14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>starred Questions and Answers

Answer Provided

Answer Not Yet Provided

FOURTEENTH KLA - 15^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വ്യവസായ സംരംഭകരോടുളള സമീപനം

*481.

ശ്രീ.തിരുവഞ്ചൂര്‍ രാധാകൃഷ്ണന്‍
,, വി.ഡി.സതീശന്‍
,, സണ്ണി ജോസഫ്
,, പി.ടി. തോമസ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഈസ് ഓഫ് ഡൂയിംഗ് ബിസിനസ്സ് മെച്ചപ്പെടുത്തുന്നതിന് നടത്തിയ നിയമ നിര്‍മ്മാണങ്ങള്‍ ഫലപ്രദമായി നടപ്പിലാക്കുന്നതിനായി സ്വീകരിച്ച നടപടികള്‍ വിശദമാക്കാമോ;

(ബി)	പുതിയ വ്യവസായങ്ങള്‍ തുടങ്ങാനുള്ള നിയമങ്ങളിലും ചട്ടങ്ങളിലും ഇളവുനൽകിയെന്ന് അവകാശപ്പെടുമ്പോഴും പുതിയ സംരംഭങ്ങൾ ആരംഭിക്കുന്നതിന് അനുമതി നൽകേണ്ട അധികാരികൾ തന്നെ വിലങ്ങുതടിയാകുന്നത് കാരണം പ്രവാസികളടക്കമുള്ള സംരംഭകർ ആത്മഹത്യ ചെയ്യുന്നതായ വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

(സി)	പുതുതായി വ്യവസായ സംരംഭങ്ങൾ തുടങ്ങുന്നതിന് ചില പഞ്ചായത്തുകള്‍/മുനിസിപ്പാലിറ്റികള്‍ തടസമായി നില്‍ക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത് പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ;

(ഡി)	അധികാരികളുടെ സമീപനം കാരണം വ്യവസായ സംരംഭകർ ആത്മഹത്യ ചെയ്യുന്നത് സംസ്ഥാനത്തിന്റെ ഈസ് ഓഫ് ഡൂയിംഗ് ബിസിനസ്സിനെ സാരമായി ബാധിക്കുമെന്ന് കരുതുന്നുണ്ടോ; വ്യക്തമാക്കുമോ?

സമ്പദ് വ്യവസ്ഥയെ ഉത്തേജിപ്പിക്കാനുളള പരിപാടികള്‍

*482.

ശ്രീ.എ. എന്‍. ഷംസീര്‍
പ്രൊഫ.കെ.യു. അരുണന്‍
ശ്രീ.കാരാട്ട് റസാഖ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	വിവിധ കാരണങ്ങള്‍ കൊണ്ട് സമ്പദ് വ്യവസ്ഥയ്ക്കുണ്ടായ തിരിച്ചടി മറികടക്കുന്നതിന് മൂലധന ചെലവില്‍ വര്‍ദ്ധന വരുത്തിക്കൊണ്ടും ഉപഭോക്തൃ ചരക്കുകളുടെ ഡിമാന്റ് വര്‍ദ്ധിപ്പിച്ച് കമ്പോള ശാക്തീകരണം വഴിയും സമ്പദ് വ്യവസ്ഥയെ ഉത്തേജിപ്പിക്കാനായി ആവിഷ്കരിച്ചിട്ടുള്ള പരിപാടിയുടെ വിശദാംശം ലഭ്യമാക്കാമോ;

(ബി)	നിക്ഷേപകരില്‍ ആശങ്ക സൃഷ്ടിക്കാന്‍ ചിലര്‍ നടത്തുന്ന ദുരുപദിഷ്ട നീക്കം മറികടന്നുകൊണ്ട് പ്രവാസിചിട്ടി യൂറോപ്പ് ഉള്‍പ്പെടെ കൂടുതല്‍ മേഖലകളിലേക്ക് വിപുലീകരിച്ചിട്ടുണ്ടോ; ഇതിനായി കെ.എസ്.എഫ്.ഇ.യുടെ സ്ഥാപന ശാക്തീകരണത്തിന് പദ്ധതിയുണ്ടോയെന്ന് വ്യക്തമാക്കാമോ;

(സി)	സംസ്ഥാനത്തിന്റെ സാമ്പത്തിക വളര്‍ച്ചയ്ക്ക് ത്വരണം നല്‍കുന്ന രീതിയില്‍ കെ.എഫ്.സി.യെ പുനഃസംഘടിപ്പിക്കാന്‍ സ്വീകരിച്ച നടപടി അറിയിക്കാമോ?

സഹകരണമേഖലയില്‍ ആദായ നികുതി വകുപ്പിന്റെ ഇടപെടല്‍

*483.

ശ്രീ.സി. ദിവാകരന്‍
,, മുല്ലക്കര രത്നാകരന്‍
,, മുഹമ്മദ് മുഹസിന്‍ പി.
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരളത്തിലെ ബാങ്കിംഗ് രംഗത്ത് സഹകരണ മേഖലയുടെ പങ്ക് വിശദമാക്കുമോ;

(ബി)	സഹകരണമേഖല നേരിടുന്ന പ്രധാന പ്രശ്നങ്ങള്‍ എന്തൊക്കെയെന്ന് വ്യക്തമാക്കുമോ;

(സി)	കേന്ദ്ര ഏജന്‍സികള്‍ സഹകരണ സ്ഥാപനങ്ങളില്‍ അനാവശ്യമായ ഇടപെടലുകള്‍ നടത്തുന്നുണ്ടോയെന്ന് അറിയിക്കുമോ;

(ഡി)	വിവരശേഖരണത്തിന്റെ പേരില്‍ സഹകരണസംഘങ്ങളില്‍ കടന്നുകയറി ഈ സ്ഥാപനങ്ങളുടെ പ്രവര്‍ത്തനം താളം തെറ്റിക്കുന്നതിനുള്ള ശ്രമങ്ങള്‍ നടത്തുന്നുണ്ടോ; വ്യക്തമാക്കുമോ;

(ഇ)	കാര്‍ഷിക വായ്പാസംഘങ്ങള്‍ക്ക് ആദായനികുതി നിയമത്തില്‍ ഇളവിന് അര്‍ഹതയുണ്ടോ; വ്യക്തമാക്കുമോ;

(എഫ്)

ഇപ്രകാരമുള്ള ഇളവ് അനുവദിക്കുന്നതിന് ആദായ നികുതി വകുപ്പ് വിമുഖത കാണിക്കുന്നുണ്ടോ; വ്യക്തമാക്കുമോ;

(ജി)	സഹകരണ സ്ഥാപനങ്ങളുടെ പ്രവര്‍ത്തനത്തില്‍ എന്തൊക്കെ നിയന്ത്രണങ്ങള്‍ കൊണ്ടുവരാനാണ് ആദായ നികുതി വകുപ്പും മറ്റ് കേന്ദ്ര ഏജന്‍സികളും ശ്രമിക്കുന്നതെന്ന് വ്യക്തമാക്കുമോ?

വിനോദസഞ്ചാര കേന്ദ്രങ്ങളുടെ വികസനം

*484.

ശ്രീ.എ. പ്രദീപ്കുമാര്‍
,, എസ്.ശർമ്മ
,, വി. ജോയി
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	വിനോദസഞ്ചാര സാധ്യതയുള്ള സ്ഥലങ്ങള്‍ വികസിപ്പിക്കുന്നതിനും ആവശ്യമായ സൗകര്യങ്ങളൊരുക്കി പ്രസ്തുത കേന്ദ്രങ്ങളിലേക്ക് സഞ്ചാരികളെ ആകര്‍ഷിക്കുന്നതിനും ജില്ലാ വിനോദസഞ്ചാര വികസനസമിതികളും മാനേജ്മെന്റ് സമിതികളും നടത്തുന്ന പ്രവര്‍ത്തനം കൂടുതല്‍ ഫലപ്രദമാക്കുന്നതിന് പരിപാടിയുണ്ടോ;

(ബി)	പങ്കാളിത്ത മാതൃ‍കയിലൂടെ വിനോദസഞ്ചാര മേഖലയിലെ അടിസ്ഥാനസൗകര്യ വികസനത്തിന് കേരള ടൂറിസം ഇന്‍ഫ്രാസ്ട്രക്ചര്‍ ലിമിറ്റഡ് നടത്തുന്ന പ്രവര്‍ത്തനം വിശദമാക്കാമോ;

(സി)	വിനോദസഞ്ചാര കേന്ദ്രങ്ങളില്‍ ഉന്നതനിലവാരമുള്ള താമസസൗകര്യം ഒരുക്കി വിനോദസഞ്ചാരത്തിന് പ്രോത്സാഹനം നല്‍കുന്നതോടൊപ്പം പ്രസ്തുത കേന്ദ്രങ്ങളുടെ വികസനത്തിൽ കൂടി ഫലപ്രദമായി ഇടപെടാന്‍ കെ.റ്റി.ഡി.സി.യെ പ്രാപ്തമാക്കാന്‍ പരിപാടിയുണ്ടോയെന്ന് വ്യക്തമാക്കാമോ?

വിദേശ രാജ്യങ്ങളില്‍ കെ.എസ്.എഫ്.ഇ.ചിട്ടികള്‍

*485.

ശ്രീ.ടി. വി. ഇബ്രാഹിം
,, അബ്ദുല്‍ ഹമീദ് പി.
ഡോ.എം. കെ. മുനീര്‍
ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.എഫ്.ഇ. പ്രവാസി ചിട്ടികൾ നിലവിൽ ഏതെല്ലാം വിദേശ രാജ്യങ്ങളില്‍ ആരംഭിച്ചിട്ടുണ്ടെന്ന് വ്യക്തമാക്കാമോ;

(ബി)	പലിശ ഇടപാടുകള്‍ക്ക് കടുത്ത നിയന്ത്രണങ്ങള്‍ ഉള്ളതും നിരവധി പ്രവാസി മലയാളികള്‍ ജോലി ചെയ്യുന്നതുമായ സൗദി അറേബ്യ പോലുള്ള രാജ്യങ്ങളില്‍ ചിട്ടി നടത്തിപ്പിന് ബുദ്ധിമുട്ടുകള്‍ നേരിടുന്നുണ്ടോ;

(സി)	അത് പരിഹരിക്കുവാന്‍ ശരി-അത്ത്‌ നിയമങ്ങളനുസരിച്ചുള്ള ഹലാല്‍ ചിട്ടികള്‍ തുടങ്ങുവാൻ കെ.എസ്.എഫ്.ഇ.യ്ക്ക് പദ്ധതിയുണ്ടോ എന്നറിയിക്കുമോ; വിശദാംശങ്ങള്‍ ലഭ്യമാക്കുമോ?

കയര്‍ വ്യവസായമേഖലയുടെ സംരക്ഷണത്തിന് നടപടി

*486.

ശ്രീ.ജോണ്‍ ഫെര്‍ണാണ്ടസ്
ശ്രീമതി യു. പ്രതിഭ
ശ്രീ.എന്‍. വിജയന്‍ പിള്ള
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഉല്പാദനപ്രക്രിയയിലെ യന്ത്രവല്‍ക്കരണത്തിലൂടെയും ആധുനീകരണത്തിലൂടെയും കയറുല്പന്നങ്ങളുടെ വില മത്സരാധിഷ്ഠിതമാക്കി സപ്ലൈ രംഗവും തല്‍സമയം വിദേശ, ആഭ്യന്തര കമ്പോളം വിപുലീകരിച്ച് ഡിമാന്റ് രംഗവും ശാക്തീകരിക്കുന്നതിന് ചെയ്തു വരുന്ന പ്രവര്‍ത്തനം വിശദമാക്കാമോ;

(ബി)	ദേശീയ കയര്‍ ഗവേഷണവും മാനേജുമെന്റും ഇന്‍സ്റ്റിറ്റ്യൂട്ട് ഈ രംഗത്ത് നടത്തി വരുന്ന പ്രവര്‍ത്തനം എത്രമാത്രം ഫലപ്രദമാകുന്നുണ്ടെന്ന് അവലോകനം ചെയ്തിട്ടുണ്ടോ;

(സി)	ഉല്പാദന,വിപണന രംഗങ്ങളില്‍ ചെറുകിട ഉല്പാദകരുടെ താല്പര്യം സംരക്ഷിക്കുന്നതിന് കേരള സ്റ്റേറ്റ് കയര്‍ കോര്‍പ്പറേഷന്‍ ചെയ്തുവരുന്ന പ്രവര്‍ത്തനം അറിയിക്കാമോ;

(ഡി)	കയര്‍ വ്യവസായത്തിന്റെ പുനരുദ്ധാരണത്തിന് പ്രധാന പങ്കുവഹിക്കേണ്ട കയര്‍ഫെഡിനെ പുന:സംഘടിപ്പിച്ച് ശാക്തീകരിക്കാനായി നടത്തിയ പ്രവര്‍ത്തനം അറിയിക്കാമോ?

ചെറുകിട വ്യവസായ മേഖലയുടെ പ്രോത്സാഹനം

*487.

ശ്രീ.യു. ആര്‍. പ്രദീപ്
,, കെ.വി.വിജയദാസ്
,, എസ്.രാജേന്ദ്രന്‍
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തിലെത്തി ഹ്രസ്വകാലം കൊണ്ട് ഒന്നരലക്ഷത്തിലധികം പേര്‍ക്ക് തൊഴില്‍ ലഭ്യമാക്കാന്‍ സാധ്യമാകും വിധം ചെറുകിട വ്യവസായ മേഖലയെ പ്രോത്സാഹിപ്പിക്കുന്നതിന് സ്വീകരിച്ച നടപടികള്‍ എന്തെല്ലാമാണ്;

(ബി)	സംസ്ഥാനത്ത് സൃഷ്ടിക്കാനായ വ്യവസായ സൗഹൃദാന്തരീക്ഷം പുതിയ സംരംഭങ്ങള്‍ ആരംഭിക്കുന്നതിലേക്ക് നയിക്കാനായി ബോധവല്‍ക്കരണ പരിപാടികള്‍ നടത്തിവരുന്നുണ്ടോ; അതിന്റെ ഫലം വിലയിരുത്തിയിട്ടുണ്ടോ;

(സി)	ചെറുകിട ഇടത്തരം മേഖലകളിലെ ഉല്പന്നങ്ങള്‍ക്ക് അന്തര്‍ദേശീയ തലത്തില്‍ വിപണി കണ്ടെത്തുന്നതിന് കേരള ബ്യൂറോ ഓഫ് ഇന്‍ഡസ്ട്രിയല്‍ പ്രൊമോഷന്‍ നടത്തിവരുന്ന പ്രവര്‍ത്തനം അറിയിക്കാമോ?

കൈത്തറി വികസനത്തിനുള്ള കേന്ദ്ര സഹായം

*488.

ശ്രീ.സി.എഫ്.തോമസ്
,, റോഷി അഗസ്റ്റിന്‍
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	കൈത്തറി മേഖലയുടെ വികസനത്തിനായി കേന്ദ്ര സര്‍ക്കാരില്‍ നിന്നും സംസ്ഥാനത്തിന് ലഭിക്കേണ്ട കോടിക്കണക്കിന് രൂപയുടെ ധനസഹായം അനാസ്ഥ മൂലം നഷ്ടമാകുന്നുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് സംബന്ധിച്ച് വിശദീകരണം നല്‍കാമോ;

(ബി)	കടം തിരിച്ചടയ്ക്കാന്‍ നിര്‍വ്വാഹമില്ലാത്ത നെയ്ത്തുകാരുടെയും സംഘടനകളുടെയും ദുരിതം അവസാനിപ്പിക്കാന്‍ കേന്ദ്ര സര്‍ക്കാര്‍ ഏതെങ്കിലും പദ്ധതി ആരംഭിച്ചിരുന്നോ; ഈ പദ്ധതി സംസ്ഥാനത്ത് നടപ്പാക്കിയിട്ടുണ്ടോ; ഉണ്ടെങ്കില്‍ അര്‍ഹരായ ആളുകള്‍ക്ക് പദ്ധതിയുടെ പ്രയോജനം ലഭിച്ചിട്ടുണ്ടോ എന്നറിയിക്കാമോ;

(സി)	ഹാന്‍ഡ് ലൂം ആന്‍റ് ടെക്സ്റ്റൈൽസ് ഡയറക്ടര്‍ പദ്ധതി നിര്‍വ്വഹണ സര്‍ട്ടിഫിക്കറ്റ് സമര്‍പ്പിക്കാന്‍ വൈകിയതിന്‍െറ കാരണം വ്യക്തമാക്കാമോ;

(ഡി)	കൈത്തറി കയറ്റുമതി പ്രോത്സാഹന പദ്ധതിയെക്കുറിച്ച് ഹാന്‍ഡ് ലൂം ആന്‍റ് ടെക്സ്റ്റൈൽസ് ഡയറക്ടര്‍ യഥാസമയം അറിയിപ്പ് നല്‍കാത്തതുമൂലം സംസ്ഥാനത്തിന് കേന്ദ്രസഹായം ലഭ്യമാകാത്ത സാഹചര്യം ഉണ്ടായിട്ടുണ്ടോ എന്ന് അറിയിക്കാമോ?

ധനപരമായ നടപടിക്രമങ്ങള്‍ ലഘൂകരിക്കാന്‍ നടപടി

*489.

ശ്രീ.റ്റി.വി.രാജേഷ്
,, വി. കെ. സി. മമ്മത് കോയ
,, കെ.ഡി. പ്രസേനന്‍
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	പദ്ധതിചെലവ് കാര്യക്ഷമമാക്കുകയെന്ന ലക്ഷ്യത്തോടെ ധനപരമായ നടപടിക്രമങ്ങള്‍ ലഘൂകരിക്കാനും സാങ്കേതികവിദ്യാധിഷ്ഠിത സമ്പ്രദായം ആവിഷ്ക്കരിച്ചുകൊണ്ട് പദ്ധതികള്‍ക്ക് അനുമതി നല്‍കുന്നതിനുളള കാലതാമസം കുറയ്ക്കാനും നടപടി സ്വീകരിച്ചിട്ടുണ്ടോ; പദ്ധതി വിഹിതത്തിലും വിനിയോഗത്തിലും ഉണ്ടായ വര്‍ദ്ധനവ് അറിയിക്കാമോ;

(ബി)	മണ്ഡലം ആസ്തിവികസന നിധി, എം.എല്‍.എ. മാരുടെ പ്രത്യേക നിധി എന്നിവ ഉപയോഗിച്ചുളള വികസന പ്രവര്‍ത്തനങ്ങള്‍ തടസ്സരഹിതമായും സമയബന്ധിതമായും നടപ്പാക്കാന്‍ ഏര്‍പ്പെടുത്തിയിട്ടുളള ക്രമീകരണം അറിയിക്കാമോ;

(സി)	നികുതി ഭരണം കാര്യക്ഷമവും അഴിമതിരഹിതവുമാക്കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമാണ്; ഇന്റേണല്‍ ഓഡിറ്റിംഗ് ശാക്തീകരിക്കാന്‍ നടപടിയെടുത്തിട്ടുണ്ടോ എന്ന് വ്യക്തമാക്കാമോ?

നൈപുണ്യ സംരംഭകത്വം

*490.

ശ്രീ.ആര്‍. രാജേഷ്
,, എം. രാജഗോപാലന്‍
,, സി. കെ. ശശീന്ദ്രന്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	ഇരുപത്തയ്യായിരം പേര്‍ക്ക് തൊഴില്‍ നല്‍കുക എന്ന ലക്ഷ്യത്തോടെ വ്യവസായ വകുപ്പ് ആരംഭിക്കാന്‍ ഉദ്ദേശിക്കുന്ന നൈപുണ്യ സംരംഭകത്വം സംബന്ധിച്ച വിശദാംശം ലഭ്യമാക്കാമോ;

(ബി)	സൂക്ഷ്മ, ചെറുകിട, ഇടത്തരം സംരംഭങ്ങള്‍ തുടങ്ങുന്നതിനുവേണ്ട പ്രോത്സാഹനം നല്‍കുന്നതിനായി ചെയ്തുവരുന്ന പ്രവര്‍ത്തനം അറിയിക്കാമോ; ഇ.ഡി.ക്ലബുകള്‍, ബിസിനസ് ഇന്‍കുബേഷന്‍ സെന്ററുകള്‍ എന്നിവ ഫലപ്രദമായി പ്രവര്‍ത്തിക്കുന്നുണ്ടോ;

(സി)	ഇത്തരം മേഖലകളിലെ നൂതന ആശയങ്ങളും ആധുനിക സാങ്കേതിക വിദ്യയും ഉപകരണങ്ങളും തല്‍പ്പരര്‍ക്ക് പരിചയപ്പെടുത്തുന്നതിന് പദ്ധതിയുണ്ടോ;

(ഡി)	വളരെക്കുറഞ്ഞ മുതല്‍മുടക്കുള്ളതും പരിസ്ഥിതി മലിനീകരണം ഇല്ലാത്തതുമായ ഗാര്‍ഹിക സംരംഭങ്ങള്‍ പ്രോത്സാഹിപ്പിക്കാന്‍ എന്തെങ്കിലും പദ്ധതികള്‍ ഉണ്ടോയെന്ന് വ്യക്തമാക്കാമോ?

സംസ്ഥാനത്തിന്റെ സാമ്പത്തിക നില

*491.

ശ്രീ.വി.ഡി.സതീശന്‍
,, അന്‍വര്‍ സാദത്ത്
,, എ.പി. അനില്‍ കുമാര്‍
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ദൈനംദിന ചെലവുകള്‍ക്ക് പോലും പണമില്ലാതെ സംസ്ഥാനത്തിന്‍െറ സാമ്പത്തിക നില അനുദിനം ഗുരുതരമായ സ്ഥിതിവിശേഷത്തിലേക്ക് നീങ്ങുന്നു എന്ന ആക്ഷേപം ഗൗരവമായി പരിഗണിച്ചിട്ടുണ്ടോ;

(ബി)	സാമ്പത്തികനില സുസ്ഥിരമാക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(സി)	നിത്യനിദാന ചെലവുകള്‍ക്കായി കടപ്പത്രങ്ങളിലൂടെ കോടികള്‍ കടമെടുക്കുന്ന സാഹചര്യത്തിലും ധൂര്‍ത്തും അനാവശ്യചെലവുകളും ഒഴിവാക്കുമെന്ന പ്രഖ്യാപനം പ്രാവര്‍ത്തികമാക്കാത്തത് എന്തുകൊണ്ടാണെന്ന് വെളിപ്പെടുത്തുമോ;

(ഡി)	സര്‍ക്കാരിന്റെ ആയിരം ദിനാഘോഷങ്ങളുടെ ഭാഗമായി ഒന്‍പതര കോടി രൂപ ചെലവഴിച്ചിട്ട് മൂന്ന് മാസം കഴിയുന്നതിന് മുമ്പ് ഈ സര്‍ക്കാര്‍ നാലാം വര്‍ഷത്തിലേക്ക് കടന്നതിന്റെ ആഘോഷങ്ങള്‍ സംഘടിപ്പിച്ച് ലക്ഷങ്ങള്‍ ചെലവഴിച്ചത് ന്യായീകരിക്കാവുന്നതാണോ എന്ന് അറിയിക്കാമോ;

(ഇ)	സാമ്പത്തിക പ്രതിസന്ധി രൂക്ഷമായ സാഹചര്യത്തില്‍ മേല്‍ സൂചിപ്പിച്ച ചെലവുകള്‍ വികസന പ്രവര്‍ത്തനങ്ങളെ ദോഷകരമായി ബാധിച്ചിട്ടുണ്ടോ; വ്യക്തമാക്കുമോ?

വ്യാപാരസ്ഥാപനങ്ങളില്‍ എന്‍ഫോഴ്സ്മെന്റ് വിഭാഗം റെയ്ഡ്

*492.

ശ്രീ.അബ്ദുല്‍ ഹമീദ് പി.
,, കെ.എം.ഷാജി
,, വി.കെ.ഇബ്രാഹിം കുഞ്ഞ്
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ജി.എസ്.ടി. നടപ്പിലാക്കിയശേഷം നികുതി വരുമാനം കുറഞ്ഞതിനെത്തുടര്‍ന്ന് വ്യാപാരസ്ഥാപനങ്ങളില്‍ എന്‍ഫോഴ്സ്മെന്റ് വിഭാഗം റെയ്ഡ് നടത്തിയിരുന്നോ;

(ബി)	പ്രസ്തുത റെയ്ഡില്‍ നികുതി വെട്ടിപ്പ് നടന്നതായി കണ്ടുപിടിച്ചിട്ടുണ്ടോ; വിശദാംശം നല്‍കുമോ;

(സി)	ഉപഭോക്താക്കളില്‍ നിന്നും നികുതി ഇൗടാക്കിയ ശേഷം മൂന്ന് മാസത്തിനുളളില്‍ റിട്ടേണ്‍ സമര്‍പ്പിക്കാത്തവരെ കണ്ടെത്തിയിട്ടുണ്ടോ; എങ്കില്‍ എന്ത് നടപടി സ്വീകരിച്ചു എന്ന് വെളിപ്പെടുത്തുമോ?

ശബരിമലയിലെ വികസന പ്രവര്‍ത്തനങ്ങള്‍

*493.

ശ്രീ.വി.പി.സജീന്ദ്രന്‍
,, വി.എസ്.ശിവകുമാര്‍
,, തിരുവഞ്ചൂര്‍ രാധാകൃഷ്ണന്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമലയെ ദേശീയ നിലവാരത്തിലുളള തീര്‍ത്ഥാടന കേന്ദ്രമായി ഉയര്‍ത്തുന്നതിന്റെ ഭാഗമായി അവിടെ നടപ്പിലാക്കുന്ന വികസന പ്രവര്‍ത്തനങ്ങള്‍ എന്തൊക്കെയാണെന്ന് അറിയിക്കാമോ;

(ബി)	ശബരിമലയിലെ യുവതീ പ്രവേശനം സംബന്ധിച്ച സുപ്രീംകോടതി വിധിയുടെ മറവില്‍ അവിടെ ക്രമസമാധാന പ്രശ്നങ്ങള്‍ ഉണ്ടാക്കുന്നതിനും അതിലൂടെ രാഷ്ട്രീയ മുതലെടുപ്പ് നടത്തുന്നതിനും ചില രാഷ്ട്രീയ സംഘടനകള്‍ നടത്തിയ ശ്രമങ്ങള്‍ ശബരിമലയിലെ വികസന പ്രവര്‍ത്തനങ്ങളെ ബാധിച്ചിട്ടുണ്ടോ;

(സി)	ഹെെക്കോടതി ഉന്നതാധികാര സമിതിയുടെ നേതൃത്വത്തില്‍ നടക്കുന്ന പ്രവര്‍ത്തനങ്ങള്‍ ഒരു അതോറിറ്റി രൂപീകരിച്ച് കെെമാറുന്നതിന് സര്‍ക്കാര്‍ ഉദ്ദേശിക്കുന്നുണ്ടോ;

(ഡി)	ഇക്കാര്യത്തിനായി നിയമഭേദഗതി കൊണ്ടുവരുന്നതിന് ഇതിനകം സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ?

കേരള ബാങ്ക് രൂപീകരണത്തിന് ലഭിക്കേണ്ട അനുമതി

*494.

ശ്രീ.വി.കെ.ഇബ്രാഹിം കുഞ്ഞ്
,, മഞ്ഞളാംകുഴി അലി
,, പി.കെ.ബഷീര്‍
,, പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	കേരള ബാങ്കിന്റെ പ്രവര്‍ത്തനവുമായി ബന്ധപ്പെട്ട് റിസര്‍വ്വ് ബാങ്കില്‍ നിന്നും കേന്ദ്രസര്‍ക്കാരില്‍ നിന്നും ലഭിക്കേണ്ട എല്ലാ അനുമതിയും ലഭിച്ചിട്ടുണ്ടോ;

(ബി)	ഇല്ലെങ്കില്‍ ഇനി എന്തെല്ലാം തരത്തിലുള്ള അനുമതിയാണ് ലഭിക്കേണ്ടതെന്ന് വ്യക്തമാക്കുമോ?

അധിക വരുമാനം കണ്ടെത്തുവാന്‍ മാര്‍ഗ്ഗങ്ങള്‍

*495.

ശ്രീ.വി.ടി.ബല്‍റാം
,, കെ.എസ്.ശബരീനാഥന്‍
,, റോജി എം. ജോണ്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	നിത്യനിദാന ചെലവുകള്‍ക്കാെപ്പം പ്രളയ പുനര്‍നിര്‍മ്മാണ പ്രവര്‍ത്തനങ്ങള്‍ക്കും തുക കണ്ടെത്തുവാന്‍ നിലവിലെ സാഹചര്യത്തില്‍ സര്‍ക്കാരിന് സാധിക്കുന്നുണ്ടാേ;

(ബി)	അധിക വരുമാനം കണ്ടെത്തുവാന്‍ 2019-20 ലെ ബജറ്റിലൂടെ സര്‍ക്കാര്‍ കണ്ടെത്തിയ മാര്‍ഗ്ഗങ്ങള്‍ എന്താെക്കെയാണ്;

(സി)	ചെലവ് ചുരുക്കി വികസനത്തിന് പണം കണ്ടെത്തുക എന്ന കാര്യം പൂര്‍ണ്ണതാേതില്‍ പ്രാവര്‍ത്തികമാക്കുന്നതിന് സാധിച്ചിട്ടുണ്ടാേ; ഇല്ലെങ്കില്‍ എന്തുകാെണ്ടെന്ന് വ്യക്തമാക്കുമോ;

(ഡി)	ചെലവ് ചുരുക്കലിന്റെ ഭാഗമായി നടപ്പിലാക്കുമെന്ന് പ്രഖ്യാപിച്ച കാര്യങ്ങള്‍ പൂര്‍ണ്ണതാേതില്‍ നടപ്പിലാക്കാത്തത് മൂലം ഉദ്ദേശിച്ച ഫലം ലഭിക്കാതെ വന്നിട്ടുണ്ടാേ; വിശദമാക്കുമാേ?

സഹകരണ പ്രസ്ഥാനം നടത്തിവരുന്ന പ്രവര്‍ത്തനങ്ങള്‍

*496.

ശ്രീ.കെ.ജെ. മാക്സി
,, സജി ചെറിയാന്‍
,, കെ. ബാബു
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	സഹകരണ പ്രസ്ഥാനം കാര്‍ഷിക മേഖലയിലും പട്ടികജാതി പട്ടികവര്‍ഗ്ഗ മേഖലയിലും ചെറുകിട വ്യവസായ രംഗത്തുമുള്‍പ്പെടെ നടത്തി വരുന്ന മുഖ്യപ്രവര്‍ത്തനങ്ങള്‍ വിശദമാക്കാമോ;

(ബി)	കാര്‍ഷിക വായ്പയുടെ തോത് അമ്പത് ശതമാനമാക്കുകയെന്ന ലക്ഷ്യത്തോടെ നടത്തുന്ന ഇടപെടലുകള്‍ അറിയിക്കാമോ;

(സി)	സഹകരണ സംഘങ്ങളുടെ ഇടപെടലിലൂടെ കൊള്ള പലിശക്കാരുടെ ഇടപാടുകള്‍ നിരുത്സാഹപ്പെടുത്തുന്നതിന് എത്രമാത്രം സാധ്യമായിട്ടുണ്ട്;

(ഡി)	അത്യപൂര്‍വ്വം ചില സംഘങ്ങളെങ്കിലും വന്‍കിട ഫ്ലാറ്റ്, ആഡംബര ഹോട്ടലുകള്‍ തുടങ്ങിയവയുടെ നിര്‍മ്മാണ രംഗത്ത് വ്യാപരിക്കുന്നത് സഹകരണ തത്വങ്ങള്‍ക്കോ സഹകരണ നയത്തിനോ അനുഗുണമാണോ എന്ന് വിലയിരുത്തിയിട്ടുണ്ടോ എന്ന് അറിയിക്കുമോ?

സാമ്പത്തിക ഭദ്രത സംബന്ധിച്ച അവലോകനം

*497.

ശ്രീ.മുഹമ്മദ് മുഹസിന്‍ പി.
,, ആര്‍. രാമചന്ദ്രന്‍
,, ഇ.കെ.വിജയന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ സാമ്പത്തിക ഭദ്രത സംബന്ധിച്ച അവലോകനം നടത്തിയിട്ടുണ്ടോ; വ്യക്തമാക്കുമാേ;

(ബി)	കടം എടുക്കുന്ന തുകയില്‍ വലിയാെരു ഭാഗം റവന്യൂ ചെലവിന് വിനിയാേഗിക്കേണ്ടിവരുമ്പാേഴുള്ള ഉത്കണ്ഠാജനകമായ അവസ്ഥ പരിഹരിക്കുന്നതിന് സ്വീകരിക്കുന്ന നടപടികള്‍ വിശദമാക്കുമാേ;

(സി)	സംസ്ഥാനത്തിന് എടുക്കാന്‍ പറ്റുന്ന വായ്പകള്‍ സംബന്ധിച്ചും വായ്പാപരിധി സംബന്ധിച്ചുമുള്ള വിവരങ്ങള്‍ ലഭ്യമാക്കുമാേ;

(ഡി)	വായ്പാപരിധി ഉയര്‍ത്തുന്നതിനെക്കുറിച്ച് കേന്ദ്രസര്‍ക്കാരുമായി ആശയവിനിമയം നടത്തിയിട്ടുണ്ടാേ; ഇക്കാര്യത്തിലെ കേന്ദ്രസമീപനം വ്യക്തമാക്കുമാേ;

(ഇ)	നിരന്തരം വര്‍ദ്ധിച്ചുകാെണ്ടിരിക്കുന്ന കടബാധ്യത എങ്ങനെയാണ് നേരിടുന്നതെന്നും വരുംവര്‍ഷങ്ങളില്‍ ഇത് എങ്ങനെ പരിണമിക്കുമെന്നും വ്യക്തമാക്കുമാേ?

സൗര പദ്ധതി പ്രവര്‍ത്തനങ്ങള്‍

*498.

ശ്രീമതി യു. പ്രതിഭ
ശ്രീ.ഐ.ബി. സതീഷ്
,, മുരളി പെരുനെല്ലി
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	സൗര പദ്ധതിയുടെ ഭാഗമായി പുരപ്പുറ സൗരോര്‍ജ്ജ നിലയങ്ങള്‍, സോളാര്‍ പാര്‍ക്ക്, മറ്റു സൗരോര്‍ജ്ജ നിലയങ്ങള്‍ എന്നിവിടങ്ങളില്‍ നിന്നും എത്ര മെഗാവാട്ട് വൈദ്യുതി ഉല്പാദിപ്പിക്കാനാണ് ഉദ്ദേശിക്കുന്നത്;

(ബി)	പുരപ്പുറ സോളാര്‍ പദ്ധതിയില്‍ ഏതെല്ലാം കെട്ടിടങ്ങളെയും സര്‍ക്കാര്‍ സ്ഥാപനങ്ങളെയുമാണ് ഉള്‍പ്പെടുത്തിയിരിക്കുന്നതെന്ന് വ്യക്തമാക്കാമോ;

(സി)	സൗര പദ്ധതി നടപ്പാക്കുന്നതിന്റെ ഭാഗമായി കെ.എസ്.ഇ.ബി.യും അനെര്‍ട്ടുമായി ചേര്‍ന്ന് സ്പെഷ്യല്‍ പര്‍പ്പസ് വെഹിക്കിള്‍ രൂപീകരിക്കാന്‍ നടപടി സ്വീകരിച്ചിട്ടുണ്ടോ;

(ഡി)	പ്രസ്തുത പദ്ധതിയുമായി ചേര്‍ന്ന് സോളാര്‍ നിലയങ്ങള്‍ സ്ഥാപിക്കുന്നതിനായി ഉപഭോക്താക്കളില്‍ നിന്നും അപേക്ഷകള്‍ ലഭിച്ചിട്ടുണ്ടോ;

(ഇ)	പ്രസ്തുത പദ്ധതിയുടെ ടെണ്ടര്‍ നടപടികള്‍ ആരംഭിച്ചിട്ടുണ്ടോ; വിശദാംശം നല്‍കുമോ?

നികുതി ഭരണത്തിലെ കാര്യക്ഷമതാ വര്‍ദ്ധനവിനുള്ള നടപടികള്‍

*499.

ശ്രീ.എം. നൗഷാദ്
,, എം. സ്വരാജ്
,, കെ.വി.അബ്ദുള്‍ ഖാദര്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ ചെലവ് വ്ര‍ദ്ധിക്കുന്നതിനെക്കാള്‍ ഉയര്‍ന്ന നിരക്കില്‍ സംസ്ഥാനത്തിന്റെ തനത് നികുതി വരുമാനം വര്‍ദ്ധിക്കുന്ന ഗുണകരമായ സ്ഥിതി കൂടുതല്‍ മെച്ചപ്പെടുത്തുന്നതിനായി നികുതി ഭരണത്തിലെ കാര്യക്ഷമതാ വര്‍ദ്ധനവിന് കൈക്കൊണ്ടിട്ടുള്ള നടപടികള്‍ അറിയിക്കാമോ;

(ബി)	നികുതി കുടിശ്ശിക പ്രത്യേകിച്ച് തടസവാദത്തില്‍പ്പെട്ടിട്ടില്ലാത്ത തുക വസൂലാക്കുന്നതിനുള്ള പ്രവര്‍ത്തനം ഊര്‍ജ്ജിതമാക്കാന്‍ നടപടിയെടുത്തിട്ടുണ്ടോ;

(സി)	സമ്പദ്‍വ്യവസ്ഥയുടെ വളര്‍ച്ചയ്ക്ക് ജി.എസ്.ഡി.പി.യുടെ വളര്‍ച്ചാനിരക്കും പൊതുകടത്തിന്റെ പലിശനിരക്കും തമ്മിലുള്ള അന്തരം വര്‍ദ്ധിച്ചുവരേണ്ടതിനാല്‍ കുറഞ്ഞ നിരക്കില്‍ കമ്പോളാധിഷ്ഠിത പൊതുനിക്ഷേപം ആകര്‍ഷിക്കുന്നതിന് ട്രഷറികളുടെ ഭൗതിക സേവന സാഹചര്യം മെച്ചപ്പെടുത്താന്‍ പദ്ധതിയുണ്ടോ എന്ന് അറിയിക്കുമോ?

ടൂറിസം മേഖലയെ ദോഷകരമായി ബാധിക്കുന്ന സാഹചര്യങ്ങൾ

*500.

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, എ.പി. അനില്‍ കുമാര്‍
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ടൂറിസം മേഖലയെ ഹര്‍ത്താലില്‍ നിന്നും ഒഴിവാക്കുന്നതിനുള്ള തീരുമാനം പൂര്‍ണ്ണതോതില്‍ പ്രാവര്‍ത്തികമാക്കുവാന്‍ സാധിച്ചിട്ടുണ്ടോ; എങ്കില്‍ അതിലൂടെ ടൂറിസം മേഖലയ്ക്കുണ്ടായ ഉത്തേജനം വ്യക്തമാക്കുമോ;

(ബി)	സംസ്ഥാനത്ത് എത്തുന്ന വിനോദസഞ്ചാരികളുടെ സുരക്ഷ ഉറപ്പാക്കുന്നതിന് സാധിക്കാത്ത സാഹചര്യം ഉണ്ടായിട്ടുണ്ടോ; എങ്കില്‍ ഇതിനായി പ്രത്യേക സംവിധാനം ഒരുക്കുന്ന കാര്യം പരിഗണിക്കുമോ;

(സി)	നിപ പോലുള്ള മാരകരോഗങ്ങളുടെ തിരിച്ചുവരവ് സംസ്ഥാനത്തെ ടൂറിസം മേഖലയെ ദോഷകരമായി ബാധിച്ചിട്ടുണ്ടോ; ഇത് വിദേശരാജ്യങ്ങളില്‍ നിന്നുള്ള ടൂറിസ്റ്റുകളുടെ വരവിനെ എപ്രകാരമാണ് ബാധിച്ചത് എന്ന് വ്യക്തമാക്കുമോ?

കൈത്തറി വസ്ത്രങ്ങള്‍ക്ക് വിപണി ഉറപ്പാക്കാന്‍ നടപടി

*501.

ശ്രീ.സി.മമ്മൂട്ടി
ഡോ.എം. കെ. മുനീര്‍
ശ്രീ.മഞ്ഞളാംകുഴി അലി
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം കൈത്തറി വസ്ത്രങ്ങള്‍ക്ക് വിപണി ഉറപ്പാക്കാന്‍ സ്വീകരിച്ച നടപടികള്‍ വിശദമാക്കാമോ;

(ബി)	പ്രാഥമിക കൈത്തറി ഉല്‍പ്പന്നങ്ങളുടെ കയറ്റുമതിക്ക് പ്രോത്സാഹനം നല്‍കുന്നതിനായുള്ള എക്സ്പോര്‍ട്ട് മാര്‍ക്കറ്റിംഗ് ഇന്‍സെന്റീവിന്റെ നിലവിലെ പുരോഗതി വിശദമാക്കാമോ;

(സി)	പ്രസ്തുത ഇന്‍സെന്റീവ് നല്‍കുന്ന കാര്യത്തില്‍ എന്തെങ്കിലും നിയന്ത്രണങ്ങള്‍ ഏര്‍പ്പെടുത്തിയിട്ടുണ്ടോ; വിശദമാക്കാമോ?

യന്ത്രത്തറി വ്യവസായത്തെ കരകയറ്റുന്നതിന് പദ്ധതി

*502.

ശ്രീ.പി. ഉണ്ണി
,, കെ.സുരേഷ് കുറുപ്പ്
,, സി.കൃഷ്ണന്‍
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ നടപ്പാക്കിയ ആഗോള വാണിജ്യ കരാറുകള്‍ സംസ്ഥാനത്തെ സ്വകാര്യ ടെക‍്സ്റ്റൈല്‍ മേഖലയെ എപ്രകാരം ബാധിച്ചുവെന്ന് പരിശോധനാ വിധേയമാക്കിയിരുന്നോ;

(ബി)	കേരള ടെക‍്സ്റ്റൈല്‍ കോര്‍പ്പറേഷന് കീഴിലുള്ളതും സഹകരണ മേഖലയിലുള്ളതുമായ യന്ത്രത്തറി വ്യവസായത്തെ കരകയറ്റുന്നതിന് നടത്തിയ പ്രവര്‍ത്തനങ്ങൾ എന്തൊക്കെയെന്ന് അറിയിക്കാമോ;

(സി)	ടെക‍്സ് ഫെഡിന്റെ കീഴിലുള്ള നഷ്ടത്തില്‍ പ്രവര്‍ത്തിക്കുന്ന സ്പിന്നിംഗ് മില്ലുകളുടെ പുനരുദ്ധാരണത്തിനായി എന്‍.സി.ഡി.സി. സഹായത്തോടെ നടത്തുന്ന ആധുനീകരണ പ്രവര്‍ത്തനത്തിന്റെ പുരോഗതി അറിയിക്കാമോ?

കെ.എസ്.എഫ്.ഇ. നല്‍കിവരുന്ന സേവനങ്ങള്‍

*503.

ശ്രീ.എം. രാജഗോപാലന്‍
,, കെ.വി.അബ്ദുള്‍ ഖാദര്‍
,, സജി ചെറിയാന്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	സാമ്പത്തിക ചൂഷണങ്ങള്‍ക്കെതിരെ ബദല്‍ ധനകാര്യ സ്ഥാപനമായി ഇ.എം.എസ്. സര്‍ക്കാരിന്റെ കാലത്താരംഭിച്ച കെ.എസ്.എഫ്.ഇ. നല്‍കിവരുന്ന സേവനങ്ങള്‍ വിലയിരുത്തിയിട്ടുണ്ടോ; എങ്കില്‍ വിവരിക്കുമോ;

(ബി)

കഴിഞ്ഞ അഞ്ച് പതിറ്റാണ്ടിലെ പ്രവര്‍ത്തന മികവുകൊണ്ടും വിശ്വാസ്യത കൊണ്ടും സംസ്ഥാന ധനകാര്യ മേഖലയില്‍ ശക്തമായ സാന്നിദ്ധ്യം ഉറപ്പിച്ച കെ.എസ്.എഫ്.ഇ. സാമൂഹ്യ സുരക്ഷയ്ക്കായി ആവിഷ്കരിച്ച് നടപ്പാക്കിയ പദ്ധതികള്‍ ഏതെല്ലാമാണെന്ന് വ്യക്തമാക്കാമോ; ഇപ്പോള്‍ ഇത്തരത്തില്‍ ഏതെല്ലാം പദ്ധതികളാണ് നടപ്പില്‍ വരുത്തുന്നതെന്നും അതിന്റെ പുരോഗതിയും വെളിപ്പെടുത്തുമോ;

(സി)	കുടുംബശ്രീ യൂണിറ്റുകളിലെ സമ്പാദ്യശീലം വര്‍ദ്ധിപ്പിക്കുന്നതിനും അവര്‍ക്ക് സാമൂഹ്യസുരക്ഷ ഒരുക്കുന്നതിനുമായി കുടുംബശ്രീ ചിട്ടികള്‍ ആരംഭിക്കുന്നതിന് ആലോചിക്കുന്നുണ്ടോ?

ട്രാന്‍സ് ഗ്രിഡ് 2.0 പദ്ധതി

*504.

ശ്രീ.എല്‍ദോസ് പി. കുന്നപ്പിള്ളില്‍
,, അനൂപ് ജേക്കബ്
,, റോജി എം. ജോണ്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	2021- ഓടുകൂടി അന്തര്‍ദേശീയ നിലവാരമുള്ളതും ഗുണമേന്മയുള്ളതും അപകടരഹിതവുമായ വെെദ്യുതി ഉപഭാേക്താക്കള്‍ക്ക് ലഭ്യമാക്കുന്നതിന് വെെദ്യുതി ബാേര്‍ഡ് സ്വീകരിച്ചിട്ടുള്ള നടപടികള്‍ എന്താെക്കെയാണെന്ന് അറിയിക്കുമോ;

(ബി)	വെെദ്യുതി വിതരണ രംഗത്തുള്ള തടസ്സങ്ങള്‍ ഒഴിവാക്കുന്നതിന് നിലവിലുള്ള 110 കെ.വി സബ് സ്റ്റേഷനുകളും അനുബന്ധ ലെെനുകളും 220 കെ.വി സബ് സ്റ്റേഷനായി ഉയര്‍ത്തുന്ന പദ്ധതി ഏത് ഘട്ടത്തിലാണ്;

(സി)	വെെദ്യുതി മേഖലയിലെ സമഗ്ര വികസനം ലക്ഷ്യമാക്കിയിട്ടുള്ള ട്രാന്‍സ് ഗ്രിഡ് 2.0 എന്ന പദ്ധതിയുടെ നിലവിലുള്ള സ്ഥിതി വ്യക്തമാക്കുമാേ;

(ഡി)	ഉപഭാേക്തൃ സേവനം മെച്ചപ്പെടുത്തുന്നതിനായി കെ.എസ്.ഇ.ബി. ആവിഷ്ക്കരിച്ച പുതിയ പദ്ധതികള്‍ എന്താെക്കെയാണെന്ന് വ്യക്തമാക്കുമോ?

ഊര്‍ജ്ജ സംരക്ഷണ പദ്ധതികള്‍

*505.

ശ്രീ.കെ.ഡി. പ്രസേനന്‍
,, എ. പ്രദീപ്കുമാര്‍
,, പി. ഉണ്ണി
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര ഊര്‍ജ്ജ മന്ത്രാലയത്തിനുകീഴിലുള്ള ബ്യൂറോ ഓഫ് എനര്‍ജി എഫിഷ്യന്‍സി ഊര്‍ജ്ജ സംരക്ഷണത്തിനായി തയ്യാറാക്കിയിട്ടുള്ള ഏതെല്ലാം പദ്ധതികളാണ് സംസ്ഥാനത്ത് നടപ്പിലാക്കി വരുന്നതെന്ന് വിവരിക്കുമോ;

(ബി)	ഊര്‍ജ്ജ പ്രസരണ-വിതരണ സംവിധാനങ്ങളുടെ കാര്യക്ഷമതാ പഠനങ്ങള്‍ നടത്താറുണ്ടോ; എങ്കില്‍ പ്രസ്തുത പഠനങ്ങളിലെ കണ്ടെത്തലുകള്‍ വിലയിരുത്തിയിട്ടുണ്ടോ;

(സി)	കാര്യക്ഷമത കൂടിയ വൈദ്യുതോപകരണങ്ങളുടെ ഉപയോഗം പ്രോത്സാഹിപ്പിക്കുന്നതിന്റെ ഭാഗമായി സംസ്ഥാനത്തെ സര്‍ക്കാര്‍ ഓഫീസുകളിലും സ്ഥാപനങ്ങളിലും എല്‍.ഇ.ഡി. ലൈറ്റുകള്‍ വ്യാപിപ്പിക്കുന്നതിന് നടപടി സ്വീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

(ഡി)	വൈദ്യുതോപയോഗം ക്രമീകരിക്കുന്നതിനായി കാര്യക്ഷമത കൂടിയ വൈദ്യുതോപകരണങ്ങള്‍ വ്യാപിപ്പിക്കുന്ന പദ്ധതി നടപ്പാക്കുന്ന സ്വകാര്യ,സ്വാശ്രയ,സഹകരണ സ്ഥാപനങ്ങളെ പ്രോത്സാഹിപ്പിക്കുന്നതിന് ആവശ്യമായ നടപടി സ്വീകരിക്കുമോ?

കാര്‍ഷിക വായ്പാ സംഘങ്ങളുടെ പ്രവര്‍ത്തനം

*506.

ശ്രീ.വി. അബ്ദുറഹിമാന്‍
ശ്രീമതി.പി. അയിഷാ പോറ്റി
ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	പ്രാഥമിക കാര്‍ഷിക വായ്പാ സംഘങ്ങളില്‍ നിന്നുളള കാര്‍ഷിക വായ്പാ തോത് വര്‍ദ്ധിച്ചിട്ടുണ്ടോ എന്നറിയിക്കാമോ;

(ബി)	നെല്‍കൃഷിക്ക് വായ്പ നല്‍കുന്ന സംഘങ്ങള്‍ക്കും പട്ടികജാതി-പട്ടികവര്‍ഗ്ഗ സംഘങ്ങള്‍ക്കും വനിതാ സംഘങ്ങള്‍ക്കും നല്‍കി വരുന്ന പ്രത്യേക സഹായം എന്തെല്ലാമാണ്; വിശദമാക്കുമോ;

(സി)	സഹകരണ സംഘങ്ങള്‍ കുറഞ്ഞ നിരക്കില്‍ കുടുംബശ്രീ വഴി വായ്പ ലഭ്യമാക്കുന്നതിനുള്ള പദ്ധതി എല്ലാ ജില്ലകളിലും പ്രാവര്‍ത്തികമായിട്ടുണ്ടോ;

(ഡി)	കാര്‍ഷിക ഉല്പന്നങ്ങളുടെ വിപണനം ശക്തിപ്പെടുത്തുന്നതിന് വിപണന സഹകരണ സംഘങ്ങള്‍ക്ക് സര്‍ക്കാര്‍ സഹായം നല്‍കി വരുന്നുണ്ടോ;

(ഇ)	ചെറുകിട കാര്‍ഷിക വായ്പയെടുക്കുന്നവരില്‍ എണ്‍പത് ശതമാനത്തോളം പേര്‍ ആശ്രയിക്കുന്ന സഹകരണ സംഘങ്ങളെ കേന്ദ്ര സര്‍ക്കാര്‍ കൊണ്ടുവന്ന സര്‍ഫാസി എന്ന കരിനിയമത്തിന്റെ പരിധിയില്‍ നിന്നും ഒഴിവാക്കി കര്‍ഷകതാല്പര്യം സംരക്ഷിക്കാന്‍ തീരുമാനമെടുത്തിട്ടുണ്ടോ; വിശദാംശം ലഭ്യമാക്കുമോ?

ഭൂമിക്കടിയിലൂടെ വൈദ്യുതി ലൈൻ

*507.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് വൈദ്യുതി വകുപ്പുമന്ത്രി സദയം മറുപടി നല്‍കുമോ:

(എ)	വൈദ്യുതി കമ്പി പൊട്ടി വീണ് ജനങ്ങളുടെ ജീവനും സ്വത്തിനും നാശം സംഭവിക്കുന്നത് തടയുവാന്‍ എന്തൊക്കെ നടപടികളാണ് സ്വീകരിച്ചുവരുന്നത്; വിശദമാക്കാമോ;

(ബി)	വൈദ്യുതി ലൈന്‍ ഭൂമിക്കടിയിലൂടെ കടന്നുപോകുന്ന രീതിയിലുള്ള സംവിധാനം ചെയ്യുന്നതിന് സര്‍ക്കാര്‍ തീരുമാനം എടുക്കുമോ; എങ്കില്‍ വിശദമാക്കുമോ;

(സി)	സ്വകാര്യ വ്യക്തികള്‍ തന്റെ പുരയിടത്തിലേക്കും കൃഷിസ്ഥലങ്ങളിലേക്കും ഭൂമിക്കടിയിലൂടെ വൈദ്യുതി ലൈന്‍ വലിക്കുന്നതിന് അവര്‍ തന്നെ ചെലവ് വഹിച്ചാല്‍ അതിന് സര്‍ക്കാര്‍ അനുമതി നല്‍കുമോ; വ്യക്തമാക്കാമോ;

(ഡി)	ഭൂമിക്കടിയിലൂടെ വൈദ്യുതി ലൈന്‍ വലിക്കുന്നത് സംബന്ധിച്ച് സര്‍ക്കാര്‍ എന്തെങ്കിലും പഠനം നടത്തിയിട്ടുണ്ടോ; എങ്കില്‍ പഠന റിപ്പോര്‍ട്ടിന്റെ വിശദാംശം ലഭ്യമാക്കുമോ;

(ഇ)	ഗാര്‍ഹിക, വ്യാവസായിക ആവശ്യങ്ങള്‍ക്ക് ഭൂമിക്കടിയിലൂടെ വൈദ്യുതി ലൈന്‍ വലിക്കുന്നതിന് ചെലവാകുന്ന തുക സംബന്ധിച്ച വിശദാംശം ലഭ്യമാക്കുമോ?

ശബരിമല മാസ്റ്റര്‍ പ്ലാന്‍

*508.

ശ്രീ.ചിറ്റയം ഗോപകുമാര്‍
,, സി. ദിവാകരന്‍
,, ഇ.ടി. ടൈസണ്‍ മാസ്റ്റര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും വിനോദ സഞ്ചാരവും ദേവസ്വവും വകുപ്പ് മന്ത്രി സദയം മറുപടി നല്‍കുമോ:

(എ)	ശബരിമല മാസ്റ്റര്‍ പ്ലാന്‍ സംബന്ധിച്ച വിശദവിവരങ്ങള്‍ അറിയിക്കുമോ; മാസ്റ്റര്‍ പ്ലാന്‍ പ്രകാരം പൂര്‍ത്തിയാക്കിയ ജോലികളുടെയും ഇനി പൂര്‍ത്തീകരിക്കേണ്ട ജോലികളുടെയും വിവരങ്ങള്‍ അറിയിക്കുമോ;

(ബി)	ശബരിമല തീര്‍ത്ഥാടനത്തോടനുബന്ധിച്ചും ശബരിമല മാസ്റ്റര്‍ പ്ലാന്‍ നടപ്പാക്കുന്നതിനും സര്‍ക്കാരിന്റെ സാമ്പത്തിക വിഹിതം സംബന്ധിച്ച വിവരങ്ങള്‍ ലഭ്യമാക്കുമോ;

(സി)	ശബരിമല തീര്‍ത്ഥാടകര്‍ക്ക് അമ്പത് കിലോ മീറ്റര്‍ ഇടവിട്ട് ഇടത്താവള സമുച്ചയങ്ങള്‍ നിര്‍മ്മിക്കുന്ന പദ്ധതിയുടെ വിശദാംശങ്ങള്‍ അറിയിക്കുമോ;

(ഡി)	ശബരിമല വികസന പ്രവര്‍ത്തനങ്ങള്‍ ഏകോപിപ്പിക്കുന്നതിനും സമയബന്ധിതമായി പൂര്‍ത്തിയാക്കുന്നതിനും ഒരുക്കിയിട്ടുള്ള സംവിധാനം സംബന്ധിച്ച വിവരങ്ങള്‍ ലഭ്യമാക്കുമോ; ഇതിനായി ഒരു സ്പെഷ്യല്‍ പര്‍പ്പസ് വെഹിക്കിള്‍ രൂപീകരിക്കുമോ; വ്യക്തമാക്കുമോ?

മുള വ്യവസായത്തിന്റെ സംരക്ഷണം

*509.

ശ്രീ.ബി.ഡി. ദേവസ്സി
,, ജെയിംസ് മാത്യു
,, ഒ. ആര്‍. കേളു
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വ്യവസായവും സ്പോര്‍ട്സും യുവജനകാര്യവും വകുപ്പു മന്ത്രി സദയം മറുപടി നല്‍കുമോ:

(എ)	പരമ്പരാഗത വ്യവസായത്തിൽപ്പെട്ട ഈറ്റ, പനമ്പ് നെയ്ത്തുതൊഴിലാളികളെ സംരക്ഷിക്കുന്നതിന് ചെയ്തുവരുന്ന കാര്യങ്ങള്‍ അറിയിക്കാമോ;

(ബി)	മുന്‍ സര്‍ക്കാരിന്റെ കാലത്ത് വലിയ നഷ്ടത്തിലായിരുന്ന ബാംബൂ കോര്‍പ്പറേഷനെ കരകയറ്റാനായി നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണ്;

(സി)	മുള വ്യവസായത്തിന്റെ സംരക്ഷണത്തിനായി ബാംബൂ കോര്‍പ്പറേഷനോടൊപ്പം സുരഭി, കാഡ്കോ, ഹാന്റിക്രാഫ്റ്റ് ഡവലപ്പ്മെന്റ് കോര്‍പ്പറേഷന്‍ തുടങ്ങിയ ഏജന്‍സികളെക്കൂടി ഉൾപ്പെടുത്തി ബാംബൂ മിഷന്‍ ഉദ്ദേശിക്കുന്നുണ്ടോ;

(ഡി)	കരകൗശല മേഖലയില്‍ പരിശീലനം നല്‍കുന്നതിനും പൊതു,സ്വകാര്യ സേവന കേന്ദ്രങ്ങള്‍ സ്ഥാപിക്കുന്നതിനും ചെയ്തുവരുന്ന കാര്യങ്ങള്‍ അറിയിക്കാമോ?

സംസ്ഥാനത്തിന്റെ പൊതുകടം

*510.

ശ്രീ.എം.ഉമ്മര്‍
,, എന്‍. ഷംസുദ്ദീന്‍
,, ടി.എ.അഹമ്മദ് കബീര്‍
,, കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും കയറും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നപ്പോള്‍ പുറപ്പെടുവിച്ച ധവളപത്രത്തില്‍ പൊതുകടം എത്രയായിരുന്നു; നിലവിലെ പൊതുകടം എത്രയാണ്; വിശദമാക്കാമോ;

(ബി)	സംസ്ഥാനം അന്താരാഷ്ട്ര ബോണ്ടുകള്‍വഴി കടം വാങ്ങുമ്പോള്‍ അത് പൊതുകടത്തിന്റെ ഭാഗമായി ഉള്‍പ്പെടുത്തുമോ; വിശദമാക്കാമോ;

(സി)	കേന്ദ്രം നിശ്ചയിച്ച പരിധിയില്‍ കൂടുതല്‍ സംസ്ഥാനം കടം വാങ്ങിയാല്‍ കേന്ദ്ര സര്‍ക്കാരില്‍നിന്നും ഗ്രാന്റ്-ഇന്‍-എയ്ഡ് ലഭിക്കുന്നതിന് നിയമതടസ്സങ്ങള്‍ എന്തെങ്കിലുമുണ്ടോ; വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.