13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >13^th Session>Unstarred questions Answers

Answer Provided

Answer Not Yet Provided

THIRTEENTH KLA - 13^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ആസ്തി വികസന ഫണ്ടില്‍ ഉള്‍പ്പെടുത്തി സ്കൂളുകളിൽ അസംബ്ലിഹാള്‍ നിര്‍മ്മിക്കുന്നതു സംബന്ധിച്ച്

1287.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	എം .എൽ.എ മാരുടെ ആസ്തി വികസന ഫണ്ടില്‍ ഉള്‍പ്പെടുത്തി സ്കൂളുകളിൽ അസംബ്ലിഹാള്‍ നിര്‍മ്മിക്കുന്നതുമായി ബന്ധപ്പെട്ട പ്രോജക്ടു മാസങ്ങള്‍ മുമ്പേ പി .ഡബ്ല്യു .ഡി ബില്‍ഡിംഗ്സ് അധികൃതര്‍ക്ക് നല്‍കിയിട്ടും എസ്റ്റിമേറ്റ് തയ്യാറാക്കി സമര്‍പ്പിക്കാന്‍ വൈകുന്നതിന്റെ കാരണം വ്യക്തമാക്കാമോ ?

ബസ്സ് ബേകള്‍ നിര്‍മ്മിക്കാന്‍ നടപടി

1288.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന പാതകളില്‍ ബസ്സുകള്‍ റണ്‍വേയില്‍ തന്നെ നിര്‍ത്തി യാത്രക്കാരെ കയറ്റുന്നതും ഇറക്കുന്നതും ഗതാഗത തടസ്സം സൃഷ്ടിക്കുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)	സംസ്ഥാന പാതയിലെ ബസ്സ് വെയിറ്റിംഗ് ഷെഡ്ഡുകള്‍ക്ക് ബസ്സ് ബേകള്‍ നിര്‍മ്മിക്കുന്ന കാര്യം പരിഗണിക്കുമോ ;

(സി)	സ്റ്റേറ്റ് ഹൈവേ പരിഷ്കരണ സമയത്ത് ബസ്സ് ബേകള്‍ നിര്‍ബന്ധമായും ഉണ്ടാകണമെന്ന് നിര്‍ദ്ദേശിക്കാമോ ?

കേരളാ സ്റ്റേറ്റ് കണ്‍സ്ട്രക്ഷന്‍ കോർപ്പറേഷൻപ്രവൃത്തികള്‍

1289.

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് കേരളാ സ്റ്റേറ്റ് കണ്‍സ്ട്രക്ഷന്‍ കോർപ്പറേഷൻ എത്ര പ്രവൃത്തികള്‍ ഏറ്റെടുത്ത് പൂര്‍ത്തികരിച്ചെന്ന് വ്യക്തമാക്കുമോ ;

(ബി)	ഇതില്‍ എത്ര പ്രവൃത്തികള്‍ നിശ്ചിത സമയത്ത് തന്നെ പൂര്‍ത്തിയാക്കിയിട്ടുണ്ട് ; വിശദാംശങ്ങള്‍ വെളിപ്പെടുത്തുമോ ;

(സി)	കെ.എസ്.സി.സി. ഏറ്റെടുക്കുന്ന പ്രവൃത്തികള്‍ക്ക് സബ് കരാറുകള്‍ നല്‍കാറുണ്ടോ ; എങ്കില്‍ സബ്കരാറുകള്‍ നല്‍കുമ്പോള്‍ എന്തെങ്കിലും അധിക സാമ്പത്തിക ബാദ്ധ്യത ഉണ്ടായിട്ടുണ്ടാ ; വിശദാംശങ്ങള്‍ വെളിപ്പെടുത്തുമോ ;

(ഡി)	കഴിഞ്ഞ സാമ്പത്തിക വര്‍ഷം കോര്‍പ്പറേഷന്റെ ലാഭം എത്രയാണെന്ന് വ്യക്തമാക്കുമോ ;

(ഇ)	പ്രൈവറ്റ് കരാറുകാര്‍ക്ക് ആനുകൂല്യം നല്‍കുന്നതിനായി കോര്‍പ്പറേഷന്റെ നിയമത്തില്‍ ഭേദഗതി വരുത്തിയത് കോര്‍പ്പറേഷനെ നഷ്ടത്തിലാക്കുമെന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(എഫ്)

കോര്‍പ്പറേഷന് നല്‍കാറുള്ള 10% വേരിയേഷന്‍ നിറുത്തലാക്കിയത് കൊണ്ട് സര്‍ക്കാരിന് എന്തു ലാഭം ഉണ്ടായിയെന്ന് വ്യക്തമാക്കുമോ ?

നിയോജക മണ്ഡലം ആസ്തി വികസന ഫണ്ടില്‍ ഉള്‍പ്പെടുത്തിയ പുനലൂര്‍ നിയോജകമണ്ഡലത്തിലെ പ്രവൃര്‍ത്തികള്‍

1290.

ശ്രീ.കെ.രാജു : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)

പുനലൂര്‍ നിയോജകമണ്ഡലത്തില്‍ എം.എല്‍.എ. നിയോജക മണ്ഡലം ആസ്തി വികസന ഫണ്ടില്‍ ഉള്‍പ്പെടുത്തി നാളിതുവരെ മരാമത്തു വകുപ്പുമായി ബന്ധപെട്ട ഏതെല്ലാം പ്രവൃര്‍ത്തികള്‍ക്ക് ഭരണാനുമതി ലഭിച്ചുവെന്നും ലഭിച്ച പ്രവൃര്‍ത്തികളിന്മേല്‍ ഇതുവരെ സ്വീകരിക്കപ്പെട്ട നടപടികള്‍ എന്താണെന്നും ബില്‍ഡിംഗ്സ് റോഡ്സ് വിഭാഗങ്ങള്‍ വേര്‍തിരിച്ച് ലഭ്യമാക്കുമോ ?

ജില്ലാ റോ‍ഡുകളുടെ അറ്റകുറ്റപ്പണികള്‍

1291.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയില്‍ പൊതുമരാമത്ത് വകുപ്പിന്റെ കീഴിലുള്ള മേജര്‍ ജില്ലാ റോ‍ഡുകളുടെ അറ്റകുറ്റപ്പണികള്‍ നടത്തുന്നതിനുവേണ്ടി 2014-15 വര്‍ഷം എത്ര തുക അനുവദിച്ചിട്ടുണ്ടെന്നും ഇവയില്‍ ഓരോ നിയോജക മണ്ഡലത്തിലും എത്ര തുകയുടെ ഏതെല്ലാം പ്രവൃത്തികള്‍ക്കാണ് അനുമതി നല്‍കിയിട്ടുള്ളതെന്നും വിശദമാക്കാമോ ;

(ബി)	പുതുതായി ഏതെല്ലാം പ്രൊപ്പോസലുകളാണ് ചീഫ് എഞ്ചിനീയറുടെ അനുമതിക്കുവേണ്ടി അയച്ചിട്ടുള്ളതെന്ന് നിയോജകമണ്ഡലം അടിസ്ഥാനത്തില്‍ വിശദമാക്കാമോ ?

പെരുമണ്‍ പാലം നിര്‍മ്മാണം

1292.

ശ്രീ.പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയിലെ പെരുമണ്‍ പാലത്തിന് ആവശ്യമായ ഭൂമി ഏറ്റെടുക്കുന്നതിനുള്ള നടപടിയുടെ ഇപ്പോഴത്തെ സ്ഥിതി വിശദമാക്കുമോ;

(ബി)	ഇതിനാവശ്യമായ തുക എത്രയെന്ന് കണക്കാക്കിയിട്ടുണ്ടോ; ഉണ്ടെങ്കില്‍ എത്രയെന്നറിയിക്കാമോ; ഇതിനാവശ്യമായ തുക വകയിരുത്തിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ;

(സി)	പൊതുമരാമത്ത് വകുപ്പിന്റെ ഷെഡ്യൂള്‍ ഓഫ് റേറ്റ്സ് പ്രകാരം ഇപ്പോഴത്തെ എസ്റ്റിമേറ്റ് തുക എത്രയെന്നറിയിക്കാമോ;

(ഡി)	പാലത്തിന്റെ കരാര്‍ ഏറ്റെടുത്ത കണ്‍സ്ട്രക്ഷന്‍ കോര്‍പ്പറേഷന്‍ നിരുത്തരവാദപരമായ സമീപനം സ്വീകരിച്ചു എന്ന വിവരം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ സ്വീകരിച്ച നടപടി വിശദമാക്കുമോ?

ചെല്ലഞ്ചി പാലം നിര്‍മ്മാണം

1293.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജക മണ്ഡലത്തിലെ ചെല്ലഞ്ചി പാലത്തിന്റെ നിര്‍മ്മാണം ആരംഭിച്ചത് എന്നാണെന്ന് അറിയിക്കുമോ;

(ബി)	ഇൗ പാലത്തിന്റെ നിര്‍മ്മാണം എത്ര ശതമാനം പൂര്‍ത്തിയായി എന്നും ഇപ്പോഴത്തെ അവസ്ഥ എന്താണെന്നും വിശദമാക്കുമോ;

(സി)	ചെലഞ്ചി പാലത്തിന്റെ നിര്‍മ്മാണം ഏറ്റെടുത്തിരുന്ന കേരളാ സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷന്‍ ഇൗ പ്രവൃത്തി സമയബന്ധിതമായി പൂര്‍ത്തിയാക്കുന്നതില്‍ വീഴ്ച വരുത്തിയതായി ശ്രദ്ധയില്‍പ്പെട്ടിട്ടുണ്ടോ ;

(ഡി)	കെ .എസ് . സി .സി . പ്രസ്തുത നിര്‍മ്മാണ പ്രവ്യത്തിയുടെ കരാര്‍ലംഘനം നടത്തിയിട്ടുണ്ടോ; എങ്കില്‍ ഇതിനെതിരെ എന്തു നടപടിയാണ് സ്വീകരിച്ചതെന്ന് വിശദമാക്കുമോ;

(ഇ)	ചെല്ലഞ്ചി പാലത്തിന്റെ നിര്‍മ്മാണം പൂര്‍ത്തിയാക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് അറിയിക്കുമോ;

(എഫ്)

ഇൗ പാലത്തിന്റെ നിര്‍മ്മാണം എന്ന് പൂര്‍ത്തീകരിക്കാന്‍ സാധിക്കുമെന്നറിയിക്കുമോ?

കാസർഗോഡ്‌ ജില്ലയിലെ പൊതുമരാമത്ത് വകുപ്പ് ഏറ്റെടുത്ത റോഡുകൾ

1294.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം കാസര്‍ഗോഡ് ജില്ലയില്‍ എത്ര റോഡുകള്‍ പൊതുമരാമത്ത് വകുപ്പ് ഏറ്റെടുത്തിട്ടുണ്ടെന്നും അവ ഏതെന്നും മണ്ഡലം തിരിച്ച് വ്യക്തമാക്കാമോ?

പുളിമാത്ത് പോലീസ് മുക്ക് - കങ്കിയാംവിള റോഡ്

1295.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ നിയോജകമണ്ഡലത്തിലെ പുളിമാത്ത് ഗ്രാമപഞ്ചായത്തിലുള്‍പ്പെട്ട പോലീസ് മുക്ക് - കങ്കിയാംവിള റോഡ് പാെതുമരാമത്ത് വകുപ്പ് ഏറ്റെടുത്തു നവീകരിക്കുവാനുളള ശുപാര്‍ശയിൻ മേല്‍ എന്തെല്ലാം നടപടി സ്വീകരിച്ചിട്ടുണ്ടെന്ന് വിശദമാക്കാമോ;

(ബി)	പ്രസ്തുത റോഡ് നടപ്പ് സാമ്പത്തിക വര്‍ഷം തന്നെ നവീകരിക്കാന്‍ നടപടി സ്വീകരിക്കാമോ?

പൊതുമരാമത്ത് നിരത്ത്-കെട്ടിട വിഭാഗങ്ങള്‍ ഏറ്റെടുത്ത പ്രവർത്തികൾ

1296.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തില്‍ എം.എല്‍.എ.യുടെ ആസ്തിവികസന പദ്ധതിയില്‍ ഉള്‍പ്പെടുത്തി നാളിതുവരെ പൊതുമരാമത്ത് നിരത്ത്-കെട്ടിട വിഭാഗങ്ങള്‍ ഏറ്റെടുത്ത പ്രവർത്തികളുടെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പ്രവൃത്തികളുടെ നിലവിലെ സ്ഥിതി എന്തെന്ന് വിശദമാക്കുമോ ;

(സി)	ഭരണാനുമതി ലഭിച്ചിട്ടില്ലാത്ത പ്രവർത്തികളുടെ വിശദാംശങ്ങള്‍ ലഭ്യമാക്കുമോ;

(ഡി)	ഭരണാനുമതി ലഭിച്ചിട്ടും ഹെഡ് ഓഫ് അക്കൗണ്ട് പ്രവർത്തിപ്പിക്കാന്‍ കഴിയാത്തവയുടെ വിശദാംശങ്ങള്‍ അറിയികുമോ ;

(ഇ)	പ്രസ്തുത പ്രവർത്തി ആരംഭിക്കുന്നതിന് സ്വീകരിച്ച നടപടികളും വ്യവസായ വകുപ്പിന് നല്‍കിയ കത്തിന്റെ പകര്‍പ്പും ഫയല്‍ നമ്പരും ലഭ്യമാക്കുമോ?

കൊല്ലങ്കോട്- പുതുനഗരം റോഡ് ബി.എം. & ബി.സി. ആയി ഉയർത്തുന്നത്

1297.

ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	നെന്മാറ നിയോജക മണ്ഡലത്തിലെ രണ്ട് പ്രധാന സംസ്ഥാന പാതകളെ ബന്ധിപ്പിക്കുന്ന കൊല്ലങ്കോട്- പുതുനഗരം റോഡ് ബി.എം. & ബി.സി. ആയി ഉയര്‍ത്തേണ്ടതിന്റെ ആവശ്യകത സംബന്ധിച്ച് വിവരം ലഭിച്ചിട്ടുണ്ടോ;

(ബി)	പ്രസ്തുത റോഡ് 0/000 മുതല്‍ 4/700 വരെ ബി.എം. & ബി.സി. ചെയ്യുന്നതിന് ഭരണാനുമതി ലഭിച്ചിട്ടള്ളതിനാല്‍ അവശേഷിക്കുന്ന ഭാഗത്തിന് കൂടി ഭരണാനുമതി നല്‍കി റോഡ് പണി ഒരുമിച്ച് പൂര്‍ത്തീകരിക്കാന്‍ ആവശ്യമായ നടപടി സ്വീകരിക്കുമോ?

കരുനാഗപ്പള്ളി മണ്ഡലത്തില്‍ പൊതുമരാമത്ത് വകുപ്പു വഴി നടപ്പിലാക്കിയ പ്രവൃത്തികള്‍

1298.

ശ്രീ.സി.ദിവാകരന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)

ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പു വഴി ഏതെല്ലാം പ്രവൃത്തികള്‍ ആണ് കരുനാഗപ്പള്ളി മണ്ഡലത്തില്‍ നടപ്പിലാക്കിയതെന്നുംഓരോന്നിനും എത്ര തുകയാണ് ചെലവഴിച്ചതെന്നും ഇവിടെ ഏതെല്ലാം പ്രവൃത്തികള്‍ പൂര്‍ത്തീകരിച്ചതെന്നും ബാക്കിയുള്ളവ എന്നത്തേയ്ക്ക് പൂര്‍ത്തീകരിക്കാന്‍ കഴിയുമെന്നും അറിയിക്കാമോ?

തൂതപ്പുഴയില്‍ കരിപാമണ്ണയില്‍ പാലം

1299.

ശ്രീ.എം. ഹംസ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഒറ്റപ്പാലം നിയോജക മണ്ഡലത്തിലെ ശ്രീകൃഷ്ണപുരം, കരിമ്പുഴ എന്നീ ഗ്രാമപഞ്ചായത്തുകളെ ബന്ധിപ്പിച്ച് തൂതപ്പുഴയില്‍ കരിപാമണ്ണയില്‍ പാലം നിര്‍മ്മിക്കുവാന്‍ സര്‍ക്കാര്‍ തീരുമാനിച്ചിട്ടുണ്ടോ എന്നറിയിക്കുമോ;

(ബി)	ഉണ്ടെങ്കിൽ എത്ര രൂപയുടെ എസ്റ്റിമേറ്റാണ് തയ്യാറാക്കിയിട്ടുള്ളത് എന്ന് വ്യക്തമാക്കാമോ ;

(സി)	ഇതിനു ഭരണാനുമതി നല്കിയിട്ടുണ്ടോ എന്ന് വ്യക്തമാക്കാമോ ?

(ഡി)	പാലത്തിന്റെ നിര്‍മ്മാണ പ്രവര്‍ത്തനങ്ങള്‍ എന്ന് ആരംഭിക്കുവാന്‍ കഴിയും എന്നതിന്റെ വിശദാംശം നല്‍കാമോ ?

വണ്ണാത്തിക്കടവ് പാലം

1300.

ശ്രീ.ടി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ വണ്ണാത്തിക്കടവ് പാലം നിര്‍മ്മിക്കുന്നതിന് പൊതുമരാമത്ത് വകുപ്പ് എന്തൊക്കെ നടപടികളാണ് സ്വീകരിച്ചിട്ടുള്ളത് എന്നും ഡിസൈന്‍ നടപടികള്‍ പൂര്‍ത്തിയാക്കി ഫണ്ട് ലഭ്യമാക്കാന്‍ നടപടി സ്വീകരിക്കുമോ എന്നും വ്യക്തമാക്കാമോ ?

ശ്രീശങ്കരാചാര്യ സമാന്തര പാലത്തിന്റെ നിര്‍മ്മാണം

1301.

ശ്രീ.ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)

കാലടിയിലെ ശ്രീശങ്കരാചാര്യ സമാന്തരപാലത്തിന്റെ നിര്‍മ്മാണം സംബന്ധിച്ച് 24.9.2014-ല്‍ മുഖ്യമന്ത്രിയുടെ അദ്ധ്യക്ഷതയില്‍ ചേര്‍ന്ന യോഗ തീരുമാനപ്രകാരം കാലടി ടൗണിനെ ബൈപ്പാസ് ചെയ്ത് മറ്റൂരിര്‍ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തിലേയ്ക്കുള്ള റോഡില്‍ ചേര്‍ക്കുവാന്‍ തക്കവണ്ണം അലൈന്‍മെന്റ് പുനക്രമീകരിക്കുന്നതില്‍ നേരിടുന്ന കാലതാമസത്തിന് കാരണം വിശദമാക്കാമോ;

(ബി)	ഈ അലൈന്‍മെന്റ് പുനക്രമീകരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)	നിര്‍ദ്ദിഷ്ട പാലത്തിന്റെയും അപ്രോച്ച് റോഡിന്റെയും വിശദമായ സ്ഥലവില ഉള്‍പ്പെടെയുള്ള പ്രൊജക്ട് റിപ്പോര്‍ട്ട് പുതുക്കിയ ഭരണാനുമതിക്കായി സമര്‍പ്പിച്ചിട്ടുണ്ടോയെന്നും പുതുക്കിയ തുക എത്രയെന്നും വ്യക്തമാക്കാമോ;പ്രൊജക്ട് റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ;

(ഡി)	നിര്‍ദ്ദിഷ്ട പാലത്തിന്റെ നിര്‍മ്മാണത്തിനായി കാലടി ഭാഗത്തും പെരുമ്പാവൂര്‍ ഭാഗത്തും ആവശ്യമായ ഭൂമി ഡയറക്ട് പര്‍ച്ചേസ് വഴി ഉടന്‍ ഏറ്റെടുക്കുന്നതിനുള്ള നിര്‍ദ്ദേശം മന്ത്രിസഭായോഗത്തിന്റെ അനുമതിക്ക് സമര്‍പ്പിച്ചിട്ടുണ്ടോ;

(ഇ)	ഇതിന് അനുമതി ലഭിച്ചിട്ടുണ്ടോ; ഇല്ലെങ്കില്‍ ഇതിനായി എന്തെല്ലാം നടപടികളാണ് പൂര്‍ത്തീകരിക്കാനുള്ളതെന്ന് വിശദമാക്കാമോ?

റോഡ് വികസനം

1302.

ശ്രീ.സി.പി.മുഹമ്മദ്
,, ഹൈബി ഈഡന്‍
,, ടി.എന്‍. പ്രതാപന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	രാഷ്ട്രത്തിന്റെ സാമ്പത്തിക പുരോഗതിക്ക് റോഡ് വികസനം മുഖ്യപങ്ക് വഹിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	കേരളത്തെ ഏറ്റവും മികച്ച സംസ്ഥാനമാക്കി മാറ്റുന്നതിന് റോഡ് വികസനത്തിന് മുന്തിയ പരിഗണന നല്‍കുമോ;

(സി)	റോഡ് പണിക്ക് എ.എം.സി. നിലവിലുണ്ടോയെന്ന് വിശദമാക്കുമോ;

(ഡി)	റോഡുകള്‍ കുറ്റമറ്റ രീതിയില്‍ സംരക്ഷിക്കുന്നതിനുള്ള സ്ഥിരം സംവിധാനത്തിന്റെ കാര്യത്തിൽ ബന്ധപ്പെട്ട ഉദ്യോഗസ്ഥരെ ഉത്തരവാദപ്പെട്ടവരാക്കാന്‍ നടപടി സ്വീകരിക്കുമോ; വിശദാംശം നല്‍കാമോ?

റോഡ് യൂസര്‍ പെര്‍സപ്ഷന്‍ സര്‍വ്വെ

1303.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡ് യൂസര്‍ പെര്‍സപ്ഷന്‍ സര്‍വ്വെ നടത്തിയിട്ടുണ്ടോ ; എങ്കിൽ വിശദമാക്കുമോ ;

(ബി)	പ്രസ്തുത സര്‍വ്വെയുടെ അന്തിമ റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കിൽ വിശദമാക്കുമോ ;

(സി)	സര്‍വ്വെയിലെ പ്രധാന കണ്ടെത്തലുകള്‍ എന്തെല്ലാമെന്ന് വ്യക്തമാക്കുമോ?

നേമം നിയോജക മണ്ഡലത്തില്‍ നിർമ്മിക്കുന്ന പാലങ്ങള്‍

1304.

ശ്രീ.വി.ശിവന്‍കുട്ടി : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജക മണ്ഡലത്തില്‍ നിര്‍മ്മിക്കാനുദ്ദേശിക്കുന്ന പാലങ്ങള്‍ ഏതൊക്കെയാണെന്നും അവയില്‍ ഓരോന്നിന്റെയും നിര്‍മ്മാണ പുരോഗതി എന്താണെന്നും വിശദമാക്കുമോ?

കേരള സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷന്‍

1305.

ശ്രീ.പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കേരള സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷന്‍ ലാഭത്തിലാണോ പ്രവര്‍ത്തിക്കുന്നത്;

(ബി)	കഴിഞ്ഞ സാമ്പത്തിക വര്‍ഷത്തെ ലാഭം എത്രയായിരുന്നു;

(സി)	മുന്‍ വര്‍ഷങ്ങളില്‍ നഷ്ടത്തിലായിരുന്ന കേരള സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷനെ ലാഭത്തിലെത്തിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത് ; വ്യക്തമാക്കാമോ;

(ഡി)	ധനകാര്യ വകുപ്പില്‍ നിന്ന് എന്തൊക്കെ ആനുകൂല്യങ്ങളാണ് കണ്‍സ്ട്രക്ഷന്‍ കോര്‍പ്പറേഷന് നല്‍കി വന്നിരുന്നത് ; അവ ഇപ്പോഴും നൽകുന്നുണ്ടോ; വിശദാംശം നല്‍കാമോ;

(ഇ)	നല്‍കി വന്നിരുന്ന ആനുകൂല്യങ്ങള്‍ നൽകാതിരുന്നാൽ ഈ സ്ഥാപനം നഷ്ടത്തിലാകുമെന്ന വസ്തുത ശ്രദ്ധയില്‍പ്പെട്ടിട്ടുണ്ടോ; ഇത് കണക്കിലെടുത്ത് എന്തൊക്കെ നടപടികള്‍ സ്വീകരിക്കുമെന്ന് വിശദമാക്കുമോ?

കേരള സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷന്‍ നിലനിര്‍ത്താന്‍ നടപടി

1306.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കേരള സ്റ്റേറ്റ് കണ്‍സ്ട്രക്ഷന്‍ കോര്‍പ്പറേഷന്‍ രൂപീകരിച്ചത് എന്നാണ്; ഇതിന്റെ ഉദ്ദേശ്യലക്ഷ്യങ്ങള്‍ എന്തൊക്കെയാണെന്ന് വിശദമാക്കാമോ;

(ബി)	സര്‍ക്കാര്‍ നിയന്ത്രണത്തിലുളള ഒരു സംവിധാനം എന്ന നിലയില്‍ പ്രസ്തുത സ്ഥാപനത്തിന് ടെണ്ടറില്‍ പങ്കെടുക്കുന്നതിനും ചെയ്ത പ്രവര്‍ത്തികളുടെ പണം നല്‍കുന്നതിനും എന്തൊക്കെ ആനുകൂല്യങ്ങളാണ് നല്‍കി വരുന്നതെന്ന് വിശദമാക്കാമോ;

(സി)	പ്രസ്തുത ആനുകൂല്യങ്ങള്‍ ഇപ്പോള്‍ നല്‍കി വരുന്നുണ്ടോ; ഇല്ലെങ്കില്‍ ആയത് നിർത്തലാക്കുവാൻ ഉണ്ടായ കാരണങ്ങള്‍ വിശദമാക്കാമോ;

(ഡി)	പ്രസ്തുത ആനുകൂല്യങ്ങള്‍ ഒഴിവാക്കുക മൂലം പൊതുമരാമത്ത് പ്രവര്‍ത്തികളില്‍ സ്വകാര്യ കരാറുകാര്‍ നടത്തുന്ന അധിക സാമ്പത്തിക ബാധ്യതക്ക് തടയിടാന്‍ ഫലപ്രദമായ ഇടപെടല്‍ നടത്തുന്ന സര്‍ക്കാര്‍ നിയന്ത്രിത സ്ഥാപനം ഇല്ലാതാകുമെന്ന വിഷയം പരിശോധിച്ചിട്ടുണ്ടോ;

(ഇ)	എങ്കില്‍ കെ.എസ്.സി.സി.യെ ഇൗ മേഖലയില്‍ നിലനിര്‍ത്തുന്നതിന് ആനുകൂല്യങ്ങള്‍ പുനസ്ഥാപിച്ചു നല്‍കുന്നതിനുളള നടപടി സ്വീകരിക്കുമോ; വിശദാംശങ്ങള്‍ അറിയിക്കാമോ?

നേമം നിയോജകമണ്ഡലത്തിലെ റോഡ് നിര്‍മ്മാണപുരോഗതി

1307.

(എ)	നേമം നിയോജകമണ്ഡലത്തിലെ പുത്തന്‍പള്ളി റോഡ്, വീജയമോഹിനി മില്‍, മുടവന്‍മുഗള്‍ റോഡ്, കരുമം-തിരുവല്ലം റോഡ് എന്നിവയുടെ നിര്‍മ്മാണപുരോഗതി വിശദമാക്കാമോ;

അയിലം പാലം

1308.

(എ)	അയിലം പാലം നിര്‍മ്മാണം ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കാമോ; നിര്‍മ്മാണം എന്നാണ് ആരംഭിച്ചതെന്നും എന്നത്തേക്ക് പൂര്‍ത്തിയാക്കാനാണ് തീരുമാനിച്ചിട്ടുള്ളതെന്നും വിശദമാക്കാമോ;

(ബി)	ബഹു. പൊതുമരാമത്ത് വകുപ്പ് മന്ത്രി പ്രഖ്യാപിച്ചിരുന്ന നാനൂറ് ദിവസത്തിനുള്ളില്‍ പൂര്‍ത്തിയാക്കുന്ന നൂറ് പാലങ്ങളില്‍ അയിലം പാലം ഉള്‍പ്പെടുത്തിയിട്ടുണ്ടോ; ഇല്ലെങ്കില്‍ ഉള്‍പ്പെടുത്തുന്നതിനും പണി പൂര്‍ത്തീകരിക്കുന്നതിനും നടപടി സ്വീകരിക്കാമോ?

ആസ്തി വികസന ഫണ്ട് ഉപയോഗിച്ചുളള പ്രവൃത്തികളുടെ കാലതാമസം

1309.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആസ്തി വികസന ഫണ്ട് ഉപയോഗിച്ച് പൊതുമരാമത്ത് വകുപ്പ് നടത്തുന്ന പ്രവൃത്തികളുടെ നിര്‍വ്വഹണത്തില്‍ ഉണ്ടാകുന്ന കാലതാമസം ശ്രദ്ധയില്‍പെട്ടിട്ടുണ്ടോ;

(ബി)	ഇതു പരിഹരിക്കുന്നതിനുള്ള നടപടികള്‍ സ്വീകരിക്കുമോ?

കേളകം അടക്കാത്തോട് റോഡ്

1310.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പേരാവൂര്‍ നിയോജക മണ്ഡലത്തിലെ ഇരിട്ടി പൊതുമരാമത്ത് വകുപ്പ് സെക്ഷന്റെ കീഴിലുള്ള കേളകം അടക്കാത്തോട് റോഡിന്റെ നവീകരണത്തിന് നാല് വര്‍ഷത്തിനുള്ളില്‍ ഫണ്ട് അനുവദിച്ച് ഭരണാനുമതി നല്‍കിയിട്ടുണ്ടോ; ഉണ്ടെങ്കില്‍ ആയതിന്റെ പുരോഗതി വ്യക്തമാക്കാമോ;

(ബി)	റോഡ് പ്രവൃത്തി ഇതു വരെ ആരംഭിച്ചിട്ടില്ലങ്കില്‍ എന്ത് കാരണത്താലാണ് പ്രവൃത്തി ആരംഭിക്കാന്‍ കഴിയാത്തത്;

(സി)	റോഡ് പ്രവൃത്തി എത്രയും വേഗത്തില്‍ ആരംഭിക്കുന്നതിനാവശ്യമായ നടപടികള്‍ സ്വീകരിക്കുമോ?

ടാര്‍ ലഭിക്കുന്നില്ലെന്നുള്ള പരാതി

1311.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ടാര്‍ ലഭിക്കുന്നില്ലെന്നുള്ള പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ;

(ബി)	ടാര്‍ ക്ഷാമം രൂക്ഷമാകുവാന്‍ കാരണമായത്എന്താണെന്ന കാര്യം പരിശോധിച്ചിട്ടുണ്ടോ; എങ്കില്‍ വിശദാംശം നല്‍കുമോ?

സ്പീഡ് കേരള പദ്ധതി

1312.

ശ്രീ.തേറമ്പില്‍ രാമകൃഷ്ണന്‍
,, വി.പി.സജീന്ദ്രന്‍
,, എം.എ. വാഹീദ്
,, പാലോട് രവി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സ്പീഡ് കേരള പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കുമോ;

(ബി)	പ്രസ്തുത പദ്ധതി നടപ്പാക്കുന്നതിനായി മിഷന്‍ 676‌ ല്‍ എന്തെല്ലാം കാര്യങ്ങളാണ് ഉള്‍കൊള്ളിച്ചിട്ടുള്ളതെന്ന് വിശദമാക്കുമോ;

(സി)	ഏതെല്ലാം തരം നിര്‍മ്മാണ പ്രവര്‍ത്തനങ്ങളും അടിസ്ഥാന സൗകര്യ വികസനവും നടത്താനാണ് പ്രസ്തുത പദ്ധതിയില്‍ ലക്ഷ്യമിട്ടിരിക്കുന്നതെന്ന് വിശദമാക്കുമോ;

(ഡി)	പ്രസ്തുത പദ്ധതി നടപ്പാക്കാന്‍ എന്തെല്ലാം സംവിധാനങ്ങള്‍ ഒരുക്കിയിട്ടുണ്ട്; വിശദാംശങ്ങള്‍ എന്തെല്ലാം?

ഉപരിതല ഗതാഗത വികസനം

1313.

ശ്രീ.ടി.എന്‍. പ്രതാപന്‍
,, ലൂഡി ലൂയിസ്
,, എം.പി.വിന്‍സെന്‍റ്
,, പി.എ.മാധവന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മിഷന്‍ 676 അനുസരിച്ച് ദേശീയപാത ഉള്‍പ്പെടെയുള്ള ഉപരിതല ഗതാഗത വികസനത്തിന് എന്തെല്ലാം കര്‍മ്മപദ്ധതികള്‍ തയ്യാറാക്കിയിട്ടുണ്ട്; വിശദവിവരം ലഭ്യമാക്കുമോ;

(ബി)	പദ്ധതികളുടെ രൂപരേഖ തയ്യാറാക്കിയിട്ടുണ്ടോ; വിശദാംശങ്ങള്‍ എന്തെല്ലാം;

(സി)	പദ്ധതി നിര്‍വ്വഹണത്തിനായുള്ള ടെന്‍ഡര്‍ നടപടികള്‍ ഏത് ഘട്ടത്തിലാണെന്ന് വ്യക്തമാക്കാമോ;

(ഡി)	പദ്ധതി നിര്‍വ്വഹണത്തിന് ഭരണതലത്തില്‍ സ്വീകരിച്ച നടപടികള്‍ വിശദമാക്കുമോ;

ലൈറ്റ് മെട്രോ പദ്ധതി

T 1314.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ലൈറ്റ് മെട്രോ പദ്ധതി നടപ്പിലാക്കുന്നതിന് തടസ്സങ്ങളെന്തെങ്കിലും നിലവിലുണ്ടോ;

(ബി)	ഏത് രീതിയിലാണ് പദ്ധതി നടപ്പിലാക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

(സി)	പദ്ധതി നടത്തിപ്പ് സംബന്ധിച്ച് ആസൂത്രണബോര്‍ഡിന്റെ ശുപാര്‍ശ എന്താണ്;

(ഡി)	പദ്ധതി നടത്തിപ്പിനായി പഠനറിപ്പോര്‍ട്ടുകള്‍ സമര്‍പ്പിച്ചിട്ടുള്ളത് ആരൊക്കെയാണ് ;

(ഇ)	പദ്ധതി യാഥാര്‍ത്ഥ്യമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

കൊല്ലം ബൈപാസ്സ് നിര്‍മ്മാണം

1315.

(എ)	കൊല്ലം ബൈപാസ്സ് നിര്‍മ്മാണത്തിന്റെ ഇപ്പോഴത്തെ സ്ഥിതി വിശദമാക്കുമോ;

(ബി)	കേന്ദ്രഗതാഗത മന്ത്രാലയം ടെണ്ടര്‍ അംഗീകരിച്ചോ; എങ്കില്‍ വിശദാംശം ലഭ്യമാക്കുമോ;

(സി)	പ്രസ്തുത പ്രവൃത്തിക്ക് വരുന്ന തുക എത്രയെന്നും നിര്‍മ്മാണ പ്രവൃത്തി എന്നാരംഭിക്കുമെന്നും അറിയിക്കാമോ?

തരൂര്‍ മണ്ഡലത്തിലെ അത്തിപ്പൊറ്റപ്പാലം പുനര്‍നിര്‍മ്മാണ നടപടികള്‍

1316.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തരൂര്‍ മണ്ഡലത്തിലെ അത്തിപ്പൊറ്റപ്പാലം പുനര്‍നിര്‍മ്മാണ നടപടികള്‍ ഇപ്പോള്‍ ഏത് ഘട്ടത്തിലാണെന്നു വിശദീകരിക്കാമോ;

(ബി)	എന്നാണ് പാലം നിര്‍മ്മാണത്തിന് ഭരണാനുമതി ലഭിച്ചത്, എത്ര രൂപയു ടേതായിരുന്നു അനുമതി, ഇതിനുശേഷം എത്ര പ്രാവശ്യം എസ്റ്റിമേറ്റ് തുക പുതുക്കി, ഏറ്റവും പുതിയ എസ്റ്റിമേറ്റ് എത്ര തുകയാണ്എന്നിവ സംബന്ധിച്ച വിവരങ്ങൾ അറിയിക്കാമോ;

(സി)	പാലം നിര്‍മ്മാണത്തിന് ആവശ്യമായ സ്ഥലം ലഭിച്ചിട്ടുണ്ടോ; എങ്കില്‍ ഇത് എങ്ങനെയാണ് ലഭ്യമായത് എന്ന് വ്യക്തമാക്കാമോ;

(ഡി)	പുതിയ എസ്റ്റിമേറ്റ് ഭരണാനുമതിക്കായി എന്നാണ് സര്‍ക്കാരില്‍ ലഭിച്ചത്; ഇതിന് അനുമതി നല്‍കിയോ; ഇല്ലെങ്കില്‍ കാരണം വ്യക്തമാക്കുമോ?

(ഇ)	വര്‍ഷം തോറും എസ്റ്റിമേറ്റ് പുതുക്കുകയും എന്നാല്‍ പ്രസ്തുത എസ്റ്റിമേറ്റിന് ഭരണാനുമതി നല്‍കാതിരിക്കുകയും ചെയ്യുന്നതിന്റെ കാരണം വ്യക്തമാക്കുമോ?

(എഫ്)

അപകടാവസ്ഥയിലായ പാലം പുനര്‍നിര്‍മ്മിക്കാന്‍ അടിയന്തിരമായി സ്വീകരിക്കാന്‍ പോകുന്ന നടപടികള്‍ എന്തൊക്കെയാണെന്നു വ്യക്തമാക്കുമോ?

കൊല്ലം നഗരപരിധിയിലെ റോഡുകളുടെ നവീകരണം

1317.

(എ)	കൊല്ലം നഗരപരിധിയിലെ റോഡുകളുടെ നവീകരണത്തിനായി ഏതെല്ലാം റോഡുകളെ ഉള്‍പ്പെടുത്തിയാണ് 8735 ലക്ഷം രൂപയുടെ എസ്റ്റിമേറ്റ് തയ്യാറാക്കിയിട്ടുള്ളത് ; ഓരോ റോഡിനും വരുന്ന എസ്റ്റിമേറ്റ് തുക എത്ര ;

(ബി)	2015-2016 സാമ്പത്തിക വര്‍ഷം പ്രസ്തുത റോഡുകളുടെ നവീകരണത്തിന് വേണ്ടി ഫണ്ട് അനുവദിക്കാന്‍ നടപടി സ്വീകരിച്ചിട്ടുണ്ടോ ; ഉണ്ടെങ്കില്‍ വിശദാംശം ലഭ്യമാക്കുമോ ?

കൊല്ലം-മുപുകുന്ന് റെയില്‍വേ മേല്‍പാലം

1318.

ശ്രീ.കെ. ദാസന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കൊയിലാണ്ടി മണ്ഡലത്തില്‍ കൊല്ലം-മുചുകുന്ന് റെയില്‍വേ മേല്‍പാലം നിര്‍മ്മിക്കുന്നതിനുള്ള നടപടികള്‍ ഏതുവരെയായി എന്ന് വിശദമാക്കാമോ?

സ്പീ‍ഡ് കേരളാ പരിപാടി

1319.

ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സ്പീ‍ഡ് കേരളാ പരിപാടിയില്‍ ഉള്‍പ്പെടുത്തിയിട്ടുള്ള 23 പദ്ധതികള്‍ ഏതെല്ലാമെന്ന് അറിയിക്കാമോ;

(ബി)	ഇതിന്റെ ഭാഗമായി ഭരണാനുമതി നല്‍കിയ പദ്ധതികള്‍ ഏതെല്ലാമാണ് എന്നും ബാക്കി പദ്ധതികള്‍ക്ക് എന്നത്തേക്ക് ഭരണാനുമതി നല്‍കാനാകും എന്നും ഭരണാനുമതി നല്‍കിയ പദ്ധതികളില്‍ പ്രവര്‍ത്തനം ആരംഭിച്ച പദ്ധതികള്‍ ഏതെല്ലാം എന്നും വെളിപ്പെടുത്താമോ;

(സി)	ഏതെല്ലാം നിര്‍മ്മാണ പ്രവര്‍ത്തനങ്ങളും അടിസ്ഥാന സൗകര്യങ്ങളും നടത്താനാണ് ഈ പരിപാടിയില്‍ ലക്ഷ്യമിട്ടിട്ടുള്ളതെന്ന് വെളിപ്പെടുത്താമോ;

(ഡി)	പരിപാടിയില്‍ പദ്ധതികൾ ഉള്‍പ്പെടുത്താന്‍ സ്വീകരിച്ച മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കാമോ;

(ഇ)	ഇത്തരം മാനദണ്ഡം ഉള്ള സ്ഥലങ്ങളെ പദ്ധതിയില്‍ നിന്നും ഒഴിവാക്കിയിട്ടുണ്ടോ എങ്കില്‍ ഒഴിവാക്കാനുള്ള കാരണം വിശദീകരിക്കാമോ?

ചേലക്കര നിയോജക മണ്ഡലത്തിലെ കെട്ടിട നിര്‍മ്മാണ പ്രവര്‍ത്തികള്‍.

1320.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര നിയോജക മണ്ഡലത്തില്‍ പൊതുമരാമത്ത് വകുപ്പിനു കീഴില്‍ നടന്നുവരുന്ന വിവിധ കെട്ടിട നിര്‍മ്മാണ പ്രവര്‍ത്തനങ്ങളുടെ വിശദാംശങ്ങള്‍ ലഭ്യമാക്കാമോ;

(ബി)	ഇവ ഓരോന്നും എന്നാണാരംഭിച്ചതെന്നും ഭരണാനുമതി തുക എത്രയാണെന്നും അറിയിക്കുമോ;

(സി)	ഇവയില്‍ മുടങ്ങിക്കിടക്കുന്ന പണികള്‍ ഏതെല്ലാമാണെന്നും അവയുടെ നിര്‍മ്മാണം മുടങ്ങുവാനുണ്ടായ കാരണങ്ങളും വ്യക്തമാക്കാമോ;

(ഡി)	നിര്‍മ്മാണം മുടങ്ങിയവയുടെ പണി പുനരാരംഭിക്കുവാന്‍ സ്വീകരിച്ച നടപടികള്‍ വിശദമാക്കാമോ;

(ഇ)	ഇവയില്‍ ഓരോ പ്രവൃത്തിയും എപ്പോള്‍ പൂര്‍ത്തിയാക്കാന്‍ കഴിയുമെന്ന് വ്യക്തമാക്കാമോ?

താനൂര്‍ നിയോജക മണ്ഡലത്തില്‍ ആസ്തി വികസന ഫണ്ടിലുള്‍പ്പെടുത്തി നടപ്പിലാക്കുന്ന പ്രവൃത്തികള്‍

1321.

ശ്രീ.അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	താനൂര്‍ നിയോജക മണ്ഡലത്തില്‍ ഈ സാമ്പത്തിക വര്‍ഷത്തെ ആസ്തി വികസന ഫണ്ടിലുള്‍പ്പെടുത്തിയ റോഡ്, സ്കൂള്‍ കെട്ടിട നിര്‍മ്മാണ പ്രവൃത്തികള്‍ ഏതെല്ലാമാണെന്ന് വിശദമാക്കാമോ;

(ബി)	അവയിൽ ഏതെല്ലാം പ്രവൃത്തികള്‍ക്കാണ് ഭരണാനുമതി ലഭിച്ചിട്ടുണ്ട് ;

(സി)	ശേഷിക്കുന്ന പ്രവൃത്തികള്‍ക്ക് എന്നത്തേക്ക് ഭരണാനുമതി ലഭിക്കുമെന്നാണ് പ്രതീക്ഷിക്കുന്നത്?

താനൂര്‍ റസ്റ്റ് ഹൗസ് കെട്ടിട നിര്‍മ്മാണം

1322.

(എ)	താനൂര്‍ റസ്റ്റ് ഹൗസ് കെട്ടിട നിര്‍മ്മാണ പ്രവൃത്തി ഏത് ഘട്ടത്തിലാണെന്ന് വിശദമാക്കാമോ ;

(ബി)	എത്ര തുകയാണ് ഇതിനായി വിനിയോഗിച്ചതെന്നും, എന്നത്തേയ്ക്ക് പണി പൂര്‍ത്തീകരിച്ച് കെട്ടിടം തുറന്ന് കൊടുക്കാനാകുമെന്നും വ്യക്തമാക്കുമോ ;

(സി)	ഇതിന്റെ രണ്ടാം ഘട്ട പ്രവൃത്തിക്ക് തുക വകയിരുത്തുന്നകാര്യം സര്‍ക്കാര്‍ പരിഗണിക്കുമോ ?

ലെെറ്റ് മെട്രോ പദ്ധതി

1323.

ശ്രീ.കെ.മുരളീധരന്‍
,, പാലോട് രവി
,, എം.എ. വാഹീദ്
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	തലസ്ഥാനത്ത് ലെെറ്റ് മെട്രോ പദ്ധതി നടപ്പാക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത പദ്ധതി നിര്‍വ്വഹണത്തിനായി പ്രത്യേക കമ്പനി രൂപീകരിച്ചിട്ടുണ്ടോ; വിശദാംശങ്ങള്‍ എന്തെല്ലാം;

(സി)	പ്രസ്തുത പദ്ധതിക്ക് വേണ്ടി ഭൂമി ഏറ്റെടുക്കുന്ന പ്രക്രിയ ഏത് ഘട്ടത്തിലാണ് ;വിശദമാക്കുമോ;

(ഡി)	പദ്ധതി സമയബന്ധിതമായി നടപ്പിലാക്കുന്നതിന് മിഷന്‍ 676-ല്‍ എന്തെല്ലാം കാര്യങ്ങള്‍ ഉള്‍ക്കൊളളിച്ചിട്ടുണ്ടെന്ന് വിശദമാക്കുമോ?

ആശ്വാസ് പബ്ലിക് അമിനിറ്റീസ് കേരള ലിമിറ്റഡ്

1324.

ഡോ.എന്‍. ജയരാജ്
ശ്രീ.പി.സി. ജോര്‍ജ്
,, റോഷി അഗസ്റ്റിന്‍
,, എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആശ്വാസ് പബ്ലിക് അമിനിറ്റീസ് കേരള ലിമിറ്റഡ് മുഖേന നടപ്പിലാക്കിയ പ്രവര്‍ത്തികള്‍ എന്തെല്ലാമെന്നു വിശദമാക്കുമോ ; പ്രസ്തുത കമ്പനിയുടെ ഘടന വ്യക്തമാക്കുമോ ;

(ബി)	2015-16 സാമ്പത്തിക വര്‍ഷം വിഭാവനം ചെയ്ത പദ്ധതികൾ എന്തെല്ലാമെന്നു വ്യക്തമാക്കുമോ ?

കോടിമത പാതയുടെ സ്ഥലമെടുപ്പ് പ്രവൃത്തികള്‍

1325.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചേര്‍ത്തല എക്സറേ-ബെെപ്പാസില്‍ നിന്നും ആരംഭിച്ച് കിഴക്കോട്ടുപോകുന്ന കോടിമത പാതയുടെ സ്ഥലമെടുപ്പ് പ്രവൃത്തികള്‍ ഏത് ഘട്ടം വരെയായി ; ഇൗ പാതയുടെ പ്രഖ്യാപനത്താേടെ ഇതിനുവേണ്ടി സ്ഥലം ഏറ്റെടുക്കേണ്ട മേഖലയിലെ ജനങ്ങള്‍ അനുഭവിക്കുന്ന ബുദ്ധിമുട്ടുകള്‍ ശ്രദ്ധയില്‍പെട്ടിട്ടുണ്ടോ;

(ബി)

കോടിമത പാതയുടെ നിര്‍മ്മാണം സംബന്ധിച്ച നടപടികള്‍ എത്രത്തോളം മുന്നോട്ടുപോയി എന്നു വ്യക്തമാക്കുമോ; ഇതിനായി ഏറ്റെടുക്കപ്പെടേണ്ട ഭൂമിയില്‍ നിര്‍മ്മാണ പ്രവൃത്തികള്‍ നടത്താനോ ചികിത്സാവശ്യങ്ങള്‍ക്കുപോലും ഭൂമിയുടെ ഇൗടില്‍ വായ്പ നേടുന്നതിനോ വില്‍ക്കുന്നതിനോ പോലും നടക്കാത്ത സാഹചര്യമുണ്ടെന്ന് മനസ്സിലാക്കി റോഡ് നിര്‍മ്മാണം എ്രതയും വേഗം നടപ്പിലാക്കുവാന്‍ നടപടി സ്വീകരിക്കുമോ?

അനധികൃത സ്വത്തു സമ്പാദനവുമായി ബന്ധപ്പെട്ട് വിജിലന്‍സ് അന്വേഷണം

1326.

ശ്രീ.എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്തു വകുപ്പ് സെക്രട്ടറിയായിരുന്ന റ്റി. ഒ. സൂരജ് നടത്തിയതായി പറയുന്ന അഴിമതിയുമായി ബന്ധപ്പെട്ട് എന്തെങ്കിലും അന്വേഷണം നടക്കുന്നുണ്ടോ;

(ബി)	അനധികൃത സ്വത്തു സമ്പാദനവുമായി ബന്ധപ്പെട്ട് വിജിലന്‍സ് അന്വേഷണം നടക്കുന്നുണ്ടോ;

(സി)	അന്വേഷണത്തില്‍ അനധികൃത സ്വത്തു സമ്പാദനം നടത്തിയതായി തെളിവു ലഭിച്ചിട്ടുണ്ടോ;

(ഡി)	ഉണ്ടെങ്കില്‍ എത്ര കോടിയുടെ അനധികൃത സ്വത്തു സമ്പാദനം നടത്തിയതായാണ് തെളിവു ലഭിച്ചിട്ടുള്ളത്; വ്യക്തമാക്കാമോ?

നാഷണല്‍ ഹൈവേകളുടെ വികസനം

1327.

ശ്രീ.എ.എ.അസീസ്
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതൊക്കെ നാഷണല്‍ ഹൈവേകൾ വികസിപ്പിക്കുന്നതിനുള്ള പ്രവര്‍ത്തനങ്ങളാണ് നടക്കുന്നത് എന്ന് അറിയിക്കാമോ ;

(ബി)	ഓരോന്നിന്റെയും പ്രവര്‍ത്തന പുരോഗതി വ്യക്തമാക്കുമോ?

കേന്ദ്ര സഹായത്തോടെ ബൈപ്പാസ് റോഡ് നിര്‍മ്മാണം

1328.

ശ്രീ.എ.പി.അബ്ദുള്ളക്കുട്ടി
,, കെ.മുരളീധരന്‍
,, അന്‍വര്‍ സാദത്ത്
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര സഹായത്തോടെ ബൈപ്പാസ് റോഡുകള്‍ നിര്‍മ്മിക്കാന്‍ തീരുമാനിച്ചിട്ടുണ്ടോയെന്ന് വ്യക്തമാക്കാമോ;ഇത് സംബന്ധിച്ച വിശദാംശങ്ങള്‍ ലഭ്യാക്കാമോ ;

(ബി)	എന്തെല്ലാം കേന്ദ്ര സഹായങ്ങളാണ് ഇതിനായി പ്രതീക്ഷിക്കുന്നതെന്ന് വ്യക്തമാക്കുമോ ;

(സി)	ഇവയുടെ പണികള്‍ തുടങ്ങുന്നതിന് സ്വീകരിച്ച നടപടികള്‍ വിശദമാക്കാമോ ?

താനൂര്‍ വട്ടത്താണി-പുത്തനത്താണി റോഡ്‌ നിർമ്മാണം

1329.

(എ)	താനൂര്‍ നിയോജകമണ്ഡലത്തിലെ വട്ടത്താണി-പുത്തനത്താണി റോഡിന്റെ പ്രവൃത്തി ഏത് ഘട്ടത്തിലാണ്;

(ബി)	എത്ര തുകയാണ് ഈ പ്രവൃത്തിക്കായി നീക്കി വച്ചിട്ടുള്ളതെന്ന് വ്യക്തമാക്കാമോ;

(സി)	ഏതെല്ലാം പ്രവൃത്തികളാണ് ഇപ്പോള്‍ പൂര്‍ത്തീകരിച്ചിട്ടുള്ളതെന്ന് വെളിപ്പെടുത്താമോ;

(ഡി)	ബി.എം. പ്രവൃത്തികള്‍ പൂര്‍ത്തിയായിട്ട് എത്രകാലമായെന്നും ബി.സി. പ്രവൃത്തികള്‍ എന്നത്തേയ്ക്ക് തുടങ്ങാനാകുമെന്നും ആര്‍ക്കാണ് ഇതിന്റെ നിര്‍വ്വഹണച്ചുമതലയെന്നും വിശദമാക്കാമോ?

പരിയാരം ആയൂര്‍വ്വേദ ആശുപത്രി കെട്ടിട നിര്‍മ്മാണം

1330.

ശ്രീ.ടി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പരിയാരം സര്‍ക്കാര്‍ ആയുര്‍വ്വേദ കോളേജ് ആശുപത്രിയില്‍ സ്ത്രീകളുടെയും കുട്ടികളുടെയും ആശുപത്രി കെട്ടിട നിര്‍മ്മാണത്തിന് പൊതുമരാമത്ത് വകുപ്പ് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	260 ലക്ഷം രൂപയ്ക്ക് ഭരണാനുമതി ലഭിച്ച കെട്ടിട നിര്‍മ്മാണ പ്രവൃത്തി എന്ന് ആരംഭിക്കാന്‍ കഴിയും; വിശദാംശം നല്‍കുമോ?

സംസ്ഥാന കണ്‍സ്ട്രക്ഷന്‍ കോര്‍പ്പറേഷന്റെ മരാമത്ത് പണികള്‍ .

1331.

(എ)	സംസ്ഥാന കണ്‍സ്ട്രക്ഷന്‍ കോര്‍പ്പറേഷന്റെ പൂര്‍ത്തീകരിക്കാത്ത എത്ര മരാമത്ത് പണികള്‍ നിലവിലുണ്ട് ; വിശദാംശങ്ങള്‍ ലഭ്യമാക്കുമോ ;

(ബി)	ഇതില്‍ എത്ര പണികള്‍ കോര്‍പ്പറേഷന്‍ കരാറുകാര്‍ക്ക് മറിച്ചു നല്‍കിയിട്ടുണ്ട് ; ഇതിന്റെ ആകെ അടങ്കല്‍ തുകയെത്ര ; എത്ര പണികള്‍ കോര്‍പ്പറേഷന്‍ നേരിട്ട് നടത്തുന്നു ; ഇതിന്റെ അടങ്കല്‍ തുകയെത്ര ; വിശദാംശങ്ങള്‍ ലഭ്യമാക്കുമോ ;

(സി)	കരാറുകാര്‍ക്ക് പണി മറിച്ചുനല്‍കുന്നതിന് നിലവിലുള്ള വ്യവസ്ഥകള്‍ എന്തെല്ലാമാണെന്ന് വിശദമാക്കുമോ ; ഈ വ്യവസ്ഥകളുടെ ഫലമായി എത്ര തുക കോര്‍പ്പറേഷന് കഴിഞ്ഞ അഞ്ച് വര്‍ഷത്തിനിടയില്‍ ലഭിച്ചുവെന്ന് വ്യക്തമാക്കുമോ ;

(ഡി)	കോര്‍പ്പറേഷന് ടെണ്ടറുകളില്‍ പ്രത്യേക ഇളവുകള്‍ സര്‍ക്കാര്‍ നല്‍കിയിട്ടുണ്ടോ ; ഉണ്ടെങ്കില്‍ എന്ന് മുതലാണ് ഈ ഇളവുകള്‍ നല്‍കിയിട്ടുള്ളത് ; ഇളവിന്റെ വിശദാംശങ്ങള്‍ ലഭ്യമാക്കുമോ ;

(ഇ)	ഈ ഇളവുകളില്‍ സര്‍ക്കാര്‍ എന്തെങ്കിലും മാറ്റം വരുത്തിയിട്ടുണ്ടോ ; ഉണ്ടെങ്കില്‍ എന്ന് മുതലാണ് മാറ്റം വരുത്തിയത് ; വിശദാംശങ്ങള്‍ ലഭ്യമാക്കുമോ ?

എടയാര്‍-ആലച്ചേരി റോഡ് നിര്‍മ്മാണം

1332.

ശ്രീ.ഇ.പി.ജയരാജന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മട്ടന്നൂര്‍ നിയോജകമണ്ഡലത്തിലെ എടയാര്‍-ആലച്ചേരി റോഡ് നിര്‍മ്മാണ പ്രവൃത്തി ഏറ്റെടുത്ത കരാറുകാരന്‍ കരാര്‍ പ്രകാരം പ്രവൃത്തി ആരംഭിക്കാതിരുന്ന സാഹചര്യത്തില്‍ കെെക്കൊണ്ട നടപടികള്‍ വിശദീകരിക്കുമോ;

(ബി)	എടയാര്‍-ആലച്ചേരി റോഡ് നിര്‍മ്മാണം റീ-ടെന്‍ഡര്‍ ചെയ്ത് പ്രവൃത്തി ആരംഭിക്കുവാന്‍ സ്വീകരിച്ച നടപടികള്‍ വ്യക്തമാക്കുമോ?

പ്ലാവിള-കോട്ടുകോണം റോഡിന്റെ നിര്‍മ്മാണപുരോഗതി

1333.

ശ്രീ.വി.ശിവന്‍കുട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	എം.എല്‍.എ യുടെ പ്രാദേശികവികസന ഫണ്ടില്‍ നിന്നും 27 ലക്ഷം രൂപ വിനിയോഗിച്ച് നിര്‍മ്മിക്കുന്നതിനായി 2013 സെപ്തംബറില്‍ കരാര്‍ ഒപ്പിട്ട നേമം നിയോജകമണ്ഡലത്തിലെ പുന്നക്കാമുഗള്‍ വാര്‍ഡിലെ പ്ലാവിള-കോട്ടുകോണം റോഡിന്റെ നിര്‍മ്മാണപുരോഗതി അറിയിക്കുമോ;

(ബി)	പ്രസ്തുത പ്രവൃത്തി നാളിതുവരെ പൂര്‍ത്തീകരിച്ചിട്ടില്ലെങ്കില്‍ ആയതിന്റെ കാരണം വ്യക്തമാക്കുമോ?

കോങ്ങാട് മണ്ഡലത്തില്‍ റോഡുകള്‍ക്ക്അനുവദിച്ച തുക

1334.

(എ)	ഇൗ സര്‍ക്കാര്‍ വന്നശേഷം SRIP, SDRF എന്നിവയില്‍ ഉള്‍പ്പെടുത്തി കോങ്ങാട് മണ്ഡലത്തില്‍ റോഡുകള്‍ക്ക് എത്ര രൂപ അനുവദിച്ചു എന്ന് റോഡുകളുടെ പേര് ഉള്‍പ്പെടെയുളള വിശദവിവരം നല്കുാമോ ?

(ബി)	2014 - 2015 വര്‍ഷം ടി ഇനങ്ങളിലായി ഏതെല്ലാം പ്രവൃത്തികള്‍ അനുവദിച്ചുവെന്ന് വ്യക്തമാക്കുമോ ?

(സി)	ഇല്ലെങ്കില്‍ നിലവില്‍ സമര്‍പ്പിച്ചിട്ടുളള പ്രെപ്പോസലിന്റെ അടിസ്ഥാനത്തില്‍ വര്‍ക്കുകള്‍ അനുവദിക്കുമോ?

വാമനപുരം - ചിറ്റാര്‍ റോഡ് നവീകരണം

1335.

(എ)	വാമനപുരം - ചിറ്റാര്‍ റോഡ് നവീകരിക്കുന്നതിന് തുക അനുവദിക്കണമെന്ന് അഭ്യര്‍ത്ഥിച്ചുകൊണ്ട് വാമനപുരം എം.എല്‍.എ. എത്ര കത്തുകള്‍ നല്‍കിയിട്ടുണ്ടെന്ന് അറിയിക്കുമോ;

(ബി)	ഇൗ ആവശ്യത്തിന്മേല്‍ സ്വീകരിച്ച നടപടി വിശദമാക്കുമോ;

(സി)	റോഡിന്റെ നവീകരണത്തിനായി വിവിധ സംഘടനകള്‍ സമരങ്ങളും പ്രക്ഷോഭങ്ങളും നടത്തുന്നതായി ശ്രദ്ധയില്‍പ്പെട്ടിട്ടുണ്ടോ;

(ഡി)	വാമനപുരം മണ്ഡലത്തിലെ ഏറ്റവും ദെെര്‍ഘ്യമുളള ഇൗ റോഡ് ബി എം & ബി സി രീതിയില്‍ പുന:രുദ്ധരിക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

കോതമംഗലം - കോഴിപ്പള്ളി ബൈപ്പാസ് റോഡിന്റെ നിര്‍മ്മാണം

1336.

ശ്രീ.റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം - കോഴിപ്പള്ളി ബൈപ്പാസ് റോഡിന്റെ നിര്‍മ്മാണം പൂര്‍ത്തിയാക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നതെന്നു വ്യക്തമാക്കുമോ;

(ബി)	റോഡിന്റെ നിര്‍മ്മാണം സമയബന്ധിതമായി പൂര്‍ത്തീകരിക്കുവാന്‍ എന്തെല്ലാം പുതിയ നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)	ഇത്തരം പദ്ധതികളുടെ പൂര്‍ത്തീകരണത്തിന് തടസ്സം നില്‍ക്കുന്ന ഉദ്യോഗസ്ഥര്‍ക്കെതിരെ മാതൃകാപരമായ ശിക്ഷാനടപടികള്‍ സ്വീകരിക്കുമോ?

പാണപ്പുഴ കണാരം വയല്‍ റോഡ് പുനര്‍നിര്‍മ്മാണം

1337.

(എ)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ പാണപ്പുഴ കണാരം വയല്‍ റോഡ് അഭിവൃദ്ധിപ്പെടുത്തുന്നതിന് നബാര്‍ഡിന്റെ ആര്‍.ഐ.ഡി.എഫ് സ്കീമില്‍ ഉള്‍പ്പെടുത്തി ഫണ്ട് ലഭ്യമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത് ?

ദേശീയപാത വികസനം

1338.

ശ്രീ.കെ.ശിവദാസന്‍ നായര്‍
,, വി.റ്റി.ബല്‍റാം
,, ജോസഫ് വാഴയ്ക്കൻ
,, സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാത വികസനത്തിന് കേന്ദ്രം സഹായം വാഗ്ദാനം ചെയ്തിട്ടുണ്ടോയെന്ന് വിശദമാക്കുമോ ;

(ബി)	എന്തെല്ലാം സഹായങ്ങളാണ് ഇതിനായി കേന്ദ്രം നല്‍കുന്നതെന്ന് വിശദമാക്കുമോ ;

(സി)	ഇവയുടെ പണികള്‍ തുടങ്ങുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ ?

വാമനപുരം നിയോജക മണ്ഡലത്തിലെ ചെല്ലഞ്ചി പാലം

1339.

(എ)	വാമനപുരം നിയോജക മണ്ഡലത്തിലെ ചെല്ലഞ്ചി പാലത്തിന്റെ നിര്‍മ്മാണ പ്രവൃത്തിയുമായി ബന്ധപ്പെട്ട് 29.1.2015‌ ന് ഏതെങ്കിലും മീറ്റിംഗ് നടന്നിട്ടുണ്ടോ;

(ബി)	എങ്കില്‍ പ്രസ്തുത മീറ്റിംഗില്‍ എന്തെല്ലാം തീരുമാനങ്ങള്‍ കെെക്കൊണ്ടു; വിശദമാക്കാമോ;

(സി)	തീരുമാനങ്ങള്‍ നടപ്പിലാക്കുന്നതിന് സമയപരിധി നിശ്ചയിച്ചിരുന്നോ; എങ്കില്‍ നിശ്ചിത സമയത്തിനുള്ളില്‍ പ്രസ്തുത തീരുമാനങ്ങള്‍ നടപിലാക്കിയിട്ടുണ്ടോ;

(ഡി)	എന്തുകൊണ്ടാണ് 29.1.2015 ലെ മീറ്റിംഗിലെ തീരുമാനങ്ങള്‍ നടപ്പിലാക്കാന്‍ കഴിയാത്തതെന്ന് വിശദമാക്കുമോ;

(ഇ)	ചെല്ലഞ്ചി പാലത്തിന്റെ നിര്‍മ്മാണം പുനഃരാരംഭിക്കുന്നതിന് എന്തെല്ലാം അടിയന്തിര നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

അങ്കമാലി ബൈപ്പാസ് പദ്ധതി

1340.

(എ)	കഴിഞ്ഞ സര്‍ക്കാരിന്റെ 1000 കോടി പദ്ധതിയില്‍ ഉള്‍ക്കൊള്ളിച്ചിരുന്നതും സര്‍വ്വെയും, അലൈന്‍മെന്റും, പ്രാഥമിക പഠനവും പൂര്‍ത്തിയാക്കിയിട്ടുള്ളതുമായ അങ്കമാലി ബൈപ്പാസ് പദ്ധതി യാഥാര്‍ത്ഥ്യമാക്കുന്നതിനായി സര്‍ക്കാര്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

(ബി)	ഇത് എന്നത്തേക്ക് യാഥാര്‍ത്ഥ്യമാക്കാന്‍ സാധിക്കുമെന്ന് വ്യക്തമാക്കാമോ;

(സി)	അങ്കമാലി ബൈപ്പാസ് ഇനിയും നടപ്പിലാകാത്തതിന്റെ കാരണം വിശദമാക്കാമോ?

കൊരട്ടി ജംഗ്ഷനിലെ സിഗ്നല്‍ സംവിധാനം

1341.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാത 47 ലെ കൊരട്ടി ജംഗ്ഷനില്‍ സിഗ്നല്‍ സംവിധാനം സ്ഥാപിക്കുന്നതിനോടൊപ്പം നടപ്പാക്കുന്നതിനായി നാറ്റ്പാക്ക് നിര്‍ദ്ദേശിച്ച സംവിധാനങ്ങള്‍ ഏര്‍പ്പെടുത്തുന്നതിന് നടപടി സ്വീകരിച്ചിട്ടുണ്ടോ;

(ബി)	എന്തെല്ലാം സംവിധാനങ്ങളാണ് കൊരട്ടി ജംഗ്ഷനില്‍ ഇതിന്റെ ഭാഗമായി ഏര്‍പ്പെടുത്താന്‍ നിര്‍ദ്ദേശിച്ചിട്ടുളളത്;

(സി)	കൊരട്ടി ജംഗ്ഷനിലെ പ്രശ്നങ്ങള്‍ ശാശ്വതമായി പരിഹരിക്കുന്നതിനായി ഫ്ലെെഓവര്‍ നിര്‍മ്മിക്കുന്നതിനുളള പ്രെപ്പോസലില്‍ എന്തു നടപടികളാണ് സ്വീകരിച്ചിട്ടുളളത് എന്ന് അറിയിക്കാമോ?

കണ്ണൂര്‍ ജില്ലയില്‍ പൊതുമരാമത്ത് പ്രവൃത്തികള്‍

1342.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം കണ്ണൂര്‍ ജില്ലയില്‍ പൊതുമരാമത്ത് വകുപ്പ് മുഖേന ഏതെല്ലാം പ്രവൃത്തികള്‍ക്ക് എത്ര തുകയുടെ ഭരണാനുമതി നല്‍കിയിട്ടുണ്ടെന്ന് നിയോജക മണ്ഡലം അതിര്‍ത്തി അടിസ്ഥാനമാക്കി വിശദമാക്കാമോ?

നബാര്‍ഡ് പദ്ധതിയില്‍ ഉള്‍പ്പെടുത്തി കരുനാഗപ്പള്ളി മണ്ഡലത്തില്‍ നടപ്പിലാക്കിയ പ്രവൃത്തികള്‍

1343.

(എ)	ഈ സര്‍ക്കാര്‍ അധികാരമേറ്റ ശേഷം കരുനാഗപ്പള്ളി മണ്ഡലത്തില്‍ നബാര്‍ഡ് പദ്ധതിയില്‍ ഉള്‍പ്പെടുത്തി പൊതുമരാമത്ത് വകുപ്പ് എന്തെല്ലാം പ്രവൃത്തികള്‍ ആണ് നടപ്പിലാക്കിയത്എന്നും ഇവ ഓരോന്നിനും എത്ര തുക വീതമാണ് ചെലവഴിച്ചത്എന്നും വ്യക്തമാക്കുമോ?

ധര്‍മ്മടം മണ്ഡലത്തിലെ പൊതുമരാമത്ത് പ്രവൃത്തികൾ

1344.

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ധര്‍മ്മടം മണ്ഡലത്തില്‍ പൊതുമരാമത്തു വകുപ്പിന്റെ കീഴില്‍ ഏതെല്ലാം പ്രവൃത്തികൾ നടക്കുന്നുണ്ടെന്നു വിശദമാക്കാമോ;

(ബി)	ഈ പ്രവൃത്തികൾ ഏതെല്ലാം ഘട്ടത്തിലാണെന്നും എന്നത്തേക്ക് പൂര്‍ത്തീകരിക്കാന്‍ സാധിക്കുമെന്നും വിശദമാക്കാമോ?

മമ്പറത്ത് പുതിയ പാലം

1345.

(എ)	കൂത്തുപറമ്പ്-കണ്ണൂര്‍ സ്റ്റേറ്റ് ഹൈവേയിലെ മമ്പറത്ത് പുതിയ പാലം നിര്‍മ്മിക്കുന്നതിനുള്ള നടപടി ഏത് ഘട്ടത്തിലാണെന്ന് വ്യക്തമാക്കാമോ ;

(ബി)	പ്രസ്തുത പാലത്തിന്റെ അപ്രോച്ച് റോഡിന് ആവശ്യമായ ഫണ്ട് അനുവദിക്കുന്നതിനുള്ള നടപടി ഏത് ഘട്ടത്തിലാണെന്ന് വ്യക്തമാക്കാമോ ?

ദേശീയപാതാ വികസനം

1346.

ശ്രീ.എളമരം കരീം
,, എം. ഹംസ
,, കെ.കുഞ്ഞിരാമന്‍ (ഉദുമ)
,, ടി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദേശീയപാതാ വികസനം സ്തംഭനാവസ്ഥയിലാണോ; വീതി സംബന്ധിച്ച് അന്തിമ തീരുമാനം ആയിട്ടുണ്ടോ; 45 മീറ്റർ വീതി എന്ന് നിജപ്പെടുത്തിയിട്ടുണ്ടോ;

(ബി)	ഇത് സംബന്ധിച്ച കേന്ദ്രസര്‍ക്കാര്‍ നിലപാട് സംസ്ഥാനത്തെ അറിയിച്ചിട്ടുണ്ടോ;

(സി)	ദേശീയപാതാ അതോറിറ്റിയുടെ സംസ്ഥാനത്തെ പ്രവര്‍ത്തനങ്ങള്‍ അവസാനിപ്പിച്ചതായി അറിയിച്ചിട്ടുണ്ടോ;

(ഡി)	കഴക്കൂട്ടം-ചേര്‍ത്തല, കുറ്റിപ്പുറം-ഇടപ്പള്ളി തുടങ്ങിയ പാതകളുടെ വികസന പ്രവര്‍ത്തനങ്ങളില്‍നിന്നും അതോറിറ്റി പിന്‍മാറിയതായി വിജ്ഞാപനം പുറപ്പെടുവിച്ചിട്ടുണ്ടോ;

(ഇ)	ദേശീയപാതാ വികസനം സംബന്ധിച്ച അനിശ്ചിതത്വത്തിന് എങ്ങനെ പരിഹാരം കാണാനാണ് ഉദ്ദേശിക്കുന്നത് വിശദമാക്കാമോ?

പേരാമ്പ്ര ബൈപ്പാസ് റോഡ് നിര്‍മ്മാണം

1347.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പേരാമ്പ്ര ബൈപ്പാസ് റോഡ് നിര്‍മ്മാണനടപടികള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)	സാമൂഹ്യ-സാമ്പത്തിക പരിസ്ഥിതി സര്‍വ്വേ റിപ്പോര്‍ട്ട് ലഭിച്ചിട്ടുണ്ടോ; എങ്കില്‍ എപ്പോഴാണ് ലഭിച്ചതെന്ന് വ്യക്തമാക്കുമോ;

(സി)	പേരാമ്പ്ര ബൈപ്പാസ് റോഡ് നിര്‍മ്മാണനടപടികള്‍ ത്വരിതപ്പെടുത്തുന്നതിനുവേണ്ടി ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ;

(ഡി)	ഭൂമി ഏറ്റെടുക്കല്‍ നടപടികള്‍ അടിയന്തിരമായി പൂര്‍ത്തീകരിക്കാന്‍ നടപടി സ്വീകരിക്കുമോ;

(ഇ)	ബൈപ്പാസ് റോഡ് നിര്‍മ്മാണ നടപടികള്‍ക്ക് കാലതാമസം നേരിടുന്നതിന്റെ കാരണം വ്യക്തമാക്കുമോ?

വൈപ്പിന്‍ പളളിപ്പുറം സംസ്ഥാന പാതയുടെ നിര്‍മ്മാണം

1348.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍ പളളിപ്പുറം സംസ്ഥാന പാതയുടെ നിര്‍മ്മാണപ്രവര്‍ത്തനം അനിശ്ചിതമായി തടസ്സപ്പെട്ടു കിടക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തി എന്നത്തേക്ക് പൂര്‍ത്തീകരിക്കാനാകുമെന്ന് വ്യക്തമാക്കാമോ;

(സി)	പ്രവൃത്തി പൂര്‍ത്തീകരിക്കുന്നതില്‍ തടസ്സങ്ങളുണ്ടെങ്കില്‍ എന്തെന്ന് വിശദീകരിക്കാമോ;

(ഡി)	ടി പ്രവൃത്തിയുടെ കരാർ കാലാവധി ഏതു തീയതിവരെയെന്നും സമയം ദീര്‍ഘിപ്പിച്ചു നല്‍കിയിട്ടുണ്ടെങ്കില്‍ എത്ര തവണ, എന്തു കാരണത്താലെന്നും വ്യക്തമാക്കാമോ;

(ഇ)	പ്രവൃത്തി ഊര്‍ജ്ജിതപ്പെടുത്തുന്നതിന് സ്വീകരിച്ച നടപടികള്‍ വ്യക്തമാക്കാമോ?

ധര്‍മ്മടം മണ്ഡലത്തില്‍ പൂര്‍ത്തീകരിച്ച പ്രവൃത്തികള്‍

1349.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം ധര്‍മ്മടം മണ്ഡലത്തില്‍ പൊതു മരാമത്ത് വകുപ്പ് പൂര്‍ത്തീകരിച്ച പ്രവൃത്തികള്‍ ഏതെല്ലാമാണെന്ന് വ്യക്തമാക്കാമോ;

(ബി)	ഓരോ പ്രവൃത്തിയും എന്നാണ് പൂര്‍ത്തീകരിച്ചത് എന്ന് വിശദമാക്കാമോ?

ബജറ്റില്‍ പൊതുമരാമത്ത് വകുപ്പിന് വകയിരുത്തിയ തുക

1350.

ഡോ.ടി.എം.തോമസ് ഐസക് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	2014-15 സാമ്പത്തികവര്‍ഷത്തെ ബജറ്റില്‍ പൊതുമരാമത്ത് വകുപ്പിന് എന്ത് തുകയാണ് വകയിരുത്തിയിരുന്നത് ; വകയിരുത്തിയ തുക മുഴുവന്‍ വകുപ്പിന് അനുവദിച്ച് കിട്ടിയിട്ടുണ്ടോ ;

(ബി)	ഇതില്‍ എന്ത് തുകയാണ് ഇതിനകം ചെലവഴിക്കാനായത് ; ഫണ്ട് പൂര്‍ണ്ണമായും ചെലവഴിക്കാനാകാത്തതിന്റെ കാരണം വ്യക്തമാക്കുമോ ;

(സി)	ബജറ്റില്‍ പ്രഖ്യാപിച്ച ഏതെങ്കിലും പ്രവൃത്തികള്‍ മരാമത്ത് വകുപ്പില്‍ നടപ്പാക്കാന്‍ കഴിയാതെ വന്നിട്ടുണ്ടോ ; എങ്കില്‍ കാരണം വിശദമാക്കുമോ ?

കാരപറമ്പ്-ആറളം-കാക്കയങ്ങാട്-മണത്തണ ഹില്‍ ഹൈവേ റോഡ്

1351.

(എ)	മലയോര ഹൈവേ പദ്ധതിയില്‍പ്പെടുത്തി 22 1/2 കോടി രൂപയുടെ ഭരണാനുമതി നല്‍കിയ കാരപറമ്പ്-ആറളം-കാക്കയങ്ങാട്-മണത്തണ ഹില്‍ ഹൈവേ റോഡിന്റെ നവീകരണ പ്രവൃത്തി ആരംഭിച്ചിട്ടുണ്ടോയെന്ന് വ്യക്തമാക്കാമോ;

(ബി)	ഇല്ലെങ്കില്‍, റോഡ് പ്രവൃത്തി ഉദ്ഘാടനം ചെയ്തതിനുശേഷം പ്രവൃത്തി ആരംഭിക്കാതിരിക്കാനുള്ള കാരണങ്ങള്‍ എന്തെല്ലാമെന്ന് വ്യക്തമാക്കാമോ;

(സി)	പ്രസ്തുത പ്രവൃത്തി എത്രയും വേഗത്തില്‍ പൂര്‍ത്തീകരിക്കാന്‍ എന്ത് നടപടി സ്വീകരിക്കും എന്ന് വ്യക്തമാക്കാമോ?

ബാലുശ്ശേരി മണ്ഡലത്തില്‍ മിനി സിവില്‍ സ്റ്റേഷന്‍

1352.

(എ)	ബാലുശ്ശേരി മണ്ഡലത്തില്‍ മിനി സിവില്‍ സ്റ്റേഷന്‍ കെട്ടിടം നിര്‍മ്മിക്കുന്നത് സംബന്ധിച്ച നടപടികളുടെ പുരോഗതി അറിയിക്കാമോ?

(ബി)	പൊതുമരാമത്ത് വകുപ്പ് സീനിയര്‍ ആര്‍കിടെക്ട് സ്ഥലം പരിശോധന നടത്തിയോ ;

(സി)	നിര്‍ദ്ദിഷ്ടസ്ഥലത്തിന്റെ ലവല്‍സ് സംബന്ധിച്ച സര്‍വ്വെ റിപ്പോര്‍ട്ട് ലഭ്യമായോ ;

(ഡി)	പൊതുമരാമത്ത് കെട്ടിട നിര്‍മ്മാണ വിഭാഗം കരട് എസ്റ്റിമേറ്റ് സമര്‍പ്പിച്ചിട്ടുണ്ടോ ;

(ഇ)	നടപടികള്‍ ത്വരിതപ്പെടുത്തുന്നതിനായി നിര്‍ദ്ദേശിക്കാമോ ?

കൂളിക്കടവ് പാലം നിര്‍മ്മാണം

1353.

(എ)	മട്ടന്നൂര്‍ നിയോജകമണ്ഡലത്തിലെ കൂളിക്കടവ് പാലം നിര്‍മ്മാണത്തിന് ഭരണാനുമതി ലഭിച്ചത് ഏത് ഉത്തരവു പ്രകാരമാണ്;എസ്റ്റിമേറ്റ് തുക എത്രയാണെന്ന് വ്യക്തമാക്കുമോ ;

(ബി)	പ്രസ്തുത പാലത്തിന്റെ അപ്രോച്ച് റോഡുകള്‍ നിര്‍മ്മിക്കുന്നതിനുളള സ്ഥലം ലഭ്യമായിട്ടുണ്ടോ; നിര്‍മ്മാണ പ്രവൃത്തി ടെന്‍ഡര്‍ ചെയ്യുന്നതിനു സ്വീകരിച്ച നടപടികള്‍ വ്യക്തമാക്കുമോ?

കാസര്‍ഗോഡ് ജില്ലയിലെ റോഡുകളുടെ ശോച്യാവസ്ഥ നബാര്‍ഡ് പദ്ധതിയില്‍ ഉള്‍പ്പെടുത്തി കരുനാഗപ്പള്ളി മണ്ഡലത്തില്‍ നടപ്പിലാക്കിയ പ്രവൃത്തികള്‍

1354.

(എ)	കാസര്‍ഗോഡ് ജില്ലയിലെ പി.ഡബ്ല്യൂ.ഡി. റോഡുകളുടെ ശോച്യാവസ്ഥ പരിഹരിക്കുന്നതിന് എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ?

കോഴിക്കോട് മെഡിക്കല്‍ കോളേജ് മുതല്‍ കാരന്തൂര്‍ വരെ റോഡ് വീതി കൂട്ടുന്നത്

1355.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് മെഡിക്കല്‍ കോളേജ് മുതല്‍ കാരന്തൂര്‍ വരെ റോഡ് വീതി കൂട്ടുന്നതിനാവശ്യമായ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ?

അമ്പലപ്പുഴ മണ്ഡലത്തിലെ വികസന പ്രവര്‍ത്തനങ്ങള്‍

1356.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റ ശേഷം പൊതുമരാമത്ത് വകുപ്പ് വഴി അമ്പലപ്പുഴ മണ്ഡലത്തില്‍ എന്തൊക്കെ പ്രവൃത്തികള്‍ക്കാണ് ഭരണാനുമതി നല്‍കിയിട്ടുള്ളതെന്നും ഓരോ പ്രവൃത്തിയുടെയും തുക എത്രയാണെന്നും വ്യക്തമാക്കുമോ ;

(ബി)	പ്രസ്തുത പ്രവൃത്തികള്‍ ഏതു ഘട്ടത്തിലാണെന്ന് വ്യക്തമാക്കാമോ ?

കുറ്റ്യാടി മണ്ഡലത്തിലെ മരാമത്ത് പ്രവർത്തനങ്ങള്‍

1357.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കുറ്റ്യാടി മണ്ഡലത്തിന്റെ പരിധിയില്‍ വരുന്ന ഏതെല്ലാം മരാമത്ത് പ്രവർത്തനങ്ങള്‍ക്കാണ് നിലവില്‍ ഭരണാനുമതി ലഭ്യമായിട്ടുളളത് എന്ന് വ്യക്തമാക്കുമോ;

(ബി)	ആയതിൽ ഏതൊക്കെ പ്രവര്‍ത്തികള്‍ക്കാണ് സാങ്കേതികാനുമതി ലഭിക്കാന്‍ ബാക്കിയുളളത് എന്നും സാങ്കേതികാനുമതി ലഭിക്കാത്തതിന്റെ കാരണം എന്തെന്നും വ്യക്തമാക്കുമോ?

നിര്‍മ്മാണ വസ്തുക്കളുടെ ക്വാളിറ്റി കണ്‍ട്രോള്‍ ലാബുകള്‍

1358.

ശ്രീ.വി.റ്റി.ബല്‍റാം
,, എം.പി.വിന്‍സെന്‍റ്
,, ലൂഡി ലൂയിസ്
,, എ.പി.അബ്ദുള്ളക്കുട്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പി.ഡബ്ല്യു.ഡി നടത്തുന്ന നിര്‍മ്മാണ പ്രവര്‍ത്തനങ്ങള്‍ക്ക് ഉപയോഗിക്കുന്ന വസ്തുക്കളുടെ ഗുണനിലവാരം പരിശോധിക്കാന്‍ എന്തെങ്കിലും സംവിധാനം നിലവിലുണ്ടോയെന്ന് വിശദമാക്കുമോ;

(ബി)	ഇതിനായി ജില്ലാ കേന്ദ്രങ്ങളില്‍ ക്വാളിറ്റി കണ്‍ട്രോള്‍ ലാബുകള്‍ സ്ഥാപിക്കുന്ന കാര്യം പരിഗണനയിലുണ്ടോ; വിശദാംശങ്ങള്‍ എന്തെല്ലാം;

(സി)	ഇതിന്റെ പ്രവര്‍ത്തന രീതിയുടെ വിശദാംശങ്ങള്‍ ലഭ്യമാക്കുമോ;

(ഡി)	ഇതിനായി സ്വീകരിച്ച നടപടികള്‍ വിശദമാക്കുമോ?

നിര്‍മ്മാണ പ്രവര്‍ത്തനങ്ങള്‍ക്കിടെ അപകടങ്ങള്‍

1359.

ശ്രീ.കെ.മുഹമ്മദുണ്ണി ഹാജി
,, വി.എം.ഉമ്മര്‍ മാസ്റ്റര്‍
,, പി.ബി. അബ്ദുൾ റസാക്
,, അബ്ദുറഹിമാന്‍ രണ്ടത്താണി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	നിര്‍മ്മാണ പ്രവര്‍ത്തനങ്ങള്‍ക്കിടെ സംസ്ഥാനത്ത് അപകടങ്ങള്‍ സാധാരണമായിക്കൊണ്ടിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ ;

(ബി)	ഇതൊഴിവാക്കാന്‍ നിര്‍മ്മാണ മേഖലകളില്‍ ക്രമീകരിക്കേണ്ട സുരക്ഷാ സൗകര്യങ്ങളെയും പാലിക്കേണ്ട നിബന്ധനകളേയും സംബന്ധിച്ച് വ്യവസ്ഥകള്‍ നിലവിലുണ്ടോ ; എങ്കില്‍ വിശദമാക്കുമോ ;

(സി)	ഇല്ലെങ്കില്‍ വിദഗ്ധാഭിപ്രായം രൂപീകരിച്ച് നിര്‍മ്മാണ മേഖലകളില്‍ കര്‍ശനമായി നടപ്പാക്കാന്‍ നടപടി സ്വീകരിക്കുമോ ?

നാട്ടുകല്‍-തുമ്പക്കണ്ണി കടമ്പഴിപ്പുറം റോഡ് ബി.എം. & ബി.സി. ചെയ്യാന്‍ നടപടി

1360.

(എ)	ഒറ്റപ്പാലം അസംബ്ലി മണ്ഡലത്തിലെ നാട്ടുകല്‍-പാലോട്-ചെഞ്ഞല്ലൂര്‍-മുറിയം കണ്ണി-പാനാംകുന്ന്-ഇരക്കിണ്ടല്‍-കരിപ്പമണ്ണ കരിമ്പുഴ കൂട്ടിലക്കടവ്-പേഴുമട്ട-ചുള്ളിയോട്-വാക്കടപ്പുഴം-തുമ്പക്കണ്ണി കടമ്പഴിപ്പുറം റോഡ് ഗതാഗതത്തിരക്ക് കൂടിയതാണെന്ന കാര്യം ശ്രദ്ധയില്‍പെട്ടിട്ടുണ്ടോ;

(ബി)	പ്രസ്തുത റോഡ് ബി.എം. & ബി.സി. വര്‍ക്ക് ചെയ്യണമെന്ന നാട്ടുകാരുടെ ആവശ്യം ശ്രദ്ധയില്‍പെട്ടിട്ടുണ്ടോ; എങ്കില്‍ ആയതിന്എന്നത്തേയ്ക്ക് ഭരണാനുമതി നല്കും; വിശദമായ റിപ്പോര്‍ട്ട് നല്‍കാമോ; എന്നത്തേയ്ക്ക് റോഡ് നിര്‍മ്മാണ പ്രവര്‍ത്തനം ആരംഭിക്കാന്‍ കഴിയുമെന്ന് വ്യക്തമാക്കാമോ?

ആശാരിക്കടവ് പാലം അപ്രോച്ച് റോഡ് സ്ഥലമെടുപ്പ് നടപടി

1361.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം നഗരസഭയേയും കോവൂര്‍ പഞ്ചായത്തിനേയും ബന്ധിപ്പിക്കുന്ന ആശാരിക്കടവ് പാലം അപ്രോച്ച് റോഡ് സ്ഥലമെടുപ്പ് നടപടികള്‍ ഇപ്പോള്‍ എതു ഘട്ടത്തിലാണ് ;വിശദാംശം നല്‍കാമോ;

(ബി)	റോഡിന്റെ നിര്‍മ്മാണം പൂര്‍ത്തീകരിച്ച് പാലം ജനങ്ങള്‍ക്കായി എപ്പോള്‍ തുറന്നുകൊടുക്കാന്‍ സാധിക്കുമെന്ന് വെളിപ്പെടുത്താമോ?

മോണോറെയില്‍ പദ്ധതി

1362.

(എ)	മോണോറെയില്‍ പദ്ധതി ഉപേക്ഷിക്കാന്‍ 28.08.2014 ലെ യോഗം തീരുമാനിച്ചിട്ടുണ്ടോ ; ഉണ്ടെങ്കില്‍‌ ആയതിനുള്ള കാരണം വിശദീകരിക്കുമോ ;

(ബി)	ഈ പദ്ധതിക്കായി ഖജനാവില്‍ നിന്നും നാളിതുവരെ എന്ത് തുക ചെലവാക്കിയെന്ന് വ്യക്തമാക്കാമോ ; നാളിതുവരെയുള്ള മോണോറെയില്‍ കോര്‍പ്പറേഷന്റെ പ്രവര്‍ത്തനം വഴിയുണ്ടായ ഭൗതിക നേട്ടങ്ങള്‍ വിവരിക്കാമോ ;

(സി)	മോണോറെയില്‍ കോര്‍പ്പറേഷന്റെ രൂപീകരണ സമയത്ത് മോണോറെയില്‍ പദ്ധതിയുടെ സാദ്ധ്യത സംബന്ധിച്ച് പഠനം നടത്തിയിട്ടുണ്ടോ ; ഉണ്ടെങ്കില്‍ അതിന്റെ വിശദാംശം വെളിപ്പെടുത്താമോ ; ഈ പഠനത്തിനായി എത്ര രൂപ ചെലവഴിച്ചുവെന്നും പഠനം നടത്തിയ ഏജന്‍സി ആരാണെന്നും വെളിപ്പെടുത്താമോ ;

(ഡി)	തിരുവന്തപുരം-കോഴിക്കോട് മോണോറെയില്‍ പദ്ധതി മിഷന്‍ 676 ല്‍ ഉള്‍പ്പെടുത്തിയിട്ടുണ്ടോ ; ഉണ്ടെങ്കില്‍ ഇതനുസരിച്ച് മോണോറെയില്‍ എന്നുമുതല്‍ ആരംഭിക്കുമെന്ന് വെളിപ്പെടുത്താമോ ?

കൊയിലാണ്ടി നിയോജക മണ്ഡലത്തിലെ എൽ.എ.സി. എ.ഡി .എസ് വര്‍ക്കുകള്‍

1363.

(എ)	കൊയിലാണ്ടി നിയോജക മണ്ഡലത്തില്‍ 2014 - 15 വര്‍ഷത്തില്‍ പി. ഡബ്ലു. ഡി.മുഖേന നടപ്പിലാക്കുന്ന എൽ.എ.സി. എ.ഡി.എസ് വര്‍ക്കുകള്‍ ഓരോന്നിന്റെയും പ്രവര്‍ത്തി പുരോഗതി വിശദമാക്കാമോ?

മട്ടന്നൂര്‍ മണക്കായി കടവ് പാലം

1364.

(എ)	മട്ടന്നൂര്‍ നിയോജകമണ്ഡലത്തിലെ മണക്കായി കടവ് പാലം നിര്‍മ്മാണത്തിന് ഭരണാനുമതി ലഭിച്ചത് ഏത് ഉത്തരവുപ്രകാരമാണ് എന്ന് അറിയിക്കാമോ;

(ബി)	ഇതിന്റെ എസ്റ്റിമേറ്റ് തുക എത്രയാണ് എന്ന് വ്യക്തമാക്കാമോ;

(സി)	പാലത്തിന്റെ അപ്രോച്ചുറോഡുകള്‍ നിര്‍മ്മിക്കുന്നതിനുളള സ്ഥലം ലഭ്യമായിക്കഴിഞ്ഞിട്ടുണ്ടോയെന്നും തുടര്‍നടപടികള്‍ ഏതു ഘട്ടത്തിലാണെന്നും വ്യക്തമാക്കുമോ;

(ഡി)	പാലം നിര്‍മ്മാണ പ്രവര്‍ത്തി എപ്പോള്‍ ടെന്‍ഡര്‍ ചെയ്യുവാന്‍ കഴിയുമെന്ന് വ്യക്തമാക്കുമോ?

കരാറുകാരുടെ കുടിശ്ശിക

1365.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പ് കരാറുകാര്‍ക്ക് എത്ര കോടി രൂപ കുടിശ്ശിക ഇനത്തില്‍ നല്‍കാനുണ്ട് ;

(ബി)	എത്ര മാസം മുമ്പുവരെയുള്ള ബില്ലുകളാണ് അവസാനമായി മാറി നല്‍കിയത് ;

(സി)	പൂര്‍ത്തീകരിച്ച പ്രവൃത്തിയുടെ തുക മാസങ്ങള്‍ കഴി‍ഞ്ഞിട്ടും മാറി നല്‍കാന്‍ കഴിയാത്തതുകൊണ്ട് കരാറുകാര്‍ പുതിയ പ്രവൃത്തിയുടെ ടെണ്ടര്‍ എടുക്കാന്‍ വിമുഖത കാണിക്കുന്നത് ശ്രദ്ധയില്‍പ്പെട്ടിട്ടുണ്ടോ ;

(ഡി)	കരാറുകാര്‍ പുതിയ പ്രവൃത്തി ഏറ്റെടുക്കാത്തത് വികസന പ്രവര്‍ത്തങ്ങളെ ദോഷകരമായി ബാധിക്കില്ലേ ; വ്യക്തമാക്കാമോ;

(ഇ)	കരാറുകാരുടെ കുടിശ്ശിക തുക മുഴുവന്‍ എന്നത്തേക്ക് കൊടുത്തു തീര്‍ക്കാന്‍ കഴിയുമെന്ന് വ്യക്തമാക്കാമോ ?

കാസര്‍ഗോഡ് മണ്ഡലത്തിലെ പാലങ്ങളുടെ നിര്‍മ്മാണം

1366.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് മണ്ഡലത്തിലെ ഒറപ്പിക്കുണ്ട്, ഓടങ്കല്ല്, പാലങ്ങളുടെ നിര്‍മ്മാണത്തിന് സ്വീകരിച്ച നടപടികള്‍ എന്തെല്ലാം;

(ബി)	ഈ പാലങ്ങള്‍പെട്ടെന്ന് നിര്‍മ്മിച്ചില്ലെങ്കില്‍ വലിയ അപകടം ഉണ്ടാകുമെന്ന കാര്യം ഗൗരവമായി കാണുന്നുണ്ടോ ; ഇതിന് ഫണ്ട് അനുവദിച്ചിട്ടുണ്ടോ; നിര്‍മ്മാണം എപ്പോള്‍ ആരംഭിച്ച് എപ്പോള്‍ പൂര്‍ത്തിയാക്കാനാകുമെന്ന് വ്യക്തമാക്കുമോ?

മഞ്ഞനക്കാട് പാലത്തിന്റെ നിര്‍മ്മാണം

1367.

(എ)	ആസ്തി വികസന പദ്ധതിയില്‍ ഉള്‍പ്പെടുത്തി നിര്‍മ്മാണം നടത്തുന്നതിന് അനുമതി ലഭിച്ചിരുന്ന മഞ്ഞനക്കാട് പാലത്തിന്റെ ഇതുവരെയുള്ള നിര്‍മ്മാണ പുരോഗതി വിശദീകരിക്കാമോ;

(ബി)	പ്രസ്തുത പ്രവൃത്തിയുടെ ഭരണാനുമതി കിട്ടിയ തീയതി എന്നെന്നും അതിനുശേഷം പ്രസ്തുത പ്രവൃത്തി നടപ്പാക്കുന്നതിന് ഏതൊക്കെ തീയതിയില്‍ എന്തൊക്കെ നടപടികള്‍ സ്വീകരിച്ചുവെന്നും വ്യക്തമാക്കാമോ;

(സി)	നിര്‍മ്മാണ പ്രവൃത്തികള്‍ എന്നത്തേക്ക് ആരംഭിക്കാനാകുമെന്ന് വിശദമാക്കാമോ?

കോട്ടപ്പുറം പാലത്തിന്റെ പൂര്‍ത്തീകരണം

1368.

(എ)

തൃക്കരിപ്പൂര്‍ മണ്ഡലത്തിലെ കോട്ടപ്പുറം പാലത്തിന്റെ പണി പൂര്‍ത്തീകരിക്കാന്‍ കഴിയാത്തതിന്റെ കാരണം വ്യക്തമാക്കാമോ; പി.ഡബ്ല്യൂ.ഡി. സെക്രട്ടറി വിളിച്ചുചേര്‍ത്ത ഉന്നതതലയോഗത്തില്‍ 10 മാസത്തിനുളളില്‍ പ്രവൃത്തി പൂര്‍ത്തീകരിക്കുമെന്ന് കരാറുകാരന്‍ വ്യക്തമാക്കിയിട്ടും പകുതിയോളം പണി അവശേഷിക്കാന്‍ കാരണമെന്തെന്ന് വ്യക്തമാക്കുമോ?

മട്ടന്നൂര്‍ നിയോജകമണ്ഡലത്തിലെ തൃക്കടാരിപ്പൊയില്‍-ഇടുമ്പ-കണ്ണപം റോഡിന്റെ നിർമ്മാണം

1369.

(എ)	മട്ടന്നൂര്‍ നിയോജകമണ്ഡലത്തിലെ തൃക്കടാരിപ്പൊയില്‍-ഇടുമ്പ-കണ്ണപം റോഡിന്റെ നിര്‍മ്മാണ പ്രവര്‍ത്തിയുമായി ബന്ധപ്പെട്ട കോടതി വ്യവഹാരങ്ങളെത്തുടര്‍ന്ന് റോഡ് നിര്‍മ്മാണപ്രവൃത്തി അനിശ്ചിതമായി നീണ്ടുപോകുന്നതുകൊണ്ട് പ്രദേശത്തെ ജനങ്ങള്‍ക്കുണ്ടാകുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	തൃക്കടാരിപ്പൊയില്‍-ഇടുമ്പ-കണ്ണപം റോഡ് നിര്‍മ്മാണ പ്രവൃത്തിയുമായി ബന്ധപ്പെട്ട കോടതി നടപടികള്‍ ഇപ്പോള്‍ ഏതു ഘട്ടത്തിലാണ്;

(സി)	പ്രസ്തുത കേസ്സുമായി ബന്ധപ്പെട്ട് കോടതി വിധി വന്നിട്ടുണ്ടെങ്കില്‍ ആയത് വിശദീകരിക്കുമോ;

(ഡി)	കോടതി വ്യവഹാരങ്ങള്‍ അവസാനിച്ചുവെങ്കില്‍ റോഡ് നിര്‍മ്മാണ പ്രവര്‍ത്തി യുദ്ധകാലാടിസ്ഥാനത്തില്‍ പൂര്‍ത്തീകരിക്കുവാന്‍ നടപടികള്‍ സ്വീകരിക്കുമോ?

പയ്യന്നൂരിലെ മിനി സിവില്‍സ്റ്റേഷന്‍ നിര്‍മ്മാണ പ്രവര്‍ത്തനം

1370.

(എ)	പയ്യന്നൂരിലെ മിനി സിവില്‍സ്റ്റേഷന്റെ നിര്‍മ്മാണ പ്രവര്‍ത്തനം ആരംഭിച്ചത് എപ്പോഴാണെന്ന് വ്യക്തമാക്കുമോ ;

(ബി)	നിര്‍മ്മാണ പ്രവര്‍ത്തനം പൂര്‍ത്തീകരിക്കാന്‍ വൈകുന്നതിന്റെ കാരണം വിശദമാക്കാമോ;

(സി)	ഏതെല്ലാം പ്രവര്‍ത്തികളാണ് പൂര്‍ത്തീകരിക്കാനുള്ളതെന്നും പ്രസ്തുത പ്രവര്‍ത്തികള്‍ എപ്പോള്‍ പൂര്‍ത്തീകരിക്കാന്‍ സാധിക്കുമെന്നും വിശദമാക്കാമോ?

കോണ്‍വെന്റ് ബീച്ച് പാലത്തിന്റെ നിര്‍മ്മാണം

1371.

(എ)	കോണ്‍വെന്റ് ബീച്ച് പാലത്തിന്റെ നിര്‍മ്മാണം ആരംഭിക്കുന്നതിന് കാലതാമസം നേരിടുന്നത് എന്തുകൊണ്ടെന്ന് വ്യക്തമാക്കാമോ;

(ബി)	പ്രവൃത്തി ആരംഭിക്കുന്നതിന് ഏതെങ്കിലും തരത്തിലുളള തടസ്സങ്ങള്‍ നിലവിലുണ്ടോ; എങ്കില്‍ വിശദീകരിക്കാമോ;

(സി)	പ്രവൃത്തി എന്നത്തേക്ക് ആരംഭിക്കാനാകുമെന്ന് വ്യക്തമാക്കാമോ?

പൊതുമരാമത്ത് വകുപ്പ് ഭരണാനുമതി നല്‍കിയ പൊതുമരാമത്ത് വകുപ്പ് പ്രവൃത്തികള്‍

1372.

(എ)	2013-14, 2014-15 എന്നീ സാമ്പത്തിക വര്‍ഷങ്ങളില്‍ പൊതുമരാമത്ത് വകുപ്പിനുകീഴില്‍ എത്ര പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ട് ; ഇതിന്റെ ഭരണാനുമതി തുക മൊത്തം എത്രയാണ് ;

(ബി)	ഇതില്‍ എത്ര പ്രവൃത്തികള്‍ പൂര്‍ത്തീകരിച്ചിട്ടുണ്ട് ;

(സി)	എത്ര പ്രവൃത്തികള്‍ ടെണ്ടര്‍ എടുത്ത് എഗ്രിമെന്റ് വെച്ച് പ്രവര്‍ത്തി നടന്നുവരുന്നുണ്ട് ;

(ഡി)	ടെണ്ടറില്‍ പോകാത്തതും, ടെണ്ടര്‍ എടുത്ത് എഗ്രിമെന്റ് ചെയ്യാത്തതും ആയ പ്രവൃത്തികള്‍ എത്ര എണ്ണം ഉണ്ട് ;ഇതിന്റെ ഭരണാനുമതി തുക എത്ര വരും ;

(ഇ)	ഭരണാനുമതി നല്‍കിയ പ്രവൃത്തി സമയബന്ധിതമായി ചെയ്തു തീര്‍ക്കുന്നതിന് എന്ത് നടപടി സ്വീകരിച്ചിട്ടുണ്ട് ; വിശദാംശം വ്യക്തമാക്കുമോ ?

ആറ്റിങ്ങലിലെ ദേശീയപാത വികസനം

T 1373.

(എ)	ആറ്റിങ്ങല്‍ പട്ടണത്തില്‍ ദേശീയപാതയുടെ വീതി കൂട്ടുന്നതിന്റെ ഭാഗമായി 31.12.14-ല്‍ മുഖ്യമന്ത്രി വിളിച്ചുചേര്‍ത്ത യോഗത്തിലെ തീരുമാനങ്ങള്‍ വിശദമാക്കാമോ ;

(ബി)	പ്രസ്തുത പദ്ധതിയുടെ വിശദവിവരങ്ങള്‍ ലഭ്യമാക്കാമോ;

(സി)	സംസ്ഥാന ആസൂത്രണബോര്‍ഡ് ഈ പദ്ധതിയുമായി ബന്ധപ്പെട്ട് സമര്‍പ്പിച്ചിട്ടുള്ള ശിപാര്‍ശകളെക്കുറിച്ചുള്ള വിശദവിവരം ലഭ്യമാക്കാമോ ?

കൊല്ലങ്കോട് ബൈപ്പാസ് റോഡിന്റെ ഭൂമി ഏറ്റെടുക്കല്‍ നടപടികള്‍

1374.

(എ)	നെന്മാറ നിയോജകമണ്ഡലത്തിലെ കൊല്ലങ്കോട് ബൈപ്പാസ് റോഡിന്റെ ഭൂമി ഏറ്റെടുക്കല്‍ നടപടികളുടെ പുരോഗതി വിശദമാക്കുമോ ;

(ബി)	ഭൂമി ഏറ്റെടുക്കല്‍ നടപടി പൂര്‍ത്തീകരിക്കുന്നതിനായി റവന്യൂ വകുപ്പിന് ആവശ്യമായ തുക അനുവദിച്ചിട്ടുണ്ടോ ; എത്ര തുകയാണ് പ്രസ്തുത വകുപ്പ് ആവശ്യപ്പെട്ടിട്ടുള്ളത് ;

(സി)	ഈ തുക കൈമാറുന്നതിനുള്ള നടപടിക്രമങ്ങള്‍ പൂര്‍ത്തീകരിച്ചോ ; ഇല്ലെങ്കില്‍ എന്ന് പൂര്‍ത്തീകരിക്കുമെന്ന് വിശദമാക്കുമോ ?

പൊതുമരാമത്തു വകുപ്പില്‍ ചെക്ക് സിസ്റ്റം

1375.

പ്രൊഫ.സി.രവീന്ദ്രനാഥ് : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ചെക്ക് സിസ്റ്റം അവസാനിപ്പിച്ചതിന്റെ ഭാഗമായി പൊതുമരാമത്തു വകുപ്പില്‍ ഏതെങ്കിലും തസ്തികകള്‍ വെട്ടിക്കുറച്ചിട്ടുണ്ടോ എന്ന് വ്യക്തമാക്കാമോ?

കുരുവട്ടൂര്‍ ആയുര്‍വ്വേദ ആശുപത്രി നിർമ്മാണം

1376.

ശ്രീ.എ. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ കുരുവട്ടൂര്‍ ഗ്രാമപഞ്ചായത്തില്‍ ആയുര്‍വ്വേദ ആശുപത്രിക്ക് കെട്ടിടം നിര്‍മ്മിക്കുന്നതിന് ആസ്തി വികസന ഫണ്ടില്‍ ഉള്‍പ്പെടുത്തി ഭരണാനുമതി ലഭിച്ച തീയതി വെളിപ്പെടുത്താമോ;

(ബി)	ഭരണാനുമതി ലഭിച്ചിട്ടും പൊതുമരാമത്ത് ബില്‍ഡിംഗ് വിഭാഗത്തിൽ നിന്ന് ടെണ്ടർ നടപടി ആരംഭിക്കാൻ വൈകാന്‍ കാരണമെന്തെന്ന് വ്യക്തമാക്കാമോ;

(സി)	പ്രസ്തുത പ്രവൃത്തി എപ്പോള്‍ തുടങ്ങാന്‍ കഴിയുമെന്ന് വെളിപ്പെടുത്താമോ?

മുട്ടുംങ്ങല്‍ - നാദാപുരം - പത്രം തളം റോഡ് വികസനം

1377.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മുട്ടുംങ്ങല്‍ - നാദാപുരം - പത്രം തളം റോഡ് സംസ്ഥാന പാത നിലവാരത്തിലേക്ക് ഉയര്‍ത്തുമോയെന്നു അറിയിക്കുമോ ;

(ബി)	എങ്കില്‍ ഇതിന്‍മേല്‍ നാളിതുവരെ സ്വീകരിച്ച നടപടികള്‍ വിശദമാക്കാമോ?

പൊതുമരാമത്ത് റോഡ് പുറമ്പോക്കുകളില്‍ വരുമാനദായക പ്രോജക്ടുകള്‍

1378.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് റോഡ് പുറമ്പോക്കുകളില്‍ വരുമാനദായക പ്രോജക്ടുകള്‍ നിര്‍മ്മിക്കുന്നതിന് തീരുമാനിച്ചിട്ടുണ്ടോ ;ഇതിനായി സ്ഥലം കണ്ടെത്തിയിട്ടുണ്ടോ ; വിശദാംശങ്ങള്‍ നല്‍കുമോ;

(ബി)	കോഴിക്കോട് ജില്ലയില്‍ സംസ്ഥാന നാഷണല്‍ ഹൈവേകളില്‍ കണ്ടെത്തിയ സ്ഥലം ഏതൊക്കെയാണെന്ന് വ്യക്തമാക്കുമോ ;

ദേശീയപാതകളിലെ ടോള്‍ പിരിവ്

1379.

ശ്രീ.കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതയിലെ പാലങ്ങളില്‍ നിര്‍മ്മാണത്തിന് ചെലവായ സംഖ്യയെക്കാളും തുക ടോള്‍ ഇനത്തില്‍ ലഭിച്ചിട്ടും ചില പാലങ്ങളില്‍ ടോള്‍ പിരിവ് തുടരുന്നുവെന്ന വസ്തുത ശ്രദ്ധയില്‍ വന്നിട്ടുണ്ടോ ;

(ബി)	ദേശീയപാതകളിലെ ടോള്‍ പിരിവ് കേന്ദ്ര സര്‍ക്കാരിന്റെ നിയമമനുസരിച്ചാണോ നടക്കുന്നത് ;

(സി)	നിര്‍മ്മാണ ചെലവിനെക്കാളും തുക ലഭിച്ച പാലങ്ങളുടെ ടോള്‍ പിരിവ് അവസാനിപ്പിക്കുന്നതിന് കേന്ദ്ര ഉപരിതലഗതാഗത വകുപ്പില്‍ സമ്മര്‍ദ്ദം ചെലുത്തുന്നതിന് നടപടി സ്വീകരിക്കുമോ ?

ചാലക്കുടിയിലെ അണ്ടര്‍ പാസേജിന്റെ അപ്രോച്ച് റോഡിന്റേയും ഡ്രെയിനേജിന്റേയും നിര്‍മ്മാണം

1380.

(എ)	ചാലക്കുടിയില്‍ റെയില്‍വേ നിര്‍മ്മാണം പൂര്‍ത്തിയാക്കിയ അണ്ടര്‍ പാസേജിന്റെ അപ്രോച്ച് റോഡിന്റേയും ഡ്രെയിനേജിന്റേയും നിര്‍മ്മാണം ഇനിയും ആരംഭിക്കാത്തതുമൂലം ജനങ്ങള്‍ക്കുണ്ടായിട്ടുള്ള ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)	ഇതിനായി സമര്‍പ്പിച്ചിട്ടുള്ള പ്രൊപ്പോസലിന് ഭരണാനുമതി നല്‍കി പ്രവൃത്തി ആരംഭിക്കുന്നതിന് നടപടി സ്വീകരിക്കുമോ ?

പൊതുമരാമത്ത് വകുപ്പ് ഏറ്റെടുത്തിട്ടുള്ള റോഡുകള്‍

1381.

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുമരാമത്ത് വകുപ്പ് ഏതെല്ലാം റോഡുകള്‍ ഏറ്റെടുത്തിട്ടുണ്ടെന്ന് ജില്ലാടിസ്ഥാനത്തില്‍ വിശദമാക്കാമോ?

ദേശീയപാതയില്‍ ഡിവൈഡര്‍.

1382.

(എ)	കൊല്ലം ജില്ലയില്‍ ദേശീയപാതയുടെ വിവിധ ഭാഗങ്ങളില്‍ ഡിവൈഡര്‍ ഇല്ലാത്തതുകൊണ്ട് കൂടുതല്‍ വാഹന അപകടം ഉണ്ടാക്കുന്നു എന്ന വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ അപകടം ഒഴിവാക്കുന്നതിന് സ്വീകരിച്ച നടപടി വിശദമാക്കുമോ;

(ബി)	ഡിവൈഡര്‍ ഇല്ലാത്ത ഭാഗങ്ങളില്‍ ഡിവൈഡര്‍ നിര്‍മ്മിക്കുന്നതിനുള്ള നടപടി സ്വീകരിക്കുമോ;

പളളിക്കരയില്‍ റെയില്‍വേ മേല്‍പ്പാലം

1383.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	നീലേശ്വരം-ചെറുവത്തൂര്‍ ദേശീയ പാതയില്‍ പളളിക്കരയില്‍ റെയില്‍വേ മേല്‍പ്പാലം നിര്‍മ്മിക്കുന്നതിനുളള നടപടികള്‍ ഏതു ഘട്ടത്തിലാണെന്ന് വ്യക്തമാക്കാമോ;

(ബി)	പ്രസ്തുത മേല്‍പ്പാലത്തിന് സ്ഥലം ഏറ്റെടുക്കല്‍ നടപടികള്‍ ഏതുഘട്ടത്തിലാണ്;

(സി)	മേല്‍പ്പാല നിര്‍മ്മാണം അനിശ്ചിതമായി നീളുന്നതിനുളള കാരണങ്ങള്‍ വിശദമാക്കാമോ?

വട്ടോളിപ്പാലം നിര്‍മ്മാണം

1384.

(എ)	മട്ടന്നൂര്‍ നിയോജകമണ്ഡലത്തിലെ ചിറ്റാരിപ്പറമ്പ് ഗ്രാമപഞ്ചായത്തിനെയും മാലൂര്‍ ഗ്രാമപഞ്ചായത്തിനെയും തമ്മില്‍ ബന്ധിപ്പിക്കുന്ന വട്ടോളിപ്പാലം നിര്‍മ്മാണത്തിനുളള പ്രൊപ്പോസല്‍ ഇപ്പോള്‍ ഏതു ഘട്ടത്തിലാണെന്നു വിശദീകരിക്കുമോ;

(ബി)	വട്ടോളിപ്പാലം നിര്‍മ്മാണത്തിനുളള വിശദമായ പ്രോജക്ട് റിപ്പോര്‍ട്ട് ഗവണ്‍മെന്റിനു സമര്‍പ്പിച്ചിട്ടുണ്ടോയെന്നും എത്ര തുകയുടെ എസ്റ്റിമേറ്റാണ് സമര്‍പ്പിച്ചിട്ടുളളതെന്നും വ്യക്തമാക്കുമോ;

(സി)	വട്ടോളിപ്പാലം നിര്‍മ്മാണത്തിന് ധനസഹായം ലഭ്യമാക്കുന്നതിനുളള പ്രൊപ്പോസല്‍ നബാര്‍ഡിനു സമര്‍പ്പിച്ചിട്ടുണ്ടോയെന്നു വ്യക്തമാക്കുമോ ;

(ഡി)	വട്ടോളിപ്പാലം നിര്‍മ്മാണത്തിന് 2015-16 സാമ്പത്തിക വര്‍ഷം ഭരണാനുമതി നല്‍കുന്നതിനു നടപടി സ്വീകരിക്കുമോ?

പൊതുമരാമത്ത് കരാറുകാരുടെ കുടിശ്ശിക തുക

1385.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിനുകീഴില്‍ ജോലി ചെയ്ത കരാറുകാര്‍ക്ക് എത്ര രൂപയാണ് കുടിശ്ശികയുളളതെന്ന് വ്യക്തമാക്കാമോ;

(ബി)	ജോലികള്‍ പൂര്‍ത്തിയാക്കി ബില്ലുകള്‍ സമര്‍പ്പിച്ച ഏതു മാസം വരെയുളള തുകയാണ് ഇതുവരെ കൊടുത്തു തീര്‍ത്തിട്ടുളളതെന്ന് വ്യക്തമാക്കാമോ;

(സി)	കരാറുകാരുടെ കുടിശ്ശിക തുക പൂര്‍ണ്ണമായും എന്ന് കൊടുത്തുതീര്‍ക്കാനാവുമെന്നാണ് കണക്കാക്കുന്നതെന്ന് വ്യക്തമാക്കാമോ?

ബെെപ്പാസുകളുടെ നിർമ്മാണം

1386.

ശ്രീ.പാലോട് രവി
,, വി.പി.സജീന്ദ്രന്‍
,, ഐ.സി.ബാലകൃഷ്ണന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ബെെപ്പാസുകളുടെ നിര്‍മ്മാണത്തിന് സ്വീകരിച്ച നടപടികള്‍ വിശദമാക്കുമോ;

(ബി)	ഏത് പദ്ധതിയില്‍ ഉള്‍പ്പെടുത്തിയാണ് ഇതിന്റെ നിര്‍മ്മാണ പ്രവര്‍ത്തനങ്ങള്‍ നടത്തുന്നത്;

(സി)	പ്രസ്തുത നിർമ്മാണങ്ങൾക്കുള്ള ധന സമാഹരണം എങ്ങനെ നടപ്പാക്കാനാണ് ഉദ്ദേശിക്കുന്നതെന്ന് വിശദമാക്കുമോ;

(ഡി)	നിര്‍മ്മാണ പ്രവര്‍ത്തനങ്ങളുടെ ടെന്‍ഡര്‍ നടപടികള്‍ ആരംഭിച്ചിട്ടുണ്ടോയെന്ന് വ്യക്തമാക്കുമോ?

മണക്കാലിക്കടവ് പാലത്തിന്റെ നിർമാണം

1387.

(എ)	ധര്‍മ്മം നിയോജകമണ്ഡലവും മട്ടന്നൂര്‍ നിയോജകമണ്ഡലവും ബന്ധിപ്പിക്കുന്ന മണക്കാലിക്കടവ് പാലത്തിന്റെ പ്രവര്‍ത്തി ഏത് ഘട്ടത്തിലാണെന്ന് വ്യക്തമാക്കാമോ ;

(ബി)	പാലത്തിന്റെ നിർമ്മാണവുമായി ബന്ധപെട്ട് എന്തെല്ലാംനടപടികൾ സ്വീകരിച്ചിട്ടുണ്ടെന്ന് വിദശമാക്കാമോ ;

(സി)	ഈ പാലത്തിന്റെ പ്രവര്‍ത്തി എന്നത്തേക്ക് പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കാമോ ?

എളങ്കുന്നപ്പുഴ സര്‍ക്കാര്‍ സ്കൂള്‍ കെട്ടിടവും ഗ്രൌണ്ട് നവീകരണവും

1388.

(എ)	എളങ്കുന്നപ്പുഴ സര്‍ക്കാര്‍ സ്കൂള്‍ കെട്ടിടം, ഗ്രൌണ്ട് നവീകരണം എന്നീ പ്രവൃത്തികള്‍ നടപ്പാക്കുന്നതിലെ കാലതാമസ്സം എന്തുകൊണ്ടെന്ന് വ്യക്തമാക്കാമോ;

(ബി)	പ്രസ്തുത പദ്ധതികള്‍ പൂര്‍ത്തീകരിക്കുന്നതില്‍ തടസ്സങ്ങള്‍ ഉണ്ടെങ്കില്‍ വിശദീകരിക്കാമോl;

(സി)	പ്രവൃത്തി എന്നത്തേക്ക് പൂര്‍ത്തീകരിക്കാനാകുമെന്ന് വ്യക്തമാക്കാമോ?

തൃക്കരിപ്പൂര്‍ ഗവണ്‍മെന്റ് പോളിടെക്നിക് കെട്ടിട പ്രവൃത്തി ആരംഭിക്കാന്‍ നടപടി

1389.

(എ)	കാസര്‍ഗോഡ് ജില്ലയിലെ തൃക്കരിപ്പൂര്‍ ഗവണ്‍മെന്റ് പോളിടെക്നിക് കെട്ടിടത്തിന് ഭരണാനുമതി നല്‍കിയിട്ടും പ്രവൃത്തി ആരംഭിക്കാന്‍ വെെകുന്നതിന്റെ കാരണം വ്യക്തമാക്കാമോ?

കല്ലുവാതുക്കല്‍ ഗ്രാമപഞ്ചായത്തിലെ മരക്കുളം കടവില്‍ ഇത്തിക്കര ആറിന് കുറുകെ ഒരു ഫുട്ട് ബ്രിഡ്ജ്

1390.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	ആസ്തിവികസന ഫണ്ട് ഉപയോഗിച്ച് ചാത്തന്നൂര്‍ നിയോജകമണ്ഡലത്തിലെ കല്ലുവാതുക്കല്‍ ഗ്രാമപഞ്ചായത്തിലെ മരക്കുളം കടവില്‍ ഇത്തിക്കര ആറിന് കുറുകെ ഒരു ഫുട്ട് ബ്രിഡ്ജ് നിര്‍മ്മിക്കുന്നതിലേക്ക് നിര്‍ദ്ദേശം ലഭിച്ചിരുന്നുവോ ; എങ്കില്‍ എന്നാണെന്നും എത്ര രൂപയാണ് അനുവദിച്ചിരുന്നതെന്നും അറിയിക്കുമോ ;

(ബി)	പ്രസ്തുത പാലത്തിന്റെ നിര്‍മ്മാണം ആരംഭിക്കുവാന്‍ കഴിയാത്തത് എന്ത് കൊണ്ടാണ് ;

(സി)	പാലത്തിന്റെ നിര്‍മ്മാണം ആരംഭിക്കുവാന്‍ കൈക്കൊണ്ടിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കുമോ ?

തൃക്കരിപ്പൂര്‍ ഗവണ്‍മെന്റ് പോളിടെക്നിക് കെട്ടിട പ്രവൃത്തി ആരംഭിക്കാന്‍ നടപടികൂട്ടുംവാതുക്കല്‍ കടവ് പാലം

1391.

ശ്രീ.സി.കെ സദാശിവന്‍ : താഴെ കാണുന്ന ചോദ്യത്തിന് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	കായംകുളം അസംബ്ലി മണ്ഡലത്തില്‍ കരുനാഗപ്പളളി, കായംകുളം, ഹരിപ്പാട് മണ്ഡലങ്ങളെ തമ്മില്‍ ബന്ധിപ്പിക്കുന്ന കൂട്ടുംവാതുക്കല്‍ കടവ് പാലത്തിന്റെ നിര്‍മ്മാണത്തിന്റെ നിലവിലുളള അവസ്ഥ വിശദമാക്കാമോ?

നെല്ലിയാമ്പതിയിലെ ഉരുള്‍പൊട്ടലില്‍ തകര്‍ന്ന റോഡിന്റെ പുനരുദ്ധാരണം

1392.

(എ)	ഇക്കഴിഞ്ഞ കാലവര്‍ഷക്കെടുതിയില്‍ നെല്ലിയാമ്പതിയിലുണ്ടായ ഉരുള്‍പ്പൊട്ടലില്‍ റോഡ് ഒലിച്ചുപോയി ഗതാഗത തടസ്സം നേരിട്ടതായി ശ്രദ്ധയില്‍പ്പെട്ടിട്ടുണ്ടോ ;

(ബി)	പ്രസ്തുത റോഡിന്റെ പുനരുദ്ധാരണ പ്രവൃത്തികള്‍ക്കുള്ള നടപടികള്‍ സ്വീകരിച്ചിട്ടുണ്ടോ ; എങ്കില്‍ വിശദാംശം നല്‍കുമോ ;

(സി)	28-10-2014 ന് ഉണ്ടായ ഉരുള്‍പൊട്ടലില്‍ തകര്‍ന്ന റോഡിന്റെ പുനരുദ്ധാരണ പ്രവൃത്തികള്‍ക്ക് നാളിതുവരെ എന്തെല്ലാം നടപടിക്രമങ്ങളാണ് പൂര്‍ത്തീകരിച്ചിട്ടുള്ളത് എന്ന് വിശദമാക്കുമോ ;

(ഡി)	നെല്ലിയാമ്പതിയിലെ തകര്‍ന്ന റോഡിന്റെ പുനരുദ്ധാരണ പണികള്‍ എന്ന് പൂര്‍ത്തീകരിക്കാന്‍ കഴിയുമെന്ന് വിശദമാക്കുമോ ?

പൊതുമരാമത്ത്നിര്‍മ്മാണ പ്രവര്‍ത്തനങ്ങള്‍

1393.

ശ്രീ.മാത്യു റ്റി.തോമസ്
,, ജോസ് തെറ്റയില്‍
,, സി.കെ.നാണു
ശ്രീമതി.ജമീല പ്രകാശം : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന് കീഴിലുള്ള നിര്‍മ്മാണ പ്രവര്‍ത്തനങ്ങള്‍ സ്തംഭിച്ചിട്ടുണ്ടോ ;എങ്കിൽ കാരണങ്ങള്‍ പരിശോധിച്ചിട്ടുണ്ടോ;

(ബി)	കരാറുകാര്‍ക്ക് കൊടുത്തുതീര്‍ക്കുവാനുള്ള കുടിശ്ശിക എത്രയെന്ന് വിശദമാക്കുമോ;

(സി)	ടെണ്ടറുകള്‍ ബഹിഷ്കരിക്കുമെന്ന കരാറുകാരുടെ പ്രഖ്യാപനങ്ങള്‍ പിന്‍വലിച്ചിട്ടുണ്ടോ ;

(ഡി)	എങ്കിൽ എന്ത് ധാരണയുടെ അടിസ്ഥാനത്തിലാണ് എന്ന് വ്യക്തമാക്കുമോ;

(ഇ)	കരാറുകാർ എസ്റ്റിമേറ്റ് തുകയെക്കാള്‍ അധികരിച്ച തുകയ്ക്ക് ടെണ്ടറുകള്‍ സമര്‍പ്പിക്കുന്നത് ബില്ലുകള്‍ മാറിക്കിട്ടുന്നതിലെ കാലതാമസം കൊണ്ടാണെന്ന് വിലയിരുത്തിയിട്ടുണ്ടോ എന്ന് വ്യക്തമാക്കുമോ?

2014 ജനുവരി 1ന് ശേഷം ഭരണാനുമതിക്ക് സമര്‍പ്പിച്ച പ്രവൃത്തികള്‍

1394.

(എ)

കാസര്‍ഗോഡ് ജില്ലയില്‍ പൊതുമരാമത്ത് വകുപ്പ് (റോഡുകളും പാലങ്ങളും) പൊതുമരാമത്ത് വകുപ്പ് (കെട്ടിട വിഭാഗം) എന്നിവിടങ്ങളില്‍ 2014 ജനുവരി 1ന് ശേഷം എസ്റ്റിമേറ്റുകള്‍ തയ്യാറാക്കി ഭരണാനുമതിക്ക് സമര്‍പ്പിച്ച പ്രവൃത്തികള്‍, പേര്, അടങ്കല്‍ തുക, നിയോജക മണ്ഡലം, ഏത് പദ്ധതിയിലുള്‍പ്പെടുത്തിയുളള ഫണ്ട് എന്നിവ സംബന്ധിച്ച വിശദാംശങ്ങള്‍ ലഭ്യമാക്കാമോ ;

(ബി)	ഓരോ പ്രവൃത്തിക്കും ലഭിച്ച ഭരണാനുമതി സംബന്ധിച്ച വിശദാംശങ്ങള്‍ ലഭ്യമാക്കാമോ ;

(സി)	ഭരണാനുമതി ലഭിച്ച പദ്ധതികള്‍ക്ക് ഏതിനൊക്കെയാണ് സാങ്കേതിക അനുമതി നല്‍കിയതെന്ന്, പ്രവൃത്തി, അടങ്കല്‍ തുക, നിയോജക മണ്ഡലം, സാങ്കേതിക അനുമതി തീയതി, സാങ്കേതിക അനുമതിയില്‍ ഒപ്പുവച്ച ഉദ്യോഗസ്ഥന്‍ എന്നിവ സംബന്ധിച്ച വിശദാംശങ്ങള്‍ ലഭ്യമാക്കാമോ;

(ഡി)	ഇനിയും സാങ്കേതികാനുമതി നല്‍കാനുളള പദ്ധതികള്‍ ഏതൊക്കെയാണെന്നും അത് വൈകാനുളള കാരണങ്ങള്‍ എന്തൊക്കെയാണെന്നും വ്യക്തമാക്കാമോ;

(ഇ)	പ്രസ്തുത ഓഫീസുകളില്‍ വിവിധ തസ്തികകളിലായുളള ഒഴിവുകള്‍ സംബന്ധിച്ച വിവരങ്ങള്‍ ലഭ്യമാക്കാമോ;

(എഫ്)

രാംനഗര്‍ ഗവണ്‍മെന്റ് ഹയര്‍സെക്കന്ററി സ്കൂളിന് കെട്ടിട നിര്‍മ്മാണത്തിനും രാവണീശ്വരം ഗവണ്‍മെന്റ് ഹയര്‍ സെക്കന്ററി സ്കൂളിന് സ്റ്റേഡിയം നിര്‍മ്മാണത്തിനും ആസ്തി വികസന പദ്ധതിയില്‍ ഉള്‍പ്പെടുത്തി അനുവദിച്ച 50 ലക്ഷം രൂപ വീതമുളള പ്രവൃത്തി നടപടികള്‍ ഏതു ഘട്ടത്തിലാണെന്ന് വ്യക്തമാക്കാമോ;

(ജി)	പ്രസ്തുത പ്രവൃത്തികള്‍ക്ക് ഭരണാനുമതി ലഭിക്കുന്നതിലുളള കാലതാമസം എന്തുകൊണ്ടാണെന്ന് വിശദമാക്കാമോ?

എന്‍.എച്ച്. 47 ലെനിര്‍മ്മാണ പ്രവൃത്തികളുടെ പുരോഗതി

1395.

(എ)	എന്‍.എച്ച്. 47 ലെ വാളയാര്‍ മുതല്‍ വടക്കഞ്ചരി വരെയുള്ള ദേശീയ പാതയുടെയും മണ്ണൂത്തി മുതല്‍ വടക്കഞ്ചരി വരെയുള്ള ദേശീയ പാതയുടെയും നിര്‍മ്മാണ പ്രവൃത്തികളുടെ പുരോഗതി വിലയിത്തിയിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	മണ്ണൂത്തി മുതല്‍ വാളയാര്‍ വരെയുള്ള ദേശീയ പാതയുടെ നിര്‍മ്മാണ പ്രവൃത്തികള്‍ക്കായി നാളിതു വരെ എത്ര തുക ചെലവായി എന്ന് വിശദമാക്കുമോ;

(സി)	പ്രസ്തുത പദ്ധതി എന്നത്തേയ്ക്ക് പൂര്‍ത്തീകരിക്കാന്‍ കഴിയുമെന്ന് വിശദമാക്കുമോ?

മിഷന്‍ 676 പ്രകാരം പൊതുമരാമത്ത് വകുപ്പിന്‍കീഴില്‍ പ്രഖ്യാപിക്കപ്പെട്ട പദ്ധതികള്‍

1396.

ശ്രീ.കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്ത് വകുപ്പുമന്ത്രി സദയം മറുപടി നല്‍കുമോ:

(എ)	മിഷന്‍ 676 പ്രകാരം പൊതുമരാമത്ത് വകുപ്പിന്‍കീഴില്‍ പ്രഖ്യാപിക്കപ്പെട്ട പദ്ധതികള്‍ ഏതൊക്കെയാണ്; ഇതിനകം നടപ്പിലാക്കിയിട്ടുള്ളവ ഏതൊക്കെയാണ്; അതിനായി ചെലവഴിച്ച തുക എത്ര; 2014-2015 ബജറ്റില്‍ വകയിരുത്തിയതല്ലാത്ത തുക ഇതിനായി കണ്ടെത്തി ഉപയോഗിക്കുകയുണ്ടായിട്ടുണ്ടോ ; എങ്കില്‍ എത്ര; വിശദാംശം ലഭ്യമാക്കാമോ;

(ബി)	മിഷന്‍ 676 പ്രകാരം പ്രഖ്യാപിക്കപ്പെട്ട പദ്ധതികളില്‍ നാളിതുവരെ പ്രവര്‍ത്തനം ആരംഭിച്ചിട്ടില്ലാത്തവ ഏതൊക്കെ;

(സി)	മിഷന്‍ 676 പദ്ധതി നടത്തിപ്പ് തുടങ്ങിയ തീയതി എന്നായിരുന്നു; അവസാനിക്കുന്ന തീയതി എന്നാണ്; ഇനി എത്ര ദിവസങ്ങള്‍ അവശേഷിക്കുന്നു?

Website maintained by Information System Section, Kerala Legislative Assembly, Thiruvananthapuram.