14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>starred Questions and Answers

Answer Provided

Answer Not Yet Provided

FOURTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പാെതുവിദ്യാലയങ്ങള്‍ കെെവരിച്ച മികവ്

*91.

ശ്രീ.ഐ.ബി. സതീഷ്
,, എ. പ്രദീപ്കുമാര്‍
,, പി.ടി.എ. റഹീം
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

മുന്‍ സര്‍ക്കാരിന്റെ കാലത്ത് വിദ്യാലയങ്ങളെ ആദായകരം അനാദായകരം എന്ന് വേർതിരിച്ച് സ്വകാര്യ മേഖലയുടെ താല്പര്യ സംരക്ഷണാര്‍ത്ഥം വിദ്യാഭ്യാസ വാണിജ്യവല്‍ക്കരണം പ്രാേത്സാഹിച്ചതില്‍ നിന്ന് വിഭിന്നമായി പാെതു വിദ്യാലയങ്ങളിലേക്ക് മൂന്നര ലക്ഷത്താേളം പുതിയ വിദ്യാര്‍ത്ഥികളെ ആകര്‍ഷിക്കും വിധം നടത്തിയ ഇടപെടല്‍ വിശദമാക്കാമാേ;

(ബി)	ഇൗ വര്‍ഷത്തെ അധ്യയന ദിനങ്ങളും പരീക്ഷകള്‍ക്കും കലാ-കായികാേത്സവങ്ങള്‍ക്കായുള്ള ദിവസങ്ങളും മുന്‍കൂട്ടിപ്രഖ്യാപിച്ചുകാെണ്ട് വിദ്യാഭ്യാസ കലണ്ടര്‍ തയ്യാറാക്കി വിദ്യാഭ്യാസ പ്രവര്‍ത്തനങ്ങള്‍ക്ക് ദിശാബാേധം നല്‍കുന്ന തരത്തില്‍ ആസൂത്രണം ചെയ്തിട്ടുണ്ടാേ;

(സി)	അക്കാദമിക വര്‍ഷം പകുതിയായാലും പാഠപുസ്തകങ്ങള്‍ ലഭ്യമാകാതിരുന്ന സ്ഥിതി പരിഹരിച്ചു് സ്കൂള്‍ അടയ്ക്കുന്നതിന് മുമ്പുതന്നെ വരും വര്‍ഷത്തേക്കുള്ള പാഠപുസ്തകങ്ങള്‍ ലഭ്യമാക്കാന്‍ സാധ്യമായിട്ടുണ്ടാേ; വിശദാംശം നല്‍കുമോ;

(ഡി)	പാെതുവിദ്യാലയങ്ങള്‍ കെെവരിച്ച മികവ് ബാേധ്യപ്പെടുത്തി കൂടുതല്‍ കുട്ടികളെ ആകര്‍ഷിക്കുന്നതിനായി അധ്യാപകര്‍ വിദ്യാലയ പരിധികളില്‍ ഭവനസന്ദര്‍ശനം നടത്താന്‍ ഉദ്ദേശിക്കുന്നുണ്ടാേ; വ്യക്തമാക്കുമോ?

പൊതുമരാമത്ത് വകുപ്പിലെ അഴിമതി നിർമാർജ്ജനം

*92.

ശ്രീ.കെ.ജെ. മാക്സി
,, എസ്.ശർമ്മ
,, എം. സ്വരാജ്
,, ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാരിന്റെ കാലത്ത് നിർമ്മിച്ച കൊച്ചി പാലാരിവട്ടം മേല്‍പ്പാലം നിര്‍മ്മാണം പൂര്‍ത്തിയായി ചുരുങ്ങിയ കാലത്തിനിടയില്‍ തകര്‍ന്നതിന്റെ പശ്ചാത്തലത്തില്‍ സംഭവത്തെക്കുറിച്ച് സമഗ്രമായ അന്വേഷണം നടത്തി അഴിമതിക്കാര്‍ക്കെതിരെ മാതൃകാപരമായ ശിക്ഷ ഉറപ്പാക്കാന്‍ നടപടിയാരംഭിച്ചിട്ടുണ്ടോ;

(ബി)	പ്രസ്തുത സർക്കാരിന്റെ കാലയളവില്‍ പൊതുമരാമത്ത് വകുപ്പിലെ അഴിമതി സംബന്ധിച്ച് വിജിലന്‍സ് വകുപ്പ് നടത്തിയ പഠനത്തിന്റെ റിപ്പോര്‍ട്ടിലെ പ്രധാന നിഗമനങ്ങള്‍ എന്തെല്ലാമായിരുന്നു;

(സി)	റിപ്പോര്‍ട്ടിന്റെ വെളിച്ചത്തില്‍ സമഗ്ര അന്വേഷണം നടത്തുന്ന കാര്യം പരിശോധിക്കുമോ;

(ഡി)	ഈ സര്‍ക്കാര്‍ അധികാരത്തിലെത്തിയ ശേഷം വകുപ്പിലെ അഴിമതിക്ക് അറുതി വരുത്തുന്നതിനും കാര്യക്ഷമത ഉറപ്പാക്കുന്നതിനും നിര്‍മ്മാണ പ്രക്രിയയില്‍ ആധുനിക സാങ്കേതിക വിദ്യകളുടെ പ്രയോഗം വിപുലപ്പെടുത്തുന്നതിനും നടത്തിയ പ്രവര്‍ത്തനങ്ങള്‍ അറിയിക്കാമോ?

മത്സ്യത്തൊഴിലാളികള്‍ക്കുളള ഭവനനിര്‍മ്മാണ പദ്ധതി

*93.

ശ്രീ.കെ.വി.അബ്ദുള്‍ ഖാദര്‍
,, കെ. ദാസന്‍
,, വി. അബ്ദുറഹിമാന്‍
,, വി. ജോയി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഭൂരഹിത ഭവനരഹിത മത്സ്യത്തൊഴിലാളികള്‍ക്ക് വീട് നിര്‍മ്മിച്ച് നല്‍കുന്ന പദ്ധതി പ്രകാരം ചെയ്തുവരുന്ന കാര്യങ്ങള്‍ വിശദമാക്കാമോ;

(ബി)	കടല്‍ക്ഷോഭത്തില്‍ വീട് തകര്‍ന്നവരെ പുനരധിവസിപ്പിക്കാന്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണ്;

(സി)	കടല്‍ത്തീരത്ത് നിന്ന് അന്‍പത് മീറ്ററിനുള്ളില്‍ താമസിക്കുന്നവരെ മാറ്റിപ്പാര്‍പ്പിക്കുന്ന പദ്ധതിയുടെ പുരോഗതി അറിയിക്കാമോ;

(ഡി)	കിഫ്ബി ഫണ്ട് ഉപയോഗിച്ച് തീരസംരക്ഷണത്തിന് വകുപ്പ് ആവിഷ്കരിച്ചിട്ടുള്ള പദ്ധതികളുടെ വിശദാംശം നല്‍കാമോ; പദ്ധതികള്‍ക്ക് തുടക്കം കുറിക്കാന്‍ കഴിഞ്ഞിട്ടുണ്ടോ; വ്യക്തമാക്കാമോ?

റോഡുകളുടെ പുനര്‍നിര്‍മ്മാണത്തിന് ധനസഹായം

*94.

ശ്രീ.റോജി എം. ജോണ്‍
,, എം. വിന്‍സെന്റ്
,, കെ.എസ്.ശബരീനാഥന്‍
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ തകര്‍ന്ന റോഡുകളുടെ പുനര്‍നിര്‍മ്മാണം പൂര്‍ത്തിയായിട്ടുണ്ടോ;

(ബി)	ഇല്ലെങ്കില്‍ എത്ര ശതമാനം റോഡുകള്‍ ഇതിനകം പുനര്‍നിര്‍മ്മിച്ചുവെന്ന് വ്യക്തമാക്കുമോ;

(സി)	പുനര്‍നിര്‍മ്മാണത്തിന് വിദേശബാങ്കുകള്‍ ധനസഹായം വാഗ്ദാനം ചെയ്തിട്ടുണ്ടോ; വിശദാംശം നല്‍കുമോ;

(ഡി)	കേന്ദ്ര സര്‍ക്കാരില്‍ നിന്നും ഇക്കാര്യത്തിനായി ലഭിച്ച സഹായങ്ങള്‍ എന്തൊക്കെയാണ്;

(ഇ)	നവകേരള നിര്‍മ്മാണത്തിന് നേതൃത്വം നല്‍കുന്ന റീ ബില്‍ഡ് കേരള ഇനിഷ്യേറ്റീവ് വേറെ ഏതെങ്കിലും ധനകാര്യ ഏജന്‍സിയില്‍ നിന്നും പുനര്‍നിര്‍മ്മാണത്തിന് ധനസഹായം തേടിയിട്ടുണ്ടോ; വിശദാംശം നല്‍കുമോ?

ഓഖി ദുരന്തബാധിതരുടെ പുനരധിവാസം

*95.

ശ്രീ.സി.കൃഷ്ണന്‍
,, ബി.സത്യന്‍
,, കെ. ആന്‍സലന്‍
ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തത്തില്‍പ്പെട്ട കുടുംബങ്ങള്‍ക്ക് നഷ്ടപരിഹാരമായും അവരുടെ പുനരധിവാസത്തിനായും ചെയ്ത കാര്യങ്ങള്‍ അറിയിക്കാമോ;

(ബി)	ഓഖി ദുരന്തബാധിതര്‍ക്കായി കേന്ദ്ര സര്‍ക്കാരില്‍ നിന്ന്എന്തു സഹായമാണ് ലഭിച്ചതെന്ന് അറിയിക്കാമോ; സമഗ്ര പുനരധിവാസത്തിന് സംസ്ഥാനം തയ്യാറാക്കിയ 7000 കോടി രൂപയുടെ പദ്ധതിക്ക് കേന്ദ്രത്തില്‍ നിന്ന് എന്തെങ്കിലും സഹായവാഗ്ദാനം ലഭിച്ചിട്ടുണ്ടോ;

(സി)	തീരദേശസംരക്ഷണത്തിനായി പ്രഖ്യാപിച്ച പ്രത്യേക പാക്കേജ് പ്രകാരമുള്ള പദ്ധതികള്‍ക്ക് പ്രാരംഭം കുറിയ്ക്കാന്‍ കഴിഞ്ഞിട്ടുണ്ടോ;

(ഡി)	തീരദേശത്ത് റോഡുകള്‍, മത്സ്യമാര്‍ക്കറ്റുകള്‍ ഉള്‍പ്പെടെയുള്ള അടിസ്ഥാന സൗകര്യവികസനത്തിനായി നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വെളിപ്പെടുത്തുമോ?

റെയില്‍വേയുടെ വിവേചനപരമായ നിലപാട്

*96.

ശ്രീ.ജോര്‍ജ് എം. തോമസ്
,, ജെയിംസ് മാത്യു
,, പി.വി. അന്‍വര്‍
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആവശ്യത്തിന് ട്രെയിനുകള്‍ അനുവദിക്കാതിരിക്കുകയും നിലവിലുള്ളവ സമയക്ലിപ്തത പാലിക്കാതെയും വൃത്തിഹീനവും പഴയതുമായ കോച്ചുകള്‍ ഉപയോഗിക്കുക വഴിയും സംസ്ഥാനത്തെ ട്രെയിന്‍ യാത്ര ദുഷ്കരമാക്കുന്ന റെയില്‍വേയുടെ നിലപാട് തിരുത്തിക്കാന്‍ നടത്തിവരുന്ന ഇടപെടലുകള്‍ എന്തെല്ലാമാണ്;

(ബി)	രാജ്യത്താകെ പതിനെട്ട് റെയില്‍വേ സോണുകള്‍ ആരംഭിച്ചിട്ടും പെനിന്‍സുലാര്‍ സോണ്‍ എന്ന സംസ്ഥാനത്തിന്റെ ദീര്‍ഘകാല ആവശ്യം നിഷേധിച്ച വിവേചനപരമായ കേന്ദ്രനിലപാട് തിരുത്തിക്കാന്‍ വീണ്ടും സമ്മര്‍ദ്ദം ചെലുത്തുമോ;

(സി)	കേരള സര്‍ക്കാര്‍-റെയില്‍വേ സംയുക്ത സംരംഭമായ കേരള റെയില്‍ ഡെവലപ്മെന്റ് കോര്‍പ്പറേഷന്‍ തിരുവനന്തപുരം-കാസര്‍കോട് സെമി ഹെെസ്പീഡ് റെയില്‍പാതയുടെ സാധ്യതാപഠനം പൂര്‍ത്തിയാക്കിയോ; എങ്കിൽ വിശദാംശം അറിയിക്കാമോ?

ഹൈടെക് സ്കൂള്‍ പദ്ധതി

*97.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍ക്കാര്‍,എയ്ഡഡ് സ്കൂളുകളിലെല്ലാം ഹൈടെക് സ്കൂള്‍ പദ്ധതി പ്രകാരമുള്ള സജ്ജീകരണങ്ങള്‍ ഇതിനോടകം ചെയ്തുകഴിഞ്ഞുവോ എന്ന് വിശദമാക്കുമോ;

(ബി)	പുതിയ അധ്യയന വര്‍ഷം ആരംഭിച്ച സാഹചര്യത്തില്‍ ഗ്രാമീണമേഖലയിലെ സ്കൂളുകളില്‍ ഡിജിറ്റല്‍ റിസോഴ്സുകള്‍ ഫലപ്രദമായി ഉപയോഗിക്കുന്നത് ഉറപ്പുവരുത്താന്‍ ഇതിനോടകം എന്തെല്ലാം കാര്യങ്ങള്‍ ചെയ്തുവെന്ന് വ്യക്തമാക്കുമോ?

ദേശീയപാതയുടെ വികസനം

T *98.

ശ്രീ.ബി.സത്യന്‍
,, ജെയിംസ് മാത്യു
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദേശീയപാത ഉൾപ്പെടെയുള്ള അടിസ്ഥാന സൗകര്യവികസനം ത്വരിതപ്പെടുത്തുന്നതിന് എന്തെല്ലാം നടപടികളാണ് സർക്കാർ സ്വീകരിച്ചുവരുന്നതെന്ന് അറിയിക്കാമോ;

(ബി)

ഭൂമി ഏറ്റെടുത്ത് നല്‍കുന്നതിലുള്‍പ്പെടെ സംസ്ഥാന സര്‍ക്കാര്‍ വേണ്ട ഇടപെടല്‍ നടത്തിയിട്ടും കാസര്‍കോട്-തിരുവനന്തപുരം ദേശീയപാതയുടെ വികസനം കേന്ദ്രഭരണ കക്ഷിയുടെ സംസ്ഥാന നേതാക്കളുടെ ഇടപെടലിനെ തുടര്‍ന്ന് രാഷ്ട്രീയ വൈരം മൂലം വൈകിപ്പിക്കുന്നത് അവസാനിപ്പിക്കാന്‍ കേന്ദ്രസര്‍ക്കാരില്‍ സമ്മര്‍ദ്ദം ചെലുത്തുന്നുണ്ടോ;

(സി)	പ്രസ്തുത ദേശീയപാതയ്ക്കായി എത്ര സ്ഥലം ഏറ്റെടുക്കേണ്ടിവരുമെന്നും ഇതിനായി നടത്തിവരുന്ന പ്രവര്‍ത്തനങ്ങളുടെ പുരോഗതിയും അറിയിക്കുമോ?

കശുവണ്ടി വ്യവസായ പുനരുദ്ധാരണത്തിന് പാക്കേജ്

*99.

ശ്രീ.എന്‍. വിജയന്‍ പിള്ള
ശ്രീമതി.പി. അയിഷാ പോറ്റി
ശ്രീ.സജി ചെറിയാന്‍
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാരിന്റെ നയങ്ങളും ബാങ്കുകളുടെ നിഷേധാത്മക നിലപാടും മുന്‍ സര്‍ക്കാരിന്റെ നിസ്സംഗതയും കൊണ്ട് പ്രതിസന്ധിയിലായിരുന്ന കശുവണ്ടി വ്യവസായം പുനരുദ്ധരിക്കാനായി പ്രാവര്‍ത്തികമാക്കിയ പാക്കേജിന്റെ വിശദാംശം അറിയിക്കാമോ;

(ബി)	അടഞ്ഞുകിടന്ന സ്വകാര്യ കശുവണ്ടി ഫാക്ടറികള്‍ തുറന്ന് പ്രവർത്തിപ്പിക്കുന്നതിന് സർക്കാരിന്റെ ഭാഗത്ത് നിന്നും ആവശ്യമായ ഇടപെടല്‍ ഉണ്ടായിട്ടും അതിനെതിരായ നിലപാട് തുടരുന്ന മുതലാളിമാരുടെ ഫാക്ടറികള്‍ ഏറ്റെടുക്കുന്നതുള്‍പ്പെടെയുള്ള നടപടികള്‍ സ്വീകരിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

(സി)	സ്വകാര്യ മേഖലയിലുള്‍പ്പെടെയുള്ള ഫാക്ടറികള്‍ക്ക് ആവശ്യാനുസരണം തോട്ടണ്ടി യഥാസമയം ലഭ്യമാക്കാനായി രൂപീകരിച്ച കാഷ്യൂ ബോര്‍ഡിനെ നിര്‍വീര്യമാക്കി തകർക്കുവാൻ, കശുവണ്ടി പരിപ്പ് ഇറക്കുമതി ചെയ്ത് മറിച്ചുവിറ്റ് വന്‍ ലാഭമുണ്ടാക്കുന്ന സംഘം നടത്തുന്ന ശ്രമം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

സ്കൂള്‍ വിദ്യാഭ്യാസ ഘടനയില്‍ സമഗ്ര മാറ്റങ്ങള്‍

*100.

ശ്രീ.അന്‍വര്‍ സാദത്ത്
,, എ.പി. അനില്‍ കുമാര്‍
,, വി.ഡി.സതീശന്‍
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ വിദ്യാഭ്യാസ ഘടനയില്‍ സമഗ്ര മാറ്റങ്ങള്‍ കൊണ്ടുവരുന്നതിനായി ഡോ.എം.എ.ഖാദര്‍ അദ്ധ്യക്ഷനായ സമിതി റിപ്പോര്‍ട്ട് സമര്‍പ്പിച്ചിട്ടുണ്ടോ; പ്രസ്തുത റിപ്പോര്‍ട്ടിലെ പ്രധാന ശിപാര്‍ശകള്‍ എന്തൊക്കെയാണ്;

(ബി)	പ്രസ്തുത ശിപാര്‍ശകളില്‍ ഏതൊക്കെ ഇതിനകം നടപ്പിലാക്കിയെന്നും ഇല്ലെങ്കിൽ അത് നടപ്പിലാക്കുന്നതിനുള്ള നടപടികള്‍ ഏതു ഘട്ടത്തിലാണെന്നും അറിയിക്കുമോ;

(സി)	റിപ്പോര്‍ട്ടിലെ പല ശിപാര്‍ശകളും അദ്ധ്യാപക സംഘടനയായ കെ.എസ്.ടി.എ.യുടെ റിപ്പോര്‍ട്ടില്‍ ഉള്‍പ്പെട്ടിരുന്നതാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കില്‍ ആക്ഷേപം വസ്തുതാപരമാണോയെന്ന് വ്യക്തമാക്കുമോ;

(ഡി)	ഈ സമിതിയുടെ ശിപാര്‍ശകള്‍ നടപ്പിലാക്കുന്നത് വ്യാപകമായ പ്രതിഷേധം ഉണ്ടാക്കിയിട്ടുള്ള സാഹചര്യത്തില്‍ ഇത് സംബന്ധിച്ച് അദ്ധ്യാപക സംഘടനകളുമായി ചര്‍ച്ച നടത്തിയിട്ടുണ്ടോ; എങ്കിൽ ചര്‍ച്ചയിലുണ്ടായ തീരുമാനം എന്താണെന്ന് അറിയിക്കുമോ?

മത്സ്യസമ്പത്തിലുണ്ടാകുന്ന കുറവ്

*101.

ശ്രീ.സി. ദിവാകരന്‍
,, ജി.എസ്.ജയലാല്‍
,, മുല്ലക്കര രത്നാകരന്‍
ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ മത്സ്യസമ്പത്ത് അനുദിനം കുറഞ്ഞുവരുന്നതായി വിലയിരുത്തപ്പെട്ടിട്ടുണ്ടോ; ഉണ്ടെങ്കിൽ ആയതിന്റെ കാരണങ്ങള്‍ അറിയിക്കാമോ;

(ബി)	ഇതരസംസ്ഥാന ബോട്ടുകള്‍ വന്‍തോതില്‍ ചെറുമത്സ്യങ്ങളെ പിടികൂടുന്നതുമൂലം മത്സ്യത്തിന്റെ മൊത്തലഭ്യത, ഉല്പാദനം,പ്രജനനം എന്നിവ പൂര്‍ണ്ണമായും താളം തെറ്റുന്നതായുള്ള സി.എം.എഫ്.ആർ.ഐ.യുടെ പഠനറിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(സി)	ഇതരസംസ്ഥാന ബോട്ടുകള്‍ നിരോധിക്കപ്പെട്ട പെലാജിക് ട്രോളിംഗും പേഴ്സെയ്ന്‍ പെലാജിക് ആന്‍ഡ് മിഡ് വാട്ടര്‍ ട്രോള്‍ നെറ്റുകളും ഉപയോഗിച്ച് കടലിന്റെ അടിത്തട്ടില്‍ നിന്നും മത്സ്യക്കുഞ്ഞുങ്ങളെ വാരുന്നത് തടയുന്നതിന് നടപടികള്‍ സ്വീകരിക്കുമോ;

(ഡി)	കടലില്‍ നിന്നുള്ള മത്സ്യലഭ്യത കുറഞ്ഞതിനെത്തുടർന്ന് ബുദ്ധിമുട്ടനുഭവിക്കുന്ന മത്സ്യത്തൊഴിലാളികളെ സംരക്ഷിക്കുന്നതിനും മത്സ്യത്തിന്റെ വിലവർദ്ധനവ് തടയുന്നതിനും സർക്കാർ സ്വീകരിച്ച നടപടികള്‍ എന്തെല്ലാമാണെന്ന് അറിയിക്കാമോ?

വിദ്യാഭ്യാസ സമിതിയുടെ ശിപാര്‍ശ

*102.

ശ്രീ.വി. കെ. സി. മമ്മത് കോയ
,, റ്റി.വി.രാജേഷ്
ശ്രീമതി.വീണാ ജോര്‍ജ്ജ്
ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസ സമിതിയുടെ ശിപാര്‍ശയനുസരിച്ച് പ്രൈമറി, സെക്കന്ററി, ഹയര്‍സെക്കന്ററി, വി.എച്ച്. എസ്. ഇ. വിഭാഗങ്ങള്‍ ഭരണപരമായി ഏകീകരിക്കാന്‍ തീരുമാനിച്ചിട്ടുണ്ടോ; ഇതു കൊണ്ടുണ്ടാകാനിടയുള്ള നേട്ടങ്ങള്‍ വിശദമാക്കാമോ;

(ബി)	ഇതുമായി ബന്ധപ്പെട്ട് അധ്യാപക സംഘടനകളുമായി ചര്‍ച്ച നടത്തിയിരുന്നോ; അധ്യാപകരുടെ സേവന-വേതനവ്യവസ്ഥകളില്‍ പ്രതികൂലമായ എന്തെങ്കിലും മാറ്റം ഉദ്ദേശിക്കുന്നുണ്ടോ; അധ്യാപനം കൂടുതല്‍ മെച്ചപ്പെടുത്തുന്നതിനായി പരിശീലന പരിപാടികള്‍ ഉദ്ദേശിക്കുന്നുണ്ടോ;

(സി)	തദ്ദേശ സ്വയംഭരണ സ്ഥാപനങ്ങള്‍ വഴി സ്കൂളുകളുടെ മേല്‍ ജനകീയ നിയന്ത്രണം വിഭാവനം ചെയ്യുന്നുണ്ടോയെന്ന് വ്യക്തമാക്കുമോ?

ഭവന സാക്ഷരതാ പരിപാടി

*103.

ശ്രീ.സജി ചെറിയാന്‍
,, കെ. ബാബു
,, കാരാട്ട് റസാഖ്
,, ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തിന്റെ പശ്ചാത്തലത്തില്‍ ഭവന നിര്‍മ്മാണമേഖലയുമായി ബന്ധപ്പെട്ട് നിലവിലെ ഭവന നയം കാലോചിതമായി പരിഷ്ക്കരിക്കുന്നതിന് നടപടികള്‍ ആരംഭിച്ചിട്ടുണ്ടോ;

(ബി)	നവകേരള നിര്‍മ്മാണവുമായി ബന്ധപ്പെട്ട് ചെലവ് കുറഞ്ഞ വീട്,പ്രകൃതി സൗഹ‍ൃദ ഭവനങ്ങള്‍, ഹരിതഭവനങ്ങള്‍ തുടങ്ങിയ നൂതന ആശയങ്ങള്‍ പൊതുജനങ്ങളിലേയ്ക്ക് എത്തിക്കുന്നതിനായി എല്ലാ ജില്ലകളിലും ഭവന സാക്ഷരതാ പരിപാടി നടത്തി വരുന്നുണ്ടോ;

(സി)	ഭവന നിര്‍മ്മാണത്തിലെ ബദല്‍ മാര്‍ഗ്ഗങ്ങള്‍, ഊര്‍ജ്ജസംരക്ഷിത ഭവനങ്ങള്‍ എന്നിവ സംബന്ധിച്ച് എന്തെല്ലാം കാര്യങ്ങളാണ് ഈ പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വിശദമാക്കാമോ?

പൊതുവിദ്യാഭ്യാസ സംരക്ഷണത്തിനായി സ്വീകരിച്ച നടപടികൾ

*104.

ശ്രീ.പുരുഷന്‍ കടലുണ്ടി
,, സി. കെ. ശശീന്ദ്രന്‍
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

പൊതുവിദ്യാഭ്യാസ സംരക്ഷണത്തിനായി സര്‍ക്കാര്‍ നടത്തിയ ശക്തമായ ഇടപെടലിനെ തുടര്‍ന്ന് പത്ത്‌, പന്ത്രണ്ട് ക്ലാസ്സുകളിലെ പൊതു പരീക്ഷയില്‍ മുന്‍വര്‍ഷങ്ങളെ അപേക്ഷിച്ച് ഗ്രാമ,നഗര ഭേദമില്ലാതെ മികച്ച ഫലം സൃഷ്ടിക്കാനായിട്ടുണ്ടോ; പത്താം ക്ലാസ് പാസായവര്‍ക്കെല്ലാം തുടര്‍പഠനത്തിന് അവസരം സൃഷ്ടിച്ചിട്ടുണ്ടോ; വ്യക്തമാക്കുമോ;

(ബി)	സ്വകാര്യ വിദ്യാഭ്യാസ മേഖലയിലുള്ളതിനേക്കാള്‍ മികച്ച അടിസ്ഥാന സൗകര്യങ്ങള്‍ പൊതുവിദ്യാഭ്യാസ മേഖലയില്‍ സൃഷ്ടിക്കുന്നതിനായി സ്വീകരിച്ച നടപടികൾ വിശദമാക്കാമോ;

(സി)	ഭൗതിക സാഹചര്യങ്ങള്‍ മെച്ചപ്പെടുത്തുന്നതിനോടൊപ്പം അദ്ധ്യയന നിലവാരം ഉയര്‍ത്തുന്നതിനായി ആവിഷ്കരിച്ചിട്ടുള്ള പദ്ധതികള്‍ എന്തെല്ലാമാണെന്ന് അറിയിക്കാമോ?

അശാസ്ത്രീയ മത്സ്യബന്ധനം നിര്‍ത്തലാക്കുന്നതിന് നടപടി

*105.

ശ്രീ.വി. അബ്ദുറഹിമാന്‍
,, കെ.കുഞ്ഞിരാമന്‍
,, എ. എന്‍. ഷംസീര്‍
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അശാസ്ത്രീയമായ മത്സ്യബന്ധനത്തിന് അറുതി വരുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

(ബി)	ഇതിന്റെ ഭാഗമായി ഫിഷറീസ് സ്റ്റേഷനുകള്‍ കേന്ദ്രീകരിച്ച് പ്രത്യേക സ്‌ക്വാഡുകൾ രൂപീകരിച്ചിട്ടുണ്ടോ; വിശദാംശം നല്‍കാമോ;

(സി)	പിടിച്ചെടുക്കാവുന്ന മത്സ്യയിനങ്ങളുടെ വലിപ്പം നിശ്ചയിച്ച് വിജ്ഞാപനം ഇറക്കിയിട്ടുണ്ടോ; വിശദമാക്കുമോ;

(ഡി)	മത്സ്യസമ്പത്തിന്റെ സംരക്ഷണത്തിന് സര്‍ക്കാര്‍ സ്വീകരിച്ച നടപടികളുടെ ഫലമായി സംസ്ഥാനത്തിന്റെ സമുദ്രമത്സ്യോല്പാദനത്തില്‍ കഴിഞ്ഞ വര്‍ഷത്തേ‌ക്കാള്‍ വര്‍ദ്ധനവ് ഉണ്ടായിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

പ്ലസ് വണ്‍ അധിക ബാച്ചുകൾ അനുവദിക്കുന്നതിന് നടപടി

*106.

ശ്രീ.മഞ്ഞളാംകുഴി അലി
,, കെ.എന്‍.എ ഖാദര്‍
,, സി.മമ്മൂട്ടി
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഇൗ വര്‍ഷം എസ്.എസ്.എല്‍.സി, വി.എച്ച്.എസ്.ഇ. പരീക്ഷകളിലെ വിജയശതമാനം ഉയര്‍ന്നതിനെ തുടര്‍ന്ന് സര്‍ക്കാര്‍, എയ്ഡഡ് ഹയര്‍സെക്കണ്ടറി സ്കൂളുകളില്‍ കൂടുതല്‍ പ്ലസ് വണ്‍ ബാച്ചുകള്‍ ആരംഭിക്കുന്നതിന് തീരുമാനമെടുത്തിട്ടുണ്ടോ എന്ന് അറിയിക്കാമോ;

(ബി)	മലബാര്‍ മേഖലയില്‍ പൊതുവായും മലപ്പുറം ജില്ലയില്‍ പ്രത്യേകിച്ചും പതിനായിരക്കണക്കിന് വിദ്യാര്‍ത്ഥികള്‍ പ്ലസ് ടൂ പ്രവേശനത്തിന് സീറ്റ് കിട്ടാതെ കഷ്ടപ്പെടുന്നു എന്ന വിവരം ശ്രദ്ധയില്‍പ്പെട്ടിട്ടുണ്ടോ;

(സി)	അധികബാച്ചുകളും സീറ്റുവര്‍ദ്ധനവും അഡ്മിഷന്‍ നടപടികള്‍ പൂര്‍ത്തീകരിക്കുന്നതിന് മുമ്പായി തന്നെ അനുവദിക്കുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും ഏതെല്ലാം സ്കൂളുകളിലാണ് ഇവ അനുവദിക്കാന്‍ പോകുന്നതെന്നും വ്യക്തമാക്കുമോ?

കശുവണ്ടി വ്യവസായമേഖലയുടെ ഉന്നമനം

*107.

ശ്രീമതി.പി. അയിഷാ പോറ്റി
ശ്രീ.രാജു എബ്രഹാം
,, എം. നൗഷാദ്
ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കശുവണ്ടി വ്യവസായമേഖലയുടെ ഉന്നമനത്തിനായി ആവിഷ്ക്കരിച്ചിട്ടുള്ള നൂതനപദ്ധതികള്‍ എന്തെല്ലാമാണെന്ന് വിശദമാക്കാമോ;

(ബി)	ഈ മേഖല അഭിമുഖീകരിക്കുന്ന പ്രശ്നങ്ങള്‍ പരിഹരിക്കുന്നതിന് സത്വരനടപടികള്‍ സ്വീകരിച്ചിട്ടുണ്ടോ;

(സി)	അസംസ്കൃത വസ്തുക്കളുടെ ദൗര്‍ലഭ്യം പരിഹരിക്കുന്നതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് അറിയിക്കുമോ;

(ഡി)	അടഞ്ഞുകിടക്കുന്ന സ്വകാര്യ കശുവണ്ടി ഫാക്ടറികള്‍ തുറന്നുപ്രവര്‍ത്തിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

പൊതുമരാമത്ത് റോഡുകളുടെ നിലവാരം ഉയർത്താൻ പദ്ധതി

*108.

ശ്രീ.എസ്.രാജേന്ദ്രന്‍
,, കെ.വി.വിജയദാസ്
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന് കീഴിലുള്ള റോഡുകളുടെ പകുതിയിലധികവും പ്രളയത്തില്‍ കേടുപറ്റിയ സാഹചര്യത്തില്‍ അവ മികവുറ്റ രീതിയില്‍ പുനര്‍നിര്‍മ്മിക്കുന്നതിനായി കൈക്കൊണ്ട നടപടികൾ വിശദമാക്കാമോ;

(ബി)	ഇന്‍ഡ്യന്‍ റോഡ്സ് കോണ്‍ഗ്രസ് അംഗീകരിച്ച നിലവാരത്തിലേയ്ക്ക് സംസ്ഥാനത്തെ പാതകളെ ഉയര്‍ത്തുക എന്ന ലക്ഷ്യത്തോടെ കിഫ്ബി സഹായത്തോടെയും അല്ലാതെയുമായി നടത്തുന്ന പ്രധാന പ്രവര്‍ത്തനങ്ങള്‍ അറിയിക്കാമോ; കിഫ്ബി പദ്ധതികള്‍ സമയബന്ധിതമായി പൂര്‍ത്തിയാക്കുന്നതിന് പ്രോജക്ട് മാനേജ്മെന്റ് യൂണിറ്റ് രൂപീകരിച്ചിട്ടുണ്ടോ;

(സി)	സംസ്ഥാനത്തിന്റെ ഭൂപ്രകൃതിയും കാലാവസ്ഥയിലെ പ്രത്യേകതയും കണക്കിലെടുത്ത് ദീര്‍ഘകാലം നിലനില്‍ക്കുന്ന ഗുണനിലവാരമുള്ള റോഡ് നിര്‍മ്മാണ രീതിയും അതിനുതകുന്ന സാങ്കേതിക വിദ്യയും അനുവര്‍ത്തിക്കുന്നുണ്ടോ എന്നറിയിക്കാമോ?

മത്സ്യമേഖലയിലെ സാമ്പത്തിക ചൂഷണം അവസാനിപ്പിക്കുന്നതിന് നടപടി

*109.

ശ്രീ.എം. വിന്‍സെന്റ്
,, ഷാഫി പറമ്പില്‍
,, ഐ.സി.ബാലകൃഷ്ണന്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യബന്ധനത്തില്‍ ഏര്‍പ്പെടുന്നവര്‍ സ്വകാര്യ ഇടപാടുകാരില്‍ നിന്നും വായ്പയെടുക്കുന്നതിലൂടെ വമ്പിച്ച സാമ്പത്തിക ചൂഷണത്തിന് വിധേയരാകുന്നുവെന്നും വന്‍ ബാധ്യതകള്‍ വരുത്തിവയ്ക്കുന്നുവെന്നുമുളള കേന്ദ്ര സമുദ്രമത്സ്യ ഗവേഷണസ്ഥാപനത്തിന്റെ പുതിയ പഠനം ശ്രദ്ധയില്‍പ്പെട്ടിട്ടുണ്ടോ;

(ബി)	മത്സ്യമേഖലയിലെ സാമ്പത്തിക ചൂഷണം അവസാനിപ്പിക്കുന്നതിന് മത്സ്യ ലേലസമ്പ്രദായം പരിഷ്ക്കരിക്കുവാൻ സര്‍ക്കാര്‍ ഉദ്ദേശിക്കുന്നുണ്ടോ; വിശദാംശം നല്‍കുമോ;

(സി)	മത്സ്യത്തൊഴിലാളികളെ ഔദ്യോഗിക ധനകാര്യസ്ഥാപനങ്ങളിലേക്ക് ആകര്‍ഷിക്കുന്നതിനായി മത്സ്യബന്ധനയാനങ്ങളെ വായ്പ ഈടായി പരിഗണിക്കണമെന്നുള്ള നിര്‍ദ്ദേശം നല്‍കുമോ;

(ഡി)	മത്സ്യത്തൊഴിലാളികൾ എടുക്കുന്ന വായ്പയെ ഇന്‍ഷുറന്‍സുമായി ബന്ധിപ്പിക്കുന്ന കാര്യം പരിഗണിക്കുമോ?

തോട്ടം തൊഴിലാളികള്‍ക്കുള്ള ഭവനപദ്ധതി

*110.

ശ്രീമതി ഇ.എസ്.ബിജിമോള്‍
ശ്രീ.ചിറ്റയം ഗോപകുമാര്‍
,, മുഹമ്മദ് മുഹസിന്‍ പി.
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	തോട്ടം തൊഴിലാളികളുടെ ലയങ്ങള്‍ ശോചനീയമായ അവസ്ഥയിലാണെന്നത് കണക്കിലെടുത്ത് മെച്ചപ്പെട്ട താമസസൗകര്യം ഒരുക്കി നല്‍കുന്നതിന് ഭവനനിര്‍മ്മാണ വകുപ്പിന് പദ്ധതിയുണ്ടോ;

(ബി)	എങ്കില്‍ പ്രസ്തുത പദ്ധതി എവിടെയൊക്കെയാണ് നടപ്പാക്കാന്‍ പോകുന്നതെന്ന് അറിയിക്കുമോ;

(സി)	പ്രീ-ഫാബ് സാങ്കേതികവിദ്യ ഉപയോഗിച്ചുള്ള നിര്‍മ്മാണമാണോ പ്രസ്തുത ഭവനപദ്ധതിയില്‍ ഒരുക്കുന്നതെന്ന് വ്യക്തമാക്കുമോ;

(ഡി)	പ്രസ്തുത പദ്ധതിക്ക് 2018-19 സാമ്പത്തിക വര്‍ഷം എത്ര തുക വകയിരുത്തിയെന്ന് അറിയിക്കുമോ?

ഖാദര്‍ കമ്മീഷന്‍ റിപ്പോര്‍ട്ട്

*111.

ശ്രീ.കെ.എന്‍.എ ഖാദര്‍
,, എന്‍. ഷംസുദ്ദീന്‍
,, കെ.എം.ഷാജി
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

ഒന്നുമുതല്‍ പന്ത്രണ്ടാം ക്ലാസ് വരെയുള്ള വിദ്യാഭ്യാസം ഒരു ഡയറക്ടറുടെ കീഴിലാക്കുവാനും എം.എ.ഖാദര്‍ കമ്മീഷന്‍ റിപ്പോര്‍ട്ട് നടപ്പിലാക്കുവാനും ഈ സര്‍ക്കാര്‍ തീരുമാനിച്ച സാഹചര്യത്തില്‍ ഈ നിര്‍ദ്ദേശങ്ങള്‍ നടപ്പാക്കുന്നതുമൂലം ഹെഡ്മാസ്റ്റര്‍മാരും മറ്റ് അദ്ധ്യാപകരും വിദ്യാര്‍തഥികളും അനുഭവിക്കേണ്ടി വരുന്ന പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ലയനം കാരണം എന്ത് ഗുണപരമായ മാറ്റമാണ് സംസ്ഥാനത്തെ വിദ്യാഭ്യാസരംഗത്ത് വരാന്‍ പോകുന്നതെന്ന് വിശദമാക്കാമോ;

(സി)

വേണ്ടത്ര ആലോചനയില്ലാതെയും അദ്ധ്യാപകരുടെയും വിദ്യാഭ്യാസ വിചക്ഷണരുടെയും അഭിപ്രായങ്ങള്‍ തേടാതെയും നടപ്പിലാക്കാന്‍ പോകുന്ന ഈ പദ്ധതി സ്കൂള്‍ വിദ്യാഭ്യാസത്തിന്റെ നിലവാരം കുറയ്ക്കുമെന്ന പരാതികളുടെ നിജസ്ഥിതി പരിശോധിക്കപ്പെട്ടിട്ടുണ്ടോ; ഈ കാര്യങ്ങള്‍ തിരക്കിട്ട് നടപ്പിലാക്കുന്നതില്‍ നിന്നും പിന്മാറുമോയെന്ന് വ്യക്തമാക്കുമോ?

ഖാദര്‍ കമ്മീഷന്‍ റിപ്പോര്‍ട്ട് സംബന്ധിച്ച ആശങ്കകള്‍

*112.

ശ്രീ. എന്‍ .എ.നെല്ലിക്കുന്ന്
,, മഞ്ഞളാംകുഴി അലി
ഡോ.എം. കെ. മുനീര്‍
ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഖാദര്‍ കമ്മീഷന്‍ റിപ്പോര്‍ട്ട് നടപ്പിലാക്കുന്നതുമായി ബന്ധപ്പെട്ട് എന്തെല്ലാം തീരുമാനങ്ങള്‍ കെെക്കൊണ്ടിട്ടുണ്ടെന്നറിയിക്കാമോ;

(ബി)	വിദ്യാഭ്യാസരംഗത്ത് സമൂലമായ മാറ്റങ്ങള്‍ കൊണ്ടുവരുന്ന റിപ്പോര്‍ട്ട് ആയിരുന്നിട്ടും ശിപാര്‍ശകളിന്മേല്‍ മതിയായ പഠനം നടത്താതെയും ആശങ്കകള്‍ പരിഹരിക്കാതെയുമാണ് റിപ്പോര്‍ട്ട് നടപ്പിലാക്കാന്‍ പോകുന്നത് എന്ന തരത്തിലുളള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ അദ്ധ്യാപകരും അദ്ധ്യാപകസംഘടനകളും വിദ്യാഭ്യാസവിചക്ഷണരും ഉന്നയിച്ചിട്ടുളള ആശങ്കകള്‍ പരിഹരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വ്യക്തമാക്കുമോ?

മത്സ്യമേഖലയിലെ ചൂഷണങ്ങള്‍

*113.

ശ്രീ.സി.മമ്മൂട്ടി
,, കെ.എം.ഷാജി
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യബന്ധനത്തിലേര്‍പ്പെടുന്നവര്‍ സ്വകാര്യപണമിടപാടുകാരില്‍ നിന്നും വായ്പ എടുക്കുന്നതിലൂടെ വന്‍ സാമ്പത്തിക ചൂഷണത്തിന് വിധേയരാകുന്നതായി കണ്ടെത്തിയിട്ടുണ്ടോ;

(ബി)	മത്സ്യത്തൊഴിലാളികള്‍ വായ്പയ്ക്കായി പ്രധാനമായും ആശ്രയിക്കുന്ന മൽസ്യലേലക്കാരായ ഇടനിലക്കാര്‍, തൊഴിലാളികൾ പിടിക്കുന്ന മത്സ്യത്തിന്റെ വിലയുടെ 5 മുതല്‍ 10 ശതമാനം വരെ കമ്മീഷന്‍ പലിശയായി ഈടാക്കി വരുന്നതായി ശ്രദ്ധയില്‍പ്പെട്ടിട്ടുണ്ടോ;

(സി)	മത്സ്യമേഖലയിലെ ഇത്തരം ചൂഷണങ്ങള്‍ തടയുന്നതിന് സര്‍ക്കാര്‍ സ്വീകരിച്ചുവരുന്ന നടപടികള്‍ എന്തെല്ലാമാണെന്ന് വിശദീകരിക്കുമോ?

'സമഗ്ര' പോര്‍ട്ടല്‍ പരിഷ്ക്കരിക്കുന്നതിനുള്ള നടപടികള്‍

*114.

ഡോ.എന്‍. ജയരാജ്
ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നിലവിലുള്ള 'സമഗ്ര' പോര്‍ട്ടല്‍ പരിഷ്ക്കരിക്കുന്നതിനുള്ള നടപടികള്‍ പൂര്‍ത്തിയായിട്ടുണ്ടോ; വ്യക്തമാക്കുമോ;

(ബി)	പോര്‍ട്ടല്‍ നവീകരിയ്ക്കുക വഴി പൊതുവിദ്യാഭ്യാസരംഗത്ത് കാതലായ എന്തുമാറ്റമാണ് പ്രതീക്ഷിക്കുന്നത്; പരിഷ്ക്കരണത്തിനായി ചെലവഴിയ്ക്കപ്പെടുന്ന തുകയെത്രയാണെന്ന് വെളിപ്പെടുത്തുമോ?

മത്സ്യത്തൊഴിലാളികളുടെ സുരക്ഷ

*115.

ശ്രീ.കെ.കുഞ്ഞിരാമന്‍
,, എസ്.ശർമ്മ
,, കെ. ആന്‍സലന്‍
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)

കാലാവസ്ഥാവ്യതിയാനത്തിന്റെ ഫലമായി ചുഴലിക്കാറ്റ് ഉള്‍പ്പെടെയുള്ള കാരണങ്ങള്‍ കൊണ്ട് അതിശക്തമായ കടല്‍ക്ഷോഭവും മറ്റു പ്രകൃതിദുരന്തങ്ങളും അടിക്കടിയുണ്ടാകുന്നത് പരിഗണിച്ച് മത്സ്യബന്ധനത്തിനുപോകുന്നവരുടെ വിവരശേഖരണത്തിനും അവശ്യഘട്ടങ്ങളിൽ മുന്നറിയിപ്പ് നല്‍കുന്നതിനും വേണ്ട സംവിധാനം ഏര്‍പ്പെടുത്തിയിട്ടുണ്ടോ; അവരുടെ ജീവരക്ഷക്കായി എന്തെല്ലാം സുരക്ഷാ ഉപകരണങ്ങള്‍ ആണ് നല്‍കി വരുന്നത്;

(ബി)	കടലില്‍ അപകടത്തില്‍പ്പെടുന്ന മത്സ്യത്തൊഴിലാളികള്‍ക്ക് അടിയന്തര വൈദ്യസഹായം എത്തിക്കുന്നതിനും രക്ഷാപ്രവര്‍ത്തനം നടത്തുന്നതിനും ചെയ്തു വരുന്ന കാര്യങ്ങള്‍ എന്തെല്ലാമെന്ന് അറിയിക്കാമോ;

(സി)	മത്സ്യത്തൊഴിലാളികളുടെ സുരക്ഷ ഉറപ്പാക്കുന്നതോടൊപ്പം മത്സ്യബന്ധന യാനങ്ങളുടെയും ഉപകരണങ്ങളുടെയും സംരക്ഷണത്തിനായി പുതുതായി ഇന്‍ഷുറന്‍സ് പദ്ധതി നടപ്പിലാക്കാനും ഉദ്ദേശിക്കുന്നുണ്ടോ; വിശദാംശം അറിയിക്കാമോ?

ഡോ.എം.എ.ഖാദർ കമ്മിറ്റി റിപ്പോര്‍ട്ടിലെ ശിപാര്‍ശകള്‍

*116.

ശ്രീ.സണ്ണി ജോസഫ്
,, വി.ഡി.സതീശന്‍
,, ഐ.സി.ബാലകൃഷ്ണന്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ വിദ്യാഭ്യാസ നിലവാരം മെച്ചപ്പെടുത്തുന്നതിനായി ഭരണ നിര്‍വ്വഹണ ഘടനയില്‍ മാറ്റം വരുത്തുന്നതിന് ശിപാര്‍ശ ചെയ്യുന്ന ഡോ.എം.എ.ഖാദർ കമ്മിറ്റി റിപ്പോര്‍ട്ട് സര്‍ക്കാര്‍ അംഗീകരിച്ചിട്ടുണ്ടോ;

(ബി)	പ്രസ്തുത റിപ്പോര്‍ട്ടിലെ പ്രധാന ശിപാര്‍ശകള്‍ എന്തെല്ലാമാണെന്ന് അറിയിക്കാമോ;

(സി)	പന്ത്രണ്ടാം ക്ലാസ്സ് വരെയുളള സ്കൂള്‍ വിദ്യാഭ്യാസത്തിന്റെ നിയന്ത്രണവും ഏകോപനവും ഒറ്റ ഡയറക്ടറേറ്റിന് കീഴിലാക്കുന്നതിന് ഉദ്ദേശിക്കുന്നുണ്ടോ;

(ഡി)	ഇതിനെതിരെ ഹയര്‍ സെക്കണ്ടറി അദ്ധ്യാപക സംഘടനകളുടെ പ്രതിഷേധം ശ്രദ്ധയില്‍പ്പെട്ടിട്ടുണ്ടോ;

(ഇ)	റിപ്പോര്‍ട്ടിലെ ശിപാര്‍ശകള്‍ നടപ്പിലാക്കുന്നതിന് മുമ്പ് വിവിധ സംഘടനകളുമായി സര്‍ക്കാര്‍ ചര്‍ച്ച നടത്തിയിട്ടുണ്ടോ; ഉണ്ടെങ്കില്‍ അദ്ധ്യാപകരുടെ ആശങ്ക പരിഹരിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ?

തണ്ണീര്‍ത്തടങ്ങളും വയലുകളും സംരക്ഷിക്കുന്നതിന് നടപടി

*117.

ശ്രീ.ബി.ഡി. ദേവസ്സി
,, എം. സ്വരാജ്
,, യു. ആര്‍. പ്രദീപ്
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)

നെല്‍വയല്‍ തണ്ണീര്‍ത്തടസംരക്ഷണനിയമം മറികടന്നുകൊണ്ട് ആലുവ ചൂര്‍ണിക്കരയില്‍ നിലം നികത്താന്‍ മുന്‍മന്ത്രിസഭയിലെ ഒരു മന്ത്രിയുടെ പേഴ്സണല്‍ സ്റ്റാഫംഗം ചില രാഷ്ട്രീയ നേതാക്കള്‍ക്കായി കൃത്രിമരേഖ ചമച്ചുവെന്ന് കണ്ടെത്തിയതിന്റെ അടിസ്ഥാനത്തില്‍ സംസ്ഥാനത്ത് നടന്ന നിലം നികത്തലുകളെക്കുറിച്ച് റവന്യൂ വകുപ്പ് പരിശോധന നടത്താന്‍ ഉദ്ദേശിക്കുന്നുണ്ടോയെന്നറിയിക്കുമോ;

(ബി)	കാലാവസ്ഥാവ്യതിയാനത്തിന്റെ പശ്ചാത്തലത്തില്‍ സംസ്ഥാനത്തെ തണ്ണീര്‍ത്തടങ്ങളും വയലുകളും സംരക്ഷിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

(സി)	ഡാറ്റാ ബാങ്ക് തയ്യാറാക്കുന്നത് പൂര്‍ത്തിയായോ; സമഗ്രവിവരങ്ങള്‍ ഉള്‍പ്പെടുത്തി ഭൂരേഖ ഡിജിറ്റൈസ് ചെയ്യാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ നല്‍കുമോ?

റിയ എസ്റ്റേറ്റില്‍ നിന്നും ഭൂനികുതി സ്വീകരിച്ച നടപടി

*118.

ശ്രീ.പാറക്കല്‍ അബ്ദുല്ല
ഡോ.എം. കെ. മുനീര്‍
ശ്രീ.വി.കെ.ഇബ്രാഹിം കുഞ്ഞ്
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഹാരിസണ്‍ മലയാളം ലിമിറ്റഡ് വിറ്റതും തെന്മലയിലെ റിയ എസ്റ്റേറ്റിന്റെ കൈവശമുള്ളതുമായ 206 ഏക്കര്‍ ഭൂമിയുടെ നികുതി സ്വീകരിക്കുന്നതിന് വില്ലേജ് ഓഫീസര്‍ക്ക് സര്‍ക്കാര്‍ നിര്‍ദ്ദേശം നല്‍കിയിരുന്നുവോ;

(ബി)	നിര്‍ദ്ദേശം നല്‍കിയിരുന്നില്ലെങ്കില്‍ നികുതി സ്വീകരിക്കുവാനുണ്ടായ സാഹചര്യത്തെപ്പറ്റി അന്വേഷണം നടത്തുമാേ;

(സി)	നികുതി സ്വീകരിച്ചതുവഴി പ്രസ്തുത ഭൂമി സര്‍ക്കാര്‍ ഏറ്റെടുക്കുന്നതിന് എന്തെങ്കിലും തടസ്സം ഉണ്ടായിട്ടുണ്ടാേ; വിശദമാക്കുമാേ?

സ്കൂളുകളുടെ അടിസ്ഥാന സൗകര്യം മെച്ചപ്പെടുത്തുന്നതിന് പദ്ധതി

*119.

ശ്രീ.പി.കെ. ശശി
,, എ. എന്‍. ഷംസീര്‍
,, ആര്‍. രാജേഷ്
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ സ്കൂളുകളുടെ അടിസ്ഥാന സൗകര്യം മെച്ചപ്പെടുത്തുന്നതിനായുള്ള പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ; കിഫ്ബിയില്‍ നിന്ന് ഇതിനായി എത്ര തുക അനുവദിച്ചിട്ടുണ്ടെന്ന് അറിയിക്കാമോ; ഓരോ മണ്ഡലത്തിലും ഓരോ സ്കൂളിനെ ഉല്‍കൃഷ്ട സ്ഥാപനം (സെന്റര്‍ ഓഫ് എക്സലന്‍സ്) ആക്കി ഉയര്‍ത്താനുള്ള പദ്ധതിയുടെ പുരോഗതി അറിയിക്കാമോ;

(ബി)	ആയിരം വിദ്യാര്‍ത്ഥികളിലധികമുള്ള വിദ്യാലയങ്ങളുടെ അടിസ്ഥാന സൗകര്യ വികസനത്തിനായുള്ള പദ്ധതി എത്ര വിദ്യാലയങ്ങളില്‍ പ്രാവര്‍ത്തികമാക്കാനായിട്ടുണ്ടെന്ന് വ്യക്തമാക്കാമോ;

(സി)	കിഫ്ബി സഹായം ലഭിക്കാത്ത സ്കൂളുകളുടെ അടിസ്ഥാന സൗകര്യ വികസനത്തിനായുള്ള പദ്ധതിയില്‍ എത്ര തുക വകയിരുത്തിയിട്ടുണ്ട്; എയ്ഡഡ് സ്കൂളുകള്‍ക്കുള്ള മാച്ചിംഗ് ഗ്രാന്റ് പദ്ധതി പ്രകാരം എത്ര സ്കൂളുകളാണ് കരടുപദ്ധതി സമര്‍പ്പിച്ചിട്ടുള്ളതെന്നും വിശദമാക്കുമോ?

നെല്‍വയല്‍ നികത്തുന്നതിനായി വ്യാജ ഉത്തരവുകള്‍

*120.

ശ്രീ.എം.ഉമ്മര്‍
,, ടി. വി. ഇബ്രാഹിം
,, പി.ഉബൈദുള്ള
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നെല്‍വയല്‍ തണ്ണീര്‍ത്തടനിയമം പാസ്സാക്കിയതുമൂലമുണ്ടായ പ്രായോഗികബുദ്ധിമുട്ട് സര്‍ക്കാര്‍ പരിശോധിച്ചിട്ടുണ്ടോ; വിശദമാക്കാമോ;

(ബി)	പ്രസ്തുത ആക്റ്റും ചട്ടവും നിലവില്‍ വന്നതിനുശേഷം നെല്‍വയല്‍ നികത്തുന്നതിനായി വ്യാജ ഉത്തരവുകള്‍ വ്യാപകമാകുന്ന സാഹചര്യം പരിശോധിച്ചിട്ടുണ്ടോ; വിശദമാക്കാമോ;

(സി)	നെല്‍വയല്‍ നികത്തുന്നതുമായി ബന്ധപ്പെട്ട പരിശോധനയില്‍ റവന്യൂ വകുപ്പിന്റെ ആഭ്യന്തരഭരണസംവിധാനത്തില്‍ ഉണ്ടായ വീഴ്ച പരിഹരിക്കുന്നതിന് പോലീസ് അന്വേഷണം ഏര്‍പ്പെടുത്താന്‍ ഉണ്ടായ സാഹചര്യം വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.