സംസ്ഥാനത്ത് സ്കൂൾ വിദ്യാഭ്യാസ ഏകീകരണം പൂർണ്ണമായും നടപ്പിലാക്കിയിട്ടുണ്ടോയെന്ന് വിശദമാക്കാമോ;

സ്കൂൾ വിദ്യാഭ്യാസ ഏകീകരണത്തിൽ ഒന്‍പത്, പത്ത്, പതിനൊന്ന്, പന്ത്രണ്ട് ക്ലാസ് എന്ന നിലയിലേക്ക് മാറ്റുമ്പോൾ പതിനൊന്ന്, പന്ത്രണ്ട് ക്ലാസ്സുകളിലേക്ക് പത്താം ക്ലാസില്‍ വിജയിക്കുന്ന എല്ലാ കുട്ടികൾക്കും പ്രവേശനം നൽകുമോ; വ്യക്തമാക്കാമോ;

ഇത്തരത്തിൽ പത്താം ക്ലാസില്‍ വിജയിക്കുന്ന എല്ലാ കുട്ടികൾക്കും പതിനൊന്നാം ക്ലാസിലേക്ക് പ്രവേശനം നൽകുമ്പോൾ അധികമായി ആവശ്യം വരുന്ന അദ്ധ്യാപക തസ്തികകൾ പുതുതായി സൃഷ്ടിക്കുമോയെന്നും പ്രസ്തുത അധിക തസ്തിക എങ്ങനെ ക്രമീകരിക്കുമെന്നും വിശദമാക്കാമോ;

ഇത്തരത്തിൽ അധികമായി ആവശ്യം വരുന്ന അദ്ധ്യാപക തസ്തികകളിൽ അദ്ധ്യാപകരുടെ യോഗ്യതകൾ നിശ്ചയിച്ചിട്ടുണ്ടോയെന്ന് വിശദമാക്കാമോ?

ദേവികുളം മണ്ഡലത്തില്‍ പൊതുവിദ്യാഭ്യാസ സംരക്ഷണയജ്ഞ പദ്ധതിയില്‍ ഉള്‍പ്പെടുത്തി അടിസ്ഥാന സൗകര്യങ്ങള്‍ ഒരുക്കുന്നതിനായി ഏതെല്ലാം സ്കൂളുകള്‍ക്ക് എത്ര തുകയ്ക്ക് ഭരണാനുമതി നല്‍കിയിട്ടുണ്ടെന്ന് വിശദമാക്കാമോ;

പ്രസ്തുത പ്രവൃത്തികളില്‍ പൂര്‍ത്തീകരിച്ചവയുടെയും പൂര്‍ത്തീകരിക്കാത്തവയുടെയും നിലവിലെ സ്ഥിതി വ്യക്തമാക്കാമോ?

സംസ്ഥാനത്തെ പൊതുവിദ്യാഭ്യാസ മേഖലയില്‍ കൂടുതല്‍ ഗുണപരമായ മാറ്റങ്ങള്‍ക്കായി പുതിയ നയങ്ങള്‍ നടപ്പാക്കാന്‍ എന്തൊക്കെ നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കാമോ;

പൊതുവിദ്യാലയങ്ങളിലെ അധ്യാപകര്‍ക്ക് മികച്ച പരിശീലനവും വിദ്യാര്‍ത്ഥികള്‍ക്ക് സാമൂഹിക അവബോധ ക്യാമ്പുകളും നിരന്തരമായി നടത്തുന്നതിന് നടപടികള്‍ സ്വീകരിക്കുമോ; വ്യക്തമാക്കുമോ;

സമൂഹത്തോട് ഉത്തരവാദിത്തമുള്ള യുവതലമുറയെ വാര്‍ത്തെടുക്കുന്നതിന് ആവശ്യമായ സാമൂഹ്യസേവന പരിപാടികള്‍ സ്കൂളുകളില്‍ നടപ്പാക്കുമോ; വിശദമാക്കുമോ?

2022-23 അദ്ധ്യയന വർഷത്തെ സംസ്ഥാനത്തെ സ്‌കൂളുകളിലെ പ്രവേശനം സംബന്ധിച്ച കണക്കെടുപ്പ് പൂർത്തിയായോ; എങ്കിൽ ക്ലാസ് അടിസ്ഥാനത്തിൽ പ്രവേശനത്തിന്റെ വിശദാംശം ലഭ്യമാക്കുമോ;

ഈ വർഷം പ്രവേശനം നേടിയ കുട്ടികളുടെ എണ്ണം കൂടിയിട്ടുണ്ടോയെന്നും തസ്തിക നിർണ്ണയം പൂർത്തിയായിട്ടുണ്ടോയെന്നും അറിയിക്കുമോ;

ഭിന്നശേഷി സംവരണത്തിന്റെ പേരിൽ 2018 മുതൽ തടഞ്ഞുവയ്ക്കപ്പെട്ട അദ്ധ്യാപക നിയമനങ്ങൾ എത്ര ഉണ്ടെന്നും ഇവർക്ക് അംഗീകാരവും ശമ്പളവും നൽകാൻ നടപടി സ്വീകരിച്ചിട്ടുണ്ടോയെന്നും വ്യക്തമാക്കുമോ?

വിദ്യാലയങ്ങള്‍ ഭിന്നശേഷി സൗഹൃദമാക്കുന്നതുമായി ബന്ധപ്പെട്ട് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ; ഇതിനായി എത്ര തുകയാണ് നീക്കിവച്ചിട്ടുള്ളതെന്ന് വ്യക്തമാക്കുമോ?

എസ്.എസ്.എല്‍.സി. സര്‍ട്ടിഫിക്കറ്റ് നഷ്ടപ്പെട്ട് കഴിഞ്ഞാല്‍ പുതിയ സര്‍ട്ടിഫിക്കറ്റ് ലഭിക്കുന്നതിന് അപേക്ഷ സമര്‍പ്പിക്കേണ്ടതിന്റെ നടപടിക്രമം വിശദമാക്കാമോ;

അപേക്ഷ സമര്‍പ്പിച്ച് കഴിഞ്ഞാല്‍ പുതിയ സര്‍ട്ടിഫിക്കറ്റ് അനുവദിക്കുന്നതിന്റെ കാലയളവ് എത്രയാണെന്ന് അറിയിക്കാമോ?

സംസ്ഥാനത്തെ പൊതുവിദ്യാലയങ്ങളിൽ എത്ര പാചക തൊഴിലാളികൾ ജോലി ചെയ്യുന്നുണ്ടെന്ന് ജില്ലതിരിച്ച് കണക്കുകൾ ലഭ്യമാക്കാമോ;

പൊതുവിദ്യാലയങ്ങളിൽ പാചക തൊഴിലാളികളെ നിയമിക്കുന്നതിന് നിലവിൽ സ്വീകരിക്കുന്ന മാനദണ്ഡങ്ങൾ എന്തൊക്കെയാണെന്ന് വിശദമാക്കാമോ;

പാചക തൊഴിലാളികൾക്ക് നൽകുന്ന പ്രതിഫലം എത്രയാണെന്നും പ്രതിഫലം വിതരണം ചെയ്യുന്നതിന് കൃത്യമായ ദിനങ്ങൾ നിശ്ചയിച്ചിട്ടുണ്ടോയെന്നും വ്യക്തമാക്കാമോ;

ഇവർക്ക്‌ നൽകാനുള്ള പ്രതിഫലം കുടിശ്ശിക ഉണ്ടോ; എങ്കിൽ വിശദാംശം നൽകാമോ?

ദേശീയ വിദ്യാഭ്യാസ നയം പ്രകാരം സ്‌കൂളുകളുടെ പുതിയ ഘടന 5+3+3+4 എന്നതാണെന്നിരിക്കെ ഈ മാറ്റങ്ങളോട് സംസ്ഥാനത്തിന്റെ സമീപനം എന്താണെന്ന് അറിയിക്കാമോ;

പല സംസ്ഥാനങ്ങളും പ്രസ്തുത ഘടന നടപ്പാക്കിയ സാഹചര്യത്തിൽ സംസ്ഥാനത്തെ പ്രീ പ്രൈമറി വിഭാഗത്തെ ഔപചാരിക വിദ്യാഭ്യാസത്തിന്റെ ഭാഗമാക്കുമോ;

നാഷണൽ കരിക്കുലം ഫ്രെയിംവർക്ക് വരുന്നതിന് മുൻപ് സംസ്ഥാനത്തെ പരിഷ്ക്കരണ നടപടികൾ ആരംഭിച്ച സാഹചര്യത്തില്‍ ദേശീയ വിദ്യഭ്യാസ നയം സംസ്ഥാനത്ത്‌ എങ്ങനെ നടപ്പാക്കുമെന്ന വിശദാംശം ലഭ്യമാക്കുമോ?

സംസ്ഥാനത്ത് എസ്.എസ്.എല്‍.സി. പരീക്ഷ എഴുതുന്ന വിദ്യാര്‍ത്ഥികള്‍ക്ക് സ്ക്രൈബിനെ അനുവദിച്ച് നല്‍കുന്നതിനുള്ള നടപടിക്രമങ്ങള്‍ എന്തെല്ലാമാണ്; അറിയിക്കുമോ;

ഒരു വിദ്യാര്‍ത്ഥിയ്ക്ക് സ്ക്രൈബിനെ ആവശ്യമാണെന്നുള്ള സര്‍ട്ടിഫിക്കറ്റ് നല്‍കാന്‍ ഉത്തരവാദപ്പെട്ട ഉദ്യോഗസ്ഥര്‍ ആരെല്ലാമാണ്; വ്യക്തമാക്കാമോ;

ഇങ്ങനെ സ്ക്രൈബിനെ ഉപയോഗിച്ച് പരീക്ഷ എഴുതുന്ന കുട്ടികള്‍ക്ക് കൊടുക്കുന്ന മെഡിക്കല്‍ സര്‍ട്ടിഫിക്കറ്റിന് കാലാവധി ഉണ്ടോയെന്ന് അറിയിക്കുമോ;

പ്രസ്തുത വിദ്യാര്‍ത്ഥികള്‍ സ്ക്രൈബിനെ ഉപയോഗിച്ചിരുന്നു എന്ന് എസ്.എസ്.എല്‍.സി. ബുക്കില്‍ രേഖപ്പെടുത്താറുണ്ടോ എന്ന് അറിയിക്കുമോ?

പൊതുവിദ്യാഭ്യാസ മേഖലയിൽ വിദ്യാഭ്യാസ ഗുണമേന്മ ഉറപ്പ് വരുത്തുന്നതിനും ഹയർ സെക്കണ്ടറി സീറ്റ് വിതരണത്തിലെ അശാസ്ത്രീയത പഠിക്കുന്നതിനും സർക്കാർ തലത്തിൽ ഏതെങ്കിലും കമ്മറ്റിയെ നിയോഗിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

ഒന്ന് മുതൽ പന്ത്രണ്ടാം ക്ലാസ്സ് വരെ 2015 മുതൽ ഈ അദ്ധ്യയന വർഷം വരെ എയിഡഡ്, സര്‍ക്കാര്‍ സ്കൂളുകളിൽ ഒരോ വർഷവും പുതുതായി എത്ര കുട്ടികൾ പ്രവേശനം നേടി എന്ന് ജില്ല തിരിച്ചുള്ള വിശദാംശം ലഭ്യമാക്കുമോ;

ഈ കാലയളവിൽ അൺ എയിഡഡ്/സി.ബി.എസ്.സി. സ്കൂളുകളിൽ ഒന്ന് മുതൽ പന്ത്രണ്ടാം ക്ലാസ് വരെ എത്ര കുട്ടികൾ പ്രവേശനം നേടി എന്ന് ജില്ല തിരിച്ചുള്ള കണക്കുകൾ ലഭ്യമാക്കുമോ;

ഈ അദ്ധ്യയന വർഷം പ്ലസ് വൺ ബാച്ചുകളിൽ മാർജിനൽ ഇൻക്രീസ് പ്രകാരം അധികമായി കുട്ടികളെ ചേർക്കുന്നതിന് അനുമതി നൽകിയത് പ്രകാരം എത്ര കുട്ടികൾക്ക് അധികം പ്രവേശനം നൽകാൻ സാധിച്ചു എന്നത് ജില്ല, എയിഡഡ്, സർക്കാർ സ്കുളുകൾ തിരിച്ചുള്ള കണക്കുകൾ ലഭ്യമാക്കുമോ;

പ്ലസ് വൺ ക്ലാസ്സുകളിൽ അനുവദിച്ച ബാച്ചിൽ ഈ അദ്ധ്യയന വർഷം കുട്ടികൾ കുറവുള്ളതോ തീരെ അഡ്മിഷൻ നൽകാത്തതോ ആയ ബാച്ചുകളുടെ വിശദാംശം ജില്ല തിരിച്ച് ലഭ്യമാക്കുമോ;

ഓപ്പൺ സ്കൂൾ മുഖേന ഈ അദ്ധ്യയന വർഷം പ്ലസ് വൺ കോഴ്സുകൾക്ക് എത്ര കുട്ടികൾ രജിസ്റ്റര്‍ ചെയ്തു എന്നത് ജില്ല തിരിച്ചുള്ള കണക്കുകൾ ലഭ്യമാക്കുമോ;

ഉപരിപഠനത്തിന് അർഹരാകുന്ന കുട്ടികളുടെ എണ്ണത്തിന് അനുസൃതമായി ഓരോ ജില്ലയിലും ഹയർ സെക്കന്‍ഡറി ബാച്ചുകളും ഹയർ സെക്കന്‍ഡറി സ്കൂളുകളും അനുവദിച്ച് സീറ്റുകൾ ക്രമീകരിക്കുന്നതിന് നടപടി സ്വീകരിക്കുമോ എന്ന് അറിയിക്കുമോ?

സംസ്ഥാനത്ത് പട്ടികജാതി, പട്ടികവര്‍ഗ്ഗ, മത്സ്യത്തൊഴിലാളി മേഖലകളിലെ കുട്ടികളുടെ പഠന നിലവാരം വിലയിരുത്തിയിട്ടുണ്ടോ;

എങ്കിൽ പ്രസ്തുത മേഖലകളിലെ കുട്ടികളുടെ പഠന പിന്നാക്കാവസ്ഥ പരിഹരിക്കുന്നതിന് എന്ത് ഇടപെടലാണ് നടത്തിയതെന്ന് അറിയിക്കാമോ;

പ്രസ്തുത മേഖലകളിലെ ഓരോ കുട്ടിയുടെയും പഠനത്തിലുള്ള പ്രത്യേക ആവശ്യകതകള്‍ കണക്കിലെടുത്ത് അവര്‍ക്ക് പ്രത്യേക പിന്തുണ നല്‍കുന്ന പദ്ധതി ആവിഷ്കരിച്ചിട്ടുണ്ടോ; വ്യക്തമാക്കാമോ?

സംസ്ഥാനത്ത് എൽ.എസ്.എസ്. - യു.എസ്.എസ്. സ്കോളര്‍ഷിപ്പിന് അർഹത നേടിയ വിദ്യാർഥികൾക്ക് സ്കോളർഷിപ്പ് തുക ലഭിക്കുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ;

സ്കോളർഷിപ്പ് തുകയും സര്‍ട്ടിഫിക്കറ്റും വിതരണം ചെയ്യുന്നതില്‍ കാലതാമസം വരുന്നതിന്റെ കാരണം വിശദമാക്കാമോ;

ഏത് വര്‍ഷം മുതലുള്ള സ്കോളര്‍ഷിപ്പ് തുകയാണ് വിതരണം ചെയ്യാന്‍ കുടിശ്ശിക ഉള്ളതെന്ന് അറിയിക്കുമോ; ആയത് സമയബന്ധിതമായി നല്‍കുന്നതിന് നടപടി സ്വീകരിക്കുമോ?

സംസ്ഥാനത്തെ സ്കൂളുകളില്‍ ഉച്ചഭക്ഷണ പദ്ധതിയ്ക്കായി ഒരു കുട്ടിക്ക് നിലവില്‍ നല്‍കി വരുന്ന തുക എത്രയെന്ന് വ്യക്തമാക്കാമോ;

പ്രസ്തുത പദ്ധതിയ്ക്കായി അവസാനമായി തുക വര്‍ദ്ധിപ്പിച്ചതെന്നാണെന്നും എത്രയായിരുന്നുവെന്നും വിശദമാക്കാമോ;

പദ്ധതിയ്ക്കായി സ്കൂളുകള്‍ക്ക് തുക അനുവദിക്കുന്നതില്‍ കുടിശ്ശികയുണ്ടെങ്കില്‍ ആയത് വിശദമാക്കാമോ;

പദ്ധതിയ്ക്ക് കാലാനുസൃതമായി തുക വര്‍ദ്ധിപ്പിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ അതിനായി എന്തൊക്കെ നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ?

ഇരുന്നൂറ് അദ്ധ്യയന ദിനങ്ങൾ എങ്കിലും ഉറപ്പുവരുത്തും എന്ന പ്രഖ്യാപനം ഉണ്ടായിരുന്നിട്ടും സംസ്ഥാനത്തെ പ്ലസ് വൺ വിദ്യാർഥികൾക്ക് നൂറിൽ താഴെ അദ്ധ്യയന ദിനങ്ങൾ മാത്രമാണ് നിലവിൽ ഉറപ്പാക്കുവാൻ സാധിക്കുന്നത് എന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം ഗൗരവത്തോടെ കാണുന്നുണ്ടോ; വിശദാംശം നൽകുമോ; ശ്രദ്ധയില്‍പ്പെട്ടിട്ടുണ്ടോ;

മുൻ വർഷങ്ങളിൽ ഓൺലൈൻ ക്ലാസുകൾ നടന്നതിനാൽ പല കുട്ടികൾക്കും ക്ലാസ് നഷ്ടപ്പെടുകയോ അടിസ്ഥാന കാര്യങ്ങളിൽ വേണ്ടത്ര അറിവില്ലാതിരിക്കുകയോ ചെയ്തതിനാൽ ഹയർ സെക്കൻഡറി ക്ലാസുകളിലെ അദ്ധ്യയനത്തിന് കൂടുതൽ സമയവും ശ്രദ്ധയും ആവശ്യമാണെന്നുള്ള കാര്യം ശ്രദ്ധയിൽപ്പെട്ടിട്ടുണ്ടോ; വിശദാംശം നൽകുമോ; ശ്രദ്ധയില്‍പ്പെട്ടിട്ടുണ്ടോ;

ആവശ്യമായതിന്റെ പകുതി പ്രവൃത്തി ദിനങ്ങൾ പോലും കുട്ടികൾക്ക് ലഭിക്കുന്നില്ല എന്നതും പ്രവൃത്തി ദിനങ്ങൾ പൂർണ്ണമായും പഠനത്തിനായി ഉപയോഗിക്കുവാൻ സാധിക്കുന്നില്ല എന്നതും ഹയർ സെക്കൻഡറി വിദ്യാഭ്യാസ മേഖലയിൽ പ്രതിസന്ധി സൃഷ്ടിച്ചിരിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കാൻ അടിയന്തര നടപടി സ്വീകരിക്കുമോ; വ്യക്തമാക്കുമോ;

പ്രവേശന നടപടികൾ സമയബന്ധിതമായി പൂർത്തീകരിച്ചും അദ്ധ്യാപകരുടെ മറ്റ് ചുമതലകൾ ഒഴിവാക്കിയും ഹയർ സെക്കൻഡറി വിദ്യാഭ്യാസ മേഖലയിൽ ഇരുന്നൂറ് അദ്ധ്യയന ദിനങ്ങളിൽ എങ്കിലും കാര്യക്ഷമമായ അദ്ധ്യയനം ഉറപ്പാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

സ്കൂൾ വിദ്യാഭ്യാസ പരിഷ്കരണവുമായി ബന്ധപ്പെട്ട എം.എ.ഖാദർ കമ്മിറ്റിയുടെ അന്തിമ റിപ്പോർട്ട് സർക്കാരിന് സമർപ്പിച്ചിട്ടുണ്ടോ; എങ്കിൽ എന്നാണ് സമർപ്പിച്ചതെന്ന് വ്യക്തമാക്കുമോ;

ഖാദർ കമ്മിറ്റിയുടെ അന്തിമ റിപ്പോർട്ടിന്റെ പകർപ്പ് ലഭ്യമാക്കുമോ;

ഖാദർ കമ്മിറ്റി അന്തിമ റിപ്പോർട്ട് സംബന്ധിച്ച് അധ്യാപക സംഘടനകൾ, സർവീസ് സംഘടനകൾ, വിദ്യാർഥി സംഘടനകൾ എന്നിവയുമായി ചർച്ച നടത്തിയിട്ടുണ്ടോ;

ഇല്ലെങ്കിൽ ചർച്ച നടത്തുന്നതിന് നടപടി സ്വീകരിക്കുമോ?

സ്കൂളുകളിൽ ഉച്ചഭക്ഷണ പദ്ധതിക്കായി അനുവദിക്കുന്ന തുക ഭക്ഷ്യവസ്തുക്കളുടെ കമ്പോള നിലവാരവുമായി താരതമ്യം ചെയ്യുമ്പോൾ വളരെ കുറവാണ് എന്ന കാര്യം ഗൗരവത്തോടെ കാണുന്നുണ്ടോ; എങ്കിൽ പ്രസ്തുത തുക ഉയർത്തുന്നതിന് നടപടി സ്വീകരിക്കുമോ;

സംസ്ഥാന സർക്കാരിന്റെ പോഷകാഹാര പദ്ധതിയുടെ ഭാഗമായി നൽകുന്ന മുട്ടയ്ക്കും പാലിനും അനുവദിക്കുന്ന തുക വർദ്ധിപ്പിക്കുമോ; വിശദാംശം നൽകുമോ;

വിവിധ സ്കൂളുകളിൽ നാളിതുവരെ ഉച്ചഭക്ഷണം നൽകുന്നതിന് വിലക്കയറ്റം മൂലമുണ്ടായ അധിക ബാധ്യത നികത്തുന്നതിന് പ്രത്യേക തുക അനുവദിക്കുമോ; വിശദാംശം നൽകുമോ;

ഉച്ചഭക്ഷണ പദ്ധതിയുമായി ബന്ധപ്പെട്ട് സർക്കുലറുകളും ഉത്തരവുകളും ഇറക്കുന്നതിന് മുമ്പ് ബന്ധപ്പെട്ട അദ്ധ്യാപക സംഘടനകളുമായി ചർച്ച ചെയ്യുന്നതിന് തയ്യാറാകുമോ; വ്യക്തമാക്കുമോ;

ഉച്ചഭക്ഷണ പദ്ധതിയുടെ ചുമതല പ്രധാന അധ്യാപകർ തന്നെ നിർവഹിക്കുന്നതിനാൽ പല സ്കൂളുകളിലും അധ്യയനത്തിൽ ബുദ്ധിമുട്ടുണ്ടാകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ എന്ത് നടപടി സ്വീകരിക്കുമെന്ന് അറിയിക്കുമോ?

സംസ്ഥാനത്തെ സ്കൂൾ വിദ്യാര്‍ഥികളുടെ പഠന നിലവാരം ശാസ്ത്രീയമായി വിലയിരുത്തുന്നതിനും ഗുണനിലവാരമുള്ള മൂല്യനിര്‍ണ്ണയ രീതി വികസിപ്പിക്കുന്നതിനുമായി അസെസ്സ്മെന്റ് സെല്‍ രൂപീകരിച്ചിട്ടുണ്ടോ; വിശദാംശം നല്‍കാമോ;

ഇതിന്റെ അടിസ്ഥാനത്തില്‍ സംസ്ഥാനത്ത് വിലയിരുത്തല്‍ സര്‍വേ നടത്തുന്നതിന് തീരുമാനിച്ചിട്ടുണ്ടോ; എങ്കിൽ പ്രസ്തുത സര്‍വേയുടെ രീതി സംബന്ധിച്ച വിശദാംശം നല്‍കാമോ;

സംസ്ഥാനത്തെ വിദ്യാലയങ്ങളില്‍ വിദ്യാര്‍ത്ഥികളുടെ പഠന നിലവാരം ഉയര്‍ത്തുന്നതിനായി നടത്തിയിട്ടുള്ള പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കുമോ?

സംസ്ഥാനത്തെ ഓരോ ഡി.ഡി.ഇ. ഓഫീസിലും എ.ഇ.ഒ. ഓഫീസിലും നാളിതുവരെ തീർപ്പാകാതെ കിടക്കുന്ന അപേക്ഷകളും ഫയലുകളും എത്ര വീതം ഉണ്ടെന്നത് സംബന്ധിച്ചുള്ള വിശദാംശം നൽകുമോ; ഓരോ ഫയലും എത്ര നാളുകളായി ബന്ധപ്പെട്ട ഓഫീസുകളിൽ തീർപ്പാകാതെ കിടക്കുന്നുവെന്നതിന്റെ വ്യക്തമായ മറുപടി ലഭ്യമാക്കുമോ;

പ്രസ്തുത ഫയലുകളിലും മറ്റും തീർപ്പ് കൽപ്പിക്കുവാൻ അടിയന്തര നടപടി സ്വീകരിക്കുമോ?

സംസ്ഥാനത്ത് 2021 മുതല്‍ സര്‍വ്വീസ് സീനിയോറിറ്റിയുടെ അടിസ്ഥാനത്തില്‍ പ്രധാനാദ്ധ്യാപകരായി സ്ഥാനക്കയറ്റം ലഭിച്ച് ചുമതല നിര്‍വഹിച്ച് വരുന്നവര്‍ക്ക് പുതിയ തസ്തികയിലെ ശമ്പളവും മറ്റാനുകൂല്യങ്ങളും ലഭിക്കുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാരണം വിശദമാക്കാമോ;

27.11.2022-ലെ ജെ1/01/2021/പൊ.വി.വ. എന്ന സര്‍ക്കുലര്‍ പ്രകാരം എയ്ഡഡ് മേഖലയില്‍ മേല്‍പ്പറഞ്ഞ രീതിയില്‍ സ്ഥാനക്കയറ്റം ലഭിച്ച പ്രധാനാദ്ധ്യാപകര്‍ക്ക് ശമ്പളവും മറ്റാനുകൂല്യങ്ങളും നല്‍കി തുടങ്ങിയെങ്കിലും സര്‍ക്കാര്‍ മേഖലയിലെ പ്രധാനാദ്ധ്യാപകർക്ക് അത് ലഭിക്കാത്തതിന്റെ കാരണം അറിയിക്കാമോ?

പ്രീ പ്രൈമറി മേഖലയിൽ സർക്കാർ സ്കൂളുകളിലും സ്വകാര്യ സ്‌കൂളുകളിലും ജോലി ചെയ്യുന്ന ജീവനക്കാരുടെ എണ്ണം തസ്തിക തിരിച്ച് ലഭ്യമാക്കുമോ;

സർക്കാർ സ്കൂളുകളോട് ചേർന്ന് പ്രവർത്തിക്കുന്ന പ്രീ പ്രൈമറികളിലെ ജീവനക്കാർക്ക് അനുവദിച്ചിട്ടുള്ള പ്രതിമാസ ശമ്പളം എത്രയാണെന്ന് അറിയിക്കുമോ;

വിദ്യാഭ്യാസ വകുപ്പിലെ ദിവസ വേതനക്കാരായ അവിദഗ്ധ തൊഴിലാളികൾക്ക് നൽകുന്ന പ്രതിദിന വേതനവും അനുവദനീയമായ പരമാവധി പ്രതിമാസ വേതനവും എത്രയാണെന്ന് അറിയിക്കുമോ;

പ്രീ പ്രൈമറി ജീവനക്കാരുമായി ബന്ധപ്പെട്ട് സർക്കാർ ഏതെങ്കിലും കമ്മീഷനുകളെയോ കമ്മറ്റികളെയോ നിയോഗിച്ചിട്ടുണ്ടോ; എങ്കിൽ പ്രസ്തുത കമ്മറ്റികൾ/കമ്മീഷനുകൾ എന്തൊക്കെ നിരീക്ഷണങ്ങളാണ് നടത്തിയത്; ഇവയുടെ ശിപാർശകൾ എന്തെല്ലാമായിരുന്നു; വിശദാംശം ലഭ്യമാക്കുമോ; പ്രസ്തുത റിപ്പോർട്ടുകളിന്മേൽ ഇതിനോടകം സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കുമോ;

പ്രീ പ്രൈമറി ജീവനക്കാർക്ക് ദിവസവേതനക്കാരെക്കാൾ കുറഞ്ഞ വേതനം നൽകുന്നത് അവരോടുള്ള അവഗണനയാണെന്ന് കരുതുന്നുണ്ടോ;

പ്രീ പ്രൈമറി ജീവനക്കാരെ ശമ്പള സോഫ്റ്റ്‌വെയർ ആയ സ്പാർക്കിൽ ദിവസ വേതന ജീവനക്കാരുടേതിന് തുല്യമായ വിഭാഗത്തിലേക്ക് മാറ്റിക്കൊണ്ടുള്ള നടപടി ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രീ പ്രൈമറി ജീവനക്കാരുടെ സേവന വേതന വ്യവസ്ഥകൾ പുതുക്കുന്നതിനാവശ്യമായ നടപടികൾ സ്വീകരിക്കുമോ?

പൊതുവിദ്യാഭ്യാസം, സാക്ഷരത മിഷൻ എന്നീ വകുപ്പുകളുടെ കീഴിൽ കാസർകോട് ജില്ലയിൽ പ്രവർത്തിക്കുന്ന ഓഫീസുകളുടെ വിശദവിവരങ്ങൾ നൽകാമോ; ഏതെല്ലാം ഓഫീസുകൾ ഏതെല്ലാം സ്ഥലങ്ങളിലാണ് പ്രവർത്തിക്കുന്നതെന്ന് വ്യക്തമാക്കാമോ;

എത്രകാലമായി ഈ ഓഫീസുകൾ പ്രവർത്തിക്കുന്നുണ്ടെന്നും അനുവദിച്ച തസ്തികകൾ ഏതൊക്കെയാണെന്നും ഓഫീസ് തിരിച്ച് വ്യക്തമാക്കാമോ;

ഈ ഓഫീസുകളിൽ ഒഴിഞ്ഞ് കിടക്കുന്ന തസ്തികകൾ ഏതൊക്കെയാണെന്നും എത്രകാലമായി ഒഴിവുകൾ തുടരുന്നു എന്നും ഓഫീസ് തിരിച്ച് വ്യക്തമാക്കാമോ;

ജില്ലയിൽ എത്ര സർക്കാർ തല ഹയർ സെക്കന്ററി, ഹൈസ്കൂൾ, അപ്പർ പ്രൈമറി, ലോവർ പ്രൈമറി സ്കൂളുകള്‍ ഉണ്ടെന്ന് വ്യക്തമാക്കാമോ;

ഈ സ്കൂളുകളിലെ തസ്തികകൾ ഏതൊക്കെയാണെന്ന് സ്കൂൾ തിരിച്ച് വ്യക്തമാക്കാമോ;

ഈ സ്കൂളുകളിൽ ഒഴിഞ്ഞ് കിടക്കുന്ന തസ്തികകൾ ഏതൊക്കെയാണെന്നും എത്രകാലമായി ഒഴിവുകൾ തുടരുന്നു എന്നും സ്കൂൾ തിരിച്ച് വ്യക്തമാക്കാമോ?

ചലഞ്ച് ഫണ്ട് പദ്ധതി പ്രകാരം സംസ്ഥാനത്ത് എത്ര എയ്ഡഡ് വിദ്യാഭ്യാസ സ്ഥാപനങ്ങള്‍ക്ക് കെട്ടിടം നിര്‍മ്മിച്ച് നല്‍കിയിട്ടുണ്ട്; ഇവയുടെ ജില്ല തിരിച്ചുളള പട്ടികയും അനുവദിക്കപ്പെട്ട തുകയും ലഭ്യമാക്കാമോ;

ചലഞ്ച് ഫണ്ട് ഉപയോഗിക്കുന്നതിനുളള മാര്‍ഗ്ഗനിര്‍ദ്ദേശങ്ങളോ നിബന്ധനകളോ ഉണ്ടെങ്കില്‍ എന്തൊക്കെയെന്ന് വിശദമാക്കാമോ?

തരൂര്‍ മണ്ഡലം എം.എല്‍.എ. യുടെ ആസ്തി വികസന ഫണ്ട് ഉപയോഗപ്പെടുത്തി പെരിങ്ങോട്ടുകുറിശ്ശി ജി.എച്ച്.എസ്.എസ്. ന് സ്കൂള്‍ ബസ് വാങ്ങി നല്‍കുന്നതിന് അനുമതി ലഭ്യമാക്കുന്നതില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

മുന്‍ വര്‍ഷത്തില്‍ സ്കൂള്‍ ബസ് വാങ്ങുന്നതിന് അനുമതി ലഭ്യമാക്കുന്നതില്‍ കാലതാമസം നേരിട്ടതുമുലം ബസ്സിന്റെ വില വര്‍ദ്ധിക്കുകയും ബസ് വാങ്ങി നല്‍കാന്‍ സാധിക്കാതെ വരികയും ചെയ്തത് ശ്രദ്ധയില്‍പ്പെട്ടിട്ടുണ്ടോ?

ആലപ്പുഴ ജില്ലയിലെ ഹൈസ്കൂളുകളിൽ നിന്നും റിട്ടയർ ചെയ്ത പ്രഥമാദ്ധ്യാപകർക്ക് ഒരു വർഷമായിട്ടും എന്‍.എല്‍.സി. നൽകാത്തത് ശ്രദ്ധയിൽപ്പെട്ടിട്ടുണ്ടോ; എങ്കിൽ എത്ര പേർക്കാണ് ഇതുവരെ എന്‍.എല്‍.സി. ലഭിക്കാത്തത് എന്നതിന്റെ വിവരം ലഭ്യമാക്കുമോ;

വിരമിച്ച് ഒരു വർഷമായിട്ടും ഓഡിറ്റിന് ശേഷമുള്ള എന്‍.എല്‍.സി. കൾ ലഭിച്ചിട്ടില്ല എന്ന പരാതികളിൽ സ്വീകരിച്ച നടപടി വിശദമാക്കുമോ; ഇവർക്ക് അടിയന്തരമായി എന്‍.എല്‍.സി. ലഭ്യമാക്കുവാൻ നടപടി സ്വീകരിക്കുമോ;

സമയബന്ധിതമായി ഓഡിറ്റ് നടത്തണമെന്ന് കർശന നിർദ്ദേശം നൽകിയിട്ടും ആലപ്പുഴ ഡി.ഡി.ഇ. ഇത് കൃത്യമായി ചെയ്യാത്തത് ശ്രദ്ധയിൽപ്പെട്ടിട്ടുണ്ടോ; എങ്കിൽ സർക്കാർ നിർദ്ദേശം പാലിക്കാത്ത ബന്ധപ്പെട്ട ഉദ്യോഗസ്ഥർക്കെതിരെ നടപടി സ്വീകരിക്കുമോ ?

സംസ്ഥാനത്തെ സ്കൂൾ വിദ്യാർത്ഥികളുടെ ഗണിത പഠന നിലവാരം കുത്തനെ കുറഞ്ഞതായി സന്നദ്ധ സംഘടനായ പ്രഥമിന്റെ വാർഷിക വിദ്യാഭ്യാസ നിലവാര റിപ്പോർട്ടിലെ (എ.എസ്.ഇ.ആർ.-റൂറൽ) കണ്ടെത്തൽ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

സർക്കാർ, സ്വകാര്യ സ്കൂളുകളിലെ ഒന്നുമുതൽ എട്ടുവരെ ക്ലാസുകളിലെ വിദ്യാർത്ഥികളിൽ 20.3 ശതമാനം പേർക്കും ഒറ്റ അക്ക സംഖ്യകളെ തിരിച്ചറിയാൻ പോലും സാധിക്കുന്നില്ലെന്നുള്ള റിപ്പോർട്ടിലെ കണ്ടെത്തൽ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദമാക്കുമോ;

സ്കൂൾ വിദ്യാർത്ഥികളുടെ ഗണിത പഠന നിലവാരം ഉയർത്താൻ ആവിഷ്കരിച്ച പദ്ധതികൾ വിശദമാക്കാമോ?

സ്വന്തമായി ഭൂമിയും കെട്ടിടവും ഇല്ലാത്ത നൂറിലധികം സ്കൂളുകള്‍ സര്‍ക്കാര്‍ ഉടമസ്ഥതയില്‍ പ്രവര്‍ത്തിച്ചുവരുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിച്ച്‌ പ്രസ്തുത സ്കൂളുകള്‍ക്ക് ഭൂമിയും കെട്ടിടവും ലഭ്യമാക്കുന്നതിനായി തദ്ദേശസ്വയംഭരണ സ്ഥാപനങ്ങളുമായി സഹകരിച്ച് ഒരു പൊതുപദ്ധതി ആവിഷ്ക്കരിക്കുമോ എന്ന് അറിയിക്കുമോ; വിശദമാക്കുമോ?

പൂഞ്ഞാര്‍ മണ്ഡലത്തിലെ സ്കൂളുകളുടെ കെട്ടിട നിര്‍മാണ പ്രവൃത്തികളുടെ നിലവിലെ സ്ഥിതി സംബന്ധിച്ച വിശദാംശം നൽകുമോ;

മണ്ഡലത്തിലെ ഏതെല്ലാം സ്കൂളുകളാണ് കാലപ്പഴക്കം ചെന്ന കെട്ടിടങ്ങളില്‍ പ്രവര്‍ത്തിച്ചുവരുന്നതെന്ന് വ്യക്തമാക്കുമോ;

കാലപ്പഴക്കം ചെന്നതും ശോച്യാവസ്ഥയിലുള്ളതുമായ കെട്ടിടങ്ങളില്‍ പ്രവര്‍ത്തിച്ചുവരുന്ന സ്കൂളുകൾ നവീകരിക്കുന്നതിനാവശ്യമായ നടപടി സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ?

മുന്‍ സര്‍ക്കാരിന്റെ (2016-21) കാലയളവിലും ഈ സര്‍ക്കാരിന്റെ കാലയളവിലുമായി തിരുവനന്തപുരം ജില്ലയിൽ സ്കൂള്‍ കെട്ടിടങ്ങള്‍ നിര്‍മ്മിക്കുവാന്‍ ഭരണാനുമതി നല്‍കിയവയില്‍ എത്ര കെട്ടിടങ്ങള്‍ നിര്‍മ്മാണം പൂര്‍ത്തിയാക്കിയിട്ടുണ്ടെന്ന് വിശദമാക്കാമോ;

ഭരണാനുമതി തുക വിനിയോഗിച്ച് നിര്‍മ്മാണം പൂര്‍ത്തിയാക്കുവാന്‍ കഴിയാത്ത സ്കൂളുകള്‍ എത്രയെന്ന് വ്യക്തമാക്കാമോ?

2022-23 വർഷത്തെ വാർഷിക പദ്ധതിയിൽ ഉൾപ്പെടുത്തി കോഴിക്കോട് ജില്ലയിലെ ഏതൊക്കെ വിദ്യാഭ്യാസ സ്ഥാപനങ്ങൾക്കാണ് കെട്ടിട നിർമ്മാണത്തിനായി ഫണ്ട് അനുവദിച്ചതെന്ന് വ്യക്തമാക്കുമോ; പ്രസ്തുത ഉത്തരവുകളുടെ പകർപ്പുകൾ ലഭ്യമാക്കുമോ?

ഷൊര്‍ണ്ണൂര്‍ മണ്ഡലത്തിൽ വകുപ്പ് നേരിട്ടും വകുപ്പിന് കീഴിലെ മിഷനുകള്‍, ഏജൻസികള്‍ എന്നിവ മുഖാന്തിരവും നടപ്പാക്കിവരുന്ന പദ്ധതികളുടെ തൽസ്ഥിതി റിപ്പോര്‍ട്ട് ഉള്‍പ്പെടെയുള്ള വിശദാംശം ലഭ്യമാക്കാമോ;

പ്രസ്തുത മണ്ഡലത്തിൽ 2021 ഏപ്രിൽ മാസത്തിനുശേഷം വകുപ്പ് നേരിട്ടും വകുപ്പിന് കീഴിലെ മിഷനുകള്‍, ഏജൻസികള്‍ എന്നിവ മുഖാന്തിരവും പൂര്‍ത്തീകരിച്ച പദ്ധതികളുടെ വിശദാംശം (ഫണ്ട്, ഭരണാനുമതി തുക, എസ്റ്റിമേറ്റ് തുക, ചെലവഴിച്ച തുക എന്നിവ ഉള്‍പ്പെടെ) ലഭ്യമാക്കുമോ?

കിഫ്ബി പദ്ധതിയില്‍ ഉള്‍പ്പെടുത്തി പയ്യന്നൂര്‍ മണ്ഡലത്തിലെ എ.കെ.എ.എസ്.ജി.വി.എച്ച്.എസ്.എസ്. പയ്യന്നൂര്‍, ജി.ജി.എച്ച്.എസ്.എസ്. പയ്യന്നൂര്‍ എന്നീ സ്‍കൂളുകള്‍ക്ക് അനുവദിച്ച ഒരു കോടി രൂപയുടെ പദ്ധതിയുടെ നിലവിലെ അവസ്ഥ എന്താണെന്ന് അറിയിക്കാമോ;

പദ്ധതിയുടെ ടെണ്ടര്‍ നടപടികള്‍ വൈകുന്നത് എന്തുകൊണ്ടാണ് എന്ന് വ്യക്തമാക്കാമോ;

പദ്ധതി ആരംഭിക്കുന്നതിനുള്ള കാലതാമസം പരിഹരിച്ച് നിര്‍മാണ പ്രവൃത്തികള്‍ വേഗത്തില്‍ ആരംഭിക്കാന്‍ ആവശ്യമായ നടപടികള്‍ സ്വീകരിക്കുമോ; വിശദമാക്കാമോ?

കോഴിക്കോട് ജില്ലയിലെ നടക്കാവ് സർക്കാർ ഗേള്‍സ് വൊക്കേഷണല്‍ ഹയര്‍ സെക്കന്‍ണ്ടറി സ്കൂളിന് പുതിയ ബ്ലോക്ക് നിര്‍മ്മിക്കുന്നതിനായുള്ള പദ്ധതി അംഗീകരിച്ചിട്ടുണ്ടോ;

ഉണ്ടെങ്കില്‍ ആയതിന്റെ വിശദാംശം ലഭ്യമാക്കാമോ?

ഈ സര്‍ക്കാര്‍ അധികാരമേറ്റശേഷം പൊതുവിദ്യാഭ്യാസ വകുപ്പ് മാവേലിക്കര മണ്ഡലത്തില്‍ അനുവദിച്ച വിവിധ പദ്ധതികളുടെയും പ്രവൃത്തികളുടെയും വിശദവിവരം ലഭ്യമാക്കുമോ; അനുവദിച്ച തുകയുടെയും പ്രസ്തുത പ്രവൃത്തികളുടെ നിലവിലെ സ്ഥിതിവിവരവും ലഭ്യമാക്കുമോ?

വടക്കാഞ്ചേരി മണ്ഡലത്തിലെ ഏതെല്ലാം സ്കൂളുകള്‍ക്കാണ് പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി (മൂന്ന് കോടി, ഒരു കോടി രൂപ പദ്ധതി) കെട്ടിട നിര്‍മ്മാണത്തിന് ഉത്തരവായിട്ടുളളതെന്ന് വിശദമാക്കാമോ;

ഇതിന്മേലുളള നടപടി ഏത് ഘട്ടം വരെയായി എന്ന് വ്യക്തമാക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം മണ്ഡലത്തിലെ ഏതെല്ലാം സ്കൂളുകള്‍ക്കാണ് വിവിധ പദ്ധതികളില്‍ ഉള്‍പ്പെടുത്തി തുക അനുവദിച്ചതെന്ന് വ്യക്തമാക്കുമോ?

നബാര്‍ഡ് സ്കീമില്‍ ഉള്‍പ്പെടുത്തി ആലത്തൂര്‍ മണ്ഡലത്തിലെ തേങ്കുറുശ്ശി ഗവണ്‍മെന്റ് ഹയര്‍ സെക്കന്‍ണ്ടറി സ്ക്കൂളിൽ പുരോഗമിക്കുന്ന പുതിയ കെട്ടിട നിര്‍മ്മാണത്തിന്റെ നിലവിലെ സ്ഥിതി എന്താണെന്ന് വ്യക്തമാക്കാമോ?

മങ്കട മണ്ഡലത്തില്‍ പൊതുവിദ്യാഭ്യാസ വകുപ്പിന് കീഴില്‍ നടന്നുവരുന്ന പ്രവൃത്തികള്‍ ഏതൊക്കെയാണെന്നും ഓരോന്നിന്റെയും നിലവിലെ സ്ഥിതി എന്താണെന്നും അറിയിക്കുമോ;

മണ്ഡലത്തില്‍ നാളിതുവരെ ആരംഭിയ്ക്കാത്ത പ്രവൃത്തികള്‍ ഏതൊക്കെയാണെന്നും എന്തുകൊണ്ടാണ് ഓരോ പ്രവൃത്തിയും ആരംഭിയ്ക്കുന്നതിന് കാലതാമസം ഉണ്ടായിട്ടുള്ളതെന്നും അറിയിക്കാമോ;

പ്രസ്തുത പ്രവൃത്തികളുടെ നിര്‍വഹണ ഏജന്‍സികള്‍ ഏതൊക്കെയാണെന്ന് വ്യക്തമാക്കാമോ; പ്രവൃത്തികൾ സമയബന്ധിതമായി പൂര്‍ത്തിയാക്കുന്നതിന് ആവശ്യമായ നിര്‍ദ്ദേശം ഏജന്‍സികള്‍ക്ക് നല്‍കിയിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത പ്രവൃത്തികള്‍ സമയപരിധി നിശ്ചയിച്ച് പൂര്‍ത്തീകരിക്കുന്നതിന് നടപടി സ്വീകരിക്കുമോ?

എസ്.എസ്.കെ. (സമഗ്ര ശിക്ഷാ കേരളം) പദ്ധതിയുടെ ഭാഗമായി കല, കായിക, പ്രവൃത്തിപരിചയ അധ്യാപകരായി നാളിതുവരെ എത്ര പേരെയാണ് ആകെ നിയമിച്ചിട്ടുള്ളത്; നിയമിച്ച വർഷവും ശമ്പളനിരക്കും തിരിച്ചുള്ള കണക്ക് ലഭ്യമാക്കുമോ;

എസ്.എസ്.കെ. പദ്ധതിയുടെ പ്രാരംഭം മുതൽ നാളിതുവരെ പ്രസ്തുത വിഭാഗങ്ങളിലുള്ള അധ്യാപകർക്ക് അനുവദിച്ചിരുന്ന പ്രതിമാസ ശമ്പളം എത്ര രൂപ വീതമാണെന്ന് വർഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത അധ്യാപകർക്ക് ആദ്യം നൽകിയ ശമ്പളത്തേക്കാൾ കുറവാണോ നിലവിലെ ശമ്പളം എന്ന് വ്യക്തമാക്കാമോ; എങ്കിൽ ഇവരുടെ മുന്‍ ശമ്പളവും നിലവിലെ ശമ്പളവും എത്ര വീതമാണെന്ന് അറിയിക്കുമോ; പ്രസ്തുത ജീവനക്കാർക്ക് ശമ്പളം കുറയാൻ ഇടയായ സാഹചര്യങ്ങൾ എന്തെല്ലാമാണെന്ന് വ്യക്തമാക്കുമോ;

പ്രസ്തുത അധ്യാപകർക്ക് ദിവസവേതന തൊഴിലാളികൾക്ക് ലഭിക്കുന്ന തുകയിലും താഴെയുള്ള തുക ശമ്പളമായി നൽകുന്നത് കടുത്ത അനീതിയാണെന്ന് കരുതുന്നുണ്ടോ; എങ്കിൽ ഇത് പരിഹരിക്കുന്നതിനായി അടിയന്തര നടപടി സ്വീകരിക്കുമോ; വിശദാംശം ലഭ്യമാക്കുമോ?

ഇടുക്കി ജില്ലയില്‍ ചലഞ്ച് ഫണ്ട് പ്രയോജനപ്പെടുത്തി കെട്ടിടം നിര്‍മ്മിക്കുന്നതിന് എത്ര സ്കൂളുകളാണ് അപേക്ഷിച്ചിരുന്നതെന്ന് അറിയിക്കുമോ; മണ്ഡലം തിരിച്ചുള്ള വിശദാംശം നല്‍കുമോ;

ഓരോ സ്കൂളിനും എത്ര രൂപയുടെ പ്രവൃത്തികള്‍ക്കാണ് അനുമതി ലഭിച്ചത്; സ്കൂളിന്റെ പേര്, അനുവദിച്ച തുക എന്നിവ സംബന്ധിച്ച വിശദാംശം നല്‍കുമോ;

ഓരോ സ്കൂളിനും ചലഞ്ച് ഫണ്ടില്‍ നിന്നും എത്ര രൂപ വീതം അനുവദിച്ചിരുന്നെന്ന് അറിയിക്കുമോ; വിശദാംശം നല്‍കുമോ;

വലിയതോവാള ക്രിസ്തുരാജ സ്കൂളിന് കെട്ടിടം നിർമാണവുമായി ബന്ധപ്പെട്ട് പാര്‍ട്ട് ബില്‍ മാറി നല്‍കിയിട്ടില്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ചലഞ്ച് ഫണ്ട് പ്രയോജനപ്പെടുത്തി പ്രസ്തുത സ്കൂളിനായി കെട്ടിടം നിര്‍മ്മിച്ച വകയിൽ എത്ര രൂപയാണ് നല്‍കാനുള്ളതെന്ന് വ്യക്തമാക്കുമോ; വിശദാംശം അറിയിക്കുമോ;

ഫണ്ട് അനുവദിക്കുന്നതിന് കാലതാമസം നേരിടുന്നതിനിടയായ സാഹചര്യം വിശദമാക്കാമോ; പ്രസ്തുത സ്കൂളിന് അടിയന്തരമായി ഫണ്ട് അനുവദിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

സ്കോള്‍-കേരളയില്‍ നിലവില്‍ ഏതെല്ലാം കോഴ്സുകളാണ് നടത്തിവരുന്നതെന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം സ്കോള്‍-കേരള മുഖേന പുതുതായി ആരംഭിച്ച കോഴ്സുകള്‍ ഏതെല്ലാമെന്ന് അറിയിക്കുമോ; പുതുതായി കോഴ്സുകള്‍ തുടങ്ങാന്‍ ശിപാര്‍ശ ലഭിച്ചിട്ടുണ്ടോ; കോഴ്സുകളുടെ വിശദാംശം ലഭ്യമാക്കുമോ;

ആദിവാസി മേഖലകളിലെയും പ്രത്യേക പരിഗണന അര്‍ഹിക്കുന്ന വിഭാഗങ്ങളിലെയും പഠിതാക്കള്‍ക്കായി സ്കോള്‍-കേരള മുഖേന പ്രത്യേക പദ്ധതികള്‍ നടപ്പിലാക്കുവാന്‍ ഉദ്ദേശിക്കുന്നുണ്ടോ; വിശദമാക്കുമോ?

കാട്ടാക്കട മണ്ഡലത്തില്‍ കിഫ്ബി ഫണ്ട് ഉപയോഗിച്ച് തദ്ദേശസ്വയംഭരണ വകുപ്പ് (കില) വഴി നടപ്പാക്കുന്ന വിളപ്പില്‍ യു.പി.സ്കൂൾ, വിളവൂര്‍ക്കല്‍ ഹൈസ്കൂൾ, കുരുതംകോട് പ്രൈമറി സ്കൂൾ എന്നിവയുടെ പുതിയ കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ക്കായുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പ്രവൃത്തികള്‍ നടപ്പാക്കുന്നതിന് കാലതാമസം ഉണ്ടാകുന്നതിന്റെ കാരണം വിശദമാക്കാമോ; ആയത് സമയബന്ധിതമായി പൂര്‍ത്തിയാക്കുന്നതിന് നടപടി സ്വീകരിക്കാമോ?

ദേശീയപാത വികസനത്തിന്റെ ഭാഗമായി പൊളിച്ചുനീക്കപ്പെടുന്ന പുന്നയൂര്‍ക്കുളം പ‍ഞ്ചായത്തിലെ അണ്ടത്തോട് സ്കൂളിന് പൊതുവിദ്യാഭ്യാസ സംരക്ഷണ പദ്ധതിയില്‍ ഉള്‍പ്പെടുത്തി കെട്ടിടം നിര്‍മിക്കുന്നതിന് നടപടി സ്വീകരിക്കുമോ;

കിഫ്ബി പദ്ധതിയില്‍ ഉള്‍പ്പെടുത്തി പ്രസ്തുത സ്കൂളിന് കെട്ടിടം നിര്‍മ്മിക്കുന്നതിന് നടപടി സ്വീകരിക്കുമോ; വിശദമാക്കുമോ?

ടൈപ്പ് വണ്‍ (ജുവനൈല്‍ പ്രമേഹം) ഡയബറ്റിസ് ബാധിതരായ സ്‌കൂള്‍ കുട്ടികളുടെ പരിരക്ഷ സംബന്ധിച്ച് അധ്യാപകര്‍ക്ക് ബോധവല്‍ക്കരണം നല്കുന്നതിനായി വകുപ്പ് തലത്തിൽ സ്വീകരിച്ച് വരുന്ന നടപടികള്‍ എന്തെല്ലാമെന്ന് വിശദമാക്കുമോ?

ആയിരത്തിലധികം കുട്ടികള്‍ പഠിക്കുന്ന പയ്യന്നൂർ മണ്ഡലത്തിലെ കണ്ടങ്കാളി, വെള്ളൂര്‍, മാത്തില്‍, വയക്കര എന്നീ ഹയര്‍ സെക്കന്‍ണ്ടറി സ്കൂളുകള്‍ക്ക് കിഫ്ബിയില്‍ ഉള്‍പ്പെടുത്തി മൂന്ന് കോടി രൂപ അനുവദിച്ച പദ്ധതിയുടെ നിലവിലെ അവസ്ഥ എന്താണെന്ന് വിശദമാക്കാമോ;

ഭരണാനുമതി ലഭിച്ചിട്ട് വര്‍ഷങ്ങള്‍ കഴി‍ഞ്ഞിട്ടും പദ്ധതിയുടെ നിര്‍വഹണം ആരംഭിക്കാന്‍ കഴിയാത്തത് എന്തുകൊണ്ടാണെന്ന് വ്യക്തമാക്കാമോ;

സ്കൂൾ കെട്ടിട നിര്‍മ്മാണത്തിലെ കാലതാമസം ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇത് പരിഹരിച്ച് നിർമ്മാണം വേഗത്തില്‍ ആരംഭിക്കാൻ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

പൊതുവിദ്യാഭ്യാസ വകുപ്പിന്റെ പ്ലാന്‍/നോണ്‍ പ്ലാന്‍ ഫണ്ട് ഉപയോഗിച്ച് ഈ സാമ്പത്തിക വര്‍ഷം എല്‍.പി. തലം മുതല്‍ ഹയര്‍ സെക്കന്‍ണ്ടറി തലം വരെയുള്ള എത്ര സ്കൂളുകള്‍ക്ക് കെട്ടിടം നിര്‍മ്മിക്കുന്നതിന് അനുമതി നല്‍കിയിട്ടുണ്ട്; ആയതിന്റെ വിശദാംശം ജില്ല തിരിച്ച് ലഭ്യമാക്കുമോ;

മലപ്പുറം ജില്ലയില്‍ ഇത്തരത്തില്‍ വകുപ്പിന്റെ പ്ലാന്‍/നോണ്‍ പ്ലാന്‍ ഫണ്ട് ഉപയോഗിച്ച് നടപ്പ് സാമ്പത്തിക വര്‍ഷം എല്‍.പി. തലം മുതല്‍ ഹയര്‍ സെക്കന്‍ണ്ടറി തലം വരെയുള്ള എത്ര സ്കൂളുകള്‍ക്ക് കെട്ടിടം നിര്‍മ്മിക്കുന്നതിന് അനുമതി നല്‍കിയിട്ടുണ്ട്; ആയതിന്റെ വിശദാംശം നിയോജക മണ്ഡലം തിരിച്ച് ലഭ്യമാക്കുമോ?

സംസ്ഥാനത്തെ ഗവൺമെന്റ് ഹയര്‍ സെക്കൻണ്ടറി സ്കൂളുകള്‍ക്ക് കംപ്യൂട്ടര്‍ ലാബ് അനുവദിക്കുന്നതിന് ഈ സാമ്പത്തിക വര്‍ഷം വകുപ്പ് എത്ര ഫണ്ട് അനുവദിച്ചു എന്ന് വിശദമാക്കാമോ;

മട്ടന്നൂര്‍ മണ്ഡലത്തിലെ എടയന്നൂര്‍ ഗവൺമെന്റ് വൊക്കേഷണൽ ഹയര്‍ സെക്കൻ‍ണ്ടറി സ്കൂളിന് കംപ്യൂട്ടര്‍ ലാബ് അനുവദിക്കുന്നതിന് നൽകിയ അപേക്ഷയിൽ കൈക്കൊണ്ട നടപടികള്‍ വിശദമാക്കാമോ;

പ്രസ്തുത വിദ്യാലയത്തിന് കംപ്യൂട്ടര്‍ ലാബ് ഒരുക്കുന്നതിനുള്ള ഫണ്ട് അടിയന്തരമായി അനുവദിക്കാനുള്ള നടപടികള്‍ സ്വീകരിക്കുമോ?

നബാര്‍‍ഡ് റൂറല്‍ ഇന്‍ഫ്രാസ്ട്രക്ചര്‍ ഡെവലപ്പ്മെന്റ് ഫണ്ട് (ആർ.ഐ.ഡി.എഫ്.) പദ്ധതിയിൽ ഉൾപ്പെടുത്തുന്നതിനായി ഇരുപത്തിയെട്ട് സ്കൂളുകളുടെ വിവരങ്ങൾ അടങ്ങുന്ന പട്ടിക പൊതുവിദ്യാഭ്യാസ ഡയറക്ടറുടെ 08.08.2022-ലെ കത്ത് മുഖേന പൊതുമരാമത്ത് വകുപ്പ് (കെട്ടിട വിഭാഗം) ചീഫ് എഞ്ചിനീയര്‍ക്ക് നൽകിയിരുന്നോ എന്ന് അറിയിക്കുമോ; ഇതിന്റെ നിലവിലെ സ്ഥിതി വ്യക്തമാക്കുമോ; വിശദ വിവരങ്ങള്‍ ലഭ്യമാക്കുമോ;

മേല്‍പ്പറഞ്ഞ സ്കൂളുകളെ പ്രസ്തുത പദ്ധതിയില്‍ ഉള്‍പ്പെടുത്താന്‍ സാധ്യത ഇല്ലെങ്കില്‍ വകുപ്പിന്റെ മറ്റ് ഏതെങ്കിലും പദ്ധതിയില്‍ ഉള്‍പ്പെടുത്തുന്നതിനുള്ള നടപടി സ്വീകരിക്കുമോ; വിശദാംശം ലഭ്യമാക്കുമോ?

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കിഫ്ബി വഴി അനുവദിക്കുന്ന പല പ്രവൃത്തികളും ഇപ്പോഴും പ്രാരംഭ ദശയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഇത്തരത്തില്‍ അരൂര്‍ മണ്ഡലത്തില്‍ എത്ര പ്രവൃത്തികള്‍ അനുവദിച്ചിട്ടുണ്ടെന്നും അവയുടെ നിലവിലെ സ്ഥിതിയും വിശദമാക്കാമോ;

അരൂര്‍ മണ്ഡലത്തില്‍ അനുവദിച്ച പ്രവൃത്തിയുടെ പേരും നിര്‍വഹണ ഏജന്‍സിയുടെ പേരും ഇപ്പോഴത്തെ നിര്‍മ്മാണ പുരോഗതിയും വിശദമാക്കാമോ?

സ്കൂള്‍ പാഠ്യപദ്ധതിയില്‍ ആരോഗ്യ-കായിക പദ്ധതിയുടെ ഭാഗമായി നീന്തല്‍ ഉള്‍പ്പെടുത്തുമെന്ന പ്രഖ്യാപനം നടപ്പിലാക്കാൻ സ്വീകരിച്ച നടപടികൾ വിശദമാക്കുമോ;

പാഠ്യപദ്ധതിയില്‍ നീന്തല്‍ ഉൾപ്പെടുത്തിയാൽ സംസ്ഥാനത്ത്‌ മുങ്ങിമരണങ്ങൾ കുറയ്ക്കാൻ സാധിക്കും എന്നത് വസ്തുതയാണോ; അറിയിക്കുമോ;

ഓരോ മണ്ഡലത്തിലെയും ഒരു സ്കൂളില്‍ ഒരു നീന്തല്‍കുളം ആരംഭിക്കുവാൻ തീരുമാനിച്ചിട്ടുണ്ടോ; എങ്കിൽ ആയതിന്റെ പുരോഗതി വിശദമാക്കാമോ?

വിദ്യാഭ്യാസം മത്സരാധിഷ്ഠിതം എന്നതിനുപകരം പാഠ്യപദ്ധതി പരിഷ്കരണം പ്രവര്‍ത്തനാധിഷ്ഠിതവും സഹകരണ പഠനത്തിനും സംഘ പഠനത്തിനും സാദ്ധ്യത തുറന്നുനല്‍കുന്ന രീതിക്ക്‌ ഊന്നൽ നല്‍കിക്കൊണ്ടുമാണോ നടപ്പിലാക്കുന്നതെന്ന് വിശദമാക്കാമോ;

ശാസ്ത്രീയ മനോഭാവവും യുക്തി ചിന്തയും വളര്‍ത്തിയെടുക്കുന്നതിനും സാമൂഹ്യ നീതി, ലിംഗ നീതി, ജാതി മതാതീത സാമൂഹ്യ ബോധം, ജനാധിപത്യ മൂല്യങ്ങള്‍ എന്നിവ വളര്‍ത്തിയെടുക്കുന്നതിനും പാഠ്യപദ്ധതി ലക്ഷ്യമിടുന്നുണ്ടോ;

പാഠ്യപദ്ധതി പരിഷ്കകരണത്തോടാെപ്പം അദ്ധ്യയന രീതിയില്‍ അനിവാര്യമായി ഉണ്ടാകേണ്ട മാറ്റങ്ങള്‍ ഉള്‍ക്കൊള്ളുന്നതിന് അദ്ധ്യാപകരെ പ്രാപ്തരാക്കുന്നതിനുള്ള പ്രവര്‍ത്തനം നടത്താന്‍ ഉദ്ദേശിക്കുന്നുണ്ടോ; വിശദമാക്കുമോ?

സംസ്ഥാനത്ത് സ്കൂള്‍ പാഠ്യപദ്ധതി പരിഷ്കരണവുമായി ബന്ധപ്പെട്ട പ്രവര്‍ത്തനങ്ങളുടെ പുരോഗതി അറിയിക്കാമോ;

പരിഷ്കരിച്ച പാഠ്യപദ്ധതി പ്രകാരമുള്ള പുസ്തകങ്ങളുടെ രചന, അച്ചടി, വിതരണം എന്നിവ പൂര്‍ത്തിയാക്കിയിട്ടുണ്ടോ; വിശദാംശം ലഭ്യമാക്കാമോ;

പരിഷ്കരിച്ച പാഠ്യപദ്ധതിക്ക് അനുയോജ്യമായ രീതിയില്‍ ഡിജിറ്റല്‍ പഠനോപാധികൾ തയ്യാറാക്കുന്നതിന് നടപടി സ്വീകരിക്കുമോ;

പുതിയ പാഠ്യക്രമമനുസരിച്ച് സ്കൂളുകളിലെ വിവിധ ലാബുകളും ലൈബ്രറി സംവിധാനങ്ങളും മാറ്റുന്നതിന് ഉദ്ദേശിക്കുന്നുണ്ടോ; വിശദമാക്കാമോ?

കുട്ടികള്‍ക്ക് കൃത്യമായ നിയമ ബോധവല്‍ക്കരണം ഇല്ലാത്തതിനാല്‍ പലപ്പോഴും ചൂഷണം ചെയ്യപ്പെടുകയും കുറ്റകൃത്യങ്ങളില്‍ പങ്കാളികളാകുകയും ചെയ്യുന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

നിയമങ്ങളെക്കുറിച്ച് പ്രാഥമിക അവബോധം ഉണ്ടാകുന്ന രീതിയില്‍ നിയമ പഠനം ഒരു പ്രത്യേക വിഷയമായി പാഠ്യപദ്ധതിയിൽ ഉൾപ്പെടുത്തി വിദ്യാർത്ഥികൾക്ക് പഠിക്കുവാൻ അവസരം ലഭ്യമാക്കുമോ; വിശദമാക്കുമോ?

സ്കൂളുകളിലെ പാഠ്യപദ്ധതി പരിഷ്ക്കരണവുമായി ബന്ധപ്പെട്ട് ഈ സര്‍ക്കാര്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

ഏതൊക്കെ ക്ലാസ്സുകളിലെ പാഠ്യപദ്ധതിയാണ് ഇതിനോടകം പരിഷ്ക്കരിച്ചിട്ടുള്ളതെന്ന് വിശദമാക്കാമോ;

അടുത്ത അധ്യയന വര്‍ഷം പാഠ്യപദ്ധതി പരിഷ്ക്കരിക്കാന്‍ ഉദ്ദേശിക്കുന്നുണ്ടോ; എങ്കിൽ ഏതൊക്കെ ക്ലാസ്സുകളിലാണ് പാഠ്യപദ്ധതി പരിഷ്ക്കരിക്കാന്‍ ഉദ്ദേശിക്കുന്നതെന്ന് വിശദമാക്കാമോ;

സ്കൂള്‍ പാഠ്യപദ്ധതി പരിഷ്ക്കരണത്തിനായി നിയോഗിച്ച ഖാദര്‍ കമ്മിറ്റിയുടെ റിപ്പോര്‍ട്ട് സര്‍ക്കാരിന് സമര്‍പ്പിച്ചിട്ടുണ്ടോ; എങ്കിൽ റിപ്പോര്‍ട്ടിന്റെ ഉള്ളടക്കം വിശദമാക്കാമോ;

ഖാദര്‍ കമ്മിറ്റി നിര്‍ദ്ദേശിച്ച പരിഷ്ക്കരണം അടുത്ത അധ്യയന വര്‍ഷം മുതല്‍ നടപ്പിലാക്കാന്‍ ഉദ്ദേശിക്കുന്നുണ്ടോ; എങ്കിൽ വിശദവിവരം ലഭ്യമാക്കാമോ?

എല്‍.പി., യു.പി. സ്കൂളുകള്‍ പ്രവര്‍ത്തിക്കുന്നതിന് എത്ര സ്ഥലമാണ് സ്വന്തമായി വേണ്ടതെന്ന് അറിയിക്കുമോ; ഇതിനുളള വ്യവസ്ഥകള്‍ പ്രതിപാദിക്കുന്ന രേഖകളുണ്ടെങ്കില്‍ അവയുടെ പകര്‍പ്പ് ലഭ്യമാക്കുമോ; ഏതെങ്കിലും സാഹചര്യങ്ങളില്‍ സ്ഥലം സംബന്ധിച്ച ഇളവുകള്‍ അനുവദിച്ചിട്ടുളള സര്‍ക്കാര്‍ സ്കൂളുകളുണ്ടെങ്കില്‍ അവയുടെ വിശദാംശം ലഭ്യമാക്കാമോ;

സംസ്ഥാനത്തെ എല്‍.പി., യു.പി. സ്കൂളുകള്‍ക്ക് സ്വന്തമായി കളിസ്ഥലം വേണമെന്ന് വ്യവസ്ഥയുണ്ടോ; എങ്കിൽ കളിസ്ഥലം സംബന്ധിച്ച മാര്‍ഗ്ഗനിര്‍ദ്ദേശങ്ങളും കളിസ്ഥലത്തിന് ചുരുങ്ങിയത് എത്ര വിസ്തീര്‍ണ്ണം വേണം എന്ന വിവരവും അറിയിക്കുമോ;

എത്ര കുട്ടികള്‍ പഠിക്കുന്ന യു.പി. സ്കൂളുകളിലാണ് കായികാധ്യാപക തസ്തികകള്‍ അനുവദിച്ചിട്ടുളളതെന്ന് വ്യക്തമാക്കുമോ;

നിലമ്പൂര്‍ നിയോജക മണ്ഡലത്തിലെ ഏതെല്ലാം സര്‍ക്കാര്‍ യു.പി. സ്കൂളുകളിലാണ് കായികാധ്യാപക തസ്തികകള്‍ നിലവിലുളളതെന്ന് അറിയിക്കുമോ;

കായികാധ്യാപകരില്ലാത്ത സര്‍ക്കാര്‍ യു.പി. സ്കൂളുകളിൽ ഫിസിക്കല്‍ ട്രെയിനിംഗ് പിരീഡുകള്‍ എങ്ങനെയാണ് ക്രമീകരിക്കാറുളളതെന്നും പ്രസ്തുത പിരീഡുകളുടെ ചുമതല ആരാണ് നിര്‍വ്വഹിക്കാറുളളതെന്നും അറിയിക്കുമോ; കായിക പരിശീലനം ലഭിച്ചവരാണോ പകരം ചുമതല വഹിക്കുന്നതെന്ന്‌ വ്യക്തമാക്കുമോ?

സംസ്ഥാനത്തെ സര്‍ക്കാര്‍-എയ്ഡഡ് പ്രൈമറി വിദ്യാലയങ്ങളിലെ പ്രഥമ അദ്ധ്യാപകര്‍ക്ക് ശമ്പള സ്കെയില്‍ അനുവദിക്കാന്‍ കഴിയാത്തതിന്റെ സാഹചര്യം ശ്രദ്ധയില്‍പ്പെട്ടിട്ടുണ്ടോ വ്യക്തമാക്കുമോ;

പ്രഥമ അദ്ധ്യാപകന്റെ ജോലിയും അദ്ധ്യാപകരുടെ ജോലിയും ഒരേസമയം ചെയ്യുന്ന പ്രൈമറി വിദ്യാലയങ്ങളിലെ പ്രഥമ അദ്ധ്യാപകര്‍ സീനിയര്‍ ടീച്ചര്‍ തസ്തികക്ക് അനുവദിച്ചിട്ടുള്ള ശമ്പള സ്കെയിലില്‍ ജോലി ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

പതിനൊന്നാം ശമ്പള പരിഷ്കരണ റിപ്പോര്‍ട്ട് പ്രകാരം പ്രൈമറി സ്കൂള്‍ പ്രഥമ അദ്ധ്യാപകര്‍ക്ക് അനുവദിച്ചിട്ടുള്ള ശമ്പള നിരക്ക് അനുവദിക്കുന്നതില്‍ നിലവില്‍ തടസ്സങ്ങളുണ്ടോ; എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ; വിശദീകരിക്കുമോ?

മലപ്പുറം ജില്ലയിൽ സർക്കാർ പ്രൈമറി വിദ്യാലയങ്ങളിൽ സർവീസ് സീനിയോറിറ്റി അനുസരിച്ച് മലപ്പുറം ഡെപ്യൂട്ടി ഡയറക്ടറുടെ 26/10/2021-ലെ എ2/12639/2021, 30/11/2022-ലെ എ2/6776/2022 എന്നീ നടപടിക്രമങ്ങള്‍ പ്രകാരം എത്ര പേർക്കാണ് പ്രധാന അധ്യാപകരായി സ്ഥാനക്കയറ്റം നൽകി നിയമിച്ചിരിക്കുന്നതെന്ന് വെളിപ്പെടുത്തുമോ;

ഇത്തരത്തില്‍ സ്ഥാനക്കയറ്റം ലഭിച്ച പ്രധാന അധ്യാപകർക്ക് അവരുടെ സര്‍വീസ് ആനുകൂല്യങ്ങള്‍ നല്‍കിയിട്ടുണ്ടോ ; ഇല്ലെങ്കില്‍ ആയതിന്റെ കാരണം എന്താണെന്ന് വെളിപ്പെടുത്തുമോ;

ഇതേ കാലയളവിൽ പ്രമോഷൻ ലഭിച്ച എയിഡഡ് മേഖലയിലെ പ്രധാന അധ്യാപകർക്ക് ആനുകൂല്യങ്ങൾ നൽകിവരുന്നുണ്ടോ; വ്യക്തമാക്കുമോ;

എയിഡഡ് മേഖലയിലെ പ്രധാന അധ്യാപകർക്ക് ആനുകൂല്യങ്ങൾ നല്കി വരുന്നുണ്ടെങ്കില്‍ നിബന്ധനകൾക്ക് വിധേയമായി സർക്കാർ പ്രൈമറി വിദ്യാലയങ്ങളിലെ പ്രധാന അധ്യാപകർക്കും അവരുടെ സര്‍വീസ് ആനുകൂല്യങ്ങൾ നൽകുന്നതിന് നടപടി സ്വീകരിക്കുമോ?

തിരുവനന്തപുരം, എറണാകുളം ജില്ലകളില്‍ എല്‍.പി.എസ്.എ. ടീച്ചര്‍ (മലയാളം മീഡിയം) എത്ര ഒഴിവുകള്‍ പി.എസ്.സി. ക്ക് റിപ്പോര്‍ട്ട് ചെയ്യാനുണ്ടെന്നും എത്ര ഒഴിവുകള്‍ നിലവില്‍ റിപ്പോര്‍ട്ട് ചെയ്തിട്ടുണ്ടെന്നും അറിയിക്കാമോ;

ഒഴിവുകള്‍ സംബന്ധിച്ചുള്ള ഫിക്സേഷന്‍ നടപടികള്‍ നിലവില്‍ പൂര്‍ത്തീകരിച്ചിട്ടുണ്ടോ; വിശദമാക്കാമോ; ഇല്ലെങ്കില്‍ ഫിക്സേഷന്‍ നടപടികള്‍ എന്നത്തേക്ക് പൂര്‍ത്തീകരിക്കാന്‍ സാധിക്കുമെന്ന് അറിയിക്കാമോ;

2023-24 അക്കാദമിക വര്‍ഷം എത്ര പ്രതീക്ഷിത ഒഴിവുകള്‍ നിലവില്‍ കണക്കാക്കിയിട്ടുണ്ട്; രണ്ട് ജില്ലകളിലെയും ഒഴിവുകള്‍ സംബന്ധിച്ച വിശദാംശം ലഭ്യമാക്കുമോ?

ചാത്തന്നൂർ മണ്ഡലത്തിൽ ഉൾപ്പെട്ട ഭൂതക്കുളം ഗവൺമെന്റ് ഹയർ സെക്കൻഡറി സ്കൂളിൽ പുതിയ ക്ലാസ്സ് മുറികൾ നിർമ്മിക്കുന്നതിനായി സമഗ്ര ശിക്ഷ കേരളം ഫണ്ട് അനുവദിച്ചിട്ടുണ്ടോ; എങ്കിൽ പ്രസ്തുത തുക എത്രയാണെന്നും അനുവദിച്ചതെന്നാണെന്നും വ്യക്തമാക്കാമോ;

പ്രസ്തുത ഫണ്ട് വിനിയോഗിച്ച് പുതിയ ക്ലാസ്സ് മുറികൾ നിർമ്മിക്കുന്നതിന് കാലതാമസം നേരിടുന്നത് എന്തുകൊണ്ടാണെന്നും തടസ്സങ്ങൾ ഉണ്ടെങ്കിൽ അവ എന്തെല്ലാമാണെന്നും വിശദമാക്കാമോ;

തടസ്സങ്ങൾ ഒഴിവാക്കി ക്ലാസ്സ് മുറികൾ നിർമ്മിക്കുന്നതിന് നടപടികൾ സ്വീകരിച്ചിട്ടുണ്ടോ; എങ്കിൽ ആയത് സംബന്ധിച്ച നിലവിലെ സ്ഥിതി എന്താണെന്ന് അറിയിക്കാമോ;

എസ്.എസ്.കെ. ഫണ്ട് വിനിയോഗിച്ച് ഭൂതക്കുളം ജി.എച്ച്.എസ്.എസ്. ൽ പുതിയ ക്ലാസ്സ് മുറികൾ നിർമ്മിക്കുന്നതിന് അടിയന്തര നടപടികൾ സ്വീകരിക്കണമെന്ന് ആവശ്യപ്പെട്ട് എം.എൽ.എ. നൽകിയ നിവേദനത്തിന്മേൽ (ഫയൽ നം.E/6833727/2023 ) പൊതു വിദ്യാഭ്യാസ ഡയറക്ടർ നടപടികൾ സ്വീകരിച്ചിട്ടുണ്ടോ; എങ്കിൽ അതിന്റെ വിശദാംശം വ്യക്തമാക്കാമോ?

പൊതുവിദ്യാഭ്യാസ വകുപ്പിലെ ഹയര്‍ സെക്കന്ററി പരീക്ഷാ മാന്വല്‍ പരിഷ്കരിച്ചുകൊണ്ട് സര്‍ക്കാര്‍ ഇറക്കിയ 22.12.2022-ലെ (ആർ.റ്റി.) 8351/2022/പൊവിവ നമ്പർ ഉത്തരവ് പ്രകാരം കോഴ്സ് ക്യാൻസൽ ചെയ്യുന്നതിനായി അപേക്ഷ സമര്‍പ്പിക്കേണ്ടതിന്റെ പൂര്‍ണ്ണമായ രീതി എങ്ങനെയാണെന്ന് അറിയിക്കാമോ;

അപേക്ഷ സമര്‍പ്പിച്ചാല്‍ കോഴ്സ് ക്യാൻസൽ ചെയ്യുന്നതിന് എടുക്കുന്ന കാലതാമസം അറിയിക്കാമോ;

പ്രസ്തുത ഉത്തരവ് പ്രകാരം കോഴ്സ് ക്യാൻസൽ ചെയ്യുന്നവര്‍ക്ക് മറ്റ് കോഴ്സ് ചെയ്യുന്നതിന് പരീക്ഷ ഫീസ് അടയ്ക്കുന്നതിന് സമയം നല്‍കുമോ; അറിയിക്കാമോ?

ഈ സാമ്പത്തിക വര്‍ഷം സംസ്ഥാനത്തെ ഗവണ്‍മെന്റ് ഹയര്‍ സെക്കന്‍ഡറി സ്കൂളുകള്‍ക്ക് കംപ്യുട്ടര്‍ ലാബ് അനുവദിക്കുന്നതിന് എത്ര ഫണ്ട് വകുപ്പ് അനുവദിച്ചുവെന്ന് വിശദമാക്കാമോ;

മട്ടന്നൂര്‍ മണ്ഡലത്തിലെ എടയന്നൂർ ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്കൂളിന് കംപ്യുട്ടര്‍ ലാബ് സൗകര്യം അനുവദിക്കുന്നതിന് നല്‍കിയ അപേക്ഷയിന്മേൽ സ്വീകരിച്ച നടപടികള്‍ വിശദമാക്കാമോ;

പ്രസ്തുത വിദ്യാലയത്തിന് കംപ്യുട്ടര്‍ ലാബ് സൗകര്യം ഒരുക്കുന്നതിനുള്ള ഫണ്ട് അടിയന്തരമായി അനുവദിക്കുന്നതിന് നടപടി സ്വീകരിക്കുമോ?

കുട്ടനാട് കിടങ്ങറ ഹയര്‍ സെക്കൻഡറി സ്കൂളിൽ ഹൈസ്കൂൾ തലം വരെ അന്തർദേശീയ നിലവാരത്തില്‍ അടിസ്ഥാന സൗകര്യങ്ങള്‍ ഉണ്ടെങ്കിലും പ്രസ്തുത സ്കൂളിലെ ഹയര്‍ സെക്കൻഡറി വിഭാഗത്തിന് ഫിറ്റ്നസ് ഉള്ള കെട്ടിടം ഇല്ലാത്തതുമൂലം വിദ്യാർത്ഥികളും അധ്യാപകരും കഷ്ടപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പരിഹരിക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

പ്രസ്തുത സ്കൂളിലെ ഹയര്‍ സെക്കൻഡറി വിഭാഗത്തിന് ഹൈസ്കൂളിന് തുല്യമായ അടിസ്ഥാന സൗകര്യങ്ങള്‍ കാലതാമസം കൂടാതെ ലഭ്യമാക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

സർക്കാർ ഹൈസ്കൂളുകളോ ഹയര്‍സെക്കന്ററി സ്കൂളുകളോ ഇല്ലാത്ത എത്ര തദ്ദേശസ്വയംഭരണ സ്ഥാപനങ്ങള്‍ നിലവിൽ കോഴിക്കോട് ജില്ലയിലുണ്ടെന്ന് അറിയിക്കാമോ;

ഇപ്രകാരമുള്ള തദ്ദേശസ്വയംഭരണ സ്ഥാപനപരിധിയിലുള്ള ഏതെങ്കിലും സ്കൂളുകള്‍ അപ്ഗ്രേഡ് ചെയ്ത് ഹൈസ്കൂളുകളോ ഹയര്‍ സെക്കന്ററി സ്കൂളുകളോ ആയി ഉയര്‍ത്താനുള്ള പദ്ധതിയുണ്ടോ?

ഈ സർക്കാർ അധികാരത്തിൽ വന്നതിനുശേഷം ലഹരി വിരുദ്ധ ക്യാമ്പയിന്റെ ഭാഗമായി സംസ്ഥാനത്ത് വിദ്യാഭ്യാസ വകുപ്പിന്റെ നേതൃത്വത്തിൽ നടപ്പാക്കിയ പ്രവൃത്തികൾ എന്തൊക്കെയാണെന്നും ഓരോന്നിനും ചെലവഴിച്ച തുക എത്രയാണെന്നും വിദ്യാഭ്യാസ ജില്ല തിരിച്ചുള്ള വിശദാംശം ലഭ്യമാക്കുമോ?

സംസ്ഥാനത്ത് സ്കൂള്‍ വിദ്യാര്‍ഥികള്‍ക്കിടയില്‍ ലഹരി ഉപയോഗം വ്യാപിക്കുന്നത് തടയുന്നതിന്റെ ഭാഗമായി ലഹരി വിരുദ്ധ ബോധവല്‍ക്കരണം പാഠ്യപദ്ധതിയുടെ ഭാഗമാക്കാന്‍ ഉദ്ദേശിക്കുന്നുണ്ടോ;

സ്കൂളുകളില്‍ നടത്തിവരുന്ന ലഹരി വിരുദ്ധ ബോധവല്‍ക്കരണ പരിപാടികള്‍ കാര്യക്ഷമമാക്കി ലഹരി വിരുദ്ധ മുന്നേറ്റത്തിന് പദ്ധതികള്‍ ആവിഷ്കരിക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

സ്കൂൾ കുട്ടികള്‍ക്ക് ഒഴിവ് സമയം ക്രിയാത്മകമായി ചെലവഴിക്കാനും അതുവഴി ലഹരിയിലേക്ക് വഴിമാറുന്നത് തടയാനും ഉതകുംവിധം ഹരിയാനയിൽ നടപ്പിലാക്കിയ സ്പോർട്സ് നഴ്‌സറികൾ സംസ്ഥാനത്തും നടപ്പാക്കുന്നതിന് നടപടി സ്വീകരിക്കുമോ;

ലഹരിക്കെതിരെ സർക്കാരിന്റെ നേതൃത്വത്തിൽ സ്കൂളുകളിൽ സംഘടിപ്പിച്ച പദ്ധതിയുടെ ഭാഗമായി നൽകിയ ഉറപ്പിനെ തുടർന്ന്, ലഹരി മാഫിയയെക്കുറിച്ച് പോലീസിനെ അറിയിച്ച പെൺകുട്ടിയെയും അമ്മയെയും ലഹരി മാഫിയ ആക്രമിച്ചത് പോലുളള സംഭവങ്ങൾ ആവർത്തിക്കാതിരിക്കാൻ മറ്റ് ബന്ധപ്പെട്ട വകുപ്പുകളുമായി ചേർന്ന് നടപടികൾ സ്വീകരിക്കുമോ; വ്യക്തമാക്കാമോ?

സംസ്ഥാനത്ത് സ്വന്തമായി സ്ഥലം ഇല്ലാത്തതും വാടക കെട്ടിടത്തില്‍ പ്രവര്‍ത്തിക്കുന്നതുമായ എത്ര സർക്കാർ സ്കൂളുകള്‍ (ടെക്നിക്കല്‍ സ്കൂളുകള്‍ ഉള്‍പ്പെടെ) ഉണ്ടെന്നും അവ ഏതെല്ലാമാണെന്നും വ്യക്തമാക്കുമോ; വിശദാംശം നല്‍കുമോ;

പ്രസ്തുത സ്കുളുകള്‍ക്ക് ആവശ്യമായ സ്ഥലം കണ്ടെത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

ചങ്ങനാശ്ശേരി മണ്ഡലത്തിലെ കുറിച്ചി ടെക്നിക്കല്‍ സ്കൂളിന് ആവശ്യമായ സ്ഥലം ഏറ്റെടുക്കുന്നതിന് എന്തെല്ലാം നടപടികളാണ് നാളിതുവരെ സ്വീകരിച്ചിട്ടുള്ളതെന്ന് വ്യക്തമാക്കുമോ?

കുന്നംകുളം ഗവണ്‍മെന്റ് വി.എച്ച്.എസ്.എസ്. ഫോര്‍ ബോയ്സിൽ സ്പോര്‍ട്സ് ഡിവിഷനില്‍ ബാസ്ക്കറ്റ് ബോൾ ഗെയിം ആരംഭിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത സ്കൂളില്‍ ബാസ്ക്കറ്റ് ബോൾ ഗെയിം ആരംഭിക്കുവാന്‍ നടപടി സ്വീകരിക്കുമോ?

കോന്നി നിയോജകമണ്ഡലത്തില്‍ നിര്‍മാണ പ്രവൃത്തിക്ക് തുക അനുവദിച്ചിട്ടുള്ള ചിറ്റാര്‍ ഗവണ്‍മെന്റ് ഹയര്‍ സെക്കന്‍ഡറി സ്കൂള്‍, കുന്നിട ഗവണ്‍മെന്റ് എല്‍.പി. സ്കൂള്‍ , കലഞ്ഞൂര്‍ ഗവണ്‍മെന്റ് എല്‍.പി. സ്കൂള്‍ എന്നിവയുടെ നിര്‍മാണ പ്രവൃത്തിയുടെ നിര്‍വ്വഹണ ഏജന്‍സികളുമായി കരാറിൽ ഏര്‍പ്പെട്ടത് ഏതൊക്കെ തീയതികളിലാണെന്ന് അറിയിക്കുമോ;

പ്രസ്തുത സ്കൂളുകളുടെ നിര്‍മാണ കാലാവധി എത്ര മാസമാണെന്ന് വ്യക്തമാക്കുമോ; നിര്‍മാണ പ്രവൃത്തികള്‍ എത്ര ശതമാനം നിലവില്‍ പൂര്‍ത്തിയായിട്ടുണ്ടെന്ന് അറിയിക്കുമോ;

പ്രസ്തുത സ്കൂളുകളുടെ നിര്‍മാണ പ്രവൃത്തികൾ എന്നത്തേക്ക് പൂര്‍ത്തികരിക്കാന്‍ സാധിക്കുമെന്ന് വ്യക്തമാക്കാമോ?

തൃക്കരിപ്പൂര്‍ മണ്ഡലത്തിലെ കയ്യൂര്‍ വി.എച്ച്.എസ്.ഇ. ൽ ഹയര്‍ സെക്കന്ററി വിഭാഗത്തില്‍ സീനിയര്‍ അധ്യാപക തസ്തിക നിലവിൽ ഇല്ലാത്തതുകൊണ്ട് ഉണ്ടാകുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്കൂളിൽ സീനിയര്‍ അധ്യാപക തസ്തിക എന്നത്തേയ്ക്ക് സൃഷ്ടിക്കാന്‍ കഴിയുമെന്ന് വ്യക്തമാക്കുമോ?

കഴിഞ്ഞ ഇരുപത് കൊല്ലമായി ഉള്‍നാടന്‍ മത്സ്യത്തൊഴിലളികളുടെയും പട്ടികജാതി പട്ടികവര്‍ഗ്ഗ സമുദായത്തില്‍പ്പെട്ട വിദ്യാര്‍ത്ഥികള്‍ക്കും കര്‍ഷകരുടെയും കര്‍ഷക തൊഴിലാളികളുടെയും മക്കള്‍ക്കും മികച്ച വിദ്യാഭ്യാസം നല്‍കുന്ന ആലപ്പുഴ ജില്ലയില്‍ നൂറനാട് പടനിലം ഏലിയാസ് നഗര്‍ കേന്ദ്രമാക്കി പുനലൂര്‍ കത്തോലിക്ക രൂപത നടത്തുന്ന മാവേലിക്കര എ.ഇ.ഒ. യുടെ കീഴില്‍ വരുന്ന ഫാത്തിമ മാതാ ഇംഗ്ലീഷ് മീഡിയം സ്കൂളിന് അംഗീകാരം നല്‍കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

ദേശീയ വിദ്യാഭ്യാസ നയത്തില്‍ നിഷ്ക്കര്‍ഷിക്കുന്ന എല്ലാ മാനദണ്ഡങ്ങളും പാലിച്ച് നടത്തുന്ന ഈ സ്കൂളിന് ഉടന്‍ അംഗീകാരം നല്‍കാന്‍ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

ദൂരപരിധിയും സര്‍ക്കാര്‍ മാനദണ്ഡങ്ങളും പാലിച്ച് പ്രവര്‍ത്തിക്കുന്ന സംസ്ഥാനത്തെ അംഗീകാരം ലഭിക്കാത്ത മുഴുവന്‍ സ്കൂളുകള്‍ക്കും അംഗീകാരം നല്‍കാന്‍ അടിയന്തര നിര്‍ദേശം നല്‍കുമോ; വിശദാംശം ലഭ്യമാക്കുമോ?

തരൂര്‍ മണ്ഡലത്തിലെ പുതുക്കോട് സര്‍വ്വജന സ്കൂള്‍ സര്‍ക്കാര്‍ ഏറ്റെടുക്കുന്നതുമായി ബന്ധപ്പെട്ട് അഡ്വക്കേറ്റ് ജനറല്‍ ആവശ്യപ്പെട്ട വിവരങ്ങള്‍ നല്‍കുന്നതില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത വിവരങ്ങള്‍ എപ്പോള്‍ നല്‍കാന്‍ സാധിക്കുമെന്ന് വ്യക്തമാക്കുമോ?

സംസ്ഥാനത്ത് എയ്ഡഡ് സ്കൂളുകളില്‍ ഭിന്നശേഷി സംവരണ നിയമനത്തിനുള്ള ബാക്ക്-ലോഗ് നികത്തേണ്ടത് 18.11.2018 മുതല്‍ ഉണ്ടാവുന്ന ഒഴിവുകളിലാണെന്നിരിക്കെ മതിയായ എണ്ണം കുട്ടികളില്ലാത്ത സ്കൂളുകളില്‍ 18.11.2018-ന് മുമ്പ് സ്ഥിരം നിയമനം നേടുകയും അപ്രകാരം നിയമനം നേടി ദിവസവേതന അടിസ്ഥാനത്തില്‍ തുടരവേ സ്കൂളില്‍ മതിയായ എണ്ണം കുട്ടികളുണ്ടായി മാറുമ്പോഴും നിയമപ്രകാരം അവര്‍ക്ക് അര്‍ഹതപ്പെട്ട ശമ്പള സ്കെയിലുള്ള അംഗീകാരം പല വിദ്യാഭ്യാസ ഓഫീസര്‍മാരും നിഷേധിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

ഭിന്നശേഷി സംവരണ നിയമനത്തിന്റെ പരിധിയില്‍ വരാത്ത ഈ പ്രശ്നം പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ?

സ്കൂളുകളിൽ 2022-23 ജൂൺ, ജൂലൈ മാസങ്ങളിൽ പൂർത്തീകരിക്കേണ്ടിയിരുന്ന തസ്തിക നിർണയം പൂർത്തീകരിക്കാൻ കാലതാമസം നേരിട്ടതായി ശ്രദ്ധയിൽപ്പെട്ടിട്ടുണ്ടോ; എങ്കിൽ കാരണം വ്യക്തമാക്കുമോ;

തസ്തിക നിർണയം പൂർത്തീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ; ഇല്ലെങ്കില്‍ അടിയന്തര നടപടി സ്വീകരിക്കുമോ; വിശദവിവരം നൽകുമോ?

ഭിന്നശേഷി അധ്യാപകരുടെ നിയമനവുമായി ബന്ധപ്പെട്ട് കോടതി ഉത്തരവ് വന്നതിനുശേഷം നിലവിൽ എത്ര ഭിന്നശേഷി അധ്യാപകരെ നിയമിച്ചു; വ്യക്തമാക്കാമോ;

ഉത്തരവ് നിലവിൽ വന്നതിന്റെ ഭാഗമായി നിയമനാംഗീകാരം കാത്തുനിന്ന മറ്റ് അധ്യാപകരുടെ നിയമനം വൈകുന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ ആയത് പരിഹരിക്കുന്നതിനുള്ള നടപടികള്‍ സ്വീകരിക്കാമോ; വ്യക്തമാക്കാമോ?

സംസ്ഥാനത്തെ സര്‍ക്കാര്‍ പ്രൈമറി വിദ്യാലയങ്ങളിൽ 2021 ഒക്ടോബറിന് ശേഷം എത്ര പേരെ പ്രധാനാദ്ധ്യാപകരായി സ്ഥാനക്കയറ്റം നൽകി നിയമിച്ചുവെന്ന് ജില്ല തിരിച്ചുള്ള കണക്കുകൾ ലഭ്യമാക്കാമോ;

സംസ്ഥാനത്ത് ഇതിനുമുമ്പ് വിദ്യാഭ്യാസ വകുപ്പിലെ ഏതെങ്കിലും കേഡറിൽ പ്രമോഷൻ നൽകിയിട്ട് അതിനനുസൃതമായ ശമ്പള സ്കെയിൽ നൽകാതിരുന്നിട്ടുണ്ടോ; എങ്കിൽ ഏത് വർഷം; കേഡറും വകുപ്പും തിരിച്ച്‌ വിശദാംശം വ്യക്തമാക്കാമോ;

കേരള അഡ്മിനിസ്ട്രേറ്റീവ് ട്രൈബ്യൂണലിലുള്ള കേസിന്റെ അന്തിമ വിധിക്കനുസരിച്ചായിരിക്കും സ്ഥിരനിയമനം എന്നതിനാൽ കേസിന്റെ നിലവിലെ പുരോഗതി വിശദമാക്കുമോ;

പ്രസ്തുത കേസിൽ സർക്കാർ ഭാഗത്ത് നിന്ന് നാളിതുവരെ എന്തെല്ലാം നടപടികൾ സ്വീകരിച്ചുവെന്ന് വ്യക്തമാക്കാമോ?

ഈരാറ്റുുപേട്ട സര്‍ക്കാര്‍ ഹയര്‍ സെക്കന്ററി സ്കൂളില്‍ അദ്ധ്യാപിക ആയിരിക്കെ മരണമടഞ്ഞ ആശാദേവി എം.എസ്. ന്റെ ആശ്രിതനായ അനീഷ് കുമാര്‍ എം.എസ്. സമാശ്വാസ തൊഴില്‍ദാന പദ്ധതി പ്രകാരം അപേക്ഷ നല്‍കിയെങ്കിലും 14/12/2022 ല്‍ കിട്ടിയ ഫയലിന്മേല്‍ (ഫയല്‍ നമ്പര്‍ ആർ2/242/2022) വകുപ്പിന്റെ എന്‍ സെക്ഷന്‍ നാളിതുവരെ നടപടി സ്വീകരിക്കാതെ വെച്ചിരിക്കുന്നതിന്റെ കാരണം വിശദമാക്കാമോ;

പ്രസ്തുത ഫയല്‍, നടപടി സ്വീകരിക്കാതെ നാളിതുവരെ കൈയ്യില്‍ വെച്ചിരിക്കുന്നത് എന്തടിസ്ഥാനത്തിലാണെന്നും ഈ വിഷയത്തിൽ ഫയല്‍ സമര്‍പ്പിക്കുന്നതിന് ഭരണപരമായ കാലതാമസം എന്താണന്നും വ്യക്തമാക്കാമോ;

ഫയലില്‍ തീര്‍പ്പുകല്‍പ്പിക്കുന്നതിന് അടിയന്തര നടപടി സ്വീകരിക്കുമോ; പ്രസ്തുത വിഷയം സംബന്ധിച്ച എന്‍ സെക്ഷനിലെ ഫയല്‍ നമ്പര്‍ ലഭ്യമാക്കുമോ?

ഭിന്നശേഷിക്കാരുടെ നിയമനവുമായി ബന്ധപ്പെട്ട് കോടതി വിധി നടപ്പാക്കുന്നത് മൂലമുണ്ടായ പ്രതിസന്ധി കാരണം നിയമനാംഗീകാരം ലഭിക്കാന്‍ വര്‍ഷങ്ങളായി കാത്തിരിക്കുന്ന എത്ര അധ്യാപക-അനധ്യാപക ജീവനക്കാരുണ്ടെന്ന് വ്യക്തമാക്കാമോ;

പ്രസ്തുത പ്രതിസന്ധി പരിഹരിക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കാമോ?

സര്‍ക്കാര്‍ സ്ക്കുളുകളിലെ അധിക തസ്തിക നിര്‍ണ്ണയം പൂര്‍ത്തിയാകാത്തതിന്റെ കാരണം വ്യക്തമാക്കാമോ;

സര്‍ക്കാര്‍ സ്ക്കുളുകളില്‍ നിന്നും ഹയര്‍ ലെവല്‍ വെരിഫിക്കേഷന്‍ കഴിഞ്ഞ് പൊതു വിദ്യാഭ്യാസ ഡയറക്ടറേറ്റില്‍ എത്തിയിട്ടുള്ള ഫയലുകളുടെയും എത്തിച്ചേരേണ്ട ഫയലുകളുടെയും ജില്ല തിരിച്ചുള്ള വിശദാംശം ലഭ്യമാക്കാമോ;

എറണാകുളം ജില്ലയിലെ സര്‍ക്കാര്‍ സ്ക്കുളുകളില്‍ നിന്ന് എൽ.പി. സ്കൂൾ അസിസ്റ്റന്റ് മലയാളം, യു.പി. സ്കൂൾ അസിസ്റ്റന്റ് മലയാളം എന്നീ വിഭാഗങ്ങളില്‍ നിന്ന് എത്ര അധിക തസ്തികയ്ക്കായുള്ള ശിപാര്‍ശ എറണാകുളം ഡെപ്യൂട്ടി ഡയറക്ടർ/ജില്ലാ വിദ്യാഭ്യാസ ഓഫീസുകളിൽ ലഭിച്ചിട്ടുണ്ടെന്ന് അറിയിക്കാമോ;

സര്‍ക്കാര്‍ സ്ക്കുളുകളിലെ അധിക തസ്തിക നിര്‍ണ്ണയം സമയബന്ധിതമായി പൂര്‍ത്തിയാക്കി ഒഴിവുകള്‍ പി.എസ്.സി. ക്ക് റിപ്പോര്‍ട്ട് ചെയ്യുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കാമോ?

പാലക്കാട് ജില്ലയിലെ ഫുൾടൈം ജൂനിയർ ലാംഗ്വേജ് ടീച്ചർ (ഹിന്ദി) റാങ്ക് ലിസ്റ്റിൽ നിന്നും നാളിതുവരെ എത്രപേർക്ക് നിയമനം ലഭിച്ചിട്ടുണ്ട്; ഇനിയെത്ര ഒഴിവുകൾ റിപ്പോർട്ട് ചെയ്യാനുണ്ട്; വ്യക്തമാക്കുമോ;

ജൂൺ-ജൂലൈ മാസങ്ങളിൽ പൂർത്തീകരിക്കേണ്ട 2022-23 വർഷത്തെ തസ്തിക നിർണയം പൂർത്തിയാക്കുന്നതിനുള്ള കാലതാമസത്തിന്റെ കാരണം വ്യക്തമാക്കുമോ;

ഇപ്രകാരം കാലതാമസം ഉണ്ടാകുമ്പോൾ റാങ്ക് ലിസ്റ്റിൽ ഉൾപ്പെട്ടിട്ടും പ്രായപരിധി കഴിയുന്ന ഉദ്യോഗാർത്ഥികളുടെ തൊഴിലവസരം നഷ്ടമാകുമെന്ന കാര്യം ഗൗരവത്തോടെ കാണുന്നുണ്ടോ; എങ്കിൽ അടിയന്തരമായി തസ്തിക നിർണയം പൂർത്തീകരിക്കാൻ നടപടി സ്വീകരിക്കുമോ; വിശദാംശം നൽകുമോ?

അദ്ധ്യയന വർഷത്തിന്റെ അവസാന ഭാഗത്തേക്ക് കടക്കുമ്പോഴും അദ്ധ്യാപക തസ്തിക നിർണ്ണയം പൂർത്തിയാകാത്തതിനാൽ അദ്ധ്യാപക നിയമനം നടക്കാത്ത സാഹചര്യം നിലനിൽക്കുന്നത് സർക്കാർ പരിശോധിച്ചിട്ടുണ്ടോ; വ്യക്തമാക്കാമോ;

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കുട്ടികളുടെ എണ്ണം കൂടിയതിന് അനുസരിച്ച് അദ്ധ്യാപക തസ്തികകൾ അധികമായി സൃഷ്ടിച്ചിട്ടുണ്ടോ; അറിയിക്കുമോ;

ഈ അദ്ധ്യയന വർഷം ത​ന്നെ മുഴുവൻ തസ്തികകളിലേക്കും നിയമനം നടത്താൻ നടപടി സ്വീകരിക്കുമോ; വ്യക്തമാക്കാമോ?

പൊതുവിദ്യാലയങ്ങളിലെ തസ്തിക നിർണയ നടപടി അനന്തമായി നീണ്ടു പോകുന്നതിന്റെ കാരണം വ്യക്തമാക്കുമോ; എല്ലാ വർഷവും ജൂലൈ 15 ന് നടക്കേണ്ട തസ്തിക നിർണയ നടപടികൾ അധ്യയന വർഷം അവാസാനിക്കാറായിട്ടും പൂർത്തീകരിച്ചിട്ടില്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ ; ഇതുമൂലം പൊതുവിദ്യാഭ്യാസ മേഖലയിലുണ്ടായിട്ടുള്ള പ്രതിസന്ധികൾ പരിഹരിക്കുവാൻ നടപടി സ്വീകരിക്കുമോ;

പുതിയ തസ്തിക നിർണയം വഴി വരുന്ന ഒഴിവുകളിൽ ഈ അധ്യയന വർഷം നിയമന ശിപാർശ നൽകുമോ; പ്രതീക്ഷിത ഒഴിവുകളിൽ സർക്കാർ നിർദേശ പ്രകാരം നിയമിക്കപ്പെട്ട അധ്യാപകർക്ക് ഈ വർഷം തന്നെ നിയമന അംഗീകാരം നൽകുമോ;

തസ്തിക നിർണയം വഴി പുതുതായി ഉണ്ടാകുന്ന ഒഴിവുകളിൽ നിയമനം നടത്തുന്നതിൽ നിലവിലെ സാമ്പത്തിക സ്ഥിതി തടസ്സമാകുമോയെന്ന് അറിയിക്കാമോ;

വിവിധ ജില്ലകളിൽ നിന്ന് പൊതു വിദ്യഭ്യാസ ഡയറക്ടർക്ക് റിപ്പോർട്ട്‌ ചെയ്യപ്പെട്ട എല്ലാ അധ്യാപക ഒഴിവുകളിലും പുതിയ തസ്തികകൾ അനുവദിക്കുമോ; വിശദാംശം നൽകുമോ?

സര്‍ക്കാര്‍ സ്കൂളുകളില്‍ പ്രവേശനം നേടിയ വിദ്യാര്‍ഥികളുടെ എണ്ണത്തില്‍ വര്‍ദ്ധനവ് ഉണ്ടായ സാഹചര്യത്തില്‍ അധ്യാപകരുടെ തസ്തിക നിര്‍ണയം നടത്തുന്നതിന് നടപടി സ്വീകരിച്ചിട്ടുണ്ടോ;

എത്ര തസ്തികകള്‍ കൂടുതല്‍ വേണ്ടി വരുമെന്നാണ് കണക്കാക്കിയിരിക്കുന്നതെന്ന് വിശദമാക്കാമോ?

കഴിഞ്ഞ ഏതാനും വര്‍ഷങ്ങളായി നടക്കാതിരുന്ന സ്കൂളുകളിലെ അധിക തസ്തിക നിര്‍ണ്ണയത്തിന് വേണ്ടിയുള്ള ഫിക്സേഷന്‍ നടപടികള്‍ പുനരാരംഭിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

തസ്തിക നിര്‍ണ്ണയം നടക്കാത്തത് കാരണം സ്കൂളുകളില്‍ അധിക ബാച്ചുകളില്‍ ജോലി ചെയ്യുന്ന അദ്ധ്യാപകര്‍ക്ക് വേതനം ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; ഇവര്‍ക്കുള്ള വേതന വിതരണം എന്നത്തേയ്ക്ക് പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കാമോ;

അധിക തസ്തിക നിര്‍ണ്ണയം പൂര്‍ത്തിയാകാത്തത് കാരണം പി.എസ്.സി. വഴി നിയമനം ലഭിക്കേണ്ടവര്‍ക്ക് ജോലി ലഭിക്കുന്നതിന് കാലതാമസ്സം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദമാക്കാമോ;

ഡി.ഡി.ഇ. തലത്തിൽ പരിഹരിക്കാൻ സാധിക്കാത്ത തസ്തിക നിർണ്ണയത്തിലെ അപാകത പരിഹരിക്കാൻ നിലവിൽ സംസ്ഥാന തലത്തിൽ അപ്പീൽ അതോറിറ്റിയുണ്ടോ; എങ്കിൽ പ്രസ്തുത ഉത്തരവ് വ്യക്തമാക്കാമോ; ഇല്ലെങ്കിൽ അതിനുള്ള നടപടി സ്വീകരിക്കുമോ; വിശദാംശം ലഭ്യമാക്കാമോ;

സർക്കാർ സ്കൂളുകളിൽ ജോലി ചെയ്യുന്ന പ്രധാനാദ്ധ്യാപകരുടെ അർഹമായ പ്രമോഷൻ ആനുകൂല്യം തടഞ്ഞ് വെച്ചത് ശ്രദ്ധയിൽപ്പെട്ടിട്ടുണ്ടോ; ആയത് പരിഹരിക്കാൻ നടപടി സ്വീകരിക്കുമോ; വിശദാംശം ലഭ്യമാക്കാമോ?

സംസ്ഥാനത്തെ അണ്‍ എയ്ഡഡ് മേഖലയില്‍ ജോലി ചെയ്തുവരുന്ന രണ്ടര ലക്ഷത്തോളം അധ്യാപകര്‍ക്കും ജീവനക്കാര്‍ക്കും തൊഴില്‍ സുരക്ഷയും അര്‍ഹമായ സേവന വേതന വ്യവസ്ഥകളും ഉറപ്പാക്കുന്നതിന് സ്വീകരിച്ചു വരുന്ന നടപടികള്‍ വ്യക്തമാക്കാമോ;

ഈ മേഖലയുടെ സംരക്ഷണത്തിനായി നിയമ നിര്‍മാണം ഉള്‍പ്പെടെയുള്ള നടപടികള്‍ കാലതാമസം കൂടാതെ സ്വീകരിക്കുമോ;

ഇതിനായി സ്വീകരിച്ചിട്ടുള്ള നടപടികളുടെ നിലവിലെ സ്ഥിതി അറിയിക്കുമോ?

വിദ്യാലയങ്ങള്‍ക്ക് ചലഞ്ച് ഫണ്ട് അനുവദിക്കുന്നതിനും അത് ചെലവഴിക്കുന്നതിനുമുള്ള മാര്‍ഗ്ഗനിര്‍ദ്ദേശങ്ങള്‍ എന്തൊക്കെയെന്ന് വിശദമാക്കുമോ?

പി.എസ്.സി. മുഖേന അധ്യാപക ജോലിയില്‍ പ്രവേശിച്ചവര്‍ക്ക് കെ-ടെറ്റ് യോഗ്യത 2016 മുതല്‍ മാത്രമാണ് പ്രാബല്യത്തില്‍ വന്നതെങ്കിലും എയിഡഡ് വിദ്യാലയങ്ങളിലെ അധ്യാപകര്‍ക്ക് 2013 മുതല്‍ കെ-ടെറ്റ് പ്രാബല്യത്തില്‍ വരുത്തിയത് കാരണം അനേകം എയിഡഡ് സ്കൂള്‍ അധ്യാപകരുടെ പ്രൊബേഷൻ ഡിക്ലറേഷന്‍, ഇൻക്രിമെന്റ്‌, ഗ്രേഡുകള്‍ എന്നിവ തടഞ്ഞുവച്ചത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

സര്‍ക്കാര്‍, എയിഡഡ് എന്ന വേര്‍തിരിവില്ലാതെ അധ്യാപകർക്ക് തുല്യ പരിഗണന നല്‍കി 2012 മുതല്‍ 2016 വരെ നിയമിതരായി സര്‍വ്വീസില്‍ തുടരുന്ന എയിഡഡ് സ്കൂള്‍ അധ്യാപകർക്ക് കെ-ടെറ്റ് യാേഗ്യത വേണമെന്ന നിബന്ധന ഒഴിവാക്കുന്ന കാര്യം പരിഗണിക്കുമോ; വ്യക്തമാക്കാമോ?

എയ്ഡഡ് സ്കൂളുകളിൽ എല്‍.പി., യു.പി., എച്ച്.എസ്., എച്ച്.എസ്.എസ്. വിഭാഗങ്ങളിൽ നിയമിക്കപ്പെട്ടിട്ടുള്ള എത്ര പേർക്കാണ് നിലവിൽ നിയമന അംഗീകാരം ലഭിക്കാനുള്ളത്; എല്‍.പി., യു.പി., എച്ച്.എസ്., എച്ച്.എസ്.എസ്. വിഭാഗങ്ങളിലുള്ളവരുടെ എണ്ണം പ്രത്യേകം ലഭ്യമാക്കാമോ;

നിലവിൽ സംസ്ഥാനത്തെ എയ്ഡഡ് സ്കൂളുകളില്‍ പ്രസ്തുത വിഭാഗങ്ങളില്‍ നിയമന അംഗീകാരം ലഭിക്കാത്ത എത്ര വീതം അദ്ധ്യാപകരും അനദ്ധ്യാപകരുമാണുള്ളതെന്ന് അറിയിക്കാമോ?

പയ്യന്നൂര്‍ മണ്ഡലത്തിലെ വെള്ളക്കാട്എം.എ.എം.എൽ.പി. സ്കൂളിന് മാനേജര്‍ നിലവിലുണ്ടോ; വ്യക്തമാക്കാമോ;

മാനേജര്‍ നിയമനവുമായി ബന്ധപ്പെട്ട തര്‍ക്കങ്ങള്‍ മൂലം സ്കൂളിന്റെ അടിസ്ഥാനസൗകര്യം മെച്ചപ്പെടുത്തുന്നതിലും അക്കാദമിക് കാര്യങ്ങളിലുമുള്ള പിന്നാക്കാവസ്ഥ ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

മുഹമ്മദ് അബ്ദുള്‍ റഹിമാന്‍ സ്മാരക എജ്യൂക്കേഷണല്‍ സൊസൈറ്റിക്ക് കീഴിലുള്ള സ്കൂൾ ആയതിനാല്‍ സൊസൈറ്റിയുടെ നിയമാവലി പ്രകാരം ജനറല്‍ ബോ‍ഡി യോഗം ചേര്‍ന്ന് തെരഞ്ഞെടുക്കുന്ന ഭരണ സമിതിയാണ് മാനേജരെ നിയമിക്കേണ്ടതെന്ന സാഹചര്യത്തില്‍ സർക്കാർ മുൻകൈ എടുത്തുകൊണ്ട് ജനറല്‍ ബോഡി യോഗം ചേര്‍ന്ന് പുതിയ ഭരണസമിതിയെ തെരഞ്ഞെടുക്കാൻ നിർദ്ദേശം നൽകുമോ; വ്യക്തമാക്കാമോ?

എയ്ഡഡ് മേഖലയിലെ അധ്യാപക-അനധ്യാപക നിയമനത്തില്‍ ഭിന്നശേഷിക്കാരുടെ നാല് ശതമാനം സംവരണം നടപ്പിലാക്കുന്നത് സംബന്ധിച്ച് മാര്‍ഗ്ഗരേഖ പുറപ്പെടുവിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

ഭിന്നശേഷി സംവരണം സംബന്ധിച്ച ഉത്തരവുകളിലെ അവ്യക്തത മൂലം നിയമന അംഗീകാരത്തിന് പ്രയാസം നേരിടുന്നുവെന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിച്ച നടപടികള്‍ വിശദമാക്കുമോ;

ഭിന്നശേഷി സംവരണവുമായി ബന്ധപ്പെട്ട ഹൈക്കോടതിയുടെ വിധിന്യായ പ്രകാരം അധ്യാപകരുടെയും അനധ്യാപകരുടെയും നിയമനങ്ങള്‍ അംഗീകരിക്കാന്‍ സാധിക്കാത്ത സാഹചര്യം നിലനില്‍ക്കുന്നുണ്ടോയെന്ന് അറിയിക്കുമോ;

എങ്കില്‍ സമയബന്ധിതമായി നിയമന അംഗീകാരം നല്‍കുന്നതിന് സ്വീകരിച്ച നടപടികള്‍ അറിയിക്കുമോ?

സംസ്ഥാനത്ത് എയ്ഡഡ് മേഖലയിലെ അദ്ധ്യാപക നിയമനത്തിൽ ഭിന്നശേഷിക്കാരുടെ നാല് ശതമാനം സംവരണം നടപ്പിലാക്കാൻ പൊതുവിദ്യാഭ്യാസ വകുപ്പ് ഉത്തരവ് പുറപ്പെടുവിച്ചിരുന്നോ; എങ്കിൽ ആയതിന്റെ പുരോഗതി വിശദമാക്കാമോ;

ഭിന്നശേഷി സംവരണവുമായി ബന്ധപ്പെട്ട് എയ്ഡഡ് മേഖലയില്‍ അദ്ധ്യാപക നിയമനം നടത്താൻ സ്വീകരിച്ച നടപടി വിശദമാക്കാമോ;

പ്രസ്തുത അദ്ധ്യാപക നിയമനങ്ങൾക്ക് അംഗീകാരം നൽകുന്നത് എന്നത്തേയ്ക്ക് പൂർത്തീകരിക്കാൻ സാധിക്കുമെന്ന് അറിയിക്കുമോ?

സംസ്ഥാനത്ത് എയ്ഡഡ് മേഖലയിൽ എൽ.പി., യു.പി., എച്ച്.എസ്., എച്ച്.എസ്.എസ്. മേഖലകളിൽ നിയമനാംഗീകാരം ലഭിക്കാതെ എത്ര അദ്ധ്യാപകർ സേവനമനുഷ്ഠിക്കുന്നുണ്ടെന്ന വിവരം ജില്ല തിരിച്ച് വ്യക്തമാക്കാമോ;

പൂർണ്ണമായും സർക്കാർ ചട്ടങ്ങൾ പാലിച്ചുകൊണ്ടുള്ള നിയമനങ്ങളിൽ അംഗീകാരം നൽകുന്നതിന് വളരെയധികം കാലതാമസം നേരിടുന്നതിനുള്ള കാരണം വിശദമാക്കാമോ;

പ്രസ്തുത അദ്ധ്യാപക നിയമനങ്ങൾക്ക് അംഗീകാരം നൽകുന്നതിന് അടിയന്തര നടപടി സ്വീകരിക്കുമോയെന്ന് വിശദമാക്കാമോ;

എയ്ഡഡ് മേഖലയിൽ ഭിന്നശേഷിക്കാർക്ക് സംവരണം ഏർപ്പെടുത്തിക്കൊണ്ട് ഹൈക്കോടതി ഉത്തരവ് ആയിട്ടുണ്ടോ; എങ്കിൽ അതിന് അനുബന്ധമായി പൊതുവിദ്യാഭ്യാസ വകുപ്പ് ഉത്തരവ് ഇറക്കിയിട്ടുണ്ടോ; പകർപ്പ് ലഭ്യമാക്കാമോ?

സംസ്ഥാനത്തെ എയ്ഡഡ് സ്കൂളുകളിലെ നിയമനങ്ങളിൽ ഭിന്നശേഷി സംവരണം നടപ്പിലാക്കുന്നതുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ;

പ്രസ്തുത നിയമനവുമായി ബന്ധപ്പെട്ട് 1996 മുതല്‍ 2021 വരെയുള്ള കാലയളവിലെ ബാക്ക് ലോഗ് ഒഴിവുകള്‍ കണക്കാക്കണം എന്ന നിര്‍ദേശം സംസ്ഥാനത്തെ എയ്ഡഡ് സ്കൂളുകളിലെ മാനേജ്മെന്റുകള്‍ പാലിച്ചിട്ടുണ്ടോ; എങ്കിൽ വിശദാംശം അറിയിക്കാമോ;

സംസ്ഥാനത്ത് കോര്‍പ്പറേറ്റ് മാനേജ്മെന്റുകളുടെ കീഴില്‍ പ്രവര്‍ത്തിക്കുന്ന എയ്ഡഡ് സ്കൂളുകളുടെ പേര് വിവരങ്ങള്‍ ജില്ല തിരിച്ച് ലഭ്യമാക്കാമോ;

പ്രസ്തുത സ്കൂളുകളില്‍ ഭിന്നശേഷി നിയമനവുമായി ബന്ധപ്പെട്ട് 1996 മുതല്‍ 2021 വരെയുള്ള കാലയളവിലെ ബാക്ക് ലോഗ് ഒഴിവുകള്‍ ഒറ്റ യൂണിറ്റായി കണക്കാക്കിയിട്ടുണ്ടോ;

പ്രസ്തുത സ്കൂളുകളില്‍ ഭിന്നശേഷി സംവരണവുമായി ബന്ധപ്പെട്ട ലിസ്റ്റ് പ്രസിദ്ധീകരിച്ചിട്ടുണ്ടോ; എങ്കിൽ വിശദാംശം അറിയിക്കാമോ?

സ്കോള്‍-കേരള നിലവില്‍ എസ്.സി.ഇ.ആര്‍.ടി. യുടെ ഭാഗമായാണോ പ്രവര്‍ത്തിക്കുന്നതെന്ന് വ്യക്തമാക്കാമോ;

സ്കോള്‍-കേരളയുടെ ആസ്ഥാന മന്ദിരത്തിന്റെ നിര്‍മ്മാണ പുരോഗതി വ്യക്തമാക്കാമോ;

സ്കോള്‍-കേരളയ്ക്ക് സംസ്ഥാനത്ത് ഏതെല്ലാം ജില്ലകളില്‍ ഓഫീസ് പ്രവര്‍ത്തിക്കുന്നുണ്ടെന്ന് വ്യക്തമാക്കുമോ?

സംസ്ഥാനത്ത് എസ്.എസ്.എൽ.സി. പരീക്ഷ എഴുതുന്ന വിദ്യാര്‍ത്ഥികള്‍ക്ക് സ്‍ക്രൈബിനെ അനുവദിച്ച് നല്‍കുന്നതിനുള്ള നടപടിക്രമങ്ങള്‍ എന്തെല്ലാമാണ്; വ്യക്തമാക്കുമോ;

ഒരു വിദ്യാര്‍ത്ഥിക്ക് സ്‍ക്രൈബിനെ ആവശ്യമാണെന്നുള്ള സര്‍ട്ടിഫിക്കറ്റ് നല്‍കാന്‍ ഉത്തരവാദപ്പെട്ട ഉദ്യോഗസ്ഥര്‍ ആരെല്ലാമാണ്; അറിയിക്കുമോ;

സ്‍ക്രൈബിനെ ഉപയോഗിച്ച് പരീക്ഷ എഴുതുന്ന കുട്ടികള്‍ക്ക് കൊടുക്കുന്ന മെഡിക്കല്‍ സര്‍ട്ടിഫിക്കറ്റിന് കാലാവധി ഉണ്ടോ;

ഇത്തരത്തില്‍ പരീക്ഷ എഴുതുന്ന വിദ്യാര്‍ത്ഥികള്‍ സ്‍ക്രൈബിനെ ഉപയോഗിച്ചിരുന്നു എന്ന് എസ്.എസ്.എൽ.സി. ബുക്കില്‍ രേഖപ്പെടുത്താറുണ്ടോ?

വയനാട് ജില്ലയില്‍ ഈ വര്‍ഷം സ്‌ക്രൈബിനെ ഉപയോഗപ്പെടുത്തി എസ്.എസ്‌.എൽ.സി. പരീക്ഷ എഴുതേണ്ടി വരുന്ന കുട്ടികളുടെ എണ്ണം തയ്യാറാക്കിയിട്ടുണ്ടോ;

എങ്കിൽ പ്രസ്തുത കുട്ടികളുടെ എണ്ണം സ്കൂള്‍ തിരിച്ച് ലഭ്യമാക്കാമോ;

പ്രസ്തുത കുട്ടികള്‍ക്ക് മെഡിക്കല്‍ പരിശോധന ലഭ്യമാക്കുന്നതിനായി വകുപ്പ് സ്വീകരിച്ച നടപടികള്‍ വ്യക്തമാക്കാമോ?

സംസ്ഥാനത്ത് അധ്യാപക യോഗ്യത പരീക്ഷയായ കെ-ടെറ്റ് (Kerala Teacher Eligibility Test) എന്നുമുതലാണ് നിർബന്ധമാക്കിയതെന്ന് വെളിപ്പെടുത്തുമോ;

പ്രസ്തുത ദിവസം മുതല്‍ സർക്കാർ അധ്യാപകർക്ക് കെ-ടെറ്റ് നിർബന്ധമാക്കിയിട്ടുണ്ടോ; എങ്കിൽ ഉത്തരവിന്റെ പകര്‍പ്പ് ലഭ്യമാക്കുമോ;

സർക്കാർ അധ്യാപകരായി ജോലിയില്‍ പ്രവേശിക്കുന്നവർക്ക് കെ-ടെറ്റ് നിർബന്ധമാക്കിയ കാലാവധിയില്‍ പ്രത്യേക ഇളവ് അനുവദിച്ചിട്ടുണ്ടോ; വ്യക്തമാക്കുമോ; എങ്കിൽ ഉത്തരവിന്റെ പകര്‍പ്പ് ലഭ്യമാക്കുമോ;

പ്രസ്തുത ഇളവ് ഇതേ സമയത്ത് നിയമിതരായ എയ്ഡഡ് സ്കൂൾ അധ്യാപകർക്ക് നൽകാത്തതിന്റെ കാരണം എന്താണെന്ന് വ്യക്തമാക്കുമോ;

ഒരേ യോഗ്യത ആവശ്യമുള്ള തസ്തികയില്‍ സർക്കാർ അധ്യാപകർക്ക് കെ-ടെറ്റ് ല്‍ 2012 മുതല്‍ 2016 വരെ ഇളവ് അനുവദിക്കുകയും അതേ സമയത്ത് നിയമിതരായ എയ്ഡഡ് സ്കൂൾ അധ്യാപകർക്ക് ഇളവ് നല്‍കാതിരിക്കുകയും ചെയ്യുന്നത് സാമൂഹ്യനീതിയുടെ ലംഘനമായതിനാല്‍ സർക്കാർ അധ്യാപകർക്ക് കെ-ടെറ്റ് ൽ നിശ്ചിത കാലയളവിലേക്ക് നൽകിയ ഇളവ് അതേ കാലയളവില്‍ നിയമിക്കപ്പെട്ട എയ്ഡഡ് സ്കൂൾ അധ്യാപകർക്ക് കൂടി ബാധകമാക്കുന്നതിന് നടപടി സ്വീകരിക്കുമോ?

കാസര്‍കോട് ജില്ലയില്‍ വിദ്യാഭ്യാസ വകുപ്പിന് കീഴില്‍ അധ്യാപക-അനധ്യാപക തസ്തികകളിൽ എത്ര ഒഴിവുകൾ ഉണ്ടെന്നതിന്റെ വിശദാംശം തസ്തിക തിരിച്ച് വ്യക്തമാക്കാമോ;

പ്രസ്തുത ഒഴിവുകള്‍ നിലവില്‍ വന്നത് എന്നാണെന്നും ആയത് നികത്താന്‍ സ്വീകരിച്ച നടപടികളും അറിയിക്കാമോ?

സംസ്ഥാനത്ത് 10.08.2022-ന് നിലവില്‍ വന്ന ഹയര്‍ സെക്കന്ററി ജൂനിയര്‍ (അറബിക്) (തസ്തികമാറ്റം) റാങ്ക് ലിസ്റ്റില്‍ നിന്നും നാളിതുവരെ എത്ര പേര്‍ക്ക് നിയമന ഉത്തരവ് നല്‍കിയിട്ടുണ്ടെന്ന് വിശദമാക്കുമോ; നിയമന ഉത്തരവ് നല്‍കിയവരില്‍ എത്ര പേര്‍ ജോലിയില്‍ പ്രവേശിച്ചിട്ടുണ്ടെന്ന് അറിയിക്കുമോ;

നിയമന ഉത്തരവ് ലഭിച്ചവര്‍ ജോലിയില്‍ പ്രവേശിക്കാത്തതിനെ തുടര്‍ന്നുണ്ടായ ഒഴിവുകള്‍ നികത്തുന്ന നടപടിക്രമം വിശദമാക്കുമോ;

ജോലിയില്‍ പ്രവേശിക്കാത്തതിനെത്തുടര്‍ന്നുണ്ടായ ഒഴിവുകള്‍ ഉള്‍പ്പടെ ഹയര്‍ സെക്കന്ററി ജൂനിയര്‍ (അറബിക്) (തസ്തികമാറ്റം) ന്റെ എത്ര ഒഴിവുകള്‍ നിലവിലുണ്ട്; പ്രസ്തുത ഒഴിവുകളിലേക്ക് തസ്തികമാറ്റ റാങ്ക് ലിസ്റ്റില്‍ നിന്നും നിയമനം നടത്തുന്നതിനുള്ള സത്വര നടപടി സ്വീകരിക്കുമോ; വിശദാംശം ലഭ്യമാക്കുമോ?

സംസ്ഥാനത്ത് മതിയായ കുട്ടികൾ ഇല്ല എന്ന കാരണത്താൽ വിവിധ അധ്യാപക തസ്തികകളിൽ നിയമന അംഗീകാരം ലഭിക്കാത്ത എത്ര അപേക്ഷകൾ വിദ്യാഭ്യാസ വകുപ്പിൽ പരിഗണിക്കാതെയുണ്ട് എന്നതിന്റെ വിശദാംശം ജില്ല തിരിച്ചും തസ്തിക തിരിച്ചും ലഭ്യമാക്കാമോ;

പ്രസ്തുത അപേക്ഷകളിൽ തീർപ്പ് കൽപ്പിച്ച് നിയമനങ്ങൾക്ക് അംഗീകാരം നൽകുന്നതിന് നടപടികൾ സ്വീകരിച്ചിട്ടുണ്ടോയെന്ന് അറിയിക്കുമോ;

ഉണ്ടെങ്കിൽ വിശദാംശം ലഭ്യമാക്കാമോ?

ഗവൺമെന്റ് യു.പി. സ്കൂളുകളിൽ യു.പി. വിഭാഗത്തിന് നിലവിൽ പാര്‍ട്ട്‍ടൈം സ്വീപ്പറുടെയോ ഫുള്‍ടൈം മിനിയലിന്റെയോ തസ്തിക നിലവിലുണ്ടോ എന്ന് അറിയിക്കാമോ;

മണലൂര്‍ മണ്ഡലത്തിലെ ഏതെല്ലാം സര്‍ക്കാര്‍ യു.പി. സ്കൂളുകളിൽ പ്രസ്തുത തസ്‌തികകൾ നിലവിലുണ്ടെന്നും ഏതെല്ലാം സ്കൂളുകളിൽ ഇല്ലെന്നും അറിയിക്കാമോ;

പ്രസ്തുത തസ്തികകള്‍ നിലവിലില്ലാത്ത സ്കൂളുകളിൽ ശുചീകരണ പ്രവര്‍ത്തനങ്ങള്‍ക്ക് ബുദ്ധിമുട്ടുണ്ടാകുന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത പ്രശ്നം പരിഹരിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; ഇല്ലെങ്കിൽ ആയതിനുവേണ്ട നടപടി സ്വീകരിക്കുമോ; അറിയിക്കുമോ?

2020-ൽ നൂറ്റിയറുപത്തിയഞ്ചോളം കായിക താരങ്ങളെ പൊതുഭരണ വകുപ്പിന്റെ നിര്‍ദ്ദേശ പ്രകാരം പൊതു വിദ്യാഭ്യാസ വകുപ്പിൽ സൂപ്പര്‍ ന്യൂമററി തസ്തികയിൽ നിയമിച്ചവരിൽ കായിക രംഗത്തുനിന്നും വിരമിച്ചവരുടെ സേവനം ക്രമവൽക്കരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദാംശം നൽകാമോ?

സംസ്ഥാനത്ത് എയ്ഡഡ് സ്കൂളുകളിലെ പുനര്‍നിയമനം, ആശ്രിത നിയമനം, പ്രമോഷന്‍ തുടങ്ങിയവയുടെ അവകാശികളെ അധിക തസ്തികകളില്‍ 1:1 അനുപാതത്തില്‍ സംരക്ഷിത അദ്ധ്യാപകര്‍ക്ക് അര്‍ഹതപ്പെട്ട ഒഴിവുകളില്‍ നിയമിക്കാമെന്നത് ചട്ടപ്രകാരം വ്യവസ്ഥ ചെയ്തിട്ടുണ്ടെന്നിരിക്കെ ഭിന്നശേഷി സംവരണ നിയമനത്തിനും അത്തരം വ്യവസ്ഥ കൊണ്ടുവരുന്ന കാര്യം പരിശോധിക്കുമോ; വിശദമാക്കുമോ;

ഒഴിവുകളൊന്നും നിലവിലില്ലാത്ത എയ്ഡഡ് സ്കൂളുകളില്‍ ഭാവിയില്‍ ഉണ്ടാവുന്ന ഒഴിവുകള്‍ ഭിന്നശേഷി സംവരണത്തിനായി നീക്കിവെക്കാമെന്ന സത്യപ്രസ്താവന മാനേജര്‍ സമര്‍പ്പിക്കുന്നതിനനുസരിച്ച് ഇതിനകം നിയമിക്കപ്പെട്ടവരുടെ നിയമനം, നിയമന തീയതി മുതല്‍ അംഗീകരിക്കുന്ന കാര്യം പരിഗണനയിലുണ്ടോ; വ്യക്തമാക്കുമോ?

എച്ച്.എസ്.ടി. ഇംഗ്ലീഷ് തസ്തിക അനുവദിക്കുന്നതുമായി ബന്ധപ്പെട്ട് രൂപീകരിച്ച കമ്മിറ്റിയുടെ റിപ്പോര്‍ട്ട് ലഭ്യമായിട്ടുണ്ടോ;

ഉണ്ടെങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

ഇല്ലെങ്കില്‍ കമ്മിറ്റിയുടെ പ്രവര്‍ത്തനം ഏത് ഘട്ടത്തിലാണെന്ന് വിശദമാക്കുമോ;

2023-24 അധ്യയന വര്‍ഷത്തിൽ തന്നെ പ്രസ്തുത തസ്തിക അനുവദിക്കുന്നതിന് നടപടി സ്വീകരിക്കുമോയെന്ന് വിശദമാക്കുമോ?

കാസർഗോഡ് ജില്ലയിൽ എൽ.പി.എസ്.റ്റി., യു.പി.എസ്.റ്റി. തസ്തികകളിൽ ഈ സർക്കാർ അധികാരത്തിൽ വന്നതിനുശേഷം നടത്തിയ നിയമനങ്ങളുടെ വിശദാംശങ്ങൾ നൽകാമോ;

പ്രസ്തുത തസ്തികകളിൽ നാളിതുവരെ എത്ര ഒഴിവുകൾ റിപ്പോർട്ട് ചെയ്യാൻ ബാക്കിയുണ്ടെന്ന് അറിയിക്കുമോ?

ഏരിയ ഇന്റൻസീവ് പ്രോഗ്രാമിന്(എ.ഐ.പി.) കീഴിൽ പ്രവർത്തിക്കുന്ന സ്കൂളുകളിലെ അർഹതയുള്ള അദ്ധ്യാപകരുടെ നിയമനാംഗീകാരം സംബന്ധിച്ച ജി.ഇ.ഡി.എൻ.-ഡി1/47/2019 നമ്പർ ഫയലിന്റെ നിലവിലെ സ്ഥിതി എന്താണെന്ന് വിശദമാക്കുമോ;

ഇതിൻ പ്രകാരം എത്ര അദ്ധ്യാപകര്‍ക്ക് നിയമനാംഗീകാരം നല്‍കുന്നതിനാണ് ഉദ്ദേശിക്കുന്നതെന്ന് വിശദമാക്കാമോ; പ്രസ്തുത അദ്ധ്യാപകരുടെയും സ്കൂളുകളുടെയും പേര് വിവരങ്ങൾ ലഭ്യമാക്കാമോ;

പ്രസ്തുത അദ്ധ്യാപകർക്ക് നിയമനാംഗീകാരം ലഭിക്കണമെങ്കിൽ ഇനി എന്തൊക്കെ നടപടിക്രമങ്ങൾ പൂർത്തിയാക്കേണ്ടതുണ്ടെന്ന് അറിയിക്കാമോ; നടപടിക്രമങ്ങൾ പൂർത്തീകരിച്ച് എപ്പോൾ നിയമനാംഗീകാരം നല്കുമെന്ന് വിശദമാക്കുമോ?

എറണാകുളം ജില്ലയിലെ ഗവണ്‍മെന്റ് സ്കൂളുകളില്‍ യു.പി.എസ്.ടി. തസ്തികയില്‍ 2023 വര്‍ഷം എത്ര അധ്യാപകര്‍ വിരമിക്കുമെന്ന് വിരമിക്കുന്ന അധ്യാപകരുടെ പേര്, സ്കൂളിന്റെ പേര്, വിരമിക്കൽ തീയതി എന്നിവ സഹിതം ലഭ്യമാക്കുമോ;

ജില്ലയിലെ ഗവണ്‍മെന്റ് പ്രൈമറി സ്കൂളുകളില്‍ എത്ര പ്രധാന അധ്യാപകര്‍ 2023-ല്‍ വിരമിക്കുമെന്ന് വിരമിക്കുന്ന അധ്യാപകരുടെ പേര്, സ്കൂളിന്റെ പേര് എന്നിവ സഹിതം ലഭ്യമാക്കുമോ;

2022-2023 അധ്യയന വര്‍ഷം ജില്ലയിൽ യു.പി.എസ്.ടി., എൽ.പി.എസ്.ടി. വിഭാഗത്തിൽ എത്ര അധിക ഡിവിഷനുകള്‍ ഉണ്ടാകാന്‍ സാധ്യതയുണ്ട്; ഇതുമായി ബന്ധപ്പെട്ട് ഹയര്‍ ലെവല്‍ വെരിഫിക്കേഷന്‍ കഴിഞ്ഞ് റിപ്പോര്‍ട്ട് നല്‍കിയിട്ടുണ്ടോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

സര്‍ക്കാര്‍ ഉത്തരവ് നിലവിലുണ്ടായിരുന്നിട്ടും എറണാകുളം ജില്ലയില്‍ 2023 വര്‍ഷത്തെ യു.പി.എസ്.ടി. തസ്തികയിലെ പ്രതീക്ഷിത ഒഴിവുകള്‍ റിപ്പോര്‍ട്ട് ചെയ്യാത്തതിന്റെ കാരണം വ്യക്തമാക്കാമോ; ഇത് റിപ്പോര്‍ട്ട് ചെയ്യുന്നതിന് കര്‍ശന നിര്‍ദ്ദേശം നല്‍കുമോ?

കണ്ണൂർ ജില്ലയിലെ തൊഴിലാളികൾ കൂടുതൽ ആശ്രയിക്കുന്ന തോട്ടടയിലെ ഇ.എസ്.ഐ. ഡിസ്‌പെൻസറിയിൽ ഫാർമസിസ്റ്റ് തസ്തിക ഇല്ലാത്ത കാര്യം ശ്രദ്ധയിൽപ്പെട്ടിട്ടുണ്ടോ;

എങ്കിൽ ഫാർമസിസ്റ്റ് തസ്തിക സൃഷ്ടിക്കാൻ മുൻകൈ എടുക്കുമോയെന്നും മരുന്ന് വിതരണം തടസ്സമില്ലാതെ നടത്താൻ ബദൽ സംവിധാനം ഏർപ്പെടുത്തുമോയെന്നും വ്യക്തമാക്കുമോ?

മിനിമം വേതന നിയമത്തിന്റെ ഷെഡ്യൂളില്‍ ഉള്‍പ്പെട്ടിട്ടും സര്‍ക്കാര്‍ മിനിമം വേതനം നിശ്ചയിക്കാത്ത തൊഴില്‍ മേഖലകള്‍ ഏതൊക്കെയാണെന്നും അതിനുള്ള കാരണം എന്താണെന്നും വ്യക്തമാക്കുമോ; ഇക്കാര്യത്തില്‍ അടിയന്തര നടപടി സ്വീകരിക്കുമോ;

മിനിമം വേതന നിയമത്തിന്റെ ഷെഡ്യൂളില്‍ ഉള്‍പ്പെട്ടതും മിനിമം വേതനം നിശ്ചയിച്ചതുമായ തൊഴില്‍ മേഖലകള്‍ ഏതൊക്കെയാണെന്ന് അറിയിക്കാമോ; ഓരോ മേഖലയിലെയും മിനിമം വേതനം വ്യക്തമാക്കുമോ;

മിനിമം വേതനം നല്‍കുന്നുവെന്ന് ഉറപ്പാക്കാനുള്ള സംവിധാനം എന്താണെന്ന് വ്യക്തമാക്കുമോ?

സംസ്ഥാന സര്‍ക്കാരിന്റെ റൂള്‍സ് ഓഫ് ബിസ്സിനസ് അനുസരിച്ച് സംസ്ഥാനത്തെ ഏതെങ്കിലും കോഴ്സിന്റെ തുല്യത/ഉയര്‍ന്ന യോഗ്യത നിശ്ചയിക്കുന്നത് സംബന്ധിച്ച സബ്ജക്ട് ഡിസ്ട്രിബ്യുഷന്‍ ഏത് വകുപ്പിനാണെന്ന് അറിയിക്കാമോ;

തൊഴിലും നൈപുണ്യവും (സി) വകുപ്പിന്റെ 17.01.2023-ലെ സ.ഉ.(സാധാ)നം.57/2023/എല്‍.ബി.ആര്‍. പ്രസ്തുത സബ്ജക്ട് ഡിസ്ട്രിബ്യുഷന്‍ പ്രകാരമാണോയെന്ന് വിശദമാക്കാമോ;

പ്രസ്തുത സര്‍ക്കാര്‍ ഉത്തരവിന് ആധാരമായ ഫയലിന്റെ നോട്ട്, കറന്റ് ഭാഗങ്ങളുടെ മുഴുവന്‍ പേജുകളുടേയും പകര്‍പ്പ് എന്നിവ ലഭ്യമാക്കാമോ;

പ്രസ്തുത സര്‍ക്കാര്‍ ഉത്തരവിലെ പരാമര്‍ശം 1 മുതല്‍ 4 വരെയുള്ളവയുടെ പകര്‍പ്പ് ലഭ്യമാക്കാമോ?

തൊഴില്‍ രഹിതരായ യുവാക്കള്‍ക്ക് തൊഴില്‍ നല്‍കുന്നതിനായി തൊഴില്‍ വകുപ്പ് എന്തെങ്കിലും പദ്ധതികള്‍ നടപ്പിലാക്കുന്നുണ്ടെങ്കില്‍ വിശദാംശം ലഭ്യമാക്കുമോ;

ഇത് സംബന്ധിച്ച് ഓരോ ജില്ലകളിലും നടത്തിയിട്ടുള്ള പ്രവര്‍ത്തനങ്ങള്‍ സംബന്ധിച്ച വിശദാംശം നല്‍കാമോ?

കേരള ചുമട്ടുതൊഴിലാളി ക്ഷേമനിധി ബോർഡിലെ ജീവനക്കാർക്ക് പെൻഷൻ ഏർപ്പെടുത്തണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ;

എങ്കിൽ ഇതിനായി എന്തൊക്കെ നടപടികളാണ് സ്വീകരിക്കുന്നതെന്നും പെൻഷൻ എപ്പോൾ ഏർപ്പെടുത്താൻ കഴിയുമെന്നും അറിയിക്കാമോ?

അസംഘടിത തൊഴിലാളി സാമൂഹിക സുരക്ഷിതത്വ ബോർഡിൽ കേരള സ്റ്റേറ്റ് ബാർബർ ബ്യൂട്ടീഷൻ അസോസിയേഷൻ പ്രതിനിധിയെ ഉൾപ്പെടുത്തുന്നതിനുള്ള നടപടി സ്വീകരിക്കുമോ;

അസംഘടിത മേഖലയിലെ അംശദായം സർക്കാർ കാലാനുസൃതമായി പുതുക്കുമ്പോഴും ആനുകൂല്യങ്ങൾ പഴയതു തന്നെയാണന്നത് ശ്രദ്ധയിൽപ്പെട്ടിട്ടുണ്ടോ; അംശദായം കൂട്ടുന്നതിനോടൊപ്പം ആനുകൂല്യങ്ങളും വർധിപ്പിക്കുന്നതിനുള്ള നടപടി സ്വീകരിക്കുമോ;

അംശദായം അടയ്ക്കുന്നതിന് 5 വർഷം വരെ കുടിശിക ആയിട്ടുള്ളവർക്കു ഗഡുക്കളായി പണമടച്ചു അംഗത്വം പുതുക്കുന്നതിന് സൗകര്യമൊരുക്കുന്നതിനു നടപടി സ്വീകരിക്കുമോ;

അസംഘടിത തൊഴിലാളി സാമൂഹിക സുരക്ഷിതത്വ ബോർഡ് നൽകുന്ന മരണാനന്തര ധനസഹായം 10000 രൂപയിൽ നിന്നും 2 ലക്ഷം രൂപയാക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കാമോ?

സംസ്ഥാനത്ത് ഉയർന്ന ഭരണ ചെലവ് മൂലം സാമ്പത്തിക പ്രതിസന്ധി നേരിടുന്ന വിവിധ ക്ഷേമനിധി ബോര്‍ഡുകളെ സംയോജിപ്പിക്കുന്നതിനുള്ള നടപടികൾ പൂർത്തീകരിക്കാൻ സാധിക്കാത്തതിന്റെ കാരണം വ്യക്തമാക്കുമോ;

ക്ഷേമനിധി ബോര്‍ഡുകളെ സംയോജിപ്പിക്കുന്നത് സംബന്ധിച്ച് പഠിക്കുന്നതിനായി നിയോഗിച്ച സമിതി റിപ്പോർട്ട് സമർപ്പിച്ചിട്ടുണ്ടോ; എങ്കിൽ റിപ്പോർട്ടിന്റെ അടിസ്ഥാനത്തിൽ എന്തൊക്കെ നടപടികൾ സ്വീകരിച്ചുവെന്നും സമർപ്പിച്ചിട്ടില്ലെങ്കിൽ കാലതാമസത്തിന്റെ കാരണവും വ്യക്തമാക്കുമോ;

ക്ഷേമനിധി ബോര്‍ഡുകളുടെ ഭരണ ചെലവ് കുറയ്ക്കുന്നതിനായി സ്വീകരിക്കാൻ ഉദ്ദേശിക്കുന്ന നടപടികൾ വ്യക്തമാക്കുമോ?

മരം കയറ്റ് തൊഴിലാളികൾക്കായി ക്ഷേമനിധി ബോർഡ് നിലവിലുണ്ടോയെന്ന് വ്യക്തമാക്കുമോ; ഇല്ലെങ്കിൽ ആയത് ആരംഭിക്കുന്നതിനുള്ള നടപടി സ്വീകരിക്കുമോ;

മരം കയറ്റ് തൊഴിലാളികൾക്ക് തൊഴിലിനിടയിൽ സംഭവിക്കുന്ന അപകടങ്ങൾക്ക് ധനസഹായ പദ്ധതികൾ നിലവിലുണ്ടോ എന്ന് വ്യക്തമാക്കാമോ?

കണ്ണൂർ ജില്ലയിലെ തയ്യൽ തൊഴിലാളി ക്ഷേമനിധി ബോർഡിൽ കെ.എന്‍.ആര്‍. 07763 എന്ന നമ്പർ പ്രകാരം അംഗത്വം എടുത്തിരുന്ന ശ്രീ.എ.വി. പ്രേമരാജൻ എന്നു മുതലാണ് ക്ഷേമനിധി ബോർഡില്‍ അംഗമായത്;

അദ്ദേഹം ക്ഷേമനിധിയിലേക്ക് അടച്ച ആകെ തുക എത്രയെന്നും ക്ഷേമനിധിയിൽ നിന്നും പെൻഷനായ തീയതിയും അറിയിക്കുമോ;

അദ്ദേഹം മരണപ്പെട്ടത് സംബന്ധിച്ച അറിയിപ്പ് ബോർഡിന് ലഭിച്ചത് എന്നാണെന്നും മരണകാരണം എന്താണെന്നാണ് അറിയിച്ചിരുന്നതെന്നും വ്യക്തമാക്കാമോ;

അദ്ദേഹം മരണമടഞ്ഞ സമയത്ത് അംശാദായം അടവിൽ കുടിശ്ശിക ഉണ്ടായിരുന്നോ; എങ്കിൽ കുടിശ്ശിക തുക എത്രയായിരുന്നു; പ്രസ്തുത കുടിശ്ശിക ഒടുക്കുവാൻ സര്‍ക്കാര്‍ അനുമതി നല്‍കിയിട്ടുണ്ടോ; അനുമതി ഉത്തരവിന്റെ പകർപ്പ് ലഭ്യമാക്കുമോ;

കുടിശ്ശിക അടച്ചത് എന്നാണെന്നും കുടിശ്ശിക അടച്ച രസീതിന്റെ പകർപ്പും ലഭ്യമാക്കുമോ; അംശാദായ കുടിശ്ശിക അടച്ചതോടെ ശ്രീ.എ.വി. പ്രേമരാജന്റെ കുടുംബം ക്ഷേമനിധി ആനുകൂല്യങ്ങളും പെൻഷനും നേടുന്നതിന് അർഹരായിട്ടുണ്ടോ;

അദ്ദേഹത്തിന്റെ കുടുംബത്തിന് ക്ഷേമനിധി ആനുകൂല്യങ്ങൾ അനുവദിച്ചുകൊണ്ട് സർക്കാർ ഉത്തരവോ നിർദ്ദേശങ്ങളോ നൽകിയിട്ടുണ്ടോ; എങ്കിൽ ഉത്തരവിന്റെ പകര്‍പ്പ് ലഭ്യമാക്കുമോ;

ക്ഷേമനിധി കുടിശ്ശിക പൂർണമായും അടയ്ക്കുകയും മറ്റു നടപടിക്രമങ്ങളെല്ലാം പൂർത്തിയാക്കുകയും സര്‍ക്കാര്‍ ഉത്തരവ് പുറപ്പെടുവിക്കുകയും ചെയ്തിട്ടും അദ്ദേഹത്തിന്റെ കുടുംബത്തിന് ക്ഷേമനിധി ആനുകൂല്യങ്ങളും പെൻഷനും നൽകാത്തതിന്റെ കാരണങ്ങൾ എന്തെല്ലാമാണെന്ന് വിശദമാക്കുമോ; അദ്ദേഹത്തിന്റെ കുടുംബത്തിന് ക്ഷേമനിധി ആനുകൂല്യങ്ങൾ അടിയന്തരമായി ലഭ്യമാക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

തൊഴിലാളി ക്ഷേമനിധികളിൽ നിന്ന് ലഭിച്ചിരുന്ന പെൻഷൻ സാമൂഹ്യ ക്ഷേമ പെൻഷൻ ലഭിക്കുന്നവർക്ക് നിഷേധിക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ;

ചെത്തുതൊഴിലാളി ക്ഷേമനിധി ബോർഡിൽ നിന്ന് ഉൾപ്പെടെ പെൻഷൻ വാങ്ങിയിരുന്ന നിരവധി തൊഴിലാളികൾ പ്രസ്തുത തീരുമാനത്തിന്റെ പേരിൽ ദുരിതമനുഭവിക്കുന്നത് ഗൗരവത്തോടെ കാണുന്നുണ്ടോ;വിശദാംശം നൽകുമോ;

ദീർഘകാലം തൊഴിലാളി ക്ഷേമനിധിയിൽ അംശദായം അടച്ചതിന് ശേഷം പെൻഷൻ കൈപ്പറ്റുന്ന തൊഴിലാളികൾക്ക് ന്യായമായി ലഭിക്കേണ്ട ആനുകൂല്യം ഇല്ലാതാക്കുന്ന നടപടി അവസാനിപ്പിക്കുവാൻ തൊഴിൽ വകുപ്പ് മുൻകൈയെടുക്കുമോ; വിശദാംശം ലഭ്യമാക്കുമോ?

ഷോപ്പ്സ് ആന്റ് കോമേഴ്‍സ്യല്‍ എസ്റ്റാബ്ലിഷ്‍മെന്റ് മേഖലയിൽ പ്രവര്‍ത്തിക്കുന്നവര്‍ക്ക് ക്ഷേമനിധി അടക്കാന്‍ ഉടമയുടെ സഹായമില്ലാത്തതു മൂലം ക്ഷേമനിധി തുക അടക്കാന്‍ കഴിയാതെവന്ന കാര്യം ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;

പ്രസ്തുത മേഖലയിലെ ജീവനക്കാര്‍ക്ക് ഇരിപ്പിട സൗകര്യമില്ലാത്തത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്തെ നിർമ്മാണ തൊഴിലാളികളുടെ അംശാദായം 2018 മുതൽ ഇരുപത് രൂപയിൽ നിന്ന് അന്‍പത് രൂപയായി വർദ്ധിപ്പിക്കുകയുണ്ടായോ; അംശാദായത്തിലെ വര്‍ദ്ധനവിനനുസൃതമായി തൊഴിലാളികളുടെ ആനുകൂല്യങ്ങളിൽ വർദ്ധനവ് വരുത്തിയിട്ടുണ്ടോയെന്ന് അറിയിക്കുമോ;

നിർമ്മാണ തൊഴിലാളികൾ സെക്രട്ടേറിയറ്റ് നടയിൽ നടത്തിയ രാപകൽ സമരത്തെ തുടർന്ന് ട്രേഡ് യൂണിയനുകളുമായി സര്‍ക്കാര്‍ ഉണ്ടാക്കിയ ഒത്തുതീർപ്പ് വ്യവസ്ഥകൾ നടപ്പാക്കിയിരുന്നോ; ഇല്ലെങ്കില്‍ ആയത് നടപ്പാക്കാതിരുന്നതിനുള്ള കാരണങ്ങള്‍ എന്തെല്ലാമാണെന്ന് വ്യക്തമാക്കുമോ;

നിർമ്മാണ തൊഴിലാളികള്‍ക്ക് ലഭിച്ചുകൊണ്ടിരുന്ന ഭവന നിർമ്മാണ വായ്പയും ഉപകരണ വായ്പയും നിര്‍ത്തലാക്കുകയുണ്ടായോ; എങ്കില്‍ ഇവ തുടർന്ന് നൽകുന്നതിനുള്ള നടപടികൾ സ്വീകരിക്കുമോ;

നിലവില്‍ പെൻഷൻ പറ്റി പിരിയുന്ന തൊഴിലാളികൾക്ക് അടച്ച അംശദായത്തുക മാത്രമാണോ നൽകുന്നത്; ഇവര്‍ക്ക് അംശാദായത്തിന് ന്യായമായ പലിശ ലഭിക്കുന്നതിനുള്ള നടപടികൾ സ്വീകരിക്കാന്‍ തയ്യാറാകുമോ എന്ന് അറിയിക്കുമോ?

സംസ്ഥാനത്ത് തൊഴിലില്ലായ്മ നിരക്ക് കുറഞ്ഞതായി സെന്റർ ഫോർ മോണിറ്ററിങ് ഇന്ത്യൻ ഇക്കോണമി നടത്തിയ പുതിയ പഠന പ്രകാരം രേഖപ്പെടുത്തിയിരിക്കുന്നത്, തൊഴിൽദായക ശേഷി വർദ്ധിക്കുന്നതിന്റെ സൂചനയായി കാണാൻ കഴിയുമോയെന്ന് വിശദീകരിക്കുമോ;

സംസ്ഥാനം നടപ്പിലാക്കുന്ന വ്യാവസായിക തൊഴിൽ നയങ്ങൾ സമസ്ത മേഖലകളിലും മെച്ചപ്പെട്ട തൊഴിൽ സാഹചര്യങ്ങളും വേതനവും തൊഴിലാളികൾക്ക് ലഭിക്കുന്നതിന് എത്രത്തോളം സഹായകരമായിട്ടുണ്ടെന്ന് വിശദമാക്കുമോ;

ആഗോള തൊഴിൽമേഖലയിൽ ആധുനിക കാലഘട്ടത്തിലെ നൂതന തൊഴിൽ സാധ്യതകള്‍ മുന്നില്‍കണ്ടുകൊണ്ട് പുതിയ തൊഴില്‍മേഖലകള്‍ കണ്ടെത്തുന്നതിന് സര്‍ക്കാര്‍ നടത്തുന്ന ശ്രമങ്ങളുടെ വിശദാംശം ലഭ്യമാക്കുമോ;

അഞ്ച് ലക്ഷത്തിലധികം അന്യസംസ്ഥാനതൊഴിലാളികള്‍ തൊഴിലിനായി കേരളത്തെ ആശ്രയിക്കുന്ന സാഹചര്യത്തില്‍ തദ്ദേശീയരായ തൊഴിലാളികള്‍ക്ക് ആഭ്യന്തര തൊഴില്‍സാധ്യതാ നിരക്ക് മെച്ചപ്പെടുത്തുന്നതിനുവേണ്ടി സംസ്ഥാനം പിന്‍തുടരുന്ന തൊഴില്‍ നയങ്ങളുടെ വിശദാംശം ലഭ്യമാക്കുമോ?

വർഷങ്ങളായി പൂട്ടിക്കിടക്കുന്ന തോട്ടങ്ങൾ തുറന്ന് പ്രവർത്തിപ്പിക്കാൻ സ്വീകരിച്ച നടപടികൾ വിശദമാക്കാമോ;

വർഷങ്ങളായി കെട്ടിക്കിടക്കുന്ന തൊഴിൽ തർക്ക ഫയലുകൾ തീർപ്പാക്കുവാൻ സ്വീകരിച്ച നടപടികൾ വിശദമാക്കുമോ;

തോട്ടം തൊഴിലാളികളുടെ ശമ്പളം വർദ്ധിപ്പിക്കുവാൻ സ്വീകരിച്ച നടപടികൾ വിശദമാക്കാമോ;

തോട്ടം തൊഴിലാളികളുടെ ലയങ്ങൾ പുതുക്കി പണിയുന്നതിന് പദ്ധതികൾ ആവിഷ്കരിക്കുവാൻ നടപടികൾ സ്വീകരിക്കാമോയെന്ന് വിശദീകരിക്കുമോ?

രാജ്യത്ത് ഏറ്റവും കൂടിയ കൂലി ലഭിക്കുന്ന ഒരു സംസ്ഥാനം എന്ന ഖ്യാതി നിലനില്‍ക്കുന്നുണ്ടെങ്കിലും മാസവരുമാനക്കാരായ സ്ത്രീകള്‍ക്കിടയിലും മറ്റ് തൊഴിലാളികള്‍ക്കിടയിലും ഇപ്പോഴും നിലനില്‍ക്കുന്ന അസമത്വം പരിഹരിക്കുന്നതിന് ഫലപ്രദമായ നടപടികള്‍ സ്വീകരിക്കുമോ;

സംഘടിത തൊഴില്‍ മേഖലയില്‍ സ്ത്രീകളുടെ പങ്കാളിത്തത്തിലുള്ള കുറവ് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കാന്‍ നടപടി സ്വീകരിക്കുമോ;

സ്ത്രീകളുടെ പങ്കാളിത്തം തൊഴില്‍ നൈപുണ്യം ആവശ്യമില്ലാത്ത മേഖലയില്‍ മാത്രമായി ചുരുങ്ങിപോകുന്ന അവസ്ഥ വിലയിരുത്തിയിട്ടുണ്ടോ;

മഹാത്മാഗാന്ധി ഗ്രാമീണ തൊഴിലുറപ്പ് പദ്ധതിയിലും മറ്റും കൂടുതല്‍ തുകയും സ്ത്രീകള്‍ക്ക് മാത്രമുള്ള വേതനമായി ചെലവഴിക്കപ്പെടുന്നത് ഇങ്ങനെയുള്ള കാരണം കൊണ്ടാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

സ്ത്രീകള്‍ക്ക് തൊഴില്‍ നൈപുണ്യം വര്‍ദ്ധിപ്പിക്കുന്നതിന് കൂടുതല്‍ ഫലപ്രദമായ പദ്ധതികള്‍ ആവിഷ്കരിക്കുമോയെന്ന് വ്യക്തമാക്കുമോ?

സംസ്ഥാനത്ത് തൊഴിലാളി ക്ഷേമവും തൊഴില്‍ മേഖലയിലെ സുരക്ഷിതത്വവും മുന്‍നിര്‍ത്തി വിവിധ തൊഴില്‍ മേഖലകളില്‍ ഈ സര്‍ക്കാര്‍ ആവിഷ്കരിച്ചിട്ടുള്ളതും നടപ്പിലാക്കി വരുന്നതുമായ പദ്ധതികള്‍ വിശദമാക്കുമോ;

ഏതൊക്കെ മേഖലകളിലാണ് മിനിമം വേതനം പുതുക്കി നിശ്ചയിച്ചിട്ടുള്ളതെന്നും ആയതിന്റെ വിശദാംശവും അറിയിക്കുമോ;

തോട്ടം തൊഴിലാളികള്‍ക്ക് ഭവന നിര്‍മ്മാണത്തിനായി ആവിഷ്കരിച്ചിട്ടുള്ള പദ്ധതിയുടെ വിശദാംശങ്ങള്‍ നല്‍കുമോ?

വിവിധ ആവശ്യങ്ങള്‍ ഉന്നയിച്ച് കെ.എസ്.ബി.എ. സമര്‍പ്പിച്ച നിവേദനം സര്‍ക്കാര്‍ തലത്തില്‍ പരിശോധന നടത്തിയിട്ടുണ്ടോയെന്ന് വിശദമാക്കാമോ;

പ്രസ്തുത നിവേദനത്തിലെ നടപ്പിലാക്കാന്‍ ഉദ്ദേശിക്കുന്ന ആവശ്യങ്ങള്‍ വിശദമാക്കാമോ;

അസംഘടിത തൊഴിലാളി സാമൂഹ്യസുരക്ഷിതത്വ പദ്ധതി ബോര്‍ഡില്‍ കെ.എസ്.ബി.എ. പ്രതിനിധിയെ ഉള്‍പ്പെടുത്തുന്ന കാര്യം പരിഗണനയിലുണ്ടോയെന്ന് അറിയിക്കാമോ?

കൊടുവള്ളി ഗവൺമെന്റ് ഐ.ടി.ഐ.യിൽ പുതിയ കോഴ്സുകൾ ആരംഭിക്കുന്നതിന് സ്വീകരിച്ച നടപടികളുടെ നിലവിലെ സ്ഥിതി വിശദമാക്കുമോ;

ഇ 6301521/2022/മിനിസ്റ്റര്‍ (എല്‍.ബി.ആർ.ഡി) എന്ന ഫയലിന്മേൽ സ്വീകരിച്ചിട്ടുള്ള നടപടികൾ വിശദമാക്കുമോ?

സംസ്ഥാനത്ത് പുതിയ ഐ.ടി.ഐ.-കൾ സ്ഥാപിക്കുന്നതിന് നടപടി സ്വീകരിച്ചിട്ടുണ്ടോ; വിശദ വിവരങ്ങൾ ലഭ്യമാക്കുമോ;

പൈവളിഗെയിൽ ഐ.ടി.ഐ. ആരംഭിക്കുന്നത് സംബന്ധിച്ച് നടപടിക്രമങ്ങൾ നിലവിൽ ഏത് ഘട്ടത്തിലാണെന്ന് വ്യക്തമാക്കുമോ;

സംസ്ഥാനത്ത് എത്ര ഐ.ടി.ഐ.-കളാണ് പുതുതായി ആരംഭിക്കുവാൻ ഉദ്ദേശിക്കുന്നതെന്ന് വിശദമാക്കുമോ?

ധനുവച്ചപുരം ഇന്റര്‍നാഷണല്‍ ഐ.ടി.ഐ. നിര്‍മ്മാണം എന്ന കിഫ്ബി പ്രോജക്ടിന്റെ പുരോഗതി അറിയ്ക്കാമോ; പ്രസ്തുത പദ്ധതിയുടെ ഉള്ളടക്കം, പദ്ധതി മുഖേന ചെയ്ത പ്രവൃത്തികളുടെ വിശദവിവരം എന്നിവ ലഭ്യമാക്കുമോ;

പ്രസ്തുത പ്രവൃത്തി എന്നത്തേക്ക് പൂര്‍ത്തിയാക്കാനാകുമെന്ന് അറിയിക്കാമോ;

അധികസാമ്പത്തിക ബാധ്യത ഇല്ലാതെ തന്നെ ധനുവച്ചപുരം ഐ.ടി.ഐ.യിലെ ഇലക്ട്രോണിക്സ് വിഭാഗത്തില്‍ ഒരു അധിക ബാച്ച് ആരംഭിക്കുന്നതിനായി സമര്‍പ്പിച്ചിരുന്ന പ്രൊപ്പോസലിന്മേല്‍ തുടര്‍ നടപടികള്‍ സ്വീകരിച്ചിട്ടുണ്ടോ; വിശദവിവരം ലഭ്യമാക്കുമോ;

ധനുവച്ചപുരം ഐ.ടി.ഐ. യില്‍ വിവിധ വിഭാഗങ്ങളിലായി പുതിയ ട്രേഡ് ആരംഭിക്കുന്നതിനായി പ്രൊപ്പോസലുകള്‍ നിലവിലുണ്ടോ; വിശദവിവരം ലഭ്യമാക്കുമോ?

നെന്മാറ ഗവ. ഐ.റ്റി.ഐ.ക്ക് കെട്ടിടം നിര്‍മ്മിക്കുന്നതുമായി ബന്ധപ്പെട്ട് പൂര്‍ത്തീകരിച്ചിട്ടുള്ള നടപടികള്‍ വിശദമാക്കുമോ;

പ്രസ്തുത കെട്ടിട നിര്‍മ്മാണത്തിന് എത്ര തുകയാണ് വകയിരുത്തിയിട്ടുള്ളതെന്ന് വിശദമാക്കുമോ;

പ്രസ്തുത കെട്ടിട നിര്‍മ്മാണം നടത്തുന്നതിന് നിലവിൽ എന്തെങ്കിലും തടസ്സങ്ങളുണ്ടോ; ഇല്ലെങ്കിൽ നിര്‍മ്മാണ പ്രവര്‍ത്തനം തുടങ്ങാൻ ആവശ്യമായ നിര്‍ദ്ദേശം നൽകുമോയെന്ന് വ്യക്തമാക്കുമോ?

കണ്ണൂര്‍ ജില്ലയിലെ മാടായി ഐ.ടി.ഐ. യില്‍ പുതിയ ട്രേഡുകള്‍ തുടങ്ങുന്നതിനുള്ള പ്രൊപ്പോസല്‍ ട്രെയിനിംഗ് ഡയറക്ടര്‍ സര്‍ക്കാരിലേക്ക് ശിപാര്‍ശ ചെയ്തിട്ടുണ്ടോ;

എങ്കിൽ ഏതൊക്കെ ട്രേഡുകള്‍ തുടങ്ങുന്നതിനാണ് ശിപാര്‍ശ ചെയ്തിട്ടുള്ളത്; പ്രസ്തുത ട്രേഡുകള്‍ക്ക് അംഗീകാരം നല്‍കിയിട്ടുണ്ടോയെന്ന് വിശദമാക്കാമോ?

പബ്ലിക് സർവ്വീസ് കമ്മീഷന്റെ നിയമന പരിധിയിൽ ഉൾപ്പെടാത്ത പൊതുമേഖലാ സ്ഥാപനങ്ങളിലും മറ്റ് സർക്കാർ നിയന്ത്രിത സ്ഥാപനങ്ങളിലും എംപ്ലോയ്‍മെന്റ് എക്സ്ചേഞ്ച് മുഖേന നിയമനം നടത്തണമെന്ന നിർദ്ദേശം നിലവിലുണ്ടോ;

യോഗ്യരായവർ ഇല്ലെങ്കിൽ യോഗ്യരായവർ ഇല്ലെന്ന സർട്ടിഫിക്കറ്റ് എംപ്ലോയ്‍മെന്റ് എക്സ്ചേഞ്ചിൽ നിന്നും വാങ്ങിയ ശേഷമേ പ്രസ്തുത സ്ഥാപനങ്ങളിൽ നേരിട്ടുളള നിയമനം നടത്താൻ പാടുളളൂ എന്ന വ്യവസ്ഥ നിലവിലുണ്ടോ;

പ്രസ്തുത വ്യവസ്ഥകൾ ലംഘിച്ച് നിയമനം നടത്തുന്നതായി കണ്ടെത്തിയിട്ടുണ്ടോ;

എങ്കിൽ പ്രസ്തുത നിയമനാധികാരികൾക്കെതിരെ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്തെ എംപ്ലോയ് മെന്റ് എക്സ്ചേഞ്ചുകളില്‍ ഇപ്പോള്‍ എത്ര ഉദ്യോഗാര്‍ത്ഥികള്‍ രജിസ്റ്റര്‍ ചെയ്തിട്ടുണ്ടെന്നും അതിൽ സ്ത്രീകളുടെയും പുരുഷന്മാര്രുടെയും എണ്ണം എത്രയാണെന്നും അറിയിക്കാമോ;

മുൻ സര്‍ക്കാരിന്റെ കാലം മുതല്‍ നാളിതുവരെ ജോലി ലഭിച്ചതിനാല്‍ രജിസ്ട്രേഷന്‍ ഒഴിവാക്കിയ എത്ര പേരുണ്ടെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ സംസ്ഥാനത്തെ എംപ്ലോയ്‌മെന്റ് എക്സ്ചേഞ്ചുകളില്‍ നിന്ന് എത്ര പേര്‍ക്ക് തൊഴില്‍ ലഭിച്ചിട്ടുണ്ടെന്നതിന്റെ കണക്കുകള്‍ ലഭ്യമാണോ;

എങ്കില്‍ സര്‍ക്കാര്‍ മേഖലയില്‍ നല്‍കിയ സ്ഥിരനിയമനം, താല്‍ക്കാലിക നിയമനം, സ്വകാര്യമേഖലയില്‍ നല്‍കിയ നിയമനങ്ങള്‍ എന്നിവ വേര്‍തിരിച്ച് വിശദമാക്കാമോ?

സംസ്ഥാനത്ത് എംപ്ലോയ്മെന്റ് എക്സ്ചേഞ്ചുകൾ വഴിയുള്ള നിയമനങ്ങൾ കുറഞ്ഞു വരുന്നതിന്റെ കാരണങ്ങൾ പരിശോധിച്ചിട്ടുണ്ടോയെന്ന് വിശദമാക്കുമോ;

ദിവസവേതന അടിസ്ഥാനത്തിലും കരാർ അടിസ്ഥാനത്തിലും ഉള്ള നിയമനങ്ങൾ പ്രോത്സാഹിപ്പിക്കുന്നത് എംപ്ലോയ്മെന്റ് എക്സ്ചേഞ്ച് വഴിയുള്ള നിയമനങ്ങളെ പ്രതികൂലമായി ബാധിച്ചിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

താൽക്കാലിക നിയമനങ്ങൾ എംപ്ലോയ്മെൻ്റ എക്സ്ചേഞ്ച് വഴി തന്നെ നടത്തണമെന്ന നിർദ്ദേശം ഉറപ്പാക്കാൻ സർക്കാർ നടപടി സ്വീകരിക്കുമോ ?

എംപ്ലോയ് മെന്റ് എക്സ്ചേഞ്ചുകളില്‍ പേര് രജിസ്റ്റര്‍ ചെയ്ത് വര്‍ഷങ്ങളായി നിയമനം കാത്തിരിക്കുന്ന ഉദ്യോഗാര്‍ത്ഥികളില്‍ നിന്നുമാണ് സംസ്ഥാനത്തെ വിവിധ സർക്കാർ/ പൊതുമേഖലാസ്ഥാപനങ്ങളിലും, സർക്കാർ ഏജൻസികളിലും താല്‍ക്കാലിക-കരാര്‍ ജീവനക്കാരെ നിയമിക്കുന്നതെന്ന് ഉറപ്പാക്കാന്‍ എന്ത് സംവിധാനമാണ് നിലവിലുള്ളതെന്ന് വ്യക്തമാക്കുമോ;

കമ്പൽസറി നോട്ടിഫിക്കേഷൻ ഓഫ് വേക്കൻസി ആക്ട് പ്രകാരം സ്ഥാപനങ്ങളില്‍ പരിശോധന നടത്തുവാന്‍ സംസ്ഥാനത്ത് ചുമതലപ്പെട്ട ഉദ്യോഗസ്ഥര്‍ ആരാണെന്ന് അറിയിക്കാമോ;

പ്രസ്തുത ആക്ട് പ്രകാരമുള്ള പരിശോധനകളുടെ അടിസ്ഥാനത്തില്‍ എംപ്ലോയ് മെന്റ് എക്സ്ചേഞ്ച് മുഖേന അല്ലാതെ നിയമിച്ച എത്ര താത്കാലിക ജീവനക്കാരെ മുൻ സര്‍ക്കാരിന്റെ കാലം മുതല്‍ നാളിതുവരെ പിരിച്ചു വിട്ടിട്ടുണ്ട്; വിശദാംശം നല്‍കുമോ?

സംസ്ഥാനത്ത് നിലവിൽ എത്ര എംപ്ലോയ്‌മെന്റ് എക്സ്ചേഞ്ചുകളുണ്ട്; ഇതിൽ എത്ര തൊഴിൽരഹിതർ പേര് രജിസ്റ്റർ ചെയ്തിട്ടുണ്ടെന്ന് ജില്ല തിരിച്ചുള്ള കണക്ക് നൽകാമോ ;

സംസ്ഥാനത്ത് ആകെയുള്ള അഭ്യസ്തവിദ്യരായ തൊഴിൽരഹിതരിൽ പ്രൊഫഷണൽ എംപ്ലോയ്‌മെന്റ് എക്സ്ചേഞ്ചുകളിൽ പേര് രജിസ്റ്റർ ചെയ്തിട്ടുള്ളവരുടെ, പുരുഷനും സ്ത്രീയും തിരിച്ചുള്ള ജില്ലാതല കണക്ക് ലഭ്യമാക്കാമോ;

സംസ്ഥാനത്ത് തൊഴിലില്ലായ്മ വേതനം കൈപ്പറ്റുന്നവരുടെ പുരുഷനും സ്ത്രീയും തിരിച്ചുള്ള ജില്ലാതല കണക്ക് നല്കാമോ;

തൊഴിലില്ലായ്മ വേതനം നൽകുന്നതിന്റെ മാനദണ്ഡം വ്യക്തമാക്കാമോ?