മുഖ്യമന്ത്രി പങ്കെടുക്കുന്ന സര്‍ക്കാര്‍ പരിപാടികളില്‍ മണ്ഡലത്തിലെ എം‌.എല്‍‌.എ-യോടൊപ്പം ഒരു മന്ത്രി കൂടി പങ്കെടുക്കുന്നുവെങ്കില്‍ പ്രോട്ടോകോള്‍ പ്രകാരം പ്രസ്തുത യോഗത്തിന്റെ അദ്ധ്യക്ഷന്‍ ആരായിരിക്കണമെന്ന് അറിയിക്കാമോ;

വകുപ്പ് മന്ത്രിമാര്‍ പങ്കെടുക്കുന്ന സര്‍ക്കാര്‍ പരിപാടികളില്‍ മണ്ഡലത്തിലെ എം‌.എല്‍‌.എ-യോടൊപ്പം ഒന്നിലേറെ മന്ത്രിമാര്‍ പങ്കെടുക്കുന്നുവെങ്കില്‍ പ്രസ്തുത യോഗത്തില്‍ അദ്ധ്യക്ഷന്‍ ആരായിരിക്കണമെന്നാണ് വ്യവസ്ഥ ചെയ്തിട്ടുള്ളതെന്ന് അറിയിക്കുമോ;

മണ്ഡലത്തിലെ റോഡ്, കെട്ടിടങ്ങള്‍ തുടങ്ങിയ നിര്‍മ്മാണ പ്രവൃത്തികളുടെ ഉദ്ഘാടനം വകുപ്പ് മന്ത്രിമാര്‍ നിര്‍വ്വഹിക്കുമ്പോള്‍ പ്രോട്ടോകോള്‍ അനുസരിച്ച് യോഗത്തില്‍ സ്ഥലം എം‌.എല്‍‌.എ അദ്ധ്യക്ഷത വഹിക്കണമെന്ന് പ്രതിപാദിക്കുന്നുണ്ടോ?

വല്ലാര്‍പാടം ഇന്റർനാഷണൽ കണ്ടെയ്നര്‍ ട്രാൻസ്ഷിപ്പ്മെൻ് ടെര്‍മിനല്‍ പദ്ധതിക്കായി റോഡ്-റെയില്‍ കണക്ടിവിറ്റിക്ക് വേണ്ടി കുടിയൊഴിക്കപ്പെട്ടവര്‍ക്ക് വാഗ്ദാനം നല്‍കിയിരുന്ന സര്‍ക്കാര്‍ ജോലി ലഭ്യമാക്കുന്നതിന് സ്വീകരിച്ചിട്ടുളള നടപടികള്‍ എന്തൊക്കെയെന്ന് വിശദമാക്കാമോ;

പ്രസ്തുത ജോലി മകനായ ഡേവിസ് ജോസിന് ലഭിക്കുന്നതിനായി മാതാവായ എറണാകുളം ചേരാനല്ലൂര്‍ പഞ്ചായത്ത് വടുതല ദേശം എലവുന്തറ വീട്ടില്‍ ആഗ്നസ് മേരിയും, പ്രസ്തുത ജോലി മകനായ ഡയസ് ഡാമിയന് ലഭിക്കുന്നതിനായി പനക്കല്‍ വീട്ടില്‍ ജോസഫ് ഭാര്യ ആലീസ് എം.ഡി. യും 04.07.2024 -ന് എം.എല്‍.എ. മുഖാന്തിരം മുഖ്യമന്ത്രിക്ക് സമര്‍പ്പിച്ചിരുന്നതുമായ അപേക്ഷകളിന്മേൽ (G3240700846, G3240700827) ആവശ്യമായ തീരുമാനമെടുക്കേണ്ടത് സര്‍ക്കാര്‍തലത്തില്‍ ആയതിനാല്‍ തുടര്‍നടപടികള്‍ സ്വീകരിക്കുന്നതിനായി എറണാകുളം ജില്ലാ കളക്ടര്‍ ഫയല്‍ നമ്പര്‍ C6-10175/2024, C6-10174/2024 കത്തുകള്‍ പ്രകാരം സര്‍ക്കാരിലേക്ക് നല്‍കിയതുമായ റിപ്പോര്‍ട്ടുകളില്‍ സ്വീകരിച്ചിട്ടുളള നടപടികൾ എന്തെന്ന് വ്യക്തമാക്കാമോ;

ഇതു സംബന്ധിച്ച് സര്‍ക്കാരിലുളള ഫയലുകള്‍ ഏതൊക്കെയെന്ന് വിശദമാക്കാമോ; പ്രസ്തുത ഫയലുകളുടെ നിലവിലെ സ്ഥിതി വെളിപ്പെടുത്താമോ?

സംസ്ഥാന സര്‍ക്കാര്‍ നടത്തിവരുന്ന പ്രവര്‍ത്തനങ്ങളുടെ ഫലമായി വ്യവസായ മേഖലയിലും മറ്റും കേരളം കൈവരിച്ച മുന്നേറ്റത്തെക്കുറിച്ച് പാർലമെന്റംഗമായ ശശിതരൂര്‍ പ്രമുഖ ദേശീയ ഇംഗ്ലീഷ് പത്രത്തില്‍ എഴുതിയ ലേഖനം ശ്രദ്ധയില്‍പ്പെട്ടിട്ടുണ്ടോ;

ഇന്‍വെസ്റ്റ് കേരളയുടെ ഉദ്ഘാടന ചിത്രത്തോടൊപ്പം 'സാമ്പത്തിക-വികസന കാര്യങ്ങളില്‍ പാര്‍ട്ടി വേര്‍തിരിവുകളില്‍ നിന്നും ഉപരിയായി നിലകൊള്ളണം' എന്ന് അദ്ദേഹം സോഷ്യല്‍ മീഡിയയിലൂടെ അഭ്യര്‍ത്ഥിച്ചത് ശ്രദ്ധയില്‍പ്പെട്ടിട്ടുണ്ടോ;

കണ്ണൂരില്‍ നടത്തിയ അന്താരാഷ്ട്ര പഠന കോണ്‍ഗ്രസിന്റെ ഭാഗമായി, മുന്‍ കേന്ദ്രമന്ത്രി മണിശങ്കര്‍ അയ്യര്‍ 'പഞ്ചായത്ത്‍രാജ് നടപ്പാക്കിയതില്‍ കേരളം ലോകത്തിന് മാതൃകയാണ്' എന്ന് പ്രഖ്യാപിച്ചത് ശ്രദ്ധയില്‍പ്പെട്ടിട്ടുണ്ടോ;

എല്ലാവരെയും യോജിപ്പിച്ച് നടത്തേണ്ടതാണ് നാടിന്റെ പൊതുവായ വികസനമെന്ന സംസ്ഥാന സര്‍ക്കാരിന്റെ നയത്തിനുള്ള അംഗീകാരമായി ഇതിനെ കാണുന്നുണ്ടോയെന്ന് വ്യക്തമാക്കുമോ?

സംസ്ഥാനത്ത് 2016 ജനുവരി മുതൽ 2025 ജനുവരി വരെ വിവിധ വകുപ്പുകളിലായി എത്ര കൺസള്‍ട്ടൻസികൾ/വിദേശ കൺസള്‍ട്ടൻസികൾ പ്രവർത്തിച്ചിട്ടുണ്ട്; വിശദമാക്കാമോ;

പ്രസ്തുത കൺസള്‍ട്ടൻസികൾ വിവിധ വകുപ്പുകളിൽ പ്രവർത്തിച്ചത് സംബന്ധിച്ച വിശദ വിവരങ്ങൾ ലഭ്യമാക്കാമോ;

പ്രസ്തുത കൺസൽട്ടൻസികൾക്ക് വേണ്ടി നാളിതുവരെ എത്ര തുക ചെലവഴിച്ചു; ആയതിന്റെ കണക്കുകളും സർക്കാർ ഉത്തരവുകളും ലഭ്യമാക്കാമോ;

സർക്കാർ അനുമതി ഇല്ലാതെ ഏതെങ്കിലും സ്വദേശ/ വിദേശ കൺസള്‍ട്ടൻസികൾ വിവിധ വകുപ്പുകളിൽ പ്രവർത്തിക്കുന്നുണ്ടോ; എങ്കിൽ കാരണം വ്യക്തമാക്കാമോ;

സംസ്ഥാനത്ത് നിലവിൽ ഇപ്പോൾ എത്ര സ്വദേശ/വിദേശ കൺസള്‍ട്ടൻസികൾ പ്രവർത്തിക്കുന്നുണ്ട്; വിശദ വിവരങ്ങൾ ലഭ്യമാക്കാമോ?

കേരളത്തിൽ അഖിലേന്ത്യാ സർവീസിൽ ഐ.എ.എസ്., ഐ.എഫ്.എസ്., ഐ.പി.എസ്. തസ്തികകളിലേക്ക് എല്ലാവർഷവും സ്റ്റേറ്റ് സിവിൽ സർവീസിൽ നിന്നല്ലാതെ സെലക്ഷൻ വഴി നിയമനം നടക്കാറുണ്ടോയെന്ന് വ്യക്തമാക്കാമോ;

എങ്കിൽ കഴിഞ്ഞ പതിനഞ്ച് വർഷം ഇത്തരത്തിൽ നടത്തിയ നിയമനത്തെ കുറിച്ചുള്ള വിവരം നിയമിക്കപ്പെട്ട ഉദ്യോഗസ്ഥരുടെ പേരും വർഷവും തിരിച്ച് വ്യക്തമാക്കാമോ;

സെലക്ഷൻ വഴിയുള്ള നിയമനങ്ങളിൽ സംവരണതത്വം പാലിക്കപ്പെടുന്നുണ്ടോ എന്ന് വ്യക്തമാക്കാമോ;

പ്രസ്തുത നിയമനങ്ങളിൽ പട്ടികജാതി, പട്ടികവർഗ്ഗ, മുസ്ലിം, മറ്റ് പിന്നാക്ക വിഭാഗം എന്നിവരുടെ എണ്ണം തിരിച്ചുള്ള വിശദാംശം നൽകാമോ;

ഇത്തരം നിയമനങ്ങളിൽ സുതാര്യത ഇല്ലെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഭാവിയിൽ സ്വീകരിക്കാൻ ഉദ്ദേശിക്കുന്ന നടപടികൾ എന്താണെന്ന് വ്യക്തമാക്കാമോ;

കേരളത്തിലെ വിവിധ സർക്കാർ നിയന്ത്രിത പൊതുമേഖലാ സ്ഥാപനങ്ങളിലും കമ്പനികളിലും ഉള്ള താൽക്കാലിക ജീവനക്കാരെ നിയമിക്കുന്നതിൽ സംവരണ നിയമങ്ങൾ പാലിക്കാറുണ്ടോ; എങ്കിൽ വിശദമാക്കാമോ;

കഴിഞ്ഞ പത്തു വർഷങ്ങൾക്കിടയിൽ ഇങ്ങനെ സ്ഥിരപ്പെടുത്തിയവരുടെ കണക്കുകൾ ജാതി തിരിച്ചു വ്യക്തമാക്കാമോ; യാതൊരു മാനദണ്ഡവും ഇല്ലാതെ ഇപ്രകാരം നിയമിക്കുന്നതും സ്ഥിരപ്പെടുത്തുന്നതും നിർത്തലാക്കാൻ നടപടി സ്വീകരിക്കുമോ; ഇത്തരത്തിൽ നിയമനം നടന്നതിനെതുടർന്ന് സംവരണ സമുദായങ്ങൾക്ക് നഷ്ടപ്പെട്ട തസ്തികകൾ നികത്താൻ മറ്റെന്തെങ്കിലും സംവിധാനം ഏർപ്പെടുത്തുമോ; വിശദമാക്കാമോ?

മുൻ സര്‍ക്കാര്‍ അധികാരത്തില്‍ വന്നശേഷം 2025 ഫെബ്രുവരി 28 വരെ വിവിധ വകുപ്പുകളിലായി പുതിയ എത്ര തസ്തികകള്‍ സൃഷ്ടിച്ചിട്ടുണ്ട്; വിശദമാക്കാമോ?

സര്‍ക്കാര്‍ ജീവനക്കാര്‍ക്ക് ദീര്‍ഘകാല അവധി എടുക്കുന്നതിന് നിലവിലുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ;

ദീര്‍ഘകാല അവധി നല്‍കുന്നതില്‍ ഏതെങ്കിലും വകുപ്പിലെ ഉദ്യോഗസ്ഥര്‍ക്ക് നിയന്ത്രണമേര്‍പ്പെടുത്തിയിട്ടുണ്ടോ; എങ്കിൽ വിശദമാക്കാമോ;

നിലവില്‍ വിദേശത്ത് ജോലി ചെയ്യുന്നവർക്ക് പി.എസ്.സി. മുഖേന ജോലി ലഭിക്കുന്ന പക്ഷം ദീര്‍ഘകാല അവധി എടുക്കാന്‍ വ്യവസ്ഥയുണ്ടോ; എങ്കിൽ വിശദാംശങ്ങള്‍ ലഭ്യമാക്കാമോ?

കേരളത്തിലെ ഏതെല്ലാം സര്‍ക്കാര്‍ വകുപ്പുകളിലാണ് പൂര്‍ണ്ണമായും ഓണ്‍ലെെന്‍ സേവനങ്ങള്‍ നടപ്പിലാക്കിയിട്ടുളളതെന്ന് അറിയിക്കുമോ;

ഇ-പോര്‍ട്ടല്‍ മുഖേന എത്ര വകുപ്പുകളുടെ സേവനങ്ങളാണ് പൊതുജനങ്ങള്‍ക്ക് ഇപ്പോള്‍ ലഭ്യമായിട്ടുളളത് എന്ന് വ്യക്തമാക്കുമോ?

സംസ്ഥാനത്ത് ഫയല്‍ തീര്‍പ്പാക്കല്‍ യജ്ഞം നടപ്പാക്കിയ ശേഷം നിലവില്‍ സെക്രട്ടേറിയറ്റ് തലത്തില്‍ തീര്‍പ്പാക്കാതെ അവശേഷിക്കുന്ന 2023 ഡിസംബര്‍ 31 വരെയുള്ള ഫയലുകളുടെ എണ്ണം വകുപ്പ് തിരിച്ച് വ്യക്തമാക്കാമോ;

സെക്രട്ടേറിയറ്റ് തലത്തിലുള്ള ഫയലുകള്‍ തീര്‍പ്പാക്കാന്‍ പ്രത്യേക ദൗത്യം നടപ്പാക്കുവാന്‍ ഉദ്ദേശിക്കുന്നുണ്ടോ; വ്യക്തമാക്കാമോ?

കാസർകോട് ജില്ലയിലെ വിവിധ സർക്കാർ ഓഫീസുകളിലെ ജീവനക്കാരുടെ ഒഴിവുകൾ സംബന്ധിച്ച വിശദ വിവരങ്ങൾ ലഭ്യമാക്കുമോ;

പ്രസ്തുത ഒഴിവുകൾ നികത്താതിന്റെ കാരണം വിശദമാക്കുമോ;

സർക്കാർ ഓഫീസുകളിലെ ഒഴിവുകൾ യഥാസമയം നികത്താത്തതിനാൽ വികസന പ്രവർത്തനങ്ങൾ തടസ്സപ്പെടുന്നതും ജനങ്ങൾക്ക് സേവനങ്ങൾ ലഭ്യമാകാത്തതും ശ്രദ്ധയിൽപ്പെട്ടിട്ടുണ്ടോ;

ജില്ലയിലെ സർക്കാർ ഓഫീസുകളിലെ ഒഴിവുകൾ എപ്പോൾ നികത്തുമെന്ന് വിശദമാക്കുമോ?

കേന്ദ്ര ഹൈവേ മന്ത്രാലയത്തിന്റെ 2023-ലെ ഉത്തരവ് അനുസരിച്ച് സർക്കാർ/പൊതുമേഖല സ്ഥാപനങ്ങളുടെ 15 വർഷം കഴിഞ്ഞ വാഹനങ്ങളുടെ രജിസ്ട്രേഷൻ റദ്ദ് ചെയ്തിട്ടുണ്ടോ; എങ്കിൽ വിവിധ വകുപ്പുകളുടെ എത്ര വാഹനങ്ങളുടെ രജിസ്ട്രേഷൻ റദ്ദ് ചെയ്തിട്ടുണ്ട്; വിശദാംശം നൽകാമോ;

രജിസ്ട്രേഷൻ റദ്ദ് ചെയ്ത വാഹനങ്ങൾ വീണ്ടും വിവിധ വകുപ്പുകൾ നിയമവിരുദ്ധമായി ഉപയോഗിക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഏതെല്ലാം വാഹനങ്ങളാണ് ഉപയോഗിക്കുന്നതെന്ന വിവരം വകുപ്പ് തിരിച്ചു നൽകാമോ; നിയമവിരുദ്ധമായ ഇത്തരം നടപടി സർക്കാർ അനുമതിയോടു കൂടിയാണോയെന്ന് വിശദമാക്കുമോ?

സംസ്ഥാന സർക്കാർ സർവീസിൽ പ്രവേശിക്കുന്ന ജീവനക്കാർക്ക് ജോലിയിൽ പ്രവേശിക്കുന്നതിനു മുൻപായി ഏതെങ്കിലും തരത്തിലുള്ള പരിശീലനം നൽകുന്നുണ്ടോ;

ഇവരെ ജോലിസംബന്ധമായ കാര്യങ്ങൾ പഠിപ്പിക്കുന്നതിനായി എന്തൊക്കെ സംവിധാനങ്ങളാണ് നിലവിലുള്ളത്;

സർക്കാർ ജീവനക്കാർക്ക് ഏതൊക്കെ തരത്തിലുള്ള പരിശീലനങ്ങളാണ് ജോലിയിൽ പ്രവേശിച്ച ശേഷം നൽകുന്നത്;

പൊതുജനങ്ങൾക്ക് നൽകേണ്ടുന്ന സേവനങ്ങൾ സംബന്ധിച്ചും പൊതുജനങ്ങളോടുള്ള പെരുമാറ്റം സംബന്ധിച്ചും സർക്കാർ ജീവനക്കാർക്ക് ശരിയായ പരിശീലനം നൽകുന്നത് അവരുടെ കാര്യക്ഷമത വര്‍ദ്ധിപ്പിക്കുന്നതിനും സേവനം മെച്ചപ്പെടുത്തുന്നതിനും സഹായകരമാകും എന്ന് കരുതുന്നുണ്ടോ;

എങ്കിൽ ജോലിയിൽ പ്രവേശിക്കുന്ന അവസരത്തിൽ തന്നെ എല്ലാ ജീവനക്കാർക്കും പരിശീലനം നൽകി സേവനക്ഷമത ഉറപ്പാക്കുന്ന കാര്യം പരിഗണിക്കുമോ?

സംസ്ഥാനത്തു സർക്കാർ സർവീസിലേക്ക് സ്പോർട്സ് ക്വാട്ട നിയമനം നൽകുന്നതിനുള്ള മാനദണ്ഡങ്ങൾ എന്തൊക്കെയാണെന്ന് അറിയിക്കാമോ;

ഈ സർക്കാർ അധികാരത്തിൽ വന്നതിനുശേഷം സ്പോർട്സ് ക്വാട്ട നിയമനത്തിനായി തയ്യാറാക്കിയ സെലക്ട് ലിസ്റ്റിൽ നിന്നും എത്രപേർക്ക് വിവിധ സർക്കാർ വകുപ്പുകളിൽ നിയമനം നൽകി എന്ന് ജില്ലയും വകുപ്പും തിരിച്ചു അറിയിക്കാമോ; ഇതിനായി തയ്യാറാക്കിയ സെലക്ട് ലിസ്റ്റിൽ നിലവിൽ എത്ര പേര്‍ ഉൾപ്പെട്ടിട്ടുണ്ടെന്ന് അറിയിക്കാമോ?

നവകേരള സദസ്സിന്റെ ഭാഗമായി വടക്കാഞ്ചേരി മണ്ഡലത്തിന് എന്തൊക്കെ പ്രൊപ്പോസലുകള്‍ ലഭിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത പ്രൊപ്പോസലുകള്‍ക്ക് ഭരണാനുമതിയും സാങ്കേതികാനുമതിയും നല്‍കേണ്ടത് ഏത് വിഭാഗമാണെന്നും ഇതിനുള്ള നടപടികള്‍ ഏത് ഘട്ടത്തിലാണെന്നും വിശദമാക്കാമോ?

സർക്കാർ ജീവനക്കാർക്ക് വേണ്ടി തയ്യാറാക്കിയിരിക്കുന്ന ഫെയ്സ് റെക്കഗ്നിഷൻ പഞ്ചിംഗ്, ബയോമെട്രിക് പഞ്ചിംഗ് സംവിധാനത്തിന് പകരമായി ഏർപ്പെടുത്തിയതാണോ; ബയോമെട്രിക് സംവിധാനം നിലവിലില്ലാത്ത ഓഫീസുകളിൽ ഫെയ്സ് റെക്കഗ്നിഷൻ ആപ്പ് ഉപയോഗിക്കേണ്ടതുണ്ടോ; വിശദമാക്കാമോ;

പൊതുജനങ്ങളുമായി നിരന്തര സമ്പർക്കമുള്ള എല്ലാ ഓഫീസുകളിലും ഫേസ് റെക്കഗ്നിഷൻ പഞ്ചിങ് സംവിധാനം നിലവിൽ വന്നിട്ടുണ്ടോ; വ്യക്തമാക്കാമോ;

സമയ ക്ലിപ്തതയോടുകൂടി പ്രവർത്തിച്ചുവരുന്ന സ്കൂളുകൾ, കോളേജുകൾ, ഐ.ടി.ഐ.കൾ തുടങ്ങിയ വിദ്യാഭ്യാസ, തൊഴിലധിഷ്ഠിത വിദ്യാഭ്യാസ സ്ഥാപനങ്ങളിൽ ഫേസ് റക്കഗ്നിഷൻ പഞ്ചിങ് സംവിധാനം അടിയന്തരമായി ഏർപ്പെടുത്തണമെന്ന നിർദ്ദേശം സർക്കാർ വകുപ്പുകൾക്ക് നൽകിയിട്ടുണ്ടോ; വിശദമാക്കാമോ;

ഫെയ്സ് റെക്കഗ്നിഷൻ ആപ്പിന്റെ പിഴവുകളും നിലവാരമില്ലായ്മയും സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഇതുമായി ബന്ധപ്പെട്ട് ഏതെങ്കിലും തരത്തിലുള്ള പരാതികൾ ലഭിച്ചിട്ടുണ്ടോ; ഉണ്ടെങ്കിൽ പകർപ്പുകൾ നൽകാമോ; ജീവനക്കാരുടെ സ്വകാര്യ വിവരങ്ങൾ ചോരുകയില്ല എന്ന് സർക്കാരിന് ഉറപ്പു നൽകാൻ കഴിയുമോ; വിശദമാക്കാമോ;

ബയോമെട്രിക് പഞ്ചിംഗ് സംവിധാനം പൂർണ്ണമായും നടപ്പിലാക്കിയ വകുപ്പുകളുടെ ലിസ്റ്റ് നൽകാമോ?

വിവിധ സര്‍ക്കാര്‍ വകുപ്പുകളില്‍ നിന്ന് 15 വര്‍ഷം കാലപ്പഴക്കം മൂലം എത്ര വാഹനങ്ങളാണ് നിരത്തില്‍ നിന്ന് പിന്‍വലിച്ചിട്ടുള്ളതെന്ന് വകുപ്പ് തിരിച്ച് വിശദമാക്കാമോ;

വാഹനങ്ങള്‍ പിന്‍വലിച്ചതിനു ശേഷമുള്ള വാഹനക്കുറവ് പരിഹരിക്കാന്‍ എന്തെല്ലാം സംവിധാനങ്ങളാണ് പ്രസ്തുത വകുപ്പുകള്‍ ഏര്‍പ്പെടുത്തിയിട്ടുള്ളതെന്ന് വിശദമാക്കാമോ;

പ്രസ്തുത വകുപ്പുകള്‍ പുതിയ വാഹനങ്ങള്‍ ലഭ്യമാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പിന്‍വലിക്കപ്പെട്ട വാഹനങ്ങള്‍ പൊളിച്ചു വില്‍ക്കുന്നതിനുള്ള ലേല നടപടികളുടെ പുരോഗതി അറിയിക്കാമോ?

സംസ്ഥാനത്തെ വിവിധ പൊതുപരീക്ഷകളില്‍ യോഗ്യത നേടുകയും, എസ്.എസ്.എല്‍.സി, സര്‍വ്വകലാശാല പരീക്ഷകളുടെ സര്‍ട്ടിഫിക്കറ്റുകള്‍ നഷ്ടപ്പെടുകയും ചെയ്യുന്ന, രജിസ്റ്റര്‍ നമ്പര്‍ പോലും വീണ്ടെടുക്കാന്‍ ആകാതെ പോകുന്ന സാഹചര്യത്തിലുള്ളവരുടെ ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ; ഇവര്‍ക്ക് സമയബന്ധിതമായി രജിസ്റ്റര്‍ നമ്പരുകള്‍ കണ്ടെത്തി നല്‍കുന്നതിനുള്ള നടപടികള്‍ സ്വീകരിക്കുന്ന കാര്യം പരിഗണനയിലുണ്ടോ;

ഇതിനെ സേവന അവകാശത്തിന്റെ പരിധിയില്‍ കൊണ്ടുവരാന്‍ സാധിക്കുമോ?

സംസ്ഥാനത്ത് ആദിവാസികളുടെ ഇടയില്‍ പരമ്പരാഗത ആചാരപ്രകാരം പതിനെട്ട് വയസ് തികയാത്തവരുടെ വിവാഹം നടക്കുന്നതായി പറയപ്പെടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഇപ്രകാരം ബാലവിവാഹം നടത്തുന്നവരുടെ പേരില്‍ പോക്സോ നിയമപ്രകാരം കേസ് എടുത്ത് ശിക്ഷിച്ചിട്ടുണ്ടോ; എങ്കില്‍ വിശദമാക്കാമോ;

ഇവരുടെ ഇടയില്‍ പ്രസ്തുത വിഷയത്തില്‍ എന്തെല്ലാം ബോധവല്‍ക്കരണ പദ്ധതികള്‍ നടത്തിയിട്ടുണ്ടെന്ന് വിശദമാക്കാമോ;

പരമ്പരാഗത ആചാര പ്രകാരം നടത്തുന്ന വിവാഹം നിയമാനുസൃതമാണെന്ന് ഉറപ്പുവരുത്തുന്നതിന് അവരെ പ്രാപ്തരാക്കുന്നതിന് നടപടി സ്വീകരിക്കുമോ?

കായംകുളം മണ്ഡലത്തില്‍ നവകേരള സദസ്സില്‍ എത്ര പരാതികള്‍ ലഭിച്ചിരുന്നു എന്നും, ഇതില്‍ എത്ര അപേക്ഷകള്‍ തീര്‍പ്പാക്കിയിട്ടുണ്ട് എന്നും വിശദമാക്കാമോ?

കേരളത്തില്‍ നിന്നുള്ള പാര്‍ലമെന്റ് അംഗങ്ങള്‍ക്ക് സംസ്ഥാന സര്‍ക്കാര്‍ എന്തെല്ലാം സൗകര്യങ്ങളാണ് നല്‍കി വരുന്നതെന്ന് വ്യക്തമാക്കാമോ;

ഇതര സംസ്ഥാനങ്ങളില്‍ നിന്ന് രാജ്യസഭയിലേയ്ക്ക് തെരഞ്ഞെടുക്കപ്പെടുന്ന മലയാളികളായ എം.പി.മാര്‍ക്കും നോമിനേറ്റ് ചെയ്യപ്പെടുന്ന മലയാളികളായ എം.പി.മാര്‍ക്കും ഈ സൗകര്യങ്ങള്‍ ലഭ്യമാക്കുന്നുണ്ടോ; എങ്കിൽ വിശദമാക്കാമോ?

സംസ്ഥാനത്ത് ഓരോ‌ വർഷവും ഉണ്ടാകുന്ന മൊത്തം ഐ.എ.എസ്. ഒഴിവുകളുടെ എത്ര ശതമാനമാണ് യൂ.പി.എസ്.സി. പരീക്ഷയിലൂടെ നേരിട്ട് റിക്രൂട്ട് ചെയ്യുപ്പെടുന്നവർക്കായി നീക്കിവെച്ചിരിക്കുന്നത് എന്നറിയിക്കുമോ;

ഇത്തരത്തിൽ ഓരോ‌ വർഷവും ഉണ്ടാകുന്ന മൊത്തം ഐ.എ.എസ്. ഒഴിവുകളുടെ എത്ര ശതമാനമാണ് സ്റ്റേറ്റ് സിവിൽ സർവ്വീസ്(പ്രമോഷൻ) വിഭാഗത്തിനായി നീക്കിവെച്ചിരിക്കുന്നത് എന്നറിയിക്കുമോ;

സംസ്ഥാനത്ത് ഓരോ‌ വർഷവും ഉണ്ടാകുന്ന മൊത്തം ഐ.എ.എസ്. ഒഴിവുകളുടെ എത്ര ശതമാനമാണ് സ്റ്റേറ്റ് സിവിൽ സർവ്വീസ്(സെലക്ഷൻ) വിഭാഗത്തിനായി നീക്കിവെച്ചിരിക്കുന്നത് എന്നറിയിക്കുമോ;

ഐ.എ.എസ്. കൺഫേഡ് ചെയ്യപ്പെട്ട എത്ര പേർ ഇപ്പോൾ കേരളത്തിൽ ജോലി ചെയ്യുന്നുണ്ട്; വിശദാംശങ്ങൾ ലഭ്യമാക്കാമോ;

സംസ്ഥാന സർക്കാർ ജീവനക്കാർക്കുള്ള ഐ.എ.എസ്. നിയമനം (പ്രമോഷൻ &‌ സെലക്ഷൻ) നടത്തുന്നതിനുള്ള മാനദണ്ഡങ്ങൾ എന്തെല്ലാമെന്ന് വിശദമാക്കാമോ; ഇത് സംബന്ധിച്ച നിലവിലെ മാനദണ്ഡങ്ങളിലും ഒഴിവുകൾക്കായി നീക്കിവെച്ചിരിക്കുന്ന നിലവിലെ ശതമാനത്തിലും കാലോചിതമായ മാറ്റം വരുത്തുവാൻ ആലോചിക്കുന്നുണ്ടോ; വിശദമാക്കുമോ?

സംസ്ഥാനത്ത് ഐ.എ.എസ്., ഐ.പി.എസ്., ഐ..എഫ്.എസ്. തുടങ്ങിയ സിവില്‍ സര്‍വ്വീസ് ഉദ്യോഗസ്ഥരുടെ കുറവുണ്ടോ; വിശദാംശം ലഭ്യമാക്കുമോ;

ഒരു വകുപ്പുമേധാവിയ്ക്ക് വിവിധ വകുപ്പുകളുടെ ചുമതലകള്‍ നല്‍കിയിട്ടുളള സാഹചര്യം ഒഴിവാക്കുന്നതിനുളള നടപടികള്‍ സ്വീകരിക്കുമോ; വ്യക്തമാക്കുമോ;

അഖിലേന്ത്യാ സര്‍വ്വീസില്‍ കേരള കേഡറിലുളള എത്ര ഓഫീസര്‍മാര്‍ ഡെപ്യൂട്ടേഷനില്‍ പ്രവര്‍ത്തിക്കുന്നുണ്ടെന്ന് വ്യക്തമാക്കുമോ?

സാമ്പത്തിക സ്ഥിതിവിവരകണക്ക് വകുപ്പിന്റെ കീഴിൽ സ്റ്റേറ്റ് അക്കാദമി ഓൺ സ്റ്റാറ്റിസ്റ്റിക്കൽ അഡ്മിനിസ്ട്രേഷന്റെ പ്രവർത്തനം ആരംഭിച്ച വർഷവും ഏത് സർക്കാരിന്റെ കാലത്താണെന്നതും വ്യക്തമാക്കുമോ;

പ്രസ്തുത സ്ഥാപനത്തിൽ പെർമനന്റ് കേഡർ സ്ട്രെങ്ങ്തിൽ ജീവനക്കാരെ പുനർവിന്യാസത്തിലൂടെ നിയമിക്കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത സ്ഥാപനത്തെ ഡാറ്റ റിസർച്ച് ആന്റ് അനാലിസിസ് കേന്ദ്രമാക്കി അക്കാഡമിക് തലത്തിൽ ഉയർത്തുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കുമോ;

പ്രസ്തുത സ്ഥാപനവുമായി ബന്ധപ്പെട്ട് PLGEA-B1/18/2025-PLGEA നമ്പർ ഫയലിൽ (കമ്പ്യൂട്ടർ നമ്പർ : 3040004) സ്വീകരിച്ച നടപടികൾ വിശദമാക്കുമോ?

നവകേരള സദസ്സിൽ കയ്പമംഗലം നിയോജക മണ്ഡലത്തിൽ എത്ര പരാതികളാണ് ലഭിച്ചത്; എത്ര പരാതികള്‍ തീര്‍പ്പാക്കിയിട്ടുണ്ട്; ഇനി എത്ര പരാതികള്‍ തീര്‍പ്പാക്കാന്‍ ബാക്കിയുണ്ട്; വകുപ്പുകള്‍ തിരിച്ചും പഞ്ചായത്ത് തിരിച്ചുമുള്ള വിശദാംശം ലഭ്യമാക്കുമോ​;

നവകേരള സദസ്സിന്റെ ഭാഗമായി കയ്പമംഗലം നിയോജക മണ്ഡലത്തില്‍ പ്രഖ്യാപിച്ച ഏഴ് കോടി രൂപയുടെ പ്രൊപ്പോസലുകള്‍ക്ക് ഭരണാനുമതിയും സാങ്കേതികാനുമതിയും നല്‍കേണ്ടത് ഏത് വിഭാഗമാണെന്നും ഇതിനുള്ള നടപടികള്‍ ഏത് ഘട്ടത്തിലാണെന്നും വിശദമാക്കാമോ?

സാമ്പത്തിക സ്ഥിതി വിവരക്കണക്ക് വകുപ്പ് ഡയറക്ടർ ബി. ശ്രീകുമാർ മതസ്പർദ്ധ വളർത്തുന്ന തരത്തിൽ വകുപ്പുതല യോഗത്തിൽ സംസാരിച്ചതായും വകുപ്പ് തലത്തിലെ വനിതാ ജീവനക്കാരിയെ അധിക്ഷേപിച്ചതായും പരാതി ലഭിച്ചിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത പരാതിയിന്മേൽ അന്വേഷണം നടത്തുകയോ നടപടികൾ സ്വീകരിക്കുകയോ ചെയ്തിട്ടുണ്ടോയെന്ന് വ്യക്തമാക്കുമോ; പരാതികൾ ഉന്നയിച്ച ഉദ്യോഗസ്ഥർക്കെതിരെ ഡയറക്ടർ പ്രതികാര നടപടികൾ സ്വീകരിക്കുന്നതായി പരാതി ലഭിച്ചിട്ടുണ്ടോ; വ്യക്തമാക്കുമോ;

പ്രസ്തുത വ്യക്തി വകുപ്പിലെ വനിതാ ജീവനക്കാരെ അധിക്ഷേപിച്ചത് സംബന്ധിച്ച് മുൻപ് പരാതികൾ ലഭിച്ചിട്ടുണ്ടോ; എങ്കിൽ ആയതിന്മേൽ എന്തെങ്കിലും അച്ചടക്ക നടപടി സ്വീകരിച്ചിട്ടുണ്ടോ; വ്യക്തമാക്കുമോ?

വൈപ്പിന്‍ മണ്ഡലത്തിലെ കടമക്കുടി ഗ്രാമപഞ്ചായത്തില്‍ ഗോശ്രീ ഡെവലപ്പ്മെന്റ് അതോറിറ്റിയുടെ ധനസഹായത്തോടെ നിര്‍മ്മിക്കുന്ന കോതാട് - ചേന്നൂര്‍ പാലത്തിന്റെ നിര്‍മ്മാണ അലൈന്‍മെന്റില്‍ ഉള്‍പ്പെട്ട സ്ഥലം വാട്ടര്‍ മെട്രോയുടെ കോതാട് ടെര്‍മിനലിന്റെ നിര്‍മ്മാണത്തിനായി ഏറ്റെടുത്തതിനാല്‍ പാലത്തിന്റെയും ടെര്‍മിനലിന്റെയും നിര്‍മ്മാണത്തില്‍ വര്‍ഷങ്ങളായി നേരിടുന്ന സ്തംഭനാവസ്ഥ പരിഹരിക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

ഈ പാലത്തിനായുള്ള ജനങ്ങളുടെ ആവശ്യം കണക്കിലെടുത്ത് വാട്ടര്‍ മെട്രോയ്ക്കായി ഏറ്റെടുത്ത സ്ഥലം പാലം നിര്‍മ്മാണത്തിന് വിട്ടു കിട്ടുന്നതിനായി സര്‍ക്കാരിന്റെ എന്‍.ഒ.സി.ക്കായി ഗതാഗത വകുപ്പിന് നല്‍കിയിട്ടുള്ള കത്തില്‍ സ്വീകരിച്ചിട്ടുള്ള നടപടി വിശദമാക്കാമോ?

കേരള സംസ്ഥാന മലിനീകരണ നിയന്ത്രണ ബോര്‍ഡിന്റെ പ്രവര്‍ത്തനം കാര്യക്ഷമമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

കണ്ണൂര്‍ ജില്ലയില്‍ മലിനീകരണ നിയന്ത്രണ ബോര്‍ഡില്‍ എന്‍വയോണ്‍മെന്റ് എഞ്ചിനീയറുടെയും സയന്റിഫിക് ഓഫീസറുടെയും എത്ര തസ്തികകളാണ് നിലവിലുള്ളത്; ഇതില്‍ എത്ര ഒഴിവുകള്‍ നിലവിലുണ്ട്;

കണ്ണൂര്‍ ജില്ലയിലെ മലിനീകരണ നിയന്ത്രണ ബോര്‍ഡില്‍ 31.01.2025-വരെ ലഭിച്ച അപേക്ഷകളില്‍ എത്ര അപേക്ഷകള്‍ തീര്‍പ്പാക്കാന്‍ ബാക്കിയുണ്ട്;

ലഭിച്ച അപേക്ഷകള്‍ സമയബന്ധിതമായി തീര്‍പ്പാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കെ.എസ്.ആര്‍, കെ.എസ്.&എസ്.എസ്.ആര്‍, കോൺഡക്ട് റൂൾസ് എന്നിവ സംയോജിപ്പിച്ച് കേരള സിവില്‍ സര്‍വ്വീസ് കോഡ് രൂപീകരിക്കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ, വിശദവിവരം നല്‍കുമോ;

27.11.2024-ലെ മന്ത്രിസഭാ യോഗതീരുമാന പ്രകാരം സബോഡിനേറ്റ് സര്‍വ്വീസിലും സ്റ്റേറ്റ് സര്‍വ്വീസിലും നിരീക്ഷണ കാലയളവ് ഒരു തവണ മാത്രമാക്കുന്നതിനുള്ള വിശേഷാല്‍ ചട്ടങ്ങള്‍ രൂപീകരിക്കുന്നതിന് വകുപ്പുകള്‍ക്ക് നിര്‍ദ്ദേശം നല്‍കിയിട്ടുണ്ടോ ; ഉണ്ടെങ്കില്‍ വിശദവിവരം ലഭ്യമാക്കുമോ?

ഫോറൻസിക് ഡിപ്പാർട്ട്മെന്റിലെ പല തസ്തികകൾക്കും എം.എസ്സ്സി. ഫോറൻസിക് സയൻസ് പഠിച്ചവരെ പി.എസ്‌.സി. പരിഗണിക്കാത്തത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ;

ഇത് സംബന്ധിച്ച് കേരള ഹൈക്കോടതിയുടെ ഉത്തരവിന്മേൽ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കുമോ;

ഹയർ ക്വാളിഫിക്കേഷൻ പല തസ്തികകൾക്കും ഒരു അയോഗ്യതയായി കണക്കാക്കുന്നത് അവസാനിപ്പിക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

എറണാകുളം ജില്ലയിലെ ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തികയിലേയ്ക്ക് പുതിയ പി.എസ്.സി. വിജ്ഞാപനം പ്രസിദ്ധീകരിക്കുന്നതിന് കാലതാമസം നേരിടുന്നതിന്റെ കാരണം വ്യക്തമാക്കാമോ; എത്രയും വേഗം വിജ്ഞാപനം പ്രസിദ്ധീകരിക്കുന്നതിന് നടപടി സ്വീകരിക്കുമോ; വിശദമാക്കാമോ;

വിവിധ വകുപ്പുകളില്‍ നിലവിലുള്ള ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തികകള്‍ ക്ലാര്‍ക്ക് തസ്തികകളായി മാറ്റാമോ എന്നതില്‍ വകുപ്പുകളില്‍ പ്രവൃത്തി പഠനം നടത്തുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ; ഇതിനകം എതെല്ലാം വകുപ്പുകള്‍ റിപ്പോര്‍ട്ട് സമര്‍പ്പിച്ചിട്ടുണ്ടെന്ന് പറയാമോ;

പ്രവൃത്തി പഠനത്തിന്റെ ഭാഗമായി ശേഖരിച്ച റിപ്പോര്‍ട്ടില്‍ ഏതെല്ലാം വകുപ്പുകളാണ് ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തിക നിലനിര്‍ത്തണമെന്നും, ഏതെല്ലാം വകുപ്പുകളാണ് ഈ തസ്തികയെ ക്ലാര്‍ക്ക് തസ്തികയാക്കി മാറ്റണമെന്നും റിപ്പോര്‍ട്ട് സമര്‍പ്പിച്ചിട്ടുള്ളതെന്ന് വിശദമാക്കാമോ;

ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തിക സംബന്ധിച്ച് പ്രവൃത്തി പഠനം നടക്കുന്നതിനാല്‍ ഈ തസ്തികയിലേയ്ക്ക് പുതിയ വിജ്ഞാപനം പുറപ്പെടുവിക്കേണ്ടതില്ലെന്ന് ഉദ്യോഗസ്ഥ-ഭരണ പരിഷ്കാര (ഉപദേശക-സി) വകുപ്പില്‍ നിന്നും ഉപ.സി.3/59/2024/പി.ആന്റ്.എ.ആർ.ഡി. നമ്പറായി 21.08.2024 ന് പി.എസ്.സി.യ്ക്ക് കത്ത് നല്‍കിയിട്ടുണ്ടോ എന്ന് വ്യക്തമാക്കാമോ; ഈ കത്തിന്റെ പകര്‍പ്പ് ലഭ്യമാക്കുമോ; തസ്തികയുടെ പ്രവൃത്തി പഠനം നടക്കുന്നു എന്ന കാരണത്താല്‍ മാത്രം ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക്, ടൈപ്പിസ്റ്റ് (വിവിധം) തസ്തികയിലേയ്ക്കുളള പുതിയ വിജ്ഞാപനം തടഞ്ഞുവച്ചതിന്റെ അടിയന്തിര സാഹചര്യം എന്താണെന്ന് വ്യക്തമാക്കാമോ;

വര്‍ഷംതോറും സാങ്കേതിക വിദ്യാഭ്യാസ വകുപ്പിന് കീഴിലുള്ള പോളിടെക്നിക്കുകളില്‍ നിന്ന് കോമേഴ്സ്യല്‍ പ്രാക്ടീസ് കോഴ്സും കൊമേഴ്സ്യല്‍ ഇന്‍സ്റ്റിറ്റ്യൂട്ടുകളില്‍ നിന്ന് സെക്രട്ടേറിയറ്റ് പ്രാക്ടീസ് കോഴ്സും പരീക്ഷാ ഭവന്‍ നടത്തുന്ന കെ.ജി.റ്റി.ഇ.(കൊമേഴ്സ്) ടൈപ്പ് റൈറ്റിംഗ് &കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയും പാസ്സാകുന്ന പതിനായിരത്തിലധികം വരുന്ന വിദ്യാര്‍ത്ഥികള്‍ക്ക് സര്‍ക്കാര്‍ ജോലി നേടുന്നതിനുള്ള പരിമിതമായ അവസരങ്ങളിലൊന്നായ ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്കിക നിലനിര്‍ത്തുന്നതിന് നടപടി സ്വീകരിക്കുമോ; വ്യക്തമാക്കാമോ;

ഇരുപതിലധികം വരുന്ന വകുപ്പുകളിലെ, ടൈപ്പിസ്റ്റ് തസ്തിക നിലവിലില്ലാത്ത ഓഫീസുകളില്‍ നിലവിലുള്ള ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തിക നിര്‍ത്തലാക്കുന്നതിന് പകരം ഈ തസ്തികകളില്‍ ജോലി ചെയ്യുന്നവരുടെ ചുമതലകളില്‍ വ്യക്തത വരുത്തി ഉത്തരവ് പുറപ്പെടുക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

ഈ സര്‍ക്കാര്‍ അധികാരമേറ്റ ശേഷം ആലപ്പുഴ ജില്ലയില്‍ പി.എസ്.സി. മുഖേന എത്ര പേര്‍ക്ക് നിയമനം നല്‍കിയെന്ന് വകുപ്പ്, തസ്തിക എന്നിവ തിരിച്ച് അറിയിക്കാമോ?

കൊല്ലം ജില്ലയിലെ ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് (വിവിധ വകുപ്പുകള്‍) തസ്തികയിലേയ്ക്കുള്ള പുതിയ പി.എസ്.സി. വിജ്ഞാപനം എത്രയും വേഗം പ്രസിദ്ധീകരിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

ടൈപ്പ് റൈറ്റിംഗ് & കമ്പ്യൂട്ടര്‍ വേഡ് പ്രോസസ്സിംഗ് കെ.ജി.റ്റി.ഇ. സര്‍ട്ടിഫിക്കറ്റും കൊമേഴ്സ്യല്‍ പ്രാക്ടീസ് സര്‍ട്ടിഫിക്കറ്റും സെക്രട്ടേറിയറ്റ് പ്രാക്ടീസ് കോഴ്സ് സര്‍ട്ടിഫിക്കറ്റും നേടിയ ഉദ്യോഗാര്‍ത്ഥികള്‍ക്ക് സര്‍ക്കാര്‍ ജോലി നേടുന്നതിനുള്ള വിരളമായ അവസരങ്ങളിലൊന്നായ ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് (വിവിധ വകുപ്പുകള്‍) തസ്തികയിലേയ്ക്കുള്ള പുതിയ പി.എസ്.സി. വിജ്ഞാപനത്തിന് കാലതാമസം ഉണ്ടാകുന്നില്ല എന്ന് ഉറപ്പാക്കാന്‍ നടപടി സ്വീകരിക്കുമോ; വ്യക്തമാക്കാമോ?

ഈ സർക്കാർ അധികാരത്തിൽ വന്നത്തിന് ശേഷം കൊല്ലം ജില്ലയിൽ വിവിധ വകുപ്പുകളിലായി പി.എസ്.സി. നൽകിയ നിയമന ശിപാർശകളുടെ റാങ്ക് ലിസ്റ്റുകൾ തിരിച്ചുള്ള കണക്ക് വ്യക്തമാക്കാമോ;

പ്രസ്തുത ജില്ലയിൽ വിവിധ വകുപ്പുകളിൽ വിവിധ തസ്തികകളിലായി എത്ര ഒഴിവുകളിലാണ് ഇനിയും നിയമന ശിപാർശകൾ നൽകാൻ ബാക്കിയുള്ളതെന്ന് തസ്തിക തിരിച്ചുള്ള കണക്കുകൾ ലഭ്യമാക്കാമോ?

തിരുവനന്തപുരം ജില്ലയിലെ എൽ.ഡി ക്ലർക്ക് റാങ്ക് ലിസ്റ്റിൽ നിന്നും 2025 ഫെബ്രുവരി വരെ എത്ര പേർക്ക് നിയമനം നൽകാൻ സാധിച്ചിട്ടുണ്ടെന്ന് അറിയിക്കാമോ;

പ്രതീക്ഷിക്കപ്പെടുന്ന ഒഴിവുകൾ എത്രയാണെന്ന് വ്യക്തമാക്കാമോ;

2024, 2025 വർഷങ്ങളില്‍ ഡി.പി.സി കൂടാത്ത വകുപ്പുകൾ ഏതെല്ലാമാണെന്നും; ഇക്കാരണത്താൽ പ്രൊമോഷൻ നൽകുന്നതിൽ ഉണ്ടാകുന്ന കാലതാമസം എൻട്രി ലെവൽ തസ്തികയിലെ ഒഴിവുകൾ റിപ്പോർട്ട് ചെയ്യുന്നതിനെ ബാധിക്കുന്നുവെന്ന ഉദ്യോഗാർത്ഥികളുടെ ആശങ്ക പരിഹരിക്കുന്നതിനും സ്വീകരിച്ച നടപടികള്‍ വിശദമാക്കാമോ?

സംസ്ഥാന സർക്കാരിന് കീഴിലുള്ള വിവിധ വകുപ്പുകളിൽ ഒരു ജീവനക്കാരൻ ക്ലർക്ക് തസ്തികയിൽ ജോലിയിൽ പ്രവേശിച്ച് നിരീക്ഷണ കാലം വിജയകരമായി പൂർത്തീകരിച്ച് കഴിഞ്ഞാൽ തുടർന്നുള്ള സ്ഥാനക്കയറ്റ തസ്തികകളായ സീനിയർ ക്ലർക്ക് തസ്തികയിലും ഹെഡ് ക്ലർക്ക് തസ്തികയിലും നിരീക്ഷണ കാലം വീണ്ടും വിജയകരമായി പൂർത്തീകരിക്കേണ്ടതുണ്ടോയെന്ന് വ്യക്തമാക്കാമോ;

ഇല്ലായെങ്കിൽ ഏത് ചട്ടങ്ങൾ/ഉത്തരവുകൾ/പരിപത്രങ്ങൾ പ്രകാരമാണ് സീനിയർ ക്ലർക്ക് തസ്തികയിലും ഹെഡ് ക്ലർക്ക് തസ്തികയിലും നിരീക്ഷണ കാലം വേണ്ടതില്ല എന്ന് വ്യക്തമാക്കിയിട്ടുള്ളതെന്ന് അറിയിക്കാമോ; പ്രസ്തുത ചട്ടങ്ങളുടെ/ഉത്തരവുകളുടെ/പരിപത്രങ്ങളുടെ പകർപ്പ് നൽകാമോ;

കെ.എസ് &എസ്.എസ്.ആർ. 1958 ചട്ടങ്ങളിലെ, ഭാഗം-II പൊതു ചട്ടങ്ങൾ- ചട്ടം 28 (a) (ii) ലെ രണ്ടാം പ്രോവിസോ അനുസരിച്ച് ഒരു ജീവനക്കാരൻ ഒരു തസ്തികയിൽ ഏറ്റവും കുറഞ്ഞത് ഒരു വർഷം സർവീസ് പൂർത്തിയാക്കിയതിന് ശേഷമേ പ്രമോഷന് അർഹനാവൂ എന്നുള്ള വ്യവസ്ഥയിൽ ഇളവ് നൽകിയിട്ടുള്ള സംസ്ഥാന സർക്കാർ സർവീസിലെ നോൺ ഗസറ്റഡ് കോമൺ കാറ്റഗറി സ്ഥാനക്കയറ്റ തസ്തികകൾ/നോൺ ഗസറ്റഡ് കോമൺ കാറ്റഗറി റേഷ്യോ ബേസ്ഡ് പ്രമോഷൻ തസ്തികകൾ ഏതൊക്കെയാണെന്ന് അറിയിക്കാമോ;

മേൽപ്രകാരം ഇളവ് നൽകുന്നതിന് വ്യവസ്ഥ ഇല്ലായെങ്കിൽ, സംസ്ഥാന സർക്കാരിന് കീഴിലുള്ള വിവിധ വകുപ്പുകളിൽ നോൺ ഗസറ്റഡ് കോമൺ കാറ്റഗറി തസ്തികകളിലേയ്‌ക്ക് (നോൺ ഗസറ്റഡ് കോമൺ കാറ്റഗറി റേഷ്യോ ബേസ്ഡ് പ്രമോഷൻ തസ്തികകളിലേയ്‌ക്ക് ഉൾപ്പെടെ) നിശ്ചിത അർഹത സർവീസ് കാലയളവ് പരിധിയായ ഒരു വർഷം തികയുന്നതിന് മുമ്പ് സ്ഥാനക്കയറ്റങ്ങൾ നൽകുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വിശദവിവരം നൽകുമോ?

സംസ്ഥാന സർക്കാരിന് കീഴിലുള്ള വിവിധ വകുപ്പുകളിൽ, കേരള മിനിസ്റ്റീരിയൽ സബോർഡിനേറ്റ് സർവീസിൽ ഉൾപ്പെട്ട സീനിയർ ക്ലർക്ക്/ഹെഡ് ക്ലർക്ക് തസ്തികകളിൽ നിന്നും പ്രമോഷൻ മുഖാന്തരം ജൂനിയർ സൂപ്രണ്ട് തസ്തികയിലേയ്ക്ക് നിയമിതരാകുന്ന ജീവനക്കാർക്കും അതത് വകുപ്പുകളിലെ സ്പെഷ്യൽ റൂൾ അനുസരിച്ച് ജൂനിയർ സൂപ്രണ്ടിന്റെ സമാന ഇന്റർ ചെയ്ഞ്ചബിൾ തസ്തികയിലേയ്ക്ക് (ഈ സമാന ഇന്റർ ചെയ്ഞ്ചബിൾ തസ്തികയിലേക്ക് ബൈ ട്രാൻസ്ഫർ പ്രമോഷൻ കൂടാതെ, അതത് വകുപ്പുകളിലെ സ്പെഷ്യൽ റൂൾ അനുസരിച്ച് പി.എസ്.സി മുഖാന്തരമുള്ള നേരിട്ടുള്ള നിയമനം കൂടി ഒരു നിയമന രീതിയായി പറഞ്ഞിട്ടുള്ള സംഗതികളിൽ) ബൈ ട്രാൻസ്ഫർ പ്രമോഷൻ മുഖാന്തരം നിയമിതരാകുന്ന ജീവനക്കാർക്കും നിരീക്ഷണ കാലയളവ് എപ്രകാരമാണെന്ന് വ്യക്തമാക്കാമോ;

മേൽപ്പറഞ്ഞ സംഗതിയിൽ പ്രമോഷൻ മുഖാന്തരവും ബൈ ട്രാൻസ്ഫർ പ്രമോഷൻ മുഖാന്തരവും സ്ഥാനക്കയറ്റം ലഭിക്കുന്നവരെ (ഇവരുടെ നിരീക്ഷണകാലം സ. ഉ. (അച്ചടി) നമ്പർ. 17/2018/ഉ.ഭ.പ.വ. തീയതി 17-12-2018 ഖണ്ഡിക 4 (i), (v) പ്രകാരം യഥാക്രമം ഒരു വർഷവും രണ്ട് വർഷവുമായി വ്യവസ്ഥ ചെയ്തിട്ടുള്ളതിനാൽ) രണ്ട് തസ്തികകളും സമാനവും ഇന്റർ ചെയ്ഞ്ചബിളും ആകയാൽ, നിരീക്ഷണ കാലയളവിനുള്ളിൽ തന്നെ ഭരണപരമായ കാരണങ്ങളാൽ പരസ്പരം മാറ്റി നിയമിക്കപ്പെടുന്ന സാഹചര്യം ഉള്ളതിനാൽ ഇവരുടെ നിരീക്ഷണകാലം കണക്കാക്കുന്നത് എപ്രകാരമെന്ന് അറിയിക്കാമോ?

പൊതുഭരണ വകുപ്പിലെ അസിസ്റ്റന്റ് (എന്‍ട്രി കേഡര്‍) തസ്തികയില്‍ കമ്പ്യൂട്ടര്‍ അസിസ്റ്റന്റ്/കോൺഫിഡൻഷ്യൽ അസിസ്റ്റന്റ് തസ്തികയില്‍ നിന്ന് ബൈ ട്രാന്‍സ്ഫര്‍ നിയമനം നടത്തുന്നത് സംബന്ധിച്ച് എറ്റവും ഒടുവില്‍ സ്പെഷ്യൽ റൂള്‍ ഭേദഗതി വരുത്തിയത് ഏത് ഉത്തരവ് പ്രകാരം ആണെന്നും ഇതിന്റെ മാനദണ്ഡം എന്തായിരുന്നുവെന്നും വിശദമാക്കുമോ;

ഇപ്രകാരം സ്പെഷ്യൽ റൂൾ പ്രാബല്യത്തില്‍ വരുന്ന തീയതിയില്‍ പൊതുഭരണ വകുപ്പിലെ അസിസ്റ്റന്റ് (എന്‍ട്രി കേഡര്‍) തസ്തികയില്‍ കംപ്യൂട്ടര്‍ അസിസ്റ്റന്റ്/ കോൺഫിഡൻഷ്യൽ അസിസ്റ്റന്റ് തസ്തികയില്‍ നിന്ന് ബൈ ട്രാന്‍സ്ഫര്‍ നിയമനം നടത്തുന്നതിന് എത്ര തസ്തികകള്‍ ഇയര്‍മാര്‍ക്ക് ചെയത് മാറ്റി വയ്ക്കണമായിരുന്നു; അതില്‍ എത്ര തസ്തികകള്‍ യഥാര്‍ത്ഥത്തില്‍ മാറ്റി വച്ചിരുന്നു; അവ തമ്മില്‍ വ്യത്യാസം ഉണ്ടോ; എങ്കില്‍ കാരണം അറിയിക്കുമോ;

ഇപ്രകാരം സ്പെഷ്യൽ റൂൾ ഭേദഗതി വരുത്തിയതിനു ശേഷം സെക്രട്ടേറിയറ്റ് പൊതുഭരണ വകുപ്പിൽ കമ്പ്യൂട്ടര്‍ അസിസ്റ്റന്റ് തസ്തികയിൽ ആദ്യമായി ജോയിൻ ചെയ്ത വ്യക്തിയുടെ പേരും പെന്‍ നമ്പരും ജോയിൻ ചെയ്ത തീയതിയും അറിയിക്കുമോ; ടിയാൾക്ക് അസിസ്റ്റന്റ് (എൻട്രി കേഡര്‍) തസ്തികയിലേക്ക് ബൈ ട്രാൻസ്ഫർ നിയമനത്തിന് അർഹതപ്പെട്ട തീയതി എന്നാണെന്നും നിയമനം നൽകിയ തീയതി എന്നാണെന്നും വ്യക്തമാക്കുമോ; രണ്ട് തീയതികളും തമ്മിൽ വ്യത്യാസമുണ്ടെങ്കിൽ ഇപ്രകാരം വ്യത്യാസമുണ്ടായതിനുള്ള കാരണം വിശദമാക്കുമോ;

ടിയാൾക്ക് അസിസ്റ്റന്റ് (എന്‍ട്രി കേഡര്‍) തസ്തികയില്‍ ബൈ ട്രാന്‍സ്ഫര്‍ നിയമനത്തിന് അർഹതപ്പെട്ട തീയതി മുതൽ ബൈ ട്രാന്‍സ്ഫര്‍ അനുവദിച്ച തീയതി വരെ പൊതു ഭരണ വകുപ്പിലെ അസിസ്റ്റൻറ് (എൻട്രി കേ‍ഡര്‍) തസ്തികയിൽ എത്രപേർക്ക് നിയമനം നൽകി; ഇപ്രകാരം നിയമനം നൽകിയവരുടെ പേരും, പെന്‍ നമ്പരും, നിയമനം നൽകിയ തീയതിയും, നിയമന വിശദാംശങ്ങളും അറിയിക്കുമോ;

ഇപ്രകാരം അസിസ്റ്റന്റ് (എൻട്രി കേഡര്‍) തസ്തികയിലേക്ക് ബൈ ട്രാൻസ്ഫർ നിയമനം ലഭിച്ച പ്രസ്തുത വ്യക്തി തനിക്ക് അർഹതപ്പെട്ട സീനിയോറിറ്റി പുന:സ്ഥാപിച്ചു നൽകണമെന്ന് അപേക്ഷിച്ചുകൊണ്ട് അപേക്ഷ നൽകിയിരുന്നോ; വിശദാംശം ലഭ്യമാക്കുമോ?

2019-ലെ ശമ്പള പരിഷ്കരണം ദിവസവേതന ജീവനക്കാരുടെ ദിവസവേതനത്തിന് ബാധകമാക്കിയിട്ടുണ്ടോ; ഇല്ലെങ്കിൽ അതിന് ആവശ്യമായ നടപടികൾ സ്വീകരിക്കുമോ; വിശദാംശം ലഭ്യമാക്കുമോ?

തൃശൂര്‍ ജില്ലയിലെ പുതുക്കാട് മണ്ഡലത്തില്‍ കെ-ഫോണ്‍ പദ്ധതി നടപ്പാക്കുന്നതിനായി സ്വീകരിച്ചിട്ടുള്ള നടപടികളും നിലവില്‍ നല്‍കിയിട്ടുള്ള കണക്ഷനുകള്‍ എത്രയെന്നുമുള്ള വിവരങ്ങള്‍ ലഭ്യമാക്കുമോ;

പദ്ധതി പ്രകാരം മണ്ഡലത്തിലെ എട്ട് പഞ്ചായത്തുകളിലെ അര്‍ഹരായ ജനങ്ങള്‍ക്കും സ്ഥാപനങ്ങള്‍ക്കും മുന്‍ഗണനാ ക്രമത്തില്‍ കെ-ഫോണ്‍ കണക്ഷന്‍ നല്‍കുന്നതിന് നടപടി സ്വീകരിക്കുമോ?

സർക്കാരിന്റെ എല്ലാ ഓൺലൈൻ സേവനങ്ങളും ഒരു കുടക്കീഴിൽ ലഭ്യമാക്കുന്നതിനായി ഡിജിറ്റൽ കേരള ആർക്കിടെക്ചർ പദ്ധതിയുടെ കീഴിൽ 'യൂണിഫൈഡ് സർവ്വീസ് ഡെലിവറി പ്ലാറ്റ്ഫോം' (യു.എസ്.ഡി.പി.) വികസിപ്പിക്കുവാൻ കേരള സ്റ്റേറ്റ് ഐ.ടി. മിഷന് ഭരണാനുമതി നല്കിയിട്ടുണ്ടോ; എങ്കിൽ ആയതിന്റെ പുരോഗതി വിശദാക്കാമോ?

സ്റ്റാർട്ടപ്പ് ജിനോം എന്ന അന്താരാഷ്ട്ര സ്ഥാപനവുമായി കേരള സ്റ്റാർട്ട് അപ്പ് മിഷൻ കരാർ ഉണ്ടാക്കുമ്പോൾ കേന്ദ്ര സർക്കാരിന്റെ അംഗീകാരം/അനുവാദം വാങ്ങിയിട്ടുണ്ടോ; എങ്കിൽ അതിന്റെ പകർപ്പ് ലഭ്യമാക്കാമോ?

ഐ.ടി. ആസ്ഥാനമായി പ്രവര്‍ത്തിക്കുന്ന സ്റ്റാര്‍ട്ടപ്പ് കമ്പനികൾക്കായി എന്തൊക്കെ സഹായങ്ങളാണ് പ്രഖ്യാപിച്ചിട്ടുള്ളത്; ഇത്തരത്തില്‍ ഇന്നവേറ്റര്‍മാര്‍ക്കായി ഇതുവരെ എത്ര കോടി രൂപയുടെ സഹായധനം ലഭ്യമാക്കിയിട്ടുണ്ടെന്ന് വ്യക്തമാക്കാമോ?

സംസ്ഥാന സര്‍ക്കാരിന്റെ നേതൃത്വത്തില്‍ ഏതെല്ലാം ജില്ലകളില്‍ ഫ്രണ്ട്സ് ജനസേവന കേന്ദ്രങ്ങള്‍ ആരംഭിച്ചിട്ടുണ്ട്;

നിലവില്‍ ഫ്രണ്ട്സ് ജനസേവന കേന്ദ്രത്തില്‍ തദ്ദേശ സ്വയംഭരണ വകുപ്പ്, കെ.എസ്.ഇ.ബി. തുടങ്ങിയ വകുപ്പുകളുടെ നികുതി, ഫീസ് എന്നിവ സ്വീകരിക്കുന്നതിന് എന്തെങ്കിലും തടസ്സങ്ങള്‍ നേരിടുന്നുണ്ടോ; ഉണ്ടെങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

ഫ്രണ്ട്സ് ജനസേവന കേന്ദ്രങ്ങള്‍ കൂടുതല്‍ ജനകീയമാക്കുന്നതിന് നടപടി സ്വീകരിക്കുമോ?

സംസ്ഥാനത്തെ അക്ഷയ കേന്ദ്രങ്ങളില്‍ നിന്നും ലഭിക്കുന്ന സേവനങ്ങള്‍ക്ക് ഫീസ് നിരക്ക് നിശ്ചയിച്ചിട്ടുണ്ടോ; സേവനാടിസ്ഥാനത്തില്‍ നിശ്ചയിച്ചിരിക്കുന്ന ഫീസ് നിരക്ക് വ്യക്തമാക്കാമോ;

അക്ഷയ കേന്ദ്രങ്ങളില്‍ നിന്ന് ലഭിക്കുന്ന സേവനവും ഫീസ് നിരക്കും പൊതുജനങ്ങള്‍ക്ക് കാണാവുന്ന തരത്തില്‍ പ്രദര്‍ശിപ്പിക്കാന്‍ നിഷ്കര്‍ഷിച്ചിട്ടുണ്ടോ; ആയത് പ്രദര്‍ശിപ്പിച്ചിട്ടുണ്ടെന്ന് ഉറപ്പാക്കാന്‍ സ്വീകരിച്ച നടപടികള്‍ വിശദമാക്കുമോ;

ഇതിന്മേലുള്ള പരാതികള്‍ നല്‍കേണ്ട മേല്‍വിലാസം, ഇ-മെയില്‍, ടെലിഫോണ്‍ നമ്പര്‍ എന്നിവ ഇതോടൊന്നിച്ച് പ്രദര്‍ശിപ്പിക്കണമെന്ന് നിഷ്കര്‍ഷിച്ചിട്ടുണ്ടോ; വ്യക്തമാക്കുമോ;

സേവനത്തിന് ഒടുക്കിയ തുകയും ലഭിച്ച സേവനവും രേഖപ്പെടുത്തുന്ന റെസിപ്റ്റ്/ബില്‍ ലഭിക്കുവാന്‍ ഗുണഭോക്താവിന് അവകാശമുണ്ടോ; വ്യക്തമാക്കുമോ?

ഓൺലൈൻ ഗെയിമുകളിലൂടെ ഉണ്ടാകുന്ന വൻ സാമ്പത്തിക നഷ്ടം ആളുകളെ ആത്മഹത്യയിലേക്ക് നയിക്കുന്ന സംഭവങ്ങൾ വർദ്ധിച്ചുവരുന്ന സാഹര്യത്തിൽ ഇതിനെതിരെ എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കുമോ;

ഓൺലൈൻ ഗെയിം/ചൂതാട്ടം/ഭാഗ്യപരീക്ഷണ കളികൾ എന്നിവ നിരോധിക്കാൻ ഉദ്ദേശിക്കുന്നുണ്ടോയെന്ന് അറിയിക്കുമോ;

എങ്കിൽ ഇതിനായി നിയമ നിർമ്മാണം നടത്തുവാൻ നടപടി സ്വീകരിക്കുമോ; വിശദാംശം നൽകുമോ?

സ്റ്റാർട്ടപ്പ് ജീനോം എന്ന അന്താരാഷ്ട്ര സ്ഥാപനം കേരള സ്റ്റാർട്ട് അപ്പ് മിഷനുമായി 2020-ൽ ഉണ്ടാക്കിയ കരാറിന്റെ പകർപ്പ് ലഭ്യമാക്കാമോ?

ബാലുശ്ശേരി നിയോജകമണ്ഡലത്തിലെ കെ-ഫോണ്‍ പ്രവൃത്തിയുടെ പുരോഗതി അറിയിക്കാമോ;

അപേക്ഷ നല്‍കിയ എല്ലാവര്‍ക്കും കെ-ഫോണ്‍ കണക്ഷന്‍ നല്‍കുന്നുണ്ടോ; ബാലുശ്ശേരി മണ്ഡലത്തില്‍ അപേക്ഷ ലഭിച്ച എല്ലാവര്‍ക്കും കെ-ഫോണ്‍ കണക്ഷന്‍ നല്‍കിയിട്ടുണ്ടോ; വിശദമാക്കാമോ?

സ്റ്റാർട്ടപ്പ് ജീനോം എന്ന അന്താരാഷ്ട്ര സ്ഥാപനം കേരള സ്റ്റാർട്ട് അപ്പ് മിഷന്റേതായി റിപ്പോർട്ട് ചെയ്ത 1.7 ബില്യൺ യു. എസ്. ഡോളർ എക്കോസിസ്റ്റം മൂല്യത്തിൽ 1 ബില്യൺ യു. എസ്. ഡോളറിൽ കൂടുതൽ മൂല്യമുള്ള ഒരു യൂണികോൺ സ്ഥാപനം ഉൾപ്പെട്ടിട്ടുണ്ടോ എന്ന് വ്യക്തമാക്കാമോ; എങ്കിൽ ഈ സ്ഥാപനത്തിന്റെ എക്കോസിസ്റ്റം മൂല്യം എത്രയാണെന്ന് അറിയിക്കുമോ;

പ്രസ്തുത യുണികോൺ സ്ഥാപനത്തിന്റെ പേര് വിവരം നൽകാമോ;

പ്രസ്തുത സ്ഥാപനം കേരളത്തിൽ രജിസ്റ്റർ ചെയ്തതാണോ എന്ന് വ്യക്തമാക്കാമോ; ആണെങ്കിൽ പേര് വിവരങ്ങൾ നൽകാമോ;

ഈ സ്ഥാപനത്തിന് കേരള സ്റ്റാർട്ടപ്പ് മിഷൻ സഹായം നൽകിയിട്ടുണ്ടോ; എങ്കിൽ എന്നാണ് സഹായം നൽകിയത് എന്നും എത്ര തുകയാണ് നൽകിയതെന്നും വ്യക്തമാക്കാമോ?

സി-ഡിറ്റ് രജിസ്ട്രാര്‍ ആയിരുന്ന ജി. ജയരാജ് പ്രസ്തുത തസ്തികയില്‍ നിന്നും പിരിഞ്ഞു പോകുന്ന 31.05.2019 -ല്‍ ഒറാക്കിള്‍ ക്ലൌഡ് സര്‍വീസസിന് വേണ്ടി അറുപത്തിനാല് ലക്ഷം രൂപയുടെ പര്‍ച്ചേസ് ഓര്‍ഡര്‍ സൊനാറ്റ ഇന്‍ഫര്‍മേഷന്‍ ടെക്നോളജി ലിമിറ്റഡ് എന്ന കമ്പനിക്ക് നല്കിയിരുന്നോ;

പ്രസ്തുത പര്‍ച്ചേസ് ഓര്‍ഡര്‍ ഇഷ്യു ചെയ്യാന്‍ സി-ഡിറ്റ് ഡയറക്ടര്‍ ആയിരുന്ന എം. ശിവശങ്കര്‍ ഐ.എ.എസ്. അന്നേ ദിവസം രാത്രി എത്ര മണിക്കാണ് അനുമതി നല്‍കിയതെന്ന് ഇ-ഓഫീസ് രേഖകള്‍ സഹിതം വ്യക്തമാക്കുമോ;

പ്രസ്തുത പര്‍ച്ചേസ് ഓര്‍ഡര്‍ പ്രകാരമുള്ള സേവനം സൊനാറ്റ കമ്പനി സി-ഡിറ്റിനു നല്കിയിരുന്നോ; സി-ഡിറ്റില്‍ തുക ആവശ്യപ്പെട്ടു സൊനാറ്റ കമ്പനി നല്‍കിയ ബില്ലുകളുടെയും കത്തുകളുടെയും പകര്‍പ്പുകള്‍ ലഭ്യമാക്കുമോ; പ്രസ്തുത ബില്‍ അനുസരിച്ചുള്ള തുക സി-ഡിറ്റ് സൊനാറ്റ കമ്പനിക്ക് നല്കിയിരുന്നോ; ഇല്ലെങ്കില്‍ കാരണം എന്തെന്ന് രേഖകള്‍ സഹിതം വിശദമാക്കുമോ;

സി-ഡിറ്റ് പ്രസ്തുത സേവനം ഉപയോഗിച്ചിട്ടില്ലെങ്കില്‍ സി-ഡിറ്റിനു ഒറാക്കിള്‍ നല്‍കിയ ലോഗ് ഇന്‍ രേഖകള്‍ ദുരുപയോഗം ചെയ്ത അറുപത്തിനാല് ലക്ഷം രൂപയുടെ ബില്ലിന് ആരാണ് ഉത്തരവാദികള്‍ എന്നത് കണ്ടെത്തി നടപടിയെടുക്കുമോ?

സംസ്ഥാനത്ത് പുതിയ ഐ.ടി. നയം കൊണ്ടുവരുന്നതിന് സര്‍ക്കാര്‍ ആലോചിക്കുന്നുണ്ടോ; എങ്കില്‍ വിശദാംശം നല്‍കുമോ?

സി-ഡിറ്റിൽ അഡ്മിനിസ്ട്രേറ്റീവ് ഓഫീസര്‍, ഫിനാന്‍സ് ഓഫീസര്‍ തസ്തികകളിലേക്ക്‌ അന്യത്രസേവന വ്യവസ്ഥയില്‍ സേവനമനുഷ്ഠിക്കാന്‍ സെക്രട്ടേറിയറ്റ് ഉദ്യോഗസ്ഥരെ നിയോഗിച്ചിട്ടുണ്ടോ; എങ്കില്‍ അവരുടെ സേവന ഉത്തരവാദിത്തങ്ങള്‍ നിഷ്കര്‍ഷിച്ച് നല്‍കിയിട്ടുണ്ടോ; ഉത്തരവുകളുടെ പകര്‍പ്പ് ലഭ്യമാക്കുമോ;

പ്രസ്തുത തസ്തികകളിൽ ഉദ്യോഗസ്ഥർ ഉള്ളപ്പോള്‍ത്തന്നെ ഹെഡ് ഓഫ് ഡിപ്പാര്‍ട്ട്മെന്റ് (അഡ്മിനിസ്ട്രേഷന്‍), ഹെഡ് ഓഫ് ഡിപ്പാര്‍ട്ട്മെന്റ് (അക്കൗണ്ട്സ്) തുടങ്ങിയ താല്‍ക്കാലിക ഫംഗ്ഷണൽ തസ്തികകള്‍ സൃഷ്ടിച്ച് സി-ഡിറ്റിലെ തന്നെ രണ്ട് ജീവനക്കാര്‍ക്ക് ചുമതല നല്‍കിയതുമായി ബന്ധപ്പെട്ട ഫയലുകളുടെ പകര്‍പ്പ് ലഭ്യമാക്കുമോ;

സര്‍ക്കാരിന്റെ അനുമതിയോടുകൂടിയാണോ പ്രസ്തുത തസ്തികകള്‍ സി-ഡിറ്റ് അധികാരികള്‍ സൃഷ്ടിച്ചിരിക്കുന്നത്‌; അന്യത്രസേവന വ്യവസ്ഥയില്‍ സര്‍ക്കാര്‍ നിയോഗിച്ച ഉദ്യോഗസ്ഥര്‍ക്ക് നിര്‍വഹിക്കാന്‍ കഴിയാത്ത എന്ത് ചുമതലകളാണ് താല്‍ക്കാലിക തസ്തികകളുടെ ചുമതല വഹിക്കുന്ന ജീവനക്കാര്‍ക്ക് നല്‍കിയിട്ടുള്ളതെന്ന് വ്യക്തമാക്കാമോ?

സ്റ്റാർട്ടപ്പ് ജീനോം എന്ന അന്താരാഷ്ട്ര സ്ഥാപനത്തിന് സംസ്ഥാന സ്റ്റാർട്ടപ്പ് മിഷൻ അവരുടെ ഗ്ലോബൽ സ്റ്റാർട്ടപ്പ് എക്കോസിസ്റ്റം റിപ്പോർട്ടിൽ ഉൾപ്പെടുത്താനും വെബ്‌സൈറ്റിലെ പരാമർശം അടക്കമുള്ള പ്രവൃത്തികൾക്കായും പണം നൽകിയിട്ടുണ്ടോ; എങ്കിൽ കാരണം വിശദമാക്കാമോ;

ഇത്തരത്തില്‍ അന്താരാഷ്ട്ര ഏജൻസിക്ക് പണം നൽകി റിപ്പോർട്ടിൽ പേര് വരുത്താനുണ്ടായ അടിയന്തര സാഹചര്യം എന്താണെന്ന് വിശദമാക്കാമോ?

സി-ഡിറ്റ്, സൊസൈറ്റി റൂള്‍സ് ആന്‍ഡ്‌ റെഗുലേഷന്‍സില്‍ ചട്ടം 15 (4 vii) പ്രകാരം “ All correspondences addressed to or by the society shall ordinarily be in the name of the Registrar” ആണെന്ന് രേഖപ്പെടുത്തിയിട്ടുണ്ടോ; വ്യക്തമാക്കുമോ;

സി-ഡിറ്റ് ഡയറക്ടറായി ജി. ജയരാജ് ചുമതലയേറ്റശേഷം ഡയറക്ടറിന്റെ പേരില്‍ മാതൃ വകുപ്പിലേക്ക് എത്ര കത്തുകള്‍ അയച്ചിട്ടുണ്ട്; ആയതിന്റെ പകര്‍പ്പുകള്‍ ലഭ്യമാക്കാമോ;

ഏത് സാഹചര്യത്തിലാണ് രജിസ്ട്രാര്‍ മുഖേന അല്ലാതെ സി-ഡിറ്റ് ഡയറക്ടര്‍ നേരിട്ട് കത്തുകള്‍ അയച്ചതെന്ന് വിശദമാക്കുമോ?

സി-ഡിറ്റിന്റെ ഏതു വർഷം വരെയുള്ള പൂര്‍ത്തീകരിച്ച ഓഡിറ്റ്‌ റിപ്പോര്‍ട്ടുകള്‍ ലഭ്യമാണ്; സി-ഡിറ്റിലെ വകുപ്പുകളായ വീഡിയോ കമ്മ്യൂണിക്കേഷന്‍, ഇൻഫോര്‍മാറ്റിക്സ്, വെബ്‌ സര്‍വ്വീസസ്, ഒ.ഐ.പി, ഡിജിറ്റൈസേഷന്‍, ഇ-ഗവേണന്‍സ്, റ്റി.ഇ.ഡി. സിസ്റ്റം ഇന്റഗ്രേഷന്‍, പ്രാദേശിക കേന്ദ്രങ്ങള്‍ എന്നിവയുടെ 2016-17 മുതല്‍ ഓഡിറ്റ്‌ പൂര്‍ത്തിയായ അവസാന വർഷം വരെയുള്ള വരവ് ചെലവ് കണക്കുകള്‍ വാര്‍ഷിക അടിസ്ഥാനത്തില്‍ വിശദമാക്കുമോ; ഓഡിറ്റ്‌ രേഖകള്‍ ലഭ്യമാക്കുമോ;

ഓഡിറ്റ്‌ രേഖ പ്രകാരം പ്രസ്തുത വകുപ്പുകളില്‍ നാലോ അതിലധികമോ വര്‍ഷമായി തുടര്‍ച്ചയായി നഷ്ടത്തില്‍ പ്രവര്‍ത്തിച്ച വകുപ്പുകള്‍ ഏതൊക്കെയാണെന്ന് വ്യക്തമാക്കുമോ; പ്രസ്തുത കണക്കു പ്രകാരം ഓരോ വകുപ്പിന്റെയും നാല് വര്‍ഷത്തെ സഞ്ചിത നഷ്ടം എത്രയെന്നു വ്യക്തമാക്കുമോ;

നഷ്ടമുള്ള വകുപ്പുകളുടെ പ്രവര്‍ത്തനം വിലയിരുത്തി സമയബന്ധിതമായി തിരുത്തല്‍ നടപടികളെടുക്കാന്‍ സി-ഡിറ്റിനു നിര്‍ദ്ദേശം നല്‍കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം റീബില്‍ഡ് കേരള ഇനീഷ്യേറ്റീവ് പദ്ധതി പ്രകാരം പദ്ധതികള്‍ അനുവദിച്ചിട്ടുണ്ടോ എന്നു വ്യക്തമാക്കുമോ;

എങ്കില്‍ ഏതൊക്കെ വകുപ്പുകളില്‍ ഏതൊക്കെ പദ്ധതികള്‍ക്ക് എത്ര തുകയാണ് അനുവദിച്ചതെന്നും അവയുടെ നിലവിലെ സ്ഥിതി എന്താണെന്നും വ്യക്തമാക്കുമോ?

2018-ലെ പ്രളയത്തില്‍ വീടിന് കേടുപാടുകള്‍ സംഭവിച്ചതിന്മേൽ അനുവദിച്ച തുക അപര്യാപ്തമായതിനാല്‍ അര്‍ഹതപ്പെട്ട നഷ്ടപരിഹാരം ലഭിക്കുന്നതിനായി പെര്‍മനെന്റ് ലോക് അദാലത്തില്‍ നല്‍കിയ പരാതിയുടെ വിധിപ്രകാരം എത്രപേര്‍ക്ക് നഷ്ടപരിഹാരം നല്‍കേണ്ടതായിട്ടുണ്ടെന്ന് വ്യക്തമാക്കാമോ;

പ്രസ്തുത തുക ലഭിക്കുന്നതിനായി വെെപ്പിന്‍ മണ്ഡലത്തിലെ പി.വി. അനില്‍വാസ്, ഷാലു കെ.കെ., കെ.സി. അംബ്രോസ്, ഷീജ സത്യന്‍ തുടങ്ങിയവര്‍ എം.എല്‍.എ. മുഖാന്തരം മുഖ്യമന്ത്രിക്ക് സമര്‍പ്പിച്ചിരുന്ന നിവേദനങ്ങളില്‍ സ്വീകരിച്ചിട്ടുളള നടപടി വിശദമാക്കാമോ;

പ്രസ്തുത വ്യക്തികള്‍ക്ക് എന്നത്തേയ്ക്ക് നഷ്ടപരിഹാരം ലഭ്യമാക്കാന്‍ സാധിക്കുമെന്ന് അറിയിക്കാമോ?

റീബില്‍ഡ് കേരള പദ്ധതിയില്‍ പുതിയ പ്രവൃത്തികള്‍ അനുവദിക്കുന്നതിന് നടപടി സ്വീകരിച്ചിട്ടുണ്ടോ; എങ്കിൽ അറിയിക്കുമോ;

ഈ സര്‍ക്കാര്‍ അധികാരത്തില്‍ വന്നശേഷം ദേവികുളം മണ്ഡലത്തില്‍ റീബില്‍ഡ് കേരള പദ്ധതി പ്രകാരം ഏതൊക്കെ പ്രവൃത്തികള്‍ അനുവദിച്ചിട്ടുണ്ടെന്ന് അറിയിക്കുമോ; അവയുടെ വിശദാംശം ലഭ്യമാക്കാമോ?

സംസ്ഥാനത്തെ മനുഷ്യ-വന്യജീവി സംഘര്‍ഷം പ്രത്യേക ദുരന്തമായി സര്‍ക്കാര്‍ പ്രഖ്യാപിച്ച സാഹചര്യത്തില്‍ വന്യജീവി ആക്രമണംമൂലം ഉണ്ടാകുന്ന നാശനഷ്ടങ്ങള്‍ക്ക് ദുരന്തനിവാരണ ഫണ്ടില്‍ നിന്നും ധനസഹായം അനുവദിക്കുന്നതിന് നടപടി സ്വീകരിച്ചിട്ടുണ്ടോ;

03.03.2025-ന് ആനയുടെ ആക്രമണത്തില്‍ നിന്നും രക്ഷപ്പെടാന്‍ ശ്രമിക്കുന്നതിനിടയില്‍ മരണപ്പെട്ട കോട്ടപ്പടി കൂവക്കണ്ടം സ്വദേശി കുഞ്ഞപ്പന്‍ എന്ന വ്യക്തിയുടെ കുടുംബത്തിന് ദുരന്തനിവാരണ ഫണ്ടില്‍ നിന്നും ധനസഹായം നല്‍കുന്നതിന് നടപടി സ്വീകരിക്കുമോ; വ്യക്തമാക്കുമോ?

മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും ചികിത്സാ ധനസഹായത്തിനായി അപേക്ഷ സമര്‍പ്പിക്കുമ്പാേള്‍ മെഡിക്കല്‍/എക്സപന്‍ഡിച്ചര്‍ സര്‍ട്ടിഫിക്കറ്റില്‍ സൂചിപ്പിച്ചിട്ടുള്ള തുകയ്ക്ക് തുല്യമായ ബില്ലുകള്‍ ഹാജരാക്കണമെന്ന് നിഷ്കര്‍ഷിച്ചിട്ടുണ്ടാേ; വിശദമാക്കാമാേ;

പ്രസ്തുത കാരണത്താല്‍ വില്ലേജ് ഓഫീസര്‍മാര്‍ അപേക്ഷകള്‍ തടഞ്ഞു വയ്ക്കുകയാേ നിരസിക്കുകയാേ അപേക്ഷകനാേട് ബില്ലുകള്‍ ആവശ്യപ്പെടുകയാേ ചെയ്യുന്നതുമൂലം പല അപേക്ഷകളും ബഹു. മുഖ്യമന്ത്രി മുൻപാകെ എത്തുന്നതിന് മുൻപ് തന്നെ നിരസിക്കപ്പെടുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടാേ; ഉണ്ടെങ്കില്‍ ആയത് പരിഹരിയ്ക്കുന്നതിന് കെെക്കാെണ്ട നടപടികള്‍ വിശദീകരിക്കാമാേ?

പയ്യന്നൂര്‍ മണ്ഡലത്തിലെ രാമന്തളി ഗ്രാമപഞ്ചായത്തിലെ തൊഴിലുറപ്പ് ജോലിക്കിടെയുണ്ടായ വാഹനാപകടത്തിൽ മൂന്നു സ്ത്രീ തൊഴിലാളികള്‍ മരിയ്ക്കാനിടയായ അപകടത്തില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും സാമ്പത്തികസഹായം അനുവദിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കാമോ;

ഇത് ഒരു പ്രത്യേക കേസായി പരിഗണിച്ച് പരമാവധി സാമ്പത്തിക സഹായം അനുവദിക്കണമെന്ന് ആവശ്യപ്പെട്ട് അപേക്ഷ ലഭിച്ചിട്ടുണ്ടോയെന്നും ഇത് അനുവദിക്കുന്ന കാര്യം പരിഗണനയിലുണ്ടോയെന്നും വ്യക്തമാക്കാമോ?

ചൂരല്‍മല ദുരന്തത്തെ തുടര്‍ന്നുളള വയനാട് പുനരധിവാസത്തിനായി നാളിതുവരെ സാലറി ചലഞ്ച് ഇനത്തില്‍ എത്ര തുക ലഭിച്ചുവെന്ന് വ്യക്തമാക്കുമോ;

ഓരോ വകുപ്പില്‍ നിന്നും ലഭിച്ച തുക ഇനം തിരിച്ച് ലഭ്യമാക്കുമോ?

വയനാട്ടിലുണ്ടായ പ്രകൃതി ദുരന്തത്തെ കേന്ദ്രസര്‍ക്കാര്‍ ഏത് ഗണത്തിലാണ് ഉള്‍പ്പെടുത്തിയിട്ടുള്ളതെന്ന് വ്യക്തമാക്കാമോ; ഇതുവഴി സംസ്ഥാന സര്‍ക്കാരിന് ഏതൊക്കെ തരത്തിലുള്ള ഫണ്ടുകള്‍ സ്വരൂപിക്കാന്‍ അനുമതിയുണ്ടാവുമെന്ന് വിശദമാക്കാമോ;

കേരളത്തില്‍ നിന്നുള്ള ഏതൊക്കെ എം.പി. മാര്‍ തങ്ങളുടെ പ്രാദേശിക വികസന ഫണ്ടില്‍ നിന്ന് വയനാട് ദുരിതാശ്വാസത്തിനായി എത്ര രൂപ വീതം നല്‍കിയിട്ടുണ്ടെന്ന് വ്യക്തമാക്കാമോ;

കേരളത്തില്‍ നിന്നുള്ള ഓരോ എം.പി.മാരും തങ്ങളുടെ ശമ്പളത്തില്‍ നിന്ന് എത്ര രൂപ വീതം വയനാട് ദുരിതാശ്വാസ നിധിയിലേക്ക് നല്‍കിയിട്ടുണ്ട് എന്നത് വിശദമാക്കാമോ;

സംസ്ഥാനത്തിന് പുറത്ത് നിന്നുള്ള ഏതെങ്കിലും എം.പി.മാര്‍ തങ്ങളുടെ ശമ്പളത്തില്‍ നിന്നോ പ്രാദേശിക വികസന ഫണ്ടില്‍ നിന്നോ വയനാട് ദുരിതാശ്വാസത്തിനായി തുക നല്‍കിയിട്ടുണ്ടോ; വിശദാംശം ലഭ്യമാക്കാമോ?

താനൂർ ബോട്ട് ദുരന്തത്തിൽ പരിക്കുപറ്റിയവരുടെ ചികിത്സ സർക്കാർ ഏറ്റെടുക്കുമെന്ന് പ്രഖ്യാപിച്ചിരുന്നോ; വിശദമാക്കാമോ;

പ്രസ്തുത ബോട്ട് ദുരന്തത്തിൽ പരിക്കുപറ്റിയ എത്രപേർക്ക് സർക്കാർ സൗജന്യ ചികിത്സ നൽകി വരുന്നുണ്ട്; ആളുകളുടെ പേരും ആശുപത്രിയും ഇനം തിരിച്ച് വ്യക്തമാക്കാമോ?

വയനാട് മുണ്ട​ക്കൈ-ചൂരൽമല ഉരുൾപൊട്ടൽ ദുരന്തത്തിനിരയായവരുടെ പുനരധിവാസ പ്രവർത്തനങ്ങൾ എന്നുമുതൽ ആരംഭിക്കാനാണ് ഉദ്ദേശിക്കുന്നത്; വിശദമാക്കുമോ;

പുനരധിവാസത്തിനുളള ഗുണഭോക്തൃ ലിസ്റ്റിൽ അപാകതകൾ ഉളളതായി പരാതി ഉണ്ടായിട്ടുണ്ടോ; എങ്കിൽ അതു പരിഹരിക്കാൻ എന്തെല്ലാം നടപടികൾ സ്വീകരിച്ചുവെന്ന് അറിയിക്കുമോ;

പുനരധിവാസ നടപടികൾ പൂർണ്ണമായി എന്നത്തേയ്ക്ക് പൂർത്തിയാക്കാൻ കഴിയുമെന്നാണ് കരുതുന്നത്; വ്യക്തമാക്കുമോ?

സംസ്ഥാനത്ത് അതിരൂക്ഷമായിക്കൊണ്ടിരിക്കുന്ന വരള്‍ച്ചമൂലം ഉണ്ടായിട്ടുള്ള കെടുതികള്‍ വിലയിരുത്തിയിട്ടുണ്ടോ; വരള്‍ച്ച നേരിടുന്നതിന് നിലവിൽ സ്വീകരിച്ചിട്ടുള്ള നടപടികള്‍ വിശദമാക്കാമോ;

വരള്‍ച്ചമൂലം സംസ്ഥാനത്തുളവായിട്ടുള്ള അടിയന്തര സാഹചര്യം നേരിടുന്നതിന് പ്രത്യേക ഫണ്ട് അനുവദിച്ചിട്ടുണ്ടോ; ഇല്ലെങ്കില്‍ വരള്‍ച്ച നേരിടാന്‍ പ്രത്യേക കര്‍മ്മപദ്ധതി ആവിഷ്കരിക്കുമോ; വ്യക്തമാക്കാമോ;

രൂക്ഷമായ കുടിവെള്ള പ്രശ്നം പരിഹരിക്കുന്നതിന് ദുരന്തനിവാരണ വകുപ്പ് കര്‍മ്മപദ്ധതികള്‍ രൂപീകരിച്ചിട്ടുണ്ടോ; വ്യക്തമാക്കാമോ;

വരള്‍ച്ച നേരിടുന്നതിന് കേന്ദ്രസര്‍ക്കാർ മുമ്പാകെ പ്രൊപ്പോസലുകൾ സമര്‍പ്പിച്ചിട്ടുണ്ടോയെന്നും അവ പരിഗണിച്ചോയെന്നും വ്യക്തമാക്കാമോ;

പ്രസ്തുത വിഷയത്തിൽ കേന്ദ്രസര്‍ക്കാരിൽ നിന്ന് സഹായം ലഭ്യമായിട്ടുണ്ടോയെന്നും ആവശ്യപ്പെട്ട സാമ്പത്തിക സഹായം എത്രയായിരുന്നുവെന്നും വിശദമാക്കാമോ?

കാലാവസ്ഥാ വ്യതിയാനം മൂലം വേമ്പനാട്ട് കായലില്‍ നിന്നും കൈവഴികളില്‍ നിന്നും ജനവാസകേന്ദ്രങ്ങളിലേക്ക് മുന്‍പില്ലാത്തവിധം ഓരുവെള്ളം കയറുന്നതിനാല്‍ വൈപ്പിന്‍, കൊച്ചി ഉള്‍പ്പെടെയുള്ള തീരദേശ മണ്ഡലങ്ങളിലെ ജനങ്ങള്‍ അനുഭവിക്കുന്ന ദുരിതങ്ങളും നഷ്ടങ്ങളും പരിഹരിക്കുവാന്‍ ദുരന്തനിവാരണ വകുപ്പ് നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

ദുരന്തനിവാരണ വകുപ്പ് ഈ പ്രദേശങ്ങളെ സംബന്ധിച്ച പഠന റിപ്പോര്‍ട്ടുകളില്‍ എന്തെങ്കിലും നടപടി സ്വീകരിച്ചിട്ടുണ്ടോ;

വൈപ്പിന്‍കരയുടെ കിഴക്ക് ഭാഗത്തുള്ള വീരന്‍പുഴയിലും കൊച്ചിന്‍ കോര്‍പ്പറേഷനിലെ 15, 16, 17 ഡിവിഷനുകളോടും നഗരപ്രദേശത്തോടും ചേര്‍ന്ന് കിടക്കുന്ന കായലുകളിലും അടിഞ്ഞുകൂടിയിരിക്കുന്ന എക്കലും ചെളിയും നീക്കം ചെയ്യാത്തതിനാലും പുഴയോടും തോടുകളോടും ചേര്‍ന്ന് കിടക്കുന്ന ഭൂമി പാര്‍ശ്വഭിത്തി കെട്ടി സംരക്ഷിക്കുന്നതിനാലും ഭൂരിഭാഗം പ്രദേശങ്ങളും റോഡുകളും വെള്ളത്തിനടിയിലാകുന്നതിനാൽ ജനങ്ങളുടെ ഭൂമിയും വസ്തുവകകളും നഷ്ടമാകുന്ന ദുരവസ്ഥ കണക്കിലെടുത്ത് ഈ പ്രദേശങ്ങളില്‍ വകയിരുത്തിയിരിക്കുന്ന വിവിധ പദ്ധതികള്‍ പ്രകാരമുള്ള തുകകള്‍ സമയബന്ധിതമായി വിനിയോഗിക്കാനും കൂടുതല്‍ തുക വകയിരുത്താനുമുള്ള നടപടികൾ സ്വീകരിക്കുമോ;

വൈപ്പിന്‍, കൊച്ചി, എറണാകുളം മണ്ഡലങ്ങളിലെയും കൊച്ചി കോര്‍പ്പറേഷനിലെയും ഓരുവെള്ളത്താലും കടലാക്രമണത്താലും ബുദ്ധിമുട്ട് അനുഭവിക്കുന്ന പ്രദേശങ്ങളില്‍ ഭാവിയില്‍ ദുരന്തങ്ങള്‍ സംഭവിക്കാതിരിക്കുന്നതിനായി ദുരന്തനിവാരണ വകുപ്പിന്റെയും ബന്ധപ്പെട്ട വകുപ്പുകളുടെയും സംയുക്തയോഗം വിളിച്ചുചേര്‍ക്കാന്‍ നടപടി സ്വീകരിക്കുമോ?

റീ ബില്‍ഡ് കേരള ഇന്‍ഷ്യേറ്റീവ് പദ്ധതിയില്‍ ഉള്‍പ്പെടുത്തി ഭരണാനുമതി ലഭിച്ച കായംകുളം മണ്ഡലത്തിലെ ഭരണിക്കാവ് ഗ്രാമപഞ്ചായത്തില്‍ ഉള്‍പ്പെട്ട വാര്‍ഡ് 4 കറ്റാനം വില്ലേജ് ഓഫീസ് കാട്ടൂരേത്ത് റാേഡ്, ചെട്ടികുളങ്ങര ഗ്രാമപഞ്ചായത്തിലെ വാര്‍ഡ് 18 പാട്ടത്തില്‍ മുന്ന്- ഗുരുമന്ദിരം-ചക്കാട റാേഡ് എന്നീ പ്രവൃത്തികള്‍ നാളിതുവരെ ആരംഭിക്കുവാന്‍ കഴിഞ്ഞിട്ടില്ല എന്ന വസ്തുത ശ്രദ്ധയില്‍പെട്ടിട്ടുണ്ടാേ; എങ്കില്‍ ഇതിന്റെ തടസ്സങ്ങള്‍ എന്താണ് എന്നും, നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് ആരംഭിക്കാന്‍ കഴിയുമെന്നും വിശദമാക്കാമാേ?

ഈ സര്‍ക്കാര്‍ അധികാരത്തില്‍ വന്നതിനുശേഷം പാലക്കാട് ജില്ലയില്‍ റീബില്‍ഡ് കേരളയില്‍ ഉൾപ്പെടുത്തി എത്ര പദ്ധതികള്‍ പുതുതായി അനുവദിച്ചിട്ടുണ്ടെന്ന് വിശദമാക്കാമോ?

കായംകുളം മണ്ഡലത്തിലെ കന്നീസക്കടവ് പാലം, കോയിക്കല്‍പ്പടി പാലം, മാര്‍ക്കറ്റ് പാലം, പത്തിയൂര്‍ പാലം എന്നിവയുടെ നിര്‍മ്മാണത്തിനായി ഇന്‍ലാന്‍ഡ് നാവിഗേഷന്റെ എന്‍.ഒ.സി. ലഭിക്കുന്നതുമായി ബന്ധപ്പെട്ട നടപടികളുടെ പുരോഗതി വിശദമാക്കാമോ?

ആലപ്പുഴ ജില്ലയില്‍ മാവേലിക്കര മണ്ഡലത്തിലെ ദേവപ്പുരക്കല്‍ പാലം നിര്‍മ്മാണത്തിന് വേണ്ടി വെര്‍ട്ടിക്കല്‍ ക്ലിയറന്‍സ്, ഹൊറിസോണ്ടല്‍ ക്ലിയറന്‍സ് എന്നിവയില്‍ ഇളവ് ആവശ്യപ്പെട്ട് പൊതുമരാമത്ത് പാലങ്ങള്‍ വിഭാഗം ഇന്‍ലാന്‍ഡ് നാവിഗേഷന്‍ വിഭാഗത്തിന് നല്കിയ കത്ത് ശ്രദ്ധയില്‍പ്പെട്ടിട്ടുണ്ടോ;

ആലപ്പുഴ ജില്ലയിലെ വിവിധ പാലങ്ങള്‍ക്ക് ക്ലിയറന്‍സില്‍ ഇന്‍ലാന്‍ഡ് നാവിഗേഷന്‍ ഇളവ് നല്കിയത് ശ്രദ്ധയില്‍പ്പെട്ടിട്ടുണ്ടോ;

ജലഗതാഗതമില്ലാത്ത കനാലിന് മുകളിലൂടെ നിര്‍മ്മിക്കുന്ന ദേവപ്പുരക്കല്‍ പാലത്തിന്റെ വെര്‍ട്ടിക്കല്‍-ഹൊറിസോണ്ടല്‍ ക്ലിയറന്‍സില്‍ ഇളവ് ലഭിക്കുന്നതിന് നടപടികള്‍ സ്വീകരിക്കുമോ?

സംസ്ഥാന ജലപാതയായ ഈസ്റ്റ്-വെസ്റ്റ് കനാൽ എന്നത്തേക്ക് കമ്മീഷൻ ചെയ്യാൻ കഴിയുമെന്നാണ് പ്രതീക്ഷിക്കുന്നത്; വിശദാംശം ലഭ്യമാക്കുമോ;

കോവളം മുതൽ ബേക്കൽ വരെയുള്ള ജലപാതയിൽ എത്ര കിലോമീറ്ററാണ് പൂർത്തിയാക്കാൻ കഴിഞ്ഞിട്ടുള്ളതെന്നും പൂര്‍ണ്ണതോതില്‍ അതിന്റെ പ്രവൃത്തി എന്നത്തേക്ക് പൂർത്തിയാക്കുമെന്നും അറിയിക്കുമോ;

കോവളം-ബേക്കൽ ജലപാത വികസനത്തിന്റെ ഒന്നാം ഘട്ടത്തിൽ പൂർത്തിയായ പ്രവൃത്തികൾ ഏതൊക്കെയെന്നും രണ്ടാം ഘട്ടത്തില്‍ ഉൾപ്പെടുത്തിയിട്ടുള്ള പ്രവൃത്തികള്‍ ഏതൊക്കെയാണെന്നും അവയില്‍ ഏതൊക്കെ പൂർത്തിയായിട്ടുണ്ടെന്നും വ്യക്തമാക്കാമോ;

കോവളം മുതൽ വർക്കല വരെയുള്ള ലാൻഡ് അക്വിസിഷനും തുടർന്നുള്ള റീഹാബിലിറ്റേഷൻ പ്രവർത്തനങ്ങളും നിലവിൽ ഏതു ഘട്ടത്തിലാണെന്നും ഇതിനായി എത്ര തുക അനുവദിച്ചിട്ടുണ്ടെന്നും എത്ര വിതരണം ചെയ്തുവെന്നും എത്ര കുടുംബങ്ങളെ പുനരധിവസിപ്പിച്ചിട്ടുണ്ടെന്നും വിശദമാക്കാമോ;

വെസ്റ്റ്-കോസ്റ്റ് കനാലിന്റെ ഭാഗമായ പാർവ്വതി പുത്തനാർ, ജലപാത നിലവാരത്തിലേക്ക് വികസിപ്പിക്കുന്നതിനായി ആവിഷ്കരിച്ച പദ്ധതികൾ എന്തെല്ലാമാണെന്നും അവയിൽ ഏതെല്ലാം പ്രവൃത്തികൾ പൂർത്തിയായെന്നും അറിയിക്കുമോ;

കോവളം മുതല്‍ കൊല്ലം വരെയുള്ള ജലപാത വികസനത്തിനായി എത്ര തുകയാണ് അനുവദിച്ചിട്ടുള്ളത്; പ്രസ്തുത ഭാഗം എന്നത്തേക്ക് പൂര്‍ത്തീകരിക്കുമെന്ന് വ്യക്തമാക്കുമോ?

നാദാപുരം മണ്ഡലത്തിലെ മുട്ടുങ്ങള്‍-നാദാപുരം സ്റ്റേറ്റ് ഹൈവേയിലെ ഇന്ത്യൻ നാവിഗേഷന്‍ ജലപാത കടന്ന് പോകുന്ന കളിയാംവള്ളി പാലം നിര്‍മ്മാണത്തിന്റെ പ്രാരംഭ നടപടികള്‍ വിശദമാക്കുമോ?

തിരൂരങ്ങാടി മണ്ഡലത്തിലെ ന്യൂ കട്ട് റെഗുലേറ്ററിന്റെ ചോർച്ച തടയാൻ ആവശ്യമായ അറ്റകുറ്റപ്പണികൾ നടത്തുന്നതിനുള്ള നടപടി സ്വീകരിക്കുമോ;

റെഗുലേറ്ററിന്റെ ചോർച്ച കാരണം ശുദ്ധജലം കടലിലേക്ക് ഒഴുകി ഉപയോഗശൂന്യമാകുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ?

വിവിധ വിദേശ രാജ്യങ്ങളില്‍ തൊഴിലില്‍ ഏര്‍പ്പെട്ടിരിക്കുന്ന മലയാളികളുടെ വിശദാംശം ലഭ്യമാക്കുമോ;

അനധികൃത റിക്രൂട്ടിംഗ് ഏജന്‍സികളുടെ തട്ടിപ്പിന് ഇരയായി റഷ്യയില്‍ കൂലിപ്പട്ടാളത്തില്‍ സേവനം ചെയ്യാന്‍ നിര്‍ബന്ധിതരായ മലയാളികളുടെ വിശദാംശം അറിയിക്കാമോ; ഇവരുടെ മോചനത്തിനായി എന്ത് നടപടി സ്വീകരിച്ചുവെന്ന് അറിയിക്കാമോ;

യുവാക്കളെ വിവിധ നിയമ വിരുദ്ധ പ്രവര്‍ത്തനങ്ങള്‍ക്കും ജോലികള്‍ക്കുമായി വിദേശത്തേക്ക് റിക്രൂട്ട് ചെയ്യുന്നതിന് സംസ്ഥാനത്ത് പ്രവർത്തിക്കുന്ന സ്ഥാപനങ്ങള്‍ക്കെതിരെ സര്‍ക്കാര്‍ എന്ത് നടപടിയാണ് സ്വീകരിച്ചതെന്ന് വിശദമാക്കാമോ?

പ്ര​വാ​സി വെ​ൽ​​ഫെ​യ​ർ ബോ​ർഡ് അംഗങ്ങൾക്കുള്ള പെൻഷന്‍ ലഭിക്കുന്നതിന് സമയബന്ധിതമായി അപേക്ഷിക്കാൻ കഴിയാതെ പോയ 60 വയസ്സ് കഴിഞ്ഞ പ്രവാസികൾക്ക് കുടിശികയും പിഴയും അടച്ച് പെൻഷന് അപേക്ഷിക്കാൻ നിലവിലുള്ള നിയമത്തിൽ ഭേദഗതി വരുത്താന്‍ നടപടി സ്വീകരിക്കുമോ?

പ്രവാസി കേരളീയ ക്ഷേമ ബോര്‍ഡില്‍ പെന്‍ഷന് അപേക്ഷിക്കുന്നതിനുള്ള പ്രായം എത്രയാണ്;

പ്രവാസി പെന്‍ഷന് അപേക്ഷിക്കുന്ന 60 വയസ്സിന് മുകളില്‍ പ്രായമുള്ളവർക്ക് അംശാദായം കുടിശ്ശിക ഉണ്ടെങ്കില്‍ കുടിശ്ശിക ഒറ്റത്തവണയായി സ്വീകരിച്ച് പെന്‍ഷന്‍ അനുവദിക്കുന്നതിന് നടപടി സ്വീകരിക്കാമോ?

സംസ്ഥാനത്ത് കേസില്ലാ സർട്ടിഫിക്കറ്റ് പുതുരൂപത്തിൽ നൽകിവരുന്നുണ്ടോ; വിശദീകരിക്കാമോ;

എഫ്.ഐ.ആർ. ഇട്ടുവെങ്കിലും ക്വാഷ് ആയ കേസ്സുകളുടെയും തീർപ്പായ കേസ്സുകളുടെയും വിവരം സർട്ടിഫിക്കറ്റിൽ ഉൾപ്പെടുത്തുമോ; വിശദമാക്കാമോ;

ക്രിമിനൽ കേസ്സുകളിൽ പ്രതിയായി ജയിലിലാകുന്നവർ പിന്നീട് കുറ്റവിമുക്തരാകുമ്പോൾ ക്രിമിനൽ പശ്ചാത്തലം ഉണ്ടെന്ന രീതിയിൽ പോലീസ് സ്റ്റേഷനിൽ നിന്നും നൽകുന്ന സർട്ടിഫിക്കറ്റിൽ പ്രസ്തുത വിവരങ്ങൾ ഉൾപ്പെടുത്തുമോ; വിശദമാക്കാമോ;

രാഷ്ട്രീയ കേസ്സുകളിൽ പെടുന്നവർക്ക് ഏതു തരം സർട്ടിഫിക്കറ്റാണ് നൽകുിവരുന്നത്; വ്യക്തമാക്കാമോ?

സംസ്ഥാനത്ത് കുട്ടികൾക്കിടയിലെ കുറ്റകൃത്യങ്ങൾ വർദ്ധിച്ചുവരുന്നതായി ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഈ സർക്കാരിന്റെ കാലത്ത് എത്ര കുട്ടികൾക്കെതിരെയാണ് സോഷ്യൽ ബാക്ക് ഗ്രൗണ്ട് റിപ്പോർട്ട് രജിസ്റ്റർ ചെയ്തിട്ടുള്ളത്; വർഷവും ജില്ലയും തിരിച്ചുള്ള കണക്ക് ലഭ്യമാക്കുമോ;

കൊലപാതക കേസുകൾ രജിസ്റ്റർ ചെയ്യപ്പെട്ട എത്ര പേർ കുട്ടികൾക്കുള്ള ജയിലുകളിൽ കഴിയുന്നുണ്ട്; കണക്ക് ലഭ്യമാക്കുമോ;

കുട്ടികൾക്കിടയിലെ കുറ്റകൃത്യങ്ങൾ തടയുന്നതിന് എന്തെല്ലാം നടപടികളാണ് സർക്കാർ സ്വീകരിച്ചിട്ടുള്ളത്; വ്യക്തമാക്കുമോ?

ഈ സർക്കാരിന്റെ കാലത്ത് ഓരോവർഷവും പ്രായപൂർത്തിയാകാത്തവർ പ്രതികളായ എത്ര കൊലപാതക കേസുകൾ, ലൈംഗിക പീഡന കേസുകൾ, അക്രമ കേസുകൾ എന്നിവ രജിസ്റ്റർ ചെയ്തിട്ടുണ്ട്; എത്ര കേസുകളിൽ കുറ്റവാളികൾ ശിക്ഷിക്കപ്പെട്ടിട്ടുണ്ട്; പ്രസ്തുത കുറ്റവാളികൾക്ക് ലഭിച്ചിട്ടുള്ള പരമാവധി ശിക്ഷ എന്താണ്; വിശദമാക്കാമോ;

കുട്ടികൾ ആസൂത്രിതമായി കുറ്റകൃത്യം ചെയ്യുന്നത് തടയാൻ എന്തൊക്കെ പ്രതിരോധ നടപടികളാണ് പോലീസ് സംവിധാനം ആവിഷ്കരിച്ചിട്ടുള്ളതെന്ന് വ്യക്തമാക്കുമോ?

പൊലീസ് വകുപ്പിൽ ഒരേ സ്റ്റാൻഡിങ് ഓർഡർ പ്രകാരം ഡ്യൂട്ടി ചെയ്യുന്ന ബറ്റാലിയനിലെയും ക്ലോസ്ഡ് എ.ആർ.-ലെയും എ.എസ്.ഐ. മുതൽ മുകളിലോട്ടുള്ള ഓഫീസർമാരിൽ ബറ്റാലിയനിലെ ഓഫീസർമാർക്ക് എച്ച്.ആർ.എ. അനുവദിക്കുകയും ക്ലോസ്ഡ് എ.ആർ.-ലെ ഓഫീസർമാർക്ക് എച്ച്.ആർ.എ. അനുവദിക്കാതിരിക്കുകയും ചെയ്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ക്ലോസ്ഡ് എ.ആർ.-ലെ എ.എസ്.ഐ. മുതൽ മുകളിലോട്ടുള്ള ഓഫീസർമാർക്ക് എച്ച്.ആർ.എ. ലഭ്യമാക്കുവാൻ വേണ്ട നടപടി സ്വീകരിക്കുമോ; വിശദമാക്കാമോ?

സിവില്‍ പോലീസ് ഓഫീസര്‍ തസ്തികയിലെ റാങ്ക് ലിസ്റ്റിൽ നിന്നുള്ള (കാറ്റഗറി നമ്പര്‍ 537/2022) നിയമനത്തിനായി എത്ര ഒഴിവുകളാണ് ഇതുവരെ റിപ്പോര്‍ട്ട് ചെയ്തിട്ടുളളത്; ബറ്റാലിയന്‍ തിരിച്ചുളള കണക്ക് ലഭ്യമാക്കാമോ;

പ്രസ്തുത തസ്തികയിലേയ്ക്ക് ഇനി എത്ര ഒഴിവുകള്‍ റിപ്പോര്‍ട്ട് ചെയ്യാനുണ്ട്; ബറ്റാലിയന്‍ തിരിച്ചുളള കണക്ക് ലഭ്യമാക്കാമോ;

എ.ആര്‍. ട്രാന്‍സ്ഫര്‍ വഴിയുളള ഒഴിവുകള്‍, പ്രൊമോഷന്‍ ഒഴിവുകള്‍, ആര്‍.ആര്‍.ആര്‍.എഫ്, എസ്.ഐ.എസ്.എഫ്. എന്നിവയിലേക്ക് ഡെപ്യൂട്ടേഷനില്‍ പോയത് മൂലമുണ്ടായ ഒഴിവുകള്‍ എന്നിവ എത്രയെന്നും അവ റിപ്പോര്‍ട്ട് ചെയ്തിട്ടുണ്ടോയെന്നും വിശദമാക്കുമോ; റിപ്പോര്‍ട്ട് ചെയ്തിട്ടില്ലെങ്കില്‍ ആയതിനുളള നടപടികള്‍ സ്വീകരിക്കുമോ; പ്രസ്തുത ഒഴിവുകളുടെ വിവരം ബറ്റാലിയന്‍ തിരിച്ചു നല്‍കാമോ;

2025 ഏപ്രിലിൽ അവസാനിക്കുന്ന സിവില്‍ പോലീസ് ഓഫീസര്‍ റാങ്ക് ലിസ്റ്റിൽ നിന്ന് പരമാവധി നിയമനങ്ങള്‍ നടത്തുന്നതിനുളള നടപടി സ്വീകരിക്കുമോ; വിശദമാക്കുമോ?

കായംകുളം പോലീസ് ക്വാര്‍ട്ടേഴ്സ് കാലപ്പഴക്കത്താല്‍ ജീര്‍ണ്ണാവസ്ഥയിലായി താമസയോഗ്യമല്ലാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത കെട്ടിടങ്ങള്‍ പൊളിച്ച് മാറ്റി പുതിയ കെട്ടിടം നിര്‍മ്മിക്കുന്നതിനാവശ്യമായ നടപടി സ്വീകരിക്കുമോ?

പോലീസ് സൈബർ വാൾ പദ്ധതി എന്താണെന്ന് വിശദീകരിക്കാമോ;

സംസ്ഥാനത്ത് സൈബർ കുറ്റകൃത്യങ്ങൾ വർദ്ധിച്ചു വരുന്ന സാഹചര്യത്തിൽ കുറ്റകൃത്യങ്ങളിൽ ഏർപ്പെടുന്നവർക്ക് കനത്ത ശിക്ഷ നൽകുന്നതിനായി നിയമനിർമ്മാണം കൊണ്ടുവരുന്ന കാര്യം പരിശോധിക്കുമോ; വിശദമാക്കാമോ;

കുറ്റകൃത്യങ്ങൾ പെരുകുന്ന സാഹചര്യത്തിൽ ഇതിന് സഹായകരമായി വർത്തിക്കുന്ന ആപ്പുകളും വെബ്സൈറ്റുകളും സിം കാർഡുകളും നിർവ്വീര്യമാക്കുവാൻ നടപടി സ്വീകരിക്കുമോ; വ്യക്തമാക്കുമോ?

സംസ്ഥാന പോലീസ് സേനയിലേക്കുള്ള സി.പി.ഒ. നിയമനം നടത്തുന്നതിനായി 14.04.2024-ൽ വന്ന റാങ്ക് ലിസ്റ്റിൽ നിന്നും ഇതുവരെ എത്ര നിയമനങ്ങൾ നടത്തിയെന്ന് അറിയിക്കാമോ; എത്ര പേരുടെ റാങ്ക് ലിസ്റ്റാണ് തയ്യാറാക്കപ്പെട്ടിട്ടുള്ളതെന്നും ഇതിന് എന്ന് വരെയാണ് കാലാവധിയെന്നും അറിയിക്കാമോ;

സാമ്പത്തിക പ്രതിസന്ധിയുടെ പേരിൽ റിട്ടയർമെന്റ് ഒഴിവുകളിൽ മാത്രം നിയമനം നടത്താനും സ്ഥാനക്കയറ്റം വഴിയുണ്ടാകുന്ന ഒഴിവുകളിൽ നിയമനം നടത്തേണ്ടതില്ലെന്നും നിർദ്ദേശം നൽകിയിട്ടുണ്ടോ; വ്യക്തമാക്കുമോ;

തിരുവനന്തപുരം സ്പെഷ്യൽ ആംഡ് പോലീസ് ബറ്റാലിയനിൽ സി.പി.ഒ. മാരുടെ എത്ര തസ്തികകളാണ് അനുവദനീയമായിട്ടുള്ളത്; ആയതിൽ നിലവിൽ എത്ര പേരുണ്ട്; നിലവിലെ അംഗസംഖ്യ കുറവായതിന്റെ കാരണങ്ങൾ വിശദമാക്കുമോ; ഇപ്രകാരം വേക്കൻസികൾ തടഞ്ഞു വയ്ക്കപ്പെടാനുണ്ടായ സാഹചര്യം വിശദമാക്കുമോ;

സംസ്ഥാന പോലീസ് സേനയിലെ അംഗബലം വർദ്ധിപ്പിച്ച് പോലീസുകാരുടെ ജോലിഭാരം കുറക്കാനും മാനസിക സംഘർഷം ലഘൂകരിക്കാനും നിലവിലെ സി.പി.ഒ. റാങ്ക് ലിസ്റ്റില്‍ നിന്നും പരമാവധി നിയമനങ്ങൾ നടത്തുന്നതിനും അടിയന്തര നടപടി സ്വീകരിക്കാമോ?

നാദാപുരം മണ്ഡലത്തിലെ നാദാപുരം, എടച്ചേരി, വളയം, തൊട്ടില്‍പ്പാലം പോലീസ് സ്റ്റേഷന്‍ പരിധികളില്‍ കാര്‍ഷിക വിളകള്‍ സംരക്ഷിക്കാന്‍ തോക്ക് ലൈസന്‍സ് ആര്‍ക്കൊക്കെ അനുവദിച്ചിട്ടുണ്ടെന്ന് പോലീസ് സ്റ്റേഷന്‍ തിരിച്ച് വിവരം ലഭ്യമാക്കാമോ;

കാര്‍ഷിക വിളകള്‍ സംരക്ഷിക്കാന്‍ തോക്ക് ലൈസന്‍സ് അനുവദിക്കുന്നതിനുള്ള മാനദണ്ഡങ്ങള്‍ വ്യക്തമാക്കാമോ;

നിലവില്‍ പ്രസ്തുത പോലീസ് സ്റ്റേഷന്‍ പരിധികളില്‍ കാര്‍ഷികവിള സംരക്ഷിക്കുന്നതിനായി കര്‍ഷകര്‍ക്ക് തോക്ക് ലൈസെന്‍സ് അനുവദിക്കുന്നതിന് തടസ്സങ്ങള്‍ ഉണ്ടോയെന്നും ഉണ്ടെങ്കില്‍ കാരണവും വ്യക്തമാക്കാമോ;

പ്രസ്തുത ആവശ്യത്തിന് നിലവില്‍ എത്ര അപേക്ഷകരുണ്ടെന്നും അവരുടെ പേര് വിവരങ്ങളും ലഭ്യമാക്കാമോ?

ഈ സർക്കാരിന്റെ കാലത്ത് സ്റ്റുഡന്റ് പോലീസ് കേഡറ്റ് പദ്ധതിക്കായി ഓരോ വര്‍ഷവും ചിലവഴിച്ച തുകയുടെ വിശദാംശം ലഭ്യമാക്കാമോ;

സംസ്ഥാനത്ത് നിലവില്‍ എത്ര കുട്ടികള്‍ പ്രസ്തുത പദ്ധതിയുടെ ഭാഗമായി പ്രവര്‍ത്തിക്കുന്നു; ജില്ല തിരിച്ച് വ്യക്തമാക്കാമോ;

പ്രസ്തുത പദ്ധതിയുടെ ഭാഗമായി പ്രവര്‍ത്തിക്കുന്ന കുട്ടികള്‍ക്ക് നിലവില്‍ എന്തൊക്കെ ആനുകൂല്യങ്ങള്‍ നല്‍കി വരുന്നുവെന്നും പുതുതായി എന്തൊക്കെ ആനുകൂല്യങ്ങള്‍ നല്‍കാന്‍ ഉദ്ദേശിക്കുന്നുവെന്നും വ്യക്തമാക്കാമോ?

വിവാഹിതരായ പെൺകുട്ടികൾ ഗാർഹിക പീഡനം മൂലം ആത്മഹത്യ ചെയ്യുന്ന സംഭവങ്ങൾ വർദ്ധിച്ചുവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ഇത്തരം സംഭവങ്ങൾ തടയുന്നതിന് നടപ്പിലാക്കിവരുന്ന പദ്ധതികൾ എന്തൊക്കെയാണെന്ന് അറിയിക്കുമോ;

പ്രസ്തുത പദ്ധതികൾ കാര്യക്ഷമമാണോയെന്ന് പരിശോധനാ വിധേയമാക്കിയിട്ടുണ്ടോ; വിശദമാക്കുമോ?

23.02.2025 ന് പോത്തൻകോട് പോലീസ് സ്റ്റേഷൻ പരിധിയിൽ വച്ച് ഫിർണസ് എന്ന യുവാവിനെ ലഹരിക്ക് അടിമകളായി ആക്രമിച്ചവർ ആരെല്ലാമെന്ന് വ്യക്തമാക്കുമോ;

അക്രമി സംഘത്തിൽ ഉൾപ്പെട്ടിരുന്ന പോലീസ് ഉദ്യോഗസ്ഥന്റെ പേര്, റാങ്ക്, ഡ്യൂട്ടി നിർവഹിക്കുന്ന പോലീസ് സ്റ്റേഷൻ എന്നിവ വ്യക്തമാക്കുമോ;

അക്രമം നടത്തിയവർക്കെതിരെ പോത്തൻകോട് പോലീസ് സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കുമോ;

അക്രമി സംഘത്തിൽ ഉൾപ്പെട്ട പോലീസ് ഉദ്യോഗസ്ഥനെതിരെ വകുപ്പ് സ്വീകരിച്ച നടപടികൾ എന്തൊക്കെയെന്ന് വ്യക്തമാക്കുമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ ഓരോ അക്കാദമിക വർഷവും സംസ്ഥാനത്ത് എത്ര സ്കൂൾ കുട്ടികൾ ആത്മഹത്യ ചെയ്തിട്ടുണ്ട്; എത്ര സ്കൂൾ കുട്ടികൾ ലൈംഗിക അതിക്രമത്തിന് ഇരയായതായി റിപ്പോർട്ട് ചെയ്തിട്ടുണ്ട്; എത്ര സ്കൂൾ കുട്ടികൾ കൊലപാതകം ഉൾപ്പെടെയുള്ള ക്രിമിനൽ കേസുകളിൽ പ്രതികളായിട്ടുണ്ട്; വിശദാംശം ലഭ്യമാക്കുമോ?

സംസ്ഥാനത്ത് ഹിറ്റ് ആൻഡ് റണ്‍ കേസുകള്‍ വര്‍ദ്ധിച്ചുവരുന്നത് ശ്രദ്ധയില്‍പ്പെട്ടിട്ടുണ്ടോ; കഴിഞ്ഞ നാല് വർഷം രജിസ്റ്റർ ചെയ്യപ്പെട്ട ഹിറ്റ് ആൻഡ് റണ്‍ കേസുകളുടെ എണ്ണം ജില്ല തിരിച്ച് ലഭ്യമാക്കുമോ;

പ്രസ്തുത കേസുകളുമായി ബന്ധപ്പെട്ട് നഷ്ടപരിഹാരം ലഭിക്കുന്നതിന് എത്ര അപേക്ഷകളാണ് ലഭിച്ചിട്ടുള്ളതെന്ന് ജില്ല തിരിച്ച് വ്യക്തമാക്കുമോ;

പ്രസ്തുത അപേക്ഷകളില്‍ അര്‍ഹമായ നഷ്ടപരിഹാരം ലഭ്യമാക്കിയിട്ടുണ്ടോ; നഷ്ടപരിഹാര തുക സംബന്ധിച്ച വിശദാംശം ലഭ്യമാക്കുമോ;

ഇത്തരം അപകടങ്ങളില്‍പ്പെടുന്നവര്‍ക്ക് ചികിത്സാ സഹായം നല്‍കുന്നതിന് ഇന്‍ഷുറന്‍സ് സംവിധാനം നിലവിലുണ്ടോ; എങ്കില്‍ അവയ്ക്കുള്ള മാനദണ്ഡങ്ങളും നടപടിക്രമങ്ങളും വ്യക്തമാക്കുമോ?

ഗുരുവായൂര്‍ മണ്ഡലത്തില്‍ കെട്ടിടത്തിന്റെ അപര്യാപ്തതയുള്ള എത്ര പാേലീസ് സ്റ്റേഷനുകളുണ്ടെന്ന് വിശദമാക്കാമാേ;

സ്റ്റേറ്റ് പ്ലാന്‍ സ്കീമില്‍ ഉള്‍പ്പെടുത്തി ഈ സർക്കാരിന്റെ കാലത്ത് ഗുരുവായൂര്‍ മണ്ഡത്തിലെ പാേലീസ് സ്റ്റേഷനുകള്‍ക്ക് കെട്ടിടം പണിയുന്നതിന് പ്രാെപ്പാേസലാേ അനുമതിയാേ ലഭ്യമായിട്ടുണ്ടാേ; എങ്കിൽ വിശദമാക്കാമാേ;

ചാവക്കാട് പാേലീസ് സ്റ്റേഷന് പുതിയ കെട്ടിടം നിര്‍മ്മിക്കുന്നത് സംബന്ധിച്ച പുരാേഗതി വിശദമാക്കാമാേ?

കായംകുളം കരീലകുളങ്ങര പോലീസ് സ്റ്റേഷന്‍ ജീര്‍ണ്ണാവസ്ഥയിലായ വാടക കെട്ടിടത്തിലാണ് പ്രവര്‍ത്തിക്കുന്നത് എന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത പോലീസ് സ്റ്റേഷന് പുതിയ കെട്ടിടം നിര്‍മ്മിക്കുന്നതിനായി മൂന്ന് കോടി രൂപയുടെ ഭരണാനുമതി ലഭിച്ചിട്ടും നാളിതുവരെ നിര്‍മ്മാണ പ്രവര്‍ത്തനങ്ങള്‍ ആരംഭിക്കാന്‍ കഴിയാത്തതിന്റെ കാരണം വ്യക്തമാക്കാമോ;

പ്രസ്തുത പോലീസ് സ്റ്റേഷന്റെ നിര്‍മ്മാണ പ്രവര്‍ത്തനങ്ങള്‍ എന്നേക്ക് ആരംഭിക്കാന്‍ കഴിയും; വിശദമാക്കാമോ?

മണലൂര്‍ മണ്ഡലത്തിലെ വാടാനപ്പള്ളി പോലീസ് സ്റ്റേഷന്‍ കെട്ടിട നിര്‍മ്മാണ പ്രവൃത്തികള്‍ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പ്രവൃത്തിയുടെ അടങ്കല്‍ തുക എത്രയാണെന്നും ഏത് ഏജന്‍സിയാണ് പ്രവൃത്തി ഏറ്റെടുത്തിരിക്കുന്നതെന്നും അറിയിക്കാമോ;

പ്രസ്തുത പ്രവൃത്തി ആരംഭിച്ചത് എന്നാണെന്നും എന്നത്തേയ്ക്ക് പൂര്‍ത്തീകരിക്കാനാകുമെന്നും അറിയിക്കാമോ?

മലപ്പുറം ജില്ലയിലെ വാഴക്കാട് പോലീസ് സ്റ്റേഷൻ നിലവിൽ പ്രവർത്തിക്കുന്നത് ഏത് കെട്ടിടത്തിലാണെന്ന് വ്യക്തമാക്കുമോ;

ഗ്രാമപഞ്ചായത്ത് മുൻപ് ഉപയോഗിച്ചിരുന്നതും മഴക്കാലത്ത് ചോർന്ന് ഒലിക്കുന്നതുമായ കെട്ടിടത്തിലാണ് നിലവിൽ പ്രസ്തുത പോലീസ് സ്റ്റേഷൻ സ്ഥിതി ചെയ്യുന്നതെന്നത് ശ്രദ്ധയിൽപെട്ടിട്ടുണ്ടോ; പ്രസ്തുത കെട്ടിടം പുനർനിർമ്മിക്കുന്നതുവരെ വാടക കെട്ടിടത്തിലേക്ക് പോലീസ് സ്റ്റേഷൻ മാറ്റുന്നതിനുള്ള നടപടി സ്വീകരിക്കുമോ?

സംസ്ഥാന അതിര്‍ത്തിയോട് ചേര്‍ന്ന പാറശാല മണ്ഡലത്തില്‍ അതിര്‍ത്തി കടന്നുള്ള ലഹരി ഉല്‍പ്പനങ്ങളു‍ടെ കടത്തും വിപണനവും തടയുന്നതിനായി പോലീസ് സ്വീകരിച്ചിട്ടുള്ള നടപടികള്‍ എന്തൊക്കെയാണ്; വിശദമാക്കാമോ;

അതിര്‍ത്തി പ്രദേശങ്ങളായ അമ്പൂരി, കടുക്കറ എന്നിവിടങ്ങളില്‍ പോലീസ് എയ്ഡ് പോസ്റ്റ് സ്ഥാപിക്കുന്നതിനുള്ള നടപടികള്‍ സ്വീകരിക്കുമോ; വിശദമാക്കാമോ?

2020 മുതൽ സംസ്ഥാനത്ത് ഓരോ വർഷവും ആത്മഹത്യ ചെയ്ത 18 വയസ്സിന് താഴെയുള്ള കുട്ടികളുടെ എണ്ണം പുരുഷൻ, സ്ത്രീ വേർതിരിച്ച്, വയസ്സ് സഹിതം വ്യക്തമാക്കാമോ;

കുട്ടികളുടെ ആത്മഹത്യയ്ക്കുള്ള കാരണം കണ്ടെത്താൻ പോലീസ് അന്വേഷണം നടത്തിയിട്ടുണ്ടോ; ഉണ്ടെങ്കിൽ പ്രധാനമായും എന്തൊക്കെ കാരണങ്ങളാണ് കുട്ടികളെ ആത്മഹത്യയിലേക്ക് നയിച്ചതായി കണ്ടെത്തിയിട്ടുള്ളത്; വിശദമാക്കാമോ?

2010 മുതൽ നാളിതുവരെ ലഹരി ഉപയോഗം ഉൾപ്പെട്ട എത്ര കേസുകളാണ് പോലീസ് രജിസ്റ്റർ ചെയ്തിട്ടുള്ളതെന്ന് വർഷവും കേസുകളുടെ സ്വഭാവവും ഉപയോഗിക്കപ്പെട്ട ലഹരിപദാർത്ഥത്തിന്റെ ഇനവും തിരിച്ചുള്ള കണക്കുകള്‍ ലഭ്യമാക്കുമോ;

പ്രസ്തുത കേസുകളിൽ കുറ്റക്കാർ ശിക്ഷിക്കപ്പെട്ടിട്ടുള്ളതും തെളിവുകളുടെ അഭാവത്തിൽ പ്രതികളെ വെറുതെ വിട്ടിട്ടുള്ളതും അന്വേഷണം പൂർത്തിയാകാത്തതുമായ കേസുകളുടെ എണ്ണം തരംതിരിച്ച് അറിയിക്കുമോ;

ഇതേ കാലയളവിൽ ലഹരി കടത്തുമായി ബന്ധപ്പെട്ട് പോലീസ് രജിസ്റ്റർ ചെയ്തിട്ടുള്ള കേസുകൾ എത്രയെന്ന് വർഷവും ലഹരിപദാർത്ഥങ്ങളുടെ ഇനവും തിരിച്ചുള്ള കണക്കുകള്‍ ലഭ്യമാക്കുമോ;

പ്രസ്തുത കേസുകളില്‍ ശിക്ഷിക്കപ്പെട്ടിട്ടുള്ള കേസുകള്‍, തെളിവുകളില്ലാതെ വെറുതെ വിട്ട കേസുകള്‍, നടപടിക്രമങ്ങള്‍ പൂർത്തിയാകാത്ത കേസുകള്‍ എന്നിവയുടെ എണ്ണം തരംതിരിച്ച് അറിയിക്കുമോ;

ഈ കേസുകളിൽ പ്രാഥമിക കുറ്റവാളികളെ ശിക്ഷിച്ചതിനു പുറമെ സംസ്ഥാനത്തേക്ക് കടത്തപ്പെട്ട ലഹരിപദാർത്ഥങ്ങളുടെ യഥാർത്ഥ ഉറവിടം കണ്ടെത്തിയ കേസുകളുടെ എണ്ണം എത്രയാണെന്ന് വർഷവും ലഹരിപദാർത്ഥങ്ങളുടെ ഇനവും തിരിച്ചുള്ള കണക്കുകള്‍ ലഭ്യമാക്കുമോ?

കേരള പോലീസിന്റെ ഇന്ത്യ റിസർവ് ബറ്റാലിയൻ കമാൻഡോ വിങ്ങിലേക്ക് പി.എസ്.സി. കാറ്റഗറി നമ്പർ സി.എം.ഡി./2009 നോട്ടിഫിക്കേഷൻ പ്രകാരം നിയമനം നേടിയ ഒരു സേനാംഗത്തിന് പരിശീലന കാലയളവ് മുതൽ 10 വർഷത്തെ സേവനം പൂർത്തിയാക്കിയിട്ടുണ്ടെങ്കിൽ അവരുടെ ഇഷ്ടപ്രകാരം കെ.സി.പി. യിലേക്ക് ട്രാൻസ്ഫർ മുഖേന മാറുവാൻ യോഗ്യതയുണ്ടെന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

2010-ൽ ഐ.ആർ.ബി കമാൻഡോ ആയി സർവീസിൽ പ്രവേശിച്ച് 15 വർഷം കഴിഞ്ഞിട്ടും സന്നദ്ധത അറിയിച്ച ഒരു സേനാംഗത്തെ പോലും കെ.സി.പി യിലേക്ക് ട്രാൻസ്ഫറിന് സർക്കാർ പരിഗണിക്കാത്തതിന്റെ കാരണം വ്യക്തമാക്കുമോ; ട്രാൻസ്ഫർ അനുവദിക്കുന്നതിന് അടിയന്തര നടപടി സ്വീകരിക്കുമോ; വിശദമാക്കാമോ;

ട്രാൻസ്ഫറിന് അർഹതപ്പെട്ട സേനാംഗങ്ങൾക്ക് ട്രാൻസ്ഫർ അനുവദിച്ചുകൊണ്ട് കമാൻഡോ വിങ്ങിലേക്ക് നിലവിലുള്ള ഐ.ആർ.ബി കമാൻഡോ വിങ്ങ് റാങ്ക് ലിസ്റ്റിൽ നിന്നും നിയമനം നടത്തുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ;

ഐ.ആർ.ബി. യിൽ സ്പെഷ്യൽ റൂൾ നിലവിലില്ല എന്ന കാര്യം ഗൗരവത്തോടെ കാണുന്നുണ്ടോ; ഉണ്ടെങ്കിൽ സ്പെഷ്യൽ റൂൾ തയ്യാറാക്കുന്നതിന് അടിയന്തര നടപടികൾ സ്വീകരിക്കുമോ; വിശദമാക്കാമോ?

അമേരിക്കയില്‍നിന്നും അനധികൃത കുടിയേറ്റക്കാരെ നാടുകടത്തുന്നതും ഇന്ത്യയുൾപ്പെടെയുള്ള രാജ്യങ്ങളിലേക്ക് തിരികെ അയയ്ക്കുമ്പോൾ സ്വീകരിക്കുന്ന മനുഷ്യത്വരഹിതമായ സമീപനങ്ങളും ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കേരളത്തിലെ വലിയൊരു വിഭാഗം യുവാക്കളും തൊഴിൽ അന്വേഷിച്ച് വിദേശ രാജ്യങ്ങളിൽ പോകുന്നവരാണ് എന്നത് പരിശോധിച്ചിട്ടുണ്ടോ; വിശദമാക്കാമോ;

വിദേശ രാജ്യങ്ങളിലേക്ക് തൊഴിലവസരങ്ങളും പഠന സൗകര്യങ്ങളും വാഗ്ദാനം ചെയ്യുന്ന തരത്തിലുള്ള തട്ടിപ്പുകള്‍ വര്‍ദ്ധിച്ചുവരുന്നത് പരിശോധിച്ചിട്ടുണ്ടോ; വിശദമാക്കാമോ;

ഇത്തരം തട്ടിപ്പുകൾ കുറയ്ക്കുന്നതിനായി പ്രത്യേക നിയമനിര്‍മ്മാണം ആവശ്യമാണെന്നത് ശ്രദ്ധയിൽപ്പെട്ടിട്ടുണ്ടോ; ഇത്തരം അനധികൃത റിക്രൂട്ട്മെന്റിനെതിരെ നിയമനിർമ്മാണത്തിനുള്ള സാധ്യതകൾ പരിശോധിച്ചിട്ടുണ്ടോ; വിശദമാക്കുമോ?

സംസ്ഥാനത്ത് ലഹരി ഉല്‍പന്നങ്ങളുടെ ഉപയോഗം, വിപണനം എന്നിവയുമായി ബന്ധപ്പെട്ട് 2011 മുതല്‍ 2024 വരെ പോലീസ് രജിസ്റ്റര്‍ ചെയ്തിട്ടുള്ള കേസുകളുടെ ജില്ല, വര്‍ഷം, 18 വയസ്സില്‍ താഴെയുള്ളവര്‍, മുതിര്‍ന്നവര്‍, മദ്യം, കഞ്ചാവ്, മയക്ക് മരുന്ന്, എം.ഡി.എം.എ തുടങ്ങി ലഹരി ഉൽപന്നങ്ങളുടെ തരം എന്നിവയുടെ കണക്കും പ്രസ്തുത കേസുമായി ബന്ധപ്പെട്ട് ഓരോ വര്‍ഷവും ശിക്ഷിക്കപ്പെട്ടവരുടെ ജില്ല, തരം എന്നിവ തിരിച്ചുള്ള കണക്കും ലഭ്യമാക്കുമോ;

ഇത്തരം ലഹരികേസുകളിൽ ഉൾപ്പെട്ട വ്യക്തികള്‍ പ്രസ്തുത കാലയളവിൽ നടത്തിയിട്ടുള്ള കൊലപാതകങ്ങള്‍, അക്രമ സംഭവങ്ങള്‍ എന്നിവയുടെ ജില്ല, വര്‍ഷം, 18 വയസ്സില്‍ താഴെ പ്രായമായവര്‍, മുതിര്‍ന്നവര്‍ എന്നിവ തിരിച്ചുള്ള കണക്ക് ലഭ്യമാക്കുമോ;

ലഹരി ഉപയോഗം, വിപണനം എന്നിവ തടയുന്നതിന് വകുപ്പ് നടപ്പാക്കുന്ന പദ്ധതികളും പ്രവര്‍ത്തനങ്ങളും വിശദമാക്കുമോ;

കലാലയങ്ങളില്‍ നടക്കുന്ന റാഗിംഗ്, മറ്റ് അക്രമ സംഭവങ്ങള്‍, കൊലപാതകങ്ങള്‍ എന്നിവയുമായി ബന്ധപ്പെട്ട് പ്രസ്തുത കാലയളവില്‍ രജിസ്റ്റര്‍ ചെയ്തിട്ടുള്ള കേസുകളുടെ ജില്ല, ഇനം എന്നിവ തിരിച്ചുള്ള കണക്ക് ലഭ്യമാക്കുമോ;

ലഹരി ഉപയോഗം, വിപണനം, കലാലയങ്ങളിലെ അക്രമങ്ങള്‍, റാഗിംഗ് എന്നിവ തടയുന്നതിന് എന്തെങ്കിലും പുതിയ പ്രവര്‍ത്തനങ്ങളോ പദ്ധതികളോ നടപ്പാക്കുന്ന കാര്യം പരിഗണനയിലുണ്ടോ എന്ന് വിശദമാക്കുമോ;

2025-ല്‍ കലാലയങ്ങളില്‍ നടന്ന അക്രമ സംഭവങ്ങളിലും റാഗിംഗ് മൂലവും കൊല്ലപ്പെട്ടവരുടെ ബന്ധുക്കള്‍ക്ക് നഷ്ടപരിഹാരം നല്‍കുന്ന കാര്യം പരിഗണനയിലുണ്ടോ എന്ന് വിശദമാക്കുമോ?

സംസ്ഥാനത്തെ ജയിലുകളില്‍ കഴിയുന്ന കൊലക്കേസ് പ്രതികള്‍ക്ക് ജയില്‍ ചട്ടങ്ങള്‍ പ്രകാരം ഒരു വര്‍ഷത്തില്‍ അനുവദിക്കാന്‍ കഴിയുന്ന പരമാവധി പരോള്‍ കാലാവധി എത്രയാണ്;

പരോൾ ഏതൊക്കെ ഇനങ്ങളിലായി എത്ര തവണയായിട്ടാണ് അനുവദിക്കാവുന്നത്; ഒരോ ഇനം പരോളും അനുവദിക്കുന്നതിന് അധികാരപ്പെ‌ടുത്തിയിട്ടുള്ള ഉദ്യോഗസ്ഥര്‍ ആരൊക്കെയാണ്; വിശദമാക്കാമോ;

ഏതൊക്കെ സാഹചര്യങ്ങളിലാണ് എമര്‍ജന്‍സി പരോള്‍ അനുവദിക്കുന്നത്; ഇത് ആകെ ഏത്ര ദിവസം വരെയാണ് അനുവദിക്കാന്‍ കഴിയുക;

പരോള്‍ അനുവദിക്കുന്ന കാര്യത്തില്‍ ആരെയൊക്കെയാണ് അ‌ടുത്ത ബന്ധുക്കളായി കണക്കാക്കുന്നത്; ഇതു സംബന്ധിച്ച സര്‍ക്കാര്‍ ഉത്തരവിന്റെ പകര്‍പ്പ് ലഭ്യമാക്കുമോ?

07.06.2024 തീയതി നിലവിൽ വന്ന കാറ്റഗറി നം.669/2022 സബ് ഇൻസ്പെക്ടർ ഓഫ് പോലീസ് റാങ്ക് ലിസ്റ്റ്, കാറ്റഗറി നം.672/2022 ആംഡ് പോലീസ് സബ് ഇൻസ്പെക്ടർ റാങ്ക് ലിസ്റ്റ് എന്നീ ലിസ്റ്റുകളിൽ നിന്നും നിയമനത്തിനായി ഇതുവരെ എത്ര ഒഴിവുകൾ റിപ്പോർട്ട് ചെയ്തു‌വെന്ന് വ്യക്തമാക്കുമോ;

പ്രസ്തുത റാങ്ക് ലിസ്റ്റുകൾ നിലവിൽ വന്ന് എട്ട് മാസമായിട്ടും ഇവയിൽ നിന്നുമുള്ള ഒരു ബാച്ച് ഉദ്യോഗാർത്ഥികൾക്ക് പോലും ട്രെയിനിംഗ് ആരംഭിക്കാത്തത് എന്തുകൊണ്ടാണെതെന്ന് വിശദമാക്കുമോ;

പ്രസ്തുത കാലയളവിലുണ്ടായ പ്രൊമോഷൻ/ഡെപ്യൂട്ടേഷൻ ഒഴിവുകളൊന്നും തന്നെ ഇതുവരെയും റിപ്പോർട്ട് ചെയ്യാത്തത് എന്തുകൊണ്ടാണെന്ന് വ്യക്തമാക്കുമോ;

ഉത്തരവ് നം. ഉപ.സി.3/200/2024/പി&എ.ആർ.ഡി തീയതി 09.12.2024 പ്രകാരം, ഉദ്യോഗസ്ഥ ഭരണപരിഷ്കാര വകുപ്പ് 2025 കലണ്ടർ വർഷത്തിൽ സർക്കാർ വകുപ്പുകളിൽ വിവിധ തസ്തികകളിൽ വരാൻ പോകുന്ന ഒഴിവുകൾ മുൻകൂട്ടി 25.12.2024 തീയതിയ്ക്ക് മുൻപ് പി.എസ്.സി-യ്ക്ക് റിപ്പോർട്ട് ചെയ്യണം എന്ന ഉത്തരവിറക്കിയിരുന്നിട്ടും എന്തുകൊണ്ടാണ് സബ് ഇൻസ്‌പെക്ടർ തസ്തികയിലെ ഒഴിവുകളൊന്നും ഇതുവരെയും പി.എസ്.സി-യ്ക്ക് റിപ്പോർട്ട് ചെയ്യാതിരുന്നത്; വിശദമാക്കാമോ?

സിവിൽ പോലീസ് ഓഫീസർ തസ്തികയിലേക്ക് നിലവിൽ പി.എസ്.സി. പ്രസിദ്ധീകരിച്ചിട്ടുള്ള റാങ്ക് ലിസ്റ്റിൽ എത്ര ഉദ്യോഗാർത്ഥികൾ ഉൾപ്പെട്ടിട്ടുണ്ട്; എത്രപേർക്ക് നാളിതുവരെ നിയമന ശിപാർശ നൽകിയിട്ടുണ്ട്; എത്ര പേർ നിയമനം നേടിയിട്ടുണ്ട്; വിശദമാക്കുമോ;

പ്രസ്തുത റാങ്ക് ലിസ്റ്റിന്റെ കാലാവധി അവസാനിക്കുന്നത് എന്നാണ്; പ്രസ്തുത റാങ്ക് ലിസ്റ്റിൽ നിന്നുള്ള നിയമനങ്ങൾ വളരെയധികം കുറയാനിടയായ സാഹചര്യം എന്താണ്; വ്യക്തമാക്കുമോ;

സംസ്ഥാനത്തെ പോലീസ് സേനയിൽ നിലവിൽ പര്യാപ്തമായ അംഗബലം ഉള്ളതിനാലാണോ സി.പി.ഒ. തസ്തികയിലേക്കുള്ള നിയമനങ്ങളുടെ എണ്ണം ഗണ്യമായി കുറഞ്ഞത്; പര്യാപ്തമായ അംഗബലം ഇല്ലെങ്കിൽ റാങ്ക് ലിസ്റ്റിൽ നിന്നും പരമാവധി നിയമനം നടത്തുന്നതിന് അടിയന്തരമായി നടപടി സ്വീകരിക്കുമോ; വിശദമാക്കാമോ?

കേരള സംസ്ഥാന യുവജനക്ഷേമ ബോർഡില്‍ പ്രസിദ്ധീകരിക്കുന്ന യുവത എന്ന മാസികയുമായി ബന്ധപ്പെട്ട് ഒരു ജീവനക്കാരൻ സെവൻസ്റ്റാർ ഗ്രാഫിക്സ് എന്ന ബിനാമി സ്ഥാപനം മുഖേന സാമ്പത്തിക ക്രമക്കേട് നടത്തിയതു സംബന്ധിച്ച് വിജിലൻസിന് പരാതി ലഭിച്ചിട്ടുണ്ടോ;

എങ്കില്‍ ഇതുമായി ബന്ധപ്പെട്ട് എത്ര പരാതികള്‍ ലഭിച്ചിട്ടുണ്ട്; പ്രസ്തുത പരാതിയിന്മേൽ അന്വേഷണം നടത്തിയിട്ടുണ്ടോ; എങ്കില്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കുമോ?

മാവേലിക്കരയില്‍ കുടുംബകോടതിക്ക് കെട്ടിട നിര്‍മ്മാണത്തിന് തുക അനുവദിക്കാൻ നടപടി സ്വീകരിക്കുമോ?

ഈ സര്‍ക്കാര്‍ വന്നത് മുതല്‍ നാളിതുവരെ സംസ്ഥാനത്ത് സ്ത്രീകൾക്കും കുട്ടികൾക്കുമെതിരെയുള്ള ലൈംഗിക അതിക്രമങ്ങൾ ഉൾപ്പെടെയുള്ള അതിക്രമങ്ങളിൽ എത്ര കേസുകൾ രജിസ്റ്റർ ചെയ്തിട്ടുണ്ടെന്നും എത്ര കേസുകളിൽ പ്രതികളെ കണ്ടെത്തിയിട്ടുണ്ടെന്നും എത്ര കേസുകളിൽ പ്രതികൾ ശിക്ഷിക്കപ്പെട്ടിട്ടുണ്ടെന്നും ജില്ല തിരിച്ചുള്ള കണക്ക് ലഭ്യമാക്കുമോ;

സ്കൂള്‍ കുട്ടികളുടെ ഇടയില്‍ അക്രമവാസന വര്‍ദ്ധിക്കുകയും കുട്ടികൾ കൊല്ലപ്പെടുകയും ചെയ്യുന്ന സാഹചര്യം ഉണ്ടായിട്ടും ഇക്കാര്യത്തില്‍ ആഭ്യന്തര വകുപ്പിന്റെ ശക്തമായ ഇടപെടല്‍ ഉണ്ടാകുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരം കുട്ടി കുറ്റവാളികള്‍ക്കെതിരെ കര്‍ശന നിയമ നടപടികള്‍ സ്വീകരിച്ച് ഇത്തരം പ്രവണതകള്‍ തടയുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വെളിപ്പെടുത്തുമോ?

സംസ്ഥാനത്ത് വർദ്ധിച്ചുവരുന്ന ലഹരി ഉപയോഗവും സിനിമകളിലെ അതിഭീകരമായ വയലൻസും കുട്ടികളുടെ ഇടയിൽ പോലും അക്രമവാസന വളർത്തുന്നതിൽ മുഖ്യമായ പങ്ക് വഹിക്കുന്നു എന്ന വസ്തുത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്ത് ലഹരിയുടെ വിൽപനയും ഉപയോഗവും അവസാനിപ്പിക്കുന്നതിനും ലഹരി മാഫിയയെ ഉന്മൂലനം ചെയ്യുന്നതിനും യുവ തലമുറയെ രക്ഷിച്ചെടുക്കുന്നതിനും നടപടികൾ സ്വീകരിക്കുവാൻ ഉദ്ദേശിക്കുന്നുണ്ടോ; വ്യക്തമാക്കുമോ;

സംസ്ഥാനത്ത് സമീപ കാലത്തായി ഇറങ്ങുന്ന സിനിമകളിലെ അതിഭീകരമായ വയലൻസ് രംഗങ്ങൾ കുറ്റകൃത്യങ്ങൾക്ക് പ്രോത്സാഹനം നൽകുന്ന തരത്തിലുള്ളവ ആകയാല്‍ അവ നിയന്ത്രിക്കുന്നതിനും അത്തരം രംഗങ്ങൾ സെന്‍സര്‍ ബോര്‍ഡ് മുഖേന ഒഴിവാക്കുന്നതിനും എന്ത് നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

ഇപ്രകാരം ലഹരിയും വയലൻസും അവസാനിപ്പിക്കുന്നതിൽ കാര്യക്ഷമമായി ഇടപെട്ടില്ലെങ്കിൽ യുവതലമുറയെ മുഴുവനും കേരളത്തിന് നഷ്ടമാകും എന്ന വസ്തുത തിരിച്ചറിഞ്ഞിട്ടുണ്ടോ; എങ്കിൽ അവരെ രക്ഷിച്ചെടുക്കാനുള്ള നടപടികൾ അടിയന്തരമായി കൈക്കൊള്ളുമോ; വിശദമാക്കാമോ?

കാസർഗോഡ് ജില്ലയിൽ എത്ര ഫയര്‍ & റെസ്ക്യൂ സ്റ്റേഷനുകൾ ഉണ്ടെന്നും ഈ സ്റ്റേഷനുകൾ സ്ഥാപിച്ച വർഷവും വ്യക്തമാക്കാമോ;

അടിസ്ഥാനസൗകര്യങ്ങളുടെ കാര്യത്തിൽ പ്രസ്തുത സ്റ്റേഷനുകൾ നേരിടുന്ന പരിമിതികളും പ്രയാസങ്ങളും സ്റ്റേഷൻ തിരിച്ച് വ്യക്തമാക്കാമോ;

നിലവിൽ ആവശ്യത്തിനുള്ള സ്റ്റാഫിന്റെ അഭാവം ഉണ്ടോയെന്ന് സ്റ്റേഷൻ തിരിച്ചു വ്യക്തമാക്കാമോ;

കാസർഗോഡ് ബദിയടുക്കയിൽ ഫയർ സ്റ്റേഷൻ നിർമ്മിക്കാൻ ആലോചന ഉണ്ടായിരുന്നോയെന്നും അതിനായി സ്ഥലം കണ്ടെത്തിയിരുന്നോയെന്നും അതിന്റെ നിലവിലുള്ള സ്ഥിതി എന്താണെന്നും വ്യക്തമാക്കാമോ?

വാമനപുരം മണ്ഡലത്തിലെ വെഞ്ഞാറമൂട് ഫയര്‍ സ്റ്റേഷന്റെ നിര്‍മ്മാണ പുരോഗതി അറിയിക്കാമോ;

ഫയര്‍ സ്റ്റേഷന്റെ എന്തെല്ലാം പ്രവൃത്തികള്‍ പൂര്‍ത്തീകരിച്ചിട്ടുണ്ടെന്നും ഇനി എന്തെല്ലാം പ്രവൃത്തികള്‍ അവശേഷിക്കുന്നുണ്ടെന്നും വിശദമാക്കാമോ;

പ്രവൃത്തി എന്ന് പൂര്‍ത്തിയാക്കാനാകും എന്ന് അറിയിക്കാമോ?

സംസ്ഥാനത്തെ ഏതാെക്കെ പഞ്ചായത്തുകള്‍ക്കാണ് തീരദേശ റെഗുലേഷൻ സോൺ മൂന്നില്‍ നിന്ന് രണ്ടിലേക്ക് അനുമതി ലഭിച്ചിട്ടുള്ളത്;

അറ്റാേമിക് മിനറല്‍സിന്റെ സാന്നിദ്ധ്യമുള്ള ആലപ്പുഴ ജില്ലയിലെ അമ്പലപ്പുഴ തെക്ക് പഞ്ചായത്തിലെ പ്രദേശങ്ങളെ തീരദേശ റെഗുലേഷൻ സോൺ മൂന്ന്-എ-യിലും, അമ്പലപ്പുഴ വടക്ക് പഞ്ചായത്തിലെ പ്രദേശങ്ങളെ തീരദേശ റെഗുലേഷൻ സോൺ മൂന്ന്-ബി-യിലും ഉള്‍പ്പെടുത്തിയിട്ടുണ്ടാേ;

ഇതിന് അടിസ്ഥാനമായ അറ്റാേമിക് മിനറല്‍സിന്റെ സാന്നിദ്ധ്യം പ്രസ്തുത പ്രദേശങ്ങളിൽ കണ്ടെത്തിയത് എപ്പാേളാണെന്നും ആര് തയ്യാറാക്കിയ റിപ്പാേര്‍ട്ടിന്റെ അടിസ്ഥാനത്തിലാണെന്നും വ്യക്തമാക്കുമാേ; ടി റിപ്പാേര്‍ട്ടിന്റെ പകര്‍പ്പ് ലഭ്യമാക്കുമാേ?