14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >5th Session>Unstarred questions Answers

Answer Provided

Answer Not Yet Provided

FOURTEENTH KLA - 5th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

പീഡന കേസില്‍ പ്രതിയായ അദ്ധ്യാപകന്‍

904.

ശ്രീ.സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതി കണ്ണൂര്‍ മാടായി വിദ്യാലയത്തില്‍ അദ്ധ്യാപകനായിരുന്ന എ.അനില്‍ കുമാറിനെ സര്‍വ്വീസില്‍ തിരിച്ചെടുത്ത് നിയമനം നല്‍കുകയുണ്ടായോ; വ്യക്തമാക്കുമോ;

(ബി)	ഇയാള്‍ക്കെതിരെ രജിസ്റ്റര്‍ ചെയ്ത പോക്സോ കേസില്‍ കുറ്റപത്രം സമര്‍പ്പിച്ചിട്ടുണ്ടോ; വിചാരണ പൂര്‍ത്തിയായിട്ടുണ്ടോ; വ്യക്തമാക്കുമോ;

(സി)	അനില്‍ കുമാറിനെ തിരിച്ചെടുക്കുന്ന കാര്യത്തില്‍ അഡ്മിനിസ്ട്രേറ്റീവ് ട്രിബ്യൂണലിന്റെ ഉത്തരവിന്റെ വിശദവിവരം വെളിപ്പെടുത്തുമോ;

(ഡി)	കേസിന്റെ വിചാരണ കഴിയും മുമ്പ് സര്‍വ്വീസില്‍ തിരിച്ചെടുത്ത് നിയമനം നല്‍കാമെന്ന് നിയമോപദേശം ലഭിച്ചിട്ടുണ്ടോ; എങ്കില്‍ അതിന്റെ പകര്‍പ്പ് ലഭ്യമാക്കുമോ?

നിയമനാംഗീകാരം

905.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാര്‍ തത്വത്തില്‍ അംഗീകാരം നല്‍കിയതും ഈ സ്കൂള്‍ വര്‍ഷം നിയമനാംഗീകാരം നല്‍കുന്നതിന് വിശദമായ റിപ്പോര്‍ട്ട് ഡയറക്ടറേറ്റില്‍ നിന്നും ആവശ്യപ്പെട്ടതുമായ ഫയലില്‍ (989/T2/16/GEDN) നിയമനാംഗീകാരം നല്‍കുന്നതിന് നടപടികള്‍ ആരംഭിച്ചിട്ടുണ്ടോ ; വിശദാംശം നല്‍കുമോ;

(ബി)	പുതുതായി അനുവദിച്ച ഹയര്‍ സെക്കണ്ടറി സ്കൂള്‍ ,അധിക ബാച്ച്, എന്നിവയില്‍ തസ്തിക സൃഷ്ടിക്കുന്നതുമായി ബന്ധപ്പെട്ട് ധനകാര്യ വകുപ്പ് നല്‍കിയ ശുപാര്‍ശ എന്തായിരുന്നു;

(സി)	ആയതിന്‍പ്രകാരം എച്ച്.എസ്.എസ്.ടി, സീനിയര്‍ -ജൂനിയര്‍ തസ്തികകള്‍ക്ക് എത്ര പീരിയിഡുകള്‍ ആവശ്യമുണ്ട്; നിലവിൽ ഓരോ വിഭാഗത്തിനും വേണ്ട പീരിഡുകൾ എത്രയാണ് ; വ്യക്തമാക്കുമോ;

(ഡി)	ബഡ്ജറ്റ് നിര്‍ദ്ദേശാനുസരണം ആദ്യഘട്ടത്തിലും രണ്ടാം ഘട്ടത്തിലുമായി തസ്തികകള്‍ സൃഷ്ടിക്കുന്നതിനുളള മാനദണ്ഡമെന്താണ്; വിശദാംശം നല്‍കുമോ;

(ഇ)	പ്രസ്തുത സ്കൂളുകളില്‍ ആവശ്യമായ തസ്തികകള്‍ 2017 ജൂണ്‍ മുതല്‍ പ്രാബല്യത്തില്‍ സൃഷ്ടിച്ച് ജോലി ചെയ്തു വരുന്ന അധ്യാപകര്‍ക്ക് അംഗീകാരം നല്‍കുന്നതിന് അടിയന്തര നടപടി സ്വീകരിക്കുമോ എന്നു വ്യക്തമാക്കുമോ?

പൊതുവിദ്യാഭ്യാസ സംരക്ഷണ യജ്ഞം പദ്ധതി നടപ്പാക്കൽ

906.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

" പൊതുവിദ്യാഭ്യാസ സംരക്ഷണ യജ്ഞം" പദ്ധതിയുടെ ഭാഗമായി പാറശ്ശാല മണ്ഡലത്തില്‍ വിദ്യാഭ്യാസ വകുപ്പിന്റെ കീഴില്‍ എന്തെല്ലാം പദ്ധതികളാണ് ആവിഷ്കരിച്ചിട്ടുള്ളതെന്നും ഓരോന്നിനും എത്ര രൂപ വീതമാണ് വകയിരുത്തിയിട്ടുള്ളതെന്നും, പ്രസ്തുത പ്രവൃത്തികള്‍ ഏതൊക്കെ സ്കൂളുകളിലാണ് നടപ്പിലാക്കുവാന്‍ ഉദ്ദേശിക്കുന്നത് എന്നും ഇവയുടെ നിലവിലെ സ്ഥിതി എന്താണെന്നും വിശദമാക്കാമോ?

വിദ്യാലയങ്ങൾക്ക് അന്താരാഷ്ട്ര നിലവാരം

907.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ തെരഞ്ഞെടുത്ത വിദ്യാലയങ്ങള്‍ അന്താരാഷ്ട്ര നിലവാരത്തിലേക്കുയര്‍ത്തുന്നതിനു വേണ്ടി നടത്തുന്ന പ്രവൃത്തികളുടെ ഭാഗമായി എന്തെല്ലാം നടപടികള്‍ സ്വീകരിച്ചുവെന്ന് വിശദീകരിക്കുമോ;

(ബി)	ഭൗതികസാഹചര്യങ്ങള്‍ മെച്ചപ്പെടുത്തുന്നതിന് പൊതുജനങ്ങളുടെ പങ്കാളിത്തം ഉറപ്പുവരുത്തുന്നതിനുള്ള പ്രവര്‍ത്തനങ്ങളുടെ പുരോഗതി എന്താണെന്ന് വിശദമാക്കുമോ;

(സി)	ഒരു അപ്പര്‍പ്രൈമറി സ്കൂള്‍ ഹൈടെക് സ്കൂളാക്കുന്ന പദ്ധതിയുടെ വിശദാംശങ്ങള്‍ ലഭ്യമാക്കുമോ;

പൊതുവിദ്യാലയങ്ങളിലെ കുട്ടികളുടെ വര്‍ദ്ധനവ്

908.

ശ്രീ.എസ്.ശർമ്മ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

പൊതുവിദ്യാഭ്യാസ സംരക്ഷണയജ്ഞത്തിന്റെ ഫലമായി സംസ്ഥാനത്ത് പൊതുവിദ്യാലയങ്ങളില്‍ കുട്ടികളുടെ എത്ര ശതമാനം വര്‍ദ്ധനവ് ഉണ്ടായിട്ടുണ്ടെന്ന് ജില്ല തിരിച്ച് വ്യക്തമാക്കുമോ?

പുനര്‍വിന്യസിക്കപ്പെട്ട അധ്യാപകര്‍

909.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ആറ്റിങ്ങല്‍ വിദ്യാഭ്യാസ ജില്ലയില്‍ പുനര്‍വിന്യസിക്കപ്പെട്ട എല്ലാ അധ്യാപകര്‍ക്കും 2016 ജൂണ്‍ മുതല്‍ ഒക്ടോബര്‍ വരെയുള്ള മാസങ്ങളിലെ ശമ്പളം നല്‍കിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കുമോ;

(ബി)	പുനര്‍വിന്യസിക്കപ്പെട്ട അധ്യാപകര്‍ക്ക് ശമ്പളത്തിന് അര്‍ഹതയില്ലാത്ത കാലയളവ് ഇന്‍ക്രിമെന്റ്, ഗ്രേഡ് എന്നിവയ്ക്ക് പരിഗണിക്കുമോയെന്നു വ്യക്തമാക്കാമോ;

(സി)	ഇല്ലെങ്കില്‍ ആറ്റിങ്ങല്‍ വിദ്യാഭ്യാസ ജില്ലയിലെ ഏതെങ്കിലും അധ്യാപകര്‍ക്ക് ശമ്പളത്തിന് അര്‍ഹതയില്ലാത്ത കാലയളവ് കണക്കാക്കി ഇന്‍ക്രിമെന്റ് അനുവദിച്ചിട്ടുണ്ടോ; എങ്കില്‍ കാരണം വ്യക്തമാക്കുമോ?

" ശാലാസിദ്ധി " പദ്ധതി

910.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാലയങ്ങളുടെ സമഗ്ര വികസനത്തിനായി " ശാലാസിദ്ധി "പദ്ധതി എല്ലാ സ്കൂളുകളിലും നടപ്പിലാക്കി വരുന്നുണ്ടോ;പ്രസ്തുത പദ്ധതിയുടെ ഭാഗമായി സ്കൂളുകളില്‍ ഏതെല്ലാം മേഖലകള്‍ മെച്ചപ്പെടുത്തുന്നതിനുള്ള നിര്‍ദ്ദേശങ്ങളാണ് നല്‍കിയിട്ടുള്ളത്;വ്യക്തമാക്കാമോ

(ബി)	പെരിന്തല്‍മണ്ണ നിയോജക മണ്ഡലത്തിലെ ഏതെല്ലാം സ്കൂളുകളിലാണ് പ്രസ്തുത പദ്ധതി നടപ്പിലാക്കി വരുന്നതെന്നും പ്രസ്തുത മണ്ഡലത്തിലെ ഏതെങ്കിലും സ്കൂളുകളെ പുതിയതായി പദ്ധതിയിൽ ഉള്‍പ്പെടുത്താന്‍ ഉദ്ദേശിക്കുന്നുണ്ടോ എന്നും വ്യക്തമാക്കുമോ

(സി)	എയ്ഡഡ് സ്കൂളുകളെ പ്രസ്തുത പദ്ധതിയില്‍ ഉള്‍പ്പെടുത്തിയിട്ടുണ്ടോ; വിശദാംശങ്ങൾ ലഭ്യമാക്കുമോ?

ഡി.പി.ആര്‍-നല്‍കിയ സ്കൂള്‍ കെട്ടിടങ്ങള്‍ നിര്‍മ്മിക്കുന്നതിന് ഭരണാനുമതി

911.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2016-17 കാലയളവില്‍ ആസ്തി വികസന ഫണ്ടില്‍ ഉള്‍പ്പെടുത്തി ഡി.പി.ആര്‍-നല്‍കിയ സ്കൂള്‍ കെട്ടിടങ്ങള്‍ നിര്‍മ്മിക്കുന്നതിന് ഭരണാനുമതി നല്‍കുന്നതിന് ദിവസങ്ങള്‍ മാത്രം ശേഷിക്കെ മാസ്റ്റര്‍ പ്ലാന്‍ നല്‍‍കിയാലേ ഭരണാനുമതി നല്‍കൂ എന്ന നിര്‍ദ്ദേശം നല്‍കിയിട്ടുണ്ടോയെന്ന് വ്യക്തമാക്കുമോ;

(ബി)	എങ്കില്‍ ആയതിന് കാലതാമസം വരികയും ഫണ്ട് പാഴായി പോവുകയും ചെയ്യുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ; ഫണ്ട് പാഴായി പോകാതിരിക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദവിവരം നല്‍കുമോ;

(സി)	മാസങ്ങള്‍ നീളുന്ന നടപടിക്രമങ്ങളിലൂടെയാണ് ഓരോ ഡി.പി.ആര്‍-ഉം ഭരണാനുമതിയ്ക്കായി എത്തുന്നതെന്നിരിക്കെ ടി സാഹചര്യം ഇപ്പോള്‍ പരിഹരിയ്ക്കുന്നതിന് എന്തെല്ലാം നടപടികളാണ് സര്‍ക്കാര്‍ സ്വീകരിയ്ക്കുവാന്‍ ഉദ്ദേശിക്കുന്നത്; വിശദവിവരം നല്‍കുമോ?

ജൈവ വൈവിധ്യ ഉദ്യാനം വിദ്യാലയങ്ങളില്‍

912.

ശ്രീ.ജെയിംസ് മാത്യു
,, ഒ. ആര്‍. കേളു
,, ആര്‍. രാജേഷ്
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനു ശേഷം പൊതു വിദ്യാലയങ്ങളിലൂടെ പാഠ്യ പ്രവര്‍ത്തനത്തിന്റെ ഗുണ നിലവാരം മെച്ചപ്പെടുത്തുന്നതിനോടൊപ്പം പ്രകൃതിയെക്കുറിച്ച് കൂടുതല്‍ പരിജ്ഞാനം ലഭിക്കുന്നതിനായി 'ജൈവ വൈവിധ്യ ഉദ്യാനം വിദ്യാലയങ്ങളില്‍' എന്ന പദ്ധതിയ്ക്ക് തുടക്കം കുറിച്ചിട്ടുണ്ടോ;

(ബി)	എങ്കില്‍ അതിന്റെ പ്രവര്‍ത്തന പുരോഗതി സര്‍ക്കാര്‍ വിലയിരുത്തിയിട്ടുണ്ടോ; വിശദ വിവരം വ്യക്തമാക്കുമോ;

(സി)	ഇതിന്റെ ഭാഗമായി സ്കൂളുകളില്‍ ജൈവ വൈവിധ്യ പാര്‍ക്കുകള്‍ എന്ന ആശയം നടപ്പിലാക്കിയിട്ടുണ്ടോ?

എസ്.എസ്.എല്‍.സി. പരീക്ഷയുടെ നടത്തിപ്പില്‍ വീഴ്ച

913.

(എ)	സംസ്ഥാനത്ത് 2017 മാര്‍ച്ചില്‍ നടന്ന എസ്.എസ്.എല്‍.സി. പരീക്ഷയുടെ നടത്തിപ്പില്‍ എന്തെങ്കിലും വീഴ്ചകള്‍ ഉണ്ടായിട്ടുണ്ടോ; വ്യക്തമാക്കുമോ;

(ബി)	ചോദ്യപ്പേപ്പര്‍ ചോര്‍ന്നു എന്നതിന്റെ പേരില്‍ പരീക്ഷ വീണ്ടും നടത്താനുണ്ടായ സാഹചര്യം എന്തായിരുന്നു; വിശദമാക്കുമോ; ചോദ്യപേപ്പര്‍ ചോര്‍ച്ചയുമായി ബന്ധമുള്ള അധ്യാപകര്‍ ആരെല്ലാമായിരുന്നു; കുറ്റക്കാര്‍ക്കെതിരെ എന്ത് നടപടിയാണ് സ്വീകരിച്ചിട്ടുള്ളതെന്ന് വിശദമാക്കുമോ;

(സി)	ചോദ്യപേപ്പര്‍ തയ്യാറാക്കുന്നതിനുള്ള പാനല്‍ തയ്യാറാക്കുന്നത് ആരാണ്; ഇതിലേക്ക് അധ്യാപകരെ തിരഞ്ഞെടുക്കുന്നതിനുള്ള മാനദണ്ഡങ്ങള്‍ എന്തെല്ലാമാണ്; വിശദമാക്കുമോ?

നേമം നിയോജക മണ്ഡലത്തിലെ സര്‍ക്കാര്‍ സ്കൂളുകള്‍

914.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജക മണ്ഡലത്തില്‍ എത്ര സര്‍ക്കാര്‍ സ്കൂളുകളാണ് ഉള്ളത്; വാര്‍ഡ് തിരിച്ചുള്ള വിശദമായ വിവരങ്ങള്‍ ലഭ്യമാക്കുമോ;

(ബി)	പ്രസ്തുത സ്കൂളുകളിലെ കുട്ടികളുടെ എണ്ണം ഡിവിഷന്‍ തിരിച്ച് ലഭ്യമാക്കുമോ;

(സി)	പ്രസ്തുത സ്കൂളുകളിലെ ടീച്ചിങ്, നോണ്‍ ടീച്ചിങ് സ്റ്റാഫുകളുടെ വിശദമായ വിവരം ലഭ്യമാക്കുമോ?

പ്രീ സ്കൂള്‍ വിദ്യാഭ്യാസം

915.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാഭ്യാസത്തിന്റെ അടിസ്ഥാനമായ പ്രീ സ്കൂള്‍ വിദ്യാഭ്യാസം ശക്തിപ്പെടുത്തുന്നതിന് എന്തെല്ലാം നടപടികള്‍ സ്വീകരിച്ചു വരുന്നു എന്ന് അറിയിക്കുമോ;

(ബി)	പ്രസ്തുത മേഖലയെ ശക്തിപ്പെടുത്തുന്നതിനായി ഒരു കര്‍മ്മ പദ്ധതി നടപ്പിലാക്കുമോ; പ്രസ്തുത പദ്ധതി നിലവിലുണ്ടെങ്കിൽ വിശദാംശങ്ങൾ അറിയിക്കുമോ?

ഹയര്‍ സെക്കന്ററി അദ്ധ്യാപകര്‍ക്ക് നിയമന അംഗീകാരം

916.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2014-15 അദ്ധ്യായന വര്‍ഷത്തില്‍ വിവിധ പഞ്ചായത്തുകളില്‍ അനുവദിച്ച ഹയര്‍ സെക്കന്ററി സ്കൂളുകളിലെ അദ്ധ്യാപകര്‍ക്ക് ഇനിയും നിയമന അംഗീകാരം ലഭിക്കാത്ത കാര്യം ശ്രദ്ധയില്‍പ്പെട്ടിട്ടുണ്ടോ;ഇക്കാരണത്താൽ പ്രസ്തുത അദ്ധ്യാപകർ വര്‍ഷങ്ങളായി ശമ്പളം ലഭിക്കാതെ ജോലി ചെയ്യുന്ന കാര്യം പരിശോധിച്ചിട്ടുണ്ടോ;

(ബി)	നിയമനം നടന്ന ആദ്യ രണ്ടു വര്‍ഷം ഇവര്‍ക്ക് ഗസ്റ്റ് ലക്ച്ററുടെ ശമ്പള നിരക്കില്‍ വേതനം നല്‍കാന്‍ സര്‍ക്കാര്‍ ഉത്തരവ് നല്‍കിയിരുന്നോ;എങ്കില്‍ പ്രസ്തുത വേതനം ഇവര്‍ക്ക് ലഭിക്കാത്ത സാഹചര്യം പരിശോധിച്ചിട്ടുണ്ടോ;

(സി)	അടുത്ത അദ്ധ്യായന വര്‍ഷത്തില്‍ രജിസ്റ്ററില്‍ ഒപ്പിട്ടു ജോലി ചെയ്യുവാൻ പ്രസ്തുത അദ്ധ്യാപകർക്ക്‌ അനുമതി നല്‍കുമോ; വിശദാംശങ്ങള്‍ നൽകാമോ ?

ഹയര്‍ സെക്കന്ററി മേഖലയില്‍ ബൈട്രാന്‍സ്ഫര്‍ നിയമനം

917.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2013-ല്‍ സ്പെഷ്യല്‍ റൂള്‍സ് നടപ്പിലാക്കിയതിനു ശേഷം വിവിധ റീജ്യണല്‍ ഡെപ്യൂട്ടി ഡയറക്ടര്‍ ഓഫീസുകളുടെ കീഴില്‍ ബൈട്രാന്‍സ്ഫര്‍ നിയമനം ലഭിച്ച ഏതൊക്കെ അദ്ധ്യാപകര്‍ക്ക്സെലക്ഷന്‍ കമ്മിറ്റിയുടെ ശിപാര്‍ശ ഇല്ലാതെതന്നെ നിയമനാംഗീകാരം നല്‍കിയിട്ടുണ്ടെന്നു ആര്‍.ഡി.ഡി. തിരിച്ചുളള കണക്ക് ലഭ്യമാക്കുമോ;

(ബി)	സെലക്ഷന്‍ കമ്മിറ്റിയുടെ ശിപാര്‍ശ ഇല്ല എന്ന കാരണത്താല്‍ ഹയര്‍ സെക്കന്ററി മേഖലയില്‍ ബൈട്രാന്‍സ്ഫര്‍ നിയമനം ലഭിച്ച ഏതൊക്കെ അദ്ധ്യാപകരുടെ നിയമനാംഗീകാരം നിരസിച്ചിട്ടുണ്ടെന്നു ആര്‍.ഡി.ഡി. തിരിച്ചുളള കണക്ക് ലഭ്യമാക്കുമോ;

(സി)	വിവിധ ആര്‍.ഡി.ഡി. ഓഫീസുകളുടെ കീഴില്‍ ചിലര്‍ക്കു മാത്രം ബൈട്രാന്‍സ്ഫര്‍ നിയമനങ്ങള്‍ക്ക് അംഗീകാരം നല്‍കുന്നതിന് ഇളവ് നല്കിയിട്ടുളളത് വിവേചനപരമാണെന്നുളളത് ശ്രദ്ധയില്‍പ്പെട്ടിട്ടുണ്ടോ;

(ഡി)	പുനലൂര്‍ സെന്റ് ഗോരെറ്റി എച്ച്.എസ്.എസ്-ല്‍ കോടതി ഉത്തരവു മുഖേന എച്ച്.എസ്.എസ്.ടി. ജൂനിയര്‍ ആയി ആര്‍ക്കെങ്കിലും സെലക്ഷന്‍ കമ്മിറ്റിയുടെ ശിപാര്‍ശ ഇല്ലാതെ തന്നെ നിയമനാംഗീകാരം നല്‍കിയിട്ടുണ്ടോയെന്നു വ്യക്തമാക്കുമോ ;

(ഇ)	ബൈട്രാന്‍സ്ഫര്‍കാര്‍ക്ക് സെലക്ഷന്‍ കമ്മിറ്റിയുടെ ശിപാര്‍ശ ഒഴിവാക്കുന്ന കാര്യം മുന്‍കാലപ്രാബല്യത്തോടെ പരിഗണിയ്ക്കുമോയെന്നു വ്യക്തമാക്കുമോ ;

(എഫ്)

ഹയര്‍ സെക്കന്ററി മേഖലയില്‍ ബൈട്രാന്‍സ്ഫര്‍ നിയമനം ലഭിച്ചവര്‍ക്ക് നിയമനാംഗീകാരം നല്‍കുന്നതുമായി ബന്ധപ്പെട്ട പ്രശ്നങ്ങള്‍ പരിഹരിക്കുന്നതിനും എല്ലാവര്‍ക്കും തുല്യനീതി ഉറപ്പാക്കുന്നതിനും ഇടപെടല്‍ നടത്തുമോ?

കായിക അദ്ധ്യാപകരെ അദ്ധ്യാപക ബാങ്കില്‍ ഉള്‍പ്പെടുത്തല്‍

918.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കായിക അദ്ധ്യാപകരെ അദ്ധ്യാപക ബാങ്കില്‍ ഉള്‍പ്പെടുത്തുന്നതിന് സര്‍ക്കാര്‍ ഉദ്ദേശിക്കുന്നുണ്ടോ;വിശദാംശങ്ങള്‍ വെളിപ്പെടുത്താമോ;

(ബി)	കായികഅദ്ധ്യാപകരെ അദ്ധ്യാപക ബാങ്കില്‍ ഉള്‍പ്പെടുത്തുന്നതിന് സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ; ഉണ്ടെങ്കില്‍ ഉത്തരവിന്റെ കോപ്പി ലഭ്യമാക്കാമോ;

(സി)	2015 ജൂണ്‍ മാസം വരെ എത്ര അദ്ധ്യാപകരെ അദ്ധ്യാപക ബാങ്കില്‍ ഉള്‍പ്പെടുത്തി എന്നതിന്റെ ജില്ലതിരിച്ചും ,സ്കൂള്‍(എയ്ഡഡ്,സര്‍ക്കാര്‍) തിരിച്ചുമുള്ള കണക്ക് ലഭ്യമാക്കോമോ;

ഹയര്‍ സെക്കന്‍ഡറി അധ്യാപകരുടെ പോലീസ് വെരിഫിക്കേഷന്‍

919.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

സര്‍ക്കാര്‍ സര്‍വ്വീസിലെ വിവിധ വകുപ്പുകളില്‍ നിന്നും പ്രൊബേഷന്‍ പൂര്‍ത്തിയാക്കിയ ശേഷം വിടുതല്‍ ചെയ്ത് ഹയര്‍ സെക്കന്‍ഡറി വകുപ്പില്‍ അധ്യാപകരായി ജോലിയില്‍ പ്രവേശിക്കുന്നവര്‍ക്ക് പുതിയ തസ്തികയില്‍ വീണ്ടും പോലീസ് വെരിഫിക്കേഷന്‍ നടത്തണം എന്ന് നിര്‍ദ്ദേശം നല്‍കിയിട്ടുണ്ടോ; എങ്കില്‍ ഇങ്ങനെയുള്ളവര്‍ക്ക് പോലീസ് വെരിഫിക്കേഷന്‍ ഒഴിവാക്കുവാന്‍ സര്‍ക്കാര്‍ നടപടി സ്വീകരിക്കുമോ;

(ബി)	ഇത് സംബന്ധിച്ചുളള നിരവധി ഫയലുകള്‍ വര്‍ഷങ്ങളായി ഹയര്‍ സെക്കന്‍ഡറി ഡയറക്ടറേറ്റില്‍ കെട്ടിക്കിടക്കുന്നതിനാല്‍ അധ്യാപകര്‍ക്ക് വാര്‍ഷിക ഇന്‍ക്രിമെന്റ് ലഭിക്കാത്ത സാഹചര്യം നിലനില്‍ക്കുന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ ഇതിന് അടിയന്തര പരിഹാര നടപടി സ്വീകരിക്കുമോ?

എയ്ഡഡ് മേഖലയിലുളള ഹയര്‍ സെക്കഡറി അധ്യാപകര്‍

920.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ശമ്പളവും തസ്തികയുമില്ലാതെ ജോലി ചെയ്യുന്ന എയ്ഡഡ് മേഖലയിലുളള എത്ര ഹയര്‍ സെക്കണ്ടറി സ്കൂള്‍ അധ്യാപകര്‍ സംസ്ഥാനത്തുണ്ടെന്നും,തസ്തികയും ശമ്പളവുമില്ലാതെ ഈ അധ്യാപകര്‍ ഏത് സ്കൂളിലാണ് സേവനം ചെയ്യുന്നതെന്നും വ്യക്തമാക്കാമോ;

(ബി)	അധ്യാപക തസ്തിക നിര്‍ണയിക്കാത്ത സാഹചര്യത്തില്‍ മാറി മാറി വരുന്ന അധ്യാപകര്‍ക്ക് വിദ്യാര്‍ത്ഥിയുടെ പഠന നിലവാരത്തില്‍ വേണ്ടത്ര ശ്രദ്ധപതിപ്പിക്കാനാവുന്നില്ലെന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ?

പത്താം ക്ലാസ്സുവരെ മലയാള ഭാഷാപഠനം

921.

ശ്രീ.അന്‍വര്‍ സാദത്ത്
,, എം. വിന്‍സെന്റ്
,, റോജി എം. ജോണ്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എല്ലാ സ്കൂളുകളിലും പത്താം ക്ലാസ്സുവരെ മലയാള ഭാഷാപഠനം നിര്‍ബന്ധമാക്കിയിട്ടുണ്ടോ; വിശദമാക്കുമോ;

(ബി)	ഏത് അദ്ധ്യായന വര്‍ഷം മുതലാണ് ഇത് നിര്‍ബന്ധമാക്കിയിട്ടുള്ളതെന്നും ഏതെല്ലാം സിലബസ് പ്രകാരം പഠിക്കുന്ന കുട്ടികള്‍ക്കാണ് ഇത് ബാധകമാക്കിയിട്ടുള്ളതെന്നും വിവരിക്കുമോ;

(സി)	സംസ്ഥാനത്തെ എല്ലാ സ്കൂളുകളിലും മലയാള ഭാഷാ പഠനം നിര്‍ബന്ധമാക്കി നടപ്പാക്കുന്നുണ്ടോ എന്ന് ഉറപ്പുവരുത്താന്‍ എന്തെല്ലാം ക്രമീകരണങ്ങളാണ് ഭരണതലത്തില്‍ കൈകൊണ്ടിട്ടുള്ളതെന്ന് വ്യക്തമാക്കുമോ?

എയ്ഡഡ് സ്കൂളുകളിലെ അദ്ധ്യാപക നിയമന അംഗീകാരം

922.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	2016 -2017 അദ്ധ്യയന വർഷത്തിൽ എയ്ഡഡ് സ്കൂളുകളിലെ അധ്യാപക നിയമനങ്ങൾക്ക് അംഗീകാരം നല്‍കുവാന്‍ നിര്‍ദ്ദേശം നല്‍കിയിട്ടുണ്ടോ;

(ബി)	ചില ജില്ലകളില്‍ പ്രസ്തുത നിയമനങ്ങൾക്ക് അംഗീകാരം നല്‍കി വരികയും എന്നാല്‍ ചില ജില്ലകളില്‍ അത് നിഷേധിക്കുകയും ചെയ്യുന്നത് ശ്രദ്ധയില്‍വന്നിട്ടുണ്ടോ; വ്യക്തമാക്കുമോ?

മലയാളം നിര്‍ബന്ധമായി പഠിപ്പിക്കണമെന്ന ഉത്തരവ്

923.

ശ്രീ.എസ്.ശർമ്മ
,, കെ.ഡി. പ്രസേനന്‍
,, ഡി.കെ. മുരളി
,, ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മാതൃഭാഷാ പോഷണത്തിനായി സംസ്ഥാനത്തെ ഹൈസ്കൂള്‍ തലം വരെയുള്ള എല്ലാ ക്ലാസുകളിലും മലയാളം നിര്‍ബന്ധമായി പഠിപ്പിക്കണമെന്ന ഉത്തരവു നല്‍കിയിട്ടുണ്ടോ;

(ബി)	ഈ ഉത്തരവ് നടപ്പാക്കുന്നതില്‍ വൈമനസ്യമോ സാങ്കേതിക തടസ്സമോ ഏതെങ്കിലും സ്ഥാപനങ്ങള്‍ പ്രകടിപ്പിച്ചിട്ടുണ്ടോ; ഉണ്ടെങ്കില്‍ വിശദമാക്കുമോ;

(സി)	സംസ്ഥാനത്തെ ഹയര്‍ സെക്കന്ററി സ്കൂളുകളില്‍ കൂടി മലയാളം നിര്‍ബന്ധമാക്കി ,പഠിപ്പിക്കുന്നതിന് നിലവിലെ സാഹചര്യത്തില്‍ എന്തെങ്കിലും തടസ്സങ്ങളുണ്ടോ; എങ്കില്‍ പ്രസ്തുത തടസ്സങ്ങള്‍ പരിഹരിച്ച് മലയാളഭാഷാ പഠനം വ്യാപിപ്പിക്കുന്നതിന് സര്‍ക്കാര്‍ നടപടി സ്വീകരിക്കുമോ?

സംസ്ഥാന സ്കൂള്‍ കലോത്സവുമായി ബന്ധപ്പെട്ട പരാതികൾ .

924.

(എ)

2017 ജനുവരിയില്‍ കണ്ണൂരില്‍ നടന്ന സംസ്ഥാന സ്കൂള്‍ കലോത്സവത്തില്‍ നൃത്ത ഇനങ്ങളായ മോഹിനിയാട്ടം, ഭരതനാട്യം എന്നിവയുടെ വിധി നിര്‍ണ്ണയത്തില്‍ കടുത്ത അഴിമതി നടന്നു എന്ന് പങ്കെടുത്ത ചില കുട്ടികള്‍ ഡിപിഐ- ക്ക് പരാതി നല്‍കിയിട്ടുണ്ടോ; എങ്കില്‍ പ്രസ്തുത പരാതിയിന്മേൽ സ്വീകരിച്ച നടപടികള്‍ എന്തെല്ലാമാണെന്ന് വിശദീകരിക്കുമോ;

(ബി)

സ്കൂള്‍ കലോത്സവത്തിന്റെ വിധി കര്‍ത്താക്കളുടെ പാനലില്‍ 3 വര്‍ഷത്തിലധികം അംഗങ്ങളായിരുന്നവരെ വീണ്ടും ഉള്‍പ്പെടുത്തുകയില്ല എന്ന് വിദ്യാഭ്യാസ വകുപ്പുമന്ത്രി ഉറപ്പ് നല്‍കിയിട്ടും ഇതിനു വിരുദ്ധമായി 5 വര്‍ഷത്തിലധികം വിധി കര്‍ത്താക്കളായിരുന്നവരെ വീണ്ടും പാനലില്‍ ഉള്‍പ്പെടുത്തിയ വിവരം ശ്രദ്ധയില്‍പ്പെട്ടിരുന്നോ; ഇവര്‍ ആരെല്ലാമാണെന്നും ഏതെല്ലാം മത്സരയിനങ്ങളിലായിരുന്നു ഇവർ വിധികർത്താക്കളായതെന്നും വ്യക്തമാക്കുമോ ;

(സി)

വിധി കര്‍ത്താക്കളുടെ പാനല്‍ തെരഞ്ഞെടുപ്പില്‍ പൊതുവിദ്യാഭ്യാസ ഡയറക്ടറേറ്റിലെ Y സെക്ഷന്‍ സൂപ്രണ്ടായിരുന്ന ഉദ്യോഗസ്ഥന്‍ ഡിപിഐ.യെ തെറ്റിദ്ധരിപ്പിച്ചതുകൊണ്ടാണ് ഇത്തരം വിധി കര്‍ത്താക്കളെ ഉള്‍പ്പെടുത്തിയതെന്നകാര്യം ശ്രദ്ധയില്‍പ്പെട്ടിട്ടുണ്ടോ; കൂടാതെ, സ്കൂള്‍ കലോത്സവസമയത്ത് ടിയാന്റെ ചില നടപടികൾക്കെതിരെ അധ്യപക സംഘടനകളില്‍ നിന്നും പരാതി ലഭിച്ചിട്ടുണ്ടോ;

(ഡി)	എങ്കില്‍ പ്രസ്തുത പരാതികളില്‍ എന്ത് നടപടി സ്വീകരിക്കുവാനാണ് പൊതു വിദ്യാഭ്യാസ വകുപ്പ് പ്രിന്‍സിപ്പല്‍ സെക്രട്ടറി ശുപാര്‍ശ നല്‍കിയതെന്നും ഇതുപ്രകാരം നടപടി സ്വീകരിച്ചിട്ടുണ്ടോയെന്നും വ്യക്തമാക്കുമോ ;

(ഇ)	അന്വേഷണ വിധേയമായി ഡിപിഐ- ല്‍ നിന്നും സ്ഥലംമാറ്റപ്പെട്ട പ്രസ്തുത ഉദ്യോഗസ്ഥന്‍ ഇപ്പോള്‍ ജോലി ചെയ്യുന്ന സ്ഥലത്തുനിന്നും മുന്‍പ് പുറത്താക്കപ്പെടുവാനുണ്ടായ കാരണം എന്തായിരുന്നുവെന്ന് വ്യക്തമാക്കുമോ?

സ്കൂള്‍ കലോത്സവങ്ങള്‍

925.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ കലോത്സവങ്ങളില്‍ സങ്കര ഭാഷയില്‍ രചിച്ച മാപ്പിള പാട്ടുകള്‍ അവതരിപ്പിക്കുന്നവര്‍ക്കു മാത്രം മാപ്പിള പാട്ട് മത്സരങ്ങളില്‍ ഉയര്‍ന്ന മാര്‍ക്ക് നല്‍കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇതു കാരണം എ. ഡി. 1900 വര്‍ഷത്തിനു ശേഷം ലളിത മലയാളത്തില്‍ ലക്ഷണമൊത്ത മാപ്പിള പാട്ടുകള്‍ രചിച്ച നിരവധി മാപ്പിള കവികളുടെ രചനകള്‍ കലോത്സവ മത്സരങ്ങളില്‍ അവതരിപ്പിക്കുവാൻ വിദ്യാര്‍ത്ഥികള്‍ തയ്യാറാകാത്ത സാഹചര്യം ഉണ്ടായത് അറിയാമോ;

(സി)

ഇതിനു പരിഹാരമായി സ്കൂള്‍ കലോത്സവങ്ങളില്‍ മാപ്പിള പാട്ട് (സങ്കര ഭാഷ) മാപ്പിള പാട്ട് (ലളിത മലയാളം) എന്നിങ്ങനെ രണ്ടു മത്സരങ്ങള്‍ ഉള്‍പ്പെടുത്തണമെന്ന് സാംസ്ക്കാരിക വകുപ്പിന്റെ കീഴില്‍ കൊണ്ടോട്ടിയില്‍ പ്രവര്‍ത്തിക്കുന്ന മഹാകവി മോയിന്‍ കുട്ടി വെെദ്യര്‍ മാപ്പിള കലാ അക്കാദമി സെക്രട്ടറിയില്‍ നിന്ന് നിവേദനം ലഭിച്ചിട്ടുണ്ടോ;ഇതിന്മേല്‍ എന്തു തീരുമാനമെടുത്തു; വിശദമാക്കുമോ?

സ്കൂള്‍ കെട്ടിടങ്ങളുടെ സുരക്ഷ

926.

ശ്രീ.കെ.വി.അബ്ദുള്‍ ഖാദര്‍
,, കെ. കെ. രാമചന്ദ്രന്‍ നായര്‍
,, സി.കെ. ഹരീന്ദ്രന്‍
,, എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്കൂള്‍ കെട്ടിടങ്ങളുടെ സുരക്ഷ പരിശോധിക്കുന്നതിന് നടപടി സ്വീകരിച്ചിട്ടുണ്ടോ; ഇന്‍ഡ്യന്‍ നാഷണല്‍ ബില്‍ഡിംഗ് കോഡ്' നിഷ്കര്‍ഷിക്കുന്ന മാനദണ്ഡങ്ങള്‍ പാലിച്ചിട്ടുളളതാണ് സംസ്ഥാനത്തെ സര്‍ക്കാര്‍-എയ്ഡഡ്-സ്വകാര്യ സ്കൂള്‍ കെട്ടിടങ്ങളെന്ന് ഉറപ്പു വരുത്തിയിട്ടുണ്ടോ;

(ബി)	ബന്ധപ്പെട്ട എഞ്ചിനീയര്‍മാരും ഉദ്യോഗസ്ഥരും കാലാകാലങ്ങളില്‍ പരിശോധിച്ച് പ്രസ്തുത മാനദണ്ഡങ്ങള്‍ കൃത്യമായി പാലിച്ചുകൊണ്ട് സ്കൂള്‍ കെട്ടിടങ്ങള്‍ സംരക്ഷിക്കുന്നുണ്ടെന്നു സാക്ഷ്യപ്പെടുത്താറുണ്ടോ;

(സി)	ഇക്കാര്യത്തില്‍ വീഴ്ച വരുത്തുന്ന മാനേജുമെന്റുകൾക്കും ബന്ധപ്പെട്ട ഉദ്യോഗസ്ഥന്മാര്‍ക്കുമെതിരെ നടപടി സ്വീകരിക്കാറുണ്ടോ; ഇല്ലെങ്കില്‍ അതിനുള്ള നടപടികൾ സ്വീകരിക്കുമോ?

സ്കൂള്‍ പരീക്ഷകള്‍ക്കും, ചോദ്യപേപ്പര്‍ തയ്യാറാക്കുന്നതിലും പരിഷ്കരണം

927.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

സ്കൂള്‍ പരീക്ഷകള്‍ക്കും, ചോദ്യപേപ്പര്‍ തയ്യാറാക്കുന്നതിലും പരിഷ്കരണം കൊണ്ടുവരാന്‍ ഉദ്ദേശിക്കുന്നുണ്ടോ; എങ്കില്‍ എന്തു തരം പരിഷ്കരണമാണ് പരിഗണനയില്‍ ഉള്ളതെന്നു വ്യക്തമാക്കുമോ ?

കേരളത്തിലെ അംഗീകൃത സ്കൂളുകളുടെ പ്രശ്നങ്ങള്‍

928.

(എ)	കേരളത്തിലെ അംഗീകൃത സ്കൂളുകളുടെ വരവ് ചെലവ് കണക്കുകൾ സര്‍ക്കാര്‍ പഠനത്തിന് വിധേയമാക്കുമോ;

(ബി)	ഒാരോ സ്കൂളുകളുടെയും വരുമാനത്തിന്‍െറ അടിസ്ഥാനത്തില്‍ ജീവനക്കാരുടെ സേവന വേതന വ്യവസ്ഥകള്‍ നിശ്ചയിക്കുന്ന കാര്യം പരിഗണിക്കുമോ;

(സി)	പ്രസ്തുത മേഖലയില്‍ അഴിമതിയുണ്ടെങ്കില്‍ അത്തരം സ്ഥാപനങ്ങളെ കണ്ടുപിടിച്ച് നടപടി സ്വീകരിക്കാന്‍ തയ്യാറാകുമോ;

(ഡി)	സ്കൂളുകളുടെ വരുമാനത്തിന്‍െറ അടിസ്ഥാനത്തില്‍ ഫീസിന് സ്ളാബ് സമ്പ്രദായം നടപ്പാക്കുന്ന കാര്യം പരിശോധിക്കുമോ?

മാങ്കയില്‍ സ്കൂളിന്റെ ചുറ്റുമതില്‍

929.

(എ)	തൃപ്പൂണിത്തുറ മണ്ഡലത്തിലെ മരട് നഗരസഭയിലെ മാങ്കയില്‍ സ്കൂളിന്റെ ചുറ്റുമതില്‍ പുനര്‍നിര്‍മ്മിക്കുന്നതിനു മുന്‍പായി ഒരു വശത്തെ റോഡിന്റെ വികസനത്തിനായി സ്ഥലം വിട്ടുനല്‍കണമെന്ന അപേക്ഷ ശ്രദ്ധയില്‍പ്പെട്ടിട്ടുണ്ടോ;

(ബി)	ഈ അപേക്ഷ ഡി.പി.ഐ യുടെ റിപ്പോര്‍ട്ടിനായി അയച്ചിട്ടുണ്ടോയെന്നും എങ്കില്‍ ആയതു സംബന്ധിച്ച ഫയല്‍ നമ്പരും പ്രസ്തുത ഫയലിന്റെ നിലവിലെ സ്ഥിതിയും എന്താണെന്നും അറിയിക്കുമോ;

(സി)	പ്രസ്തുത പ്രവൃത്തി അടിയന്തരമായി പൂര്‍ത്തീകരിക്കുന്നതിന് ഏതെങ്കിലും അപേക്ഷ ലഭിച്ചിട്ടുണ്ടോയെന്നും എങ്കില്‍ ആയതിന്മേൽ സ്വീകരിച്ച നടപടികള്‍ എന്തെല്ലാമാണെന്നും വിശദമാക്കാമോ;

(ഡി)	പ്രസ്തുത പ്രവൃത്തി അടിയന്തരമായി പൂര്‍ത്തീകരിക്കുന്നതിന് നടപടി സ്വീകരിക്കുമോ?

സ്പെഷ്യല്‍ സ്കൂളുകളുടെ പ്രവര്‍ത്തനം

930.

ശ്രീ.ബി.സത്യന്‍
,, മുരളി പെരുനെല്ലി
,, വി. അബ്ദുറഹിമാന്‍
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്പെഷ്യല്‍ സ്കൂളുകളുടെ പ്രവര്‍ത്തനം അവലോകനം ചെയ്യാറുണ്ടോയെന്നു വിശദമാക്കുമോ;

(ബി)	ഇത്തരം സ്കൂളുകളിലെ കുട്ടികള്‍ക്ക് ആവശ്യമായ പഠനോപകരണങ്ങള്‍ വികസിപ്പിക്കുന്നതിനും വിതരണം ചെയ്യുന്നതിനും പ്രത്യേക സംവിധാനം ഏര്‍പ്പെടുത്തുമോ;

(സി)	സ്പെഷ്യല്‍ സ്കൂളുകളിലെ കുട്ടികളുടെ വിദ്യാഭ്യാസം ശാസ്ത്രീയമായി പുന:സംഘടിപ്പിക്കുന്നതിനുളള പ്രത്യേക പദ്ധതി തയ്യാറാക്കുമോ;

(ഡി)	ഈ രംഗത്ത് പ്രവര്‍ത്തിക്കുന്ന വിവിധ ഏജന്‍സികളുടെ പ്രവര്‍ത്തനങ്ങള്‍ ഏകോപിപ്പിച്ച് കാര്യക്ഷമത ഉറപ്പാക്കാന്‍ നടപടി സ്വീകരിക്കുമോ?

സംസ്ഥാനത്തെ സി.ബി.എസ്.ഇ സ്കൂളുകളുടെ പ്രവര്‍ത്തനം

931.

ശ്രീ.പി.ടി. തോമസ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്തെ ഏതാനും സി.ബി.എസ്.ഇ സ്കൂളുകൾ വന്‍ തുക നല്‍കി എല്‍.കെ.ജി യില്‍ ചേര്‍ന്ന കുട്ടികളില്‍ നിന്നും ഒന്നാം ക്ലാസ്സില്‍ ചേരുമ്പോള്‍ വീണ്ടും വന്‍ തുക ഡൊണേഷനായി വാങ്ങുന്നതും ഫീസിന് പുറമേ ആക്ടിവിറ്റി ഫീസായി വന്‍ തുക വാങ്ങുന്നതും ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു തടയുന്നതിന് നടപടി സ്വീകരിക്കാമോ?

(ബി)	സംസ്ഥാന ബാലവകാശ കമ്മീഷന്റെ നി൪ദ്ദേശത്തിനു വിരുദ്ധമായി വിവിധ പ്രവൃത്തി ദിവസങ്ങളില്‍ വ്യത്യസ്ത യൂണിഫോമുകള്‍ എന്ന വ്യവസ്ഥ നടപ്പിലാക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇത് തടയുന്നതിന് നടപടി സ്വീകരിക്കുമോ;

(സി)	പഠനനിലവാരം കുറവാണെന്ന കാരണം പറഞ്ഞു പത്താം ക്ലാസ്സില്‍ പഠിക്കുന്ന കുട്ടികള്‍ ഉള്‍പ്പെടെയുള്ളവര്‍ക്ക് നിര്‍ബന്ധിത ടി.സി. നല്‍കുന്നത് തടയുന്നതിന് അടിയന്തര നടപടി സ്വീകരിക്കുമോ?

മലാപ്പറമ്പ് സ്കൂള്‍ ഏറ്റെടുക്കൽ

932.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് മലാപ്പറമ്പ് എല്‍.പി സ്കൂള്‍ സര്‍ക്കാര്‍ ഏറ്റെടുത്തിട്ടുണ്ടോ;ഇല്ലെങ്കില്‍ കാലതാമസത്തിനുള്ള കാരണം എന്താണെന്ന്‌ വ്യക്തമാക്കുമോ ;

(ബി)	നടപടിക്രമങ്ങള്‍ എപ്പോള്‍ പൂര്‍ത്തീകരിക്കാനാണ് ഉദ്ദേശിക്കുന്നത്; വിശദംശങ്ങള്‍ നല്‍കാമോ;

(സി)	സ്കൂള്‍ എറ്റെടുക്കുന്നതിലേയ്ക്കായി സര്‍ക്കാര്‍ ഖജനാവില്‍ നിന്നും എത്ര രൂപാ ചെലവഴിക്കേണ്ടി വരുമെന്നാണ് കണക്കാക്കപ്പെടുന്നത്;

(ഡി)	സമാന സാഹചര്യത്തിലുള്ള മറ്റെതെങ്കിലും സ്കൂള്‍ ഏറ്റെടുക്കാന്‍ ആലോചിക്കുന്നുണ്ടോ;വിശദാംശങ്ങള്‍ നല്‍കാമോ?

സ്കൂളുകളുടെ മാസ്റ്റര്‍ പ്ലാന്‍

933.

(എ)	സംസ്ഥാനത്ത് മികവിന്റെ കേന്ദ്രമാക്കി വികസിപ്പിക്കുന്നതിന് തെരഞ്ഞെടുത്തിട്ടുള്ള സ്കൂളുകളുടെ മാസ്റ്റര്‍ പ്ലാന്‍ തയ്യാറാക്കുന്നതിന് സ്വീകരിച്ച നടപടികള്‍ വിശദമാക്കുമോ;

(ബി)	പെരിന്തല്‍മണ്ണ ഗവ: മോഡല്‍ എച്ച്.എസ്.എസ് -നെ ഈ പദ്ധതി പ്രകാരം വികസിപ്പിക്കുന്നതിന് സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വിശദമാക്കുമോ;

(സി)	ഭൗതികസാഹചര്യങ്ങള്‍ മെച്ചപ്പെടുത്തുന്നതിന് വേണ്ടി ഉള്‍പ്പെടുത്തിയിട്ടുള്ള പുലാമന്തോള്‍ ജി.എച്ച്.എസ്.എസ്., കുന്നക്കാവ് ജി.എച്ച്.എസ്.എസ്. എന്നീ സ്കൂളുകളില്‍ ടി പദ്ധതി നടത്തിപ്പിന്റെ ഭാഗമായി സര്‍ക്കാര്‍ സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കുമോ?

ഹൈസ്ക്കൂള്‍ അസിസ്റ്റന്റ് ഒഴിവുകള്‍

T 934.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ആലപ്പുഴ ജില്ലയില്‍ എത്ര ഹൈസ്ക്കൂള്‍ അസിസ്റ്റന്റ് (ഇംഗ്ലീഷ്)-ന്റെ ഒഴിവുകളുണ്ടെന്നു വ്യക്തമാക്കാമോ; പ്രസ്തുത ഒഴിവുകള്‍ നികത്താന്‍ സത്വര നടപടി സ്വീകരിക്കുമോ;

(ബി)	2017 മാര്‍ച്ച് മാസത്തോടെ എത്ര ഒഴിവുകള്‍ ഉണ്ടാവുമെന്നും പി.എസ്.സി റാങ്ക് ലിസ്റ്റ് പ്രകാരം ഏത് റാങ്ക് വരെയുള്ളവര്‍ക്ക് ഇത് പ്രകാരം നിയമനം ലഭിക്കുവാനിടയുണ്ടെന്നും വ്യക്തമാക്കാമോ ;

സര്‍ക്കാര്‍ വിദ്യാലയങ്ങള്‍ മികവിന്റെ കേന്ദ്രങ്ങൾ

935.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍ക്കാര്‍ വിദ്യാലയങ്ങള്‍ മികവിന്റെ കേന്ദ്രങ്ങളാക്കുന്നതിന് സ്വീകരിച്ചിട്ടുളള നടപടികള്‍ എന്തൊക്കയാണെന്ന് വ്യക്തമാക്കുമോ;

(ബി)	സ്കൂളുകളില്‍ എന്തൊക്കെ സൗകര്യങ്ങളാണ് ഏര്‍പ്പെടുത്തുന്നതെന്നും ഇതിന്റെ നടപടികള്‍ ഏതുവരെ ആയിട്ടുണ്ടെന്നും വിശദമാക്കാമോ;

(സി)	ആദ്യഘട്ടത്തില്‍ തെരഞ്ഞെടുത്ത സ്കൂളുകള്‍ ഏതൊക്കെയാണെന്ന് വിശദമാക്കുമോ?

സ്കൂളുകളില്‍ ഗേള്‍സ് ഫ്രണ്ട് ലി ടോയ് ലറ്റ്

936.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തില്‍ എം.എല്‍.എ. ആസ്തി വികസന പദ്ധതിയില്‍ ഉള്‍പ്പെടുത്തി 15 സ്കൂളുകളില്‍ ഗേള്‍സ് ഫ്രണ്ട് ലി ടോയ് ലറ്റ് നിര്‍മ്മിക്കുന്നതിന് തുക അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തിയുടെ ഭരണാനുമതിയ്ക്കും പൂര്‍ത്തീകരണത്തിനുമായി വിദ്യാഭ്യാസ വകുപ്പ് (എം) സെക്ഷന്‍, ഡി.പി.എെ, ഡി.ഡി. ആലപ്പുഴ എന്നിവർ സ്വീകരിച്ച നടപടികളുടെ വിശദവിവരം ലഭ്യമാക്കുമോ;

(സി)	പ്രസ്തുത പ്രവൃത്തിക്ക് അടിയന്തര ഭരണാനുമതി ലഭ്യമാക്കുമോയെന്ന് വ്യക്തമാക്കുമോ?

കോഴിക്കോട് സിവില്‍ സര്‍വ്വീസ് അക്കാദമിക്ക് സ്വന്തമായി കെട്ടിടം

937.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് സിവില്‍ സര്‍വ്വീസ് അക്കാദമിക്ക് സ്വന്തമായി കെട്ടിടം നിര്‍മ്മിക്കുന്നതിലേയ്ക്കായി എന്തെല്ലാം നടപടികളാണ് നാളിതുവരെ സ്വീകരിച്ചതെന്ന് വിശദമാക്കുമോ;

(ബി)	പ്രസ്തുത കെട്ടിട നിര്‍മ്മാണത്തിന് എത്ര രൂപയാണ് വകയിരുത്തിയതെന്നും ഏതെല്ലാം കേന്ദ്രങ്ങളില്‍ നിന്നാണ് തുക ലഭിച്ചതെന്നും വ്യക്തമാക്കുമോ?

ഹയർസെക്കന്ററി സ്കൂളുകളില്‍ അദ്ധ്യാപക തസ്തിക

938.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ഹയർസെക്കന്ററി വിഭാഗത്തിലെ അധ്യാപകരുടെ ക്ലാസ് പിരീഡുകളുടെ എണ്ണം വര്‍ദ്ധിപ്പിക്കുന്നതിന് ധനകാര്യവകുപ്പ് ശിപാർശ നല്‍കിയിട്ടുണ്ടോ; വിശദാംശം നല്‍കുമോ;

(ബി)	പുതുതായി അനുവദിച്ച ഹയർസെക്കന്ററി സ്കൂളുകളില്‍ അദ്ധ്യാപക തസ്തിക സൃഷ്ടിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?