കണ്ണൂര്‍ ജില്ലയില്‍ മൈനര്‍ ഇറിഗേഷന്‍ വകുപ്പിന് കീഴില്‍ 2021-22 സാമ്പത്തിക വര്‍ഷം ഏതെല്ലാം പദ്ധതികള്‍ക്കാണ് ഭരണാനുമതി നല്‍കിയിട്ടുള്ളത് എന്ന് വ്യക്തമാക്കാമോ;

2021-22 സാമ്പത്തിക വര്‍ഷം മൈനര്‍ ഇറിഗേഷന്‍ വകുപ്പിന് എത്ര കോടി രൂപയാണ് പദ്ധതികള്‍ക്കായി നീക്കി വെച്ചിട്ടുള്ളത് എന്ന് വിശദമാക്കാമോ?

കോവളം- ബേക്കല്‍ ജലപാത വികസനത്തിന്റെ പുരോഗതി വ്യക്തമാക്കാമോ;

പ്രസ്തുത പദ്ധതി നിലവില്‍ വരുമ്പോള്‍ എത്ര കുടുംബങ്ങളെ കുടിയൊഴിപ്പിക്കേണ്ടിവരുമെന്നും അവരുടെ പുനരധിവാസം ഏതുരീതിയില്‍ നടത്തുമെന്നും വ്യക്തമാക്കാമോ;

പ്രസ്തുത ജലപാതയില്‍ ഗതാഗതം നടത്താന്‍ കഴിയുന്നത് എവിടെ മുതല്‍ എവിടെ വരെയാണെന്ന് വ്യക്തമാക്കാമോ; ഒന്നാംഘട്ടത്തില്‍ എത്ര കിലോമീറ്റര്‍ പൂര്‍ത്തിയാക്കി; അടുത്ത ഘട്ടത്തില്‍ എത്ര ദൂരം പൂര്‍ത്തിയാക്കുമെന്ന് അറിയിക്കാമോ?

വള്ളിക്കുന്ന് മണ്ഡലത്തിലെ കടക്കാട്ടുപാറ ആലുംകടവ് റെഗുലേറ്റര്‍ പദ്ധതിയുടെ രൂപകല്‍പ്പന പൂര്‍ത്തിയായിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

ഐ.ഡി.ആര്‍.ബി. രൂപകല്‍പ്പന പൂര്‍ത്തിയാക്കുന്ന മുറയ്ക്ക് ഡി.പി.ആര്‍. കിഫ്ബിക്ക് സമര്‍പ്പിക്കുന്നതിനുള്ള നടപടി ക്രമങ്ങള്‍ എന്തെല്ലാമെന്ന് വ്യക്തമാക്കാമോ;

കിഫ്ബിയില്‍ നിന്നും സാമ്പത്തിക അനുമതി ലഭിച്ചാല്‍ പദ്ധതി നിര്‍വ്വഹണം പൂര്‍ത്തീകരിക്കുന്നതിനുള്ള നടപടികള്‍ എന്തെല്ലാമാണെന്ന് അറിയിക്കാമോ;

പ്രസ്തുത പദ്ധതി നിര്‍മ്മാണം ഏത് ഏജന്‍സി/ വകുപ്പ് മുഖേനയാണ് നടപ്പാക്കുവാന്‍ ഉദ്ദേശിക്കുന്നതെന്ന് അറിയിക്കാമോ?

കൊടുങ്ങല്ലൂര്‍ മണ്ഡലത്തില്‍ ജലജീവന്‍ മിഷന്‍ പദ്ധതിയില്‍ ഉള്‍പ്പെടുത്തി നടപ്പിലാക്കിയതും നടപ്പിലാക്കുന്നതുമായ പ്രവൃത്തികള്‍ ഏതൊക്കെയാണെന്ന് പഞ്ചായത്ത് തിരിച്ച് അറിയിക്കാമോ?

കൊടുങ്ങല്ലൂര്‍ മണ്ഡലത്തില്‍ കഴിഞ്ഞ അ‍ഞ്ച് വര്‍ഷത്തിനുള്ളില്‍ മൈനര്‍ ഇറിഗേഷന്‍ വകുപ്പിന് കീഴില്‍ അനുമതി ലഭിച്ച പ്രവൃത്തികള്‍ ഏതെല്ലാമാണെന്നും അവയ്ക്ക് അനുവദിച്ച തുക എത്രയെന്നും പഞ്ചായത്ത് തിരിച്ച് അറിയിക്കാമോ?

ജലവിഭവ വകുപ്പിന്റെ കീഴിൽ കാഞ്ഞങ്ങാട് മണ്ഡലത്തിൽ നടന്നുവരുന്ന വിവിധ പദ്ധതികൾ ഏതെല്ലാമാണെന്ന് പഞ്ചായത്ത്/നഗരസഭ തിരിച്ച് വിശദമാക്കാമോ ;

ഓരോ പദ്ധതിക്കും എസ്റ്റിമേറ്റ് തുക എത്രയെന്നും ഗുണഭോക്താക്കൾ എത്രയാണെന്നും വ്യക്തമാക്കാമോ;

ഓരോ പദ്ധതിയുടെയും പ്രവർത്തന പുരോഗതി അറിയിക്കാമോ ?

ജലജീവന്‍ മിഷന്‍ വഴി പൂര്‍ത്തീകരിക്കുന്ന പദ്ധതികളുടെ തുടര്‍ നടത്തിപ്പ് എങ്ങനെ നടത്താനാണുദ്ദേശിക്കുന്നതെന്ന് വിശദമാക്കുമോ;

സാങ്കേതിക പരിജ്ഞാനം കുറവായ തദ്ദേശഭരണ സ്ഥാപനങ്ങളെ നടത്തിപ്പ് ചുമതല ഏല്‍പ്പിക്കുന്ന കാര്യം പരിഗണനയിലുണ്ടോ; വ്യക്തമാക്കുമോ?

ചാത്തന്നൂർ മണ്ഡലത്തിൽ മേജർ ഇറിഗേഷൻ വകുപ്പിന്റെ ചുമതലയിൽ നടത്തിവരുന്ന പ്രവൃത്തികൾ എന്തെല്ലാമെന്ന് വ്യക്തമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ?

പെരിയാര്‍ വാലി പദ്ധതിക്കുള്ള 2021-22 -ലെ ബഡ്ജറ്റ് വിഹിതം അറിയിക്കാമോ;

ഈ സാമ്പത്തിക വര്‍ഷം ഏതെല്ലാം പ്രവൃത്തികള്‍ക്കാണ് തുക അനുവദിച്ചിട്ടുള്ളതെന്ന് വ്യക്തമാക്കാമോ;

ആക്ഷന്‍ പ്ലാന്‍ ഫേസ് ഒന്നും രണ്ടും പ്രകാരം അംഗീകാരം കിട്ടിയ പ്രവൃത്തികളുടെ നിലവിലെ സ്ഥിതി അറിയിക്കാമോ;

കനാല്‍ ബണ്ട് റോഡുകളുടെ സംരക്ഷണത്തിനായി തുക വകയിരുത്തിയിട്ടുണ്ടോ; വിശദാംശം ലഭ്യമാക്കുമോ?

മൈനർ ഇറിഗേഷൻ പദ്ധതിയില്‍ ഉൾപ്പെടുത്തി കുന്നമംഗലം നിയോജക മണ്ഡലത്തിൽ എന്തെല്ലാം പ്രവൃത്തികൾക്കാണ് നിലവിൽ ഭരണാനുമതിയുള്ളതെന്ന് വ്യക്തമാക്കാമോ ;

ഇവയിൽ ഓരോന്നിന്റെയും നിലവിലെ സ്ഥിതി വിശദമാക്കാമോ?

നാദാപുരം മണ്ഡലത്തിലെ കുറ്റ്യാടി ഇറിഗേഷൻ പ്രോജക്ടിന്റെ കീഴിലുള്ള തൂണേരി-വേറ്റുമ്മൽ ടെയില്‍ എന്‍ഡ് പദ്ധതിയുടെ നിലവിലെ സ്ഥിതി വിശദമാക്കാമോ;

പദ്ധതി പൂർത്തീകരണത്തിന് വേണ്ടി എം.എൽ.എ. നൽകിയ കത്തിന്മേൽ നാളിതുവരെ എന്തൊക്കെ നടപടികൾ സ്വീകരിച്ചിട്ടുണ്ടെന്ന് വിശദീകരിക്കാമോ;

പ്രസ്തുത പദ്ധതി കായപ്പനച്ചി വരെ നീട്ടാൻ നാളിതുവരെ സ്വീകരിച്ച നടപടികള്‍ വിശദമാക്കാമോ ?

മണ്ണാര്‍ക്കാട് മണ്ഡലത്തില്‍ ജലജീവന്‍ മിഷന്‍ പദ്ധതിയില്‍ ഉള്‍പ്പെടുത്തി പ്രവൃത്തി നടന്നുവരുന്ന പഞ്ചായത്തുകളുടെ വിശദാംശം ലഭ്യമാക്കാമോ; പ്രസ്തുത പഞ്ചായത്തുകളില്‍ എത്ര ഉപഭോക്താക്കള്‍ക്ക് കുടിവെള്ള കണക്ഷന്‍ നല്‍കുവാനാണ് ലക്ഷ്യമിടുന്നതെന്ന് വ്യക്തമാക്കുമോ?

കാസര്‍ഗോഡ് ജില്ലയിലെ മൂന്നാം കടവ് ജലസേചന പദ്ധതി ആദ്യം വിഭാവനം ചെയ്ത വലിയ ഡാമില്‍ നിന്നും വ്യത്യസ്തമായി ഉയരം കുറച്ച് നടപ്പിലാക്കാന്‍ സാധിക്കുമെന്നത് വകുപ്പ് പഠനവിധേയമാക്കിയിട്ടുണ്ടോ; വിശദാംശങ്ങള്‍ അറിയിക്കാമോ;

പ്രസ്തുത പദ്ധതിക്ക് വേണ്ടി വെള്ളം സംഭരിച്ച് വെയ്ക്കാന്‍ ഏറ്റവും ചെലവ് കുറഞ്ഞ രീതിയില്‍ അനുയോജ്യമായ ഉയരം കുറഞ്ഞ തടയണ നിര്‍മ്മിക്കുന്നത് പരിഗണിക്കുമോ; വിശദാംശങ്ങള്‍ അറിയിക്കാമോ?

പ്രളയം മൂലവും സ്വാഭാവിക കാരണങ്ങളാലും സംസ്ഥാനത്തെ അണക്കെട്ടുകളിലും പുഴകളിലും വന്‍തോതില്‍ അടിഞ്ഞുകൂടിയിട്ടുള്ള മണലും എക്കലും നീക്കം ചെയ്യുന്നതിന് പദ്ധതിയുണ്ടോ; ഇത് സംബന്ധിച്ച് പഠനം നടത്തിയിട്ടുണ്ടോ; വിശദീകരിക്കാമോ;

ഡാമുകളില്‍ അടിഞ്ഞുകൂടിയ മണലും എക്കലും വേര്‍ത്തിരിച്ചെടുക്കുന്നതിന് നിലവിലെ സാങ്കേതികവിദ്യകള്‍ പര്യാപ്തമാണോ; വിശദമാക്കാമോ;

പുഴകളിലേയും ഡാമുകളിലേയും മണല്‍ ശേഖരിച്ച് വില്‍പ്പന നടത്തി സര്‍ക്കാരിന്റെ നികുതിയിതര വരുമാനം വര്‍ദ്ധിപ്പിക്കുന്നതിന് നടപടി സ്വീകരിക്കുമോ; ഇതിനായി വിവര ശേഖരണം നടത്തിയിട്ടുണ്ടോ;

പുഴകളിലും അഴിമുഖങ്ങളിലും അടിഞ്ഞുകൂടുന്ന മണലും എക്കലും മൂലം ജല നിര്‍ഗമനം തടസ്സപ്പെടുന്നത് ഒഴിവാക്കി പുഴകളുടെ സ്വഭാവിക നീരരൊഴുക്ക് പുന:സ്ഥാപ്പിക്കാന്‍ സ്വീകരിച്ച നടപടികള്‍ എന്തെല്ലാം; വിശദമാക്കാമോ?

മുന്‍ സര്‍ക്കാരിന്റെ കാലഘട്ടത്തില്‍ ചങ്ങനാശ്ശേരി മണ്ഡലത്തില്‍ മേജര്‍ ഇറിഗേഷന്‍ വകുപ്പ് മുഖാന്തരം എന്തെല്ലാം പ്രവൃത്തികളാണ് നട‌പ്പിലാക്കിയിട്ടുള്ളതെന്ന് വ്യക്തമാക്കുമോ; വിശദാംശം നല്‍കുമോ;

പ്രസ്തുത മണ്ഡലത്തിലെ ഓരോ പ്രവൃത്തിക്കും അനുവദിച്ച തുക എത്രയെന്നും അവയുടെ നിലവിലെ സ്ഥിതി എന്താണെന്നും വ്യക്തമാക്കുമോ; വിശദാംശം ലഭ്യമാക്കുമോ?

കൽപ്പറ്റ മണ്ഡലത്തിൽ നിലവില്‍ പുരോഗമിക്കുന്ന മേജര്‍ - മൈനര്‍ ഇറിഗേഷന്‍ പദ്ധതികൾ ഏതൊക്കെയാണെന്ന് വ്യക്തമാക്കാമോ;

പ്രസ്തുത പദ്ധതികളുടെ പ്രവര്‍ത്തന പുരോഗതി അറിയിക്കാമോ;

പ്രസ്തുത പദ്ധതികള്‍ സമയബന്ധിതമായി പൂര്‍ത്തീകരിക്കാന്‍ എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കാമോ ?

തിരൂര്‍പുഴ മാലിന്യം നിറഞ്ഞും വശങ്ങൾ ഇടിഞ്ഞും വലിയ ഭീഷണി നേരിടുന്ന നിലവിലെ സാഹചര്യം ശ്രദ്ധയില്‍പ്പെട്ടിട്ടുണ്ടോ;

തിരൂര്‍പുഴ ശുദ്ധീകരിച്ച് വശങ്ങൾ കെട്ടി സംരക്ഷിക്കുന്നതിന് അടിയന്തര നടപടി സ്വീകരിക്കുമോ?

കുട്ടനാട്ടില്‍ നീരൊഴുക്ക് തടഞ്ഞും ബോട്ടുകള്‍ക്കും വള്ളങ്ങള്‍ക്കും സഞ്ചരിക്കാന്‍ കഴിയാതെയും കൃഷിക്ക് തടസ്സമായും പോള നിറയുന്നത് തടയാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

പോള വാരലിന് കുട്ടനാട്ടില്‍ നടപ്പാക്കുന്ന പദ്ധതികള്‍ വിശദമാക്കുമോ;

പോള പൂര്‍ണ്ണമായും നീക്കം ചെയ്യുന്നതിന് കൂടുതല്‍ തുക അനുവദിക്കുമോ; എങ്കില്‍ വിശദാംശം ലഭ്യമാക്കുമോ?

കണ്ണൂർ , രാമന്തളി പഞ്ചായത്തിലെ പാലക്കോട് അഴിമുഖത്ത് നിന്നും മണൽ ഡ്രെഡ്ജ് ചെയ്യുന്നതിന് ഏതെങ്കിലും കമ്പനിയെ ചുമതലപ്പെടുത്തിയിട്ടുണ്ടോ; പ്രസ്തുത കമ്പനിയുമായി ഉണ്ടാക്കിയ കരാറിന്റെ വിശദാംശങ്ങൾ നൽകുമോ;

ഡ്രെഡ്ജ് ചെയ്ത മണൽ ശേഖരിക്കുന്നതിനാണോ കരാർ നൽകിയിട്ടുള്ളത്; മണൽ വില്പനയ്ക്ക് ഈ കരാറിൽ വ്യവസ്ഥ ഉണ്ടോ; അറിയിക്കുമോ;

പ്രസ്തുത സ്ഥലത്ത് നിന്നും ഡ്രെഡ്ജ് ചെയ്ത മണൽ വിൽപ്പന നടത്തുന്ന കാര്യം ശ്രദ്ധയിൽപ്പെട്ടിട്ടുണ്ടോ; കരാർ വ്യവസ്ഥയ്ക്ക് വിപരീതമായി മണൽ കടത്തിക്കൊണ്ടുപോകുന്നത് തടയുന്നതിനും കരാറുകാരനെ ശിക്ഷിക്കുന്നതിനും നടപടി സ്വീകരിക്കുമോ; വ്യക്തമാക്കുമോ?

ഇരിക്കൂര്‍ നിയോജകമണ്ഡലത്തില്‍ ചെങ്ങളായി പഞ്ചായത്തില്‍ പരിപ്പായി ചുണ്ടച്ചാല്‍ കടവില്‍ കാലവര്‍ഷത്തെ തുടര്‍ന്ന് പുഴഭിത്തിയിടിഞ്ഞ് സമീപ റോഡ്‌ അപകടാവസ്ഥയിലായത് ശ്രദ്ധയില്‍പ്പെട്ടിട്ടുണ്ടോ;

പുഴഭിത്തി സംരക്ഷണത്തിന് എസ്റ്റിമേറ്റ് തയ്യാറാക്കിയിട്ടുണ്ടോ; പുഴയോട് ചേര്‍ന്നുള്ള റോഡും അപകടാവസ്ഥയിൽ ആയതിനാൽ പ്രസ്തുത പ്രവൃത്തി കൂടി ചെയ്യുന്നതിന് എസ്റ്റിമേറ്റ് തയ്യാറാക്കിയിട്ടുണ്ടോ; ഇല്ലെങ്കിൽ ആയതിനുള്ള നടപടി സ്വീകരിക്കുമോ;

പ്രസ്തുത പ്രവൃത്തി ചെയ്യുന്നതിനുള്ള എന്തെല്ലാം നടപടികളാണ് ഇതുവരെ സ്വീകരിച്ചിരിക്കുന്നത് എന്ന് വ്യക്തമാക്കാമോ?

പഴശ്ശി കനാല്‍ പദ്ധതി നവീകരണം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പദ്ധതി പ്രദേശത്തെ സര്‍ക്കാര്‍ ഭൂമി സ്വകാര്യ വ്യക്തികള്‍ കൈയ്യേറിയതായി ശ്രദ്ധയില്‍പ്പെട്ടിട്ടുണ്ടോ;

പദ്ധതി പ്രദേശത്തെ ഈ ഭൂമി സര്‍ക്കാരിന്റെ ആവശ്യത്തിന് വേണ്ടി ഉപയോഗിക്കുന്നുണ്ടോ;

ഇല്ലെങ്കില്‍ സര്‍ക്കാര്‍ ഭൂമിയില്‍ എന്തെങ്കിലും വികസന പദ്ധതികള്‍ നടപ്പിലാക്കുമോ എന്ന് അറിയിക്കുമോ?

തിരൂര്‍ മണ്ഡലത്തിലെ വെട്ടം ഗ്രാമപഞ്ചായത്തില്‍ പടിയത്ത്പറമ്പ്-ആശാന്‍പടിയെ ബന്ധിപ്പിക്കുന്ന കനോലി കനാലിലെ വൈശ്യം നടപ്പാലം ജീര്‍ണിച്ച് അപകടാവസ്ഥയിലാണെന്നത് ശ്രദ്ധയില്‍പ്പെട്ടിട്ടുണ്ടോ;

അപകടാവസ്ഥയിലുളള പ്രസ്തുത നടപ്പാലം നിര്‍മ്മിക്കുന്നതിന് അടിയന്തര നടപടി സ്വീകരിക്കുമോ?

മണലൂർ മണ്ഡലത്തിലെ വാടാനപ്പള്ളി പഞ്ചായത്തിലെ ഓർക്കായൽ തോട്, പള്ളിയറ തോട് എന്നിവ വശങ്ങൾ കെട്ടി സംരക്ഷിക്കാൻ എന്തെങ്കിലും നടപടി സ്വീകരിച്ചിട്ടുണ്ടോ;

ഉണ്ടെങ്കിൽ ആയതിന്റെ വിശദാംശം നൽകാമോ;

ഇല്ലെങ്കിൽ പ്രസ്തുത പ്രവൃത്തികൾക്കാവശ്യമായ നടപടി സ്വീകരിക്കുമോ എന്നറിയിക്കാമോ?

കോഴിക്കോട് കോര്‍പ്പറേഷനിലെ വെളളക്കെട്ട് ഒഴിവാക്കാനായി കനോലി കനാലിന്റെ ആഴം കൂട്ടുന്ന പദ്ധതിയുടെ നിലവിലെ അവസ്ഥ വിശദീകരിക്കാമോ;

പൂനൂര്‍ പുഴയില്‍ നിന്നും വേങ്ങേരി, ചേവായൂര്‍, കക്കോടി, ചെലവൂര്‍ വില്ലേജുകളില്‍പ്പെട്ട പ്രദേശങ്ങളില്‍ വെളളം കയറുന്നത് ഒഴിവാക്കുവാന്‍ നടപടി സ്വീകരിക്കുമോ;

പൂനൂര്‍ പുഴയുടെ ഭിത്തികള്‍ ഇടിഞ്ഞ് ആഴം കുറഞ്ഞത് സംബന്ധിച്ച് സി.ഡബ്ളിയു.ആര്‍.ഡി.എം മുഖാന്തരം പഠനം നടത്തിയിട്ടുണ്ടോ എന്ന് അറിയിക്കാമോ?

നെന്മാറ മണ്ഡലത്തിലെ മെയിന്‍ കനാലുകളുടെയും കാഡാ കനാലുകളുടെയും നവീകരണത്തിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ;

നിലവില്‍ ഇത്തരം പ്രവര്‍ത്തനങ്ങള്‍ക്കായി തുക അനുവദിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

തിരൂങ്ങാടി മണ്ഡലത്തിലെ കൂണ്ടൂർ തോട് നവീകരണത്തിന് കിഫ്ബിയുടെ അനുമതി ലഭ്യമായിട്ടുണ്ടോയെന്ന് അറിയിക്കാമോ;

പ്രസ്തുത പ്രവൃത്തി ​ഏത് വർഷത്തെ ബജറ്റിലാണ് പ്രഖ്യാപിച്ചതെന്ന് അറിയിക്കാമോ; ഈ പ്രവൃത്തി വൈകുന്നതിനുള്ള കാരണങ്ങൾ വിശദമാക്കാമോ?

നെയ്യാര്‍ ഡാം, മലമ്പുഴ ഡാം എന്നിവിടങ്ങളിലെ ഗാര്‍ഡന്റെയും മറ്റ് അനുബന്ധ സൗകര്യങ്ങളുടെയും മേല്‍നോട്ട ചുമതല ആര്‍ക്കാണെന്ന് അറിയിക്കാമോ;

പ്രസ്തുത സ്ഥലങ്ങളിലെ ടൂറിസം വികസനത്തിന് ടൂറിസം വകുപ്പ് നേരിട്ട് വികസന-നിര്‍മ്മാണ പ്രവര്‍ത്തനങ്ങള്‍ നടപ്പിലാക്കുന്നതിന് എന്തെങ്കിലും നിയമ‌പരമായ തടസ്സമുണ്ടോ; ഉണ്ടെങ്കില്‍ ആയതിന്റെ വിശദാംശങ്ങളും ഉത്തരവിന്റെ പകര്‍പ്പും ലഭ്യമാക്കാമോ?

സംസ്ഥാനത്ത് തുടര്‍ച്ചയായുണ്ടാകുന്ന കനത്തമഴയും അതിനെ തുടര്‍ന്നുണ്ടാകുന്ന പ്രളയത്തിന്റെയും മറ്റ് പ്രകൃതി ദുരന്തങ്ങളുടെയും സാഹചര്യത്തില്‍ സംസ്ഥാനത്തെ ഡാമുകളുടെ സുരക്ഷ ഉറപ്പാക്കുന്നതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ;

ഡാം സേഫ്റ്റി അതോറിറ്റി പ്രളയാനന്തരം ഡാമുകളുടെ സുരക്ഷ സംബന്ധിച്ച എന്തെങ്കിലും പരിശോധനകളോ പഠനങ്ങളോ നടത്തിയിട്ടുണ്ടോ; ഉണ്ടെങ്കില്‍ ആയതിന്റെ റിപ്പോര്‍ട്ട് സര്‍ക്കാരിന് സമര്‍പ്പിച്ചിട്ടുണ്ടോ; വിശദമാക്കാമോ;

നിലവില്‍ സംഭരണ ശേഷിക്കനുസരിച്ചാണോ ഡാമുകളില്‍ ജലസംഭരണം നടത്തിയിട്ടുളളതെന്ന് വ്യക്തമാക്കുമോ;

പരമാവധി സംഭരണവും ക്രമാതീതമായ നീരൊഴുക്കുമൂലവും ഉണ്ടാകാനിടയുളള ഗുരുതരാവസ്ഥ കണക്കിലെടുത്ത് കൃത്യമായ മോണിറ്ററിങ്ങ് ഏര്‍പ്പെടുത്തിയിട്ടുണ്ടോ; വിശദമാക്കാമോ?

വള്ളിക്കുന്ന് മണ്ഡലത്തില്‍ നടപ്പ് സാമ്പത്തിക വര്‍ഷത്തെ ബജറ്റില്‍ തുക വകയിരുത്തിയ പുല്ലിപുഴയിലെ സാള്‍ട്ട് എക്സ്ക്ലൂഷന്‍ ചെക്ക്‌ ഡാം നിര്‍മ്മാണത്തിന് ഭരണാനുമതി നല്‍കിയിട്ടുണ്ടോ;

ഇല്ലെങ്കില്‍ പ്രസ്തുത പ്രവൃത്തിയുടെ ഭരണാനുമതിയുമായി ബന്ധപ്പെട്ട് വകുപ്പ് തലത്തില്‍ സ്വീകരിച്ച് വരുന്ന പ്രവര്‍ത്തനങ്ങളുടെ വിശദാംശങ്ങള്‍ ലഭ്യമാക്കാമോ;

പ്രസ്തുത പദ്ധതിയുടെ രൂപകല്‍പ്പന, ഡി.പി.ആര്‍ തയ്യാറാക്കല്‍, ഭരണാനുമതി, സാങ്കേതികാനുമതി, നിര്‍മ്മാണം എന്നീ ഘട്ടങ്ങളെ കുറിച്ച് ഭാവിയില്‍ സ്വീകരിക്കുന്ന നടപടികള്‍ എന്തെല്ലാമാണെന്ന് വിശദമാക്കാമോ;

പദ്ധതിയുടെ ഭരണാനുമതി അടക്കമുള്ള നടപടികള്‍ക്ക് കാലതാമസം നേരിട്ടതിന്റെ കാരണം വ്യക്തമാക്കാമോ?

പൂഞ്ഞാർ മണ്ഡലത്തിലെ എരുമേലി പഞ്ചായത്ത് പന്ത്രണ്ടാം വാർഡിലെ മൂലക്കയം പ്രദേശവും റാന്നി മണ്ഡലത്തിലെ പെരുനാട് പഞ്ചായത്തിലെ എട്ടാം വാർഡിലെ കിസുമം പ്രദേശവും ബന്ധിപ്പിച്ച് പമ്പയാറ്റിൽ ഒരു ചെക്ക് ഡാം കം കോസ്‍വേ നിർമ്മിക്കണമെന്ന പ്രദേശവാസികളുടെ ആവശ്യം ശ്രദ്ധയിൽപ്പെട്ടിട്ടുണ്ടോ;

പ്രസ്തുത പദ്ധതി യാഥാർത്ഥ്യമാക്കുന്നതിനായി എസ്റ്റിമേറ്റ് തയ്യാറാക്കി തുടർ നടപടികൾ സ്വീകരിക്കുമോയെന്ന് വ്യക്തമാക്കുമോ?

മലപ്പുറം ജില്ലയിലെ ചുങ്കത്തറ പഞ്ചായത്തില്‍ പുന്നപ്പുഴയ്ക്ക് കുറുകെ ആറംപുളിക്കല്‍ കടവില്‍ ജലവിഭവ വകുപ്പ് നിര്‍മ്മിച്ച ചെക്ക് ഡാം കം ബ്രിഡ്ജിന്റെ അപ്രോച്ച് റോഡ് 2019-ലെ പ്രളയത്തില്‍ തകര്‍ന്ന് പുഴ ഗതിമാറി ഒഴുകുന്നത് ശ്രദ്ധയില്‍പ്പെട്ടിട്ടുണ്ടോ;

പ്രളയത്തില്‍ പുഴ കരകവിഞ്ഞ് ഗതിമാറി ഒഴുകിയത് കാരണം, പുന്നപ്പുഴയ്ക്ക് കുറുകെയുള്ള പ്രസ്തുത പാലത്തിന്റെ പ്രയോജനം പൊതുജനങ്ങള്‍ക്കോ കര്‍ഷകര്‍ക്കോ ലഭിക്കുന്നില്ലായെന്നും ഇപ്പോള്‍ പുഴയുടെ ഇരുകരകളെയും ബന്ധിപ്പിക്കാതെ മുക്കാല്‍ ഭാഗത്ത് മാത്രമേ നിലവിലുള്ള ചെക്ക് ഡാം കം ബ്രിഡ്ജ് ഉള്ളൂ എന്നുമുള്ള വിവരം ശ്രദ്ധിക്കുമോ; വിശദമാക്കാമോ;

റൂം ഫോര്‍ റിവര്‍ പദ്ധതി പ്രകാരം പുഴ ഗതിമാറി ഒഴുകുന്ന പ്രദേശം പൂര്‍വ്വ സ്ഥിതിയിലാക്കി സംരക്ഷിക്കുന്നതിനും ആറംപുളിക്കല്‍ ചെക്ക് ഡാം കം ബ്രിഡ്ജിന്റെ അപ്രോച്ച് റോഡ് വരെയുള്ള ഭാഗം നിര്‍മ്മിക്കുന്നതിനും ജലവിഭവ വകുപ്പ് സ്വീകരിച്ച നടപടികള്‍ വ്യക്തമാക്കാമോ;

പ്രസ്തുത പദ്ധതി പ്രകാരം ഇതിനായി എസ്റ്റിമേറ്റ് തയ്യാറാക്കി ഭരണാനുമതിക്കായി സമര്‍പ്പിച്ചിട്ടുണ്ടോ; തുക അടക്കമുള്ള വിശദാംശങ്ങള്‍ ലഭ്യമാക്കാമോ; ഈ ഫയല്‍ ഇപ്പോള്‍ ഏത് കാര്യാലയത്തിന്റെ പരിഗണനയിലാണെന്നും നിലവിലെ സ്ഥിതിയും അറിയിക്കാമോ?

പുഴ സംരക്ഷണഭിത്തി നിര്‍മ്മാണവുമായി ബന്ധപ്പെട്ട് കോട്ടയ്ക്കല്‍ മണ്ഡലത്തില്‍ നിന്നും 2021 വര്‍ഷത്തില്‍ തയ്യാറാക്കിയ എസ്റ്റിമേറ്റുകളില്‍ എത്ര എണ്ണത്തിന് ഭരണാനുമതി നല്കിയിട്ടുണ്ട്; ഏതെല്ലാമെന്ന് വിശദമാക്കാമോ;

ഭരണാനുമതിക്കായി നിലവില്‍ എത്ര പ്രൊപ്പോസലുകള്‍ പെന്‍ഡിങ് ഉണ്ടെന്ന് അറിയിക്കുമോ ; പ്രസ്തുത പ്രവൃത്തികള്‍ക്ക് അടിയന്തരമായി ഭരണാനുമതി ലഭ്യമാക്കുവാന്‍ നടപടി സ്വീകരിക്കുമോ; വിശദാംശം ലഭ്യമാക്കാമോ ?

കൊണ്ടോട്ടി മണ്ഡലത്തിൽ ചാലിയാർ പുഴയുടെ തീരത്ത് സ്ഥിതി ചെയ്യുന്ന വാഴയൂർ, വാഴക്കാട്, ചീ​ക്കോട് പഞ്ചായത്തുകളിൽ പുഴ കരകവിഞ്ഞും വെളളപ്പൊക്കത്തിലും മറ്റും നാശനഷ്ടം സംഭവിച്ച പ്രദേശങ്ങളിൽ പാർശഭിത്തി കെട്ടി സംരക്ഷിക്കുന്നതിന് ഏതെല്ലാം ​പ്രൊപ്പോസലുകള്‍ ലഭിച്ചിട്ടുണ്ട് എന്ന് വിശദമാക്കുമോ.;

ഇവയിൽ ഏതെല്ലാം പദ്ധതികള്‍ക്ക് ഭരണാനുമതി ലഭിച്ചുവെന്നും എത്ര തുക അനുവദിച്ചുവെന്നും വിശദമാക്കാമോ?

തലശ്ശേരി മണ്ഡലത്തിലെ വിവിധ പ്രദേശങ്ങളില്‍ കടല്‍ഭിത്തി നിര്‍മ്മിക്കുന്നത് സംബന്ധിച്ച് ഇറിഗേഷന്‍ വകുപ്പ് തയ്യാറാക്കി സമര്‍പ്പിച്ച ഡി.പി.ആർ.-ല്‍ എന്തൊക്കെ നടപടികളാണ് ഇതുവരെ സ്വീകരിച്ചിട്ടുള്ളതെന്ന് വ്യക്തമാക്കാമോ;

പ്രസ്തുത പ്രവൃത്തിക്ക് ഭരണാനുമതി ലഭ്യമായോ; ഇല്ലെങ്കില്‍ ആയതിന്റെ കാരണം എന്താണെന്നും ആയതിന് ഭരണാനുമതി ലഭ്യമാക്കുന്നതിന് ഇനി എന്തൊക്കെ നടപടിക്രമങ്ങളാണ് ഉള്ളതെന്നും വ്യക്തമാക്കാമോ?

അഴീക്കോട് മണ്ഡലത്തിലെ നീര്‍ക്കടവ് പ്രദേശത്ത് പുലിമുട്ട് നിര്‍മ്മിക്കുന്നതിന്റെ ആവശ്യകതയെക്കുറിച്ച് പഠനം നടത്തിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ;

നീര്‍ക്കടവ് പ്രദേശത്ത് പുലിമുട്ട് നിര്‍മ്മിക്കുന്നതിന് നടപടി സ്വീകരിക്കുമോ?

തൃക്കുന്നപ്പുഴ -ആറാട്ടുപുഴ പഞ്ചായത്തുകളില്‍ ശേഷിക്കുന്ന പ്രദേശങ്ങളിലെ പുലിമുട്ടുകളുടെ നിര്‍മ്മാണത്തിനുളള നടപടികള്‍ സ്വീകരിക്കുമോ;

പ്രസ്തുത പ്രദേശങ്ങളില്‍ എത്ര കിലോമീറ്റര്‍ ദൂരത്താണ് ഇനിയും പുലിമുട്ടുകള്‍ നിര്‍മ്മിക്കാനുള്ളതെന്നും ഇതില്‍ ഏതെല്ലാം ഭാഗത്തെ പുലിമുട്ട് നിര്‍മ്മാണത്തിനുള്ള പുതിയ പ്രൊപ്പോസലുകളാണ് പരിഗണനയിലുള്ളതെന്നും അറിയിക്കാമോ;

പ്രസ്തുത പ്രദേശങ്ങളിലെ പുലിമുട്ട്-കടല്‍ഭിത്തി നിര്‍മ്മാണത്തിനുള്ള ഐ.ഐ.ടി. പഠനറിപ്പോര്‍ട്ട് ലഭ്യമാക്കുന്നതിനാവശ്യമായ നടപടികള്‍ സ്വീകരിച്ചിട്ടുണ്ടോ; ഇല്ലെങ്കില്‍ ഇതിനുള്ള നടപടികള്‍ അടിയന്തിരമായി സ്വീകരിക്കുമോയെന്ന് വ്യക്തമാക്കാമോ?

നിലവിലെ കടൽഭിത്തികളും പുലിമുട്ടുകളും രൂക്ഷമായ കടൽക്ഷോഭത്തെ പ്രതിരോധിക്കുന്നതിന് പര്യാപ്തമല്ലായെന്ന കാര്യം ശ്രദ്ധയിൽപ്പെട്ടിട്ടുണ്ടോ;

പരിസ്ഥിതിക്ക് അനുയോജ്യമായ തരത്തിൽ കടൽഭിത്തികളും പുലിമുട്ടുകളും നിര്‍മ്മിക്കുന്നത് സംബന്ധിച്ച് ശാസ്ത്രീയ പഠനം നടത്തിയിട്ടുണ്ടോ; വിശദാംശങ്ങൾ വ്യക്തമാക്കാമോ?

2021-2022 ലെ ബഡ്ജറ്റില്‍ പ്രഖ്യാപിച്ചതും അഞ്ച് വര്‍ഷം കൊണ്ട് പൂര്‍ത്തീകരിക്കുവാന്‍ കഴിയുന്നതുമായ അയ്യായിരത്തി മുന്നൂറ് കോടി രൂപയുടെ കടലാക്രമണ പ്രതിരോധ പ്രവര്‍ത്തനങ്ങളുടെ ആദ്യഘട്ടമായി കിഫ്ബി ധനസഹായ ത്തോടെ ആയിരത്തി അഞ്ഞൂറ്‍ കോടി രൂപ ചെലവില്‍ നടപ്പിലാക്കാനുദ്ദേശിക്കുന്ന പദ്ധതിയുടെ നിജസ്ഥിതി വിശദമാക്കാമോ;

പരിസ്ഥിതിക്ക് അനുയോജ്യമായ തരത്തില്‍ കടല്‍ഭിത്തിയുടെയും പുലിമുട്ടുകളുടെയും പുതുക്കിയ ഡിസെെനിന് വേണ്ടി എന്‍.സി.സി.ആർ. എന്ന വിദഗ്ദ്ധ സ്ഥാപനം പഠന റിപ്പോര്‍ട്ട് സമര്‍പ്പിച്ചിട്ടുണ്ടോ; ഇല്ലെങ്കില്‍ ഇത് എന്നത്തേയ്ക്ക് സമര്‍പ്പിക്കാന്‍ സാധിക്കുമെന്ന് വ്യക്തമാക്കാമോ;

വെെപ്പിന്‍ മണ്ഡലത്തിലെ കടലാക്രമണം രൂക്ഷമാവുന്ന പ്രദേശങ്ങള്‍ ഏതെല്ലാമെന്ന് വ്യക്തമാക്കാമോ; ഇത് സംബന്ധിച്ച് പഠനം നടത്തിയിട്ടുണ്ടോ;

പ്രസ്തുത സ്ഥലങ്ങളില്‍ എന്നത്തേയ്ക്ക് കടല്‍ഭിത്തിയും പുലിമുട്ടും സ്ഥാപിക്കാന്‍ സാധിക്കുമെന്ന് വ്യക്തമാക്കാമോ;

കടല്‍ഭിത്തിയുടെയും പുലിമുട്ടിന്റെയും നിർമ്മാണം സംബന്ധിച്ച് മേജര്‍ ഇറിഗേഷന്‍ വകുപ്പ് പഠനം നടത്തി സമര്‍പ്പിച്ചിട്ടുള്ളതും ഇറിഗേഷന്‍ ചീഫ് എഞ്ചിനീയറുടെ ഓഫീസില്‍ എസ്റ്റിമേറ്റ് ഉള്ളതുമായ പ്രസ്തുത ഫയലിന്മേല്‍ നടപടി സ്വീകരിക്കുന്നതില്‍ കാലതാമസം നേരിടുന്നതിനുള്ള കാരണം വിശദമാക്കാമോ?

കോഴിക്കോട് നോര്‍ത്ത് മണ്ഡലത്തില്‍ കോയറോഡ് പ്രദേശത്തെ പുലിമുട്ട് നിര്‍മ്മാണ പുരോഗതി വിശദമാക്കുമോ?

കുറ്റ്യാടി ഇറിഗേഷന്‍ പ്രോജക്ടിന്റെ ഭാഗമായ തണ്ണീര്‍പന്തല്‍-അരൂര്‍ റോഡില്‍ സ്ഥിതി ചെയ്യുന്ന പാലത്തിന്റെ അപകടാവസ്ഥ ശ്രദ്ധയില്‍പ്പെട്ടിട്ടുണ്ടോ;

ടി പാലത്തിന്റെ അപകടാവസ്ഥ ഒഴിവാക്കുന്നതിന് സ്വീകരിക്കുന്ന നടപടികള്‍ വിശദമാക്കാമോ;

പാലം പുനഃനിര്‍മ്മിക്കുന്നതിന് പദ്ധതിയുണ്ടോ എന്നറിയിക്കാമോ?

നാദാപുരം മണ്ഡലത്തില്‍ എടച്ചേരി ഗ്രാമപഞ്ചായത്തിലെ കച്ചേരി പാറപ്പുറത്ത്- മലയംകുളം ഫീൽഡ് ചാനൽ നിർമ്മാണ പദ്ധതി സാധ്യമാക്കാൻ നാളിതുവരെ വകുപ്പ് സ്വീകരിച്ച നടപടികള്‍ വിശദമാക്കമോ?

2020-21 ലെ ബജറ്റില്‍ ഉള്‍പ്പെടുത്തിയ കല്ല്യാശ്ശേരി മണ്ഡലത്തിലെ നട്ടിക്കടവ് റഗുലേറ്റര്‍ കം ബ്രിഡ്ജിന്റെ ഇന്‍വെസ്റ്റിഗേഷന്‍ എസ്റ്റിമേറ്റിന് സാമ്പത്തികാനുമതി ലഭിച്ചിട്ടുണ്ടോ; ഇല്ലെങ്കില്‍ ആയത് എത്രയും വേഗം ലഭ്യമാക്കി വിശദമായ എസ്റ്റിമേറ്റ് തയ്യാറാക്കാന്‍ നടപടി സ്വീകരിക്കുമോ?

പേരാമ്പ്ര - കുറ്റ്യാടി മണ്ഡലങ്ങളെ ബന്ധിപ്പിച്ചുകൊണ്ട് കുറ്റ്യാടി പുഴക്ക് കുറുകെ പെരുഞ്ചേരി കടവില്‍ നിര്‍മ്മിക്കുന്ന റഗുലേറ്റര്‍ കം ബ്രിഡ്ജിന്റെ നിര്‍മ്മാണ പുരോഗതി വ്യക്തമാക്കാമോ;

ഇത് എത്ര കോടി രൂപയുടെ പ്രവൃത്തിയാണെന്നും കരാര്‍ എടുത്തിരിക്കുന്നത് ആരാണെന്നും കരാര്‍ കാലാവധി എത്രയാണെന്നും വ്യക്തമാക്കാമോ;

ഇതുവരെ എന്തൊക്കെ പ്രവൃത്തി പൂര്‍ത്തീകരിച്ചു എന്ന വിശദാംശം നല്‍കുമോ;

ഈ പ്രവൃത്തിയുടെ മേല്‍നോട്ട ചുമതല ആര്‍ക്കാണെന്ന് വ്യക്തമാക്കാമോ?

കോഴിക്കോട് ജില്ലയിൽ ജലസേചന വകുപ്പ് മുഖേന മണ്ണിലിടംകടവ് റഗുലേറ്റർ കം ബ്രിഡ്ജ് നിർമ്മിക്കുന്നതിന് പദ്ധതി തയ്യാറാക്കിയിട്ടുണ്ടോ ;

ഈ പ്രവർത്തിക്ക് ഭരണാനുമതി ലഭ്യമാക്കുന്നതിൽ എന്തെങ്കിലും തടസ്സം നിലവിലുണ്ടോ; വിശദമാക്കാമോ ?

ആറ്റിങ്ങൽ മണ്ഡലത്തിലെ കിളിമാനൂർ കേന്ദ്രീകരിച്ച് കേരള വാട്ടർ അതോറിറ്റിയുടെ പുതിയ സെക്ഷൻ ആരംഭിക്കുന്ന കാര്യം പരിഗണനയിലുണ്ടോ; അറിയിക്കാമോ?

ജലസേചന വകുപ്പിലെ ലാസ്റ്റ് ഗ്രേഡ് ജീവനക്കാർക്ക് കുറ്റമറ്റതും കൃത്യമായതുമായ സീനിയോറിറ്റിലിസ്റ്റ് നിലവിലില്ലെന്നത് ശ്രദ്ധയിൽപ്പെട്ടിട്ടുണ്ടോ;

2015-ൽ നിലവിൽ വന്ന സീനിയോറിറ്റി ലിസ്റ്റിൽ വകുപ്പ് മാറിപ്പോയവരും റിട്ടയർ ആയവരും മരണപ്പെട്ടു പോയവരും ഉൾപ്പെട്ടിട്ടുണ്ടെന്ന കാര്യം ശ്രദ്ധയിൽപ്പെട്ടിട്ടുണ്ടോ;

ന്യൂനതകൾ പരിഹരിച്ച് സമയബന്ധിതമായി പുതുക്കിയ സീനിയോറിറ്റി ലിസ്റ്റ് പ്രസിദ്ധീകരിക്കാൻ ആവശ്യമായ നിർദ്ദേശം നൽകുമോ;

ജലസേചന വകുപ്പിൽ 1992 മുതൽ ലാസ്റ്റ് ഗ്രേഡ് ജീവനക്കാർക്ക് റേഷ്യോ പ്രമോഷൻ നൽകിയിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; ഇതു സംബന്ധിച്ച് സർക്കാരിന് പരാതി എന്തെങ്കിലും ലഭിച്ചിട്ടുണ്ടോ;

ഉണ്ടെങ്കിൽ അതിൽ എന്ത് നടപടി സ്വീകരിച്ചുവെന്ന് വ്യക്തമാക്കാമോ?

കാസര്‍ഗോഡ്‌ ജില്ലയില്‍ ഇറിഗേഷൻ മെക്കാനിക്കല്‍ വിഭാഗം ഉദ്യോഗസ്ഥരുടെ ഓഫീസ്‌ നിലവിലുണ്ടോ; ഉണ്ടെങ്കില്‍ എവിടെയാണ്‌ സ്ഥിതി ചെയ്യുന്നത്‌;

പ്രസ്തുത ജില്ലയില്‍ ഇറിഗേഷന്‍ മെക്കാനിക്കല്‍ വിഭാഗം പരിശോധിച്ച് ആവശ്യമുള്ള അറ്റകുറ്റപണികള്‍ നടത്തേണ്ടതായ എത്ര സ്കീമുകള്‍ നിലവിലുണ്ട്‌; നിര്‍മ്മാണം പുരോഗമിക്കുന്നവയുടെയും പുതിയ പ്രൊപ്പോസലുകളുടെയും എണ്ണം തരം തിരിച്ച് നൽകാമോ;

ടി വിഭാഗം ഉദ്യോഗസ്ഥര്‍ വെള്ളപ്പൊക്കം പോലെയുള്ള അടിയന്തിര സാഹചര്യങ്ങളിലും എസ് ഡബ്ളിയു ഇ സി ബി , റെഗുലേറ്ററുകള്‍ തുടങ്ങിയവയിലെ മെക്കാനിക്കല്‍ ഷട്ടറുകളുടെ സമയബന്ധിത അറ്റകുറ്റപ്പണികള്‍ക്കും മറ്റ് ജില്ലകളിലെ ഓഫീസിൽ നിന്ന് വന്ന് ജോലി ചെയ്യുന്നതുമൂലം എന്തെങ്കിലും പ്രായോഗിക ബുദ്ധിമുട്ടുകള്‍ നേരിടുന്നതായി ശ്രദ്ധയില്‍പെട്ടിട്ടുണ്ടോ ;

ഉണ്ടെങ്കില്‍ ഈ പ്രശ്നം പരിഹരിക്കാന്‍ നടപടി സ്വീകരിക്കുമോ?

ആലപ്പുഴ ജില്ലയിൽ ജലവിഭവ വകുപ്പിന് കീഴിൽ എൽ.ഡി. ടൈപ്പിസ്റ്റിന്റെ എത്ര ഒഴിവുകളാണ് നിലവിലുള്ളതെന്ന് വ്യക്തമാക്കുമോ; പ്രസ്തുത തസ്തികയിൽ ദിവസവേതനം, കരാർ അടിസ്ഥാനത്തിൽ ജീവനക്കാരെ നിയമിച്ചിട്ടുണ്ടോ;

ഉണ്ടെങ്കിൽ പ്രസ്തുത ഒഴിവുകൾ പി.എസ്.സി.ക്ക് റിപ്പോർട്ട് ചെയ്യുന്നതിന് അടിയന്തര നടപടി സ്വീകരിക്കുമോ; വിശദാംശം നൽകുമോ?

വേനല്‍ മഴയില്‍ പ്ലാസ്റ്റിക് മാലിന്യവും പാഴ് വസ്തുക്കളും വന്നടിഞ്ഞ് മങ്കട തോട്ടിലെ ജലസേചന ചിറകള്‍ മലിനമാക്കപ്പെടുകയും നീരൊഴുക്ക് തടസ്സപ്പെടുകയും ചെയ്തത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇവ നീക്കം ചെയ്ത് തോട് സംരക്ഷിയ്ക്കുന്നതിന് നടപടി സ്വീകരിക്കുമോ;

മങ്കട മണ്ഡലത്തിലെ തോടുകളും കുളങ്ങളും മാലിന്യമുക്തമാക്കി ജലസേചനം സാധ്യമാക്കുന്നതിന് ആവശ്യമായ നടപടി സ്വീകരിക്കുമോ; എങ്കില്‍ ഏതെല്ലാം കുളങ്ങള്‍ ഇത്തരത്തില്‍ നവീകരിക്കാൻ ഉദ്ദേശിക്കുന്നുവെന്ന് വ്യക്തമാക്കുമോ?

പൂഞ്ഞാർ നിയോജകമണ്ഡലത്തിലെ തീക്കോയി പഞ്ചായത്ത് പതിമൂന്നാം വാർഡിൽ മീനച്ചിൽ ആറിന്റെ കൈവഴികളായ തീക്കോയി ആറും കളത്തൂക്കടവ് ആറും ചേരുന്ന ഭാഗത്ത് ചേരിപ്പാട്‌-മക്കൊള്ളി-രണ്ടാറ്റുമുന്നി എന്ന സ്ഥലത്ത് ഒരു റെഗുലേറ്റർ കം ബ്രിഡ്ജ് നിർമ്മിക്കണമെന്ന ആവശ്യം പരിഗണനയിലുണ്ടോയെന്ന് വ്യക്തമാക്കുമോ;

പ്രസ്തുത പദ്ധതി യാഥാർത്ഥ്യമാക്കുന്നതിനായി എസ്റ്റിമേറ്റ് തയ്യാറാക്കി തുടർനടപടികൾ സ്വീകരിക്കുമോയെന്ന് വ്യക്തമാക്കുമോ?

കുറ്റ്യാടി പ‍ഞ്ചായത്ത് ഓഫീസിനോട് ചേര്‍ന്നുള്ള ജലവിഭവ വകുപ്പിന്റെ സ്ഥലം ദീര്‍ഘകാലമായി ഉപയോഗിക്കാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്ഥലം എത്ര വിസ്തൃതിയിലാണുള്ളതെന്ന് അറിയിക്കാമോ;

പ്രസ്തുത സ്ഥലത്ത് ഗ്രാമ ന്യായാലയത്തിനായി കെട്ടിടമുണ്ടാക്കി കൊടുക്കുവാന്‍ കുറ്റ്യാടി ഗ്രാമപഞ്ചായത്തിന് വിട്ടുനല്‍കുന്നതിനുള്ള അപേക്ഷ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഗണിക്കാന്‍ സാധിക്കുമോ?

പ്രളയത്തിനുശേഷം ജലഗുണനിലവാരവും അതിന്റെ വ്യതിയാനവും പരിശോധിക്കപ്പെട്ടിട്ടുണ്ടോ; ഉണ്ടെങ്കില്‍ ആയതിന്റെ വിശദവിവരം നല്‍കാമോ?

ഭൂജല വകുപ്പിന്റെ കോഴിക്കോട് ജില്ലാ ഓഫീസിലെ ഓഫീസ് അറ്റന്‍ഡന്റ് ആയ മുഹമ്മദ് പി.എ.യുടെ മെഡിക്കല്‍ റീഇമ്പേഴ്സ്മെന്റ് അപേക്ഷയുമായി ബന്ധപ്പെട്ട് ജലവിഭവ വകുപ്പിന്റെ GW1/4/2019/WRD നമ്പര്‍ ഫയലിന്‍ മേല്‍ എന്തെല്ലാം നടപടികള്‍ സ്വീകരിച്ചുവെന്ന് വിശദമാക്കാമോ;

മെഡിക്കല്‍ റീഇമ്പേഴ്സുമെന്റ് തുകയുടെ എണ്‍പത് ശതമാനം ധനകാര്യ വകുപ്പിന്റെ അംഗീകാരത്തോടെ അപേക്ഷകന് അനുവദിച്ച് നല്‍കാന്‍ ഭൂജല വകുപ്പിന് ആരോഗ്യവകുപ്പില്‍ നിന്ന് നിര്‍ദ്ദേശം ലഭിച്ചിട്ടുണ്ടോ;

ഉണ്ടെങ്കില്‍ ഈ തുക മുഹമ്മദ് പി. എ.ക്ക് അനുവദിച്ച് നല്‍കിയിട്ടുണ്ടോ; ഇല്ലെങ്കില്‍ എന്തുകൊണ്ട് എന്ന് വ്യക്തമാക്കാമോ?

ജലജീവന്‍ പദ്ധതിയില്‍ കുന്നംകുളം മണ്ഡലത്തില്‍ ഏതൊക്കെ തദ്ദേശസ്വയംഭരണ സ്ഥാപനങ്ങളെയാണ് ഉള്‍പ്പെടുത്തിയിട്ടുള്ളത്; വ്യക്തമാക്കാമോ;

പ്രസ്തുത പദ്ധതി പ്രവൃത്തിയുടെ പുരോഗതി വിശദമാക്കാമോ?

സംസ്ഥാനത്ത് ജല്‍ജീവന്‍ പദ്ധതി പ്രകാരം ആകെ എത്ര ഗ്രാമീണ കുടുംബങ്ങള്‍ക്ക് പുതിയ പൈപ്പ് കണക്ഷന്‍ നല്‍കേണ്ടിവരുമെന്നാണ് കണക്കാക്കിയിരിക്കുന്നത്; ഈ വര്‍ഷം എത്ര കുടുംബങ്ങള്‍ക്ക് കണക്ഷന്‍ നല്‍കാനുള്ള ലക്ഷ്യം നിറവേറ്റാനാണ് നിശ്ചയിച്ചിരിക്കുന്നത്; വ്യക്തമാക്കാമോ ;

പദ്ധതി നിര്‍വ്വഹണത്തിനായി ഏര്‍പ്പെടുത്തിയിട്ടുള്ള സംവിധാനം വിശദമാക്കാമോ; ജനപ്രതിനിധികള്‍ക്കും പൊതുജനങ്ങള്‍ക്കും പദ്ധതിയുടെ പുരോഗതി മനസ്സിലാക്കാന്‍ കഴിയും വിധം പ്രതിവാര അവലോകനം നടത്തി വിവരം വെബ്‌സൈറ്റിൽ നല്‍കിവരുന്നുണ്ടോ; വിശദമാക്കാമോ?

ജലജീവന്‍ പദ്ധതിയുടെ വിശദാംശം വ്യക്തമാക്കാമോ;

ഈ പദ്ധതി പ്രകാരം ഒരു ഗുണഭോക്താവ് എത്ര തുക ചെലവഴിക്കേണ്ടിവരുമെന്ന് വെളിപ്പെടുത്തുമോ; പ്രതിമാസം ഇവര്‍ ഉപയോഗിക്കുന്ന ജലത്തിന് ചാര്‍ജ്ജ് ഈടാക്കുന്നുണ്ടോ; വിശദമാക്കാമോ;

കേന്ദ്ര സര്‍ക്കാര്‍ ഈ പദ്ധതിയ്ക്കായി നാളിതുവരെ എത്ര തുക സംസ്ഥാനത്തിന് അനുവദിച്ചുവെന്നും ഇത് ചെലവഴിച്ചത് എപ്രകാരമെന്നും ജില്ലാടിസ്ഥാനത്തില്‍ വിശദമാക്കുമോ;

ഈ പദ്ധതി പ്രകാരം നാളിതുവരെ എത്ര കുടിവെള്ള കണക്ഷന്‍ അനുവദിച്ചിട്ടുണ്ട്; ജില്ലതിരിച്ച് വ്യക്തമാക്കാമോ?

കേരള ജല അതോറിറ്റി തിരൂര്‍ മണ്ഡലത്തില്‍ യു.ഡബ്ല്യൂ.എസ്.എസ്. മുഖേന നാല് പാക്കേജുകളായി നടപ്പിലാക്കുന്ന പദ്ധതി ഇപ്പോള്‍ ഏത് ഘട്ടത്തിലാണ്; പ്രസ്തുത പദ്ധതി പൂര്‍ത്തിയാക്കുന്നതിന് കാലതാമസം നേരിടുന്നതിന്റെ കാരണമെന്താണ്; പ്രസ്തുത പദ്ധതി എപ്പോള്‍ പൂര്‍ത്തിയാക്കാനാകുമെന്ന് വ്യക്തമാക്കുമോ;

ജലജീവന്‍ മിഷനില്‍ ഉള്‍പ്പെടുത്തി അതവനാട്, തിരുനാവായ പഞ്ചായത്തുകളിലെ ഗ്രാമീണ ഭവനങ്ങളില്‍ കുടിവെള്ളമെത്തിക്കുന്ന പ്രവൃത്തി ഇപ്പോള്‍ ഏത് ഘട്ടത്തിലാണ്; പ്രസ്തുത പ്രവൃത്തി എപ്പോള്‍ പൂര്‍ത്തിയാക്കാനാകുമെന്ന് അറിയിക്കുമോ;

ജലജീവന്‍ മിഷനില്‍ ഉള്‍പ്പെടുത്തി വളവന്നൂര്‍, കല്‍പകഞ്ചേരി എന്നീ പഞ്ചായത്തുകളില്‍ കുടിവെളള വിതരണ ശൃംഖല ദീര്‍ഘിപ്പിച്ച് എല്ലാ ഗ്രാമീണ ഭവനങ്ങളിലും ഗാര്‍ഹിക കണക്ഷനുകള്‍ നല്‍കി കുടിവെളളം ലഭ്യമാക്കുന്ന പ്രവൃത്തികള്‍ ഇപ്പോള്‍ ഏത് ഘട്ടത്തിലാണ്; പ്രസ്തുത പദ്ധതി എപ്പോള്‍ പൂര്‍ത്തിയാക്കാനാകുമെന്ന് വ്യക്തമാക്കുമോ;

കെ.ആര്‍.ഡബ്ല്യൂ.എസ്.എ. മുഖേന വെട്ടം ഗ്രാമപഞ്ചായത്തില്‍ നടപ്പിലാക്കുന്ന കുടിവെളള പദ്ധതിയുടെ പ്രവൃത്തി ഏത് ഘട്ടത്തിലാണ്; പ്രസ്തുത പദ്ധതി എപ്പോള്‍ പൂര്‍ത്തീകരിക്കാനാകുമെന്ന് അറിയിക്കുമോ;

ജലജീവന്‍ മിഷനില്‍ ഉള്‍പ്പെടുത്തി വെട്ടം, തലക്കാട്, മംഗലം, പുറത്തൂര്‍, തൃപ്പങ്ങോട് എന്നീ പഞ്ചായത്തുകളിലെ എല്ലാ വീടുകളിലും കുടിവെളള കണക്ഷനുകള്‍ നല്‍കുന്നതിനുളള സമഗ്രപദ്ധതിക്ക് അംഗീകാരം ലഭ്യമാക്കുന്ന നടപടി ഏത് ഘട്ടത്തിലാണ്; പ്രസ്തുത പദ്ധതിക്ക് ഉടനെ അംഗീകാരം നല്‍കുന്നതിന് നടപടി സ്വീകരിക്കുമോയെന്ന് അറിയിക്കുമോ?

തലശ്ശേരി മണ്ഡലത്തില്‍ 2020-21വര്‍ഷത്തില്‍ അനുവദിച്ച ന്യൂ മാഹി കുടിവെള്ള പദ്ധതി നടപ്പിലാക്കുന്നതിന് ഇതുവരെ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

ജലജീവന്‍ പദ്ധതിയില്‍ ഉള്‍പ്പെടുത്തി പാറശ്ശാല മണ്ഡലത്തിലെ വിവിധ ഗ്രാമപഞ്ചായത്തുകളിലായി എത്ര ഗാര്‍ഹിക കണക്ഷനുകള്‍ ലഭ്യമാക്കിയിട്ടുണ്ടെന്നും ആയതിലേക്കായി എത്ര തുക ചെലവഴിച്ചിട്ടുണ്ടെന്നുമുള്ള വിവരം പഞ്ചായത്ത് അടിസ്ഥാനത്തില്‍ ലഭ്യമാക്കാമോ;

പാറശ്ശാല മണ്ഡലത്തിലെ ജലജീവന്‍ പദ്ധതിയുടെ പുരോഗതി പഞ്ചായത്ത് അടിസ്ഥാനത്തില്‍ അറിയിക്കാമോ; പദ്ധതി എന്നേക്ക് പൂര്‍ത്തീകരിക്കാനാകുമെന്നുള്ള വിവരം ലഭ്യമാക്കാമോ;

കഴിഞ്ഞ സര്‍ക്കാരിന്റെ കാലത്ത് പാറശ്ശാല മണ്ഡലത്തില്‍ വാട്ടര്‍ അതോറിറ്റി മുഖേന നടപ്പിലാക്കിയിട്ടുള്ളതും അനുമതി ലഭിച്ചിട്ടുള്ളതുമായ പദ്ധതികളുടെ പ്രവര്‍ത്തനപുരോഗതി, ചെലവഴിച്ച തുക, തല്‍സ്ഥിതി ഉള്‍പ്പെടെയുള്ള വിശദാംശങ്ങള്‍ പഞ്ചായത്ത് അടിസ്ഥാനത്തില്‍ ലഭ്യമാക്കുമോ?

ചങ്ങനാശ്ശേരി മണ്ഡലത്തില്‍ ജലജീവന്‍ പദ്ധതിയില്‍ ഉള്‍പ്പെടുത്തി അനുവദിച്ചിട്ടുള്ള ഗാര്‍ഹിക കണക്ഷനുകളുടെ എണ്ണം അറിയിക്കാമോ; വിശദാംശം ലഭ്യമാക്കുമോ?

കേന്ദ്ര സര്‍ക്കാരിന്റെ അമൃത് പദ്ധതിയില്‍ നിന്നുള്ള തുക ഉപയോഗിച്ച് കേരള ജല അതോറിറ്റി എന്തെല്ലാം പദ്ധതികള്‍ നടപ്പിലാക്കിയിട്ടുണ്ടെന്നും ഈ പദ്ധതികളുടെ നിലവിലെ അവസ്ഥയെന്തെന്നും വ്യക്തമാക്കാമോ; സംസ്ഥാനത്ത് എവിടെയെല്ലാമാണ് ഈ പദ്ധതി നടപ്പിലാക്കിയിരിക്കുന്നത്; വിശദാംശം ലഭ്യമാക്കുമോ?

ആലത്തൂർ മണ്ഡലത്തിലെ ജലജീവൻ മിഷൻ പദ്ധതികളുടെ വിശദാംശം വ്യക്തമാക്കാമോ;

പ്രസ്തുത മണ്ഡലത്തിലെ ജലജീവൻ മിഷൻ പദ്ധതികളുടെ നിലവിലെ സ്ഥിതി പഞ്ചായത്ത് തിരിച്ച് വിശദമാക്കാമോ?

കുടിവെള്ള പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് സ്വീകരിച്ചു വരുന്ന നടപടികള്‍ വ്യക്തമാക്കാമോ;

ഇത്തരം പദ്ധതികള്‍ അനന്തമായി നീണ്ടു പോകുന്നതിനാല്‍ അടങ്കല്‍ തുക ക്രമാതീതമായി വര്‍ദ്ധിക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

ജപ്പാന്‍ കുടിവെള്ള പദ്ധതി, എല്‍.ഐ.സി. കുടിവെള്ള പദ്ധതി എന്നീ മാതൃകയില്‍ കൂടുതല്‍ പദ്ധതികള്‍ ആരംഭിക്കാന്‍ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

തിരൂരങ്ങാടി മണ്ഡലത്തിലെ ഡബ്ല്യു.എസ്.എസ്. പദ്ധതിയുടെ ഭാഗമായി പൈപ്പ് ലൈൻ സ്ഥാപിക്കുന്നതിന് പൊതുമരാമത്ത് വകുപ്പിലേയ്ക്ക് വാട്ടർ അതോറിറ്റി അടയ്ക്കേണ്ട റോഡ് പുനരുദ്ധാരണ തുക അടിയന്തരമായി അടയ്ക്കുന്നതിന് ജലവിഭവ വകുപ്പ് മന്ത്രിയുടെ അധ്യക്ഷതയിൽ 10.08.2021-ൽ ചേർന്ന യോഗത്തിൽ തീരുമാനിച്ചിരു​ന്നോ; വ്യക്തമാക്കാമോ;

പ്രസ്തുത തീരുമാനം നടപ്പിലാക്കി​യോ; യോഗ തീരുമാനപ്രകാരം സ്വീകരിച്ച നടപടികൾ വിശദമാക്കാമോ?

പേരാമ്പ്ര മണ്ഡലത്തില്‍ ജലവിഭവ വകുപ്പിന്റെ കീഴില്‍ എത്ര കോടി രൂപയുടെ ഏതൊക്കെ കുടിവെള്ള പദ്ധതികളാണ് നിലവിലുള്ളതെന്ന് വ്യക്തമാക്കാമോ;

ഈ പദ്ധതികളുടെ പുരോഗതി പഞ്ചായത്ത് തിരിച്ച് വ്യക്തമാക്കാമോ;

പദ്ധതികള്‍ എപ്പോള്‍ പൂര്‍ത്തിയാകുമെന്ന് അറിയിക്കാമോ;

പ്രസ്തുത മണ്ഡലത്തില്‍ ആരംഭിക്കുന്ന കുടിവെള്ള ബോട്ടിലിംഗ്‌ പ്ലാന്റിന്റെ വിശദാംശം ലഭ്യമാക്കുമോ?

തിരൂരങ്ങാടി മണ്ഡലത്തിലെ നന്നമ്പ്ര പഞ്ചായത്തിൽ ജലജീവൻ മിഷൻ പദ്ധതിയിൽ ഉൾപ്പെടുത്തി നടപ്പിലാക്കുന്ന കുടിവെളള പദ്ധതിക്ക് അനുമതി നൽകുന്നതുമായി ബന്ധപ്പെട്ട വിശദ വിവരങ്ങൾ ലഭ്യമാക്കാമോ;

ഈ പ്രവൃത്തിയുടെ നിർമ്മാണം എ​​​പ്പോള്‍ ആരംഭിക്കാനാകുമെന്ന് വ്യക്തമാക്കുമോ?

നെന്മാറ മണ്ഡലത്തിലെ എലവ‍ഞ്ചേരി, പല്ലശ്ശന കുടിവെള്ള പദ്ധതികളുടെ പ്രവര്‍ത്തനങ്ങള്‍ ഏത് ഘട്ടംവരെയായി എന്ന് വിശദമാക്കുമോ;

ഈ പദ്ധതികളുമായി ബന്ധപ്പെട്ട് നാളിതുവരെ എന്തെല്ലാം പ്രവര്‍ത്തനങ്ങളാണ് നടത്തിയിട്ടുള്ളതെന്ന് വിശദമാക്കാമോ?

സ്നേഹതീർത്ഥം പദ്ധതിയുടെ ഗുണഭോക്താക്കളെ തെരഞ്ഞെടുക്കുന്നതിന്റെ മാനദണ്ഡങ്ങള്‍ എന്തെല്ലാം; പദ്ധതിയുടെ വിശദാംശങ്ങള്‍ നല്‍കുമോ;

പദ്ധതി പ്രകാരം വാട്ടർ കണക്ഷൻ ലഭിക്കുന്നതിനായി അപേക്ഷയോടൊപ്പം സമര്‍പ്പിക്കേണ്ട രേഖകളുടെ വിശദാംശങ്ങള്‍ നല്‍കുമോ; പ്രസ്തുത പദ്ധതിക്കായി സമര്‍പ്പിക്കേണ്ട അപേക്ഷയുടെ പകര്‍പ്പ് ലഭ്യമാക്കുമോ;

പ്രസ്തുത പദ്ധതിയിലൂടെ എത്ര കണക്ഷനുകള്‍ നല്‍കുന്നതിനാണ് ആലോചിക്കുന്നതെന്ന് വ്യക്തമാക്കാമോ?

ആനക്കയം പഞ്ചായത്തിലെ കുടിവെള്ള പദ്ധതികളുടെ വിശദാംശം നൽകുമോ;

ജലജീവൻ പദ്ധതിയിൽ ഉൾപ്പെടുത്തി പൈപ്പ് ലൈൻ മാറ്റുന്ന നടപടികള്‍ നിലവില്‍ ഏത് ഘട്ടത്തിലാണെന്നും ഇതിനായി അനുവദിച്ച ഫണ്ട് എത്രയെന്നും പൈപ്പ് ലൈൻ മാറ്റി സ്ഥാപിക്കുന്ന ജോലികൾ ത്വരിതപ്പെടുത്തുമോയെന്നും വിശദമാക്കാമോ;

ആനക്കയം പഞ്ചായത്തിലെ ഇരുമ്പുഴി കരുമാഞ്ചേരി കുടിവെള്ള പദ്ധതിക്ക് അംഗീകാരം നൽകിയിട്ടുണ്ടോ; ഇല്ലെങ്കിൽ അതിനാവശ്യമായ ഫണ്ട് അനുവദിക്കുമോ; വ്യക്തമാക്കാമോ?

സംസ്ഥാനത്ത് ജലജീവന്‍ മിഷന്‍ നടപ്പിലാക്കുന്ന കുടിവെള്ള വിതരണ പദ്ധതികളില്‍ തനതു വരുമാനം കുറഞ്ഞ തദ്ദേശ സ്ഥാപനങ്ങള്‍ക്ക് പദ്ധതി വിഹിതം അടക്കാന്‍ സാധിക്കുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ; പ്രസ്തുത വിഹിതം ഒഴിവാക്കുന്നതിന് എന്തൊക്കെ നടപടികളാണ് സ്വീകരിക്കുകയെന്ന് വിശദമാക്കാമോ;

കൂത്തുപറമ്പ് നിയോജക മണ്ഡലത്തില്‍ ജലജീവന്‍ മിഷന്‍ നടപ്പിലാക്കുന്ന കുടിവെള്ള വിതരണ പദ്ധതികളുടെ പുരോഗതി വിശദമാക്കാമോ;

പദ്ധതി വിഹിതം ഒഴിവാക്കുന്നതിനായി പ്രസ്തുത മണ്ഡലത്തിലെ കോട്ടയം ഗ്രാമപഞ്ചായത്ത് നല്‍കിയ നിവേദനത്തില്‍ സ്വീകരിച്ച നടപടികള്‍ വെളിപ്പെടുത്താമോ;

മണ്ഡലത്തിലെ ജലജീവന്‍ മിഷന്‍ പദ്ധതികള്‍ എപ്പോള്‍ പൂര്‍ത്തീകരിക്കുമെന്ന് വിശദമാക്കാമോ?

അമ്പലപ്പുഴ നിയോജകമണ്ഡലത്തില്‍ കഴിഞ്ഞ 5 വര്‍ഷമായി ജലവിഭവ വകുപ്പ് നടപ്പാക്കിയ വിവിധ പദ്ധതികളുടെ വിശദാംശങ്ങളും ഇപ്പോഴത്തെ അവസ്ഥയും വിശദമാക്കാമോ?

എല്ലാവര്‍ക്കും കുടിവെള്ളം ലഭ്യമാക്കുന്നതിനായി സര്‍ക്കാര്‍ നടപ്പിലാക്കി വരുന്ന ജല ജീവന്‍ മിഷന്‍ പദ്ധതിയുടെ വിശദാംശങ്ങള്‍ ലഭ്യമാക്കാമോ;

പ്രസ്തുത പദ്ധതി പ്രകാരം ബാലുശ്ശേരി മണ്ഡലത്തിലെ ഏതെല്ലാം പഞ്ചായത്തുകളാണ് ആദ്യഘട്ടത്തില്‍ പദ്ധതിയുടെ ഗുണഭോക്താക്കളാവുന്നത്; വിശദാംശങ്ങള്‍ അറിയിക്കാമോ;

പ്രസ്തുത മണ്ഡലത്തില്‍ ജല ജീവന്‍ പദ്ധതിയുടെ പ്രവൃത്തികള്‍ ഏത് ഘട്ടത്തിലാണെന്ന് അറിയിക്കാമോ; വീടുകളിലേയ്ക്ക് കണക്ഷന്‍ നല്‍കുന്നതിനുള്ള സര്‍വ്വേ നടപടികള്‍ ആരംഭിച്ചിട്ടുണ്ടോ; ഇല്ലെങ്കില്‍ എപ്പോള്‍ ആരംഭിക്കുമെന്ന് അറിയിക്കാമോ?

കൊണ്ടോട്ടി മണ്ഡലത്തിൽ ചീ​ക്കോട് കുടിവെളള പദ്ധതിയുടെ ഭാഗമായതും ജലജീവൻ മിഷനിൽ ഉൾപ്പെടുത്തി നടപ്പിലാക്കി​​വരുന്നതുമായ പദ്ധതിയുടെ വിശദാംശങ്ങൾ ലഭ്യമാക്കുമോ;

പ്രസ്തുത മണ്ഡലത്തിലെ ഓരോ പഞ്ചായത്തിലും എത്ര രൂപയുടെ പദ്ധതികൾ വിഭാവനം ചെയ്തുവെന്നും പദ്ധതി പ്രവൃത്തികൾ നിലവില്‍ ഏത് ഘട്ടത്തിലാണെന്നുമുളള വിശദാംശങ്ങൾ പഞ്ചായത്ത്/മുനിസിപ്പാലിറ്റി തിരിച്ച് വിശദമാക്കുമോ;

പ്രവൃത്തിയുടെ കരാർ തുകയുമായി ബന്ധപ്പെട്ട് പൈപ്പിന്റെ വില നിശ്ചയിക്കാത്തത് കാരണം ടെണ്ടർ നടപടി പൂർത്തിയാക്കാത്ത അവസ്ഥ നിലവിലുണ്ടോ; എങ്കില്‍ എതെല്ലാം പദ്ധതികളുടെ ടെണ്ടർ നടപടികളാണ് പൂർത്തീകരിക്കാനുളളത്; വ്യക്തമാക്കാമോ;

പ്രസ്തുത നടപടി എപ്പോള്‍ പൂർത്തീകരിച്ച് പദ്ധതി യാഥാർത്ഥ്യമാക്കുവാൻ കഴിയുമെന്ന് വിശദമാക്കുമോ?

വടകര താലൂക്കിലെ നിര്‍മ്മാണം നടന്നുകൊണ്ടിരിക്കുന്ന കുന്നുമ്മല്‍ കുടിവെള്ള പദ്ധതിയുടെ നിലവിലെ അവസ്ഥ വിശദമാക്കാമോ;

പദ്ധതി വഴി എത്ര കുടുംബങ്ങള്‍ക്ക് കുടിവെള്ളം ലഭ്യമാക്കാന്‍ സാധിക്കുമെന്നും പദ്ധതി എന്ന് പൂര്‍ത്തിയാക്കുമെന്നും അറിയിക്കാമോ;

ഈ പദ്ധതിയ്ക്കായി എടുത്ത ട്രെഞ്ചുകള്‍ കാരണം തകരാറിലായ റോഡുകള്‍ പുനരുദ്ധരിക്കുന്നതിനായുള്ള നടപടിക്രമങ്ങള്‍ ഏത് ഘട്ടത്തിലാണെന്ന് വ്യക്തമാക്കാമോ?

സംസ്ഥാനത്ത് അപേക്ഷിച്ച എല്ലാവര്‍ക്കും കുടിവെള്ള കണക്ഷന്‍ ലഭ്യമാകാത്തത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അവ സമയബന്ധിതമായി പൂര്‍ത്തീകരിച്ച് കുടിവെള്ളം ലഭ്യമാക്കുവാന്‍ നടപടി സ്വീകരിക്കുമോ;

പാലാ മണ്ഡലത്തില്‍ അപേക്ഷിച്ച എല്ലാവര്‍ക്കും കുടിവെള്ള കണക്ഷന്‍ ലഭ്യമാക്കിയിട്ടുണ്ടോ; ഇല്ലെങ്കില്‍ ആയതിന്റെ തടസ്സം നീക്കി കുടിവെള്ളം ലഭ്യമാക്കാന്‍ സത്വര നടപടി സ്വീകരിക്കുമോ?

സംസ്ഥാനത്ത് അനുഭവപ്പെടുന്ന ശുദ്ധജല ക്ഷാമത്തിന്റെ രൂക്ഷത ജില്ല തിരിച്ച് വ്യക്തമാക്കാമോ;

ശുദ്ധജല ക്ഷാമം പരിഹരിക്കുന്നതിന് നടപ്പാക്കികൊണ്ടിരിക്കുന്നതും നടപ്പാക്കാൻ ഉദ്ദേശിക്കുന്നതുമായ പദ്ധതികൾ ഏതൊക്കെയാണെന്ന് ജില്ല തിരിച്ച് വ്യക്തമാക്കാമോ;

ഏറ്റവും കൂടുതൽ ശുദ്ധജല ക്ഷാമം നേരിടുന്ന ജില്ലകൾ ഏതൊക്കെയാണെന്നും അതിനുള്ള കാരണവും വ്യക്തമാക്കാമോ;

ജലവിഭവ വകുപ്പിന്റെ പദ്ധതികള്‍ മുഖേനയുള്ള ജലം ലഭ്യമാകാത്ത വീടുകൾ ഉണ്ടോയെന്ന് ജില്ല തിരിച്ചുള്ള കണക്ക് ലഭ്യമാക്കാമോ;

എങ്കിൽ എന്തുകൊണ്ടാണ് ഇവർക്ക് വെള്ളം നൽകാൻ സാധിക്കാത്തതെന്നും പരിഹാര നടപടികൾ ആലോചനയിലുണ്ടോയെന്നും വ്യക്തമാക്കാമോ?

കിഫ്ബി ഫണ്ട് ഉപയോഗിച്ച് നവീകരിക്കുന്നതിന് അനുമതി ലഭിച്ച വിവിധ റോഡുകളിലുള്ള വാട്ടര്‍ അതോറിറ്റിയുടെ കേടുവന്നതും പഴയതുമായ പൈപ്പുകള്‍ മാറ്റി സ്ഥാപിക്കുന്നതിന് അടിയന്തര നടപടികള്‍ സ്വീകരിക്കുമോ;

പുതുക്കാട് മണ്ഡലത്തിലെ നന്തിപുലം - വരന്തരപ്പിള്ളി, പുതുക്കാട് - മുപ്ലിയം, കല്ലൂര്‍ - തൃശ്ശൂര്‍, ചങ്ങാലൂര്‍ - മണ്ണംപേട്ട - മാവിന്‍ചോട്, പൂച്ചിന്നിപ്പാടം - ചാത്തക്കുടം എന്നീ റോഡുകളിലെ പൈപ്പുകള്‍ മാറ്റി സ്ഥാപിക്കുന്നതിന് അടിയന്തര നടപടികള്‍ സ്വീകരിക്കുമോ; വിശദമാക്കാമോ?

2018ലെയും 2019ലെയും കാലവര്‍ഷക്കെടുതിയുടെ ഭാഗമായി ഒഴുകിവന്ന മണ്ണ് അടിഞ്ഞ് വടക്കാഞ്ചേരി മണ്ഡലത്തിലെ മുളങ്കുന്നത്തുകാവ് പഞ്ചായത്തിലെ പൂമല ഡാമിന്റെ സംഭരണശേഷി കുറഞ്ഞത് ശ്രദ്ധയില്‍പ്പെട്ടിട്ടുണ്ടോ;

ഇപ്രകാരം ഒഴുകി വന്ന മണ്ണ് നീക്കംചെയ്യുന്നതിനുളള സത്വര നടപടികള്‍ സ്വീകരിക്കാമോ?

കേരളത്തിലെ ചെറുതും വലുതുമായ എല്ലാ നദികളുടെയും പരിപാലനത്തിനായി വിപുലമായ അധികാരങ്ങളോടെ നദീതട പരിപാലന അതോറിറ്റി രൂപീകരിക്കുന്ന കാര്യം സർക്കാർ പരിഗണനയിൽ ഉണ്ടോ;

കേരള പുനർനിർമ്മാണ പദ്ധതിയുടെ രണ്ടാം ഘട്ടത്തിന് വായ്പ നൽകുന്നതിനായി ലോകബാങ്ക് മുന്നോട്ടുവച്ച നിബന്ധനയുടെ അടിസ്ഥാനത്തിലാണോ ഈ അതോറിറ്റി രൂപീകരിക്കുന്നതെന്ന് വ്യക്തമാക്കാമോ?

സംസ്ഥാനത്തെ നദികള്‍ ഉള്‍പ്പെടെയുള്ള പല ജലസ്രോതസ്സുകളും അമിതമായ രീതിയില്‍ മലിനീകരിക്കപ്പെടുന്ന സാഹചര്യം ഗൗരവമായി പരിഗണിച്ചിട്ടുണ്ടോ;

ജലസ്രോതസ്സുകൾ മലിനമാക്കുന്നവരെ കണ്ടെത്തി തക്കതായ ശിക്ഷ ഉറപ്പുവരുത്താൻ എന്തൊക്കെ സംവിധാനങ്ങളാണ് നിലവിലുള്ളതെന്ന് വ്യക്തമാക്കാമോ;

സംസ്ഥാനത്തെ ഏതെല്ലാം നദികളെയാണ് മാലിന്യമുക്തമാക്കിയതെന്ന് അറിയിക്കാമോ; വിശദാംശം നല്‍കാമോ;

മാലിന്യ മുക്തമാക്കുന്ന നദികള്‍ മാസങ്ങൾക്കകം വീണ്ടും മലിനമാകുന്ന സാഹചര്യം ഗൗരവത്തോടെ കാണുന്നുണ്ടോ; വ്യക്തമാക്കാമോ;

സംസ്ഥാനത്തെ നദികൾ ശാശ്വതമായി മാലിന്യമുക്തമാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വ്യക്തമാക്കാമോ?

സംസ്ഥാനത്ത് വീടുകളില്‍ ഉപയോഗിക്കുന്ന കുടിവെള്ളത്തിന് സ്പോട്ട് ബില്ലുകള്‍ നിര്‍ത്തി ഓണ്‍ലൈനായി ബില്‍ തുക ലഭ്യമാക്കുമ്പോള്‍ ഉപഭോക്താവില്‍ നിന്ന് അമിത ബില്ലുകള്‍ ഈടാക്കിയത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇത്തരത്തിലുള്ള പിഴവ് പരിഹരിക്കുവാന്‍ സര്‍ക്കാര്‍ നടപടി സ്വീകരിക്കുമോ;

സംസ്ഥാനത്തെ എല്ലാ വീടുകളിലും ഓണ്‍ലൈന്‍ ബില്ലുകള്‍ നല്‍കുമ്പോള്‍ അവരുടെ നിലവിലെ ഫോണ്‍ നമ്പരുകള്‍, ഇ-മെയില്‍ ഐഡികള്‍ എന്നിവ അപ്ഡേറ്റ് ചെയ്തിട്ടുണ്ടോ; ഇല്ലെങ്കില്‍ യഥാര്‍ത്ഥ ഉപഭോക്താവിന് ബില്‍ ലഭ്യമാക്കുവാന്‍ എന്തെല്ലാം നടപടികളാണ് സ്വീകരിച്ചിരിക്കുന്നത്;

ഉപഭോക്താവിന്റെ നിലവിലെ ഫോണ്‍ നമ്പരുകള്‍, ഇ-മെയില്‍ ഐഡികള്‍ എന്നിവ അപ്ഡേറ്റ് ചെയ്യാത്തതുമൂലം ഉണ്ടാകുന്ന പിഴത്തുക ഒഴിവാക്കാന്‍ സര്‍ക്കാര്‍ നടപടി സ്വീകരിക്കുമോ?

സംസ്ഥാനത്ത് കുടിവെള്ള മീറ്ററുകള്‍ക്ക് വില നിയന്ത്രണം ഏര്‍പ്പെടുത്തിയിട്ടുണ്ടോ; സ്വകാര്യ വ്യാപാരികള്‍ പ്രസ്തുത മീറ്ററുകൾക്ക് വ്യത്യസ്ത വില ഈടാക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് ഏകീകരിക്കുവാന്‍ നടപടി സ്വീകരിക്കുമോ;

കുടിവെള്ള മീറ്ററുകളിലെ കൃത്രിമം തടയാന്‍ ഉപഭോക്താവിനു് സര്‍ക്കാര്‍ ചെലവില്‍ മീറ്ററിന്റെ കൃത്യത ഉറപ്പ് വരുത്തി നല്‍കാന്‍ നടപടി സ്വീകരിക്കുമോ ?

വാട്ടര്‍ അതോറിറ്റിയില്‍ ഇലക്ട്രോ മെക്കാനിക്കല്‍ വിഭാഗത്തിന്റെ പ്രവര്‍ത്തനം നിലവില്‍ ഏതൊക്കെ സ്ഥലങ്ങളിലാണ് ഉള്ളതെന്ന് വ്യക്തമാക്കാമോ;

പ്രസ്തുത വിഭാഗത്തിന്റെ പ്രവര്‍ത്തനം സാമ്പത്തിക നേട്ടവും പ്രവര്‍ത്തന മികവും നല്‍കുന്നതാണെന്ന വിലയിരുത്തല്‍ വകുപ്പിനുണ്ടോ; എങ്കില്‍ കൂടുതല്‍ ജില്ലകളില്‍ പ്രവര്‍ത്തനം വ്യാപിപ്പിക്കാന്‍ നടപടി സ്വീകരിക്കുമോ; വിശദമാക്കാമോ?

ജല അതോറിറ്റി നിലവില്‍ പിന്തുടരുന്ന ബില്ലിംഗ് സംവിധാനം എപ്രകാരമാണെന്ന് വെളിപ്പെടുത്തുമോ;

ബില്ലിംഗ് സംവിധാനത്തിലെ പിഴവുകള്‍മൂലം ഉപഭോക്താക്കാള്‍ക്ക് ഉണ്ടാകുന്ന ബുദ്ധിമുട്ടുകള്‍ പരിഹരിക്കാന്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് വിശദമാക്കാമോ?

വാട്ടർ അതോറിറ്റിയെ കമ്പനിയാക്കി മാറ്റുന്ന കാര്യം പരിഗണനയിലുണ്ടോ; എങ്കില്‍ നിര്‍ദ്ദിഷ്ട കമ്പനി സര്‍ക്കാര്‍ നിയന്ത്രിത കമ്പനിയായിട്ടാണോ വിഭാവനം ചെയ്തിട്ടുള്ളത്; വ്യക്തമാക്കാമോ;

കെ.എസ്.ഇ.ബി. മാതൃകയിൽ ഉൽപാദനം, വിതരണം, നിയന്ത്രണം എന്നിങ്ങനെ മൂന്ന് കമ്പനികളാക്കി മാറ്റുന്നതിനാണോ ആലോചിക്കുന്നത്; അറിയിക്കാമോ;

ഇത്തരമൊരു കമ്പനിവൽക്കരണം മുഖേന എന്തെല്ലാം നേട്ടങ്ങളാണ് പ്രതീക്ഷിക്കുന്നത്; വ്യക്തമാക്കാമോ;

ഇതുമുഖേന വാട്ടർ അതോറിറ്റി ജീവനക്കാരുടെ സേവന-വേതന വ്യവസ്ഥകളിൽ ഉണ്ടായേക്കാവുന്ന മാറ്റങ്ങൾ എന്തെല്ലാമാണെന്നുള്ള വിശദാംശങ്ങൾ നൽകാമോ?

കിണറുകളില്‍ നിന്നുളള കുടിവെള്ളം പരിശോധിക്കുന്നതിനുള്ള സംവിധാനം സര്‍ക്കാര്‍ തലത്തില്‍ ഇപ്പോള്‍ എവിടെയൊക്കെയുണ്ടെന്ന് അറിയിക്കാമോ;

എല്ലാ നിയോജക മണ്ഡലങ്ങളും കേന്ദ്രീകരിച്ച് ഒരു ലാബിലെങ്കിലും ഇത്തരത്തില്‍ പരിശോധന സംവിധാനം ഒരുക്കാമോയെന്ന് വ്യക്തമാക്കാമോ?

ജലവിഭവ വകുപ്പിന്റെ പ്രവര്‍ത്തനങ്ങള്‍ കാര്യക്ഷമമാക്കാനും വകുപ്പില്‍ കാലാകാലങ്ങളായുള്ള അഴിമതിയും അനാസ്ഥയും തടയുവാനുമായി ഈ സര്‍ക്കാര്‍ സ്വീകരിച്ചു വരുന്ന പ്രധാന പ്രവര്‍ത്തനങ്ങള്‍ എന്തെല്ലാമെന്ന് അറിയിക്കാമോ;

പ്രസ്തുത സര്‍ക്കാര്‍ നയം നടപ്പാക്കാനായി വകുപ്പിന്റെ സേവനങ്ങള്‍ ഓണ്‍ലൈന്‍ ആക്കാനും ജനങ്ങളോടുള്ള ജീവനക്കാരുടെ സമീപനം മെച്ചപ്പെട്ടതാക്കാനും ജനങ്ങള്‍ക്കുവേണ്ട സേവനങ്ങള്‍ യഥാസമയം ഉറപ്പുവരുത്താനുമായി ഈ സര്‍ക്കാര്‍ സ്വീകരിച്ചുവരുന്ന പ്രധാന പ്രവര്‍ത്തനങ്ങള്‍ വിശദമാക്കുമോ;

നഗരമേഖലയില്‍ എല്ലാവര്‍ക്കും കുടിവെള്ള കണക്ഷന്‍ ഉറപ്പ് വരുത്തുന്നതിനും തുടര്‍ന്ന് മറ്റിതര മേഖലകളിലും ആയത് ഉറപ്പു വരുത്താനുമായി സ്വീകരിച്ചുവരുന്ന പ്രധാന പ്രവര്‍ത്തനങ്ങള്‍ വിശദമാക്കുമോ?

വെെപ്പിന്‍ നിയോജക മണ്ഡലത്തിലെ പള്ളിപ്പുറം ഗ്രാമപഞ്ചായത്തില്‍ കരുത്തലയില്‍ ജല അതോറിറ്റിക്ക് സ്വന്തമായി സ്ഥലമുണ്ടോ; വിശദാംശം ലഭ്യമാക്കാമോ;

പ്രസ്തുത സ്ഥലത്ത് ജല അതോറിറ്റി എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടോ;

പള്ളിപ്പുറം ഗ്രാമപഞ്ചായത്തില്‍ അനുഭവപ്പെടുന്ന രൂക്ഷമായ കുടിവെള്ളക്ഷാമം കണക്കിലെടുത്ത് പ്രസ്തുത സ്ഥലത്ത് കുടിവെള്ള ടാങ്ക് നിര്‍മ്മിക്കുന്നതിനാവശ്യമായ നടപടികള്‍ സ്വീകരിക്കുമോ?

വെെപ്പിന്‍ മണ്ഡലത്തിലെ മുളവുകാട് ഗ്രാമപഞ്ചായത്തില്‍ വല്ലാര്‍പാടം ദേശത്ത് ജല അതോറിറ്റിക്ക് സ്വന്തമായി സ്ഥലം ഉണ്ടോ; ഉണ്ടെങ്കില്‍ ഇത് സംബന്ധിച്ച വിശദാംശം ലഭ്യമാക്കാമോ;

മുളവുകാട് ഗ്രാമപഞ്ചായത്തില്‍ അനുഭവപ്പെടുന്ന രൂക്ഷമായ കുടിവെളളക്ഷാമം കണക്കിലെടുത്ത് പ്രസ്തുത സ്ഥലത്ത് ടാങ്ക് നിര്‍മ്മിക്കുന്നതിനാവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

പെരുമണ്ണ ഗ്രാമപഞ്ചായത്തിൽ കേരള വാട്ടർ അതോറിറ്റിയുടെ കൈവശമുള്ളതും ഇപ്പോൾ ഉപയോഗമില്ലാതെ കിടക്കുന്നതുമായ സ്ഥലം പഞ്ചായത്തിന് വിട്ടുനൽകണമെന്ന ആവശ്യം പരിഗണനയിലുണ്ടോ;

ഡബ്ല്യു.എസ്.സി. 2/68/2021/ജ.വി.വ. കത്തിന്മേലുള്ള റിപ്പോര്‍ട്ട് ലഭ്യമാക്കിയിട്ടുണ്ടോ;

ഇക്കാര്യത്തിൽ അടിയന്തര നടപടി സ്വീകരിക്കുമോ?

ജലജീവന്‍ പദ്ധതിയിലൂടെ നെന്മാറ മണ്ഡലത്തില്‍ എത്ര കുടിവെള്ള കണക്ഷനുകളാണ് നല്‍കിയിട്ടുള്ളതെന്ന് വിശദമാക്കുമോ; പഞ്ചായത്ത് തിരിച്ചുള്ള കണക്ക് ലഭ്യമാക്കുമോ?

ആലപ്പുഴ കുടിവെള്ള പദ്ധതിയുടെ പെെപ്പ് സ്ഥാപിക്കലുമായി ബന്ധപ്പെട്ട് ആലപ്പുഴ നഗരത്തില്‍ വെെറ്റ് ടോപ്പിംഗ് സംവിധാനത്തില്‍ നവീകരിച്ച റോഡുകള്‍ തകര്‍ന്നത് ശ്രദ്ധയില്‍പ്പെട്ടിട്ടുണ്ടോ;

റോഡുകളുടെ പൊളിഞ്ഞ ഭാഗങ്ങള്‍ പൂര്‍വ്വസ്ഥിതിയിലാക്കുന്നതിനും കായലിന്റെ ഭാഗം സംരക്ഷണഭിത്തി നിര്‍മ്മിക്കുന്നതിനുമായി എത്ര തുകയുടെ എസ്റ്റിമേറ്റാണ് പൊതുമരാമത്ത് വിഭാഗം നല്‍കിയിട്ടുള്ളത്; ഈ തുക അനുവദിച്ചിട്ടുണ്ടോ; ഇല്ലെങ്കില്‍ കാരണം വിശദമാക്കാമോ;

ഇതിന്റെ നിര്‍മ്മാണം എപ്പോള്‍ പൂര്‍ത്തീകരിക്കാന്‍ കഴിയുമെന്നാണ് പ്രതീക്ഷിക്കുന്നത്; വിശദമാക്കാമോ?

ആലുവ ചൂര്‍ണ്ണിക്കര പഞ്ചായത്തിന്റെ പരിധിയില്‍ വരുന്ന പൈപ്പ് ലൈന്‍ റോഡ് ഗതാഗതയോഗ്യമാക്കുന്നതിന് 06.09.2021ൽ കേരള വാട്ടര്‍ അതോറിറ്റി മാനേജിംഗ് ഡയറക്ടര്‍ക്ക് 2566/VIP/M(WR)/2021 നമ്പര്‍ പ്രകാരം കൈമാറിയ നിവേദനത്തിന്മേല്‍ സ്വീകരിച്ച നടപടികള്‍ വ്യക്തമാക്കാമോ;

പ്രസ്തുത പൈപ്പ് ലൈന്‍ റോഡ് ഗതാഗത യോഗ്യമാക്കുന്നതിന് അടിയന്തര നടപടികള്‍ സ്വീകരിക്കുമോ?