വനവല്‍ക്കരണത്തിനും വനസംരക്ഷണത്തിനുമായി കേന്ദ്ര സര്‍ക്കാരില്‍ നിന്ന് 2022-23, 2023-24 വര്‍ഷങ്ങളില്‍ ലഭിച്ച തുക എത്രയെന്ന് വ്യക്തമാക്കുമോ;

പ്രസ്തുത തുക പൂര്‍ണ്ണമായും ചെലവാക്കാന്‍ കഴിയാത്തതിന്റെ കാരണങ്ങള്‍ വ്യക്തമാക്കാമോ;

ഈ തുകയില്‍ നാളിതുവരെ ചെലവഴിച്ചതെത്രയെന്നും ഇതുവഴി വനവിസ്തൃതിയില്‍ വര്‍ദ്ധനവ് വരുത്താന്‍ കഴിഞ്ഞിട്ടുണ്ടോയെന്നും അറിയിക്കാമോ;

വനവിസ്തൃതി വര്‍ദ്ധിപ്പിക്കുനതിനായി എന്തെല്ലാം കര്‍മ്മ പദ്ധതികള്‍ രൂപികരിക്കാനാണ് തീരുമാനിച്ചിരിക്കുന്നത്?

വികസന പ്രവര്‍ത്തനങ്ങളുടെ ഭാഗമായി മരം മുറിച്ച് മാറ്റുന്നതിന് നിലവിലുള്ള കാലതാമസം പരിഹരിക്കുന്നതിന് പ്രത്യേക നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ?

സംസ്ഥാനത്ത് നിലവിൽ എത്ര നാട്ടാനകൾ ഉണ്ട്; പ്രസ്തുത കണക്കുകൾ ശേഖരിച്ചിട്ടുണ്ടോ; എങ്കിൽ ജില്ലതിരിച്ചുള്ള കണക്കുകൾ ലഭ്യമാക്കാമോ;

നാട്ടാനകളുടെ പരിപാലനത്തിനായി നടപ്പിലാക്കുന്ന പദ്ധതികൾ എന്തൊക്കെയാണ്; വിശദമാക്കാമോ;

ഈ സർക്കാർ അധികാരത്തിൽ വന്നശേഷം നാട്ടാനകളുടെ ആക്രമണത്തിൽ എത്രആളുകളുടെ ജീവൻ നഷ്ടപ്പെട്ടിട്ടുണ്ട്; കണക്കുകൾ ലഭ്യമാക്കാമോ;

ഇത്തരത്തിൽ നാട്ടാനകളുടെ ആക്രമണം മൂലം ജീവൻ നഷ്ടപ്പെട്ടവരുടെ കുടുംബങ്ങൾക്ക് വനം വകുപ്പ് എന്തെങ്കിലും സാമ്പത്തിക സഹായം നൽകിയിട്ടുണ്ടോ; എങ്കിൽ വിശദമാക്കാമോ?

2016-ല്‍ നിലവില്‍ വന്ന സർക്കാരിന്റെ കാലം മുതൽ നാളിതുവരെ വനംവകുപ്പിന്റെ വിവിധ ഡിപ്പോകളിൽ ലേലം ചെയ്ത തേക്കിന്റെ അളവ്, ഇനം, വിലയായി ലഭിച്ച തുക, നികുതി ഇനത്തിൽ ഈടാക്കിയ തുക എന്നിവയുടെ വിശദാംശങ്ങൾ ലഭ്യമാക്കുമോ?

ഈ സര്‍ക്കാര്‍ വന്നതിനുശേഷം സംസ്ഥാനത്തെ സ്വാഭാവിക വനങ്ങളുടെ പരിപാലനത്തിനും സംരക്ഷണത്തിനും സര്‍വ്വേ നടത്തിയിട്ടുണ്ടോ; വ്യക്തമാക്കുമോ;

പ്രസ്തുത സര്‍വ്വേയില്‍ എന്തൊക്കെ കാര്യങ്ങളാണ് ഉള്‍പ്പെടുത്തിയിട്ടുളളതെന്ന് അറിയിക്കുമോ;

വനസംരക്ഷണത്തിനും പ്രത്യേക ആവാസ വ്യവസ്ഥയുടെ സംരക്ഷണത്തിനും കഞ്ചാവ് കൃഷി തടയുന്നതിനും ചന്ദന പ്രദേശങ്ങള്‍ സംരക്ഷിക്കുന്നതിനും സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ?

വനനശീകരണം തടയുന്നതിനും സുസ്ഥിര വനപരിപാലന പദ്ധതികള്‍ വികസിപ്പിക്കുന്നതിനും വനവത്ക്കരണ പ്രവര്‍ത്തനങ്ങള്‍ ശക്തമാക്കുന്നതിനും ഈ സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കുമോ;

വനനശീകരണവും ഭൗമ ശോഷണവും ആവാസവ്യവസ്ഥയുടെ സേവനങ്ങളെ ഗുരുതരമായി ബാധിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

കാര്‍ഷിക വനവത്ക്കരണം വിപുലീകരിക്കുന്നതിനും ശോഷണം സംഭവിച്ച ഭൂമി പുനഃസ്ഥാപിക്കുന്നതിനും വനങ്ങളുടെ സുസ്ഥിരമായ ഉപയോഗവും ഹരിത മൂല്യ ശൃംഖലയുടെ വികസനവും പ്രോത്സാഹിപ്പിക്കുന്നതിനും സ്വീകരിച്ചു വരുന്ന നടപടികള്‍ എന്തൊക്കെയാണെന്ന് വ്യക്തമാക്കുമോ?

എണ്‍പതുകളില്‍ ലാേകബാങ്ക് സഹായത്താേടെ വളര്‍ത്തിയ അക്കേഷ്യമരങ്ങള്‍ വനങ്ങളില്‍ വൻ പാരിസ്ഥിതിക വെല്ലുവിളിയാകുന്ന വിവരം ശ്രദ്ധയില്‍പ്പെട്ടിട്ടുണ്ടാേ; ഉണ്ടെങ്കില്‍ അക്കേഷ്യയും മഞ്ഞക്കാെന്നയും ആവാസവ്യവസ്ഥയില്‍ നിന്നും നീക്കം ചെയ്യാൻ സ്വീകരിച്ചിട്ടുള്ള നടപടികൾ അറിയിക്കാമാേ?

വനമേഖലയിൽ ഔഷധസസ്യ കൃഷി വികസിപ്പിക്കുന്നതിന് പദ്ധതി ആവിഷ്കരിച്ചിട്ടുണ്ടോ; വിശദാംശം നൽകുമോ; ഈ പദ്ധതി എവിടെയൊക്കെ നടപ്പാക്കിയിട്ടുണ്ടെന്ന് വ്യക്തമാക്കുമോ;

വീട്ടുവളപ്പില്‍ നട്ട് വളര്‍ത്തുന്ന തേക്ക്, ഈട്ടി തുടങ്ങിയ മരങ്ങള്‍ മുറിയ്ക്കുന്നതിന് വനം വകുപ്പിന്റെ അനുമതി ആവശ്യമുണ്ടോ; എങ്കില്‍ ആയതിന്റെ നടപടിക്രമങ്ങള്‍ വിശദമാക്കാമോ;

വനസംരക്ഷണവുമായി ബന്ധപ്പെട്ട കേന്ദ്രാവിഷ്കൃത പദ്ധതികളിലൂടെ ലഭിക്കുന്ന തുക വിനിയോഗിക്കുന്നതിന്റെ മാനദണ്ഡം വ്യക്തമാക്കാമോ?

തിരുവനന്തപുരം വനം ഡിവിഷനിലെ പാലോട് റെയിഞ്ചിൽ 2019, 2020, 2021 വർഷങ്ങളിൽ നടന്ന ജണ്ട നിർമ്മാണത്തിലെ അഴിമതിയിന്മേലുളള പരാതിയിന്മേൽ മൂന്നു വർഷം മുൻപ് അന്വേഷണം ആരംഭിച്ചുവെങ്കിലും നാളിതുവരെ പ്രസ്തുത അന്വേഷണ റിപ്പോർട്ടിന്മേൽ തുടർനടപടി സ്വീകരിക്കാത്തതിനുള്ള കാരണം വ്യക്തമാക്കാമോ;

ജണ്ട നിർമാണ ക്രമക്കേട് കാരണം എത്ര കോടി രൂപയുടെ എത്ര ഹെക്ടർ വനഭൂമി സർക്കാരിന് നഷ്ടമായി എന്ന് കണ്ടെത്തിയിട്ടുണ്ടോ; വിശദവിവരം ലഭ്യമാക്കാമോ;

അഞ്ചു ലക്ഷം രൂപ മാത്രം സർക്കാരിന് നഷ്ടം ഉണ്ടാക്കിയ കാപ്രിക്കാട് മാൻ തീറ്റ കേസ്‌ കേരള പോലീസ് വിജിലൻസ് അന്വേഷണത്തിന് നൽകിയ സാഹചര്യത്തിൽ കോടിക്കണക്കിനു രൂപയുടെ വനഭൂമി നഷ്ടപ്പെടാൻ കാരണമായ ജണ്ട അഴിമതി കേസ് വിജിലൻസിന് വിശദാനേഷണത്തിന് നൽകാത്തതിനുള്ള കാരണം വ്യക്തമാക്കാമോ?

തിരുവനന്തപുരം വനം ഡിവിഷനിലെ പാലോട് റെയിഞ്ചിൽ 2019, 2020, 2021 വർഷങ്ങളിൽ നടന്ന ജണ്ട നിർമ്മാണ അഴിമതി പരാതിയിന്മേൽ മൂന്ന് വർഷം മുൻപ് അന്വേഷണം ആരംഭിച്ചിട്ടും നാളിതുവരെ അന്വേഷണ റിപ്പോർട്ടിന്മേൽ തുടർ നടപടി സ്വീകരിക്കാത്തതിന്റ കാരണം വ്യക്തമാക്കാമോ;

ജണ്ട നിർമാണ ക്രമക്കേട് കാരണം സർക്കാരിന് എത്ര ഹെക്ടർ വനഭൂമി നഷ്ടമായെന്നും അതിന്റെ മൂല്യം എത്ര കോടി രൂപയാണെന്നും വിശദമാക്കാമോ;

അഞ്ചു ലക്ഷം രൂപ മാത്രം സർക്കാരിന് നഷ്ടം ഉണ്ടായ കാപ്രിക്കാട് മാൻ തീറ്റ കേസ്‌ കേരള പോലീസ് വിജിലൻസ് വിഭാഗത്തിന് അന്വേഷണത്തിന് നൽകിയ സാഹചര്യത്തിൽ കോടിക്കണക്കിനു രൂപ സർക്കാരിന് നഷ്ട്ം ഉണ്ടാക്കിയ ജണ്ട അഴിമതി കേസും അതിലൂടെ കോടിക്കണക്കിനു രൂപയുടെ വനഭൂമി നഷ്ടപ്പെട്ട വിഷയവും പോലീസ് വിജിലൻസ് വിഭാഗത്തിന് വിശദാന്വേഷണത്തിന് നൽകാത്തതിന്റെ കാരണം വ്യക്തമാക്കാമോ?

തിരുവനന്തപുരം വനം ഡിവിഷനിലെ പാലോട് റെയിഞ്ചിൽ ജണ്ട നിർമ്മാണം നടത്തിയതിലെ അഴിമതി അന്വേഷിക്കണമെന്ന് ആവശ്യപ്പെട്ടുകൊണ്ട് സി.എം.ഒ. പോർട്ടലിൽ ലഭിച്ച പരാതിയുടെ അന്വേഷണം പൂർത്തിയാക്കി റിപ്പോർട്ട്‌ സർക്കാരിൽ ലഭിച്ചിട്ടുണ്ടോ; ലഭിച്ചിട്ടില്ലെങ്കിൽ പരാതി സമർപ്പിച്ചു ആറുമാസം കഴിഞ്ഞിട്ടും അന്വേഷണം പൂർത്തിയാക്കി റിപ്പോർട്ട്‌ സമർപ്പിക്കാത്തതിനുള്ള കാരണം വെളിപ്പെടുത്താമോ;

മേല്‍ പരാതിയിന്മേലുള്ള അന്വേഷണ റിപ്പോർട്ട്‌ എന്നാണ് കോട്ടയത്തെ വിജിലൻസ് കൺസർവേറ്ററുടെ ഓഫീസിൽ ലഭിച്ചതെന്നും മേൽ ഓഫീസിലേക്ക് സമർപ്പിച്ച തീയതിയും വെളിപ്പെടുത്താമോ; ടി കാലയളവിൽ കൺസർവേറ്ററുടെ ഓഫീസിൽ ടി റിപ്പോർട്ടിന്മേൽ സ്വീകരിച്ച നടപടികൾ എന്തൊക്കയെന്ന് വിശദീകരിക്കാമോ;

പ്രസ്തുത പരാതിയുടെ റിപ്പോർട്ട്‌ സമർപ്പിക്കുന്നതിൽ മനഃപൂർവം കാലതാമസം വരുത്തിയെന്ന ആക്ഷേപത്തെ കുറിച്ചു സ്വതന്ത്രമായി ഒരന്വേഷണം നടത്താൻ തയ്യാറാകുമോ; വിശദമാക്കുമോ?

തിരുവനന്തപുരം വനം ഡിവിഷനിലെ പാലോട് റെയിഞ്ചിൽ 2019, 2020 & 2021 വർഷങ്ങളിൽ ജണ്ട നിർമ്മാണം നടത്തിയതിലെ അഴിമതിയുമായി ബന്ധപ്പെട്ട അന്വേഷണം 21.12.2021 മുതല്‍ ആരംഭിച്ച് 06.06.2022ൽ പൂർത്തീകരിച്ച് കോട്ടയം വിജിലൻസ് കൺസർവേറ്റർ മേലധികാരിക്ക് രണ്ടര വര്‍ഷം മുമ്പ് റിപ്പോർട്ട്‌ സമർപ്പിച്ചത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

വനം വിജിലൻസിന്റെ പ്രസ്തുത അന്വേഷണ റിപ്പോർട്ട്‌ വീണ്ടും അന്വേഷിക്കുന്നതിനായി 15.03.2023-ൽ ജണ്ട നിർമ്മാണത്തിലെ അഴിമതി അന്വേഷണം നടത്തിയ അതേ വിഭാഗത്തിനു തന്നെ വീണ്ടും നൽകിയത് ശ്രദ്ധയിൽപ്പെട്ടിട്ടുണ്ടോ; ഈ വിഷയം പരാതിയായി ആറു മാസം മുൻപ് സി.എം.ഒ. പോർട്ടലിൽ നൽകിയിട്ടും നാളിതുവരെ അന്വേഷണ റിപ്പോർട്ട്‌ സമർപ്പിക്കാത്തത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

പാലോട് റേഞ്ചിലെ ജണ്ട നിർമ്മാണത്തിലെ അപാകതകളുമായി ബന്ധപ്പെട്ട പരാതിയുടെ റിപ്പോർട്ട്‌ സമർപ്പിക്കുന്നതിൽ മനഃപൂർവം കാലതാമസം വരുത്തുന്നതിനെ കുറിച്ചു സ്വതന്ത്രമായൊരന്വേഷണം നടത്താൻ തയാറാക്കുമോ; വ്യക്തമാക്കുമോ?

പന്തപ്ര ആദിവാസി നഗറിലെ ആദിവാസികൾക്ക് നൽകിയിട്ടുള്ള ഭൂമിയിലെ തേക്ക് ഉൾപ്പടെയുള്ള മരങ്ങൾ മുറിച്ചുമാറ്റി ഭൂമി കൃഷിയോഗ്യമാക്കുന്നതിന് സ്വീകരിച്ച നടപടികൾ വിശദമാക്കാമോ; പ്രസ്തുത നടപടികൾ വേഗത്തിലാക്കുമോയെന്ന് വ്യക്തമാക്കാമോ?

കാസറഗോഡ് ജില്ലയിലെ ദേലംപാടി, കാറഡുക്ക, മുളിയാര്‍ തുടങ്ങിയ പഞ്ചായത്തുകളില്‍ പരിസ്ഥിതിക്കും ആവാസവ്യവസ്ഥയ്ക്കും ദോഷകരമായ അക്കേഷ്യ, മാഞ്ചിയം പോലുളള വൃക്ഷങ്ങൾ വെട്ടിമാറ്റുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ;

ഇത്തരത്തില്‍ അധിനിവേശ സസ്യങ്ങളും ദോഷകരമായ വൃക്ഷങ്ങളും വെട്ടിമാറ്റി സ്വാഭാവിക വനവല്‍ക്കരണത്തിനായി കാസറഗോഡ് ജില്ലയില്‍ എന്തൊക്കെ പ്രവൃത്തികളാണ് നടന്നിട്ടുളളതെന്ന് വിശദമാക്കാമോ?

സംസ്ഥാനത്ത് യു.എസ്. സഹായത്തോടെ വനം വകുപ്പ് ഏതെങ്കിലും പദ്ധതികൾ നടപ്പാക്കുന്നുണ്ടോ; ഉണ്ടെങ്കിൽ ഏതൊക്കെ പദ്ധതിയാണെന്നും എത്ര കോടി രൂപയുടെ പദ്ധതിയാണെന്നുമുള്ള വിശദാംശം ലഭ്യമാക്കാമോ;

വിവിധ രാജ്യങ്ങളിലെ പ്രത്യേക പദ്ധതികൾക്കുള്ള യു.എസ്. ധനസഹായം നിർത്തലാക്കുമെന്ന തീരുമാനം മേൽപ്പറഞ്ഞ പദ്ധതിയെ ബാധിക്കുമോയെന്ന് വിശദമാക്കാമോ; ഈ പ്രതിസന്ധി ഏതുരീതിയിൽ പരിഹരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

വനവാസികളായ ആദിവാസി സമൂഹങ്ങളുടെ ഉപജീവനമാര്‍ഗ്ഗം മെച്ചപ്പെടുത്തുന്നതിന് വനം വകുപ്പ് ആവിഷ്കരിച്ച് നടപ്പിലാക്കി വരുന്ന പദ്ധതികള്‍ എന്തൊക്കെയെന്നറിയിക്കുമോ; വിശദമാക്കുമോ;

വനവിഭവങ്ങള്‍ ശേഖരിക്കുന്നവര്‍ക്ക് അവരുടെ ഉപജീവനത്തിന്റെ ഭാഗമായ വനവിഭവശേഖരണത്തിനും മൂല്യവര്‍ദ്ധനയ്ക്കുള്ള പരിശ്രമത്തിനും അവർക്ക് ന്യായമായ വരുമാനം ഉറപ്പുവരുത്താനും സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കുമോ;

കേരളത്തില്‍ നടപ്പിലാക്കിയ ഗ്രീന്‍ ഇന്ത്യാ മിഷന്‍ പദ്ധതിയുടെ വിശദാംശം ലഭ്യമാക്കാമോ; പ്രസ്തുത പദ്ധതി കൊണ്ട് എന്താണ് ലക്ഷ്യമിടുന്നതെന്ന് വെളിപ്പെടുത്തുമോ?

മച്ചാട്-വടക്കാഞ്ചേരി റേഞ്ച് ഫോറസ്റ്റ് ഓഫീസ് കെട്ടിടങ്ങൾ കാലപ്പഴക്കം കൊണ്ട് ജീർണ്ണാവസ്ഥയിലായത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

വടക്കാഞ്ചേരി ഫോറസ്റ്റ് ക്വാര്‍ട്ടേഴ്സുകളും വാഴാനി ഫോറസ്റ്റ് സ്റ്റേഷനും പുനര്‍നിര്‍മ്മിക്കുന്നതിനാവശ്യമായ പദ്ധതികള്‍ സര്‍ക്കാരിന്റെ പരിഗണനയിലുണ്ടോ; വിശദമാക്കുമോ?

വാമനപുരം മണ്ഡലത്തിലെ വനമേഖലയില്‍ക്കൂടി കടന്നുപോകുന്ന റോഡുകളുടെ പേരും അവയുടെ നീളം, വീതി എന്നിവയും അറിയിക്കാമോ;

മണ്ഡലത്തില്‍ക്കൂടി കടന്നുപോകുന്ന വനപാതകള്‍ ഗതാഗതയോഗ്യമാക്കുന്നതിനായി ഈ സര്‍ക്കാരിന്റെ കാലത്ത് വനം വകുപ്പ് മുഖേന എന്തെല്ലാം നടപടികള്‍ സ്വീകരിച്ചിട്ടുണ്ടെന്നും അതിനായി ചെലവാക്കിയ തുക എത്രയാണെന്നും വിശദമാക്കാമോ;

മണ്ഡലത്തിലെ വനപാതകള്‍ ഗതാഗതയോഗ്യമാക്കുന്നതിന് അപേക്ഷിച്ചിട്ടും വനം വകുപ്പിന്റെ എന്‍.ഒ.സി. നല്‍കാത്ത എത്ര അപേക്ഷകളുണ്ടെന്നും എന്തുകൊണ്ടാണ് കാലതാമസം ഉണ്ടാകുന്നതെന്നുമുളള വിവരങ്ങള്‍ തദ്ദേശസ്വയംഭരണ സ്ഥാപനങ്ങള്‍ തിരിച്ച് നല്‍കാമോ?

പീരുമേട്-തോട്ടാപ്പുര-നാൽപ്പത്തിനാലാം മൈൽ റോഡ് എന്നുമുതലാണ് വനം വകുപ്പ് അടച്ചുപൂട്ടിയത്; വിശദമാക്കാമോ;

പ്രസ്തുത റോഡ് തുറന്നുകൊടുക്കുവാൻ നടപടി സ്വീകരിക്കണമെന്ന് ഗോത്രവർഗ്ഗ കമ്മീഷൻ നോട്ടീസ് നൽകിയിട്ടുണ്ടോ; വിശദമാക്കാമോ;

പ്രസ്തുത റോഡ് പൊതുജനങ്ങൾക്ക് തുറന്നുകൊടുക്കുവാൻ നടപടി സ്വീകരിക്കുമോ; വിശദമാക്കാമോ?

അരുവിക്കര മണ്ഡലത്തില്‍ വനം വകുപ്പിന് കീഴില്‍ വരുന്ന റോഡുകളുടെ പേര്, അവയുടെ നീളം എന്നിവ സംബന്ധിച്ച വിവരങ്ങള്‍ പഞ്ചായത്ത് അടിസ്ഥാനത്തില്‍ നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം ഇക്കോ ടൂറിസത്തിന്റെ വികസനത്തിനായി എന്തൊക്കെ നടപടികള്‍ വനംവകുപ്പ് സ്വീകരിച്ചിട്ടുണ്ടെന്ന് വിശദമാക്കാമോ;

ഭാവിയില്‍ ഇക്കോ ടൂറിസത്തിന്റെ സാധ്യതകള്‍ വിശദമാക്കാമോ?

സംസ്ഥാനത്ത് വനം വകുപ്പിന്റെ അധീനതയിലുള്ള കക്കയം വിനോദ സഞ്ചാര കേന്ദ്രം നവീകരിക്കുന്നതിന് പുതിയ പദ്ധതി തയ്യാറാക്കിയിട്ടുണ്ടോയെന്ന് വിശദമാക്കാമോ;

ഉരക്കുഴി വെള്ളച്ചാട്ടത്തിനോട് ചേര്‍ന്നുള്ള തൂക്കുപാലം അപകടാവസ്ഥയിലാണെന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കിൽ പ്രസ്തുത തൂക്കുപാലം പുതുക്കി പണിയാന്‍ പദ്ധതി തയ്യാറാക്കിയിട്ടുണ്ടോ; വിശദമാക്കാമോ?

വനംവകുപ്പിന്റെ ഈസ്റ്റേൺ സർക്കിളിന് കീഴിലുള്ള നെന്മാറ പാലക്കാട് ഡിവിഷനുകളിൽ ലീഗൽ അസിസ്റ്റന്റ് തസ്തികയിൽ താൽക്കാലിക നിയമനം നടത്തിയിട്ടുള്ളത് ശ്രദ്ധയിൽപ്പെട്ടിട്ടുണ്ടോ; വിശദാംശം നൽകാമോ;

ഈ തസ്തികയിലേയ്ക്ക് താൽക്കാലിക നിയമനം നടത്തുന്നതിന് പ്രൊഫഷണൽ എംപ്ലോയ്മെന്റ് എക്സ്ചേഞ്ചിനെ അറിയിച്ചിട്ടുണ്ടോ; ഇതിനായി പ്രത്യേക വിജ്ഞാപനമോ എഴുത്ത് പരീക്ഷയോ നടത്തിയിട്ടുണ്ടോ; ഇല്ലെങ്കിൽ ക്രമവിരുദ്ധമായി താൽക്കാലിക നിയമനം നടത്തുവാനുള്ള സാഹചര്യം എന്താണെന്ന് വ്യക്തമാക്കുമോ;

മേല്പറഞ്ഞ താൽക്കാലിക നിയമനങ്ങൾ നടത്തേണ്ടത് സെക്രട്ടറിതല ഉദ്യോഗസ്ഥർ ആണെന്നിരിക്കെ ഡി.എഫ്.ഒ തലത്തിൽ നിയമനം നടത്തിയതിന്റെ സാഹചര്യം എന്താണെന്ന് വ്യക്തമാക്കുമോ; ആദിവാസി വിഭാഗങ്ങളുടെയും വനാശ്രിത വിഭാഗങ്ങളുടെയും ഉന്നമനത്തിനായി സർക്കാർ തലത്തിലുള്ള കാലതാമസം ഒഴിവാക്കി നേരിട്ട് വിനിയോഗിക്കുവാൻ ചുമതലപ്പെടുത്തിയ എഫ്.ഡി.എ. ഫണ്ട് ദുരുപയോഗം ചെയ്താണ് ഇവർക്ക് വേതനം നൽകുന്നതെന്നതും കരാർ നിയമനങ്ങൾക്ക് നൽകാവുന്ന അംഗീകൃത വേതനത്തേക്കാൾ ഉയർന്ന നിരക്കിൽ മേൽപ്പറഞ്ഞ രണ്ട് ഡിവിഷനുകളിൽ നിന്നായി വലിയ തുക പ്രതിമാസ വേതനമായി ഇവർക്ക് അനുവദിച്ചു നൽകുന്നതും ഗൗരവത്തോടെ കാണുന്നുണ്ടോ; ഇവരുടെ സേവന വേതന വ്യവസ്ഥകൾ വ്യക്തമാക്കുമോ; ഇവർ അനധികൃതമായി കൈപ്പറ്റിയ തുക തിരികെ പിടിക്കുവാൻ നടപടി സ്വീകരിക്കുമോ; വ്യക്തമാക്കുമോ;

നിയന്ത്രണങ്ങൾ ബാധകമല്ലാത്ത ഇത്തരം ഉദ്യോഗസ്ഥർക്ക് കെ.ജി.എല്‍.ഒ റൂള്‍സ് ഉൾപ്പെടെയുള്ള വനഭൂമി സംബന്ധിച്ച സുപ്രധാന രേഖകൾ കൈകാര്യം ചെയ്യുന്നതിന് അവസരം നൽകിയിരിക്കുന്നത് സംസ്ഥാനത്തിന്റെ പൊതു താൽപര്യത്തെ ഹനിക്കുന്ന രീതിയിൽ വിവരചോർച്ച ഉണ്ടാകുന്നതിന് കാരണമാകുമെന്ന കാര്യം ഗൗരവത്തോടെ കാണുന്നുണ്ടോ വ്യക്തമാക്കുമോ;

ചട്ടവിരുദ്ധവും സംസ്ഥാനത്തിന്റെ പൊതു താൽപര്യത്തെ ഹനിക്കുന്നതുമായ മേൽപ്പറഞ്ഞ താൽക്കാലിക നിയമനം അടിയന്തരമായി റദ്ദാക്കി വനം വകുപ്പിന് കീഴിൽ വരുന്ന മുഴുവൻ ലീഗൽ അസിസ്റ്റന്റ് തസ്തികകളിലും നിലവിലുള്ള പി.എസ്.സി. റാങ്ക് ലിസ്റ്റിൽ നിന്നും സ്ഥിര നിയമനം നടത്തുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

മുൻ സർക്കാരിന്റെ കാലം മുതൽ നാളിതുവരെ വനം വകുപ്പ് വാങ്ങിയിട്ടുള്ള വാഹനങ്ങളുടെ വിശദാംശം മോഡൽ തിരിച്ച് വാഹനങ്ങളുടെ എണ്ണം, ഓരോ മോഡൽ വാഹനത്തിനും ആകെ ചെലവഴിച്ച തുക, വാഹനങ്ങൾ വാങ്ങുന്നതിനായി ആകെ ചെലവഴിച്ച തുക എന്നിവ സഹിതം വ്യക്തമാക്കുമോ;

പ്രസ്തുത വാഹനങ്ങൾ ഓരോന്നും ഏതൊക്കെ ആവശ്യത്തിലേക്കാണ് നൽകിയതെന്ന് വ്യക്തമാക്കുമോ; ഇവയിൽ ഏതൊക്കെ വാഹനങ്ങൾ എത്രയെണ്ണം വീതം റാപ്പിഡ് റെസ്പോൺസ് ടീമുകൾക്ക് നൽകിയിട്ടുണ്ട് എന്നറിയിക്കുമോ; വിശദാംശം വ്യക്തമാക്കുമോ?

നാട്ടാനകളെ കടത്തൽ അടക്കമുള്ള വനകുറ്റങ്ങൾ തടയുന്നതിലേക്കായി അന്തർ സംസ്ഥാന അതിർത്തിയായ പാറശ്ശാലയിൽ പ്രവർത്തിച്ചിരുന്ന വനം വകുപ്പ് ചെക്ക് പോസ്റ്റിന്റെ പ്രവർത്തനം ഏത് സർക്കാർ ഉത്തരവ് പ്രകാരമാണ് അവസാനിപ്പിച്ചതെന്നും, പ്രസ്തുത നടപടി സ്വീകരിക്കാനുണ്ടായ കാരണമെന്തെന്നും വ്യക്തമാക്കാമോ;

മേല്പറഞ്ഞ ചെക്ക് പോസ്റ്റിന്റെ പ്രവർത്തനം അവസാനിപ്പിച്ചതിനു ശേഷം യാതൊരുവിധ പരിശോധനയും ഇല്ലാതെ വനവിഭവങ്ങൾ നിർലോഭം കടത്തുന്നത് സർക്കാരിന്റെ ശ്രദ്ധയിൽപെട്ടിട്ടുണ്ടോ; വ്യക്തമാക്കാമോ;

അടിയന്തരമായി പ്രസ്‌തുത ചെക്ക് പോസ്റ്റ്‌ പുനഃസ്ഥാപിക്കുന്നതിനുള്ള നടപടികൾ സ്വീകരിക്കുമോ എന്ന് വ്യക്തമാക്കാമോ?

കൈപ്പമംഗലം നിയോജകമണ്ഡലത്തിൽ തീരപ്രദേശത്ത് വൃക്ഷത്തൈകൾ വെച്ചുപിടിപ്പിച്ചുകൊണ്ട് കടലേറ്റവും കടലാക്രമണവും തടയുന്നതിനായുള്ള പദ്ധതിയുടെ നിജസ്ഥിതി വിശദീകരിക്കാമോ;

പ്രസ്തുത പദ്ധതി വേഗത്തിലാക്കാൻ എന്തെല്ലാം നടപടികളാണ് കൈകൊണ്ടിട്ടുള്ളത് എന്നറിയിക്കുമോ?

കാേതമംഗലം മണ്ഡലത്തിലെ ബ്ലാവനക്കടവ്, മണികണ്ഠന്‍ ചാല്‍ പാലങ്ങളുടെ നിര്‍മ്മാണവുമായി ബന്ധപ്പെട്ട് വനം വകുപ്പിന്റെ ഭാഗത്തുനിന്നും നാളിതുവരെ സ്വീകരിച്ച നടപടികള്‍ വ്യക്തമാക്കാമാേ;

പ്രസ്തുത പാലങ്ങളുടെ നിര്‍മ്മാണത്തിനായി അടിയന്തരമായി വകുപ്പിന്റെ എൻ.ഒ.സി. ലഭ്യമാക്കുവാന്‍ നടപടി സ്വീകരിക്കുമാേ; വ്യക്തമാക്കാമാേ?

അരുവിക്കര മണ്ഡലത്തിലെ വില്ലേജുകളില്‍ നിലവിലെ വിജ്ഞാപനപ്രകാരം ഇക്കോസെന്‍സിറ്റീവ് ഏര്യയായി കണക്കാക്കപ്പെട്ടിട്ടുള്ള ഭൂമിയുടെ വിസ്തൃതി സംബന്ധിച്ച വിവരങ്ങള്‍ വില്ലേജ് അടിസ്ഥാനത്തില്‍ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ചങ്ങനാശ്ശേരി നിയോജകമണ്ഡലത്തില്‍ കാവ് സംരക്ഷണ പദ്ധതിയില്‍ ഉള്‍പ്പെടുത്തി ധനസഹായം അനുവദിച്ച കാവുകളുടെ പേര് വിവരം ലഭ്യമാക്കുമോ;

ഓരോ കാവിനും അനുവദിച്ച ധനസഹായം എത്രയെന്ന് വ്യക്തമാക്കുമോ; അതിന്റെ ഉത്തരവുകളുടെ പകര്‍പ്പ് ലഭ്യമാക്കുമോ?

കടലാമ സംരക്ഷണവുമായി ബന്ധപ്പെട്ട് വനംവകുപ്പ് നടപ്പിലാക്കുന്ന പ്രവര്‍ത്തനങ്ങള്‍ വിശദമാക്കാമോ;

കടലാമ സംരക്ഷണത്തിനായി ഹാച്ചറികള്‍ നിര്‍മ്മിക്കുന്നതിന് സ്വീകരിച്ച നടപടികള്‍ വിശദമാക്കാമോ;

കടലാമ സംരക്ഷണവുമായി ബന്ധപ്പെട്ട് വാച്ചര്‍മാര്‍ക്ക് നല്‍കുന്ന വേതനം വര്‍ദ്ധിപ്പിക്കുന്നതിന് നടപടി സ്വീകരിക്കുമോ?

വനം-വന്യജീവി സംരക്ഷണവുമായി ബന്ധപ്പെട്ട്  വിവിധ പദ്ധതികൾക്കായി സംസ്ഥാനത്തിന് കേന്ദ്രാവിഷ്‌കൃത ഫണ്ട് ലഭിക്കുന്നുണ്ടോ; എങ്കിൽ ഇതിന്റെ വിശദാംശം നൽകാമോ;

കഴിഞ്ഞ സർക്കാരിന്റെ കാലം മുതൽ നാളിതുവരെ ഓരോ സാമ്പത്തികവർഷവും വിവിധ പദ്ധതികൾക്കായി കേന്ദ്രത്തിൽ നിന്നും അനുവദിച്ച തുക, ചെലവഴിച്ച തുക എന്നിവയുടെ വിശദവിവരം ലഭ്യമാക്കുമോ?

കാട്ടാനയുടെ ആക്രമണം തടയുന്നതിനായി ആറളം ഫാമില്‍ ആനമതില്‍ നിര്‍മ്മാണത്തിന്റെ പ്രവര്‍ത്തന പുരാേഗതി വ്യക്തമാക്കാമാേ?

വനത്തിനുള്ളിൽ ചൂടുകൂടുന്നതിനാൽ കാട്ടാന അടക്കമുള്ള വന്യജീവികൾ നാട്ടിലേക്ക് ഇറങ്ങി ജനങ്ങളെ കൊല്ലുന്ന സംഭവങ്ങൾ കൂടിവരുന്നത് പ്രതിരോധിക്കുന്നതിനായി സ്വീകരിക്കാനുദ്ദേശിക്കുന്ന നടപടികൾ വിശദമാക്കുമോ?

മനുഷ്യ-വന്യമൃഗ സംഘര്‍ഷം ലഘുകരിക്കുന്നതിന് ലക്ഷ്യമിട്ട് വനം വകുപ്പിന്റെ ദ്രുതകര്‍മ്മ സേനകള്‍ ശക്തിപ്പെടുത്തുന്നതിനുള്ള പദ്ധതിയുടെ നിലവിലെ സ്ഥിതി വ്യക്തമാക്കാമോ;

അടുത്തിടെ സംസ്ഥാനത്ത് നടന്നുവരുന്ന മനുഷ്യ-വന്യമൃഗ സംഘര്‍ഷങ്ങള്‍ കണക്കിലെടുത്ത് ആര്‍.ആര്‍.ടി.യുടെ പ്രവര്‍ത്തനം വിപുലപ്പെടുത്തുവാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ?

ഈ സർക്കാർ വന്നശേഷം ഇടുക്കി ജില്ലയിൽ വന്യമൃഗങ്ങളുടെ ആക്രമണത്തിൽ കൊല്ലപ്പെട്ടവരുടേയും പരിക്കേറ്റവരുടേയും എണ്ണം സംബന്ധിച്ച വിശദാംശം വർഷവും പഞ്ചായത്തും തിരിച്ച് നൽകുമോ;

വന്യമൃഗങ്ങളുടെ ആക്രമണങ്ങളിൽ കൊല്ലപ്പെട്ടവരുടെ കുടുംബാംഗങ്ങൾക്ക് നൽകിയ ധനസഹായം സംബന്ധിച്ച വിശദാംശം നൽകാമോ;

പ്രസ്തുത കാലയളവില്‍ മനുഷ്യ- വന്യമൃഗ സംഘർഷം ഒഴിവാക്കുന്നതിനായി ഇടുക്കി ജില്ലയിൽ ആകെ എത്ര തുക ചെലവഴിച്ചു; വർഷം തിരിച്ച് വിശദാംശം നൽകാമോ?

സംസ്ഥാനത്ത് കഴിഞ്ഞ 5 വര്‍ഷത്തിനിടയില്‍ (2020-2025) നാട്ടാനകളുടെയും കാട്ടാനകളുടെയും ആക്രമണത്തില്‍ കൊല്ലപ്പെട്ടവരുടെ ജില്ല തിരിച്ചുള്ള കണക്ക് ലഭ്യമാക്കുമോ;

നാട്ടാനകളുടെയും കാട്ടാനകളുടെയും ആക്രമണങ്ങളില്‍ കൊല്ലപ്പെട്ടവര്‍ക്ക് മേല്‍പ്പറഞ്ഞ കാലയളവില്‍ എത്ര രൂപ നഷ്ടപരിഹാരം നല്‍കിയിട്ടുണ്ടെന്ന ജില്ല തിരിച്ചുള്ള കണക്ക് ലഭ്യമാക്കുമോ;

നാട്ടാനകളുടെയും കാട്ടാനകളുടെയും ആക്രമണങ്ങള്‍ തടയുന്നതിന് വനം വകുപ്പ് നടത്തിക്കൊണ്ടിരിക്കുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കുമോ;

നാട്ടാനകളുടെയും കാട്ടാനകളുടെയും ആക്രമണങ്ങള്‍ തടയുന്നതിന് വേണ്ടിയുള്ള പ്രതിരോധ പ്രവര്‍ത്തനങ്ങള്‍ക്ക് കഴിഞ്ഞ അഞ്ചു വര്‍ഷക്കാലം (2020-2025) എത്ര രൂപ ചെലവഴിച്ചിട്ടുണ്ടെന്നും ഇത് ഏതെല്ലാം പ്രവര്‍ത്തനങ്ങള്‍ക്കാണെന്നും വിശദമാക്കുമോ?

വന്യമൃഗങ്ങള്‍ കാരണമുള്ള കൃഷി നാശത്തിന് സംസ്ഥാനത്ത് കഴിഞ്ഞ അഞ്ചു വര്‍ഷത്തില്‍ എത്ര പരാതികള്‍ ലഭിച്ചിട്ടുണ്ടെന്ന് വിശദമാക്കാമോ; ഇങ്ങനെ നശിക്കുന്ന കൃഷിക്ക് നഷ്ടപരിഹാരം അതാത് വര്‍ഷം തന്നെ നല്‍കി വരുന്നുണ്ടോ; ഇല്ലെങ്കില്‍ എന്തുകൊണ്ടെന്ന് വിശദമാക്കാമോ;

നഷ്ടപരിഹാര തുക കാലാകാലങ്ങളില്‍ പരിഷ്കരിക്കാറുണ്ടോ; അവസാനമായി നഷ്ടപരിഹാര തുക പരിഷ്കരിച്ചത് എന്നാണെന്ന് വ്യക്തമാക്കാമോ; ഇങ്ങനെ പരിഷ്കരിക്കുന്നതിന്റെ മാനദണ്ഡം എന്താണെന്ന് വിശദമാക്കാമോ?

പാലക്കാട് ജില്ലയിലെ വിവിധ മേഖലകളില്‍ കാട്ടാനശല്യമുളളതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ജില്ലയില്‍ ആന, പുലി തുടങ്ങിയ വന്യമൃഗങ്ങളുടെ ആക്രമണത്തെ പ്രതിരോധിക്കാന്‍ എന്തൊക്കെ പ്രവര്‍ത്തനങ്ങളാണ് നടത്തിയിട്ടുളളതെന്ന് വിശദമാക്കാമോ;

ജില്ലയിലെ വനം വകുപ്പിന് ആവശ്യമായ വാഹനങ്ങള്‍ ഉള്‍പ്പടെയുളള സുരക്ഷാ ഉപകരണങ്ങള്‍ അനുവദിക്കുന്നതിന് നടപടി സ്വീകരിക്കുമോ; വിശദമാക്കുമോ?

തൊടുപുഴ മണ്ഡലത്തിലെ മുള്ളരിങ്ങാട് ജനവാസ കേന്ദ്രങ്ങളോടനുബന്ധിച്ചുള്ള വനമേഖലകളില്‍ ഫെന്‍സിംഗ് സ്ഥാപിക്കാന്‍ തീരുമാനിച്ചിട്ടുണ്ടോ; വിശദാംശം ലഭ്യമാക്കാമോ;

മുള്ളരിങ്ങാട് മേഖലയില്‍ ജനങ്ങള്‍ക്ക് ഭീഷണിയാകുന്ന കാട്ടാനകള്‍ ജനവാസകേന്ദ്രങ്ങളില്‍ എത്താതിരിക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

കാസർഗോട് കുളത്തൂർ ആവലുങ്കാലിൽ നിന്ന് വനം വകുപ്പ് പുലിയെ പിടികൂടിയിട്ടുണ്ടോ; വ്യക്തമാക്കാമോ;

എങ്കിൽ എപ്പോഴാണ് പിടികൂടിയതെന്നും പുലിയെ എന്തു ചെയ്തുവെന്നും വ്യക്തമാക്കാമോ;

പുലിയോ കടുവയോ പിടിയിലായാൽ ജനവാസ മേഖലകളിൽ നിന്ന് എത്ര ദൂരം അകലെയുളള ഉൾക്കാടുകളിൽ തുറന്നു വിടണമെന്നാണ് നിയമമെന്ന് വ്യക്തമാക്കാമോ;

കുളത്തൂർ ആവലുങ്കാലിൽ നിന്ന് പിടികൂടിയ പുലിയെ തുറന്നു വിട്ടത് ഈ നിയമം അനുസരിച്ചാണോ എന്ന് വ്യക്തമാക്കാമോ;

ജനവാസമേഖലകളിൽ നിന്ന് പിടികൂടിയ പുലികളെ അകലെയുളള ഉൾക്കാടുകളിലോ അല്ലെങ്കിൽ വന്യജീവി സങ്കേതത്തിലോ കൊണ്ടു പോയേി തുറന്നു വിടണമെന്നുണ്ടോ; വ്യക്തമാക്കാമോ;

സംസ്ഥാനത്തെ വന്യജീവി സങ്കേതങ്ങൾ ഏതൊക്കെയാണെന്ന് വ്യക്തമാക്കാമോ;

ഈ കേന്ദ്രങ്ങളിലേയ്ക്ക് പിടികൂടിയ പുലികളെ കൊണ്ടു പോകാൻ വരുന്ന ചെലവ് എത്രയാണെന്നും ഇത് ആരു വഹിക്കുമെന്നും വ്യക്തമാക്കാമോ?

വന്യജീവി ആക്രമണങ്ങളെ ഫലപ്രദമായി നേരിടുന്നതിന് കേന്ദ്ര നിയമത്തിലെയും മാർഗ്ഗരേഖകളിലെയും വ്യവസ്ഥകൾ തടസ്സം സൃഷ്ടിക്കുന്നതിനാൽ നിയമഭേദഗതി ആവശ്യമാണെന്ന് ചൂണ്ടിക്കാണിച്ച് ഈ സർക്കാരിന്റെ കാലയളവിൽ കേന്ദ്രസർക്കാരിന് കത്ത് നൽകിയിട്ടുണ്ടോ; എങ്കിൽ എത്ര തവണ നൽകിയിട്ടുണ്ട്; പ്രസ്തുത കത്തുകളുടെയും കേന്ദ്രസർക്കാരിൽ നിന്ന് ലഭിച്ച മറുപടികളുടെയും പകർപ്പ് ലഭ്യമാക്കുമോ?

നിരന്തരം കാട്ടാനശല്യം ഉണ്ടാകുന്ന പ്രദേശങ്ങളിലെ സ്ഥിരതാമസക്കാർ വീടും സ്ഥലവും ഉപേക്ഷിച്ച് മറ്റ് സ്ഥലങ്ങളിലേക്ക് കുടിയേറിയ സാഹചര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

വന്യമൃഗങ്ങളുടെ നിരന്തരമായ ആക്രമണത്തെ തുടർന്ന് വീടും വസ്തുവും ഒഴിഞ്ഞുപോകുന്നവരെ പുനരധിവസിപ്പിക്കുന്നതിനും നഷ്ടപരിഹാരം നൽകുന്നതിനും വനം വകുപ്പിന് പ്രത്യേക പദ്ധതി നിലവിലുണ്ടോ; വിശദമാക്കുമോ;

വനമേഖലയോട് ചേർന്നുള്ള കൃഷിയിടങ്ങളിലേക്കും ജനവാസകേന്ദ്രങ്ങളിലേക്കും കാട്ടാനകൾ നിരന്തരമായി എത്തിപ്പെടുന്നത് തടയുന്നതിനുവേണ്ടി കൃഷിഭൂമിയുടെ അതിർത്തികളിൽ ആഴം കൂടിയ മഴക്കുഴികൾ നിർമ്മിക്കുന്നതിനുള്‍പ്പടെയുളള പദ്ധതികള്‍ തയ്യാറാക്കുമോ; വിശദമാക്കുമോ?

2015 മുതല്‍ നാളിതുവരെ സംസ്ഥാനത്ത് മനുഷ്യ-വന്യജീവി സംഘര്‍ഷങ്ങളില്‍ എത്രപേര്‍ക്ക് പരുക്കേറ്റിട്ടുണ്ട്; വിശദാംശം ലഭ്യമാക്കാമോ;

പ്രസ്തുത കാലയളവില്‍ വന്യജീവി ആക്രമണത്തിന് ഇരയായവര്‍‍ക്കും മരണപ്പെട്ടവരുടെ ആശ്രിതര്‍ക്കുമായി എത്ര തുക നഷ്ടപരിഹാരം നല്‍കാന്‍ അവശേഷിക്കുന്നുണ്ട്;

പ്രസ്തുത കാലയളവില്‍ ഇടുക്കി ജില്ലയില്‍ കാട്ടാന ആക്രമണത്തില്‍ എത്രപേര്‍ കൊല്ലപ്പെട്ടിട്ടുണ്ട്; ഇവര്‍ക്ക് നഷ്ടപരിഹാര തുക വിതരണം ചെയ്തിട്ടുണ്ടോ; വിശദാംശം ലഭ്യമാക്കാമോ?

വനാതിർത്തികളിലെ മനുഷ്യ-വന്യജീവി സംഘർഷങ്ങൾ ലഘൂകരിക്കുന്നതിനായി പുതിയതായി പത്തിന കർമ്മ പദ്ധതികൾ നടപ്പിലാക്കാൻ തീരുമാനിച്ചിട്ടുണ്ടോ; പ്രസ്തുത പദ്ധതികൾ എന്നുമുതൽ ആരംഭിക്കാനാണുദ്ദേശിക്കുന്നതെന്ന് വ്യക്തമാക്കുമോ;

ഇതിനായി സന്നദ്ധ പ്രതികരണ സേന രൂപീകരിക്കാൻ ഉദ്ദേശിക്കുന്നുണ്ടോ; വിശദമാക്കാമോ;

വന്യജീവികളുടെ സാന്നിദ്ധ്യം മനസ്സിലാക്കുന്നതിനായി ഡ്രോൺ ഉപയോഗിച്ച് നിരീക്ഷണം നടത്തുന്നതിന് പദ്ധതി ആവിഷ്ക്കരിച്ചിട്ടുണ്ടോ; എങ്കിൽ വിശദമാക്കുമോ?

വന്യമൃഗങ്ങൾ കാരണമുള്ള കൃഷിനാശത്തിന് വനവകുപ്പ് നൽകിവരുന്ന നഷ്ടപരിഹാരത്തുക ഏറ്റവും ഒടുവിൽ എന്നാണ് പരിഷ്ക്കരിച്ചത് എന്ന് വ്യക്തമാക്കാമോ;

നഷ്ടപരിഹാരത്തുകയിൽ കാലാനുസൃതമായി വർദ്ധനവ് വരുത്താത്തത് മൂലം കർഷകർ നേരിടുന്ന പ്രതിസന്ധി പരിശോധിച്ചിട്ടുണ്ടോ; എങ്കിൽ വിശദമാക്കുമോ;

നഷ്ടപരിഹാരത്തുക അനുവദിക്കുന്നതിനുള്ള കെട്ടിക്കിടക്കുന്ന അപേക്ഷകൾ സമയബന്ധിതമായി പരിഹരിക്കുന്നതിനായി പുതിയ എന്തെങ്കിലും കർമ്മപദ്ധതികൾ രൂപീകരിക്കാനുദ്ദേശിക്കുന്നുണ്ടോ; എങ്കിൽ വിശദമാക്കുമോ?

സംസ്ഥാനത്ത് 2020-2025 വര്‍ഷകാലയളവില്‍ കാട്ടാനകള്‍ ഒഴികെയുള്ള വന്യജീവി ആക്രമണത്തില്‍ കൊല്ലപ്പെട്ടവരുടെ ജില്ല തിരിച്ചുള്ള കണക്ക് ലഭ്യമാക്കുമോ;

കാട്ടാനകള്‍ ഒഴികെയുള്ള വന്യജീവി ആക്രമണങ്ങളില്‍ കൊല്ലപ്പെട്ടവര്‍ക്ക് മേല്‍പ്പറഞ്ഞ കാലയളവില്‍ എത്ര രൂപ നഷ്ടപരിഹാരം നല്‍കിയിട്ടുണ്ടെന്ന ജില്ല തിരിച്ചുള്ള കണക്ക് ലഭ്യമാക്കുമോ;

കാട്ടാനകള്‍ ഒഴികെയുള്ള വന്യജീവി ആക്രമണങ്ങള്‍ തടയുന്നതിന് വനം വകുപ്പ് നടത്തിക്കൊണ്ടിരിക്കുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കുമോ;

കാട്ടാനകള്‍ ഒഴികെയുള്ള വന്യജീവി ആക്രമണങ്ങള്‍ തടയുന്നതിന് വേണ്ടിയുള്ള പ്രതിരോധ പ്രവര്‍ത്തനങ്ങള്‍ക്ക് 2020-2025 വര്‍ഷകാലയളവില്‍ എത്ര രൂപ ചെലവഴിച്ചിട്ടുണ്ടെന്നും ഇത് ഏതെല്ലാം പ്രവര്‍ത്തനങ്ങള്‍ക്കായാണെന്നും വിശദമാക്കുമോ;

വന്യജീവി ആക്രമണങ്ങള്‍ തടയുന്നതിന് വേണ്ടിയുള്ള പ്രതിരോധ പ്രവര്‍ത്തനങ്ങള്‍ക്കും വന്യജീവി ആക്രമണങ്ങളില്‍ കൊല്ലപ്പെടുകയോ പരിക്കേല്‍ക്കുകയോ ചെയ്തവര്‍ക്കുള്ള നഷ്ടപരിഹാരം നല്‍കുന്നതിനും 2020-2025 വര്‍ഷകാലയളവില്‍ കേന്ദ്ര സര്‍ക്കാരില്‍ നിന്ന് സാമ്പത്തിക സഹായം ലഭ്യമായിട്ടുണ്ടോ; വിശദാംശങ്ങള്‍ ലഭ്യമാക്കാമോ?

വന്യമൃഗ ആക്രമണത്തിൽ വീട് നാശം സംഭവിച്ചവർക്ക് നൽകിവരുന്ന നഷ്ടപരിഹാരം എത്രയാണെന്ന് അറിയിക്കുമോ; ഇത് കാലോചിതമായി വർധിപ്പിക്കുന്ന കാര്യം പരിഗണനയിലുണ്ടോ; വിശദമാക്കുമോ?

സംസ്ഥാനത്ത് 2016 മുതൽ നാളിതുവരെ ഓരോ വർഷവും വന്യജീവി ആക്രമണം തടയാൻ അനുവദിച്ച തുക ഏതെല്ലാം മേഖലയിലാണ് ചിലവഴിച്ചതിന്റെ വിശദാംശം വർഷം തിരിച്ചു നൽകാമോ;

സംസ്ഥാനത്ത് വന്യജീവി ആക്രമണം തുടര്‍ക്കഥയാകുന്ന സാഹചര്യത്തില്‍ ആയത് പരിഹരിക്കാന്‍ ഇപ്പോള്‍ സ്വീകരിച്ച നടപടികള്‍ പര്യാപ്തമല്ലാത്തതിനാല്‍ പുതിയ പദ്ധതികള്‍ ഈ മേഖലയിലെ വിദഗ്ധരുമായി ആലോചിച്ച് കേന്ദ്ര സര്‍ക്കാരിന്റെ അഭിപ്രായവും കൂടി സ്വീകരിച്ച് പരിഹരിക്കുന്നതിനുള്ള സ്ഥായിയായ നടപടികള്‍ സ്വീകരിക്കുമോ?

കേരളത്തിൽ 2016 മുതൽ നാളിതുവരെ എത്രപേർ പാമ്പ് കടിയേറ്റ് മരണപ്പെട്ടിട്ടുണ്ടെന്നുള്ള കണക്ക് വർഷം തിരിച്ചു വ്യക്തമാക്കുമോ;

സംസ്ഥാനത്ത് ആന്റിവനം നിർമ്മിക്കുന്നതിനുള്ള പദ്ധതി നടപ്പാക്കാൻ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ?

വന്യ മൃഗങ്ങളുടെ ആക്രമണത്തിൽ ഉണ്ടാകുന്ന കൃഷി നാശത്തിന്റെ നഷ്ടപരിഹാര തുക എത്രയാണ്; പ്രസ്തുത തുക അവസാനമായി പരിഷ്കരിച്ചത് 2015 ലാണോ എന്ന് വ്യക്തമാക്കുമോ;

പത്തു വർഷത്തിനിടെ കൃഷി ചെലവ് കുത്തനെ കൂടുകയും വളത്തിന്റെയും വിത്തിന്റെയും വില ഇരട്ടിയാവുകയും കൂലി വർധനവ് ഉണ്ടാകുകയും ചെയ്ത സാഹചര്യത്തിൽ വന്യമൃഗങ്ങളുടെ ആക്രമണത്തിൽ ഉണ്ടാകുന്ന കൃഷി സർക്കാർ നടപടി സ്വീകരിക്കുമോ?

ജനവാസമേഖലകളിലോ, റോഡുകളിലോ അപകടകരമായി എത്തപ്പെടുന്ന വന്യമൃഗങ്ങളെ സംബന്ധിച്ച് പ്രദേശവാസികള്‍ക്കും വഴിയാത്രക്കാര്‍ക്കും വനപാലകര്‍ക്കും അറിയിപ്പ് നല്‍കുന്നതിനും ജനങ്ങളുടെ സുരക്ഷ ഉറപ്പു വരുത്തുന്നതിനും എന്തൊക്കെ നടപടികള്‍ സ്വീകരിച്ചിട്ടുണ്ട്; വ്യക്തമാക്കുമോ;

മനുഷ്യ-വന്യമൃഗ സംഘര്‍ഷം നേരിടുന്നതിന് വെറ്റിനറി ഡോക്ടര്‍മാരുടെ അപര്യാപ്തത നിലവിലുണ്ടോ; എങ്കില്‍ ആയത് പരിഹരിക്കുവാന്‍ സ്വീകരിച്ചിട്ടുള്ള നടപടി വിശദമാക്കാമോ?

ചേലക്കര മണ്ഡലത്തിലെ വനാതിർത്തിയുമായി ബന്ധപ്പെട്ട പ്രദേശങ്ങളിലും, കൃഷിയിടങ്ങളിലും ആനകളും മറ്റ് വന്യജീവികളും കാർഷികവിളകൾ നശിപ്പിക്കുന്നത് തടയുന്നതിനായി വനംവകുപ്പ് രാഷ്ട്രീയ കൃഷി വികാസ് യോജന പദ്ധതിയിൽ ഉൾപ്പെടുത്തി ഫെൻസിങ്ങ് ചെയ്യുന്ന പ്രവൃത്തി നടത്തി വരുന്നുണ്ടോ; വ്യക്തമാക്കാമോ;

ഉണ്ടെങ്കിൽ ഏതെല്ലാം പ്രദേശങ്ങളിലാണ് പ്രവൃത്തി നടത്തിവരുന്നത്; പ്രസ്തുത പ്രവൃത്തിക്കായി എത്ര തുക അനുവദിച്ചിട്ടുണ്ട്; പ്രസ്തുത പ്രവൃത്തി സംബന്ധിച്ച വിശദാംശം വ്യക്തമാക്കാമോ;

പ്രസ്തുത പ്രവൃത്തി എന്ന് പൂർത്തീകരിക്കാൻ കഴിയുമെന്നാണ് പ്രതീക്ഷിക്കുന്നത്; വിശദാംശം ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം വനാതിര്‍ത്തികളിൽ ഫെന്‍സിംഗ് ഉള്‍പ്പെടെയുള്ള പ്രതിരോധ പ്രവര്‍ത്തനങ്ങള്‍ നടത്തുന്നതിന് എത്ര തുക ചെലവഴിച്ചിട്ടുണ്ടെന്ന് വിശദമാക്കാമോ?

ഇടുക്കി ജില്ലയിൽ വന്യജീവി ആക്രമണവുമായി ബന്ധപ്പെട്ട് മരണപ്പെട്ടവരുടെ കുടുംബാംഗങ്ങൾക്ക് സാമ്പത്തിക സഹായം നൽകിയിട്ടുണ്ടോ; വിശദമാക്കാമോ;

പീരുമേട് മണ്ഡലത്തിൽ വന്യജീവി ആക്രമണം തടയുന്നതിന് എന്തു തുകയാണ് ചെലവാക്കിയിട്ടുള്ളതെന്നും എന്തൊക്കെ പദ്ധതികളാണ് ആവിഷ്കരിച്ചിട്ടുള്ളതെന്നും വിശദമാക്കുമോ?

ജനവാസ മേഖലകളിലേക്ക് കടന്നുകയറുകയും മനുഷ്യ ജീവന് ഭീഷണിയുയര്‍ത്തുകയും ചെയ്യുന്ന വന്യമൃഗങ്ങളെ കൊല്ലുന്നതിന് എന്തൊക്കെ നടപടിക്രമങ്ങളാണ് പാലിക്കേണ്ടതെന്ന് വ്യക്തമാക്കാമോ; മനുഷ്യരെ ആക്രമിക്കുന്ന വന്യജീവികളെ പ്രതിരോധിക്കുന്നതിനിടയില്‍ അവ കൊല്ലപ്പെട്ടാല്‍ ആയതിന്റെ പേരില്‍ എന്തെങ്കിലും നിയമനടപടികള്‍ നേരിടേണ്ടതുണ്ടോ; എങ്കിൽ വിശദമാക്കാമോ?

പയ്യന്നൂര്‍ മണ്ഡലത്തില്‍ കര്‍ണ്ണാടക വനാതിര്‍ത്തിയിലുള്ള ചെറുപുഴ ഗ്രാമപഞ്ചായത്തില്‍ എത്ര കിലോമീറ്റര്‍ ദൂരത്തിലാണ് ഇനി ഹാംഗിംഗ് ഫെന്‍സിംഗ് സ്ഥാപിക്കാനുള്ളതെന്ന് അറിയിക്കാമോ;

തിരുനെറ്റി മുതല്‍ ഉമയംചാല്‍ വരെയുള്ള സ്ഥലങ്ങളില്‍ ഹാംഗിംഗ് ഫെന്‍സിംഗ് സ്ഥാപിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ?

മനുഷ്യ-വന്യജീവി സംഘർഷം ലഘൂകരിക്കുന്നതിനായി എമർജൻസി ഓപ്പറേഷൻ സെന്റർ സജ്ജമാക്കുന്നതിന് വനം വകുപ്പ് അഡീഷണൽ പ്രിൻസിപ്പൽ ചീഫ് ഫോറസ്റ്റ് കൺസർവേറ്റർ നൽകിയ റിപ്പോർട്ടിലെ ശിപാർശകൾ എന്തൊക്കെയായിരുന്നു; ഈ ശിപാർശകൾ നടപ്പാക്കുന്നതിനായി ഏതൊക്കെ ഇനത്തിൽ എത്ര തുകയാണ് ആവശ്യപ്പെട്ടതെന്നും സർക്കാർ ഏതൊക്കെ ഇനത്തിൽ എത്ര തുക അനുവദിച്ചു എന്നും വ്യക്തമാക്കുമോ?

സംസ്ഥാനത്ത് 2016 മുതൽ നാളിതുവരെ നാട്ടാനകളുടെ ആക്രമണത്തിൽ എത്രപേർക്ക് പരിക്കേറ്റിട്ടുണ്ടെന്നും എത്രപേർ മരണപ്പെട്ടിട്ടുണ്ടെന്നും വ്യക്തമാക്കുമോ;

പ്രസ്തുത കാലയളവിൽ എത്ര നാട്ടാനകൾ മരണപ്പെട്ടിട്ടുണ്ട്; എന്തെങ്കിലും തരത്തിലുള്ള അപകടങ്ങളെ തുടർന്ന് എത്ര നാട്ടാനകൾക്ക് ജീവഹാനി സംഭവിച്ചിട്ടുണ്ട്; വിശദമാക്കുമോ;

നാട്ടാന പരിപാലന നിയമത്തിന്റെ ലംഘനത്തെ തുടർന്ന് മേൽ പരാമർശിച്ചിരിക്കുന്ന കാലയളവിൽ സ്വീകരിച്ചിട്ടുള്ള നടപടികളുടെ വിശദാംശങ്ങൾ വ്യക്തമാക്കുമോ; നാട്ടാന പരിപാലന നിയമം കർശനമായി നടപ്പാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

തിരുവനന്തപുരം ജില്ലയില്‍ ആന എഴുന്നള്ളത്തിന് അനുമതി നല്കിയിട്ടുളള ക്ഷേത്രങ്ങളുടെ എണ്ണം എത്രയെന്ന് വിശദമാക്കാമോ;

ആരാധനാലയങ്ങളില്‍ ആന എഴുന്നള്ളത്തിന് അനുമതി നല്കുന്നതിനുളള നടപടിക്രമങ്ങള്‍ വിശദമാക്കാമോ?

വനം വകുപ്പിന്റെ കണക്കുപ്രകാരം കേരളത്തില്‍ എത്ര നാട്ടാനകളുണ്ട്;

കേരളത്തില്‍ ഓരോ വര്‍ഷവും ആന എഴുന്നളളിപ്പു നടത്തുന്ന ശരാശരി എത്ര പൂരങ്ങളും നേര്‍ച്ചകളും പെരുന്നാളുകളുമാണ് ഉള്ളത് ;

ഉത്സവസീസണ്‍ കാലത്ത് ആനകള്‍ക്ക് മതിയായ വിശ്രമവും പരിചരണവും ലഭിക്കുന്നുണ്ടെന്ന് ഉറപ്പു വരുത്തുവാന്‍ വനം വകുപ്പ് എന്തെല്ലാം നടപടികളാണ് സ്വീകരിച്ചു വരുന്നത്; ഇതു സംബന്ധിച്ച വിശദാംശം വ്യക്തമാക്കുമോ?

സംസ്ഥാനത്ത് നാട്ടാനകളുടെ കൃത്യമായ സ്ഥിതിവിവരക്കണക്കുകള്‍ സര്‍ക്കാരിന്റെ കൈവശമുണ്ടോ; വ്യക്തമാക്കാമോ;

നിലവിൽ നാട്ടാനകളുടെ ഉയരം കണക്കാക്കി സ്ഥിതിവിവരക്കണക്കുകള്‍ തയ്യാറാക്കിയിട്ടുള്ളത് ഏത് വര്‍ഷത്തെ വിവരങ്ങളുടെ അടിസ്ഥാനത്തിലാണ് എന്നറിയിക്കാമോ;

ആയത് പുന:പരിശോധന നടത്തി ഇതു സംബന്ധിച്ച ഡാറ്റാ ബുക്ക് പ്രസിദ്ധീകരിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

മറ്റു സംസ്ഥാനങ്ങളില്‍ നിന്നും നാട്ടാനകളെ സംസ്ഥാനത്ത് എത്തിക്കുന്നതിനും പരിപാലിക്കുന്നതിനും അനുമതി നല്‍കുന്നതുമുള്‍പ്പെടെയുള്ള നടപടികള്‍ സര്‍ക്കാര്‍ സ്വീകരിച്ചിട്ടുണ്ടോ; വിശദമാക്കാമോ?

കേന്ദ്ര വന്യജീവി സംരക്ഷണ നിയമത്തിലെ ഒന്നാം പട്ടികയില്‍പ്പെട്ട അപകടകാരികളായ വന്യമൃഗങ്ങളെ കൊല്ലുന്നതിന് മുമ്പ് എന്തെല്ലാം നിയമങ്ങള്‍ പാലിച്ചിരിക്കണമെന്നാണ് പ്രസ്തുത നിയമം അനുശാസിക്കുന്നതെന്ന് വിശദമാക്കാമോ;

മനുഷ്യന് ഭീഷണിയാകുന്ന വന്യമൃഗങ്ങളെ കൊല്ലുന്നതിനുള്ള പ്രസ്തുത നിയമത്തിലെ പ്രായോഗിക തടസ്സങ്ങള്‍ ഒഴിവാക്കുന്നതിനായി നിലവിലെ നിയമം ഭേദഗതി ചെയ്യുന്നതിന് സംസ്ഥാന സര്‍ക്കാര്‍ ഇതേവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

പ്രസ്തുത നിയമം ഭേദഗതി ചെയ്യുന്നതിനെ സംബന്ധിച്ച കേന്ദ്ര സര്‍ക്കാരിന്റെ നിലപാട് സംസ്ഥാന സര്‍ക്കാരിനെ അറിയിച്ചിട്ടുണ്ടോ; വിശദമാക്കാമോ?