കെ.എസ്‌.ആർ.ടി.സി. യിൽ നിലവിൽ ജോലി ചെയ്യുന്ന സ്ഥിര ജീവനക്കാരുടെയും താൽക്കാലിക ജീവനക്കാരുടെയും എണ്ണം തസ്തിക തിരിച്ച് ലഭ്യമാക്കുമോ;

കെ-സ്വിഫ്റ്റിന്റെ രൂപീകരണത്തെത്തുടർന്ന് കെ.എസ്‌.ആർ.ടി.സി. യിൽ നിന്നും കെ-സ്വിഫ്റ്റിൽ നിയമിതരായ ജീവനക്കാരുടെ എണ്ണം തസ്തിക തിരിച്ച് ലഭ്യമാക്കുമോ;

മുൻപ് കെ.എസ്‌.ആർ.ടി.സി. യിൽ ജോലി ചെയ്തിരുന്ന എംപാനൽ ജീവനക്കാരിൽ ആരെങ്കിലും കെ-സ്വിഫ്റ്റിൽ നിയമനം നേടിയിട്ടുണ്ടോ; ഉണ്ടെങ്കിൽ തസ്തിക തിരിച്ചുള്ള എണ്ണം ലഭ്യമാക്കുമോ;

കെ-സ്വിഫ്റ്റ് ജീവനക്കാരുടെ സേവന വേതന വ്യവസ്ഥകൾ എന്തൊക്കെയാണെന്ന് വിശദീകരിക്കുമോ?

കേന്ദ്ര മാേട്ടാേര്‍ വാഹനനിയമ ഭേദഗതി പ്രകാരം സംസ്ഥാനത്ത് സമഗ്രമായ ഗതാഗത നയം രൂപീകരിക്കാന്‍ നടപടിയെടുത്തിട്ടുണ്ടാേ; ഉണ്ടെങ്കില്‍ വിശദമാക്കാമാേ;

പാെതു ഗതാഗതം ശക്തിപ്പെടുത്തുന്നതിന്റെ ഭാഗമായി സഹകരണ മേഖലയില്‍ ട്രാന്‍സ്പാേര്‍ട്ട് കമ്പനി രൂപീകരിക്കുന്നതിന് സര്‍ക്കാര്‍ ആലാേചിക്കുന്നുണ്ടാേയെന്ന് അറിയിക്കാമോ;

ഉള്‍പ്രദേശങ്ങളിലെ യാത്രാക്ലേശം പരിഹരിക്കുന്നതിന് റാേഡ്, റെയില്‍, ജലഗതാഗത സംവിധാനങ്ങളെ പരസ്പരം ബന്ധിപ്പിച്ചും ശക്തിപ്പെടുത്തില്‍യും ഒരു സമഗ്ര ഗതാഗത നയം ആവിഷ്കരിക്കുന്നതിന് ഉദ്ദേശിക്കുന്നുണ്ടാേയെന്ന് അറിയിക്കാമോ;

കുറഞ്ഞ നിരക്കിൽ റൂട്ട് ബസ്സുകള്‍ ഉള്ള സംസ്ഥാനങ്ങളിലൊന്നായ കേരളത്തിന്റെ പാെതുഗതാഗത സംവിധാനങ്ങളെ മുന്‍നിരയില്‍ എത്തിക്കുന്നതിനാവശ്യമായ പദ്ധതികള്‍ ആവിഷ്കരിച്ച് നടപ്പിലാക്കുമാേ??

ഭക്ഷ്യവസ്തുക്കള്‍ ശീതീകരിച്ച് കൊണ്ടുപോകുന്ന പല വാഹനങ്ങളും മറ്റ് യാത്രകര്‍ക്കും വാഹനങ്ങള്‍ക്കും ബുദ്ധിമുട്ടുണ്ടാകുന്ന തരത്തില്‍ സഞ്ചാരത്തിനിടയില്‍ മലിനജലം റോഡിലേക്ക് ഒഴുക്കിക്കളയുന്നത് ശ്രദ്ധയില്‍പ്പെട്ടിട്ടുണ്ടോ; ഇത്തരം നിയമലംഘനങ്ങള്‍ പരിഹരിക്കുന്നതിന് നടപടി സ്വീകരിക്കുമോ; വിശദമാക്കുമോ ?

റോഡ് മാര്‍ഗ്ഗമുള്ള ചരക്ക് നീക്കം നിയന്ത്രിക്കുന്നതിനായി എന്തെല്ലാം പദ്ധതികള്‍ ആവിഷ്കരിച്ചിട്ടുണ്ടെന്ന് വിശദമാക്കാമോ;

റോഡ് മാര്‍ഗ്ഗമുള്ള ചരക്ക് നീക്കത്തിന് ബദലായി ജലഗതാഗത മാര്‍ഗ്ഗം ഉപയോഗപ്പെടുത്തുന്നതിന് എന്തെല്ലാം നടപടി സ്വീകരിച്ച് വരുന്നു; വിശദമാക്കാമോ?

കെ.എസ്.ആര്‍.ടി.സി. ബസ്സുകളില്‍ ഏതെല്ലാം തരത്തിലുള്ള യാത്രാ നിരക്കുകളാണ് ഈടാക്കുന്നതെന്ന് അറിയിക്കാമോ; ഏതെല്ലാം തരത്തിലുള്ള ഇളവുകളാണ് അനുവദിക്കുന്നതെന്നും സൗജന്യയാത്രയും കുറഞ്ഞ നിരക്കിലുള്ള യാത്രയും അനുവദിക്കുന്നത് ആര്‍ക്കെല്ലാമാണെന്നും വ്യക്തമാക്കാമോ?

ഗതാഗത നിയമ ലംഘനങ്ങള്‍ക്ക് ചുമത്തുന്ന പിഴയിൽ അവസാനമായി വര്‍ദ്ധനവ് വരുത്തിയത് എന്നാണെന്ന് വ്യക്തമാക്കാമോ; ഓരോ ഇനത്തിലും പിഴയായി ഈടാക്കുന്ന തുക എത്ര വീതമാണെന്ന് വിശദമാക്കാമോ;

മുന്നറിയിപ്പ് ബോര്‍ഡുകള്‍ എല്ലായിടത്തും സ്ഥാപിക്കാത്ത സാഹചര്യത്തില്‍ അമിത വേഗതയ്ക്ക് പിഴ ഈടാക്കുന്നത് നിര്‍ത്തിവെക്കാന്‍ നിര്‍ദ്ദേശം നല്‍കിയിട്ടുണ്ടോ; വിശദമാക്കാമോ;

മുന്നറിപ്പ് ബോര്‍ഡുകള്‍ സ്ഥാപിക്കാത്ത പ്രദേശങ്ങളില്‍ അമിത വേഗതയ്ക്ക് പിഴ ഈടാക്കുന്നത് സംബന്ധിച്ച നയം വ്യക്തമാക്കുമോ?

യാത്രാസൗകര്യം ഉറപ്പ് വരുത്തുന്നതിനായി ഇന്റലിജന്റ് പബ്ലിക് ട്രാന്‍സ്പോര്‍ട്ട് സിസ്റ്റം എന്ന പദ്ധതിയുടെ പ്രവര്‍ത്തനം ആരംഭിച്ചിട്ടുണ്ടോയെന്ന് അറിയിക്കാമോ ;

പ്രസ്‌തുത പദ്ധതിയുടെ പ്രവര്‍ത്തനം വിശദമാക്കാമോ?

നവീകരിച്ച കോഴിക്കോട്-പാലക്കാട് എന്‍.എച്ച്. 966 ല്‍ വാഹനങ്ങളുടെ വേഗത നിയന്ത്രിക്കുന്നതിനും അപകടങ്ങള്‍ കുറയ്ക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ട്; പ്രസ്തുത റോഡില്‍ ക്യാമറാ നിരീക്ഷണം സാദ്ധ്യമാക്കുമോ; വിശദാംശം ലഭ്യമാക്കുമോ?

മുന്‍ സര്‍ക്കാരിന്റെയും നിലവിലെ സര്‍ക്കാരിന്റെയും കാലയളവില്‍ റാേഡ് സേഫ്റ്റി ഫണ്ട് വിനിയാേഗിച്ച് തിരുവനന്തപുരം ജില്ലയില്‍ നടപ്പിലാക്കിയിട്ടുള്ള പ്രവൃത്തികള്‍ വിശദമാക്കാമാേ;

പ്രസ്തുത പ്രവൃത്തികള്‍ക്ക് ഓരാേന്നിനും അനുവദിച്ച തുക വ്യക്തമാക്കാമാേ;

അനുവദിച്ച പ്രവൃത്തികളിൽ പൂര്‍ത്തിയാക്കുവാനുള്ളവ ഏതെല്ലാമെന്ന് വിശദമാക്കാമാേ?

സംസ്ഥാനത്തെ ബ്ലാക്ക് സ്പോട്ടുകള്‍ സംബന്ധിച്ച നാറ്റ്പാക്-ന്റെ പഠന റിപ്പോര്‍ട്ട് സര്‍ക്കാര്‍ തലത്തില്‍ വിലയിരുത്തിയിട്ടുണ്ടോ;

പ്രസ്തുത ബ്ലാക്ക് സ്പോട്ടുകളില്‍ അപകടങ്ങള്‍ കുറയ്ക്കാനായി എന്തെല്ലാം നിര്‍ദ്ദേശങ്ങളാണ് നാറ്റ്പാക് സമര്‍പ്പിച്ചിരിക്കുന്നത്;

അപകടങ്ങള്‍ കുറയ്ക്കന്നതിനായി അടിയന്തരമായും ദീര്‍ഘകാലാടിസ്ഥാനത്തിലും എന്തെല്ലാം പദ്ധതികളാണ് നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ?

സംസ്ഥാനത്തെ വിവിധ റാേഡുകളില്‍ അനുവദനീയമായ പരമാവധി വേഗത യാത്രക്കാർക്ക് കാണത്തക്ക വിധത്തില്‍ പ്രദര്‍ശിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കാമാേ;

ദേശീയപാതകള്‍, സംസ്ഥാന പാതകള്‍, ജില്ലാ റാേഡുകള്‍ എന്നിവയില്‍ വാഹനങ്ങള്‍ക്ക് അനുവദനീയമായ പരമാവധി വേഗത എത്രയാണെന്ന് അറിയിക്കാമാേ?

2016 മുതല്‍ കെ.എസ്.ആര്‍.ടി.സി.യില്‍ നിന്നും എത്ര സ്ഥിരം ഡ്രൈവര്‍മാരാണ് വിരമിച്ചതെന്നും എത്ര ഡ്രൈവര്‍മാര്‍ക്ക് പുതുതായി സ്ഥിര നിയമനം നല്‍കി എന്നുമുള്ള കണക്കുകള്‍ വര്‍ഷം തിരിച്ച് ലഭ്യമാക്കാമോ; വിശദാംശങ്ങള്‍ അറിയിക്കാമോ;

സംസ്ഥാനത്ത് നിലവില്‍ എത്ര കെ.എസ്.ആര്‍.ടി.സി. ഡ്രൈവര്‍മാരാണ് ആകെയുള്ളതെന്ന് അറിയിക്കാമോ; ഇതില്‍ സ്ഥിരം നിയമനം, താല്‍ക്കാലിക നിയമനം, എം-പാനല്‍ എന്നിവ സംബന്ധിച്ച് ഇനം തിരിച്ചും ജില്ല തിരിച്ചും വിവരങ്ങള്‍ നല്‍കാമോ;

സംസ്ഥാനത്ത് കെ.എസ്.ആര്‍.ടി.സി.യില്‍ എത്ര ഡ്രൈവര്‍മാരുടെ കുറവാണുള്ളതെന്ന് ജില്ല തിരിച്ച് അറിയിക്കാമോ;

മലപ്പുറം ജില്ലയിലെ നിലമ്പൂര്‍ ഡിപ്പോയില്‍ എത്ര ഡ്രൈവര്‍മാരുടെ കുറവുണ്ടെന്നും 2019-ലെ കോവിഡ് വ്യാപനത്തിന് മുൻപ് എത്ര ഡ്രൈവര്‍മാര്‍ പ്രസ്തുത ഡിപ്പോയില്‍ ഉണ്ടായിരുന്നുവെന്നും അറിയിക്കാമോ;

ഡ്രൈവര്‍മാരുടെ കുറവ് വരാനുണ്ടായ സാഹചര്യം വിശദമാക്കാമോ; നിലമ്പൂര്‍ ഡിപ്പോയിലെ ഡ്രൈവര്‍മാരെ ജില്ലയിലെ മറ്റേതെങ്കിലും ഡിപ്പോകളിലേക്ക് മാറ്റി ക്രമീകരിച്ചിട്ടുണ്ടെങ്കിൽ ആയതിന്റെ വിശദാംശം ലഭ്യമാക്കാമോ;

നിലമ്പൂര്‍ മണ്ഡലത്തിലെ മലയോര പ്രദേശങ്ങളായ എരുമമുണ്ട, പാലാങ്കര, തേള്‍പ്പാറ, മുണ്ടേരി തുടങ്ങിയ പ്രദേശങ്ങളിലേക്കുള്ള സര്‍വ്വീസുകള്‍ കോവിഡ് കഴിഞ്ഞിട്ടും പുനരാരംഭിക്കാത്തതിന്റെ കാരണം വിശദമാക്കാമോ; ഈ റൂട്ടുകളിലേക്കുള്ള സര്‍വ്വീസ് എന്ന് പുനരാരംഭിക്കാനാകും എന്ന് അറിയിക്കാമോ?

കെ.എസ്.ആർ.ടി.സി. നേരിടുന്ന ഗുരുതരമായ പ്രതിസന്ധി ഗൗരവത്തോടെ കാണുന്നുണ്ടോ; കെ.എസ്.ആർ.ടി.സി.യിൽ നിലവിൽ ശമ്പളം നൽകാൻ പ്രതിമാസം എത്ര രൂപ ആവശ്യമാണ്; 2022 മേയ് മാസത്തിൽ മുഴുവൻ ജീവനക്കാർക്കും ശമ്പളം നൽകിയത് ഏത് ദിവസമാണ്; വ്യക്തമാക്കാമോ;

പ്രതിമാസ ശമ്പളം നൽകാനുള്ളതിൽ കൂടുതൽ തുക മേയ് മാസത്തിൽ കെ.എസ്. ആർ.ടി.സി.ക്ക് വരുമാനം ഉണ്ടായിരുന്നിട്ടും എന്തു കൊണ്ട് ജീവനക്കാരുടെ ശമ്പളം ക്യത്യ സമയത്ത് നൽകിയില്ല എന്നത് വ്യക്തമാക്കാമോ ;

സ്വിഫ്റ്റ് കമ്പനിയുടെ ബസ്സുകൾ ഓടിക്കുന്നത് കെ.എസ്.ആർ.ടി.സി. ബസ്സുകൾ നിലവിൽ ഓടിക്കുന്ന റൂട്ടുകളിൽ ആണോ; ആയതിന്റെ വരുമാനം കെ.എസ്.ആർ.ടി.സി.യുടെ അക്കൗണ്ടിലാണോ ഉൾക്കൊള്ളിക്കുന്നത്; സ്വിഫ്റ്റ് കമ്പനിയിലെ മേയ് മാസത്തെ ശമ്പളം ഏത് ദിവസമാണ് നൽകിയത്;

കെ.എസ്.ആർ.ടി.സി.യിലെ ഏതെങ്കിലും സ്ഥിരം ജീവനക്കാരെ സ്വിഫ്റ്റിൽ നിയോഗിച്ചിട്ടുണ്ടോ; ഉണ്ടെങ്കില്‍ അവര്‍ക്ക് ശമ്പളം നല്‍കുന്നത് സ്വിഫ്റ്റ് ആണോ; വ്യക്തമാക്കാമോ;

പൊതു ഗതാഗത സംവിധാനമായ കെ.എസ്.ആർ.ടി.സി. നേരിടുന്ന പ്രതിസന്ധി പരിഹരിക്കാന്‍ സര്‍ക്കാര്‍ ഒരു പാക്കേജ് പ്രഖ്യാപിക്കാന്‍ തയ്യാറാകുമോ; വ്യക്തമാക്കുമോ?

കെ.എസ്.ആര്‍.ടി.സി. യുടെ ടിക്കറ്റ് ഇതര വരുമാനം ഏതെല്ലാം മേഖലകളില്‍ നിന്നാണ്; തരംതിരിച്ച് വ്യക്തമാക്കാമോ?

കേന്ദ്ര പാെതുമേഖലാ എണ്ണക്കമ്പനികള്‍ കെ.എസ്.ആർ.ടി.സി. യില്‍ നിന്നും ഈടാക്കുന്ന അധിക വിലയുമായി ബന്ധപ്പെട്ട വിഷയം കേന്ദ്ര സര്‍ക്കാരിന്റെ ശ്രദ്ധയില്‍പ്പെടുത്തിയിട്ടുണ്ടാേ;

എങ്കിൽ പ്രസ്തുത വിഷയവുമായി ബന്ധപ്പെട്ട് അനുകൂല സമീപനം കേന്ദ്ര സര്‍ക്കാരിന്റെ ഭാഗത്ത് നിന്നും ഉണ്ടായിട്ടുണ്ടാേ; വിശദമാക്കാമാേ?

സര്‍ക്കാര്‍ ഉത്തരവ് (അച്ചടി) നം.126/2016/ധന. തീയതി 31.08.2016 പ്രകാരം ദേശീയ പെന്‍ഷന്‍ പദ്ധതിയില്‍ അംഗമായിരിക്കെ മരണമടയുന്ന ജീവനക്കാരുടെ ആശ്രിതര്‍ക്ക് സമാശ്വാസ തൊഴില്‍ദാന പദ്ധതി പ്രകാരം ജോലി ലഭിക്കുന്നതുവരെ ആശ്വാസ ധനസഹായം ലഭ്യമാക്കുന്ന പദ്ധതി കെ.എസ്.ആര്‍.ടി.സി.യില്‍ നടപ്പിലാക്കിയിട്ടുണ്ടോ; എങ്കില്‍ നാളിതുവരെ പ്രസ്തുത പദ്ധതി പ്രകാരം എത്രപേര്‍ക്ക് ആശ്വാസ ധനസഹായം അനുവദിച്ചിട്ടുണ്ടെന്ന് വിശദമാക്കാമോ;

എറണാകുളം കെ.എസ്.ആർ.ടി.സി ഡിപ്പോയില്‍ വനിതാകണ്ടക്ടറായി സേവനമനുഷ്ഠിച്ചു വരവെ 18.08.2016-നു മരണപ്പെട്ട ശ്രീമതി. ഡോമി ബിയര്‍ളിയുടെ മൈനറായ കുഞ്ഞുങ്ങള്‍ക്ക് ആശ്വാസ ധനസാഹായം ലഭ്യമാക്കിയിട്ടുണ്ടോ; ഇല്ലെങ്കില്‍ ആയത് നല്‍കാത്തതിന്റെ കാരണങ്ങള്‍ വിശദമാക്കാമോ; പ്രസ്തുത ആശ്വാസ ധനസഹായം എന്നത്തേക്ക് കുട്ടികള്‍ക്ക് നല്‍കാന്‍ സാധിക്കും എന്നറിയിക്കാമോ;

കെ.എസ്.ആര്‍.ടി.സി.യില്‍ ആശ്വാസ ധനസഹായം പദ്ധതി നാളിതുവരെ നടപ്പിലാക്കിയിട്ടില്ലെങ്കില്‍ ആയതിനുള്ള കാരണം വ്യക്തമാക്കാമോ; പ്രസ്തുത പദ്ധതി അടിയന്തരമായി നടപ്പിലാക്കാന്‍ നടപടികള്‍ സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കുന്നത്തുനാട് മണ്ഡലത്തില്‍ ഗതാഗത വകുപ്പ് മുഖേന നടപ്പിലാക്കുന്ന പദ്ധതികള്‍ ഏതെല്ലാമെന്ന് വ്യക്തമാക്കാമോ;

പ്രസ്തുത പദ്ധതികളുടെ നിലവിലെ സ്ഥിതി എന്താണെന്ന് വ്യക്തമാക്കാമോ?

ഭിന്നശേഷിക്കാർക്ക് കെ.എസ്.ആര്‍.ടി.സി. ബസ്സുകളിൽ യാത്രാ കൺസിഷൻ ലഭിക്കുന്നതിനുള്ള വരുമാന പരിധി എത്രയാണ് എന്ന് വ്യക്തമാക്കാമോ;

ഇപ്പോൾ നിലവിലുള്ള വരുമാനപരിധി നിശ്ചയിച്ചത് എപ്പോഴാണെന്ന് വ്യക്തമാക്കാമോ; ഉത്തരവിന്റെ പകർപ്പ് ലഭ്യമാക്കാമോ;

നിശ്ചയിക്കപ്പെട്ട വരുമാനപരിധി കാലാനുസൃതമായി ഉയർത്തുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

കെ.എസ്.ആർ.ടി.സി ജീവനക്കാർക്ക് 2022 മേയ് മാസത്തെ ശമ്പളം കൊടുത്തിട്ടുണ്ടോയെന്ന് വ്യക്തമാക്കാമോ; ഇല്ലെങ്കിൽ കാലതാമസത്തിനുള്ള കാരണമെന്താണെന്ന് വ്യക്തമാക്കാമോ;

മേയ് മാസത്തെ ശമ്പളത്തിനായി സർക്കാർ എത്ര രൂപ അനുവദിച്ചു എന്ന് വ്യക്തമാക്കാമോ;

ഡീസൽ വാങ്ങിയ വകയിൽ ഇന്ത്യൻ ഓയിൽ കോർപ്പറേഷന് പണം കൊടുക്കാനുണ്ടോയെന്ന് വ്യക്തമാക്കാമോ; എങ്കിൽ എത്ര രൂപയുടെ കുടിശ്ശികയാണുള്ളതെന്ന് വിശദമാക്കാമോ?

രണ്ട് വര്‍ഷത്തിനുള്ളില്‍ കെ.എസ്.ആര്‍.ടി.സി.യെ നഷ്ടത്തില്‍ നിന്നും കരകയറ്റുമെന്ന മുൻസർക്കാരിന്റെ വാഗ്ദാനം പാലിക്കുന്നതിന് സാധിച്ചിട്ടുണ്ടാേയെന്ന് വ്യക്തമാക്കാമോ;

ഈ സര്‍ക്കാര്‍ അധികാരത്തില്‍ വന്ന് ഒരു വര്‍ഷം പിന്നിടുമ്പാേള്‍ നഷ്ടത്തില്‍ നിന്നും കരകയറുന്നതിനോ ജീവനക്കാര്‍ക്ക് കൃത്യമായി മാസശമ്പളം നല്‍കുവാനോ കഴിയാത്ത അവസ്ഥയില്‍ കെ.എസ്.ആര്‍.ടി.സി. എത്തി നില്‍ക്കുന്നുവെന്നത് വസ്തുതയാണോ; വിശദമാക്കുമോ?;

കെ.എസ്.ആര്‍.ടി.സി. നേരിടുന്നതായി പറയപ്പെടുന്ന ഗുരുതരമായ സ്ഥിതിവിശേഷം തരണം ചെയ്യുന്നതിന് എന്തൊക്കെ ഇടപെടലുകളാണ് സര്‍ക്കാര്‍ നടത്തുന്നത് ; വ്യക്തമാക്കാമാേ?

സിഫ്റ്റ് ബസ്സുകളിലെ കണ്ടക്ടര്‍ കം ഡ്രെെവര്‍ തസ്തികയുടെ ജാേലി സ്വഭാവം വിശദമാക്കാമാേ;

കണ്ടക്ടര്‍ കം ഡ്രെെവര്‍മാരുടെ സേവന വേതന വ്യവസ്ഥകൾ വിശദമാക്കാമാേ;

പ്രസ്‌തുത ജീവനക്കാർക്ക് എത്ര മാസത്തെ പരിശീലനമാണ് കെ.എസ്. ആര്‍.ടി.സി. നൽകുന്നതെന്ന് അറിയിക്കാമോ?

യാത്രക്കാരെ ലക്ഷ്യസ്ഥാനത്ത് എത്താന്‍ സഹായിക്കുന്നതിനായി ദേശീയ പാതകളിലെയും എം.സി. റോഡിലെയും സമാന്തര ബൈപാസുകള്‍ വഴി കെ.എസ്.ആര്‍.ടി.സി. ബൈപാസ് റൈഡര്‍ സ‍‍‍ർവ്വീസുകള്‍ ആരംഭിച്ചിട്ടുണ്ടോ; എങ്കില്‍ അതുവഴി എന്തൊക്കെ സൗകര്യങ്ങളും സേവനങ്ങളുമാണ് യാത്രക്കാര്‍ക്ക് ലഭിക്കുന്നതെന്ന് വിശദമാക്കാമോ;

കെ.എസ്.ആര്‍.ടി.സി. ബസുകളില്‍ യാത്രാ ടിക്കറ്റ് ബുക്ക് ചെയ്യുന്നതിനായി പ്രത്യേക മൊബൈല്‍ ആപ്ലിക്കേഷന്‍ ആരംഭിച്ചിട്ടുണ്ടോ; എങ്കില്‍ എന്തൊക്കെ അധിക സൗകര്യങ്ങളാണ് ഇതുവഴി ലഭിക്കുന്നതെന്ന് വിശദമാക്കാമോ;

കെ.എസ്.ആര്‍.ടി.സി. ബസ് സ്റ്റേഷനുകള്‍ ശുചിത്വവും അന്താരാഷ്ട്ര നിലവാരമുള്ളതുമാക്കി മാറ്റുന്നതിനായി എന്തെല്ലാം പ്രവര്‍ത്തനങ്ങളാണ് നടത്തിവരുന്നത്; വിശദാംശം ലഭ്യമാക്കാമോ?

കെ.എസ്.ആര്‍.ടി.സി.യില്‍ പുതിയ ജില്ലാതല ക്ലസ്റ്റര്‍ ഓഫീസുകള്‍ രൂപീകരിച്ചുകൊണ്ട് സര്‍ക്കാര്‍ ഉത്തരവായിട്ടുണ്ടോ; എങ്കിൽ പുതിയ ഓഫീസുകള്‍ രൂപീകരിക്കേണ്ടതിന്റെ സാഹചര്യം വിശദീകരിക്കാമോ; ഓഫീസുകളുടെ പ്രവര്‍ത്തനം എപ്രകാരമാണെന്ന് വ്യക്തമാക്കാമോ;

മലപ്പുറം ജില്ലാതല ഓഫീസ് ജില്ലാ ആസ്ഥാനത്ത്‌ നിന്നും പെരിന്തല്‍മണ്ണയിലേക്ക് മാറ്റാനുണ്ടായ കാരണം വ്യക്തമാക്കാമോ;

പുതിയ ജില്ലാതല ക്ലസ്റ്റർ ഓഫീസ് ജില്ലാ ആസ്ഥാനമായ മലപ്പുറത്ത് തന്നെ നിലനിര്‍ത്താന്‍ നടപടി സ്വീകരിക്കുമോയെന്ന് അറിയിക്കുമോ ?

കെ.എസ്.ആർ.ടി.സി.യെ സ്വയംപര്യാപ്തമാക്കാന്‍ ആവിഷ്കരിച്ചിട്ടുള്ള പദ്ധതികള്‍ വിശദമാക്കാമോ;

കെ.എസ്.ആർ.ടി.സി.യുടെ പുനരുദ്ധാരണത്തിനായി 2016 മുതല്‍ സര്‍ക്കാര്‍ എത്ര കോടി രൂപ ചെലവഴിച്ചിട്ടുണ്ട്; വിശദാംശം ലഭ്യമാക്കാമോ?

ഈ സര്‍ക്കാര്‍ അധികാരമേറ്റ ശേഷം കെ.എസ്.ആര്‍.ടി.സി. യ്ക്ക് വിവിധ ഇനത്തില്‍ സര്‍ക്കാര്‍ നല്‍കിയ സാമ്പത്തിക സംരക്ഷണം വിശദമാക്കുമോ;

നിലവില്‍ സ്ഥാപനത്തിന്റെ പ്രവര്‍ത്തന നഷ്ടം കുറയ്ക്കുന്നതിന് എന്തൊക്കെ നടപടികള്‍ സ്വീകരിച്ചു വരുന്നു; വ്യക്തമാക്കുമോ;

കെ.എസ്.ആര്‍.ടി.സി. യുടെ പ്രവര്‍ത്തന കാര്യക്ഷമത വര്‍ദ്ധിപ്പിക്കുന്നതിന് നിലവില്‍ എന്തൊക്കെ നടപടികളാണ് സര്‍ക്കാര്‍ സ്വീകരിച്ചു വരുന്നതെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കെ.എസ്.ആര്‍.ടി.സി യിലെ സാമ്പത്തിക പ്രതിസന്ധി പരിഹരിക്കുന്നതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണെന്നറിയിക്കാമോ?

കെ.എസ്.ആര്‍.ടി.സി. ബ‍ഡ്ജറ്റ് ടൂറിസം സെല്‍ നടപ്പിലാക്കി വരുന്ന ടൂറിസം പാക്കേജിനെക്കുറിച്ച് വിശദമാക്കാമോ;

പാലക്കാട് ജില്ലയിലെ ഏതൊക്കെ ടൂറിസം കേന്ദ്രങ്ങളെ പ്രസ്തുത പാക്കേജില്‍ ഉള്‍പ്പെടുത്തിയിട്ടുണ്ട്; വിശദാംശം ലഭ്യമാക്കാമോ?

കെ.എസ്.ആര്‍.ടി.സി. യിൽ കെ -സ്വിഫ്റ്റ് കമ്പനി രൂപീകരിക്കുന്നതിനുള്ള കാരണങ്ങൾ എന്തൊക്കെയാണെന്ന് അറിയിക്കാമോ ;

പ്രസ്തുത കമ്പനി രൂപീകരിച്ചതുമൂലം കെ.എസ്.ആര്‍.ടി.സി യ്ക്ക് ഉണ്ടായിട്ടുള്ള നേട്ടങ്ങൾ എന്തൊക്കെയാണെന്ന് വിശദമാക്കാമോ ?

വരുമാന വർദ്ധനവിനായി കെ.എസ്.ആര്‍.ടി.സി.യുടെ ഉടമസ്ഥതയിലുള്ള ഒഴിഞ്ഞുകിടക്കുന്ന ഭൂമികളില്‍ പബ്ലിക് പ്രൈവറ്റ് പാര്‍ട്ടിസിപ്പേഷന്‍ പ്രകാരം പദ്ധതികള്‍ നടപ്പാക്കുന്നതിന് ആലോചിക്കുന്നുണ്ടോ; വിശദമാക്കാമോ?

2022-ൽ കെ.എസ്.ആര്‍.ടി.സി. ജീവനക്കാര്‍ക്ക് കൃത്യ സമയത്ത് ശമ്പളം വിതരണം ചെയ്തിട്ടുണ്ടോ എന്ന് വ്യക്തമാക്കാമോ;

കെ.എസ്.ആര്‍.ടി.സി. അഭിമുഖീകരിക്കുന്ന സാമ്പത്തിക പ്രതിസന്ധി തരണം ചെയ്യുന്നതിനും ജീവനക്കാര്‍ക്ക് കൃത്യമായി ശമ്പളം നല്‍കുന്നതിനും എന്തെല്ലാം നടപടിയാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ?

2022 -ൽ കെ.എസ്.ആർ.ടി.സി.യിൽ ജൂൺ മാസത്തെ ശമ്പളം എന്ന് വിതരണം ചെയ്യുമെന്ന് അറിയിക്കുമോ; മേയ് മാസത്തിൽ കാറ്റഗറി തിരിച്ച് ശമ്പള വിതരണം നടത്താൻ ഉത്തരവ് നൽകിയത് ആരാണെന്നും ഏത് സാഹചര്യത്തിലാണെന്നും വ്യക്തമാക്കുമോ?

കെ.എസ്.ആർ.ടി.സി. ജീവനക്കാർക്ക് അഞ്ചാം തീയതിക്കുള്ളിൽ ശമ്പളം നൽകണമെന്നും ഡ്രൈവര്‍മാര്‍ക്കും കണ്ടക്ടര്‍മാര്‍ക്കും ആദ്യം ശമ്പളം നല്‍കണമെന്നുമുള്ള ഹൈക്കോടതി ഉത്തരവ് ശ്രദ്ധയിൽപ്പെട്ടിട്ടുണ്ടോ;

പ്രസ്തുത ഉത്തരവിന്റെ അടിസ്ഥാനത്തിൽ സ്വീകരിച്ച നടപടികൾ വിശദമാക്കാമോ;

പ്രസ്തുത ഉത്തരവ് നടപ്പിലാക്കാൻ സർക്കാരിന് സാധിക്കുമോ എന്ന് വിശദമാക്കാമോ?

കെ.എസ്.ആർ.ടി.സി.യിൽ ഭാഗിക ശമ്പളത്തോടുകൂടിയ അവധി സംവിധാനം നടപ്പിലാക്കിയിട്ടുണ്ടോ; എങ്കില്‍ വിശദാംശം നൽകുമോ;

ഇതുവഴി കെ.എസ്.ആർ.ടി.സി.യ്ക്ക് പ്രതിമാസം എത്ര രൂപ ലാഭിക്കാൻ കഴിയുമെന്നാണ് പ്രതീക്ഷിക്കുന്നത്;

പ്രസ്തുത നടപടിയിലൂടെ കെ.എസ്.ആർ.ടി.സി.യെ ലാഭത്തിലാക്കാൻ കഴിയുമെന്ന് കരുതുന്നുണ്ടോ എന്ന് വ്യക്തമാക്കുമോ?

കൊല്ലം കെ.എസ്.ആർ.ടി.സി. ഡിപ്പോയുടെ സമഗ്ര വികസനത്തിനായി കിഫ്ബിയുടെ ധനസഹായത്തോടെയുള്ള പദ്ധതിയുടെ ഡി.പി.ആർ. തയ്യാറാക്കുന്നതിന് സിൽക്ക് എന്ന ഏജൻസിയെ ചുമതലപ്പെടുത്തിയെങ്കിലും പ്രസ്തുത ഏജൻസി ഇക്കാര്യത്തിൽ യാതൊരു നടപടികളും സ്വീകരിച്ചില്ലെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

ഡി.പി.ആർ. തയ്യാറാക്കുന്നതിനായി മറ്റേതെങ്കിലും ഏജൻസിയെ ചുമതലപ്പെടുത്തിയിട്ടുണ്ടോ; ഡി.പി.ആർ. തയ്യാറാക്കുന്ന നടപടികൾ അടിയന്തരമായി പൂർത്തീകരിച്ച് പദ്ധതിയ്ക്ക് ഭരണാനുമതി ലഭ്യമാക്കുന്നതിനാവശ്യമായ നടപടി സ്വീകരിക്കുമോ; വിശദാംശം ലഭ്യമാക്കുമോ ?

കോവിഡ് വ്യാപനം രൂക്ഷമായതിനെ തുടര്‍ന്ന് ചാലക്കുടി ഡിപ്പോയില്‍ നിന്ന് നിര്‍ത്തലാക്കിയിട്ടുള്ളതും പുനരാരംഭിച്ചിട്ടില്ലാത്തതുമായ കെ.എസ്.ആര്‍.ടി.സി. സര്‍വ്വീസുകളുടെ വിശദാംശങ്ങള്‍ നല്‍കുമോ;

പ്രസ്തുത സര്‍വ്വീസുകള്‍ പുനരാരംഭിക്കുന്നതിന് നടപടി സ്വീകരിക്കുമോ;

കോവിഡ് വ്യാപനം രൂക്ഷമായതിനെ തുടര്‍ന്ന് നിര്‍ത്തലാക്കിയതും കോവിഡ് നിയന്ത്രണങ്ങളില്‍ ഇളവ് അനുവദിച്ചതിനെ തുടര്‍ന്ന് പുനരാരംഭിച്ചതുമായ സര്‍വ്വീസുകളുടെ ഏതെങ്കിലും ട്രിപ്പുകള്‍ റദ്ദാക്കിയിട്ടുണ്ടോ; വിശദാംശങ്ങള്‍ നല്‍കുമോ;

ഉണ്ടെങ്കില്‍ ഇവ പുനരാരംഭിക്കുന്നതിനുള്ള നടപടി സ്വീകരിക്കുമോ;

2016 മുതല്‍ ചാലക്കുടി ഡിപ്പോയില്‍ നിന്ന് നിര്‍ത്തലാക്കിയ ദീര്‍ഘദൂര സര്‍വ്വീസുകള്‍ ഏതൊക്കെയെന്ന് ഇനം തിരിച്ച് അറിയിക്കുമോ;

ഇവ നിര്‍ത്തലാക്കിയതിന്റെ കാരണം വിശദീകരിക്കുമോ;

അതിരപ്പിള്ളിയില്‍ നിന്ന് ചാലക്കുടി വഴി തൃശ്ശൂര്‍ ഗവ. മെഡിക്കല്‍ കോളേജിലേയ്ക്ക് സര്‍വ്വീസുകള്‍ ആരംഭിക്കുന്നതിനുള്ള നടപടി സ്വീകരിക്കുമോ?

വാമനപുരം മണ്ഡലത്തില്‍ 25.2.2020-ല്‍ ഉദ്ഘാടനം ചെയ്യപ്പെട്ട പാലോട് കെ.എസ്.ആര്‍.ടി.സി. ബഹുനില മന്ദിരത്തില്‍ ഇതുവരെയും ഓഫീസ് പ്രവര്‍ത്തനം ആരംഭിക്കാത്തതിന്റെ കാരണങ്ങള്‍ അറിയിക്കാമോ;

ഓഫീസ് പ്രവര്‍ത്തിപ്പിക്കുന്നതിന് സാങ്കേതികമോ ഭരണപരമോ ആയ എന്തെങ്കിലും കാലതാമസം നിലനില്‍ക്കുന്നുണ്ടോ;

പുതിയ കെട്ടിടത്തില്‍ എന്നു മുതല്‍ പ്രവര്‍ത്തനം ആരംഭിക്കാന്‍ കഴിയുമെന്ന് വിശദമാക്കാമോ?

ഹരിപ്പാട് കെ.എസ്.ആർ.ടി.സി. ഡിപ്പോ-കം- വാണിജ്യ സമുച്ചയത്തിന്റെ നിര്‍വ്വഹണ പുരോഗതി അറിയിക്കാമോ;

വാണിജ്യ സമുച്ചയത്തിന്റെ നിലവിലത്തെ അവസ്ഥ എന്തെന്ന് വ്യക്തമാക്കാമോ; ഇതിന്റെ പ്രവര്‍ത്തനം എന്ന് മുതല്‍ ആരംഭിക്കാനാണ് തീരുമാനിച്ചിട്ടുള്ളതെന്ന് അറിയിക്കാമോ?

കായംകുളം കെ.എസ്.ആർ.ടി.സി. ബസ് ഡിപ്പോയിലെ കെട്ടിടങ്ങളുടെ ജീര്‍ണ്ണാവസ്ഥ സംബന്ധിച്ച പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത കെട്ടിടത്തിന്റെ കാലപ്പഴക്കം നിര്‍ണ്ണയിച്ച് കെട്ടിടം പുതുക്കി പണിയുന്നതിനാവശ്യമായ നടപടികള്‍ സ്വീകരിക്കുമോ?

പേരാമ്പ്ര മണ്ഡലത്തിലെ വിവിധ പ്രദേശങ്ങളിലൂടെ കോഴിക്കോട് മെഡിക്കൽ കോളേജിലേക്ക് എത്ര കെ.എസ്.ആര്‍.ടി.സി. ബസ്സുകൾ സർവ്വീസ് നടത്തിയിരുന്നു; വ്യക്തമാക്കാമോ;

അവയിൽ എത്ര ബസ്സുകൾ നിലവിൽ സർവ്വീസ് നിർത്തിവെച്ചിട്ടുണ്ട്; വിശദമാക്കാമോ;

സർവ്വീസ് നിർത്തിവെച്ചതിന്റെ കാരണം അറിയിക്കാമോ;

പ്രസ്തുത സർവ്വീസ് പുനരാരംഭിക്കുന്നതിന് നടപടി സ്വീകരിക്കുമോ?

കെ.എസ്.ആര്‍.ടി.സി. മാവേലിക്കര ഡിപ്പാേ നവീകരിക്കുന്നതിന് സ്വീകരിച്ച നടപടികള്‍ വിശദമാക്കുമാേ?

കോവിഡ് വ്യാപനത്തിന് മുൻപ് ചാത്തന്നൂർ കെ.എസ്.ആർ.ടി.സി. ഡിപ്പോയിൽ നിന്നും സർവ്വീസ് നടത്തിയിരുന്ന ഓർഡിനറി ബസ് സർവ്വീസുകൾ ഏതെല്ലാമാണെന്നും പ്രസ്തുത സർവ്വീസുകളിൽ നിർത്തലാക്കിയവയിൽ ഏതെല്ലാം ഇപ്പോൾ പുനരാരംഭിച്ചിട്ടുണ്ടെന്നും വ്യക്തമാക്കാമോ;

പ്രസ്തുത ഡിപ്പോയിൽ നിന്നും കോവിഡിന് മുൻപ് വരെ സർവ്വീസ് നടത്തിയിരുന്ന കൊല്ലം-പരവൂർ-നെല്ലേറ്റിൽ ഉൾപ്പെടെയുള്ള നിരവധി പ്രാദേശിക ഓർഡിനറി ബസ് സർവ്വീസുകൾ പുനരാരംഭിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ?

നാദാപുരം മണ്ഡലത്തില്‍ കോവിഡ് പശ്ചാത്തലത്തില്‍ നിര്‍ത്തലാക്കിയതിൽ എത്ര കെ.എസ്.ആര്‍.ടി.സി. സര്‍വ്വീസുകളാണ് പുനരാരംഭിച്ചിട്ടുളളതെന്ന് വ്യക്തമാക്കാമോ;

പുനരാരംഭിക്കാത്ത സര്‍വ്വീസുകള്‍ ആരംഭിക്കാന്‍ നടപടി സ്വീകരിക്കുമോ;

പ്രസ്തുത മണ്ഡലത്തില്‍ പുതുതായി സര്‍വ്വീസുകള്‍ ആരംഭിക്കുന്നതിനുളള നടപടി സ്വീകരിച്ചിട്ടുണ്ടോ; ഉണ്ടെങ്കില്‍ ഏതൊക്കെ സര്‍വ്വീസുകളാണെന്ന് വിശദമാക്കാമോ?

കോവിഡിന് മുമ്പ് കാസർഗോഡ് കെ.എസ്.ആർ.ടി.സി. ഡിപ്പോയിൽ എത്ര ഷെഡ്യുൾ ഉണ്ടായിരുന്നു; വ്യക്തമാക്കാമോ;

നിലവിൽ എത്ര ഷെഡ്യുൾ ഓടിക്കുന്നുണ്ടെന്ന് വ്യക്തമാക്കാമോ;

മുഴുവൻ ഷെഡ്യുളും ഓടിക്കാൻ എത്ര ഡ്രൈവർമാരും കണ്ടക്ടർമാരുമാണ് ആവശ്യമുള്ളതെന്ന് വ്യക്തമാക്കാമോ;

ഡിപ്പോയിൽ നിലവിൽ എത്ര ഡ്രൈവർമാരും കണ്ടക്ടർമാരുമാണുള്ളതെന്ന് വ്യക്തമാക്കാമോ;

മുഴുവൻ ഷെഡ്യുളും ഓടിക്കാനാവശ്യമായ നടപടി എപ്പോൾ സ്വീകരിക്കുമെന്ന് വ്യക്തമാക്കാമോ?

പാറശ്ശാല മണ്ഡലത്തിലെ നെയ്യാറ്റിന്‍കര, കാട്ടാക്കട, വെള്ളറട, പാറശ്ശാല എന്നീ കെ.എസ്.ആര്‍.ടി.സി. ഡിപ്പോകളില്‍ നിന്നും 2020 ഡിസംബര്‍ മാസത്തില്‍ ഓപ്പറേറ്റ് ചെയ്തിരുന്ന സര്‍വ്വീസുകള്‍ ഏതൊക്കെയാണെന്ന് അവയുടെ റൂട്ട്, സര്‍വ്വീസ് നമ്പര്‍, സമയക്രമം എന്നിവ സഹിതം അറിയിക്കാമോ; ഇതില്‍ ഏതൊക്കെ സര്‍വ്വീസുകള്‍ നിര്‍ത്തലാക്കി എന്ന് അറിയിക്കാമോ;

പ്രസ്തുത ഡിപ്പോകളില്‍ നിന്നും ഓപ്പറേറ്റ് ചെയ്തിരുന്ന സ്റ്റേ സര്‍വ്വീസുകള്‍ ഏതൊക്കെയാണെന്ന് അവയുടെ റൂട്ട്, സര്‍വ്വീസ് നമ്പര്‍, സമയക്രമം എന്നിവ സഹിതം അറിയിക്കാമോ; ഇതില്‍ ഏതൊക്കെ സര്‍വ്വീസുകള്‍ നിര്‍ത്തലാക്കിയെന്നും ആയതിനുള്ള കാരണം എന്തെന്നും അറിയിക്കാമോ;

കോവിഡ് നിയന്ത്രണങ്ങളുടെ ഭാഗമായി പ്രസ്തുത ഡിപ്പോകളില്‍ നിന്നും നിര്‍ത്തലാക്കിയിരുന്ന സര്‍വ്വീസുകള്‍ എല്ലാം പുനരാംരംഭിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ; വിശദാംശങ്ങള്‍ അറിയിക്കാമോ;

മണ്ഡലത്തില്‍ കെ.എസ്.ആര്‍.ടി.സി. മാത്രം സര്‍വ്വീസ് നടത്തിയിരുന്ന റൂട്ടുകളിലെ യാത്രാക്ലേശം പരിഹരിക്കാനായി പ്രസ്തുത സര്‍വ്വീസുകള്‍ അടിയന്തരമായി പുനരാരംഭിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

കോതമംഗലം മണ്ഡലത്തിൽ എം.എൽ.എ. ആസ്തി വികസന ഫണ്ടിൽ നിന്നും ഒരു കോടി എൺപത്തിയേഴ് ലക്ഷത്തി അൻപതിനായിരം രൂപ അനുവദിച്ച് നിർമ്മിക്കുന്ന കോതമംഗലം കെ.എസ്.ആർ.ടി.സി. ബസ് ടെർമിനൽ നിർമ്മാണത്തിന്റെ നിലവിലെ സ്ഥിതി വ്യക്തമാക്കാമോ;

പ്രസ്തുത ടെർമിനലിന്റെ നിർമ്മാണം നാളിതുവരെയായിട്ടും ആരംഭിക്കുവാൻ കഴിയാത്തത് എന്തുകൊണ്ടാണെന്ന് വ്യക്തമാക്കാമോ;

പുതിയ ബസ് ടെർമിനൽ നിർമ്മാണത്തിനായുള്ള സാങ്കേതിക അനുമതിക്കായി എസ്റ്റിമേറ്റ് തയ്യാറാക്കി സമർപ്പിച്ചിട്ടുണ്ടോ; ഉണ്ടെങ്കിൽ പ്രസ്തുത എസ്റ്റിമേറ്റിന് അംഗീകാരം ലഭിച്ചിട്ടുണ്ടോ;

ഇല്ലെങ്കിൽ എസ്റ്റിമേറ്റിന് അംഗീകാരം നല്കി വേഗത്തിൽ ടെണ്ടർ നടപടികളിലേക്ക് കടക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

പാലക്കാട് ജില്ലയിലെ സൈലന്റ് വാലി, കാഞ്ഞിരപ്പുഴ ഡാം, മീന്‍വല്ലം, ശിരുവാണി എന്നീ ടൂറിസ്റ്റ് കേന്ദ്രങ്ങളെ കോര്‍ത്തിണക്കി കെ.എസ്.ആര്‍.ടി.സി.യുടെ ബഡ്ജറ്റ് ടൂറിസം പദ്ധതി നടപ്പിലാക്കുന്ന കാര്യം പരിഗണിക്കുമോയെന്ന് വിശദമാക്കാമോ?

കുട്ടനാട്ടില്‍ നിര്‍ത്തലാക്കിയ കെ.എസ്.ആര്‍.ടി.സി. സര്‍വ്വീസുകള്‍ പുനരാരംഭിക്കാന്‍ അടിയന്തര നടപടി സ്വീകരിക്കുമോ;

കുട്ടനാട്ടില്‍ ലാഭകരമായി ഓടിയിരുന്ന സ്റ്റേ സര്‍വ്വീസുകള്‍ പുനരാരംഭിക്കാന്‍ നടപടി സ്വീകരിക്കുമോ?

എടത്വ കെ.എസ്.ആര്‍.ടി.സി. ഡിപ്പോ നവീകരിക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

എടത്വ പള്ളി, ചക്കുളത്തുകാവ് ദേവി ക്ഷേത്രം എന്നിവിടങ്ങളില്‍ എത്തിച്ചേരുന്ന ഭക്തജന ബാഹുല്യം കണക്കിലെടുത്ത് പ്രസ്തുത ഡിപ്പോയുടെ പുനരുദ്ധാരണം വേഗത്തില്‍ നടപ്പാക്കാന്‍ നടപടി സ്വീകരിക്കുമോ?

മണലൂര്‍ മണ്ഡലത്തിലെ എളവള്ളി ഗ്രാമപഞ്ചായത്തില്‍ നിന്നും ഗ്രാമവണ്ടി പദ്ധതിക്കായി അപേക്ഷ ലഭിച്ചിട്ടുണ്ടോ; ഉണ്ടെങ്കില്‍ അതിന്മേല്‍ സ്വീകരിച്ച തുടര്‍നടപടികളുടെ വിശദാംശം നല്‍കാമോ?

സംസ്ഥാനത്ത് പഞ്ചായത്തുകളുടെ സഹകരണത്തോടെ ആരംഭിച്ച ഗ്രാമവണ്ടി പദ്ധതിയുടെ വിശദാംശം ലഭ്യമാക്കാമോ?

വാഹനങ്ങളുടെ ഗ്ലാസുകളില്‍ ഏതെങ്കിലും തരത്തിലുള്ള കൂളിംഗ് ഫിലിമുകള്‍ പതിക്കാന്‍ നിയമം അനുവദിക്കുന്നുണ്ടോ; ഉണ്ടെങ്കില്‍ ഏത് തരത്തിലുള്ളതിനാണ് അനുമതിയുള്ളത്; വിശദമാക്കുമോ;

വാഹനങ്ങളി‍ല്‍ ഒരു തരത്തിലുമുള്ള കൂളിംഗ് ഫിലിമുകൾ പതിക്കരുതെന്ന് ബഹു. കോടതി ഉത്തരവ് നിലവിലുണ്ടോ; ഉണ്ടെങ്കില്‍ വിധിയുടെ പകര്‍പ്പ് നല്‍കാമോ;

ഏതെങ്കിലും പ്രത്യേക ഉദ്യോഗസ്ഥര്‍ക്കോ ജനപ്രതിനിധികള്‍ക്കോ പ്രസ്തുത നിയമത്തില്‍ ഇളവ് അനുവദിച്ചിട്ടുണ്ടോ; ഉണ്ടെങ്കില്‍ വിശദമാക്കുമോ?

ആര്‍ട്ടിഫിഷ്യല്‍ ഇന്റലിജന്‍സ് സംവിധാനം ഉപയാേഗപ്പെടുത്തിയിട്ടുള്ള ക്യാമറകള്‍ സ്ഥാപിക്കുന്നതിന് എന്തെല്ലാം നടപടികളാണ് സ്വീകരിച്ച് വരുന്നതെന്ന് അറിയിക്കാമാേ;

പ്രസ്തുത ക്യാമറകള്‍ സ്ഥാപിക്കുന്നത് വഴി എന്തെല്ലാം ഗതാഗത നിയമലംഘനങ്ങള്‍ കണ്ടെത്താനും തടയാനും കഴിയും എന്ന് വിശദമാക്കാമാേ?

സംസ്ഥാനത്ത് റോഡപകടങ്ങൾ വർദ്ധിച്ചു വരുന്ന പ്രവണത ആശങ്കാജനകമാണെന്ന സാമ്പത്തിക സർവേയിലെ പരാമർശം ഗൗരവത്തോടെ കാണുന്നുണ്ടോയെന്ന് വ്യക്തമാക്കാമോ;

റോഡ് നിയമങ്ങളും റോഡ് അച്ചടക്കവും നടപ്പിലാക്കുവാൻ മോട്ടോർ വാഹന വകുപ്പ് സ്വീകരിച്ചുവരുന്ന നടപടികൾ പരാജയപ്പെടുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയതിന്റെ കാരണം പരിശോധിച്ചിട്ടുണ്ടോ; വിശദാംശം നൽകുമോ;

റോഡ് നിയമങ്ങൾ കർശനമായി പാലിക്കുന്നു എന്ന് ഉറപ്പാക്കുന്നതിനും വാഹനാപകടങ്ങൾ കുറയ്ക്കുന്നതിനും സാങ്കേതികവിദ്യയുടെ സഹായത്തോടെ ഫലപ്രദമായ പദ്ധതികൾ ആവിഷ്കരിച്ച് നടപ്പാക്കുമോ; വിശദാംശം നൽകുമോ?

റാേഡുകളില്‍ യുവാക്കള്‍ ടൂ വീലര്‍ വാഹനങ്ങളില്‍ മത്സരയാേട്ടം സംഘടിപ്പിക്കുന്നതും അപകടങ്ങളില്‍പ്പെടുന്നതുമായ സംഭവങ്ങള്‍ ഒഴിവാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമാേ?

2019-ലെ കേന്ദ്ര മോട്ടോർ വാഹന ഭേദഗതി നിയമ പ്രകാരം സംസ്ഥാനം രൂപീകരിക്കേണ്ട സമഗ്ര ഗതാഗത നയത്തിന്റെ കരട് അംഗീകരിച്ചിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത കരട് നയത്തിൽ സംസ്ഥാനത്തെ പൊതു ഗതാഗത സംവിധാനം ശക്തിപ്പെടുത്താൻ സ്വകാര്യ ബസുകളെക്കൂടി പങ്കാളികളാക്കി സഹകരണമേഖലയിൽ ട്രാൻസ്പോർട്ട് കമ്പനി തുടങ്ങാനുളള ശിപാർശയുണ്ടോ; വിശദമാക്കാമോ;

സഹകരണ മേഖലയിൽ ആരംഭിക്കുന്ന ട്രാൻസ്പോർട്ട് കമ്പനിയിലൂടെ സംസ്ഥാനത്തെ പൊതു ഗതാഗത സംവിധാനം കൂടുതൽ കാര്യക്ഷമമാക്കാൻ കഴിയുമെന്ന് വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ;

പൊതു ഗതാഗത സംവിധാനങ്ങളുടെ ഏകോപനത്തിന് ജി.പി.എസ്. അധിഷ്ഠിത ഇന്റലിജൻസ് ട്രാൻസ്പോർട്ട് സംവിധാനം രൂപീകരിക്കുന്നതിന് പദ്ധതിയുണ്ടോ; വിശദമാക്കാമോ?

ഡ്രെെവിംഗ് ലെെസന്‍സുകള്‍ എ.ടി.എം. കാര്‍ഡ് മാതൃകയില്‍ ലഭ്യമാക്കുന്നതിന് ഉദ്ദേശിക്കുന്നുണ്ടോ; എങ്കില്‍ വിശദാംശം ലഭ്യമാക്കാമോ?

കോഴിക്കോട് ജില്ലയില്‍ ഏതൊക്കെ സ്ഥലങ്ങളിലാണ് മോട്ടോര്‍ വാഹന വകുപ്പ് ക്യാമറ സ്ഥാപിച്ചിട്ടുള്ളത്;

പ്രസ്തുത ക്യാമറകളെല്ലാം നിലവില്‍ പ്രവര്‍ത്തനക്ഷമമാണോ; അല്ലെങ്കില്‍ ഏതൊക്കെ ക്യാമറകളാണ് പ്രവര്‍ത്തനരഹിതമെന്ന് അറിയിക്കാമോ;

റോഡുകളില്‍ സ്ഥാപിച്ച ക്യാമറകള്‍ക്ക് എ.എം.സി. നിലവിലുണ്ടോ; ഉണ്ടെങ്കില്‍ ഏതൊക്കെ കമ്പനികളാണ് അവ ഏറ്റെടുത്തിരിക്കുന്നതെന്ന് വെളിപ്പെടുത്താമോ;

പ്രസ്തുത ക്യാമറകളെല്ലാം പ്രവര്‍ത്തനക്ഷമമാക്കുവാനായി പ്രത്യേക പദ്ധതി നടപ്പിലാക്കാന്‍ തയ്യാറാകുമോ എന്ന് വ്യക്തമാക്കാമോ?

ആലത്തൂര്‍ ആര്‍.ടി.ഒ. ടെസ്റ്റിംഗ് ഗ്രൗണ്ടിനെ മോഡല്‍ ടെസ്റ്റിംഗ് ഗ്രൗണ്ടായി ഉയര്‍ത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ അതിന്റെ പുരോഗതി അറിയിക്കാമോ?

യൂബർ, ഓല തുടങ്ങിയ ഓൺലൈൻ ടാക്സികളുടെ മാതൃകയില്‍ സംസ്ഥാന ഗവൺമെന്റിന്റെ കീഴിൽ ഓൺലൈൻ ടാക്സികൾ ആരംഭിക്കുന്ന കാര്യം പരിഗണനയിൽ ഉണ്ടോ; എങ്കിൽ വിശദാംശം അറിയിക്കുമോ;

ഓൺലൈൻ ടാക്സി സംവിധാനം ഓട്ടോ-ടാക്സി തൊഴിലാളികള്‍ക്കും ഉടമകള്‍ക്കും യാത്രക്കാര്‍ക്കും ഒരുപോലെ സഹായകരമാകും എന്നതിനാല്‍ സർക്കാർ മുന്‍കൈ എടുത്തു ഉത്തരവാദിതത്തോട് കൂടിയുള്ള ഓൺലൈൻ ടാക്സികൾ സംസ്ഥാനത്ത് ആരംഭിക്കുന്നതിനുള്ള നടപടി സ്വീകരിക്കുമോ?

സംസ്ഥാനത്ത് വിനോദസഞ്ചാരത്തിന് ഉപയോഗിക്കുന്ന സ്വകാര്യ വാഹനങ്ങളിൽ നിയമപ്രകാരമല്ലാത്ത അലങ്കാര ലൈറ്റുകളും ഓഡിയോ-വീഡിയോ ഉപകരണങ്ങളും ഘടിപ്പിച്ചിട്ടുളളതായി കണ്ടെത്തിയിട്ടുണ്ടോ;

ഇത്തരം വാഹനങ്ങളില്‍ തീ പിടിച്ച് അപകടമുണ്ടാകുന്നതായി റിപ്പോർട്ട് ചെയ്തിട്ടുണ്ടോ;

ഇത്തരത്തിൽ വയറിംഗ് നടത്തിയ വാഹനങ്ങൾ​ക്കെതിരെ എന്ത് നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്ത് സർവ്വീസ് നടത്തുന്ന സ്കൂൾ ബസ്സുകൾക്ക് കോവിഡ് പശ്ചാത്തലത്തില്‍ നികുതി ഇളവ് അനുവദിച്ചിട്ടുണ്ടോ;

സ്റ്റോപ്പ്‌ മെമ്മോ ലെറ്റര്‍ നല്‍കാത്ത സ്കൂളുകള്‍ക്ക് ചുമത്തപ്പെട്ട നികുതിയിൽ ഇളവ് നൽകുന്നതിന് സര്‍ക്കാര്‍ നടപടി സ്വീകരിക്കുമോ?

കടുത്തുരുത്തി നിയോജക മണ്ഡലത്തിലെ മോനിപ്പള്ളിയില്‍ പ്രവര്‍ത്തിക്കുന്ന ഓട്ടോമാറ്റിക് വെഹിക്കിൾ ടെസ്റ്റിംഗ് സ്റ്റേഷന്റെ പ്രവര്‍ത്തനം പൂർണ്ണമായും നടക്കുന്നുണ്ടോ; ഇല്ലെങ്കിൽ കാരണം വ്യക്തമാക്കാമോ;

പ്രസ്തുത സ്റ്റേഷൻ ആരുടെ സാങ്കേതിക സഹായത്താലാണ് പ്രവര്‍ത്തിക്കുന്നതെന്ന് വിശദമാക്കാമോ ; ഇതിനായി പ്രത്യേകം സ്റ്റാഫിനെ മോട്ടോര്‍ വാഹന വകുപ്പ് നിയമിച്ചിട്ടുണ്ടോ എന്നറിയിക്കാമോ;

പ്രസ്തുത സ്റ്റേഷനില്‍ എന്തൊക്കെ പ്രവര്‍ത്തനങ്ങളാണ് പൂര്‍ത്തിയാകുവാന്‍ ഉള്ളതെന്നും ആയത് എന്ന് പൂര്‍ത്തീകരിക്കാന്‍ കഴിയുമെന്നും പൂർത്തീകരണത്തിന് എന്തെങ്കിലും തടസ്സമുണ്ടെങ്കിൽ അവ എന്തൊക്കെയാണെന്നും വിശദമാക്കാമോ?

2019-ലെ കേന്ദ്ര മോട്ടോർ വാഹന ഭേദഗതി നിയമ പ്രകാരം സംസ്ഥാനത്തെ സഹകരണ മേഖലയിൽ ട്രാൻസ്പോർട്ട് കമ്പനി രൂപീകരിക്കാൻ തീരുമാനിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ;

കെ.എസ്.ആർ.ടി.സി. യുടെ മാതൃകയിലാണോ സഹകരണ മേഖലയിൽ ട്രാൻസ്പോർട്ട് കമ്പനി രൂപീകരിക്കാൻ തീരുമാനിച്ചിരിക്കുന്നത്; വിശദാംശം ലഭ്യമാക്കാമോ;

സംസ്ഥാനത്ത്‌, സ്വകാര്യ ബസുകളെ കൂടി ഉൾപ്പെടുത്തി പൊതു ഗതാഗത സംവിധാനം ശക്തിപ്പെടുത്താൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

സ്കൂൾ വാഹനങ്ങളുടെ ഫിറ്റ്നസ് ഉറപ്പു വരുത്തുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

സ്കൂൾ വാഹനങ്ങളുടെ അമിത വേഗത നിയന്ത്രിക്കാൻ മോട്ടോർ വാഹന വകുപ്പ് അധികൃതർ നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ജലഗതാഗത വകുപ്പിലെ ബോട്ടുകൾ സ്വകാര്യ മേഖലയിൽ നിർമ്മിക്കുന്നത് ശ്രദ്ധയിൽപ്പെട്ടിട്ടുണ്ടോ;

എങ്കില്‍ ജലഗതാഗത വകുപ്പിന്റെ ബോട്ടുകൾ പൊതുമേഖലാ സ്ഥാപനങ്ങളിൽ നിർമ്മിക്കുന്നതിന് നടപടി സ്വീകരിക്കുമോ?

ദ്രവീകൃത പ്രകൃതി വാതകം പ്രയോജനപ്പെടുത്തി കുറഞ്ഞ ചെലവില്‍ യാത്രാബോട്ടുകള്‍ ഓടിക്കുവാന്‍ സ്വീകരിച്ചു വരുന്ന നടപടികൾ എന്തെല്ലാമെന്ന് വ്യക്തമാക്കുമോ;

ഇതിന്റെ ഭാഗമായി എറണാകുളം ജില്ലയിൽ ഉൾപ്പെടെ ഏതെല്ലാം ജില്ലകളില്‍ എത്ര സര്‍വ്വീസുകള്‍ ആരംഭിക്കാനാണ് ഉദ്ദേശിക്കുന്നത്; ഇത്തരം യാത്രാ ബോട്ടുകള്‍ക്ക് ദ്രവീകൃത വാതകം നിറയ്ക്കാന്‍ എന്തൊക്കെ സജ്ജീകരണങ്ങളാണ് നിലവിലുള്ളതെന്ന് വ്യക്തമാക്കുമോ;

ദൈനംദിനം ശരാശരി എത്ര പേര്‍ക്ക് ഇത്തരം യാത്രാബോട്ടുകളുടെ പ്രയോജനം ലഭിക്കുന്നുവെന്നാണ് കണക്കാക്കുന്നത്; വ്യക്തമാക്കുമോ;

സൗരോര്‍ജ ബോട്ടുകളുടെ നിര്‍മ്മാണ പ്രവര്‍ത്തനങ്ങള്‍ നിലവില്‍ ഏത് ഘട്ടങ്ങളിലാണ്; വ്യക്തമാക്കുമോ?

സീ അഷ്ടമുടി പാസഞ്ചർ കം ടൂറിസം ബോട്ട് സർവ്വീസിന് ആവശ്യമായ ബോട്ടിന്റെ നിർമ്മാണം പൂർത്തീകരിച്ചിട്ടുണ്ടോ; എങ്കിൽ സർവ്വീസ് ആരംഭിച്ചിട്ടുണ്ടോ;

ഇല്ലെങ്കിൽ സർവ്വീസ് ആരംഭിക്കുന്നതിനുള്ള കാലതാമസത്തിന് കാരണം എന്താണ്; സർവ്വീസ് ഉടൻ ആരംഭിക്കുന്നതിനുള്ള നടപടി സ്വീകരിക്കുമോ; വിശദാംശം ലഭ്യമാക്കുമോ?

ജലഗതാഗത വകുപ്പിൽ ഈ വർഷം പൊതു സ്ഥലംമാറ്റം നടത്താത്ത കാര്യം ശ്രദ്ധയിൽപ്പെട്ടിട്ടുണ്ടോ;

പ്രസ്തുത വകുപ്പിൽ മിനിസ്റ്റീരിയൽ വിഭാഗം ഉൾപ്പെടെ എല്ലാ വിഭാഗത്തിലും പൊതു സ്ഥലംമാറ്റം നടത്തുന്നതിന് നടപടി സ്വീകരിക്കുമോ?