2025 ഫെബ്രുവരിയിൽ സംസ്ഥാനത്തെ വിലക്കയറ്റത്തിന്റെ നിരക്ക് ദേശീയ നിരക്കിനേക്കാൾ ഉയർന്നുനിൽക്കുന്നുവെന്ന സെൻട്രൽ സ്റ്റാറ്റിസ്റ്റിക്കൽ ഓഫീസിന്റെ റിപ്പോർട്ട് ശ്രദ്ധയിൽപ്പെട്ടിട്ടുണ്ടോ;

വിലക്കയറ്റം ദേശീയതലത്തിൽ കുറയുമ്പോൾ കേരളത്തിൽ കൂടുന്നതിന്റെ കാരണം വിശദമാക്കാമോ;

2025 ഫെബ്രുവരിയിലെ റിപ്പോർട്ടിന്റെ അടിസ്ഥാനത്തിൽ സംസ്ഥാനത്തെ വിലക്കയറ്റം പിടിച്ചുനിർത്താൻ വകുപ്പ് എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ?

സംസ്ഥാനത്തെ സാമ്പത്തിക ബുദ്ധിമുട്ട് തരണം ചെയ്യുവാന്‍ നിശ്ചയിച്ച ചെലവ് ചുരുക്കല്‍ നിര്‍ദ്ദേശങ്ങള്‍‍ എന്തെല്ലാമെന്നും പ്രസ്തുത നിര്‍ദ്ദേശങ്ങള്‍ പ്രകാരം എത്ര തുകയുടെ ചെലവ് ചുരുക്കാന്‍ നാളിതുവരെ കഴിഞ്ഞുവെന്നും വ്യക്തമാക്കുമോ;

നോണ്‍-പ്ലാന്‍ ചെലവുകള്‍ ബജറ്റിനുള്ളില്‍ തന്നെ നിര്‍ത്തേണ്ടതാണെന്ന നിര്‍ദ്ദേശം നാളിതുവരെ ഏതെല്ലാം വകുപ്പുകളില്‍ നടപ്പാക്കാന്‍ കഴിഞ്ഞുവെന്ന് വിശദമാക്കുമോ;

വിദേശയാത്രകള്‍ സംബന്ധിച്ച ചെലവ് ചുരുക്കല്‍ നിര്‍ദ്ദേശപ്രകാരം അനുമതി നിഷേധിച്ച വിദേശയാത്രകള്‍ ആരുടെയെല്ലാമെന്ന് വ്യക്തമാക്കുമോ; ചെലവ് ചുരുക്കല്‍ നിര്‍ദ്ദേശം വന്നതിനുശേഷം ആരൊക്കെ വിദേശയാത്ര നടത്തിയെന്നും അതുവഴി ഖജനാവിന് വന്ന നഷ്ടം എത്രയെന്നും വ്യക്തമാക്കുമോ;

പ്രസ്തുത ചെലവ് ചുരുക്കല്‍ നിര്‍ദ്ദേശം പ്രഖ്യാപിച്ചശേഷം ഏതെല്ലാം സര്‍ക്കാര്‍ വകുപ്പുകള്‍/സ്ഥാപനങ്ങള്‍/പൊതുമേഖലാ സ്ഥാപനങ്ങള്‍ തുടങ്ങിയവ ധനകാര്യ വകുപ്പിന്റെ അനുമതിയോടെ എത്ര വാഹനങ്ങള്‍, എത്ര തുകയ്ക്ക് വാങ്ങിയെന്ന് വ്യക്തമാക്കുമോ;

സംസ്ഥാനത്ത് നികുതി-നികുതിയേതര വരുമാന വര്‍ദ്ധനവിന്റെ ആവശ്യകത നിലനില്‍ക്കുമ്പോള്‍ ഈ നടപ്പുവര്‍ഷം വകുപ്പ് ശിപാര്‍ശ നല്‍കിയതിന്റെ അടിസ്ഥാനത്തില്‍ നികതി-നികുതിയേതര ഇനങ്ങളിൽ എത്ര പേര്‍ക്ക് എത്ര തുകയുടെ ഉപാധിരഹിത സ്റ്റേ അനുവദിച്ചിട്ടുണ്ട്; വ്യക്തമാക്കുമോ?

തദ്ദേശ സ്വയംഭരണ സ്ഥാപനങ്ങള്‍ക്ക് സംസ്ഥാന പദ്ധതി വിഹിതമായി എത്ര രൂപ വീതം അനുവദിക്കണമെന്ന് തീരുമാനിക്കുന്നതിന്റെ മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ;

ഈ സാമ്പത്തിക വര്‍ഷം സംസ്ഥാന പദ്ധതി വിഹിതമായി തദ്ദേശ സ്വയംഭരണ സ്ഥാപനങ്ങള്‍ക്ക് ഇതുവരെ എത്ര തുകയാണ് കൈമാറിയിട്ടുള്ളത്;

നഗരസഭകള്‍ക്ക് കേന്ദ്ര വിഹിതമായി ഓരോ സാമ്പത്തികവര്‍ഷവും എത്ര രൂപ വീതമാണ് ലഭ്യമാവുന്നത്; ഈ തുക കേന്ദ്രം നേരിട്ടാണോ നഗരസഭകള്‍ക്ക് കൈമാറുന്നത്; വ്യക്തമാക്കാമോ?

മുന്‍ സര്‍ക്കാരിന്റെയും ഈ സര്‍ക്കാരിന്റെയും കാലയളവില്‍ വിവിധ പദ്ധതികള്‍ക്കായി ഭൂമി ഏറ്റെടുക്കുന്നതിനായി എത്ര രൂപയുടെ ഭരണാനുമതി നല്‍കിയിട്ടുണ്ടെന്ന് ജില്ല തിരിച്ച് വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ ധനകാര്യ വകുപ്പിൽ നടപ്പാക്കിയ വിവിധ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണ്; വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ?

ഈ സർക്കാർ അധികാരത്തിൽ വന്നശേഷം വിദ്യാഭ്യാസ വായ്പയുമായി ബന്ധപ്പെട്ട് സംസ്ഥാനതല ബാങ്കേഴ്സ് സമിതി മുമ്പാകെ എത്ര പരാതികള്‍ ലഭിച്ചിട്ടുണ്ടെന്നും ഇതിൽ എത്രയെണ്ണത്തിന് പരിഹാരം കണ്ടെത്തിയിട്ടുണ്ടെന്നും വ്യക്തമാക്കാമോ?

കഴിഞ്ഞ സര്‍ക്കാരിന്റെയും ഈ സര്‍ക്കാരിന്റെയും കാലത്ത് നികുതി വര്‍ദ്ധനവിലൂടെയല്ലാതെ ഏതെല്ലാം നിലയില്‍ വരുമാനം വര്‍ദ്ധിപ്പിച്ചിട്ടുണ്ടെന്ന് അറിയിക്കാമോ;

വിവിധ വകുപ്പുകളിലൂടെ വര്‍ധിപ്പിച്ച ഓരോ ഇനവും വര്‍ധിപ്പിച്ച നിരക്കും അതുവഴി പ്രതിവര്‍ഷം ഓരോ ഇനത്തിലും പ്രതീക്ഷിച്ച വരുമാനവും സംബന്ധിച്ച് ഓരോ വര്‍ഷത്തെയും വിവരം പ്രത്യേകം പ്രത്യേകം ലഭ്യമാക്കുമോ;

ബഡ്ജറ്റ് വഴിയല്ലാതെ അധികവിഭവസമാഹരണം നടത്തിയ വർഷങ്ങൾ ഏതൊക്കെയായിരുന്നു; ഓരോ വർഷത്തിലും ബഡ്ജറ്റിന് പുറത്തുള്ള അധികവിഭവസമാഹരണ ലക്ഷ്യം എത്ര കോടി രൂപയായിരുന്നു; ഓരോ വര്‍ഷവും സമാഹരിച്ച തുക എത്ര; വിശദാംശം ലഭ്യമാക്കാമോ?

സർക്കാരിന്റെ 2025 മാർച്ച് മാസത്തെ പ്രതീക്ഷിത ചെലവിന്റെ വിശദാംശം നൽകാമോ;

കഴിഞ്ഞ സാമ്പത്തിക വർഷം മാർച്ച് മാസത്തിൽ മാത്രം വിവിധ വകുപ്പുകളിലെ പ്ലാൻ ഫണ്ടുകളിൽ എത്രയാണ് ചെലവ് വന്നിട്ടുള്ളത്; ഇപ്രാവശ്യം പ്ലാൻ ഫണ്ടുകളിൽ എത്രയാണ് ചെലവ് പ്രതീക്ഷിക്കുന്നത്; വ്യക്തമാക്കുമോ;

നടപ്പു സാമ്പത്തിക വർഷത്തെ ചെലവിനുള്ള തുക സർക്കാരിൽ ലഭ്യമാണോ; വിശദീകരിക്കുമോ?

സംസ്ഥാന സർക്കാർ നടപ്പിലാക്കുന്ന പ്രത്യേക വികസന പാക്കേജുകൾക്ക് ഈ സർക്കാരിന്റെ കാലത്തെ ബജറ്റുകളില്‍ പ്രഖ്യാപിച്ച തുക, അനുവദിച്ച തുക, ചെലവഴിച്ച തുക എന്നിവ സാമ്പത്തിക വർഷാടിസ്ഥാനത്തിൽ വ്യക്തമാക്കുമോ?

2016 മുതൽ നാളിതുവരെ ഓരോ സാമ്പത്തിക വർഷവും പൂർത്തിയാകുമ്പോൾ സംസ്ഥാനത്തിന്റെ സഞ്ചിത കടം എത്ര രൂപയായാണ് വർദ്ധിച്ചതെന്ന് അറിയിക്കുമോ;

പ്രസ്തുത കാലയളവില്‍ സംസ്ഥാനത്തിന്റെ സഞ്ചിത കടം ധനസംബന്ധമായ ഉത്തരവാദിത്ത ആക്ട് പ്രകാരം നിഷ്കർഷിച്ചിട്ടുള്ള പരിധി ലംഘിച്ചത് ഏത് വർഷം മുതലാണെന്ന് വ്യക്തമാക്കുമോ;

പ്രസ്തുത ആക്ട് പ്രകാരമുള്ള പരിധിക്കുള്ളിൽ സംസ്ഥാനത്തിന്റെ സഞ്ചിതകടം നിലനിർത്തുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം ലഭ്യമാക്കുമോ?

വൈദ്യുതി മേഖലയിലെ പരിഷ്ക്കരണത്തിന്റെ പേരിൽ ജി.എസ്.ഡി.പി-യുടെ 0.5% കൂടി വായ്പയെടുക്കാൻ സംസ്ഥാന സർക്കാർ സ്വീകരിച്ച നടപടികൾ വിശദമാക്കാമോ;

ഇതിനായി കെ.എസ്.ഇ.ബി.-യുടെ കഴിഞ്ഞ വർഷത്തെ നഷ്ടത്തിന്റെ തൊണ്ണൂറ് ശതമാനം തുക സംസ്ഥാന സർക്കാർ ഏറ്റെടുത്തിരുന്നോ; വിശദമാക്കാമോ;

അനിയന്ത്രിതമായ കടമെടുപ്പ് സംസ്ഥാനത്തിന്റെ സാമ്പത്തികസ്ഥിതിയെ എപ്രകാരം ബാധിക്കും എന്ന് പരിശോധിച്ചിട്ടുണ്ടോ; വിശദമാക്കാമോ?

സംസ്ഥാനത്തിന്റെ സാമ്പത്തിക സ്ഥിതി വിശകലനം ചെയ്യുന്നതിനുള്ള ധനകാര്യ സൂചകങ്ങള്‍ പ്രകാരം 2025 ഫെബ്രുവരിയിലെ സംസ്ഥാനത്തിന്റെ പൊതു സാമ്പത്തിക സ്ഥിതി വിശദമാക്കുമോ?

കൂത്തുപറമ്പ് മണ്ഡലത്തില്‍ കിഫ്ബി മുഖേന നടപ്പിലാക്കുന്ന പദ്ധതികള്‍ ഏതൊക്കെയാണെന്നും ആയതിന്റെ പുരോഗതിയും വിശദമാക്കുമോ;

പ്രസ്തുത പദ്ധതികളില്‍ ഏതെങ്കിലും പ്രവൃത്തികള്‍ തുടങ്ങാന്‍ ബാക്കിയുണ്ടോ; ഉണ്ടെങ്കില്‍ ആയതിന്റെ കാരണം വ്യക്തമാക്കുമോ;

ആരംഭിച്ച പ്രവൃത്തികള്‍ പൂര്‍ത്തീകരിക്കുന്നതിന് തടസ്സങ്ങൾ നിലവിലുണ്ടോ; ഇല്ലെങ്കില്‍ എപ്പോള്‍ പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കുമോ?

പാറശ്ശാല മണ്ഡലത്തില്‍ കിഫ്ബി ഫണ്ട് മുഖേന പൊതു വിദ്യാലയങ്ങള്‍ക്കുള്ള കെട്ടിട നിര്‍മ്മാണത്തിനായി അനുമതി നൽകിയതിന്റെ വിശദ വിവരം ലഭ്യമാക്കാമോ;

പ്രസ്തുത പ്രവൃത്തികളില്‍ ഇനിയും നിര്‍മ്മാണം ആരംഭിക്കാനുള്ള കെട്ടിടങ്ങള്‍, നിര്‍മ്മാണ ചുമതലയുള്ള ഏജന്‍സികള്‍, നിര്‍മ്മാണം വെെകുന്നുവെങ്കില്‍ ആയതിന്റെ കാരണം എന്നീ വിശദാംശങ്ങള്‍ ലഭ്യമാക്കാമോ;

പ്രസ്തുത കെട്ടിടങ്ങള്‍ ഓരോന്നിന്റെയും നിര്‍മ്മാണം എന്നത്തേയ്ക്ക് പൂര്‍ത്തിയാക്കാനാകും എന്ന് അറിയിക്കാമോ?

കെ ഫോൺ പദ്ധതിക്കായി കിഫ്ബി അനുവദിച്ച തുക എത്രയാണ്; നാളിതുവരെ എത്ര തുക ചെലവഴിച്ചിട്ടുണ്ട്; വിശദാംശം നൽകാമോ;

പ്രസ്തുത പദ്ധതിയുടെ എത്ര ശതമാനം ഇതുവരെ പൂർത്തീകരിക്കാൻ സാധിച്ചിട്ടുണ്ട്; പദ്ധതി എന്ന് പൂർത്തീകരിക്കാൻ സാധിക്കുമെന്നാണ് കരുതുന്നത്; വിശദമാക്കുമോ?

കിഫ്ബി പദ്ധതിയില്‍ ഉള്‍പ്പെടുത്തി ഭരണാനുമതി ലഭിച്ച പയ്യന്നൂര്‍ മണ്ഡലത്തിലെ വെളളൂര്‍-പാടിയോട്ടുചാല്‍ റോഡിന്റെ പ്രവൃത്തിക്ക് കിഫ്ബിയില്‍ നിന്നും ധനാനുമതി നല്‍കിയിട്ടുണ്ടോ; ഇല്ലെങ്കില്‍ ധനാനുമതി നല്‍കുവാന്‍ കാലതാമസം നേരിടുന്നത് എന്തുകൊണ്ടാണെന്ന് അറിയിക്കാമോ;

പ്രസ്തത പദ്ധതിയുടെ ഡി.പി.ആര്‍. തയ്യാറാക്കുന്നതിന് കെ.ആര്‍.എഫ്.ബി. ക്ക് നിര്‍ദ്ദേശം നല്‍കുന്നതിന് ആവശ്യമായ നടപടികള്‍ സ്വീകരിക്കുമോ?

ബജറ്റിനു പുറത്തുനിന്നുളള കിഫ്ബി പോലുള്ള കടമെടുപ്പുകൾക്കായി ബജറ്റിൽ തുക വകയിരുത്താറുണ്ടോ; വ്യക്തമാക്കുമോ;

ഓഫ് ബജറ്റ് കടമെടുപ്പുമൂലം ഖജനാവിനുണ്ടാകുന്ന അധിക ബാധ്യത സാമ്പത്തിക പ്രതിസന്ധിക്കു കാരണമാകുന്നുണ്ടോയെന്ന് പരിശോധിച്ചിട്ടുണ്ടോ; വിശദമാക്കുമോ?

കോതമംഗലം മണ്ഡലത്തിലെ നേര്യമംഗലത്തും പിണവൂര്‍കുടിയിലും കിഫ്ബി ഫണ്ട് ഉപയോഗിച്ച് നിര്‍മ്മിക്കാനുദ്ദേശിക്കുന്ന പ്രീ-മെട്രിക് ഹോസ്റ്റലുകളുടെ നിര്‍മ്മാണവുമായി ബന്ധപ്പെട്ട് നിലവിലെ സ്ഥിതി വ്യക്തമാക്കാമോ;

സാങ്കേതിക തടസ്സങ്ങള്‍ നീക്കി പദ്ധതി വേഗത്തില്‍ ആരംഭിക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

കിഫ്ബി ധനസഹായത്തോടെ ഏറനാട് നിയോജക മണ്ഡലത്തില്‍ ശിപാർശ ചെയ്യപ്പെട്ടതും അനുവദിക്കപ്പെട്ടതുമായ പ്രവൃത്തികൾ ഏതൊക്കെയെന്ന് തരം തിരിച്ച് വിശദമാക്കുമോ;

പ്രസ്തുത പദ്ധതിയില്‍ ഉള്‍പ്പെടുത്തി നടന്നുവരുന്നതും പൂർത്തിയാക്കിയതുമായ പ്രവൃത്തികളുടെ വിവരങ്ങൾ നൽകാമോ; പൂർത്തിയാകാത്ത പ്രവൃത്തികള്‍ ഓരോന്നും ഏത് ഘട്ടത്തിലാണെന്നും അവയിന്മേൽ അവശേഷിക്കുന്ന നടപടികളും തരം തിരിച്ച് അറിയിക്കുമോ; പ്രസ്തുത പ്രവൃത്തികളേതെങ്കിലും നടപ്പിലാക്കുന്നതില്‍ തടസ്സങ്ങള്‍ നിലവിലുണ്ടോയെന്ന് വിശദമാക്കുമോ?

കോതമംഗലം മണ്ഡലത്തില്‍ കിഫ്ബി ഫണ്ട് ഉപയോഗിച്ച് നടപ്പിലാക്കുന്ന പദ്ധതികള്‍ ഏതെല്ലാമെന്ന് വ്യക്തമാക്കാമോ;

പ്രസ്തുത പദ്ധതികളിൽ നിര്‍മ്മാണം തുടങ്ങിയവയും ഇനി തുടങ്ങാനുള്ളതുമായ പദ്ധതികള്‍ ഏതെല്ലാമെന്ന് വ്യക്തമാക്കാമോ;

നിര്‍മ്മാണം തുടങ്ങിയവയുടെ പുരോഗതി വിശദമാക്കാമോ;

നിര്‍മ്മാണം തുടങ്ങിയവ വേഗത്തില്‍ പൂര്‍ത്തിയാക്കുന്നതിനും നിർമ്മാണമാരംഭിക്കാത്തവ വേഗത്തില്‍ ആരംഭിക്കുന്നതിനുമുള്ള നടപടികള്‍ ഉറപ്പുവരുത്തുമോ; വ്യക്തമാക്കാമോ?

കോതമംഗലം മണ്ഡലത്തിലെ കിഫ്ബി പദ്ധതിയായ ചേലാട് സ്റ്റേഡിയത്തിന്റെ നിര്‍മ്മാണം വര്‍ഷങ്ങള്‍ കഴിഞ്ഞിട്ടും ആരംഭിക്കാന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ;

സാങ്കേതിക തടസങ്ങള്‍ നീക്കി സ്റ്റേഡിയം നിര്‍മ്മാണം ആരംഭിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

ചങ്ങനാശ്ശേരി മണ്ഡലത്തിലെ എം.എല്‍.എ. ആസ്തി വികസന ഫണ്ട്, സ്പെഷ്യല്‍ ഡെവലപ്പ്മെന്റ് ഫണ്ട് എന്നിവയില്‍ ഉള്‍പ്പെടുത്തി 2021-22, 2022-23, 2023-24, 2024-25 സാമ്പത്തിക വര്‍ഷങ്ങളിൽ ഏതെല്ലാം പ്രവൃത്തികള്‍ക്കാണ് ഭരണാനുമതി നല്‍കിയിട്ടുള്ളതെന്ന് വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി വ്യക്തമാക്കുമോ?

ആസ്തി വികസന ഫണ്ടിലെ ടെണ്ടര്‍ സേവിംഗ്സ് തുക എത്രയെന്ന് യഥാസമയം എം.എല്‍.എ.മാരെ അറിയിക്കുന്നതിനായി സ്വീകരിച്ചിട്ടുള്ള നടപടികൾ വിശദമാക്കാമോ;

ടെണ്ടര്‍ സേവിംഗ്സ് തുകയ്ക്ക് പുതിയ പദ്ധതികള്‍ ശിപാര്‍ശ ചെയ്യുന്നതിന് സമയപരിധി നിശ്ചയിച്ചിട്ടുണ്ടോ; വ്യക്തമാക്കുമോ;

വര്‍ക്കല മണ്ഡലത്തില്‍ എം.എല്‍.എ. ആസ്തി വികസന പദ്ധതി പ്രകാരമുള്ള ടെണ്ടര്‍ സേവിംഗ്സ് തുകയില്‍ ബാക്കി എത്ര രൂപയുടെ പദ്ധതികള്‍ ശിപാര്‍ശ ചെയ്യുവാന്‍ കഴിയുമെന്ന് വിശദമാക്കാമോ?

ഒരു സാമ്പത്തിക വര്‍ഷം എം.എല്‍.എ.യുടെ പ്രത്യേക വികസന നിധിയില്‍ ഒരു കോടി രൂപയുടെ പ്രവൃത്തി ഭരണാനുമതി നല്‍കിയതിനുശേഷം ആ സാമ്പത്തിക വര്‍ഷത്തെ എല്ലാ പ്രവൃത്തികളും പൂര്‍ത്തിയായി ഫൈനല്‍ ബില്‍ സമര്‍പ്പിക്കുന്നതുവരെ കാത്തുനില്‍ക്കാതെ പൂര്‍ത്തിയായ പ്രവൃത്തികളുടെ അവസാന ബില്ല് സമര്‍പ്പിച്ചതിനുശേഷം ബാക്കി വരുന്ന തുക ഉപയോഗിച്ച് ആ തുകയ്ക്കുള്ള ഒരു പുതിയ പ്രവൃത്തി എം.എല്‍.എ. യ്ക്ക് നിര്‍ദ്ദേശിക്കാമോ; വിശദാംശം ലഭ്യമാക്കുമോ;

ഒരു സാമ്പത്തികവര്‍ഷം ഒരു കോടി രൂപയിൽ കൂടുതല്‍ ഫണ്ട് ചെലവഴിക്കാന്‍ പാടില്ല എന്നാണോ പ്രത്യേക വികസന നിധി സംബന്ധിച്ച മാർഗ്ഗനിർദ്ദേശങ്ങളില്‍ പറയുന്നതെന്നും ഒരു കോടി രൂപയില്‍ കൂടുതല്‍ തുകയ്ക്ക് ഭരണാനുമതി നല്കാന്‍ പാടില്ലായെന്ന് പ്രസ്തുത മാർഗ്ഗനിർദ്ദേശങ്ങളില്‍ പറയുന്നുണ്ടോയെന്നും വിശദമാക്കാമോ?

മഞ്ചേശ്വരം മണ്ഡലം എം.എൽ.എ.-എസ്.ഡി.എഫ് -മായി ബന്ധപ്പെട്ട 2023-24, 2024-25 വർഷങ്ങളിലെ പ്രവൃത്തികൾ നിർവ്വഹണത്തിന്റെ ഏത് ഘട്ടത്തിലാണെന്ന് വിശദമാക്കുമോ?

മുന്‍ സര്‍ക്കാരിന്റെ കാലയളവില്‍ ആലത്തൂര്‍ മണ്ഡലത്തില്‍ എം.എല്‍.എ.യുടെ ആസ്തിവികസന ഫണ്ടില്‍ നിന്നും ശിപാര്‍ശ ചെയ്ത പ്രവൃത്തികള്‍ പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ പൂര്‍ത്തീകരിക്കാത്തവ ഏതൊക്കെയെന്ന് വിശദമാക്കാമോ; ഓരോ പ്രവൃത്തിയുടെയും നിലവിലെ സ്ഥിതി അറിയിക്കാമോ?

വിവിധ സര്‍ക്കാര്‍ പ്രവൃത്തികളുടെ നിര്‍വ്വഹണത്തിനായി അംഗീകാരം ലഭിച്ചിട്ടുള്ള പി.എം.സി, നോണ്‍ പി.എം.സി. വിഭാഗത്തില്‍പ്പെടുന്ന എല്ലാ അക്രഡിറ്റഡ് ഏജന്‍സികളുടെയും പേരും വിശദാംശങ്ങളും പ്രസ്തുത ഏജന്‍സികള്‍ നിര്‍വ്വഹിച്ചിട്ടുള്ള പ്രവൃത്തികളുടെ വിശദാംശങ്ങളും ലഭ്യമാക്കുമോ;

പ്രസ്തുത അക്രഡിറ്റഡ് ഏജന്‍സികള്‍ മുഖേന പ്രവൃത്തി നല്‍കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് അറിയിക്കുമോ;

എസ്‌.ഡി‌.എഫ്, ആസ്തി വികസന പദ്ധതി പ്രവൃത്തികള്‍ അക്രഡിറ്റഡ് ഏജന്‍സികളിലൂടെ നിർവഹിക്കുന്നതിനു പാലിക്കേണ്ട നടപടിക്രമങ്ങള്‍ എന്തെല്ലാമാണെന്ന് വ്യക്തമാക്കുമോ?

എം.എല്‍.എ. ആസ്തി വികസന പദ്ധതി പ്രകാരം 2021-22 സാമ്പത്തിക വര്‍ഷം മുതല്‍ നാളിതുവരെ ഏതെല്ലാം പദ്ധതികള്‍ക്കാണ് കോട്ടക്കല്‍ മണ്ഡലത്തില്‍ നിന്നും ശിപാര്‍ശ നല്‍കിയിട്ടുള്ളതെന്ന വിശദാംശം സാമ്പത്തിക വര്‍ഷം തിരിച്ച് ലഭ്യമാക്കാമോ;

പ്രസ്തുത പ്രവൃത്തികളില്‍ ഭരണാനുമതി നല്‍കിയിട്ടുള്ളവ ഏതൊക്കെയാണെന്നും അവയുടെ നിലവിലെ സ്ഥിതിയും വിശദമാക്കുമോ;

ഇനി ഭരണാനുമതി ലഭിക്കാനുള്ള പ്രവൃത്തികള്‍ ഏതെല്ലാമാണെന്നും ഭരണാനുമതി ലഭിക്കാത്തത് എന്തുകൊണ്ടാണെന്നും അറിയിക്കാമോ?

എം.എല്‍.എ ആസ്തി വികസന ഫണ്ടില്‍ നിന്നും 2018-19 സാമ്പത്തിക വർഷത്തിൽ അനുവദിക്കുകയും 07/11/2019-ന് എഗ്രിമെൻറ് വച്ച് പ്രവൃത്തി പുരോഗമിച്ചുവന്നിരുന്നതും തിരുവനന്തപുരം ജില്ലാ കളക്ടര്‍ നിര്‍ത്തിവച്ചിട്ടുള്ളതുമായ കോട്ടുകാൽ ഗ്രാമപഞ്ചായത്തിലെ അടിമലത്തുറ ഫുട്ബോൾ ഗ്രൗണ്ട് നിർമ്മാണ പ്രവൃത്തി, 200 മീറ്റര്‍ വരെയുള്ള നോണ്‍ ഡെവലപ്മെന്റ് സോണിൽ കളിസ്ഥലം നിർമ്മിക്കുന്നതിനുള്ള അനുമതി ഉപയോഗിച്ച് തുടരുവാൻ നടപടി സ്വീകരിക്കുമോ;

ആറു വർഷത്തിലധികമായി പ്രസ്തുത നിര്‍മ്മാണം നിർത്തിവച്ചതുമൂലമുണ്ടായ നഷ്ടം ഉത്തരവാദികളിൽ നിന്നും ഈടാക്കി പ്രസ്തുത പ്രവൃത്തി പൂർത്തിയാക്കുന്നതിനുള്ള നടപടി സ്വീകരിക്കുമോ?

എം.എൽ.എ. ആസ്തി വികസന ഫണ്ട് ഏത് സാമ്പത്തിക വർഷം മുതലാണ് ആരംഭിച്ചതെന്ന് വ്യക്തമാക്കാമോ;

ആരംഭിച്ച വർഷം മുതൽ 2024-2025 സാമ്പത്തിക വർഷം വരെ കാസർഗോഡ് നിയോജക മണ്ഡലത്തിൽ എം.എൽ.എ. നിർദ്ദേശിച്ച പ്രവർത്തികൾ ഏതെല്ലാമാണെന്ന് സാമ്പത്തികവർഷം തിരിച്ച് തുക സഹിതം വ്യക്തമാക്കാമോ;

ഇതിൽ പൂർത്തീകരിച്ച പ്രവൃത്തികൾ ഏതൊക്കെയെന്നും ഇവയ്ക്ക് ഭരണാനുമതി ലഭിച്ച വർഷവും പൂർത്തീകരിച്ച വർഷവും പ്രവൃത്തി തിരിച്ച് വ്യക്തമാക്കാമോ;

ഇതിൽ പൂർത്തീകരിക്കാൻ കഴിയാത്തതോ ആരംഭിക്കാത്തതോ ആയ പ്രവൃത്തികൾ ഏതൊക്കെയാണെന്ന് വർഷം തിരിച്ച് വ്യക്തമാക്കാമോ;

ആരംഭിക്കാത്ത പ്രവർത്തികൾക്ക് അനുവദിച്ച ഫണ്ട് പുതിയ പദ്ധതികൾക്ക് അനുവദിക്കാൻ പറ്റുമോയെന്ന് വ്യക്തമാക്കാമോ?

2021-22 മുതല്‍ 2024-25 വരെയുള്ള സാമ്പത്തിക വര്‍ഷങ്ങളില്‍ കോങ്ങാട് മണ്ഡലത്തില്‍ എം.എല്‍.എ.യുടെ ആസ്തി വികസന പദ്ധതി പ്രകാരം ഏതെല്ലാം പദ്ധതികള്‍ക്കാണ് ശിപാര്‍ശ ലഭിച്ചിട്ടുള്ളത്; ആയതിന്റെ വര്‍ഷം തിരിച്ചുള്ള വിശദാംശം ലഭ്യമാക്കാമോ;

പ്രസ്തുത പ്രവൃത്തികളില്‍ ഏതെല്ലാം പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ടെന്ന് വ്യക്തമാക്കാമോ;

ഭരണാനുമതി ലഭിച്ച പ്രവൃത്തികളുടെ നിലവിലെ സ്ഥിതി വ്യക്തമാക്കാമോ; ഭരണാനുമതി ലഭിച്ച ഏതെല്ലാം പ്രവൃത്തികളുടെ ടെണ്ടര്‍ നടപടികള്‍ പൂര്‍ത്തിയാക്കാനുണ്ടെന്ന് അറിയിക്കാമോ;

പ്രസ്തുത കാലയളവില്‍ ശിപാര്‍ശ ചെയ്ത പ്രവൃത്തികളില്‍ ഇനി ഭരണാനുമതി നല്‍കാനുള്ളവ ഏതൊക്കെയാണെന്നും അവയ്ക്ക് ഇതുവരെ ഭരണാനുമതി നല്‍കാന്‍ കഴിയാത്തത് എന്തുകൊണ്ടാണെന്നും അറിയിക്കാമോ;

മുന്‍ സര്‍ക്കാരിന്റെ കാലയളവില്‍ കോങ്ങാട് മണ്ഡലത്തില്‍ ഭരണാനുമതി ലഭിച്ച ആസ്തി വികസന, പ്രത്യേക വികസന ഫണ്ടുകള്‍ വിനിയോഗിച്ചുള്ള പ്രവൃത്തികളില്‍ പൂര്‍ത്തീകരിക്കുവാന്‍ ശേഷിക്കുന്നവ ഏതെല്ലാമാണെന്ന് വിശദമാക്കാമോ;

പ്രസ്തുത പ്രവൃത്തികള്‍ പൂര്‍ത്തീകരിക്കാത്തതിന്റെ കാരണം വിശദമാക്കാമോ; ഭരണാനുമതി ലഭിച്ച എത്ര പ്രവൃത്തികളുടെ ടെണ്ടര്‍ നടപടികള്‍ പൂര്‍ത്തിയാക്കാനുണ്ടെന്ന് വിശദമാക്കാമോ?

ബാലുശ്ശേരി നിയോജക മണ്ഡലത്തിലെ എം.എല്‍.എ. ആസ്തിവികസന ഫണ്ട്, പ്രാദേശിക വികസന നിധി എന്നിവയില്‍ നിന്നും 2017-18 മുതല്‍ 2024-25 വരെ എത്ര പ്രവൃത്തികളാണ് പൂര്‍ത്തീകരിച്ചിട്ടുള്ളതെന്നും ഇനി എത്ര പ്രവൃത്തികള്‍ പൂര്‍ത്തീകരിക്കാനുണ്ടെന്നും വിശദമാക്കാമോ;

ഇതിൽ കഴിഞ്ഞ സര്‍ക്കാരിന്റെ കാലത്തെ എം.എല്‍.എ. എ.ഡി.എഫ്., എസ്.ഡി.എഫ്. ഫണ്ട് വിനിയോഗിച്ചുള്ള പ്രവൃത്തികള്‍ ഇനിയും ആരംഭിക്കാത്തതോ പൂര്‍ത്തീകരിക്കാത്തതോ ഉണ്ടോയെന്നും ഉണ്ടെങ്കില്‍ എന്താണ് കാരണമെന്നും അറിയിക്കാമോ?

കൂത്തുപറമ്പ് മണ്ഡലത്തില്‍ എം.എല്‍.എ ഫണ്ട് ഉപയോഗിച്ച് എത്ര വാഹനങ്ങള്‍ വാങ്ങാന്‍ തുക അനുവദിച്ചിട്ടുണ്ടെന്ന് വ്യക്തമാക്കുമോ; വാഹനങ്ങള്‍ വാങ്ങുന്നതിന് നിലവിലുള്ള തടസ്സങ്ങള്‍ എന്തൊക്കെയാണെന്ന് വിശദമാക്കുമോ?

2016-17 സാമ്പത്തിക വര്‍ഷം മുതല്‍ 2021-22 വരെ പയ്യന്നൂര്‍ മണ്ഡലത്തിലെ എം.എല്‍.എ. ആസ്തി വികസന ഫണ്ടില്‍ ടെണ്ടര്‍ സേവിംഗ്സായി എത്ര രൂപയാണുളളതെന്ന് വര്‍ഷം തിരിച്ച് വിശദമാക്കാമോ;

ടെണ്ടര്‍ സേവിംഗ്സായ തുകയ്ക്ക് പുതിയ പദ്ധതികള്‍ നിര്‍ദേശിക്കുന്നതിനുളള നടപടികള്‍ എന്തൊക്കെയാണെന്ന് അറിയിക്കാമോ?

നെയ്യാറ്റിന്‍കര മണ്ഡലത്തില്‍ 2020-21, 2021-22, 2022-23 സാമ്പത്തിക വര്‍ഷങ്ങളില്‍ എം.എല്‍.എ.യുടെ ആസ്തിവികസന ഫണ്ട് മുഖേന എത്ര തുകയാണ് അനുവദിച്ചതെന്ന് വിശദമാക്കാമോ?

എം.എൽ.എ. മാരുടെ ആസ്തി വികസന ഫണ്ട്, പ്രാദേശിക വികസന ഫണ്ട് എന്നിവയുടെ മാർഗ്ഗ നിർദ്ദേശങ്ങൾ പരിഷ്കരിക്കുന്നതിനായി എം.എൽ.എ.മാരിൽ നിന്നും നിർദ്ദേശങ്ങൾ സ്വീകരിച്ചിരുന്നോ; എങ്കിൽ പ്രസ്തുത നിർദ്ദേശങ്ങളിന്മേൽ സ്വീകരിച്ച നടപടികൾ വിശദമാക്കുമോ;

ആസ്തിവികസന ഫണ്ടിൽ 2021 മുതൽ ശേഷിക്കുന്ന ടെണ്ടർ സേവിങ്സുകൾ ഒരുമിച്ച് ചേർത്ത് അടുത്ത വർഷത്തെ പദ്ധതികൾക്കാപ്പം പ്രൊപ്പോസൽ നൽകുന്നതിന് അനുമതി നൽകുമോയെന്ന് അറിയിക്കുമോ;

ആസ്തിവികസന ഫണ്ടിലെന്നപോലെ പോലെ പ്രാദേശിക വികസന ഫണ്ടിലെ ടെണ്ടർ സേവിംങ്ങ്സ് തുകയും വിനിയോഗിക്കാൻ അനുമതി നൽകുമോയെന്ന് വ്യക്തമാക്കുമോ?

15-ാം ധനകാര്യ കമ്മീഷന്‍ ശിപാര്‍ശ പ്രകാരം സംസ്ഥാനത്തിന് അനുവദിക്കപ്പെട്ട നികുതി വിഹിതത്തില്‍ മുന്‍കാലഘട്ടത്തില്‍ നിന്നും വെട്ടിക്കുറവ് വരുത്തിയിട്ടുണ്ടോ;

സംസ്ഥാനത്തിന് അര്‍ഹതപ്പെട്ട ഗ്രാന്റ്-ഇന്‍-എയ്ഡുകളില്‍ 2021-നു ശേഷം കേന്ദ്ര സര്‍ക്കാര്‍ കുറവ് വരുത്തിയിട്ടുണ്ടോ; വിശദാംശം അറിയിക്കുമോ?

പതിനാറാം ധനകാര്യ കമ്മീഷൻ മുമ്പാകെ സ്വന്തം നിലയിൽ പദ്ധതി നടപ്പാക്കാനുള്ള സ്വാതന്ത്ര്യവും അതിനായുള്ള സാമ്പത്തിക വിഹിതവും സംസ്ഥാനം ആവശ്യപ്പെട്ടിട്ടുണ്ടോ; വിശദമാക്കാമോ;

കേന്ദ്രം പങ്കുവയ്ക്കുന്ന നികുതി വിഹിതം നിശ്ചയിക്കുന്ന മാനദണ്ഡങ്ങളില്‍ വലിയ മാറ്റം സംസ്ഥാനം നിർദ്ദേശിച്ചിട്ടുണ്ടോ; ജനസാന്ദ്രതാടിസ്ഥാനത്തിൽ കേന്ദ്രവിഹിതം നിശ്ചയിക്കുന്നതിനുള്ള മാനദണ്ഡം പുതിയതായി ഉൾപ്പെടുത്തണമെന്ന് കേരളം ആവശ്യപ്പെട്ടിട്ടുണ്ടോ; വിശദമാക്കാമോ?

കേന്ദ്രാവിഷ്കൃത പദ്ധതികള്‍ പ്രകാരമുള്ള സഹായത്തില്‍ കുറവ് വന്ന സാഹചര്യത്തിൽ വികസന ക്ഷേമ പ്രവര്‍ത്തനങ്ങള്‍ക്ക് ബദല്‍ ധനാഗമ മാര്‍ഗ്ഗങ്ങള്‍ കണ്ടെത്താന്‍ നടപടി സ്വീകരിച്ചിട്ടുണ്ടോ; വ്യക്തമാക്കാമോ?

സംസ്ഥാനത്തിന്റെ വികസനം മുരടിപ്പിക്കുകയെന്ന ലക്ഷ്യത്തോടെ കേന്ദ്രം നടത്തുന്ന സാമ്പത്തിക നടപടികളിലൂടെ സംസ്ഥാനത്തിനുണ്ടാകുന്ന വരുമാന നഷ്ടം എത്രയെന്ന് കണക്കാക്കിയിട്ടുണ്ടോ; വിശദമാക്കുമോ;

ഇത്തരം നടപടികളിലൂടെ വരുമാന നഷ്ടം ഉണ്ടാകുമ്പോഴും വികസന ക്ഷേമ പ്രവര്‍ത്തനങ്ങള്‍ തുടര്‍ച്ചയായി നടത്തിക്കൊണ്ട് പോകുന്നതിന് കഴിയുന്നുണ്ടോ; ഇതിനായി സര്‍ക്കാര്‍ നടത്തി വരുന്ന പ്രവര്‍ത്തനങ്ങള്‍ എന്തെല്ലാമെന്ന് വിശദീകരിക്കുമോ;

സംസ്ഥാനത്തോടുള്ള കേന്ദ്ര വിവേചനം അവസാനിപ്പിച്ച് അര്‍ഹമായ വിഹിതം അനുവദിക്കണമെന്ന ആവശ്യം നിരവധി തവണ ആവര്‍ത്തിച്ചിട്ടും കേന്ദ്രം പരിഗണിച്ചിട്ടില്ലെങ്കിലും സംസ്ഥാന താല്പര്യം മുന്‍നിര്‍ത്തി വീണ്ടും ഇക്കാര്യങ്ങള്‍ കേന്ദ്ര സര്‍ക്കാരിനോട് ആവശ്യപ്പെടുന്നത് പരിഗണനയിലുണ്ടോ; വിശദമാക്കുമോ?

നബാർഡ് ആർ.ഐ.ഡി.എഫ് XVIII ൽ ഉൾപ്പെടുത്തി കാസർഗോഡ് ജനറൽ ആശുപത്രിയിൽ ഐ.പി. കെട്ടിടം നിർമ്മിക്കാൻ അനുമതി നൽകിയത് എപ്പോഴാണെന്ന് വ്യക്തമാക്കാമോ;

ആയതിന്റെ ഭരണാനുമതി തുക എത്രയായിരുന്നുവെന്ന് അറിയിക്കാമോ;

നിശ്ചിത കാലാവധിക്കുള്ളിൽ പ്രസ്തുത പ്രവൃത്തി പൂർത്തീകരിക്കാൻ കഴിയാത്തതുകൊണ്ട് പൂർത്തീകരണ കാലാവധി ദീർഘിപ്പിച്ചിരുന്നോ; എങ്കിൽ വിശദാംശം നൽകാമോ;

ഭരണാനുമതി പ്രകാരം പ്രസ്തുത പ്രവൃത്തിക്ക് ഏതെല്ലാം സാമ്പത്തിക വർഷം എത്ര തുക വീതം വകയിരുത്തിയിരുന്നുവെന്ന് വ്യക്തമാക്കാമോ; ഇതിൽ ആർ.ഐ.ഡി.എഫ്. വിഹിതവും സംസ്ഥാന സർക്കാർ വിഹിതവും എത്രയാണെന്ന് വ്യക്തമാക്കാമോ;

ആർ.ഐ.ഡി.എഫ് -ൽ അനുവദിച്ച 714 ലക്ഷം രൂപയിൽ നാളിതുവരെ എത്ര രൂപ കരാറുകാരന് അനുവദിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത പ്രവൃത്തി പൂർത്തീകരിക്കുന്നതിന് ഇനി എത്ര രൂപ ആവശ്യമുണ്ടെന്ന് വ്യക്തമാക്കാമോ; ഈ തുകയിൽ ആർ.ഐ.ഡി.എഫ്. ലോൺ ഇനത്തിൽ ബാക്കിയുള്ള തുക എത്രയാണെന്നും സംസ്ഥാന സർക്കാർ വിഹിതം എത്രയാണെന്നും ഈ തുക എപ്പോൾ ലഭ്യമാക്കുമെന്നും വ്യക്തമാക്കാമോ?

സർക്കാർ ജീവനക്കാർക്കുള്ള മെഡിക്കല്‍ റീ-ഇമ്പേഴ്സ്മെന്റ് പദ്ധതിയുടെ പരിധിയില്‍ സ്വകാര്യ ആശുപത്രികൾ ഉൾപ്പെടുന്നുണ്ടോ; വിശദാംശം നല്‍കാമാേ;

സംസ്ഥാനത്തിന് പുറത്തുള്ള ആശുപത്രികളില്‍ ചികിത്സ തേടിയവര്‍ക്ക് പദ്ധതിയുടെ പ്രയാേജനം ലഭിക്കുമാേ; വിശദാംശം നല്‍കാമാേ?

മോളി ജോര്‍ജ്, ജവഹര്‍നഗര്‍, കവടിയാര്‍, തിരുവനന്തപുരം എന്നയാൾക്ക് പെന്‍ഷന്‍ വാങ്ങാന്‍ കഴിയാതെ പോയതും ലൈഫ് സര്‍ട്ടിഫിക്കറ്റ് സമയത്തിന് കൊടുക്കാന്‍ സാധിക്കാത്തതും മൂലം വര്‍ഷങ്ങളായി പെന്‍ഷന്‍ ലഭിക്കാത്ത പ്രശ്നം ചുണ്ടിക്കാട്ടി നിവേദനം നല്‍കിയതില്‍ സ്വീകരിച്ച നടപടികള്‍ വിശദീകരിക്കാമോ;

മോളി ജോര്‍ജ് അവസാനം പെന്‍ഷന്‍ വാങ്ങിയത് ഏത് ട്രഷറിയില്‍ നിന്നാണെന്ന് വ്യക്തമാക്കാമോ;

കിടപ്പുരോഗിയായ മോളി ജോര്‍ജിന്റെ പെന്‍ഷന്‍ ലഭ്യമാക്കുന്നതിന് ട്രഷറി വകുപ്പ് എന്ത് നടപടി സ്വീകരിച്ചു എന്നറിയിക്കാമോ;

മോളി ജോര്‍ജിന്റെ കുടുംബപെന്‍ഷനും കുടിശികയും എന്നത്തേക്ക് നല്‍കാൻ കഴിയുമെന്ന് വ്യക്തമാക്കാമോ?

സർക്കാർ ജീവനക്കാരുടെയും അധ്യാപകരുടെയും ശമ്പള പരിഷ്കരണവുമായി ബന്ധപ്പെട്ട് ശമ്പള പരിഷ്കരണ കമ്മീഷനെ നിയമിക്കേണ്ട സമയം കഴിഞ്ഞിട്ടും നിയമിക്കാത്തത് എന്തുകൊണ്ടാണ്; സർക്കാരിന്റെ സാമ്പത്തിക പ്രതിസന്ധി മൂലമാണോ ശമ്പള പരിഷ്കരണ കമ്മീഷനെ നിയമിക്കാൻ വൈകുന്നത്; വിശദമാക്കുമോ;

ശമ്പള പരിഷ്കരണ കമ്മീഷനെ നിയമിച്ചാലും ഇതിനാവശ്യമായ പഠനം നടത്തി റിപ്പോർട്ട് സമർപ്പിക്കുന്നതിന് കാലതാമസം നേരിടും എന്നിരിക്കെ പുതുക്കിയ ശമ്പളം യഥാസമയം ജീവനക്കാർക്ക് ലഭ്യമാകുമോയെന്ന് വ്യക്തമാക്കുമോ?

പതിനൊന്നാം ശമ്പള പരിഷ്കരണത്തിന്റെ ഭാഗമായി ജീവനക്കാര്‍ക്ക് നല്‍കുവാനുള്ള കുടിശികയുടെ ആദ്യ രണ്ട് ഗഡു പി.എഫില്‍ ലയിപ്പിക്കുമെന്ന അറിയിപ്പിന്റെ ഭാഗമായുള്ള സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ; ഇല്ലെങ്കില്‍ അതിനുള്ള കാരണം വ്യക്തമാക്കാമോ;

നിലവില്‍ സംസ്ഥാന സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും എത്ര ഗഡു ഡി.എ/ഡി.ആര്‍. നല്‍കുവാനുണ്ട്; 2025-26 വര്‍ഷത്തെ ബജറ്റ് പ്രസംഗത്തില്‍ പ്രഖ്യാപിച്ച ഡി.എ/ഡി.ആര്‍. സംബന്ധിച്ച് ഉത്തരവ് പുറപ്പെടുവിച്ചിട്ടുണ്ടോ; വിശദാംശം നല്‍കുമോ?

ധനകാര്യവകുപ്പിന് കീഴിലുള്ള ചീഫ് ടെക്നിക്കൽ എക്സാമിനർക്ക് എത്ര വർഷത്തേക്കാണ് നിയമനം നൽകിയിട്ടുള്ളതെന്നും അദ്ദേഹത്തിന്റെ കാലാവധി നീട്ടി നൽകിയിട്ടുണ്ടോ എന്നും വ്യക്തമാക്കുമോ;

നീട്ടി നൽകിയിട്ടുണ്ടെങ്കിൽ അതിന്റെ മാനദണ്ഡം എന്താണെന്നും ഏത് തീയതി വരെയാണ് നീട്ടി നൽകിയിട്ടുള്ളതെന്നും വ്യക്തമാക്കുമോ;

ബി.എസ്.എൻ.എൽ., കേരള വാട്ടർ അതോറിറ്റി, യൂണിവേഴ്‌സിറ്റി എന്നിവിടങ്ങളിൽ എൻജിനീയറായി പ്രവർത്തിച്ച് പരിചയമുള്ള ആളുകൾക്ക് ബി.എം & ബി.സി റോഡുകൾ, കെട്ടിടങ്ങൾ, പാലങ്ങൾ എന്നിവയുടെ പ്രവൃത്തി പരിശോധിക്കുന്ന സി.ടി.ഇ. ആയി നിയമിതനാവാൻ പറ്റുമോയെന്ന് വ്യക്തമാക്കുമോ;

നിലവിലെ സി.ടി.ഇ. ക്കും പ്രസ്തുത ഓഫീസിലെ മറ്റുദ്യോഗസ്ഥർക്കും മേൽപ്പറഞ്ഞ പ്രവൃത്തികൾ പരിശോധിക്കാനുള്ള യോഗ്യതകളുണ്ടോയെന്ന് വ്യക്തമാക്കുമോ?

സാങ്കേതിക വിദ്യാഭ്യാസ വകുപ്പിൽ ട്രേഡ് ഇൻസ്ട്രക്ടർ ആയി സേവനം അനുഷ്ഠിക്കുന്നവർക്ക് 1985-ലെ നാലാം ശമ്പള കമ്മീഷൻ ശിപാർശ പ്രകാരം നൽകിത്തുടങ്ങിയ റേഷ്യോ പ്രൊമോഷൻ നിലവിലുണ്ടോയെന്ന് അറിയിക്കാമോ;

പ്രസ്തുത ജീവനക്കാർക്ക് നിലവിൽ റേഷ്യോ പ്രമോഷൻ നൽകുന്നില്ലെങ്കിൽ കാരണം വ്യക്തമാക്കാമോ;

ഈ ജീവനക്കാർക്ക് റേഷ്യോ പ്രൊമോഷൻ ഏറ്റവും അവസാനമായി നൽകിയത് എന്നാണ് എന്നറിയിക്കാമോ;

പ്രസ്തുത ജീവനക്കാരുടെ റേഷ്യോ പ്രമോഷൻ സംബന്ധിച്ച് പതിനൊന്നാം ശമ്പള കമ്മീഷൻ അനോമലി കമ്മിറ്റി ധനവകുപ്പിൽ HEDN-L1/84/2024 നമ്പർ പ്രകാരമുള്ള റിപ്പോർട്ട് സമർപ്പിച്ചത് എന്നാണെന്ന് അറിയിക്കാമോ;

പ്രസ്തുത റിപ്പോർട്ടിന്മേൽ നിലവിൽ സ്വീകരിച്ചിട്ടുള്ള നടപടി എന്താണെന്ന് വ്യക്തമാക്കാമോ;

ഈ ജീവനക്കാർക്ക് 1985 മുതൽ നൽകിവന്നിരുന്ന റേഷ്യോ പ്രമോഷൻ ഇനിയെന്നാണ് നൽകാൻ ഉദ്ദേശിക്കുന്നതെന്ന് അറിയിക്കാമോ?

സർക്കാർ നിയന്ത്രിത പൊതുമേഖലാ സ്ഥാപനങ്ങള്‍, സ്വയംഭരണ സ്ഥാപനങ്ങള്‍ എന്നിവിടങ്ങളിലെ ജീവനക്കാരുടെയും ആരോഗ്യവകുപ്പിലെ ഡോക്ടർമാര്‍, മെഡിക്കൽ വിദ്യാഭ്യാസ വകുപ്പിലെ ഡോക്ടർമാര്‍, നേഴ്സിങ് സ്റ്റാഫ് അടക്കമുള്ള ജീവനക്കാരുടെയും പെൻഷൻ പ്രായം ഉയർത്തിയതിന്റെ ഉത്തരവുകളുടെ പകർപ്പുകള്‍ ലഭ്യമാക്കുമോ?

ഈ സർക്കാരിന്റെ കാലത്ത് ധനകാര്യ വകുപ്പിലെ ഗസറ്റഡ് വിഭാഗത്തിൽ മൂന്നുവർഷത്തിൽ അധികമായി ജോലിചെയ്യുന്ന എത്ര പേർ സെക്രട്ടേറിയറ്റ് ക്യാമ്പസിനുള്ളിൽ തുടരുന്നുണ്ട്; തസ്തിക തിരിച്ചുള്ള കണക്കുകൾ ലഭ്യമാക്കാമോ;

ഇത്തരത്തിൽ മൂന്നുവർഷത്തിൽ അധികമായി ജോലി ചെയ്യുന്ന ഗസറ്റഡ് ഉദ്യോഗസ്ഥരെ സെക്രട്ടറിയേറ്റ് ക്യാമ്പസിന് വെളിയിൽ നിയമിക്കുന്നതിന് എതിരെ എത്ര ഉദ്യോഗസ്ഥർ വ്യക്തിപരമായി പരാതി നൽകിയിട്ടുണ്ടെന്നും പ്രസ്തുത പരാതിയിൽ എന്തൊക്കെ നടപടികൾ സ്വീകരിച്ചിട്ടുണ്ടെന്നും വിശദമാക്കാമോ;

പ്രസ്തുത വിഷയം സംബന്ധിച്ച് സാധുജന പരിപാലന സംഘം ജനറൽ സെക്രട്ടറി ബഹു. ധനമന്ത്രിക്കും ഭരണവിഭാഗത്തിനും പരാതി നൽകിയിരുന്നോ; എങ്കിൽ ഇത് സംബന്ധിച്ച് സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ;

പ്രസ്തുത വിഷയത്തിൽ സാധുജന പരിപാലന സംഘം ജനറൽ സെക്രട്ടറി ബഹു. മുഖ്യമന്ത്രിക്ക് നൽകിയ പരാതി പൊതുഭരണ സർവീസസ് സെക്ഷൻ മുഖേന ധനകാര്യ വകുപ്പിന് നൽകിയ ഫയലിൽ ധനകാര്യ വകുപ്പ് എന്തൊക്കെ നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ?

മെഡിസെപ്പ് പദ്ധതിയുടെ പ്രീമിയം തുക വർദ്ധിപ്പിക്കുന്നതുൾപ്പെടെ എന്തെല്ലാം മാറ്റങ്ങൾ വരുത്താനാണ് ഉദ്ദേശിക്കുന്നതെന്ന് വ്യക്തമാക്കുമോ;

ഇക്കാര്യങ്ങൾ പരിശോധിക്കുന്നതിനായി പ്രത്യേകം സമിതിയെ നിയോഗിച്ചിട്ടുണ്ടോ;

ചികിത്സയ്ക്ക് ചെലവാകുന്ന മുഴുവൻ തുകയും ആശുപത്രികൾക്കു നൽകണമെന്ന ആവശ്യം പരിശോധിക്കുമോ?

സംസ്ഥാനത്ത് എന്‍.പി.എസ്. ബാധകമായുള്ള എത്ര സര്‍ക്കാര്‍ ജീവനക്കാര്‍ നിലവിലുണ്ട്; അവരുടെ എണ്ണം വകുപ്പ് തിരിച്ച് നല്‍കാമോ;

എന്‍.പി.എസ്. സ്കീമില്‍ ഉള്‍പ്പെട്ട് വിരമിച്ച ജീവനക്കാര്‍ക്ക് ലഭിച്ചുവരുന്ന പെന്‍ഷന്‍ തുക എത്രയാണെന്നും അവര്‍ക്ക് ലഭിച്ച മറ്റു സര്‍വ്വീസ് ആനുകൂല്യങ്ങള്‍ എന്തെല്ലാമാണെന്നും വ്യക്തമാക്കാമോ;

കേന്ദ്ര സര്‍ക്കാര്‍ ജീവനക്കാർക്ക് നല്‍കിവരുന്ന അതേ ശതമാനം തുക തന്നെ എന്‍പിഎസ് സ്കീമിലേക്ക് സംസ്ഥാന ജീവനക്കാർക്കും സർക്കാർ വിഹിതമായി നല്‍കുന്നതിന് നടപടികള്‍ സ്വീകരിക്കുമോ; വ്യക്തമാക്കാമോ?

നടപ്പു സാമ്പത്തിക വർഷത്തെ ബജറ്റ് പ്രസംഗത്തിൽ സംസ്ഥാനമൊട്ടാകെ ലീപ് സെന്ററുകൾ വ്യാപിപ്പിക്കുന്ന പദ്ധതിയ്ക്കായി എത്ര കോടി രൂപ വകയിരുത്തുമെന്നാണ് പ്രഖ്യാപിച്ചത്; ഇതിൽ നാളിതുവരെ ഏതൊക്കെ ഇനത്തില്‍ എത്ര കോടി രൂപ അനുവദിച്ചിട്ടുണ്ടെന്നും ഏതൊക്കെ ഇനത്തില്‍ എത്ര കോടി രൂപ ചെലവഴിച്ചുവെന്നും വ്യക്തമാക്കുമോ?

2024-25 സാമ്പത്തിക വർഷം പൊതുവിദ്യാഭ്യാസ വകുപ്പിനും, ഉന്നത വിദ്യാഭ്യാസ വകുപ്പിനും പ്ലാൻ ഫണ്ട് ഇനത്തിൽ ഓരോ ഇനത്തിനും എത്ര രൂപയാണ് നീക്കിവെച്ചതെന്നും; ഇതിൽനിന്നും സാമ്പത്തിക പ്രതിസന്ധി മൂലം ഏതെങ്കിലും തുക വെട്ടികുറയ്ക്കുകയോ, പുനക്രമീകരിക്കുകയോ ചെയ്തിട്ടുണ്ടോ എന്നും, എങ്കിൽ അവയുടെ ഇനം തിരിച്ചുള്ള വിശദാംശങ്ങൾ ലഭ്യമാക്കുമോ;

ഇങ്ങനെ വെട്ടി കുറക്കുകയോ പുനക്രമീകരിക്കുകയോ ചെയ്ത തുക പിന്നീട് അനുവദിക്കുന്നതിന് എന്തെങ്കിലും വ്യവസ്ഥയുണ്ടോ എന്ന് വ്യക്തമാക്കുമോ?

നടപ്പ് സാമ്പത്തികവര്‍ഷം സംസ്ഥാനത്ത് നടപ്പിലാക്കുന്നതിനായി ബഡ്ജറ്റില്‍ എത്ര പുതിയ പദ്ധതികള്‍ പ്രഖ്യാപിച്ചുവെന്ന് വ്യക്തമാക്കാമോ;

ഇവയില്‍ എത്ര പദ്ധതികള്‍ക്ക് ഭരണാനുമതി നല്‍കിയിട്ടുണ്ടെന്നും ഭരണാനുമതി നല്‍കാന്‍ അവശേഷിക്കുന്ന പദ്ധതികള്‍ എത്രയാണെന്നും വ്യക്തമാക്കാമോ;

ഈ സർക്കാരിന്റെ കാലത്ത് മുന്‍ വര്‍ഷങ്ങളില്‍ പ്രഖ്യാപിച്ച എത്ര പദ്ധതികള്‍ ഇപ്പോഴും നടപ്പിലാക്കുന്നതിനായി പരിഗണനയിലാണെന്ന് അറിയിക്കാമോ; ഭരണാനുമതി ലഭിക്കാന്‍ ബാക്കിയുള്ള പദ്ധതികള്‍ എത്രയാണെന്ന് വ്യക്തമാക്കാമോ;

എത്ര പദ്ധതികളുടെ ഭരണാനുമതികള്‍ പുനഃപരിശോധിച്ചതിന് ശേഷം റദ്ദ് ചെയ്തിട്ടുണ്ടെന്ന് അറിയിക്കാമോ;

തന്നാണ്ടില്‍ നല്‍കിയ ഭരണാനുമതി പ്രകാരമുള്ള പദ്ധതികളില്‍ ഏതെങ്കിലും നടപ്പിലാക്കിയിട്ടുണ്ടോ; അവശേഷിക്കുന്ന പദ്ധതികള്‍ എത്രയാണെന്ന് വ്യക്തമാക്കാമോ?

നടപ്പ് സാമ്പത്തികവർഷത്തേക്കുള്ള ബജറ്റ് പ്രസംഗത്തിൽ കാർഷിക മേഖലയ്ക്കായി എത്ര കോടി രൂപ വകയിരുത്തുമെന്നാണ് പ്രഖ്യാപിച്ചത്; ഇതിൽ എത്ര കോടി രൂപ നാളിതുവരെ അനുവദിച്ചുവെന്നും ഏതൊക്കെ ഇനത്തിലാണ് അനുവദിച്ചതെന്നും എത്ര കോടി രൂപ ചെലവഴിച്ചുവെന്നും ഏതൊക്കെ ഇനത്തിലാണ് ചെലവഴിച്ചതെന്നുമുള്ള വിവരങ്ങൾ വ്യക്തമാക്കുമോ?

2016-17 മുതലുള്ള ബഡ്ജറ്റുകളിലൂടെ പുതുതായി പ്രഖ്യാപിച്ച മൊത്തം പദ്ധതികള്‍ എത്രയായിരുന്നു; അവയില്‍ പൂര്‍ണ്ണമായും നടപ്പിലാക്കപ്പെട്ടവ എത്ര; ഭാഗികമായി മാത്രം നടപ്പിലാക്കപ്പെട്ടവ എത്ര; ഭരണാനുമതി നല്‍കിയെങ്കിലും നടപ്പിലാക്കാന്‍ സാധിച്ചിട്ടില്ലാത്തവ എത്ര; ഓരോ വര്‍ഷവും നടപ്പിലാക്കാന്‍ സാധിക്കാതെ പോയവ എത്ര; വിശദാംശം ലഭ്യമാക്കുമോ;

ഈ കാലയളവിലെ എല്ലാ ബഡ്ജറ്റുകളിലും കൂടിയുളള ആകെ ബഡ്ജറ്റ് എസ്റ്റിമേറ്റ് തുക എത്ര; ഇതില്‍ പദ്ധതി നടത്തിപ്പുകള്‍ക്കായി പിന്‍വലിക്കപ്പെട്ട തുക എത്ര; വിശദമാക്കുമോ;

ഈ കാലയളവിൽ പ്രഖ്യാപിത പദ്ധതികള്‍ നടപ്പിലാക്കുന്നതില്‍ ഏറ്റവും പിന്നാക്കമായിരുന്ന വകുപ്പുകള്‍ ഏതൊക്കെയെന്ന് വ്യക്തമാക്കുമോ?

നടപ്പു സാമ്പത്തിക വർഷത്തെ ബഡ്ജറ്റില്‍ മത്സ്യബന്ധന മേഖലയ്ക്കായി എത്ര കോടി രൂപ വകയിരുത്തിയിട്ടുണ്ട്; ഇതിൽ നാളിതുവരെ ഏതൊക്കെ ഇനത്തില്‍ എത്ര കോടി രൂപ അനുവദിച്ചിട്ടുണ്ടെന്നും ഏതൊക്കെ ഇനത്തില്‍ എത്ര കോടി രൂപ ചെലവഴിച്ചിട്ടുണ്ടെന്നും വ്യക്തമാക്കുമോ?

ഈ സര്‍ക്കാരിന്റെ കാലയളവില്‍ 20 ശതമാനം ബഡ്ജറ്റ് പ്രൊവിഷന്‍ ലഭിച്ച ഉദുമ മണ്ഡലത്തിലെ പദ്ധതികള്‍ ഏതൊക്കെയാണെന്ന് വ്യക്തമാക്കാമോ;

പ്രസ്തുത പദ്ധതികളിൽ ഭരണാനുമതി ലഭിച്ചവയേതൊക്കെയെന്ന് വ്യക്തമാക്കാമോ;

കഴിഞ്ഞ സര്‍ക്കാരിന്റെ കാലയളവില്‍ ഉദുമ മണ്ഡലത്തിലെ 20 ശതമാനം ബജറ്റ് പ്രൊവിഷന്‍ ലഭിച്ച, എന്നാൽ ഭരണാനുമതി ലഭിക്കാത്ത പദ്ധതികളുടെ വിശദാംശങ്ങള്‍ നല്‍കാമോ?

നടപ്പ് സാമ്പത്തിക വർഷത്തെ ബജറ്റ് പ്രസംഗത്തിൽ തദ്ദേശ സ്വയംഭരണ സ്ഥാപനങ്ങൾക്കായി പ്രഖ്യാപിച്ച പദ്ധതി വിഹിതം എത്രയായിരുന്നെന്നും ഇത് പദ്ധതി അടങ്കലിന്റെ എത്ര ശതമാനമായിരുന്നെന്നും സാമ്പത്തിക പ്രതിസന്ധി കാരണം പദ്ധതി വിഹിതം വെട്ടിക്കുറച്ചതിനെ തുടർന്ന് തദ്ദേശ സ്വയംഭരണ സ്ഥാപനങ്ങൾക്ക് ആകെ അനുവദിച്ച പദ്ധതി വിഹിതം എത്രയാണെന്നും പ്രസ്തുത തുക പദ്ധതി അടങ്കലിന്റെ എത്ര ശതമാനമാണെന്നും വ്യക്തമാക്കാമോ;

പദ്ധതി വിഹിത ഇനത്തിൽ നാളിതുവരെ നടപ്പ് സാമ്പത്തിക വർഷം തദ്ദേശ സ്വയംഭരണ സ്ഥാപനങ്ങൾക്ക് എത്ര തുക അനുവദിച്ച് നൽകിയിട്ടുണ്ടെന്നും പ്രസ്തുത തുക പദ്ധതി അടങ്കലിന്റെ എത്ര ശതമാനമാണെന്നും വ്യക്തമാക്കുമോ?

നടപ്പു സാമ്പത്തിക വർഷത്തെ ബഡ്ജറ്റില്‍ വനം - വന്യജീവി മേഖലയ്ക്കായി എത്ര കോടി രൂപ വകയിരുത്തിയിട്ടുണ്ട്; ഇതിൽ നാളിതുവരെ ഏതൊക്കെ ഇനത്തില്‍ എത്ര കോടി രൂപ അനുവദിച്ചിട്ടുണ്ടെന്നും ഏതൊക്കെ ഇനത്തില്‍ എത്ര കോടി രൂപ ചെലവഴിച്ചിട്ടുണ്ടെന്നും വ്യക്തമാക്കുമോ?

സാമൂഹ്യക്ഷേമ പെൻഷൻ കൈപ്പറ്റിയതായി കണ്ടെത്തിയ സർക്കാർ ജീവനക്കാരുടെ ആകെ എണ്ണം എത്രയാണെന്ന് വകുപ്പും തസ്തികയും ജില്ലയും തിരിച്ചുള്ള കണക്ക് ലഭ്യമാക്കുമോ;

ഏതൊക്കെ പരിശോധനകളിലൂടെയാണ് ഇത്തരം ജീവനക്കാരെ കണ്ടെത്തിയിട്ടുള്ളതെന്ന് അറിയിക്കുമോ;

ഇപ്രകാരം കണ്ടെത്തിയിട്ടുള്ളവരിൽ സർക്കാർ സർവീസിലിരിക്കെ ഏറ്റവും കൂടുതൽ കാലയളവ് ക്ഷേമപെൻഷൻ കൈപ്പറ്റിയ ജീവനക്കാരന്റെ തസ്തികയും കൈപ്പറ്റിയ കാലയളവും അറിയിക്കുമോ;

ഇപ്രകാരം ജീവനക്കാർക്ക് അനർഹമായി ക്ഷേമപെൻഷൻ അനുവദിക്കാൻ ഇടയായ സാഹചര്യങ്ങൾ എന്തെല്ലാമാണെന്ന് അറിയിക്കുമോ;

അനർഹർക്ക് പെൻഷൻ അനുവദിക്കുന്നതിന് കൂട്ടുനിന്ന ഉദ്യോഗസ്ഥരുടെ കാര്യത്തിൽ സ്വീകരിച്ചിട്ടുള്ള നിലപാട് എന്താണെന്ന് വ്യക്തമാക്കുമോ; ഇത്തരം കാര്യങ്ങൾ ആവർത്തിക്കാതിരിക്കുന്നതിനായി എന്തൊക്കെ മുൻകരുതൽ നടപടികൾ സ്വീകരിക്കുമെന്ന് വ്യക്തമാക്കുമോ?

സംസ്ഥാനത്ത് ക്ഷേമപെന്‍ഷന്‍ ലഭിക്കുന്ന എത്ര പേരാണ് നിലവിലുളളത്;

ഒരു മാസത്തെ ക്ഷേമ പെന്‍ഷന്‍ നല്‍കുന്നതിന് ധനകാര്യ വകുപ്പ് ചെലവിടുന്നത് എത്ര കോടി രൂപയാണ്;

2015 -ല്‍ ഒരു മാസം ക്ഷേമ പെന്‍ഷന്‍ നല്‍കുന്നതിന് എത്ര രൂപയായിരുന്നു ചെലവായിരുന്നത്;

അന്ന് പ്രസ്തുത പെന്‍ഷന്‍ എത്രപേര്‍ക്കാണ് നല്‍കിയിരുന്നത്; വിശദമാക്കാമോ?

സംസ്ഥാനത്തെ നികുതി പിരിവ് കാര്യക്ഷമമാക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഇതിനായി എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ;

നികുതി പിരിവ് കാര്യക്ഷമമാക്കുന്നതിനായി എന്തെങ്കിലും പ്രത്യേക സംവിധാനം ഏര്‍പ്പെടുത്താന്‍ ഉദ്ദേശിക്കുന്നുണ്ടോ; എങ്കില്‍ വിശദമാക്കാമോ?

സ്വർണ്ണാഭരണ വിപണനവുമായി ബന്ധപ്പെട്ട് പത്തുലക്ഷം രൂപയുടെ ബിസിനസ് ടു ബിസിനസ് ഇടപാടുകൾക്ക് ഏർപ്പെടുത്തിയ ഇ-വേ ബിൽ സംവിധാനം കാര്യക്ഷമമാണോ എന്ന് വ്യക്തമാക്കാമോ;

ഇ-വേ ബിൽ സംവിധാനം വഴി സ്വർണ്ണത്തിൽ നിന്നുള്ള നികുതി വരുമാനത്തിൽ വർദ്ധനവ് ഉണ്ടാകുമെന്ന് കരുതുന്നുണ്ടോ;

സ്വർണ്ണാഭരണ വിപണനവുമായി ബന്ധപ്പെട്ട് ഏർപ്പെടുത്തിയ ഇ-വേ ബിൽ സംവിധാനം കാര്യക്ഷമമാക്കാൻ സ്വീകരിച്ച നടപടികൾ വിശദമാക്കുമോ?

സംസ്ഥാനത്തിന്റെ നിലവിലെ സാമ്പത്തിക സ്ഥിതി വ്യക്തമാക്കാമോ;

2016-ന്റെ ആരംഭത്തിൽ സംസ്ഥാനത്തിന്റെ ആകെ കടം എത്രയായിരുന്നു എന്നറിയിക്കാമോ;

2025 ജനുവരി 31 വരെ സംസ്ഥാനത്തിന്റെ കടം എത്രയായിരുന്നു എന്നറിയിക്കാമോ;

ഈ സർക്കാർ അധികാരത്തിലേറുമ്പോൾ സംസ്ഥാനത്തിന്റെ കടബാധ്യത എത്ര കോടി ആയിരുന്നു എന്നറിയിക്കാമോ;

മുന്‍ സര്‍ക്കാരിന്റെ കാലംമുതല്‍ നാളിതുവരെ വിവിധ ഏജൻസികൾ വഴിയും ലോകബാങ്ക് മുഖേനയും സംസ്ഥാനം എടുത്ത കടം എത്രയെന്ന് ഇനം തിരിച്ച് വെളിപ്പെടുത്താമോ; ഇവയുടെ തിരിച്ചടവ് വിവരങ്ങൾ വ്യക്തമാക്കാമോ?

സംസ്ഥാനത്ത് സാമ്പത്തിക പ്രതിസന്ധി നിലവിൽ ഉണ്ടോ; എങ്കിൽ ഇതിന്റെ വിശദാംശം നൽകാമോ;

ഈ സർക്കാർ അധികാരത്തിൽ വരുമ്പോൾ നിലവിലുള്ള സംസ്ഥാനത്തിന്റെ പൊതു കടവും ഇപ്പോൾ നിലവിലുള്ള പൊതു കടവും എത്രയാണെന്ന് വ്യക്തമാക്കാമോ?

സംസ്ഥാനത്തിന്റെ ധനസ്ഥിതിയെ സംബന്ധിച്ച ഏറ്റവും പുതിയ വിശദാംശങ്ങൾ വെളിപ്പെടുത്താമോ; ധനസ്ഥിതി മുന്‍ വര്‍ഷത്തെക്കാള്‍ മോശമായ അവസ്ഥയിലാണോ; എങ്കില്‍ കാരണങ്ങള്‍ വിശദമാക്കാമോ;

നടപ്പുവര്‍ഷം കേന്ദ്രം അനുവദിച്ച പരിധിയിൽ കൂടുതൽ കടമെടുക്കാൻ കേന്ദ്രത്തിൽ നിന്നും അനുമതി തേടിയിട്ടുണ്ടോ; എങ്കിൽ അതിന്റെ കാരണം വിശദമാക്കുമോ;

അധിക വായ്പയെടുത്ത് പ്രത്യുത്പാദനപരമല്ലാത്ത ആവശ്യങ്ങൾക്കായി ഉപയോഗിക്കേണ്ടിവരുന്നത് സംസ്ഥാനത്തിന്റെ ധനസ്ഥിതിക്ക് ഗുണകരമാണോയെന്ന് വ്യക്തമാക്കുമോ?

ഈ സർക്കാരിന്റെ കാലത്ത് എത്ര ദിവസം സംസ്ഥാനത്തിന് റിസര്‍വ് ബാങ്കിലുള്ള ക്യാഷ് റിസര്‍വ് പരിധി നിലനിര്‍ത്താന്‍ സാധിക്കാതെ വരികയുണ്ടായി എന്നത് സംബന്ധിച്ച വിവരം ലഭ്യമാക്കുമോ;

ഈ കാലയളവിൽ സംസ്ഥാനം എപ്പോഴെല്ലാം ഓവര്‍ ഡ്രാഫ്റ്റിലായിട്ടുണ്ട്; ഓവര്‍ ഡ്രാഫ്റ്റിന് പലിശ നല്‍കേണ്ടി വന്നിട്ടുണ്ടോ; എങ്കില്‍ എത്ര രൂപയാണ് പലിശ നല്‍കേണ്ടി വന്നതെന്ന് വിശദമാക്കുമോ;

നിലവിൽ സാമ്പത്തിക പ്രതിസന്ധിയില്ലെങ്കില്‍ സർക്കാർ പല ഇനങ്ങളിലും നല്‍കേണ്ടതായ തുക നല്‍കാന്‍ കഴിയാതെ കുടിശികയാകുന്നത് എന്തുകൊണ്ടെന്നും ഏതെല്ലാം ഇനത്തില്‍ എത്ര കോടി രൂപ കുടിശികയുണ്ടെന്നും വിശദമാക്കുമോ?

17.02.2021-ലെ സ.ഉ(കൈ) നം.3/2020/കാ.യു.വ. ഉത്തരവ് പ്രകാരം സംസ്ഥാന യുവജനക്ഷേമ ബോർഡിൽ സ്ഥിരപ്പെടുത്തിയ 16 ജീവനക്കാർക്ക് ധനകാര്യ വകുപ്പ് നിശ്ചയിച്ചിട്ടുള്ള ശമ്പള സ്കെയിലിൽ ശമ്പളം ലഭിക്കുന്നില്ലെന്നത് ശ്രദ്ധയിൽപെട്ടിട്ടുണ്ടോ; വിശദമാക്കാമോ;

സ്ഥിരപ്പെടുത്തി നാല് വർഷം കഴിഞ്ഞിട്ടും കരാർ ജിവനക്കാർക്ക് ലഭിക്കുന്ന തുകയാണ് നൽകുന്നത് എന്നതിനാൽ ഇതുവരെയുള്ള കുടിശ്ശിക, പുതുക്കിയ ശമ്പളം എന്നിവ നൽകുന്നതിന് തടസമുണ്ടോയെന്ന് അറിയിക്കാമോ;

പ്രസ്തുത ജിവനക്കാർക്ക് സ്ഥിരപ്പെടുത്തി നിശ്ചയിച്ചിട്ടുള്ള ശമ്പള സ്കെയിലിൽ ശമ്പളം നൽകുന്നതിനുള്ള നടപടികൾ സ്വീകരിക്കുമോ?

കോട്ടക്കല്‍ മണ്ഡലത്തിലെ ചാപ്പനങ്ങാടി-ഇന്ത്യനൂര്‍ റോഡിലെ വെള്ളക്കെട്ട് പരിഹരിക്കുന്നതിനുള്ള ഡ്രെയിനേജ് നിര്‍മ്മാണവുമായി ബന്ധപ്പെട്ട പ്രൊപ്പോസലിന്മേല്‍ (ഫയല്‍ നമ്പര്‍ ഐ.എൻ.ഡി& പി.ഡബ്ല്യൂ.ബി1/367/2023) ധനകാര്യ വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രവൃത്തിയുടെ അടിയന്തര പ്രധാന്യം കണക്കിലെടുത്ത് മതിയായ തുക അനുവദിക്കുന്നതിന് നടപടി സ്വീകരിക്കുമോ?

ഈ സർക്കാരിന്റെ കാലത്ത് ധനകാര്യ വകുപ്പിന്റെ ഇന്‍സ്പെക്ഷന്‍ വിംഗ് (നോണ്‍ ടെക്നിക്കല്‍) ഇതര സര്‍ക്കാര്‍ വകുപ്പുകളിലും സ്ഥാപനങ്ങളിലും നടത്തിയിട്ടുള്ള സര്‍പ്രെെസ് ഇന്‍സ്പെക്ഷന്‍ എത്രയാണെന്ന് വിശദമാക്കാമോ;

പ്രസ്തുത ഇന്‍സ്പെക്ഷനുകളില്‍ കണ്ടെത്തിയ ക്രമക്കേടുകള്‍ വകുപ്പുകള്‍, ആഫീസുകള്‍ തിരിച്ച് വിശദമാക്കാമോ;

മേൽപ്പറഞ്ഞ ക്രമക്കേടുകളിന്മേല്‍ നടപടി ശിപാര്‍ശ ചെയ്തിട്ടുള്ളവയില്‍ നടപടി സ്വീകരിച്ച വകുപ്പുകളും നടപടി സ്വീകരിച്ചിട്ടില്ലാത്ത വകുപ്പുകളും ഏതൊക്കെയെന്ന് വിശദമാക്കാമോ?

കാലാവസ്ഥാ വ്യതിയാനത്താല്‍ വൈപ്പിന്‍, പശ്ചിമ കൊച്ചി ഉള്‍പ്പെടെയുള്ള തീരദേശ മേഖലയില്‍ വേമ്പനാട് കായലില്‍ നിന്നും വേമ്പനാട് കായലിന്റെ കൈവഴികളായ വീരന്‍പുഴ, കൊച്ചി കായല്‍ ഉള്‍പ്പെടെയുള്ള കായലുകളില്‍ നിന്നും ഓരുവെള്ളം കയറുന്നതിന്റെ ദുരന്തസാധ്യതകള്‍ കണക്കിലെടുത്തും പഠന റിപ്പോര്‍ട്ടുകളുടെ അടിസ്ഥാനത്തിലും വേമ്പനാട് കായല്‍ സംരക്ഷണം, പുഴകളുടേയും കായലുകളുടേയും തോടുകളുടേയും പാര്‍ശ്വഭിത്തി കെട്ടി ഭൂനിരപ്പ് ഉയര്‍ത്തല്‍, എക്കലും ചെളിയും നീക്കം ചെയ്യല്‍ ഉള്‍പ്പെടെയുള്ള പദ്ധതികള്‍ നടപ്പിലാക്കുന്നതിനള്ള ഫണ്ട് അനുവദിക്കുമോ;

കേന്ദ്ര-സംസ്ഥാന സര്‍ക്കാരുകളുടെ സഹകരണത്തോടെ തുക കണ്ടെത്താനും നടപ്പിലാക്കാനും നടപടി സ്വീകരിച്ചിട്ടുണ്ടോ; വിശദമാക്കാമോ?

കിഫ്ബി ധനസഹായത്തോടെ വിവിധ വകുപ്പുകള്‍ മുഖേന മാവേലിക്കര മണ്ഡലത്തില്‍ അനുവദിച്ച പദ്ധതികൾക്കുള്ള തുക സംബന്ധിച്ച് വിശദമാക്കുമോ?

ചിറ്റൂർ ഗവണ്മെന്റ് കോളേജിൽ കിഫ്‌ബി പദ്ധതി പ്രകാരം ഇൻഫ്രാസ്ട്രക്ച്ചർ ഡെവലപ്പ്മെന്റിനായി അനുവദിച്ച തുക എത്രയാണെന്ന് വ്യക്തമാക്കാമോ;

പ്രസ്തുത പദ്ധതിയുടെ നിലവിലുള്ള അവസ്ഥ എന്താണെന്നും നിർമ്മാണം ആരംഭിക്കാനുള്ള കാലതാമസത്തിന്റെ കാരണമെന്തെന്നും വ്യക്തമാക്കുമോ;

പ്രസ്തുത പ്രവൃത്തി സമയബന്ധിതമായി പൂർത്തീകരിക്കാൻ നടപടി സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ?

കിഫ്ബി പദ്ധതി പ്രകാരം കോങ്ങാട് മണ്ഡലത്തില്‍ അനുവദിച്ച വിവിധ വികസന പ്രവൃത്തികള്‍ സംബന്ധിച്ച് വിശദാംശം നല്‍കാമോ;

ഓരോ പ്രവൃത്തിയും ഇപ്പോള്‍ ഏത് ഘട്ടത്തിലാണെന്നും ഓരോ പ്രവൃത്തിയുടെയും പേര്, വകുപ്പ്, നിലവിലെ സ്ഥിതി ഇവ സംബന്ധിച്ച വിശദാംശവും നല്‍കാമോ?

കിഫ്ബി പദ്ധതിയില്‍ ഉള്‍പ്പെടുത്തി അരൂര്‍ മണ്ഡലത്തില്‍ അനുവദിച്ച പെരുമ്പളം പാലം, നെടുമ്പ്രക്കാട്-വിളക്കുമരം പാലം എന്നീ പ്രവൃത്തികളിൽ പാലം നിര്‍മ്മാണം പൂര്‍ത്തീകരിച്ചിട്ടും ബന്ധപ്പെട്ട അപ്രോച്ച് റോഡിന്റെ നിര്‍മ്മാണം വൈകുന്നതിനാൽ പ്രസ്തുത പ്രവൃത്തികളുടെ ഉദ്ഘാടനം വൈകുന്നത് ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിനായി സ്വീകരിച്ച നടപടി വിശദമാക്കാമോ;

പെരുമ്പളം പാലത്തിന്റെ അപ്രോച്ച് റോഡ് നിര്‍മ്മാണവുമായി ബന്ധപ്പെട്ട് റേറ്റ് റിവിഷനുമായി ബന്ധപ്പെട്ട ഏതെങ്കിലും ഫയല്‍ പെന്‍ഡിംഗ് ഉണ്ടോ എന്ന് വിശദമാക്കാമോ?

ബാര്‍ ഉടമകളുടെ 2005 മുതൽ 2021 വരെയുള്ള നികുതി കുടിശികകൾക്ക് ആംനസ്റ്റി പദ്ധതി പ്രകാരം പലിശയിലും പിഴയിലും ഇളവ് നൽകാൻ തീരുമാനിച്ചിട്ടുണ്ടോ; കാരണം വിശദമാക്കുമോ;

2005 മുതൽ നടത്തിയ ബാർ പരിശോധനകൾ ഇതോടെ വെറുതെയാകുമെന്ന ആക്ഷേപം ശ്രദ്ധയില്‍പ്പെട്ടി‌ട്ടുണ്ടോ;

ബാറുകൾക്ക് ഇപ്രകാരം ആംനസ്റ്റി ഇതിന് മുന്‍പ് നൽകിയിട്ടുണ്ടോയെന്ന് വ്യക്തമാക്കാമോ;

കൃത്യമായി നികുതി അടച്ചുകൊണ്ടിരിക്കുന്ന ബാറുകൾക്ക് നികുതി അടയ്ക്കാതിരിക്കാൻ പ്രോത്സാഹനം നൽകുന്നതല്ലേ പ്രസ്തുത നടപടി എന്ന് വ്യക്തമാക്കുമോ?

ജി.എസ്.ടി നടപ്പിലാക്കിയതുമൂലം നികുതി വരുമാനത്തില്‍ ഉണ്ടായ നഷ്ടം വര്‍ഷം തിരിച്ച് വ്യക്തമാക്കാമോ?

സംസ്ഥാന ചരക്ക് സേവന നികുതി വകുപ്പിൽ വ്യാജ ബിരുദ സർട്ടിഫിക്കറ്റ് ഹാജരാക്കി ഏതെങ്കിലും ഉദ്യോഗസ്ഥൻ പ്രമോഷൻ നേടിയിട്ടുണ്ടോ; എങ്കിൽ പ്രമോഷൻ നേടിയ ഉദ്യോഗസ്ഥൻ നിലവില്‍ അതേ തസ്തികയിൽ സേവനം തുടരുന്നുണ്ടോ; ഇദ്ദേഹം അനധികൃതമായി സ്ഥാനക്കയറ്റം നേടിയെന്ന് എന്നാണ് കണ്ടെത്തിയത്; ഇദ്ദേഹത്തെ സർവ്വീസിൽ തുടരാന്‍ അനുവദിക്കുന്നതിന് പ്രത്യേക കാരണമുണ്ടോ; ഇദ്ദേഹത്തിനെതിരെ സ്വീകരിച്ചിട്ടുള്ള വകുപ്പുതല അച്ചടക്കനടപടികൾ എന്തെല്ലാമാണ്; വിശദമാക്കുമോ?

2005 മുതൽ 2021 വരെ ബാറുകളിൽ നിന്ന് ലഭിക്കുവാനുള്ള നികുതി കുടിശിക എത്രയാണ്; പ്രസ്തുത കുടിശിക തീർപ്പാക്കുന്നതിലേക്കായി ആംനസ്റ്റി സ്കീം നടപ്പിലാക്കിയിട്ടുണ്ടോ; എങ്കിൽ ഏതെല്ലാം വർഷങ്ങളിലാണ് ഈ സ്കീം കൊണ്ടുവന്നിട്ടുള്ളത്; വിശദമാക്കുമോ?

സംസ്ഥാനത്ത് നിലവില്‍ ട്രഷറി നിയന്ത്രണമുണ്ടോയെന്ന് വ്യക്തമാക്കാമോ;

ട്രഷറി നിയന്ത്രണം കൊണ്ട് അർത്ഥമാക്കുന്നത് എന്താണെന്നും നിയന്ത്രണ കാലത്ത് എത്ര രൂപ വരെയുള്ള ബില്ലുകളാണ് മാറാൻ കഴിയുകയെന്നും വ്യക്തമാക്കാമോ;

മാറിക്കിട്ടാനായി സമർപ്പിച്ച എത്ര ബില്ലുകൾ വിവിധ ട്രഷറികളിൽ പെൻഡിംഗിലുണ്ടെന്ന് ജില്ല തിരിച്ച് വ്യക്തമാക്കാമോ; ഇതിൽ കരാറുകാരുടെ ബില്ലുകൾ എത്രയാണെന്ന് ജില്ലതിരിച്ച് വ്യക്തമാക്കാമോ;

എം.എൽ.എ. ആസ്തി വികസന ഫണ്ടിൽ നിന്ന് അനുവദിച്ച തുക ഉപയോഗിച്ച് പൂർത്തിയാക്കിയ പ്രവൃത്തികളുടെ ബില്ലുകൾ മാറിനൽകാൻ ബാക്കിയുണ്ടോ; എങ്കിൽ ജില്ല തിരിച്ചുള്ള വിശദാംശം നൽകാമോ?

ഈ സാമ്പത്തിക വർഷം അവസാനിക്കുവാൻ ദിവസങ്ങൾ മാത്രം ബാക്കി നിൽക്കെ സംസ്ഥാനത്തെ ട്രഷറികളിൽ തീർപ്പാക്കാതെ ബില്ലുകൾ കെട്ടിക്കിടക്കുന്നതായും തന്മൂലം ട്രഷറി നിയന്ത്രണങ്ങൾ ഏർപ്പെടുത്തുകയും ചെയ്തിട്ടുണ്ടോയെന്നുമുള്ള വിശദാംശം നൽകുമോ;

തദ്ദേശ സ്വയംഭരണ സ്ഥാപനങ്ങളുടേതുൾപ്പെടെ പെന്റിങ്ങുള്ള ബില്ലുകൾ എത്രയെന്ന് ജില്ല തിരിച്ച് വ്യക്തമാക്കുമോ; കരാറുകാർക്ക് നൽകുവാനുള്ള കുടിശിക എത്രയാണെന്ന് വ്യക്തമാക്കുമോ;

സാമ്പത്തിക പ്രതിസന്ധി പരിഹരിക്കുവാനും മാർച്ച് മാസത്തിൽ തന്നെ സമർപ്പിച്ച എല്ലാ ബില്ലുകളും തീർപ്പാക്കുവാനും എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശം നൽകുമോ?

സംസ്ഥാനത്തെ ട്രഷറികളില്‍ പണം പിന്‍വലിക്കുന്നതിനും ബില്ലുകള്‍ മാറുന്നതിനും മറ്റും നിയന്ത്രണം ഏര്‍പ്പെടുത്തിയിട്ടുണ്ടോ; വ്യക്തമാക്കുമോ;

സംസ്ഥാനത്ത് റോഡ് ഉള്‍പ്പെടെയുള്ള വികസന പ്രവര്‍ത്തനങ്ങള്‍ പ്രസ്തുത ട്രഷറി നിയന്ത്രണം മൂലം തടസ്സപ്പെട്ടിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

കോട്ടക്കല്‍ മണ്ഡലത്തിലെ വളാഞ്ചേരി, കോട്ടക്കല്‍ സബ്ട്രഷറികളുടെ കെട്ടിട നിര്‍മ്മാണവുമായി ബന്ധപ്പെട്ട് സ്വീകരിച്ച നടപടികള്‍ എന്തെല്ലാമെന്ന് അറിയിക്കുമോ;

വളാഞ്ചേരി സബ്ട്രഷറിക്ക് വേണ്ടി ഗ്രാമവികസന വകുപ്പിന്റെ കൈവശമുള്ള ഭൂമി ലഭ്യമാക്കുന്നതിനായി വകുപ്പ് സ്വീകരിച്ച നടപടികള്‍ വിശദമാക്കുമോ;

കോട്ടക്കല്‍ സബ് ട്രഷറിക്കുവേണ്ടി ഗ്രാമവികസന വകുപ്പിന്റെ കൈവശമുള്ള ഭൂമി ലഭ്യമാക്കുന്നതിനാവശ്യമായ അടിയന്തര നടപടി സ്വീകരിക്കുമോ?

കുത്തിയതോട് സബ് ട്രഷറി നിർമ്മാണത്തിന് കുത്തിയതോട് ഗ്രമപഞ്ചായത്ത് സ്ഥലം വിട്ടുനൽകിയിട്ടും നിർമ്മാണം താമസിക്കുന്നതിനുള്ള കാരണം വിശദമാക്കാമോ;

പ്രസ്തുത ട്രഷറി നിർമ്മാണത്തിന് നിലവിൽ സർക്കാർ ഫണ്ട് അനുവദിച്ചിട്ടുണ്ടോ; എങ്കിൽ ആയതിന്റെ വിശദാംശം നൽകാമോ?

ഭാഗ്യക്കുറി വകുപ്പിന്റെ വെബ്സൈറ്റ്, ലോട്ടറി ഏജന്റ് 08-01-2025 ൽ 150 പ്രാവശ്യം ഹാക്ക് ചെയ്യാൻ ശ്രമിച്ചത് സംബന്ധിച്ച് എറണാകുളം ജില്ലയിലെ ഇ-10438, ഇ-8614 എന്നീ ഏജൻസികൾക്കെതിരെ വകുപ്പ് എന്തെല്ലാം നടപടികൾ സ്വീകരിച്ചു എന്നറിയിക്കാമോ;

മേൽപ്പറഞ്ഞ ഏജൻസികളുടെ ലൈസൻസ് സസ്പെൻഡ് ചെയ്തിട്ടുണ്ടോ; അറിയിക്കാമോ; ഇല്ലെങ്കിൽ ആരോപണം ഉയർന്നിട്ടും ലോട്ടറി വകുപ്പ് തന്നെ ഇക്കാര്യത്തിൽ പോലീസിൽ പരാതി നൽകിയിട്ടും ഈ ഏജൻസികളുടെ ലൈസൻസ് സസ്പെൻഡ് ചെയ്യാത്തത് എന്തുകൊണ്ടാണ് എന്ന് അറിയിക്കാമോ?

സംസ്ഥാന ഇന്‍ഷുറന്‍സ് വകുപ്പിന്റെ പ്രവര്‍ത്തനം വിലയിരുത്തിയിട്ടുണ്ടോ; വിശദാംശം നല്‍കുമോ;

വകുപ്പില്‍ നിന്നും നല്‍കുന്ന സേവനങ്ങള്‍ വൈവിധ്യവല്‍ക്കരിക്കുന്നതിനും നിലവില്‍ ജീവനക്കാര്‍ക്കായി നല്‍കിവരുന്ന സേവനങ്ങള്‍ സ്വകാര്യ മേഖലയിലെയും അസംഘടിത മേഖലയിലെയും തൊഴിലാളികള്‍ക്കും കൂടി ഉപകാരപ്രദമാകുന്ന നിലയില്‍ വിപുലീകരിക്കുന്നതിനുമുള്ള സാധ്യതകള്‍ പരിശോധിച്ചിട്ടുണ്ടോ; വിശദമാക്കുമോ;

പ്രസ്തുത സേവനങ്ങള്‍ സമയബന്ധിതമായും കാര്യക്ഷമമായും നല്‍കുന്നതിനായി വകുപ്പിന്റെ പ്രവര്‍ത്തനങ്ങള്‍ ആധുനീകരിക്കുന്നതിനുള്ള നടപടികളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ?

സംസ്ഥാന ജീവനക്കാരുടെയും അദ്ധ്യാപകരുടെയും അവയവമാറ്റ ശസ്ത്രക്രിയകള്‍ക്ക് മെഡിസെപ് പദ്ധതി പ്രകാരം അനുവദിക്കുന്ന തുകയ്ക്ക് പരിധി നിശ്ചയിച്ചിട്ടുണ്ടോ; എങ്കിൽ വിശദമാക്കുമോ;

പ്രസ്തുത പദ്ധതി പ്രകാരം അവയവമാറ്റ ശസ്ത്രക്രിയകള്‍ക്ക് പരമാവധി അനുവദിക്കുന്ന തുക എത്രയാണെന്ന് വ്യക്തമാക്കുമോ;

മെഡിസെപ് പദ്ധതി പ്രകാരം വൃക്ക മാറ്റിവെയ്ക്കല്‍ ശസ്ത്രക്രിയകള്‍ക്ക് അനുവദിക്കുന്ന തുകയ്ക്ക് പരിധി നിശ്ചയിച്ചിട്ടുണ്ടോ; എങ്കില്‍ ആയതിനുള്ള കാരണം വ്യക്തമാക്കുമോ;

വൃക്ക മാറ്റിവെക്കല്‍ ശസ്ത്രക്രിയകള്‍ക്ക് അനുവദിക്കുന്ന തുകയ്ക്ക് പരിധി നിശ്ചയിച്ചിട്ടുണ്ടെങ്കില്‍ ആയത് പുനപരിശോധിക്കുമോ; എങ്കില്‍ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കാമോ?

മെഡിസെപ്പ് പദ്ധതി നടത്തിപ്പിന് സ്റ്റേറ്റ് ലൈഫ് ഇൻഷുറൻസ്, ഇൻഷുറൻസ് മെഡിക്കൽ സർവ്വീസ് എന്നിവരെ ഏജൻസിയായി നിയമിക്കുന്നത് സർക്കാർ പരിഗണനയിലുണ്ടോ; വിശദമാക്കാമോ?

മെഡിസെപ്പ് പദ്ധതി കൂടുതല്‍ കാര്യക്ഷമമാക്കുന്നതിന് ഉദ്ദേശിക്കുന്നുണ്ടാേ; വിശദമാക്കുമോ;

കണ്ണൂര്‍ ജില്ലയിലെ പ്രധാനപ്പെട്ട സ്വകാര്യ ആശുപത്രികളിലെ എല്ലാ ചികിത്സാ വിഭാഗങ്ങളെയും മെഡിസെപ്പില്‍ ഉള്‍പ്പെടുത്തുന്നതിന് നടപടി സ്വീകരിക്കുമാേ;

ആശുപത്രികളില്‍ കിടത്തി ചികിത്സ നടത്തി വിവിധ പരിശാേധനകള്‍ക്കു ശേഷം കാര്യമായ അസുഖമാെന്നും ഇല്ലെന്ന് കണ്ടെത്തിയാല്‍ ഇന്‍ഷുറന്‍സ് കമ്പനി തുക കൊടുക്കാന്‍ തയ്യാറാകാത്തതു പരിഹരിക്കാന്‍ സ്വീകരിക്കാനുദ്ദേശിക്കുന്ന നടപടി എന്താെക്കെയാണെന്ന് വ്യക്തമാക്കുമോ?

ഏതൊക്കെ മേഖലകളിലെ ആവശ്യങ്ങള്‍ക്കാണ് കേരള ഫിനാന്‍ഷ്യല്‍ കോര്‍പ്പറേഷന്‍ വഴി ധനസഹായം അനുവദിക്കുന്നത് എന്ന് വിശദമാക്കാമോ;

വ്യവസായ സംരംഭങ്ങള്‍ ആരംഭിക്കുന്നതിനായി കേരള ഫിനാന്‍ഷ്യല്‍ കോര്‍പ്പറേഷന്‍ വഴി ലഭിക്കുന്ന സേവനങ്ങള്‍ എന്തൊക്കെയെന്ന് വിശദമാക്കാമോ?