സംസ്ഥാനത്തെ സഹകരണ സംഘങ്ങളിലെ ജീവനക്കാര്‍ക്ക് മെഡിസെപ് പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; എങ്കിൽ ഏത് വര്‍ഷമാണ് നടപ്പിലാക്കുകയെന്ന് അറിയിക്കുമോ?

സംസ്ഥാനത്ത് കശുമാങ്ങയില്‍ നിന്ന് ഫെനി ഉല്പാദിപ്പിക്കുന്നത് അടക്കമുള്ള ഏതെല്ലാം നൂതന പദ്ധതികളാണ് വകുപ്പ് നടപ്പിലാക്കാന്‍ ഉദ്ദേശിക്കുന്നത്; വ്യക്തമാക്കാമോ;

കര്‍ഷകര്‍ക്ക് സഹായകരമാകും വിധം ഫെനി ഉല്പാദിപ്പിക്കുന്ന പദ്ധതി നടപ്പിലാക്കാന്‍ എന്തെല്ലാം നടപടികളാണ് സ്വീകരിക്കുന്നതെന്ന് അറിയിക്കുമോ?

നിക്ഷേപ ഗ്യാരണ്ടി ഫണ്ട് ബോര്‍ഡിന്റെ കോര്‍പ്പസ് ഫണ്ട് നിലവിലെ മാനദണ്ഡം പ്രകാരം എന്തെല്ലാം ആവശ്യങ്ങള്‍ക്കാണ് ഉപയോഗിക്കുന്നത്; വിശദമാക്കാമോ;

പ്രതിസന്ധിയിലായ സഹകരണ സംഘങ്ങളുടെ പുനരുജ്ജീവനത്തിന് കോര്‍പ്പസ് ഫണ്ടില്‍ നിന്ന് സഹായം നല്‍കിവരുന്നുണ്ടോ; വ്യക്തമാക്കാമോ?

സഹകരണ സംഘങ്ങള്‍ മുഖേന നിത്യോപയോഗ സാധനങ്ങള്‍ വിലകുറച്ച് ലഭ്യമാക്കുന്നതിന് സഹകരണ വിപണന സ്റ്റോറുകള്‍ ആരംഭിക്കുന്നുണ്ടോ; വ്യക്തമാക്കാമോ;

ഉത്സവകാലത്ത് പ്രവര്‍ത്തിക്കുന്ന സഹകരണ ചന്തകള്‍ മുഴുവന്‍ സമയവും പ്രവര്‍ത്തിപ്പിച്ച് വിപണി ഇടപെടല്‍ സാധ്യമാക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

സഹകരണ മേഖലയിൽ സർക്കാർ പ്രഖ്യാപിച്ച വൺ ടൈം സെറ്റിൽമെന്റ് ഗുണഭോക്താക്കൾക്ക് ലഭിക്കാത്ത സാഹചര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ;

അപേക്ഷകളിന്മേൽ സർക്കാർ നിർദേശം നൽകിയിട്ടും ഭരണസമിതികൾ തോന്നിയപോലെ തീരുമാനങ്ങൾ എടുക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ അതിനെതിരെ ശക്തമായ നടപടികൾ സ്വീകരിക്കുമോ; വിശദമാക്കുമോ;

വൺ ടൈം സെറ്റിൽമെന്റിനായി സർക്കാർ ഇറക്കിയ ഉത്തരവിന്റെ കോപ്പി ലഭ്യമാക്കുമോ?

പ്രാഥമിക കാർഷിക വായ്പാ സഹകരണ സംഘങ്ങൾ, സർവീസ് സഹകരണ ബാങ്കുകൾ, കാർഷിക ഗ്രാമവികസന ബാങ്കുകൾ എന്നിവ മുഖേന വിതരണം ചെയ്യുന്ന ഹ്രസ്വകാല കാർഷിക വായ്പകൾക്ക് ഉത്തേജന പലിശ ഇളവ് അനുവദിക്കുന്നതിനായി നടപ്പ് സാമ്പത്തിക വർഷം എത്ര തുക അനുവദിച്ചിട്ടുണ്ട്; വിശദാംശം ലഭ്യമാക്കുമോ?

വിദ്യാഭ്യാസ പരിശീലന പരിപാടികളിൽ സഹകരണമേഖല നൽകിയിട്ടുള്ള സംഭാവനകൾ വിലയിരുത്തിയിട്ടുണ്ടോ; വിശദാംശം നൽകാമോ;

സഹകരണ മേഖലയുടെ അടിത്തറ ശക്തിപ്പെടുത്തുന്നതിന് ഈ മേഖലയുമായി ബന്ധപ്പെട്ട വിദ്യാഭ്യാസ പരിശീലന പരിപാടികൾ സംഘടിപ്പിക്കാൻ സഹകരണ യൂണിയന് കഴിഞ്ഞിട്ടുണ്ടോ; വ്യക്തമാക്കാമോ;

മറ്റെല്ലാ മേഖലകളിലുമുള്ള തൊഴിൽസാധ്യതകൾ വളർത്തുന്നതിനും വൈവിധ്യമാർന്ന നൈപുണികളുള്ള തൊഴിൽശക്തിയെ വിവിധ തലങ്ങളിൽ രൂപപ്പെടുത്തിയെടുക്കുന്നതിനും സഹകരണ മേഖലയിൽ സർവ്വകലാശാല എന്ന ആശയത്തിനുള്ള പ്രസക്തി പരിശോധനാ വിധേയമാക്കിയിട്ടുണ്ടോ; വിശദീകരിക്കുമോ?

സഹകരണ മേഖലയിൽ പ്രഖ്യാപിച്ച നിക്ഷേപ സമാഹരണ യജ്ഞത്തിന്റെ ഭാഗമായി എത്ര കോടി രൂപയുടെ നിക്ഷേപം സമാഹരിക്കുവാനാണ് ലക്ഷ്യമിട്ടതെന്നും എത്ര കോടി രൂപയുടെ നിക്ഷേപം സമാഹരിക്കാൻ കഴിഞ്ഞുവെന്നും അറിയിക്കുമോ;

നിക്ഷേപ സമാഹരണ യജ്ഞം ലക്ഷ്യം കൈവരിക്കാൻ സാധിക്കാതിരുന്നതിന്റെ കാരണം വ്യക്തമാക്കുമോ; കൂടുതൽ നിക്ഷേപം സമാഹരിക്കുന്നതിനായി എന്തൊക്കെ നടപടികൾ സ്വീകരിച്ചിട്ടുണ്ട്; വ്യക്തമാക്കുമോ?

സഹകരണ മേഖലയിലെ ഉല്‍പ്പന്നങ്ങള്‍ പരിചയപ്പെടുത്തുന്നതിനും മൂല്യവര്‍ദ്ധിത ഉല്‍പ്പന്ന നിര്‍മ്മാണത്തിലേക്ക് കൂടുതല്‍ സഹകരണ സ്ഥാപനങ്ങളെ എത്തിക്കുന്നതിനും ലക്ഷ്യമിട്ട് സര്‍ക്കാര്‍ നടത്തുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; ഇതിന്റെ ഭാഗമായി സഹകരണ എക്സ്പോകള്‍ സംഘടിപ്പിച്ചുവരുന്നുണ്ടോ; വിശദമാക്കുമോ;

സഹകരണ മേഖലയുമായി ബന്ധപ്പെട്ട നൂതനാശയങ്ങള്‍ പങ്കുവയ്ക്കുന്നതിനും പ്രസ്തുത രംഗം നേരിടുന്ന ആഭ്യന്തരവും ബാഹ്യവുമായ വെല്ലുവിളികള്‍ സംബന്ധിച്ച് ചര്‍ച്ച ചെയ്യുന്നതിനും ഈ സര്‍ക്കാർ സംഘടിപ്പിച്ച സഹകരണ എക്സ്പോകളിലൂടെ സാധിച്ചിട്ടുണ്ടോ; വിശദമാക്കുമോ?

ജനാധിപത്യ രീതിയിൽ രഹസ്യ ബാലറ്റിലൂടെ തെരഞ്ഞെടുക്കപ്പെട്ട് അധികാരത്തില്‍വന്ന ഭരണസമിതികളെ അവിശ്വാസ പ്രമേയത്തിലൂടെ പുറത്താക്കാൻ വ്യവസ്ഥ ചെയ്ത് സഹകരണ നിയമത്തിലെ ചട്ടം 43 ബി പ്രകാരം ഉൾപ്പെടുത്തിയ ഭേദഗതി ജനാധിപത്യ വിരുദ്ധമായതിനാൽ അത് പിൻവലിക്കാനുള്ള നടപടി സ്വീകരിക്കുമോ; വിശദീകരിക്കാമോ?

മുൻ സർക്കാരിന്റെ കാലം മുതൽ നാളിതുവരെ സഹകരണ വകുപ്പ് നടപ്പാക്കിയ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണ്; വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

പ്രസ്തുത ക്രമക്കേട് സംബന്ധിച്ച് വകുപ്പ് തലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശങ്ങൾ വ്യക്തമാക്കുമോ?

സഹകരണ ആർബിട്രേഷൻ കോടതിയിൽ ജഡ്ജി ഇല്ലാത്തതിനാൽ കേസുകൾ തീർപ്പാക്കാതെ കെട്ടിക്കിടക്കുന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത കോടതിയിൽ എത്രകാലമായി ജഡ്ജിയുടെ ഒഴിവുണ്ടെന്ന് വ്യക്തമാക്കാമോ;

പ്രസ്തുത കോടതിയിൽ തീർപ്പാകാതെ കെട്ടിക്കിടക്കുന്ന കേസുകള്‍ എന്നുമുതലുള്ളതാണെന്നും കേസുകളുടെ എണ്ണവും സംബന്ധിച്ച് വര്‍ഷം തിരിച്ചുള്ള കണക്കുകൾ വിശദമാക്കുമോ;

2016 മുതൽ ഓരോ വർഷവും പ്രസ്തുത കോടതിയിൽ രജിസ്റ്റർ ചെയ്ത കേസുകളുടെ വിവരവും അതിൽ തീർപ്പാക്കിയവയുടെ വിവരവും വർഷം തിരിച്ച് ലഭ്യമാക്കാമോ;

സമയബന്ധിതമായി തീർപ്പാക്കേണ്ട സഹകരണ തിരഞ്ഞെടുപ്പ് കേസുകൾ പോലുള്ളവ നിർദിഷ്ട സമയത്തിനുള്ളില്‍ തീർപ്പാക്കാത്തതിനാൽ പരാതിക്കാർക്ക് സാമ്പത്തിക നഷ്ടവും സമയനഷ്ടവും ഉണ്ടാകുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ?

സ്വകാര്യ പണമിടപാട് സ്ഥാപനങ്ങളുടെയും സ്വകാര്യ മൈക്രോഫിനാൻസ് കമ്പനികളുടെയും ബ്ലേഡ് പലിശക്കാരുടെയും ചൂഷണത്തിൽ നിന്നും സാധാരണക്കാരെ സഹായിക്കാൻ വേണ്ടി സഹകരണ വകുപ്പ് ആവിഷ്കരിച്ചിട്ടുള്ള പദ്ധതികൾ എന്തെല്ലാമാണ്; വിശദമാക്കാമോ?

സംസ്ഥാനത്തെ പ്രാഥമിക സഹകരണ സംഘങ്ങളുടെ ഓഡിറ്റ് ശക്തിപ്പെടുത്തുന്നതുമായി ബന്ധപ്പെട്ട് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമാേ?

സഹകരണ മേഖലയിലെ ഒറ്റത്തവണ തീർപ്പാക്കല്‍ പദ്ധതി ഈ വർഷം അരംഭിച്ചിട്ടുണ്ടോ; വ്യക്തമാക്കുമോ;

പദ്ധതി പ്രകാരം എന്തെല്ലാം ആനുകൂല്യങ്ങളാണ് സഹകാരികള്‍ക്ക് നൽകുന്നതെന്ന് വ്യക്തമാക്കുമോ;

കയ്പമംഗലം മണ്ഡലത്തില്‍ പ്രസ്തുത പദ്ധതിവഴി കഴിഞ്ഞ വര്‍ഷം എത്ര സഹകാരികള്‍ക്ക് ആനുകൂല്യങ്ങള്‍ ലഭിച്ചിട്ടുണ്ടെന്ന് വ്യക്തമാക്കുമോ?

നടപ്പ് സാമ്പത്തിക വർഷത്തെ ബജറ്റിൽ സഹകരണ മേഖലയ്ക്കായി എത്ര കോടി രൂപ വകയിരുത്തിയെന്നും ഇതിൽ എത്ര കോടി രൂപ ഏതൊക്കെ ഇനങ്ങളിലാണ് നാളിതുവരെ അനുവദിച്ചതെന്നും എത്ര കോടി രൂപ ഏതൊക്കെ ഇനങ്ങളിലാണ് ചെലവഴിച്ചതെന്നുമുള്ള വിശദാംശം ലഭ്യമാക്കുമോ?

സാങ്കേതിക വിദ്യാധിഷ്ഠിത കൃഷിയില്‍ സഹകരണ മേഖലയുടെ നൂതന പദ്ധതിയായ സമഗ്ര കാർഷിക വികസന പദ്ധതിയുടെ നിര്‍വ്വഹണ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

പ്രസ്തുത പദ്ധതി പ്രകാരം സംസ്ഥാനത്ത് സുലഭമായി ലഭിക്കുന്ന കശുമാങ്ങയില്‍ നിന്നും സഹകരണ സംഘങ്ങള്‍ മുഖേന ഫെനി ഉല്‍പ്പാദിപ്പിക്കുന്നതും വിപണനം നടത്തുന്നതും പരിഗണനയിലുണ്ടോ; വിശദമാക്കുമോ;

പ്രസ്തുത പദ്ധതി മറ്റേതെങ്കിലും സ്ഥാപനങ്ങളുമായി സഹകരിച്ചാണോ വിഭാവനം ചെയ്തിട്ടുള്ളത്; പദ്ധതിയുടെ ഉദ്ദേശ്യലക്ഷ്യങ്ങള്‍ വിശദീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം അംഗ സമാശ്വാസ പദ്ധതി പ്രകാരം എത്ര തുക വിതരണം ചെയ്തുവെന്ന് അറിയിക്കുമോ?

സഹകരണസംഘങ്ങളിലെ പണം ഉപയോഗിച്ച് ഉല്പാദനമേഖലയില്‍ പുതിയ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

പ്രാദേശികതലത്തില്‍ സഹകരണസംഘങ്ങള്‍ തയ്യാറാക്കുന്ന പദ്ധതികളുടെ വിജയസാധ്യത പരിശോധിക്കാന്‍ സഹകരണവകുപ്പ് 'പ്രോജക്ട് ക്രഷ്' എന്ന പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; എങ്കില്‍ പദ്ധതിയുടെ വിശദാംശം ലഭ്യമാക്കാമോ?

റിസർവ് ബാങ്ക് റിപ്പോ നിരക്കിൽ കുറവ് വരുത്തുന്നതനുസരിച്ച് കേരള ബാങ്കില്‍ നിക്ഷേപ പലിശ നിരക്കുകളിൽ കുറവ് വരുത്തേണ്ടതുണ്ടോയെന്ന് വ്യക്തമാക്കുമോ;

ഇപ്രകാരം പലിശ നിരക്ക് കുറയ്ക്കുമ്പോൾ പ്രാഥമിക സഹകരണ സംഘങ്ങൾ കേരള ബാങ്കിൽ നിക്ഷേപിച്ചിട്ടുള്ള തുകയുടെ പലിശയും കുറയ്ക്കേണ്ടതുണ്ടോ; വ്യക്തമാക്കുമോ;

നിക്ഷേപത്തിന് പലിശ കുറയുമ്പോൾ പ്രാഥമിക സഹകരണ സംഘങ്ങളും ബാങ്കുകളും പലിശ നിരക്ക് കുറയ്ക്കാൻ നിർബന്ധിതരാകുന്നത് സഹകരണ മേഖലയിലെ നിക്ഷേപ സമാഹരണത്തെ ദോഷകരമായി ബാധിക്കുന്നുണ്ടോ; എങ്കിൽ ഈ പ്രവണത എങ്ങനെ പരിഹരിക്കാൻ സാധിക്കുമെന്ന് വ്യക്തമാക്കുമോ?

ജില്ലാ സഹകരണബാങ്കുകളെ സംസ്ഥാന സഹകരണ ബാങ്കിൽ ലയിപ്പിച്ച് കേരള ബാങ്ക് എന്ന രീതിയിൽ പ്രവർത്തിക്കുന്നതിന് റിസർവ് ബാങ്ക് അനുമതി നൽകിയത് സംബന്ധിച്ച രേഖയുടെ പകർപ്പ് ലഭ്യമാക്കുമോ;

ബാങ്കുകളുടെ ലയനത്തിന് റിസർവ് ബാങ്ക് മുന്നോട്ടുവെച്ച നിബന്ധനകൾ എന്തൊക്കെയായിരുന്നു; ഏതൊക്കെ നിബന്ധനകൾ പാലിച്ചതിന്റെ അടിസ്ഥാനത്തിലാണ് അനുമതി ലഭിച്ചതെന്ന് വ്യക്തമാക്കുമോ?

കേരള ബാങ്കിന്റെ പ്രവര്‍ത്തന പുരോഗതി വിശദമാക്കാമോ;

കേരള ബാങ്കിന്റെ പ്രവർത്തനങ്ങളിൽ നബാർഡിന്റെ നിരീക്ഷണങ്ങൾ എന്തൊക്കെയായിരുന്നുവെന്ന് വിശദമാക്കാമോ; നബാർഡിന്റെ നിർദ്ദേശങ്ങൾ ഉൾക്കൊള്ളുന്ന നിരീക്ഷണത്തിന്റെ പകർപ്പ് ലഭ്യമാക്കാമോ;

നബാർഡിന്റെ നിരീക്ഷണങ്ങളിൽ കണ്ടെത്തിയ പ്രശ്നങ്ങൾ പരിഹരിക്കാൻ ആവശ്യമായ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

കേരള ബാങ്കിന്റെ ആസ്തി ബാധ്യതകൾ, പ്രവർത്തന മൂലധനം തുടങ്ങിയവ ഉൾക്കൊള്ളുന്ന ബാലൻസ് ഷീറ്റിന്റെ പകർപ്പ് ലഭ്യമാക്കാമോ?

കോന്നി റീജിയണൽ സഹകരണ ബാങ്കിൽ നിന്നും പണം തിരികെ ലഭിക്കാത്തതിനെ തുടർന്ന് നിക്ഷേപകൻ ആത്മഹത്യാശ്രമം നടത്തിയത് സർക്കാർ ഗൗരവത്തോടെ കാണുന്നുണ്ടോ; വിശദാംശം വ്യക്തമാക്കുമോ;

പ്രസ്തുത ബാങ്കില്‍ നടന്നതായിപ്പറയുന്ന സാമ്പത്തിക ക്രമക്കേടുകൾ സംബന്ധിച്ച് സഹകരണ വകുപ്പ് അന്വേഷണം നടത്തിയിട്ടുണ്ടോ; എങ്കില്‍ കണ്ടെത്തലുകൾ എന്തൊക്കെയാണെന്ന് വ്യക്തമാക്കുമോ; ആയതിന്റെ അടിസ്ഥാനത്തിൽ എന്തൊക്കെ നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ;

നിക്ഷേപകർക്ക് മുൻഗണനാടിസ്ഥാനത്തിൽ നിക്ഷേപം തിരികെ നൽകണമെന്ന ബഹു.ഹൈക്കോടതി വിധി നടപ്പിലാക്കുവാൻ നടപടി സ്വീകരിച്ചിട്ടുണ്ടോ; മേൽപ്പറഞ്ഞ നിക്ഷേപകൻ ഉൾപ്പെടെയുള്ളവർക്ക് മുഴുവൻ തുകയും അടിയന്തരമായി തിരികെ നൽകുന്നതിന് നടപടി സ്വീകരിക്കുമോ; വ്യക്തമാക്കുമോ?

വിവാഹം, വിദ്യാഭ്യാസം, ചികിത്സ തുടങ്ങിയ ആവശ്യങ്ങള്‍ക്കുള്ള വായ്പയ്ക്ക് ജാമ്യമായി വയ്ക്കുന്ന വീടും സ്ഥലവും ജപ്തി ചെയ്ത് വായ്പക്കാരനേയും കുടുംബത്തേയും വഴിയാധാരമാക്കാതെ വായ്പാ തുക തിരിച്ചുപിടിക്കുന്നതിനായി സഹകരണ ബാങ്കുകള്‍ക്ക് നിര്‍ദ്ദേശം നല്‍കിയിട്ടുണ്ടോ; വിശദമാക്കാമോ;

പ്രസ്തുത നിര്‍ദ്ദേശത്തിന്റെ അടിസ്ഥാനത്തില്‍ വായ്പാ തുക തിരിച്ചുപിടിക്കുന്നതിനായി സ്വീകരിച്ചുവരുന്ന നടപടികള്‍ എന്താെക്കെയെന്ന് വിശദമാക്കാമോ?

പൂഞ്ഞാർ മണ്ഡലത്തിൽ വിവിധ സഹകരണ ബാങ്കുകളിൽ റിസ്ക് ഫണ്ട് അനുവദിക്കുന്നതിന് ലഭിച്ചിട്ടുള്ള അപേക്ഷകളില്‍ എത്ര പേര്‍ക്ക് ഫണ്ട് അനുവദിക്കാനുണ്ടെന്ന് വിശദമാക്കാമോ;

പ്രസ്തുത മണ്ഡലത്തിൽ റിസ്ക് ഫണ്ടിനായി വിവിധ സഹകരണ ബാങ്കുകള്‍ മുഖേന സമര്‍പ്പിച്ച അപേക്ഷകളില്‍ ഫണ്ട് അനുവദിക്കാത്തവയുടെ വിശദാംശം ലഭ്യമാക്കാമോ?

സഹകരണ ചട്ടങ്ങളുടെ അടിസ്ഥാനത്തില്‍ സര്‍ക്കാരില്‍ നിന്നും അര്‍ഹമായ വിഹിതങ്ങള്‍ നേടുകയും പ്രവര്‍ത്തിക്കുകയും ചെയ്യുന്ന ഒട്ടേറെ സഹകരണ ബാങ്കുകള്‍ അര്‍ഹരായ ആളുകള്‍ക്ക് അംഗത്വം നിഷേധിക്കുന്നതായ പരാതികള്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

അര്‍ഹതയുള്ള ഒരാള്‍ക്ക് സഹകരണ ബാങ്കില്‍ അംഗത്വം നിഷേധിച്ചാല്‍ എന്തൊക്കെ നടപടികള്‍ ആര്‍ക്കെല്ലാമെതിരെ കൈക്കൊള്ളുമെന്ന് വിശദമാക്കാമോ;

അംഗത്വം നിഷേധിക്കപ്പെടുന്നപക്ഷം ആയത് നേടുന്നതിനുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ?

കോട്ടയം ജില്ലയില്‍ സഹകരണ മേഖലയിൽ നിലവിൽ എത്ര സ്ഥാപനങ്ങള്‍ പ്രവര്‍ത്തിക്കുന്നുണ്ടെന്നും അവ ഏതെല്ലാമെന്നും വ്യക്തമാക്കുമോ;

ഓരോ സ്ഥാപനത്തിലും നിലവിലുള്ള ജീവനക്കാരുടെ എണ്ണവും തസ്തികയും വ്യക്തമാക്കുമോ?

സഹകരണ സ്ഥാപനങ്ങള്‍ ആരംഭിക്കുന്നതിനും അവയ്ക്ക് അംഗീകാരം ലഭിക്കുന്നതിനുമുള്ള വ്യവസ്ഥകള്‍ എന്തൊക്കെയാണ്; വിശദമാക്കാമോ;

സഹകരണ സംഘം നിയമത്തിന് വിരുദ്ധമായി പ്രവര്‍ത്തിക്കുന്ന സ്ഥാപനങ്ങളെക്കുറിച്ച് അന്വേഷിച്ച് നടപടി സ്വീകരിക്കാൻ ഉദ്ദേശിക്കുന്നുണ്ടോ; എങ്കില്‍ വിശദാംശം ലഭ്യമാക്കുമോ?

പാലക്കാട് ജില്ലയില്‍ പുതിയ സഹകരണ സംഘങ്ങള്‍ രജിസ്റ്റര്‍ ചെയ്യാന്‍ അപേക്ഷ നൽകിയിട്ടുണ്ടോ; എങ്കില്‍ നിര്‍ദ്ദിഷ്ട സംഘങ്ങളുടെ പേരുള്‍പ്പെടെയുള്ള വിശദവിവരം ലഭ്യമാക്കുമോ??

ദുര്‍ബലമായ സഹകരണ സംഘങ്ങളെ ശക്തിപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

സഹകരണ മേഖലയിലെ നിക്ഷേപങ്ങള്‍ സുരക്ഷിതമാണെന്ന് ഉറപ്പുവരുത്തുന്നതിന് എന്തെല്ലാം സംവിധാനങ്ങളാണ് ആവിഷ്കരിച്ച് നടപ്പിലാക്കിയിട്ടുള്ളതെന്ന് വ്യക്തമാക്കുമോ?

സംസ്ഥാനത്തെ സഹകരണ ബാങ്കുകള്‍ക്ക് കാറ്റഗറി നിശ്ചയിച്ചിട്ടുണ്ടോ; എങ്കില്‍ ഓരോ കാറ്റഗറിയിലും ഉള്‍പ്പെടുത്തുന്നതിന് നിശ്ചയിച്ചിട്ടുളള മാനദണ്ഡങ്ങള്‍ എന്തൊക്കെയാണ്; ഓരോ കാറ്റഗറിയിലേയും സ്റ്റാഫ് പാറ്റേണ്‍ എത്രയാണ്; വ്യക്തമാക്കുമോ;

ഡയറക്ടര്‍ ബോര്‍ഡിന് നേരിട്ട് നിയമനം നടത്താവുന്ന തസ്തികകള്‍ ഏതൊക്കെയാണ്; സഹകരണ റിക്രൂട്ട്മെന്റ് ബോര്‍ഡിന് നിയമിക്കാവുന്ന തസ്തികകള്‍ ഏതൊക്കെയാണ്; ഇവ ഓരോ ഇനത്തിലും നടത്താവുന്ന നിയമനങ്ങളുടെ അനുപാതം വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്ത് എത്ര സഹകരണ ബാങ്ക്/സംഘങ്ങളിൽ അഡ്മിനിസ്ട്രേറ്റീവ് ഭരണം ഏർപ്പെടുത്തിയിട്ടുണ്ടെന്നും ഓരോ സംഘത്തിലും അഡ്മിനിസ്ട്രേറ്റീവ് ഭരണം ഏർപ്പെടുത്തിയ കാലയളവും ഈ കാലയളവിൽ നൽകിയ അംഗത്വത്തിന്റെ എണ്ണവും വ്യക്തമാക്കുമോ;

അഡ്മിനിസ്ട്രേറ്റീവ് ഭരണത്തിൽ അംഗത്വം നൽകുന്നവർക്ക് സംഘത്തിൽ നിന്നും ഏതൊക്കെ രീതിയിലുള്ള ആനുകൂല്യങ്ങൾ കൈപ്പറ്റുന്നതിനാണ് നിയമപരമായി അവകാശമുള്ളത്; വ്യക്തമാക്കുമോ;

പ്രസ്തുത അംഗങ്ങളുടെ മെമ്പർഷിപ്പിന് പിന്നീട് വരുന്ന ഭരണസമിതിയുടെ അംഗീകാരം ആവശ്യമാണോ; ഇപ്രകാരം മെമ്പർഷിപ്പ് അംഗീകരിക്കുന്നതിനുള്ള നടപടിക്രമം എന്താണ്; വ്യക്തമാക്കുമോ;

മെമ്പർഷിപ്പുകൾ പുതിയ ഭരണസമിതി അംഗീകരിക്കാത്ത പക്ഷം അവർ കൈപ്പറ്റിയ ആനുകൂല്യങ്ങൾ തിരികെ പിടിക്കുന്നതിന് വ്യവസ്ഥയുണ്ടോ; വിശദാംശം നൽകുമോ?

സഹകരണ സംഘങ്ങളിലെ ഓഡിറ്റ് ശക്തിപ്പെടുത്തുന്നതുമായി ബന്ധപ്പെട്ട് നടത്തുന്ന പ്രവര്‍ത്തനങ്ങള്‍ എന്തെല്ലാമാണ്; വിശദീകരിക്കുമോ?

സഹകരണ സ്ഥാപനങ്ങളിലെ ഭരണസമിതിക്കെതിരെ അവിശ്വാസം കൊണ്ടുവരാൻ നിലവിലുള്ള സഹകരണ നിയമത്തിൽ വ്യവസ്ഥയുണ്ടെങ്കിൽ അത് എപ്രകാരമാണെന്ന് അറിയിക്കാമോ;

സഹകരണ സ്ഥാപനങ്ങളിലെ ഭരണസമിതിക്കെതിരെ അവിശ്വാസം രേഖപ്പെടുത്തുന്നതിന് സഹകരണ നിയമത്തിൽ ഭേദഗതി കൊണ്ടുവരാൻ ഉദ്ദേശിക്കുന്നുണ്ടോ; എങ്കിൽ അത് എപ്രകാരമാണെന്ന് അറിയിക്കാമോ;

അവിശ്വാസം കൊണ്ടുവരുന്ന സാഹചര്യമുണ്ടാവുകയാണെങ്കിൽ അംഗങ്ങളുടെ ആധികാരികത ഉറപ്പുവരുത്തുന്നത് എങ്ങനെയാണെന്ന് വ്യക്തമാക്കാമോ;

തെരഞ്ഞെടുക്കപ്പെടുന്ന ഭരണസമിതിയെ അംഗങ്ങൾ അവിശ്വാസം കൊണ്ടുവന്ന് ഇടയ്ക്കിടയ്ക്ക് പുറത്താക്കുന്ന സാഹചര്യം ഉണ്ടാകുകയാണെങ്കിൽ അത് സഹകരണ മേഖലയിൽ അസ്ഥിരതയുണ്ടാക്കുമോ; വ്യക്തമാക്കാമോ;

തെരഞ്ഞെടുക്കപ്പെടുന്ന ഭരണസമിതിയിൽ അംഗങ്ങൾ അവിശ്വാസം രേഖപ്പെടുത്തുകയാണെങ്കിൽ അതിന്റെ നടപടിക്രമങ്ങൾ എപ്രകാരമാകുമെന്നും അതിന് ചുമതലപ്പെടുത്തിയിട്ടുള്ള ഉദ്യോഗസ്ഥൻ ആരായിരിക്കുമെന്നും വ്യക്തമാക്കാമോ?

ആലപ്പുഴ മണ്ഡലത്തിലെ കയര്‍ തൊഴിലാളികളുടെയും നെല്‍ കര്‍ഷകരുടെയും ഉന്നമനത്തിനായി രൂപീകരിച്ചിട്ടുള്ള സഹകരണ സംഘങ്ങളുടെ പ്രവര്‍ത്തനം സംബന്ധിച്ച വിശദാംശം ലഭ്യമാക്കുമോ?

സഹകരണ സംഘം രജിസ്ട്രാറുടെ 28.07.2011- ലെ 57/2011 നമ്പര്‍ സര്‍ക്കുലര്‍ പ്രകാരം മൂന്ന് സെന്റും അതിന് മുകളിലും കെെവശ ഭൂമിയുള്ള അംഗങ്ങള്‍ക്ക് അര്‍ഹമായ വായ്പ അനുവദിക്കുന്നതിനും ആയത് ഉറപ്പാക്കുന്നതിനും സ്വീകരിച്ച നടപടികള്‍ വിശദമാക്കുമാേ;

അഞ്ച് സെന്റില്‍ കുറവ് കെെവശ വസ്തു ഉള്ളതിന്റെ പേരില്‍ സംസ്ഥാനത്ത് ഏതെങ്കിലും സഹകരണ ബാങ്കുകള്‍ വായ്പ നിഷേധിക്കുന്ന സാഹചര്യം ഉണ്ടായിട്ടുണ്ടാേ; വിശദമാക്കാമാേ?

തിരുവനന്തപുരം ജില്ലയിലെ T.2283 നമ്പർ രജിസ്ട്രേഷനുള്ള യുവജന സഹകരണ സംഘത്തിന്റെ 2020-21, 2021-22, 2022-23 സാമ്പത്തിക വർഷങ്ങളിലെ വരവ്-ചെലവ് കണക്കിന്റെ രേഖകൾ നൽകാമോ?

സംസ്ഥാനത്ത് പ്രവര്‍ത്തിക്കുന്ന സഹകരണ സംഘങ്ങളിൽ കാര്‍ഷിക സഹകരണ സംഘങ്ങള്‍, ലേബര്‍ കോണ്‍ട്രാക്ട് സൊസൈറ്റികള്‍, യുവജന സഹകരണ സംഘങ്ങൾ എന്നിവ എത്രവീതമെന്ന് ജില്ല തിരിച്ച് വ്യക്തമാക്കാമോ?

വിഴിഞ്ഞം അന്താരാഷ്ട്ര തുറമുഖത്തിൽ ഇതുവരെ എത്ര പേർക്ക് നിയമനം നൽകാൻ കഴിഞ്ഞിട്ടുണ്ട്; ഓരോ തസ്തികയിലും നിയമനം ലഭിച്ചവരുടെ പേര്, മേൽവിലാസം എന്നിവ സഹിതം വിശദമാക്കാമോ;

പ്രസ്തുത നിയമനങ്ങളിൽ തദ്ദേശീയവാസികളായ എത്ര പേർക്കാണ് നിയമനം ലഭിച്ചത്; ഏതൊക്കെ തസ്തികകളിൽ ആണ് നിയമനം നൽകിയതെന്നും ആയതിന്റെ വിശദവിവരങ്ങളും ലഭ്യമാക്കാമോ;

വിഴിഞ്ഞം തുറമുഖവുമായി ബന്ധപ്പെട്ട് ഉടൻ നിയമനം നടത്തുവാൻ സാധ്യതയുള്ള ഒഴിവുകൾ ഏതൊക്കെയാണെന്നും അവയുടെ വിശദാംശങ്ങളും ലഭ്യമാക്കാമോ;

ഒന്നാം ഘട്ടം പൂർത്തിയാകുമ്പോൾ എത്ര പേർക്ക് നേരിട്ട് നിയമനം ലഭിക്കുമെന്നതിന്റെ വിശദാംശം ലഭ്യമാക്കാമോ?

2025-26 ലെ ബജറ്റിൽ തുറമുഖങ്ങൾക്ക് അനുവദിച്ചിട്ടുള്ള ഫണ്ടിൽ നോൺ-മേജർ തുറമുഖങ്ങൾക്ക് പ്രത്യേകം തുക അനുവദിച്ചിട്ടുണ്ടോ; വിശദമാക്കുമോ;

പ്രസ്തുത തുറമുഖങ്ങളിൽ എന്തെല്ലാം പ്രവർത്തനങ്ങളാണ് നടപ്പിലാക്കേണ്ടതെന്ന് തീരുമാനിച്ചിട്ടുണ്ടോ; വ്യക്തമാക്കുമോ;

ഓരോ തുറമുഖങ്ങളിലും നടപ്പിലാക്കേണ്ട പ്രവൃത്തികളുടെ മാസ്റ്റർ പ്ലാൻ തയ്യാറാക്കിയിട്ടുണ്ടോ; വിശദാംശം നൽകുമോ?

മുൻ സർക്കാരിന്റെ കാലം മുതൽ നാളിതുവരെ തുറമുഖ വകുപ്പ് നടപ്പാക്കിയ വിവിധ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണെന്നുള്ള വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

പ്രസ്തുത ഓരോ ക്രമക്കേട് സംബന്ധിച്ചും വകുപ്പ് തലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശം വ്യക്തമാക്കുമോ?

കാെച്ചി, ബേപ്പൂര്‍, അഴീക്കല്‍, കാെല്ലം എന്നീ തുറമുഖങ്ങളെ തമ്മിൽ ബന്ധിപ്പിക്കുന്ന ചരക്ക് ഇടനാഴി പദ്ധതിയുടെ നിലവിലെ സ്ഥിതി വ്യക്തമാക്കുമാേ;

പ്രസ്തുത പദ്ധതി കേന്ദ്ര സർക്കാർ ഏറ്റെടുത്തിട്ടുണ്ടാേയെന്ന് അറിയിക്കുമോ;

പദ്ധതി നടപ്പിലാക്കുന്നതിന് കേന്ദ്ര സര്‍ക്കാരില്‍ നിന്നും എന്തെല്ലാം സഹായങ്ങള്‍ ലഭിക്കുമെന്ന് വ്യക്തമാക്കുമാേ?

വിഴിഞ്ഞം തുറമുഖ പദ്ധതിയുടെ പുനരധിവാസ പാക്കേജിന്റെ വിശദാംശം വ്യക്തമാക്കുമോ;

പ്രസ്തുത പാക്കേജിൽ നാളിതുവരെ നടപ്പിലാക്കിയ പ്രവൃത്തികൾ, ഓരോ പ്രവൃത്തിക്കും ചെലവഴിച്ച തുക, ഇനി നടപ്പാക്കാനുള്ള പ്രവൃത്തികൾ എന്നിവ സംബന്ധിച്ച വിശദാംശം ലഭ്യമാക്കാമോ?

വിഴിഞ്ഞം തുറമുഖം പ്രവര്‍ത്തനം ആരംഭിച്ചതിന് ശേഷം നാളിതുവരെ സംസ്ഥാന സര്‍ക്കാരിന് ലഭിച്ച വരുമാനം ഇനം തിരിച്ച് നല്‍കാമോ;

വിഴിഞ്ഞം തുറമുഖം മൂന്നു ഘട്ടവും പൂര്‍ത്തീകരിക്കുമ്പോള്‍ സംസ്ഥാന സര്‍ക്കാരിന് ലഭിക്കാവുന്ന വരുമാനത്തിന്റെ വിശദാംശം നല്‍കാമോ; നിലവില്‍ സംസ്ഥാനം നേരിടുന്ന അതിരൂക്ഷ സാമ്പത്തിക പ്രതിസന്ധി മറികടക്കുവാന്‍ തുറമുഖത്തില്‍ നിന്നും ലഭിക്കുന്ന വരുമാനം പര്യാപ്തമാകുമോ; വ്യക്തമാക്കാമോ;

തുറമുഖ വികസനത്തിനായി 2025-26 സാമ്പത്തിക വര്‍ഷം എത്ര രൂപ ഏതൊക്കെ ഇനങ്ങളിലായി സര്‍ക്കാര്‍ നീക്കി വച്ചിട്ടുണ്ടെന്ന് വ്യക്തമാക്കാമോ?

വിഴിഞ്ഞം തുറമുഖത്തെയും ഔട്ടര്‍ റിംഗ് റോഡിനെയും ദേശീയ പാതയുമായി ബന്ധിപ്പിക്കുന്നതിനുള്ള ക്ലോവര്‍ ലീഫ് പദ്ധതി നടപ്പാക്കുന്നതിന് എത്ര ഭൂമി ഏറ്റെടുക്കേണ്ടി വരുമെന്ന് വിശദമാക്കാമോ;

ഭൂമി ഏറ്റെടുക്കുന്നതിന് എത്ര തുക വേണ്ടി വരുമെന്നും ഈ തുക എങ്ങനെ കണ്ടെത്തുമെന്നും വിശദമാക്കുമോ;

പ്രസ്തുത പദ്ധതിയുമായി മുന്നോട്ടു പോകുന്നതിന് സര്‍ക്കാരിന് മുന്നില്‍ എന്തെങ്കിലും തടസ്സങ്ങളുണ്ടോയെന്ന് വിശദമാക്കുമോ?

വിഴിഞ്ഞം തുറമുഖം രണ്ടാം ഘട്ട നിര്‍മ്മാണ പ്രവര്‍ത്തനത്തിന്റെ നിലവിലെ സ്ഥിതി വിശദമാക്കുമോ;

രണ്ടും മൂന്നും ഘട്ട പ്രവര്‍ത്തനങ്ങള്‍ക്ക് എത്ര കോടി രൂപയാണ് നീക്കി വെച്ചതെന്ന് വിശദമാക്കുമോ;

രണ്ടും മൂന്നും ഘട്ട പ്രവര്‍ത്തനങ്ങള്‍ എപ്പോള്‍ പൂര്‍ത്തിയാകുമെന്നാണ് പ്രതീക്ഷിക്കുന്നതെന്ന് വിശദമാക്കുമോ;

രണ്ടും മൂന്നും ഘട്ട പ്രവര്‍ത്തനങ്ങള്‍ ഏറ്റെടുത്തിരിക്കുന്നത് ഏതു കമ്പനിയാണെന്ന് വിശദമാക്കുമോ?

ആലപ്പുഴ മണ്ഡലത്തിൽ തുറമുഖ വകുപ്പ് മുഖേന എന്തൊക്കെ പദ്ധതികളാണ് ഈ സർക്കാരിന്റെ കാലത്ത് നടപ്പിലാക്കുന്നതെന്നും ചെലവഴിക്കുന്ന തുക എത്രയെന്നും വിശദമാക്കാമോ;

ആലപ്പുഴ മണ്ഡലത്തിൽ വകുപ്പ് പുതുതായി ആവിഷ്കരിച്ച് നടപ്പിലാക്കാൻ ഉദ്ദേശിക്കുന്ന പദ്ധതികളെ സംബന്ധിച്ച വിശദവിവരം ലഭ്യമാക്കാമോ?

നിലവിലെ സര്‍ക്കാര്‍, ചെറുകിട തുറമുഖങ്ങളുടെ അടിസ്ഥാന സൗകര്യ വികസനത്തിനുവേണ്ടി നടപ്പിലാക്കുന്ന പദ്ധതികളുടെ വിശദാംശം നൽകുമാേ;

ചെറുകിട-ഇടത്തരം തുറമുഖങ്ങള്‍ കൂടുതല്‍ ഉപയാേഗപ്പെടുത്തി കണ്ടെയ്‌നര്‍ സര്‍വ്വീസ് വര്‍ദ്ധിപ്പിക്കുന്നതിനുവേണ്ടി നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമാേ?

കോഴിക്കോട് വെളളയില്‍ ഹാര്‍ബര്‍ വികസനത്തിന് ഏതെങ്കിലും പദ്ധതികള്‍ പരിഗണനയില്‍ ഉണ്ടോയെന്ന് വ്യക്തമാക്കുമോ;

വെളളയില്‍ ഹാര്‍ബറുമായി ബന്ധപ്പെട്ട് മത്സ്യത്തൊഴിലാളികള്‍ക്ക് കൂടുതല്‍ തൊഴില്‍ അവസരങ്ങള്‍ സൃഷ്ടിക്കുന്നതിന് പദ്ധതി തയ്യാറാക്കുമോയെന്ന് വിശദമാക്കുമോ?

മുൻ സർക്കാരിന്റെ കാലം മുതൽ നാളിതുവരെ ദേവസ്വം വകുപ്പ് നടപ്പാക്കിയ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണെന്ന വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

പ്രസ്തുത ഓരോ ക്രമക്കേടും സംബന്ധിച്ച് വകുപ്പ് തലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശം ലഭ്യമാക്കുമോ?

മാവേലിക്കര മണ്ഡലത്തിലെ തഴക്കര, തെക്കേക്കര, ചുനക്കര, നൂറനാട്, പാലമേല്‍, താമരക്കുളം, വളളിക്കുന്നം ഗ്രാമപ്പഞ്ചായത്തുകളിലും മാവേലിക്കര മുനിസിപ്പാലിറ്റിയിലുമായി ദേവസ്വം ബോര്‍ഡിന് കീഴിലുളള ക്ഷേത്രങ്ങള്‍ ഏതൊക്കെയെന്നും പ്രസ്തുത ക്ഷേത്രങ്ങളുടെ ഭൂമിയുടെ അളവ് സംബന്ധിച്ചും പഞ്ചായത്ത്/മുനിസിപ്പാലിറ്റി തിരിച്ചുളള വിവരം ലഭ്യമാക്കുമോ?

പൂഞ്ഞാർ മണ്ഡലത്തില്‍ ദേവസ്വം ബോര്‍ഡിന് കീഴില്‍ എത്ര ക്ഷേത്രങ്ങൾ ഉണ്ടെന്നും ഇവയ്ക്ക് ക്ഷേത്രക്കുളങ്ങളുണ്ടോയെന്നും വ്യക്തമാക്കാമോ;

ഈ സർക്കാർ അധികാരത്തിൽ വന്നതുമുതൽ നാളിതുവരെ പ്രസ്തുത ക്ഷേത്രങ്ങളിൽ എന്താെക്കെ വികസന പ്രവര്‍ത്തനങ്ങളാണ് നടത്തിയതെന്നും അവയ്ക്കായി എത്ര തുക ചെലവഴിച്ചിട്ടുണ്ടെന്നും വിശദമാക്കാമോ;

തീര്‍ത്ഥാടക ടൂറിസം പദ്ധതി മുഖേന പ്രസ്തുത ക്ഷേത്രങ്ങളിൽ എന്തൊക്കെ നിര്‍മ്മാണ പ്രവൃത്തികളാണ് നടപ്പിലാക്കിയിട്ടുളളതെന്ന് വ്യക്തമാക്കാമോ?

കൊച്ചിൻ ദേവസ്വം ബോർഡിന് കീഴിൽ ജീവനക്കാർക്കായി എത്ര ക്വാട്ടേഴ്സുകൾ ഉണ്ട്; ഇതിൽ എത്ര എണ്ണം വാസയോഗ്യമാണ്; എത്ര എണ്ണം ജീർണാവസ്ഥയിലാണ്; എത്ര എണ്ണം പൂർണമായും നശിച്ചിട്ടുണ്ട്; വിശദാംശം ലഭ്യമാക്കുമോ;

പ്രസ്തുത ക്വാട്ടേഴ്സുകളുടെ പുനരുദ്ധാരണത്തിനായി ഈ സർക്കാരിന്റെ കാലയളവിൽ നാളിതുവരെ ഓരോ വർഷവും എത്ര തുക ചെലവഴിച്ചിട്ടുണ്ടെന്ന് വ്യക്തമാക്കുമോ;

കൊച്ചിൻ ദേവസ്വം ബോർഡിന്റെ നിലവിലെ കമ്മീഷണർ ആരാണ്; അദ്ദേഹം മാതൃവകുപ്പിൽ ഏതു തസ്തികയിൽ ആയിരുന്നുവെന്നും അദ്ദേഹത്തിന്റെ ശമ്പളവും മറ്റ് ആനുകൂല്യങ്ങളും സംബന്ധിച്ച വിവരവും വ്യക്തമാക്കുമോ;

കൊച്ചിൻ ദേവസ്വം ബോർഡ് കമ്മീഷണർക്ക് ഔദ്യോഗിക വസതിയായി ക്വാട്ടേഴ്സ് അനുവദിച്ച് നൽകിയിട്ടുണ്ടോ; എങ്കില്‍ പ്രസ്തുത ഉത്തരവിന്റെ പകർപ്പ് ലഭ്യമാക്കുമോ; പ്രസ്തുത ക്വാട്ടേഴ്സ് മോടി പിടിപ്പിക്കുന്നതിനായി എത്ര തുക ഏതൊക്കെ ഇനത്തിൽ ചെലവഴിച്ചുവെന്ന് വ്യക്തമാക്കുമോ; ക്വാട്ടേഴ്സിലേക്ക് ഭക്തരുടെ ചെലവിൽ എസിയും ടിവിയും മറ്റു വീട്ടുപകരണങ്ങളും ഉൾപ്പെടെ വാങ്ങിയതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ;

കൊച്ചിൻ ദേവസ്വം ബോർഡ് കമ്മീഷണർക്ക് ഔദ്യോഗിക വാഹനമായി പുതിയ കാർ വാങ്ങിയിട്ടുണ്ടോ; എങ്കില്‍ ഏതു ബ്രാൻഡ് വാഹനമാണ് വാങ്ങിയതെന്നും ഇതിനായി എത്ര തുക ചെലവഴിച്ചുവെന്നും അറിയിക്കുമോ; മുൻ കമ്മീഷണർ ഉപയോഗിച്ചിരുന്ന വാഹനം, വാങ്ങിയ വർഷം, വാഹനത്തിന്റെ മോഡൽ, ഇതിനായി ചെലവഴിച്ച തുക, പ്രസ്തുത വാഹനം മാറ്റി പുതിയത് വാങ്ങാൻ ഇടയായ സാഹചര്യം എന്നിവ വ്യക്തമാക്കുമോ;

സാമ്പത്തിക അച്ചടക്കത്തിന് വിരുദ്ധമായും സർവീസ് ചട്ടങ്ങൾ ലംഘിച്ചും ദേവസ്വം കമ്മീഷണർ പ്രവർത്തിച്ചുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത ഉദ്യോഗസ്ഥനെതിരെ എന്തൊക്കെ നടപടികൾ സ്വീകരിച്ചിട്ടുണ്ടെന്ന വിശദാംശം ലഭ്യമാക്കുമോ?

ഇരിങ്ങാലക്കുട കൂടൽമാണിക്യം ക്ഷേത്രത്തിൽ കഴക ജോലികൾക്കായി ആളെ നിയമിക്കുന്നതിന് ദേവസ്വം റിക്രൂട്ട്‌മെന്റ് ബോർഡ് പരീക്ഷ നടത്തിയിരുന്നോ; എങ്കില്‍ പരീക്ഷയിൽ വിജയിച്ച വ്യക്തി ജോലിയിൽ പ്രവേശിച്ചിരുന്നോ;

കഴകം തസ്തികയിൽ ജോലിക്ക് നിയമിതനായ വ്യക്തിക്കെതിരെ ജാതി വിവേചനം നടന്നോ യെന്ന കാര്യം പരിശോധിച്ചിട്ടുണ്ടോ; വിശദമാക്കുമോ?

ആലത്തൂര്‍ മണ്ഡലത്തില്‍ മലബാര്‍ ദേവസ്വം ബോര്‍ഡിന്റെ അധീനതയിലുള്ള എത്ര ക്ഷേത്രങ്ങളുണ്ടെന്നും എത്ര സ്ഥിരം ജീവനക്കാര്‍ ഓരോ ക്ഷേത്രത്തിലും ജോലി ചെയ്യുന്നുണ്ടെന്നുമുള്ള വിവരം തസ്തിക തിരിച്ച് ലഭ്യമാക്കുമോ?

തൃക്കാരിയൂര്‍ മഹാദേവ ക്ഷേത്രത്തിന്റെ നവീകരണവുമായി ബന്ധപ്പെട്ട് ദേവസ്വം ബോർഡ് നടപ്പാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമെന്ന് വിശദമാക്കുമോ;

ഊട്ടുപുര, ഭജനമഠം, ദേവസ്വം ഓഫീസ് ബില്‍ഡിംഗ്, സ്റ്റോര്‍ റൂം, ടെംപിൾ സ്ട്രക്ച്ചർ, ആനക്കൊട്ടില്‍ എന്നിവയുടെ നവീകരണവുമായി ബന്ധപ്പെട്ട പ്രവൃത്തികളുടെ നിലവിലെ സ്ഥിതി വ്യക്തമാക്കുമോ;

ടോയ്‌ലറ്റ് നിര്‍മ്മാണവുമായി ബന്ധപ്പെട്ട പ്രവർത്തനങ്ങൾ ആരംഭിച്ചിട്ടുണ്ടോ; വ്യക്തമാക്കുമോ;

ക്ഷേത്രവുമായി ബന്ധപ്പെട്ട് പുതുതായി നടപ്പാക്കാന്‍ ഉദ്ദേശിക്കുന്ന വികസന പ്രവര്‍ത്തനങ്ങള്‍ എന്തെല്ലാമെന്ന് വിശദമാക്കുമോ;

ക്ഷേത്ര നവീകരണ പ്രവര്‍ത്തനങ്ങള്‍ വേഗത്തിലാക്കുന്നതിന് ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

ഉദുമ മണ്ഡലത്തില്‍ ദേവസ്വം ബോര്‍ഡിന് കീഴില്‍ എത്ര ക്ഷേത്രങ്ങളാണ് നിലവിലുള്ളതെന്ന് അറിയിക്കാമോ; ക്ഷേത്രങ്ങളുടെ പേരുവിവരം ലഭ്യമാക്കാമോ;

പ്രസ്തുത ക്ഷേത്രങ്ങളില്‍ ഈ സര്‍ക്കാരിന്റെ കാലത്ത് ദേവസ്വം ബോര്‍ഡ് എത്ര രൂപയുടെ വികസന പ്രവൃത്തികള്‍ നടത്തിയിട്ടുണ്ടെന്ന് അറിയിക്കാമോ;

ദേവസ്വം ബോര്‍ഡിന് കീഴിലുള്ള ക്ഷേത്രങ്ങള്‍ക്ക് സര്‍ക്കാര്‍ ഗ്രാന്റ് നല്‍കാറുണ്ടോയെന്ന് വിശദമാക്കാമോ?

വിവിധ ദേവസ്വം ബാേര്‍ഡുകൾക്ക് കീഴിലുള്ളതും അല്ലാത്തതുമായ പൗരാണിക ക്ഷേത്രങ്ങളുടെ വിശദാംശം ലഭ്യമാക്കാമാേ;

വിദേശ ടൂറിസ്റ്റുകളടക്കം ധാരാളം പേർ സന്ദർശിക്കുന്ന ക്ഷേത്രങ്ങളുടെ ലിസ്റ്റ് വകുപ്പിന്റെ കീഴിലുണ്ടാേ; എങ്കില്‍ അവയുടെ പേരുകള്‍ ജില്ല തിരിച്ച് അറിയിക്കാമാേ;

ആയിരം വര്‍ഷത്തിലേറെ പഴക്കമുള്ള ക്ഷേത്രങ്ങളുടെ ലിസ്റ്റ് തയ്യാറാക്കിയിട്ടുണ്ടാേ; എങ്കില്‍ വിശദാംശം നല്‍കാമാേ?