ഈ സര്‍ക്കാരിന്റെ കാലയളവില്‍ നവകേരളം കര്‍മ്മ പദ്ധതിയുടെ ഭാഗമായി പൊതു വിദ്യാഭ്യാസ രംഗത്ത് ഉണ്ടായിട്ടുള്ള പുരോഗതി സംബന്ധിച്ച വിലയിരുത്തല്‍ നടത്തിയിട്ടുണ്ടോ; വിശദമാക്കുമോ;

പ്രസ്തുത പദ്ധതിയുമായി ബന്ധപ്പെട്ട് സ്കൂളുകളിലെ ഭൗതിക സാഹചര്യം മെച്ചപ്പെടുത്തുന്നതിനായി കിഫ്ബി ധനസഹായത്തോടെ നടത്തുന്ന പ്രധാന പ്രവര്‍ത്തനങ്ങള്‍ സംബന്ധിച്ച വിശദാംശം നല്‍കാമോ;

പ്രസ്തുത പദ്ധതിയുടെ ഭാഗമായി അക്കാദമിക് പ്രവര്‍ത്തനങ്ങള്‍ മെച്ചപ്പെടുത്തുന്നതിനായി നടന്നു വരുന്ന പ്രവര്‍ത്തനങ്ങള്‍ അവലോകനം നടത്തിയിട്ടുണ്ടോ; വിശദാംശം നല്‍കാമോ?

പാറശാല നിയോജകമണ്ഡല പരിധിയിൽ പൊതുവിദ്യാഭ്യാസ സംരക്ഷണ യജ്ഞം പദ്ധതി പ്രകാരം ഭരണാനുമതി ലഭിച്ചതും നിർവ്വഹണം പുരോഗമിക്കുന്നതുമായ വിവിധ പ്രവൃത്തികൾ ഏതെല്ലാമാണെന്നും അവയുടെ നിലവിലെ സ്ഥിതി സംബന്ധിച്ച വിശദവിവരവും ലഭ്യമാക്കുമോ;

പ്രസ്തുത മണ്ഡലത്തിൽ കില നിർവ്വഹണ ഏജൻസിയായ മൈലച്ചൽ ജി.എച്ച്.എസ്.എസ്. കീഴാരൂർ ജി.എച്ച്.എസ്.എസ്. ധനുവച്ചപുരം എൻ.കെ.എം. ജി.എച്ച്.എസ്.എസ്. ആനാവൂർ ജി.എച്ച്.എസ്.എസ്. പാറശാല വി.എച്ച്.എസ്.ഇ. എന്നീ അഞ്ച് സ്കൂളുകളിലെ കെട്ടിട നിർമ്മാണപ്രവൃത്തി നാളിതുവരെ ആരംഭിച്ചിട്ടില്ല എന്ന വിവരം ശ്രദ്ധയിൽപ്പെട്ടിട്ടുണ്ടോ; ആയതിന്റെ കാര്യകാരണ സഹിതമുള്ള വിവരം ലഭ്യമാക്കാമോ;

പ്രസ്തുത പ്രവൃത്തികൾ എത്രയും വേഗം ആരംഭിക്കുന്നതിനുള്ള നടപടികൾ സ്വീകരിക്കുമോ;വിശദാംശം അറിയിക്കാമോ?

ഇരിക്കൂര്‍ മണ്ഡലത്തിൽ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പദ്ധതികള്‍ അനുവദിച്ചിട്ടുള്ള വിദ്യാലയങ്ങളുടെ പേരും ഓരോന്നിനും അനുവദിച്ച തുകയും വെളിപ്പെടുത്തുമോ;

ഇവയില്‍ ഭരണാനുമതി നല്‍കി നിര്‍മ്മാണം ആരംഭിച്ച സ്ക്കൂളുകള്‍ ഏതെല്ലാമെന്നും, നിലവിൽ പ്ലാനും എസ്റ്റിമേറ്റും അംഗീകാരത്തിനായി പരിഗണനയിലുള്ള സ്ക്കൂളുകള്‍ ഏതെല്ലാമെന്നും വ്യക്തമാക്കുമോ?

സംസ്ഥാനത്തെ പൊതുവിദ്യാഭ്യാസ മേഖലയെ ശക്തിപ്പെടുത്തുന്നതിനും, അക്കാദമിക് നിലവാരവും, ഭൗതിക സാഹചര്യങ്ങളും മെച്ചപ്പെടുത്തുന്നതിനുമായി എന്തൊക്കെ നടപടികളാണ് കഴിഞ്ഞ ആറ് വര്‍ഷമായി സര്‍ക്കാര്‍ സ്വീകരിച്ചത്; വിശദാംശങ്ങള്‍ ലഭ്യമാക്കാമോ;

വിദ്യാഭ്യാസ മേഖലയിലെ ഗുണമേന്മ ഉറപ്പുവരുത്തുന്നതിന് ഇക്കാലയളവില്‍ സ്വീകരിച്ച നടപടികള്‍ എന്തൊക്കെ;

ഈ പ്രവര്‍ത്തനങ്ങള്‍ വഴി അടച്ചുപൂട്ടല്‍ ഭീഷണിയില്‍ ആയിരുന്ന എത്ര പൊതുവിദ്യാഭ്യാസ കേന്ദ്രങ്ങളെ രക്ഷപ്പെടുത്താന്‍ കഴിഞ്ഞു; വ്യക്തമാക്കാമോ;

പൊതുവിദ്യാഭ്യാസ മേഖലയുടെ സംരക്ഷണത്തിന് പൊതുസമൂഹത്തെ ബോധവത്ക്കരിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ?

ഈ വര്‍ഷത്തെ ബഡ്ജറ്റില്‍ പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി അടിസ്ഥാന സൗകര്യങ്ങള്‍ക്കായി തുക വകയിരുത്തിയിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ ;

പ്രസ്തുത പദ്ധതി ആരംഭിച്ചത് മുതൽ ഇതുവരെയുള്ള വര്‍ഷങ്ങളില്‍ പട്ടാമ്പി മണ്ഡലത്തില്‍ എത്ര സ്‌കൂളു കള്‍ക്ക് എത്ര തുക വീതം അനുവദിച്ചു; വിശദാംശം നല്‍കാമോ ?

കരുനാഗപ്പള്ളി മണ്ഡലത്തിൽ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി പദ്ധതികള്‍ അനുവദിച്ചിട്ടുള്ള വിദ്യാലയങ്ങളുടെ പേരുവിവരങ്ങളും അവയ്ക്ക് അനുവദിച്ച തുകയും വെളിപ്പെടുത്തുമോ;

ഇവയില്‍ ഭരണാനുമതി നല്‍കി നിര്‍മ്മാണം ആരംഭിച്ച സ്ക്കൂളുകള്‍ ഏതെല്ലാമെന്നും പ്ലാനും എസ്റ്റിമേറ്റും അംഗീകാരത്തിനായി ഇപ്പോള്‍ പരിഗണനയിലുള്ള സ്ക്കൂളുകള്‍ ഏതെല്ലാമെന്നും വ്യക്തമാക്കുമോ?

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ആലപ്പുഴ നിയോജകമണ്ഡലത്തില്‍ 2016 മെയ് മുതല്‍ നടപ്പിലാക്കിവരുന്ന സ്മാര്‍ട്ട് ക്ലാസ്സ് റൂം ഉള്‍പ്പെടെയുള്ള നിര്‍മ്മാണ പ്രവൃത്തികളുടെ വിശദവിവരം ലഭ്യമാക്കാമോ; കിഫ്ബി, പ്ലാന്‍ഫണ്ട്, എം.എല്‍.എ. ആസ്തിവികസന ഫണ്ട്, ബഡ്ജറ്റ് ഫണ്ട് എന്നിങ്ങനെ തരം തിരിച്ച് വിവരം ലഭ്യമാക്കാമോ;

ഹയര്‍സെക്കണ്ടറി, വൊക്കേഷണല്‍ ഹയര്‍സെക്കണ്ടറി എന്നിവയുടെ പ്ലാന്‍ഫണ്ട് ഉപയോഗിച്ച് നടപ്പിലാക്കുന്ന പ്രവൃത്തികളുടെ വിശദവിവരം ലഭ്യമാക്കാമോ?

കുട്ടനാട്ടിലെ പൊതുവിദ്യാലയങ്ങളുടെ ഭൗതിക സാഹചര്യം മെച്ചപ്പെടുത്താന്‍ എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

കുട്ടനാട്ടിലെ എല്ലാ വിദ്യാലയങ്ങളിലും കളിസ്ഥലങ്ങളും ശുചിമുറികളും മികച്ച നിലവാരത്തില്‍ ഒരുക്കി നല്‍കുന്നതിനു എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

പുതിയ അക്കാദമിക വർഷത്തിൽ സ്കൂളുകൾ തുറന്നപ്പോൾ പല സ്കൂളുകളിലും നിരവധി കുട്ടികൾക്ക് ഛർദിയും വയറിളക്കവും ഉൾപ്പെടെയുള്ള അസ്വസ്ഥതകൾ ഉണ്ടായെന്ന ആക്ഷേപം സർക്കാർ ഗൗരവത്തോടെ കാണുന്നുണ്ടോ;

കോവിഡ് മൂലം ദീർഘനാളായി അടഞ്ഞുകിടന്ന സ്കൂളുകൾ തുറന്നപ്പോൾ സ്കൂളുകളിലെ കുടിവെള്ള സ്രോതസ്സുകളും കുടിവെള്ള സംഭരണികളും മാലിന്യമുക്തമാക്കുന്നതിന് വിദ്യാഭ്യാസ വകുപ്പ് എന്തെങ്കിലും നടപടി സ്വീകരിച്ചിരുന്നോ ; വിശദാംശം നൽകുമോ;

ഈ അദ്ധ്യയന വർഷം സ്കൂളുകൾ തുറക്കുന്നതിനു മുമ്പ് രാസപരിശോധന നടത്തി കുടിവെള്ളം ഉപയോഗയോഗ്യം ആണെന്ന് ഉറപ്പാക്കുന്നതിന് സംസ്ഥാന വ്യാപകമായി എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം നൽകുമോ; ഇല്ലെങ്കിൽ ഇക്കാര്യത്തിൽ അടിയന്തരമായി നടപടി സ്വീകരിക്കാൻ നിർദേശം നൽകുമോ ;

അക്കാദമിക വർഷം ആരംഭിക്കുന്നതിനു മുമ്പ് ശരിയായ മുന്നൊരുക്ക പ്രവർത്തനങ്ങൾ നടത്തുവാൻ സാധിച്ചില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതുമൂലം സ്കൂളുകളിൽ ഉണ്ടായതായി പറയപ്പെടുന്ന പ്രതിസന്ധി പരിഹരിക്കുന്നതിന് അടിയന്തര പരിഹാര നടപടികൾ സ്വീകരിക്കുമോ; വിശദാംശം നൽകുമോ?

സർക്കാർ സ്കൂളുകളുടെ അടിസ്ഥാന സൗകര്യ വികസനത്തിനായി അനുവദിക്കുന്ന തുക ഉപയോഗിച്ച് നടത്തുന്ന പ്രവൃത്തികൾ സമയ ബന്ധിതമായി പൂർത്തീകരിക്കുന്നതിന് എന്തെല്ലാം നടപടിക്രമങ്ങളാണ് സ്വീകരിച്ചിട്ടുള്ളത്;

കഴിഞ്ഞ ആറ് വർഷത്തിനുള്ളിൽ സർക്കാർ സ്കൂളുകളുടെ അടിസ്ഥാന സൗകര്യ വികസനത്തിനായി എത്ര സ്കൂളുകൾക്കാണ് ഫണ്ടുകൾ അനുവദിച്ചിട്ടുള്ളതെന്നും ആയത് ഏതൊക്കെയാണെന്നും ജില്ല തിരിച്ച് വ്യക്തമാക്കാമോ?

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വടക്കാഞ്ചേരി നിയോജകമണ്ഡലത്തിലെ ഏതൊക്കെ സ്കൂളുകളിലാണ് അടിസ്ഥാനസൗകര്യങ്ങള്‍ വികസിപ്പിച്ചത് എന്ന് വ്യക്തമാക്കാമോ;

പ്രസ്തുത പദ്ധതിക്ക് എതെല്ലാം സ്രോതസ്സുകളില്‍ നിന്നുള്ള ഫണ്ടുകളാണ് ഉപയോഗിച്ചത് എന്ന് പട്ടികരൂപത്തിൽ ലഭ്യമാക്കാമോ?

സംസ്ഥാനത്ത് മുഴുവൻ വിദ്യാർഥികൾക്കും രക്ഷിതാക്കൾക്കും സൈബർ സുരക്ഷയിൽ അവബോധം ഉണ്ടാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

പൊതുവിദ്യാലയങ്ങളിലെ ലിറ്റിൽ കൈറ്റ്സ്, ഐ.ടി. ക്ലബ്ബുകള്‍ തുടങ്ങിയ സംവിധാനങ്ങൾ വഴി എല്ലാ വിദ്യാർത്ഥികളുടെയും അമ്മമാർക്ക് സൈബർ സുരക്ഷയിൽ അവബോധം നൽകുന്ന പദ്ധതിയുടെ വിശദാംശം ലഭ്യമാക്കുമോ;

ഈ പദ്ധതിയുടെ നടത്തിപ്പിനായി മാസ്റ്റർ ട്രെയിനികളായി വിദ്യാർത്ഥികളെയും അദ്ധ്യാപകരെയും ഉപയോഗപ്പെടുത്താൻ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ;

വിദ്യാർത്ഥികളുടെ അമ്മമാരില്‍ സൈബർ കുറ്റകൃത്യങ്ങൾ സംബന്ധിച്ച അവബോധം സൃഷ്ടിക്കുന്നതിൽ ഈ പദ്ധതി എത്രത്തോളം സഹായകമാണെന്ന്‌ വിലയിരുത്തിയിട്ടുണ്ടോ; വിശദമാക്കുമോ?

കഴിഞ്ഞ രണ്ട് അദ്ധ്യയന വര്‍ഷങ്ങളില്‍ നേരിട്ടുള്ള ക്ലാസ്സുകള്‍ വളരെ കുറച്ച് മാത്രം ലഭിച്ചത് കാരണം ഉണ്ടായ വിടവ് നികത്തുന്നതിന് പ്രത്യേക പരിപാടി ആവിഷ്കരിച്ചിട്ടുണ്ടോ;

പഠനത്തില്‍ പിന്നാക്കം നില്‍ക്കുന്ന കുട്ടികളുടെയും പിന്നാക്ക മേഖലയിലുള്ള കുട്ടികളുടെയും പഠന മികവ് മെച്ചപ്പെടുത്താന്‍ പദ്ധതി ഉണ്ടോ;

ഗുണമേന്മയുള്ള വിദ്യാഭ്യാസം കുട്ടികളുടെ അവകാശമെന്ന ലക്ഷ്യത്തോടെ നടത്തുന്ന പ്രവര്‍ത്തനങ്ങള്‍ വിശദമാക്കാമോ?

കോവിഡ് 19-ന്റെ സാഹചര്യത്തിൽ നൽകിയ ഓൺലൈൻ വിദ്യാഭ്യാസത്തിൽ മൊബൈൽ ഫോൺ ഉപയോഗിച്ച് പഠനം നടത്തിയ കുട്ടികൾ സ്കൂളുകൾ തുറന്നതിനുശേഷവും അമിതമായി മൊബൈൽ ഫോൺ ഉപയോഗിക്കുന്നതിനാൽ അവർക്ക് പഠനത്തിലുള്ള ശ്രദ്ധ കുറഞ്ഞുവരികയാണെന്നത് ശ്രദ്ധയിൽപ്പെട്ടിട്ടുണ്ടോ;

കുട്ടികളുടെ അമിതമായ മൊബൈൽ ഫോൺ ഉപയോഗം നിയന്ത്രിക്കുന്നതിനും പഠനത്തിൽ ആത്മവിശ്വാസം വർദ്ധിപ്പിക്കുന്നതിനുമായി സ്കൂൾ തലത്തിൽ എന്തെങ്കിലും നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കാമോ?

ഈ സർക്കാർ അധികാരമേറ്റ ശേഷം മാവേലിക്കര മണ്ഡലത്തിലെ ഏതെല്ലാം സ്കൂളുകൾക്ക് വിവിധ പദ്ധതികളിൽ ഉൾപ്പെടുത്തി തുകകൾ അനുവദിച്ചിട്ടുണ്ടെന്ന് വിശദമാക്കുമോ;

ഗവൺമെന്റ് എച്ച്.എസ്.എസ്. കുന്നത്തിന് മൂന്നാം നില പൂർത്തീകരിക്കുന്നതിന് ആവശ്യമായ എസ്റ്റിമേറ്റ് നൽകിയിട്ടുള്ളത് ശ്രദ്ധയിൽപ്പെട്ടിട്ടുണ്ടോ; പ്രസ്തുത നിർമ്മാണത്തിനുള്ള തുക അനുവദിക്കുമോ?

കായംകുളത്തും കൊട്ടാരക്കരയിലും വിഴിഞ്ഞത്തുമുള്ള വിദ്യാലയങ്ങളിൽ ഉച്ചഭക്ഷണം കഴിച്ചതിനെ തുടർന്ന് വിദ്യാർത്ഥികൾക്ക് ഭക്ഷ്യ വിഷബാധ ഉണ്ടായ സംഭവം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഗൗരവത്തോടെ കാണുന്നുണ്ടോ;

വിദ്യാർത്ഥികൾക്ക് പാകം ചെയ്തു നൽകേണ്ട ഭക്ഷണ സാധനങ്ങൾ സ്കൂളുകൾ തുറക്കുന്നതിനു മുൻപ് തന്നെ ഗുണനിലവാര പരിശോധനയ്ക്ക് വിധേയമാക്കുന്നതിന് നിർദ്ദേശം നൽകിയിരുന്നോ; ഇല്ലെങ്കിൽ കാരണം വിശദമാക്കാമോ;

വിദ്യാലയങ്ങളിൽ ഭക്ഷ്യ വിഷബാധ ഉണ്ടായിരിക്കുന്ന സാഹചര്യത്തിൽ ഭക്ഷ്യസുരക്ഷ ഉറപ്പാക്കാൻ സ്കൂൾ തലത്തിൽ വിവിധ വകുപ്പുകളെ ഏകോപിപ്പിച്ചുകൊണ്ട് എന്തൊക്കെ നടപടികളാണ് സ്വീകരിച്ചിരിക്കുന്നത് എന്ന് വ്യക്തമാക്കാമോ?

സംസ്ഥാനത്തെ സ്വാശ്രയ വിദ്യാഭ്യാസ സ്ഥാപനങ്ങളിലെ അധ്യാപകര്‍, അനധ്യാപകര്‍, മറ്റ് ജീവനക്കാര്‍ എന്നിവര്‍ക്ക് ഏതെങ്കിലും തരത്തിലുള്ള നിശ്ചിത വേതന വ്യവസ്ഥ സര്‍ക്കാര്‍ നിര്‍ണ്ണയിച്ചു നല്‍കിയിട്ടുണ്ടോ; എങ്കില്‍ വിശദമാക്കാമോ?

സ്കൂള്‍ ഉച്ചഭക്ഷണ പദ്ധതിയുടെ ഗുണനിലവാരം പൂര്‍ണ്ണമായി ഉറപ്പാക്കാന്‍ പൊതുവിദ്യാഭ്യാസ-ആരോഗ്യ-തദ്ദേശസ്വയംഭരണ വകുപ്പുകളുടെ സംയുക്ത നേതൃത്വത്തില്‍ ഇടയ്ക്കിടെ പരിശോധന നടത്തുവാന്‍ നടപടി സ്വീകരിയ്ക്കുമോ; വിശദമാക്കാമോ;

ജില്ലാ വിദ്യാഭ്യാസ ഓഫീസുകളില്‍ നൂണ്‍ ഫീഡിംഗ് സൂപ്പര്‍വൈസര്‍മാരുടെ തസ്തിക സൃഷ്ടിച്ച് പരിശോധനാ സംവിധാനം കുറ്റമറ്റതാക്കാനുള്ള നടപടി സ്വീകരിക്കുമോ; വ്യക്തമാക്കാമോ;

സ്കൂള്‍ ഉച്ചഭക്ഷണ പദ്ധതി നടത്തിപ്പില്‍ എന്തെല്ലാം പരിഷ്കാരങ്ങള്‍ നടപ്പില്‍ വരുത്തുവാന്‍ ഉദ്ദേശിയ്ക്കുന്നുണ്ടെന്ന് വിശദമാക്കാമോ?

ഉച്ചഭക്ഷണം നല്‍കിയ വകയില്‍ സ്കൂളുകള്‍ക്ക് കുടിശ്ശിക നല്‍കാനുണ്ടോ; എങ്കില്‍ ആകെ എത്ര തുകയാണ് കുടിശ്ശികയായി നല്‍കാനുള്ളതെന്നറിയിക്കുമോ;

സ്കൂളുകള്‍ക്ക് 2017 മുതൽ നല്‍കാനുള്ള കുടിശ്ശിക ഓരോ അധ്യയനവര്‍ഷത്തിന്റെയും അടിസ്ഥാനത്തിൽ എത്രയെന്ന് അറിയിക്കാമോ;

വര്‍ദ്ധിച്ചു വരുന്ന കുടിശ്ശിക മൂലം ഉച്ചഭക്ഷണ പദ്ധതി മുന്നോട്ട് കൊണ്ടുപോകാന്‍ കഴിയാത്ത സാഹചര്യം വിലയിരുത്തിയിട്ടുണ്ടോ;

ഉച്ചഭക്ഷണ പദ്ധതിക്കായി മുന്‍ സര്‍ക്കാരിന്റെ കാലയളവില്‍ എത്ര തുക അനുവദിച്ചു; ചെലവഴിച്ചതെത്ര; നിലവിലെ ബഡ്ജറ്റില്‍ എത്ര തുക ഇതിനായി അനുവദിച്ചിട്ടുണ്ട്; വിശദാംശങ്ങള്‍ ലഭ്യമാക്കാമോ?

സംസ്ഥാനത്തെ പൊതുവിദ്യാഭ്യാസ മേഖലയിൽ അദ്ധ്യാപക നിയമനത്തിന് അംഗീകാരം നൽകുന്ന കാര്യത്തിലും വിവിധ ഗ്രാന്റുകൾ അലോട്ട് ചെയ്യുന്ന കാര്യത്തിലും അനന്തമായ കാലതാമസവും ക്രമവിരുദ്ധതയും നടക്കുന്നതായ ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കില്‍ വിശദാംശം നൽകുമോ;

ഡി.ഡി., ഡി.ഇ.ഒ., എ.ഇ.ഒ. ഓഫീസുകളിൽ വിജിലൻസ് പരിശോധന നടന്നത് ശ്രദ്ധയിൽപ്പെട്ടിട്ടുണ്ടോ; ഇപ്രകാരം പരിശോധന നടത്തുവാനുണ്ടായ സാഹചര്യം വ്യക്തമാക്കുമോ;

പ്രസ്തുത പരിശോധനകളിലൂടെ ആശാസ്യമല്ലാത്ത കാര്യങ്ങൾ വകുപ്പിൽ നടക്കുന്നതായി കണ്ടെത്തിയിട്ടുണ്ടോ; വിശദാംശം നൽകുമോ;

പൊതുവിദ്യാഭ്യാസ വകുപ്പിന് കീഴിൽ ഒരെ ഓഫീസിൽ ഒരെ സീറ്റിൽ നാലോ അതിലധികമോ വർഷമായി ജോലി ചെയ്യുന്നവർ ഉണ്ടോ; ഇത് സംബന്ധിച്ച പരിശോധന വകുപ്പ് നടത്തിയിട്ടുണ്ടോ; എങ്കിൽ വിശദാംശം ലഭ്യമാക്കുമോ;

ഇപ്രകാരം ജോലി ചെയ്യുന്ന ഉദ്യോഗസ്ഥരെ തുടരാൻ അനുവദിക്കുന്നത് കൂടുതൽ അഴിമതിക്കുള്ള സാഹചര്യം സൃഷ്ടിക്കും എന്നതിനാൽ അടിയന്തരമായി തിരുത്തൽ നടപടികൾ സ്വീകരിക്കുമോ; വിശദാംശം നൽകുമോ?

കേന്ദ്ര-സംസ്ഥാന വിഹിതങ്ങള്‍ ചെലവഴിച്ചു കൊണ്ട് പൊതുവിദ്യാഭ്യാസ വകുപ്പിന് കീഴിലുള്ള സർക്കാർ, എയ്ഡഡ് വിദ്യാലയങ്ങളിൽ പാചകപ്പുര, സ്റ്റോര്‍ യൂണിറ്റുകൾ എന്നിവയുടെ നിർമ്മാണ പ്രവൃത്തി ഏത് ഘട്ടത്തിലെത്തി എന്ന് വ്യക്തമാക്കാമോ;

ഇരിക്കൂര്‍ മണ്ഡലത്തിലെ ഏതൊക്കെ വിദ്യാലയങ്ങളെ പ്രസ്തുത പദ്ധതിയില്‍ തെരഞ്ഞെടുത്തിട്ടുണ്ടെന്ന് വ്യക്തമാക്കാമോ; ഓരോ വിദ്യാലയത്തിനും അനുവദിച്ച തുകയും നിര്‍മ്മാണ പുരോഗതിയും വ്യക്തമാക്കാമോ;

പ്രസ്തുത പദ്ധതിയില്‍ വിദ്യാലയങ്ങളെ തെരഞ്ഞെടുക്കുന്നതിനുള്ള മാനദണ്ഡം എന്താണെന്ന് വ്യക്തമാക്കാമോ; നടപ്പു സാമ്പത്തിക വര്‍ഷം ഇരിക്കൂര്‍ മണ്ഡലത്തിലെ ഏതെല്ലാെം വിദ്യാലയങ്ങളില്‍ പദ്ധതി നടപ്പാക്കാനാണ് ഉദ്ദേശിക്കുന്നത്?

ഏകാദ്ധ്യാപക വിദ്യാലയങ്ങളുടെ പ്രവർത്തനം അവസാനിപ്പിക്കാൻ തീരുമാനിച്ചിട്ടുണ്ടോ; ഉണ്ടെങ്കില്‍ കാരണം എന്തെന്ന് വിശദമാക്കുമോ; ഇത്തരത്തില്‍ പ്രവര്‍ത്തനം അവസാനിപ്പിച്ച വിദ്യാലയങ്ങൾ തുടർന്നു പ്രവർത്തിക്കുവാൻ അനുമതി നൽകിയിട്ടുണ്ടോ; ഉണ്ടെങ്കില്‍ ഏതെല്ലാം;

പ്രസ്തുത വിദ്യാലയങ്ങളിൽ അദ്ധ്യാപകരായി ജോലി നോക്കിയവരെ ഏതൊ​ക്കെ തസ്തികളിലാണ് നിയമിച്ചത്;

ഇവരെ അദ്ധ്യാപകരായി തന്നെ നിയമിക്കണമെന്ന ആവശ്യം അംഗീകരിക്കുവാൻ നടപടി സ്വീകരിക്കുമോ?

എയ്ഡഡ് മേഖലയിലെ അധ്യാപക നിയമനത്തിൽ ഭിന്നശേഷിക്കാരുടെ നാല് ശതമാനം സംവരണം ഏർപ്പെടുത്തുന്നത് സംബന്ധിച്ച് ഉത്തരവ് പുറപ്പെടുവിച്ചിട്ടുണ്ടോ; വിശദമാക്കാമോ;

2019 മുതൽ പ്രസ്തുത മേഖലയില്‍ അധ്യാപക നിയമനം അംഗീകരിക്കാത്ത കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ?

കാസർകോടിന്റെയും മഞ്ചേശ്വരത്തിന്റെയും മധ്യഭാഗത്തുള്ള തീരപ്രദേശങ്ങളില്‍ ജീവശാസ്ത്രം ഉൾപ്പെടെയുള്ള സയൻസ് വിഷയങ്ങൾ എടുത്ത് പ്ലസ് ടു പഠിക്കാൻ ഒരു വിദ്യാലയം മാത്രമായതിനാൽ വിദ്യാർത്ഥികൾക്ക് ഇഷ്ട വിഷയം പഠിക്കാൻ കഴിയാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ;

കുമ്പള ഗവ. ഹയർ സെക്കണ്ടറി സ്കൂളിലെ അറുപത് സീറ്റുകളിലേക്ക് 2021-22 അധ്യായന വർഷം എത്ര വിദ്യാർത്ഥികളാണ് അപേക്ഷ നൽകിയിട്ടുള്ളത് എന്ന് വ്യക്തമാക്കുമോ;

കാസർകോട് ജില്ലയിൽ പ്ലസ് ടു സയൻസ് കോഴ്സ് ഉള്ള വിദ്യാലയങ്ങൾ എത്രയാണെന്ന് അസംബ്ലി നിയോജകമണ്ഡലം തിരിച്ച് കണക്ക് ലഭ്യമാക്കുമോ;

മികച്ച സയൻസ് ലാബുള്ള കുമ്പള, ഉപ്പള, മംഗൽ പാടി എന്നീ സ്കൂളുകളിൽ ഈ വർഷം സയൻസിന് അധിക ബാച്ച് അനുവദിക്കുന്നതിന് നടപടി സ്വീകരിക്കുമോ?

വേണ്ടത്ര കുട്ടികളില്ലാത്തതിനാല്‍ വി.എച്ച്.എസ്.ഇ. ബാച്ചുകള്‍ ആരംഭിക്കാതിരിക്കുകയോ നാമമാത്രമായി പ്രവര്‍ത്തിക്കുകയോ ചെയ്യുന്ന സ്കൂളുകൾ സംസ്ഥാനത്തുണ്ടോ; എങ്കിൽ പ്രസ്തുത സ്കൂളുകളുടേയും അനുവദിക്കപ്പെട്ട കോഴ്സുകളുടേയും സീറ്റുകളുടേയും എണ്ണം ജില്ല തിരിച്ച് ലഭ്യമാക്കാമോ;

ഈ കോഴ്സുകള്‍ പശ്ചാത്തല സൗകര്യങ്ങളുള്ള മറ്റ് ജില്ലകളിലെ സ്കൂളുകളിലേക്ക് മാറ്റുന്നതിന് ഉദ്ദേശിക്കുന്നുണ്ടോ; വിശദമാക്കാമോ; ഇതിനായി വി.എച്ച്.എസ്.ഇ. ജില്ലാ മേധാവികളില്‍ നിന്നും ശിപാര്‍ശകള്‍ ലഭിച്ചിട്ടുണ്ടോയെന്ന് അറിയിക്കാമോ;

മലപ്പുറം ജില്ലയിലെ നിലമ്പൂര്‍ ഗവ. മാനവേദന്‍ വൊക്കേഷണല്‍ ഹയര്‍ സെക്കണ്ടറി സ്കൂളില്‍ സര്‍ക്കാരിന് അധിക ബാധ്യത വരാത്തവിധം വി.എച്ച്.എസ്.ഇ. ബാച്ചുകള്‍ പുനര്‍വിന്യസിക്കുന്നതിനോ അധിക ബാച്ചുകള്‍ അനുവദിക്കുന്നതിനോ നടപടി സ്വീകരിക്കുമോ; വിശദമാക്കാമോ?

ഹൈ-ടെക് ക്ലാസ് മുറികള്‍ ഉപയോഗിച്ചുള്ള പഠനം കൂടുതല്‍ കാര്യക്ഷമമായി നടപ്പിലാക്കുന്നതിന് പദ്ധതികള്‍ ആവിഷ്കരിച്ചിട്ടുണ്ടോ; ഉണ്ടെങ്കില്‍ വിശദാംശങ്ങള്‍ അറിയിക്കുമോ?

കേരളത്തിൽ എത്ര എം.ജി.എൽ.സി സ്കൂളുകൾ പ്രവർത്തിക്കുന്നുണ്ടെന്ന് മണ്ഡലം തിരിച്ചു വ്യക്തമാക്കാമോ;

പ്രസ്തുത സ്കൂളുകളിൽ ഏതെല്ലാം ക്ലാസ്സുകൾ ഉണ്ടെന്നും എത്ര കുട്ടികൾ പഠിക്കുന്നുണ്ടെന്നും മണ്ഡലാടിസ്ഥാനത്തിൽ സ്കൂളുകളുടെ പേര് സഹിതം വ്യക്തമാക്കാമോ;

സ്വന്തം കെട്ടിടത്തിൽ പ്രവർത്തിക്കുന്ന എം.ജി.എൽ.സി സ്കൂളുകളുടെ പേരുവിവരം മണ്ഡലം തിരിച്ചു വ്യക്തമാക്കാമോ;

എം.ജി.എൽ.സി സ്കൂളുകൾ അടച്ചുപൂട്ടുവാൻ തീരുമാനിച്ചിട്ടുണ്ടോ;എങ്കിൽ അതുമായി ബന്ധപ്പെട്ട ഉത്തരവിന്റെ പകർപ്പ് ലഭ്യമാക്കാമോ;

എം.ജി.എൽ.സി സ്കൂളുകളിൽ ഏതെങ്കിലും അടച്ചുപൂട്ടിയിട്ടുണ്ടെങ്കിൽ അവിടെ പഠിച്ചിരുന്ന കുട്ടികളുടെ തുടർവിദ്യാഭ്യാസത്തിന്റെയും, ജോലി ചെയ്തിരുന്ന അധ്യാപകരുടെ തുടർസേവനത്തിന്റെയും കാര്യത്തിൽ സ്വീകരിച്ച നടപടികൾ വ്യക്തമാക്കാമോ;

എം.ജി.എൽ.സി സ്കൂളുകൾ അടച്ചുപൂട്ടുന്നപക്ഷം,എം.എൽ.എ ആസ്തി വികസന ഫണ്ടും, മറ്റ് സർക്കാർ ഫണ്ടും ഉപയോഗിച്ചു നിർമ്മിച്ച പ്രസ്തുത സ്കൂളുകളുടെ കെട്ടിടങ്ങൾ ഭാവിയിൽ ഏത് ആവശ്യത്തിന് ഉപയോഗിക്കുവാനാണ് തീരുമാനിച്ചിട്ടുള്ളതെന്ന് വ്യക്തമാക്കാമോ?

വിദ്യാലയങ്ങളുടെ അടിസ്ഥാനസൗകര്യവികസനത്തിന്റെ ഭാഗമായി കിഫ്ബിയിൽ ഉൾപ്പെടുത്തി കാഞ്ഞങ്ങാട് മണ്ഡലത്തിൽ ഏതെല്ലാം സ്കൂളുകൾക്കാണ് ഫണ്ട് അനുവദിച്ചതെന്ന് വിശദമാക്കാമോ;

ഓരോ പദ്ധതിയുടേയും നിർമ്മാണ ചുമതല ഏത് ഏജൻസിക്കാണെന്ന് വെളിപ്പെടുത്താമോ;

ഓരോ സ്കൂളിന്റെയും പ്രവൃത്തികൾ ഏത് ഘട്ടത്തിലാണെന്ന് വ്യക്തമാക്കാമോ?

പൊതു വിദ്യാഭ്യാസ സംരക്ഷണ യജ്ഞത്തിൽ ഉൾപ്പെടുത്തി നിർമ്മാണ പ്രവർത്തനങ്ങൾ നടത്തുന്നതിനായി കിലയെ എസ്. പി. വി യായി ചുമതലപ്പെടുത്തിയ വർക്കല മണ്ഡലത്തിലെ സ്കൂളുകൾ ഏതെല്ലാമെന്നും 2018-ലെ ഡി.എസ്‌ .ആർ നിരക്ക് പ്രകാരം എത്ര രൂപയുടെ ഭരണാനുമതിയാണ് നല്കിയിട്ടുള്ളതെന്നും വ്യക്തമാക്കാമോ;

പ്രസ്‌തുത സ്കൂളുകളുടെ നിർമ്മാണ പ്രവർത്തനം ആരംഭിക്കുന്നതിനുള്ള കാലതാമസം ഒഴിവാക്കുന്നതിന് എസ്. പി. വി-യായ കില എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

വട്ടിയൂർക്കാവ് മണ്ഡലത്തിൽ പൊതുവിദ്യാഭ്യാസ വകുപ്പ് നേരിട്ടും വകുപ്പിന് കീഴിലെ മിഷനുകൾ, ഏജൻസികൾ എന്നിവ മുഖാന്തിരവും നടപ്പാക്കി വരുന്ന പദ്ധതികൾ സംബന്ധിച്ച തൽസ്ഥിതി റിപ്പോർട്ട് ഉൾപ്പെടെയുള്ള വിശദാംശങ്ങൾ ലഭ്യമാക്കാമോ;

2019-20, 2020-21, 2021-22, 2022-23 സംസ്ഥാന ബഡ്ജറ്റുകളിൽ പ്രഖ്യാപിച്ചിട്ടുള്ളതും പൊതുവിദ്യാഭ്യാസ വകുപ്പ് നേരിട്ടും വകുപ്പിന് കീഴിലെ മിഷനുകൾ, ഏജൻസികൾ എന്നിവ മുഖാന്തിരവും നടപ്പിലാക്കേണ്ട വട്ടിയൂർക്കാവ് മണ്ഡലത്തിൽ ഉൾപ്പെടുന്ന പദ്ധതികൾ ഏതൊക്കെയാണെന്നും അവയുടെ നിലവിലെ സ്ഥിതിയും വിശദമാക്കാമോ;

വട്ടിയൂർക്കാവ് മണ്ഡലത്തിൽ 2021 ഏപ്രിൽ മാസത്തിന് ശേഷം പൊതുവിദ്യാഭ്യാസ വകുപ്പ് നേരിട്ടും വകുപ്പിന് കീഴിലെ മിഷനുകൾ ഏജൻസികൾ എന്നിവ മുഖാന്തിരവും പൂർത്തീകരിച്ച പദ്ധതികളുടെ വിശദാംശങ്ങൾ (ഫണ്ട്, ഭരണാനുമതി തുക, എസ്റ്റിമേറ്റ് തുക, ചെലവഴിച്ച തുക എന്നിവ ഉൾപ്പെടെ) ലഭ്യമാക്കാമോ?

പൊതുവിദ്യാഭ്യാസ മേഖലയില്‍ പാഠ്യപദ്ധതി പരിഷ്കരിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ; ആയതിന്റെ പുരോഗതി സംബന്ധിച്ച വിശദാംശങ്ങള്‍ അറിയിക്കാമോ?

സംസ്ഥാനത്തെ പൊതുവിദ്യാഭ്യാസ മേഖലയിൽ പാഠ്യപദ്ധതി പരിഷ്കരണം ഇപ്പോൾ ഏത് ഘട്ടത്തിലാണെന്ന് വ്യക്തമാക്കുമോ;

പാഠ്യ പദ്ധതി പരിഷ്കരണങ്ങളുടെ രൂപരേഖ തയ്യാറാക്കിയിട്ടുണ്ടാ; എങ്കിൽ വിശദാംശങ്ങൾ ലഭ്യമാക്കുമോ;

സാമൂഹിക അവസ്ഥകളെ അഭിമുഖീകരിക്കാനുള്ള ശേഷി ആർജ്ജിക്കാനുതകും വിധം നിലവിലെ പാഠ്യപദ്ധതികളിൽ നിന്നും എന്തെല്ലാം മാറ്റങ്ങളാണ് ഉദ്ദേശിക്കുന്നത് എന്ന് വ്യക്തമാക്കുമോ;

2020ലെ ദേശീയ വിദ്യാഭ്യാസ നയത്തിനും 2022ല്‍ പുറത്തിറക്കിയ പാഠ്യപദ്ധതി ചട്ടക്കൂടിനുള്ള കേന്ദ്ര മാർഗ്ഗനിർദ്ദേശങ്ങൾക്കും അനുസരിച്ചാണോ കേരളത്തിലെ പാഠ്യപദ്ധതി പരിഷ്കരണം എന്ന് വ്യക്തമാക്കുമോ?

സ്കൂൾ കുട്ടികളും യുവാക്കളും ഉൾപ്പെടുന്ന പോക്സോ കേസുകൾ വർദ്ധിക്കുന്നത് ആശങ്കയ്ക് ഇട നൽകുന്നതാണെന്ന് ഹൈക്കോടതി അഭിപ്രായപ്പെട്ടതായി പറയപ്പെടുന്നത് ശ്രദ്ധയിൽപ്പെട്ടിട്ടുണ്ടോ;

പോക്സോ നിയമവും പീഡനക്കുറ്റവും സംബന്ധിച്ച് ഐ.പി. സി.യിൽ കൊണ്ടുവന്ന ഭേദഗതി സംബന്ധിച്ച കാര്യങ്ങളിൽ അറിവ് പകരാത്തത് വിദ്യാഭ്യാസ സംവിധാനത്തിന്റെ അപാകതയാണെന്ന് കോടതി അഭിപ്രായപ്പെടുകയുണ്ടായോ;

ലൈംഗിക അതിക്രമങ്ങൾ തടയുന്നതിനുള്ള നിയമങ്ങളെക്കുറിച്ചുള്ള പാഠങ്ങൾ സ്കൂൾ പാഠ്യപദ്ധതിയിൽ ഉൾപ്പെടുത്തണമെന്ന് ഹൈക്കോടതി അഭിപ്രായപ്പെടുകയും ഈ വിഷയത്തിൽ സർക്കാരിന്റെ അഭിപ്രായം ആരായുകയും ചെയ്യുകയുണ്ടായോ; വ്യക്തമാക്കാമോ;

എങ്കിൽ പാഠ്യപദ്ധതിയിൽ ഈ നിയമങ്ങൾ സംബന്ധിച്ച പാഠഭാഗങ്ങൾ ഉൾപ്പെടുത്തുന്നതിനായി സർക്കാർ സ്വീകരിക്കാന്‍ ഉദ്ദേശിക്കുന്ന നടപടികള്‍ സംബന്ധിച്ച വിശദാംശങ്ങൾ ലഭ്യമാക്കുമോ?

പാഠപുസ്തകവിതരണം കെ.ബി.പി.എസി നെ ഏല്‍പ്പിച്ചത് മുതല്‍ ഈ വര്‍ഷം വരെ പ്രതിവര്‍ഷം എത്ര രൂപയാണ് പാഠപുസ്തക വിതരണത്തിന് ചെലവഴിച്ചിട്ടുള്ളത്; വിശദമാക്കാമോ;

കെ.ബി.പി.എസ്സിനെ ഏല്‍പ്പിക്കുന്നതിന് തൊട്ട് മുമ്പുള്ള മൂന്ന് വര്‍ഷങ്ങളിലെ ഈയിനത്തിലെ ചെലവ് എത്രയാണ്; ടി വിഷയത്തില്‍ വിദ്യാഭ്യാസ വകുപ്പ് പൊതുവായ അവലോകനം നടത്തിയിട്ടുണ്ടെങ്കില്‍ വിശദവിവരം വ്യക്തമാക്കാമോ?

ഹരിപ്പാട് മണ്ഡലത്തിലെ ചേപ്പാട് കണിച്ചനല്ലൂര്‍ ഗവ. എല്‍.പി. സ്‌കൂളിന്റെ കെട്ടിടനിര്‍മ്മാണവുമായി ബന്ധപ്പെട്ട് പൊതു വിദ്യാഭ്യാസ ഡയറക്ടര്‍ സര്‍ക്കാരിന് നല്‍കിയിട്ടുള്ള 09.09.2020-ലെ ഡബ്ലിയു1/16000/2019/ഡി.ജി.ഇ എന്ന കത്തിന്മേല്‍ എന്ത് തുടര്‍ നടപടികളാണ് സര്‍ക്കാര്‍ തലത്തില്‍ സ്വീകരിച്ചിട്ടുള്ളതെന്നും പ്രസ്തുത ഫയലിന്റെ നിലവിലെ സ്ഥിതിയും വ്യക്തമാക്കാമോ;

പ്രസ്തുത വര്‍ക്കിന് അടിയന്തിരമായി ഭരണാനുമതി ലഭ്യമാക്കുന്നതിനുള്ള നടപടി സ്വീകരിക്കുമോ?

സ്വന്തമായി ഭൂമിയില്ലാത്തത് കാരണം ഭൗതിക സൗകര്യം മെച്ചപ്പെടുത്താന്‍ കഴിയാത്ത സര്‍ക്കാര്‍ എല്‍.പി., യു.പി. വിദ്യാലയങ്ങള്‍ക്ക് ഭൂമി വാങ്ങുന്നതിനായി പ്രത്യേക പദ്ധതി തയ്യാറാക്കിയിട്ടുണ്ടാേ;

വാടക കെട്ടിടത്തില്‍ പ്രവര്‍ത്തിച്ചു വരുന്ന സര്‍ക്കാര്‍ എല്‍.പി., യു.പി. വിദ്യാലയങ്ങള്‍ക്ക് ഭൂമി വാങ്ങിക്കുന്നതിനായി കിഫ്ബിയില്‍ നിന്നും ഫണ്ട് അനുവദിച്ചിട്ടുണ്ടാേ;

പ്രസ്തുത സ്കൂളുകളുടെ അപേക്ഷകള്‍ സര്‍ക്കാര്‍ സ്വീകരിച്ചിട്ടുണ്ടാേ; എങ്കില്‍ അടിയന്തരമായി കിഫ്ബിയില്‍ നിന്നും ഫണ്ട് ലഭിക്കുന്നതിനാവശ്യമായ നടപടികള്‍ സ്വീകരിക്കുമാേ?

അടിസ്ഥാന സൗകര്യ വികസനത്തിന്റെ ഭാഗമായി 2022-23 സാമ്പത്തിക വര്‍ഷത്തിൽ വള്ളിക്കുന്ന് നിയോജകമണ്ഡലത്തിലെ ഒളകര ജി.എല്‍.പി. സ്കൂളിന്റെ കെട്ടിട നിര്‍മ്മാണത്തിനായി പൊതുമരാമത്ത് കെട്ടിട വിഭാഗം തയ്യാറാക്കിയ പ്രൊപ്പോസലിനുമേൽ സ്വീകരിച്ച് വരുന്ന നടപടികള്‍ വ്യക്തമാക്കാമോ;

നടപ്പ് സാമ്പത്തിക വര്‍ഷം പ്രസ്തുത സ്കൂളിന് കെട്ടിടം നിര്‍മ്മിക്കുന്നതിനാവശ്യമായ തുക അനുവദിക്കുവാന്‍ നടപടികള്‍ സ്വീകരിക്കുമോ?

തിരൂരങ്ങാടി മണ്ഡലത്തിലെ നന്നമ്പ്ര പഞ്ചായത്തിൽപ്പെട്ട കാളംതിരുത്തി എം.ജി.എല്‍.സി. സ്കൂൾ അടച്ചുപൂട്ടുന്നതിന് തീരുമാനിച്ചിട്ടുണ്ടോ; എങ്കിൽ അതിന് സ്വീകരിച്ച മാനദണ്ഡം എന്താണെന്ന് വിശദമാക്കാമോ;

പ്രസ്തുത സ്കൂളിൽ പ്രീ-പ്രൈമറി, പ്രൈമറി ക്ലാസ്സുകളിലായി ആകെ എത്ര കുട്ടികളുണ്ട്; ക്ലാസ്സുകൾ തിരിച്ചുള്ള കണക്ക് വിശദമാക്കാമോ;

ഈ സ്കൂളിൽ നിന്നും തൊട്ടടുത്ത എല്‍.പി. സ്‌കൂളിലേക്ക് എത്ര ദൂരമാണുള്ളത്; കാളംതിരുത്തി എം.ജി.എല്‍.സി. സ്കൂളിന്റെ പ്രദേശം ഒറ്റപ്പെട്ട ദ്വീപ് ആണോ; ഈ പ്രദേശത്തേക്ക് പൊതു ഗതാഗത സംവിധാനം നിലവിലുണ്ടോ; വിശദമാക്കാമോ;

സ്‌കൂളിന് സ്വന്തമായി കെട്ടിടവും ഭൂമിയുമുള്ളതും സ്ഥിതി ചെയ്യുന്നത് ഒറ്റപെട്ട ദ്വീപിലാണ് എന്നതും ഇവിടെ നിന്നും അടുത്ത എല്‍.പി. സ്‌കൂളിലേക്ക് എട്ട് കിലോമീറ്ററോളം ദൂരമുണ്ടെന്നതും സ്കൂളിൽ മൊത്തം നൂറ്റിപതിമൂന്ന് കുട്ടികൾ പഠനം നടത്തുന്നതും പരിഗണിച്ച് കാളംതിരുത്തി എം.ജി.എല്‍.സി. സ്കൂൾ തുറന്ന് പ്രവർത്തിക്കുന്നതിനുള്ള പുതുക്കിയ ഉത്തരവ് ലഭ്യമാക്കുമോ; വിശദമാക്കാമോ?

റാന്നി മണ്ഡലത്തിലെ വലവൂർ, കോട്ടാങ്ങല്‍, വടശ്ശേരിക്കര യു.പി സ്കൂള്‍ കെട്ടിടങ്ങളുടെ ദുർബ്ബലാവസ്ഥ ശ്രദ്ധയിൽപ്പെട്ടിട്ടുണ്ടോ; എങ്കിൽ പരിഹരിക്കുവാൻ സ്വീകരിച്ച നടപടികള്‍ വിശദമാക്കാമോ;

ഭരണാനുമതി ലഭിച്ച വലവൂർ യു.പി. സ്കൂൾ കെട്ടിടം എന്നത്തേയ്ക്ക് പൂർത്തീകരിക്കുവാൻ സാധിക്കുമെന്ന് അറിയിക്കാമോ;

ഡി.പി.ആർ സമർപ്പിച്ചിട്ടുള്ള കോട്ടാങ്ങല്‍, വടശ്ശേരിക്കര യു.പി. സ്കൂള്‍ കെട്ടിടങ്ങള്‍ക്ക് ഭരണാനുമതി നൽകി ഈ സാമ്പത്തിക വർഷം പണി പൂർത്തിയാക്കുവാൻ നടപടി സ്വീകരിക്കുമോ?

കോട്ടക്കല്‍ നിയോജക മണ്ഡലത്തിലെ ചെറുപറമ്പ് ഗവ: എൽ .പി സ്ക്കൂളിലെ ശോചനീയാവസ്ഥയിലുള്ള കെട്ടിടങ്ങള്‍ക്ക് പകരം പുതിയ കെട്ടിടം നിര്‍മ്മിക്കുന്നതിനായി സമര്‍പ്പിച്ച പ്രൊപ്പോസലിന്‍മേല്‍ സ്വീകരിച്ച നടപടികള്‍ വിശദമാക്കുമോ;

കെട്ടിടത്തിന്റെ ശോചനീയാവസ്ഥ കുട്ടികളുടെ പഠനത്തിനെ പ്രതികൂലമായി ബാധിക്കുന്ന സാഹചര്യം കണക്കിലെടുത്ത് സ്കൂളിന് പുതിയ കെട്ടിടം നിര്‍മ്മിക്കുന്നതിനായി പ്ലാന്‍ ഫണ്ടില്‍ ഉള്‍പ്പെടുത്തി തുക അനുവദിക്കുവാന്‍ നടപടി സ്വീകരിക്കുമോ?

2022-23 ലെ ബജറ്റില്‍ ഉള്‍പ്പെടുത്തിയിട്ടുളളതും അടങ്കല്‍ തുകയുടെ 20% തുക വകയിരുത്തിയിട്ടുള്ളതുമായ മങ്കട നിയോജകമണ്ഡലത്തിലെ പോത്ത്കുണ്ട് ജി.എല്‍.പി സ്‌കൂള്‍ കെട്ടിട നിര്‍മ്മാണം, വെള്ളില ജി.എല്‍.പി.സ്കൂള്‍ കെട്ടിട നിര്‍മ്മാണം എന്നീ പ്രവൃത്തികള്‍ക്ക് ഭരണാനുമതി ലഭിയ്ക്കുന്നതിനായി സ്വീകരിച്ച നടപടികള്‍ അറിയിക്കുമോ;

പ്രവൃത്തികളുടെ വിശദമായ എസ്റ്റിമേറ്റ് തയ്യാറാക്കുന്നതിന് വേണ്ട നിര്‍ദ്ദേശം നിര്‍വ്വഹണ ഏജന്‍സിയ്ക്ക് നല്‍കിയിട്ടുണ്ടോ; ഇല്ലെങ്കില്‍ അടിയന്തരമായി ഭരണാനുമതി ലഭിയ്ക്കുന്നതിനും പ്രവൃത്തി സമയബന്ധിതമായി പൂര്‍ത്തീകരിക്കുന്നതിനുമാവശ്യമായ നടപടി സ്വീകരിക്കുമോ?

സംസ്ഥാനത്ത് ചില സ്കൂളുകളിൽ വിതരണം ചെയ്ത ഉച്ചക്കഞ്ഞി കഴിച്ച കുട്ടികൾക്ക് ഭക്ഷ്യ വിഷബാധയുണ്ടായ സംഭവങ്ങളിൽ അന്വേഷണം നടത്തിയോ; വിശദമാക്കുമോ;

അന്വേഷണത്തിൽ കുറ്റക്കാരെന്ന് കണ്ടെത്തിയവർക്കെതിരെ എന്തെല്ലാം നടപടികള്‍ സ്വീകരിച്ചുവെന്ന് വിശദമാക്കുമോ;

ഇത്തരം സംഭവങ്ങൾ ആവർത്തിക്കാതിരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

കോഴിക്കോട് നോര്‍ത്ത് നിയോജകമണ്ഡലത്തിലെ എന്‍.ജി.ഒ. ക്വാർട്ടേഴ്‌സ് ഹൈസ്ക്കൂള്‍ ഹെഡ്‍മാസ്റ്റര്‍ ഏതു തരം അവധിയിലാണ്പ്രവേശിച്ചിരിക്കുന്നത്; എത്ര കാലമായി അവധിയില്‍ തുടരുന്നു; അറിയിക്കാമോ;

ഹെഡ്‍മാസ്റ്റരുടെ അവധി സ്ക്കൂളിന്റെ പ്രവര്‍ത്തനത്തെ ബാധിച്ചിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിനു അടിയന്തര നടപടി സ്വീകരിക്കുമോ?

സംസ്ഥാനത്ത് ഈ അദ്ധ്യയന വർഷം പത്താം ക്ലാസ് പരീക്ഷ വിജയിച്ച് ഉപരിപഠനത്തിന് യോഗ്യത നേടിയ വിദ്യാർത്ഥികളുടെ എണ്ണവും സർക്കാർ, എയ്ഡഡ് മേഖലയിൽ നിലവിലുള്ള പ്ലസ് വൺ സീറ്റുകളുടെ എണ്ണവും എത്രയാണെന്ന് അറിയിക്കുമോ;

എല്ലാ കുട്ടികൾക്കും ഉപരിപഠനത്തിന് അവസരം നൽകണമെങ്കിൽ അറുപതിനായിരത്തിൽ അധികം പ്ലസ് വൺ സീറ്റുകൾ കൂടുതലായി വേണ്ടിവരുമെന്ന റിപ്പോർട്ടുകൾ ഗൗരവത്തോടെ കാണുന്നുണ്ടോ; വിശദാംശം നൽകുമോ;

മലബാർ മേഖലയിൽ മാത്രം അമ്പതിനായിരത്തിൽ പരം സീറ്റുകൾ അധികമായി വേണ്ടി വരും എന്ന് അറിവായിട്ടുണ്ടോ ; മുൻവർഷം പ്ലസ് വൺ അഡ്മിഷൻ കാര്യത്തിലുണ്ടായതായി പറയപ്പെടുന്ന പ്രതിസന്ധികൾ കൂടി പരിഗണിച്ചുകൊണ്ട് സർക്കാർ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

അർഹരായ എല്ലാ കുട്ടികൾക്കും ഉപരിപഠനത്തിനുള്ള അവസരം സൃഷ്ടിക്കുമോ; വിശദാംശം നൽകുമോ?

പെരിന്തല്‍മണ്ണ നിയോജക മണ്ഡലത്തിലെ ആലിപ്പറമ്പ് ഗവ. ഹയര്‍ സെക്കണ്ടറി സ്‌കൂളിന്റെ കെട്ടിട നിര്‍മ്മാണത്തിന് 2017 മുതല്‍ തുക അനുവദിച്ചിട്ടുണ്ടോ; വിശദാംശങ്ങൾ ലഭ്യമാക്കുമോ;

ഈ സ്‌കൂളില്‍ മേല്‍ സൂചിപ്പിച്ച വര്‍ഷങ്ങളില്‍ കിഫ്ബിയില്‍ നിന്നും ഫണ്ട് അനുവദിച്ചിട്ടുണ്ടോ; വ്യക്തമാക്കുമോ;

ഉണ്ടെങ്കില്‍ തുക എത്രയാണെന്നും ഇത് ഏതു ഘട്ടത്തിലാണെന്നും വിശദമാക്കുമോ?

2017 - 18 വർഷത്തെ ബഡ്ജറ്റിൽ ഭൗതിക സൗകര്യങ്ങൾ മെച്ചപ്പെടുത്തുന്നതിനുള്ള സ്‌കീമിൽ ഉൾപ്പെട്ട ചാത്തന്നൂർ മണ്ഡലത്തിലെ പരവൂർ ജി.എച്ച്.എസ്.എസിന്റെ അടിസ്ഥാന സൗകര്യ വികസനവുമായി ബന്ധപ്പെട്ട നടപടികളിലെ പുരോഗതി വിശദമാക്കാമോ?

ഹയര്‍സെക്കന്ററി തലത്തില്‍ പുതുതായി പ്ലസ് വൺ ബാച്ചുകളും കോഴ്സുകളും ആരംഭിക്കാന്‍ ഉദ്ദേശിക്കുന്നുണ്ടോ;എങ്കില്‍ വിശദാംശം ലഭ്യമാക്കാമോ?

എസ്.എസ്.എല്‍.സി. പരീക്ഷ വിജയിച്ച മലപ്പുറം ജില്ലയിലെ വിദ്യാർത്ഥികൾ നേരിടുന്ന പ്ലസ് വൺ സീറ്റിന്റെ അപര്യാപ്ത ശ്രദ്ധയിൽപ്പെട്ടിട്ടുണ്ടോ;

മലപ്പുറം ജില്ലയിലെ പ്ലസ് വൺ സീറ്റ് ക്ഷാമം പരിഹരിക്കുന്നതിന് ഹയർ സെക്കണ്ടറി സ്‌കൂളുകളിൽ അധിക ബാച്ചുകൾ അനുവദിക്കുന്നതിനുള്ള നടപടികൾ സ്വീകരിക്കുമോ;

ഓരോ ജില്ലയിലും എസ്.എസ്.എല്‍.സി. പരീക്ഷ വിജയിച്ച കുട്ടികളുടെ എണ്ണവും അവർക്ക് നിലവിലുള്ള പ്ലസ് വൺ സീറ്റുകളുടെ എണ്ണവും കുട്ടികളുടെ എണ്ണത്തെ അപേക്ഷിച്ച് പ്ലസ് വൺ സീറ്റുകളിലുള്ള കൂടുതൽ/കുറവ് -ന്റെ ജില്ല തിരിച്ചുള്ള കണക്കും വിശദമാക്കാമോ;

സംസ്ഥാനത്ത് ഹയർ സെക്കണ്ടറി കോഴ്സ് നിലവിൽ വന്നതിനുശേഷം അനുവദിച്ച ഹയർ സെക്കണ്ടറി സ്കൂളുകളുടെയും ഹയർ സെക്കണ്ടറി അധിക ബാച്ചുകളുടെയും കണക്കുകളും അവ അനുവദിച്ച വർഷവും അനുവദിച്ച സമയത്തെ വിദ്യാഭ്യാസ വകുപ്പ് മന്ത്രിമാരുടെ പേരുകളും സംബന്ധിച്ച വിശദ വിവരങ്ങൾ ലഭ്യമാക്കാമോ?

2022-23 അധ്യയനവര്‍ഷം സര്‍ക്കാര്‍/എയ്ഡഡ് സ്കൂളുകളില്‍ പ്രവേശനം നേടിയ ഒന്ന് മുതല്‍ പത്ത് വരെയുള്ള ക്ലാസ്സുകളിലെ കുട്ടികളുടെ എണ്ണത്തിലെ വര്‍ദ്ധനവിന്റെ വിശദാംശം വ്യക്തമാക്കുമോ;

അണ്‍എയ്ഡഡ് സ്കുളുകളില്‍ നിന്നും കുട്ടികള്‍ കൂടുതലായി സര്‍ക്കാര്‍/എയ്ഡഡ് സ്കൂളുകളിലേയ്ക്ക് പ്രവേശനം നേടുന്നത് ഏതൊക്കെ ക്ലാസ്സുകളിലാണ്;

സംസ്ഥാനത്ത് പത്തോ അതില്‍ കുറവോ കുട്ടികള്‍ പഠിക്കുന്ന എത്ര സര്‍ക്കാര്‍/എയ്ഡഡ് സ്കൂളുകള്‍ നിലവിലുണ്ട്; പ്രസ്തുത സ്കൂളുകളില്‍ എത്ര അധ്യാപകര്‍ വീതം ജോലി ചെയ്യുന്നു; തരം തിരിച്ച് വ്യക്തമാക്കുമോ?

2022-2023 അദ്ധ്യയന വര്‍ഷത്തിൽ പുതുതായി എത്ര വിദ്യാര്‍ത്ഥികളാണ് പൊതുവിദ്യാലയങ്ങളിലേക്ക് പ്രവേശനം നേടിയതെന്ന വിവരം ലഭ്യമാണോ; ഉണ്ടെങ്കില്‍ വിദ്യാര്‍ത്ഥികളുടെ എണ്ണം നല്‍കാമോ;

കഴിഞ്ഞ വര്‍ഷത്തെ അപേക്ഷിച്ച് എത്ര വിദ്യാര്‍ത്ഥികള്‍ പുതുതായി പൊതുവിദ്യാലയങ്ങളില്‍ പ്രവേശനം നേടിയിട്ടുണ്ട്;വിശദമാക്കാമോ;

പൊതുവിദ്യാലയങ്ങളില്‍ ഓരോ വര്‍ഷവും സര്‍ക്കാര്‍ നടത്തുന്ന അടിസ്ഥാന സൗകര്യവികസനങ്ങളും മറ്റ് പരിഷ്കാരങ്ങളും കൂടുതല്‍ കുട്ടികളെ പൊതുവിദ്യാലയങ്ങളിലേക്ക്‌ ആകര്‍ഷിക്കാന്‍ കാരണമാക്കുന്നുണ്ടെന്ന കാര്യം വിലയിരുത്തിയിട്ടുണ്ടോ;വിശദമാക്കാമോ?

ഈ അധ്യയന വര്‍ഷം വയനാട് ജില്ലയിലെ പൊതുവിദ്യാലയങ്ങളില്‍ ഒന്നാം ക്ലാസ്സില്‍ പ്രവേശനം നേടിയവരുടെ എണ്ണം വ്യക്തമാക്കാമോ;

പ്രസ്തുത ജില്ലയിൽ ഏറ്റവും കൂടുതല്‍ കുട്ടികള്‍ ഒന്നാം ക്ലാസില്‍ പ്രവേശനം നേടിയ സ്കൂളുകള്‍ ഏതെല്ലാമാണെന്ന് വ്യക്തമാക്കാമോ;

ഒന്നാം ക്ലാസില്‍ പ്രവേശനം നേടിയ പട്ടികവര്‍ഗ്ഗ വിഭാഗക്കാരായ ആണ്‍കുട്ടികളുടെയും പെണ്‍കുട്ടികളുടെയും എണ്ണം വേർതിരിച്ച് ലഭ്യമാക്കാമോ ?

മലപ്പുറം ജില്ലയിൽ എസ്.എസ്.എൽ.സി പരീക്ഷ വിജയിച്ച വിദ്യാർത്ഥികളുടെ എണ്ണത്തിന് ആനുപാതികമായി പ്ലസ് വൺ സീറ്റിന്റെ എണ്ണത്തിൽ കുറവുകൾ ഉള്ളത് ശ്രദ്ധയിൽപ്പെട്ടിട്ടുണ്ടോ;

എങ്കിൽ ഇതു പരിഹരിക്കുന്നതിനും വിജയിച്ച എല്ലാ വിദ്യാർത്ഥികൾക്കും തുടർ പഠന സൗകര്യങ്ങൾ ഏർപ്പെടുത്തുവാനും നടപടി സ്വീകരിക്കുമോ ;

പ്രസ്തുത ജില്ലയിൽ എല്ലാ ഹയർ സെക്കൻഡറി സ്കൂളുകളിലും പുതിയ ബാച്ചുകൾ അനുവദിക്കുവാൻ സർക്കാർ നടപടി സ്വീകരിക്കുമോ?

കഴിഞ്ഞ സര്‍ക്കാര്‍ അധികാരത്തില്‍ വന്നതിനു ശേഷം മാനന്തവാടി നിയോജക മണ്ഡലത്തിലെ എത്ര സ്കൂളുകള്‍ക്കാണ് അടിസ്ഥാന സൗകര്യ വികസനത്തിന് ഫണ്ട് അനുവദിച്ചതെന്നും അവ ഏതെല്ലാമാണെന്നും ഓരോ സ്കൂളിനും അനുവദിച്ച തുക എത്രയാണെന്നും വ്യക്തമാക്കാമോ;

ഇത്തരത്തില്‍ തുക അനുവദിച്ച സ്കൂളുകളില്‍ നടന്ന പ്രവൃത്തികളുടെ നിലവിലെ സ്ഥിതി അറിയിക്കാമോ;

അടിസ്ഥാന സൗകര്യ വികസനത്തിന് ഫണ്ട് അനുവദിച്ച ഏജന്‍സികള്‍ ഏതെല്ലാമാണെന്ന് വ്യക്തമാക്കാമോ?

കിഫ്ബി പദ്ധതിയില്‍ ഉള്‍പ്പെടുത്തി മൂന്ന് കോടി രൂപ ചെലവില്‍ നവീകരിക്കുന്ന മലമ്പുഴ മണ്ഡലത്തിലെ കഞ്ചിക്കോട് ജി.വി.എച്ച്.എസ്. സ്കൂളിലെ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിക്ക് 28-01-2021-ന് കിഫ്ബി സാമ്പത്തികാനുമതി നല്‍കിയിട്ടും ഇതുവരെ പണികള്‍ തുടങ്ങാന്‍ സാധിക്കാത്തതിന്റെ കാരണം വിശദമാക്കാമോ;

ഈ പ്രവൃത്തി എന്നേക്ക് ആരംഭിക്കാന്‍ കഴിയും എന്ന് അറിയിക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം കോട്ടയം ജില്ലയില്‍ ഏതെല്ലാം സ്കൂളുകള്‍ക്കാണ് പുതിയ കെട്ടിടം നിര്‍മ്മിക്കുന്നതിന് തുക അനുവദിച്ചിട്ടുള്ളതെന്ന് വ്യക്തമാക്കുമോ;

ഇതില്‍ ഏതെല്ലാം സ്കൂളുകളില്‍ നിര്‍മ്മാണ പ്രവര്‍ത്തനങ്ങള്‍ ആരംഭിച്ചുവെന്നും ബാക്കിയുള്ളവ ഏത് ഘട്ടത്തിലാണെന്നും വ്യക്തമാക്കുമോ; വിശദാംശം നല്‍കുമോ?

2019-20-ലെ എം.എല്‍.എ.യുടെ ആസ്തി വികസന ഫണ്ട് ഉപയോഗിച്ച് പെരിങ്ങോട്ടുകുറിശ്ശി ജി.എച്ച്.എസ്.എസിന് വാഹനം വാങ്ങി നല്‍കുന്നതിന് ഉത്തരവിറക്കുന്നതില്‍ കാലതാമസം വന്നതു കാരണം ആയത് വാങ്ങി നല്‍കാന്‍ കഴിയാതെ വന്നത് ശ്രദ്ധയില്‍പ്പെട്ടിട്ടുണ്ടോ;

സ്കൂള്‍ ബസ് വാങ്ങുന്നതുമായി ബന്ധപ്പെട്ടുള്ള ഫയല്‍ പൊതുവിദ്യാഭ്യാസ വകുപ്പില്‍ രണ്ട് ആഴ്ചയില്‍ കൂടുതല്‍ നടപടികള്‍ സ്വീകരിക്കാതെ കൈവശം വച്ചിരുന്ന ഉദ്യോഗസ്ഥരുടെ പേര്, തസ്തിക എന്നിവ ലഭ്യമാക്കാമോ;

ഭാവിയില്‍ ഇത്തരം ഫയലുകളില്‍ കാലതാമസം വരുത്താതെ അടിയന്തരമായി തീര്‍പ്പ് കല്‍പ്പിക്കുന്നതിന് ബന്ധപ്പെട്ട ജീവനക്കാര്‍ക്ക് നിര്‍ദ്ദേശം നല്‍കുമോ; വ്യക്തമാക്കാമോ?

എറണാകുളം മണ്ഡലത്തിലെ എസ്.ആർ.വി. ഹയർ സെക്കന്ററി സ്കൂൾ കോമ്പൗണ്ടിൽ ആർ.ഡി.ഡി. ഓഫീസും എ.ഇ.ഒ. ഓഫീസും പ്രവർത്തിക്കുന്നതുമൂലം സ്കൂളിന്റെ അച്ചടക്കം നഷ്ടപ്പെടുന്നു എന്ന പരാതി സർക്കാരിന്റെ ശ്രദ്ധയിൽപെട്ടിട്ടുണ്ടോയെന്ന് വ്യക്തമാക്കുമോ;

പ്രസ്തുത ഓഫീസുകൾ സ്കൂൾ കോമ്പൗണ്ടിൽ നിന്നും മാറ്റുന്നതിനുള്ള നടപടി സ്വീകരിക്കുമോ;

പ്രസ്തുത ഓഫീസുകൾ പ്രവർത്തിക്കുന്നതിനാവശ്യമായ കെട്ടിട സൗകര്യം കാക്കനാട് സിവിൽ സ്റ്റേഷനിൽ ഉള്ളതിനാൽ ഓഫീസുകൾ അവിടേക്ക് മാറ്റുവാനുള്ള നടപടി സ്വീകരിക്കുമോയെന്ന് വ്യക്തമാക്കുമോ?

കോഴിക്കോട് നോര്‍ത്ത് മണ്ഡലത്തിലെ ഈസ്റ്റ് ഹില്‍ ഗവണ്‍മെന്റ് ഹയര്‍ സെക്കന്ററി സ്കൂള്‍ കെട്ടിട നിര്‍മ്മാണത്തിന് സാങ്കേതികാനുമതി നല്‍കേണ്ട ഏജന്‍സി ഏതാണെന്ന് വ്യക്തമാക്കുമോ;

പ്രസ്തുത ഏജന്‍സിയില്‍ നിന്നും സാങ്കേതികാനുമതി ലഭിക്കുന്നതിന് കാലതാമസം നേരിടുന്നതിനാല്‍ കെട്ടിട നിര്‍മ്മാണം തടസ്സപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ആയത് പരിഹരിക്കുവാന്‍ നടപടികള്‍ സ്വീകരിക്കുമോ; വിശദാംശങ്ങള്‍ ലഭ്യമാക്കുമോ?

2022 ലെ എസ്.എസ്.എല്‍.സി. പരീക്ഷയില്‍ മലപ്പുറം ജില്ലയില്‍ നിന്ന് എത്ര വിദ്യാര്‍ത്ഥികള്‍ ഉപരിപഠനത്തിന് അര്‍ഹത നേടിയിട്ടുണ്ട്; അര്‍ഹത നേടിയ എല്ലാ വിദ്യാര്‍ത്ഥികള്‍ക്കും മലപ്പുറം ജില്ലയില്‍ തന്നെ ഉപരിപഠനത്തിന് അവസരം ലഭ്യമാക്കിയിട്ടുണ്ടോ; ആയതിനായി എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പ്രസ്തുത ജില്ലയില്‍ സര്‍ക്കാര്‍, എയ്ഡഡ്, അണ്‍എയ്ഡഡ് മേഖലകളിലായി ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി വിഭാഗങ്ങളിൽ എത്ര സീറ്റുകളാണ് നിലവിലുള്ളത് ; വിശദവിവരം ലഭ്യമാക്കാമോ;

പ്രസ്തുത ജില്ലയില്‍ ഹയര്‍സെക്കണ്ടറിക്ക് പുതിയ ബാച്ചുകള്‍ അനുവദിക്കാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ വിശദവിവരം ലഭ്യമാക്കാമോ;

മുഴവന്‍ വിഷയങ്ങളിലും എ+ നേടിയ വിദ്യാര്‍ത്ഥികള്‍ക്കും, ഉപരിപഠനത്തിന് അര്‍ഹത നേടിയ ഭിന്നശേഷിക്കാരായ വിദ്യാര്‍ത്ഥികള്‍ക്കും അവര്‍ ആവശ്യപ്പെടുന്ന വിഷയങ്ങള്‍ക്ക് ആവശ്യപ്പെടുന്ന വിദ്യാലയങ്ങളില്‍ തന്നെ അഡ്മിഷന്‍ നല്‍കുന്നതിന് നടപടി സ്വീകരിക്കുമോ; വ്യക്തമാക്കാമോ?

കുന്നംകുളം മണ്ഡലത്തിലെ പുലിയന്നൂര്‍ സെന്റ്തോമസ് യു.പി. സ്കൂള്‍ കഴിഞ്ഞ വര്‍ഷം ഏറ്റെടുത്തതിനുശേഷമുള്ള പുരോഗതി വിശദമാക്കാമോ;

പ്രസ്തുത സ്കൂളിലെ ജീവനക്കാര്‍ക്ക് ശമ്പളം ലഭ്യമാക്കിയിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിന്മേല്‍ സ്വീകരിച്ച നടപടികള്‍ വിശദമാക്കാമോ?

ഉടുമ്പന്‍ചോല ഗവണ്‍മെന്റ് ഹൈസ്കൂളില്‍ (തമിഴ്) എല്‍.പി., എച്ച്.എസ്. വിഭാഗങ്ങള്‍ മാത്രമാണ് പ്രവര്‍ത്തിക്കുന്നത് എന്ന വിവരം ശ്രദ്ധയില്‍പ്പെട്ടിട്ടുണ്ടോ;

എല്‍.പി. സ്കൂള്‍ വിദ്യാഭ്യാസം നേടിയിട്ടുള്ള കുട്ടികള്‍ യു.പി. സ്കൂള്‍ വിദ്യാഭ്യാസം നേടാന്‍ കഴിയാത്തതിനാല്‍ പഠനം ഉപേക്ഷിക്കുന്നതായും ബാലവേലയ്ക്ക് പോകുന്നതായുമുള്ള വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്കൂള്‍ തമിഴ് യു.പി. വിഭാഗം ഇല്ലാതെ പ്രവര്‍ത്തിക്കാനിടയായ സാഹചര്യം വിശദമാക്കാമോ;

എല്‍.പി. വിഭാഗം മാത്രം പ്രവര്‍ത്തിച്ചിരുന്ന ഈ സ്കൂള്‍ ആര്‍.എം.എസ്.എ. പദ്ധതി പ്രകാരം ഹൈസ്കൂള്‍ ആയി ഉയര്‍ത്തിയപ്പോള്‍ ഇവിടെ യു.പി. സ്കൂള്‍ അനുവദിക്കും എന്ന് അറിയിച്ചിരുന്നോ; ഹെെസ്ക്കൂളായി ഉയര്‍ത്തിയ ഉത്തരവിന്റെ പകര്‍പ്പ് ലഭ്യമാക്കുമോ;

എത്ര വര്‍ഷമായി ഈ സ്കൂള്‍ യു.പി. വിഭാഗം ഇല്ലാതെ പ്രവര്‍ത്തിക്കുന്നുവെന്ന് അറിയിക്കാമോ;

ഈ സ്കൂളിൽ അടിയന്തരമായി യു.പി. വിഭാഗം അനുവദിക്കുന്നതിന് നടപടി സ്വീകരിക്കാന്‍ ബാലവകാശ കമ്മീഷന്‍ നിര്‍ദ്ദേശിച്ചിരുന്നോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ;

ബാലാവകാശ കമ്മീഷന്‍ നിര്‍ദ്ദേശത്തിന്റെ അടിസ്ഥാനത്തില്‍ ഇവിടെ യു.പി. വിഭാഗം അനുവദിക്കുന്നതുമായി ബന്ധപ്പെട്ട് നാളിതുവരെ സ്വീകരിച്ച നടപടികളുടെ വിശദാംശം ലഭ്യമാക്കാമോ?

തൃശൂർ ജില്ലയിലെ പഴുവിൽ ശ്രീഗോകുലം പബ്ലിക്ക് സ്കൂളിലെ അദ്ധ്യാപക സമരം അവസാനിപ്പിക്കുന്നതിനും പിരിച്ചുവിടപ്പെട്ട അദ്ധ്യാപകരേയും ജിവനക്കാരേയും തിരിച്ചെടുക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

നെയ്യാറ്റിൻകര മണ്ഡലത്തില്‍ കിഫ്ബി വഴി നടപ്പിലാക്കുന്ന ഒരു കോടി രൂപയുടെ പദ്ധതിയിൽ ഉൾപ്പെടുത്തി തിരുപുറം ഹൈസ്ക്കൂളിൽ നിർമ്മിക്കുന്ന മന്ദിരത്തിന്റെ നിലവിലെ അവസ്ഥ എന്തെന്ന് വിശദമാക്കാമോ;

പ്രസ്തുത നിർമ്മാണ പ്രവൃത്തിയുടെ ടെണ്ടർ നടപടി പൂർത്തീകരിച്ചിട്ടും പ്രവൃത്തി വൈകിപ്പിക്കുന്നതിന്റെ കാരണം വ്യക്തമാക്കാമോ?

നെന്മാറ നിയോജകമണ്ഡലത്തിലെ ഏതെല്ലാം സ്കൂളുകളുടെ കെട്ടിടങ്ങള്‍ നിര്‍മ്മിക്കുന്നതിനാണ് ഫണ്ട് അനുവദിച്ചിട്ടുള്ളതെന്ന് വിശദമാക്കുമോ;

പ്രസ്തുത മണ്ഡലത്തിലെ സ്കൂള്‍ കെട്ടിടങ്ങളുടെ നിര്‍മ്മാണത്തിനായി ഏതൊക്കെ വര്‍ഷങ്ങളിലാണ് ഫണ്ട് അനുവദിച്ചിട്ടുള്ളതെന്നും ഓരോ സ്കൂളിനും എത്ര തുകയാണ് അനുവദിച്ചതെന്നും വിശദമാക്കുമോ;

ഈ കെട്ടിടങ്ങളുടെ നിലവിലെ പ്രവൃത്തികള്‍ സംബന്ധിച്ച വിശദാംശം നല്‍കുമോ?

സംസ്ഥാനത്ത് കഴിഞ്ഞ അധ്യയന വര്‍ഷം എത്ര അദ്ധ്യാപകരാണ് വിരമിച്ചത്; ജില്ല തിരിച്ചുള്ള കണക്കുകള്‍ വിശദമാക്കാമോ; വിരമിച്ച ഒഴിവുകളിലേക്ക് പുതിയ എത്ര അദ്ധ്യാപകരെ നിയമിച്ചിട്ടുണ്ട്; വിശദമാക്കാമോ;

അദ്ധ്യാപകരുടെ കുറവ് മൂലം വിദ്യാര്‍ത്ഥികള്‍ നേരിടുന്ന പ്രതിസന്ധി പരിഹരിക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

പുതിയ നിയമനം നടത്തുന്നതിനായി നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്തെ സർക്കാർ സ്കൂളുകളിൽ എല്‍.പി, യു.പി, ഹൈസ്കൂള്‍, ഹയര്‍സെക്കന്‍ഡറി തലങ്ങളില്‍ എത്ര തസ്തികകൾ ഒഴിഞ്ഞുകിടക്കുന്നു എന്ന് വ്യക്തമാക്കുമോ;

ഇവ നികത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

എയ്ഡഡ് സ്കൂളുകളിൽ നിയമിക്കപ്പെട്ടിട്ടുള്ള അധ്യാപക-അനധ്യാപക ജീവനക്കാരുടെ നിയമനാംഗീകാരത്തിനായി വിവിധ ഓഫീസുകളിൽ ലഭിച്ച അപേക്ഷകളില്‍ ഇനിയും നിയമനാംഗീകാരം ലഭിക്കാത്ത അപേക്ഷകളുടെ ജില്ലതിരിച്ചുള്ള കണക്കുകൾ ലഭ്യമാക്കുമോ;

എയ്ഡഡ് സ്കൂള്‍ ജീവനക്കാരുടെ നിയമനാംഗീകാരത്തിനുള്ള അപേക്ഷകൾ മനപ്പൂർവ്വം വൈകിപ്പിക്കുന്നു എന്ന പരാതി ശ്രദ്ധയില്‍പെട്ടിട്ടുണ്ടോ; ഇത് സംബന്ധിച്ച് ഏതെങ്കിലും അന്വേഷണം നടത്തിയിട്ടുണ്ടോ; എങ്കിൽ എന്തു നടപടി സ്വീകരിച്ചുവെന്ന് വ്യക്തമാക്കുമോ?

പൊതുവിദ്യാഭ്യാസ ഡയറക്ടറുടെ കീഴിലുളള വിവിധ ഓഫീസുകളിലെ മിനിസ്റ്റീരിയൽ ജീവനക്കാരുടെ സ്ഥലംമാറ്റം സംബന്ധിച്ച് എന്തെങ്കിലും മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

പൊതുവിദ്യാഭ്യാസ ഡയറക്ടറുടെ കീഴിലുളള വിവിധ ഓഫീസുകളിലും, സ്കൂളുകളിലും അഞ്ചു വർഷം പൂർത്തിയാക്കിയ മിനിസ്റ്റീരിയൽ സ്റ്റാഫിന് ചട്ടപ്രകാരം സ്ഥലംമാറ്റം അനുവദിക്കാത്തതും ഇത്തരത്തിൽ ജോലി ചെയ്യുന്നവരെ വിവിധ ഓഫീസിൽ നിന്നും മാറ്റാതിരിക്കുന്നതും സ്ഥലംമാറ്റം സംബന്ധിച്ച പൊതുഭരണ വകുപ്പിന്റെ ഉത്തരവിന് വിരുദ്ധമാണ് എന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

അധ്യാപകരെ അഞ്ചുവർഷം കൂടുമ്പോൾ നിർബന്ധമായും സ്കൂളുകളിൽനിന്നും സ്ഥലം മാറ്റുമ്പോൾ മിനിസ്റ്റീരിയൽ ജീവനക്കാർക്ക് ഇത് ബാധകമല്ലാത്തത് എന്തുകൊണ്ടാണെന്ന് വിശദീകരിക്കുമോ; നിലവിൽ ഒരേ ഓഫീസിൽ അഞ്ച് വർഷം പൂർത്തിയാക്കിയ ജീവനക്കാരെ മാറ്റുവാൻ നടപടി സ്വീകരിക്കുമോ? വിശദാംശം നൽകുമോ?

സംസ്ഥാനത്തെ സർക്കാർ സ്കൂളുകളിലേയും എയ്ഡഡ് സ്കൂളുകളിലേയും കുട്ടികളുടെ വർദ്ധനവിന് അനുസൃതമായി അദ്ധ്യാപകരില്ലെന്നത് പരിശോധിച്ചിട്ടുണ്ടോ;

അദ്ധ്യാപകരുടെ ഒഴിവുകൾ നികത്തുന്നതിന് നൽകിയിരിക്കുന്ന നിർദ്ദേശങ്ങൾ എന്തെല്ലാമാണ്; വിശദമാക്കാമോ;

സർക്കാർ മേഖലയിലെ ​​പ്രെെമറി ക്ലാസുകള്‍ കൈകാര്യം ചെയ്യുന്ന അദ്ധ്യാപകരുടെ ക്ഷാമം പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

സര്‍ക്കാര്‍ വിദ്യാലയങ്ങളിലെ താല്‍കാലിക അധ്യാപക നിയമനങ്ങള്‍ എംപ്ലോയ്മെന്റ് എക്സ്ചേഞ്ച്‌ മുഖേന നടപ്പിലാക്കാന്‍ നടപടി സ്വീകരിക്കുമോ?

സര്‍ക്കാര്‍ പ്രൈമറി സ്കൂളുകളില്‍ പ്രൊമോഷന്‍ ടെസ്റ്റ് വിജയിച്ചിട്ടില്ലാത്ത, 50 വയസ്സ് കഴിഞ്ഞതിന്റെ അടിസ്ഥാനത്തില്‍ ഹെഡ് മാസ്റ്റര്‍ ആയി സ്ഥാനക്കയറ്റം ലഭിച്ചവര്‍ക്ക് ഹെഡ് മാസ്റ്റര്‍മാരുടെ ആനുകൂല്യങ്ങള്‍ ലഭിക്കുന്നില്ലെന്ന വസ്തുത പരിശോധിക്കുമോ; എങ്കില്‍ അപ്രകാരമുള്ളവര്‍ക്ക് ആനുകൂല്യങ്ങള്‍ ലഭ്യമാക്കുന്നതിനുള്ള നടപടികള്‍ സ്വീകരിക്കുമോ;

എയ്ഡഡ് സ്കൂളുകളില്‍ ജോലി ചെയ്യുന്ന 50 വയസ്സ് കഴിഞ്ഞതും ടെസ്റ്റ് പാസ്സാകാത്തതുമായ അദ്ധ്യാപകര്‍ക്ക്, അതേ സ്കൂളിലെ ടെസ്റ്റ് പാസ്സായിട്ടുള്ള അദ്ധ്യാപകര്‍ സ്ഥാനക്കയറ്റം ഉപേക്ഷിക്കുന്ന സാഹചര്യത്തില്‍ ഹെഡ് മാസ്റ്റര്‍ ആയി സ്ഥാനക്കയറ്റം നല്‍കുന്നതിന് നിലവില്‍ നിയമ തടസ്സം ഉണ്ടോ; വ്യക്തമാക്കാമോ;

സ്ഥാനക്കയറ്റം ഉപേക്ഷിക്കുന്ന അദ്ധ്യാപകര്‍ ഉള്ള എയ്ഡഡ് സ്കൂളുകളില്‍ മറ്റുള്ളവര്‍ക്ക് നിയമനാംഗീകാരം നല്‍കുന്നതിന് നടപടി സ്വീകരിക്കുമോ;

സമാന സ്വഭാവമുള്ള എത്ര കേസുകള്‍ പൊതുവിദ്യാഭ്യാസ ഡയറക്ടറേറ്റില്‍ നിലവിലുണ്ടെന്ന് അറിയിക്കുമോ; ഈ വിഷയത്തില്‍ അടിയന്തര നടപടി സ്വീകരിക്കുമോ?

വിദ്യാഭ്യാസ വകുപ്പില്‍ ക്ലാര്‍ക്കുമാരായി നിയമിതരായ കായികതാരങ്ങളുടെ നിയമനം റെഗുലറൈസ് ചെയ്യുന്നത് സംബന്ധിച്ചു സ്വീകരിച്ച നടപടികള്‍ എന്തെല്ലാമെന്ന് വിശദമാക്കുമോ;

നിലവില്‍ എത്ര പേരുടെ ലിസ്റ്റാണ് റെഗുലറൈസ് ചെയ്യുന്നതിനായി തയ്യാറാക്കിയിട്ടുള്ളത്; ലിസ്റ്റിന്റെ പകര്‍പ്പ് ലഭ്യമാക്കുമോ;

കായിക താരങ്ങളെ റെഗുലറൈസ് ചെയ്യുന്നതിന് ആവശ്യമായ തസ്തികകള്‍ കണ്ടെത്തിയിട്ടുണ്ടോ; വിശദാംശങ്ങള്‍ ജില്ല തിരിച്ച് ലഭ്യമാക്കുമോ?

പാലക്കാട് ജില്ലയിലെ പൊതുവിദ്യാഭ്യാസ വകുപ്പിൽ നിലവിലുള്ള ടൈപ്പിസ്റ്റ് വേക്കൻസികൾ പി.എസ്.സി. ക്ക് റിപ്പോർട്ട് ചെയ്യപ്പെടാതെ കിടക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സർക്കാരിന്റെ 05-10-2021-ലെ സർക്കുലർ നമ്പർ ഉ.പ.സി 3/174/2021/ഉ.ഭ.പ.വ പ്രകാരം പാലക്കാട്‌ ജില്ലയിൽ പൊതുവിദ്യഭ്യാസ വകുപ്പിലെ 2022-23 വർഷത്തെ വിരമിക്കൽ ഒഴിവുകൾ പ്രതീക്ഷിത ഒഴിവുകളായി പി.എസ്.സി.ക്ക് റിപ്പോർട്ട് ചെയ്തിട്ടുണ്ടോ; എങ്കിൽ ആയതിന്റെ ഫയൽ നമ്പറും തീയതിയും ലഭ്യമാക്കാമോ;

ജില്ലയിലെ പ്രസ്തുത വകുപ്പിൽ ഈ വർഷം രണ്ട് വിരമിക്കൽ ഒഴിവുകൾ ഉണ്ടായിരിക്കെ മേൽ സർക്കുലറിന്റെ അടിസ്ഥാനത്തിൽ പൊതുവിദ്യാഭ്യാസ ഡയറക്ടർ 21-10-2021-ലെ സി3/42/2018/ഡി.ജി.ഇ. പ്രകാരം നിർദേശം നൽകിയിട്ടും പാലക്കാട്‌ ജില്ലാ വിദ്യാഭ്യാസ ഓഫീസ് പ്രസ്തുത നിർദേശം പാലിക്കാത്തത് ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

എൽ.ഡി ടൈപ്പിസ്റ്റ് തസ്തികയിൽ ഒഴിവുകൾ തടഞ്ഞുവെക്കുന്നതായി പറയപ്പെടുന്ന പ്രവണത അവസാനിപ്പിക്കാന്‍ കർശന നിർദ്ദേശം നൽകി മേൽനടപടി സ്വീകരിക്കുമോ; വിശദമാക്കാമോ?

ആദിവാസി മേഖലകളില്‍ തൊണ്ണൂറ് ശതമാനത്തില്‍ ഏറെ കുട്ടികളും പത്താം ക്ലാസ്സോടെ പഠനം ഉപേക്ഷിക്കുന്നതായുള്ള റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

ഗോത്ര മേഖലകളിലെ കുട്ടികളില്‍ ശരിയായ ലക്ഷ്യബോധമുണ്ടാക്കാന്‍ ഉതകുന്ന തരത്തിലുള്ള വിദ്യാഭ്യാസ രീതി ആവിഷ്കരിച്ച് നടപ്പിലാക്കാന്‍ നടപടി സ്വീകരിക്കുമോ;

ഗോത്ര മേഖലകളിലെ താഴ്ന്ന ക്ലാസ്സുകളില്‍ മലയാള ഭാഷയിലുള്ള അധ്യയനം കുട്ടികള്‍ക്ക് ആശയ വിനിമയത്തില്‍ പ്രയാസം ഉണ്ടാക്കുന്നതായി വിലയിരുത്തിയിട്ടുണ്ടോ; എങ്കില്‍ ആയത് പരിഹരിക്കാന്‍ സ്വീകരിച്ച നടപടികള്‍ വിശദമാക്കാമോ;

ആദിവാസി മേഖലകളില്‍ ആരംഭിച്ച സാമൂഹിക പഠന മുറികള്‍ എത്ര മാത്രം ലക്ഷ്യം കൈവരിച്ചിട്ടുണ്ട് എന്ന് വിലയിരുത്തിയിട്ടുണ്ടോ; വിശദാംശം ലഭ്യമാക്കുമോ?

എയ്ഡഡ് സ്കൂളുകളിലെ അധ്യാപക നിയമനങ്ങൾക്ക് ഭിന്നശേഷി ഉദ്യോഗാർത്ഥികൾക്ക് പ്രത്യേക പരിഗണനയും സംവരണവും നൽകണം എന്ന കോടതി ഉത്തരവ് സംസ്ഥാനത്ത് നടപ്പിലാക്കിയിട്ടുണ്ടോ; വിശദാംശം അറിയിക്കാമോ;

എയ്ഡഡ് സ്കൂളുകളിലെ അധ്യാപക നിയമനങ്ങൾക്ക് ഭിന്നശേഷി ഉദ്യോഗാർത്ഥികൾക്ക് പ്രത്യേക പരിഗണന നൽകുവാൻ സർക്കാർ സ്വീകരിച്ചിട്ടുള്ള നടപടികൾ എന്തൊക്കെയാണ്; ആയതിന്റെ വിശദാംശങ്ങൾ അറിയിക്കാമോ; ഇതുമായി ബന്ധപ്പെട്ട സർക്കാർ ഉത്തരവുകളുടെ പകർപ്പ് ലഭ്യമാക്കാമോ;

സംസ്ഥാനത്തെ വിവിധ എയ്ഡഡ് സ്കൂളുകളിലായി 2005-ന് ശേഷം നിയമനം ലഭിച്ചിട്ടുള്ള ഭിന്നശേഷിക്കാരായ അധ്യാപകരുടെ എണ്ണം ജില്ല തിരിച്ച് ലഭ്യമാക്കാമോ;

നിലവിൽ സംസ്ഥാനത്ത് എത്ര എയ്ഡഡ് സ്കൂളുകൾ പ്രവർത്തിച്ച് വരുന്നുണ്ടെന്നുള്ള ജില്ല തിരിച്ചുള്ള കണക്കുകൾ ലഭ്യമാക്കാമോ?

അങ്കമാലി വിദ്യാഭ്യാസ ഉപജില്ലാ ഓഫീസിന് കീഴിൽ കഴിഞ്ഞ അഞ്ച് വർഷമായി എയ്ഡഡ് സ്കൂൾ അദ്ധ്യാപക നിയമന അംഗീകാരത്തിനായി എത്ര അപേക്ഷകളാണ് വിവിധ മാനേജ്മെന്റ്കളിൽ നിന്നും ലഭിച്ചതെന്നും ഇതിൽ എത്ര എണ്ണത്തിന് അംഗീകാരം നൽകി എന്നുമുള്ള വിശദാംശങ്ങൾ ലഭ്യമാക്കുമോ;

പ്രസ്തുത ഓഫീസിൽ നിയമന അംഗീകാരത്തിനായി ലഭിച്ച അപേക്ഷകളിൽ നാളിതുവരെ അംഗീകാരം നൽകാത്ത എത്ര കേസുകളാണ് ഉള്ളതെന്ന് ഫയൽ നമ്പർ, അപേക്ഷകന്റെ പേര്, അംഗീകാരം നൽകാത്തതിന്റെ കാരണം എന്നിവ സഹിതം ലഭ്യമാക്കുമോ;

ഈ വിഷയത്തിൽ അംഗീകാരം നൽകാതെ മാറ്റിവച്ചിരിക്കുന്ന ഫയലുകൾ ഓഫീസ് മേധാവിയുടെ അധികാര പരിധിയിൽ നിന്ന് തീരുമാനമെടുക്കാൻ കഴിയാത്തതാണോ, ഓഫീസ് മാനുവലും ചട്ടങ്ങളും പ്രകാരം തടസ്സം ഉള്ളതാണോ അതോ ബോധപൂർവ്വം മാറ്റി വെച്ചതാണോ എന്നത് നടപ്പുഫയലും കുറിപ്പുഫയലും പൊതുവിദ്യാഭ്യാസ വിജിലൻസ് വിഭാഗത്തെ കൊണ്ട് പരിശോധിപ്പിച്ച് ഉറപ്പുവരുത്തുന്നതിന് തയ്യാറാകുമോ; വിശദാംശം നൽകുമോ ?

മഞ്ചേശ്വരം മണ്ഡലത്തിലെ ഷേണി ശ്രീ ശാരദാംബ എയ്ഡഡ് യു.പി സ്കൂളിൽ ഹിന്ദി ടീച്ചർ ഇല്ലാത്തത് സർക്കാറിന്റെ ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിദ്യാലയത്തിൽ ദിവസവേതനാടിസ്ഥാനത്തിൽ ഹിന്ദി ടീച്ചറെ നിയമിക്കുന്നതിന് തടസ്സമുണ്ടോ; ഉണ്ടെങ്കില്‍ വ്യക്തമാക്കുമോ;

ദിവസവേതനാടിസ്ഥാനത്തിലോ പുനർവിന്യാസത്തിലൂടെയോ ഹിന്ദി ടീച്ചർ നിയമനം എപ്പോൾ നടത്തുമെന്ന് വ്യക്തമാക്കുമോ?

2020-21-ല്‍ നിയമനം ലഭിച്ച എയിഡഡ് സ്കൂള്‍ അദ്ധ്യാപകര്‍ക്ക് ഇതുവരെ നിയമന അംഗീകാരം ലഭിച്ചിട്ടില്ലെന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

നിയമനാംഗീകാരം നല്‍കുന്നതിന് താമസം വരുന്നതിന്റെ കാരണമെന്തെന്ന് വ്യക്തമാക്കാമോ;

പ്രസ്തുത അദ്ധ്യാപകര്‍ക്ക് എന്നത്തേയ്ക്ക് നിയമന അംഗീകാരം നല്‍കാന്‍ കഴിയുമെന്ന് വെളിപ്പെടുത്താമോ?

എയ്ഡഡ് സ്കൂളുകളിലെ അധ്യാപകര്‍ സ്വകാര്യ ട്യൂഷന്‍ എടുക്കുന്നതുമായി ബന്ധപ്പെട്ട് എത്ര കേസുകള്‍ ഈ സര്‍ക്കാര്‍ അധികാരത്തില്‍ വന്ന ശേഷം റിപ്പാേര്‍ട്ട് ചെയ്തിട്ടുണ്ട്;

ഇതുമായി ബന്ധപ്പെട്ടു സ്വീകരിച്ച തുടര്‍നടപടികള്‍ വിശദമാക്കാമാേ?

സംസ്ഥാനത്ത് സ്കൂളുകളെ മികവിന്റെ കേന്ദ്രങ്ങളാക്കി മാറ്റുന്നതിന്റെ ഭാഗമായി സ്കൂള്‍ പ്രവര്‍ത്തന മാന്വലിന് രൂപം കാെടുത്തിട്ടുണ്ടോ; സ്കൂളുകളുടെ പ്രവര്‍ത്തനം മെച്ചപ്പെടുത്തുന്നതിന്റെ ഭാഗമായി എന്തൊക്കെ നിര്‍ദ്ദേശങ്ങളാണ് മാന്വല്‍ മുന്നോട്ട് വയ്ക്കുന്നത്; വിശദാംശങ്ങള്‍ നല്‍കാമോ;

സ്കൂള്‍ പ്രവര്‍ത്തനം സംബന്ധിച്ച നിലവിലുള്ള നിയമങ്ങള്‍, ഉത്തരവുകള്‍ എന്നിവയില്‍ മാറ്റം വരുത്തിയിട്ടുണ്ടോ; സ്കൂള്‍ പി.ടി.എ., എസ്.എം.സി. എന്നിവയുടെ പ്രവര്‍ത്തനങ്ങള്‍ സംബന്ധിച്ച നിര്‍ദ്ദേശം എന്തൊക്കെയാണ്; വിശദാംശങ്ങള്‍ വ്യക്തമാക്കാമോ;

സ്കൂള്‍ മാന്വല്‍ രൂപീകരണം പൊതുവിദ്യാഭ്യാസ മേഖലയില്‍ എന്തൊക്കെ മാറ്റങ്ങളാണ് ലക്ഷ്യമിടുന്നത്; വിശദമാക്കാമോ?

ആറ്റിങ്ങല്‍ മണ്ഡലത്തിലെ കാെടുവഴന്നൂര്‍ ഗവ. എച്ച്.എസ്.എസ്.- ല്‍ പാെതുവിദ്യാഭ്യാസ യജ്ഞത്തിന്റെ ഭാഗമായി മൂന്ന് കാേടി രൂപ അനുവദിച്ച് നിര്‍മ്മിക്കുന്ന കെട്ടിടത്തിന്റെ നിര്‍മ്മാണവുമായി ബന്ധപ്പെട്ട് നാളിതുവരെ സ്വീകരിച്ച നടപടികള്‍ വിശദമാക്കുമാേ;

കെട്ടിട നിര്‍മ്മാണം എന്ന് ആരംഭിക്കാനാണ് ഉദ്ദേശിച്ചിട്ടുള്ളത്; വിശദമാക്കുമാേ?

ഖാദര്‍ കമ്മീഷന്‍ റിപ്പാേര്‍ട്ട് പ്രകാരം പാെതുവിദ്യാഭ്യാസ വകുപ്പില്‍ എന്താക്കെ നടപടികള്‍ സ്വീകരിക്കാനാണ് സര്‍ക്കാര്‍ ഉദ്ദേശിക്കുന്നത്; വിശദമാക്കാമാേ?

എസ്.സി.ഇ.ആര്‍.ടി.യിലെ വിവിധ തസ്തികകളില്‍ അന്യത്രസേവനത്തിനായി അപേക്ഷ ക്ഷണിക്കുമ്പോള്‍ ഗവേഷണപരിചയം ഉള്ളവര്‍ക്ക് അപേക്ഷിക്കാമെന്നിരിക്കെ, അധ്യാപകരല്ല എന്ന കാരണത്താല്‍ അപേക്ഷകള്‍ നിരസിക്കുന്നത് ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ഗവേഷണ പരിചയമുള്ള അധ്യാപകേതര തസ്തികകളില്‍ ജോലിചെയ്യുന്നവരെയും പ്രസ്തുത തസ്തികകളില്‍ പരിഗണിക്കുന്നതിന് നടപടി സ്വീകരിക്കാമോ; വ്യക്തമാക്കുമോ?

വിദ്യാലയങ്ങളില്‍ ഭക്ഷണം തയ്യാറാക്കുന്നതിന് വേണ്ടി വിതരണം ചെയ്ത ഭക്ഷ്യ സാധനങ്ങളില്‍ ഉപയോഗയോഗ്യമല്ലാത്തവയും ഉള്‍പ്പെട്ടിരുന്നതായി ശ്രദ്ധയില്‍പെട്ടിട്ടുണ്ടോ; വിശദമാക്കാമോ;

ഇത്തരം ഭക്ഷ്യസാധനങ്ങള്‍ ഉപയോഗിച്ച് ഭക്ഷണം തയ്യാറാക്കി നല്‍കുക വഴി വിദ്യാര്‍ത്ഥികള്‍ക്ക് ഭക്ഷ്യവിഷബാധ ഏല്‍ക്കുന്ന സാഹചര്യമുണ്ടായിട്ടുണ്ടോ; എങ്കില്‍ വിശദാംശം വ്യക്തമാക്കാമോ;

ഇത്തരം സാഹചര്യങ്ങള്‍ ഒഴിവാക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാം; വ്യക്തമാക്കാമോ?

ബി.ആര്‍.സികളില്‍ നിയമിക്കപ്പെടുന്ന അദ്ധ്യാപകര്‍ക്ക് എത്ര രൂപ വീതമാണ് പ്രതിഫലമായി നല്‍കിവരുന്നതെന്ന് വ്യക്തമാക്കാമോ;

നേരത്തെയുണ്ടായിരുന്ന തുകയില്‍ നിന്ന് ശമ്പളത്തില്‍ കുറവ് വരുത്തിയിട്ടുണ്ടോ; എങ്കില്‍ ആയതിന്റെ കാരണം വ്യക്തമാക്കാമോ;

കേന്ദ്ര സര്‍ക്കാര്‍ ഈ ഇനത്തില്‍ എത്ര രൂപ വീതമാണ് വിഹിതമായി നല്‍കിവരുന്നത്;

ബി.ആര്‍.സി അദ്ധ്യാപകരുടെ വേതന നഷ്ടം ശ്രദ്ധയില്‍ പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിന് നടപടി സ്വീകരിക്കുമോ?

പുതിയ അദ്ധ്യായന വർഷത്തിൽ പൊതു വിദ്യാലയങ്ങളിൽ ഒന്നാം ക്ലാസ്സിൽ പ്രവേശനം നേടിയ കുട്ടികളുടെ എണ്ണം ഉപജില്ല തിരിച്ച് വിശദമാക്കാമോ;

അൺഎയ്ഡഡ് സ്കൂളുകളിൽ നിന്ന് ഈ അദ്ധ്യയന വർഷം പൊതുവിദ്യാലയങ്ങളിൽ പ്രവേശനം നേടിയ കുട്ടികളുടെ എണ്ണം, ക്ലാസ്സ്, ഉപജില്ല തിരിച്ച് വിശദമാക്കാമോ?

2018 ജനുവരിയിൽ നടത്തിയ രാഷ്‌ട്രപതി ഗൈഡ് അവാർഡ് ടെസ്റ്റിന്റെ ഫലം ഇതുവരെ പുറത്തുവിട്ടില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പരീക്ഷ പാസ്സാകുന്നവർക്ക് ഗ്രേസ് മാർക്കിന് അർഹതയുണ്ടോ എന്നും എത്ര ശതമാനമാണ് ഇതെന്നും അറിയിക്കാമോ;

ആരാണ് പരീക്ഷ നടത്തുന്നതെന്നും കേരളത്തിൽ നിന്ന് എത്ര കുട്ടികൾ പരീക്ഷ എഴുതി ഫലം കാത്തിരിക്കുന്നുണ്ടെന്നും ജില്ല തിരിച്ച് വിശദാംശം ലഭ്യമാക്കാമോ;

സംസ്ഥാന സർക്കാർ ഇക്കാര്യത്തിൽ ഇടപെടൽ നടത്തിയിട്ടുണ്ടോ; വ്യക്തമാക്കാമോ?

തൃശ്ശൂർ ചെമ്പുചിറ സ്കൂളില്‍ നിർമ്മാണത്തിൽ ഇരിക്കുമ്പോൾ തകർന്ന കെട്ടിടത്തിന്റെ നിർമ്മാണത്തിന് കരാർ നൽകിയിരുന്ന ഏജൻസി ഏതാണെന്നും ഇപ്രകാരം കരാർ നൽകി സ്കൂൾ കെട്ടിടങ്ങൾ നിർമ്മിക്കുമ്പോൾ അവയുടെ ഗുണനിലവാരം ഉറപ്പാക്കുന്നതിന് ഉത്തരവാദപ്പെട്ട ഉദ്യോഗസ്ഥർ ആരൊക്കെയാണെന്നും വ്യക്തമാക്കുമോ;

കിഫ്ബി മുഖേന സ്കൂൾ കെട്ടിടങ്ങൾ നിർമ്മിക്കുമ്പോൾ നിർമ്മാണ പ്രവൃത്തിയുടെ ഗുണനിലവാരം ഉറപ്പാക്കുന്നതിന് കിഫ്ബി ഏതെങ്കിലും തരത്തിലുള്ള പരിശോധനകൾ നടത്താറുണ്ടോ; എങ്കിൽ ഇപ്രകാരമുള്ള പരിശോധന പ്രസ്തുത സ്കൂളിൽ നടത്തിയിട്ടുണ്ടോ; വിശദാംശം ലഭ്യമാക്കുമോ ;

ഗുണനിലവാരം കുറഞ്ഞ നിർമ്മാണ സാമഗ്രികൾ ഉപയോഗിച്ചുകൊണ്ട് വിദ്യാർഥികളുടെ ജീവൻ അപകടത്തിലാകുന്ന രീതിയിൽ ക്രമക്കേട് നടത്തിയ ഈ സംഭവത്തിൽ മുൻ വകുപ്പ് മന്ത്രി ഉൾപ്പെടെയുള്ളവർക്ക് വീഴ്ച സംഭവിച്ചിട്ടുണ്ടോയെന്ന് പരിശോധിച്ചിട്ടുണ്ടോ; ഉത്തരവാദപ്പെട്ടവർക്കെതിരെ നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ?

സംസ്ഥാനത്തെ ചില ജില്ലകളിലെ സ്കൂളുകളിൽ വിതരണം ചെയ്ത ഭക്ഷണം കഴിച്ചതിനെ തുടർന്ന് കുട്ടികള്‍ക്ക് ഭക്ഷ്യ വിഷബാധ ഉണ്ടായത് ശ്രദ്ധയിൽപ്പെട്ടിട്ടുണ്ടോ;

എങ്കിൽ ഏതെല്ലാം സ്കൂളുകളിലാണ് ഇത്തരത്തിൽ സംഭവിച്ചതെന്നും എത്ര കുട്ടികൾക്ക് ഭക്ഷ്യ വിഷബാധയേറ്റു എന്നും വ്യക്തമാക്കുമോ;

എന്താണ് ഇതിന് കാരണമായതെന്നും ഇത്തരം സംഭവങ്ങൾ ആവര്‍ത്തിക്കാതിരിക്കാന്‍ സ്വീകരിച്ച മുന്‍ കരുതലുകള്‍ എന്തെല്ലാമാണെന്നും വെളിപ്പെടുത്തുമോ ?

2022 ഫെബ്രുവരിയില്‍ പ്രഖ്യാപിച്ച നൂറ് ദിന പരിപാടി മുഖേന പാലക്കാട് ജില്ലയില്‍ നടപ്പിലാക്കിയ പദ്ധതികള്‍ ഏതൊക്കെയാണെന്ന് വിശദമാക്കുമോ;

പ്രസ്തുത ജില്ലയിലെ വിദ്യാഭ്യാസ മേഖലയില്‍ നടപ്പിലാക്കാന്‍ ഉദ്ദേശിക്കുന്ന പദ്ധതികൾ എന്തൊക്കെയെന്ന് വ്യക്തമാക്കുമോ?

സര്‍ക്കാര്‍ -എയിഡഡ് വിദ്യാലയങ്ങളില്‍ ഹയര്‍ സെക്കണ്ടറി, വി‌.എച്ച്‌.എസ്‌.ഇ. ഉള്‍പ്പെടെയുള്ള വിഭാഗങ്ങളിലെ നിയമനങ്ങളില്‍ സുപ്രീംകോടതി നിര്‍ദേശാനുസരണം ഭിന്നശേഷി സംവരണം നടപ്പിലാക്കുന്നതിന് നിര്‍ദേശം നല്‍കിയിട്ടുണ്ടോ; വ്യക്തമാക്കുമോ;

എങ്കില്‍ സംവരണത്തിനുള്ള മാനദണ്ഡങ്ങള്‍ എന്തെല്ലാമാണ്; ഇത് സംബന്ധിച്ചു വ്യക്തമായ ഉത്തരവ് ഇറക്കിയിട്ടുണ്ടോ; ;ഉണ്ടെങ്കില്‍ ഉത്തരവിന്റെ പകര്‍പ്പ് ലഭ്യമാക്കുമോ?

സ്കൂളുകളിലെ ലിംഗസമത്വം യാഥാര്‍ത്ഥ്യമാക്കുന്നതിന്റെ ഭാഗമായി സംസ്ഥാനത്ത് എത്ര ബോയ്സ്, ഗേള്‍സ് സ്കൂളുകളെ മിക്സഡ് സ്കൂളുകളാക്കി മാറ്റിയിട്ടുണ്ട് എന്ന് വിശദമാക്കാമോ;

ഭാവിയില്‍ സംസ്ഥാനത്തെ മുഴുവന്‍ ബോയ്സ്, ഗേള്‍സ് സ്കൂളുകളെയും പൂര്‍ണ്ണമായും മിക്സഡ് സ്കൂളുകളാക്കി മാറ്റാന്‍ തീരുമാനിച്ചിട്ടുണ്ടോ?

കിഫ്ബി വഴി സംസ്ഥാനത്തെ വിവിധ വിദ്യാലയങ്ങള്‍ക്കായി അനുവദിച്ച മൂന്ന് കോടി രൂപയുടെ പ്രവൃത്തി ഇന്‍കെല്ലില്‍ നിന്നും കിലയ്ക്ക് മാറ്റി നല്‍കി മാസങ്ങള്‍ കഴിഞ്ഞിട്ടും പ്രവൃത്തി ടെണ്ടര്‍ ചെയ്യാന്‍ വൈകുന്നതെന്തുകൊണ്ടെന്ന് വ്യക്തമാക്കാമോ;

പ്രസ്തുത പ്രവൃത്തികള്‍ എന്നാരംഭിക്കാന്‍ കഴിയുമെന്ന് വ്യക്തമാക്കാമോ?

സംസ്ഥാനത്തെ മുഴുവന്‍ വിദ്യാലയങ്ങളും ലോകോത്തര നിലവാരത്തിലുള്ള വിദ്യാഭ്യാസം നല്‍കാനാകും വിധം ഉയര്‍ത്തുന്നതിന് പദ്ധതി രൂപീകരിച്ചിട്ടുണ്ടോ; വിശദമാക്കാമോ;

ഇതിന്റെ ഭാഗമായി സ്കൂളുകളില്‍ അടിസ്ഥാന സൗകര്യ വികസനത്തിനും പുതിയ കെട്ടിടങ്ങള്‍ നിര്‍മ്മിക്കുന്നതിനും ഈ സര്‍ക്കാരിന്റെ കാലയളവില്‍ നടത്തിയിട്ടുള്ള പ്രവര്‍ത്തനങ്ങള്‍ സംക്ഷിപ്തമായി വിവരിക്കാമോ;

ശാസ്ത്ര, സാങ്കേതിക രംഗങ്ങളിൽ സംഭവിച്ചുകൊണ്ടിരിക്കുന്ന മാറ്റങ്ങള്‍ക്കനുസരിച്ച് വിദ്യാര്‍ത്ഥികളെ പാകപ്പെടുത്തുന്നതിന് അദ്ധ്യാപകര്‍ക്ക് പരിശീലനം നല്‍കുന്നതിനായി നടത്തിയ പ്രവര്‍ത്തനങ്ങള്‍ വിശദീകരിക്കാമോ?

2019- 20, 2020 -21 അധ്യയന വർഷങ്ങളിൽ കേരളത്തിൽ നിന്നും എത്ര കുട്ടികൾ എന്‍.റ്റി.എസ്.ഇ- യുടെ സ്റ്റേജ് രണ്ടില്‍ വിജയിച്ചിട്ടുണ്ട് ; വിശദവിവരം ലഭ്യമാക്കുമോ;

മണ്ണാർക്കാട് നിയോജക മണ്ഡലത്തിൽ സ്ഥിതിചെയ്യുന്ന സ്കൂളുകളിൽ നിന്നും 2020 -21,2021 -22 വർഷങ്ങളിൽ എന്‍.എം.എം.എസ്-ന് ലഭിച്ച അപേക്ഷകളുടെ എണ്ണവും, എന്‍.എം.എം.എസ് ലഭിച്ച കുട്ടികളുടെ എണ്ണവും സ്കൂളുകളുടെ അടിസ്ഥാനത്തിൽ ലഭ്യമാക്കുമോ;

2021-22 അധ്യയന വർഷത്തിൽ കേരളത്തിൽ ഏറ്റവും കൂടുതൽ കുട്ടികൾ എന്‍.എം.എം.എസ് പരീക്ഷക്കായി അപേക്ഷിച്ച ആദ്യത്തെ പത്ത് സ്കൂളുകളുടേയും, ഏറ്റവും കൂടുതൽ കുട്ടികൾ വിജയം നേടിയ ആദ്യത്തെ പത്ത് സ്കൂളുകളുടേയും വിശദവിവരം നൽകുമോ;

ജില്ലാ അടിസ്ഥാനത്തിൽ എന്‍.എം.എം.എസ് സ്കോളർഷിപ്പ് നൽകുമ്പോൾ 2019-20, 2020-21, 2021-22 എന്നീ അധ്യയന വർഷങ്ങളിൽ ഓരോ ജില്ലക്കും എത്ര വീതമാണ് ക്വാട്ട നിശ്ചയിച്ചത് എന്നതിന്റെ വിവരം ലഭ്യമാക്കുമോ; എന്‍.എം.എം.എസ് പരീക്ഷക്ക് ജില്ലാ അടിസ്ഥാനത്തിൽ ക്വാട്ട നിശ്ചയിക്കുന്നതിനുള്ള മാനദണ്ഡം വ്യക്തമാക്കുമോ?

സര്‍ക്കാര്‍, എയ്ഡഡ് സ്കൂളുകളിലെ അധ്യാപകരുടെ മക്കളെ പൊതു വിദ്യാലയങ്ങളില്‍ തന്നെ പഠിപ്പിക്കണം എന്ന് നിയമ നിര്‍മ്മാണം നടത്തുന്നതിന് നടപടി സ്വീകരിക്കുമോ;

നിലവില്‍ സര്‍ക്കാര്‍, എയ്ഡഡ് സ്കൂളുകളിലെ അധ്യാപകരുടെ മക്കള്‍ ഏതൊക്കെ സ്കൂളുകളില്‍ പഠിക്കുന്നു എന്നത് സംബന്ധിച്ച സ്ഥിതിവിവര കണക്ക് വിദ്യഭ്യാസ വകുപ്പില്‍ ലഭ്യമാണോ; എങ്കില്‍ വിശദാംശം ലഭ്യമാക്കാമോ?

മലപ്പുറം ജില്ലയില്‍ എസ്.എസ്.എല്‍.സി പരീക്ഷയിൽ വിജയിച്ച മുഴുവൻ വിദ്യാർഥികൾക്കും മലപ്പുറം ജില്ലയില്‍ തന്നെ ഉന്നത വിദ്യാഭ്യാസത്തിനുള്ള അവസരം നൽകുന്നതിന് വി.എച്ച്.എസ്.ഇ, ഹയർ സെക്കണ്ടറി, ഐ.ടി.ഐ വിഭാഗങ്ങളിൽ പുതിയ കോഴ്സുകളും, ബാച്ചും അനുവദിക്കുന്നതിനുള്ള നടപടികൾ സ്വീകരിക്കുമോ;

മഞ്ചേരി ഏലമ്പ്രയിൽ എൽപി സ്കൂൾ ആരംഭിക്കുന്നതിനുള്ള നടപടികൾ സ്വീകരിക്കുമോ;

മഞ്ചേരി മണ്ഡലത്തിലെ പുല്ലൂർ ജി.യു.പി. സ്കൂൾ ഹൈസ്കൂൾ ആയി അപ്ഗ്രേഡ് ചെയ്യുന്നതിനുള്ള നടപടികൾ സ്വീകരിക്കുമോ;

മഞ്ചേരി മണ്ഡലത്തിലെ പുലത്ത് ജി.എൽ.പി സ്കൂൾ യു.പി സ്കൂൾ ആയി അപ്ഗ്രേഡ് ചെയ്യുന്നതിനുള്ള നടപടികൾ സ്വീകരിക്കുമോ?

യു.പി.എസ്.ടി. കന്നഡ തസ്തികയുടെ യോഗ്യതയില്‍ മാറ്റം വരുത്തണമെന്ന ഹര്‍ജിയില്‍ എന്തെങ്കിലും തുടര്‍ നടപടി സ്വീകരിച്ചിട്ടുണ്ടോ;

ഇതു സംബന്ധിച്ച് പൊതുവിദ്യാഭ്യാസ വകുപ്പിലുള്ള J3/315/2019/Gdn, P4/2146/20/Gdn. ഫയലുകളില്‍ എന്തെങ്കലും തീരുമാനം കെെക്കൊണ്ടിട്ടുണ്ടോ; വിശദാംശങ്ങള്‍ അറിയിക്കാമോ?

എറണാകുളം ജില്ലയിൽ എൽ.പി. സ്കൂൾ ടീച്ചർ (മലയാളം മീഡിയം) തസ്തികയിൽ നിലവിൽ എത്ര ഒഴിവുകൾ ഉണ്ടെന്ന് അറിയിക്കാമോ;

കാറ്റഗറി നം. 516/2019 പ്രകാരം നിലവിൽ വന്ന റാങ്ക് ലിസ്റ്റിൽ നിന്നുള്ള നിയമനങ്ങൾക്കായി പി.എസ്.സി. യിലേക്ക് എത്ര ഒഴിവുകൾ റിപ്പോർട്ട് ചെയ്തിട്ടുണ്ടെന്ന് വ്യക്തമാക്കാമോ;

2023, 2024 അധ്യയന വർഷങ്ങളിൽ റിട്ടയർമെന്റുകൾ മുഖേന എല്‍.പി.എസ്.എ. തസ്തികയിൽ എറണാകുളം ജില്ലയില്‍ എത്ര ഒഴിവുകൾ ഉണ്ടാകുമെന്ന് വ്യക്തമാക്കാമോ;

2022-23 അധ്യയന വർഷത്തിലെ ആറാം പ്രവര്‍ത്തി ദിനത്തിലെ കണക്കുകൾ പ്രകാരം എറണാകുളം ജില്ലയിൽ എല്‍.പി. വിഭാഗത്തിൽ എത്ര അധിക തസ്തികകൾ നിർണയിച്ചിട്ടുണ്ടെന്ന് വിശദമാക്കാമോ?

ഡയറ്റിലെ അധ്യാപകരായി നേരിട്ടുള്ള നിയമനത്തിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

ഡയറ്റിലെ അധ്യാപക നിയമനത്തിന് നേരിട്ട് അപേക്ഷിക്കാനുള്ള പ്രായപരിധി കഴിഞ്ഞവര്‍ക്ക് ഇതുമൂലം ഉണ്ടാകുന്ന തൊഴില്‍ നഷ്ടം പരിഹരിക്കാന്‍ വകുപ്പ് നടപടി സ്വീകരിച്ചിട്ടുണ്ടോ;

യോഗ്യതയുള്ള മിനിസ്റ്റീരിയല്‍ വിഭാഗം ജീവനക്കാര്‍ക്ക് ഡയറ്റിലെ അധ്യാപകരാകാന്‍ നിലവില്‍ വ്യവസ്ഥയുണ്ടോ; വ്യക്തമാക്കാമോ?

മലപ്പുറം ജില്ലയില്‍ 2013-14 അധ്യയനവര്‍ഷം മുതല്‍ നാളിതുവരെ ഫുള്‍ടൈം ജൂനിയര്‍ ലാംഗ്വേജ് ടീച്ചര്‍ (ഹിന്ദി) തസ്തികയില്‍ എത്ര ഒഴിവുകള്‍ ഉണ്ടായിട്ടുണ്ട്; അതിന്മേൽ അന്തര്‍ജില്ലാ സ്ഥലംമാറ്റം, പ്രൊമോഷന്‍, ബൈട്രാന്‍സ്ഫര്‍, നേരിട്ടുള്ള നിയമനം എന്നിവ അധ്യയനവര്‍ഷാടിസ്ഥാനത്തില്‍ നടത്തിയതിന്റെ എണ്ണം വ്യക്തമാക്കാമോ;

മലപ്പുറം ജില്ലയില്‍ അഡിഷണല്‍ ഡിവിഷന്‍/സ്റ്റാഫ് ഫിക്സേഷന്‍ മുഖേന ഈ അധ്യയനവര്‍ഷം പ്രസ്തുത തസ്തികയില്‍ പുതിയ ഒഴിവുകള്‍ എത്രയെണ്ണം ഉണ്ടായിട്ടുണ്ടെന്ന് വ്യക്തമാക്കാമോ?

പൊതു വിദ്യാഭ്യാസ വകുപ്പിലെ മിനിസ്റ്റീരിയൽ ഗസറ്റഡ് തസ്തികകളിൽ നിലവിൽ എത്ര ഒഴിവുകൾ ഉണ്ടെന്ന് തസ്തിക തിരിച്ച് അറിയിക്കാമോ;

നിർവഹണ ഉദ്യോഗസ്ഥരുടെ തസ്തികകളിൽ ഒഴിവുണ്ടായാലുടൻ ഉദ്യോഗക്കയറ്റം സംബന്ധിച്ച ഉത്തരവ് പുറപ്പെടുവിക്കാൻ നടപടി സ്വീകരിക്കുമോ;

2020, 2021 വർഷങ്ങളിലെ ജൂനിയർ സൂപ്രണ്ടുമാരുടെ സീനിയോറിറ്റി ലിസ്റ്റ് പ്രസിദ്ധീകരിക്കാൻ നിർദ്ദേശം നൽകാമോ?

വിദ്യാഭ്യാസ വകുപ്പിന് കീഴിൽ നിലവിൽ എത്ര കരാർ ജീവനക്കാർ ജോലി ചെയ്യുന്നുണ്ട്; ഇതിൽ എത്ര പേരാണ് എംപ്ലോയ്മെന്റ് എക്സ്ചേഞ്ച് മുഖേന നിയമിതരായിട്ടുള്ളത്; അല്ലാതെ നിയമിക്കപ്പെട്ടവർ എത്രയാണ്; ഇവരെ ഏത് ഏജൻസി മുഖേനയാണ് നിയമിച്ചത്; വ്യക്തമാക്കുമോ;

വിദ്യാഭ്യാസ വകുപ്പിലെ ഉൾപ്പെടെയുള്ള കരാർ നിയമനങ്ങൾ എംപ്ലോയ് മെന്റ് എക്സ്ചേഞ്ച് മുഖേന നടത്തണമെന്ന് ആവശ്യപ്പെട്ടുകൊണ്ട് എംപ്ലോയ്മെന്റ് ഡയറക്ടർ കത്ത് നൽകിയിട്ടുണ്ടോ; എങ്കില്‍ ഇതിന്മേൽ സ്വീകരിച്ച തുടർനടപടികൾ വ്യക്തമാക്കുമോ?

2022 ഫെബ്രുവരി മാസം 10 മുതല്‍ മെയ് മാസം 20 വരെ നടന്ന സർക്കാരിന്റെ നൂറുദിന കർമ്മ പരിപാടിയുടെ ഭാഗമായി പ്രത്യക്ഷവും പരോക്ഷവുമായി എത്ര തൊഴിലവസരങ്ങള്‍ അധികമായി സൃഷ്ടിക്കാനായെന്ന് വിശദമാക്കുമോ;

ഓരോ ജില്ലയിലും ഇതിന്‍പ്രകാരം എത്ര തൊഴിലവസരങ്ങള്‍ സൃഷ്ടിക്കാനായെന്ന് വ്യക്തമാക്കുമോ; തൊഴില്‍മേഖല അനുസരിച്ച് ജില്ല തിരിച്ചുള്ള കണക്ക് ലഭ്യമാക്കുമോ?

വിവിധ ക്ഷേമനിധി ബോര്‍ഡുകളുടെ പ്രവര്‍ത്തനം ശക്തമാക്കുന്നതിന്റെ ഭാഗമായി ക്ഷേമനിധി ബോര്‍ഡ് ഡിജിറ്റലൈസ് ചെയ്യാനുള്ള പ്രവര്‍ത്തനം പൂര്‍ത്തീകരിച്ചിട്ടുണ്ടോ;

തൊഴിലാളികളുടെ ആശ്രിതര്‍ക്ക് സിവില്‍ സര്‍വ്വീസ് പരിശീലനത്തിനായി പരിശീലന കേന്ദ്രം അനുവദിച്ചിട്ടുണ്ടോ; വ്യക്തമാക്കാമോ?

തോട്ടം മേഖല നേരിടുന്ന പ്രതിസന്ധിക്ക് പരിഹാരം കാണാന്‍ സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ;

കഴിഞ്ഞ അഞ്ച് വര്‍ഷക്കാലയളവില്‍ എത്ര തോട്ടങ്ങള്‍ അടച്ചു പൂട്ടിയിട്ടുണ്ടെന്നും അവിടെ എത്ര തൊഴിലാളികള്‍ വീതം പണിയെടുത്തിരുന്നുവെന്നും വിശദമാക്കാമോ;

തൊഴില്‍ നഷ്ടപ്പെട്ട തൊഴിലാളികള്‍ക്കായി എന്തെല്ലാം സാമ്പത്തിക സഹായങ്ങള്‍ നല്‍കിയിട്ടുണ്ടെന്ന് വിശദമാക്കുമോ;

ഇത്തരം തൊഴിലാളികള്‍ക്ക് അടിയന്തര സഹായങ്ങള്‍ ലഭ്യമാക്കാന്‍ നടപടികള്‍ സ്വീകരിച്ചിട്ടുണ്ടോ;വിശദമാക്കാമോ?

മുൻ സര്‍ക്കാരിന്റെയും നിലവിലെ സര്‍ക്കാരിന്റെയും മികച്ച ഇടപെടലിന്റെയും തൊഴിലാളി സംഘടനകളുടെ സഹകരണത്തിന്റെയും ഫലമായി സ്ഥാപനങ്ങളുടെ നിലനില്പിനും വളര്‍ച്ചക്കും അനുഗുണമായവിധത്തില്‍ തൊഴില്‍ രംഗത്തെ അനാരോഗ്യ പ്രവണതകള്‍ അവസാനിപ്പിക്കാനായിട്ടുണ്ടോ;

സംസ്ഥാനത്ത് മികച്ച നിക്ഷേപക അനുകൂലാന്തരീക്ഷം സൃഷ്ടിക്കപ്പെട്ടപ്പോഴും കേന്ദ്ര സര്‍ക്കാര്‍ നയങ്ങള്‍ സൃഷ്ടിച്ച അവസരം മുതലെടുത്ത് ഒരു വിഭാഗം നിക്ഷേപകര്‍ ചുമട്ട് തൊഴിലാളികളുടെ തൊഴിലും തൊഴില്‍ അവകാശങ്ങളും നിഷേധിക്കുന്ന പ്രവണത ഇല്ലാതാക്കാന്‍ തൊഴില്‍ വകുപ്പ് ഇടപെടല്‍ നടത്തുന്നുണ്ടോ;

മികച്ച തൊഴിലാളി സൗഹൃദാന്തരീക്ഷം സൃഷ്ടിക്കുന്നതില്‍ വ്യാപാര സ്ഥാപനങ്ങള്‍ക്ക് ഗ്രേഡിംഗ് ഏര്‍പ്പെടുത്തുന്നതിലെ പുരോഗതി അറിയിക്കാമോ?

സംസ്ഥാനത്ത് അതിഥി തൊഴിലാളികളായി എത്തിച്ചേരുന്നവരിൽ ചിലർ ക്രിമിനൽ പ്രവർത്തനങ്ങളിൽ ഏർപ്പെടുന്നതായുള്ള റിപ്പോർട്ടുകൾ ഗൗരവമായി കാണുന്നുണ്ടോ;

സംസ്ഥാനത്ത് എത്തിച്ചേരുന്ന അതിഥി തൊഴിലാളികളുടെ വിവരശേഖരണത്തിനും അവർക്ക് ക്രിമിനൽ പശ്ചാത്തലം ഉണ്ടോ എന്ന് മനസ്സിലാക്കുന്നതിനും എന്ത് സംവിധാനമാണ് നിലവിൽ ഏർപ്പെടുത്തിയിട്ടുള്ളതെന്ന് വ്യക്തമാക്കുമോ;

അതിഥി തൊഴിലാളികൾ സംസ്ഥാനത്ത് എത്തിച്ചേരുന്ന അവസരത്തിൽ തന്നെ അവരുടെ വിവരശേഖരണം നടത്തുന്നതിനായി ഒരു മൊബൈൽ ആപ്ലിക്കേഷൻ വികസിപ്പിക്കുമെന്ന പ്രഖ്യാപനം നടപ്പിലാക്കിയിട്ടുണ്ടോ; ഇല്ലെങ്കിൽ ഇതിന് കാലതാമസം നേരിടുന്നതിന് കാരണം വ്യക്തമാക്കുമോ;

രജിസ്ട്രേഷൻ സമയത്ത് അതിഥി തൊഴിലാളികൾ നൽകുന്ന വിവരങ്ങളുടെയും രേഖകളുടെയും ആധികാരികത പരിശോധിക്കുന്നതിന് എന്ത് സംവിധാനമാണ് നിലവിലുള്ളത്; മേൽപ്പറഞ്ഞ മൊബൈൽ ആപ്ലിക്കേഷൻ മുഖേന രജിസ്ട്രേഷൻ നടത്തുമ്പോൾ രേഖകളുടെ ആധികാരികത പരിശോധിക്കുന്നതിന് സംവിധാനം ഏർപ്പെടുത്തുമോ; വിശദാംശം നൽകുമോ?

കൊരട്ടിയിലെ വൈഗൈ ത്രഡ്സ് കമ്പനിയില്‍ ജോലി ചെയ്തിരുന്ന തൊഴിലാളികള്‍ക്ക് പുനരധിവാസവും കൂടുതല്‍ നഷ്ടപരിഹാരവും ഉള്‍പ്പെടെയുള്ള ആനുകൂല്യങ്ങള്‍ നല്‍കുവാന്‍ കഴിയുന്ന വിധത്തില്‍ ഒരു പാക്കേജ് രൂപീകരിക്കുന്നതിന് തൊഴിലും പുനരധിവാസവും വകുപ്പ് തീരുമാനം എടുത്തിരുന്നുവോ; വ്യക്തമാക്കുമോ;

എങ്കില്‍ പ്രസ്തുത പാക്കേജ് നടപ്പിലാക്കിയിട്ടുണ്ടോ; ഇല്ലെങ്കില്‍ നടപടികള്‍ ഏതു ഘട്ടത്തിലാണെന്ന് അറിയിക്കുമോ?

തൊഴില്‍ വകുപ്പിന്റെ നേതൃത്വത്തില്‍ ആരംഭിച്ചിട്ടുള്ള സിവില്‍ സര്‍വ്വീസ് അക്കാദമിയുടെ വിശദ വിവരങ്ങള്‍ വ്യക്തമാക്കാമോ;

പ്രസ്തുത അക്കാദമിയിൽ ചേരുന്നതിനുള്ള നടപടിക്രമങ്ങള്‍ വ്യക്തമാക്കാമോ?

കറുകച്ചാലില്‍ വനിതാ ഐ.റ്റി.ഐ. സ്ഥാപിക്കുന്നത് സംബന്ധിച്ച നിവേദനത്തില്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

കാഞ്ഞിരപ്പള്ളി നിയോജക മണ്ഡലത്തില്‍ സാങ്കേതിക പരിശീലനം നല്‍കുന്ന സ്ഥാപനങ്ങള്‍ കുറവാണെന്ന സാഹചര്യം കണക്കിലെടുത്ത് കറുകച്ചാലില്‍ വനിതാ ഐ.റ്റി.ഐ. സ്ഥാപിക്കുന്നതിനുള്ള നടപടികള്‍ ത്വരിതപ്പെടുത്താമോ?

പൂഞ്ഞാർ നിയോജകമണ്ഡലത്തിൽ ഗവ ഐ.ടി.ഐ. സ്‌ഥാപിക്കണമെന്ന ആവശ്യത്തിന്മേൽ സ്വീകരിച്ചുവരുന്ന നടപടികളുടെ വിശദാംശം വ്യക്തമാക്കുമോ;

നിലവിൽ സർക്കാർ മേഖലയിൽ ഐ.ടി.ഐ. ഇല്ലാത്ത പൂഞ്ഞാർ മണ്ഡലത്തിൽ ഐ.ടി.ഐ. അനുവദിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?