കഴിഞ്ഞ ആറ് വര്‍ഷക്കാലയളവിനുള്ളില്‍ മത്സ്യഫെഡില്‍ കരാര്‍ ദിവസ വേതന അടിസ്ഥാനത്തില്‍ എത്ര പേര്‍ക്ക് തൊഴില്‍ നല്‍കിയിട്ടുണ്ട്; വിശദമാക്കാമോ;

മത്സ്യ സംഭരണം, വില്‍പ്പന എന്നിവയുമായി ബന്ധപ്പെട്ട് ഈ കാലയളവില്‍ എത്ര കോടിയുടെ ക്രമക്കേടുകള്‍ നടത്തിയിട്ടുണ്ടെന്ന് അന്വേഷണം നടത്തിയിട്ടുണ്ടോ; ഉണ്ടെങ്കിൽ കുറ്റക്കാരായവര്‍ക്കെതിരെ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

മത്സ്യഫെഡിന്റെ അന്തിപ്പച്ച പദ്ധതിയുടെ നിലവിലെ പ്രവര്‍ത്തന പുരോഗതി എന്താണെന്ന് വിശദമാക്കാമോ; ഇതുമായി ബന്ധപ്പെട്ട ക്രമക്കേടുകള്‍ സംബന്ധിച്ച അന്വേഷണം പൂര്‍ത്തീകരിച്ചിട്ടുണ്ടോ; വിശദമാക്കാമോ?

സംസ്ഥാനത്തെ കടലും തീരപ്രദേശങ്ങളും പ്ലാസ്റ്റിക്ക് മാലിന്യവിമുക്തമാക്കി കടലിന്റെയും കടലാേരത്തിന്റെയും സ്വാഭാവിക അവസ്ഥ വീണ്ടെടുക്കുന്നതിനായി പ്രത്യേക പദ്ധതി ആവിഷ്കരിച്ചിട്ടുണ്ടാേ; ഉണ്ടെങ്കിൽ പ്രസ്തുത പദ്ധതിയുടെ ലക്ഷ്യങ്ങൾ വിശദമാക്കുമോ;

പ്രസ്തുത പദ്ധതി മത്സ്യ സമ്പത്തിന്റെ സംരക്ഷണവും മത്സ്യത്തൊഴിലാളികളുടെ താെഴില്‍സുരക്ഷയും സാധ്യമാക്കുന്നതിന് എത്രത്താേളം സഹായകരമാണെന്ന് വിശദമാക്കുമോ?

കഴിഞ്ഞ ആറ് സാമ്പത്തിക വർഷങ്ങളിൽ ധനകാര്യ ഇൻസ്പെക്ഷൻ വിഭാഗം മത്സ്യബന്ധന വകുപ്പുമായി ബന്ധപ്പെട്ട് നടത്തിയ പരിശോധനകളുടെ പ്രധാന കണ്ടെത്തലുകൾ എന്തൊക്കെയാണ്;

ഇതിൽ മത്സ്യഫെഡുമായി ബന്ധപ്പെട്ട കണ്ടെത്തലുകൾ ഉണ്ടായിരുന്നോ; ഉണ്ടെങ്കിൽ അതിന്മേൽ നാളിതുവരെ വകുപ്പ് സ്വീകരിച്ച നടപടികൾ വ്യക്തമാക്കുമോ?

ചാവക്കാട് പുത്തന്‍കടപ്പുറത്ത് തീരദേശ വികസന കോര്‍പ്പറേഷന്‍ നിര്‍മ്മിച്ച സൗരോര്‍ജ്ജ ഫിഷ് ‍ഡ്രൈയിങ്ങ് യൂണിറ്റിന്റെ നിലവിലെ സ്ഥിതി വിശദമാക്കാമോ;

പ്രസ്തുത യൂണിറ്റില്‍ മത്സ്യം ശുചിയാക്കി ഉണക്കിയെടുക്കുന്നതിന് മത്സ്യതൊഴിലാളികളുടെ യൂണിറ്റ് ആരംഭിച്ചിരുന്നോ; വിശദവിവരം അറിയിക്കുമോ?

സംസ്ഥാനത്തെ തീരദേശമേഖലകളുടെ പശ്ചാത്തല വികസന പ്രവര്‍ത്തനങ്ങള്‍ക്കായി കിഫ്ബി വഴി എത്ര കോടി രൂപ ചെലവഴിച്ചിട്ടുണ്ടെന്ന് വ്യക്തമാക്കാമോ;

ഫിഷറീസ് വകുപ്പ് വഴി 2016 മുതല്‍ തീരദേശ വികസനവുമായി ബന്ധപ്പെട്ട് എത്ര റോഡ് പ്രവൃത്തികള്‍ പൂര്‍ത്തീകരിച്ചിട്ടുണ്ടെന്നും ഇതിനായി എ‌ത്ര കോടി രൂപ ഇതുവരെ ചെലവഴിച്ചിട്ടുണ്ടെന്നും അറിയിക്കാമോ?

മത്സ്യഫെഡിലെ ആകെ ജീവനക്കാരുടെ എണ്ണം വ്യക്തമാക്കുമോ; അതിൽ എത്ര സ്ഥിരം ജീവനക്കാർ ഉണ്ടെന്നും, എത്ര കരാർ ജീവനക്കാർ ഉണ്ടെന്നും വ്യക്തമാക്കുമോ;

മത്സ്യഫെഡിൽ താൽക്കാലിക ജീവനക്കാരെ നിയമിക്കുന്നതിനുള്ള നടപടിക്രമം വിശദമാക്കുമോ?

കൊല്ലം ജില്ലയിൽ അന്തിപ്പച്ച എന്ന പേരിൽ മത്സ്യഫെഡ് ആരംഭിച്ച മീൻ വിൽപ്പനയിൽ വൻ സാമ്പത്തിക അഴിമതി നടന്നതായി മത്സ്യഫെഡ് ഓഡിറ്റ് വിഭാഗം കണ്ടെത്തുകയുണ്ടായോ;

ഇതുസംബന്ധിച്ച് മത്സ്യതൊഴിലാളികൾ പോലീസിൽ പരാതി നൽകിയിരുന്നോ; ഉണ്ടെങ്കിൽ കേസ് സംബന്ധിച്ച വിശദാംശം ലഭ്യമാക്കുമോ;

മത്സ്യം വില്പനയുമായും വാങ്ങലുമായും ബന്ധപ്പെട്ട് മറ്റേതെങ്കിലും സ്ഥലങ്ങളിൽ സമാനമായ അഴിമതികൾ വകുപ്പ് കണ്ടെത്തുകയുണ്ടായോ;

മത്സ്യഫെഡിൽ രാഷ്ട്രീയ നിയമനം നേടിയ ജീവനക്കാരാണോ ഈ തട്ടിപ്പുകൾ നടത്തുന്നതിന് നേതൃത്വം നൽകിയത്; വിശദാംശം നൽകുമോ?

മത്സ്യഫെഡിൽ നടന്ന തട്ടിപ്പിനെക്കുറിച്ച് സമഗ്ര അന്വേഷണം വേണമെന്ന ഫിഷറീസ് ഡയറക്ടറുടെ അന്വേഷണ റിപ്പോർട്ടിന്റെ പകർപ്പ് ലഭ്യമാക്കാമോ?

2016 മുതൽ 2021 വരെ മത്സ്യഫെഡ് ചെയർമാൻ ശമ്പളവും മറ്റ് അലവൻസുകളും ആയി കൈപ്പറ്റിയ തുക എത്രയാണെന്ന് വ്യക്തമാക്കുമോ;

ഈ കാലയളവിലെ മത്സ്യഫെഡ് ഓഡിറ്റ് റിപ്പോർട്ടുകളുടെ പകർപ്പ് ലഭ്യമാക്കുമോ?

ഈ സർക്കാർ അധികാരത്തിൽ വന്നതിന് ശേഷം മത്സ്യഫെഡിന്റെ ആഭിമുഖ്യത്തിലുള്ള മത്സ്യഫെഡ് ഔട്ട്‍ലെറ്റുകൾ എവിടെയെല്ലാം ആരംഭിച്ചിട്ടുണ്ട്; വിശദമാക്കാമോ;

കേടുവരാത്തതും ഗുണമേന്മയുള്ളതുമായ മത്സ്യങ്ങൾ മത്സ്യഫെഡ് ഔട്ട്‍ലെറ്റുകൾ വഴി വിതരണം നടത്തുന്നതിനായി എന്തെല്ലാം നടപടികളാണ് സ്വീകരിച്ചുവരുന്നത്;

മത്സ്യഫെഡ് കേന്ദ്രങ്ങൾ കൂടുതൽ സ്ഥലങ്ങളിൽ ആരംഭിക്കാൻ ഉദ്ദേശിക്കുന്നുണ്ടോ; ഉണ്ടെങ്കിൽ എവിടെയെല്ലാമാണെന്ന് അറിയിക്കാമോ?

മത്സ്യസംഭരണ വിതരണ കേന്ദ്രമായ കൊല്ലം ശക്തികുളങ്ങരയിലെ കോമൺ പ്രീ പ്രോസസിംഗ് സെന്ററിൽ നടന്നതായി പറയപ്പെടുന്ന തട്ടിപ്പിന് മത്സ്യ ഇടപാടുകളുടെ മേൽനോട്ട ചുമതലയുണ്ടായിരുന്ന ഉദ്യോഗസ്ഥരുടെ ഭാഗത്തുനിന്നും ഉണ്ടായ ഗുരുതരമായ വീഴ്ച കാരണമായിട്ടുണ്ടെന്ന് ഫിഷറീസ് ഡയറക്ടറുടെ അന്വേഷണ റിപ്പോർട്ടിൽ പ്രതിപാദിക്കുന്നുണ്ടോ എന്ന് വ്യക്തമാക്കുമോ;

പ്രസ്തുത തട്ടിപ്പിൽ താൽക്കാലിക ജീവനക്കാരനായ അക്കൗണ്ടന്റിനെ പിരിച്ചുവിടുകയും സ്ഥിരം ജീവനക്കാരനായ ജൂനിയർ അസിസ്റ്റന്റിനെ സസ്പെ‍ൻഡ് ചെയ്യുകയും ചെയ്തുകൊണ്ട് അഴിമതി മൂടിവയ്ക്കുവാനാണ് ശ്രമിക്കുന്നത് എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ ഇതിന് ശക്തിപകരുന്നതാണോ പ്രസ്തുത റിപ്പോർട്ടിലെ കണ്ടെത്തലുകൾ എന്ന് വ്യക്തമാക്കുമോ;?

മലപ്പുറം ജില്ലയിൽ എവിടെയെല്ലാമാണ് മത്സ്യഫെഡ് മത്സ്യമാർക്കറ്റ് ആരംഭിക്കുന്നതെന്ന് വ്യക്തമാക്കുമോ;

നിയോജക മണ്ഡലാടിസ്ഥാനത്തിൽ മത്സ്യമാർക്കറ്റ് ആരംഭിക്കുന്നതിന് ഉദ്ദേശിക്കുന്നുണ്ടോ; ഉണ്ടെങ്കിൽ പ്രസ്തുത പദ്ധതിയുടെ വിശദാംശം ലഭ്യമാക്കുമോ;

പ്രസ്തുത പദ്ധതി പ്രകാരം ഒരു മത്സ്യമാർക്കറ്റിനായി ഏകദേശം എത്ര തുകയാണ് മത്സ്യഫെഡ് ചെലവഴിക്കുന്നതെന്ന് വ്യക്തമാക്കുമോ;

മങ്കട നിയോജക മണ്ഡലത്തിൽ മത്സ്യമാർക്കറ്റ് ആരംഭിക്കുന്നതിനായി മത്സ്യഫെഡ് സ്വീകരിച്ചിട്ടുള്ള നടപടികൾ വ്യക്തമാക്കുമോ?

അന്തിപച്ച പദ്ധതിയിലെ അഴിമതി പുറത്തുവന്നതിനെ തുടർന്ന് പരിശോധന നടത്തുന്നതിനായി പ്രത്യേക ഓഡിറ്റ് സംഘത്തെ നിയോഗിച്ചിട്ടുണ്ടോ; പ്രസ്തുത ഓഡിറ്റ് നടപടികൾ ആരംഭിച്ചിട്ടുണ്ടോ; ഓഡിറ്റ് നടപടികൾ പൂർത്തീകരിച്ച് റിപ്പോർട്ട് എന്നത്തേക്ക് സമർപ്പിക്കുവാൻ കഴിയും എന്ന് വ്യക്തമാക്കുമോ;

പ്രസ്തുത അഴിമതിയിൽ ഉൾപ്പെട്ട മുഴുവനാളുകളെയും നിയമത്തിന് മുൻപിൽ കൊണ്ടുവരുന്നതിന് ഓഡിറ്റ് നടപടികൾ പര്യാപ്തമാണോ; മത്സ്യഫെഡിലെ അഴിമതി സംബന്ധിച്ച് വകുപ്പുതല അന്വേഷണം നടത്തുവാൻ തയ്യാറാകുമോ; വിശദാംശം നൽകുമോ;

മത്സ്യഫെഡില്‍ കോടിക്കണക്കിന് രൂപയുടെ ഇടപാടുകൾ കൈകാര്യം ചെയ്യുന്നതിന് താൽക്കാലിക ജീവനക്കാരെ ചുമതലപ്പെടുത്തുന്നതിലൂടെ അഴിമതി നടക്കുന്ന സാഹചര്യം ഒഴിവാക്കുന്നതിന് എന്തെല്ലാം നടപടികൾ സ്വീകരിക്കുമെന്ന് വ്യക്തമാക്കുമോ?

സംസ്ഥാനത്ത് മത്സ്യസമ്പത്തിന്റെ സുസ്ഥിരത ഉറപ്പുവരുത്താന്‍ എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വ്യക്തമാക്കുമോ;

പ്രസ്തുത പ്രവര്‍ത്തനങ്ങളുടെ ഭാഗമായി മത്സ്യലഭ്യത ഉറപ്പുവരുത്താൻ സാധിച്ചിട്ടുണ്ടോയെന്ന് വ്യക്തമാക്കാമോ?

മത്സ്യം സംസ്ക്കരിച്ച് മൂല്യവര്‍ദ്ധിത ഉല്പന്നമാക്കി മാറ്റി പുത്തന്‍ സാങ്കേതിക വിദ്യയുടെ സഹായത്തോടെ വില്‍ക്കുന്നതിലൂടെ മത്സ്യമേഖലയ്ക്ക് വരുമാന വര്‍ദ്ധനവ് ലഭിക്കുന്നതിന് സാഹചര്യം ഒരുക്കിയിട്ടുണ്ടോ;

മത്സ്യത്തൊഴിലാളി വനിതകള്‍ക്ക് ആ മേഖലയില്‍ പുതിയ തൊഴിലവസരങ്ങള്‍ സൃഷ്ടിക്കുന്നതിന് സാധിച്ചിട്ടുണ്ടോ; വിശദാംശം ലഭ്യമാക്കുമോ;

അന്തിപ്പച്ച എന്ന പേരില്‍ മായം ചേര്‍ക്കാത്ത മത്സ്യം വിതരണം ചെയ്യുന്നതിന് നിലവില്‍ എവിടെയൊക്കെയാണ് സംവിധാനം ഒരുക്കിയിട്ടുളളത്?;

പ്രസ്തുത പദ്ധതിയുടെ ഭാഗമായി പാവപ്പെട്ട മത്സ്യത്തൊഴിലാളി സ്ത്രീകളെ മറയാക്കി വ്യാപകമായ ക്രമക്കേടുകൾ നടത്തുന്നു എന്ന ആക്ഷേപം ഗൗരവത്തോടെ കാണുന്നുണ്ടോയെന്ന് അറിയിക്കുമോ ?

സംസ്ഥാനത്ത് ജനങ്ങൾക്ക് ഗുണനിലവാരമുള്ള പച്ചമത്സ്യം ലഭ്യമാക്കുന്നതിന് ആവിഷ്കരിച്ച പദ്ധതികൾ എന്തൊക്കെയാണെന്ന് വിശദമാക്കാമോ;

മൂല്യവര്‍ദ്ധിതോല്പന്നങ്ങളിലൂടെ മത്സ്യത്തൊഴിലാളികളുടെ വരുമാന വര്‍ദ്ധനവ് സാധ്യമാക്കുന്നതിനുള്ള പദ്ധതികള്‍ ഉണ്ടോയെന്ന് വ്യക്തമാക്കാമോ;

വിവിധ ജില്ലകളിലെ മത്സ്യ മാര്‍ക്കറ്റുകളുടെ നവീകരണത്തിനും ശുചിത്വമുറപ്പാക്കാനും ആവിഷ്കരിച്ചിട്ടുള്ള പദ്ധതികളുടെ വിശദാംശങ്ങൾ നൽകാമോ?

സംസ്ഥാനത്ത് നിലവില്‍ ദൈനംദിന ആവശ്യത്തിന് വേണ്ടുന്ന മത്സ്യത്തിന്റെ അളവും സംസ്ഥാനത്ത് നിന്നുള്ള മത്സ്യ ലഭ്യതയുടെ അളവും എത്രയെന്ന് വ്യക്തമാക്കുമോ;

ഇതര സംസ്ഥാനങ്ങളി‍ല്‍ നിന്നും ദിനം പ്രതി കേരളത്തില്‍ എത്തുന്ന മത്സ്യത്തിന്റെ അളവ് എത്രയെന്നും ഇത്തരത്തില്‍ സംസ്ഥാനത്ത് എത്തുന്ന മത്സ്യങ്ങളിലെ മായം ചേര്‍ക്കല്‍ തടയുവാന്‍ ഫിഷറീസ് വകുപ്പ് എന്തൊക്കെ നടപടികള്‍ സ്വീകരിച്ചുവരുന്നുവെന്നും വ്യക്തമാക്കുമോ;

ഇത്തരത്തില്‍ മായം ചേര്‍ക്കലുമായി ബന്ധപ്പെട്ട് ഈ സര്‍ക്കാര്‍ വന്നതിനുശേഷം നാളിതുവരെ എത്ര തോതിലുള്ള മത്സ്യം നശിപ്പിച്ചുവെന്നും എത്ര കേസുകള്‍ രജിസ്റ്റര്‍ ചെയ്ത് എത്ര പേര്‍ക്കെതിരെ നിയമ നടപടി സ്വീകരിച്ചുവെന്നും വ്യക്തമാക്കുമോ;

സംസ്ഥാനത്ത് മത്സ്യ ഉപഭോഗത്തിനനുസൃതമായി മത്സ്യ ഉല്‍പാദനം നടത്തുവാനുതകുന്ന പദ്ധതികള്‍ ആവിഷ്കരിച്ച് നടപ്പിലാക്കിയിട്ടുണ്ടോ; ഉണ്ടെങ്കിൽ മത്സ്യ ഉപഭോഗത്തിലും ലഭ്യതയിലും സംസ്ഥാനം എപ്പോള്‍ സ്വയം പര്യാപ്തത കൈവരിക്കും എന്നാണ് കരുതുന്നത്; വിശദാംശം വ്യക്തമാക്കുമോ?

ട്രോളിംഗ് നിരോധന സമയത്ത് മത്സ്യ സമ്പത്ത് ഫലപ്രദമായി വര്‍ദ്ധിക്കുന്നുണ്ടോ എന്ന് ശാസ്ത്രീയ പഠനം നടത്തിയിട്ടുണ്ടോയെന്ന് അറിയിക്കാമോ?

സംസ്ഥാനത്ത് ഓരോവർഷം കഴിയുന്തോറും മത്സ്യലഭ്യതയിൽ ഇടിവുണ്ടാകുന്നത് ശ്രദ്ധയിൽപ്പെട്ടിട്ടുണ്ടോ;

2019-20, 2020-21, 2021-22 എന്നീ വർഷങ്ങളിൽ സംസ്ഥാനത്തുനിന്നും എത്ര ടൺ മത്സ്യമാണ് ലഭിച്ചത്; വ്യക്തമാക്കുമോ;

ഇതര സംസ്ഥാനങ്ങളിൽ നിന്നുള്ള മത്സ്യബന്ധന ബോട്ടുകൾ കേരള തീരത്തെ ചെറുമീനുകളെയടക്കം പിടിച്ച് മത്സ്യസമ്പത്തിന് ശോഷണം നടത്തുന്നതായി ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഇത് തടയാൻ എന്തൊക്കെ നടപടികൾ സ്വീകരിച്ചുവെന്ന് വ്യക്തമാക്കുമോ?

ഓണ്‍ലൈന്‍ മത്സ്യവിപണി പ്രോത്സാഹിപ്പിക്കുന്നതിനും മെച്ചപ്പെടുത്തുന്നതിനും എന്തെല്ലാം പദ്ധതികളാണ് നടപ്പിലാക്കിയിട്ടുള്ളത്; വിശദമാക്കാമോ;

തുറമുഖങ്ങളില്‍ നിന്നും മത്സ്യം വാങ്ങി വിപണിയില്‍ എത്തിക്കുന്നതിന് മത്സ്യതൊഴിലാളി സ്ത്രീകള്‍ക്കു വേണ്ടി നടപ്പിലാക്കുന്ന പദ്ധതികള്‍ വിശദമാക്കാമോ?

മത്സ്യവിപണന സംസ്കരണ മേഖലകളില്‍ ജോലി ചെയ്യുന്ന സ്ത്രീ തൊഴിലാളികള്‍ നേരിടുന്ന പ്രശ്നങ്ങള്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ അവ പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ;

മത്സ്യവിപണന മാര്‍ക്കറ്റുകള്‍ കൂടുതല്‍ സ്ത്രീ സൗഹൃദമാക്കുന്നതിന് സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ?

മണ്ണെണ്ണയുടെ വില ഉയരുന്നതും ലഭ്യത കുറവും മൂലം മത്സ്യബന്ധനത്തിനായി മണ്ണെണ്ണ വാങ്ങി മത്സ്യത്തൊഴിലാളികള്‍ കടക്കെണിയില്‍പ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

കൂടുതൽ വില നല്‍കി മണ്ണെണ്ണ വാങ്ങി മത്സ്യബന്ധനം നടത്തിയാലും ഇതിന്റെ നേട്ടം തൊഴിലാളികള്‍ക്ക് ലഭിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രശ്നം പരിഹരിക്കുന്നതിന് ലെെസന്‍സികളെ ഉപയോഗിച്ച് മണ്ണെണ്ണ വിതരണം നടത്തുന്നത് ഒഴിവാക്കി മത്സ്യഫെഡ് മുഖേന കുറഞ്ഞ വിലയ്ക്ക് മണ്ണെണ്ണ വിതരണം നടത്താന്‍ നടപടി സ്വീകരിക്കുമോ?

കേരളത്തിലെ വിവിധ ഫിഷിങ് ഹാർബറുകളുടെയും തുറമുഖങ്ങളുടെയും നിർമ്മാണവുമായി ബന്ധപ്പെട്ട് തൊഴിലും ഉപജീവന സൗകര്യങ്ങളും ആവാസ വ്യവസ്ഥയും നഷ്ടപ്പെടുന്ന മത്സ്യതൊഴിലാളികളുടെ പുനരധിവാസത്തിന് വേണ്ടിയുള്ള പദ്ധതികളുടെ വിശദാംശം ലഭ്യമാക്കുമോ;

ഇത്തരം നിർമ്മാണത്തിന് സ്ഥലം വിട്ടുകൊടുത്തിട്ടുള്ളവരുടെ ഉപജീവന മാർഗ്ഗം ഉറപ്പാക്കുന്നതിനുവേണ്ടിയുള്ള വ്യവസ്ഥ തുറമുഖ നിർമ്മാണ കരാറിൽ ഉൾപ്പെടുത്തിയിട്ടുണ്ടോ; വിശദാംശം ലഭ്യമാക്കുമോ;

തുറമുഖ നിർമ്മാണത്തിന് സ്ഥലം വിട്ടുകൊടുത്തിട്ടുള്ള മത്സ്യത്തൊഴിലാളികളെ പുനർഗേഹം പദ്ധതിയില്‍ ഉൾപ്പെടുത്തിയിട്ടുണ്ടോ; വിശദാംശം ലഭ്യമാക്കുമോ?

ആറാട്ടുപുഴ, തൃക്കുന്നപ്പുഴ പഞ്ചായത്തുകളിലെ സുനാമികോളനികള്‍ അഭിമുഖീകരിക്കുന്ന പ്രശ്‌നങ്ങള്‍ സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഈ കോളനികളുടെ പുനരുദ്ധാരണത്തിനായി എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

ഇതിനായി പ്രത്യേക നോഡല്‍ ഓഫീസര്‍മാരെ ചുമതലപ്പെടുത്തുന്ന കാര്യം പരിഗണിക്കുമോ?

മത്സ്യത്തൊഴിലാളികളുടെ മക്കളുടെ വിദ്യാഭ്യാസ ആനുകൂല്യങ്ങള്‍ കാലോചിതമായി പരിഷ്ക്കരിക്കുന്നതിന് നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

മത്സ്യത്തൊഴിലാളികളുടെ മക്കളുടെ പഠനവുമായി ബന്ധപ്പെട്ട് നല്‍കുന്ന ലംപ്സം ഗ്രാന്റ് യഥാസമയം നല്‍കുന്നതിന് നടപടികള്‍ സ്വീകരിക്കുമോ?

മാരകരോഗം ബാധിച്ച മത്സ്യതൊഴിലാളികള്‍ക്ക് അഞ്ച് വര്‍ഷത്തെ തുടര്‍ചികിത്സാ സഹായം ഉറപ്പുവരുത്തുന്നതിനായി പ്രത്യേക ചികിത്സാ പദ്ധതി ആവിഷ്കരിച്ചിട്ടുണ്ടോ; എങ്കിൽ പ്രസ്തുത പദ്ധതി പ്രകാരം ഏതെല്ലാം രോഗങ്ങള്‍ക്ക് എത്ര തുക വരെ സഹായം ലഭിക്കുമെന്ന് വ്യക്തമാക്കുമോ;

പ്രസ്തുത പദ്ധതിയുടെ മാനദണ്ഡങ്ങള്‍ വ്യക്തമാക്കുമോ; പദ്ധതി പ്രകാരം മത്സ്യതൊഴിലാളികള്‍ക്കും അനുബന്ധ തൊഴിലാളികള്‍ക്കും ഒരുപോലെ സഹായം ലഭ്യമാകുമോ; വിശദാംശങ്ങള്‍ നല്‍കുമോ;

മത്സ്യതൊഴിലാളി അനുബന്ധ തൊഴിലാളി അപകട ഇന്‍ഷ്വറന്‍സ് ഏര്‍പ്പെടുത്തിയിട്ടുണ്ടോ; ഇന്‍ഷ്വറന്‍സ് തുകയില്‍ വര്‍ദ്ധനവ് വരുത്തിയിട്ടുണ്ടോ; വിശദാംശങ്ങള്‍ നല്‍കുമോ;

മത്സ്യതൊഴിലാളികള്‍ മരണപ്പെട്ടാല്‍ കുടുംബത്തിന് ലഭിക്കേണ്ട നഷ്ടപരിഹാരം യഥാസമയം ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിന് നടപടികള്‍ സ്വീകരിച്ചിട്ടുണ്ടോ എന്ന് വ്യക്തമാക്കുമോ?

പ്രകൃതി ദുരന്തങ്ങള്‍ ഏറെ ബാധിക്കുന്ന മത്സ്യത്തൊഴിലാളി കുടുംബങ്ങളെ സംരക്ഷിക്കുന്നതിന് സമഗ്രമായ ഒരു ഇന്‍ഷ്വറന്‍സ് പദ്ധതി നടപ്പിലാക്കുവാൻ നടപടികള്‍ സ്വീകരിക്കുമോ;

പ്രസ്തുത പദ്ധതിയില്‍ അനുബന്ധ തൊഴിലാളികളെയും തീരദേശവാസികളെയുംകൂടി ഉള്‍പ്പെടുത്തുവാനുള്ള നടപടികള്‍ സ്വീകരിക്കുമോ എന്ന് അറിയിക്കാമോ?

നെയ്യാറ്റിന്‍കര പൊഴിയൂര്‍ തീരദേശത്തെ വീടില്ലാത്ത മത്സ്യത്തൊഴിലാളികള്‍ക്കായി രണ്ടാംഘട്ട ഭവന പദ്ധതിയിൽ ഉൾപ്പെടുത്തി എന്തെങ്കിലും നടപടി സ്വീകരിച്ചിട്ടുണ്ടോ എന്ന് വിശദമാക്കാമോ?

സംസ്ഥാനത്ത് ഭവനരഹിതരായ എത്ര മത്സ്യത്തൊഴിലാളി കുടുംബങ്ങൾ ഉണ്ടെന്ന് കണക്കാക്കിയിട്ടുണ്ടോ; എങ്കില്‍ വ്യക്തമാക്കുമോ;

തീര ശോഷണം മൂലം ഭവനരഹിതരായ മത്സ്യത്തൊഴിലാളികളെ പുനരധിവസിപ്പിക്കാനുള്ള പദ്ധതികൾ സമയബന്ധിതമായി പൂർത്തീകരിക്കുവാൻ സാധിക്കാത്തതായി ശ്രദ്ധയിൽപ്പെട്ടിട്ടുണ്ടോ; എങ്കിൽ കാരണം വ്യക്തമാക്കുമോ;

സംസ്ഥാനത്തെ ഭവന രഹിതരായ മുഴുവൻ മത്സ്യത്തൊഴിലാളികൾക്കും അനുയോജ്യമായ വാസഗൃഹം നിർമ്മിച്ച് നൽകുന്നതിന് അടിയന്തര നടപടി സ്വീകരിക്കുമോ; വിശദാംശം നൽകുമോ?

സംസ്ഥാനത്ത് ട്രോളിംഗ് നിരോധനത്തെ തുടർന്ന് വരുമാനം നിലച്ച മത്സ്യതൊഴിലാളി കുടുംബങ്ങളുടെ ആശങ്ക അകറ്റുന്നതിന് നടപടികൾ സ്വീകരിച്ചിട്ടുണ്ടോ;

ഇവർക്കായി സൗജന്യ ചികിത്സാ പദ്ധതി നടപ്പിലാക്കുവാൻ ഉദ്ദേശിക്കുന്നുണ്ടോ;

ട്രോളിംഗ് നിരോധനത്തെ തുടർന്ന് ഏറെ ദുരിതത്തിലായ മത്സ്യതൊഴിലാളികൾക്ക് സാമ്പത്തിക സഹായം അനുവദിക്കുവാൻ നടപടി സ്വീകരിക്കുമോ; വിശദാംശം നൽകുമോ?

പുനര്‍ഗേഹം പദ്ധതി പ്രകാരം എത്ര കുടുംബങ്ങള്‍ക്ക് ഭവനം നിർമ്മിച്ച് നല്‍കിയിട്ടുണ്ടെന്ന് വ്യക്തമാക്കുമോ; പ്രസ്തുത പദ്ധതിക്കായി ചെലവഴിച്ച തുക വ്യക്തമാക്കുമോ?

ട്രോളിംഗ് നിരോധനകാലത്ത് മത്സ്യത്തൊഴിലാളികൾക്കും അനുബന്ധ തൊഴിലാളികൾക്കും ആശ്വാസമായി നിശ്ചിത തുക നൽകാൻ നടപടികൾ സ്വീകരിച്ചിട്ടുണ്ടോ; ഇല്ലെങ്കിൽ ആയതിന് അടിയന്തര നടപടി സ്വീകരിക്കുമോ;

കോവിഡ്, ലോക്ക്ഡൗൺ, ഇന്ധന വിലവർദ്ധനവ് അടക്കമുള്ള പ്രതിസന്ധികളിൽപ്പെട്ട് ഉപജീവനം പ്രതിസന്ധിയിലായ മത്സ്യത്തൊഴിലാളികൾക്ക് പ്രത്യേക ആശ്വാസ പദ്ധതികൾ പ്രഖ്യാപിച്ച് നടപ്പിലാക്കാനും നിലവിൽ പ്രഖ്യാപിച്ച പദ്ധതികൾ സമയബന്ധിതമായി പൂർത്തീകരിക്കാനും നടപടികൾ സ്വീകരിക്കുമോ എന്ന് വ്യക്തമാക്കാമോ?

സംസ്ഥാനത്ത് മത്സ്യ വിപണന മേഖലയില്‍ ഏർപ്പെട്ടിരിക്കുന്ന തൊഴിലാളികള്‍ക്കായി ഏതെങ്കിലും തരത്തിലുള്ള സഹായ പദ്ധതികള്‍ നിലവിലുണ്ടോയെന്നും മത്സ്യത്തൊഴിലാളി എന്ന നിര്‍വ്വചനത്തില്‍ അവര്‍ ഉള്‍പ്പെടുന്നുണ്ടോയെന്നും അറിയിക്കുമോ ;

മത്സ്യ വ്യാപാരത്തില്‍ ഏര്‍പ്പെടുന്നവര്‍ക്ക് രജിസ്ട്രേഷനോ ലൈസന്‍സോ ആവശ്യമുണ്ടോ എന്ന് വ്യക്തമാക്കുമോ?

സംസ്ഥാനത്ത് ട്രോളിങ് നിരോധനത്തെത്തുടർന്ന് പ്രതിസന്ധിയിലായിരിക്കുന്ന മത്സ്യത്തൊഴിലാളികൾക്ക് പലിശ രഹിത വായ്പ അനുവദിക്കുന്ന കാര്യം സർക്കാർ പരിഗണിക്കുമോ;

ഡീസൽ, വല, റോപ്, എൻജിൻ ഓയിൽ തുടങ്ങിയവയുടെ വില കുതിച്ചുയരുന്ന സാഹചര്യത്തിൽ മത്സ്യബന്ധന മേഖല നേരിടുന്ന ഇത്തരം പ്രതിസന്ധികൾ പരിഹരിക്കാൻ സർക്കാർ എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ട്രോളിംഗ് നിരോധനം മൂലം തൊഴില്‍ നഷ്ടപ്പെടുന്ന മത്സ്യത്തൊഴിലാളികള്‍ക്ക് ഈ കാലയളവില്‍ എന്തെല്ലാം ആനുകൂല്യങ്ങളാണ് നല്‍കുന്നത് എന്ന് വ്യക്തമാക്കുമോ?

പുനര്‍ഗേഹം പദ്ധതിയുടെ ഭാഗമായി നടത്തിയ സര്‍വ്വേ പ്രകാരം കരുനാഗപ്പള്ളി നിയോജക മണ്ഡലത്തില്‍ മാറ്റി പാര്‍പ്പിക്കുന്ന കുടുംബങ്ങള്‍ എത്രയെന്ന് പഞ്ചായത്ത് അടിസ്ഥാനത്തില്‍ വ്യക്തമാക്കാമോ;

പ്രസ്തുത കുടുംബങ്ങളില്‍ മാറി താമസിക്കാന്‍ സമ്മതം പ്രകടിപ്പിച്ചിട്ടുള്ളതും പുനര്‍ഗേഹം പദ്ധതിയില്‍ അപേക്ഷ സമര്‍പ്പിച്ചിട്ടുള്ളതും ജില്ലാതല അപ്രൂവല്‍ കമ്മിറ്റിയുടെ അംഗീകാരം ലഭിച്ചതുമായ കുടുംബങ്ങള്‍ എത്രയെന്നും അവരെ മാറ്റി പാര്‍പ്പിക്കാന്‍ സ്വീകരിച്ചിട്ടുള്ള നടപടികള്‍ എന്തൊക്കെയെന്നും വിശദമാക്കാമോ;

ബാക്കിയുള്ള കുടുംബങ്ങളെ മാറ്റി പാര്‍പ്പിക്കുന്നതിനായി നടപടി സ്വീകരിച്ചിട്ടുണ്ടോ; എങ്കില്‍ സ്വീകരിച്ചിട്ടുള്ള നടപടി എന്തെന്ന് വ്യക്തമാക്കാമോ?

കോതമംഗലം മണ്ഡലത്തിലെ കീരംപാറ പുന്നേക്കാട് മൾട്ടിസ്പീഷിസ് ഇക്കോഹാച്ചറിയുടെ നിലവിലെ സ്ഥിതി വിശദമാക്കാമോ;

നിലവിൽ എത്ര തുകയുടെ എന്തെല്ലാം വികസന പ്രവർത്തനങ്ങളാണ് പ്രസ്തുത ഹാച്ചറിയിൽ നടന്നുവരുന്നതെന്ന് വിശദമാക്കാമോ;

നിലവിൽ പ്രസ്തുത ഹാച്ചറിയിൽ നടന്നുവരുന്ന വികസന പ്രവർത്തനങ്ങളിൽ എന്തെല്ലാം പ്രവൃത്തികൾ പൂർത്തീകരിച്ചിട്ടുണ്ടെന്ന് വ്യക്തമാക്കാമോ;

പുതിയ വികസന പ്രവർത്തനങ്ങൾ എന്തെല്ലാമാണ് നടപ്പിലാക്കുന്നതെന്നും ഇതിനായി എത്ര തുകയുടെ ഭരണാനുമതി ലഭ്യമായിട്ടുണ്ടെന്നും വ്യക്തമാക്കാമോ;

പുതിയ ഭരണാനുമതി ലഭിച്ചിട്ടുള്ള പ്രവർത്തികളുടെ നിർമ്മാണ പ്രവർത്തനങ്ങൾ എന്നത്തേക്ക് ആരംഭിക്കുവാൻ കഴിയുമെന്നും എന്തെല്ലാം നിർമ്മാണ പ്രവർത്തനങ്ങളാണ് നടത്തുന്നതെന്നും വിശദമാക്കാമോ?

ഗുരുവായൂര്‍ മണ്ഡലത്തിലെ പുത്തന്‍കടപ്പുറം ഫിഷ്‍ലാന്റിംഗ് സെന്ററിന്റെ നിലവിലെ സ്ഥിതി വിശദമാക്കാമോ;

പുത്തന്‍കടപ്പുറം ഫിഷ്‍ലാന്റിംഗ് സെന്ററിലെ യൂട്ടിലിറ്റി സെന്റര്‍ വർഷങ്ങള്‍ക്ക് മുന്‍പ് തകർന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത യൂട്ടിലിറ്റി സെന്ററിന്റെ കോണ്‍ക്രീറ്റ് അവശിഷ്ടങ്ങള്‍ കടല്‍ക്കരയില്‍ നിന്നും മാറ്റുന്നതിന് സ്വീകരിച്ച നടപടികള്‍ വിശദമാക്കാമോ;

പുത്തന്‍കടപ്പുറം ഫിഷ്‍ലാന്റിംഗ് സെന്ററിനെ മിനി ഹാർബറായി ഉയര്‍ത്തുന്നതിനുള്ള നിർദ്ദേശത്തിന്മേൽ സ്വീകരിച്ച നടപടികള്‍ വിശദമാക്കാമോ?

ലോക വ്യാപാര സംഘടനയുടെ പന്ത്രണ്ടാമത് മന്ത്രിതല യോഗത്തിലെ കരട് രൂപരേഖയില്‍ സുസ്ഥിര കടല്‍ വിഭവ വിനിയോഗം ഉറപ്പാക്കാനെന്ന പേരിൽ മത്സ്യത്തൊഴിലാളികള്‍ക്ക് അംഗ രാജ്യങ്ങള്‍ നല്‍കുന്ന സബ്സിഡിയും സാമ്പത്തിക ആനുകൂല്യവും നിര്‍ത്തലാക്കണമെന്ന നിര്‍ദ്ദേശം മുന്നോട്ട് വച്ചതായി ശ്രദ്ധയില്‍പ്പെട്ടിട്ടുണ്ടോ; എങ്കിൽ വിശദമാക്കുമോ;

ചെറുകിട മത്സ്യത്തൊഴിലാളികളെ സാരമായി ബാധിക്കുന്ന പ്രസ്തുത നിര്‍ദ്ദേശത്തോട് സര്‍ക്കാരിന്റെ സമീപനം എന്താണെന്ന് അറിയിക്കാമോ;

ലോക വ്യാപാര സംഘടനയുടെ പ്രസ്തുത നിര്‍ദ്ദേശം സംബന്ധിച്ച് കേന്ദ്ര സര്‍ക്കാരിന്റെ നിലപാടിനെക്കുറിച്ച് അറിവുണ്ടോ; എങ്കിൽ വിശദമാക്കുമോ?

സംസ്ഥാനത്ത് കഴി‍ഞ്ഞ അഞ്ച് വര്‍ഷങ്ങളില്‍ മത്സ്യ ലഭ്യതയില്‍ വലിയതോതിലുള്ള കുറവ് വന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; ഇതിന്റെ കാരണം എന്തെന്ന് കണ്ടെത്താന്‍ പഠനം നടത്തുകയുണ്ടായോ; വിശദാംശങ്ങള്‍ ലഭ്യമാക്കാമോ;

മത്സ്യ ലഭ്യതയിലെ കുറവ് മൂലമുണ്ടായ പ്രതിസന്ധി പരിഹരിക്കുന്നതിനും കടലിലെ മത്സ്യസമ്പത്ത് വര്‍ദ്ധിപ്പിക്കുന്നതിനും എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്?

മഴക്കെടുതിയും മത്സ്യ ദൗർലഭ്യവും ഇന്ധന വില വർധനവും ഉൾപ്പെടെയുള്ള പ്രതിസന്ധികൾ ഉപജീവനമാർഗ്ഗം മുടക്കിയതോടെ മത്സ്യത്തൊഴിലാളികൾ കടുത്ത പ്രതിസന്ധിയിൽ ആയിരിക്കുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

പെർമിറ്റുള്ള വള്ളങ്ങൾക്ക് സബ്സിഡി നിരക്കിൽ ഒരു മാസത്തേക്ക് ലഭിക്കുന്ന മണ്ണെണ്ണ ഒരാഴ്ച കടലിൽ പോകാൻ പോലും തികയുകയില്ല എന്ന വസ്തുത ശ്രദ്ധയിൽപ്പെട്ടിട്ടുണ്ടോ; എങ്കിൽ സബ്സിഡി നിരക്കിൽ കൂടുതൽ മണ്ണെണ്ണ അനുവദിക്കുന്നതിന് നടപടി സ്വീകരിക്കുമോ;

കേരളത്തിലെ ബോട്ടുകളിലൂടെ ഡീസൽ ഇനത്തിൽ സംസ്ഥാനത്തിന് പ്രതിദിനം വലിയ നികുതി വരുമാനം ഉണ്ടായിട്ടും മത്സ്യബന്ധനമേഖലയ്ക്ക് അയൽ സംസ്ഥാനങ്ങളുടെ മാതൃകയിൽ ഡീസൽ സബ്സിഡി നൽകുവാൻ തയ്യാറാകാത്തതിന്റെ കാരണം വ്യക്തമാക്കുമോ; ഡീസൽ സബ്സിഡി അനുവദിക്കാൻ അടിയന്തര നടപടി സ്വീകരിക്കുമോ ;

സംസ്ഥാനത്തെ ബോട്ടുകൾക്കുള്ള ലൈസൻസ് ഫീസ് അയൽ സംസ്ഥാനങ്ങളിൽ ഈടാക്കുന്നതിനേക്കാൾ വളരെ ഉയർന്നതാണെന്ന കാര്യം ഗൗരവത്തോടെ കാണുന്നുണ്ടോ; എങ്കിൽ ലൈസൻസ് ഫീസ് കുറയ്ക്കുന്നതിന് നടപടി സ്വീകരിക്കുമോ വ്യക്തമാക്കുമോ?

ട്രോളിംഗ് നിരോധന കാലത്ത് പരമ്പരാഗത വള്ളങ്ങള്‍ പ്രത്യേകിച്ച് ഇന്‍ബോര്‍ഡ് വള്ളങ്ങള്‍ വലിയ തോതില്‍ ചെറുമത്സ്യങ്ങളെ പിടിച്ച് വളത്തിനും മറ്റുമായി ഉപയോഗിക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് തടയാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ?

മുൻ സർക്കാരിന്റേയും ഈ സർക്കാരിന്റെയും കാലത്ത് മത്സ്യബന്ധന മേഖലക്കായി നടപ്പിലാക്കിയ പദ്ധതികൾ ഏതൊക്കെയാണെന്നും ഇതുമായി ബന്ധപ്പെട്ട പ്രവർത്തനങ്ങൾക്ക് ചെലവഴിച്ച തുക എത്രയാണെന്നും മണ്ഡലം തിരിച്ച് വ്യക്തമാക്കാമോ;

സമുദ്രസുരക്ഷയ്ക്കായി മുൻ സർക്കാരിന്റേയും ഈ സർക്കാരിന്റെയും കാലത്ത് നടത്തിയ പ്രവർത്തനങ്ങൾ ഏതൊക്കെയാണെന്നും ഇതിനായി ചെലവഴിച്ച തുക എത്രയാണെന്നും മണ്ഡലം തിരിച്ച് അറിയിക്കുമോ;

മത്സ്യത്തൊഴിലാളികളുടെ അടിസ്ഥാന സൗകര്യങ്ങൾക്കായി മുൻ സർക്കാരിന്റേയും ഈ സർക്കാരിന്റെയും കാലത്ത് ആവിഷ്കരിച്ച പദ്ധതികൾ ഏതൊക്കെയാണെന്നും അതിനായി ചെലവഴിച്ച തുക എത്രയാണെന്നുമുള്ള വിവരം മണ്ഡലം തിരിച്ച് ലഭ്യമാക്കാമോ?

മത്സ്യസമ്പത്ത് കൊള്ളയടിക്കുവാനും അവ മത്സ്യതൊഴിലാളികൾക്ക് ലഭ്യമല്ലാതാക്കുവാനുമായി പ്രവർത്തിയ്ക്കുന്ന സംഘങ്ങൾ സംസ്ഥാനത്ത്‌ സജീവമാണെന്ന വസ്തുത ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത സംഘങ്ങൾ മത്സ്യവില വർധിപ്പിച്ച് അനധികൃത ലാഭം കൊയ്തുവരുന്നതും ആയത്‌ തീരദേശ മേഖലയേയും മത്സ്യതൊഴിലാളികളേയും മത്സ്യവിപണന മേഖലയേയും പ്രതികൂലമായി ബാധിയ്ക്കുന്നതും ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ;

എങ്കിൽ സംസ്ഥാനത്തെ മത്സ്യബന്ധന മേഖലയിലെ മത്സ്യബന്ധനങ്ങൾ കേന്ദ്ര, സംസ്ഥാന നിയമങ്ങൾക്ക് വിധേയമായി മാത്രമാക്കുന്നതിനും കോസ്റ്റൽ പോലീസ്, ഫിഷറീസ് വകുപ്പുകളുടെ പ്രവർത്തനങ്ങൾ കാര്യക്ഷമമാക്കുന്നതിനും നിയമലംഘനം നടത്തുന്നവർക്കെതിരെ കർശന ശിക്ഷാനടപടികൾ സ്വീകരിക്കുന്നതിനും ഫൈനുകൾ ഈടാക്കുന്നത്തിനും നടപടികൾ സ്വീകരിക്കുമോ; വിശദാംശം നൽകുമോ?

സംസ്ഥാനത്ത് മത്സ്യവിഭവ സംരക്ഷണത്തിലും പരിപാലനത്തിലും മത്സ്യത്തൊഴിലാളി സമൂഹത്തിന്റെ കൂടി പങ്കാളിത്തം ഉറപ്പാക്കുന്ന ഫിഷറീസ് മാനേജ്മെന്റ് കൗണ്‍സിലുകളുടെ പ്രവര്‍ത്തനം കാര്യക്ഷമമാക്കുമോയെന്ന് അറിയിക്കാമോ;

മത്സ്യസമ്പത്ത് സംരക്ഷിക്കുന്നതിന്റെ ഭാഗമായി മത്സ്യ ആവാസ വ്യവസ്ഥ സൃഷ്ടിക്കാന്‍ കൃത്രിമ പാരുകള്‍ സ്ഥാപിക്കുന്ന പദ്ധതിയുടെ പ്രയോജനം വിലയിരുത്തിയിരുന്നോ; പ്രസ്തുത പദ്ധതി വ്യാപിപ്പിക്കാന്‍ ഉദ്ദേശ്യമുണ്ടോ; വ്യക്തമാക്കാമോ?

വൻകിട ട്രോളിംഗ് ബോട്ടുകളും പരമ്പരാഗത മത്സ്യത്തൊഴിലാളികളും കടലിന്റെ അടിത്തട്ടിലെ മത്സ്യക്കുഞ്ഞുങ്ങളെ അശാസ്ത്രീയമായി കോരി എടുക്കുന്നത് ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;

ഇത്തരത്തിൽ അശാസ്ത്രീയമായ മത്സ്യബന്ധനം തടയാൻ മത്സ്യത്തൊഴിലാളികൾക്ക് ബോധവൽക്കരണം നൽകുന്നതിന് സ്വീകരിച്ച നടപടികൾ വ്യക്തമാക്കാമോ;

അശാസ്ത്രീയമായ മത്സ്യ ബന്ധനം മത്സ്യസമ്പത്തിനെ സാരമായി ബാധിക്കുകയും തന്മൂലം തീരദേശ മേഖല വറുതിയിലാവുകയും ചെയ്ത കാര്യം പരിശോധിച്ചിട്ടുണ്ടോ എന്ന് വ്യക്തമാക്കാമോ?

സി.ആർ.ഇസഡ്. വിജ്ഞാപനത്തിന്റെ അടിസ്ഥാനത്തിൽ സംസ്ഥാനത്ത് തീരദേശ പരിപാലന പ്ലാൻ തയ്യാറാക്കുന്ന പ്രവർത്തനത്തിന്റെ പുരോഗതി വ്യക്തമാക്കുമോ;

നഗര സ്വഭാവമുള്ള നൂറ്റി എഴുപത്തിയഞ്ച് പഞ്ചായത്തുകളെ നഗരങ്ങൾക്ക് ബാധകമായതും കൂടുതൽ ഇളവുകൾ ഉള്ളതുമായ സോൺ രണ്ടിലേക്ക് മാറ്റണമെന്ന സംസ്ഥാനത്തിന്റെ ശിപാർശ കേന്ദ്രം അംഗീകരിച്ചിട്ടുണ്ടോ; വിശദാംശം നൽകുമോ;

തീരദേശപരിപാലന പ്ലാനിന് അന്തിമ അനുമതി ലഭിക്കുന്നത് വൈകുന്തോറും നിയമപരമായി നടപ്പാക്കാൻ കഴിയുന്ന നിർമ്മാണ പ്രവർത്തനങ്ങൾ അനിശ്ചിതത്വത്തിൽ ആകുന്ന കാര്യം ഗൗരവത്തോടെ കാണുന്നുണ്ടോ; എങ്കിൽ എത്രയും വേഗം നടപടിക്രമങ്ങൾ പൂർത്തീകരിക്കുമോ; വിശദാംശം നൽകുമോ?

സംസ്ഥാനത്ത് ഉൾനാടൻ മത്സ്യസമ്പത്ത് വർദ്ധിപ്പിക്കുന്നതിനായി നടപ്പിലാക്കുന്ന മത്സ്യകേരളം പദ്ധതിയുടെ പുരോഗതി വിശകലന വിധേയമാക്കിയിട്ടുണ്ടോ; എങ്കിൽ വിശദാംശം ലഭ്യമാക്കുമോ;

എവിടെയെല്ലാം ജലാശയം അവിടെയെല്ലാം മത്സ്യകൃഷി എന്ന ആശയം ഉൾക്കൊണ്ടുകൊണ്ട് നടപ്പിലാക്കുന്ന മത്സ്യകൃഷി വ്യാപന പദ്ധതിയുടെ വിശദാംശം ലഭ്യമാക്കുമോ;

ചെറുകിട മത്സ്യ കർഷകർക്ക് ആവശ്യാനുസരണം മത്സ്യക്കുഞ്ഞുങ്ങളെ ലഭിക്കുന്നതിനായി നടപ്പിലാക്കിയിട്ടുള്ള പദ്ധതികളുടെ വിശദാംശം ലഭ്യമാക്കുമോ;

സംസ്ഥാനത്തെ പരമ്പരാഗത ശുദ്ധജല മത്സ്യ ഇനങ്ങളുടെ സംരക്ഷണത്തിനും ഇവയെ വാണിജ്യാടിസ്ഥാനത്തിൽ പ്രയോജനപ്പെടുത്തുന്നതിനുമുള്ള സാധ്യത പരിശോധിച്ചിട്ടുണ്ടോ; എങ്കിൽ വ്യക്തമാക്കുമോ?

സംസ്ഥാനത്ത് പ്രാദേശിക മത്സ്യകൃഷി പ്രോത്സാഹിപ്പിക്കുന്നതിന് സ്വീകരിച്ചിട്ടുള്ള നടപടികള്‍ അറിയിക്കാമോ;

പ്രാദേശികമായി ഉല്പാദിപ്പിക്കുന്ന മത്സ്യങ്ങള്‍ വിപണിയില്‍ പരിചയപ്പെടുത്തുന്നതിനും പ്രചരിപ്പിക്കുന്നതിനും സ്വീകാര്യത ഉറപ്പുവരുത്തുന്നതിനും പ്രചാരണ പരിപാടികൾ സംഘടിപ്പിക്കുന്നതിന് നടപടി സ്വീകരിക്കുമോ;

നിയോജകമണ്ഡലാടിസ്ഥാനത്തില്‍ ഇത്തരം പ്രചാരണങ്ങള്‍ ഏകോപിപ്പിക്കുന്നതിന് നടപടി സ്വീകരിക്കാമോ;

മത്സ്യകൃഷിക്ക് ഇന്‍ഷുറന്‍സ് പരിരക്ഷ ലഭ്യമാണോ; ഇല്ലെങ്കില്‍ ആയത് ഏര്‍പ്പെടുത്താന്‍ നടപടി സ്വീകരിക്കാമോ?

ദേശീയ തലത്തിലെ ആകെ മത്സ്യോല്പാദനത്തിന്റെ എഴുപത് ശതമാനവും ഉള്‍നാടന്‍ മേഖലയില്‍നിന്നും ലഭിക്കുമ്പോള്‍ കേരളത്തിന്റെ സംഭാവന മുപ്പത് ശതമാനത്തിൽ താഴെ മാത്രമാണെന്നത് ഗൗരവമായി പരിഗണിച്ചിട്ടുണ്ടോ;

2015-16 വരെയുള്ള കാലയളവില്‍ ഉള്‍നാടന്‍ മത്സ്യോല്പാദനത്തില്‍ മികച്ച നേട്ടം കൈവരിച്ച സംസ്ഥാനം പിന്നീട് പുറകോട്ട് പോയതായി കണ്ടെത്തിയിട്ടുണ്ടോ; എങ്കില്‍ ഇതിന്റെ കാരണം പരിശോധിച്ചിട്ടുണ്ടോ;

പ്രസ്തുത പിന്നാക്കാവസ്ഥയ്ക്ക് കാരണം സംസ്ഥാനത്തെ ഉള്‍നാടന്‍ ജലവിഭവ ശേഷി ഉപയോഗിക്കുന്നതിലുണ്ടായ വീഴ്ചയാണോ എന്ന് വിലയിരുത്തിയിട്ടുണ്ടോ;

എങ്കില്‍ അത് പരിഹരിക്കുന്നതിനായി സ്വീകരിച്ച നടപടികൾ വിശദമാക്കുമോ?

ജനകീയ മത്സ്യകൃഷിയുടെ ഭാഗമായി വിതരണം ചെയ്തുവരുന്ന ആസാം വാള മത്സ്യങ്ങള്‍ക്ക് വില്‍പ്പന സാധ്യത വളരെ കുറവാണെന്നും വില തീരെ ലഭിക്കാത്തതാണെന്നുമുള്ള കര്‍ഷകരുടെ വ്യാപകമായ പരാതി ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;

ആസാം വാള മത്സ്യക്കുഞ്ഞുങ്ങള്‍ക്ക് പകരം രോഹു, കട്ല, തിലോപ്പി തുടങ്ങിയ ഇനം മത്സ്യക്കുഞ്ഞുങ്ങളെ ജനകീയ മത്സ്യകൃഷിയുടെ ഭാഗമായി കര്‍ഷകര്‍ക്ക് ലഭ്യമാക്കാന്‍ നടപടി സ്വീകരിക്കുമോ;

പ്രസ്തുത പദ്ധതിയുടെ ഭാഗമായി 2021-ല്‍ ആസാം വാള മത്സ്യകൃഷി നടത്തിയവരും 16-10-2021-ലെ അതിതീവ്രമഴ മൂലം ബണ്ട് പൊട്ടിയതിനെ തുടര്‍ന്ന് മത്സ്യകൃഷിക്കായി സ്ഥാപിച്ചിരുന്ന കാലുകളും നെറ്റും തകര്‍ന്ന് മത്സ്യങ്ങള്‍ ഒഴുകിപ്പോയതിനെ തുടര്‍ന്ന് വലിയ നഷ്ടം സംഭവിച്ചവരുമായ കര്‍ഷകര്‍ക്ക് ധനസഹായം അനുവദിക്കുമോയെന്ന് വെളിപ്പെടുത്താമോ?

ഫാം ടൂറിസത്തിൽ മത്സ്യ കൃഷിയുടെ സാധ്യതകളെ കുറിച്ച് ഫിഷറീസ് വകുപ്പ് എന്തങ്കിലും പഠനം നടത്തിയിട്ടുണ്ടോ; എങ്കില്‍ വിശദാംശങ്ങള്‍ നല്‍കാമോ;

കൃഷി, ഫിഷറീസ്, ടൂറിസം എന്നീ വകുപ്പുകളുമായി സഹകരിച്ച് ഫാം ടൂറിസം മേഖലകളില്‍ കൂടുതല്‍ പദ്ധതികള്‍ നടപ്പിലാക്കുന്നതിന് തയ്യാറാകുമോ; വിശദാംശം നൽകുമോ;

പട്ടാമ്പി മണ്ഡലത്തിലെ കാര്‍ഷിക ഗവേഷണ സര്‍വ്വകലാശാലയില്‍ ഇത്തരത്തിലുള്ള പദ്ധതികള്‍ നടപ്പിലാക്കുന്നതിന് സര്‍ക്കാര്‍ നടപടി സ്വീകരിക്കുമോ;

പൊതു ജനങ്ങള്‍ക്ക് കുറഞ്ഞ ചെലവില്‍ മത്സ്യം വാങ്ങുന്നതിന് ഫാം ടൂറിസം മത്സ്യ കൃഷി പോലുള്ള പദ്ധതികള്‍ ആരംഭിക്കുന്നതിന് സര്‍ക്കാര്‍ നടപടി സ്വീകരിക്കുമോ; പദ്ധതികള്‍ നടപ്പിലാക്കുന്നതിന് ഫിഷറീസ് വകുപ്പ് ഗ്രാന്റ് അനുവദിക്കുമോ?

സംസ്ഥാനത്ത് മത്സ്യ ആവശ്യകതയും ഉല്‍പ്പാദനവും തമ്മില്‍ പ്രതിവര്‍ഷം രണ്ടു ലക്ഷം ടണ്ണിന്റെ വിടവുള്ളതിനാല്‍ മത്സ്യകൃഷിയുടെ പ്രധാന്യം പരിഗണിച്ച് ഉള്‍നാടന്‍ മത്സ്യകൃഷി പ്രോത്സാഹിപ്പിക്കാന്‍ പദ്ധതിയുണ്ടോ; എങ്കിൽ വിശദാംശം ലഭ്യമാക്കാമോ;

2025 ഓടെ മത്സ്യകൃഷിയിലൂടെ മത്സ്യോല്പാദനം ഇരട്ടിയാക്കാന്‍ ഉദ്ദേശ്യമുണ്ടോ; ഇതിനായി മത്സ്യവിത്തുല്പാദനത്തില്‍ സ്വയം പര്യാപ്തത കൈവരിക്കാന്‍ നടത്തുന്ന പ്രവര്‍ത്തനങ്ങളില്‍ പുരോഗതിയുണ്ടോയെന്ന് വ്യക്തമാക്കാമോ;

അണക്കെട്ടുകളിലും ജലസംഭരണികളിലും പൊതു കുളങ്ങളിലും മത്സ്യകൃഷി വ്യാപിപ്പിക്കല്‍ സാധ്യമായിട്ടുണ്ടോയെന്ന് അറിയിക്കാമോ?

നൂതനവും അതിവേഗം വികസിച്ചുകൊണ്ടിരിക്കുന്നതും പരിസ്ഥിതി സൗഹൃദവും കുറഞ്ഞ ചെലവില്‍ പോഷകമൂല്യമേറിയ മത്സ്യലഭ്യത സുസ്ഥിരമായി ഉറപ്പാക്കുന്നതുമായ ബയോ ഫ്ലോക്ക് മത്സ്യകൃഷിയുടെ സാധ്യതകളെ സംബന്ധിച്ച് എന്തെങ്കിലും പഠനം നടത്തിയിരുന്നോയെന്ന് വ്യക്തമാക്കാമോ;

ബയോഫ്ലോക്ക് മത്സ്യകൃഷിയുടെ അടിസ്ഥാന തത്വങ്ങൾ എന്തെല്ലാമാണെന്ന് വ്യക്തമാക്കാമോ;

പ്രസ്തുത പദ്ധതിയിൽ ഒരു യൂണിറ്റിന്റെ പ്രവര്‍ത്തനച്ചെലവ് ശരാശരി എത്രയാണെന്നും അവയുടെ എത്ര ശതമാനം സബ്സിഡി ലഭിക്കുമെന്നും അറിയിക്കാമോ;

കുറഞ്ഞ ജല-വിനിയോഗ-വിനിമയ നിരക്കും സ്ഥല വിസ്തൃതിയും ഉയര്‍ന്ന ഉല്പാദന ക്ഷമതയുമുള്ള ജെെവ സുരക്ഷ ഉറപ്പുള്ള പ്രസ്തുത പദ്ധതി കൂടുതല്‍ പേര്‍ക്ക് തൊഴിലും വരുമാനവും ലഭിക്കത്തക്കവിധം വ്യാപിപ്പിക്കുവാന്‍ നടപടി സ്വീകരിക്കുമോ?

ഉള്‍നാടന്‍ മത്സ്യകൃഷി പ്രോത്സാഹിപ്പിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കാമോ;

ഉള്‍നാടന്‍ മത്സ്യകൃഷിയില്‍ ഏര്‍പ്പെട്ടിരിക്കുന്ന കര്‍ഷകര്‍ക്ക് സര്‍ക്കാര്‍ നല്‍കി വരുന്ന സഹായങ്ങൾ എന്തൊക്കെയെന്ന് അറിയിക്കാമോ;

തദ്ദേശ സ്വയംഭരണ സ്ഥാപനങ്ങളുടെ സഹായത്തോടെ കൂടുതല്‍ സ്ഥലങ്ങളിലും ജലസേചനാവശ്യത്തിനായി നിര്‍മ്മിച്ചിട്ടുള്ള റിസര്‍വോയറുകളിലും മത്സ്യകൃഷി വ്യാപിപ്പിക്കുന്നതിന് സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തൊക്കെ എന്ന് വിശദീകരിക്കാമോ?

വൈപ്പിന്‍ നിയോജക മണ്ഡലത്തിലെ പുനര്‍ഗേഹം പദ്ധതിയുടെ നിലവിലെ സ്ഥിതി വിശദമാക്കുമോ;

ഫിഷറീസ് വകുപ്പ് നടത്തിയ സര്‍വ്വേ പ്രകാരം പ്രസ്തുത പദ്ധതിയിൽ ഉൾപ്പെടുത്തി സുരക്ഷിത മേഖലയിലേക്ക് പുനരധിവസിപ്പിക്കേണ്ട വൈപ്പിന്‍ നിയോജക മണ്ഡലത്തിലെ കുടുംബങ്ങളുടെ എണ്ണം വ്യക്തമാക്കുമോ;

പ്രസ്തുത നിയോജക മണ്ഡലത്തിലെ പദ്ധതി ഗുണഭോക്താക്കളിൽ എത്രപേരുടെ ഭവന നിര്‍മ്മാണം ആരംഭിച്ചിട്ടുണ്ടെന്നും എത്രപേരുടെ ഭവനനിര്‍മ്മാണം പൂര്‍ത്തിയായിട്ടുണ്ടെന്നും വ്യക്തമാക്കുമോ?

ചാത്തന്നൂർ നിയോജക മണ്ഡലത്തിലെ പരവൂർ ചില്ലയ്ക്കൽ തീരപ്രേദശത്ത് നബാർഡിന്റെ സഹായത്തോടെ നിർമ്മിക്കുവാൻ ഉദ്ദേശിക്കുന്ന ഫിഷ് ലാന്റിംഗ് സെന്ററുമായി ബന്ധപ്പെട്ട നടപടികളുടെ നിലവിലെ സ്ഥിതി വിശദമാക്കുമോ?

മത്സ്യകേരളം പദ്ധതിയുടെ പുരോഗതി വിശദമാക്കുമോ;

പ്രസ്തുത പദ്ധതിയുടെ ഭാഗമായി മലപ്പുറം നിയോജക മണ്ഡലത്തിൽ നടപ്പാക്കിയ പ്രവർത്തനങ്ങൾ വ്യക്തമാക്കുമോ; വിശദാംശം നൽകുമോ;

വംശനാശ ഭീഷണി നേരിടുന്ന തദ്ദേശീയ മത്സ്യങ്ങളുടെ പ്രജനനത്തിനായി ആവിഷ്കരിച്ച പുതിയ പദ്ധതികൾ എന്തൊക്കെയാണെന്ന് വ്യക്തമാക്കുമോ?

251.04 ലക്ഷം രൂപയ്ക്ക് ഭരണാനുമതി ലഭിച്ച വൈപ്പിന്‍ ഫിഷ്‍ ലാന്റിംഗ് സെന്ററിലേക്കുള്ള വഴി, പാര്‍ക്കിംഗ് ഏരിയ എന്നിവയുടെ നിര്‍മ്മാണത്തിനാവശ്യമായ ഭൂമി ഏറ്റെടുത്ത് ഫിഷ് ലാന്റിംഗ് സെന്റര്‍ പൂര്‍ണ്ണരീതിയില്‍ ഉപയുക്തമാക്കുന്നതില്‍ നേരിടുന്ന കാലതാമസത്തിനുള്ള കാരണം വ്യക്തമാക്കുമോ;

ഇതുസംബന്ധിച്ച് 13/03/2022-ന് സമർപ്പിച്ച പരാതിയെത്തുടര്‍ന്ന് മത്സ്യബന്ധന തുറമുഖ(ബി) വകുപ്പിലെ ബി2/77/2022 നമ്പര്‍ ഫയലില്‍ റിപ്പോര്‍ട്ട് ലഭ്യമായിട്ടുണ്ടോ; എങ്കിൽ പ്രസ്തുത റിപ്പോര്‍ട്ടിന്മേൽ സ്വീകരിച്ച നടപടി വിശദമാക്കുമോ;

ഫിഷ് ലാന്റിംഗ് സെന്ററിന്റെ വികസനത്തിനായി കൂടുതല്‍ ഭൂമി വിട്ടുനല്‍കുമെന്ന് ഭൂവുടമകള്‍ സമ്മതിച്ചിട്ടുണ്ടോ; പ്രസ്തുത ഭൂമി ഏറ്റെടുക്കുന്നത്തിനായി സ്വീകരിച്ചിട്ടുള്ള നടപടികള്‍ വിശദമാക്കുമോ;

സ്ഥലമെടുപ്പ് പൂര്‍ത്തിയായശേഷം ഫിഷ് ലാന്റിംഗ് സെന്ററിന്റെ നവീകരണത്തിനായി സ്വീകരിക്കുവാൻ ഉദ്ദേശിക്കുന്ന തുടർനടപടികൾ വിശദമാക്കുമോ?

അരൂര്‍ മണ്ഡലത്തില്‍ പുനര്‍ഗേഹം പദ്ധതി പ്രകാരം എത്ര പേര്‍ക്ക് ആനുകൂല്യം ലഭ്യമാക്കി എന്ന് വിശദമാക്കാമാേ;

പുനര്‍ഗേഹം പദ്ധതി പ്രകാരം ഏതെല്ലാം ആനുകൂല്യങ്ങളാണ് പ്രസ്തുത മണ്ഡലത്തിലെ മത്സ്യത്താെഴിലാളികള്‍ക്ക് നല്‍കുന്നതെന്ന് വ്യക്തമാക്കാമാേ?

എറണാകുളം നിയോജക മണ്ഡലത്തിലെ തേവരയിൽ ഫിഷറീസ് വകുപ്പിന്റെ നേരിട്ടുള്ള നിയന്ത്രണത്തിൽ പ്രവർത്തിക്കുന്ന തേവര ഗവണ്മെന്റ് റീജിയണൽ ഫിഷറീസ് ടെക്‌നിക്കൽ വൊക്കേഷണൽ ഹയർ സെക്കന്ററി സ്കൂൾ കെട്ടിടത്തിന്റെ അപകടാവസ്ഥയെക്കുറിച്ചുള്ള പരാതിയിൻമേൽ സ്വീകരിച്ച നടപടികൾ വ്യക്തമാക്കുമോ;

പ്രസ്തുത സ്കൂൾ നവീകരണത്തിനായി നാളിതുവരെ എന്തെങ്കിലും നടപടി സ്വീകരിച്ചിട്ടുണ്ടോ; എങ്കിൽ വിശദമാക്കുമോ;

പ്രസ്തുത വിഷയവുമായി ബന്ധപ്പെട്ട് മൽസ്യത്തൊഴിലാളിക്ഷേമം സംബന്ധിച്ച നിയമസഭാ സമിതി സമർപ്പിച്ച റിപ്പോർട്ടിന്മേല്‍ സർക്കാർ എന്ത് നടപടി സ്വീകരിച്ചു എന്ന് വ്യക്തമാക്കുമോ ?

കാഞ്ഞങ്ങാട് നിയോജക മണ്ഡലത്തിൽ 2016 മുതൽ നാളിതുവരെ ഫിഷറീസ് വകുപ്പ് നടപ്പിലാക്കിയ പദ്ധതികളും നടപ്പിലാക്കി വരുന്ന പദ്ധതികളും നടപ്പിലാക്കുവാൻ വിഭാവനം ചെയ്ത പദ്ധതികളും വിശദമാക്കുമോ?

കുന്നത്തുനാട് മണ്ഡലത്തില്‍ ഫിഷറീസ് വകുപ്പിന്റെ നേതൃത്വത്തില്‍ നടപ്പിലാക്കുന്ന പദ്ധതികള്‍ ഏതെല്ലാം; വിശദാംശങ്ങള്‍ ലഭ്യമാക്കുമോ;

ഉള്‍നാടന്‍ മത്സ്യകൃഷി പ്രോല്‍സാഹിപ്പിക്കുന്നതിനായി ഫിഷറീസ് വകുപ്പ് ആവിഷ്കരിച്ച പദ്ധതികളുടെ വിശദാംശം ലഭ്യമാക്കുമോ?

ഗുരുവായൂര്‍ മണ്ഡലത്തില്‍ പുനര്‍ഗേഹം പദ്ധതിയില്‍ ഉള്‍പ്പെട്ട ഗുണഭോക്താക്കളില്‍ സ്ഥലത്തിന്റെ വില നിശ്ചയിക്കുന്നതുമായി ബന്ധപ്പെട്ടുള്ള തര്‍ക്കം മൂലം സ്ഥലവും വീടും ലഭ്യമാകാത്ത ഗുണഭോക്താക്കളുടെ വിശദവിവരങ്ങള്‍ ലഭ്യമാക്കാമോ;

പ്രസ്തുത തര്‍ക്കം പരിഹരിക്കുന്നതിന് സ്വീകരിച്ച നടപടികള്‍ വിശദമാക്കാമോ?

നിലവിലെ സര്‍ക്കാര്‍ അധികാരമേറ്റശേഷം മത്സ്യബന്ധനവും ഹാര്‍ബര്‍ എഞ്ചിനീയറിംഗും വകുപ്പ്‌ മാവേലിക്കര മണ്ഡലത്തില്‍ അനുവദിച്ച പദ്ധതികളുടെ വിശദവിവരം ലഭ്യമാക്കുമോ?

സംസ്ഥാനത്തെ തീരപ്രദേശങ്ങളുടെ വിസ്തൃതി എത്രയെന്നും ആയതിൽ കടലാക്രമണ/അതിരൂക്ഷ കടലാക്രമണ ഭീഷണി നേരിടുന്ന പ്രദേശവിസ്തൃതി എത്രയെന്നും പ്രസ്തുത പ്രദേശങ്ങളിൽ എത്ര കുടുംബങ്ങൾ താമസിക്കുന്നുവെന്നും വ്യക്തമാക്കുമോ;

പ്രസ്തുത പ്രദേശങ്ങളെ വേലിയേറ്റം, വേലിയിറക്കം ഉൾപ്പെടെയുള്ള പ്രകൃതിക്ഷോഭങ്ങൾ ഏത് രീതിയിൽ ബാധിയ്ക്കുമെന്നും, ഈ സർക്കാർ കാലയളവിൽ എത്ര പേർക്ക് ഈ വിധം കിടപ്പാടം നഷ്ടപ്പെടുന്നതുൾപ്പെടെയുള്ള എന്തെല്ലാം കഷ്ടനഷ്ടങ്ങളുണ്ടായിട്ടുണ്ടെന്നും വ്യക്തമാക്കാമോ;

തീരദേശ ജനതയെ ബാധിയ്ക്കുന്ന ഇത്തരം അവസ്ഥയ്ക്ക് ശാശ്വതപരിഹാരം കാണുവാൻ ഈ സർക്കാർ സ്വീകരിച്ചുവരുന്ന പ്രവർത്തനങ്ങൾ എന്തെല്ലാമെന്ന് വ്യക്തമാക്കുമോ?

ഹാർബർ എഞ്ചിനീയറിംഗ് വകുപ്പ് മുഖേനയുള്ള റോഡ് നവീകരണവുമായി ബന്ധപ്പെട്ട റൂൾസ് ആൻഡ് റെഗുലേഷൻസ് എന്തെല്ലാമാണെന്ന് വിശദമാക്കാമോ ;

ഇത് സംബന്ധിച്ച് നിലവിലുള്ള ഉത്തരവുകളുടെയും, സർക്കുലറുകളുടെയും പകർപ്പുകൾ ലഭ്യമാക്കാമോ ;

ഈ സർക്കാർ അധികാരത്തിൽ വന്നതിനു ശേഷം തിരൂരങ്ങാടി നിയോജകമണ്ഡലത്തിൽ ഹാർബർ എഞ്ചിനീയറിഗ് വകുപ്പ് മുഖേന ഏതെല്ലാം പ്രവൃത്തികൾക്ക് ഭരണാനുമതി ലഭ്യമാക്കി;വിശദവിവരങ്ങൾ ലഭ്യമാക്കാമോ?

പാെന്നാനി ഹാര്‍ബറില്‍ കടലില്‍ നിന്നും മത്സ്യവുമായി തിരിച്ചെത്തുന്ന വള്ളങ്ങള്‍ അഴിമുഖത്തിനടുത്ത് തിരൂര്‍ പൊന്നാനി പുഴയിലാണ് നങ്കൂരമിടുന്നത് എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ദേശീയ ജലപാതക്ക് വേണ്ടി പ്രൊപ്പോസല്‍ ചെയ്ത ഈ പുഴയില്‍ മറ്റ് ജലയാനങ്ങൾക്ക് മാര്‍ഗ്ഗ തടസ്സമാകുന്നകാര്യം ശ്രദ്ധയില്‍ ഉണ്ടോ;

എങ്കില്‍ ഇത് പരിഹരിക്കുന്നതിനായി കൂട്ടായി അഴിമുഖത്ത് ഒരു മിനി ഹാര്‍ബര്‍ നിര്‍മ്മിക്കുന്ന കാര്യം സര്‍ക്കാര്‍ പരിഗണിക്കുമോ?

കാസർഗോഡ് ജില്ലയിൽ തീരദേശ വികസന കോർപ്പറേഷൻ മുഖേന നടപ്പിലാക്കുന്ന പ്രവൃത്തികളുടെ വിശദ വിവരങ്ങൾ ലഭ്യമാക്കുമോ;

ജില്ലയിൽ പുതുതായി പ്രൊപ്പോസൽ സമർപ്പിച്ച പദ്ധതികളുടെ വിശദവിവരങ്ങൾ ലഭ്യമാക്കുമോ?

റീബില്‍ഡ് കേരള പദ്ധതിയിൽ ഉള്‍പ്പെടുത്തി ഭരണാനുമതി ലഭിച്ച കണ്ണൂര്‍ ജില്ലയിലെ പുതിയങ്ങാടി-പാലക്കോട് അഴിമുഖത്തെ റിവര്‍ ട്രെയിനിംഗ് പ്രവൃത്തിയുടെ വിശദാംശം ലഭ്യമാക്കുമോ;

പ്രസ്തുത പ്രവൃത്തിയുടെ എണ്‍വയോണ്‍മെന്റല്‍ ഇംപാക്റ്റ് അസെസ്സ്മെന്റ് നടത്തി റിപ്പോര്‍ട്ട് തയ്യാറാക്കി സി.ആർ.ഇസഡ് ക്ലിയറൻസ് ലഭ്യമാക്കുന്നതിനായി കേരള കോസ്റ്റല്‍ സോണ്‍ മാനേജ്‍മെന്റ് അതോറിറ്റിക്ക് സമര്‍പ്പിച്ച അപേക്ഷയില്‍ അംഗീകാരം ലഭ്യമായിട്ടുണ്ടോ; ഇല്ലെങ്കില്‍ അതിനുള്ള കാരണം വിശദമാക്കുമോ?

മഞ്ചേശ്വരം മണ്ഡലത്തിലെ ഭരണാനുമതി ലഭിച്ച തീരദേശ റോഡുകളുടെ പ്രവൃത്തി ഏത് ഘട്ടത്തിലാണെന്ന് വിശദമാക്കുമോ;

പ്രസ്‌തുത മണ്ഡലത്തിലെ ഏതൊക്കെ റോഡുകളുടെ പ്രവൃത്തികൾക്കാണ് ഭരണാനുമതിക്കായി പ്രപ്പോസൽ സമർപ്പിച്ചിട്ടുള്ളത് എന്ന് വിശദമാക്കുമോ?

ഹരിപ്പാട് മണ്ഡലത്തില്‍ ഹാര്‍ബര്‍ എഞ്ചിനീയറിംഗ് വകുപ്പ് മുഖേന ഭരണാനുമതി ലഭിച്ചിട്ടുള്ള ആറാട്ടുപുഴ-കാര്‍ത്തികപ്പള്ളി പഞ്ചായത്തുകളില്‍ കൂടി കടന്നുപോകുന്ന പിള്ളക്കടവ് മുതല്‍ ധന്യ ഓഡിറ്റോറിയം വരെയുള്ള റോഡ്, കന്നുകാലിപ്പാലം തപസ്യ ജംഗ്ഷന്‍ റോഡ്, കുമാരപുരം പഞ്ചായത്തിലെ വാര്‍ഡ് 8, 9, 10 കടന്നുപോകുന്ന ചെമ്പം പടിക്കല്‍ ഉണിക്കാന്ത്ര റോഡ് എന്നീ വര്‍ക്കുകളുടെ നിര്‍വ്വഹണ പുരോഗതി അറിയിക്കാമോ;

ഉണിക്കാന്ത്ര റോഡ് നിര്‍മ്മാണത്തിനായി കുത്തിപ്പൊളിച്ച സാഹചര്യത്തില്‍ പൊതുജനങ്ങള്‍ നേരിടുന്ന പ്രതിസന്ധി ശ്രദ്ധയില്‍പ്പെട്ടിട്ടുണ്ടോ; പ്രസ്തുത റോഡ് അടിയന്തിരമായി നിര്‍മ്മിക്കുന്നതിനുള്ള കര്‍ശന നടപടി സ്വീകരിക്കുമോ?

കെ.എസ്.എഫ്.ഡി.സി.യുടെ ഉടമസ്ഥതയിലുള്ള പയ്യന്നൂര്‍ തിയേറ്റര്‍ കോംപ്ലക്സിന്റെ നിര്‍മ്മാണ പുരോഗതി വിശദമാക്കുമോ;

പ്രസ്തുത നിര്‍മ്മാണ പ്രവൃത്തി എന്നത്തേക്ക് പൂര്‍ത്തീകരിക്കുവാൻ കഴിയുമെന്നാണ്‌ പ്രതീക്ഷിക്കുന്നതെന്ന് വ്യക്തമാക്കുമോ?

കലാകാരന്മാർക്കുള്ള പെന്‍ഷന്‍ വാങ്ങുന്ന പെരിന്തല്‍മണ്ണ മണ്ഡലത്തിലെ ഗുണഭോക്താക്കളുടെ എണ്ണം അറിയിക്കാമോ; ഓരോ തദ്ദേശ സ്ഥാപനങ്ങളിലെയും ഗുണഭോക്താക്കളുടെ എണ്ണം വേര്‍തിരിച്ച് വ്യക്തമാക്കുമോ?

കിഫ്ബി ധനസഹായത്തോടുകൂടി കെ.എസ്.എഫ്.ഡി.സി. പുതുക്കാട് നിയോജക മണ്ഡലത്തിലെ ആമ്പല്ലൂരില്‍ നിര്‍മ്മിക്കുന്ന തീയേറ്റര്‍ സമുച്ചയത്തിന്റെ നിര്‍മ്മാണം ഏത് ഘട്ടത്തിലാണെന്ന് വ്യക്തമാക്കുമോ;

2020 ജനുവരിയില്‍ ആരംഭിച്ച പ്രസ്തുത തീയേറ്റര്‍ സമുച്ചയ നിര്‍മ്മാണം കാലതാമസം കൂടാതെ പൂര്‍ത്തീകരിക്കുന്നതിനും പൊതുജനങ്ങള്‍ക്ക് തുറന്നുകൊടുക്കുന്നതിനും ആവശ്യമായ സത്വര നടപടികള്‍ സ്വീകരിക്കുമോ എന്ന് അറിയിക്കാമോ?

കൂത്തുപറമ്പില്‍ കെ.ജി. സുബ്രഹ്മണ്യം സ്മാരക സാംസ്ക്കാരിക നിലയം നിര്‍മ്മിക്കുന്നതിന് ജന്മഗൃഹത്തോട് ചേര്‍ന്ന് 4 ഏക്കര്‍ സ്ഥലം കൂത്തുപറമ്പ് നഗരസഭ കണ്ടെത്തിയെങ്കിലും ഇത് സംബന്ധിച്ച നടപടികള്‍ പൂര്‍ത്തിയാകാത്തത് ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ;

പ്രസ്തുത സാംസ്ക്കാരിക നിലയം സ്ഥാപിക്കുന്നത് സംബന്ധിച്ച് നിലവിലെ സ്ഥിതി വിശദമാക്കുമോ;

ലളിതകലാ അക്കാദമിയുമായി ചേര്‍ന്ന്, റവന്യൂ, പൊതുമരാമത്ത് വകുപ്പുകളെ ഏകോപിപ്പിച്ച് സാംസ്ക്കാരിക കേന്ദ്രം സ്ഥാപിക്കാനുള്ള നടപടികള്‍ക്ക് വേഗം കൂട്ടുമോ; എങ്കില്‍ എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കുമോ?

പാലക്കാട് യാക്കരയിലെ വി.ടി. ഭട്ടതിരിപ്പാട് സ്മാരക സമുച്ചയത്തിന്റെ നിർമ്മാണം എന്ന് പൂര്‍ത്തീകരിക്കാന്‍ കഴിയുമെന്ന് അറിയിക്കാമോ ;

പ്രസ്‌തുത സ്മാരക സമുച്ചയത്തില്‍ എന്തെല്ലാം സാംസ്കാരിക പ്രവര്‍ത്തനങ്ങളാണ് നടത്താന്‍ ഉദ്ദേശിക്കുന്നത്; വിശദമാക്കാമോ?

വള്ളിക്കുന്ന് നിയോജകമണ്ഡലത്തിലെ അത്താണിക്കല്‍ കേന്ദ്രീകരിച്ച് നടപ്പാക്കാന്‍ ഉദ്ദേശിക്കുന്ന നാട്ടരങ്ങ് പദ്ധതിയുടെ പുരോഗതി വ്യക്തമാക്കാമോ;

പദ്ധതി നടപ്പാക്കുന്ന തദ്ദേശസ്വയംഭരണ സ്ഥാപനവും നിര്‍വ്വഹണ ഏജന്‍സിയും തമ്മില്‍ കരാറില്‍ ഏര്‍പ്പെട്ടിട്ടുണ്ടോ; എങ്കില്‍ പദ്ധതി വിഭാവനം ചെയ്യുന്ന ഘടകങ്ങളുടെ വിശദാംശം ലഭ്യമാക്കാമോ?

നെന്മാറ നിയോജക മണ്ഡലത്തില്‍ ചെമ്പകശ്ശേരി വിശ്വം സ്മാരകം നിര്‍മ്മിക്കുന്നതിനായി എത്ര തുകയാണ് അനുവദിച്ചിട്ടുള്ളതെന്നും എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വിശദമാക്കുമോ?

പ്രശസ്ത സിനിമ ഗാനരചയിതാവും കവിയും തിരക്കഥാകൃത്തുമായിരുന്ന ഗിരീഷ് പുത്തഞ്ചേരിയുടെ സ്മരണയ്ക്കായി സ്മാരകം നിലവിലില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഗിരീഷ് പുത്തഞ്ചേരിയുടെ സ്മാരകം നിര്‍മ്മിക്കുന്നതിനായി നിവേദനം ലഭിച്ചിട്ടുണ്ടോ; എങ്കിൽ പ്രസ്തുത നിവേദനത്തില്‍ സ്വീകരിച്ച നടപടികള്‍ വ്യക്തമാക്കുമോ?

ഒ.വി. വിജയന്റെ സ്മാരകമായ, മലമ്പുഴ മണ്ഡലത്തിലെ തസ്രാക്കില്‍ സ്ഥിതിചെയ്യുന്ന പ്രസിദ്ധമായ അറബിക്കുളം നവീകരിക്കുവാന്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദാംശം അറിയിക്കാമോ?

കായംകുളം കൃഷ്ണപുരം സാംസ്കാരിക കേന്ദ്രത്തില്‍ താേപ്പില്‍ ഭാസി സ്മാരക ഓഡിറ്റാേറിയത്തിന്റെ നിര്‍മ്മാണ പുരാേഗതി വിശദമാക്കാമാേ?

പഞ്ചവാദ്യ കുലപതി പത്മഭൂഷന്‍ കുഴൂര്‍ നാരായണമാരാരുടെ സ്മരണയ്ക്കായി തൃശ്ശൂര്‍ ജില്ലയിലെ കൊരട്ടിയില്‍ വാദ്യകലാ കേന്ദ്രം സ്ഥാപിക്കുന്ന കാര്യം പരിഗണിക്കുമോ;

പത്മഭൂഷന്‍ കുഴൂര്‍ നാരായണമാരാര്‍ ഫൗണ്ടേഷന്റെ പ്രവര്‍ത്തനത്തിനുള്ള ഗ്രാന്റിനായി സമർപ്പിച്ച അപേക്ഷയില്‍ നടപടി സ്വീകരിച്ചിട്ടുണ്ടോ; വിശദമാക്കുമോ?

കൊണ്ടോട്ടി ആസ്ഥാനമായി പ്രവർത്തിക്കുന്ന മോയിൻകുട്ടി വൈദ്യർ സ്മാരക അക്കാദമിയുടെ ഉപകേന്ദ്രങ്ങൾ നിലവിൽ എവിടെയെല്ലാമാണ് പ്രവർത്തിച്ച് വരുന്നതെന്ന് വ്യക്തമാക്കുമോ;

പ്രസ്തുത അക്കാദമിയുടെ ഉപകേന്ദ്രമോ മറ്റ്‌ അനുബന്ധ സ്ഥാപനമോ 2006-2011 കാലയളവിൽ മഞ്ചേശ്വരം നിയോജക മണ്ഡലത്തിലെ മൊഗ്രാലിൽ പ്രവർത്തിച്ചിരുന്നോ; എങ്കിൽ ഇത് സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ;

ഇശൽ ഗ്രാമം എന്നറിയപ്പെടുന്ന മഞ്ചേശ്വരം മണ്ഡലത്തിലെ മൊഗ്രാലിൽ മോയിൻകുട്ടി വൈദ്യർ സ്മാരക അക്കാദമിയുടെ ഒരു ഉപകേന്ദ്രം അനുവദിക്കുന്നതിന് നടപടി സ്വീകരിക്കുമോ;

സ്കൂൾ ഓഫ് മാപ്പിള ആർട്സ് നിലവിൽ കാസർകോട് ജില്ലയിലെ ഏതെല്ലാം മണ്ഡലങ്ങളിലാണ് പ്രവർത്തനം ആരംഭിച്ചിട്ടുള്ളതെന്ന് വ്യക്തമാക്കുമോ; ഇത് സംബന്ധിച്ച വിശദാംശം ലഭ്യമാക്കുമോ?

പ്രാദേശികാടിസ്ഥാനത്തിലുള്ള തനത് കലാരൂപങ്ങളെ പ്രോത്സാഹിപ്പിക്കുന്നതിന് സ്വീകരിക്കുന്ന നടപടികള്‍ എന്തെല്ലാമെന്നറിയിക്കാമോ;

കോങ്ങാട് മണ്ഡലത്തിലെ കഥകളി, പൊറാട്ട് നാടകം കലാകാരന്മാരെയും പ്രസ്തുത കലാരൂപങ്ങളേയും പ്രോത്സാഹിപ്പിക്കുന്നതിനും പരിപോഷിപ്പിക്കുന്നതിനും നടപടി സ്വീകരിക്കുമോ;

സാംസ്കാരിക വകുപ്പ് നടപ്പിലാക്കുന്ന കലാഗ്രാമം പദ്ധതി വിപുലപ്പെടുത്താന്‍ നടപടി സ്വീകരിക്കുമോ?

കേരള ഫോക്‌ലോര്‍ അക്കാദമിയുടെ വെള്ളാവൂര്‍ ഉപകേന്ദ്രത്തിന്റെ പ്രവര്‍ത്തനങ്ങള്‍ വിശദമാക്കാമോ;

പ്രസ്തുത സ്ഥാപനത്തിലേക്ക് ആവശ്യമായ സ്ഥിരം തസ്തികകള്‍ സൃഷ്ടിക്കുന്ന നടപടികള്‍ ഇപ്പോള്‍ ഏത് ഘട്ടത്തിലാണെന്ന് അറിയിക്കാമോ; സ്ഥിരം തസ്തികകള്‍ സൃഷ്ടിക്കുന്നതിന് അടിയന്തര നടപടി സ്വീകരിക്കാമോ;

പ്രസ്‌തുത സ്ഥാപനത്തിൽ പഠനക്ലാസുകള്‍, പരീശീലന പരിപാടികള്‍ എന്നിവ ഊര്‍ജ്ജിതമാക്കാന്‍ നടപടി സ്വീകരിക്കുമോ?

കുന്ദമംഗലത്ത് ഉമ്പായി മ്യൂസിക് അക്കാഡമി ആരംഭിക്കുന്നതിന് സര്‍ക്കാര്‍ ഗ്രാന്റ് അനുവദിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

മ്യൂസിക് അക്കാഡമി കെട്ടിടം നിർമ്മിക്കുന്നതിനായി കുന്ദമംഗലം ഗ്രാമപഞ്ചായത്തില്‍ പ്ലാന്‍ സമര്‍പ്പിച്ചിട്ടുണ്ടോ; ആയതിന് അനുമതി ലഭിച്ചിട്ടുണ്ടോ; എങ്കിൽ അത് എന്നാണെന്ന് അറിയിക്കുമോ;

ഇല്ലെങ്കില്‍ കാലതാമസത്തിനുള്ള കാരണം വിശദമാക്കാമോ; കാലതാമസം വരുത്തിയ ഉദ്യോഗസ്ഥര്‍ക്കെതിരെ നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം സര്‍ക്കാര്‍ ഉടമസ്ഥതയിലും നിയന്ത്രണത്തിലുമുള്ള സാംസ്ക്കാരിക സ്ഥാപനങ്ങള്‍ക്ക് ഓരോന്നിനും എത്ര തുക ബഡ്ജറ്റ് വിഹിതമായി ലഭ്യമാക്കിയെന്ന് വ്യക്തമാക്കാമോ;

ഇക്കാലയളവില്‍ വിവിധ സാംസ്ക്കാരിക സംഘടനകള്‍ക്ക് ഏതെല്ലാം പദ്ധതി മുഖേന ധനസഹായം ലഭ്യമാക്കിയിട്ടുണ്ട്; ആയതിനായി എത്ര തുക ചെലവഴിച്ചുവെന്ന് വ്യക്തമാക്കുമോ;

സാംസ്ക്കാരിക സ്ഥാപനങ്ങള്‍ക്ക് നല്‍കിയ തുകയുടെ വിനിയോഗം സംബന്ധിച്ച് സര്‍ക്കാര്‍ തലത്തില്‍ പരിശോധന നടത്തിയിട്ടുണ്ടോ; വിശദമാക്കാമോ?

സാംസ്കാരിക വകുപ്പിന് കീഴിൽ കലാ സാംസ്കാരിക പ്രവ‍ർത്തകർക്ക് ചികിത്സാ ധനസഹായ പദ്ധതികൾ നിലവിലുണ്ടോ; എങ്കിൽ വിശാദാംശം നൽകുമോ;

പ്രസ്തുത ചികിത്സാ ധനസഹായം ലഭിക്കുന്നതിനുള്ള നടപടിക്രമങ്ങൾ വ്യക്തമാക്കാമോ?

സംസ്ഥാന യുവജന കമ്മീഷന്റെ ചുമതലകള്‍ എന്തെല്ലാമെന്ന് വ്യക്തമാക്കാമോ;

സ്ത്രീധന പീഡനങ്ങളും ഗാര്‍ഹിക പീഡനങ്ങളും വര്‍ദ്ധിച്ചുവരുന്ന സാഹചര്യത്തില്‍ യുവജന കമ്മീഷന്‍ നടത്തിയിട്ടുള്ള ഇടപെടലുകളുടെ വിശദാംശങ്ങള്‍ ലഭ്യമാക്കുമോ;

കഴിഞ്ഞ സർക്കാരിന്റെ കാലയളവില്‍ യുവജനകമ്മീഷന്റെ പ്രവര്‍ത്തനങ്ങള്‍ക്കായി അനുവദിച്ച തുക സാമ്പത്തികവര്‍ഷാടിസ്ഥാനത്തില്‍ ലഭ്യമാക്കുമോ; ഇതില്‍ ശമ്പളം, മറ്റു പദ്ധതികള്‍ എന്നിങ്ങനെ ഓരോ വര്‍ഷവും കമ്മീഷന്‍ ചെലവഴിച്ച തുക എത്രയാണെന്ന് ഇനം തിരിച്ച് ലഭ്യമാക്കുമോ;

ഗാര്‍ഹിക പീഡനങ്ങള്‍, സ്ത്രീധന പീഡനങ്ങള്‍, സ്ത്രീ പീഡനങ്ങള്‍ തുടങ്ങിയവയ്ക്കെതിരെ യുവതീയുവാക്കളില്‍ അവബോധം സൃഷ്ടിക്കുന്നതിനായി എന്തെല്ലാം നടപടികളാണ് കമ്മീഷന്‍ സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?