തിരുവനന്തപുരം ജില്ലയില്‍ ഏതെല്ലാം പ്രദേശത്ത് ഗ്രാമവണ്ടികള്‍ സര്‍വീസ് ആരംഭിച്ചിട്ടുണ്ടെന്ന് വിശദമാക്കാമോ;

പ്രസ്തുത സര്‍വീസ് നടത്തുന്നതിന് തിരുവനന്തപുരം ജില്ലയിലെ ഏതെല്ലാം ഗ്രാമപഞ്ചായത്തുകള്‍ സന്നദ്ധരായിട്ടുണ്ടെന്ന് വിശദമാക്കാമോ?

ഗതാഗത വകുപ്പിന് കീഴിൽ കാസർഗോഡ് ജില്ലയിൽ പ്രവർത്തിക്കുന്ന ഓഫീസുകളുടെ വിശദവിവരം നൽകാമോ; ഏതെല്ലാം ഓഫീസുകൾ ഏതെല്ലാം സ്ഥലങ്ങളിലാണ് പ്രവർത്തിക്കുന്നതെന്ന് വ്യക്തമാക്കാമോ;

എത്ര കാലമായി പ്രസ്തുത ഓഫീസുകൾ പ്രവർത്തിക്കുന്നുണ്ടെന്നും ഈ ഓഫീസുകളില്‍ അനുവദിച്ച തസ്തികകൾ ഏതൊക്കെയാണെന്നും ഓഫീസ് തിരിച്ച് വ്യക്തമാക്കാമോ;

ഈ ഓഫീസുകളിൽ ഒഴിവുള്ള തസ്തികകൾ ഏതൊക്കെയാണെന്നും എത്രകാലമായി പ്രസ്തുത ഒഴിവുകൾ നിലവിലുണ്ടെന്നും ഓഫീസ് തിരിച്ച് വ്യക്തമാക്കാമോ?

കോവിഡ് കാലത്തും തുടര്‍ന്നും നിര്‍ത്തിവച്ച കെ.എസ്.ആര്‍.ടി.സി. ബസ് സര്‍വ്വീസുകള്‍ പുനരാരംഭിക്കുന്നതിന് നടപടി സ്വീകരിച്ചിട്ടുണ്ടോ;

താമരശ്ശേരി കോഴിക്കോട് ഡിപ്പോകളില്‍ നിന്നും ബാലുശ്ശേരി നിയോജക മണ്ഡലത്തിലൂടെ സര്‍വ്വീസ് നടത്തിയിരുന്ന എത്ര കെ.എസ്.ആര്‍.ടി.സി. ബസ്സുകളാണ് 2020-22 കാലയളവില്‍ നിര്‍ത്തലാക്കിയിട്ടുളളതെന്ന് വിശദാംശം ലഭ്യമാക്കുമോ;

പ്രസ്തുത നിയോജക മണ്ഡലത്തില്‍ നിര്‍ത്തലാക്കിയ കെ.എസ്.ആര്‍.ടി.സി. ബസ് സര്‍വ്വീസ്സുകള്‍ പുനരാരംഭിക്കുന്നതിന് നടപടി സ്വീകരിക്കാമോ;

കുരാച്ചുണ്ട് പോലുളള മലയോര മേഖലകളിലേയ്ക്ക് സര്‍വ്വീസ് നടത്തുന്ന കെ.എസ്.ആര്‍.ടി.സി. ബസ്സുകള്‍ മുന്നറിയിപ്പില്ലാതെ നിര്‍ത്തലാക്കുന്നത് ശ്രദ്ധയില്‍പ്പെട്ടിട്ടുണ്ടോ?

28.4.2021 ന് സര്‍ക്കാരിന് സമര്‍പ്പിക്കപ്പെട്ട കൊച്ചി മെട്രോപൊളിറ്റന്‍ ട്രാന്‍സ്പോര്‍ട്ട് അതോറിറ്റിയുടെ റെഗുലേഷനുകളുടെ അംഗീകാരത്തിന് കാലതാമസം നേരിടുന്നതിന്റെ കാരണം വിശദമാക്കാമോ; ഇതിനായി പൂര്‍ത്തീകരിക്കേണ്ട ഉചിതമായ പരിശോധനകള്‍ എന്തെല്ലാമാണെന്ന് വ്യക്തമാക്കാമോ; അംഗീകാരം എന്നത്തേയ്ക്ക് ലഭ്യമാക്കാന്‍ സാധിക്കുമെന്ന് വ്യക്തമാക്കാമോ;

കൊച്ചി മെട്രോപൊളിറ്റന്‍ ട്രാന്‍സ്പോര്‍ട്ട് അതോറിറ്റിയുടെ പരിധിയില്‍ വരുന്ന കോര്‍പ്പറേഷന്‍ ഏരിയ, മുന്‍സിപ്പാലിറ്റികള്‍, പഞ്ചായത്തുകള്‍ എന്നിവ ഏതെല്ലാമാണെന്ന് വ്യക്തമാക്കുമോ; ഇതു സംബന്ധിച്ച വിജ്ഞാപനത്തിന്റെ പകര്‍പ്പ് ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കെ.എസ്.ആര്‍.ടി.സി വാങ്ങിയ ഇലക്ട്രിക്കല്‍,ഡീസല്‍ ബസുകളുടെ എണ്ണം എത്രയെന്നും ഇതിനായി എത്ര തുക ചെലവഴിച്ചിട്ടുണ്ടെന്നും വ്യക്തമാക്കാമോ;

കെ.എസ്.ആര്‍.ടി.സി. വാങ്ങിയ ഇലക്ട്രിക്കല്‍,ഡീസല്‍ ബസിന്റെ ശരാശരി വില എത്രയെന്ന് അറിയിക്കാമോ;

ഡീസല്‍ ബസുകളുമായി താരതമ്യം ചെയ്യുമ്പോള്‍ ഇലക്ട്രിക്കല്‍ ബസുകള്‍ സര്‍വ്വീസ് നടത്തിയാല്‍ ലഭിക്കുന്ന സാമ്പത്തിക ലാഭം എത്രയെന്ന് കണക്കാക്കിയിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്ത് 2021 ജനുവരി 1 മുതല്‍ 2023 ജനുവരി 1 വരെയുള്ള കാലയളവില്‍ എത്ര വാഹനാപകടങ്ങള്‍ രജിസ്റ്റര്‍ ചെയ്തിട്ടുണ്ടെന്ന് വിശദമാക്കുമോ;

സ്‌കൂട്ടര്‍, ബൈക്ക് അപകടങ്ങളില്‍ പ്രസ്തുത കാലയളവില്‍ എത്ര മരണം നടന്നുവെന്ന് വ്യക്തമാക്കുമോ;

ആയതിന്റെ ജില്ല തിരിച്ചുള്ള കണക്ക് ലഭ്യമാക്കുമോ;

പ്രസ്തുത കാലയളവില്‍ സ്‌കൂട്ടര്‍, ബൈക്ക് അപകടങ്ങളില്‍പെട്ട് എത്രയാളുകൾക്ക് ഗുരുതര പരിക്കേറ്റിട്ടുണ്ടെന്നുള്ള ജില്ലതിരിച്ചുള്ള കണക്ക് ലഭ്യമാക്കുമോ?

കെ.എസ്.ആര്‍.ടി.സി.യിലെ ജീവനക്കാര്‍ക്കും പെന്‍ഷന്‍കാര്‍ക്കും പ്രതിമാസ ശമ്പളവും പെന്‍ഷനും എല്ലാ മാസവും യഥാസമയം ലഭിക്കുന്നുവെന്ന് ഉറപ്പുവരുത്താന്‍ നടപടി സ്വീകരിക്കുമോ;

കെ.എസ്.ആര്‍.ടി.സി.യിലെ ശമ്പള പരിഷ്കരണത്തോടൊപ്പം പെന്‍ഷന്‍ പരിഷ്കരണവും നടപ്പിലാക്കുന്ന കാര്യം പരിഗണിക്കുമോയെന്ന് വ്യക്തമാക്കുമോ?

ഈ സർക്കാർ അധികാരത്തിൽ വന്നതിനുശേഷം സംസ്ഥാനത്ത് പുതുതായി ഏതൊക്കെ സ്ഥലങ്ങളിലാണ് കെ.എസ്.ആർ.ടി.സി സ്റ്റേഷൻ മാസ്റ്റർ ഓഫീസ് ആരംഭിച്ചിട്ടുള്ളതെന്ന് വ്യക്തമാക്കാമോ;

പുതുതായി സ്റ്റേഷൻ മാസ്റ്റർ ഓഫീസ് ആരംഭിച്ചിട്ടുണ്ടെങ്കിൽ ധാരാളം ഓഫീസുകളും യാത്രക്കാരും വിദ്യാലയങ്ങളും ഉൾപ്പെടുന്ന മഞ്ചേരിയിൽ കെ.എസ്.ആർ.ടി.സി സ്റ്റേഷൻ മാസ്റ്റർ ഓഫീസ് പുനഃസ്ഥാപിക്കാത്തത് എന്തുകൊണ്ടാണെന്ന് വ്യക്തമാക്കാമോ;

മഞ്ചേരിയിൽ കെ.എസ്.ആർ.ടി.സി സ്റ്റേഷൻ മാസ്റ്റർ ഓഫീസ് പുനഃസ്ഥാപിക്കുന്നതിനുള്ള നടപടികൾ സ്വീകരിക്കുമോയെന്ന് വ്യക്തമാക്കുമോ?

കോന്നി നിയോജക മണ്ഡലത്തില്‍ കോന്നി ഓപ്പറേറ്റിംഗ് സ്റ്റേഷനില്‍ നിലവിലുണ്ടായിരുന്ന പതിനേഴ് ബസ് സര്‍വീസുകള്‍ക്ക് പകരം നിലവില്‍ ഒന്‍പത് ബസ് സര്‍വ്വീസുകള്‍ മാത്രമാണ് ഓപ്പറേറ്റ് ചെയ്യുന്നത് ബാക്കി ബസ് സര്‍വ്വീസുകള്‍ എന്നത്തേയ്ക്ക് ആരംഭിക്കാന്‍ കഴിയുമെന്ന് വ്യക്തമാക്കുമോ;

കോന്നിയില്‍ നിന്നുള്ള ദീര്‍ഘദൂര ബസ് സര്‍വ്വീസുകള്‍ ഏതൊക്കെ ആണ്; അതില്‍ എത്ര സര്‍വ്വീസുകള്‍ നിലവിലുണ്ട്;

മലയോര പ്രദേശങ്ങളില്‍ നിലവില്‍ ഉണ്ടായിരുന്ന ദീര്‍ഘ ദൂര ബസ് സര്‍വ്വീസുകള്‍ എന്നത്തേയ്ക്ക് പുനരാരംഭിക്കാന്‍ കഴിയുമെന്ന് വ്യക്തമാക്കുമോ?

കോവിഡ് പ്രതിസന്ധിക്കാലത്ത് നിര്‍ത്തലാക്കിയ കെ.എസ്.ആര്‍.ടി.സി ബസ്സ് സര്‍വ്വീസുകളെല്ലാം പുനരാരംഭിക്കുവാന്‍ സാധിച്ചിട്ടുണ്ടോ; വ്യക്തമാക്കുമോ;

മേപ്പയ്യൂര്‍-പള്ളിക്കര-കോഴിക്കോട് മെഡിക്കല്‍ കോളേജ് ബസ് സര്‍വ്വീസ് പുന:സ്ഥാപിക്കാന്‍ നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ?

കോവിഡിന് ശേഷം പ്രമുഖ തീര്‍ത്ഥാടന കേന്ദ്രങ്ങളെല്ലാം സജീവമായ സാഹചര്യത്തില്‍ ഗുരുവായൂര്‍ ഡിപ്പോയില്‍ നിന്ന് സര്‍വ്വീസ് നടത്തിയിരുന്നതും നിര്‍ത്തല്‍ ചെയ്തതുമായ എല്ലാ കെ.എസ്.ആര്‍.ടി.സി ബസ് സര്‍വ്വീസുകളും പുനരാരംഭിക്കാന്‍ നടപടി സ്വീകരിക്കുമോ;

ഗുരുവായൂര്‍ ഡിപ്പോയില്‍ നിന്നും കഴിഞ്ഞ 5 വര്‍ഷത്തിനിടയില്‍ നിര്‍ത്തല്‍ ചെയ്ത കെ.എസ്.ആര്‍.ടി.സി സര്‍വ്വീസുകളുടെ വിശദാംശങ്ങള്‍ അറിയിക്കുമോ?

കെ.എസ്.ആര്‍.ടി.സി-സ്വിഫ്റ്റ് കമ്പനി ഇപ്പോൾ പ്രതിമാസം എത്ര സർവീസുകൾ നടത്തുന്നുണ്ട്; ഇതിൽ നിന്നും ലഭിക്കുന്ന പ്രതിമാസ വരുമാനവും, ചെലവും സംബന്ധിച്ചുള്ള കണക്ക് ലഭ്യമാക്കുമോ;

കെ.എസ്.ആര്‍.ടി.സി നടത്തിയിരുന്ന ദീർഘദൂര സർവീസുകൾ ഇപ്പോൾ സ്വിഫ്റ്റ് കമ്പനി നടത്തുന്നുണ്ട് എങ്കില്‍ ഏതെല്ലാം സർവീസുകൾ ആണ് കെ.എസ്.ആര്‍.ടി.സി യില്‍ നിന്നും മാറ്റി സ്വിഫ്റ്റ് കമ്പനിക്ക് നൽകിയത് എന്നതിന്റെ വിശദവിവരം ലഭ്യമാക്കുമോ; പ്രസ്തുത സർവീസുകൾ സ്വിഫ്റ്റ് കമ്പനിക്ക് മാറ്റി നൽകിയത് മൂലം കെ.എസ്.ആര്‍.ടി.സി-ക്ക് ഉണ്ടായ വരുമാനനഷ്ടം എത്രയാണെന്ന് കണക്കാക്കിയിട്ടുണ്ടോ; വിശദാംശം നൽകുമോ?

കെ.എസ്.ആര്‍.ടി.സി.യുടെ ടിക്കറ്റിതര വരുമാനം വര്‍ദ്ധിപ്പിക്കുന്നതിനായി ആവിഷ്കരിച്ച് നടപ്പാക്കുന്ന വിവിധ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

ഇപ്രകാരം ആരംഭിച്ചിട്ടുളള ബജറ്റ് ടൂറിസം പദ്ധതി കൂടുതല്‍ മേഖലകളിലേക്ക് വ്യാപിപ്പിക്കുവാന്‍ ഉദ്ദേശിക്കുന്നുണ്ടോ; വിശദമാക്കുമോ;

ടിക്കറ്റിതര വരുമാനമെന്നനിലയില്‍ കെ.എസ്.ആര്‍.ടി.സി. ബസുകളില്‍ പരസ്യം നല്‍കുന്നതിന് ഹൈക്കോടതി ഏർപ്പെടുത്തിയിരുന്ന വിലക്ക് നിലവില്‍ മാറിയിട്ടുണ്ടോ; എങ്കില്‍ ഇതിനായി നടത്തിയ പ്രവര്‍ത്തനങ്ങള്‍ വിശദമാക്കുമോ?

2019 കോവിഡ് കാലത്ത് സംസ്ഥാനത്ത് എത്ര കെ.എസ്.ആര്‍.ടി.സി ബസ് സര്‍വ്വീസുകളാണ് നിര്‍ത്തലാക്കിയതെന്ന വിവരം നല്‍കുമോ;

ഇതില്‍ എത്ര സര്‍വ്വീസുകള്‍ പുനരാരംഭിച്ചിട്ടുണ്ടെന്നും പുനരാരംഭിക്കാനുളളവ എത്രയാണെന്നുമുള്ള വിശദാംശം നൽകുമോ;

സർവ്വീസുകൾ നിര്‍ത്തലാക്കിയതിനാൽ പൊതുജനത്തിന് ഉണ്ടാകുന്ന യാത്രാക്ലേശം ശ്രദ്ധയില്‍പ്പെട്ടിട്ടുണ്ടേോ;എങ്കില്‍ അത് പരിഹരിക്കുന്നതിനുള്ള നടപടികളുടെ വിശദാംശങ്ങള്‍ അറിയിക്കുമോ;

തിരുവനന്തപുരം ജില്ലയിൽ പാറശ്ശാല, പൂവ്വാര്‍, നെയ്യാറ്റിന്‍കര എന്നീ കെ.എസ്.ആർ.ടി.സി. ഡിപ്പോകളില്‍ നിന്നും സര്‍വ്വീസ് നടത്തിയിരുന്ന എത്ര അന്തർസംസ്ഥാന ബസ് സര്‍വ്വീസുകൾ ഇക്കാലയളവില്‍ നിര്‍ത്തലാക്കിയിട്ടുണ്ട്; വിശദാംശം നല്‍കാമോ;

തിരുവനന്തപുരം ജില്ലയില്‍ നിന്നുള്ള എത്ര അന്തർസംസ്ഥാന സര്‍വ്വീസുകള്‍ പുനരാരംഭിച്ചിട്ടുണ്ടെന്നും പുനരാരംഭിക്കാനുളളവ എത്രയെന്നുമുള്ള വിശദാംശങ്ങള്‍ അറിയിക്കുമോ;

നിര്‍ത്തലാക്കിയ അന്തർസംസ്ഥാന സര്‍വ്വീസുകള്‍ പുനരാരംഭിക്കുവാന്‍ കഴിയുമോയെന്ന് അറിയിക്കുമോ?

കെ.എസ്.ആര്‍.ടി.സി ബസ്സുകളുടെ റണ്ണിംഗ് ടൈം ഏറ്റവും ഒടുവിൽ പരിഷ്കരിച്ചത് എന്നാണ്; വ്യക്തമാക്കുമോ;

സമയ ക്ലിപ്തത പാലിക്കാൻ പലപ്പോഴും അമിതവേഗതയിൽ ബസ് ഓടിക്കേണ്ടിവരുന്നുണ്ടെന്നത് അപകടങ്ങൾക്കിടയാക്കുന്നുണ്ട് എന്നത് ഗൗരവമായി കാണുന്നുണ്ടോ; എങ്കിൽ ഇത് പരിഹരിക്കുന്നതിന് നടപടി സ്വീകരിക്കുമോ ;

കെ.എസ്.ആര്‍.ടി.സി ബസുകൾക്ക് മതിയായ റണ്ണിംഗ് ടൈം അനുവദിക്കുന്നില്ലെന്ന പരാതികൾ ശ്രദ്ധയിൽപ്പെട്ടിട്ടുണ്ടോ; ഇത് ഓപ്പറേറ്റിംഗ് വിഭാഗം ജീവനക്കാർക്ക് വളരെയധികം മാനസിക സമ്മർദ്ദം ഉണ്ടാക്കുന്നുണ്ടെന്ന പരാതികൾ ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കുമോ?

കെ.എസ്.ആര്‍.ടി.സി യെ സംരക്ഷിക്കുന്നതിന് എന്തൊക്കെ നടപടികളാണ് സ്വീകരിച്ചു വരുന്നത്; വിശദമാക്കാമോ?

കെ.എസ്.ആർ.ടി.സി സ്വിഫ്റ്റിനായി പുതിയ ഇ-ബസ്സുകള്‍ വാങ്ങുന്നതിന് കോർപ്പറേഷൻ തീരുമാനിക്കുകയുണ്ടായോ; എങ്കിൽ എത്ര ബസ്സുകൾ ആണ് വാങ്ങാൻ ഉദ്ദേശിക്കുന്നത്;

പുതിയ ബസ്സുകൾ എത്തുന്നതോടുകൂടി സ്വിഫ്റ്റ് ബസുകളുടെ എണ്ണം എത്രയായി ഉയരും എന്ന് ഇനം തിരിച്ച് അറിയിക്കുമോ;

നിലവിൽ വാങ്ങാൻ ഉദ്ദേശിക്കുന്ന ബസ്സുകൾ എല്ലാം ഒരേ മോഡലിലുള്ളവയാണോ; ഓരോതരം ബസ്സിനും വില എത്ര വീതം ആണെന്ന് അറിയിക്കുമോ; ഇതിനായി ആകെ എത്ര രൂപയാണ് സ്വിഫ്റ്റ് ചെലവാക്കാൻ ഉദ്ദേശിക്കുന്നത്;

കെ-സ്വിഫ്റ്റിന്റെ നിലവിലെ ആകെ ആസ്തിയും ആകെ കടവും എത്രവീതമാണ്; പുതുതായി ബസ്സുകൾ വാങ്ങുന്നതിനുള്ള പണം എപ്രകാരം കണ്ടെത്തുന്നതിനാണ് സ്വിഫ്റ്റ് ഉദ്ദേശിക്കുന്നത്;

കെ.എസ്.ആർ.ടി.സി യുടെയും കെ-സ്വിഫ്റ്റിന്റെയും നിലവിലെ ആകെ കടം എത്ര രൂപയാണ്;

കെ-സ്വിഫ്റ്റ് കൂടുതൽ ബസ്സുകൾ വാങ്ങുകയും കൂടുതൽ റൂട്ടുകൾ ഏറ്റെടുക്കുകയും ചെയ്യുന്നതോടുകൂടി കെ.എസ്.ആർ.ടി.സി യിൽ അധികമാകുന്ന ബസ്സുകളെയും ജീവനക്കാരെയും മറ്റ് ആസ്തികളെയും ഏതുതരത്തിൽ ഉപയോഗപ്പെടുത്തുന്നതിനാണ് ആലോചിക്കുന്നത്; വിശദാംശങ്ങൾ ലഭ്യമാക്കുമോ?

കെ.എസ്.ആർ.ടി.സി. യുടെ ഡീസൽ എഞ്ചിൻ ബസ്സുകൾ സി.എൻ.ജി. ഇന്ധനത്തിലേക്ക് മാറ്റുവാൻ ഉദ്ദേശിക്കുന്നുണ്ടോയെന്ന് വ്യക്തമാക്കുമോ;

ഇതു സംബന്ധിച്ച് എന്തെങ്കിലും പഠനം നടത്താൻ ഉദ്ദേശിക്കുന്നുണ്ടോ; വിശദാംശം നൽകുമോ;

സി.എൻ.ജി.യിലേക്കു മാറ്റുമ്പോള്‍ ഇന്ധന ചെലവ് കുറയ്ക്കുന്നതിന് സാധിക്കുമോയെന്ന് വ്യക്തമാക്കുമോ?

കെ.എസ്.ആര്‍.ടി.സി. ഡിപ്പോകളില്‍ വാണിജ്യാവശ്യങ്ങള്‍ക്കായി നിര്‍മ്മിച്ചിട്ടുള്ള കെട്ടിടങ്ങള്‍, സ്റ്റാളുകള്‍ എന്നിവ എവിടെയെല്ലാം ഒഴിഞ്ഞു കിടക്കുന്നുണ്ടെന്ന് വിശദമാക്കാമോ;

അത്തരത്തില്‍ ഒഴിഞ്ഞു കിടക്കുന്ന കെട്ടിടങ്ങളും സ്റ്റാളുകളും വാടകയ്ക്ക് നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

ഒറ്റപ്പാലം മുനിസിപ്പാലിറ്റിയുടെ കീഴിലുള്ള ഒറ്റപ്പാലം ബസ്സ് സ്റ്റാന്റിന്റെ ഒരു ഭാഗം കെ.എസ്.ആര്‍.ടി.സി. ബസ്സ് ഡിപ്പോ ആരംഭിക്കുന്നതിന് നൽകുവാൻ മുനിസിപ്പാലിറ്റി തയ്യാറാണെങ്കിൽ ഒറ്റപ്പാലത്ത് ഒരു കെ.എസ്.ആര്‍.ടി.സി. ഡിപ്പോ ആരംഭിക്കുവാൻ സാധിക്കുമോ; വിശദവിവരം ലഭ്യമാക്കാമോ?

ചങ്ങനാശ്ശേരി നിയോജക മണ്ഡലത്തിലെ വിവിധ പ്രദേശങ്ങളിൽ നിന്ന് വിവിധ വിനോദസഞ്ചാര മേഖലകളിലേക്ക് എത്ര കെ.എസ്.ആര്‍.ടി.സി. ബസ് സര്‍വ്വീസുകളാണ് നിലവിലുള്ളതെന്ന് വിശദവിവരം നല്കുമോ;

ഇത്തരം സര്‍വ്വീസുകൾ കൂടുതല്‍ വിനോദസഞ്ചാര മേഖലകളിലേക്ക് വ്യാപിപ്പിക്കുന്ന കാര്യം പരിഗണനയിലുണ്ടോ; വ്യക്തമാക്കുമോ;

ചങ്ങനാശ്ശേരി നിയോജക മണ്ഡലത്തിലെ വിവിധ പ്രദേശങ്ങളില്‍ നിന്ന് വിനോദസഞ്ചാര മേഖലകളെ ബന്ധിപ്പിച്ച് കെ.എസ്.ആർ.ടി.സി. നടത്തുന്ന സർവ്വീസുകള്‍ ലാഭകരമാണോ എന്നത് പരിശോധിച്ചിട്ടുണ്ടോ; ഉണ്ടെങ്കില്‍ വിശദവിവരം നല്‍കുമോ?

തിരു കൊച്ചി ബസുകളുടെ ആശയവും ആവിര്‍ഭാവവും വിശദീകരിക്കാമോ;

എത്ര തിരു കൊച്ചി ബസുകള്‍ സര്‍വീസ് നടത്തിയിരുന്നു; നിലവില്‍ എത്ര ബസുകള്‍ സര്‍വീസ് നടത്തുന്നുണ്ട്;

വൈപ്പിന്‍ കരയില്‍ നിന്നും നഗരത്തിലേക്കുള്ള തിരു കൊച്ചി ബസ് സ‍ർവ്വീസുകൾ എന്നാണ് ആരംഭിച്ചത് എന്നത് വ്യക്തമാക്കുമോ;

വൈപ്പിന്‍ കരയില്‍ നിന്നും നഗരത്തിലേക്കുള്ള തിരു കൊച്ചി ബസ് സർവ്വീസുകൾ നിര്‍ത്തലാക്കിയത് ഏതു സ‍ർക്കാരിന്റെ കാലഘട്ടത്തിലാണെന്ന് വ്യക്തമാക്കുമോ;

വൈപ്പിന്‍ കരയില്‍ നിന്നും നഗരത്തിലേക്കുള്ള കെ.എസ്.ആര്‍.ടി.സി., സ്വകാര്യ ബസ് സർവ്വീസുകളുടെ നഗരത്തിലേക്കുള്ള പ്രവേശനം സാധ്യമാക്കുന്നതിനായി ഇതുവരെ സ്വീകരിച്ചിട്ടുള്ള നടപടികള്‍ വിശദീകരിക്കാമോ?

ഒറ്റപ്പാലം മുനിസിപ്പാലിറ്റിയുടെ കീഴിലുള്ള ഒറ്റപ്പാലം ബസ്സ് സ്റ്റാൻഡിന്റെ ഒരു ഭാഗം കെ.എസ്.ആര്‍.ടി.സി.യുടെ ബസ്സ് ഡിപ്പോ ആരംഭിക്കുവാന്‍ നൽകുന്നതിന് മുനിസിപ്പാലിറ്റി തയ്യാറാകുന്നപക്ഷം ഒറ്റപ്പാലത്ത് കെ.എസ്.ആര്‍.ടി.സി. ഡിപ്പോ തുടങ്ങുന്നതിന് സാധിക്കുമോയെന്നത് സംബന്ധിച്ച വിശദവിവരങ്ങള്‍ ലഭ്യമാക്കുമോ?

കണ്ണൂർ നിയോജക മണ്ഡലത്തിൽ കോവിഡിന് മുൻപ് കണ്ണൂർ - താഴെ ചൊവ്വ - എളയാവൂ‍ർ അമ്പലം റൂട്ടില്‍ നിലവിലുണ്ടായിരുന്ന കെ.എസ്. ആർ.ടി.സി. ബസ് സർവ്വീസ് കോവിഡ് കാലത്തിന് ശേഷം പുനരാരംഭിക്കാത്തതിനാൽ ജനങ്ങൾക്ക് വലിയ യാത്രാ ദുരിതമുണ്ടാകുന്നത് ശ്രദ്ധയിൽപെട്ടിട്ടുണ്ടോ; നിർത്തലാക്കിയ പ്രസ്തുത കെ.എസ്. ആർ.ടി.സി. ബസ് സർവ്വീസ് പുനരാരംഭിക്കുന്നതിന് അടിയന്തര നടപടി സ്വീകിരിക്കുമോ?

പയ്യന്നൂര്‍ കെ.എസ്.ആര്‍.ടി.സി. ബസ് സ്റ്റാന്റിനോട് ചേര്‍ന്നുള്ള ഷോപ്പിംഗ് കോംപ്ലക്സില്‍ നിലവില്‍ എത്ര മുറികളുണ്ടെന്നും അതില്‍ എത്രയെണ്ണമാണ് ഒഴിഞ്ഞുകിടക്കുന്നതെന്നും അറിയിക്കാമോ;

വാടക കെട്ടിടത്തില്‍ പ്രവര്‍ത്തിക്കുന്ന പയ്യന്നൂര്‍ സബ് ആർ.ടി. ഓഫീസും മറ്റ് സര്‍ക്കാര്‍ ഓഫീസുകളും പ്രസ്തുത ഷോപ്പിംഗ് കോംപ്ലക്സിലേക്ക് മാറ്റുന്നതിനുള്ള നടപടികള്‍ പരിഗണനയിലുണ്ടോ എന്ന് വ്യക്തമാക്കുമോ?

മാനന്തവാടി കെ.എസ്.ആര്‍.ടി.സി ഡിപ്പോയില്‍ നിന്നും നിലവില്‍ എത്ര ഷെഡ്യൂളുകളാണ് ഓപ്പറേറ്റ് ചെയ്യുന്നത് എന്ന് വ്യക്തമാക്കാമോ;

പ്രസ്തുത ഡിപ്പോയിലെ ശരാശരി ദിവസ വരുമാനം എത്രയാണെന്ന് വ്യക്തമാക്കാമോ;

പ്രസ്തുത ഡിപ്പോയില്‍ കോവിഡിന് മുന്‍പ് ഉണ്ടായിരുന്ന ഏതെങ്കിലും സര്‍വീസുകള്‍ നിലവില്‍ മുടങ്ങി കിടക്കുന്നുണ്ടോ; എങ്കില്‍ അത് ഏതെല്ലാമാണെന്നും അവ പുനരാരംഭിക്കാന്‍ സ്വീകരിച്ച നടപടികള്‍ എന്തെല്ലാമാണെന്നും വ്യക്തമാക്കാമോ?

കോവിഡിനെ തുടർന്ന് കാസർഗോഡ്, കാഞ്ഞങ്ങാട് ഡിപ്പോകളില്‍ നിന്നും നിർത്തലാക്കിയ സർവീസുകൾ ഏതെല്ലാമാണെന്ന് വിശദമാക്കാമോ;

അവയിൽ എത്ര സർവീസുകൾ പുനരാരംഭിച്ചിട്ടുണ്ട് എന്നും അവ ഏതെല്ലാമാണെന്നും വിശദമാക്കാമോ;

പുനരാരംഭിച്ചിട്ടില്ലാത്ത സർവീസുകൾ വേഗത്തിൽ പുനരാരംഭിക്കുന്നതിന് നടപടികൾ സ്വീകരിക്കുമോയെന്ന് വിശദമാക്കുമോ?

കോങ്ങാട് മണ്ഡലത്തിലെ കരിമ്പ 2,3 വാര്‍ഡുകളിലെ ജനങ്ങള്‍ ആശ്രയിച്ചിരുന്നതും കല്ലടിക്കോട്-മീന്‍വല്ലം റൂട്ടില്‍ മണ്ണാര്‍ക്കാട് വരെ യാത്ര നടത്തിയിരുന്നതുമായ സ്വകാര്യബസ് സര്‍വ്വീസ് പൂര്‍ണമായും നിലച്ച സാഹചര്യത്തില്‍ പ്രസ്തുത റൂട്ടില്‍ കെ.എസ്.ആര്‍.ടി.സി. ബസ് സര്‍വ്വീസ് ആരംഭിച്ച് പ്രദേശവാസികളുടെ യാത്രാക്ലേശം പരിഹരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കോതമംഗലം കെ.എസ്.ആര്‍.ടി.സി. ഡിപ്പോയില്‍ നിന്നും വേളാങ്കണ്ണി, പഴനി ബസ് സര്‍വ്വീസുകള്‍ ആരംഭിക്കേണ്ട ആവശ്യം ശ്രദ്ധയില്‍പെട്ടിട്ടുണ്ടോ;

പ്രസ്തുത സര്‍വ്വീസുകള്‍ ആരംഭിക്കുന്നത് സംബന്ധിച്ച് എന്തെങ്കിലും തുടര്‍നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

കോതമംഗലത്ത് നിന്നും ധാരാളം പേർ തീര്‍ത്ഥാടനത്തിനായി പോകുന്ന വേളാങ്കണ്ണി, പഴനി കേന്ദ്രങ്ങളിലേക്ക് കോതമംഗലം ഡിപ്പോയില്‍ നിന്നും സര്‍വ്വീസ് ആരംഭിക്കുന്ന കാര്യം പരിഗണിക്കുമോ; വിശദമാക്കാമോ?

ഈരാറ്റുപേട്ട കെ.എസ്.ആർ.ടി.സി ഡിപ്പോയുടെ വികസനത്തിനായി സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ;

ഈരാറ്റുപേട്ട ഡിപ്പോയില്‍ നിന്ന് കൂടുതൽ ദീർഘദൂര സർവ്വീസുകൾ ആരംഭിക്കണമെന്ന ആവശ്യത്തിന്മേൽ സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ;

സമീപ പ്രദേശങ്ങളിലെ ഡിപ്പോകളിൽനിന്നും ആരംഭിക്കുന്ന പ്രധാനപ്പെട്ട ദീർഘദൂര സർവീസുകൾ ഈരാറ്റുപേട്ട ഡിപ്പോയിലേക്ക് നീട്ടി റൂട്ട് പുന:ക്രമീകരിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

ഒറ്റപ്പെട്ട മേഖലകളെ പ്രധാന റൂട്ടുകളുമായി ബന്ധിപ്പിക്കുന്നതിനായി കെ.എസ്.ആര്‍.ടി.സി. ആരംഭിച്ച ഫീഡര്‍ സര്‍വ്വീസുകളില്‍ കഴക്കൂട്ടം നിയോജക മണ്ഡലത്തില്‍ എത്ര സര്‍വ്വീസുകള്‍ ആരംഭിച്ചിട്ടുണ്ടെന്ന് വിശദമാക്കാമോ;

ജീവനക്കാരുടെ കുറവുമൂലം പ്രസ്തുത നിയോജക മണ്ഡലത്തില്‍ നിര്‍ത്തലാക്കിയ ബസ്സ് സര്‍വ്വീസുകള്‍ പുനരാരംഭിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

ചാക്ക - കരിക്കകം - ആക്കുളം - സ്റ്റേഷന്‍കടവ് - പള്ളിത്തുറ റൂട്ടില്‍ പാര്‍വ്വതി പുത്തനാറില്‍ ബോട്ട് സര്‍വ്വീസ് ആരംഭിക്കുന്നതിന് സ്വീകരിച്ച നടപടികള്‍ വിശദമാക്കാമോ?

തോട്ടില്‍പാലം ഡിപ്പോയില്‍ നിന്നും ആരംഭിക്കുന്ന കെ.എസ്.ആര്‍.ടി.സി യുടെ ഹ്രസ്വ-ദീര്‍ഘദൂര സര്‍വീസുകളുടെ വിശദാംശം ലഭ്യമാക്കാമോ ?

മാവേലിക്കര കെ.എസ്.ആര്‍.ടി.സി ഡിപ്പോയുടെ പുരോഗതിക്കായി സ്വീകരിച്ച നടപടികള്‍ വിശദമാക്കുമോ;

പ്രസ്തുത ഡിപ്പോയുടെ പുരോഗതിയ്ക്കായി എം.എല്‍.എ ഫണ്ട് ഉപയോഗിച്ച് നടത്തിയ വിവിധ പ്രവൃത്തികളുടെ നിലവിലെ സ്ഥിതി വ്യക്തമാക്കുമോ?

പെരിന്തല്‍മണ്ണ കെ.എസ്.ആര്‍.ടി.സി. ഡിപ്പോയില്‍ നിന്ന് സര്‍വ്വീസ് നടത്തി വന്നിരുന്ന എത്ര ബസ് സര്‍വ്വീസുകളാണ് കോവിഡ് മഹാമാരി ആരംഭിച്ചതിന് ശേഷം നിര്‍ത്തിവച്ചതെന്നും ഇതില്‍ എത്ര സര്‍വ്വീസുകള്‍ പുനരാരംഭിച്ചിട്ടുണ്ടെന്നും വ്യക്തമാക്കുമോ;

പെരിന്തൽമണ്ണ-വളാഞ്ചേരി റൂട്ടില്‍ എത്ര ബസുകളാണ് കോവിഡ് ആരംഭിയ്ക്കുന്നതിന് മുന്‍പ് സര്‍വ്വീസ് നടത്തിവന്നിരുന്നതെന്നും നിലവില്‍ എത്ര ബസുകള്‍ സര്‍വ്വീസ് നടത്തുന്നുണ്ടെന്നും വ്യക്തമാക്കുമോ;

പെരിന്തല്‍മണ്ണ കെ.എസ്.ആര്‍.ടി.സി. ഡിപ്പോയില്‍ നിന്ന് സര്‍വ്വീസ് നടത്തി വന്നിരുന്ന ബസ് സര്‍വ്വീസുകള്‍ പുനരാരംഭിയ്ക്കാത്തത് മൂലം പൊതുജനങ്ങള്‍ വളരെയധികം യാത്രാക്ലേശം അനുഭവിയ്ക്കുന്നുണ്ടെന്ന കാര്യം ഗൗരവമായി കാണുന്നുണ്ടോ; എങ്കില്‍ നിര്‍ത്തിവച്ച സര്‍വ്വീസുകള്‍ പുനാരംരഭിയ്ക്കുന്നതിന് നടപടി സ്വീകരിക്കുമോ?

മലപ്പുറം കെ.എസ്.ആർ.ടി.സി ബസ് ടെർമിനൽ കം ഷോപ്പിംഗ് കോംപ്ലക്സ് നിർമാണ നടപടികള്‍ പാതിവഴിയിൽ നിലച്ചിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ;

2021 ഡിസംബർ 31-നകം എല്ലാ പണികളും പൂർത്തീകരിച്ച് ഉദ്ഘാടനം ചെയ്യാമെന്ന 2021 ജൂണിൽ ചേർന്ന മന്ത്രിതല യോഗത്തിലെ തീരുമാനം നടാപ്പാക്കാനാകാത്ത സാഹചര്യത്തിൽ എന്തെല്ലാം തുടർനടപടികളാണ് വകുപ്പ് തലത്തിൽ സ്വീകരിക്കാനുദ്ദേശിക്കുന്നത് എന്ന് വിശദീകരിക്കാമോ;

എം.എൽ.എ യുടെ മണ്ഡലം ആസ്തി വികസന ഫണ്ടിൽ നിന്നും അനുവദിച്ച രണ്ടു കോടി രൂപയുടെ പ്രവൃത്തികൾക്ക് ഭരണാനുമതി ലഭിച്ചിട്ടുണ്ടോ; പ്രസ്തുത ഫണ്ടിൽ നിന്നും എന്തെല്ലാം പ്രവൃത്തികൾക്കാണ് തുക വിനിയോഗിക്കുന്നത്; വിശദാംശം നൽകുമോ;

ഇനിയും പൂർത്തീകരിക്കാനുള്ള ജോലികൾ എന്തെല്ലാമാണ്; കരാറുകാരന് നൽകാനുള്ള മുഴുവൻ കുടിശ്ശികയും വിതരണം ചെയ്തിട്ടുണ്ടോ;

പ്രവൃത്തി ആരംഭിച്ച് ആറര വർഷം പിന്നിട്ട സാഹചര്യത്തിൽ ഇനിയും കാലതാമസം കൂടാതെ സാങ്കേതിക തടസ്സങ്ങൾ പരിഹരിച്ച് എത്രയും വേഗം പണികൾ പൂർത്തീകരിക്കാൻ നിർദ്ദേശം നൽകുമോയെന്ന് വ്യക്തമാക്കുമോ?

2021-22 വര്‍ഷത്തെ ബഡ്ജററില്‍ പ്രഖ്യാപിച്ച മൂന്നാര്‍ കെ.എസ്.ആര്‍.ടി.സി. ബസ് സ്റ്റാന്‍ഡിന്റെ 3 ഏക്കര്‍ ഭൂമിയിലെ ബജറ്റ് ഹോട്ടല്‍ നിര്‍മ്മാണ പ്രവൃത്തിയിന്മേല്‍ ഇതുവരെ സ്വീകരിച്ച നടപടികള്‍ വിശദമാക്കാമോ?

കോവിഡ് കാലത്ത് റദ്ദ് ചെയ്തതതും മട്ടന്നൂര്‍ നിയോജകമണ്ഡലത്തിലൂടെ സര്‍വീസ് നടത്തിയിരുന്നതുമായ തലശ്ശേരി-കൂത്തുപറമ്പ്-കരേറ്റ-കാഞ്ഞിലേരി-മാലൂര്‍ കെ.എസ്.ആര്‍.ടി.സി. ബസിന്റെ വൈകുന്നേരത്തെ ട്രിപ്പ് പുനഃസ്ഥാപിക്കുന്നതിനുള്ള അപേക്ഷയില്‍ നടപടി കൈക്കൊണ്ടിട്ടുണ്ടോ; ഉണ്ടെങ്കില്‍ വിശദാംശങ്ങള്‍ നല്‍കാമോ;

കോവിഡ് കാലത്ത് നിര്‍ത്തലാക്കിയ കെ.എസ്.ആര്‍.ടി.സി.യുടെ ലോക്കല്‍ റൂട്ട് സര്‍വീസുകള്‍ പുനഃസ്ഥാപിക്കാന്‍ ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കോവിഡ് മഹാമാരിയെ തുടര്‍ന്ന് നിര്‍ത്തലാക്കിയ തൃശൂര്‍-മുപ്ലിയം കെ.എസ്.ആര്‍.ടി.സി. ബസ് സര്‍വ്വീസ് ഇനിയും പുനരാരംഭിക്കാത്ത വിവരം ശ്രദ്ധയിൽപ്പെട്ടിട്ടുണ്ടോ;

ലാഭകരമായി സര്‍വ്വീസ് നടത്തിയിരുന്ന പ്രസ്തുത സര്‍വ്വീസ് പുനരാരംഭിയ്ക്കുന്നതിനും വൈകുന്നേരം 5 മണിക്ക് ശേഷം തൃശൂരിൽ നിന്നും മുപ്ലിയത്തേയ്ക്ക് ഓര്‍ഡിനറി സര്‍വ്വീസ് നടത്തുന്നതിനും ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കണ്ണൂര്‍-പഴയങ്ങാടി-പിലാത്തറ-പയ്യന്നൂര്‍ റൂട്ടില്‍ ഇപ്പോള്‍ എത്ര കെ.എസ്.ആര്‍.ടി.സി. ബസ്സുകള്‍ സര്‍വ്വീസ് നടത്തുന്നുണ്ട്;

പ്രസ്തുത റൂട്ടില്‍ നിര്‍ത്തിവച്ച ബസ് സര്‍വ്വീസുകള്‍ പുനരാരംഭിക്കാന്‍ നടപടി സ്വീകരിച്ചിട്ടുണ്ടോ;

രാത്രികാലങ്ങളില്‍ എത്തിച്ചേരുന്ന ജനശതാബ്ദി, എക്സിക്യുട്ടീവ് ട്രെയിനുകളിലെ യാത്രക്കാരുടെ സൗകര്യാര്‍ത്ഥം ആരംഭിച്ച കണ്ണൂര്‍-പഴയങ്ങാടി-പയ്യന്നൂര്‍-കാഞ്ഞങ്ങാട് ബസ് സര്‍വ്വീസ് പുനരാരംഭിച്ചിട്ടുണ്ടോ; വിശദമാക്കാമോ;

രാവിലെ കണ്ണൂരില്‍ നിന്നും പുറപ്പെടുന്ന ജനശതാബ്ദി, എക്സിക്യുട്ടീവ് ട്രെയിനുകളിലെ യാത്രക്കാര്‍ക്ക് കണ്ണൂര്‍ റെയില്‍വെ സ്റ്റേഷനില്‍ എത്തുന്നതിനായി കാഞ്ഞങ്ങാട്-പയ്യന്നൂര്‍-പഴയങ്ങാടി-കണ്ണൂര്‍ സര്‍വ്വീസ് ആരംഭിച്ചിട്ടുണ്ടോ; വിശദമാക്കാമോ?

ബസ് പാര്‍ക്കിംഗ് എന്ന പേരില്‍ പാറശാല മണ്ഡലത്തില്‍ വിവിധയിടങ്ങളിലായി എത്ര കെ.എസ്.ആര്‍.ടി.സി. ബസ്സുകള്‍ നിര്‍ത്തിയിട്ടിരിക്കുന്നു എന്നുള്ള വിവരം ബസ്സിന്റെ ഇനം തിരിച്ച് അറിയിക്കാമോ;

പാറശാല മണ്ഡലത്തിലെ ഗ്രാമീണ മേഖലകളിലെ യാത്രാക്ലേശം പരിഹരിക്കുന്നതിനായി സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് അറിയിക്കാമോ;

കെ.എസ്.ആര്‍.ടി.സി. യുടെ പ്രവര്‍ത്തന കാര്യക്ഷമത വര്‍ദ്ധിപ്പിക്കുന്നതിന് നിലവില്‍ എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കുമോ;

കെ.എസ്.ആര്‍.ടി.സി. ബഡ്ജറ്റ് ടൂറിസം സെല്‍ നടപ്പിലാക്കി വരുന്ന ടൂറിസം പാക്കേജിനെക്കുറിച്ച് വിശദമാക്കാമോ;

പാറശാല ഇടിച്ചക്കപ്ലാമൂടിന് സമീപം ഒഴിഞ്ഞുകിടക്കുന്ന കെ.എസ്.ആര്‍.ടി.സി.യുടെ ഉടമസ്ഥതയിലുള്ള ഭൂമിയില്‍ പബ്ലിക് പ്രൈവറ്റ് പാര്‍ട്ടിസിപ്പേഷന്‍ പ്രകാരം പദ്ധതികള്‍ നടപ്പാക്കുന്നതിന് ആലോചിക്കുന്നുണ്ടോ; വിശദമാക്കാമോ?

മോട്ടോര്‍ വാഹന വകുപ്പ് നല്‍കുന്ന ഡ്രൈവിംഗ് ലൈസന്‍സ് പി.വി.സി. കാര്‍ഡ് രൂപത്തിലാക്കുന്ന കാര്യം പരിഗണനയിലുണ്ടോ എന്ന് വിശദമാക്കുമോ;

ഉണ്ടെങ്കില്‍ നിലവിലുള്ള ഡ്രൈവിംഗ് ലൈസന്‍സുകള്‍ കാര്‍ഡ് രൂപത്തിലാക്കി മാറ്റുന്നതിന് നടപടി സ്വീകരിക്കുമോ എന്ന് വിശദമാക്കുമോ;

ഇതിന് പ്രത്യേക തുക ഈടാക്കാന്‍ ഉദ്ദേശിക്കുന്നുണ്ടോ; വിശദമാക്കുമോ ?

മോട്ടോര്‍ വാഹന വകുപ്പിലെ ഔദ്യോഗിക വാഹനങ്ങളില്‍ വാഹനവുമായി ബന്ധപ്പെട്ട ഇന്‍ഷുറന്‍സ്, പൊല്യൂഷന്‍ തുടങ്ങിയ സര്‍ട്ടിഫിക്കറ്റുകള്‍ യഥാസമയം പുതുക്കി വാഹനത്തില്‍ സൂക്ഷിക്കുന്നുണ്ടോ;

മോട്ടോര്‍ വാഹന വകുപ്പിലെ വാഹനങ്ങളില്‍ ഇത്തരം സര്‍ട്ടിഫിക്കറ്റുകള്‍ യഥാസമയം പുതുക്കാത്തതുമായി ബന്ധപ്പെട്ട് സാമൂഹ്യ മാധ്യമങ്ങളില്‍ അടക്കം വരുന്ന വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ;

ഇത്തരം സംഭവങ്ങള്‍ ഒദ്യോഗികമായി റിപ്പോര്‍ട്ട് ചെയ്തിട്ടുണ്ടോ; എങ്കില്‍ വിശദാംശം ലഭ്യമാക്കാമോ; ഇത്തരത്തില്‍ വീഴ്ച്ചകള്‍ സംഭവിക്കുന്നത് തടയാന്‍ ആവശ്യമായ വകുപ്പുതല നടപടികള്‍ സ്വീകരിക്കുമോ?

മോട്ടോർ വാഹന വകുപ്പിന്റെ ചെക്ക്പോസ്റ്റുകളിലെ അടിസ്ഥാന സൗകര്യങ്ങളുടെ അഭാവം ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത ചെക്ക്പോസ്റ്റുകൾ നവീകരിക്കുന്നതിന് നാളിതുവരെ സ്വീകരിച്ച നടപടികൾ വിശദമാക്കുമോ;

സംസ്ഥാന അതിർത്തികളിൽ മോട്ടോർ വാഹന വകുപ്പിന്റെ ചെക്ക് പോസ്റ്റുകൾ നിലവിലില്ലാത്ത സ്ഥലങ്ങൾ ഏതൊക്കെയാണെന്ന് ജില്ലതിരിച്ച് വ്യക്തമാക്കുമോ;

ചെക്ക്പോസ്റ്റുകൾ നിലവിലില്ലാത്ത പ്രധാനപ്പെട്ട സ്ഥലങ്ങളിൽ ചെക്ക് പോസ്റ്റുകൾ ആരംഭിക്കുന്ന കാര്യം പരിഗണനയിലുണ്ടോയെന്ന് അറിയിക്കുമോ?

വാടക കെട്ടിടത്തിൽ പ്രവർത്തിക്കുന്ന പെരുമ്പാവൂർ ആർ.ടി.ഒ. ഓഫീസിന് പുതിയ കെട്ടിടം നിർമ്മിക്കാനുള്ള നടപടികളുടെ പുരോഗതി വിശദമാക്കാമോ;

ഇതിനായി ജലസേചന വകുപ്പിന്റെ അധീനതയിലുള്ള പെരിയാർവാലി ഇറിഗേഷൻ പ്രോജക്റ്റിന്റെ സ്ഥലം വിട്ടു നൽകുന്നതിനുള്ള ഫയൽ നടപടികൾ ഒരു വർഷമായി മുടങ്ങി കിടക്കുകയാണ് എന്നുള്ള കാര്യം ശ്രദ്ധയിൽപ്പെട്ടിട്ടുണ്ടോ;

പ്രസ്തുത ആർ .ടി.ഒ. ഓഫീസ് നിർമ്മാണം വേഗത്തിൽ തുടങ്ങുന്നതിനായി സ്വീകരിക്കുവാൻ ഉദ്ദേശിക്കുന്ന നടപടികൾ വിശദമാക്കാമോ?

ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന് നടത്തുന്ന പ്രവര്‍ത്തനങ്ങള്‍ വിശദമാക്കാമോ;

ഇലക്ട്രിക് വാഹനങ്ങള്‍ സംസ്ഥാനത്ത് തന്നെ നിര്‍മ്മിക്കുന്നതിന് എന്തെങ്കിലും പദ്ധതികള്‍ ആവിഷ്ക്കരിച്ചിട്ടുണ്ടോ?

ആഗോള താപനത്തിന്റെയും കാലാവസ്ഥ വ്യതിയാനത്തിന്റെയും പശ്ചാത്തലത്തിൽ പൊതുഗതാഗത സംവിധാനം ഇലക്ട്രിക്ക് വാഹനങ്ങളിലേയ്ക്ക് മാറ്റാൻ സ്വീകരിച്ച നടപടികള്‍ വിശദീകരിക്കാമോ;

സംസ്ഥാനത്തെ ഇ-വാഹനങ്ങളുടെ എണ്ണം 2021-ൽ നിന്നും 2022-ൽ എത്ര വര്‍ദ്ധിച്ചിട്ടുണ്ടെന്ന് വ്യക്തമാക്കാമോ;

ഇ-വാഹനങ്ങള്‍ വാങ്ങുന്നതിന് എന്തൊക്കെ ആനുകൂല്യങ്ങളാണ് സര്‍ക്കാര്‍ നിലവിൽ നൽകുന്നത്?

ഡ്രൈവിംഗ് സ്കൂളുകളുടെ കാര്യക്ഷമത വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ; ഈ സ്കൂളുകള്‍ക്ക് ആധുനിക പരിശീലന പരിപാടികളില്‍ മതിയായ ട്രെയിനിംഗ് നല്‍കുന്നതിന് നടപടി സ്വീകരിക്കുമോ;

ഡ്രൈവിംഗ് സ്കൂളുകളിലെ ഇന്‍സ്ട്രക്ടര്‍മാര്‍ക്ക് മതിയായ പരിശീലനമോ ക്ലാസ്സുകളോ നടപ്പാക്കിയിട്ടുണ്ടോ;

സംസ്ഥാനത്ത് സര്‍ക്കാര്‍ തലത്തില്‍ ഡ്രൈവിംഗ് സ്കൂളുകളിലെ ഇന്‍സ്ട്രക്ടര്‍മാര്‍ക്ക് ആധുനിക പരിശീലന പരിപാടികളെക്കുറിച്ചുള്ള അറിവും അവബോധവും ലഭ്യമാക്കാന്‍ നടപടി സ്വീകരിക്കുമോ?

സംസ്ഥാനത്ത് വാഹനാപകടങ്ങള്‍ വര്‍ദ്ധിച്ചുവരുന്നതിനുള്ള കാരണങ്ങള്‍ എന്തൊക്കെയെന്ന് വിശകലനം ചെയ്തിട്ടുണ്ടോ; വിശദാംശം അറിയിക്കുമോ;

കഴിഞ്ഞ ഒരുവര്‍ഷം തിരുവനന്തപുരം നഗരത്തില്‍ മാത്രം 165 പേർ വാഹനാപകടത്തില്‍ മരണമടഞ്ഞിട്ടുണ്ടെന്ന വസ്തുത ഗൗരവത്തിലെടുത്തുകൊണ്ട് സംസ്ഥാനമൊട്ടാകെ ട്രാഫിക് നിയമ ലംഘനങ്ങള്‍ കര്‍ശനമായി തടയുന്നതിനായി മോട്ടോര്‍വാഹന വകുപ്പ് നടപടിയെടുക്കുന്നുണ്ടോയെന്ന് വ്യക്തമാക്കുമോ;

നിര്‍മ്മിത ബുദ്ധി ക്യാമറകള്‍ ഉപയോഗിച്ചുകൊണ്ട് ട്രാഫിക് നിയമ ലംഘനങ്ങള്‍ തടയുന്നതിനായുള്ള പദ്ധതി പ്രവര്‍ത്തനസജ്ജമാക്കുന്നതിന് സ്വീകരിച്ച നടപടികളുടെ പുരോഗതി വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് ഇ-വാഹനങ്ങളുടെ ഉപയോഗം വര്‍ദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദീകരിക്കാമോ;

സംസ്ഥാനത്ത് ഇതുവരെ രജിസ്റ്റര്‍ ചെയ്തിട്ടുള്ള ഇ-വാഹനങ്ങളുടെ വിവരങ്ങള്‍ ഇനം തിരിച്ച് നല്‍കാമോ?

ജലഗതാഗത വകുപ്പിന് എത്ര ബോട്ടുകള്‍ സ്വന്തമായുണ്ടെന്നും ഇവയിൽ നിലവിൽ സര്‍വ്വീസ് നടത്തുന്നവ എത്രയാണെന്നും സര്‍വ്വീസ് നടത്താത്തവ സൂക്ഷിക്കുന്നത് എവിടെയാണെന്നും അറിയിക്കാമോ;

ജലഗതാഗത വകുപ്പിന്റെ ബോട്ടുകള്‍ റിപ്പയര്‍ ചെയ്യുന്നതിനുള്ള വര്‍ക‍്‍ഷോപ്പുകളും ഡോക്ക് യാര്‍ഡുകളും എവിടെയൊക്കെ സ്ഥിതിചെയ്യുന്നുവെന്ന് വെളിപ്പെടുത്താമോ;

അറ്റകുറ്റപ്പണി ചെയ്യാനാവാതെ ഉപയോഗ ശൂന്യമായ നിരവധി ട്രാൻസ്പോര്‍ട്ട് ബോട്ടുകളും മറ്റ് ബോട്ടുകളും ആലപ്പുഴയിൽ കനാലുകളുടെ വിവിധ ഭാഗങ്ങളില്‍ കിടന്ന് ബോട്ടുകളുടെ യാത്രയ്ക്ക് തടസ്സം സൃഷ്ടിക്കുന്നത് ശ്രദ്ധയിൽപ്പെട്ടിട്ടുണ്ടോ;

കായൽ ടൂറിസത്തിനും ജലയാത്രകള്‍ക്കും ഏറെ ബുദ്ധിമുട്ട് സൃഷ്ടിക്കുന്ന ഉപയോഗശൂന്യമായ ബോട്ടുകള്‍ നീക്കം ചെയ്യുന്നതിനും ജലഗതാഗതം സുരക്ഷിതമാക്കുന്നതിനും എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

മലബാര്‍ ക്രൂയിസ് ടൂറിസം പദ്ധതിയുടെ ഭാഗമായി ചരിത്ര പ്രാധാന്യമുള്ള മയ്യഴിപ്പുഴയില്‍ സമീപകാലത്ത് അഞ്ച് ബോട്ട്ജെട്ടികള്‍ നിര്‍മ്മിച്ചിട്ടുണ്ടോ;

എങ്കിൽ പെരിങ്ങത്തൂര്‍, എടച്ചേരി, ഏറാമല, കരിയാട് തുടങ്ങിയ സ്ഥലങ്ങളിലുള്ളവര്‍ക്ക് എളുപ്പത്തില്‍ ജലമാര്‍ഗ്ഗം കേന്ദ്രഭരണപ്രദേശമായ മാഹിയിലെത്താനും, വിനോദ സഞ്ചാരികളെ കൂടി ആകര്‍ഷിക്കാനും കഴിയുന്ന തരത്തില്‍ ഈ റൂട്ടില്‍ യാത്രാബോട്ട് സൗകര്യം ഏര്‍പ്പെത്തുന്നതിനായി പദ്ധതി ആവിഷ്ക്കരിക്കുമോ; വിശദമാക്കുമോ;

പുഴയോര സൗന്ദര്യം ആസ്വദിക്കുവാനും കരിമീന്‍ ഉള്‍പ്പെടെയുള്ള പുഴമത്സ്യങ്ങളുടെ രുചി അറിയാനും സമീപ ജില്ലകളില്‍ നിന്നുപോലും ആളുകളെത്തുന്ന മയ്യഴിപ്പുഴയോരത്ത് ബോട്ട് സര്‍വ്വീസ് ലാഭകരവും, ജനോപകാരപ്രദവുമാണെന്ന കാര്യം പരിശോധിക്കുമോ; വിശദമാക്കുമോ?

ജലഗതാഗത വകുപ്പിനായുള്ള സബോര്‍ഡിനേറ്റ് സർവീസ് സ്പെഷ്യല്‍ റൂളിന് കേരള പബ്ലിക് സർവ്വീസ് കമ്മീഷന്റെ അംഗീകാരം ലഭിച്ചിട്ടുണ്ടോ; ഉണ്ടെങ്കിൽ പ്രസ്തുത അംഗീകാരം ലഭ്യമായതിന് ശേഷം സ്വീകരിച്ച നടപടികള്‍ വിശദമാക്കുമോ;

പ്രസ്തുത സ്പെഷ്യല്‍ റൂള്‍ ബന്ധപ്പെട്ട സബ്ജക്ട് കമ്മിറ്റിയുടെ പരിഗണനയ്ക്കായി സമർപ്പിച്ചിട്ടുണ്ടോ എന്ന് വ്യക്തമാക്കുമോ;

കേരള പബ്ലിക് സർവ്വീസ് കമ്മീഷന്റെ അംഗീകാരം ലഭിച്ച സബോര്‍ഡിനേറ്റ് സർവീസ് സ്പെഷ്യല്‍ റൂളിന്റെ പകര്‍പ്പ് നല്‍കാമോ?