14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >11^th Session>starred Questions and Answers

Answer Provided

Answer Not Yet Provided

FOURTEENTH KLA - 11^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പതിനാലാം കേരള നിയമസഭ

പതിനൊന്നാം സമ്മേളനം

2018 ജൂണ്‍ 04, തിങ്കള്‍

നക്ഷത്രചിഹ്നമിട്ട ചോദ്യങ്ങള്‍‍

[ആകെ ചോദ്യങ്ങള്‍--30]

മറുപടി നല്‍കുന്ന മന്ത്രിമാര്‍

മുഖ്യമന്ത്രി

ആരോഗ്യവും സാമൂഹ്യനീതിയും വകുപ്പുമന്ത്രി

ഭക്ഷ്യവും സിവില്‍ സപ്ലൈസും വകുപ്പുമന്ത്രി

സോഷ്യല്‍ മീഡിയ ഉപയോഗിച്ചുളള കുറ്റകൃത്യങ്ങള്‍

*1.

ശ്രീ.പി. ഉണ്ണി
,, ജോര്‍ജ് എം. തോമസ്
,, വി. അബ്ദുറഹിമാന്‍
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സോഷ്യല്‍ മീഡിയ ഉപയോഗിച്ചുളള കുറ്റകൃത്യങ്ങള്‍ തടയുന്നതിനുളള സംവിധാനം എന്താണെന്നും ഇതിനായുളള മോണിറ്ററിംഗ് സെല്ലിന്റെ പ്രവര്‍ത്തനങ്ങള്‍ എന്തൊക്കെയാണെന്നും വ്യക്തമാക്കാമോ;

(ബി)	വര്‍ഗ്ഗീയവിഭജനം ലക്ഷ്യമാക്കി വാട്സ് ആപ് ഹര്‍ത്താല്‍ നടത്തിയവരെ ശക്തമായി അടിച്ചമര്‍ത്താന്‍ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കാമോ;

(സി)	കലാപം നടത്തിയവരെയും ആഹ്വാനം ചെയ്തവരെയും മാത്രമല്ല ആയതിന് നിര്‍ദ്ദേശം നല്‍കിയ ബുദ്ധികേന്ദ്രങ്ങളെക്കുറിച്ചും അന്വേഷണം നടത്തിയിരുന്നോ; എങ്കിൽ വിശദാംശം നല്‍കുമോ?

പോക്സോ കോടതികള്‍

*2.

ശ്രീ.ടി. വി. ഇബ്രാഹിം
,, കെ.എന്‍.എ ഖാദര്‍
,, മഞ്ഞളാംകുഴി അലി
,, പി.ബി. അബ്ദുല്‍ റസ്സാക്ക് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	കുട്ടികള്‍ക്കെതിരായ അതിക്രമങ്ങള്‍ വര്‍ദ്ധിച്ചു വരുന്ന സാഹചര്യത്തില്‍ പോക്സോ നിയമം അനുശാസിക്കും പ്രകാരം അതിവേഗ പ്രത്യേക വിചാരണക്കായി ശിശുസൗഹൃദ കോടതികള്‍ സ്ഥാപിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	സംസ്ഥാനത്ത് നിലവിലുള്ള പോക്സോ കോടതികള്‍ എവിടെയൊക്കെയാണ്; ഇവയുടെ എണ്ണം വര്‍ദ്ധിപ്പിക്കുന്നതിന് തീരുമാനിച്ചിട്ടുണ്ടോ;

(സി)	നിലവില്‍ പോക്സോ നിയമപ്രകാരം രജിസ്റ്റര്‍ ചെയ്യപ്പെട്ട കേസ്സുകളില്‍ കുറ്റപത്രം സമര്‍പ്പിച്ച ശേഷം വിചാരണ ആരംഭിക്കുന്നതിന് എത്രത്തോളം കാലതാമസം നേരിടുന്നുവെന്ന് പരിശോധിച്ചിട്ടുണ്ടോ; വിശദമാക്കുമോ;

(ഡി)

ആറുവര്‍ഷം വരെ പഴക്കമുള്ള കേസ്സുകള്‍ ഇപ്പോഴും തീര്‍പ്പാക്കാതെ കിടക്കുന്നതിനാലും കുറ്റപത്രം നല്‍കി വര്‍ഷങ്ങള്‍ കഴിഞ്ഞശേഷം മാത്രം വിചാരണ ആരംഭിക്കുന്നതിനാലും പ്രതികള്‍ക്ക് അനുകൂലമായ സാഹചര്യവും ഇരകള്‍ക്ക് കഷ്ടപ്പാടും നല്‍കുന്ന അവസ്ഥ മൂലം ശിക്ഷാനിരക്ക് ഇരുപത് ശതമാനത്തില്‍ താഴെ മാത്രമാകുന്ന സ്ഥിതിവിശേഷം ഒഴിവാക്കുന്നതിന് കര്‍ശന നടപടികള്‍ സ്വീകരിക്കുമോ?

ആര്‍. എസ്. എസ്. നടത്തുന്ന കായികാക്രമണ പരിശീലനങ്ങള്‍

*3.

ശ്രീ.ജെയിംസ് മാത്യു
,, സി.കെ. ഹരീന്ദ്രന്‍
,, കെ.കുഞ്ഞിരാമന്‍
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ജനസമ്മതി നേടിയ പൊതുപ്രവര്‍ത്തകരെ നിഷ്ഠൂരമായി വധിച്ച് കേരളത്തെ സംഘര്‍ഷഭരിതമാക്കാന്‍ സംഘപരിവാര്‍ നടത്തുന്ന ശ്രമത്തിന് തടയിടാന്‍ വേണ്ട ശക്തമായ ഇടപെടല്‍ നടത്താന്‍ പോലീസിന് കര്‍ശന നിര്‍ദ്ദേശം നല്‍കുമോ;

(ബി)	പ്രഥമ വര്‍ഷ ശിക്ഷാ വര്‍ഗ്, ദ്വിതീയ വര്‍ഷ ശിക്ഷാ വര്‍ഗ് തുടങ്ങി ആര്‍.എസ്.എസ്. നടത്തി വരുന്ന കായികാക്രമണ പരിശീലനം പോലീസ് നിരീക്ഷിക്കാറുണ്ടോ;

(സി)

എയിഡഡ് സ്കൂളായ കൂത്തുപറമ്പ് തൊക്കിലങ്ങാടി എച്ച്.എസ്.എസ്., അണ്‍എയിഡഡ് സ്കൂളായ പാറശ്ശാല ഭാരതീയ വിദ്യാപീഠം സെന്‍ട്രല്‍ സ്കൂള്‍ തുടങ്ങിയ സ്കൂളുകളില്‍ മൂന്നാഴ്ച നീണ്ടുനിന്ന ഇത്തരത്തിലുള്ള ആക്രമണ പരിശീലനം നടത്തിയെന്ന മാധ്യമ വാര്‍ത്തയുടെ അടിസ്ഥാനത്തില്‍ നിയമവിരുദ്ധ പ്രവര്‍ത്തനത്തിന് കൂട്ടുനിന്ന സ്കൂള്‍ മാനേജ‍്മെന്റുകള്‍ക്കെതിരെയും പരിശീലനം സംഘടിപ്പിച്ചവര്‍ക്കെതിരെയും പരിശീലനം നേടിയവര്‍ക്കെതിരെയും നിയമ നടപടി സ്വീകരിക്കാന്‍ നിര്‍ദ്ദേശം നല്‍കുമോ?

ഗുണമേന്മയുളള രോഗചികിത്സ

*4.

ശ്രീ.ചിറ്റയം ഗോപകുമാര്‍
,, ആര്‍. രാമചന്ദ്രന്‍
ശ്രീമതി ഗീതാ ഗോപി
ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഗുണമേന്മയുളള രോഗചികിത്സ കുറഞ്ഞ ചെലവില്‍ സാര്‍വത്രികമായി ലഭ്യമാക്കുന്നതിന് ഈ സർക്കാർ സ്വീകരിച്ചുവരുന്ന നടപടികളെക്കുറിച്ച് വിശദമാക്കാമോ;

(ബി)	ശിശുമരണനിരക്ക്, മാതൃമരണനിരക്ക് എന്നിവ കുറച്ച് വികസിത രാജ്യങ്ങളുടേതിന് സമാനമാക്കുന്നതിന് സ്വീകരിച്ചുവരുന്ന നടപടികളെക്കുറിച്ച് വിശദമാക്കാമോ;

(സി)	ടൈഫോയ്ഡ്, കാലാ അസര്‍ തുടങ്ങിയ രോഗങ്ങള്‍ നിര്‍മാര്‍ജ്ജനം ചെയ്യുന്നതിന് സ്വീകരിക്കുന്ന നടപടികളെക്കുറിച്ച് വ്യക്തമാക്കാമോ;

(ഡി)	വൃക്കരോഗികളുടെ എണ്ണം കൂടി വരുന്ന സാഹചര്യത്തില്‍ ‍ഡയാലിസിസ് സൗകര്യങ്ങള്‍ വ്യാപിപ്പിക്കുന്നതിന് നടപടി സ്വീകരിക്കുമോ?

വരാപ്പുഴ കസ്റ്റ‍ഡി മരണക്കേസ്

*5.

ശ്രീ.പി.ടി. തോമസ്
,, അന്‍വര്‍ സാദത്ത്
,, വി.ഡി.സതീശന്‍
,, തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	വരാപ്പുഴ കസ്റ്റ‍ഡി മരണക്കേസിന് വഴിയൊരുക്കിയ ദേവസ്വംപാടം വാസുദേവന്റെ വീടാക്രമണ കേസിലെ പ്രതികള്‍ ആരൊക്കെയെന്ന് പോലീസ് കണ്ടെത്തിയിട്ടുണ്ടോ എന്നറിയിക്കാമോ;

(ബി)	പ്രസ്തുത കേസില്‍ ഉൾപ്പെട്ട ശ്രീജിത്ത് എന്ന തുളസീദാസ് ഉള്‍പ്പെടെ മൂന്ന് പ്രതികള്‍ കോടതിയില്‍ കീഴടങ്ങിയിട്ടുണ്ടോ എന്ന് വ്യക്തമാക്കാമോ;

(സി)	പോലീസ് കസ്റ്റ‍ഡിയിൽ മരണപ്പെട്ട ശ്രീജിത്ത് യഥാര്‍ത്ഥ പ്രതിയായിരുന്നില്ലായെന്ന് കണ്ടെത്തിയിട്ടുണ്ടോ;എങ്കില്‍ നിരപരാധിയായ ശ്രീജിത്തിനെ കസ്റ്റഡിയിലെടുത്തത് ഏത് സാഹചര്യത്തിലാണെന്നും അതിനായുള്ള നിര്‍ദ്ദേശം ആരാണ് എറണാകുളം റൂറല്‍ ടൈഗര്‍ ഫോഴ്സിന് നല്‍കിയത് എന്നും അറിയിക്കാമോ;

(ഡി)	എറണാകുളം റൂറല്‍ ജില്ലാ പോലീസ് മേധാവിയായിരുന്ന എ. വി. ജോര്‍ജിന്റെ നിര്‍ദ്ദേശാനുസരണമാണോ ശ്രീജിത്തിനെ 06.04.2018-ല്‍ കസ്റ്റഡിയിലെടുത്തത്; ഇത് സംബന്ധിച്ച് അന്വേഷണം നടത്തിയിട്ടുണ്ടോ എന്നറിയിക്കാമോ;

(ഇ)	ജില്ലാ പോലിസ് മേധാവിയുടെ ഇക്കാര്യത്തിലുള്ള ഇടപെടലിന് പിന്നിലുള്ള രാഷ്ട്രീയ സമ്മര്‍ദ്ദം സംബന്ധിച്ച് പ്രത്യേക അന്വേഷണം നടത്തിയിട്ടുണ്ടോ; വ്യക്തമാക്കാമോ ?

ട്രാന്‍സ്ജെന്‍ഡര്‍ വിഭാഗക്കാര്‍ക്കായുള്ള പദ്ധതികള്‍

*6.

ഡോ.എന്‍. ജയരാജ്
ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ട്രാന്‍സ്ജെന്‍ഡര്‍ ജനസംഖ്യ എത്രയെന്ന് കണക്കാക്കിയിട്ടുണ്ടോ; വിശദാംശം ലഭ്യമാക്കാമോ;

(ബി)	ട്രാന്‍സ്ജെന്‍ഡര്‍ വിഭാഗത്തിന് സമൂഹത്തില്‍ അര്‍ഹമായ പരിഗണന ലഭിക്കുന്നതിനുതകുന്ന വിധത്തില്‍ എന്തെല്ലാം പദ്ധതികളാണ് നിലവില്‍ വിഭാവനം ചെയ്തിട്ടുള്ളത്; വ്യക്തമാക്കാമോ;

(സി)	പ്രസ്തുത ലക്ഷ്യം മുന്‍നിര്‍ത്തി നടപ്പുസാമ്പത്തിക വര്‍ഷം ചെയ്യാനുദ്ദേശിക്കുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കുമോ?

പൊതുവിതരണ മേഖലയില്‍ സ്വീകരിച്ച നടപടികള്‍

*7.

ശ്രീ.ആര്‍. രാജേഷ്
,, കെ.സുരേഷ് കുറുപ്പ്
,, എം. സ്വരാജ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	പൊതു വിതരണ രംഗം അഴിമതിവിമുക്തമാക്കുന്നതിനും സുതാര്യതയും കൃത്യതയും ഉറപ്പു വരുത്തുന്നതിനും സ്വീകരിച്ച നടപടികള്‍ വിശദമാക്കുമോ;

(ബി)	റേഷന്‍ കടകളുടെ നവീകരണത്തിനായി നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണ്; കടയുടമകള്‍ക്ക് ന്യായമായ പ്രതിഫലം ഉറപ്പുവരുത്തിയിട്ടുണ്ടോ;

(സി)	പൊതുവിതരണ സമ്പ്രദായം സോഷ്യല്‍ ഓഡിറ്റിന് വിധേയമാക്കാന്‍ ഉദ്ദേശിക്കുന്നുണ്ടോ;

(ഡി)	കേന്ദ്ര സര്‍ക്കാര്‍ വെട്ടിക്കുറച്ച ഭക്ഷ്യധാന്യ വിഹിതം പുന:സ്ഥാപിച്ചു കിട്ടുന്നതിനായി നടത്തുന്ന ശ്രമങ്ങള്‍ എന്തെല്ലാമെന്ന് അറിയിക്കാമോ?

പോലീസ് സേനയുടെ കാര്യക്ഷമത

*8.

ശ്രീ.കെ.ജെ. മാക്സി
,, എ.എം. ആരിഫ്
,, കെ.ഡി. പ്രസേനന്‍
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പോലീസ് സേനയുടെ കാര്യക്ഷമത വര്‍ദ്ധിപ്പിച്ച് അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന് നടപ്പിലാക്കി വരുന്ന ആധുനീകരണ പ്രവര്‍ത്തനങ്ങള്‍ എന്തെല്ലാമാണ്;

(ബി)	പൊതുജനങ്ങള്‍ക്ക് നേരിട്ട് പോലീസ് സ്റ്റേഷനില്‍ എത്താതെ തന്നെ പരാതി സമര്‍പ്പിക്കുന്നതിനും അതിന്മേലുള്ള അന്വേഷണത്തിന്റെ സ്ഥിതി അറിയുന്നതിനും മറ്റുള്ള സേവനങ്ങള്‍ കാര്യക്ഷമമായി ലഭിക്കുന്നതിനും പുതുതായി ഏര്‍പ്പെടുത്തിയ സംവിധാനത്തിന്റെ വിശദാംശം അറിയിക്കാമോ;

(സി)	ആധുനികവല്ക്കരണത്തോടൊപ്പം തന്നെ സ്റ്റേഷനില്‍ വരുന്നവരോടും വാഹന പരിശോധനാവേളകളിലും ജനങ്ങളുടെ അന്തസ്സിനെ ഹനിക്കാത്ത രീതിയിലുള്ള പെരുമാറ്റം ഉണ്ടാകാന്‍ വേണ്ട ഇടപെടലും അതിനു വേണ്ട പരീശീലന പദ്ധതിയും തയ്യാറാക്കാന്‍ ഉദ്ദേശിക്കുന്നുണ്ടോ; വിശദമാക്കാമോ?

ഐ.ടി മേഖലയിൽ നൂതന പദ്ധതികള്‍

*9.

ശ്രീ.കോവൂര്‍ കുഞ്ഞുമോന്‍
,, കെ. കൃഷ്ണന്‍കുട്ടി
,, സി.കെ.നാണു
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	നിർമ്മിത ബുദ്ധി, റോബോട്ടിക്സ്, ത്രീ-ഡി പ്രിന്റിംഗ്, മെഷീൻ ലേണിംഗ് തുടങ്ങിയവയുമായി ബന്ധപ്പെട്ട് എന്തെങ്കിലും പദ്ധതികൾ ഐ.ടി മേഖലയിൽ തുടങ്ങുവാൻ ഉദ്ദേശിക്കുന്നുണ്ടോ; എങ്കില്‍ വ്യക്തമാക്കാമോ;

(ബി)	നിലവിലുളള തൊഴിലുകൾക്ക് ഇത്തരം നൂതന സാങ്കേതിക വിദ്യകൾ ഭീഷണിയാകുമെന്ന് കരുതുന്നുണ്ടോ; ഇതിനെക്കുറിച്ച് പഠനങ്ങൾ നടiത്തുവാൻ ഉദ്ദേശിക്കുന്നുണ്ടോ; വിശദമാക്കുമോ;

(സി)	ഇതനുസരിച്ച് പാഠ്യപദ്ധതികളിൽ മാറ്റം കൊണ്ടുവരുവാൻ ഉദ്ദേശിക്കുന്നുണ്ടോയെന്ന് വെളിപ്പെടുത്താമോ?

ടൂറിസ്റ്റുകളുടെ സുരക്ഷയ്ക്കായി സ്വീകരിച്ച നടപടികള്‍

*10.

ശ്രീ.മുഹമ്മദ് മുഹസിന്‍ പി.
,, സി. ദിവാകരന്‍
,, ചിറ്റയം ഗോപകുമാര്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	കോവളത്ത് വിദേശവനിത കൊല്ലപ്പെട്ട സംഭവത്തെത്തുടര്‍ന്ന് ടൂറിസ്റ്റുകളുടെ സുരക്ഷയ്ക്കായി സ്വീകരിച്ച നടപടികള്‍ വിശദമാക്കാമോ;

(ബി)	വിനോദസഞ്ചാര മേഖലയിലെ സുരക്ഷ ശക്തമാക്കുന്നതിന്റെ ഭാഗമായി പ്രധാന കേന്ദ്രങ്ങളില്‍ സി.സി.ടി.വി.ക്യാമറകള്‍ സ്ഥാപിക്കുന്നതിന് നടപടി സ്വീകരിക്കുമോ;

(സി)	വിനോദസഞ്ചാര മേഖലകളിലെ കച്ചവടക്കാര്‍, ഗെെഡുകള്‍ എന്നിവര്‍ക്ക് തിരിച്ചറിയല്‍ രേഖകള്‍ നിര്‍ബന്ധമാക്കുമോ;

(ഡി)	വിനോദസഞ്ചാരികള്‍ക്ക് പോലീസിന്റെ സേവനം ഏത് സമയത്തും പെട്ടെന്ന് ലഭ്യമാക്കുന്ന തരത്തിലുളള സംവിധാനം ഏര്‍പ്പെടുത്തുമോ; വ്യക്തമാക്കാമോ?

മെഡിക്കല്‍ കോളേജുകളുടെ വികസനം

*11.

ശ്രീ.ബി.സത്യന്‍
,, ഒ. ആര്‍. കേളു
,, എ. എന്‍. ഷംസീര്‍
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	മെഡിക്കല്‍ കോളേജുകളെ ഉല്‍കൃഷ്ട സ്ഥാപനങ്ങള്‍ (Centre of Excellence) ആയി ഉയര്‍ത്തുന്ന പരിപാടിയുടെ ഭാഗമായി നടത്തി വരുന്ന വികസന പ്രവര്‍ത്തനങ്ങള്‍ വിശദമാക്കാമോ;

(ബി)	വയനാട്, തിരുവനന്തപുരം മെഡിക്കല്‍ കോളേജുകള്‍ ഉള്‍പ്പെടെയുള്ള അഞ്ച് ആശുപത്രികളെ മാസ്റ്റര്‍ പ്ലാനിന്റെ അടിസ്ഥാനത്തില്‍ വികസിപ്പിക്കുന്നതിനുള്ള പദ്ധതിക്ക് അംഗീകാരം നല്‍കിയിട്ടുണ്ടോ; പദ്ധതിയുടെ വിശദാംശം അറിയിക്കാമോ;

(സി)	പരിയാരം മെഡിക്കല്‍ കോളേജിനെ ഏറ്റെടുത്ത് എയിംസിനു സമാനമായി വികസിപ്പിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ ചെയ്ത കാര്യങ്ങള്‍ വിശദമാക്കാമോ?

സിവില്‍ സര്‍വീസിനെ കാര്യക്ഷമമാക്കുവാൻ നടപടി

*12.

ശ്രീ.കെ. ആന്‍സലന്‍
,, രാജു എബ്രഹാം
,, കെ. ബാബു
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	വികസന കേരളം എന്ന ലക്ഷ്യപ്രാപ്തിക്ക് സിവില്‍ സര്‍വീസിനെ കാര്യക്ഷമവും അഴിമതി വിമുക്തവുമാക്കുന്നതിനായി നടത്തിയ പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ;

(ബി)	സിവില്‍ സര്‍വ്വീസിന്റെ വിപുലീകരണത്തിനും ശാക്തീകരണത്തിനുമായി ചെയ്ത കാര്യങ്ങള്‍ എന്തെല്ലാമാണ്; സര്‍ക്കാര്‍ ഓഫീസുകളെ ജനപക്ഷ സിവില്‍ സര്‍വ്വീസ് ഓഫീസുകളായി പ്രഖ്യാപിക്കാന്‍ ഉദ്ദേശിക്കുന്നുണ്ടോ; എങ്കില്‍ അതിന്റെ മാനദണ്ഡം എന്താണ്; എത്ര ഓഫീസുകളെ ഇത്തരത്തില്‍ പ്രഖ്യാപിച്ചിട്ടുണ്ടെന്ന് അറിയിക്കാമോ;

(സി)	സര്‍ക്കാര്‍ നടപ്പിലാക്കിവരുന്ന ഇ-ഗവേണൻസ്, എം-ഗവേണൻസ് പദ്ധതികളുടെ വിശദാംശവും പുരോഗതിയും അറിയിക്കാമോ?

സ്ത്രീശാക്തീകരണത്തിനായി നടപ്പിലാക്കിയ പദ്ധതികള്‍

*13.

ശ്രീ.എന്‍. വിജയന്‍ പിള്ള
ശ്രീമതി യു. പ്രതിഭ ഹരി
ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം സ്ത്രീകളുടെ സുരക്ഷയ്ക്കും ശാക്തീകരണത്തിനുമായി നടപ്പിലാക്കിയ പ്രധാന പദ്ധതികള്‍ എന്തൊക്കെയാണെന്ന് വിശദമാക്കാമോ;

(ബി)	സംസ്ഥാനത്തെ മഹിളാ മന്ദിരങ്ങള്‍, ഷെല്‍ട്ടര്‍ ഹോമുകള്‍ തുടങ്ങിയവ മെച്ചപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുളളത്;

(സി)	വിധവകള്‍ക്കും അവിവാഹിതരായ അമ്മമാര്‍ക്കും ഗാര്‍ഹിക പീഡനത്തിന് ഇരയായവര്‍ക്കും സ്വയം തൊഴില്‍ പദ്ധതി ആവിഷ്കരിച്ചിട്ടുണ്ടോ; എങ്കിൽ വിശദാംശം നല്‍കുമോ;

(ഡി)	നിര്‍ഭയ പദ്ധതി കൂടുതല്‍ ശാസ്ത്രീയമായി ജനകീയമാക്കുന്നതിന് എന്തെല്ലാം നിര്‍ദ്ദേശങ്ങളാണ് നല്‍കിയിട്ടുളളതെന്ന് വിശദമാക്കാമോ?

അര്‍ബുദരോഗ നിയന്ത്രണത്തിന് കര്‍മ്മപരിപാടി

*14.

ശ്രീ.മുല്ലക്കര രത്നാകരന്‍
,, ഇ.കെ.വിജയന്‍
ശ്രീമതി ഗീതാ ഗോപി
,, സി.കെ. ആശ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വര്‍ദ്ധിച്ച് വരുന്ന അര്‍ബുദരോഗം നിയന്ത്രിക്കുന്നതിന് കര്‍മ്മപരിപാടി തയ്യാറാക്കിയിട്ടുണ്ടോ; എങ്കില്‍ വിശദാംശം വ്യക്തമാക്കുമോ;

(ബി)	അര്‍ബുദ ചികിത്സയ്ക്കായി റീജ്യണല്‍ ക്യാന്‍സര്‍ സെന്റര്‍ നിലവാരത്തില്‍ ആശുപത്രികള്‍ സജ്ജമാക്കുമോ; വ്യക്തമാക്കുമോ;

(സി)	അർബുദരോഗം പ്രാരംഭത്തില്‍ കണ്ടുപിടിക്കുന്നതിനുള്ള പരിശോധനകള്‍ നടത്തുന്നതിന് താലൂക്ക് ആശുപത്രികള്‍ ഉള്‍പ്പെടെയുള്ള ആശുപത്രികളില്‍ സംവിധാനം ഒരുക്കുവാൻ ഉദ്ദേശിക്കുന്നുണ്ടോ;

(ഡി)	അര്‍ബുദ രോഗനിയന്ത്രണത്തിന് ഡോക്ടര്‍മാര്‍, നേഴ്സുമാര്‍, ആരോഗ്യപ്രവര്‍ത്തകര്‍ എന്നിവര്‍ക്ക് പ്രത്യേക പരിശീലനം നല്‍കുമോ; വ്യക്തമാക്കുമോ?

ഇ-പോസ് സംവിധാനത്തിന്റെ നേട്ടങ്ങൾ

*15.

ശ്രീ.കെ. കൃഷ്ണന്‍കുട്ടി
,, സി.കെ.നാണു
,, കോവൂര്‍ കുഞ്ഞുമോന്‍
,, കെ.ബി.ഗണേഷ് കുമാര്‍ : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	റേഷൻ വിതരണത്തിനായി സ്ഥാപിച്ച ഇ-പോസ് സംവിധാനത്തിന്റെ പ്രവർത്തനങ്ങൾ വിശദമാക്കുമോ;

(ബി)	ഇ-പോസ് സംവിധാനം സംസ്ഥാനത്ത് പൂർണ്ണമായി നടപ്പിലാക്കിയിട്ടുണ്ടോ; എങ്കില്‍ ഇത് പ്രാവർത്തികമാക്കിയതിന് ശേഷമുളള നേട്ടങ്ങൾ വ്യക്തമാക്കുമോ;

(സി)	കാർഡുടമയ്ക്ക് പകരം കുടുംബത്തിലെ മറ്റൊരാൾക്ക് റേഷൻ വാങ്ങുന്നതിന് എന്തൊക്കെ നടപടികളാണ് പൂർത്തീകരിക്കേണ്ടതെന്ന് വ്യക്തമാക്കാമോ?

വികസന പദ്ധതികള്‍

*16.

ശ്രീ.ബി.ഡി. ദേവസ്സി
,, ഇ.പി.ജയരാജന്‍
,, എം. നൗഷാദ്
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തിലെത്തി രണ്ട് വര്‍ഷം കാെണ്ട് നടപ്പാക്കിയ വികസന പദ്ധതികളുടെ ഫലമായി മാനവ വികസന സൂചികയില്‍ ഉണ്ടാക്കാനായ പുരാേഗതിയും അതിനായി ലഭിച്ച പ്രധാനപ്പെട്ട ദേശീയ -അന്തര്‍ദേശീയ പുരസ്കാരങ്ങള്‍ എന്താെക്കെയെന്നും അറിയിക്കാമാേ ;

(ബി)	എെക്യരാഷ്ട്ര സഭയുടെ അംഗീകാരം നേടിയ കുണ്ടറ മണ്ഡലത്തിലെ സമഗ്ര വികസന പരിപാടിയായ 'ഇടം' പദ്ധതിയുടെ പ്രധാന സവിശേഷത അറിയിക്കാമാേ ;

(സി)	സംസ്ഥാനത്തിന്റെ സമഗ്രവികസനത്തിനായി പ്രാവര്‍ത്തികമാക്കിവരുന്ന ചതുര്‍ മിഷനുകളുടെ പുരാേഗതി അവലാേകനം ചെയ്തിട്ടുണ്ടാേ;എങ്കിൽ വിശദാംശം നല്‍കുമാേ;

(ഡി)	കേന്ദ്ര സര്‍ക്കാരിന്റെ സാമ്പത്തിക നയങ്ങളും ജനദ്രോഹകരമായ നടപടികളും അതിജീവിച്ചുകാെണ്ട് വികസന പദ്ധതികള്‍ സമയബന്ധിതമായി പൂർത്തീകരിക്കുന്നതിന് നടത്തുന്ന പ്രവര്‍ത്തനങ്ങള്‍ എന്തെല്ലാമാണ് എന്ന് വെളിപ്പെടുത്താമോ?

അക്ഷയ കേന്ദ്രങ്ങളിലെ സര്‍വ്വീസ് ചാര്‍ജ് ഏകീകരണം

*17.

ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	നിലവില്‍ അക്ഷയ കേന്ദ്രങ്ങള്‍ വഴി ലഭ്യമാകുന്ന സേവനങ്ങള്‍ എന്തെല്ലാമാണ്; വിശദാംശം വ്യക്തമാക്കുമോ;

(ബി)	അക്ഷയ കേന്ദ്രങ്ങളില്‍ നിന്ന് ലഭ്യമാകുന്ന സര്‍ക്കാര്‍ സേവനങ്ങളില്‍ ഏകീകൃത സര്‍വ്വീസ് ചാര്‍ജ് നിശ്ചയിക്കപ്പെട്ടിട്ടുള്ള സേവനങ്ങള്‍ ഏതെല്ലാമാണ്; വ്യക്തമാക്കുമോ;

(സി)	അക്ഷയ കേന്ദ്രങ്ങള്‍ വഴി നല്കപ്പെടുന്ന സേവനങ്ങളുടെ നിരക്ക് ഏകീകരിയ്ക്കുന്നതുമായി ബന്ധപ്പെട്ടും നിരക്കുകള്‍ കാലോചിതമായി പരിഷ്ക്കരിയ്ക്കുന്നത് സംബന്ധിച്ചും അക്ഷയ ഡയറക്ടര്‍ സമര്‍പ്പിച്ച പ്രൊപ്പോസലിന്റെ വിശദാംശങ്ങള്‍ ലഭ്യമാക്കാമോ:

(ഡി)	അക്ഷയ കേന്ദ്രങ്ങള്‍ വഴിയുള്ള സര്‍ക്കാര്‍ സേവനങ്ങള്‍ക്കുള്ള നിരക്ക് നിശ്ചയിക്കുന്നതിനും ഏകീകരിയ്ക്കുന്നതിനും നേരിടുന്ന കാലതാമസം ഒഴിവാക്കാന്‍ അടിയന്തര നടപടി സ്വീകരിക്കുമോ?

മെഡിക്കല്‍ കോളജുകളിലെ പ്രവേശനം

*18.

ശ്രീ.സി.മമ്മൂട്ടി
,, എം.ഉമ്മര്‍
പ്രൊഫ.ആബിദ് ഹുസൈന്‍ തങ്ങള്‍
ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതെങ്കിലും മെഡിക്കല്‍ കോളേജിലെ പ്രവേശനം സൗകര്യങ്ങളില്ലാത്തതിന്റെ പേരില്‍ മെഡിക്കല്‍ കൗണ്‍സില്‍ ഓഫ് ഇന്ത്യ വിലക്കിയിട്ടുണ്ടോ;വിശദാംശം വെളിപ്പെടുത്താമോ;

(ബി)	മഞ്ചേരി ഗവ. മെഡിക്കല്‍ കോളേജിലെ ഈ അദ്ധ്യയന വര്‍ഷത്തെ പ്രവേശനം വിലക്കിയിട്ടുണ്ടോ;

(സി)	എന്തെല്ലാം സൗകര്യങ്ങള്‍ ഏര്‍പ്പെടുത്തണമെന്നാണ് എം.സി.ഐ ആവശ്യപ്പെട്ടിരിക്കുന്നത്;

(ഡി)	ഈ മെഡിക്കല്‍ കോളേജിന് ആവശ്യമായ അടിസ്ഥാന സൗകര്യങ്ങള്‍ അടിയന്തരമായി ഏര്‍പ്പെടുത്തുന്നതിന് നടപടി സ്വീകരിക്കുമോ?

നിപ വൈറസ് ബാധ

*19.

ഡോ.എം. കെ. മുനീര്‍
ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം, കോഴിക്കോട് ജില്ലകളിൽ നിപ വൈറസ് ബാധ മൂലം പനിമരണങ്ങള്‍ സംഭവിച്ചതിൽ ജനങ്ങള്‍ ഭീതിയിലാണെന്ന റിപ്പോര്‍ട്ടുകള്‍ ശ്രദ്ധയിൽപ്പെട്ടിട്ടുണ്ടോ;

(ബി)	പകര്‍ച്ച പനി വ്യാപിക്കുന്നത് തടയുന്നതിനും ജനങ്ങളുടെ ആശങ്കകള്‍ അകറ്റുന്നതിനും സ്വീകരിച്ചുവരുന്ന നടപടികള്‍ എന്തെല്ലാമാണ്;

(സി)	ചികിത്സ പ്രോട്ടോക്കോള്‍ സംബന്ധിച്ചും ചികിത്സകരുടെ സുരക്ഷ സംബന്ധിച്ചും ആരോഗ്യവകുപ്പ് എന്തെല്ലാം നടപടികള്‍ സ്വീകരിച്ചിട്ടുണ്ട്;

(ഡി)	വൈറൽ രോഗങ്ങളെ നേരിടുന്നതിനായി മികച്ച സൗകര്യമുള്ള വൈറോളജി ലാബുകള്‍ സ്ഥാപിക്കുന്നതിന് നടപടി സ്വീകരിക്കുമോ;

(ഇ)	പകര്‍ച്ചവ്യാധികള്‍ പ്രതിരോധിക്കുന്നതിന് കാലവര്‍ഷത്തിനുമുമ്പുള്ള ശുചീകരണ പ്രവര്‍ത്തനങ്ങള്‍ ഊര്‍ജ്ജിതമാക്കാൻ നടപടി സ്വീകരിക്കുമോയെന്ന് അറിയിക്കാമോ?

പ്രവാസി മലയാളികൾക്കുള്ള ക്ഷേമ പദ്ധതികള്‍

*20.

ശ്രീ.രാജു എബ്രഹാം
,, ആര്‍. രാജേഷ്
,, പി.വി. അന്‍വര്‍
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പ്രവാസി മലയാളികളുടെ ക്ഷേമം, പുനരധിവാസം, ശാക്തീകരണം തുടങ്ങിയവയ്ക്കായി നോര്‍ക്ക റൂട്ട്സ് നടപ്പിലാക്കി വരുന്ന വിവിധ പദ്ധതികള്‍ എന്തൊക്കെയാണെന്ന് വ്യക്തമാക്കാമോ;

(ബി)	മടങ്ങിയെത്തിയവര്‍ക്കും ആശ്രിതര്‍ക്കുമായി നടപ്പാക്കി വരുന്ന സാന്ത്വന ധനസഹായ പദ്ധതി പ്രകാരം നടപ്പ് സാമ്പത്തിക വര്‍ഷം എത്ര രൂപ അനുവദിച്ചിട്ടുണ്ടെന്ന് വിശദമാക്കുമോ;

(സി)	പ്രസ്തുത പദ്ധതി പ്രകാരം ഏതെല്ലാം കാര്യങ്ങള്‍ക്കാണ് തുക അനുവദിക്കുന്നതെന്ന് വ്യക്തമാക്കാമോ;

(ഡി)	തിരിച്ചെത്തിയവര്‍ക്ക് സ്വയംതൊഴില്‍ സംരംഭങ്ങള്‍ ആരംഭിക്കുന്നതിനാവശ്യമായ ധനസഹായം നല്‍കുന്നതിനുളള എന്തെങ്കിലും പദ്ധതി ആരംഭിച്ചിട്ടുണ്ടോ;എങ്കിൽ വിശദാംശം നല്‍കുമോ?

മനുഷ്യാവകാശ കമ്മീഷന്റെ അധികാരപരിധി

*21.

ശ്രീ.എല്‍ദോസ് പി. കുന്നപ്പിള്ളില്‍
,, തിരുവഞ്ചൂര്‍ രാധാകൃഷ്ണന്‍
,, അനൂപ് ജേക്കബ്
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാന മനുഷ്യാവകാശ കമ്മീഷന്‍ അധികാര പരിധിയില്‍ വരാത്ത കാര്യങ്ങളില്‍ ഇടപെടുകയും തെറ്റായ പരാമര്‍ശങ്ങളോടെ ഉത്തരവ് നല്‍കുന്നതായും സര്‍ക്കാരിന് അഭിപ്രായമുണ്ടോ; ഉണ്ടെങ്കില്‍ ആയതിന് ആധാരമായ വസ്തുതകള്‍ വിശദമാക്കാമോ;

(ബി)	ലാത്വിയ വനിതയുടെ കൊലപാതകം, വരാപ്പുഴ ശ്രീജിത്തിന്റെ കസ്റ്റഡി കൊലപാതകം എന്നിവയില്‍ നടത്തിയ ഇടപെടല്‍ കമ്മീഷന്റെ അധികാര പരിധിക്ക് പുറത്തുള്ളതാണെന്ന് കണ്ടെത്തിയിട്ടുണ്ടോ;

(സി)	മനുഷ്യാവകാശലംഘനങ്ങള്‍ സംബന്ധിച്ച പരാതികളോ സംഭവങ്ങളോ ശ്രദ്ധയില്‍പ്പെട്ടാല്‍ സ്വമേധയാ ഇടപെടാനുള്ള അധികാരം പാര്‍ലമെന്റ് പാസാക്കിയ നിയമപ്രകാരം കമ്മീഷനില്‍ നിക്ഷിപ്തമാണോയെന്ന് വ്യക്തമാക്കാമോ;

(ഡി)	മേല്പറഞ്ഞ കേസുകളില്‍ കമ്മീഷന്റെ ഇടപെടല്‍ സംബന്ധിച്ച് എന്തെങ്കിലും വിമർശനം ഉണ്ടായിട്ടുണ്ടോ ; എങ്കില്‍ പ്രസ്തുത വിമര്‍ശനങ്ങൾക്കുള്ള സാഹചര്യമെന്തായിരുന്നുവെന്ന് അറിയിക്കാമോ;

(ഇ)	അപ്രകാരം പരസ്യമായി വിമര്‍ശിച്ചിട്ടുണ്ടെങ്കിൽ ആയത് മനുഷ്യാവകാശ സംരക്ഷണത്തിന്റെ ആവശ്യകതയും പ്രാധാന്യവും നിഷേധിക്കുന്നതിന് കാരണം ആകുമോ എന്ന് പരിശോധിച്ചിട്ടുണ്ടോ?

പോലീസ് സേനയുടെ നവീകരണം

*22.

ശ്രീ.ഐ.ബി. സതീഷ്
,, എസ്.ശർമ്മ
,, കെ.വി.അബ്ദുള്‍ ഖാദര്‍
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)

ശക്തമായ ഇടപെടലിലൂടെ ക്രമസമാധാന പാലനത്തില്‍ രാജ്യത്ത് മുന്‍പന്തിയില്‍ നില്‍ക്കുന്ന സംസ്ഥാനമായി കേരളത്തെ മാറ്റിത്തീര്‍ക്കാന്‍ ഈ സർക്കാരിന് സാധിച്ചുവെങ്കിലും, മാറ്റങ്ങള്‍ സ്വാംശീകരിക്കാന്‍ തയ്യാറല്ലാത്തവരോ ക്രിമിനല്‍ സ്വഭാവം വച്ച് പുലര്‍ത്തുന്നവരോ ആയ ചില പോലീസ് സേനാംഗങ്ങളുടെ പ്രവൃത്തികള്‍ പോലീസിനാകെ കളങ്കം ചാര്‍ത്തുന്നതായതിനാല്‍, ഇക്കൂട്ടരെ നിയന്ത്രിക്കാന്‍ വേണ്ടി ഏത് രീതിയിലുള്ള നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് അറിയിക്കുമോ;

(ബി)	കുറ്റകൃത്യങ്ങള്‍ തെളിയിക്കാന്‍ മുന്നാംമുറയ്ക്ക് പകരം ശാസ്ത്രീയ രീതികള്‍ വ്യാപകമാക്കാന്‍ കൈക്കൊണ്ടിട്ടുള്ള നടപടികള്‍ വിശദമാക്കുമോ;

(സി)	സേനാ നവീകരണത്തിനായി നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കുമോ;പോലീസ് പരിശീലനത്തില്‍ പരിഷ്കാരങ്ങള്‍ വരുത്താന്‍ ഉദ്ദേശിക്കുന്നുണ്ടോ; വിശദാംശം അറിയിക്കുമോ?

നിപാ വൈറസ് പനി നിയന്ത്രണം

*23.

ശ്രീ.സി. കെ. ശശീന്ദ്രന്‍
,, എ. പ്രദീപ്കുമാര്‍
,, പി.വി. അന്‍വര്‍
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ ഉണ്ടായ മാരകമായ നിപാ വൈറസ് പനി വ്യാപകമാകാതിരിക്കുന്നതിന് കൈക്കൊണ്ട മുന്‍കരുതല്‍ നടപടികള്‍ വിശദമാക്കാമോ;

(ബി)	രോഗബാധിതര്‍ക്ക് അടിയന്തരമായി ശുശ്രൂഷ നല്‍കുന്നതിന് ഏര്‍പ്പെടുത്തിയിട്ടുള്ള സംവിധാനം എന്തൊക്കെയാണെന്ന് വിശദീകരിക്കാമോ;

(സി)	നിപാ പോലുള്ള വൈറസ് പനി സ്ഥിരീകരിക്കാനായി പൂനെയിലുള്ള വൈറോളജി ഗവേഷണ കേന്ദ്രത്തിനെ ആശ്രയിക്കേണ്ടി വരുന്നത് മൂലം ചികിത്സയ്ക്ക് കാലവിളംബം ഉണ്ടാകുന്നത് ഒഴിവാക്കുന്നതിനായി സംസ്ഥാനത്തുതന്നെ അത്യാധുനിക വൈറസ് നിർണ്ണയ സ്ഥാപനം തുടങ്ങാനുള്ള ശ്രമത്തിന്റെ പുരോഗതി അറിയിക്കാമോ;

(ഡി)	മഴക്കാല വൈറസ് പനിബാധ നിയന്ത്രണ വിധേയമാക്കാനായി സ്വീകരിച്ചിട്ടുള്ള മുന്‍കരുതല്‍ നടപടികള്‍ എന്തെല്ലാമാണെന്ന് വിശദമാക്കാമോ?.

വിദേശ വനിതയുടെ മരണം

*24.

ശ്രീ.കെ.മുരളീധരന്‍
,, എം. വിന്‍സെന്റ്
,, അനൂപ് ജേക്കബ്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ലാത്വിയ സ്വദേശിനിയായ വിദേശ വനിതയുടെ മരണം ആത്മഹത്യയോ കൊലപാതകമോ എന്ന് സ്ഥിരീകരിക്കുന്നതിന് കേരള പോലീസ് ഏറെ വൈകിയത് കേസിനെ ദുര്‍ബലമാക്കിയെന്ന ആക്ഷേപം ശ്രദ്ധയില്‍പെട്ടിട്ടുണ്ടോ;

(ബി)	സംസ്ഥാനത്ത് എത്തുന്ന വിനോദസഞ്ചാരികളുടെ സുരക്ഷ വര്‍ദ്ധിപ്പിക്കുന്നതിന് എന്തൊക്കെ നടപടികളാണ് ഇൗ കൊലപാതകത്തിന്റെ പശ്ചാത്തലത്തില്‍ സ്വീകരിച്ചിട്ടുളളത്;

(സി)	വിദേശ വനിതയോട് കൊടുംക്രൂരത കാണിച്ച കുറ്റവാളികള്‍ക്ക് മാതൃകാപരമായ ശിക്ഷ ഉറപ്പാക്കുന്ന രീതിയില്‍ അന്വേഷണം കാര്യക്ഷമമായി നടത്തുന്നതിനും ഇത്തരം കുറ്റകൃത്യങ്ങള്‍ ആവര്‍ത്തിക്കാതിരിക്കുന്നതിന് ആവശ്യമായ മുന്‍കരുതല്‍ എടുക്കുന്നതിനും നടപടി സ്വീകരിക്കുമോ?

ദേശീയ ഭക്ഷ്യഭദ്രതാനിയമം

*25.

ശ്രീ.എം. നൗഷാദ്
,, എസ്.ശർമ്മ
,, സി.കൃഷ്ണന്‍
,, കെ. ബാബു : താഴെ കാണുന്ന ചോദ്യങ്ങള്‍ക്ക് ഭക്ഷ്യവും സിവില്‍ സപ്ലൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ദേശീയ ഭക്ഷ്യഭദ്രതാനിയമത്തിന്റെ ഭാഗമായി റേഷന്‍ കടകളിലെ കമ്പ്യൂട്ടര്‍വല്‍ക്കരണം പൂര്‍ത്തിയായിട്ടുണ്ടോ;

(ബി)	റേഷന്‍ സാധനങ്ങളുടെ വിതരണത്തില്‍ സുതാര്യത ഉറപ്പ് വരുത്തുന്നതിനായി ഓരോ കാര്‍ഡിന്റെയും റേഷന്‍ വിതരണം, ഓരോ കടയിലെയും റേഷന്‍ സാധനങ്ങളുടെ അളവ്, വിതരണക്രമം മുതലായവ പൊതുജനങ്ങള്‍ക്ക് പോര്‍ട്ടല്‍ വഴി കാണാന്‍ സാധിക്കുന്ന സാങ്കേതിക സംവിധാനം തയ്യാറാക്കിയിട്ടുണ്ടോ; വിശദമാക്കാമോ;

(സി)

ഇ-പോസ് യന്ത്രങ്ങളില്‍ ബയോ മെട്രിക് സംവിധാനം ഏര്‍പ്പെടുത്തിയിരിക്കുന്നതിലൂടെ റേഷന്‍ സാധനങ്ങള്‍ യഥാര്‍ത്ഥ ഗുണഭോക്താവിന് തന്നെ ലഭിക്കുന്നുവെന്ന് ഉറപ്പുവരുത്താന്‍ സാധിക്കുമെങ്കിലും സാധനങ്ങള്‍ റേഷന്‍ കടയില്‍ പോയി വാങ്ങാന്‍ കഴിയാത്ത സാഹചര്യമുള്ളവര്‍ക്ക് പകരക്കാരെ നിയോഗിക്കുന്നതിനുള്ള സൗകര്യം ഏര്‍പ്പെടുത്താന്‍ ഉദ്ദേശിക്കുന്നുണ്ടോ?

മരുന്നുകളുടെ ഗുണനിലവാരം പരിശോധിക്കുന്നതിന് സംവിധാനം

*26.

ശ്രീ.കെ. രാജന്‍
,, ജി.എസ്.ജയലാല്‍
,, ഇ.കെ.വിജയന്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ മരുന്ന് വിപണിയുടെ വെെപുല്യം വിലയിരുത്തിയിട്ടുണ്ടോ;

(ബി)	മരുന്നുകളുടെ ഗുണനിലവാരം പരിശോധിക്കുന്നതിന് എന്തൊക്കെ സംവിധാനങ്ങളാണ് നിലവിലുളളതെന്ന് വ്യക്തമാക്കുമോ;

(സി)	മെഡിക്കല്‍ കൗണ്‍സിലും ഡ്രഗ്സ് കണ്‍ട്രോള്‍ അതോറിറ്റിയും നിഷ്കര്‍ഷിക്കുന്ന മാനദണ്ഡങ്ങള്‍ പാലിക്കാതെ ജീവന്‍രക്ഷാ മരുന്നുകള്‍ ഉള്‍പ്പെടെയുളള മരുന്നുകള്‍ സംസ്ഥാനത്ത് വിറ്റഴിക്കുന്നുവെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ ;എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

(ഡി)	മരുന്നുകളുടെ ഗുണനിലവാര പരിശോധന വിപുലപ്പെടുത്തുന്നതിനും വര്‍ദ്ധിപ്പിക്കുന്നതിനും നടപടി സ്വീകരിക്കുമോ?

ലഹരി മാഫിയക്കെതിരെ നടപടി സ്വീകരിക്കുന്നതിന് പോലീസ് സംവിധാനം

*27.

ശ്രീ.വി.ആര്‍. സുനില്‍ കുമാര്‍
,, ആര്‍. രാമചന്ദ്രന്‍
,, ഇ.ടി. ടൈസണ്‍ മാസ്റ്റര്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ലഹരിവിരുദ്ധ പ്രവര്‍ത്തനങ്ങള്‍ ശക്തമാക്കുന്നതിനും ലഹരി മാഫിയക്കെതിരെ ശക്തമായ നടപടികള്‍ സ്വീകരിക്കുന്നതിനും പോലീസ് സംവിധാനം സജ്ജമാണോയെന്ന് വിലയിരുത്തിയിട്ടുണ്ടോ;

(ബി)	രഹസ്യകണ്ണ് എന്ന പേരില്‍ പ്രത്യേക ഇന്റലിജന്‍സ് സംവിധാനം രൂപീകരിച്ചിട്ടുണ്ടോ; എങ്കില്‍ വിശദാംശങ്ങള്‍ അറിയിക്കുമോ;

(സി)	ലഹരി മാഫിയക്കെതിരെ നടപടി സ്വീകരിക്കുന്നതിന് രൂപീകരിച്ച കന്‍സാഫ്, ഡന്‍സാഫ് എന്നിവയുടെ പ്രവര്‍ത്തനം ഫലപ്രദമാണോയെന്ന് പരിശോധിച്ചിട്ടുണ്ടോ?

അടിസ്ഥാനസൗകര്യ വികസന പദ്ധതികൾ

*28.

ശ്രീ.എം. സ്വരാജ്
,, സി.കൃഷ്ണന്‍
,, കെ. ദാസന്‍
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	അടിസ്ഥാന സൗകര്യ വികസനത്തിനായി പ്രഖ്യാപിച്ചിട്ടുള്ള ദേശീയപാത നാലുവരിയാക്കൽ, കൊച്ചി -മംഗലാപുരം ഗെയിൽ വാതക പൈപ്പ് ലൈൻ, വിമാനത്താവള വികസനം തുടങ്ങിയ പ്രധാന പദ്ധതികളുടെ നിലവിലെ പുരോഗതി അറിയിക്കാമോ;

(ബി)	പാരിസ്ഥിതികാഘാതം, ജനസാന്ദ്രത തുടങ്ങിയ ഘടകങ്ങളെല്ലാം കണക്കിലെടുത്ത് അംഗീകാരം നൽകുന്ന പദ്ധതികള്‍ അട്ടിമറിക്കാൻ നിക്ഷിപ്ത താല്പര്യക്കാര്‍ നടത്തുന്ന നീക്കങ്ങളെ മറികടന്ന് ദേശീയപാതയ്ക്കും വാതക പൈപ്പ് ലൈനിനുമുളള സ്ഥലം ഏറ്റെടുപ്പ് സമയബന്ധിതമായി പൂര്‍ത്തിയാക്കാൻ നടത്തുന്ന പ്രവര്‍ത്തനങ്ങള്‍ വിശദമാക്കാമോ;

(സി)	ദേശീയപാതയുടെ അലൈൻമെന്റ് മാറ്റണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിരുന്നോ; എങ്കിൽ പ്രതികരണമെന്തായിരുന്നു എന്ന് വെളിപ്പെടുത്താമോ?.

ഹൃദയ ശസ്ത്രക്രിയയ്ക്ക് ആവശ്യമായ സ്റ്റെന്റുകളുടെ വിതരണം

*29.

ശ്രീ.പി.ബി. അബ്ദുല്‍ റസ്സാക്ക്
,, മഞ്ഞളാംകുഴി അലി
,, ടി. വി. ഇബ്രാഹിം
,, കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വകുപ്പുമന്ത്രി സദയം മറുപടി നല്‍കുമോ:

(എ)	മെഡിക്കൽ കോളേജുകളിൽ ഹൃദയ ശസ്ത്രക്രിയയ്ക്ക് ആവശ്യമായ സ്റ്റെന്റുകളുടെ വിതരണം മുടങ്ങിയതായ വാര്‍ത്ത ശ്രദ്ധയിൽപ്പെട്ടിട്ടുണ്ടോ;

(ബി)	സ്റ്റെന്റുകള്‍ വിതരണം ചെയ്ത വകയിൽ കമ്പനികള്‍ക്ക് എന്തെങ്കിലും തുക നൽകാനുണ്ടോ;വിശദമാക്കാമോ;

(സി)	ഹൃദയ ശസ്ത്രക്രിയകള്‍ മുടങ്ങാതിരിക്കാൻ അടിയന്തര നടപടി സ്വീകരിക്കുമോ;വ്യക്തമാക്കാമോ?

വരാപ്പുഴ കസ്റ്റഡി മരണം

*30.

ശ്രീ.വി.ഡി.സതീശന്‍
,, അടൂര്‍ പ്രകാശ്
,, ഹൈബി ഈഡന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ലോക്കപ്പില്‍ മൂന്നാം മുറ പ്രയോഗിക്കരുതെന്ന് പോലീസിന് നിര്‍ദ്ദേശം നല്‍കിയിട്ടുണ്ടോ;

(ബി)	വരാപ്പുഴയിലേത് പോലുളള സംഭവങ്ങള്‍ എന്നിട്ടും ആവര്‍ത്തിക്കുന്നതിനുളള കാരണം കണ്ടെത്തിയിട്ടുണ്ടോ;

(സി)	പോലീസുകാര്‍ നിയമലംഘനം നടത്തുമ്പോള്‍ കര്‍ശന നടപടി സ്വീകരിക്കാത്തതും പോലീസിനെ രാഷ്ട്രീയവല്‍ക്കരിച്ചതും ഇത്തരം സംഭവങ്ങള്‍ ആവര്‍ത്തിക്കുന്നതിന് സഹായകമായി എന്ന് കരുതുന്നുണ്ടോ;

(ഡി)	വരാപ്പുഴ കേസില്‍ ശ്രീജിത്തിനെ വീട്ടില്‍ നിന്നും പിടിച്ചിറക്കി കൊണ്ടുപോയ റൂറല്‍ ടെെഗര്‍ ഫോഴ്സിന്റെ ചുമതല ആര്‍ക്കായിരുന്നു; പ്രസ്തുത ഉദ്യോഗസ്ഥനെതിരെ കൊലക്കുറ്റം ചുമത്തിയിട്ടുണ്ടോ; ഇല്ലെങ്കില്‍ എന്തുകൊണ്ട് എന്നറിയിക്കാമോ;

(ഇ)	വരാപ്പുഴ എസ്.എെ., എറണാകുളം റൂറല്‍ പോലീസ് മേധാവി എന്നിവര്‍ക്കെതിരെ വകുപ്പുതല നടപടി സ്വീകരിച്ച് കൊലക്കുറ്റത്തില്‍ നിന്നും രക്ഷപ്പെടുത്തുന്നതിനുളള നീക്കം ഇത്തരം കുറ്റകൃത്യങ്ങള്‍ ചെയ്യുന്ന പോലീസുകാര്‍ക്ക് പ്രോത്സാഹനമാകും എന്ന ആക്ഷേപം ശ്രദ്ധയില്‍പെട്ടിട്ടുണ്ടോ;

(എഫ്)

പോലീസുകാര്‍ പ്രതികളായിട്ടുളള ഇൗ കേസ് സി.ബി.എെ.ക്ക് വിടണമെന്ന ആവശ്യത്തിന്മേല്‍ സര്‍ക്കാര്‍ നിലപാട് എന്താണ്; വിശദമാക്കുമോ ?

കേരള നിയമസഭാ സെക്രട്ടേറിയറ്റ്‌,

വി. കെ. ബാബുപ്രകാശ്,

തിരുവനന്തപുരം,

സെക്രട്ടറി,

26-05-2018

Website maintained by Information System Section, Kerala Legislative Assembly, Thiruvananthapuram.