സംസ്ഥാനത്ത് ആരോഗ്യ മേഖലയിലെ പ്രവർത്തനങ്ങളും സേവനങ്ങളും വിവര സാങ്കേതികവിദ്യാധിഷ്ഠിതമായി പരിഷ്കരിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

ഇ-ഹെല്‍ത്ത് പദ്ധതിയുടെ ഭാഗമായി പൂര്‍ണ്ണമായും കടലാസുരഹിത ആശുപത്രികള്‍ സജ്ജീകരിക്കാന്‍ ‍കഴിഞ്ഞിട്ടുണ്ടോ; വിവര സാങ്കേതികവിദ്യാധിഷ്ഠിതമായി ആരോഗ്യ മേഖലയില്‍ മെച്ചപ്പെട്ട സേവനങ്ങള്‍ ഉറപ്പുവരുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുുള്ളത്; വിശദമാക്കുമോ;

ഇ-സഞ്ജീവനി പദ്ധതിയുടെ പ്രവര്‍ത്തന പുരോഗതി വ്യക്തമാക്കാമോ; ടെലിമെഡിസിന്‍ സംവിധാനം ശക്തിപ്പെടുത്തുന്നതിന് ആവശ്യമായ നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

മെഡിക്കൽ കോളേജ് ആശുപത്രികൾ ഉൾപ്പെടെയുള്ള സര്‍ക്കാര്‍ ആശുപത്രികളിൽ ഇ-പേയ്‍മെന്റ് സംവിധാനം നിലവിലില്ലാത്തതിനാല്‍ പൊതുജനങ്ങള്‍ നേരിടുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ; ഡെബിറ്റ് കാർഡ്, ഗൂഗിൾ-പേ, ഫോൺ-പേ പോലുള്ള സേവനങ്ങള്‍ സർക്കാർ ആശുപത്രികളിൽ ഏർപ്പെടുത്താൻ നടപടികൾ സ്വീകരിക്കുമോ; വിശദമാക്കാമോ?

സംസ്ഥാനത്തെ ത്രിതല പഞ്ചായത്തുകളുടെ പ്രവര്‍ത്തനം കൂടുതല്‍ കാര്യക്ഷമമാക്കാന്‍ സ്വീകരിച്ചുവരുന്ന നടപടികള്‍ വിശദമാക്കാമോ;

ത്രിതല പഞ്ചായത്തുകൾ വഴി നല്‍കുന്ന സേവനങ്ങള്‍ കാലതാമസം കൂടാതെ ലഭ്യമാക്കാന്‍ എന്തൊക്കെ നടപടികളാണ് സ്വീകരിച്ചുവരുന്നതെന്ന് അറിയിക്കുമോ;

ത്രിതല പഞ്ചായത്തുകളുടെ പ്രവര്‍ത്തനം വിപുലീകരിക്കാനും സ്ത്രീകള്‍, കുട്ടികള്‍, മുതിര്‍ന്ന പൗരന്മാര്‍ എന്നിവര്‍ക്ക് വിവിധ സേവനങ്ങള്‍ കാലതാമസം കൂടാതെ ലഭ്യമാക്കുന്ന തരത്തില്‍ വാര്‍ഡുകള്‍തോറുമുള്ള പ്രവര്‍ത്തനങ്ങള്‍ കാര്യക്ഷമമാക്കുന്നതിനും നടപടി സ്വീകരിക്കുമോ; വിശദാംശം ലഭ്യമാക്കുമോ?

കേരളത്തില്‍ വിതരണ ശൃംഖലകൾ സൃഷ്ടിച്ച് വ്യാപാരം നടത്തുന്ന മൾട്ടിലെവൽ മാർക്കറ്റിംഗ്, ഡയറക്ട് സെല്ലിംഗ് കമ്പനികളുടെ വര്‍ദ്ധിച്ചുവരുന്ന സാന്നിധ്യവും നിയമവിരുദ്ധ പ്രവര്‍ത്തനങ്ങളും ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത കമ്പനികളെ നിയന്ത്രിക്കാൻ സർക്കാർ സംവിധാനം ഒരുക്കുമോ; എങ്കില്‍ എന്ത് നടപടി സ്വീകരിക്കുവാനാണ് ഉദ്ദേശിക്കുന്നതെന്ന് വിശദമാക്കാമോ;

2019-ലെ ഉപഭോക്തൃ നിയമം പാലിക്കാത്ത പ്രസ്തുത കമ്പനികൾക്കെതിരെ നടപടി സ്വീകരിക്കുമോ; വിശദമാക്കാമോ;

മണി ചെയിൻ, പിരമിഡ് സ്കീമുകൾ എന്നിവ നടത്തി ജനങ്ങളെ തട്ടിപ്പിനിരയാക്കുന്ന വ്യാജ കമ്പനികൾക്കെതിരെ ഉപഭോക്തൃകാര്യ വകുപ്പ് നടപടി സ്വീകരിക്കുമോ; വിശദമാക്കാമോ;

ഓൺലൈൻ വ്യാപാരങ്ങൾ വ്യാപകമാകുന്ന ഈ കാലഘട്ടത്തിൽ ഉപഭോക്തൃ ബോധവൽക്കരണത്തിന് കൂടുതൽ നടപടികൾ സ്വീകരിച്ചിട്ടുണ്ടോ; വിശദമാക്കാമോ?

ലൈഫ് പദ്ധതിയിലുടെ 2022-23 സാമ്പത്തിക വര്‍ഷം വരെ എത്ര വീടുകള്‍ പൂര്‍ത്തിയാക്കാനാണ് ലക്ഷ്യമിട്ടത്; വിശദമാക്കുമോ;

ലൈഫ് പദ്ധതിയില്‍ കേന്ദ്ര വിഹിതമായി ലഭ്യമായ തുകയുടെ വിശദാംശം അറിയിക്കാമോ;

സംസ്ഥാന വിഹിതമായി എത്ര തുക ചെലവഴിക്കാന്‍ കഴിഞ്ഞിട്ടുണ്ട്;

മറ്റ് സംസ്ഥാനങ്ങളിലെ ഭവന പദ്ധതികളിലുള്ള കേന്ദ്ര സഹായം വിലയിരുത്തിയിട്ടുണ്ടോ;

ലൈഫ് ഗുണഭോക്താക്കള്‍ക്ക് ജീവനോപാധിയും അന്തസ്സുള്ള ജീവിതവും ഉറപ്പാക്കുന്നതിന് സ്വീകരിച്ച നടപടികള്‍ വിശദമാക്കാമോ?

കെ-സ്റ്റോര്‍ പദ്ധതിയുടെ പുരോഗതി വിശദമാക്കാമോ; പ്രസ്തുത പദ്ധതി വഴി ഗ്രാമീണ മേഖലയിലെ റേഷന്‍കടകള്‍ നവീകരിക്കുന്നതിലൂടെ ഭക്ഷ്യവകുപ്പ് ലക്ഷ്യമിടുന്ന നേട്ടങ്ങള്‍ എന്തെല്ലാം; വ്യക്തമാക്കാമോ;

ഉദ്ഘാടനം ചെയ്ത് ഒരു വര്‍ഷം പിന്നിട്ടിട്ടും സബ്സിഡി സാധനങ്ങളും സേവനങ്ങളും പ്രസ്തുത പദ്ധതി വഴി ലഭ്യമാക്കി പൊതുവിതരണം ശക്തിപ്പെടുത്തുമെന്ന പ്രഖ്യാപനം യാഥാര്‍ത്ഥ്യമാക്കാന്‍ സാധിക്കാതെ പോയ സാഹചര്യം വിശദമാക്കാമോ;

ബാങ്കിംഗ്, അക്ഷയ സേവനങ്ങള്‍ എന്നിവ കെ-സ്റ്റോര്‍ വഴി ലഭ്യമാക്കുവാന്‍ ഉദ്ദേശിക്കുന്നുണ്ടോ; എങ്കില്‍ ഇവ എന്നത്തേക്ക് ആരംഭിക്കുവാന്‍ സാധിക്കുമെന്ന് വ്യക്തമാക്കാമോ?

സംസ്ഥാനത്ത് ഘട്ടം ഘട്ടമായി നടപ്പിലാക്കുന്ന മാലിന്യമുക്ത കേരളം കർമ്മപരിപാടിയുടെ ആദ്യഘട്ടത്തിൽ മികച്ച നേട്ടം കൈവരിക്കാന്‍ സാധിച്ചിട്ടുണ്ടോ; വിശദമാക്കുമോ;

മാലിന്യ സംസ്‌കരണത്തിലെ നേട്ടങ്ങൾ നിലനിർത്തുന്നതോടൊപ്പം വസ്തുതാപരമായ വിലയിരുത്തലുകൾ നടത്തി തുടര്‍ നടപടികള്‍ ‍ കാര്യക്ഷമമാക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

ഹരിതകർമസേനയുടെ പ്രവർത്തനത്തിലൂടെ റിസോഴ്സ് റിക്കവറി ഫെസിലിറ്റിയിലെത്തുന്ന പ്ലാസ്റ്റിക് മാലിന്യങ്ങൾ റോഡ് ടാറിങ്ങിനായി പുനരുപയോഗിക്കുന്നത് വഴി പരിസ്ഥിതി മലിനീകരണം കുറയ്ക്കാന്‍ സാധിക്കുന്നുണ്ടോ; വിശദമാക്കാമോ;

പാഴ് വസ്തുക്കളിൽ നിന്നും മികച്ച ഉല്പന്നങ്ങളുണ്ടാക്കുന്ന ഹരിതസംരംഭങ്ങൾ തുടങ്ങിയും മറ്റ് നൂതന സംരംഭ മാതൃകകൾ നടപ്പാക്കിയും ഹരിതകർമ്മസേനയെ സ്വയംപര്യാപ്തമാക്കാന്‍ നടപടികള്‍ ‍സ്വീകരിച്ചിട്ടുണ്ടോ; ഹരിതകർമ്മസേനയുടെ വരുമാനം ഗണ്യമായി വര്‍ദ്ധിച്ചിട്ടുണ്ടോ; വിശദമാക്കാമോ?

കാരുണ്യ സുരക്ഷാ പദ്ധതിയിലെ തുക നൽകുന്നതിൽ കുടിശ്ശിക വരുത്തിയത് സൗജന്യ ചികിത്സ ലഭിക്കേണ്ട സാധാരണക്കാരെ പ്രതികൂലമായി ബാധിച്ചതായ പരാതി ശ്രദ്ധയില്‍പ്പെട്ടിട്ടുണ്ടോ;

സർക്കാർ മേഖലയിലെയും സ്വകാര്യ മേഖലയിലെയും ആശുപത്രികൾക്ക് നൽകേണ്ട കുടിശ്ശിക കണക്കാക്കിയിട്ടുണ്ടോ; വിശദാംശം നൽകുമോ;

കുടിശ്ശിക വരുത്തിയതിനാൽ വിലപിടിപ്പുള്ള മരുന്നുകള്‍ വിതരണം ചെയ്യുന്ന ഏജൻസികൾ അവയുടെ വിതരണം നിർത്തിവെച്ചിട്ടുണ്ടോ;

പ്രസ്തുത പദ്ധതി നേരിടുന്ന പ്രതിസന്ധി എപ്രകാരം പരിഹരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം പൂര്‍ത്തീകരിച്ച ദേശീയപാത വികസന പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികള്‍ പൂര്‍ത്തീകരിക്കാന്‍ സംസ്ഥാന സര്‍ക്കാര്‍ സ്വീകരിച്ച നടപടികളെന്തെല്ലാമാണെന്ന് വ്യക്തമാക്കാമോ;

ദേശീയപാത-66 വികസനം എപ്പോള്‍ പൂര്‍ത്തീകരിക്കാനാണ് ലക്ഷ്യമിട്ടിരിക്കുന്നത്; അറിയിക്കുമോ;

ദേശീയപാത-66-ലെ അരൂര്‍-തുറവൂര്‍ സ്ട്രെച്ചില്‍ ഫ്ലൈഓവര്‍ പാതയുടെ പണി ഏത് ഘട്ടത്തിലാണെന്ന് വ്യക്തമാക്കാമോ;

ഇടപ്പള്ളി - അരൂര്‍ സ്ട്രെച്ചില്‍ ഫ്ലൈഓവര്‍ പാത പരിഗണനയിലുണ്ടോ; വിശദമാക്കാമോ?

ഈ സർക്കാർ അധികാരത്തില്‍ വന്നതിനുശേഷം സംസ്ഥാനത്ത് മാലിന്യ സംസ്കരണത്തിന് ആവശ്യമായ ഭൗതിക സാഹചര്യങ്ങള്‍ ഏര്‍പ്പെടുത്തുന്നതിലും ഫലപ്രദമായി പ്രവർത്തിപ്പിക്കുന്നതിലുമുള്ള പുരോഗതി അറിയിക്കാമോ;

പൊതുനിരത്തുകളിലും ജലാശയങ്ങളിലും നിക്ഷേപിക്കപ്പെട്ടിട്ടുള്ള മാലിന്യം സമ്പൂർണമായി നീക്കം ചെയ്യുന്നതിന് എന്തൊക്കെ നടപടികളാണ് സ്വീകരിച്ചുവരുന്നത്; വിശദമാക്കാമോ;

ഇ-മാലിന്യം, കുപ്പിച്ചില്ലുകള്‍, പ്ലാസ്റ്റിക് എന്നീ അജൈവ മാലിന്യങ്ങള്‍ ശേഖരിക്കുന്നതിലും സംസ്കരിക്കുന്നതിലും നൂതന സാങ്കേതികവിദ്യ ഉപയോഗപ്പെടുത്തിയുള്ള കേന്ദ്രീകൃത സംവിധാനം സംസ്ഥാനത്ത് എവിടെയെങ്കിലും പ്രാവർത്തികമാക്കിയിട്ടുണ്ടോ; വിശദാംശം അറിയിക്കാമോ;

ഖരമാലിന്യ സംസ്കരണ മേഖലയില്‍ നിലവിലുള്ള വിന്‍ഡ്രോ കംപോസ്റ്റിങ്, ബയോമെത്തനേഷന്‍, ഓർഗാനിക് വേസ്റ്റ് കണ്‍വെർട്ടർ മുതലായ സാങ്കേതികവിദ്യകള്‍ സമന്വയിപ്പിച്ച് തദ്ദേശ സ്വയംഭരണ വകുപ്പിന് കീഴിലുള്ള സോഷ്യോ ഇക്കണോമിക് യൂണിറ്റ് ഫൗണ്ടേഷന്‍ വികസിപ്പിച്ചെടുത്ത ഡീവാട്ടേർഡ് കംപോസ്റ്റിംഗ് സിസ്റ്റത്തിന്റെ വിശദാംശം അറിയിക്കാമോ;

സംസ്ഥാനത്ത് എവിടെയെങ്കിലും ഡീവാട്ടേർഡ് കംപോസ്റ്റിംഗ് സിസ്റ്റം പരീക്ഷണാടിസ്ഥാനത്തില്‍ നടപ്പാക്കിയിട്ടുണ്ടോ; ഇത് വിജയകരമാണോയെന്ന് വിലയിരുത്തിയിട്ടുണ്ടോ; എങ്കില്‍ ഇത് സംസ്ഥാനത്ത് മുഴുവന്‍ വ്യാപിപ്പിക്കുന്നതിന് നടപടി സ്വീകരിക്കാമോ;

തദ്ദേശ സ്വയംഭരണ വകുപ്പ് ഫണ്ടിന് പുറമേ എം.എല്‍.എ., എം.പി. എന്നീ ഫണ്ടുകള്‍ ഇതിനായി വിനിയോഗിക്കുന്നതിനുള്ള മാനദണ്ഡങ്ങളില്‍ ഇളവ് വരുത്താന്‍ ധനകാര്യ വകുപ്പിന് നിര്‍ദ്ദേശം നല്‍കുമോ?

സംസ്ഥാനത്ത്‌ വില്പന നടത്തുന്ന മരുന്നുകളിൽ ഇരുപത് ശതമാനവും ആന്റിബയോട്ടിക്കാണ്‌ എന്നത് സംബന്ധിച്ച വാര്‍ത്തകള്‍ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രതിരോധം, വീര്യം എന്നിവ അടിസ്ഥാനപ്പെടുത്തി ആന്റിബയോട്ടിക്കിന്റെ ഉപയോഗം ലോകാരോഗ്യ സംഘടന നിജപ്പെടുത്തിയിട്ടുണ്ടോ; വിശദമാക്കുമോ;

കേരള ഡ്രഗ്‌സ് കൺട്രോൾ വിഭാഗത്തിന്റെ കണക്കനുസരിച്ച്‌ 2022-ൽ സ്വകാര്യ ഫാർമസികള്‍ വഴി വിറ്റഴിച്ച നാൽപ്പത് ആന്റിബയോട്ടിക്കുകളിൽ ഇരുപത്തിയേഴും നിയന്ത്രിച്ച് മാത്രം ഉപയോഗിക്കേണ്ട വാച്ച്‌ ഗ്രൂപ്പില്‍ ഉള്‍പ്പെടുന്നവയാണ് എന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

സ്വയം ചികിത്സയും അമിത ആന്റിബയോട്ടിക്‌ ഉപയോഗവും പാരമ്യത്തിലെത്തിയതിനാല്‍ ആന്റിബയോട്ടിക്കുകളെ പ്രതിരോധിക്കാൻ അണുക്കൾക്ക്‌ ശേഷി നൽകുന്ന ഇ. എസ്‌. ബി. എൽ. എൻസൈം (എക്സ്റ്റൻഡഡ്‌ സ്‌പെക്ട്രം ബീറ്റ ലാക്റ്റമേസ്) ഉല്പാദനം കോവിഡ്‌ കാലയളവിൽ കൂടിയിട്ടുണ്ട് എന്നത് സംബന്ധിച്ച വാര്‍ത്തകള്‍ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

രാജ്യത്ത് ആദ്യമായി എ.എം.ആര്‍. (ആന്റി മൈക്രോബിയല്‍ റെസിസ്റ്റന്‍സ്) നെതിരെ കർമ്മപദ്ധതി ആവിഷ്‌കരിച്ച്‌ കേരളം മാതൃകയായിട്ടുണ്ടോ; വിശദാംശം ലഭ്യമാക്കുമോ?

കുട്ടികളുടെ സമഗ്രമായ ശാരീരിക, മാനസിക ആരോഗ്യവികാസത്തിനായി സ്കൂള്‍ തലത്തില്‍ പ്രത്യേക ആരോഗ്യ പദ്ധതിക്ക് രൂപം കൊടുത്തിട്ടുണ്ടോ; ഏതൊക്കെ വകുപ്പുകളെയും സംവിധാനങ്ങളെയും ഏകോപിപ്പിച്ചു കൊണ്ടാണ് പദ്ധതി നടപ്പാക്കാന്‍ ഉദ്ദേശിക്കുന്നതെന്നും പദ്ധതിയുടെ ഉദ്ദേശ ലക്ഷ്യങ്ങളെന്തെല്ലാമാണെന്നും ഇതിനായി എന്തൊക്കെ പ്രവര്‍ത്തനങ്ങളാണ് ആവിഷ്കരിച്ച് നടപ്പാക്കാന്‍ ഉദ്ദേശിക്കുന്നതെന്നുമുള്ള വിശദാംശം നല്‍കുമോ;

കുട്ടികള്‍ക്ക് ആരോഗ്യവിദ്യാഭ്യാസം നല്‍കുന്നതിന് പദ്ധതി വിഭാവനം ചെയ്യുന്നുണ്ടോ; ആരോഗ്യമുള്ള തലമുറയെ വാര്‍ത്തെടുക്കുന്നതില്‍ പ്രസ്തുത പദ്ധതി എത്രത്തോളം സഹായകമാണ്; വിശദാംശം നല്‍കാമോ;

കുട്ടികളുടെ ശാരീരിക, മാനസിക വളര്‍ച്ച ഉറപ്പാക്കുന്നതോടൊപ്പം പഠന പരിമിതികള്‍, കാഴ്ച പരിമിതികള്‍, ശുചിത്വ പ്രോത്സാഹനം തുടങ്ങിയ മേഖലകളിലും പദ്ധതി ആവിഷ്കരിക്കുന്നതിന് ലക്ഷ്യമിടുന്നുണ്ടോ?

സംസ്ഥാനത്ത് ലഹരി സംബന്ധിച്ച നിയമവ്യവസ്ഥകൾ ദുരുപയോഗം ചെയ്ത് നിരപരാധികളെ അറസ്റ്റ് ചെയ്ത് ജയിലിലാക്കുന്ന സംഭവങ്ങൾ ഗൗരവമായി കാണുന്നുണ്ടോ;

ചാലക്കുടിയിലുള്ള ബ്യൂട്ടീഷ്യനായ സ്ത്രീയെ ചെയ്യാത്ത കുറ്റത്തിന്റെ പേരിൽ എഴുപത്തിയൊന്ന് ദിവസം ജയിലിൽ ഇട്ട സംഭവത്തിൽ അന്വേഷണം നടത്തിയിട്ടുണ്ടോ; പ്രസ്തുത സംഭവത്തിൽ വ്യാജ പരാതി നൽകിയ വ്യക്തിയെ കണ്ടെത്തിയിട്ടുണ്ടോ; വിശദമാക്കുമോ;

എൽ.എസ്.ഡി. സ്റ്റാംപ് എന്ന് പറഞ്ഞ് ടിയാളിൽ നിന്ന് എക്സൈസ് പിടിച്ചെടുത്തത് കടലാസ് കഷണങ്ങൾ ആണെന്ന് ലാബ് പരിശോധനയിൽ കണ്ടെത്തിയിട്ടുണ്ടോ;

മയക്കുമരുന്ന് കേസുകളിൽ അറസ്റ്റ് ചെയ്യുമ്പോൾ പ്രാഥമികമായ അന്വേഷണം നടത്താൻ സംവിധാനങ്ങളുണ്ടോ എന്ന് വ്യക്തമാക്കാമോ;

സമാനമായ സംഭവങ്ങൾ ആവർത്തിക്കാതിരിക്കാൻ നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കുമോ?

സംസ്ഥാനത്തെ ദേശീയ പാതയോരങ്ങളിലും പ്രധാന സംസ്ഥാന പാതയോരങ്ങളിലും ബസ്‍സ്റ്റാന്റുകള്‍, ഷോപ്പിംഗ് കോംപ്ലക്സുകള്‍ തുടങ്ങിയ സ്ഥലങ്ങളിലും ഉന്നത നിലവാരം പുലര്‍ത്തുന്ന ആധുനിക സൗകര്യങ്ങളോടുകൂടിയ പൊതുശുചിമുറി സമുച്ചയങ്ങള്‍ ഒരുക്കുകയെന്ന ലക്ഷ്യത്തോടെ വിഭാവനം ചെയ്ത ടേക്ക് എ ബ്രേക്ക് പദ്ധതിയുടെ പുരോഗതി വ്യക്തമാക്കുമോ;

പ്രസ്തുത പദ്ധതിയുടെ നിര്‍മ്മാണ ചുമതലകള്‍ ഏതെല്ലാം ഏജൻസികള്‍ വഴിയാണ് നടത്താനുദ്ദേശിക്കുന്നത്; ഓരോ പ്രദേശങ്ങളിലെയും സാഹചര്യങ്ങള്‍ക്കനുസരിച്ച് പ്രസ്തുത പദ്ധതി ഏതെല്ലാം തരത്തിലാണ് നടപ്പിലാക്കാനുദ്ദേശിക്കുന്നത്;

ടേക്ക് എ ബ്രേക്ക് സെന്ററുകളില്‍ എത്തുന്നവര്‍ക്ക് ഏതു സമയത്തും സുരക്ഷിതവും ആധുനിക സൗകര്യങ്ങളോടുകൂടിയതുമായ സേവനങ്ങള്‍ ഉറപ്പുവരുത്തുന്നതിന് സെന്ററുകളുടെ നടത്തിപ്പ് സംബന്ധിച്ച മാര്‍ഗ്ഗനിര്‍ദ്ദേശങ്ങള്‍ രൂപപ്പെടുത്തിയിട്ടുണ്ടോ; നടത്തിപ്പ് ചുമതല ആര്‍ക്കെല്ലാം നല്‍കുന്നതിനാണ് തീരുമാനിച്ചിട്ടുള്ളതെന്ന് അറിയിക്കുമോ?

കേരള ഹെൽത്ത് റിസർച്ച് വെൽഫെയർ സൊസൈറ്റിയുടെ (കെ.എച്ച്.ആര്‍.ഡബ്ല്യൂ.എസ്.) കീഴിലുള്ള പേ വാർഡുക‍ള്‍ കോവിഡ് കാലത്ത് അതത് ആശുപത്രികള്‍ക്ക് വിട്ടുനല്‍കിയിട്ടുണ്ടോ; എങ്കിൽ എവിടെയൊക്കെയെന്ന് അറിയിക്കാമോ;

ഇപ്രകാരം വിട്ടുനല്‍കിയ പേ വാർഡുകള്‍ ആശുപത്രി അധികൃതര്‍ യഥാസമയം അറ്റകുറ്റപ്പണി നടത്താതെയും ഉപയോഗിക്കാതെയും കെ.എച്ച്.ആര്‍.ഡബ്ല്യൂ.എസ്.-ന് തിരികെ നല്‍കാതിരിക്കുകയും ചെയ്യുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ;

പേ വാർഡുകള്‍ വിട്ടുനല്‍കിയതിലൂടെ കെ.എച്ച്.ആര്‍.ഡബ്ല്യൂ.എസ്.-ന് ഉണ്ടായ വരുമാന നഷ്ടം കണക്കാക്കിയിട്ടുണ്ടോ; വിശദാംശം അറിയിക്കാമോ;

സ്ഥലപരിമിതി മൂലം രോഗികള്‍ക്കുണ്ടാകുന്ന അസൗകര്യങ്ങള്‍ പരിഹരിക്കാന്‍ പേ വാർഡുകള്‍ കെ.എച്ച്.ആര്‍.ഡബ്ല്യൂ.എസ്.-ന് തിരികെ നല്‍കാന്‍ നടപടി സ്വീകരിക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാന ഭക്ഷ്യസുരക്ഷാ വകുപ്പ് നടത്തിയ പരിശോധനകളുടെയും മറ്റ് ബോധവല്‍ക്കരണ പ്രവര്‍ത്തനങ്ങളുടെയും ഫലമായി ഉണ്ടായിട്ടുള്ള പ്രധാന നേട്ടങ്ങള്‍ എന്തെല്ലാമാണ്; എങ്കില്‍ വിശദമാക്കുമോ;

പ്രസ്തുത കാലയളവില്‍ സംസ്ഥാനത്തെ ഭക്ഷ്യസുരക്ഷയുമായി ബന്ധപ്പെട്ട് നടത്തിയ പ്രവര്‍ത്തനങ്ങളുടെ ഫലമായി എന്തെല്ലാം അംഗീകാരങ്ങള്‍ നേടാന്‍ കഴിഞ്ഞിട്ടുണ്ടെന്ന് അറിയിക്കാമോ;

ഭക്ഷ്യസുരക്ഷാ വകുപ്പിന്റെ എന്‍ഫോഴ്സ്മെന്റ് പ്രവര്‍ത്തനങ്ങള്‍ വ്യാപിപ്പിക്കുന്നതിന് ആവശ്യമായ തസ്തികകള്‍ സൃഷ്ടിക്കുന്നതിന് ഉദ്ദേശിക്കുന്നുണ്ടോ; എങ്കില്‍ വിശദമാക്കുമോ?

എല്ലാവര്‍ക്കും ഇന്റര്‍നെറ്റ് എന്ന ലക്ഷ്യം നടപ്പിലാക്കുന്നതിന്റെ ഭാഗമായി സമസ്ത മേഖലയിലും ഇന്റര്‍നെറ്റ് സേവനങ്ങള്‍ക്ക് ഒപ്പംതന്നെ ജനങ്ങളുടെ നിത്യജീവിതവുമായി ബന്ധപ്പെട്ട പ്രശ്നങ്ങള്‍ക്ക് പരിഹാരം കാണുന്നതിനും കൂടി കെ-ഫോണ്‍ പദ്ധതി ഉപകരിക്കുന്നുണ്ടെന്ന് ഉറപ്പുവരുത്തുന്നതിന് കഴിഞ്ഞിട്ടുണ്ടോ; വിശദമാക്കാമോ;

കെ-ഫോണ്‍ നെറ്റ്‍വര്‍ക്ക് മുഖേന ജനങ്ങള്‍ക്ക് സര്‍ക്കാര്‍ സേവനങ്ങള്‍ ഓണ്‍ലൈനായി ലഭ്യമാക്കുന്നതില്‍ കൈവരിച്ച നേട്ടങ്ങള്‍ വിലയിരുത്തിയിട്ടുണ്ടോ; എങ്കിൽ വിശദമാക്കുമോ;

മൊബൈല്‍ ആപ്പ്, വെബ്സൈറ്റ് എന്നിവ മുഖേന എന്തെല്ലാം സേവനങ്ങളാണ് ഓണ്‍ലൈനായി പൊതുജനങ്ങള്‍ക്ക് നല്‍കാൻ സാധിച്ചിട്ടുള്ളത്; വിശദമാക്കുമോ;

പൊതുജനങ്ങള്‍ക്ക് സൗജന്യ വൈഫൈ, വീടുകള്‍, ഓഫീസുകള്‍ എന്നിവിടങ്ങളില്‍ ബ്രോഡ്ബാന്റ് കണക്റ്റിവിറ്റി, ഹൈസ്പീഡ് ഇന്റര്‍നെറ്റ് എന്നിവ നല്‍കുന്നതോടൊപ്പം കെ-ഫോണ്‍ പദ്ധതിയിലൂടെ ഐ.ടി. മേഖലയുടെ വളര്‍ച്ചയ്ക്ക് എന്തെല്ലാം സംഭാവനകള്‍ നല്‍കുവാൻ സാധിക്കുമെന്ന് വിശദമാക്കുമോ?

ഭാരതീയ ചികിത്സാ വകുപ്പ് സിക്കിള്‍ സെല്‍ അനീമിയ പദ്ധതി ആവിഷ്കരിച്ചിട്ടുണ്ടോ; പ്രസ്തുത രോഗബാധിതരെ തിരിച്ചറിയുന്നതിനും രോഗ തീവ്രത കുറച്ച് വേദന നിയന്ത്രിക്കുന്നതിനും പദ്ധതി സഹായകരമാണോ; എന്തൊക്കെ കാര്യങ്ങളാണ് പദ്ധതി ലക്ഷ്യമിടുന്നത്; വിശദാംശം നല്‍കാമോ;

സിക്കിള്‍ സെല്‍ അനീമിയ രോഗികളെ കണ്ടെത്തുന്നതിന് മെഡിക്കല്‍ ക്യാമ്പുകള്‍ ഉള്‍പ്പെടെ പ്രത്യേക പരിശോധനാ സംവിധാനം ഏര്‍പ്പെടുത്തിയിട്ടുണ്ടോ; ഏതൊക്കെ ആശുപത്രികളിലാണ് ഇതിന് ചികിത്സ ലഭ്യമാക്കിയിട്ടുള്ളതെന്ന് വിശദമാക്കാമോ;

സിക്കിള്‍ സെല്‍ അനീമിയ, ഹീമോഫീലിയ, തലാസിമിയ തുടങ്ങിയ രോഗം ബാധിച്ചവര്‍ക്ക് സൗജന്യ വിദഗ്‌ദ്ധ ചികിത്സ ലഭ്യമാക്കുന്നതിന് പ്രത്യേക പദ്ധതി ആവിഷ്കരിച്ചിട്ടുണ്ടോ; എന്തൊക്കെ കാര്യങ്ങളാണ് പദ്ധതി ലക്ഷ്യമിടുന്നതെന്നും ആയത് രോഗികള്‍ക്ക് എത്രത്തോളം ഗുണകരമായിട്ടുണ്ടെന്നും വിശദമാക്കാമോ?

സംസ്ഥാനത്ത് എത്ര റേഷന്‍ വ്യാപാരികള്‍ ഉണ്ടെന്നും അവരുടെ വേതനം അഥവാ കമ്മീഷന്‍ നിശ്ചയിക്കുന്നതിനുള്ള മാനദണ്ഡം എന്താണെന്നും പ്രസ്തുത മാനദണ്ഡം എന്നാണ് പ്രാബല്യത്തില്‍ വന്നതെന്നും അറിയിക്കാമോ; കേരള ടാർഗറ്റെഡ് പബ്ലിക് ഡിസ്ട്രിബ്യൂഷൻ സിസ്റ്റം (കെ.റ്റി.പി.ഡി.എസ്. ) നിയമത്തിന്റെ വിശദാംശം ലഭ്യമാക്കാമോ;

റേഷന്‍ വ്യാപാരികള്‍ക്ക് കമ്മീഷന്‍ ഇനത്തിലുള്ള വരുമാനത്തിന് പുറമേ ലഭിക്കുന്ന ആനുകൂല്യങ്ങള്‍ എന്തൊക്കെയെന്ന് അറിയിക്കാമോ; റേഷൻ കടകള്‍ പ്രവർത്തിക്കുന്ന കെട്ടിടത്തിന്റെ വാടക, വൈദ്യുതി ചാർജ്ജ്, സെയില്‍സ്മാന്റെ വേതനം എന്നിവ നല്‍കുന്നതിന് പ്രത്യേക തുക അനുവദിക്കുന്നുണ്ടോ; വിശദമാക്കാമോ;

റേഷന്‍ വ്യാപാരികള്‍ക്ക് സമാന്തരമായി വരുമാനം ലഭിക്കുന്ന മറ്റ് തൊഴില്‍ മാര്‍ഗങ്ങള്‍ ചെയ്യുന്നതിന് അനുവാദമുണ്ടോ; റേഷന്‍ വ്യാപാരിള്‍ക്ക് സംസ്ഥാനത്ത് നിലവിലുള്ള മിനിമം വേതനമെങ്കിലും ലഭ്യമാക്കുന്നതിന് നടപടി സ്വീകരിക്കുമോ;

റേഷന്‍ ലൈസന്‍സികള്‍ മരണപ്പെടുകയും അതത് കടകളിലെ സെയില്‍സ്മാന്‍മാർ 10 വർഷം മുതല്‍ 30 വർഷം വരെ പ്രസ്തുത കടകള്‍ നടത്തുകയും ചെയ്തുവരുന്ന സാഹചര്യങ്ങളിൽ അവരെ സ്ഥിരപ്പെടുത്തുന്നതിനുള്ള കോടതി ഉത്തരവ് ലഭിച്ചിട്ടുണ്ടോ; ആയത് നടപ്പാക്കുന്നതിനുള്ള നടപടികള്‍ ഇപ്പോള്‍ ഏത് ഘട്ടത്തിലാണ്; ഇതിന് എന്തെങ്കിലും തടസ്സം നിലവിലുണ്ടോയെന്ന് അറിയിക്കാമോ;

ബന്ധുക്കളായവർക്ക് വെവ്വേറെ റേഷന്‍ കടകള്‍ക്ക് ലൈസന്‍സ് നിഷേധിക്കുന്ന തരത്തിലുള്ള കെ.റ്റി.പി.ഡി.എസ് നിയമത്തിലെ വ്യവസ്ഥകള്‍ ഭേദഗതി ചെയ്യുമോ?

കേരളത്തെ വിജ്ഞാന സമ്പദ്ഘടന കേന്ദ്രമായും നൂതന സമൂഹമായും പരിവര്‍ത്തിപ്പിക്കുന്നതിനുള്ള അടിസ്ഥാനസൗകര്യങ്ങള്‍ ഒരുക്കുന്നതില്‍ കെ-ഫോണ്‍ പദ്ധതി എത്രമാത്രം ഉപകരിക്കപ്പെടുമെന്നാണ് പ്രതീക്ഷിക്കുന്നത്; വിശദമാക്കാമോ;

കെ-ഫോണ്‍ പദ്ധതിയുടെ ആദ്യഘട്ടം വിജയകരമായിരുന്നുവെന്ന് കരുതുന്നുണ്ടോ; എങ്കിൽ വ്യക്തമാക്കാമോ?

സംസ്ഥാനത്ത് ലഹരി വ്യാപനം മൂലം സ്ത്രീകൾക്കും കുട്ടികൾക്കും എതിരെയുള്ള കുറ്റകൃത്യങ്ങൾ വർദ്ധിക്കുന്നതായ പരാതി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

ലഹരി ഉപയോഗം നടക്കുന്നതും കുറ്റകൃത്യങ്ങൾ നടക്കാൻ സാദ്ധ്യതയുള്ളതുമായ വിജനമായ സ്ഥലങ്ങള്‍ ഹോട്ട് സ്പോട്ടുകളാക്കി പ്രസ്തുത പ്രദേശങ്ങളിൽ പോലീസ് നിരീക്ഷണം ശക്തമാക്കാൻ നടപടികൾ സ്വീകരിക്കുമോ;

ലഹരിക്കടിമയായവർ നടത്തുന്ന കുറ്റകൃത്യങ്ങൾ വർദ്ധിച്ച് വരുന്നത് പൊതുജനങ്ങളിൽ കടുത്ത ആശങ്ക ഉളവാക്കുന്നുണ്ട് എന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ അത് തടയാൻ പ്രത്യേക നടപടികൾ സ്വീകരിക്കുമോ; വിശദമാക്കാമോ?

സംസ്ഥാനത്ത്‌ കുഞ്ഞുങ്ങളെ തട്ടിക്കൊണ്ട് പോയി ക്രൂരമായി കൊലപ്പെടുത്തുന്ന സംഭവങ്ങൾ വർദ്ധിച്ചുവരുന്നത് ഗൗരവമായി കാണുന്നുണ്ടോ;

ആലുവയിൽ കൊച്ചു പെൺകുട്ടിയെ ക്രൂരമായി ബലാത്സംഗം ചെയ്ത് കൊലപ്പെടുത്തിയ സംഭവത്തിൽ സ്വീകരിച്ച നടപടി വിശദമാക്കാമോ;

കുട്ടിയെ കാണാനില്ല എന്ന പരാതി ലഭിച്ച ശേഷം കുട്ടിയെ കണ്ടെത്താൻ പോലീസ് നടത്തിയ അന്വേഷണത്തിൽ വീഴ്‌ച സംഭവിച്ചിട്ടുണ്ടോ എന്ന് പരിശോധിച്ചിട്ടുണ്ടോ; വിശദമാക്കുമോ;

സമാനമായ സംഭവങ്ങൾ ആവര്‍ത്തിക്കാതിരിക്കുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ സംബന്ധിച്ച് വിശദമാക്കുമോ?

സൈബര്‍ കുറ്റകൃത്യങ്ങളിലെ ഇരകളുടെ പരാതികൾക്ക് പരിഹാരം കണ്ടെത്തുന്നതിനും സൈബര്‍ തട്ടിപ്പുകാരെ കണ്ടെത്തുന്നതിനും ഡാറ്റ വീണ്ടെടുക്കുന്നതിനും ശാസ്ത്രീയമായ തെളിവുകള്‍ ശേഖരിച്ച് പ്രോസിക്യൂഷന് മുന്നില്‍ സമര്‍പ്പിച്ച് നീതി ഉറപ്പാക്കുന്നതിനും സര്‍ക്കാർ ഫോറന്‍സിക് ലാബുകള്‍ വഹിക്കുന്ന പങ്ക് വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

സര്‍ക്കാര്‍ ഫോറന്‍സിക് ലാബുകളില്‍ വേണ്ടത്ര സൗകര്യമില്ലാത്തതും സ്വകാര്യ ഫോറന്‍സിക് ലാബുകള്‍ വിരളമാണെന്നതും ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ഫോറന്‍സിക് സയന്‍സ് ലാബുകളുടെ സേവനം എല്ലാവരിലും എത്തിക്കുന്നതിനും ലാബുകളുടെ എണ്ണം വര്‍ദ്ധിപ്പിക്കുന്നതിനും നടപടികള്‍ സ്വീകരിക്കുമോ?

ബ്രഹ്മപുരം മാലിന്യ പ്ലാന്റിൽ പ്ലാസ്റ്റിക് മാലിന്യം തരം തിരിച്ച് സംസ്കരിക്കുന്നതിനുള്ള കരാർ ഏത് കമ്പനിക്കാണ് നൽകിയതെന്ന് അറിയിക്കുമോ;

കരാർ നടപ്പാക്കുന്നതിൽ വീഴ്ചവരുത്തിയ കമ്പനിക്കെതിരെ എന്തെല്ലാം നടപടികൾ സ്വീകരിച്ചു; വിശദമാക്കുമോ?

സംസ്ഥാനത്ത് നടപ്പാക്കുന്ന കെ-ഫോണ്‍ പദ്ധതിയുടെ ഒന്നാം ഘട്ട പ്രവര്‍ത്തനം വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

ഏതെല്ലാം മേഖലയിലെ വിഭവസമാഹരണത്തോടെയാണ് കെ-ഫോണ്‍ പദ്ധതി നടപ്പാക്കുന്നതെന്ന് അറിയിക്കാമോ;

പ്രസ്തുത പദ്ധതി നടപ്പാക്കുക വഴി ഗ്ലോബല്‍ ഇന്‍ഫര്‍മേഷന്‍ ഹൈവേയുമായി സംസ്ഥാനത്തെ ബന്ധിപ്പിക്കുന്നതിനും അതിലൂടെ നവകേരള നിര്‍മ്മിതിക്ക് അടിത്തറയൊരുക്കുന്നതിന് സഹായകരമാകുമെന്നും പ്രതീക്ഷിക്കുന്നുണ്ടോ; വ്യക്തമാക്കുമോ;

പദ്ധതിയുടെ രണ്ടാം ഘട്ട പ്രവര്‍ത്തനങ്ങളുടെ പുരോഗതി വിശദമാക്കുമോ?

നെൽക്കർഷകർക്കായി ബാങ്ക് കൺസോർഷ്യത്തിൽ നിന്നും സപ്ലെെകോ കഴിഞ്ഞ സാമ്പത്തിക വർഷം കടമെടുത്തിരുന്നോ;

കടമെടുത്ത 2500 കോടി രൂപയിൽ നിന്നും കർഷകർക്ക് കൊടുക്കാനുള്ള കുടിശ്ശിക കൊടുക്കാൻ സാധിക്കാത്തതിന്റെ കാരണം വിശദമാക്കാമോ;

കഴിഞ്ഞ സാമ്പത്തിക വർഷം നെല്ലുസംഭരണത്തിനായി ബാങ്ക് കൺസോർഷ്യത്തിൽ നിന്നും കടമെടുത്ത തുക വകമാറ്റിയെന്ന ആരോപണം ശ്രദ്ധയിൽപ്പെട്ടിട്ടുണ്ടോ;

ബാങ്ക് കൺസോർഷ്യത്തിൽ നിന്നും കഴിഞ്ഞ സാമ്പത്തികവർഷം കടമെടുത്ത തുക വകമാറ്റിയത് നെല്ലുസംഭരണത്തിലെ പ്രതിസന്ധിക്ക് കാരണമായിയെന്നത് വസ്തുതയാണോ; വിശദമാക്കാമോ?

സംസ്ഥാനത്ത് മെഡിക്കല്‍ വിദ്യാഭ്യാസ രംഗത്ത് മുൻസര്‍ക്കാരിന്റെ കാലത്തുണ്ടായ പുരോഗതി വിശദമാക്കാമോ;

നിലവിലെ സര്‍ക്കാര്‍ രണ്ട് വര്‍ഷക്കാലം കൊണ്ട് മെഡിക്കല്‍ വിദ്യാഭ്യാസ രംഗത്ത് കെെവരിച്ച നേട്ടങ്ങള്‍ വിശദമാക്കാമോ;

മെഡിക്കല്‍ കോളേജുകളുടെ സേവന നിലവാരം മെച്ചപ്പെടുത്താന്‍ ലക്ഷ്യമിട്ട ക്വാളിറ്റി ഇംപ്രൂവ്മെന്റ് ഇനിഷ്യേറ്റീവ് പദ്ധതിയുടെ പുരോഗതി അറിയിക്കാമോ;

മെഡിക്കല്‍ കോളേജുകളില്‍ ഗവേഷണ പ്രവര്‍ത്തനങ്ങള്‍ക്ക് പ്രാധാന്യം നല്‍കുന്നുണ്ടോ; എങ്കില്‍ ഈ രംഗത്തെ പുരോഗതി വിശദമാക്കാമോ;

സംസ്ഥാനത്തെ മെഡിക്കല്‍ കോളേജുകളില്‍ കഴിഞ്ഞ രണ്ട് വര്‍ഷത്തിനുള്ളില്‍ പൂര്‍ത്തിയാക്കിയ വികസന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ;

ദേശീയ റാങ്കിംഗില്‍ സംസ്ഥാനത്തെ ഏതെങ്കിലും മെഡിക്കല്‍ കോളേജ് ഉള്‍പ്പെട്ടിട്ടുണ്ടോയെന്ന് അറിയിക്കുമോ?

വനിതകളെ ഡിജിറ്റല്‍ പ്ലാറ്റ്ഫോമുകള്‍ ഉപയോഗിക്കുന്നതിന് പ്രാപ്തരാക്കുക എന്ന ലക്ഷ്യത്തോടെ ഡിജിറ്റല്‍ പാഠശാല പദ്ധതിക്ക് രൂപം നല്‍കിയിട്ടുണ്ടോയെന്നും എന്തൊക്കെ കാര്യങ്ങളാണ് ഈ പദ്ധതിയിലൂടെ ലക്ഷ്യമിടുന്നതെന്നും വിശദമാക്കാമോ;

വനിതകളെ സമൂഹത്തിന്റെ മുഖ്യധാരയിലേക്ക് കൊണ്ടുവരുന്നതിന് പ്രസ്തുത പദ്ധതി എത്രത്തോളം പ്രയോജനകരമാണെന്നും ഇതിനായി പ്രത്യേക പരിശീലനം ലഭ്യമാക്കുന്നുണ്ടോയെന്നും വ്യക്തമാക്കാമോ; വിശദാംശം ലഭ്യമാക്കാമോ?

സംസ്ഥാനത്തെ ഭക്ഷ്യ സംരംഭകരെ മുഴുവന്‍ ഭക്ഷ്യ സുരക്ഷാ ലെെസന്‍സ് പരിധിയില്‍ കൊണ്ടുവരുന്നതിന്റെ ഭാഗമായി സംസ്ഥാന വ്യാപകമായി ലെെസന്‍സ് ഡ്രെെവ് നടത്തുന്നതിന് തീരുമാനിച്ചിട്ടുണ്ടോ; ഈ പദ്ധതി പ്രകാരം എന്തൊക്കെ കാര്യങ്ങളാണ് ലക്ഷ്യമിടുന്നത്; വിശദാംശം ലഭ്യമാക്കാമോ;

ഭക്ഷ്യ സുരക്ഷാ ലെെസന്‍സ് ഇല്ലാതെ പ്രവര്‍ത്തിക്കുന്നതോ ഭക്ഷ്യ സുരക്ഷാ രജിസ്ട്രേഷന്‍ ലഭ്യമായതിനാല്‍ മാത്രം പ്രവര്‍ത്തിക്കുന്നതോ ആയ സ്ഥാപനങ്ങള്‍ക്കെതിരെ നടപടികള്‍ സ്വീകരിച്ചിട്ടുണ്ടോ; രജിസ്ട്രേഷന്‍ മാത്രം ലഭ്യമായാല്‍ പ്രവര്‍ത്തിക്കാവുന്ന സംരംഭങ്ങളുണ്ടോയെന്ന് വ്യക്തമാക്കാമോ; ലൈസന്‍സ് ലഭിക്കാനുള്ള നടപടിക്രമങ്ങള്‍ ലഘൂകരിച്ചിട്ടുണ്ടോ; ആയതിന്റെ വിശദാംശം വ്യക്തമാക്കാമോ?

സംസ്ഥാന അബ്കാരി നയം 2023-ന് അംഗീകാരം നൽകിയിട്ടുണ്ടോ; അബ്കാരി നയത്തിന്റെ ഭാഗമായി കള്ളിനെ പ്രകൃതിജന്യവും പരമ്പരാഗതവുമായ തനത് ലഹരി പാനീയമായി അവതരിപ്പിക്കുവാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

കേരളത്തിന്റെ തനത് ഭക്ഷണവും ശുദ്ധമായ കള്ളും കള്ളുഷാപ്പുകളില്‍ ലഭ്യമാക്കുന്നതിന് തീരുമാനിച്ചിട്ടുണ്ടോ; വിശദമാക്കാമോ;

അബ്കാരി നയത്തിന്റെ ഭാഗമായി സംസ്ഥാനത്ത് ലഭ്യമാകുന്ന പഴവർഗങ്ങളിൽ നിന്നും വീര്യം കുറഞ്ഞ മദ്യം, വൈൻ എന്നിവ ഉല്പാദിപ്പിച്ച് വിതരണം ചെയ്യുന്നതിനാവശ്യമായ നിയമനിർമ്മാണം പരിഗണനയിലുണ്ടോ; വിശദമാക്കാമോ;

സംസ്ഥാനത്ത്‌ സ്പിരിറ്റ്‌ ഉല്പാദിപ്പിക്കാനുള്ള പുതിയ മദ്യനയത്തിലെ തീരുമാനം കാർഷിക-ആരോഗ്യ- വ്യവസായ മേഖലകളിൽ വൻ നിക്ഷേപത്തിനും കുതിപ്പിനും അവസരം ഒരുക്കുമോ; വിശദമാക്കാമോ;

സംസ്ഥാനത്ത് എക്സ്ട്രാ ന്യൂട്രൽ ആൽക്കഹോൾ ഉല്പാദിപ്പിക്കുന്നതോടെ ഗുണനിലവാരം ഉറപ്പാക്കിയുള്ള മദ്യകയറ്റുുമതി സാദ്ധ്യമാകുമോയെന്നും നേരിട്ടും പരോക്ഷവുമായി ഒരു ലക്ഷത്തോളം പേർക്ക് തൊഴില്‍ ലഭിക്കുവാന്‍ ഇത് സഹായകമാകുമോയെന്നും വിശദമാക്കുമോ?

സംസ്ഥാനത്ത്‌ പോക്സോ കേസുകൾ ക്രമാതീതമായി വർദ്ധിക്കുന്നത് ഗൗരവമായി കാണുന്നുണ്ടോ;

ആലുവ, തിരുവനന്തപുരം-പൂവാർ, മലപ്പുറം-ചേളാരി എന്നീ സ്ഥലങ്ങളിൽ പിഞ്ചു കുഞ്ഞുങ്ങളെ ക്രൂരമായ പീഡനങ്ങൾക്ക് ഇരയാക്കിയ സംഭവങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത സംഭവങ്ങളിൽ സ്വീകരിച്ച നടപടികൾ വിശദമാക്കാമോ;

സമാനമായ സംഭവങ്ങൾ തടയുന്നതിന് സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കാമോ?