വിഴിഞ്ഞം തുറമുഖ നിർമ്മാണം പൂർത്തിയാവുന്നതോടെ തീരത്തെത്തുന്ന കൂറ്റൻ മദർ വെസലുകളുടെയും വൻകിട കപ്പലുകളുടെയും അറ്റകുറ്റപ്പണികൾക്കായി സൗകര്യമൊരുക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

കേന്ദ്ര ഫിഷിംഗ്‌ മന്ത്രാലയവും കൊച്ചിൻ ഷിപ്പ്‌യാർഡും നടത്തിയ പഠനങ്ങളിൽ പൂവാർ തീരം കപ്പൽ നിർമ്മാണശാല സ്ഥാപിക്കുന്നതിന് അനുയോജ്യമാണെന്ന് കണ്ടെത്തിയിരുന്നുവോ; വ്യക്തമാക്കുമോ;

വിഴിഞ്ഞം പ്രധാന കയറ്റിറക്കുമതി തുറമുഖമാക്കുന്നതും അതിന് അനുബന്ധമായി വിഴിഞ്ഞം-കൊല്ലം-പുനലൂർ വളർച്ചാത്രികോണം വികസിപ്പിക്കുന്നതും സംസ്ഥാനത്തിന്റെ സാമ്പത്തിക-വ്യാവസായിക വളർച്ചയ്ക്ക് എത്രത്തോളം സഹായകമാകുമെന്ന് വിലയിരുത്തിയിട്ടുണ്ടോ; അറിയിക്കുമോ;

ലോജിസ്റ്റിക്സ്‌, മിനി ലോജിസ്റ്റിക്സ്‌ പാർക്കുകളുടെ ഒരു ലോജിസ്റ്റിക്സ് ടൗൺഷിപ്പ് വിഴിഞ്ഞം അന്താരാഷ്ട്ര തുറമുഖ പദ്ധതിയുടെ ഭാഗമായി പരിഗണനയിലുണ്ടോ; വിശദമാക്കുമോ?

പുറത്തു നിന്നും വാങ്ങുന്ന വൈദ്യുതിയുടെ വില ക്രമാതീതമായി ഉയരുന്നതിനാൽ കെ.എസ്.ഇ.ബി. സാമ്പത്തിക പ്രതിസന്ധിയിലേക്ക് നീങ്ങുന്നതായി വിലയിരുത്തിയിട്ടുണ്ടോ; വിശദമാക്കാമോ;

സാമ്പത്തിക പ്രതിസന്ധി നേരിടുന്നതിനായി സ്വകാര്യ മൂലധന നിക്ഷേപം സ്വരൂപിക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

ഇരുപത്തിയഞ്ച് മെഗാവാട്ടിനു താഴെയുളള ജലവൈദ്യുത പദ്ധതികളുടെ നടത്തിപ്പിൽ നിന്നും പൂർണ്ണമായും പിൻമാറാൻ ആലോചിക്കുന്നുണ്ടോ; ഈ മേഖലയിൽ കൂടുതൽ സ്വകാര്യ കമ്പനികളെ ആകർഷിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

രാജ്യവും സംസ്ഥാനവും നേരിട്ട എല്ലാ പ്രതിസന്ധികളെയും അതിജീവിച്ച് കേരളം സാമ്പത്തിക സുസ്ഥിരത കൈവരിക്കുവാൻ ഇടയായ സാമ്പത്തിക മാനേജ്മെന്റ് വൈദഗ്ദ്ധ്യം എന്താണെന്ന് വ്യക്തമാക്കുമോ;

സംസ്ഥാനത്തിന്റെ കടബാധ്യത കുറച്ചു കൊണ്ടുവരുന്നതിനും പ്രതിശീർഷ വരുമാനം വർദ്ധിപ്പിക്കുന്നതിനും സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വിശദമാക്കുമോ?

സംസ്ഥാനത്തിന്റെ സാമ്പത്തിക സ്ഥിതി മെച്ചപ്പെട്ടുവെന്ന് അവകാശപ്പെടുമ്പോഴും സാമ്പത്തിക അച്ചടക്കത്തിന്റെ സുപ്രധാന ധനസൂചികയായ റവന്യൂ കമ്മി - ജി.എസ്.ഡി.പി അനുപാതം 2023-24-ലെ 1.58 ശതമാനത്തിൽ നിന്നും 2024-25-ൽ 2.29 ശതമാനമായി ഉയർന്നുവെന്നത് പരിശോധിച്ചിട്ടുണ്ടോ; വ്യക്തമാക്കാമോ;

സംസ്ഥാനത്തെ റവന്യൂ കമ്മി മുൻവർഷത്തെ അപേക്ഷിച്ച് വർദ്ധിക്കാനുണ്ടായ കാരണം പരിശോധിച്ചിട്ടുണ്ടോ; എങ്കിൽ വിശദമാക്കാമോ;

സംസ്ഥാനത്തെ റവന്യൂ കമ്മി കുറച്ചു കൊണ്ടുവരാൻ സർക്കാർ സ്വീകരിക്കുന്ന നടപടികൾ എന്തൊക്കെയാണ് എന്ന് വ്യക്തമാക്കാമോ?

സംസ്ഥാനത്തെ ബാങ്കുകള്‍ക്ക് നബാര്‍ഡ് നല്‍കുന്ന ഗ്രേഡിംഗ് നില ഉയര്‍ത്തുന്നതിന് കേരള ബാങ്കിന് കഴിഞ്ഞിട്ടുണ്ടോ; വ്യക്തമാക്കുമോ;

പ്രവര്‍ത്തനം മെച്ചപ്പെടുത്തി ഗ്രേഡിംഗ് നില ഉയര്‍ത്തുന്നതിന് കേരള ബാങ്ക് നടപ്പിലാക്കിയിട്ടുള്ള പ്രവര്‍ത്തനങ്ങള്‍ വിശദീകരിക്കുമോ;

ആര്‍.ബി.ഐ.-ല്‍ നിന്നും എന്‍.ആര്‍.ഐ. ബാങ്കിംഗ് ലൈസന്‍സ്, ഇന്റര്‍നെറ്റ്/തേര്‍ഡ് പാര്‍ട്ടി ബിസിനസ് ലൈസന്‍സ് നേടുന്നത് ലക്ഷ്യമിട്ട് നടപ്പാക്കുവാനുദ്ദേശിക്കുന്ന പ്രവര്‍ത്തനങ്ങള്‍ എന്തെല്ലാമാണ്; വിശദാംശം നല്‍കുമോ;

ബാങ്കിംഗ് രംഗത്ത് കേരള ബാങ്ക് നടപ്പാക്കുവാനുദ്ദേശിക്കുന്ന നൂതന പദ്ധതികള്‍ വിശദീകരിക്കുമോ?

സംസ്ഥാനത്ത് പുതുതലമുറ വ്യവസായങ്ങളുടെ സ്ഥാപനത്തിനും പ്രോത്സാഹനത്തിനുമായി സ്വീകരിച്ചു വരുന്ന നയപരിപാടികള്‍ വിശദമാക്കുമോ;

ഈ മേഖലയില്‍ സംസ്ഥാനത്തിന് എത്രത്തോളം പുരോഗതി നേടാനായി എന്നതു വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

ഗ്രാഫീന്റെ ഉല്‍പ്പാദനത്തിനും വികസനത്തിനുമായി നടപ്പാക്കുന്ന വിവിധ പദ്ധതികള്‍ എന്തെല്ലാമാണെന്ന് വിശദീകരിക്കാമോ;

പുതുതലമുറ വ്യവസായ സംരംഭങ്ങളെ സംസ്ഥാനത്തേക്ക് ആകര്‍ഷിക്കുന്നതിനായി ജെന്‍ എ.ഐ. കോണ്‍ക്ലേവ്, ഇന്റര്‍നാഷണല്‍ റോബോട്ടിക് റൗണ്ട് ടേബിള്‍ കോണ്‍ഫറന്‍സ് എന്നിവ സംഘടിപ്പിക്കുവാന്‍ കഴിഞ്ഞിട്ടുണ്ടോ; വ്യക്തമാക്കുമോ?

കേരളത്തിന്റെ നിക്ഷേപക സൗഹൃദ ഘടന ശക്തിപ്പെടുത്തുന്നതിനായി ആഗോള നിക്ഷേപകരെയും ഈ മേഖലയിലെ വിദഗ്ധരെയും നയരൂപീകരണ വിദഗ്ധരെയും ഒരുമിച്ച് കൊണ്ടുവരേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഇൻവെസ്റ്റ് കേരള ആഗോള നിക്ഷേപക ഉച്ചകോടിയിലൂടെ സംസ്ഥാനത്തിന്റെ വ്യാവസായികരംഗത്ത് വന്‍കിട നിക്ഷേപങ്ങൾ കടന്നുവരാന്‍ സാഹചര്യം ഒരുക്കിയിട്ടുണ്ടോ; വിശദമാക്കാമോ;

പ്രസ്തുത ഉച്ചകോടിയിലെ തീരുമാനങ്ങളും ധാരണകളും സമയബന്ധിതമായി നടപ്പിലാക്കുവാന്‍ വ്യക്തമായ ഘടനയുള്ള സംവിധാനത്തിന്‌ രൂപം നൽകിയിട്ടുണ്ടോ; വിശദമാക്കാമോ;

നിക്ഷേപ സൗഹൃദ സൂചികയിൽ കേന്ദ്ര ഗവണ്‍മെന്റ് ആവശ്യപ്പെട്ട പരിഷ്കാരങ്ങളിൽ 99 ശതമാനവും കേരളം പൂർത്തിയാക്കിയിട്ടുണ്ടോ; ഏറ്റവും എളുപ്പത്തിൽ വ്യവസായം ആരംഭിക്കുന്നതിന് നിയമപരവും സാങ്കേതികവുമായ പിൻബലമൊരുക്കാൻ ഈ സർക്കാരിന് സാധിച്ചിട്ടുണ്ടോ; വിശദമാക്കാമോ?

പൊതുമേഖലാ സ്ഥാപനങ്ങള്‍ക്ക് സ്വയംഭരണാവകാശം നല്‍കുന്നതിനും അതിലൂടെ പ്രസ്തുത സ്ഥാപനങ്ങളുടെ ഉന്നമനം ലക്ഷ്യമിടുന്നതിനുള്ള സാധ്യതകള്‍ പരിശോധിക്കുന്നതിനുമായി രൂപീകരിച്ച കമ്മിറ്റിയുടെ റിപ്പോര്‍ട്ടിലെ പ്രധാനപ്പെട്ട ശിപാര്‍ശകള്‍ എന്തെല്ലാമെന്ന് വിശദമാക്കുമോ;

പ്രസ്തുത റിപ്പോര്‍ട്ടിലെ ഏതെല്ലാം ശിപാര്‍ശകള്‍ അംഗീകരിച്ചിട്ടുണ്ടെന്ന് വിശദീകരിക്കുമോ;

പൊതുമേഖലാ സ്ഥാപനങ്ങളുടെ ആവശ്യത്തില്‍ കവിഞ്ഞുളള ഭൂമി വ്യവസായ വികസനത്തിന് പ്രയോജനപ്പെടുത്തുന്നതിനായി പ്രത്യേക പദ്ധതി തയ്യാറാക്കുന്നത് പരിഗണനയിലുണ്ടോ; വിശദമാക്കുമോ?

രാജ്യത്തെ വൈദ്യുത മേഖല സ്വകാര്യവൽക്കരിക്കാനുള്ള കേന്ദ്ര സർക്കാർ നീക്കത്തിനെതിരെ പൊതുജനങ്ങളും ഈ മേഖലയിലെ ജീവനക്കാരും പ്രതിഷേധത്തിലാണെന്നത് ശ്രദ്ധയിൽപ്പെട്ടിട്ടുണ്ടോ; ഏതൊക്കെ പ്രവർത്തനങ്ങൾ സ്വകാര്യവൽക്കരിക്കാനുള്ള നീക്കങ്ങളാണ് നടക്കുന്നത്; വിശദമാക്കുമോ;

പ്രസ്തുത നയങ്ങളുടെ തുടർച്ചയായി വൈദ്യുതി ചട്ടങ്ങളിൽ വരുത്തിയ ഭേദഗതികൾ സംസ്ഥാനത്തെ വൈദ്യുതി മേഖലയിൽ പ്രശ്നങ്ങൾ സൃഷ്ടിക്കുവാൻ സാധ്യതയുണ്ടോ; വിശദാക്കാമോ;

ആത്മനിർഭർ ഭാരത് അഭിയാന്റെ ഭാഗമായി കൊണ്ടുവന്നിട്ടുള്ള നയങ്ങൾ രാജ്യത്തിന്റെ ഊർജ്ജ സുരക്ഷയെത്തന്നെ ബാധിക്കുന്ന സാഹചര്യത്തിൽ മറ്റു സംസ്ഥാനങ്ങളോടൊപ്പം ചേർന്ന് ഇതിനെതിരെ കേന്ദ്ര സർക്കാരിൽ സമ്മർദ്ദം ചെലുത്തുമോ; വ്യക്തമാക്കുമോ?

സംസ്ഥാനത്ത് ഊര്‍ജ്ജോല്‍പാദനം, ഊര്‍ജ്ജ സംരക്ഷണം എന്നീ രംഗങ്ങളില്‍ സുസ്ഥിര മാതൃകകള്‍ അവതരിപ്പിക്കുന്നതിനും വിജയകരമായി മുന്നോട്ട് കൊണ്ടുപോകുന്നതിനും അനെര്‍ട്ടിനു കഴിഞ്ഞിട്ടുണ്ടോ; വിശദമാക്കുമോ;

സംസ്ഥാനത്ത് ഉപയോഗിക്കുന്ന സാങ്കേതികവിദ്യകള്‍ നവീകരിക്കുന്നതിനും ജീവിതനിലവാരം മെച്ചപ്പെടുത്തുന്നതിനും ലക്ഷ്യമിട്ട് അനെര്‍ട്ട് നടപ്പാക്കുന്ന പ്രവര്‍ത്തനങ്ങള്‍ വിശദീകരിക്കുമോ;

ഈ രംഗത്ത് അനെര്‍ട്ടിന്റെ ആഭിമുഖ്യത്തില്‍ നടന്നുവരുന്ന ഗവേഷണ-വികസന പ്രവര്‍ത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ?

സർക്കാരിന്റെ നിക്ഷേപ സമാഹരണ പ്രവർത്തനങ്ങളുടെ ഭാഗമായി നടത്തിയ ആഗോള നിക്ഷേപക ഉച്ചകോടി വിജയകരമായിരുന്നോ; വിശദമാക്കുമോ;

പ്രസ്തുത ഉച്ചകോടിയിലൂടെ ലഭിച്ച നിക്ഷേപ താൽപര്യപത്രങ്ങളുടെ വിലയിരുത്തൽ നടപടികളുടെ പുരോഗതി സംബന്ധിച്ച വിശദാംശം നൽകുമോ;

നിക്ഷേപ താല്‍പര്യപത്രങ്ങളെ നിക്ഷേപങ്ങളാക്കി മാറ്റുന്നതിന് സ്വീകരിച്ചു വരുന്ന നടപടികൾ വിശദീകരിക്കുമോ; ഇതിനായി പ്രത്യേക ഡാഷ്ബോർഡ് രൂപീകരിച്ചിട്ടുണ്ടോ; വ്യക്തമാക്കുമോ?

2024-25 സാമ്പത്തിക വർഷം അവസാനിക്കാൻ ദിവസങ്ങൾ മാത്രം ബാക്കിയിരിക്കെ സംസ്ഥാനത്തിന്റെ പദ്ധതി നിർവഹണത്തിന്റെ പുരോഗതി മുൻകാലങ്ങളെ അപേക്ഷിച്ച് ഏറെ പിന്നിലാണെന്നത് ശ്രദ്ധയില്‍പ്പെട്ടിട്ടുണ്ടോ;

സംസ്ഥാന പ്ലാനിങ് ബോർഡിന്റെ വെബ്സൈറ്റ് പ്രകാരം സംസ്ഥാനത്തിന്റെ പദ്ധതി നിർവഹണവും തദ്ദേശ സ്വയംഭരണ സ്ഥാപനങ്ങളുടെ പദ്ധതി നിർവഹണവും കേന്ദ്ര ഫണ്ടിന്റെ ചെലവിലും മുൻകാലങ്ങളെ അപേക്ഷിച്ച് ഏറെ പിന്നിലാകാനുണ്ടായ കാരണം വിശദമാക്കാമോ;

സംസ്ഥാനത്തെ പദ്ധതി അടങ്കലിൽ അന്‍പത് ശതമാനം വെട്ടിക്കുറച്ചിട്ടും പദ്ധതി നിർവഹണത്തിൽ കാര്യമായ പുരോഗതി ഉണ്ടാകാത്തതിനുള്ള കാരണം വിശദമാക്കുമോ?

സഹകരണ പ്രസ്ഥാനത്തെ ആഗോളതലത്തില്‍ അടയാളപ്പെടുത്തുന്ന രീതിയിൽ മികച്ച സഹകരണ സംഘങ്ങളെ ഉയര്‍ത്തിക്കൊണ്ടുവരുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ;

സൈബര്‍ ഫിസിക്കല്‍ സിസ്റ്റംസ്, ഇന്റര്‍നെറ്റ് ഓഫ് തിങ്സ്, നെറ്റ്‌വര്‍ക്സ് മുതലായ നാലാംതലമുറ വ്യവസായങ്ങള്‍ യുവാക്കളുടെ സ്റ്റാര്‍ട്ടപ്പ് സഹകരണ സംഘങ്ങളിലൂടെ ആരംഭിക്കുന്ന കാര്യം പരിഗണിക്കുമോ; വിശദമാക്കുമോ;

സംസ്ഥാനത്തിന്റെ സമ്പദ്‌വ്യവസ്ഥയില്‍ സഹകരണമേഖലയുടെ സംഭാവന സംബന്ധിച്ച് ശാസ്ത്രീയപഠനം നടത്തുകയും സഹകരണ മേഖലയുടെ പ്രാധാന്യം നയരൂപവത്കരണ തലത്തിലേക്ക് ഉയര്‍ത്തുകയും ചെയ്യുന്നതിന് നടപടി സ്വീകരിക്കുമോ; വിശദമാക്കുമോ;

കേരള ബാങ്കും പ്രാഥമിക കാര്‍ഷികവായ്പാ സഹകരണ സംഘങ്ങളും തമ്മിലുള്ള ബന്ധം സുദൃഢമാക്കുന്നതിനും ഇതരവിഭാഗം സഹകരണ സംഘങ്ങളുടെ വളര്‍ച്ചയ്ക്കാവശ്യമായ പിന്തുണ കേരള ബാങ്കില്‍ നിന്നും നല്‍കുന്നതിനും തീരുമാനിച്ചിട്ടുണ്ടോ; വിശദമാക്കുമോ?

വിഴിഞ്ഞം തുറമുഖം പൂർണ്ണമായും സജ്ജമാകുന്നതോടെ ചരക്കുനീക്കത്തിനും മറ്റ് ആവശ്യങ്ങൾക്കുമായി ചെറുകിട-ഇടത്തരം തുറമുഖങ്ങൾ വികസിപ്പിക്കേണ്ടതുണ്ടോയെന്ന് വ്യക്തമാക്കുമോ;

എങ്കില്‍ ഏതെല്ലാം തുറമുഖങ്ങളാണ് വികസിപ്പിക്കുവാൻ ഉദ്ദേശിക്കുന്നതെന്ന് അറിയിക്കുമോ?

ഡിജിറ്റൽ ആഗോളവൽക്കരണ കാലഘട്ടത്തിൽ നവീകരണം തുടർച്ചയായ ശ്രദ്ധ അർഹിക്കുന്ന ഒരു പ്രധാന വിഷയമായി തുടരുന്നു എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ലോകത്തെയാകെ ചലിപ്പിക്കാൻ കഴിയുന്ന ആശയങ്ങളുള്ള പുതിയ തലമുറ കേരളത്തിന് സ്വന്തമായുണ്ട് എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

സംസ്ഥാനത്ത് നടപ്പിലാക്കുന്ന വ്യവസായ ഇടനാഴി, വ്യവസായ പാർക്കുകൾ എന്നിവയിൽ വിജ്ഞാന വ്യവസായത്തിൽ കേരളത്തിന്റെ സാധ്യതകള്‍ പ്രയോജനപ്പെടുത്തുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

ഈ സര്‍ക്കാര്‍‍ വന്നശേഷം വിജ്ഞാന വ്യവസായം ഉള്‍പ്പെടെയുള്ള വ്യവസായ നിക്ഷേപത്തിന്റെ കാര്യത്തിൽ നാളിതുവരെ ഉണ്ടാകാത്തവിധം വളർച്ചയുണ്ടായിട്ടുണ്ടോ; കൂടുതൽ വ്യവസായ നിക്ഷേപം ആകർഷിക്കാനായി സർക്കാരിന്റെയും തദ്ദേശസ്ഥാപനങ്ങളുടെയും പൊതുമേഖലാ സ്ഥാപനങ്ങളുടെയും ഉടമസ്ഥതയിലുള്ള സ്ഥലം ഉപയോഗപ്പെടുത്തിയുള്ള പുതിയ പദ്ധതികൾ പരിഗണനയിലുണ്ടോ; വിശദമാക്കാമോ?

സംസ്ഥാനത്ത് കശുവണ്ടി വ്യവസായം നേരിടുന്ന പ്രശ്നങ്ങള്‍ പരിഹരിക്കുന്നതിനായി സമഗ്ര പുനരുദ്ധാരണ പദ്ധതി ആവിഷ്കരിച്ച് നടപ്പാക്കിവരുന്നുണ്ടോ; വിശദാംശം നല്‍കുമോ;

ഈ മേഖലയില്‍ തൊഴില്‍ നഷ്ടപ്പെടാതെ ആധുനികവല്‍ക്കരണം സാധ്യമാക്കുന്നതിനും വൈവിധ്യവല്‍ക്കരണത്തിലൂടെ ഉല്‍പ്പന്നങ്ങളെ മാര്‍ക്കറ്റ് ചെയ്യുന്നതിനും നടത്തുന്ന പ്രവര്‍ത്തനങ്ങള്‍ ഫലവത്താകുന്നുണ്ടോ; വ്യക്തമാക്കുമോ;

ഈ മേഖലയിലെ സ്വകാര്യ സംരംഭങ്ങളുടെ പുനരുജ്ജീവനം ലക്ഷ്യമിട്ട് നടപ്പാക്കിവരുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കുമോ?

സംസ്ഥാനത്തിന്റെ കടല്‍ത്തീരങ്ങളിൽ ഖനനം നടത്തുമ്പോൾ സംസ്ഥാനത്തിന് ഏതെല്ലാം രീതിയിൽ വരുമാനം ലഭിക്കുമെന്നാണ് പ്രതീക്ഷിക്കുന്നത്; വിശദമാക്കുമോ;

ഇതിലൂടെ കേന്ദ്ര സർക്കാരിന് ലഭിക്കുന്ന വരുമാനത്തിന്റെ വിഹിതത്തിന് സംസ്ഥാനത്തിന് അർഹതയുണ്ടോ; വ്യക്തമാക്കുമോ;

ഖനനത്തിലൂടെ ലഭിക്കുന്ന മണൽ വിൽപനയിൽ, ജി.എസ്.ടി. ഇനത്തിൽ സംസ്ഥാനത്തിന് വരുമാനം ലഭിക്കാൻ സാധ്യതയുണ്ടോ; എങ്കിൽ വിശദാംശം ലഭ്യമാക്കുമോ?

കേന്ദ്രാവിഷ്‍കൃത പദ്ധതികളില്‍ കേന്ദ്ര സര്‍ക്കാര്‍ സംസ്ഥാന വിഹിതം ഏകപക്ഷീയമായി ഉയര്‍ത്തിയതുമൂലമുണ്ടായിട്ടുള്ള അധിക ബാധ്യതകള്‍ക്കിടയിലും ഈ പദ്ധതികളുടെ സുഗമമായ പ്രവര്‍ത്തനം ഉറപ്പുവരുത്തുന്നതിന് സ്വീകരിച്ചുവരുന്ന നടപടികള്‍ വിലയിരുത്തിയിട്ടുണ്ടോ; വിശദാംശം നല്‍കാമോ;

തൊഴിലുറപ്പ്, സുസ്ഥിര വികസന പദ്ധതികള്‍, മാലിന്യ നിര്‍മ്മാര്‍ജനം തുടങ്ങിയ ദേശീയ സാമ്പത്തിക സര്‍വേ പ്രകാരം സംസ്ഥാനം മുന്‍നിരയില്‍ നില്‍ക്കുന്ന മേഖലകള്‍ക്കായുള്ള ബജറ്റ് തുകയില്‍ വെട്ടിക്കുറവ് വരുത്തിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

സംസ്ഥാനത്ത് മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുമായി ബന്ധപ്പെട്ട് കേന്ദ്ര സര്‍ക്കാര്‍ വരുത്തിയിട്ടുള്ള കുടിശിക എത്രയാണ്; വിശദമാക്കുമോ;

ദേശീയ ആരോഗ്യദൗത്യവുമായി ബന്ധപ്പെട്ട് കേന്ദ്ര സര്‍ക്കാര്‍ കുടിശിക വരുത്തിയിട്ടുള്ളത് എത്രയാണ്; സംസ്ഥാനത്തിനര്‍ഹമായ തുകകള്‍ നേടിയെടുക്കുന്നതിനായി കേന്ദ്ര സര്‍ക്കാരില്‍ സമ്മര്‍ദ്ദം ചെലുത്തുമോ; വിശദമാക്കുമോ?

എല്ലാ വീടുകളിലും വൈദ്യുതി എത്തിച്ച ആദ്യ ഇന്ത്യന്‍ സംസ്ഥാനം എന്ന ബഹുമതി കേരളം സ്വായത്തമാക്കിയിട്ടുണ്ടോ; തനതു പദ്ധതികളും, ട്രാന്‍സ്ഗ്രിഡ് പദ്ധതിയും നടപ്പിലാക്കിയത്‌ വഴി കഴിഞ്ഞ എട്ടര വര്‍ഷക്കാലം കൊണ്ട് വൈദ്യുതി പ്രസരണരംഗത്തു കേരളം വളരെയേറെ മുന്നേറിയിട്ടുണ്ടോ; വിശദമാക്കുമോ;

വരാനിരിക്കുന്ന വേനൽക്കാലം പരിഗണിച്ചു കേരളത്തിന്റെ വൈദ്യുതി ആവശ്യകത നേരിടുന്നതിന് ആവശ്യമായ മുന്നൊരുക്കങ്ങൾ നടത്തിയിട്ടുണ്ടോ; വേനൽക്കാലത്തുള്‍പ്പെടെ വൈദ്യുതി ആവശ്യകത നിറവേറ്റാൻ പര്യാപ്തമായ വിധം വൈദ്യുതി കരാറുകളിൽ ഏർപ്പെടാൻ തീരുമാനിച്ചിട്ടുണ്ടോയെന്ന് അറിയിക്കുമോ;

പുനരുപയോഗ ഊർജ സ്രോതസ്സുകളെ പരമാവധി ആശ്രയിച്ചും ജലവൈദ്യുത പദ്ധതികളുടെ സാധ്യതകൾ ഉപയോഗപ്പെടുത്തിയും പര്യാപ്തമായ ഊർജ ലഭ്യത ഉറപ്പുവരുത്തുവാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

സ്വാപ്പിംഗ് സാങ്കേതിക വിദ്യയിലൂന്നിയ വൈദ്യുതവാഹന നയമടക്കം ഊര്‍ജ്ജ വിതരണ ശൃംഖലയുടെ സമ്മർദ്ദം കുറയ്ക്കുന്നതിനുള്ള ഇടപെടലുകള്‍ പരിഗണനയിലുണ്ടോ; വ്യക്തമാക്കുമോ?

വിഴിഞ്ഞം അന്താരാഷ്ട്ര തുറമുഖത്തിന്റെ രണ്ടാംഘട്ട വികസനങ്ങള്‍ക്കായി എത്ര കാേടിയുടെ നിക്ഷേപമാണ് പാെതു-സ്വകാര്യ പങ്കാളിത്തത്താേടെ അദാനി വിഴിഞ്ഞം പോര്‍ട്ട് പ്രൈവറ്റ് ലിമിറ്റഡ് നടത്താന്‍ നിശ്ചയിച്ചിരിക്കുന്നതെന്ന് വ്യക്തമാക്കുമാേ;

രണ്ടാം ഘട്ട വികസന പ്രവര്‍ത്തനങ്ങളില്‍ എന്തെല്ലാം പദ്ധതികളാണ് ഉള്‍ക്കാെള്ളിച്ചിരിക്കുന്നതെന്ന് വിശദമാക്കുമാേ;

തുറമുഖത്തിന്റെ നിലവിലെ കണ്ടെയ്നര്‍ കെെകാര്യശേഷി എത്രയാണെന്നും, രണ്ടാംഘട്ട പ്രവൃത്തികള്‍ പൂര്‍ത്തിയാകുന്നതാേടെ എത്ര കണ്ടെയ്നര്‍ ശേഷി കെെവരിക്കാന്‍ കഴിയുമെന്നും അറിയിക്കുമാേ;

ടെര്‍മിനല്‍ തുറക്കുന്നത് സംസ്ഥാനത്തെ ടൂറിസം വികസന മേഖലയ്ക്കുകൂടി ഗുണകരമാകുമെന്ന് പ്രതീക്ഷിക്കുന്നുണ്ടാേ; വിശദമാക്കുമോ?

സ്മാർട്ട് മീറ്ററുകൾ സ്ഥാപിക്കുന്നതിനുളള നടപടികൾ നിലവിൽ ഏതുഘട്ടത്തിലാണെന്ന് അറിയിക്കുമോ; വിശദമാക്കുമോ;

സ്മാർട്ട് മീറ്ററുകൾ സ്ഥാപിക്കണമെന്ന കേന്ദ്ര നിർദ്ദേശം ഉപഭോക്താക്കൾക്ക് അധിക ഭാരം ഉണ്ടാക്കാതിരിക്കുന്നതിലേക്കായി എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ?

സംരംഭക സഹായ പദ്ധതിയുടെ ഉദ്ദേശ ലക്ഷ്യങ്ങൾ വിശദമാക്കുമോ;

പ്രസ്തുത പദ്ധതിയുടെ ഭാഗമായി 2024-25 സാമ്പത്തിക വർഷത്തെ ബജറ്റ് വിഹിതമായ 58.5 കോടി രൂപയിൽ പകുതി മാത്രമേ നാളിതുവരെ അപേക്ഷകർക്ക് അനുവദിച്ചിട്ടുള്ളൂ എന്ന കാര്യം ഗൗരവത്തോടെ കാണുന്നുണ്ടോ;

അനുമതി നല്‍കിയ അപേക്ഷകൾക്ക് തുക നൽകാൻ സാധിക്കാത്ത സാഹചര്യം നിലവിലുണ്ടോ; വിശദമാക്കാമോ?

എം.എസ്.എം.ഇ.കൾക്ക് സംസ്ഥാന സർക്കാർ സ്പെഷ്യൽ പാക്കേജുകൾ പ്രഖ്യാപിച്ചിരുന്നോയെന്ന് വ്യക്തമാക്കുമോ;

പ്രസ്തുത പാക്കേജുകളുടെ ഭാഗമായി 2024-25 സാമ്പത്തിക വർഷം പതിനെട്ട് കോടിയോളം രൂപ വകയിരുത്തിയിരുന്നോ എന്ന് അറിയിക്കുമോ;

പ്രസ്തുത തുകയിൽ പത്തു ശതമാനംപോലും നാളിതുവരെ ചെലവഴിച്ചിട്ടില്ല എന്നത് വസ്തുതയാണോ; എങ്കില്‍ കാരണം വിശദമാക്കുമോ?

കുറഞ്ഞ പ്രതിശീർഷ വരുമാനത്തിനിടയിലും മികച്ച സാമൂഹ്യ പുരോഗതി നേടാനായതിനാലാണ് മുൻകാലങ്ങളിൽ സംസ്ഥാനം പ്രസിദ്ധി നേടിയതെന്ന് വിലയിരുത്തിയിട്ടുണ്ടോ; വിശദമാക്കാമോ;

എന്നാൽ ഇന്ന് കേരളത്തെ പ്രസിദ്ധമാക്കുന്നത് ദ്രുതഗതിയിലുള്ള സാമ്പത്തിക വികാസവും വരുമാനാര്‍ജനവുമാണെന്നത് പരിശോധിച്ചിട്ടുണ്ടോ; ഏറ്റവും ഉയർന്ന പ്രതിശീർഷ വരുമാനമുള്ള സംസ്ഥാനങ്ങളുടെ പട്ടികയിൽ കേരളം ഏഴാം സ്ഥാനം കൈവരിച്ചിട്ടുണ്ടോ; വ്യക്തമാക്കാമോ;

സമൂഹത്തിലെ എല്ലാ വിഭാഗം ജനങ്ങൾക്കിടയിലേക്കും വികസന നേട്ടങ്ങൾ എത്തിച്ചേരുന്ന സാമ്പത്തിക വളർച്ചാ പ്രക്രിയ കേരളത്തിലുണ്ടായിട്ടുണ്ടോ; ഇത് ഉൽപ്പാദന മേഖലകളെ അടിസ്ഥാനമാക്കിയ പുതിയ വളർച്ചാ ഘട്ടത്തിലേക്കുള്ള കുതിച്ചുചാട്ടത്തിന് വഴിയൊരുക്കിയിട്ടുണ്ടോ; വിശദമാക്കാമോ;

ഉൽപ്പാദന മേഖലകളുടെ അവികസിത അവസ്ഥയിലേക്ക് നയിക്കുന്ന ഘടകങ്ങളെ അഭിസംബോധന ചെയ്യുന്നതിനും സാമ്പത്തിക തന്ത്രത്തെ ജനങ്ങളുടെയും സമൂഹത്തിന്റെയും ഭാവി ആവശ്യങ്ങളുമായി സംയോജിപ്പിക്കുന്നതിനും തീരുമാനിച്ചിട്ടുണ്ടോ; വിശദമാക്കാമോ?

വിഴിഞ്ഞം അന്താരാഷ്ട്ര തുറമുഖത്തെ ഒരു ഇന്റഗ്രേറ്റഡ് ലോജിസ്റ്റിക് ഹബ്ബായി ഉയർത്തിക്കൊണ്ടു വരുന്നത് സർക്കാരിന്റെ പരിഗണനയിലുണ്ടോ; വിശദമാക്കുമോ;

തുറമുഖരംഗത്ത് ദീർഘവീക്ഷണത്തോടുകൂടി നടപ്പാക്കി വരുന്ന വികസന പ്രവർത്തനങ്ങൾ ഈ രംഗത്ത് നിക്ഷേപ സമാഹരണം ത്വരിതപ്പെടുത്തുന്നതിന് സഹായകമായിട്ടുണ്ടോ; വിശദീകരിക്കാമോ;

വിഴിഞ്ഞം തുറമുഖം ചെറുകിട സംരംഭകർക്കായി മുന്നോട്ടുവയ്ക്കുന്ന നിക്ഷേപ സാധ്യതകൾ പരിശോധിച്ചിട്ടുണ്ടോ; വ്യക്തമാക്കുമോ;

ക്രൂ മാനേജ്മെന്റ്, ബങ്കർ സപ്ലൈ, ബങ്കർ സർവ്വേ, ഡ്രാഫ്റ്റ് സർവ്വേയർ തുടങ്ങിയ തുറമുഖാധിഷ്ഠിത പ്രൊഫഷണൽ സേവനങ്ങൾ നൽകുന്ന സംരംഭകരെ വിഴിഞ്ഞം തുറമുഖത്തേക്ക് ആകർഷിക്കുന്നതിനായി പ്രത്യേക പരിപാടികൾ സംഘടിപ്പിക്കുന്നത് പരിഗണനയിലുണ്ടോ; വിശദാംശം നൽകുമോ?

തിരുവനന്തപുരത്തെ രാജ്യത്തിന്റെ ഓട്ടോമോട്ടീവ് വ്യവസായ ഹബ്ബാക്കി മാറ്റുന്നതിനനുയോജ്യമായ നയപരിപാടികള്‍ രൂപീകരിക്കുവാന്‍ തീരുമാനിച്ചിട്ടുണ്ടോ; വിശദാംശം നല്‍കുമോ;

ഓട്ടോമോട്ടീവ് വ്യവസായ ഹബ്ബാക്കി മാറ്റുന്നതിനനുയോജ്യമായ ഏതെല്ലാം ഘടകങ്ങള്‍ തലസ്ഥാനത്തിനുണ്ടെന്നാണ് വിലയിരുത്തിയിട്ടുള്ളത്; വിശദമാക്കുമോ;

നിലവില്‍ ഈ രംഗത്ത് നിക്ഷേപസമാഹരണം നടത്താന്‍ കഴിഞ്ഞിട്ടുണ്ടോ; വ്യക്തമാക്കുമോ;

ഇലക്ട്രിക് വാഹന നയത്തിനനുസൃതമായി സുരക്ഷിത നിക്ഷേപത്തിനും വ്യവസായ സഹകരണത്തിനുമായി നടപ്പാക്കിയിട്ടുള്ള നിക്ഷേപക സൗഹൃദ പരിപാടികള്‍ വിശദീകരിക്കുമോ?

സംസ്ഥാനത്തിന്റെ സാമ്പത്തിക അച്ചടക്കത്തിന്റെ സുപ്രധാന സൂചികയായ ധനക്കമ്മി - ജി.എസ്.ഡി.പി. അനുപാതം 2023-24-ലെ 2.99 ശതമാനത്തിൽ നിന്നും 2024-25 (ആർ.ഇ.)-ൽ 3.51 ശതമാനമായി ഉയർന്നിട്ടുണ്ടോ; വിശദമാക്കുമോ;

എഫ്.ആർ.ബി.എം. നിയമപ്രകാരം ധനക്കമ്മി - ജി.എസ്.ഡി.പി. അനുപാതം മൂന്ന് ശതമാനത്തിൽ താഴെ കൊണ്ടുവരാൻ സംസ്ഥാനം നടപടികൾ സ്വീകരിക്കണമെന്നിരിക്കെ ധനക്കമ്മി മുൻവർഷത്തെ അപേക്ഷിച്ച് വർദ്ധിക്കാനുണ്ടായ കാരണം പരിശോധിച്ചിട്ടുണ്ടോ; എങ്കിൽ വിശദമാക്കാമോ;

സംസ്ഥാനത്തിന്റെ ധനക്കമ്മി കുറച്ചു കൊണ്ടുവരാൻ സ്വീകരിക്കുന്ന നടപടികൾ എന്തൊക്കെയാണെന്ന് വ്യക്തമാക്കാമോ?

വാണിജ്യാടിസ്ഥാനത്തില്‍ പുനഃസംഘടിപ്പിച്ച ശേഷമുളള വിഴിഞ്ഞം അന്താരാഷ്ട്ര തുറമുഖത്തിന്റെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

വിഴിഞ്ഞം തുറമുഖത്ത് ആകെ കെെകാര്യം ചെയ്ത ചരക്ക് സംബന്ധിച്ച വിവരങ്ങള്‍ ലഭ്യമാക്കുമോ;

ട്രയല്‍ റണ്‍ ആരംഭിച്ച ശേഷവും വാണിജ്യാടിസ്ഥാനത്തില്‍ പ്രവര്‍ത്തനം ആരംഭിച്ച ശേഷവും തുറമുഖത്തിന്റെ ഉല്‍പ്പാദനക്ഷമത ഉയര്‍ത്തുന്നതിന് കഴിഞ്ഞിട്ടുണ്ടോയെന്ന് വിശദമാക്കാമോ;

കെെകാര്യം ചെയ്ത കണ്ടെയ്നറുകളുടെ എണ്ണത്തില്‍ തെക്ക്-കിഴക്ക് മേഖലകളില്‍ ഒന്നാമതെത്തുവാന്‍ വിഴിഞ്ഞം അന്താരാഷ്ട്ര തുറമുഖത്തിന് കഴിഞ്ഞിട്ടുണ്ടോ; വിശദീകരിക്കുമോ?

വെെദ്യുതി മേഖലയിൽ സര്‍ക്കാര്‍ നടത്തിയിട്ടുള്ള പരിഷ്ക്കാരങ്ങളുടെ ഫലമായി കെ.എസ്.ഇ.ബി-യ്ക്ക് പവര്‍ ഫിനാന്‍സ് കോര്‍പ്പറേഷന്‍ റാങ്കിംഗില്‍ നേട്ടമുണ്ടാക്കുവാന്‍ കഴിഞ്ഞിട്ടുണ്ടോ; വിശദാംശം നല്‍കുമോ;

സാമ്പത്തിക സുസ്ഥിരത വിഭാഗത്തിൽ കെ.എസ്.ഇ.ബി.യുടെ റാങ്കിംഗ് എത്രയാണ്; ഈയിനത്തില്‍ നേട്ടമുണ്ടാക്കുവാന്‍ കഴിയാത്തതിനുള്ള കാരണമെന്താണ്; വിശദമാക്കുമോ;

വെെദ്യുതി വിതരണം ഏറ്റെടുത്ത സര്‍ക്കാര്‍ വകുപ്പുകളുടെ വിഭാഗത്തില്‍ പ്രസ്തുത റാങ്കിംഗില്‍ സംസ്ഥാനത്തിനുണ്ടായ നേട്ടത്തെക്കുറിച്ചുള്ള വിവരങ്ങൾ അറിയിക്കുമോ;

ഇതുമായി ബന്ധപ്പെട്ട് സര്‍ക്കാര്‍ നടത്തിയിട്ടുള്ള പ്രവര്‍ത്തനങ്ങള്‍ എന്തൊക്കെയെന്ന് വ്യക്തമാക്കാമോ?

സംസ്ഥാനത്ത് വേനല്‍ചൂട് വര്‍ദ്ധിക്കുന്നതോടൊപ്പം വെെദ്യുതി ഉപഭോഗവും വര്‍ദ്ധിക്കുന്നത് കണക്കിലെടുത്ത് തടസ്സമില്ലാതെ വെെദ്യുതി വിതരണം സാധ്യമാക്കുന്നതിനായി എന്തെല്ലാം പ്രവര്‍ത്തനങ്ങളാണ് നടത്തുന്നതെന്ന് വിശദമാക്കുമോ;

കഴിഞ്ഞ വേനല്‍ക്കാലത്തെ വെെദ്യുതി ഉപഭോഗം എത്ര യൂണിറ്റായിരുന്നുവെന്ന് അറിയിക്കുമോ; ഈ വേനല്‍ക്കാലത്ത് ഇത് എത്രയായി ഉയരുമെന്നാണ് കണക്കാക്കിയിട്ടുള്ളതെന്ന് വ്യക്തമാക്കുമോ;

വേനല്‍ക്കാലത്തെ വൈദ്യുതി ഉപഭോഗം പരിഗണിച്ച് അധിക വെെദ്യുതി നല്‍കണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ; കേന്ദ്രത്തില്‍ നിന്നും അധിക വെെദ്യുതി ലഭിക്കുമോ; വ്യക്തമാക്കുമോ;

കേന്ദ്രത്തില്‍ നിന്നും ആവശ്യമുള്ള വെെദ്യുതി ലഭിക്കാതെ വന്നാല്‍ സംസ്ഥാനത്തെ വെെദ്യുതി ആവശ്യകത നിറവേറ്റുന്നതിനായി എന്തൊക്കെ ക്രമീകരണങ്ങള്‍ ഏര്‍പ്പെടുത്തിയിട്ടുണ്ട്; വിശദമാക്കുമോ?