14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >13^th Session>starred Questions and Answers

Answer Provided

Answer Not Yet Provided

FOURTEENTH KLA - 13^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

തീരദേശപാതയുടെയും മലയോര ഹൈവേയുടെയും നിര്‍മ്മാണം

*241.

ശ്രീ.ജോര്‍ജ് എം. തോമസ്
,, റ്റി.വി.രാജേഷ്
,, കെ. ദാസന്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതയ്ക്ക് സമാന്തരമായി കിഫ്ബി ഫണ്ടുപയോഗിച്ച് തീരദേശപാതയും മലയോര ഹൈവേയും നിര്‍മ്മിക്കാനുള്ള പദ്ധതിയുടെ നിലവിലെ സ്ഥിതി അറിയിക്കാമോ;

(ബി)	നന്ദാരപ്പടവ് മുതല്‍ പാറശ്ശാല വരെയുള്ള 1200 കിലോമീറ്റര്‍ മലയോരഹൈവേയുടെ അലൈന്‍മെന്റിന് അംഗീകാരമായോ; എത്ര കിലോമീറ്റര്‍ റോഡിനാണ് കിഫ്ബി അംഗീകാരം ലഭിച്ചത്; റോഡ് വികസനത്തിനുള്ള ഭൂമി ലഭ്യമായിട്ടുണ്ടോ;

(സി)	അറുനൂറ്റി അമ്പത്തിയാറു കിലോമീറ്റര്‍ ദൈര്‍ഘ്യമുള്ള തീരദേശപാതയ്ക്ക് സ്ഥലലഭ്യതയുടെ പ്രശ്നം പരിഹരിക്കാന്‍ പൊതുമരാമത്ത് വകുപ്പ് സ്വീകരിച്ചിട്ടുള്ള നടപടി അറിയിക്കാമോ; തീരദേശ പാത വികസനവുമായി ബന്ധപ്പെട്ട് നാറ്റ്പാക് തയ്യാറാക്കിയ റിപ്പോര്‍ട്ടിലെ പ്രധാന നിര്‍ദ്ദേശങ്ങള്‍ അറിയിക്കാമോ;

(ഡി)	കിഫ്ബി പ്രോജക്ടുകള്‍ സമയബന്ധിതമായി നടപ്പിലാക്കുന്നതിന് ഏര്‍പ്പെടുത്തിയിട്ടുള്ള സംവിധാനം അറിയിക്കാമോ; ഇതിനായി വകുപ്പിന് കീഴിലുള്ള എസ്.പി.വി.കളെ ശക്തിപ്പെടുത്താന്‍ നടത്തുന്ന പ്രവര്‍ത്തനങ്ങള്‍ വിശദമാക്കാമോ;

(ഇ)	ദേശീയപാത നാലുവരിയാക്കുന്നതിനുള്ള പ്രവൃത്തിയുടെ പുരോഗതി അറിയിക്കാമോ?

മത്സ്യത്തൊഴിലാളികളുടെ ഉന്നമനം

*242.

ശ്രീ.ബി.സത്യന്‍
ശ്രീമതി യു. പ്രതിഭ
ശ്രീ.എ. എന്‍. ഷംസീര്‍
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഭൂരഹിതരായ മത്സ്യത്തൊഴിലാളികളുടെ അധിവാസത്തിനായി നടപ്പിലാക്കി വരുന്ന പദ്ധതിയുടെ വിശദാംശം ലഭ്യമാക്കുമോ; തിരുവനന്തപുരം മുട്ടത്തറയില്‍ ചെയ്തതുപോലെ ഫ്ലാറ്റ് നിര്‍മ്മിച്ച് എല്ലാ ആധുനിക സൗകര്യങ്ങളോടെയും ഉള്ള അധിവാസ പരിപാടി വ്യാപകമാക്കാന്‍ ഉദ്ദേശിക്കുന്നുണ്ടോ;

(ബി)	സ്വന്തമായി ഭൂമിയുള്ള ഭവനരഹിതരെയും നാമമാത്ര സൗകര്യമുള്ള വീടുകളില്‍ താമസിക്കുന്നവരെയും പുനരധിവസിപ്പിക്കാനുള്ള പദ്ധതിയുടെ പുരോഗതി അറിയിക്കാമോ;

(സി)	മത്സ്യത്തൊഴിലാളികള്‍ക്കായി നടപ്പാക്കുന്ന വിവിധ ക്ഷേമ പദ്ധതികളും വികസന പദ്ധതികളും എന്തൊക്കെയെന്ന് അറിയിക്കാമോ;

(ഡി)	തീരദേശവാസികളുടെ ഉന്നമനത്തിനായി വനിതാ സംരംഭങ്ങള്‍ പ്രോത്സാഹിപ്പിക്കാന്‍ നല്‍കിവരുന്ന സഹായം എന്തെല്ലാമാണ്; വിശദമാക്കാമോ?

കാലവര്‍ഷക്കെടുതി

*243.

ശ്രീ.വി.ആര്‍. സുനില്‍ കുമാര്‍
ശ്രീമതി ഇ.എസ്.ബിജിമോള്‍
ശ്രീ.കെ. രാജന്‍
ശ്രീമതി ഗീതാ ഗോപി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷക്കെടുതിമൂലം സംസ്ഥാനത്തിനുണ്ടായ നാശനഷ്ടങ്ങളുടെ കണക്കെടുപ്പ് പൂര്‍ണ്ണമായോ; വിശദമാക്കുമോ;

(ബി)	ഈ കാലയളവില്‍ മണ്ണിടിച്ചിലും ഉരുള്‍പൊട്ടലും മരങ്ങള്‍ കടപുഴകിയതും ഏറെ ജിവനപഹരിച്ചുവെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(സി)	വെള്ളം കയറാന്‍ സാധ്യതയുള്ള പ്രദേശങ്ങളിലെ ആളുകളെ ഡാമുകള്‍ തുറന്നുവിടുന്നതിനുമുമ്പ് മാറ്റിപ്പാര്‍പ്പിക്കുന്നതിന് ആവശ്യമായ നടപടി സ്വീകരിച്ചിരുന്നോ;

(ഡി)	മണ്ണിടിച്ചിലും ഉരുള്‍പൊട്ടലും കാരണം വീടുകള്‍ തകര്‍ന്നവരെ മാറ്റി പുനരധിവസിപ്പിക്കുമോ;

(ഇ)	ദുരിതാശ്വാസ പ്രവര്‍ത്തനങ്ങളില്‍ മറ്റ് വകുപ്പുകളുടെ സഹകരണവും സഹായവും മുതല്‍ക്കൂട്ടായിട്ടുണ്ടോ; വ്യക്തമാക്കുമോ?

കാസര്‍കോട് മുതല്‍ തിരുവനന്തപുരം വരെയുള്ള നാലുവരി ദേശീയപാത

*244.

ശ്രീ.പി.കെ.അബ്ദു റബ്ബ്
,, എന്‍. ഷംസുദ്ദീന്‍
ഡോ.എം. കെ. മുനീര്‍
ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍കോട് മുതല്‍ തിരുവനന്തപുരം വരെയുള്ള നാലുവരി ദേശീയപാത നിര്‍മ്മാണം ഇപ്പോള്‍ ഏതു ഘട്ടത്തിലാണ്;

(ബി)	സ്ഥലമെടുപ്പും ടെണ്ടര്‍ നടപടികളും പൂര്‍ത്തിയാക്കിയ മേഖലകളില്‍ റോഡു നിര്‍മ്മാണത്തിന് ആവശ്യമായ തുക കേന്ദ്രം അനുവദിച്ചു നല്‍കിയിട്ടുണ്ടോ;

(സി)	ഈ പാതയുടെ നിര്‍മ്മാണം എന്നത്തേക്ക് പൂര്‍ത്തിയാക്കാനാണ് ഉദ്ദേശിക്കുന്നത്; വ്യക്തമാക്കാമോ?

കുട്ടികളുടെ ത്രിഭാഷാ ശേഷി മെച്ചപ്പെടുത്തുന്നതിന് പദ്ധതി

*245.

ശ്രീ.കെ.വി.വിജയദാസ്
,, ജെയിംസ് മാത്യു
,, ആര്‍. രാജേഷ്
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പൊതു വിദ്യാലയങ്ങളിലെ കുട്ടികളുടെ ത്രിഭാഷാ ശേഷി മെച്ചപ്പെടുത്തുന്നതിനു വേണ്ടിയുള്ള പരിപാടിയുടെ വിശദാംശം അറിയിക്കാമോ;

(ബി)	ഒന്നു മുതല്‍ ഏഴുവരെയുള്ള ക്ലാസുകളിലെ വിദ്യാര്‍ത്ഥികള്‍ക്കായുള്ള 'ഹലോ ഇംഗ്ലീഷ്' പദ്ധതിയുടെ വിശദാംശം നല്‍കാമോ; പ്രസ്തുത പദ്ധതി എല്ലാ പൊതു വിദ്യാലയങ്ങളിലേക്കും വ്യാപിപ്പിക്കാന്‍ ഉദ്ദേശിക്കുന്നുണ്ടോ;

(സി)	ലോകഭാഷയായ ഇംഗ്ലീഷിന് ലഭിക്കുന്നത്ര പ്രാധാന്യം മാതൃഭാഷയ്ക്കും ലഭിക്കുന്നുണ്ടെന്ന് ഉറപ്പുവരുത്താന്‍ പദ്ധതി ആവിഷ്കരിച്ചിട്ടുണ്ടോ;

(ഡി)	ഹയര്‍ സെക്കന്ററി തലത്തില്‍ എല്ലാ വിഷയങ്ങള്‍ക്കുമുള്ള പാഠപുസ്തകം മാതൃഭാഷയില്‍ കൂടി ലഭ്യമാക്കാന്‍ സ്വീകരിച്ച നടപടി അറിയിക്കാമോ;

(ഇ)	മാതൃഭാഷ പഠിക്കാതെ ബിരുദമെടുക്കാന്‍ കഴിയുന്ന സ്ഥിതി മാറ്റാനായി നടത്തുന്ന പ്രവര്‍ത്തനം എന്തൊക്കെയെന്ന് അറിയിക്കാമോ; സി.ബി.എസ്.ഇ, എെ.സി.എസ്.ഇ. സ്കൂളുകളില്‍ പഠിക്കുന്ന വിദ്യാര്‍ത്ഥികളും മാതൃഭാഷ പഠിക്കുന്നുണ്ടെന്ന് ഉറപ്പാക്കാന്‍ സ്വീകരിച്ച നടപടികള്‍ അറിയിക്കാമോ;

(എഫ്)

നിലവിലെ അക്കാദമിക വര്‍ഷം അക്കാദമിക മികവിന്റെ വര്‍ഷമായി പ്രഖ്യാപിച്ചു കൊണ്ട് നടത്തിവരുന്ന പ്രവര്‍ത്തനങ്ങള്‍ എന്തൊക്കെയാണന്ന് വിശദമാക്കുമോ?

റോഡുകളുടെ ദയനീയാവസ്ഥയിന്മേല്‍ കോടതി വിമര്‍ശനം

*246.

ശ്രീ.എം. വിന്‍സെന്റ്
,, തിരുവഞ്ചൂര്‍ രാധാകൃഷ്ണന്‍
,, അനൂപ് ജേക്കബ്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളുടെ ദയനീയാവസ്ഥയെ കേരള ഹൈക്കോടതി വിമര്‍ശിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	റോഡുകളുടെ ദയനീയാവസ്ഥയിന്മേല്‍ ഹൈക്കോടതി സ്വമേധയാ കേസ് എടുത്തത് ഗൗരവത്തോടെ കാണുന്നുണ്ടോ;

(സി)	പ്രസ്തുത വിമര്‍ശനത്തിന്റെ പശ്ചാത്തലത്തില്‍ എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ?

ദുരന്തനിവാരണ പ്രവര്‍ത്തനങ്ങളുടെ അവലോകനം

*247.

ശ്രീ.സി. ദിവാകരന്‍
,, ജി.എസ്.ജയലാല്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുണ്ടായ മഹാപ്രളയത്തിനുശേഷം ദുരന്തനിവാരണ സംവിധാനങ്ങളുടെ പ്രവര്‍ത്തനം സംബന്ധിച്ച അവലോകനം നടത്തിയിട്ടുണ്ടോ; വിശദമാക്കാമോ;

(ബി)	പ്രകൃതിദുരന്തങ്ങള്‍ നേരിടുന്നതിന് സംസ്ഥാനം എത്രത്തോളം സജ്ജമാണെന്ന് വ്യക്തമാക്കുമോ;

(സി)	സംസ്ഥാനത്തിന്റെ ദുരന്തപ്രതികരണശേഷിയും ദുരന്തനിവാരണ സംവിധാനങ്ങളും പുനരവലോകനം നടത്തി കൂടുതല്‍ പ്രതികരണ ശേഷിയുളളതാക്കി മാറ്റുന്നതിന് സ്വീകരിക്കുന്ന നടപടികള്‍ വിശദമാക്കുമോ;

(ഡി)	ഫ്ലാറ്റുകളിലും മറ്റുയര്‍ന്ന കെട്ടിടങ്ങളിലും ഉണ്ടാകാന്‍ സാധ്യതയുളള അഗ്നിബാധ തടയുന്നതിനും ആളപായം കുറയ്ക്കുന്നതിനുമുളള ദുരന്തനിവാരണ സംവിധാനങ്ങളുടെ പ്രതികരണശേഷി പരിശോധിച്ചിട്ടുണ്ടോയെന്ന് വ്യക്തമാക്കുമോ?

ഭൂപരിഷ്ക്കരണ നിയമ പ്രകാരം ഇളവ് ലഭിച്ച തോട്ടങ്ങള്‍

*248.

ശ്രീ.വി.കെ.ഇബ്രാഹിം കുഞ്ഞ്
,, പി.കെ.ബഷീര്‍
,, പാറക്കല്‍ അബ്ദുല്ല
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഭൂപരിഷ്ക്കരണ നിയമ പ്രകാരം ഇളവ് ലഭിച്ച തോട്ടങ്ങളില്‍ ക്വാറികള്‍ പ്രവര്‍ത്തിക്കുന്നത് നിയമ വിരുദ്ധമാണെന്നും ഇത്തരം ഭൂമി സര്‍ക്കാര്‍ ഏറ്റെടുക്കണമെന്നും ഹൈക്കോടതി വിധി പ്രസ്താവിച്ചതായി ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരം തോട്ടങ്ങള്‍ കണ്ടെത്തി മിച്ച ഭൂമിയായി ഏറ്റെടുക്കുന്നതിന് നടപടി സ്വീകരിച്ചിട്ടുണ്ടോ; എങ്കില്‍ വിശദമാംശം വ്യക്തമാക്കുമോ?

സ്വകാര്യ മേഖലയിലെ സ്കൂളുകളുടെ വാണിജ്യ താല‍്പര്യം

*249.

ശ്രീ.കെ. ബാബു
പ്രൊഫ.കെ.യു. അരുണന്‍
ശ്രീ.കാരാട്ട് റസാഖ്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്വകാര്യ മേഖലയിലെ അണ്‍എയ്ഡഡ് സ്കൂളുകളില്‍ കേരള ഹൈക്കോടതി നിര്‍ദ്ദേശത്തിന്റെ അടിസ്ഥാനത്തില്‍ ഫീസ് ഘടന നിശ്ചയിക്കാന്‍ ഉദ്ദേശിക്കുന്നുണ്ടോ; ഇത്തരം സ്കൂളുകളിലെ അധ്യാപകര്‍ക്ക് ന്യായ വേതനം ഉറപ്പാക്കാനായി നടപടി സ്വീകരിക്കാന്‍ കഴിയുമോ;

(ബി)

ന‍ൂറുശതമാനം വിജയം ഉറപ്പാക്കാനുള്ള കുറുക്കുവഴിയായും അന്യായ നടപടികള്‍ ചോദ്യം ചെയ്യുന്നവരെ നിശബ‍്ദരാക്കാനും അണ്‍എയ്ഡഡ് സ്കൂളുകള്‍ വിദ്യാര്‍ത്ഥികളെ നിയമ വിരുദ്ധമായി നിര്‍ബന്ധിത വിടുതല്‍ സര്‍ട്ടിഫിക്കറ്റ് നല്‍കി പുറത്താക്കുന്നതും വിവിധ ക്ലാസുകളില്‍ തോല്‍പ്പിക്കുന്നതും അവസാനിപ്പിക്കാന്‍ നടപടിയെടുക്കാന്‍‌ കഴിയുമോ; വിശദമാക്കുമോ;

(സി)	സംസ്ഥാനത്ത് സി.ബി.എസ്.ഇ, ഐ.സി.എസ്.ഇ. സ്കൂളുകള്‍ക്ക് എന്‍.ഒ.സി നല്‍കുന്നതിനുള്ള വ്യവസ്ഥകള്‍ എന്തൊക്കെയാണ്; അംഗീകാരമില്ലാതെ പ്രവര്‍ത്തിക്കുന്ന സ്കൂളുകള്‍ അടച്ചുപൂട്ടാന്‍ നടപടി സ്വീകരിക്കുമോ;

(ഡി)	സ്വകാര്യ വിദ്യാഭ്യാസ മേഖലയിലെ വാണിജ്യ താല‍്പര്യം ദുര്‍ബലപ്പെടുത്താന്‍ പൊതുവിദ്യാഭ്യാസ മേഖലയുടെ നവീകരണം വഴി സാധ്യമായിട്ടുണ്ടോയെന്ന് പരിശോധിച്ചിട്ടുണ്ടോ; വ്യക്തമാക്കുമോ?

ഓഖി ദുരന്തബാധിതരുടെ സംരക്ഷണം

*250.

ശ്രീ.എസ്.ശർമ്മ
,, സി.കെ. ഹരീന്ദ്രന്‍
,, എം. നൗഷാദ്
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തത്തില്‍ മരിക്കുകയോ കാണാതെ പോവുകയോ ചെയ്ത മത്സ്യത്തൊഴിലാളികളുടെ കുടുംബങ്ങളെ സംരക്ഷിക്കാന്‍ സ്വീകരിച്ച നടപടികള്‍ വിശദമാക്കാമോ;

(ബി)	ഓഖി പുനരധിവാസം സംസ്ഥാനത്തിന്റെ ചുമതലയാണെന്ന് കേന്ദ്രസര്‍ക്കാര്‍ നിലപാട് സ്വീകരിച്ചിട്ടുണ്ടോ; വ്യക്തമാക്കുമോ;

(സി)	ആവര്‍ത്തിക്കുന്ന ഇത്തരം ദുരന്തങ്ങളുടെ പശ്ചാത്തലത്തില്‍ കടല്‍ത്തീരത്തു നിന്ന് 50 മീറ്ററിനുള്ളില്‍ താമസിക്കുന്നവരെ സുരക്ഷിതമായി മാറ്റിപ്പാര്‍പ്പിക്കാന്‍ പദ്ധതി ആവിഷ്കരിച്ചിട്ടുണ്ടോ;

(ഡി)	സംസ്ഥാനത്തെ മത്സ്യത്തൊഴിലാളികള്‍ക്കെല്ലാം സ്വന്തമായി ജീവനോപാധി നല്‍കാന്‍ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ?

കേരള റെയില്‍ ഡെവലപ്മെന്റ് കോര്‍പ്പറേഷന്റെ പ്രധാന പദ്ധതികള്‍

*251.

ശ്രീ.എം. സ്വരാജ്
,, വി. ജോയി
,, സജി ചെറിയാന്‍
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ റോഡുകളിലെ അമിത വാഹന സാന്ദ്രത മൂലം റോഡ് യാത്ര ദുഷ്ക്കരമായിത്തീരുകയും ഇതരസംസ്ഥാനങ്ങളുമായി താരതമ്യപ്പെടുത്തുമ്പോള്‍ ട്രെയിനുകളുടെ വേഗത വളരെക്കുറവും ആയ സാഹചര്യത്തില്‍ സുഗമവും വേഗതയുള്ളതുമായ സഞ്ചാരം ഒരുക്കുന്നതിനായി കേരള റെയില്‍ ഡെവലപ്മെന്റ് കോര്‍പ്പറേഷന്‍ ഏറ്റെടുത്ത്‌ നടപ്പാക്കാനുദ്ദേശിക്കുന്ന പ്രധാന പദ്ധതികള്‍ ഏതെല്ലാമാണെന്ന് വ്യക്തമാക്കുമോ;

(ബി)	സര്‍ക്കാര്‍ തത്വത്തില്‍ അംഗീകാരം നല്‍കിയ തിരുവനന്തപുരം - ചെങ്ങന്നൂര്‍ സബര്‍ബന്‍ റെയില്‍ പ്രോജക്ടിന് റെയില്‍വേയുടെ അനുമതി ലഭ്യമായിട്ടുണ്ടോ; നിലവിലെ സ്ഥിതി വ്യക്തമാക്കാമോ?

മത്സ്യബന്ധന മേഖലയിലെ പുരോഗതി

*252.

ശ്രീ.സി.കൃഷ്ണന്‍
,, എസ്.ശർമ്മ
,, കെ. ആന്‍സലന്‍
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	മത്സ്യത്തൊഴിലാളികളുടെ സാമൂഹ്യ സാമ്പത്തിക പുരോഗതിക്കായി മത്സ്യഫെഡ് നടത്തിവരുന്ന ഇടപെടലുകള്‍ എന്തൊക്കെയെന്ന് അറിയിക്കുമോ;

(ബി)	രാസവസ്തുക്കള്‍ ചേര്‍ക്കാത്ത മത്സ്യം കേടുകൂടാതെ ഉപഭോക്താക്കള്‍ക്ക് ലഭ്യമാക്കാന്‍ 'തീരത്തു നിന്ന് വിപണിയിലേക്ക്' പദ്ധതി ഫലപ്രദമായി പ്രാവര്‍ത്തികമായിട്ടുണ്ടോ;

(സി)	കേന്ദ്രസര്‍ക്കാരിന്റെ കടല്‍ മത്സ്യ നയവും അതിന്റെ തുടര്‍ച്ചയായി വന്ന കടല്‍ മത്സ്യ വളര്‍ത്തല്‍ (മാരികള്‍ച്ചര്‍) നയത്തിന്റെ കരടും പരിശോധനാ വിധേയമാക്കിയിരുന്നോ; സംസ്ഥാനം മത്സ്യ നയത്തിന് രൂപം നല്‍കിയിട്ടുണ്ടോ;

(ഡി)	മത്സ്യബന്ധന മേഖലയിലെ പുരോഗതിക്കായി, ദക്ഷിണേന്ത്യന്‍ ഫിഷറീസ് മന്ത്രിമാരുടെ സമ്മേളനത്തില്‍ ഉരുത്തിരിഞ്ഞു വന്ന പ്രധാന നിര്‍ദ്ദേശങ്ങള്‍ അറിയിക്കാമോ?

നെല്‍വയലുകളുടെയും തണ്ണീര്‍ത്തടങ്ങളുടെയും സംരക്ഷണം

*253.

ശ്രീമതി യു. പ്രതിഭ
ശ്രീ.കെ.വി.വിജയദാസ്
,, യു. ആര്‍. പ്രദീപ്
,, സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നെല്‍വയലുകളും തണ്ണീര്‍ത്തടങ്ങളും സംരക്ഷിക്കുന്നതിനായി നടപ്പാക്കി വരുന്ന പദ്ധതികള്‍ എന്തെല്ലാമാണ്;

(ബി)	കേരള സംസ്ഥാന തണ്ണീര്‍ത്തട അതോറിറ്റി തണ്ണീര്‍ത്തടങ്ങളുടെ സംരക്ഷണത്തിനും പരിപാലനത്തിനുമായി നടത്തി വരുന്ന പ്രവര്‍ത്തനങ്ങള്‍ വിശദമാക്കാമോ;

(സി)	തണ്ണീര്‍ത്തട അതോറിറ്റി തണ്ണീര്‍ത്തടങ്ങളുടെ സംരക്ഷണത്തിനും പരിപാലനത്തിനുമുള്ള അവബോധ പ്രവര്‍ത്തനങ്ങള്‍ക്കായി പ്രോജക്ടുകള്‍ തയ്യാറാക്കുന്നതിനുള്ള നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(ഡി)	നെല്‍വയലുകളും തണ്ണീര്‍ത്തടങ്ങളും സംരക്ഷിക്കുന്നതിനായി താലൂക്ക് തലത്തില്‍ രൂപീകരിച്ചിട്ടുള്ള പ്രത്യേക സ്ക്വാഡുകളുടെ പ്രവര്‍ത്തനം വ്യക്തമാക്കാമോ?

ഓഖി ദുരന്തത്തില്‍ വീട് നഷ്ടപ്പെട്ടവരുടെ പുനരധിവാസം

*254.

ശ്രീ.മോന്‍സ്‌ ജോസഫ്
,, റോഷി അഗസ്റ്റിന്‍
,, പി.ജെ.ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തത്തില്‍ വീട് നഷ്ടപ്പെട്ട മത്സ്യത്തൊഴിലാളികളുടെ പുനരധിവാസത്തിന് കൈക്കൊണ്ടിട്ടുള്ള നടപടികള്‍ വ്യക്തമാക്കുമോ;

(ബി)	വീട് നഷ്ടപ്പെട്ടവരില്‍ വലിയതുറ പ്രദേശത്തിന് പുറമെയുള്ളവര്‍ക്ക് വീട് നല്‍കുന്നതിനുള്ള നടപടി ഏതു ഘട്ടത്തിലെത്തിയെന്നറിയിക്കുമോ;

(സി)	വീട് നഷ്ടപ്പെട്ട മുഴുവന്‍ കുടുംബങ്ങള്‍ക്കും പകരം വീട് ഉറപ്പുവരുത്താന്‍ അടിയന്തര നടപടി സ്വീകരിക്കുമോ?

സ്മാര്‍ട്ട് റവന്യൂ ഓഫീസ് പദ്ധതി

*255.

ശ്രീ.പി.ടി.എ. റഹീം
ശ്രീമതി.പി. അയിഷാ പോറ്റി
ശ്രീ.മുരളി പെരുനെല്ലി
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ്ഓഫീസുകള്‍ അഴിമതി രഹിതവും കാര്യക്ഷമവുമാക്കുന്നതിനായി ആവിഷ്കരിച്ച സ്മാര്‍ട്ട്റവന്യൂ ഓഫീസ് പദ്ധതിയുടെ പുരോഗതി അറിയിക്കാമോ;

(ബി)	ഡിജിറ്റല്‍ ഇന്‍ഡ്യ മോഡേണൈസേഷന്‍ പ്രോഗ്രാമിന്റെ ഭാഗമായി ഭൂമി സംബന്ധമായ എല്ലാ രേഖകളുടെയും ഡിജിറ്റൈസേഷനിലൂടെയുള്ള കമ്പ്യൂട്ടര്‍വല്‍ക്കരണത്തിന്റെ പുരോഗതി അറിയിക്കാമോ;

(സി)	അര്‍ഹരായ കൈവശക്കാര്‍ക്ക് പട്ടയം അനുവദിക്കുന്നതിനും സര്‍ക്കാര്‍ ഭൂമിയുടെ സംരക്ഷണവും ഭൂവിനിയോഗവും കാര്യക്ഷമമാക്കുന്നതിനുമുള്ള ലാന്‍ഡ് ബാങ്ക് പദ്ധതി ഫലപ്രദമാക്കുന്നതിനും സ്വീകരിച്ച നടപടികള്‍ വിശദമാക്കാമോ?

തീരദേശത്തിന്റെ സമഗ്ര വികസനത്തിനായുള്ള പദ്ധതികള്‍

*256.

ശ്രീ.എം. രാജഗോപാലന്‍
,, കെ.വി.അബ്ദുള്‍ ഖാദര്‍
,, എ.എം. ആരിഫ്
,, കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശത്തിന്റെ സമഗ്ര വികസനത്തിനായി നടത്തിവരുന്ന പ്രവര്‍ത്തനങ്ങള്‍ വിശദമാക്കാമോ; ഇതിനായി കിഫ്ബി വഴി നടപ്പാക്കാനുദ്ദേശിക്കുന്ന പദ്ധതികള്‍ എന്തെല്ലാമാണ്; തീരദേശ വികസന കോര്‍പ്പറേഷന്റെ പ്രവര്‍ത്തനം അറിയിക്കാമോ;

(ബി)	തീരദേശത്തെ റോ‍ഡുകളുടെ നിലവാരം ഉയര്‍ത്തുന്നതിനായി ഹാര്‍ബര്‍ എഞ്ചിനീയറിംഗ് വകുപ്പ് ചെയ്തുവരുന്ന പ്രവര്‍ത്തനങ്ങള്‍ വിശദമാക്കാമോ;

(സി)	പരപ്പനങ്ങാടി, പൊഴിയൂര്‍ ഉള്‍പ്പെടെയുള്ള സ്ഥലങ്ങളില്‍ പുതുതായി മത്സ്യബന്ധനതുറമുഖം നിര്‍മ്മിക്കുന്നതിനും മറ്റു സ്ഥലങ്ങളില്‍ നിലവിലുള്ളവ നവീകരിക്കുന്നതിനും ഉള്ള പ്രവര്‍ത്തനം അറിയിക്കാമോ;

(ഡി)	വികസന പദ്ധതികള്‍ മത്സ്യത്തൊഴിലാളികളെ ദോഷകരമായി ബാധിക്കാതിരിക്കുന്നതിനും സുസ്ഥിര മത്സ്യബന്ധന രീതികള്‍ വ്യാപകമാക്കുന്നതിനും നടത്തി വരുന്ന പ്രവര്‍ത്തനം എന്തൊക്കെയാണെന്ന് വ്യക്തമാക്കുമോ?

പ്രളയ ദുരിതത്തില്‍ അകപ്പെട്ട വിദ്യാര്‍ത്ഥികള്‍

*257.

ശ്രീ.കെ.ഡി. പ്രസേനന്‍
,, എസ്.രാജേന്ദ്രന്‍
ശ്രീമതി.വീണാ ജോര്‍ജ്ജ്
ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂളുകളില്‍ ഏര്‍പ്പെടുത്തിയിട്ടുള്ള ഹൈടെക് സംവിധാനങ്ങളില്‍ പ്രളയം വരുത്തി വച്ച കേടുപാടുകള്‍ എന്തെല്ലാമാണ് എന്ന് വ്യക്തമാക്കുമോ;

(ബി)	പ്രളയ ദുരിതത്തില്‍ അകപ്പെട്ട വിദ്യാര്‍ത്ഥികളുടെ പുനരധിവാസത്തിനും സംരക്ഷണത്തിനുമായി വിദ്യാഭ്യാസ വകുപ്പ് എന്തെല്ലാം നടപടികളാണ് കൈക്കൊണ്ടിട്ടുള്ളത്;

(സി)	പാഠപുസ്തകങ്ങള്‍ നഷ്ടപ്പെട്ട കുട്ടികള്‍ക്ക് പാഠപുസ്തകങ്ങളും നോട്ടുബുക്കുകളും യൂണിഫോമും നല്‍കുന്നതിനുളള നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(ഡി)	പ്രളയം മൂലം സ്കൂളുകളില്‍ നഷ്ടപ്പട്ട പ്രവൃത്തി ദിനങ്ങള്‍ എപ്രകാരം പുനക്രമീകരിക്കാനാണ് തീരുമാനിച്ചിട്ടുള്ളതെന്ന് വ്യക്തമാക്കാമോ;

(ഇ)	വിദ്യാര്‍ത്ഥികള്‍ക്കായി സ്കൂളുകളില്‍ കൗണ്‍സലിംഗ് ക്യാമ്പുകള്‍ സംഘടിപ്പിക്കാന്‍ നടപടി സ്വീകരിച്ചിട്ടുണ്ടോയെന്ന് അറിയിക്കാമോ?

റോഡ് നിര്‍മ്മാണത്തിനായുള്ള അസംസ്കൃത വസ്തുക്കളുടെ ക്ഷാമം

*258.

ശ്രീ.ഷാഫി പറമ്പില്‍
,, വി.ഡി.സതീശന്‍
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡ് നിര്‍മ്മാണത്തിനായുള്ള അസംസ്കൃത വസ്തുക്കളുടെ രൂക്ഷമായ ക്ഷാമം അനുഭവപ്പെടുന്നുണ്ടോ;

(ബി)	ഇത് മൂലം സംസ്ഥാനത്തെ റോഡ് പണികള്‍ സ്തംഭിച്ചിട്ടുണ്ടോ; എങ്കിൽ ഇത് പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിരിക്കുന്നത്;

(സി)	ടാറിന്റെ ലഭ്യതക്കുറവും അമിതമായ വിലയും കാരണം റോഡ് നിര്‍മ്മാണ പ്രവര്‍ത്തനങ്ങള്‍ സ്തംഭനാവസ്ഥയിലാണോ;

(ഡി)	പ്രസ്തുത സാഹചര്യത്തില്‍ ടെന്‍ഡറുകളില്‍ നിന്നും കരാറുകാര്‍ വിട്ടുനില്‍ക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ഇ)	പ്രളയത്തില്‍ തകര്‍ന്ന റോഡുകളുടെ പുനര്‍ നിര്‍മ്മാണത്തിന് പ്രസ്തുത കാരണങ്ങള്‍ വിഘാതം സൃഷ്ടിക്കുന്നുണ്ടോ; വിശദമാക്കാമോ?

തീരദേശ ഹൈവേ

*259.

ശ്രീ.വി. കെ. സി. മമ്മത് കോയ
,, എ.എം. ആരിഫ്
,, വി. ജോയി
,, വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം പൂവാര്‍ മുതല്‍ കാസര്‍ഗോഡ് തലപ്പാടി വരെയുള്ള നിര്‍ദ്ദിഷ്ട തീരദേശ ഹൈവേ പദ്ധതി യാഥാര്‍ത്ഥ്യമാക്കുന്നതിനായി പുതുതായി എന്തെല്ലാം നിര്‍ദ്ദേശങ്ങളും നടപടികളുമാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കാമോ;

(ബി)	തീരദേശ പാതയ്ക്കായുള്ള സ്ഥലമേറ്റെടുക്കല്‍ സംബന്ധിച്ച് എന്തെല്ലാം തീരുമാനങ്ങളാണ് കൈക്കൊണ്ടിട്ടുള്ളത്;

(സി)	ജനസാന്ദ്രത കൂടിയ പ്രദേശങ്ങളില്‍ സ്ഥലമേറ്റെടുപ്പ് ഒഴിവാക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്;

(ഡി)	പദ്ധതിയ്ക്കായുള്ള ഒഴിപ്പിക്കല്‍ നടപടികളില്‍ പൊതുജനങ്ങളുടെയും ജനപ്രതിനിധികളുടെയും പങ്കാളിത്തവും സഹകരണവും ഉറപ്പാക്കാന്‍ നടപടി സ്വീകരിക്കുമോ എന്നറിയിക്കാമോ?

സാഗര മൊബെെല്‍ ആപ്ലിക്കേഷന്‍

*260.

ശ്രീ.ആര്‍. രാമചന്ദ്രന്‍
ശ്രീമതി ഇ.എസ്.ബിജിമോള്‍
ശ്രീ.ഇ.ടി. ടൈസണ്‍ മാസ്റ്റര്‍
,, മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഓഖി ദുരന്തത്തിന്റെ പശ്ചാത്തലത്തില്‍ മത്സ്യബന്ധന വകുപ്പ് നടപ്പാക്കിയ സാഗര മൊബെെല്‍ ആപ്ലിക്കേഷന്‍ സംബന്ധിച്ച വിവരങ്ങള്‍ ലഭ്യമാക്കുമോ;

(ബി)	സാഗര മൊബെെല്‍ ആപ്ലിക്കേഷന്‍ നടപ്പാക്കിയത് സംബന്ധിച്ച് വിലയിരുത്തല്‍ നടത്തിയിട്ടുണ്ടോ; വിശദമാക്കുമോ;

(സി)	സ്മാര്‍ട്ട്ഫോണ്‍ ഉപയോഗിക്കാന്‍ അറിയാത്ത നിരക്ഷരരായ മത്സ്യത്തൊഴിലാളികള്‍ സാഗര മൊബെെല്‍ ആപ്ലിക്കേഷന്‍ ഉപയോഗിക്കാത്ത സാഹചര്യം നിലവിലുണ്ടോ;

(ഡി)	മത്സ്യബന്ധനത്തിന് പോകുന്ന യാനങ്ങളുടെ വിവരങ്ങള്‍ ഇൗ ആപ്ലിക്കേഷന്‍ ഉപയോഗിച്ച് ശേഖരിക്കുന്നതിന് സാധിച്ചിട്ടുണ്ടോ; വ്യക്തമാക്കുമോ?

മലയോര ഹൈവേ നിർമ്മാണം

*261.

ശ്രീ.സി.കെ. ഹരീന്ദ്രന്‍
,, ജോര്‍ജ് എം. തോമസ്
,, കെ.കുഞ്ഞിരാമന്‍
,, രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ അടിസ്ഥാന സൗകര്യ വികസനത്തിന് മുതല്‍ക്കൂട്ടാകുന്ന കാസര്‍ഗോഡ് മുതല്‍ പാറശ്ശാല വരെ നീളുന്ന മലയോര ഹൈവേയുടെ നിര്‍മ്മാണവുമായി ബന്ധപ്പെട്ട് ഏതെല്ലാം പദ്ധതികളാണ് കിഫ്ബിയുടെ അംഗീകാരത്തിനായി സമര്‍പ്പിച്ചതെന്ന് വ്യക്തമാക്കുമോ;

(ബി)	അതില്‍ ഏതെല്ലാം പ്രവൃത്തികള്‍ക്ക് കിഫ്ബിയുടെ അംഗീകാരം ലഭിച്ചിട്ടുണ്ടെന്ന് വ്യക്തമാക്കുമോ;

(സി)	മലയോര ഹൈവേയ്ക്കായുള്ള ഭൂമി ഏറ്റെടുക്കൽ നടപടികള്‍ ഏത് ഘട്ടത്തിലാണെന്ന് അറിയിക്കുമോ;

(ഡി)	പ്രസ്തുത ഹൈവേ നിര്‍മ്മാണം എന്നത്തേയ്ക്ക് പൂര്‍ത്തീകരിക്കുവാനാണുദ്ദേശിക്കുന്നതെന്ന് വ്യക്തമാക്കുമോ?

കഞ്ചിക്കോട് കോച്ച് ഫാക്ടറി

T *262.

ശ്രീ.വി.ടി.ബല്‍റാം
,, ഷാഫി പറമ്പില്‍
,, അന്‍വര്‍ സാദത്ത്
,, എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് കഞ്ചിക്കോട് കോച്ച് ഫാക്ടറി സ്ഥാപിക്കുന്നതില്‍ നിന്നും കേന്ദ്ര സര്‍ക്കാര്‍ പിന്‍മാറിയതായി അറിയിച്ചിട്ടുണ്ടോ; എങ്കില്‍ അതിനുള്ള എന്ത് കാരണമാണ് സൂചിപ്പിച്ചിട്ടുള്ളത്;

(ബി)	റെയില്‍വേയ്ക്ക് കോച്ച് ഫാക്ടറിയുടെ കാര്യത്തില്‍ താല്പര്യം ഇല്ലെങ്കില്‍ സംസ്ഥാന സര്‍ക്കാര്‍ പദ്ധതി എറ്റെടുക്കുന്ന കാര്യം ആലോചിച്ചിട്ടുണ്ടോ;

(സി)	ഈ പദ്ധതിക്കായി എത്ര ഏക്കര്‍ സ്ഥലമാണ് സംസ്ഥാന സര്‍ക്കാര്‍ ഏറ്റെടുത്ത് റെയില്‍വേയ്ക്ക് കൈമാറിയത്;

(ഡി)	മെട്രോ കോച്ചുകള്‍ നിര്‍മ്മിക്കുന്ന കമ്പനികളുമായി സംയുക്ത സംരംഭത്തിന് ഈ സ്ഥലം പ്രയോജനപ്പെടുത്തുന്ന കാര്യം പരിഗണിക്കുമോ എന്നറിയിക്കാമോ?

രാസവസ‍്തുക്കള്‍ ചേര്‍ത്ത മത്സ്യം

*263.

ശ്രീ.ഡി.കെ. മുരളി
,, കെ. ദാസന്‍
,, പി. ഉണ്ണി
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഗ‍ുരുതരമായ ആരോഗ്യ പ്രശ‍്നങ്ങള്‍ക്കും മാരക രോഗങ്ങള്‍ക്കും കാരണമാക‍ുന്ന ഫോര്‍മാലിന്‍, അമോണിയ പോലുള്ള രാസവസ‍്തുക്കള്‍ ചേര്‍ത്ത മത്സ്യം സംസ്ഥാനത്ത് വില‍്പനയ‍്ക്ക് എത്തുന്നതായുള്ള റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	കച്ചവടക്കാരുടെയും ഇടനിലക്കാരുടെയും അമിത ലാഭേച്ഛയോടു ക‍ൂടിയ ഇത്തരം പ്രവര്‍ത്തനങ്ങള്‍ തടയുന്നതിന് ഫിഷറീസ് വകുപ്പ് എന്തെല്ലാം ഇടപെടലുകളാണ് നടത്തിയിട്ടുള്ളതെന്ന് വ്യക്തമാക്കാമോ;

(സി)	രാസവസ‍്തുക്കള്‍ ചേര്‍ത്തുള്ള മത്സ്യ ഉപയോഗത്തിന്റെ ദ‍ൂഷ്യഫലങ്ങളെക്കുറിച്ച് മത്സ്യത്തൊഴിലാളികളെയും മത്സ്യക്കച്ചവടക്കാരെയും ബോധവത‍്ക്കരിക്കുന്നതിന് കടലോര ജാഗ്രത സമിതികളെക്കൂടി പങ്കാളികളാക്കിക്കൊണ്ടുള്ള പ്രവര്‍ത്തനങ്ങള്‍ നടത്തി വരുന്നുണ്ടോ;

(ഡി)	ഇത്തരത്തിലുള്ള രാസവസ‍്തുക്കുളുടെ ഉപയോഗം തടയുന്നതിന് മത്സ്യത്തിന്റെ സംഭരണം, വിതരണം, വിപണനം തുടങ്ങിയ വേളകളില്‍ ശീതീകരണ സംവിധാനത്തിന്റെ കാര്യക്ഷമമായ ഉപയോഗം ഉറപ്പ് വരുത്താന്‍ നടപടി സ്വീകരിക്കുമോ എന്നറിയിക്കാമോ?

പൊതുമരാമത്ത് വകുപ്പിന്റെ അധീനതയിലുള്ള ആസ്തികളുടെ പരിപാലനം

*264.

ശ്രീ.എസ്.രാജേന്ദ്രന്‍
,, രാജു എബ്രഹാം
,, ആന്റണി ജോണ്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലങ്ങള്‍, കലുങ്കുകള്‍, റോഡുകള്‍, റസ്റ്റ് ഹൗസുകള്‍ തുടങ്ങി പൊതുമരാമത്ത് വകുപ്പിന്റെ അധീനതയിലുള്ള ആസ്തികളുടെ പരിപാലത്തിനായി രൂപപ്പെടുത്തിയിട്ടുള്ള നയം വിശദമാക്കാമോ;

(ബി)	ഈ കാലവര്‍ഷക്കാലത്തെ അതിവര്‍ഷത്തിനു മുമ്പായിത്തന്നെ 162 പാലങ്ങള്‍ പുനര്‍നിര്‍മിക്കണമെന്നും 208 പാലങ്ങള്‍ക്ക് ഹെവി മെയിന്റനന്‍സ് ആവശ്യമാണെന്നും കണ്ടെത്തിയിരുന്നതിനാല്‍ അവ പുനര്‍നിര്‍മ്മിക്കുന്നതിനും കേടുപാടുകള്‍ തീര്‍ക്കുന്നതിനും നടത്തിവരുന്ന പ്രവര്‍ത്തനങ്ങള്‍ വിശദമാക്കാമോ;

(സി)	കുറ്റാലം വിശ്രമമന്ദിരം കയ്യേറിയത് ഒഴിപ്പിക്കാനും ആലുവ, മൂന്നാര്‍, വൈക്കം വിശ്രമമന്ദിരങ്ങള്‍ ലീസിനു നല്‍കിയതിന്റെ അവകാശം വീണ്ടെടുക്കാനും ഈ സര്‍ക്കാര്‍ നടത്തിയ ഇടപെടല്‍ അറിയിക്കാമോ;

(ഡി)	നിലവിലുള്ള വിശ്രമമന്ദിരങ്ങള്‍ നവീകരിക്കാന്‍ പദ്ധതി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ?

സ്കൂള്‍പഠനം ഉപേക്ഷിക്കുന്ന വിദ്യാര്‍ത്ഥികള്‍

*265.

ശ്രീ.പാറക്കല്‍ അബ്ദുല്ല
,, എം.ഉമ്മര്‍
ഡോ.എം. കെ. മുനീര്‍
ശ്രീ.പി.കെ.അബ്ദു റബ്ബ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിവിധ കാരണങ്ങളാല്‍ സ്കൂള്‍പഠനം ഉപേക്ഷിക്കുന്നവരെ സംബന്ധിച്ച് വിദ്യാഭ്യാസ വകുപ്പ് എന്തെങ്കിലും പഠനം നടത്തിയിട്ടുണ്ടോ;

(ബി)	പഠനം പൂര്‍ത്തിയാക്കാതെ വിദ്യാര്‍ത്ഥികള്‍ കൊഴിഞ്ഞുപോകുന്നതിന്റെ കാരണങ്ങള്‍ കണ്ടെത്തിയിട്ടുണ്ടോ;

(സി)	വരും വര്‍ഷങ്ങളില്‍ ഇത്തരം കൊഴിഞ്ഞുപോക്ക് കുറയ്ക്കുന്നതിനായി എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

മത്സ്യത്തൊഴിലാളികളുടെ കണക്കുകള്‍ ശേഖരിക്കാന്‍ മൊബൈൽ ആപ്ലിക്കേഷന്‍

*266.

ശ്രീ.കെ.എം.ഷാജി
,, കെ.എന്‍.എ ഖാദര്‍
,, എന്‍ .എ.നെല്ലിക്കുന്ന്
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കടലില്‍ പണിയെടുക്കുന്ന മത്സ്യത്തൊഴിലാളികളുടെ കൃത്യമായ കണക്കുകള്‍ ശേഖരിക്കാന്‍ കഴിയുന്ന വിധത്തില്‍ വകുപ്പ് എന്തെങ്കിലും ആപ്ലിക്കേഷനുകള്‍ വികസിപ്പിച്ചെടുത്തിട്ടുണ്ടോ; എങ്കില്‍ ആയതിന്റെ വിശദാംശങ്ങള്‍ നല്‍കാമോ;

(ബി)	ആപ്ലിക്കേഷനില്‍ രജിസ്റ്റര്‍ ചെയ്യുന്നതിനുവേണ്ട പരിചയ ക്ലാസുകള്‍ മത്സ്യത്തൊഴിലാളികള്‍ക്ക് നല്‍കിയിട്ടുണ്ടോ; ഇതില്‍ എല്ലാ തൊഴിലാളികള്‍ക്കും രജിസ്റ്റര്‍ ചെയ്യാന്‍ സാധിച്ചിട്ടുണ്ടോ; വ്യക്തമാക്കുമോ;

(സി)	ഇല്ലെങ്കില്‍ ഇതിനെക്കുറിച്ച് അവബോധം ഉണ്ടാക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

ഹയര്‍ സെക്കന്ററി പാഠപുസ്തകങ്ങളുടെ മലയാള പരിഭാഷ

*267.

പ്രൊഫ.കെ.യു. അരുണന്‍
ശ്രീ.എം. സ്വരാജ്
,, പി.കെ. ശശി
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് പൊതു വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയര്‍ സെക്കന്ററി പാഠപുസ്തകങ്ങള്‍ മലയാളത്തിലേക്ക് പരിഭാഷപ്പെടുത്തുന്നതിനുള്ള നടപടികള്‍ സ്വീകരിച്ചിട്ടുണ്ടോ;

(ബി)	എങ്കില്‍ ഏതെല്ലാം പാഠപുസ്തകങ്ങളാണ് മലയാളത്തിലേക്ക് വിവര്‍ത്തനം ചെയ്തിട്ടുള്ളതെന്നും വിദ്യാര്‍ത്ഥികള്‍ക്ക് ഇത് എപ്രകാരമെല്ലാം പ്രയോജനപ്രദമാകുമെന്നും വ്യക്തമാക്കാമോ;

(സി)	പാഠപുസ്തകങ്ങള്‍ പരിഭാഷപ്പെടുത്തുന്നതോടൊപ്പം മലയാളത്തില്‍ വിവിധ വിഷയങ്ങളുമായി ബന്ധപ്പെട്ട സാങ്കേതിക ശബ്ദാവലി തയ്യാറാക്കുന്നതിനുള്ള നടപടി സ്വീകരിച്ചിട്ടുണ്ടോ;

(ഡി)	സംസ്ഥാനത്ത് സി.ബി.എസ്.ഇ. അടക്കമുള്ള എല്ലാ സ്കൂളുകളും മലയാള ഭാഷാ പഠനം നിര്‍ബന്ധമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

കശുവണ്ടി സംഭരണം

*268.

ശ്രീ.എന്‍. വിജയന്‍ പിള്ള
,, ആര്‍. രാജേഷ്
,, എം. മുകേഷ്
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	കശുവണ്ടി ഫാക്ടറികളുടെ സുഗമമായ പ്രവര്‍ത്തനത്തിനാവശ്യമായ കശുവണ്ടി സംഭരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	സംസ്ഥാനത്ത് ആഭ്യന്തരമായി ഉത്പാദിപ്പിക്കുന്ന കശുവണ്ടി പരമാവധി ശേഖരിക്കുന്നതിനുള്ള തീരുമാനത്തിന്റെ അടിസ്ഥാനത്തില്‍ കശുവണ്ടി വികസന കോര്‍പ്പറേഷന്‍, കാപെക്സ് എന്നിവ ഇൗ വര്‍ഷം കൂടുതല്‍ കശുവണ്ടി സംഭരിച്ചിട്ടുണ്ടോ; വിശദാംശം നല്‍കാമോ;

(സി)	ഇടനിലക്കാരെ ഒഴിവാക്കി വിദേശ രാജ്യങ്ങളില്‍ നിന്നും കശുവണ്ടി സംഭരിക്കുന്നതിന് കാഷ്യൂ ബോര്‍ഡ് സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

മത്സ്യ ലേലത്തിൽ ഇടനിലക്കാര്‍ ഈടാക്കി വരുന്ന കമ്മീഷന്‍

*269.

ശ്രീ.മഞ്ഞളാംകുഴി അലി
പ്രൊഫ.ആബിദ് ഹുസൈന്‍ തങ്ങള്‍
ശ്രീ.പി.ഉബൈദുള്ള
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും ഹാര്‍ബര്‍ എഞ്ചിനീയറിംഗും കശുവണ്ടി വ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഫിഷ്‍ലാന്റിംഗ് സെന്ററുകളിലും ഫിഷിംഗ് ഹാര്‍ബറിലും മത്സ്യ ലേലം നടക്കുമ്പോള്‍ ഇടനിലക്കാര്‍ മത്സ്യത്തൊഴിലാളികളില്‍ നിന്നും ഭീമമായ കമ്മീഷന്‍ ഈടാക്കി വരുന്നതായ വിവരം ശ്രദ്ധയില്‍പെട്ടിട്ടുണ്ടോ;

(ബി)	ഇതു നിയന്ത്രിക്കുന്നതിനും മത്സ്യത്തൊഴിലാളികളെ ചൂഷണത്തില്‍ നിന്നും രക്ഷിക്കുന്നതിനും നിയമനിര്‍മ്മാണം നടത്താന്‍ ഉദ്ദേശിക്കുന്നുണ്ടോ; വിശദമാക്കുമോ ?

റോഡുകളുടെ പുനര്‍നിര്‍മ്മാണത്തിനായി നൂതനമായ സാങ്കേതിക വിദ്യകള്‍

*270.

ശ്രീ.എ.പി. അനില്‍ കുമാര്‍
,, റോജി എം. ജോണ്‍
,, എല്‍ദോസ് പി. കുന്നപ്പിള്ളില്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളുടെ ചെരിവുകളില്‍ മണ്ണിടിച്ചില്‍ തടയാന്‍ എന്തൊക്കെ സോയില്‍ സ്റ്റെബിലെെസേഷന്‍ ടെക്നോളജികളാണ് സംസ്ഥാനത്ത് നിലവില്‍ ഉപയോഗിക്കുന്നത്; പ്രളയത്തിന്റെ പശ്ചാത്തലത്തില്‍ വിദേശരാജ്യങ്ങളില്‍ ഈ രംഗത്ത് ഉപയോഗിക്കുന്ന നൂതനമായ ടെക്നോളജികള്‍ കേരളത്തില്‍ പരീക്ഷിക്കാന്‍ ഉദ്ദേശിക്കുന്നുണ്ടോ;

(ബി)

പ്രളയത്തില്‍ തകര്‍ന്ന റോഡുകളുടെ പുനര്‍നിര്‍മ്മാണത്തിനായി നാഷണല്‍ ഹെെവേ അതോറിറ്റിയുടെ ഉപദേശങ്ങള്‍ സ്വീകരിച്ചിട്ടുണ്ടോ; വടക്കു കിഴക്കന്‍ സംസ്ഥാനങ്ങളിലെയും ജമ്മു കാശ്മീരിലെയും റോഡുകളുടെ നിര്‍മ്മാണത്തില്‍ മികവു തെളിയിച്ച നാഷണല്‍ ഹെെവേ അതോറിറ്റിയുടെ സേവനങ്ങള്‍ സംസ്ഥാനത്തിന് ഗുണകരമാവുമെന്ന് കരുതുന്നുണ്ടോ; ഈ സേവനം ഉപയോഗപ്പെടുത്തുവാന്‍ നടപടികള്‍ സ്വീകരിച്ചിട്ടുണ്ടോ;

(സി)	മണ്ണിടിച്ചില്‍ വ്യാപകമായ ഇടുക്കി, പാലക്കാട്, വയനാട് എന്നീ ജില്ലകളിലെ റോഡുകളുടെ നവീകരണത്തിനായി പ്രത്യേക പദ്ധതികള്‍ തയ്യാറാക്കിയിട്ടുണ്ടോയെന്ന് വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.