കെ-ഡിസ്കില്‍ എക്സിക്യൂട്ടിവ് ഡയറക്ടര്‍ തസ്തികയിലേക്ക് 2022 മാര്‍ച്ചിന് ശേഷം അപേക്ഷ ക്ഷണിച്ചിട്ടുണ്ടോ; എത്ര ഒഴിവുകളിലേക്കാണ് അപേക്ഷ ക്ഷണിച്ചിട്ടുള്ളതെന്നും പ്രസ്തുത തസ്തികയിലേക്ക് എത്ര അപേക്ഷകള്‍ ലഭിച്ചുവെന്നും വ്യക്തമാക്കുമോ;

പ്രസ്തുത തസ്തികയുടെ വിദ്യാഭ്യാസ യോഗ്യത, പ്രവൃത്തി പരിചയം, നിയമന കാലയളവ് എന്നിവ വ്യക്തമാക്കുമോ;

നിയമന നടപടി ഇപ്പോള്‍ ഏത് ഘട്ടത്തിലാണെന്ന് അറിയിക്കുമോ; പ്രസ്തുത തസ്തികയിലേക്ക് ഉദ്യോഗാര്‍ത്ഥികളെ തെരഞ്ഞെടുക്കുന്നത് എപ്രകാരമാണെന്ന് വ്യക്തമാക്കുമോ; വിശദാംശം നൽകുമോ?

വയനാട് പാക്കേജിനായി നിലവില്‍ എത്ര കോടി രൂപയാണ് നീക്കിവെച്ചിട്ടുള്ളതെന്ന് വ്യക്തമാക്കാമോ;

നിലവില്‍ ഏതെല്ലാം പദ്ധതികള്‍ ആണ് വയനാട് പാക്കേജില്‍ വിഭാവനം ചെയ്തിരിക്കുന്നതെന്ന് വിശദമാക്കുമോ;

2022-23 സാമ്പത്തിക വര്‍ഷം അനുവദിച്ച തുക ഉപയോഗിച്ച് നടപ്പാക്കുന്ന പദ്ധതിയ്ക്ക് ഭരണാനുമതി നല്‍കിയിട്ടുണ്ടോയെന്ന് വ്യക്തമാക്കുമോ;

സമയബന്ധിതമായി ഇത്തരം പദ്ധതികള്‍ നടപ്പാക്കുന്നതിന് നടപടി സ്വീകരിക്കുമോ; വിശദമാക്കുമോ?

സില്‍വര്‍ ലൈന്‍ പദ്ധതിയുമായി ബന്ധപ്പെട്ട് ദക്ഷിണ റെയില്‍വേ എന്തൊക്കെ രേഖകള്‍ സര്‍ക്കാരിനോട് ആവശ്യപ്പെട്ടിരുന്നു; വിശദാംശം അറിയിക്കാമോ;

ആവശ്യപ്പെട്ട വിവരങ്ങളെല്ലാം സമര്‍പ്പിച്ചിട്ടുണ്ടോ; വിശദാംശം അറിയിക്കാമോ;

ദക്ഷിണ റയില്‍വേയുടെ ഭാഗത്തുനിന്നും എന്തെങ്കിലും തുടര്‍ നടപടി ഉണ്ടായിട്ടുണ്ടോ; വിശദാംശം അറിയിക്കാമോ?

പാലക്കാട് ജില്ലയിലെ റീബില്‍ഡ് കേരളയില്‍ ഉള്‍പ്പെടുത്തിയ പദ്ധതികളും അവയുടെ പുരോഗതിയും മണ്ഡലാടിസ്ഥാനത്തില്‍ ലഭ്യമാക്കാമോ?

റീബിൽഡ് കേരള പദ്ധതിയിൽ മുൻ സർക്കാരിന്റെ കാലം മുതൽ നാളിതുവരെ ഓരോ സാമ്പത്തിക വർഷവും വിവിധ ഏജൻസികളിൽ നിന്ന് സഹായമായും വായ്പയായും ലഭിച്ച തുകയെത്രയാണ്; പ്രസ്തുത പദ്ധതിക്കായി ബ‍ജറ്റില്‍ വകയിരുത്തിയ തുകയും ചെലവഴിച്ച തുകയും എത്രയാണ്; ഇനം തിരിച്ച് വ്യക്തമാക്കുമോ?

വി.വി.ഐ.പി. കളുടെ റോഡ് യാത്ര വേഗത്തിലും സുഗമവുമാക്കാൻ അടുത്ത കാലത്തായി സ്വീകരിച്ച് വരുന്ന നടപടികൾ വ്യക്തമാക്കാമോ;

വി.വി.ഐ.പി. കാറ്റഗറിയിൽ ഉൾപ്പെടുന്നവർ ആരൊക്കെയാണെന്ന് വ്യക്തമാക്കാമോ;

വി.വി.ഐ.പി. കളുടെ യാത്ര സുരക്ഷിതമാക്കാൻ ഒരു ദിവസം ഉണ്ടാകുന്ന ചെലവ് എത്രയാണെന്ന് വ്യക്തമാക്കാമോ;

മുഖ്യമന്ത്രിക്ക് മാത്രം സുരക്ഷ ഒരുക്കുന്നതിന് ഒരു ദിവസം എത്രയാണ് ചെലവെന്ന് ഇനം തിരിച്ച് വ്യക്തമാക്കാമോ;

ഗവർണറുടെയോ മുഖ്യമന്ത്രിയുടെയോ മറ്റ് വി.ഐ.പി. കളുടെയോ സുരക്ഷ ഉറപ്പാക്കാൻ അവരുടെ യാത്രാവഴിയിൽ മറ്റ് വാഹനങ്ങൾ തടയുന്നത് അഞ്ചോ പത്തോ മിനിറ്റിനകത്ത് ആകണമെന്ന് കോടതി വിധി ഉണ്ടോയെന്ന് വ്യക്തമാക്കാമോ; എങ്കിൽ വിധിയുടെ പകർപ്പ് ലഭ്യമാക്കാമോ?

ഈ സർക്കാർ അധികാരത്തിൽ വന്നശേഷം നാളിതുവരെ സംസ്ഥാനത്ത് എത്ര തസ്തികകൾ സൃഷ്ടിച്ചുവെന്ന് വകുപ്പ് തിരിച്ച് വിശദമാക്കാമോ;

വിദ്യാഭ്യാസ വകുപ്പ് സർക്കാർ അംഗീകാരത്തിനായി സമർപ്പിച്ച അദ്ധ്യാപക തസ്തികകൾ ജില്ല തിരിച്ച് വിശദമാക്കാമോ?

ക്ലറിക്കൽ വിഭാഗം ജീവനക്കാർക്ക് ടൈപ്പിംഗ് യോഗ്യത വേണമെന്നുള്ള പുതിയ ഉത്തരവിന്റെ (ജി.ഒ.(പി) നം. 14/2022 പി & എ.ആര്‍.ഡി.) അടിസ്ഥാനത്തിൽ ക്ലാർക്കിനും ടൈപ്പിസ്റ്റിനും തുല്യപ്രാധാന്യം നൽകി ക്ലാർക്ക് - ടൈപ്പിസ്റ്റ് തസ്തികകളുടെ എണ്ണം വർധിപ്പിക്കാനുള്ള നടപടി സ്വീകരിക്കുമോ;

ടൈപ്പിസ്റ്റുകൾ വർഷങ്ങളായി കമ്പ്യൂട്ടറിലാണ് ജോലി ചെയ്യുന്നത് എന്ന വസ്തുത പരിഗണിച്ച് ടൈപ്പിസ്റ്റിനെ വേണ്ട രീതിയിൽ ഉപയോഗപ്പെടുത്തി ഇ-ഓഫീസ് സംവിധാനം കൂടുതൽ മെച്ചപ്പെടുത്താൻ എന്തെങ്കിലും ശ്രമങ്ങൾ സർക്കാർ ഭാഗത്തുനിന്ന് ഉണ്ടായിട്ടുണ്ടോ എന്ന് വിശദീകരിക്കുമോ?

സംസ്ഥാനത്ത് വിവിധ വകുപ്പുകളിലെ കെട്ടിക്കിടക്കുന്ന ഫയലുകൾ തീർപ്പ് കൽപ്പിക്കുന്നതിന്റെ പുരോഗതി വിലയിരുത്തിയിട്ടുണ്ടോ; എങ്കിൽ വിശദാംശം ലഭ്യമാക്കുമോ;

രണ്ട് ഘട്ടങ്ങളിലായി നടന്ന ഫയൽ തീർപ്പാക്കൽ യജ്ഞത്തിന് ശേഷം ഫയൽ നീക്കത്തിന്റെ വേഗത കുറഞ്ഞതായി ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ?

വികസന പ്രവർത്തനം സമയബന്ധിതമായി നടപ്പിലാക്കുവാൻ ഫയൽ നീക്കം കാര്യക്ഷമമായി നടക്കണമെന്നതിനാല്‍ ആയതിന് സർക്കാർ നടത്തുന്ന പ്രവർത്തനം വിശദമാക്കാമോ;

ഫയൽ കൈകാര്യം ചെയ്യുന്ന ശ്രേണികളുടെ എണ്ണം കുറയ്ക്കുവാൻ നടപടി സ്വീകരിക്കുമോ; വിശദമാക്കാമോ;

അടിയന്തര പ്രാധാന്യമുള്ള ഫയലുകൾ സമയബന്ധിതമായി പരിശോധിച്ച് ഉത്തരവുകള്‍ നൽകുവാൻ നടപടി സ്വീകരിക്കുമോ; വിശദമാക്കാമോ?

2022 ഡിസംബർ മാസം കോഴിക്കോട് വെച്ച് നടന്ന സംസ്ഥാന സിവിൽ സർവീസ് കായികമേളയിൽ സമ്മാനം നേടിയ ഉദ്യോഗസ്ഥർക്ക് മെറിറ്റ് സർട്ടിഫിക്കറ്റ് ഏത് മാസം നൽകുവാനാണ് സ്പോർട്സ് കൗൺസില്‍ തീരുമാനം എടുത്തിട്ടുള്ളതെന്ന് വിശദമാക്കാമോ;

കോഴിക്കോട് സ്പോർട്സ് കൗൺസിലില്‍ നിലവിൽ മുഴുവൻ സമയ സെക്രട്ടറിയാണോ അതോ സെക്രട്ടറി ഇന്‍-ചാർജാണോ പദവി വഹിക്കുന്നതെന്ന് വ്യക്തമാക്കാമോ?

മലബാർ മഹാൻ എന്ന സ്ഥാനപ്പേരിൽ അറിയപ്പെട്ടിരുന്ന ചാമക്കണ്ടി ചാത്തന്റെ പിൻതലമുറയിൽപെട്ട ശ്രീ. ടി.പി. ദിനേശൻ (കോളിയോട്ടു മീത്തൽ) എന്ന വ്യക്തി പൂർവിക സ്വത്തുക്കൾ ഉൾപ്പെടെ ഭൂമിയും വീടും നഷ്ടപ്പെട്ടത് ചൂണ്ടിക്കാട്ടി സഹായം അഭ്യർത്ഥിച്ചുകൊണ്ട് മുഖ്യമന്ത്രിക്ക് നൽകിയ പരാതിയിൽ നാളിതുവരെ സ്വീകരിച്ച നടപടികൾ എന്തൊക്കെ എന്ന് വിശദമാക്കുമോ?

സംസ്ഥാനത്ത് സിവില്‍ സര്‍വീസ് കായിക മേളകളില്‍ കായിക താരങ്ങള്‍ ഉത്തേജക മരുന്നുകള്‍ ഉപയോഗിക്കുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

എങ്കില്‍ ഇത്തരം ക്രമക്കേടുകള്‍ തടയുന്നതിനായി സ്വീകരിച്ച നടപടികള്‍ വിശദമാക്കാമോ;

പോലീസ്, എക്സൈസ്, വനം വകുപ്പുകളുടെ കായിക മേളകളിലും ഇത്തരം ക്രമക്കേടുകള്‍ നടക്കുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

സിവില്‍ സര്‍വീസ് കായിക മേളകളില്‍ ഉത്തേജക മരുന്ന് ഉപയോഗിക്കുന്നവര്‍ക്കെതിരെ വകുപ്പുതല നടപടി സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാന ചീഫ് സെക്രട്ടറിയുടെ ഓഫീസില്‍ 27.12.2022-ന് സെബാസ്റ്റ്യന്‍ എന്ന വ്യക്തി സമര്‍പ്പിച്ച നെല്‍വയല്‍ തണ്ണീര്‍ത്തട സംരക്ഷണ നിയമം, 2008 ന്റെ വകുപ്പ് 28 അനുസരിച്ചുള്ള അപേക്ഷയുടെ നിലവിലെ സ്ഥിതി എന്താണെന്ന് അറിയിക്കാമോ;

നിലവില്‍ പ്രസ്തുത അപേക്ഷ സെക്രട്ടേറിയറ്റില്‍ ഏത് വകുപ്പില്‍, ഏത് സെക്ഷനില്‍ ആണ് കൈകാര്യം ചെയ്യുന്നതെന്ന് അറിയിക്കാമോ; ആയതിന്റെ ഫയല്‍ നമ്പര്‍ ലഭ്യമാക്കാമോ?

2016 മുതല്‍ ആശ്രിത നിയമനത്തിലൂടെ എത്ര പേര്‍ക്ക് സര്‍ക്കാര്‍ സര്‍വ്വീസില്‍ ജോലി നല്‍കിയിട്ടുണ്ടെന്നും എത്ര അപേക്ഷകര്‍ക്ക് ഇനി ജോലി നല്‍കാനുണ്ടെന്നും വ്യക്തമാക്കാമോ;

ആശ്രിത നിയമനം നല്‍കുന്നതിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

ആശ്രിത നിയമനത്തിന്റെ മാനദണ്ഡങ്ങള്‍ പരിഷ്ക്കരിക്കുന്നതിന് സമിതിയെ നിയോഗിച്ചിട്ടുണ്ടോ; പ്രസ്തുത സമിതി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോര്‍ട്ടിന്റെ ഉള്ളടക്കം വിശദമാക്കാമോ?

സംസ്ഥാനത്തെ നിയമസഭാ സാമാജികര്‍ക്കും ജുഡീഷ്യല്‍ ഓഫീസര്‍മാര്‍ക്കും അനുവദിച്ചിരുന്ന ചികിത്സാ ആനുകൂല്യ പദ്ധതിയില്‍ സംസ്ഥാനത്തെ അഖിലേന്ത്യാ സര്‍വ്വീസ് ഉദ്യോഗസ്ഥരെ കൂടി ഉള്‍പ്പെടുത്തി സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ അപ്രകാരം തീരുമാനമെടുക്കാനുണ്ടായ സാഹചര്യം വിശദമാക്കാമോ;

പ്രസ്തുത പദ്ധതിയുടെ പ്രത്യേകതകള്‍ എന്തൊക്കെയാണെന്നും അഖിലേന്ത്യാ സര്‍വ്വീസ് ഉദ്യോഗസ്ഥരുടെ ചികിത്സ ആനുകൂല്യം ഇതിനുമുൻപ് എപ്രകാരമായിരുന്നുവെന്നും അറിയിക്കാമോ;

സംസ്ഥാനത്തെ ജീവനക്കാരുടെ ശമ്പളത്തില്‍ നിന്നും പ്രീമിയം സ്വീകരിച്ചുകൊണ്ട് നടപ്പിലാക്കിയ മെഡിസെപ് പദ്ധതി അഖിലേന്ത്യാ സര്‍വ്വീസ് ഉദ്യോഗസ്ഥര്‍ക്ക് ഓപ്ഷണല്‍ ആക്കുവാനുണ്ടായ സാഹചര്യം വിശദമാക്കാമോ?

ഉദുമ-കാഞ്ഞങ്ങാട് മണ്ഡലങ്ങളെ തമ്മില്‍ ബന്ധിപ്പിക്കുന്ന എത്ര പി.ഡബ്ല്യൂ.ഡി. റോഡുകള്‍ കാസര്‍ഗോഡ് വികസന പാക്കേജില്‍ ഉള്‍പ്പെടുത്തി അഭിവൃദ്ധിപ്പെടുത്തിയിട്ടുണ്ട്; വിശദാംശം അറിയിക്കാമോ;

പ്രസ്തുത റോഡുകളില്‍ ഉദുമ മണ്ഡലത്തിന്റെ ഭാഗമായി വരുന്നവ മാത്രം അഭിവൃദ്ധിപ്പെടുത്തിയിട്ടില്ല എന്ന വിഷയം ശ്രദ്ധയില്‍പ്പെട്ടിട്ടുണ്ടോ; എങ്കിൽ വിശദാംശം അറിയിക്കാമോ;

ഒരു റോഡ് പൂര്‍ണ്ണമായി അഭിവൃദ്ധിപ്പെടുത്താത്തതുമൂലം അതിന്റെ യഥാര്‍ത്ഥ ഗുണം ജനങ്ങള്‍ക്ക് ലഭിക്കാത്ത സാഹചര്യമുണ്ടാകുന്നതിനാല്‍ ബാക്കി ഭാഗം കൂടി കെ.ഡി.പി. പദ്ധതിയിൽ ഉള്‍പ്പെടുത്തി അഭിവൃദ്ധിപ്പെടുന്ന വിഷയം പരിഗണിക്കുമോ; വിശദമാക്കുമോ?

കാസര്‍ഗോഡ് ഡെവലപ്മെന്റ് പാക്കേജില്‍ ഉള്‍പ്പെടുത്തി റോഡുകളും ഇറിഗേഷന്‍ പ്രവൃത്തികളും ഏറ്റെടുക്കേണ്ടതില്ലായെന്ന് എസ്.എൽ.ഇ.സി. തീരുമാനം എടുത്തിട്ടുണ്ടോ; വിശദാംശം നൽകാമോ;

പ്രസ്തുത പാക്കേജ് മുഖേന നടപ്പിലാക്കിയ ഇറിഗേഷന്‍ പ്രവൃത്തികള്‍ മൂലം അമിത ജലചൂഷിത പ്രദേശമായി വിജ്ഞാപനം ചെയ്ത കാസര്‍ഗോഡ് താലൂക്കിലടക്കം, ജില്ലയില്‍ ഭൂജല നിരപ്പില്‍ വന്ന അനുകൂല മാറ്റം ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഇത്തരത്തിലുള്ള പ്രവൃത്തികള്‍ കൂടുതലായി പ്രസ്തുത പാക്കേജില്‍ അനുവദിക്കുന്ന വിഷയം പരിഗണിക്കുമോയെന്ന് അറിയിക്കാമോ?

പതിനാലാം പഞ്ചവത്സര പദ്ധതിയുടെ ഒന്നാം വര്‍ഷ പരിപാടിയില്‍ സംസ്ഥാനത്തെ അതിദാരിദ്ര്യം നിര്‍മ്മാര്‍ജനം ചെയ്യുന്നതിന് പ്രത്യേക ഊന്നല്‍ നല്‍കിയിട്ടുണ്ടോ;

പ്രസ്തുത ലക്ഷ്യത്തിനായി ആസൂത്രണം ചെയ്തിട്ടുള്ള പദ്ധതികള്‍ വിശദമാക്കാമോ;

പ്രസ്തുത പഞ്ചവത്സര പദ്ധതിയില്‍ ലിംഗ പദവി വികസനത്തിന്റെയും സാമൂഹ്യ നീതിയുടെയും മേഖലകളില്‍ പ്രത്യേക ഊന്നല്‍ നല്‍കിയിട്ടുണ്ടോയെന്ന് വിശദമാക്കാമോ?

റീ ബില്‍ഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി മണലൂര്‍ മണ്ഡലത്തിലെ പാവറട്ടി, മുല്ലശ്ശേരി പഞ്ചായത്തുകൾക്ക് കുടിവെള്ള പദ്ധതികള്‍ക്കായി എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത പദ്ധതി പ്രകാരം മണലൂര്‍ മണ്ഡലത്തിലെ ഓരോ പഞ്ചായത്തിലും നല്‍കുന്ന ഗാര്‍ഹിക കണക്ഷനുകൾ സംബന്ധിച്ച വിശദാംശം നൽകാമോ;

പ്രസ്തുത പദ്ധതി പ്രകാരം മണലൂര്‍ മണ്ഡലത്തിലെ ഓരോ പഞ്ചായത്തിലും നടന്ന പ്രവൃത്തികളുടെ വിശദാംശം നല്‍കാമോ;

പ്രസ്തുത പദ്ധതി എപ്പോൾ പൂര്‍ത്തീകരിച്ച് വീടുകളില്‍ കുടിവെള്ളമെത്തിക്കുന്നതിനാണ് ലക്ഷ്യമിട്ടിരിക്കുന്നതെന്ന് അറിയിക്കാമോ?

2016-21 കാലയളവില്‍ റീബില്‍ഡ് കേരളയുടെ ഭാഗമായി നടപ്പിലാക്കിയ പദ്ധതികളുടെ വിശദാംശം നല്‍കാമോ;

പ്രസ്തുത പദ്ധതി പ്രകാരം പട്ടാമ്പി മണ്ഡലത്തിലെ മുതുതല ഗ്രാമ പഞ്ചായത്തില്‍ മുതുതല പി.എച്ച്.സി.യ്ക്ക് കെട്ടിട നിര്‍മ്മാണത്തിന് തുക വകയിരുത്തിയിട്ടുണ്ടോ എന്ന് വ്യക്തമാക്കുമോ;

എങ്കില്‍ പ്രസ്തുത പ്രവൃത്തിയുടെ പുരോഗതി അറിയിക്കാമോ; അതുമായി ബന്ധപ്പെട്ട സര്‍ക്കാര്‍ ഉത്തരവിന്റെ പകര്‍പ്പ് ലഭ്യമാക്കാമോ?

ജില്ലാ വികസന സമിതി യോഗങ്ങളില്‍ എം.എല്‍.എ.യ്ക്ക് പങ്കെടുക്കാന്‍ കഴിയാത്ത സന്ദര്‍ഭങ്ങളില്‍ എം.എല്‍.എ.യുടെ പ്രതിനിധിയെ പങ്കെടുപ്പിക്കുന്നതിന് എന്തെങ്കിലും സാങ്കേതിക തടസ്സം നിലവിലുണ്ടോ; അറിയിക്കുമോ;

എങ്കില്‍ പ്രസ്തുത സാങ്കേതിക തടസ്സം നീക്കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് ബഹിരാകാശ സാങ്കേതികവിദ്യയില്‍ പഠന-ഗവേഷണ വ്യവസായ സൗകര്യങ്ങള്‍ പ്രദാനം ചെയ്യുകയെന്ന ലക്ഷ്യത്തോടെ നടപ്പാക്കുന്ന കെ-സ്പേസ് പദ്ധതിയുടെ വിശദാംശം നല്‍കുമോ;

രാജ്യത്താദ്യമായി രൂപീകരിച്ചിട്ടുള്ള ഈ ഉദ്യമത്തില്‍ ഈ മേഖലയില്‍ പ്രവര്‍ത്തിക്കുന്ന സ്റ്റാര്‍ട്ടപ്പുകള്‍ക്കും ചെറുകിട-ഇടത്തരം സംരംഭങ്ങള്‍ക്കും പ്രയോജനകരമാകുന്ന വിധം പദ്ധതികളുണ്ടോയെന്ന് വിശദമാക്കുമോ;

സ്പേസ് മേഖലയില്‍ പഠന ഗവേഷണ പ്രവര്‍ത്തനങ്ങള്‍ നടത്തുന്ന രാജ്യത്തിനകത്തെയും പുറത്തെയും സ്ഥാപനങ്ങളുമായി സഹകരണത്തിന് ധാരണാപത്രം ഒപ്പു വച്ചിട്ടുണ്ടോയെന്ന് വിശദമാക്കുമോ?

സംസ്ഥാനത്ത് വിവിധ ശാസ്ത്ര വിഷയങ്ങളിൽ കണ്ടുപിടുത്തങ്ങള്‍ നടത്തുന്ന പ്രതിഭകള്‍ക്ക് കൂടുതല്‍ പ്രോത്സാഹനം നല്കുന്നതിനും പുതിയ തലമുറയിലെ ശാസ്ത്ര പ്രതിഭകളെ കണ്ടെത്തി വളര്‍ത്തിയെടുക്കുന്നതിനും ഒരു പ്രത്യേക പദ്ധതി നടപ്പാക്കുമോ; എങ്കില്‍ വിശദാംശം ലഭ്യമാക്കുമോ;

സോളാര്‍ എനര്‍ജിയുടെ പുതിയ സാദ്ധ്യതകള്‍ കണ്ടെത്തുന്നതിനും കൂടുതല്‍ കപ്പാസിറ്റി ഉള്ള ബാറ്ററികള്‍ ഉല്പാദിപ്പിക്കുന്നതിനും ശാസ്ത്ര ഗവേഷണങ്ങള്‍ വിവിധ മേഖലകളില്‍ നടത്തുന്നതിനും ആവശ്യമായ ഫെലോഷിപ്പുകള്‍ ശാസ്ത്ര പ്രതിഭകള്‍ക്ക് നല്‍കി ആകർഷിക്കുന്നതിന് നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

മലിനീകരണ നിയന്ത്രണ ബോർഡിലെ ജൂനിയർ സയന്റിഫിക് അസിസ്റ്റന്റ്, അസിസ്റ്റന്റ് സയന്റിസ്റ്റ് എന്നീ തസ്തികകളിൽ പി.എസ്.സി. മുഖേന നിയമനം നടത്തുന്നതിനായി എത്ര ഒഴിവുകൾ നാളിതുവരെ റിപ്പോർട്ട് ചെയ്തിട്ടുണ്ട്; പ്രസ്തുത തസ്തികകളിലെ മുഴുവൻ ഒഴിവുകളും പി.എസ്.സി.ക്ക് റിപ്പോർട്ട് ചെയ്യുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

കെ.എസ്.സി.എസ്.ടി.ഇ.-യുടെ കിഴിൽ നിലവിൽ എത്ര സ്ഥാപനങ്ങൾ പ്രവർത്തിച്ചുവരുന്നെന്ന് വ്യക്തമാക്കുമോ;

പ്രസ്തുത സ്ഥാപനങ്ങളിൽ ജോലി ചെയ്യുന്ന എത്ര സ്ഥിരം, താൽക്കാലികം, കരാർ ജീവനക്കാർ ഉണ്ടെന്ന് തസ്തിക തിരിച്ച് കണക്കുകൾ വിശദമാക്കാമോ;

2023 ജനുവരി, ഫെബ്രുവരി മാസങ്ങളിൽ പ്രസ്തുത ജീവനക്കാർക്ക് ശമ്പളം നൽകിയ തീയതി വ്യക്തമാക്കാമോ;

അകാരണമായി ശമ്പളം താമസിക്കുന്നത് മൂലം ജീവനക്കാർക്ക് ഉണ്ടാകുന്ന പ്രശ്നങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ സ്വീകരിച്ച നടപടി വിശദമാക്കാമോ;

ഭാവിയിൽ ഇത്തരത്തിൽ ശമ്പള വിതരണ കാലതാമസം ഉണ്ടാകാതിരിക്കുവാൻ ബന്ധപ്പെട്ട ഓഫീസുകൾക്ക് നിർദേശം നൽകുമോയെന്ന് വ്യക്തമാക്കുമോ?

രാജ്യത്ത് ഏറ്റവും മികച്ച പ്രകടനം നടത്തുന്ന സർക്കാർ റിക്രൂട്ടിംഗ് ഏജൻസിയായി കേരള പബ്ലിക് സർവീസ് കമ്മീഷനെ മാറ്റിയെടുക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

ഓരോ വകുപ്പും ഒഴിവുകള്‍ റിപ്പോര്‍ട്ട് ചെയ്യുന്ന മുറയ്ക്ക് പി.എസ്.സി. നിയമന നടപടികള്‍ ആരംഭിക്കുന്ന നിലവിലെ രീതി പലപ്പോഴും കാലതാമസത്തിന് ഇടയാക്കുമെന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ വിശദമാക്കാമോ;

ഓരോ വകുപ്പിലെയും ഒഴിവുകള്‍ പി.എസ്.സി.യ്ക്ക് നേരിട്ട് മനസ്സിലാക്കുവാനും അതിന്‍ പ്രകാരം നിയമന നടപടികള്‍ കാലതാമസം കൂടാതെ ആരംഭിക്കുവാനും കഴിയുന്ന ഒരു സംവിധാനം ഏര്‍പ്പെടുത്താന്‍ ഉദ്ദേശിക്കുന്നുണ്ടോ; എങ്കിൽ വിശദമാക്കാമോ;

സ്പെഷ്യൽ റൂൾസ് രൂപീകരണത്തിനുള്ള നടപടികൾ വേഗത്തിലാക്കുവാനും നിയമനം പി.എസ്.സി. യ്ക്ക് വിട്ടുനൽകിയ എല്ലാ സ്ഥാപനങ്ങളിലെയും നിയമന നടപടികൾ വേഗത്തിലാക്കുവാനും ഉദ്ദേശിക്കുന്നുണ്ടോ; എങ്കിൽ വിശദമാക്കാമോ?

സാമ്പത്തിക സംവരണത്തിന് അര്‍ഹതയുള്ള മുന്നോക്ക സമുദായ വിഭാഗങ്ങളുടെ പട്ടിക വിജ്ഞാപനം ചെയ്തിട്ടുണ്ടോ;

എങ്കില്‍ പ്രസ്തുത പട്ടികയുടെ വിശദാംശം ലഭ്യമാക്കാമോ?

എറണാകുളം, കോട്ടയം ജില്ലകളില്‍ വിവിധ വകുപ്പുകളിലായി കോണ്‍ഫി‍ഡന്‍ഷ്യല്‍ അസിസ്റ്റന്റ് തസ്തികയില്‍ എത്ര ഒഴിവുകള്‍ നിലവിലുണ്ടെന്ന വിവരം വകുപ്പ് തിരിച്ച് ലഭ്യമാക്കാമോ;

പ്രസ്തുത ഒഴിവുകളില്‍ എത്ര എണ്ണം പി.എസ്.സി.-ക്ക് റിപ്പോര്‍ട്ട് ചെയ്തിട്ടുണ്ടെന്ന് അറിയിക്കാമോ?

വിവിധ വകുപ്പുകള്‍ക്ക് കീഴില്‍ വരുന്ന സര്‍വ്വകലാശാലകളില്‍ കമ്പ്യൂട്ടര്‍ അസിസ്റ്റന്റ് ഗ്രേ‍ഡ് II വിഭാഗത്തില്‍ ആകെ എത്ര പി.എസ്.സി. അംഗീകൃത തസ്തികകളാണ് നിലവിലുള്ളത്; സര്‍വ്വകലാശാല തിരിച്ചുള്ള പട്ടിക ലഭ്യമാക്കാമോ;

01.02.2023 തീയതി അടിസ്ഥാനത്തില്‍ വിവിധ സര്‍വ്വകലാശാലകളില്‍ കമ്പ്യൂട്ടര്‍ അസിസ്റ്റന്റ് ഗ്രേഡ് II തസ്തികയില്‍ എത്ര ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടെന്ന് അറിയിക്കാമോ?

നിയമനങ്ങൾ പി.എസ്.സി. യ്ക്ക് വിട്ടുനൽകിയ യൂണിവേഴ്സിറ്റി, പൊതുമേഖല, സാംസ്കാരിക, സഹകരണ സ്ഥാപനങ്ങൾ ഏതൊക്കെയാണെന്ന് വ്യക്തമാക്കുമോ;

പ്രസ്തുത സ്ഥാപനങ്ങളിലെ നിയമനങ്ങൾ ഓരോന്നും പി.എസ്.സി. യ്ക്ക് വിട്ടുനൽകാൻ തീരുമാനിച്ചത് എന്നാണെന്ന് വ്യക്തമാക്കാമോ;

ഇതിൽ ഏതൊക്കെ സ്ഥാപനങ്ങളിലെ നിയമനങ്ങൾക്കായി സ്പെഷ്യൽ റൂൾസ് തയ്യാറാക്കിയിട്ടുണ്ടെന്ന് വ്യക്തമാക്കുമോ;

മറ്റ് സ്ഥാപനങ്ങളിലെ നിയമനങ്ങൾക്ക് സ്പെഷ്യൽ റൂൾസ് എന്നത്തേക്ക് തയ്യാറാക്കുവാൻ കഴിയുമെന്ന് വ്യക്തമാക്കുമോ?

ജില്ലയിലെ ഏതൊക്കെ സര്‍ക്കാര്‍ വകുപ്പുകളിലാണ് കോണ്‍ഫിഡന്‍ഷ്യല്‍ അസ്സിസ്റ്റന്റ് ഗ്രേഡ്-II തസ്തിക ഉള്ളത് എന്ന് വ്യക്തമാക്കാമോ; ആയതിന്റെ വകുപ്പ് തിരിച്ചുള്ള എണ്ണം നല്‍കാമോ;

കേരള പി.എസ്.സി. കാറ്റഗറി നമ്പര്‍ 277/2018 പ്രകാരമുള്ള കോണ്‍ഫിഡന്‍ഷ്യല്‍ അസ്സിസ്റ്റന്റ് ഗ്രേഡ്-II (വിവിധം) തിരുവനന്തപുരം ജില്ലയിലെ റാങ്ക് ലിസ്റ്റില്‍ നിന്നും ഏതൊക്കെ സര്‍ക്കാര്‍ വകുപ്പുകളിലാണ് നിയമനം നടത്തുന്നതെന്ന് അറിയിക്കാമോ;

തിരുവനന്തപുരം ജില്ലയില്‍ വിവിധ സര്‍ക്കാര്‍ വകുപ്പുകളിലായി കോണ്‍ഫിഡന്‍ഷ്യല്‍ അസ്സിസ്റ്റന്റ് ഗ്രേഡ്-II വിഭാഗത്തില്‍ എത്ര ഒഴിവുകളാണ് നിലവിലുള്ളത്; ആയതിന്റെ വകുപ്പ് തിരിച്ചുള്ള വിവരം ലഭ്യമാക്കാമോ;

സെക്രട്ടേറിയറ്റിലെ വിവിധ വകുപ്പുകളില്‍ കോണ്‍ഫിഡന്‍ഷ്യല്‍ അസ്സിസ്റ്റന്റ് ഗ്രേഡ്-II തസ്തികയില്‍ എത്ര ഒഴുവുകള്‍ ആണ് ഉള്ളത് എന്ന് വ്യക്തമാക്കാമോ; പ്രസ്തുത ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ; വിശദമാക്കാമോ?

സംസ്ഥാനത്ത് പി.എസ്.സി.യുടെ എത്ര ഓണ്‍ലൈന്‍ പരീക്ഷാ കേന്ദ്രങ്ങള്‍ പ്രവര്‍ത്തിക്കുന്നുണ്ട്;

കണ്ണൂര്‍ ജില്ലയില്‍ പി.എസ്.സി.യുടെ ഓണ്‍ലൈന്‍ പരീക്ഷാ കേന്ദ്രം ആരംഭിക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് പി.എസ്.സി. വഴി നിയമനം നടത്തുന്ന എല്ലാ തസ്തികകളിലേയ്ക്കും വരും വര്‍ഷങ്ങളില്‍ വരാന്‍ സാധ്യതയുള്ള ഓരോ ഒഴിവുകളും മുന്‍കൂട്ടി റിപ്പോര്‍ട്ട് ചെയ്യണമെന്ന സര്‍ക്കാര്‍ നിര്‍ദ്ദേശം നടപ്പാക്കുന്നുണ്ടെന്ന് ഉറപ്പുവരുത്തുന്നതിന് സ്വീകരിച്ച് വരുന്ന നടപടികള്‍ അറിയിക്കാമോ;

ഖാദര്‍ കമ്മിറ്റി റിപ്പോര്‍ട്ട് പ്രകാരം ടൈപ്പിസ്റ്റ് തസ്തികകള്‍ ക്ലാര്‍ക്ക് ടൈപ്പിസ്റ്റ് തസ്തികകളായി പുനര്‍നാമകരണം ചെയ്യുന്നതിന് ശിപാര്‍ശ ചെയ്തിട്ടുണ്ടോ; എങ്കില്‍ അതിന്റെ നടപടിക്രമങ്ങള്‍ വ്യക്തമാക്കാമോ;

കോട്ടയം ജില്ലയില്‍ ഇത്തരത്തില്‍ എത്ര ഒഴിവുകള്‍ ഉണ്ടാകാനിടയുണ്ടെന്ന് അറിയിക്കാമോ; ജില്ലയില്‍ ക്ലാര്‍ക്ക് ടൈപ്പിസ്റ്റ് തസ്തികയിലേയ്ക്ക് പോസ്റ്റ് ക്രിയേഷന്‍ ഏതെങ്കിലും ഡിപ്പാര്‍ട്ട്മെന്റില്‍ അനുവദിച്ചിട്ടുണ്ടോ; എങ്കില്‍ അവ ഏതെല്ലാം വകുപ്പുകളിലാണെന്ന് അറിയിക്കാമോ; അവയുടെ നടപടിക്രമങ്ങള്‍ പൂര്‍ത്തിയായിട്ടുണ്ടോ;

കോട്ടയം ജില്ലാ പി.എസ്.സി. റാങ്ക് ലിസ്റ്റില്‍ നിന്ന് ക്ലാര്‍ക്ക് ടൈപ്പിസ്റ്റ് ഒഴിവുകള്‍ നികത്തുന്നതിന് അടിയന്തര നിര്‍ദ്ദേശം നല്‍കുമോ?

കഴിഞ്ഞ യു.ഡി.എഫ്. സര്‍ക്കാരിന്റെ കാലത്ത് പി.എസ്.സി. മുഖേന സംസ്ഥാനത്ത് ആകെ എത്ര പേര്‍ക്ക് അഡ്വൈസ് മെമ്മോ നല്‍കിയെന്ന് അറിയിക്കാമോ;

മുന്‍ സര്‍ക്കാരിന്റെ കാലം മുതല്‍ നാളിതുവരെ സംസ്ഥാനത്ത് ആകെ എത്ര പേര്‍ക്ക് പി.എസ്.സി. മുഖേന അഡ്വൈസ് മെമ്മോ നല്‍കി എന്ന് വ്യക്തമാക്കാമോ?

മെ‍ഡിക്കല്‍ എ‍ഡ്യൂക്കേഷന്‍ വകുപ്പില്‍ നിലവില്‍ എത്ര ഡെന്റല്‍ ഹൈജീനിസ്റ്റ് തസ്തികകളിലെ ഒഴിവുകളാണ് പി.എസ്.സി.യില്‍ റിപ്പോര്‍ട്ട് ചെയ്തിട്ടുള്ളതെന്ന് അറിയിക്കാമോ;

പ്രസ്തുത തസ്തികയിലെ നിയമനം നടത്താന്‍ പി.എസ്.സി. വിജ്ഞാപനം പുറപ്പെടുവിച്ചിട്ടുണ്ടോ; എങ്കില്‍ വിജ്ഞാപനത്തിന്റെ പകര്‍പ്പ് ലഭ്യമാക്കാമോ;

പ്രസ്തുത വിജ്ഞാപന പ്രകാരം നാളിതുവരെ പരീക്ഷ നടത്താന്‍ കഴിയാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പരീക്ഷ നടത്തി റാങ്ക് ലിസ്റ്റ് തയ്യാറാക്കാന്‍ അടിയന്തര നടപടി സ്വീകരിക്കുമോ; വിശദമാക്കുമോ?

കാറ്റഗറി നമ്പർ 116/2017 എൽ.ഡി.സി (തമിഴ്, മലയാളം അറിയാവുന്നവർ) തസ്തികയുടെ 03.12.2021-ൽ പ്രസിദ്ധീകരിച്ച സാധ്യത പട്ടിക റിവൈസ് ചെയ്യുകയും 25.02.2022-ൽ പ്രസിദ്ധീകരിച്ച റാങ്ക് ലിസ്റ്റിൽ നിന്നും നിയമനം ലഭിച്ചവരെ പുറത്താക്കി പുതിയ സാധ്യത പട്ടിക പ്രസിദ്ധീകരിക്കുകയും ചെയ്യുവാനുണ്ടായ സാഹചര്യം വ്യക്തമാക്കാമോ;

കാറ്റഗറി നമ്പർ 459/2016 എൽ.ഡി.സി (കന്നട, മലയാളം അറിയാവുന്നവർ) തസ്തികയുടെ 21.12.2021 ൽ പ്രസിദ്ധീകരിച്ച സാധ്യത പട്ടിക സമാനരീതിയിൽ റിവൈസ് ചെയ്യാൻ തീരുമാനിച്ചിട്ടുണ്ടോ; പ്രസ്തുത തസ്തികയുടെ റാങ്ക് ലിസ്റ്റ് നാളിതുവരെ പ്രസിദ്ധീകരിക്കാത്തതിനുള്ള കാരണമെന്താണെന്ന് വ്യക്തമാക്കാമോ;

കാറ്റഗറി നമ്പർ 274/2018 കന്നട ട്രാൻസ്ലേറ്റർ തസ്തികയുടെ സാധ്യത പട്ടിക 25.02.2022 ൽ പ്രസിദ്ധീകരിച്ചിട്ടും നാളിതുവരെ പ്രസ്തുത തസ്തികയുടെ റാങ്ക് ലിസ്റ്റ് പ്രസിദ്ധീകരിക്കാത്തത് എന്തുകൊണ്ടാണെന്ന് വിശദമാക്കാമോ?

സിവില്‍ പോലീസ് ഓഫീസര്‍ തസ്തികയുടെ പി.എസ്.സി. റാങ്ക് ലിസ്റ്റ് നിലവില്‍ ഉണ്ടോ; ഇല്ലെങ്കില്‍ പുതിയ റാങ്ക് ലിസ്റ്റ് പ്രസിദ്ധീകരിക്കുന്നതിനുള്ള നടപടികള്‍ ഏതുവരെയായി എന്നും റാങ്ക് ലിസ്റ്റ് എപ്പോള്‍ പ്രസിദ്ധീകരിക്കാന്‍ കഴിയുമെന്നാണ് പ്രതീക്ഷിക്കുന്നതെന്നും വ്യക്തമാക്കാമോ;

കെ.എ.പി. നാലാം ബറ്റാലിയനില്‍ നിലവില്‍ എത്ര ഒഴിവുകളാണ് പി.എസ്.സി.-ക്ക് റിപ്പോര്‍ട്ട് ചെയ്തിട്ടുള്ളതെന്ന് അറിയിക്കാമോ;

2023 വര്‍ഷം കെ.എ.പി. നാലാം ബറ്റാലിയനില്‍ സിവില്‍ പോലീസ് ഓഫീസര്‍ തസ്തികയില്‍ പ്രതീക്ഷിത ഒഴിവുകള്‍ എത്രയാണെന്ന് കണക്കാക്കിയിട്ടുണ്ടോ; എങ്കിൽ വ്യക്തമാക്കാമോ?

കേരള വാട്ടർ അതോറിറ്റിയിൽ മീറ്റർ റീഡർ തസ്തികയിൽ നിയമനം നടത്തുന്നതിന് പി.എസ്.സി. റാങ്ക് ലിസ്റ്റ് നിലവിലുണ്ടോ; എങ്കിൽ പ്രസ്തുത ലിസ്റ്റ് എന്ന് നിലവിൽ വന്നുവെന്നും അതിൽ നിന്നും എത്ര പേർക്ക് നിയമന ശിപാർശ നൽകിയെന്നും വ്യക്തമാക്കാമോ;

പ്രസ്തുത റാങ്ക് ലിസ്റ്റിന്റെ കാലാവധി എന്ന് അവസാനിക്കുമെന്നും ഇനിയും എത്ര പേർക്ക് ലിസ്റ്റിൽ നിന്നും നിയമന ശിപാർശ നല്കാൻ കഴിയുമെന്നും വ്യക്തമാക്കാമോ;

പ്രസ്തുത തസ്തികയിൽ നിയമനം നൽകുന്നതിനായി എത്ര ഒഴിവുകളാണ് റിപ്പോർട്ട് ചെയ്തിട്ടുള്ളതെന്ന് വ്യക്തമാക്കാമോ?

സംസ്ഥാനത്ത് സാമ്പത്തിക പ്രതിസന്ധി കാരണം വിവിധ വകുപ്പുകളിലെ സര്‍ക്കാര്‍ ജീവനക്കാരുടെ വിവിധ തസ്തികകളിലേയ്ക്കുള്ള സ്ഥാനക്കയറ്റത്തിന് നിയന്ത്രണം ഏര്‍പ്പെടുത്തിയിട്ടുണ്ടോയെന്ന് വ്യക്തമാക്കുമോ; എങ്കില്‍ ഇതിനായി പുറപ്പെടുവിച്ചിട്ടുള്ള സര്‍ക്കുലറിന്റെ പകര്‍പ്പ് ലഭ്യമാക്കുമോ;

നിലവില്‍ സ്ഥാനക്കയറ്റത്തിന് നിയന്ത്രണം ഏര്‍പ്പെടുത്തിയിട്ടുണ്ടെങ്കില്‍ ഏതെല്ലാം വകുപ്പുകളില്‍ ഏതെല്ലാം തസ്തികകളിലേയ്ക്കുള്ള സ്ഥാനക്കയറ്റത്തിനാണ് നിയന്ത്രണം ഏര്‍പ്പെടുത്തിയിട്ടുള്ളതെന്ന് വ്യക്തമാക്കുമോ;

2022-ല്‍ ഏതെല്ലാം വകുപ്പുകളിലാണ് എല്‍.ഡി. ടൈപ്പിസ്റ്റ് തസ്തികയില്‍ നിന്ന് യു.ഡി.ടൈപ്പിസ്റ്റ് തസ്തികയിലേയ്ക്കും എല്‍.ഡി.ക്ലാര്‍ക്ക് തസ്തികകളില്‍ നിന്ന് യു.ഡി.ക്ലാര്‍ക്ക് തസ്തികയിലേയ്ക്കും പ്രൊമോഷന്‍ നടപടികള്‍ നടന്നതെന്ന് വ്യക്തമാക്കുമോ; പ്രസ്തുത തസ്തികകളിലേയ്ക്ക് 2022-ല്‍ പ്രൊമോഷന്‍ നടപടികള്‍ പൂര്‍ത്തിയാക്കിയ വകുപ്പുകളുടെ വിശദാംശം ലഭ്യമാക്കുമോ;

വിവിധ വകുപ്പുകളിലെ ജീവനക്കാരുടെ വിവിധ തസ്തികകളിലേയ്ക്കുള്ള അര്‍ഹമായ പ്രൊമോഷന്‍ സമയബന്ധിതമായി നടപ്പിലാക്കുന്നുണ്ടെന്ന് ഉറപ്പാക്കുന്നതിന് നിലവില്‍ സര്‍ക്കാര്‍ കേന്ദ്രീകൃതമായ സംവിധാനങ്ങളെന്തെങ്കിലും നിലവിലുണ്ടോയെന്ന് വ്യക്തമാക്കുമോ;

വിവിധ തസ്തികകളിലേയ്ക്കുള്ള ജീവനക്കാരുടെ അര്‍ഹമായ വകുപ്പുതല സ്ഥാനക്കയറ്റത്തിന് കാലതാമസം ഉണ്ടാകുന്നത് പരിശോധിക്കുന്നതിനും ഇവ പരിഹരിക്കുന്നതിനും സര്‍ക്കാര്‍ തലത്തില്‍ ഒരു നിരീക്ഷണ സംവിധാനം ഏര്‍പ്പെടുത്തുന്നതിന് നടപടി സ്വീകരിക്കുമോ;

2022-ല്‍ മതിയായ കാരണങ്ങളില്ലാതെ വിവിധ തസ്തികകളിലേയ്ക്കുള്ള അര്‍ഹമായ സ്ഥാനക്കയറ്റ നടപടികള്‍ പൂര്‍ത്തിയാക്കാതിരുന്ന വകുപ്പുകള്‍ ഏതെല്ലാമെന്ന് കണ്ടെത്തുന്നതിന് നടപടി സ്വീകരിക്കുമോ; ഇത് പരിശോധിച്ച് സ്ഥാനക്കയറ്റ നടപടികള്‍ പൂര്‍ത്തിയാക്കുന്നതിന് അതാത് വകുപ്പുകള്‍ക്ക് നിര്‍ദ്ദേശം നല്‍കുമോ?

സംസ്ഥാനത്ത് ആശ്രിത നിയമനത്തിന് അപേക്ഷ നൽകി കാത്തിരിക്കുന്നവരുടെ എണ്ണം വകുപ്പ്, തസ്തിക എന്നിവ തിരിച്ച് വിശദമാക്കാമോ?

ആശ്രിത നിയമനവുമായി ബന്ധപ്പെട്ട് പുറപ്പെടുവിച്ചിട്ടുള്ള ഉത്തരവുകളുടെ പകര്‍പ്പ് ലഭ്യമാക്കാമോ;

പ്രസ്തുത നിയമനങ്ങള്‍ക്കായി 2016 മുതല്‍ നാളിതുവരെ ലഭിച്ച അപേക്ഷകളുടെ വിവരം വകുപ്പ് തിരിച്ച് ലഭ്യമാക്കാമോ;

ആശ്രിത നിയമനങ്ങളുടെ അപേക്ഷകള്‍ ജില്ലാതലത്തില്‍ തീര്‍പ്പ് കല്‍പിക്കുന്നതിന് നടപടി സ്വീകരിച്ചിട്ടുണ്ടോ; അറിയിക്കുമോ;

അതത് ജില്ലകളിലേക്ക് ആശ്രിത നിയമനത്തിനായി വരുന്ന അപേക്ഷകളിന്മേല്‍ സംസ്ഥാനതലത്തിലെ സീനിയോറിറ്റി കണക്കാക്കുന്നത് ഒഴിവാക്കാന്‍ നടപടി സ്വീകരിക്കുമോ; വിശദമാക്കാമോ?

ആശ്രിത നിയമനം ലഭിക്കുന്നതിനായി ശ്രീ. മിഥുന്‍ ആര്‍. (കങ്ങപ്പിള്ളി ഹൗസ്, വി.എച്ച്.പി. കോളനി, ആലുവ) നല്‍കിയ അപേക്ഷയില്‍ നാളിതുവരെ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത ആശ്രിത നിയമന അപേക്ഷ പ്രകാരം ശ്രീ. മിഥുന്‍ ആര്‍. ന് നിയമനം ലഭിക്കുന്നതിനായി ആരോഗ്യവകുപ്പ് കൂടാതെ മറ്റ് വകുപ്പുകളിലേയ്ക്കും പരിഗണിക്കണമെന്ന് ആവശ്യപ്പെട്ട് നല്‍കിയ നിവേദനത്തിന്മേൽ തീര്‍പ്പുണ്ടായിട്ടുണ്ടോയെന്ന് വ്യക്തമാക്കാമോ;

ആശ്രിത നിയമനത്തിനുള്ള അപേക്ഷകരുടെ സീനിയോറിറ്റി ലിസ്റ്റിൽ ശ്രീ. മിഥുന്‍ ആര്‍. എത്രാമത്തെ അപേക്ഷകനാണെന്ന് അറിയിക്കുമോ; വ്യക്തമാക്കുമോ;

ആറ് വര്‍ഷങ്ങള്‍ക്ക് ശേഷവും ആശ്രിത നിയമനത്തിനായുള്ള അപേക്ഷയില്‍ തീര്‍പ്പുണ്ടായിട്ടില്ല എന്നത് പരിഗണിച്ച് പ്രസ്തുത വിഷയത്തില്‍ സാധ്യമായ എല്ലാ നടപടികളും അടിയന്തരമായി സ്വീകരിക്കുമോ; വിശദമാക്കുമോ?

സെക്രട്ടേറിയറ്റില്‍ നടപ്പിലാക്കിവരുന്ന പഞ്ചിംഗ് സമ്പ്രദായത്തില്‍ ജീവനക്കാര്‍ക്ക് ഒരു മാസം അനുവദിച്ചിട്ടുള്ള ഗ്രേസ് ടൈം 300 മിനിറ്റിൽ നിന്നും വര്‍ദ്ധിപ്പിക്കുന്ന വിഷയം പരിഗണനയിലുണ്ടോ; വ്യക്തമാക്കാമോ;

ഭിന്നശേഷിക്കാരായ ജീവനക്കാര്‍ക്ക് ഗ്രേസ് ടൈം വര്‍ദ്ധിപ്പിച്ച് നല്‍കുവാൻ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് വിവിധ വകുപ്പുകളിൽ നിയമിതരായിട്ടുള്ള സീനിയർ അഡ്മിനിസ്ട്രേറ്റീവ് ഓഫീസർമാരുടെയും അഡ്മിനിസ്‌ട്രേറ്റീവ് ഓഫീസർമാരുടെയും അഡ്മിനിസ്ട്രേറ്റീവ് അസിസ്റ്റന്റ്മാരുടെയും ഭരണപരവും ധനപരവുമായ അധികാരങ്ങളും ചുമതലകളും കർത്തവ്യങ്ങളും വിശദമാക്കി എന്തെങ്കിലും സർക്കാർ ഉത്തരവുകളോ സർക്കുലറുകളോ പുറപ്പെടുവിച്ചിട്ടുണ്ടോ എന്ന് വ്യക്തമാക്കാമോ; എങ്കില്‍ ആയതിന്റെ പകർപ്പ് ലഭ്യമാക്കാമോ;

പ്രസ്തുത ഉദ്യോഗസ്ഥരുടെ ഭരണപരവും ധനപരവുമായ അധികാരങ്ങളും ചുമതലകളും കർത്തവ്യങ്ങളും എന്തൊക്കെയാണെന്ന് അറിയിക്കാമോ?

സംസ്ഥാനത്ത് ബി.പി.എല്‍. കുടുംബങ്ങള്‍ക്ക് സൗജന്യമായി ഇന്റര്‍നെറ്റ് കണക്ഷന്‍ നല്‍കുന്ന പദ്ധതിയില്‍ ഇതുവരെ എത്ര കണക്ഷനുകള്‍ നല്‍കാനായിട്ടുണ്ട് എന്ന് വ്യക്തമാക്കുമോ;

പ്രസ്തുത പദ്ധതിയുടെ ഗുണഭോക്താക്കളെ കണ്ടെത്തുന്നതിനുളള മാനദണ്ഡങ്ങള്‍ എന്താണെന്ന വിവരം ലഭ്യമാക്കുമോ;

തിരൂര്‍ മണ്ഡലത്തില്‍ പ്രസ്തുത സൗജന്യ ഇന്റര്‍നെറ്റ് കണക്ഷന്‍ നല്‍കേണ്ട ഗുണഭോക്താക്കളുടെ ലിസ്റ്റ് തയ്യാറാക്കിയിട്ടുണ്ടോ; എത്ര പേര്‍ക്ക് ഇതുവരെ കണക്ഷന്‍ നല്‍കാനായി എന്നതിന്റെ വിശദവിവരം ലഭ്യമാക്കാമോ;

കെ-ഫോണ്‍ പദ്ധതിയുടെ ഭാഗമായി തിരൂര്‍ നിയോജകമണ്ഡലത്തില്‍ ഇതുവരെ എത്ര സര്‍ക്കാര്‍ സ്ഥാപനങ്ങളില്‍ പ്രസ്തുത സേവനം ലഭ്യമാക്കാനായിട്ടുണ്ടെന്നും പ്രസ്തുത പദ്ധതി എപ്പോള്‍ പൂര്‍ത്തിയാക്കാനാകുമെന്നും വ്യക്തമാക്കുമോ?

മലപ്പുറം ജില്ലയിൽ കെ-ഫോൺ പദ്ധതിയുടെ ഭാഗമായി എത്ര സർക്കാർ ഓഫീസുകളിൽ സൗജന്യ ഇന്റർനെറ്റ്‌ കണക്‌ഷൻ നൽകിയിട്ടുണ്ട്; വിശദീകരിക്കാമോ ;

പദ്ധതി പ്രകാരം എത്ര ബി.പി.എൽ. കുടംബംങ്ങൾക്കാണ് സൗജന്യ ഇന്റർനെറ്റ്‌ കണക്‌ഷൻ നൽകുന്നത്; 2022 ഡിസംബറിൽ പൂർത്തീകരിക്കുമെന്ന് അറിയിച്ചിരുന്ന പദ്ധതിയുടെ നിലവിലെ പുരോഗതി വിശദീകരിക്കാമോ;

കെ-ഫോൺ സൗജന്യ ഇന്റർനെറ്റ്‌ പദ്ധതിയിൽ മലപ്പുറം നിയോജക മണ്ഡലത്തിൽ ഉൾപ്പെട്ട സ്ഥാപനങ്ങൾ ഏതെല്ലാം; മണ്ഡലത്തിൽ എത്ര വീടുകൾക്കാണ് കണക്ഷൻ നൽകുന്നത്; വ്യക്തമാക്കാമോ;

കെ-ഫോൺ പദ്ധതി മലപ്പുറം ജില്ലയിൽ എന്നത്തേക്ക് പൂർത്തീകരിക്കുവാൻ സാധിക്കുമെന്ന് അറിയിക്കാമോ?

തൊഴിലന്വേഷകരായ നൈപുണ്യ പരിശീലനം ലഭിച്ച അഭ്യസ്തവിദ്യരുടെ വിവരങ്ങള്‍ ഡിജിറ്റല്‍ പ്ലാറ്റ്ഫോമില്‍ ലഭ്യമാക്കാന്‍ പദ്ധതി ആവിഷ്കരിച്ചിട്ടുണ്ടോ;

പ്രസ്തുത പദ്ധതിയിലൂടെ ആഗോള കമ്പനികളിലെ തൊഴിലവസരങ്ങള്‍ ലഭ്യമാക്കാന്‍ നടപടി സ്വീകരിച്ചിട്ടുണ്ടോ;

എത്ര തൊഴിലവസരങ്ങളാണ് ഇതിനോടകം ഇപ്രകാരം ലഭ്യമാക്കിയിട്ടുള്ളതെന്ന് വ്യക്തമാക്കാമോ?

സംസ്ഥാനത്തെ എത്ര സര്‍ക്കാര്‍ സ്ഥാപനങ്ങള്‍ക്ക് ഇതിനോടകം കെ-ഫോണ്‍ പദ്ധതിയിലൂടെ കണക്ഷന്‍ നല്‍കിയിട്ടുണ്ടെന്ന് വ്യക്തമാക്കാമോ;

പട്ടാമ്പി നിയോജകമണ്ഡലത്തില്‍ ഇത്തരത്തില്‍ കെ-ഫോണ്‍ കണക്ഷന്‍ നല്‍കിയിട്ടുണ്ടോ; എങ്കില്‍ എത്രയെന്ന് വ്യക്തമാക്കാമോ;

സ്വകാര്യ പ്രാദേശിക കേബിള്‍ നെറ്റ്‌വര്‍ക്ക് സംവിധാനത്തിലൂടെയാണോ സംസ്ഥാനത്തെ വീടുകളിൽ കെ-ഫോണ്‍ കണക്ഷന്‍ എത്തിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

വള്ളിക്കുന്ന് മണ്ഡലത്തില്‍ വില്ലേജ് നോളജ് സെന്റര്‍ ആരംഭിക്കുന്ന കാര്യം പരിശോധിക്കുമോ; ഇതിനായി നല്‍കിയ അപേക്ഷയില്‍ സ്വീകരിച്ച നടപടി വ്യക്തമാക്കുമോ;

പ്രസ്തുത മണ്ഡലത്തിലെ ഗ്രാമപഞ്ചായത്തുകളില്‍ നിന്നും ഇത് സംബന്ധിച്ച് ലഭിച്ച റിപ്പോര്‍ട്ടുകളിന്മേൽ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കാമോ;

സമാന രീതിയില്‍ മറ്റ് ജില്ലകളിലോ മണ്ഡലങ്ങളിലോ പ്രസ്തുത പദ്ധതി നടപ്പാക്കിയിട്ടുണ്ടേങ്കില്‍ ആയതിന്റെ വിശദാംശം ലഭ്യമാക്കാമോ;

വള്ളിക്കുന്ന് മണ്ഡലത്തിൽ പ്രസ്തുത പദ്ധതി നടപ്പാക്കുവാന്‍ നടപടി സ്വീകരിക്കുമോ; വിശദമാക്കുമോ?

ഡിജിറ്റൽ വര്‍ക്ക് ഫോഴ്സ് മാനേജ്മെന്റ് സിസ്റ്റം (ഡി.ഡബ്ലു.എം.എസ്) വഴി തൊഴില്‍ ലഭിക്കുന്നതിനുള്ള നടപടിക്രമങ്ങള്‍ വിശദമാക്കാമോ;

പ്രസ്തുത പദ്ധതിയില്‍ വൈജ്ഞാനിക തൊഴിലുകള്‍ ലഭിക്കുന്നതിന് പ്രത്യേക ട്രെയിനിങ്ങുകള്‍ നിലവിലുണ്ടോ; വിശദമാക്കാമോ?

2022 -23 സാമ്പത്തിക വർഷത്തെ ബഡ്ജറ്റിൽ പ്രഖ്യാപിച്ച സംസ്ഥാനത്തെ ഓരോ നിയോജകമണ്ഡലത്തിലും കേരള ഡെവലപ്‌മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ ( കെ-ഡിസ്കു്) മായി സഹകരിച്ച് ഒരു വിദ്യാഭ്യാസ സ്ഥാപനത്തിൽ ഒരു സ്‌കിൽ കോഴ്സ് ആരംഭിക്കുന്ന പദ്ധതിയുടെ നിലവിലെ സ്ഥിതി സംബന്ധിച്ച വിശദാംശം ലഭ്യമാക്കുമോ;

പ്രസ്തുത പദ്ധതിക്കായി ഓരോ നിയോജകമണ്ഡലത്തിൽ നിന്നും വിദ്യാഭ്യാസ സ്ഥാപനത്തെ തെരഞ്ഞെടുക്കുന്നതിനുള്ള നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ?

സംസ്ഥാനത്ത് ഐ.ടി. ഇടനാഴികള്‍ സ്ഥാപിക്കുന്നതുമായി ബന്ധപ്പെട്ട് സര്‍ക്കാര്‍ നാളിതുവരെ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കാമോ?

കെ-ഫോണ്‍ പദ്ധതി പ്രകാരം ഇടുക്കി ജില്ലയില്‍ എത്ര കണക്ഷനുകള്‍ നല്‍കിയിട്ടുണ്ട്; മണ്ഡലം തിരിച്ച് വ്യക്തമാക്കാമോ;

ദേവികുളം നിയോജകമണ്ഡലത്തില്‍ കണക്ഷന്‍ നല്‍കുന്നതിന് തെരഞ്ഞെടുത്തിട്ടുള്ളവരുടെ വിശദാംശം പഞ്ചായത്ത് തിരിച്ച് അറിയിക്കാമോ;

ദേവികുളം നിയോജകമണ്ഡലത്തില്‍ കെ-ഫോണ്‍ പദ്ധതി പ്രകാരം കണക്ഷന്‍ ലഭിക്കാത്ത സര്‍ക്കാര്‍ സ്ഥാപനങ്ങള്‍ ഏതൊക്കെയാണെന്ന് അറിയിക്കാമോ; പഞ്ചായത്ത് തിരിച്ച് വ്യക്തമാക്കുമോ?

ദേവികുളം മണ്ഡലത്തിലെ കെ-ഫോണ്‍ പദ്ധതിയുടെ പുരോഗതി വിശദമാക്കാമോ;

പ്രസ്തുത മണ്ഡലത്തില്‍ എത്ര സര്‍ക്കാര്‍ ഓഫീസുകളില്‍ കെ-ഫോണ്‍ പദ്ധതി നടപ്പിലാക്കിയിട്ടുള്ളതെന്ന് പഞ്ചായത്ത് തിരിച്ച് വിശദമാക്കാമോ;

പ്രസ്തുത മണ്ഡലത്തില്‍ എത്ര ബി.പി.എല്‍. കുടുംബങ്ങള്‍ക്ക് കെ-ഫോണ്‍ പദ്ധതി ആനുകൂല്യം ആദ്യ ഘട്ടത്തില്‍ ലഭിക്കുമെന്ന് പഞ്ചായത്ത് തിരിച്ച് വിശദമാക്കാമോ; കണക്ഷന്‍ ലഭിക്കുന്നവരുടെ വിശദാംശം നൽകാമോ?

സംസ്ഥാനത്ത് നിലവിൽ എത്ര അക്ഷയ കേന്ദ്രങ്ങളുടെ കുറവുെണ്ട് എന്നത് പരിശോധനക്ക് വിധേയമാക്കിയിട്ടുണ്ടോ;

മലപ്പുറം ജില്ലയിൽ പുതിയ അക്ഷയ കേന്ദ്രങ്ങൾ ഉടനെ ആരംഭിക്കുന്നതിനുള്ള നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് എല്ലാ സേവനങ്ങളും ഓണ്‍ലൈന്‍ ആക്കിക്കൊണ്ടിരിക്കുന്ന സാഹചര്യത്തില്‍ അക്ഷയ കേന്ദ്രങ്ങളിലെ ഗുണഭോക്താക്കളുടെ തിരക്ക് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഇത് പരിഹരിക്കുന്നതിന് എന്തെല്ലാം പദ്ധതികളാണ് ആവിഷ്കരിക്കാന്‍ ഉദ്ദേശിക്കുന്നത് എന്ന് വിശദമാക്കാമോ;

അക്ഷയ കേന്ദ്രങ്ങള്‍ വഴി നല്‍കുന്ന സേവനങ്ങള്‍ കേന്ദ്രസര്‍ക്കാര്‍ അംഗീകാരത്തോടു കൂടി പ്രവര്‍ത്തിക്കുന്ന കോമണ്‍ സര്‍വ്വീസ് സെന്ററുകള്‍ മുഖേന ചെയ്യുന്നതിനുള്ള അനുമതി നല്‍കുന്ന കാര്യം പരിഗണിക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കോട്ടയം ജില്ലയില്‍ എത്ര അക്ഷയ കേന്ദ്രങ്ങള്‍ അനുവദിച്ചുവെന്നും അവ ഏതെല്ലാമാണെന്നും വ്യക്തമാക്കുമോ;

ജില്ലയില്‍ മറ്റ് ഏതെല്ലാം സ്ഥലങ്ങളില്‍ അക്ഷയ കേന്ദ്രം ആരംഭിക്കുന്നതിന് നടപടി ആരംഭിച്ചിട്ടുണ്ടെന്നും ഇതിനായുള്ള നടപടിക്രമങ്ങളുടെ നിലവിലെ സ്ഥിതി എന്താണെന്നും വ്യക്തമാക്കുമോ?

2020 ജൂലൈയില്‍ സി-ഡിറ്റില്‍ ധനകാര്യ (പരിശോധന) വകുപ്പ് നടത്തിയ റിപ്പോര്‍ട്ടില്‍ സി-ഡിറ്റില്‍ ഡെപ്യൂട്ടി ഡയറക്ടര്‍, രജിസ്ട്രാര്‍ തസ്തികകളില്‍ സേവനമനുഷ്ഠിച്ച ജി.ജയരാജ് എന്ന ഉദ്യോഗസ്ഥന്‍ സി.എസ്.ഐ.ആർ./യു.ജി.സി. ശമ്പള സ്കെയിലില്‍ ശമ്പളം കൈപ്പറ്റാന്‍ 'നോട്ട് ക്വാളിഫൈഡ് ആസ് പെർ സി.എസ്.ഐ.ആർ. നോംസ് ' എന്ന് രേഖപ്പെടുത്തിയിട്ടുണ്ടോ;

സി-ഡിറ്റില്‍ സി.എസ്.ഐ.ആർ./യു.ജി.സി. സ്കെയിലില്‍ സേവനം അനുഷ്ഠിക്കുന്നവർക്ക് വേണ്ട നിര്‍ദ്ദിഷ്ട യോഗ്യതകള്‍ സംബന്ധിച്ച് ഉത്തരവ് പുറപ്പെടുവിച്ചിട്ടുണ്ടോ; എങ്കിൽ പ്രസ്തുത ഉത്തരവിന്റെ പകര്‍പ്പ് ലഭ്യമാക്കുമോ;

പ്രസ്തുത യോഗ്യതകള്‍ ജി. ജയരാജിന് ഉണ്ടായിരുന്നോയെന്ന് രേഖകള്‍ സഹിതം വ്യക്തമാക്കുമോ;

അദ്ദേഹത്തിന് സി.എസ്.ഐ.ആർ./യു.ജി.സി. നിഷ്കര്‍ഷിച്ച എല്ലാ യോഗ്യതയും പ്രവൃത്തി പരിചയവും ഉണ്ടെന്ന് സി-ഡിറ്റ് രജിസ്ട്രാര്‍ അറിയിച്ചതനുസരിച്ച് സി.എസ്.ഐ.ആർ. സ്കെയിലില്‍ പേ റിവിഷന്‍ അനുവദിച്ചുകൊണ്ട് സര്‍ക്കാര്‍ ഉത്തരവ് ( ജി.ഒ (ആർ.ടി.) നം.278/2013/ഐ&പി.ആർ.ഡി. തീയതി 16.07.2013) പുറപ്പെടുവിച്ചിട്ടുണ്ടോ; എങ്കിൽ സി-ഡിറ്റ് രജിസ്ട്രാര്‍ അയച്ച കത്തിന്റയും ഉത്തരവിന്റെയും പകര്‍പ്പ് ലഭ്യമാക്കുമോ;

പ്രസ്തുത ഉത്തരവില്‍ സൂചിപ്പിച്ചതിന് വിരുദ്ധമായി 2020 ലെ ധനകാര്യ പരിശോധനാ വകുപ്പിന്റെ റിപ്പോര്‍ട്ടില്‍ സൂചിപ്പിച്ചിരിക്കുന്നതിനാൽ ജി. ജയരാജിന് അനുവദിച്ച ശമ്പള സ്കെയിലും അസ്സസ്സ്മെന്റ് പ്രൊമോഷനുകളും വിശദമായി പരിശോധിച്ച് തുടര്‍ നടപടി സ്വീകരിക്കുമോ?

ഐഡിയ റോക്കറ്റ് സൊല്യൂഷന്‍സ് എന്ന സ്ഥാപനം സി-ഡിറ്റിന്റെ ഡിജിറ്റല്‍ മീഡിയ കണ്‍സള്‍ട്ടന്റ് ആയി കഴിഞ്ഞ സര്‍ക്കാരിന്റെ കാലത്ത് പ്രവര്‍ത്തിച്ചിരുന്നോ; പ്രസ്തുത സ്ഥാപനത്തെ തെരഞ്ഞെടുത്തത് എപ്രകാരമാണെന്ന് വ്യക്തമാക്കുമോ;

ഏതൊക്കെ പ്രവൃത്തികളാണ് സി-ഡിറ്റ് പ്രസ്തുത കണ്‍സള്‍ട്ടന്‍സിയെ ഏല്‍പ്പിച്ചത് എന്ന് വിശദമാക്കുമോ; ഓരോ പ്രവൃത്തിക്കും എത്ര തുക നല്‍കിയെന്ന് വര്‍ക്ക് ഓര്‍ഡര്‍, ഇന്‍വോയിസ് എന്നിവ സഹിതം വ്യക്തമാക്കുമോ;

മുഖ്യമന്ത്രിയുടെ ദുരിതാശ്വാസ പോര്‍ട്ടലിന്റെ സോഷ്യല്‍ മീഡിയ അനലിറ്റിക്സ്‌ പ്രസ്തുത സ്ഥാപനത്തെ ഏല്പിച്ചിരുന്നോ; ആയതിന്റെ റിപ്പോര്‍ട്ട് നല്‍കിയിട്ടുണ്ടെങ്കില്‍ ലഭ്യമാക്കുമോ;

പ്രസ്തുത അനലിറ്റിക്സിന് അവര്‍ ഉപയോഗിച്ച സോഫ്റ്റ്‌വെയര്‍ ടൂളുകള്‍ ഏതൊക്കെയെന്ന് അറിയിക്കുമോ;

പ്രസ്തുത അനലിറ്റിക്സിന് സി-ഡിറ്റില്‍ നിന്നും മേല്‍നോട്ടം വഹിച്ച ഉദ്യോഗസ്ഥര്‍ ആരൊക്കെയെന്ന് വ്യക്തമാക്കുമോ?

സി-ഡിറ്റിന്റെ എഴുപത്തി എട്ടാമത് എക്സിക്യൂട്ടീവ് കമ്മിറ്റിയുടെ നിര്‍ദ്ദേശ പ്രകാരം സി-ഡിറ്റ് രജിസ്ട്രാര്‍ 03.06.2022 - ന് അയച്ച 215/A1/Admn/C-DIT/2022 നമ്പർ കത്ത് ലഭിച്ചിരുന്നോ; എങ്കിൽ ആയതിന്റെ പകര്‍പ്പ് ലഭ്യമാക്കുമോ;

പ്രസ്തുത കത്തിന്മേൽ എന്തു തുടര്‍നടപടി സ്വീകരിച്ചുവെന്ന് വിശദമാക്കുമോ; ഇല്ലെങ്കിൽ എന്തു കൊണ്ടെന്ന് വ്യക്തമാക്കാമോ;

പ്രസ്തുത കത്തില്‍ സൂചിപ്പിച്ചിരിക്കുന്ന ക്രയവിക്രയങ്ങളില്‍ ഏതൊക്കെയാണ് പ്ലാന്‍ ഫണ്ട് ഉപയോഗിച്ച് സി-ഡിറ്റ് വാങ്ങിയതെന്ന് വിശദമാക്കുമോ;

പ്രസ്തുത കത്തില്‍ ചൂണ്ടിക്കാണിച്ചിട്ടുള്ള ക്രയവിക്രയങ്ങള്‍ വഴി അതിഭീമമായ നഷ്ടം സി-ഡിറ്റിനും തദ്വാരാ സര്‍ക്കാരിനും വന്നിട്ടുണ്ടെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യങ്ങളില്‍ വിജിലൻസ് അന്വേഷണത്തിന് നിര്‍ദേശിക്കുമോ; വ്യക്തമാക്കുമോ?

സി-ഡിറ്റിലെ തൊഴിലാളി സംഘടന ആയ സി-ഡിറ്റ് എംപ്ലോയീസ് ഓര്‍ഗനൈസേഷന്റെ 15.07.2020 തീയതിയിലെ CEO/2020/20, 21.07.2020 തീയതിയിലെ CEO/2020/21 എന്നീ നിവേദനങ്ങള്‍ സര്‍ക്കാരിന് ലഭിച്ചിട്ടുണ്ടോ; എങ്കിൽ ആയതിന്റെ പകര്‍പ്പ് ലഭ്യമാക്കാമോ;

പ്രസ്തുത നിവേദനങ്ങളില്‍ എന്ത് പരാതികളാണ് പ്രസ്തുത ഓർഗനൈസേഷൻ ബോധിപ്പിച്ചിട്ടുള്ളതെന്ന് വിശദമാക്കുമോ;

പ്രസ്തുത നിവേദനങ്ങളിന്മേൽ സി-ഡിറ്റില്‍ നിന്നും സര്‍ക്കാര്‍ റിപ്പോര്‍ട്ട് ആവശ്യപ്പെട്ടതിനെ തുടര്‍ന്ന് സി-ഡിറ്റിന്റെ മറുപടി ലഭ്യമായിട്ടുണ്ടോ; എങ്കിൽ ആയതിന്റെ പകര്‍പ്പ് ലഭ്യമാക്കുമോ;

രണ്ടു വര്‍ഷത്തിലേറെ പഴക്കമുള്ള പ്രസ്തുത നിവേദനങ്ങളില്‍ സര്‍ക്കാര്‍ അന്തിമ തീര്‍പ്പാക്കിയിട്ടുണ്ടോ; ഇല്ലെങ്കിൽ അതിനുള്ള സത്വര നടപടികള്‍ കൈക്കൊള്ളുമോ; വിശദമാക്കുമോ?

2016 മുതല്‍ ഓസ്പിന്‍ ടെക്നോളജീസ്‌ ലിമിറ്റഡ് എന്ന സ്ഥാപനത്തിന് സി-ഡിറ്റ് എത്ര തുകയുടെ പര്‍ച്ചേസ് അഥവാ വര്‍ക്ക് ഓര്‍ഡറുകൾ നല്‍കിയിട്ടുണ്ട്; പ്രസ്തുത ഓര്‍ഡറുകളുടെ പകര്‍പ്പ് സഹിതം വിശദമാക്കുമോ;

പ്രസ്തുത ഓര്‍ഡറുകളില്‍ ഏതൊക്കെയാണ് ടെണ്ടര്‍ പ്രക്രിയയിലൂടെ നല്‍കിയതെന്ന് വ്യക്തമാക്കുമോ;

ഓസ്പിന്‍ ടെക്നോളജീസ്‌ ലിമിറ്റഡ് നാളിതുവരെ എത്ര ഇന്‍വോയിസ് നല്‍കിയിട്ടുണ്ടെന്നും പ്രസ്തുത ഇന്‍വോയിസുകളില്‍ എത്ര തുക സി-ഡിറ്റ് നല്‍കി കഴിഞ്ഞുവെന്നും ഇനി എത്ര നല്‍കാനുണ്ടെന്നും വിശദമാക്കുമോ;

ടെണ്ടര്‍ നടപടി ക്രമം പാലിക്കാതെ എത്ര തുകയ്ക്കുള്ള ഓര്‍ഡറുകള്‍ പ്രസ്തുത സ്ഥാപനത്തിന് നല്‍കിയിട്ടുണ്ടെന്ന് കാരണ സഹിതം വ്യക്തമാക്കുമോ; സി-ഡിറ്റ് ഓസ്പിനുമായി നടത്തിയ ഇടപാടുകളെക്കുറിച്ച് പരാതി ലഭിച്ചിട്ടുണ്ടോ; എങ്കിൽ എന്ത് നടപടി സ്വീകരിച്ചുവെന്ന് വിശദമാക്കാമോ;

എന്‍.ഐ.സി. യുടെ ഇ-ഓഫീസ് പോലുള്ള സംവിധാനം നിലനില്‍ക്കെ സര്‍ക്കാര്‍ സംവിധാനങ്ങളായ സി.എം.ഒ. വെബ് പോർട്ടൽ, കെ.എസ്.എഫ്. ഇ., കെ-ഡിസ്ക്, കിഫ്ബി തുടങ്ങിയവയില്‍ സ്വകാര്യ കമ്പനിയുടെ ഡി.ഡി.എഫ്.എസ്. സോഫ്റ്റ്‌വെയര്‍ അനാവശ്യമായും ചട്ടവിരുദ്ധമായും സാമ്പത്തിക നഷ്ടമുണ്ടാക്കിയും തിരുകിക്കയറ്റിയെന്ന ആരോപണം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് പരിശോധിച്ച് നടപടിയെടുക്കുമോ; വിശദമാക്കുമോ?

മുഖ്യമന്ത്രിയുടെ ഓഫീസിന്റെയോ വിവരസാങ്കേതികവിദ്യാ വകുപ്പിന്റെയോ അനുമതിയോടെയാണോ സി-ഡിറ്റ്, സി.എം.ഒ. പോര്‍ട്ടലില്‍ ഓസ്പിന്‍ എന്ന കമ്പനിയുടെ സോഫ്റ്റ്‌വെയര്‍ ഉപയോഗിക്കാന്‍ തീരുമാനിച്ചത് എന്ന് വ്യക്തമാക്കുമോ;

സി.എം.ഒ പോര്‍ട്ടലില്‍ സി-ഡിറ്റ് സ്വന്തമായി നിര്‍മ്മിച്ച സോഫ്റ്റ്‌വെയര്‍ മാറ്റി ഓസ്പിന്‍ എന്ന കമ്പനിയുടെ സോഫ്റ്റ്‌വെയര്‍ സ്വീകരിക്കാനുണ്ടായ കാരണം വ്യക്തമാക്കുമോ; സോഫ്റ്റ്‌വെയര്‍ മാറ്റുന്നതിന് തീരുമാനിച്ച മിനിട്സിന്റെ/ ഉത്തരവിന്റെ പകര്‍പ്പ് ലഭ്യമാക്കുമോ;

മുഖ്യമന്ത്രിയുടെ സി.എം.ഒ. പോര്‍ട്ടലുമായി ബന്ധപ്പെട്ട് നാളിതുവരെ ഓസ്പിന്‍ കമ്പനി എത്ര തുകയുടെ ഇന്‍വോയിസ് നല്‍കിയിട്ടുണ്ടെന്നും എത്ര തുക സി-ഡിറ്റ് നല്‍കിയിട്ടുണ്ടെന്നും വ്യക്തമാക്കുമോ;

ഓസ്പിന്‍ എന്ന കമ്പനിയുടെ പ്രൊപ്പ്രൈറ്ററി സോഫ്റ്റ്‌വെയറിലേക്ക് സി.എം.ഒ. ആപ്ലിക്കേഷന്‍ ബന്ധിപ്പിച്ചതിന്റെ സാമ്പത്തിക ബാധ്യത, ഡാറ്റാ ചോര്‍ച്ച, സ്വകാര്യ സോഫ്റ്റ്‌വെയര്‍ കമ്പനി സൃഷ്ടിക്കുന്ന പ്രശ്നങ്ങള്‍ തുടങ്ങിയ ദൂരവ്യാപക പ്രത്യാഘാതങ്ങള്‍ പരിശോധിച്ചിട്ടുണ്ടോ; ഇല്ലെങ്കില്‍ പരിശോധിക്കാന്‍ നിര്‍ദേശം നല്‍കുമോ; വിശദമാക്കുമോ?

2019-ലെ പ്രളയത്തെ തുടര്‍ന്ന് താമസിച്ച വീട് പൂര്‍ണ്ണമായും തകര്‍ന്ന തൃശൂര്‍ ജില്ലയിലെ മുകുന്ദപുരം താലൂക്ക് വെങ്ങാലൂര്‍ വില്ലേജിലെ എളയത്ത് വീട്ടില്‍ ശ്രീമതി ലക്ഷ്മിക്കുട്ടിയമ്മയ്ക്ക് പ്രളയത്തില്‍ വീട് പൂര്‍ണ്ണമായി നശിച്ചവര്‍ക്കുള്ള സി.എം.ഡി.ആർ.എഫ്. വിഹിതമായ 3,04,900/- രൂപ ധനസഹായം അനുവദിക്കണമെന്ന അപേക്ഷയില്‍ നടപടി സ്വീകരിച്ചിട്ടുണ്ടോ; എങ്കിൽ വിശദമാക്കുമോ;

ഇതു സംബന്ധിച്ച് തൃശൂര്‍ ജില്ലാ കളക്ടര്‍ ലാൻഡ് റവന്യൂ കമ്മീഷണര്‍ക്ക് സമര്‍പ്പിച്ചിട്ടുള്ള അപേക്ഷയിന്മേൽ സ്വീകരിച്ച നടപടി വിശദമാക്കുമോ;

ശ്രീമതി ലക്ഷ്മിക്കുട്ടിയമ്മയ്ക്ക് അര്‍ഹമായ ധനസഹായം പൂര്‍ണ്ണമായും അനുവദിച്ചുനല്‍കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

2019-ലെ പ്രളയത്തില്‍ ദുരിതാശ്വാസ ക്യാമ്പില്‍ താമസിച്ചിരുന്ന ശ്രീമതി രുഗ്മിണി (പിനിയത്ത് വീട് , വടക്കേതൊറവ്, പുതുക്കാട് P.O, മുകുന്ദപുരം താലൂക്ക്, തൃശൂര്‍) എന്ന അപേക്ഷകയ്ക്ക് അര്‍ഹമായ ധനസഹായം അനുവദിച്ചിട്ടുണ്ടോ; വ്യക്തമാക്കുമോ;

പ്രസ്തുത അപേക്ഷ പരിഗണിച്ച് തൃശ്രൂര്‍ ജില്ലാ കളക്ടര്‍ ലാൻഡ് റവന്യൂ കമ്മീഷണര്‍ക്ക് സമര്‍പ്പിച്ചിട്ടുള്ള റിപ്പോര്‍ട്ടിന്‍മേല്‍ ധനസഹായം അനുവദിക്കുന്നതിനുള്ള അടിയന്തര നടപടി സ്വീകരിക്കുമോ; വിശദമാക്കുമോ?

2018 മുതൽ നാളിതുവരെ മുഖ്യമന്ത്രിയുടെ ദുരിതാശ്വാസ നിധിയിൽ എത്ര തുക വരവ് വന്നിട്ടുണ്ടെന്നും ആയതിൽ എത്ര രൂപ ഏതൊക്കെ ഇനത്തിൽ ചെലവഴിച്ചിട്ടുണ്ടെന്നും വിശദാംശം സഹിതം വ്യക്തമാക്കാമോ?

വാമനപുരം മണ്ഡലത്തില്‍ റീബില്‍ഡ് കേരള പദ്ധതിയിലുള്‍പ്പെടുത്തി ഏതെല്ലാം പദ്ധതികള്‍ക്കാണ് അനുമതി നല്‍കിയിട്ടുള്ളതെന്നും ആയതിന് അനുവദിച്ച തുകയും പദ്ധതിയുടെ പുരോഗതിയും വ്യക്തമാക്കാമോ;

വാമനപുരം മണ്ഡലത്തില്‍ വരും വര്‍ഷങ്ങളില്‍ ഏതെങ്കിലും പദ്ധതികള്‍ റീബില്‍ഡ് കേരള പദ്ധതിയിലുള്‍പ്പെടുത്തി നടപ്പാക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

കാലവർഷക്കെടുതിയിൽ തകർന്ന റോഡുകൾ നവീകരിക്കുന്നതിന് സർക്കാർ ഭരണാനുമതി ലഭ്യമാക്കിയതിനുശേഷവും പ്രവൃത്തി ടെൻഡർ ചെയ്യണമെങ്കിൽ അതാത് ജില്ലാ കളക്ടർമാരുടെ പുതിയ ഉത്തരവ് ലഭ്യമാക്കണമെന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ഭരണാനുമതിക്ക് ശേഷവും ജില്ലാ കളക്ടറേറ്റിൽ നിന്നും പുതിയ ഉത്തരവ് ലഭ്യമാക്കുന്നതിൽ വരുന്ന കാലതാമസം പ്രവൃത്തികളുടെ നിർവ്വഹണത്തെ ബാധിക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രസ്തുത പ്രവൃത്തികൾക്ക് ഭരണാനുമതി ലഭ്യമാക്കിയതിനുശേഷം കളക്ടറുടെ പുതിയ ഉത്തരവ് വേണമെന്ന നിബന്ധന ഒഴിവാക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

വെള്ളപ്പൊക്ക ദുരിതാശ്വാസ നിധിയില്‍ ഉള്‍പ്പെടുത്തി സംസ്ഥാനത്ത് ഏതെങ്കിലും പ്രവൃത്തി നടത്തുന്നതിനായി 2022-23 സാമ്പത്തിക വര്‍ഷത്തിൽ തുക അനുവദിച്ചിട്ടുണ്ടോ; വ്യക്തമാക്കാമോ;

പ്രസ്തുത നിധിയില്‍ ഉള്‍പ്പെടുത്തി നിയോജക മണ്ഡലങ്ങളിലെ വിവിധ പ്രവൃത്തികള്‍ക്ക് പ്രസ്തുത വര്‍ഷം തുക അനുവദിച്ചിട്ടുണ്ടോ; എങ്കിൽ വിശദാംശം നൽകുമോ;

ഇല്ലെങ്കില്‍ പ്രസ്തുത വര്‍ഷം തുക അനുവദിക്കാത്തതിന്റെ കാരണം വിശദമാക്കാമോ;

വെള്ളപ്പൊക്ക ദുരിതാശ്വാസ നിധിയില്‍ ഉള്‍പ്പെടുത്തി നിയോജക മണ്ഡലങ്ങളിലെ വിവിധ പ്രവൃത്തികള്‍ക്കായി തുക അനുവദിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് പ്രളയം അടക്കമുള്ള ദുരന്തങ്ങൾ തടയാൻ സ്വീകരിച്ച നടപടികളും അതിനായി സ്വീകരിച്ച മുന്നൊരുക്കങ്ങളും വിശദമാക്കാമോ;

പ്രളയം തടയുന്നതിനായി റൂം ഫോർ റിവർ അടക്കമുള്ള ഡച്ച് മാതൃകയിലുള്ള പദ്ധതികൾ നടപ്പിലാക്കിയിട്ടുണ്ടോ; എങ്കിൽ വിശദാംശം നൽകാമോ;

പ്രളയ സാധ്യത കുറയ്ക്കുന്നതിൽ റൂം ഫോർ റിവർ പദ്ധതിയുടെ പുരോഗതി വിശദമാക്കാമോ?

പാലക്കാട് ജില്ലയില്‍ 2019-ലെ പ്രളയത്തില്‍ നാശനഷ്ടം ഉണ്ടായതുമായി ബന്ധപ്പെട്ട ധനസഹായം സാങ്കേതിക കാരണങ്ങളാല്‍ നാളിതുവരെയും ലഭിക്കാത്ത എത്ര അപേക്ഷകള്‍ നിലവിലുണ്ടെന്ന് വ്യക്തമാക്കാമോ;

2019-ലെ പ്രളയത്തില്‍ ഭവന നാശം സംഭവിച്ച പറളി - 1 വില്ലേജിലെ തേനൂർ കാവുങ്കൽ വീട്ടിൽ വേലായുധൻ മകൻ ബാലകൃഷ്ണന് സാങ്കേതിക തകരാറ് മൂലം ധനസഹായം അനുവദിക്കാത്തതുമായി ബന്ധപ്പെട്ട് പ്രത്യേക പ്രൊപ്പോസല്‍ തയ്യാറാക്കി സർക്കാറിലേയ്ക്ക് സമര്‍പ്പിച്ചിട്ടുണ്ടോ; വ്യക്തമാക്കാമോ;

പ്രസ്തുത വ്യക്തിക്ക് ധനസഹായം അനുവദിക്കുന്നതിന് വകുപ്പ് നാളിതുവരെ സ്വീകരിച്ച നടപടികളുടെ വിവരം ലഭ്യമാക്കാമോ?

2019-ലെ പ്രളയത്തില്‍ നിലമ്പൂര്‍ താലൂക്കില്‍ വീടും പുരയിടവും നഷ്ടപ്പെട്ടതിന് അനുവദിച്ച നഷ്ടപരിഹാര തുക ചില ഗുണഭോക്താക്കളുടെ ബാങ്ക് അക്കൗണ്ടിലേക്ക് കൈമാറാൻ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇനി എത്ര കുടുംബങ്ങള്‍ക്ക് നഷ്ടപരിഹാര തുക നല്‍കാന്‍ ബാക്കിയുണ്ടെന്ന് വില്ലേജ് തിരിച്ച് വിവരം ലഭ്യമാക്കാമോ;

പ്രസ്തുത ഇനത്തിൽ വിതരണം ചെയ്യേണ്ട ആകെ തുക എത്രയെന്നും ഈ തുക ഇപ്പോൾ ഏത് വകുപ്പിലാണുള്ളതെന്നും തുക നല്‍കേണ്ട ഉത്തരവാദിത്തമുള്ള ഉദ്യോഗസ്ഥന്‍ ആരെന്നും അറിയിക്കാമോ; പ്രസ്തുത നഷ്ടപരിഹാര തുക നിലമ്പൂര്‍ തഹസില്‍ദാരുടെ അക്കൗണ്ടിലേക്ക് കൈമാറുന്നതിന് തടസ്സങ്ങളുണ്ടോ; തുക ഗുണഭോക്താക്കള്‍ക്ക് നല്‍കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ;

മേല്‍ വിഷയത്തില്‍ തീരുമാനമെടുക്കാതെ അനന്തമായി നീട്ടിക്കൊണ്ടു പോകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കാമോ;

പ്രസ്തുത തുക നല്‍കുവാനുള്ള തടസ്സം എന്താണെന്ന് അറിയിക്കാമോ; സാങ്കേതിക തകരാറുകള്‍ ഉണ്ടെങ്കില്‍ ആയത് പരിഹരിച്ച് ഗുണഭോക്താക്കൾക്ക് തുക എപ്പോൾ നല്‍കാനാകുമെന്ന് അറിയിക്കാമോ?

കാലവര്‍ഷക്കെടുതികളില്‍ തകരുന്ന റോഡുകളുടെ പുനരുദ്ധാരണ പ്രവൃത്തികള്‍ നടത്തുന്നതിന് ഫണ്ട് അനുവദിക്കുന്നതിന് അപേക്ഷ സമര്‍പ്പിക്കുന്നതിന് പ്രത്യേക സംവിധാനം ഒരുക്കിയിട്ടുണ്ടോ; എങ്കില്‍ വിശദാംശം നല്‍കാമോ;

കാലവര്‍ഷക്കെടുതികള്‍ മൂലം തകര്‍ന്ന റോഡുകളുടെ പ്രവൃത്തികള്‍ റവന്യൂ വകുപ്പില്‍ നിന്ന് മാറ്റി ഉത്തരവായിട്ടുണ്ടോ; വ്യക്തമാക്കാമോ;

മട്ടന്നൂര്‍ നിയോജകമണ്ഡലത്തില്‍ കാലവര്‍ഷക്കെടുതി മൂലം തകര്‍ന്ന റോഡുകളുടെ പുനരുദ്ധാരണ പ്രവൃത്തികളുടെ നിലവിലെ പുരോഗതി വിശദമാക്കാമോ?

തൃശ്ശൂര്‍ ജില്ലയിലെ കോടശ്ശേരി ഗ്രാമപഞ്ചായത്തില്‍ സംസ്ഥാന ദുരന്തനിവാരണ അതോറിറ്റിയുടെ ഉരുള്‍പ്പൊട്ടല്‍ ഉപദേശകസമിതി തയ്യാറാക്കിയ റിപ്പോര്‍ട്ട് ഗ്രാമപഞ്ചായത്ത് ആവശ്യപ്പെട്ടതിന്റെ അടിസ്ഥാനത്തില്‍ സൂക്ഷ്മതല പഠനം നടത്തുന്നതിന് തീരുമാനമെടുത്തിട്ടുണ്ടോ;

എങ്കിൽ സംസ്ഥാന ദുരന്തനിവാരണ അതോറിറ്റിയില്‍ നിന്നുള്ള വിദഗ്ധ സംഘം വീണ്ടും പരിശോധന നടത്തിയിട്ടുണ്ടോയെന്നും പരിശോധന പൂര്‍ത്തീകരിച്ചിട്ടുണ്ടോയെന്നും റിപ്പോര്‍ട്ട് സമര്‍പ്പിച്ചിട്ടുണ്ടോയെന്നും അറിയിക്കാമോ;

റിപ്പോര്‍ട്ട് സമര്‍പ്പിച്ചിട്ടുണ്ടെങ്കില്‍ ആയതിന്റെ പകര്‍പ്പ് ലഭ്യമാക്കുമോ?

തിരൂരങ്ങാടി മണ്ഡലത്തിൽ ഈ സർക്കാർ അധികാരത്തിൽ വന്നതിനുശേഷം വെള്ളപ്പൊക്ക ദുരിതാശ്വാസ പദ്ധതി മുഖേന റോഡ് നവീകരണത്തിന് അനുവദിച്ച തുകകളും പ്രവൃത്തിയുടെ പേരുകളും, അവയുടെ ഉത്തരവ് നമ്പറുകളും ഇനം തിരിച്ച് വിശദമാക്കാമോ;

ഇത്തരത്തിൽ തുക അനുവദിച്ചുകൊണ്ട് സർക്കാർ ഉത്തരവ് ലഭ്യമാക്കിയ പ്രവൃത്തികളിൽക്ക് ഏതെല്ലാം പ്രവർത്തികൾക്ക് ജില്ലാ കളക്ടർ എസ്റ്റിമേറ്റ് സാങ്ഷൻ ലഭ്യമാക്കിയെന്നും പ്രസ്തുത പ്രവൃത്തികളുടെ നിർമ്മാണ പുരോഗതികളും ഇനം തിരിച്ച് വിശദമാക്കാമോ;

സർക്കാർ ഉത്തരവ് ലഭ്യമാക്കിയിട്ടും ജില്ലാ കളക്ടർ ഇ.എസ്. ലഭ്യമാക്കാത്തതിന്റെ കാരണങ്ങളും ഈ പ്രവൃത്തികൾ ഇനി പൂർത്തീകരിക്കാനുള്ള നടപടികളും വിശദമാക്കാമോ?

2018, 2019 വര്‍ഷങ്ങളിലുണ്ടായ പ്രളയങ്ങളിൽ ദുരന്ത ബാധിത പ്രദേശത്ത് മണ്ണിന്റെ ഘടന, വെള്ളത്തിന്റെ ഗുണനിലവാരം എന്നിവയില്‍ മാറ്റം വന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ദുരന്തനിവാരണ അതോറിറ്റി, വിവിധ വകുപ്പുകള്‍ എന്നിവ എന്ത് പരിഹാരമാണ് നിര്‍ദ്ദേശിച്ചിട്ടുള്ളതെന്നും അവ നടപ്പാക്കുന്നതിന് നടപടി സ്വീകരിച്ചിട്ടുണ്ടോയെന്നും അറിയിക്കാമോ;

പുതുക്കാട് മണ്ഡലത്തിലെ പറപ്പൂക്കര ഗ്രാമ പഞ്ചായത്തിലെ കൊളത്തൂര്‍ പ്രദേശത്ത് വെള്ളത്തിന്റെ ഗുണനിലവാരത്തിലെ മാറ്റങ്ങള്‍ ജില്ലാ ഭരണകൂടം പരിശോധിച്ച് മനസ്സിലാക്കിയതിനെ തുടര്‍ന്ന് സ്വീകരിച്ചിട്ടുള്ള നടപടികൾ വിശദമാക്കാമോ?

ചാത്തന്നൂർ മണ്ഡലത്തിലുൾപ്പെട്ട പരവൂർ, പൂതക്കുളം മേഖലയിലൂടെ കടന്നുപോകുന്ന ജലപാത പ്രയോജനപ്പെടുത്തി ഉൾനാടൻ ജലഗതാഗതം ആരംഭിക്കുന്നതിനുള്ള നടപടികളുടെ പുരോഗതി വ്യക്തമാക്കാമോ;

ജലഗതാഗതം ആരംഭിക്കുന്നതിനായി വർഷങ്ങൾക്ക് മുൻപ് പ്രസ്തുത മേഖലയിൽ നിർമ്മിച്ച വിവിധ കടവുകളിലെ ബോട്ട് ജെട്ടികളുടെ അറ്റകുറ്റപണികൾ നടത്തി നവീകരിക്കുന്നതിന് അടിയന്തര നടപടി സ്വീകരിക്കുമോയെന്ന് വിശദമാക്കാമോ?

നാദാപുരം മണ്ഡലത്തിലേ എടച്ചേരി ഗ്രാമപഞ്ചായത്തിലെ തുരുത്തി-കച്ചേരി ബോട്ട് ജെട്ടി നിര്‍മ്മാണത്തിന് റേറ്റ് റിവിഷന്‍ ചെയ്തു ടെണ്ടര്‍ നടപടി സ്വീകരിക്കുമോ; വ്യക്തമാക്കുമോ;

പ്രസ്തുത പ്രവൃത്തി എന്ന് ടെണ്ടര്‍ നല്‍കാന്‍ കഴിയുമെന്ന് അറിയിക്കാമോ?

വടകര-മാഹി കനാലിന്റെ മൂന്നാം റീച്ചിലെ പ്രവൃത്തിയുടെ നിലവിലെ സ്ഥിതി അറിയിക്കാമോ;

മൂന്നാം റീച്ചിന്റെ ഭാഗത്തുള്ള രൂപകല്പനയിൽ തീരുമാനമാകാതിരിക്കുന്നത് കാരണം പ്രവൃത്തി നീണ്ടു പോകാനുള്ള സാധ്യതയുണ്ടോ; എങ്കിൽ ആയത് പരിഹരിക്കുന്നതിന് അടിയന്തരമായി നടപടികൾ സ്വീകരിക്കുമോ; വിശദമാക്കുമോ?

വടകര-മാഹി കനാലിന്റെ ഭാഗമായുള്ള മൂഴിക്കൽ ലോക്ക് കം ബ്രിഡ്ജ് നിർമ്മാണത്തിന്റെ നിലവിലെ അവസ്ഥ വ്യക്തമാക്കാമോ;

പ്രസ്തുത പ്രവൃത്തിയുടെ അപ്പ്രോച്ച് റോഡ് നിർമ്മാണം ഏതു ഘട്ടത്തിലാണെന്ന് വിശദമാക്കാമോ;

ഈ രണ്ടു പ്രവൃത്തികളും എന്നാണ് പൂർത്തിയാക്കാൻ ഉദ്ദേശിക്കുന്നതെന്ന് അറിയിക്കുമോ?

നാദാപുരം മണ്ഡലത്തിലെ മുട്ടുങ്ങള്‍-നാദാപുരം സ്റ്റേറ്റ് ഹൈവേയിലെ ഇന്ത്യൻ നാവിഗേഷന്‍ ജലപാത കടന്ന് പോകുന്ന കളിയാമ്പള്ളി പാലം പുതുക്കി പണിയുന്നതിന് നാളിതുവരെ സ്വീകരിച്ച നടപടി എന്തെല്ലാമെന്ന് വിശദമാക്കുമോ?

സംസ്ഥാനത്ത് ദേശീയ ജലപാത വികസനം നടപ്പിലാക്കുന്നതിന്റെ പുരോഗതി വിശദമാക്കാമോ;

ദേശീയ ജലപാത വികസനത്തിന്റെ ഭാഗമായി കാസർഗോഡ് ജില്ലയില്‍ നടക്കുന്ന പ്രവൃത്തികളുടെ വിശദാംശം നൽകാമോ;

പ്രസ്തുത ജലപാത വികസനത്തിന്റെ ഭാഗമായി കാസർഗോഡ് ജില്ലയിലെ ഏതൊക്കെ പാലങ്ങളാണ് പുനർനിർമ്മിക്കേണ്ടിവരുന്നത്; ആയതിനായി നാളിതുവരെ സ്വീകരിച്ച നടപടികൾ വിശദമാക്കുമോ?

സംരംഭക വർഷം പദ്ധതിയുമായി ബന്ധപ്പെട്ട് നാളിതുവരെ ദേശീയ മാധ്യമങ്ങൾ ഉൾപ്പെടെ ഏതൊക്കെ പത്ര, ദൃശ്യ, ശ്രവ്യ മാധ്യമങ്ങളിലും സോഷ്യൽ മീഡിയ പ്ലാറ്റ്ഫോമുകളിലും പരസ്യം നൽകിയിട്ടുണ്ടെന്ന് വ്യക്തമാക്കുമോ; പ്രസ്തുത ഇനത്തിൽ ആകെ ചെലവഴിച്ച തുക എത്രയാണെന്ന് വ്യക്തമാക്കുമോ?

സംരംഭക വർഷം പദ്ധതിയുമായി ബന്ധപ്പെട്ട് നാളിതുവരെ സംസ്ഥാന സർക്കാർ ദേശീയ മാധ്യമങ്ങൾ ഉൾപ്പെടെ ഏതൊക്കെ പത്ര, ദൃശ്യ, ശ്രവ്യ മാധ്യമങ്ങളിലും സോഷ്യൽ മീഡിയ പ്ലാറ്റ്ഫോമുകളിലും പരസ്യം നൽകിയിട്ടുണ്ടെന്ന് വ്യക്തമാക്കുമോ;

ഇപ്രകാരം പത്രമാധ്യമങ്ങളിൽ പരസ്യം നൽകുന്നതിനായി ആകെ ചെലവഴിച്ച തുക എത്രയാണെന്നും ഓരോ പത്രത്തിലും പരസ്യം നൽകുന്നതിനായി ചെലവഴിച്ച തുകയും ഇനം തിരിച്ച് വ്യക്തമാക്കുമോ;

ഇപ്രകാരം ദൃശ്യ മാധ്യമങ്ങളിൽ പരസ്യം നൽകുന്നതിനായി ആകെ ചെലവഴിച്ച തുക എത്രയാണെന്നും ഓരോ മാധ്യമത്തിലും പരസ്യം നൽകുന്നതിനായി ചെലവഴിച്ച തുകയും ഇനം തിരിച്ചു വ്യക്തമാക്കുമോ;

ഇപ്രകാരം വിവിധ സോഷ്യൽ മീഡിയ പ്ലാറ്റ് ഫോമുകളിൽ പരസ്യം നൽകുന്നതിനായി ആകെ ചെലവഴിച്ച തുക എത്രയാണെന്നും ഇവ ഓരോന്നിലും ചെലവഴിച്ച തുകയും ഇനം തിരിച്ചു വ്യക്തമാക്കുമോ?

സംസ്ഥാനത്ത് പ്രവാസി സമൂഹത്തിനായി നടപ്പിലാക്കി വരുന്ന ക്ഷേമ പ്രവര്‍ത്തനങ്ങള്‍ക്ക് ആക്കം കൂട്ടുന്നതിനായി നവീന പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കുമോ;

ഇതുമായി ബന്ധപ്പെട്ട് ആവിഷ്കരിച്ചിട്ടുള്ള നോര്‍ക്ക ശുഭയാത്ര പദ്ധതിയുടെ വിശദാംശം നല്‍കുമോ;

വിമാന യാത്രാ ചെലവുകള്‍ നിയന്ത്രിക്കുന്നതുമായി ബന്ധപ്പെട്ട് പുതിയ പദ്ധതി രൂപീകരിക്കുവാന്‍ തീരുമാനിച്ചിട്ടുണ്ടോ; വിശദമാക്കുമോ;

2023 -2024 ലെ ബജറ്റിൽ പ്രഖ്യാപിച്ച നോര്‍ക്ക അസിസ്റ്റഡ് ആൻഡ് മൊബിലൈസ്ഡ് എംപ്ലോയ്‍മെന്റ് പദ്ധതിയെക്കുറിച്ച് വിശദമാക്കാമോ?

പ്രവാസികളുടെ ക്ഷേമത്തിനായി 2022-23 സാമ്പത്തിക വര്‍ഷം എത്ര പദ്ധതികള്‍ക്കായി എത്ര തുക വകയിരുത്തിയിരുന്നു എന്ന് വ്യക്തമാക്കുമോ;

എത്ര പദ്ധതികള്‍ക്കായി എത്ര തുക ഇതുവരെ ചെലവഴിച്ചു എന്നതിന്റെ വിശദവിവരം ലഭ്യമാക്കുമോ?

ആലത്തൂര്‍ മണ്ഡലത്തിലെ എത്ര പ്രവാസികള്‍ നോര്‍ക്ക റൂട്ട്സിൽ രജിസ്റ്റർ ചെയ്തിട്ടുണ്ടെന്നും എത്ര പേർ പ്രവാസി ക്ഷേമനിധിയിൽ അംഗങ്ങളായുണ്ടെന്നും പഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

പ്രസ്തുത മണ്ഡലത്തില്‍ നാളിതുവരെ എത്ര പേര്‍ക്ക് സാന്ത്വനം പദ്ധതി പ്രകാരം ധനസഹായം നല്‍കിയെന്ന് അറിയിക്കാമോ;

പ്രസ്തുത മണ്ഡലത്തിലെ എത്ര പേര്‍ക്ക് പ്രവാസിക്ഷേമനിധി മുഖേന പെന്‍ഷന്‍ ലഭിക്കുന്നു എന്ന് വ്യക്തമാക്കാമോ?

പ്രവാസി ക്ഷേമനിധി പെന്‍ഷന്‍ പദ്ധതി പ്രകാരം നാളിതുവരെ ലഭിച്ചിട്ടുളള ആകെ അപേക്ഷകളുടെ എണ്ണം ജില്ല തിരിച്ച് അറിയിക്കാമോ;

പ്രവാസികളുടെ ക്ഷേമനിധി വിഹിതമായി ക്ഷേമനിധി ബോര്‍ഡിന് നാളിതുവരെ ലഭിച്ചിട്ടുള്ള തുകയുടെ വിശദാംശം അറിയിക്കാമോ;

എത്ര പ്രവാസികള്‍ക്ക് നാളിതുവരെ പെന്‍ഷന്‍ അനുവദിച്ചിട്ടുണ്ടെന്നും എത്ര രൂപ പെന്‍ഷനായി വിതരണം ചെയ്തിട്ടുണ്ടെന്നും അറിയിക്കാമോ;

എത് കാലയളവ് വരെയുള്ള എത്ര പെന്‍ഷന്‍ അപേക്ഷകളാണ് തീര്‍പ്പാക്കി പെന്‍ഷന്‍ അനുവദിച്ചിട്ടുള്ളതെന്നും എത്ര അപേക്ഷകൾ ഇനി തീര്‍പ്പാക്കാനുണ്ടെന്നും അറിയിക്കാമോ?

കേരള പ്രവാസി ക്ഷേമ ബോര്‍ഡ് ആരംഭിച്ചത് എത് വര്‍ഷമാണെന്നും അന്നത്തെ മുഖ്യമന്ത്രി ആരായിരുന്നുവെന്നും അറിയിക്കാമോ;

2015-16 സാമ്പത്തിക വര്‍ഷാവസാനം പ്രവാസി ക്ഷേമനിധിയില്‍ എത്ര അംഗങ്ങൾ ഉണ്ടായിരുന്നുവെന്നും പ്രതിമാസ പെന്‍ഷന്‍ എത്രയായിരുന്നുവെന്നും എത്ര അംഗങ്ങള്‍ക്കാണ് പെന്‍ഷന്‍ നല്‍കിയിരുന്നതെന്നും വ്യക്തമാക്കാമോ;

നിലവില്‍ പ്രവാസി ക്ഷേമനിധിയില്‍ എത്ര അംഗങ്ങളാണ് ഉള്ളതെന്നും പ്രതിമാസ പെന്‍ഷന്‍ എത്രയാണെന്നും എത്ര അംഗങ്ങള്‍ക്കാണ് പെന്‍ഷന്‍ നല്‍കുന്നതെന്നും വ്യക്തമാക്കാമോ;

പ്രസ്തുത ക്ഷേമനിധിയില്‍ അംഗത്വം നേടാനുള്ള മാനദണ്ഡങ്ങള്‍ എന്തെല്ലാമാണെന്നും അംഗങ്ങൾ എത്ര രൂപയാണ് പ്രതിമാസം അടക്കേണ്ടതെന്നും എത്ര വര്‍ഷം കഴിഞ്ഞാലാണ് പെന്‍ഷന്‍ ലഭിക്കുന്നതെന്നും വ്യക്തമാക്കാമോ;

സംസ്ഥാനത്തിന് പുറത്ത് താമസിക്കുന്ന അറുപത് വയസ്സ് കഴിഞ്ഞ വ്യക്തിക്ക് പ്രവാസി ക്ഷേമപെന്‍ഷന് അര്‍ഹതയുണ്ടോ?

ഈ സർക്കാർ അധികാരത്തിൽ വന്ന ശേഷം ആദിവാസി വിഭാഗത്തിൽപ്പെട്ട എത്ര പേരെ കാണാതായിട്ടുണ്ട്; ജില്ല തിരിച്ചുള്ള കണക്കുകൾ ലഭ്യമാക്കാമോ; ഇതിൽ എത്ര പേരെ കണ്ടെത്തിയിട്ടുണ്ടെന്ന് വിശദമാക്കാമോ?

സംസ്ഥാനത്ത് എത്തിച്ചേർന്ന ടൂറിസ്റ്റുകൾ ആക്രമിക്കപ്പെട്ട എത്ര സംഭവങ്ങൾ മുൻ സർക്കാരിന്റെ കാലം മുതൽ നാളിതുവരെ റിപ്പോർട്ട് ചെയ്തിട്ടുണ്ടെന്നും എത്ര സംഭവങ്ങളിൽ കേസ് രജിസ്റ്റർ ചെയ്തിട്ടുണ്ടെന്നും എത്ര കേസുകളിൽ കുറ്റവാളികൾ ശിക്ഷിക്കപ്പെട്ടിട്ടുണ്ടെന്നും വ്യക്തമാക്കുമോ;

പ്രസ്തുത കാലയളവിൽ ടൂറിസ്റ്റുകൾ കൊല ചെയ്യപ്പെട്ട സംഭവങ്ങൾ ഉണ്ടായിട്ടുണ്ടോ; എങ്കിൽ മുഴുവൻ കുറ്റവാളികളെയും കണ്ടെത്താൻ കഴിഞ്ഞിട്ടുണ്ടോ; കുറ്റവാളികൾക്ക് വിചാരണ പൂർത്തീകരിച്ച് ശിക്ഷ നൽകിയിട്ടുണ്ടോ; വിശദാംശം നൽകാമോ?

മുഖ്യമന്ത്രി എത്തുന്ന ജില്ലയിൽ അതിന് മുന്നോടിയായി പ്രമുഖ രാഷ്ട്രീയപ്പാർട്ടിയുടെ നിരവധി പ്രവർത്തകരെ കരുതൽ തടങ്കലിലാക്കിയ സംഭവങ്ങൾ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഏത് നിയമത്തിന്റെ അടിസ്ഥാനത്തിലാണെന്ന് വ്യക്തമാക്കുമോ;

അടുത്ത ബന്ധുവിന്റെ മരണാനന്തരച്ചടങ്ങിന് പോകുന്നതിനായി ടൗണിൽ എത്തിയ പ്രമുഖ രാഷ്ട്രീയ പാർട്ടിയുടെ യുവജന പ്രവർത്തകനെയും ഭാര്യയുമൊത്ത് യാത്ര ചെയ്യുന്ന പ്രവർത്തകനെയും അടക്കം കരുതൽ തടങ്കലിലാക്കുന്ന പോലീസ് നടപടി വ്യക്തി സ്വാതന്ത്ര്യത്തിലേക്കുള്ള കടന്നുകയറ്റമാണോയെന്ന് വ്യക്തമാക്കുമോ;

പോലീസിന്റെ പ്രസ്തുത നടപടി സുപ്രീം കോടതി ഉത്തരവിന്റെ ലംഘനമല്ലേയെന്ന് വ്യക്തമാക്കാമോ?

കോഴിക്കോട് മെഡിക്കൽ കോളേജ് പരിസരത്ത് മരണപ്പെട്ട വിശ്വനാഥന്റെ മരണം സംബന്ധിച്ച പോലീസ് അന്വേഷണത്തിന്റെ നിലവിലെ സ്ഥിതി വിശദമാക്കാമോ;

സർക്കാർ തലത്തിൽ ആരൊക്കെയാണ് മരണപ്പെട്ട വ്യക്തിയുടെ വീട്ടിലെത്തി കുടുംബത്തിന് ആശ്വാസം നൽകിയതെന്ന് അറിയിക്കാമോ;

പ്രസ്തുത വിഷയത്തിൽ പട്ടികജാതി, പട്ടികവർഗ്ഗ പീഡന നിരോധന നിയമ പ്രകാരം കേസ്സെടുക്കുവാൻ മടിച്ച ഉദ്യോഗസ്ഥർക്കെതിരെ എന്ത് നടപടി സ്വീകരിച്ചുവെന്ന് വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്ത് പട്ടികജാതി പട്ടികവർഗ്ഗക്കാർക്ക് എതിരായ അതിക്രമങ്ങൾ സംബന്ധിച്ച് എത്ര കേസുകൾ രജിസ്റ്റർ ചെയ്തിട്ടുണ്ടെന്നും ആയതിൽ എത്ര കേസുകളിൽ നാളിതുവരെ കുറ്റപത്രം സമർപ്പിച്ചിട്ടുണ്ടെന്നുമുള്ള വിശദാംശം ജില്ല, വർഷം എന്നിവ തിരിച്ച് വ്യക്തമാക്കുമോ?

ഈ വർഷത്തെ ബജറ്റ് അവതരണത്തിന് ശേഷം മുഖ്യമന്ത്രി വിവിധ ജില്ലകളിൽ നടത്തിയ സന്ദർശനത്തിന്റെ ഭാഗമായി സംസ്ഥാനത്ത് ജനാധിപത്യപരമായി പ്രതിഷേധ സമരങ്ങളിൽ ഏർപ്പെട്ടിരുന്നവരെ കരുതൽ തടങ്കലിൽ എടുത്തതിനുള്ള കാരണം വ്യക്തമാക്കുമോ;

ക്രിമിനൽ നടപടിക്രമത്തിലെ 151-ാം വകുപ്പ് പ്രകാരം കൊഗ്നൈസബിൾ കുറ്റങ്ങൾ ചെയ്യാൻ പോകുന്നവരെയാണ് കരുതൽ തടങ്കലിൽ പാർപ്പിക്കുന്നതെന്നിരിക്കെ അതിന് വിരുദ്ധമായി മേല്പറഞ്ഞ പ്രകാരം സംസ്ഥാനത്തിലുടനീളം എത്ര പേരെയാണ് നാളിതുവരെയായി കസ്റ്റഡിയിലെടുത്തത്; ഇത് സംബന്ധിച്ച് ജില്ല തിരിച്ചുള്ള കണക്കുകൾ ലഭ്യമാക്കുമോ?

പാലാരിവട്ടം പോലീസ് സ്റ്റേഷനിൽ ക്രൈം നമ്പർ 68/2022 ആയി രജിസ്റ്റർ ചെയ്തിട്ടുള്ള കേസിന്റെ അന്വേഷണത്തിന്റെ നിലവിലെ സ്ഥിതി വിശദമാക്കാമോ;

ഈ കേസുമായി ബന്ധപ്പെട്ട് ആരെയെങ്കിലും അറസ്റ്റ് ചെയ്തിട്ടുണ്ടോ; വിശദാംശം ലഭ്യമാക്കാമോ;

പ്രസ്തുത കേസിലെ പ്രതികൾ ആരെല്ലാം എന്ന് കണ്ടെത്തിയിട്ടുണ്ടോ; ഇല്ലെങ്കിൽ കാലതാമസത്തിനുള്ള കാരണം വിശദമാക്കാമോ; പ്രസ്തുത കേസിലെ പ്രതികളെ കണ്ടെത്തി അടിയന്തര നിയമനടപടി സ്വീകരിക്കുമോ എന്ന് വിശദമാക്കാമോ?

മുഖ്യമന്ത്രിയുടെ പരിപാടികൾക്ക് മുൻപ് പ്രമുഖ രാഷ്ട്രീയ പാർട്ടിയുടെ പ്രാദേശിക നേതാക്കളെയും പ്രവർത്തകരെയും കൂട്ടത്തോടെ പോലീസ് കരുതൽ തടങ്കലിലാക്കുന്നുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത നടപടി ഏത് നിയമത്തിന്റെ അടിസ്ഥാനത്തിലാണെന്ന് വ്യക്തമാക്കാമോ;

കരുതൽ തടങ്കൽ നിയമം തെറ്റായ രീതിയില്‍ ഉപയോഗിക്കരുതെന്നും വ്യക്തികളുടെ സ്വാതന്ത്ര്യത്തെയും അവകാശത്തെയും ഹനിക്കുന്ന നിയമം സാധാരണ സാഹചര്യങ്ങളിൽ ഉപയോഗിക്കാനല്ലെന്നുമുള്ള സുപ്രീം കോടതിയുടെ ഉത്തരവ് ശ്രദ്ധയിൽപ്പെട്ടിട്ടുണ്ടോ;

എങ്കിൽ പോലീസിന്റെ പ്രസ്തുത നടപടി സുപ്രീം കോടതി ഉത്തരവിന്റെ ലംഘനമല്ലേ എന്ന് വ്യക്തമാക്കാമോ?

കളമശ്ശേരിയിൽ പ്രമുഖ രാഷ്ട്രീയ പാർട്ടിയുടെ വിദ്യാർത്ഥി സംഘടനയുടെ വനിതാ നേതാവിനെ പോലീസുകാർ അപമാനിച്ചതായി പറയപ്പെടുന്ന സംഭവം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത പോലീസുകാർക്കെതിരെ അന്വേഷണം നടത്തിയിട്ടുണ്ടോ;

പ്രസ്തുത സംഭവത്തിൽ ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടോ; ഇല്ലെങ്കിൽ കാരണം വിശദമാക്കാമോ?

സംസ്ഥാനത്ത് പോലീസ് സേനയിൽ കാലോചിതമായ മാറ്റങ്ങൾ വരുത്തുന്നതിന്റെ ഭാഗമായി പോലീസ് പരിശീലന പാഠ്യപദ്ധതിയിൽ മാറ്റങ്ങൾ വരുത്തിയിട്ടുണ്ടോ; വിശദാംശം ലഭ്യമാക്കാമോ;

സംസ്ഥാനത്ത് പോലീസ് സേനാംഗങ്ങൾ ഡ്യൂട്ടിക്കിടയിലും അല്ലാതെയും ചെയ്യുന്ന സദ്പ്രവൃത്തികൾക്ക് അംഗീകാരവും ബഹുമതിയും നൽകുന്നതിന് പ്രത്യേകമായ തീരുമാനം എടുത്തിട്ടുണ്ടോ; എങ്കില്‍ ഏതൊക്കെ മേഖലകളിൽ കൈവരിച്ച നേട്ടങ്ങളും പ്രവർത്തനങ്ങളുമാണ് ഇതിനായി പരിഗണിക്കുന്നത്; വിശദാംശം അറിയിക്കുമോ?

കുറ്റകൃത്യങ്ങളില്‍ ഡിജിറ്റല്‍ ഉപകരണങ്ങളുടെ ഉപയോഗം വര്‍ദ്ധിച്ചുവരുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരത്തിലുള്ള ഉപകരണങ്ങള്‍ ഉപയോഗിക്കുന്നത് കണ്ടുപിടിക്കുന്നതിന് പര്യാപ്തമായ പ്രത്യേക സേനയെ ആവശ്യമെങ്കില്‍ യോഗ്യതയില്‍ ഭേദഗതി വരുത്തി രൂപീകരിക്കുന്ന കാര്യം പരിഗണിക്കുമോ; വ്യക്തമാക്കുമോ;

ക്രമസമാധാനപാലനത്തിനുള്ള പോലീസ് സേനയുടെ അംഗബലം നിലനിര്‍ത്തി വ്യവസായ സ്ഥാപന സുരക്ഷിതത്വത്തിനും ടൂറിസം മേഖലയുടെ സംരക്ഷണത്തിനും പ്രത്യേക വിഭാഗത്തെ അധികമായി രൂപീകരിക്കുവാന്‍ കഴിയുമോയെന്നും ഇത്തരത്തില്‍ രൂപീകരിക്കുന്ന വിഭാഗത്തില്‍ നിന്ന് സ്വകാര്യ സ്ഥാപനങ്ങളുടെ സുരക്ഷിതത്വത്തിനടക്കം നിശ്ചിത ഫീസ് ഈടാക്കി സേവനം നല്‍കുവാന്‍ കഴിയുമോയെന്നും പരിശോധിക്കുമോ; വിശദാംശം ലഭ്യമാക്കാമോ?

സംസ്ഥാനത്ത് ക്രിമിനൽ കേസുകളിൽ പ്രതികളായതും നിലവിൽ പോലീസ് സേനയിലുള്ളതുമായ ഉദ്യോഗസ്ഥരുടെ പേരും തസ്തികയും വെളിപ്പെടുത്തുമോ; വ്യക്തമാക്കുമോ;

2016 ജൂൺ മുതൽ നാളിതുവരെ രജിസ്റ്റർ ചെയ്തിട്ടുള്ള പോലീസുകാർ പ്രതികളായ ക്രിമിനൽ കേസുകളില്‍ എത്ര പോലീസ് ഉദ്യോഗസ്ഥരെ പ്രതി ചേർത്തിട്ടുണ്ട്; അറിയിക്കുമോ;

പ്രസ്തുത കേസുകളില്‍ എത്രയെണ്ണത്തിൽ അന്വേഷണം പൂർത്തിയായെന്നും എത്ര പേർക്കെതിരെ വകുപ്പുതല അച്ചടക്ക നടപടികള്‍ എടുത്തിട്ടുണ്ടെന്നും എത്ര പേരെ കുറ്റവിമുക്തരാക്കിയിട്ടുണ്ടെന്നും വ്യക്തമാക്കാമോ?

2016 മുതല്‍ കേരള പോലീസില്‍ എന്തെല്ലാം പരിഷ്കാരങ്ങളാണ് നടപ്പാക്കിയിട്ടുള്ളത് എന്ന് വിശദമാക്കാമോ;

സ്ത്രീകളുടെയും കുട്ടികളുടെയും ഉള്‍പ്പെടെ പൊതുജനങ്ങളുടെ സുരക്ഷ ഉറപ്പാക്കാന്‍ ആവിഷ്കരിച്ചിട്ടുള്ള പദ്ധതികളുടെ വിശദാംശങ്ങള്‍ ലഭ്യമാക്കാമോ?

2023 ഫെബ്രുവരി 3 മുതല്‍ നാളിതുവരെ മുഖ്യമന്ത്രി വിവിധ ജില്ലകളിൽ നടത്തിയ സന്ദർശനത്തിനുള്ള സുരക്ഷാക്രമീകരണങ്ങളുടെ ഭാഗമായി ഓരോ ജില്ലയിലേയ്ക്കും മറ്റു ജില്ലകളിൽ നിന്നും എത്ര പോലീസുകാരെ വിന്യസിച്ചിരുന്നുവെന്നും പ്രസ്തുത ദിവസങ്ങളിലെ സുരക്ഷാ ചുമതലകൾക്കായി ആകെ എത്ര പോലീസുകാരെ നിയോഗിച്ചിരുന്നുവെന്നും വ്യക്തമാക്കാമോ;

എത്ര ഡി.വൈ.എസ്.പി. മാർക്ക് പ്രസ്തുത സന്ദര്‍ശനത്തിന്റെ ചുമതല നൽകിയിരുന്നുവെന്നും സുരക്ഷാസംവിധാനത്തിന്റെ ചുമതല ഉണ്ടായിരുന്ന ഉദ്യോഗസ്ഥൻ ആരാണെന്നും വ്യക്തമാക്കാമോ;

മുഖ്യമന്ത്രിയുടെ സന്ദർശനവുമായി ബന്ധപ്പെട്ട് എത്ര പേരെ കരുതൽ തടങ്കലിലാക്കിയെന്നും ഏതു നിയമപ്രകാരമാണ് കരുതൽ തടങ്കൽ നടപ്പാക്കിയതെന്നും അറിയിക്കാമോ; പ്രസ്തുത സന്ദര്‍ശനവുമായി ബന്ധപ്പെട്ട് കരുതൽ തടങ്കലിൽ ആക്കിയവരുടെ വിശദവിവരം ജില്ല തിരിച്ച് വ്യക്തമാക്കുമോ;

പ്രസ്തുത സന്ദർശനങ്ങൾക്കായി മുഖ്യമന്ത്രി ഹെലികോപ്റ്റർ ഉപയോഗിച്ചിരുന്നോ; എങ്കിൽ ഏത് ഏജൻസിയുടെ ഹെലികോപ്റ്റർ ആണ് ഉപയോഗിച്ചതെന്നും ഇതിനായി എത്ര തുക ചെലവഴിച്ചു എന്നും വ്യക്തമാക്കുമോ; പ്രസ്തുത യാത്രകളിൽ മുഖ്യമന്ത്രിയുടെ എസ്കോര്‍ട്ടിനായി ആകെ എത്ര വാഹനങ്ങൾ ഉപയോഗിച്ചു എന്ന് വ്യക്തമാക്കുമോ?

സബ് ഇൻസ്പെക്ടർ ഓഫ് പോലീസ് തസ്തികയിൽ ഓപ്പൺ മാർക്കറ്റ്, കോൺസ്റ്റബുലറി ബൈ ട്രാൻസ്ഫർ, മിനിസ്റ്റീരിയൽ ബൈ ട്രാൻസ്ഫർ എന്നീ മൂന്ന് റാങ്ക് ലിസ്റ്റുകളിൽ നിന്നും ശതമാന അടിസ്ഥാനത്തിൽ നിയമനം നടത്തുന്ന സാഹചര്യത്തിൽ ഓപ്പൺ മാർക്കറ്റ് റാങ്ക് ലിസ്റ്റിന്റെ കാലാവധി അവസാനിച്ച് കഴിഞ്ഞാലും കോൺസ്റ്റബുലറി ബൈ ട്രാൻസ്ഫർ വിഭാഗത്തിൽ നിന്ന് അർഹമായ തസ്തികകളിലേക്ക് ശതമാന അടിസ്ഥാനത്തിൽ നിയമനം നടത്തുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ;

കാറ്റഗറി നമ്പർ 163/2015 സബ് ഇൻസ്പെക്ടർ കോൺസ്റ്റബുലറി ബൈ ട്രാൻസ്ഫർ റാങ്ക് ലിസ്റ്റിൽ നിന്നുള്ള നിയമനവുമായി ബന്ധപ്പെട്ട് ആഭ്യന്തര എ3/ 116/2022 നമ്പർ ഫയലിൽ നാളിതുവരെ സ്വീകരിച്ച നടപടികൾ വ്യക്തമാക്കുമോ; ഇക്കാര്യത്തിൽ അടിയന്തരമായി ഉത്തരവിറക്കുമോയെന്ന് വ്യക്തമാക്കുമോ;

മേൽപ്പറഞ്ഞ തസ്തികയിലെ നിയമനവുമായി ബന്ധപ്പെട്ട് നിയമസഭയുടെ യുവജനകാര്യവും യുവജനക്ഷേമവും സംബന്ധിച്ച സമിതി ആഭ്യന്തര വകുപ്പിന് നൽകിയ നിർദ്ദേശത്തിന്റെ അടിസ്ഥാനത്തിൽ നാളിതുവരെ സ്വീകരിച്ച നടപടി വ്യക്തമാക്കുമോ?

പോലീസ് ഉദ്യോഗസ്ഥര്‍ക്ക് തുടര്‍ച്ചയായി ഒരു പോലീസ് സ്റ്റേഷനില്‍ മാത്രമായി ജോലി ചെയ്യുന്നതില്‍ കാലാവധി നിശ്ചയിച്ചിട്ടുണ്ടോ; വ്യക്തമാക്കാമോ;

ഒരു പോലീസ് ഉദ്യോഗസ്ഥന് സ്പെഷ്യല്‍ യൂണിറ്റില്‍ തുടര്‍ച്ചയായി എത്ര കാലം ജോലി ചെയ്യാമെന്നത് സംബന്ധിച്ച് നിര്‍ദ്ദേശം പുറപ്പെടുവിച്ചിട്ടുണ്ടോയെന്ന് വ്യക്തമാക്കാമോ?

മുഖ്യമന്ത്രിയുടെ സുരക്ഷാ പ്രശ്നങ്ങൾ ചൂണ്ടിക്കാട്ടി പോലീസ് ജനജീവിതം ദുസ്സഹമാക്കുന്ന സാഹചര്യം ഉണ്ടായിട്ടുണ്ടോ; എങ്കിൽ ഇത് ഗൗരവമായി കാണുന്നുണ്ടോ;

കാലടിയിൽ നിന്നും എയർപോർട്ടിലേയ്ക്ക് പോയ കുടുംബം കുട്ടിക്ക് മരുന്ന് വാങ്ങാനായി വാഹനത്തിൽ നിന്നും പുറത്തിറങ്ങിയപ്പോൾ മുഖ്യമന്ത്രിയുടെ സുരക്ഷാ പ്രശ്നങ്ങൾ ചൂണ്ടിക്കാട്ടി പോലീസ് തടഞ്ഞ സംഭവത്തിൽ അന്വേഷണം നടത്തിയിട്ടുണ്ടോയെന്ന് അറിയിക്കാമോ;

ശേഷം മരുന്ന് വാങ്ങാന്‍ മെഡിക്കൽ ഷോപ്പിൽ കയറിയ യുവാക്കളെ പോലീസ് ഉദ്യോഗസ്ഥൻ ഭീഷണിപ്പെടുത്തിയ സംഭവത്തിൽ അന്വേഷണം നടത്തിയിട്ടുണ്ടോ; വിശദമാക്കാമോ;

മരുന്ന് നൽകിയ മെഡിക്കല്‍ ഷോപ്പ് ഉടമയെയും പോലീസ് ഭീഷണിപ്പെടുത്തിയ സംഭവത്തിൽ അന്വേഷണം നടത്തിയിട്ടുണ്ടോയെന്ന് വ്യക്തമാക്കാമോ?

മങ്കട പോലീസ് സ്റ്റേഷന് സ്വന്തമായി കെട്ടിടം നിർമ്മിക്കുന്നതിന് മങ്കട വില്ലേജിൽ കർക്കിടകം ദേശത്ത് സർവ്വേ നമ്പർ 48/1എ യിൽ ഉൾപ്പെട്ട റവന്യൂ വകുപ്പിന്റെ ഉടമസ്ഥതയിലുള്ള 3.8 ഏക്കർ സ്ഥലത്ത് നിന്നും 50 സെന്റ് സ്ഥലം പോലീസ് വകുപ്പിന് കൈമാറി കിട്ടുന്നതിനായി മലപ്പുറം ജില്ലാ കളക്ടർക്ക് നല്‍കിയ അപേക്ഷയുടെ പുരോഗതി അറിയിക്കുമോ;

പ്രസ്തുത സ്ഥലം കൈമാറി കിട്ടുന്നതിന് ആഭ്യന്തര വകുപ്പ് യഥാസമയം അപേക്ഷയുടെ പുരോഗതി വിലയിരുത്തിയിട്ടുണ്ടോ; പ്രസ്തുത വിഷയത്തില്‍ ജില്ലാകളക്ടറുമായി ഏതെങ്കിലും യോഗങ്ങള്‍ ചേര്‍ന്നിട്ടുണ്ടോയെന്ന് വ്യക്തമാക്കുമോ;

പ്രസ്തുത പ്രവൃത്തി സമയ ബന്ധിതമായി നടപ്പാക്കുന്നതിന് ആവശ്യമായ നടപടി സ്വീകരിക്കുമോ?

മുഖ്യമന്ത്രിയുടെ സുരക്ഷാ പ്രശ്നങ്ങൾ ചൂണ്ടിക്കാട്ടി അത്യാവശ്യ കാര്യങ്ങൾക്ക് പോകുന്നവരെ പോലും പോലീസ് തടയുന്നതായ സംഭവങ്ങള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവമായി കാണുന്നുണ്ടോ;

നാല് വയസുള്ള കുഞ്ഞിന് പനിക്കുള്ള മരുന്ന് വാങ്ങുന്നതിനായി കാലടിയിലെ മെഡിക്കല്‍ ഷോപ്പിലേക്ക് പോയ വ്യക്തിയെ വാഹനം നിര്‍ത്താന്‍ അനുവദിക്കാതെ തടഞ്ഞ സംഭവത്തിൽ പോലീസിന് പരാതി ലഭിച്ചിട്ടുണ്ടോ;

പ്രസ്തുത പരാതിയിൽ എഫ്.ഐ.ആർ. രജിസ്റ്റർ ചെയ്തിട്ടുണ്ടോയെന്ന് അറിയിക്കാമോ;

പ്രസ്തുത പരാതിയിന്മേല്‍ സ്വീകരിച്ചിട്ടുള്ള നടപടി വ്യക്തമാക്കാമോ?

സംസ്ഥാനത്ത് ദുരൂഹസാഹചര്യങ്ങളില്‍ മരണമടയുന്നവരുടെ എണ്ണം വര്‍ദ്ധിച്ചുവരുന്നതായ മാധ്യമ റിപ്പോര്‍ട്ടുകളിന്‍മേല്‍ സര്‍ക്കാര്‍ തലത്തില്‍ വിലയിരുത്തല്‍ നടത്തിയിട്ടുണ്ടോ; വിശദമാക്കാമോ;

മുന്‍സര്‍ക്കാരിന്റെ കാലയളവിലും ഈ സര്‍ക്കാരിന്റെ കാലയളവിലും നാളിതുവരെ എത്ര ദുരൂഹമരണങ്ങള്‍ റിപ്പോര്‍ട്ട് ചെയ്തിട്ടുണ്ട്; വിശദമാക്കാമോ;

പ്രസ്തുത മരണങ്ങള്‍ സംബന്ധിച്ച അന്വേഷണം മറ്റേതെങ്കിലും അന്വേഷണ ഏജന്‍സികള്‍ക്ക് റഫര്‍ ചെയ്തിട്ടുണ്ടോ; വിശദാംശം ലഭ്യമാക്കാമോ;

ഇവയില്‍ എത്ര കേസുകളുടെ അന്വേഷണം നാളിതുവരെ പൂര്‍ത്തിയായെന്നറിയിക്കാമോ?

കേരള പോലീസില്‍ ക്ലോസ്ഡ് എ.ആർ. വിഭാഗത്തില്‍ ജോലി ചെയ്യുന്ന എത്ര അംഗങ്ങളുണ്ടെന്ന് അറിയിക്കാമോ;

ഇരുപത്തിനാല് മണിക്കൂറും ജോലി ചെയ്യുന്ന സേനാംഗങ്ങള്‍ക്ക് വിശ്രമിക്കുവാനായി നിര്‍മ്മിച്ചിട്ടുള്ള ബാരക്കുകള്‍ ഫാമിലി ക്വാര്‍ട്ടേഴ്സിന് പകരമാണെന്ന നിലപാട് സര്‍ക്കാരിനുണ്ടോയെന്ന് അറിയിക്കാമോ;

എങ്കില്‍ ഫാമിലി ക്വാര്‍ട്ടേഴ്സ് ലഭ്യമല്ലാത്ത ക്ലോസ്ഡ് എ.ആര്‍. വിഭാഗത്തിലെ സേനാംഗങ്ങള്‍ക്ക് ലഭിച്ചിരുന്ന വീട്ടുവാടകബത്ത നിര്‍ത്തലാക്കിയത് പുന:സ്ഥാപിക്കുന്നതിനും ക്വാര്‍ട്ടേഴ്സ് ലഭിക്കാത്ത മുഴുവന്‍ സര്‍ക്കാര്‍ ജീവനക്കാര്‍ക്കും വിവേചനരഹിതമായി എച്ച്.ആർ.എ. അനുവദിക്കുന്നതിനും നടപടി സ്വീകരിക്കുമോ?

സമരം ചെയ്യുന്ന വനിതാ പ്രവർത്തകരോട് പുരുഷ പോലീസ് അപമര്യാദയോടെ പെരുമാറുന്നതായി പറയപ്പെടുന്ന സംഭവങ്ങൾ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

കളമശ്ശേരിയില്‍ പ്രമുഖ രാഷ്ട്രീയ പാർട്ടിയുടെ യുവജന സംഘടനാ നേതാവായ പെണ്‍കുട്ടിയുടെ തോളില്‍ പോലീസ് ഉദ്യോഗസ്ഥന്‍ പിടിച്ച് വലിക്കുകയും മര്‍ദ്ദിക്കുകയും അസഭ്യം പറയുകയും ചെയ്തതായി പറയപ്പെടുന്ന സംഭവത്തിൽ ഉത്തരവാദികളായ ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടോ;

സമാനമായ സംഭവങ്ങൾ ആവർത്തിക്കാതിരിക്കാൻ അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

2023 ഫെബ്രുവരി 20ന് മുഖ്യമന്ത്രി കാസർഗോഡ് ജില്ലയിൽ നടത്തിയ സന്ദർശനത്തിന്റെ സുരക്ഷാക്രമീകരണങ്ങളുടെ ഭാഗമായി മറ്റു ജില്ലകളിൽ നിന്നും എത്ര പോലീസുകാരെ വിന്യസിച്ചിരുന്നുവെന്ന് വ്യക്തമാക്കാമോ;

പ്രസ്തുത ദിവസത്തെ സുരക്ഷാ ചുമതലകൾക്കായി ആകെ എത്ര പോലീസുകാരെ നിയോഗിച്ചിരുന്നുവെന്നും എത്ര ഡി.വൈ.എസ്.പി. മാർക്ക് ചുമതല നൽകിയിരുന്നുവെന്നും വ്യക്തമാക്കുമോ; സുരക്ഷാസംവിധാനത്തിന്റെ നിയന്ത്രണം ഉണ്ടായിരുന്ന ഉദ്യോഗസ്ഥൻ ആരാണെന്ന് അറിയിക്കുമോ;

മുഖ്യമന്ത്രിയുടെ സന്ദർശനവുമായി ബന്ധപ്പെട്ട് എത്ര പേരെ കരുതൽ തടങ്കലിലാക്കിയെന്നും ഏതു നിയമപ്രകാരമാണ് കരുതൽ തടങ്കൽ നടപ്പാക്കിയതെന്നും കരുതൽ തടങ്കലിൽ ആക്കിയവരുടെ പേരുവിവരങ്ങളും വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പോലീസ് കണ്‍സ്ട്രക്ഷന്‍ കോര്‍പ്പറേഷന്‍ നടത്തിവരുന്ന പ്രവൃത്തികള്‍ കാര്യക്ഷമവും സമയബന്ധിതവുമായി നടത്തുന്നതിനായി എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കാമോ;

പോലീസ് കണ്‍സ്ട്രക്ഷന്‍ കോര്‍പ്പറേഷന്റെ പ്രവര്‍ത്തനങ്ങള്‍ ആധുനികവല്‍ക്കരിക്കുന്നതിനും ചെലവ് കുറഞ്ഞതും പരിസ്ഥിതി സൗഹൃദവുമായ നിര്‍മ്മാണങ്ങള്‍ പ്രോത്സാഹിപ്പിക്കുന്നതിനും തീരുമാനിച്ചിട്ടുണ്ടോ;

നിലവിലുളള പോലീസ് ക്വാര്‍ട്ടേഴ്സുകളുടെയും ആഭ്യന്തര വകുപ്പിന്റെ കെെവശമുളളതുമായ സ്ഥലങ്ങളിലും ആധുനിക ഫ്ലാറ്റ് സമുച്ചയങ്ങള്‍ നിര്‍മ്മിച്ച് കൂടുതല്‍ പോലീസ് ഉദ്യോഗസ്ഥരുടെ കുടുംബങ്ങള്‍ക്ക് താമസ സൗകര്യമൊരുക്കുന്നതിന് ആവശ്യമായ പദ്ധതികള്‍ ആസൂത്രണം ചെയ്യുവാന്‍ നടപടി സ്വീകരിക്കുമോ;

കാലപ്പഴക്കം ചെന്ന പോലീസ് ക്വാര്‍ട്ടേഴ്സുകള്‍ പുനരുദ്ധരിക്കുന്നതിനും പുനര്‍നിര്‍മ്മിക്കുന്നതിനും പദ്ധതിയുണ്ടോ; വിശദമാക്കുമോ?

ഏതെങ്കിലും കുറ്റകൃത്യങ്ങളുമായി ബന്ധപ്പെട്ട പോലീസ് കേസ് നിലവിലുളള അതിഥി തൊഴിലാളികള്‍ ആലത്തൂര്‍ മണ്ഡലത്തിന്റെ പരിധിയിലുണ്ടോ; വിശദമാക്കാമോ?

സംസ്ഥാനത്ത് ഇതര സംസ്ഥാന രജിസ്ട്രേഷനുളളതും അല്ലാത്തതുമായ അനധികൃത പണമിടപാട് സ്ഥാപനങ്ങള്‍ നടത്തുന്ന സാമ്പത്തിക തട്ടിപ്പുകളും ഓണ്‍ലൈന്‍ തട്ടിപ്പുകളും വ്യാപകമാണെന്നതും വട്ടിപ്പലിശ സംഘങ്ങള്‍, മറ്റിതര പണപ്പിരിവ് സംഘങ്ങള്‍ എന്നിവ വര്‍ധിച്ചു വരുന്നുവെന്നതും അവര്‍ നടത്തുന്ന നിയമവിരുദ്ധ പ്രവര്‍ത്തനങ്ങളും ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

ഈ സര്‍ക്കാര്‍ നിലവിൽ വന്നതിനുശേഷം ഇത്തരം സംഭവങ്ങളുമായി ബന്ധപ്പെട്ട് നാളിതുവരെ എത്ര കേസുകള്‍ രജിസ്റ്റര്‍ ചെയ്തിട്ടുണ്ട്; ജില്ല തിരിച്ച് വിശദാംശം അറിയിക്കാമോ;

ഇത്തരം നിയമവിരുദ്ധ പ്രവര്‍ത്തനങ്ങള്‍ തടയുവാന്‍ കേന്ദ്ര നിയമം നിലവിലുണ്ടോ; എങ്കില്‍ ആയതിന്‍ പ്രകാരം ഇത്തരം കേസുകളില്‍ നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ;

ഇല്ലെങ്കില്‍ എന്താണ് കാരണമെന്നും, ഇത്തരം തട്ടിപ്പുകള്‍ വ്യാപകമാകുന്ന സാഹചര്യത്തില്‍ കേന്ദ്ര നിയമം അനുസരിച്ച് നടപടികള്‍ സ്വീകരിക്കുമോയെന്നും ഇല്ലെങ്കില്‍ കേന്ദ്ര നിയമത്തിന്റെ ചുവടുപിടിച്ച് സംസ്ഥാനം നിയമ നിര്‍മ്മാണം നടത്തുമോയെന്നും വെളിപ്പെടുത്തുമോ;

ഇത്തരം നിയമവിരുദ്ധ പ്രവര്‍ത്തനങ്ങള്‍ തടയുവാനും ജനങ്ങളെ ബോധവല്‍ക്കരിക്കാനുമായി എന്തൊക്കെ നടപടികളാണ് സ്വീകരിച്ചുവരുന്നതെന്ന് വ്യക്തമാക്കുമോ?

പോലീസ് സേനയിൽ ഗുരുതരമായ കുറ്റകൃത്യങ്ങളിൽ ഏർപ്പെടുന്നവരെ പിരിച്ചു വിടുന്നതിന് പോലീസ് ആക്ട് പ്രകാരം സർക്കാരിന് അധികാരമുണ്ടോ;

ഈ സർക്കാർ അധികാരത്തിൽ വന്ന ശേഷം പ്രസ്തുത നിയമപ്രകാരം പിരിച്ച് വിട്ടിട്ടുണ്ടോ; വിശദാംശം നൽകുമോ?

പത്തനാപുരം തറയിൽ ഫിനാൻസ് തട്ടിപ്പ് കേസിൽ തട്ടിപ്പിനിരയായ നിക്ഷേപകർക്ക് നിക്ഷേപങ്ങൾ തിരികെ ലഭിക്കുന്നതിനായി നാളിതുവരെ സ്വീകരിച്ച നടപടികൾ എന്തൊക്കെയെന്ന് വ്യക്തമാക്കുമോ;

പ്രസ്തുത തട്ടിപ്പ് കേസിന്റെ തുടർനടപടികൾക്കായി ബഡ്‌സ് ആക്ട് പ്രകാരം കൊല്ലം ജില്ലയിൽ ബഡ്സ് കോടതി സ്ഥാപിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

ഹൈക്കോടതിയുടെ നിര്‍മ്മാണ നിരോധന ഉത്തരവും കാരോട് പഞ്ചായത്തിന്റെ സ്റ്റോപ്പ് മെമ്മോയും നിലവിലുളള പൊഴിയൂര്‍ പോലീസ് സ്റ്റേഷന്‍ പരിധിയിലെ കാരോട് വില്ലേജിലെ സര്‍വ്വേ നമ്പര്‍ നം. 268 ല്‍ 10 (റീസര്‍വ്വേ നം. 261 ല്‍ 26) ലെ അനധികൃത നിര്‍മ്മാണവുമായി ബന്ധപ്പെട്ട് 2020 ജൂണ്‍ മുതല്‍ നാളിതുവരെ ഏതൊക്കെ തീയതികളിലായി എത്ര പരാതികള്‍ ലഭിച്ചിട്ടുണ്ടെന്ന് അറിയിക്കാമോ;

പ്രസ്തുത ഓരോ പരാതിയിന്മേലും സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് അറിയിക്കാമോ;

പ്രസ്തുത പരാതികളുമായി ബന്ധപ്പെട്ട് അനധികൃത നിര്‍മ്മാണം സംബന്ധിച്ച സാക്ഷിമൊഴികള്‍ പോലീസ് ശേഖരിച്ചിട്ടുണ്ടോയെന്ന് അറിയിക്കാമോ; അവയിന്മേല്‍ എന്ത് തുടര്‍നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ?

2023 ജനുവരി 31ന് മുഖ്യമന്ത്രിക്ക് എസ്കോര്‍ട്ട് പോയ കാർ ഇടിച്ച് ദേവസ്വം ബോർഡ് ജംഗ്ഷനിലെ ശ്രീകുമാര്‍ എന്ന വ്യക്തിയുടെ ആരാധന എന്ന വീടിന്റെ ഗേറ്റും കാർപ്പോർച്ചിൽ പാർക്ക് ചെയ്തിരുന്ന കാറും തകർന്ന സംഭവം ശ്രദ്ധയിൽപ്പെട്ടിട്ടുണ്ടോ; എങ്കില്‍ വ്യക്തമാക്കുമോ;

ക്ലിഫ് ഹൗസ് മുതൽ ദേവസ്വം ബോർഡ് ജംഗ്ഷൻ വരെ സ്ഥാപിച്ചിട്ടുള്ള ക്യാമറകളിൽ എത്രയെണ്ണം നിലവിൽ പ്രവർത്തിക്കുന്നുണ്ടെന്ന് വ്യക്തമാക്കുമോ;

ദേവസ്വംബോര്‍ഡ് ജംഗ്ഷനില്‍ ഡ്യൂട്ടിയിൽ ഉണ്ടായിരുന്ന പോലീസ് പ്രസ്തുത അപകടം നടന്നത് റിപ്പോർട്ട് ചെയ്തിട്ടുണ്ടോ എന്ന് വ്യക്തമാക്കുമോ;

ഇത് സംബന്ധിച്ച് വീട്ടുടമ മ്യൂസിയം പോലീസ് സ്റ്റേഷനില്‍ നല്‍കിയ പരാതിയിന്മേല്‍ പോലീസ് കേസ് രജിസ്റ്റർ ചെയ്ത് അന്വേഷണം നടത്തിയിട്ടുണ്ടോ; ഇല്ലെങ്കില്‍ അന്വേഷണം നടത്താത്തതിന്റെ കാരണം വ്യക്തമാക്കുമോ; പ്രസ്തുത പരാതിയിന്മേല്‍ അന്വേഷണം നടത്തുന്നതിന് അടിയന്തര നടപടി സ്വീകരിക്കുമോ?

കായംകുളം നിയോജകമണ്ഡലത്തിലെ ഏതെല്ലാം വിദ്യാലയങ്ങളാണ് സ്റ്റുഡന്റ് പോലീസ് കേഡറ്റ് ആരംഭിക്കുന്നതിന് പുതുതായി അപേക്ഷ നല്‍കിയിട്ടുള്ളത് എന്ന് വിശദമാക്കാമോ;

പ്രസ്തുത അപേക്ഷയിന്മേല്‍ സ്വീകരിച്ച നടപടികള്‍ വ്യക്തമാക്കാമോ?

സംസ്ഥാനത്ത് സ്റ്റുഡന്റ് പോലീസ് കേഡറ്റ് പദ്ധതി ആരംഭിച്ച്‌ നാളിതുവരെ പരിശീലനം ലഭിച്ച എത്ര പേരാണുള്ളത്; വ്യക്തമാക്കാമോ;

സ്കൂള്‍ വിദ്യാഭ്യാസ ശേഷം ഇവരുടെ പ്രവര്‍ത്തനങ്ങൾ ക്രമസമാധാന പാലനത്തിന് സഹായകമാകുന്നുണ്ടോ; വകുപ്പിന്റെ വിലയിരുത്തല്‍ വിശദമാക്കാമോ?

വര്‍ക്കല നിയോജകമണ്ഡലത്തിലെ ഏതെല്ലാം സ്കൂളുകളിലാണ് നിലവില്‍ സ്റ്റുഡന്റ്സ് പോലീസ് കേഡറ്റ് യൂണിറ്റുകള്‍ പ്രവര്‍ത്തിക്കുന്നതെന്ന് വ്യക്തമാക്കാമോ;

പ്രസ്തുത തീരദേശ മണ്ഡലത്തില്‍ സ്റ്റുഡന്റ്സ് പോലീസ് കേഡറ്റ് യൂണിറ്റുകള്‍ ഇല്ലാത്ത സ്കൂളുകളില്‍ ആയത് അനുവദിക്കുന്നതിന് നടപടി സ്വീകരിക്കുമോ?

മലയാളത്തിലെ പ്രമുഖ ചാനലില്‍ സംപ്രേക്ഷണം ചെയ്ത 'നാര്‍ക്കോട്ടിക്സ് ഈസ് എ ഡേര്‍ട്ടി ബിസിനസ്സ്' എന്ന റോവിംഗ് റിപ്പോര്‍ട്ടര്‍ പരമ്പര ശ്രദ്ധയില്‍പ്പെട്ടിരുന്നോ; ഈ പരമ്പരയിലെ ഏതെങ്കിലും വാര്‍ത്തകളുടെ ഉള്ളടക്കവുമായി ബന്ധപ്പെട്ട് സംസ്ഥാന പോലീസില്‍ ഏതെങ്കിലും പരാതികള്‍ ലഭിച്ചിട്ടുണ്ടോ; വിശദമാക്കാമോ;

2022 നവംബര്‍ 10-ന് പരമ്പരയുടെ ഭാഗമായി സംപ്രേക്ഷണം ചെയ്ത വാര്‍ത്താ റിപ്പോര്‍ട്ടില്‍ യൂണിഫോം ധരിച്ച സ്കൂള്‍ വിദ്യാര്‍ത്ഥിനിയെ അവതാരകന്‍ ഇന്റര്‍വ്യൂ ചെയ്യുമ്പോള്‍ സഹപാഠികള്‍ സെക്ഷ്വലി അബ്യൂസ് ചെയ്യാറുണ്ടെന്നും "മോര്‍ ദാന്‍ 10 ഗേള്‍സ് ആര്‍ ട്രാപ്പ്ഡ് ലെെക് ദിസ് "എന്നും സ്കൂള്‍ വിദ്യാര്‍ത്ഥിനി പറഞ്ഞത് പരിശോധിച്ചിട്ടുണ്ടോ; മേല്‍ വെളിപ്പെടുത്തലിന്റെ അടിസ്ഥാനത്തില്‍ സംസ്ഥാന പോലീസ് അന്വേഷണം നടത്തുകയോ സ്വമേധയാ കേസ് രജിസ്റ്റര്‍ ചെയ്യുകയോ ചെയ്തിട്ടുണ്ടോ; വിശദമാക്കാമോ;

പ്രായപൂര്‍ത്തിയാകാത്ത വിദ്യാര്‍ത്ഥിനിയുടെ വെളിപ്പെടുത്തല്‍ ആയതിനാല്‍ സംഭവത്തില്‍ പോക്സോ ഉള്‍പ്പടെയുള്ള വകുപ്പുകള്‍ ചേര്‍ത്ത് പോലീസിന് കേസ് രജിസ്റ്റര്‍ ചെയ്ത് അന്വേഷണം നടത്താവുന്നതാണോ; വ്യക്തമാക്കാമോ; ഈ കാര്യത്തില്‍ രേഖാമൂലം പരാതി ലഭിച്ചാൽ അന്വേഷണത്തിന് ഉത്തരവിടുമോ; വ്യക്തമാക്കുമോ;

കുറ്റകൃത്യങ്ങളെ കുറിച്ച് തെളിവോടുകൂടിയ അറിവു ലഭിച്ചാലും പ്രായപൂര്‍ത്തിയാകാത്ത പെണ്‍ കുട്ടികള്‍ക്കെതിരെ ലൈംഗികാതിക്രമം നടന്നുവെന്ന് ഇരയായ പെണ്‍കുട്ടി തന്നെ വെളിപ്പെടുത്തിയാലും ഇക്കാര്യം പോലീസില്‍ അറിയിക്കാതിരിക്കുന്നത് പോക്സോ വകുപ്പ് പ്രകാരം കുറ്റകരമാണോ; എങ്കിൽ ഏത് വകുപ്പാണ് ഈ കാര്യത്തിൽ ബാധകമാവുക എന്നും അറിയിക്കാമോ?

കാസര്‍ഗോഡ് ജില്ലയില്‍ മഞ്ചേശ്വരം പോലീസ് സ്റ്റേഷന്‍ പരിധിയില്‍ ഗുണ്ടാസംഘം തട്ടിക്കൊണ്ടുപോയി മര്‍ദിച്ച് കൊലപ്പെടുത്തിയ അബൂബക്കര്‍ സിദ്ദിഖിന്റെ കൊലപാതകവുമായി ബന്ധപ്പെട്ട് രജിസ്റ്റര്‍ ചെയ്ത ക്രൈം നം. 493/22 കേസ്സില്‍ എല്ലാ പ്രതികളേയും അറസ്റ്റ് ചെയ്തിട്ടുണ്ടോ; ഇനി ഏതൊക്കെ പ്രതികളെ അറസ്റ്റ് ചെയ്യാനുണ്ട്; വിശദാംശം അറിയിക്കാമോ;

എല്ലാ പ്രതികളേയും അറസ്റ്റ് ചെയ്ത് എത്രയും വേഗം കോടതിയില്‍ കുറ്റപത്രം സമര്‍പ്പിക്കാനുളള നടപടി സ്വീകരിക്കുമോ; വിശദാംശം അറിയിക്കാമോ;

ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ഈ മേഖലയില്‍ കര്‍ശന നടപടി സ്വീകരിക്കുന്ന വിഷയം പരിഗണിക്കുമോ; വിശദാംശം അറിയിക്കാമോ?

കോതമംഗലം പോലീസ് സ്റ്റേഷൻ പരിധിയിൽ നടന്ന നിനി, ഷോജിഷാജി, ആമിന അബ്ദുൾഖാദർ എന്നീ മൂന്ന് കൊലപാതക കേസുകളുടെ അന്വേഷണ പുരോഗതി വിശദമാക്കാമോ;

ഓരോ കേസിന്റേയും അന്വേഷണ ഏജൻസിയെ സംബന്ധിച്ച വിശദാംശം നൽകുമോ;

അന്വേഷണം കൂടുതൽ ഊർജ്ജിതമാക്കി കുറ്റവാളികളെ വേഗത്തിൽ കണ്ടെത്തുന്നതിനു വേണ്ട നടപടി സ്വീകരിക്കുമോ; വ്യക്തമാക്കുമോ?

ഇടുക്കി ജില്ലയിലെ രാജാക്കാട് മാങ്ങാത്തൊട്ടി റോഡിൽ പ്രവർത്തിച്ചുവരുന്ന ബിവറേജസ് ഔട്ട് ലെറ്റില്‍ നിന്നും ചിലർ മദ്യം വാങ്ങി സമീപത്തുള്ള സ്ഥാപനങ്ങളിലും പൊതുസ്ഥലത്തും, മദ്യപിച്ച് പൊതുജനങ്ങൾക്ക് ശല്യം ഉണ്ടാക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് അവസാനിപ്പിക്കുന്നതിന് അടിയന്തര നടപടി സ്വീകരിക്കുമോ;

ഭക്ഷ്യസുരക്ഷ ലൈസൻസും പഞ്ചായത്ത് ലൈസൻസും ഇല്ലാതെ ഹോട്ടലുകൾ എന്ന പേരിൽ പ്രവർത്തിക്കുന്ന സ്ഥാപനങ്ങളിൽ കഞ്ചാവുൾപ്പെടെയുള്ള മയക്കുമരുന്ന് ഉപയോഗിക്കുന്നത് തടയുന്നതിന്ന് അടിയന്തര തുടർനടപടി സ്വീകരിക്കുമോ; വ്യക്തമാക്കുമോ?

സംസ്ഥാനത്ത് അന്ധവിശ്വാസത്തിന്റെ മറവില്‍ അശാസ്ത്രീയമായ ചികിത്സകള്‍ ഉള്‍പ്പെടെ നടത്തുന്ന എത്ര കേന്ദ്രങ്ങള്‍ പ്രവര്‍ത്തിക്കുന്നുണ്ടെന്ന് കണ്ടെത്തിയിട്ടുണ്ടോ; എങ്കിൽ വിശദാംശം നല്‍കുമോ?

സെെബര്‍-ഓണ്‍ലെെന്‍ കുറ്റകൃത്യങ്ങളില്‍ നിന്ന് കുട്ടികളെ സംരക്ഷിക്കുന്നതിനായി നടപ്പിലാക്കുന്ന കൂട്ട് പദ്ധതിയുടെ വിശദാംശം നല്‍കാമോ;

പ്രസ്തുത പദ്ധതിയുടെ ഭാഗമായി കെെവരിച്ച നേട്ടങ്ങള്‍ വിശദമാക്കാമോ?

വിവിധ കേസുകളുടെ ഭാഗമായി പോലീസ് പിടിച്ചെടുത്ത് സ്റ്റേഷൻ പരിസരത്തും മറ്റു സ്ഥലങ്ങളിലും ആയി സൂക്ഷിച്ചിട്ടുള്ള വാഹനങ്ങളുടെ എണ്ണം ജില്ല തിരിച്ചു വ്യക്തമാക്കുമോ;

കുറ്റകൃത്യങ്ങളുടെ ഭാഗമായി വാഹനം പിടിച്ചെടുത്താൽ പോലീസ് സ്വീകരിക്കേണ്ട നടപടിക്രമങ്ങൾ എന്തൊക്കെയാണെന്ന് വ്യക്തമാക്കുമോ;

പിടിച്ചെടുത്ത വാഹനങ്ങൾ സ്റ്റേഷൻ പരിസരത്തും മറ്റു പല സ്ഥലങ്ങളിലും കിടന്നു നശിക്കുന്നതും മാർഗതടസ്സം സൃഷ്ടിക്കുന്നതും പരിഗണിച്ച് കോടതി നടപടികൾക്കായി ആവശ്യമുള്ളത് ഒഴികെയുള്ള വാഹനങ്ങൾ ലേലം ചെയ്തു നൽകുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ;

ഉടമകൾ രേഖകൾ ഹാജരാക്കി കൈപ്പറ്റാത്ത വാഹനങ്ങൾ പോലീസിന് ഉപയോഗിക്കാൻ സംവിധാനം ഉണ്ടാകണമെന്ന നിയമസഭാ സമിതിയുടെ ശിപാർശയുടെ അടിസ്ഥാനത്തിൽ എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം നൽകുമോ?

താമരശ്ശേരി പോലീസ് സ്റ്റേഷനിൽ രജിസ്റ്റർ ചെയ്ത 0687/2022 നമ്പർ എഫ്.ഐ.ആർ.-ൽ ഉൾപ്പെട്ട പ്രതികളുടെ പേരും വിലാസവും ലഭ്യമാക്കുമോ; ഇവ‍ർക്കെതിരേയുള്ള പരാതിയുടെ വിശദാംശം നൽകാമോ;

പ്രസ്തുത പോലീസ് സ്റ്റേഷൻ പരിധിയിൽ എരഞ്ഞോണ അബ്ദുൽ കരീം വധക്കേസിലെ പ്രതികളുമായി 0687/2022 നമ്പർ കേസിലെ പ്രതികൾക്ക് ബന്ധമുണ്ടോ; വിശദമാക്കാമോ;

ഒരു കേസിൽ കോടതിയുടെ കർശന ഉപാധികളോടെ ജാമ്യത്തിലിറങ്ങിയ പ്രതികൾ മറ്റ് കുറ്റ കൃത്യങ്ങളിൽ ഏർപ്പെടുന്ന പക്ഷം ജാമ്യം റദ്ദ് ചെയ്യുന്നതിന് വ്യവസ്ഥയുണ്ടോ; വിശദമാക്കാമോ?

തിരുവമ്പാടി നിയോജകമണ്ഡലത്തിലെ മുക്കം കേന്ദ്രീകരിച്ച് ട്രാഫിക് പോലീസ് സ്റ്റേഷന്‍ ആരംഭിക്കുന്നതിന് നിര്‍ദ്ദേശം സമര്‍പ്പിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത ട്രാഫിക് പോലീസ് സ്റ്റേഷന്‍ അനുവദിക്കുന്നതിന് നടപടി സ്വീകരിക്കുമോ?

കണ്ണൂര്‍ ജില്ലയിലെ മയ്യില്‍ പോലീസ് സ്റ്റേഷന് കെട്ടിടം നിര്‍മ്മിക്കുന്നതിനായി അനുവദിക്കപ്പെട്ട സ്ഥലത്ത് ആയത് നിര്‍മ്മിക്കുന്നതിനായി ഇതുവരെ സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ?

പൂഞ്ഞാർ മണ്ഡലത്തിലെ എരുമേലിയിലുള്ള കേരള ആംഡ് പോലീസ് 5-ാം ബറ്റാലിയന്റെ ഡിറ്റാച്ച്മെന്റ് ക്യാമ്പ് കെട്ടിടത്തിന് സംരക്ഷണഭിത്തി നിർമ്മിക്കുന്നതിനായി സ്വീകരിച്ചുവരുന്ന നടപടിയുടെ വിശദാംശം ലഭ്യമാക്കുമോ;

പ്രസ്തുത ക്യാമ്പിന്റെ 25 അടി ഉയരത്തിലുള്ള മൺതിട്ട തകർന്നത് മൂലം ക്യാമ്പ് കെട്ടിടത്തിനും സമീപത്തുള്ള വീടുകൾക്കും അപകട ഭീഷണിയുള്ളതിനാൽ ക്യാമ്പ് സ്ഥിതിചെയ്യുന്ന സ്ഥലത്തിന് സംരക്ഷണഭിത്തി അടിയന്തരമായി നിർമ്മിക്കുന്നതിനാവശ്യമായ നടപടി സ്വീകരിക്കുമോ; വിശദമാക്കുമോ?

കൊല്ലം ജില്ലയിൽ അഞ്ചൽ വയല കൊടിവിള വീട്ടിൽ അബ്ദുൽ സലാമിനെ അദ്ദേഹത്തിന്റെ മകൻ റജി ശാരീരികമായി ഉപദ്രവിക്കുന്നുവെന്ന് കടയ്ക്കൽ പോലീസ് സ്റ്റേഷനിൽ നൽകിയ പരാതിയിന്മേൽ സ്വീകരിച്ച നടപടി എന്താണെന്ന് വ്യക്തമാക്കുമോ;

അബ്ദുൽസലാം 28.01.2023-ൽ ഡി.ജി.പി.ക്ക് നൽകിയ പരാതിയിന്മേൽ എന്ത് നടപടി സ്വീകരിച്ചുവെന്ന് വെളിപ്പെടുത്തുമോ;

കടയ്ക്കൽ പോലീസ് സ്റ്റേഷനിൽ നൽകിയ പ്രസ്തുത പരാതിയിന്മേല്‍ പ്രതിയുടെ പേരില്ലാതെ എഫ്.ഐ.ആര്‍. രജിസ്റ്റർ ചെയ്തതായി ശ്രദ്ധയിൽപ്പെട്ടിട്ടുണ്ടോ;

അബ്ദുൽ സലാമിന്റെ പേരിലുണ്ടായിരുന്ന സ്ഥലം മകൻ റജി വ്യാജ പ്രമാണം ചമച്ച് തട്ടിയെടുത്തുവെന്ന പരാതിയിന്മേൽ കടയ്ക്കൽ പോലീസ് എന്ത് നടപടി സ്വീകരിച്ചുവെന്ന് വ്യക്തമാക്കുമോ; പ്രസ്തുത പരാതികൾ ഒരു ഉയർന്ന ഉദ്യോഗസ്ഥനെ കൊണ്ട് അന്വേഷിക്കാൻ നടപടി സ്വീകരിക്കുമോ?

സി-ഡിറ്റിന്റെ സാമ്പത്തിക പ്രതിസന്ധിക്ക് കാരണമായ വിവിധ വിഷയങ്ങളിന്മേൽ വിജിലൻസ് അന്വേഷണം ആവശ്യപ്പെട്ടുകൊണ്ട് സി-ഡിറ്റിലെ തൊഴിലാളി സംഘടനയായ സി-ഡിറ്റ് എംപ്ലോയീസ് ഓര്‍ഗനൈസേഷന്‍ (സി.ഇ.ഒ) നമ്പര്‍: സി.ഇ.ഒ/2020/31 (തീയതി 01.12.2020) സര്‍ക്കാരിന് നിവേദനം സമർപ്പിച്ചിട്ടുണ്ടോ;

പ്രസ്തുത നിവേദനത്തില്‍ ഏതൊക്കെ വിഷയങ്ങളിന്മേലാണ് വിജിലന്‍സ് അന്വേഷണം ആവശ്യപ്പെട്ടിരിക്കുന്നതെന്ന് വിശദമാക്കുമോ;

പ്രസ്തുത നിവേദനത്തിന്മേൽ സ്വീകരിച്ച തുടര്‍നടപടികൾ എന്തെല്ലാമെന്ന് വ്യക്തമാക്കാമോ?

കാസര്‍ഗോഡ് ജില്ലയില്‍ കഴിഞ്ഞ രണ്ട് വര്‍ഷത്തിനിടെ വിജിലന്‍സ് വിവിധ വകുപ്പുകളിലായി എത്ര മിന്നല്‍ പരിശോധനകളും ട്രാപ്പും നടത്തിയിട്ടുണ്ട്; വിശദാംശം നൽകുമോ;

ഇതിന്റെ ഭാഗമായി എത്ര പേരെ പിടികൂടിയിട്ടുണ്ട്; എത്ര പേരുടെ പേരില്‍ നടപടിയെടുക്കാന്‍ സാധിച്ചിട്ടുണ്ട്; വിശദാംശം നൽകുമോ?

2016 മുതൽ അഴിമതിയുമായി ബന്ധപ്പെട്ട വിജിലൻസ് കേസുകളിൽ ഉൾപ്പെട്ട സർക്കാർ ഉദ്യോഗസ്ഥരുടെ എണ്ണം എത്രയാണ്;

ഇതിൽ എത്രപേർക്കെതിരെയാണ് ശിക്ഷാനടപടികൾ സ്വീകരിച്ചിട്ടുള്ളത്; ശിക്ഷ നടപടികളും സർക്കാർ വകുപ്പുകളും തിരിച്ചുള്ള കണക്ക് ലഭ്യമാക്കാമോ;

കേസ് എടുത്തശേഷം നാളിതുവരെയും നടപടികൾ പൂർത്തിയാക്കാത്ത കേസുകൾ എത്രയാണ്; കേസെടുത്ത വർഷവും ജില്ലയും വകുപ്പും തിരിച്ചുള്ള കണക്ക് ലഭ്യമാക്കാമോ;

ഈ കേസുകളിൽ ഉൾപ്പെട്ടിട്ടുള്ള ഏതെങ്കിലും ഉദ്യോഗസ്ഥരെ സർവീസിൽ നിന്നും പിരിച്ചു വിട്ടിട്ടുണ്ടോ; പിരിച്ചുവിട്ട ഉദ്യോഗസ്ഥരുടെ എണ്ണം എത്രയാണ്; ജില്ലയും വകുപ്പും തിരിച്ചുള്ള കണക്ക് ലഭ്യമാക്കാമോ?

സംസ്ഥാന സിവില്‍ സര്‍വീസിലെ അഴിമതി ഇല്ലാതാക്കുന്നതിന് എന്തെല്ലാം നടപടികളാണ് വിജിലന്‍സ് വകുപ്പ് സ്വീകരിച്ചിട്ടുള്ളതെന്ന് വിശദമാക്കുമോ;

ഈ സര്‍ക്കാര്‍ വന്നതിനുശേഷം സിവില്‍ സര്‍വീസ് മേഖലയില്‍ എത്ര കൈക്കൂലി കേസുകളാണ് വിജിലന്‍സ് പിടിച്ചിട്ടുള്ളതെന്ന് വിശദമാക്കുമോ; വകുപ്പ് തിരിച്ചുള്ള കണക്ക് ലഭ്യമാക്കുമോ?

കോടതികളുടെ സമയക്രമം, അവധികളുടെ പരിഷ്‌കരണം എന്നിവ നടത്തുന്നതിന് സംസ്ഥാന എക്‌സിക്യൂട്ടീവിന് എന്തൊക്കെ അധികാരങ്ങളാണ് ഉള്ളതെന്ന് അറിയിക്കാമോ;

കോടതികളിൽ നിലവിലുള്ള നടപടിക്രമങ്ങളും സമയക്രമവും അവധികളും എന്നുമുതല്‍ പ്രാബല്യത്തിലുള്ളതാണെന്ന് അറിയിക്കാമോ?

കൊല്ലം ജില്ലാ ആസ്ഥാനത്ത് കോടതി സമുച്ചയം നിര്‍മ്മിക്കുന്നതിനുള്ള പദ്ധതിക്ക് പുതുക്കിയ ഭരണാനുമതി ലഭ്യമാക്കുന്നതിനുള്ള നടപടികളുടെ പുരോഗതി അറിയിക്കാമോ; പുതുക്കിയ ഭരണാനുമതി ലഭ്യമാക്കി പ്രസ്തുത നിര്‍മ്മാണം ആരംഭിക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

സംസ്ഥാനത്ത് പട്ടികജാതി പട്ടികവര്‍ഗ്ഗ വിഭാഗത്തില്‍പ്പെട്ട ജനവിഭാഗങ്ങള്‍ക്കെതിരെയുള്ള അതിക്രമങ്ങള്‍ സംബന്ധിച്ച കേസുകള്‍ പരിഗണിക്കുന്നതിനായി സ്പെഷ്യല്‍ കോടതികള്‍ സ്ഥാപിക്കുവാന്‍ നടപടി സ്വീകരിച്ചിട്ടുണ്ടോ; വ്യക്തമാക്കുമോ;

തൃശൂര്‍ അയ്യന്തോളിലെ സിവില്‍ സ്റ്റേഷന്‍ കോംപ്ലക്സിലെ ഒഴിഞ്ഞുകിടക്കുന്ന മുറികള്‍ പ്രയോജനപ്പെടുത്തി പ്രസ്തുത കോടതി സ്ഥാപിക്കുന്നതിന് നടപടി സ്വീകരിക്കുമോ; വിശദമാക്കുമോ?

സംസ്ഥാനത്തെ കുടുംബ കോടതികളിൽ പരിഹരിക്കപ്പെടാതെ കിടക്കുന്ന കേസുകളുടെ എണ്ണം ജില്ല തിരിച്ച് ലഭ്യമാക്കാമോ?

കേരളപ്പിറവിക്ക് ശേഷം കേരളത്തില്‍ എത്ര പേര്‍ക്ക് വധശിക്ഷ നടപ്പാക്കി; വ്യക്തമാക്കാമോ;

ഏതെല്ലാം വര്‍ഷം, ഏതൊക്കെ ജയിലില്‍ എന്ന വിവരം നൽകുമോ;

അവസാനമായി കേരളത്തില്‍ വധശിക്ഷ നടപ്പാക്കിയ വര്‍ഷം ഏതെന്ന് വ്യക്തമാക്കാമോ;

നിലവില്‍ അന്തിമ വിധി വന്ന ശേഷം എത്ര ആളുകള്‍ വധശിക്ഷ കാത്ത് ജയിലില്‍ കഴിയുന്നുണ്ട്; ഏതെല്ലാം കേസുകളിലാണ് ശിക്ഷിക്കപ്പെട്ടതെന്നും ഏത് വര്‍ഷത്തിലാണ് വധശിക്ഷക്കുള്ള അന്തിമ വിധി വന്നതെന്നും അറിയിക്കുമോ?

കെട്ടിടങ്ങള്‍ക്ക് അഗ്നിസുരക്ഷാ സര്‍ട്ടിഫിക്കറ്റുകള്‍ നല്‍കുന്ന കാര്യത്തില്‍ വന്‍ തട്ടിപ്പ് നടക്കുന്നതായുളള ആഭ്യന്തര വിജിലന്‍സിന്റെ കണ്ടെത്തല്‍ സര്‍ക്കാര്‍ തലത്തില്‍ പരിശോധിച്ചിട്ടുണ്ടോ; വിശദമാക്കുമോ;

സ്കൂളുകള്‍ ഉള്‍പ്പെടെയുളള വിവിധ സ്ഥാപനങ്ങള്‍ക്ക് പരിശോധന നടത്താതെ സര്‍ട്ടിഫിക്കറ്റ് നല്‍കിയത് വന്‍ അപകട സാധ്യത വരുത്തുമെന്ന് പരിശോധിച്ചിട്ടുണ്ടോ; എങ്കിൽ ആയത് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ;

ഇക്കാര്യത്തിൽ കുറ്റക്കാരായ ഉദ്യോഗസ്ഥര്‍ക്കെതിരെ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

പൂഞ്ഞാർ നിയോജകമണ്ഡലത്തിലെ ഈരാറ്റുപേട്ടയിലെ നിലവിലുള്ള ഫയർ സ്റ്റേഷൻ കെട്ടിടത്തിൽ സൗകര്യങ്ങൾ പരിമിതമായതിനാൽ പ്രസ്തുത കെട്ടിടത്തിന്റെ മുകൾ നിലയിൽ ആവശ്യമായ നിർമ്മാണ പ്രവർത്തനങ്ങൾ നടത്തുന്നതിന് സർക്കാരിന്റെ അംഗീകാരത്തിനായി സമർപ്പിച്ചിട്ടുള്ള എസ്റ്റിമേറ്റ് പ്രകാരമുള്ള തുകയ്ക്ക് ഭരണാനുമതി നല്കുന്നതിനാവശ്യമായ നടപടി സ്വീകരിച്ചിട്ടുണ്ടോ; വിശദാംശം നൽകുമോ;

പ്രസ്തുത നിർമ്മാണ പ്രവൃത്തികൾക്ക് ഭരണാനുമതി നല്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

തളിപ്പറമ്പ് ഫയര്‍ സ്റ്റേഷന് കെട്ടിടം നിര്‍മ്മിക്കുന്നതിനായി അനുവദിക്കപ്പെട്ട സ്ഥലത്ത് ആയത് നിര്‍മ്മിക്കുന്നതിനുള്ള നടപടി സ്വീകരിക്കുമോ?

അരൂര്‍ മണ്ഡലത്തിലെ അരൂര്‍ ഫയര്‍ സ്റ്റേഷന്റെ നിര്‍മ്മാണ പുരോഗതി വിശദമാക്കാമോ;

പ്രസ്തുത ഫയര്‍ സ്റ്റേഷന്‍ നിര്‍മ്മാണവുമായി ബന്ധപ്പെട്ട് കെ.സി. ഇസ്സഡ്.എം.എ. യുടെ അനുമതി ലഭ്യമായിട്ടുണ്ടോ എന്ന് വിശദമാക്കാമോ?

2016-നു ശേഷം സംസ്ഥാനത്ത് പുതുതായി എത്ര ഫയർ ആന്റ് റെസ്ക്യൂ സ്റ്റേഷനുകൾ അനുവദിച്ചിട്ടുണ്ടെന്ന് വ്യക്തമാക്കാമോ;

ചീമേനി ഫയർ സ്റ്റേഷന്റെ പ്രവർത്തനം എന്നാരംഭിക്കാൻ കഴിയുമെന്ന് വ്യക്തമാക്കാമോ?

കാസർഗോഡ് ജില്ലയിലെ വെള്ളരിക്കുണ്ട് താലൂക്കിൽ ഫയ‍ർ സ്റ്റേഷൻ ഇല്ലാത്തകാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത താലൂക്കിലെ ഭീമനടിയിൽ ഫയർ സ്റ്റേഷൻ ആരംഭിക്കാൻ നടപടി സ്വീകരിക്കുമോ?

തിരുവനന്തപുരം സെൻട്രൽ ജയിലിൽ ഉദ്യോഗസ്ഥരുടെ ക്രമക്കേടുകൾക്ക് സഹായം ചെയ്യുന്ന തടവുപുള്ളികൾക്ക് ഉദ്യോഗസ്ഥർ തന്നെ ലഹരി വസ്തുക്കൾ എത്തിച്ച് നൽകുന്നതായി സഹതടവുകാർ മുഖ്യമന്ത്രിക്ക് പരാതി നൽകിയിട്ടുണ്ടോ; എങ്കിൽ പ്രസ്തുത പരാതിയിൽ നാളിതുവരെ സ്വീകരിച്ച നടപടികൾ വ്യക്തമാക്കുമോ;

മുൻ സർക്കാരിന്റെ കാലം മുതൽ നാളിതുവരെ തിരുവനന്തപുരം സെൻട്രൽ ജയിലിലെ ഉദ്യോഗസ്ഥരുടെ ക്വാര്‍ട്ടേഴ്സുകളിൽ നിന്നും ജയിൽ അധികൃതർ നടത്തിയ പരിശോധനയിൽ എത്ര തവണ കഞ്ചാവും മറ്റ് ലഹരിവസ്തുക്കളും പിടിച്ചെടുത്തിട്ടുണ്ടെന്ന് അറിയിക്കാമോ; ഓരോ തവണയും പിടിച്ചെടുത്ത അളവും കുറ്റക്കാരായ ഉദ്യോഗസ്ഥരുടെ വിവരവും വ്യക്തമാക്കുമോ; മേൽപ്പറഞ്ഞ ഉദ്യോഗസ്ഥർക്കെതിരെ സ്വീകരിച്ച നടപടികൾ വ്യക്തമാക്കുമോ;

സെൻട്രൽ ജയിലിനുള്ളിൽ ലഹരി മാഫിയയായി പ്രവർത്തിക്കുന്ന ഉദ്യോഗസ്ഥർക്ക് രാഷ്ട്രീയ സംരക്ഷണം നൽകുന്നുവെന്ന ആക്ഷേപത്തിന്റെ അടിസ്ഥാനത്തിൽ ഈ കാര്യത്തിൽ കർശന നടപടി സ്വീകരിക്കുമോയെന്ന് വ്യക്തമാക്കുമോ;

തിരുവനന്തപുരം സെൻട്രൽ ജയിലിലെ ക്രമക്കേടുകളെ കുറിച്ച് നിരവധി ആക്ഷേപങ്ങൾ ഉയർന്നുവരുന്ന സാഹചര്യത്തിൽ ആയത് സംബന്ധിച്ച് പരിശോധിക്കുന്നതിനും തടവുകാരിൽ നിന്നും തെളിവെടുപ്പ് നടത്തുന്നതിനുമായി അടിയന്തരമായി ഒരു അന്വേഷണ സംഘത്തെ നിയോഗിക്കുമോയെന്ന് വ്യക്തമാക്കുമോ?

തിരുവനന്തപുരം ജില്ലയിലെ വിവിധ ജയില്‍ സ്ഥാപനങ്ങളില്‍ പാര്‍പ്പിക്കാവുന്ന അന്തേവാസികളുടെ അംഗീകൃത ശേഷിയും നിലവില്‍ പാര്‍പ്പിച്ച് വരുന്ന അന്തേവാസികളുടെ എണ്ണവും ജയില്‍ തിരിച്ച് അറിയിക്കാമോ;

കാട്ടാക്കട പോലീസ് സബ് ഡിവിഷന്‍ കേന്ദീകരിച്ച് ജയില്‍ വകുപ്പിന്റെ കൈവശമുള്ള നെട്ടുകാല്‍ത്തേരി തുറന്ന ജയിലിന്റെ ഭാഗമായുള്ള തേവന്‍കോട്ടില്‍ പുതിയ ജയില്‍ സ്ഥാപനം ആരംഭിക്കുന്നതിന് ജയില്‍ വകുപ്പ് പ്രൊപ്പോസല്‍ നല്‍കിയിട്ടുണ്ടോ; എങ്കില്‍ ആയതിന്റെ ഫയല്‍ നമ്പരും ഇതുവരെ സ്വീകരിച്ച നടപടിയും അറിയിക്കാമോ;

ജില്ലയിലെ വിവിധ ജയില്‍ സ്ഥാപനങ്ങളിലെ അന്തേവാസികളുടെ ബാഹുല്യം കണക്കിലെടുത്ത് നെട്ടുകാല്‍ത്തേരി തുറന്ന ജയിലിന്റെ ഭാഗമായുള്ള തേവന്‍കോടില്‍ റിമാന്‍ഡ് തടവുകാരെ പാര്‍പ്പിക്കുന്നതിന് പുതിയ ജയില്‍ ആരംഭിക്കുന്നത് പരിഗണനയിലുണ്ടോയെന്ന് അറിയിക്കാമോ;

ജയില്‍ വകുപ്പിന്റെ ദക്ഷിണ മേഖലയിലെ ഏതൊക്കെ സ്ഥലങ്ങളിലാണ് പുതിയ ജയില്‍ സ്ഥാപനങ്ങള്‍ ആരംഭിക്കുന്നതിനുള്ള നടപടികള്‍ നടന്നുവരുന്നതെന്ന് വ്യക്തമാക്കാമോ; ആയതിന്റെ ഫയല്‍ നമ്പരും അതിന്മേല്‍ ഇതുവരെ സ്വീകരിച്ച നടപടികളും വ്യക്തമാക്കാമോ?

തിരുവനന്തപുരം സെൻട്രൽ ജയിലിൽ അന്തേവാസികൾക്കായി വരുന്ന ഭക്ഷ്യസാധനങ്ങൾ ഉദ്യോഗസ്ഥർ മറിച്ച് വിൽക്കുന്നതായി ആക്ഷേപമുയർന്നത് ശ്രദ്ധയിൽപ്പെട്ടിട്ടുണ്ടോ; പ്രസ്തുത വിഷയത്തില്‍ അന്വേഷണം നടത്തിയിട്ടുണ്ടോ; കുറ്റക്കാരായ ഉദ്യോഗസ്ഥർക്കെതിരെ സ്വീകരിച്ചിട്ടുള്ള നടപടിയുടെ വിശദാംശം അറിയിക്കുമോ;

തടവുകാർക്ക് ഒരു ദിവസം നൽകേണ്ട ഭക്ഷണ സാധനങ്ങൾ ഉൾപ്പെടെയുള്ള ആനുകൂല്യങ്ങളുടെ ലിസ്റ്റ് എല്ലാം ബ്ലോക്കുകളിലും നിലവിൽ പ്രദർശിപ്പിക്കുന്നുണ്ടോ; ഇല്ലെങ്കിൽ ഇപ്രകാരം പ്രദർശിപ്പിക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ;

പ്രസ്തുത ജയിലിനുള്ളിൽ മരാമത്ത് പണികളിൽ ക്രമക്കേട് നടത്തി ഉദ്യോഗസ്ഥർ പണം തട്ടുന്നതായി ആക്ഷേപം ഉയർന്നിട്ടുള്ളത് ശ്രദ്ധയിൽപ്പെട്ടിട്ടുണ്ടോ; എങ്കിൽ മുൻ സർക്കാരിന്റെ കാലം മുതൽ നാളിതുവരെ തിരുവനന്തപുരം സെൻട്രൽ ജയിലിൽ നടന്ന മരാമത്ത് പണികളെക്കുറിച്ച് അന്വേഷണത്തിന് ഉത്തരവ് നൽകുമോയെന്ന് വ്യക്തമാക്കുമോ;

പ്രസ്തുത ജയിലിനുള്ളിൽ അന്തേവാസികളെ പലതരം ക്രമക്കേടുകൾക്ക് കൂട്ടുനിൽക്കുവാൻ ഉദ്യോഗസ്ഥർ നിർബന്ധിക്കുന്നതായും അതിന് താല്പര്യപ്പെടാത്തവരെയും പരാതികൾ ഉന്നയിക്കാൻ ശ്രമിക്കുന്നവരെയും ക്രൂരമായി പീഡിപ്പിക്കുന്നതായും ആക്ഷേപം ഉയർന്നിട്ടുള്ളത് ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ;

ഉദ്യോഗസ്ഥർ തടവുകാർക്കെതിരെ ലൈംഗിക അതിക്രമം ഉൾപ്പെടെയുള്ള ക്രൂരതകൾ കാട്ടുന്നതായി ആക്ഷേപം ഉയർന്നിട്ടുള്ളത് പരിഗണിച്ച് പ്രസ്തുത ജയിലിന്റെ പ്രവർത്തനം സംബന്ധിച്ച് പരിശോധന നടത്തി കുറ്റക്കാർക്കെതിരെ നടപടി സ്വീകരിക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്തെ ജയിലുകളിലുള്ള ആശുപത്രികളുടെ സുഗമമായ പ്രവർത്തനത്തിലേക്കായി എത്ര ഉദ്യോഗസ്ഥരെ നിയമിച്ചിട്ടിട്ടുണ്ടെന്ന് വിശദമാക്കുമോ; ഒരു ഫാർമിസിസ്റ്റ് മാത്രം ഉള്ള ജയിൽ ആശുപത്രികൾ സംസ്ഥാനത്ത് എത്രയെണ്ണം ഉണ്ടെന്ന് വ്യക്തമാക്കുമോ;

സംസ്ഥാനത്തെ ജയിലുകളിലെ ആശുപത്രിയിൽ സഹായിയായി എത്ര തടവുകാരെ നിയോഗിച്ചിട്ടുണ്ട്; ജില്ല തിരിച്ചും ജയിൽ ഇനം തിരിച്ചുമുള്ള കണക്കുകൾ നൽകാമോ;

തിരുവനന്തപുരം സെൻട്രൽ ജയിലിൽ മേസ്തിരി ആയ തടവുകാരൻ ആശുപത്രിയിൽ സഹായിയായി എത്ര വർഷമായി തുടരുന്നുവെന്ന് അറിയിക്കാമോ; പ്രസ്തുത വ്യക്തി തടവുകാർക്ക് മരുന്ന് നിർദേശിക്കുന്നുണ്ടോ; ജയില്‍ ആശുപത്രിയിൽ പ്രസ്തുത വ്യക്തിയാണോ ആശുപത്രി തീരുമാനങ്ങൾ എടുക്കുന്നത്; ആശുപത്രിയിലെ കോടതി രേഖകൾ കൈകാര്യം ചെയ്യുന്നത് പ്രസ്തുത വ്യക്തിയാണോയെന്ന് വ്യക്തമാക്കാമോ;

തിരുവനന്തപുരം സെൻട്രൽ ജയിൽ ആശുപത്രിയിൽ പ്രസ്തുത വ്യക്തിയാണ് നയപരമായ തീരുമാനങ്ങൾ എടുക്കുന്നതെന്ന് പരാതി ലഭിച്ചിട്ടുണ്ടോ; പ്രസ്തുത വ്യക്തിയെ കുറിച്ചുള്ള പരാതിയിന്മേല്‍ സുപ്രണ്ട് സ്വീകരിച്ച നടപടി വിശദമാക്കുമോ;

സംസ്ഥാനത്ത് ജയിൽ ആശുപത്രികളുടെ അടിസ്ഥാന സൗകര്യ വികസനത്തിലേക്കായി 2022 -23 സാമ്പത്തിക വർഷത്തിൽ എത്ര രൂപ ചെലവായി; ജില്ലകൾ, ജയിലുകൾ എന്നിവ തിരിച്ചുള്ള കണക്കുകൾ നൽകാമോ;

ഡി.എം.ഒ. മാരുടെ ജയിലിലെ സന്ദർശന റിപ്പോർട്ടിൽ എന്തൊക്ക ന്യുനതകൾ പറയുന്നുണ്ടെന്ന് വിശദമാക്കാമോ; ആയത് പരിഹരിക്കാൻ സ്വീകരിച്ച നടപടി വ്യക്തമാക്കാമോ; ജയിൽ ആശുപത്രി പ്രവർത്തന സമയം മുഴുവൻ ജയിൽ ഉദ്യോഗസ്ഥർ ഉണ്ടാകാറുണ്ടെന്ന് ഉറപ്പുവരുത്തുവാൻ നടപടികൾ സ്വീകരിച്ചിട്ടുണ്ടോയെന്ന് വിശദമാക്കാമോ;

തിരുവനന്തപുരം സെൻട്രൽ ജയിലിലെ ആശുപത്രിയിലെ ഡോക്ടർ രാജേഷിനെതിരെയുള്ള വകുപ്പ് തല അന്വേഷണത്തിന്മേൽ സ്വീകരിച്ച നടപടി വ്യക്തമാക്കുമോ; പരിചയ സമ്പന്നനായ മറ്റൊരു ഡോക്ടറെ നിയമിക്കണമെന്ന തിരുവനന്തപുരം സെൻട്രൽ ജയില്‍ സൂപ്രണ്ടിന്റെ കത്ത് പ്രകാരം നടപടി സ്വീകരിച്ചിട്ടുണ്ടോ; എങ്കിൽ വിശദമാക്കുമോ?

സംസ്ഥാനത്ത് ജയിലുകൾ ആധുനീകവൽക്കരിക്കുന്നതിന്റെ ഭാഗമായി എന്തൊക്കെ പദ്ധതികളാണ് ജയിലുകളിൽ ഏർപ്പെടുത്തിയിട്ടുള്ളതെന്ന് അറിയിക്കാമോ;

2016-ലെ സർക്കാർ അധികാരത്തിൽ വന്ന ശേഷം നാളിതുവരെ ചീമേനി തുറന്ന ജയിലിൽ എന്തൊക്കെ വികസന പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കാമോ?

തിരുവനന്തപുരം സെൻട്രൽ ജയിലിൽ നിന്നും കഴിഞ്ഞ രണ്ടു വർഷത്തിനകം എത്ര ഔദ്യോഗിക വസതികൾ പൊളിച്ച് മാറ്റിയിട്ടുണ്ടെന്ന് അറിയിക്കാമോ; പ്രസ്തുത ഔദ്യോഗിക വസതികൾ പൊളിച്ച് മാറ്റുമ്പോൾ കിട്ടുന്ന തടി ഉരുപ്പടികൾക്കും മറ്റു സാധനങ്ങൾക്കുമായി പൊതുമരാമത്ത് വകുപ്പ് എത്ര തുകയാണ് വില നിശ്ചയിച്ചിരുന്നതെന്ന് അറിയിക്കാമോ;

ഏതെല്ലാം ചെലവുകൾ കഴിഞ്ഞുള്ള തുകയാണ് ഇപ്രകാരം പൊതുമരാമത്ത് വകുപ്പ് അറിയിച്ചിട്ടുള്ളതെന്ന് അറിയിക്കാമോ; പ്രസ്തുത ചെലവുകൾ ഉൾപ്പെടുത്താതെ പ്രസ്തുത സാധനങ്ങളുടെ വില എത്രയാണെന്ന് വ്യക്തമാക്കുമോ; പ്രസ്തുത കെട്ടിടങ്ങൾ പൊതുമരാമത്ത് വകുപ്പാണോ ജയിൽ വകുപ്പാണോ ലേലം ചെയ്തു വിൽക്കേണ്ടിയിരുന്നതെന്ന് വ്യക്തമാക്കുമോ; പ്രസ്തുത കെട്ടിടങ്ങൾ പൊളിച്ചുമാറ്റാൻ പൊതുമരാമത്ത് വകുപ്പ് ജയിൽ വകുപ്പിന് അന്തിമ അനുമതി നൽകിയിട്ടുണ്ടോ;

പ്രസ്തുത കെട്ടിടങ്ങൾ പൊളിച്ച് മാറ്റാൻ ജയിൽ വകുപ്പ് ഡി.ജി.പി.യോ സർക്കാരോ അനുമതി നൽകിയിട്ടുണ്ടോയെന്ന് അറിയിക്കാമോ; പ്രസ്തുത കെട്ടിടങ്ങൾ പൊളിച്ച് മാറ്റിയ വിവരം ജയിൽ വകുപ്പ് ഡി.ജി.പി.യുടെ ശ്രദ്ധയിൽപ്പെട്ടിട്ടുണ്ടോ; എങ്കിൽ ഈ കാര്യത്തിൽ സ്വീകരിച്ച നടപടി വ്യക്തമാക്കുമോ;

അനുമതി ഇല്ലാതെ സർക്കാർ കെട്ടിടങ്ങൾ പൊളിച്ച് മാറ്റിയ ഉദ്യോഗസ്ഥർ ആരെല്ലാമാണെന്ന് അറിയിക്കാമോ; ഈ കാലയളവിലെ സെൻട്രൽ ജയിൽ സൂപ്രണ്ടുമാര്‍ ചീഫ് എക്സിക്യൂട്ടീവ് ഓഫീസർമാർ എന്നിവരുടെ പേര് വിവരങ്ങൾ വ്യക്തമാക്കുമോ; സർക്കാർ അനുമതിയില്ലാതെ കെട്ടിടങ്ങൾ പൊളിച്ച് മാറ്റിയും സാധനങ്ങൾ കടത്തിക്കൊണ്ടുപോയും അഴിമതി നടത്തിയതായ ആക്ഷേപം ഗൗരവത്തോടെ കാണുന്നുണ്ടോ; ഇക്കാര്യത്തിൽ കുറ്റക്കാർക്കെതിരെ സ്വീകരിച്ച നടപടി വ്യക്തമാക്കുമോ?

മാവേലിക്കര സ്പെഷ്യല്‍ സബ് ജയിലില്‍ അഞ്ച് കോടി രൂപ വിനിയോഗിച്ചുള്ള കെട്ടിട നിര്‍മ്മാണത്തിന് സ്വീകരിച്ച നടപടികള്‍ വിശദമാക്കുമോ;

പ്രസ്തുത നിര്‍മ്മാണം വേഗത്തില്‍ ആരംഭിക്കുവാന്‍ നടപടികള്‍ സ്വീകരിക്കുമോ?

നിയമസഭാ സാമാജികര്‍ക്ക് പ്രതിവര്‍ഷം ഔദ്യോഗിക ആവശ്യങ്ങള്‍ക്കായി അനുവദിക്കുന്ന ഓഫീസ് സ്റ്റേഷനറി എം.എല്‍.എ. ഹോസ്റ്റലില്‍ വിതരണം ചെയ്യുന്നതിനായി വകുപ്പ് നടപടി സ്വീകരിക്കുമോ;

മാസത്തില്‍ ഒരു നിശ്ചിത ദിവസമെങ്കിലും എം.എല്‍.എ. ഹോസ്റ്റലില്‍ സ്റ്റേഷനറി വിതരണം നടത്തുന്ന കാര്യം പരിശോധിക്കുമോ; വ്യക്തമാക്കുമോ?