്ച ഇ-മെയിൽ/രേഖകളുടെ പകർപ്പ് ലഭ്യമാക്കാമോ;

സിക്കിം സർക്കാർ നൽകിയ മറുപടിയുടെയും അനുബന്ധ രേഖകളുടെയും പകർപ്പ് ലഭ്യമാക്കാമോ?

2023-24 സാമ്പത്തിക വർഷത്തിൽ ആശാവർക്കർമാരുടെ ഓണറേറിയം ഉള്‍പ്പെടെയുള്ള ആനുകൂല്യങ്ങൾ അനുവദിക്കുന്നതിനായി കേന്ദ്രസർക്കാർ എത്ര തുക അനുവദിച്ചിട്ടുണ്ട്; പ്രസ്തുത തുക ഏതൊക്കെ ഇനത്തിൽ ചെലവഴിച്ചിട്ടുണ്ട് ; വ്യക്തമാക്കുമോ;

പ്രസ്തുത സാമ്പത്തിക വർഷത്തില്‍ കേന്ദ്ര സര്‍ക്കാരില്‍ നിന്നും ഇനി എത്ര തുക ലഭിക്കാനുണ്ടെന്നും ഏതൊക്കെ ഇനത്തിലാണ് തുക ലഭിക്കാനുള്ളതെന്നും അറിയിക്കുമോ; പ്രസ്തുത തുക കുടിശ്ശിക ആകാനുള്ള കാരണം എന്തായിരുന്നു എന്നറിയിക്കുമോ; ഈ തുക ലഭിക്കുന്നതിനായി സംസ്ഥാന സർക്കാർ എല്ലാ നടപടിക്രമങ്ങളും പൂർത്തീകരിച്ചിട്ടുണ്ടോ; വിശദാംശം ലഭ്യമാക്കുമോ?

സംസ്ഥാനത്ത് വനിതകളിലെ ക്യാന്‍സര്‍ രോഗസാധ്യത നിര്‍ണയിക്കുന്നതിനായി വകുപ്പ് ആവിഷ്കരിച്ച പദ്ധതിയുടെ പ്രവര്‍ത്തന പുരോഗതി വിശദമാക്കാമോ?

ഈ സർക്കാരിന്റെ കാലയളവിൽ കേന്ദ്രസർക്കാരിൽ നിന്നും ഓരോ സാമ്പത്തിക വർഷവും ആശാവർക്കർമാരുടെ ഓണറേറിയം ഉൾപ്പെടെയുള്ള ആനുകൂല്യങ്ങൾക്കായി എത്ര തുക വീതം ലഭിച്ചിട്ടുണ്ട്; ഇതില്‍ എത്ര തുക വീതം ഏതൊക്കെ ഇനത്തിൽ ചെലവഴിച്ചിട്ടുണ്ടെന്നും എത്ര തുക ഏതൊക്കെ ഇനത്തില്‍ കുടിശിക ലഭിക്കാനുണ്ടെന്നുമുള്ള വിശദാംശം സാമ്പത്തിക വർഷാടിസ്ഥാനത്തിൽ ഇനം തിരിച്ചു ലഭ്യമാക്കുമോ;

സംസ്ഥാന സർക്കാർ തുക ചെലവഴിക്കുന്നത് സംബന്ധിച്ചുള്ള മാനദണ്ഡങ്ങൾ പാലിക്കാത്തതിനാലോ നടപടിക്രമങ്ങൾ പൂർത്തീകരിക്കാത്തതിനാലോ ഏതെങ്കിലും ഫണ്ട്‌ നഷ്ടപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ?

സംസ്ഥാനത്ത് ആശാ വര്‍ക്കര്‍മാരുടെ നിയമന രീതി എങ്ങനെയാണെന്ന് വിശദമാക്കുമോ;

ആശാവര്‍ക്കര്‍മാര്‍ക്ക് എന്നു മുതലാണ് ഇന്‍സന്റീവ് മാറ്റി ഓണറേറിയം നല്‍കാന്‍ തീരുമാനിച്ചതെന്നും വിശദമാക്കുമോ;

ഓണറേറിയം നല്‍കുന്നതില്‍ കേന്ദ്രസര്‍ക്കാര്‍ നല്‍കേണ്ട വിഹിതത്തില്‍ കുടിശികയുണ്ടോയെന്നും ഉണ്ടെങ്കില്‍ എത്രയാണെന്നും എന്നു മുതലാണ് കുടിശിക വരുത്തിയിട്ടുള്ളതെന്നും വിശദമാക്കുമോ;

ആശാവർക്കർമാര്‍ക്ക് നല്‍കിവരുന്ന ഓണറേറിയം തുക ഇതര സംസ്ഥാനങ്ങളുമായി താരതമ്യം ചെയ്തിട്ടുണ്ടോ; വിശദമാക്കുമോ?

മെഡിക്കൽ പി.ജി. വിദ്യാർത്ഥികൾക്ക് നിയമാനുസൃതം ലഭിക്കേണ്ട ലീവ്, സ്റ്റൈപ്പന്‍ഡ് എന്നിവ അനുവദിക്കുന്നതിന് പല സ്വകാര്യ മെഡിക്കൽ കോളേജുകളും വീഴ്ച വരുത്തുന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

ഇത് അവരിൽ മാനസിക സംഘർഷം രൂപപ്പെടുത്തുന്നതിനും അതുവഴി പഠനം, വ്യക്തി-സാമൂഹ്യ ജീവിതം എന്നിവയെ ദോഷകരമായി ബാധിക്കുകയും ചെയ്യുമെന്നതിനാൽ ഇക്കാര്യത്തിൽ വിദ്യാർത്ഥികൾക്ക് നീതി ഉറപ്പാക്കുന്നതിനായി നടപടി സ്വീകരിക്കുമോയെന്ന് വ്യക്തമാക്കുമോ?

കണ്ണൂര്‍ മെഡിക്കല്‍ കോളേജില്‍ നിലവില്‍ ഒഴിഞ്ഞു കിടക്കുന്ന അദ്ധ്യാപക തസ്തികകള്‍ നികത്തുന്നതിന് നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്തെ വിവിധ തലത്തിലുള്ള ആരോഗ്യ കേന്ദ്രങ്ങളിലും ആശുപത്രികളിലും നിശ്ചിയിച്ചിട്ടുള്ള ഡോക്ടര്‍, രോഗി അനുപാതം എത്രയാണെന്നും അവ ഏറ്റവും ഒടുവില്‍ നിശ്ചയിച്ചത് എന്നാണെന്നും വിശദമാക്കാമോ;

രോഗികളുടെ എണ്ണത്തിലെ വര്‍ദ്ധനവിന് അനുസരിച്ച് ഡോക്ടര്‍മാരുടെയും മറ്റ് ആരോഗ്യ പ്രവര്‍ത്തകരുടെയും എണ്ണം വര്‍ദ്ധിപ്പിക്കാത്തത് സംസ്ഥാനത്ത് മെച്ചപ്പെട്ട ചികിത്സ ഉറപ്പുവരുത്താന്‍ കഴിയാത്തതിന് കാരണമാകുന്നുവെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ആരോഗ്യ രംഗത്ത് സംസ്ഥാനം കൈവരിച്ച നേട്ടങ്ങളെ ഇത്തരം പരിമിതികള്‍ പ്രതികൂലമായി ബാധിക്കാന്‍ ഇടയാക്കിയിട്ടുണ്ടെന്ന വസ്തുത ഗൗരവത്തോടെ കാണുന്നുണ്ടോ; എങ്കില്‍ എന്തെല്ലാം പരിഹാരമാര്‍ഗ്ഗങ്ങളാണ് ആലോചിക്കുന്നതെന്ന് വിശദമാക്കാമോ?

സംസ്ഥാനത്തെ ആശാവര്‍ക്കര്‍മാരെ എന്തെല്ലാം ജോലികള്‍ക്കാണ് ചുമതലപ്പെടുത്തിയിരിക്കുന്നതെന്ന് വ്യക്തമാക്കാമോ;

ആശാവര്‍ക്കര്‍മാര്‍ക്ക് വിവിധ വകുപ്പുകളുമായി ബന്ധപ്പെട്ട എന്തെല്ലാം പരിശീലന ബോധവല്‍ക്കരണ പരിപാടികളാണ് നല്‍കിവരുന്നതെന്ന് വെളിപ്പെടുത്തുമോ;

ആശാവര്‍ക്കര്‍മാരെ നിയമിക്കുന്നതിനുള്ള മാനദണ്ഡങ്ങള്‍ എന്തെല്ലാമാണ്; പ്രസ്തുത പ്രവര്‍ത്തകര്‍ക്ക് നിലവില്‍ ഓണറേറിയവും ഇന്‍സെന്റീവുമായി നല്‍കുന്ന തുക, ഈ ഇനത്തില്‍ ഇതര സംസ്ഥാനങ്ങള്‍ നല്‍കി വരുന്ന തുകയുമായി താരതമ്യം ചെയ്ത് അറിയിക്കാമോ;

നിലവില്‍ നിയോഗിച്ചിട്ടുള്ള ജോലിക്ക് പുറമെ തദ്ദേശസ്ഥാപനങ്ങളില്‍ നടക്കുന്ന മറ്റ് പരിപാടികള്‍ക്കും പ്രസ്തുത പ്രവര്‍ത്തകരെ നിര്‍ബന്ധപൂര്‍വ്വം പങ്കെടുപ്പിക്കാറുണ്ടോ; വ്യക്തമാക്കുമോ;

ആശാവര്‍ക്കര്‍മാരെ നിലവില്‍ ഏതെങ്കിലും ക്ഷേമനിധി ബോര്‍ഡില്‍ ഉള്‍പ്പെടുത്തിയിട്ടുണ്ടോ; എങ്കില്‍ അത് സംബന്ധിച്ച വിശദാംശം ലഭ്യമാക്കുമോ?

ആരോഗ്യ വകുപ്പിലെ ഡന്റൽ ഹൈജീനിസ്റ്റുകളുടെ സേവനം കൂടുതൽ കാര്യക്ഷമമാക്കുന്നതിനും തസ്തികയുടെ പേര് ഡന്റൽ ഹൈജീൻ ഓഫീസർ എന്നാക്കണമെന്ന ആരോഗ്യ വകുപ്പ് ശുപാർശ നടപ്പിലാക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

നിലവിൽ സംസ്ഥാനത്തെ മെഡിക്കൽ കോളേജുകൾ ഉൾപ്പെടെയുള്ള സർക്കാർ ആശുപത്രികളിൽ അനധികൃത ലീവിൽ ഉള്ള ഡോക്ടർമാർ, നഴ്സുമാർ എന്നിവരുടെ പേരും തസ്തികയും ആശുപത്രിയും എത്ര കാലമായി അനധികൃത ലീവിൽ ആണ് എന്നത് സഹിതം വ്യക്തമാക്കുമോ;

പ്രസ്തുത ജീവനക്കാരെ സർവീസിൽ നിന്ന് പിരിച്ചുവിടുന്നതിന് സ്വീകരിച്ചിട്ടുള്ള നടപടികളുടെ വിശദാംശങ്ങൾ വ്യക്തമാക്കുമോ?

സംസ്ഥാനത്തെ വിരമിച്ച അങ്കണവാടി ജീവനക്കാർക്കും ഹെൽപ്പർമാർക്കും യഥാക്രമം 2500, 1500 രൂപ മാത്രമാണ് പെൻഷനായി നിലവിൽ ലഭിക്കുന്നതെന്ന വസ്തുത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

പ്രസ്തുത പെൻഷൻ തുക കുടിശിക വരുത്തിയിട്ടുണ്ടോയെന്നും എങ്കിൽ കുടിശിക എപ്പോള്‍ നൽകാൻ സാധിക്കുമെന്നും അറിയിക്കുമോ;

വിരമിച്ച അങ്കണവാടി ജീവനക്കാരുടെയും ഹെൽപ്പർമാരുടെയും പെൻഷൻ ആനുകൂല്യങ്ങൾ വർധിപ്പിക്കാൻ നടപടി സ്വീകരിക്കുമോ; വിശദമാക്കുമോ?

കോട്ടയം ജില്ലയിൽ നഴ്‌സിംഗ് അസിസ്റ്റന്റ് ആയി 01.09.2003 മുതൽ 31.12.2007 വരെയുള്ള കാലയളവിൽ ജോലിയിൽ കയറിയവരുടെ 14.09.2015-ൽ പ്രസിദ്ധീകരിച്ച സീനിയോറിറ്റി ലിസ്റ്റിൽ നിന്നും ലാബ് അസിസ്റ്റന്റ് തസ്തികയിലേക്കുള്ള പ്രൊമോഷൻ നൽകുന്നതിന് നിലവിൽ എന്തെങ്കിലും തടസ്സം ഉണ്ടോയെന്ന് വ്യക്തമാക്കുമോ;

നഴ്‌സിംഗ് അസിസ്റ്റന്റ് ജീവനക്കാരുടെ ലാബ് അസിസ്റ്റന്റ് തസ്തികയിലേക്കുള്ള പ്രൊമോഷൻ രണ്ട് വർഷമായി തടസ്സപ്പെട്ടിരിക്കുന്നത് പരിഹരിക്കാൻ നടപടി സ്വീകരിക്കുമോയെന്ന് വ്യക്തമാക്കുമോ?

പാറശ്ശാല നിയോജകമണ്ഡലത്തിലെ വെള്ളറട സാമൂഹികാരോഗ്യ കേന്ദ്രത്തില്‍ അനുവദിക്കപ്പെട്ട സ്റ്റാഫ് പാറ്റേണ്‍ എപ്രകാരമാണെന്നും ഓരോ വിഭാഗത്തിലും എത്ര ജീവനക്കാര്‍ ജോലിചെയ്യുന്നുണ്ടെന്നുമുള്ള വിവരം തസ്തിക തിരിച്ച് ലഭ്യമാക്കാമോ; നിലവില്‍ അനുവദിക്കപ്പെട്ട സ്റ്റാഫ് പാറ്റേണ്‍ പ്രകാരം ജീവനക്കാരുടെ കുറവുണ്ടോയെന്ന വിവരം അറിയിക്കാമോ;

പ്രസ്തുത ആരോഗ്യകേന്ദ്രത്തിലെ സ്റ്റാഫ് പാറ്റേണ്‍ അവസാനമായി പരിഷ്കരിച്ചത് എപ്പോഴാണ്; വിശദാംശം ലഭ്യമാക്കാമോ;

പ്രസ്തുത ആരോഗ്യകേന്ദ്രത്തില്‍ സാമൂഹികാരോഗ്യ കേന്ദ്രത്തിന് അനുസൃതമായ സ്റ്റാഫ് പാറ്റേണ്‍ ഇല്ല എന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതു പരിഹരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോയെന്ന് അറിയിക്കാമോ;

വെള്ളറട സാമൂഹികാരോഗ്യകേന്ദ്രത്തിലെ സ്റ്റാഫ് പാറ്റേണ്‍ പരിഷ്കരിക്കുന്നതുമായി ബന്ധപ്പെട്ട് നിര്‍ദ്ദേശം ലഭിച്ചിട്ടുണ്ടോ; എങ്കില്‍ എന്നാണ് ലഭിച്ചതെന്നും അതിന്മേല്‍ നാളിതുവരെ സ്വീകരിച്ചിട്ടുള്ള നടപടികള്‍ എന്തൊക്കെയാണെന്നും ഫയല്‍ നമ്പര്‍ ഉള്‍പ്പെടെയുള്ള വിവരം ലഭ്യമാക്കാമോ;

പ്രസ്തുത ആരോഗ്യകേന്ദ്രത്തില്‍ 2011 മുതലുള്ള സര്‍ക്കാരുകളുടെ കാലത്തു നടപ്പിലാക്കിയിട്ടുള്ള വികസന പ്രവര്‍ത്തനങ്ങള്‍ എന്തൊക്കെയാണെന്നും അതിലേക്കായി എത്ര തുക വകയിരുത്തിയിട്ടുണ്ടെന്നും അറിയിക്കാമോ; പ്രസ്തുത പദ്ധതികളുടെ നിലവിലെ സ്ഥിതി അറിയിക്കാമോ?

ഒഫ്താൽമോളജിസ്റ്റ് തസ്തികയുള്ള താലൂക്ക് ആശുപത്രികളിലും ജില്ല ജനറൽ ആശുപത്രികളിലും ഒപ്ടോമെട്രിസ്റ്റ് തസ്തികയില്ലാത്തതിനാൽ പൊതുജനങ്ങൾക്ക് മതിയായ നേത്രചികിത്സ ലഭ്യമാകുന്നതിൽ തടസ്സം നേരിടുന്ന വിവരം ശ്രദ്ധയിൽപ്പെട്ടിട്ടുണ്ടോ;

ജനറൽ ആശുപത്രി തിരുവനന്തപുരം, താലൂക്ക് ആശുപത്രി ഫറോഖ് കോഴിക്കോട്, താലൂക്ക് ആശുപത്രി കായംകുളം, താലൂക്ക് ആശുപത്രി ഫോർട്ട് കൊച്ചി, താലൂക്ക് ആശുപത്രി കുന്നംകുളം, ട്രൈബൽ ഹോസ്പിറ്റൽ കോട്ടത്തറ, പാലക്കാട് എന്നിവിടങ്ങളിൽ ഒഫ്താൽമോളജിസ്റ്റ് തസ്തികയുണ്ടെങ്കിലും ഒപ്ടോമെട്രിസ്റ്റിന്റെ തസ്തിക നിലവിലില്ലാത്തതിനാൽ നേത്ര ചികിത്സ ഫലപ്രദമായി നടപ്പിലാക്കാൻ കഴിയുന്നില്ലെന്നുള്ളത് ശ്രദ്ധയിൽപ്പെട്ടിട്ടുണ്ടോ; ഇത് പരിഹരിക്കാൻ നടപടി സ്വീകരിക്കുമോ;

ദിനംപ്രതി 200-ലധികം രോഗികൾ നേത്രചികിത്സയ്ക്ക് എത്തുന്ന താലൂക്ക്, ജില്ലാ ആശുപത്രികളിൽ ഒപ്റ്റോമെട്രിസ്റ്റിന്റെ കുറവ് പരിഹരിക്കുവാൻ നടപടി സ്വീകരിക്കുമോ;

താലുക്കാശുപത്രികളായും സാമൂഹ്യാരോഗ്യകേന്ദ്രങ്ങളായും ഉയർത്തപ്പെട്ട ആശുപത്രികളിൽ ഒപ്റ്റോമെട്രിസ്റ്റ് തസ്തിക സൃഷ്ടിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ;

സർക്കാർ മെഡിക്കൽ കോളേജുകളിൽ 1961ലെ സ്റ്റാഫ് പാറ്റേൺ അനുസരിച്ചുള്ള തസ്തികകളാണ് ഒപ്റ്റോമെട്രിസ്റ്റ് തസ്തികയുടെ കാര്യത്തിൽ നിലവിലുള്ളതെന്ന് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

രോഗികളുടെ എണ്ണം പതിന്മടങ്ങ് വർദ്ധിക്കുകയും ആധുനികമായ നിരവധി ഉപകരണങ്ങൾ കൈകാര്യം ചെയ്യേണ്ടിവരികയും ചെയ്യുന്ന സാഹചര്യത്തിൽ മെഡിക്കൽ കോളേജുകളിലെ ഒപ്ടോമെട്രിസ്റ്റുകളുടെ എണ്ണം വർദ്ധിപ്പിക്കേണ്ടതിന്റെ ആവശ്യകത ബോധ്യപ്പെട്ടിട്ടുണ്ടോ; ആയതു പരിഹരിക്കാൻ പുതിയ തസ്തിക സൃഷ്ടിക്കുമോ എന്ന് വ്യക്തമാക്കാമോ;

പുതിയതായി രൂപീകരിച്ച മഞ്ചേരി, വയനാട്, കണ്ണൂർ, ഇടുക്കി, പാലക്കാട് മെഡിക്കൽ കോളേജുകളിൽ ഒപ്ടോമെട്രിസ്റ്റിന്റെ തസ്തിക നിലവിലില്ലാത്ത വിവരം ശ്രദ്ധയിൽപ്പെട്ടിട്ടുണ്ടോ; പുതിയ തസ്തിക സൃഷ്ടിക്കാൻ നടപടി സ്വീകരിക്കുമോ എന്ന് വ്യക്തമാക്കാമോ?

തിരുവനന്തപുരം ജില്ലയിൽ നിന്നും ഫാർമസിസ്റ്റ് ഗ്രേഡ് 1 ആയി പ്രമോഷന്‍ ലഭിച്ച് മറ്റ് ജില്ലകളിലേക്ക് സ്ഥലം മാറ്റപ്പെട്ട ജീവനക്കാർക്ക് തിരുവനന്തപുരം ജില്ലയിലുണ്ടാകുന്ന അടുത്ത ഓപ്പൺ വേക്കൻസിയിലേക്ക് തിരിച്ചു നിയമനം നൽകുന്നില്ല എന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ സ്ഥലം മാറ്റപ്പെട്ട ഫാർമസിസ്റ്റുകൾക്ക് തിരികെ തിരുവനന്തപുരം ജില്ലയിൽ നിയമനം നൽകാൻ നടപടി സ്വീകരിക്കുമോ; വിശദമാക്കുമോ;

തിരുവനന്തപുരം ജില്ലയിൽ നിന്നും ജനറൽ ട്രാൻസ്ഫര്‍ മുഖേന മറ്റ് ജില്ലകളിലേക്ക് സ്ഥലം മാറ്റം ലഭിച്ച ഫാർമസിസ്റ്റ് ജീവനക്കാർക്ക് തിരുവനന്തപുരം ജില്ലയില്‍ അടുത്തുണ്ടാകുന്ന ഓപ്പണ്‍ വേക്കന്‍സിയില്‍ നിയമനം നൽകുന്നുണ്ടോയെന്ന് അറിയിക്കുമോ; വ്യക്തമാക്കുമോ;

ഡി.എച്ച്.എസ്.ന്റെ ആ.വ.ഡ. 11771/2023/ഇഇ4 നമ്പർ ഉത്തരവ് പ്രകാരമുള്ള ട്രാൻസ്ഫർ മുഖേന ജില്ലയ്ക്ക് പുറത്തുപോയ ജീവനക്കാർക്ക് തിരുവനന്തപുരം ജില്ലയിലെ നിലവിലെ ഓപ്പൺ വേക്കൻസികളിൽ നിയമനം നൽകി നിലവിലുള്ള ചട്ടങ്ങൾ അട്ടിമറിക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ചട്ടവിരുദ്ധമായ ഇത്തരം സ്ഥലമാറ്റങ്ങൾ പുനഃപരിശോധിക്കുമോ; വ്യക്തമാക്കുമോ?

കായംകുളം താലൂക്കാശുപത്രിയില്‍ കിഫ്ബി വഴി നിര്‍മ്മിക്കുന്ന കെട്ടിട സമുച്ചയത്തിന് എത്ര രൂപയുടെ ഭരണാനുമതിയാണ് ലഭിച്ചിട്ടുള്ളതെന്ന് അറിയിക്കുമോ; ടി പ്രവൃത്തിയുടെ സാങ്കേതികാനുമതി, കരാറുമായി ബന്ധപ്പെട്ട വിശദാംശങ്ങള്‍, പൂര്‍ത്തീകരണ കാലാവധി എന്നിവയുടെ വിശദാംശങ്ങള്‍ ലഭ്യമാക്കാമോ; പ്രസ്തുത പദ്ധതിയില്‍ ഉള്‍പ്പെടുത്തിയിട്ടുള്ള പ്രവൃത്തികള്‍ ഏതൊക്കെയെന്നും വിശദമാക്കാമോ?

ഈ സർക്കാരിന്റെ കാലയളവിൽ ഓരോ സാമ്പത്തിക വർഷവും നാഷണൽ ഹെൽത്ത് മിഷന്റെ പ്രവർത്തനങ്ങൾക്കുള്ള കേന്ദ്ര വിഹിതമായി ഉൾപ്പെടുത്തിയിരുന്ന തുക എത്രയാണ്; ഇതിന് ആനുപാതികമായി ഉൾപ്പെടുത്തിയ സംസ്ഥാന വിഹിതം എത്ര രൂപയാണ്; വിശദാംശം സാമ്പത്തിക വർഷാടിസ്ഥാനത്തിൽ വ്യക്തമാക്കുമോ;

കേന്ദ്ര ഫണ്ടും ആനുപാതികമായ സംസ്ഥാന വിഹിതവും സമയബന്ധിതമായി നാഷണൽ ഹെൽത്ത് മിഷന്റെ സിംഗിൾ നോഡൽ അക്കൗണ്ടിലേക്ക് ഈ കാലയളവിൽ കൈമാറിയിട്ടുണ്ടോ; ഇപ്രകാരം കൈമാറുവാൻ സാധിക്കാത്തതിന്റെ പേരിൽ ആർ.ബി.ഐ. മാർഗ്ഗനിർദേശപ്രകാരമുള്ള പലിശ അടയ്ക്കേണ്ട സാഹചര്യം ഉണ്ടായിട്ടുണ്ടോ; വിശദാംശം വ്യക്തമാക്കുമോ;

മേൽപ്പറഞ്ഞ കാലയളവിൽ എൻ.എച്ച്.എം. പദ്ധതികൾക്കായി ലഭിച്ച കേന്ദ്രവിഹിതം സംസ്ഥാന സർക്കാർ ഏതെങ്കിലും മാനദണ്ഡങ്ങൾ പാലിക്കാത്തതിന്റെ പേരിൽ നഷ്ടമാകുന്ന സാഹചര്യമുണ്ടായിട്ടുണ്ടോ; ഉണ്ടെങ്കിൽ എത്ര തുക, ഏതൊക്കെ ഇനത്തിൽ, എന്ത് കാരണത്താൽ നഷ്ടപ്പെട്ടു എന്ന് വ്യക്തമാക്കുമോ?

ഈ സർക്കാരിന്റെ കാലയളവിൽ സംസ്ഥാനത്ത് ഓരോ വർഷവും എത്രപേർക്ക് മഞ്ഞപ്പിത്തം ബാധിച്ചുവെന്നും എത്ര പേർ മഞ്ഞപ്പിത്തം ബാധിച്ച് മരിച്ചുവെന്നുമുള്ള വിശദാംശം ജില്ല തിരിച്ച് ലഭ്യമാക്കുമോ;

സംസ്ഥാനത്ത് മഞ്ഞപ്പിത്തം പടർന്നു പിടിക്കാൻ ഇടയായ സാഹചര്യത്തെക്കുറിച്ച് പഠനം നടത്തിയിട്ടുണ്ടോ; വിശദമാക്കുമോ;

മഞ്ഞപ്പിത്ത രോഗവ്യാപനം നിയന്ത്രണവിധേയമാക്കുന്നതിന് എന്തൊക്കെ അടിയന്തരനടപടി സ്വീകരിക്കുമെന്ന് വ്യക്തമാക്കുമോ?

സംസ്ഥാനത്ത് പ്രമേഹ രോഗബാധയെ തുടർന്നുള്ള മറ്റു രോഗബാധകളിലൂടെ 2016 മുതൽ നാളിതുവരെ ഓരോ വർഷവും മരണപ്പെട്ടവരുടെ എണ്ണം വ്യക്തമാക്കുമോ;

മേൽപ്പറഞ്ഞ കാലയളവിൽ ഓരോ വർഷവും വിവിധ ജീവിതശൈലി രോഗങ്ങളുടെ ഭാഗമായി മരണപ്പെട്ടവരുടെ എണ്ണം ഇനം തിരിച്ചു വ്യക്തമാക്കുമോ?

കേരളത്തില്‍ ആശാവര്‍ക്കര്‍മാർക്ക് നല്‍കുന്ന ഓണറേറിയവും മറ്റ് ആനുകൂല്യങ്ങളും, കേന്ദ്രവിഹിതം, സംസ്ഥാന സര്‍ക്കാര്‍ വിഹിതം, വിവിധതരത്തിലെ തുക വാങ്ങുന്ന ആശമാരുടെ എണ്ണം, 2011 മുതല്‍ 2016 വരെ നല്‍കിയിരുന്ന തുക, 2016 മുതല്‍ 2025 വരെ വര്‍ധിപ്പിച്ച തുക എന്നിവ സംബന്ധിച്ച വിശദാംശങ്ങള്‍ ലഭ്യമാക്കുമോ;

ഇന്ത്യയിലെ വിവിധ സംസ്ഥാനങ്ങളില്‍ ആശാവര്‍ക്കര്‍മാര്‍ക്ക് നല്‍കുന്ന ഓണറേറിയവും മറ്റ് അലവന്‍സുകളും സംബന്ധിച്ച വിശദാംശങ്ങള്‍ ലഭ്യമാക്കുമോ?

സംസ്ഥാനത്തെമ്പാടും ഒരേ തരത്തില്‍ ഉയര്‍ന്ന നിലവാരമുളള ക്യാന്‍സര്‍ പരിചരണം ലഭ്യമാക്കുവാന്‍ ക്യാന്‍സര്‍ ഗ്രിഡ് രൂപീകരിച്ചിട്ടുണ്ടോ; വ്യക്തമാക്കുമോ;

ക്യാന്‍സര്‍ പരിചരണത്തിനായി ഏകീകൃത ചികിത്സാ പ്രോട്ടോകോളുകളും മാര്‍ഗനിര്‍ദ്ദേശങ്ങളും സാധ്യമാക്കാന്‍ ക്യാന്‍സര്‍ ഗ്രിഡിലൂടെ കഴിയുന്നുണ്ടോ; വിശദമാക്കുമോ;

സംസ്ഥാനത്ത് ക്യാന്‍സര്‍ ചികിത്സ, ഗവേഷണം എന്നീ രംഗങ്ങളില്‍ വലിയ മുന്നേറ്റം ഉണ്ടാക്കാനായിട്ടുണ്ടോ; വ്യക്തമാക്കുമോ;

എല്ലാവര്‍ക്കും ക്യാന്‍സര്‍ ചികിത്സ ഉറപ്പുവരുത്തുന്നതിന് ക്യാന്‍സര്‍ ഗ്രിഡിന്റെ മാപ്പിംഗ് എല്ലാ ജില്ലകളിലും നടന്നു വരുന്നുണ്ടോ; വിശദമാക്കുമോ?

സർക്കാർ മെഡിക്കൽ ലാബുകളുടെ പ്രവർത്തന സമയം രാവിലെ ഏഴു മണി മുതൽ ഉച്ചക്ക് രണ്ടു മണി വരെ ക്രമീകരിക്കണമെന്ന ആവശ്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ പ്രസ്തുത വിഷയത്തിൽ സർക്കാർ എന്തെങ്കിലും നടപടികൾ സ്വീകരിച്ചിട്ടുണ്ടോ; വിശദമാക്കാമോ;

പ്രമേഹ രോഗികൾ ഉൾപ്പെടെയുള്ളവർക്ക് അവരുടെ ഭക്ഷണ ക്രമത്തിൽ നിയന്ത്രണം വരുത്തുന്നതിനും ടെസ്റ്റുകൾ നടത്തുന്നതിനും സ്വകാര്യ ലാബുകളെ ആശ്രയിക്കേണ്ട സാഹചര്യങ്ങൾ പരമാവധി ഒഴിവാക്കുന്നതിന് സമയ മാറ്റം ഏറെ ഉപകാരപ്പെടുമെന്ന കാര്യം സർക്കാർ കണക്കിലെടുത്തിട്ടുണ്ടോ; എങ്കിൽ പ്രസ്തുത ലാബുകളുടെ പ്രവർത്തന സമയം ക്രമീകരിച്ച് പാവപ്പെട്ട രോഗികൾക്ക് അനുകൂലമായ തീരുമാനം കൈകൊള്ളാൻ തയ്യാറാകുമോ; വിശദമാക്കാമോ?

സര്‍ക്കാര്‍, സ്വകാര്യ ആശുപത്രികള്‍ എന്നിവിടങ്ങളില്‍ അവയവമാറ്റ ശസ്ത്രക്രിയ നടത്തുന്നതിന് പാലിച്ചുവരുന്ന മാനദണ്ഡങ്ങള്‍ വിശദീകരിക്കാമോ;

അവയവ മാറ്റത്തിനുള്ള അനുമതികള്‍ വേഗത്തിലും സുതാര്യവുമാക്കുന്നതിന് സ്വീകരിച്ചിട്ടുള്ള നടപടികള്‍ വിശദീകരിക്കാമോ?

സംസ്ഥാനത്തെ ആശാവര്‍ക്കര്‍മാരുടെ ഓണറേറിയം/ശമ്പളം/ഇന്‍സന്റീവ്, മറ്റ് അലവന്‍സുകള്‍ എന്നിവ നല്‍കുന്നതിന് ഈ സാമ്പത്തിക വര്‍ഷം കേന്ദ്ര സര്‍ക്കാര്‍ എത്ര തുകയാണ് വകയിരുത്തിയിരുന്നതെന്ന് അറിയിക്കാമോ; വകയിരുത്തിയതില്‍ എത്ര തുകയാണ് അനുവദിച്ചതെന്നത് സംബന്ധിച്ച കണക്കുകള്‍ ലഭ്യമാക്കുമോ;

ആശാവര്‍ക്കര്‍മാരുടെ ഓണറേറിയം/ശമ്പളം/ഇന്‍സന്റീവ്, മറ്റ് അലവന്‍സുകള്‍ ഉള്‍പ്പടെ നിശ്ചയിക്കാനും ഉയര്‍ത്താനുമുള്ള അധികാരം സംസ്ഥാന സര്‍ക്കാരില്‍ നിക്ഷിപ്തമാണെന്ന് കേന്ദ്ര സര്‍ക്കാര്‍ അറിയിച്ചിട്ടുണ്ടോ; വ്യക്തമാക്കുമോ;

ആശാവര്‍ക്കര്‍മാര്‍ക്കുള്ള ഓണറേറിയം/ശമ്പളം/ഇന്‍സന്റീവ്, മറ്റ് അലവന്‍സുകള്‍ നല്‍കുന്നതിനുള്ള തുക കേന്ദ്രം ഈ സാമ്പത്തിക വര്‍ഷം കുടിശിക വരുത്തിയിട്ടുണ്ടോ; എത്ര തുകയാണ് കുടിശികയായിട്ടുള്ളതെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പയ്യന്നൂര്‍ മണ്ഡലത്തില്‍ ആരോഗ്യവകുപ്പ് മുഖേന അനുവദിച്ച ഫണ്ടുകളും നടപ്പിലാക്കിയ പദ്ധതികളും ഏതൊക്കെയാണെന്നും അവയുടെ നിലവിലെ സ്ഥിതിയും അറിയിക്കാമോ?

2008 മുതൽ നാളിതുവരെ ആശാവർക്കർമാരുടെ ഓണറേറിയം നൽകാനായി ചെലവഴിച്ച തുക വർഷം തിരിച്ച് വ്യക്തമാക്കാമോ?

സംസ്ഥാനത്തു കുഷ്ഠ രോഗം പൂർണ്ണമായും ഇല്ലാതാക്കുന്നതിനു നടപ്പിലാക്കുന്ന അശ്വമേധം പദ്ധതിയുടെ വിശദ വിവരങ്ങൾ അറിയിക്കാമോ;

സംസ്ഥാനത്തു നിലവില്‍ എത്ര കുഷ്ഠ രോഗികളുണ്ടെന്ന് ജില്ലതിരിച്ചു അറിയിക്കാമോ; ഇവർക്ക് പ്രത്യേക ചികിത്സാ സൗകര്യം ഏർപ്പെടുത്തിയിട്ടുണ്ടോ; എങ്കിൽ വിശദ വിവരം അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം കുന്നത്തുനാട് മണ്ഡലത്തില്‍ ആരോഗ്യവകുപ്പ് ആവിഷ്കരിച്ച് നടപ്പിലാക്കുന്ന പദ്ധതികള്‍ ഏതെല്ലാമെന്ന് വ്യക്തമാക്കാമോ;

ഓരോ പദ്ധതിക്കും അനുവദിച്ചിട്ടുള്ള തുക എത്രയെന്ന് പദ്ധതികള്‍ തരം തിരിച്ച് വ്യക്തമാക്കാമോ;

ഇതില്‍ ഏതെല്ലാം പദ്ധതികള്‍ പൂര്‍ത്തീകരിച്ചെന്നും ഇനി ഏതെല്ലാം പദ്ധതികള്‍ പൂര്‍ത്തീകരിക്കുവാന്‍ ഉണ്ടെന്നും വ്യക്തമാക്കാമോ;

പൂര്‍ത്തീകരിക്കാത്ത പദ്ധതികളുടെ പ്രവര്‍ത്തന പുരോഗതി വ്യക്തമാക്കാമോ;

മുഴുവന്‍ പ്രവൃത്തികളും വേഗത്തില്‍ പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ; വിശദമാക്കാമോ?

ആരോഗ്യമേഖലയില്‍ സാര്‍വ്വത്രിക പാലിയേറ്റീവ് കെയര്‍ സേവനത്തിനായി തയ്യാറാക്കിയ മാര്‍ഗനിര്‍ദ്ദേശങ്ങള്‍ എന്തെല്ലാമാണെന്ന് വിശദമാക്കാമോ;

സംസ്ഥാനത്ത് ഇതിനായി തെരഞ്ഞെടുത്തിരിക്കുന്ന സന്നദ്ധ സംഘടനകള്‍ക്ക് രജിസ്ട്രേഷന്‍ നല്‍കിയിട്ടുണ്ടോ; വ്യക്തമാക്കാമോ;

ഇതിനായി വോളന്റിയര്‍മാര്‍ക്ക് വാര്‍ഡ് തലത്തില്‍ പരിശീലനം നല്‍കി വരുന്നുണ്ടോയെന്ന് വിശദമാക്കാമോ?

പേരാവൂര്‍ താലൂക്ക് ആശുപത്രിയുടെ സമീപത്തുള്ള താമസക്കാര്‍ വര്‍ഷങ്ങളായി ഉപയോഗിച്ചുകൊണ്ടിരുന്ന വഴി തടസ്സപ്പെടുത്തി ആശുപത്രിയുടെ മതില്‍ കെട്ടിയത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പരിഹരിക്കാന്‍ എന്തു നടപടികളാണ് സ്വീകരിച്ചിരിക്കുന്നത്; വ്യക്തമാക്കുമോ?

പുതുക്കാട് മണ്ഡലത്തിലെ വിവിധ ഗ്രാമപഞ്ചായത്തുകളിൽ ഹെൽത്ത് ഗ്രാന്റ് ഉൾപ്പടെയുള്ളവ ഉപയോഗപ്പെടുത്തി ആരോഗ്യകേന്ദ്രങ്ങൾ നിർമ്മിക്കുന്നതിന് അനുമതി ലഭിക്കുന്നതിനായി സമർപ്പിച്ചിട്ടുള്ള അപേക്ഷകളിൽ ആരോഗ്യ വകുപ്പിന്റെ അനുമതി ലഭിക്കുന്നതിനുള്ള കാലതാമസം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

വരന്തരപ്പിള്ളി, വല്ലച്ചിറ ഗ്രാമപഞ്ചായത്തുകളുടെ പഴയകെട്ടിടം പെളിച്ചു മാറ്റുന്നതുൾപ്പടെയുള്ള അനുമതിക്കായി സമർപ്പിച്ചിട്ടുള്ള അപേക്ഷകളിൽ അടിയന്തരമായി അനുമതി ലഭ്യമാക്കുന്നതിന് ആവശ്യമായ നടപടികൾ സ്വീകരിക്കുമോ; വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം ഗുരുവായൂര്‍ മണ്ഡലത്തില്‍ ആരാേഗ്യ വകുപ്പ് മുഖേന നടപ്പിലാക്കുന്ന പദ്ധതികളുടെ പേര്, തുക, പ്രവര്‍ത്തന പുരാേഗതി എന്നിവ തരംതിരിച്ച് വിശദമാക്കാമാേ;

ആരാേഗ്യ വകുപ്പിന്റെ പ്ലാന്‍ ഫണ്ടില്‍ ഉള്‍പ്പെടുത്തി 2018-ല്‍ ഭരണാനുമതി ലഭിച്ച കാഷ്വാലിറ്റി കാേംപ്ലക്സ്, പാേളി ക്ലിനിക്ക്, സി.എസ്.എസ്.ഡി. എന്നിവയുടെ നിര്‍മ്മാണത്തിനായി 3.07കാേടി രൂപയ്ക്ക് പുതുക്കിയ ഭരണാനുമതിയ്ക്കായി സമര്‍പ്പിച്ച അപേക്ഷയിന്മേല്‍ നടപടി സ്വീകരിച്ചിട്ടുണ്ടാേ; വിശദമാക്കാമാേ?

കുന്നത്ത്നാട് മണ്ഡലത്തില്‍ ഏതെല്ലാം ആരോഗ്യ കേന്ദ്രങ്ങളിലാണ് ഹെല്‍ത്ത് ആന്റ് വെല്‍നസ്സ് ക്ലീനിക്കുകള്‍ പദ്ധതി നടപ്പിലാക്കുന്നത്; വിശദാംശം ലഭ്യമാക്കാമോ;

ഇതിനായി ഓരോ ആരോഗ്യ കേന്ദ്രത്തിലും അനുവദിച്ചിട്ടുള്ള തുക എത്രയാണെന്ന് വ്യക്തമാക്കാമോ;

ഹെല്‍ത്ത് ആന്റ് വെല്‍നസ്സ് ക്ലീനിക്കുകളുടെ ഭാഗമായി എന്തെല്ലാം സൗകര്യങ്ങളാണ് ആരോഗ്യ കേന്ദ്രങ്ങളില്‍ നടപ്പിലാക്കുന്നത് വിശദമാക്കാമോ;

പ്രസ്തുത പദ്ധതി വേഗത്തില്‍ പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ?

ആരോഗ്യ ഔഷധ മേഖലയിലെ തെറ്റിദ്ധാരണ സൃഷ്ടിക്കുന്ന പരസ്യങ്ങള്‍ക്കെതിരായി ഇന്ത്യന്‍ മെഡിക്കല്‍ അസോസിയേഷന്‍ ബഹു. സുപ്രീം കോടതിയില്‍ നല്‍കിയ പരാതിയിന്മേലുള്ള കോടതിയുടെ അഭിപ്രായം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

തെറ്റിദ്ധാരണ സൃഷ്ടിക്കുന്ന പരസ്യം നടത്തുന്നവര്‍ക്കെതിരായി പരാതി സ്വീകരിക്കാനും നടപടികള്‍ എടുക്കാനും സംവിധാനങ്ങള്‍ ഏര്‍പ്പെടുത്തണമെന്ന് കോടതി അഭിപ്രായപ്പെട്ടിട്ടുണ്ടോ; വ്യക്തമാക്കുമോ;

പൊതുജനങ്ങളെ തെറ്റിദ്ധരിപ്പിക്കുന്ന പരസ്യങ്ങള്‍ക്കെതിരെ ഡ്രഗ്സ് ആന്റ് മാജിക് റെമഡീസ് ആക്ട് പ്രകാരം കര്‍ശന നടപടികള്‍ സ്വീകരിക്കണമെന്ന് കോടതി നിര്‍ദ്ദേശിച്ചിട്ടുണ്ടോ; വ്യക്തമാക്കുമോ;

ഇതു സംബന്ധിച്ച് കേരളം സമഗ്രമായ സത്യവാങ്മൂലമാണ് ഫയല്‍ ചെയ്തതെന്നും ഗുണകരമായ നിരവധി ശിപാര്‍ശകള്‍ ഉള്ളടക്കം ചെയ്തിട്ടുണ്ടെന്നും കോടതി പ്രത്യേകമായി പരാമര്‍ശിച്ചത് സംസ്ഥാനത്തിനുള്ള അംഗീകാരമായി കാണുന്നുണ്ടോ; വിശദമാക്കാമോ;

വിവിധ മാധ്യമങ്ങളിലൂടെ സംസ്ഥാനത്തു നടത്തി വരുന്ന തെറ്റായ പ്രചരണങ്ങള്‍ക്കെതിരെ എന്തെല്ലാം നടപടികളാണ് സ്വീകരിച്ചു വരുന്നതെന്ന് അറിയിക്കാമോ; വിശദമാക്കാമോ?

ഹീമോഫീലിയ ചികിത്സാ മരുന്നുകള്‍ക്ക് ആഗോളതലത്തില്‍ ലഭ്യതക്കുറവ് അനുഭവപ്പെടുന്ന ഗൗരവകരമായ സാഹചര്യം കണക്കിലെടുത്ത് സംസ്ഥാനത്ത് ആരോഗ്യമന്ത്രിയുടെ നേതൃത്വത്തില്‍ ഉന്നതതല യോഗം ചേര്‍ന്നിട്ടുണ്ടോയെന്ന് അറിയിക്കുമോ;

രാജ്യത്താദ്യമായി ഹീമോഫീലിയ ചികിത്സയ്ക്കായി നൂതനമായ "എമിസിസുമാബ് പ്രൊഫൈലാക്സിസ്" എന്ന പദ്ധതി ആരംഭിച്ചിട്ടുണ്ടോ; വിശദമാക്കാമോ;

'എമിസിസുമാബ്' കുട്ടികള്‍ക്കും മുതിര്‍ന്നവര്‍ക്കുമായി നിലവില്‍ എത്ര പേര്‍ക്ക് നല്‍കി വരുന്നുണ്ടെന്നും ആയതിന് കഴിഞ്ഞ വര്‍ഷം മാത്രം ചെലവഴിച്ച തുക എത്രയെന്നും വെളിപ്പെടുത്താമോ;

ഹീമോഫീലിയ രോഗികളുടെ പരിചരണചികിത്സയും ഉറപ്പാക്കുന്ന "ആശാധാര" പദ്ധതിയുടെ പുരോഗതി അറിയിക്കുമോ?

കേരള രാജ്ഭവൻ ക്യാമ്പസിൽ സേവനമനുഷ്ഠിച്ചുവരുന്ന ആരോഗ്യപ്രവർത്തകർ സംസ്ഥാന ആരോഗ്യവകുപ്പിനു കീഴിലെ ജീവനക്കാരാണോയെന്ന് വ്യക്തമാക്കാമോ;

രാജ്ഭവനിൽ ആകെ എത്ര ആരോഗ്യ പ്രവർത്തകരാണ് നിലവിൽ സേവനമനുഷ്ഠിക്കുന്നതെന്ന് തസ്തിക തിരിച്ചുള്ള കണക്ക് ലഭ്യമാക്കുമോ;

നിലവിൽ സേവനമനുഷ്ഠിച്ചുവരുന്ന ജീവനക്കാർ ഓരോരുത്തരും എത്രകാലമായി രാജ്ഭവനിൽ സേവനമനുഷ്ഠിച്ചു വരികയാണെന്ന് അറിയിക്കുമോ;

ആരോഗ്യവകുപ്പിലെ ജീവനക്കാരെ രാജ്ഭവനിൽ നിയമിക്കുന്നതുമായി ബന്ധപ്പെട്ടും ഇവരുടെ സേവനം ലഭ്യമാക്കുന്നതുമായി ബന്ധപ്പെട്ടും നിലവിലുള്ള ഉത്തരവുകളുടെ പകർപ്പ് ലഭ്യമാക്കുമോ?

ഉടുമ്പന്‍ചോല മണ്ഡലത്തിലെ ഏതൊക്കെ ആരോഗ്യ കേന്ദ്രങ്ങളാണ് കുടുംബാരോഗ്യ കേന്ദ്രങ്ങളാക്കി ഉയര്‍ത്തിയത്; വിശദാംശം നല്‍കാമോ;

ഓരോ കുടുംബാരോഗ്യ കേന്ദ്രത്തിലും അധികമായി അനുവദിച്ച തസ്തികകള്‍ സംബന്ധിച്ച വിശദാംശം നല്‍കാമോ;

ശാന്തന്‍പാറ കുടുംബാരോഗ്യ കേന്ദ്രത്തില്‍ നിലവില്‍ അനുവദിച്ചിട്ടുള്ള തസ്തികകള്‍ സംബന്ധിച്ച വിശദാംശം നല്‍കാമോ;

ഈ സ്ഥാപനത്തില്‍ നാളിതുവരെ സ്റ്റാഫ് നഴ്സ് തസ്തിക അനുവദിച്ചിട്ടില്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ;

ഒരു കുടുംബാരോഗ്യ കേന്ദ്രത്തില്‍ ഉണ്ടാവേണ്ട തസ്തികകള്‍ എന്തൊക്കെയാണ്; വിശദാംശം നല്‍കാമോ;

ഉടുമ്പന്‍ചോല മണ്ഡലത്തിലെ എല്ലാ കുടുംബാരോഗ്യ കേന്ദ്രങ്ങളിലും ആവശ്യമായ തസ്തികകള്‍ സൃഷ്ടിക്കുന്നതിന് നടപടി സ്വീകരിക്കുമോ?

അരുവിക്കര മണ്ഡലത്തില്‍ ആര്‍ദ്രം പദ്ധതിവഴി കുടുംബാരോഗ്യ കേന്ദ്രമായി ഉയര്‍ത്തിയിട്ടുളള സ്ഥാപനങ്ങള്‍ ഏതെല്ലാമാണ് എന്നറിയിക്കുമോ;

പ്രസ്തുത ആരോഗ്യസ്ഥാപനങ്ങളില്‍ ആര്‍ദ്രം പദ്ധതി പ്രകാരം ഈ സര്‍ക്കാര്‍ ചെലവഴിച്ച തുകയുടെ വിശദാംശങ്ങള്‍ നല്‍കുമോ?

അരൂര്‍ മണ്ഡലത്തില്‍ കുടുംബാരോഗ്യകേന്ദ്രങ്ങളില്‍ എത്ര സബ് സെന്ററുകള്‍ക്ക് സ്വന്തമായി സ്ഥലവും കെട്ടിടവും ഉണ്ടെന്ന് വിശദമാക്കാമോ;

കെട്ടിടം ഇല്ലാത്ത സബ് സെന്ററുകള്‍ക്ക് പുതിയ കെട്ടിടം നിര്‍മ്മിക്കുന്നതിന് ഫണ്ട് അനുവദിച്ചിട്ടുണ്ടോ; ഉണ്ടെങ്കില്‍ ആയതിന്റെ വിശദാംശം ലഭ്യമാക്കാമോ?

കണ്ണൂര്‍ മെഡിക്കല്‍ കോളേജിലെ നിലവിലുള്ള ടെലികോബാള്‍ട്ട് മെഷീന്‍ ഡി കമ്മീഷന്‍ ചെയ്യുന്നതിനും പുതിയ ടെലികോബാള്‍ട്ട് മെഷീനുപകരം LINAC (Linear Accelerator) മെഷീന്‍ വാങ്ങുന്നതിനും ആവശ്യമായ നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ഡയറക്ടറേറ്റ് ഓഫ് മെഡിക്കൽ എഡ്യൂക്കേഷന് കീഴിലുള്ള സ്ഥാപനങ്ങളിൽ സാമ്പത്തിക സ്ഥിതിവിവരക്കണക്ക് വകുപ്പിന് കീഴിലുള്ള സ്റ്റാറ്റിസ്റ്റിക്കൽ സെല്ലുകൾ രൂപീകരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

സംസ്ഥാനത്ത് മാനദണ്ഡങ്ങൾ പാലിക്കാതെ ബി.എസ്.എസ്. ഉൾപ്പെടെ നടത്തുന്ന വ്യാജ ഡെന്റൽ ഹൈജീനിസ്റ്റ് കോഴ്സ് നിയന്ത്രിക്കുവാൻ കേരള ഡെന്റൽ കൗൺസിൽ നടപടി സ്വീകരിക്കാതിരിക്കുന്നത് എന്തുകൊണ്ടാണ് എന്നറിയിക്കുമോ;

സംസ്ഥാനത്ത് കേരള ഹെൽത്ത് യൂണിവേഴ്സിറ്റിക്ക് കീഴിൽ എയിംസ് മാതൃകയിൽ ഏറെ തൊഴിലവസരങ്ങളുള്ള ബി.എസ്.സി. ഡെന്റൽ ഹൈജീനിസ്റ്റ് കോഴ്സ് ആരംഭിക്കുവാൻ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് സർക്കാർ മേഖലയിൽ പുതിയ നഴ്സിംഗ് കോളേജുകൾ എവിടെയൊക്കെയാണ് ആരംഭിച്ചത്; പ്രസ്തുത കോളേജുകളിൽ ഇന്ത്യൻ നഴ്സിംഗ് കൗൺസിലും കേരള നഴ്സസ് ആൻഡ് മിഡ് വൈഫ്‌ കൗൺസിലും നിർദ്ദേശിക്കുന്ന രീതിയിൽ കോളേജ് കെട്ടിടങ്ങൾ, ഹോസ്റ്റലുകൾ, അധ്യാപകർ തുടങ്ങിയ അടിസ്ഥാന സൗകര്യങ്ങൾ ഏർപ്പെടുത്തിയിട്ടുണ്ടോ; വിശദമാക്കാമോ;

നഴ്സിംഗ് കോളേജുകൾ തുടങ്ങുന്നതിന് അനുവദിച്ച തുകയിൽ അധ്യാപകർക്കായി നീക്കിവെച്ചിരുന്ന വിഹിതം ഏത് രീതിയിൽ വിനിയോഗിച്ചു എന്ന് വ്യക്തമാക്കുമോ; പുതിയ നഴ്സിംഗ് കോളേജിൽ അധ്യാപക അനധ്യാപക തസ്തികകൾ സൃഷ്ടിച്ചു നിയമനം നടത്താത്തതിന്റെ കാരണം വ്യക്തമാകുമോ;

പുതിയ കോളേജുകളിൽ അധ്യാപകരെ നിയമിക്കാതെ മറ്റു കോളേജുകളിൽ നിന്നും ജോലി ക്രമീകരണം വഴി നിയമനം നടത്തുമ്പോൾ നഴ്സിംഗ് കോളേജുകളിൽ ഇന്ത്യൻ മെഡിക്കൽ കൗൺസിൽ അനുശാസിക്കുന്ന 1:10 എന്ന അധ്യാപക വിദ്യാർത്ഥി അനുപാതം പാലിക്കപ്പെടുവാൻ സാധിക്കാത്തത് ഗൗരവത്തോടെ കാണുന്നുണ്ടോ; എങ്കിൽ ആവശ്യമായ അധ്യാപകരെ നിയമിക്കുവാൻ അടിയന്തര നടപടി സ്വീകരിക്കുമോ; വിശദമാക്കാമോ;

നഴ്സിംഗ് കോളേജുകളിൽ നിന്നും എം.എസ്‌.സി പൂർത്തീകരിച്ച വിദ്യാർത്ഥികൾക്ക് ഒരു വർഷത്തെ നിർബന്ധിത ഇന്റേൺഷിപ്പ് ഏർപ്പെടുത്തിയത് ഏത് സാഹചര്യത്തിലാണ് എന്നറിയിക്കുമോ; ഇപ്രകാരം നിർബന്ധിത ഇന്റേൺഷിപ്പ് നടത്തുന്നതിന് ഇന്ത്യൻ നഴ്സിംഗ് കൗൺസിലിന്റെ അംഗീകാരം ലഭിച്ചിട്ടുണ്ടോ; ഉണ്ടെങ്കിൽ പ്രസ്തുത രേഖയുടെ പകർപ്പ് ലഭ്യമാക്കുമോ;

നിയമപ്രകാരമല്ലാതെ നിർബന്ധിത ഇന്റേൺഷിപ്പ് ഏർപ്പെടുത്തുകയും അതിന്റെ പേരിൽ വിദ്യാർത്ഥികളുടെ സർട്ടിഫിക്കറ്റ് തടഞ്ഞു വയ്ക്കുകയും ചെയ്യുന്ന നടപടി പിൻവലിക്കുവാൻ അടിയന്തര നടപടി സ്വീകരിക്കുമോ; വ്യക്തമാക്കുമോ;

നഴ്സിംഗ് പഠനത്തിന്റെ നിലവാര തകർച്ച ഒഴിവാക്കുന്നതിലൂടെ വിദ്യാർത്ഥികളുടെയും പൊതുസമൂഹത്തിന്റെയും താൽപര്യങ്ങൾ സംരക്ഷിക്കുന്നതിനായി നഴ്സിംഗ് കോളേജുകളിലെ അധ്യാപക തസ്തികകളിൽ നിലവിലുള്ള റാങ്ക് ലിസ്റ്റിൽ നിന്നും സ്ഥിര നിയമനം നടത്തുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

കോട്ടയം മെഡിക്കൽ കോളേജിൽ ഈ വർഷം ആരംഭിക്കുന്ന ഫിസിയോതെറാപ്പി കോഴ്സ് സംബന്ധിച്ചുളള വിശദാംശങ്ങൾ അറിയിക്കാമോ; പ്രസ്തുത കോഴ്സ് ആരംഭിക്കുന്നതിന് സർക്കാർ അംഗീകാരം ലഭിച്ചിട്ടുണ്ടോ; എങ്കിൽ ഉത്തരവിന്റെ കോപ്പി ലഭ്യമാക്കാമോ;

ഈ കോഴ്സിന് ആരോഗ്യ സർവകലാശാലയുടെ അംഗീകാരം ലഭിച്ചിട്ടുണ്ടോ; എങ്കിൽ ഉത്തരവിന്റെ പകർപ്പ് ലഭ്യമാക്കുമോ; പ്രസ്തുത വിഷയത്തിൽ സർവ്വകലാശാല ഗവേണിംഗ് കൗൺസലിൽ തീരുമാനമെടുത്തിട്ടുണ്ടോ; എങ്കിൽ മിനിറ്റ്സിന്റെ പകര്‍പ്പ് ലഭ്യമാക്കുമോ;

കേരള അലൈഡ് ആൻഡ് ഹെൽത്ത് കെയർ കൗൺസിൽ കോഴ്സിന് അംഗീകാരം ലഭിച്ചിട്ടുണ്ടോ; എങ്കിൽ അതിന്റെ പകര്‍പ്പ് ലഭ്യമാക്കുമോ;

കോഴ്സ് നടത്തുന്നതിന് ആവശ്യമായ അധ്യാപക അനധ്യാപക തസ്തികകള്‍ സൃഷ്ടിച്ചിട്ടുണ്ടോ; വിശദാംശങ്ങൾ ലഭ്യമാക്കുമോ;

അധ്യാപക തസ്തിക അല്ലാത്ത സയൻറിഫിക് അസിസ്റ്റൻറ് തസ്തികയിൽ മെഡിക്കല്‍ എഡ്യൂക്കേഷന്‍ സർവീസിൽ പ്രവേശിച്ച ഉദ്യോഗസ്ഥരെ ഈ കോഴ്സിന്റെ ഭാഗമായി അധ്യാപക തസ്തികയിൽ നിയമിക്കാൻ ഉദ്ദേശിക്കുന്നുണ്ടോ; വിശദാംശങ്ങൾ രേഖകൾ സഹിതം ലഭ്യമാക്കുമോ?

സംസ്ഥാനത്ത് നിലവില്‍ എത്ര നഴ്സിങ് കോളേജുകള്‍ പ്രവര്‍ത്തിക്കുന്നു; ഇവയുടെ എണ്ണം സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ മേഖല എന്നിവ തിരിച്ച് നല്‍കാമോ;

സംസ്ഥാനത്ത് ഒരു അധ്യയന വര്‍ഷം എത്ര കുട്ടികള്‍ക്ക് ബി.എസ്.സി. നഴ്സിങ് പഠനത്തിന് പ്രവേശനം നേടാന്‍ കഴിയും; ആകെ സീറ്റുകളുടെ എണ്ണം സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ മേഖല എന്നിങ്ങനെ തരം തിരിച്ച് നല്‍കുമോ;

2024-25 അധ്യയന വര്‍ഷം എത്ര കുട്ടികള്‍ നഴ്സിങ് പഠനത്തിനായി അന്യസംസ്ഥാനങ്ങളിലും വിദേശ രാജ്യങ്ങളിലും പോയി എന്നത് സംബന്ധിച്ച വിവരം സര്‍ക്കാരിന്റെ കയ്യിലുണ്ടോ; എങ്കിൽ വിശദാംശം നല്‍കാമോ;

കേരളത്തില്‍ സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ മേഖലകളില്‍ കൂടുതല്‍ നഴ്സിങ് കോളേജുകള്‍ അനുവദിക്കുന്നതിന് നടപടി സ്വീകരിക്കുമോ; വിശദമാക്കുമോ ?

പുനലൂർ താലൂക്ക് ഹൈടെക് ആശുപത്രിയില്‍ എസ് .ഐ. എം.ഇ.ടി കോളേജിന്റെ നഴ്സിങ് കോഴ്സ് ആരംഭിക്കുന്നതിന് നിലവിലെ സാങ്കേതിക തടസ്സങ്ങൾ എന്തൊക്കെയാണെന്ന് വിശദമാക്കാമോ;

ആയത് പരിഹരിക്കുന്നതിനായി സ്വീകരിച്ചിട്ടുള്ള നടപടികൾ അറിയിക്കുമോ;

കഴിഞ്ഞ അഞ്ചുവർഷത്തിനുള്ളിൽ സംസ്ഥാനത്തിന് പുറത്ത് നഴ്സിംഗ് പഠനം പൂർത്തിയാക്കുകയും കേരളത്തിലെ നഴ്സിംഗ് കൗൺസിലിൽ രജിസ്റ്റർ ചെയ്തിട്ടുള്ളതുമായ വിദ്യാർത്ഥികളുടെ എണ്ണം അറിയിക്കാമോ;

എസ് .ഐ. എം.ഇ.ടി കോളേജിന്റെ നഴ്സിങ് കോഴ്സുകളും പാരാമെഡിക്കൽ കോഴ്സുകളും ആരംഭിക്കുന്നതിന്, ഉറപ്പുവരുത്തേണ്ട അടിസ്ഥാന ഭൗതിക സൗകര്യങ്ങൾ എന്തൊക്കെയാണെന്ന് വിശദമാക്കാമോ?

ഹോമിയോപ്പതി വകുപ്പില്‍ സീനിയര്‍ സൂപ്രണ്ട്/ലേ സെക്രട്ടറി തസ്തികകള്‍ ഒഴിഞ്ഞു കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഹെഡ് ക്ലാര്‍ക്ക്/ജൂനിയര്‍ സൂപ്രണ്ട് തസ്തികകളില്‍ പ്രൊബേഷന്‍ നിര്‍ബന്ധമാക്കിയിട്ടുണ്ടോ; പ്രസ്തുത തസ്തികകളിലുള്ള ഉദ്യോഗസ്ഥര്‍ക്ക് സീനിയര്‍ സൂപ്രണ്ട് തസ്തികയിലേയ്ക്ക് പ്രൊമോഷന്‍ നല്‍കുന്നതിനു തടസ്സങ്ങള്‍ എന്തെങ്കിലും ഉണ്ടെങ്കില്‍ അത് പരിഹരിക്കുന്നതിന് നടപടി സ്വീകരിക്കുമോ?

ഹോമിയോപ്പതി വകുപ്പിൽ മെഡിക്കൽ ഓഫീസർ ബൈട്രാൻസ്ഫർ നിയമന അനുപാതം 5:1:1:1 എന്നതിൽ കുറവ് വരുത്തിക്കൊണ്ട് സ്പെഷൽ റൂൾ ഭേദഗതി ചെയ്തിട്ടുണ്ടോ; ഉണ്ടെങ്കിൽ ആയത് എന്നുമുതൽ പ്രാബല്യത്തിൽ വരുമെന്ന് അറിയിക്കുമോ;

സ്പെഷൽ റൂൾ ഭേദഗതിയുമായി ബന്ധപ്പെട്ട് ഹോമിയോപ്പതി ഡയറക്ടർ ലഭ്യമാക്കിയ പ്രൊപ്പോസൽ (ഫയൽ നമ്പർ ആയുഷ് ബി3/213/2022) പ്രകാരം നേഴ്സ്, ഫാർമസിസ്റ്റ്, ക്ലാർക്ക് വിഭാഗങ്ങൾക്ക് മെഡിക്കൽ ഓഫീസർ (ബൈട്രാൻസ്ഫർ) നിയമനത്തിൽ ഓരോ വിഭാഗത്തിനും എത്ര ശതമാനം ഒഴിവുകളാണ് നീക്കി വെക്കാൻ പുതിയ നിയമഭേദഗതി പ്രകാരം നിർദ്ദേശിക്കുന്നതെന്ന് അറിയിക്കുമോ; അതോ ഓരോ വിഭാഗത്തിനും പ്രത്യേക റാങ്ക് പട്ടിക പ്രസിദ്ധീകരിക്കുമോയെന്നും നിലവിലുള്ള 5:1:1:1 എന്ന അനുപാതം തുടരുമോയെന്നും അറിയിക്കുമോ?

ആയുര്‍വേദ ഔഷധ നിര്‍മ്മാണ മേഖലയെ പ്രോത്സാഹിപ്പിക്കുന്നതിനും പാരമ്പര്യാധിഷ്ഠിതമായി ചികിത്സിക്കുന്ന വൈദ്യന്‍മാര്‍ക്ക് കൂടി മരുന്നുകള്‍ നിര്‍മ്മിച്ച് വിപണനം ചെയ്യുവാനുള്ള അനുമതി നല്‍കുന്നതിനും നടപടികള്‍ സ്വീകരിക്കുമോ?

ആയുർവേദം വ്യാജശാസ്ത്രമാണെന്നും മരുന്നുകൾ കരൾ, കിഡ്നി രോഗങ്ങൾ ഉണ്ടാക്കുന്നുവെന്നുമുള്ള തരത്തിൽ പൊതുജനങ്ങളിൽ തെറ്റിദ്ധാരണ പരത്തുന്ന വിധം ചില വ്യക്തികൾ സാമൂഹ്യമാധ്യമങ്ങൾ വഴി പ്രചാരണം നടത്തുന്നത് ശ്രദ്ധയിൽപെട്ടിട്ടുണ്ടോ; വിശദമാക്കാമോ;

ഇത്തരത്തിലുള്ള പ്രചാരണം ആഗോള പ്രശസ്തി നേടിയിട്ടുള്ള ആയുർവേദത്തെയും ഔഷധ നിർമ്മാതാക്കളെയും ഔഷധസസ്യ കർഷകരെയും ദോഷകരമായി ബാധിക്കുന്നത് ശ്രദ്ധയിൽപെട്ടിട്ടുണ്ടോ; വിശദമാക്കാമോ;

വ്യത്യസ്ത വൈദ്യശാസ്ത്രങ്ങൾ തമ്മിലുള്ള ഇത്തരം പഴിചാരൽ ഒഴിവാക്കുന്നതിനായി എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

ഇത്തരത്തിൽ സാമൂഹ്യമാധ്യമങ്ങൾ വഴി പൊതു ജനങ്ങളിൽ പരിഭ്രാന്തി പരത്തുന്ന തരത്തിൽ പ്രചാരണം നടത്തുന്നവർക്കെതിരെ ഉചിതമായ നടപടികൾ സ്വീകരിക്കുമോ; വിശദമാക്കാമോ?

കണ്ണൂരില്‍ അനുവദിച്ച അന്താരാഷ്ട്ര ആയുര്‍വേദ ഗവേഷണ കേന്ദ്രത്തിന്റെ പ്രവര്‍ത്തനം എന്നാരംഭിക്കാന്‍ കഴിയുമെന്ന് വ്യക്തമാക്കാമോ;

സംസ്ഥാനത്ത് ആയുഷ് മേഖലയില്‍ ഹെല്‍ത്ത് ആന്റ് വെല്‍നെസ് സെന്ററുകള്‍ എത്ര എണ്ണമാണ് പ്രവര്‍ത്തിക്കുന്നതെന്നും കാസര്‍ഗോഡ് ജില്ലയില്‍ എവിടെയൊക്കെയാണ് അനുവദിക്കപ്പെട്ടിട്ടുള്ളതെന്നും അറിയിക്കാമോ?

നാഷണൽ ആയുഷ് മിഷനിൽ ആയുർവേദ/പഞ്ചകർമ ആശുപത്രികളില്‍ കരാറടിസ്ഥാനത്തിൽ ജോലി ചെയ്തുവരുന്ന തെറാപ്പിസ്റ്റുകള്‍ക്കും സംസ്ഥാന സർക്കാരിന്റെ പ്ലാൻ ഫണ്ട് ഉപയോഗിച്ച് നിയോഗിച്ചിട്ടുള്ള തെറാപ്പിസ്റ്റുകൾക്കും നൽകിവരുന്ന പ്രതിമാസ വേതനത്തിലുള്ള വ്യത്യാസം ശ്രദ്ധയിൽപ്പെട്ടിട്ടുണ്ടോ; ഒരേ ജോലി ചെയ്തു വരുന്ന ജീവനക്കാർക്ക് വ്യത്യസ്ത നിരക്കിൽ വേതനം അനുവദിക്കേണ്ടിവരുന്നത് എന്തുകൊണ്ടാണെന്ന് വ്യക്തമാക്കാമോ;

പ്രസ്തുത അനോമലി പരിഹരിക്കുന്നതിന് നടപടികൾ കൈക്കൊള്ളാമോ; വ്യക്തമാക്കുമോ;

നാഷണൽ ആയുഷ് മിഷനിൽ തെറാപ്പിസ്റ്റ് ആയി ജോലി ചെയ്തുവരുന്ന ജീവനക്കാർക്ക് അവരുടെ സർവീസ് കാലയളവ് പരിഗണിക്കാതെ എല്ലാവർക്കും ഒരേ രീതിയിൽ വേതന വർദ്ധനവ് അനുവദിക്കുന്നത് ശ്രദ്ധയിൽപ്പെട്ടിട്ടുണ്ടോ;

വേതന വർദ്ധനവ് അനുവദിക്കുന്നതിന് ജീവനക്കാരുടെ സർവീസ് കാലദൈർഘ്യം കൂടി പരിഗണിക്കാന്‍ നടപടി സ്വീകരിക്കുമോ; വിശദമാക്കുമോ?

തിരൂർ നിയോജക മണ്ഡലത്തിൽ ആയുഷ് വകുപ്പിന് കീഴിൽ നിലവിൽ പ്രവർത്തിച്ചുവരുന്ന സ്ഥാപനങ്ങൾ ഏതെല്ലാമാണെന്ന വിവരം തദ്ദേശ സ്വയംഭരണ സ്ഥാപനങ്ങൾ തിരിച്ച് ലഭ്യമാക്കാമോ;

പ്രസ്തുത നിയോജകമണ്ഡലത്തിൽ ആയുഷ് വകുപ്പിന് കീഴിൽ പ്രവർത്തിച്ചുവരുന്ന സ്ഥാപനങ്ങളിൽ നിലവിൽ സർക്കാർ നിയമിച്ചിട്ടുള്ള ജീവനക്കാരുടെ എണ്ണം സ്ഥാപനം, തസ്തിക എന്നിവ തിരിച്ച് ലഭ്യമാക്കാമോ;

പ്രസ്തുത നിയോജകമണ്ഡലത്തിൽ ആയുഷ് വകുപ്പിന് കീഴിൽ പ്രവർത്തിച്ചുവരുന്ന സ്ഥാപനങ്ങളിൽ നിലവിൽ കരാർ അടിസ്ഥാനത്തിൽ നിയമിച്ചിട്ടുള്ള ജീവനക്കാരുടെ എണ്ണം തസ്തിക,സ്ഥാപനം എന്നിവ തിരിച്ച് ലഭ്യമാക്കാമോ;

പ്രസ്തുത നിയോജകമണ്ഡലത്തിൽ ആയുഷിന് കീഴിൽ പ്രവർത്തിച്ചു വരുന്ന സ്ഥാപനങ്ങളിൽ തദ്ദേശ സ്വയംഭരണ സ്ഥാപനങ്ങളുടെ മേൽനോട്ടത്തിൽ ഉള്ളവ ഏതെല്ലാമാണെന്നും സർക്കാർ നേരിട്ട് നടത്തുന്ന സ്ഥാപനങ്ങൾ ഏതെല്ലാമാണെന്നുമുള്ള വിവരം ലഭ്യമാക്കാമോ;

തിരൂർ നിയോജക മണ്ഡലത്തിൽ പുതിയതായി ആയുഷ് സ്ഥാപനങ്ങൾ ആരംഭിക്കുവാൻ നടപടി സ്വീകരിച്ചിട്ടുണ്ടോ എന്ന് വ്യക്തമാക്കാമോ;

തദ്ദേശസ്വയംഭരണ സ്ഥാപനങ്ങള്‍ കെട്ടിടങ്ങളും അടിസ്ഥാന സൗകര്യങ്ങളും ലഭ്യമാക്കുകയാണെങ്കിൽ തിരൂർ നിയോജകമണ്ഡലത്തിൽ പുതുതായി ഹോമിയോ,ആയുർവേദ, യൂനാനി ആശുപത്രികളും ഡിസ്പെൻസറികളും സ്ഥാപിക്കാൻ സാധിക്കുമോ എന്ന് വിശദമാക്കാമോ?

സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷൻ ഗുണനിലവാരമില്ലെന്ന് കണ്ടെത്തിയ 145 മരുന്നുകളുടെയും ഫോർമുലേഷനുകളുടെയും പട്ടിക പ്രസിദ്ധീകരിച്ചത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ പ്രസ്തുത പട്ടികയുടെ പകർപ്പ് ലഭ്യമാക്കുമോ;

സംസ്ഥാന സർക്കാരിന് കീഴിലെ പൊതുമേഖലാ സ്ഥാപനമായ കെ.എസ്.ഡി.പി. ഉത്പാദിപ്പിച്ച മരുന്നും പ്രസ്തുത പട്ടികയിൽ ഉൾപ്പെട്ടിട്ടുണ്ടോ; ഉണ്ടെങ്കിൽ ഏതു മരുന്നിന്റെ ഏത് ബാച്ച് ആണ് പ്രസ്തുത പട്ടികയിൽ ഉൾപ്പെട്ടിട്ടുള്ളതെന്നും പ്രസ്തുത മരുന്നിന്റെ ഗുണനിലവാരം സംബന്ധിച്ച സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷന്റെ കണ്ടെത്തൽ എന്താണെന്നും വിശദമാക്കുമോ;

കേരള മെഡിക്കൽ സർവീസസ് കോർപ്പറേഷനു വേണ്ടി വിവിധ കമ്പനികൾ ഉത്പാദിപ്പിക്കുന്ന മരുന്നുകൾ പ്രസ്തുത ലിസ്റ്റിൽ ഉൾപ്പെട്ടിട്ടുണ്ടോ;എങ്കിൽ ഏതൊക്കെ കമ്പനികൾ ഉത്പാദിപ്പിക്കുന്ന ഏതൊക്കെ മരുന്നുകളുടെ ഏതൊക്കെ ബാച്ചുകൾ ആണ് ഇതിൽ ഉൾപ്പെട്ടിട്ടുള്ളത്; ഇനം തിരിച്ചു വ്യക്തമാക്കുമോ;

മേൽപ്പറഞ്ഞ കമ്പനികളുമായി മരുന്ന് വിതരണത്തിനുള്ള കരാർ അവസാനിപ്പിക്കുന്നതിന് സർക്കാർ നടപടി സ്വീകരിച്ചിട്ടുണ്ടോ; പ്രസ്തുത കമ്പനികളിൽ നിന്നും നഷ്ടപരിഹാരം ഈടാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

മേൽപ്പറഞ്ഞ ലിസ്റ്റിൽ ഉൾപ്പെട്ടിട്ടുള്ള ഏതൊക്കെ മരുന്നുകൾ സംസ്ഥാനത്ത് എതൊക്കെ ആശുപത്രികളിൽ ഏതൊക്കെ കാലയളവിൽ വിതരണം ചെയ്തിട്ടുണ്ട്; പ്രസ്തുത മരുന്നുകൾ ഉപയോഗിച്ച രോഗികൾക്ക് നഷ്ടപരിഹാരം നൽകുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വ്യക്തമാക്കുമോ?

സർക്കാർ ആശുപത്രികളിലെ മരുന്നുക്ഷാമം പരിഹരിക്കുവാൻ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കുമോ;

അതിരൂക്ഷമായ മരുന്നുക്ഷാമം അനുഭവപ്പെട്ടിട്ടുള്ളത് ഏതെല്ലാം ജില്ലാ, താലൂക്ക് ആശുപത്രികളിലാണ് എന്നും അതിന്റെ കാരണവും അറിയിക്കുമോ;

സർക്കാർ ആശുപത്രികളിൽ നൽകുന്ന മരുന്നുകളുടെ ഗുണനിലവാരം പരിശോധിക്കാറുണ്ടോ; വിശദമാക്കുമോ?

വനിതകൾക്ക് തൊഴിൽ സംരംഭങ്ങൾ ആരംഭിക്കുന്നതിന് വനിതാ വികസന കോർപ്പറേഷൻ മുഖേന നടപ്പിലാക്കിവരുന്ന പദ്ധതികൾ ഏതൊക്കെയാണെന്ന് വിശദീകരിക്കാമോ;

തൊഴിൽരഹിതരായ വനിതകൾക്ക് തൊഴിലവസരങ്ങൾ സൃഷ്ടിക്കുന്നതിന് പ്രസ്തുത കോർപ്പറേഷൻ മുഖേന എന്തൊക്കെ നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

കോർപ്പറേഷൻ തൊഴിൽ സംരംഭകർക്കായി നൽകിവരുന്ന വായ്പകളുടെ നടപടിക്രമങ്ങൾ ലളിതമാക്കുന്ന കാര്യം പരിശോധിക്കുമോ; എങ്കിൽ വിശദമാക്കുമോ?

വിധവകളുടെ മക്കള്‍ക്ക് ഉന്നത വിദ്യാഭ്യാസത്തിനുള്ള ധന സഹായം നല്‍കുന്ന 'പടവുകള്‍' പദ്ധതിയുടെ ഉദ്ദേശ്യലക്ഷ്യവും മാനദണ്ഡവും അറിയിക്കാമോ;

പ്രസ്തുത പദ്ധതിയുടെ നിലവിലെ പുരോഗതി വ്യക്തമാക്കാമോ;

പദ്ധതിയ്ക്ക് നിലവിലുള്ള കുടിശിക എത്രയെന്ന് അറിയിക്കാമോ?

ഐ.സി.ഡി.എസ്സിൽ താല്‍ക്കാലിക നിയമനങ്ങള്‍ നടത്തിയിട്ടുള്ളത് തൊഴില്‍ വകുപ്പിന്റെ 25941/G2/2013/LBR, LBRD/G2/1/2019/LBR എന്നീ മാര്‍ഗ്ഗ നിര്‍ദേശങ്ങള്‍ക്ക് അനുസൃതമായിട്ടാണോയെന്ന് വ്യക്തമാക്കാമോ; ഐ.സി.ഡി.എസ്സില്‍ 2016 മുതല്‍ 31.01.2025 വരെ നടത്തിയിട്ടുള്ള താല്‍ക്കാലിക നിയമനങ്ങളുടെ വിശദാംശം ലഭ്യമാക്കാമോ;

ജില്ലാ ഐ.സി.ഡി.എസ്സ്. സെല്ലുകളില്‍ ജില്ലാ കോ-ഓര്‍ഡിനേറ്റര്‍, ജില്ലാ പ്രോജക്ട് അസിസ്സന്റ് തസ്തികകളിലെ ജീവനക്കാരുടെ വിശദാംശം ലഭ്യമാക്കാമോ; പ്രസ്തുത ജീവനക്കാരെ എപ്രകാരമാണ് നിയമിച്ചിട്ടുള്ളതെന്നും ഇവരുടെ കരാര്‍ കാലാവധി എന്നുവരെയായിരുന്നുവെന്നും വ്യക്തമാക്കുമോ; നിലവില്‍ കരാര്‍ കാലാവധി കഴി‍ഞ്ഞിട്ടും തുടരുന്ന ജീവനക്കാരുടെ വിശദാംശം ലഭ്യമാക്കാമോ;

കരാര്‍ കാലാവധി കഴി‍ഞ്ഞിട്ടും തുടരുന്ന ജീവനക്കാരുടെ ശമ്പളം/അലവന്‍സ്/വേതനം എന്നിവ ഏത് ഉത്തരവിന്റെ അടിസ്ഥാനത്തിലാണ് നല്‍കുന്നതെന്നും കാലവാധി കഴിഞ്ഞിട്ടും എത്ര രൂപ ശമ്പള ഇനത്തില്‍ ഇവര്‍ക്ക് നല്‍കിയിട്ടുണ്ടെന്നും അറിയിക്കാമോ;

ഐ.സി.ഡി.എസ്സിന് കീഴിലുള്ള താല്‍ക്കാലിക നിയമനങ്ങളില്‍ സംവരണ തത്വം പാലിച്ചിട്ടുണ്ടോയെന്ന് വ്യക്തമാക്കാമോ?

1997 ഒക്ടോബർ 1 ന് അങ്കണവാടി ടീച്ചറായി ചേർപ്പ് ബ്ലോക്ക് ആറാട്ടുപുഴ 42-ാം നമ്പർ അങ്കണവാടിയിൽ തുടർച്ചയായി 28 വർഷം ജോലി ചെയ്യുകയും 2018 ഏപ്രിൽ മുതൽ സെപ്റ്റംബർ വരെ 6 മാസം ഓണറേറിയം ഇല്ലാത്ത ലീവ് എടക്കുകയും ചെയ്ത തങ്കമണി എ.കെ.യ്ക്ക് ലീവ് എടുത്ത സമയത്തെ ക്ഷേമനിധി വിഹിതം അടച്ചില്ല എന്ന കാരണത്താൽ പെൻഷൻ നിഷേധിച്ചിട്ടുണ്ടോ; വ്യക്തമാക്കാമോ; എങ്കിൽ വിഹിതം പിടിക്കേണ്ട ഓഫീസിന്റെ വീഴ്ച കാരണം പെൻഷൻ മുടങ്ങിയ, തുച്ഛമായ വരുമാനം മാത്രമുള്ള, സാമൂഹ്യവും സാമ്പത്തികവുമായ ഏറെ പരാധീനകളുള്ള തങ്കമണി എ.കെ.യ്ക്ക് പെൻഷൻ ലഭിക്കുന്നതിന് ആവശ്യമായ നടപടികൾ സ്വീകരിക്കുമോ; വ്യക്തമാക്കാമോ;

നേരത്തെയുണ്ടായിരുന്ന തരത്തിൽ മിനിമം 10 വർഷം ജോലി ചെയ്തവർക്ക് ക്ഷേമനിധി പെൻഷൻ അനുവദിക്കുന്നതിന് ആവശ്യമായ നടപടികൾ സ്വീകരിക്കുമോ?

കാഞ്ഞങ്ങാട് നിയോജക മണ്ഡലത്തിൽ നിലവിൽ എത്ര അങ്കണവാടികളാണ് പ്രവർത്തിക്കുന്നതെന്ന് പറയാമോ;

ഇവയിൽ സ്വന്തമായി കെട്ടിടം ഇല്ലാത്ത അങ്കണവാടികൾ ഏതെല്ലാമാണെന്ന് പറയാമോ?

സംസ്ഥാനത്തെ അങ്കണവാടികളിലെ വർക്കർമാർക്കും ഹെൽപ്പർമാർക്കും തുച്ഛമായ പ്രതിമാസ ഓണറേറിയമാണ് ലഭിക്കുന്നത് എന്ന വസ്തുത ഗൗരവത്തോടെ കാണുന്നുണ്ടോയെന്ന് അറിയിക്കുമോ;

അങ്കണവാടികളിലെ വർക്കർമാർക്കും ഹെൽപ്പർമാർക്കും നൽകിവരുന്ന ഓണറേറിയം വർധിപ്പിക്കാൻ നടപടികൾ സ്വീകരിക്കുമോയെന്ന് വ്യക്തമാക്കുമോ;

വിരമിച്ച അങ്കണവാടി ജീവനക്കാർക്കും ഹെൽപ്പർമാർക്കും പെൻഷൻ ആനുകൂല്യങ്ങൾ വർധിപ്പിക്കാൻ നടപടി സ്വീകരിക്കുമോയെന്ന് വിശദമാക്കുമോ?

അങ്കണവാടി ജീവനക്കാർക്കും ഹെൽപ്പർമാർക്കും കഴിഞ്ഞ അഞ്ച് മാസമായി പെൻഷൻ ലഭിക്കുന്നില്ല എന്ന കാര്യം ഗൗരവത്തോടെ കാണുന്നുണ്ടോ; ഇതിന്റെ കാരണം വിശദമാക്കാമോ;

2022, 2023, 2024 ഏപ്രിൽ മാസങ്ങളിൽ വിരമിച്ചവർക്ക് പെൻഷൻ കുടിശ്ശിക ലഭിക്കാനുണ്ടോയെന്നും ഇത് എന്നത്തേക്ക് നൽകുമെന്നും വ്യക്തമാക്കാമോ;

അങ്കണവാടി ജീവനക്കാർക്കും ഹെൽപ്പർമാർക്കും കഴിഞ്ഞ മൂന്ന് വർഷമായി ഓണം അലവൻസ് ലഭിക്കുന്നില്ലെന്നും 2024 ഏപ്രിൽ മാസത്തിൽ വിരമിച്ചവർക്കുള്ള ക്ഷേമനിധി ആനുകൂല്യങ്ങളോ പെൻഷനോ ഇതുവരെ ലഭിച്ചിട്ടില്ലെന്നുമുള്ള കാര്യം ഗൗരവത്തോടെ കാണുന്നുണ്ടോ; എങ്കിൽ ഇത് എന്നത്തേക്ക് നൽകുമെന്ന് വ്യക്തമാക്കാമോ?

വനിതാ ശിശുക്ഷേമ വകുപ്പിന് കീഴിലുള്ള 'സഖി' വണ്‍ സ്റ്റോപ്പ് സംവിധാനത്തിലൂടെ ലഭ്യമാകുന്ന സേവനങ്ങള്‍ എന്തെല്ലാമാണ്; വ്യക്തമാക്കാമോ?

സംസ്ഥാനത്തെ വനിതകളില്‍ തൊഴില്‍, ലിംഗ സമത്വം, സംരംഭകത്വം എന്നിവയില്‍ ഉണ്ടായിട്ടുളള വര്‍ദ്ധനവ് ദേശീയ ശരാശരിയുടെ എത്ര ശതമാനമാണെന്ന് പരിശോധിച്ചിട്ടുണ്ടോ; എങ്കില്‍ വ്യക്തമാക്കുമോ;

നിലവില്‍ ഉന്നതവിദ്യാഭ്യാസം നേടുന്ന വനിതകളുടെയും അവരിൽ തൊഴിൽ ചെയ്യുന്നവരുടെയും എണ്ണത്തിലുളള അന്തരം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

സംസ്ഥാനത്തെ സ്ത്രീകളുടെ സാമ്പത്തിക സ്ഥിതി മെച്ചപ്പെടുത്തുന്നതിനും, സാമൂഹ്യ സാമ്പത്തിക അസമത്വങ്ങള്‍ കുറയ്ക്കുന്നതിനും കേരള സംസ്ഥാന വനിത വികസന കോര്‍പ്പറേഷന്‍ നടത്തിവരുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വ്യക്തമാക്കുമോ;

പ്രസ്തുത കോര്‍പ്പറേഷന്‍ സ്ത്രീ സംരംഭകര്‍ക്കായി ഒരുക്കിയ പ്രദര്‍ശന വിപണന മേള 'എക്സേലേറ 25'-ന്റെ വിശദാംശങ്ങള്‍ ലഭ്യമാക്കാമോ?

സംസ്ഥാന ഭക്ഷ്യ സുരക്ഷാ വകുപ്പിൽ ഓൺലൈൻ ട്രാൻസ്ഫർ സംവിധാനം നിലവിലുണ്ടോയെന്ന് വ്യക്തമാക്കാമോ; എങ്കിൽ പ്രസ്തുത വകുപ്പിലെ ട്രാൻസ്ഫർ മാനദണ്ഡങ്ങൾ എന്തൊക്കെയാണെന്ന് വിശദമാക്കാമോ;

പ്രസ്തുത വകുപ്പിലെ ട്രാൻസ്ഫർ കൈകാര്യം ചെയ്യുന്ന സെക്ഷനിലെ ജീവനക്കാരിൽ ഏഴ് വർഷമായി ട്രാൻസ്‌ഫർ ഇല്ലാതെ ഒരേ ഓഫീസിൽ പ്രവർത്തിക്കുന്നവരുടെ പേര് വിവരങ്ങൾ നൽകാമോ;

ടി വകുപ്പിലെ ട്രാൻസ്ഫർ കൈകാര്യം ചെയ്യുന്ന ജീവനക്കാർ പദവി ദുരുപയോഗം ചെയ്തുകൊണ്ട് ട്രാൻസ്‌ഫറുകളിൽ അനധികൃതമായ ഇടപെടൽ നടത്തുന്ന കാര്യം സർക്കാർ ഗൗരവത്തോടെ കാണുന്നുണ്ടോ?

ഭക്ഷ്യ സുരക്ഷാ വകുപ്പിലെ ട്രാൻസ്ഫർ കൈകാര്യം ചെയ്യുന്ന വിഭാഗത്തിലെ എത്ര ജീവനക്കാരാണ് കഴിഞ്ഞ മൂന്ന് വർഷ കാലയളവിനു മുകളിൽ ട്രാൻസ്ഫർ ഇല്ലാതെ പ്രവർത്തിക്കുന്നതെന്ന് വ്യക്തമാക്കാമോ; പ്രസ്തുത ജീവനക്കാരുടെ പേര് വിവരങ്ങൾ ലഭ്യമാക്കാമോ;

മേല്പറഞ്ഞ കാലയളവിനു മുകളിൽ ജോലിചെയ്യുന്ന ജീവനക്കാരെ ആ സ്ഥാനത്ത് നിന്നും മാറ്റാത്തതിന്റെ കാരണം വിശദമാക്കാമോ?

സംസ്ഥാനത്തെ ഹോട്ടലുകൾക്കും ഭക്ഷണ വസ്തുക്കൾ വിപണനം നടത്തുന്ന സ്ഥാപനങ്ങൾക്കും ഭക്ഷ്യ സുരക്ഷയുടെ ഭാഗമായി സാനിറ്ററി സർട്ടിഫിക്കറ്റ് നിർബന്ധമാക്കിയിട്ടുണ്ടോ; പ്രസ്തുത സർട്ടിഫിക്കറ്റ് നൽകുവാൻ അധികാരപ്പെടുത്തിയ ഉദ്യോഗസ്ഥൻ ആരാണെന്ന് വ്യക്തമാക്കുമോ;

സർട്ടിഫിക്കറ്റ് ലഭിക്കുന്നതിനുള്ള നടപടിക്രമങ്ങൾ ഫീസ് ഉൾപ്പെടെ വിശദീകരിക്കാമോ; എന്തെങ്കിലും തുടർ നടപടികൾക്ക് ഈ സർട്ടിഫിക്കറ്റ് ആവശ്യമുണ്ടോ; വിശദീകരിക്കാമോ?