ന്യൂനപക്ഷ വിഭാഗങ്ങളിൽപ്പെടുന്നവരുടെ ക്ഷേമം ലക്ഷ്യമിട്ടുള്ള സമന്വയം പദ്ധതിയുടെ ഉദ്ദേശ്യലക്ഷ്യങ്ങൾ വിശദീകരിക്കാമോ;

പ്രസ്തുത വിഭാഗങ്ങളിൽപ്പെട്ടവർക്ക് തുല്യനീതി ഉറപ്പുവരുത്തുന്നതിനായി നടപ്പാക്കുന്ന പ്രവർത്തനങ്ങൾ വിലയിരുത്തിയിട്ടുണ്ടോ; വിശദാംശം നൽകാമോ;

സമന്വയം പദ്ധതിയുടെ ഭാഗമായി ന്യൂനപക്ഷ വിദ്യാഭ്യാസസ്ഥാപനങ്ങളുടെ ക്ലസ്റ്റർ രൂപീകരിച്ചിട്ടുണ്ടോ; വിശദമാക്കാമോ?

ബാഹ്യ ഇടപെടലുകള്‍ ഇല്ലാതെ വാഹനങ്ങളുടെ ഫിറ്റ്നസ് പരിശോധിക്കുന്നതിന് ഗതാഗതമേഖലയില്‍ ഓട്ടോമേറ്റഡ് സംവിധാനം ഏര്‍പ്പെടുത്തിയിട്ടുണ്ടോയെന്ന് അറിയിക്കുമോ;

പ്രസ്തുത സംവിധാനം വഴി വാഹനങ്ങള്‍ പരിശോധിക്കുന്നതിനായി കട്ട് ഓഫ് തീയതി നിശ്ചയിച്ചിട്ടുണ്ടോ; വിശദാംശം വ്യക്തമാക്കാമോ;

സംസ്ഥാനത്ത് ഓട്ടോമേറ്റഡ് ഡ്രൈവര്‍ ടെസ്റ്റിംഗ് സെന്റര്‍ സ്ഥാപിക്കുന്നതിന് നടപടികള്‍ സ്വീകരിച്ചിട്ടുണ്ടോ; ഇതിലൂടെ എന്തൊക്കെയാണ് ലക്ഷ്യമിടുന്നതെന്ന് വിശദമാക്കുമോ?

സംസ്ഥാനത്തെ വിദേശപഠന റിക്രൂട്ടിംഗ് ഏജൻസികളുടെ പ്രവർത്തനം പരിശോധിച്ചിട്ടുണ്ടോയെന്ന് വിശദമാക്കുമോ;

പ്രസ്തുത ഏജൻസികൾ വ്യാജ വിവരങ്ങൾ നൽകി വിദ്യാർത്ഥികളെ കബളിപ്പിക്കുന്നതായി പരാതി ലഭിച്ചിട്ടുണ്ടോ; വ്യക്തമാക്കുമോ;

ഇത്തരം ഏജൻസികളുടെ ആധികാരികത പരിശോധിച്ച് അവയെ നിയന്ത്രിക്കുന്നതിന് നടപടികൾ സ്വീകരിക്കാൻ ഉദ്ദേശിക്കുന്നുണ്ടോ; വിശദാംശം നൽകുമോ?

കാര്‍ഷിക വികസനവും കര്‍ഷകക്ഷേമവും ലക്ഷ്യമിട്ടുളള വിവിധ പദ്ധതികളും പ്രവര്‍ത്തനങ്ങളും കൂടുതല്‍ ജനകീയവും സുതാര്യവുമായി നടപ്പിലാക്കുന്നതിന് സഹായിക്കുന്നതരത്തില്‍ ഇതുമായി ബന്ധപ്പെട്ട യോഗങ്ങള്‍ ലെെവ് സ്ട്രീമിംഗ് ചെയ്യുന്നതിന് പ്രത്യേക പദ്ധതി ആവിഷ്കരിച്ചിട്ടുണ്ടോ; എന്തൊക്കെയാണ് ഇതിലൂടെ ലക്ഷ്യമിടുന്നത്; വിശദാംശം നല്‍കാമോ;

സര്‍ക്കാര്‍ സംവിധാനത്തില്‍ ജനങ്ങളുടെ വിശ്വാസം വളര്‍ത്തുന്നതിനും പൊതുജന പങ്കാളിത്തം വര്‍ദ്ധിപ്പിക്കുന്നതിനും പ്രസ്തുത പദ്ധതി എത്രത്തോളം സഹായകമാണെന്ന് വിശദമാക്കുമോ;

സംപ്രേഷണം ചെയ്യുന്ന യോഗങ്ങളുമായി ബന്ധപ്പെട്ട് പൊതുജനങ്ങള്‍ക്ക് അഭിപ്രായങ്ങള്‍ അറിയിക്കുന്നതിനും ഉദ്യോഗസ്ഥരുമായി ആശയവിനിമയം നടത്തുന്നതിനും സാധ്യമാണോ; ഇത് സര്‍ക്കാരിന്റെ നയരൂപീകരണ പ്രക്രിയകളെ മെച്ചപ്പെടുത്താന്‍ സഹായിക്കുമോ; വിശദമാക്കുമോ?

ആവശ്യത്തിന് പുതിയ ബസ്സുകൾ ഇല്ലാത്തത് കെ.എസ്.ആർ.ടി.സി.യുടെ ദീർഘദൂര, സംസ്ഥാനന്തര സർവ്വീസുകളെ പ്രതികൂലമായി ബാധിച്ചിട്ടുണ്ടോയെന്ന് വ്യക്തമാക്കുമോ;

കഴിഞ്ഞ പത്തു വർഷത്തിനുള്ളിൽ ലേലം ചെയ്തു നൽകിയ പഴയ ബസ്സുകളുടെയും ഇതേ കാലയളവിൽ വാങ്ങിയ പുതിയ ബസ്സുകളുടെയും വിശദാംശം നൽകുമോ;

ദീർഘദൂര സർവ്വീസുകളുടെ ​ബ്രേക്ക് ഡൗൺ നിരക്ക് വർദ്ധിച്ചു വരുന്നത് ഒഴിവാക്കാൻ പുതിയ ബസ്സുകൾ വാങ്ങുന്നതിന് പദ്ധതി ആവിഷ്ക്കരിച്ചിട്ടുണ്ടോ; വിശദാംശം നൽകുമോ?

കർഷക കടാശ്വാസ കമ്മീഷൻ ശിപാർശ ചെയ്ത നൂറ്റിയെണ്‍പത് കോടിയോളം രൂപയുടെ ക്ലെയിമുകള്‍ ഇനിയും വിതരണം ചെയ്യാനുണ്ടോയെന്ന് വ്യക്തമാക്കുമോ;

ഈ സർക്കാരിന്റെ കാലയളവിൽ കർഷക കടാശ്വാസ കമ്മീഷൻ ക്ലെയിമുകൾ നൽകുന്നതിന് അനുവദിച്ച തുക കുറവാണെന്നത് ഗൗരവത്തോടെ കാണുന്നുണ്ടോ; ക്ലെയിമുകള്‍ അടിയന്തരമായി തീർപ്പാക്കാൻ നടപടി സ്വീകരിക്കുമോ; വ്യക്തമാക്കുമോ?

പ്രായമായവരിൽ കണ്ടുവരുന്ന ആരോഗ്യപ്രശ്നമായ ഡിമെൻഷ്യ ബാധിച്ചവരെ കണ്ടെത്തി അനുയോജ്യമായ സേവനം ലഭ്യമാക്കുന്നതിനായി പ്രത്യേക പദ്ധതി ആരംഭിച്ചിട്ടുണ്ടോയെന്ന് വ്യക്തമാക്കുമോ;

ആരോഗ്യപ്രശ്നം എന്നതിലുപരി ഇത് ഒരു സാമൂഹ്യപ്രശ്നമായിക്കണ്ട് ഡിമെൻഷ്യ പ്രതിരോധനടപടികൾ സ്വീകരിച്ചിട്ടുണ്ടോയെന്ന് അറിയിക്കുമോ;

ഡിമെൻഷ്യാ ബാധിതരിലെ ലക്ഷണങ്ങളും അവരുടെ സംരക്ഷണവും സംബന്ധിച്ച് ബോധവൽക്കരണം നടത്തുന്നതിനായി സ്വീകരിച്ചു വരുന്ന നടപടികൾ വിശദമാക്കുമോ?

വിദേശരാജ്യങ്ങളിൽ ഉപയോഗിച്ചുവരുന്ന നവീന കാർഷിക സാങ്കേതിക വിദ്യകൾ സംസ്ഥാനത്ത് പ്രാവർത്തികമാക്കുന്നതിനും വ്യാപിപ്പിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

കർഷകർക്ക് ആധുനിക സാങ്കേതികവിദ്യാധിഷ്ഠിത കൃഷിരീതികളില്‍ പരിശീലനം നൽകുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കുമോ;

കൃഷിയിടങ്ങളിൽ ആധുനിക ഫാമിംഗ് സൗകര്യങ്ങള്‍ ഏര്‍പ്പെടുത്തുന്നതിന് എന്തെല്ലാം സാമ്പത്തിക-നൈപുണ്യ വികസന സഹായങ്ങളാണ് നല്‍കിവരുന്നത്; വിശദമാക്കുമോ?

സംസ്ഥാനത്ത് നെല്ലുല്പാദനവും കൃഷി ചെയ്യുന്ന സ്ഥലത്തിന്റെ വിസ്തീർണ്ണവും ഗണ്യമായി കുറഞ്ഞുവരുന്നു എന്നത് വസ്തുതയാണോ;

2009-10 കാലഘട്ടത്തിലെ നെല്ലുല്പാദനത്തേക്കാൾ നിലവിലെ നെല്ലുല്പാദനം കുറയാനുണ്ടായ സാഹചര്യം വിലയിരുത്തിയിട്ടുണ്ടോ;

നെല്ലുല്പാദനവും കൃഷി ചെയ്യുന്ന സ്ഥലത്തിന്റെ വിസ്തീർണ്ണവും വർധിപ്പിക്കാൻ നടപടികൾ സ്വീകരിക്കുമോ; വ്യക്തമാക്കുമോ?

ആശ്വാസ കിരണം പദ്ധതിയുടെ 2024-25 സാമ്പത്തിക വർഷത്തെ പദ്ധതി വിഹിതത്തിൽ വെട്ടിക്കുറവ് വരുത്തിയിട്ടുണ്ടോ; എങ്കിൽ കാരണം വിശദമാക്കാമോ;

പദ്ധതിവിഹിതം വെട്ടിക്കുറച്ച നടപടി പിൻവലിച്ച് അർഹതപ്പെട്ട എല്ലാവർക്കും ധനസഹായം കുടിശിക കൂടാതെ വിതരണം ചെയ്യാൻ അടിയന്തര നടപടി സ്വീകരിക്കുമോ; വിശദമാക്കുമോ?

സ്വകാര്യ സർവകലാശാലകൾ സ്ഥാപിക്കുമ്പോൾ സ്പോൺസറിംഗ് ഏജൻസിയ്ക്ക് അക്കാദമിക മുൻപരിചയം യോഗ്യതയാക്കിയിട്ടുണ്ടോയെന്ന് വ്യക്തമാക്കുമോ;

ഇല്ലെങ്കിൽ ഉന്നത വിദ്യാഭ്യാസമേഖലയെ പരിഷ്കരിക്കാനുള്ള നിയമനിർമ്മാണം കച്ചവട താത്പര്യങ്ങൾക്ക് വഴിമാറുമെന്ന ആക്ഷേപം ഗൗരവത്തോടെ കാണുന്നുണ്ടോയെന്ന് അറിയിക്കുമോ;

ദീർഘകാലമായി വിദ്യാഭ്യാസ മേഖലയിൽ പ്രവർത്തിക്കുന്ന കോർപ്പറേറ്റ് മാനേജ്മെന്റുകൾക്ക് സ്വകാര്യ സർവകലാശാലകളുടെ സ്പോൺസറിംഗ് ഏജൻസികൾ ആകുന്നതിന് പ്രത്യേക പരിഗണന ലഭിക്കാൻ നടപടി സ്വീകരിക്കുമോ; വ്യക്തമാക്കുമോ?

ആധുനിക സൗകര്യങ്ങളാേടുകൂടിയ സൂപ്പര്‍ ഫാസ്റ്റ് പ്രീമിയം എയര്‍കണ്ടീഷന്‍ഡ് ബസ്സ് സര്‍വീസുകള്‍ ആരംഭിക്കുന്നതിന് കെ.എസ്.ആർ.ടി.സി. നടപടികള്‍ സ്വീകരിച്ചിട്ടുണ്ടാേ; എന്താെക്കെ സൗകര്യങ്ങളാണ് ഇവയില്‍ ഏര്‍പ്പെടുത്തിയിട്ടുള്ളത്; വിശദാംശം ലഭ്യമാക്കുമാേ;

നിലവിലുള്ളതിനേക്കാള്‍ കൂടുതല്‍ ഇന്ധനക്ഷമതയാേടുകൂടിയ എഞ്ചിനുകളുള്ള പുതിയ ബസ്സുകള്‍ വാങ്ങുന്നതിന് പദ്ധതിയുണ്ടാേയെന്ന് അറിയിക്കുമാേ;

ബസ്സ് സര്‍വീസ് മേഖലയില്‍ കാര്യക്ഷമതയും യാത്രക്കാരുടെ യാത്രാനുഭവവും മെച്ചപ്പെടുത്തുന്നതിന്റെ ഭാഗമായി തത്സമയ ബസ്സ് ട്രാക്കിംഗ്, ഡിജിറ്റല്‍ പേയ്മെന്റ് രീതികള്‍, മൊബെെല്‍ ടിക്കറ്റിംഗ് ഓപ്ഷനുകള്‍ തുടങ്ങിയവ പ്രാവര്‍ത്തികമാക്കുന്നതിന് നടപടികള്‍ സ്വീകരിക്കുമാേ; വിശദമാക്കുമാേ?

ഭിന്നശേഷി മേഖലയിലെ പരിശീലന ബോധവത്കരണ പരിപാടികള്‍ക്കായി സ്പീഡ് (സ്റ്റേറ്റ് പ്രോഗ്രാം ഫോർ എഡ്യൂക്കേഷൻ ആൻഡ് എംപവർമെന്റ് ഇൻ ഡിസെബിലിറ്റീസ്) എന്ന പേരില്‍ പ്രത്യേക പദ്ധതി ആവിഷ്കരിച്ചു നടപ്പാക്കിയിട്ടുണ്ടോ;

പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങള്‍ എന്തൊക്കെയാണെന്ന് വിശദമാക്കുമോ;

ഭിന്നശേഷിക്കാരുടെ ചികിത്സയ്ക്ക് സ്വീകരിക്കേണ്ട മാര്‍ഗ്ഗങ്ങളെക്കുറിച്ച് അവബോധമുള്ള ചികിത്സകരെ കൂടുതലായി വാര്‍ത്തെടുക്കുന്നതിന് നടത്തിവരുന്ന പ്രവര്‍ത്തനങ്ങള്‍ വിശദമാക്കുമോ?

ക്ഷീരമേഖലയിലെ സുസ്ഥിര ഉല്പാദന വർദ്ധനവിനായി ജോയിന്റ് ലയബിലിറ്റി ഗ്രൂപ്പുകളെയും ക്ഷീരസംഘങ്ങളെയും പ്രോത്സാഹിപ്പിക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ;

ക്ഷീരമേഖലയില്‍ വനിതാശക്തീകരണം പ്രോത്സാഹിപ്പിക്കുന്നതിന് സ്വീകരിച്ച നടപടിക‍‍ള്‍ വ്യക്തമാക്കുമോ;

പാലുല്പാദനവും പാലിൽനിന്നുള്ള മൂല്യവർദ്ധിത ഉല്പന്നങ്ങളുടെ നിർമ്മാണവും വിപണനവും നടത്താൻ വനിതാ സ്വാശ്രയ സംഘങ്ങളെ പ്രോത്സാഹിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോയെന്ന് അറിയിക്കുമോ;

ക്ഷീരമേഖലയിലെ ഫാം ലൈസന്‍സിംഗ് സംരംഭകസൗഹൃദമാക്കാന്‍ സ്വീകരിച്ചിട്ടുള്ള നടപടിക‍‍ള്‍ എന്തെല്ലാമാണെന്ന് വിശദമാക്കുമോ?

അവിചാരിതമായ കാരണങ്ങളാല്‍ കൃഷിനാശം സംഭവിക്കുന്ന സാഹചര്യങ്ങളെ നേരിടുന്നതിനായി പ്രത്യേക പദ്ധതി ആവിഷ്കരിച്ചിട്ടുണ്ടോ;

ഇതിന്റെ ഭാഗമായി വിത്തുകളുടെയും കാര്‍ഷികവിളകളുടെയും കരുതല്‍ ശേഖരം ഉണ്ടാക്കുന്നതിന് തീരുമാനിച്ചിട്ടുണ്ടോ; വിശദാംശം നല്‍കാമോ;

കാലാവസ്ഥാധിഷ്ഠിത വിള ഇന്‍ഷുറന്‍സ് പദ്ധതി അനുസരിച്ച് കര്‍ഷകര്‍ക്ക് എന്തെല്ലാം പരിരക്ഷയാണ് ഉറപ്പാക്കുന്നത്; വിശദമാക്കാമോ;

പദ്ധതിയുടെ ഭാഗമായി ജില്ലകളില്‍ കാലാവസ്ഥാനിലയങ്ങള്‍ സ്ഥാപിച്ചിട്ടുണ്ടോ; വിശദാംശം ലഭ്യമാക്കുമോ?

സംസ്ഥാനം മുട്ട, ഇറച്ചി എന്നിവയുടെ ഉല്പാദനത്തിൽ സ്വയംപര്യാപ്തത കൈവരിക്കാൻ സ്വീകരിച്ചുവരുന്ന നടപടികൾ എന്തെല്ലാമെന്ന് വ്യക്തമാക്കുമോ;

പാല്, മുട്ട, ഇറച്ചി എന്നിവയുടെ ഉല്പാദനത്തിന്റെ തോത് വർദ്ധിപ്പിക്കാൻ സബ്‌സിഡി നിരക്കിൽ ഉരുക്കളെയും മറ്റും ലഭ്യമാക്കാൻ നടപടി സ്വീകരിക്കുമോ; എങ്കിൽ വിശദാംശം ലഭ്യമാക്കുമോ?

ടൈപ്പ്‍ വൺ ഡയബറ്റിസ് ബാധിച്ച കുട്ടികൾക്ക് സമഗ്ര പരിരക്ഷ നൽകുന്നതിന് പദ്ധതി ആവിഷ്കരിച്ചിട്ടുണ്ടോ; എങ്കിൽ വിശദമാക്കുമോ;

ഈ സർക്കാരിന്റെ കാലത്ത് പ്രസ്തുത പദ്ധതിയുടെ ഭാഗമായി എത്ര പേർക്ക് എന്തെല്ലാം സഹായം ലഭ്യമാക്കിയിട്ടുണ്ടെന്ന് വിശദമാക്കുമോ;

പ്രസ്തുത പദ്ധതിയുടെ ഭാഗമായി പ്രത്യേക 'മിഠായി' സാറ്റലൈറ്റ് സെന്ററുകൾ സ്ഥാപിച്ചിട്ടുണ്ടോ; എങ്കിൽ വ്യക്തമാക്കുമോ?

കായിക സംഘടനകൾക്ക് ജില്ലാ-സംസ്ഥാനതല മത്സരങ്ങൾ നടത്തുന്നതിനും ദേശീയ മത്സരങ്ങളിൽ പങ്കെടുക്കുന്ന ടീമുകൾക്കുളള കോച്ചിംഗിനായും ഗ്രാന്റ് അനുവദിക്കാറുണ്ടോയെന്ന് അറിയിക്കുമോ;

ഇപ്രകാരം അനുവദിക്കുന്ന ഗ്രാന്റ് ദുരുപയോഗം ചെയ്യുന്നതായി കണ്ടെത്തിയിട്ടുണ്ടോയെന്ന് വിശദമാക്കുമോ;

ഫണ്ടുകൾ അനുവദിക്കപ്പെടുന്ന ആവശ്യങ്ങൾക്കായിത്തന്നെ വിനിയോഗിക്കുന്നുണ്ടെന്ന് ഉറപ്പു വരുത്താൻ സ്വീകരിക്കാൻ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ?

അന്താരാഷ്ട്ര നിലവാരം ആര്‍ജ്ജിക്കുന്ന വിധത്തില്‍ ഉന്നതവിദ്യാഭ്യാസ മേഖലയെ പരിവര്‍ത്തനം ചെയ്യുന്നതിന് വിദേശ സര്‍വകലാശാലകളുമായുള്ള സഹകരണം എത്ര മാത്രം മെച്ചപ്പെടുത്താന്‍ കഴിഞ്ഞിട്ടുണ്ടെന്ന് വിശദമാക്കുമോ; ഇക്കാര്യത്തില്‍ ആര്‍ജ്ജിച്ച നേട്ടം വിലയിരുത്തിയിട്ടുണ്ടോ; വിശദമാക്കാമോ;

പുതിയ ഗവേഷണ മേഖലകള്‍ വികസിപ്പിക്കുന്നതിനുള്ള ശ്രമങ്ങളുടെ പുരോഗതി വ്യക്തമാക്കാമോ;

വിദേശ സര്‍വകലാശാലകളുമായി സംയുക്തഗവേഷണത്തിനുള്ള ശ്രമങ്ങള്‍ ആരംഭിച്ചതിന് ശേഷമുണ്ടായ പുരോഗതി വിശദമാക്കാമോ; പ്രസ്തുത പദ്ധതിയുടെ ഗുണഭോക്താക്കളായ വിദ്യാര്‍ത്ഥികളുടെ എണ്ണത്തില്‍ വര്‍ദ്ധനവുണ്ടായിട്ടുണ്ടോ; വ്യക്തമാക്കുമോ;

കലാലയങ്ങളും സര്‍വകലാശാലകളും നൂറു ശതമാനം ഡിജിറ്റലൈസ് ചെയ്യുന്ന പദ്ധതിയുടെ സ്ഥിതിയെന്താണെന്നും അതുവഴി മാസ്സീവ് ഓപ്പണ്‍ ഓണ്‍ലൈന്‍ കോഴ്സുകള്‍ക്കുള്ള സൗകര്യങ്ങള്‍ എത്രത്തോളം വര്‍ദ്ധിപ്പിച്ചിട്ടുണ്ടെന്നും വ്യകതമാക്കുമോ;

വിദേശ സര്‍വകലാശാലകളുമായുള്ള സ്റ്റുഡന്റ് എക്സ്‍ചേഞ്ച് പ്രോഗ്രാമുകള്‍ വഴി എത്രത്തോളം നേട്ടം ആര്‍ജ്ജിക്കാന്‍ കഴിഞ്ഞിട്ടുണ്ടെന്ന് വിശദമാക്കുമോ?

മാംസാഹാരത്തിന്റെ ഉപയോഗം വർദ്ധിച്ചുവരുന്ന സാഹചര്യത്തിൽ മാംസത്തിന്റേയും അനുബന്ധ ഉൽപ്പന്നങ്ങളുടെയും ഗുണനിലവാരം ഉറപ്പാക്കി വിതരണം ചെയ്യേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഇതിന്റെ ഭാഗമായി പ്രസ്തുത ഉൽപ്പന്നങ്ങളുടെ ഗുണനിലവാരവും സർട്ടിഫിക്കേഷനും ഉറപ്പാക്കുന്നതിന് വേണ്ട നടപടികൾ സ്വീകരിച്ചിട്ടുണ്ടോ; വിശദമാക്കുമോ;

സേഫ് ടു ഈറ്റ് മാംസോൽപ്പന്നങ്ങൾ ഉൽപ്പാദിപ്പിക്കുന്ന സംരംഭങ്ങള്‍ നിലവിലുണ്ടോ; എങ്കിൽ ഇത്തരം സംരംഭങ്ങളെ പ്രോത്സാഹിപ്പിക്കുന്നതിനായി സ്ട്രാറ്റജിക് പ്ലാൻ രൂപീകരിക്കുവാൻ ഉദ്ദേശിക്കുന്നുണ്ടോ; വിശദമാക്കുമോ;

പ്രസ്തുത സ്ട്രാറ്റജിക് പ്ലാനിൽ വനിതാ സംരംഭകർക്ക് മുൻഗണന നൽകിക്കൊണ്ടുള്ള പദ്ധതികൾ ആവിഷ്ക്കരിക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ?

നിര്‍ദ്ദിഷ്ട യു.ജി.സി. കരട് നയത്തിലെ തെറ്റായ വ്യവസ്ഥകള്‍ക്കെതിരെ സംഘടിപ്പിച്ച ദേശീയ കണ്‍വെൻഷനില്‍ സംസ്ഥാന സര്‍ക്കാരുമായി യാേജിച്ച് പ്രവര്‍ത്തിക്കുന്ന സര്‍വ്വകലാശാലകളുടെ ഭരണാധികാരം അതത് സംസ്ഥാനങ്ങൾക്ക് തന്നെ തുടരാന്‍ അനുവദിക്കണമെന്ന പാെതുവായ ആവശ്യം ഉയര്‍ന്നുവന്നിരുന്നാേ; വ്യക്തമാക്കുമോ;

ദേശീയ കണ്‍വെൻഷനില്‍ ഏതെല്ലാം സംസ്ഥാനങ്ങളില്‍ നിന്നുള്ള പ്രമുഖരാണ് പങ്കെടുത്തതെന്ന് അറിയിക്കാമാേ;

സര്‍വ്വകലാശാലകളുടെ അക്കാദമിക സ്വയംഭരണം വെട്ടിക്കുറയ്ക്കാനുള്ള ശ്രമം യു.ജി.സി. ഉപേക്ഷിക്കണമെന്നും കരാര്‍ നിയമനം, ഗസ്റ്റ് ഫാക്കല്‍റ്റി നിയമനം, വിസിറ്റിംഗ് ഫാക്കല്‍റ്റി നിയമനം എന്നിവയില്‍ കൂടുതല്‍ സ്വാതന്ത്ര്യം നല്‍കണമെന്നുമുള്ള അഭിപ്രായം ഉന്നയിച്ചിട്ടുണ്ടാേ; വ്യക്തമാക്കുമോ;

യു.ജി.സി.യുടെ കരട് ചട്ടഭേദഗതിയിലൂടെ സര്‍വ്വകലാശാലകളെ കാവിവല്‍ക്കരിക്കാനുള്ള ശ്രമത്തിനെതിരെയുള്ള പ്രതിരാേധമായി ദേശീയ കണ്‍വെൻഷന്‍ മാറിയിട്ടുണ്ടാേ;

പ്രസ്തുത വിഷയത്തില്‍ എന്തെല്ലാം തുടര്‍നടപടികളുമായി മുന്നാേട്ടുപാേകാനാണ് ധാരണയായിട്ടുള്ളതെന്ന് വിശദമാക്കാമാേ?

വന്യമൃഗങ്ങളുടെ ആക്രമണങ്ങളിൽ വളർത്തുമൃഗങ്ങൾ കൊല്ലപ്പെടുകയും ഗുരുതരമായി മുറിവേൽക്കപ്പെടുകയും ചെയ്യുന്ന സംഭവങ്ങളിൽ കർഷകർക്കുളള ആശങ്ക പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കുമോ;

വനപ്രദേശത്തോടു ചേർന്ന പ്രദേശങ്ങളിൽ മേയുന്നതിനായി വിടുന്ന കന്നുകാലികളും മറ്റ് വളർത്തു മൃഗങ്ങളും വിഷപാമ്പുകളുടെ കടിയേറ്റ് ചാകുന്നതായി റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ;

ഇക്കാര്യത്തിൽ കർഷകരെ ബോധവൽക്കരിക്കുന്നതിനും വളർത്തുമൃഗങ്ങളുടെ നാശനഷ്ടം പരിഹരിക്കുന്നതിനും എന്തെല്ലാം നടപടികളാണ് വകുപ്പ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ?

ഭിന്നശേഷിക്കാരായ മാതാപിതാക്കളുടെ മക്കള്‍ക്ക് ക്ലാസ്സുകളുടെ അടിസ്ഥാനത്തില്‍ സ്കോളര്‍ഷിപ്പ് നല്‍കുന്ന പദ്ധതി നിലവിലുണ്ടോയെന്ന് അറിയിക്കുമോ;

ഈ സര്‍ക്കാരിന്റെ കാലത്ത് പ്രസ്തുത പദ്ധതിയനുസരിച്ച് ധനസഹായം ലഭ്യമാക്കിയതിന്റെ വിശദാംശം നൽകുമോ;

ബിരുദ, ബിരുദാനന്തര ബിരുദ, പ്രൊഫഷണല്‍ കോഴ്സുകളില്‍ ഉന്നത വിജയം നേടുന്ന ഭിന്നശേഷിക്കാര്‍ക്കായി 'വിജയാമൃതം' എന്ന പദ്ധതി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ?

ടൈപ്പ് വൺ പ്രമേഹരോഗം ബാധിച്ച കുട്ടികള്‍ക്ക് നല്‍കിവരുന്ന ചികിത്സാ സഹായമായ 'മിഠായി' പദ്ധതിയുടെ ഉദ്ദേശ്യലക്ഷ്യങ്ങൾ വിശദമാക്കുമോ;

പ്രസ്തുത പദ്ധതിയുടെ ഭാഗമായി കുട്ടികൾക്ക് നൽകേണ്ട തുകയിൽ കുടിശികയുണ്ടോ; എങ്കിൽ അത് നൽകാൻ നടപടി സ്വീകരിക്കുമോയെന്ന് അറിയിക്കുമോ?

സംസ്ഥാനത്തെ കാര്‍ഷിക പുരോഗതിക്ക് മണ്ണ് പരിപാലനത്തിന്റെ ആവശ്യകത തിരിച്ചറിഞ്ഞ് എന്തെല്ലാം മണ്ണ് സംരക്ഷണ പ്രവര്‍ത്തനങ്ങളാണ് നടത്തി വരുന്നത്; വിശദമാക്കുമോ;

മണ്ണൊലിപ്പ് തടയുന്നതിനുള്ള അടിസ്ഥാന സൗകര്യങ്ങള്‍ സ്ഥാപിക്കല്‍, മണ്ണിന്റെ ശാസ്ത്രീയ ഡാറ്റാ ബേസ് തയ്യാറാക്കല്‍, വെള്ളപ്പൊക്ക നിയന്ത്രണം തുടങ്ങിയവ പദ്ധതിയുടെ ഭാഗമായി നടപ്പിലാക്കുന്നുണ്ടോ; വിശദമാക്കുമോ;

കര്‍ഷകര്‍ക്ക് മണ്ണിന്റെ ഫലഭൂയിഷ്ഠത നിലനിര്‍ത്തുന്നതിനുള്ള സേവനം ലഭ്യമാക്കുന്നതിന് നടപടി സ്വീകരിച്ചിട്ടുണ്ടോ; ഇതിനായി പ്രത്യേക ലാബ് സൗകര്യം ലഭ്യമാണോ; വിശദമാക്കുമോ?

ഉന്നതവിദ്യാഭ്യാസ മേഖലയുടെ വികസനത്തിനായി നടപ്പിലാക്കാന്‍ ഉദ്ദേശിക്കുന്ന പ്രധാന പ്രവര്‍ത്തനങ്ങള്‍ ഏതെല്ലാമാണെന്നറിയിക്കുമോ; വിശദമാക്കുമോ;

ഇതിനായി കേന്ദ്ര സര്‍ക്കാരില്‍ പദ്ധതികള്‍ സമര്‍പ്പിച്ചിട്ടുണ്ടോ; വിശദവിവരം ലഭ്യമാക്കുമോ;

ഉന്നത വിദ്യാഭ്യാസ മേഖലയുടെ ഗുണനിലവാരം ഉയര്‍ത്തുന്നതിനായി ആവിഷ്ക്കരിച്ചു നടപ്പാക്കിയ പദ്ധതികള്‍ വിശദമാക്കുമോ;

പ്രസ്തുത പദ്ധതികള്‍ മുഖേന കൈവരിക്കാന്‍ കഴിയുമെന്ന് കരുതുന്ന നേട്ടങ്ങളുടെ വിശദാംശം ലഭ്യമാക്കുമോ?

പബ്ലിക് പോളിസി റിസര്‍ച്ച് ഇന്‍സ്റ്റിറ്റ്യൂട്ട് (പി.പി.ആര്‍.ഐ.) തയാറാക്കിയ റിപ്പോര്‍ട്ടില്‍ ഉന്നതവിദ്യാഭ്യാസം നേടുന്നവരുടെ എണ്ണത്തില്‍ കേരളം ഒന്നാം സ്ഥാനത്താണെന്ന് രേഖപ്പെടുത്തിയിട്ടുണ്ടോ; വിശദമാക്കാമോ;

പ്രസ്തുത റിപ്പോര്‍ട്ട് അനുസരിച്ച് സ്ത്രീകള്‍, പട്ടികജാതി പട്ടികവര്‍ഗ്ഗ വിഭാഗങ്ങള്‍ തുടങ്ങിയവര്‍ കരസ്ഥമാക്കിയ വിദ്യാഭ്യാസ നേട്ടങ്ങളില്‍ കേരളം ദേശീയ ശരാശരിയില്‍ മുന്നിലാണോ; വിശദാംശം നല്‍കാമോ;

ഏതുതരം വിവരങ്ങളെ അടിസ്ഥാനപ്പെടുത്തിയാണ് പി.പി.ആര്‍.ഐ. റിപ്പോര്‍ട്ടുകള്‍ തയ്യാറാക്കിയിട്ടുളളത്; വ്യക്തമാക്കാമോ?

സംസ്ഥാനത്ത് നാളികേര സംഭരണകേന്ദ്രങ്ങളുടെ എണ്ണം ക്രമാതീതമായി കുറഞ്ഞുവരുന്നതിന്റെ കാരണം വിശദമാക്കാമോ;

കഴിഞ്ഞ സാമ്പത്തികവർഷത്തിൽ നിന്നും നടപ്പ് സാമ്പത്തികവർഷത്തിൽ നാളികേര സംഭരണകേന്ദ്രങ്ങളുടെ എണ്ണത്തിൽ അമ്പത് ശതമാനത്തോളം കുറവ് വരുത്തിയതിന്റെ കാരണം വിശദമാക്കുമോ;

നാളികേര സംഭരണകേന്ദ്രങ്ങളുടെ എണ്ണം വർദ്ധിപ്പിക്കാൻ നടപടി സ്വീകരിക്കുമോ; വ്യക്തമാക്കുമോ?

വര്‍ദ്ധിത ഗുണമേന്മയുള്ള കന്നുകാലികളെ സൃഷ്ടിക്കാന്‍ പ്രത്യേക പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കാമോ;

പ്രസ്തുത പദ്ധതിയുടെ ഭാഗമായി സെക്സ് സോര്‍ട്ടഡ് സെമന്‍ ഉപയോഗിച്ചുള്ള കൃത്രിമ ബീജാദാന പദ്ധതി സംസ്ഥാനത്ത് നടപ്പിലാക്കിയിട്ടുണ്ടോ; ഇതുവഴി എന്തൊക്കെ മാറ്റങ്ങളാണ് പ്രതീക്ഷിക്കുന്നതെന്ന് വിശദമാക്കുമോ;

വംശാവലി വിശദാംശങ്ങളു‍ടെ അടിസ്ഥാനത്തില്‍ കന്നുകാലികളെ തിരഞ്ഞെടുത്ത് ജനിതക മികവ് കണ്ടെത്തി പാലുല്പാദനം വര്‍ദ്ധിപ്പിക്കുന്നതിന്റെ ഭാഗമായി ജീനോമിക് ലാബ് സംസ്ഥാനത്ത് സജ്ജമാക്കിയിട്ടുണ്ടോ; ഇതിലൂടെ എന്തെല്ലാമാണ് ലക്ഷ്യമിടുന്നത്; വിശദമാക്കാമോ?

കെ.എസ്.ആർ.ടി.സി.യുടെ ടിക്കറ്റിതര വരുമാനം വർദ്ധിപ്പിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ;

കെ.എസ്.ആർ.ടി.സി.യുടെ വരുമാനത്തിന്റെ എത്ര ശതമാനം ഈ മാർഗ്ഗത്തിലൂടെ ലഭിക്കുമെന്നാണ് കരുതുന്നതെന്ന് അറിയിക്കുമോ;

കെ.എസ്.ആർ.ടി.സി.യുടെ ഷോപ്പിംഗ് കോംപ്ലക്സിലെ കടമുറികളുടെ വാടക യഥാസമയം പുതുക്കി നിശ്ചയിക്കാറുണ്ടോ; ഇല്ലെങ്കിൽ അതിന് അടിയന്തര നടപടി സ്വീകരിക്കുമോ?