14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >10^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 10^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

റവന്യൂ വകുപ്പില്‍ സേവനാവകാശ നിയമം

1079.

ശ്രീ.അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പില്‍ സേവനാവകാശ നിയമം നടപ്പിലാക്കിയിട്ടുണ്ടോ; എങ്കില്‍ എന്നുമുതലാണെന്ന് വ്യക്തമാക്കുമോ;

(ബി)	പ്രസ്തുത നിയമപ്രകാരം അവകാശമായ സേവനങ്ങള്‍ എന്തൊക്കെയെന്നത് സംബന്ധിച്ച് പ്രദേശിക റവന്യൂ ഓഫീസുകളില്‍ നോട്ടീസുകള്‍ പതിച്ചിട്ടുണ്ടോ; വിശദാംശം വെളിപ്പെടുത്തുമോ;

(സി)	റവന്യൂ വകുപ്പില്‍ സേവനാവകാശ നിയമം കാര്യക്ഷമമായി നടപ്പിലാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

ജനസൗഹൃദ വില്ലേജ് ഓഫീസുകള്‍

1080.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ് ഓഫീസുകളെ ജനസൗഹൃദമാക്കുന്നതിനായി കഴിഞ്ഞ സര്‍ക്കാരിന്റെ കാലത്ത് ആരംഭിച്ച 'സ്മാര്‍ട്ട് വില്ലേജ്'കളുടെ ഇപ്പോഴത്തെ സ്ഥിതി വിശദീകരിക്കുമോ;

(ബി)	ഈ സര്‍ക്കാര്‍ വന്നതിന് ശേഷം ഏതെല്ലാം വില്ലേജുകളെ 'സ്മാര്‍ട്ട് വില്ലേജ്' ആയി മാറ്റിയിട്ടുണ്ടെന്ന് വെളിപ്പെടുത്തുമോ;

(സി)	ഈ വര്‍ഷം എത്ര വില്ലേജുകളാണ് ഇത്തരത്തില്‍ മാറ്റം വരുത്തുവാന്‍ ഉദ്ദേശിക്കുന്നതെന്ന് വ്യക്തമാക്കുമോ?

കാന്‍സര്‍ രോഗികള്‍ക്കുള്ള പെന്‍ഷന്‍ പദ്ധതി

1081.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാന്‍സര്‍ രോഗികള്‍ക്ക് അനുവദിച്ചിട്ടുളള പെന്‍ഷന്‍ ലഭിക്കുന്നതിനായി ഹാജരാക്കേണ്ട മെഡിക്കല്‍ സര്‍ട്ടിഫിക്കറ്റ്, മെഡിക്കല്‍ കോളേജുകള്‍, ആര്‍.സി.സി എന്നീ ആശുപത്രികളില്‍ നിന്നുള്ളത് മാത്രമായി മാറ്റി നിശ്ചയിച്ചിട്ടുണ്ടോ;

(ബി)	മേല്പറഞ്ഞ ആശുപത്രികൾ കൂടാതെ ചികിത്സിക്കുന്ന അതത് ആശുപത്രികളില്‍ നിന്നുമുളള മെഡിക്കല്‍ സര്‍ട്ടിഫിക്കറ്റിന്റെ അടിസ്ഥാനത്തില്‍ പെന്‍ഷന്‍ അനുവദിക്കുന്നതിന് അടിയന്തിരനടപടികള്‍ സ്വീകരിക്കുമോ;

(സി)	പാലിയേറ്റീവ് ചികിത്സയടക്കം വിവിധ ഘട്ടങ്ങളിലുളള കാന്‍സര്‍ രോഗികള്‍ക്ക് പി.എച്ച്.സി. കളില്‍ നിന്നുൾപ്പെടെ ലഭിക്കുന്ന മെഡിക്കല്‍ സര്‍ട്ടിഫിക്കറ്റിന്റെ അടിസ്ഥാനത്തില്‍ കാന്‍സര്‍ പെന്‍ഷന്‍ അനുവദിക്കുവാന്‍ നടപടി സ്വീകരിക്കുമോ?

കാസര്‍ഗോഡ് ജില്ലയിലെ നിയമാനുസൃത അവകാശി സാക്ഷ്യപത്രം

1082.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	2017 ജനുവരി ഒന്ന് മുതല്‍ 2018 ജനുവരി 31 വരെ നിയമാനുസൃത അവകാശി സാക്ഷ്യപത്രത്തിനു (ലീഗല്‍ ഹെയര്‍) വേണ്ടി കാസര്‍ഗോഡ് ജില്ലയില്‍ എത്രപേര്‍ അപേക്ഷ സമര്‍പ്പിച്ചിരുന്നുവെന്ന് താലൂക്ക് തിരിച്ചു വ്യക്തമാക്കാമോ;

(ബി)	മേല്‍പറഞ്ഞ കാലയളവില്‍ ഓരോ മാസവും ലഭിച്ച അപേക്ഷയുടെ വിശദവിവരവും ഒരോ അപേക്ഷയിന്‍മേല്‍ എടുത്ത നടപടിയും വ്യക്തമാക്കാമോ;

(സി)	ലീഗല്‍ ഹെയര്‍ സര്‍ട്ടിഫിക്കറ്റ് സാധാരണ എത്ര ദിവസം കൊണ്ടാണ് ലഭ്യമാക്കുന്നത്;

(ഡി)	അപേക്ഷ സമര്‍പ്പിച്ച് മാസങ്ങള്‍ കഴിഞ്ഞാലും പ്രസ്തുത സര്‍ട്ടിഫിക്കറ്റ് നല്‍കാന്‍ കഴിയാത്ത അവസ്ഥ കാസര്‍ഗോഡ് ജില്ലയില്‍ ഉണ്ടോ;

(ഇ)	എങ്കില്‍ ഏത് താലൂക്കിലാണ് ഈ അവസ്ഥയെന്നും കാലവിളംബത്തിനുള്ള കാരണമെന്താണെന്നും വ്യക്തമാക്കാമോ?

കാവുകളുടെയും കുളങ്ങളുടെയും സംരക്ഷണം

1083.

ശ്രീ.എം. സ്വരാജ്
,, എസ്.രാജേന്ദ്രന്‍
,, ആര്‍. രാജേഷ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വേനല്‍ക്കാലാരംഭത്തില്‍ തന്നെ കടുത്ത വരള്‍ച്ച നേരിടുന്ന സാഹചര്യത്തില്‍ ഓരോ പ്രദേശത്തിന്റെയും ജലസമൃദ്ധി ഉറപ്പാക്കാന്‍ അവിടങ്ങളിലെ കാവുകളുടെയും കുളങ്ങളുടെയും സംരക്ഷണത്തിനായി റവന്യൂവകുപ്പ് മുഖാന്തിരം നടത്തുന്ന പ്രവൃത്തികള്‍ എന്തെല്ലാമാണെന്ന് വ്യക്തമാക്കുമോ;

(ബി)	പൊതുകുളങ്ങളുടെയും കാവുകളുടെയും സംരക്ഷണത്തിനും സ്വകാര്യ ഉടമസ്ഥതയിലുള്ള കാവുകളും കുളങ്ങളും സംരക്ഷിക്കപ്പെടുന്നു എന്ന് ഉറപ്പ് വരുത്തുന്നതിനും റവന്യൂവകുപ്പ് മുഖാന്തിരം എന്തെങ്കിലും പദ്ധതികള്‍ ആസൂത്രണം ചെയ്തിട്ടുണ്ടോ എന്ന് വ്യക്തമാക്കാമോ?

വില്ലേജുകളുടെയും താലൂക്കുകളുടെയും വിഭജനം

1084.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ജനസംഖ്യാനുപാതികമായി സംസ്ഥാനത്തെ റവന്യൂ വില്ലേജുകളും താലൂക്കുകളും വിഭജിക്കുന്ന കാര്യം പരിഗണനയിലുണ്ടോ;

(ബി)	എങ്കില്‍ ഏതെല്ലാം താലൂക്കുകളും വില്ലേജുകളുമാണ് വിഭജിക്കാന്‍ ഉദ്ദേശിക്കുന്നത്; പുതുതായി രൂപീകരിക്കുന്നവയുടെ എണ്ണമെത്ര; വിശദാംശം നല്‍കുമോ;

(സി)	ഭരണപരമായ സൗകര്യങ്ങള്‍ക്കായി, ജനസംഖ്യാടിസ്ഥാനത്തില്‍ സംസ്ഥാനത്തെ വില്ലേജുകളും താലൂക്കുകളും വിഭജിച്ച് സാമൂഹിക നീതി ഉറപ്പാക്കാന്‍ നടപടി സ്വീകരിക്കുമോ?

വില്ലേജാഫീസുകളിലെ വരുമാനം

1085.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റവന്യൂ വകുപ്പിന് കീഴിലെ വില്ലേജാഫീസുകളില്‍ നികുതി ഇനത്തിലും മറ്റും ലഭിക്കുന്ന വരുമാനം എത്ര ദിവസം കൂടുമ്പോഴാണ് ഖജനാവില്‍ അടയ്ക്കേണ്ടത് ; വിശദാംശം നല്‍കുമോ;

(ബി)	ട്രഷറിയില്‍ അടയ്ക്കാതെ എത്ര തുക, എത്ര നാള്‍ വരെ കൈവശം വയ്ക്കാന്‍ വില്ലേജാഫീസര്‍മാര്‍ക്ക് അധികാരമുണ്ട്; വ്യക്തമാക്കാമോ;

(സി)	എങ്കില്‍ സര്‍ക്കാരിലേയ്ക്ക് കൃത്യമായി അടയ്ക്കേണ്ട തുക, പ്രസ്തുത സമയത്ത് അടയ്ക്കാതിരുന്നതിന്റെ പേരില്‍, സംസ്ഥാനത്ത് എത്ര വില്ലേജാഫീസര്‍മാര്‍ക്കെതിരെ വകുപ്പുതല നടപടികള്‍ സ്വീകരിച്ചിട്ടുണ്ട്; വിശദാംശം ലഭ്യമാക്കുമോ;

(ഡി)	സംസ്ഥാനത്തെ വില്ലേജാഫീസുകളില്‍ ഓരോ ദിവസവും ലഭിക്കുന്ന തുക, അതതു ദിവസം ട്രഷറിയില്‍ അടയ്ക്കുന്നതിന് ആവശ്യമായ നിര്‍ദ്ദേശം അടിയന്തരമായി നല്‍കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

വില്ലേജ് ഓഫീസുകള്‍ സ്മാര്‍ട്ടാക്കല്‍ പദ്ധതി

1086.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ് ഓഫീസുകള്‍ സ്മാര്‍ട്ടാക്കല്‍ പദ്ധതി നടപ്പിലാക്കുന്നുണ്ടോ; എങ്കില്‍ എന്തെല്ലാം പ്രവൃത്തികളാണ് ഈ പദ്ധതി പ്രകാരം പ്രാവര്‍ത്തികമാക്കുന്നതെന്ന് വിശദമാക്കാമോ;

(ബി)	കോഴിക്കോട് ജില്ലയില്‍ ഏതെല്ലാം വില്ലേജ് ഓഫീസുകളാണ് ആദ്യ ഘട്ടത്തില്‍ സ്മാര്‍ട്ടാക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

പാലക്കാട് ജില്ലയിലെ റിവര്‍ മാനേജ് മെന്റ് ഫണ്ട്

1087.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയിലെ റിവര്‍ മാനേജ്മെന്റ് ഫണ്ടില്‍ (ആര്‍.എം.എഫ്.) 2017 ഡിസംബര്‍ 31-ലെ കണക്ക് പ്രകാരം എത്ര തുക നീക്കിയിരിപ്പുണ്ടെന്ന് വ്യക്തമാക്കാമോ;

(ബി)	പാലക്കാട് ജില്ലയില്‍ റിവര്‍ മാനേജ് മെന്റ് ഫണ്ടില്‍ നിന്നും എത്ര പ്രൊപ്പോസലുകള്‍ സര്‍ക്കാരിന്റെ അംഗീകാരത്തിനായി സമര്‍പ്പിച്ചിട്ടുണ്ട്; ഏതെല്ലാം; ഏതിനെല്ലാം അനുമതി ലഭിച്ചിട്ടുണ്ട്; വിശദാംശം ലഭ്യമാക്കാമോ;

(സി)	ഭാരതപ്പുഴ സംരക്ഷണത്തിനായി ആര്‍.എം.എഫ്. ഫണ്ടില്‍ നിന്നും 1/6/2016 മുതല്‍ 31/12/2017 വരെ എത്ര തുക ചെലവഴിച്ചു; വിശദാംശം ലഭ്യമാക്കാമോ?

ദുരിതാശ്വാസ ഫണ്ടിന്റെ വിശദാംശങ്ങള്‍

1088.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

2016 മേയ് മുതല്‍ റവന്യൂ വകുപ്പ് മുഖേന അനുവദിച്ചിട്ടുള്ള ദുരിതാശ്വാസ ഫണ്ടിന്റെ വിശദാംശങ്ങള്‍ വെളിപ്പെടുത്താമോ; ജില്ല തിരിച്ച് വ്യക്തമാക്കാമോ?

സ്മാര്‍ട്ട് വില്ലേജുകള്‍

1089.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം എത്ര 'സ്മാര്‍ട്ട് വില്ലേജുകള്‍' ആരംഭിക്കുവാന്‍ നടപടി ആയിട്ടുണ്ട്; ജില്ലതിരിച്ച് പേരുസഹിതം ഇതിന്റെ വിശദാംശങ്ങള്‍ വെളിപ്പെടുത്തുമോ;

(ബി)	'സ്മാര്‍ട്ട് വില്ലേജിന്റെ' ലക്ഷ്യങ്ങള്‍ എന്തെന്നും സ്മാര്‍ട്ട് വില്ലേജ് ഉണ്ടാകുന്നതുമൂലം ജനങ്ങള്‍ക്ക് ഏതൊക്കെ തരത്തില്‍ ഗുണം ഉണ്ടാകുമെന്നും വിവരിയ്ക്കുമോ?

ഭൂരഹിതരില്ലാത്ത കേരളം പദ്ധതി

1090.

(എ)	ഭൂരഹിതരില്ലാത്ത കേരളം പദ്ധതി പൂര്‍ത്തീകരിയ്ക്കാന്‍ ഈ സര്‍ക്കാര്‍ നാളിതുവരെ സ്വീകരിച്ച അടിയന്തര നടപടികളും സ്വീകരിയ്ക്കാനുദ്ദേശിക്കുന്ന നടപടികളും വിശദമാക്കുമോ;

(ബി)	ഈ പദ്ധതി പ്രകാരം നല്‍കിയ ഭൂമി വാസയോഗ്യമല്ലാത്തതും പാറക്കെട്ടുകള്‍ നിറഞ്ഞതുമായതിനാല്‍, ഭൂമി ലഭിച്ചവരില്‍ നല്ലൊരു വിഭാഗം ഭൂമി ഏറ്റെടുക്കാതിരിക്കുന്നത് ശ്രദ്ധയില്‍പെട്ടിട്ടുണ്ടോ; വിശദാംശം വെളിപ്പെടുത്തുമോ;

(സി)	ഇത്തരത്തില്‍ ഭൂമി അനുവദിച്ചവര്‍ക്ക് പകരം ഭൂമി നല്‍കുന്നതിന് നടപടി സ്വീകരിയ്ക്കുമോ എന്ന് അറിയിക്കാമോ?

ആറ്റുകാല്‍ - ബണ്ട് റോഡ് കയ്യേറ്റം

1091.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജക മണ്ഡലത്തില്‍ കിള്ളിപ്പാലത്ത് നിന്നും ആറ്റുകാലിലേക്ക് പോകുന്ന ബണ്ട് റോഡിലുള്ള അനധികൃത കയ്യേറ്റം ഒഴിപ്പിക്കുന്നതിന് നടപടി സ്വീകരിക്കുമോ;

(ബി)	പ്രസ്തുത റോഡിലെ അനധികൃത കയ്യേറ്റം സംബന്ധിച്ച സര്‍വ്വേ റിപ്പോര്‍ട്ട് ലഭ്യമാക്കുമോ ?

തങ്കശ്ശേരിയിലെ സെമിത്തേരി വക ഭൂമി

1092.

ശ്രീ.എം. മുകേഷ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം വെസ്റ്റ് വില്ലേജിലെ തങ്കശ്ശേരി പൈതൃക മേഖലയിലെ ഡച്ച്-ബ്രിട്ടീഷ് സെമിത്തേരി വക ഭൂമിയുടെ ഉടമസ്ഥാവകാശം ആരില്‍ നിക്ഷിപ്തമാണ്; പ്രസ്തുത ഭൂമിയുടെ കൈവശാവകാശം, സംരക്ഷണ ചുമതല എന്നിവ സര്‍ക്കാര്‍ ഏജന്‍സികളെയോ മറ്റേതെങ്കിലും സ്ഥാപനങ്ങളെയോ ഏല്‍പ്പിച്ചിട്ടുണ്ടോ എന്നുള്ള വിശദാംശങ്ങള്‍ ലഭ്യമാക്കാമോ;

(ബി)	തങ്കശ്ശേരി പൈതൃക മേഖലയിലെ ബക്കിംഗ്ഹാം കനാല്‍ പ്രദേശം വ്യാപകമായി കയ്യേറിയിട്ടുണ്ടെന്നുള്ള ആരോപണം ശ്രദ്ധയില്‍പ്പെട്ടിട്ടുണ്ടോ; പ്രസ്തുത പ്രദേശം സര്‍വ്വേ നടത്തി കയ്യേറ്റം ഒഴിപ്പിക്കുന്നതിന് ആവശ്യമായ നടപടി സ്വീകിരക്കുമോ?

പട്ടയ വിതരണം

1093.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ എത്ര പട്ടയങ്ങള്‍ നാളിതുവരെ വിതരണം ചെയ്തിട്ടുണ്ട്; ജില്ല തിരിച്ച് വിശദമാക്കാമോ;

(ബി)	പട്ടയ വിതരണം സമയ ബന്ധിതമായി പൂര്‍ത്തിയാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ?

ഇടുക്കി ജില്ലയിലെ പട്ടയ വിതരണം

1094.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം ഇടുക്കി ജില്ലയില്‍ പട്ടയവിതരണം നടത്തിയിട്ടുണ്ടോ; എങ്കില്‍ എത്രയെന്നും ഏതെല്ലാം തരത്തിലുള്ള പട്ടയങ്ങളാണെന്നും എവിടെയെല്ലാമെന്നും ഇനം തിരിച്ച് വ്യക്തമാക്കുമോ;

(ബി)	ഉപാധിരഹിത പട്ടയങ്ങള്‍ നല്‍കിയിട്ടുണ്ടോ;എങ്കില്‍ ആര്‍ക്കെല്ലാമെന്നറിയിക്കാമോ;പ്രസ്തുത പട്ടയത്തിന്റെ മാതൃക ലഭ്യമാക്കുമോ;

(സി)	1964-ലെ ഭൂമി പതിവ് ചട്ടപ്രകാരം പട്ടയം ലഭിച്ച ഭൂമി എത്രവര്‍ഷം കഴിഞ്ഞ് കൈമാറ്റം ചെയ്യാനാവുമെന്ന് വ്യക്തമാക്കുമോ;

(ഡി)	1995- ലെ ഭൂമി പതിവ് ചട്ടപ്രകാരം വിതരണം ചെയ്ത പട്ടയത്തില്‍പ്പെട്ട ഭൂമി എത്രവര്‍ഷം കഴിഞ്ഞ് കൈമാറ്റം ചെയ്യാനാവുമെന്ന് വെളിപ്പെടുത്തുമോ;

(ഇ)

ഇടുക്കി ജില്ലയില്‍ 1993 -ലെ ഭൂമി പതിവ് ചട്ടങ്ങള്‍ പ്രകാരം ഒരാള്‍ക്ക് പരമാവധി എത്ര ഭൂമിയാണ് പട്ടയം ലഭിക്കാന്‍ അര്‍ഹതയുള്ളതെന്ന് വ്യക്തമാക്കുമോ; ഇപ്രകാരമുള്ള ഭൂമി എത്രനാള്‍ കഴിഞ്ഞാല്‍ കൈമാറ്റം ചെയ്യാന്‍ കഴിയുമെന്ന് വെളിപ്പെടുത്തുമോ;ഇത്തരം പട്ടയം ലഭിക്കുന്നതിന് ഓരോന്നിനും വരുമാന പരിധി നിശ്ചയിച്ചിട്ടുണ്ടോ; എങ്കില്‍ എത്രയാണെന്നറിയിക്കാമോ;

(എഫ്)

ഉപേക്ഷിക്കപ്പെട്ട പദ്ധതി പ്രദേശത്ത് ഈ സര്‍ക്കാര്‍ എത്ര പട്ടയങ്ങള്‍ നല്‍കിയെന്ന് വ്യക്തമാക്കാമോ; 10 -ചെയിന്‍ പ്രദേശത്ത് ഈ സര്‍ക്കാര്‍ എത്ര പട്ടയങ്ങള്‍ വിതരണം ചെയ്തുവെന്ന് വ്യക്തമാക്കാമോ?

ഇടുക്കി ജില്ലയിലെ കര്‍ഷകര്‍ക്ക് പട്ടയം

1095.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ജില്ലയിലെ കര്‍ഷകര്‍ക്ക് പട്ടയം നല്‍കുന്ന നടപടി ഏത് ഘട്ടത്തിലാണ്;

(ബി)	ഈ സര്‍ക്കാര്‍ എത്രപേര്‍ക്ക് പട്ടയം നല്‍കിയെന്നും ഉപാധിരഹിത പട്ടയമാണോ അവര്‍ക്ക് നല്‍കിയതെന്നും ഇനി എത്രപേര്‍ക്ക് കൂടി പട്ടയം നല്‍കാനുണ്ടെന്നും അറിയിക്കുമോ?

വനാവകാശ നിയമപ്രകാരം ആദിവാസികള്‍ക്ക് ഭൂമി

1096.

(എ)	ഈ സര്‍ക്കാര്‍ ആദിവാസികള്‍ക്ക് വനാവകാശ നിയമപ്രകാരം ഭൂമി പതിച്ചു നല്‍കിയിട്ടുണ്ടോ; വിശദാംശങ്ങള്‍ ജില്ല തിരിച്ച് വിവരിക്കുമോ;

(ബി)	1977 ജനുവരി ഒന്നിന് മുമ്പ് കൈവശം വച്ച് അനുഭവിക്കുന്നവര്‍ക്ക് ഭൂമി പതിച്ച് നല്‍കാന്‍ കേന്ദ്ര വനം വകുപ്പ് അനുവാദം നല്‍കിയിട്ടും പട്ടയം നല്‍കാന്‍ താമസിക്കുന്നതിന്റെ കാരണങ്ങള്‍ വിവരിക്കുമോ;

(സി)	ലാന്റ് ട്രൈബ്യൂണലുകളില്‍ പട്ടയം ലഭിക്കുന്നത് സംബന്ധിച്ച് നിലവിലുള്ള കേസ്സ് ഫയലുകള്‍ എത്ര എണ്ണമാണെന്ന് കണക്കാക്കിയിട്ടുണ്ടോ; വിശദമാക്കുമോ;

(ഡി)	നിലവിലെ ചട്ടങ്ങളില്‍ മാറ്റം വരുത്തി ഈ കേസ്സുകള്‍ വേഗത്തില്‍ തീര്‍പ്പാക്കാന്‍ നടപടി സ്വീകരിക്കുമോ?

ദേവികുളം, ഉടുമ്പന്‍ചോല താലൂക്കുകളിലെ പട്ടയ നടപടികള്‍

T 1097.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ദേവികുളം താലൂക്കിലെ കെ.ഡി.എച്ച്, മാങ്കുളം, വട്ടവട, ഉടുമ്പന്‍ചോല താലൂക്കിലെ ചിന്നക്കനാല്‍ എന്നീ വില്ലേജുകളില്‍ പട്ടയ നടപടികള്‍ സ്വീകരിക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ഇതിന്മേൽ നടപടി എന്തെങ്കിലും സ്വീകരിച്ചിട്ടുണ്ടോ;

(സി)	ഇല്ലെങ്കില്‍ പട്ടയ നടപടികള്‍ ഉടന്‍ സ്വീകരിക്കുമോ എന്ന് വ്യക്തമാക്കുമോ?

പാലക്കാട് ജില്ലയില്‍ പട്ടയം വിതരണം

1098.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം പാലക്കാട് ജില്ലയില്‍ എത്ര പേര്‍ക്ക് പട്ടയം വിതരണം ചെയ്തിട്ടുണ്ടെന്ന് വിശദമാക്കാമോ;

(ബി)	താലൂക്ക് തിരിച്ചുള്ള കണക്ക് ലഭ്യമാക്കാമോ?

ഗ്രന്ഥശാലകള്‍, ക്ലബ്ബുകള്‍ എന്നിവയ്ക്ക് പട്ടയം

1099.

(എ)	പുറമ്പോക്കു ഭൂമിയില്‍ കാലങ്ങളായി പ്രവര്‍ത്തിച്ചുവരുന്നതും സംസ്ഥാന ലൈബ്രറി കൗണ്‍സിലിന്റെ അംഗീകാരമുള്ളതും ആയ വായനശാലകള്‍ക്ക് ഭൂമിയുടെ പട്ടയം ഇല്ലാത്തതുകൊണ്ട് പുതിയ കെട്ടിടം സ്ഥാപിക്കുന്നതിന് ഗ്രാന്റ് ലഭിക്കാത്ത പ്രശ്നം ശ്രദ്ധയില്‍പ്പെട്ടിട്ടുണ്ടോ;

(ബി)	വളരെയേറെ വര്‍ഷങ്ങളായി പുറമ്പോക്കു ഭൂമിയില്‍ പ്രവര്‍ത്തിച്ചുവരുന്ന ഗ്രന്ഥശാലകള്‍, ക്ലബ്ബുകള്‍ എന്നിവയ്ക്ക് പട്ടയം നല്‍കുന്നതിന് നടപടി സ്വീകരിക്കുമോ?

കാര്‍ത്തികപ്പളളി താലൂക്കില്‍ പട്ടയവിതരണം

1100.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴ ജില്ലയില്‍ പട്ടയവിതരണം എന്നുമുതല്‍ക്കാണ് ആരംഭിച്ചതെന്ന് വ്യക്തമാക്കാമോ;

(ബി)	കാര്‍ത്തികപ്പളളി താലൂക്കില്‍ പട്ടയവിതരണം ആരംഭിച്ചിട്ട് നാളിതുവരെ എത്രപേര്‍ക്ക് പട്ടയം വിതരണം ചെയ്തിട്ടുണ്ടെന്ന് വ്യക്തമാക്കാമോ; പട്ടയം സ്വീകരിച്ചവരുടെ പേരുവിവരങ്ങളും വിശദമാക്കാമോ?

ഓഖി ദുരന്തം - സര്‍ക്കാര്‍ സ്വീകരിച്ച നടപടികള്‍

1101.

(എ)	ഓഖി ദുരന്തമുണ്ടായപ്പോള്‍ സര്‍ക്കാര്‍ സ്വീകരിച്ച നടപടി ക്രമങ്ങള്‍ ഇനം തിരിച്ച് വ്യക്തമാക്കുമോ;

(ബി)	കേന്ദ്രസര്‍ക്കാരിന്റെ മുന്നറിയിപ്പ് സംസ്ഥാന സര്‍ക്കാരിന് ലഭിച്ചത്‍ എന്നാണ്; ആര്‍ക്കെല്ലാമാണ് ലഭിച്ചത്; വ്യക്തമാക്കുമോ;

(സി)	ലാന്റ് റവന്യൂ കമ്മീഷണര്‍ക്ക് സന്ദേശം കൈമാറിയിരുന്നുവോ;

(ഡി)	ഇന്‍സ്റ്റിറ്റ്യൂട്ട് ഓഫ് ലാന്‍ഡ് ആന്റ് ഡിസാസ്റ്റര്‍ മാനേജ്മെന്റില്‍ ഇപ്പോള്‍ ഹെഡ് ഫാക്കൽറ്റി നിലവിലുണ്ടോ; അദ്ദേഹത്തിന് മുന്നറിയിപ്പ് എന്നാണ് ലഭിച്ചത്;

(ഇ)	വകുപ്പ് മേധാവി ഇല്ലെങ്കില്‍ എന്തുകൊണ്ടാണ് നിയമനം നല്‍കാത്തതെന്ന് വിശദീകരിക്കുമോ; SDMA (സ്റ്റേറ്റ് ഡിസാസ്റ്റര്‍ മാനേജ്മെന്റ്)-യില്‍ വിവിധ ദുരന്തങ്ങള്‍ കൈകാര്യം ചെയ്യുന്നതിനുള്ള ഉദ്യോഗസ്ഥര്‍ ആരെല്ലാമെന്ന് വിശദീകരിക്കുമോ;

(എഫ്)

ഓഖി ദുരന്തത്തിന്റെ പശ്ചാത്തലത്തില്‍ ഓരോ വിഷയത്തിലും കഴിവുള്ളവരെ നിയമിക്കുന്നതിന് എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ;

(ജി)	ഓഖി ദുരന്തത്തിന്റെ മുന്നറിയിപ്പ് ന്ല‍കുന്നതില്‍ വീഴ്ച വരുത്തിയ ഉദ്യോഗസ്ഥര്‍ ആരെല്ലാമെന്ന് വെളിപ്പെടുത്തുമോ; ഇവരില്‍ ഓരോരുത്തരുടെ പേരിലും എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ?

ദേശീയ ദുരന്ത നിവാരണ ഫണ്ടില്‍നിന്നും ലഭിച്ചതുക

T 1102.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ദേശീയ ദുരന്ത നിവാരണ ഫണ്ടില്‍ നിന്നും എന്തു തുക ലഭ്യമായിട്ടുണ്ടെന്ന് വിശദമാക്കുമോ;

(ബി)	പ്രസ്തുത തുക ഏത് ഹെഡ് ഓഫ് അക്കൗണ്ടിലാണ് വകയിരുത്തിയിട്ടുള്ളതെന്ന് വെളിപ്പെടുത്തുമോ;

(സി)	സംസ്ഥാനത്തിന്റെ എസ്.ഡി.ആര്‍.എഫ്.ല്‍ നിന്ന് ഈ സര്‍ക്കാരിന്റെ കാലയളവില്‍ എന്തു തുക ചെലവഴിച്ചെന്നും ഇനിയെത്ര ബാക്കിയുണ്ടെന്നും വിശദീകരിക്കുമോ?

ദുരന്ത ആഘാത ലഘൂകരണ പദ്ധതികള്‍

1103.

ശ്രീ.ഇ.പി.ജയരാജന്‍
,, പി.ടി.എ. റഹീം
,, കെ.വി.വിജയദാസ്
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദുരന്തനിവാരണ അതോറിറ്റിയെ കൂടുതല്‍ കാര്യക്ഷമമായും അതിദ്രുതമായും ദുരന്ത മുന്നറിയിപ്പു നല്‍കുന്നതിനും, രക്ഷാപ്രവര്‍ത്തനവും ദുരന്ത ആഘാത ലഘൂകരണ പ്രവര്‍ത്തനവും നടത്താന്‍ പ്രാപ്തമാക്കുന്നതിനും ഉദ്ദേശിക്കുന്ന നവീകരണം എന്തെല്ലാമാണ്;

(ബി)	അതോറിറ്റി നടത്തുന്ന ദുരന്ത ലഘൂകരണ പ്രവര്‍ത്തനങ്ങള്‍ ഏതൊക്കെ വിധത്തിലുള്ളതാണെന്ന് അറിയിക്കാമോ; ക്രൈസിസ് മാനേജ് മെന്റ് കൂടാതെ വരള്‍ച്ച, വെള്ളപ്പൊക്കം തുടങ്ങിയ പ്രകൃതി പ്രതിഭാസങ്ങളുടെ ആഘാതം കുറയ്ക്കുന്നതിനായുള്ള സാമൂഹികാധിഷ്ഠിത ദുരന്ത ആഘാത ലഘൂകരണ പദ്ധതികള്‍ വിശദമാക്കാമോ;

(സി)	മുന്‍വര്‍ഷമുണ്ടായ വരള്‍ച്ചയുടെ ഫലമായി കുടിവെള്ളം, കൃഷി മൃഗസംരക്ഷണ മേഖല എന്നിവയില്‍ ഉണ്ടായ നഷ്ടം കണക്കാക്കിയിരുന്നത് എത്രയായിരുന്നെന്നും കേന്ദ്രസര്‍ക്കാരിനോട് ആവശ്യപ്പെട്ട സഹായം എത്രയായിരുന്നെന്നും ഇതിനായി എത്ര തുക കേന്ദ്രസര്‍ക്കാരില്‍ നിന്നും ലഭിച്ചെന്നും അറിയിക്കാമോ;

(ഡി)	ഓഖി ദുരന്ത ലഘൂകരണത്തിനായി ആവശ്യപ്പെട്ട അടിയന്തര സഹായമെത്രയായിരുന്നു; എത്ര തുക ലഭ്യമായി; വിശദമാക്കാമോ?

ജില്ലാ ദുരന്തനിവാരണ സമിതികളുടെ പ്രവര്‍ത്തനം

1104.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ദുരന്തങ്ങള്‍ മുന്‍കൂട്ടി അറിയുന്നതിനും ദുരന്തനിവാരണം ഫലപ്രദമാക്കുന്നതിനും സംസ്ഥാന സര്‍ക്കാരിന്റെ നിയന്ത്രണത്തിലുളള സംവിധാനങ്ങള്‍ എന്തൊക്കെയാണെന്നുളള വിശദാംശങ്ങള്‍ ലഭ്യമാക്കാമോ;

(ബി)	ജില്ലാതലങ്ങളില്‍ പ്രവര്‍ത്തിച്ചു വരുന്ന ദുരന്ത നിവാരണസമിതികള്‍ മുന്‍പുള്ള കാലഘട്ടങ്ങളില്‍ വേണ്ടത്ര കാര്യക്ഷമമായി പ്രവര്‍ത്തിച്ചിട്ടില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(സി)	ജില്ലാ ദുരന്തനിവാരണ സമിതികളുടെ പ്രവര്‍ത്തനം കാര്യക്ഷമമാക്കുന്നതിനുവേണ്ടി ഈ സര്‍ക്കാര്‍ എന്തൊക്കെ നടപടികളാണ് സ്വീകരിച്ചിട്ടുളളതെന്ന് അറിയിക്കാമോ?

സംസ്ഥാനം നേരിടുന്ന വരള്‍ച്ചാഭീഷണി

1105.

ശ്രീ.അന്‍വര്‍ സാദത്ത്
,, വി.ടി.ബല്‍റാം
,, ഹൈബി ഈഡന്‍
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനം കൊടുംവരള്‍ച്ചയിലേക്കും, രൂക്ഷമായ ജലക്ഷാമത്തിലേക്കും നീങ്ങുന്നതായ റിപ്പോര്‍ട്ടുകള്‍ ശ്രദ്ധയില്‍പെട്ടിട്ടുണ്ടോ;

(ബി)	നാല് വര്‍ഷമായി വേണ്ടത്ര മഴ ലഭിക്കാത്തത് മൂലം ഭുഗര്‍ഭജലത്തിന്റെ അളവ് ക്രമാതീതമായി കുറഞ്ഞ സാഹചര്യം വിലയിരുത്തിയിട്ടുണ്ടോ;

(സി)	സംസ്ഥാനം നേരിടാന്‍ പോകുന്ന ഗുരുതരമായ പ്രസ്തുത സ്ഥിതിവിശേഷം നേരിടുന്നതിന് ദുരന്തനിവാരണ അതോറിറ്റി എന്തൊക്കെ മുന്‍കരുതലുകളാണ് സ്വീകരിച്ചിട്ടുള്ളത് എന്ന് വ്യക്തമാക്കുമോ?

കാസര്‍ഗോഡ് ജില്ലയിലെ തൂക്ക് പാലങ്ങളുടെ പുനര്‍ നിര്‍മ്മാണം

1106.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ മാടക്കാല്‍, പടന്നക്കടപ്പുറം തൂക്ക് പാലങ്ങളുടെ പുനര്‍ നിര്‍മ്മാണം എന്നാരംഭിക്കാന്‍ കഴിയുമെന്ന് വ്യക്തമാക്കുമോ;

(ബി)	ഈ വിഷയം സംബന്ധിച്ച് കാസര്‍ഗോഡ് ചേര്‍ന്ന യോഗത്തില്‍ റവന്യു അധികൃതരും കെ.ഇ.എല്‍. ഉദ്യോഗസ്ഥരും നല്‍കിയ ഉറപ്പ് പാലിക്കാന്‍ കഴിയാതെവന്ന കാര്യം ശ്രദ്ധയില്‍പെട്ടിട്ടുണ്ടോ; തകര്‍ന്ന പാലത്തിന്റെ അവശിഷ്ടങ്ങള്‍ നീക്കുന്നതുള്‍പ്പെടെയുള്ള പ്രവൃത്തികള്‍ എന്നാരംഭിക്കാന്‍ കഴിയുമെന്ന് വ്യക്തമാക്കാമോ?

വെള്ളപ്പൊക്ക ദുരിതാശ്വാസ പ്രവര്‍ത്തനങ്ങള്‍

1107.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ദുരന്ത നിവാരണ വകുപ്പ് വെള്ളപ്പൊക്ക ദുരിതാശ്വാസ പ്രവര്‍ത്തനങ്ങളുടെ ഭാഗമായി എന്തെല്ലാം പുനരുദ്ധാരണ പ്രവൃത്തികളാണ് അനുവദിക്കാറുള്ളതെന്ന് വിശദീകരിക്കാമോ;

(ബി)	വെള്ളപ്പൊക്ക ദുരിതാശ്വാസ പ്രവര്‍ത്തനങ്ങളുടെ ഭാഗമായി 2016-17 സാമ്പത്തിക വര്‍ഷത്തില്‍ വയനാട് ജില്ലയില്‍ അനുവദിച്ച പുനരുദ്ധാരണ പ്രവൃത്തികളുടെ നിലവിലെ അവസ്ഥ എന്താണെന്ന് അറിയിക്കുമോ;

(സി)	2016-17 സാമ്പത്തിക വര്‍ഷത്തില്‍ കല്‍പ്പറ്റ നിയോജക മണ്ഡലത്തില്‍ അനുവദിച്ച എല്ലാ പുനരുദ്ധാരണ പ്രവൃത്തികളുടെയും എസ്റ്റിമേറ്റ് വയനാട് കളക്ടറേറ്റില്‍ സമര്‍പ്പിച്ചിട്ടുണ്ടോ; ഇല്ലെങ്കില്‍ കാലതാമസം വരുത്തിയ ഉദ്യോഗസ്ഥരില്‍ നിന്നും വിശദീകരണം തേടാന്‍ സര്‍ക്കാര്‍ തയ്യാറാകുമോ; വ്യക്തമാക്കാമോ?

റിവര്‍ മാനേജ് ഫണ്ട് ഉപയോഗിച്ച് പുഴ സംരക്ഷണ പ്രവൃത്തികള്‍

1108.

(എ)	റിവര്‍ മാനേജ് ഫണ്ട് ഉപയോഗിച്ച് പുഴ സംരക്ഷണ പ്രവൃത്തികള്‍ നടത്തുന്നതിന് നടപടി സ്വീകരിച്ചിട്ടുണ്ടോ;

(ബി)	ഇത്തരം പ്രവര്‍ത്തനങ്ങള്‍ക്ക് അംഗീകാരം നല്‍കുന്നതിനുള്ള സംസ്ഥാനതല കമ്മറ്റിയുടെ യോഗം അവസാനമായി ചേര്‍ന്നത് എന്നാണ് എന്ന് അറിയിക്കാമോ;

(സി)	തൃശ്ശൂര്‍ ജില്ലയിലെ ചാലക്കുടിപ്പുഴ സംരക്ഷണവുമായി ബന്ധപ്പെട്ട് സമര്‍പ്പിച്ചിട്ടുള്ള അപേക്ഷകളില്‍ അനുമതി നല്‍കുന്നതിന് നടപടി സ്വീകരിച്ചിട്ടുണ്ടോ;

(ഡി)	ഇല്ലെങ്കില്‍ അനുമതി നല്‍കുന്നതിനാവശ്യമായ അടിയന്തര നടപടികള്‍ സ്വീകരിക്കുമോ എന്ന് വ്യക്തമാക്കാമോ?

റിവര്‍ മാനേ‍ജ് മെന്റ് ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍

1109.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ റിവര്‍ മാനേ‍ജ് മെന്റ് ഫണ്ട് ഉപയോഗിച്ച് നടപ്പിലാക്കിയ പദ്ധതികള്‍ ഏതൊക്കെയാണ്;

(ബി)	വിവിധ ജില്ലകളില്‍ റിവര്‍ മാനേജ് മെന്റ് ഫണ്ട് പ്രകാരം അനുവദിച്ചിട്ടുള്ള തുക ശരിയായ രീതിയില്‍ വിനിയോഗിക്കുന്നില്ലായെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഫലപ്രദമായി വിനിയോഗിക്കുന്നതിന് നടപടി സ്വീകരിക്കുമോ?

റിവര്‍ മാനേജ്മെന്റ് ഫണ്ട്

1110.

(എ)	റിവര്‍ മാനേജ്മെന്റ് ഫണ്ടിലേക്ക് 2013 മുതല്‍ നാളിതുവരെ ഓരോവര്‍ഷവും ലഭിച്ച തുകയുടെ വിശദാംശം നല്‍കുമോ;

(ബി)	അതില്‍ നദീതീര സംരക്ഷണ പ്രവര്‍ത്തനങ്ങള്‍ക്കായി ഓരോ വര്‍ഷവും ചെലവഴിച്ച തുക എത്രയാണെന്ന് വ്യക്തമാക്കുമോ?

പൊതു ആവശ്യങ്ങള്‍ക്കായി നെല്‍വയലുകളും തണ്ണീര്‍ത്തടങ്ങളും നികത്തല്‍

1111.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	നെല്‍വയലുകളും തണ്ണീര്‍ത്തടങ്ങളും നികത്തിയതു ക്രമപ്പെടുത്തുന്നതിന് അനുമതി നല്‍കാനുള്ള പ്രദേശിക ഭരണകൂടങ്ങളുടെ അധികാരം മാറ്റുന്നതിന് ഉദ്ദേശിക്കുന്നുണ്ടോ;വിശദമാക്കാമോ;

(ബി)	പൊതു ആവശ്യങ്ങള്‍ക്കായി നെല്‍വയല്‍ നികത്താനുള്ള ഇളവ് സര്‍ക്കാര്‍ പദ്ധതികള്‍ക്ക് മാത്രമായി പരിമിതപ്പെടുത്തിയിട്ടുണ്ടോ; ഇത് സംബന്ധിച്ച ഉത്തരവ് നിലവില്‍ ഉണ്ടോ; വിശദാംശങ്ങള്‍ ലഭ്യമാക്കാമോ;

(സി)	ഇത് സംബന്ധിച്ച് റവന്യു / തദ്ദേശ വകുപ്പുകള്‍ സംയുക്തമായി ചര്‍ച്ചകള്‍ നടത്തിയിട്ടുണ്ടോ;വിശദീകരിക്കാമോ?

അനധികൃത നിലം നികത്തല്‍

1112.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം അനധികൃതമായി നിലം നികത്തിയതിന് എതിരെ എന്തെല്ലാം നടപടികള്‍ എവിടെയെല്ലാം കൈക്കൊണ്ടിട്ടുണ്ടെന്ന് വെളിപ്പെടുത്തുമോ;

(ബി)	ഇതില്‍ നടപടി എടുത്ത കേസുകളുടെ ലിസ്റ്റ് ജില്ല, താലൂക്ക് തിരിച്ച് ലഭ്യമാക്കുമോ;

(സി)	നിലവില്‍ നടപടി പൂര്‍ത്തിയാക്കിയ കേസുകള്‍ എത്രയാണ്; ഇപ്പോള്‍ നടപടികള്‍ കൈക്കൊണ്ടു വരുന്നത് എത്ര കേസുകളിലാണ് ;ഇവ ഇനം തിരിച്ച് വിശദീകരിക്കാമോ?

തണ്ണീര്‍ത്തടം നികത്തുന്നത്

1113.

ശ്രീ.മഞ്ഞളാംകുഴി അലി
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ പദ്ധതികള്‍ക്കായി തണ്ണീര്‍ത്തടം നികത്തുന്നതിന് ഈ സര്‍ക്കാര്‍ അനുമതി നല്‍കിയിട്ടുണ്ടോ; എങ്കില്‍ എത്ര പദ്ധതികള്‍ക്കായാണ് ഈ അനുമതി നല്‍കിയിട്ടുള്ളത്;

(ബി)	ഈ സര്‍ക്കാര്‍ അധികാരത്തില്‍വന്നശേഷം എത്ര ഹെക്ടര്‍ തണ്ണീര്‍ത്തടമാണ് ഇത്തരത്തില്‍ നികത്തുന്നതിന് അനുമതി നല്‍കിയിട്ടുള്ളത്;

(സി)	ഇത്തരം ഭൂമിയില്‍ ജലസംരക്ഷണം ഉറപ്പുവരുത്തുന്നതിന് സര്‍ക്കാര്‍ എന്തെല്ലാം നടപടി സ്വീകരിച്ചിട്ടുണ്ട് എന്നറിയിക്കാമോ?

റവന്യൂ രേഖകളിലെ മാറ്റത്തിനായുള്ള നടപടി

1114.

(എ)	2008-ലെ നെല്‍വയല്‍ തണ്ണീര്‍ത്തട സംരക്ഷണ നിയമം വരുന്നതിന് മുമ്പ് നികത്തിയ ഭൂമി സംബന്ധിച്ച് റവന്യൂ രേഖകളില്‍ മാറ്റം വരുത്തുന്നതിന് സ്വീകരിക്കേണ്ട നടപടികള്‍ എന്തെല്ലാമാണെന്ന് വ്യക്തമാക്കുമോ;

(ബി)	ബേസിക് ടാക്സ് രജിസ്റ്ററില്‍ നിലം എന്ന് രേഖപ്പെടുത്തിയ ഭൂമിയുടെ റവന്യൂ രേഖകളില്‍ തിരുത്തല്‍ വരുത്തുന്നതിന് ഫീസ് ഈടാക്കുമോ; എങ്കില്‍ എത്രയാണെന്ന് വ്യക്തമാക്കുമോ;

(സി)	ഡേറ്റാ ബാങ്കില്‍ നിലം എന്ന് തെറ്റായി രേഖപ്പെടുത്തിയ ഭൂമിയുടെ റവന്യുരേഖകള്‍ തിരുത്തിക്കിട്ടുന്നതിന് സ്വീകരിക്കേണ്ട നടപടിക്രമങ്ങള്‍ വ്യക്തമാക്കുമോ?

2008-ലെ നെല്‍ വയല്‍ തണ്ണീര്‍തട സംരക്ഷണ നിയമം

1115.

ശ്രീ.അനില്‍ അക്കര
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം 2008-ലെ നെല്‍ വയല്‍ തണ്ണീര്‍തട സംരക്ഷണ നിയമത്തില്‍ എന്തെല്ലാം മാറ്റങ്ങളാണ് വരുത്തിയിട്ടുള്ളതെന്ന് വിശദമാക്കുമോ;

(ബി)	2008 ല്‍ കേരള നെല്‍വയല്‍ തണ്ണീര്‍തട സംരക്ഷണ നിയമം നിലവില്‍ വരുന്നതിന് മുമ്പ് നികത്തിയ നെല്‍വയലുകള്‍ ക്രമീകരിക്കുന്നതിനായി മുന്‍സര്‍ക്കാരിന്റെ കാലത്ത് പ്രസ്തുത നിയമത്തില്‍ കൊണ്ടുവന്ന 3 എ ഭേദഗതി ഈ സര്‍ക്കാര്‍ റദ്ദ് ചെയ്തിരുന്നോ;എങ്കില്‍ അതിനുള്ള കാരണമെന്തായിരുന്നു;വിശദമാക്കുമോ;

(സി)	പ്രസ്തുത ഭേദഗതിക്ക് സമാനമായ ഭേദഗതി വീണ്ടും കൊണ്ടുവരുവാന്‍ ആലോചിക്കുന്നുണ്ടോ;

(ഡി)	ഡേറ്റാ ബാങ്കില്‍ ഉള്‍പ്പെട്ട തണ്ണീര്‍തടങ്ങളും നെല്‍വയലും പൊതു ആവശ്യത്തിനായി നികത്തുന്നതിന് പുതിയ ഭേദഗതി പ്രകാരം അനുവാദം നല്‍കിയിട്ടുണ്ടോ; ഇപ്രകാരമുള്ള ഭേദഗതി കൊണ്ടുവരുവാനുണ്ടായ സാഹചര്യം എന്തൊക്കെയെന്നു വിശദമാക്കുമോ ?

പൊതു ആവശ്യത്തിനായി സ്ഥലം ഏറ്റെടുക്കല്‍

1116.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റൈറ്റ് റ്റു ഫെയര്‍ കോംപന്‍സേഷന്‍ ആന്റ് ട്രാന്‍സ്പേരന്‍സി ഇന്‍ ലാന്‍ഡ് അക്വിസിഷന്‍, റീഹാബിലിറ്റേഷന്‍ ആന്റ് റീ സെറ്റില്‍മെന്റ് ആക്ട് 2013 -ലെ വ്യവസ്ഥകള്‍ക്ക് വിധേയമായാണോ പൊതു ആവശ്യത്തിനായി സ്ഥലം ഏറ്റെടുക്കുന്നതെന്ന് വ്യക്തമാക്കുമോ;

(ബി)	പൊതു ആവശ്യത്തിനായി സ്ഥലം ഏറ്റെടുക്കുന്നതിന് സര്‍ക്കാര്‍ സ്വീകരിച്ചിരിക്കുന്ന സ്റ്റാംപ് ഡ്യൂട്ടി ഇളവിന്മേല്‍ ഉള്‍പ്പെടെയുള്ള ഏറ്റവും പുതിയ മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ?

പൊതു ആവശ്യത്തിനു സര്‍ക്കാര്‍ ഭൂമി ഏറ്റെടുക്കുന്നതുമായി ബന്ധപ്പെട്ട ചട്ടങ്ങള്‍

1117.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പൊതു ആവശ്യത്തിനു സര്‍ക്കാര്‍ ഭൂമി ഏറ്റെടുക്കുന്നതുമായി ബന്ധപ്പെട്ട 2013-ലെ കേന്ദ്ര നിയമത്തിന്റെ അടിസ്ഥാനത്തില്‍ സംസ്ഥാനം ചട്ടങ്ങള്‍ രൂപീകരിച്ച് പുറപ്പെടുവിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ;

(ബി)	ചട്ടങ്ങള്‍ രൂപീകരിക്കാതെ ഭൂമി ഏറ്റെടുക്കാന്‍ സ്പെഷ്യല്‍ ഓഫീസറെ നിയമിച്ചതിലൂടെ എന്തെല്ലാം നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നത് ; വിശദമാക്കാമോ;

(സി)	ഭൂമി ഏറ്റെടുക്കല്‍ പ്രവര്‍ത്തനങ്ങള്‍ ദ്രുതഗതിയില്‍ നടപ്പിലാക്കിയില്ലെങ്കില്‍ സ്ഥലം ഏറ്റെടുക്കുന്നതിനായി കേന്ദ്രം നല്‍കുന്ന ഫണ്ട് നഷ്ടമാകാനിടയുളളതിനാല്‍ ആയത് പരിഹരിക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ ?

കായല്‍ കൈയേറ്റങ്ങള്‍

T 1118.

ശ്രീ.എം. വിന്‍സെന്റ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ കായലുകളുടെയും തടാകങ്ങളുടെയും വിസ്തൃതി ഗണ്യമായി കുറയുന്നുവെന്ന പഠനറിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ അതിനുള്ള കാരണങ്ങള്‍ എന്തൊക്കെയാണ്;

(സി)	കായലുകള്‍ കൈയേറുന്നവര്‍ക്കെതിരെ എന്തൊക്കെ നടപടികളാണ് നിയമപ്രകാരം സ്വീകരിക്കുന്നത്;

(ഡി)	ആലപ്പുഴ ജില്ലയിലെ ഒരു ജനപ്രതിനിധി മാര്‍ത്താണ്ഡം കായല്‍ കൈയേറി നികത്തിയതിനെതിരെ എന്തെങ്കിലും നടപടി സ്വീകരിച്ചോ;

(ഇ)	കായല്‍ കൈയേറ്റങ്ങള്‍ തടയുന്നതിന് ശക്തമായ നടപടി സ്വീകരിക്കുമോ?

അപ്രോച്ച് റോഡ് നിർമ്മാണത്തിനായി സ്ഥലമേറ്റെടുക്കല്‍

1119.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ബാലുശ്ശേരി നിയോജകമണ്ഡലത്തിലെ കോവിലകം താഴെ പാലത്തിന്റെ അപ്രോച്ച് റോഡ് നിർമ്മാണത്തിനുള്ള സ്ഥലമേറ്റെടുക്കല്‍ ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ;

(ബി)	അപ്രോച്ച് റോഡ് നിര്‍മ്മാണത്തിനായി എത്ര സെന്റ് ഭൂമിയാണ് ഏറ്റെടുക്കാന്‍ ഉദ്ദേശിക്കുന്നത് എന്ന് വ്യക്തമാക്കാമോ;

(സി)	ഭൂമി ഏറ്റെടുക്കല്‍ നടപടി വേഗത്തിലാക്കാന്‍ എന്തെല്ലാം നടപടികളാണ് ഇതുവരെ സ്വീകരിച്ചിട്ടുള്ളത് എന്ന് അറിയിക്കുമോ?

പാട്ടകാലാവധി പൂര്‍ത്തിയാക്കിയ സര്‍ക്കാര്‍ ഭൂമി

1120.

(എ)	കൊല്ലം താലൂക്കില്‍ കൊല്ലം വെസ്റ്റ് വില്ലേജ് പരിധിയില്‍ പാട്ടകാലാവധി പൂര്‍ത്തിയാക്കിയ സര്‍ക്കാര്‍ ഭൂമി നിലവിലുണ്ടോ; ഉണ്ടെങ്കില്‍ പ്രസ്തുത ഭൂമി സര്‍ക്കാരിലേയ്ക്ക് തിരിച്ചെടുക്കുന്നതിന് നടപടി സ്വീകരിച്ചു വരുന്നുണ്ടോ; വിശദാംശം ലഭ്യമാക്കുമോ;

(ബി)	കഴിഞ്ഞ രണ്ട് വര്‍ഷത്തിനിടയില്‍ കൊല്ലം ഇൗസ്റ്റ്, കാെല്ലം വെസ്റ്റ് വില്ലേജ് പരിധികളിലായി പാട്ടകാലാവധി പൂര്‍ത്തിയാക്കിയതിനാലും പാട്ട വ്യവസ്ഥകള്‍ ലംഘിച്ചതിനാലും സര്‍ക്കാരിലേയ്ക്ക് തിരികെ ലഭ്യമാക്കിയ ഭൂമികളുടെ സര്‍വ്വേ നമ്പരും വിസ്തൃതിയും സഹിതം വിശദാംശം ലഭ്യമാക്കുമോ?

ഇരിങ്ങാലക്കുട നിയോജകമണ്ഡലത്തിലെ ടൗണ്‍-ചന്തക്കുന്ന് റോഡ് വികസനം

1121.

പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഇരിങ്ങാലക്കുട നിയോജകമണ്ഡലത്തിലെ ടൗണ്‍-ചന്തക്കുന്ന് റോഡ് വികസനം 17 മീറ്ററില്‍ സാധ്യമാക്കുന്നതിന് വേണ്ട ഭൂമി ഏറ്റെടുക്കല്‍ നടപടികള്‍ ഇപ്പോള്‍ ഏത് ഘട്ടത്തിലാണ് ;

(ബി)	ഭൂമി ഏറ്റെടുക്കല്‍ പ്രക്രിയയ്ക്ക് എന്തെങ്കിലും തടസ്സം നിലവിലുണ്ടോ എന്ന് വ്യക്തമാക്കാമോ?

ഭൂമിയുടെ ന്യായവില നിര്‍ണ്ണയം

1122.

(എ)	സംസ്ഥാനത്ത് ഭൂമിയുടെ ന്യായവില നിര്‍ണ്ണയം പൂര്‍ത്തിയായിട്ടുണ്ടോ; ഇല്ലെങ്കില്‍ ഏകദേശം എത്രശതമാനം പൂര്‍ത്തിയാകാന്‍ ബാക്കിയുണ്ട്;

(ബി)	ന്യായവില നിശ്ചയിച്ചു നല്‍കാത്തതുമൂലം ഇടപാടുകാര്‍ക്കുണ്ടായിട്ടുള്ള ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(സി)	ന്യായവില നിശ്ചയിക്കാത്ത ഭൂമിയുടെ വില അത്യാവശ്യ ഇടപാടുകാര്‍ക്കായി നിശ്ചയിച്ചു നല്‍കുന്നതിന് ആരെയാണ് ചുമതലപ്പെടുത്തിയിട്ടുള്ളത്; ഇതിന് നേരിടുന്ന കാലതാമസം മൂലം ഇടപാടുകാര്‍ക്ക് ഇത് പ്രയോജനപ്പെടാത്ത സ്ഥിതി വിശേഷം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	ന്യായവില നിര്‍ണ്ണയം അടിയന്തിരമായി പൂര്‍ത്തിയാക്കുന്നതിന് സര്‍ക്കാര്‍ നടപടി സ്വീകരിക്കുമോ; വ്യക്തമാക്കാമോ?

നെരുദ തിയേറ്റേഴ്സിന് ഭൂമി പതിച്ചു നല്‍കാന്‍ നടപടി

1123.

(എ)

തൃക്കരിപ്പൂര്‍ മണ്ഡലത്തിലെ നടക്കാവ് പ്രവര്‍ത്തിക്കുന്ന നെരുദ തിയേറ്റേഴ്സ് സ്ഥിതിചെയ്യുന്ന പഞ്ചായത്ത് പുറമ്പോക്ക് ഭൂമി പ്രസ്തുത സാംസ്ക്കാരിക സംഘടനയ്ക്ക് വിട്ടു നല്‍കാമെന്ന് തൃക്കരിപ്പൂര്‍ പഞ്ചായത്ത് വ്യവസ്ഥ ചെയ്തതിന്‍ പ്രകാരം സര്‍ക്കാര്‍ ഉത്തരവ് പുറപ്പെടുവിച്ചിട്ടുള്ള സാഹചര്യത്തില്‍, ഈ ഭൂമി കൈമാറി നല്‍കാന്‍ റവന്യൂ വകുപ്പിന് എന്തെങ്കിലും തടസ്സമുണ്ടോയെന്ന് അറിയിക്കുമോ;

(ബി)	ഭൂമി പതിച്ചു നല്‍കേണ്ട ഉത്തരവാദിത്തം റവന്യൂ അധികൃതരില്‍ നിക്ഷിപ്തമായിരിക്കെ റവന്യൂ വകുപ്പിലേക്ക് കൈമാറിയ ഭൂമി പ്രസ്തുത സംഘടനയ്ക്ക് പതിച്ചു നല്‍കാത്തതിന്റെ കാരണം വ്യക്തമാക്കുമോ?

റവന്യൂ രേഖകളില്‍ നിലമായി രേഖപ്പെടുത്തപ്പെട്ട ഭൂമി

1124.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാലങ്ങളായി പുരയിട ഭൂമിയായി കിടക്കുന്നതും എന്നാല്‍ റവന്യൂ രേഖകളില്‍ നിലമായി രേഖപ്പെടുത്തപ്പെട്ടതുമായ ഭൂമികളില്‍ വീട് വെക്കുന്നതിനും വ്യാപാരസ്ഥാപനങ്ങള്‍ നിര്‍മ്മിക്കുന്നതിനുമായുള്ള അപേക്ഷകള്‍ കാലങ്ങളായി തീരുമാനം ഇല്ലാതെ കിടക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരത്തിലുള്ള എത്ര അപേക്ഷകള്‍ വിവിധ റവന്യൂ ഡിവിഷനുകളില്‍ അവശേഷിക്കുന്നുണ്ട് എന്ന് വ്യക്തമാക്കുമോ ;

(സി)	2008 - നും അതിനു മുമ്പുളള വര്‍ഷങ്ങളിലൂം നികത്തപ്പെട്ട, പുരയിടമായി ഉപയോഗിച്ചു വരുന്ന ഭൂമികളില്‍, കെട്ടിട നിര്‍മ്മാണം നടത്തുന്നതിനു് പുതിയതായി നിയന്ത്രണം ഏര്‍പ്പെടുത്തിയിട്ടുണ്ടോ; വ്യക്തമാക്കുമോ ;

(ഡി)	നെല്‍വയല്‍-തണ്ണീര്‍ത്തട സംരക്ഷണനിയമം പ്രാബല്യത്തിലാകുന്നതിന് മുമ്പ് നികത്തപ്പെട്ടതും റവന്യൂ രേഖകളില്‍ "നിലം"ആയി ഇപ്പോഴും രേഖപ്പെടുത്തപ്പെട്ടതുമായ ഭൂമികളില്‍ നിര്‍മ്മാണപ്രവര്‍ത്തനം നടത്തുന്നതിന് പ്രത്യേകാനുമതി നല്‍കേണ്ടതുണ്ടോ ;

(ഇ)

കോതമംഗലം താലൂക്കില്‍ 1930 കളിലാണ് സര്‍വ്വേ നടപടികള്‍ നടന്നത് എന്നിരിക്കെ അതിനു ശേഷം 2008 വരെയുള്ള കാലയളവില്‍ നികത്തപ്പെട്ട് കര ഭൂമിയായി ഉപയോഗിക്കുന്ന വസ്തു വകകളില്‍ വീടും കച്ചവടസ്ഥാപനവും നിര്‍മ്മിക്കുന്നതിന് , റവന്യൂ രേഖകളില്‍ "നിലം" എന്ന് രേഖപ്പെടുത്തിയിട്ടുള്ളതിന്റെ പേരില്‍ തടസ്സങ്ങളുണ്ടായിട്ടുള്ളത് കാരണം സാധാരണക്കാരായ നിരവധി പേര്‍ക്ക് വീട് നിര്‍മ്മിക്കാന്‍ കഴിയാത്തതായി ശ്രദ്ധയില്‍പ്പെട്ടിട്ടുണ്ടോ;

(എഫ്)

പ്രസ്തുത പ്രശ്നം പരിഹരിക്കുന്നതിന് ആവശ്യമായ നടപടി സ്വീകരിക്കുമോ ?

എറണാകുളം ജില്ലയിലെ ബോട്ട്- ഇന്‍-ലാന്‍ഡിനുള്ള ഭൂമി

1125.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	എറണാകുളം ജില്ലയിലെ ഇടക്കൊച്ചി, തോപ്പുംപടി വില്ലേജുകളില്‍ 11.4.1973 ല്‍ ഏറ്റെടുത്ത ബോട്ട്-ഇന്‍-ലാന്‍ഡായിട്ടുള്ള ഏക്കര്‍ കണക്കിനുള്ള ഭൂമി ഉപയോഗപ്രദമാക്കുന്നത് സംബന്ധിച്ച് എറണാകുളം ജില്ല കളക്ടര്‍ക്ക് 15.06.2017-ല്‍ നല്‍കിയ കത്തില്‍ സ്വീകരിച്ചിട്ടുള്ള നടപടി വ്യക്തമാക്കാമോ;

(ബി)	ഇത് സംബന്ധിച്ച് സുപ്രീംകോടതിയില്‍ കേസ് നിലനില്‍ക്കുന്നുണ്ടോ; ഇത് തീര്‍ക്കുന്നതിനായി നടപടി സ്വീകരിച്ചിട്ടുണ്ടോ?

ഭൂരഹിതര്‍ക്ക് ഭൂമി നല്‍കാന്‍ നടപടി

1126.

(എ)	സംസ്ഥാനത്ത് എത്ര ഭൂരഹിതരുണ്ടെന്ന് വിലയിരുത്തിയിട്ടുണ്ടോ;

(ബി)	നിയമാനുസൃതമായി കൈവശം വയ്ക്കാവുന്ന പരിധിയില്‍ കൂടുതല്‍ ഭൂമി കൈവശം വച്ചിരിക്കുന്നവരില്‍ നിന്നും ഭൂമി ഏറ്റെടുത്ത് ഭൂരഹിതര്‍ക്ക് നല്‍കുവാന്‍ നടപടി സ്വീകരിക്കുമോ;

(സി)	നിയമപ്രകാരം കൈവശം വയ്ക്കാവുന്നതില്‍ കൂടുതല്‍ ഭൂമി കൈവശം ഉണ്ടായിരുന്നവരില്‍ നിന്നും നാളിതുവരെ എത്ര ഏക്കര്‍ ഭൂമി സര്‍ക്കാര്‍ ഏറ്റെടുത്തിട്ടുണ്ട്; ഇതിന്റെ വിശദാംശങ്ങള്‍ ജില്ല തിരിച്ച് പേരു സഹിതം വിവരിക്കുമോ;

(ഡി)	ഇപ്രകാരം ഏറ്റെടുത്ത ഭൂമി ഭൂരഹിതര്‍ക്ക് വിതരണം ചെയ്തിട്ടുണ്ടോ; ഉണ്ടെങ്കില്‍ എത്ര പേര്‍ക്ക് വിതരണം ചെയ്തിട്ടുണ്ട്; വിശദാംശങ്ങള്‍ ജില്ല തിരിച്ച് പേരു സഹിതം വെളിപ്പെടുത്തുമോ?

പാട്ടക്കാലാവധി കഴിഞ്ഞ സര്‍ക്കാര്‍ ഭൂമി

1127.

(എ)	പാട്ടക്കാലാവധി കഴിഞ്ഞ സര്‍ക്കാര്‍ ഭൂമി എത്രയാണ്; അത് ആരുടെയെല്ലാം കൈവശമാണ്; ജില്ല, താലൂക്ക് തിരിച്ച് ലിസ്റ്റ് ലഭ്യമാക്കുമോ;

(ബി)	പാട്ട വ്യവസ്ഥകള്‍ പാലിക്കാത്ത പാട്ടഭൂമി സര്‍ക്കാര്‍ തിരിച്ചെടുത്തിട്ടുണ്ടോ; എങ്കില്‍ ആയതിന്റെ ലിസ്റ്റ് വെളിപ്പെടുത്തുമോ;

(സി)	നിലവിൽ പാട്ടക്കുടിശ്ശിക വരുത്തിയ വന്‍കിട കമ്പനികളുണ്ടോ ; എങ്കില്‍ ഏതെല്ലാം;

(ഡി)	ഇത്തരം ഓരോ കേസിലും ഈ സര്‍ക്കാര്‍ നാളിതുവരെ കൈക്കൊണ്ട തുടര്‍ നടപടികള്‍ വിശദീകരിക്കുമോ?

വരള്‍ച്ചാ ദുരിതാശ്വാസ ഫണ്ട്

1128.

(എ)	വരള്‍ച്ചാ ദുരിതാശ്വാസം തേടി ഡല്‍ഹിയിലെത്തിയ മന്ത്രിതല സംഘം കേന്ദ്രമന്ത്രിയുമായി കൂടിക്കാഴ്ച നടത്തിയിരുന്നോ; വിശദമാക്കാമോ;

(ബി)	എന്തെല്ലാം ആവശ്യങ്ങളാണ് നിവേദനത്തില്‍ ഉള്‍പ്പെടുത്തിയിരുന്നത്;

(സി)	കേന്ദ്രവും സംസ്ഥാനവും തമ്മിലുള്ള അകല്‍ച്ച ദുരിതാശ്വാസ ഫണ്ട് നേടിയെടുക്കുന്ന കാര്യത്തില്‍ പ്രതികൂലമായി ബാധിച്ചിട്ടുണ്ടോ; വിശദമാക്കാമോ;

(ഡി)	അങ്ങനെയെങ്കില്‍ ആയത് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്?

വരള്‍ച്ചാ മുന്‍കരുതലുകള്‍

1129.

ശ്രീമതി ഇ.എസ്.ബിജിമോള്‍
ശ്രീ.ഇ.ടി. ടൈസണ്‍ മാസ്റ്റര്‍
ശ്രീമതി സി.കെ. ആശ
ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വരുന്ന വേനല്‍ക്കാലത്ത് സംസ്ഥാനം രൂക്ഷമായ വരള്‍ച്ച നേരിടാന്‍ പോകുന്നു എന്നത് കണക്കിലെടുത്ത് എന്തെല്ലാം മുന്‍കരുതലുകളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ;

(ബി)	വരള്‍ച്ചാ പ്രതിരോധ അവബോധം വര്‍ദ്ധിപ്പിക്കുന്നതിനായി എന്തെല്ലാം നടപടികള്‍ സ്വീകരിക്കുമെന്ന് അറിയിക്കുമോ;

(സി)	ജലത്തിന്റെ ഉപയോഗം ക്രമപ്പെടുത്തുന്നതിനും കുടിവെള്ള വിതരണം ഉറപ്പുവരുത്തുന്നതിനും സംവിധാനം ഏര്‍പ്പെടുത്തുമോ;

(ഡി)	ടാങ്കറുകള്‍ മുഖേനയുള്ള ജലവിതരണം സുതാര്യവും കാര്യക്ഷമവുമായി നടക്കുന്നു എന്നു ഉറപ്പുവരുത്തുമോ; വ്യക്തമാക്കുമോ?

മണലൂര്‍ മണ്ഡലത്തിലെ റോഡുകളുടെ പുനര്‍നിര്‍മ്മാണം

1130.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാലവര്‍ഷക്കെടുതി മൂലം തകര്‍ന്ന് കിടക്കുന്ന മണലൂര്‍ മണ്ഡലത്തിലെ റോഡുകളുടെ പുനര്‍നിര്‍മ്മാണത്തിന് 2017-18 ലെ ഫ്ലഡ് ഫണ്ടില്‍ നിന്നും തുക അനുവദിക്കുന്നതിനായി നല്‍കിയ ശിപാര്‍ശ പ്രകാരം സ്വീകരിച്ച നടപടികളുടെ വിശദാംശം നല്‍കാമോ;

(ബി)	ശിപാര്‍ശ പരിഗണിച്ച് തുക അനുവദിച്ചിട്ടുണ്ടോ; ഉണ്ടെങ്കില്‍ ബന്ധപ്പെട്ട ഉത്തരവിന്റെ പകര്‍പ്പ് നല്‍കാമോ?

കോതമംഗലം മണ്ഡലത്തില്‍ ഫ്ലഡ് ഫണ്ടില്‍ നിന്നും അനുവദിച്ച പ്രവൃത്തികള്‍

1131.

(എ)	കോതമംഗലം മണ്ഡലത്തില്‍ 2016-17, 2017-18 വര്‍ഷങ്ങളില്‍ ഫ്ലഡ് ഫണ്ടില്‍ നിന്നും അനുവദിച്ച പ്രവൃത്തികള്‍ ഏതെല്ലാമെന്ന് വ്യക്തമാക്കുമോ;

(ബി)	അവയില്‍ ഏതൊക്കെ പ്രവൃത്തികള്‍ പൂര്‍ത്തീകരിച്ചു എന്ന് അറിയിക്കുമോ;

(സി)	പൂര്‍ത്തീകരിക്കാത്ത പ്രവൃത്തികളുടെ നിലവിലെ അവസ്ഥ വ്യക്തമാക്കുമോ;

(ഡി)	മുഴുവന്‍ പ്രവൃത്തികളും എന്നത്തേയ്ക്ക് പൂര്‍ത്തിയാക്കുവാന്‍ കഴിയുമെന്ന് വിശദമാക്കുമോ?

റോഡുപണികളുടെ കരാര്‍ തുക

1132.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാലവര്‍ഷക്കെടുതി മൂലം തകരാറിലായ റോഡുകളുടെ കരാര്‍ എടുത്ത് പണികൾ ചെയ്ത വകയില്‍ കിട്ടാനുള്ള തുക കിട്ടുന്നില്ല എന്ന പരാതി പരിഹരിക്കാന്‍ വകുപ്പിന്റെ ഭാഗത്തു നിന്നും സ്വീകരിച്ച നടപടികള്‍ വ്യക്തമാക്കാമോ;

(ബി)	എത്ര മാസത്തെ പണികളുടെ തുകയാണ് ഇനിയും കൊടുത്തു തീർക്കാൻ ഉള്ളത് എന്നും ഇവ എന്നേക്ക് കൊടുത്തു തീർക്കാൻ കഴിയും എന്നും വ്യക്തമാക്കാമോ.

(സി)	2017-18 സാമ്പത്തിക വര്‍ഷം എത്ര രൂപയുടെ പണികളാണ് സംസ്ഥാനത്ത് അനുവദിച്ചത്; ഇതില്‍ കേന്ദ്ര, സംസ്ഥാന സർക്കാരുകളുടെ വിഹിതം വ്യക്തമാക്കാമോ;

(ഡി)	ഈ പണികള്‍ സമയബന്ധിതമായി പൂര്‍ത്തിയാക്കുന്നതിന് സ്വീകരിച്ചു വരുന്ന നടപടികള്‍ വ്യക്തമാക്കാമോ?

വില്ലേജ് ഓഫീസ് റിക്കാര്‍ഡുകളുടെ ഡിജിറ്റൈസേഷന്‍

1133.

(എ)	വില്ലേജ് ഓഫീസുകളിൽ ‍ഡിജിറ്റൈസേഷന്‍ നടത്താന്‍ പദ്ധതിയുണ്ടോ; ഇതിന്റെ വിശദാംശങ്ങള്‍ വെളിപ്പെടുത്തുമോ;

(ബി)	വില്ലേജിലെ ഏതൊക്കെ റിക്കാര്‍ഡുകളാണ് ഡിജിറ്റൈസേഷന്‍ നടത്താന്‍ പോകുന്നതെന്ന് വിവരിക്കുമോ;

(സി)	നിലവില്‍ ഏതെങ്കിലും വില്ലേജ് ഓഫീസ് ഡിജിറ്റൈസേഷന്‍ നടത്തിയിട്ടുണ്ടോ; ഉണ്ടെങ്കില്‍ ജില്ല തിരിച്ച് വിശദാംശങ്ങള്‍ വെളിപ്പെടുത്തുമോ;

(ഡി)	തിരുവനന്തപുരം ജില്ലയിലെ എല്ലാ വില്ലേജ് ഓഫീസുകളിലും ഡിജിറ്റൈസേഷന്‍ നടത്തിയിട്ടുണ്ടോ എന്ന് വ്യക്തമാക്കുമോ?

ഓണ്‍ലൈന്‍ വഴിയുള്ള സേവനങ്ങള്‍

1134.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റവന്യൂ വകുപ്പിൽ ഏതെല്ലാം സേവനങ്ങളാണ് ഓണ്‍ലൈനായി ലഭിക്കുന്നത് എന്ന് വ്യക്തമാക്കുമോ ;

(ബി)	ഇതിനായി അക്ഷയ കേന്ദ്രങ്ങള്‍ വഴി അപേക്ഷകള്‍ സമര്‍പ്പിക്കുമ്പോള്‍ സര്‍ക്കാരിലേക്ക് നല്‍കേണ്ട ഫീസ് എത്രയെന്ന് വിശദമാക്കുമോ;

(സി)	ഭൂനികുതി അടയ്ക്കുന്നതിന് ഓണ്‍ലൈന്‍ സംവിധാനമുണ്ടോ; നികുതിദായകന് നേരിട്ട് മൊബൈല്‍ ഇന്റര്‍നെറ്റ് സംവിധാനം വഴി ഭൂനികുതി അടയ്ക്കുന്നതിനുള്ള സംവിധാനമെങ്ങനെയെന്ന് വ്യക്തമാക്കുമോ?

സ്മാര്‍ട്ട് വില്ലേജ് ഓഫീസുകള്‍

1135.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ് ഓഫീസുകളെ സ്മാര്‍ട്ട് വില്ലേജ് ഓഫീസുകളാക്കി മാറ്റാന്‍ ഈ സര്‍ക്കാര്‍ സ്വീകരിച്ച നടപടികള്‍ വ്യക്തമാക്കാമോ;

(ബി)	എത്ര വില്ലേജ് ഓഫീസുകളെ സ്മാര്‍ട്ട് വില്ലേജ് ഓഫീസുകളാക്കി മാറ്റിയെന്നും, ബാക്കിയുളളവ എന്നത്തേക്ക് പൂര്‍ത്തിയാക്കാനാവുമെന്നാണ് പ്രതീക്ഷിക്കുന്നതെന്നും വ്യക്തമാക്കാമോ ?

വിളപ്പില്‍ വില്ലേജ് ഓഫീസ്

1136.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

കാട്ടാക്കട മണ്ഡലത്തിലെ വിളപ്പില്‍ വില്ലേജ് ഓഫീസ് സ്മാര്‍ട്ട് വില്ലേജ് പദ്ധതിയില്‍ ഉള്‍പ്പെടുത്തി പുതിയ കെട്ടിടം നിര്‍മ്മിക്കുന്നതിന്റെ നടപടിക്രമങ്ങള്‍ എന്തായെന്ന് വിശദമാക്കാമോ ?

പുതിയ റവന്യൂ ഡിവിഷണൽ ഓഫീസുകളുടെ പ്രവര്‍ത്തനം

1137.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയതായി അനുവദിച്ച റവന്യൂ ഡിവിഷണൽ ഓഫീസുകളുടെ പ്രവര്‍ത്തനം എന്നത്തേക്ക് ആരംഭിക്കുമെന്ന് അറിയിക്കാമോ;

(ബി)	പ്രസ്തുത ഓഫീസുകളുടെ പ്രവര്‍ത്തനം ആരംഭിക്കുന്നതുമായി ബന്ധപ്പെട്ട നിലവിലെ സ്ഥിതി എന്താണെന്ന് വിശദമാക്കാമോ;

(സി)	പ്രസ്തുത ഓഫീസുകള്‍ക്കായി ഏതൊക്കെ തസ്തികകളാണ് പുതിയതായി അനുവദിച്ചതെന്ന് അറിയിക്കാമോ?

കുടവൂര്‍ വില്ലേജ് ഓഫീസ് കെട്ടിടത്തിന്റെ ജീര്‍ണ്ണാവസ്ഥ

1138.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ക്കല താലൂക്കിലെ കുടവൂര്‍ വില്ലേജ് ഓഫീസ് കെട്ടിടത്തിന്റെ ജീര്‍ണ്ണാവസ്ഥ ശ്രദ്ധയില്‍പെട്ടിട്ടുണ്ടോ; വ്യക്തമാക്കാമോ;

(ബി)	ഈ വില്ലേജ് ഓഫീസിലെ സീലിംഗ് അടര്‍ന്ന് വീണ് നാട്ടുകാരില്‍ ഒരാള്‍ക്ക് അപകടം സംഭവിച്ചിട്ടുള്ളതായി ശ്രദ്ധയില്‍പെട്ടിട്ടുണ്ടോ;

(സി)	ഈ വില്ലേജ് ഓഫീസ് കെട്ടിടം പുതുക്കി പണിയുന്നതിന് അടിയന്തര നടപടി സ്വീകരിക്കുമോ?

വില്ലേജ് ഒാഫീസുകളുടെ അടിസ്ഥാനസൗകര്യ വികസനം

1139.

(എ)	സംസ്ഥാനത്തെ വില്ലേജ് ഒാഫീസുകള്‍ സ്മാര്‍ട്ട് വില്ലേജ് ഒാഫീസുകളായി ഉയര്‍ത്തുന്നതിന് ഏതെങ്കിലും പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ;

(ബി)	ഈ സര്‍ക്കാര്‍ കാലയളവില്‍ എത്ര വില്ലേജ് ഒാഫീസുകള്‍ സ്മാര്‍ട്ടാക്കി എന്നുള്ള വിശദാംശങ്ങള്‍ നല്‍കുമോ;

(സി)	പാറശ്ശാല നിയോജകമണ്ഡലത്തിലെ വില്ലേജ് ഒാഫീസുകള്‍ സ്മാര്‍ട്ടാക്കുന്നതിനും അടിസ്ഥാന സൗകര്യങ്ങള്‍ വികസിപ്പിക്കുന്നതിനുമായി സമര്‍പ്പിച്ച നിവേദനം പരിഗണനയിലുണ്ടോ; ഈ നിവേദനത്തിന്‍മേല്‍ സ്വീകരിച്ച നടപടികള്‍ അറിയിക്കാമോ?

വില്ലേജുകളുടെ രൂപീകരണം

1140.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ വില്ലേജുകളുടെ വിഭജനം/പുതിയ വില്ലേജുകളുടെ രൂപീകരണം എന്നിവ നടത്താന്‍ ഉദ്ദേശിക്കുന്നുണ്ടോ;

(ബി)	ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ;

(സി)	വില്ലേജ് ഓഫീസുകളുടെ ഹൈടെക് വല്‍ക്കരണം/ആധുനിക വല്‍ക്കരണം പരിഗണനയിലുണ്ടോ;

(ഡി)	ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ;

(ഇ)	ഗ്രാമപഞ്ചായത്ത്ഫണ്ട് /ബ്ലോക്ക് പഞ്ചായത്ത്ഫണ്ട് /ജില്ലാ പഞ്ചായത്ത്ഫണ്ട് /എം.എല്‍.എ.ഫണ്ട്/ എം.പി. ഫണ്ട് എന്നിവ വില്ലേജ് ഓഫീസുകളുടെ ആധുനികവല്‍ക്കരണത്തിന് ഉപയോഗിക്കാന്‍ സാധിക്കുമോ - വിശദാംശങ്ങള്‍ ലഭ്യമാക്കാമോ?

ഒതുക്കുങ്ങല്‍ വില്ലേജ് ഓഫീസിന് സ്വന്തമായി കെട്ടിടം

1141.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഒതുക്കുങ്ങല്‍ വില്ലേജ് ഓഫീസിന് സ്വന്തമായി കെട്ടിടമുണ്ടോ; ഇല്ലെങ്കില്‍ സ്വന്തമായി ഓഫീസ് കെട്ടിടം നിർമിക്കാൻ ഇതുവരെ നടപടികള്‍ സ്വീകരിക്കാത്തതിന് കാരണം വെളിപ്പെടുത്തുമോ;

(ബി)	പ്രസ്തുത ഓഫീസിലെ സ്ഥലപരിമിതിമൂലം ഉദ്യോഗസ്ഥരും പൊതുജനങ്ങളും അനുഭവിക്കുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ; സ്വന്തമായി കെട്ടിടം നിര്‍മ്മിക്കുന്നതിന് എന്ത് നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)	പ്രസ്തുത ഓഫീസിന് സ്വന്തമായൊരു കെട്ടിടം എപ്പോള്‍ പൂര്‍ത്തീകരിക്കാന്‍ കഴിയുമെന്ന് അറിയിക്കാമോ?

ഡെപ്യൂട്ടി തഹസില്‍ദാര്‍മാരുടെ വാര്‍ഷിക ഇന്‍ക്രിമെന്റ്

1142.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ വകുപ്പില്‍ ഡെപ്യൂട്ടി തഹസില്‍ദാര്‍/ജൂനിയര്‍ സൂപ്രണ്ട് തസ്തികയില്‍ രണ്ടാമത്തെ വാര്‍ഷിക ഇന്‍ക്രിമെന്റ് ലഭിക്കുവാന്‍ പ്രൊബേഷന്‍ ഡിക്ലയര്‍ ചെയ്യേണ്ടതുണ്ടോ;

(ബി)	പ്രൊബേഷന്‍ ഡിക്ലയര്‍ ചെയ്യാതെ തന്നെ ചില ജീവനക്കാര്‍ക്ക് രണ്ടാമത്തെ വാര്‍ഷിക ഇന്‍ക്രിമെന്റും തുടർന്നുള്ള ഇന്‍ക്രിമെന്റുകളും അനുവദിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(സി)	പ്രൊബേഷന്‍ ഡിക്ലയര്‍ ചെയ്യാത്തതു മൂലം സീനിയറായിട്ടുള്ള ചില ജീവനക്കാര്‍ക്ക് രണ്ടാമത്തെ വാര്‍ഷിക ഇന്‍ക്രിമെന്റും തുടര്‍ ഇന്‍ക്രിമെന്റുകളും നിഷേധിച്ചിട്ടുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി)	ഈ വിഷയത്തിലുളള അസന്തുലിതാവസ്ഥ പരിഹരിച്ച് എല്ലാവര്‍ക്കും ഇന്‍ക്രിമെന്റ് നല്‍കുവാന്‍ സര്‍ക്കാര്‍ നടപടികള്‍ സ്വീകരിക്കുമോ?

സീനിയോറിറ്റി പുന:സ്ഥാപിച്ച് നല്‍കാന്‍ നടപടി

1143.

(എ)	കോട്ടയം ആര്‍.ഡി.ഒ ഓഫീസില്‍ കോണ്‍ഫിഡന്‍ഷ്യല്‍ അസിസ്റ്റന്റായി സേവനമനുഷ്ഠിച്ച് വരുന്ന ശ്രീ. മാത്യു പി. മാത്യു എന്നയാളുടെ സീനിയോറിറ്റി പുന:സ്ഥാപിച്ച് നല്‍കുന്നതുമായി ബന്ധപ്പെട്ട് അപേക്ഷ ലഭിച്ചിരുന്നോ; വ്യക്തമാക്കാമോ;

(ബി)	എങ്കില്‍ നാളിതുവരെയായി ഇക്കാര്യത്തില്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

(സി)	ടിയാന്റെ സീനിയോറിറ്റി പുന:സ്ഥാപിച്ച് നല്‍കുന്നതിന് നിലവില്‍ നിയമപരമായോ ഭരണപരമായോ എന്തെങ്കിലും തടസ്സങ്ങള്‍ ഉണ്ടോ; വെളിപ്പെടുത്തുമോ;

(ഡി)	ഇല്ലെങ്കില്‍ ടിയാന്‍െറ സീനിയോറിറ്റി പുന:സ്ഥാപിച്ച് നല്‍കുന്നകാര്യം പരിഗണിക്കുമോ?

താലൂക്ക് സഭകള്‍

1144.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പ്രതിമാസം നടക്കുന്ന താലൂക്ക് സഭകളുടെ പരിഗണനാ വിഷയങ്ങള്‍ എന്തൊക്കെയാണെന്ന് വിശദമാക്കാമോ;

(ബി)	പ്രസ്തുത താലൂക്ക് സഭകള്‍ക്ക് എന്തൊക്കെ അധികാരങ്ങളാണ് നല്കിയിട്ടുളളതെന്ന് വിശദമാക്കുമോ;

(സി)	താലൂക്ക് സഭകള്‍ക്ക് താലൂക്കുകളില്‍ ഉണ്ടാകുന്ന പരാതികള്‍ പരിഹരിക്കുവാന്‍ അധികാരമുണ്ടോയെന്നും ഉണ്ടെങ്കില്‍ പ്രസ്തുത പരാതികള്‍ സമയബന്ധിതമായി പരിഹരിക്കപ്പെടുന്നുണ്ടോയെന്നുമുളള വിശദാംശങ്ങള്‍ അറിയിക്കാമോ;

(ഡി)	കോഴിക്കോട് ജില്ലയിലെ കോഴിക്കോട് താലൂക്ക് സഭയില്‍ കഴിഞ്ഞ ഒരു വര്‍ഷക്കാലം പരിഹരിച്ച പരാതികള്‍ ഏതൊക്കെയാണെന്ന് വിശദമാക്കാമോ;

(ഇ)	പ്രസ്തുത താലൂക്ക് സഭയുടെ ഘടനയെക്കുറിച്ചും ആരൊക്കെയാണ് അതില്‍ പങ്കെടുക്കേണ്ടതെന്നുമുളള പ്രസക്തമായ ഉത്തരവുകള്‍ ലഭ്യമാക്കാമോ?

ആലത്തൂര്‍ താലൂക്കില്‍ നടത്തിയ റവന്യൂ അദാലത്തുകള്‍

1145.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ആലത്തൂര്‍ താലൂക്കില്‍ നടത്തിയ റവന്യൂ അദാലത്തുകള്‍ എത്രയാണെന്ന് വിശദമാക്കാമോ;

(ബി)	റവന്യൂ അദാലത്തുകളില്‍ ലഭിച്ച പരാതികളുടെ എണ്ണവും എത്ര പരാതികളിന്മേല്‍ നടപടികള്‍ സ്വീകരിച്ചു എന്നും വിശദമാക്കാമോ;

(സി)	പ്രസ്തുത പരാതികളെയും അതിന് സ്വീകരിച്ച പരിഹാര മാര്‍ഗ്ഗങ്ങളെയും കുറിച്ച് വിശദീകരിക്കാമോ?

കരം ഒടുക്കുന്നതിനുള്ള അനുവാദം

1146.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ നിയോജക മണ്ഡലത്തിലെ തൈവിളാകം പ്രദേശത്ത്, മണമ്പൂര്‍ വില്ലേജ് മുന്‍ സര്‍വ്വേ നമ്പര്‍ - 2519, 2565, 1530 എന്നീ വസ്തുക്കളില്‍ കരം ഒടുക്കുന്നതിനുള്ള അനുവാദം നല്‍കാനുള്ള നടപടി ഏത് ഘട്ടത്തിലാണ്;വിശദമാക്കുമോ;

(ബി)	അഡീഷണല്‍ ചീഫ് സെക്രട്ടറിയുടെ നമ്പര്‍ എന്‍2/37/2017/റവന്യൂ തീയതി 23.11.2017 കത്തിന്മേൽ സ്റ്റേറ്റ് ലാന്‍ഡ് ബോര്‍ഡ് സ്വീകരിച്ച നടപടി വിശദമാക്കുമോ;

(സി)	പ്രസ്തുത കത്ത് ലാന്റ് ബോര്‍ഡിന് ലഭ്യമായ തീയതി, ലാന്റ് ബോര്‍ഡ് ചിറയിന്‍കീഴ് താലൂക്ക് ലാന്റ് ബോര്‍ഡിന് കത്ത് നല്‍കിയ തീയതി, മറുപടി ലഭ്യമായ തീയതി എന്നിവ വ്യക്തമാക്കുമോ?

ആലപ്പുഴ ലേക്ക് പാലസ് റിസോര്‍ട്ട്

1147.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴ ജില്ലാകളക്ടര്‍ ലേക് പാലസ് റിസോര്‍ട്ടുമായി ബന്ധപ്പെട്ട് നല്‍കിയ റിപ്പോര്‍ട്ടിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണ്;

(ബി)	ഇത് സംബന്ധിച്ച് സുപ്രീകോടതിയില്‍ എന്തെങ്കിലും കേസ് നിലവിലുണ്ടോ; ആരാണ് പ്രസ്തുത കേസ് നല്‍കിയിട്ടുള്ളത്; ഈ കേസില്‍ സര്‍ക്കാര്‍ സ്വീകരിച്ച നിലപാട് എന്താണെന്ന് വ്യക്തമാക്കാമോ;

(സി)	പ്രസ്തുത റിസോര്‍ട്ടിലേക്കുള്ള റോഡ് 2008 ലെ തണ്ണീര്‍ത്തട സംരക്ഷണ നിയമം നിലവില്‍ വന്നശേഷം വയല്‍ നികത്തി നിര്‍മ്മിച്ചതാണെന്ന് കണ്ടെത്തിയിട്ടുണ്ടോ;

(ഡി)	ഉണ്ടെങ്കില്‍ പ്രസ്തുത നിയമം ലംഘിച്ചതിന്റെ പേരില്‍ റിസോര്‍ട്ടിന്റെ ഉടമസ്ഥര്‍ക്കെതിരെ എന്തെങ്കിലും നടപടി സ്വീകരിച്ചിട്ടുണ്ടോ;വ്യക്തമാക്കുമോ?

കൈപമംഗലം മനയ്ക്കല്‍ കുളം പതിച്ചു നല്‍കല്‍

1148.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	തൃശ്ശൂര്‍ ജില്ലയിലെ കൊടുങ്ങല്ലൂര്‍ താലൂക്കില്‍ കൈപമംഗലം വില്ലേജിലെ "മനയ്ക്കല്‍ കുളം" സ്വകാര്യ വ്യക്തികള്‍ക്ക് പതിച്ച് നല്‍കിയിട്ടുണ്ടോ; ഉണ്ടെങ്കില്‍ അത് ആര്‍ക്കാണെന്നും എത്ര ഏക്കര്‍ ആണ് പതിച്ച് നല്‍കിയതെന്നും എന്നാണ് പതിച്ച് നല്‍കിയതെന്നും വെളിപ്പെടുത്തുമോ;

(ബി)	പ്രസ്തുത കുളം പതിച്ചു നല്‍കിയിട്ടുണ്ടെങ്കില്‍ ഇത് തിരിച്ചു പിടിച്ച് പൊതുജനങ്ങള്‍ക്ക് ഉപയോഗത്തിനായി നല്‍കുമോ;

(സി)	സര്‍ക്കാര്‍ വക കുളം സ്വകാര്യ വ്യക്തിക്ക് പതിച്ചു നല്‍കിയ ഉദ്യോഗസ്ഥര്‍ക്കെതിരെ എന്ത് നടപടി സ്വീകരിച്ചു എന്ന് വെളിപ്പെടുത്തുമോ?

കൊല്ലത്തെ പഴയ താലൂക്ക് ഓഫീസ് കെട്ടിടം

1149.

(എ)	കൊല്ലം താലൂക്ക് ഓഫീസ് പഴയ കെട്ടിടത്തില്‍ പ്രവര്‍ത്തിച്ച് വരുന്ന ഓഫീസുകള്‍ ഏതൊക്കെ;

(ബി)	കൊല്ലം താലൂക്ക് ഓഫീസ് കെട്ടിടം ബഹുനില കെട്ടിടത്തിലേക്ക് മാറ്റി പ്രവര്‍ത്തനം ആരംഭിച്ചിട്ടുള്ളതിനാല്‍ സ്വാതന്ത്ര്യസമര ചരിത്ര പാരമ്പര്യമുള്ളതും വാസ്തുശില്പ ഭംഗിയുള്ളതുമായ പഴയകെട്ടിടത്തെ ചരിത്രസ്മാരകമായി സംരക്ഷിക്കുന്നതിന് നടപടി സ്വീകരിക്കുമോ?

വെള്ളാനിക്കര വില്ലേജ് രൂപീകരണം

1150.

ശ്രീ.കെ. രാജന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഒല്ലൂര്‍ നിയോജകമണ്ഡലത്തില്‍ മാടക്കത്തറ - വെള്ളാനിക്കര ഗ്രൂപ്പ് വില്ലേജ് വിഭജിച്ച് പുതിയതായി വെള്ളാനിക്കര വില്ലേജ് രൂപീകരിക്കുന്നതിന് ഇതുവരെ കൈകൊണ്ട നടപടികള്‍ വിശദമാക്കാമോ;

(ബി)	മേല്‍പറഞ്ഞ വില്ലേജിലേക്ക് ആവശ്യമായ പുതിയ തസ്തികകള്‍ സൃഷ്ടിച്ച് വെള്ളാനിക്കര വില്ലേജ് പുതിയതായി രൂപീകരിക്കുന്നതിന് അടിയന്തിര നടപടി സ്വീകരിക്കുമോ?

വില്ലേജുകളില്ലാത്ത ഗ്രാമപഞ്ചായത്തുകള്‍

1151.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വില്ലേജുകളില്ലാത്ത എത്ര ഗ്രാമപഞ്ചായത്തുകള്‍ നിലവിലുണ്ട്; അവ ഏതെല്ലാമാണ് എന്ന് വിശദീകരിക്കുമോ;

(ബി)	പ്രസ്തുത സ്ഥലങ്ങളില്‍ വില്ലേജുകള്‍ രൂപീകരിക്കുവാന്‍ ഉദ്ദേശിക്കുന്നുണ്ടോ; വ്യക്തമാക്കുമോ?

പൊതുവഴി സ്വകാര്യ വ്യക്തി കെട്ടി അടച്ചതുമായി ബന്ധപ്പെട്ട പരാതി

1152.

(എ)	കോഴിക്കോട് താലൂക്ക് ഒളവണ്ണ വില്ലേജില്‍ സര്‍വ്വെ നമ്പര്‍ 81/16 (റി.സ.145/5) ല്‍ ശ്രീമതി പുളിങ്ങാഞ്ചേരി ആമിന എന്നിവരുടെയും പരിസര വാസികളുടെയും പൊതുവഴി സ്വകാര്യ വ്യക്തി കെട്ടി അടച്ചത് സംബന്ധിച്ച് പരാതി കോഴിക്കോട് താലൂക്ക് ഓഫീസില്‍ നിലവിലുണ്ടോ;

(ബി)	എങ്കില്‍ ഇതില്‍ എന്തു നടപടികള്‍ സ്വീകരിച്ചുവെന്ന് വിശദമാക്കാമോ;

(സി)	കോഴിക്കോട് താലൂക്ക് ഓഫീസിലെ ഫയല്‍ നമ്പര്‍ എ/2549/2009, എം.സി./15/2009 എന്നീ ഫയലുകളില്‍ നാളിതുവരെ നടപടികളെന്തെങ്കിലും സ്വീകരിച്ചിട്ടുണ്ടോ; പൊതുജനങ്ങളെ ബാധിക്കുന്ന ഇൗ ഫയലുകളില്‍ ഇത്രയും കാലതാമസം ഉണ്ടായത് എന്തുകൊണ്ടാണ്; പ്രസ്തുത ഫയലുകളിൽ ഉടന്‍ തന്നെ നടപടികള്‍ സ്വീകരിക്കുമോ;വിശദമാക്കാമോ?

സ്മാര്‍ട്ട് റവന്യൂ ഓഫീസ്

1153.

ശ്രീ.ജോര്‍ജ് എം. തോമസ്
ശ്രീമതി.വീണാ ജോര്‍ജ്ജ്
ശ്രീ.കെ.കുഞ്ഞിരാമന്‍
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	റവന്യൂ ഓഫീസുകളെ ഘട്ടംഘട്ടമായി സ്മാര്‍ട്ടാക്കി മാറ്റുന്നതിനായി എന്തെല്ലാം പദ്ധതികളാണ് റവന്യൂ വകുപ്പ് ആസൂത്രണം ചെയ്തുവരുന്നത് എന്നറിയിക്കാമോ ;

(ബി)	റവന്യൂ ഓഫീസുകളില്‍ നിന്ന് ജനങ്ങള്‍ക്ക് മെച്ചപ്പെട്ട സേവനങ്ങള്‍ അതിവേഗം ലഭ്യമാക്കുന്നതിനായി സ്മാര്‍ട്ട് റവന്യൂ ഓഫീസ് വിഭാവനം ചെയ്യുന്ന പദ്ധതികള്‍ എന്തെല്ലാമാണെന്ന് വ്യക്തമാക്കാമോ;

(സി)	വിവിധ ഓഫീസകുളുമായുള്ള വീഡിയോ കോണ്‍ഫറന്‍സിംഗ് അടക്കമുള്ള പ്രവര്‍ത്തനങ്ങള്‍ കാര്യക്ഷമമായും സമയബന്ധിതമായും നടത്തുന്നതിന് എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കാമോ?

സംഘടനകള്‍ക്കും സ്ഥാപനങ്ങള്‍ക്കും പതിച്ചു നല്‍കിയ സര്‍ക്കാര്‍ ഭൂമി

1154.

(എ)	ഈ സര്‍ക്കാര്‍ ഏതെല്ലാം സംഘടനകള്‍ക്കും സ്ഥാപനങ്ങള്‍ക്കും ട്രസ്റ്റുകള്‍ക്കും മറ്റുമായി സര്‍ക്കാര്‍ ഭൂമി പാട്ടത്തിനോ പതിച്ചു നല്‍കുകയോ ചെയ്തിട്ടുണ്ടോ ;ആയതിനെ സംബന്ധിച്ചുള്ള വിശദവിവരം നല്‍കുമോ ; ആയതിന്റെ ഉത്തരവിന്റെ പകര്‍പ്പ് ലഭ്യമാക്കുമോ;

(ബി)	ഇങ്ങനെ ഭൂമി പതിച്ചു നല്‍കുവാനുണ്ടായ സാഹചര്യം വ്യക്തമാക്കുമോ;

(സി)	പ്രസ്തുത തീരുമാനങ്ങള്‍ മന്ത്രിസഭാ യോഗം അംഗീകരിച്ചിട്ടുള്ളതാണോ; എങ്കില്‍ പ്രസ്തുത തീരുമാനങ്ങളുടെ പകര്‍പ്പ് ലഭ്യമാക്കുമോ?

മുഖ്യമന്ത്രിയുടെ ദുരിതാശ്വാസ നിധി

1155.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മുഖ്യമന്ത്രിയുടെ ദുരിതാശ്വാസ നിധിയില്‍നിന്ന് ചികില്‍സാ ധനസഹായത്തിനുള്ള അപേക്ഷകള്‍ റവന്യൂ വകുപ്പിലെ വില്ലേജ് ഓഫീസര്‍ മുതല്‍ മുതിര്‍ന്ന ഉദ്യോഗസ്ഥര്‍ വരെയുള്ളവരുടെ കയ്യില്‍ അനാവശ്യമായി വെച്ച് താമസിപ്പിക്കുന്നത് ശ്രദ്ധയില്‍പെട്ടിട്ടുണ്ടോ;

(ബി)	ഉണ്ടെങ്കില്‍ ഇത് പരിഹരിക്കാന്‍ ആവശ്യമായ നടപടികള്‍ സ്വീകരിക്കുമോ;

(സി)	ഒരു നിശ്ചിത ദിവസത്തില്‍ കൂടുതല്‍ ഫയല്‍ കെട്ടിക്കിടക്കുന്നത് പരിഹരിക്കാന്‍ ആവശ്യമായ മോണിറ്ററിംഗ് സംവിധാനം നടപ്പിലാക്കുമോ;വ്യക്തമാക്കാമോ?

സര്‍വ്വെ അദാലത്ത്

1156.

ശ്രീ.റോഷി അഗസ്റ്റിന്‍
,, പി.ജെ.ജോസഫ്
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍വ്വെ ഓഫീസുകളില്‍ അപേക്ഷകള്‍ കെട്ടിക്കിടക്കുന്നകാര്യം ശ്രദ്ധയില്‍പ്പെട്ടിട്ടുണ്ടോ; ഇവ സമയബന്ധിതമായി തീര്‍പ്പുകല്‍പ്പിക്കുവാന്‍ റവന്യൂ വകുപ്പ് എന്തെല്ലാം നടപടികള്‍ സ്വീകരിച്ചുവരുന്നു എന്ന് വ്യക്തമാക്കാമോ;

(ബി)	ഏതെല്ലാം സര്‍വ്വേ ഓഫീസുകളിലാണ് അപേക്ഷകള്‍ കെട്ടിക്കിടക്കുന്നത്; ഏതൊക്കെ റവന്യൂ ജില്ലകളില്‍ സര്‍വ്വേ അദാലത്തുകള്‍നടത്തുന്നില്ല എന്ന് അറിയിക്കാമോ;

(സി)	ഈ സര്‍ക്കാര്‍ അധികാരത്തിൽ വന്നതിനുശേഷം എത്ര സര്‍വ്വെ അദാലത്തുകള്‍ നടത്തിയെന്നും എത്ര അപേക്ഷകളില്‍ തീരുമാനം കൈക്കൊണ്ടു എന്നും അറിയിക്കാമോ?

സര്‍വ്വെ അതിരടയാള നിയമം

1157.

ശ്രീ.എല്‍ദോ എബ്രഹാം : താഴെ കാണുന്ന ചോദ്യത്തിന് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്ത് നിലവിലുള്ള സര്‍വ്വെ അതിരടയാള നിയമം മാറ്റുന്നതിന് ആലോചിക്കുന്നുണ്ടോ;എങ്കില്‍ ഇതിനുള്ള കാരണം എന്താണെന്നും ഇതിനായി സ്വീകരിച്ച പകരം സംവിധാനം എന്താണെന്നും അറിയിക്കാമോ; കരടിന്റെ പകര്‍പ്പ് ലഭ്യമാക്കാമോ?

ഓപ്പറേഷന്‍ അനന്ത

1158.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാരിന്റെ കാലത്ത് ആരംഭിച്ച ഓപ്പറേഷന്‍ അനന്തയുടെ രണ്ടാം ഘട്ടം ആരംഭിക്കുവാന്‍ ഉദ്ദേശിച്ചിട്ടുണ്ടോ;വിശദാംശം നല്‍കുമോ:

(ബി)	ഒന്നാം ഘട്ടത്തില്‍ ഇനിയും പൂര്‍ത്തിയാക്കുവാനുള്ള പ്രവൃത്തികള്‍ എന്തൊക്കെയാണ്;അവ പൂര്‍ത്തിയാക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കുമോ?

കേരളത്തിന് ഇതരസംസ്ഥാനങ്ങളിലുള്ള ഭൂമി

1159.

(എ)	കേരള സംസ്ഥാനത്തിന്റെ ഭൂമി സംസ്ഥാനത്തിന് പുറത്ത് എവിടെയെല്ലാം എത്ര അളവില്‍ നിലവിലുണ്ട്; ഇത്തരത്തിലുള്ള ഭൂമി അന്യാധീനപ്പെട്ടു കൊണ്ടിരിക്കുന്ന വസ്തുത ശ്രദ്ധയില്‍പ്പെട്ടിട്ടുണ്ടോ ;

(ബി)	ആയത് പരിഹരിക്കുന്നതിന് എന്തെല്ലാം നടപടികളാണ് ഓരോ സ്ഥലത്തും കൈക്കൊണ്ടു വരുന്നതെന്ന് ഇനം തിരിച്ച് വ്യക്തമാക്കുമോ ;

(സി)	ഏതെല്ലാം സ്ഥലങ്ങളിലാണ് പ്രശ്നങ്ങള്‍ നിലവിലുള്ളത്; നിലവില്‍ യാതൊരു പ്രശ്നവും ഇല്ലാത്തത് എവിടെയെല്ലാം; വ്യക്തമാക്കാമോ?

ഇന്റഗ്രേഷന്‍ ഓഫ് ലാന്റ് റിക്കാര്‍ഡ് സര്‍വ്വീസ് ഡെലിവറി പ്രൊജക്ട്

1160.

ശ്രീ.കെ.വി.വിജയദാസ്
,, പി.വി. അന്‍വര്‍
,, കാരാട്ട് റസാഖ്
,, മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സര്‍വ്വേയും, ഭൂരേഖാവകുപ്പുമായിചേര്‍ന്ന് നടത്തുന്ന ഇന്റഗ്രേഷന്‍ ഓഫ് ലാന്റ് റിക്കാര്‍ഡ് സര്‍വ്വീസ് ഡെലിവറി പ്രൊജക്ട് ന്റെ വിശദാംശം ലഭ്യമാക്കുമോ;

(ബി)	ഡിജിറ്റല്‍ സര്‍വ്വേയും ഭൂരേഖകളുടെ ഡിജിറ്റൈസേഷനും, ഓണ്‍ലൈന്‍ മോണിറ്ററിംഗ് സിസ്റ്റവും പ്രസ്തുത പദ്ധതിയില്‍ ഉള്‍പ്പെട്ടിട്ടുണ്ടോയെന്ന് വിശദമാക്കുമോ;

(സി)	ഡിജിറ്റല്‍ സര്‍വ്വേ പൂര്‍ത്തിയാക്കുന്ന വില്ലേജുകളില്‍ ജിയോ റ്റാഗ്ഡ് ഡിജിറ്റൈഡ് ലാന്റ് റിക്കാര്‍ഡ്സ് തയ്യാറാക്കുന്ന പ്രവര്‍ത്തനം വകുപ്പ് ലക്ഷ്യം വയ്ക്കുന്നുണ്ടോ; ഉണ്ടെങ്കില്‍ വിശദമാക്കുമോ?

മലപ്പുറം ജില്ലയിലെ റീ സര്‍വ്വേ

1161.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയിലെ റീ സര്‍വ്വേ സംബന്ധിച്ച ഫയലുകളില്‍ നടപടി സ്വീകരിക്കുന്നതിന് കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	ഒരു വര്‍ഷമായിട്ടും നടപടി സ്വീകരിക്കാത്ത എത്ര ഫയലുകള്‍ ഉണ്ടെന്ന് താലൂക്ക് തിരിച്ച് വിശദമാക്കാമോ ?

മലപ്പുറം ജില്ലയിലെ റീസര്‍വ്വെ നടപടികള്‍

1162.

(എ)	മലപ്പുറം ജില്ലയിലെ റീസര്‍വ്വെ നടപടികള്‍ ഇപ്പോള്‍ ഏതു ഘട്ടത്തിലാണ്;വിശദാംശം നല്‍കുമോ;

(ബി)	ഏതെല്ലാം വില്ലേജുകളില്‍ റീസര്‍വ്വെ പൂര്‍ത്തിയായിട്ടുണ്ട്; ഇനി എത്ര വില്ലേജുകളില്‍ റീസര്‍വ്വെ ചെയ്യാനുണ്ടെന്ന് വ്യക്തമാക്കുമോ;

(സി)	ജില്ലയില്‍ റീസര്‍വ്വെ നടപടികള്‍ ഇനിയും പൂര്‍ത്തീകരിച്ചിട്ടില്ലാത്ത സാഹചര്യം നിലനില്‍ക്കെ സര്‍വ്വെ ജീവനക്കാരെ മറ്റു ജില്ലകളിലേക്ക് സ്ഥലം മാറ്റുന്ന സാഹചര്യം ഉണ്ടായിട്ടുണ്ടോ;

(ഡി)	എങ്കില്‍ പ്രസ്തുത നടപടി പുനഃപരിശോധിക്കുന്നതിനും ജില്ലയിലെ റീസര്‍വ്വെ നടപടികള്‍ എത്രയും വേഗം പൂര്‍ത്തീകരിക്കുന്നതിനും ആവശ്യമായ ജീവനക്കാരെ നിയമിക്കുന്നതിനും സത്വരനടപടി സ്വീകരിക്കുമോ?

കോഴിക്കോട് ജില്ലയില്‍ റീസര്‍വ്വേ

1163.

(എ)	ഏതെല്ലാം ജില്ലകളിലാണ് റീസര്‍വ്വേ നടത്താന്‍ ബാക്കിയുള്ളതെന്ന് വിശദമാക്കാമോ;

(ബി)	റവന്യൂ രേഖകള്‍ ഓണ്‍ലൈന്‍ ആക്കുമ്പോള്‍ റീ സര്‍വ്വേ നടക്കാത്തതുകാരണം നികുതി, തണ്ടപ്പേര്, പോക്കുവരവ് തുടങ്ങിയ കാര്യങ്ങളില്‍ ആശയക്കുഴപ്പമുണ്ടാവുന്നതായ പരാതി ശ്രദ്ധയില്‍പ്പെട്ടിട്ടുണ്ടോ;

(സി)	കോഴിക്കോട് ജില്ലയില്‍ റീസര്‍വ്വേ നടത്താന്‍ നടപടി സ്വീകരിക്കുമോ?

വില്ലേജു് ഓഫീസുകളുടെ ആധുനികവല്‍ക്കരണം

1164.

(എ)	സംസ്ഥാനത്ത് സ്മാര്‍ട്ട് വില്ലേജ് ഓഫീസുകള്‍ എത്രയെന്നും ഏതെല്ലാമെന്നും അറിയിക്കുമോ;

(ബി)	സംസ്ഥാനത്ത് എത്ര വില്ലേജ് ഓഫീസുകള്‍ വാടക കെട്ടിടത്തില്‍ പ്രവര്‍ത്തിക്കുന്നുണ്ടെന്ന് ജില്ലതിരിച്ച് അറിയിക്കുമോ; വാടകകെട്ടിടത്തില്‍ പ്രവര്‍ത്തിക്കുന്ന വില്ലേജ് ഓഫീസുകള്‍ക്ക് സ്വന്തം കെട്ടിടം നിര്‍മ്മിക്കുന്നതിന് നടപടി സ്വീകരിക്കുമോ;

(സി)	വില്ലേജ് ഓഫീസുകളിലെ രജിസ്റററുകള്‍ കമ്പ്യൂട്ടറൈസ് ചെയ്യുന്നതിനും നികുതി ഒടുക്കുന്നതിന് കമ്പ്യൂട്ടര്‍ സംവിധാനം ഏര്‍പ്പെടുത്തുന്നതിനും നടപടി സ്വീകരിക്കുമോ എന്ന് അറിയിക്കാമോ?

ദേശീയ ചുഴലിക്കാറ്റ് അപകട സാധ്യതാ ലഘൂകരണ പദ്ധതി

1165.

ശ്രീ.എസ്.ശർമ്മ
,, കെ. ആന്‍സലന്‍
,, വി. കെ. സി. മമ്മത് കോയ
,, എം. നൗഷാദ് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ-സംസ്ഥാന ദുരന്ത നിവാരണ അതോറിറ്റികളുടെ നിയന്ത്രണത്തില്‍ സംസ്ഥാനത്തെ തീരപ്രദേശങ്ങളിലെ ചുഴലിക്കാറ്റ് മൂലമുണ്ടാകുന്ന അപകടങ്ങളുടെ വ്യാപ്തി കുറയ്ക്കുന്നതിനുള്ള സമഗ്ര പദ്ധതിയായ ദേശീയ ചുഴലിക്കാറ്റ് അപകട സാധ്യതാ ലഘൂകരണ പദ്ധതി (എന്‍.സി.ആര്‍.എം.പി )യുടെ പ്രവര്‍ത്തനം ആരംഭിച്ചിട്ടുണ്ടോ;

(ബി)	എങ്കില്‍ പദ്ധതിയുടെ വിശദാംശം നല്‍കുമോ;

(സി)	ദുരന്തസാധ്യതാ മുന്നറിയിപ്പ്, ദുരന്ത പ്രതിരോധത്തിനുള്ള അടിസ്ഥാന സൗകര്യവികസനം എന്നിവ പദ്ധതിയില്‍ ഉള്‍പ്പെടുത്തിയിട്ടുണ്ടോ;

(ഡി)	സംസ്ഥാനത്ത് ഏതെല്ലാം തീരദേശ ജില്ലകളിലാണ് പ്രസ്തുത പദ്ധതി നടപ്പാക്കുന്നതെന്നും ഇതിനകം എന്തെല്ലാം പ്രവൃത്തികള്‍ ആരംഭിച്ചിട്ടുണ്ടെന്നും വ്യക്തമാക്കുമോ?

ഏറനാട് മണ്ഡലത്തിലെ ഭവനരഹിതരായ കുടുംബങ്ങള്‍

1166.

(എ)	ഏറനാട് മണ്ഡലത്തില്‍ ജനറല്‍, എസ്.സി./എസ്.ടി. വിഭാഗങ്ങളില്‍പ്പെട്ട ഭൂരഹിതരും ഭവനരഹിതരുമായ എത്ര കുടുംബങ്ങള്‍ ഉണ്ട് എന്ന് വ്യക്തമാക്കുമോ;

(ബി)	ഭൂരഹിതരില്ലാത്ത കേരളം പദ്ധതിയില്‍ ഏറനാട് മണ്ഡലത്തില്‍ നിന്നും തെരഞ്ഞെടുത്തിട്ടുള്ള ഗുണഭോക്താക്കളുടെ എണ്ണവും ഇതിനകം പദ്ധതിയുടെ ആനുകൂല്യം ലഭ്യമായിട്ടുള്ള ഗുണഭോക്താക്കളുടെ എണ്ണവും വില്ലേജ് തിരിച്ച് ലഭ്യമാക്കാമോ;

(സി)	ഭൂരഹിതരില്ലാത്ത കേരളം പദ്ധതിയില്‍ ഇനിയും ഭൂമി നല്കാനുള്ളവര്‍ക്ക് എന്നത്തേക്ക് ഭുമി നല്‍കാന്‍ കഴിയുമെന്ന് വ്യക്തമാക്കുമോ?

പാര്‍പ്പിട സമുച്ചയ പദ്ധതി

1167.

(എ)	ഈ സര്‍ക്കാര്‍ കാലയളവില്‍ ഭവന നിര്‍മ്മാണ ബോര്‍ഡ് പുതിയ പാര്‍പ്പിട സമുച്ചയ പദ്ധതി ആരംഭിച്ചിട്ടുണ്ടോ; ഉണ്ടെങ്കില്‍ എവിടെയെല്ലാം; വിശദാംശം വെളിപ്പെടുത്തുമോ;

(ബി)	ഇതിലേയ്ക്കായി ഭവനനിര്‍മ്മാണ ബോര്‍ഡ് സംസ്ഥാനത്ത് എവിടെയെങ്കിലും പുതുതായി സ്ഥലം വാങ്ങിയിട്ടുണ്ടോ; ഉണ്ടെങ്കില്‍ എത്ര ഏക്കറാണെന്നും എവിടെയാണെന്നും ഉള്‍പ്പെടെയുള്ള വിശദാംശം വ്യക്തമാക്കുമോ; പ്രസ്തുത പദ്ധതിക്ക് എത്ര കോടി രൂപ മുതല്‍മുടക്കുന്നുണ്ടെന്ന് അറിയിക്കുമോ;

(സി)	മുന്‍സര്‍ക്കാരിന്റെ കാലത്ത് ആരംഭിച്ച് നിര്‍മ്മാണം പൂര്‍ത്തിയാക്കാത്ത എത്ര പാര്‍പ്പിട സമുച്ചയങ്ങള്‍ സംസ്ഥാനത്തുണ്ടെന്ന് സ്ഥലം സഹിതം വിശദാംശം വെളിപ്പെടുത്തുമോ?

വീടുകള്‍ക്ക് ആഡംബരനികുതി

1168.

(എ)	ആഡംബരനികുതി ചുമത്തുന്നതിന് വീടുകള്‍ക്ക് നിശ്ചയിച്ച വിസ്തീര്‍ണ്ണത്തിന്റെ പരിധി എത്രയാണെന്ന് വ്യക്തമാക്കാമോ;

(ബി)	നിലവില്‍ എത്ര രൂപയാണ് ആഡംബരനികുതിയായി വര്‍ഷം തോറും ഈടാക്കി വരുന്നത്; ഏത് വര്‍ഷം മുതലാണ് ആയത് ഈടാക്കാന്‍ തുടങ്ങിയതെന്ന് അറിയിക്കാമോ;

(സി)	കൂടുതല്‍ വിസ്തീര്‍ണ്ണമുള്ള എല്ലാ വീടുകള്‍ക്കും പരിധിയില്ലാതെ ഒരേ തുകയാണോ ആഡംബര നികുതിയായി ഈടാക്കുന്നതെന്ന് വിശദമാക്കുമോ;

(ഡി)	സംസ്ഥാനത്ത് ആഡംബരനികുതി നിശ്ചയിക്കുന്നതിനുള്ള വിസ്തീര്‍ണ്ണം നിലവിലുള്ളതില്‍ നിന്ന് വര്‍ദ്ധിപ്പിക്കുന്നകാര്യം പരിഗണിക്കുമോ;

(ഇ)	കൂടുതല്‍ വിസ്തൃതിയുള്ള ഭവനങ്ങള്‍ക്ക് നികുതി നിശ്ചയിക്കുന്നതില്‍ സ്ലാബ് സമ്പ്രദായം ഏര്‍പ്പെടുത്താന്‍ ഉദ്ദേശിക്കുന്നുണ്ടോ;വിശദമാക്കാമോ;

(എഫ്)

വീടുകളുടെ ലൈഫ് കണക്കാക്കി ഒന്നിച്ച് ആഡംബരനികുതി അടക്കാന്‍ സന്നദ്ധരായവര്‍ക്ക് ആയതിന് അനുമതി നല്‍കുമോ?

ഭവനനിര്‍മ്മാണ ബോര്‍ഡ്

1169.

ശ്രീ.ബി.സത്യന്‍
,, എം. രാജഗോപാലന്‍
,, പുരുഷന്‍ കടലുണ്ടി
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭവനനിര്‍മ്മാണ മേഖലയില്‍ പ്രവര്‍ത്തിക്കുന്ന പ്രധാന ഏജന്‍സികള്‍ ഏതൊക്കെയാണ്;

(ബി)	ഈ രംഗത്ത് സംസ്ഥാന ഭവനനിര്‍മ്മാണ ബോര്‍ഡ് എന്തെല്ലാം ഭവനനിര്‍മ്മാണ പദ്ധതികളാണ് നടപ്പിലാക്കി വരുന്നത്;

(സി)	പട്ടികജാതി, പട്ടികവര്‍ഗ്ഗ, മറ്റു പിന്നോക്ക വിഭാഗങ്ങള്‍ക്കായി എന്തെല്ലാം പദ്ധതികളാണ് ഭവന നിര്‍മ്മാണ ബോര്‍ഡ് ആവിഷ്ക്കരിച്ചിട്ടുളളത്;

(ഡി)	സര്‍ക്കാരിന്റെ സമ്പൂര്‍ണ്ണ ഭവന നിര്‍മ്മാണ പദ്ധതിയായ ലൈഫ് മിഷനുമായി ചേര്‍ന്ന് എന്തെല്ലാം പ്രവര്‍ത്തനങ്ങളാണ് ഭവനനിര്‍മ്മാണ ബോര്‍ഡ് നടത്തുന്നതെന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.