13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >12^th Session>Starred Answers

Answer Provided

Answer Not Yet Provided

THIRTEENTH KLA - 12^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Q. No

Questions

*31.

സംസ്ഥാനത്തെ സാമ്പത്തിക പ്രതിസന്ധി

ശ്രീ.ഇ.കെ.വിജയന്‍
,, സി.ദിവാകരന്‍
,, ഇ.ചന്ദ്രശേഖരന്‍
ശ്രീമതി.ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സാമ്പത്തിക പ്രതിസന്ധി നിലനില്‍ക്കുന്നുണ്ടോ; ഉണ്ടെങ്കില്‍ ഈ പ്രതിസന്ധി പരിഹരിക്കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമാണെന്നു വ്യക്തമാക്കുമോ;

(ബി)	ഈ ഗവണ്‍മെന്റ് അധികാരത്തില്‍ വന്നതിനു ശേഷം ഇതുവരെ പൊതു വിപണിയില്‍ നിന്നും കടമെടുത്ത തുക എത്രയാണ് ; കടപത്രത്തിലൂടെ എത്ര തുക സമാഹരിച്ചുവെന്നു വ്യക്തമാക്കുമോ ;

(സി)	പൊതുവിപണിയില്‍ നിന്നും കടമെടുക്കുന്ന തുക വികസന പ്രവര്‍ത്തനങ്ങള്‍ക്ക് വിനിയോഗിക്കണമെന്ന വ്യവസ്ഥയുണ്ടോ; ഉണ്ടെങ്കില്‍ ഈ വ്യവസ്ഥ പാലിച്ചിട്ടുണ്ടോ; ഇല്ലെങ്കിൽ അതിനു കഴിയാതെ പോയതെന്തുകൊണ്ടാണെന്ന് വെളിപ്പെടുത്തുമോ?

*32.

ബജറ്റില്‍ പ്രഖ്യാപിച്ച പദ്ധതികള്‍

ശ്രീ.പി.ശ്രീരാമകൃഷ്ണന്‍
,, എം. ഹംസ
,, കോലിയക്കോട് എന്‍. കൃഷ്ണന്‍ നായര്‍
,, പി.റ്റി.എ. റഹീം : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	മതിയായ വിഭവ പിന്തുണയില്ലാതെ പദ്ധതികള്‍ പ്രഖ്യാപിക്കുന്നതും അക്കാരണത്താല്‍ തന്നെ ഇവയൊന്നും നടപ്പിലാക്കുന്നതിന് സാധിക്കാതെ വരുന്നതും ഈ സര്‍ക്കാരിന്റെ കാലത്ത് തുടര്‍ക്കഥയാകുന്നു എന്ന ആക്ഷേപത്തിൽ നിലപാട് വ്യക്തമാക്കുമോ;

(ബി)	പ്രഖ്യാപിത വാര്‍ഷിക പദ്ധതി യഥാസമയം നടപ്പിലാക്കാനും ഇതിനാവശ്യമായ തുക സമാഹരിക്കാനും സാധിക്കുന്നുണ്ടോ; ഇതിനകമുള്ള പദ്ധതി നിര്‍വ്വഹണവും ധനസമാഹരണവും സംബന്ധിച്ച വിശകലനത്തിന്റെയടിസ്ഥാനത്തില്‍ വിശദമാക്കാമോ;

(സി)	ബജറ്റില്‍ പ്രഖ്യാപിച്ച പദ്ധതികള്‍ പ്രാവര്‍ത്തികമാക്കുന്നതിന് തുക കണ്ടെത്താന്‍ സാധിക്കാത്തപ്പോള്‍ തന്നെ മിഷന്‍ 676 പദ്ധതിയെന്നും മറ്റും പേരില്‍ പുതിയ പദ്ധതികള്‍ പ്രഖ്യാപിക്കുന്നത് ജനങ്ങളുടെ കണ്ണില്‍ പൊടിയിടാനാണെന്ന ആക്ഷേപം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ഡി)	ഇത്തരത്തില്‍ പ്രഖ്യാപിച്ച പദ്ധതികള്‍ നടപ്പിലാക്കുന്നതിന് ഏതു തരത്തില്‍ തുക കണ്ടെത്താമെന്നാണ് കരുതിയിരുന്നത് എന്ന് വ്യക്തമാക്കാമോ?

*33.

പട്ടികവര്‍ഗ്ഗ വിഭാഗങ്ങളില്‍പ്പെട്ട കുട്ടികളുടെ പഠന നിലവാരം

ശ്രീ.കെ.മുഹമ്മദുണ്ണി ഹാജി
,, പി.ഉബൈദുള്ള
,, വി.എം.ഉമ്മര്‍ മാസ്റ്റര്‍
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവര്‍ഗ്ഗ വിഭാഗങ്ങളില്‍പ്പെട്ട കുട്ടികളുടെ പഠന നിലവാരം ഉയര്‍ത്തുന്നതിനും, വിദ്യാഭ്യാസം സാര്‍വ്വത്രികമാക്കുന്നതിനും എന്തൊക്കെ നടപടികള്‍ സ്വീകരിക്കുന്നുണ്ടെന്ന് വിശദമാക്കുമോ;

(ബി)	പ്രസ്തുത വിഭാഗങ്ങളിലെ കുട്ടികള്‍ക്ക് സ്കൂള്‍ വിദ്യാഭ്യാസം പോലും അന്യമാകുന്നതിനുളള കാരണങ്ങള്‍ സംബന്ധിച്ച് പഠനം നടത്തിയിട്ടുണ്ടോ; എങ്കില്‍ കണ്ടെത്തലുകള്‍ വെളിപ്പെടുത്തുമോ;

(സി)	ഹൈസ്കൂള്‍തലംവരെയുളള പഠനത്തിന് അര്‍ഹമായ പ്രായപരിധിയിലുളള കുട്ടികള്‍ സ്കൂള്‍ പഠനം ഉപേക്ഷിച്ചിട്ടുണ്ടെന്നതിന്റെ ഈ വര്‍ഷത്തെ കണക്ക് ശേഖരിച്ചിട്ടുണ്ടോ; എങ്കില്‍ വെളിപ്പെടുത്തുമോ?

*34.

കേരളത്തില്‍ വര്‍ദ്ധിച്ചുവരുന്ന വൈദ്യുതി ഉപഭോഗം

ശ്രീമതി.ജമീല പ്രകാശം
ശ്രീ.മാത്യു റ്റി.തോമസ്
,, സി.കെ.നാണു
,, ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ വര്‍ദ്ധിച്ചുവരുന്ന വൈദ്യുതി ഉപഭോഗവും വൈദ്യുതി ഉത്പാദനവും തമ്മിൽ താരതമ്യപഠനം നടത്തിയിട്ടുണ്ടോ; എങ്കില്‍ അതിന്റെ വിശദാംശങ്ങള്‍ വെളിപ്പെടുത്താമോ;

(ബി)	ജലവൈദ്യുത പദ്ധതികള്‍ പുതുതായി ആരംഭിക്കുവാന്‍ കഴിയാത്ത സാഹചര്യത്തില്‍ വൈദ്യുതിയുടെ ദൌര്‍ലഭ്യം പരിഹരിക്കുവാനുള്ള ദീര്‍ഘകാല പദ്ധതികള്‍ എന്തൊക്കെയാണെന്ന് വിശദമാക്കാമോ;

(സി)	സര്‍ക്കാര്‍ അധികാരത്തില്‍ വന്നതിനുശേഷം എത്ര മെഗാവാട്ട് വൈദ്യുതി അധികമായി ഉത്പാദിപ്പിച്ചിട്ടുണ്ടെന്ന് വിശദാംശങ്ങള്‍ സഹിതം വെളിപ്പെടുത്താമോ;

(ഡി)	പരിസ്ഥിതി ആഘാതമില്ലാത്ത പ്രദേശത്ത് മഴവെള്ളം തടഞ്ഞുനിര്‍ത്തി വൈദ്യുതി ഉത്പാദിപ്പിക്കുവാനുള്ള എന്തെങ്കിലും പദ്ധതി ആരംഭിച്ചിട്ടുണ്ടോ,ഉണ്ടെങ്കില്‍ പ്രസ്തുത പദ്ധതി ആരംഭിച്ചത് എവിടെയെല്ലാമാണെന്ന് വ്യക്തമാക്കാമോ?

*35.

ആശ്വാസ് പദ്ധതി

ശ്രീ.ജോസഫ് വാഴയ്ക്കൻ
,, തേറമ്പില്‍ രാമകൃഷ്ണന്‍
,, എം.എ. വാഹീദ്
,, പാലോട് രവി : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	സഹകരണ മേഖലയില്‍ ആശ്വാസ് പദ്ധതികള്‍ നടപ്പാക്കിയിട്ടുണ്ടോ; വിശദമാക്കുമോ;

(ബി)	എന്തെല്ലാം ലക്ഷ്യങ്ങളാണ് പ്രസ്തുത പദ്ധതികൾ വഴി കൈവരിക്കാനുദ്ദേശിച്ചതെന്ന് വിശദമാക്കുമോ;

(സി)	പദ്ധതിയനുസരിച്ച് ഇതുവരെ എന്തെല്ലാം ആനുകൂല്യങ്ങളും സഹായങ്ങളുമാണ് നല്‍കിയത്; വിശദമാക്കുമോ;

(ഡി)	ഏതെല്ലാം തലത്തിലുള്ള സഹകരണ സംഘങ്ങളും ബാങ്കുകളുമാണ് പദ്ധതി നടപ്പാക്കിയത് ; വിശദാംശങ്ങള്‍ നല്കാമോ ?

*36.

തദ്ദേശസ്വയംഭരണ സ്ഥാപനങ്ങള്‍ക്കുള്ള സംസ്ഥാന വിഹിതം

ശ്രീ.എം.എ.ബേബി
ശ്രീമതി.കെ.കെ.ലതിക
ഡോ.ടി.എം.തോമസ് ഐസക്
പ്രൊഫ.സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശസ്വയംഭരണ സ്ഥാപനങ്ങള്‍ക്ക് വാര്‍ഷിക പദ്ധതി പ്രകാരമുള്ള സംസ്ഥാന വിഹിതം നല്‍കുന്നത് സംബന്ധിച്ച വ്യവസ്ഥകളും തവണകളും വിശദമാക്കാമോ;

(ബി)	ഈ സര്‍ക്കാരിന്റെ കാലത്ത് മുന്‍ സാമ്പത്തിക വര്‍ഷങ്ങളില്‍ ഇവ കൃത്യമായി പാലിക്കപ്പെടുകയുണ്ടായോ; സംസ്ഥാനവിഹിതം അനുവദിച്ച ഘട്ടങ്ങള്‍ സംബന്ധിച്ച് വസ്തുതാപരമായ വിശദാംശങ്ങള്‍ വെളിപ്പെടുത്താമോ;

(സി)	സംസ്ഥാന വിഹിതം നല്‍കുന്നതില്‍ മൂന്ന് മാസം മുതല്‍ മൂന്നു വര്‍ഷം വരെ കാലതാമസം ഉണ്ടായതായി കംപ്‍ട്രോളര്‍ ആന്റ് ആഡിറ്റര്‍ ജനറല്‍ 2014-ലെ 5-ാം നമ്പര്‍ റിപ്പോര്‍ട്ടില്‍ പരാമര്‍ശിക്കപ്പെട്ടത് പരിശോധിച്ചിട്ടുണ്ടോ;

(ഡി)	തന്നാണ്ടിലെ സംസ്ഥാന വിഹിതത്തിന്റെ എത്ര ശതമാനം വീതം ഏതെല്ലാം ഘട്ടങ്ങളിലായി അനുവദിക്കുകയുണ്ടായിട്ടുണ്ടെന്ന് വെളിപ്പെടുത്താമോ?

*37.

സബര്‍ബന്‍ റെയില്‍വേ

ശ്രീ.പി.സി വിഷ്ണുനാഥ്
,, കെ.മുരളീധരന്‍
,, കെ.ശിവദാസന്‍ നായര്‍
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സബര്‍ബന്‍ റെയില്‍വേ തുടങ്ങുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളത്; വിശദമാക്കുമോ;

(ബി)	ഇത് സംബന്ധിച്ച സാധ്യതാ പഠന റിപ്പോര്‍ട്ട് ലഭിച്ചിട്ടുണ്ടോ;വിശദാംശങ്ങള്‍ എന്തെല്ലാം;

(സി)	പ്രസ്തുത പദ്ധതിക്കായി എത്ര കോടി രൂപയുടെ ചെലവാണ് പ്രതീക്ഷിക്കുന്നത്, വിശദമാക്കുമോ;

(ഡി)	മിഷന്‍ 676 ല്‍ ഉള്‍പ്പെടുത്തി പ്രസ്തുത പദ്ധതി സമയബന്ധിതമായി പൂര്‍ത്തിയാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;വിശദാംശങ്ങള്‍ നല്‍കുമോ?

*38.

പട്ടികവിഭാഗക്കാരുടെ ക്ഷേമത്തിനായുള്ള വിജിലന്‍സ് സമിതികള്‍

ശ്രീ.കോടിയേരി ബാലകൃഷ്ണന്‍
,, കെ.രാധാകൃഷ്ണന്‍
,, പുരുഷന്‍ കടലുണ്ടി
,, പി.റ്റി.എ. റഹീം : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികവിഭാഗക്കാരുടെ ക്ഷേമത്തിനായി മുഖ്യമന്ത്രി ചെയര്‍മാനായി നിയമിച്ച സംസ്ഥാന വിജിലന്‍സ് സമിതിയും കളക്ടര്‍ ചെയര്‍മാനായി നിയമിച്ച ജില്ലാ വിജിലന്‍സ് സമിതിയും യോഗം ചേര്‍ന്ന് ആദിവാസിക്ഷേമം അവലോകനം നടത്താറുണ്ടോ;

(ബി)	എങ്കില്‍ പ്രസ്തുത കമ്മിറ്റികള്‍ രൂപീകരിച്ച ശേഷം എത്ര തവണ യോഗം ചേര്‍ന്നുവെന്ന് വിശദമാക്കാമോ;

(സി)	ഇത്തരം സമിതികള്‍ യോഗം ചേര്‍ന്ന് യഥാസമയം ആദിവാസി ക്ഷേമപ്രവര്‍ത്തനങ്ങള്‍ അവലോകനം നടത്താത്തതുകാരണം ഈ മേഖലയില്‍ നടക്കുന്ന അഴിമതിയും ഉദ്യോഗസ്ഥ അനാസ്ഥയും ഇടനിലക്കാരുടെ ചൂഷണവും തടയുന്നതിന് സാധിക്കുന്നില്ല എന്ന പരാതിയെക്കുറിച്ച് നിലപാട് വ്യക്തമാക്കുമോ?

*39.

വ്യവസായ സ‍ൗഹൃദ സംസ്ഥാനം

ശ്രീ.പി.കെ.ബഷീര്‍
,, അബ്ദുറഹിമാന്‍ രണ്ടത്താണി
,, എം.ഉമ്മര്‍
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും വിവരസാങ്കേതികവും വകുപ്പുമന്ത്രി സദയം മറുപടി നല്‍കുമോ:

(എ)	നിക്ഷേപം വന്‍തോതില്‍ ഉറപ്പിക്കുവാനും വ്യവസായ സ‍ൗഹൃദ സംസ്ഥാനമായി കേരളത്തെ മാറ്റുവാനും വേണ്ടി വ്യവസായ വകുപ്പ് ആസൂത്രണം ചെയ്തു നടപ്പിലാക്കുന്ന പദ്ധതികള്‍ എന്തൊക്കെയാണെന്ന് വിശദമാക്കാമോ ;

(ബി)	ഈ പദ്ധതികളില്‍ മുന്‍ഗണന നല്‍കുന്ന മേഖലകള്‍ ഏതെല്ലാമാണ് ;

(സി)	ഇത് മൂലം നിക്ഷേപകര്‍ക്ക് ലഭ്യമാകുന്ന ആനുകൂല്യങ്ങള്‍ എന്തെല്ലാമാണെന്ന് വിശദമാക്കുമോ?

*40.

കൂടംകുളം ആണവ നിലയത്തില്‍ നിന്നുള്ള വൈദ്യുതി

ശ്രീ.മുല്ലക്കര രത്നാകരന്‍
,, സി.ദിവാകരന്‍
,, കെ.രാജു
,, ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	കൂടംകുളം ആണവ നിലയത്തില്‍ നിന്നുള്ള വൈദ്യുതി കേരളത്തിലേയ്ക്ക് കൊണ്ടുവരാനുള്ള വൈദ്യുതി ലൈനിന്റെ നിര്‍മ്മാണപ്രവര്‍ത്തനങ്ങള്‍ ഏതുവരെയായി ; സ്ഥലമേറ്റെടുപ്പ് പൂര്‍ത്തിയായിട്ടുണ്ടോ; ഇല്ലെങ്കില്‍ എന്തുകൊണ്ടാണെന്ന് വ്യക്തമാക്കുമോ ;

(ബി)	ഗവണ്‍മെന്റ് പ്രഖ്യാപിച്ച നഷ്ടപരിഹാര പാക്കേജ് അപര്യാപ്തമാണെന്നുള്ള പരാതി ശ്രദ്ധയില്‍പ്പെട്ടിട്ടുണ്ടോ ; ഉണ്ടെങ്കില്‍ അത് പരിഹരിക്കുന്നതിന് എന്തൊക്കെ നടപടികളാണ് സ്വീകരിച്ചതെ ന്ന് വെളിപ്പെടുത്തുമോ ;

(സി)	ഈ ലൈനിന്റെ പണികള്‍ എത്രകാലം കൊണ്ട് പൂര്‍ത്തിയാക്കാനാണ് തീരുമാനിച്ചിരുന്നത് ; ഇനി ഇത് എപ്പോള്‍ പൂര്‍ത്തിയാക്കാന്‍ കഴിയുമെന്നാണ് പ്രതീക്ഷിക്കുന്നത് ?

*41.

റെയില്‍വേ വികസനത്തില്‍ സംസ്ഥാന പങ്കാളിത്തം

ശ്രീ.പി.കെ.ഗുരുദാസന്‍
,, വി.ശിവന്‍കുട്ടി
,, സാജു പോള്‍
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	റെയില്‍വേ വികസനത്തില്‍ സംസ്ഥാനം കൂടി പങ്കാളിത്തം വഹിക്കണമെന്ന കേന്ദ്രത്തിന്റെ നിര്‍ദ്ദേശത്തോട് സംസ്ഥാനത്തിന്റെ നിലപാട് എന്തായിരുന്നു എന്ന് വ്യക്തമാക്കാമോ;

(ബി)	ഇക്കാര്യത്തില്‍ സംസ്ഥാനം സ്വീകരിച്ച നിലപാടിന്റെ ഭാഗമായി ഏതെങ്കിലും പദ്ധതികള്‍ നടപ്പിലാക്കാന്‍ സാധിക്കാത്ത സാഹചര്യം ഉണ്ടായിട്ടുണ്ടോ; വിശദമാക്കാമോ;

(സി)	സംസ്ഥാനത്തിന്റെ സാമ്പത്തിക സഹകരണത്തോടെ നടപ്പാക്കാനുദ്ദേശിച്ച റെയില്‍വേ വികസന പദ്ധതികള്‍ ഏതൊക്കെയായിരുന്നു;

(ഡി)	കൊച്ചുവേളിയിലെ കോച്ച് റിപ്പയര്‍ ആന്റ് മെയിന്റനന്‍സ് കേന്ദ്രം, പ്രമുഖ സ്റ്റേഷനുകളുടെ വികസനം, ശബരി റെയില്‍പാത നിര്‍മ്മാണം എന്നിവയ്ക് 2013-14-ലെ സംസ്ഥാന ബജറ്റില്‍ വകയിരുത്തിയ തുക ചെലവഴിച്ചിട്ടുണ്ടോ?

*42.

പ്രൊഫഷണല്‍ വിദ്യാഭ്യാസ രംഗത്ത് സഹകരണ മേഖല

ശ്രീ.ഡൊമിനിക് പ്രസന്‍റേഷന്‍
,, എം.എ. വാഹീദ്
,, എ.പി.അബ്ദുള്ളക്കുട്ടി
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	പ്രൊഫഷണല്‍ വിദ്യാഭ്യാസ രംഗത്ത് സഹകരണ മേഖല എപ്രകാരമാണ് പ്രവര്‍ത്തിക്കാന്‍ ഉദ്ദേശിക്കുന്നതെന്ന് വിശദമാക്കുമോ;

(ബി)	പ്രസ്തുത രംഗത്ത് എന്തെല്ലാം വികസന പദ്ധതികളാണ് ആവിഷ്കരിചിട്ടുള്ളതെന്ന് വിശദമാക്കുമോ;

(സി)	ഏതെല്ലാം സ്ഥാപനങ്ങളാണ് ഇപ്രകാരം തുടങ്ങാനുദ്ദേശിക്കുന്നത്; വിശദമാക്കുമോ;

(ഡി)	പ്രസ്തുത പദ്ധതികള്‍ക്കായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കുമോ?

*43.

ഹാംലെറ്റ് വികസന പദ്ധതി

ഡോ.എന്‍. ജയരാജ്
ശ്രീ.പി.സി. ജോര്‍ജ്
,, എം.വി.ശ്രേയാംസ്‌ കുമാര്‍
,, റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പിലാക്കിവരുന്ന ഹാംലെറ്റ് വികസന പദ്ധതികളുടെ പ്രവര്‍ത്തന പുരോഗതി വ്യക്തമാക്കുമോ;

(ബി)	പ്രസ്തുത പ്രോജക്ടിനായി നടപ്പു സാമ്പത്തിക വര്‍ഷം ഏതെല്ലാം സങ്കേതങ്ങളാണ് തെരഞ്ഞെടുത്തിട്ടുള്ളത്; വിശദാംശങ്ങള്‍ നല്‍കുമോ;

(സി)	അപ്രകാരം തെരഞ്ഞെടുത്ത സങ്കേതങ്ങളുടെ സമഗ്രവികസനത്തിനായുള്ള വിശദമായ പ്രൊപ്പോസലുകള്‍ ഇതിനോടകം തയ്യാറാക്കിയിട്ടുണ്ടോ; വ്യക്തമാക്കുമോ?

*44.

മണല്‍ക്ഷാമം പരിഹരിക്കുന്നതിനു നടപടി

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് വ്യവസായവും വിവരസാങ്കേതികവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അനുഭവപ്പെടുന്ന രൂക്ഷമായ മണല്‍ക്ഷാമം പരിഹരിക്കുന്നതിനായി എന്തൊക്കെ നടപടികള്‍ സ്വീകരിച്ചുവെന്നു് വിശദമാക്കാമോ;

(ബി)	മണല്‍ക്ഷാമം മൂലം നിര്‍മ്മാണപ്രവര്‍ത്തനങ്ങൾ സുഗമമായി നടക്കുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഇക്കാര്യത്തിൽ എന്തൊക്കെ നടപടികള്‍ സ്വീകരിച്ചുവെന്ന് വിശദമാക്കാമോ;

(ഡി)	മണല്‍ക്ഷാമം പരിഹരിക്കുന്നതിനായി വിദേശത്തു് നിന്ന് മണല്‍ ഇറക്കുമതി ചെയ്യുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കുമോ?

*45.

കെട്ടിടനിര്‍മ്മാണ രംഗത്തെ പ്രശ്നങ്ങളും നൂതന സാധ്യതകളും

ശ്രീ.പി.ബി. അബ്ദുൾ റസാക്
,, വി.എം.ഉമ്മര്‍ മാസ്റ്റര്‍
,, പി.ഉബൈദുള്ള
,, കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കെട്ടിടനിര്‍മ്മാണ രംഗത്ത്, നിര്‍മ്മാണ വസ്തുക്കളുടെ ദൌര്‍ലഭ്യം വിദഗ്ദ്ധ തൊഴിലാളികളുടെ ലഭ്യതക്കുറവ്, പാരിസ്ഥിതിക പ്രശ്നങ്ങള്‍ എന്നിവയ്ക്ക് പരിഹാരം കാണുന്നതിനുളള ഗവേഷണ, പഠന പ്രവര്‍ത്തനങ്ങളെന്തെങ്കിലും നടന്നു വരുന്നുണ്ടോ; എങ്കില്‍ വിശദമാക്കുമോ;

(ബി)	ഇതിനു പരിഹാരമായി പ്രീഫാബ്രിക്കേറ്റ‍ഡ് വീട് നിര്‍മ്മാണരീതി പരീക്ഷിക്കപ്പെട്ടിട്ടുണ്ടോ; എങ്കില്‍ അതു സംബന്ധിച്ച വിവരം വ്യക്തമാക്കുമോ;

(സി)	ഖരമാലിന്യം, പ്രായാധിക്യം വന്ന തെങ്ങ്. പന, കമുക്, ദോഷകരമല്ലാത്ത വ്യാവസായിക മാലിന്യം തുടങ്ങിയവ ഇത്തരം പ്രീഫാബ്രിക്കേറ്റ‍‍ഡ് നിര്‍മ്മാണ രീതിക്ക് അസംസ്കൃത വസ്തുവാക്കാനുളള സാദ്ധ്യതകള്‍ പരിശോധിച്ചിട്ടുണ്ടോ; ഇല്ലെങ്കില്‍ അതിനാവശ്യമായ നിര്‍ദ്ദേശം നല്‍കുമോ?

*46.

റിസർവ് ബാങ്കിന്റെ നയവും സഹകരണ മേഖലയും

ശ്രീ.എസ്.ശർമ്മ
,, ഇ.പി.ജയരാജന്‍
,, എം.ചന്ദ്രന്‍
,, സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ബാങ്കിംഗ് സ്ഥാപനങ്ങള്‍ ബാങ്കിംഗ് ഇതര പ്രവര്‍ത്തനങ്ങള്‍ നടത്താൻ പാടില്ല എന്ന റിസർവ് ബാങ്കിന്റെ നയം ഏതെല്ലാം തരത്തില്‍ സംസ്ഥാനത്തെ സഹകരണ മേഖലയെ എപ്രകാരം ബാധിച്ചിട്ടുണ്ടെന്നു് അവലോകനം നടത്തിയിട്ടുണ്ടോ ;വിശദമാക്കാമോ;

(ബി)	സംസ്ഥാന സഹകരണ ബാങ്കിന്റെ നേതൃത്വത്തില്‍ മണ്‍വിളയില്‍ നടത്തിയിരുന്ന സീമാറ്റ് കോളേജ് നിര്‍ത്തല്‍ ചെയ്തത് റിസർവ് ബാങ്കിന്റെ നയം കാരണമാണോയെന്ന കാര്യം വ്യക്തമാക്കുമോ ;

(സി)	പ്രസ്തുത നയം തുടര്‍ന്ന് നടപ്പിലാക്കുമ്പോള്‍ പല സ്ഥാപനങ്ങളും അടച്ചു പൂട്ടേണ്ടതായും പദ്ധതികള്‍ നിര്‍ത്തലാക്കേണ്ടതായും വരുമെന്ന കാര്യം വിലയിരുത്തിയിട്ടുണ്ടോ?

*47.

ആദിവാസി വിഭാഗങ്ങളുടെ ക്ഷേമം

ശ്രീ.എം.ഉമ്മര്‍
,, സി.മമ്മൂട്ടി
,, കെ.എം.ഷാജി
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ഗോത്രമേഖലകളിലെ ആദിവാസി വിഭാഗങ്ങളിലെ അംഗങ്ങളുടെ ക്ഷേമം, ആരോഗ്യ സംരക്ഷണം എന്നീ പ്രവര്‍ത്തനങ്ങള്‍ക്ക് ഏര്‍പ്പെടുത്തിയിട്ടുളള സംവിധാനങ്ങള്‍ എന്തൊക്കെയാണെന്ന് വിശദമാക്കുമോ;

(ബി)	വിവിധ വകുപ്പുകള്‍ ആദിവാസികള്‍ക്കുവേണ്ടി നടപ്പാക്കുന്ന വ്യത്യസ്ത പദ്ധതികളുടെ നിരീക്ഷണത്തിനും, ഏകോപനത്തിനും എന്തു സംവിധാനമാണ് നിലവിലുളളതെന്ന് വ്യക്തമാക്കുമോ;

(സി)	ആദിവാസി അമ്മമാരുടെയും കുട്ടികളുടെയും പോഷകാഹാരക്കുറവ് പരിഹരിക്കുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ട്; നവജാത ശിശുക്കളുടെ എത്ര മരണങ്ങളാണ് ഈ വര്‍ഷം റിപ്പോര്‍ട്ടു ചെയ്തിട്ടുളളത് എന്ന് വെളിപ്പെടുത്തുമോ?

*48

യുവജനക്ഷേമ ബോര്‍ഡിന്റെ നേതൃത്വത്തില്‍ ജോബ്‌ ഫെയർ

ശ്രീ.വി.റ്റി.ബല്‍റാം
,, പി.സി വിഷ്ണുനാഥ്
,, ഹൈബി ഈഡന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	യുവജനക്ഷേമ ബോര്‍ഡിന്റെ നേതൃത്വത്തില്‍ ജോബ് ഫെയര്‍ സംഘടിപ്പിച്ചിട്ടുണ്ടോ ; വിശദാംശങ്ങള്‍ നല്കാമോ ;

(ബി)	ജോബ് ഫെയറിന്റെ ഉദ്ദേശ്യലക്ഷ്യങ്ങള്‍ എന്തെല്ലാമായിരുന്നുവെന്ന് വ്യക്തമാക്കാമോ;

(സി)	ഏതെല്ലാം ഏജന്‍സികളാണ് ജോബ് ഫെയറുമായി സഹകരിച്ചതെന്ന് വിശദമാക്കുമോ;

(ഡി)	എന്തെല്ലാം ലക്ഷ്യങ്ങളാണ് ജോബ് ഫെയര്‍ വഴി പൂര്‍ത്തീകരിച്ചിട്ടുള്ളത് ; വിശദാംശങ്ങള്‍ ലഭ്യമാക്കുമോ?

*49.

പ്രകൃതിവാതകം

ശ്രീ.ബി.ഡി. ദേവസ്സി
,, എളമരം കരീം
,, സാജു പോള്‍
,, കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വ്യവസായവും വിവരസാങ്കേതികവും വകുപ്പുമന്ത്രി സദയം മറുപടി നല്‍കുമോ:

(എ)	പുതുവൈപ്പ് പെട്രോനൈറ്റ് എല്‍.എന്‍.ജി കടുത്ത പ്രതിസന്ധിയിലായിട്ടും കേന്ദ്ര-സംസ്ഥാന സര്‍ക്കാരുകള്‍ വേണ്ട ഗൗരവം കാണിക്കുന്നില്ലെന്ന ആക്ഷേപത്തില്‍ സര്‍ക്കാര്‍ നിലപാട് വ്യക്തമാക്കാമോ;

(ബി)	വ്യവസായശാലകളിലും വീടുകളിലും വാഹനങ്ങളിലും പ്രകൃതിവാതകം എത്തിക്കുന്നതിനു വേണ്ട സൗകര്യങ്ങള്‍ ഒരുക്കുന്നതില്‍ സംസ്ഥാന സര്‍ക്കാരിന്റെ ഭാഗത്തു നിന്നും വീഴ്ച വരുന്നതായ പരാതി വിലയിരുത്തിയിട്ടുണ്ടോ; വിശദമാക്കുമോ;

(സി)	പ്രകൃതിവാതകം ആവശ്യമായ മേഖലയില്‍ എത്തിക്കുന്നതിനുള്ള പദ്ധതികള്‍ പ്രാവര്‍ത്തികമാക്കുന്നതിനുള്ള പ്രധാന തടസ്സങ്ങള്‍ എന്താണെന്നും ഇത് പരിഹരിക്കുന്നതിന് എന്ത് ക്രിയാത്മക നടപടി സ്വീകരിച്ചുവെന്നും വ്യക്തമാക്കുമോ;

(ഡി)	എല്‍.എന്‍.ജി.ക്ക് വാറ്റ് ഒഴിവാക്കി പ്രതിസന്ധിക്ക് പരിഹാരം കാണുന്നതിന് സഹായകമായ നിലപാട് സ്വീകരിക്കണമെന്ന ആവശ്യത്തിന്മേല്‍ നിലപാട് വ്യക്തമാക്കുമോ?

*50.

ഭൂഗര്‍ഭ കേബിളുകള്‍ വഴി വൈദ്യുതി വിതരണം

ശ്രീ.എ.എ.അസീസ് : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വൈദ്യുതി വിതരണത്തിനായി ഭൂഗര്‍ഭ കേബിള്‍ സംവിധാനം നടപ്പിലാക്കുന്നുണ്ടോ; ഉണ്ടെങ്കില്‍ പ്രവര്‍ത്തന പുരോഗതി വ്യക്തമാക്കുമോ;

(ബി)	ഭൂഗര്‍ഭ കേബിളുകളുടെ ഉപയോഗം പ്രസരണ നഷ്ടത്തെ കുറയ്ക്കുമോ എന്ന് വിശദമാക്കാമോ?

*51.

കാരുണ്യ ചികിത്സാ ധനസഹായ പദ്ധതി

ശ്രീ.റ്റി.യു. കുരുവിള
,, തോമസ് ഉണ്ണിയാടന്‍
,, സി.എഫ്.തോമസ്
,, മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ചികിത്സാ ധനസഹായ പദ്ധതിയില്‍ കൂടുതൽ മാരക രോഗങ്ങള്‍ കൂടി ഉള്‍പ്പെടുത്തുമോ ; എങ്കില്‍ വിശദാംശം ലഭ്യമാക്കുമോ ;

(ബി)	ചില രോഗങ്ങള്‍ക്ക് ഭീമമായ തുക ചികിത്സയ്ക്ക് ആവശ്യമായി വരുന്നതിനാല്‍ ഈ പദ്ധതിയില്‍ തുക വര്‍‌ദ്ധിപ്പിച്ച് നല്കുന്നതിന് നടപടികള്‍ ഉണ്ടാകുമോ ; എങ്കില്‍ വിശദാംശം ലഭ്യമാക്കുമോ ?

*52.

ഊര്‍ജ്ജ സംരക്ഷണ പ്രചാരണം

ശ്രീ.കെ.മുരളീധരന്‍
,, ഡൊമിനിക് പ്രസന്‍റേഷന്‍
,, വര്‍ക്കല കഹാര്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ഇ.ബി. ഊര്‍ജ്ജ സംരക്ഷണ പ്രചാരണത്തിന് എന്തെല്ലാം നടപടികളാണ് കൈക്കൊണ്ടിട്ടുള്ളത്; വിശദമാക്കാമോ;

(ബി)	പ്രചാരണത്തിനായി എന്തെല്ലാം പദ്ധതികള്‍ക്കാണ് തുടക്കമിട്ടിട്ടുള്ളത്; വിശദാംശങ്ങള്‍ എന്തെല്ലാം;

(സി)	ഊര്‍ജ്ജ സംരക്ഷണത്തിന് എല്ലാ ഉപഭോക്താക്കളെയും ബോധവല്‍ക്കരിക്കാനും പ്രോത്സാഹിപ്പിക്കാനും എന്തെല്ലാം കാര്യങ്ങളാണ് പദ്ധതിയില്‍ ഉള്‍പ്പെടുത്തിയിട്ടുള്ളത്; വിശദമാക്കാമോ;

(ഡി)	പദ്ധതി നടത്തിപ്പുകള്‍ക്കായി ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ ലഭ്യമാക്കുമോ?

*53.

സംസ്ഥാനത്തെ പരമ്പരാഗത വ്യവസായമേഖലയിലെ പ്രതിസന്ധി പരിഹരിക്കാൻ നടപടി

ശ്രീ.എളമരം കരീം
,, സി.കൃഷ്ണന്‍
,, പി.കെ.ഗുരുദാസന്‍
,, കെ.കുഞ്ഞിരാമന്‍ ഉദുമ : താഴെ കാണുന്ന ചോദ്യങ്ങള്‍ക്ക് വ്യവസായവും വിവരസാങ്കേതികവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പരമ്പരാഗത വ്യവസായമേഖല അഭിമുഖീകരിക്കുന്ന പ്രതിസന്ധി പരിഹരിക്കുന്നതിന് സര്‍ക്കാര്‍ ക്രിയാത്മക നടപടികള്‍ സ്വീകരിക്കുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ബി)	കൈത്തറി ഉള്‍പ്പെടെയുള്ള പരമ്പരാഗത വ്യവസായങ്ങള്‍ അഭിമുഖീകരിക്കുന്ന പ്രതിസന്ധി മൂലം ഈ മേഖലയിലെ തൊഴിലാളികളും കുടുംബങ്ങളും അനുഭവിക്കുന്ന ദുരിതം ശ്രദ്ധയില്‍പ്പെട്ടിട്ടുണ്ടോ;

(സി)	പരമ്പരാഗത വ്യവസായങ്ങളുടെ തകര്‍ച്ച നേരിടുന്നതിന് സര്‍ക്കാര്‍ പ്രഖ്യാപിച്ച പദ്ധതികളിൽ ഏതൊക്കെ പദ്ധതികൾ നടപ്പാക്കുകയുണ്ടായെന്നും അത് എത്രമാത്രം ഫലപ്രദമായിരുന്നുവെന്നും വിശദമാക്കാമോ ;

(ഡി)	പരമ്പരാഗത വ്യവസായങ്ങളുടെ തകര്‍ച്ച നേരിടുന്നതിന് പ്രഖ്യാപിച്ച പദ്ധതികളിൽ നടപ്പിലാക്കാൻ അവശേഷിക്കുന്ന പദ്ധതികൾ ഏതൊക്കെയാണെന്ന് വ്യക്തമാക്കുമോ; സര്‍ക്കാരിന്റെ പരിഗണനയിലുള്ള പുതിയ പദ്ധതികള്‍ സംബന്ധിച്ച വിശദവിവരങ്ങൾ ലഭ്യമാക്കുമോ?

*54

വൈദ്യുതി ഉപഭോഗത്തിലെ വര്‍ദ്ധനവും ഉല്പാദനവര്‍ദ്ധനവും

ശ്രീ.ബാബു എം. പാലിശ്ശേരി
,, ആര്‍. രാജേഷ്
,, എസ്.രാജേന്ദ്രന്‍
ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ വൈദ്യുതി ഉപഭോഗം വര്‍ദ്ധിക്കുന്നതിനനുസരിച്ച് ഉല്പാദനം വര്‍ദ്ധിപ്പിക്കുവാൻ സാധിക്കുന്നില്ല എന്ന കാര്യം വിലയിരുത്തിയിട്ടുണ്ടോ; വിശദമാക്കുമോ;

(ബി)	വൈദ്യുതി ഉല്പാദനം വര്‍ദ്ധിപ്പിക്കുന്നതിന് സര്‍ക്കാര്‍ പ്രഖ്യാപിച്ച പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

(സി)	ഈ സര്‍ക്കാരിന്റെ കാലത്ത് ഊര്‍ജ്ജ ഉല്പാദന രംഗത്ത് പ്രഖ്യാപിച്ച പദ്ധതികള്‍ ഏതൊക്കെയെന്നും പ്രഖ്യാപിച്ച പദ്ധതികളില്‍ സമയബന്ധിതമായി പ്രാവര്‍‌ത്തികമാക്കാന്‍ സാധിച്ച പദ്ധതികള്‍ ഏതൊക്കെയെന്നും മറ്റു പദ്ധതികള്‍ പ്രാവര്‍ത്തികമാക്കുന്നതിന് സാധിക്കാത്തതിന്റെ കാരണം എന്താണെന്നും വ്യക്തമാക്കുമോ;

(ഡി)	ഈ സര്‍ക്കാരിന്റെ കാലത്ത് ആവിഷ്കരിച്ച് കമ്മീഷന്‍ ചെയ്ത വൈദ്യുതി പദ്ധതികളിലൂടെ എത്ര സ്ഥാപിതശേഷി വര്‍ദ്ധനവാണ് ഉണ്ടായിട്ടുള്ളതെന്നു വ്യക്തമാക്കുമോ ?

*55.

കാരുണ്യ -സൗജന്യ ചികിത്സാ പദ്ധതി

ശ്രീ.പി.എ.മാധവന്‍
,, കെ.ശിവദാസന്‍ നായര്‍
,, ലൂഡി ലൂയിസ്
,, എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കാരുണ്യ ബെനവലന്റ് ഫണ്ട് സൗജന്യ ചികിത്സാ പദ്ധതി പ്രകാരം എന്തെല്ലാം ലക്ഷ്യങ്ങള്‍ കൈവരിക്കാന്‍ കഴിഞ്ഞിട്ടുണ്ട്; വിശദമാക്കുമോ;

(ബി)	പ്രസ്തുത പദ്ധതിയനുസരിച്ച് ഏതെല്ലാം രോഗങ്ങള്‍ക്കുള്ള ചികിത്സാ സഹായമാണ് നല്‍കിവരുന്നത്; വിശദാംശങ്ങള്‍ ലഭ്യമാക്കുമോ;

(സി)	ഏതെല്ലാം തരം ആശുപത്രികളെയാണ് പ്രസ്തുത പദ്ധതി പ്രകാരമുള്ള ലിസ്റ്റില്‍ ഉള്‍പ്പെടുത്തിയിട്ടുള്ളത്; വിശദമാക്കുമോ;

(ഡി)	ചികിത്സാ ധനസഹായങ്ങള്‍ യഥാസമയത്ത് രോഗികള്‍ക്ക് ലഭിക്കാന്‍ എന്തെല്ലാം ക്രമീകരണങ്ങള്‍ ഒരുക്കിയിട്ടുണ്ട്; വിശദാംശങ്ങള്‍ ലഭ്യമാക്കുമോ;

(ഇ)	പ്രസ്തുത പദ്ധതി വിപുലീകരിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ?

*56.

പവര്‍ എക്സ്ചേഞ്ചുകളില്‍ നിന്നും വൈദ്യുതി എത്തിക്കുന്നതിനുള്ള പ്രസരണ ഇടനാഴി

ശ്രീ.ജെയിംസ് മാത്യു
,, വി.ശിവന്‍കുട്ടി
,, കെ. ദാസന്‍
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	ആസൂത്രണത്തിലെ വൈകല്യങ്ങൾ മൂലമാണ് പവര്‍ എക്സ്ചേഞ്ചുകളില്‍ നിന്നും വൈദ്യുതി വാങ്ങി സംസ്ഥാനത്ത് എത്തിക്കുന്നതിനുള്ള പ്രസരണ ഇടനാഴി നിലനിര്‍ത്തുന്നതിന് സാധിക്കാതിരുന്നതെന്ന ആക്ഷേപത്തില്‍ നിലപാട് വ്യക്തമാക്കുമോ;

(ബി)	സംസ്ഥാനത്തേയ്ക്ക് പ്രസരണ ഇടനാഴി സ്ഥാപിക്കുന്നതിനുള്ള ഏതെല്ലാം പ്രവൃത്തികളാണ് ഇപ്പോള്‍ മുടങ്ങിക്കിടക്കുന്നതെന്ന് വ്യക്തമാക്കുമോ;

(സി)	ഇത് പരിഹരിക്കുന്നതിന് സര്‍ക്കാര്‍ എന്ത് ക്രിയാത്മക നടപടി സ്വീകരിച്ചുവെന്ന് വ്യക്തമാക്കാമോ;

(ഡി)	ഈ ഓരോ പ്രവൃത്തിയും ആരംഭിച്ചതെന്നാണെന്നും എന്നത്തേയ്ക്ക് പൂര്‍ത്തീകരിക്കാനാണ് ലക്ഷ്യമിട്ടിരിക്കുന്നതെന്നും വ്യക്തമാക്കുമോ;

(ഇ)	പ്രവൃത്തികള്‍ മുടങ്ങിയതു കാരണം പദ്ധതി ചെലവിലുണ്ടായ വര്‍ദ്ധനവും സംസ്ഥാനത്തിനുണ്ടായ നഷ്ടവും വിലയിരുത്തിയിട്ടുണ്ടോ?

*57

കാലഹരണപ്പെട്ട നിയമങ്ങള്‍

ശ്രീ.കെ.എന്‍.എ.ഖാദര്‍
,, എന്‍ .എ.നെല്ലിക്കുന്ന്
,, റ്റി.എ.അഹമ്മദ് കബീര്‍
,, സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് ധനകാര്യവും നിയമവും ഭവനനിര്‍മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്രസര്‍ക്കാര്‍, കാലഹരണപ്പെട്ടതും, അപ്രായോഗികവുമായ നിയമങ്ങള്‍ റദ്ദാക്കുന്നതിനും , പരിഷ്ക്കരിക്കുന്നതിനും നടപടി സ്വീകരിക്കുന്നുവെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)	സംസ്ഥാനത്തു നിലനില്ക്കുന്ന കാലഹരണപ്പെട്ടതും , പ്രായോഗികമല്ലാത്തതും പൊതു താല്പര്യങ്ങള്‍ക്കു വിരുദ്ധവുമായ നിയമങ്ങളെയും, വ്യവസ്ഥകളെയും കുറിച്ച് വിവരശേഖരണം നടത്തിയിട്ടുണ്ടോ ; എങ്കില്‍ അതു സംബന്ധിച്ച വിശദവിവരം നല്കാമോ ;

(സി)	ഇവയില്‍ റദ്ദാക്കേണ്ടവ റദ്ദുചെയ്യുന്നതിനും, കാലാനുസൃത പരിഷ്ക്കരണം വേണ്ടവ പരിഷ്ക്കരിക്കുന്നതിനും അടിയന്തിര നടപടി സ്വീകരിക്കുമോ ?

*58.

ആദിവാസി മേഖലയിലലെ പ്രശ്നങ്ങള്‍

ശ്രീമതി.കെ.എസ്.സലീഖ
ശ്രീ.എ.കെ.ബാലന്‍
,, കെ.വി.വിജയദാസ്
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് പട്ടികവർഗ്ഗക്ഷേമവും യുവജനകാര്യവും കാഴ്ചബംഗ്ലാവുകളും മൃഗശാലകളും വകുപ്പുമന്ത്രി സദയം മറുപടി നല്‍കുമോ:

(എ)	ആദിവാസി മേഖലയില്‍ ശിശുക്കളുടെയും ഗര്‍ഭസ്ഥ ശിശുക്കളുടെയും മരണങ്ങള്‍ തുടര്‍ക്കഥയാകുന്നത് എന്തുകൊണ്ടാണെന്ന് പരിശോധിച്ചിട്ടുണ്ടോ; പദ്ധതികള്‍ ആവിഷ്കരിക്കുന്നതിലും നടപ്പിലാക്കുന്നതിനും വീഴ്ചകള്‍ ഉണ്ടായിട്ടുണ്ടോ; ഇത്തരത്തിലുള്ള ആക്ഷേപങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

(ബി)	ആദിവാസി മേഖലയില്‍ നേരിടുന്ന പ്രതിസന്ധികള്‍ എന്തൊക്കെയൊണെന്ന് പഠിച്ചും പരിഹാരമാര്‍ഗ്ഗങ്ങള്‍ ശാസ്ത്രീയമായി അവലോകനം ചെയ്തും പദ്ധതികള്‍ ആവിഷ്കരിക്കുന്നതിലെ വീഴ്ചകള്‍ ഈ മേഖലയില്‍ പ്രതിസന്ധി മൂര്‍ച്ഛിക്കുന്നതിന് കാരണമാകുന്നുണ്ടോ;

(സി)	ആദിവാസി മേഖലയിലെ പ്രശ്നങ്ങള്‍ യഥാസമയം വിലയിരുത്തി നടപടി സ്വീകരിക്കാന്‍ തയ്യാറാകുമോ;

(ഡി)	പ്രഖ്യാപിത കേന്ദ്ര-സംസ്ഥാന പദ്ധതികളില്‍ ഇപ്പോഴും നടപ്പിലാക്കിയിട്ടില്ലാത്തവ ഏതൊക്കെയാണ്?

*59

കേടായ സി.എഫ്.എല്‍./എല്‍.ഇ.ഡി. ലൈറ്റുകളുടെ നിര്‍മ്മാര്‍ജ്ജനം

ശ്രീ.റോഷി അഗസ്റ്റിന്‍
ഡോ.എന്‍. ജയരാജ്
ശ്രീ.പി.സി. ജോര്‍ജ്
,, എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് ഊര്‍ജ്ജ വകുപ്പുമന്ത്രി സദയം മറുപടി നല്‍കുമോ:

(എ)	കേടായ സി.എഫ്.എല്‍./എല്‍.ഇ.ഡി. ലൈറ്റുകളുടെ നിര്‍മ്മാര്‍ജ്ജനം സംബന്ധിച്ച് പഠനം നടത്തുന്നതിന് ഐ.ആര്‍.ജി. സിസ്റ്റംസ് സൗത്ത് ഏഷ്യാ പ്രൈവറ്റ് ലിമിറ്റഡ് എന്ന സ്ഥാപനത്തിന് അനുമതി നല്‍‌കിയത് എന്നാണ്; പഠന റിപ്പോര്‍ട്ട് ലഭ്യമായിട്ടുണ്ടോ; വിശദാംശങ്ങള്‍ നല്‍കുമോ;

(ബി)	സര്‍ക്കാര്‍ തലത്തിലോ ഇതര ഏജന്‍സികള്‍ മുഖാന്തിരമോ ഇവയുടെ ഏലപ്രദമായ നിര്‍മ്മാര്‍ജ്ജന സംവിധാനം ഏര്‍പ്പെടുത്താന്‍ അടിയന്തിര നടപടി സ്വീകരിക്കുമോ?

*60.

ഖാദി ഉല്‍പ്പന്ന വിപണന രംഗത്തെ നേട്ടങ്ങള്‍

ശ്രീ.കെ.ശിവദാസന്‍ നായര്‍
,, അന്‍വര്‍ സാദത്ത്
,, സി.പി.മുഹമ്മദ്
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് സഹകരണവും ഖാദി ഗ്രാമവ്യവസായവും വകുപ്പുമന്ത്രി സദയം മറുപടി നല്‍കുമോ:

(എ)	ഖാദി ഉല്‍പ്പന്ന വിപണന രംഗത്ത് എന്തെല്ലാം നേട്ടങ്ങള്‍ ഈ സര്‍ക്കാരിന്റെ കാലത്ത് കൈവരിച്ചിട്ടുണ്ട് ;

(ബി)	ഖാദി ഉല്‍പ്പന്നങ്ങളുടെ വില്‍പ്പനയില്‍ നിന്നുള്ള വരുമാനമായി എത്ര രൂപ ലഭിച്ചിട്ടുണ്ട് ; വിശദാംശങ്ങള്‍ എന്തെല്ലാം;

(സി)	എത്ര ശതമാനം വര്‍ദ്ധനയാണ് വിപണനരംഗത്ത് ഉണ്ടായത് ; വിശദമാക്കുമോ;

(ഡി)	പ്രസ്തുത നേട്ടങ്ങള്‍ കൈവരിക്കാനായി എന്തെല്ലാം നടപടികളാണ് സ്വീകരിച്ചത് ; വിശദാംശങ്ങള്‍ നല്‍കുമോ?

<<back

Website maintained by Information System Section, Kerala Legislative Assembly, Thiruvananthapuram.