14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 10^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

വിഴിഞ്ഞം തുറമുഖ പദ്ധതി

1451.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ കരാര്‍ പ്രകാരം വാണിജ്യാടിസ്ഥാനത്തിലുള്ള പ്രവ്ര‍ത്തനം തുടങ്ങുവാന്‍ നിശ്ചയിച്ചിട്ടുള്ള കാലയളവ് എത്രയാണെന്ന് അറിയിക്കുമോ; പ്രസ്തുത കാലയളവിനുള്ളില്‍ പദ്ധതിയുടെ വാണിജ്യാടിസ്ഥാനത്തിലുള്ള പ്രവര്‍ത്തനം ആരംഭിക്കുവാന്‍ സാധിക്കുമോയെന്ന് വിലയിരുത്തിയിട്ടുണ്ടോ;

(ബി)	വിഴിഞ്ഞം തുറമുഖ കമ്പനി, പദ്ധതി പ്രദേശത്ത് പൂര്‍ത്തിയാക്കേണ്ട പ്രവര്‍ത്തനങ്ങള്‍ എന്തൊക്കെയാണ്; ഇതില്‍ ഏതൊക്കെ കാര്യങ്ങള്‍ നാളിതുവരെ നടപ്പിലാക്കിയെന്ന് അറിയിക്കുമോ;

(സി)	ഭൂമി ഏറ്റെടുക്കല്‍ പ്രക്രിയ പൂര്‍ത്തിയായിട്ടുണ്ടോ; ഇല്ലെങ്കില്‍ ഇനി എത്ര സ്ഥലം കൂടി ഏറ്റെടുക്കേണ്ടതുണ്ടെന്നും ഇതിനായുള്ള നടപടി ക്രമം ഏത് ഘട്ടത്തിലാണെന്നും അറിയിക്കുമോ;

(ഡി)	വിഴിഞ്ഞം പദ്ധതി പ്രവര്‍ത്തനം നിരീക്ഷിച്ച് റിപ്പോര്‍ട്ട് നല്‍കുന്നതിനായി ദേശീയ ഹരിത ട്രൈബ്യൂണല്‍ രൂപം നല്‍കിയ സമിതി അതിന്റെ റിപ്പോര്‍ട്ട് സമര്‍പ്പിച്ചതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അതിലെ ശിപാര്‍ശകള്‍ എന്തായിരുന്നുവെന്ന് പരിശോധിച്ചിട്ടുണ്ടോ;

(ഇ)	വിഴിഞ്ഞം പദ്ധതി പ്രദേശത്ത് നിരന്തരമുണ്ടാകുന്ന സമരങ്ങള്‍ പദ്ധതിയുടെ മുന്നോട്ടുള്ള നടത്തിപ്പിന് വിഘാതം സൃഷ്ടിക്കുന്നതായി വിലയിരുത്തിയിട്ടുണ്ടോ; എങ്കില്‍ സമരങ്ങള്‍ രമ്യമായ ചര്‍ച്ചയിലൂടെ ഒത്തുതീര്‍പ്പാക്കുന്നതിന് സ്ഥിരം സംവിധാനം ഒരുക്കുമോയെന്ന് വ്യക്തമാക്കുമോ?

വിഴിഞ്ഞം തുറമുഖ നിര്‍മ്മാണത്തിന്റെ പുരോഗതി

1452.

ശ്രീ.ഇ.പി.ജയരാജന്‍
,, കെ. ആന്‍സലന്‍
,, ജോണ്‍ ഫെര്‍ണാണ്ടസ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖ നിര്‍മ്മാണത്തിന്റെ പുരോഗതി കരാര്‍ പ്രകാരമുള്ള സമയരേഖ പ്രകാരം നടക്കുന്നുണ്ടെന്ന് ഉറപ്പുവരുത്തുന്നതിനായി, പ്രോജക്ട് ഇംപ്ലിമെന്റേഷന്‍ കമ്മിറ്റി നിര്‍മ്മാണ പ്രവര്‍ത്തനങ്ങള്‍ വിലയിരുത്താറുണ്ടോ;

(ബി)	കരാര്‍ പ്രകാരം നിര്‍മ്മാണ വസ്തുക്കള്‍ കണ്ടെത്തേണ്ടത് കണ്‍സഷണര്‍ കമ്പനി തന്നെ ആയതിനാല്‍ നിര്‍മ്മാണ വസ്തുക്കളുടെ അഭാവത്തിന്റെ പേരില്‍ കമ്പനി നിര്‍മ്മാണപ്രവര്‍ത്തനം മന്ദീഭവിപ്പിക്കാതിരിക്കാന്‍ വേണ്ട മേല്‍നോട്ടം നടക്കുന്നുണ്ടോ; വ്യക്തമാക്കാമോ;

(സി)	ഉപജീവനാഘാത വിലയിരുത്തല്‍ സമിതി (എല്‍.ഐ.എ.സി.) അന്തിമ റിപ്പോര്‍ട്ട് സമര്‍പ്പിച്ചോ; റിപ്പോര്‍ട്ടിന്റെ അടിസ്ഥാനത്തില്‍ പുനരധിവാസത്തിനായി ചെയ്ത പ്രവര്‍ത്തനങ്ങള്‍ അറിയിക്കാമോ?

തീരദേശ കപ്പല്‍ ഗതാഗതം

1453.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തീരദേശ കപ്പല്‍ ഗതാഗതത്തെക്കുറിച്ച് പഠിച്ച മെസേഴ്സ് ഡിലോയിറ്റ് സമര്‍പ്പിച്ച രൂപരേഖയുടെ അടിസ്ഥാനത്തില്‍, നിലവില്‍ റോഡ് / റെയില്‍ മാര്‍ഗ്ഗം കൊണ്ടുപോകുന്ന ചരക്കുകളുടെ നാൽപ്പത് ശതമാനം 2020 വര്‍ഷത്തോടെ തീരദേശ കപ്പല്‍ ഗതാഗതം വഴി ആക്കുവാൻ പദ്ധതിയിട്ടിരുന്നോ; വ്യക്തമാക്കാമോ;

(ബി)	എങ്കില്‍ പ്രസ്തുത ലക്ഷ്യം സാക്ഷാത്കരിക്കുന്നതിന് ഇതിനകം നടപ്പിലാക്കിയ പദ്ധതികള്‍ എന്തൊക്കെയാണ്;

(സി)	ഏതെല്ലാം തുറമുഖങ്ങളെ ഉള്‍പ്പെടുത്തിയാണ് പ്രസ്തുത പദ്ധതി പ്രാവര്‍ത്തികമാക്കുന്നത്; ഇതിനായി എന്തൊക്കെ അടിസ്ഥാന സൗകര്യങ്ങളാണ് പ്രസ്തുത തുറമുഖങ്ങളില്‍ ഒരുക്കിയിട്ടുളളത്; ശേഷിക്കുന്ന പ്രവൃത്തികള്‍ എന്നത്തേക്ക് പൂര്‍ത്തിയാകും;

(ഡി)	പ്രസ്തുത പദ്ധതിക്കായി 2018-19 ലെ ബജറ്റില്‍ തുക വകയിരുത്തിയിട്ടുണ്ടോ; കിഫ്ബി വഴി ഇക്കാര്യത്തിനായി നീക്കിവച്ചിട്ടുളള തുകയുടെ വിശദാംശം നല്‍കുമോ?

അഴീക്കല്‍ തുറമുഖ പദ്ധതി

1454.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	അഴീക്കല്‍ തുറമുഖ പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)	പ്രസ്തുത തുറമുഖത്തിന്റെ വികസനത്തിന് കിഫ്ബിയില്‍ നിന്നും തുക വകയിരുത്തിയിട്ടുണ്ടോ; വിശദാംശം നല്‍കുമോ;

(സി)	തുറമുഖത്തിന്റെ ചാനല്‍, ബേസിന്‍ എന്നിവയുടെ ആഴം കൂട്ടുന്നതിന് പദ്ധതിയുണ്ടോ; അതിനായുള്ള മെക്കാനിക്കല്‍ ഡ്രഡ്ജിംഗ് ഏത് ഘട്ടത്തിലാണെന്ന് വ്യക്തമാക്കുമോ;

(ഡി)	തുറമുഖത്തിന്റെ നിര്‍മ്മാണ പ്രവര്‍ത്തനം കാര്യക്ഷമമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

തുറമുഖ വകുപ്പിന്റെ കടവുകളിലെ മണല്‍ ഖനനം

1455.

ശ്രീ.ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ വകുപ്പിന്റെ അധീനതയിലുള്ള കടവുകളില്‍ നിന്നും മണല്‍ ഖനനവും വില്‍പനയും എപ്രകാരമാണ് നടക്കുന്നത് ;

(ബി)	പ്രസ്തുത കടവുകളിലെ മണല്‍ ഖനനത്തിനും വിപണനത്തിനും പുതിയ നയം രൂപീകരിച്ചിട്ടുണ്ടോ, വിശദാംശം വെളിപ്പെടുത്താമോ;

(സി)	പുതിയ നയം രൂപീകരിച്ച ശേഷം മണല്‍ വില്‍പനയില്‍ നിന്നുള്ള വരുമാനം വര്‍ദ്ധിച്ചിട്ടുണ്ടോ; വിശദാംശം നല്‍കുമോ?

തുറമുഖ വകുപ്പിലെ സര്‍വ്വീസ് റൂള്‍

1456.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	തുറമുഖ വകുപ്പിലെ സര്‍വ്വീസ് റൂള്‍ പരിഷ്കരിക്കുന്നതിന് നടപടികള്‍ സ്വീകരിച്ചുവരുന്നുണ്ടോ;

(ബി)	റൂള്‍ പരിഷ്കരിക്കുന്നതുമായി ബന്ധപ്പെട്ട് സമര്‍പ്പിച്ച പ്രൊപ്പോസലിന്റെ പകര്‍പ്പ് ലഭ്യമാക്കാമോ;

(സി)	ഇതിന്‍മേലുള്ള നടപടി ഈ വര്‍ഷം പൂര്‍ത്തീകരിക്കുമോ എന്നറിയിക്കാമോ?

തലശ്ശേരി മണ്ഡലത്തിലെ തുറമുഖ വകുപ്പിന്റെ പദ്ധതികള്‍

1457.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

തുറമുഖ വകുപ്പിന്റെ ഏതൊക്കെ പദ്ധതികള്‍ ആണ് 2018-19 വര്‍ഷത്തെ ബജറ്റില്‍ തലശ്ശേരി നിയോജകമണ്ഡലത്തിനായുള്ളതെന്ന് വ്യക്തമാക്കാമോ?

കാസര്‍ഗോഡ് പോര്‍ട്ട് ഓഫീസിലെ നിയമനങ്ങള്‍

1458.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം കാസര്‍ഗോഡ് പോര്‍ട്ട് ഓഫീസില്‍ എത്ര നിയമനങ്ങള്‍ നടന്നിട്ടുണ്ടെന്ന് വെളിപ്പെടുത്തുമോ;

(ബി)	ഏതെല്ലാം തസ്തികകളിലാണ് നിയമനം നടത്തിയതെന്നും നിയമിക്കപ്പെട്ടവരുടെ വിദ്യാഭ്യാസ യോഗ്യത എന്താണെന്നും അറിയിക്കുമോ;

(സി)	ഏതെല്ലാം തസ്തികകളിലേക്ക് എത്ര വീതം അപേക്ഷകളാണുണ്ടായിരുന്നതെന്ന് അപേക്ഷകരുടെ വിലാസം സഹിതം വ്യക്തമാക്കാമോ;

(ഡി)	പ്രസ്തുത നിയമനങ്ങള്‍ നടത്തിയപ്പോള്‍ സ്വീകരിച്ച മാനദണ്ഡങ്ങള്‍ എന്തൊക്കെയായിരുന്നുവെന്ന് വെളിപ്പെടുത്തുമോ;

(ഇ)	പ്രസ്തുത നിയമനങ്ങള്‍ നടത്തിയപ്പോള്‍ യോഗ്യതയും അര്‍ഹതയും പരിഗണിക്കപ്പെട്ടിട്ടുണ്ടെന്ന് ഉറപ്പുവരുത്തിയിട്ടുണ്ടോ എന്ന് വ്യക്തമാക്കാമോ?

കോന്നിയിലെ പൈതൃക മ്യൂസിയം

1459.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കോന്നിയിലെ പൈതൃക മ്യൂസിയത്തിന്റെ നിര്‍മ്മാണ പ്രവര്‍ത്തനങ്ങള്‍ ഏതുഘട്ടത്തിലാണെന്ന് വ്യക്തമാക്കുമോ;

(ബി)	ഇതിലേയ്ക്കായി നാളിതുവരെ എത്ര തുക അനുവദിച്ചുനല്‍കിയിട്ടുണ്ടെന്നും അത് എന്നാണ് അനുവദിച്ചതെന്നും വ്യക്തമാക്കുമോ;

(സി)	നിര്‍മ്മാണ പ്രവര്‍ത്തനങ്ങള്‍ക്ക് തുടക്കം കുറിച്ചത് എന്നാണ്;

(ഡി)	ആയത് എന്നത്തേയ്ക്ക് പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വെളിപ്പെടുത്തുമോ;

(ഇ)	നിലവില്‍ മ്യൂസിയത്തിന്റെ നിര്‍മ്മാണ പ്രവര്‍ത്തനങ്ങള്‍ക്ക് എന്തെങ്കിലും തടസ്സമുണ്ടോ; എങ്കില്‍ എന്താണെന്ന് വ്യക്തമാക്കുമോ;

(എഫ്)

ആയത് പരിഹരിക്കുന്നതിന് സർക്കാർ തലത്തിൽ എന്തെല്ലാം തുടര്‍നടപടികള്‍ കൈക്കൊണ്ടിട്ടുണ്ടെന്ന് വെളിപ്പെടുത്തുമോ?

പത്തനംതിട്ട ജില്ലയില്‍ പൈതൃക മ്യൂസിയങ്ങള്‍

1460.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പത്തനംതിട്ട ജില്ലയില്‍ എവിടെയെല്ലാം പൈതൃക മ്യൂസിയങ്ങള്‍ സ്ഥാപിക്കാന്‍ പദ്ധതിയുണ്ടെന്നറിയിക്കാമോ;

(ബി)	നിലവില്‍ ജില്ലയിലെ മ്യൂസിയം പദ്ധതികള്‍ ഏതൊക്കെയാണ്;

(സി)	നിലവിലുള്ള പദ്ധതികള്‍ ഏതു കാലഘട്ടത്തില്‍ തീരുമാനിച്ച് അനുമതി നല്‍കിയിട്ടുള്ളതാണ്;

(ഡി)	പുതിയ മ്യൂസിയങ്ങള്‍ സര്‍ക്കാരിന്റെ പരിഗണനയില്‍ ഉണ്ടോ എന്നറിയിക്കാമോ?

കോട്ടയ്ക്കല്‍ കുഞ്ഞാലിമരക്കാര്‍ സ്മാരക മ്യൂസിയത്തിന്റെ വികസനം

1461.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം ചരിത്രപ്രാധാന്യമുളളതും പെെതൃകമായി നില്‍ക്കുന്നതുമായ സ്ഥാപനങ്ങള്‍/വസ്തുക്കള്‍ സംരക്ഷിക്കുന്നതിനും വികസിപ്പിക്കുന്നതിനും ആവിഷ്കരിച്ച് നടപ്പിലാക്കിയ പദ്ധതികള്‍ വിശദമാക്കാമോ ;

(ബി)	കോഴിക്കോട് ജില്ലയില്‍ എന്തെല്ലാം പദ്ധതികളാണ് നടപ്പിലാക്കിയത്; കോട്ടയ്ക്കല്‍ കുഞ്ഞാലിമരക്കാര്‍ സ്മാരക മ്യൂസിയത്തിന്റെ വികസനത്തിനായി സര്‍ക്കാരില്‍ സമര്‍പ്പിച്ച പദ്ധതിയിന്മേല്‍ സ്വീകരിച്ച നടപടികള്‍ വ്യക്തമാക്കാമോ ;

(സി)	ടൂറിസം വകുപ്പുമായി ചേര്‍ന്ന് നടപ്പിലാക്കാന്‍ കഴിയുന്ന മാരിടെെം ടൂറിസം പദ്ധതിയിന്മേല്‍ കെെക്കൊണ്ട നടപടികള്‍ വിശദമാക്കാമോ ?

കൊല്ലം ജില്ലയില്‍ പുരാവസ്തു വകുപ്പിന്റെ പ്രവര്‍ത്തനം

1462.

ശ്രീ.എം. മുകേഷ് : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

കൊല്ലം ജില്ലയില്‍ പുരാവസ്തു വകുപ്പിന്റെ നിയന്ത്രണത്തിലോ സംരക്ഷണയിലോ ഉള്ള സ്ഥലങ്ങള്‍, സ്ഥാപനങ്ങള്‍, വസ്തുക്കള്‍ എന്നിവ സംബന്ധിച്ച വിശദവിവരം ലഭ്യമാക്കുമോ?

ഗ്രാമീണ മേഖലയില്‍ പുതിയ മ്യൂസിയങ്ങള്‍

1463.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഗ്രാമീണ മേഖലയില്‍ പുതിയ മ്യൂസിയങ്ങള്‍ ആരംഭിക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ;

(ബി)	ഒരു ഗ്രാമപഞ്ചായത്തില്‍ ഒരു മ്യൂസിയം എന്ന രീതിയില്‍ പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; വിശദീകരിക്കാമോ;

(സി)	ഗ്രാമപഞ്ചായത്തുകള്‍/സര്‍ക്കാര്‍ സ്ക്കുളുകള്‍ എന്നിവ മ്യൂസിയം നിര്‍മ്മിക്കാന്‍ തയ്യാറായാല്‍ അവര്‍ക്ക് ഏതെങ്കിലും തരത്തിലുള്ള സഹായം ചെയ്ത് കൊടുക്കാന്‍ ഉദ്ദേശിക്കുന്നുണ്ടോ; വിശദീകരിക്കാമോ;

(ഡി)	മലപ്പുറം ജില്ലയില്‍ സര്‍ക്കാര്‍ ഉടമസ്ഥതയിലുള്ള മ്യൂസിയങ്ങള്‍ ഏതെല്ലാമാണ്; പട്ടിക നല്‍കാമോ?

പുരാവസ്തു വകുപ്പ് ആലപ്പുഴ ജില്ലയിൽ സംരക്ഷിക്കുന്ന സ്ഥാപനങ്ങള്‍

1464.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന പുരാവസ്തു വകുപ്പ് ആലപ്പുഴ ജില്ലയില്‍ ഏതൊക്കെ സ്ഥാപനങ്ങളെയാണ് സംരക്ഷിച്ച് പരിപാലിച്ച് വരുന്നതെന്ന് വ്യക്തമാക്കുമോ;

(ബി)	ഇൗ സര്‍ക്കാര്‍ വന്നതിനു ശേഷം ഇതിനായി നാളിതുവരെ എത്ര തുക ചെലവഴിച്ചു എന്ന് വിശദമാക്കുമോ?

പള്ളിപ്പുറം കോട്ടയുടെ പുനരുദ്ധാരണം

1465.

ശ്രീ.എസ്.ശർമ്മ : താഴെ കാണുന്ന ചോദ്യത്തിന് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

പള്ളിപ്പുറം കോട്ടയുടെ പുനരുദ്ധാരണ പ്രവൃത്തികള്‍ക്കായി എത്ര തുകയാണ് അനുവദിച്ചിട്ടുള്ളതെന്നും, പ്രസ്തുത പ്രവൃത്തികള്‍ എന്നത്തേക്ക് പൂര്‍ത്തീകരിക്കുമെന്നും വിശദമാക്കാമോ?

അമ്മൂമ്മക്കല്ല് പാലം പുരാവസ്തു വകുപ്പ് ഏറ്റെടുക്കുന്നതിന് നടപടി

1466.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി താലൂക്കില്‍ പാവുമ്പ ക്ഷേത്രത്തിനുസമീപമുള്ള പുരാതനമായ അമ്മൂമ്മക്കല്ല് പാലത്തിന്‍െറ നിര്‍മ്മാണ വൈദഗ്ദ്ധ്യം ശ്രദ്ധയില്‍പ്പെട്ടിട്ടുണ്ടോ;

(ബി)	ആറടിയിലധികം നീളമുള്ള പാറകള്‍ കൊണ്ട് നിര്‍മ്മിച്ചിട്ടുള്ള പ്രസ്തുത പാലം വരുംതലമുറയുടെ ശ്രദ്ധയില്‍ കൊണ്ടുവരുന്നതിനായി പുരാവസ്തു വകുപ്പ് ഏറ്റെടുത്ത് അറ്റകുറ്റപണികള്‍ നടത്തി സംരക്ഷിക്കുമോയെന്ന് വ്യക്തമാക്കുമോ?

പുരാവസ്തുസംരക്ഷണ വകുപ്പിലെ നിയമനങ്ങള്‍

1467.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് തുറമുഖവും മ്യൂസിയവും പുരാവസ്തു സംരക്ഷണവും വകുപ്പുമന്ത്രി സദയം മറുപടി നല്‍കുമോ:

(എ)	പുരാവസ്തുസംരക്ഷണ വകുപ്പിന് കീഴിലുള്ള വിവിധ കൊട്ടാരങ്ങളില്‍ നിന്നും മറ്റ് പുരാവസ്തു കേന്ദ്രങ്ങളില്‍ നിന്നും ലഭിക്കുന്ന പ്രതിമാസ വരുമാനം എത്രയെന്ന് വ്യക്തമാക്കുമോ;

(ബി)	പുരാവസ്തുസംരക്ഷണവകുപ്പിന് കീഴിലുള്ള പ്രധാന കേന്ദ്രങ്ങള്‍ ഏതൊക്കെയാണെന്നും; അവിടെ ജോലി ചെയ്തുവരുന്ന സ്ഥിരംജീവനക്കാരും താല്‍ക്കാലിക ജീവനക്കാരും എത്ര വീതമെന്നും അറിയിക്കാമോ;

(സി)	ആവശ്യത്തില്‍ കൂടുതല്‍ താല്ക്കാലിക ജീവനക്കാരെ ഏതെങ്കിലും കേന്ദ്രത്തില്‍ നിയമിച്ചതായി പരാതി ലഭിച്ചിട്ടുണ്ടോ; വ്യക്തമാക്കുമോ?

Website maintained by Information System Section, Kerala Legislative Assembly, Thiruvananthapuram.