പട്ടിണി മരണം ഉണ്ടാവാൻ പാടില്ലെന്ന കാഴ്ചപ്പാടോടെ, അതിദരിദ്രര്‍ക്ക് റേഷന്‍ സാധനങ്ങള്‍ എത്തിക്കുന്നതിനുള്ള നടപടികൾ സ്വീകരിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; അറിയിക്കാമോ;

സഞ്ചരിക്കുന്ന റേഷൻകട പദ്ധതി മുഖേന സംസ്ഥാനത്തെ ആദിവാസി മേഖലകൾ, ലേബർ സെറ്റിൽമെന്റുകൾ എന്നിവിടങ്ങളിൽ റേഷൻ എത്തിക്കുന്നതിന് നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

ആദിവാസി, ഗോത്രവർഗ്ഗ മേഖലകളിൽ ഉൾപ്പെടെ പൊതുവിതരണ ശൃംഖലയിലെ കരിഞ്ചന്ത, പൂഴ്‍ത്തിവയ്പ്, തിരിമറി എന്നിവ തടയുന്നതിനായി ശക്തമായ ഒരു പരിശോധനാ സംവിധാനം പ്രവർത്തിക്കുന്നുണ്ടോ; വിശദമാക്കാമോ;

വനമേഖലയിലെ അപകട സാഹചര്യത്തിലും പ്രതികൂല കാലാവസ്ഥയിലും ആദിവാസി ഊരുകളിൽ ജീവനക്കാർ നേരിട്ടെത്തി കാര്യക്ഷമമായ റേഷൻ വിതരണം നടത്തിവരുന്നുണ്ടോ; വിശദമാക്കാമോ?

പാലക്കാട് ജില്ലയിലെ എലപ്പുളളിയില്‍ ബ്രൂവറി ആരംഭിക്കുന്നതുമായി ബന്ധപ്പെട്ടുണ്ടായിട്ടുളള വിവാദങ്ങളുടെ പശ്ചാത്തലത്തില്‍ ഇതു സംബന്ധിച്ച് അവലോകനം നടത്തിയിട്ടുണ്ടോ;

പ്രസ്തുത സംരംഭം കുടിവെളളപ്രശ്നം ഉണ്ടാക്കുമെന്ന പ്രചാരണത്തിന്റെ വസ്തുതകള്‍ പരിശോധിച്ചിട്ടുണ്ടോ; വിശദമാക്കുമോ;

പ്രസ്തുത ബ്രൂവറിയിലേയ്ക്ക് ആവശ്യമായ ജലം എവിടെ നിന്ന് ലഭ്യമാക്കാനാണ് നിശ്ചയിച്ചിട്ടുള്ളതെന്ന് വ്യക്തമാക്കുമോ;

സംസ്ഥാനത്തേയ്ക്ക് പ്രതിവര്‍ഷം എത്തുന്ന സ്പിരിറ്റ് ഏതെല്ലാം സംസ്ഥാനങ്ങളില്‍ നിന്നുളളവയാണെന്നും സ്പിരിറ്റിന്റെ അളവ് എത്രയാണെന്നും വ്യക്തമാക്കാമോ;

ഇതര സംസ്ഥാനങ്ങളിൽ നിന്ന് സ്പിരിറ്റ് കൊണ്ടുവരുന്നതിലൂടെ ഉണ്ടാകുന്ന ജി.എസ്.ടി. നഷ്ടം എത്രയാണെന്ന് അറിയിക്കാമോ;

സംസ്ഥാനത്ത് ബ്രൂവറി ആരംഭിക്കുന്നതിനുള്ള ഒയാസിസ് കമ്പനിയുടെ അപേക്ഷ എക്സെെസ് സര്‍ക്കിള്‍ ഇന്‍സ്പെക്ടര്‍ക്ക് ലഭിച്ചതെന്നാണെന്നും പ്രാരംഭ അനുമതി നല്‍കിയതെന്നാണെന്നും അറിയിക്കാമോ?

ക്യാന്‍സര്‍ രോഗം പ്രാരംഭത്തിലേ കണ്ടെത്തി വിദഗ്ദ്ധ ചികിത്സ ഉറപ്പാക്കുന്നതിനായി നടത്തിവരുന്ന നിരന്തരമായ സ്ക്രീനിങ്ങിന്റെ ഫലമായി രോഗലക്ഷണമുള്ള കൂടുതല്‍പേരെ കണ്ടെത്തിയിട്ടുണ്ടോ; വ്യക്തമാക്കുമോ;

പ്രസ്തുത സാഹചര്യം കണക്കിലെടുത്ത് കൂടുതല്‍ സര്‍ക്കാര്‍ ആശുപത്രികളിലേയ്ക്ക് ചികിത്സാ സൗകര്യങ്ങള്‍ വ്യാപിപ്പിക്കാന്‍ തീരുമാനിച്ചിട്ടുണ്ടോ; വിശദമാക്കുമോ;

ഈ സര്‍ക്കാര്‍ തിരുവനന്തപുരം റീജിയണല്‍ ക്യാന്‍സര്‍ സെന്ററിലും തലശ്ശേരി മലബാര്‍ ക്യാന്‍സര്‍ സെന്ററിലും എന്തെല്ലാം നൂതന ചികിത്സാ സംവിധാനങ്ങളാണ് ആരംഭിച്ചിട്ടുള്ളതെന്ന് അറിയിക്കുമോ;

കിഫ്ബി ഫണ്ട് ഉപയോഗിച്ച് മലബാര്‍ ക്യാന്‍സര്‍ സെന്ററിനെ പോസ്റ്റ് ഗ്രാജ്വേറ്റ് ഇന്‍സ്റ്റിറ്റ്യൂട്ട് ഓഫ് ഓങ്കോളജി സയന്‍സ് ആന്റ് റിസര്‍ച്ച് ആയി ഉയര്‍ത്തുന്ന നടപടികള്‍ക്ക് തുടക്കം കുറിക്കാന്‍ കഴിഞ്ഞിട്ടുണ്ടോ; വിശദമാക്കുമോ?

കോട്ടയം നഴ്സിംഗ് കോളേജിൽ കുട്ടികളുടെ ശരീരത്തിൽ കോമ്പസ് കൊണ്ട് കുത്തി മുറിവുണ്ടാക്കിയശേഷം മുറിവിൽ ബോഡി ലോഷൻ ഒഴിച്ചതടക്കം നടത്തിയ ക്രൂരമായ റാഗിങ് ഗൗരവമായി കാണുന്നുണ്ടോ; അറിയിക്കുമോ;

കോളേജ് ഹോസ്റ്റലിൽ റാഗിങ് തടയുന്നതിലും കുറ്റക്കാര്‍ക്കെതിരെ നടപടി സ്വീകരിക്കുന്നതിലും കോളേജ് അധികൃതർക്ക് വീഴ്ച പറ്റിയിട്ടുണ്ടോ; വ്യക്തമാക്കുമോ;

പ്രസ്തുത സംഭവത്തിൽ സർക്കാർ സ്വീകരിച്ച നടപടികൾ വിശദമാക്കുമോ?

പാലക്കാട് ജില്ലയിലെ കഞ്ചിക്കോട് ആസ്ഥാനമായി ഒയാസിസ് കമ്പനിക്ക് മദ്യനിര്‍മാണ യൂണിറ്റ് തുടങ്ങാന്‍ പ്രാരംഭ അനുമതി നല്‍കിക്കൊണ്ടുള്ള 2025 ജനുവരി 16-ലെ ഉത്തരവിൽ പ്രോജക്റ്റിന് ആവശ്യമായ ജലം നല്‍കുന്നതിന് കേരള വാട്ടര്‍ അതോറിറ്റി അനുമതി നല്‍കിയിട്ടുണ്ടെന്ന് എക്‌സൈസ് കമ്മീഷണര്‍ റിപ്പോര്‍ട്ട് ചെയ്തതായി പരാമര്‍ശിച്ചിട്ടുണ്ടോ; വിശദമാക്കുമോ;

എങ്കിൽ ഏതൊക്കെ രേഖകളുടെ അടിസ്ഥാനത്തിലാണ് പദ്ധതിക്ക് ആവശ്യമായ ജലം നൽകാൻ വാട്ടര്‍ അതോറിറ്റി തയ്യാറാണെന്ന് റിപ്പോർട്ട് ചെയ്തതെന്ന് അറിയിക്കുമോ;

പ്രസ്തുത കമ്പനിക്ക് ജലം നൽകാൻ വാട്ടര്‍ അതോറിറ്റി തയ്യാറാണെന്ന് രേഖപ്പടുത്തിയ കരാർ/അനുമതി രേഖകൾ എക്‌സൈസ് വകുപ്പിന് കമ്പനി സമർപ്പിച്ചിരുന്നോ; വ്യക്തമാക്കുമോ?

സംസ്ഥാനത്തെ ആശാ വർക്കർമാരുടെ ഓണറേറിയം തുകയിൽ മാനദണ്ഡങ്ങളുടെ അടിസ്ഥാനത്തിൽ വെട്ടിക്കുറവ് വരുത്തുന്നു എന്ന ആക്ഷേപം ഗൗരവപൂര്‍വ്വം പരിശോധിച്ചിട്ടുണ്ടോ; എങ്കിൽ ഇത് പരിഹരിക്കാൻ നടപടികൾ സ്വീകരിക്കുമോ;

ആശാ വർക്കർമാരുടെ ആനുകൂല്യങ്ങൾ നൽകുന്നതിൽ കാലതാമസം ഉണ്ടാകുന്നതിനുള്ള കാരണം വിശദമാക്കാമോ;

മിനിമം ദിവസവേതനമായി നിശ്ചയിട്ടുള്ള 700 രൂപ പോലും ആശാ വര്‍ക്കര്‍മാർക്ക് നൽകാൻ തയ്യാറാകാത്തതിന്റെ കാരണം വിശദമാക്കാമോ?

സംസ്ഥാനത്തേക്ക് ചെക്ക്‌പോസ്റ്റുകൾ വഴിയടക്കം ലഹരി പദാർത്ഥങ്ങൾ വ്യാപകമായി കടത്തിക്കൊണ്ടുവരുന്നതായി ശ്രദ്ധയിൽപ്പെട്ടിട്ടുണ്ടോ;

ഇതര സംസ്ഥാനങ്ങളിൽ നിന്നുള്ള ലഹരി കടത്ത് തടയാൻ സ്വീകരിച്ച നടപടികൾ വ്യക്തമാക്കുമോ;

സംസ്ഥാനത്ത് എം.ഡി.എം.എ. അടക്കമുള്ള സിന്തെറ്റിക് ലഹരിയുടെ വ്യാപനം തടയാൻ ആവിഷ്കരിച്ച കർമ്മപദ്ധതികൾ വിശദമാക്കാമോ?

സൈബർ കുറ്റകൃത്യങ്ങൾ നേരിടാനുള്ള സര്‍ക്കാര്‍ സംവിധാനങ്ങൾ കാലോചിതമായി പരിഷ്കരിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

സംസ്ഥാനത്തിന്റെ വിവിധ ഭാഗങ്ങളിലായി സമീപകാലത്ത് ഒട്ടേറെപ്പേർ വെർച്വൽ അറസ്റ്റ് എന്ന പേരിലെ സൈബർ തട്ടിപ്പിന് വിധേയരായിട്ടുണ്ടോ; വിദ്യാസമ്പന്നരും പ്രമുഖ വ്യക്തികളും ഇത്തരം തട്ടിപ്പിന് ഇരയാകുന്നുണ്ടോ; അറിയിക്കുമോ;

സാമ്പത്തിക കുറ്റകൃത്യങ്ങൾക്ക് സൈബർ ഇടങ്ങൾ കൂടുതലായി ഉപയോഗിക്കപ്പെടുന്ന നിലവിലെ സാഹചര്യം കണക്കിലെടുത്ത് സൈബർ സാമ്പത്തിക കുറ്റകൃത്യങ്ങൾ പ്രത്യേകമായി പരിശോധിച്ച് കൂടുതല്‍ കരുതല്‍ നടപടികൾ സ്വീകരിച്ചിട്ടുണ്ടോ; വിശദമാക്കാമോ;

സൈബര്‍ ഇടങ്ങളില്‍ സ്ത്രീകളും കുട്ടികളും കൂടുതലായി ഇരയാക്കപ്പെടുന്ന സാഹചര്യം കണക്കിലെടുത്ത് സ്ത്രീകളുടെയും കുട്ടികളുടെയും സുരക്ഷ ഉറപ്പാക്കുന്നതിന് മുന്‍ഗണന നല്‍കി സൈബർ സുരക്ഷാ നടപടികള്‍ സ്വീകരിച്ചിട്ടുണ്ടോ; ഇക്കാര്യത്തിൽ കൂടുതൽ കരുതൽ നടപടികൾ പരിഗണനയിലുണ്ടോ; വിശദമാക്കുമോ?

ബ്രഹ്മപുരത്ത് പതിറ്റാണ്ടുകളായി കുന്നുകൂടി കിടക്കുന്ന മാലിന്യങ്ങള്‍ ബയോമെെനിങ്ങിലൂടെ നീക്കം ചെയ്യുന്ന പ്രവൃത്തിയുടെ പുരോഗതി വ്യക്തമാക്കുമോ;

മാലിന്യമുക്ത നവകേരളത്തിന്റെ യാഥാര്‍ത്ഥ്യത്തിലേയ്ക്ക് ബ്രഹ്മപുരത്തെ എത്തിക്കുന്നതിനായി നടത്തിവരുന്ന പ്രവര്‍ത്തനങ്ങള്‍ വിശദീകരിക്കാമോ;

മാലിന്യം നീക്കം ചെയ്ത സ്ഥലത്ത് നടന്നുവരുന്ന സി.ബി.ജി. പ്ലാന്റിന്റെ നിര്‍മ്മാണ പുരോഗതി അവലോകനം ചെയ്തിട്ടുണ്ടോ; എങ്കില്‍ വ്യക്തമാക്കുമോ;

പ്രസ്തുത സ്ഥലത്തെ ബയോമെെനിങ് പൂര്‍ത്തിയാകുന്നതോടെ മാസ്റ്റര്‍ പ്ലാന്‍ അനുസരിച്ച് എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് വെളിപ്പെടുത്തുമോ?

അവയവദാനവുമായി ബന്ധപ്പെട്ട മൃതസഞ്ജീവനി, കെ-സോട്ടോ എന്നിവയുടെ പ്രവർത്തനങ്ങളില്‍ ക്രമക്കേടുകൾ നടക്കുന്നതായി പരാതിയുണ്ടായിട്ടുണ്ടോ; വ്യക്തമാക്കാമോ;

ഇക്കാര്യത്തിൽ കേന്ദ്രസർക്കാരിൽ നിന്നും നിർദ്ദേശങ്ങൾ ലഭിച്ചിട്ടുണ്ടോ; വ്യക്തമാക്കാമോ;

അവയവദാനവുമായി ബന്ധപ്പെട്ട് സാമ്പത്തിക തിരിമറി ഉൾപ്പെടെയുള്ള ക്രമക്കേടുകൾ അന്വേഷിച്ചിട്ടുണ്ടോ; എങ്കിൽ വിശദാംശം നൽകുമോ?

സംസ്ഥാന വ്യാപകമായി നടന്ന ഓഫര്‍ തട്ടിപ്പ് സംബന്ധിച്ച അന്വേഷണങ്ങള്‍ക്ക് ആധാരമായ തെളിവുകള്‍ പോലീസിന് ലഭിച്ച സാഹചര്യം വ്യക്തമാക്കാമോ;

പകുതി വിലയ്ക്ക് വാഹനം നല്‍കാമെന്ന ഓഫര്‍ സ്വീകരിച്ച് കബളിപ്പിക്കപ്പെട്ടവര്‍ നല്‍കിയ പരാതികളുടെ വിശദാംശം ലഭ്യമാക്കാമോ;

പ്രസ്തുത തട്ടിപ്പുമായി ബന്ധപ്പെട്ട് അന്വേഷണം നടത്തുന്നതിന് പ്രത്യേക അന്വേഷണ സംഘത്തെ നിയോഗിച്ചിട്ടുണ്ടോ; വിശദമാക്കാമോ;

തട്ടിപ്പിന്റെ ആസൂത്രകര്‍, നേരിട്ട് തട്ടിപ്പില്‍ ഇടപെട്ടവര്‍ എന്നിവരില്‍ ആരെയെല്ലാം ഇതിനകം പോലീസ് അറസ്റ്റ് ചെയ്തിട്ടുണ്ടെന്നും എന്തെല്ലാം തുടര്‍നടപടികള്‍ സ്വീകരിച്ചിട്ടുണ്ടെന്നും വെളിപ്പെടുത്താമോ;

പോലീസിന്റെ പ്രാഥമിക നിഗമനത്തില്‍ എത്ര കോടി രൂപയുടെ തട്ടിപ്പ് നടന്നതായാണ് വിലയിരുത്തിയിട്ടുള്ളതെന്ന് അറിയിക്കുമോ;

തട്ടിപ്പിന് ഇടനിലക്കാരായി ഉള്‍പ്പെടുത്തിയിരുന്നത് ഏതെല്ലാം സ്ഥാപനങ്ങളെയും ഏജന്‍സികളെയുമാണെന്ന വിശദാംശം ലഭ്യമാക്കുമോ?

അജൈവ മാലിന്യം ശേഖരിക്കുന്നതിന് നിലവിലെ വ്യവസ്ഥകൾ എന്തെല്ലാമാണ്; വ്യക്തമാക്കുമോ;

അജൈവ മാലിന്യം ശേഖരിക്കുന്നതിന് നിലവില്‍ നിശ്ചയിച്ചിരിക്കുന്ന പ്രതിമാസ നിരക്ക് മാലിന്യത്തിന്റെ തോതനുസരിച്ച് വർദ്ധിപ്പിക്കാൻ അനുമതി നൽകിയിട്ടുണ്ടോയെന്ന് അറിയിക്കുമോ;

മാലിന്യ ശേഖരണത്തിന് ഈടാക്കുന്ന തുക ഏകീകരിക്കാൻ നടപടി സ്വീകരിക്കുമോ; വ്യക്തമാക്കുമോ?

ഇക്കഴിഞ്ഞ ശബരിമല മണ്ഡല മഹോത്സവവുമായി ബന്ധപ്പെട്ട് ശബരിമല സന്നിധാനം, പമ്പ, എരുമേലി, ഇടത്താവളങ്ങൾ, സമീപ ആശുപത്രികൾ എന്നിവിടങ്ങളിൽ മെഡിക്കല്‍ സംഘം നടത്തിയ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

ആരോഗ്യവകുപ്പിന്റെ നിര്‍ദ്ദേശങ്ങള്‍ കുറ്റമറ്റനിലയിലും കാര്യക്ഷമമായും നടത്തുന്നതിനായി സ്വീകരിച്ച മുന്‍കരുതലുകള്‍ എന്തെല്ലാമാണെന്ന് അറിയിക്കാമോ;

പ്രസ്തുത നടപടികളുടെ ഫലമായി ഇക്കാലയളവില്‍ എത്ര തീര്‍ത്ഥാടകരെ ജീവാപായത്തില്‍ നിന്നും രക്ഷപ്പെടുത്താനായിട്ടുണ്ടെന്ന് വ്യക്തമാക്കാമോ;

മെഡിക്കല്‍ സംഘത്തില്‍ എത്ര ജീവനക്കാര്‍ ഉണ്ടായിരുന്നെന്നും അവർ തീര്‍ത്ഥാടകര്‍ക്ക് എന്തെല്ലാം സേവനങ്ങളാണ് നല്‍കി വന്നതെന്നും വിശദമാക്കാമോ?

സംസ്ഥാനത്തെ പ്ലസ് വണ്‍, പ്ലസ് ടു തലത്തിലെ പെണ്‍കുട്ടികള്‍ക്ക് സെര്‍വിക്കല്‍ ക്യാന്‍സറിനെതിരെയുള്ള എച്ച്.പി.വി. വാക്സിനേഷൻ നല്‍കുന്നതിന് തീരുമാനിച്ചിട്ടുണ്ടോ; വിശദാംശം ലഭ്യമാക്കാമോ;

തിരുവനന്തപുരം റീജിയണല്‍ ക്യാന്‍സര്‍ സെന്ററില്‍ അത്യാധുനിക സൗകര്യമുള്ള എം.ആര്‍.ഐ. യൂണിറ്റുകളും, ഡിജിറ്റല്‍ മാമോഗ്രാഫി യൂണിറ്റുകളും സ്ഥാപിച്ചിട്ടുണ്ടോ; വിശദമാക്കുമോ;

കുട്ടികളിലെ കണ്ണിലെ ക്യാന്‍സറിന് മലബാര്‍ ക്യാന്‍സര്‍ സെന്ററില്‍ നൂതന ചികിത്സാ സംവിധാനങ്ങള്‍ ആരംഭിച്ചിട്ടുണ്ടോ; എങ്കില്‍ വിശദമാക്കാമോ;

റെറ്റിനോ ബ്ലാസ്റ്റോമയടക്കമുള്ള ക്യാന്‍സറുകള്‍ക്ക് സമഗ്രമായ ചികിത്സാ സംവിധാനങ്ങള്‍ ആരംഭിച്ചിട്ടുണ്ടോ; പ്രസ്തുത ചികിത്സ സംസ്ഥാനത്ത് വ്യാപകമാക്കുന്നതിന് ആലോചിക്കുന്നുണ്ടോ; വിശദമാക്കുമോ?

പമ്പ, അച്ചൻകോവിൽ നദികളെ തമിഴ്‍നാട്ടിലെ വൈപ്പാർ നദിയുമായി സംയോജിപ്പിക്കുന്നതുമൂലം സംസ്ഥാനത്തുണ്ടാകുന്ന പാരിസ്ഥിതിക പ്രശ്നങ്ങളെക്കുറിച്ച് പഠനം നടത്തിയിട്ടുണ്ടോയെന്ന് വ്യക്തമാക്കാമോ;

പ്രസ്തുത പദ്ധതിയെ സംബന്ധിച്ച സംസ്ഥാനത്തിന്റെ നിലപാട് കേന്ദ്ര സർക്കാരിനെ അറിയിച്ചിട്ടുണ്ടോ; വിശദമാക്കുമോ?

പ്രാഥമികതലത്തിൽ സമ്പൂർണ പാലിയേറ്റീവ് കെയർ എന്ന ആശയം നടപ്പാക്കുന്നതിൽ സംസ്ഥാനം ഏറക്കുറെ വിജയിച്ചിട്ടുണ്ടോ;

ഇക്കാര്യത്തിൽ കൂടുതൽ നടപടികൾ പരിഗണനയിലുണ്ടോയെന്ന് അറിയിക്കുമോ;

പ്രിയപ്പെട്ടവരുടെ മരണത്തെത്തുടർന്ന് ഉടലെടുക്കുന്ന വിയോഗാനുഭവവും വ്യഥയും ഉയര്‍ത്തുന്ന വെല്ലുവിളികള്‍ നേരിടാന്‍ ബെറീവ്മെന്റ് കമ്പാനിയൻഷിപ്‌ പ്രോഗ്രാം സംസ്ഥാനത്ത് ആരംഭിച്ചിട്ടുണ്ടോ; വിശദമാക്കാമോ;

രോഗാവസ്ഥയിലും ജീവിതത്തിന്റെ അവസാനഘട്ടത്തിലും കരുണാർദ്രവും മാന്യവുമായ പരിചരണം മനുഷ്യന്റെ അടിസ്ഥാന അവകാശമാണെന്നിരിക്കെ അവകാശാധിഷ്ഠിത സാന്ത്വന പരിചരണത്തിന്റെ മാതൃകകൾ സൃഷ്ടിക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വെളിപ്പെടുത്തുമോ?

കോവിഡ് കാലത്ത് സാന്‍ ഫാര്‍മ എന്ന സ്ഥാപനത്തിൽ നിന്നുള്‍പ്പെടെ പി.പി.ഇ. കിറ്റ് വാങ്ങിയതിൽ സർക്കാരിന് കോടികളുടെ നഷ്ടം സംഭവിച്ചുവെന്ന സി.എ.ജി. റിപ്പോർട്ടിലെ പരാമര്‍ശം ഗൗരവ‌ത്തോടെ കാണുന്നുണ്ടോ; അറിയിക്കുമോ;

റിപ്പോർട്ടിലെ ഈ കണ്ടെത്തലുകളുടെ അടിസ്ഥാനത്തിൽ സ്വീകരിച്ച നടപടികൾ വ്യക്തമാക്കാമോ;

പ്രസ്തുത റിപ്പോർട്ടിന്റെ അടിസ്ഥാനത്തിൽ ഏതെങ്കിലും ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടോ; വിശദമാക്കുമോ?

ഈ സര്‍ക്കാര്‍ ആരോഗ്യമേഖലയിലെ വളര്‍ച്ചയ്ക്കും സുരക്ഷയ്ക്കുമായി എത്ര നിയമ നിര്‍മ്മാണങ്ങളാണ് നടത്തിയിട്ടുളളതെന്ന് വ്യക്തമാക്കുമോ;

സംസ്ഥാനത്ത് ആരോഗ്യ പ്രവര്‍ത്തകരുടെ സുരക്ഷയ്ക്കായുളള കോഡ് ഗ്രേ പ്രോട്ടോക്കോള്‍ യാഥാര്‍ത്ഥ്യമാക്കിയിട്ടുണ്ടോ; മറ്റേതെങ്കിലും സംസ്ഥാനത്ത് പ്രസ്തുത പ്രോട്ടോക്കോള്‍ നടപ്പാക്കിയിട്ടുണ്ടോ; വിശദമാക്കുമോ;

സര്‍ക്കാര്‍ ആശുപത്രികള്‍ പൂര്‍ണ്ണമായും രോഗീ സൗഹൃദമാക്കുന്നതില്‍ ജീവനക്കാര്‍ വഹിക്കുന്ന പങ്ക് പരിശോധിച്ചിട്ടുണ്ടോ;

ആരോഗ്യമേഖലയിലെ ജീവനക്കാരുടെയും അവിടെയെത്തുന്ന രോഗികളുടെയും സുരക്ഷയും സൗകര്യങ്ങളും ഉറപ്പാക്കുന്ന തരത്തില്‍ സൗഹൃദാന്തരീക്ഷം രൂപപ്പെടുത്തുന്നതിനായി നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ?

ജീവിത ശൈലീ രോഗ നിര്‍ണ്ണയത്തിനായി നടത്തിയ അല്‍പ്പം ശ്രദ്ധ ആരോഗ്യം ഉറപ്പ് ക്യാമ്പയിന്‍ എത്രമാത്രം വിജയകരമായിരുന്നുവെന്ന് വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

ആര്‍ദ്രം പദ്ധതിയുടെ ഭാഗമായി ആരോഗ്യപ്രവര്‍ത്തകര്‍ വീടുകളിലെത്തി നടത്തിയ സ്ക്രീനിംഗ് സംബന്ധിച്ച വിശദാംശം ലഭ്യമാക്കുമോ; ഒന്നാംഘട്ടത്തില്‍ എത്രപേരെ സ്ക്രീനിംഗിന് വിധേയരാക്കാന്‍ കഴിഞ്ഞിട്ടുണ്ടെന്ന് അറിയിക്കുമോ; വിശദമാക്കുമോ;

ആര്‍ദ്രം ജീവിതശൈലീ രോഗനിര്‍ണ്ണയ ജനകീയ പ്രവര്‍ത്തനങ്ങളുടെ രണ്ടാംഘട്ടം ആരംഭിച്ചിട്ടുണ്ടോ; എങ്കില്‍ അതിന്റെ പുരോഗതി വ്യക്തമാക്കാമോ;

സ്ക്രീനിംഗില്‍ രോഗലക്ഷണങ്ങള്‍ കണ്ടെത്തിയവർക്ക് എന്തെല്ലാം മാര്‍ഗ്ഗ നിര്‍ദ്ദേശങ്ങള്‍ നല്‍കിയെന്നും തുടര്‍നടപടികള്‍ സ്വീകരിച്ചുവരുന്നുവെന്നും അറിയിക്കാമോ?

സംസ്ഥാനത്തെ ആശാ വർക്കർമാരുടെ ആനുകൂല്യങ്ങൾ കുടിശികയാകാനുള്ള കാരണം വിശദമാക്കാമോ;

ആശാ വർക്കർമാരുടെ ആനുകൂല്യങ്ങൾ സമയബന്ധിതമായി നൽകാൻ നടപടി സ്വീകരിക്കുമോ;

മാസത്തില്‍ എല്ലാ ദിവസവും രാപ്പകല്‍ ഭേദമന്യേ ജോലി ചെയ്യുന്ന ആശാവര്‍ക്കര്‍മാരുടെ ഓണറേറിയം ഇരുപത്തൊന്നായിരം രൂപയാക്കി വര്‍ധിപ്പിക്കാൻ നടപടി സ്വീകരിക്കുമോ?

പാലക്കാട് ജില്ലയിലെ കഞ്ചിക്കോട് ആസ്ഥാനമായി മദ്യനിര്‍മാണ യൂണിറ്റ് തുടങ്ങാന്‍ ഒയാസിസ് കമ്പനിക്ക് അനുമതി നൽകിയിട്ടുണ്ടോയെന്ന് വ്യക്തമാക്കുമോ;

എങ്കിൽ അനുമതി നൽകാനുള്ള കാരണം വിശദമാക്കാമോ;

മദ്യ നിര്‍മാണ യൂണിറ്റ് ആരംഭിക്കുന്നതിനായി പ്രസ്തുത കമ്പനിയെ എപ്രകാരമാണ് തിരഞ്ഞെടുത്തതെന്നും മാനദണ്ഡം എന്താണെന്നും അറിയിക്കുമോ?

ഈ സര്‍ക്കാരിന്റെ കാലത്ത് സ്റ്റുഡന്റ് പോലീസ് കേഡറ്റ് പദ്ധതി കാര്യക്ഷമമാക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമാണെന്ന് അറിയിക്കുമോ;

സംസ്ഥാനത്ത് എത്ര സ്കൂളുകളിലാണ് പ്രസ്തുത പദ്ധതി നിലവിലുളളതെന്നും ഇത് വ്യാപിപ്പിക്കുന്നത് പരിഗണനയിലുണ്ടോയെന്നും വെളിപ്പെടുത്തുമോ;

വിദ്യാര്‍ത്ഥികളില്‍ മദ്യ-മയക്കുമരുന്ന് ഉപയോഗം തടയുന്നതിനും അക്രമവാസനകള്‍ നിരുത്സാഹപ്പെടുത്തുന്നതിനും പോലീസുമായി ചേര്‍ന്ന് സ്റ്റുഡന്റ് പോലീസ് കേഡറ്റ് നടത്തിവരുന്ന പ്രവര്‍ത്തനങ്ങള്‍ അഭിനന്ദനാര്‍ഹമാണോ എന്ന് വ്യക്തമാക്കുമോ;

സര്‍ക്കാര്‍-എയ്ഡഡ് ഹയര്‍ സെക്കന്‍ഡറി സ്കൂളുകളിൽ സ്റ്റുഡന്റ് പോലീസ് സംവിധാനം ഏര്‍പ്പെടുത്തുന്നത് പരിഗണിക്കുമോ?

സംസ്ഥാനത്ത് ആദ്യമായി എല്ലാ തദ്ദേശ സ്വയംഭരണ സ്ഥാപനങ്ങളുടെയും ഭരണ സമിതികള്‍ ഒരേ ദിവസം ഒരേ സമയം യോഗം ചേര്‍ന്ന് നാട് അഭിമുഖീകരിക്കുന്ന പ്രധാനപ്പെട്ട വിഷയങ്ങളില്‍ തീരുമാനം കെെക്കൊണ്ടി‌ട്ടുണ്ടോയെന്ന് വ്യക്തമാക്കുമോ;

എങ്കില്‍ അവ ഏതെല്ലാം പദ്ധതികളാണെന്നും അവ ഓരോന്നും ഏറ്റെടുത്ത് സമയബന്ധിതമായി നടപ്പാക്കുന്നതിന് എന്തെല്ലാം തുടര്‍നടപടികള്‍ സ്വീകരിച്ചെന്നും വ്യക്തമാക്കുമോ;

പ്രസ്തുത നടപടികളുടെ ഭാഗമായി തദ്ദേശ സ്വയംഭരണ സ്ഥാപനങ്ങളില്‍ എന്തെല്ലാം പദ്ധതികള്‍ പൂര്‍ത്തീകരിക്കാന്‍ സാധിച്ചിട്ടുണ്ട്; വിശദമാക്കുമോ?

കോട്ടയം നഴ്‍സിംഗ് കോളേജിൽ അതിക്രൂരമായി റാഗിംഗ്‌ നടന്നത് ഗൗരവപൂര്‍വ്വം കാണുന്നുണ്ടോ; അറിയിക്കുമോ;

കോട്ടയം നഴ്‍സിംഗ് കോളേജിൽ റാഗിംഗ്‌ നടത്തിയ പ്രതികൾ മുമ്പ് സമാനമായ കുറ്റകൃത്യങ്ങളിൽ ഏർപ്പെട്ടിരുന്നോ എന്ന് വ്യക്തമാക്കുമോ;

റാഗിംഗിനെ തുടർന്ന് പ്രിൻസിപ്പൽ പുറത്താക്കിയ മൂന്ന് വിദ്യാർത്ഥികളെ നഴ്‍സിംഗ് കൗൺസിൽ അംഗങ്ങളുടെ റിപ്പോർട്ടിനെ തുടർന്ന് തിരികെ പ്രവേശിപ്പിച്ചിരുന്നോ; എങ്കിൽ ഇതിന്റെ കാരണം വിശദമാക്കുമോ?

സംസ്ഥാനത്ത് മദ്യ നിർമ്മാണ യൂണിറ്റ് അനുവദിക്കാനുള്ള തീരുമാനം മദ്യനയത്തിൽ ഉൾപ്പെടുത്തിയത് എന്നാണെന്ന് അറിയിക്കുമോ;

പാലക്കാട് ജില്ലയിലെ കഞ്ചിക്കോട് ആസ്ഥാനമായി മദ്യനിര്‍മാണ യൂണിറ്റ് തുടങ്ങാന്‍ ഒയാസിസ് കമ്പനിയെ സർക്കാർ ക്ഷണിച്ചതാണെന്ന് കമ്പനി ജല അതോറിറ്റിക്ക് നൽകിയ കത്തിൽ പരാമർശിച്ചത് എക്സൈസ് വകുപ്പിന്റെ ശ്രദ്ധയിൽപ്പെട്ടിട്ടുണ്ടോ;

എങ്കിൽ മദ്യ നിര്‍മാണ യൂണിറ്റ് തുടങ്ങാന്‍ പ്രസ്തുത കമ്പനിയെ ക്ഷണിച്ചത് എന്നാണെന്ന് വ്യക്തമാക്കുമോ?

കുടുംബശ്രീയെ കാലോചിതമായി നവീകരിക്കുന്നതിന് നടപ്പിലാക്കിവരുന്ന പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

കുടുംബശ്രീയുടെ പ്രവർത്തനങ്ങൾ പഠിക്കുന്നതിനും മാതൃകയാക്കുന്നതിനുമായി വിവിധ സംസ്ഥാനങ്ങളിൽ നിന്നും വിദേശരാജ്യങ്ങളിൽ നിന്നും എത്തിയ സംഘങ്ങളെ സംബന്ധിച്ച് വിശദീകരിക്കുമോ;

സംസ്ഥാനത്ത് നിലവിൽ സി.ഡി.എസ്., എ.ഡി.എസ്. അയൽകൂട്ടങ്ങൾ എന്നിവ എത്രയെണ്ണം വീതമുണ്ടെന്ന് അറിയിക്കാമോ;

2021-ന് ശേഷം അയൽകൂട്ടങ്ങളിൽ എത്ര വർദ്ധനവുണ്ടായിട്ടുണ്ടെന്നും അവയിൽ വൈവിധ്യമാർന്ന അയൽകൂട്ടങ്ങൾ സംഘടിപ്പിക്കുന്നതിൽ കൈവരിച്ച നേട്ടങ്ങൾ എന്തെല്ലാമെന്നും വ്യക്തമാക്കുമോ?

തിരുവനന്തപുരം ടെക്നോപാർക്കിൽ 2016 മുതൽ നടന്നുവരുന്ന വികസന പ്രവർത്തനങ്ങൾ വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

ടെക്നോപാർക്കിൽ എത്ര കമ്പനികള്‍ പ്രവർത്തിക്കുന്നുണ്ടെന്നും അവിടങ്ങളിലായി എത്ര പേർ തൊഴിൽ ചെയ്യുന്നുണ്ടെന്നും അറിയിക്കുമോ;

പ്രസ്തുത പാർക്കിന്റെ വികസനത്തിനായി എത്ര ഏക്കർ സ്ഥലം ലഭ്യമാക്കിയിരുന്നുവെന്നും അതിൽ ഓരോ ഘട്ടത്തിന്റെയും വികസനത്തിനായി എത്ര ഏക്കർ വീതം നീക്കി വച്ചിട്ടുണ്ടെന്നും വെളിപ്പെടുത്തുമോ;

നിർമ്മിത ബുദ്ധി, ബ്ലോക്ക് ചെയിൻ, മെഷീൻ ലേണിംഗ് മേഖലകളിൽ പ്രവർത്തിക്കുന്ന കമ്പനികൾ ആഗോളതലത്തിൽ വ്യാപിപ്പിക്കാൻ തയ്യാറെടുക്കുന്ന സാഹചര്യം പ്രയോജനപ്പെടുത്താൻ എന്തെല്ലാം നടപടികളാണ് ടെക്നോപാർക്കിൽ സ്വീകരിക്കാനുദ്ദേശിക്കുന്നത്; വിശദമാക്കുമോ?

സംസ്ഥാനത്തെ ആരോഗ്യ വിദ്യാഭ്യാസ വകുപ്പിന്റെ കീഴിലുള്ള കോളേജുകളിൽ റാഗിങ് തടയാൻ സ്വീകരിച്ച നടപടികൾ വിശദമാക്കാമോ;

പൂക്കോട് വെറ്റിനറി കോളേജിൽ സിദ്ധാർത്ഥൻ എന്ന വിദ്യാർത്ഥി റാഗിങ്ങിനെ തുടർന്ന് മരണപ്പെട്ട സംഭവത്തിനു ശേഷം ആരോഗ്യ വിദ്യാഭ്യാസ വകുപ്പിന്റെ കീഴിലുള്ള കോളേജുകളിൽ റാഗിങ് തടയാൻ സ്വീകരിച്ച നടപടികൾ വിശദമാക്കാമോ;

കോട്ടയം നഴ്‍സിംഗ് കോളേജിൽ നിരവധി റാഗിങ് പരാതികൾ ഉയർന്ന സാഹചര്യത്തിൽ ആരോഗ്യ വിദ്യാഭ്യാസ വകുപ്പിന്റെ കീഴിലുള്ള കോളേജുകളിൽ റാഗിങ് തടയാൻ പുതുതായി എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ?

പോലീസ് സേനയെ ശാക്തീകരിക്കുന്നതിന്റെ ഭാഗമായി അടിസ്ഥാന സൗകര്യ വിപുലീകരണത്തോടൊപ്പം ആധുനിക സാങ്കേതിക വിദ്യകളുടെയും നൂതനോപകരണങ്ങളുടെയും പ്രയോഗം പ്രാവര്‍ത്തികമാക്കിയിട്ടുണ്ടോ; പോലീസ് സ്റ്റേഷനുകള്‍ക്കെല്ലാം സ്വന്തം കെട്ടിടം എന്ന ലക്ഷ്യം കൈവരിച്ചിട്ടുണ്ടോ; അറിയിക്കുമോ;

ക്രമസമാധാനപാലനവും കുറ്റാന്വേഷണവും വേര്‍തിരിച്ചത് പോലീസ് സേനയുടെ പ്രവര്‍ത്തന മികവ് വര്‍ദ്ധിപ്പിക്കാന്‍ സഹായകമായിട്ടുണ്ടോയെന്ന് അറിയിക്കാമോ;

സാമ്പത്തിക കുറ്റകൃത്യങ്ങള്‍ വര്‍ദ്ധിച്ചുവരുന്നതായി പറയപ്പെടുന്ന പശ്ചാത്തലത്തില്‍ സാമ്പത്തിക കുറ്റകൃത്യാന്വേഷണ വിഭാഗം പ്രത്യേകമായി രൂപീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് ജലജന്യരോഗങ്ങൾ വർദ്ധിച്ചുവരുന്നതായി വിലയിരുത്തിയിട്ടുണ്ടോ; വ്യക്തമാക്കുമോ;

വയറിളക്കം, ടൈഫോയ്ഡ്,​ ​കോളറ എന്നീ രോഗങ്ങൾ വർദ്ധിച്ചു വരുന്നത് തടയാൻ സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്നു വിശദമാക്കുമോ;

ഭക്ഷണത്തിനും പാനീയങ്ങൾക്കുമായി ഉപയോഗിക്കുന്ന ജലം മലിനമല്ലെന്ന് ഉറപ്പാക്കാൻ നടപടി സ്വീകരിക്കുമോ?