സംസ്ഥാനത്തെയാകെ സമ്പൂര്‍ണ്ണ സ്ത്രീസൗഹൃദ വിനോദസഞ്ചാര ലക്ഷ്യസ്ഥാനമായി വികസിപ്പിക്കാന്‍ പദ്ധതി ആവിഷ്കരിച്ചിട്ടുണ്ടോ;

ഏകാന്ത സ‍ഞ്ചാരികള്‍ ഉള്‍പ്പെടെയുള്ള സ്ത്രീകളുടെ സുരക്ഷ പൂര്‍ണ്ണമായും ഉറപ്പുവരുത്തുന്നതിനും വൃത്തിയുള്ളതും മികച്ചതുമായ അടിസ്ഥാനസൗകര്യങ്ങള്‍ സൃഷ്ടിക്കുന്നതിനും ഉദ്ദേശിക്കുന്നുണ്ടോ; വ്യക്തമാക്കുമോ;

ഒന്നര ലക്ഷത്തോളം സ്ത്രീകളെ ഉള്‍പ്പെടുത്തി സ്ത്രീസൗഹൃദ വിനോദസഞ്ചാര ശൃംഖല രൂപീകരിക്കാന്‍ പദ്ധതിയുണ്ടോ; വിശദാംശം ലഭ്യമാക്കാമോ?

സംസ്ഥാനത്ത് ആധുനിക സാങ്കേതികവിദ്യയുടെ സഹായത്തോടെ ഏത് കാലാവസ്ഥയെയും അതിജീവിക്കുന്ന റോഡ് നിർമ്മാണ രീതികൾ നടപ്പിലാക്കാന്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ;

നിരന്തരമായി തകരുന്ന റോഡുകള്‍ കണ്ടെത്തി അവ തകരുന്നതിനുള്ള കാരണം പരിശോധിച്ച് ആയതിന് ശാശ്വത പരിഹാരമാകും വിധത്തിലുള്ള നിർമ്മാണ രീതികൾ നടപ്പിലാക്കുമോ; വിശദമാക്കുമോ;

തകര്‍ന്ന റോഡുകളില്‍ വെള്ളക്കെട്ട് ഉണ്ടാകുന്ന സാഹചര്യത്തിൽ എല്ലാ റോഡുകളിലും ജലനിർഗ്ഗമന സംവിധാനം ഏർപ്പെടുത്തുമോ; വിശദമാക്കുമോ;

കാലാവസ്ഥാ വ്യതിയാനം, കൊടുംചൂട്, അതിശൈത്യം, വാഹനപ്പെരുപ്പം എന്നിവ മൂലമുണ്ടാകുന്ന അമിത സമ്മർദ്ദം പുതിയ റോഡ് നിർമ്മാണ രീതികള്‍ക്ക് അതിജീവിക്കാൻ കഴിയുമോയെന്ന് വ്യക്തമാക്കുമോ?

സില്‍വര്‍ലൈന്‍ പദ്ധതിയ്ക്ക് വേണ്ടി സാമൂഹികാഘാത പഠനത്തിനും സര്‍വേയ്ക്കുമായി നിയോഗിച്ചിരുന്ന റവന്യൂ ഉദ്യോഗസ്ഥരെ തിരികെ വിളിക്കാന്‍ തീരുമാനിച്ചിട്ടുണ്ടോയെന്നറിയിക്കുമോ; എങ്കില്‍ കാരണം വിശദമാക്കുമോ;

പ്രസ്തുത പദ്ധതി സംബന്ധിച്ച എതിര്‍പ്പിനെ തുടര്‍ന്ന് സാമൂഹികാഘാത പഠനവും കല്ലിടലും മുടങ്ങിയ സാഹചര്യത്തിലാണ് ഉദ്യോഗസ്ഥരെ തിരിച്ച് വിളിക്കാനുള്ള തീരുമാനം കൈക്കൊണ്ടത് എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ?

സംസ്ഥാനത്ത് എംപ്ലോയ്‌മെന്റ് എക്സ്ചേഞ്ചുകളുടെ പ്രവര്‍ത്തനം കൂടുതല്‍ കാര്യക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

ഈ സര്‍ക്കാര്‍ അധികാരത്തില്‍ വന്നശേഷം എംപ്ലോയ്‌മെന്റ് എക്സ്ചേഞ്ചുകൾ മുഖേനയല്ലാതെ വ്യാപകമായി നിയനമങ്ങൾ നടത്തി എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

എംപ്ലോയ്‌മെന്റ് എക്സ്ചേഞ്ചുകള്‍ വഴിയുള്ള ഏതെല്ലാം സേവനങ്ങളാണ് ഓണ്‍ലൈനിലൂടെ ലഭ്യമാകുന്നതെന്ന് വ്യക്തമാക്കാമോ;

എംപ്ലോയ്‌മെന്റ് എക്സ്ചേഞ്ചുകളെ എംപ്ലോയബിലിറ്റി സെന്ററുകളാക്കി മാറ്റുന്നതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കാമോ?

കേന്ദ്ര വിദ്യാഭ്യാസ മന്ത്രാലയം തയ്യാറാക്കിയ യുഡൈസ് പ്ലസ് റിപ്പോര്‍ട്ട് പ്രകാരം പൊതുവിദ്യാഭ്യാസത്തില്‍ സംസ്ഥാനം വീണ്ടും ഒന്നാം സ്ഥാനത്ത് തുടരുന്നുണ്ടോ;

ഗുണനിലവാരത്തില്‍ പ്രഥമസ്ഥാനം അലങ്കരിക്കുന്നതുപോലെ വിദ്യാഭ്യാസം നേടുന്നതിനുള്ള അവസരത്തിലും പ്രഥമസ്ഥാനം കരസ്ഥമാക്കാന്‍ കഴിഞ്ഞത് പൊതുവിദ്യാഭ്യാസ സംരക്ഷണ യജ്ഞത്തിന്റെ ഫലമായി വിലയിരുത്തുന്നുണ്ടോ;

പ്രധാനമായും ഏതെല്ലാം സൗകര്യങ്ങളെ അടിസ്ഥനാമാക്കിയാണ് മികവ് വിലയിരുത്തുന്നതെന്ന് അറിയിക്കുമോ;

എട്ടാം ക്ലാസുവരെ വിദ്യാർത്ഥികളുടെ കൊഴിഞ്ഞു പോക്കില്ലാത്ത സംസ്ഥാനമെന്ന നേട്ടം കൈവരിക്കാനായിട്ടുണ്ടോ; എങ്കിൽ പ്രസ്തുത നേട്ടം ഉയര്‍ന്ന ക്ലാസുകളില്‍ കൂടി കൈവരിക്കുന്നതിന് മുന്തിയ പരിഗണന നല്‍കുന്നുണ്ടോ എന്ന് വ്യക്തമാക്കാമോ?

ഡോ. എം.എ. ഖാദർ അധ്യക്ഷനായുള്ള കമ്മിറ്റിയുടെ രണ്ടാമത് റിപ്പോർട്ട് സർക്കാരിന് ലഭിച്ചിട്ടുണ്ടോ; എങ്കിൽ റിപ്പോർട്ടിലെ പ്രധാന ശിപാർശകള്‍ എന്തെല്ലാമാണെന്ന് അറിയിക്കാമോ;

ഖാദർ കമ്മിറ്റി റിപ്പോർട്ടിന്റെ ഒന്നാം ഭാഗത്തിലെ ശിപാർശകൾ പ്രകാരം സർക്കാർ നടപ്പാക്കിയ നിർദേശങ്ങൾ എന്തെല്ലാം; വ്യക്തമാക്കാമോ;

ശിപാർശകൾ നടപ്പാക്കുന്നത് സംബന്ധിച്ച് സെക്രട്ടേറിയറ്റിൽ രൂപീകരിച്ച സെല്ലും സഹായിക്കാനായി രൂപീകരിച്ച കോർ കമ്മിറ്റിയും സർക്കാരിന് ശിപാർശകൾ സമർപ്പിച്ചിട്ടുണ്ടോ; വിശദാംശം ലഭ്യമാക്കുമോ?

സംസ്ഥാനത്ത് റോഡുകളുടെ അടിയന്തര അറ്റകുറ്റപ്പണികള്‍ക്കായി ഉപയോഗിക്കുന്ന ഷെല്‍മാക് മിശ്രിതത്തിന്റെ ഈട് എത്രനാള്‍ നിലനില്‍ക്കുമെന്ന് പഠനം നടത്തിയിട്ടുണ്ടോ; വിശദാംശം നൽകുമോ;

ഈര്‍പ്പമുള്ളപ്പോള്‍ ഷെല്‍മാക് ഇടുന്നത് വേഗത്തിൽ പൊളിഞ്ഞുപോകുന്നത് ശ്രദ്ധയില്‍പ്പെട്ടിട്ടുണ്ടോ; നിലവിൽ എത്രനാള്‍ വരെ പ്രസ്തുത മിശ്രിതം ഇളകാതെ നില്‍ക്കുന്നുണ്ടെന്ന് അറിയിക്കുമോ;

ഒരേ സ്ഥലങ്ങളില്‍ പലതവണ ഷെല്‍മാക് ഇടുന്നതിന് പകരം അവിടങ്ങളില്‍ വൈറ്റ് ടോപ്പിങ് എന്ന നൂതന സാങ്കേതികവിദ്യ പ്രയോഗിച്ചാല്‍ തുടരെയുള്ള അറ്റകുറ്റപ്പണി ഒഴിവാകുകയും തദ്വാരാ ഖജനാവിന് സാമ്പത്തികഭാരം കുറയുകയും ചെയ്യും എന്നത് കണക്കിലെടുത്ത് വൈറ്റ് ടോപ്പിങ് പ്രാവര്‍ത്തികമാക്കുമോ എന്ന് വ്യക്തമാക്കാമോ?

പൊതുവിദ്യാഭ്യാസ രംഗത്ത് ലോകനിലവാരം കെെവരിക്കുകയെന്ന ലക്ഷ്യത്തോടെയാണാേ പാഠ്യപദ്ധതി പരിഷ്കരണം നടത്തുന്നതെന്ന് വ്യക്തമാക്കുമോ;

പഠിതാക്കളെ കേന്ദ്ര സ്ഥാനത്ത് നിര്‍ത്തിക്കൊണ്ട് അവരുടെ സമഗ്ര വികസനം സാധ്യമാക്കുന്ന തരത്തിലാണോ പുതിയ പാഠ്യപദ്ധതിക്ക് രൂപം നല്‍കുന്നതെന്ന് അറിയിക്കുമോ;

ത്വരിതഗതിയില്‍ വികസിക്കുന്ന ശാസ്ത്ര, സാങ്കേതികശാസ്ത്ര വിജ്ഞാനം ഉള്‍ക്കൊള്ളാന്‍ ശേഷി സൃഷ്ടിക്കുന്നതിനും ജനാധിപത്യമൂല്യവും ബഹുസ്വരതയും ലിംഗസമത്വബോധവും പകര്‍ന്ന് നല്‍കുന്നതിനും പഠന ചട്ടക്കൂട് ലക്ഷ്യം വയ്ക്കുന്നുണ്ടോ; വിശദമാക്കുമോ?

സംസ്ഥാനത്ത് കിഫ്ബി ഫണ്ട് ഉപയോഗിച്ച് തീരദേശ ഹൈവേ നിർമ്മിക്കുന്നതിനുളള പദ്ധതി നിലവിൽ ഏത് ഘട്ടത്തിലാണെന്ന് വ്യക്തമാക്കുമോ;

തീരദേശത്ത് നിലവിലുളള പാത വീതി കൂട്ടി വിപുലീകരിക്കുന്നതിന് പകരം പുതിയ പാത നിർമ്മിക്കാനാണോ ഉദ്ദേശിക്കുന്നതെന്ന് വ്യക്തമാക്കുമോ;

പ്രസ്തുത പദ്ധതി നടപ്പിലാക്കുമ്പോൾ തീരദേശ നിവാസികളെ കുടിയൊഴിപ്പിക്കേണ്ടി വരുമോ; എങ്കിൽ അവര്‍ക്ക് നൽകാൻ ഉദ്ദേശിക്കുന്ന നഷ്ടപരിഹാരത്തിന്റെ വിശദാംശം നൽകുമോ?

സംഘടിത, അസംഘടിത താെഴില്‍ മേഖലകളില്‍ അരക്ഷിതാവസ്ഥ സൃഷ്ടിക്കുന്ന തരത്തില്‍ കേന്ദ്ര സര്‍ക്കാര്‍ നടപടി സ്വീകരിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത സാഹചര്യത്തില്‍ കേരളത്തെ തൊഴിലാളി സൗഹൃദ സംസ്ഥാനമാക്കിമാറ്റുവാൻ ഈ സര്‍ക്കാര്‍ നടത്തുന്ന പ്രവര്‍ത്തനങ്ങളെക്കുറിച്ച് വ്യക്തമാക്കാമോ;

റിസര്‍വ് ബാങ്ക് പ്രസിദ്ധീകരിച്ച കണക്ക് പ്രകാരം രാജ്യത്തിന്റെ ഇതര ഭാഗങ്ങളിലുളളതിന്റെ മൂന്ന് മടങ്ങിലധികം വരെ ഉയര്‍ന്ന തോതിലുളള പ്രതിദിന വേതനം സംസ്ഥാനത്ത് ലഭിക്കുന്നതായി കണ്ടെത്തിയിട്ടുണ്ടോ;

സംസ്ഥാനത്ത് വിവിധ തൊഴില്‍ മേഖലകളില്‍ മിനിമം വേതനം നിശ്ചയിക്കുന്നതിനും അവ കാലികമായി പുതുക്കുന്നതിനും കാര്യക്ഷമമായ ഇടപെടല്‍ നടത്താന്‍ കഴിഞ്ഞിട്ടുണ്ടോ; വിശദമാക്കാമോ?

സംസ്ഥാനത്ത് അപകടം നിറഞ്ഞ സാഹചര്യത്തില്‍ മത്സ്യബന്ധനം നടത്തുന്ന മത്സ്യതൊഴിലാളികള്‍ക്ക് സുരക്ഷ ഉറപ്പാക്കുന്നതിന് നിലവിലുള്ള പദ്ധതികൾ ഏതെല്ലാമെന്ന് വിശദമാക്കുമോ;

മത്സ്യത്തൊഴിലാളികള്‍ക്ക് യഥാസമയം വിവരങ്ങള്‍ കൈമാറുവാന്‍ നാവിക് അധിഷ്ഠിത സാറ്റലൈറ്റ് ഫോണ്‍ സംവിധാനം ലഭ്യമാക്കിയിട്ടുണ്ടോ; വിശദാംശം നല്‍കുമോ;

മത്സ്യത്തൊഴിലാളികളുടെ രക്ഷാപ്രവര്‍ത്തനത്തിനായി മറൈന്‍ ആംബുലന്‍സുകള്‍ പ്രവര്‍ത്തനക്ഷമമാക്കിയിട്ടുണ്ടോ; എങ്കില്‍ അവയുടെ സേവനം എവിടെയെല്ലാം ലഭിക്കുമെന്ന് വ്യക്തമാക്കുമോ?

സംസ്ഥാനത്ത് പാഠ്യപദ്ധതി പരിഷ്കരണവുമായി ബന്ധപ്പെട്ട് പൊതുവിദ്യാഭ്യാസ വകുപ്പ് ആരംഭിച്ച ചർച്ചകൾ ഏതുഘട്ടത്തിലാണെന്ന് വ്യക്തമാക്കാമോ;

പ്രസ്തുത ചർച്ചകൾ വസ്തുനിഷ്ഠവും കാര്യക്ഷമവുമാക്കുന്നതിന് സ്വീകരിച്ച നടപടികളുടെ വിശദാംശം ലഭ്യമാക്കുമോ;

ജനകീയ ചർച്ചകൾക്ക് ശേഷം പൊതുചർച്ചകളുടെയും സ്കൂൾതല ചർച്ചകളുടെയും അടിസ്ഥാനത്തിലുള്ള നിലപാട് രേഖ (പൊസഷൻ പേപ്പർ) പ്രസിദ്ധീകരിക്കുന്നതിന് ഉദ്ദേശിക്കുന്നുണ്ടോ; വിശദമാക്കുമോ;

പാഠ്യപദ്ധതി പരിഷ്കരണവുമായി ബന്ധപ്പെട്ട് ഏതെങ്കിലും മതവിഭാഗങ്ങളോ സംഘടനകളോ അവരുടെ ആശങ്കകൾ സർക്കാരിന്റെ ശ്രദ്ധയിൽപ്പെടുത്തിയിട്ടുണ്ടോ; വിശദാംശം ലഭ്യമാക്കുമോ?

സംസ്ഥാനത്ത് വിവിധ മേഖലകളിൽ പണിയെടുക്കുന്ന തൊഴിലാളികളുടെ പ്രശ്നങ്ങളിൽ ഇടപെടുന്നതിനും അവ പരിഹരിക്കുന്നതിനും തൊഴിൽ വകുപ്പിന് കഴിയുന്നുണ്ടോ; വ്യക്തമാക്കുമോ;

ഗാർഹിക തൊഴിലാളികൾ ഉൾപ്പെടെയുള്ള അസംഘടിത തൊഴിലാളികളുടെ വരുമാനവും സുരക്ഷയും ഉറപ്പാക്കുന്നതിന് സർക്കാർ പിന്‍തുടരുന്ന തൊഴിൽ നയത്തിന് നിർണ്ണായക പങ്ക് വഹിക്കാൻ സാധിച്ചിട്ടുണ്ടോ; വിശദമാക്കുമോ;

മൗലികമായ തൊഴിൽ പ്രശ്നങ്ങൾക്ക് പരിഹാരം കാണുന്നതിനും തൊഴിലാളി-തൊഴിലുടമ പ്രശ്നങ്ങള്‍ ഒഴിവാക്കുന്നതിനും തൊഴിൽ നയം സഹായകമായിട്ടുണ്ടോ; വ്യക്തമാക്കുമോ;

സംസ്ഥാനത്ത് മിനിമം കൂലി ഉറപ്പാക്കുന്നതിനും നോക്കുകൂലിയുമായി ബന്ധപ്പെട്ട പ്രശ്നങ്ങൾ പരിഹരിക്കുന്നതിനും തൊഴിൽ നയം സഹായകമായിട്ടുണ്ടോ; വിശദമാക്കുമോ?

സംസ്ഥാനത്ത് നിർമ്മിക്കാനുദ്ദേശിക്കുന്ന ഭവന പാർക്കിന്റെ വിശദാംശം വെളിപ്പെടുത്താമോ;

കെട്ടിട നിർമ്മാണ മേഖലയുമായി ബന്ധപ്പെട്ട സേവനങ്ങള്‍, നൂതന ഭവന നിർമ്മാണ സാങ്കേതികവിദ്യകള്‍, നിർമ്മാണ സാമഗ്രികളുടെ വിതരണം എന്നിവ ഭവന പാർക്കില്‍ ലഭ്യമാക്കുന്നുണ്ടോ; വിശദാംശം അറിയിക്കാമോ;

പ്രസ്തുത പാര്‍ക്കിനെ ഗവേഷണ കേന്ദ്രമായി മാറ്റുന്നതിന് നടപടി സ്വീകരിക്കുമോ; വിശദമാക്കാമോ?

സര്‍ക്കാരിന് ലഭിച്ച ഉത്തരവാദിത്ത ടൂറിസം ഗ്ലോബല്‍ അവാര്‍ഡ് സംസ്ഥാനത്തെ വിനോദസഞ്ചാര മേഖലയെ ലോക രാജ്യങ്ങള്‍ക്കിടയില്‍ അടയാളപ്പെടുത്തുന്നതിന് സഹായകരമാകുമോ; വിശദമാക്കുമോ;

അവാര്‍ഡിന് അര്‍ഹമാക്കിയ വാട്ടര്‍ സ്ട്രീറ്റ് പ്രോജക്ട് സംബന്ധിച്ച വിശദാംശം നല്‍കുമോ;

ടൂറിസം മേഖലയുടെ പ്രചരണവുമായി ബന്ധപ്പെട്ട് പസഫിക് ഏഷ്യ ട്രാവല്‍ അസോസിയേഷന്റെ സുവര്‍ണ്ണ പുരസ്കാരം നേടുവാന്‍ കഴിഞ്ഞിട്ടുണ്ടോ; വിശദമാക്കുമോ?

സംസ്ഥാനത്ത് വിദേശ, ആഭ്യന്തര വിനോദസഞ്ചാരികൾക്കായി നൈറ്റ് ലൈഫ് ടൂറിസം പദ്ധതി ആരംഭിച്ചിട്ടുണ്ടോ; വിശദമാക്കുമോ;

സംസ്ഥാനത്തെ പ്രധാനപ്പെട്ട ടൂറിസം മേഖലകളിലും നഗരങ്ങളിലും പ്രസ്തുത പദ്ധതി നടപ്പിലാക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

പ്രസ്തുത ടൂറിസത്തിന്റെ ഭാഗമായി വിനോദസഞ്ചാരികൾക്ക് കേരളത്തിന്റെ പരമ്പരാഗത കലകളും രുചികളും ആസ്വദിക്കുന്നതിന് മെച്ചപ്പെട്ട സൗകര്യങ്ങൾ ഏർപെടുത്തിയിട്ടുണ്ടോ; വിശദമാക്കുമോ;

പ്രസ്തുത ടൂറിസത്തിന്റെ ഭാഗമായി വിദേശ, ആഭ്യന്തര വിനോദസഞ്ചാരികൾക്ക് കുറ്റമറ്റ സുരക്ഷാസംവിധാനം ഏർപ്പെടുത്തിയിട്ടുണ്ടോ; വിശദമാക്കുമോ?

സംസ്ഥാനത്ത് മത്സ്യത്തൊഴിലാളികളുടെ സുരക്ഷയ്ക്കായി ഫിഷറീസ് വകുപ്പ് എന്തൊക്കെ സംവിധാനങ്ങളാണ് ഒരുക്കിയിട്ടുള്ളത്; വിശദാംശം നല്‍കുമോ;

ജി.പി.എസ്. സംവിധാനമുള്ള ബീക്കണ്‍ ഉപയോഗിച്ചിട്ടും പ്രയോജനമില്ലെന്നും അപകടത്തില്‍പ്പെട്ട പല വള്ളങ്ങളിലും ഇത് ഉപയോഗിച്ചിട്ടും ആരും രക്ഷാപ്രവര്‍ത്തനത്തിന് എത്തിയില്ലെന്നുമുള്ള മത്സ്യത്തൊഴിലാളികളുടെ ആക്ഷേപം പരിശോധിച്ചിട്ടുണ്ടോ; വ്യക്തമാക്കാമോ;

ഈ വര്‍ഷം കേരള തീരത്ത് അപകടത്തില്‍പ്പെട്ട മത്സ്യത്തൊഴിലാളികളുടെ ബോട്ടുകളില്‍ പ്രസ്തുത സംവിധാനം ഉണ്ടായിരുന്നോ; വിശദമാക്കാമോ;

ഉള്‍ക്കടലില്‍ മത്സ്യബന്ധനം നടത്തുന്ന വള്ളങ്ങളും ബോട്ടുകളും ഐ.എസ്.ആര്‍.ഒ.യുടെ ഗതിനിര്‍ണ്ണയ ഉപഗ്രഹ ശൃംഖലയായ നാവികിന്റെ കീഴില്‍ വരുത്തുന്നതിനുള്ള നടപടി ഏത് ഘട്ടത്തിലാണ്; വിശദാംശം നല്‍കുമോ?

സംസ്ഥാനത്ത് റോഡ് നിർമ്മാണത്തിൽ വ്യാപകമായ ക്രമക്കേടുകൾ നടന്നതായി വിജിലൻസ് കണ്ടെത്തിയിട്ടുണ്ടോ;

റോഡുകളുടെ നിർമ്മാണം പൂർത്തിയാക്കി മാസങ്ങൾക്കകം കുഴികൾ രൂപപ്പെട്ടുവരുന്നതായി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

റോഡ് നിർമ്മാണത്തിന് ആവശ്യമായ ടാർ ഉപയോഗിക്കാത്ത സംഭവങ്ങൾ ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

റോഡ് നിർമ്മാണത്തിലെ ക്രമ​ക്കേടുകളും അപാകതകളും നിയന്ത്രിക്കുന്നതിന് എന്തെല്ലാം നടപടികൾ സ്വീകരിക്കുവാനാണ് ഉദ്ദേശിക്കുന്നതെന്ന് വിശദമാക്കുമോ?

കേന്ദ്ര സര്‍ക്കാര്‍ സംസ്ഥാനത്തെ റെയില്‍വേ പദ്ധതികളോട് തുടര്‍ച്ചയായി പുലര്‍ത്തുന്നതായി പറയപ്പെടുന്ന അവഗണനയുടെ ഫലമായി മുടങ്ങിക്കിടന്ന ശബരി പാതയുടെ പകുതി ചെലവ് സംസ്ഥാനം വഹിക്കാമെന്ന വ്യവസ്ഥയില്‍ പുനരുജ്ജീവിപ്പിച്ചിരുന്നോ എന്ന് വ്യക്തമാക്കുമോ;

സംസ്ഥാന റെയില്‍വേ വികസനത്തിനെതിരെ പ്രവർത്തിക്കുന്ന ചില നിക്ഷിപ്ത താല്പര്യക്കാരുടെ സമ്മര്‍ദ്ദം മൂലം പാത ഉപേക്ഷിക്കാന്‍ പോകുന്നതായി വന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന്റെ നിജസ്ഥിതി അറിയിക്കാമോ;

ഇടുക്കി, പത്തനംതിട്ട, കോട്ടയം ജില്ലകളിലെ മലയോര മേഖലയുടെ സമഗ്ര വികസനത്തിന് ഏറെ പ്രയോജനകരമായ പ്രസ്തുത പദ്ധതി ത്വരിതപ്പെടുത്താന്‍ കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ; കേന്ദ്ര സർക്കാരിന്റെ നിര്‍ദേശാനുസരണം പുതിയ എസ്റ്റിമേറ്റ് തയ്യാറാക്കി സമര്‍പ്പിച്ചിട്ടുണ്ടോ എന്ന് അറിയിക്കാമോ?

സംസ്ഥാനത്ത് ആവിഷ്കരിച്ച ഉത്തരവാദിത്ത ടൂറിസത്തിന് അന്തര്‍ദേശീയ പുരസ്‍കാരം ലഭിച്ചിട്ടുണ്ടോ; വിശദ വിവരം നൽകുമോ;

ഗ്രാമപ്രദേശത്തുള്ളവരുടെ, വിശേഷിച്ചും സ്ത്രീകളുടെ സാമ്പത്തികമായ ഉന്നമനത്തിന് ഉത്തരവാദിത്ത ടൂറിസം പദ്ധതി എത്രമാത്രം പ്രയോജനപ്രദമാണെന്ന് അറിയിക്കാമോ;

പ്രസ്തുത പദ്ധതിക്ക് കീഴില്‍ എത്ര യൂണിറ്റുകളാണ് ഉള്ളതെന്നും അവയിലെ നേരിട്ടുള്ള സ്ത്രീപങ്കാളിത്തത്തെക്കുറിച്ചും വിശദമാക്കാമോ?

വിനോദസഞ്ചാര വികസനത്തിന് പ്രാധാന്യം നല്‍കിയതിന്റെ ഫലമായി സംസ്ഥാനത്തിന്റെ ആഭ്യന്തര വരുമാനത്തില്‍ പ്രഥമ ഗണനീയ പങ്ക് സംഭാവന ചെയ്യുന്ന തരത്തില്‍ വിനോദസഞ്ചാര വ്യവസായം വളര്‍ച്ച നേടിയിട്ടുണ്ടോ;

നിലവില്‍ ചില പ്രധാന സ്ഥലങ്ങളെ മാത്രം കേന്ദ്രീകരിച്ചുള്ള വിനോദസഞ്ചാരത്തിന്റെ സദ്ഫലങ്ങള്‍ സംസ്ഥാനത്തൊട്ടാകെ ലഭ്യമാകുന്ന തരത്തില്‍ വിപുലീകരിക്കാന്‍ നടത്തുന്ന ശ്രമങ്ങള്‍ ഫലം കണ്ട് തുടങ്ങിയിട്ടുണ്ടോ;

പ്രസ്തുത ലക്ഷ്യത്തോടെ ആവിഷ്കരിച്ച ഡെസ്റ്റിനേഷന്‍ ചലഞ്ച് വഴി കെെവരിക്കാനായ നേട്ടം അറിയിക്കുമോ?

സംസ്ഥാനത്തെ മത്സ്യത്തൊഴിലാളികളുടെ അടിസ്ഥാന പ്രശ്നങ്ങള്‍ പരിഹരിക്കാന്‍ ഈ സര്‍ക്കാര്‍ സ്വീകരിച്ച നടപടികള്‍ വ്യക്തമാക്കാമോ;

മത്സ്യഫെഡും മത്സ്യത്തൊഴിലാളി കടാശ്വാസ കമ്മീഷനും മറ്റ് ഏജന്‍സികളും വഴി അവര്‍ക്ക് നല്‍കി വരുന്ന സഹായങ്ങള്‍ എന്തെല്ലാമാണെന്ന് വ്യക്തമാക്കുമോ;

പാര്‍ശ്വവത്ക്കരിക്കപ്പെട്ട സമൂഹം എന്ന നിലയില്‍ ഇവര്‍ക്ക് നല്‍കി വരുന്ന സഹായങ്ങള്‍ കാലോചിതമായി പരിഷ്കരിച്ച് നല്‍കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

സംസ്ഥാനത്ത് പൊതുവിദ്യാഭ്യാസം സംരക്ഷിക്കാനും മെച്ചപ്പെടുത്താനും സ്വീകരിച്ചുവരുന്ന നടപടികൾ വ്യക്തമാക്കുമോ;

ദേശീയ വിദ്യാഭ്യാസ നയം നടപ്പാക്കുന്ന സാഹചര്യത്തില്‍ ഗ്രാമീണ മേഖലകളില്‍ അംഗീകാരം ഇല്ലാതെ പ്രവര്‍ത്തിക്കുന്ന സ്കൂളുകൾക്ക് അംഗീകാരം നല്‍കുന്നതിനും പൊതുവിദ്യാലയങ്ങളുടെ ഭൗതിക സാഹചര്യം കൂടുതല്‍ മെച്ചപ്പെടുത്തുന്നതിനും എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

സംസ്ഥാനത്ത് തൊഴിലില്ലായ്മ നിരക്ക് ദേശീയ ശരാശരിയായ 8.2 ശതമാനത്തിനേക്കാള്‍ അഞ്ച് ശതമാനം വർദ്ധിച്ച് 13.2 ശതമാനമായി ഉയര്‍ന്നിട്ടുണ്ടോ;

സംസ്ഥാനത്തെ എംപ്ലോയ്‍മെന്റ് എക്സ്ചേഞ്ചുകൾ മുഖേനയല്ലാതെ വ്യാപകമായി അനധികൃത നിയമനങ്ങൾ നടക്കുന്നുണ്ടെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

വ്യവസായ സംരംഭകര്‍ സംസ്ഥാനത്ത് നിക്ഷേപം നടത്താൻ മടിക്കുന്നതും കാര്‍ഷിക മേഖലയിലേക്ക് പുതുതലമുറയെ ആകര്‍ഷിക്കാന്‍ കഴിയാത്തതും തൊഴിലവസരങ്ങള്‍ കുറയുന്നതിന് കാരണമാവുന്നുണ്ടോ; വ്യക്തമാക്കുമോ;

എങ്കില്‍ സംസ്ഥാനത്ത് പുതിയ തൊഴിലവസരങ്ങള്‍ സൃഷ്ടിക്കാന്‍ എന്തെല്ലാം നൂതന സംരംഭങ്ങള്‍ക്ക് തുടക്കം കുറിക്കുമെന്ന് അറിയിക്കുമോ; വിശദാംശം നല്‍കുമോ?

സംസ്ഥാനത്തെ തീരക്കടലില്‍ മത്സ്യ ലഭ്യത കുറ‍ഞ്ഞ് വരികയും കേന്ദ്ര സര്‍ക്കാര്‍ ആഴക്കടല്‍ മത്സ്യബന്ധനത്തിന് വിദേശ ട്രോളറുകള്‍ക്ക് അനുമതി നല്‍കുന്നതുവഴി അവ ആഴക്കടലില്‍ നിന്ന് മത്സ്യക്കുഞ്ഞുങ്ങളെ ഉള്‍പ്പെടെ പിടിച്ചെടുക്കുകയും ചെയ്യുന്ന പശ്ചാത്തലത്തില്‍ സംസ്ഥാനത്തെ പരമ്പരാഗത മത്സ്യത്തൊഴിലാളികളെ ആഴക്കടല്‍ മത്സ്യബന്ധനത്തിന് പ്രാപ്തരാക്കാന്‍ പദ്ധതിയുണ്ടോ;

ആഴക്കടല്‍ മത്സ്യബന്ധന ബോട്ടുകള്‍ നിര്‍മ്മിച്ച് നല്‍കാന്‍ കേന്ദ്ര സര്‍ക്കാരിനോട് ആവശ്യപ്പെട്ടതിന് അനുകൂല പ്രതികരണം ലഭിച്ചിട്ടുണ്ടോ;

ആഴക്കടല്‍ മത്സ്യബന്ധനത്തിന് നോര്‍വീജിയന്‍ സാങ്കേതികവിദ്യയുടെ വളര്‍ച്ച സംസ്ഥാനത്തെ മത്സ്യത്തൊഴിലാളികള്‍ക്ക് ലഭ്യമാക്കുകയെന്ന ലക്ഷ്യത്തോടെ നോര്‍വീജിയന്‍ വിദഗ്‍ദ്ധ സംഘവുമായി ആശയവിനിമയം നടത്തിയിട്ടുണ്ടോ എന്ന് വ്യക്തമാക്കുമോ?

സംസ്ഥാനം ദീര്‍ഘനാളായി ആവശ്യപ്പെടുന്നതും ശബരിമല തീര്‍ത്ഥാടകര്‍ക്ക് ഏറെ ഗുണകരമായതും മലയോര മേഖലയുടെ സമഗ്ര വികസനത്തിന് ഉതകുന്നതുമായ അങ്കമാലി-ശബരി റെയില്‍ പദ്ധതിയുടെ നിലവിലെ അവസ്ഥ എന്താണെന്ന് വ്യക്തമാക്കാമോ;

പ്രധാനമന്ത്രിയുടെ പ്രഗതി സ്കീമില്‍ ഈ പദ്ധതി ഉള്‍പ്പെടുത്തിയതായി സംസ്ഥാനത്തെ അറിയിച്ചിട്ടുണ്ടോ;

പ്രസ്തുത പദ്ധതിയ്ക്ക് ആവശ്യമായ ഭൂമിയുടെ ഭീമമായ വില വര്‍ദ്ധനവ് കണക്കിലെടുത്ത് ഭൂമി സൗജന്യമായി വിട്ടുകൊടുക്കുന്നതിനുളള സന്നദ്ധതയും നിര്‍മ്മാണ ചെലവിന്റെ അമ്പത് ശതമാനം ഏറ്റെടുക്കുന്നതിനുളള സമ്മതവും സംസ്ഥാന സര്‍ക്കാര്‍ അറിയിക്കുന്ന മുറയ്ക്ക് പദ്ധതി ഏറ്റെടുക്കുന്നതാണെന്ന് റെയില്‍വേ അറിയിച്ചിരുന്നോ;

നിര്‍ദ്ദിഷ്ട അങ്കമാലി-ശബരി റെയില്‍ പദ്ധതി സാക്ഷാത്ക്കരിക്കുന്നതിനായി സംസ്ഥാന സര്‍ക്കാര്‍ നടത്തിവരുന്ന ഇടപെടലുകള്‍ വെളിപ്പെടുത്താമോ?

കോഴിക്കോട് ഫറൂഖ് ​കോളേജിന് അവകാശപ്പെട്ട 400 ഏക്കർ വഖഫ് ഭൂമി എറണാകുളം ജില്ലയിൽ ഉളളതായി കണ്ടെത്തിയിട്ടുണ്ടോ;

ഇത് വഖഫ് ഭൂമിയാണെന്ന് വഖഫ് അന്വേഷണ കമ്മീഷൻ സ്ഥിരീകരിച്ചിട്ടുണ്ടോ;

വഖഫിന്റെ പ്രസ്തുത സ്ഥലം തിരിച്ച് പിടിക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ട്;

പ്രസ്തുത ഭൂമി കൈവശം വച്ചിരിക്കുന്നവരിൽ നിന്നും ഭൂനികുതി സ്വീകരിക്കുന്നതിന് സർക്കാർ അനുമതി നൽകിയിട്ടുണ്ടോ; എങ്കിൽ കാരണം വ്യക്തമാക്കുമോ?

സംസ്ഥാനത്ത് വിവിധ തലങ്ങളിലുള്ള റവന്യൂ ഓഫീസുകളുടെ പ്രവര്‍ത്തനം കാര്യക്ഷമവും അഴിമതി രഹിതവുമാക്കുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കുമോ;

പ്രവര്‍ത്തനങ്ങള്‍ സാങ്കേതികവിദ്യാധിഷ്ഠിതമായി ആധുനികീകരിക്കുന്നതിനുള്ള കടലാസ് രഹിത വില്ലേജ് ഓഫീസ് പദ്ധതി പൂര്‍ത്തിയായിട്ടുണ്ടോയെന്ന് അറിയിക്കുമോ;

ഭൂമി തരംമാറ്റത്തിനുള്ള അപേക്ഷകള്‍ ഓണ്‍ലൈനാക്കിയിരുന്നോ; ഇത്തരത്തില്‍ ലഭിച്ച അപേക്ഷകളി‍ല്‍ സമയബന്ധിതമായി നടപടി പൂര്‍ത്തീകരിക്കാന്‍ കഴിഞ്ഞിട്ടുണ്ടോയെന്ന് വ്യക്തമാക്കുമോ?

കടല്‍ക്ഷോഭവും മറ്റ് പ്രകൃതിദുരന്തങ്ങളും മൂലം സംസ്ഥാനത്തെ തീരദേശ ജനത നേരിടുന്ന വിവിധങ്ങളായ ബുദ്ധിമുട്ടുകള്‍ക്ക് ശാശ്വതമായ പരിഹാരം കാണുന്നതിന്റെ ഭാഗമായി കഴിഞ്ഞ സര്‍ക്കാര്‍ ആരംഭിച്ച ബൃഹത്തായ പുനരധിവാസ പദ്ധതിയായ പുനര്‍ഗേഹം പദ്ധതിയുടെ പുരാേഗതി വിശദമാക്കുമാേ;

പുനര്‍ഗേഹം പദ്ധതിയില്‍ നടപ്പ് സാമ്പത്തിക വര്‍ഷം നീക്കിവച്ചിട്ടുള്ള തുകയുടെ വിശദാംശം ലഭ്യമാക്കുമാേ;

പ്രസ്തുത പദ്ധതിയ്ക്കായി ഭൂമി കണ്ടെത്തുന്നതിനും അവയുടെ വില നിശ്ചയിക്കുന്നതിനുമുള്ള നടപടികള്‍ വേഗത്തിലാക്കുന്നതിന് എന്തെല്ലാം ഇടപെടലുകളാണ് നടത്തിവരുന്നതെന്ന് അറിയിക്കുമാേ;

തീരദേശ ജനതയുടെ സുരക്ഷയ്ക്കും തീരദേശത്തിന്റെ സമഗ്ര വികസനത്തിനുമുള്ള ഈ പദ്ധതി സമയബന്ധിതമായി പൂര്‍ത്തീകരിക്കുന്നതിന് വിവിധ വകുപ്പുകളുടെ ഏകാേപനമടക്കം എന്തെല്ലാം ക്രമീകരണങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കുമാേ?

സംസ്ഥാനത്തിന്റെ മുഖ്യ വരുമാന മാര്‍ഗ്ഗമായി ടൂറിസത്തെ മാറ്റുന്നതിന് എന്തെല്ലാം പുതിയ നടപടികളാണ് സ്വീകരിച്ച് വരുന്നതെന്ന് വ്യക്തമാക്കുമോ;

കായല്‍, ബീച്ച്, ഹില്‍, വില്ലേജ് എന്നീ മേഖലകളിലെ വിനോദസഞ്ചാര വികസനത്തിന്‌ എന്തെല്ലാം പുതിയ പദ്ധതികള്‍ നടപ്പാക്കുമെന്ന് വ്യക്തമാക്കുമോ;

സംസ്ഥാനത്ത് ഉത്തരവാദിത്ത ടൂറിസം പ്രോത്സാഹിപ്പിക്കുന്നതിനായി എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നതെന്ന് വ്യക്തമാക്കുമോ?