സംസ്ഥാനത്ത് സാമ്പത്തിക തട്ടിപ്പ് കേസുകൾ വർദ്ധിച്ചുവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ;

സാമ്പത്തിക തട്ടിപ്പ് കേസുകൾ സംബന്ധിച്ചും സാമ്പത്തിക തട്ടിപ്പ് കേസുകളിൽ ഉൾപ്പെട്ടിട്ടുള്ള പണമിടപാടുകളിൽ സർക്കാരിന് ഉണ്ടായിട്ടുള്ള സാമ്പത്തിക നഷ്ടം സംബന്ധിച്ചും ധനകാര്യവകുപ്പ് വിവരശേഖരണം നടത്തിയിട്ടുണ്ടോ;

ഇത്തരം കേസുകളിൽ അനധികൃത പണമിടപാടുകൾ നടത്തുന്നതിലൂടെയും മറ്റു വിധത്തിലുള്ള ഇടപാടുകളിലൂടെയും സർക്കാരിനുണ്ടായിട്ടുള്ള നഷ്ടം എത്രയാണെന്ന് കണക്കാക്കിയിട്ടുണ്ടോ; എങ്കിൽ ഇത് വസൂലാക്കുന്നതിന് ഇതിനോടകം സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കുമോ;

2016-ന് ശേഷം സംസ്ഥാനത്ത് നടന്നതായി കണ്ടെത്തിയിട്ടുള്ള സാമ്പത്തിക തട്ടിപ്പ് കേസുകളുടെ എണ്ണം എത്രയാണെന്ന് അറിയിക്കുമോ; ഇതിൽ സര്‍ക്കാര്‍ മേഖലയിലും സ്വകാര്യ മേഖലയിലുമുള്ള ധനകാര്യ സ്ഥാപനങ്ങളുമായും സഹകരണ സ്ഥാപനങ്ങളുമായും മറ്റു സ്വകാര്യ സ്ഥാപനങ്ങളുമായും വ്യക്തികളുമായി ബന്ധപ്പെട്ട് നടന്നിട്ടുള്ള കേസുകളുടെ എണ്ണം തരംതിരിച്ച് ലഭ്യമാക്കുമോ;

സർക്കാർ നിക്ഷേപ പദ്ധതികളുടെയും ട്രഷറി നിക്ഷേപങ്ങളുടെയുമൊക്കെ ആകർഷണീയത നഷ്ടപ്പെട്ടതാണോ ഇത്തരം തട്ടിപ്പ് സ്ഥാപനങ്ങളുമായും സംഘങ്ങളുമായും പണമിടപാട് നടത്തുന്നതിന് ജനങ്ങളെ നിര്‍ബന്ധിതരാക്കുന്നത്;

എങ്കിൽ സാമ്പത്തിക തട്ടിപ്പ് കേസുകളിൽ അകപ്പെട്ട് പോകാതിരിക്കുന്നതിനായി ജനങ്ങളെ ബോധവൽക്കരിക്കുന്നതിനും സർക്കാർ നിയന്ത്രണത്തിനുള്ള സ്ഥാപനങ്ങളിലേക്ക് ജനങ്ങളെ ആകർഷിക്കുന്നതിനും എന്തൊക്കെ നടപടികൾ സ്വീകരിക്കും; വിശദാംശം ലഭ്യമാക്കുമോ?

എം.എൽ.എ. ആസ്തി വികസന പദ്ധതികൾ ഉൾപ്പടെ സംസ്ഥാനത്തെ മരാമത്ത് കരാറുകാർ പൂർത്തിയാക്കിയ വിവിധ പ്രവൃത്തികളുടെ കുടിശിക ഇനത്തില്‍ എത്ര തുക നൽകുവാനുണ്ടെന്നും എന്ന് മുതലുള്ള കുടിശികയാണ് നൽകുവാനുള്ളതെന്നുമുള്ള വിവരങ്ങളുടെ വിശദാംശം ലഭ്യമാക്കുമോ;

കരാറുകാർ പ്രവൃത്തികൾ ഏറ്റെടുക്കാത്തതും ഏറ്റെടുത്തവ പൂർത്തിയാക്കാത്തതുമായ പ്രതിസന്ധി പരിഹരിക്കുന്നതിന് എന്ത് നടപടികളാണ് സ്വീകരിക്കുവാൻ ഉദേശിക്കുന്നത് എന്ന് വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം ധനകാര്യവകുപ്പിലും വകുപ്പിന്റെ കീഴിലുള്ള സ്ഥാപനങ്ങളിലും എത്ര താല്ക്കാലിക, കരാർ നിയമനങ്ങൾ നടത്തിയിട്ടുണ്ട്; ഏതൊക്കെ തസ്തികളിലാണ് ഇപ്രകാരം നിയമനം നടത്തിയിട്ടുള്ളത്;

പ്രസ്തുത നിയമനങ്ങള്‍ക്കുളള വേതനവും മറ്റ് ആനുകൂല്യങ്ങളുമായി 2022 ഡിസംബർ മാസം അനുവദിച്ച ആകെത്തുക എത്രയാണെന്ന് വ്യക്തമാക്കുമോ;

ഇതിൽ എംപ്ലോയമെന്റ് എക്സ്ചേഞ്ച് മുഖേന നടത്തിയ നിയമനങ്ങൾ എത്ര; മറ്റുള്ള നിയമനങ്ങളിൽ റിക്രൂട്ട്മെന്റിനായി അവലംബിച്ച മാർഗ്ഗം എന്ത്; ഏത് ഏജൻസി മുഖേനയാണ് നിയമനം നടത്തിയത്; നിയമനങ്ങൾ കമ്പല്‍സറി നോട്ടിഫിക്കേഷൻ ഓഫ് വേക്കൻസി ആക്റ്റിന് അനുസൃതമായാണോ നടപ്പാക്കിയിട്ടുള്ളത് എന്നിവ വ്യക്തമാക്കുമോ?

സംസ്ഥാനത്തെ സാമ്പത്തിക സ്ഥിതി വളരെ മോശമാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ എന്ന് വിശദമാക്കാമോ;

ഈ സര്‍ക്കാര്‍ നിലവില്‍ വന്നശേഷം സര്‍ക്കാരിന്റെ സാമ്പത്തിക സ്ഥിതിയിലുണ്ടായ മാറ്റം വിശദമാക്കാമോ;

കേന്ദ്രത്തില്‍ നിന്നും ലഭിക്കേണ്ട വിവിധ കുടിശികകളുടെ വിശദ വിവരങ്ങള്‍ ലഭ്യമാക്കാമോ;

സാമ്പത്തിക അച്ചടക്കം പാലിക്കുന്നതിന് നടപ്പിലാക്കുവാന്‍ ഉദ്ദേശിക്കുന്ന നടപടികളെക്കുറിച്ച് വിശദമാക്കാമോ;

സാമ്പത്തിക മാന്ദ്യം നേരിടുന്നതിന് സ്വീകരിക്കുവാന്‍ ഉദ്ദേശിക്കുന്ന നടപടികള്‍ വിശദമാക്കാമോ?

വിവിധ ക്ഷേമനിധി ബോര്‍ഡുകളുടെ നടത്തിപ്പു ചെലവ് വര്‍ദ്ധിക്കുന്നത് പരിഗണിച്ച് ബോര്‍ഡുകളില്‍ ധനകാര്യ വകുപ്പ് ഉദ്യോഗസ്ഥരെ അന്യത്ര സേവനത്തില്‍ നിയമിക്കുന്നതിന് പകരം ക്ഷേമനിധി ബോര്‍ഡുകളുടെ നിയന്ത്രണം ധനകാര്യ വകുപ്പിലെ ഒരു സെക്ഷനില്‍ നിക്ഷിപ്തമാക്കുന്നതിന് തടസ്സമുണ്ടോ; എങ്കിൽ വിശദവിവരം അറിയിക്കാമോ?

കേരളം സാമ്പത്തികമായി പിടിച്ചുനില്‍ക്കുന്നത് കേന്ദ്ര സഹായത്താലെന്ന തെറ്റായ പ്രചാരണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ പശ്ചാത്തലത്തില്‍ പത്താം ധനകമ്മീഷന്‍ മുതല്‍ പതിനഞ്ചാം ധനകമ്മീഷന്‍ വരെ സംസ്ഥാനത്തിന് അനുവദിച്ച കേന്ദ്ര നികുതി വിഹിതം ശതമാനക്കണക്കില്‍ അറിയിക്കാമോ;

മറ്റു സംസ്ഥാനങ്ങളുമായി താരതമ്യപ്പെടുത്തിക്കൊണ്ട് റവന്യൂ വരുമാനത്തില്‍ സംസ്ഥാനത്തിന്റെ തനത് നികുതി വിഹിതമെത്രയാണെന്ന് അറിയിക്കാമോ;

കേന്ദ്രാവിഷ്കൃത പദ്ധതികളിലെ കേന്ദ്ര വിഹിതത്തില്‍ ആനുപാതികമായി കുറവുണ്ടായിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

കേന്ദ്ര വിവേചനം തുടരുന്ന സാഹചര്യത്തില്‍ ധനദൃഢീകരണത്തിനായി സംസ്ഥാനം നടത്തുന്ന പ്രവര്‍ത്തനങ്ങള്‍ അറിയിക്കാമോ?

സംസ്ഥാനത്തിന്റെ നിലവിലുള്ള ആകെ കടം, പൊതുകടം എന്നിവയുടെ തരം തിരിച്ചുള്ള കണക്കുകൾ ലഭ്യമാക്കുമോ;

ഈ സർക്കാർ അധികാരമേൽക്കുമ്പോൾ സംസ്ഥാനത്തിന്റെ ആകെ കടം എത്ര രൂപയായിരുന്നു;

കിഫ്ബി, പ്രവാസി ചിട്ടി തുടങ്ങിയ മാർഗങ്ങളിലൂടെ സർക്കാർ ബഡ്ജറ്റിന് പുറമേ സമാഹരിച്ച ആകെ തുക എത്രയാണെന്ന് ഇനം തിരിച്ചുള്ള കണക്കുകൾ ലഭ്യമാക്കുമോ;

ഇപ്രകാരം സമാഹരിച്ചിട്ടുള്ള തുകകളിൽ സർക്കാർ ഖജനാവിൽ നിന്നും പ്രത്യക്ഷമായോ പരോക്ഷമായോ തിരിച്ചടയ്ക്കേണ്ടി വരുന്നത് എത്ര രൂപയാണെന്ന് ഇനം തിരിച്ചുള്ള കണക്ക് ലഭ്യമാക്കുമോ, ഈ തുകകള്‍ തിരിച്ചടയ്ക്കുന്നതിന് സര്‍ക്കാര്‍ സ്വീകരിച്ചിട്ടുള്ള രീതികൾ വിശദമാക്കുമോ?

ജി.എസ്.ടി. കോമ്പന്‍സേഷന്‍ വകയില്‍ സംസ്ഥാന സര്‍ക്കാരിന് ലഭിക്കാന്‍ ബാക്കിയുള്ള തുക എത്രയെന്ന് വിശദമാക്കാമോ;

സംസ്ഥാനങ്ങള്‍ക്കുള്ള കോമ്പന്‍സേഷന്‍ നിര്‍ത്തലാക്കിയ പശ്ചാത്തലത്തില്‍ കോമ്പന്‍സേഷന്‍ സെസ്സ് ഈടാക്കുന്നത് നിര്‍ത്തലാക്കിയിട്ടുണ്ടോ; വിശദമാക്കാമോ?

2021-22 സാമ്പത്തിക വർഷത്തിലും നടപ്പ് സാമ്പത്തിക വർഷത്തിൽ നാളിതുവരെയും വിനോദസഞ്ചാരമേഖലയിൽ നിന്നും ലോട്ടറി വില്പനയിൽ നിന്നും മദ്യ വില്പനയിൽ നിന്നും സർക്കാരിന് ലഭിച്ച നികുതി, നികുതി ഇതര വരുമാനം എന്നിവ എത്രയാണെന്ന് ഇനം തിരിച്ചു വ്യക്തമാക്കുമോ?

നികുതി ഇനത്തിൽ സംസ്ഥാനം പിരിച്ചെടുക്കാനുള്ള ആകെ കുടിശിക എത്രയാണെന്ന് ഇനം തിരിച്ച് വ്യക്തമാക്കുമോ;

മുൻസർക്കാരിന്റെ കാലം മുതൽ നാളിതുവരെ ആംനസ്റ്റി സ്കീമുകളിലൂടെ പിരിച്ചെടുക്കാൻ ഉദ്ദേശിച്ച തുക എത്രയാണെന്നും പിരിച്ചെടുക്കാൻ സാധിച്ച തുക എത്രയാണെന്നും സാമ്പത്തിക വർഷം തിരിച്ച് വ്യക്തമാക്കുമോ;

ആംനസ്റ്റി സ്കീമുകൾ ഫലപ്രദമാകാത്തതിന്റെ കാരണം എന്താണെന്ന് പരിശോധിച്ചിട്ടുണ്ടോ; വിശദാംശം നൽകുമോ;

നികുതി കുടിശിക പിരിച്ചെടുക്കുന്നതിന് കാര്യക്ഷമമായ നടപടികൾ സ്വീകരിക്കുമോയെന്ന് വ്യക്തമാക്കുമോ?

ബജറ്റ് തയ്യാറാക്കുന്നതുമായി ബന്ധപ്പെട്ട് ധനകാര്യവകുപ്പ് ജീവനക്കാർക്ക് പ്രത്യേക അലവൻസ് അനുവദിച്ച് നൽകുന്നുണ്ടോ; എങ്കിൽ ഈ അലവൻസ് സംബന്ധിച്ച വിശദാംശം വ്യക്തമാക്കുമോ; ഏത് സർക്കാർ ഉത്തരവിന്റെ അടിസ്ഥാനത്തിലാണ് ഇപ്രകാരം അലവൻസ് അനുവദിച്ച് നൽകുന്നത്; ആയതിന്റെ പകർപ്പ് ലഭ്യമാക്കുമോ;

എത്ര രൂപ നിരക്കിലാണ് ബജറ്റ് അലവൻസ് അനുവദിച്ച് നൽകുന്നത്; എത്ര മണിക്കൂർ അധിക ജോലി ചെയ്യുന്നതിനാണ് അലവൻസ് അനുവദിച്ചിട്ടുള്ളത്; ഒരു മണിക്കൂർ അധിക ജോലി ചെയ്യുന്നതിന് എത്ര രൂപയാണ് ബജറ്റ് അലവൻസ് നിലവിൽ അനുവദിക്കുന്നത്; കഴിഞ്ഞ അഞ്ചു സാമ്പത്തിക വർഷങ്ങളിൽ ബജറ്റ് അലവൻസ് ഇനത്തിൽ ധനകാര്യവകുപ്പുദ്യോഗസ്ഥർക്ക് അനുവദിച്ചു നൽകിയ തുക സാമ്പത്തിക വർഷം തിരിച്ചു വ്യക്തമാക്കുമോ;

ധനകാര്യവകുപ്പിലെ ഏതൊക്കെ ഉദ്യോഗസ്ഥർക്കാണ് ബജറ്റ് അലവൻസിന് അർഹതയുള്ളത്; ബജറ്റ് തയ്യാറാക്കുന്നതുമായി ബന്ധപ്പെട്ട് മേൽപ്പറഞ്ഞ ഉദ്യോഗസ്ഥരുടെ ചുമതലകൾ തസ്തിക തിരിച്ചു വ്യക്തമാക്കുമോ;

കഴിഞ്ഞ സാമ്പത്തിക വർഷത്തെ ബജറ്റ് തയ്യാറാക്കിയതുമായി ബന്ധപ്പെട്ട് ബജറ്റ് അലവൻസായി ധനകാര്യവകുപ്പ് ഉദ്യോഗസ്ഥർക്ക് എത്ര തുക അനുവദിച്ചിട്ടുണ്ട് എന്ന് വ്യക്തമാക്കുമോ; ഓരോ ഉദ്യോഗസ്ഥർക്കും ബജറ്റ് അലവൻസ് അനുവദിച്ച കാലയളവും നിരക്കും അധിക ജോലിയെടുത്ത സമയവും ഉൾപ്പെടെയുള്ള വിശദാംശം തസ്തിക തിരിച്ചു വ്യക്തമാക്കുമോ;

നടപ്പ് സാമ്പത്തിക വർഷത്തെ ബജറ്റിൽ ഈ ഇനത്തിൽ എത്ര രൂപ വകയിരുത്തിയിട്ടുണ്ടെന്ന് വ്യക്തമാക്കുമോ; ബജറ്റ് അലവൻസിനായി കഴിഞ്ഞ സാമ്പത്തിക വർഷം ബജറ്റിൽ വകയിരുത്തിയ തുക എത്രയാണ്; ഈ ഇനത്തിൽ എത്ര തുക ചെലവഴിച്ചു; ഇതിനായി അഡീഷണൽ ഓതറൈസേഷൻ നൽകിയിട്ടുണ്ടോ; എങ്കിൽ പ്രസ്തുത സർക്കാർ ഉത്തരവിന്റെ പകർപ്പ് ലഭ്യമാക്കുമോ; കഴിഞ്ഞ സാമ്പത്തിക വർഷം ബജറ്റ് അലവൻസ് അനുവദിച്ചു നൽകിയത് സംബന്ധിച്ച ഫയലിന്റെ പകർപ്പ് ലഭ്യമാക്കുമോ?

ഈ സാമ്പത്തിക വർഷം നാളിതുവരെ പദ്ധതിയിനത്തിൽ ചെലവഴിച്ച ആകെ തുക എത്രയാണെന്നും പ്രസ്തുത തുക പദ്ധതി ഇനത്തിന്റെ എത്ര ശതമാനമാണെന്നും വകുപ്പ് തിരിച്ച് വിവരം ലഭ്യമാക്കുമോ?

രാജ്യത്തിന്റെ മൊത്തം ചെലവിന്റെ 62.4 ശതമാനം സംസ്ഥാനങ്ങള്‍ വഹിക്കുന്നുവെന്ന് ധനകാര്യ കമ്മീഷന്‍ റിപ്പോര്‍ട്ട് ചെയ്തിട്ടുണ്ടോ; എങ്കില്‍ കേന്ദ്ര സര്‍ക്കാര്‍ ഡിവിസിബിള്‍ പൂളില്‍ നിന്നു വന്‍തുക ഒഴിവാക്കിയത് കാരണം ആകെ നികുതിയുടെ 30 ശതമാനം മാത്രം സംസ്ഥാനങ്ങള്‍ക്ക് ലഭ്യമാകുന്ന സാഹചര്യം സംസ്ഥാനങ്ങളുടെ ഭരണ നിര്‍വഹണ ശേഷി കുറയ്ക്കുമെന്നതിനാല്‍ ജി.എസ്.ടി. വിഹിതം വര്‍ദ്ധിപ്പിക്കാന്‍ കേന്ദ്ര സര്‍ക്കാരിനോട് ആവശ്യപ്പെടുമോ;

ഡിവിസിബിള്‍ പൂളില്‍ നിന്നും സെസ്, സര്‍ചാര്‍ജ് തുടങ്ങിയവ ഒഴിവാക്കി കൂടുതല്‍ തുക കേന്ദ്ര സര്‍ക്കാര്‍ സമാഹരിക്കുന്ന സാഹചര്യത്തില്‍ സംസ്ഥാനങ്ങളുമായി പങ്കുവെയ്കുന്ന നികുതി വിഹിതം വര്‍ദ്ധിപ്പിക്കണമെന്ന് ആവശ്യപ്പെട്ടിട്ടുണ്ടോ;

കേന്ദ്ര വിവേചനം അതിജീവിച്ചുകൊണ്ട് വികസന, സാമൂഹ്യ സേവന മേഖലകളിലെ ചെലവുയര്‍ത്തി ത്വരിതഗതിയിലുള്ള വികസനം സാധ്യമാക്കുകയെന്ന ലക്ഷ്യം നേടുന്നതിന് അനുയോജ്യമായ തരത്തിലാണോ വികസന തന്ത്രം ആവിഷ്കരിച്ചിരിക്കുന്നതെന്ന് വ്യക്തമാക്കുമോ?

കേന്ദ്രസര്‍ക്കാര്‍ സംസ്ഥാനത്തിന് നല്‍കി വന്നിരുന്ന ജി.എസ്.ടി. നഷ്ടപരിഹാരത്തുക നിര്‍ത്തലാക്കിയത് കാരണം 2023-24 വര്‍ഷം സംസ്ഥാനത്തിന് ഈ ഇനത്തില്‍ നഷ്ടമാകുന്ന തുക എത്രയാണെന്ന് വ്യക്തമാക്കാമോ?

സംസ്ഥാനത്തെ സർക്കാർ വാഹനങ്ങളുടെ ദുരുപയോഗം തടയുന്നത് സംബന്ധിച്ച ധനകാര്യവകുപ്പിന്റെ ഉത്തരവിന്റെ പകർപ്പ് ലഭ്യമാക്കുമോ;

ധനകാര്യ പരിശോധന വിഭാഗം ഈ വർഷം എത്ര സർക്കാർ വാഹനങ്ങളുടെ ദുരുപയോഗം കണ്ടെത്തിയിട്ടുണ്ടെന്ന വിശദാംശം നൽകുമോ;

മുഖ്യമന്ത്രിയുടെ ഓഫീസർ ഓൺ സ്പെഷ്യൽ ഡ്യൂട്ടി, ജലവിഭവ വകുപ്പ് മന്ത്രിയുടെ പ്രൈവറ്റ് സെക്രട്ടറി തുടങ്ങിയവരുടെ വാഹന ഉപയോഗം പ്രസ്തുത പരിശോധനയിൽ കണ്ടെത്തിയിട്ടുണ്ടോ; വിശദാംശം നൽകുമോ?

നടപ്പ് സാമ്പത്തിക വർഷത്തെ ബജറ്റിൽ പ്രതീക്ഷിച്ച റവന്യൂ വരുമാനം എത്രയാണെന്നും നാളിതുവരെ ഈ ഇനത്തിൽ എത്ര തുക ലഭിച്ചിട്ടുണ്ടെന്നും വ്യക്തമാക്കുമോ; നടപ്പ് സാമ്പത്തിക വർഷത്തിൽ നാളിതുവരെയുള്ള റവന്യൂ ചെലവ് വ്യക്തമാക്കുമോ;

മൂലധന ചെലവുകൾക്കായി നടപ്പ് സാമ്പത്തിക വർഷത്തെ ബജറ്റിൽ എത്ര തുക വകയിരുത്തിയിരുന്നുവെന്നും അതിൽ നാളിതുവരെ എത്ര തുക ചെലവഴിച്ചിട്ടുണ്ടെന്നും വ്യക്തമാക്കുമോ;

നടപ്പ് സാമ്പത്തിക വർഷത്തെ ബജറ്റിൽ പ്രതീക്ഷിച്ച നികുതി വരുമാനവും നികുതി ഇതര വരുമാനവും എത്രയെന്നും നാളിതു വരെ ഈ ഇനങ്ങളിൽ എത്ര തുക സമാഹരിക്കാൻ സാധിച്ചിട്ടുണ്ടെന്നും വ്യക്തമാക്കുമോ?

കേന്ദ്ര സര്‍ക്കാര്‍ തുടരുന്ന നിഷേധാത്മക നിലപാട് മൂലം നടപ്പ് സാമ്പത്തികവര്‍ഷം സംസ്ഥാനത്തിന്റെ പ്രതീക്ഷിത വരുമാനത്തില്‍ കുറവുണ്ടായിട്ടുണ്ടോ; അടുത്ത വര്‍ഷങ്ങളിലും വരുമാനത്തില്‍ കുറവ് പ്രതീക്ഷിക്കുന്നുണ്ടോ; വിശദാംശം ലഭ്യമാക്കാമോ;

സംസ്ഥാനത്തിന് അര്‍ഹതപ്പെട്ട റവന്യു കമ്മിഗ്രാന്റ്, ജി.എസ്.ടി. നഷ്ടപരിഹാരം, എന്നിവ നിഷേധിച്ചതും സംസ്ഥാനത്തിന്റെ വായ്പാപരിധി വെട്ടിക്കുറച്ചതും പ്രളയം, കോവിഡ് എന്നിവയ്ക്കു ശേഷം തിരിച്ചുവരുന്ന സംസ്ഥാന സമ്പദ് വ്യവസ്ഥയെ ഏതെല്ലാം രീതിയില്‍ ബാധിക്കും; വിശദാംശം നൽകുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്തിന്റെ തനത് വരുമാനം വര്‍ദ്ധിപ്പിക്കാന്‍ സ്വീകരിച്ച നടപടികളുടെ വിശദാംശം അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്തിന് കേന്ദ്ര സര്‍ക്കാരില്‍ നിന്നും ലഭിക്കേണ്ട വരുമാനത്തില്‍ എത്ര മാത്രം കുറവ് വന്നിട്ടുണ്ട്; ഏതൊക്കെ മേഖലകളിലാണ് കുറവ് വന്നിട്ടുള്ളത്; വിശദാംശം അറിയിക്കാമോ?

എം.എല്‍.എ. മാരുടെ അഡീഷണല്‍ സ്റ്റാഫിന്റെ വേതനം വര്‍ദ്ധിപ്പിക്കണമെന്ന ആവശ്യം സംബന്ധിച്ച് എന്തെങ്കിലും നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കുമോ;

എം.എല്‍.എ. മാരുടെ അഡീഷണല്‍ സ്റ്റാഫുകള്‍ക്ക് ദിവസവേതനക്കാരേക്കാള്‍ കുറഞ്ഞ വേതനമാണ് നിലവില്‍ ലഭിക്കുന്നത് എന്ന കാര്യം പ്രത്യേകം പരിഗണിച്ച് വേതനം വര്‍ദ്ധിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കാലഹരണപ്പെട്ട നികുതി സമ്പ്രദായത്തിലുള്‍പ്പെടെയുളള നികുതി കുടിശികകൾ പിരിച്ചെടുക്കാൻ നടപ്പിലാക്കിയ ആംനസ്റ്റി സ്‌കീമിന്റെ പുരോഗതി വിശദമാക്കാമോ;

മുന്‍ വര്‍ഷങ്ങളിലെ ആംനസ്റ്റി സ്‌കീം പരാജയപ്പെടാനുണ്ടായ കാരണം നികുതി വകുപ്പ് പരിശോധിച്ചിട്ടുണ്ടോ; എങ്കില്‍ പ്രധാന കാരണങ്ങള്‍ എന്തൊക്കെയാണ് എന്ന് വ്യക്തമാക്കാമോ;

അപ്പീലുകള്‍ക്കും വ്യവഹാരങ്ങള്‍ക്കും പുറത്ത് ഒരു ഫാസ്റ്റ് ട്രാക്ക്ടീമിനെ നിയോഗിച്ച് പ്രസ്തുത നികുതി നിര്‍ണ്ണയം പുനപരിശോധിച്ച് ഒരു അദാലത്തിലൂടെ പുനര്‍നിര്‍ണ്ണയം നടത്തണം എന്ന ആവശ്യം ഉയർന്നിട്ടുണ്ടോ; എങ്കില്‍ ആയത് പരിഗണിക്കാത്തതിന്റെ കാരണം വിശദമാക്കാമോ?

ഒരു കുടുംബം ഒരു സംരംഭം എന്ന പദ്ധതിയ്ക്കായി നടപ്പ് സാമ്പത്തിക വർഷത്തെ ബജറ്റിൽ എത്ര തുക അനുവദിച്ചിട്ടുണ്ട്; ഇതിൽ നാളിതുവരെ എത്ര തുക ചെലവഴിച്ചിട്ടുണ്ട്; വിശദാംശം ഇനംതിരിച്ച് വ്യക്തമാക്കുമോ?

സര്‍ക്കാര്‍ ജീവനക്കാരുടെ ചികിത്സയ്ക്കായി നടപ്പിലാക്കിയ മെഡിസെപ്പ് പദ്ധതിയുടെ ഭാഗമായി ഇതുവരെ എത്രപേര്‍ക്ക് ആനുകൂല്യം ലഭ്യമാക്കി എന്ന് വ്യക്തമാക്കാമോ;

കൂടുതല്‍ സ്വകാര്യ ആശുപത്രികളെ പ്രസ്തുത പദ്ധതിയില്‍ ഉള്‍പ്പെടുത്തുന്ന നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ;

സംസ്ഥാനത്ത് നല്ല രീതിയില്‍ പ്രവര്‍ത്തിക്കുന്ന പല സഹകരണ ആശുപത്രികളും മെഡിസെപ്പിന്റെ ഭാഗമായി വരാത്ത കാര്യം ശ്രദ്ധയില്‍പ്പെട്ടിട്ടുണ്ടോ; ഇത്തരം ആശുപത്രികളെ പദ്ധതിയില്‍ ഉള്‍പ്പെടുത്താന്‍ നടപടികള്‍ സ്വീകരിക്കുമോയെന്ന് വ്യക്തമാക്കുമോ;

സ്വകാര്യ ആശുപത്രികള്‍ മെഡിസെപ്പിനോട് സഹകരിക്കാത്ത സ്ഥിതി സംസ്ഥാനത്ത് എവിടെയെങ്കിലും റിപ്പോര്‍ട്ട് ചെയ്തിട്ടുണ്ടോ; എങ്കില്‍ വിശദാംശം നല്‍കാമോ?

സംസ്ഥാനത്തെ ജനകീയ ഹോട്ടലുകള്‍ക്ക് അനുവദിക്കുന്ന ഗ്രാന്റ് സമയബന്ധിതമായി നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ?

മെഡിസെപ്പ് പദ്ധതി പ്രകാരം കോഴിക്കോട് ജില്ലയില്‍ സേവനം നല്‍കുന്ന ആശുപത്രികളുടെ വിവരങ്ങളും ഈ ആശുപത്രികള്‍ ഏതൊക്കെ സേവനങ്ങളാണ് മെഡിസെപ്പില്‍ ഉള്‍പ്പെടുത്തിയിരിക്കുന്നത് എന്നും വിശദമാക്കാമോ?

സംസ്ഥാന സർക്കാരിന് ഈ സാമ്പത്തിക വർഷം കേന്ദ്രം നിശ്ചയിച്ച കടമെടുപ്പ് പരിധി എത്രയാണെന്നും നാളിതുവരെ എത്ര കോടി രൂപ വായ്പ എടുത്തിട്ടുണ്ട് എന്നും അറിയിക്കുമോ;

മൊത്തം ആഭ്യന്തര വരുമാനത്തിന്റെ എത്ര ശതമാനമാണ് നിലവിൽ കടമെടുപ്പ് പരിധി നിശ്ചയിച്ചിട്ടുള്ളതെന്നും കടമെടുപ്പ് പരിധി ഉയർത്തണമെന്ന് സംസ്ഥാനം കേന്ദ്രത്തോട് ആവശ്യപ്പെട്ടിരുന്നോ എന്നും ഈ കാര്യത്തിൽ കേന്ദ്രത്തിന്റെ പ്രതികരണം എന്തായിരുന്നു എന്നും അറിയിക്കുമോ?

സംസ്ഥാനത്തിന്റെ കടമെടുപ്പ് പരിധിയില്‍ കേന്ദ്ര സർക്കാർ കുറവ് വരുത്തിയിട്ടുണ്ടോ; 2017 -ന് മുന്‍പുള്ള സ്ഥിതിയിലേക്ക് കടമെടുപ്പ് പരിധി പുന:സ്ഥാപിക്കണമെന്ന് സംസ്ഥാനം കേന്ദ്രത്തോട് ആവശ്യപ്പെട്ടിട്ടുണ്ടോ;

പൊതു കണക്കില്‍ നീക്കിയിരിപ്പായി വരുന്ന തുക പൊതു കടത്തില്‍ ഉള്‍പ്പെടുത്തുന്നതിനുള്ള തീരുമാനം ഉണ്ടായിട്ടുണ്ടോ; ഇതുവഴി സംസ്ഥാന പൊതുമേഖലാ കമ്പനികള്‍, കോര്‍പ്പറേഷന്‍, പ്രത്യേക ഉദ്ദേശ്യ സ്ഥാപനങ്ങള്‍ എന്നിവയുടെ വായ്പ പൊതു കടത്തില്‍ ഉള്‍പ്പെടുന്നുണ്ടോ; ഇത് സംസ്ഥാനത്തിന്റെ സാമ്പത്തിക പ്രവര്‍ത്തനത്തെ ഏതെല്ലാം തരത്തില്‍ ബാധിക്കും; വിശദാംശം നല്‍കാമോ?

സാമ്പത്തിക സ്ഥിതി മെച്ചപ്പെടുത്താനുളള ധനഉത്തരവാദിത്ത നിയമ പ്രകാരം സംസ്ഥാനത്തിന്റെ കടബാധ്യ​ത മൊത്ത ആഭ്യന്തര ഉല്പാദന വളർച്ചാനിരക്കിന്റെ എത്ര ശതമാനം കവിയരുതെന്നാണ് നിശ്ചയിച്ചിരിക്കുന്നത്;

നിലവിൽ സംസ്ഥാനത്തിന്റെ കടബാധ്യത എത്ര ശതമാനമാണെന്ന് അറിയിക്കാമോ;

സംസ്ഥാനത്തിന്റെ കടബാധ്യത കുറയ്ക്കുന്നതിനായി സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വിശദമാക്കുമോ?

കിഫ്ബി ഉൾപ്പെടെയുള്ള പൊതുമേഖല സ്ഥാപനങ്ങൾക്ക് വായ്പ എടുക്കാൻ സംസ്ഥാന സർക്കാർ ഗ്യാരണ്ടി നിന്ന വകയിൽ ഉണ്ടായ കടബാധ്യത തിട്ടപ്പെടുത്തിയിട്ടുണ്ടോ;

എങ്കിൽ ഈ കടബാധ്യത മുഴുവൻ കേന്ദ്ര സർക്കാർ സംസ്ഥാന സർക്കാരിന്റെ അക്കൗണ്ടില്‍ ഉൾപ്പെടുത്തിയിട്ടുണ്ടോ;

പ്രസ്തുത കടബാധ്യത മൂലം ഉണ്ടായിരിക്കുന്ന സാമ്പത്തിക പ്രതിസന്ധി പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്തിന്റെ കടബാധ്യതകളെക്കുറിച്ചും സാമ്പത്തിക പ്രതിസന്ധിയെക്കുറിച്ചുമുള്ള സമീപകാല മാധ്യമ വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; സംസ്ഥാനത്തിന്റെ സാമ്പത്തിക സ്ഥിതിയെക്കുറിച്ച് വ്യക്തമാക്കാമോ;

ധന ഉത്തരവാദിത്ത നിയമങ്ങളിലെ വ്യവസ്ഥകള്‍ക്ക് ഉപരിയായി സംസ്ഥാനത്തിന് കടബാധ്യതയുണ്ടോ; എങ്കില്‍ കാരണം വ്യക്തമാക്കുമോ;

കടംവാങ്ങി മുന്‍കാല വായ്പകളുടെ പലിശ അടക്കേണ്ടിവരുന്ന 'കടക്കെണി' എന്ന തലത്തില്‍ സംസ്ഥാനത്തിന്റെ സാമ്പത്തിക ബാധ്യതകള്‍ എത്തിയിട്ടുണ്ടോ; എങ്കില്‍ അത് തരണം ചെയ്യുന്നതിനുള്ള നടപടികള്‍ സംബന്ധിച്ച നിലപാട് വ്യക്തമാക്കുമോ;

നികുതി പിരിവ് വര്‍ദ്ധിപ്പിക്കാനും ചെലവ് ചുരുക്കാനുമുള്ള നടപടികള്‍ സ്വീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

സാമ്പത്തിക സ്ഥിതിയെക്കുറിച്ച് ധവളപത്രം പുറപ്പെടുവിക്കാന്‍ തയ്യാറാകുമോയെന്ന് വെളിപ്പെടുത്താമോ?

സംസ്ഥാനം വിവിധ വായ്പാ ഇനങ്ങളിലായി പ്രതിമാസം എത്ര തുകയാണ് പലിശയിനത്തിൽ ചെലവഴിക്കേണ്ടി വരുന്നതെന്നതിന്റെ വിശദാംശം ലഭ്യമാക്കുമോ; പ്രസ്തുത തുക മൊത്തം റവന്യൂ വരുമാനത്തിന്റെ എത്ര ശതമാനമാണെന്ന് വെളിപ്പെടുത്തുമോ;

സംസ്ഥാനത്തിന്റെ പൊതു കടം, ആളോഹരി കടം എന്നിവ നിലവിൽ എത്രയാണെന്ന് വ്യക്തമാക്കുമോ;

2016 മാർച്ച്‌ 31 -ന് സംസ്ഥാനത്തിന്റെ പൊതു കടം, ആളോഹരി കടം എന്നിവ എത്രയായിരുന്നുവെന്ന് വ്യക്തമാക്കുമോ?

സംസ്ഥാനത്തിന്റെ പൊതു കടം എത്രയാണെന്ന് വ്യക്തമാക്കുമോ;

സർക്കാർ നടപ്പ് സാമ്പത്തിക വർഷം നാളിതുവരെ കടമെടുത്ത തുക എത്രയെന്നും നടപ്പ് സാമ്പത്തിക വർഷം കടം എടുക്കാൻ അനുവദനീയമായ തുക എത്രയെന്നും വ്യക്തമാക്കുമോ?

വികസന പ്രവർത്തനങ്ങൾക്കായി കഴിഞ്ഞ 6 വർഷങ്ങളിൽ സർക്കാർ എടുത്തിട്ടുള്ള വായ്പകൾ എത്രയെന്നും പദ്ധതികൾ ഏതൊക്കെയെന്നും വ്യക്തമാക്കാമോ; വിശദാംശം നൽകാമോ;

ഏതൊക്കെ ആഭ്യന്തര, വിദേശ ബാങ്കുകൾ, ഏജൻസികള്‍ എന്നിവയില്‍ നിന്നാണ് വായ്പകൾ എടുത്തിട്ടുള്ളത്; ഓരോ സാമ്പത്തിക വർഷത്തെയും വായ്പയുടെ പലിശ, തിരിച്ചടവ് കാലാവധി എന്നിവ വ്യക്തമാക്കാമോ;

സര്‍ക്കാര്‍ എടുത്തിട്ടുള്ള വായ്പകൾക്ക് നൽകിയിട്ടുള്ള ഗ്യാരണ്ടിയുടെ വിശദാംശംങ്ങൾ, കേന്ദ്ര സർക്കാർ ഗ്യാരണ്ടിയുടെ വിശദാംശങ്ങൾ എന്നിവ ലഭ്യമാക്കാമോ;

ഇത്തരം വായ്പകൾ തുടർന്നും എടുക്കുന്നത് സംസ്ഥാനത്തിന്റെ ഭാവി സാമ്പത്തിക സുസ്ഥിരതയെ ബാധിക്കും എന്ന് കരുതുന്നുണ്ടോ; വിശദാംശം ലഭ്യമാക്കാമോ?

കുന്നംകുളം നിയോജക മണ്ഡലത്തിലെ കിഫ്ബി പദ്ധതികളുടെ പുരോഗതി വിശദമാക്കാമോ?

കിഫ്ബി ഫണ്ട് ഉപയോഗിച്ച് നടപ്പിലാക്കുന്ന മലമ്പുഴ മണ്ഡലത്തിലെ അകത്തേത്തറ റെയില്‍വേ മേല്‍പ്പാലത്തിന്റെ നിര്‍മ്മാണത്തിനായി എത്ര രൂപയാണ് റെയില്‍വേയ്ക്ക് കെെമാറിയിട്ടുള്ളതെന്ന് വ്യക്തമാക്കാമോ; എന്തെല്ലാം പ്രവൃത്തികള്‍ക്കായാണ് പ്രസ്തുത തുക നല്‍കിയിട്ടുള്ളതെന്ന് വിശദമാക്കാമോ?

മലമ്പുഴ നിയോജക മണ്ഡലത്തിലെ ഏതെല്ലാം സ്കൂളുകളുടെ നവീകരണത്തിനാണ് കിഫ്ബി ഫണ്ട് അനുവദിച്ചിട്ടുള്ളതെന്ന് അറിയിക്കാമോ;

ഓരോ സ്കൂളിനും അനുവദിച്ച തുക, പ്രവൃത്തിയുടെ എസ്.പി.വി., പ്രവൃത്തിയുടെ നിലവിലെ സ്ഥിതി എന്നീ വിശദാംശങ്ങള്‍ ലഭ്യമാക്കാമോ?

വള്ളിക്കുന്ന് ഗ്രാമ പഞ്ചായത്തിലെ ആനങ്ങാടി ബീച്ചിലെ കടല്‍ ഭിത്തി നിർമ്മാണത്തിന് കിഫ്ബിയുടെ അനുമതിക്കായി ജലസേചന വകുപ്പ് തയ്യാറാക്കി സമര്‍പ്പിച്ച പ്രപ്പോസലിന്റെ നിലവിലെ സ്ഥിതി വിശദമാക്കാമോ;

കിഫ്ബിയില്‍ ഇതിനായി ഫണ്ട് വകയിരുത്തിയിട്ടുണ്ടെന്ന് ജലസേചന വകുപ്പ് അറിയിച്ച് മാസങ്ങള്‍ കഴിഞ്ഞിട്ടും കിഫ്ബിയുടെ അനുമതി ലഭിക്കാത്തതിന്റെ കാരണം വ്യക്തമാക്കാമോ; ജലസേചന വകുപ്പില്‍ നിന്നും നല്‍കിയ ശിപാര്‍ശയിന്മേൽ 6 മാസം കഴിഞ്ഞിട്ടും മറുപടി നല്‍കാത്തതിന്റെ കാരണം വ്യക്തമാക്കാമോ;

പ്രസ്തുത ഫയലിന്മേൽ കിഫ്ബി സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ; രേഖകളുടെ പകര്‍പ്പുകള്‍ ലഭ്യമാക്കാമോ;

പ്രസ്തുത കടല്‍ ഭിത്തിയുടെ അനുമതി അകാരണമായി വൈകിപ്പിക്കുന്നത് ഒഴിവാക്കി തുടര്‍നടപടികള്‍ അടിയന്തരമായി സ്വീകരിക്കുമോയെന്ന് വ്യക്തമാക്കാമോ?

കിഫ്‌ബി മുഖേന നാളിതുവരെ സംസ്ഥാനത്ത് ഭരണാനുമതി നൽകിയ പ്രവൃത്തികളുടെ ആകെത്തുക എത്രയാണെന്നും ഇതിൽ എത്ര കോടി രൂപയുടെ പദ്ധതികളാണ് ആരംഭിച്ചിട്ടുള്ളതെന്നും വ്യക്തമാക്കുമോ;

കിഫ്‌ബി മുഖേന നടപ്പ് സാമ്പത്തിക വർഷം നാളിതുവരെ ഭരണാനുമതി നൽകിയ പ്രവൃത്തികളുടെ ആകെത്തുകയും ഇതിൽ എത്ര കോടി രൂപയുടെ പദ്ധതികളാണ് ആരംഭിച്ചിട്ടുള്ളതെന്നും വ്യക്തമാക്കുമോ;

കിഫ്‌ബി മുഖേന നിർമ്മാണ പ്രവർത്തനങ്ങൾ ഏറ്റെടുത്ത കരാറുകാർക്ക് നൽകാനുള്ള കുടിശ്ശിക എത്രയാണെന്നതിന്റെ വിശദാംശം നൽകുമോ?

കിഫ്ബി വഴി നാളിതുവരെ ഓരോയിനത്തിലും എത്ര തുക സ്വരൂപിച്ചിട്ടുണ്ട്; വര്‍ഷം തിരിച്ചുള്ള കണക്ക് ലഭ്യമാക്കുമോ;

കിഫ്ബി മുഖേന നാളിതുവരെ വിവിധ പദ്ധതികള്‍ക്കായി എത്ര തുക യഥാര്‍ത്ഥത്തില്‍ ചെലവഴിച്ചിട്ടുണ്ട്; പദ്ധതിച്ചെലവ്, മറ്റിനങ്ങളിലെ ചെലവ് എന്നിവ വര്‍ഷം തിരിച്ച് ലഭ്യമാക്കുമോ;

കിഫ്ബിയില്‍ നിലവില്‍ എത്ര തുക നീക്കിയിരിപ്പുണ്ട്; ഏതെല്ലാം ബാങ്കുകളില്‍ എത്ര വീതം എന്ന കണക്ക് ലഭ്യമാക്കുമോ ഈ നീക്കിയിരിപ്പില്‍ പ്രതിബദ്ധതാച്ചെലവ് എത്രയാണ്, അവശേഷിക്കുന്നത് ​എത്രയാണ്; വ്യക്തമാക്കുമോ;

കിഫ്ബി വഴി നാളിതുവരെ വിവിധയിനത്തില്‍ എത്ര തുക കടമെടുത്തിട്ടുണ്ട്; ഇതില്‍ എത്ര കടം തിരിച്ചടച്ചു; ബാക്കി അടയ്ക്കാനുള്ള കടമെത്ര; ഇനം തിരിച്ച് കണക്ക് ലഭ്യമാക്കുമോ;

കിഫ്ബി മുഖേനയെടുത്ത കടം സംസ്ഥാനത്തിന്റെ പൊതുകടത്തില്‍ ഉള്‍പ്പെടുമോ; ഇല്ലെങ്കില്‍ എന്തുകൊണ്ട്; നിലവില്‍ ഈ കടം കൂടി ഉള്‍പ്പെടുത്തിയാണോ സംസ്ഥാനത്തിന്റെ പൊതുകടം കണക്കാക്കിയിട്ടുള്ളത്; ഈ കടം കൂടി ഉള്‍പ്പെടുത്തിയാല്‍ സംസ്ഥാനത്തിന്റെ ആകെ കടം എത്രയാണ്; കണക്കുകള്‍ ലഭ്യമാക്കുമോ?

തിരൂരങ്ങാടി നിയോജക മണ്ഡലത്തിൽപ്പെട്ട നന്നമ്പ്ര ഗ്രാമപഞ്ചായത്തിലെ കുണ്ടൂർ തോട് നവീകരണം എന്ന പദ്ധതിക്ക് കേരള ഇൻഫ്രാസ്ട്രക്ചർ ഇൻവെസ്റ്റ്മെന്റ് ഫണ്ട് ബോർഡിന്റെ (കിഫ്ബി) അനുമതി ലഭ്യമാക്കിയിട്ടുണ്ടോ; വിശദമാക്കാമോ;

പ്രസ്തുത പ്രവൃർത്തിക്ക് കിഫ്ബിയുടെ ധനകാര്യ അനുമതി ലഭ്യമാക്കുന്നതിന് എന്തെല്ലാം നടപടികളാണ് ഇനി പൂർത്തീകരിക്കാൻ ഉള്ളതെന്ന് വ്യക്തമാക്കാമോ;

ഈ പ്രവൃർത്തിയുടെ ടെൻഡർ നടപടികൾ എന്നേക്ക് പൂർത്തീകരിക്കാൻ സാധിക്കുമെന്ന് അറിയിക്കാമോ?

നെയ്യാറ്റിന്‍കര ഗവണ്‍മെന്റ് ഗേള്‍സ് ഹയര്‍ സെക്കന്‍ഡറി സ്കുളില്‍ പുതിയ മന്ദിരം നിര്‍മ്മിക്കുന്നതിന്റെ ഡി.പി.ആർ. പ്രകാരം കിഫ്ബിയില്‍ നിന്നും തുക അനുവദിച്ചിട്ടുണ്ടോ എന്ന് വിശദമാക്കാമോ; ഇല്ലെങ്കില്‍ കാരണം വ്യക്തമാക്കാമോ;

എത്ര തുകയാണ് സ്കുള്‍ മന്ദിരം നിര്‍മ്മിക്കുന്നതിന് അനുവദിച്ചിരിക്കുന്നതെന്ന് അറിയിക്കുമോ?

തിരൂരങ്ങാടി നിയോജക മണ്ഡലത്തിൽ 2016 മുതൽ കിഫ്‌ബി മുഖേന അനുവദിച്ച പ്രവൃത്തികൾ ഏതെല്ലാമാണെന്ന് വിശദമാക്കാമോ;

പ്രസ്തുത പ്രവൃത്തികളുടെ നിർവഹണ ഏജൻസിയായി ആരെയാണ് ചുമതലപ്പെടുത്തിയിട്ടുള്ളതെന്നും നിർമ്മാണ പുരോഗതിയും നിലവിൽ പൂർത്തീകരിച്ച നടപടികളും ഇനി പൂർത്തീകരിക്കാനുള്ള നടപടികളും സംബന്ധിച്ച വിശദവിവരം ലഭ്യമാക്കാമോ?

കിഫ്ബി ഫണ്ട് മുഖേന 5 കോടി രൂപ ചെലവില്‍ നവീകരിച്ച മലമ്പുഴ മണ്ഡലത്തിലെ എലപ്പുള്ളി ഗവണ്‍മെന്റ് ഹയര്‍ സെക്കണ്ടറി സ്കൂളിലെ പ്രവൃത്തികള്‍ പൂര്‍ത്തീകരിച്ചിട്ടുണ്ടോ; വിശദാംശം അറിയിക്കാമോ;

കിഫ്ബി സാമ്പത്തികാനുമതി നല്‍കുമ്പോള്‍ വിഭാവനം ചെയ്ത മുഴുവന്‍ പ്രവൃത്തികളും പ്രസ്തുത സ്കൂളില്‍ നടത്തിയിട്ടുണ്ടോ; ഇല്ലെങ്കില്‍ ഏതെല്ലാം പ്രവൃത്തികളാണ് നടത്താതിരുന്നതെന്നും അതിനുള്ള കാരണവും അറിയിക്കാമോ?

കാഞ്ഞങ്ങാട് മണ്ഡലത്തിൽ കിഫ്‌ബി പദ്ധതിയിൽ ഉൾപ്പെടുത്തിയ കാഞ്ഞങ്ങാട് ഫ്ലൈ ഓവർ, പടന്നക്കാട് മേൽപ്പാലം, വെള്ളരിക്കുണ്ട് റോഡ് എന്നീ പ്രവൃത്തികൾക്ക് ധനകാര്യ അംഗീകാരം നൽകുന്ന നടപടികൾ ഏത് ഘട്ടത്തിലാണെന്ന് വിശദമാക്കുമോ?

കുന്നത്തുനാട് നിയോജക മണ്ഡലത്തിലെ പൂത്തൂക്കര ഗവണ്‍മെന്റ് ഹയര്‍ സെക്കന്ററി സ്കൂളിനും പഴത്തോട്ടം ഗവണ്‍മെന്റ് ഹയര്‍ സെക്കന്ററി സ്കൂളിനും കിഫ്ബി ഫണ്ട് മുഖാന്തിരം പുതിയ കെട്ടിടം നിര്‍മ്മിക്കുന്നതിന് ഭരണാനുമതി ലഭ്യമായിട്ടും നിര്‍മ്മാണ പ്രവൃത്തികള്‍ ആരംഭിക്കാത്തതിന്റെ കാരണം വ്യക്തമാക്കാമോ;

പ്രസ്തുത സ്കൂള്‍ കെട്ടിടങ്ങളുടെ നിര്‍മ്മാണത്തിനുള്ള തടസ്സങ്ങള്‍ പരിഹരിച്ച് പ്രവൃത്തി പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോയെന്ന് വിശദമാക്കാമോ?

വ്യത്യസ്ത വകുപ്പുകള്‍ കിഫ്ബി ധനസഹായത്തോടെ നിര്‍വഹിക്കുന്ന വിവിധ പദ്ധതികള്‍ക്കുള്ള ധനാനുമതിയും റിവൈസ്ഡ് ധനാനുമതിയും നൽകുന്നതിനുള്ള കാലതാമസം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്റെ കാരണം വിശദമാക്കുമോ;

നടപടിക്രമങ്ങള്‍ വേഗത്തിലാക്കുന്നതിനും അനുമതികള്‍ വേഗത്തിലാക്കുന്നതിനും നടപടികള്‍ സ്വീകരിക്കുമോ?

കടുത്തുരുത്തി നിയോജക മണ്ഡലത്തിലെ കിഫ്ബി പദ്ധതിയായ കുറവിലങ്ങാട് താലൂക്ക് ആശുപത്രിയുടെ നിര്‍മ്മാണം സംബന്ധിച്ച ഫയൽ നടപടിക്രമങ്ങൾ ഏതു ഘട്ടത്തിലാണെന്ന് വിശദീകരിക്കാമോ;

ഈ പദ്ധതി പ്രഖ്യാപിച്ച് ഏഴുവർഷം ആയെങ്കിലും ഇതുവരെയും എസ്റ്റിമേറ്റ് തയ്യാറാക്കാത്തത് വളരെയധികം കെടുകാര്യസ്ഥതയുള്ള സംഗതി ആയതിനാൽ എസ്.പി.വി. (സ്പെഷ്യൽ പർപസ് വെഹിക്കിൽ) ആയി നിശ്ചയിച്ചിരിക്കുന്ന ഹൗസിംഗ് ബോർഡിനെ മാറ്റി മറ്റൊരു ഏജൻസിയെ എസ്.പി.വി. ആയി നിശ്ചയിച്ച് പദ്ധതി യാഥാർത്ഥ്യമാക്കുന്നതിന് ധനകാര്യ വകുപ്പ് അടിയന്തര നടപടി സ്വീകരിക്കുമോ;

ഇപ്പോള്‍ ഈ പദ്ധതിക്ക് ഉണ്ടായിരിക്കുന്ന പ്രതിസന്ധി എന്താണെന്ന് വിശദമാക്കുമോ; ഈ പദ്ധതി എന്ന് യാഥാർത്ഥ്യമാക്കാൻ കഴിയുമെന്നും കിഫ്ബി ബോര്‍ഡ് അംഗീകാരം ഈ പദ്ധതിക്ക് എന്ന് ലഭിക്കുമെന്നും വ്യക്തമാക്കുമോ;

കുറവിലങ്ങാട് താലൂക്ക് ആശുപത്രി കെട്ടിട നിർമ്മാണത്തിന് കിഫ്ബി അംഗീകാരം നൽകുന്നത് സംബന്ധിച്ച് ധനകാര്യ വകുപ്പ് സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദീകരിക്കാമോ?

കിഫ്ബി വഴി നടപ്പിലാക്കുന്ന റെയില്‍ ഓവര്‍ ബ്രിഡ്ജ‍ുകളുടെ നിര്‍മ്മാണം വിവിധ ഭാഗങ്ങളില്‍ തടസ്സപ്പെട്ട കാര്യം ശ്രദ്ധയില്‍പ്പെട്ടിട്ടുണ്ടോ; പ്രസ്തുത തടസ്സം നീക്കിയിട്ടുണ്ടോ; വ്യക്തമാക്കാമോ?

കിഫ്ബി മുഖേന ഏതെല്ലാം പദ്ധതികളാണ് പെരുമ്പാവൂരില്‍ നടപ്പിലാക്കാന്‍ ഉദ്ദേശിക്കുന്നത്; ഓരോ പദ്ധതിയുടെയും പുരോഗതി വിശദമാക്കാമോ;

കിഫ്ബി മുഖേന നടപ്പിലാക്കുന്ന വല്ലം-ഇരിങ്ങോള്‍ റിംഗ് റോഡിന്റെ നിര്‍മ്മാണവുമായി ബന്ധപ്പെട്ട് ഈ വര്‍ഷം പൂര്‍ത്തിയാക്കാന്‍ ഉദ്ദേശിക്കുന്ന പ്രവര്‍ത്തനങ്ങള്‍ എന്തെല്ലാമെന്ന് വിശദീകരിക്കാമോ?

സർവീസിൽ നിന്നും വിരമിച്ച ധനകാര്യ വകുപ്പ് ഉദ്യോഗസ്ഥയ്ക്ക് കിഫ്ബിയിൽ പുനർനിയമനം നൽകിയിട്ടുണ്ടോ; എങ്കിൽ ഏത് തസ്തികയിലാണ് നിയമനം നൽകിയതെന്നും മേൽപ്പറഞ്ഞ ഉദ്യോഗസ്ഥയ്ക്ക് ഒരു മാസം ശമ്പളം ഉൾപ്പെടെയുള്ള ആനുകൂല്യങ്ങൾക്കായി എത്ര തുക അനുവദിക്കുന്നുണ്ടെന്നും വ്യക്തമാക്കുമോ;

മേൽപ്പറഞ്ഞ രീതിയിൽ എത്രപേർക്ക് കിഫ്‌ബിയിൽ പുനർനിയമനം നൽകിയിട്ടുണ്ട്; ഏതൊക്കെ തസ്തികകളിലാണ് നിയമിച്ചതെന്നും ഓരോ തസ്തികയുടെയും ശമ്പളവും ആനുകൂല്യങ്ങളും സംബന്ധിച്ച വിവരങ്ങളും വ്യക്തമാക്കുമോ;

കിഫ്ബിയിൽ നിയമനങ്ങൾ നടത്തുന്നതിന്റെ ചുമതല ആർക്കാണെന്നും നടപടിക്രമം എന്താണെന്നും വ്യക്തമാക്കുമോ; കിഫ്‌ബിയിൽ ധനകാര്യവകുപ്പിൽ നിന്നും ഡെപ്യൂട്ടേഷൻ വ്യവസ്ഥയിൽ എത്ര ഉദ്യോഗസ്ഥർ ജോലി ചെയ്യുന്നുണ്ട് എന്ന് തസ്തിക തിരിച്ചു വ്യക്തമാക്കുമോ?

കോങ്ങാട് നിയോജക മണ്ഡലത്തില്‍ കിഫ്ബി മുഖേന ഭരണാനുമതി ലഭിച്ച പ്രവൃത്തികള്‍ ഏതൊക്കെയെന്ന് അറിയിക്കുമോ;

പ്രസ്തുത പ്രവൃത്തികള്‍ നിലവില്‍ ഏത് ഘട്ടത്തിലാണെന്ന് വിശദമാക്കാമോ;

ഭരണാനുമതി ലഭിച്ചതില്‍ പൂര്‍ത്തിയാകാത്ത പ്രവൃത്തികള്‍ ഏതെല്ലാമാണ്; ഓരോ പ്രവൃത്തിയും പൂര്‍ത്തിയാകുന്നതിനു കാലതാമസം നേരിടുന്നതിനുള്ള കാരണം വ്യക്തമാക്കാമോ?

പേരാമ്പ്ര മണ്ഡലത്തില്‍ ധനകാര്യ അനുമതി നല്‍കിയ കിഫ്ബി പദ്ധതികള്‍ ഏതൊക്കെയാണെന്ന് അറിയിക്കാമോ;

പേരാമ്പ്ര താലൂക്ക് ആശുപത്രി കെട്ടിട നിര്‍മ്മാണത്തിന്റെ എസ്റ്റിമേറ്റ് തുക എത്രയാണെന്ന് വെളിപ്പെടുത്താമോ;

ഇൻകെൽ മുഖേന പ്രസ്തുത ആശുപത്രിയുടെ ഡി.പി.ആർ. ലഭിച്ചിട്ടുണ്ടോ; ഇക്കാര്യത്തില്‍ സ്വീകരിച്ച തുടര്‍നടപടികള്‍ വ്യക്തമാക്കാമോ;

കൂത്താളി നാളികേര പാര്‍ക്ക് പദ്ധതിക്ക് കിഫ്ബി അംഗീകാരം നല്‍കിയിട്ടുണ്ടോയെന്ന് വ്യക്തമാക്കാമോ?

കിഫ്ബി ഫണ്ട് വിനിയോഗിച്ച് തീരദേശ വികസന കോര്‍പ്പറേഷന്‍ മുഖേന നവീകരിക്കുന്നതിന് ടെണ്ടര്‍ നടപടികള്‍ പൂര്‍ത്തിയാക്കിയിട്ടുള്ള പുത്തന്‍ചന്ത മാര്‍ക്കറ്റിന്റെ നവീകരണ പ്രവൃത്തികള്‍ ആരംഭിക്കുന്നതിന് കാലതാമസം നേരിടുന്നതിനുളള സാങ്കേതിക തടസ്സമെന്താണെന്ന് വ്യക്തമാക്കാമോ?

തലശ്ശേരി ഹെറിട്ടേജ് പ്രൊജക്ടില്‍ ഉള്‍പ്പെടുത്തിയ അഴിക്കോട് നിയോജക മണ്ഡലത്തിലെ കാക്കുളങ്ങര പള്ളിയുടെ (കിഫ്‌ബി) നവീകരണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തി ആരംഭിക്കുന്നതിലുള്ള കാലതാമസം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് ആരംഭിക്കുന്നതിന് തടസങ്ങളുണ്ടോയെന്ന് അറിയിക്കാമോ?

കിഫ്ബി ധനസഹായത്തോടെ നടത്തുന്ന പദ്ധതിയിൽ ഉൾപ്പെടുത്തി ഇന്ന് വരെ എത്ര പദ്ധതികൾക്ക് അനുമതി നൽകി എന്ന വിവരം പദ്ധതി, നിയോജക മണ്ഡലം, അനുവദിച്ച തുക എന്നിവ സഹിതം വിശദമാക്കാമോ;

ഇതിൽ ഓരോ പദ്ധതിയുടെയും നിലവിലെ സ്ഥിതി വിശദമാക്കാമോ;

ഏറ്റെടുത്ത പദ്ധതികളിൽ ഏതെങ്കിലും ഉപേക്ഷിച്ചിട്ടുണ്ടോ; എങ്കിൽ കാരണം സഹിതം വിശദമാക്കുമോ;

കിഫ്ബി ഏറ്റെടുത്ത ഏതെങ്കിലും പദ്ധതികളിൽ പുതിയ മാനദണ്ഡപ്രകാരം ചെയ്യാൻ സാധിക്കാതെ വന്ന റോഡുകൾ താൽക്കാലികമായി പുന:രുദ്ധരിച്ച് ഗതാഗതയോഗ്യമാക്കുന്നതിന് പദ്ധതി കൊണ്ടുവരാൻ തീരുമാനിച്ചിട്ടുണ്ടോ; ഇതിനായി ഒറ്റത്തവണ സഹായം അനുവദിക്കുന്നതിന് നടപടി സ്വീകരിക്കുമോ;

സംസ്ഥാനത്ത് പുതുതായി കിഫ്ബി പദ്ധതികൾ ഏറ്റെടുക്കേണ്ടതില്ലെന്ന് തീരുമാനിച്ചിട്ടുണ്ടോ; എങ്കിൽ കാരണം വ്യക്തമാക്കുമോ?

കൊണ്ടോട്ടി താലൂക്ക് ഹെഡ്ക്വാർട്ടേഴ്സ് ആശുപത്രി നവീകരണത്തിന് ഇൻക്കലിനെ ഏജൻസിയായി നിയമിച്ച് കൊണ്ട് കിഫ്ബി തയാറാക്കിയ പദ്ധതിക്കുള്ള അംഗീകാരം നിലവിൽ ഏത് ഘട്ടത്തിലാണെന്ന് വ്യക്തമാക്കുമോ;

പ്രസ്തുത പദ്ധതിക്ക് അടിയന്തരമായി അംഗീകാരം നൽകി പ്രവൃത്തി ആരംഭിക്കുന്നതിന് നടപടി സ്വീകരിക്കുമോ?

ഉടുമ്പന്‍ചോല മണ്ഡലത്തില്‍ കിഫ്ബി മുഖേന അനുവദിച്ച വികസന പ്രവൃത്തികൾ ഏതൊക്കെ; നിലവില്‍ ഓരോ പ്രവൃത്തിയുടെയും പുരോഗതി സംബന്ധിച്ച വിശദാംശം നല്‍കാമോ;

ആകെ എത്ര രൂപയുടെ നിര്‍മ്മാണപ്രവര്‍ത്തനങ്ങള്‍ക്കാണ് നാളിതുവരെ ഭരണാനുമതി നല്‍കിയിട്ടുള്ളത്; ഓരോ പ്രവൃത്തിയുടെ പേരും ഭരണാനുമതി നല്‍കിയ തുകയും സംബന്ധിച്ച വിശദാംശം നല്‍കാമോ?

കിഫ്‌ബി പദ്ധതിയിലുള്‍പ്പെട്ട കൊടുവള്ളി നിയോജക മണ്ഡലത്തിലൂടെ കടന്നുപോകുന്ന അടിവാരം - കേളംമൂല റോഡിന്റെ(23.7 കി.മീ) ഇപ്പോഴത്തെ അവസ്ഥ എന്താണെന്ന് വ്യക്തമാക്കുമോ;

പ്രസ്തുത പദ്ധതിക്ക് കിഫ്ബി അംഗീകാരം നൽകിയിട്ടുണ്ടോ?

കൊടുവള്ളി നിയോജക മണ്ഡലത്തിലെ സ്കൂളുകളുടെ നവീകരണവുമായി ബന്ധപ്പെട്ട് കിഫ്ബി വഴി അനുവദിച്ച തുക, സ്കൂളുകളുടെ പേര് എന്നിവ ഇനം തിരിച്ചു ലഭ്യമാക്കുമോ;

ഇതിൽ ഏതൊക്കെ പദ്ധതികൾ പൂർത്തീകരിച്ചു എന്ന് വിശദമാക്കുമോ;

സ്കൂൾ കെട്ടിട നിർമ്മാണവുമായി ബന്ധപ്പെട്ട പ്രവൃത്തികളുടെ ഇപ്പോഴത്തെ അവസ്ഥ എന്തെന്ന് വിശദീകരിക്കുമോ;

ചില സ്കൂളുകളുടെ പ്രവൃത്തികൾ ആരംഭിക്കുന്നതിനുള്ള പ്രാരംഭനടപടികൾ പോലും കൈക്കൊണ്ടിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ;

നാളിതുവരെയായി പ്രവൃത്തി ആരംഭിക്കാത്ത സ്കൂളുകൾ ഏതൊക്കെയാണെന്ന് വ്യക്തമാക്കുമോ; എന്ത് കാരണത്താലാണ് പദ്ധതി ആരംഭിക്കാത്തതെന്ന് വിശദമാക്കുമോ?

കിഫ്ബി അംഗീകാരവും പൊതുമരാമത്ത് വകുപ്പ് 10.07.2017-ലെ സ.ഉ. (ആർ.റ്റി.) 942/2017 നമ്പർ ഉത്തരവ് പ്രകാരം 20 കോടിക്ക് ഭരണാനുമതിയും നല്‍കിയ 2017-2018-ലെ കിഫ്ബി പദ്ധതിയായ വല്ലാര്‍പാടം പനമ്പുകാട് കായലോര റിങ് റോഡ് നിര്‍മ്മാണത്തെ സംബന്ധിച്ച് 08.12.2022-ന് കേരള റോഡ് ഫണ്ട് ബോര്‍ഡ് പ്രൊജക്ട് ഡയറക്ടര്‍, കിഫ്ബി ചീഫ് പ്രൊജക്ട് എക്സാമിനര്‍ക്ക് നല്‍കിയ കത്തിന്മേൽ സ്വീകരിച്ചിട്ടുള്ള നടപടി വിശദമാക്കാമോ;

ജിഡയുടെ സഹായത്തോടെ ഇറിഗേഷന്‍ വകുപ്പ് നിര്‍മ്മിക്കുന്ന, പനമ്പുകാട് മുതല്‍ വല്ലാര്‍പാടം ബസിലിക്ക വരെയുള്ള ഔട്ടര്‍ ബണ്ട് റോഡിന്റെ തുടര്‍ച്ചയായുള്ള റോഡ് ആയതിനാലും നിരവധി സ്ലൂയിസുകള്‍ നിര്‍മ്മിക്കുന്നതിനും പുനര്‍നിര്‍മ്മിക്കുന്നതിനുമുള്ള പ്രവൃത്തികള്‍ കിഫ്ബി പദ്ധതിയില്‍ ഉൾപ്പെട്ടിട്ടുള്ളതിനാലും ഇത്തരം പ്രവൃത്തിയില്‍ ഇറിഗേഷന്‍ വകുപ്പിനാണ് വൈദഗ്ദ്ധ്യം എന്ന് പ്രസ്തുത കത്തില്‍ റിപ്പോര്‍ട്ട് ചെയ്യപ്പെട്ടിട്ടുള്ളതിനാല്‍ പ്രസ്തുത പ്രവൃത്തി ജലവിഭവ വകുപ്പിന് കൈമാറുവാന്‍ ഉദ്ദേശിക്കുന്നുണ്ടോ; എങ്കിൽ വിശദാംശം ലഭ്യമാക്കാമോ;

കാലാവസ്ഥാവ്യതിയാനം മൂലം വല്ലാര്‍പാടം ദ്വീപ് നിവാസികള്‍ നേരിടുന്ന ബുദ്ധിമുട്ടുകള്‍ കണക്കിലെടുത്ത് പ്രസ്തുത പ്രവൃത്തി അടിയന്തരമായി പൂര്‍ത്തിയാക്കാന്‍ നടപടി സ്വീകരിക്കുമോ; വ്യക്തമാക്കുമോ?

കിഫ്ബി വായ്പയുടെ തിരിച്ചടവിനായി ഏതൊക്കെ ഇനത്തിലുള്ള വരുമാനമാണ് ഉപയോഗപ്പെടുത്തുന്നതെന്ന് വ്യക്തമാക്കുമോ;

അടുത്ത അഞ്ച് സാമ്പത്തിക വർഷം പ്രസ്തുത ഇനത്തിൽ എത്ര രൂപയുടെ വരുമാനമാണ് പ്രതീക്ഷിക്കുന്നത്; ഇത് വായ്പയുടെ തിരിച്ചടവിന് പര്യാപ്തമായിരിക്കുമെന്ന് വിലയിരുത്തുന്നുണ്ടോ; വ്യക്തമാക്കുമോ?

അരൂര്‍ നിയോജകമണ്ഡലത്തില്‍ കിഫ്ബി വഴി ഫണ്ട് അനുവദിച്ച സ്കൂളുകളില്‍ 'കില' നിര്‍വ്വഹണ ഏജൻസിയായ സ്കൂളുകള്‍ ഏതെല്ലാമെന്ന് വിശദമാക്കാമോ;

'കില' നിര്‍വ്വഹണ ഏജൻസിയായ പ്രസ്തുത നിയോജക മണ്ഡലത്തിലെ സ്കൂളുകളുടെ നിര്‍മ്മാണ പ്രവര്‍ത്തനം അനിശ്ചിതമായി നീളുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ആയത് പരിഹരിക്കുന്നതിന് സ്വീകരിച്ച നടപടി വിശദമാക്കാമോ?

കിഫ്ബി പദ്ധതികള്‍ക്ക് സാമ്പത്തിക അനുമതി നല്‍കുന്നതിനായി ബോര്‍ഡ് മീറ്റിംഗുകൾ കൂടുന്നതിന്റെ ഇടവേള എത്രയെന്ന് വിശദമാക്കാമോ;

ബോര്‍ഡ് കൂടുന്നതിലെ കാലതാമസം കാരണം പദ്ധതികള്‍ നടപ്പിലാക്കുന്നതിന് കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോയെന്ന് വിശദമാക്കാമോ;

കിഫ്ബി പദ്ധതികള്‍ സമയബന്ധിതമായി നടപ്പിലാക്കുന്നതിന് എന്തൊക്കെ നടപടികളാണ് സ്വീകരിക്കുന്നതെന്ന് വിശദമാക്കാമോ;

കഴക്കൂട്ടം നിയോജക മണ്ഡലത്തില്‍ കിഫ്ബി ധനസഹായത്തോടെ നടപ്പിലാക്കുന്ന പദ്ധതികളുടെ വിശദ വിവരങ്ങളും അവയുടെ പുരോഗതിയും വിശദമാക്കാമോ?

കിഫ്‌ബി ഫെമ നിയമം ലംഘിച്ചതായി സംസ്ഥാന സർക്കാർ വിലയിരുത്തുന്നുണ്ടോ വ്യക്തമാക്കുമോ;

എങ്കിൽ ഇത്തരം നിയമലംഘനം നടത്തിയവർക്കെതിരെ എന്തൊക്കെ നടപടിയാണ് സ്വീകരിക്കാൻ ഉദ്ദേശിക്കുന്നത്; വിശദമാക്കുമോ;

മസാല ബോണ്ട്‌ മുഖേന നിക്ഷേപം സ്വീകരിച്ചതിന്റെ നടപടിക്രമങ്ങള്‍ വ്യക്തമാക്കുമോ; റിസര്‍വ് ബാങ്ക് അനുമതിയുടെ പകര്‍പ്പ് ലഭ്യമാക്കുമോ?

അഴിക്കോട് മണ്ഡലത്തിൽ കിഫ്ബിയിൽ ഉൾപ്പെടുത്തിയ കല്ലൂരിക്കടവ് പാലം പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തി ആരംഭിക്കുന്നതിന് എന്തെങ്കിലും തടസ്സങ്ങളുണ്ടോ; വിശദാംശം നല്‍കാമോ?

മാനന്തവാടി നിയോജക മണ്ഡലത്തിലെ എം.എല്‍.എ. ആസ്തി വികസന ഫണ്ട് പദ്ധതികളില്‍ നിന്നും ആകെ ഉള്ള ടെണ്ടര്‍ സേവിംഗ്സ് തുക എത്രയാണെന്ന് വ്യക്തമാക്കാമോ;

ടെണ്ടര്‍ സേവിംഗ്സ് തൂകയ്ക്ക് പുതിയ പദ്ധതി നിര്‍ദ്ദേശിക്കുന്നതിന് എന്തെങ്കിലും മാനദണ്ഡങ്ങള്‍ ഉണ്ടോ എന്ന് വ്യക്തമാക്കാമോ?

എം.എല്‍.എ.യുടെ ആസ്തി വികസന പദ്ധതിയില്‍ ഏറ്റെടുക്കുന്ന പ്രവ‍‍ൃത്തികളില്‍ ഭേദഗതി വരുത്തിയിട്ടുണ്ടോ; എങ്കില്‍ അതിന്റെ പകര്‍പ്പ് ലഭ്യമാക്കാമോ;

പഞ്ചായത്ത് സ്റ്റേഡിയം നിര്‍മ്മാണം, റോഡ് റീ-ടാറിംഗ് എന്നിവ ആസ്തി വികസന പദ്ധതിയില്‍ നടപ്പിലാക്കുന്നതിന് തടസ്സങ്ങള്‍ നിലവിലുണ്ടോ; എങ്കില്‍ അതുമായി ബന്ധപ്പെട്ടുള്ള ഉത്തരവിന്റെ പകര്‍പ്പ് ലഭ്യമാക്കാമോ?

പുതുക്കാട് മണ്ഡലത്തിലെ ചെമ്പൂച്ചിറ ഗവൺമെന്റ് എച്ച്.എസിന്റെ അടിസ്ഥാന സൗകര്യ വികസനത്തിനായി 3 കോടി രൂപയുടെ കിഫ്ബി ഫണ്ട് ഉപയോഗപ്പെടുത്തി 'കൈറ്റ്' മേൽനോട്ടം നിര്‍വ്വഹിച്ച് നടത്തുന്ന പ്രവര്‍ത്തികള്‍ക്കൊപ്പം മണ്ഡലം ആസ്തിവികസന ഫണ്ടിൽ നിന്നും 81 ലക്ഷം രൂപ അനുവദിച്ച് കെട്ടിടനിര്‍മ്മാണം നടത്തുന്നതിനായി നിശ്ചയിച്ചിരുന്നുവെങ്കിലും, ടെണ്ടര്‍ പ്രകാരമുള്ള പ്രവൃത്തികള്‍ പൂര്‍ത്തിയാക്കിയതായി പി.എം.സിയായ ഡബ്ല്യൂ.എ.പി.സി.ഒ.എസ് (വാപ്കോസ്) അറിയിക്കുകയും ബാക്കിപ്രവൃത്തികള്‍ ഏറ്റെടുക്കാൻ കഴിയില്ലെന്ന് 'കൈറ്റ്' നിലപാടെടുക്കുകയും ചെയ്തതിനാല്‍ ആസ്തി വികസന ഫണ്ടായ 81 ലക്ഷം രൂപ തിരികെ നൽകുന്നതിന് ആവശ്യമായ നടപടികള്‍ അടിയന്തിരമായി സ്വീകരിക്കുമോ എന്ന് വ്യക്തമാക്കാമോ?

2021-22 വര്‍ഷത്തെ എം.എല്‍.എ യുടെ പ്രത്യേക വികസന നിധിയില്‍ ഉള്‍പ്പെടുത്തി പാപ്പിനിശ്ശേരി കമ്മ്യൂണിറ്റി ഹെല്‍ത്ത് സെന്റര്‍, നാറാത്ത് ഫാമിലി ഹെല്‍ത്ത് സെന്റര്‍ എന്നിവിടങ്ങളില്‍ ആംബുലന്‍സ് വാങ്ങുന്നതിനുള്ള പ്രവൃത്തിയുടെ നിലവിലെ സ്ഥിതി അറിയിക്കാമോ;

ഹെല്‍ത്ത് സെന്ററുകള്‍ക്ക് ആംബുലന്‍സ് കൈമാറുന്നതില്‍ എന്തെങ്കിലും തടസങ്ങള്‍ ഉണ്ടോ; വിശദാംശം നല്‍കാമോ?

2022-2023 സാമ്പത്തിക വര്‍ഷത്തെ നിയോജക മണ്ഡലം ആസ്തി വികസന പദ്ധതിയില്‍ ഭരണാനുമതി ലഭിക്കുന്നതിനായി സമര്‍പ്പിച്ച വൈപ്പിന്‍ നിയോജക മണ്ഡലത്തിലെ കടമക്കുടി ഗ്രാമപഞ്ചായത്തിലെ ആധുനിക ശ്മശാനത്തില്‍ ഗ്യാസ് ഫര്‍ണസ് സ്ഥാപിക്കുന്ന പ്രൊപ്പോസലിന് അനുമതി ലഭ്യമാക്കുന്നതിനു നേരിടുന്ന കാലതാമസത്തിന്റെ കാരണം വ്യക്തമാക്കാമോ;

ഇതിനായി ഡി.പി.ആര്‍/എസ്റ്റിമേറ്റ് തയ്യാറാക്കേണ്ട അംഗീകൃത ഏജന്‍സികള്‍ ഏതെല്ലാമെന്ന് വ്യക്തമാക്കാമോ;

പ്രസ്തുത പ്രവൃത്തിക്ക് എന്നത്തേക്ക് ഭരണാനുമതി ലഭ്യമാക്കാന്‍ സാധിക്കുമെന്ന് വ്യക്തമാക്കാമോ?

2018-19, 2019-20 വര്‍ഷത്തെ എം.എൽ.എ. ആസ്തിവികസന പദ്ധതിയില്‍ ഉള്‍പ്പെടുത്തിയ, നെന്മാറ മണ്ഡലത്തിലെ എലവഞ്ചേരി ഗ്രാമപഞ്ചായത്തിലെ നാട്ടുവെളിച്ചം സമ്പൂര്‍ണ്ണ തെരുവ് വിളക്ക് പദ്ധതി നാളിതുവരെ തുടങ്ങാന്‍ കഴിയാത്തതിന്റെ കാരണം വിശദമാക്കുമോ;

പ്രസ്തുത പദ്ധതി തുടങ്ങുന്നതുമായി ബന്ധപ്പെട്ട് എന്തെല്ലാം നടപടിക്രമങ്ങളാണ് പൂര്‍ത്തീകരിച്ചതെന്നും പദ്ധതി എന്നത്തേക്ക് തുടങ്ങാന്‍ കഴിയുമെന്നും വിശദമാക്കുമോ?

നെന്മാറ നിയോജക മണ്ഡലത്തിന് അനുവദിച്ച ആസ്തിവികസന ഫണ്ട്, പ്രത്യേക വികസന നിധി എന്നിവയിലൂടെ നടത്തിയ പ്രവൃത്തികളുടെ ടെന്‍ഡര്‍ സേവിംഗ്സ് ഇനത്തില്‍ എത്ര തുകയാണ് ബാക്കിയുളളതെന്ന് വിശദമാക്കുമോ;

ടെന്‍ഡര്‍ സേവിംഗ്സ് ഇനത്തില്‍ മിച്ചമുളള തുക സമയബന്ധിതമായി എം.എല്‍.എ. മാരെ അറിയിക്കാന്‍ ആവശ്യമായ നടപടി സ്വീകരിക്കുമോ വ്യക്തമാക്കുമോ?

നിയോജക മണ്ഡലം ആസ്തി വികസന പദ്ധതിയില്‍ ഉള്‍പ്പെടുത്തി 2020-21, 2021-22, 2022-23 വര്‍ഷങ്ങളില്‍ മാവേലിക്കര മണ്ഡലത്തില്‍ അനുവദിക്കപ്പെട്ട പ്രവൃത്തികളുടെ നിലവിലെ സ്ഥിതി വിവരം ലഭ്യമാക്കുമോ;

ഇവയില്‍ പൂര്‍ത്തീകരിക്കാനുള്ള പ്രവൃത്തികള്‍ ഏതൊക്കെയെന്നും പൂര്‍ത്തീകരണവുമായി ബന്ധപ്പെട്ട് എന്തെങ്കിലും തടസ്സങ്ങള്‍ ഉണ്ടോയെന്നും വ്യക്തമാക്കാമോ;

പ്രസ്തുത പ്രവൃത്തികള്‍ അടിയന്തരമായി പൂര്‍ത്തീകരിക്കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ?

2016-17 മുതൽ 2020-21 വരെ ആസ്തി വികസന ഫണ്ട് ഉപയോഗിച്ച് ഇരിക്കൂർ മണ്ഡലത്തിൽ നടത്തിയ പ്രവൃത്തികളിൽ എത്ര രൂപ ടെണ്ടർ സേവിംഗ്സുണ്ടെന്ന് അറിയിക്കാമോ; വിശദാംശം ലഭ്യമാക്കുമോ;

പ്രസ്തുത സേവിംഗ്സില്‍ ഈ സാമ്പത്തിക വർഷം വിനിയോഗിക്കാൻ കഴിയുന്ന തുക എത്രയാണെന്ന് വ്യക്തമാക്കുമോ?

എം.എല്‍.എ. ആസ്തി വികസന പദ്ധതിയുടെ സമയബന്ധിത പൂര്‍ത്തീകരണവുമായി ബന്ധപ്പെട്ട് ധനവകുപ്പ് ഇതുവരെ പുറപ്പെടുവിച്ചിട്ടുള്ള ഉത്തരവുകള്‍, സര്‍ക്കുലറുകള്‍ എന്നിവയുടെ പകര്‍പ്പ് ലഭ്യമാക്കാമോ;

പ്രസ്തുത ഉത്തരവുകളിലെയും സര്‍ക്കുലറിലെയും നിര്‍ദ്ദേശങ്ങള്‍ ഉദ്യോഗസ്ഥര്‍ പാലിക്കുന്നുണ്ടോയെന്ന് പരിശോധിക്കാനുള്ള സംവിധാനം എന്തൊക്കെയാണെന്ന് അറിയിക്കാമോ;

പ്രതിമാസ റിപ്പോര്‍ട്ട് അതത് എം.എല്‍.എ.മാര്‍ക്ക് നല്‍കണമെന്ന നിര്‍ദ്ദേശം എവിടെയൊക്കെ പാലിക്കുന്നുണ്ടെന്ന് പരിശോധിക്കാമോ;

ഭരണാനുമതി നല്‍കിയ പദ്ധതികളുടെ സാങ്കേതികാനുമതി നല്‍കുന്നതിലും, ടെണ്ടര്‍ നടത്തി എഗ്രിമെന്റ് വച്ച പ്രവൃത്തികള്‍ പൂര്‍ത്തിയാക്കുന്നതിലും ഉദ്യോഗസ്ഥര്‍ കാണിക്കുന്ന അലംഭാവം കണ്ടെത്തി പരിഹരിക്കാന്‍ ശക്തമായ നിരീക്ഷണ സംവിധാനം ഏര്‍പ്പെടുത്താന്‍ നടപടി സ്വീകരിക്കാമോ;

മൂന്ന് മാസത്തിലൊരിക്കല്‍ പ്രസ്തുത റിവ്യൂ റിപ്പോര്‍ട്ട് ധനവകുപ്പ് നോഡല്‍ സെല്ലിലേക്ക് കൈമാറുന്നതിന് നിര്‍ദ്ദേശം നല്‍കാമോ?

ഐ.എച്ച്.ആര്‍.ഡി., എല്‍.ബി.എസ്. എന്നിവയ്ക്ക് കെട്ടിടം നിര്‍മ്മിക്കാന്‍, കാഞ്ഞിരപ്പള്ളി എം.എല്‍.എ. ആസ്തി വികസന ഫണ്ട് ചെലവഴിക്കുന്നതിന് അനുമതിയ്ക്കായി നല്‍കിയ കത്തില്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

കാഞ്ഞിരപ്പള്ളിയില്‍ പ്രവര്‍ത്തിക്കുന്ന ഐ.എച്ച്.ആര്‍.ഡി. കോളേജിനും നിര്‍ദ്ദിഷ്ട ഐ.എച്ച്.ആര്‍.ഡി. പോളിടെക്‌നിക്കിനും സൗജന്യമായി സ്ഥലം ലഭ്യമാണെന്നത് കണക്കിലെടുത്ത് പ്രസ്തുത പ്രോജക്ടുകള്‍ നടപ്പാക്കുന്നതിന് ആസ്തി വികസന ഫണ്ട് ചെലവഴിക്കുന്നതിന് പ്രത്യേക അനുമതി നല്‍കുന്ന കാര്യം പരിഗണിക്കുമോ;

എല്‍.ബി.എസിന്റെ റീജിയണല്‍ കേന്ദ്രത്തിന് സ്ഥലവും കെട്ടിടസൗകര്യവും ലഭ്യമാക്കിയാല്‍ അനുമതി നല്‍കാമെന്ന് എല്‍.ബി.എസ്. അധികൃതർ അറിയിച്ചിരിക്കുന്ന സാഹചര്യത്തിലും ആവശ്യമായ സ്ഥലം സൗജന്യമായി ലഭ്യമാണെന്നതും കണക്കിലെടുത്ത് പുതിയ കെട്ടിടം നിര്‍മ്മിക്കാന്‍ ആസ്തി വികസന ഫണ്ടില്‍ നിന്നും ചെലവഴിക്കാന്‍ പ്രത്യേക അനുമതി നല്‍കാമോ;

സംസ്ഥാനത്ത് എയ്ഡഡ് വിദ്യാഭ്യാസ സ്ഥാപനങ്ങള്‍ക്ക് നിബന്ധനകളോടെ ആസ്തി വികസന ഫണ്ട് ഉപയോഗിക്കാമെന്നിരിക്കെ സംസ്ഥാനത്തിന്റെ നേരിട്ടുള്ള നിയന്ത്രണത്തിലുള്ള ആട്ടോണമസ് സ്ഥാപനങ്ങളായ എല്‍.ബി.എസ്., ഐ.എച്ച്.ആര്‍.ഡി. പോലുള്ളവയ്ക്ക് ആസ്തി വികസന ഫണ്ട് ഉപയോഗിച്ച് കെട്ടിടം നിര്‍മ്മിക്കാന്‍ അനുമതി നിഷേധിക്കുന്നതിന്റെ കാരണം അറിയിക്കാമോ?

എം.എൽ.എ. ആസ്തി വികസന ഫണ്ട് ഉപയോഗിച്ച് പൂർത്തിയാക്കിയ പ്രവൃത്തികളുടെ ബില്ല് ക്ലെയിം ചെയ്തിട്ട്, പ്രസ്തുത ബില്ല് മാറിനൽകുന്നതിന് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ കാലതാമസം ഒഴിവാക്കുവാൻ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

എം.എൽ.എ.ആസ്തി വികസന ഫണ്ട് ഉപയോഗിച്ച് പൂർത്തിയാക്കിയ പ്രവൃത്തികൾക്ക് ബില്ല് ക്ലെയിം ചെയ്ത കരാറുകാർക്ക് നൽകുവാനുള്ള തുക നിലവിൽ എത്രയാണെന്നും ഏതു മാസം വരെയുള്ള കുടിശ്ശികയാണ് നല്കുവാനുള്ളതെന്നും അറിയിക്കാമോ;

പ്രസ്തുത ഫണ്ട് ഉപയോഗിച്ച് പൂർത്തിയാക്കിയ പ്രവൃത്തികൾക്ക് ബില്ല് മാറിനൽകുവാൻ ബില്ല് ഡിസ്‌കൗണ്ടിങ് സിസ്റ്റം (ബി.ഡി.എസ്.) ഏർപ്പെടുത്തിയിട്ടുണ്ടോ; വിശദമാക്കാമോ?

എം.എല്‍.എ മാരുടെ എസ്.ഡി.എഫ്., എ.ഡി.എസ്. ഫണ്ടുകൾ ഉപയോഗിച്ച് സർക്കാർ സ്കൂൾ , എയ്ഡഡ് സ്കൂൾ , ലൈബ്രറി കൗൺസിൽ അംഗീകാരമുള്ള ലൈബ്രറികൾ തുടങ്ങിയ സ്ഥാപനങ്ങളില്‍ നടപ്പിലാക്കാൻ കഴിയുന്ന പദ്ധതികളുടെ വിശദ വിവരങ്ങൾ ലഭ്യമാക്കുമോ?

അടിസ്ഥാന വിദ്യാഭ്യാസ സൗകര്യങ്ങൾ പോലുമില്ലാത്ത സംസ്ഥാനത്തെ പിന്നാക്ക ജില്ലകളിലെ എയ്ഡഡ് സ്കൂളുകളിൽ, എം.എൽ.എ.മാരുടെ പ്രത്യേക വികസന നിധിയിൽ നിന്ന് ലൈബ്രറി പുസ്തകങ്ങൾ, ഡിജിറ്റൽ പഠനോപകരണങ്ങൾ എന്നിവ നൽകുന്നതിനും സ്മാർട്ട് ക്ലാസ് റൂം അനുവദിക്കുന്നതിനും ആവശ്യമായ നടപടി സ്വീകരിക്കുമോ?

മങ്കട നിയോജക മണ്ഡലത്തില്‍ എം.എല്‍.എ. യുടെ പ്രത്യേക വികസന നിധിയില്‍ ഉള്‍പ്പെടുത്തി 2019-20 മുതല്‍ 2022-23 വരെയുള്ള ഓരോ വര്‍ഷവും ഭരണാനുമതി ലഭിച്ച പദ്ധതികള്‍, അവയില്‍ പൂര്‍ത്തിയാക്കിയ പ്രവൃത്തികള്‍, പ്രവൃത്തി പൂര്‍ത്തിയാകാത്തവ എന്നിവയുടെ വിശദാംശം വര്‍ഷം തിരിച്ച് ലഭ്യമാക്കുമാേ; പ്രവൃത്തികള്‍ പൂര്‍ത്തിയാക്കാന്‍ കാലതാമസം നേരിടുന്നതിന്റെ കാരണം വിശദമാക്കാമാേ;

സമയബന്ധിതമായി പ്രവൃത്തി നടപ്പിലാക്കുന്നതിന് നടപടി സ്വീകരിച്ചിട്ടുണ്ടോ; എങ്കില്‍ പൂര്‍ത്തിയാക്കാന്‍ ബാക്കിയുള്ള പ്രവൃത്തികളില്‍ കാലതാമസം ഒഴിവാക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ?

സംസ്ഥാനത്ത് എം.എല്‍.എ മാരുടെ ആസ്തിവികസന പദ്ധതി പ്രകാരം മുന്‍ വര്‍ഷങ്ങളില്‍ നിര്‍ദ്ദേശിച്ച പ്രവൃത്തികളുടെ ഭരണാനുമതി ഭേദഗതി ചെയ്ത് നല്‍കുന്നതിന് തടസങ്ങള്‍ നിലവിലുണ്ടോ;

2019-20 & 2021-22 വര്‍ഷത്തെ പദ്ധതികളില്‍ ഭേദഗതി നിര്‍ദ്ദേശിച്ചെങ്കിലും ആയതിന് ഭരണാനുമതി നല്‍കുന്നതിനുള്ള അവസാന തീയതി 31-12-2022-ന് അവസാനിച്ചതായാണ് അറിയിപ്പ് ലഭിച്ചത് എന്നതിനാൽ ഭരണാനുമതി നല്‍കുന്നതിനുള്ള അവസാന തീയതി നീട്ടി നല്‍കാന്‍ നടപടി സ്വീകരിക്കുമോയെന്ന് വിശദമാക്കുമോ?

എം.എല്‍.എ. മാരുടെ ആസ്തി വികസന പദ്ധതി പ്രകാരം കോങ്ങാട് നിയോജക മണ്ഡലത്തില്‍ 2021-22 സാമ്പത്തിക വര്‍ഷത്തില്‍ നിര്‍ദ്ദേശിക്കപ്പെട്ടിട്ടുള്ള പ്രവൃത്തികളില്‍ നാളിതുവരെ ഭരണാനുമതി ലഭിക്കാത്ത പ്രവൃത്തികള്‍ ഉണ്ടോയെന്ന് അറിയിക്കുമോ; എങ്കില്‍ അതിനുള്ള കാരണവും ആയത് പരിഹരിക്കാന്‍ സ്വീകരിച്ച നടപടികളും വ്യക്തമാക്കാമോ?

വടക്കാഞ്ചേരി മണ്ഡലത്തില്‍ 2016-17 മുതല്‍ 2020-21 വരെയുള്ള കാലയളവില്‍ പ്രത്യേക വികസന ഫണ്ടില്‍ നിന്ന് അനുമതി ലഭിച്ച പ്രവൃത്തികള്‍ ഏതെല്ലാമാണെന്ന് അറിയിക്കുമോ;

ഓരോ പ്രവൃത്തിക്കും അനുവദിച്ച ടെണ്ടര്‍ തുക എത്രയാണെന്ന് അറിയിക്കുമോ;

ഇനി ഏതെങ്കിലും പ്രവൃത്തി പൂര്‍ത്തീകരിക്കാനുണ്ടോ; പ്രവർത്തന പുരോഗതി അറിയിക്കുമോ?

നടപ്പുവർഷം കാസർകോട് ജില്ലയിലെ ഏതൊക്കെ പദ്ധതികളാണ് നബാർഡിന്റെ സഹായത്തോടെ നടപ്പിലാക്കുന്നതിന് സമർപ്പിച്ചിട്ടുള്ളതെന്ന് വ്യക്തമാക്കുമോ; പദ്ധതികളുടെ വിശദവിവരങ്ങൾ ലഭ്യമാക്കുമോ;

പ്രസ്തുത പദ്ധതികളിൽ നബാർഡിന്റെ അംഗീകാരം ലഭിച്ച പദ്ധതികളുടെ വിശദ വിവരങ്ങൾ ലഭ്യമാക്കുമോ?

സംസ്ഥാനത്ത് നിലവിലുള്ള പങ്കാളിത്ത പെന്‍ഷന്‍ പദ്ധതി പുന:പരിശോധിക്കുന്നതിനായി നിയമിച്ചിരുന്ന സമിതിയുടെ റിപ്പോര്‍ട്ടിന്‍മേലുള്ള സര്‍ക്കാരിന്റെ പരിശോധന പൂര്‍ത്തിയായിട്ടുണ്ടോ; റിപ്പോർട്ട് നിലവിൽ ഏതു വകുപ്പിന്റെ പരിഗണനയിലാണുള്ളതെന്ന് അറിയിക്കുമോ;

പുന:പരിശോധന സമിതിയുടെ റിപ്പോര്‍ട്ടിലെ പ്രധാന ശിപാര്‍ശകള്‍ എന്തെല്ലാമാണെന്ന് വിശദമാക്കുമോ; സമിതി റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ; റിപ്പോർട്ട് പ്രസിദ്ധീകരിക്കാതിരിക്കുന്നതിനുള്ള കാരണങ്ങൾ എന്തെങ്കിലും ഉണ്ടെങ്കില്‍ ആയത് വിശദമാക്കുമോ;

സമിതി റിപ്പോര്‍ട്ടിലെ ശിപാര്‍ശകളിന്മേല്‍ സര്‍ക്കാര്‍ സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ;

മറ്റ് പല സംസ്ഥാനങ്ങളും പങ്കാളിത്ത പെന്‍ഷന്‍ പദ്ധതി പിന്‍വലിച്ച സാഹചര്യത്തില്‍ സംസ്ഥാനത്ത് പങ്കാളിത്ത പെന്‍ഷന്‍ പദ്ധതി പിന്‍വലിച്ച് സ്റ്റാറ്റ്യൂട്ടറി പെന്‍ഷന്‍ പദ്ധതി നടപ്പിലാക്കുന്ന കാര്യം സര്‍ക്കാരിന്റെ പരിഗണനയില്‍ ഉണ്ടോയെന്ന് വിശദമാക്കുമോ?

ജീവനക്കാരുടെ പെന്‍ഷന്‍ അപേക്ഷകള്‍ ഓണ്‍ലെെന്‍ ആയി പരിശോധിക്കുന്ന സംവിധാനം എല്ലാ വകുപ്പുകളിലും ഏര്‍പ്പെടുത്തിയിട്ടുണ്ടോയെന്ന് വ്യക്തമാക്കാമോ;

ഓണ്‍ലെെന്‍ പരിശോധന സംബന്ധിച്ച് മുഴുവന്‍ വകുപ്പുകളിലെയും ജീവനക്കാര്‍ക്ക് പരിശീലനം നല്‍കാന്‍ സാധിച്ചിട്ടുണ്ടോ; ഐ.എം.ജി. വഴി മുഴുവന്‍ ജീവനക്കാര്‍ക്കും ഓണ്‍ലെെന്‍ പരിശോധന സംബന്ധിച്ച പരിശീലനം നല്‍കുന്നതിനു നടപടി സ്വീകരിക്കുമോ എന്ന് വ്യക്തമാക്കുമോ;

പെന്‍ഷന്‍ അപേക്ഷകള്‍ ഓണ്‍ലെെന്‍ ആയി പരിശോധിക്കുന്നതിലൂടെ വേഗത്തില്‍ പെന്‍ഷന്‍ അനുമതി നല്‍കാന്‍ അക്കൗണ്ടന്റ് ജനറലിന് സാധിക്കുന്നുണ്ടോയെന്ന് പരിശോധിച്ചിട്ടുണ്ടോ; വ്യക്തമാക്കാമോ?

സംസ്ഥാന സര്‍ക്കാര്‍ ജീവനക്കാരുടെ പെന്‍ഷന്‍ പ്രായം വര്‍ദ്ധിപ്പിക്കുന്ന കാര്യം പരിഗണനയിലുണ്ടോ; വിശദാംശം ലഭ്യമാക്കുമോ;

2016 മേയ് മാസത്തിന് ശേഷം സര്‍ക്കാര്‍/അര്‍ദ്ധ സര്‍ക്കാര്‍/പൊതുമേഖല എന്നിവിടങ്ങളിലെ ജീവനക്കാരില്‍ ഏതെല്ലാം വിഭാഗം ജീവനക്കാരുടെ പെന്‍ഷന്‍ പ്രായം വര്‍ദ്ധിപ്പിച്ചിട്ടുണ്ടെന്ന് വിശദമാക്കുമോ; ആയതിനുള്ള സാഹചര്യം എന്തായിരുന്നുവെന്ന് വിശദമാക്കുമോ?

സർക്കാർ ഉദ്യോഗസ്ഥർ മൂന്നുമാസത്തിനു മുകളിൽ അവധി എടുക്കുമ്പോൾ പ്രമോഷൻ നൽകുന്ന രീതി നിർത്തലാക്കിയിട്ടുണ്ടോ; എങ്കിൽ എന്നു മുതലാണ് നിർത്തലാക്കിയത് എന്ന് വ്യക്തമാക്കുമോ;

പ്രസ്തുത രീതിയിലുളള നിയമനം നിർത്തലാക്കിയ ശേഷം ധനകാര്യവകുപ്പിൽ അവധിയിൽ പ്രവേശിച്ച ഉദ്യോഗസ്ഥരുടെ ഒഴിവിലേക്ക് പ്രമോഷൻ നൽകി നിയമനം നടത്തിയിട്ടുണ്ടോ; ഏതൊക്കെ തസ്തികകളിലേക്കാണ് ഇപ്രകാരം നിയമനം നടത്തിയിട്ടുള്ളത്; ഓരോ തസ്തികയുടെയും ശമ്പള സ്കെയിൽ ഉൾപ്പെടെ വിശദമാക്കുമോ?

സർക്കാർ ജീവനക്കാരുടെയും പെൻഷൻകാരുടെയും 07/2019 മുതൽ 2/2021 വരെയുള്ള ഇരുപത് മാസത്തെ ശമ്പള പരിഷ്ക്കരണ കുടിശ്ശിക ഇതുവരെ നൽകാത്തതിന്റെ കാരണം വ്യക്തമാക്കാമോ;

പ്രസ്തുത കുടിശ്ശിക എന്നുമുതൽ വിതരണം ചെയ്യുമെന്ന് അറിയിക്കാമോ;

പ്രസ്തുത കാലയളവിൽ ജോലി ചെയ്ത താത്ക്കാലിക ജീവനക്കാരുടെയും പെൻഷൻകാരുടെയും കുടിശ്ശികയെങ്കിലും ഉടൻ വിതരണം ചെയ്യാൻ നടപടി സ്വീകരിക്കുമോ?

2022 ജൂലൈ മാസം മുതല്‍ സംസ്ഥാനത്ത് നടപ്പാക്കിയ മെഡിസെപ്പ് ഇന്‍ഷുറന്‍സ് പദ്ധതി പ്രകാരം ലിസ്റ്റ് ചെയ്യാത്ത സ്വകാര്യ ആശുപത്രികളില്‍ നിന്നുള്ള ചികിത്സയ്ക്ക് റീഇമ്പേഴ്സ്മെന്റ് ആനുകൂല്യം ലഭിക്കുമോ; വിശദമാക്കാമോ;

എങ്കില്‍ ഏതെല്ലാം ചികിത്സയ്ക്ക് ലഭിക്കുമെന്നും എന്തെല്ലാം നടപടിക്രമങ്ങളാണ് ഇതിനുള്ളതെന്നും വിശദമാക്കാമോ?

സര്‍ക്കാര്‍ ഉദ്യോഗസ്ഥര്‍ മൂന്ന് മാസത്തിലധികം അവധി എടുക്കുമ്പോള്‍ പ്രസ്തുത തസ്തികയിലേയ്ക്ക് പ്രമോഷന്‍ നൽകുന്നത് നിര്‍ത്തലാക്കിയതിനുശേഷം ധനകാര്യ വകുപ്പില്‍ മൂന്ന് മാസത്തിലധികം കാലയളവിലേയ്ക്ക് അവധിയില്‍ പ്രവേശിച്ച ഉദ്യോഗസ്ഥരുടെ ഒഴിവിലേയ്ക്ക് പ്രമോഷന്‍ നടത്തിയിട്ടുണ്ടോയെന്ന് വ്യക്തമാക്കാമോ?

സ്പാര്‍ക്ക് സംവിധാനത്തിലൂടെ അല്ലാതെ ശമ്പളം ലഭിക്കുന്ന ജീവനക്കാര്‍ ഡെപ്യൂട്ടേഷന്‍ സംവിധാനത്തില്‍ പോകുമ്പോള്‍ അവര്‍ക്ക് സ്പാര്‍ക്ക് മുഖേന ശമ്പളം നല്‍കുന്നതിന് അപേക്ഷകള്‍ ലഭിക്കാറുണ്ടോ; എങ്കില്‍ ടി വിഷയം കൈകാര്യം ചെയ്യുന്നത് എങ്ങനെയാണെന്ന് അറിയിക്കാമോ;

തദ്ദേശസ്വയംഭരണ വകുപ്പിലെ ഏകീകരണത്തിന്റെ ഭാഗമായി നഗരസഭാ ജീവനക്കാര്‍ക്ക് സ്പാര്‍ക്ക് മുഖേന ശമ്പളം നല്‍കുന്നത് പരിഗണനയിലുണ്ടോ; വിശദാംശം അറിയിക്കാമോ?

വിദ്യാഭ്യാസ ലോണ്‍ എടുത്ത് തിരിച്ചടയ്ക്കാന്‍ കഴിയാത്തവര്‍ക്കായി കൊണ്ടുവന്ന സമാശ്വാസ തിരിച്ചടയ്ക്കല്‍ പദ്ധതിയുടെ പലിശയിളവ് ഇപ്പോള്‍ നിലവിലുണ്ടോ;

അപേക്ഷ നല്‍കിയ എല്ലാവര്‍ക്കും ധനസഹായം നല്‍കിയിട്ടുണ്ടോ; വിശദാംശങ്ങള്‍ അറിയിക്കാമോ?

സംസ്ഥാനത്ത് വിവിധ അക്കാദമിക് കോഴ്‌സുകള്‍ പഠിക്കുന്നതിന് ഷെഡ്യൂള്‍ഡ് ബാങ്കുകള്‍ മുഖേന വിദ്യാഭ്യാസ വായ്പ നല്‍കുന്ന പദ്ധതിയില്‍ മത്സര പരീക്ഷാ പരിശീലനത്തിനുള്ള വായ്പ ഉൾപ്പെടുന്നുണ്ടോ; അറിയിക്കാമോ;

അംഗീകൃത സ്ഥാപനങ്ങള്‍ മുഖേന നല്‍കി വരുന്ന സിവില്‍ സര്‍വീസ്, എഞ്ചിനീയറിങ്, മെഡിക്കല്‍ എന്‍ട്രന്‍സ്, ഗേറ്റ് എന്നീ പരിശീലനങ്ങള്‍ക്ക് കൂടി വിദ്യാഭ്യാസ വായ്പ അനുവദിക്കുന്നതിന് നടപടി സ്വീകരിക്കുമോ?

ഇലക്ട്രോണിക് ഹാർഡ്‌വെയർ ടെക്നോളജി ഹബ്ബ് സ്ഥാപിക്കുന്നതിനായി നടപ്പു സാമ്പത്തിക വർഷത്തെ ബജറ്റിൽ എത്ര തുക നീക്കി വെച്ചിട്ടുണ്ടെന്നും ഇതിൽ എത്ര തുക ചെലവഴിച്ചിട്ടുണ്ടെന്നും വ്യക്തമാക്കുമോ?

2022- 23 സാമ്പത്തിക വർഷത്തെ ബഡ്ജറ്റിൽ കൊടുവള്ളി നിയോജക മണ്ഡലത്തിൽ 20 ശതമാനം ബഡ്ജറ്റ് പ്രൊവിഷൻ ലഭിച്ച പദ്ധതികൾ ഏതൊക്കെയാണെന്ന് വിശദമാക്കാമോ;

ഇവയിൽ ഭരണാനുമതി നൽകിയ പദ്ധതികൾ ഏതൊക്കെയാണെന്ന് അറിയിക്കാമോ;

ഭരണാനുമതി ലഭിക്കാത്ത പദ്ധതികൾ ഏതെല്ലാമാണെന്നും അതിന്റെ കാരണങ്ങൾ എന്തെല്ലാമാണെന്നും വിശദമാക്കുമോ?

വയോമിത്രം പദ്ധതിക്കായി ബജറ്റിൽ വകയിരുത്തിയ 27.5 കോടി രൂപയിൽ നാളിതുവരെ എത്ര തുക ചെലവഴിച്ചിട്ടുണ്ടെന്ന് വ്യക്തമാക്കുമോ?

സംസ്ഥാന ബജറ്റ് എസ്റ്റിമേറ്റുകളുടെ അനുബന്ധം II, വാല്യം II (ഭരണാനുമതിയില്ലാത്ത മരാമത്ത് പണികള്‍)-ല്‍ വരുന്ന 20 ശതമാനം തുക നീക്കിവെച്ച ഭരണാനുമതിയില്ലാത്ത പ്രവൃത്തികൾക്ക് ഭരണാനുമതി നല്‍കേണ്ടതിന്റെ നടപടിക്രമങ്ങള്‍ വിശദമാക്കാമോ; ഇതു സംബന്ധിച്ച സര്‍ക്കാര്‍ ഉത്തരവുകളുണ്ടെങ്കില്‍ പകര്‍പ്പ് നൽകാമോ;

പ്രസ്തുത പ്രവൃത്തികള്‍ക്ക് ഭരണാനുമതി ലഭിക്കാനായി വിശദമായ എസ്റ്റിമേറ്റ് സഹിതം പ്രൊപ്പോസലുകള്‍ ധനവകുപ്പില്‍ സമര്‍പ്പിക്കേണ്ടത് ബന്ധപ്പെട്ട വകപ്പുകളാണോയെന്ന് അറിയിക്കാമോ; വനം വകുപ്പിന് കീഴില്‍ നടപ്പാക്കേണ്ട ഒരു പ്രവൃത്തിയുടെ എസ്റ്റിമേറ്റ് തയ്യാറാക്കി ഭരണാനുമതിക്കായി സമര്‍പ്പിക്കേണ്ടത് ഏത്‌ വകുപ്പിന്റെ ചുമതലയാണെന്ന് വ്യക്തമാക്കാമോ;

ബജറ്റ് അനുബന്ധങ്ങളില്‍ പ്രഖ്യാപിച്ച വനം വകുപ്പില്‍ നടപ്പാക്കേണ്ട ഭരണാനുമതിയില്ലാത്ത പ്രവൃത്തികൾ നടപ്പാക്കുന്നതിനും സമയബന്ധിതമായി എസ്റ്റിമേറ്റ് സമര്‍പ്പിക്കുന്നതിനും ഭരണാനുമതി ലഭ്യമാക്കുന്നതിനും വനം വകുപ്പ് വിമുഖത കാണിക്കുന്ന വിവരം ശ്രദ്ധയിൽപ്പെട്ടിട്ടുണ്ടോ; വനം വകുപ്പിന്റെ ആന്വല്‍ പ്ലാന്‍ ഓഫ് ഓപ്പറേഷനിൽ ഉള്‍പ്പെട്ടതല്ല എന്ന കാരണം കാണിച്ച് ഇത്തരം പ്രവൃത്തികള്‍ നടപ്പാക്കണമെന്നഭ്യര്‍ത്ഥിച്ച് നിയമസഭാ സാമാജികര്‍ നല്‍കുന്ന കത്തുകള്‍ വനം വകുപ്പ് ഉദ്യോഗസ്ഥര്‍ അവഗണിക്കുന്ന കാര്യം പരിശോധിക്കുമോ; ഇക്കാര്യത്തില്‍ രേഖാമൂലം പരാതി ലഭിച്ചാല്‍ ഉചിതമായ നടപടി സ്വീകരിക്കുമോ;

2022-23 വര്‍ഷത്തെ ബജറ്റ് എസ്റ്റിമേറ്റുകളുടെ അനുബന്ധം II, വാല്യംII (ഭരണാനുമതിയില്ലാത്ത മരാമത്തു പണികള്‍)-ല്‍ പേജ് നമ്പര്‍ 6, ക്രമ നമ്പര്‍ 118 ആയി നിര്‍ദ്ദേശിച്ച നിലമ്പൂര്‍ നിയോജക മണ്ഡലത്തിലെ പ്രവൃത്തി ഏതാണെന്നും മതിപ്പുതുക എത്രയെന്നും, പ്രസ്തുത പ്രവൃത്തിക്ക് ധനവകുപ്പ് 20 ശതമാനം തുക നീക്കിവെച്ചിട്ടുണ്ടോയെന്നും, പ്രസ്തുത പ്രവൃത്തി ഏത് വകുപ്പ് മുഖാന്തരമാണ് നടപ്പാക്കേണ്ടതെന്നും ഭരണാനുമതി ലഭ്യമാക്കാന്‍ ഏത് വകുപ്പ് മുഖാന്തരമാണ് പ്രൊപ്പോസല്‍ ധനവകുപ്പില്‍ സമര്‍പ്പിക്കേണ്ടതെന്നും അറിയിക്കാമോ;

വിശദമായ ബജറ്റ് എസ്റ്റിമേറ്റുകളുടെ അനുബന്ധം II, വാല്യം II (ഭരണാനുമതയില്ലാത്ത മരാമത്തുപണികള്‍)-ല്‍ വരുന്ന ഭരണാനുമതിയില്ലാത്ത പ്രവൃത്തികളുടെ തുക ഏത് ശീര്‍ഷകത്തില്‍ നിന്നാണ് ധനവകുപ്പ് അനുവദിക്കുന്നതെന്നും വനം വകുപ്പിന് പ്രത്യേകമായ ഉപശീര്‍ഷകമുണ്ടോയെന്നും അറിയിക്കാമോ; അതാത് സാമ്പത്തിക വര്‍ഷത്തിനുള്ളില്‍ ഭരണാനുമതി ലഭ്യമാക്കിയില്ലെങ്കില്‍ പ്രസ്തുത പ്രവൃത്തി ലാപ്സായി പോകുമോയെന്നും അറിയിക്കാമോ?

2016-17 മുതൽ 2022-23 വരെയുള്ള സാമ്പത്തിക വർഷങ്ങളിലെ ബഡ്ജറ്റുകളിൽ 20 ശതമാനം ബഡ്ജറ്റ് പ്രൊവിഷൻ ലഭിച്ച ചങ്ങനാശ്ശേരി നിയോജക മണ്ഡലത്തിലെ പദ്ധതികൾ ഏതൊക്കെയെന്ന് വിശദമാക്കാമോ;

ഇവയിൽ ഏതെല്ലാം പദ്ധതികള്‍ക്കാണ് ഭരണാനുമതി നല്‍കിയിട്ടുള്ളതെന്ന് വ്യക്തമാക്കുമോ;

ഭരണാനുമതി ലഭിക്കാത്ത പദ്ധതികൾ ഏതെല്ലാമെന്നും ആയതിനുള്ള കാരണവും വ്യക്തമാക്കുമോ?

മെഡിക്കൽ വിദ്യാർത്ഥികൾ ഉൾപ്പെടെയുള്ളവരുടെ തുടർപഠനവും മറ്റും ഏകോപിപ്പിക്കുന്നതിനായുള്ള നോർക്കയുടെ പ്രത്യേക സെല്ലിന് നടപ്പ് സാമ്പത്തിക വർഷത്തെ ബജറ്റിൽ എത്ര കോടി രൂപ വകയിരുത്തിയിട്ടുണ്ട്; ഇതിൽ നാളിതുവരെ എത്ര തുക ഏതൊക്കെ ഇനത്തിലായി ചെലവഴിച്ചുവെന്ന് വ്യക്തമാക്കുമോ?

വിലക്കയറ്റ ഭീഷണി അതിജീവിക്കുന്നതിനായി നടപ്പ് സാമ്പത്തിക വർഷത്തെ ബജറ്റിൽ തുക വകയിരുത്തിയിട്ടുണ്ടോ; എങ്കിൽ എത്ര തുകയാണ് വകയിരുത്തിയതെന്നും നാളിതുവരെ ഇതിൽ എത്ര തുക ഏതൊക്കെ ഇനത്തിൽ റിലീസ് ചെയ്തു നൽകിയെന്നും വ്യക്തമാക്കുമോ?

അതിവേഗ പോക്സോ കോടതികൾ രൂപീകരിക്കുന്നതിനായി നടപ്പ് സാമ്പത്തിക വര്‍ഷത്തെ സംസ്ഥാന ബഡ്ജറ്റിൽ എത്ര തുക വകയിരുത്തിയിട്ടുണ്ടെന്നും നാളിതുവരെ ഇതിൽ നിന്ന് എത്ര രൂപ അനുവദിച്ചു നൽകിയിട്ടുണ്ടെന്നും വ്യക്തമാക്കുമോ?

2019-20, 2020-21, 2021-22, 2022-23 എന്നീ വർഷത്തെ ബജറ്റിൽ മാവേലിക്കര നിയോജക മണ്ഡലത്തില്‍ അനുവദിച്ച പ്രവൃത്തികളുടെ വിശദാംശം ലഭ്യമാക്കാമോ;

പ്രസ്തുത പ്രവൃത്തികള്‍ നടപ്പിലാക്കുന്നതിനായി സ്വീകരിച്ച നടപടികള്‍ വ്യക്തമാക്കാമോ;

പ്രസ്തുത പ്രവൃത്തികളുടെ നിലവിലെ സ്ഥിതി അറിയിക്കാമോ?

2022-23 സാമ്പത്തിക വർഷം ലൈഫ് പദ്ധതിക്കായി ബജറ്റിൽ എത്ര തുക വകയിരുത്തിയിട്ടുണ്ട്; ഇതിൽ നാളിതുവരെ എത്ര തുക ചെലവഴിച്ചിട്ടുണ്ട്; വിശദാംശം നൽകുമോ?

നാളികേര വികസനത്തിനായി നടപ്പ് സാമ്പത്തിക വർഷത്തെ ബജറ്റിൽ എത്ര തുക അനുവദിച്ചിട്ടുണ്ടെന്നും നാളിതുവരെ എത്ര തുക ചെലവഴിച്ചിട്ടുണ്ടെന്നും വ്യക്തമാക്കുമോ?

സംസ്ഥാന സര്‍ക്കാര്‍ വിതരണം ചെയ്യുന്ന വിവിധ ക്ഷേമ പെന്‍ഷനുകള്‍, സാമൂഹ്യ സുരക്ഷാ പെന്‍ഷനുകള്‍ ഏതെല്ലാമെന്നും അവയുടെ ചെലവ് ശീര്‍ഷകങ്ങൾ ഏതൊക്കെയാണെന്നും 2016-17 മുതല്‍ 2021-22 വരെ ഓരോ സാമ്പത്തിക വര്‍ഷവും പ്രസ്തുത ശീര്‍ഷകങ്ങളിലെ ചെലവ് തുക എത്രയെന്നും വിശദമാക്കാമോ;

പ്രസ്തുത പെന്‍ഷനുകളില്‍ ഏതിനെങ്കിലും കേന്ദ്ര വിഹിതം ലഭിക്കാറുണ്ടോയെന്നും അങ്ങനെയെങ്കില്‍ ഈയിനത്തില്‍ 2016-2017 മുതല്‍ 2021-22 വരെ ഓരോ സാമ്പത്തിക വര്‍ഷവും ലഭിച്ച തുക എത്രയെന്നും വിശദമാക്കാമോ?

സംസ്ഥാനത്ത് ഇപ്പോള്‍ എത്ര പേര്‍ക്ക് സാമൂഹ്യ സുരക്ഷ പെന്‍ഷന്‍ നല്‍കിവരുന്നുണ്ട്;

ഒരു മാസം സാമൂഹ്യ സുരക്ഷ പെന്‍ഷന്‍ വിതരണത്തിനായി എത്ര കോടി രൂപ ചെലവാകുന്നുണ്ട്; വിശദമാക്കാമോ?

കെട്ടിട നിർമാണ തൊഴിലാളികൾക്ക് ക്ഷേമനിധി ബോർഡ് മുഖേന നൽകിവരുന്ന പെൻഷൻ മുടങ്ങിയത് ഗൗരവത്തോടെ കാണുന്നുണ്ടോ; പ്രസ്തുത പെൻഷൻ അടിയന്തരമായി അനുവദിച്ചു നൽകുന്നതിന് പ്രത്യേക സഹായം നല്‍കുമോ; വ്യക്തമാക്കാമോ;

മികച്ച രീതിയിൽ പ്രവർത്തിച്ചിരുന്ന കെട്ടിട നിർമാണ തൊഴിലാളി ക്ഷേമനിധി ബോർഡ് ധനകാര്യ പ്രതിസന്ധിയിലേക്ക് നീങ്ങാനുള്ള കാരണം എന്താണെന്ന് പരിശോധിച്ചിട്ടുണ്ടോ; വിശദാംശം നല്‍കാമോ;

കഴിഞ്ഞ അഞ്ച് സാമ്പത്തിക വർഷങ്ങളിൽ ബോർഡിന്റെ ഭരണചെലവ് ആകെ അംശദായത്തിന്റെ എത്ര ശതമാനം ആയിരുന്നു എന്ന് വ്യക്തമാക്കുമോ?

ക്യാന്‍സര്‍ രോഗികള്‍ക്കുള്ള ചികിത്സാ ചെലവ് കൂടിവരുന്ന സാഹചര്യത്തില്‍ ഇവർക്കുള്ള പെന്‍ഷന്‍ തുക വര്‍ദ്ധിപ്പിക്കാന്‍ തീരുമാനം എടുത്തിട്ടുണ്ടോ; വിശദമാക്കാമോ;

പ്രസ്തുത രോഗികള്‍ക്കുള്ള പെന്‍ഷന്‍ തുക നാമമാത്രമായതിനാല്‍ ആയത് വര്‍ദ്ധിപ്പിക്കാന്‍ നടപടി സ്വീകരിക്കുമോയെന്ന് വ്യക്തമാക്കാമോ;

പ്രസ്തുത രോഗികള്‍ക്ക് പെന്‍ഷന്‍ തുക നല്‍കാന്‍ നിലവില്‍ മാനദണ്ഡങ്ങള്‍ ഉണ്ടോ; എങ്കിൽ എല്ലാ ക്യാന്‍സര്‍ രോഗികള്‍ക്കും മാനദണ്ഡങ്ങള്‍ നോക്കാതെ രോഗത്തിന്റെ തീവ്രത പരിഗണിച്ച് പെന്‍ഷന്‍ ലഭ്യമാക്കുവാന്‍ നടപടി സ്വീകരിക്കുമോ; വിശദമാക്കാമോ?

ക്യാന്‍സര്‍ രോഗികൾക്കുള്ള മരുന്നുകള്‍ സാധാരണക്കാര്‍ക്ക് അപ്രാപ്യമായ സാഹചര്യത്തില്‍ ഇവർക്ക് നല്‍കിവരുന്ന പെന്‍ഷന്‍ തുക വര്‍ദ്ധിപ്പിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

നിലവില്‍ പ്രസ്തുത രോഗികള്‍ക്ക് എത്ര തുകയാണ് പെന്‍ഷനായി നല്‍കുന്നതെന്ന് വ്യക്തമാക്കാമോ?

സാമൂഹ്യ സുരക്ഷാ പെന്‍ഷന്‍ വീടുകളില്‍ എത്തിച്ച് വിതരണം ചെയ്യുന്ന ഏജന്റുമാര്‍ക്ക് നല്‍കുന്ന ഇന്‍സെന്റീവ് തുക എത്രയാണ്; പ്രസ്തുത തുക കുടിശ്ശികയായിട്ടുണ്ടോ; എങ്കില്‍ എത്ര മാസത്തെ തുക കുടിശ്ശികയായിട്ടുണ്ട്;

കുടിശ്ശിക അനുവദിക്കുന്നതിനുള്ള നടപടി സ്വീകരിച്ചിട്ടുണ്ടോ; ഇല്ലെങ്കില്‍ അതിനുവേണ്ട നടപടികള്‍ സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

ജി.എസ്.ടി-യിൽ നിന്നും ലഭ്യമാകുന്ന വരുമാനത്തിന്റെ വിഹിതം തദ്ദേശസ്ഥാപനങ്ങൾക്ക് നൽകുന്നതിന് തീരുമാനിച്ചിട്ടുണ്ടോ; ജി.എസ്.ടി നിലവില്‍ വന്നതിന് ശേഷം നാളിതുവരെ കൈമാറിയിട്ടുള്ള തുകയുടെ വിശദാംശം സാമ്പത്തിക വർഷം തിരിച്ച് ലഭ്യമാക്കുമോ?

ചരക്ക് സേവന നികുതി സമ്പ്രദായം നടപ്പിലാക്കിയതിന് അനുസൃതമായി സംസ്ഥാനത്തെ നികുതി ഭരണ സംവിധാനം പുന:സംഘടിപ്പിച്ചിട്ടുണ്ടോ; വിശദാംശം ലഭ്യമാക്കുമോ;

സംസ്ഥാനത്തെ ചരക്ക് സേവന വിനിമയങ്ങള്‍ക്ക് ആനുപാതികമായി നികുതി തുകയില്‍ വര്‍ദ്ധനവുണ്ടാകുന്നില്ലെന്ന കാര്യം പരിശോധനാ വിധേയമാക്കിയിരുന്നോ; ജനങ്ങളില്‍ നിന്നും വ്യാപാരികള്‍ സമാഹരിക്കുന്ന നികുതി പൂര്‍ണ്ണമായും ഖജനാവിലെത്തുന്നുവെന്ന് ഉറപ്പ് വരുത്താന്‍ വ്യാപകമായ പ്രചാരണ പ്രവര്‍ത്തനങ്ങളോടൊപ്പം ഇന്റലിജന്‍സ് വിഭാഗം ശക്തിപ്പെടുത്താന്‍ ഉദ്ദേശിക്കുന്നുണ്ടോ;

നികുതി വെട്ടിപ്പ് സാധ്യത കുറയ്ക്കാൻ നടപ്പാക്കിയ ചെക്ക് പോസ്റ്റ് നിർത്തലാക്കിയ നടപടി ഫലപ്രദമാണോ; അതിന് പകരം ഏർപ്പെടുത്തിയിട്ടുള്ള ബദല്‍ ക്രമീകരണങ്ങള്‍ വിശദമാക്കാമോ?

ജി. എസ്. ടി. നികുതി കുറച്ചിട്ടും വിപണിയിൽ ധാരാളം നിത്യോപയോഗ സാധനങ്ങളുടെ വില കുറയുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

ജി .എസ്. ടി. നിയമം വിഭാവനം ചെയ്ത ആന്റി പ്രൊഫിറ്റിയറിങ് അതോറിറ്റിയുടെ പ്രവർത്തനങ്ങൾ വിശദമാക്കാമോ;

നികുതി വകുപ്പ് പുന:സംഘടന ഉത്തരവിൽ ആന്റി പ്രൊഫിറ്റിയറിങ് വിംഗ് രൂപീകരിക്കുന്ന കാര്യം പ്രതിപാദിക്കുന്നില്ല എന്നത് വസ്തുതയാണോ;

ആന്റി പ്രൊഫിറ്റിയറിങ് അതോറിറ്റി സംസ്ഥാനത്ത് കാര്യക്ഷമമാക്കാൻ അടിയന്തര നടപടികൾ സ്വീകരിക്കുമോ?

രണ്ടു ലക്ഷം രൂപ വരെയുള്ള മോട്ടോർസൈക്കിളുകളുടെ ഒറ്റത്തവണ മോട്ടോർ വാഹന നികുതി ഒരു ശതമാനം വർദ്ധിപ്പിച്ച ഇനത്തിൽ ഈ സാമ്പത്തിക വർഷം നാളിതുവരെ എത്ര തുക അധിക വരുമാനമായി ലഭിച്ചിട്ടുണ്ടെന്ന് വ്യക്തമാക്കുമോ?

നികുതി വെട്ടിപ്പ് തടയുന്നതിന് എന്തെങ്കിലും നടപടി സ്വീകരിക്കുന്നുണ്ടോ; വിശദാംശം അറിയിക്കാമോ?

സംസ്ഥാന സർക്കാർ ധനകാര്യ പ്രതിസന്ധി നേരിടുന്ന സാഹചര്യത്തിൽ ധനകാര്യ അച്ചടക്കം പാലിക്കുന്നതിനായി ധനകാര്യ വകുപ്പിൽ നടപ്പാക്കിയിട്ടുള്ള നിയന്ത്രണങ്ങൾ/നടപടികൾ എന്തൊക്കെയാണെന്ന് വ്യക്തമാക്കുമോ;

ഉദ്യോഗസ്ഥ ഭരണ പരിഷ്കാര വകുപ്പ് ധനകാര്യ വകുപ്പിൽ നടത്തിയ പ്രവൃത്തി പഠനം സംബന്ധിച്ച അന്തിമ റിപ്പോർട്ട്‌ സമർപ്പിച്ചിരുന്നോ; എങ്കിൽ പ്രസ്തുത റിപ്പോർട്ടിന്മേൽ തുടർനടപടി സ്വീകരിക്കാത്തത്തിന്റെ കാരണം വ്യക്തമാക്കുമോ;

ധനകാര്യ വകുപ്പിലെ തസ്തികകളുടെ പുനർവിന്യാസം ഉൾപ്പെടെയുള്ള നടപടികൾ ത്വരിതപ്പെടുത്തി സാമ്പത്തിക അച്ചടക്കം പാലിക്കുന്നതിനു മാതൃകപരമായ സമീപനം സ്വീകരിക്കുമോ; വ്യക്തമാക്കുമോ?

സംസ്ഥാനം അഭിമുഖീകരിക്കുന്ന സാമ്പത്തിക പ്രതിസന്ധി തരണം ചെയ്യാൻ കേന്ദ്ര സഹായം തേടിയിരുന്നോയെന്നും സംസ്ഥാനത്തിന് വായ്പ എടുക്കാനുളള മാനദണ്ഡങ്ങളിൽ ഇളവ് നൽകണമെന്ന് കേന്ദ്ര സർക്കാരിനോട് ആവശ്യപ്പെട്ടിരുന്നോയെന്നും വ്യക്തമാക്കുമോ;

കേന്ദ്രസഹായം ലഭിക്കുന്നില്ലെങ്കിൽ സാമ്പത്തിക പ്രതിസന്ധി എപ്രകാരം തരണം ചെയ്യാനാണ് ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനം നേരിടുന്ന സാമ്പത്തിക പ്രതിസന്ധി മറികടക്കുന്നതിന് ചെലവ് ചുരുക്കൽ നടപടികൾ സ്വീകരിച്ചിട്ടുണ്ടോ; വിശദാംശം നൽകുമോ;

​ ചെലവു ചുരുക്കലിനുളള മാർഗ്ഗനിർദേശങ്ങൾ കർശനമായി പാലിക്കുന്നുവെന്ന് ഉറപ്പു വരുത്താൻ എന്തെങ്കിലും സംവിധാനമുണ്ടോ; സാമ്പത്തിക അച്ചടക്കം കൊണ്ടുവരാൻ നടപടി സ്വീകരിക്കുമോ എന്ന് വ്യക്തമാക്കാമോ;

ചെലവ് ചുരുക്കൽ നടപടികൾ പദ്ധതി നടത്തിപ്പിനെ ബാധിക്കാതിരിക്കാൻ എന്തെല്ലാം നടപടി സ്വീകരിച്ചിട്ടുണ്ടെന്ന് വ്യക്തമാക്കുമോ?

സംസ്ഥാനം കടുത്ത സാമ്പത്തിക പ്രതിസന്ധി നേരിട്ടുകൊണ്ടിരിക്കുകയാണെന്ന വാർത്തകളുടെ നിജസ്ഥിതി എന്താണെന്ന് വ്യക്തമാക്കാമോ;

സംസ്ഥാനത്തെ ജനങ്ങളുടെ വാങ്ങൽ ശേഷി അങ്ങേയറ്റം കുറഞ്ഞതാണ് സാമ്പത്തിക പ്രതിസന്ധിക്ക് കാരണമെന്ന് പറയുന്നത് ശരിയാണോ; എങ്കിൽ വിശദാംശം നൽകാമോ;

കഴിഞ്ഞ പേ-റിവിഷനിൽ ശമ്പളവും പെൻഷനും എത്ര ശതമാനമാണ് വർധിപ്പിച്ചതെന്ന് വ്യക്തമാക്കാമോ; ഇതുമൂലം ഉണ്ടായ ബാധ്യത എന്താണെന്നും ഈ ബാധ്യതയാണ് വൻ സാമ്പത്തിക പ്രതിസന്ധിയിലേക്ക് സർക്കാരിനെ എത്തിച്ചത് എന്ന ആക്ഷേപം ശരിയാണോയെന്നും വ്യക്തമാക്കാമോ;

ശമ്പള പെൻഷൻ പരിഷ്കരണം ഓരോ അഞ്ച് വർഷം കഴിയുമ്പോൾ എന്നത് മാറ്റി പത്ത്‌ വർഷം ആകുമ്പോൾ മതിയെന്ന മുൻ ശമ്പള കമ്മീഷനുകളുടെ ശിപാർശ അംഗീകരിക്കാതെ ശമ്പള പെൻഷൻ പരിഷ്കരണം നടത്താനുള്ള സാഹചര്യം എന്തായിരുന്നുവെന്ന് വ്യക്തമാക്കാമോ?

സംസ്ഥാനത്തിന്റെ പൊതു കടം നിലവിൽ എത്രയാണെന്ന് വ്യക്തമാക്കുമോ; ഇത് വാർഷിക ആഭ്യന്തര ഉല്പാദനത്തിന്റെ എത്ര ശതമാനമാണെന്ന് വ്യക്തമാക്കുമോ;

2021-22 സാമ്പത്തിക വർഷത്തിൽ സംസ്ഥാനത്തിന്റെ ആകെ വരവിന്റെ എത്ര ശതമാനം പലിശ ഇനത്തിലുള്ള തിരിച്ചടവിനായി ചെലവഴിച്ചുവെന്ന് വ്യക്തമാക്കുമോ;

2011-12 സാമ്പത്തിക വർഷത്തിൽ സംസ്ഥാനത്തിന്റെ ആകെ വരവിന്റെ എത്ര ശതമാനം പലിശ ഇനത്തിലുള്ള തിരിച്ചടവിനായി മാറ്റിവച്ചിരുന്നുവെന്ന് വ്യക്തമാക്കുമോ?

സംസ്ഥാനത്തിന്റെ പൊതുകടം അപകടാവസ്ഥയിലാണെന്ന റിസര്‍വ് ബാങ്കിന്റെ പഠന റിപ്പോര്‍ട്ട് പരിശോധിച്ചിട്ടുണ്ടോ; വിശദമാക്കാമോ;

നിലവിലെ കണക്കുകള്‍ പ്രകാരം സംസ്ഥാനത്തിന്റെ പൊതുകടം മൊത്തം ആഭ്യന്തര ഉദ്പാദനത്തിന്റെ എത്ര ശതമാനമാണെന്ന്‌ അറിയിക്കാമോ;

പൊതുകടം ഉയരാൻ ഇടയാക്കിയ, കോവിഡും പ്രളയവും ഒഴികെയുള്ള കാരണങ്ങള്‍ എന്തെല്ലാമാണെന്ന് അറിയിക്കാമോ;

സംസ്ഥാനത്തിന്റെ സാമ്പത്തിക നിജസ്ഥിതി സംബന്ധിച്ച് ധവള പത്രം പുറപ്പെടുവിക്കുമോ എന്നറിയിക്കാമോ; വിശദമാക്കാമോ?

സംസ്ഥാനം അതിഗുരുതരമായ സാമ്പത്തിക പ്രതിസന്ധി അഭിമുഖീകരിക്കുന്നുവെന്നത് വസ്തുതയാണോ; എങ്കില്‍ അതിനുള്ള കാരണങ്ങള്‍ വിശദമാക്കാമോ;

സാമ്പത്തിക പ്രതിസന്ധി പരിഹരിക്കുന്നതിന് എന്തൊക്കെ മാര്‍ഗ്ഗങ്ങളാണ് സ്വീകരിച്ചിട്ടുള്ളതെന്നും ഇനി എന്തൊക്കെ മാര്‍ഗ്ഗങ്ങളാണ് സ്വീകരിക്കാന്‍ ഉദ്ദേശിക്കുന്നതെന്നുമുള്ള വിശദവിവരം ലഭ്യമാക്കാമോ;

സംസ്ഥാനം 2016 മുതൽ ഇതുവരെ എത്ര രൂപയാണ് വായ്പയായി എടുത്തിട്ടുള്ളതെന്നും പ്രസ്തുത വായ്പയില്‍ എത്ര രൂപ തിരിച്ചടച്ചിട്ടുണ്ടെന്നും വിശദമാക്കാമോ;

പുതിയ വായ്പകള്‍ സ്വീകരിക്കാന്‍ ഉദ്ദേശിക്കുന്നുണ്ടോ; എങ്കിൽ ആയതിന് കേന്ദ്ര ആനുമതി ലഭിച്ചിട്ടുണ്ടോ; വിശദവിവരം ലഭ്യമാക്കാമോ?

സംസ്ഥാനത്തെ വിവിധ ക്ഷേമനിധി ബോർഡുകളിൽ ഭരണ ചെലവ് വർദ്ധിച്ചു വരുന്നത് മൂലം തൊഴിലാളികൾക്ക് അർഹതപ്പെട്ട ആനുകൂല്യങ്ങൾ നൽകുവാൻ സാധിക്കാത്ത സാഹചര്യവും സാമ്പത്തിക പ്രതിസന്ധിയും പരിഗണിച്ച്, ക്ഷേമനിധി ബോർഡുകളിൽ ഉന്നത ധനകാര്യ വകുപ്പ് ഉദ്യോഗസ്ഥരെ അന്യത്രസേവനത്തിൽ നിയോഗിക്കുന്നതിന് പകരം മുഴുവൻ ക്ഷേമനിധി ബോർഡുകളുടെയും ധനകാര്യ നിയന്ത്രണത്തിന്റെ ചുമതല ധനകാര്യവകുപ്പിലെ ഒരു വിഭാഗത്തിൽ നിക്ഷിപ്തമാക്കി ചെലവ് ചുരുക്കുന്ന മാതൃകാപരമായ സമീപനം സ്വീകരിക്കാൻ തയ്യാറാകുമോയെന്ന് വ്യക്തമാക്കുമോ?

കേന്ദ്ര സര്‍ക്കാരിന്റെ സാമ്പത്തിക നയങ്ങളും സംസ്ഥാന സര്‍ക്കാരിന്റെ സാമ്പത്തിക പ്രവര്‍ത്തനങ്ങളും രൂക്ഷമായ സാമ്പത്തിക പ്രതിസന്ധിക്ക് കാരണമായെന്ന് വിലയിരുത്തിയിട്ടുണ്ടോ; വിശദമാക്കാമോ;

സര്‍ക്കാരിന്റെ അധിക ചെലവും നികുതി പിരിവിലെ പിടിപ്പുകേടുമാണ് സാമ്പത്തിക പ്രതിസന്ധി രൂക്ഷമാകുവാന്‍ കാരണം എന്ന ആക്ഷേപം വിലയിരുത്തിയിട്ടുണ്ടോ; വ്യക്തമാക്കാമോ;

നിലവിലെ സാമ്പത്തിക പ്രതിസന്ധി മറികടക്കുവാന്‍ സ്വീകരിച്ച നടപടികള്‍ എന്തെല്ലാമെന്നറിയിക്കാമോ;

റവന്യൂ റിക്കവറി നടപടികള്‍ പ്രകാരം 2021-22 സാമ്പത്തിക വര്‍ഷം അധിക വരുമാനം നേടാന്‍ കഴിഞ്ഞിട്ടുണ്ടോ; വിശദമാക്കാമോ?

സംസ്ഥാനത്തിന്റെ സമ്പദ് വ്യവസ്ഥയെ ബാധിക്കുന്ന കടബാധ്യതകളുടെ വിശദാംശം ലഭ്യമാക്കാമോ;

സംസ്ഥാനത്തിന്റെ നാളിതുവരെയുള്ള പൊതുകടം, മൊത്തം കടം എന്നിവ എത്രയാണെന്ന് വ്യക്തമാക്കാമോ;

ഫിനാൻഷ്യൽ റെസ്പോൺസിബിലിറ്റി & ബജറ്റ് മാനേജ്മെന്റ് ആക്ടിന്റെ പരിധിയില്‍ കവിഞ്ഞ കടബാധ്യത സംസ്ഥാനത്തിനുണ്ടായിട്ടുണ്ടോ; എങ്കിൽ പരിധി പാലിക്കാന്‍ എടുത്തിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ?

സെക്രട്ടേറിയറ്റിലെ ധനകാര്യവകുപ്പിൽ സെക്ഷൻ ഓഫീസർ മുതൽ സ്പെഷ്യൽ സെക്രട്ടറി വരെ അനുവദനീയമായ ഉദ്യോഗസ്ഥരുടെ എണ്ണം എത്രയാണെന്ന് വ്യക്തമാക്കുമോ;

മേൽപ്പറഞ്ഞ അനുവദനീയമായ തസ്തികകൾക്ക് പുറമെ ഓരോ തസ്തികയിലും സെക്രട്ടേറിയറ്റിന് പുറത്തുള്ള സ്ഥാപനങ്ങളിലും വകുപ്പുകളിലും ക്ഷേമനിധി ബോർഡുകൾ ഉൾപ്പെടെയുള്ള മറ്റ് സ്ഥാപനങ്ങളിലും ജോലിചെയ്യുന്ന ഉദ്യോഗസ്ഥരുടെ എണ്ണം ഇനം തിരിച്ചു വ്യക്തമാക്കുമോ;

അനുവദനീയമായ തസ്തികകൾക്ക് പുറമെ മേൽപ്പറഞ്ഞ പ്രകാരം അന്യത്ര സേവനത്തിലും അല്ലാതെയും വകുപ്പിന് പുറത്ത് ജോലി ചെയ്യുന്നവരുടെ തസ്തികകളുടെ എണ്ണം നിജപ്പെടുത്തിയിട്ടുണ്ടോ; വിശദാംശം നൽകുമോ?

2022 ജനുവരി മുതൽ പത്രപ്രവർത്തകർക്ക് ആയിരം രൂപ പെൻഷൻ അനുവദിക്കുമെന്ന പ്രഖ്യാപനം നടപ്പാക്കിയിട്ടുണ്ടോ; വ്യക്തമാക്കുമോ;

ആയതു പ്രകാരം ഏതു മാസം വരെയുള്ള പെൻഷൻ നൽകിയിട്ടുണ്ട്; കുടിശ്ശിക എത്രയുണ്ട്; വിശദാംശം നൽകുമോ?

കുറ്റ്യാടി ബെെപ്പാസ് നിര്‍മ്മാണ പ്രവൃത്തി ഏത് ഘട്ടത്തിലാണെന്ന് അറിയിക്കാമോ;

പ്രസ്തുത പ്രവൃത്തിയുടെ ലാന്‍ഡ് അക്വിസിഷന്‍ എന്ന് പൂര്‍ത്തിയാക്കാനാണ് ഉദ്ദേശിക്കുന്നതെന്ന് അറിയിക്കാമോ;

പ്രവൃത്തിയുടെ ഭേദഗതി ചെയ്ത എസ്റ്റിമേറ്റിന് അംഗീകാരം ലഭിച്ചിട്ടുണ്ടോ; പ്രവൃത്തി എന്ന് ടെന്‍ഡര്‍ ചെയ്യാനാണ് ഉദ്ദേശിക്കുന്നതെന്ന് അറിയിക്കാമോ?

സര്‍ക്കാര്‍ കരാറുകാരുടെ സംഘടനകളുമായി മന്ത്രി തലത്തില്‍ നടത്തിയ ചര്‍ച്ചയുടെ അടിസ്ഥാനത്തില്‍ കരാറുകാരുടെ ലൈസന്‍സ് പുതുക്കല്‍ 5 വര്‍ഷത്തിലൊരിക്കലേക്ക് മാറ്റുന്നതു സംബന്ധിച്ച് ധനകാര്യ വകുപ്പു മന്ത്രിയുടെ പരിഗണനയ്ക്ക് പൊതുമരാമത്ത് വകുപ്പ് അയച്ച ഇ -6862913 നമ്പര്‍ പെറ്റീഷനില്‍ ധനകാര്യ വകുപ്പ് എന്ത് നടപടി സ്വീകരിച്ചു എന്ന് വ്യക്തമാക്കാമോ;

ഇതു സംബന്ധിച്ച് ധനകാര്യ വകുപ്പില്‍ ഫയല്‍ നിലനില്‍ക്കുന്നുണ്ടോ; എങ്കില്‍ ആയതിന്റെ ഫയല്‍ നമ്പരും, ഇ-ഫയല്‍ നമ്പരും ലഭ്യമാക്കാമോ; ഈ പ്രശ്നം പരിഹരിക്കുന്നതിന് ധനകാര്യ വകുപ്പ് എന്ത് നടപടി സ്വീകരിച്ചു എന്ന് വ്യക്തമാക്കാമോ?

ഉദ്യോഗസ്ഥ ഭരണ പരിഷ്കാര വകുപ്പ് ധനകാര്യ വകുപ്പില്‍ നടത്തിയിട്ടുള്ള പ്രവൃത്തി പഠനത്തിന്റെ റിപ്പോര്‍ട്ട് ലഭ്യമാക്കാമോ;

ധനകാര്യ അച്ചടക്കം ഉറപ്പാക്കുന്നതിലേയ്ക്കായി പ്രസ്തുത പഠന റിപ്പോര്‍ട്ട് പ്രകാരം സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കാമോ;

പ്രസ്തുത റിപ്പോര്‍ട്ട് പ്രസിദ്ധീകരിച്ചിട്ടില്ലായെങ്കില്‍ ഇതുമായി ബന്ധപ്പെട്ട പഠനസംഘങ്ങള്‍ തയ്യാറാക്കിയിട്ടുള്ള വിശദാംശങ്ങളുടെ പകര്‍പ്പ് ലഭ്യമാക്കാമോ;

പഠനസംഘങ്ങള്‍ തയ്യാറാക്കിയിട്ടുള്ള വിശദാംശങ്ങളിന്മേലുള്ള സമിതിയുടെ പരിഗണന പൂര്‍ത്തീകരിച്ച് പ്രസ്തുത റിപ്പോര്‍ട്ട് പ്രസിദ്ധീകരിക്കുന്നതിനുള്ള സമയബന്ധിത നടപടി സ്വീകരിക്കുമോ; വ്യക്തമാക്കാമോ?

കെ- റെയിൽ പദ്ധതിയുടെ ആരംഭഘട്ടം മുതൽ നാളിതുവരെ സർക്കാർ ഖജനാവിൽ നിന്നും ചെലവാക്കുന്നതിന് അനുമതി നൽകിയിട്ടുള്ള ആകെ തുക എത്രയാണെന്നും, ഏതൊക്കെ വകുപ്പുകൾക്ക് ഏതൊക്കെ ഇനങ്ങളിലായാണ് തുക നൽകിയിട്ടുള്ളതെന്നും വ്യക്തമാക്കാമോ;

പ്രസ്തുത തുകയിൽ ഓരോ വകുപ്പും നാളിതുവരെ ചെലവാക്കിയിട്ടുള്ള തുകയും, വകുപ്പുകളുടെ കൈവശം ബാക്കിയായുള്ള തുകയും എത്ര വീതമാണെന്ന് അറിയിക്കുമോ;

പദ്ധതിയുമായി ബന്ധപ്പെട്ട് നിലവില്‍ തുടർന്നുപോകുന്ന ആവർത്തന ചെലവുകൾ എന്തൊക്കെയാണെന്ന് അറിയിക്കുമോ; ഓരോ ഇനത്തിലെയും പ്രതിമാസ ചെലവ് എത്ര വീതമാണെന്നതിന്റെ വിശദാംശങ്ങൾ ലഭ്യമാക്കുമോ?

കൂമ്പാറ ഗവ. ട്രൈബല്‍ എല്‍.പി. സ്കൂളില്‍, സര്‍വ്വീസിലിരിക്കെ മരണപ്പെട്ട വി.കെ. മുഹമ്മദ് എന്നയാളുടെ ആശ്രിതര്‍ക്ക് പി.പി.ഒ. നം. 141470869 തീയതി 14.02.2014 പ്രകാരം 4,06,213 രൂപ ഗ്രാറ്റുവിറ്റിയായി അനുവദിച്ചിരുന്നുവെങ്കിലും അവകാശികളില്‍ ഒരാളായ അബൂബക്കര്‍ റാഫി മൈനറാണ് എന്ന കാരണം പറഞ്ഞ് 16.05.2014-ന് കൊടുവള്ളി സബ്ട്രഷറി ഓഫീസര്‍ കുടുംബത്തിന് 1,01,553 രൂപ മാത്രമാണ് നല്‍കിയിരുന്നത് എന്നത് ശ്രദ്ധയില്‍പ്പെട്ടിട്ടുണ്ടോ;

പരേതന്റെ മകന്‍ മുഹമ്മദ് റാഫി വട്ടിക്കുന്നുമ്മല്‍, മാനിപുരം പി.ഒ. എന്നയാള്‍ക്ക് 18 വയസ്സായതിനെത്തുടര്‍ന്ന് 2020-ന് ഗ്രാറ്റുവിറ്റി ഇനത്തില്‍ ബാക്കിയുള്ള തുക ലഭ്യമാക്കാന്‍ കൊടുവള്ളി സബ്ട്രഷറിയില്‍ അപേക്ഷ നല്‍കിയെങ്കിലും ആയത് ഇതുവരെയും നല്‍കാതിരുന്നതിന്റെ കാരണം വ്യക്തമാക്കാമോ;

പ്രസ്തുത കുടുംബത്തിന് അര്‍ഹതപ്പെട്ട തുക നല്‍കാന്‍ സ്വീകരിച്ചുവരുന്ന നടപടികള്‍ എന്തൊക്കെയാണെന്നും തുക എപ്പോള്‍ നല്‍കാന്‍ സാധിക്കുമെന്നും വ്യക്തമാക്കാമോ?

സംസ്ഥാനത്ത് റിസര്‍വ് ബാങ്ക് ഓഫ് ഇന്ത്യയുടെ ബാങ്കിംഗ് ലൈസന്‍സ് ഇല്ലാതെ അര്‍ബന്‍ ബാങ്കുകള്‍ പ്രവര്‍ത്തിക്കുന്നത് ശ്രദ്ധയില്‍പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ;

റിസര്‍വ് ബാങ്ക് ഓഫ് ഇന്ത്യയുടെ ബാങ്കിംഗ് ലൈസന്‍സോടുകൂടി എത്ര അര്‍ബന്‍ ബാങ്കുകള്‍ സംസ്ഥാനത്ത് പ്രവര്‍ത്തിക്കുന്നുണ്ട് ; വ്യക്തമാക്കാമോ;

കേരളത്തിലെ അര്‍ബന്‍ ബാങ്കുകളില്‍ എത്ര എണ്ണം ആര്‍.ബി.ഐ യുടെ ഫിനാന്‍ഷ്യലി സൗണ്ട് ആൻറ് വെൽ മാനേജ്ഡ് വിഭാഗത്തില്‍ ഉള്‍പ്പെട്ടിട്ടുണ്ട്; വിശദാംശം ലഭ്യമാക്കുമോ;

കേരളത്തിലെ അര്‍ബന്‍ ബാങ്കുകളില്‍ ആര്‍.ബി.ഐ.യുടെ മാനദണ്ഡ പ്രകാരം എത്ര ബാങ്കുകള്‍ സൂപ്പര്‍വൈസറി ആക്ഷന്‍ ഫ്രയിംവര്‍ക്കില്‍ ഉള്‍പ്പെട്ടിട്ടുണ്ട്; ഇപ്രകാരം ഉള്‍പ്പെട്ട അര്‍ബന്‍ ബാങ്കുകളില്‍ എത്ര ബാങ്കുകളില്‍ നിക്ഷേപങ്ങളുടെ പലിശ നിരക്ക് നാഷണലൈസ്‍ഡ് ബാങ്കുകളുടെ പലിശ നിരക്കിന് തുല്യമാക്കിയിട്ടുണ്ട് വ്യക്തമാക്കാമോ ;

കേരളത്തിലെ അര്‍ബന്‍ ബാങ്കുകളില്‍ എത്ര ബാങ്കുകളില്‍ ലിക്വഡേഷന്‍ നടപടികള്‍ നടന്നുവരുന്നുണ്ട്; ഏതെങ്കിലും നിക്ഷേപങ്ങള്‍ പിന്‍വലിക്കാന്‍ നിയന്ത്രണം ഏര്‍പ്പെടുത്തിയിട്ടുണ്ടോ; വിശദമാക്കാമോ ?

മലപ്പുറം ജില്ലയിലെ കോട്ടയ്ക്കൽ ആസ്ഥാനമായി പ്രവര്‍ത്തിച്ചുവരുന്ന സി.എച്ച്. മെമ്മോറിയൽ കോട്ടയ്ക്കൽ കോ-ഓപ്പറേറ്റീവ് ആശുപത്രി (ക്ലിപ്തം നമ്പർ എം 594) സംഘത്തിന് അതിന്റെ പ്രവർത്തന പരിധിയിലുള്ള തദ്ദേശസ്വയംഭരണ സ്ഥാപനങ്ങളിൽ നിന്നും ഓഹരി പിരിക്കുന്നതിന് അനുമതി നല്‍കുന്നത് സംബന്ധിച്ച് ധനകാര്യ വകുപ്പിന്റെ അഭിപ്രായം ആരാഞ്ഞുകൊണ്ട് തദ്ദേശ സ്വയം ഭരണ വകുപ്പില്‍ നിന്നും ധനകാര്യ വകുപ്പിന് നല്‍കിയ ഫയലിന്മേൽ (എല്‍.എസ്.ജി.ഡി.-എഫ്.എം.2/38/2022) വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ?

എന്‍.പി.എ കുറയ്ക്കുന്നതിന്റെ ഭാഗമായി കേരളത്തിലെ അര്‍ബന്‍ ബാങ്കുകള്‍ മുതലിലും പലിശയിലും എത്ര രൂപ ഇളവ് അനുവദിച്ചിട്ടുണ്ട്;

എന്‍.പി.എ കുറയ്ക്കാന്‍ ആര്‍.ബി.ഐ അര്‍ബന്‍ ബാങ്കുകള്‍ക്കു് കര്‍ശന നിര്‍ദേശം നല്‍കിയിട്ടുള്ളതിനാല്‍ അര്‍ബന്‍ ബാങ്കുകള്‍ക്കു് എന്‍.പി.എ കുടിശ്ശിക കുറയ്ക്കുവാന്‍ എന്തെങ്കിലും പ്രത്യേക പാക്കേജ് നടപ്പിലാക്കാന്‍ നടപടി സ്വീകരിക്കുമോ; വിശദമാക്കാമോ?

സംസ്ഥാനത്തെ പൊതു പ്രവൃത്തികള്‍ നിര്‍വ്വഹിക്കുന്നതിന് ധനകാര്യ വകുപ്പ് തിരഞ്ഞെടുത്തിരുന്ന അക്രെഡിറ്റഡ് ഏജന്‍സികളുടെ വിശദാംശം നല്‍കാമോ;

മണ്ഡലം ആസ്തി വികസന പദ്ധതി പ്രകാരം നിയമസഭാ സാമാജികര്‍ അക്രെഡിറ്റഡ് ഏജന്‍സികളുടെ പേര് സഹിതം ശിപാര്‍ശ ചെയ്യുന്ന പ്രവൃത്തികള്‍ക്ക് ഭരണാനുമതി നല്‍കുന്നതിന് തടസ്സമുണ്ടോ; എങ്കിൽ ആയത് പദ്ധതി നിര്‍വ്വഹണത്തെ തടസ്സപ്പെടുത്തുന്നത് പരിഹരിക്കുന്നതിനുള്ള നടപടികള്‍ സ്വീകരിക്കുമോ;

പ്രോജക്ട് മാനേജ്‍മെന്റ് കണ്‍സല്‍ട്ടന്‍സി വിഭാഗത്തില്‍പ്പെടുന്ന അക്രെഡിറ്റഡ് ഏജന്‍സികള്‍ക്ക് സുതാര്യമായ ലേല നടപടികളിലൂടെ മാത്രമേ പ്രവൃത്തികള്‍ ഏറ്റെടുക്കാന്‍ സാധിക്കുകയുള്ളു എന്ന സര്‍ക്കാര്‍ ഉത്തരവ് നിലവിലുള്ളതിനാല്‍ അക്രഡിറ്റഡ് ഏജന്‍സികളുടേത് ഉള്‍പ്പെടെയുള്ള പദ്ധതികള്‍ കാലവിളംബം കൂടാതെ പൂര്‍ത്തിയാക്കുന്നതിന് നടപടി സ്വീകരിക്കുമോ; വിശദമാക്കാമോ?

ആലപ്പുഴ എക്സല്‍ ഗ്ലാസ് തൊഴിലാളികള്‍ക്ക് ഉത്സവബത്ത ഇനത്തിൽ ധനസഹായം ലഭ്യമാക്കാനുള്ള അപേക്ഷയിന്മേല്‍ വകുപ്പ് സ്വീകരിച്ച നടപടികളുടെ വിശദവിവരം ലഭ്യമാക്കാമോ?

സംസ്ഥാനത്തെ കരാറുകാര്‍ക്ക് കുടിശ്ശികയിനത്തിൽ എത്ര തുക വിതരണം ചെയ്യാനുണ്ടെന്ന വിശദാംശം നൽകുമോ;

കരാറുകാര്‍ക്ക് കുടിശ്ശിക അനുവദിച്ചു നൽകാത്തത് പ്രാദേശിക തലത്തിലുള്ള വികസന പ്രവർത്തനങ്ങളെ ദോഷകരമായി ബാധിച്ചിട്ടുള്ളതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ; പ്രസ്തുത തുക എന്നത്തേക്ക് വിതരണം ചെയ്യാൻ കഴിയും എന്ന് വ്യക്തമാക്കുമോ?

നിര്‍മ്മാണ മേഖലയില്‍ നൂതന സാങ്കേതിക വിദ്യകള്‍ നടപ്പിലാക്കുന്നതിനായി അക്രെഡിറ്റഡ് ഏജന്‍സികള്‍ക്ക് അംഗീകാരം നല്‍കിയിട്ടുണ്ടോ; എങ്കില്‍ വിശദവിവരം നല്‍കാമോ;

അക്രെഡിറ്റേഷനുവേണ്ടി പ്രീ എന്‍ജിനീയറിംഗ് സാങ്കേതിക വിദ്യയില്‍ കെട്ടിടം നിര്‍മ്മിക്കുന്നതിനായി ഏജന്‍സികളില്‍ നിന്നും അപേക്ഷകള്‍ ലഭിച്ചിട്ടുണ്ടോ; എങ്കില്‍ ആയതില്‍ തീരുമാനമായിട്ടുണ്ടോയെന്ന് അറിയിക്കാമോ?

തിരൂര്‍-പൊൻമുണ്ടം റെയിൽവേ ഓവര്‍ ബ്രിഡ്ജിന്റെ പ്രവൃത്തി 2014-ൽ പൂര്‍ത്തീകരിച്ചെങ്കിലും അപ്രോച്ച് റോഡിനായി തുക അനുവദിക്കാത്തതു കാരണം കഴിഞ്ഞ 9 വര്‍ഷമായി പ്രസ്തുത പദ്ധതി പൂര്‍ത്തീകരിക്കാനാകാത്തത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത പാലത്തിന്റെ അപ്രോച്ച് റോഡ് അടിയന്തരമായി നിര്‍മ്മിക്കുന്നതിന് ആവശ്യമായ തുക അനുവദിക്കുന്നതിന് നടപടി സ്വീകരിക്കുമോ?

2016-2021 കാലഘട്ടത്തിൽ കേരള സംസ്ഥാന ബാംബൂ കോർപ്പറേഷനിൽ ധനകാര്യ പരിശോധനാ വിഭാഗം എത്ര തവണ പരിശോധന നടത്തിയിട്ടുണ്ടെന്ന വിവരം വെളിപ്പെടുത്തുമോ;

പ്രസ്തുത പരിശോധനയില്‍ ക്രമക്കേടുകള്‍ കണ്ടെത്തിയിട്ടുണ്ടോ; എങ്കില്‍ വിശദീകരിക്കുമോ;

പരിശോധനാ റിപ്പോര്‍ട്ടുകള്‍ തുടര്‍നടപടികള്‍ സ്വീകരിക്കുന്നതിനായി ബന്ധപ്പെട്ട വകുപ്പിന് കൈമാറിയിട്ടുണ്ടോ; എങ്കില്‍ പ്രസ്തുത റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ വൻകിട അടിസ്ഥാന സൗകര്യ വികസന പ്രവർത്തനങ്ങൾക്കായി എത്ര തുക അനുവദിച്ചിട്ടുണ്ട്; അറിയിക്കുമോ;

പ്രസ്തുത തുക ഏതൊക്കെ ശീർഷകത്തിലാണ് അനുവദിച്ചതെന്നും ഓരോ ശീർഷകത്തിൽ നിന്നും നാളിതുവരെ എത്ര തുക ചെലവഴിച്ചിട്ടുണ്ടെന്നുമുള്ള വിവരം സാമ്പത്തിക വർഷം അടിസ്ഥാനമാക്കി വ്യക്തമാക്കുമോ?

തൃശൂര്‍ ജില്ലയില്‍ ചിട്ടി സംബന്ധമായ തര്‍ക്കങ്ങള്‍ കൂടുതലുള്ളതിനാല്‍ പ്രസ്തുത തര്‍ക്കങ്ങള്‍ പരിഹരിക്കാന്‍ നിയമിച്ചിട്ടുള്ള തൃശൂര്‍ ജില്ലയിലെ രണ്ട് ആര്‍ബിട്രേറ്റര്‍മാരുടെയും ആറ് ക്ലാര്‍ക്കുമാരുടെയും സേവനം 31.12.2022-ന് അവസാനിപ്പിക്കാന്‍ ഉത്തരവാകുകയും എന്നാല്‍ ഹൈക്കോടതി ഉത്തരവ് പ്രകാരം 31.03.2023 വരെ ഇവരുടെ സേവനം ദീര്‍ഘിപ്പിക്കുകയും ചെയ്തിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

ഓരോ മാസവും നൂറുകണക്കിന് ആര്‍ബിട്രേഷന്‍‍ കേസുകള്‍ തൃശൂര്‍ ജില്ലയില്‍ മാത്രം ഫയല്‍ ചെയ്യുന്ന സാഹചര്യത്തില്‍ പ്രസ്തുത ആര്‍ബിട്രേറ്റര്‍മാരുടെയും ക്ലാര്‍ക്കുമാരുടെയും സേവനം തുടരേണ്ടത് അത്യാവശ്യമായതിനാല്‍ പ്രസ്തുത തസ്തികകള്‍ സ്ഥിരമാക്കുന്നതിന് വേണ്ട നടപടികള്‍ സ്വീകരിക്കുമോ; വിശദാംശം നല്‍കാമോ?

ഇക്കഴിഞ്ഞ 3 വര്‍ഷത്തിനുള്ളില്‍ പെട്രോളിയം ഉത്പന്നങ്ങള്‍ക്ക് എത്രതവണയാണ് കേന്ദ്രസര്‍ക്കാര്‍ വില വര്‍ദ്ധിപ്പിച്ചത്; ഓരോ തവണയും വര്‍ദ്ധിപ്പിച്ചത് എത്രവീതമാണ്;

ഇക്കാലയളവില്‍ സംസ്ഥാന സര്‍ക്കാര്‍ പെട്രോളിയം ഉത്പന്നങ്ങള്‍ക്ക് നികുതി വര്‍ദ്ധിപ്പിച്ചിട്ടുണ്ടോ; വിശദാംശം നല്‍കാമോ;

ഇക്കാലയളവില്‍ സംസ്ഥാന സര്‍ക്കാരിന് ലഭിക്കേണ്ട ഏതെങ്കിലും നികുതി വേണ്ടെന്ന് വച്ചിട്ടുണ്ടോ; ഇതു വഴി സംസ്ഥാന സര്‍ക്കാരിന് എത്ര രൂപയുടെ നഷ്ടമാണ് ഉണ്ടായിട്ടുള്ളതെന്ന് വ്യക്തമാക്കുമോ?

സംസ്ഥാന യുവജനക്ഷേമ കമ്മീഷന്‍ ചെയര്‍പേഴ്സൺന്റെ ശമ്പളവും മറ്റു ആനുകൂല്യങ്ങളും എന്തെല്ലാമാണെന്ന് വ്യക്തമാക്കാമോ; ഈ സര്‍ക്കാര്‍ അധികാരത്തില്‍ വന്നശേഷം പ്രസ്തുത ഇനത്തിൽ എത്ര രൂപ ചെലവഴിച്ചുവെന്ന് വ്യക്തമാക്കാമോ;

യുവജനക്ഷേമ കമ്മീഷന്‍ ചെയര്‍പേഴ്സണ്‍ന്റെ ശമ്പളം നിലവില്‍ വര്‍ദ്ധിപ്പിച്ചിട്ടുണ്ടോ; ഇതു സംബന്ധിച്ച് ധനകാര്യ വകുപ്പ് സ്വീകരിച്ച നടപടികള്‍ എന്തെല്ലാമാണ്; പ്രസ്തുത നടപടിക്രമങ്ങൾക്കായി വകുപ്പില്‍ കൈകാര്യം ചെയ്ത നോട്ട് കുറിപ്പുകള്‍ അടക്കമുള്ള ഫയലുകളുടെ പകര്‍പ്പ് ലഭ്യമാക്കാമോ;

സംസ്ഥാനത്ത് ധനപ്രതിസന്ധി നിലനിൽക്കുന്ന സാഹചര്യത്തിൽ കമ്മീഷനുകളിലെയും ബോര്‍ഡുകളിലെയും കോര്‍പ്പറേഷനുകളിലെയും മേധാവികള്‍ക്ക് ഉയർന്ന ശമ്പളവും കുടിശികയും നല്‍കുന്നതിന്റെ കാരണം വിശദമാക്കാമോ?

കിഫ്ബി മുഖേന നടപ്പാക്കുന്ന വിവിധ വികസന പദ്ധതികളുടെ പുരോഗതി വിലയിരുത്തിയിട്ടുണ്ടോ; വായ്പയെടുത്ത് നടപ്പാക്കുന്ന പല പദ്ധതികളും പാതി വഴിയിൽ നിലച്ച് പോയിട്ടുള്ളതായി ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദവിവരം നൽകുമോ;

വികസന പദ്ധതികൾക്കായി വായ്‌പ എടുത്ത തുക ഉപയോഗിക്കാതെ അതിന് പലിശ കൊടുത്തുകൊണ്ടിരിക്കുന്ന സാഹചര്യമുണ്ടോ; എങ്കിൽ ആയതിന്റെ വിശദാംശം ലഭ്യമാക്കുമോ;

കൂടിയ പലിശയ്ക്ക് വിവിധ ഏജൻസികളിൽ നിന്ന് കടമെടുത്ത തുക കുറഞ്ഞ പലിശയ്ക്ക് ബാങ്കിൽ നിക്ഷേപിച്ചിട്ടുണ്ടോ; ആയതുമൂലം സംസ്ഥാനത്തിനുണ്ടാകുന്ന അധിക ബാധ്യത എത്രയെന്ന് തിട്ടപ്പെടുത്തിയിട്ടുണ്ടോ; എങ്കിൽ വിശദാംശം നല്‍കുമോ?

കിഫ്ബിയില്‍ ഉള്‍പ്പെടുത്തി എത്ര പദ്ധതികള്‍ക്ക് എത്ര രൂപയുടെ ഭരണാനുമതിയാണ് നല്‍കിട്ടുള്ളതെന്ന് വ്യക്തമാക്കാമോ;

കിഫ്ബിയിലേക്ക് ഇതുവരെ എത്ര രൂപ ഏതൊക്കെ തരത്തില്‍ സമാഹരിച്ചിട്ടുണ്ടെന്ന് വിശദമാക്കാമോ;

വായ്പാ ഇനത്തില്‍ എത്ര രൂപ കിഫ്ബിയിലേക്ക് സമാഹരിച്ചിട്ടുണ്ടെന്നും ഇതില്‍ എത്ര രൂപ തിരിച്ചടച്ചുവെന്നും വ്യക്തമാക്കാമോ; എത്ര രൂപയാണ് ഇതുവരെ ചെലവഴിച്ചിട്ടുള്ളതെന്ന് വ്യക്തമാക്കാമോ;

കിഫ്ബി പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ; വിശദവിവരം ലഭ്യമാക്കാമോ?

കിഫ്ബി കിഫ് കോൺ എന്നപേരിൽ കൺസൾട്ടൻസി കമ്പനി ആരംഭിക്കാൻ തീരുമാനിച്ചിട്ടുണ്ടോ; എങ്കിൽ എന്തൊക്കെ സേവനങ്ങളാണ് പ്രസ്തുത കമ്പനി നൽകുന്നതെന്ന് വ്യക്തമാക്കുമോ;

കിഫ്‌ബി നിയമത്തിലെ ഏതു വ്യവസ്ഥ പ്രകാരമാണ് ഇപ്രകാരം ഒരു കമ്പനി രൂപീകരിക്കുന്നതെന്ന് വ്യക്തമാക്കുമോ;

കമ്പനിയുടെ പ്രവർത്തനത്തിനായി ഫണ്ട് സമാഹരിക്കുന്നത് ഏത് രീതിയിലാണെന്നും കമ്പനിയിൽ നിന്നുള്ള വരുമാനം ഏത് രീതിയിലാണ് വിനിയോഗിക്കാൻ ഉദ്ദേശിക്കുന്നതെന്നും അറിയിക്കാമോ;

കമ്പനിയുടെ പ്രവർത്തനത്തിനായി ഏതെങ്കിലും തരത്തിലുള്ള ഫണ്ട് അനുവദിക്കുന്നുണ്ടോ; എങ്കിൽ ഏത് ബജറ്റ് ശീർഷകത്തിൽ നിന്നാണ് എന്ന് വ്യക്തമാക്കുമോ?

നെയ്യാറ്റിന്‍കര മണ്ഡലത്തില്‍ അനുവദിച്ച കിഫ്ബി പ്രവൃത്തികള്‍ ഏതൊക്കെയാണെന്ന് വിശദമാക്കാമോ;

അവയില്‍ പൂര്‍ത്തീകരിച്ച കിഫ്ബി പ്രവൃത്തികള്‍ ഏതൊക്കെയാണെന്ന് വ്യക്തമാക്കാമോ;

പ്രസ്തുത മണ്ഡലത്തില്‍ കിഫ്ബി പ്രവൃത്തിക്ക് അനുവദിച്ച തുകയും പ്രവൃത്തികളുടെ പേരും വിശദമാക്കാമോ; ഏതൊക്കെ പ്രവൃത്തികളാണ് ഇനി ആരംഭിക്കാന്‍ ഉള്ളതെന്ന് വിശദമാക്കാമോ?

മങ്കട നിയോജക മണ്ഡലത്തില്‍ കിഫ്ബി മുഖേന ഭരണാനുമതി ലഭിച്ചതും പൂര്‍ത്തിയാകാത്തതുമായ പദ്ധതികളുടെ വിശദവിവരം ലഭ്യമാക്കുമോ;

പ്രസ്തുത പ്രവ‍‍ൃത്തികള്‍ നിലവില്‍ ഏത് ഘട്ടത്തിലാണെന്ന് അറിയിക്കുമോ;

ഓരോ പ്രവൃത്തിയുടെയും നിര്‍വ്വഹണ ഏജന്‍സി ഏതാണെന്നും ഓരോ പ്രവൃത്തിയും പൂര്‍ത്തിയാക്കുന്നതിന് കാലതാമസം നേരിടുന്നതിന്റെ കാരണം എന്താണെന്നും അറിയിക്കുമോ?

വാമനപുരം മണ്ഡലത്തില്‍ ഇതേവരെ അനുവദിച്ചിട്ടുള്ള കിഫ്ബി ഫണ്ടുപയോഗിച്ചുള്ള പദ്ധതികള്‍ ഏതെല്ലാമാണെന്നും അവയുടെ ഓരോന്നിന്റേയും നിര്‍മ്മാണ പുരോഗതിയും അറിയിക്കാമോ;

അവശേഷിക്കുന്ന പദ്ധതികള്‍ എന്ന് പൂര്‍ത്തീകരിക്കാന്‍ കഴിയുമെന്ന് അറിയിക്കാമോ?

നെന്മാറ നിയോജക മണ്ഡലത്തില്‍ കിഫ്ബിയില്‍ ഉള്‍പ്പെടുത്തിയ പ്രവൃത്തികൾ ഏതെല്ലാമാണെന്ന് വിശദമാക്കുമോ;

അവയിൽ എത്ര പ്രവൃത്തികളാണ് പൂര്‍ത്തീകരിച്ചതെന്നും എത്രയെണ്ണം ആരംഭിച്ചിട്ടുണ്ടെന്നും മറ്റുളളവ എന്ന് ആരംഭിക്കുമെന്നും വിശദമാക്കുമോ?

അരൂര്‍ നിയോജക മണ്ഡലത്തിലെ ഏതൊക്കെ സ്കൂളുകള്‍ക്ക് കിഫ്ബി മുഖേന ഫണ്ട് അനുവദിച്ചിട്ടുണ്ടെന്ന് വിശദമാക്കാമോ;

പ്രസ്തുത നിയോജക മണ്ഡലത്തിലെ മടത്തില്‍ ഭാഗം ഗവൺമെന്റ് എൽ.പി.സ്കൂള്‍ കെട്ടിടനിര്‍മ്മാണത്തിന് കിഫ്ബിയില്‍ പണം അനുവദിച്ചെങ്കിലും നാളിതുവരെ നിര്‍മ്മാണ പ്രവര്‍ത്തനം നടക്കാത്തതിന്റെ കാരണം വിശദമാക്കാമോ;

ആയതിന്റെ കാലതാമസം പരിഹരിച്ച് നിര്‍മ്മാണ പ്രവര്‍ത്തനം വേഗത്തിലാക്കുന്നതിന് ആവശ്യമായ നടപടി സ്വീകരിക്കുമോ?

മഞ്ചേരി നിയോജക മണ്ഡലത്തിലെ കിഫ്‌ബി പദ്ധതികൾ ഏതൊക്കെയാണെന്നും അതിൽ എത്ര പ്രവൃത്തികൾ ആരംഭിച്ചുവെന്നും എത്രയെണ്ണം പൂർത്തിയായെന്നും വിശദമാക്കാമോ;

മഞ്ചേരി - ഒലിപ്പുഴ റോഡ് നിര്‍മ്മാണ പ്രവൃത്തി ഇനിയും ആരംഭിക്കാതിരിക്കുന്നതിനുള്ള കാരണം വ്യക്തമാക്കാമോ; പ്രസ്തുത പ്രവൃത്തി എന്നത്തേയ്ക്ക് തുടങ്ങാൻ കഴിയുമെന്ന് വ്യക്തമാക്കാമോ;

പ്രവൃത്തി അടിയന്തരമായി ആരംഭിക്കുന്നതിനുള്ള നടപടി സ്വീകരിക്കുമോ?

കിഫ്‌ബി നിലവിൽ വന്നതിനുശേഷം കാസർകോട് ജില്ലയ്ക്ക് അനുവദിച്ച പദ്ധതികൾ ഏതൊക്കെയാണെന്ന് നിയോജക മണ്ഡലം തിരിച്ച്‌ വ്യക്തമാക്കാമോ;

ഓരോ പദ്ധതിക്കും അനുവദിച്ച തുക എത്രയാണെന്ന് വ്യക്തമാക്കാമോ;

ഇവയിൽ പൂർത്തീകരിച്ചതും പൂർത്തിയാക്കാൻ ഉള്ളതും ഇതുവരെ ആരംഭിക്കാത്തതുമായ പദ്ധതികൾ ഏതൊക്കെയാണെന്ന് വ്യക്തമാക്കാമോ;

പൂർത്തീകരിക്കാത്തതും ആരംഭിക്കാത്തതുമായ പദ്ധതികൾ ഏതൊക്കെയാണെന്ന് കാരണം സഹിതം വ്യക്തമാക്കാമോ;

കാസർകോട് മെഡിക്കൽ കോളേജിന് കിഫ്‌ബിയിൽ നിന്ന് ഇതിനകം എത്ര ഫണ്ട് അനുവദിച്ചിട്ടുണ്ടെന്ന് വ്യക്തമാക്കാമോ; അനുവദിച്ച ഫണ്ട് ഉപയോഗിച്ച് നടത്തിയതും നടത്തിക്കൊണ്ടിരിക്കുന്നതും നടത്താൻ ബാക്കിയുള്ളതുമായ പ്രവൃത്തികൾ ഏതൊക്കെയാണെന്ന് വ്യക്തമാക്കാമോ;

കാസർകോട് മെഡിക്കൽ കോളേജിന് കിഫ്‌ബി ഫണ്ട് ഇനിയും അനുവദിക്കുമോ; വിശദാംശം നൽകാമോ?

പൂഞ്ഞാർ നിയോജക മണ്ഡലത്തില്‍ കിഫ്ബി മുഖേന ഭരണാനുമതി ലഭിച്ചതും പൂര്‍ത്തിയാകാത്തതുമായ പദ്ധതികളുടെ വിശദവിവരം ലഭ്യമാക്കുമോ;

പ്രസ്തുത പദ്ധതികളുടെ പ്രവ‍‍ൃത്തികള്‍ നിലവില്‍ ഏത് ഘട്ടത്തിലാണെന്ന വിവരം അറിയിക്കുമോ;

ഓരോ പ്രവൃത്തിയും പൂര്‍ത്തിയാക്കുന്നതിന് കാലതാമസം നേരിടുന്നതിന്റെ കാരണം എന്താണെന്ന് അറിയിക്കുമോ?

കിഫ്ബി പദ്ധതിയിൽ ഭരണാനുമതി ലഭിച്ച മഞ്ചേശ്വരം നിയോജക മണ്ഡലത്തിലെ മാസ്കുമാരി - കുരുഡപ്പ ദവ് റോഡിന്റെ ഇംപ്രൂവ്മെന്റ് പ്രവൃത്തി കിഫ്ബി മാനദണ്ഡങ്ങൾ പ്രകാരം നടത്തുന്നത് ഉചിതമല്ല എന്ന് തീരുമാനിച്ചിട്ടുണ്ടോ; വിശദമാക്കുമോ;

ഇത്തരത്തിൽ കിഫ്ബി മാനദണ്ഡങ്ങൾ പ്രകാരം നവീകരിക്കാൻ കഴിയാത്ത റോഡുകളുടെ അറ്റകുറ്റ പണിക്ക് ധനകാര്യ വകുപ്പ് ഫണ്ട് ലഭ്യമാക്കിയിട്ടുണ്ടോ; വിശദമാക്കുമോ;

ഗതാഗത യോഗ്യമല്ലാത്ത പ്രസ്തുത റോഡ് ഗതാഗത യോഗ്യമാക്കുന്നതിന് നടപടി സ്വീകരിക്കുമോ?

മഞ്ചേശ്വരം മണ്ഡലത്തിലെ കിഫ്ബി പദ്ധതികളുടെ വിശദ വിവരങ്ങൾ ലഭ്യമാക്കുമോ;

പ്രസ്തുത പദ്ധതികളുടെ നിർവ്വഹണം ഏത് ഘട്ടത്തിലാണെന്ന് വിശദമാക്കുമോ?

പാറശാല മണ്ഡലത്തിലെ പനച്ചമൂടിൽ കിഫ്ബി പദ്ധതി പ്രകാരം ആധുനിക മത്സ്യ മാര്‍ക്കറ്റ് നിര്‍മ്മിക്കുന്ന പദ്ധതിയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തി അടിയന്തരമായി ആരംഭിക്കുന്നതിനുള്ള നടപടി സ്വീകരിക്കുമോ?

കിഫ്ബി പദ്ധതിയില്‍ ഉള്‍പ്പെട്ടിട്ടുള്ള മലമ്പുഴ നിയോജക മണ്ഡലത്തിലെ ഒലവക്കോട്-ധോണി റോഡ് നിർമ്മാണത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത റോഡിന്റെ നിര്‍മ്മാണ പ്രവൃത്തികള്‍ ആരംഭിക്കുന്നതിന് ഇനി എന്തെല്ലാം നടപടിക്രമങ്ങള്‍ പൂര്‍ത്തീകരിക്കണമെന്ന് അറിയിക്കാമോ?

ദേശീയ സമ്പാദ്യ പദ്ധതിയില്‍ ഉള്‍പ്പെടുന്ന മഹിളാ പ്രധാന്‍ ഏജന്റുമാര്‍ക്ക് നല്‍കിവരുന്ന ആനുകൂല്യങ്ങള്‍ എന്തൊക്കെയാണെന്ന് വിശദമാക്കാമോ;

മഹിളാ പ്രധാന്‍ ഏജന്റുമാര്‍ക്ക് ഏര്‍പ്പെടുത്തിയിട്ടുളള ഇന്‍ഷ്വറന്‍സ് പദ്ധതിയുടെ വിശദാംശങ്ങള്‍ ലഭ്യമാക്കാമോ;

മഹിളാ പ്രധാന്‍ ഏജന്റായിരിക്കേ മരണമടയുന്ന വ്യക്തിയ്ക്ക് ലഭ്യമാക്കുന്ന സഹായങ്ങള്‍ എന്തൊക്കെയാണെന്ന് വിശദമാക്കാമോ?

കേരള മെഡിക്കൽ സര്‍വ്വീസസ് കോർപ്പറേഷൻ ലിമിറ്റഡ് അടക്കമുള്ള സ്ഥാപനങ്ങൾ മറ്റു സർക്കാർ ഇതര സ്ഥാപനങ്ങളുമായി ഉണ്ടാക്കുന്ന കരാർ വഴി 2.5 ലക്ഷം രൂപയിൽ കൂടുതലുള്ള സാധനങ്ങൾ വാങ്ങുമ്പോൾ ജി.എസ്.ടി. നിയമ പ്രകാരം ടി.ഡി.എസ്. കട്ട് ചെയ്യണം എന്ന് വ്യവസ്ഥ ചെയ്യുന്നുണ്ടോ;

ജി.എസ്.ടി. നമ്പർ ഇല്ലാത്ത സ്ഥാപനങ്ങളുമായി കേരള മെഡിക്കൽ സര്‍വ്വീസസ് കോർപ്പറേഷൻ ലിമിറ്റഡ് കരാർ ഉണ്ടാക്കുമ്പോൾ പർച്ചയ്സ് മാന്വൽ പ്രകാരം പാലിക്കേണ്ട മാനദണ്ഡങ്ങൾ വിശദമാക്കാമോ;

സ്റ്റെപ്‍സ് ഓയില്‍ ഫീല്‍ഡ് ആന്റ് എക്യുപ്മെന്റ് ട്രേഡിംഗ് എല്‍.എല്‍.സി. എന്ന വിദേശ സ്ഥാപനത്തിൽ നിന്നും N-95 മാസ്ക് വാങ്ങുക വഴി ജി.എസ്‌.ടി. ഈടാക്കാതെ സാമഗ്രികൾ കേരള മെഡിക്കൽ സര്‍വ്വീസസ് കോർപ്പറേഷൻ ലിമിറ്റഡ് വാങ്ങിയിട്ടുള്ളത് ഗൗരവത്തോടെ കാണുന്നുണ്ടോ?

കഴിഞ്ഞ സാമ്പത്തിക വർഷത്തിലും നടപ്പ് സാമ്പത്തിക വർഷത്തിൽ നാളിതുവരെയും വിവിധ മേഖലയിൽ നിന്നും സർക്കാരിന് ലഭിച്ച നികുതി, നികുതിയേതര വരുമാനം എത്രയാണെന്ന് ഇനംതിരിച്ച് വ്യക്തമാക്കുമോ; ജി‌.എസ്‌.ടി. നടപ്പിലാക്കുന്നതിന് മുന്‍പുള്ള വാറ്റ് കുടിശ്ശിക എത്രയാണെന്ന് വിശദമാക്കുമോ;

നടപ്പ് സാമ്പത്തിക വര്‍ഷത്തില്‍ നികുതി, നികുതിയേതര വരുമാനത്തില്‍ പ്രതീക്ഷിച്ചതിൽ നിന്നും കുറവ് രേഖപ്പെടുത്തിയിട്ടുണ്ടോ; എങ്കിൽ ഏതെല്ലാം മേഖലകളിലാണെന്ന് വിശദമാക്കാമോ;

നികുതി ചോർച്ച തടയുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

സംസ്ഥാനത്ത് നികുതിയേതര വരുമാനം വര്‍ദ്ധിപ്പിക്കാനും വാറ്റ് അടക്കമുള്ള നികുതി കുടിശ്ശികകള്‍ പിരിച്ചെടുക്കുന്നതിനും സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ ?

സംസ്ഥാനത്ത് നികുതി വെട്ടിപ്പ് വർദ്ധിച്ച് വരുന്നതിനാൽ നികുതി വരുമാനം പ്രതീക്ഷയ്ക്കൊത്ത് ഉയരുന്നില്ലായെന്ന് കണ്ടെത്തിയിട്ടുണ്ടോ; എങ്കിൽ വ്യക്തമാക്കാമോ;

നികുതി വരുമാനം വർദ്ധിപ്പിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കുമോ;

സംസ്ഥാനത്ത് വ്യാജരേഖ ചമച്ച് ഇൻപുട്ട് ടാക്സ് വെട്ടിപ്പ് നടത്തിയ നിരവധി സംഭവങ്ങൾ റിപ്പോർട്ട്‌ ചെയ്യപ്പെട്ടിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

സംസ്ഥാന ജി.എസ്.ടി. വകുപ്പിന്റെ ഇൻവെസ്റ്റിഗേഷൻ, ഇന്റലിജൻസ് വിഭാഗങ്ങൾ വഴി വ്യാജ രേഖകളിലൂടെ ഇൻപുട്ട് ടാക്സ് വെട്ടിക്കുന്നവരെ കണ്ടെത്തി അവർക്കെതിരെ ശക്തമായ നടപടികൾ സ്വീകരിക്കുമോ?

സംസ്ഥാനത്ത് ജി.എസ്.ടി. മുഖേനയുള്ള വരുമാനം വര്‍ദ്ധിപ്പിക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

പരിശീലനം നേടിയ ഉദ്യോഗസ്ഥരെ ഉള്‍പ്പെടുത്തി ജി.എസ്.ടി. ഓഡിറ്റ് സംവിധാനം കുറ്റമറ്റതാക്കാൻ നടപടികൾ സ്വീകരിച്ചിട്ടുണ്ടോ; വിശദമാക്കാമോ;

ജി. എസ്. ടി. സമ്പ്രദായത്തിൽ നികുതി പിരിവിനായി പുതിയ സർവീസ് മേഖലകൾ തുറന്നു തന്നിട്ടും അത് ഉപയോഗപ്പെടുത്താൻ തയ്യാറായിട്ടില്ല എന്നത് വസ്തുതയാണോ;

സർവീസ് മേഖലയിൽ നിന്നും നികുതി പിരിവ് കൂടുതൽ കാര്യക്ഷമമാക്കാൻ പദ്ധതികൾ ആവിഷ്കരിക്കുമോയെന്ന് വ്യക്തമാക്കാമോ?

ജി. എസ്. ടി. വകുപ്പ് പുനഃസംഘടന ഏതെല്ലാം തലത്തില്‍ ഗുണകരമാകും എന്നാണ് പ്രതീക്ഷിക്കുന്നത്; പുനസംഘടിപ്പിക്കുന്നതോടെ കേരളത്തിന്റെ നികുതി വരുമാനം എത്രമാത്രം വര്‍ദ്ധിപ്പിക്കാന്‍ കഴിയും എന്നാണ് പ്രതീക്ഷിക്കുന്നതെന്ന് വിശദമാക്കാമോ;

വാറ്റിന്റെ കുടിശ്ശിക ഇനിയും എത്ര ലഭിക്കാനുണ്ടെന്ന് വിശദമാക്കാമോ;

ജി. എസ്. ടി. പുനസംഘടനയിലൂടെ എത്രമാത്രം അധിക വരുമാനം ലഭിക്കും; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം നികുതി പിരിവ് കാര്യക്ഷമമാക്കുന്നതിന് സ്വീകരിച്ച നടപടികള്‍ വിശദമാക്കാമോ;

വ്യാജ ബില്ലുകള്‍ തടയുന്നതിനും റിട്ടേണ്‍ സ്‌ക്രൂട്ടിനി ഫലപ്രദമാക്കുന്നതിനും ഓഡിറ്റ്, എന്‍ഫോഴ്‌സ്‌മെന്റ് നടപടി തുടങ്ങിയവ ശക്തിപ്പെടുത്തുന്നതിനും സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ;

വ്യാജ ബില്ലുകൾ ഉണ്ടാക്കി നികുതി വെട്ടിപ്പ് നടത്തുന്ന റാക്കറ്റ് പ്രവർത്തിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം ഗൗരവത്തോടെ കാണുന്നുണ്ടോ; ഇതിനെ കാര്യക്ഷമമായി നേരിടാൻ നടപടികൾ സ്വീകരിച്ചിട്ടുണ്ടോ; വിശദമാക്കാമോ;

സംസ്ഥാനത്ത് വില്‍ക്കുന്ന ഓരോ സാധനത്തിനും ജി.എസ്.ടി. ബില്‍ നല്‍കുന്നുണ്ടെന്ന് ഉറപ്പാക്കാന്‍ നടപടി സ്വീകരിക്കുമോ?

ജി.എസ്.ടി. വകുപ്പ് പുനഃസംഘടന നടപടി പൂർത്തീകരിച്ചിട്ടുണ്ടോ; വ്യക്തമാക്കുമോ;

പുനഃസംഘടിപ്പിക്കുന്നതിന്റെ ഭാഗമായി ജീവനക്കാരെ മാനദണ്ഡങ്ങൾക്ക് വിരുദ്ധമായി വ്യാപകമായി സ്ഥലം മാറ്റി എന്ന ആരോപണം ശ്രദ്ധയിൽപ്പെട്ടിട്ടുണ്ടോ;

പുനഃസംഘടിപ്പിക്കുന്നതിന്റെ ഭാഗമായി ഉണ്ടായിട്ടുള്ള സ്ഥലമാറ്റം സംബന്ധിച്ച പരാതികൾ പരിഹരിക്കുന്നതിന് എന്തെല്ലാം നടപടികൾ സ്വീകരിച്ചു എന്ന് വ്യക്തമാക്കുമോ?

വടക്കാഞ്ചേരി മണ്ഡലത്തിലെ തൃശൂര്‍ മെഡിക്കല്‍ കോളേജ് സബ് ട്രഷറി നിര്‍മ്മാണത്തിന് സ്വീകരിച്ച നടപടികള്‍ വിശദമാക്കാമോ;

പ്രസ്തുത നിര്‍മ്മാണം പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ?

പയ്യന്നൂര്‍ മണ്ഡലത്തിലെ ചെറുപുഴ സബ്ബ്ട്രഷറിക്ക് കെട്ടിടം നിര്‍മ്മിക്കുന്നതിനായി സ്ഥലം കണ്ടെത്തിയിട്ടുണ്ടോ; എങ്കിൽ സ്ഥലം എങ്ങനെയാണ് കണ്ടെത്തിയതെന്ന് അറിയിക്കാമോ;

സബ്ബ്ട്രഷറിക്ക് പുതിയ കെട്ടിടം നിര്‍മ്മിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കാമോ;

ഈ സാമ്പത്തിക വര്‍ഷം തന്നെ പ്രസ്തുത പ്രവൃത്തിക്ക് ഭരണാനുമതി നല്‍കാന്‍ കഴിയുമോ; വിശദമാക്കാമോ?

പയ്യന്നൂര്‍ മണ്ഡലത്തിലെ പയ്യന്നൂര്‍ സബ്ബ് ട്രഷറി നിര്‍മ്മാണത്തിന്റെ പുരോഗതി അറിയിക്കാമോ;

പ്രസ്തുത നിർമ്മാണം സമയബന്ധിതമായി പൂര്‍ത്തീകരിക്കാന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിച്ച് നിര്‍മ്മാണ പ്രവർത്തനങ്ങൾ ത്വരിതപ്പെടുത്തുവാൻ സ്വീകരിച്ച നടപടികള്‍ വിശദമാക്കാമോ;

പ്രസ്തുത കെട്ടിട നിര്‍മ്മാണം പൂര്‍ത്തീകരിച്ച് എപ്പോള്‍ ഉദ്ഘാടനം ചെയ്യാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കാമോ?

പൂഞ്ഞാർ മണ്ഡലത്തിലെ മുണ്ടക്കയം സബ്ട്രഷറിയുടെ കെട്ടിട നിർമ്മാണത്തിനായി നിർവ്വഹണ ഏജൻസിയെ തെരഞ്ഞെടുക്കുന്നതിനുള്ള നടപടി ഏത് ഘട്ടത്തിലാണെന്ന് വ്യക്തമാക്കുമോ;

ഇത് സംബന്ധിച്ച നടപടിക്രമങ്ങൾ പൂർത്തിയാക്കി സബ്ട്രഷറിക്കായി പുതിയ കെട്ടിടം നിർമ്മിക്കുന്നതിനുള്ള ഭരണാനുമതി പുറപ്പെടുവിക്കാൻ അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് ട്രഷറി സേവനങ്ങളുടെ നിരക്ക് വർദ്ധിപ്പിക്കുകയുണ്ടായോ; ഏതൊക്കെ സേവനങ്ങൾക്കാണ് നിലവില്‍ നിരക്ക് വർദ്ധനവ് വരുത്തിയിട്ടുള്ളത്;

ഈ സർക്കാർ അധികാരത്തിൽ വന്നതിനുശേഷം ട്രഷറി സേവനങ്ങൾക്ക് പുറമെ മറ്റേതെല്ലാം സർക്കാർ സേവനങ്ങളുടെ നിരക്കുകളാണ് വർദ്ധിപ്പിച്ചിട്ടുള്ളത്;

ഇവയിൽ ഏതൊക്കെ ഇനങ്ങളുടെ നികുതിയാണ് വർദ്ധിപ്പിച്ചിട്ടുള്ളത്; ഓരോ ഇനത്തിനും വരുത്തിയിട്ടുള്ള വർദ്ധനവ് എത്ര വീതം ആണെന്ന് അറിയിക്കുമോ;

പുതുതായി മറ്റേതെല്ലാം ഇനങ്ങളുടെ നിരക്കുകൾ വർദ്ധിപ്പിക്കുന്നതിനാണ് സർക്കാർ ആലോചിക്കുന്നത്; വിശദാംശങ്ങൾ ലഭ്യമാക്കുമോ;

ഇത്തരത്തിലുള്ള വർദ്ധനവുകളിലൂടെ നാളിതുവരെ സമാഹരിച്ച അധിക തുക എത്രയാണെന്ന് അറിയിക്കുമോ; സംസ്ഥാനത്തിന്റെ നിലവിലെ സാമ്പത്തിക പ്രതിസന്ധി ഇപ്രകാരമുള്ള വർദ്ധനവുകളിലൂടെ മറികടക്കാൻ കഴിയുമെന്ന് കരുതുന്നുണ്ടോ; വിശദാംശം ലഭ്യമാക്കുമോ?

സംസ്ഥാന ലോട്ടറി ടിക്കറ്റിന്റെ സമ്മാനതുകയില്‍ ഘടനാപരമായ മാറ്റം അനിവാര്യമാണ് എന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

സമ്മാനതുക കൂടുതൽ പേരിലേക്ക് എത്തിക്കാൻ ആവശ്യമായ നടപടി സ്വീകരിക്കുമോ; വിശദമാക്കുമോ?

കെ. എസ്. എഫ്.ഇ- യെ കൂടുതല്‍ ജനകീയമാക്കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

കെ.എസ്.എഫ്.ഇ.-യില്‍ കൂടുതല്‍ മള്‍ട്ടി ഡിവിഷന്‍ ചിട്ടികള്‍ ഉള്‍പ്പെടെ ആരംഭിക്കുന്നതിന് നടപടികള്‍ സ്വീകരിക്കുമോ; വിശദമാക്കാമോ?

കുട്ടനാട്ടിലെ എല്ലാ പഞ്ചായത്തുകളിലും കെ.എസ്.എഫ്.ഇ. യുടെ ബ്രാഞ്ചുകള്‍ ആരംഭിക്കാന്‍ നടപടി സ്വീകരിക്കുമോ;

കെ.എസ്.എഫ്.ഇ. വഴി നല്‍കുന്ന സേവനങ്ങള്‍ കൂടുതല്‍ ലളിതമാക്കുന്നതിനും പലിശയില്‍ ഇളവുകള്‍ നല്‍കുന്നതിനും നടപടി സ്വീകരിക്കുമോ?

സംസ്ഥാനത്തെ സർക്കാർ ജീവനക്കാർക്കും പെൻഷൻകാർക്കും വേണ്ടി നടപ്പിലാക്കിയ ആരോഗ്യ ഇൻഷുറൻസ് പദ്ധതിയായ മെഡിസെപ്പിൽ മിക്ക ആശുപത്രികളും ഉൾപ്പെട്ടിട്ടില്ല എന്ന പരാതി ശ്രദ്ധയിൽപ്പെട്ടിട്ടുണ്ടോ;

എങ്കിൽ മുഴുവൻ ആശുപത്രികളെയും മെഡിസെപ്പ് പദ്ധതിയിൽ ഉൾപ്പെടുത്തുന്നതിനുള്ള നടപടികൾ സ്വീകരിക്കുമോ?

മെഡിസെപ്പ് ഇൻഷുറൻസ് പദ്ധതിയുടെ ഗുണഭോക്താക്കളിൽ പെൻഷൻകാരുടെ ആശ്രിതരായി അവരുടെ മക്കൾ ഉൾപ്പെടുന്നില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ;

ജീവനക്കാരിൽ നിന്നും പെൻഷൻകാരിൽ നിന്നും ഒരേ പ്രീമിയം ഈടാക്കി നടപ്പിലാക്കിയ മെഡിസെപ്പ് പദ്ധതിയുടെ ഗുണഭോക്‌താക്കളിൽ പെൻഷൻകാരുടെ ആശ്രിതരായി അവരുടെ മക്കളെ ഉൾപ്പെടുത്തുന്നതിന് നടപടി സ്വീകരിക്കുമോ;

മെസിസെപ്പിനായി എൻലിസ്റ്റ് ചെയ്ത ഹോസ്പിറ്റലുകളിൽ ലഭ്യമായ എല്ലാ ചികിത്സകളും പ്രസ്തുത പദ്ധതിയുടെ ഭാഗമാക്കാമോ?

മെഡിസെപ്പ് ഇന്‍ഷുറന്‍സ് പദ്ധതിയിൽ ഗുണഭോക്താക്കളായി സർക്കാർ ജീവനക്കാരും അധ്യാപകരും അവരുടെ ആശ്രിതരായ മാതാപിതാക്കൾ, ഭാര്യ/ഭർത്താവ്, ഇരുപത്തഞ്ച് വയസ്സിന് താഴെയുള്ള മക്കൾ എന്നിവർ ഉൾപ്പെടുമ്പോൾ പെൻഷൻകാരുടെ ആശ്രിതരായ മാതാപിതാക്കളും മക്കളും പദ്ധതിയുടെ പരിധിയിൽ വരുന്നില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ;

ജീവനക്കാരിൽ നിന്നും പെൻഷൻകാരിൽ നിന്നും ഒരേ പ്രീമിയം തുക ഈടാക്കി നടപ്പിലാക്കിയ മെഡിസെപ്പ് പദ്ധതിയുടെ ഗുണഭോക്‌താക്കളായി പെൻഷൻകാരുടെ മാതാപിതാക്കളേയും മക്കളേയും മാത്രം ഒഴിവാക്കിയ നടപടി പിൻവലിക്കുവാനും അവരെ കൂടി പദ്ധതിയിൽ അംഗമാക്കുവാനും നടപടി സ്വീകരിക്കുമോ;

പബ്ലിക് സർവീസ് കമ്മീഷൻ മുഖേന നിയമിതരായ വിവിധ കമ്പനി/ബോർഡ് ജീവനക്കാരെ മെഡിസെപ്പ് പദ്ധതിയിൽ ഉൾപ്പെടുത്തിയിട്ടില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ അതിന്റെ കാരണം വ്യക്തമാക്കാമോ;

പ്രസ്തുത ജീവനക്കാരെ സർക്കാരിന്റെ ഗ്രൂപ്പ് പേഴ്‌സണൽ ആക്‌സിഡന്റൽ ഇൻഷുറൻസ് പദ്ധതിയിൽ ഉൾപ്പെടുത്തിയിട്ടുള്ള സാഹചര്യത്തിൽ മെഡിസെപ്പിലും ഇവരെ അംഗമാക്കാൻ സാധിക്കുമോ; അതിന് എന്തെങ്കിലും സാങ്കേതിക തടസ്സങ്ങളുണ്ടോ; വിശദാംശം നൽകുമോ;

മെഡിസെപ്പിനായി എൻലിസ്റ്റ് ചെയ്ത അംഗീകൃത ഹോസ്പിറ്റലുകളിൽ ലഭ്യമായ എല്ലാ ചികിത്സകളും പദ്ധതിയുടെ ഭാഗമാക്കി ഗുണഭോക്താക്കൾക്കു ചികിത്സാ ആനുകൂല്യങ്ങൾ ലഭിക്കുവാൻ നടപടി സ്വീകരിക്കാമോ; വിശദമാക്കുമോ?

തിരുവനന്തപുരം റീജിയണൽ കാൻസർ സെന്ററിൽ മെഡിസെപ്പ് ആനുകൂല്യത്തിൽ നൽകി വന്നിരുന്ന ചികിത്സയിൽ എന്തെല്ലാം ആനുകൂല്യങ്ങളാണ് നിര്‍ത്തലാക്കിയതെന്ന് അറിയിക്കാമോ;

ഓറൽ കീമോതെറാപ്പിക്ക് നൽകി വന്നിരുന്ന ആനുകൂല്യം നിര്‍ത്തലാക്കാൻ ഇടയായ സാഹചര്യങ്ങള്‍ എന്തെല്ലാമാണെന്ന് വിശദമാക്കാമോ;

ഓറൽ കീമോതെറാപ്പിക്ക് നൽകിവന്നിരുന്ന മെഡിസെപ്പ് ആനുകൂല്യങ്ങള്‍ പുനഃസ്ഥാപിക്കുന്നതിന് അടിയന്തര നടപടി സ്വീകരിക്കുമോ; വിശദമാക്കാമോ?

സർക്കാർ ജീവനക്കാർക്കും അധ്യാപകർക്കും പെൻഷൻകാർക്കുമായി ആരംഭിച്ച മെഡിസെപ്പ് പദ്ധതി നടപ്പാക്കുന്നതിനായി തെരഞ്ഞെടുത്തത് ഏത് കമ്പനിയെ ആണെന്ന് വ്യക്തമാക്കാമോ;

മെഡിസെപ്പ് പദ്ധതിയിൽ നിന്നും പല ഹോസ്പിറ്റലുകളും പിന്തിരിയുന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ അതിന്റെ കാരണം എന്താണെന്നും അതിനെതിരെ നടപടി സ്വീകരിക്കുവാന്‍ സാധിക്കുമോയെന്നും അറിയിക്കുമോ; വിശദാംശം ലഭ്യമാക്കുമോ?

മെഡിസെപ്പ് പദ്ധതിയിലൂടെ നാളിതുവരെ ചികിത്സ തേടിയവരുടെ വിശദാംശം ലഭ്യമാക്കാമോ;

സംസ്ഥാനത്ത് ഇതുവരെ മെഡിസെപ്പ് പദ്ധതി പ്രകാരം എത്ര രൂപയുടെ ധനസഹായം അനുവദിച്ചുവെന്ന് വിശദമാക്കാമോ?

സംസ്ഥാനത്ത് മെഡിസെപ്പ് പദ്ധതി മുഖേന ജീവനക്കാര്‍ക്കും പെന്‍ഷന്‍കാര്‍ക്കുമായി എത്ര തുകയാണ് ഇന്‍ഷുറന്‍സ് ഇനത്തില്‍ നല്‍കിയിട്ടുളളതെന്നും ഇത് എത്ര പേര്‍ക്കാണ് അനുവദിച്ചിട്ടുള്ളതെന്നും വിശദമാക്കുമോ?

മെഡിസെപ്പ് പദ്ധതിയിലൂടെ സംസ്ഥാനത്ത്‌ എത്ര പേർക്ക് എത്ര രൂപയുടെ ചികിത്സ ആനുകൂല്യം നാളിതുവരെ നൽകിയിട്ടുണ്ടെന്ന് ജില്ല തിരിച്ച്‌ അറിയിക്കാമോ?

അടിസ്ഥാന ഭൂനികുതി പരിഷ്കരണത്തിലൂടെ സംസ്ഥാന സർക്കാരിന് നടപ്പ് സാമ്പത്തിക വർഷം നാളിതുവരെ ലഭിച്ച അധിക വരുമാനം എത്രയാണെന്ന് വ്യക്തമാക്കുമോ;

ഭൂമിയുടെ ന്യായവിലയിൽ 10% ഒറ്റത്തവണ വർദ്ധനവ് നടപ്പിലാക്കിയതിലൂടെ സംസ്ഥാന സർക്കാരിന് നടപ്പ് സാമ്പത്തിക വർഷം നാളിതുവരെ സ്റ്റാമ്പ്‌ ഡ്യൂട്ടി ഇനത്തില്‍ ലഭിച്ച അധിക വരുമാനം എത്രയാണെന്ന് വ്യക്തമാക്കുമോ?