13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >12^th Session>Starred Answers

Answer Provided

Answer Not Yet Provided

THIRTEENTH KLA - 12^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Q. No

Questions

*91.

ലൈറ്റ് മെട്രോ പദ്ധതി

ശ്രീ.എം.എ. വാഹീദ്
,, കെ.മുരളീധരന്‍
,, എ.റ്റി.ജോര്‍ജ്
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാനത്ത് ലൈറ്റ് മെട്രോ പദ്ധതി നടപ്പാക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത പദ്ധതി നിര്‍വ്വഹണത്തിനായി പ്രത്യേക കമ്പനി രൂപീകരിച്ചിട്ടുണ്ടോ; വിശദാംശങ്ങള്‍ എന്തെല്ലാം;

(സി)	പ്രസ്തുത പദ്ധതിക്കു വേണ്ടി ഭൂമി ഏറ്റെടുക്കുന്ന പ്രക്രിയ ഏത് ഘട്ടത്തിലാണെന്ന് വിവരിക്കുമോ;

(ഡി)	പ്രസ്തുത പദ്ധതി സമയബന്ധിതമായി നടപ്പിലാക്കുന്നതിനു മിഷന്‍ 676-ല്‍ എന്തെല്ലാം കാര്യങ്ങള്‍ ഉള്‍ക്കൊള്ളിച്ചിട്ടുണ്ടെന്നു വിശദമാക്കുമോ?

*92.

ദേശീയപാത വികസനം

ശ്രീ.കെ.കുഞ്ഞിരാമന്‍ (ഉദുമ)
,, കോടിയേരി ബാലകൃഷ്ണന്‍
,, എ.കെ.ബാലന്‍
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദേശീയപാത വികസനത്തിലുണ്ടായ അനിശ്ചിതത്വം മാറിയിട്ടുണ്ടോ;

(ബി)	ദേശീയപാത എത്ര മീറ്റര്‍ വീതിയില്‍ വികസിപ്പിക്കാനാണ് അന്തിമമായി തീരുമാനിച്ചിട്ടുള്ളത്;

(സി)	ദേശീയപാത 47 ലും 17 ലുമായി റോഡ് വികസനത്തിന് എത്ര ഏക്കര്‍ ഭൂമി ഏറ്റെടുക്കേണ്ടതായി വരും;

(ഡി)	കുടിയൊഴിപ്പിക്കപ്പെടുന്നവരുടെ നഷ്ടപരിഹാര തുകഎങ്ങനെ സംബന്ധിച്ച് എന്ത് തീരുമാനമാണ് കൈക്കൊണ്ടിട്ടുള്ളത്; വിപണിവില നഷ്ടപരിഹാരമായി ലഭിക്കാതെ പ്രക്ഷോഭ രംഗത്തുള്ളവര്‍ പിന്മാറുമോ; ഇതിന് പ്രത്യേക പാക്കേജ് എന്തെങ്കിലും നടപ്പാക്കുന്നുണ്ടോ;

(ഇ)	നാഷണല്‍ ഹൈവേ അതോറിറ്റി ഈ സംരംഭത്തില്‍ നിന്നും പിന്മാറിയ സാഹചര്യത്തില്‍ പാത വികസനത്തിന് എന്ത് തുടര്‍ നടപടികളാണ് സ്വീകരിച്ചിട്ടുള്ളത്;

(എഫ്)

സ്ഥലം ഏറ്റെടുക്കുന്നതിന് ആവശ്യമായ തുക കേന്ദ്രത്തില്‍ നിന്നും ലഭിക്കുമെന്ന പ്രതീക്ഷയുണ്ടോ; അധികബാദ്ധ്യത എങ്ങനെ കണ്ടെത്താനാണ് ഉദ്ദേശിക്കുന്നത്?

*93.

മാവേലിസ്റ്റോറുകളുടെ പ്രവര്‍ത്തനം

ശ്രീമതി.ഗീതാ ഗോപി
ശ്രീ.വി.എസ്.സുനില്‍ കുമാര്‍
ശ്രീമതി.ഇ.എസ്.ബിജിമോള്‍
ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിസ്റ്റോറുകള്‍ വഴി എത്രയിനം സാധനങ്ങള്‍ സബ്സിഡി നിരക്കില്‍ വിതരണം ചെയ്തിരുന്നു; ഇപ്പോള്‍ എത്രയിനം സാധനങ്ങള്‍ സബ്സിഡി നീരക്കില്‍ വിതരണം ചെയ്യുന്നുണ്ട്; അവ ഏതെല്ലാം;

(ബി)	ചില സാധനങ്ങള്‍ ഓപ്പണ്‍ മാര്‍ക്കറ്റിലെ വിലയേക്കാള്‍ കൂടിയ വിലയ്ക്ക് മാവേലിസ്റ്റോറുകള്‍ വഴി വിതരണം ചെയ്യുന്നുണ്ടെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അതെന്തുകൊണ്ടാണെന്ന് വെളിപ്പെടുത്തുമോ;

(സി)	ജനങ്ങള്‍ക്കുപയോഗപ്രദമായ രീതിയില്‍ മാവേലിസ്റ്റോറുകളുടെ പ്രവര്‍ത്തനം മെച്ചപ്പെടുത്തുന്ന എന്തെങ്കിലും പദ്ധതിയുണ്ടോ; ഉണ്ടെങ്കില്‍ വിശദമാക്കുമോ?

*94

പാചകവാതക ഉപഭോക്താക്കളെ സബ്സിഡി പരിധിയില്‍ നിലനിര്‍ത്തുന്നതിന് നടപടി

ശ്രീ.കെ.വി.വിജയദാസ്
,, കെ.കുഞ്ഞിരാമന്‍ (തൃക്കരിപ്പൂർ)
,, സി.രവീന്ദ്രനാഥ്
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാചകവാതക സബ്സിഡി ലഭിക്കുന്നതു ബാങ്ക് അക്കൗണ്ട് മുഖേനയാക്കി കേന്ദ്രസര്‍ക്കാര്‍ ഉത്തരവിറക്കിയ കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	സബ്സിഡി സിലിണ്ടര്‍ ലഭിക്കുന്ന മുഴുവന്‍ ഉപഭോക്താക്കളും ആധാര്‍ രജിസ്ട്രേഷന്‍ നടത്തിയിട്ടുണ്ടോ; എത്ര ശതമാനം ഉപഭോക്താക്കള്‍ക്കാണ് ആധാര്‍ ഉള്ളതെന്ന് വ്യക്തമാക്കാമോ;

(സി)	പുതിയ ഉത്തരവിന്റെ വെളിച്ചത്തില്‍ ആധാര്‍ രജിസ്ട്രേഷനോ ബാങ്ക് അക്കൗണ്ടോ ഇല്ലാത്ത ഉപഭോക്താക്കള്‍ സബ്സിഡി ലഭിക്കാതിരിക്കുന്ന സാഹചര്യമുണ്ടാകുമെന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ഡി)	മേൽ സാഹചര്യത്തില്‍ ആധാറും ബാങ്ക് അക്കൗണ്ടും ഇല്ലാത്ത ഇപ്പോള്‍ സബ്സിഡി ലഭിച്ചുകൊണ്ടിരിക്കുന്ന സാധാരണക്കാരായ ഉപഭോക്താക്കളെ സബ്സിഡി പരിധിയില്‍ നിലനിര്‍ത്തുന്നതിന് കേന്ദ്രത്തില്‍ സമ്മര്‍ദ്ദം ചെലുത്തുന്നതിന് സര്‍ക്കാര്‍ തയ്യാറാകുമോ?

*95.

റേഷന്‍ സബ്സിഡി ബാങ്ക് വഴി നല്കുന്നത് സംബന്ധിച്ച കേന്ദ്ര തീരുമാനം

ശ്രീ.സാജു പോള്‍
,, എസ്.ശർമ്മ
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റേഷന്‍ സബ്സിഡി ബാങ്ക് വഴിയാക്കുന്നത് സംബന്ധിച്ച കേന്ദ്ര തീരുമാനം ശ്രദ്ധയില്‍പ്പെട്ടിട്ടുണ്ടോ; ഇതു സംബന്ധിച്ച് കേന്ദ്ര സര്‍ക്കാര്‍ സംസ്ഥാന സര്‍ക്കാരുമായി ആശയ വിനിമയം നടത്തിയിരുന്നോ;

(ബി)	ഇതു സംബന്ധിച്ച സര്‍ക്കാരിന്റെ നിലപാട് എന്താണെന്ന് വിശദമാക്കാമോ;

(സി)	സബ്സിഡി ബാങ്ക് വഴിയാക്കുക മൂലം സംസ്ഥാനത്ത് റേഷന്‍ ഉപഭോക്താക്കളില്‍ സാധാരണക്കാരായ നല്ലൊരു വിഭാഗം റേഷന്‍ സംവിധാനത്തിന് പുറത്താകാന്‍ സാദ്ധ്യതയുണ്ടെന്ന കാര്യം വിലയിരുത്തിയിട്ടുണ്ടോ;

(ഡി)	റേഷന്‍ പൂര്‍ണ്ണമായും ബി.പി.എല്‍ കാര്‍ക്ക് മാത്രമാക്കാന്‍ കേന്ദ്രസര്‍ക്കാര്‍ നീക്കം നടത്തുന്നുണ്ടോ;

(ഇ)	സ്റ്റാറ്റ്യൂട്ടറി റേഷന്‍ സമ്പ്രദായം നിലവിലുള്ള സംസ്ഥാനത്ത് പ്രസ്തുത പരിഷ്ക്കാരം എങ്ങനെ ബാധിക്കുമെന്ന് വിലയിരുത്തിയിട്ടുണ്ടോ?

*96.

വിദ്യാലയങ്ങളിലെ ഉച്ചഭക്ഷണ വിതരണ പദ്ധതി

ശ്രീ.കെ.കുഞ്ഞിരാമന്‍ (തൃക്കരിപ്പൂർ)
ശ്രീമതി.കെ.എസ്.സലീഖ
ശ്രീ.കെ.കെ.നാരായണന്‍
,, ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ വിദ്യാലയങ്ങളിലെ ഉച്ചഭക്ഷണ വിതരണ പദ്ധതിയുടെ പ്രവര്‍ത്തനം അവലോകനം ചെയ്തിട്ടുണ്ടോ; ഇത് മുടക്കം കൂടാതെ നടക്കുന്നുണ്ടോയെന്ന് വ്യക്തമാക്കാമോ;

(ബി)	സ്കൂളുകള്‍ക്ക് ആവശ്യത്തിന് ഫണ്ട് യഥാസമയം ലഭ്യമാകുന്നില്ലെന്ന വിവരം ശ്രദ്ധയില്‍പ്പെട്ടിട്ടുണ്ടോ;

(സി)	ഉച്ചഭക്ഷണത്തിനായി ചെലവാക്കിയ വകയില്‍ പ്രധാനാദ്ധ്യപകര്‍ക്ക് വന്‍ തുക കുടിശ്ശിക ലഭിക്കാനുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	സാമ്പത്തിക പ്രതിസന്ധി ഈ പദ്ധതിയെ പ്രതികൂലമായി ബാധിച്ചിട്ടുണ്ടോയെന്ന് വ്യക്തമാക്കാമോ;

(ഇ)	ഭക്ഷ്യവസ്തുക്കളുടെയും മറ്റും വിലയിലുണ്ടായിട്ടുള്ള വന്‍ വര്‍ദ്ധനവ് പരിഗണിച്ച് ഇതിനുള്ള കണ്ടിജന്റ് ചാര്‍ജ് വര്‍ദ്ധിപ്പിക്കുന്ന കാര്യം പരിഗണിക്കുമോ?

*97.

കേന്ദ്ര സഹായത്തോടെ ബൈപ്പാസ് റോഡുകളുടെ നിർമ്മാണം

ശ്രീ.ബെന്നി ബെഹനാന്‍
,, എ.പി.അബ്ദുള്ളക്കുട്ടി
,, ജോസഫ് വാഴയ്ക്കൻ
,, തേറമ്പില്‍ രാമകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സഹായത്തോടെ ബൈപ്പാസ് റോഡുകള്‍ നിര്‍മ്മിക്കുവാന്‍ തീരുമാനിച്ചിട്ടുണ്ടോ;

(ബി)	ഇത് സംബന്ധിച്ച വിശദാംശങ്ങള്‍ ലഭ്യമാക്കുമോ;

(സി)	എന്തെല്ലാം കേന്ദ്ര സഹായങ്ങളാണ് ഇതിനായി പ്രതീക്ഷിക്കുന്നതെന്ന് വ്യക്തമാക്കുമോ;

(ഡി)	ഇവയുടെ പണികള്‍ തുടങ്ങുന്നതിന് സ്വീകരിച്ച നടപടികള്‍ വിശദമാക്കുമോ?

*98.

കയര്‍ മേഖലയിലെ പ്രതിസന്ധി

ശ്രീ.ജി.സുധാകരന്‍
ഡോ.ടി.എം.തോമസ് ഐസക്
ശ്രീ.സി.കെ സദാശിവന്‍
,, സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കയര്‍ മേഖലയിലെ പ്രതിസന്ധി അതീവ രൂക്ഷമായി തുടരുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	കയര്‍ മേഖലയുടെ തകര്‍ച്ചക്കിടയായ സാഹചര്യം വിലയിരുത്തിയിട്ടുണ്ടോ; ഉണ്ടെങ്കിൽ വിശദമാക്കാമോ ; പരിഹാര നടപടികള്‍ സ്വീകരിച്ചിട്ടുണ്ടോ;

(സി)	തൊണ്ടിന്റെയും ചകിരിയുടെയും ദൗര്‍ലഭ്യം മൂലം തൊഴില്‍ദിനങ്ങള്‍ നഷ്ടപ്പെട്ട് തൊഴിലാളികള്‍ പട്ടിണിയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	ഉല്പാദന ചെലവിന് അനുസൃതമായ വില നല്‍കി കയറുല്പന്നങ്ങള്‍ സംഭരിക്കുന്നതിന് കയര്‍ സംഘങ്ങളെ സജ്ജമാക്കാന്‍ നടപടി സ്വീകരിക്കുമോ?

*99.

രാഷ്ട്രീയ ഉച്ചതര്‍ ശിക്ഷാ അഭിയാന്‍ (റൂസ) പദ്ധതി

ശ്രീ.സി.ദിവാകരന്‍
,, കെ.രാജു
,, ചിറ്റയം ഗോപകുമാര്‍
,, മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	രാഷ്ട്രീയ ഉച്ചതര്‍ ശിക്ഷാ അഭിയാന്‍ (റൂസ)നടപ്പിലാക്കാന്‍ എത്ര കോടി രൂപയുടെ പദ്ധതികളാണ് സമര്‍പ്പിച്ചത്; അവ ഏതെല്ലാം;

(ബി)	പ്രസ്തുത പദ്ധതികള്‍ കേന്ദ്ര സര്‍ക്കാര്‍ അംഗീകരിച്ചിട്ടുണ്ടോ; ഇല്ലെങ്കില്‍ എന്തുകൊണ്ടാണെന്ന് വെളിപ്പെടുത്തുമോ;

(സി)	ഈ അദ്ധ്യയന വര്‍ഷത്തെ പദ്ധതികള്‍ക്ക്ഏതെല്ലാം വകുപ്പുകള്‍ ചേര്‍ന്നാണ് രൂപകല്പന നല്‍കിയത്;

(ഡി)	റൂസ ഫണ്ട് വിനിയോഗത്തിനുള്ള വിദഗ്ദ്ധ സമിതി രൂപീകരിച്ചിട്ടുണ്ടോ; ഉണ്ടെങ്കില്‍ ഈ സമിതി എത്ര യോഗം കൂടിയിട്ടുണ്ട്; പ്രസ്തുത സമിതിയുടെ ചുമതലകള്‍ എന്തെല്ലാമാണെന്ന് വിശദമാക്കുമോ?

*100.

മോണോറെയില്‍ , ലൈറ്റ് മെട്രോ പദ്ധതികൾ

ശ്രീ.എ. പ്രദീപ്കുമാര്‍
,, വി.ശിവന്‍കുട്ടി
,, ബി.സത്യന്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതെല്ലാം നഗരങ്ങളിലാണ് മോണോറെയില്‍ പദ്ധതി നടപ്പാക്കാന്‍ ഉദ്ദേശിക്കുന്നത്; ഇത് പിന്നീട് വേണ്ടെന്ന് വയ്ക്കാന്‍ കാരണമെന്തായിരുന്നു ; ഇത് സര്‍ക്കാരിന്റെ മിഷന്‍ 676 ല്‍ ഉള്‍പ്പെടുത്തിയിട്ടുണ്ടോ

(ബി)	ഇതുമായി ബന്ധപ്പെട്ട എന്തെല്ലാം പ്രവര്‍ത്തനങ്ങളാണ് ഇതിനകം നടത്തിയിട്ടുള്ളത്; ഇതിനായി നാളിതുവരെ എത്ര തുക ചെലവാക്കിയെന്ന് അറിയിക്കാമോ;

(സി)	പുതുതായി നടപ്പാക്കാനുദ്ദേശിക്കുന്ന ലൈറ്റ് മെട്രോ പദ്ധതിയുടെ സാങ്കേതിക സാദ്ധ്യതകള്‍ സംബന്ധിച്ച് പഠനം നടത്തിയിട്ടുണ്ടോ; വിശദമാക്കാമോ;

(ഡി)	പദ്ധതിയ്ക്കാവശ്യമായ പണം ഏത് സ്ത്രോതസ്സ് വഴിയാണ് കണ്ടെത്തിയിട്ടുള്ളത്;

(ഇ)	പദ്ധതിയുടെ പ്രവര്‍ത്തനങ്ങള്‍ എന്നത്തേക്ക് ആരംഭിക്കാനാകുമെന്ന് അറിയിക്കുമോ ?

*101.

സപ്ലൈകോ ഷോപ്പുകളില്‍ കുറഞ്ഞ വിലക്ക് സാധനങ്ങള്‍

ശ്രീമതി.ജമീല പ്രകാശം
ശ്രീ.മാത്യു റ്റി.തോമസ്
,, ജോസ് തെറ്റയില്‍
,, സി.കെ.നാണു : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിത്യോപയോഗ സാധനങ്ങളുടെ അതിരൂക്ഷമായ വിലക്കയറ്റം തടയുന്നതിന് പൊതുവിപണിയിലുള്ള ഇടപെടല്‍ സപ്ലൈകോ, മാവേലി തുടങ്ങിയ സ്ഥാപനങ്ങള്‍ക്ക് ഏതു പരിധിവരെ നിര്‍വ്വഹിക്കുവാന്‍ കഴിഞ്ഞിട്ടുണ്ടെന്ന് വിലയിരുത്തിയിട്ടുണ്ടോ; വിശദാംശങ്ങള്‍ വെളിപ്പെടുത്താമോ;

(ബി)	സപ്ലൈകോ പൊതുവിതരണ ഷോപ്പുകളില്‍ ,കമ്പോളവിലയില്‍ നിന്നും ഗണ്യമായി വിലക്കുറവില്ലാതെയാണ് പലവ്യഞ്ജനങ്ങള്‍ വില്‍ക്കുന്നു എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(സി)	ഇതുമൂലം സപ്ലൈകോയില്‍ വിറ്റുവരവില്‍ കുറവുണ്ടായിട്ടുണ്ടോ?

*102.

സര്‍വ്വകലാശാലകളുടെ പാഠ്യപദ്ധതിയും ചോദ്യപേപ്പറുകളും

ശ്രീ.വി.ശശി
,, വി.എസ്.സുനില്‍ കുമാര്‍
,, ഇ.കെ.വിജയന്‍
,, കെ.അജിത് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വകലാശാലകളുടെ പാഠ്യപദ്ധതിയും ചോദ്യപേപ്പറുകളും തായ്യാറാക്കുന്നതിന്ഓരോ വിഷയങ്ങള്‍ക്കും പൊതു ബോര്‍ഡുകള്‍ രൂപീകരിക്കണമെന്ന് ശുപാര്‍ശചെയ്തിട്ടുണ്ടോ; ഉണ്ടെങ്കില്‍ ഇതു സംബന്ധിച്ചുള്ള അഭിപ്രായം എന്താണെന്ന് വ്യക്തമാക്കുമോ;

(ബി)	വിവിധ സര്‍വ്വകലാശാലകളിലെ വിവിധ കോഴ്സുകളിലെ സിലബസ്സുകള്‍ ഏകീകരിച്ചിട്ടുണ്ടോ; ഇല്ലെങ്കില്‍ അവ ഏകീകരിക്കാന്‍ ഉദ്ദേശിക്കുന്നുണ്ടോ;

(സി)	നിലവില്‍ പാഠ്യ പദ്ധതിയും ചോദ്യപേപ്പറുകളും തയ്യാറാക്കുന്നതിന് വിവിധ സര്‍വ്വകലാശാലകളില്‍ എന്തെല്ലാം സംവിധാനങ്ങളാണ് ഉള്ളതെന്ന് വിശദമാക്കുമോ?

*103.

മിഷന്‍ 676 ഉള്‍പ്പെടുത്തിയ ഉപരിതല ഗതാഗത വികസന പദ്ധതികള്‍

ശ്രീ.സണ്ണി ജോസഫ്
,, എ.പി.അബ്ദുള്ളക്കുട്ടി
,, ഡൊമിനിക് പ്രസന്റേഷന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മിഷന്‍ 676 അനുസരിച്ച് ദേശീയപാത ഉള്‍പ്പെടെയുള്ള ഉപരിതല ഗതാഗത വികസനത്തിന് എന്തെല്ലാം കര്‍മ്മ പദ്ധതികള്‍ തയ്യാറാക്കിയിട്ടുണ്ട്; വിശദവിവരം ലഭ്യമാക്കുമോ ;

(ബി)	പദ്ധതികളുടെ രൂപരേഖ തയ്യാറാക്കിയിട്ടുണ്ടോ; വിശദാംശങ്ങള്‍ എന്തെല്ലാം;

(സി)	പദ്ധതി നിര്‍വ്വഹണത്തിനായുള്ള ടെന്‍ഡര്‍ നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ഡി)	പദ്ധതി നിര്‍വ്വഹണത്തിന് ഭരണതലത്തില്‍ സ്വീകരിച്ച നടപടികള്‍ വിശദമാക്കുമോ?

*104.

രജിസ്ട്രേഷന്‍ വകുപ്പിലെ ഫീസ് വര്‍ദ്ധന

ശ്രീ.എളമരം കരീം
,, പി.റ്റി.എ. റഹീം
,, എസ്.ശർമ്മ
,, കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്ട്രേഷന്‍ വകുപ്പില്‍ ഏതെല്ലാം സേവനങ്ങള്‍ക്കാണ് ഫീസ് വര്‍ദ്ധിപ്പിച്ചിട്ടുള്ളതെന്ന് വിശദമാക്കാമോ;

(ബി)	ഭൂമി രജിസ്ട്രേഷനുമായി ബന്ധപ്പെട്ട് ഏതെല്ലാം ഫീസുകളാണ് വര്‍ദ്ധിപ്പിച്ചിട്ടുള്ളത്; വര്‍ദ്ധന എത്ര ശതമാനമാണ്;

(സി)	ഭൂമിയുടെ ന്യായവില വര്‍ദ്ധനവ് എത്ര ശതമാനമാണ്; ന്യായ വിലയും മറ്റു ഫീസുകളും വര്‍ദ്ധിപ്പിക്കാനുണ്ടായ സാഹചര്യം വിശദമാക്കാമോ;

(ഡി)	ഭൂമിയുടെ ന്യായവില സംബന്ധിച്ച് നിലവിലുള്ള പരാതികള്‍ പൂര്‍ണ്ണമായും പരിഹരിക്കാന്‍ കഴിഞ്ഞിട്ടുണ്ടോ; വിശദമാക്കുമോ ;

(ഇ)	ജനങ്ങളുടെ മേല്‍ അധിക സാമ്പത്തിക ബാദ്ധ്യത അടിച്ചേല്പിക്കുന്ന നിരക്ക് വര്‍ദ്ധന പുന:പരിശോധിക്കുന്നതിന് തയ്യാറാകുമോ ; വിശദമാക്കുമോ ?

*105.

നെല്ലു സംഭരണ പദ്ധതിക്കു നടപടി

ശ്രീ.ഐ.സി.ബാലകൃഷ്ണന്‍
,, ഷാഫി പറമ്പില്‍
,, റ്റി.എന്‍. പ്രതാപന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലെെകാേയുടെ നേതൃത്വത്തില്‍ എല്ലാ ജില്ലകളിലും നെല്ലുസംഭരണ പദ്ധതിക്കു തുടക്കം കുറിച്ചിട്ടുണ്ടാേ; വിശദമാക്കുമാേ;

(ബി)	കര്‍ഷകര്‍ക്ക് ഓണ്‍ലെെന്‍ രജിസ്ട്രേഷന്‍ സംവിധാനം ആരംഭിച്ചിട്ടുണ്ടാേ; വിശദാംശങ്ങള്‍ എന്തെല്ലാം;

(സി)	എത്ര നെല്‍ കര്‍ഷകര്‍ക്കാണ് ഇതിന്റെ പ്രയാേജനം ലഭിക്കുന്നതെന്നു വിശദമാക്കുമാേ;

(ഡി)	എത്ര ലക്ഷം ടണ്‍ നെല്ലാണ് പ്രസ്തുത പദ്ധതി വഴി സംഭരിക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(ഇ)	സംഭരണവില കര്‍ഷകരുടെ ബാങ്ക് അക്കൗണ്ടുകളില്‍ നിക്ഷേപിക്കുവാന്‍ എന്തെല്ലാം സംവിധാനം ഒരുക്കിയിട്ടുണ്ട്; വിശദമാക്കുമാേ?

*106.

സര്‍വ്വകലാശാലകള്‍ക്ക് നാക് ന്റെ അംഗീകാരം

ശ്രീ.കെ.മുഹമ്മദുണ്ണി ഹാജി
,, വി.എം.ഉമ്മര്‍ മാസ്റ്റര്‍
,, പി.കെ.ബഷീര്‍
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍വ്വകലാശാലകള്‍ നാഷണല്‍ അസസ് മെന്റ്‍ ആന്റ് അക്രഡിറ്റേഷന്‍ കൗണ്‍സിലിന്‍െറ (നാക്) അംഗീകാരം ലഭിക്കുന്നതിനുവേണ്ട‌ യോഗ്യതകള്‍ നേടിയിട്ടുണ്ടോ ; എങ്കില്‍ ‌ഏതൊക്കെ സര്‍വ്വകലാശാലകള്‍ക്ക് അംഗീകാരം ലഭിച്ചിട്ടുണ്ടെന്ന് വ്യക്തമാക്കുമോ ;

(ബി)	അക്രഡിറ്റേഷന്‍ ലഭിക്കാതിരിക്കുന്നതുകൊണ്ട് സര്‍വ്വകലാശാലയ്ക്ക് എന്തൊക്കെ നഷ്ടങ്ങള്‍ സംഭവിക്കുമെന്ന് വിശദമാക്കുമോ ;

(സി)	എല്ലാ സര്‍വ്വകലാശാലകളെയും നാക് അംഗീകാരം ലഭിക്കാന്‍ അര്‍ഹതയുള്ള നിലവാരത്തിലേയ്ക്കുയര്‍ത്താന്‍ നടപടി സ്വീകരിക്കുമോ ?

*107.

സംസ്ഥാനത്ത് ഭക്ഷ്യസുരക്ഷാ നിയമം നടപ്പിലാക്കാന്‍ നടപടികള്‍

ശ്രീ.സി.കൃഷ്ണന്‍
,, കെ.സുരേഷ് കുറുപ്പ്
,, കെ.വി.വിജയദാസ്
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭക്ഷ്യസുരക്ഷാ നിയമം എന്ന് മുതല്‍ നടപ്പിലാക്കാനാണ് ഉദ്ദേശിക്കുന്നത്; കേന്ദ്രം ഇതിന് സമയപരിധി നിശ്ചയിച്ചിട്ടുണ്ടോ;

(ബി)	എങ്കില്‍ നിയമപ്രകാരമുള്ള ഗുണഭോക്താക്കളുടെ ലിസ്റ്റ് തയ്യാറായിട്ടുണ്ടോ;

(സി)	ഇതിന്‍ പ്രകാരം നിലവിലുള്ള റേഷന്‍ ഉപഭോക്താക്കളില്‍ എത്ര പേര്‍ ഒഴിവാക്കപ്പെടും എന്ന് വെളിപ്പെടുത്താമോ;

(ഡി)	കേരളം പോലുള്ള സംസ്ഥാനത്തിന് ഈ നിയമത്തിന്റെ നിബന്ധനകളില്‍ ഇളവ് നല്‍കി നിലവിലുള്ള റേഷന്‍ ഉപഭോക്താക്കളെയെല്ലാം പുതുക്കിയ ലിസ്റ്റില്‍ ഉള്‍പ്പെടുത്താന്‍‌ കേന്ദ്ര സര്‍ക്കാരുമായി ബന്ധപ്പെട്ട് വേണ്ട നടപടികള്‍ സ്വീകരിക്കുമോയെന്ന് വിശദമാക്കുമോ?

*108.

സപ്ലൈകോ സബ്സിഡി നിരക്കില്‍ വിതരണം ചെയ്യുന്ന ഭക്ഷ്യ വസ്തുക്കളുടെ വില വർദ്ധന

ശ്രീ.ബാബു എം. പാലിശ്ശേരി
,, പി.കെ.ഗുരുദാസന്‍
,, പി.റ്റി.എ. റഹീം : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സപ്ലൈകോ പൊതുവിതരണ ശൃംഖല വഴി സബ്സിഡി നിരക്കില്‍ വിതരണം ചെയ്യുന്ന ഭക്ഷ്യവസ്തുക്കളുടെ വില വ൪ദ്ധിപ്പിച്ച കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പൊതു മാ൪ക്കറ്റില്‍ രൂക്ഷമായ വിലക്കയറ്റം അനുഭവപ്പെടുന്ന സാഹചര്യത്തില്‍ സപ്ലൈകോ ഉല്പന്നങ്ങള്‍ക്ക് വില വ൪ദ്ധിപ്പിച്ചത് എത്രത്തോളം ഉചിതമായ നടപടിയാണ് ;ഇത്തരത്തില്‍ വില വ൪ദ്ധിപ്പിക്കാനുണ്ടായ സാഹചര്യം വിശദമാക്കാമോ;

(സി)	ഏതെല്ലാം ഇനങ്ങള്‍ക്ക് എത്ര ശതമാനമാണ് നിരക്ക് വ൪ദ്ധനയെന്ന് വെളിപ്പെടുത്താമോ; വിലവ൪ദ്ധനവിന് മുമ്പും വ൪ദ്ധിച്ചതിനുശേഷവുമുളള വില വിവരം ലഭ്യമാക്കാമോ;

(ഡി)	സബ്സിഡി ഇല്ലാത്ത സാധനങ്ങള്‍ സപ്ലൈകോ വാങ്ങിയ വിലയേക്കാള്‍ വളരെ കൂടിയ നിരക്കില്‍ വിറ്റഴിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇത് തടയുന്നതിന് നടപടി സ്വീകരിക്കുമോ?

*109.

റവന്യൂ സര്‍ട്ടിഫിക്കറ്റുകള്‍ ഓണ്‍ലെെന്‍ വഴി ലഭ്യമാക്കാൻ നടപടി

ശ്രീ.അന്‍വര്‍ സാദത്ത്
,, ഡൊമിനിക് പ്രസന്റേഷന്‍
,, വി.ഡി.സതീശന്‍
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ സര്‍ട്ടിഫിക്കറ്റുകള്‍ ഓണ്‍ലെെന്‍ വഴി ലഭ്യമാക്കുന്നതിന് തുടക്കം കുറിച്ചിട്ടുണ്ടോ ;

(ബി)	ഏതെല്ലാം സര്‍ട്ടിഫിക്കറ്റുകളാണ് ഓണ്‍ലെെന്‍ വഴി ലഭിക്കുന്നത് ;

(സി)	ഏതെല്ലാം ഏജന്‍സികളാണ് ഇതുമായി സഹകരിക്കുന്നത് ;

(ഡി)	പ്രസ്തുത സര്‍ട്ടിഫിക്കറ്റുകള്‍ക്ക് ആധികാരികത നല്‍കിയിട്ടുണ്ടോ ;

(ഇ)	പ്രസ്തുത സൗകര്യങ്ങളെ ക്കുറിച്ച് ജനങ്ങള്‍ക്കിടയില്‍ ബോധവല്‍ക്കരണ പരിപാടികള്‍ സംഘടിപ്പിക്കുമോയെന്ന് വിശദമാക്കുമോ ?

*110.

പൊതു വിദ്യാഭ്യാസ മേഖലയില്‍ ഫോക്കസ് പദ്ധതി

ശ്രീ.പി.സി. ജോര്‍ജ്
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ്
ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതു വിദ്യാഭ്യാസ മേഖലയില്‍ 'ഫോക്കസ് പദ്ധതി' നടപ്പാക്കാന്‍ ഉദ്ദേശിക്കുന്നുണ്ടോ ; വ്യക്തമാക്കുമോ ;

(ബി)	ഫോക്കസ് പദ്ധതി വിഭാവനം ചെയ്തിരിക്കുന്നത് എപ്രകാരമാണ് ;

(സി)	പ്രസ്തുത പദ്ധതി നടപ്പില്‍ വരുത്തുന്നതിന് എന്തെല്ലാം ക്രമീകരണങ്ങള്‍ ഏര്‍പ്പെടുത്തുമെന്ന് വ്യക്തമാക്കുമോ ?

*111.

സ്പീഡ് കേരള പദ്ധതി

ശ്രീ.എ.പി.അബ്ദുള്ളക്കുട്ടി
,, ബെന്നി ബെഹനാന്‍
,, എം.എ. വാഹീദ്
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സ്പീഡ് കേരള പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(ബി)	പ്രസ്തുത പദ്ധതി നടപ്പാക്കുന്നതിനായി മിഷന്‍ 676-ല്‍ എന്തെല്ലാം കാര്യങ്ങളാണ് ഉള്‍ക്കൊള്ളിച്ചിട്ടുള്ളതെന്ന് വിശദമാക്കുമോ;

(സി)	ഏതെല്ലാം തരം നിർമ്മാണ പ്രവർത്തനങ്ങളും അടിസ്ഥാന സൗകര്യ വികസനവും നടത്താനാണ് പ്രസ്തുത പദ്ധതിയിൽ ലക്ഷ്യമിട്ടിരിക്കുന്നതെന്നു വിശദമാക്കുമോ;

(ഡി)	പ്രസ്തുത പദ്ധതി നടപ്പാക്കാന്‍ എന്തെല്ലാം സംവിധാനങ്ങള്‍ ഒരുക്കിയിട്ടുണ്ട്; വിശദാംശങ്ങള്‍ എന്തെല്ലാം?

*112.

ദേശീയപാത വികസനം

ശ്രീ.വി.എം.ഉമ്മര്‍ മാസ്റ്റര്‍
,, എന്‍ .എ.നെല്ലിക്കുന്ന്
,, പി.കെ.ബഷീര്‍
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതയുടെ വീതി നിശ്ചയിക്കുന്ന കാര്യത്തില്‍ കേന്ദ്ര സര്‍ക്കാരിന്റെ നിലപാട് എന്താണെന്നതിന്റെ വിശദവിവരം നല്‍കാമോ;

(ബി)	സംസ്ഥാനത്തിന്റെ കാര്യത്തില്‍ വീതിയെ സംബന്ധിച്ച് ഇളവെന്തെങ്കിലും കേന്ദ്ര സര്‍ക്കാര്‍ അനുവദിച്ചിട്ടുണ്ടോ; എങ്കില്‍ അതു സംബന്ധിച്ച വിശദ വിവരം വെളിപ്പെടുത്തുമോ;

(സി)	കേന്ദ്ര സര്‍ക്കാരിന്റെ നിലപാടനുസരിച്ച് ഭൂമി ഏറ്റെടുക്കേണ്ടി വരുമ്പോള്‍ വേണ്ടി വരുന്ന ഭാരിച്ച ചെലവ് ഏതു വിധത്തില്‍ കണ്ടെത്താനാണ് ഉദ്ദേശിക്കുന്നതെന്ന് വ്യക്തമാക്കുമോ?

*113.

നിത്യോപയോഗസാധനങ്ങളുടെ വില വ൪ദ്ധന

ശ്രീ.കോലിയക്കോട് എന്‍. കൃഷ്ണന്‍ നായര്‍
,, ഇ.പി.ജയരാജന്‍
ശ്രീമതി.കെ.കെ.ലതിക
ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിത്യോപയോഗസാധനങ്ങളുടെ വില വ൯തോതില്‍ വ൪ദ്ധിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	വിലകയറ്റം തടയുന്നതിന് ഫലപ്രദമായ നടപടികള്‍ സ്വീകരിക്കാ൯ കഴി‍ഞ്ഞിട്ടുണ്ടോ; ഇല്ലെങ്കില്‍ കാരണം വിശദമാക്കാമോ;

(സി)	ഭക്ഷ്യവസ്തുക്കളുടെയും മറ്റു സാധനങ്ങളുടെയും വില കുത്തനെ വ൪ദ്ധിക്കുന്നത് എന്തുകൊണ്ടെന്ന് പരിശോധിച്ചിട്ടുണ്ടോ; ഇതു സംബന്ധിച്ച് എന്തെങ്കിലും നടപടി കൈകൊണ്ടിട്ടുണ്ടോ; പെട്രോള്‍, ഡീസല്‍ വില്പന നികുതി വ൪ദ്ധിപ്പിച്ച സ൪ക്കാ൪ തീരുമാനം വിലവ൪ദ്ധനയ്ക്ക് ആക്കം കൂട്ടിയിട്ടുണ്ടോ;

(ഡി)	പൊതുമാ൪ക്കറ്റിലെ വില നിയന്ത്രിക്കുന്നതിന് സഹായകരമായ നിലപാട് സ്വീകരിക്കേണ്ട സിവില്‍ സപ്ലൈസ് കോ൪പ്പറേഷ൯ പൊതുവിതരണ ശൃംഖല വഴി വിതരണം ചെയ്യുന്ന സബ്സിഡി സാധനങ്ങള്‍ ഉള്‍പ്പെടെയുളളവയുടെ വില വ൪ദ്ധിപ്പിച്ചത് ജനജീവിതം കൂടുതല്‍ ദുസ്സഹമാക്കിയിട്ടുളള കാര്യം വിലയിരുത്തിയിട്ടുണ്ടോ;

(ഇ)	ഈ സാഹചര്യത്തില്‍ വില വ൪ദ്ധന പി൯വലിക്കുന്നതിന് നി൪ദ്ദേശം നല്‍കുമോ; വിശദാംശം ലഭ്യമാക്കുമോ ;

(എഫ്)

സിവില്‍ സപ്ലൈസ് കോ൪പ്പറേഷന് ഏതെല്ലാം ഇനത്തില്‍ എത്ര തുക വീതം കൊടുത്ത് തീ൪ക്കാ൯ ബാക്കി നില്പ്പുണ്ടോ ; വിശദമാക്കുമോ ഇവ ഉട൯ നല്‍കുവാനുദ്ദേശമുണ്ടോ?

*114.

പോക്കുവരവിന് ഒാണ്‍ലൈ൯ സമ്പ്രദായം

ശ്രീ.പി.സി വിഷ്ണുനാഥ്
,, എ.റ്റി.ജോര്‍ജ്
,, വി.പി.സജീന്ദ്രന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജാഫീസുകളില്‍ പോക്കുവരവിന് ഒാണ്‍ലൈ൯ സമ്പ്രദായം ഏ൪പ്പെടുത്താനുദ്ദേശിക്കുന്നുണ്ടോ; വിശദമാക്കുമോ;

(ബി)	പ്രസ്തുത സമ്പ്രദായം ഏ൪പ്പെടുത്തുന്നതിന്റെ ഉദ്ദേശ്യലക്ഷ്യങ്ങള്‍ എന്തെല്ലാമാണ്;

(സി)	പ്രസ്തുത സമ്പ്രദായം മുഖേന എന്തെല്ലാം സൗകര്യങ്ങളാണ് ലഭിക്കുന്നത്;

(ഡി)	പ്രസ്തുത സമ്പ്രദായം നടപ്പിലാക്കുന്നതിനായി ഏതെല്ലാം ഏജ൯സികളാണ് സഹകരിക്കുന്നത്; വ്യക്തമാക്കാമോ?

*115.

റോഡു വികസന പദ്ധതികള്‍ക്കായി മാസ്റ്റര്‍ പ്ലാന്‍

ശ്രീ.സി.മോയിന്‍ കുട്ടി
,, റ്റി.എ.അഹമ്മദ് കബീര്‍
,, പി.ഉബൈദുള്ള
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	വരുംകാല ഗതാഗത ആവശ്യങ്ങല്‍ കണക്കിലെടുത്തുള്ള റോഡു വികസന പദ്ധതികള്‍ക്കായി മാസ്റ്റര്‍ പ്ലാന്‍ തയ്യാറാക്കിയിട്ടുണ്ടോ; ഉണ്ടെങ്കില്‍ അതു സംബന്ധിച്ച വിശദവിവരം നല്‍കാമോ;

(ബി)	ഇല്ലെങ്കില്‍ വരുംകാല ഗതാഗത ആവശ്യങ്ങളുടെ വര്‍ദ്ധനയും സ്വഭാവവും കണക്കിലെടുത്ത് അമ്പതു വര്‍ഷക്കാലത്തേയ്ക്കുള്ള റോഡുവികസന മാസ്റ്റര്‍ പ്ലാന്‍ തയ്യാറാക്കുന്ന കാര്യം പരിഗണിക്കുമോ;

(സി)	നിലവില്‍ പൊതു മരാമത്ത് വകുപ്പിന്റെ കീഴില്‍ എത്ര കിലോമീറ്റര്‍ റോഡുകളാണുള്ളത്‌ ; ഈ റോഡുകളോടനുബന്ധിച്ച് വശങ്ങളില്‍ ലഭ്യമായ വകുപ്പിന്റെ സ്ഥലം ഗതാഗതത്തിനു പൂര്‍ണ്ണമായി ഉപയോഗപ്പെടുത്താന്‍ ആയിട്ടുണ്ടോ എന്ന കാര്യം പരിശോധിക്കാന്‍ നിര്‍ദ്ദേശം നല്‍കുമോ?

*116.

ആധാരം രജിസ്ട്രേഷന് ഓണ്‍ലെെന്‍ സംവിധാനം

ശ്രീ.ഡൊമിനിക് പ്രസന്റേഷന്‍
,, പി.സി വിഷ്ണുനാഥ്
,, ഐ.സി.ബാലകൃഷ്ണന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആധാരം രജിസ്ട്രേഷന് ഓണ്‍ലെെന്‍ സംവിധാനം ഏര്‍പ്പെടുത്തിയിട്ടുണ്ടോയെന്ന് വ്യക്തമാക്കുമോ ;

(ബി)	പ്രസ്തുത സംവിധാനത്തിന്റെ ഉദ്ദേശ്യലക്ഷ്യങ്ങള്‍ വിശദമാക്കുമോ ;

(സി)	പ്രസ്തുത സംവിധാനം വഴി എന്തെല്ലാം സൗകര്യങ്ങളാണ് ലഭിക്കുന്നതെന്ന് വിശദമാക്കുമോ ;

(ഡി)	ഓണ്‍ലെെന്‍ സംവിധാനവുമായി സഹകരിക്കുന്നവര്‍ ആരൊക്കെയാണ് ; വിശദാംശങ്ങള്‍ എന്തെല്ലാം ;

(ഇ)	പ്രസ്തുത സംവിധാനം നടപ്പാക്കുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ടെന്ന് വിശദമാക്കുമോ ?

*117.

കച്ചവട സ്ഥാപനങ്ങളിലും , ഹോട്ടലുകളിലും വിലവിവര പട്ടിക

ശ്രീ.മോന്‍സ്‌ ജോസഫ്
,, തോമസ് ഉണ്ണിയാടന്‍
,, സി.എഫ്.തോമസ്
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

വിലക്കയറ്റം പിടിച്ച് നിര്‍ത്തുന്നതിനും ഉപഭോക്താക്കളെ ചൂഷണത്തില്‍ നിന്നും വിമുക്തരാക്കുന്നതിനും വേണ്ടി എല്ലാ കച്ചവട സ്ഥാപനങ്ങളും , ഹോട്ടലുകളും വിലവിവര പട്ടിക പ്രദര്‍ശിപ്പിക്കണമെന്ന് നിര്‍ബ്ബന്ധമാക്കിയിട്ടുണ്ടോ ; ഉണ്ടെങ്കില്‍ അത് പാലിക്കുന്നു എന്ന് ഉറപ്പുവരുത്തുവാന്‍ എന്തൊക്കെ നടപടികളാണ് സ്വീകരിച്ചിരിക്കുന്നത് ;

(ബി)	വിലവിവര പട്ടിക സ്ഥാപിക്കാത്ത കച്ചവട സ്ഥാപനങ്ങള്‍ക്കെതിരെ പ്രസ്തുത സ്ഥാപനങ്ങളുടെ ലെെസന്‍സ് റദ്ദ് ചെയ്യുന്നതുള്‍പ്പെടെയുള്ള ശക്തമായ നടപടികള്‍ സ്വീകരിക്കുമോ ?

*118.

കേന്ദ്രഗവണ്‍മെന്റ് അനുവദിക്കുന്ന ഭക്ഷ്യ ധാന്യങ്ങള്‍

ശ്രീ.ജി.എസ്.ജയലാല്‍
,, ഇ.ചന്ദ്രശേഖരന്‍
,, പി.തിലോത്തമന്‍
,, കെ.അജിത് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ഷം തോറും കേന്ദ്രഗവണ്‍മെന്റ് അനുവദിക്കുന്ന ഭക്ഷ്യ ധാന്യങ്ങള്‍ പൂര്‍ണ്ണമായും സംസ്ഥാന സര്‍ക്കാര്‍ ഏറ്റെടുക്കാറുണ്ടോ ; ഇല്ലെങ്കില്‍ എന്തുകൊണ്ടാണെന്ന് വ്യക്തമാക്കുമോ;

(ബി)	ഒരു വര്‍ഷം അനുവദിക്കുന്ന ഭക്ഷ്യധാന്യങ്ങള്‍ ഏറ്റെടുക്കാതിരുന്നാല്‍ വരും വര്‍ഷം കേന്ദ്ര വിഹിതത്തില്‍ കുറവു വരാന്‍ സാദ്ധ്യതയുണ്ടോ;

(സി)	കഴിഞ്ഞ നാലു വര്‍ഷമായി പൊതുവിതരണ ശൃഖലയിലൂടെ വിറ്റഴിക്കാന്‍ അനുവദിക്കുന്ന ഭക്ഷ്യ ധാന്യങ്ങളുടെ അളവും ഏറ്റെടുക്കുന്ന ഭക്ഷ്യധാന്യങ്ങളുടെ അളവും എത്ര വീതമാണെന്ന് വെളിപ്പെടുത്തുമോ;

(ഡി)	കേന്ദ്ര വിഹിതത്തിലുണ്ടാകുന്ന കുറവ് ഉപഭോക്തൃ സംസ്ഥാനമായ കേരളത്തില്‍ രൂക്ഷമായ വിലക്കയറ്റത്തിന് കാരണമാകുന്നുണ്ടെന്ന വിവരം ശ്രദ്ധയില്‍പ്പെട്ടിട്ടുണ്ടോ?

*119.

നിർമ്മാണ പ്രവർത്തനങ്ങൾക്ക് ആവശ്യമായ മണൽ

ശ്രീ.കെ.എം.ഷാജി
,, എം.ഉമ്മര്‍
,, കെ.എന്‍.എ.ഖാദര്‍
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് റവന്യൂവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണ പ്രവര്‍ത്തനങ്ങള്‍ക്ക് പ്രതിവര്‍ഷം ആവശ്യമായി വരുന്ന മണലിന്റെ അളവു സംബന്ധിച്ചു വിവരശേഖരണം നടത്തിയിട്ടുണ്ടാേ; എങ്കില്‍, അതു സംബന്ധിച്ച വിശദവിവരം നല്‍കാമാേ;

(ബി)	പരിസ്ഥിതിക്കു ദാേഷം വരാത്തവിധം മണലിന്റെ ലഭ്യത ഉറപ്പാക്കാനുള്ള മാര്‍ഗ്ഗങ്ങളെക്കുറിച്ച് ആലാേചിച്ചിട്ടുണ്ടാേ; ഇക്കാര്യത്തില്‍ ബന്ധപ്പെട്ട വകുപ്പുകളുടെ ഏകാേപിത ശ്രമം ഉണ്ടായിട്ടുണ്ടാേ; വിശദവിവരം വെളിപ്പെടുത്തുമാേ;

(സി)	അശാസ്ത്രീയമായ അനധികൃത മണല്‍ഖനനം തടയാന്‍ ഏതാെക്കെ ഏജന്‍സികളെയാണു ചുമതലപ്പെടുത്തിയിട്ടുള്ളതെന്നു വ്യക്തമാക്കുമാേ?

*120.

പാചക വാതക സിലിണ്ടറുകളുടെ വിതരണത്തിലെ ക്രമക്കേടുകള്‍

ശ്രീ.റ്റി.എ.അഹമ്മദ് കബീര്‍
,, വി.എം.ഉമ്മര്‍ മാസ്റ്റര്‍
,, സി.മമ്മൂട്ടി
,, എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും ഉപഭോക്തൃ സംരക്ഷണവും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാചക വാതക സിലിണ്ടറുകളുടെ വിതരണത്തിലെ ക്രമക്കേടുകള്‍ സംബന്ധിച്ച പരാതികള്‍ പരിശോധിച്ച് നടപടി സ്വീകരിക്കാന്‍ ഏര്‍പ്പെടുത്തിയിട്ടുള്ള സംവിധാനത്തെക്കുറിച്ച് വിശദമാക്കുമോ;

(ബി)	ഇതു സംബന്ധിച്ച പരിശോധനകളുടെ അപര്യാപ്തത ഉപഭോക്താക്കള്‍ക്ക് ദുരിതമുണ്ടാക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ചില ഗ്യാസ് ഏജന്‍സികളുടെ കൂടി ഒത്താശയില്‍ അനധികൃത ഗ്യാസ് റീഫില്ലിംഗ് കേന്ദ്രങ്ങള്‍ പ്രവര്‍ത്തിപ്പിക്കുന്നതും, അതില്‍ ചിലതില്‍ അപകടങ്ങള്‍ ഉണ്ടായത് സംബന്ധിച്ച് റിപ്പോര്‍ട്ട് ലഭിച്ചിട്ടുണ്ടോ; എങ്കില്‍ അക്കാര്യത്തില്‍ സ്വീകരിച്ച നടപടികള്‍ വിശദമാക്കുമോ?

<<back

Website maintained by Information System Section, Kerala Legislative Assembly, Thiruvananthapuram.