ലൈഫ് ഭവന പദ്ധതിയിൽ ഉൾപ്പെടുത്തി ആദിവാസി കുടുംബങ്ങൾക്ക് നിലവിൽ വീട് നിർമ്മിച്ചു നൽകുന്നുണ്ടോ; എങ്കിൽ ആയതിനുള്ള മാനദണ്ഡങ്ങൾ എന്തൊക്കെയെന്ന് വ്യക്തമാക്കുമോ?

നെന്മാറ മണ്ഡലത്തില്‍ എത്ര ആദിവാസി കുടുംബങ്ങൾ താമസിക്കുന്നുണ്ടെന്ന് അറിയിക്കാമോ;

ഇതില്‍ സ്വന്തമായി സ്ഥലവും വീടും ഇല്ലാത്ത എത്ര കുടുംബങ്ങളുണ്ടെന്ന് വ്യക്തമാക്കാമോ;

പ്രസ്തുത കുടുംബങ്ങള്‍ക്ക് വീടും സ്ഥലവും അനുവദിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കുമോ?

നിലവിലെ സർക്കാരിന്റെ കാലത്ത് ഗുരുവായൂര്‍ മണ്ഡലത്തില്‍ പട്ടികജാതി വിഭാഗത്തില്‍പ്പെട്ട ഭൂരഹിതരായ എത്ര കുടുംബങ്ങള്‍ ഭൂമിക്കായി അപേക്ഷ സമര്‍പ്പിച്ചിട്ടുണ്ട്; അപേക്ഷകരുടെ പേര് തദ്ദേശസ്വയംഭരണ സ്ഥാപനം തിരിച്ച് വിശദമാക്കാമോ;

ഇതില്‍ എത്രപേര്‍ക്ക് ഭൂമി ലഭിച്ചിട്ടുണ്ടെന്ന് പേര്, തദ്ദേശസ്ഥാപനം സഹിതം വിശദമാക്കാമോ?

ഭൂരഹിത പുനരധിവാസ പദ്ധതി പ്രകാരം അരുവിക്കര മണ്ഡലത്തില്‍ അര്‍ഹരായി കണ്ടെത്തിയ പട്ടികജാതി-പട്ടികവര്‍ഗ്ഗ കുടുംബങ്ങളുടെ എണ്ണം പഞ്ചായത്ത് അടിസ്ഥാനത്തില്‍ അറിയിക്കുമോ?

പാലക്കാട് ജില്ലയില്‍ വീട് വെയ്ക്കുന്നതിന് ഭൂമിയില്ലാത്ത പട്ടികജാതി വിഭാഗങ്ങളില്‍പ്പെട്ട എത്ര കുടുംബങ്ങള്‍ ഭൂമിക്കായി അപേക്ഷ സമര്‍പ്പിച്ചിട്ടുണ്ടെന്ന് ബ്ലോക്കടിസ്ഥാനത്തിലുളള വിവരം ലഭ്യമാക്കാമോ; ഇതില്‍ എത്രപേര്‍ക്ക് ഭൂമി ലഭിച്ചിട്ടുണ്ടെന്ന് വിശദമാക്കാമോ?

വാമനപുരം മണ്ഡലത്തിലെ ഗ്രാമപഞ്ചായത്തുകളില്‍ വീടുവയ്ക്കാന്‍ സ്ഥലമില്ലാത്ത എത്ര പട്ടികജാതി, പട്ടികവര്‍ഗ്ഗ കുടുംബങ്ങളുണ്ടെന്ന് പഞ്ചായത്ത് തിരിച്ച് വ്യക്തമാക്കാമോ;

പ്രസ്തുത ഗ്രാമപഞ്ചായത്തുകളില്‍ സ്വന്തമായി ഭൂമിയുള്ള ഭവനരഹിതരായ എത്ര പട്ടികജാതി, പട്ടികവര്‍ഗ്ഗ കുടുംബങ്ങളുണ്ടെന്ന് പഞ്ചായത്ത് തിരിച്ച് വ്യക്തമാക്കാമോ?

അരുവിക്കര മണ്ഡലത്തില്‍ നിലവിലെ സർക്കാരിന്റെ കാലത്ത് ലെെഫ് മിഷന്‍ പദ്ധതിയിലൂടെ അനുവദിച്ച പട്ടികജാതി, പട്ടികവര്‍ഗ്ഗ വിഭാഗങ്ങള്‍ക്കുള്ള വീടുകളുടെ എണ്ണം പഞ്ചായത്ത് അടിസ്ഥാനത്തില്‍ അറിയിക്കുമോ?

തിരുവനന്തപുരം ജില്ലയില്‍ പട്ടികജാതി, പട്ടികവര്‍ഗ്ഗ വിഭാഗത്തില്‍ ഉള്‍പ്പെടുന്ന എത്ര കുടുംബങ്ങള്‍ക്ക് സ്വന്തമായി ഭൂമിയും വീടുമില്ലെന്നത് തദ്ദേശ സ്വയംഭരണ സ്ഥാപനാടിസ്ഥാനത്തിൽ വിശദമാക്കാമോ?

നിലവിലെ സര്‍ക്കാരിന്റെ കാലത്ത് പട്ടികവര്‍ഗ്ഗ വിഭാഗങ്ങള്‍ക്ക് ലാന്‍ഡ് ബാങ്ക് പദ്ധതി അനുസരിച്ച് കൃഷിയോഗ്യവും വാസയോഗ്യവുമായ ഭൂമി നല്‍കിയതിന്റെ വിശദാംശം ലഭ്യമാക്കാമോ; ഈ ആവശ്യത്തിനായി എത്ര അപേക്ഷ ലഭിച്ചിട്ടുണ്ടെന്ന് വിശദമാക്കാമോ?

ആദിവാസി കുടുംബങ്ങള്‍ക്ക് കുറ‍ഞ്ഞത് ഒരേക്കര്‍ ഭൂമി നല്‍കും എന്ന വാഗ്ദാനത്തിന്റെ അടിസ്ഥാനത്തില്‍ നാളിതുവരെ എത്ര പേര്‍ക്ക് ഭൂമി നല്‍കിയിട്ടുണ്ടെന്ന് വിശദമാക്കാമോ;

ഭൂമി നൽകാന്‍ സാധിച്ചിട്ടില്ലെങ്കില്‍ കാരണം വ്യക്തമാക്കുമോ; പദ്ധതി നടപ്പിലാക്കാന്‍ അടിയന്തര നടപടി സ്വീകരിക്കുമോ; വിശദമാക്കാമോ?

പട്ടികജാതി വിഭാഗത്തില്‍പ്പെട്ട വീട് വെക്കാന്‍ ഭൂമിയില്ലാത്ത കുടുംബങ്ങള്‍ക്ക് ഭൂമി വാങ്ങാന്‍ സര്‍ക്കാര്‍ സഹായം ലഭ്യമാക്കുന്നുണ്ടോ; എങ്കില്‍ ആയതിന്റെ അര്‍ഹതാ മാനദണ്ഡങ്ങള്‍ എന്തൊക്കെയാണ്; വിശദാംശങ്ങള്‍ ലഭ്യമാക്കാമോ?

പട്ടികജാതി വികസന വകുപ്പില്‍ നിന്നും അനുവദിച്ച ഭൂമി വീട് വയ്ക്കുന്നതിന് അനുയോജ്യമല്ലാത്തതിനാല്‍ കൈമാറ്റം ചെയ്ത് മറ്റൊരു ഭൂമി വാങ്ങുന്നതിന് അനുമതി ലഭിക്കുന്നതിനായി തൃശൂര്‍ ജില്ലയിൽ കൊടകര ബ്ലോക്കിലെ പുതുക്കാട്-കണ്ണമ്പത്തൂര്‍ ദേശത്ത് തോപ്പില്‍ വീട്ടില്‍ രമേഷ് ടി.ആർ. സമർപ്പിച്ച അപേക്ഷ വകുപ്പിന്റെ പരിഗണനയിലുണ്ടോ; പ്രസ്തുത അപേക്ഷ പരിഗണിച്ച് ആയതിന് അനുമതി നല്‍കുന്നതിന് അടിയന്തര നടപടി സ്വീകരിക്കുമോയെന്ന് അറിയിക്കാമോ?

വടക്കാഞ്ചേരി മണ്ഡലത്തില്‍ പട്ടികജാതി വിഭാഗങ്ങളില്‍പ്പെട്ട എത്ര ഭൂരഹിത കുടുംബങ്ങള്‍ ഭൂമിക്കായി അപേക്ഷ സമര്‍പ്പിച്ചിട്ടുണ്ട്;

ഇതില്‍ എത്രപേര്‍ക്ക് ഭൂമി ലഭിച്ചിട്ടുണ്ട്; വിശദമാക്കാമോ?

ആലപ്പുഴ മണ്ഡലത്തിൽ പട്ടികജാതി വികസന വകുപ്പിന്റെ ഫണ്ടിൽ നിന്നുമുള്ള ധനസഹായത്തോടെ വീട് വയ്ക്കുന്നതിന് വാങ്ങിയ സ്ഥലം വെള്ളം കയറുന്നതിനാൽ വീട് പണിയുന്നതിന് സാധ്യമാകാത്ത സാഹചര്യത്തിൽ പ്രസ്തുത ഭൂമി കൈമാറുന്നതിന് ഗുണഭോക്താവിന് പ്രത്യേക അനുമതി ലഭ്യമാക്കുമോ;

വീട് വയ്ക്കാൻ കഴിയാത്ത പ്രസ്തുത സ്ഥലം വിൽക്കുന്നതിന് ഉപാധികളോടെയാണെങ്കിലും ഗുണഭോക്താവിന് അനുമതി നൽകുമോയെന്ന് വ്യക്തമാക്കുമോ?

ആലപ്പുഴ ജില്ലയില്‍ നിലവിൽ പട്ടികജാതി- പട്ടികവര്‍ഗ്ഗ വിഭാഗങ്ങളില്‍പ്പെട്ട എത്ര ഭൂ-ഭവനരഹിത കുടുംബങ്ങളാണുളളതെന്ന് ഗ്രാമപഞ്ചായത്ത്/ മുനിസിപ്പാലിറ്റി അടിസ്ഥാനത്തില്‍ വിശദമാക്കുമോ;

പട്ടികജാതി-പട്ടികവര്‍ഗ്ഗ വിഭാഗങ്ങളിലെ ഭൂ-ഭവനരഹിതര്‍ക്ക് ഭൂമിയും വീടും നല്കുന്നതിന് ആലപ്പുഴ ജില്ലയില്‍ 2016-17 മുതല്‍ നടപ്പിലാക്കിയ പദ്ധതികളുടെയും ചെലവഴിച്ച തുകയുടെയും വിശദാംശങ്ങള്‍ ഗ്രാമപഞ്ചായത്ത്/മുനിസിപ്പാലിറ്റി അടിസ്ഥാനത്തില്‍ ലഭ്യമാക്കുമോ?

കിഫ്ബി നാളിതുവരെ ചെലവഴിച്ച തുകയിൽ അഞ്ചു ശതമാനത്തിൽ താഴെ മാത്രമാണ് എസ്.സി., എസ്.ടി. വിഭാഗങ്ങൾക്കായുള്ള പദ്ധതികൾക്കായി അനുവദിച്ചതെന്നത് ഗൗരവത്തോടെ കാണുന്നുണ്ടോ;

സംസ്ഥാനത്ത് പദ്ധതി അടങ്കലിന്റെ നിശ്ചിത വിഹിതം ജനസംഖ്യയ്ക്ക് ആനുപാതികമായി എസ്.സി., എസ്.ടി. വിഭാഗങ്ങൾക്ക് ഘടക പദ്ധതിയായി അനുവദിച്ചിട്ടുണ്ടെങ്കിലും 2022-23, 2023-24, 2024-25 വർഷങ്ങളിൽ പദ്ധതി അടങ്കൽ വർധിക്കാത്തതു കാരണം പ്രസ്തുത കാലയളവിൽ എസ്.സി.പി., ടി.എസ്.പി ഫണ്ടില്‍ വർദ്ധനവ് ഉണ്ടായിട്ടില്ലെന്നത് ശ്രദ്ധയിൽപ്പെട്ടിട്ടുണ്ടോ;

എസ്.സി.പി., ടി.എസ്.പി. ഫണ്ടുകളില്‍ വർദ്ധനവ് വരുത്താത്തതും കിഫ്ബി പ്രവൃത്തികളില്‍ നിന്നും പട്ടികജാതി, പട്ടികവർഗ്ഗ വിഭാഗങ്ങളെ ഒഴിവാക്കുകയും ചെയ്യുന്ന നടപടി ഭരണഘടനാ വിരുദ്ധമാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ?

തളിപ്പറമ്പ് മണ്ഡലത്തിലെ അംബേദ്കര്‍ ഗ്രാമം പദ്ധതികളുടെ പുരോഗതി വിശദമാക്കാമോ?

പട്ടാമ്പി മണ്ഡലത്തിൽ അംബേദ്കർ ഗ്രാമം പദ്ധതിയില്‍ ഉള്‍പ്പെടുത്തിയ പട്ടികജാതി നഗറുകളുടെ നവീകരണവുമായി ബന്ധപ്പെട്ട് നാളിതുവരെയുള്ള പുരോഗതി അറിയിക്കാമോ;

2016 മുതല്‍ നാളിതുവരെ പ്രസ്തുത മണ്ഡലത്തിലെ ഏതെല്ലാം പഞ്ചായത്തുകളിലാണ് അംബേദ്കർ ഗ്രാമം പദ്ധതി അനുവദിച്ചതെന്നും ഒരോ പദ്ധതിയ്ക്കും ഏത്ര തുകയുടെ ഭരണാനുമതി നല്‍കിയിട്ടുണ്ടെന്നും വിശദമാക്കാമോ;

മണ്ഡലത്തിൽ നാളിതുവരെ അംബേദ്കർ ഗ്രാമം പദ്ധതിയില്‍ ഉള്‍പ്പെടുത്തിയ ഓരോ നഗറിലും എത്ര കുടുംബങ്ങള്‍ താമസിക്കുന്നുണ്ടെന്ന വിശദാംശം നല്‍കാമോ;

മണ്ഡലത്തിൽ ഇനി നവീകരിക്കുവാന്‍ ബാക്കിയുള്ള പട്ടികജാതി നഗറുകളുടെ വിശദാംശവും അവയിലെ കുടുംബങ്ങളുടെ എണ്ണവും അറിയിക്കാമോ?

ഈ സർക്കാരിന്റെ കാലത്ത് ഏറനാട് മണ്ഡലത്തില്‍ എത്ര പട്ടിക ജാതി - പട്ടിക വര്‍ഗ്ഗ നഗറുകളെയാണ് അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തി നവീകരിക്കുന്നതിന് തെരഞ്ഞെടുത്തിട്ടുള്ളതെന്നും ഓരോ നഗറിനും എത്ര തുകയാണ് അനുവദിച്ചിട്ടുള്ളതെന്നും വിശദമാക്കാമോ;

മണ്ഡലത്തില്‍ 2023-24 വർഷം ഉള്‍പ്പെടുത്തിയ എടവണ്ണ പഞ്ചായത്തിലെ കൊടിഞ്ഞാറുപൊയില്‍, ഊര്‍ങ്ങാട്ടിരി പഞ്ചായത്തിലെ കരിപ്പാത്തിചാലില്‍ എന്നീ നഗറുകളുടെ നവീകരണം സംബന്ധിച്ച പുരോഗതി അവലോകനം ചെയ്തിട്ടുണ്ടോ; എങ്കില്‍ വിശദാംശം നൽകാമോ; പ്രസ്തുത നഗറുകളുടെ നിർമ്മാണം വേഗത്തിലാക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ;

മണ്ഡലത്തിലെ മാളികതൊടായി നഗറിനെ 2024-25 വര്‍ഷത്തില്‍ പദ്ധതിയില്‍ ഉള്‍പ്പെടുത്തുന്നതിനായി നല്കിയ പ്രൊപ്പോസലില്‍ സ്വീകരിച്ച നടപടികള്‍ അറിയിക്കുമോ; പുതിയ നഗറുകളെ ഉള്‍പ്പെടുത്തി ഇറങ്ങിയ ഉത്തരവില്‍ പ്രസ്തുത നഗർ ഉള്‍പ്പെട്ടിട്ടുണ്ടോയെന്ന് വ്യക്തമാക്കുമോ?

2016 മേയ് മുതല്‍ നാളിതുവരെ വണ്ടൂര്‍ മണ്ഡലത്തില്‍ അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തിയ നഗറുകള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പ്രവൃത്തികളുടെ പുരോഗതി വിശദമാക്കാമോ;

വണ്ടൂര്‍ മണ്ഡലത്തില്‍ പട്ടികജാതി, പട്ടികവര്‍ഗ്ഗ വികസന വകുപ്പുകളുടെ കീഴില്‍ കോര്‍പ്പസ് ഫണ്ടില്‍ നിന്ന് തുക അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ;

പ്രസ്തുത പ്രവൃത്തികളുടെ പുരോഗതി അറിയിക്കാമോ?

ഗുരുവായൂര്‍ മണ്ഡലത്തിലെ 6 പഞ്ചായത്തുകളിലും 2 നഗരസഭകളിലുമായി എത്ര പട്ടികജാതി നഗറുകളുണ്ടെന്ന് വിശദമാക്കാമോ; ചാവക്കാട് ബ്ലോക്ക്, തളിക്കുളം ബ്ലോക്ക്, ഗുരുവായൂര്‍ നഗരസഭ എന്നീ പട്ടികജാതി വികസന ഓഫീസുകള്‍ക്ക് കീഴില്‍ വരുന്ന നഗറുകളും അവയില്‍ ഉള്‍പ്പെട്ട കുടുംബങ്ങളുടെ എണ്ണവും ഇനംതിരിച്ച് വ്യക്തമാക്കാമോ?

2021-25 കാലയളവില്‍ അംബേദ്കര്‍ ഗ്രാമം പദ്ധതി പ്രകാരം കടുത്തുരുത്തി മണ്ഡലത്തില്‍ ഏതെല്ലാം പദ്ധതികള്‍ അനുവദിച്ചിട്ടുണ്ട്; അപ്രകാരം അനുവദിച്ച പദ്ധതികളുടെ പ്രവര്‍ത്തന പുരോഗതി ലഭ്യമാക്കാമോ;

2021-25 കാലയളവില്‍ പ്രസ്തുത മണ്ഡലത്തില്‍ നടപ്പിലാക്കിയ പദ്ധതികളുടെ വിവരങ്ങള്‍ പട്ടികതിരിച്ച് ലഭ്യമാക്കാമോ;

പ്രസ്തുത മണ്ഡലത്തില്‍ പട്ടികജാതി കുടുംബങ്ങൾക്കുള്ള ലെെഫ് പദ്ധതിയുടെ രണ്ടാം ഘട്ടത്തില്‍ എത്ര വീടുകളാണ് തിരഞ്ഞെടുത്തത്; ഇതില്‍ എത്ര വീടുകള്‍ പൂര്‍ത്തീകരിച്ചുവെന്നും എത്രയെണ്ണം പൂര്‍ത്തിയായി വരുന്നുവെന്നുമുള്ളതിന്റെ കണക്ക് ലഭ്യമാക്കുമോ;

ലെെഫിന്റെ മൂന്നാം ഘട്ടത്തില്‍ സ്ഥലവും വീടുമില്ലാത്ത എത്ര പേര്‍ക്കാണ് ഭവനസമുച്ചയങ്ങള്‍ അനുവദിച്ചതെന്നും അതില്‍ എത്രയെണ്ണം പൂര്‍ത്തിയായി വരുന്നുവെന്നും വിശദമാക്കാമോ?

പൂഞ്ഞാർ മണ്ഡലത്തിലെ ആഴമല ഐ.എച്ച്.ഡി.പി. നഗർ, മൂക്കൻപെട്ടി ഐ.എച്ച്.ഡി.പി. നഗർ, മുറികല്ലുംപുറം നഗർ എന്നീ പട്ടികജാതി നഗറുകളിൽ അംബേദ്കര്‍ ഗ്രാമ വികസന പദ്ധതിയിൽ ഉൾപ്പെടുത്തി നടപ്പിലാക്കാൻ ഉദ്ദേശിക്കുന്ന പ്രവൃത്തികള്‍ ഇപ്പോൾ ഏത് ഘട്ടത്തിലാണ്; വിശദാംശം ലഭ്യമാക്കുമോ?

പൂഞ്ഞാർ മണ്ഡലത്തിലെ എരുമേലി എരുത്വാപ്പുഴ മലവേടർ പട്ടികവർഗ്ഗ ഉന്നതി, തുമരംപാറ പട്ടികവര്‍ഗ്ഗ ഉന്നതി, എന്നിവിടങ്ങളിൽ അംബേദ്കര്‍ സെറ്റിൽമെന്റ് വികസന പദ്ധതിയിൽ ഉൾപ്പെടുത്തി നടപ്പിലാക്കാൻ ഉദ്ദേശിക്കുന്ന പ്രവൃത്തികള്‍ ഇപ്പോൾ ഏത് ഘട്ടത്തിലാണ്; വിശദാംശം ലഭ്യമാക്കുമോ?

2016 മുതല്‍ കോങ്ങാട് മണ്ഡലത്തില്‍ അനുവദിച്ചിട്ടുള്ള അംബേദ്കര്‍ നഗര്‍ പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പ്രവൃത്തികളുടെ നിര്‍മ്മാണ പുരോഗതി ലഭ്യമാക്കാമോ?

പട്ടികജാതി-പട്ടികവർഗ്ഗ നഗറുകളുടെ ഭൗതികസാഹചര്യം മെച്ചപ്പെടുത്തുവാന്‍ 2011-12 മുതല്‍ 2023-24 വരെയുളള സാമ്പത്തിക വര്‍ഷങ്ങളില്‍ ചെലവഴിച്ച തുകയുടെ വര്‍ഷം തിരിച്ചുളള കണക്കുകള്‍ ലഭ്യമാക്കുമോ;

അംബേദ്കര്‍ ഗ്രാമം പദ്ധതിക്ക് ഭരണാനുമതി ലഭിച്ചിട്ടുണ്ടോ; ഇല്ലെങ്കില്‍ കാലതാമസം ഒഴിവാക്കി ഭരണാനുമതി നല്‍കുവാന്‍ നടപടി സ്വീകരിക്കുമോ?

2023-24 സാമ്പത്തിക വർഷത്തിൽ മണ്ണാർക്കാട് മണ്ഡലത്തിൽ നിന്നും അംബേദ്കർ ഗ്രാമ പദ്ധതിയിൽ തിരഞ്ഞെടുക്കപ്പെട്ട വളവഞ്ചിറ നഗർ നവീകരണത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത പദ്ധതി നടപ്പാക്കുന്നതിനായി പൊതുമേഖല സ്ഥാപനമായ ഫോറസ്റ്റ് ഇന്‍ഡസ്ട്രീസ് ട്രാവന്‍കൂറിനെ നിർവഹണ ഏജൻസിയായി നിർദ്ദേശിച്ച് പാലക്കാട് ജില്ലാ പട്ടികജാതി വികസന ഓഫീസർ 19.10.2024-ന് പട്ടികജാതി വികസന ഡയറക്ടർക്ക് കത്ത് നൽകിയിട്ടും ഇതിൽ തീരുമാനം എടുക്കാതിരിക്കുന്നത് എന്തുകൊണ്ടാണെന്ന് വിശദമാക്കാമോ;

പ്രസ്തുത പ്രവൃത്തിക്ക് അടിയന്തരമായി ഭരണാനുമതി ലഭ്യമാക്കുവാൻ നടപടി സ്വീകരിക്കുമോ?

വാമനപുരം മണ്ഡലത്തില്‍ നിലവിലെ സര്‍ക്കാരിന്റെ കാലയളവില്‍ അനുവദിച്ചതും നിര്‍മ്മാണം നടന്നുകൊണ്ടിരിക്കുന്നതുമായ പട്ടികജാതി - പട്ടികവര്‍ഗ്ഗ ഉന്നതികളുടെ നിര്‍മ്മാണ പുരോഗതി അറിയിക്കാമോ?

നിലവിലെ സര്‍ക്കാര്‍ അധികാരത്തില്‍ വന്നശേഷം നെന്മാറ മണ്ഡലത്തിലെ ഏതെല്ലാം പട്ടികവര്‍ഗ്ഗ ഉന്നതികളെയാണ് അംബേദ്കര്‍ സെറ്റിൽമെന്റ് പദ്ധതിയില്‍ ഉള്‍പ്പെടുത്തിയിട്ടുളളതെന്ന് വ്യക്തമാക്കുമോ;

പ്രസ്തുത ഉന്നതികളുടെ നവീകരണ പ്രവര്‍ത്തനങ്ങള്‍ ആരംഭിക്കുന്നതിനായി എന്തെല്ലാം നടപടികളാണ് പൂര്‍ത്തീകരിച്ചിട്ടുളളതെന്ന് വിശദമാക്കുമോ;

നിലവില്‍ ഏതെങ്കിലും പദ്ധതികള്‍ പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ ആയതിന്റെ കാരണം വിശദമാക്കുമോ?

അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തി നവീകരിക്കുന്ന ബാലുശ്ശേരി മണ്ഡലത്തിലെ രാമയ്യര്‍ നഗറില്‍ എന്തെല്ലാം പ്രവൃത്തികളാണ് നടത്താന്‍ ഉദ്ദേശിക്കുന്നത്; പ്രസ്തുത പ്രവൃത്തികള്‍ എപ്പോള്‍ തുടങ്ങാനാകും; വിശദമാക്കാമോ?

2020-21, 2021-22, 2022-23, 2023-24, 2024-25 സാമ്പത്തിക വര്‍ഷങ്ങളില്‍ പട്ടികജാതി വികസന വകുപ്പ് തിരുവനന്തപുരം നഗരസഭ മുഖേന നടപ്പിലാക്കിയ പദ്ധതികളുടെ വിശദാംശം ലഭ്യമാക്കാമോ;

തിരുവനന്തപുരം നഗരസഭാ പരിധിയില്‍ അംബേദ്കര്‍ ഗ്രാമം പദ്ധതി നടപ്പാക്കിയ ഉന്നതികള്‍ ഏതൊക്കെയാണ്; ഓരോ സങ്കേതത്തിലും നടത്തിയ പ്രവൃത്തികളുടെ വിശദാംശം വര്‍ഷവും തുകയും സഹിതം ലഭ്യമാക്കാമോ?

അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തി ഭരണാനുമതി ലഭ്യമാക്കുന്ന പ്രവൃത്തികളുടെ എസ്റ്റിമേറ്റുകള്‍ക്ക് അംഗീകാരം നല്‍കുന്നത് വൈകുന്നതിനാല്‍ പദ്ധതി പ്രാവര്‍ത്തികമാക്കുന്നതിന് കാലതാമസം വരുന്നുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ?

ബാലുശ്ശേരി മണ്ഡലത്തിലെ ഏതെല്ലാം പട്ടികവര്‍ഗ്ഗ നഗറുകൾ നവീകരിക്കാന്‍ പദ്ധതി രൂപീകരിച്ചിട്ടുണ്ട്; വിശദമാക്കാമോ;

പ്രസ്തുത പദ്ധതി ഇപ്പോള്‍ ഏത് ഘട്ടത്തിലാണ്; പ്രവൃത്തികള്‍ എന്നത്തേക്ക് പൂര്‍ത്തീകരിക്കാന്‍ കഴിയും; വിശദമാക്കാമോ?

കല്ല്യാശ്ശേരി മണ്ഡലത്തിലെ അംബേദ്കര്‍ ഗ്രാമം പദ്ധതിയുടെ പുരോഗതി വിലയിരുത്തിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

കാവശ്ശേരി പഞ്ചായത്തിലെ പീച്ചാംകാേട് അംബേദ്കര്‍ സമഗ്ര വികസന ഗ്രാമം പദ്ധതി നിലവില്‍ ഏത് ഘട്ടത്തിലാണെന്ന് വ്യക്തമാക്കാമാേ?

കുണ്ടറ നിയോജക മണ്ഡലത്തില്‍ 2021-22 മുതല്‍ 2024-25 വരെ അനുവദിച്ചിട്ടുളള അംബേദ്കര്‍ ഗ്രാമം പദ്ധതികള്‍ ഏതൊക്കെയാണെന്നും ആയതിനായി അനുവദിച്ചിട്ടുളള തുക എത്രയാണെന്നും ആയതിന്റെ നിലവിലെ പ്രവര്‍ത്തനപുരോഗതി എന്തെന്നും ഗ്രാമപഞ്ചായത്ത് തിരിച്ച് വിശദമാക്കാമോ?

മണലൂര്‍ മണ്ഡലത്തിൽ വെങ്കിടങ്ങ് പഞ്ചായത്തിലെ ആറാം വാര്‍ഡിൽ കണ്ണങ്കര പട്ടികജാതി നഗറിനെ 2024-25 വര്‍ഷത്തെ അംബേദ്കര്‍ ഗ്രാമവികസന പദ്ധതിയില്‍ ഉള്‍പ്പെടുത്തുന്നതിനായി എം.എല്‍.എ. സമര്‍പ്പിച്ച കത്ത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഈ നഗറിനെ പ്രസ്തുത പദ്ധതിയില്‍ ഉള്‍പ്പെടുത്തുന്നതിന് നടപടി സ്വീകരിച്ചിട്ടുണ്ടോയെന്നും ഇല്ലെങ്കില്‍ ആയതിന് നടപടി സ്വീകരിക്കുമോയെന്നും വ്യക്തമാക്കാമോ?

2021-22 വര്‍ഷത്തെ അംബേദ്കര്‍ ഗ്രാമം പദ്ധതിയില്‍ ഉള്‍പ്പെടുത്തിയ തരൂര്‍ മണ്ഡലത്തിലെ കൊളക്കോട് അംബേദ്കര്‍ ഗ്രാമം പദ്ധതി പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

നിലവിലെ സര്‍ക്കാരിന്റെ കാലത്ത് ആലപ്പുഴ ജില്ലയില്‍ അംബേദ്കര്‍ ഗ്രാമം പദ്ധതി പ്രകാരം അനുവദിച്ച നഗറുകളുടെ വിശദാംശങ്ങള്‍ നിയോജക മണ്ഡല അടിസ്ഥാനത്തില്‍ വര്‍ഷം തിരിച്ച് ലഭ്യമാക്കുമോ;

പ്രസ്തുത നഗറുകളില്‍ നടപ്പിലാക്കുന്ന പദ്ധതികളുടെ തല്‍സ്ഥിതി വിശദമാക്കുമോ?

കാസർ​ഗോഡ് മണ്ഡലത്തിലെ പട്ടികജാതി, പട്ടികവർഗ്ഗ നഗറുകളിൽ നിലവിൽ നടന്നുവരുന്ന വികസന പ്രവർത്തനങ്ങൾ എന്തെല്ലാമാണെന്ന് വ്യക്തമാക്കാമോ;

പ്രസ്തുത പ്രവൃത്തികൾക്ക് അനുവദിച്ച തുകയും തുക അനുവദിച്ച വർഷവും നിർമ്മാണം തുടങ്ങിയ തീയതിയും നിർമ്മാണം പൂർത്തീകരിക്കാൻ അനുവദിച്ച തുകയും കരാറുകാരന്റെ പേരും പ്രവൃത്തികൾ തിരിച്ച് വ്യക്തമാക്കാമോ;

അനുവദിച്ച സമയപരിധിക്കുള്ളിൽ പ്രവൃത്തികൾ പൂർത്തീകരിക്കാൻ കഴിഞ്ഞിട്ടില്ലെങ്കിൽ അതിന്റെ കാരണം വ്യക്തമാക്കാമോ;

കഴിഞ്ഞ പതിനാലു വർഷത്തിനിടയിൽ മണ്ഡലത്തിൽ പൂർത്തീകരിച്ച പദ്ധതികളും ഇനി തുടങ്ങാനിരിക്കുന്ന പദ്ധതികളും ഏതൊക്കെയാണെന്ന് വ്യക്തമാക്കാമോ?

നിലവിലെ സർക്കാരിന്റെ കാലത്ത് നെന്മാറ മണ്ഡലത്തിലെ ഏതെല്ലാം പട്ടികജാതി സങ്കേതങ്ങളിലാണ് അംബേദ്കര്‍ ഗ്രാമം പദ്ധതി അനുവദിച്ചിട്ടുള്ളതെന്ന് വിശദമാക്കുമാേ;

ഇതില്‍ ഏതെല്ലാം സങ്കേതങ്ങളുടെ പ്രവൃത്തികളാണ് പൂര്‍ത്തീകരിച്ചിട്ടുള്ളതെന്നും ബാക്കിയുള്ളവയുടെ പ്രവൃത്തികള്‍ എന്ന് തുടങ്ങാന്‍ കഴിയുമെന്നും വിശദമാക്കുമാേ?

നെന്മാറ മണ്ഡലത്തിലെ നെല്ലിയാമ്പതി പഞ്ചായത്തിലുള്ള പുല്ലുകാട് പട്ടികവര്‍ഗ്ഗ സങ്കേതത്തിന്റെ വികസനത്തിനായി എന്തെല്ലാം പദ്ധതികളാണ് നടപ്പിലാക്കുന്നതെന്ന് വിശദമാക്കുമാേ;

ഇതുമായി ബന്ധപ്പെട്ട് നിലവില്‍ നടത്തിയ പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കുമാേ?

പട്ടികജാതി-പട്ടിക വർഗ്ഗ വിഭാഗങ്ങള്‍ക്കെതിരെയുളള അതിക്രമങ്ങൾ വർദ്ധിച്ചു വരുന്നതായി കണ്ടെത്തിയിട്ടുണ്ടോ; വിശദമാക്കുമോ;

പ്രസ്തുത വിഭാഗങ്ങള്‍ക്കെതിരെയുളള അതിക്രമങ്ങൾ നേരിടുന്നതിനായി നിലവിൽ എന്തെല്ലാം സംവിധാനങ്ങളാണ് ഒരുക്കിയിട്ടുള്ളതെന്ന് അറിയിക്കുമോ;

അതിക്രമങ്ങൾക്ക് ഇരയാകുന്നവർക്ക് ആശ്വാസസഹായം വിതരണം ചെയ്യാറുണ്ടോ; വിശദമാക്കുമോ;

അതിക്രമങ്ങൾ നേരിടേണ്ടി വന്നവർക്ക് സർക്കാർ സർവീസിൽ നിയമനം നൽകാറുണ്ടോ; വ്യക്തമാക്കുമോ?

നിലവിൽ എസ്.സി., എസ്.ടി. വിദ്യാര്‍ത്ഥികള്‍ക്ക് ഇ-ഗ്രാന്റ് നൽകുന്നതിനുള്ള സംവിധാനം വിശദമാക്കാമോ;

മെറിറ്റ് സീറ്റില്‍ പ്രവേശനം നേടിയിട്ടുള്ളതും ഹോസ്റ്റല്‍ സൗകര്യം ലഭ്യമല്ലാത്തതിനാല്‍ അമിത ഫീസ് നല്‍കി സ്വകാര്യ ഹോസ്റ്റലില്‍ താമസിച്ച് പഠനം തുടരുന്ന വിദ്യാർത്ഥികൾക്ക് ഹോസ്റ്റല്‍ ഫീസ് നല്‍കുന്ന കാര്യം പരിശോധിക്കുമോ; വിശദാംശം ലഭ്യമാക്കുമോ?

പട്ടികജാതി വികസന വകുപ്പിന് കീഴിൽ ആലുവയിൽ പ്രവർത്തിക്കുന്ന പ്രീ-എക്സാമിനേഷൻ ട്രെയിനിംഗ് സെന്ററിൽ പ്രിൻസിപ്പൽ തസ്തികയിലെ ഒഴിവ് നികത്താത്തത് എന്തുകൊണ്ടാണെന്ന് അറിയിക്കാമോ; പ്രസ്തുത തസ്തികയിലേക്ക് അപേക്ഷ ക്ഷണിച്ചിട്ടുണ്ടോ; എങ്കിൽ എത്ര അപേക്ഷകൾ ലഭിച്ചുവെന്നും നിയമന നടപടി സ്വീകരിച്ചിട്ടുണ്ടോയെന്നും വ്യക്തമാക്കാമോ;

പ്രസ്തുത സ്ഥാപനത്തിലെ പ്രിൻസിപ്പലിന്റെ ചാർജ് ജില്ലാ ഓഫീസർക്കാണോ നൽകിയിരിക്കുന്നതെന്നും മിനിസ്റ്റീരിയൽ വിഭാഗത്തിലുള്ളവർക്ക് പ്രിൻസിപ്പലിന്റെ ചാർജ് നൽകിയത് ചട്ടവിരുദ്ധമല്ലേയെന്നും ചാർജ് നൽകിട്ടുള്ള ഉദ്യോഗസ്ഥന് പ്രിൻസിപ്പൽ നിയമന ചട്ടങ്ങളിൽ അനുശാസിക്കുന്ന യോഗ്യതയുണ്ടോയെന്നും വിശദമാക്കാമോ;

പട്ടികജാതി വികസന വകുപ്പ് നടത്തിവന്നിരുന്ന യു.പി.എസ്.സി./ബാങ്ക് പരീക്ഷാ പരിശീലനം നിർത്തിവച്ചിട്ടുണ്ടോയെന്ന് അറിയിക്കാമോ;

പട്ടികജാതി വികസന വകുപ്പിന്റെ ആഭിമുഖ്യത്തിൽ ഏപ്രിൽ/മേയ് മാസങ്ങളിൽ നടത്തിവന്നിരുന്ന ക്രാഷ് കോഴ്സുകളിൽ 2023-24 ൽ എത്ര പേർക്ക് പരിശീലനം നൽകിയെന്നും എത്ര പേർക്ക് വിവിധ കോഴ്‌സുകളിൽ പ്രവേശനം ലഭിച്ചുവെന്നുമുള്ള വിവരം കോഴ്സ് തിരിച്ച് ലഭ്യമാക്കാമോ?

കുന്ദമംഗലം മണ്ഡലത്തില്‍ പട്ടികജാതി വിദ്യാര്‍ത്ഥികള്‍ക്കുള്ള എത്ര പ്രീമെട്രിക് ഹോസ്റ്റലുകളാണ് നിലവിലുള്ളതെന്ന് വ്യക്തമാക്കാമോ; ഇവ ഓരോന്നിലും എന്തൊക്കെ സൗകര്യങ്ങളാണ് ലഭ്യമാക്കിയിട്ടുള്ളത്; വ്യക്തമാക്കാമോ;

പ്രസ്തുത ഹോസ്റ്റലുകളില്‍ താമസിക്കുന്ന വിദ്യാര്‍ത്ഥികള്‍ക്ക് കമ്പ്യൂട്ടര്‍ അധിഷ്ഠിത വിദ്യാഭ്യാസം നല്‍കുന്നതിന് എന്തൊക്കെ സംവിധാനങ്ങളാണ് നിലവിലുള്ളത്; ഇവ വിപുലപ്പെടുത്താന്‍ ഫണ്ട് അനുവദിക്കുന്നതിന് നടപടി സ്വീകരിക്കുമോ?

മുൻ സർക്കാരിന്റെയും നിലവിലെ സർക്കാരിന്റെയും (2025 ഫെബ്രുവരി വരെ) കാലങ്ങളിൽ ചേലക്കര മണ്ഡലത്തിൽ പട്ടികജാതി വിഭാഗത്തിൽപ്പെട്ട കുട്ടികൾക്കായി എത്ര പേർക്ക് പഠനമുറി നൽകിയിട്ടുണ്ട്; പഞ്ചായത്ത് തിരിച്ച് വിശദാംശം നൽകുമോ?

പട്ടികജാതി വിഭാഗത്തിൽപ്പെട്ട വിദ്യാര്‍ത്ഥികളുടെ പോസ്റ്റ് മെട്രിക് സ്കോളര്‍ഷിപ്പ് തുക എന്ന് വരെ അനുവദിച്ചിട്ടുണ്ടെന്നും നിലവിൽ അനുവദിക്കാനുള്ള തുക എത്രയാണെന്നും ഇതിനുവേണ്ടി എത്ര അപേക്ഷകൾ ലഭിച്ചിട്ടുണ്ടെന്നും വ്യക്തമാക്കുമോ;

തുക അനുവദിക്കാൻ ബാക്കി നിൽക്കുന്നതിൽ ഹയര്‍സെക്കന്ററി മുതല്‍ പോസ്റ്റ് ഡോക്ടറല്‍ കോഴ്സുകള്‍ വരെ പഠിക്കുന്ന വിദ്യാർത്ഥികളുടെ എത്ര അപേക്ഷകൾ ലഭിച്ചിട്ടുണ്ടെന്ന വിവരം തരംതിരിച്ച് ലഭ്യമാക്കുമോ;

പ്രസ്തുത സ്കോളർഷിപ്പിനായി നിലവിൽ ബഡ്ജറ്റിൽ തുക ബാക്കിയുണ്ടോ; ഇല്ലെങ്കിൽ അധിക തുക വകയിരുത്തിയിട്ടുണ്ടോ; വിശദാംശം നൽകാമോ?

നിലവിലെ സർക്കാരിന്റെ കാലത്ത് ഉന്നത വിദ്യാഭ്യാസത്തിനായി വിദേശത്ത് പോകുന്ന പട്ടികവർഗ്ഗ വിദ്യാർത്ഥികൾക്ക് ധനസഹായം നൽകുന്ന പദ്ധതി പ്രകാരം എത്ര വിദ്യാർത്ഥികൾക്ക് സഹായം നൽകിയിട്ടുണ്ട്; ഈ ഇനത്തിൽ എത്ര തുക ചെലവഴിച്ചിട്ടുണ്ടെന്ന് വിശദമാക്കാമോ;

ഈ അക്കാദമിക വർഷം വിദ്യാഭ്യാസ സഹായത്തിനായി എത്ര അപേക്ഷകളാണ് ലഭിച്ചിട്ടുള്ളതെന്നും എത്ര അപേക്ഷകൾ നിരസിച്ചിട്ടുണ്ടെന്നുമുള്ള വിശദാംശം നല്‍കുമോ; അപേക്ഷകൾ അംഗീകരിക്കുന്നതിന്റെ മാനദണ്ഡം വ്യക്തമാക്കുമോ?

വിദേശ രാജ്യങ്ങളില്‍ പോസ്റ്റ് ഗ്രാജ്വേറ്റ്/പോസ്റ്റ് ഗ്രാജ്വേറ്റ് ഡിപ്ലോമ/തത്തുല്യ പോസ്റ്റ് ഗ്രാജ്വേറ്റ് കോഴ്സുകള്‍ എന്നിവയ്ക്ക് പട്ടികജാതി വകുപ്പ് നല്‍കിവരുന്ന സ്കോളര്‍ഷിപ്പ് പദ്ധതിയ്ക്ക് അര്‍ഹതയുള്ള കോഴ്സുകളെയും സ്ഥാപനങ്ങളെയും സംബന്ധിച്ച് വിദ്യാര്‍ത്ഥികള്‍ക്ക് ബോധവല്‍ക്കരണം നല്‍കുന്നതിനായി വകുപ്പ് നടപ്പിലാക്കിവരുന്ന സേവനങ്ങള്‍ എന്തെല്ലാമാണ്; വിശദമാക്കാമോ?

മുന്‍ സര്‍ക്കാരിന്റെയും നിലവിലെ സര്‍ക്കാരിന്റെയും കാലയളവില്‍ വര്‍ക്കല മണ്ഡലത്തില്‍ എത്ര പഠന മുറികള്‍ നിര്‍മ്മിച്ചു നല്കിയെന്ന് അറിയിക്കാമാേ; വിശദാംശം ഗ്രാമപഞ്ചായത്ത്/മുനിസിപ്പാലിറ്റി തിരിച്ച് ലഭ്യമാക്കാമോ?

എസ്.എസ്.എല്‍.സി./പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടുന്ന പട്ടികജാതി വിദ്യാര്‍ത്ഥികൾക്ക് 2014 മുതൽ സ്വർണ്ണ മെഡൽ നൽകുന്ന പദ്ധതി നടപ്പാക്കിയിട്ടുണ്ടോ; ഉണ്ടെങ്കിൽ വിശദാംശം ലഭ്യമാക്കുമോ;

എത്ര ഗ്രാം സ്വർണത്തിന്റെ മെഡൽ ആണ് കുട്ടികൾക്ക് നൽകിയിരുന്നത്; സ്വർണ്ണ മെഡലിന്റെ തൂക്കം മുൻ സർക്കാർ വെട്ടിക്കുറച്ചിട്ടുണ്ടോ; ഉണ്ടെങ്കിൽ എത്ര ഗ്രാം ആയാണ് കുറച്ചത്; ഏതു വർഷമാണ് ഇപ്രകാരം കുറവ് വരുത്തിയത്; പ്രസ്തുത വർഷം പ്ലസ് ടു വിദ്യാർഥികളെ മെഡൽ നൽകുന്നതിൽ നിന്ന് ഒഴിവാക്കിയിരുന്നോ; ഉണ്ടെങ്കിൽ കാരണം വ്യക്തമാക്കുമോ;

കഴിഞ്ഞ സർക്കാരിന്റെ കാലം മുതൽ നാളിതുവരെ ഓരോ സാമ്പത്തിക വർഷവും എത്ര എസ്.എസ്.എല്‍.സി./പ്ലസ് ടു വിദ്യാർത്ഥികൾക്ക് മേൽപ്പറഞ്ഞ സ്വർണ്ണ മെഡലുകൾ നൽകിയെന്ന വിശദാംശം ഇനം തിരിച്ചു വ്യക്തമാക്കുമോ;

2019-20 അക്കാദമിക വർഷം മുതൽ മേൽപ്പറഞ്ഞ സ്വർണ്ണ മെഡൽ വിതരണം പൂർണമായും നിലച്ചിട്ടുണ്ടോ; ഉണ്ടെങ്കിൽ കാരണം വ്യക്തമാക്കുമോ?

വിദ്യാർത്ഥികൾക്ക് നൽകിവരുന്ന ഇ-ഗ്രാന്റ് മാസംതോറും നൽകുന്നതിന് പകരം വർഷത്തിൽ ഒരുതവണ നൽകാൻ തീരുമാനിച്ചിട്ടുണ്ടോ; എങ്കിൽ ഇതിന്റെ കാരണം വ്യക്തമാക്കാമോ;

മാസാമാസം പ്രസ്തുത സഹായം ലഭിക്കാത്തതുമൂലം നിരവധി കുട്ടികളുടെ പഠനം പ്രതിസന്ധിയിലായ സാഹചര്യം ഗൗരവമായി കാണുന്നുണ്ടോ;

ഇ-ഗ്രാന്റ് മാസംതോറും നൽകുന്നതിന് നടപടി സ്വീകരിക്കുമോ?

സർക്കാരിന്റെ കാലത്ത് പട്ടിക ജാതി വകുപ്പിന് കീഴിലുള്ള കുറിച്ചി, മാടപ്പള്ളി ഐ.ടി.ഐ.-കള്‍ നവീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

ഓരോ പ്രവൃത്തിക്കും അനുവദിച്ച തുക എത്രയെന്ന് വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

ട്രെെബല്‍ പ്ലസ് പദ്ധതിയിലൂടെ പട്ടികവര്‍ഗ്ഗ കുടുംബങ്ങള്‍ക്ക് എത്ര തൊഴില്‍ദിനങ്ങളാണ് അധികമായി നല്‍കിയിട്ടുളളതെന്ന് വ്യക്തമാക്കാമോ?

സംസ്ഥാനത്ത് പട്ടികജാതി-പട്ടികവര്‍ഗ്ഗ വിഭാഗങ്ങളില്‍ എത്ര പ്രൊഫഷണൽ ഉദ്യോഗാര്‍ത്ഥികളാണ് ഉള്ളത്; ജില്ല തിരിച്ചുള്ള കണക്ക് വ്യക്തമാക്കുമോ;

പ്രസ്തുത ഉദ്യോഗാര്‍ത്ഥികളെ പ്രൊഫഷണല്‍ മേഖലകളില്‍ തൊഴിലിന് എത്തിക്കുന്നതിന് എന്തെല്ലാം പദ്ധതികളാണ് വകുപ്പു മുഖേന ചെയ്തുവരുന്നത്; ഇതിനായി പ്രത്യേക സംവിധാനം ഏര്‍പ്പെടുത്തിയിട്ടുണ്ടോ; ഇല്ലെങ്കില്‍ ഇതിനുള്ള നടപടി സ്വീകരിക്കുമോ;

പുതിയ എന്തെല്ലാം കര്‍മ്മപദ്ധതികളാണ് ഈ മേഖലയില്‍ നടപ്പിലാക്കാന്‍ തീരുമാനിച്ചിരിക്കുന്നത്; വിശദമാക്കാമോ?

ജിതിന്‍, പനങ്ങാടന്‍ വീട്, പാലിശ്ശേരി പി.ഒ. എന്ന വ്യക്തിയുടെ കൊലപാതകവുമായി ബന്ധപ്പെട്ട് പട്ടികജാതി-പട്ടികവര്‍ഗ്ഗ അതിക്രമം തടയല്‍ നിയമപ്രകാരം ചേര്‍പ്പ് പോലീസ് സ്റ്റേഷനില്‍ ക്രെെം നം. 931/22 പ്രകാരം രജിസ്റ്റര്‍ ചെയ്ത കേസിൽ ജിതിന്റെ ഭാര്യ നീതു പി. ബാലന് സര്‍ക്കാര്‍ ജോലിയില്‍ നിയമനം നല്‍കുന്നതിനുളള ജില്ലാതല വിജിലന്‍സ് & മോണിറ്ററിംഗ് കമ്മിറ്റി ശിപാര്‍ശ പ്രകാരം എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ നടപടികള്‍ ഏത് ഘട്ടത്തിലാണെന്ന് വിശദമാക്കാമോ;

നീതു പി. ബാലന് സര്‍ക്കാര്‍ ജോലി നല്‍കുന്നതിനുളള നടപടികള്‍ സ്വീകരിക്കുമോ; വിശദമാക്കാമോ?

നിലവിലെ സർക്കാരിന്റെ കാലത്ത് പട്ടികജാതി വള്‍നറബിള്‍ വിഭാഗത്തില്‍പ്പെട്ടവര്‍ക്കായി സ്വയംതൊഴില്‍ പദ്ധതിക്ക് അപേക്ഷ ക്ഷണിച്ചിട്ടുണ്ടോ;

കണ്ണൂര്‍ ജില്ലയിലെ പയ്യന്നൂര്‍ ബ്ലോക്കില്‍ നിന്നും ഈ പദ്ധതിയിലേയ്ക്ക് എത്ര ഗുണഭോക്താക്കളെയാണ് തിരഞ്ഞെടുത്തതെന്നും അവര്‍ക്കുള്ള ധനസഹായ വിതരണം ഏത് ഘട്ടത്തിലാണെന്നും അറിയിക്കാമോ?

പട്ടികജാതി, പട്ടികവർഗ്ഗ വികസന വകുപ്പുകള്‍ക്ക് കീഴിൽ താൽക്കാലിക സേവന-വേതന വ്യവസ്ഥയിൽ മെഡിക്കൽ ഓഫീസർമാർ സേവനം അനുഷ്ഠിക്കുന്ന ഹോമിയോ ഡിസ്പെൻസറികളുടെ എണ്ണവും സ്ഥിതിചെയ്യുന്ന പ്രദേശങ്ങളും വകുപ്പ് തിരിച്ച് അറിയിക്കാമോ;

പ്രസ്തുത ഡിസ്പെൻസറികളിൽ മെഡിക്കൽ ഓഫീസർമാരുടെ സ്ഥിരം തസ്തിക സൃഷ്ടിക്കുന്നതിന് നടപടി സ്വീകരിക്കുമോ?

പട്ടികജാതി, പട്ടികവര്‍ഗ്ഗ വികസന വകുപ്പിന്റെ കീഴിലുള്ള ഹോമിയോ ഡിസ്പെന്‍സറികളിലെ മെഡിക്കല്‍ ഓഫീസര്‍ നിയമനം പി.എസ്.സി. വഴി നടത്തുന്നതിനുള്ള നടപടികള്‍ സ്വീകരിക്കുമോ?

സംസ്ഥാനത്ത് കഴിഞ്ഞ സർക്കാരിന്റെ കാലം മുതൽ നാളിതുവരെ പട്ടികജാതി, പട്ടികവർഗ്ഗ വികസന ഫണ്ട് വിനിയോഗത്തിൽ അഴിമതി നടന്നതായി കണ്ടെത്തിയിട്ടുണ്ടോ; എങ്കിൽ എത്ര കോടി രൂപയുടെ അഴിമതി നടന്നതായാണ് കണ്ടെത്തിയിട്ടുള്ളതെന്ന് വ്യക്തമാക്കുമോ;

ഏതൊക്കെ പദ്ധതികളിൽ എന്തെല്ലാം അഴിമതി നടന്നതായാണ് കണ്ടെത്തിയതെന്ന് വ്യക്തമാക്കുമോ?

2016 മുതല്‍ തൊടുപുഴ മണ്ഡലത്തില്‍ കോര്‍പ്പസ് ഫണ്ട് വിനിയോഗിച്ചുള്ള എത്ര വികസന പദ്ധതികള്‍ക്കാണ് അനുമതി നല്‍കിയിട്ടുള്ളതെന്ന് വ്യക്തമാക്കാമോ;

പ്രസ്തുത പദ്ധതികളുടെ നിര്‍മാണ പുരോഗതി വ്യക്തമാക്കാമോ?

2021-22 മുതൽ 2024-25 വരെയുള്ള സാമ്പത്തിക വര്‍ഷങ്ങളില്‍ ഏറനാട് മണ്ഡലത്തില്‍ അനുവദിച്ച പട്ടികജാതി/പട്ടികവർഗ്ഗ കോര്‍പ്പസ് ഫണ്ടുകളുടെ വിവരം പഞ്ചായത്തടിസ്ഥാനത്തില്‍ ലഭ്യമാക്കാമോ;

പ്രസ്തുത ഫണ്ടുകള്‍ ഉപയോഗിച്ച് ചെയ്യുന്ന ഓരോ പ്രവൃത്തിയുടെയും പേരും അനുവദിച്ച തുകയും പുരോഗതിയും വിശദമാക്കാമോ?

അരൂര്‍ മണ്ഡലത്തില്‍ കോര്‍പ്പസ് ഫണ്ട് ഉപയോഗിച്ച് 2016 മുതല്‍ നടപ്പിലാക്കുന്ന പ്രവൃത്തികള്‍ ഏതെല്ലാമെന്ന് വിശദമാക്കാമോ; പ്രസ്തുത പ്രവൃത്തികളുടെ നിലവിലെ സ്ഥിതി വ്യക്തമാക്കാമോ;

കോര്‍പ്പസ് ഫണ്ട് ഉപയോഗിച്ച് പാണാവള്ളി പഞ്ചായത്തിലെ പൊറ്റേത്തറ നഗറിന്റെ നവീകരണത്തിനായി നല്‍കിയ അപേക്ഷയിന്മേൽ സ്വീകരിച്ച നടപടികള്‍ വിശദമാക്കാമോ?

കാട്ടാക്കട മണ്ഡലത്തില്‍ പട്ടികജാതി വികസന കോര്‍പ്പസ് ഫണ്ട് വഴി 2022-23-ലും 2023-24-ലും അനുമതിയ്ക്കായി സമര്‍പ്പിച്ചിട്ടുള്ള പദ്ധതികളുടെ വിവരങ്ങള്‍ ലഭ്യമാക്കാമോ; അനുമതി ലഭ്യമായ പ്രവൃത്തികളുടെ വിവരങ്ങളും അവയുടെ സ്ഥിതിയും ലഭ്യമാക്കാമോ?

2016 മുതല്‍ കോങ്ങാട് മണ്ഡലത്തില്‍ കോര്‍പ്പസ് ഫണ്ട് മുഖേന അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ; പ്രസ്തുത പ്രവൃത്തികളുടെ പുരോഗതി വ്യക്തമാക്കാമോ?

പൂഞ്ഞാർ മണ്ഡലത്തിലെ പാറത്തോട് ഗ്രാമപഞ്ചായത്തിൽ കാരയ്ക്കൽ നഗറിൽ ഗ്രാമപഞ്ചായത്ത് ലഭ്യമാക്കിയ സ്ഥലത്ത് സാംസ്കാരിക നിലയം പണിയുന്നതിന് 52 ലക്ഷം രൂപയുടെ പദ്ധതി തയ്യാറാക്കി ഡി.ഡി.ഒ.-കെ.ടി.എം.-183/2024 നമ്പറായി പട്ടികജാതി വികസന ഡയറക്ടറേറ്റിൽ സമർപ്പിച്ചിട്ടുള്ള പ്രവൃത്തിക്ക് ഭാരണാനുമതി നൽകുന്നതിനായി സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ;

പ്രസ്തുത പ്രവൃത്തിക്ക് ഭരണാനുമതി നൽകുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

പട്ടികജാതി-പട്ടികവര്‍ഗ്ഗ, പിന്നാക്ക വിഭാഗങ്ങളിലെ വിദ്യാര്‍ത്ഥികള്‍ക്കുള്ള വിവിധ വിദ്യാഭ്യാസ സ്‌കോളര്‍ഷിപ്പുകള്‍ നിര്‍ത്തലാക്കിയിട്ടുണ്ടോ; വിശദാംശം ലഭ്യമാക്കുമോ?

കുറ്റ്യാടി മണ്ഡലത്തില്‍ എസ്.സി. കോര്‍പ്പസ് ഫണ്ട് പ്രകാരം നടപ്പിലാക്കാന്‍ ഉദ്ദേശിക്കുന്ന പ്രവൃത്തികള്‍ ഏതൊക്കെയെന്ന് വിശദമാക്കാമോ;

ഇത്തരത്തില്‍ അനുമതി ലഭ്യമായ തിരുവള്ളൂര്‍ ഗ്രാമ പഞ്ചായത്തിലെ തുരുത്തി നഗറിലെ പ്രവൃത്തി നടപ്പിലാക്കാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രവൃത്തി അടിയന്തരമായി നടപ്പിലാക്കുന്നതിന് നടപടി സ്വീകരിക്കുമോ; വിശദമാക്കാമോ?

ആദിവാസി മേഖലകളിലെ പി.ഡബ്ല്യു.ഡി. റോഡുകൾക്ക് എസ്.സി., എസ്.ടി. ഫണ്ട് വിനിയോഗിക്കുന്ന കാര്യം ഗൗരവത്തോടെ കാണുന്നുണ്ടോ; വിശദമാക്കുമോ;

പൊതുമരാമത്ത് വകുപ്പിന്റെ റോഡുകൾ നിർമ്മിക്കാൻ പ്രസ്തുത വകുപ്പിന്റെ ഫണ്ട് വിനിയോഗിക്കണം എന്നിരിക്കെ ഇതിനായി എസ്.സി., എസ്.ടി. ഫണ്ട് വിനിയോഗിക്കുന്നതിന്റെ കാരണം വ്യക്തമാക്കാമോ;

ആദിവാസി മേഖലകളിലെ പൊതുമരാമത്ത് വകുപ്പ് റോഡുകൾ പ്രസ്തുത വകുപ്പിന്റെ ഫണ്ട് ഉപയോഗിച്ചു തന്നെ നിർമ്മിക്കാൻ ആവശ്യമായ നടപടി സ്വീകരിക്കുമോ?

2021-22 വര്‍ഷത്തെ ബജറ്റില്‍ 20 ശതമാനം തുക വകയിരുത്തിയ പട്ടികജാതി വികസന വകുപ്പിന്റെ ഫണ്ടുപയോഗിച്ച് നെന്മാറ മണ്ഡലത്തിലെ കൊല്ലങ്കോട് കാര്‍ഷിക കോളേജ് തുടങ്ങുന്നതുമായി ബന്ധപ്പെട്ട നടപടികള്‍ ഏത് ഘട്ടത്തിലാണെന്ന് വിശദമാക്കുമോ;

ഇതു സംബന്ധിച്ച് നടത്തിയ മീറ്റിങ്ങുകളും പ്രവര്‍ത്തനങ്ങളും എന്തെല്ലാമെന്ന് വിശദമാക്കുമോ?

നിലവിലെ സർക്കാരിന്റെ കാലത്ത് മണലൂര്‍ മണ്ഡലത്തില്‍ പട്ടികജാതി വിഭാഗത്തില്‍പ്പെട്ട എത്രപേര്‍ക്ക് വകുപ്പ് മന്ത്രിയുടെ ചികിത്സാ ധനസഹായ പദ്ധതി പ്രകാരം സഹായം അനുവദിച്ചിട്ടുണ്ടെന്ന് അറിയിക്കാമോ; പ്രസ്തുത ഗുണഭോക്താക്കളുടെ വിവരം പട്ടിക തിരിച്ച് ലഭ്യമാക്കാമോ;

പ്രസ്തുത കാലയളവില്‍ ഈ ഇനത്തില്‍ മണലൂര്‍ മണ്ഡലത്തില്‍ ആകെ എത്ര തുകയാണ് വിതരണം ചെയ്തതെന്ന് അറിയിക്കാമോ?

സർക്കാരിന്റെ കാലത്ത് ദേശീയ പട്ടികജാതി കമ്മീഷൻ എത്ര പ്രാവശ്യം സംസ്ഥാനത്ത് ഔദ്യോഗിക സന്ദർശനം നടത്തിയെന്ന് വിശദമാക്കാമോ;

കമ്മീഷന്റെ ഔദ്യോഗിക സന്ദർശന വിവരം പത്ര-ടെലിവിഷൻ-സാമൂഹ്യ മാധ്യമങ്ങൾ മുഖേന ജനങ്ങളെ അറിയിക്കാറുണ്ടോ; വ്യക്തമാക്കാമോ;

കമ്മീഷൻ സന്ദർശന വേളയിൽ നടത്തിയ മീറ്റിംഗുകളുടെ മിനിറ്റ്സിന്റെയും നടപടികളുടെയും ശിപാർശകളുടെയും പകർപ്പ് ലഭ്യമാക്കാമോ?

കയ്പമംഗലം മണ്ഡലത്തിൽ ഉൾപ്പെടെ സംസ്ഥാനത്തെ തെരുവോരങ്ങളിൽ താമസിക്കുന്ന പട്ടികജാതി, പട്ടികവർഗ്ഗ വിഭാഗങ്ങളിൽപ്പെട്ടവരുടെ കുട്ടികളുടെ വിദ്യാഭ്യാസ ആവശ്യങ്ങൾക്കായി അവരുടെ ജാതി നിർണയിച്ച് നൽകുന്നതിന് കിർത്താഡ്സിൽ സമർപ്പിച്ചിട്ടുള്ള അപേക്ഷയിന്മേൽ അടിയന്തര നടപടി സ്വീകരിക്കുമോ; വിശദമാക്കാമോ?

പട്ടികജാതി വിഭാഗത്തില്‍പ്പെട്ട എഴുത്തുകാര്‍ക്ക് പുസ്തകം പ്രസിദ്ധീകരിക്കുന്നതിന് ധനസഹായം നല്‍കുന്ന പദ്ധതി നിലവിലുണ്ടോ; വിശദമാക്കാമോ?

നിലവിലെ സർക്കാരിന്റെ കാലത്ത് പട്ടികജാതി വകുപ്പിലെ ആഭ്യന്തര വിജിലൻസ് വിഭാഗം സമർപ്പിച്ച റിപ്പോർട്ടുകളിൽ ഏതൊക്കെ റിപ്പോർട്ടുകളിലാണ് ക്രമക്കേടുകൾ കണ്ടെത്തിയിട്ടുള്ളത്; പ്രസ്തുത റിപ്പോർട്ടുകളുടെ പകർപ്പുകള്‍ ലഭ്യമാക്കുമോ?

കാസര്‍ഗാേഡ് ജില്ലയില്‍ ഉദുമ മണ്ഡലത്തിലെ കുണ്ടംകുഴിയില്‍ സ്ഥിതി ചെയ്യുന്ന സാവിത്രിഭായ് ഫുലെ മെമ്മാേറിയല്‍ ആശ്രമം സ്കൂളിന് യു.പി/ഹെെസ്കൂള്‍ അപ്ഗ്രഡേഷന്‍ ലഭിക്കുന്നതിന് വകുപ്പ് മുഖേന എന്താെക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

സ്കൂള്‍ അപ്ഗ്രേഡ് ചെയ്യുന്നതിന് വിദ്യാഭ്യാസ വകുപ്പിന് പ്രോപ്പാേസല്‍ സമര്‍പ്പിച്ചിട്ടുണ്ടാേയെന്ന് വ്യക്തമാക്കാമാേ?

നിലവിലെ സർക്കാരിന്റെ കാലത്ത് മലപ്പുറം മണ്ഡലത്തിൽ നടപ്പിലാക്കിയിട്ടുള്ള പട്ടികജാതി-പട്ടികവർഗ്ഗ വികസന പദ്ധതികളും പിന്നാക്ക വർഗ്ഗ ക്ഷേമ പദ്ധതികളും വിശദീകരിക്കാമോ;

2021 -22 മുതൽ 2024–25 വരെയുള്ള സാമ്പത്തിക വർഷങ്ങളിൽ പ്രസ്തുത പദ്ധതികൾക്കായി അനുവദിച്ച തുക എത്ര;വ്യക്തമാക്കാമോ;

പ്രസ്തുത പദ്ധതികളിലൂടെ പ്രയോജനം ലഭിച്ചവരുടെ കണക്കുകൾ പ്രസിദ്ധീകരിച്ചിട്ടുണ്ടോ; ഉണ്ടെങ്കിൽ വിശദമാക്കാമോ;

മണ്ഡലത്തിൽ പുതുതായി നടപ്പാക്കാനുദ്ദേശിക്കുന്ന വിവിധ പദ്ധതികൾ എന്തൊക്കെയാണെന്നും പട്ടികജാതി വികസന പദ്ധതികൾ ഫലപ്രദമായി നടപ്പിലാക്കുന്നതിന് സ്വീകരിച്ച പ്രത്യേക നടപടികൾ എന്തൊക്കെയാണെന്നും വിശദമാക്കാമോ?

ഇരിക്കൂര്‍ മണ്ഡലത്തിലെ ആലക്കോട് പഞ്ചായത്തില്‍ വെള്ളാട് വില്ലേജിലെ കാപ്പിമലയിൽ പട്ടിക വര്‍ഗ്ഗ വികസന കോര്‍പ്പറേഷന്റെ ഉടമസ്ഥതയിലുള്ള സ്ഥലത്ത് എന്‍-ഊര് പൈതൃക ഗ്രാമം പദ്ധതി നടപ്പിലാക്കാന്‍ പ്രൊപ്പോസല്‍ സമര്‍പ്പിച്ചിരുന്നുവോ; പ്രസ്തുത അപേക്ഷയില്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

പ്രസ്തുത പദ്ധതി നടപ്പിലാക്കാന്‍ നടപടി സ്വീകരിക്കുമോ?

സംസ്ഥാനത്തെ പട്ടികവർഗ്ഗ വിഭാഗങ്ങൾക്ക് സൗജന്യമായി അനുവദിച്ചിട്ടുള്ള ഭക്ഷ്യധാന്യങ്ങൾ കൃത്യമായ അളവിൽ അവർക്ക് തന്നെ ലഭിക്കുന്നുവെന്ന് ഉറപ്പുവരുത്തുന്നതിന് പട്ടികവർഗ്ഗ വകുപ്പ് സ്വീകരിച്ചുവരുന്ന നടപടികളുടെ വിശദാംശങ്ങൾ ലഭ്യമാക്കുമോ;

പട്ടികവർഗ്ഗക്കാരുടെ അജ്ഞതയും ദാരിദ്ര്യവും മുതലെടുത്ത് ഭക്ഷ്യധാന്യ വിതരണത്തിൽ കബളിപ്പിക്കപ്പെടുന്നത് അവസാനിപ്പിക്കുന്നതിന് വേണ്ടി വകുപ്പ് നടപ്പിലാക്കിയിട്ടുള്ള പ്രവർത്തനങ്ങൾ വിശദമാക്കാമോ?

തരൂര്‍ മണ്ഡലത്തിലെ പട്ടികജാതി വികസന വകുപ്പിന്റെ കീഴിലുള്ള കാവശ്ശേരി കല്ലേപുളളി കെല്‍പാം മോഡേണ്‍ റെെസ്‌മില്‍ പദ്ധതിയുടെ പ്രവൃത്തി പുരോഗതി നിലവില്‍ ഏതു ഘട്ടത്തിലാണെന്ന് വ്യക്തമാക്കാമോ?

പട്ടികജാതി വിഭാഗത്തില്‍പ്പെട്ട കുടുംബങ്ങളിലെ ഏക വരുമാനദായകന്‍ മരണപ്പെടുമ്പാേള്‍ ഈ കുടുംബങ്ങള്‍ക്ക് സമാശ്വാസമായി എത്ര രൂപയാണ് നല്‍കിവരുന്നത്; ഇതിനായി അപേക്ഷ സമര്‍പ്പിക്കേണ്ട രീതിയും ഇതാേടാെപ്പം സമര്‍പ്പിക്കേണ്ട രേഖകളും സംബന്ധിച്ച വിശദാംശം നല്‍കാമാേ;

നിലവിലെ സർക്കാരിന്റെ കാലത്ത് ഉടുമ്പന്‍ചാേല മണ്ഡലത്തില്‍ നിന്ന് പ്രസ്തുത ധനസഹായത്തിനുള്ള എത്ര അപേക്ഷകള്‍ ലഭിച്ചിട്ടുണ്ടെന്നും എത്രപേര്‍ക്ക് ധനസഹായം നല്‍കിയിട്ടുണ്ടെന്നുമുള്ള വിശദാംശം നല്‍കാമാേ;

പ്രസ്തുത ധനസഹായത്തിന് അര്‍ഹതപ്പെട്ട കുടുംബങ്ങള്‍ ധാരാളം ഉണ്ടെങ്കിലും അപേക്ഷകള്‍ ലഭിക്കുന്നത് കുറവാണെന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ അര്‍ഹതയുള്ള കുടുംബങ്ങള്‍ എല്ലാം അപേക്ഷ സമര്‍പ്പിക്കുന്നുവെന്നും ഇവര്‍ക്ക് ധനസഹായം ലഭിക്കുന്നുവെന്നും ഉറപ്പ് വരുത്തുന്നതിന് നടപടി സ്വീകരിക്കുമാേ;

ഇതിനായി സ്വീകരിച്ചുവരുന്ന നടപടികള്‍ വിശദീകരിക്കാമാേ?

പട്ടികവര്‍ഗ്ഗ വിഭാഗങ്ങളുടെ പാരമ്പര്യ ഭക്ഷണ രീതികളും ഭക്ഷണ സാധനങ്ങളും പൊതു സമൂഹത്തിന്റെ ശ്രദ്ധ ആകര്‍ഷിക്കുന്നതിനും അവയ്ക്ക് വിപണി ലഭ്യമാക്കുന്നതിനും സ്വീകരിച്ച നടപടികള്‍ വിശദമാക്കാമോ?

പട്ടികജാതി- പട്ടികവര്‍ഗ്ഗ വിഭാഗങ്ങള്‍ക്കുള്ള വിവാഹ ധനസഹായം, മിശ്രവിവാഹ ധനസഹായം, വിദേശ തൊഴില്‍ ധനസഹായം എന്നിവക്ക് വേണ്ടി അപേക്ഷിച്ച എത്ര അപേക്ഷകള്‍ ഓരോ ജില്ലയിലും തീര്‍പ്പ്കല്‍പ്പിക്കാനുണ്ടെന്ന് വിശദമാക്കുമോ; ഈ അപേക്ഷകള്‍ തീര്‍പ്പ് കല്‍പ്പിക്കുന്നതിനായി എത്ര രൂപ ഓരോ ജില്ലക്കും ആവശ്യമായി വരുമെന്ന് വ്യക്തമാക്കുമോ;

പ്രസ്തുത ധനസഹായങ്ങള്‍ ബ്ലോക്ക് പഞ്ചായത്തുകളുടെ പട്ടികജാതി പ്രത്യേക ഘടക പദ്ധതിയില്‍ ഉള്‍പ്പെടുത്തി നിര്‍വ്വഹണം നടത്തുന്നതിന് നിലവില്‍ വ്യവസ്ഥയുണ്ടോ; ഇല്ലെങ്കില്‍ 2025-26 വര്‍ഷം മുതല്‍ പ്രസ്തുത പദ്ധതിയില്‍ ഉൾപ്പെടുത്തി നടപ്പാക്കുമോ?

ആറളം അദിവാസി പുനരധിവാസ മേഖലയിലെ താമസക്കാരായ വെളളി, ലീല ദമ്പതികൾ കാട്ടാന ആക്രമണത്തിൽ കൊല്ലപ്പെടാനുണ്ടായ സാഹചര്യത്തെക്കുറിച്ച് പരിശോധന നടത്തിയിട്ടുണ്ടോ; വ്യക്തമാക്കുമോ;

ആദിവാസ പുനരധിവാസമേഖലയിലുളളവർക്ക് മതിയായ സംരക്ഷണം ഏർപ്പെടുത്തുന്നതിൽ വീഴ്ചയുണ്ടായിട്ടുണ്ടോ;

മരിച്ചവരുടെ ബന്ധുക്കൾക്ക് മതിയായ നഷ്ടപരിഹാരം നൽകുന്നതിന് നടപടി സ്വീകരിച്ചിട്ടുണ്ടോയെന്ന് അറിയിക്കുമോ;

ആദിവാസി മേഖലകളിൽ താമസിക്കുന്നവര്‍ക്ക് സുരക്ഷിതത്വം ഒരുക്കുന്നതിന് സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കുമോ?

2016-2021, 2021-26 സര്‍ക്കാരുകളുടെ കാലത്ത് മട്ടന്നൂര്‍ മണ്ഡലത്തില്‍ അംബേദ്കര്‍ ഗ്രാമം പദ്ധതിയുടെ ഭാഗമായി ഉന്നതികള്‍ തിരഞ്ഞെടുക്കപ്പെട്ടിട്ടുണ്ടാേ; ഉണ്ടെങ്കില്‍ ഏതാെക്കെ; അവയുടെ പ്രവര്‍ത്തന പുരാേഗതി വ്യക്തമാക്കാമാേ;

കാേളയാട്-ആറളം മേഖലകള്‍ കേന്ദ്രീകരിച്ച് പട്ടികജാതി-പട്ടികവര്‍ഗ്ഗ വിഭാഗക്കാരുടെ തനത് കലാരൂപങ്ങളും പെെതൃകവും സംരക്ഷിക്കുന്നതിനു് ഇവര്‍ക്ക് തന്നെ വരുമാനയാേഗ്യമാകും വിധം വയനാട് എന്‍ ഊര് മാതൃകയില്‍ ഒരു ടൂറിസം സ്പാേട്ട് സ്ഥാപിക്കുന്നതിനുള്ള സാധ്യതകള്‍ പരിശാേധിക്കാമാേ?

സംസ്ഥാനത്തെ പട്ടികജാതി വിഭാഗങ്ങള്‍ക്കായി ഹോം പദ്ധതി നടപ്പിലാക്കിയിട്ടുണ്ടോ; വ്യക്തമാക്കുമോ;

എങ്കില്‍ പ്രസ്തുത പദ്ധതിയുടെ ലക്ഷ്യങ്ങള്‍ വിശദമാക്കുമോ?

പട്ടികവര്‍ഗ്ഗ വിഭാഗത്തിലെ നവജാത ശിശുക്കളുടെയും അവരുടെ അമ്മമാരുടെയും ആരോഗ്യ സംരക്ഷണത്തിനായി നടപ്പിലാക്കിയിട്ടുള്ള പദ്ധതികള്‍ എന്തെല്ലാമാണെന്ന് വ്യക്തമാക്കുമോ?

സാമ്പത്തിക പ്രതിസന്ധിയെ തുടർന്ന് പട്ടികവർഗ്ഗ വികസന വകുപ്പിന് കീഴിൽ നടപ്പാക്കുന്ന 2024-25 വർഷത്തെ പദ്ധതികളിൽ മുൻഗണനാക്രമം നിശ്ചയിച്ച് നൽകിയിട്ടുണ്ടോ; ഉണ്ടെങ്കിൽ ആയതിന്റെ വിശദാംശം നൽകുമോ; ഇത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ?

2024 -25 സാമ്പത്തിക വർഷത്തിൽ പട്ടികജാതി -പട്ടികവർഗ്ഗ പിന്നാക്ക ക്ഷേമ വകുപ്പിന് വകയിരുത്തിയ ആകെ തുക എത്രയാണെന്നും അതിൽ ഇതുവരെ ചെലവാക്കിയ തുക എത്രയാണെന്നുമറിയിക്കാമോ;

പട്ടികജാതി- പട്ടികവർഗ്ഗ പിന്നാക്ക ക്ഷേമ വകുപ്പിന് വിവിധ പ്രവൃത്തികൾക്കായി 2024-25 ൽ വകയിരുത്തിയ തുകയെത്രയാണെന്നും അതിൽ ചെലവഴിച്ച തുക എത്രയാണെന്നുമുള്ള വിവരം പ്രവൃത്തികൾ തിരിച്ച് അറിയിക്കാമോ;

2024-25 ൽ പട്ടികജാതി -പട്ടിക വർഗ്ഗ പിന്നാക്കക്ഷേമ വകുപ്പിന് വകയിരുത്തിയ തുക പൂർണ്ണമായും ഈ സാമ്പത്തിക വർഷം ചെലവഴിക്കുമോയെന്ന് അറിയിക്കാമോ?

ഏകവരുമാനദായകന്റെ മരണത്തിനുളള ധനസഹായ പദ്ധതിയിൽ ആനുകൂല്യം അനുവദിച്ച് ഉത്തരവായ എത്ര ഗുണഭോക്താക്കൾക്ക് തുക അനുവദിക്കാൻ കുടിശിക ഉണ്ടെന്ന് വ്യക്തമാക്കാമോ?

സംസ്ഥാനത്തെ പട്ടികജാതി, പട്ടികവർഗ്ഗ വിഭാഗങ്ങളിലെ പെൺകുട്ടികളുടെ വിവാഹത്തിനായി നൽകിവരുന്ന സഹായങ്ങള്‍ എന്തൊക്കെയാണെന്ന് വ്യക്തമാക്കുമോ;

നിലവിൽ എന്തൊക്കെ മാനദണ്ഡങ്ങളുടെ അടിസ്ഥാനത്തിലാണ് പെൺകുട്ടികൾക്ക് സഹായങ്ങൾ നൽകി വരുന്നത് എന്ന് അറിയിക്കുമോ; നിലവിൽ സഹായധനം ലഭിക്കാനുള്ള വാർഷിക വരുമാന പരിധി എത്രയാണ് എന്നും ഈ വരുമാന പരിധി ഒഴിവാക്കുമോ എന്നും വ്യക്തമാക്കുമോ;

നിലവിൽ നൽകിവരുന്ന സഹായധനം എത്രയാണ്; ഇത് കുറഞ്ഞത് മൂന്ന് ലക്ഷം രൂപയാക്കി ഉയർത്താനുള്ള നടപടികൾ സ്വീകരിക്കുമോ?

പട്ടികജാതി- പട്ടികവർഗ്ഗ വിഭാഗങ്ങൾക്കായുള്ള ക്ഷേമ പ്രവർത്തനങ്ങൾ യഥാസമയം ലഭ്യമാക്കുന്നതിന് എന്തെല്ലാം പുതിയ നടപടികളാണ് സ്വീകരിച്ച് വരുന്നത്?

നിലവിലെ സർക്കാരിന്റെ കാലത്ത് പട്ടികജാതി- പട്ടികവര്‍ഗ്ഗ, പിന്നാക്ക സമുദായക്ഷേമ വകുപ്പിന് കീഴില്‍ പയ്യന്നൂര്‍ മണ്ഡലത്തില്‍ അനുവദിച്ച പദ്ധതികള്‍ ഏതെല്ലാമെന്നും ഓരോന്നിന്റെ തുക, നിലവിലെ സ്ഥിതി എന്നിവ അറിയിക്കാമോ?

2024-25 ൽ പട്ടികവർഗ്ഗ വികസന വകുപ്പിന് കീഴിൽ നടപ്പാക്കുന്ന പദ്ധതികൾക്കായി ബജറ്റിൽ വകയിരുത്തിയ തുക, പ്രസ്തുത പദ്ധതികൾക്കുള്ള തുക വെട്ടിക്കുറച്ചിട്ടുണ്ടെങ്കിൽ ഇപ്രകാരം പുന:ക്രമീകരിച്ച തുക എന്നിവ ഇനം തിരിച്ച് വ്യക്തമാക്കുമോ;

സാമ്പത്തിക പ്രതിസന്ധിയെ തുടർന്ന് വകുപ്പ് നടപ്പാക്കുന്ന പദ്ധതികൾക്ക് മുൻഗണനാക്രമം നിശ്ചയിച്ച് നൽകിയിട്ടുണ്ടോ; എങ്കിൽ അതിന്റെ വിശദാംശങ്ങളും ഇത് സംബന്ധിച്ച ഉത്തരവിന്റെ പകർപ്പും ലഭ്യമാക്കുമോ?

നിലവിലെ സർക്കാരിന്റെ കാലത്ത് പട്ടികജാതി, പട്ടികവര്‍ഗ്ഗ വികസന വകുപ്പുകളുമായി ബന്ധപ്പെട്ട് മങ്കട മണ്ഡലത്തില്‍ നടപ്പിലാക്കിയ പ്രധാന വികസന പ്രവര്‍ത്തനങ്ങള്‍ എന്തെല്ലാമെന്നും ഓരോന്നിന്റെയും നിലവിലത്തെ സ്ഥിതിയും വ്യക്തമാക്കുമോ;

പ്രസ്തുത പദ്ധതികള്‍ ഓരോന്നിലും എത്ര ഗുണഭോക്താക്കള്‍ക്ക് പ്രയോജനം ലഭിച്ചിട്ടുണ്ടെന്ന് പദ്ധതി തിരിച്ച് വ്യക്തമാക്കാമോ; പ്രസ്തുത പദ്ധതികള്‍ ഓരോന്നിലും ആകെ എത്ര രൂപയുടെ സഹായം ഈ മണ്ഡലത്തിലെ ഗുണഭോക്താക്കള്‍ക്ക് ലഭിച്ചിട്ടുണ്ടെന്ന വിവരം ലഭ്യമാക്കുമോ;

2025-26 വര്‍ഷം എന്തെല്ലാം പദ്ധതികളാണ് പ്രസ്തുത മണ്ഡലത്തില്‍ നടപ്പിലാക്കാന്‍ വകുപ്പ് ഉദ്ദേശിച്ചിട്ടുള്ളത്; വ്യക്തമാക്കുമോ?

2016 മുതല്‍ നാളിതുവരെ പട്ടികജാതി, പട്ടികവര്‍ഗ്ഗ വിഭാഗങ്ങള്‍ക്കായി എത്ര കോടി രൂപയുടെ ചികിത്സാ ധനസഹായം അനുവദിച്ചിട്ടുണ്ടെന്ന വിവരം ജില്ല തിരിച്ചും വികസന ബ്ലോക്ക് തിരിച്ചും ലഭ്യമാക്കാമോ?

2016 മുതല്‍ നാളിതുവരെ പട്ടികജാതി ക്ഷേമ വകുപ്പ് വഴി കായംകുളം മണ്ഡലത്തിൽ നടപ്പാക്കിയ പദ്ധതികള്‍, അനുവദിച്ച തുക എന്നിവയുടെ വിശദാംശങ്ങള്‍ ലഭ്യമാക്കാമോ?

പട്ടികജാതി-പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് തൊഴിലും ആശുപത്രി സേവനങ്ങളും ലഭ്യമാക്കുകയെന്ന ലക്ഷ്യത്തോടെ ആരംഭിച്ചിട്ടുളള ധന്വന്തരി സെന്ററുകളുടെ പ്രവര്‍ത്തനം വിശദമാക്കാമോ;

ധന്വന്തരി സെന്ററുകള്‍ ശക്തിപ്പെടുത്തുവാന്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കുമോ;

ധന്വന്തരി മാതൃക എല്ലാ ജില്ലകളിലേക്കും വ്യാപിപ്പിക്കുവാന്‍ നടപടി സ്വീകരിക്കുമോ; വിശദമാക്കുമോ;

സാന്ത്വന പരിചരണ രംഗത്ത് കൂടി ധന്വന്തരി സെന്ററിന്റെ പ്രവര്‍ത്തനം വിപുലീകരിക്കുവാന്‍ നടപടി സ്വീകരിക്കുമോ?

ട്രൈബൽ പ്ലസ് പദ്ധതിയുടെ പ്രവർത്തനം വിശകലന വിധേയമാക്കിയിട്ടുണ്ടോ; വിശദമാക്കുമോ;

പട്ടികവർഗ്ഗ വിഭാഗങ്ങളുടെ ഉന്നമനത്തിനായി ചെലവഴിക്കപ്പെടുന്ന തുക കാര്യക്ഷമമായി വിനിയോഗിക്കുന്നുവെന്ന് ഉറപ്പുവരുത്താന്‍ സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കുമോ?

പട്ടികജാതി, പട്ടികവർഗ്ഗ വികസന വകുപ്പ് മന്ത്രിയുടെ ദുരിതാശ്വാസനിധിയിൽ നിന്ന് ധനസഹായം നൽകുന്നതിനായി കഴിഞ്ഞ അഞ്ച് സാമ്പത്തിക വർഷങ്ങളിൽ വകയിരുത്തിയിരുന്ന തുക എത്രയായിരുന്നുവെന്ന് വ്യക്തമാക്കുമോ;

ഓരോ സാമ്പത്തിക വർഷവും ഈ ഇനത്തിൽ എത്ര തുക ചെലവഴിച്ചുവെന്ന് അറിയിക്കുമോ;

ഓരോ സാമ്പത്തിക വർഷവും എത്ര അപേക്ഷകൾ നിരസിച്ചിട്ടുണ്ട്; ഫണ്ടിന്റെ അപര്യാപ്തത മൂലം സഹായം വിതരണം ചെയ്യാതിരുന്നിട്ടുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ; നിലവിൽ എത്ര അപേക്ഷകർക്ക് ആനുകൂല്യം നൽകാനുണ്ട്; വിശദാംശം വ്യക്തമാക്കുമോ?

പട്ടികവർഗ്ഗ നഗറുകളിലെ കുട്ടികൾക്ക് പോഷകാഹാരം ലഭ്യമാക്കുന്നതിന് എന്തൊക്കെ പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

നിലവിലെ സർക്കാരിന്റെ കാലത്ത് പ്രസ്തുത പദ്ധതികൾക്കായി ഓരോ സാമ്പത്തിക വർഷവും എത്ര തുക വകയിരുത്തിയെന്നും എത്ര തുക ചെലവഴിച്ചുവെന്നും ഇനം തിരിച്ചു വ്യക്തമാക്കുമോ?

നിലവിലെ സർക്കാരിന്റെ കാലത്ത് പട്ടികവർഗ്ഗ വികസന വകുപ്പിന്റെ നേതൃത്വത്തിൽ എത്ര കുടുംബങ്ങൾക്ക് ഭവന പദ്ധതി പ്രകാരം വീടുകൾ അനുവദിച്ചിട്ടുണ്ടെന്ന് വ്യക്തമാക്കാമോ;

ഈയിനത്തില്‍ നാളിതുവരെ എത്ര തുക ചെലവഴിച്ചിട്ടുണ്ടെന്ന് അറിയിക്കാമോ?

പട്ടികജാതി വികസന വകുപ്പിന്റെ നവീകരണത്തിനും ഇ-ഗവേണൻസ് പ്രവ‍ര്‍ത്തനങ്ങൾക്കുമായി 2024-25 സാമ്പത്തിക വ‍ര്‍ഷത്തെ ബജറ്റിൽ വകയിരുത്തിയിരുന്ന തുകയെത്ര; ഇതിൽ എത്ര ചെലവഴിച്ചു; വിശദമാക്കുമോ;

ഇതുപയോഗിച്ച് ചെയ്ത പ്രവൃത്തികൾ എന്തൊക്കെയെന്ന് വ്യക്തമാക്കുമോ;

ബജറ്റിൽ വകയിരുത്തിയ തുക പൂര്‍ണ്ണമായും ചെലവഴിച്ചിരുന്നോ; ഇല്ലെങ്കിൽ കാരണം വിശദമാക്കുമോ?

പട്ടികജാതി പട്ടികവ‍ര്‍ഗ്ഗ വികസന വകുപ്പുമായി ബന്ധപ്പെട്ട് പുതുപ്പള്ളി മണ്ഡലത്തിൽ നിലവിൽ നടന്നുവരുന്ന വികസന പ്രവ‍ർത്തനങ്ങൾ ഏതൊക്കെ; വിശദമാക്കുമോ;

നിലവിലെ സ‍ര്‍ക്കാരിന്റെ കാലയളവിൽ പുതുപ്പള്ളി മണ്ഡലത്തിൽ വകുപ്പ് പൂ‍ര്‍ത്തിയാക്കിയ വികസന പ്രവ‍ര്‍ത്തനങ്ങൾ ഏതൊക്കെ; വിശദമാക്കുമോ;

2025-26 സാമ്പത്തിക വ‍ര്‍ഷത്തിൽ പുതുപ്പള്ളി മണ്ഡലത്തിൽ നടപ്പിലാക്കുവാൻ ഉദ്ദേശിക്കുന്നതും ബജറ്റിൽ തുക വകയിരുത്തിയിരിക്കുന്നതുമായ ഏതൊക്കെ പ്രവ‍ൃത്തികൾ ഉണ്ടെന്ന് വ്യക്തമാക്കുമോ?

സമഗ്ര പട്ടികവര്‍ഗ്ഗ ആരോഗ്യ പരിരക്ഷാ പദ്ധതി പ്രകാരം സംസ്ഥാനത്ത് എത്ര പേര്‍ക്ക് ചികിത്സാ ധനസഹായം നല്‍കിയിട്ടുണ്ടെന്ന് വ്യക്തമാക്കുമോ;

പ്രസ്തുത പദ്ധതി പ്രകാരം ഏക വരുമാനദായകന്റെ മരണത്താല്‍ കഷ്ടതയനുഭവിക്കുന്ന എത്ര കുടുംബങ്ങള്‍ക്ക് 2022-2024 കാലയളവില്‍ ധനസഹായം അനുവദിച്ചിട്ടുണ്ടെന്ന് അറിയിക്കുമോ;

പട്ടിക വര്‍ഗ്ഗ വിഭാഗങ്ങളുടെ ആരോഗ്യം ഉറപ്പാക്കുന്നതിനായി പട്ടികവര്‍ഗ്ഗ വികസന വകുപ്പ് നടപ്പിലാക്കിവരുന്ന പരിപാടികള്‍ എന്തെല്ലാമാണെന്ന് വിശദമാക്കുമോ?

പിന്നാക്ക വികസന വകുപ്പ് മുഖേന നടപ്പിലാക്കിവരുന്ന ക്ഷേമപദ്ധതികളും അവയുടെ മാനദണ്ഡങ്ങളും എന്തൊക്കെയാണെന്ന് വിശദമാക്കാമോ;

സ്വയം തൊഴില്‍ കണ്ടെത്തുന്നതിന് പിന്നാക്ക വികസന വകുപ്പില്‍ എന്തെങ്കിലും പദ്ധതികളുണ്ടോ; എങ്കില്‍ ആയതിന്റെ മാനദണ്ഡങ്ങള്‍ വിശദമാക്കാമോ?

പട്ടികജാതി വികസന വകുപ്പ് നടപ്പിലാക്കുന്ന ഇ-ഗ്രാന്റ് സ്കോളര്‍ഷിപ്പ്‌ കുടിശ്ശിക ഉണ്ടെങ്കില്‍ ആയതിന്റെ വിവരം ജില്ലാ അടിസ്ഥാനത്തില്‍ ലഭ്യമാക്കാമോ;

ഇ-ഗ്രാന്റ് സ്കോളര്‍ഷിപ്പ്‌ മാനുവലായി വിതരണം ചെയ്യുന്നതിന് ഫണ്ട് ലഭ്യമല്ലാത്തതിനാല്‍ അവ ലഭ്യമാക്കുന്നതുമായി ബന്ധപ്പെട്ട് ജില്ല ഓഫീസര്‍മാരോ ഗ്രാന്റ് ലഭിക്കാന്‍ യോഗ്യത ഉള്ളവരോ നല്‍കിയ എത്ര നിവേദ ഡയറക്ടറേറ്റില്‍ ലഭിച്ചിട്ടുണ്ടെന്ന് വ്യക്തമാക്കാമോ; അവയുടെ വിശദാംശങ്ങൾ ജില്ലാ അടിസ്ഥാനത്തില്‍ ലഭ്യമാക്കാമോ?

പിന്നാക്ക വിഭാഗ വികസന കോർപ്പറേഷന്റെ വിവിധ ക്ഷേമ പദ്ധതികൾക്ക് നടപ്പു വർഷത്തെ ബജറ്റിൽ അനുവദിച്ചിരുന്ന തുക എത്രയാണെന്നും സാമ്പത്തിക പ്രതിസന്ധിയുടെ സാഹചര്യത്തിൽ ഇത് എത്രയായി വെട്ടിക്കുറച്ചുവെന്നും വ്യക്തമാക്കുമോ;

പ്രസ്തുത തുക 80 ശതമാനത്തിൽ അധികം വെട്ടിക്കുറയ്ക്കാൻ ഇടയായ സാഹചര്യം എന്താണെന്ന് വ്യക്തമാക്കുമോ?

ഇ-ഗ്രാന്റ് സ്കോളർഷിപ്പിന് അപേക്ഷ നൽകാൻ ഒ.ബി.സി. വിഭാഗത്തിലെ മുഴുവൻ സമുദായത്തിനും സാധിക്കുമോയെന്ന് വ്യക്തമാക്കുമോ; ഇല്ലെങ്കിൽ ഏതെല്ലാം വിഭാഗത്തിനാണ് അപേക്ഷിക്കാൻ അവസരമുള്ളതെന്ന് വ്യക്തമാക്കുമോ;

ഇ-ഗ്രാന്റ് സ്കോളർഷിപ്പ് സംബന്ധിച്ച സർക്കുലർ പ്രകാരം ഒ.ബി.സി. ഉൾപ്പെടെയുള്ളവർക്ക് അപേക്ഷിക്കാം എന്നിരിക്കെ ഒ.ബി.സി. യിൽ മുസ്ലിം, ക്രിസ്ത്യൻ കുട്ടികൾ ഉൾപ്പെടില്ലെന്ന ജില്ലാ ഓഫീസുകളിൽ നിന്നുള്ള വിശദീകരണം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിനുള്ള കാരണം വ്യക്തമാക്കുമോ;

ചില വിഭാഗങ്ങൾക്ക് അപേക്ഷിക്കാൻ സാധിക്കാത്തതിന്, നാഷണൽ സ്കോളർഷിപ്പ് പോർട്ടലിൽ അപേക്ഷ ക്ഷണിക്കും എന്നുള്ള കാരണം പറഞ്ഞുവെങ്കിലും കഴിഞ്ഞ വർഷം പ്രസ്തുത പോർട്ടലിൽ അങ്ങനെ ഒരു അപേക്ഷ ക്ഷണിച്ചിട്ടില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?