2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറവ് വരുത്താനുള്ള സർക്കാർ തീരുമാനത്തെ തുടർന്ന് ഗതാഗത വകുപ്പിലെ പദ്ധതികൾ മുൻഗണന അടിസ്ഥാനത്തിൽ പുന:ക്രമീകരിച്ചിട്ടുണ്ടോ; എങ്കിൽ വിശദാംശം വ്യക്തമാക്കുമോ; ഇത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ?

സംസ്ഥാനത്ത് നിരന്തരം റോഡപകടങ്ങള്‍ക്കും അതുമൂലമുള്ള മരണങ്ങള്‍ക്കും കാരണമാവുന്ന ബസ്സുകളുടെ മത്സരയോട്ടം നിയന്ത്രിക്കുന്നതിന് പ്രത്യേക നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ;

മത്സരയോട്ടം നിയന്ത്രിക്കുന്നതിനായി, പെര്‍മിറ്റ് അനുവദിക്കുമ്പോള്‍ സമയം ക്രമീകരിക്കുന്നതിന് ആവശ്യമായ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് വാഹനപ്പെരുപ്പത്തിന് അനുസരിച്ചാണോ നിലവിലുള്ള റോഡുകളുടെ സൗകര്യങ്ങള്‍ എന്നത് സംബന്ധിച്ച് ഗതാഗത വകുപ്പ് ശാസ്ത്രീയ പഠനം നടത്തിയിട്ടുണ്ടോ;

നഗരങ്ങളിൽ കാൽനടയാത്രക്കാരുടെ പൊതുഗതാഗത സംവിധാനങ്ങളുടെ ഉപയോഗം മെച്ചപ്പെടുത്തുന്നതിനുമായി ഗവൺമെന്റ് ആവിഷ്കരിച്ച പദ്ധതികള്‍ എന്തെല്ലാമാണെന്ന് അറിയിക്കുമോ;

സംസ്ഥാനത്ത് വർദ്ധിച്ചുവരുന്ന വാഹനാപകടങ്ങൾ പരിഹരിക്കുന്നതിനായി സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് അറിയിക്കുമോ ?

2016-17 മുതൽ ഓരോ സാമ്പത്തിക വർഷവും കെ.എസ്.ആര്‍.ടി.സി.യ്ക്ക് എത്ര രൂപ വീതമാണ് സാമ്പത്തിക സഹായം നൽകിയിട്ടുള്ളത്; ഇതിൽ വായ്പ ഇനത്തിലും ഗ്രാന്റായും എത്ര രൂപ വീതം അനുവദിച്ചു; ആയത് ഏതൊക്കെ ഇനത്തിലേക്കാണ് അനുവദിച്ചതെന്നും അതിൽ എത്ര രൂപ വീതം ഓരോ സാമ്പത്തിക വർഷവും വിനിയോഗിച്ചിട്ടുണ്ടെന്നും; എന്തിന് വേണ്ടിയാണെന്നും വ്യക്തമാക്കാമോ?

കെ.എസ്.ആർ.ടി.സി. ബസ്സുകളിലെ യാത്ര സുരക്ഷിതമാക്കുന്നതിന് നടപടികൾ സ്വീകരിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

കെ.എസ്.ആർ.ടി.സി. ബസ്സുകൾ യാത്രക്കിടയിൽ അഗ്നിക്കിരയാകുന്നത് വർദ്ധിക്കുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ;

കെ.എസ്.ആർ.ടി.സി. ബസ്സുകൾ കൃത്യമായ ഇടവേളകളിൽ സാങ്കേതിക പരിശോധനയും അറ്റകുറ്റപ്പണികളും നടത്തി യാത്രയ്ക്ക് സുരക്ഷിതമാണെന്ന് ഉറപ്പുവരുത്തുന്നതിന് സ്വീകരിച്ചുവരുന്ന നടപടികൾ വിശദമാക്കാമോ;

കെ.എസ്.ആർ.ടി.സി.യുടെ പഴക്കംചെന്ന പൊതുഗതാഗതയോഗ്യമല്ലാത്ത ബസ്സുകൾ മറ്റ് ആവശ്യങ്ങൾക്ക് ഉപയോഗിച്ച് വരുമാനം വര്‍ദ്ധിപ്പിക്കാൻ നടപടികൾ സ്വീകരിച്ചിട്ടുണ്ടോ; വിശദമാക്കുമോ?

ടിക്കറ്റേതര വരുമാനം വര്‍ദ്ധിപ്പിക്കാന്‍ കെ.എസ്.ആര്‍.ടി.സി. എന്തൊക്കെ പദ്ധതികളാണ് നടപ്പിലാക്കി വരുന്നതെന്ന് വിശദമാക്കാമോ?

സംസ്ഥാനത്ത് കെ.എസ്.ആര്‍.ടി.സി.യുടെ സാമ്പത്തിക പ്രതിസന്ധി മറികടക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ഇന്ധനച്ചെലവ് കുറയ്ക്കുന്നതിനായി കെ.എസ്.ആര്‍.ടി.സി. സ്വീകരിച്ചുവരുന്ന പ്രധാന നടപടികള്‍ എന്തൊക്കെയാണെന്ന് വിശദമാക്കുമോ;

വാഹനങ്ങളില്‍ ഇന്ധനക്ഷമത കെെവരിക്കുന്നതിനായി ഡ്രെെവര്‍മാര്‍ക്ക് പ്രത്യേക നിര്‍ദ്ദേശങ്ങള്‍ നല്‍കിയിട്ടുണ്ടോ; വ്യക്തമാക്കുമോ;

ഇന്ധനച്ചെലവും മലിനീകരണതോതും കുറഞ്ഞ ഇലക്ട്രിക് ബസ്സുകളുടെ ഉപയോഗം വര്‍ദ്ധിപ്പിക്കുന്നതിന് നടപടികള്‍ സ്വീകരിക്കുമോ; വ്യക്തമാക്കുമോ;

ഡീസല്‍ ബസ്സുകളുമായി താരതമ്യം ചെയ്യുമ്പോള്‍ ഇലക്ട്രിക് ബസ്സുകള്‍ സര്‍വ്വീസ് നടത്തിയാല്‍ ലഭിക്കുന്ന സാമ്പത്തികലാഭം എത്രയെന്ന് കണക്കാക്കിയിട്ടുണ്ടോ; വ്യക്തമാക്കുമോ;

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം കെ.എസ്.ആര്‍.ടി.സി. വാങ്ങിയ ഇലക്ട്രിക്, ഡീസല്‍ ബസ്സുകളുടെ എണ്ണം എത്രയെന്നും ഇതിനായി എത്ര തുക ചെലവഴിച്ചിട്ടുണ്ടെന്നും വ്യക്തമാക്കാമോ?

വിനോദസഞ്ചാരം പ്രോത്സാഹിപ്പിക്കുന്നതിനായി കെ.എസ്.ആര്‍.ടി.സി. നടത്തിയ ഇടപെടലുകള്‍ എന്തെല്ലാമെന്ന് വിശദമാക്കാമോ;

വിനോദസഞ്ചാരത്തിനായി നിലവില്‍ എത്ര സര്‍വ്വീസുകളാണ് നടത്തുന്നതെന്ന് വിശദമാക്കാമോ?

കെ.എസ്.ആർ.ടി.സി.യിൽ 2016 മേയ് മുതൽ 2024 ഡിസംബർ വരെ എൻ.പി.എസ്. ഇനത്തിൽ ജീവനക്കാരുടെ ശമ്പളത്തിൽ നിന്നും പ്രതിമാസം എത്ര രൂപ പിടിച്ചിട്ടുണ്ട്; പ്രസ്തുത കാലയളവിൽ പ്രതിമാസം എൻ.പി.എസ് ഫണ്ടിലേക്ക് കെ.എസ്.ആർ.ടി.സി. എത്ര രൂപ ഒടുക്കിയിട്ടുണ്ട് ?

ആലത്തൂരില്‍ കെ.എസ്.ആര്‍.ടി.സി. യുടെ അക്രഡിറ്റഡ് ഡ്രെെവിംഗ് ട്രെയിനിംഗ് സെന്റര്‍ ആരംഭിക്കാനുള്ള അപേക്ഷ ലഭിച്ചിട്ടുണ്ടോ;

ഉണ്ടെങ്കില്‍ പ്രസ്തുത അപേക്ഷയിന്മേല്‍ സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ?

കെ.എസ്.ആര്‍.ടി.സി. നടത്തുന്ന കൊറിയര്‍ സര്‍വ്വീസിനെപ്പറ്റിയും ആയതിന്റെ ഡിപ്പോകളിലെ സമയക്രമത്തെപ്പറ്റിയും വിശദമാക്കാമോ;

പ്രസ്തുത കൊറിയര്‍ സര്‍വ്വീസ് കെ.എസ്.ആര്‍.ടി.സി.യുടെ വരുമാന വര്‍ദ്ധനവിന് കാരണമായിട്ടുണ്ടോയെന്ന് വ്യക്തമാക്കാമോ;

ട്രാക്കിംഗ്, എസ്.എം.എസ്. അപ്ഡേറ്റ് എന്നീ സംവിധാനങ്ങള്‍ കൂടി ഏര്‍പ്പെടുത്തി കെ.എസ്.ആര്‍.ടി.സി. കൊറിയര്‍ സര്‍വ്വീസിനെ കൂടുതല്‍ കാര്യക്ഷമമാക്കാനുള്ള നടപടികള്‍ സര്‍ക്കാരിന്റെ പരിഗണനയിലുണ്ടോയെന്ന് വ്യക്തമാക്കാമോ?

കെ.എസ്.ആർ.ടി.സി. ജീവനക്കാരുടെ കുടിശ്ശിക ഡി.എ. എന്തുകൊണ്ടാണ് അനുവദിക്കാതിരിക്കുന്നതെന്ന് വ്യക്തമാക്കാമോ; ആയത് ഏത് മാസം അനുവദിക്കും;

പ്രതിമാസം പതിനാറ് ഫിസിക്കൽ ഡ്യൂട്ടി ഇല്ലാത്തവർക്ക് ആ മാസങ്ങളിലെ ശമ്പള അരിയർ ഏതൊക്കെ മാസങ്ങളിൽ കുടിശ്ശികയുണ്ടെന്നും ആ ഇനത്തിലെ പ്രതിമാസ കുടിശ്ശിക എത്രയാണെന്നും വ്യക്തമാക്കാമോ;

പി.എഫ്. ഇനത്തിൽ 2021 ജനുവരി മുതൽ 2024 ഡിസംബർ വരെ ജീവനക്കാരുടെ ശമ്പളത്തിൽ നിന്നും കെ.എസ്.ആർ.ടി.സി. ഈടാക്കിയിട്ടുള്ള തുക എത്രയാണെന്ന പ്രതിമാസ കണക്കുകൾ വ്യക്തമാക്കാമോ; പി.എഫ്. ട്രസ്റ്റ് ഫണ്ടിലേക്ക് 2021 ജനുവരി മുതൽ 2024 ഡിസംബർ വരെ കെ.എസ്.ആർ.ടി.സി. എത്ര രൂപ വീതം പ്രതിമാസം നിക്ഷേപിച്ചിട്ടുണ്ടെന്നും ഇതേ കാലയളവിൽ ജീവനക്കാർക്ക് പ്രതിമാസം എത്ര രൂപ പി.എഫ്. ഇനത്തിൽ അനുവദിച്ചു നൽകിയിട്ടുണ്ടെന്നും വ്യക്തമാക്കാമോ?

2016 മുതൽ നാളിതുവരേക്കും സംസ്ഥാനത്തിന്റെ വിവിധ ഭാഗങ്ങളിൽ നിന്നും തിരൂരിലേക്കും തിരൂരിൽ നിന്ന് മറ്റു പ്രദേശങ്ങളിലേക്കും സർവ്വീസ് നടത്തിയിരുന്ന കെ.എസ്.ആർ.ടി.സി. ഫാസ്റ്റ് പാസഞ്ചർ, സൂപ്പർഫാസ്റ്റ് ബസ്സ് സർവ്വീസുകൾ നിർത്തലാക്കിയിട്ടുണ്ടെങ്കിൽ പ്രസ്തുത സര്‍വ്വീസുകളുടെ വിശദവിവരവും നിർത്തലാക്കിയതിന്റെ കാരണവും ലഭ്യമാക്കാമോ;

മേൽ പ്രസ്താവിച്ച സർവ്വീസുകൾ അല്ലാതെ 2016 മുതൽ നാളിതുവരേക്കും സംസ്ഥാനത്തിന്റെ വിവിധ ഭാഗങ്ങളിൽ നിന്നും തിരൂർ മണ്ഡലത്തിലെ ഏതെങ്കിലും പ്രദേശങ്ങളിലൂടെ കടന്നുപോയിരുന്ന കെ.എസ്.ആർ.ടി.സി. ഫാസ്റ്റ് പാസഞ്ചർ, സൂപ്പർഫാസ്റ്റ് ബസ്സ് സർവ്വീസുകൾ നിർത്തലാക്കിയിട്ടുണ്ടെങ്കിൽ പ്രസ്തുത സര്‍വ്വീസുകളുടെ വിശദവിവരവും നിർത്തലാക്കിയതിന്റെ കാരണവും ലഭ്യമാക്കാമോ;

തിരൂർ മണ്ഡലത്തിലെ വിവിധ പ്രദേശങ്ങളിലൂടെ നടത്തിയിരുന്ന കെ.എസ്.ആർ.ടി.സി. ഓർഡിനറി ബസ്സ് സർവ്വീസുകൾ നിർത്തലാക്കിയിട്ടുണ്ടെങ്കിൽ പ്രസ്തുത സര്‍വ്വീസുകളുടെ വിശദവിവരവും നിർത്തലാക്കിയതിന്റെ കാരണവും ലഭ്യമാക്കാമോ;

തിരൂർ മണ്ഡലത്തിന്റെ വിവിധ ഭാഗങ്ങളിൽ കൂടി കടന്നു പൊയ്ക്കൊണ്ടിരുന്ന കെ.എസ്.ആർ.ടി.സി. സൂപ്പർ ഫാസ്റ്റ്, ഫാസ്റ്റ് പാസഞ്ചർ, ഓർഡിനറി സർവ്വീസുകൾ നിർത്തലാക്കിയിട്ടുണ്ടെങ്കിൽ അത് പുനരാരംഭിക്കുന്നതിനുള്ള നടപടികൾ ഉണ്ടാകുമോയെന്ന് അറിയിക്കാമോ?

കാേവിഡ് കാലയളവില്‍ നിര്‍ത്തി വച്ച കെ.എസ്.ആര്‍.ടി.സി. ആറ്റിങ്ങല്‍ ഡിപ്പാേയില്‍ നിന്നും സര്‍വ്വീസ് ആരംഭിച്ച് ആലംകാേട് മണനാക്ക് കവലിയൂര്‍-വര്‍ക്കല ക്ഷേത്രം വഴി പരവൂരിലേക്ക് പാേകുന്നതും തിരികെ വരുന്നതുമായ ബസ്സ് സര്‍വ്വീസും, ആറ്റിങ്ങല്‍ നിന്ന് ആരംഭിച്ച് കൊല്ലംമ്പുഴ കവലിയൂര്‍ വഴി വര്‍ക്കല എത്തി തിരികെ ചെറുന്നിയൂര്‍ താന്നിമൂട് വഴി ആറ്റിങ്ങലില്‍ തിരികെയെത്തുന്ന ഓര്‍ഡിനറി വേണാട് സര്‍വ്വീസും പുന:രാരംഭിക്കുന്നതിന് നടപടി സ്വീകരിക്കുമാേ?

കെ.എസ്.ആര്‍.ടി.സി.യുടെ പ്രതിസന്ധി പരിഹരിക്കാൻ സ്വീകരിച്ച നടപടികളെന്തെന്ന് വ്യക്തമാക്കാമോ;

2011-16 കായളവിലും 2016-21 കാലയളവിലും 2021 മുതല്‍ നാളിതുവരെയും കെ.എസ്.ആര്‍.ടി.സി.യ്ക്ക് സര്‍ക്കാര്‍ നല്‍കിയ ഫണ്ടിന്റെ വിശദാംശങ്ങള്‍ ലഭ്യമാക്കുമോ?

കെ.എസ്.ആര്‍.ടി.സി.യില്‍ രൂപീകരിച്ചിട്ടുളള ടെക്നിക്കല്‍ വിജിലന്‍സ് വിംഗില്‍ വിവിധ വിഭാഗം ജീവനക്കാരെ അംഗങ്ങളാക്കിയതിന്റെ മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ;

കെ.എസ്.ആര്‍.ടി.സി. ഷോപ്പിംഗ് കോംപ്ലക്സുകളില്‍ ജീവനക്കാരുടെ സഹകരണ സംഘങ്ങള്‍ക്ക് സൗജന്യ നിരക്കിലോ, വാടക ഇളവിലോ ഓഫീസ്/കെട്ടിട സൗകര്യങ്ങള്‍ അനുവദിക്കുന്ന കാര്യം വകുപ്പിന്റെ പരിഗണനയില്‍ ഉണ്ടോ എന്ന് വ്യക്തമാക്കാമോ?

2016 ജൂൺ മുതൽ നാളിതുവരെ പ്രതിമാസം എത്ര ജീവനക്കാരാണ് കെ.എസ്.ആർ.ടി.സി.യിൽ സർവ്വീസിലിരിക്കെ മരണപ്പെട്ടിട്ടുള്ളത്; അവരുടെ പേരും തസ്തികയും ഡിപ്പോയും മരണ കാരണങ്ങളും ഉൾപ്പെടെ വ്യക്തമാക്കാമോ;

2024 ഡിസംബറിൽ കെ.എസ്.ആർ.ടി.സി.യിലെ എത്ര ജീവനക്കാർ മെഡിക്കൽ ബോർഡ് അനുമതിയോടെ ലൈറ്റ് ഡ്യൂട്ടി/അദർ ഡ്യൂട്ടിയിൽ ഉണ്ടായിരുന്നു എന്നും ഏതൊക്കെ അസുഖങ്ങൾ കാരണമാണ് ഇവർക്ക് ലൈറ്റ് ഡ്യൂട്ടി/അദർ ഡ്യൂട്ടി അനുവദിച്ചത് എന്നും ഇവരുടെ പേര്, കാറ്റഗറി, ഡിപ്പോ, വയസ്സ് എന്നിവയും വ്യക്തമാക്കാമോ; ഇത്തരത്തിൽ മെഡിക്കൽ ബോർഡ് അനുമതി ഇല്ലാതെ ആരെങ്കിലും അദർ ഡ്യൂട്ടി/ലൈറ്റ് ഡ്യൂട്ടിയിൽ പ്രസ്തുത കാലയളവിൽ ജോലി ചെയ്തിരുന്നോ; ഉണ്ടെങ്കിൽ അവരുടെ വിശദാംശങ്ങള്‍ വ്യക്തമാക്കാമോ?

കാസർഗോഡ് കെ .എസ്.ആർ.ടി.സി. ഡിപ്പോയിലെ കടമുറികൾ കരാർ പ്രകാരം വാടകയ്ക്ക് എടുത്തവരുടെ ഡെപ്പോസിറ്റ് തുക, കരാർ കാലാവധി കഴിഞ്ഞ് കടമുറി ഒഴിഞ്ഞുപോയതിന് ശേഷം, തിരികെ നൽകുന്നതിൽ കുടിശ്ശിക വരുത്തിയിട്ടുണ്ടോ എന്ന് വ്യക്തമാക്കാമോ;

പ്രസ്തുത ഇനത്തിൽ എത്ര രൂപയാണ് കുടിശ്ശികയായി നൽകുവാൻ ഉള്ളതെന്ന് അറിയിക്കുമോ;

പ്രസ്തുത തുക നൽകുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

രാത്രിസമയത്ത് ഫാസ്റ്റ് പാസഞ്ചര്‍ ബസ്സുകൾ എല്ലാ ലോക്കല്‍ സ്റ്റോപ്പുകളിലും മുതിര്‍ന്ന പൗരന്‍മാര്‍ക്കും സ്ത്രീകള്‍ക്കും വേണ്ടി നിര്‍ത്തുന്നതുമായി ബന്ധപ്പെട്ട് ഉത്തരവുകള്‍ പ്രാബല്യത്തില്‍ വന്നിട്ടുണ്ടോ; ഉണ്ടെങ്കില്‍ വിശദമാക്കാമോ?

2026 മേയ് മാസത്തിൽ പതിനഞ്ച് വർഷം തികയുന്ന എത്ര ബസുകൾ കെ.എസ്.ആർ.ടി.സി.യ്ക്ക് ഉണ്ടെന്ന് വ്യക്തമാക്കുമോ?

കെ.എസ്ആർ.ടി.സി. കെ-റെയിൽ വഴിയാണോ ചലോ ആപ്പ് കമ്പനിയുടെ ഇ.റ്റി.എം. വാങ്ങിയിരിക്കുന്നത് എന്ന് അറിയിക്കാമോ; ചലോ ആപ്പ് കമ്പനിയിൽ നിന്നും കെ.എസ്.ആർ.ടി.സി വാങ്ങിയ ഇ.റ്റി.എം മെഷീൻ ഇടപാടിൽ കെ-റെയിൽ കൺസൾട്ടൻസി മെയിൻ കോൺട്രാക്ടോ സബ് കോൺട്രാക്ടോ ആയി ഭാഗവാക്കായിട്ടുണ്ടോ; ഉണ്ടെങ്കിൽ ആയതിന്റെ കരാർ രേഖകൾ മുഴുവനും ലഭ്യമാക്കുമോ;

കെ.എസ്.ആർ.ടി.സി. നിലവിൽ ഉപയോഗിക്കുന്ന Microfx കമ്പനിയുടെ ഇ.റ്റി.എമ്മുകൾക്ക് ഇനി എത്ര വർഷം കരാർ കാലാവധി ബാക്കിയുണ്ട് എന്ന് അറിയിക്കാമോ; ചലോ ആപ്പ് കമ്പനിയുമായോ കെ-റെയിലുമായോ കെ.എസ്.ആർ. ടി.സി., ഇ.റ്റി.എമ്മുമായി ബന്ധപ്പെട്ട് ഏതെങ്കിലും കരാറുകളിൽ ഏർപ്പെട്ടിട്ടുണ്ടോ; ഉണ്ടെങ്കിൽ ആ കരാറുകളുടെ പകർപ്പ് ലഭ്യമാക്കാമോ ?

മാവേലിക്കര കെ.എസ്.ആര്‍.ടി.സി. റീജിയണല്‍ വര്‍ക്ക്ഷോപ്പിന്റെ പുനരുദ്ധാരണം ഉള്‍പ്പെടെ വിവിധ പദ്ധതികള്‍ക്ക് 2018-19 മുതല്‍ അനുവദിക്കപ്പെട്ട തുകയും അവയുടെ വിനിയോഗവും പദ്ധതികളുടെ നിലവിലെ സ്ഥിതിയും വിശദമാക്കാമോ?

കെ.എസ്.ആർ.ടി.സി.-യ്ക്ക് ടൂർ പാക്കേജുകൾ നിലവിലുണ്ടോ; വിശദമാക്കാമോ;

നിലവിലുള്ള ടൂർ പാക്കേജുകളുടെ വിശദമായ ലിസ്റ്റ് അനുബന്ധമായി നൽകാമോ ;

കഴിഞ്ഞ വർഷം ടൂർ പാക്കേജുകൾ ഉപയോഗിച്ചവരുടെ എണ്ണം അറിയിക്കാമോ;

കെ.എസ്.ആർ.ടി.സി.യുടെ ടൂർ പാക്കേജുകൾ വിപുലീകരിക്കുന്നതിനായി എന്തൊക്കെ നടപടികളാണ് സ്വീകരിച്ചു വരുന്നത് എന്ന് അറിയിക്കാമോ?

03-02-2025, 04-02-2025, 05-02-2025 ദിവസങ്ങളിൽ കെ.എസ്.ആർ.ടി.സി.യുടെ ഷെഡ്യൂളുകൾ ഓപ്പറേറ്റ് ചെയ്യുന്നതിന് ഓരോ ഡിപ്പോയിലും എത്ര കണ്ടക്ടർ, ഡ്രൈവർ വിഭാഗം ജീവനക്കാരെ ഉപയോഗിച്ചിട്ടുണ്ട് എന്ന് വ്യക്തമാക്കാമോ?

2016-17 മുതല്‍ മാവേലിക്കര കെ.എസ്.ആര്‍.ടി.സി. ബസ്സ് ഡിപ്പോയുമായി ബന്ധപ്പെട്ട് അനുവദിക്കപ്പെട്ട സര്‍ക്കാര്‍, എം.എല്‍.എ. ഫണ്ടുകള്‍ എത്രയെന്ന് അറിയിക്കുമോ; അവയുടെ വിനിയോഗവും, പദ്ധതികളുടെ തല്‍സ്ഥിതിയും സംബന്ധിച്ച വിവരം നൽകുമോ; വിശദമാക്കുമോ?

മൂന്നാര്‍ കെ.എസ്.ആര്‍.ടി.സി. ഡിപ്പോയില്‍ നിന്നും ദിവസേന എത്ര സര്‍വ്വീസുകള്‍ നിലവില്‍ നടത്തുന്നുണ്ട്;

ഈ സര്‍വ്വീസുകള്‍ നടത്തുന്നതിന് എത്ര ജീവനക്കാര്‍ ആവശ്യമുണ്ട്;

പ്രസ്തുത ഡിപ്പോയില്‍ നിലവിലുള്ള ജീവനക്കാരുടെ എണ്ണം എത്രയെന്ന് അറിയിക്കുമോ;

ജീവനക്കാരുടെ കുറവ് മൂലം സര്‍വ്വീസുകള്‍ വെട്ടിച്ചുരുക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ വ്യക്തമാക്കുമോ;

ജീവനക്കാരുടെ കുറവ് പരിഹരിക്കുന്നതിന് എന്തെങ്കിലും ബദല്‍ സംവിധാനം ഏര്‍പ്പെടുത്തിയിട്ടുണ്ടോ; എങ്കിൽ വ്യക്തമാക്കുമോ?

കഴിഞ്ഞ അഞ്ചു വര്‍ഷത്തിനുള്ളില്‍ ഇരിക്കൂര്‍ മണ്ഡലത്തിലൂടെ നടത്തിയിരുന്ന എത്ര കെ.എസ്.ആര്‍.ടി.സി. ബസ് സര്‍വ്വീസുകള്‍ നിര്‍ത്തലാക്കിയിട്ടുണ്ട്; വിശദാംശങ്ങൾ ലഭ്യമാക്കാമോ;

മലയോര മേഖലയില്‍ സര്‍വ്വീസ് നടത്തിയിരുന്ന പ്രസ്തുത ഹ്രസ്വ - ദീര്‍ഘദൂര സര്‍വ്വീസുകള്‍ നിര്‍ത്തലാക്കിയതുമൂലം യാത്രക്കാര്‍ക്കുണ്ടായ ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ;

പൊതുഗതാഗത സൗകര്യം തീരെയില്ലാത്ത ഗ്രാമീണ മേഖലയിൽ പ്രസ്തുത സർവ്വീസുകൾ നിർത്തലാക്കിയതുമൂലം ജനങ്ങൾക്കുണ്ടായ ബുദ്ധിമുട്ട് പരിഹരിക്കാനും അവര്‍ക്ക് യാത്രാസൗകര്യം ഒരുക്കാനും വകുപ്പ് സ്വീകരിച്ചിട്ടുള്ള നടപടികൾ വ്യക്തമാക്കാമോ?

നിര്‍മ്മാണത്തില്‍ അപാകതയുണ്ടെന്ന് ചെന്നെെ ഐ.ഐ.ടി. കണ്ടെത്തിയ കോഴിക്കോട് കെ.എസ്.ആര്‍.ടി.സി. സുമച്ചയം ബലപ്പെടുത്തുന്നതിനായി സ്വീകരിച്ച നടപടികള്‍ വിശദമാക്കാമോ;

പ്രസ്തുത സമുച്ചയത്തിലെ കുടമുറികള്‍ വാടകക്കാരില്ലാതെ ഒഴിഞ്ഞുകിടക്കുന്നത് പരിഹരിക്കുന്നതിന് ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

കാഞ്ഞങ്ങാട് മണ്ഡലത്തിൽ നിലവിലുള്ള കെ.എസ്.ആർ.ടി.സി. റൂട്ടുകൾ ഏതൊക്കെയാണെന്ന് അറിയിക്കുമോ;

2016 ന് ശേഷം മണ്ഡലത്തിൽ റദ്ദ് ചെയ്തതും പുതുതായി ആരംഭിച്ചതുമായ സർവ്വീസുകൾ ഏതൊക്കെയെന്ന് വർഷം തിരിച്ച് വിശദമാക്കാമോ?

കോഴിക്കോട് നിന്നും കുറ്റ്യാടി വഴി മാനന്തവാടിയിലേക്കുള്ള ബസ്സുകള്‍ കോഴിക്കോട് കെ.എസ്.ആര്‍.ടി.സി. സ്റ്റാന്‍ഡിലെ വയനാട് പാര്‍ക്കിംഗ് ലോട്ടില്‍ നിന്ന് യാത്ര ആരംഭിക്കുന്ന തരത്തില്‍ ക്രമീകരിക്കാന്‍ സാധിക്കുമോ; വിശദമാക്കാമോ?

മഞ്ചേശ്വരം മണ്ഡലത്തിലൂടെ സർവ്വീസ് നടത്തുന്ന കെ.എസ്.ആർ.ടി.സി. ബസ് റൂട്ടുകളുടെ വിശദവിവരങ്ങൾ ലഭ്യമാക്കുമോ;

പ്രസ്തുത മണ്ഡലത്തിലൂടെ പുതിയ റൂട്ട് പരിഗണനയിൽ ഉണ്ടോ എന്ന് വ്യക്തമാക്കുമോ?

തിരുവനന്തപുരം സിറ്റിയില്‍ ശ്രീകാര്യം പൗഡിക്കോണം പോത്തന്‍കോട് ബസ്സ് സര്‍വ്വീസ് സംബന്ധിച്ച് ചെമ്പഴന്തി ആവുക്കുളം ആസ്ഥാനമായി പ്രവര്‍ത്തിക്കുന്ന എം.എ.സി.ആർ.എ. (MACRA) സെക്രട്ടറി ഗതാഗത വകുപ്പ് മന്ത്രിയ്ക്ക് 25.07.2024-ല്‍ നല്‍കിയ എം.എ.സി.ആർ.എ. 12/2024 നമ്പർ പരാതിയിന്മേല്‍ (2029/എൻ./കെ. എസ്. ആർ. റ്റി. സി./2024) സ്വീകരിച്ച നടപടി വ്യക്തമാക്കാമോ; പ്രസ്തുത ഫയല്‍ ഏത് ഓഫീസിലാണ് പരാതി പരിഹരിക്കപ്പെടാതെ ഇപ്പോഴും പെന്റിംഗായി നില്‍ക്കുന്നതെന്നും അറിയിക്കാമോ;

പ്രസ്തുത പരാതി അടിയന്തരമായി തീര്‍പ്പാക്കുന്നതിനുള്ള നടപടികള്‍ സ്വീകരിക്കുമോ?

കാട്ടാക്കട കെ.എസ്.ആര്‍.ടി.സി. ഡിപ്പോയില്‍ നിന്നും ഇടറോഡുകളിലേക്കുള്ള ബസ്സ് സര്‍വ്വീസുകള്‍ പുന:സ്ഥാപിക്കാന്‍ നടപടി സ്വീകരിയ്ക്കുമോ; കുരുതംകോട്, കീഴാറൂര്‍, വാളിക്കോട്, കൊറ്റംപള്ളി എന്നിവിടങ്ങളിലേയ്ക്കുള്ള സര്‍വ്വീസുകള്‍ ജനോപകാരപ്രദമായി പുന:സ്ഥാപിക്കാന്‍ നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

നിലവിലെ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി കെ.എസ്.ആര്‍.ടി.സി. ഡിപ്പോയില്‍ നിന്ന് ഓപ്പറേറ്റ് ചെയ്തിരുന്ന ഏതെല്ലാം സര്‍വ്വീസുകളാണ് നിര്‍ത്തലാക്കിയിട്ടുള്ളത്; ആയതിനുള്ള കാരണം വ്യക്തമാക്കുമോ;

ബസ് സര്‍വ്വീസുകള്‍ നിര്‍ത്തലാക്കിയ റൂട്ടുകളിലെ യാത്രക്കാര്‍ക്ക് യാത്രചെയ്യുന്നതിനായി എന്തെല്ലാം ബദല്‍ സംവിധാനങ്ങൾ ഏര്‍പ്പെടുത്തിയിട്ടുണ്ട്; വ്യക്തമാക്കുമോ?

പാലക്കാട് ജില്ലയിലെ പാലക്കുഴിയില്‍ നിന്നും കോട്ടയം ജില്ലയിലെ പാലായിലേക്ക് കെ.എസ്.ആർ.ടി.സി. ബസ്സ് സര്‍വ്വീസ് ആരംഭിക്കുന്നതിനുള്ള അപേക്ഷയിന്മേല്‍ സ്വീകരിച്ചിട്ടുള്ള നടപടികള്‍ വിശദമാക്കുമോ?

കെ.എസ്.ആർ.ടി.സി. യുടെ ലോ ഫ്‍ളോര്‍ എ.സി. ബസ്സുകള്‍ കണ്ണൂര്‍ ഡിപ്പോയില്‍ നിന്നും സർവ്വീസ് നടത്തുന്നുണ്ടോ; സർവ്വീസ് തുടങ്ങുന്ന സ്ഥലം , അവസാനിക്കുന്ന സ്ഥലം ,സമയ ക്രമീകരണങ്ങള്‍ എന്നിവ സഹിതം വിശദമാക്കാമോ;

കൂടുതല്‍ ലോ ഫ്‍ളോര്‍ ബസ്സുകള്‍ കണ്ണൂരില്‍ അനുവദിക്കുന്നത് ആലോചനയിലുണ്ടോ; വിശദമാക്കാമോ?

കോഴിക്കോട് നഗരത്തില്‍ പുതുതായി നിര്‍മ്മിച്ച ബൈപ്പാസ് കേന്ദ്രീകരിച്ചുകൊണ്ട് കെ.എസ്.ആർ.ടി.സി. സിറ്റി ബസ്സ് സര്‍വ്വീസ് ആരംഭിക്കുന്ന വിഷയം പരിഗണിക്കുമോ;

നഗരത്തില്‍ നിര്‍ത്തലാക്കിയ ടൗണ്‍ ടു ടൗണ്‍ സര്‍വ്വീസിന്റെ സ്റ്റോപ്പുകള്‍ പുന:സ്ഥാപിക്കുന്നതിന് നടപടി സ്വീകരിക്കുമോ;

തിരുവനന്തപുരത്ത് അനുവദിച്ചതുപോലെ നഗര കാഴ്ചകള്‍ക്കായി പ്രത്യേക സര്‍വ്വീസ് അനുവദിക്കുന്ന കാര്യം പരിഗണിക്കുമോ?

ബാലുശ്ശേരി മണ്ഡലത്തിലെ ആദിവാസി ജനവിഭാഗങ്ങൾ താമസിക്കുന്ന വയലട പ്രദേശത്തേക്ക് താമരശ്ശേരി കെ. എസ്. ആർ. ടി. സി. ഡിപ്പോയിൽ നിന്നുമുള്ള ബസ് സർവ്വീസ് നിലവിൽ നിർത്തലാക്കിയിട്ടുണ്ടോ; വിശദമാക്കാമോ;

വിനോദസഞ്ചാര കേന്ദ്രവും, ട്രൈബൽ ജനവിഭാഗങ്ങൾ താമസിക്കുന്നതുമായ വയലട പ്രദേശത്തേക്ക് കെ. എസ്. ആർ. ടി. സി. സർവ്വീസുകൾ അടിയന്തരമായി പുനഃസ്ഥാപിക്കുന്നതിന് നടപടി സ്വീകരിക്കുമോ?

കുണ്ടറ മണ്ഡലത്തിലെ പടപ്പക്കര-കുമ്പളം-പേരയം-കുണ്ടറ വഴി തിരുവനന്തപുരം വരെ നടത്തിക്കൊണ്ടിരുന്ന കെ.എസ്.ആര്‍.ടി.സി. ഫാസ്റ്റ് പാസഞ്ചര്‍ ബസ് സര്‍വ്വീസ് നിലവില്‍ നിര്‍ത്തിവയ്ക്കപ്പെട്ടിരിക്കുകയാണ് എന്നത് ശ്രദ്ധയിൽപെട്ടിട്ടുണ്ടോ;

ആര്‍.സി.സി., മെഡിക്കല്‍ കോളേജ്, സെക്രട്ടേറിയറ്റ് എന്നിവിടങ്ങളിലേയ്ക്ക് പൊതുജനങ്ങള്‍ക്ക് എത്തിച്ചേരുന്നതിന് ഉപകാരപ്പെടുന്ന പ്രസ്തുത ബസ് സര്‍വ്വീസ് പുനരാരംഭിക്കുന്നതിനുളള നടപടി സ്വീകരിക്കുമോ ?

കാസർകോട് മംഗലാപുരം റൂട്ടിൽ വിദ്യാർത്ഥികൾക്ക് കെ.എസ്.ആർ.ടി.സി.യില്‍ ടിക്കറ്റ് ഇളവ് ലഭിക്കുന്നതിനുള്ള മാനദണ്ഡങ്ങൾ വിശദമാക്കുമോ;

2024 - 25 വർഷം എത്ര വിദ്യാർത്ഥികൾക്കാണ് ടിക്കറ്റ് ഇളവ് നൽകിയിട്ടുള്ളത് എന്ന് വിശദമാക്കുമോ;

വിദ്യാർത്ഥികൾക്ക് ഗുണകരവും സൗകര്യപ്രദവുമായ രീതിയിൽ ടിക്കറ്റ് കൺസഷൻ പാസ് അനുവദിക്കുന്നതിന് കാസർകോട് കെ.എസ്.ആർ.ടി.സി.ക്ക് നിർദ്ദേശം നൽകുവാനുള്ള നടപടി സ്വീകരിക്കുമോ?

കൊണ്ടോട്ടി ആർ.ടി.ഒ. സബ് ഓഫീസ് പ്രവർത്തനം ആരംഭിച്ചത് എന്ന് മുതലാണ് എന്നും നിലവിൽ ഏതെല്ലാം തസ്തികകളാണ് ഇവിടെ ഉള്ളത് എന്നും വ്യക്തമാക്കുമോ; ഈ ഓഫീസിൽ 2021 മുതൽ പ്രതിവർഷം രജിസ്റ്റർ ചെയ്യപ്പെടുന്ന വാഹനങ്ങളുടെ എണ്ണം എത്രയെന്ന് വ്യക്തമാക്കുമോ;

ഡ്രൈവിംങ് ടെസ്റ്റ് നടത്തുന്നതിന് ഇവിടെ എത്ര അപേക്ഷകൾ പെൻഡിംങ് ഉണ്ടെന്നും 2024 ജനുവരി മുതൽ 2025 ഫെബ്രുവരി 1 വരെ ഒരോ മാസവും എത്ര ഡ്രൈവിങ് ടെസ്റ്റുകൾ ഇവിടെ നടത്തിയിട്ടുണ്ട് എന്നും മാസം തിരിച്ചുള്ള കണക്ക് ലഭ്യമാക്കുമോ;

എം.വി.ഐ. തസ്തികയിൽ ഒരാൾ മാത്രം ഉള്ളത് കൊണ്ട് ദിവസം എത്ര പേർക്കാണ് ഇപ്പോൾ ടെസ്റ്റിന് അനുമതി നൽകുവാൻ കഴിയുന്നതെന്ന് വ്യക്തമാക്കാമോ;

ഈ ഓഫിസിന്റെ ഗുണഭോക്താക്കളുടെ എണ്ണം കണക്കിലെടുത്ത് അധികമായി ഒരു എം.വി.ഐ.-ക്ക് കൂടി സ്ഥിരം നിയമനമോ, അല്ലെങ്കിൽ താൽക്കാലിക അടിസ്ഥാനത്തിലുള്ള നിയമനമോ നൽകുന്നതിന് നടപടി സ്വീകരിക്കുമോ?

ടൂറിസം സര്‍വ്വീസുകള്‍ വിപുലപ്പെടുത്തുന്നതിന്റെ ഭാഗമായി ജലഗതാഗത വകുപ്പ് ആധുനിക സൗകര്യങ്ങളാേട് കൂടിയ സാേളാര്‍ ഇലക്ട്രിക് ബാേട്ടുകളുടെ നിര്‍മ്മാണം പൂര്‍ത്തിയാക്കിയിട്ടുണ്ടാേ; എങ്കിൽ വിശദവിവരം ലഭ്യമാക്കാമാേ;

ബാേട്ട് നിര്‍മ്മാണം വേഗത്തില്‍ പൂര്‍ത്തീകരിച്ച് ടൂറിസം മേഖല സജീവമാക്കുന്നതിനുള്ള നടപടി വേഗത്തില്‍ സ്വീകരിക്കുമാേ?

2016 മുതല്‍ ജലഗതാഗത വകുപ്പില്‍ പുതുതായി അനുവദിച്ച ബോട്ടുകള്‍ ഏതെല്ലാമെന്ന് വിശദമാക്കാമോ;

പ്രസ്തുത ബോട്ടുകള്‍ നിലവില്‍ ഏതെല്ലാം സ്റ്റേഷനുകളില്‍ ഏതെല്ലാം റൂട്ടുകളിലാണ് സര്‍വ്വീസ് നടത്തുന്നത് എന്ന് വിശദമാക്കാമോ;

പുതുതായി അനുവദിച്ച ബോട്ടുകളില്‍ ഏതെല്ലാം ബോട്ടുകളില്‍ എ.എം.സി. സംവിധാനം ഉണ്ട് എന്ന് വിശദമാക്കാമോ;

നിലവില്‍ ജലഗതാഗത വകുപ്പില്‍ സര്‍വ്വീസ് നടത്തുന്ന എത്ര ബോട്ടുകള്‍ ഉണ്ടെന്ന് വിശദമാക്കാമോ;

നിലവില്‍ ജലഗതാഗത വകുപ്പില്‍ സര്‍വ്വീസ് നടത്തുന്ന ബോട്ടുകള്‍, അവ നിര്‍മ്മിച്ച വര്‍ഷം, സര്‍വ്വീസ് നടത്തുന്ന സ്റ്റേഷന്‍, എന്നിവ സംബന്ധിച്ച വിശദവിവരം നൽകാമോ?

കണ്ണൂര്‍, കാസര്‍ഗോഡ് ജില്ലകളിലെ പയ്യന്നൂര്‍ നഗരസഭ, വലിയപറമ്പ്, പടന്ന തുടങ്ങിയ ഗ്രാമപ്പഞ്ചായത്തുകളെ ബന്ധിപ്പിച്ച് പയ്യന്നൂര്‍ സ്റ്റേഷന്‍ കേന്ദ്രീകരിച്ച് എത്ര ബോട്ട് സര്‍വ്വീസാണ് നിലവില്‍ ഓപ്പറേറ്റ് ചെയ്യുന്നതെന്ന് വ്യക്തമാക്കാമോ;

ഇവിടെ സര്‍വ്വീസ് നടത്തുന്ന ബോട്ടുകളുടെ കാലാവധി എപ്പോഴാണ് അവസാനിക്കുന്നത് എന്ന് അറിയിക്കാമോ;

കാലാവധി കഴിയുന്ന ബോട്ടുകള്‍ക്ക് പകരമായി പാസഞ്ചര്‍ കം ടൂറിസ്റ്റ് ബോട്ട് സര്‍വീസ് ആക്കാന്‍ കഴിയുന്ന തരത്തില്‍ പുതിയ സോളാര്‍ ബോട്ട് അനുവദിക്കാന്‍ ആവശ്യമായ നടപടികള്‍ പരിഗണനയില്‍ ഉണ്ടോ; എങ്കിൽ വിശദമാക്കാമോ?

മോട്ടോര്‍ വാഹന വകുപ്പ് തയ്യാറാക്കിയ സിറ്റിസണ്‍ സെന്റിനല്‍ ആപ്പിലൂടെ ലഭിക്കുന്ന സേവനങ്ങള്‍ എന്തെല്ലാമാണ് എന്ന് വ്യക്തമാക്കാമോ?

മോട്ടോർ വാഹന വകുപ്പിലെ അഴിമതി ഇല്ലാതാക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

2024-25 വർഷത്തിൽ മോട്ടോർ വാഹന വകുപ്പിലെ എത്ര ജീവനക്കാരാണ് വിജിലൻസ് കേസുകളിൽ ഉൾപ്പെട്ടിട്ടുള്ളതെന്ന് വിശദമാക്കാമോ, ജില്ല തിരിച്ചുള്ള കണക്ക് ലഭ്യമാക്കാമോ?

മലപ്പുറം ആർ.ടി.ഒ. പരിധിയിൽ ഡ്രൈവിംഗ് ടെസ്റ്റ് അപേക്ഷകരുടെ എണ്ണത്തിനനുസരിച്ച് അടുത്ത മൂന്നുമാസത്തേക്ക് അനുവദിച്ചിട്ടുള്ള അപ്പോയിന്റ്മെന്റുകളുടെ എണ്ണം വിശദമാക്കാമോ;

മലപ്പുറം ആർ.ടി.ഒ. പരിധിയിൽ നിലവിലുള്ള ടെസ്റ്റ് ബാച്ച് എത്രയെന്നുള്ള വിവരവും അവർ ഓരോ ദിവസവും അറ്റൻഡ് ചെയ്യുന്ന ഡ്രൈവിംഗ് ടെസ്റ്റ് ഡ്യൂട്ടിയുടെ വിശദാംശവും അറിയിക്കുമോ;

അപേക്ഷകർക്ക് ആനുപാതികമായി മലപ്പുറത്ത് ടെസ്റ്റ് ബാച്ച് ഇല്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ പുതിയ ടെസ്റ്റ് ബാച്ച് അനുവദിക്കാൻ നടപടി സ്വീകരിക്കുമോ;

ആയിരക്കണക്കിന് അപേക്ഷകർ ഡ്രൈവിംഗ് ടെസ്റ്റ് അപ്പോയ്ന്റ്മെന്റ് ലഭിക്കാതെ കാത്തിരിക്കുന്ന സാഹചര്യത്തിൽ പുതിയ ടെസ്റ്റ് ബാച്ച് അനുവദിക്കണമെന്നാവശ്യപ്പെട്ട് എം.എൽ.എ. 05/11/24-ന് നൽകിയ പി.യൂ./70/24/എം.വി.ഡി./എം.പി.എം. നമ്പർ കത്തിൽ നാളിതുവരെ സ്വീകരിച്ച നടപടികൾ വിശദീകരിക്കാമോ?

മോട്ടോര്‍ വാഹന വകുപ്പില്‍ പുതുതായി നടപ്പിലാക്കുന്ന ആര്‍. സി. ഡിജിറ്റല്‍ കാര്‍ഡ് പദ്ധതിയെക്കുറിച്ച് വിശദമാക്കാമോ;

പ്രസ്തുത പദ്ധതിയുടെ പ്രത്യേകതകള്‍ എന്തെല്ലാമാണെന്ന് വിശദമാക്കാമോ?

പുതിയ വാഹനങ്ങള്‍ക്ക് ആര്‍.സി. ബുക്കുകള്‍ ലഭിക്കുന്നതിന് ആറു മാസത്തില്‍ കൂടുതല്‍ സമയമെടുക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിക്കുന്ന നടപടികള്‍ എന്തൊക്കെയെന്ന് വിശദമാക്കാമോ;

ആര്‍.സി. ബുക്കുകള്‍ ലഭ്യമാവാത്ത പക്ഷം ഏതൊക്കെ രേഖകളാണ് വാഹനത്തില്‍ കരുതേണ്ടത് എന്ന് അറിയിക്കാമോ?

സംസ്ഥാനത്ത് മോട്ടോർ ഡ്രൈവിംഗ് സ്കൂളുകൾ ആരംഭിക്കുന്നതുമായി ബന്ധപ്പെട്ട ഗവൺമെന്റ് ഉത്തരവിന്റെ പകർപ്പ് ലഭ്യമാക്കാമോ;

സംസ്ഥാനത്ത് നിലവിൽ എത്ര അംഗീകൃത ഡ്രൈവിംഗ് സ്കൂളുകളാണ് ഉള്ളതെന്ന് ജില്ല തിരിച്ചുള്ള കണക്കുകൾ ലഭ്യമാക്കാമോ;

ഡ്രൈവിംഗ് സ്കൂളുകൾ ആരംഭിക്കുന്നത് സംബന്ധിച്ച് കേന്ദ്രസർക്കാരിന്റെ എന്തെങ്കിലും പുതിയ നിർദ്ദേശം വന്നിട്ടുണ്ടോ; ഉണ്ടെങ്കിൽ ആയതിന്റെ പകർപ്പ് ലഭ്യമാക്കാമോ;

സംസ്ഥാനത്ത് അനധികൃതമായി ഡ്രൈവിംഗ് സ്കൂളുകൾ നടത്തുന്നത് മോട്ടോർ വാഹന വകുപ്പിന്റെ പരിശോധനയിൽ കണ്ടെത്തിയിട്ടുണ്ടോ;

ഉണ്ടെങ്കില്‍ പ്രസ്തുത സ്കൂളുകൾക്ക് എതിരെ എന്തു നടപടികൾ സ്വീകരിച്ചു; വിശദമാക്കാമോ?

വാഹന വർദ്ധനവിന് ആനുപാതികമായി ആർ.ടി.ഒ./എസ്.ആർ.ടി.ഒ. ഓഫീസുകൾ നിലവിലുണ്ടോയെന്നും പുതിയ എസ്.ആർ.ടി.ഒ. ഓഫീസുകൾ ആരംഭിക്കുവാൻ ഉദ്ദേശിക്കുന്നുണ്ടോയെന്നും വിശദമാക്കാമോ;

ഉദ്യോഗസ്ഥക്ഷാമം മൂലം ഡ്രൈവിംഗ് ലൈസൻസ്, വാഹനങ്ങളുടെ ആർ.സി. ബുക്കുകൾ, വെഹിക്കിൾ റീ ടെസ്റ്റ്, നിയമലംഘനങ്ങളുടെ ചെല്ലാൻ അയക്കൽ തുടങ്ങിയവയുമായി ബന്ധപ്പെട്ട നടപടിക്രമങ്ങൾക്ക് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കുവാൻ എന്ത് നടപടി സ്വീകരിക്കുവാനാണ് ഉദ്ദേശിക്കുന്നതെന്ന് വിശദമാക്കാമോ?

മോട്ടോർ വാഹന വകുപ്പിൽ നിലവിൽ എത്ര മോട്ടോര്‍ വെഹിക്കിൾ ഇന്‍സ്പെക്ടര്‍മാരുടെയും അസിസ്റ്റന്റ് മോട്ടോര്‍ വെഹിക്കിൾ ഇന്‍സ്പെക്ടര്‍മാരുടെയും കുറവുണ്ടെന്നതിന്റെ വിശദാംശം നൽകാമോ;

പ്രസ്തുത സാഹചര്യം ചൂണ്ടിക്കാട്ടി ട്രാൻസ്പോർട്ട് കമ്മീഷണർ സർക്കാരിന് സമർപ്പിച്ച പ്രൊപ്പോസലിന്മേൽ ഇതുവരെ എന്ത് നടപടി സ്വീകരിച്ചു എന്നതിന്റെ വിശദ വിവരം ലഭ്യമാക്കുമോ?

മോട്ടോർ വാഹന വകുപ്പിലെ ഉദ്യോഗസ്ഥ ക്ഷാമം പരിഹരിക്കുന്നതിനും സേഫ് കേരള എൻഫോഴ്സ്മെന്റ് സ്ക്വാഡ് 24 മണിക്കൂർ പ്രവർത്തിക്കുന്നതിനും വേണ്ടി പ്രൊപ്പോസല്‍ തയ്യാറാക്കിയിട്ടുണ്ടോ; വിശദമാക്കുമോ;

ആയതിന്മേൽ ഗവൺമെൻറ് സ്വീകരിച്ച നടപടികൾ എന്തൊക്കെയെന്ന് അറിയിക്കുമോ; പ്രസ്തുത പ്രൊപ്പോസൽ പ്രകാരം ഏതൊക്കെ തസ്തികകളിലാണ് അധിക പോസ്റ്റുകൾ വേണ്ടി വരുന്നതെന്നും പുതുതായി പോസ്റ്റുകൾ സൃഷിക്കേണ്ടി വരുന്നതെന്നും വ്യക്തമാക്കുമോ;

നിലവിൽ മോട്ടോർ വാഹന വകുപ്പിൽ ഉദ്യോഗസ്ഥ ക്ഷാമം നേരിടുന്നുണ്ടോ, ഇത് മോട്ടോർ വാഹന വകുപ്പിന്റെ പ്രവർത്തനങ്ങളെ ബാധിക്കുന്നതായി കണ്ടെത്തിയിട്ടുണ്ടോ; വിശദമാക്കുമോ; ആയത് തരണം ചെയ്യുന്നതിന് എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നത്?

കേന്ദ്രസര്‍ക്കാര്‍ പ്രഖ്യാപിച്ച ഭാരത് രജിസ്ട്രേഷന്‍ പ്രകാരം സംസ്ഥാന മോട്ടോര്‍ വാഹന വകുപ്പ് വാഹനങ്ങള്‍ക്ക് രജിസ്ട്രേഷന്‍ നല്‍കി വരുന്നുണ്ടോ; ഉണ്ടെങ്കില്‍ എന്ന് മുതലാണ് രജിസ്ട്രേഷന്‍ നടപടി ആരംഭിച്ചതെന്ന് വ്യക്തമാക്കാമോ; ഇതിൻ പ്രകാരം എത്ര അപേക്ഷകൾ സ്വീകരിച്ചിട്ടുണ്ടെന്ന് വിശദമാക്കാമോ?

കാലപ്പഴക്കത്താൽ ഉപയോഗയോഗ്യമല്ലാത്ത വാഹനങ്ങള്‍ പൊളിക്കുന്നതിനും നീക്കം ചെയ്യുന്നതിനുമുള്ള അംഗീകൃത കേന്ദ്രങ്ങള്‍ നിലവിലുണ്ടോ;

എന്തെല്ലാം സൗകര്യങ്ങളും സേവനങ്ങളുമാണ് പ്രസ്തുത കേന്ദ്രങ്ങള്‍ ഉറപ്പുനല്‍കുന്നത്; വിശദാംശങ്ങള്‍ നല്‍കാമോ;

പ്രസ്തുത കേന്ദ്രങ്ങളില്‍ വാഹനങ്ങള്‍ സ്ക്രാപ്പ് ചെയ്താല്‍ ഉടമയ്ക്ക് പുതിയ വാഹനം വാങ്ങുമ്പോള്‍ എന്തെങ്കിലും ആനുകൂല്യങ്ങളോ മറ്റെന്തെങ്കിലും ഇളവുകളോ ലഭ്യമാണോ; വിശദമാക്കുമോ?

സംസ്ഥാനത്ത് മോട്ടോർ വാഹന വകുപ്പിൽ രജിസ്ട്രേഷൻ സർട്ടിഫിക്കറ്റ്, ഡ്രൈവിംഗ് ലൈസൻസ്, പെർമിറ്റ് എന്നിവയുടെ കമ്പ്യൂട്ടറൈസ്ഡ് സേവനങ്ങൾക്കായി പ്രത്യേകം വെബ് ആപ്ലിക്കേഷൻ നടപ്പിലാക്കിയിട്ടുണ്ടോ; എന്തൊക്കെ സേവനങ്ങളാണ് പ്രസ്തുത ആപ്ലിക്കേഷനിലൂടെ ലഭ്യമാകുന്നതെന്ന് വ്യക്തമാക്കുമോ;

പ്രസ്തുത ആപ്ലിക്കേഷന്റെ ഭാഗമായി പുതിയ വെബ് മൊഡ്യൂളുകൾ നടപ്പിലാക്കിയിട്ടുണ്ടോ; വിശദമാക്കാമോ;

സേവനങ്ങൾ ലഭ്യമാക്കുന്നതിലെ സുതാര്യത ഉറപ്പുവരുത്തുന്നതിന്റെ ഭാഗമായി ഫസ്റ്റ് കം ഫസ്റ്റ് സെർവ് എന്ന സംവിധാനം ഒരുക്കിയിട്ടുണ്ടോ; അറിയിക്കുമോ?

സംസ്ഥാനത്ത് നിലവിൽ പ്രവർത്തനക്ഷമമായ സി.എൻ.ജി. പമ്പുകളുടെ എണ്ണം ജില്ല തിരിച്ച്‌ ലഭ്യമാക്കുമോ; സി.എൻ.ജി. വാഹനങ്ങളുടെ എണ്ണത്തിന് ആനുപാതികമായ എണ്ണം സി.എൻ.ജി. പമ്പുകൾ സംസ്ഥാനത്ത് നിലവിലില്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

മതിയായ എണ്ണം സി.എൻ.ജി പമ്പുകളുടെ അഭാവം സി.എൻ.ജി. വാഹനങ്ങൾ ഉള്ള ഓട്ടോഡ്രൈവർമാർ ഉൾപ്പെടെയുള്ള ആളുകളെ പ്രതികൂലമായി ബാധിക്കുന്ന വിഷയം പരിശോധിക്കുകയുണ്ടായോ; വ്യക്തമാക്കുമോ;

സി.എൻ.ജി. പമ്പുകളുടെ കുറവ് എങ്ങനെ പരിഹരിക്കാനാകും എന്നാണ് സർക്കാർ കരുതുന്നത് എന്ന് അറിയിക്കുമോ; വിശദമാക്കുമോ;

പുതിയ സി. എന്‍. ജി. പമ്പുകള്‍ ആരംഭിക്കുന്നതിനുള്ള നടപടി ക്രമങ്ങള്‍ എന്തെല്ലാമെന്ന് അറിയിക്കാമോ?

സംസ്ഥാനത്ത് ഡ്രൈവിംഗ് ലൈസന്‍സ്, ആര്‍.സി. ബുക്കുകള്‍ തുടങ്ങിയവ ലഭിക്കുന്നതിന് വലിയ കാലതാമസം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

ഇവ കാലതാമസം കൂടാതെ വിതരണം ചെയ്യുന്നതിന് ആവശ്യമായ ക്രമീകരണങ്ങള്‍ ഏര്‍പ്പെടുത്തുമോ;

നേരത്തെ നല്‍കിയിരുന്ന ലൈസന്‍സുകള്‍ ഉള്‍പ്പെടെയുള്ള സര്‍ട്ടിഫിക്കറ്റുകളില്‍ ഉണ്ടായിരുന്ന 'ഹാള്‍മാര്‍ക്ക്' പുതുതായി വിതരണം ചെയ്യുന്നവയില്‍ ഇല്ലാത്തതുമൂലം വിദേശത്തടക്കം ജോലി തേടുന്ന ഉദ്യോഗാര്‍ത്ഥികള്‍ക്ക് വിഷമതകള്‍ നേരിടുന്നതു പരിഹരിക്കുവാന്‍ ആവശ്യമായ നടപടികള്‍ സ്വീകരിക്കുമോ;

പ്രസ്തുത പ്രശ്‍നം പരിഹരിക്കുന്നതിനായുള്ള അപേക്ഷകള്‍ ലഭിച്ചിട്ടുണ്ടോ; ഉണ്ടെങ്കില്‍ എന്തെല്ലാം നടപടികളാണ് ഈ പ്രശ്നം പരിഹരിക്കുവാന്‍ സ്വീകരിക്കുക എന്ന് അറിയിക്കാമോ?