കഴിഞ്ഞ സര്‍ക്കാരിന്റെ കാലയളവില്‍ പ്രാഥമിക പ്രവൃത്തികള്‍ ആരംഭിച്ച കൊച്ചി-പാലക്കാട് വ്യവസായ ഇടനാഴി പദ്ധതി സമയബന്ധിതമായി യാഥാര്‍ത്ഥ്യമാക്കുന്നതിന് വേണ്ട പ്രവര്‍ത്തനം നടത്തുമോ;

വ്യവസായ ഇടനാഴിയില്‍ പാലക്കാടിനെ ഒരു നോഡായി വികസിപ്പിക്കുകയെന്ന ലക്ഷ്യത്തോടെ കഴിഞ്ഞ സര്‍ക്കാര്‍ തുടങ്ങിവച്ച ഭൂമി ഏറ്റെടുക്കല്‍ കാര്യക്ഷമമാക്കാന്‍ നടപടിയുണ്ടാകുമോ;

കഴിഞ്ഞ സര്‍ക്കാരിന്റെ കാലത്ത് ഭരണാനുമതി ലഭിച്ചിട്ടുള്ള ആലുവ ഗിഫ്റ്റ്സിറ്റിയുടെ വിശദാംശം അറിയിക്കുമോ?

മുന്‍ സര്‍ക്കാരിന്റെ കാലത്ത് സാമ്പത്തിക അച്ചടക്കം പാലിക്കാതിരുന്നതും നികുതി പിരിവിലുണ്ടായ വീഴ്ചയും ജി.എസ്.ടി. വരുമാനത്തില്‍ ഉണ്ടായ ഇടിവും സംസ്ഥാനത്തിന്റെ സാമ്പത്തിക സ്ഥിതിയെ എപ്രകാരം ബാധിച്ചുവെന്ന് വിലയിരുത്തിയിട്ടുണ്ടോ;

മുന്‍ സര്‍ക്കാരിന്റെ അവസാന കാലത്ത് പത്ര-ദൃശ്യമാധ്യമങ്ങള്‍ വഴി കോടിക്കണക്കിന് രൂപയുടെ പരസ്യങ്ങള്‍ നല്‍കിയതിലൂടെ സംസ്ഥാനത്തിന്റെ ഖജനാവ് കൂടുതല്‍ ശുഷ്കമാകുന്നതിന് ഇടയായിട്ടുണ്ടോയെന്ന് അറിയിക്കുമോ;

ചെലവ് ചുരുക്കുവാന്‍ മുന്‍ സര്‍ക്കാര്‍ പ്രഖ്യാപിച്ച പദ്ധതികള്‍ വിജയപ്രദമായിരുന്നോ; ഇല്ലെങ്കില്‍ എന്തുകൊണ്ട്; വ്യക്തമാക്കുമോ;

1957 മുതല്‍ 2016 വരെ സംസ്ഥാനം ഭരിച്ച എല്ലാ സര്‍ക്കാരുകളും കൂടി വാങ്ങിയതിനേക്കാള്‍ അധികം കടം 2016-21 കാലഘട്ടത്തിലെ സര്‍ക്കാര്‍ വാങ്ങിയിട്ടുണ്ടോ; ഇത് നമ്മുടെ സമ്പദ് വ്യവസ്ഥയെ എപ്രകാരം ബാധിച്ചുവെന്ന് വിലയിരുത്തിയിട്ടുണ്ടോ;

തകര്‍ച്ചയിലായ സമ്പദ് വ്യവസ്ഥയെ അനാവശ്യ ധൂര്‍ത്തും ആര്‍ഭാടവും കുറച്ചും നികുതി പിരിവ് ഊര്‍ജ്ജിതപ്പെടുത്തിയും രക്ഷപ്പെടുത്തുന്നതിന് എന്തൊക്കെ നടപടികളാണ് കൈക്കൊള്ളുവാന്‍ ഉദ്ദേശിക്കുന്നത്;

നിലവിലെ സാമ്പത്തിക സ്ഥിതിയെ കുറിച്ച് ധവളപത്രം പുറപ്പെടുവിപ്പിക്കുവാന്‍ ഉദ്ദേശിക്കുന്നുണ്ടോ എന്ന് അറിയിക്കുമോ?

മഹാമാരി സൃഷ്ടിച്ച പ്രതിസന്ധി അതിജീവിക്കുന്നതിന് മുന്‍ സര്‍ക്കാര്‍ വര്‍ദ്ധിപ്പിച്ചു നല്‍കിയ പെന്‍ഷന്‍ യഥാസമയം നല്‍കുന്നതിനുവേണ്ട ക്രമീകരണങ്ങള്‍ ഏര്‍പ്പെടുത്തിയിട്ടുണ്ടോ;

വിവിധ സാമൂഹ്യസുരക്ഷാ-ക്ഷേമ പെന്‍ഷനുകള്‍ ലഭിക്കുന്നവരുടെ എണ്ണം എത്രയെന്നതിന്റെ കണക്ക് ലഭ്യമാണോ;

ഇത്തരത്തിലുള്ള വിവിധ പെന്‍ഷനുകള്‍ക്കായി സംസ്ഥാന സര്‍ക്കാര്‍ നല്‍കുന്ന തുകയും കേന്ദ്രസര്‍ക്കാര്‍ വിഹിതവും എത്ര വീതമെന്ന് അറിയിക്കാമോ?

കേന്ദ്ര നികുതിവിഹിതത്തില്‍ കുറവുണ്ടാകുന്നതും ജി.എസ്.ടി വിഹിതം യഥാസമയം ലഭ്യമാക്കാത്തതും പോലുള്ള കേന്ദ്രസര്‍ക്കാരിന്റെ വികല നയങ്ങളും സംസ്ഥാനത്തോടുള്ള വിവേചന പൂര്‍ണമായ നിലപാടുകളും സംസ്ഥാനത്തിന്റെ ധനദൃഢീകരണ നടപടികളെ പ്രതികൂലമായി ബാധിക്കാനിടയുണ്ടോ;

കോവിഡ് സൃഷ്ടിക്കുന്ന പ്രതിസന്ധി ഘട്ടത്തില്‍ കേന്ദ്രസര്‍ക്കാരിന്റെ നിസ്സംഗത സംസ്ഥാനത്തെ റവന്യൂ വരുമാനത്തില്‍ ഇടിവു സൃഷ്ടിക്കാനും ചെലവില്‍ ഗണ്യമായ വര്‍ദ്ധനവുണ്ടാക്കാനും ഇടയാക്കുമെന്നതിനാല്‍ വികസന പ്രവര്‍ത്തനങ്ങളുടെ നൈരന്തര്യത്തിന് ബജറ്റിന് പുറത്തുള്ള വിഭവ സമാഹരണം തുടരാനുള്ള സാധ്യത പരിശോധിക്കുന്നുണ്ടോ;

നികുതിദായകരോടു സൗഹൃദ സമീപനം പുലര്‍ത്തുമ്പോള്‍ത്തന്നെ നികുതി ചോര്‍ച്ച ഒഴിവാക്കാന്‍ വേണ്ട നടപടികള്‍ കൂടി ഊര്‍ജ്ജിതപ്പെടുത്തുമോയെന്ന് വ്യക്തമാക്കുമോ?

സഹകരണ ബാങ്കുകള്‍ക്കുള്ള ബാങ്കിംഗ് നിയന്ത്രണ ഭേദഗതി നിയമം അടുത്ത സാമ്പത്തിക വര്‍ഷം മുതല്‍ നടപ്പാക്കണമെന്ന് കേന്ദ്രത്തില്‍ നിന്നും നിര്‍ദ്ദേശം ലഭിച്ചിട്ടുണ്ടോ;

പ്രസ്തുത നിയമം നടപ്പാക്കുന്നത് സംസ്ഥാനത്തെ സഹകരണ ബാങ്കുകളെ എപ്രകാരം ബാധിക്കുമെന്ന് വിലയിരുത്തിയിട്ടുണ്ടോ;

ഇത് സംബന്ധിച്ച് എന്തെല്ലാം തുടര്‍ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

കൊച്ചിന്‍ റിഫൈനറി ഉള്‍പ്പെടെ രാജ്യത്തെ തന്ത്രപ്രധാനവും അല്ലാത്തതുമായ എല്ലാ പൊതുമേഖലാ സ്ഥാപനങ്ങളെയും സ്വകാര്യവല്‍ക്കരിക്കാനുള്ള നടപടിയുമായി കേന്ദ്ര സര്‍ക്കാര്‍ മുന്നോട്ടു പോകുമ്പോള്‍, സംസ്ഥാന പൊതുമേഖലാ സ്ഥാപനങ്ങളുടെ കാര്യത്തില്‍ സര്‍ക്കാര്‍ സ്വീകരിക്കാനുദ്ദേശിക്കുന്ന നിലപാട് വ്യക്തമാക്കുമോ;

പൊതുമേഖലാ സ്ഥാപനങ്ങളെ സംരക്ഷിക്കാനുള്ള കഴിഞ്ഞ സര്‍ക്കാരിന്റെ പ്രവര്‍ത്തനം വലിയതോതില്‍ വിജയം കണ്ട സ്ഥിതിക്ക് ആ ദിശയില്‍ കൂടുതല്‍ നടപടികള്‍ ഉണ്ടാകുമോ;

ഈ സര്‍ക്കാര്‍ അധികാരത്തിലെത്തിയ ശേഷം പൊതുമേഖലാ സ്ഥാപനങ്ങളുടെ സ്ഥിതി വിലയിരുത്തിയിരുന്നോ; വ്യക്തമാക്കുമോ?

ഭക്ഷ്യസംസ്കരണ വ്യവസായ മേഖലയില്‍ നിക്ഷേപം പ്രോത്സാഹിപ്പിക്കുന്ന കാര്യത്തില്‍ നിലപാട് വ്യക്തമാക്കാമോ;

ഈ മേഖലയില്‍ കേന്ദ്രസഹായ പദ്ധതികള്‍ പരിഗണനയിലുണ്ടോ; എങ്കില്‍ വിശദാംശം നല്കുമോ;

പ്രസ്തുത മേഖലയില്‍ ചെറുകിട സംരംഭങ്ങളുടെ സാധ്യത പരിശോധിച്ചിട്ടുണ്ടോ; എങ്കില്‍ വിശദാംശം അറിയിക്കുമോ;

ഈ രംഗത്ത് പൊതുമേഖല സ്ഥാപനങ്ങളുടെ പങ്കാളിത്തം പ്രോത്സാഹിപ്പിക്കുന്ന കാര്യത്തില്‍ നിലപാട് വ്യക്തമാക്കാമോ?

സംസ്ഥാനത്ത് വൈദ്യുതിയുടെ ദുരുപയോഗവും മോഷണവും കണ്ടെത്തുന്നതിന് എന്തെല്ലാം സംവിധാനങ്ങളാണ് നിലവിലുള്ളതെന്ന് അറിയിക്കാമോ;

വര്‍ദ്ധിച്ച് വരുന്ന വൈദ്യുത അപകടങ്ങള്‍ ഒഴിവാക്കുന്നതിന് എന്തെല്ലാം നിര്‍ദ്ദേശങ്ങളാണ് നല്‍കാനുദ്ദേശിക്കുന്നതെന്ന് വ്യക്തമാക്കാമോ;

വൈദ്യുത അപകടങ്ങളില്‍പെട്ട് മരണമടയുന്നവരുടെ കുടുംബാംഗങ്ങള്‍ക്ക് കാലതാമസം കൂടാതെ നഷ്ടപരിഹാരം നല്‍കുന്നതിനുള്ള നിര്‍ദ്ദേശം നല്‍കുമോ?

സംസ്ഥാനത്തെ പ്രാഥമിക സഹകരണ സംഘങ്ങളിലെ പലിശനിരക്ക് കുറയ്ക്കുന്ന കാര്യം പരിഗണിക്കുമോ;

കോവിഡ് പശ്ചാത്തലത്തില്‍ സഹകരണ സംഘങ്ങളിൽനിന്നുള്ള വായ്പകള്‍ക്ക് മൊറട്ടോറിയം ഏര്‍പ്പെടുത്തുന്നതും പിഴപ്പലിശ ഒഴിവാക്കുന്നതും പരിഗണിക്കുമോ;

സംസ്ഥാനത്ത് കോവിഡ് മരണങ്ങള്‍ കൂടിവരുന്ന സാഹചര്യത്തില്‍ റിസ്ക് ഫണ്ട് വഴി നല്‍കുന്ന ധനസഹായത്തിനുള്ള നടപടിക്രമങ്ങളില്‍ ഇളവ് നല്‍കുന്ന കാര്യം പരിഗണിക്കുമോ?

സംസ്ഥാനത്ത് സഹകരണ സ്ഥാപനങ്ങളുടെ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിനായി എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ;

യുവജനങ്ങള്‍ക്ക് തൊഴില്‍ ലഭ്യത ഉറപ്പുവരുത്തുവാന്‍ സഹകരണ മേഖലയില്‍ പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ;

സഹകരണ മേഖലയെ ദുര്‍ബലപ്പെടുത്തുന്ന തരത്തിലുള്ള കേന്ദ്ര സര്‍ക്കാർ നയങ്ങളെ ചെറുക്കുന്നതിന് എന്തെല്ലാം നടപടികളാണ് സ്വീകരിയ്ക്കാനുദ്ദേശിക്കുന്നതെന്ന് വ്യക്തമാക്കുമോ ?

വെെദ്യുതി വിതരണരംഗം സ്വകാര്യവത്ക്കരിക്കാനുള്ള കേന്ദ്രസര്‍ക്കാര്‍ നയത്തെ ചെറുക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

സംസ്ഥാനത്തിന്റെ ഭാവി ഊര്‍ജ്ജ ആവശ്യകത ഫലപ്രദമായി നിറവേറ്റുന്നതിനായി കഴിഞ്ഞ സര്‍ക്കാര്‍ ആവിഷ്കരിച്ച ട്രാന്‍സ്ഗ്രിഡ് 2.0 പദ്ധതി പൂര്‍ത്തീകരിക്കുന്നതിനായി എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ;

വെെദ്യുതി മേഖലയുമായി ബന്ധപ്പെട്ട് പൊതുജനങ്ങള്‍ക്കുണ്ടാകുന്ന പരാതികള്‍ സമയബന്ധിതമായി പരിഹരിക്കുന്നതിന് എന്തെല്ലാം നൂതന സംവിധാനങ്ങളാണ് നിലവിലുള്ളതെന്ന് വ്യക്തമാക്കാമോ?

റബ്ബര്‍ കര്‍ഷകരെ സഹായിക്കുന്നതിന് റബ്ബര്‍ മേഖലയിലെ മൂല്യവര്‍ദ്ധന ലക്ഷ്യമാക്കി സിയാല്‍ മോഡലില്‍ 02/02/19-ലെ ജി.ഒ. (എം.എസ്) 16/2019/ഐ.ഡി നമ്പര്‍ ഉത്തരവ് പ്രകാരം രൂപീകരിച്ച കേരള റബ്ബര്‍ ലിമിറ്റഡ് കമ്പനിയുടെ പ്രവര്‍ത്തനം ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ;

പ്രസ്തുത കമ്പനിക്കായി സ്ഥലം ഏറ്റെടുത്തിട്ടുണ്ടോ;

ഈ പദ്ധതി അടിയന്തരമായി നടപ്പിലാക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

കോവിഡ് കാലഘട്ടത്തില്‍ വെന്റിലേറ്റര്‍ ഉള്‍പ്പെടെ വിവിധ മെഡിക്കല്‍ ഉപകരണങ്ങള്‍ക്കുണ്ടായ കുറവ് പരിഹരിക്കുന്നതിനായി സംസ്ഥാനത്ത് ഇവ നിര്‍മ്മിക്കുന്നതിനുള്ള പദ്ധതികള്‍ ആവിഷ്ക്കരിച്ചിട്ടുണ്ടോ;

ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശം അറിയിക്കുമോ?

കോവിഡിന്റെ രണ്ടാം തരംഗത്തില്‍ സംസ്ഥാനത്തിന് ആവശ്യമായ ഓക്സിജന്‍ ഉല്‍പ്പാദിപ്പിക്കുന്നതിനും വിതരണം ചെയ്യുന്നതിനും സംസ്ഥാനത്തെ പൊതുമേഖലാ സ്ഥാപനങ്ങള്‍ മുന്നോട്ട് വന്നിട്ടുണ്ടോ;

കേരള മിനറല്‍സ് ആന്റ് മെറ്റല്‍സ് അധിക ഓക്സിജന്‍ ആരോഗ്യ മേഖലയ്ക്ക് വിതരണം ചെയ്തിട്ടുണ്ടോ; അതിന്റെ കപ്പാസിറ്റി വര്‍ദ്ധിപ്പിക്കുന്നതിന് ആലോചിക്കുന്നുണ്ടോ; അറിയിക്കാമോ?

അടിസ്ഥാനസൗകര്യ രംഗത്ത് കുതിപ്പ് സൃഷ്ടിക്കുന്നതിന് കഴിഞ്ഞ സര്‍ക്കാര്‍ ആവിഷ്കരിച്ചു നടപ്പാക്കിയ കിഫ്ബി വഴിയുള്ള പ്രവൃത്തികളുടെ നിര്‍വ്വഹണം ത്വരിതപ്പെടുത്താന്‍ പ്രത്യേക ശ്രദ്ധ പതിപ്പിക്കുമോ;

പക്ഷപാതരഹിതമായി സംസ്ഥാനത്തെ എല്ലാ നിയോജകമണ്ഡലങ്ങളിലും വികസന പദ്ധതികള്‍ പ്രാവര്‍ത്തികമാക്കുന്നതിന് അനുവദിച്ച പദ്ധതികളെ തുരങ്കം വയ്ക്കാന്‍ സങ്കുചിത താല്പര്യക്കാരും ചില കേന്ദ്ര ഏജന്‍സികളും നടത്തുന്ന നീക്കങ്ങളെ തുറന്നു കാണിക്കാനായിട്ടുണ്ടോയെന്ന് വ്യക്തമാക്കുമോ;

സുതാര്യതയും ഗുണനിലവാരവും ഉറപ്പാക്കുന്നതിന് കിഫ്ബിയില്‍ ഏര്‍പ്പെടുത്തിയിട്ടുള്ള സംവിധാനങ്ങള്‍ എന്തൊക്കെയെന്ന് അറിയിക്കുമോ?

കോവിഡ് സംസ്ഥാനത്ത് സൃഷ്ടിച്ചുകൊണ്ടിരിക്കുന്ന സാമ്പത്തികാഘാതം വിലയിരുത്താന്‍ സാധിച്ചിട്ടുണ്ടോ;

സംസ്ഥാനത്തിന്റെ റവന്യൂ വരുമാനത്തില്‍ ഗണ്യമായ കുറവുണ്ടാകാനിടയുള്ളത് കണക്കിലെടുത്ത് കേന്ദ്രസര്‍ക്കാര്‍ ഏതെങ്കിലും തരത്തിലുള്ള സഹായം ലഭ്യമാക്കിയിട്ടുണ്ടോ;

ദുരിതമകറ്റാന്‍ സ്വീകരിച്ചിട്ടുള്ള വിവിധ ക്ഷേമ പ്രവര്‍ത്തനങ്ങള്‍ക്കും പ്രതിരോധ പ്രവര്‍ത്തനത്തിനും ചികിത്സാ സൗകര്യവര്‍ദ്ധനവിനും കേന്ദ്രസര്‍ക്കാര്‍ എന്തെല്ലാം സഹായം ഇതുവരെ ലഭ്യമാക്കിയിട്ടുണ്ടെന്ന് അറിയിക്കുമോ?

പെട്രോളിയം ഉല്‍പ്പന്നങ്ങളുടെ അനുസ്യൂതമായ വിലക്കയറ്റം സാധാരണക്കാരുടെ ജീവിതം ദു:സ്സഹമാക്കുന്നതായി സര്‍ക്കാര്‍ കരുതുന്നുണ്ടോ;

കേന്ദ്ര സർക്കാരിന് സമാനമായി സംസ്ഥാന സർക്കാരിനും നികുതി വരുമാനം ലഭിക്കുന്നതിനാലാണോ ഈ കോവിഡ് കാലത്ത് പോലും സാധാരണ ജനങ്ങൾക്ക് നികുതി ഭാരത്തില്‍ ഇളവു നൽകാത്തതെന്ന് വ്യക്തമാക്കാമോ;

ഇക്കാര്യത്തില്‍ മുന്‍ യു.ഡി.എഫ്. സർക്കാർ കാട്ടിയ മാതൃകയെങ്കിലും സ്വീകരിച്ച് ജനങ്ങളുടെ ബുദ്ധിമുട്ട് കുറയ്ക്കാന്‍ തയ്യാറാകുമോ?

കഴിഞ്ഞ സര്‍ക്കാര്‍ തുടക്കമിട്ട കാര്‍ഷിക വിളകള്‍ക്കുള്ള തറവില ഉറപ്പാക്കുന്ന പദ്ധതിയ്ക്കായി മതിയായ തുക സര്‍ക്കാരില്‍ നിന്ന് ലഭിക്കാത്തത് കാരണം കര്‍ഷകര്‍ കടുത്ത പ്രതിസന്ധി നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

വിപണി മാന്ദ്യത്തിനിടയില്‍ സര്‍ക്കാര്‍ തലത്തില്‍ ഉള്ള സംഭരണം തടസ്സപ്പെട്ടിരിക്കുന്നതിനാല്‍ ജീവിതം വഴിമുട്ടിയ കര്‍ഷകര്‍ക്ക് ബജറ്റ് വകയിരുത്തലുകളുടെ പുനക്രമീകരണത്തിലൂടെ കൂടുതല്‍ ആനുകൂല്യങ്ങള്‍ ലഭ്യമാക്കാന്‍ നടപടികള്‍ സ്വീകരിക്കുമോ;

കര്‍ഷകര്‍ക്ക് ലോണ്‍ മൊറട്ടോറിയം നീട്ടിനല്‍കുന്നതും കാലാവധി നീട്ടിനല്‍കുന്ന കാര്യവും പരിഗണിക്കുമോ ?

അക്ഷയ ഊര്‍ജ്ജോല്പാദന പദ്ധതികള്‍ പ്രോത്സാഹിപ്പിക്കുന്ന കാര്യത്തില്‍ നിലപാട് വ്യക്തമാക്കാമോ;

സൗരോര്‍ജ്ജ പദ്ധതികളുടെ സ്ഥാപിതശേഷി വര്‍ദ്ധിപ്പിക്കുവാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശം വ്യക്തമാക്കാമോ;

സോളാര്‍-വിൻഡ് ഹൈബ്രിഡ് പവര്‍ പ്ലാന്റുകള്‍ പരിഗണനയിലുണ്ടോ; എങ്കില്‍ വിശദാംശം വ്യക്തമാക്കാമോ;

വൈദ്യുതി ബോര്‍ഡ്, അനര്‍ട്ട് എന്നീ സ്ഥാപനങ്ങളുടെ നേതൃത്വത്തില്‍ സൗരോര്‍ജ്ജ ഉത്പാദനം വര്‍ദ്ധിപ്പിക്കുന്നതിനുള്ള ഒരു ബൃഹദ് പദ്ധതി നടപ്പിലാക്കുന്ന കാര്യത്തില്‍ നിലപാട് വ്യക്തമാക്കാമോ?

കേരള സ്റ്റേറ്റ് ഫിനാന്‍ഷ്യല്‍ എന്റര്‍പ്രൈസസ് നടത്തുന്ന പ്രധാന ബിസിനസ്സുകള്‍ എന്തെല്ലാമാണെന്ന് വിശദമാക്കുമോ;

അടിസ്ഥാന വികസനത്തിനായി സംസ്ഥാന സര്‍ക്കാരിന്റെ വിവിധ പ്രോജക്ടുകളില്‍ നിക്ഷേപിക്കുന്നതിനായി ആരംഭിച്ച പ്രവാസി ചിട്ടി പദ്ധതിയുടെ വിശദാംശങ്ങള്‍ നല്‍കാമോ;

കോവിഡ് പ്രതിസന്ധിയുടെ പശ്ചാത്തലത്തില്‍ പ്രസ്തുത പദ്ധതിയുടെ പുരോഗതി വിലയിരുത്തിയിട്ടുണ്ടോ;

കെ.എസ്.എഫ്.ഇ. പദ്ധതികള്‍ കാലാനുസൃതമായി പരിഷ്കരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

പവര്‍ കട്ടില്ലാത്ത കേരളം എന്ന ലക്ഷ്യം സാക്ഷാത്ക്കരിക്കുന്നതിനായി കഴിഞ്ഞ സര്‍ക്കാര്‍ വിജയകരമായി നടപ്പിലാക്കിയ പദ്ധതികളുടെ തുടര്‍പ്രവര്‍ത്തനത്തിനായി എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്;

പാരമ്പര്യേതര ഊര്‍ജ്ജ സ്രോതസ്സുകളുടെ പരമാവധി വിനിയോഗം സാധ്യമാക്കുന്നതിന് എന്തെല്ലാം നിര്‍ദ്ദേശങ്ങളാണ് നല്‍കാനുദ്ദേശിക്കുന്നത്;

വെെദ്യുതി വിതരണരംഗം കാര്യക്ഷമമാക്കുന്നതിനും വെെദ്യുതിയുടെ ആഭ്യന്തര ഉല്പാദനം വര്‍ദ്ധിപ്പിക്കുന്നതിനും സ്വീകരിക്കാനുദ്ദേശിക്കുന്ന നടപടികള്‍ വിശദമാക്കാമോ?

വ്യവസായങ്ങളെ പ്രോത്സാഹിപ്പിക്കുന്നതിന്റെ ഭാഗമായുള്ള ഈസ് ഓഫ് ഡൂയിംഗ് ബിസിനസ്സ് റാങ്കിങ്ങിൽ സംസ്ഥാനം ഏറെ പിറകില്‍ പോയതിന്റെ കാരണങ്ങള്‍ കണ്ടെത്തിയിട്ടുണ്ടോ;

ഈസ് ഓഫ് ഡൂയിംഗ് ബിസിനസ്സ് മെച്ചപ്പെടുത്താന്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

ഈസ് ഓഫ് ഡൂയിംഗ് ബിസിനസ്സ് മെച്ചപ്പെടുത്തുന്നതിന്റെ ഭാഗമായി കേന്ദ്രസര്‍ക്കാര്‍ എന്തെങ്കിലും നിര്‍ദ്ദശങ്ങള്‍ മുന്നോട്ടുവച്ചിരുന്നോ; ഇതില്‍ എന്തൊക്കെ നിര്‍ദ്ദേശങ്ങളാണ് സര്‍ക്കാര്‍ നടപ്പിലാക്കിയിട്ടുള്ളത്;

കേന്ദ്ര വ്യവസായ പ്രോത്സാഹന മന്ത്രാലയം പ്രസിദ്ധീകരിച്ച വ്യവസായസൗഹൃദസംസ്ഥാനങ്ങളുടെ പട്ടികയില്‍ നിലവില്‍ സംസ്ഥാനത്തിന്റെ റാങ്ക് എത്രയാണെന്ന് വെളിപ്പെടുത്താമോ?

സംസ്ഥാനം ഗുരുതരമായ സാമ്പത്തിക പ്രതിസന്ധി അഭിമുഖീകരിക്കുന്നു എന്നത് വസ്തുതയല്ലേ; അതിനുള്ള കാരണങ്ങള്‍ വിശദമാക്കാമോ;

സംസ്ഥാനത്തിന്റെ സാമ്പത്തിക സ്ഥിതി മെച്ചപ്പെടുത്തുന്നതിന് സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ;

സംസ്ഥാനത്തിന്റെ നികുതിവരുമാനം വര്‍ദ്ധിപ്പിക്കാന്‍ എന്തെല്ലാം നടപടികളാണ് സര്‍ക്കാര്‍ സ്വീകരിച്ചത് എന്ന് വ്യക്തമാക്കാമോ; ഇത് കാര്യക്ഷമമാണോ എന്ന് പരിശോധിച്ചിട്ടുണ്ടോ;

കോവിഡ് പശ്ചാത്തലത്തില്‍ കേന്ദ്രം വായ്പാപരിധി അഞ്ച് ശതമാനമായി ഉയര്‍ത്തിയത് നിലവിലെ സാമ്പത്തിക പ്രതിസന്ധി പരിഹരിക്കുന്നതിന് സഹായകമാകും എന്ന് കരുതുന്നുണ്ടോ; വിശദാംശങ്ങള്‍ നല്‍കാമോ?

2020 ഫെബ്രുവരി 28 ന് കൊച്ചിയില്‍ നടന്ന അസന്‍ഡ് 2020ല്‍ ആഴക്കടല്‍ മത്സ്യബന്ധനത്തിനായി ഇ.എം.സി.സി. എന്ന അമേരിക്കന്‍ കമ്പനിയുമായി സര്‍ക്കാര്‍ ധാരണാപത്രം ഒപ്പുവച്ചിരുന്നോ;

പ്രസ്തുത ധാരണാപത്രം ഒപ്പുവയ്ക്കുന്നതിനുമുമ്പ് മന്ത്രിസഭയില്‍ ഇക്കാര്യം ചര്‍ച്ച ചെയ്തിട്ടുണ്ടോ;

പ്രസ്തുത ധാരണാപത്രത്തിന്റെ അടിസ്ഥാനത്തില്‍ ചേര്‍ത്തല പള്ളിപ്പുറത്ത് നാലേക്കര്‍ ഭൂമി അനുവദിക്കുന്നതിന് ഇ.എം.സി.സി. യുടെ ഉപ കമ്പനിയായ ഇ.എം.എല്‍.റ്റി. ഇന്റര്‍നാഷണല്‍ ഇന്ത്യയുമായി കരാര്‍ ഒപ്പുവച്ചിരുന്നോ;

അസന്‍ഡ് 2020ല്‍ എത്ര ധാരണാപത്രങ്ങളാണ് ഒപ്പുവച്ചത്; പ്രസ്തുത ധാരണാപത്രങ്ങളെല്ലാം മന്ത്രിസഭയില്‍ ചര്‍ച്ച ചെയ്ത ശേഷമാണോ സര്‍ക്കാര്‍ ഒപ്പുവച്ചത്; അറിയിക്കുമോ;

ആഴക്കടല്‍ മത്സ്യബന്ധനത്തിന് അനുമതി നല്‍കുന്ന പ്രസ്തുത കരാര്‍ മത്സ്യത്തൊഴിലാളികളുടെ ജീവിതം കൂടുതല്‍ ദുരിതപൂര്‍ണ്ണമാക്കുമെന്നിരിക്കെ, ധാരണാപത്രങ്ങളും അനുബന്ധ കരാറുകളും ഒപ്പുവച്ചത് ഏത് സാഹചര്യത്തിലാണെന്ന് വ്യക്തമാക്കുമോ?

സംസ്ഥാനത്ത് വ്യവസായ നിക്ഷേപം താരതമ്യേന കുറവായതിനാല്‍ വ്യവസായ നിക്ഷേപം ആകര്‍ഷിക്കുന്നതിനുവേണ്ടി സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദമാക്കുമോ;

വ്യവസായ നിക്ഷേപം പ്രോത്സാഹിപ്പിക്കുന്ന കാര്യത്തില്‍ നിലവിലുള്ള ക്ലേശഘടകങ്ങള്‍ പഠനവിധേയമാക്കിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ;

കേരളത്തില്‍ വ്യവസായ നിക്ഷേപം നടത്താന്‍ താല്പര്യമുള്ള നിക്ഷേപകരുടെ പരാതികള്‍ പരിഹരിക്കുന്നതിനുള്ള നടപടികള്‍ പരിഗണനയിലുണ്ടോ; ഉണ്ടെങ്കില്‍ വിശദമാക്കാമോ;

നിക്ഷേപകരുടെ പരാതി പരിഹാര സംവിധാനവുമായി ബന്ധപ്പെട്ട് നിയമനിര്‍മ്മാണം നടത്തുന്ന കാര്യത്തില്‍ നിലപാട് വ്യക്തമാക്കാമോ?

കിഫ്ബി വഴി നാളിതുവരെ സമാഹരിച്ച തുക നിലവില്‍ കിഫ്ബി അനുമതി നല്‍കിയിരിക്കുന്ന പ്രവൃത്തികള്‍ പൂര്‍ത്തിയാക്കുന്നതിന് പര്യാപ്തമാണോ എന്ന് വിശദമാക്കാമോ; വിശദാംശങ്ങള്‍ നല്‍കാമോ;

അടുത്ത അഞ്ചു വര്‍ഷം എത്ര കോടി രൂപയുടെ പദ്ധതികളാണ് കിഫ്ബി വഴി നടപ്പിലാക്കാന്‍ ഉദ്ദേശിക്കുന്നത്;

അഞ്ചു വര്‍ഷം കൊണ്ട് അന്‍പതിനായിരം കോടി രൂപയുടെ വികസന പദ്ധതികള്‍ നടപ്പിലാക്കുമെന്ന മുന്‍ സര്‍ക്കാരിന്റെ വാഗ്ദാനം പാലിക്കാന്‍ സാധിച്ചിട്ടുണ്ടോ; ഇല്ലെങ്കില്‍ അതിന്റെ കാരണങ്ങള്‍ വിശദമാക്കാമോ?

നിര്‍മ്മാണ വസ്തുക്കളുടെ വന്‍ വിലക്കയറ്റം നിര്‍മ്മാണ പ്രവര്‍ത്തനങ്ങളെ പ്രതികൂലമായി ബാധിച്ചതായി ശ്രദ്ധയില്‍പ്പെട്ടിട്ടുണ്ടോ;

ഇതുമൂലം സാധാരണക്കാരുടെ വീട് നിര്‍മ്മാണം പൂര്‍ത്തിയാക്കാന്‍ കഴിയാത്ത സാഹചര്യം ഉണ്ടായിട്ടുള്ളത് പരിഹരിക്കാന്‍ നടപടി സ്വീകരിച്ചിട്ടുണ്ടോ;

വിലക്കയറ്റം തടയാന്‍ സ്വീകരിച്ച നടപടികള്‍ ഫലപ്രദമാണോ എന്ന് പരിശോധിച്ചിട്ടുണ്ടോ; എങ്കില്‍ എന്ത് തുടര്‍ നടപടി സ്വീകരിച്ചു എന്ന് വ്യക്തമാക്കുമോ?

ബാങ്കുകള്‍ ഉള്‍പ്പെടെ സംസ്ഥാനത്തെ ധനകാര്യ സ്ഥാപനങ്ങളില്‍ നിന്നും ജനങ്ങള്‍ക്ക് മികവുറ്റ സേവനം ലഭ്യമാകുംവിധം ധനകാര്യ സ്ഥാപനങ്ങളുടെ പ്രവര്‍ത്തന രീതി മാറ്റുന്നതിന് എന്തെല്ലാം നടപടികള്‍ സ്വീകരിക്കുമെന്ന് വിശദമാക്കുമോ;

ബാങ്ക് ലോണുകള്‍ നല്‍കുന്നതിലെ കാലതാമസം, കേന്ദ്ര തൊഴില്‍ദാന പദ്ധതികളില്‍ ബാങ്ക് ഗ്യാരന്റി ഒഴിവാക്കിയിട്ടും ആയത് നല്‍കാത്തത്, വിവിധ സേവനങ്ങള്‍ക്ക് അമിത ചാര്‍ജ്, ഹിഡന്‍ ചാര്‍ജ് എന്നിവ ഈടാക്കുന്നത് തുടങ്ങിയവ ഒഴിവാക്കുന്നതിന് ബാങ്കേഴ്സ് സമിതിയ്ക്ക് നിര്‍ദ്ദേശം നല്‍കുമോയെന്ന് വ്യക്തമാക്കുമോ?

കയര്‍ വ്യവസായ മേഖലയുടെ പുനരുദ്ധാരണത്തിനായി നൂതന പദ്ധതികള്‍ ആവിഷ്കരിക്കാനുദ്ദേശിക്കുന്നുണ്ടോ;

കയര്‍ ഉല്പാദനത്തിലും സംഭരണത്തിലും കഴിഞ്ഞ സര്‍ക്കാര്‍ കെെവരിച്ച നേട്ടം ആവര്‍ത്തിക്കാന്‍ സ്വീകരിക്കാനു‌ദ്ദേശിക്കുന്ന നടപടികള്‍ വിശദമാക്കാമോ;

കയര്‍ വ്യവസായത്തിനാവശ്യമായ ചകിരിയുടെ ലഭ്യത ഉറപ്പാക്കുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നതെന്ന് അറിയിക്കാമോ?

പ്രളയാനന്തര കേരളത്തിന്റെ പുനര്‍നിര്‍മ്മാണത്തിനായി സഹകരണ സംഘങ്ങളെ കൂട്ടിയിണക്കി സഹകരണവകുപ്പ് കെയര്‍ഹോം പദ്ധതി ആവിഷ്കരിച്ചിട്ടുണ്ടോ;

പ്രളയത്തില്‍ വീട് നഷ്ടപ്പെട്ടവര്‍ക്കായി പ്രസ്തുത പദ്ധതി പ്രകാരം എത്ര വീടുകള്‍ നിര്‍മ്മിച്ച് കൈമാറിയിട്ടുണ്ടെന്ന് അറിയിക്കാമോ;

ഈ പദ്ധതി പ്രകാരം എത്ര തുകയാണ് അനുവദിക്കുന്നത്; പ്രസ്തുത പദ്ധതി കൂടുതല്‍ കാര്യക്ഷമമായി തുടരുന്നതിന് നടപടി സ്വീകരിക്കുമോ;

കെയര്‍ലോൺ പദ്ധതി പ്രകാരം പ്രളയബാധിതര്‍ക്ക് പലിശരഹിത വായ്പ അനുവദിക്കുന്നതിനായി സഹകരണ സംഘങ്ങള്‍ക്ക് എത്ര തുക വായ്പ നല്‍കിയിട്ടുണ്ടെന്ന് വ്യക്തമാക്കാമോ?