സിവില്‍ എക്സൈസ് ഓഫീസര്‍ ഡ്രൈവര്‍ തസ്തികയുടെ വിവിധ ജില്ലകളിലേക്കുള്ള റാങ്ക് ലിസ്റ്റുകള്‍ നിലവില്‍ വന്നതെന്നാണ്; പ്രസ്തുത റാങ്ക് ലിസ്റ്റുകളില്‍ നിന്നുള്ള നിയമനങ്ങളുടെ പുരോഗതി അറിയിക്കാമോ; കൊല്ലം, ആലപ്പുഴ, തൃശൂര്‍, മലപ്പുറം എന്നീ ജില്ലകളില്‍ പ്രസ്തുത റാങ്ക് ലിസ്റ്റുകളില്‍ നിന്നും ഒരു നിയമനം പോലും നടത്താത്തതിന്റെ കാരണം അറിയിക്കാമോ;

എക്സൈസ് വകുപ്പിന്റെ എന്‍ഫോഴ്സ്മെന്റ് പ്രവര്‍ത്തനങ്ങളും രാത്രികാല പട്രോളിംഗും ശക്തിപ്പെടുത്തുന്നതിന് പുതുതായി വാഹനങ്ങള്‍ അനുവദിച്ചിട്ടുണ്ടോ; വിശദമാക്കുമോ;

എക്സൈസ് വകുപ്പില്‍ ഡ്രൈവര്‍മാരുടെ എത്ര സ്ഥിരം തസ്തികകളാണ് നിലവിലുള്ളതെന്ന് അറിയിക്കുമോ?

വടകര താലൂക്കിൽ ലഹരി വ്യാപനം തടയുന്നതിനായി സ്വീകരിക്കുന്ന നടപടികൾ വിശദമാക്കാമോ;

ലഹരി സംബന്ധിച്ചുള്ള വിഷയങ്ങൾ ശ്രദ്ധയിൽപ്പെടുന്നപക്ഷം ഏതുതരത്തിലാണ് പരാതിപ്പെടേണ്ടതെന്നും പരാതിപ്പെടുന്നവരുടെ വിവരങ്ങൾ രഹസ്യമാക്കി വയ്ക്കുമോയെന്നും അറിയിക്കുമോ;

വടകര താലൂക്കിലെ ഓരോ വിദ്യാലയങ്ങളിലും നേരിട്ട് ലഹരി വിരുദ്ധ സന്ദേശങ്ങൾ പ്രചരിപ്പിക്കുന്നതിന് വകുപ്പുതലത്തിൽ നടപടി സ്വീകരിക്കുമോയെന്ന് വ്യക്തമാക്കാമോ?

എക്സൈസ് സേനയിൽ ആകെ നിലവിലുള്ള തസ്തികകളുടെ എണ്ണം പദവി, സ്ത്രീ, പുരുഷൻ എന്നിങ്ങനെ തരംതിരിച്ച് ലഭ്യമാക്കുമോ;

ഇതിൽ ഒഴിഞ്ഞുകിടക്കുന്ന തസ്തികകൾ എത്രയാണെന്ന് തരംതിരിച്ച് കണക്ക് ലഭ്യമാക്കുമോ;

നിലവിൽ ഒഴിഞ്ഞുകിടക്കുന്ന തസ്തികകളിൽ പി.എസ്.സി.ക്ക് റിപ്പോർട്ട് ചെയ്തിട്ടുള്ള ഒഴിവുകളുടെ എണ്ണം എത്രയാണെന്ന് അറിയിക്കുമോ;

പി.എസ്.സി.ക്ക് റിപ്പോർട്ട് ചെയ്തിട്ടില്ലാത്ത ഒഴിവുകൾ ഉടനടി പി.എസ്.സി.ക്ക് റിപ്പോർട്ട് ചെയ്യുന്നതിനും ഒഴിവുള്ള തസ്തികകളിലേക്ക് അടിയന്തരമായി നിയമനങ്ങൾ നടത്തുന്നതിനും നടപടി സ്വീകരിക്കുമോ?;

എക്സൈസ് വകുപ്പിൽ വനിതകളുടെ എണ്ണം വർദ്ധിപ്പിക്കണമെന്ന് എക്സൈസ് കമ്മീഷണർ ശിപാർശ ചെയ്യുകയുണ്ടായോ എന്നറിയിക്കുമോ?

മുൻസർക്കാരിന്റെ കാലം മുതൽ നാളിതുവരെ എക്സൈസ് വകുപ്പിൽ നടപ്പാക്കിയ വിവിധ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണ്; വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

പ്രസ്തുത ക്രമക്കേടുകളില്‍ ഓരോന്നും സംബന്ധിച്ച് വകുപ്പ് തലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശം വ്യക്തമാക്കുമോ?

കേരളത്തിലെ യുവാക്കളിൽ വ്യാപകമായി കണ്ടുവരുന്ന അക്രമവാസന, നിഷ്ഠൂരമായ കൊലപാതകം തുടങ്ങിയ കുറ്റകൃത്യങ്ങളില്‍ മദ്യവും മയക്കുമരുന്നും വലിയ തോതിലുള്ള സ്വാധീനം ചെലുത്തുന്നുണ്ടെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ മദ്യത്തിന്റെയും മയക്കുമരുന്നിന്റെയും ലഭ്യത കുറയ്ക്കുവാൻ ആവശ്യമായ നടപടികൾ സ്വീകരിക്കുമോ;

ഭരണഘടനയുടെ ആർട്ടിക്കിൾ 47-ന് വിരുദ്ധമായി, അടച്ചുപൂട്ടിയ മദ്യഷാപ്പുകൾ തുറക്കുകയും ബിവറേജസ് ഔട്ട് ലെറ്റുകൾ വഴി മദ്യം സുലഭമായി നൽകുകയും പുതിയ മദ്യ ഫാക്ടറികള്‍ ആരംഭിക്കുകയും ചെയ്യുമ്പോൾ മദ്യപാനം സാർവത്രികമാവുകയാണെന്ന കാര്യം ബോധ്യപ്പെട്ടിട്ടുണ്ടോ; എങ്കിൽ മദ്യത്തിന്റെ ഉല്പാദനവും വിപണനവും നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കു​മോ?

മാവേലിക്കര ജില്ലാ ആശുപത്രിയില്‍ വിമുക്തി ഡി-അഡിക്ഷന്‍ സെന്റര്‍ ആരംഭിക്കുന്നതിനുള്ള നടപടികള്‍ സ്വീകരിക്കുമോയെന്ന് വിശദമാക്കാമോ?

പയ്യന്നൂർ താലൂക്ക് ആശുപത്രിയിൽ പ്രവർത്തിച്ചുവരുന്ന ഡീ അഡിക്ഷൻ സെന്ററിന്റെ പ്രവർത്തനങ്ങൾ വിപുലീകരിക്കുന്നതിനാവശ്യമായ നടപടികൾ പരിഗണനയിൽ ഉണ്ടോ; എങ്കിൽ വ്യക്തമാക്കുമോ;

പ്രസ്തുത ഡീ അഡിക്ഷൻ സെന്ററിൽ അഡ്മിറ്റു ചെയ്യുന്നത് നിലവിൽ ഒഴിവാക്കിയിട്ടുണ്ടോ; വ്യക്തമാക്കുമോ;

പയ്യന്നൂർ ഡീ അഡിക്ഷൻ സെന്ററിന്റെ സുഗമമായ പ്രവർത്തനത്തിന് എത്ര ജീവനക്കാരെയാണ് എക്സൈസ് വകുപ്പ് നിയമിച്ചിട്ടുള്ളത് എന്നും അവരുടെ ഉത്തരവാദിത്തങ്ങൾ എന്തെല്ലാമാണ് എന്നും വിശദമാക്കാമോ?

സംസ്ഥാനത്ത് 2021 മുതൽ നാളിതുവരെ എക്സൈസ് വകുപ്പ് പിടികൂടിയ അനധികൃത മദ്യത്തിന്റെ അളവ് വർഷം, ജില്ല എന്നിവ തിരിച്ച് ലഭ്യമാക്കാമോ;

സംസ്ഥാനത്ത് 2021 മുതൽ നാളിതുവരെ എക്സൈസ് വകുപ്പ് പിടികൂടിയ കഞ്ചാവ്, മറ്റു മയക്കുമരുന്നുകൾ, രാസലഹരി എന്നിവയുടെ അളവ് ഇനം, വർഷം, ജില്ല എന്നിവ തിരിച്ച് ലഭ്യമാക്കാമോ;

സംസ്ഥാനത്ത് 2021 മുതൽ നാളിതുവരെ മദ്യം, കഞ്ചാവ്, മറ്റു മയക്കുമരുന്നുകൾ, രാസലഹരി മുതലായവയുടെ അനധികൃത കൈവശം വയ്ക്കൽ, വിപണനം തുടങ്ങിയ കുറ്റകൃത്യങ്ങളിൽ ഏർപ്പെട്ടിരുന്നവരിൽ എക്സൈസ് വകുപ്പ് നിയമനടപടി സ്വീകരിച്ചവരുടെ എണ്ണം വർഷം, ജില്ല എന്നിവ തിരിച്ച് ലഭ്യമാക്കാമോ;

സംസ്ഥാനത്ത് 2021 മുതൽ നാളിതുവരെ മദ്യം, കഞ്ചാവ്, മറ്റു മയക്കുമരുന്നുകൾ, രാസലഹരി മുതലായവയുടെ അനധികൃത കൈവശം വയ്ക്കൽ, വിപണനം തുടങ്ങിയ കുറ്റകൃത്യങ്ങളിൽ ഏർപ്പെട്ടിരുന്നവരിൽ എക്സൈസ് വകുപ്പ് നിയമനടപടി സ്വീകരിച്ചവരിൽ ശിക്ഷിക്കപ്പെട്ടവരുടെ എണ്ണം വർഷം, ജില്ല എന്നിവ തിരിച്ച് ലഭ്യമാക്കാമോ;

2021 മുതൽ നാളിതുവരെ തിരൂർ മണ്ഡലത്തിൽ എക്സൈസ് വകുപ്പ് പിടികൂടിയ അനധികൃത മദ്യം, കഞ്ചാവ്, മറ്റു മയക്കുമരുന്നുകൾ, രാസലഹരി തുടങ്ങിയവയുടെ അളവ് ഇനം, വർഷം എന്നിവ തിരിച്ച് ലഭ്യമാക്കാമോ;

2021 മുതൽ നാളിതുവരെ തിരൂർ മണ്ഡലത്തിൽ അനധികൃത മദ്യം, കഞ്ചാവ്, മറ്റു മയക്കുമരുന്നുകൾ, രാസലഹരി തുടങ്ങിയവയുടെ കൈവശം വയ്ക്കൽ, വിപണനം തുടങ്ങിയ കുറ്റകൃത്യങ്ങളിൽ ഏർപ്പെട്ടിരുന്നവരിൽ എക്സൈസ് വകുപ്പ് നിയമ നടപടി സ്വീകരിച്ചവരുടെ എണ്ണം വർഷം, ഇനം എന്നിവ തിരിച്ച്‌ ലഭ്യമാക്കാമോ;

2021 മുതൽ നാളിതുവരെ തിരൂർ മണ്ഡലത്തിൽ കഞ്ചാവ്, മറ്റു മയക്കുമരുന്നുകൾ, രാസലഹരി തുടങ്ങിയവയുടെ കൈവശം വയ്ക്കൽ, വിപണനം തുടങ്ങിയ കുറ്റകൃത്യങ്ങളിൽ ഏർപ്പെട്ടിരുന്നവരിൽ എക്സൈസ് വകുപ്പ് നിയമനടപടി സ്വീകരിച്ചവരിൽ ശിക്ഷിക്കപ്പെട്ടവരുടെ എണ്ണം വർഷം, ഇനം എന്നിവ തിരിച്ച് ലഭ്യമാക്കാമോ?

എക്സൈസ് വകുപ്പിലെ ഒഴിവുള്ള അസിസ്റ്റന്റ് എക്സൈസ് ഇന്‍സ്പെക്ടര്‍മാരുടെ നിയമനം നടത്തുന്നതിന് പ്രമോഷന്‍ നടപടികള്‍ വൈകുന്നതിനുള്ള കാരണം സീനിയോറിറ്റി തര്‍ക്കം സംബന്ധിച്ച കോടതിയിലെ കേസുകള്‍ ആണെന്നതിനാൽ ഇത് ശാശ്വതമായി പരിഹരിക്കാന്‍ സിവില്‍ എക്സൈസ് ഓഫീസര്‍ നിയമനം സംസ്ഥാന തലത്തിലാക്കി പരിഷ്കരിക്കാന്‍ നടപടി സ്വീകരിക്കുമോ;

ജില്ലാനിയമനം ലഭിച്ച് സ്വന്തം ജില്ലയില്‍ ജോലിചെയ്യാന്‍ സാധിക്കാത്ത സിവില്‍ എക്സൈസ് ഓഫീസര്‍മാരുടെയും പ്രിവന്റീവ് ഓഫീസര്‍മാരുടെയും എണ്ണം എത്രയെന്നും അവർ എത്ര വര്‍ഷമായി ജില്ലവിട്ട് ജോലിചെയ്യുന്നുവെന്നും വ്യക്തമാക്കുമോ;

സ്വന്തം ജില്ല വിട്ട് ജോലി ചെയ്യുന്ന പ്രിവന്റീവ് ഓഫീസര്‍മാരുടേയും സിവില്‍ എക്സൈസ് ഓഫീസര്‍മാരുടേയും പ്രശ്നം പരിഹരിക്കാന്‍ സിവില്‍ എക്സൈസ് ഓഫീസര്‍ നിയമനം സംസ്ഥാന തലത്തിലാക്കി പരിഷ്കരിക്കാന്‍ നടപടി സ്വീകരിക്കുമോ?

എക്സൈസ് വകുപ്പിൽ പതിനഞ്ച് വര്‍ഷത്തിലധികമായി സിവിൽ എക്സൈസ് ഓഫീസർ കേഡറില്‍ ജോലി ചെയ്യുന്നവര്‍ക്ക് പ്രമോഷൻ ലഭിക്കാത്തത് ശ്രദ്ധയിൽപ്പെട്ടിട്ടുണ്ടോ;

എക്സൈസ് വകുപ്പിലെ 1022 പ്രിവന്‍റീവ് ഓഫീസർമാരുടെ അടുത്ത പ്രമോഷൻ പോസ്റ്റായ അസിസ്റ്റന്‍റ് എക്സൈസ് ഇൻസ്പെക്ടര്‍ തസ്തികയുടെ ആകെ എണ്ണം 84ഉം അസിസ്റ്റന്‍റ് എക്സൈസ് ഇന്‍സ്പെക്ടര്‍ തസ്തികയില്‍ നിന്ന് പ്രമോഷനാകുന്ന എക്സൈസ് ഇന്‍സ്പെക്ടർ തസ്തികയുടെ ആകെയെണ്ണം 344 ഉം ആണെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ അസിസ്റ്റന്റ് എക്സൈസ് ഇന്‍സ്പെക്ടര്‍ തസ്തികയുടെ എണ്ണത്തിലെ ഈ അനുപാതം എക്സൈസ് വകുപ്പിന് പര്യാപ്തമാണോയെന്ന് വിശദമാക്കുമോ;

നിലവില്‍ ഒഴിവുള്ള അസിസ്റ്റന്റ് എക്സൈസ് ഇൻസ്‌പെക്ടർ തസ്തികയിലേക്കുള്ള പ്രൊമോഷൻ നിയമന നടപടികള്‍ വേഗത്തിലാക്കാൻ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് എക്സൈസ് വകുപ്പ് എത്ര ലഹരി വിമുക്ത കേന്ദ്രങ്ങളാണ് സ്ഥാപിച്ചിട്ടുള്ളതെന്ന് വ്യക്തമാക്കാമോ;

ഓരോ മണ്ഡലത്തിലും ലഹരി വിമുക്ത കേന്ദ്രം സ്ഥാപിക്കുന്നതിന് വകുപ്പ് നടപടി സ്വീകരിച്ചിട്ടുണ്ടോ; വിശദമാക്കുമോ;

ആലപ്പുഴ മണ്ഡലത്തില്‍ ഈ സര്‍ക്കാരിന്റെ കാലഘട്ടത്തില്‍ ബജറ്റില്‍ പ്രഖ്യാപിച്ച ഡി അഡിക്ഷന്‍ സെന്റര്‍ സ്ഥാപിക്കുന്നതിന് വകുപ്പ് നടപടി സ്വീകരിക്കുമോ; വിശദമാക്കാമോ?

ചേലക്കര മണ്ഡലത്തില്‍ വ്യാജ മദ്യത്തിന്റെയും ലഹരി വസ്തുക്കളുടെയും വിതരണവും വില്പനയും തടയുന്നതിന്റെ ഭാഗമായി എക്സെെസ് വകുപ്പ് എന്തെല്ലാം നടപടികളും മുന്‍കരുതലുകളുമാണ് എടുത്തുവരുന്നത്; വ്യക്തമാക്കുമോ;

ഇതുപ്രകാരം എക്സെെസ് വകുപ്പ് എത്ര റെയ്ഡുകള്‍ നടത്തിയിട്ടുണ്ട്; ഇതിന്റെ ഭാഗമായി എത്ര കേസുകള്‍ രജിസ്റ്റര്‍ ചെയ്തിട്ടുണ്ട്; ഈ കേസുകളില്‍ എത്ര പ്രതികളുണ്ട്; വിശദമാക്കുമോ?

സംസ്ഥാനത്ത് യുവാക്കളില്‍ വര്‍ദ്ധിച്ചുവരുന്ന ലഹരി ഉപയോഗം കുറയ്ക്കുന്നതിന് എക്സെെസ് വകുപ്പ് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ;

ഈ സര്‍ക്കാരിന്റെ കാലത്ത് വാമനപുരം മണ്ഡലത്തില്‍ എക്സെെസ് വകുപ്പ് നടത്തിയിട്ടുളള വിവിധ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

നിരവധി പട്ടികജാതി/പട്ടികവര്‍ഗ്ഗ സങ്കേതങ്ങള്‍ സ്ഥിതി ചെയ്യുന്ന വാമനപുരം മണ്ഡലത്തിലെ പെരിങ്ങമ്മല, നന്ദിയോട്, പാങ്ങോട് ഗ്രാമപഞ്ചായത്തുകളുടെ അതിര്‍ത്തി പ്രദേശത്ത് സ്ഥിതി ചെയ്യുന്നതും വനമേഖലയോട് ചേര്‍ന്ന് കിടക്കുന്നതുമായ പാലോട് എന്ന സ്ഥലത്ത് എക്സെെസ് ജനമെെത്രി സ്ക്വാഡ് ഓഫീസ് ആരംഭിക്കുന്ന കാര്യം നിലവില്‍ പരിഗണനയിലുണ്ടോ; വിശദമാക്കാമോ?

പൂഞ്ഞാർ മണ്ഡലത്തിൽ ലഹരി നിർമ്മാർജ്ജനവുമായി ബന്ധപ്പെട്ട് എന്തെല്ലാം പ്രവർത്തനങ്ങളാണ് നടപ്പിലാക്കുന്നതെന്ന് വ്യക്തമാക്കാമോ;

മണ്ഡലത്തിലെ വിദ്യാലയങ്ങളിൽ പ്രവർത്തിച്ചുവരുന്ന സ്വരക്ഷ ക്ലബ്ബുമായി ബന്ധപ്പെട്ട് ലഹരി നിർമ്മാർജ്ജനത്തിനും കുട്ടികളുടെ സുരക്ഷയ്ക്കുമായി എന്തെല്ലാം പ്രവർത്തനങ്ങളാണ് നടപ്പിലാക്കുന്നതെന്ന് വ്യക്തമാക്കാമോ?

എക്സൈസ് വകുപ്പിലെ ഫീല്‍ഡ് ഓഫീസുകളില്‍ പ്രത്യേകിച്ച് കോര്‍പ്പറേഷന്‍ പരിധിയിലെ ഓഫീസുകളില്‍ ആവശ്യത്തിന് ജീവനക്കാരില്ലാതെ ജീവനക്കാരുടെ ലാവണം മാത്രമുള്ളത് ശ്രദ്ധയില്‍പ്പെട്ടിട്ടുണ്ടോ; കോര്‍പ്പറേഷന്‍ പരിധിയില്‍ ലാവണം ഉള്ള സ്പെഷ്യല്‍ ഡ്യൂട്ടിക്കാരുടെ എണ്ണം എത്രയെന്ന് അറിയിക്കുമോ;

എക്സൈസ് വകുപ്പിലെ ഫീല്‍ഡ് ഓഫീസുകളിൽ യുവാക്കളായ ജീവനക്കാരുടെ അഭാവം ശ്രദ്ധയില്‍പ്പെട്ടിട്ടുണ്ടോ;

സ്പെഷ്യല്‍ ഡ്യൂട്ടി അനുവദിക്കുന്നതിനുള്ള മാനദണ്ഡം എന്താണെന്ന് അറിയിക്കുമോ;

യുവാക്കളായ ജീവനക്കാരില്‍ സ്പെഷ്യല്‍ ഡ്യൂട്ടിയില്‍ എക്സൈസ് ഹെഡ്ക്വാര്‍ട്ടേഴ്സിലും എക്സൈസ് അക്കാഡമി ത്യശ്ശൂരിലും ജോലി ചെയ്യുന്ന ജീവനക്കാരുടെ എണ്ണമെത്രയാണെന്ന് വ്യക്തമാക്കാമോ;

ജീവനക്കാരുടെ ഇടയില്‍ സ്പെഷ്യല്‍ ഡ്യൂട്ടി എന്ന ആവശ്യം ഇല്ലാതാക്കാന്‍ സിവില്‍ എക്സൈസ് ഓഫീസര്‍ നിയമനം സംസ്ഥാന തലത്തിലാക്കി പരിഷ്കരിക്കാന്‍ നടപടി സ്വീകരിക്കുമോ?

മുൻസർക്കാരിന്റെ കാലം മുതല്‍ നാളിതുവരെ കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷനിൽ താത്കാലിക/ദിവസവേതന/കരാർ ജീവനക്കാരില്‍ ആരെയെങ്കിലും സ്ഥിരപ്പെടുത്തിയിട്ടുണ്ടോ; വിശദവിവരം നൽകുമോ;

ഈ കാലയളവിൽ കിലയിൽ പ്രസ്തുത ജീവനക്കാരില്‍ ആരെയെങ്കിലും സ്ഥിരപ്പെടുത്തുന്നതിനുള്ള അപേക്ഷ ലഭിച്ചിട്ടുണ്ടോ; എങ്കില്‍ ആരുടെയൊക്കെ അപേക്ഷകളാണ് ലഭിച്ചിട്ടുള്ളത്; ഇതിൽ സർക്കാർ എടുത്തിട്ടുള്ള തീരുമാനം അറിയിക്കുമോ?

ജി.സി.ഡി.എ.യില്‍ പെൻഷൻകാർക്ക് പഴയ നിരക്കിലുള്ള പെൻഷൻ തുകയാണ് നൽകുന്നതെന്നും, ഔപചാരിക അനുമതി ലഭ്യമായിട്ടില്ലെങ്കിലും ജീവനക്കാർക്ക് പതിനൊന്നാം ശമ്പള പരിഷ്കരണപ്രകാരമുള്ള പുതിയ നിരക്കിലുള്ള ശമ്പളമാണ് അനുവദിച്ചുവരുന്നതെന്നും ശ്രദ്ധയിൽപ്പെട്ടിട്ടുണ്ടോ; ഒരേ സ്ഥാപനത്തിൽ രണ്ടുതരം നീതി നടപ്പിലാക്കിയിരിക്കുന്നുവെന്ന ആക്ഷേപത്തിന് വിശദീകരണം നൽകുമോ;

ജി.സി.ഡി.എ.യിലെ പെൻഷൻകാർ ബഹു. ഹൈക്കോടതിയിൽ ഫയൽ ചെയ്ത റിട്ട് പെറ്റീഷനിലെ 06.12.2024-ലെ കോടതി ഉത്തരവ് പ്രകാരം, ജി.സി.ഡി.എ. ജനറൽ കൗൺസിലിന്റെ ശിപാർശ അനുസരിച്ച് പെൻഷൻകാർക്ക് പതിനൊന്നാം ശമ്പള പരിഷ്കരണത്തിന് ഔപചാരിക അനുമതി നൽകണമെന്നുള്ള ജി.സി.ഡി.എ. സെക്രട്ടറിയുടെ 16.02.2021-ലെ കത്തിൽ സർക്കാർ കൈക്കൊണ്ട തീരുമാനം ബഹു.ഹൈക്കോടതിയെ അറിയിക്കുവാൻ നിർദ്ദേശിച്ചിരുന്നത് ശ്രദ്ധയിൽപ്പെട്ടിട്ടുണ്ടോ; ഇക്കാര്യത്തില്‍ എന്ത് നടപടി സ്വീകരിച്ചുവെന്ന് അറിയിക്കുമോ; ജി.സി.ഡി.എ.യുടെ തനതു സ്ഥിരനിക്ഷേപ പലിശയിൽ നിന്നാണ് പെൻഷൻ നൽകുന്നതെന്ന് ജി.സി.ഡി.എ. സെക്രട്ടറി അറിയിച്ചിട്ടും ജി.സി.ഡി.എ. ജീവനക്കാർക്ക് ഭാവിയിൽ നടപ്പിലാക്കേണ്ട സ്റ്റാഫ് പാറ്റേണിന്റെ പേരിൽ പെൻഷൻ പരിഷ്കരണാനുമതി അനന്തമായി വൈകിപ്പിക്കുന്നത് നീതിനിഷേധമല്ലേയെന്നത് പരിശോധിച്ചിട്ടുണ്ടോ;

ജി.സി.ഡി.എ.യിലെ പതിനൊന്നാം പെൻഷൻ പരിഷ്കരണത്തിന് ഔപചാരികാനുമതി നൽകാതിരിക്കുന്നതിനെക്കുറിച്ച് ഈ നിയമസഭയുടെ എട്ടാം സമ്മേളനത്തിൽ 03.08.2023-ലെ 4186-ാം നമ്പര്‍ ചോദ്യം, 12-ാം സമ്മേളനത്തിൽ 14.10.2024-ലെ 2253-ാം നമ്പര്‍ ചോദ്യം എന്നിവയിലൂടെ ഉന്നയിച്ചെങ്കിലും ജി.സി.ഡി.എ.യിൽ ഭാവിയിൽ നടപ്പിലാക്കേണ്ട സ്റ്റാഫ് പാറ്റേണിനെപ്പറ്റി മാത്രം മറുപടി ലഭ്യമായ സാഹചര്യത്തിൽ പെൻഷൻ പരിഷ്കരണത്തിന് ഔപചാരികാനുമതി നൽകുന്നതിന് യാതൊരു നടപടിയും എടുത്തിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ജി.സി.ഡി.എ. യിൽ തനതുഫണ്ട് ലഭ്യമായിട്ടും ഉദ്യോഗക്കയറ്റമോ പെൻഷൻ സ്കെയിൽ പരിഷ്കരണമോ ആവശ്യമില്ലാത്ത പെൻഷൻ പരിഷ്കരണാനുമതി അകാരണമായി തടഞ്ഞുവച്ചിട്ടുള്ള ഉദ്യോഗസ്ഥർക്കെതിരെ എന്ത് അച്ചടക്ക നടപടിയാണ് സ്വീകരിക്കുവാൻ ഉദ്ദേശിക്കുന്നതെന്ന് വിശദമാക്കാമോ?

ജി.സി.ഡി.എ. ജീവനക്കാരുടെ ആനുപാതിക ഹയർ ഗ്രേഡ്, സമയബന്ധിത ഹയർ ഗ്രേഡ് മുതലായ ആനുകൂല്യങ്ങൾ അനുവദിക്കുന്ന വിഷയത്തില്‍ പതിനഞ്ചാം കേരള നിയമസഭയുടെ പത്താം സമ്മേളനത്തിലെ നക്ഷത്ര ചിഹ്നം ഇടാത്ത ചോദ്യം നമ്പര്‍ 2396-നുള്ള മറുപടിയും, 26.11.2024 തീയതിയിലെ ഐ.എ3/180/2023/ത.സ്വ.ഭ.വ. നമ്പർ കത്ത് പ്രകാരമുള്ള മറുപടിയും വ്യത്യസ്തമായതിനാല്‍ അങ്ങനെയുള്ള നിലപാട് സ്വീകരിച്ചത് എന്തുകൊണ്ടാണെന്ന് അറിയിക്കുമോ;

ജി.സി.ഡി.എ.യിലെ സൂപ്രണ്ട് തസ്തികയ്ക്ക് അർഹതപ്പെട്ട ആനുപാതിക ഹയർ ഗ്രേഡ് അനുവദിക്കുന്നതിന് നടപടികൾ സ്വീകരിക്കുമോ; വ്യക്തമാക്കുമോ?

കെ-സ്മാർട്ട് ആപ്ലിക്കേഷനിലൂ​ടെ എന്തെല്ലാം സേവനങ്ങളാണ് ലഭ്യമാക്കാൻ ഉദ്ദേശിക്കുന്നതെന്ന് വ്യക്തമാക്കുമോ;

പ്രസ്തുത ആപ്ലിക്കേഷനിലൂടെ അപേക്ഷിക്കുന്നതിന് നിശ്ചയിച്ചിരിക്കുന്ന ഫീസുകൾ വർദ്ധിപ്പിക്കാൻ തീരുമാനിച്ചിട്ടുണ്ടോ; വിശദാംശം നൽകുമോ;

ഫീസ് വർദ്ധനവിലൂടെ എത്ര തുക സമാഹരിക്കാൻ കഴിയുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

2022-23 വര്‍ഷത്തെ ബഡജ്റ്റില്‍ 20% തുക വകയിരുത്തിയിട്ടുളള തച്ചനാട്ടുകര പഞ്ചായത്തിലെ നാട്ടുകല്‍-തളളച്ചിറ റോഡ് നിര്‍മ്മാണ പ്രവൃത്തി പി.എം.സി. വ്യവസ്ഥയില്‍ നടപ്പിലാക്കുവാന്‍ പുതുക്കിയ ഭരണാനുമതി ആവശ്യപ്പെട്ടുകൊണ്ട് എൽ.എസ്.ജി.ഡി. പാലക്കാട് എക്സിക്യൂട്ടീവ് എഞ്ചിനീയര്‍ എൽ.എസ്.ജി.ഡി. ചീഫ് എഞ്ചിനീയര്‍ക്ക് നൽകിയ 12.12.2024 തീയതിയിലെ ഡി.ബി1/ജി.ഇ.എൻ/2024 നമ്പർ കത്തിന്മേൽ എന്ത് നടപടിയാണ് സ്വീകരിച്ചിട്ടുള്ളതെന്ന് അറിയിക്കുമോ;

പുതുക്കിയ ഭരണാനുമതി ലഭിച്ചിട്ടുണ്ടോ; ഇല്ലെങ്കില്‍ എന്തുകൊണ്ടാണ് ഇത്രയും കാലതാമസം വരുന്നതെന്നും ആയത് എപ്പോൾ ലഭ്യമാക്കുമെന്നും അറിയിക്കുമോ; വിശദവിവരം ലഭ്യമാക്കാമോ?

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ നിലവിൽ എന്ന് മുതലുള്ള വേതനമാണ് കുടിശികയായിട്ടുള്ളതെന്നും ഈയിനത്തിൽ എന്തു തുക കുടിശികയായിട്ടുണ്ടെന്നും വ്യക്തമാക്കുമോ;

കുടിശിക തീർത്ത് വേതനം വിതരണം ചെയ്യുന്നതിനായി എന്തൊക്കെ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ?

കയ്പമംഗലം മണ്ഡലത്തിലെ തദ്ദേശ സ്വയംഭരണ സ്ഥാപനങ്ങള്‍ക്ക് കീഴിലുള്ള ആകെ റോഡുകള്‍, അവയുടെ ദൈർഘ്യം എന്നിവ തദ്ദേശ സ്വയംഭരണ സ്ഥാപനങ്ങളുടെ അടിസ്ഥാനത്തില്‍ വിശദമാക്കുമോ;

പ്രസ്തുത റോഡുകളുടെ ആസ്തി രജിസ്റ്ററിലെ പേരുകള്‍ വ്യക്തമാക്കുമോ;

ഈ സര്‍ക്കാര്‍ വന്നശേഷം കൈപ്പമംഗലം മണ്ഡലത്തിലെ പഞ്ചായത്തുകളില്‍ നവീകരിച്ചതും നവീകരിക്കാനായി തിരഞ്ഞെടുത്തതുമായ റോഡുകള്‍ ഏതെല്ലാമെന്നും ഏത് പദ്ധതിയുടെ കീഴിലാണ് ഇവ ഉൾപ്പെടുത്തിയിട്ടുള്ളതെന്നും ഇതിനായി അനുവദിച്ച തുക എത്രയെന്നും വ്യക്തമാക്കുമോ; വിശദവിവരം നല്‍കുമോ?

ഗോശ്രീ ഐലന്റ് ഡെവലപ്മെന്റ് അതോറിറ്റിയുടെ ധനസഹായത്തോടെ നിര്‍മ്മിക്കുന്ന കോതാട്-ചേന്നൂര്‍ പാലത്തിന്റെ നിലവിലെ സ്ഥിതി വിശദമാക്കാമോ;

വര്‍ഷങ്ങള്‍ക്ക് മുന്‍പ് നിശ്ചയിക്കപ്പെട്ട പാലത്തിന്റെ അലെെന്‍മെന്റില്‍ ഉള്‍പ്പെട്ടിരുന്ന സ്ഥലം വാട്ടര്‍ മെട്രോയുടെ കോതാട് ടെര്‍മിനലിനായി ഏറ്റെടുത്തതിനാല്‍ നിര്‍മ്മാണ നടപടി സ്തംഭിച്ചിരിക്കുന്ന കോതാട്-ചേന്നൂര്‍ പാലം നിര്‍മ്മിക്കാന്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

പാലത്തിന്റെ അലെെന്‍മെന്റില്‍ മാറ്റം സാധ്യമല്ലെന്നിരിക്കെ പാലം നിര്‍മ്മാണത്തിന്റെ പ്രാധാന്യം കണക്കിലെടുത്ത് വാട്ടര്‍ മെട്രോ ഏറ്റെടുത്തിരിക്കുന്ന സ്ഥലം വിട്ടുകിട്ടുന്നതിനായി നടപടി സ്വീകരിച്ചിട്ടുണ്ടോ; എങ്കിൽ വിശദമാക്കാമോ?

2021 ജൂൺ മാസം മുതൽ ഇതുവരെ തദ്ദേശ സ്വയംഭരണ വകുപ്പിൽ പുതുതായി എത്ര തസ്തികകൾ സൃഷ്ടിച്ചിട്ടുണ്ടെന്ന് തസ്തിക തിരിച്ച് വിശദമാക്കാമോ;

പ്രസ്തുത തസ്തികകൾ സൃഷ്ടിച്ചതുവഴി തദ്ദേശ സ്വയംഭരണ സ്ഥാപനങ്ങളുടെ പ്രവർത്തനം മെച്ചപ്പെടുത്തുന്നതിന് സാധിച്ചിട്ടുണ്ടോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ഹരിതകര്‍മ്മസേനയുടെ പ്രവര്‍ത്തനങ്ങളില്‍ വരുത്തിയിട്ടുള്ള വൈവിധ്യവല്‍ക്കരണം സംബന്ധിച്ച വിശദാംശം ലഭ്യമാക്കുമോ;

ഹരിതകര്‍മ്മ സേനാംഗങ്ങള്‍ ശേഖരിക്കുന്ന പ്ലാസ്റ്റിക് ഉള്‍പ്പെടെയുള്ള അജൈവ മാലിന്യങ്ങള്‍ ഫലപ്രദമായി സംസ്കരിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ?

കേരളത്തിലെ ഭൂപ്രകൃതിയുടെ പ്രത്യേകതകള്‍ മൂലം നീര്‍ത്തടാധിഷ്ഠിത ആസൂത്രണം കാര്‍ഷിക മേഖലയ്ക്ക് അനിവാര്യമാണെന്നത് കണക്കിലെടുത്ത് തദ്ദേശ സ്വയംഭരണ സ്ഥാപനങ്ങള്‍ മുഖേന തൊഴിലുറപ്പ് പദ്ധതിയിലൂടെ ജലസംഭരണികളും ജലനിര്‍ഗമന ചാലുകളും നിർമ്മിക്കാനുള്ള നടപടികള്‍ സ്വീകരിക്കുമോ; വിശദമാക്കാമോ?

ഇ.എം.എസ്. ഭവന പദ്ധതികൾക്ക് നൽകിയതുപോലെ അടിസ്ഥാന സാമൂഹിക വികസനത്തിനുവേണ്ടി തദ്ദേശ സ്വയംഭരണ സ്ഥാപനങ്ങൾക്ക് വായ്പകൾ നൽകാൻ നടപടികൾ സ്വീകരിക്കുമോ?

ദേശീയ തൊഴിലുറപ്പ് പദ്ധതിയില്‍ ഉള്‍പ്പെടുത്തി ഏതെല്ലാം പ്രവൃത്തികളാണ് പഞ്ചായത്ത് തലങ്ങളില്‍ അനുവദനീയമായിട്ടുള്ളതെന്ന് വ്യക്തമാക്കുമോ;

ഗ്രാമപഞ്ചായത്തുകളുടെയും പി.ഡബ്ല്യു.ഡി.യുടെയും ഉടമസ്ഥതയിലുള്ള റോഡിന്റെ ഇരുവശങ്ങളിലും പുല്ലുകളും കുറ്റിക്കാടുകളും നിറഞ്ഞ പാര്‍ശ്വഭാഗങ്ങള്‍ വെട്ടിത്തെളിച്ച് വൃത്തിയാക്കുന്ന പ്രവൃത്തി തൊഴിലുറപ്പ് പദ്ധതിയിലുള്‍പ്പെടുത്തി നടത്തുന്നതിന് നടപടി സ്വീകരിക്കുമോ;

തെങ്ങ് സംരക്ഷണ പദ്ധതിയില്‍ ഉള്‍പ്പെടുത്തി രണ്ടു വര്‍ഷത്തിലൊരിക്കല്‍ തെങ്ങിന് തടം തുറക്കുന്ന പ്രവൃത്തി തൊഴിലുറപ്പ് പദ്ധതിയില്‍ ഉള്‍പ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

കോഴിക്കോട് നോര്‍ത്ത് മണ്ഡലത്തിലെ പീപ്പിള്‍സ് റോഡ് വീതി കൂട്ടുന്ന പദ്ധതി തദ്ദേശ സ്വയംഭരണ വകുപ്പിന് ബജറ്റില്‍ നീക്കിവച്ച തുക വിനിയോഗിച്ച് നടപ്പിലാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

പ്രസ്തുത പ്രവൃത്തിക്ക് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാലതാമസം കൂടാതെ പദ്ധതി നടപ്പിലാക്കാന്‍ എന്തെല്ലാം നടപടികളാണ് സ്വീകരിച്ചതെന്ന് അറിയിക്കുമോ?

നഗരസഭകളിൽ സാമ്പത്തികമായി പിന്നാക്കം നിൽക്കുന്നവർക്കായി നടപ്പാക്കുന്ന പ്രധാനമന്ത്രി ആവാസ് യോജന രണ്ടാംഘട്ട ലൈഫ് പദ്ധതി മുഖേന എത്ര ഗുണഭോക്താക്കൾക്ക് വീട് ലഭിച്ചുവെന്നും നിർമ്മാണം പുരോഗമിച്ചുകൊണ്ടിരിക്കുന്ന എത്ര വീടുകളുണ്ടെന്നും പുതുതായി ഉൾപ്പെടാൻ അർഹതയുള്ള ഭൂമിയുള്ള ഭവനരഹിതർ എത്രയെന്നും വെളിപ്പെടുത്തുമോ;

രാജ്യത്ത് 2024 സെപ്തംബറിൽ ആരംഭിച്ച പി.എം.എ.വൈ.-യു. 2.0 പദ്ധതിയിലേക്ക് സംസ്ഥാനം ഇതുവരെയും ധാരണാപത്രം ഒപ്പുവെക്കാത്തതിന്റെ കാരണം എന്താണെന്ന് വ്യക്തമാക്കാമോ;

കേന്ദ്ര പദ്ധതികളിൽ ധാരണാപത്രം ഒപ്പിടാത്തതിനാലും പി.എം.എ.വൈ. ഒന്നാം ഘട്ടം 2025 മാർച്ച് മാസത്തിൽ അവസാനിക്കുന്ന സാഹചര്യത്തിലും നിലവിൽ ഭവന നിർമ്മാണം പുരോഗമിക്കുന്ന ഗുണഭോക്താക്കൾക്കുള്ള കേന്ദ്രവിഹിതം തടസ്സപ്പെടുമോ; മാർച്ച് 31-ന് ശേഷം കേന്ദ്രവിഹിതമായി വരുന്ന അധിക തുക സംസ്ഥാന സർക്കാർ വഹിക്കുമോ; വിശദാംശം നൽകുമോ;

പി.എം.എ.വൈ.-യു. 2.0-ൽ അർബൻ ആഗ്ലോമറേഷന്റെ ഭാഗമായി നഗരസഭകൾക്ക് സമീപ പഞ്ചായത്തുകളെയും പദ്ധതിയിൽ ഉൾപ്പെടുത്താമെന്നതിനാൽ അതുപ്രകാരം ഏതൊക്കെ പഞ്ചായത്തുകളാണ് ലിസ്റ്റിൽ ഉൾപ്പെടുകയെന്ന് വ്യക്തമാക്കാമോ;

നഗരസഭകളിൽ ഭൂമിയുള്ള ഭവനരഹിതർക്ക് ഭവനനിർമ്മാണത്തിന് കേന്ദ്രസഹായമില്ലാതെ പുതിയ പദ്ധതി വിഭാവനം ചെയ്യുന്നുണ്ടോ; വിശദാംശം നൽകുമോ?

സംസ്ഥാനത്തെ നഗരസഭകളിൽ പി.എം.എ.വൈ. (നഗരം) പദ്ധതി വഴി വീട് ലഭിച്ചത് എത്ര ഗുണഭോക്താക്കൾക്കാണെന്നും എത്ര വീടുകളുടെ നിർമ്മാണം പുരോഗമിച്ചുകൊണ്ടിരിക്കുന്നുവെന്നും അറിയിക്കുമോ;

പ്രസ്തുത പദ്ധതിയിൽ പുതുതായി ഉൾപ്പെടാൻ അർഹതയുള്ള ഭൂമിയുള്ള ഭവന രഹിതർ എത്രയാണെന്ന് അറിയിക്കുമോ;

രാജ്യത്ത് 2024 സെപ്തംബറിൽ ആരംഭിച്ച പി.എം.എ.വൈ. 2.0 പദ്ധതിക്കായി ധാരണാപത്രം ഒപ്പ് വച്ചിട്ടുണ്ടോ; ഇല്ലെങ്കിൽ ആയതിന് കാരണമെന്തെന്ന് അറിയിക്കുമോ;

അർബൻ അഗ്ലോമറേഷന്റെ ഭാഗമായി നഗരസഭകൾക്ക് സമീപ പഞ്ചായത്തുകളെയും പി.എം.എ.വൈ. 2.0 പദ്ധതിയില്‍ ഉൾപ്പെടുത്താമെന്നിരിക്കെ ഏതൊക്കെ പഞ്ചായത്തുകൾ ആണ് ഈ ലിസ്റ്റിൽ ഉൾപ്പെടുകയെന്നറിയിക്കാമോ;

ധാരണാ പത്രം ഒപ്പിടാത്ത പദ്ധതികള്‍ക്ക് ഫണ്ട് നൽകാനാവില്ല എന്ന കേന്ദ്ര സർക്കാർ നിലപാടിന്റെ പശ്ചാത്തലത്തില്‍ പി.എം.എ.വൈ. ഒന്നാം ഘട്ടം മാർച്ച് 2025-ന് അവസാനിക്കുമ്പോൾ നിലവിൽ ഭവന നിർമ്മാണം പുരോഗമിക്കുന്ന ഗുണഭോക്താക്കൾക്കുള്ള കേന്ദ്രവിഹിതം തടസ്സപ്പെടുമോ; മാർച്ച് 31-ന് ശേഷം കേന്ദ്ര വിഹിതമായി വരുന്ന അധിക തുക സംസ്ഥാന സർക്കാർ വഹിക്കുമോ; വ്യക്തമാക്കാമോ;

ഭൂമിയുള്ള ഭവന രഹിതർക്ക് ഭവന നിർമ്മാണത്തിന് നഗരസഭകളിൽ കേന്ദ്ര സഹായമില്ലാതെ പുതിയ പദ്ധതി വിഭാവനം ചെയ്യുന്നുണ്ടോയെന്ന് വ്യക്തമാക്കാമോ?

തദ്ദേശ റോഡ് പുനരുദ്ധാരണ പദ്ധതി പ്രകാരം അഴീക്കോട് മണ്ഡലത്തിന് അനുവദിച്ച റോഡുകളിൽ എത്ര എണ്ണത്തിന് സാങ്കേതിക അനുമതി ലഭിച്ചെന്ന് അറിയിക്കാമോ?

തദ്ദേശ സ്വയംഭരണ സ്ഥാപനങ്ങളില്‍ ഇ-ഗവേണന്‍സ് രംഗത്ത് വിപ്ലവകരമായ മാറ്റം സാധ്യമാക്കുക എന്ന ലക്ഷ്യത്തോടെ നടപ്പാക്കി വരുന്ന കെ-സ്മാര്‍ട്ട് പദ്ധതിയുടെ ഒന്നാംഘട്ട പ്രവര്‍ത്തനങ്ങള്‍ വിശദമാക്കുമോ;

പ്രസ്തുത പദ്ധതി പരീക്ഷണാർത്ഥം ഏതെല്ലാം തദ്ദേശ സ്വയംഭരണ സ്ഥാപനങ്ങളിലാണ് നടത്തുന്നതെന്ന് വ്യക്തമാക്കാമോ;

സംസ്ഥാനത്താകെയുള്ള തദ്ദേശ സ്ഥാപനങ്ങളിലേയ്ക്ക് പദ്ധതി വ്യാപിപ്പിക്കുന്നതിന്റെ പുരോഗതി അറിയിക്കുമോ;

ത്രിതല പഞ്ചായത്തുകളില്‍ കെ-സ്മാര്‍ട്ട് സംവിധാനം എത്തുന്നതോടെ സേവനങ്ങള്‍ ലഭ്യമാക്കുന്നതിലും വ്യവസായ സൗഹൃദ മേഖലയിലും വന്‍ കുതിപ്പുണ്ടാകുമെന്ന് പ്രതീക്ഷിക്കുന്നുണ്ടോ; എങ്കില്‍ വിശദമാക്കാമോ?

മുൻസർക്കാരിന്റെ കാലം മുതൽ നാളിതുവരെ തദ്ദേശ സ്വയംഭരണ വകുപ്പിൽ നടപ്പാക്കിയ പദ്ധതികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണ്; വിശദാംശം ഇനം തിരിച്ച് ഓഡിറ്റ് റിപ്പോർട്ട് അടിസ്ഥാനത്തിൽ വ്യക്തമാക്കുമോ;

പ്രസ്തുത ക്രമക്കേടുകളില്‍ ഓരോന്നിനെയും സംബന്ധിച്ച് വകുപ്പ് തലത്തിലും അഴിമതി നിരോധന നിയമപ്രകാരവും നാളിതുവരെ സ്വീകരിച്ച നടപടികൾ എന്തൊക്കെയാണ്; വിശദാംശം വ്യക്തമാക്കുമോ?

2024 -ല്‍ മൂന്ന് ലക്ഷത്തിലേറെ പേർ പട്ടിയുടെ കടിയേറ്റ് ആശുപത്രിയിൽ ചികിത്സ തേടിയത് ശ്രദ്ധയിൽപ്പെട്ടിട്ടുണ്ടോ; ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തി ഹരിപ്പാട് മണ്ഡലത്തിലെ ചേപ്പാട് പഞ്ചായത്തില്‍ അനുവദിച്ചിരുന്ന പനച്ചമൂട്-കൊച്ചുവീട്ടില്‍ മുക്ക് റോഡിന്റെ നിര്‍മ്മാണ പ്രവര്‍ത്തനങ്ങള്‍ മുടങ്ങിയതിന്റെ കാരണം വ്യക്തമാക്കാമോ; പ്രസ്തുത റോഡിന്റെ നിര്‍മ്മാണവുമായി ബന്ധപ്പെട്ട് പരാതികൾ ലഭിച്ചിട്ടുണ്ടോ; എങ്കില്‍ അതിന്മേല്‍ സ്വീകരിച്ച നടപടികൾ വിശദമാക്കാമോ;

പ്രസ്തുത റോഡിന്റെ നിര്‍മ്മാണവുമായി ബന്ധപ്പെട്ട് നിലവില്‍ എന്ത് തടസ്സമാണ് നിലനില്‍ക്കുന്നതെന്ന് അറിയിക്കാമോ;

പ്രസ്തുത റോഡ് നിര്‍മ്മാണം അടിയന്തരമായി പൂര്‍ത്തീകരിക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കാമോ?

മഴക്കാല പൂർവ്വ ശുചീകരണ പ്രവർത്തനങ്ങൾ സുശക്തമാക്കുന്നതിനായി തദ്ദേശ സ്വയംഭരണ സ്ഥാപനങ്ങൾ കർമ്മ പരിപാടികൾക്ക് രൂപം നൽകിയിട്ടുണ്ടോ; ഉണ്ടെങ്കിൽ ആയതിന്റെ വിശദാംശം ലഭ്യമാക്കാമോ;

സ്വീവേജ് സ്റ്റോറേജുകളുടെ ശുചീകരണത്തിന്റെയും ഓടകളും തോടുകളും വൃത്തിയാക്കുന്ന പ്രവൃത്തികളുടെയും പുരോഗതി വിലയിരുത്തിയിട്ടുണ്ടോ;

ശുചീകരണ പ്രവർത്തനങ്ങളിൽ സംസ്ഥാന സർക്കാരിന്റെ ആരോഗ്യ ജാഗ്രതാ ഉത്തരവുകൾ പാലിക്കുന്നതിന് നിർദ്ദേശം നൽകിയിട്ടുണ്ടോ;

ഉത്സവങ്ങൾ, ആഘോഷങ്ങൾ, വിവിധ മീറ്റിംഗുകൾ, റാലികൾ, വിവാഹങ്ങൾ എന്നിവയിൽ ഹരിത പരിപാലന ചട്ടം പാലിക്കുന്നുണ്ടെന്ന് ഉറപ്പുവരുത്താൻ നടപടി സ്വീകരിക്കുമോ; വ്യക്തമാക്കുമോ?

ധനകാര്യ വകുപ്പിന്റെയും ഉദ്യോഗസ്ഥ ഭരണ പരിഷ്കാര വകുപ്പിന്റെയും ഉത്തരവുകൾക്ക് വിരുദ്ധമായി തദ്ദേശ സ്വയംഭരണ വകുപ്പിന് കീഴിൽ ഐ.കെ.എം, കില കേന്ദ്രങ്ങൾ, പ്രിൻസിപ്പൽ ഡയറക്ടറേറ്റ്, ജോയിന്റ് ഡയറക്ടറുടെ ഓഫീസ് തുടങ്ങിയ സ്ഥാപനങ്ങളില്‍ ആരെയൊക്കെയാണ് ജോലി ക്രമീകരണ വ്യവസ്ഥയിൽ നിയമിച്ചിട്ടുള്ളതെന്നറിയിക്കുമോ;

പ്രസ്തുത സ്ഥാപനങ്ങളില്‍ ധനകാര്യ വകുപ്പിന്റെ ഉത്തരവില്ലാതെ നിയമിച്ചിട്ടുള്ളത് ആരെയൊക്കെയാണെന്നറിയിക്കുമോ; നിയമന ഉത്തരവിന്റെ പകർപ്പ് നൽകുമോ;

ചട്ടവിരുദ്ധമായ വർക്കിംഗ്‌ അറേഞ്ച്മെന്റ് നിയമനം പുന:പരിശോധിക്കുന്നതിനും ഭാവിയിൽ ഇത്തരം നിയമനം ഉണ്ടാകാതെയിരിക്കുന്നതിനും സ്വീകരിച്ചിട്ടുള്ള നടപടികൾ വ്യക്തമാക്കുമോ?

എറണാകുളം ജില്ലാ കളക്ടര്‍ പാറക്കടവ് ബ്ലോക്ക് പഞ്ചായത്ത് സെക്രട്ടറിയെ നിര്‍വ്വഹണ ഉദ്യോഗസ്ഥനാക്കി എം.എല്‍.എ. ഫണ്ടില്‍ നിന്നും ഭരണാനുമതി നല്‍കിയ ഏതൊക്കെ പദ്ധതികളാണ് ടെണ്ടര്‍ ചെയ്യാനായി ബാക്കി നില്‍ക്കുന്നതെന്ന് വിശദമാക്കാമോ;

ഭരണാനുമതി ലഭിച്ച പ്രവൃത്തികള്‍ നാളിതുവരെയായി ടെണ്ടര്‍ ചെയ്യാത്തതിന്റെ കാരണം വിശദമാക്കാമോ;

ഭരണാനുമതി ലഭിച്ച ശേഷം പ്രവൃത്തികള്‍ ടെണ്ടര്‍ ചെയ്യുന്നതിനുണ്ടായ കാലതാമസത്തിന്റെയും നിര്‍വ്വഹണം പൂര്‍ത്തീകരിച്ച പ്രവൃത്തികളുടെ ബില്ലുകള്‍ യഥാസമയം മാറി നല്‍കാത്തതിന്റെയും കാരണം വിശദമാക്കാമോ;

ടെണ്ടര്‍ സേവിംങ്സ് ഇനത്തില്‍ ഓരോ സാമ്പത്തിക വര്‍ഷവും എത്ര തുക വീതം ബാക്കിയുണ്ടെന്ന് കണക്കാക്കണമെങ്കില്‍ പൂര്‍ത്തീകരിച്ച പ്രവൃത്തികളുടെ ബില്ലുകള്‍ മാറി നല്‍കിയാൽ മാത്രമേ കഴിയൂ എന്നതിനാൽ പൂര്‍ത്തീകരിച്ച പ്രവൃത്തികളുടെ ബില്ലുകള്‍ അടിയന്തരമായി മാറി നല്‍കുന്നതിനുള്ള നിര്‍ദ്ദേശം നല്‍കുമോ; വിശദാംശം ലഭ്യമാക്കുമോ?

സംസ്ഥാനത്ത് നഗരസഭകളിൽ സാമൂഹ്യ സുരക്ഷ മിഷന് കീഴിൽ ആരംഭിച്ച വയോമിത്രം പദ്ധതിയിലെ ജീവനക്കാർക്ക് വേതനം ലഭിക്കാത്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രസ്തുത പദ്ധതി പ്രകാരമുള്ള സ്ഥാപനങ്ങളിൽ ജോലി ചെയ്യുന്ന ജീവനക്കാർക്ക് നൽകാനുള്ള വേതന കുടിശിക എത്രയാണെന്ന് നഗരസഭകൾ തിരിച്ച് വിശദമാക്കാമോ?

സംസ്ഥാനത്ത് തൊഴിലുറപ്പ് പദ്ധതിയില്‍ എത്രപേര്‍ പണി എടുക്കുന്നുണ്ടെന്ന വിവരം ജില്ല തിരിച്ച് വ്യക്തമാക്കാമാേ;

തൊഴിലുറപ്പ് മേഖലയില്‍ ശരാശരി എത്ര താെഴില്‍ ദിനങ്ങളാണ് നിലവില്‍ നല്‍കാന്‍ കഴിയുന്നതെന്നും ആയത് വര്‍ദ്ധിപ്പിക്കാന്‍ എന്താെക്കെ നടപടികളാണ് സ്വീകരിച്ചുവരുന്നതെന്നുമുള്ള വിവരം ജില്ല തിരിച്ച് അറിയിക്കാമാേ?

ഭിന്നശേഷിക്കാർ ആശ്രിതരായുള്ള സര്‍ക്കാര്‍ ജീവനക്കാര്‍ക്ക് പൊതു സ്ഥലംമാറ്റത്തിലുള്ള ഏതെങ്കിലും ഇളവുകള്‍ സര്‍ക്കാര്‍ ഉത്തരവ് പ്രകാരം തദ്ദേശസ്വയംഭരണ വകുപ്പില്‍ നടപ്പിലാക്കുന്നുണ്ടോ എന്ന് വിശദമാക്കാമോ;

ഇത്തരത്തില്‍ ഭിന്നശേഷിക്കാരിയായ സഹോദരിയുടെ ഏക ആശ്രയമായ ശ്രീമതി അമൃത, ക്ലര്‍ക്ക്, പെരുമ്പളം പഞ്ചായത്ത്, ചേര്‍ത്തല, ആലപ്പുഴ എന്നയാളുടെ പിതാവായ ശ്രീ. വിജയന്‍, കാര്യമ്പത്തില്‍ വീട്, വയനാട് എന്നയാള്‍ സമര്‍പ്പിച്ച അപേക്ഷയില്‍ സ്വീകരിച്ച നടപടി വിശദമാക്കാമോ?

ഇടുക്കി ജില്ലയിലെ അടിമാലി ഗ്രാമപഞ്ചായത്തില്‍ ലെെഫ് ഭവന പദ്ധതി പ്രകാരം പണികഴിപ്പിച്ച മച്ചിപ്ലാവ് ഫ്ലാറ്റ് സമുച്ചയത്തില്‍ ആകെ എത്ര ഫ്ലാറ്റുകളാണുളളത്; അവിടെ നിലവില്‍ എത്ര കുടുംബങ്ങള്‍ താമസിക്കുന്നുണ്ടെന്ന് അറിയിക്കുമോ;

പ്രസ്തുത ഫ്ലാറ്റിന്റെ മെയിന്റനന്‍സുമായി ബന്ധപ്പെട്ട് എത്ര രൂപയുടെ എസ്റ്റിമേറ്റാണ് തയ്യാറാക്കിയത്; ഇതില്‍ എത്ര തുകയാണ് അനുവദിച്ചത്; വിശദമാക്കാമോ?

നഗരവല്‍ക്കരണവുമായി ബന്ധപ്പെട്ട വികസനത്തിന്റെയും ആസൂത്രണത്തിന്റെയും പ്രശ്നങ്ങളെ എങ്ങനെ അഭിമുഖീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ;

വര്‍ദ്ധിച്ചുവരുന്ന ഗതാഗതപ്രശ്നങ്ങള്‍ നഗരവല്‍ക്കരണത്തോടൊപ്പം എങ്ങനെയാണ് കെെകാര്യം ചെയ്യപ്പെടുകയെന്ന് അറിയിക്കുമോ; ആയതിനായി ആസൂത്രണം ചെയ്തിട്ടുള്ള മാര്‍ഗ്ഗങ്ങള്‍ വ്യക്തമാക്കുമോ;

വിവിധ വിഭാഗങ്ങളുടെ ഭവന പ്രശ്നങ്ങള്‍ പരിഹരിക്കാന്‍ പ്രത്യേകമായ പദ്ധതികളുണ്ടോ; വ്യക്തമാക്കുമോ;

നഗര മാലിന്യ സംസ്കരണ പദ്ധതികള്‍ ആധുനികമായി വികസിപ്പിക്കുവാന്‍ പദ്ധതികള്‍ തയ്യാറാക്കിയിട്ടുണ്ടോ; വിശദമാക്കുമോ;

കുടിവെളളത്തിന്റെയും പരിസ്ഥിതിയുടെയും കാര്യത്തില്‍ ഗൗരവമായ ആസൂത്രണങ്ങള്‍ വികസിപ്പിച്ചിട്ടുണ്ടോ; വ്യക്തമാക്കുമോ?

ഉടുമ്പന്‍ചോല മണ്ഡലത്തിലെ വിവിധ ഗ്രാമപഞ്ചായത്ത് ഓഫീസുകളില്‍ ആകെ അനുവദിക്കപ്പെട്ട തസ്തികകള്‍, തസ്തികകളില്‍ ജോലി ചെയ്തുവരുന്നവരുടെ എണ്ണം, തസ്തികകളില്‍ നിലവിലുള്ള ഒഴിവുകളുടെ എണ്ണം എന്നിവ സംബന്ധിച്ച വിശദാംശം പഞ്ചായത്ത് തിരിച്ച് ലഭ്യമാക്കാമോ;

മണ്ഡലത്തിലെ വിവിധ ഗ്രാമപഞ്ചായത്തുകളിലെ എഞ്ചിനീയറിംഗ് വിഭാഗത്തില്‍ അനുവദിക്കപ്പെട്ട തസ്തികകള്‍, തസ്തികകളില്‍ ജോലി ചെയ്തുവരുന്നവരുടെ എണ്ണം, തസ്തികകളില്‍ നിലവിലുള്ള ഒഴിവുകളുടെ എണ്ണം എന്നിവ സംബന്ധിച്ച വിശദാംശം പഞ്ചായത്ത് തിരിച്ച് ലഭ്യമാക്കാമോ ?

ലൈഫ് പദ്ധതിയുടെ ലിസ്റ്റിൽ ഉൾപ്പെട്ടിട്ടുള്ളതും എന്നാൽ സി.ആർ.ഇസഡ്. നിയമപ്രകാരം വീട് നിർമ്മാണത്തിന് അനുമതി ലഭ്യമാകാത്തതുമായ എത്ര പേര്‍ വൈപ്പിൻ മണ്ഡലത്തിലുണ്ടെന്ന് പഞ്ചായത്ത് അടിസ്ഥാനത്തിൽ വ്യക്തമാക്കാമോ;

ഇതിൽ എത്ര പേർക്ക് 2019-ലെ വിജ്ഞാപന പ്രകാരം പുതുതായി പുറപ്പെടുവിച്ച ഇളവുകൾ ലഭ്യമാകുമെന്ന് വ്യക്തമാക്കാമോ?

2024-25 വർഷം സംസ്ഥാനത്തിന് ലഭിക്കാനുള്ള ധനകമ്മീഷന്‍ ഗ്രാന്റ് അനുവദിക്കുന്നതിന് കേന്ദ്രസർക്കാർ മുന്നോട്ടുവച്ചിട്ടുള്ള പുതിയ ഉപാധികൾ എന്തൊക്കെയാണെന്ന് വ്യക്തമാക്കാമോ; ഇത്തരം ഉപാധികൾ സംസ്ഥാനത്തിന് ന്യായമായും ലഭിക്കേണ്ട അവകാശങ്ങൾ നിഷേധിക്കുന്നതിന് കാരണമാകുന്നുണ്ടോയെന്ന് വ്യക്തമാക്കുമോ;

ധനകമ്മീഷന്‍ ഗ്രാന്റ് ലഭ്യമാക്കുന്നതിന് വകുപ്പ് സ്വീകരിച്ചുവരുന്ന നടപടികൾ വിശദമാക്കാമോ?

കുടുംബശ്രീയുടെ അംഗീകൃത പരിശീലന ഏജന്‍സികള്‍ക്ക് ആവശ്യമായ യോഗ്യതകള്‍ എന്തൊക്കെയാണെന്ന് വ്യക്തമാക്കാമോ;

സംസ്ഥാനത്ത് നിലവില്‍ എത്ര അംഗീകൃത പരിശീലന ഏജന്‍സികളാണ് കുടുംബശ്രീക്കുള്ളത്;

പ്രസ്തുത ഏജന്‍സികളുടെ വിവരം ജില്ല തിരിച്ച് ലഭ്യമാക്കാമോ?

അഴീക്കോട് മണ്ഡലത്തില്‍ ലൈഫ് ഭവന പദ്ധതി പ്രകാരം അനുവദിച്ച വീടുകളുടെ എണ്ണം പഞ്ചായത്ത് തിരിച്ച് ലഭ്യമാക്കാമോ;

മണ്ഡലത്തില്‍ പ്രസ്തുത പദ്ധതി പ്രകാരം നിർമ്മാണം പൂര്‍ത്തിയായ വീടുകള്‍ എത്രയാണെന്ന് വ്യക്തമാക്കാമോ;

മണ്ഡലത്തില്‍ പ്രസ്തുത പദ്ധതി പ്രകാരം നിർമ്മാണം പുരോഗമിക്കുന്ന വീടുകളുടെ എണ്ണം പഞ്ചായത്ത് തിരിച്ച് ലഭ്യമാക്കാമോ?

തദ്ദേശസ്വയംഭരണ സ്ഥാപനങ്ങളില്‍ നിര്‍മ്മാണം പൂര്‍ത്തീകരിച്ച വാണിജ്യ കെട്ടിടങ്ങള്‍ വാടകയ്ക്ക് ആരും ഏറ്റെടുക്കാത്ത സാഹചര്യത്തില്‍ അവയുടെ നികുതി ഒഴിവാക്കി നല്‍കാന്‍ വ്യവസ്ഥയുണ്ടോ; വിശദാംശം ലഭ്യമാക്കാമോ;

ഇങ്ങനെ നികുതി ഒഴിവാക്കി നല്‍കുന്നതില്‍ നഗരസഭ, കോര്‍പ്പറേഷന്‍, ഗ്രാമപഞ്ചായത്ത് എന്നിവയില്‍ വ്യത്യസ്ത മാനദണ്ഡങ്ങള്‍ നിഷ്കര്‍ഷിച്ചിട്ടുണ്ടോ; വിശദമാക്കാമോ?

സര്‍ക്കാര്‍ ഓഫീസുകള്‍ക്ക് വേണ്ടി നിര്‍മ്മിച്ച കെട്ടിടങ്ങള്‍ക്ക് തദ്ദേശസ്വയംഭരണ സ്ഥാപനങ്ങളില്‍ കെട്ടിട നികുതി നല്‍കേണ്ടതുണ്ടോ; വിശദമാക്കാമോ;

പൊതുമരാമത്ത് വകുപ്പിന്റെ മേല്‍നോട്ടത്തില്‍ നിര്‍മ്മിക്കുന്ന കെട്ടിടങ്ങള്‍ക്ക് തദ്ദേശസ്വയംഭരണ സ്ഥാപനങ്ങളില്‍ നിന്ന് നമ്പര്‍ ലഭിക്കുന്നതിന് എന്തെങ്കിലും ഇളവ് നല്‍കിയിട്ടുണ്ടോ; വിശദാംശം ലഭ്യമാക്കാമോ?

തദ്ദേശ സ്വയംഭരണ വകുപ്പിലെ ജീവനക്കാര്‍ക്ക് സ്പാർക്ക് ഐ.ഡി. അനുവദിക്കുന്നതിനുള്ള നടപടിയുടെ നിലവിലെ സ്ഥിതി അറിയിക്കാമോ;

ഇന്റഗ്രേഷന്‍ നടന്നിട്ടും സ്പാർക്ക് ഐ.ഡി. നല്‍കുന്നതിനുള്ള പരിശോധന പൂര്‍ത്തിയാവാത്തത് എന്തുകൊണ്ടാണ്; വിശദമാക്കാമോ;

പ്രസ്തുത നടപടി വേഗത്തില്‍ പൂര്‍ത്തിയാക്കുമോയെന്ന് അറിയിക്കുമോ?

കേരളഗ്രന്ഥശാലാ സംഘത്തിന്റെ കീഴില്‍ പ്രവര്‍ത്തിക്കുന്ന പഞ്ചായത്ത്/മുനിസിപ്പാലിറ്റി ലൈബ്രറികളുടെ കെട്ടിട നികുതി ഒഴിവാക്കിക്കൊണ്ടുള്ള സര്‍ക്കാര്‍ ഉത്തരവ് നിലവിലുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കാമോ;

1994-ലെ കേരള മുനിസിപ്പാലിറ്റി നിയമം വകുപ്പ് 235 (1) ഡി പ്രസ്തുത ലൈബ്രറികള്‍ക്ക് ബാധകമാണോ; വിശദീകരിക്കാമോ?

സംസ്ഥാനത്ത് വീട് കൂടി ഉള്‍പ്പെടുന്ന വസ്തു വില്‍ക്കുമ്പോള്‍ വീടിന്റെ ഓണര്‍ഷിപ്പ് മാറ്റാനുള്ള അപേക്ഷ ഓണ്‍ലൈന്‍ മുഖേന സബ് രജിസ്ട്രാര്‍ ഓഫീസില്‍ നിന്ന് നേരിട്ട് തദ്ദേശ സ്വയംഭരണ സ്ഥാപനങ്ങളില്‍ ലഭ്യമാക്കാന്‍ നിലവില്‍ സോഫ്റ്റ്‍വെയറില്‍ സൗകര്യം ഏര്‍പ്പെടുത്തിയിട്ടുണ്ടോ; ഇല്ലെങ്കില്‍ ഇടനിലക്കാരെ ഒഴിവാക്കുന്നതിനായി പ്രസ്തുത സൗകര്യം ഓണ്‍ലൈനില്‍ ലഭ്യമാക്കാന്‍ നടപടി സ്വീകരിക്കുമോ; വിശദമാക്കാമോ;

ഉടമസ്ഥാവകാശ കൈമാറ്റം നടത്തിക്കിട്ടുന്നതിന് തദ്ദേശ സ്വയംഭരണ സ്ഥാപനങ്ങളില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

മാലിന്യമുക്തം നവകേരളം ക്യാമ്പയിനിന്റെ ഭാഗമായി പരിസ്ഥിതി കാലാവസ്ഥാ വ്യതിയാന ഡയറക്ടറേറ്റും തദ്ദേശ സ്വയംഭരണ വകുപ്പും ശുചിത്വ മിഷനും സംയുക്തമായി സംസ്ഥാന വ്യാപകമായി നടത്തുന്ന തദ്ദേശ സ്വയംഭരണ സ്ഥാപനങ്ങളിലെ കമ്മ്യൂണിറ്റി തല അജൈവ മാലിന്യ സംസ്‌കരണ സംവിധാനങ്ങളുടെ ഓഡിറ്റിംഗ് നടപടികള്‍ വിശദീകരിക്കാമോ;

ഏതെല്ലാം ഏജന്‍സികളാണ് പ്രസ്തുത ഓഡിറ്റിംഗില്‍ പങ്കെടുക്കുന്നതെന്നും എന്തെല്ലാം കാര്യങ്ങളാണ് ഓഡിറ്റിംഗില്‍ ഉള്‍പ്പെടുത്തിയിരിക്കുന്നതെന്നും വ്യക്തമാക്കാമോ;

പ്രസ്തുത ഓഡിറ്റിംഗ് സംസ്ഥാനത്ത് നടപ്പില്‍ വരുത്തിയോ; എങ്കില്‍ ആയതിന്റെ റിപ്പോര്‍ട്ട് ലഭിച്ചിട്ടുണ്ടോയെന്ന് വ്യക്തമാക്കാമോ?

2023-24 വര്‍ഷത്തെ ബഡ്ജറ്റില്‍ 20% തുക വകയിരുത്തിയിട്ടുളള പഴയലക്കിടി-അകലൂര്‍-പൂക്കാട്ടുകുന്ന്-പെരുമ്പറമ്പ് റോഡ് നവീകരണം എന്ന പ്രവൃത്തിയുമായി ബന്ധപ്പെട്ട് തദ്ദേശ സ്വയംഭരണ വകുപ്പിലെ (സെക്രട്ടേറിയറ്റ് കമ്പ്യൂട്ടർ ഫയൽ നം. 2889637/എല്‍.എസ്.ജി.ഡി.) നമ്പര്‍ ഫയലില്‍ ഡി. എസ്. ആർ. 2018 പ്രകാരം പ്രൈസ് സോഫ്റ്റ്‍വെയറിൽ തയ്യാറാക്കിയ ഡീറ്റെയ്ൽഡ് എസ്റ്റിമേറ്റ്, എസ്റ്റിമേറ്റ് റിപ്പോർട്ട്, അബ്സ്ട്രാക്റ്റ് എസ്റ്റിമേറ്റ്, ജനറൽ അബ്സ്ട്രാക്റ്റ്, ഡാറ്റാ അനാലിസിസ് എന്നിവ പുന:സമർപ്പിക്കുവാൻ 07.11.2024ലെ ഡിബി2/625/2024-എല്‍.എസ്.ജി.ഡി. നമ്പര്‍ കത്ത് മുഖേന തദ്ദേശ സ്വയംഭരണ വകുപ്പ് പ്രിന്‍സിപ്പല്‍ ഡയറക്ടറോട് ആവശ്യപ്പെട്ടിട്ടുണ്ടോ; എങ്കില്‍ ആയത് സമര്‍പ്പിച്ചിട്ടുണ്ടോ; ഇല്ലെങ്കില്‍ കാലതാമസം നേരിടുന്നതിന്റെ കാരണം എന്താണെന്ന് വിശദമാക്കാമോ?

ലെെഫ് പദ്ധതിയില്‍ ഉള്‍പ്പെടുത്തി നാളിതുവരെ ദേവികുളം മണ്ഡലത്തില്‍ എത്ര വീടുകള്‍ പൂര്‍ത്തീകരിച്ചിട്ടുണ്ടെന്ന് വര്‍ഷവും ഗ്രാമപഞ്ചായത്തും തിരിച്ച് വിശദമാക്കാമോ;

പദ്ധതി പ്രകാരം മണ്ഡലത്തില്‍ എത്ര വീടുകളാണ് ഇനി പൂര്‍ത്തീകരിക്കാനുള്ളതെന്ന് പഞ്ചായത്ത് തിരിച്ച് അറിയിക്കാമോ;

മണ്ഡലത്തില്‍ ഭൂരഹിത ഭവന രഹിത ലിസ്റ്റില്‍ ആകെ എത്ര കുടുംബങ്ങളാണുള്ളത്; ഇതില്‍ എത്ര കുടുംബങ്ങള്‍ക്ക് വീട് അനുവദിച്ചിട്ടുണ്ട്; പഞ്ചായത്ത് തിരിച്ച് വിശദാംശം ലഭ്യമാക്കാമോ?

2016 സർക്കാരിന്റെ കാലയളവുമുതല്‍ നാളിതുവരെ ലൈഫ് മിഷന്‍ പദ്ധതിയിലൂടെ എത്ര കുടുംബങ്ങൾക്ക് പാർപ്പിട സൗകര്യം നൽകിയെന്ന് ജില്ല തിരിച്ച് വ്യക്തമാക്കാമോ;

ഇനിയും പാർപ്പിട സൗകര്യം ഉറപ്പാക്കേണ്ട കുടുംബങ്ങളുടെ എണ്ണം എത്രയെന്നും ഇവർക്കായുള്ള പാർപ്പിട സൗകര്യം സമയബന്ധിതമായി ഉറപ്പാക്കാൻ സ്വീകരിച്ചു വരുന്ന പ്രവർത്തനങ്ങൾ എന്തൊക്കെയെന്നും വ്യക്തമാക്കാമോ;

സംസ്ഥാനത്തെ അതിദരിദ്ര കുടുംബങ്ങളുടെ ഉന്നമനത്തിന് അടിയന്തരമായി സ്വീകരിക്കാന്‍ ഉദ്ദേശിക്കുന്ന പ്രവർത്തനങ്ങള്‍ എന്തൊക്കെയാണെന്ന് വ്യക്തമാക്കുമോ?

ഏകീകൃത തദ്ദേശസ്വയംഭരണ വകുപ്പിൽ 2024-ലെ പൊതു സ്ഥലംമാറ്റം സംബന്ധിച്ചുള്ള അപ്പീലുകളും ആക്ഷേപങ്ങളും തീർപ്പാക്കിയിട്ടുണ്ടോയെന്ന് അറിയിക്കാമോ;

ഏകീകൃത തദ്ദേശസ്വയംഭരണ വകുപ്പിൽ മൂന്ന് വർഷത്തിലധികമായി ഒരേ ഓഫീസിൽ തന്നെ തുടരുന്ന ജീവനക്കാരുടെ വിവരങ്ങൾ ജില്ല തിരിച്ച് ലഭ്യമാക്കുമോ; പ്രസ്തുത ജീവനക്കാര്‍ ഇപ്പോഴും അതേ ഓഫീസില്‍ തുടരുന്നതിന്റെ കാരണം വ്യക്തമാക്കുമോ;

പ്രസ്തുത വകുപ്പിൽ മൂന്ന് വർഷത്തിലധികമായി ഒരേ ഓഫീസിൽ ജോലി ചെയ്ത ജീവനക്കാരെ സ്ഥലം മാറ്റിയതിനുശേഷം തിരികെ അതേ ഓഫീസിലേക്ക് മാറ്റി നിയമിച്ചിട്ടുണ്ടോ; എങ്കില്‍ ജില്ല തിരിച്ചു വിശദവിവരം ലഭ്യമാക്കുമോ; മാനദണ്ഡത്തിന് വിരുദ്ധമായ ഇത്തരം നടപടികളുടെ കാരണം വ്യക്തമാക്കുമോ?

കോട്ടക്കല്‍ മണ്ഡലത്തിലെ വളാഞ്ചേരി നഗരസഭയുടെ ബൈലോ ഭേദഗതി ചെയ്യുന്നതിനായി തദ്ദേശ സ്വയംഭരണ വകുപ്പ് പ്രിന്‍സിപ്പല്‍ ഡയറക്ടര്‍ക്ക് സമർപ്പിച്ച പ്രൊപ്പോസലിന്മേൽ സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത വിഷയം സംബന്ധിച്ച് തദ്ദേശ സ്വയംഭരണ വകുപ്പ് പ്രിന്‍സിപ്പല്‍ ഡയറക്ടറേറ്റില്‍ നിലവിലുള്ള ഫയലിന്റെ ഇപ്പോഴത്തെ സ്ഥിതി വ്യക്തമാക്കുമോ; ഈ വിഷയം നിലവില്‍ ഏത് ഓഫീസിന്റെ പരിഗണനയിലാണെന്ന് അറിയിക്കുമോ?

രാജ്യത്തെ വിവിധ സംസ്ഥാനങ്ങളില്‍ തൊഴിലുറപ്പ് പദ്ധതി നാമമാത്രമായി നടക്കുന്ന സാഹചര്യത്തിലും സംസ്ഥാനത്തെ തൊഴിലുറപ്പ് തൊഴിലാളികള്‍ക്ക് തൊഴിലും കൂലിയും നല്‍കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

തൊഴില്‍ ദിനങ്ങളിലും കുടുംബങ്ങള്‍ക്ക് തൊഴില്‍ നല്‍കുന്നതിലും ദേശീയ ശരാശരിയേക്കാള്‍ എത്ര വര്‍ദ്ധനവുണ്ടാക്കാന്‍ കഴിഞ്ഞിട്ടുണ്ടെന്ന് വിശദമാക്കാമോ;

തൊഴിലുറപ്പ് തൊഴിലാളികളുടെ കൂലി, സാധനസാമഗ്രികള്‍ എന്നീ ഇനങ്ങളിൽ കേന്ദ്ര സര്‍ക്കാരില്‍നിന്ന് എത്ര തുകയാണ് സംസ്ഥാനത്തിന് ലഭിക്കാനുള്ളതെന്ന് അറിയിക്കുമോ;

2021-22 മുതല്‍ 2024-25 വരെ സംസ്ഥാനത്ത് തൊഴിലുറപ്പ് പദ്ധതി വഴി തൊഴില്‍ ലഭിച്ചവരുടെ എണ്ണം എത്രയായിരുന്നുവെന്നും ആയത് ദേശീയ ശരാശരിയുടെ എത്ര ശതമാനമായിരുന്നുവെന്നും വെളിപ്പെടുത്താമോ;

കേന്ദ്ര സര്‍ക്കാരില്‍ നിന്നും തൊഴിലുറപ്പ് പദ്ധതിയുമായി ബന്ധപ്പെട്ട് വിവിധയിനങ്ങളിലായി എത്ര തുകയാണ് നിലവിൽ സംസ്ഥാനത്തിന് ലഭിക്കാനുള്ളതെന്നും ആയത് ലഭ്യമാക്കാന്‍ എന്തെല്ലാം നടപടികളാണ് സ്വീകരിച്ചുവരുന്നതെന്നും വ്യക്തമാക്കാമോ?

മാലിന്യ സംസ്കരണത്തിലെ പോരായ്മ പരിഹരിക്കുന്നതിനായി ഈ സർക്കാർ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശം ലഭ്യമാക്കുമോ;

ഖരമാലിന്യം ശാസ്ത്രീയമായി നിർമ്മാർജ്ജനം ചെയ്യുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ;

അറവുശാലകളിലെ അവശിഷ്ടം ഉള്‍പ്പെടെയുള്ള ഖരമാലിന്യം പൊതുവഴിയില്‍ തള്ളുന്നവര്‍ക്കെതിരെ തദ്ദേശസ്വയംഭരണ സ്ഥാപനങ്ങള്‍ നടപടി സ്വീകരിക്കുവാന്‍ വിമുഖത കാണിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിനായി അടിയന്തര നടപടികള്‍ സ്വീകരിക്കുമോ?

മഞ്ചേശ്വരം മണ്ഡലത്തിലെ തദ്ദേശ സ്വയംഭരണ സ്ഥാപനങ്ങളിൽ എത്ര ജീവനക്കാരുടെ ഒഴിവുകൾ ഉണ്ടെന്ന് സ്ഥാപനം തിരിച്ച് വ്യക്തമാക്കുമോ;

പ്രസ്തുത ഒഴിവുകൾ ഓരോന്നും എപ്പോൾ നികത്തുമെന്ന് വ്യക്തമാക്കുമോ?

ബാലുശ്ശേരി ബ്ലോക്ക് പഞ്ചായത്തില്‍ പ്രവർത്തിക്കുന്ന ഭക്ഷ്യ സംസ്കരണ കേന്ദ്രത്തിന്റെ കെട്ടിടങ്ങള്‍ കാലപ്പഴക്കം കാരണം അപകട ഭീഷണിയിലാണെന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത കെട്ടിടം പുതുക്കിപ്പണിയുന്നതിന് ഫണ്ട് അനുവദിച്ചിട്ടുണ്ടോ; വിശദമാക്കാമോ;

02.12.2021-ന് നടന്ന തദ്ദേശ സ്വയംഭരണ വകുപ്പ് മന്ത്രിയുടെ യോഗത്തില്‍ പ്രസ്തുത ഭക്ഷ്യ സംസ്കരണ കേന്ദ്രം ബ്ലോക്ക് പഞ്ചായത്തിന് കൈമാറാന്‍ തീരുമാനിച്ചിരുന്നോ; എങ്കില്‍ ഈ തീരുമാനം നടപ്പിലാക്കാന്‍ കഴിയാത്തതിന്റെ കാരണം പരിശോധിച്ചിട്ടുണ്ടോ; വ്യക്തമാക്കാമോ;

പ്രസ്തുത യോഗ തീരുമാനം എപ്പോള്‍ പ്രാവര്‍ത്തികമാക്കാന്‍ കഴിയുമെന്ന് അറിയിക്കാമോ?

പാലക്കാട് ജില്ലയില്‍ ടേക്ക് എ ബ്രേക്ക് പദ്ധതി പ്രകാരം എത്ര ശുചിമുറി സമുച്ചയങ്ങളാണ് നിര്‍മ്മാണം പൂര്‍ത്തീകരിച്ചിട്ടുള്ളതെന്ന് വിശദമാക്കുമാേ;

ഇതില്‍ എത്ര എണ്ണമാണ് നിലവില്‍ തുറന്ന് കാെടുത്തിട്ടുള്ളതെന്ന് വിശദമാക്കുമാേ;

തുറന്നു കാെടുക്കാത്ത ടേക്ക് എ ബ്രേക്ക് ശുചിമുറികളുള്ളത് ഏതെല്ലാം പഞ്ചായത്തുകളിലാണെന്ന് വിശദമാക്കുമാേ;

പ്രസ്തുത പദ്ധതി പ്രകാരം ശുചിമുറി നിര്‍മ്മാണം നടത്താത്ത എത്ര പഞ്ചായത്തുകള്‍ നിലവിലുണ്ടെന്ന് വിശദമാക്കുമാേ?

നെന്മാറ മണ്ഡലത്തിൽ ത്രിതല പഞ്ചായത്തുകളുടെ ഫണ്ടുപയോഗിച്ച് കഴിഞ്ഞ പത്ത് വർഷത്തിനുള്ളിൽ പണി പൂർത്തീകരിച്ച 10 ലക്ഷം രൂപ എസ്റ്റിമേറ്റിൽ അധികമുള്ള എത്ര കെട്ടിടങ്ങളാണുള്ളതെന്ന് വിശദമാക്കാമോ;

പ്രസ്തുത കെട്ടിടങ്ങള്‍ ഏതെല്ലാം ആവശ്യങ്ങൾക്കാണ് നിർമ്മിച്ചിട്ടുള്ളതെന്ന് വിശദമാക്കാമോ;

ഇതിൽ എത്ര കെട്ടിടങ്ങളാണ് ബന്ധപ്പെട്ട ആവശ്യത്തിന് തുറന്ന് കൊടുത്തിട്ടുള്ളതെന്നും നാളിതുവരെ തുറന്നുകൊടുക്കാത്ത കെട്ടിടങ്ങൾ ഏതെല്ലാമാണെന്നും വിശദമാക്കാമോ?

തനതുഫണ്ട് കുറവായ കുട്ടനാട്ടിലെ പഞ്ചായത്തുകളെ സഹായിക്കുന്നതിന് ആവശ്യമായ നടപടികൾ സ്വീകരിക്കുമോ; വിശദാംശം ലഭ്യമാക്കുമോ;

തനതുഫണ്ട് സമാഹരിക്കുന്നതിന്റെ ഭാഗമായി ആറ്റുമണൽ വാരുന്നതിനുൾപ്പെടെ കുട്ടനാട്ടിലെ ഗ്രാമ പഞ്ചായത്തുകളെ അനുവദിക്കുന്നതിന് നടപടികൾ ഉണ്ടാകുമോ; വിശദമാക്കാമോ?

തദ്ദേശ റോഡ് പുനരുദ്ധാരണ പദ്ധതി പ്രകാരം കുറ്റ്യാടി മണ്ഡലത്തിലെ എട്ട് ഗ്രാമപഞ്ചായത്തുകളിലായി അനുവദിച്ച റോഡ് പ്രവൃത്തികളുടെ നിലവിലെ സ്ഥിതി വിശദമാക്കുമോ;

പ്രസ്തുത പ്രവൃത്തികള്‍ എന്നത്തേക്ക് പൂര്‍ത്തിയാക്കാനാണ് ഉദ്ദേശിക്കുന്നതെന്ന് അറിയിക്കാമോ?

ഗ്രാമപഞ്ചായത്തുകളുടെ സ്വന്തം ഫണ്ടില്‍ നിന്ന് മറ്റ് വകുപ്പുകളുടെ വികസനാവശ്യങ്ങള്‍ക്ക് ഭൂമി വാങ്ങി നല്‍കുന്നതിനുളള നടപടിക്രമം എന്താണെന്ന് വിശദമാക്കാമോ;

ഇതുമായി ബന്ധപ്പെട്ട് ഉത്തരവുകളോ സര്‍ക്കുലറുകളോ നിലവിലുണ്ടോ; എങ്കില്‍ പകര്‍പ്പ് ലഭ്യമാക്കുമോ?

സംസ്ഥാനത്തെ അതിദാരിദ്ര്യ നിർമ്മാർജ്ജന പദ്ധതിയുടെ നിലവിലെ സ്ഥിതി അറിയിക്കുമോ; ഇത് സംബന്ധിച്ച് തദ്ദേശ സ്വയംഭരണ സ്ഥാപനതലത്തില്‍ നടത്തേണ്ട സര്‍വ്വേ നടപടി പൂര്‍ത്തിയായിട്ടുണ്ടോയെന്ന് അറിയിക്കാമോ;

പ്രസ്തുത പദ്ധതി മുഖേന ഗുണഭോക്താക്കൾക്ക് എന്തെല്ലാം ആനുകൂല്യങ്ങളാണ് ലഭ്യമാക്കിയിട്ടുള്ളതെന്നും പുതുതായി എന്തെല്ലാം ആനുകൂല്യങ്ങളാണ് നല്‍കാന്‍ ഉദ്ദേശിക്കുന്നതെന്നും വെളിപ്പെടുത്തുമോ;

ഏറനാട് മണ്ഡലത്തില്‍ പ്രസ്തുത പദ്ധതിയുടെ നിലവിലെ സ്ഥിതിയും മണ്ഡലത്തിലെ അതിദരിദ്രരുടെ എണ്ണവും പഞ്ചായത്ത് അടിസ്ഥാനത്തില്‍ വ്യക്തമാക്കാമോ?

2024-25 വർഷത്തെ എം.എൽ.എ. ആസ്തി വികസന പദ്ധതിയിൽ ഉൾപ്പെടുത്തി മുപ്പത് ലക്ഷം രൂപ വകയിരുത്തിയിട്ടുള്ള ചൂണ്ടൽ പഞ്ചായത്തിലെ ബഡ്സ് സ്കൂളിന് പുതിയ കെട്ടിട നിർമ്മാണ പ്രവൃത്തിക്ക് ഭരണാനുമതി ലഭ്യമാക്കുന്നതിന് തൃശ്ശൂർ ജില്ലാ കളക്ടർക്ക് എസ്റ്റിമേറ്റ് തയ്യാറാക്കി സമർപ്പിച്ചിട്ടുണ്ടോ; വിശദാംശം നൽകാമോ;

പ്രസ്തുത പ്രവൃത്തിയുടെ നിലവിലെ സ്ഥിതി വ്യക്തമാക്കാമോ?

തദ്ദേശ സ്വയംഭരണ പൊതു സർവ്വീസിന്റെ ഭാഗമായ മുനിസിപ്പല്‍ കോമണ്‍ സര്‍വ്വീസിലെ ജീവനക്കാരുടെ ശമ്പളം സ്പാർക്ക് വഴി നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

മുനിസിപ്പല്‍ കോമണ്‍ സര്‍വ്വീസിലെ മുൻ ജീവനക്കാരുടെ പെന്‍ഷന്‍ ട്രഷറി വഴി നല്‍കുന്നതിന് നടപടി സ്വീകരിക്കുമോ;

തദ്ദേശ സ്വയംഭരണ പൊതു സർവ്വീസിന്റെ ഭാഗമായ മുനിസിപ്പല്‍ കോമണ്‍ സര്‍വ്വീസിലെ ജീവനക്കാരുടെ ശമ്പളവും പെന്‍ഷനും ഇതര സർക്കാർ ജീവനക്കാര്‍ക്ക് നല്‍കുന്നത് പോലെ സര്‍ക്കാര്‍ ഏറ്റെടുത്ത് വിതരണം ചെയ്യുന്ന വിഷയം പരിഗണനയിലുണ്ടോ; വ്യക്തമാക്കുമോ?

2022-23 വർഷത്തെ പ്രത്യേക വികസന ഫണ്ടിൽ നിന്നും തുക അനുവദിച്ച് 15-12-2023-ന് ഭരണാനുമതി ലഭ്യമായതും തിരുവല്ല നഗരസഭ സെക്രട്ടറിയെ നിർവ്വഹണ ഉദ്യോഗസ്ഥനായി ചുമതലപ്പെടുത്തിയിട്ടുള്ളതുമായ മന്നംകരച്ചിറ പബ്ലിക്ക് ലൈബ്രറി കെട്ടിട നിർമ്മാണം നാളിതുവരെയായി ആരംഭിക്കുവാൻ സാധിക്കാത്തതെന്തുകൊണ്ടെന്ന് വിശദമാക്കാമോ;

പ്രസ്തുത നിർമ്മാണത്തിനായി നാളിതുവരെ സ്വീകരിച്ചിട്ടുള്ള നടപടികൾ വിശദമാക്കാമോ;

കെട്ടിട നിർമ്മാണം എന്നത്തേക്ക് തുടങ്ങുവാൻ സാധിക്കുമെന്ന് വ്യക്തമാക്കാമോ?

തിരുവനന്തപുരം കോര്‍പ്പറേഷനിലെ ചെല്ലമംഗലം വാര്‍ഡില്‍ ഉള്‍പ്പെടുന്ന ശ്രീനാരായണ നഗര്‍ കാട്ടില്‍കുളം റോഡിന്റെ നിര്‍മ്മാണ പ്രവൃത്തിയുടെ നിലവിലെ പുരോഗതി അറിയിക്കുമോ;

ശ്രീകാര്യം സോണല്‍ ഓഫീസിന്റെ 500 മീറ്റര്‍ പരിധിയിലുള്ള ഈ റോഡ് തകര്‍ന്ന് സ‍ഞ്ചാരയോഗ്യമല്ലാതായതിനാല്‍ ജനങ്ങള്‍ തടികൊണ്ടുള്ള പാലത്തിലൂടെ വളരെ അപകടാവസ്ഥയിലാണ് യാത്ര ചെയ്യുന്നത് എന്ന വിവരം ചൂണ്ടിക്കാട്ടി ഫോട്ടോ സഹിതമുള്ള മാസ് പെറ്റീഷന്‍ (കെ സ്മാര്‍ട്ട് ഫയല്‍ നം. 2743038-2024) നല്‍കിയതിന്റെ നാളിതുവരെയുള്ള പുരോഗതി അറിയാന്‍ നല്‍കിയ മുന്‍ ഖണ്ഡികയിലെ നിയമസഭാ ചോദ്യത്തിനും വിവരം ശേഖരിച്ചു നല്‍കുന്നതാണ് എന്ന മറുപടിയാണ് ലഭിച്ചത് എന്നകാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത റോഡ് സഞ്ചാരയോഗ്യമാക്കുന്നത് സംബന്ധിച്ച 2743038-2024 നമ്പർ കെ-സ്മാർട്ട് ഫയലിന്റെ നിലവിലെ പുരോഗതി അറിയിക്കാമോ;

ജനങ്ങള്‍ക്കുണ്ടാകുന്ന ബുദ്ധിമുട്ട് പരിഹരിക്കുന്നതിനായി പ്രസ്തുത പ്രവൃത്തി പൂര്‍ത്തിയാക്കുവാൻ അടിയന്തര നടപടി സ്വീകരിക്കുമോ?

ആറ്റുകാല്‍ പൊങ്കാല മഹോത്സവം കുറ്റമറ്റ രീതിയില്‍ നടത്തുന്നതിനായി എന്തെല്ലാം മുന്നൊരുക്കങ്ങളാണ് ഏർപ്പെടുത്തിയിരുന്നതെന്ന് വ്യക്തമാക്കുമോ;

പൊങ്കാലയുടെ സുഗമമായ നടത്തിപ്പിന് സുരക്ഷയും വൈദ്യസഹായവും എമർജന്‍സി സൗകര്യങ്ങളും ഒരുക്കിയിട്ടുണ്ടോ;

ഉത്സവ ദിവസങ്ങളില്‍ ഭക്ഷ്യസുരക്ഷാ വകുപ്പിന്റെ പരിശോധനകള്‍ വ്യാപകമാക്കുന്നതിന് നിര്‍ദ്ദേശം നല്‍കിയിരുന്നോ;

പൊങ്കാല ഉത്സവം സമാപിച്ചാലുടന്‍ അടുപ്പുകളും മറ്റ് അവശിഷ്ടങ്ങളും നീക്കം ചെയ്ത് നഗരം വൃത്തിയാക്കുന്നതിന് എന്തെല്ലാം സംവിധാനങ്ങളാണ് ഒരുക്കിയിരുന്നത്; ഇതിനായി ഏതെല്ലാം വിഭാഗങ്ങളിലായി എത്ര ജീവനക്കാരെയും സന്നദ്ധ പ്രവര്‍ത്തകരെയുമാണ് നിയോഗിച്ചിരുന്നത്; വിശദമാക്കുമോ?