തിരൂരങ്ങാടി മണ്ഡലത്തിൽപ്പെട്ട നന്നമ്പ്ര പഞ്ചായത്തിലെ മോര്യകാപ്പ് കാർഷിക പദ്ധതിയുടെ നിലവിലെ അവസ്ഥ വിശദമാക്കാമോ;

ഇത് സംബന്ധിച്ച ഫയൽ ഇപ്പോൾ ഏത് ഓഫീസിലാണെന്നും ഈ ഫയലിൽ സ്വീകരിച്ച നടപടികൾ എന്തെല്ലാമാണെന്നും ഫയൽ നമ്പർ സഹിതം വിശദമാക്കാമോ;

പ്രസ്തുത പദ്ധതി പൂർത്തീകരിക്കാത്തതിനാൽ ഈ പ്രദേശത്ത് ഹെക്ടർ കണക്കിന് നെൽകൃഷി നശിച്ചത് ശ്രദ്ധയിൽപ്പെട്ടിട്ടുണ്ടോ; എങ്കിൽ കൃഷി നാശം സംബന്ധിച്ച് സ്വീകരിച്ച നടപടികൾ വിശദമാക്കാമോ;

മോര്യകാപ്പ് കാർഷിക പദ്ധതി എന്നത്തേക്ക് ആരംഭിക്കാൻ സാധിക്കുമെന്ന് വിശദമാക്കുമോ?

ഷൊര്‍ണ്ണൂര്‍ മണ്ഡലത്തില്‍ ഏതൊക്കെ കൃഷി ഭവനുകളെയാണ് സ്മാര്‍ട്ട് കൃഷി ഭവനുകളായി ഉയര്‍ത്താന്‍ തെരെഞ്ഞെടുത്തിട്ടുള്ളതെന്ന് അറിയിക്കുമോ; ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

2017 മുതല്‍ 2024 വരെ സംസ്ഥാനത്ത് എത്ര ഹെക്ടര്‍ ഭൂമിയില്‍ നെല്ല്, പച്ചക്കറി ഉള്‍പ്പെടെയുള്ള കൃഷിയിറക്കിയിട്ടുണ്ടെന്ന് ജില്ല, വര്‍ഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത കാലയളവിലെ തോട്ടവിള, ഫലവര്‍ഗ്ഗ, ഔഷധ സസ്യ കൃഷികളുടെ ജില്ല, വര്‍ഷം തിരിച്ചുള്ള ഹെക്ടര്‍ കണക്ക് വിശദമാക്കുമോ;

പ്രസ്തുത കാലയളവില്‍ കാര്‍ഷിക മേഖലയില്‍ ഉണ്ടായ കൃഷി നാശത്തിന്റെയും കര്‍ഷകര്‍ക്ക് നല്‍കിയ നഷ്ടപരിഹാരത്തിന്റെയും കണക്ക് ലഭ്യമാക്കുമോ?

കാര്‍ഷിക മേഖലയിലേക്ക് യുവതീയുവാക്കളെ ആകര്‍ഷിക്കുന്നതിന് എന്തെല്ലാം പദ്ധതികളാണ് നടപ്പിലാക്കുന്നതെന്ന് അറിയിക്കുമോ?

ഈ സർക്കാരിന്റെ കാലത്ത് വിവിധ കൃഷി ഭവനുകൾ വഴി നടീൽ വസ്തുക്കൾ, കാർഷികോല്പാദന ഉപാധികൾ എന്നിവ വിതരണം ചെയ്യുന്ന പദ്ധതി നടപ്പിലാക്കിയിട്ടുണ്ടോ; എങ്കിൽ തിരുവനന്തപുരം ജില്ലയിലെ വിവിധ കൃഷിഭവനുകൾ മുഖേന ഇത്തരം പദ്ധതി നടപ്പിലാക്കിയതിന്റെ വിശദാംശങ്ങൾ നൽകാമോ;

ഇപ്രകാരം നടീൽ വസ്തുക്കളുടെ സംഭരണം നടത്താൻ ചുമതലപ്പെടുത്തിയ ഏജൻസികൾ ഏതൊക്കെയെന്നും ഇവയെ തെരഞ്ഞെടുത്തതിനുള്ള മാനദണ്ഡങ്ങൾ എന്തൊക്കയെന്നും വ്യക്തമാക്കുമോ; തിരുവനന്തപുരം ജില്ലയിൽ ഇപ്രകാരം തെരഞ്ഞെടുത്ത ഏജൻസികൾ സംഭരണവും വിതരണവും നടത്തിയിരുന്നോ; വിശദമാക്കുമോ;

കർഷകരിൽ നിന്ന് നടീൽ വസ്തുക്കൾ ശേഖരിച്ചതിനുള്ള തുക വിതരണം ചെയ്തിട്ടുണ്ടോ; എങ്കിൽ തിരുവനന്തപുരം ജില്ലയിൽ ഇപ്രകാരം എത്ര തുക കർഷകർക്ക് നൽകിയിട്ടുണ്ട്; വിശദമാക്കുമോ?

കൃഷി വകുപ്പിന്റെ കീഴില്‍ കാേന്നി മെഡിക്കല്‍ കാേളേജിന് സമീപമുള്ള ഭൂമിയില്‍ നിലവില്‍ ഏതെങ്കിലും തരത്തിലുള്ള വിളകള്‍ കൃഷി ചെയ്യുന്നുണ്ടാേ; കൃഷി വകുപ്പിന്റെ കെെവശം കാേന്നി മെഡിക്കല്‍ കാേളേജിനാേട് ചേര്‍ന്ന് എത്ര ഏക്കര്‍ ഭൂമിയുണ്ട്; വിശദവിവരം ലഭ്യമാക്കാമാേ?

കാർഷികരംഗം സ്വയംപര്യാപ്തമാക്കാൻ ഈ സർക്കാർ സ്വീകരിച്ചുവരുന്ന നടപടികൾ എന്തെല്ലാമാണെന്ന് വ്യക്തമാക്കുമോ;

തരിശുനിലങ്ങളിൽ ഉൾപ്പെടെ കൃഷി വ്യാപകമാക്കുന്നതിനും കർഷകർക്ക് കൂടുതൽ പ്രോത്സാഹനം നൽകുന്നതിന് വിവിധ സബ്സിഡികൾ കാലോചിതമായി പരിഷ്കരിക്കുന്നതിനും നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ;

കാർഷിക മേഖലയുടെ അഭിവൃദ്ധിക്ക് കേന്ദ്രസർക്കാർ ലഭ്യമാക്കുന്ന സാമ്പത്തിക സഹായങ്ങൾ യഥാസമയം ലഭ്യമാക്കുന്നതിന് ശക്തമായ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

നീർത്തടാധിഷ്ടിത ആസൂത്രണം കാർഷിക മേഖലയ്ക്ക് അത്യന്താപേക്ഷിതമായതിനാൽ തൊഴിലുറപ്പ് മേഖലയെ കൂടി ഉൾപ്പെടുത്തി ജലസംഭരണികളും ജലനിർഗമന മാർഗ്ഗങ്ങളും ഉണ്ടാക്കാൻ നടപടികൾ സ്വീകരിക്കുമോ; വ്യക്തമാക്കുമോ?

സംസ്ഥാനത്ത് കാര്‍ഷിക കടാശ്വാസ കമ്മീഷന്‍ നിലവിലുണ്ടോ; ഉണ്ടെങ്കില്‍ പുതിയ അപേക്ഷകള്‍ സ്വീകരിക്കുന്നുണ്ടോ; വിശദാംശങ്ങള്‍ ലഭ്യമാക്കാമോ?

ഈ സർക്കാർ വന്നശേഷം കാർഷികമേഖലയിൽ മെച്ചപ്പെട്ട വളർച്ചാനിരക്ക് കൈവരിക്കാൻ കഴിഞ്ഞിട്ടുണ്ടോ; വിശദമാക്കുമോ;

ഉയർന്ന വളർച്ചാനിരക്ക് കൈവരിക്കുന്നതിനായി സ്വീകരിച്ചു വരുന്ന നപടികള്‍ എന്തെല്ലാമാണ്; വിശദമാക്കുമോ;

കാർഷികമേഖലയിൽ കൂടുതൽ അടിസ്ഥാനസൗകര്യ വികസനം സാധ്യമാക്കുന്നതിനായി സ്വീകരിച്ചു വരുന്ന നപടികള്‍ എന്തെല്ലാമാണെന്ന് വിശദമാക്കുമോ;

ഇതിലൂടെ കാർഷികോല്പാദന മേഖലയിൽ എന്തെല്ലാം മാറ്റങ്ങളാണ് സാധ്യമായത്; വിശദമാക്കുമോ?

സംസ്ഥാനത്ത് 2019-20 ല്‍ എത്ര ഹെക്ടർ നെൽകൃഷി, പച്ചക്കറി കൃഷി, തോട്ടവിള കൃഷി, ഫലവർഗ്ഗകൃഷി എന്നിവ ഉണ്ടായിരുന്നുവെന്ന് അറിയിക്കുമോ; പ്രസ്തുത കൃഷികള്‍ നിലവിൽ എത്ര ഹെക്ടർ വീതം ഉണ്ടെന്ന് വ്യക്തമാക്കുമോ?

തകര്‍ച്ച നേരിടുന്ന കാര്‍ഷിക മേഖലയ്ക്ക് ഉണർവ്വ് നല്‍കാനായി ആവിഷ്കരിച്ചിട്ടുള്ള പ്രധാന പദ്ധതികള്‍ എന്തെല്ലാമാണെന്ന് അറിയിക്കുമോ;

കാർഷികോല്പന്നങ്ങളുടെ വിലത്തകര്‍ച്ച നേരിടാനായി ഏതു വിധത്തിലുള്ള ഇടപെടലുകള്‍ നടത്താനാണ് ഉദ്ദേശിക്കുന്നതെന്ന് അറിയിക്കുമോ;

മൂല്യവര്‍ദ്ധിത ഉല്പന്നങ്ങളുടെ നിര്‍മ്മാണം പ്രോത്സാഹിപ്പിക്കുന്നതിന് സർക്കാർ നടപ്പിലാക്കുന്ന പദ്ധതികളുടെ വിശദാംശം നല്‍കുമോ?

ഈ സർക്കാർ അധികാരത്തിൽ വന്നശേഷം നാളിതുവരെ കൃഷിവകുപ്പ് നേരിട്ടും വിവിധ ഏജൻസികൾ വഴിയും വടക്കാഞ്ചേരി മണ്ഡലത്തിൽ നടപ്പിലാക്കി വരുന്ന പദ്ധതികൾ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികൾക്ക് അനുവദിച്ച തുക, പദ്ധതികളുടെ നിലവിലെ സ്ഥിതി എന്നിവ സംബന്ധിച്ച വിശദാംശം ലഭ്യമാക്കാമോ?

കേരളത്തിലെ കാർഷികയോഗ്യമായ എന്നാൽ വിവിധ കാരണങ്ങളാൽ തരിശ് കിടക്കുന്ന സർക്കാർ/അർദ്ധ സർക്കാർ സ്ഥാപനങ്ങളുടെയും വ്യക്തികളുടെയും ഭൂമി കണ്ടെത്തി അവിടെ അനുയോജ്യമായ കൃഷി ചെയ്ത് ഭക്ഷ്യസുരക്ഷ ഉറപ്പാക്കുന്നതിന് ലക്ഷ്യമിട്ട് നടപ്പിലാക്കുന്ന നവോഥൻ പദ്ധതിയിലേക്ക് എത്ര കർഷകരും ഭൂവുടമകളും നാളിതുവരെ രജിസ്റ്റർ ചെയ്തിട്ടുണ്ടെന്ന് അറിയിക്കാമോ;

സംസ്ഥാനത്ത് ഓപ്പൺ ഫീല്‍ഡ് പ്രിസിഷന്‍ ഫാർമിംഗ് സാങ്കേതിക സമ്പ്രദായത്തിലൂടെ എത്ര തരിശ് സ്ഥലം കൃഷിയോഗ്യമാക്കാൻ സാധിച്ചിട്ടുണ്ടെന്ന് അറിയിക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം കോട്ടയം ജില്ലയില്‍ നബാര്‍ഡ് സ്കീമില്‍ ഉള്‍പ്പെടുത്തി കൃഷി വകുപ്പ് മുഖാന്തരം നടപ്പിലാക്കുന്ന പ്രവൃത്തികള്‍ ഏതെല്ലാം എന്ന് വ്യക്തമാക്കുമോ;

ഓരോ പ്രവൃത്തിക്കും അനുവദിച്ച തുക എത്രയെന്നും, അവയുടെ നിലവിലെ സ്ഥിതിയും വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

സ്കൂള്‍, കാേളേജ് വിദ്യാര്‍ത്ഥികളില്‍ കാര്‍ഷികാഭിരുചി വര്‍ദ്ധിപ്പിക്കുന്നതിനും അവരെ കാര്‍ഷിക മേഖലയിലേക്ക് ആകര്‍ഷിക്കുന്നതിനും പദ്ധതി നടപ്പിലാക്കിവരുന്നുണ്ടാേ; വിശദമാക്കാമാേ;

കൃഷിയില്‍ തല്‍പ്പരരായ വിദ്യാര്‍ത്ഥികള്‍ക്ക് കൃഷി ആരംഭിക്കുന്നതിന് സഹായം നല്‍കുന്ന പദ്ധതികള്‍ നിലവിലുണ്ടാേ; വ്യക്തമാക്കാമാേ?

പുതുക്കാട് മണ്ഡലത്തില്‍ നാല്‍പ്പതിനായിരത്തോളം വനിതകളെ കുടുംബശ്രീ അയല്‍ക്കൂട്ടങ്ങള്‍ വഴി കൃഷി, തദ്ദേശം, സഹകരണ വകുപ്പുകളുടെ സഹകരണത്തോടെ കൃഷിയിലേര്‍പ്പെടുത്തുന്നതിന് 'പൊലിമ പുതുക്കാട്' എന്ന പേരില്‍ പദ്ധതി ആവിഷ്കരിച്ച് നടപ്പാക്കി വരുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പദ്ധതിയുടെ നടത്തിപ്പിനും വിപുലീകരണത്തിനുമായി കൃഷിവകുപ്പ് പ്രത്യേകം ഫണ്ടും അനുബന്ധ പദ്ധതികളും അനുവദിക്കുന്നതിന് നടപടി സ്വീകരിക്കുമോ;

സ്കൂള്‍, കോളേജ് വിദ്യാര്‍ത്ഥികളില്‍ കാര്‍ഷികസംസ്കാരവും കൃഷിയോട് ആഭിമുഖ്യവും വളര്‍ത്തുന്നതിന് സഹായകരമായ രീതിയില്‍ പ്രത്യേക പദ്ധതികള്‍ ആവിഷ്കരിച്ച് നടപ്പാക്കുമോ; വ്യക്തമാക്കുമോ?

സംസ്ഥാനത്ത് നബാര്‍ഡ് പദ്ധതിയില്‍ ഉള്‍പ്പെടുത്തി നടപ്പിലാക്കിയ വലിയ കാര്‍ഷിക പ്രവൃത്തികള്‍ ഏതൊക്കെയെന്നും എവിടെയാണ് നടപ്പിലാക്കിയതെന്നുമുള്ള വിവരം ലഭ്യമാക്കാമോ;

പദ്ധതിയില്‍ ഉള്‍പ്പെടുത്തി 2016 മുതല്‍ 2025 വരെ എത്ര സ്ഥലം കൃഷിക്ക് അനുയോജ്യമാക്കിയെന്നുള്ള വിവരം സ്ഥലം തിരിച്ച് ലഭ്യമാക്കാമോ?

കാര്‍ഷിക പാരിസ്ഥിതിക പ്രദേശങ്ങളുടെ അടിസ്ഥാനത്തില്‍ പോഷക പ്രാധാന്യമുള്ള വിളകള്‍ ഉല്പാദിപ്പിക്കുന്നത് ലക്ഷ്യമിട്ട് ആരംഭിച്ച പോഷക സമൃദ്ധി മിഷന്റെ പ്രവര്‍ത്തനം ഏത് ഘട്ടം വരെയായെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പയ്യന്നൂര്‍ മണ്ഡലത്തില്‍ കൃഷിവകുപ്പ് മുഖേന നടപ്പിലാക്കിയ പദ്ധതികള്‍ ഏതൊക്കെയെന്നും അവയുടെ നിലവിലെ സ്ഥിതിയും വിശദമാക്കാമോ?

പാലക്കാട് ജില്ലയില്‍ ഏതെല്ലാം കുളങ്ങളുടെയും നീര്‍ത്തടങ്ങളുടെയും സംരക്ഷണ പ്രവൃത്തികളാണ് നബാര്‍ഡ് പദ്ധതിയില്‍ ഉള്‍പ്പെടുത്തി ഏറ്റെടുത്തിട്ടുള്ളതെന്ന് നിയോജക മണ്ഡലം തിരിച്ച് വ്യക്തമാക്കുമോ; ഓരോന്നിന്റെയും പ്രവൃത്തി വിശദാംശങ്ങൾ ലഭ്യമാക്കുമോ?

സംസ്ഥാന ഹോര്‍ട്ടികള്‍ച്ചര്‍ മിഷന്‍ മുഖേന നടപ്പിലാക്കുന്ന 'കൂണ്‍ ഗ്രാമം' പദ്ധതിയില്‍ കണ്ണൂര്‍ ജില്ലയില്‍ നിന്നും ഏതൊക്കെ ഗ്രാമപ്പഞ്ചായത്തുകളെയാണ് തെരഞ്ഞെടുത്തിട്ടുള്ളത്; പ്രസ്തുത പദ്ധതി വഴി എന്തൊക്കെ സഹായങ്ങളാണ് നല്‍കിവരുന്നത്; വ്യക്തമാക്കുമോ;

കല്ല്യാശ്ശേരി മണ്ഡലത്തിലെ പഞ്ചായത്തുകളെ പ്രസ്തുത പദ്ധതിയില്‍ ഉള്‍പ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ തൃശ്ശൂര്‍ ജില്ലയില്‍ കൃഷി വകുപ്പിന്റെ നേതൃത്വത്തില്‍ നബാര്‍ഡ് ധനസഹായത്തോടെ നടപ്പാക്കിയ പദ്ധതികള്‍ ഏതെല്ലാമാണെന്നും ഓരോ പദ്ധതിക്കും അനുവദിച്ച തുക എത്രയാണെന്നും വ്യക്തമാക്കാമോ;

പ്രസ്തുത കാലയളവില്‍ നബാര്‍ഡ് സ്കീമില്‍ ഉള്‍പ്പെടുത്തി മണലൂര്‍ മണ്ഡലത്തില്‍ നടപ്പാക്കിയ പദ്ധതികള്‍ ഏതെല്ലാമാണെന്നും ഓരോ പദ്ധതിക്കും അനുവദിച്ച തുക എത്രയാണെന്നും വ്യക്തമാക്കാമോ;

നബാര്‍ഡ് ധനസഹായത്തോടെ മണലൂര്‍ മണ്ഡലത്തില്‍ ഏതെങ്കിലും പദ്ധതികള്‍ പുരോഗമിക്കുന്നുണ്ടോ; വ്യക്തമാക്കുമോ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തി മണലൂര്‍ മണ്ഡലത്തിലെ കാര്‍ഷിക മേഖലയില്‍ നടപ്പിലാക്കിയ പദ്ധതികളുടെ വിശദാംശം നല്‍കാമോ;

മണ്ഡലത്തിലെ കാര്‍ഷിക മേഖലയില്‍ റീബില്‍ഡ് കേരള പദ്ധതിയിൽ ഉള്‍പ്പെടുത്തി നിലവില്‍ ഏതെങ്കിലും പദ്ധതി പുരോഗമിക്കുന്നുണ്ടോ; വിശദാംശം ലഭ്യമാക്കാമോ?

തരിശ് ഭൂമികളില്‍ കൃഷി പുനരാരംഭിക്കുന്നതിന്റെ ഭാഗമായി നടപ്പിലാക്കുന്ന സമഗ്രകൃഷി കര്‍മ്മ പദ്ധതിയായ കൃഷി സമൃദ്ധി യിലൂടെ അരുവിക്കര മണ്ഡലത്തില്‍ നടപ്പിലാക്കാന്‍ ഉദ്ദേശിക്കുന്ന പ്രവര്‍ത്തനങ്ങളുടെ വിശദാംശം അറിയിക്കാമോ?

2016 ന് ശേഷം കാഞ്ഞങ്ങാട് മണ്ഡലത്തിൽ എവിടെയൊക്കെ കേരഗ്രാമം പദ്ധതി ആരംഭിച്ചിട്ടുണ്ട്; പദ്ധതിയുടെ വിശദാംശം നല്‍കുമോ?

നാളിതുവരെ പോഷക സമൃദ്ധി മിഷനില്‍ പങ്കാളികളായിട്ടുള്ള കുടുംബങ്ങളുടെ എണ്ണം ജില്ല തിരിച്ച് ലഭ്യമാക്കുമോ;

പ്രസ്തുത പദ്ധതിക്കായി എത്ര തുക ഇതിനോടകം ചെലവഴിച്ചിട്ടുണ്ട്; വ്യക്തമാക്കാമോ?

2021-22 മുതല്‍ 2024-25 വരെയുള്ള സാമ്പത്തികവര്‍ഷങ്ങളിൽ കുണ്ടറ മണ്ഡലത്തിന്റെ പരിധിയില്‍ വരുന്ന കൃഷിഭവനുകളില്‍ അനുവദിച്ചിട്ടുളള കാര്‍ഷിക പദ്ധതികള്‍ ഏതൊക്കെയെന്നും ആയതിനായി അനുവദിച്ചിട്ടുളള തുക എത്രയെന്നുമുളള വിവരം ഗ്രാമപ്പഞ്ചായത്ത് തിരിച്ച് വിശദമാക്കാമോ?

കുട്ടനാടൻ കാർഷിക മേഖലയ്ക്ക് പുതിയ ഉണർവ് പകരുവാൻ ഈ സർക്കാർ നടപ്പാക്കുന്ന പുതിയ പദ്ധതികൾ എന്തെല്ലാമാണെന്ന് വ്യക്തമാക്കുമോ;

വിവിധ കാർഷിക പദ്ധതികളുടെ സബ്സിഡികൾ യഥാസമയം നൽകുന്നതിന് എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കുമോ?

കാര്‍ഷിക മേഖലയുടെ വികസനം ലക്ഷ്യമാക്കി നടപ്പാക്കുന്ന കേന്ദ്രാവിഷ്കൃത പദ്ധതികളും പ്രസ്തുത ഇനത്തില്‍ 2020-21 മുതല്‍ സംസ്ഥാനത്തിന് ലഭിച്ച ധനസഹായങ്ങളും വ്യക്തമാക്കാമോ?

സമഗ്ര പച്ചക്കറി വികസനം ലക്ഷ്യമാക്കി 2025-2026 വര്‍ഷത്തില്‍ നടപ്പാക്കാന്‍ ഉദ്ദേശിക്കുന്ന പദ്ധതികളുടെ സവിശേഷതകള്‍ വിശദീകരിക്കാമോ; ഇതിനായി എത്ര തുക ബജറ്റില്‍ വകയിരുത്തിയിട്ടുണ്ടെന്നും ഏതെല്ലാം ഏജന്‍സികള്‍ വഴിയാണ് ഇവ നടപ്പാക്കുന്നതെന്നും വിശദീകരിക്കാമോ?

ഈ സർക്കാർ അധികാരത്തില്‍ വന്നതിനുശേഷം കാർഷിക മേഖലയിൽ പുതുതായി നടപ്പിലാക്കിയ പദ്ധതികൾ എന്തെല്ലാമാണെന്ന് വിശദമാക്കാമോ;

2023-24, 2024-25 സാമ്പത്തിക വർഷങ്ങളിൽ കൃഷി വകുപ്പിന് കേന്ദ്രസർക്കാരിൽ നിന്നും എത്ര കോടി രൂപയുടെ സാമ്പത്തിക സഹായം ലഭിച്ചിട്ടുണ്ട്; അതിൽ എത്ര കോടി രൂപ ചെലവഴിച്ചിട്ടുണ്ട്; കണക്കുകൾ ലഭ്യമാക്കാമോ;

പ്രസ്തുത വർഷങ്ങളിൽ പ്ലാൻ ഫണ്ടിന്റെ എത്ര ശതമാനം തുക ചെലവഴിച്ചിട്ടുണ്ട്; കണക്ക് ലഭ്യമാക്കാമോ;

പ്രസ്തുത വര്‍ഷങ്ങളില്‍ കർഷകർക്ക് എത്ര രൂപയുടെ കൃഷി നഷ്ടം ഉണ്ടായിട്ടുണ്ട്; ജില്ല തിരിച്ചുള്ള കണക്കുകൾ ലഭ്യമാക്കാമോ;

കൃഷിനാശം സംഭവിച്ച എല്ലാ കർഷകർക്കും സാമ്പത്തിക സഹായം നൽകിയിട്ടുണ്ടോ; ഇല്ലെങ്കിൽ എന്തുകൊണ്ടെന്ന് വിശദമാക്കുമോ?

സാമ്പത്തിക പ്രതിസന്ധിയെ തുടർന്ന് 2024-25 സാമ്പത്തിക വർഷത്തെ പദ്ധതി അടങ്കലിന്റെ 50% വരെ വെട്ടിക്കുറയ്ക്കാനുള്ള സർക്കാർ തീരുമാനത്തെ തുടർന്ന് കൃഷി വകുപ്പിലെ പദ്ധതികൾ മുൻഗണനാടിസ്ഥാനത്തിൽ പുനക്രമീകരിച്ചിട്ടുണ്ടോ; വിശദാംശം ലഭ്യമാക്കുമോ; ആയത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ?

ഈ സര്‍ക്കാര്‍ വന്നശേഷം ആര്‍.ഐ.ഡി.എഫ്. തുക ഉപയോഗിച്ച് നബാര്‍ഡ് വടക്കാഞ്ചേരി മണ്ഡലത്തില്‍ കൃഷി വകുപ്പ് മുഖാന്തിരം നടപ്പിലാക്കിയ പദ്ധതികള്‍ ഏതെല്ലാമാണ്; ഓരോ പദ്ധതിക്കും ചെലവാക്കിയ തുകയും പ്രവൃത്തികളുടെ നിലവിലെ സ്ഥിതിയും വിശദമാക്കാമോ;

പ്രസ്തുത പദ്ധതികള്‍ പ്രകാരം വരുംവര്‍ഷങ്ങളില്‍ നടപ്പാക്കാന്‍ ഉദ്ദേശിക്കുന്ന പ്രവൃത്തികള്‍ എന്തെല്ലാമെന്ന് വിശദമാക്കാമോ?

പഴം-പച്ചക്കറി കര്‍ഷകരെ സഹായിക്കുന്നതിനായി കാർഷിക വിളകൾക്ക് 'കേരള ഫാം ഫ്രഷ് ഫ്രൂട്ട്സ് ആൻഡ് വെജിറ്റബിൾസ്' എന്ന പേരിൽ അടിസ്ഥാന വില നിശ്ചയിച്ചുകൊണ്ട് നടപ്പിലാക്കിയിട്ടുള്ള പദ്ധതിയിൽ കൂടുതൽ നാടൻ കാർഷിക വിളകൾ ഉൾപ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് നെൽകൃഷി പ്രോൽസാഹിപ്പിക്കാൻ ലോകബാങ്കില്‍ നിന്ന് വായ്പ തേടിയിട്ടുണ്ടോ; എങ്കില്‍ എത്ര കോടി രൂപയുടെ വായ്പയാണ് തേടിയിരിക്കുന്നതെന്ന് വ്യക്തമാക്കുമോ;

പ്രസ്തുത വായ്പ തുക പൂർണ്ണമായും നെൽകൃഷിക്ക് തന്നെയാണോ വിനിയോഗിക്കുന്നതെന്ന് വിശദീകരിക്കാമോ?

ബാലുശ്ശേരി മണ്ഡലത്തില്‍ വിവിധ ഗ്രാമപ്പഞ്ചായത്തുകളിലായി നിലവില്‍ എത്ര ഹെക്ടര്‍ ഭൂമിയില്‍ നെല്‍കൃഷി ചെയ്യുന്നുണ്ട്; വിശദമാക്കാമോ;

മണ്ഡലത്തില്‍ നെല്‍കൃഷിക്ക് യോഗ്യമായ ഭൂമി തരിശായി നിലവിലുണ്ടോ; വിശദാംശങ്ങള്‍ ലഭ്യമാക്കാമോ;

മണ്ഡലത്തില്‍ നെല്‍കൃഷി മെച്ചപ്പെടുത്തുന്നതിനായി കൃഷിഭവനുകള്‍ മുഖേന സ്വീകരിച്ചുവരുന്ന നടപടികൾ വിശദമാക്കാമോ?

സംസ്ഥാനത്ത് കൃഷിഭൂമിയുടെ വിസ്തൃതി വർദ്ധിപ്പിക്കുന്നതിന് സര്‍ക്കാര്‍ സ്വീകരിച്ചിട്ടുള്ള നടപടികളെന്തെല്ലാം;വിശദമാക്കുമോ;

സംസ്ഥാനത്തെ ആകെ നെൽപ്പാടങ്ങളുടെ വിസ്തൃതി എത്ര; കഴിഞ്ഞ അഞ്ചു വർഷത്തിനിടയിൽ ഇതിൽ കുറവുണ്ടായിട്ടുണ്ടോ; നെൽപ്പാടങ്ങൾ നികത്തുന്നതിനെതിരെ എന്തൊക്കെ നടപടികളാണ് സ്വീകരിച്ചുവരുന്നത്; വ്യക്തമാക്കുമോ;

സംസ്ഥാനത്ത് എത്ര റാംസർ സൈറ്റുകളുണ്ട്; കഴിഞ്ഞ അഞ്ചു വർഷത്തിനിടയിൽ റാംസർ സൈറ്റുകൾ നികത്തിയിട്ടുണ്ടോ; എങ്കിൽ എവിടെയെല്ലാം; റാംസർ സൈറ്റ് സംരക്ഷണത്തിന് സ്വീകരിച്ചിട്ടുള്ള നടപടികൾ എന്തൊക്കെയാണ്; വിശദാംശം ലഭ്യമാക്കുമോ?

നെല്ല് ഉല്പാദനം വര്‍ദ്ധിപ്പിക്കുന്നതിന് സ്വീകരിക്കാന്‍ ഉദ്ദേശിച്ചിട്ടുളള നടപടികള്‍ എന്തെല്ലാമാണ്; വ്യക്തമാക്കാമോ;

വിത്ത്, വളം, സാങ്കേതിക സഹായങ്ങള്‍, വായ്പ എന്നിവ യഥാസമയം ലഭിക്കാത്തതുകൊണ്ടും തൊഴിലാളികളുടെ സേവനം ആവശ്യാനുസരണം ലഭ്യമാകാത്തതിനാലും നെല്‍കര്‍ഷകര്‍ക്ക് ബുദ്ധിമുട്ടുകള്‍ നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയവ പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ;

സമഗ്ര കാര്‍ഷിക വികസനത്തിനും വളര്‍ച്ചയ്ക്കും സഹായകരമായ സാങ്കേതിക, വിദഗ്ദ്ധ ഉപദേശങ്ങള്‍ നല്‍കാന്‍ സാധിക്കുന്ന തരത്തില്‍ കാര്‍ഷിക ഗവേഷണ കേന്ദ്രങ്ങളെ ശക്തിപ്പെടുത്തുന്നതിനും അവയെ മികവിന്റെ കേന്ദ്രങ്ങളായി ഉയര്‍ത്തുന്നതിനും ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

രാഷ്ട്രീയ കൃഷി വികാസ് യോജന പദ്ധതിയില്‍ 2.07 കോടി രൂപ അനുവദിച്ചിട്ടുള്ള വൈപ്പിന്‍ മണ്ഡലത്തിലെ കുഴുപ്പിള്ളി ഗ്രാമപ്പഞ്ചായത്തിലെ ഐക്യസമാജം പാടശേഖരത്ത് പമ്പുസെറ്റും അനുബന്ധ സൗകര്യങ്ങളും ഒരുക്കുന്നതിനായുള്ള പ്രവൃത്തിയുടെ നിലവിലെ സ്ഥിതി വിശദമാക്കാമോ?

ആലപ്പുഴ മണ്ഡലത്തില്‍ നെല്‍കൃഷി ഇല്ലാത്ത പാടശേഖരങ്ങളുടെ വിശദവിവരം തദ്ദേശ സ്വയംഭരണ സ്ഥാപന അടിസ്ഥാനത്തില്‍ ലഭ്യമാക്കാമോ;

നെല്‍കൃഷി ഇല്ലാത്ത പാടശേഖരങ്ങളില്‍ കൃഷി നടത്തുന്നതിന് വകുപ്പ് എന്തൊക്കെ നടപടികളാണ് സ്വീകരിച്ചു വരുന്നത്;

പ്രസ്തുത പാടശേഖരങ്ങളില്‍ കൃഷി നടത്തുവാന്‍ സന്നദ്ധരായിട്ടുള്ള പാടശേഖര സമിതികള്‍ക്ക് അനുവാദം നല്‍കുന്നതിന് വകുപ്പ് സ്വീകരിച്ച നടപടി വ്യക്തമാക്കാമോ?

നെല്‍കര്‍ഷകരെ സഹായിക്കുന്നതിനായി എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചിട്ടുള്ളതെന്ന് വിശദമാക്കാമോ?

കാസർഗോഡ് ജില്ലയിലെ നെല്‍കര്‍ഷകരെ സഹായിക്കുന്നതിനായി പഞ്ചായത്തുകള്‍ തോറും നടീല്‍, കൊയ്ത്ത് ഉള്‍പ്പെടെയുള്ള കാര്‍ഷികവൃത്തികള്‍ യന്ത്രവല്‍ക്കരണത്തോടെ ചെയ്യുന്നതിനുള്ള സംവിധാനവും സഹായവും ഏര്‍പ്പെടുത്തിയിട്ടുണ്ടോ;

നെല്‍കൃഷി മേഖലയില്‍ വ്യാപകമായ തോതില്‍ തൊഴിലാളികള്‍ കുറവായതിനാല്‍ ഈ മേഖലയ്ക്ക് ഗുണപ്രദമാകുന്ന തരത്തില്‍ പദ്ധതി വിഭാവനം ചെയ്തിട്ടുണ്ടോ; വ്യക്തമാക്കാമോ?

നെല്ലുല്പാദനം പ്രോത്സാഹിപ്പിക്കുന്നതിന് വേണ്ടി കർഷകർക്ക് നൽകുന്ന ആനുകൂല്യങ്ങൾ എന്തെല്ലാമാണെന്ന് വിശദമാക്കാമോ;

നിലവിലെ സർക്കാർ അധികാരത്തിൽ വന്ന ശേഷം നാളിതുവരെ മണലൂർ മണ്ഡലത്തിൽ എത്ര ടൺ നെല്ലുല്പാദിപ്പിച്ചു എന്നത് സംബന്ധിച്ച് വർഷം തിരിച്ചുള്ള കണക്ക് ലഭ്യമാക്കാമോ;

നെൽകൃഷി പ്രോത്സാഹിപ്പിക്കുന്നതിനും നെല്ലുല്പാദനം വർദ്ധപ്പിക്കുന്നതിനുമായി നിലവിലെ സർക്കാരിന്റെ കാലത്ത് നാളിതുവരെ എത്ര രൂപ ചെലവഴിക്കുകയുണ്ടായെന്ന് വർഷം തിരിച്ചുള്ള കണക്ക് നൽകാമോ?

ആലത്തൂർ മണ്ഡലത്തിലെ ഏതൊക്കെ പഞ്ചായത്തുകളെയാണ് ഇതുവരെ കേരഗ്രാമം പദ്ധതിയിൽ ഉൾപ്പെടുത്തിയിട്ടുള്ളതെന്ന് വ്യക്തമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് എന്തൊക്കെ പ്രവൃത്തികളാണ് മണ്ഡലത്തിൽ നടത്തിയിട്ടുള്ളതെന്ന് വിശദമാക്കാമോ;

മണ്ഡലത്തിലെ ഏതൊക്കെ തദ്ദേശ സ്വയം ഭരണ സ്ഥാപനങ്ങളിലാണ് ഇതുവരെ കേരഗ്രാമം പദ്ധതി നടപ്പിലാക്കാത്തതെന്നും അവിടെയൊക്കെ പദ്ധതി നടപ്പിലാക്കാൻ നടപടി സ്വീകരിക്കുമോയെന്നും അറിയിക്കാമോ?

കേരഗ്രാമം പദ്ധതിയില്‍ ഉള്‍പ്പെടുത്തി എന്തെല്ലാം പ്രവർത്തനങ്ങളാണ് നടപ്പിലാക്കുന്നതെന്ന് വിശദമാക്കാമോ;

അരൂര്‍ മണ്ഡലത്തില്‍ ഏതെല്ലാം പഞ്ചായത്തുകളാണ് കേരഗ്രാമം പദ്ധതിയില്‍ ഉള്‍പ്പെട്ടിട്ടുളളതെന്ന് വിശദമാക്കാമോ;

കേരഗ്രാമം പദ്ധതിയില്‍ ഉള്‍പ്പെട്ട പഞ്ചായത്തുകള്‍ക്ക് തുടര്‍ന്ന് വരുന്ന വര്‍ഷങ്ങളില്‍ എന്തെല്ലാം ആനുകൂല്യങ്ങള്‍/പദ്ധതികളാണ് നല്‍കുന്നതെന്ന് വിശദമാക്കാമോ?

കയ്പമംഗലം മണ്ഡലത്തിലെ ഏതൊക്കെ പഞ്ചായത്തുകളെയാണ് ഇതുവരെ കേരഗ്രാമം പദ്ധതിയില്‍ ഉള്‍പ്പെടുത്തിയതെന്ന് വ്യക്തമാക്കുമോ;

പ്രസ്തുത പദ്ധതിയുമായി ബന്ധപ്പെട്ട് എന്തൊക്കെ പ്രവൃത്തികളാണ് മണ്ഡലത്തില്‍ നടത്തിയിട്ടുളളതെന്ന് വിശദമാക്കാമോ;

മണ്ഡലത്തിലെ ഏതൊക്കെ തദ്ദേശ സ്വയംഭരണ സ്ഥാപനങ്ങളിലാണ് കേരഗ്രാമം പദ്ധതി ഇതുവരെ നടപ്പിലാക്കാത്തതെന്നും പ്രസ്തുത സ്ഥാപനങ്ങളിൽ കൂടി പദ്ധതി നടപ്പിലാക്കാന്‍ നടപടി സ്വീകരിക്കുമോയെന്നും വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി മണ്ഡലത്തിലെ ഏതെല്ലാം പഞ്ചായത്തുകളിലാണ് കേരഗ്രാമം പദ്ധതി നടപ്പിലാക്കിയിട്ടുള്ളതെന്ന് വ്യക്തമാക്കുമോ;

ഓരോ പ‍ഞ്ചായത്തിലും പദ്ധതിക്കായി എത്ര തുക ചെലവഴിച്ചുവെന്ന് വ്യക്തമാക്കുമോ; വിശദ വിവരം നല്‍കുമോ?

പാലാ മണ്ഡലത്തില്‍ റബ്ബര്‍ കൃഷി പ്രോത്സാഹനത്തിന് പുതിയ പദ്ധതികള്‍ ആവിഷ്കരിച്ചിട്ടുണ്ടോ; വിശദാംശം ലഭ്യമാക്കുമോ;

സംസ്ഥാനത്ത് റബ്ബര്‍ കൃഷി പ്രോത്സാഹനത്തിനു് നിലവില്‍ കര്‍ഷകര്‍ക്ക് സബ്സിഡി നല്‍കുന്നുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ;

റബ്ബര്‍ കൃഷി ചെയ്യുന്നതിനു് കര്‍ഷകര്‍ക്ക് വസ്തു വാങ്ങുവാന്‍ നിലിവില്‍ വായ്പയും സബ്സിഡിയും നല്‍കുന്നുണ്ടോ; വിശദമാക്കാമോ?

ഈ സർക്കാർ അധികാരത്തിൽ വന്നശേഷം നാളിതുവരെ മണലൂർ മണ്ഡലത്തിൽ പ്രകൃതി ക്ഷോഭങ്ങളിൽ കൃഷി നാശം സംഭവിച്ച എത്ര കർഷകർക്ക് നഷ്ടപരിഹാരം നൽകിയിട്ടുണ്ടെന്ന് അറിയിക്കാമോ; വിള ഇൻഷ്വറൻസ് ഉൾപ്പടെ ആകെ എത്ര രൂപ നഷ്ടപരിഹരമായി അനുവദിച്ചിട്ടുണ്ടെന്ന് വർഷം തിരിച്ചുള്ള കണക്ക് ലഭ്യമാക്കാമോ;

മണ്ഡലത്തിൽ കൃഷി നാശം സംഭവിച്ച കർഷകർക്ക് നഷ്ടപരിഹാര തുക നൽകാൻ ബാക്കിയുണ്ടോ; എങ്കിൽ വിശദാംശം നൽകാമോ?

സംസ്ഥാനത്തെ നെല്‍കര്‍ഷകര്‍ നിലവില്‍ ഉപയോഗിച്ചുവരുന്ന ഉമ നെല്‍വിത്തിന്റെ ഗുണമേന്മയും ഉത്പ്പാദനശേഷിയും പ്രതിരോധശേഷിയും കുറഞ്ഞ സാഹചര്യത്തില്‍ കൂടുതല്‍ ഗുണമേന്മയും പ്രതിരോധശേഷിയും മലയാളികളുടെ ഭക്ഷണക്രമത്തിന് അനുയോജ്യവുമായ നല്ലയിനം വിത്തിനങ്ങള്‍ വികസിപ്പിച്ചെടുക്കുന്നതിനുള്ള നടപടി സ്വീകരിക്കുമോ;

കൃഷിഭവനുകളുടെ അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനും ആവശ്യമായ ജീവനക്കാരെ നിയമിക്കുന്നതിനും നെൽകൃഷിയുടെ വികസനത്തിന് മുന്‍പ് നല്‍കിയിരുന്ന വിവിധ സബ്സിഡികളും ഉല്പാദന ഇന്‍സെന്റീവുകളും പുനസ്ഥാപിക്കുന്നതിനും അടിയന്തിര നടപടി സ്വീകരിക്കുമോ;

കൊയ്ത്ത് മെഷീന്‍ ഏജന്റുമാരുടെയും നെല്ല് സംഭരണ ഏജന്റുമാരുടെയും ചൂഷണത്തില്‍ നിന്ന് നെല്‍കര്‍ഷകരെ രക്ഷിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

നെല്ലിന്റെ കയറ്റിറക്ക് കൂലി കൈകാര്യ ചെലവ് എന്നിവയുമായി ബന്ധപ്പെട്ട് നിലവില്‍ ഒരു ക്വിന്റല്‍ നെല്ലിന് കര്‍ഷകര്‍ക്ക് ചെലവാകുന്ന തുക എത്രയാണെന്നും സര്‍ക്കാര്‍ എത്രയാണ് അവര്‍ക്ക് നല്‍കുന്നതെന്നും പ്രസ്തുത തുക വര്‍ദ്ധിപ്പിക്കുന്നതിനുള്ള നടപടി സ്വീകരിക്കുമോയെന്നും അറിയിക്കാമോ;

പാടശേഖരങ്ങളുടെ ബണ്ടുകളുടെ പരിപാലനം കൂടി സാധ്യമാക്കുന്ന വിധത്തില്‍ പമ്പിംഗ് സബ്സ്ഡി തുക കാലോചിതമായി പരിഷ്കരിക്കുന്നതിനും വര്‍ദ്ധിപ്പിക്കുന്നതിനും ഉള്ള നടപടി സ്വീകരിക്കുമോ?

സംസ്ഥാനത്ത് സ്വന്തമായി ഭൂമിയില്ലാത്തതിനാല്‍ മറ്റുള്ളവരുടെ ഭൂമിയില്‍ കൃഷി ചെയ്യുന്ന കര്‍ഷകരുടെ കണക്ക് ജില്ലതിരിച്ച് വ്യക്തമാക്കാമാേ;

ഇത്തരത്തില്‍ കൃഷി ചെയ്യുന്ന കര്‍ഷകര്‍ക്ക് എന്താെക്കെ ആനുകൂല്യങ്ങളാണ് നല്‍കിവരുന്നത്; വ്യക്തമാക്കാമാേ;

ഇത്തരം കര്‍ഷകരുടെ ഉല്പന്നങ്ങള്‍ വിറ്റഴിക്കുന്നതിന് എന്തെല്ലാം സഹായങ്ങളാണ് നല്‍കിവരുന്നതെന്ന് വ്യക്തമാക്കുമാേ?

സംസ്ഥാനത്തെ നാളികേര സംഭരണ കേന്ദ്രങ്ങളുടെ വിവരം ജില്ല തിരിച്ച് ലഭ്യമാക്കാമോ;

നാളികേരം സംഭരിച്ച വകയിൽ കർഷകർക്ക് സർക്കാർ നൽകാനുള്ള വിഹിതത്തിന്റെ കുടിശ്ശിക എത്രയെന്നും ഇത് എത്ര കർഷകർക്കാണ് നൽകാനുള്ളതെന്നും അറിയിക്കാമോ;

2021 മുതൽ നാളിതുവരെ സർക്കാർ സംഭരിച്ച നാളികേരത്തിന്റെ അളവ് വർഷം തിരിച്ച് സംഭരണ കേന്ദ്രങ്ങൾ തിരിച്ച് ലഭ്യമാക്കാമോ;

2021 മുതൽ നാളിതുവരെ സർക്കാർ സംഭരിച്ച പച്ചക്കറി ഉല്പന്നങ്ങളുടെ അളവ് വർഷം തിരിച്ച് സംഭരണ കേന്ദ്രങ്ങൾ തിരിച്ച് ലഭ്യമാക്കാമോ;

പച്ചക്കറി സംഭരിച്ച വകയിൽ കർഷകർക്ക് സർക്കാർ നൽകാനുള്ള വിഹിതത്തിന്റെ കുടിശ്ശിക എത്രയെന്നും ഇത് എത്ര കർഷകർക്കാണ് നൽകാനുള്ളതെന്നും അറിയിക്കാമോ?

കർഷകക്ഷേമ ബോർഡിന്റെ പ്രവർത്തനം ഊർജ്ജിതപ്പെടുത്തുന്നതിന് നടപടി സ്വീകരിക്കുമോ; വിശദമാക്കാമോ?

കിസാൻ അഭിമാൻ പദ്ധതിയുടെ കണക്കിൽ ഉണ്ടായിരുന്ന തുക കർഷക ക്ഷേമനിധി ബോർഡ് നിലവിൽ വന്ന തീയതിയിൽ കർഷക ക്ഷേമ നിധിയിലേക്ക് കൈമാറ്റം ചെയ്ത് നൽകിയിട്ടുണ്ടോ; എങ്കിൽ എത്ര തുകയാണ് അപ്രകാരം കൈമാറ്റം ചെയ്ത് നൽകിയതെന്ന് വ്യക്തമാക്കാമോ; ഇല്ലെങ്കിൽ കാരണം വ്യക്തമാക്കുമോ;

ആയത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ; പ്രസ്തുത തുക ഏതിനത്തിലാണ് ചെലവഴിച്ചിട്ടുള്ളതെന്ന് വ്യക്തമാക്കുമോ?

കൊടിയ വരൾച്ചയും അതിതീവ്ര മഴയും സംസ്ഥാനത്തുണ്ടാക്കുന്ന കാലാവസ്ഥാ വ്യതിയാനവും മൂലം കർഷകർ നേരിടുന്ന പ്രതിസന്ധികള്‍ ശ്രദ്ധയിൽപ്പെട്ടിട്ടുണ്ടോ;

കൃഷിയും വിളവെടുപ്പും കാലാവസ്ഥയ്ക്കനുസൃതമായി ക്രമീകരിച്ച് കാലാവസ്ഥാ വ്യതിയാനത്തെ അതിജീവിക്കുന്നതിന് പ്രത്യേക പഠനം നടത്തുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

സംസ്ഥാനത്ത് കാലാവസ്ഥാ വ്യതിയാനം മൂലം ഉണ്ടാകുന്ന കൃഷിനാശത്തിന് നഷ്ടപരിഹാരം നൽകുന്നതിന് കേന്ദ്ര സഹായം ലഭ്യമാകുന്നുണ്ടോ; വിശദമാക്കാമോ;

കാലാവസ്ഥ വ്യതിയാനംമൂലം കൃഷി നശിച്ച എല്ലാ കർഷകർക്കും നഷ്ടപരിഹാരം ലഭ്യമാക്കുന്നതിന് പ്രത്യേക പാക്കേജ് പരിഗണനയിലുണ്ടോ; വിശദമാക്കുമോ?

അടയ്ക്കയുടെ വിലയിൽ വർദ്ധനവുണ്ടായിട്ടുണ്ടോയെന്ന് വ്യക്തമാക്കാമോ;

മികച്ച വില ലഭിക്കുമ്പോഴും അടയ്ക്കയുടെ വിളവ് കുറഞ്ഞത് മലയോര കർഷകരെ പ്രതിസന്ധിയിലാക്കിയ കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

അടയ്ക്കയുടെ വിളവ് ഗണ്യമായി കുറഞ്ഞതോടെ വിലയുടെ ഗുണം ലഭിക്കാത്ത കർഷകരെ സഹായിക്കാൻ നടപടി സ്വീകരിക്കുമോ; വിശദമാക്കാമോ;

കഴിഞ്ഞ രണ്ടുവർഷമായി കവുങ്ങുകൾക്ക് ഇലപ്പുള്ളി രോഗവും തുടർന്നുള്ള പൂങ്കുല കരിച്ചിലും വ്യാപകമായി പിടിപെട്ടതാണ് അടയ്ക്കയുടെ വിളവ് കുറയാൻ കാരണമായതെന്നത് വസ്തുതയാണോ; എങ്കിൽ എന്ത് പ്രതിവിധികളാണ് പ്രസ്തുത വിഷയത്തിൽ സ്വീകരിച്ചിട്ടുള്ളതെന്നും വ്യക്തമാക്കാമോ?

കാര്‍ഷിക മേഖലയിലെ പ്രധാന പ്രശ്നങ്ങളായ കൊടുംവരള്‍ച്ച, അതിവര്‍ഷം, പ്രളയം, ഉരുള്‍പൊട്ടല്‍ മുതലായ പ്രകൃതി ദുരന്തങ്ങള്‍ കൃഷിയേയും കര്‍ഷക വരുമാനത്തേയും പ്രതികൂലമായി ബാധിക്കുന്ന സാഹചര്യത്തില്‍ കര്‍ഷകരെ സംരക്ഷിക്കാന്‍ എന്തെല്ലാം പ്രവര്‍ത്തനങ്ങളാണ് നടപ്പിലാക്കിയിരിക്കുന്നതെന്ന് വിശദമാക്കുമോ;

കര്‍ഷകര്‍ കൂടുതലുള്ള പാലാ മണ്ഡലത്തില്‍ കാര്‍ഷിക മേഖല ശക്തിപ്പെടുത്തുന്നതിനുവേണ്ടി എന്തെല്ലാം പുതിയ പദ്ധതികളാണ് ആവിഷ്കരിച്ചിരിക്കുന്നതെന്ന് വിശദമാക്കാമോ?

ഈ സർക്കാരിന്റെ കാലത്ത് പുതുപ്പള്ളി മണ്ഡലത്തിലെ വിവിധ പാടശേഖരങ്ങളില്‍ ഉണ്ടായ വിളനാശത്തിന് നഷ്ടപരിഹാരം ആവശ്യപ്പെട്ട് കർഷകരില്‍നിന്നും അപേക്ഷകൾ ലഭിച്ചിരുന്നോ; എങ്കില്‍ ഇതിന്മേൽ സ്വീകരിച്ച നടപടികൾ വിശദമാക്കുമോ;

പ്രസ്തുത കർഷകർ സർക്കാരിന്റെ വിള ഇൻഷുറൻസ് എടുത്തിട്ടുള്ളവരായിരുന്നോ; ഇവർക്ക് നഷ്ടപരിഹാര തുക വിതരണം ചെയ്യുന്നതിന് കാലതാമസം ഉണ്ടായിട്ടുണ്ടെങ്കിൽ കാരണം വ്യക്തമാക്കുമോ; നഷ്ടപരിഹാരം പൂർണ്ണമായും എന്നത്തേക്ക് വിതരണം ചെയ്യാനാകുമെന്ന് അറിയിക്കുമോ;

മണ്ഡലത്തിൽ നിന്നും വിവിധ കൃഷിനാശങ്ങൾക്ക് നഷ്ടപരിഹാരം ആവശ്യപ്പെട്ട് ലഭിച്ച അപേക്ഷാ വിവരങ്ങൾ പേരും ലഭിച്ച തീയതിയും സഹിതം നൽകാമോ; ആയതിന്മേൽ ഇതുവരെ സ്വീകരിച്ച നടപടികൾ വിശദമാക്കുമോ?

നേര്യമംഗലം കൃഷിഫാമില്‍ കഴിഞ്ഞ ഒമ്പത് വര്‍ഷങ്ങളായി നടപ്പാക്കിവരുന്ന വികസന പ്രവര്‍ത്തനങ്ങളെ സംബന്ധിച്ച് വിശദീകരിക്കാമോ;

പ്രസ്തുത ഫാമില്‍ നടപ്പിലാക്കിവരുന്ന പദ്ധതികൾ എത്രയെണ്ണമുണ്ടെന്നും അവയ്ക്ക് എത്ര കോടി രൂപ അനുവദിച്ചിട്ടുണ്ടെന്നും തരം തിരിച്ച് വ്യക്തമാക്കുമോ;

ഫാമിലെ തൊഴിലാളികളെ സ്ഥിരപ്പെടുത്തുന്നതുമായി ബന്ധപ്പെട്ട് സ്വീകരിച്ച നടപടികൾ വ്യക്തമാക്കാമോ;

പുതുതായി എന്തെല്ലാം പദ്ധതികളാണ് ഫാമുമായി ബന്ധപ്പെട്ട് നടപ്പാക്കാന്‍ ഉദ്ദേശിക്കുന്നത്; വ്യക്തമാക്കാമോ?

കോഴിക്കോട് നഗരത്തില്‍ കൃഷിക്കനുയോജ്യമായ തരിശുഭൂമികള്‍ കണ്ടെത്തുന്നതിനു സ്വീകരിച്ചിട്ടുള്ള നടപടികൾ വ്യക്തമാക്കാമോ;

കോഴിക്കോട് കോര്‍പ്പറേഷന്‍ പരിധിയില്‍ ഇത്തരത്തില്‍ തരിശുഭൂമി കണ്ടെത്തിയിട്ടുണ്ടോ; വ്യക്തമാക്കാമോ;

നഗരങ്ങളിൽ കാര്‍ഷികപുരോഗതിക്ക് ഉതകുന്ന പദ്ധതികള്‍ ആവിഷ്കരിക്കുന്നതിന് പരിഗണന നല്‍കുമോ; വിശദാംശം ലഭ്യമാക്കുമോ?

വിഷരഹിത പച്ചക്കറി എന്ന പേരില്‍ വില്‍പ്പന നടത്തുന്ന ജൈവ പച്ചക്കറികളില്‍ മാരകമായ കീടനാശിനികള്‍ കലര്‍ത്തുന്നതായ വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് തടയുന്നതിനായി സ്വീകരിച്ച നടപടി വിശദമാക്കുമോ;

ഇത് തടയുന്നതുമായി ബന്ധപ്പെട്ട് നടപടികള്‍ സ്വീകരിച്ചിട്ടുണ്ടോ, എങ്കില്‍ വിശദാംശം നല്‍കാമോ?

ഇതര സംസ്ഥാനങ്ങളില്‍ നിന്ന് കേരളത്തില്‍ വിപണനത്തിനെത്തുന്ന പച്ചക്കറികളില്‍ മാരക വിഷാംശങ്ങളുണ്ടെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇവ പരിശോധിക്കാന്‍ നിലവില്‍ സംവിധാനമുണ്ടോ; വിശദാംശം ലഭ്യമാക്കാമോ;

വിഷരഹിത പച്ചക്കറികള്‍ വിപണിയിലെത്തിക്കാന്‍ സര്‍ക്കാര്‍ തലത്തില്‍ എന്തൊക്കെ നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

കേരളത്തില്‍ കാര്‍ഷികോല്പന്നങ്ങളുടെ മൂല്യവര്‍ദ്ധനവ് ലക്ഷ്യമിട്ടാരംഭിച്ച അഗ്രോ പാര്‍ക്കുകളുടെ വിശദാംശം നല്‍കാമോ;

കോഴിക്കോട് ജില്ലയില്‍ ഏതൊക്കെ അഗ്രോ പാര്‍ക്കുകളാണ് നിലവിലുള്ളത്; പുതിയ അഗ്രോ പാര്‍ക്കുകള്‍ ആരംഭിക്കുന്നതിന് നടപടി സ്വീകരിച്ചിട്ടുണ്ടോ; വിശദ വിവരം ലഭ്യമാക്കാമോ;

പേരാമ്പ്ര മണ്ഡലത്തില്‍ കൂത്താളി കൃഷിഫാമില്‍ അഗ്രോ പാര്‍ക്ക് ആരംഭിച്ചിട്ടുണ്ടോ; പ്രസ്തുത വിഷയത്തിൽ സര്‍ക്കാര്‍ സ്വീകരിച്ചു വരുന്ന നടപടികൾ വിശദമാക്കാമോ?

കാലാവസ്ഥാ വ്യതിയാനത്തെ തുടര്‍ന്നുണ്ടായ കൃഷിനാശം പച്ചക്കറിയുല്പാദനത്തെ പ്രതികൂലമായി ബാധിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഈ സാഹചര്യത്തെ മറികടക്കുന്നതിനായി ആവശ്യമായ പച്ചക്കറികള്‍ മിതമായ നിരക്കില്‍ വിപണിയില്‍ ലഭ്യമാക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ;

പ്രാദേശികമായി ഉല്പാദിപ്പിക്കപ്പെടുന്ന പച്ചക്കറികള്‍ സംഭരിക്കുന്നതിനും ഇതര സംസ്ഥാനങ്ങളില്‍ നിന്ന് ശേഖരിക്കുന്നതിനും പദ്ധതിയുണ്ടോ; വിശദമാക്കുമോ;

വിപണനശാലകള്‍ സജീവമാക്കുന്നതിനായി നടപടി സ്വീകരിച്ചിട്ടുണ്ടോ; സഞ്ചരിക്കുന്ന പച്ചക്കറി വിപണനശാലകള്‍ സജ്ജമാക്കിയിട്ടുണ്ടോ; വിശദാംശം നല്‍കുമോ?

ഭക്ഷ്യ ഭദ്രത ഉറപ്പുവരുത്തുന്നതിനുവേണ്ടി കാര്‍ഷിക ധാന്യങ്ങളുടെ ആഭ്യന്തര ഉല്പാദനം കൂട്ടാന്‍ എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ;

സംസ്ഥാനത്ത് ഇപ്പോള്‍ ഭക്ഷ്യധാന്യങ്ങളുടെ ഉല്പാദനം നാലിലൊന്ന് താഴെയാണെന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഉല്പാദനം കൂട്ടാന്‍ എന്തെല്ലാം പുതിയ പദ്ധതികളാണ് ആവിഷ്കരിച്ചിരിക്കുന്നത്; വിശദമാക്കാമോ?

കേരള സര്‍ക്കാര്‍ അഗ്രി ബിസിനസ് കമ്പനിയായ കാബ്‌കോ-യില്‍ ഏതൊക്കെ വിഭാഗങ്ങള്‍ക്കാണ് ഷെയര്‍ അനുവദിക്കുന്നതെന്നും ഓരോ വിഭാഗത്തിനും എത്ര ശതമാനം ഷെയര്‍ ആണ് അനുവദിക്കുന്നതെന്നും ഒരു ഷെയറിന്റെ മുഖവില എത്രയാണെന്നും അറിയിക്കാമോ;

കൃഷി വകുപ്പ് രൂപീകരിച്ചിട്ടുള്ള കര്‍ഷക കൂട്ടായ്മകളായ പാടശേഖര സമിതികള്‍, കേര സമിതികള്‍, കാര്‍ഷിക കര്‍മ്മസേനകള്‍, കൃഷിക്കൂട്ടങ്ങള്‍, കൃഷിക്കൂട്ട ഫെഡറേഷനുകള്‍ എന്നിവയ്ക്ക് കാബ്‌കോ-യിൽ ഷെയര്‍ അനുവദിക്കുന്നുണ്ടോയെന്നും ഉണ്ടെങ്കില്‍ അതിനുള്ള മാനദണ്ഡമെന്താണെന്നും അറിയിക്കാമോ;

കൃഷി വകുപ്പ് പദ്ധതി പ്രകാരം രൂപീകരിച്ചിട്ടുള്ള നൂറ് എഫ്.പി.ഒ-കള്‍ക്ക് കാബ്‌കോ-യിൽ ഷെയര്‍ അനുവദിക്കുമോയെന്നും എങ്കിൽ മാനദണ്ഡങ്ങള്‍ എന്തൊക്കെയാണെന്നും വ്യക്തമാക്കാമോ?

കേരള അഗ്രോ ഇന്‍ഡസ്ട്രീസ് കോര്‍പ്പറേഷന്റെ പുനരുദ്ധാരണത്തിന് പദ്ധതി തയ്യാറാക്കിയിട്ടുണ്ടോ; ഇല്ലെങ്കില്‍ തയ്യാറാക്കുമോയെന്ന് വ്യക്തമാക്കാമോ;

പൊതുമേഖലാ സ്ഥാപനങ്ങളെ കാറ്റഗറെെസ് ചെയ്തതില്‍ കേരള അഗ്രോ ഇന്‍ഡസ്ട്രീസ് കോര്‍പ്പറേഷന്‍ ഉള്‍പ്പെട്ടിട്ടുണ്ടോ; എങ്കില്‍ കാറ്റഗറി വ്യക്തമാക്കുമോ?

കേരള അഗ്രോ ഇന്‍ഡസ്ട്രീസ് കോര്‍പ്പറേഷന്റെ നിലവിലെ സാമ്പത്തിക സ്ഥിതി വിശദമാക്കാമോ;

കേരള അഗ്രോ ഇന്‍ഡസ്ട്രീസ് കോര്‍പ്പറേഷനിലെ സ്പെഷ്യല്‍ റൂള്‍സും സ്റ്റാഫ് പാറ്റേണും നിലവിലുണ്ടോയെന്ന് വിശദമാക്കാമോ?

സംസ്ഥാന ഹോര്‍ട്ടികള്‍ച്ചര്‍ മിഷന്റെ രാഷ്ട്രീയ കൃഷി വികാസ് യോജന പദ്ധതി പ്രകാരം പട്ടികവര്‍ഗ്ഗ വികസന വകുപ്പുമായി ചേര്‍ന്ന് വാമനപുരം മണ്ഡലത്തിലെ നന്ദിയോട് ഗ്രാമപഞ്ചായത്തില്‍ നടപ്പാക്കുന്ന കൂണ്‍ഗ്രാമം പദ്ധതി ഏതുഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതി നടപ്പാക്കുന്നതുമായി ബന്ധപ്പെട്ട് ഹോര്‍ട്ടികള്‍ച്ചര്‍ മിഷന്‍ പട്ടികവര്‍ഗ്ഗ വികസന വകുപ്പുമായി എം.ഒ.യു. ഒപ്പ് വെച്ചിട്ടുണ്ടോ; വിശദമാക്കാമോ?

13 വില്ലേജുകളില്‍ 74 ഡിവിഷനില്‍ 94.88 സ്ക്വയര്‍ കിലോമീറ്ററിലായി ഏകദേശം ഏഴ് ലക്ഷം ജനസംഖ്യയുള്ള കൊച്ചി നഗരത്തിലെ വൈറ്റിലയില്‍ ഒരു കൃഷി ഓഫീസ് മാത്രമാണുളളത് എന്നത് ശ്രദ്ധയില്‍പ്പെട്ടിട്ടുണ്ടോ;

ഓണ്‍ലൈന്‍ അപേക്ഷകളും ഓഫ് ലൈന്‍ അപേക്ഷകളും ഉള്‍പ്പെടെ ഭൂമി തരം മാറ്റത്തിനുള്ള എത്ര അപേക്ഷകള്‍ വൈറ്റില കൃഷി ഓഫീസില്‍ കെട്ടിക്കിടക്കുന്നുവെന്ന് അറിയിക്കുമോ:;

കൃഷി ഓഫീസുമായി ബന്ധപ്പെടുന്ന ഏകദേശം 1800 കര്‍ഷകരും റെസിഡന്റ്സ് അസോസിയേഷനുകളുടെ കീഴില്‍ ധാരാളം കര്‍ഷക ഗ്രൂപ്പുകളും ഗ്രീന്‍ ഹൗസുകള്‍ നിര്‍മ്മിച്ച് ടെറസ് കൃഷി നടത്തുന്ന ഒട്ടനവധി വീടുകളും സ്ഥാപനങ്ങളും ഉള്ള കൊച്ചി നഗരത്തില്‍ ഇവരെ മോണിട്ടര്‍ ചെയ്യാനും അവര്‍ക്ക് വേണ്ട മാര്‍ഗ്ഗ നിര്‍ദ്ദേശങ്ങള്‍ നല്‍കാനുമായി നിലവിലുള്ള ഉദ്യോഗസ്ഥര്‍ എത്രപേരാണ് എന്ന് അറിയിക്കുമോ;

മെട്രോ നിര്‍മ്മാണത്തിന്റെ ഭാഗമായി വൈറ്റില മൊബിലിറ്റി ഹബിനോട് ചേര്‍ന്ന് പ്രവര്‍ത്തിച്ചിരുന്ന കൃഷി ഓഫിസ് കെട്ടിടം ഒഴിഞ്ഞുകൊടുക്കേണ്ടി വന്നതിനെ തുടര്‍ന്ന് നിലവില്‍ പ്രവര്‍ത്തിക്കുന്നത് കൊച്ചി കോര്‍പ്പറേഷന്റെ വൈറ്റില സോണല്‍ ഓഫീസിന്റെ രണ്ടാം നിലയിലായതിനാല്‍ നടീല്‍ വസ്തുക്കളും തെങ്ങിന്‍ തൈകളും രണ്ടാം നിലയില്‍ കൃഷി ഓഫീസറുടെ മുറിയില്‍ വെയില്‍ കൊള്ളാതെ സൂക്ഷിക്കുന്ന നിലവിലെ സാഹചര്യം ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ;

വൈറ്റിലയിലെ കൃഷി ഓഫീസിന്റെ നിലവിലെ ശോചനീയാവസ്ഥ പരിഹരിക്കുന്നതിനാവശ്യമായ എന്തെല്ലാം നടപടികളാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ;

കൊച്ചി നഗരത്തിലെ കര്‍ഷകരുടെ പ്രായോഗിക ബുദ്ധിമുട്ട് മനസ്സിലാക്കി കൊച്ചി നഗരസഭയുടെ പടിഞ്ഞാറന്‍ മേഖലയിലായി പുതിയ കൃഷി ഓഫീസ് അനുവദിക്കുവാന്‍ നടപടി സ്വീകരിക്കുമോ; വ്യക്തമാക്കുമോ?

ആലപ്പുഴ മണ്ഡലത്തില്‍ കെ.എല്‍.ഡി.സി. മുഖേന നടപ്പിലാക്കിവരുന്ന പദ്ധതികള്‍, അനുവദിച്ച തുക, നിലവിലെ സ്ഥിതി, ഏതാെക്കെ തദ്ദേശസ്ഥാപനങ്ങള്‍ എന്ന അടിസ്ഥാനത്തില്‍ വിശദവിവരം ലഭ്യമാക്കാമോ;

കെ.എല്‍.ഡി.സി. നിലവില്‍ ഏതാെക്കെ പദ്ധതികളാണ് മണ്ഡലത്തില്‍ ചെയ്യാന്‍ ഉദ്ദേശിക്കുന്നത്; വിശദവിവരം ലഭ്യമാക്കാമോ?

കണ്ണൂര്‍, കാസര്‍ഗോഡ് ജില്ലകളിലെ കര്‍ഷകര്‍ക്ക് ആവശ്യമായ നടീല്‍ വസ്തുക്കള്‍ ലഭ്യമാക്കുന്ന പിലിക്കോട് കാര്‍ഷിക ഗവേഷണ കേന്ദ്രത്തിന്റെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിന് നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ?

കാര്‍ഷികമേഖലയില്‍ പൊതുമേഖലാ സ്ഥാപനങ്ങളു‍ടെ പ്രവര്‍ത്തനങ്ങള്‍ വിപുലീകരിക്കുന്നതിനായി സ്വീകരിച്ചു വരുന്ന നടപടികള്‍ എന്തെല്ലാമാണ്; ഇതിനായി പ്രത്യേകം പഠനങ്ങള്‍ നടത്തിയിട്ടുണ്ടോ; വിശദമാക്കുമോ;

കേരഫെഡില്‍ ഉല്പന്ന വൈവിധ്യവല്‍ക്കരണം നടപ്പാക്കിയിട്ടുണ്ടോ; എങ്കില്‍ ഇതുവഴി എന്തൊക്കെ കാര്യങ്ങളാണ് ലക്ഷ്യമിടുന്നതെന്ന് അറിയിക്കുമോ;

ഹോര്‍ട്ടികോര്‍പ്പ് പുതുതായി ഔട്ട്‍ലറ്റുകള്‍ സ്ഥാപിച്ചിട്ടുണ്ടോ; ഇന്റഗ്രേറ്റഡ് പാക്ക് ഹൗസ്, ഹൈറേഞ്ച് ബീ കീപ്പിംഗ് സെന്റര്‍ എന്നിവ സ്ഥാപിക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പുതിയതായി എത്ര അഗ്രോ സര്‍വ്വീസ് സെന്ററുകളാണ് അനുവദിച്ചിട്ടുളളത്; കോഴിക്കോട് ജില്ലയില്‍ ഏതൊക്കെ ബ്ലാേക്കുകളില്‍ നിലവില്‍ അഗ്രോ സര്‍വ്വീസ് സെന്ററുകള്‍ പ്രവര്‍ത്തിക്കുന്നുണ്ട്; വിശദമാക്കാമോ;

ബാലുശ്ശേരി ബ്ലോക്കില്‍ അഗ്രോ സെന്റര്‍ അനുവദിക്കുന്നതിനായി പുതിയ അപേക്ഷ ലഭിച്ചിട്ടുണ്ടോ; ഒരു ബ്ലോക്കില്‍ നിലവില്‍ ഒരു അഗ്രോ സെന്റര്‍ മാത്രമാണോ അനുവദിച്ചിട്ടുളളത്; വിശദമാക്കാമോ;

അഗ്രോ സര്‍വ്വീസ് സെന്ററുകളില്‍ എന്തൊക്കെ സേവനങ്ങളാണ് നല്‍കിവരുന്നത്; വിശദമാക്കാമോ?

കൃഷിവകുപ്പിന്റെ സേവനങ്ങൾ കർഷകർക്ക് എത്തിക്കുന്നതിനായി സ്മാർട്ട് കൃഷിഭവൻ പദ്ധതി നടപ്പാക്കിയിട്ടുണ്ടോ; എങ്കിൽ ഇതിന്റെ വിശദാംശം നൽകാമോ;

ഈ സർക്കാർ അധികാരത്തിൽ വന്നശേഷം ഇതുവരെ എത്ര കൃഷിഭവനുകളെ സ്മാർട്ട് കൃഷിഭവൻ പദ്ധതിയിൽ ഉൾപ്പെടുത്തിയിട്ടുണ്ട്; ഇതിനായി ഓരോ ബജറ്റിലും അനുവദിച്ച തുക സംബന്ധിച്ച വിവരം ലഭ്യമാക്കാമോ;

മണ്ണാർക്കാട് മണ്ഡലത്തിലെ ഏതെല്ലാം കൃഷിഭവനുകളാണ് സ്മാർട്ട് കൃഷിഭവനുകളായി മാറ്റുന്ന പദ്ധതിയില്‍ ഉള്‍പ്പെട്ടിട്ടുള്ളത്; വിശദവിവരം ലഭ്യമാക്കുമോ?

കുണ്ടറ മണ്ഡലത്തിലെ നെടുമ്പന സ്മാര്‍ട്ട് കൃഷിഭവന്റെ നിര്‍മ്മാണ പ്രവര്‍ത്തന പുരോഗതി വിശദമാക്കാമോ?

2016 മുതല്‍ നാളിതുവരെ കായംകുളം മണ്ഡലത്തില്‍ കൃഷി വകുപ്പ് വഴി നടപ്പിലാക്കിയ പദ്ധതികള്‍ ഏതൊക്കെയെന്നും ഇതിനായി എത്ര രൂപ ചെലവഴിച്ചിട്ടുണ്ടെന്നും വ്യക്തമാക്കാമോ?

സ്മാർട്ട് കൃഷിഭവനുകൾ വഴി കർഷകർക്ക് ലഭ്യമാകുന്ന സേവനങ്ങൾ എന്തൊക്കെയാണെന്ന് വ്യക്തമാക്കാമോ;

സംസ്ഥാനത്ത് നിലവിൽ എത്ര കൃഷിഭവനുകളെ സ്മാർട്ട് കൃഷിഭവനുകളാക്കിയിട്ടുണ്ടെന്ന് ജില്ല തിരിച്ച് അറിയിക്കാമോ;

കൊടുങ്ങല്ലൂർ മണ്ഡലത്തിൽ ഏതൊക്കെ കൃഷിഭവനുകളെയാണ് സ്മാർട്ട് കൃഷിഭവനുകളാക്കിയിട്ടുള്ളതെന്ന് അറിയിക്കാമോ?

ഉടുമ്പന്‍ചോല മണ്ഡലത്തിലെ വിവിധ കൃഷി ഓഫീസുകളിൽ വിവിധ തസ്തികകളിലായി എത്ര ഒഴിവുകള്‍ നിലവിലുണ്ടെന്ന് വിശദമാക്കാമോ; പ്രസ്തുത വിഷയത്തിൽ തസ്തിക, ഓഫീസ് തിരിച്ച് വിശദാംശം നല്‍കാമോ;

പ്രസ്തുത ഒഴിവുകള്‍ അടിയന്തിരമായി നികത്തുന്നതിന് നടപടി സ്വീകരിക്കുമോ?

പബ്ലിക് സര്‍വ്വീസ് കമ്മീഷന്‍ പ്രസിദ്ധീകരിച്ച അഗ്രിക്കള്‍ച്ചര്‍ ഓഫീസര്‍ റാങ്ക് ലിസ്റ്റില്‍ നിന്ന് ഇതേവരെ എത്രപേരെ നിയമിച്ചിട്ടുണ്ടെന്നും പുതിയതായി എത്ര ഒഴിവുകള്‍ റിപ്പോര്‍ട്ട് ചെയ്തിട്ടുണ്ടെന്നും വിശദമാക്കാമോ?

കൃഷിവകുപ്പിലെ അഗ്രിക്കൾച്ചറൽ അസിസ്റ്റന്റുമാർക്ക് ടൈം ബൗണ്ട് ഗ്രേഡ് പ്രമോഷൻ ലഭിക്കുന്നതിന് വകുപ്പുതല പരീക്ഷ പാസാകണമെന്ന നിബന്ധനവച്ച് സർക്കാർ ഉത്തരവ് ഇറക്കിയിട്ടുണ്ടോ, എങ്കിൽ പകർപ്പ് ലഭ്യമാക്കാമോ;

കൃഷി വകുപ്പിന്റെ സ്പെഷ്യൽ റൂൾസിൽ ഇത് ഉൾപ്പെടുത്തിയിട്ടുണ്ടോ, അറിയിക്കുമോ;

മറ്റ് ഏതെല്ലാം വകുപ്പിലെ ജീവനക്കാർക്കാണ് സമയബന്ധിത ഹയർഗ്രേഡ് നൽകുന്നതിന് വകുപ്പ് തല പരീക്ഷ നിർബന്ധമാക്കിയിട്ടുള്ളത്; വ്യക്തമാക്കാമോ?

കൃഷി വകുപ്പിൽ കരാർ അടിസ്ഥാനത്തിൽ എത്ര ജീവനക്കാർ ജോലി ചെയ്യുന്നുണ്ട്; ഇവരിൽ എത്ര പേർ എംപ്ലോയ്‌മെന്റ് എക്സ്ചേഞ്ച് മുഖേന നിയമനം ലഭിച്ചവരാണ്; ജില്ല തിരിച്ചുള്ള കണക്കുകൾ വെളിപ്പെടുത്തുമോ;

വകുപ്പിൽ സ്ഥിരം/കരാർ അല്ലാതെ നിയമനം ലഭിച്ചവർ ഉണ്ടോ; ഉണ്ടെങ്കിൽ ഏത് മാനദണ്ഡങ്ങൾ അനുസരിച്ചാണ് നിയമനം നടത്തിയിട്ടുള്ളതെന്നും അതിന് നിലവിലുള്ള നിയമം അനുശാസിക്കുന്നുണ്ടോയെന്നും വെളിപ്പെടുത്തുമോ;

എംപ്ലോയ്‌മെന്റ് എക്സ്ചേഞ്ച് മുഖേന നിയമനം ലഭിച്ചവരുടെ നിയമന കാലാവധി എത്ര മാസമാണ്; അല്ലാതെ താൽക്കാലിക നിയമന ജീവനക്കാരുടെ കാലാവധി എത്രയാണ്; വ്യക്തമാക്കാമോ;

എംപ്ലോയ്‌മെന്റ് എക്സ്ചേഞ്ച് മുഖേനയല്ലാതെ താൽക്കാലിക നിയമനം ലഭിച്ച ജീവനക്കാർ ഇപ്പോൾ എത്ര വർഷം ആയി ജോലിയിൽ തുടരുന്നു; പ്രസ്തുത ജീവനക്കാർക്ക് തന്നെ തുടർച്ചയായി നിയമനാനുമതി നൽകി വരുന്നതിന്റെ കാരണം എന്താണ്; പ്രസ്തുത ജീവനക്കാർ അടിസ്ഥാന യോഗ്യത നേടിയിട്ടുണ്ടോ; വിശദമാക്കാമോ;

അടുത്ത സാമ്പത്തിക വർഷം മുതൽ എംപ്ലോയ്‌മെന്റ് എക്സ്ചേഞ്ചിൽ രജിസ്റ്റർ ചെയ്ത് തൊഴിലിനായി കാത്തിരിക്കുന്ന ഉദ്യോഗാർത്ഥികൾക്ക് മുൻഗണന നൽകി നിയമനം നൽകുവാനും നീതി ഉറപ്പുവരുത്തുവാനും നടപടി സ്വീകരിക്കുമോ; വ്യക്തമാക്കുമോ?

നൂറനാട്, പാലമേല്‍ ഗ്രാമ പഞ്ചായത്തുകളിലുള്ള കരിങ്ങാലിച്ചാല്‍ പുഞ്ചയിലെ പളളിമുക്കത്ത് മോട്ടോര്‍തറയും മോട്ടോറും ട്രാന്‍സ്ഫോര്‍മറും അനുബന്ധ ഇലക്ട്രിഫിക്കേഷനും സ്ഥാപിക്കുന്നതിനുളള തുക അനുവദിക്കുമോ; വ്യക്തമാക്കാമോ?

കേരള അഗ്രേ‍ാ മെഷിനറി കേ‍ാർപറേഷന്റെ പ്രവര്‍ത്തനങ്ങള്‍ കാര്യക്ഷമമാക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

കൂത്തുപറമ്പ് മണ്ഡലത്തിലെ വലിയവെളിച്ചം വ്യവസായ കേന്ദ്രത്തില്‍ 2015-ല്‍ ആരംഭിച്ച കാംകോയുടെ യംഗ് ജനറേഷന്‍ പവര്‍ ടില്ലര്‍ ഉല്പാദന യൂണിറ്റിന്റെ പ്രവര്‍ത്തന പുരോഗതി വിശദമാക്കുമോ;

യംഗ് ജനറേഷന്‍ പവര്‍ ടില്ലറുകള്‍ നിര്‍മ്മിക്കുന്നതിനായി കാംകോ ആരംഭിച്ച പ്രസ്തുത യൂണിറ്റിന് നാളിതുവരെ ലക്ഷ്യം കൈവരിക്കാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

വലിയവെളിച്ചം വ്യവസായ കേന്ദ്രത്തിലുള്ള കാംകോയുടെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിന് നടപടി സ്വീകരിക്കുമോ; വിശദമാക്കുമോ?

വി.എഫ്.പി.സി.കെ. വഴി കര്‍ഷകര്‍ക്ക് നല്‍കിവരുന്ന അടിസ്ഥാന വില ആനുകൂല്യങ്ങള്‍ കുറുപ്പന്തറ കാർഷിക സംഘത്തിൽ ലേലം ചെയ്ത് വില്‍ക്കുന്ന കാർഷിക ഉൽപ്പന്നങ്ങൾക്ക് കൂടി ലഭ്യമാക്കാൻ നടപടി സ്വീകരിക്കുമോ;

ദൂരെ സ്ഥലങ്ങളില്‍ നിന്ന് ഉല്പന്നങ്ങള്‍ സംഘത്തില്‍ എത്തിച്ച് വില്പന നടത്തിവരുന്ന കർഷകർക്ക് 2012 മുതൽ കിലോയ്ക്ക് 1.50 രൂപ നിരക്കിൽ നൽകി വരുന്ന ട്രാൻസ്‌പോർട്ടേഷന്‍ ചാർജ്ജ് അടിയന്തരമായി അനുവദിക്കുന്നതിനും പ്രസ്തുതു തുക കാലാനുസൃതമായി മൂന്ന് രൂപയാക്കി വര്‍ദ്ധിപ്പിക്കുന്നതിനും നടപടി സ്വീകരിക്കുമോ; വിശദമാക്കാമോ;

നിലവിലെ വരുമാനം കൊണ്ട് പ്രവര്‍ത്തിക്കാൻ ബുദ്ധിമുട്ട് നേരിടുന്ന സംഘത്തിന് കിട്ടാനുള്ള തുകയും കൈകാര്യ ചെലവും അനുവദിക്കുന്നതിന് ആവശ്യമായ നടപടി സ്വീകരിക്കുമോ; വിശദമാക്കാമോ;

ഹോര്‍ട്ടികോര്‍പ്പിന് സ്ഥിരമായി നൽകി വരുന്ന കാര്‍ഷിക ഉല്‍പ്പന്നങ്ങളുടെ തുക ലഭിക്കുന്നതിന് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ സംഘത്തിന്റെ കുടിശ്ശിക ഹോര്‍ട്ടികോര്‍പ്പില്‍ നിന്ന് അനുവദിക്കുന്നതിന് ആവശ്യമായ നടപടി സ്വീകരിക്കുമോ; വ്യക്തമാക്കുമോ?

കോട്ടക്കല്‍ കൃഷിഭവന്റെ പരിധിയിലുള്ള ജലസ്രോതസുകള്‍ പുനരുജ്ജീവിപ്പിച്ച് പുതിയ കൈത്തോടുകളും നീര്‍ച്ചാലുകളും ചിറകളും നിര്‍മ്മിക്കുകയും നവീകരിക്കുകയും ചെയ്യുന്നതുള്‍പ്പടെയുള്ള ഒരു സമഗ്ര ജലസേചന പദ്ധതി ആവിഷ്കരിക്കുന്നത് സംബന്ധിച്ച പ്രൊപ്പോസല്‍ ലഭ്യമായിട്ടുണ്ടോ; എങ്കില്‍ ആയതിന്മേൽ കൃഷി വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ?

സ്മാര്‍ട്ട് കൃഷിഭവനുകളില്‍ എന്തൊക്കെ സൗകര്യങ്ങളാണ്ഏര്‍പ്പെടുത്തിയിട്ടുള്ളതെന്നും ഇതിനായി അനുവദിക്കുന്ന തുക എത്രയാണെന്നും അറിയിക്കുമോ;

കുന്ദമംഗലം മണ്ഡലത്തിലെ മാവൂര്‍ കൃഷിഭവന്‍ സ്മാര്‍ട്ടാക്കല്‍ പദ്ധതി പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ ബാക്കിയുള്ള പ്രവൃത്തികളെന്തൊക്കെയാണെന്നും ആയതിന് എത്ര തുക വേണ്ടി വരുമെന്നും പ്രസ്തുത തുക കൂടി അനുവദിക്കാന്‍ നടപടി സ്വീകരിക്കുമോയെന്നും അറിയിക്കുമോ?

2022-23 മുതല്‍ ആലപ്പുഴ ജില്ലാ കൃഷിതോട്ടത്തിന് (തഴക്കര ഗ്രാമപഞ്ചായത്തിലെ നൂറ് എക്കറില്‍) കേന്ദ്ര-സംസ്ഥാന പദ്ധതികളില്‍ ഉള്‍പ്പെടുത്തി അനുവദിച്ച തുകയുടെയും അവയുടെ വിനിയോഗത്തിന്റെയും വിശദവിവരം ലഭ്യമാക്കുമോ?

കുന്നത്തുനാട് മണ്ഡലത്തിൽ ഏതെല്ലാം കൃഷിഭവനുകളെയാണ് സ്മാർട്ട് കൃഷിഭവൻ ആയി ഉയർത്തിയിട്ടുള്ളതെന്ന് വ്യക്തമാക്കാമോ;

സ്മാർട്ട് കൃഷിഭവനായി ഉയർത്തിയ കൃഷിഭവനുകളിൽ എന്തെല്ലാം സൗകര്യങ്ങളാണ് ഏർപ്പെടുത്തിയിട്ടുള്ളത്;

മണ്ഡലത്തിൽ പുതുതായി ഏതെല്ലാം കൃഷിഭവനുകളെയാണ് സ്മാർട്ട് കൃഷിഭവൻ പദ്ധതിയിൽ ഇനി ഉൾപ്പെടുത്താൻ ഉദ്ദേശിക്കുന്നതെന്ന് വ്യക്തമാക്കാമോ;

മണ്ഡലത്തിലെ കൂടുതൽ കൃഷിഭവനുകളെ സ്മാർട്ട് കൃഷിഭവൻ ആക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

കൃഷിയിടാസൂത്രണാധിഷ്ഠിത വികസന സമീപനത്തിലൂടെ 2022-23 മുതല്‍ ചിറയിന്‍കീഴ് മണ്ഡലത്തിലെ എട്ട് ഗ്രാമ പഞ്ചായത്തുകളിൽ നടപ്പാക്കിയ വികസന പ്രവര്‍ത്തനങ്ങൾ വിശദമാക്കുമോ; ഓരോ ഇനങ്ങളിലും 2022-23, 2023-24 വർഷങ്ങളില്‍ ചെലവഴിച്ച തുകയും ഭൗതിക നേട്ടങ്ങളും പഞ്ചായത്ത് തിരിച്ച് വ്യക്തമാക്കുമോ?

കാര്‍ഷിക വിളകളെ കാട്ടുപന്നികളില്‍ നിന്നും സംരക്ഷിക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് അറിയിക്കാമോ;

ഇത്തരം വിവരങ്ങള്‍ കൃഷിവകുപ്പിന്റെ നേതൃത്വത്തില്‍ കര്‍ഷകര്‍ക്ക് ലഭ്യമാക്കുമോ; വിശദമാക്കാമോ?

കർഷക ക്ഷേമനിധി ബോർഡിൽ എത്ര പേര്‍ അംഗങ്ങളായി ചേർന്നിട്ടുണ്ട്; അംശാദായമായി ഈടാക്കുന്ന തുക എത്രയാണ്; ഈ ഇനത്തിൽ നാളിതുവരെ എത്ര തുക ലഭിച്ചിട്ടുണ്ട്; വിശദമാക്കുമോ;

കർഷക ക്ഷേമനിധി ബോർഡിൽ നിന്നും നാളിതുവരെ എത്രപേർക്ക് പെൻഷൻ അനുവദിച്ച് നൽകിയിട്ടുണ്ട്; എത്ര രൂപ നിരക്കിലാണ് പെൻഷൻ അനുവദിക്കുന്നത്; ഇതിനായി നാളിതുവരെ എത്ര തുക ചെലവഴിച്ചിട്ടുണ്ട്; വിശദമാക്കുമോ;

പ്രസ്തുത ബോർഡിന്റെ പ്രവർത്തനങ്ങൾക്കായി സർക്കാരിൽ നിന്നും നാളിതുവരെ എത്ര തുക അനുവദിച്ചിട്ടുണ്ട്; പ്രസ്തുത തുക ഏതൊക്കെ ഇനത്തിലാണ് ചെലവഴിച്ചതെന്ന വിശദാംശം ഇനം തിരിച്ച് വ്യക്തമാക്കുമോ?

കാര്‍ഷിക മേഖലയില്‍ പ്രത്യേക ഊന്നല്‍ നല്‍കേണ്ടതിന്റെ ആവശ്യകത മുന്‍നിര്‍ത്തി കാര്‍ഷിക വായ്പകള്‍ക്ക് ഇപ്പോള്‍ എത്ര ശതമാനമാണ് പലിശനിരക്ക് ഈടാക്കുന്നതെന്ന് വ്യക്തമാക്കാമോ;

കാര്‍ഷികാനുബന്ധ വായ്പകള്‍ക്ക് എത്ര ശതമാനം പലിശയാണ് ഈടാക്കുന്നതെന്ന് വ്യക്തമാക്കുമോ?

2016 മുതല്‍ ആലപ്പുഴ ജില്ലയില്‍ പൊതു ആവശ്യത്തിന് നിലം നികത്തുന്നതിനായി എത്ര അപേക്ഷകളാണ് ലഭ്യമായിട്ടുളളത്; വിശദവിവരം ലഭ്യമാക്കാമോ;

ലഭ്യമായ അപേക്ഷകളില്‍ എത്ര അപേക്ഷകളിലാണ് തീര്‍പ്പുകല്‍പ്പിച്ചിട്ടുളളത്; ഉത്തരവുകളുടെ പകര്‍പ്പുകള്‍ സഹിതം വിശദവിവരം ലഭ്യമാക്കാമോ;

തീര്‍പ്പുകല്‍പ്പിക്കാന്‍ കഴിയാത്ത അപേക്ഷകള്‍ എന്ത് കാരണത്താലാണ് നിരസിച്ചത് എന്ന വിവരം ലഭ്യമാക്കാമോ?

ഒറ്റപ്പാലം മണ്ഡലത്തില്‍ നിലവില്‍ ഇക്കോ ഷോപ്പുകള്‍ പ്രവര്‍ത്തിക്കുന്നുണ്ടോ; എങ്കില്‍ അവ ഏതെല്ലാമെന്നും കഴിഞ്ഞ മൂന്ന് മാസക്കാലമായി നടന്നുവരുന്ന പ്രവര്‍ത്തനങ്ങള്‍ ഉള്‍പ്പെടെയുള്ള വിവരം കൃഷി ഭവന്‍ അടിസ്ഥാനത്തില്‍ ലഭ്യമാക്കുമോ?

സംസ്ഥാനത്ത് നിലവിൽ പ്രവർത്തിച്ചുവരുന്ന മണ്ണു് പരിശോധനാ ലാബുകളുടെയും മൊബൈൽ മണ്ണ് പരിശോധനാ യൂണിറ്റുകളുടെയും വിവരങ്ങൾ ലഭ്യമാക്കുമോ?

ആലത്തൂര്‍ മണ്ഡലത്തില്‍ സോയില്‍ കണ്‍സര്‍വേഷന്‍ വകുപ്പ് മുഖേന നടപ്പാക്കിവരുന്ന പദ്ധതികള്‍ ഏതൊക്കെയാണെന്ന് അറിയിക്കാമോ;

പ്രസ്തുത പദ്ധതികളുടെ നിലവിലെ സ്ഥിതി വ്യക്തമാക്കുമോ?

ഈ സർക്കാര്‍ ചെറിയ നീർത്തടങ്ങളെ അടിസ്ഥാനമാക്കി തിരുവനന്തപുരം ജില്ലയിൽ ശാസ്ത്രീയ രീതിയില്‍ നടപ്പിലാക്കിയ മണ്ണ്-ജല സംരക്ഷണ പ്രവർത്തനങ്ങൾ ഏതെല്ലാമെന്ന് വിശദമാക്കാമോ?

കോട്ടക്കല്‍ നഗരസഭയില്‍ ഈസ്റ്റ് വില്ലൂര്‍ ഭാഗത്ത് ഇരണിയല്‍ തോടിനോട് ചേര്‍ന്നുള്ള ട്രാക്ടര്‍ പാത്ത് വേയ്ക്ക് സംരക്ഷണ ഭിത്തി നിര്‍മ്മിക്കുന്നതിനുള്ള പ്രൊപ്പോസല്‍ ലഭ്യമായിട്ടുണ്ടോ; ആയതിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

സോയില്‍ കണ്‍സര്‍വേഷന്‍ വകുപ്പിന്റെ പ്ലാന്‍ ഫണ്ടില്‍ ഉള്‍പ്പെടുത്തി മതിയായ തുക വകയിരുത്തി സംരക്ഷണ ഭിത്തി നിര്‍മ്മിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?