കാരുണ്യ ഇന്‍ഷ്വറന്‍സ് പദ്ധതി പ്രകാരം വിവിധ ആശുപത്രികള്‍ക്ക് നല്‍കാനുള്ള തുക കുടിശ്ശികയായത് മൂലം ഗുണഭോക്താക്കള്‍ക്ക് ചികിത്സ നിഷേധിക്കുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

സര്‍ക്കാര്‍ ആശുപത്രികളില്‍ മരുന്നുകളും, മെഡിക്കല്‍ ഉപകരണങ്ങളും, അനുബന്ധ സാധനങ്ങളും വിതരണം ചെയ്തയിനത്തില്‍ വിവിധ കമ്പനികള്‍ക്കും, കരാറുകാര്‍ക്കും നല്‍കേണ്ട കുടിശ്ശികയുടെ ജില്ല തിരിച്ചുള്ള വിശദാംശങ്ങള്‍ നല്‍കാമോ; ?

കാരുണ്യ ആരോഗ്യ സുരക്ഷാ പദ്ധതിയിലേക്ക്‌ പുതിയ അംഗങ്ങളെ ചേര്‍ക്കുന്നില്ലെന്ന പരാതി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കുമോ?

സംസ്ഥാനത്തെ ആദിവാസി മേഖലയില്‍ മികച്ച ചികിത്സാ സൗകര്യങ്ങളൊരുക്കുന്നതിന് എന്തെല്ലാം പദ്ധതികളാണ് ആവിഷ്കരിച്ച് നടപ്പിലാക്കുന്നതെന്ന് വിശദമാക്കാമോ?

മാതൃയാനം പദ്ധതി തിരുവനന്തപുരം ജില്ലയിൽ ഏതൊക്കെ ആശുപത്രികളിൽ ആണ് നടപ്പിലാക്കിയതെന്ന് വ്യക്തമാക്കാമോ;

മാതൃയാനം പദ്ധതി നടത്തിപ്പിനായി സർക്കാർ നടപ്പിലാക്കിയ മാനദണ്ഡങ്ങൾ സംബന്ധിച്ച ഉത്തരവ് ലഭ്യമാക്കാമോ;

മാതൃയാനം പദ്ധതി വഴി, പ്രസവം കഴിഞ്ഞ അമ്മമാരെയും കുഞ്ഞുങ്ങളെയും കൊണ്ട് പോകുന്നതിനായുള്ള വാഹനങ്ങൾ സർക്കാർ നിഷ്കർഷിക്കുന്ന ജി.പി.എസ്. മുഖാന്തരമുള്ള ആപ്ലിക്കേഷൻ വഴിയാണോ ഓടുന്നതെന്ന് വ്യക്തമാക്കാമോ; ജി.പി.എസ്. ആപ്ലിക്കേഷൻ വഴി പദ്ധതി നടപ്പിലാക്കുന്ന ആശുപത്രികൾ ഏതൊക്കെയാണ് എന്നറിയിക്കുമോ;

ജി.പി.എസ്. ആപ്ലിക്കേഷൻ വഴി പദ്ധതി നടപ്പിലാക്കാത്ത ആശുപത്രികൾ ഏതൊക്കെയാണ് എന്നറിയിക്കുമോ; എന്തുകൊണ്ടാണ് ജി.പി.എസ്. ആപ്ലിക്കേഷൻ വഴി പദ്ധതി നടപ്പിലാക്കാത്തതെന്ന് വ്യക്തമാക്കാമോ;

ജി.പി.എസ്. ആപ്ലിക്കേഷൻ ഇല്ലാതെ ഓടുന്ന വാഹനങ്ങളിൽ ട്രിപ്പിന്റെ കിലോമീറ്റർ എന്തടിസ്ഥാനത്തിൽ കണക്കിലാക്കുമെന്ന് വ്യക്തമാക്കാമോ; ജി.പി.എസ്. ആപ്ലിക്കേഷൻ ഇല്ലാതെ ഓടുന്ന വാഹനങ്ങളിൽ അഴിമതി നടക്കുന്നതായുള്ള ആരോപണം ശ്രദ്ധയിൽപ്പെട്ടിട്ടുണ്ടോ;

ജി.പി.എസ്. ആപ്ലിക്കേഷൻ ഇല്ലാതെ പദ്ധതി നടപ്പിലാക്കുന്നതിനായി സർക്കാർ അനുമതി നൽകിയിട്ടുണ്ടോ; ഇല്ലെങ്കിൽ അത്തരത്തിൽ പദ്ധതി നടത്തുന്ന ഉദ്യോഗസ്ഥർക്കെതിരെ നടപടി സ്വീകരിക്കുമോ എന്ന് വ്യക്തമാക്കാമോ?

ആരോഗ്യവകുപ്പിന് കീഴില്‍ കാസ്പ് പദ്ധതി നിലവിലുണ്ടോയെന്ന് വിശദമാക്കാമോ;

എന്തൊക്കെ ചികിത്സകളാണ് കാസ്പ് പദ്ധതിയില്‍ ഉള്ളത്; വിശദാംശം നല്‍കാമോ;

ചികിത്സകള്‍ക്ക് ചെലവാകുന്ന മുഴുവന്‍ തുകയും സര്‍ക്കാര്‍ നല്‍കുന്നതാണോയെന്ന് വ്യക്തമാക്കാമോ;

പ്രസ്തുത ചികിത്സകള്‍ക്ക് അപേക്ഷ നല്‍കേണ്ടത് എങ്ങനെയാണെന്നും ആയതിന്റെ തിരഞ്ഞെടുപ്പിന് മാനദണ്ഡങ്ങള്‍ ഉണ്ടോയെന്നുമുള്ള വിശദവിവരം നല്‍കാമോ?

നിലവിലെ സർക്കാർ അധികാരത്തിൽ വന്നതിന് ശേഷം ഉദുമ മണ്ഡലത്തിൽ എൻ.എച്ച്.എം. ഫണ്ട് ഉപയോഗിച്ച് നടപ്പിലാക്കിയ പദ്ധതികൾ ഏതൊക്കെയാണെന്ന് വിശദമാക്കുമോ;

പദ്ധതികളുടെ പേരും അനുവദിച്ച തുകയും പദ്ധതികളുടെ നിലവിലെ സ്ഥിതിയും വ്യക്തമാക്കാമോ?

ആയുഷ്മാൻ ഭാരത് പദ്ധതിയിൽ 70 വയസ്സിന് മുകളിലുള്ള വ്യക്തികൾക്ക് സൗജന്യ ചികിത്സ നൽകുന്നതിനായി സംസ്ഥാനത്ത് എം പാനൽ ചെയ്തിട്ടുള്ള ആശുപത്രികളുടെ ലിസ്റ്റ് ജില്ലതിരിച്ച് ലഭ്യമാക്കുമോ;

ഈ പദ്ധതി നടപ്പിലാക്കുന്നതിനായുള്ള സംസ്ഥാന സർക്കാരിന്റെ ഏജൻസി ഏതാണെന്നും പ്രസ്തുത ഏജൻസി മേല്പറഞ്ഞ ആശുപത്രികളുമായി ചേർന്ന് എന്തൊക്കെ നടപടികൾ സ്വീകരിച്ചിട്ടുണ്ടെന്നും വ്യക്തമാക്കുമോ ;

ആയുഷ്മാൻ ഭാരത് പദ്ധതി സംസ്ഥാനത്ത് നടപ്പാക്കുന്നതിന് നിലവിൽ എന്തെങ്കിലും പ്രതിസന്ധി നേരിടുന്നുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ;

പ്രസ്തുത പദ്ധതി സംസ്ഥാനത്ത് നടപ്പാക്കേണ്ടതില്ല എന്ന് തീരുമാനിച്ചിട്ടുണ്ടോയെന്ന് വ്യക്തമാക്കുമോ?

തിരൂരങ്ങാടി താലൂക്ക് ആശുപത്രിയിൽ ഫോറൻസിക് സർജനെ നിയമിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

തിരൂരങ്ങാടി താലൂക്ക് ആശുപത്രിയിൽ ജൂനിയർ കൺസൾട്ടന്റ് ഫോറൻസിക് സർജൻ തസ്തിക അനുവദിക്കണമെന്ന് ശിപാർശ ചെയ്തുകൊണ്ട് മലപ്പുറം ജില്ലാ മെഡിക്കൽ ഓഫീസർ നൽകിയ 22-11-2020-ലെ സി-1/12678/2020-3 നമ്പർ കത്തിന്മേൽ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ആദിവാസി സമൂഹം ഉള്‍പ്പെടെ നൂറുകണക്കിന് ആളുകള്‍ ദിവസേന ചികിത്സയ്ക്കായി ആശ്രയിക്കുന്ന കാേതമംഗലം താലൂക്ക് ആശുപത്രിയില്‍ ഓര്‍ത്താേപീഡിക് ഡാേക്ടറുടെ (ജൂനിയര്‍ കണ്‍സള്‍ട്ടന്റ് ഓര്‍ത്താേപീഡിക്) തസ്തിക ഒഴിഞ്ഞു കിടക്കുന്നതായി ശ്രദ്ധയില്‍പ്പെട്ടിട്ടുണ്ടാേ;

പ്രസ്തുത ആശുപത്രിയില്‍ അടിയന്തരമായി ഡാേക്ടറെ നിയമിക്കുന്നതിനാവശ്യമായ നടപടി സ്വീകരിക്കുമാേ; വ്യക്തമാക്കാമോ?

നഗരസഭകളിലെ ആയുഷ്മാന്‍ ആരോഗ്യ മന്ദിര്‍ (നഗര ജനകീയ ആരോഗ്യ കേന്ദ്രം) അനുവദിക്കുന്നതിന്റെ മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ;

ഇത്തരം സ്ഥാപനങ്ങള്‍ പ്രവര്‍ത്തിപ്പിക്കുന്നതിന് സംസ്ഥാന സര്‍ക്കാര്‍ എന്തെങ്കിലും ധനസഹായം നല്‍കുന്നുണ്ടോ;

ഇവയില്‍ ജീവനക്കാരെ നിയമിക്കുന്നതിനുള്ള അധികാരം ആര്‍ക്കാണെന്ന് വ്യക്തമാക്കാമോ;

മതിയായ ജീവനക്കാരുടെ അഭാവം നിമിത്തം ഇത്തരം സ്ഥാപനങ്ങള്‍ പ്രവര്‍ത്തന പ്രതിസന്ധി നേരിടുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കാന്‍ എന്തെല്ലാം നടപടികളാണ് സ്വീകരിച്ചു വരുന്നതെന്ന് വിശദമാക്കാമോ?

നിലവിലെ സർക്കാർ അധികാരമേറ്റതിനുശേഷം കൊല്ലം, പാരിപ്പള്ളി സർക്കാർ മെഡിക്കൽ കോളേജിനുവേണ്ടി നടപ്പിലാക്കിയ പ്രവൃത്തികൾ എന്തെല്ലാമെന്നും അവ ഓരോന്നിനും ചെലവാക്കിയ തുക എത്രയെന്നും ഓരോ പ്രവൃത്തിയുടെയും നിലവിലെ പുരോഗതി സഹിതം വിശദമാക്കാമോ;

നിലവിലെ സർക്കാർ അധികാരത്തിൽ വന്ന ശേഷം ചാത്തന്നൂർ മണ്ഡലത്തിലെ പാരിപ്പള്ളി സർക്കാർ മെഡിക്കൽ കോളേജ് ഒഴികെയുള്ള ആരോഗ്യ കേന്ദ്രങ്ങൾക്കായി ആരോഗ്യവകുപ്പ് മുഖേന നടപ്പിലാക്കിയ പ്രവൃത്തികൾ എന്തെല്ലാമെന്നും ഓരോ പ്രവൃത്തിക്കും വകയിരുത്തിയതും ചെലവാക്കിയതുമായ തുക എത്രയെന്നും പ്രവൃത്തികളുടെ നിലവിലെ സ്ഥിതി എന്തെന്നും വിശദമാക്കാമോ?

കോട്ടയം ജില്ലയിലെ ഏതൊക്കെ പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി ഉയർത്തിയിട്ടുണ്ട്; നിയോജകമണ്ഡല അടിസ്ഥാനത്തിലുള്ള വിവരങ്ങൾ ലഭ്യമാക്കുമോ;

ജില്ലയിലെ വിവിധ പ്രാഥമിക ആരോഗ്യ കേന്ദ്രങ്ങൾ, കുടുംബാരോഗ്യ കേന്ദ്രങ്ങൾ, സാമൂഹിക ആരോഗ്യ കേന്ദ്രങ്ങൾ, താലൂക്ക് ആശുപത്രികള്‍ എന്നിവയുടെ ഇനം തിരിച്ചുള്ള പട്ടിക നിയോജകമണ്ഡലം അടിസ്ഥാനത്തിൽ ലഭ്യമാക്കുമോ;

പുതുപ്പള്ളി നിയോജകമണ്ഡലത്തിലെ ഇപ്രകാരമുള്ള പ്രാഥമികാരോഗ്യ കേന്ദ്രങ്ങൾ, കുടുംബാരോഗ്യ കേന്ദ്രങ്ങൾ, സാമൂഹിക ആരോഗ്യ കേന്ദ്രങ്ങൾ എന്നിവയുടെ ഇനം തിരിച്ചുള്ള പട്ടിക പഞ്ചായത്ത് അടിസ്ഥാനത്തിൽ ലഭ്യമാക്കുമോ?

ആലുവ മണ്ഡലത്തിലെ കാഞ്ഞൂർ പ്രാഥമിക ആരോഗ്യ കേന്ദ്രം കുടുംബാരോഗ്യ കേന്ദ്രമായി ഉയർത്തിയത് എന്ന് മുതലാണെന്ന് വ്യക്തമാക്കാമോ;

ഇവിടെ കുടുംബാരോഗ്യ കേന്ദ്രത്തിനനുസൃതമായി ജീവനക്കാരെ നിയമിക്കുകയും അടിസ്ഥാന സൗകര്യങ്ങൾ വർദ്ധിപ്പിക്കുകയും ചെയ്തിട്ടുണ്ടോ; ഇല്ലെങ്കില്‍ ആയതിനുള്ള നടപടി സ്വീകരിക്കുമോ; വിശദമാക്കാമോ?

ഹൃദയം മാറ്റിവയ്ക്കല്‍ ശസ്ത്രക്രിയക്ക് അനുമതി ലഭിച്ച എറണാകുളം ജനറൽ ആശുപത്രിയിൽ പൊതുജനങ്ങൾക്ക് പ്രസ്തുത സേവനം ലഭ്യമാക്കുന്നതിന് ആവശ്യമായ സ്റ്റാഫ് പാറ്റേൺ നിലവിലുണ്ടോ; ഇല്ലെങ്കിൽ ഈ ആവശ്യത്തിലേക്കും ആശുപത്രിയുടെ വികസനത്തിന്റെ ഭാഗമായും സ്റ്റാഫ് പാറ്റേൺ പരിഷ്‌ക്കരിക്കുന്നതിന് നടപടി സ്വീകരിക്കുമോ; ഇതിന്റെ ഭാഗമായി സ്വീകരിച്ച നടപടികൾ വ്യക്തമാക്കാമോ;

ഹൈക്കോടതിയിൽ ഫയൽ ചെയ്യപ്പെട്ട പൊതുതാൽപര്യ ഹർജിയിന്മേൽ ഒരു വർഷത്തിനകം രണ്ട് കാർഡിയോ തൊറാസിക് സര്‍ജൻമാരും ഒരു അനസ്തെറ്റിസ്റ്റും ഉള്‍പ്പെടെ ആവശ്യത്തിന് ജീവനക്കാരെ പ്രസ്തുത ആശുപത്രിയിൽ നിയമിക്കുമെന്ന സർക്കാരിന്റെ ഉറപ്പിന്മേലുള്ള നടപടികളുടെ നിലവിലെ സ്ഥിതി വ്യക്തമാക്കാമോ;

ആരോഗ്യ വകുപ്പിന്റെ നേരിട്ടുള്ള നിയന്ത്രണത്തിൽ പ്രവർത്തിക്കുന്ന പ്രസ്തുത ആശുപത്രിയിൽ വൈദ്യുതി ചാർജ് ഇനത്തിൽ 11.50 കോടിയോളം രൂപ കുടിശ്ശിക ആയത് ശ്രദ്ധയിൽപ്പെട്ടിട്ടുണ്ടോ; ഇത് അടയ്ക്കുന്നതിനായി സ്വീകരിച്ച നടപടികൾ വിശദമാക്കാമോ;

പ്രസ്തുത കുടിശ്ശിക അടയ്ക്കാത്തത് മൂലം വൈദ്യുതി വിഛേദിക്കുവാന്‍ സാധ്യതയുള്ളതിനാല്‍ ഇത് സംബന്ധിച്ച് സംസ്ഥാന വൈദ്യുത ബോര്‍‍‍ഡുമായി ചര്‍ച്ച നടത്തുകയോ വൈദ്യുതി വിഛേദിക്കരുതെന്ന് ആവശ്യപ്പെടുകയോ ചെയ്തിട്ടുണ്ടോ; വിശദാംശം അറിയിക്കാമോ?

നെയ്യാറ്റിന്‍കര ജനറല്‍ ആശുപത്രിയില്‍ ക്യാന്‍സര്‍ കെയര്‍ സെന്റര്‍ ആരംഭിക്കുന്നതിനുവേണ്ടി എം. എൽ. എ. നല്‍കിയ നിവേദനത്തിന്മേല്‍ സ്വീകരിച്ച നടപടി വിശദമാക്കുമോ?

വാടാനപ്പള്ളി സാമൂഹികാരോഗ്യ കേന്ദ്രത്തിൽ ഡിജിറ്റല്‍ എക്സ്റേ യൂണിറ്റ് സ്ഥാപിക്കുന്നതിന് മണലൂര്‍ എം.എല്‍.എ.യുടെ 2018-19 വര്‍ഷത്തെ ആസ്തി വികസന പദ്ധതിയില്‍ ഉള്‍പ്പെടുത്തി തുക അനുവദിച്ചെങ്കിലും പ്രസ്തുത പ്രവൃത്തി ഇതുവരെ നടപ്പാക്കിയിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രവൃത്തിയുടെ നിലവിലെ സ്ഥിതി എന്താണെന്ന് വ്യക്തമാക്കാമോ; വിശദാംശങ്ങള്‍ നല്‍കാമോ;

ഡിജിറ്റല്‍ എക്സ്റേ യൂണിറ്റ് യാഥാര്‍ത്ഥ്യമാക്കുന്നതിന് വേണ്ട സത്വര നടപടി സ്വീകരിക്കുമോ; വിശദാംശങ്ങള്‍ നല്‍കാമോ?

നെന്മാറ മണ്ഡലത്തിലെ എലവഞ്ചേരി കുടുംബാരോഗ്യ കേന്ദ്രത്തിൽ പുതിയ കെട്ടിടം നിര്‍മ്മിക്കുന്നതിന് എത്ര തുകയാണ് അനുവദിച്ചതെന്നും ആയത് എന്നാണ് അനുവദിച്ചതെന്നും വിശദമാക്കാമോ;

പ്രസ്തുത കെട്ടിടത്തിന്റെ നിര്‍മ്മാണ പ്രവൃത്തി എന്ന് തുടങ്ങാന്‍ കഴിയുമെന്നും പ്രവൃത്തി തുടങ്ങുന്നതിന് നിലവില്‍ എന്തെങ്കിലും തടസ്സങ്ങളുണ്ടോയെന്നും ഉണ്ടെങ്കില്‍ ആയത് പരിഹരിക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വിശദമാക്കുമോ?

കായംകുളം മണ്ഡലത്തിലെ വിവിധ കുടുംബാരോഗ്യകേന്ദ്രങ്ങളുടെ പരിധിയില്‍ എത്ര സബ് സെന്ററുകള്‍ ഉണ്ടെന്നും, അവ ഏതാെക്കെയെന്നും അതിൽ സ്വന്തമായി സ്ഥലവും കെട്ടിടവും ഉളളവ, ഇല്ലാത്തവ എന്നിങ്ങനെ തരംതിരിച്ച് വിശദമാക്കാമോ;

സ്വന്തമായി കെട്ടിടം ഉണ്ടെങ്കിലും ജീര്‍ണ്ണാവസ്ഥയിലുളള സബ് സെന്ററുകള്‍ ഏതൊക്കെയെന്ന് വ്യക്തമാക്കാമോ?

അരുവിക്കര മണ്ഡലത്തിലെ ആദിവാസിമേഖലകളുമായി ബന്ധപ്പെട്ട് എത്ര സബ് സെന്ററുകളാണ് പ്രവര്‍ത്തിച്ചു വരുന്നതെന്ന് വ്യക്തമാക്കുമോ;

നിലവിലെ സര്‍ക്കാര്‍ അധികാരത്തില്‍ വന്നതിനു ശേഷം ഇവിടത്തെ ആദിവാസിമേഖലകളില്‍ ആരോഗ്യവകുപ്പിനു കീഴില്‍ നടത്തിയിട്ടുള്ള പ്രവര്‍ത്തനങ്ങളും ചെലവാക്കിയ തുകയും സംബന്ധിച്ച വിവരങ്ങള്‍ നല്‍കുമോ?

പതിനഞ്ചാം ധനകാര്യ കമ്മീഷന്റെ ഭാഗമായി ബാലുശ്ശേരി മണ്ഡലത്തിൽ പുതിയതായി ഏതെല്ലാം ആരോഗ്യ കേന്ദ്രങ്ങൾക്കാണ് ഫണ്ട് അനുവദിച്ചിട്ടുള്ളത്; പുതിയതായി അനുവദിച്ച ആരോഗ്യ കേന്ദ്രങ്ങളുടെ പ്രവൃത്തി ഇപ്പോൾ ഏത് ഘട്ടത്തിലാണ്; വിശദമാക്കാമോ ?

കായംകുളം താലൂക്കാശുപത്രിയില്‍ 2016 മുതല്‍ നാളിതുവരെ എൻ.എച്ച്.എം., ആരോഗ്യവകുപ്പ്, നഗരസഭ എന്നിവിടങ്ങളില്‍ നിന്നുള്ള തുക വിനിയോഗിച്ച് നടപ്പിലാക്കിയ പദ്ധതികള്‍ ഏതൊക്കെയെന്നും അതിനായി വിനിയോഗിച്ചിട്ടുള്ള തുക എത്രയെന്നും വിശദമാക്കാമോ?

നിലവിലെ സർക്കാർ അധികാരത്തിൽ വന്നശേഷം പീരുമേട് മണ്ഡലത്തിൽ ആരോഗ്യ വകുപ്പ് എന്തൊക്കെ വികസന പ്രവർത്തനങ്ങളാണ് നടത്തിയിട്ടുള്ളതെന്ന് വിശദമാക്കാമോ;

തോട്ടം മേഖലയുടെ പ്രതിസന്ധി കാരണം തോട്ടം ഉടമകൾ നടത്തിവന്നിരുന്ന പല ആശുപത്രികളും നിർത്തിപ്പോയ സാഹചര്യത്തിൽ മണ്ഡലത്തിലെ സർക്കാർ ആശുപത്രികളുടെ ഉന്നമനത്തിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

പീരുമേട് താലൂക്ക് ആശുപത്രിയുടെ സമഗ്ര വികസനത്തിനായി കിഫ്ബിയിൽനിന്നും 42 കോടി രൂപ അനുവദിച്ചിട്ടുള്ളതും ഭരണാനുമതി ലഭിച്ചിട്ടുള്ളതുമായ പ്രവൃത്തി അടിയന്തരമായി നടപ്പിലാക്കുവാൻ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

വണ്ടിപ്പെരിയാർ സാമൂഹിക ആരോഗ്യ കേന്ദ്രത്തിൽ രാത്രികാലത്ത് ഡോക്ടറുടെ സേവനം തുടർച്ചയായി ലഭ്യമാക്കാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

നിലവിലെ സർക്കാർ അധികാരത്തിൽ വന്നശേഷം പീരുമേട് മണ്ഡലത്തിൽ എത്ര ആരോഗ്യ ഉപകേന്ദ്രങ്ങളാണ് പുതിയതായി നിർമ്മിച്ചതെന്നും അതിന് എത്ര രൂപ ചെലവായെന്നും വിശദമാക്കാമോ?

മലപ്പുറം താലൂക്ക് ഹെഡ് ക്വർട്ടേഴ്‌സ് ആശുപത്രിക്ക് പി.എം.ജെ.വി.കെ. പദ്ധതിയിൽ ഉൾപ്പെടുത്തി അനുവദിച്ച പുതിയ കെട്ടിടത്തിന്റെ നിർമ്മാണ പ്രവൃത്തിയുടെ പുരോഗതി വെളിപ്പെടുത്തുമോ;

പ്രസ്തുത ആശുപത്രിക്ക് പൊതു വിദ്യാഭ്യാസ വകുപ്പിന്റെ സ്ഥലം ഉപയോഗിക്കുന്നതിന് നിരാക്ഷേപ പത്രം അനുവദിച്ച്‌ മാസങ്ങൾ പിന്നിട്ടിട്ടും (ഫയൽ നം.ഇ2/47/2024-ഹെൽത്ത് തീയതി.24.10.2024) കെട്ടിട നിർമ്മാണ നടപടികൾ ആരംഭിക്കുാൻ കാലതാമസം നേരിടുന്നത് എന്തുുകൊണ്ടാണെന്ന് വിശദമാക്കാമോ;

മലപ്പുറം താലൂക്ക് ഹെഡ് ക്വർട്ടേഴ്‌സ് ആശുപത്രിയിൽ അഡ്വാൻസ്ഡ് മെഡിക്കൽ കോംപ്ലക്സും താലൂക്ക് ആശുപത്രിയും (പുതിയ ബ്ലോക്ക്) എന്നത്തേക്ക് ആരംഭിക്കുമെന്ന് വെളിപ്പെടുത്തുമോ?

പൂഞ്ഞാർ മണ്ഡലത്തില്‍ കിടത്തി ചികിത്സാ സൗകര്യങ്ങൾ ഉള്ള സര്‍ക്കാര്‍ ആശുപത്രികള്‍ ഏതെല്ലാമെന്ന് വ്യക്തമാക്കാമോ;

പ്രസ്തുത ആശുപത്രികളിൽ കിടത്തി ചികിത്സയ്ക്കാവശ്യമായ ഭൗതിക സാഹചര്യങ്ങൾ മെച്ചപ്പെടുത്തുന്നതിനും മാനദണ്ഡപ്രകാരമുള്ള ജീവനക്കാരുടെ സേവനം ഉറപ്പുവരുത്തുന്നതിനും നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത മണ്ഡലത്തിലെ ഏതെല്ലാം ആരോഗ്യ കേന്ദ്രങ്ങളിലാണ് സായാഹ്‌ന ഒ.പി സൗകര്യം ഉള്ളതെന്നും ആയതിന്റെ വിശദാംശവും ലഭ്യമാക്കുമോ?

നാദാപുരം താലൂക്ക് ഹോസ്പിറ്റലില്‍ ഡയാലിസിസ് ആരംഭിക്കാന്‍ നാളിതുവരെ സ്വീകരിച്ച നടപടികള്‍ വിശദമാക്കാമോ;

നാദാപുരം താലൂക്ക് ഹോസ്പിറ്റലില്‍ നിലവില്‍ ഒഴിവുള്ള തസ്തികകളില്‍ നിയമനം നടത്തുവാന്‍ നടപടി സ്വീകരിക്കുമോയെന്ന് അറിയിക്കാമോ?

ചങ്ങനാശ്ശേരി ജനറല്‍ ആശുപത്രിയില്‍ ഡയാലിസിസ് യൂണിറ്റുകള്‍ സ്ഥാപിക്കുന്നതിനുള്ള നടപടികളുടെ നിലവിലെ സ്ഥിതി വ്യക്തമാക്കാമോ;

ഇവിടെ പ്രസ്തുത യൂണിറ്റുകള്‍ സ്ഥാപിക്കുവാന്‍ എത്ര തുകയാണ് അനുവദിച്ചിരിക്കുന്നതെന്ന് വ്യക്തമാക്കാമോ, ഉത്തരവുകളുടെ പകര്‍പ്പ് ലഭ്യമാക്കുമോ;

നിര്‍മ്മാണം പൂര്‍ത്തീകരിച്ച് എന്നത്തേയ്ക്ക് ഡയാലിസിസ് യൂണിറ്റുകള്‍ പ്രവര്‍ത്തനം ആരംഭിക്കാന്‍ സാധിക്കുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

താലൂക്ക് ആശുപത്രികളും, സി.എച്ച്.സി കളും ജില്ലാ ആശുപത്രിയായും, ജനറൽ ആശുപത്രിയായും ഉയർത്തുന്നതിനുള്ള മാനദണ്ഡങ്ങൾ എന്തെല്ലാമാണ് എന്ന് അറിയിക്കുമോ; വിശദമാക്കാമോ;

2025-2026 വർഷത്തെ സംസ്ഥാന ബജറ്റിൽ ജില്ലാ ആശുപത്രിയായി ഉയർത്തി പ്രഖ്യാപനം നടത്തിയ, താനൂർ കമ്മ്യൂണിറ്റി ഹെൽത്ത് സെന്റർ, ജില്ലാ ആശുപത്രിയായി ഉയർത്തുന്നതിനു ആധാരമാക്കിയ മാനദണ്ഡങ്ങൾ എന്തെല്ലാമാണ് എന്ന് അറിയിക്കുമോ; ഈ ആശുപത്രിയിൽ ദിനംപ്രതി ഒ.പി വിഭാഗത്തിൽ വരുന്ന രോഗികളുടെ എണ്ണം എത്രയാണ് എന്ന് അറിയിക്കുമോ; ഈ ആശുപത്രിയിൽ നിലവിൽ കിടത്തി ചികിത്സക്കുള്ള സൗകര്യം ഉണ്ടോ എന്ന് അറിയിക്കുമോ; ഇനം തിരിച്ച് വിശദമാക്കാമോ;

സംസ്ഥാനത്തെ ഏറ്റവും നല്ല താലൂക്ക് ആശുപത്രിയായി തിരഞ്ഞെടുക്കപ്പെട്ടിട്ടുള്ള തിരൂരങ്ങാടി ഗവൺമെന്റ് താലൂക്ക് ആശുപത്രി ജില്ലാ ആശുപത്രിയായോ, ജനറൽ ആശുപത്രിയായോ ഉയർത്തണമെന്ന ആവശ്യം സർക്കാരിന്റെ പരിഗണനയിൽ വന്നിട്ടുണ്ടോ; ഉണ്ടെങ്കിൽ ഇത് സംബന്ധിച്ച് സ്വീകരിച്ച നടപടികൾ എന്തെല്ലാമാണ് എന്ന് അറിയിക്കുമോ; വിശദമാക്കാമോ;

തിരൂരങ്ങാടി താലൂക്ക് ആശുപത്രിയിൽ ഒ.പി വിഭാഗത്തിൽ ദിനംപ്രതി വരുന്ന രോഗികളുടെ എണ്ണം എത്രയാണ് എന്ന് അറിയിക്കുമോ; ഈ ആശുപത്രിയിൽ എത്ര രോഗികളെ കിടത്തി ചികിത്സിക്കുന്നതിനുള്ള സൗകര്യമുണ്ട് എന്ന് അറിയിക്കുമോ; വിശദമാക്കാമോ;

തിരൂരങ്ങാടി ഗവൺമെന്റ് താലൂക്ക് ആശുപത്രി ജില്ലാ ആശുപത്രിയായോ, ജനറൽ ആശുപത്രിയായോ ഉയർത്തണം എന്ന് ആവശ്യപ്പെട്ടുകൊണ്ട് നിയോജകമണ്ഡലം എം.എൽ.എ സമർപ്പിച്ചിരുന്ന നിവേദനങ്ങളിൽ എന്തെല്ലാം നടപടികൾ സ്വീകരിച്ചു എന്ന് വിശദമാക്കാമോ;

തിരൂരങ്ങാടി താലൂക്ക് ആശുപത്രി ജില്ലാ ആശുപത്രിയായോ, ജനറൽ ആശുപത്രിയായോ ഉയർത്തുന്നതിനുള്ള നടപടികൾ സർക്കാർ സ്വീകരിക്കുമോ; വിശദമാക്കാമോ;

തിരൂരങ്ങാടി താലൂക്ക് ആശുപത്രി ജില്ലാ ആശുപത്രിയായോ, ജനറൽ ആശുപത്രിയായോ ഉയർത്തണം എന്നാവശ്യപ്പെട്ടു കൊണ്ട് സർക്കാറിന് ഇതുവരെ എത്ര നിവേദനങ്ങൾ ലഭിച്ചിട്ടുണ്ട് എന്ന് അറിയിക്കുമോ; ആരെല്ലാമാണ് ടി നിവേദനങ്ങൾ നൽകിയത് എന്ന് അറിയിക്കുമോ; എന്നാണ് ടി നിവേദനങ്ങൾ നൽകിയത് എന്നും ഇവയിൽ സ്വീകരിച്ച നടപടികൾ എന്തെല്ലാമാണ് എന്നും അറിയിക്കുമോ ; ഓരോന്നും ഇനം തിരിച്ച് വിശദമാക്കാമോ ?

നെന്മാറ മണ്ഡലത്തിലെ ഏതെല്ലാം ആരോഗ്യകേന്ദ്രങ്ങളിലാണ് വാഹന സൗകര്യം നിലവിലുള്ളതെന്ന് വിശദമാക്കുമോ;

വാഹന സൗകര്യമില്ലാത്ത ആശുപത്രികളിലേക്ക് അവ അനുവദിക്കാന്‍ ആവശ്യമായ നടപടികള്‍ സ്വീകരിക്കുമോ; വിശദാംശം നല്‍കുമോ?

കോഴിക്കോട് ചെറൂപ്പ സി.എച്ച്.സി.-യെ കുന്ദമംഗലം ബ്ലോക്ക് പഞ്ചായത്തിന് കീഴിലുളള ഹെല്‍ത്ത് ബ്ലോക്കാക്കി മാറ്റുന്നതിന് ബ്ലോക്ക് പഞ്ചായത്ത് എടുത്ത തീരുമാനം നടപ്പിലാക്കുന്നതില്‍ എന്തെങ്കിലും തടസ്സങ്ങളുണ്ടോ;

2024-25 വര്‍ഷത്തില്‍ കുന്ദമംഗലം ബ്ലോക്ക് പഞ്ചായത്തില്‍ ഹെല്‍ത്ത് ഗ്രാന്റായി അനുവദിച്ച 27.57 ലക്ഷം രൂപ ചെറൂപ്പ ആശുപത്രിയുടെ വികസനത്തിന് ഉപയോഗപ്പെടുത്തുന്നതിനായി ഡി.പി.സി. അംഗീകാരത്തോടെ സമര്‍പ്പിച്ച പദ്ധതി പ്രാവര്‍ത്തികമാക്കാന്‍ സാധിക്കാതെ പോയത് സര്‍ക്കാരിന്റെ ശ്രദ്ധയില്‍പെട്ടിട്ടുണ്ടോ; എങ്കില്‍ ആയതിനുളള കാരണം വിശദമാക്കാമോ;

2025-26 വര്‍ഷത്തെ ഹെല്‍ത്ത് ഗ്രാന്റായി കുന്ദമംഗലം ബ്ലോക്ക് പഞ്ചായത്തിന് അനുവദിച്ച 40.29 ലക്ഷം രൂപ ചെറൂപ്പ ആശുപത്രിയുടെ വികസനത്തിന് ഉപയോഗപ്പെടുത്താന്‍ ബ്ലോക്ക് പഞ്ചായത്ത് തീരുമാനിച്ച വിവരം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

നടപടിക്രമങ്ങള്‍ പൂര്‍ത്തിയാക്കുന്നതില്‍ സമയക്രമം പാലിക്കാത്തതുമൂലം അര്‍ഹമായ ഫണ്ടുകള്‍ ഉപയോഗപ്പെടുത്താന്‍ സാധിക്കാതെ പോകുന്നത് പരിഹരിക്കാന്‍ എന്ത് നടപടികളാണ് സര്‍ക്കാര്‍ സ്വീകരിച്ചുവരുന്നതെന്ന് വ്യക്തമാക്കാമോ;

സൗകര്യങ്ങളുടെ പരിമിതിമൂലം ശോചനീയാവസ്ഥയിലുളള ചെറൂപ്പ ആശുപത്രിയുടെ വികസനത്തിന് ഹെല്‍ത്ത് ഗ്രാന്റ് ഉപയോഗപ്പെടുത്താന്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കുമോ; വ്യക്തമാക്കുമോ ?

2020-21 വര്‍ഷത്തെ ബജറ്റില്‍ 20% ടോക്കണ്‍ പ്രൊവിഷനില്‍ ഉള്‍പ്പെടുത്തിയ വടക്കാഞ്ചേരി സാമൂഹിക ആരോഗ്യ കേന്ദ്രത്തിന്റെ അഡീഷണല്‍ ബ്ലോക്ക് നിര്‍മ്മാണ പ്രവൃത്തിയുടെ നിലവിലെ സ്ഥിതി വ്യക്തമാക്കുമോ?

എന്‍‌.എച്ച്‌.എം ഫണ്ട് ഉപയോഗിച്ച് ഒന്നര വർഷം മുന്‍പ് കോട്ടക്കല്‍ മണ്ഡലത്തില്‍ കുറ്റിപ്പുറം ഗവൺമെൻറ് കണ്ണാശുപത്രിയുടെ നിര്‍മ്മാണം പൂര്‍ത്തികരിക്കുകയും ആവശ്യമായ ഉപകരണങ്ങളും ഫര്‍ണിച്ചറുകളും ലഭ്യമാക്കി ആശുപത്രി പ്രവര്‍ത്തനസജ്ജമാക്കിയിട്ടും മതിയായ ജീവനക്കാരെ നിയമിക്കാത്തതിനാല്‍ കണ്ണാശുപത്രിയുടെ പ്രവര്‍ത്തനം ആരംഭിക്കാന്‍ കഴിയാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

പുതിയതായി ആരംഭിക്കുന്ന ഒഫ്താല്‍മിക് വിഭാഗത്തിന്റെ സുഗമമായ പ്രവര്‍ത്തനത്തിനായി ഒരു ഒപ്റ്റോമെട്രിസ്റ്റ്, 4 സ്റ്റാഫ് നഴ്സുമാര്‍ , 2 നഴ്സിങ് അസിസ്റ്റന്റുമാർ, 2 അറ്റന്റന്റുമാർ എന്നിവരുടെ തസ്തിക അനുവദിക്കുന്നതിനായി നല്‍കിയ നിവേദനത്തിന്‍മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

ആശുപത്രിയിലേക്ക് അധിക തസ്തിക അനുവദിക്കുന്നത് സംബന്ധിച്ച് മലപ്പുറം ജില്ലാ മെഡിക്കല്‍ ഓഫീസറുടെ പ്രൊപ്പോസല്‍ ലഭ്യമായിട്ടുണ്ടോ; ആയതിന്‍മേല്‍ ആരോഗ്യ വകുപ്പ് ഡയറക്ടര്‍ സ്വീകരിച്ച നടപടികള്‍ വിശദമാക്കുമോ;

രോഗികള്‍ക്ക് ചികില്‍സയും തുടര്‍ ചികില്‍സയും ലഭ്യമാക്കുതിന് മതിയായ ജീവനക്കാരെ നിയമിച്ച് കണ്ണാശുപത്രിയുടെ പ്രവര്‍ത്തനം ഉടന്‍ ആരംഭിക്കുന്നതിന് സത്വര നടപടികള്‍ സ്വീകരിക്കുമോ; വ്യക്തമാക്കുമോ?

സംസ്ഥാനത്ത് ഡയാലിസിസ് സെന്ററുകള്‍ ഇല്ലാത്ത താലൂക്ക് ആശുപത്രികളില്‍ ഡയാലിസിസ് സെന്ററുകള്‍ ആരംഭിക്കുന്നതിന് തീരുമാനിച്ചിട്ടുണ്ടോയെന്ന് അറിയിക്കുമോ; വ്യക്തമാക്കാമോ;

പയ്യന്നൂര്‍ മണ്ഡലത്തിലെ പെരിങ്ങോം താലൂക്ക് ആശുപത്രിയില്‍ ഡയാലിസിസ് സെന്റര്‍ ആരംഭിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

കുണ്ടറ നിയോജകമണ്ഡലത്തിലെ ആരോഗ്യ സ്ഥാപനങ്ങളില്‍ വിവിധ ഫണ്ടുകള്‍ ഉപയോഗിച്ച് അനുവദിച്ചിട്ടുളള പ്രവൃത്തികളുടെ നിലവിലെ പുരോഗതി വിശദമാക്കാമോ?

നെയ്യാറ്റിൻകര ജനറല്‍ ആശുപത്രിയില്‍ നിലവില്‍ എത്ര പി.ജി. ഡോക്ടര്‍മാരുടെ സേവനമാണ് നല്‍കിയിട്ടുള്ളതെന്നും എം.ബി.ബി.എസ്., പി.ജി. അധിക ഡോക്ടര്‍മാരുടെ സേവനം നല്‍കുന്നതിന് നടപടി സ്വീകരിച്ചിട്ടുണ്ടോയെന്നും വിശദമാക്കാമോ?

പാറശാല മണ്ഡലത്തിലെ വെള്ളറട സാമൂഹികാരോഗ്യ കേന്ദ്രത്തില്‍ ചികിത്സതേടിയെത്തുന്ന സാധാരണക്കാരും പാവപ്പെട്ടവരുമായ ജനങ്ങള്‍ക്ക് ഡോക്ടര്‍മാരുടെയും അനുബന്ധ ജീവനക്കാരുടെയും കുറവ് മൂലം ഉണ്ടാകുന്ന ബുദ്ധിമുട്ടുകള്‍ പരിഹരിക്കാന്‍ നിലവില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

പ്രസ്തുത ആശുപത്രിയില്‍ ഏറ്റവും അത്യാവശ്യമായ തസ്തികകളെങ്കിലും സൃഷ്ടിക്കുന്നതിനായി ആരോഗ്യവകുപ്പില്‍ നിലവിലുള്ള ഫയലിന്മേല്‍ ഇതിനകം സ്വീകരിച്ച നടപടികള്‍ വ്യക്തമാക്കാമോ?

ഏറനാട് മണ്ഡലത്തിലെ എടവണ്ണ സി.എച്ച്.സി.യിൽ പുതുതായി നിര്‍മ്മിക്കുന്ന ഐസൊലേഷന്‍ വാര്‍ഡിന്റെ പ്രവൃത്തി നിലവില്‍ ഏതുഘട്ടത്തിലാണെന്ന് വിശദമാക്കാമോ;

പ്രസ്തുത പ്രവൃത്തിയുടെ നിര്‍മ്മാണച്ചുമതല ആര്‍ക്കാണെന്നും എത്ര തുകയാണ് പ്രവര്‍ത്തിക്കായി വകയിരുത്തിയിട്ടുള്ളതെന്നും പ്രവൃത്തിയുടെ കരാര്‍ ഏറ്റെടുത്ത സ്ഥാപനം ഏതാണെന്നും കരാര്‍ പ്രകാരം എന്നാണ് പദ്ധതി പൂര്‍ത്തിയാക്കേണ്ടതെന്നും പ്രവൃത്തി മുടങ്ങാന്‍ ഉണ്ടായ സാഹചര്യം എന്താണെന്നും വിശദമാക്കാമോ;

പ്രസ്തുത പ്രവൃത്തിയില്‍ വീഴ്ച വരുത്തിയ നിര്‍മ്മാണ കമ്പനിയെ ബ്ലാക്ക് ലിസ്റ്റില്‍ ഉള്‍പ്പെടുത്തിയിട്ടുണ്ടോയെന്നും ഐസൊലേഷന്‍ വാര്‍ഡിന്റെ നിര്‍മ്മാണം എന്നേക്ക് പൂര്‍ത്തീകരിക്കുമെന്നും വ്യക്തമാക്കാമോ?

സംസ്ഥാനത്ത് ബൗദ്ധിക വെല്ലുവിളികള്‍ നേരിടുന്ന കുട്ടികളുടെ ചികിത്സയ്ക്ക് എന്തെല്ലാം സംവിധാനങ്ങളാണ് നിലവിലുള്ളതെന്ന് വ്യക്തമാക്കുമോ;

ബൗദ്ധിക വെല്ലുവിളികള്‍ നേരിടുന്ന കുട്ടികളുടെ ചികിത്സക്കായി സ്ത്രീകളുടെയും കുട്ടികളുടെയും ആശുപത്രികളില്‍ പ്രത്യേക വിഭാഗം ആരംഭിക്കുന്നതിന് നടപടി സ്വീകരിക്കുമോ;

ഇത്തരം കുട്ടികള്‍ക്കുള്ള മെഡിക്കല്‍ സര്‍ട്ടിഫിക്കറ്റും യു.ഡി.ഐ.ഡി. കാര്‍ഡും സമയബന്ധിതമായി നല്‍കുന്നതിന് താലൂക്ക് ആശുപത്രികളില്‍ ആവശ്യമായ സജ്ജീകരണങ്ങള്‍ ഏര്‍പ്പെടുത്തുമോ?

ശരീരത്തിലെ ഏതെങ്കിലും ഒരു പ്രധാന അവയവത്തിന്റെ പ്രവർത്തനം നിലയ്ക്കുന്നത് മൂലം പ്രതിവർഷം അഞ്ച് ലക്ഷത്തിലധികം പേര്‍ രാജ്യത്ത് മരിക്കുന്നുണ്ടെന്ന ദേശീയ റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

സര്‍ക്കാര്‍ ആശുപത്രികളില്‍ അവയവദാന ശസ്ത്രക്രിയകള്‍ നടത്തുന്നതിന് ഈ സര്‍ക്കാര്‍ പുതുതായി മികച്ച സൗകര്യങ്ങൾ ഏര്‍പ്പെടുത്തിയിട്ടുണ്ടോ; വ്യക്തമാക്കുമോ; അവയവദാനത്തിന് മാത്രമായി ഒരു സ്ഥാപനം സംസ്ഥാനത്ത് ആരംഭിക്കാന്‍ ഉദ്ദേശിക്കുന്നുണ്ടോ; അറിയിക്കുമോ;

ഭാരിച്ച സാമ്പത്തിക ചെലവുള്ള അവയവമാറ്റ ശസ്ത്രക്രിയകള്‍ ചെയ്യുന്നതിനുള്ള സൗകര്യം സാധാരണക്കാര്‍ക്ക് ലഭ്യമാക്കുന്നതിനായി നടപടികള്‍ സ്വീകരിച്ചിട്ടുണ്ടോ; അവയവമാറ്റ ശസ്ത്രക്രിയകൾക്കുള്ള മരുന്നുകൾ കാരുണ്യസ്പർശം പദ്ധതിയുടെ ഭാഗമായി സൗജന്യമായി നൽകാന്‍ നടപടികൾ സ്വീകരിക്കുമോ; വ്യക്തമാക്കുമോ;

അവയവമാറ്റ ശസ്ത്രക്രിയയ്ക്കായി സർക്കാർ മെഡിക്കൽ കോളേജുകളിൽ സൗകര്യങ്ങൾ ഏർപ്പെടുത്തുന്നതിന് മുൻഗണന നൽകിയിട്ടുണ്ടോ; സർക്കാർ മെഡിക്കൽ കോളേജുകളിൽ അവയവമാറ്റ ശസ്ത്രക്രിയകള്‍ക്കായി പ്രത്യേക വിഭാഗം രൂപീകരിക്കുന്ന കാര്യം പരിഗണനയിലുണ്ടോ; വിശദമാക്കാമോ?

നിലവിലെ സർക്കാർ അധികാരത്തിൽ വന്നതിനുശേഷം സംസ്ഥാനത്ത് നാളിതുവരെ വിവിധ പകർച്ചവ്യാധികൾ പിടിപെട്ടത് മൂലം എത്രപേർക്ക് ജീവഹാനി സംഭവിച്ചിട്ടുണ്ടെന്ന വിശദാംശം ജില്ല തിരിച്ച് വ്യക്തമാക്കുമോ;

പ്രസ്തുത കാലയളവിൽ ഓരോ പകർച്ചവ്യാധിയും ബാധിച്ച ആളുകളുടെ ആകെ എണ്ണം ഇനം തിരിച്ച് ജില്ലാ അടിസ്ഥാനത്തിൽ വ്യക്തമാക്കുമോ?

മസ്തിഷ്ക മരണം സംഭവിച്ചശേഷം അവയവദാനത്തിലൂടെ മറ്റുളളവര്‍ക്ക് പുതുജീവനേകി യാത്രയായ എത്രപേര്‍ കഴിഞ്ഞ നാലുവര്‍ഷ കാലയളവില്‍ സംസ്ഥാനത്ത് ഉണ്ടെന്നും ഇവരുടെ കുടുംബങ്ങള്‍ക്ക് ഇതിന്റെ പേരില്‍ എന്തെല്ലാം ആനുകൂല്യങ്ങളാണ് നല്‍കി വരുന്നതെന്നും വ്യക്തമാക്കുമോ;

അവയവദാനത്തിന് സന്നദ്ധരായി മരണപ്പെട്ടവരുടെ, യാത്രയയപ്പു വേളയില്‍, 'ഗാര്‍ഡ് ഓഫ് ഓണര്‍' നല്‍കുന്നത് സര്‍ക്കാര്‍ പരിഗണിക്കുമോ; വ്യക്തമാക്കുമോ;

അതിന് തയ്യാറായ കുടുംബത്തിലെ അവര്‍ നിര്‍ദ്ദേശിക്കുന്ന ഒരാള്‍ക്ക് സര്‍ക്കാരിലോ ഇതര സര്‍ക്കാര്‍ സ്ഥാപനങ്ങളിലോ നിയമനം നല്‍കുന്നത് പരിഗണിക്കുമോ; വിശദാംശം വ്യക്തമാക്കുമോ?

ഇരുപത് ശതമാനത്തിലധികം തീപ്പൊളളലേറ്റ് ത്വക്കിന് സാരമായി പരിക്കുപറ്റിയിട്ടുളളവരെ അണുബാധയേല്‍ക്കാത്തവിധം ജീവിതത്തിലേയ്ക്ക് തിരിച്ചുകൊണ്ടുവരുന്നതിന് മെഡിക്കല്‍ കോളേജുകളിലെ 'ബേണ്‍സ് ഐ. സി. യു.' വില്‍ തീവ്രപരിചരണവിഭാഗം സജ്ജീകരിച്ചിട്ടുണ്ടോ;

പ്രസ്തുത 'സ്കിന്‍ ബാങ്ക്' സ്ഥാപിക്കുന്നതിനും ആവശ്യമായ സ്കിന്‍ ലഭ്യമാക്കുന്നതിനും എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

കുണ്ടറ നിയോജകമണ്ഡലത്തിന്റെ പരിധിയിൽ വരുന്ന ആരോഗ്യ സ്ഥാപനങ്ങളിൽ വിവിധ ഫണ്ടുകൾ ഉപയോഗിച്ച് നടത്തി വരുന്ന നിർമ്മാണ പ്രവർത്തനങ്ങളുടെ പുരോഗതി വിശദമാക്കുമോ?

ആര്‍ദ്രം പദ്ധതിയുള്‍പ്പെടെയുള്ള വിവിധ പദ്ധതികള്‍ ആവിഷ്ക്കരിച്ച് നടപ്പാക്കിയതുമൂലം കഴിഞ്ഞ 8 വര്‍ഷത്തിനുള്ളില്‍ സംസ്ഥാനത്തെ ആരോഗ്യകേന്ദ്രങ്ങളില്‍ ചികിത്സയ്ക്കെത്തുന്ന രോഗികളുടെ എണ്ണത്തില്‍ വലിയ വര്‍ദ്ധനവുണ്ടായിട്ടുണ്ടോ; വിശദമാക്കാമോ;

അടിസ്ഥാന-സേവന സൗകര്യങ്ങളുടെ വര്‍ദ്ധനവിനൊത്ത് ജീവനക്കാരുടെയും ഡോക്ടര്‍മാരുടെയും എണ്ണം വര്‍ദ്ധിപ്പിക്കേണ്ടതിന്റെ ആവശ്യകത പരിഗണിച്ച് മെഡിക്കല്‍ കോളേജ് ഉള്‍പ്പെടെയുള്ള ആരോഗ്യകേന്ദ്രങ്ങളില്‍ ഡോക്ടര്‍മാരുടെയും ജീവനക്കാരുടെയും കുറവ് പരിഹരിക്കാനുള്ള നടപടി സ്വീകരിക്കുമോ; വിശദമാക്കാമോ;

ഗവണ്‍മെന്റ് ആശുപത്രികളില്‍ വിശദമായ ഒരു വര്‍ക്ക് സ്റ്റഡി നടത്തി ആവശ്യത്തിന് ഡോക്ടര്‍മാരെയും ജീവനക്കാരെയും നിയമിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

താലൂക്ക് ആശുപത്രികളില്‍ നിന്ന് ലഭിക്കേണ്ട സേവനങ്ങള്‍ കൃത്യമായും ലഭിക്കുന്നുണ്ട് എന്ന് ഉറപ്പുവരുത്തുന്നതിന് ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

സംസ്ഥാനത്ത് കുട്ടികള്‍ക്കുള്ള വാക്സിനേഷന്റെ ഭാഗമായി ഏതെല്ലാം രോഗങ്ങള്‍ പ്രതിരോധിക്കുന്നതിന് ഏതെല്ലാം കുത്തി വയ്പ്പുകളാണ് നിലവില്‍ സൗജന്യമായി നല്‍കി വരുന്നത്; വിശദമാക്കാമോ;

കേന്ദ്ര ആരോഗ്യ മന്ത്രാലയത്തിന്റെ നിര്‍ദേശ പ്രകാരം എം. എം. ആര്‍. വാക്സിനേഷന്‍ നിലവില്‍ നിര്‍ത്തി വച്ചിട്ടുണ്ടോ; ഉണ്ടെങ്കില്‍ ഏത് വര്‍ഷം മുതലാണ് ഇത് നിര്‍ത്തലാക്കിയത്; വ്യക്തമാക്കാമോ;

സംസ്ഥാനത്തെ സ്വകാര്യ ആശുപത്രികളില്‍ എം. എം. ആര്‍. വാക്സിന്‍ ലഭ്യമാണോ; അറിയിക്കാമോ;

എം. എം. ആര്‍. വാക്സിന്‍ നിലവില്‍ നല്‍കാത്ത വിവരം പൊതുജനങ്ങളില്‍ എത്തിക്കുന്നതിനും ആവശ്യമെങ്കില്‍ മറ്റ് മാര്‍ഗ്ഗങ്ങളില്‍ എടുക്കാനും കഴിയുന്ന തരത്തില്‍ ബോധവത്ക്കരണ പ്രവര്‍ത്തനങ്ങള്‍ ആരോഗ്യ വകുപ്പ് നടത്താറുണ്ടോ; വിശദമാക്കാമോ?

ദന്തരോഗങ്ങൾ കൂടുന്ന സാഹചര്യത്തിൽ സംസ്ഥാനത്ത് ആരോഗ്യ വകുപ്പിലെ ഡെന്റൽ ഹൈജീനിസ്റ്റുകളെ ബോധവത്കരണ പ്രവർത്തനങ്ങൾക്കായി ഉപയോഗപ്പെടുത്തുമോ; അവർക്ക് ആഴ്ചയിൽ ഒരു ദിവസം ഫീൽഡ് ഡ്യൂട്ടി നിർബന്ധമാക്കുമോ; വ്യക്തമാക്കുമോ;

സംസ്ഥാനത്ത് എത്ര ശതമാനം പേർക്കാണ് വിവിധ ദന്തരോഗങ്ങൾ ബാധിച്ചിട്ടുള്ളത് എന്ന് പറയാമോ;

ഈ സാഹചര്യത്തിൽ അംഗന്‍വാടി കുട്ടികള്‍ക്കും, സ്കൂള്‍ കുട്ടികള്‍ക്കും ഡെന്റൽ ഹൈജീൻ ബോധവത്കരണ ക്ലാസ്സുകൾ നടത്താൻ ആരോഗ്യ വകുപ്പിലെ ഡെന്റൽ ഹൈജീനിസ്റ്റുകൾക്ക് ചുമതല നല്‍കുമോ; വ്യക്തമാക്കുമോ?

2024 ജനുവരി മുതൽ നാളിതുവരെ സംസ്ഥാനത്ത് മുണ്ടിനീര് സ്ഥിരീകരിച്ചിട്ടുള്ള 15 വയസ്സിൽ താഴെയുള്ള കുട്ടികളുടെ എണ്ണം ജില്ലതിരിച്ച് ലഭ്യമാക്കാമോ;

കുട്ടികൾക്ക് മുണ്ടിനീര് ബാധിച്ചതിനാൽ സംസ്ഥാനത്ത് ഏതെല്ലാം വിദ്യാലയങ്ങളിൽ അവധി നൽകിയിട്ടുണ്ടെന്നും; അവധി എത്ര ദിവസമായിരുന്നുവെന്നും വിദ്യാലയം തിരിച്ചുള്ള വിവരം ലഭ്യമാക്കാമോ;

മുണ്ടിനീരിനെ പ്രതിരോധിക്കുന്നതിനുള്ള എം.എം.ആർ വാക്സിൻ സംസ്ഥാന സർക്കാർ സൗജന്യമായി നൽകുന്നുണ്ടോയെന്ന് അറിയിക്കാമോ;

പ്രസ്തുത വാക്സിൻ സംസ്ഥാന സർക്കാർ സൗജന്യമായി നൽകുന്നില്ലായെങ്കിൽ അത് സൗജന്യമായി ലഭ്യമാക്കുന്നതിനുള്ള നടപടി സ്വീകരിക്കുമോ;

സംസ്ഥാനത്ത് പ്രസ്തുത വാക്സിൻ ഏത് വർഷം വരെ സൗജന്യമായി നൽകിയിരുന്നുവെന്ന് വ്യക്തമാക്കാമോ?

കുണ്ടറ മണ്ഡലത്തിന്റെ പരിധിയിൽപ്പെടുന്ന ആരോഗ്യ സ്ഥാപനങ്ങളിലേക്ക് 2021 ജൂണിന് ശേഷം അനുവദിക്കപ്പെട്ട പദ്ധതികൾ ഏതൊക്കെയെന്നും ആയതിന് അനുവദിച്ച തുക എത്രയെന്നും സ്ഥാപനങ്ങൾ തിരിച്ചുള്ള വിശദാംശം നൽകാമോ?

കാസർകോട് ജില്ലയിൽ ആകെ എത്ര ഹീമോഫീലിയ ബാധിതരാണുള്ളതെന്ന് അറിയിക്കുമോ ; ഇവർക്കാവശ്യമായ ചികിത്സ ജില്ലയിൽ ലഭ്യമാണോ; വിശദമാക്കാമോ;

പ്രസ്തുത രോഗബാധിതർക്ക് സ്ഥിരമായി ഉപയോഗിക്കേണ്ട ജീവൻരക്ഷാ മരുന്നുകൾ ഏതൊക്കെയാണെന്നും അവ ജില്ലയിൽ എല്ലായിടത്തും നിലവിൽ ലഭ്യമാണോയെന്നും വ്യക്തമാക്കാമോ; പ്രസ്തുത മരുന്നുകൾ ജില്ലയിലെ ഏതൊക്കെ ആശുപത്രികളിലാണ് ലഭ്യമാകുന്നതെന്ന് അറിയിക്കുമോ;

ലോവർ സ്ട്രെങ്ത് മരുന്നുകൾ (250,500 യൂണിറ്റുകൾ) ജില്ലയിൽ നിലവിൽ ലഭ്യമാണോ; വ്യക്തമാക്കുമോ ;

ജില്ലയിൽ ഇടയ്ക്കിടെ മരുന്ന് ക്ഷാമം അനുഭവപ്പെടുന്നത് ശ്രദ്ധയിൽ പെട്ടിട്ടുണ്ടോ; വിശദമാക്കുമോ ;

ജില്ലാ ആശുപത്രിയിൽ ഹിമോഫീലിയ ബാധിതർക്കായി പ്രത്യേക വാർഡ് അനുവദിക്കാനുള്ള നടപടികൾ സ്വീകരിക്കുമോ?

വടക്കാഞ്ചേരി മണ്ഡലത്തില്‍ സ്ഥിതിചെയ്യുന്നതും തൃശ്ശൂര്‍ മെഡിക്കല്‍ കോളേജ് ക്യാമ്പസില്‍ പ്രവര്‍ത്തിക്കുന്നതുമായ തൃശ്ശൂര്‍ നെഞ്ചുരോഗാശുപത്രിയെ ടെറിറ്ററി ക്യാന്‍സര്‍ സെന്റര്‍ ആയി ഉയര്‍ത്തുന്നതിനുള്ള നടപടികള്‍ സ്വീകരിക്കുമോ?

ആരോഗ്യ വകുപ്പില്‍ മിനിസ്റ്റീരിയല്‍ ജീവനക്കാര്‍ മൂന്ന് വര്‍ഷത്തില്‍ കൂടുതല്‍ ഒരു സീറ്റില്‍ ഒരേ ഓഫീസില്‍ ജോലിചെയ്യാന്‍ പാ‌ടില്ല എന്ന് വ്യവസ്ഥ ചെയ്തിട്ടുണ്ടോ; വ്യക്തമാക്കുമോ; മൂന്ന് വര്‍ഷത്തില്‍ കൂടുതല്‍ ഒരേ സീറ്റീലും ഒരേ ഓഫീസിലും ജോലി ചെയ്തുവരുന്ന ജീവനക്കാരെ സ്ഥലംമാറ്റി നിയമിക്കണമെന്ന് വ്യവസ്ഥ ചെയ്ത് ഉത്തരവ് പൂറപ്പെടുവിച്ചിട്ടുണ്ടോ; വ്യക്തമാക്കുമോ; എങ്കില്‍ ആയതിന്റെ പകര്‍പ്പ് ലഭ്യമാക്കുമോ; ഈ വ്യവസ്ഥ പാലിക്കാത്ത സ്ഥിതി ആരോഗ്യ വകുപ്പില്‍ നിലവിലുണ്ടോ; വ്യക്തമാക്കാമോ;

ആരോഗ്യ വകുപ്പ് ഡയറക്ടറേറ്റിലും ഡി.എം.ഒ. ഓഫീസുകളിലും വകുപ്പിന് കീഴിലുള്ള മറ്റ് ഓഫീസുകളിലും മൂന്ന് വര്‍ഷത്തില്‍ കൂടുതലായി ഒരേ സീറ്റിലും ഒരേ ഓഫീസിലും ജോലി ചെയ്യുന്ന ജീവനക്കാരുടെ തസ്തിക തിരിച്ചുള്ള എണ്ണം ലഭ്യമാക്കുമോ;

തിരുവനന്തപുരം ഡി.എം.ഒ. ഓഫീസിലും ഡി.എം.ഒ. ഓഫീസിന് കീഴിലുള്ള മറ്റ് ഓഫീസുകളിലും മൂന്ന് വര്‍ഷത്തിലധികമായി ഒരേ സീറ്റിലും ഒരേ ഓഫീസിലും ജോലി ചെയ്യുന്ന എത്ര ജീവനക്കാരുണ്ടെന്ന വിവരം തസ്തിക തിരിച്ച് ലഭ്യമാക്കുമോ;

ആരോഗ്യ വകുപ്പില്‍ മൂന്ന് വര്‍ഷത്തിലധികമായി ഒരേ ഓഫീസിലും ഒരേ സീറ്റിലും ജോലി ചെയ്യുന്ന ജീവനക്കാരെ സ്ഥലംമാറ്റി നിയമിക്കുന്നതിന് അടിയന്തിര നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് എത്ര ആശാവർക്കർമാർ പ്രവർത്തിക്കുന്നുണ്ട്; ഇവരുടെ സേവന വേതന വ്യവസ്ഥകൾ എന്തൊക്കെയാണെന്നറിയിക്കുമോ; വിശദാംശങ്ങൾ വ്യക്തമാക്കുമോ;

ആശാവർക്കർമാരുടെ വിരമിക്കൽ പ്രായം നിശ്ചയിച്ചിട്ടുണ്ടോ; എന്തൊക്കെ വിരമിക്കൽ ആനുകൂല്യങ്ങളാണ് ഇവർക്ക് ഏർപ്പെടുത്തിയിട്ടുള്ളത് എന്നറിയിക്കുമോ; വിശദാംശം വ്യക്തമാക്കുമോ;

ആശാവർക്കർമാരുടെ വേതനം വർദ്ധിപ്പിക്കുന്നതിനും വിരമിക്കൽ ആനുകൂല്യങ്ങൾ അനുവദിക്കുന്നതിനും അടിയന്തര നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്തെ ആശാവര്‍ക്കര്‍മാര്‍ സെക്രട്ടറിയേറ്റിന് മുന്നില്‍ നടത്തിക്കൊണ്ടിരിക്കുന്ന സമരം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സമരവുമായി ബന്ധപ്പെട്ട് ആശാവര്‍ക്കര്‍മാര്‍ ഉന്നയിച്ച ആവശ്യങ്ങള്‍ സര്‍ക്കാര്‍ മുഖവിലയ്ക്കെടുക്കുമോ;

ആശാവര്‍ക്കര്‍മാരുടെ ഓണറേറിയം വിതരണം മുടങ്ങിയിട്ടുണ്ടോ; ഉണ്ടെങ്കില്‍ എത്ര മാസത്തെ കുടിശ്ശികയുണ്ടെന്നും അത് എപ്പോള്‍ വിതരണം ചെയ്യുമെന്നും വിശദമാക്കുമോ;

അവസാനമായി എപ്പോഴാണ് ഓണറേറിയം വിതരണം ചെയ്തതെന്ന് വിശദമാക്കുമോ?

ആരോഗ്യ വകുപ്പിൽ അനധികൃതമായി ജോലിക്ക് ഹാജരാകാത്ത ജീവനക്കാരുടെ വിവരം ശ്രദ്ധയിൽപ്പെട്ടിട്ടുണ്ടോ;

ഏതൊക്കെ തസ്തികകളിലുള്ള എത്ര ജീവനക്കാരാണ് ഇത്തരത്തിൽ വിട്ടുനിൽക്കുന്നതെന്ന് അറിയിക്കാമോ;

പ്രസ്തുത ജീവനക്കാർക്കെതിരെ എന്ത് നടപടിയാണ് സ്വീകരിക്കുന്നതെന്ന് അറിയിക്കാമോ?

നിലവിൽ ആരോഗ്യവകുപ്പിൽ അസിസ്റ്റന്റ് ഡയറക്ടർ (എന്റമോളജി), അസിസ്റ്റന്റ് ഡയറക്ടർ (ഫൈലേറിയ) എന്നീ തസ്തികകളിൽ ഒഴിവുണ്ടോ എന്ന് വ്യക്തമാക്കുമോ;

ഈ വർഷം പ്രസ്തുത തസ്തികകളിൽ വിരമിക്കൽ മൂലം ഒഴിവ് വരാൻ സാധ്യതയുണ്ടോ എന്ന് അറിയിക്കുമോ;

ഇത്തരത്തിൽ ഒഴിവുകൾ ഉണ്ടാകുകയാണെങ്കിൽ നിയമനം നടത്തുന്നതിന് ഹയർ ഡി.പി.സി യോഗം കൂടിയിട്ടുണ്ടോ; എങ്കിൽ എന്നാണ് കൂടിയത് എന്ന വിവരം ലഭ്യമാക്കുമോ;

ഹയർ ഡി.പി.സി പ്രകാരം സെലക്ട് ലിസ്റ്റ് തയ്യാറാക്കിയിട്ടുണ്ടോ; ഉണ്ടെങ്കിൽ സെലക്ട് ലിസ്റ്റിൽ ഉൾപ്പെട്ടിട്ടുള്ളവരുടെ പേര് വിവരം ലഭ്യമാക്കുമോ;

അസിസ്റ്റന്റ് ഡയറക്ടർ (എന്റമോളജി), അസിസ്റ്റന്റ് ഡയറക്ടർ (ഫൈലേറിയ) എന്നിവയുടെ സ്പെഷ്യൽ റൂൾസ് നിലവിലുണ്ടോ; ഇല്ലെങ്കിൽ ഈ തസ്തികകളിലേക്കുള്ള നിയമന രീതി പ്രതിപാദിക്കുന്ന സർക്കാർ ഉത്തരവിന്റെ പകർപ്പ് ലഭ്യമാക്കുമോ?

തിരുവനന്തപുരം ജില്ലയില്‍ 24 മണിക്കുറും പ്രവര്‍ത്തിക്കുന്ന 108 ആംബുലന്‍സ് സേവനം ലഭ്യമായിട്ടുള്ള ആശുപത്രികളുടെ എണ്ണം അറിയിക്കുമോ; വിശദമാക്കുമോ;

അരുവിക്കര നിയോജക മണ്ഡലത്തില്‍ ഇത്തരത്തില്‍ 108 ആംബുലന്‍സ് പ്രവര്‍ത്തിക്കുന്ന ആരോഗ്യ സ്ഥാപനങ്ങള്‍ ഏതെല്ലാമെന്ന് അറിയിക്കുമോ; വിശദമാക്കുമോ?

ആരോഗ്യ വകുപ്പിന് കീഴിലുള്ള വിവിധ പദ്ധതികളിൽ നടപ്പ് സാമ്പത്തിക വർഷത്തെ ബജറ്റിൽ ഓരോ പദ്ധതിക്കും അനുവദിച്ച പദ്ധതി വിഹിതം എത്രയാണെന്നും സാമ്പത്തിക പ്രതിസന്ധിയുടെ പശ്ചാത്തലത്തിൽ പുനർക്രമീകരിച്ചിട്ടുള്ള പദ്ധതി വിഹിതം എത്രയാണെന്നും ഇനം തിരിച്ച് വ്യക്തമാക്കുമോ?

നൂറനാട് ലെപ്രസി സാനട്ടോറിയം ഗവണ്‍മെന്റ് സ്പെഷ്യാലിറ്റി ആശുപത്രിയാക്കുന്നതിന് നടപടികള്‍ സ്വീകരിച്ചിട്ടുണ്ടോ; എങ്കില്‍ അതിന്റെ ഉത്തരവ് ലഭ്യമാക്കാമോ?

അരൂര്‍ മണ്ഡലത്തില്‍ ആരോഗ്യ വകുപ്പിന് കീഴില്‍ എന്‍.എച്ച്.എം. ഫണ്ട് ഉപയോഗിച്ച് 2016 മുതല്‍ നടത്തിയ നിര്‍മ്മാണ പ്രവര്‍ത്തനങ്ങള്‍ ഏതെല്ലാമെന്ന് വിശദമാക്കാമോ;

പ്രസ്തുത പദ്ധതികള്‍ക്കായി എത്ര തുക ചെലവഴിച്ചുവെന്നും നിലവില്‍ പദ്ധതിയുടെ സ്ഥിതി എന്താണെന്നും വിശദമാക്കാമോ?

പാറശാല മണ്ഡലത്തില്‍ ആരോഗ്യ കേന്ദ്രങ്ങളോടനുബന്ധിച്ച് പുതിയ ഐസൊലേഷന്‍ വാര്‍ഡുകള്‍ ആരംഭിക്കുന്ന പദ്ധതി നിലവില്‍ ഏത് ഘട്ടത്തിലാണെന്ന് വ്യക്തമാക്കുമോ; പ്രസ്തുത പദ്ധതിയിൽ ഏതൊക്കെ ആരോഗ്യ കേന്ദ്രങ്ങളെയാണ് തിരഞ്ഞെടുത്തിട്ടുളളതെന്ന് അറിയിക്കാമോ;

എത്ര തുകയുടെ പദ്ധതിയാണ് ഇവിടെ നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

ഐസൊലേഷന്‍ വാര്‍ഡുകളുടെ നിര്‍മ്മാണം പൂര്‍ത്തിയാക്കി എന്നത്തേയ്ക്ക് പ്രവര്‍ത്തനം ആരംഭിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

കൈപ്പമംഗലം മണ്ഡലത്തിലെ പെരിഞ്ഞനം കുടുംബാരോഗ്യ കേന്ദ്രത്തിൽ 2020-21 കാലയളവിൽ ബജറ്റിൽ പത്ത് കോടി രൂപ വകയിരുത്തിയ പുതിയ കെട്ടിടത്തിന്റെ നിർമ്മാണ പൂർത്തീകരണത്തിന് എന്തെല്ലാം നടപടികളാണ് കൈകൊണ്ടിട്ടുള്ളതെന്ന് വ്യക്തമാക്കാമോ;

കൈപ്പമംഗലം മണ്ഡലത്തിൽ എടവിലങ്ങ് ഗ്രാമപഞ്ചായത്തിലെ എടവിലങ്ങ് കുടുംബാരോഗ്യ കേന്ദ്രത്തിലെ ജീവനക്കാരുടെ ഒഴിവും മതിലകം പഞ്ചായത്തിലെ കുളിമുട്ടം പ്രാഥമിക ആരോഗ്യ കേന്ദ്രത്തിലെ ഫാർമസിസ്റ്റ് ഒഴിവും ശ്രദ്ധയിൽ പെട്ടിട്ടുണ്ടോ; പ്രസ്തുത ഒഴിവുകൾ നികത്തുന്നതിന് വേണ്ട എന്തെല്ലാം നടപടികളാണ് ആരോഗ്യവകുപ്പ് സ്വീകരിച്ചിരിക്കുന്നത്;

കൈപ്പമംഗലം മണ്ഡലത്തിലെ മതിലകം ഗ്രാമപഞ്ചായത്തിലെ കുളിമുട്ടം പ്രാഥമിക ആരോഗ്യ കേന്ദ്രത്തിൽ തണൽ കേന്ദ്രം പണിയുന്നതിന് ഡയറക്ടറേറ്റിന്റെ അനുമതി വളരെ വേഗത്തിൽ ലഭിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ?

കാരുണ്യ ആരോഗ്യ സുരക്ഷാ പദ്ധതിയുടെ ഭാഗമായി നാഷണൽ ഹെൽത്ത് അതോറിറ്റിയുടെ ഹെൽത്ത് ബെനിഫിറ്റ് പാക്കേജ് ഏതു ഉത്തരവിന്റെ ഭാഗമായാണ് കേരളം നടപ്പിലാക്കുന്നതെന്ന് വ്യക്തമാക്കാമോ;

29.05.2018 തീയതിയിലെ സ. ഉ (സാധാ) നം. 1739/2018/ആ.കു.വ നമ്പർ ഉത്തരവിന്റെ പകർപ്പ് ലഭ്യമാക്കാമോ?

ആയുഷ്മാന്‍ ഭാരത് പദ്ധതിയിലുൾപ്പെടുത്തി എഴുപത് വയസ്സ് കഴിഞ്ഞ എല്ലാവര്‍ക്കും ചികിത്സ ലഭ്യമാക്കുന്നതിനായി കേന്ദ്ര സര്‍ക്കാര്‍ പ്രഖ്യാപിച്ച പദ്ധതി സംസ്ഥാനത്ത് നടപ്പിലാക്കിയിട്ടുണ്ടോ;

ഇത് പ്രകാരം എത്ര ആളുകളാണ് രജിസ്റ്റര്‍ ചെയ്തിട്ടുള്ളതെന്നും എതെല്ലാം ആശുപത്രികളിലാണ് ചികിത്സാ അനുബന്ധ സേവനങ്ങള്‍ ലഭിക്കുന്നതെന്നും ഇതിന്റെ നടപടിക്രമങ്ങള്‍ എന്തെല്ലാമാണെന്നും അറിയിക്കാമോ;

പ്രസ്തുത പദ്ധതിയിൽ പേര് രജിസ്റ്റര്‍ ചെയ്ത ഗുണഭോക്താക്കളെ സംസ്ഥാന സര്‍ക്കാരിന്റെ മറ്റ് ഇന്‍ഷ്വറന്‍സ് പദ്ധതികളില്‍ നിന്നും സ്കീമുകളില്‍നിന്നും ഒഴിവാക്കുന്നതായുള്ള പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരം നടപടി സ്വീകരിക്കാനിടയായ സാഹചര്യം എന്താണെന്നും ഈ വീഴ്ച പരിഹരിക്കുന്നതിനുള്ള നടപടി സ്വീകരിക്കുമോയെന്നും അറിയിക്കാമോ?

സംസ്ഥാനത്ത് കഴിഞ്ഞ രണ്ട് വര്‍ഷത്തിനുള്ളില്‍ പേവിഷബാധയേറ്റുള്ള എത്ര മരണങ്ങള്‍ റിപ്പോര്‍ട്ട് ചെയ്തിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കുമോ;

പേവിഷ പ്രതിരോധ വാക്സിനേഷന്‍ സൗകര്യം എല്ലാ ആശുപത്രികളിലും ഒരുക്കിയിട്ടുണ്ടോ; ഇല്ലെങ്കിൽ ഏതെല്ലാം ആശുപത്രികളില്‍ ലഭ്യമാണെന്ന് വ്യക്തമാക്കുമോ;

മുറിവില്‍ ഇമ്മ്യൂണോഗ്ലോബുലിന്‍ കുത്തിവയ്ക്കുന്നതിനുള്ള സൗകര്യം ഓരോ ജില്ലയിലും ഏതെല്ലാം ആശുപത്രികളില്‍ ലഭ്യമാണ് എന്നറിയിക്കുമോ; ജില്ലാ ആശുപത്രികളില്‍ ഇത്തരം വാക്സിനേഷനെത്തുന്ന നല്ലൊരു വിഭാഗം രോഗികളെയും മെഡിക്കല്‍ കോളേജുകളിലേയ്ക്ക് അയയ്ക്കുന്ന പ്രവണത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു കാരണം മെഡിക്കല്‍ കോളേജുകളില്‍ രോഗികളുടെ ബാഹുല്യം ഉണ്ടാവുന്നത് ഡോക്ടര്‍മാര്‍ക്കും രോഗികള്‍ക്കും വളരെ പ്രയാസം സൃഷ്ടിക്കുന്നുണ്ടെന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഇമ്മ്യൂണോഗ്ലോബുലിന്‍ കുത്തിവയ്ക്കുന്നതിനുള്ള കൂടുതല്‍സൗകര്യങ്ങള്‍ ജില്ലാ ആശുപത്രികളില്‍ ഒരുക്കുന്നതിന് സര്‍ക്കാര്‍ നടപടി സ്വീകരിക്കുമോ; സംസ്ഥാനത്ത് പേവിഷബാധ പ്രതിരോധത്തിന് പുതിയതായി എന്തെല്ലാം സൗകര്യങ്ങളാണ് ഒരുക്കാന്‍ തീരുമാനിച്ചിട്ടുള്ളത് എന്നറിയിക്കുമോ; വിശദമാക്കാമോ?

കേരള ഹെല്‍ത്ത് റിസര്‍ച്ച് ആന്റ് വെല്‍ഫയര്‍ സൊസൈറ്റിയിലെ നിലവിലെ മാനേജിങ് ഡയറക്ടർ, ഇ -ടെൻഡറിംഗോ, ടെൻഡറിഗോ നടത്താതെ വിവിധ എ.സി.ആര്‍ ലാബുകളിലും, കെ.എച്ച്.ആര്‍.ഡബ്ല്യൂ.എസ്- ന്റെ കീഴിലുള്ള മറ്റു യൂണിറ്റുകളിലും ഉപകരണങ്ങൾ നേരിട്ട് വാങ്ങിയതും, ട്രയൽ റൺ എന്ന പേരിൽ അനധികൃതമായി ഉപകരണങ്ങൾ സ്ഥാപിച്ചതും, കാത്ത് ലാബ് മെഷീൻ, എം.ആര്‍.ഐ.സ്കാന്‍, സി.റ്റി. സ്കാന്‍, അള്‍ട്രാസൗണ്ട് സ്കാന്‍ എന്നിവ സ്ഥാപിക്കുന്നതിലും ഉന്നതതല അന്വഷണം നടത്തി നടപടി സ്വീകരിക്കുമോയെന്ന് വ്യക്തമാക്കാമോ?

വന്‍കിട സ്വകാര്യ ആശുപത്രികളില്‍ മാത്രം നടത്തിയിരുന്ന അപൂര്‍വ്വ ശസ്ത്രക്രിയകളും അവയവമാറ്റ ശസ്ത്രക്രിയകളുമടക്കം നടപ്പാക്കി ദേശീയ റാങ്കിങ്ങില്‍ മുന്‍പന്തിയില്‍ എത്താന്‍ കഴിഞ്ഞതോടെ സർക്കാർ ആശുപത്രികളിൽ ചികിത്സയ്ക്കായി എത്തുന്ന രോഗികളുടെ എണ്ണത്തില്‍ വലിയ വര്‍ദ്ധനവുണ്ടാകുന്നത് ശ്രദ്ധയില്‍പെട്ടിട്ടുണ്ടോ; വിശദമാക്കാമോ;

ഈ സാഹചര്യം കണക്കിലെടുത്ത് രോഗികളുടെ വര്‍ദ്ധനവിനനുസരിച്ച് ഡോക്ടര്‍മാരുടെയും മറ്റ് ജീവനക്കാരുടെയും എണ്ണം വര്‍ദ്ധിപ്പിക്കുന്നതിനും പുതിയ തസ്തികകള്‍ സൃഷ്ടിക്കുന്നതിനും കഴിഞ്ഞിട്ടുണ്ടോ; എങ്കില്‍ വിശദമാക്കാമോ;

കേന്ദ്രസര്‍ക്കാര്‍ സംസ്ഥാനത്തോടു കാണിക്കുന്ന സാമ്പത്തിക അവഗണന ആരോഗ്യമേഖലയില്‍ കൈവരിച്ച നേട്ടങ്ങളെ എങ്ങനെയാണ് ബാധിക്കുന്നതെന്ന് വ്യക്തമാക്കാമോ?

കേരള മെഡിക്കൽ സർവ്വീസസ് കോർപ്പറേഷനിൽ ഏതു സാമ്പത്തിക വർഷം വരെയുള്ള ഓഡിറ്റ് ആണ് നടന്നിരിക്കുന്നത് എന്ന് വ്യക്തമാക്കാമോ;

കേരള മെഡിക്കൽ സർവ്വീസസ് കോർപ്പറേഷന്റെ ആർട്ടിക്കിൾ ഓഫ് അസോസിയേഷൻ, മെമ്മോറാണ്ടം ഓഫ് അസോസിയേഷൻ എന്നിവ പ്രകാരം ഓഡിറ്റ് നടപടികൾ നടത്തേണ്ടത് ആരാണ് എന്ന് വ്യക്തമാക്കാമോ;

ഏതു വർഷത്തെ ഓഡിറ്റ് നടത്തുന്നതിനായാണ് സംസ്ഥാന ഓഡിറ്റ് വിഭാഗത്തിന് കേരള മെഡിക്കൽ സർവ്വീസസ് കോർപ്പറേഷൻ അവസാനമായി കത്തു നൽകിയത് എന്ന് വ്യക്തമാക്കാമോ; ഈ കത്തിന്റെ പകർപ്പ് ലഭ്യമാക്കാമോ;

കേരള മെഡിക്കൽ സർവ്വീസസ് കോർപ്പറേഷന്റെ ആർട്ടിക്കിൾ ഓഫ് അസോസിയേഷൻ, മെമ്മോറാണ്ടം ഓഫ് അസോസിയേഷൻ എന്നിവയുടെ പകർപ്പ് ലഭ്യമാക്കാമോ?

കെ.എച്.ആർ.ഡബ്ല്യൂ.എസ്.-ന്റെ തിരുവനന്തപുരം മെഡിക്കൽ കോളേജിലെ കാത്ത്‌ ലാബിന്റെ പ്രവർത്തനം നിലച്ചിട്ട് എത്ര മാസമായി എന്ന് വ്യക്തമാക്കാമോ; പ്രസ്തുത ലാബ് എന്ന് പ്രവർത്തനക്ഷമമാക്കും എന്ന് വ്യക്തമാക്കാമോ;

നിലവിൽ കെ.എച്.ആർ.ഡബ്ല്യൂ.എസ്.-ൽ ഉള്ള താത്കാലിക, കോൺട്രാക്ട്, സ്ഥിരം ജീവനക്കാർ എത്രയാണ് എന്ന് വ്യക്തമാക്കാമോ; പ്രസ്തുത ജീവനക്കാരുടെ ശമ്പളം എന്തടിസ്ഥാനത്തിലാണ് നൽകുന്നത് എന്ന് വ്യക്തമാക്കാമോ;

ദിവസവേതന, കോൺട്രാക്ട് അല്ലാതെ ക്ലീനിങ് സ്റ്റാഫുകളെ എന്തടിസ്ഥാനത്തിലാണ് നിയമിക്കുന്നത് എന്ന് വ്യക്തമാക്കാമോ;

കെ.എച്.ആർ.ഡബ്ല്യൂ.എസ്.-ലെ 60 വയസ്സ് കഴിഞ്ഞു പിരിഞ്ഞു പോകുന്ന ദിവസവേതന, കോൺട്രാക്ട് ജീവനക്കാർക്ക് ഗ്രാറ്റുവിറ്റി നൽകുന്നുണ്ടോ; ഉണ്ടെങ്കിൽ എത്രയാണ് നൽകുന്നത്; 2024 മുതൽ നാളിതുവരെ ഇപ്രകാരം ഗ്രാറ്റുവിറ്റി നൽകിയ ദിവസവേതന, കോൺട്രാക്ട് ജീവനക്കാരുടെ ലിസ്റ്റ് നൽകാമോ?

കൃതിക, ഊന്നുകൽ പോസ്റ്റ്, പത്തനംതിട്ട എന്ന മേൽവിലാസത്തിലെ കല സുനുകുമാര്‍, സുനുകുമാർ പി. ദമ്പതികളുടെ ഏകമകളും അവസാന വർഷ എം.ബി.ബി.എസ്. വിദ്യാർത്ഥിനിയുമായിരുന്ന 22 വയസുള്ള കീർത്തി സുനുകുമാർ ചികിത്സാ പിഴവ് മൂലം 10.05.2024ൽ മരണപ്പെട്ടത് സംബന്ധിച്ച് അന്വേഷണം ആവശ്യപ്പെട്ടുകൊണ്ടുള്ള മാതാപിതാക്കളുടെ പരാതിയിന്മേൽ എറണാകുളം ജില്ലാ മെഡിക്കൽ ഓഫീസർ കൺവീനറായ ജില്ലാതല എക്സ്പെർട്ട് പാനൽ കമ്മറ്റിയുടെ വിശദമായ റിപ്പോർട്ട് ലഭിക്കാത്തത് കാരണം ഈ വിഷയത്തിലെ പോലീസ് അന്വേഷണം തടസ്സപ്പെടുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദാംശം നൽകാമോ;

ജില്ലാതല എക്സ്പെർട്ട് പാനൽ കമ്മറ്റിയുടെ വിശദമായ റിപ്പോർട്ട് ലഭിക്കാത്തതിനാല്‍ കോടതിയിൽ കുറ്റപത്രം സമർപ്പിക്കുവാൻ കഴിയുന്നില്ലെന്ന അന്വേഷണ ഉദ്യോഗസ്ഥനായ കൊച്ചി അസിസ്റ്റന്റ് പോലീസ് കമ്മീഷണറുടെ 25-01-2025 ലെ കത്ത് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം നൽകാമോ;

ഇക്കാര്യത്തിൽ എറണാകുളം ജില്ലാ മെഡിക്കൽ ഓഫീസർ കൺവീനറായ ജില്ലാതല എക്സ്പെർട്ട് പാനൽ കമ്മറ്റിയുടെ വിശദമായ റിപ്പോർട്ട് അടിയന്തരമായി നൽകുന്നതിന് നടപടികൾ സ്വീകരിക്കുമോ; വ്യക്തമാക്കുമോ?

പി.എം-എ.ബി.എച്ച്.ഐ.എം. പദ്ധതിയിൽ ഉൾപ്പെടുത്തിയ മലപ്പുറം പബ്ലിക്ക് ഹെൽത്ത് ലാബ് കെട്ടിട നിർമ്മാണത്തിന്റെ പുരോഗതി വിശദമാക്കാമോ; പ്രസ്തുത കെട്ടിട നിർമ്മാണത്തിന് കോട്ടപ്പടിയിൽ സ്ഥലം ലഭ്യമാക്കുന്നതിനായി വിദ്യാഭ്യാസ വകുപ്പിന്റെ നിരാക്ഷേപപത്രം ലഭിച്ചിട്ടുണ്ടോ; ഇല്ലെങ്കിൽ അതിന്റെ കാരണം വ്യക്തമാക്കാമോ;

മലപ്പുറം താലൂക്ക് ആശുപത്രിക്ക് സമീപം പ്രസ്തുത ലാബിന് കെട്ടിടം നിർമ്മിക്കാൻ നാളിതുവരെ സ്വീകരിച്ച നടപടികൾ വിശദമാക്കുമോ; അടിയന്തരമായി ഇതിനുള്ള സാങ്കേതിക തടസ്സങ്ങൾ പരിഹരിക്കുമോ?

സംസ്ഥാനത്ത് രജിസ്റ്റര്‍ ചെയ്ത പ്രസവാനന്തര പരിചരണ കേന്ദ്രങ്ങൾ പ്രവർത്തിക്കുന്നുണ്ടോ; ഉണ്ടെങ്കിൽ രജിസ്ട്രേഷൻ നടത്തുന്നതിനായി എന്തെല്ലാം മാനദണ്ഡങ്ങളാണ് പാലിക്കേണ്ടതെന്ന് വിശദമാക്കാമോ;

അത്തരം സ്ഥാപനങ്ങൾക്ക് ആരോഗ്യ വകുപ്പിന്റെ അനുമതി ഉണ്ടോ; ആരോഗ്യ വകുപ്പ് അത്തരം സ്ഥാപനങ്ങൾക്ക് പ്രവർത്തിക്കാനുള്ള മാനദണ്ഡങ്ങൾ പുറപ്പെടുവിച്ചിട്ടുണ്ടോ; അറിയിക്കാമോ;

പ്രസ്തുത സ്ഥാപനങ്ങളിൽ യോഗ്യത ഉള്ളവരുടെ മേൽനോട്ടത്തിലാണോ പരിചരണം നടത്തപ്പെടുന്നത് എന്ന് പരിശോധിക്കാൻ നിലവിലുള്ള സംവിധാനങ്ങൾ എന്തെല്ലാമെന്ന് അറിയിക്കാമോ; ഇത്തരം സ്ഥാപനങ്ങളിൽ പരിചരണം നേടുന്നവരുടെ നവജാത ശിശുക്കൾക്ക് ആശാവർക്കർമാരുടെ മേൽനോട്ടത്തിലുള്ള പരിരക്ഷ ഉറപ്പാക്കാൻ സാധിക്കുമോയെന്ന് വ്യക്തമാക്കാമോ?

നെയ്യാറ്റിന്‍കര വെണ്‍പകല്‍ കുടുംബാരോഗ്യ കേന്ദ്രത്തിലെ ഐസൊലേഷന്‍ കെട്ടിടത്തിന്റെ നിര്‍മ്മാണ പ്രവൃത്തിയുടെ നിലവിലെ സ്ഥിതി വിശദമാക്കാമോ;

എത്ര കിടക്കകള്‍ ഉളള ഐസൊലേഷന്‍ വാര്‍ഡാണ് നിര്‍മ്മിക്കുന്നതെന്ന് വിശദമാക്കാമോ?

നെയ്യാറ്റിന്‍കര നിയോജകമണ്ഡലത്തില്‍ 2024-25 സാമ്പത്തിക വര്‍ഷത്തില്‍ എത്ര കുടുംബാരോഗ്യ കേന്ദ്രങ്ങള്‍ക്കാണ് ഫണ്ട് അനുവദിച്ചതെന്നും എത്ര തുകയാണ് അനുവദിച്ചതെന്നും വ്യക്തമാക്കാമോ?

കണ്ണൂര്‍ സര്‍ക്കാര്‍ മെഡിക്കല്‍ കോളേജില്‍ വൃക്ക മാറ്റിവയ്ക്കല്‍ ശസ്ത്രക്രിയ ചെയ്യുന്നതിനാവശ്യമായ സൗകര്യം ലഭ്യമാക്കുന്നതിന് സര്‍ക്കാര്‍ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

തൃശ്ശൂര്‍ മെഡിക്കല്‍ കോളേജില്‍ സൂപ്പര്‍ സ്പെഷ്യാലിറ്റി ഡിപ്പാര്‍ട്ട്മെന്റുകളില്‍ അസോസിയേറ്റ് പ്രൊഫസര്‍ തസ്തിക അനുവദിച്ച് യൂറോളജി, നെഫ്രോളജി, ഗ്യാസ്ട്രോ എന്ററോളജി എന്നീ ഡിപ്പാര്‍ട്ട്മെന്റുകളില്‍ ഡി.എം. സ്പെഷ്യലൈസേഷന്‍ തുടങ്ങാനുളള നടപടികള്‍ സ്വീകരിക്കുമോ?

മെഡിക്കൽ വിദ്യാഭ്യാസ വകുപ്പിൽ ബ്ലഡ് ബാങ്ക് ടെക്‌നീഷ്യന്റെ പ്രൊമോഷൻ തസ്തികയായ സയന്റിഫിക് അസിസ്റ്റന്റിന്റെ ശമ്പള സ്കെയിൽ സംബന്ധിച്ച ആശയക്കുഴപ്പം കാരണം സ്ഥാനക്കയറ്റം ലഭിച്ചവർക്ക് ശമ്പളം നൽകാൻ കഴിയാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ;

പ്രസ്തുത തസ്തിക ഗസറ്റഡ് വിഭാഗത്തിലാണോ നോൺ ഗസറ്റഡ് വിഭാഗത്തിലാണോ ഉൾപ്പെടുത്തിയിട്ടുള്ളതെന്ന് അറിയിക്കാമോ?

കേരളത്തിലെ ആരോഗ്യ മേഖലയില്‍ പ്രവര്‍ത്തിക്കുന്ന യൂനാനി- സിദ്ധ ബിരുദധാരികള്‍ക്ക് സംസ്ഥാന തലത്തില്‍ സംവരണാധിഷ്ഠിത എം.ബി.ബി.എസ് സീറ്റുകള്‍ അനുവദിക്കുന്ന പക്ഷം പരമ്പരാഗതവും ആധുനികവുമായ വൈദ്യശാസ്ത്രത്തിന്റെ സംയോജനം സാധ്യമാവുകയും ആരോഗ്യപരമായ ഗവേഷണങ്ങള്‍ക്ക് പ്രയോജനകരമാവുകയും ചെയ്യുമെന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

മെഡിക്കൽ വിദ്യാഭ്യാസ വകുപ്പിലെ അസിസ്റ്റന്റ് പ്രൊഫസർ  (ഫോറൻസിക് മെഡിസിൻ) തസ്തികയിലേയ്ക്ക് പി.എസ്.സി. റാങ്ക് ലിസ്റ്റ് നിലവിലുണ്ടായിട്ടും വിവിധ സർക്കാർ മെഡിക്കൽ കോളേജുകളിൽ പ്രസ്തുത വിഭാഗത്തിൽ താല്‍ക്കാലികമായി അദ്ധ്യാപകരെ നിയമിച്ച വിവരം ശ്രദ്ധയിൽപ്പെട്ടിട്ടുണ്ടോ;

സർക്കാർ  മെഡിക്കൽ  കോളേജുകളിൽ ഫോറൻസിക് സയൻസ്  ഡോക്ടർമാരുടെ കുറവ് കാരണം രാത്രികാല പോസ്റ്റുമോർട്ടം നടത്താനാകാത്ത സാഹചര്യമുണ്ടെന്ന വസ്തുത ശ്രദ്ധയിൽപ്പെട്ടിട്ടുണ്ടോ;                                        

മെഡിക്കൽ വിദ്യാഭ്യാസ വകുപ്പിലെ അസിസ്റ്റന്റ് പ്രൊഫസർ (ഫോറൻസിക് മെഡിസിൻ) തസ്തിക ഉൾപ്പെടെയുള്ള വിവിധ സ്പെഷ്യലിസ്റ്റ് തസ്തികകളിലേയ്ക്കുള്ള പി.എസ്.സി. റിക്രൂട്ടുമെന്റുമായി ബന്ധപ്പെട്ട് നിലവിലുള്ള കോടതി വ്യവഹാരങ്ങളിൽ എത്രയും വേഗം തീർപ്പുണ്ടാകുവാൻ നിയമനാധികാരിയെന്ന നിലയിൽ കോടതിയിൽ വ്യക്തമായ നിലപാട് സ്വീകരിച്ചിട്ടുണ്ടോ;

മെഡിക്കൽ വിദ്യാഭ്യാസ വകുപ്പിലെ അസിസ്റ്റന്റ് പ്രൊഫസർ (ഫോറൻസിക് മെഡിസിൻ) തസ്തികയിലേയ്ക്ക് 23-11-2023 തിയതിയിൽ പി.എസ്.സി. യിൽ നിന്ന് നിയമന ശിപാർശ ലഭിച്ച 11 ഉദ്യോഗാർത്ഥികൾക്ക് നാളിതുവരെ നിയമനം ലഭിച്ചിട്ടില്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ; ഇക്കാര്യത്തിലെ കാലതാമസത്തിനുള്ള കാരണം വിശദമാക്കാമോ?

കാസർകോട് ഗവ. മെഡിക്കൽ ​കോളേജിൽ എം.ബി.ബി.എസ്. പ്രവേശന നടപടികൾ ആരംഭിക്കുന്നതിന് മുന്നോടിയായി ദേശീയ മെഡിക്കൽ കമ്മീഷൻ (എൻ.എം.സി.) സംഘത്തിന്റെ പരിശോധന എപ്പോൾ ഉണ്ടാകുമെന്ന് വ്യക്തമാക്കാമോ;

പരിശോധനയ്ക്ക് മുൻപ് ഉക്കിനടുക്കയിലെ അക്കാദമിക്ക് ബ്ലോക്കിൽ എന്തെല്ലാം സജ്ജീകരണങ്ങൾ ഒരുക്കേണ്ടതുണ്ടെന്ന് വ്യക്തമാക്കാമോ; ഇതിനാവശ്യമായ നടപടികൾ തുടങ്ങിയിട്ടുണ്ടോയെന്ന് വിശദമാക്കാമോ;

കൗൺസിൽ അംഗീകാരം കിട്ടിയതിന് ശേഷം അടുത്ത അധ്യയന വർഷം പ്രവേശന നടപടികൾ ആരംഭിക്കാൻ കഴിയുമോയെന്ന് വ്യക്തമാക്കാമോ;

കാസർഗോഡ് ജനറൽ ആശുപത്രിയെ മെഡിക്കൽ കോളേജ് ആശുപത്രിയായി മാറ്റി ഉക്കിനടുക്കയിലെ അക്കാദമിക് ബ്ലോക്കിൽ ക്ലാസുകൾ തുടങ്ങാൻ ആലോചനയുണ്ടൊയെന്ന് വ്യക്തമാക്കാമോ; എങ്കിൽ ഇത്തരത്തിൽ ഇതിനെ സജ്ജമാക്കാൻ എന്തെല്ലാം സൗകര്യങ്ങളാണ് വേണ്ടതെന്നും ഇതിനാവശ്യമായ ചെലവ് എത്രയാണെന്നും വ്യക്തമാക്കാമോ; ഈ തുക സർക്കാർ അനുവദിച്ചിട്ടുണ്ടോയെന്നും ഇല്ലെങ്കിൽ എപ്പോൾ അനുവദിക്കുമെന്നും വ്യക്തമാക്കാമോ?

കേരള യൂണിവേഴ്സിറ്റി ഓഫ് ഹെൽത്ത് സയൻസസിലെ ഫിസിയോതെറാപ്പി വിഭാഗത്തിൽ ബോർഡ് ഓഫ് സ്റ്റഡീസിലേക്ക് അംഗങ്ങളെ നാമനിർദ്ദേശം ചെയ്യുന്നതിനുള്ള യോഗ്യതാ മാനദണ്ഡങ്ങൾ എന്തൊക്കെയാണെന്ന് വ്യക്തമാക്കാമോ;

കെ.യു.എച്ച്.എസ്. ആക്റ്റ് പ്രകാരമാണ് അംഗങ്ങളെ നാമനിർദ്ദേശം ചെയ്തതെങ്കിൽ, ഫിസിക്കൽ മെഡിസിൻ & റീഹാബിലിറ്റേഷൻ ഡിപ്പാർട്ട്‌മെന്റിലെ മെഡിക്കൽ ഡോക്ടർമാരെ ഫിസിയോതെറാപ്പിയുടെ ബോർഡ് ഓഫ് സ്റ്റഡീസിൽ ഉൾപ്പെടുത്തുന്നത് എന്തുകൊണ്ടാണെന്ന് വ്യക്തമാക്കാമോ;

നാഷണൽ കമ്മീഷൻ ഫോർ അലൈഡ് ആൻഡ് ഹെൽത്ത് കെയർ പ്രൊഫഷൻസ് ആക്റ്റ് 2021, കെ.യു.എച്ച്.എസ്-ന്റെ മിനിമം സ്റ്റാന്‍ഡേര്‍ഡ് റിക്വയര്‍മെന്റ് എന്നിവ പ്രകാരം, ഫിസിയോതെറാപ്പി വിദ്യാഭ്യാസത്തിലോ പരിശീലനത്തിലോ ഉൾപ്പെടാത്ത വ്യക്തികളെ ഫിസിയോതെറാപ്പിയിലെ ബോർഡ് ഓഫ് സ്റ്റഡീസിലേക്ക് നാമനിർദ്ദേശം ചെയ്യുന്നത് എന്തുകൊണ്ടാണെന്നു വ്യക്തമാക്കാമോ;

ഫിസിയോതെറാപ്പി ഇതര മേഖലകളിൽ നിന്ന് പ്രത്യേകിച്ച് ഫിസിക്കൽ മെഡിസിൻ & റീഹാബിലിറ്റേഷൻ ഡിപ്പാർട്ട്‌മെന്റില്‍ നിന്ന് നാല് അംഗങ്ങളെ ഫിസിയോതെറാപ്പിയുടെ ബോർഡ് ഓഫ് സ്റ്റഡീസിലേക്ക് നാമനിർദ്ദേശം ചെയ്യുന്നതിനുള്ള കാരണം എന്താണ്; കെ.യു.എച്ച്.എസ്-ന് കീഴിൽ ഇരുപത്തി ഒന്ന് ഫിസിയോതെറാപ്പി കോളേജുകൾ ഉള്ളതിനാൽ ഇത്തരത്തില്‍ നാല് അംഗങ്ങളെ ബോർഡ് ഓഫ് സ്റ്റഡീസിൽ ഉൾപ്പെടുത്തുന്നത് ഫിസിയോതെറാപ്പിസ്റ്റുകളുടെ അവസരവും അവകാശങ്ങളും കുറയുന്നതിന് കാരണം ആകുന്നില്ലേയെന്ന് വ്യക്തമാക്കാമോ;

കോട്ടയം മെഡിക്കൽ കോളേജിൽ 2024-ൽ ബാച്ചിലർ ഓഫ് ഫിസിയോതെറാപ്പി കോഴ്സ് ആരംഭിക്കുന്നതിനുള്ള അനുമതി കെ.യു.എച്ച്.എസ്-ന്റെ ബോർഡ് ഓഫ് സ്റ്റഡീസ്, അക്കാദമിക് കൗൺസിൽ, സെനറ്റ് ബോർഡുകൾ നൽകിയിരുന്നോ; എങ്കിൽ പ്രസ്തുത മീറ്റിംഗുകളുടെ മിനിറ്റ്സ് ലഭ്യമാക്കാമോ; പ്രസ്തുത കോഴ്‌സ് ആരംഭിക്കുന്നതിനുള്ള പരിശോധനയും അവയുടെ വിശകലനവും അനുമതിയും കെ.യു.എച്ച്.എസ്-ന്റെ ബന്ധപ്പെട്ട എല്ലാ ബോർഡുകളുടെയും ശരിയായ വിശലനത്തിന് വിധേയമായിരുന്നോയെന്ന് വ്യക്തമാക്കാമോ;

കെ.യു.എച്ച്.എസ്-ലെ ഏത് പ്രത്യേക ബോർഡുകളാണ് പ്രസ്തുത കോഴ്‌സ് ആരംഭിക്കുന്നതിന് അംഗീകാരം നൽകിയത്; ഈ അംഗീകാരത്തിനായി വിളിച്ചുകൂട്ടിയ അതത് ബോർഡുകളുടെ മീറ്റിംഗുകളുടെ മിനിറ്റ്സുകളുടെ പകർപ്പുകൾ ലഭ്യമാക്കാമോ;

പ്രസ്തുത കോഴ്സിനായി കെ.യു.എച്ച്.എസ്-ന് സമർപ്പിച്ചിരിക്കുന്ന ഫാക്കൽറ്റികളുടെ പദവി, വിദ്യാഭ്യാസ യോഗ്യത, അധ്യാപന പരിചയം എന്നിവ കെ.യു.എച്ച്.എസ്-ലെ ഫിസിയോതെറാപ്പി കോഴ്സിന്റെ മിനിമം സ്റ്റാന്‍ഡേര്‍ഡ് റിക്വയര്‍മെന്റിനും എന്‍.സി.എ.എച്ച്.പി. ആക്ട് 2021-നും അനുസൃതമായിട്ടാണോയെന്ന് വ്യക്തമാക്കാമോ; എങ്കില്‍ കെ.യു.എച്ച്.എസ്-ലെ ഫിസിയോതെറാപ്പി കോഴ്സിന്റെ മിനിമം സ്റ്റാന്‍ഡേര്‍ഡ് റിക്വയര്‍മെന്റ് പ്രകാരം കോട്ടയം മെഡിക്കൽ കോളേജിലെ ഫിസിയോതെറാപ്പി കോളേജിൽ നിയമിച്ചിട്ടുള്ള ഫാക്കൽറ്റി അംഗങ്ങളുടെ പേര്, പദവി, യോഗ്യത, നിയമന ഉത്തരവുകൾ എന്നിവ ലഭ്യമാക്കാമോ?

കാേഴിക്കാേട് മെഡിക്കല്‍ കാേളേജില്‍ മാസ്റ്റര്‍ പ്ലാന്‍ പ്രകാരം ഏതെല്ലാം നിര്‍മ്മാണ പ്രവര്‍ത്തനങ്ങള്‍ക്കാണ് അംഗീകാരം നല്‍കിയിട്ടുള്ളത്; വിശദമാക്കാമോ;

പ്രസ്തുത പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കുമോ;

ഈ പ്രവൃത്തികളുടെ ഏകാേപനത്തിന് ഉദ്യാേഗസ്ഥതലത്തില്‍ സംവിധാനങ്ങള്‍ ഏര്‍പ്പെടുത്തുമാേ; വ്യക്തമാക്കുമോ?

തിരുവനന്തപുരം മെഡിക്കല്‍ കോളേജ് മാസ്റ്റര്‍ പ്ലാനിന്റെ പുരോഗതി വിശദമാക്കാമോ; മാസ്റ്റര്‍ പ്ലാന്‍ പ്രകാരം ഏതെല്ലാം പ്രവൃത്തികള്‍ക്കാണ് തുക വകയിരുത്തിയിരിക്കുന്നതെന്നും അതില്‍ ഏതെല്ലാം പ്രവൃത്തികള്‍ പൂര്‍ത്തിയായെന്നും വിശദമാക്കാമോ;

പ്രവൃത്തികള്‍ പൂര്‍ത്തീകരിക്കുന്നതില്‍ വീഴ്ച വരുത്തിയ നിര്‍വ്വഹണ ഏജന്‍സിക്കെതിരെ സ്വീകരിച്ച നടപടി വിശദമാക്കാമോ;

മാസ്റ്റര്‍ പ്ലാന്‍ പ്രവൃത്തി പൂര്‍ത്തീകരണത്തിന് അനുവദിച്ചിരുന്ന കാലാവധി എത്രയെന്നും മാസ്റ്റര്‍ പ്ലാന്‍ പ്രകാരമുള്ള പ്രവൃത്തികള്‍ എന്നത്തേക്ക് പൂര്‍ത്തീകരിക്കുമെന്നും വിശദമാക്കാമോ;

അവശേഷിക്കുന്ന പ്രവൃത്തികള്‍ പൊതുമരാമത്ത് വകുപ്പ് മുഖാന്തിരം നിര്‍വ്വഹിക്കുന്നതിന് നടപടികള്‍ സ്വീകരിക്കുമോ എന്ന് വിശദമാക്കാമോ?

കോഴിക്കോട് മെഡിക്കല്‍ കോളേജില്‍ സി.ടി, എം.ആർ.ഐ. സ്കാനിംഗ് വിഭാഗങ്ങളില്‍ ഒരു ദിവസം ശരാശരി എത്ര രോഗികൾ സ്കാനിംഗിന് എത്തുന്നുണ്ടെന്നും എത്രപേർക്ക് സ്കാന്‍ ചെയ്യാന്‍ കഴിയുന്നുണ്ടെന്നും വ്യക്തമാക്കാമോ;

പ്രസ്തുത വിഭാഗങ്ങളില്‍ എത്ര സ്കാനിംഗ് മെഷീനുകളുണ്ടെന്നും എത്രയെണ്ണം പ്രവര്‍ത്തിക്കുന്നുണ്ടെന്നും വ്യക്തമാക്കാമോ;

പ്രസ്തുത വിഭാഗങ്ങളിൽ നിലവിലുള്ള മെഷീനുകളുടെ അറ്റകുറ്റപ്പണികള്‍ നടത്തുന്നതിനും പുതിയ മെഷീനുകള്‍ വാങ്ങുന്നതിനും നടപടി സ്വീകരിക്കുമോ; വിശദമാക്കുമോ?

ആലപ്പുഴ മെഡിക്കല്‍ കോളേജ് ആശുപത്രിയില്‍ നിയോഗിക്കപ്പെട്ട ഡോക്ടര്‍മാരെ മറ്റ് ആശുപത്രികളിലേക്ക് ജോലിക്രമീകരണ വ്യവസ്ഥയില്‍ മാറ്റി നിയമിച്ചിട്ടുണ്ടോ; എങ്കില്‍ ആയതിനുളള കാരണം വ്യക്തമാക്കുമോ;

ഇപ്രകാരം ജോലിക്രമീകരണവ്യവസ്ഥയില്‍ മാറ്റി നിയമിച്ചിട്ടുളളത് ആരെയാെക്കെയാണെന്നും ആലപ്പുഴ മെഡിക്കല്‍ കോളേജില്‍ ഇവരുടെ സേവനം നഷ്ടമാകുമ്പോള്‍ പകരം എന്ത് ക്രമീകരണമാണ് നടത്തിയിട്ടുളളത് എന്നും വ്യക്തമാക്കുമോ?

കേരളത്തിന് പുറത്തുനിന്നും അംഗീകൃത ബി.എച്ച്.എം.എസ് ഡിഗ്രിയോടൊപ്പം നിർബന്ധിത ഇന്റേൺഷിപ്പ് പൂർത്തിയാക്കിയ ഡോക്ടര്‍മാര്‍ക്ക് കേരളത്തിലെ ഗവ.ഹോമിയോ ക്ലിനിക്കുകളിലോ, ആശുപത്രികളിലോ ഹ്രസ്വകാല ട്രയിനിംഗിന് അവസരം ലഭിക്കുന്നില്ല എന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ആയതിന് വേണ്ടുന്ന നടപടികൾ സ്വീകരിക്കുമോ; വിശദമാക്കാമോ;

പ്രസ്തുത ഡോക്ടർമാരുടെ കരിയറിന് മുതൽക്കൂട്ടാകുമെന്നതും സമൂഹത്തിന് മെച്ചപ്പെട്ട സേവനം ലഭിക്കുന്നതിനുതകുമെന്നതും പരിഗണിച്ച് ഈ വിഷയത്തിൽ പ്രത്യേക അനുമതി നൽകുമോ; വിശദമാക്കാമോ?

ഹോമിയോപ്പതി വകുപ്പിൽ മെഡിക്കൽ ഓഫീസർ ബൈട്രാൻസ്ഫർ നിയമനവുമായി ബന്ധപ്പെട്ട സ്പെഷൽ റൂൾ ഏതുവർഷമാണ് നിലവിൽ വന്നതെന്നറിയിക്കാമോ; പ്രസ്തുത ചട്ടം വീണ്ടും ഭേദഗതി ചെയ്യുന്നതിനായി തീരുമാനിച്ചിട്ടുണ്ടോ; അറിയിക്കാമോ;

വകുപ്പിലെ മെഡിക്കൽ ഓഫീസർമാരുടെ കേഡർ സ്ട്രെങ്ത്ത് എത്രയാണെന്നും കഴിഞ്ഞ പതിനഞ്ച് വർഷത്തിനുള്ളിൽ ഹോമിയോ ഫാർമസിസ്റ്റ്, നേഴ്സ്, ക്ലാർക്ക് തസ്തികയിൽ ജോലി ചെയ്ത എത്ര ജീവനക്കാർക്ക് മെഡിക്കൽ ഓഫീസർമാരായി ബൈട്രാൻസ്ഫർ പ്രമോഷൻ ലഭിച്ചിട്ടുണ്ടെന്നും ഇത് ആകെയുള്ള മെഡിക്കൽ ഓഫീസർമാരുടെ കേഡർ സ്ട്രെങ്ത്തിന്റെ എത്ര ശതമാനം ആണെന്നുമുള്ള വിവരങ്ങള്‍ അറിയിക്കാമോ;

ഹോമിയോപ്പതി വകുപ്പിലെ അറ്റൻഡർ- ഫാർമസിസ്റ്റ് ബൈട്രാൻസ്ഫർ പ്രമോഷന്റെ നിയമന അനുപാതം വ്യക്തമാക്കാമോ;

അഞ്ചര വർഷം ശൂന്യവേതന പഠനാവധിയിൽ പോയി ബി.എച്ച്.എം.എസ് യോഗ്യത നേടുന്ന മേൽ വിഭാഗം ജീവനക്കാരുടെ പ്രസ്തുത കാലയളവ് ഏതൊക്കെ സർവ്വീസ് ആനുകൂല്യങ്ങൾക്കാണ് പരിഗണിക്കുന്നതെന്ന് അറിയിക്കാമോ; വ്യക്തമാക്കാമോ?

കാട്ടാക്കട നിയോജകമണ്ഡലത്തിലെ മാറനല്ലൂര്‍ പഞ്ചായത്തില്‍ പഞ്ചകര്‍മ്മ ആയുര്‍വേദ ചികിത്സാകേന്ദ്രം ആരംഭിക്കുന്നത് സര്‍ക്കാരിന്റെ പരിഗണനയിലുണ്ടോ; ഇല്ലെങ്കില്‍ ആയതിനുള്ള നടപടി സ്വീകരിക്കുമോ?

മട്ടന്നൂര്‍ നിയോജകമണ്ഡലത്തില്‍ പടിയൂര്‍ പഞ്ചായത്തിലെ അന്താരാഷ്ട്ര ആയുര്‍വേദ ഗവേഷണ കേന്ദ്രം, മട്ടന്നൂര്‍ ആയുര്‍വേദ ആശുപത്രി, മട്ടന്നൂര്‍ മള്‍ട്ടി സ്പെഷ്യാലിറ്റി ആശുപത്രിഎന്നിവയുടെ പ്രവര്‍ത്തന പുരോഗതി വ്യക്തമാക്കാമോ?

കൂത്തുപറമ്പ് നിയോജകമണ്ഡലത്തിലെ പാട്യം ആയുർവേദ ഡിസ്പൻസറിയിൽ കിടത്തിച്ചികിത്സ ഉൾപ്പെടെയുള്ള സൗകര്യങ്ങളോടെ പുതിയ കെട്ടിടം ഉദ്ഘാടനം ചെയ്‌തെങ്കിലും ആവശ്യമായ തസ്തികകൾ അനുവദിക്കാത്തത് കാരണം പൊതുജനങ്ങൾക്ക് ചികിത്സ ലഭ്യമാക്കാൻ സാധിക്കാത്ത കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

പാട്യം ആയുർവേദ ഡിസ്പൻസറി ജനോപകാരപ്രദമായ രീതിയിൽ പ്രവർത്തിക്കുന്നതിനാവശ്യമായ തസ്തികകൾ അനുവദിക്കുന്ന കാര്യം പരിശോധിക്കുമോ; എങ്കിൽ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ?

മാവേലിക്കര ഗവൺമെന്റ് ആയുർവേദ ആശുപത്രിയിൽ കെട്ടിട നിർമ്മാണ പ്രവൃത്തികള്‍ക്കായി ബ‍ജറ്റിൽ അനുവദിച്ച അഞ്ച് കോടി അമ്പത് ലക്ഷം രൂപയുടെ വിനിയോഗത്തിനായി സ്വീകരിച്ച നടപടികൾ വിശദമാക്കാമോ;

പ്രസ്തുത നിർമ്മാണ പ്രവൃത്തിയുടെ എസ്റ്റിമേറ്റ് തയ്യാറാക്കിയിട്ടുണ്ടോ; അതിന്റെ നിലവിലെ സ്ഥിതി വിശദമാക്കുമോ?

സംസ്ഥാനത്ത് ആയുർവേദ വകുപ്പിൽ സ്ഥിരം തസ്തികകളിലും താത്കാലിക തസ്തികകളിലുമായി നിലവിൽ എത്ര ജീവനക്കാരുണ്ടെന്ന് അറിയിക്കുമോ; തസ്തിക തിരിച്ചുള്ള കണക്കുകൾ ലഭ്യമാക്കാമോ;

നിലവിൽ ആയുർവേദ മെഡിക്കൽ ഓഫീസർമാരുടെ എത്ര ഒഴിവുകൾ റിപ്പോർട്ട്‌ ചെയ്തിട്ടുണ്ട് എന്ന് അറിയിക്കുമോ; കണക്കുകൾ ലഭ്യമാക്കാമോ;

നിലവിലെ സർക്കാർ അധികാരത്തിൽ വന്ന ശേഷം ആയുർവേദ ഓഫീസർമാരുടെ എത്ര പുതിയ തസ്തികകൾ സൃഷ്ടിച്ചിട്ടുണ്ടെന്ന് അറിയിക്കുമോ; ഇല്ലെങ്കിൽ പുതിയ തസ്തികകൾ സൃഷ്ടിക്കാൻ തീരുമാനിച്ചിട്ടുണ്ടോ; വിശദമാക്കാമോ?

കോട്ടക്കല്‍ മണ്ഡലത്തിലെ വളാഞ്ചേരിയില്‍ യുനാനി ചികില്‍സ കേന്ദ്രം ആരംഭിക്കുന്നത് സംബന്ധിച്ച പ്രൊപ്പോസലിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത വിഷയം സംബന്ധിച്ച് ആയുഷ് ഡയറക്ടര്‍ സ്വീകരിച്ച നടപടികള്‍ എന്തെല്ലാമെന്ന് അറിയിക്കുമോ; ഫയല്‍ നിലവില്‍ ആരുടെ പരിഗണനയിലാണെന്ന് അറിയിക്കുമോ; വ്യക്തമാക്കുമോ;

വളാഞ്ചേരിയില്‍ യുനാനി സെന്റര്‍ ആരംഭിക്കുന്നതിന് നടപടി സ്വീകരിക്കുമോ?

കേരളത്തിലെ ബാച്ച്ലർ ഓഫ് യൂനാനി മെഡിസിൻ ആൻഡ് സർജറി, ബാച്ച്ലർ ഓഫ് സിദ്ധ മെഡിസിൻ ആൻഡ് സർജറി പഠനം പൂർത്തിയാക്കിയ ബിരുദധാരികൾക്ക് സംസ്ഥാന എം.ബി.ബി.എസ്. ക്വാട്ടയില്‍ അടുത്ത അദ്ധ്യയന വർഷത്തേക്ക് 2 വീതം പ്രത്യേക സംവരണ സീറ്റുകൾ അനുവദിക്കുന്നതു സംബന്ധിച്ച് പ്രോസ്പെക്ടസ് റീവാമ്പ് കമ്മിറ്റിയുടെ നിർദ്ദേശങ്ങൾ ലഭ്യമായോ; തുടർ നടപടികൾ എന്താണെന്ന് വ്യക്തമാക്കാമോ;

ആയുർവേദ, ഹോമിയോ ഡോക്ടർമാർക്കുള്ള പതിനൊന്ന് സീറ്റുകളെ ആയുഷ് വിഭാഗത്തിന്റെതായി പരിഗണിച്ചു കൊണ്ട് യുനാനി, സിദ്ധ ഡോക്ടർമാർക്കു കൂടി മോഡേൺ മെഡിസിൻ പഠിക്കാൻ അവസരം ഒരുക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

കാലഹരണപ്പെട്ടതും ഉപയോഗശൂന്യവുമായ മരുന്നുകളുടെ ശേഖരണത്തിനും സംസ്കരണത്തിനുമായി ആരോഗ്യവകുപ്പ് ആവിഷ്കരിച്ചിട്ടുള്ള പുതിയ പദ്ധതിയുടെ വിശദാംശങ്ങള്‍ ലഭ്യമാക്കാമോ;

ഉപയോഗശൂന്യമായതും കാലഹരണപ്പെട്ടതുമായ മരുന്നുകള്‍ ശേഖരിച്ച് സംസ്കരിക്കുന്നതിനായി തിരുവനന്തപുരം നഗരസഭയും ഡ്രഗ്സ് കണ്‍ട്രോള്‍ വകുപ്പുമായി സഹകരിച്ച് നടപ്പിലാക്കി വന്നിരുന്ന 'പ്രൗഡ്' പദ്ധതിയുടെ വിശദാംശങ്ങള്‍ ലഭ്യമാക്കാമോ?

കെ.എസ്.ആർ റൂൾ 140(സി ) പാർട്ട് 1-ന് വിരുദ്ധമായി നിലവിലെ വനിതാ വികസന കോർപറേഷൻ മാനേജിംഗ് ഡയറക്ടർ അഞ്ച് വർഷം കഴിഞ്ഞിട്ടും പ്രസ്തുത തസ്തികയിൽ ഡെപ്യൂട്ടേഷനിൽ തുടരുന്നതായി ശ്രദ്ധയിൽപ്പെട്ടിട്ടുണ്ടോ; വിശദവിവരങ്ങൾ ലഭ്യമാക്കാമോ;

തുടർച്ചയായി അഞ്ച് വർഷം കഴിഞ്ഞും നിയമവിരുദ്ധമായി പദവിയിൽ തുടരുന്ന വനിത വികസന കോർപ്പറേഷൻ മാനേജിംഗ് ഡയറക്ടർക്ക് ഡെപ്യൂട്ടേഷൻ കാലാവധി മുൻകാല പ്രാബല്യത്തോടെ നീട്ടി നൽകാനോ/ കാലാവധി നീട്ടി നൽകാനോ സർക്കാരിന് അധികാരമുണ്ടോ; ഉണ്ടെങ്കിൽ അത്തരത്തിലുള്ള അധികാരം ഉൾപ്പെടെയുളള ബന്ധപ്പെട്ട ഉത്തരവുകളും വിശദവിവരങ്ങളും ലഭ്യമാക്കാമോ?

കല്ല്യാശ്ശേരി നിയോജകമണ്ഡലത്തില്‍ എത്ര അങ്കണവാടികളാണ് നിലവിലുളളത്; അവയിൽ സ്വന്തമായി കെട്ടിടം ഇല്ലാത്ത അങ്കണവാടികള്‍ ഏതൊക്കെയാണെന്ന് വിശദമാക്കാമോ?

2024-25 സാമ്പത്തിക വര്‍ഷത്തിലെ ബജറ്റില്‍ 20% ടോക്കണ്‍ പ്രൊവിഷനില്‍ 10 കോടി രൂപ ഉള്‍പ്പെടുത്തിയിട്ടുള്ള "പൂഞ്ഞാർ നിയോജകമണ്ഡലത്തിൽ സ്വന്തമായി കെട്ടിടം ഇല്ലാത്ത മുഴുവൻ അംഗൻവാടികൾക്കും കെട്ടിട നിർമ്മാണത്തിന് സമ്പൂർണ അംഗൻവാടി കെട്ടിട നിർമ്മാണ പദ്ധതി" (2024-25 -ലേക്കുള്ള വിശദമായ ബജറ്റ് എസ്റ്റിമേറ്റുകളുടെ അനുബന്ധം II വാല്യം II ക്രമനമ്പർ 973) എന്ന പ്രവൃത്തി നടപ്പിലാക്കുന്നതിനായി സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ?

കുട്ടികളിലെ പോഷകാഹാരക്കുറവ് പരിഹരിക്കുന്നതിന് വകുപ്പ് എന്തൊക്കെ നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

അങ്കണവാടികളിലെ ശിശുക്കള്‍ക്ക് പോഷകാഹാരക്കുറവ് കണ്ടെത്തുന്നതിന് വ്യക്തിഗതമായി സ്ക്രീനിംഗ് ടെസ്റ്റുകള്‍ നടത്തി ആയത് പരിഹരിക്കുന്നതിനായി പ്രത്യേകമായ ഭക്ഷണക്രമം ഏർപ്പെടുത്തുവാൻ വകുപ്പ് നടപടി സ്വീകരിച്ചിട്ടുണ്ടോ; വ്യക്തമാക്കാമോ;

അങ്കണവാടി മുതൽ എല്‍.പി. സ്കൂള്‍ തലം വരെ പ്രസ്തുത സ്ക്രീനിംഗ് നടത്തുന്നതിന് വകുപ്പ് നടപടി സ്വീകരിച്ചിട്ടുണ്ടോ; വിശദമാക്കാമോ?

2016 മുതൽ നാളിതുവരെ പാലക്കാട് ജില്ലയിലെ ഏതൊക്കെ അങ്കണവാടികളെ സ്മാർട്ട് അങ്കണവാടികളാക്കുന്നതിന് ഫണ്ട് നൽകിയിട്ടുണ്ടെന്ന് വർഷം, മണ്ഡലം, അനുവദിച്ച തുക എന്നിവ തിരിച്ച് വിശദമാക്കാമോ;

നിലവിൽ സ്മാർട്ട് അങ്കണവാടികളാക്കുന്നതിനുള്ള എത്ര പ്രൊപ്പോസലുകൾ ഭരണാനുമതിക്കായി നൽകിയിട്ടുണ്ടെന്ന് വ്യക്തമാക്കാമോ?

സംസ്ഥാനത്ത് ഭക്ഷ്യവിഷ ബാധ തടയുന്നതിനും ഭക്ഷണ സാധനങ്ങളുടെ ഗുണനിലവാരം ഉറപ്പാക്കുന്നതിനും വകുപ്പ് സ്വീകരിക്കുന്ന നടപടികൾ എന്തൊക്കെയാണെന്ന് വ്യക്തമാക്കാമോ?

2024, 2025 വര്‍ഷങ്ങളില്‍ ഭക്ഷ്യ സുരക്ഷാ വകുപ്പ് നടത്തിയ പരിശോധനകളുടെ ജില്ല തിരിച്ചുള്ള കണക്ക് ലഭ്യമാക്കാമോ;

പ്രസ്തുത പരിശോധനകളിലൂടെ എന്തു തുക പിഴയായി ഈടാക്കിയിട്ടുണ്ടെന്ന് വ്യക്തമാക്കാമോ;

ഭക്ഷ്യ സുരക്ഷാ വകുപ്പിനെ ശാക്തീകരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?