സംസ്ഥാനത്ത് പൊതുമേഖല സ്ഥാപനങ്ങളുടെശാക്തീകരണത്തിന്  നടത്തുന്ന പ്രവര്‍ത്തനങ്ങള്‍ വിശദമാക്കാമോ;

സംസ്ഥാന പൊതുമേഖല വ്യവസായ സ്ഥാപനങ്ങളുടെ സമഗ്ര പുനഃസംഘടനയും ആധുനികീകരണവും സാധ്യമാക്കുന്നതിന് വേണ്ട നിര്‍ദ്ദേശങ്ങള്‍ സമര്‍പ്പിക്കാന്‍ ഏര്‍പ്പെടുത്തിയ വിദഗ്ദ്ധ സമിതി നിര്‍ദ്ദേശങ്ങള്‍ സമര്‍പ്പിച്ചിട്ടുണ്ടോ; എങ്കില്‍ പ്രധാന നിര്‍ദ്ദേശങ്ങള്‍ അറിയിക്കാമോ;

പൊതു മേഖലയുടെ പുനഃസംഘടനയ്ക്ക് റിയാബിന് വിപുലമായ അധികാരങ്ങള്‍ നല്‍കുന്നതിനും പൊതുമേഖലാ സ്ഥാപനങ്ങള്‍ക്ക് സ്വയംഭരണാധികാരം നല്‍കുന്നതിനായി തൊഴിലാളികളുടെയും ജീവനക്കാരുടെയും നിയമനത്തിന് പ്രത്യേകം ബോര്‍ഡ് രൂപീകരിക്കുന്നതിനും ഉദ്ദേശിക്കുന്നുണ്ടോ; വിശദമാക്കാമോ?

സംസ്ഥാനത്ത് കഴിഞ്ഞ സര്‍ക്കാര്‍ ആവിഷ്കരിച്ച ട്രാന്‍സ്ഗ്രിഡ് പദ്ധതിക്കെതിരെ അന്നത്തെ പ്രതിപക്ഷ നേതാവ് ലോകായുക്തയില്‍ സമര്‍പ്പിച്ച ഹര്‍ജി നിരസിക്കുകയുണ്ടായോയെന്ന് അറിയിക്കാമോ;

ട്രാന്‍സ്ഗ്രിഡ് പദ്ധതിയില്‍ ഇതുവരെ കൈവരിച്ച പുരോഗതി അറിയിക്കാമോ;

പ്രസ്തുത പദ്ധതിയുടെ ഭാഗമായി മലബാര്‍ മേഖലയിലെ വൈദ്യുതി ക്ഷാമത്തിന് പരിഹാരമായി ആവിഷ്കരിച്ച കാസര്‍ഗോഡ്-വയനാട് വൈദ്യുതി ഇടനാഴി പദ്ധതിയുടെ പ്രവര്‍ത്തനം ആരംഭിച്ചിട്ടുണ്ടോയെന്ന് വ്യക്തമാക്കുമോ?

സഹകരണ ബാങ്കുകൾക്ക് അനുകൂലമല്ലാത്തതായി പറയപ്പെടുന്ന കേന്ദ്ര സര്‍ക്കാരിന്റെ നീക്കം ശക്തിപ്പെട്ടുകൊണ്ടിരിക്കുകയാണെന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇതിനെതിരായി ജനകീയ പ്രതിരോധം ഉയര്‍ത്തുവാന്‍ നടപടികൾ സ്വീകരിച്ചിട്ടുണ്ടോ; വിശദമാക്കാമോ;

ബാങ്കിംഗ് റെഗുലേഷന്‍ ആക്ടിലെ ഭേദഗതിയില്‍ സഹകരണ സംഘങ്ങളെ പ്രതികൂലമായി ബാധിക്കുന്ന വ്യവസ്ഥകള്‍ക്കെതിരെ സംസ്ഥാനം എന്തെല്ലാം ഇടപെടലുകളാണ് നടത്തിയിട്ടുള്ളത്; വിശദമാക്കാമോ;

ആദായ നികുതി നിയമത്തിലെ പ്രാഥമിക സഹകരണ ബാങ്കുകള്‍ക്ക് പ്രതികൂലമായ വകുപ്പുകള്‍ക്കെതിരെ സംസ്ഥാനം എന്തെല്ലാം ഇടപെടലുകളാണ് നടത്തിയിട്ടുള്ളത്; വിശദമാക്കാമോ;

പൊതു-സ്വകാര്യ മേഖലകൾക്കൊപ്പം മൂന്നാമത്തെ മേഖലയായി സഹകരണ മേഖലയെ വളർത്തിയെടുക്കാൻ നടപടികൾ പരിഗണനയിലുണ്ടോ; വിശദമാക്കാമോ?

സംസ്ഥാനത്ത് സഹകരണ മേഖലയെ ശാക്തീകരിക്കുന്നതിനും സഹകരണ സംഘങ്ങളുടെ പ്രവർത്തനത്തിൽ ആധുനികീകരണവും പ്രൊഫഷണലിസവും നടപ്പാക്കി വാണിജ്യ ബാങ്കുകളെക്കാൾ മികച്ച സേവനം നൽകുന്നതിന് പ്രാപ്തരാക്കുന്നതിനും നടത്തുന്ന പ്രവർത്തനങ്ങൾ എന്തെല്ലാമാണ്; വിശദമാക്കാമോ;

പ്രാഥമിക സഹകരണ സംഘങ്ങളുടെ പ്രവർത്തനത്തിന് ഏകീകൃത സോഫ്‍റ്റ്‍വെയർ നിർമ്മിക്കാനുള്ള പ്രവർത്തനം നടക്കുന്നുണ്ടോ; വ്യക്തമാക്കാമോ;

സഹകരണ സംഘങ്ങളുടെ പ്രവർത്തനത്തിൽ ആധുനിക സാങ്കേതികവിദ്യയുടെ സഹായത്താൽ സുതാര്യത ഉറപ്പാക്കി ജനവിശ്വാസം ഊട്ടിയുറപ്പിക്കാൻ നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

കേരളത്തിന്റെ സാമ്പത്തിക നില ഗുരുതരാവസ്ഥയിലേക്ക് നീങ്ങുന്നതായി റിസർവ്വ് ബാങ്ക് റിപ്പോർട്ടിൽ സൂചിപ്പിച്ചിട്ടുണ്ടോയെന്ന് വ്യക്തമാക്കാമോ;

സംസ്ഥാനത്തിന്റെ പൊതുകടം നിശ്ചിത ക്രമത്തിൽ നിലനിർത്തണമെന്ന നിർദ്ദേശം പ്രസ്തുത റിപ്പോർട്ടിലുണ്ടോ;

സാമ്പത്തിക സ്ഥിതി മെച്ചപ്പെടുത്തുന്നതിനായി റവന്യൂ ചെലവുകൾ കുറയ്ക്കുന്നതിന് ഉദ്ദേശിക്കുന്നുണ്ടോ; വിശദാംശം നൽകുമോ?

സംസ്ഥാനത്ത് ഊര്‍ജ്ജ കേരള മിഷന്റെ ഭാഗമായി കഴിഞ്ഞ സര്‍ക്കാരിന്റെ കാലത്ത് ആരംഭിച്ച സൗര പദ്ധതിയുടെ ലക്ഷ്യങ്ങള്‍ എന്തെല്ലാമായിരുന്നു; പ്രസ്തുത പദ്ധതിയില്‍ ഇതുവരെ കെെവരിക്കാനായ നേട്ടം അറിയിക്കാമാേ;

പുരപ്പുറ സൗരാേര്‍ജ്ജ നിലയങ്ങളില്‍ നിന്നും എത്ര മെഗാവാട്ട് വെെദ്യുതി ഉല്പാദനമാണ് ലക്ഷ്യമിട്ടിരിക്കുന്നത്; എത്ര വീടുകള്‍ക്ക് മുകളില്‍ സൗരാേര്‍ജ്ജ പ്ലാന്റ് സ്ഥാപിക്കാനായി എന്നതിന്റെയും ആകെ ഉല്പാദന ശേഷിയുടെയും കണക്ക് ലഭ്യമാണാേ; മറ്റ് സൗരാേര്‍ജ്ജ ഉല്പാദകര്‍ വഴി എത്ര മെഗാവാട്ട് ശേഷി സ്ഥാപിതമായെന്ന് അറിയിക്കാമോ;

ഫ്ലാേട്ടിംഗ് സാേളാര്‍ നിലയങ്ങള്‍ സ്ഥാപിക്കുന്ന പദ്ധതിയുടെ പുരാേഗതി അറിയിക്കാമാേ?

സഹകരണ മേഖലയിലെ നിഷ്‌ക്രിയ ആസ്തികള്‍ ഉപയോഗിക്കുന്നതിന് തദ്ദേശ സ്വയംഭരണ വകുപ്പും കൃഷി വകുപ്പുമായി ചേര്‍ന്ന് പദ്ധതികൾ നടപ്പാക്കുന്നതിന് എന്തെങ്കിലും ആലോചനകള്‍ നടന്നിട്ടുണ്ടോ; ഇത് പ്ലാനിങ് ബോര്‍ഡിന്റെ അംഗീകാരത്തിന് സമര്‍പ്പിച്ചിട്ടുണ്ടോ;

തദ്ദേശ സ്ഥാപനങ്ങളുടെ പദ്ധതി നിര്‍വ്വഹണത്തില്‍ സഹകരണ സ്ഥാപനങ്ങള്‍ കൂടി സഹകരിക്കുന്നതിന് നടപടി സ്വീകരിക്കാമോ;

സംസ്ഥാനത്ത് സാമ്പത്തികമായി ബുദ്ധിമുട്ടനുഭവിക്കുന്ന തദ്ദേശ സ്ഥാപനങ്ങള്‍ക്ക് സഹകരണ സ്ഥാപനങ്ങളുടെ നിഷ്‌ക്രിയ ആസ്തികള്‍ ഉപയോഗിക്കുന്നതിലൂടെ മെച്ചമുണ്ടാകുമെന്ന് വിശകലനം ചെയ്തിട്ടുണ്ടോ; ഇതിന് എന്തൊക്കെ നിബന്ധനകളാണ് നിര്‍ദ്ദേശിച്ചിട്ടുള്ളത്‌;

കാര്‍ഷിക മേഖലയുടെ വികസനത്തിന് തദ്ദേശ സ്വയംഭരണ സ്ഥാപനങ്ങളും സഹകരണമേഖലയും കൃഷി വകുപ്പും സംയുക്തമായി പദ്ധതികള്‍ നടപ്പിലാക്കുന്നതിന് ഒരു സംയുക്ത സമിതിയെ നിയോഗിക്കാമോ?

ഇത്തവണത്തെ സഹകരണ നിക്ഷേപ സമാഹരണ യജ്ഞത്തില്‍ ലക്ഷ്യമിട്ടതിലും 21 ശതമാനം അധികം നിക്ഷേപം സമാഹരിക്കാനായത് സഹകരണ മേഖലയിലുള്ള ജനവിശ്വാസം നിലനിര്‍ത്താനായതിന്റെ പ്രതിഫലനമായി വിലയിരുത്തുന്നുണ്ടോ; വിശദമാക്കാമോ;

സഹകരണ സംഘങ്ങളുടെ പ്രവര്‍ത്തനം പൂര്‍ണ്ണമായും കുറ്റമറ്റതാക്കുന്നതിന് നിയമ പരിഷ്കാരങ്ങളും ആധുനികീകരണവും ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ?

സംസ്ഥാനത്ത് ആധാരം രജിസ്ട്രേഷന്‍ ഉള്‍പ്പെടെയുള്ള സേവനങ്ങള്‍ സമയ നഷ്ടമില്ലാതെ ലഭ്യമാക്കാന്‍ സ്വീകരിച്ചിട്ടുള്ള ആധുനികീകരണ പ്രവര്‍ത്തനങ്ങള്‍ വിശദമാക്കാമോ;

ഹാജരാക്കുന്ന ദിവസം തന്നെ ആധാരം രജിസ്ട്രേഷന്‍ പൂര്‍ത്തിയാക്കി തിരികെ നല്‍കുന്നതിനും ആധാര പകര്‍പ്പുകള്‍ ഓണ്‍ലൈനില്‍ ലഭ്യമാക്കുന്നതിനും സാധ്യമായിട്ടുണ്ടോ;

സബ്‍രജിസ്ട്രാര്‍ ഓഫീസുകളെല്ലാം കമ്പ്യൂട്ടര്‍വല്‍ക്കരിക്കുന്നതിനും ഓഫീസുകളുടെ നവീകരണം പൂര്‍ത്തിയാക്കുന്നതിനും കഴിഞ്ഞിട്ടുണ്ടോ; ഡിജിറ്റൈസേഷന്‍ പ്രവര്‍ത്തനത്തിലെ പുരോഗതി അറിയിക്കാമോ?

കഴിഞ്ഞ സര്‍ക്കാരിന്റെ കാലം മുതല്‍ നാളിതുവരെ സംസ്ഥാനത്ത് ആരംഭിച്ചിട്ടുള്ള സ്റ്റാര്‍ട്ട്- അപ്പുകള്‍ എത്രയെന്ന് കണക്കാക്കിയിട്ടുണ്ടോ; കഴിഞ്ഞ സര്‍ക്കാര്‍ 2016-ല്‍ ഭരണം ഏറ്റെടുക്കുമ്പോള്‍ സ്റ്റാര്‍ട്ട്- അപ്പുകളിലെ നിക്ഷേപം എത്രയായിരുന്നു; വിശദമാക്കുമോ;

സര്‍ക്കാര്‍ വകുപ്പുകള്‍ക്ക് സ്റ്റാര്‍ട്ട്- അപ്പുകളില്‍ നിന്ന് ടെണ്ടറിലൂടെയുള്ള പൊതു സംഭരണ പരിധി വര്‍ദ്ധിപ്പിക്കുന്നത് പരിഗണനയിലുണ്ടോ;

ടെക്നോളജി സംരംഭങ്ങളിലും സ്റ്റാര്‍ട്ട്- അപ്പുകളിലും നിക്ഷേപം സമാഹരിക്കുന്നതിനായി സംഘടിപ്പിച്ച ഇഗ്‍നൈറ്റ് 2022-ന്റെ ഭാഗമായി ഈ മേഖലയില്‍ ഉണ്ടായിട്ടുള്ള നേട്ടങ്ങള്‍ വിശദീകരിക്കാമോ?

സംസ്ഥാനത്ത് കിഫ്‌ബി ഫണ്ട് ഉപയോഗിച്ച് നടത്തുന്ന പ്രവൃത്തികളുടെ ഗുണനിലവാരം ഉറപ്പ് വരുത്തുന്നത് എപ്രകാരമാണെന്ന് വ്യക്തമാക്കാമോ;

പ്രസ്തുത ഫണ്ട് ഉപയോഗിച്ച് നിർമ്മിക്കുന്ന നിരവധി കെട്ടിടങ്ങളിൽ ക്രമക്കേടുകൾ കണ്ടെത്തിയിട്ടുണ്ടോ; എങ്കില്‍ ഈ സാഹചര്യത്തിൽ പ്രസ്തുത പ്രവൃത്തികളുടെ പരിശോധന കർശനമാക്കാൻ നടപടി സ്വീകരിക്കുമോ;

തൃശൂർ ചെമ്പൂച്ചിറയിൽ സ്‌കൂൾ കെട്ടിടത്തിന്റെ രണ്ടാം നില ബലക്ഷയത്തെ തുടർന്ന് പൂര്‍ണ്ണമായി പൊളിച്ചു നീക്കേണ്ടിവന്നത് കിഫ്‌ബി പരിശോധന വിഭാഗത്തിന് പറ്റിയ വീഴ്ച മൂലമാണോയെന്ന് വ്യക്തമാക്കാമോ;

ഇത്തരത്തിൽ ക്രമക്കേട് നടത്തുന്ന കരാറുകാരെ കരിമ്പട്ടികയില്‍ ഉള്‍പ്പെടുത്താൻ നടപടി സ്വീകരിക്കുമോ എന്ന് വ്യക്തമാക്കാമോ?

പൊതുമേഖല വ്യവസായ സ്ഥാപനങ്ങളുടെ പ്രവർത്തനം മെച്ചപ്പെടുത്തുന്നതിനായി നിയോഗിച്ച സമിതി സർക്കാരിന് റിപ്പോർട്ട് സമർപ്പിച്ചിട്ടുണ്ടോയെന്ന് വ്യക്തമാക്കാമോ;

സമിതിയുടെ പ്രധാന നിർദ്ദേശങ്ങൾ എന്തെല്ലാമാണെന്ന് വിശദമാക്കാമോ;

പൊതുമേഖല സ്ഥാപനങ്ങളെ സ്വയം പര്യാപ്തമാക്കാനും അവയുടെ സ്വയംഭരണ അവകാശം സംരക്ഷിക്കാനും സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കുമോ?

വെെദ്യുതി പ്രസരണ മേഖലയെ ശക്തിപ്പെടുത്തുന്നതിനായി ഈ സര്‍ക്കാര്‍ ആവിഷ്കരിച്ച ട്രാന്‍സ്ഗ്രിഡ് 2.0 പദ്ധതി നടപ്പാക്കുന്നതുമായി ബന്ധപ്പെട്ട് ഈ മേഖലയില്‍ എന്തെല്ലാം മാറ്റങ്ങള്‍ വരുത്തുവാനാണ് തീരുമാനിച്ചിട്ടുള്ളതെന്ന് വിശദമാക്കുമോ;

പ്രസ്തുത പദ്ധതിയുടെ ഒന്നാം ഘട്ട പ്രവര്‍ത്തനങ്ങള്‍ അവലോകനം നടത്തിയിട്ടുണ്ടോ; വിശദമാക്കുമോ;

പ്രസ്തുത പദ്ധതിക്കെതിരെ രാഷ്ട്രീയ പ്രേരിതമായി ചിലര്‍ നടത്തിയിട്ടുള്ള ആരോപണങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിലെ വസ്തുത വിശദമാക്കുമോ?

സംസ്ഥാനത്ത് നികുതി ചോർച്ച വ്യാപകമാണെന്ന അക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

ജി.എസ്.ടി. വകുപ്പിന് പുതിയ ഓഡിറ്റ് വിഭാഗം രൂപീകരിക്കുവാനും ഇന്റലിജൻസ് വിഭാഗം ശക്തിപ്പെടുത്താനും തീരുമാനിച്ചിട്ടുണ്ടോ; എങ്കില്‍ കാരണം വിശദമാക്കാമോ;

സ്ക്വാഡുകൾ വാഹനങ്ങളെ പിന്തുടർന്ന് പിടിക്കുന്നതിന് പകരം ഇന്റലിജൻസ് സംവിധാനം ശക്തമാക്കാനും ഇ–വേ ബില്ലിന്റെ കൃത്യമായ പരിശോധന നടത്താനും നടപടികൾ സ്വീകരിക്കുമോ;

നടപ്പിലാക്കി അഞ്ചു വർഷം കഴിഞ്ഞിട്ടും ജി.എസ്.ടി. നടത്തിപ്പിലെ പോരായ്മകൾ കണ്ടെത്തി പരിഹരിക്കുന്നതില്‍ വകുപ്പ് വീഴ്ച വരുത്തിയതായി വിലയിരുത്തുന്നുണ്ടോ; എങ്കില്‍ വ്യക്തമാക്കുമോ?

സംസ്ഥാനത്ത് കിഫ്ബി ഫണ്ട് ഉപയോഗിച്ച് നിർമ്മിക്കുന്ന കെട്ടിടങ്ങളുടെ ഗുണ​മേന്മ പരിശോധിക്കുന്നതിന് നിലവിൽ സംവിധാനം ഉണ്ടോ;

കഴിഞ്ഞ വർഷം നിര്‍മ്മിച്ച കെട്ടിടത്തിന്റെ ഗുണനിലവാര പരിശോധനയിൽ അപാകതകൾ കണ്ടെത്തിയതിനെ തുടർന്ന് ഏതെങ്കിലും കെട്ടിടം ​​പൊളിക്കേണ്ടി വന്നിട്ടുണ്ടോ; എങ്കിൽ വിശദാംശം നൽകുമോ;

കിഫ്ബി ഫണ്ട് ഉപയോഗിച്ച് നിർമ്മിക്കുന്ന കെട്ടിടങ്ങളുടെ ഗുണമേന്മ ഉറപ്പാക്കുന്നതിന് സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വ്യക്തമാക്കാമോ?

കേരള സ്റ്റേറ്റ് ഇലക്ട്രിസിറ്റി ബോർഡിന്റെ തീരുമാനങ്ങൾ നടപ്പിലാക്കാൻ ബാധ്യതപ്പെട്ട ഉദ്യോഗസ്ഥർ നിരന്തരം തടസ്സങ്ങൾ സൃഷ്ടിച്ച് ബോർഡിന്റെ ദൈനംദിന പ്രവർത്തനം തടസ്സപ്പെടുത്തുന്ന കാര്യം പരിശോധിച്ചിട്ടുണ്ടോ;

ബോർഡിന്റെ നിർദ്ദേശങ്ങൾ പാലിക്കാത്ത ഉദ്യോഗസ്ഥർക്കെതിരെ അച്ചടക്ക നടപടി സ്വീകരിക്കേണ്ടി വന്നിട്ടുണ്ടോ; എങ്കിൽ വിശദാംശം നൽകുമോ;

ഉദ്യോഗസ്ഥർ അച്ചടക്കം പാലിക്കുന്നതിനും മെച്ചപ്പെട്ട സേവനങ്ങൾ ഉപഭോക്താക്കൾക്ക് ലഭ്യമാക്കുന്നതിനും സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വ്യക്തമാക്കുമോ?

പൊട്ടിവീഴുന്ന വൈദ്യുതി ലൈനിൽ നിന്നും ഷോ​ക്കേറ്റുള്ള അപകടങ്ങൾ വർദ്ധിച്ച് വരുന്നതായി ശ്രദ്ധയിൽപ്പെട്ടിട്ടുണ്ടോ;

ആവശ്യമായ സുരക്ഷ ഒരുക്കുന്നതിൽ വൈദ്യുതി ബോർഡിന് ഉണ്ടാകുന്നതായി പറയപ്പെടുന്ന വീഴ്ച പരിഹരിക്കാൻ സ്വീകരിച്ച നടപടികൾ വ്യക്തമാക്കുമോ;

അപകടമരണം സംഭവിക്കുന്നവരുടെ ആശ്രിതർക്ക് അർഹമായ സാമ്പത്തിക സഹായം നൽകുമോ?

കയര്‍ വ്യവസായ രംഗത്ത് 2017-ല്‍ ആരംഭിച്ച രണ്ടാം കയര്‍ പുന:സംഘടനയുടെ ഫലമായുണ്ടായ ഉണര്‍വ്വ് നിലനിര്‍ത്താനായി നടത്തുന്ന പ്രവര്‍ത്തനങ്ങള്‍ അറിയിക്കാമോ;

കയര്‍ഫെഡിന്റെ വിറ്റുവരവില്‍ റെക്കോഡ് വര്‍ദ്ധനവുണ്ടാക്കാനായിട്ടുണ്ടെങ്കിലും പര്യാപ്തമായ തോതില്‍ ഓര്‍ഡര്‍ ഇല്ലാത്തതും ഉല്പന്നങ്ങള്‍ കെട്ടിക്കിടക്കുന്നതും കയര്‍ സംഘങ്ങളെയും ചെറുകിട ഉല്പാദകരെയും പ്രതിസന്ധിയിലാക്കിയിരിക്കുന്നത് പരിഹരിക്കുന്നതിനും തൊണ്ടിന്റെ ലഭ്യത ആവശ്യാനുസരണം ഉറപ്പാക്കുന്നതിനും ഇടപെടല്‍ ഉണ്ടാകുമോ;

കയര്‍ മേഖലയിലെ പ്രതിസന്ധി പഠിച്ച് പരിഹാരം നിര്‍ദ്ദേശിക്കാന്‍ വിദഗ്ദ്ധ സമിതി രൂപീകരിച്ചിട്ടുണ്ടോ?

പതിനായിരം കോടിയുടെ നിക്ഷേപവും പതിനൊന്നായിരത്തില്‍ അധികം തൊഴില്‍ അവസരങ്ങളും പ്രതീക്ഷിക്കുന്ന പെട്രോ കെമിക്കല്‍ പാര്‍ക്കിന്റെ നിര്‍മ്മാണം ആരംഭിച്ചിട്ടുണ്ടോ;

കൊച്ചി ബി.പി.സി.എല്‍. വില്‍ക്കാനുള്ള കേന്ദ്ര സര്‍ക്കാര്‍ നീക്കം ആ സ്ഥാപനം മുഖ്യ നിക്ഷേപകരായി ആവിഷ്കരിച്ചിട്ടുള്ള പെട്രോ കെമിക്കല്‍ പാര്‍ക്കിനെ ഏത് തരത്തിൽ ബാധിക്കാനിടയുണ്ടെന്ന് പരിശോധിച്ചിട്ടുണ്ടോ;

പെട്രോ കെമിക്കല്‍ വ്യവസായങ്ങളുടെ അസംസ്കൃത വസ്തുക്കളുടെ നിര്‍മ്മാണം ലക്ഷ്യമിട്ടുകൊണ്ട് 2019-ല്‍ തറക്കല്ലിട്ട പതിനൊന്നായിരത്തി ഒരുനൂറ്റി മുപ്പതു കോടി രൂപയുടെ പോളിയോള്‍സ് പദ്ധതിയില്‍ നിന്ന് ബി.പി.സി.എല്‍. പിന്മാറിയത് പെട്രോ കെമിക്കല്‍ പാര്‍ക്കിനെ പ്രതികൂലമായി ബാധിക്കാനിടയുണ്ടോ; വിശദമാക്കാമോ?

കേരള ബാങ്കിനെ സംസ്ഥാനത്തെ ഒന്നാമത്തെ ബാങ്കായി മാറ്റുന്നതിന്റെ ഭാഗമായി ആരംഭിച്ച ബി ദ നമ്പർ വൺ ക്യാമ്പയിനിലൂടെ എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദാംശങ്ങൾ വ്യക്തമാക്കാമോ;

കേരള ബാങ്ക് രൂപീകരണത്തിനുശേഷം നിഷ്ക്രിയ ആസ്തി കുറയ്ക്കൽ, ബിസിനസ്സ് നിക്ഷേപം, അക്കൗണ്ടുകളുടെ എണ്ണം, വായ്പ തുടങ്ങിയ മേഖലകളിൽ എത്രത്തോളം വളർച്ചയുണ്ടായിട്ടുണ്ട്; ഇത് സംസ്ഥാനത്തെ ജനങ്ങൾക്ക് എത്രത്തോളം ഉപകാരപ്രദമായിട്ടുണ്ട്; വിശദാംശങ്ങൾ നൽകാമോ?

ഉല്പന്ന വൈവിധ്യവൽക്കരണം, സാങ്കേതിക വിദ്യയുടെ ആധുനികവൽക്കരണം എന്നിവയിലൂടെ സംസ്ഥാനത്ത് പൊതുമേഖലാ സ്ഥാപനങ്ങളുടെ പ്രവർത്തനം വിപുലീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പൊതുമേഖല സ്ഥാപനങ്ങളുടെ ഉല്പന്ന വൈവിധ്യവൽക്കരണം, ആധുനികവൽക്കരണം എന്നിവയ്ക്കായി എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

സാങ്കേതികവിദ്യ, വിപണനം എന്നീ കാര്യങ്ങളിൽ സംസ്ഥാന പൊതുമേഖലാ സ്ഥാപനങ്ങൾക്ക് ദേശീയ തലത്തിലും അന്തർദേശീയ തലത്തിലുമുള്ള സ്ഥാപനങ്ങളുമായി സഹകരിച്ച് പ്രവർത്തിക്കുന്നതിനുള്ള സാധ്യത പരിശോധിക്കുമോ; വ്യക്തമാക്കാമോ;

പൊതുമേഖലാ സ്ഥാപനങ്ങളുടെ പ്രവർത്തനങ്ങളിൽ സുതാര്യതയും കാര്യക്ഷമതയും ഉറപ്പുവരുത്തുവാൻ എന്തെല്ലാം പരിഷ്കാരങ്ങളാണ് ഏർപ്പെടുത്താനുദ്ദേശിക്കുന്നത്; വിശദാംശം ലഭ്യമാക്കാമോ?

സംസ്ഥാനത്ത് സൗരോർജ്ജ മേഖലയിലെ സംരംഭകർക്കായി പദ്ധതികള്‍ വിപുലീകരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സൗരോർജ്ജ മേഖലയിലെ സംരംഭകർക്കായി അനെർട്ട് വഴി പദ്ധതികള്‍ നടപ്പിലാക്കുന്നുണ്ടോ; വിശദമാക്കാമോ;

ഗാർഹിക ഉപഭോക്താക്കൾക്ക് സബ്സിഡിയോടെ പുരപ്പുറ സൗരോർജ്ജ നിലയങ്ങൾ സ്ഥാപിക്കാനുള്ള പദ്ധതി ആരംഭിച്ചിട്ടുണ്ടോ; വിശദമാക്കാമോ;

ജനങ്ങളെ കൂടുതലായി സൗരോർജ്ജ പദ്ധതികളിലേക്ക് ആകർഷിക്കാനായി വിപുലമായ പ്രചാരണ പരിപാടി തയാറാക്കിയിട്ടുണ്ടോ; വിശദമാക്കാമോ?

ഇടുക്കിയില്‍ രണ്ടാമത്തെ ജലവൈദ്യുത നിലയം സ്ഥാപിക്കുന്നതിനുള്ള നിര്‍ദ്ദേശത്തിന്റെ നിലവിലെ സ്ഥിതി അറിയിക്കാമോ; പ്രസ്തുത പദ്ധതിക്ക് പാരിസ്ഥിതികാനുമതി ലഭിച്ചിട്ടുണ്ടോ; വിശദമാക്കാമോ;

പദ്ധതി ആരംഭിക്കുന്നതിനായി ഇനി ഏതെല്ലാം ഏജന്‍സികളുടെ അംഗീകാരം ആവശ്യമാണെന്ന് അറിയിക്കാമോ; അവ എന്നത്തേക്ക് ലഭ്യമാകുമെന്നാണ് കണക്കാക്കുന്നത്; ആയതിന് വേണ്ടി സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

ഈ പദ്ധതിയിലൂടെ പ്രതീക്ഷിക്കുന്ന വൈദ്യുതിയുടെ അളവ് കണക്കാക്കിയിട്ടുണ്ടോ; വിശദമാക്കാമോ;

ഒന്നാം ഘട്ടം സ്ഥാപിച്ച് 50 വര്‍ഷത്തിലധികമായ സാഹചര്യത്തില്‍ രണ്ടാം ഘട്ടത്തിലൂടെയുള്ള ഉല്പാദനം എത്രയും വേഗം ആരംഭിക്കാന്‍ നടപടി സ്വീകരിക്കാമോ?

റിസർവ് ബാങ്ക് നിർദ്ദേശപ്രകാരം സാമ്പത്തിക വിദഗ്ധർ തയ്യാറാക്കിയ ലേഖനത്തിൽ കടബാധ്യതകൾ വർദ്ധിക്കുന്ന കേരളം ഉൾപ്പെടെയുള്ള സംസ്ഥാനങ്ങൾക്ക് ശ്രീലങ്കയുടെ സാമ്പത്തിക തകർച്ച ചൂണ്ടിക്കാട്ടി മുന്നറിയിപ്പ് നൽകിയിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ;

സംസ്ഥാനത്ത് കടത്തിന്റെ വളർച്ച കഴിഞ്ഞ അഞ്ചുവർഷമായി ആഭ്യന്തര ഉല്പാദന വളർച്ചയെ മറികടന്നിരിക്കുന്നുവെന്ന് ലേഖനത്തിൽ ചൂണ്ടിക്കാണിച്ചിരിക്കുന്ന സാഹചര്യത്തെ എങ്ങനെ മറികടക്കാനാകും എന്നാണ് കണക്കാക്കിയിട്ടുള്ളത്; വിശദാംശം നൽകുമോ;

നികുതി വരുമാനത്തിൽ ഉണ്ടായ വലിയ കുറവും ധനകാര്യ മാനേജ്മെന്റില്‍ ഉണ്ടായതായി പറയപ്പെടുന്ന പാളിച്ചകളും മൂലമുള്ള സാമ്പത്തിക സമ്മർദ്ദം അതിജീവിക്കുന്നതിന് എന്തൊക്കെ തിരുത്തൽ നടപടികളാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കുമോ?

പതിനാലാം പഞ്ചവത്സര പദ്ധതിയിൽ ഏറ്റെടുക്കുന്ന തൊഴിൽ സംരംഭങ്ങൾക്ക് പലിശ സബ്സിഡി നൽകുവാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

സംരംഭകന്റെ വരുമാനം പരിഗണിക്കാതെ 10 ലക്ഷം രൂപ വരെയുള്ള ബാങ്ക് വായ്പകൾക്ക് പരമാവധി സബ്സിഡി അനുവദിക്കാൻ നടപടി സ്വീകരിക്കുമോ;

ജനറൽ വിഭാഗം, മറ്റു സംവരണ വിഭാഗം, പാടശേഖര സമിതി എന്നീ കാറ്റഗറി അനുസരിച്ച് സബ്സിഡി നൽകുമോയെന്ന് വ്യക്തമാക്കാമോ;

ത്രിതല പഞ്ചായത്തുകളിലെ സൂക്ഷ്മ, ചെറുകിട ജലവൈദ്യുത പദ്ധതികൾക്ക് സബ്സിഡി അനുവദിക്കുന്ന കാര്യം പരിഗണിക്കുമോ ;

പതിനാലാം പഞ്ചവത്സര പദ്ധതിയിൽ ഏറ്റെടുക്കുന്ന വ്യവസായങ്ങള്‍ക്ക് സ്റ്റാർട്ടപ്പ് മിഷന്റെയും ഗവേഷണ സ്ഥാപനങ്ങളുടെയും സാങ്കേതികവിദ്യ കൈമാറ്റം സാധ്യമാകുമോ എന്നറിയിക്കാമോ ?

അടിസ്ഥാന സൗകര്യങ്ങള്‍ വികസിപ്പിച്ച് എല്ലാതരത്തിലുമുള്ള വ്യവസായങ്ങളുടെ ക്ലസ്റ്റര്‍ രൂപീകരിച്ചും വ്യവസായ കുതിപ്പിന് വഴിയൊരുക്കുന്നതിനായി ആസൂത്രണം ചെയ്തിട്ടുള്ള കൊച്ചി-ബംഗളൂരു വ്യവസായ ഇടനാഴി പദ്ധതിയ്ക്കായുള്ള ഭൂമി ഏറ്റെടുക്കല്‍ നടപടി ത്വരിതപ്പെടുത്തിയിട്ടുണ്ടോ;

ഏറ്റെടുത്ത ഭൂമിയില്‍ തുടര്‍ പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കാന്‍ സംവിധാനം ഏര്‍പ്പെടുത്തിയിട്ടുണ്ടോ;

പ്രസ്തുത വ്യവസായ ഇടനാഴിയില്‍ ആരംഭിക്കാവുന്ന വ്യവസായങ്ങളുടെ സാധ്യതകള്‍ സംബന്ധിച്ച പദ്ധതി രേഖ തയ്യാറാക്കിയിട്ടുണ്ടോ; ഏതൊക്കെ തരത്തിലുള്ള വ്യവസായങ്ങളുടെ ക്ലസ്റ്ററുകള്‍ വികസിപ്പിക്കുന്നതിനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാന സർക്കാർ ഗ്യാരണ്ടി നിന്ന വകയിൽ വിവിധ സ്ഥാപനങ്ങൾ എടുത്തിട്ടുളള തുക സർക്കാരിന് വായ്പ എടുക്കാനുളള തുകയിൽ നിന്ന് കുറവു ചെയ്യുമെന്ന് കേന്ദ്ര സര്‍ക്കാര്‍ അറിയിച്ചിട്ടുണ്ടോ;

ഇതുമൂലം ഉണ്ടാകുന്ന സാമ്പത്തിക പ്രതിസന്ധി എപ്രകാരം പരിഹരിക്കാനാണ് ഉദ്ദേശിക്കുന്നത്; വിശദമാക്കുമോ?

സംസ്ഥാനത്ത് അടിസ്ഥാനസൗകര്യ വികസന പദ്ധതികള്‍ക്കും വികസന പദ്ധതികള്‍ക്കുവേണ്ട ഭൂമി ഏറ്റെടുക്കലിനുമായി നാളിതുവരെ കിഫ്ബി അനുവദിച്ച എഴുപതിനായിരത്തി എഴുന്നൂറ്റി തൊണ്ണൂറ്റി രണ്ട് കോടിയില്‍ പരം രൂപയുടെ പദ്ധതി നിലവിൽ ഏത് ഘട്ടത്തിലാണ് എന്നറിയിക്കാമോ;

പ്രസ്തുത പദ്ധതി നിര്‍വ്വഹണത്തിനായി ഇതുവരെയുള്ള ധനവിനിയോഗം എത്രയാണെന്നും അവ പ്രധാനമായും ഏതൊക്കെ മേഖലകളിലാണ് ചെലവഴിച്ചതെന്നും അറിയിക്കാമോ;

കിഫ്ബി സംസ്ഥാനത്തെ കടക്കെണിയിലാക്കുമെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് സംബന്ധിച്ച് വിശദമാക്കുമോ; പൊതു ഏജന്‍സികളുടെ ബജറ്റ് ബാഹ്യ വിഭവ സമാഹരണം സര്‍ക്കാരിന്റെ പൊതു കടത്തില്‍പ്പെടുന്നില്ലെന്ന് കേന്ദ്ര സര്‍ക്കാര്‍ പാര്‍ലമെന്റില്‍ വ്യക്തമാക്കിയിട്ടുള്ളത് ശ്രദ്ധയിൽപ്പെട്ടിട്ടുണ്ടോ; എങ്കില്‍ വിശദമാക്കുമോ?

ഈ സര്‍ക്കാരിന്റെ കാലയളവില്‍ കേരള ബാങ്ക് കെെവരിച്ചിട്ടുള്ള നേട്ടങ്ങള്‍ വിലയിരുത്തിയിട്ടുണ്ടാേ; വിശദമാക്കുമാേ;

സംസ്ഥാനത്തെ വായ്പേതര സഹകരണ സംഘങ്ങളുടെ സംരക്ഷണത്തിന് കേരള ബാങ്ക് മുഖേന പദ്ധതികള്‍ നടപ്പാക്കാന്‍ തീരുമാനിച്ചിട്ടുണ്ടാേ; വ്യക്തമാക്കുമാേ?

സംസ്ഥാനത്തെ വൈദ്യുതി മേഖലയെ ലോകോത്തര നിലവാരത്തിലെത്തിക്കുകയെന്ന ലക്ഷ്യത്തോടെ വൈദ്യുതി ഉല്പാദനം ഉൾപ്പെടെയുള്ള രംഗങ്ങളിൽ സ്വീകരിച്ച ഉന്നമന നടപടികൾ വിശദമാക്കാമോ;

ഇടുക്കി എക്സ്റ്റൻഷൻ പദ്ധതിക്ക് കേന്ദ്ര വനം പരിസ്ഥിതി മന്ത്രാലയത്തിന്റെ ഒന്നാം ഘട്ട അനുമതി ലഭ്യമായിട്ടുണ്ടോയെന്ന് വിശദമാക്കാമോ;

ആധുനിക സാങ്കേതികവിദ്യ പ്രയോജനപ്പെടുത്തി പരിസ്ഥിതി ആഘാതം പരമാവധി കുറച്ച് ഇടുക്കി എക്സ്റ്റൻഷൻ പദ്ധതി നടപ്പിലാക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കുമോ?