സംസ്ഥാനത്ത് ഗ്രാമീണ കര്‍ഷകരെ സഹായിക്കുവാനും കാര്‍ഷിക വിപണിക്ക് പിന്തുണ നല്‍കുവാനും സഹകരണ മേഖലയില്‍ ആവിഷ്കരിക്കുന്ന നൂതന പദ്ധതികള്‍ വിശദമാക്കുമോ;

പ്രസ്തുത പദ്ധതികളുടെ പ്രവര്‍ത്തന സംവിധാനങ്ങള്‍, പ്രാരംഭ പ്രവര്‍ത്തന പുരോഗതി എന്നിവ വ്യക്തമാക്കുമോ?

സംസ്ഥാനത്തിന്റെ മൊത്തം കടം നാല് ലക്ഷം കോടിയിലേക്ക് അടുക്കുന്നതിനാൽ സംസ്ഥാനം ഗുരുതരമായ സാമ്പത്തിക പ്രതിസന്ധിയിലേക്ക് നീങ്ങുന്നു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം ഗൗരവമായി എടുത്തിട്ടുണ്ടോ; വിശദമാക്കുമോ;

കട ബാധ്യതകൾ സംസ്ഥാനത്തിന്റെ മുന്നോട്ടുളള പ്രവർത്തനത്തെ എ​പ്രകാരം ബാധിക്കുമെന്ന് വ്യക്തമാക്കാമോ;

സംസ്ഥാനത്തിന്റെ നിലവിലെ സാമ്പത്തിക സ്ഥിതി സംബന്ധിച്ച് ധവളപത്രം പുറപ്പെടുവിക്കാൻ തയ്യാറാകുമോ?

കരുവന്നൂർ ബാങ്ക് ക്രമക്കേടിന് ശേഷവും സംസ്ഥാനത്ത് സഹകരണ ബാങ്കിംഗ് മേഖലയില്‍ സമാനമായ ക്രമക്കേടുകൾ നടക്കുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന്റെ കാരണം പരിശോധിച്ചിട്ടുണ്ടോ എന്ന് വ്യക്തമാക്കാമോ;

തിരുവനന്തപുരം കണ്ടല സര്‍വീസ് സഹകരണ ബാങ്ക് ക്രമക്കേട് ശ്രദ്ധയിൽപ്പെട്ടിട്ടുണ്ടോ;

പ്രസ്തുത വിഷയത്തിലുള്ള സഹകരണ സംഘം അസിസ്റ്റന്റ് രജിസ്ട്രാറുടെ (ജനറല്‍) അന്വേഷണ റിപ്പോര്‍ട്ട് ശ്രദ്ധയിൽപ്പെട്ടിട്ടുണ്ടോ; എങ്കില്‍ വ്യക്തമാക്കാമോ;

2022 ജനുവരി 22 -ന് അന്വേഷണ റിപ്പോർട്ട് സഹകരണ വകുപ്പിന് സമര്‍പ്പിച്ചെങ്കിലും ഭരണ സമിതിക്കെതിരെ നടപടിയെടുത്തിട്ടില്ല എന്ന ആരോപണം ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇതിന്റെ കാരണം വിശദമാക്കാമോ?

നിക്ഷേപങ്ങളുടെ പലിശയ്ക്കും പരിധിയിൽ കൂടുതൽ പണം പിൻവലിച്ചതിനും ആദായനികുതി അടയ്ക്കണമെന്നാവശ്യപ്പെട്ടുകൊണ്ട് കേരള ബാങ്ക് സഹകരണ ബാങ്കുകൾക്ക് നോട്ടീസ് നൽകിയിരുന്നുവോ;

സാമൂഹ്യക്ഷേമ പെൻഷനും കെ.എസ്.ആർ.ടി.സി. പെൻഷനും വിതരണം ചെയ്യുന്ന 1600-ൽ പരം സംഘങ്ങൾ നേരിടുന്ന പ്രതിസന്ധി എപ്രകാരം പരിഹരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

സഹകരണ സംഘങ്ങൾക്ക് ട്രഷറിയിൽ നിന്ന്‌ നേരിട്ട് പണം നൽകുന്നതിനോ ആദായ നികുതിയായി നൽകുന്ന തുക അധിക ഇൻസെന്റീവ് ആയി അനുവദിക്കുന്നതിനോ നടപടി സ്വീകരിക്കുമോ?

സംസ്ഥാനത്ത് കാർബൺ ന്യൂട്രൽ ഗവേണൻസ് പദ്ധതിയുടെ ഭാഗമായി എന്തെല്ലാം പരിപാടികളാണ് പരിഗണനയിലുള്ളത്; വിശദമാക്കാമോ;

കാർബൺ രഹിത വൈദ്യുതോല്പാദനം പ്രോത്സാഹിപ്പിക്കാൻ സ്വീകരിച്ചിട്ടുള്ള നടപടികൾ വിശദമാക്കാമോ;

സൗരോർജ്ജത്തിന്റെ ഉപയോഗം വ്യാപകമാക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ;

ജനകീയ ഹരിത ഊർജ്ജ മിഷൻ പദ്ധതിയിലൂടെ സൗരോർജ്ജ ഉല്പാദനം വർദ്ധിപ്പിക്കുവാൻ ഉദ്ദേശിക്കുന്നുണ്ടോ എന്ന് വ്യക്തമാക്കാമോ?

കേന്ദ്ര നികുതികളില്‍ നിന്ന് സംസ്ഥാനത്തിന് ലഭിക്കേണ്ട വിഹിതം ഗണ്യമായി കുറയുന്നതായി സി.&എ.ജി. യുടെ പരാമര്‍ശം വന്നിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; ഈ സര്‍ക്കാര്‍ അധികാരത്തില്‍ വന്ന ശേഷം കേന്ദ്ര നികുതി വിഹിതത്തില്‍ വന്നിട്ടുള്ള കുറവ് സംബന്ധിച്ച് വിശദാംശം നല്‍കാമോ;

അശാസ്ത്രീയമായി ജി.എസ്.ടി. നടപ്പിലാക്കിയതിലൂടെ നികുതി വരുമാനം കുറയുന്ന സാഹചര്യത്തില്‍ കേന്ദ്രം സംസ്ഥാനങ്ങള്‍ക്കായി നടപ്പാക്കിയ ജി.എസ്.ടി. നഷ്ടപരിഹാരം തുടരുന്നതിനായി സംസ്ഥാനം നടത്തിയിട്ടുള്ള ഇടപെടലുകള്‍ വിശദമാക്കാമോ;

ഇത്തരത്തില്‍ നികുതി വരുമാനത്തില്‍ ഗണ്യമായ കുറവുണ്ടായതിനാല്‍ വികസന പ്രവര്‍ത്തനങ്ങള്‍ക്കായി സംസ്ഥാനത്തിന്റെ പരിധിക്കുള്ളില്‍ നിന്നുകൊണ്ട് കടമെടുക്കുന്നതിനെ സംബന്ധിച്ച് ചിലർ അവാസ്തവമായ പ്രചരണങ്ങള്‍ നടത്തിയിട്ടുള്ളത്‌ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിലെ വസ്തുത എന്താണെന്ന് വിശദമാക്കുമോ?

സ്വിറ്റ്‌സർലന്റിലെ ദാവോസിൽ നടന്ന വേൾഡ് ഇക്കണോമിക് ഫോറം കോൺഫറൻസിൽ കേരളം പങ്കെടുക്കാത്തതിന്റെ കാരണം വിശദമാക്കാമോ;

രണ്ട് വർഷത്തെ ഇടവേളയ്ക്ക് ശേഷം നടന്ന ആഗോള ഇവന്റിൽ കർണാടക, മഹാരാഷ്ട്ര, തെലങ്കാന, ആന്ധ്രാപ്രദേശ് തുടങ്ങിയ സംസ്ഥാനങ്ങൾ തൊണ്ണൂറ്റി അയ്യായിരത്തി എണ്ണൂറ് കോടി രൂപയുടെ നിക്ഷേപം ആകർഷിക്കുന്നതിൽ വിജയിച്ചു എന്നത് ശ്രദ്ധയിൽപ്പെട്ടിട്ടുണ്ടോ;

കേരളം ഉറ്റുനോക്കുന്ന പ്രധാന മേഖലകളായ ലൈഫ് സയൻസ്, ഫാർമസ്യൂട്ടിക്കൽ തുടങ്ങിയ പ്രധാന മേഖലകളിൽ തെലങ്കാന അടക്കമുള്ള സംസ്ഥാനങ്ങൾക്ക് നിക്ഷേപം ആകർഷിക്കാൻ കഴിഞ്ഞതിനാൽ സംസ്ഥാനത്തിന് പ്രസ്തുത കോൺഫറൻസിൽ പങ്കെടുക്കാത്തതുമൂലം ഒരു സുവർണാവസരം നഷ്ടമായി എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

കിഫ്ബിയുടെ വായ്പാ തിരിച്ചടവിനായി ഉപയോഗപ്പെടുത്തുന്ന മോട്ടോർ വാഹന നികുതിയിനത്തിലെ പകുതി തുകയും പെട്രോൾ സെസ്സും സംസ്ഥാനത്തിന്റെ നികുതി വരുമാനത്തിന്റെ ഭാഗമാണോയെന്ന് വ്യക്തമാക്കുമോ;

സംസ്ഥാനത്തിന്റെ വരുമാനത്തിൽ നിന്നും തിരിച്ചടവ് നടത്തുന്ന കിഫ്ബി വായ്പകൾ സംസ്ഥാനത്തിന്റെ കടത്തിന്റെ ഭാഗമല്ല എന്ന് വിലയിരുത്തുവാൻ സാധിക്കുമോ; എങ്കിൽ ഏത് മാനദണ്ഡപ്രകാരമാണെന്ന് വ്യക്തമാക്കുമോ;

കിഫ്ബി വായ്പകൾ സംബന്ധിച്ച് സി.ആൻഡ് എ.ജി. നടത്തിയ പരാമർശം ശരിവയ്ക്കുന്ന രീതിയിൽ പ്രസ്തുത വായ്പകൾ പൊതുകടത്തിന്റെ ഭാഗമാണ് എന്ന് കേന്ദ്ര ധനകാര്യ കമ്മീഷൻ വ്യക്തമാക്കിയിരിക്കുന്നതിനാൽ ബജറ്റിന് പുറത്തുനിന്നും വായ്പയെടുക്കുന്ന നയത്തിൽ പുനർവിചിന്തനം നടത്താൻ ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

വൈദ്യുതി ബോർഡ് വൈദ്യുതി നിരക്ക് വർദ്ധനവിനായി റഗുലേറ്ററി കമ്മീഷന് സമർപ്പിച്ച കണക്കിലും ബോർഡിന്റെ ബജറ്റിലും പൊരുത്ത​ക്കേടുകൾ ഉളളതായി കണ്ടെത്തിയിട്ടുണ്ടോ;

നിരക്കുകൾ വർദ്ധിപ്പിക്കാതെ വരുമാനം പെരുപ്പിച്ചു കാട്ടി 2022-23 വർഷം 496 കോടി രൂപ ലാഭം ഉണ്ടാക്കുമെന്ന് ബജറ്റിൽ സൂചിപ്പിച്ചിരുന്നോ;

വരുമാനം പെരുപ്പിച്ച് കാണിച്ചതായി പറയപ്പെടുന്ന സാഹചര്യം സർക്കാർ പരിശോധിച്ചിരുന്നോ; വിശദാംശം നൽകുമോ?

ഈ സര്‍ക്കാര്‍ അധികാരത്തിലെത്തിയതിന് ശേഷം സഹകരണ രംഗത്ത് കൈവരിച്ച നേട്ടങ്ങള്‍ വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ;

കോവിഡ് സൃഷ്ടിച്ച പ്രതിസന്ധി നേരിടുന്നതില്‍ സഹകരണ മേഖല നടത്തിയ ഇടപെടല്‍ വിശദമാക്കാമോ;

ബ്ലേഡ് പലിശക്കാരെ ഒഴിവാക്കാന്‍ കുടുംബശ്രീ മുഖേന സഹകരണ വകുപ്പ് നടത്തിയ ഇടപെടല്‍ ഫലം കൈവരിച്ചിട്ടുണ്ടോ;

സര്‍ക്കാര്‍ നയങ്ങള്‍ക്കനുസൃതമായി സഹകരണ മേഖലയില്‍ പുതുതായി എത്ര തൊഴിലവസരങ്ങള്‍ സൃഷ്ടിക്കാന്‍ കഴിഞ്ഞുവെന്ന് വ്യക്തമാക്കാമോ?

ഇരിങ്ങാലക്കുട കരുവന്നൂര്‍ സർവ്വീസ് സഹകരണ ബാങ്കില്‍ ക്രമക്കേട് നടന്നതിന് ശേഷം സംസ്ഥാനത്ത് സഹകരണ ബാങ്കുകളിലെ ക്രമക്കേടുകൾ കണ്ടെത്താൻ സ്വീകരിച്ച നടപടികളുടെ വിശദാംശങ്ങൾ ലഭ്യമാക്കാമോ;

കരുവന്നൂര്‍ സർവ്വീസ് സഹകരണ ബാങ്കില്‍ വന്‍ തുകയുടെ ക്രമക്കേട് നടന്ന സംഭവത്തിൽ എന്തൊക്കെ നടപടികളാണ് സ്വീകരിച്ചതെന്ന് വിശദമാക്കാമോ; ഇതു സംബന്ധിച്ച് അന്വേഷണം നടത്തിയിട്ടുണ്ടോ; അന്വേഷണത്തിലെ കണ്ടെത്തലുകൾ വിശദമാക്കാമോ;

കരുവന്നൂര്‍ സർവ്വീസ് സഹകരണ ബാങ്കിൽ നടന്നതിന് സമാനമായ ക്രമക്കേടുകൾ മറ്റു സഹകരണ ബാങ്കുകളിൽ നടക്കുന്നുണ്ടോ എന്ന് പരിശോധിച്ചിരുന്നോ;

കാരാപ്പുഴ, കുമാരനല്ലൂര്‍, കണ്ടല എന്നീ സഹകരണ ബാങ്കുകളിൽ സമാനമായ ക്രമക്കേടുകൾ നടന്നത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത് ആവർത്തിക്കാതിരിക്കാൻ നടപടികൾ സ്വീകരിക്കുമോ?

സംസ്ഥാനത്ത് വ്യവസായ സൗഹൃദാന്തരീക്ഷം മെച്ചപ്പെടുത്തുന്നതിനായി നിലവിലുളള നിയമങ്ങളും ചട്ടങ്ങളും പരിഷ്ക്കരിക്കാൻ ഉദ്ദേശിക്കുന്നുണ്ടോ;

എങ്കിൽ എന്തെല്ലാം മാറ്റങ്ങൾ വരുത്തുവാനാണ് ഉദ്ദേശിക്കുന്നതെന്നും ഇത് സംബന്ധിച്ച് എന്തെങ്കിലും പഠനങ്ങൾ നടത്തിയിട്ടുണ്ടോയെന്നും വിശദമാക്കുമോ?

നിതി ആയോഗ് റിപ്പോർട്ട് പ്രകാരം ഊ‍‍‍ർജ്ജ മേഖലയിലെ മികവിന് സംസ്ഥാനത്തിന് എത്രാമത്തെ സ്ഥാനമായിരുന്നു എന്നും ലഭിച്ച സ്കോർ എത്രയാണെന്നും അറിയിക്കാമോ ;

ഉല്പാദനത്തിൽ പിന്നിലാണെങ്കിലും ഏറ്റവും കുറഞ്ഞ നിരക്കിൽ ഇടതടവില്ലാതെ വൈദ്യുതി എത്തിക്കുന്നതിൽ വൈദ്യുതി ബോർഡിന് നേട്ടം കൈവരിക്കാനായിട്ടുണ്ടോ;

പ്രകൃതി ദുരന്തങ്ങൾ ആഘാതം സൃഷ്ടിച്ചിട്ടും വൈദ്യുതി ബോർഡിന് സാമ്പത്തിക സുസ്ഥിരത നേടാനായിട്ടുണ്ടോ;

വൈദ്യുതി ബോർഡ് നൽകുന്ന സേവനങ്ങൾ ഉപഭോക്തൃ സൗഹൃദമാക്കുന്നതിന് സ്വീകരിച്ച നടപടികൾ എന്തെല്ലാമെന്ന് അറിയിക്കാമോ?

കേന്ദ്ര സര്‍ക്കാരിന്റെ വിവേചനപരമായ നടപടികളെയും നയങ്ങളെയും അതിജീവിച്ച്‌ വികസിത രാജ്യങ്ങൾക്കൊപ്പമെത്താൻ ഉതകുന്ന രീതിയിലുള്ള വികസന തന്ത്രത്തില്‍ ഊന്നിയാണോ പതിനാലാം പഞ്ചവത്സര പദ്ധതിക്ക് രൂപം നല്‍കിയിരിക്കുന്നതെന്ന് അറിയിക്കാമോ; വിശദാംശം നല്‍കുമോ;

സംസ്ഥാനത്തിന്റെ തനത് നികുതി വരുമാനം വര്‍ദ്ധിപ്പിക്കുന്നതിനും ബജറ്റിന് പുറമെയുള്ള മൂലധന നിക്ഷേപം ഫലപ്രദമാക്കുന്നതിനും പരിപാടിയുണ്ടോ;

കേന്ദ്ര വിഹിതം ഗണ്യമായി വെട്ടിക്കുറയ്ക്കുന്ന പശ്ചാത്തലത്തില്‍ വികസന ത്വരകമാകുന്ന തരത്തില്‍ പ്രവാസികളുടേത് ഉള്‍പ്പെടെയുള്ള സ്വകാര്യ നിക്ഷേപം ആകര്‍ഷിക്കാന്‍ ലക്ഷ്യമിടുന്നുണ്ടോ എന്ന് വ്യക്തമാക്കുമോ?

സംസ്ഥാനങ്ങളുടെ നികുതി നിര്‍ണയാധികാരം കവര്‍ന്നുകൊണ്ട് അനവധാനതയോടെ നടപ്പിലാക്കിയ ജി.എസ്.ടി. സംസ്ഥാന നികുതി വരുമാനത്തില്‍ സൃഷ്ടിച്ച പ്രതികൂല അവസ്ഥ വിലയിരുത്തിയിരുന്നോ;

കേന്ദ്ര സര്‍ക്കാരിന്റെ വികല സാമ്പത്തിക നയങ്ങള്‍ കൊണ്ട് സാമ്പത്തിക തകർച്ച നേരിടുന്ന ഘട്ടത്തില്‍ കോവിഡും കേന്ദ്ര സര്‍ക്കാരിന്റെ അശാസ്ത്രീയ ലോക്ഡൗണും സാമ്പത്തിക മാന്ദ്യത്തിന് വഴിവച്ച സാഹചര്യത്തില്‍ ജി.എസ്.ടി. നഷ്ടപരിഹാരം ലഭ്യമാക്കാന്‍ കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ;

വരുമാന സ്രോതസ്സ് തകര്‍ക്കുന്ന കേന്ദ്ര സര്‍ക്കാര്‍ നടപടി സംസ്ഥാനത്തെ ക്ഷേമ, വികസന പ്രവര്‍ത്തനങ്ങളെ പ്രതിസന്ധിയിലാക്കാന്‍ ഇടയുണ്ടോ എന്ന് വ്യക്തമാക്കുമോ?

സംസ്ഥാനത്ത് മീറ്റ് ദി ഇന്‍വെസ്റ്റര്‍ എന്ന പരിപാടി സംഘടിപ്പിച്ചിരുന്നുവോ; വിശദാംശം ലഭ്യമാക്കാമോ;

ജില്ലാടിസ്ഥാനത്തിലാണോ പ്രസ്തുത പരിപാടി സംഘടിപ്പിച്ചിരുന്നതെന്നും ഏതെല്ലാം ജില്ലകളില്‍ സംഘടിപ്പിച്ചിരുന്നുവെന്നും വ്യക്തമാക്കാമോ;

പ്രസ്തുത പരിപാടി വഴി സംസ്ഥാനത്ത് ഉണ്ടായ നേട്ടങ്ങള്‍ വിശകലനം ചെയ്തിട്ടുണ്ടോ; എങ്കില്‍ വെളിപ്പെടുത്തുമോ;

ഭക്ഷ്യ സംസ്‌കരണ രംഗത്ത് പാര്‍ക്കുകള്‍ സ്ഥാപിക്കുന്ന നിര്‍ദേശം പ്രസ്തുത പദ്ധതിയിലുടെ നടപ്പാക്കുമോയെന്ന് അറിയിക്കുമോ;

കേരളത്തിലെ മലയോര മേഖലയില്‍ ഭക്ഷ്യ സംസ്‌കരണത്തിനുള്ള മികച്ച സാധ്യത കണക്കിലെടുത്ത് പ്രസ്തുത മേഖലയില്‍ ഭക്ഷ്യ സംസ്‌കരണ പാര്‍ക്കുകള്‍ സ്ഥാപിക്കാന്‍ നടപടി സ്വീകരിക്കുമോ?

സംസ്ഥാനത്തെ പ്രാഥമിക കാര്‍ഷിക വായ്പാ സഹകരണ സംഘങ്ങള്‍, സഹകരണ ഫെഡറേഷനുകള്‍, മറ്റ് സഹകരണ സംഘങ്ങള്‍ എന്നിവയിലൂടെ സഹകരണ മേഖലയില്‍‌‍‍ തൊഴിലവസരങ്ങള്‍ സൃഷ്ടിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ;

ഗ്രാമീണ മേഖലയുടെ സമഗ്ര പുരോഗതി ഉറപ്പു വരുത്താന്‍ പ്രാഥമിക കാര്‍ഷിക വായ്പാ സംഘങ്ങളുടെ പ്രവര്‍ത്തനം സഹായകരമാകുന്നുണ്ടോ; വിശദമാക്കാമോ;

സര്‍ക്കാരിന്റെ നൂറുദിന കര്‍മ്മ പദ്ധതിയില്‍ ഉള്‍പ്പെടുത്തി സഹകരണ മേഖലയില്‍ തൊഴിലവസരങ്ങള്‍ സൃഷ്ടിക്കുന്നതിന് സ്വീകരിച്ച നടപടികള്‍ വെളിപ്പെടുത്താമോ;

സഹകരണ മേഖലയും തദ്ദേശസ്വയംഭരണ സ്ഥാപനങ്ങളും യോജിച്ച് തൊഴിലവസരങ്ങളുൾപ്പെടെ ഗ്രാമീണ മേഖലയുടെ പുരോഗതിക്കുള്ള പ്രവർത്തനങ്ങൾ നടത്താൻ ഉദ്ദേശിക്കുന്നുണ്ടോ; വിശദമാക്കാമോ?

സഹകരണ ബാങ്കുകളിലെ ക്രമക്കേടുകൾ ഒതുക്കിത്തീർക്കാനുള്ള ശ്രമങ്ങൾ നടക്കുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെ ഗൗരവത്തോടെ കാണുന്നുണ്ടോ;

സഹകരണ ബാങ്കുകളിൽ വ്യാപകമായി നടക്കുന്നതായി പറയപ്പെടുന്ന ക്രമക്കേടുകൾ തടയാൻ സ്വീകരിച്ച നടപടികൾ വിശദമാക്കാമോ;

കാരാപ്പുഴ സഹകരണ ബാങ്കിലെ ക്രമക്കേടുമായി ബന്ധപ്പെട്ട് സഹകരണ വകുപ്പിന്റെ വിജിലൻസ് വിഭാഗത്തിന് പരാതി ലഭിച്ചിട്ടുണ്ടോ; എങ്കിൽ ആയതിന്മേൽ സ്വീകരിച്ച നടപടി വ്യക്തമാക്കാമോ?

അഭ്യസ്തവിദ്യരായ യുവജനങ്ങള്‍ക്ക് മികച്ച ആധുനിക തൊഴിലവസരങ്ങള്‍ സൃഷ്ടിച്ചുകൊണ്ട് നവകേരള നിര്‍മ്മിതി സാധ്യമാക്കുകയെന്ന ലക്ഷ്യത്തോടെയുള്ള ആധുനിക വ്യവസായ വികസന പ്രോത്സാഹന പ്രവര്‍ത്തനങ്ങള്‍ വിശദമാക്കുമോ;

പതിനായിരം കോടിയിലധികം രൂപയുടെ നിക്ഷേപം ആകര്‍ഷിച്ച് സംസ്ഥാനത്തെ വ്യവസായ മേഖലയ്ക്ക് ഊര്‍ജ്ജം പകരാന്‍ ഉദ്ദേശിച്ചുകൊണ്ടുള്ള വ്യവസായ ക്ലസ്റ്റര്‍ രൂപീകരണത്തിന്റെ പുരോഗതി അറിയിക്കാമോ;

പരിസ്ഥിതി അനുകൂലവും സേവനാധിഷ്ഠിത വ്യവസായങ്ങള്‍ക്ക് പ്രാധാന്യം നല്‍കുന്നതുമായ കൊച്ചി ഗിഫ്റ്റ് സിറ്റി സ്ഥാപിക്കുന്നതിനായി സ്വീകരിച്ചിട്ടുള്ള നടപടികള്‍ അറിയിക്കാമോ?

സംസ്ഥാനത്ത് ശാസ്ത്ര, സാങ്കേതികശാസ്ത്ര വിജ്ഞാനത്തില്‍ മികവ് കൈവരിച്ച് വൈദഗ്ദ്ധ്യവും അറിവും ഉല്പാദനക്ഷമത കൂടിയ തൊഴില്‍ സൃഷ്ടിക്കായി വിനിയോഗിക്കാന്‍ ലക്ഷ്യമിടുന്ന വിജ്ഞാനാധിഷ്ഠിത സമ്പദ് വ്യവസ്ഥ രൂപപ്പെടുത്താന്‍ വേണ്ട പ്രവര്‍ത്തനം ആരംഭിച്ചിട്ടുണ്ടോ;

വിജ്ഞാന സമൂഹ നിര്‍മ്മിതിക്കായി കെ-ഡിസ്ക് നടത്തുന്ന പ്രവര്‍ത്തനങ്ങള്‍ എന്തെല്ലാമാണ്;

വരുന്ന നാല് വര്‍ഷം കൊണ്ട് ഏഴ് ലക്ഷം പേര്‍ക്ക് തൊഴില്‍ നല്‍കാനുള്ള പദ്ധതിക്ക് വ്യവസായികളുടെ സംഘടനയുമായി കെ-ഡിസ്ക് കരാറില്‍ ഏര്‍പ്പെട്ടിട്ടുണ്ടോ; ഇതുവഴി ചെയ്യാനുദ്ദേശിക്കുന്ന കാര്യങ്ങള്‍ എന്തൊക്കെയെന്ന് അറിയിക്കാമോ;

ഡിജിറ്റല്‍ ഇക്കോണമിയ്ക്ക് വേണ്ട അടിസ്ഥാന സൗകര്യ വികസനത്തിനായി നടത്തുന്ന പ്രവര്‍ത്തനങ്ങള്‍ എന്തൊക്കെയാണെന്ന് വ്യക്തമാക്കുമോ?

സംസ്ഥാനത്ത് ഇടത്തരം, ചെറുകിട, സൂക്ഷ്മ സംരംഭങ്ങളെ പ്രാേത്സാഹിപ്പിക്കുകയെന്ന സര്‍ക്കാരിന്റെ പ്രഖ്യാപിത ലക്ഷ്യത്തിനനുസൃതമായി ഈ രംഗത്ത് സഹകരണ മേഖല നടത്താന്‍ ഉദ്ദേശിക്കുന്ന ഇടപെടലുകള്‍ അറിയിക്കാമാേ;

കാര്‍ഷികാേല്പാദനത്തിലും മൂല്യവര്‍ദ്ധിതാേല്പന്ന നിര്‍മ്മാണത്തിലും ഊന്നൽ നല്‍കിക്കാെണ്ടുള്ള പദ്ധതികള്‍ ആവിഷ്കരിച്ചിട്ടുണ്ടാേ;

ഉല്പാദന, നിര്‍മ്മാണ പ്രവര്‍ത്തനങ്ങളില്‍ സുസ്ഥിരത കെെവരിക്കുന്നതിന് വിപണന രംഗത്ത് ശക്തമായ സാന്നിധ്യം ഉറപ്പിക്കാന്‍ കാേപ് മാര്‍ട്ട് എന്ന പേരില്‍ ബ്രാന്‍ഡിംഗിന് ഉദ്ദേശിക്കുന്നുണ്ടാേ; ഓണ്‍ലെെന്‍ വിപണനത്തിന്റെ സാധ്യത പരിശാേധിക്കുന്നുണ്ടാേ എന്ന് വ്യക്തമാക്കാമോ?

കേരളത്തിന്റെ സമ്പദ് വ്യവസ്ഥയെ ബാധിക്കുന്ന കടബാധ്യതകളുടെ വിശദാംശങ്ങള്‍ ലഭ്യമാക്കാമോ;

സംസ്ഥാനത്തിന്റെ നാളിതുവരെയുള്ള പൊതുകടം എത്രയാണെന്ന് വ്യക്തമാക്കാമോ;

എഫ്.ആര്‍.ബി.എം. ആക്ടിന്റെ പരിധിയില്‍ കവിഞ്ഞ കടബാധ്യത സംസ്ഥാനത്തിനുണ്ടായിട്ടുണ്ടോ; ഉണ്ടെങ്കില്‍ പരിധി പാലിക്കാന്‍ എടുത്തിട്ടുള്ള നടപടികള്‍ എന്തൊക്കെയാണെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം നികുതി പിരിവ് കാര്യക്ഷമമാക്കുന്നതിന് സ്വീകരിച്ച നടപടികള്‍ വിശദമാക്കാമോ;

സാങ്കേതിക വിദ്യയുടെ സഹായത്തോടെ ഈ രംഗത്ത് നടപ്പാക്കിയ നവീന പദ്ധതികള്‍ വിശദമാക്കാമോ;

സംസ്ഥാന ചരക്ക് സേവന നികുതി വകുപ്പ് പുനഃസംഘടിപ്പിയ്ക്കാന്‍ ഉദ്ദേശിക്കുന്നുണ്ടോ; വിശദമാക്കാമോ;

വ്യാജ ബില്ലുകള്‍ തടയുന്നതിനും റിട്ടേണ്‍ സ്‌ക്രൂട്ടിനി ഫലപ്രദമാക്കുന്നതിനും ഓഡിറ്റ്, എന്‍ഫോഴ്‌സ്‌മെന്റ് നടപടി എന്നിവ ശക്തിപ്പെടുത്തുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

കേരളത്തില്‍ വില്‍ക്കുന്ന ഓരോ വസ്തുവിനും ജി.എസ്.ടി. ബില്ല് നല്‍കുന്നുണ്ടെന്ന് ഉറപ്പാക്കാന്‍ നടപടി സ്വീകരിക്കുമോ?

ജി.എസ്.ടി. കൗൺസിൽ ശിപാർശകൾ അംഗീകരിക്കുന്നതിന് കേന്ദ്ര-സംസ്ഥാന സർക്കാരുകൾക്ക് ബാധ്യതയില്ലെന്നും നികുതി നിയമ നിർമ്മാണത്തിൽ കേന്ദ്ര-സംസ്ഥാന സർക്കാരുകൾക്ക് തുല്യ അവകാശമാണെന്നുമുള്ള സുപ്രീം കോടതി വിധി സർക്കാർ പരിശോധിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത വിധി അനുസരിച്ച് സംസ്ഥാനത്തിന്റെ നികുതി വരുമാനം വർദ്ധിപ്പിക്കുന്നതിന് എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വിശദമാക്കുമോ;

പ്രസ്തുത വിധിയുടെ അടിസ്ഥാനത്തിൽ സ്വീകരിക്കുന്ന നടപടികൾ സംസ്ഥാനത്തിന്റെ സാമ്പത്തിക പ്രതിസന്ധി തരണം ചെയ്യാൻ സഹായകരമാകുമെന്ന് കരുതുന്നുണ്ടോ; വ്യക്തമാക്കാമോ?

മുൻ സര്‍ക്കാരിന്റെ കാലത്ത് സംസ്ഥാനത്ത് സമ്പൂര്‍ണ്ണ വൈദ്യുതീകരണ പ്രവര്‍ത്തനവും വ്യവസായ വാണിജ്യമേഖലയിലുണ്ടായ പുരോഗതിയും മൂലം വൈദ്യുതോപയോഗം വര്‍ദ്ധിക്കാനിടയായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

വൈദ്യുതോപയോഗം വര്‍ദ്ധിക്കുന്നതിനനുസരിച്ചും ഭാവിയിലേയ്ക്കുള്ള വൈദ്യുതാവശ്യങ്ങള്‍ കണക്കിലെടുത്തും സംസ്ഥാനത്തെ വൈദ്യുതി ഉല്പാദനവും വിതരണ ശൃംഖലയും മെച്ചപ്പെടുത്തുന്നതിനായി ഈ സര്‍ക്കാര്‍ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ;

കഴിഞ്ഞ ഒരു വർഷം വൈദ്യുതോല്പാദന മേഖലയില്‍ കൈവരിച്ച നേട്ടങ്ങള്‍ എന്തെല്ലാമാണെന്ന് വിശദമാക്കുമോ?

സംസ്ഥാനത്ത് അടുത്ത നാല് വര്‍ഷം കൊണ്ട് പതിനായിരം കോടി രൂപയുടെയെങ്കിലും നിക്ഷേപം ആകര്‍ഷിച്ച് മികച്ച തൊഴിലവസരങ്ങള്‍ സൃഷ്ടിക്കുന്നതിനായി മികച്ച പശ്ചാത്തല സൗകര്യവും ആകര്‍ഷക നിക്ഷേപാന്തരീക്ഷവും സൃഷ്ടിക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ;

മീറ്റ് ദ ഇന്‍വെസ്റ്റേഴ്സ് പരിപാടിക്ക് മികച്ച പ്രതികരണം ഉളവാക്കാനായിട്ടുണ്ടോ; എങ്കില്‍ ഇത്തരത്തില്‍ ലഭിക്കുന്ന നിക്ഷേപ വാഗ്ദാനത്തിന്റെ തുടര്‍ നടപടികള്‍ കാലവിളംബം കൂടാതെ ആരംഭിച്ചിട്ടുണ്ടോ;

വ്യവസായ വകുപ്പിന് കീഴിലുള്ള വിവിധ പദ്ധതികള്‍ നടപ്പിലാക്കുന്നതില്‍ കാലതാമസം ഒഴിവാക്കുന്നതിനും പദ്ധതിയുടെ പുരോഗതി നിരന്തരം നിരീക്ഷിച്ചുകൊണ്ട് പദ്ധതി നിര്‍വ്വഹണത്തിന്റെ കാര്യക്ഷമത വര്‍ദ്ധിപ്പിക്കുന്നതിനും സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കാമോ?

സംസ്ഥാനത്ത് നാലു ലക്ഷത്തോളം പേര്‍ക്ക് തൊഴില്‍ നല്‍കാവുന്ന തരത്തില്‍ ഒരു വര്‍ഷത്തിനുള്ളില്‍ ഒരു ലക്ഷം സംരംഭങ്ങൾ ആരംഭിക്കുന്നതിനുള്ള പദ്ധതി പ്രാവര്‍ത്തികമാക്കിയിട്ടുണ്ടോ; വിശദമാക്കാമോ;

നിക്ഷേപകരെ കണ്ടെത്താനും അവര്‍ക്കുവേണ്ട സഹായങ്ങള്‍ ലഭ്യമാക്കുന്നതിനും സ്വീകരിച്ചിട്ടുള്ള നടപടികള്‍ അറിയിക്കാമോ; ഇതിനായി വ്യക്തമായ കര്‍മ്മ പദ്ധതിയും മികച്ച നിര്‍വ്വഹണ സംവിധാനവും ഒരുക്കിയിട്ടുണ്ടോ; വ്യക്തമാക്കാമോ;

താല്പര്യമുള്ള സംരംഭങ്ങള്‍ക്ക് കാലവിളംബം ഇല്ലാതെ അനുമതി ലഭിക്കാനും വ്യവസായം ആരംഭിക്കുന്നതിനും നടത്തിക്കൊണ്ടുപോകുന്നതിനും ആവശ്യമായ സേവനങ്ങള്‍ കൃത്യമായി ലഭിക്കുന്നതിനും ആയത് സംബന്ധിച്ച് പരാതി ഉയരുകയാണെങ്കില്‍ അത് പരിഹരിക്കുന്നതിനും സംവിധാനം ഏര്‍പ്പെടുത്തിയിട്ടുണ്ടോ; വിശദാംശം ലഭ്യമാക്കാമോ?

കേന്ദ്രസര്‍ക്കാര്‍ നയത്തിന്റെ ഫലമായി രാജ്യത്തെ ഇതര ഭാഗങ്ങളിലെല്ലാം ഊര്‍ജ്ജ പ്രതിസന്ധി നേരിട്ടപ്പോള്‍ സംസ്ഥാനത്ത് ഊര്‍ജ്ജ പ്രതിസന്ധി ഉണ്ടാകാതിരിക്കാനായി അധിക സാമ്പത്തിക ബാധ്യത ഏറ്റെടുത്ത് വൈദ്യുതി വകുപ്പ്‌ നടത്തിയ പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ;

ആവശ്യമുള്ള വൈദ്യുതിയുടെ 41 ശതമാനത്തിനടുത്ത് മാത്രമെ സംസ്ഥാനത്ത് ഉല്പാദനം നടക്കുന്നുള്ളൂ എന്നതിനാൽ ഊര്‍ജ്ജോല്പാദന ശേഷി വർദ്ധിപ്പിക്കുന്നതിനായി സമയബന്ധിതമായ പ്രവര്‍ത്തനങ്ങള്‍ നടത്തുന്നുണ്ടോ;

ഈ സര്‍ക്കാര്‍ അധികാരത്തിലെത്തിയതിന് ശേഷം കൈവരിക്കാനായ ഊര്‍ജ്ജോല്പാദന വര്‍ദ്ധനവ് എത്രയാണ്; ഏതെല്ലാം പദ്ധതികളാണ് പൂര്‍ത്തിയാക്കിയത്; പ്രവൃത്തി നടന്നുകൊണ്ടിരിക്കുന്ന പദ്ധതികള്‍ സത്വരമായി പൂര്‍ത്തീകരിക്കാന്‍ നടപടിയെടുത്തിട്ടുണ്ടോ എന്ന് വ്യക്തമാക്കുമോ?

കേരള ബാങ്കിന് സഹകരണ മേഖലയിലെ പ്രവർത്തന മികവിന് ദേശീയ അവാർഡ് നേടാൻ കഴിഞ്ഞിട്ടുണ്ടോ; എങ്കില്‍ ഏതെല്ലാം പ്രവർത്തന മികവാണ് അവാ‍ർ‍ഡിനർഹമാക്കിയത് എന്ന് അറിയിക്കാമോ;

സംസ്ഥാനത്തെ ജനങ്ങളുടെ സമ്പാദ്യം പൊതുവികസനത്തിനായി വഴിതിരിച്ചു വിടുന്നതിൽ കേരള ബാങ്കിന് നേട്ടം കൈവരിക്കാനായിട്ടുണ്ടോ; വിശദമാക്കാമോ;

പ്രാഥമിക കാർഷിക സഹകരണ സംഘങ്ങളുടെയും വായ്പാ സംഘങ്ങളുടെയും പ്രവർത്തന സുസ്ഥിരത ഉറപ്പാക്കുന്നതിനും ആധുനികീകരണത്തിനും ദിശാബോധത്തോടെയുള്ള വൈവിധ്യവൽക്കരണത്തിനും നടത്തുന്ന ഇടപെടലുകൾ എന്തെല്ലാമാണെന്ന് അറിയിക്കാമോ?

കോവിഡ് മഹാമാരിയുടെ സാഹചര്യത്തില്‍ ലോണുകള്‍ മുടങ്ങിയതിന്റെ ഫലമായുണ്ടായ ജപ്തി നടപടികളിൽ കൂടുതല്‍ സാവകാശം അനുവദിക്കുന്നതിന് നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

ജപ്തി നടപടികള്‍ ഒഴിവാക്കാനും തിരിച്ചടവിന് പരമാവധി സാവകാശം അനുവദിക്കാനും നടപടി ഉണ്ടാകുമോ;

സഹകരണ മേഖല വഴി പുതിയ സാമ്പത്തിക ഉത്തേജന പാക്കേജ് നടപ്പാക്കാന്‍ നടപടി സ്വീകരിക്കുമോ?